ရခိုင်ပြည်နယ်တွင် အကြမ်းဖက်မှုများ အမြန်ဆုံး အဆုံးသတ်ရန် လိုလားကြောင်း EU ၏ ထုတ်ပြန်မှုအပေါ် လက်ရှိအချိန်တွင် အကြမ်းဖက်မှုများ ရှိသည်ဟု မကြားကြောင်းနှင့် မဖြစ်ပေါ်လာရန် ထိန်းသိမ်းသွားမည်ဟု နိုင်ငံတော်၏ အတိုင်ပင်ခံပုဂ္ဂိုလ် ပြောကြား

ဥရောပသမဂ္ဂက ရခိုင်ပြည်နယ်တွင် အကြမ်းဖက်မှုများ အမြန်ဆုံး အဆုံးသတ်ရန် လိုလားကြောင်း သတင်းထုတ်ပြန်မှုအပေါ် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်ရှိအချိန်တွင် အကြမ်းဖက်မှုများ ရှိသည်ဟု မကြားကြောင်းနှင့် မဖြစ်ပေါ်လာရန် ထိန်းသိမ်း သွားမည်ဟု ပြောကြားခဲ့သည်။

နိုဝင်ဘာ ၂၁ ရက်နေ့က ပြုလုပ်သည့် ၁၃ ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး သတင်းစာရှင်းလင်းပွဲတွင် သတင်းထောက်တစ်ဦးက ဥရောပသမဂ္ဂ၏ နိုဝင်ဘာ ၂၀ ရက်စွဲဖြင့် သတင်း ထုတ်ပြန်မှုနှင့် ပတ်သက်ပြီး မေးမြန်းမှုကို ဒေါ်အောင်ဆန်းစုကြည်က ပြန်လည်ဖြေကြားခဲ့ခြင်း ဖြစ်သည်။

“မြန်မာဘက်ကတော့ အကြမ်းဖက်မှုတွေ မရှိအောင် ကျွန်မတို့အားလုံးက ထိန်းပေးထားရမှာပေ့ါ။ အခုလောလောဆယ်မှာတော့ အကြမ်းဖက်မှုတွေ ရှိတယ်လို့ မကြားပါဘူး။ ဒါပေမဲ့လည်း မဖြစ်နိုင်ဘူးလို့လည်း ပြောလို့မရပါဘူး။ မဖြစ်နိုင်အောင် ထိန်းသိမ်းဖို့ ဆိုတာကတော့ နိုင်ငံတော်အစိုးရရဲ့ တာဝန်ဖြစ်ပါတယ်” ဟု ဒေါ်အောင်ဆန်းစုကြည်က ပြောကြားခဲ့သည်။

နိင်ငံခြားရေးနှင့် လုံခြုံရေးရာ မူဝါဒဆိုင်ရာ EU အဆင့်မြင့် ကိုယ်စားလှယ်နှင့် ဥရောပကော်မရှင်၏ ဒုတိယဥက္ကဋ္ဌ ဖြစ်သူ Federica Mogherini သည် နေပြည်တော်တွင် ကျင်းပသည့် ၁၃ ကြိမ်မြောက် အာရှ-ဥရောပ နိင်ငံခြားရေးဝန်ကြီးများ အစည်းအဝေး (ASEM) ကို ဥရောပ သံကိုယ်စားလှယ်အဖွဲ့အား ဦးဆောင်၍ တက်ရောက်ခဲ့ပြီး နိုဝင်ဘာ ၂၀ ရက်တွင် သတင်းထုတ်ပြန်မှု ပြုလုပ်ခဲ့သည်။

ယင်းသတင်း ထုတ်ပြန်မှုတွင် ရခိုင်ပြည်နယ်အတွင်း လူသားချင်း စာနာထောက်ထားမှုနှင့် လူ့အခွင့်အရေး အခြေအနေများသည် စိုးရိမ်စရာ အခြေအနေ ရှိနေဆဲဖြစ်ပြီး ဥရောပသမဂ္ဂအနေဖြင့် ရခိုင်ပြည်နယ်တွင် အကြမ်းဖက်မှုများ အမြန်ဆုံး အဆုံးသတ်ရန် လိုလားကြောင်း၊ လုံခြုံရေးတပ်ဖွဲ့ဝင်များ၏ ဥပဒေပြင်ပ လုပ်ဆောင်မှုများနှင့် အရပ်သားများအပေါ် ပြစ်မှုကျူးလွန်မှုများကို ဖော်ထုတ်ပေးရန် ထည့်သွင်းတောင်းဆိုခဲ့သည်။

ထို့ပြင် UN နှင့် အခြားနိုင်ငံတကာမှ ကူညီထောက်ပံ့ရေးအဖွဲ့အစည်းများက ရခိုင်ပြည်နယ်အတွင်း ထောက်ပံ့ကူညီမှုများ ပြလုပ်နိုင်ရန်နှင့် နေရပ်စွန့်ခွာ ထွက်ပြေးလာသူများအား ၎င်းတို့၏ မူလနေရပ်များဆီသို့ ဘေးကင်းလုံခြုံစွာ ပြန်နိုင်ရေးဆောင်ရွက်ပေးရန်လည်း ယင်းထုတ်ပြန်မှုတွင် တိုက်တွန်းထားသည်။

ဥရောပသမဂ္ဂ အဆင့်မြင့်ကိုယ်စားလှယ်၊ ဥရောပကော်မရှင်၏ ဒုဥက္ကဋ္ဌဖြစ်သူ Federica Mogherini ကလည်း အေဆမ် နိုင်ငံခြားရေးဝန်ကြီးများ အစည်းအဝေးဖွင့်ပွဲ အခမ်းအနားတွင် သတင်းထောက်များနှင့် တွေ့ဆုံရာ ဥရောပသမဂ္ဂ အီးယူ အနေဖြင့် ရခိုင်ပြည်နယ်မှ ထွက်ပြေးလာသည့် ဘင်္ဂါလီဒုက္ခသည်များအရေးနှင့် ပတ်သက်၍ုမြန်မာနှင့် ဘင်္ဂလားဒေ့ရှ် နှစ်နိုင်ငံကြား ပူးပေါင်းလုပ်ဆောင်မှုများ အောင်မြင်ရန် ကူညီပံ့ပိုးပေးသွားမည်ဖြစ်ပြီး ဒုက္ခသည်များကို ပြန်လည်လက်ခံရန် မြန်မာနှင့် ဘင်္ဂလားဒေ့ရ်ှတို့ နှစ်နိုင်ငံကြား နားလည်မှုစာချွန်လွှာ လက်မှတ်ရေးထိုး နိုင်ခဲ့ရန် ဒုက္ခသည် ပြဿနာများကို ဖြေရှင်းရန် အရေးကြီးသည့် ပထမအဆင့် လုပ်ငန်းစဉ်ဖြစ်ကြောင်း ပြောကြားခဲ့သည်။

အဂတိလိုက်စားမှု တိုက်ဖျက်ရေးကော်မရှင်အသစ်တွင် ဥက္ကဋ္ဌအဖြစ် ပြန်ကြားရေးဝန်ကြီးဟောင်း ဦးအောင်ကြည် အပါအ၀င် အဖွဲ့ဝင် ၁၂ ဦးဖြင့် ဖွဲ့စည်းမည်ဖြစ်ကြောင်း ပြည်ထောင်စုအစိုးရ လွှတ်တော်သို့ တင်ပြ

အဂတိလိုက်စားမှု တိုက်ဖျက်ရေးကော်မရှင်အသစ်တွင် ဥက္ကဋ္ဌအဖြစ် ပြန်ကြားရေးဝန်ကြီးဟောင်း ဦးအောင်ကြည် အပါအ၀င် အဖွဲ့ဝင် ၁၂ ဦးဖြင့် ဖွဲ့စည်းမည်ဖြစ်ကြောင်း နိုင်ငံတော်သမ္မတက ပြည်ထောင်စုလွှတ်တော်သို့ သ၀ဏ်လွှာပေးပို့ တင်ပြထားသည်။

ပြည်ထောင်စုအစိုးရအဖွဲ့ ဒုတိယသက်တမ်း ကာလတွင် အဂတိလိုက်စားမှု တိုက်ဖျက်ရေးကော်မရှင်အသစ်ကို ဖွဲ့စည်းခန့်အပ် တာဝန်ပေးနိုင်ရေးအတွက် အဂတိလိုက်စားမှု တိုက်ဖျက်ရေးဥပဒေ ပုဒ်မ (၇) ပုဒ်မခွဲ (က) ပါ ပြဋ္ဌာန်းချက်နှင့်အညီ ပြည်ထောင်စုလွှတ်တော်၏ သဘောတူညီမှု ရရှိယူပေးနိုင်ရန်အတွက် နိုင်ငံတော်သမ္မတထံမှ ပြည်ထောင်စုလွှတ်တော် နာယကထံသို့ ပေးပို့ထားသည့် သ၀ဏ်လွှာကို နာယက မန်းဝင်းခိုင်သန်းက လွှတ်တော်သို့ ဖတ်ကြားတင်ပြခဲ့သည်။

အဂတိလိုက်စားမှု တိုက်ဖျက်ရေးကော်မရှင်အသစ်တွင် တာဝန်ထမ်းဆောင်ရန်အတွက် နိုင်ငံတော်သမ္မတက ပြန်ကြားရေးဝန်ကြီးဌာန၊ ၀န်ကြီး (ငြိမ်း) ဦးအောင်ကြည်၊ ပြည်ထောင်စု စာရင်းစစ်ချုပ်ရုံး၊ ညွှန်ကြားရေးမှူး (ငြိမ်း) အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင် ဦးစိုးတင့်၊ အထူးစုံစမ်းစစ်ဆေးရေးဦးစီးဌာန၊ ညွှန်ကြားရေးမှူး (ငြိမ်း) ဦးအောင်လွင်၊ ပြည်ထောင်စုရှေ့နေချုပ်ရုံး၊ ဒုတိယညွှန်ကြားရေးမှူးချုပ် (ငြိမ်း)၊ Notary Public တရားလွှတ်တော်ရှေ့နေ ဦးဟန်ညွန့် တို့ကို ရွေးချယ်ခဲ့သည်။

ဆက်လက်၍ ပြည်သူ့လွှတ်တော်ဥက္ကဋ္ဌက ကော်မရှင်တွင် တာဝန်ထမ်းဆောင်ရန်အတွက် နိုင်ငံခြားစီးပွားဆက်သွယ်ရေးဦးစီးဌာန၊ ညွှန်ကြားရေးမှူးချုပ် (ငြိမ်း)၊ အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင် ဒေါ်မြတ်မြတ်စိုး၊ ပြည်ထောင်စုရှေ့နေချုပ်ရုံး၊ ညွှန်ကြားရေးမှူး (ငြိမ်း)၊ တရားလွှတ်တော်ရှေ့နေ ဦးအောင်သန်းမြင့်၊ ပြည်ထောင်စုရှေ့နေချုပ်ရုံး၊ ညွှန်ကြားရေးမှူး (ငြိမ်း)၊ တရားလွှတ်တော်ရှေ့နေ၊ ဥပဒေအတိုင်ပင်ခံ ဦးစန်းဝင်း၊ တရားလွှတ်တော်ရှေ့နေ ဦးခင် မောင်မြင့်တို့ကို ရွေးချယ်ခဲ့သည်။

ထို့အတူ အမျိုးသားလွှတ်တော်ဥက္ကဋ္ဌက ကော်မရှင်၌ တာဝန်ထမ်းဆောင်ရန်အတွက် တရားလွှတ်တော်ရှေ့နေ ဦးမျိုးမြင့်၊ ပြည်ထောင်စု စာရင်းစစ်ချုပ်ရုံး၊ ဒုတိယညွှန်ကြားရေးမှူးချုပ် (ငြိမ်း) ဒေါ်အေးအေးမူ၊ ရဲချုပ် (ငြိမ်း) ဦးဇော်ဝင်း၊ ပြည်ထောင်စုစာရင်းစစ်ချုပ်ရုံး၊ ညွှန်ကြားရေးမှူး (ငြိမ်း) ဒေါ်လဲ့လဲ့သွင်တို့ကို ရွေးချယ်ခဲ့သည်။

အဂတိလိုက်စားမှု တိုက်ဖျက်ရေးကော်မရှင်အသစ်တွင် ဥက္ကဋ္ဌအဖြစ် ပြန်ကြားရေးဝန်ကြီးဟောင်း ဦးအောင်ကြည်၊ အတွင်းရေးမှူးအဖြစ် ဦးစန်းဝင်းတို့က တာဝန်ယူဆောင်ရွက်ရန် လျာထားကြောင်း လွှတ်တော်နာယက မန်းဝင်းခိုင်သန်းက ရှင်းလင်းတင်ပြသည်။

ယခုဖွဲ့စည်းမည့် အဂတိလိုက်စားမှု တိုက်ဖျက်ရေး ကော်မရှင်အသစ်နှင့် ပတ်သက်၍ သက်ဆိုင်ရာ အရည်အချင်းနှင့် မပြည့်စုံကြောင်း သက်သေအထင်အရှားပြ၍ ကန့်ကွက်လိုသည့် လွှတ်တော်ကိုယ်စားလှယ်များ ရှိပါက အမည်စာရင်း တင်သွင်းနိုင်ကြောင်း လွှတ်တော်နာယက မန်းဝင်းခိုင်သန်းက ကြေညာသည်။

ပြီးခဲ့သော သမ္မတဟောင်း ဦးသိန်းစိန် အစိုးရလက်ထက်တွင် အဂတိလိုက်စားမှု တိုက်ဖျက်ရေးဥပဒေပါ ပြဋ္ဌာန်းချက်များအရ လာဘ်ပေးလာဘ်ယူမှု ပပျောက်ရေးကော်မရှင်ကို ၂၀၁၄ ခုနှစ် ဖေဖော်ဝါရီ ၂၅ ရက်တွင် စစ်မှုထမ်း (အငြိမ်းစား) ဦးမြ၀င်း ဥက္ကဋ္ဌအဖြစ် တာဝန်ယူပြီး အဖွဲ့ဝင် ၁၅ ဦးဖြင့် ဖွဲ့စည်းခဲ့သည်။

ထို့နောက် အဆိုပါ လာဘ်ပေးလာဘ်ယူမှု ပပျောက်ရေးကော်မရှင်ကို အဂတိလိုက်စားမှု တိုက်ဖျက်ရေးကော်မရှင်အဖြစ် အမည်ပြောင်းလဲ ဖွဲ့စည်းခဲ့သည်။

ပြည်ထောင်စုအစိုးရအဖွဲ့ရုံးဝန်ကြီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတို့ကို တိုးချဲ့ ဖွဲ့စည်းမည်ဖြစ်ပြီး အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းနှင့် နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်တို့အား ပြည်ထောင်စုဝန်ကြီးများအဖြစ် ခန့်အပ်မည်ဖြစ်ကြောင်း လွှတ်တော်သို့ တင်ပြ

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်နှင့် အမျိုးသားလုံခြုံရေးဆိုင်ရာအကြံပေးပုဂ္ဂိုလ် ဦးသောင်းထွန်းတို့ကို တွေ့ရစဉ်

ပြည်ထောင်စုအစိုးရအဖွဲ့ရုံးဝန်ကြီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနတို့ကို တိုးချဲ့ဖွဲ့စည်းမည်ဖြစ်ပြီး အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းနှင့် နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်တို့အား ပြည်ထောင်စုဝန်ကြီးများအဖြစ် ခန့်အပ်မည်ဖြစ်ကြောင်း နိုဝင်ဘာ ၂၀ ရက်က ပြည်ထောင်စုလွှတ်တော်သို့ တင်ပြသည်။

ပြည်ထောင်စုဝန်ကြီးဌာနနှစ်ခု တိုးချဲ့ ဖွဲ့စည်းခြင်းနှင့် ပတ်သက်၍ နိုင်ငံတော်သမ္မတကိုယ်စား တာဝန်ပေးအပ်သည့် ပြည်ထောင်စု ရှေ့နေချုပ် ဦးထွန်းထွန်းဦးက လွှတ်တော်သို့ ရှင်းလင်းတင်ပြသည်။

ပြည်ထောင်စုအစိုးရအဖွဲ့ရုံးဝန်ကြီးဌာန ဖွဲ့စည်း ဆောင်ရွက်ရာတွင် ပြည်ထောင်စုအစိုးရအဖွဲ့ရုံး၏ လက်ရှိ ၀န်ထမ်းဖွဲ့စည်းပုံ အင်အားဖြင့်ပင် ဆောင်ရွက်မည်ဖြစ်ပြီး နိုင်ငံတော်၏ ဘဏ္ဍာငွေ ပိုမိုကုန်ကျမည် မဟုတ်ပါကြောင်း ဦးထွန်းထွန်းဦးက ပြောကြားသည်။

“ဖြည့်စွက် ဖွဲ့စည်းလိုတဲ့ ၀န်ကြီးဌာနတစ်ခုမှာ ပြည်ထောင်စုအစိုးရအဖွဲ့ရုံး ၀န်ကြီးဌာန ဖြစ်ပါတယ်။ ပြည်ထောင်စု အစိုးရအဖွဲ့၏ လုပ်ငန်းတာဝန်များနှင့် စပ်လျဉ်း၍ ပြည်ထောင်စုအစိုးရအဖွဲ့ရုံး ညွှန်ကြားရေးမှူးချုပ်ဖြစ်သူ ပြည်ထောင်စုအစိုးရအဖွဲ့ အတွင်းရေးမှူးက နိုင်ငံတော်သမ္မတထံ တင်ပြ၍ ဆောင်ရွက်လျက်ရှိပါတယ်။ ပြည်ထောင်စုအစိုးရအဖွဲ့ အနေဖြင့် ပြည်ထောင်စု၏ အုပ်ချုပ်မှုဆိုင်ရာကိစ္စများ၊ စီမံကိန်းနှင့် ဘဏ္ဍာရေးဆိုင်ရာကိစ္စရပ်များ၊ စီးပွားရေးဆိုင်ရာ ကိစ္စရပ်များ၊ ဥပဒေကြမ်း တင်သွင်းခြင်းဆိုင်ရာ ကိစ္စရပ်များနှင့် တခြားကိစ္စရပ်များ အပါအ၀င် များပြားသည့် လုပ်ငန်းတာဝန်များကို ဆောင်ရွက်လျက် ရှိပါတယ်။ ယင်းကဲ့သို့ ဆောင်ရွက်ရာတွင် နိုင်ငံတော်သမ္မတအား တာဝန်ခံမည့် ပြည်ထောင်စုအစိုးရအဖွဲ့ဝင် ပြည်ထောင်စုဝန်ကြီး တစ်ဦးကို ခန့်အပ်၍ တာဝန်ယူ ဆောင်ရွက်စေမည်ဆိုပါက ပိုမိုထိရောက်စွာ အကောင်အထည်ဖော် ဆောင်ရွက်နိုင်မည်ဖြစ်သဖြင့် ယင်းဝန်ကြီးဌာနကို ထပ်မံဖြည့်ဆည်း ဖွဲ့စည်းလိုပါတယ်”ဟု ပြည်ထောင်စုရှေ့နေချုပ် ဦးထွန်းထွန်းဦးက ရှင်းလင်းတင်ပြသည်။

ထို့ပြင် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနနှင့် ပတ်သက်၍ “မြန်မာနိုင်ငံသည် နိုင်ငံတကာအရေး ကိစ္စများတွင် တက်ကြွစွာ ပါဝင်ဆောင်ရွက်လျက် ရှိပါတယ်။ ယင်းသို့ ဆောင်ရွက်ရာတွင် နိုင်ငံတကာ ဆက်ဆံရေးတွင် နိုင်ငံခြားရေးဝန်ကြီးဌာနနှင့်အတူ ပူးပေါင်းဆောင်ရွက်ရန်နှင့် နိုင်ငံတကာရေးရာ ကိစ္စရပ်များကို နိုင်ငံရေးရှုထောင့်အပြင် စီးပွားရေးရှုထောင့်မှလည်း ခြုံငုံသုံးသပ်ပြီး နိုင်ငံတော်သမ္မတအား တာဝန်ခံ ဆောင်ရွက်မည့် ၀န်ကြီးဌာနတစ်ခု လိုအပ်လာသည့်အတွက် ဤပြည်ထောင်စုဝန်ကြီးဌာနအသစ်ကို ဖွဲ့စည်းရခြင်း ဖြစ်ပါတယ်။ ဖော်ပြပါ ၀န်ကြီးဌာနကိုလည်း ၀န်ထမ်းများ ထပ်မံတိုးချဲ့ဖွဲ့စည်းလိုခြင်း မပြုဘဲ နိုင်ငံခြားရေးဝန်ကြီးဌာန၏ အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန၏ ၀န်ထမ်းများဖြင့် ဖွဲ့စည်းဆောင်ရွက်သွားမှာ ဖြစ်ပါတယ်။ နိုင်ငံတော်၏ အတိုင်ပင်ခံပုဂ္ဂိုလ်သည် နိုင်ငံခြားရေးဝန်ကြီးဌာန၏ လုပ်ငန်းတာဝန်များကို ထမ်းဆောင်လျက်ရှိရာ အချို့သော နိုင်ငံတကာ အစည်းအဝေးများတွင် နိုင်ငံခြားရေးဝန်ကြီးဌာန ပြည်ထောင်စုဝန်ကြီး တက်ရောက်ပြီး အချို့သောနိုင်ငံတကာ အဖွဲ့အစည်းများတွင် ယခုဖွဲ့စည်းမည့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးက တက်ရောက်မှာ ဖြစ်ပါတယ်။ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနကိုလည်း နိုင်ငံခြားရေးဝန်ကြီးဌာန အဆောက်အအုံတွင်ပင် ထားရှိမည်ဖြစ်ရာ ၀န်ကြီးဌာနနှစ်ခု နီးကပ်စွာ ပူးပေါင်း ဆောင်ရွက်နိုင်မှာ ဖြစ်ပါတယ်။ ယခုအခါတွင် နိုင်ငံခြားသံတမန်ရေးရာ ကိစ္စရပ်များကို နိုင်ငံခြားရေးဝန်ကြီးဌာနက ဆောင်ရွက်ပြီး နိုင်ငံတကာ အဖွဲ့အစည်းနှင့် ပတ်သက်သည့် ကိစ္စရပ်များကို စီမံကိန်းနှင့် ဘဏ္ဍာရေးဝန်ကြီးဌာနက ဆောင်ရွက်လျက် ရှိပါတယ်။ ယင်းနိုင်ငံတကာ အဖွဲ့အစည်းနှင့် ပတ်သက်သည့် ကိစ္စများကို ယခုဖွဲ့စည်းမည့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနက ဆောင်ရွက်ခြင်းအားဖြင့် နိုင်ငံတကာဆက်ဆံရေးကို ပိုမိုအဆင်ပြေချောမွေ့စွာ ပူးပေါင်းဆောင်ရွက်သွားနိုင်မှာ ဖြစ်ပါတယ်” ဟု ဦးထွန်းထွန်းဦးက ဆက်လက်ရှင်းပြသည်။

ထို့အတူ နိုင်ငံတော်သမ္မတက ပြည်ထောင်စုအစိုးရအဖွဲ့ရုံး ၀န်ကြီးဌာနတွင် လက်ရှိ၌ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် တာဝန်ယူ ဆောင်ရွက်နေသည့် နိုင်ငံခြားရေးဝန်ကြီးဌာန သံအမတ်ကြီး (ငြိမ်း) ဦးသောင်းထွန်းကို ပြည်ထောင်စုဝန်ကြီးအဖြစ် ခန့်အပ်မည် ဖြစ်ကြောင်းနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာနတွင် လက်ရှိ၌ နိုင်ငံခြားရေးဝန်ကြီးဌာန ဒုတိယ၀န်ကြီးအဖြစ် တာဝန်ထမ်းဆောင်နေသည့် ဦကျော်တင်ကို ပြည်ထောင်စုဝန်ကြီးအဖြစ် ခန့်အပ်မည် ဖြစ်ကြောင်း ပြည်ထောင်စု လွှတ်တော်သို့ သ၀ဏ်လွှာပေးပို့ခဲ့သည်။

ထို့ပြင် ပြည်ထောင်စုလွှတ်တော် နာယက မန်းဝင်းခိုင်သန်းက ပြည်ထောင်စုဝန်ကြီး နှစ်ဦး ခန့်အပ် တာဝန်ပေးခြင်းနှင့် စပ်လျဉ်း၍ ပုံမှန်အားဖြင့် လွှတ်တော်အစည်းအဝေးတွင် ၀န်ကြီးဌာနများ ဖွဲ့စည်းမှုကို အတည်ပြုပြီးမှသာ လွှတ်တော်သို့ အမည်စာရင်း တင်သွင်းခြင်း၊ သဘောတူညီချက် ရယူခြင်းများ ဆောင်ရွက်လေ့ရှိကြောင်း၊ သို့သော် လက်ရှိ လွှတ်တော်အစည်းအဝေးများ ဆက်လက် ကျင်းပမည့်ကာလ လျာထားမှုအခြေအနေ နှင့် နိုင်ငံတော်သမ္မတ၏ တင်ပြမှုတို့အရ သက်ဆိုင်ရာ ၀န်ကြီးဌာနနှစ်ခု တိုးချဲ့ဖွဲ့စည်းခြင်းကို လွှတ်တော်က အတည်ပြုကြောင်း ဆုံးဖြတ်ပါက ၎င်းကိစ္စနှင့် တစ်ဆက်တည်း ဆောင်ရွက်သွားမှာ ဖြစ်ကြောင်း ကြေညာသည်။

ပြည်ထောင်စုဝန်ကြီးဌာန နှစ်ခု တိုးချဲ့ ဖွဲ့စည်းမည့်ကိစ္စနှင့် ပြည်ထောင်စုဝန်ကြီး နှစ်ဦး ခန့်အပ်ခြင်းကိစ္စတို့နှင့် စပ်လျဉ်းပြီး ဆွေးနွေးလိုသည့် ကိုယ်စားလှယ်များအနေဖြင့် နိုဝင်ဘာ ၂၂ ရက် နောက်ဆုံးထားကာ အမည်စာရင်း တင်သွင်းနိုင်ပြီး နိုဝင်ဘာ ၂၃ ရက်တွင် လွှတ်တော်၏ အဆုံးအဖြတ် ရယူသွားမည်ဖြစ်ကြောင်း လွှတ်တော်နာယကက ကြေညာသည်။

“နိုင်ငံရဲ့အခြေအနေအရလည်း ရှင်းပြသွားသလိုပဲ ဘာကြောင့် ဖွဲ့စည်းလဲဆိုတာ အချက်အလက်တွေကတော့ လက်ခံနိုင်ဖွယ် ရှိပါတယ်။ ပြီးတော့ အခုလိုအချိန်မှာ ဒီလိုဝန်ကြီးဌာန နှစ်ခုလုံးကလည်းပဲ နိုင်ငံရဲ့အခြေအနေအရလည်းပဲ လိုအပ်နေတဲ့ ၀န်ကြီးဌာနတွေ ဖြစ်တယ်”ဟု ပြည်သူ့လွှတ်တော် ကိုယ်စားလှယ် ဒေါက်တာသက်သက်ခိုင်က ပြောကြားသည်။

လက်ရှိတွင် ပြည်ထောင်စုဝန်ကြီးဌာန ၂၂ ခုဖြင့် ဆောင်ရွက်လျက်ရှိပြီး ယခု ၀န်ကြီးဌာန နှစ်ခုတိုးချဲ့ ဖွဲ့စည်းပါက ပြည်ထောင်စုဝန်ကြီးဌာန ၂၄ ခုအထိ ရှိလာမည်ဖြစ်ပြီး ပြည်ထောင်စုဝန်ကြီး စုစုပေါင်းမှာလည်း ၂၃ ဦးအထိ ရှိလာမည် ဖြစ်သည်။

ပြီးခဲ့သည့် သမ္မတဟောင်း ဦးသိန်းစိန် အစိုးရလက်ထက်တွင် ပြည်ထောင်စုဝန်ကြီးဌာန ၃၆ ခုဖြင့် ဖွဲ့စည်းဆောင်ရွက်ခဲ့သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့ တရုတ်ပြည်သူ့သမ္မတနိုင်ငံသို့ ချစ်ကြည်ရေးခရီးထွက်ခွာ

တရုတ်ပြည်သူ့သမ္မတနိုင်ငံ၊ ဗဟိုစစ်ကော်မရှင်အဖွဲ့ဝင်နှင့် ပူးတွဲစစ်ဦးစီးဌာနစစ်ဦးစီးချုပ် Gen. Li Zuocheng ၏ ဖိတ်ကြားချက်အရ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့သည် ယနေ့ (နိုဝင်ဘာ ၂၁ ရက်) နံနက်ပိုင်းတွင် နေပြည်တော်လေဆိပ်မှ တရုတ်နိုင်ငံသို့ ထွက်ခွာသွားကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

တပ်မတော်ကာကွယ်ရေးဦးစီးချုပ် ဦးဆောင်သည့် မြန်မာ့တပ်မတော်ချစ်ကြည်ရေး ကိုယ်စားလှယ်အဖွဲ့အား ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး ခင်အောင်မြင့်၊ ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများ၊ နေပြည်တော်တိုင်းစစ်ဌာနချုပ် တိုင်းမှူး၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Hong liang နှင့် တာဝန်ရှိသူများက လေဆိပ်တွင် ပို့ဆောင်နှုတ်ဆက်ကြကြောင်း သိရသည်။

တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများ အဖွဲ့ဝင်အဖြစ် လိုက်ပါသွားကြသည်။

အဆိုပါ ချစ်ကြည်ရေးခရီးစဉ်အတွင်း တပ်မတော်ကာကွယ်ရေးဦးစီးချုပ်သည် တရုတ်နိုင်ငံအစိုးရနှင့် တရုတ်ပြည်သူ့လွတ်မြောက်ရေးတပ်မတော်မှ အကြီးအကဲများနှင့် တွေ့ဆုံဆွေးနွေးခြင်း၊ တရုတ်နိုင်ငံရှိ စစ်ဘက်ဆိုင်ရာသင်တန်းကျောင်းများ၊ စက်ရုံများနှင့် အထင်ကရနေရာများအား လှည့်လည်ကြည့်ရှုလေ့လာခြင်းများ ဆောင်ရွက်သွားမည်ဖြစ်ကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ယခုခရီးစဉ်မတိုင်မီ  မြန်မာနိုင်ငံကအိမ်ရှင်အဖြစ် လက်ခံကျင်းပသည့် ၁၃ ကြိမ်မြောက် အာရှ-ဥရောပ နိုင်ငံခြားရေးဝန်ကြီးများ အစည်းအဝေး (ASEM) သို့ တက်ရောက်ရန် ရောက်ရှိလာသည့် တရုတ်နိုင်ငံခြားရေးဝန်ကြီး ၀မ်ယီနှင့် နိုဝင်ဘာ ၁၉ ရက်က နေပြည်တော်ရှိ ဇေယျာသီရိဗိမာန်ဧည့်ခန်းမဆောင်၌ တွေ့ဆုံဆွေးနွေးမှုများ ပြုလုပ်ထားသည်။

တရုတ်နိုင်ငံသည် မြန်မာ-တရုတ်နယ်စပ်ဒေသရှိ “၀”အဖွဲ့အပါအ၀င် မြောက်ပိုင်း တိုင်းရင်းသားလက်နက်ကိုင်အဖွဲ့များနှင့် မြန်မာအစိုးရတို့ကြား ငြိမ်းချမ်းရေးကိစ္စရပ်များနှင့် နိုင်ငံရေး တွေ့ဆုံဆွေးနွေးနိုင်ရေးအတွက် တရုတ်နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် ဆွန်းကော့ရှန်အား ကြားဝင်ညှိနှိုင်းမှုများ ပြုလုပ်ရန် တာဝန်ပေးထားသည်။

ပြည်ထောင်စုဝန်ကြီးဒုတိယဗိုလ်ချုပ်ကြီးရဲအောင်ဦးဆောင်သော အစိုးရကိုယ်စားလှယ်အဖွဲ့သည် နိုဝင်ဘာ ၁၀ ရက်မှ ၁၂ ရက်ထိ သုံးရက်ကြာ ”၀” ဒေသနှင့် မိုင်းလားဒေသသို့သွားရောက်ကာ နှစ်ဖွဲ့စလုံးအား သီးခြားစီတွေ့ဆုံခဲ့ပြီး အဆိုပါတွေ့ဆုံချိန်တွင် ”၀” ဒေသသို့ မစ္စတာဆွန်းကော့ရှန်ရောက်ရှိနေကြောင်း ဓာတ်ပုံမှတ်တမ်းများအရသိရသော်လည်း ဆွေးနွေးမှုတွင်ပါဝင်ခြင်းရှိ၊ မရှိ မသိရပေ။

ယင်းခရီးစဉ်အတွင်း “o” သွေးစည်းညီညွတ်ရေးပါတီ (UWSP/UWSA) အား NCA တွင် ပါဝင်လက်မှတ်ရေးထိုးရန် အစိုးရ၏ ငြိမ်းချမ်းရေးကော်မရှင် ကိုယ်စားလှယ်က တိုက်တွန်းခဲ့သော်လည်း အဆိုပါကိစ္စနှင့်ပါတ်သက်၍ မြောက်ပိုင်းတိုင်းရင်းသားလက်နက်ကိုင်အဖွဲ့များ ပူးပေါင်းဖွဲ့စည်းထားသည့် FPNCC ကော်မတီ ၏ ယခင်ထုတ်ပြန် ကြေငြာထားသော နိုင်ငံရေးမူဘောင်များအတိုင်း ဆက်လက် လုပ်ဆောင်သွားမည်ဟု ပြန်လည်ဆွေးနွေးခဲ့ကြောင်း ”၀” အဖွဲ့က နိုဝင်ဘာ ၁၄ ရက် တွင် ထုတ်ပြန်ထားသည်။

FPNCC ကော်မတီသည် NCA စာချုပ်အား လက်မခံဘဲ NCA နှင့်အလားသဏ္ဍာန်တူသည့် အပစ်ရပ်စာချုပ်တစ်စောင်အား အစိုးရထံပေးပို့ထားပြီး အစိုးရနှင့် တပ်မတော်အနေဖြင့် FPNCC ကော်မတီအား အသိမှတ်ပြုထားခြင်း မရှိပေ။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့လွတ်မြောက်ရေးတပ်မတော် စစ်ဦးစီးချုပ် Gen. Fang Fenghui ၏ ဖိတ်ကြားချက်အရ တရုတ်နိုင်ငံသို့ ၂၀၁၆ ခုနှစ် အောက်တိုဘာလကုန်ပိုင်းက သွားရောက်ထားသည်။

ဘင်္ဂါလီအရေးကို ဖြေရှင်းရန် တရုတ်၏ အစီအစဉ်ကို မြန်မာနှင့် ဘင်္ဂလားဒေ့ရ်ှနိုင်ငံတို့က ထောက်ခံကြောင်း တရုတ်နိုင်ငံခြားရေးဝန်ကြီးဌာနက ပြောကြား

ဘင်္ဂါလီမွတ်စလင် ၆၀၀,၀၀၀ ကျော်ကို မြန်မာနိုင်ငံမှ ဘင်္ဂလားဒေ့ရ်ှနိုင်ငံကို ထွက်ပြေးစေခဲ့သည့် အကျပ်တည်းတစ်ရပ်ကို ဖြေရှင်းရန် တရုတ်၏ အစီအစဉ်ကို မြန်မာနှင့် ဘင်္ဂလားဒေ့ရ်ှတို့နိုင်ငံတို့က ထောက်ခံကြောင်း တရုတ်နိုင်ငံက နိုဝင်ဘာ ၂၀ ရက်တွင် ပြောကြားခဲ့သည်။

တရုတ်နိုင်ငံခြားရေးဝန်ကြီး ၀မ်ယီက အဆင့်သုံးဆင့် ပါဝင်သည့် ဖြေရှင်းမှုတစ်ရပ်ကို လွန်ခဲ့သည့် သီတင်းပတ်က ဘင်္ဂလားဒေ့ရ်ှနိုင်ငံသို့ သွားရောက်စဉ်နှင့် ယခု သီတင်းပတ်အကုန်တွင် မြန်မာနိုင်ငံသို့ လာရောက်စဉ် တင်ပြခဲ့သည်။

သြဂုတ် ၂၅ ရက်တွင် ဖြစ်ပွားသော လူသေဆုံးမှုများ ဖြစ်ပေါ်ခဲ့သည့် ဘင်္ဂါလီ မွတ်စလင် အကြမ်းဖက်သမားများ၏ တိုက်ခိုက်မှုများကြောင့် ကုလသမဂ္ဂက လူမျိုးစုလိုက် သုတ်သင်မှုမြောက်နိုင်သည်ဟု ပြောကြားခဲ့သော မြန်မာလုံခြုံရေးတပ်များ၏ အကြီးအကျယ်နှိမ်နင်းမှုများ ဖြစ်ပေါ်ခဲ့သည်။

မြန်မာနိုင်ငံကို ဆယ်စုနှစ်အတန်ကြာ အုပ်စိုးခဲ့သော စစ်အစိုးရကို ထောက်ခံခဲ့သည့် တရုတ်နိုင်ငံက ယခုအကျပ်အတည်းအတွင်း မြန်မာနိုင်ငံ၏ လက်ရှိအစိုးရကိုလည်း ကျောထောက်နောက်ခံ ပြုပေးခဲ့သည်။

တရုတ်နိုင်ငံက တင်ပြသော အစီအစဉ်တွင် ဒေသခံများ ထပ်မံပြောင်းရွှေ့ရခြင်း မရှိအောင် ရခိုင်ပြည်နယ်၌ အပစ်အခတ်ရပ်စဲရေး တစ်ရပ်ဖြင့် စတင်ထားသည်။

ယင်းနောက် မြန်မာနှင့် ဘင်္ဂလားဒေ့ရ်ှနိုင်ငံတို့အကြား ဒုက္ခသည်များကို ပြန်လည်လက်ခံရန်ကိစ္စနှင့် ပတ်သက်၍ ကနဦး သဘောတူညီချက် တစ်ရပ် ရရှိခဲ့ပြီးနောက် ဖြစ်နိုင်ဖွယ်ဖြေရှင်းမှု တစ်ရပ်ကို ရှာဖွေရန် နှစ်နိုင်ငံအကြား ဆက်လက် ဆွေးနွေးမှုများ ပြုလုပ်ရေးကို မြန်မာနှင့် ဘင်္ဂလားဒေ့ရ်ှတို့အား နိုင်ငံတကာ အသိုင်းအ၀ိုင်းက တိုက်တွန်းအားပေးရန် တောင်းဆိုထားမှု ပါဝင်သည်။

နောက်ဆုံးအဆင့်မှာ ဆင်းရဲမွဲတေမှု လျှော့ချရေးကို အဓိကထားလျက် ရေရှည်ဖြေရှင်းမှု တစ်ရပ် ရှာဖွေရန် ဖြစ်သည်။

“ဒီအဆိုပြုချက်ကို ဘင်္ဂလားဒေ့ရ်ှနိုင်ငံမှာ ဘင်္ဂလားဒေ့ရှ် ခေါင်းဆောင်တွေက အတည်ပြုခဲ့ပါတယ်။ မနေ့က မြန်မာခေါင်းဆောင်တွေဆီကနေလည်း အတည်ပြုချက် ရရှိခဲ့ပါတယ်” ဟု တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ လုကန်းက ပုံမှန်သတင်းစာရှင်းလင်းပွဲ တစ်ရပ်၌ ပြောကြားခဲ့သည်။

“နိုင်ငံခြားရေးဝန်ကြီး ၀မ်ယီရဲ့ အဆိုပြုချက်ဟာ လက်ရှိ အကျပ်အတည်းကို ဖြေရှင်းရာမှာ အထောက်အကူပြုရုံသာမက ပိုပြီး အရေးကြီးတဲ့ အချက်ဖြစ်တဲ့ အကြောင်းအရာကို အခြေခံကျကျ ကိုင်တွယ်နိုင်ရေးအတွက်လည်း အကျိုးဖြစ်ထွန်းစေပါတယ်” ဟု လုကန်းက ပြောကြားခဲ့သည်။

ဘင်္ဂလားဒေ့ရ်ှနှင့် မြန်မာတို့သည် ဒုက္ခသည်များကို ပြန်လည်လက်ခံမှု စတင်ရန်အတွက် သဘောတရားအရ သဘောတူထားပြီး ဖြစ်သော်လည်း အသေးစိတ် အချက်အလက်များနှင့် ပတ်သက်၍ အကြိတ်အနယ် ဆွေးနွေးနေဆဲ ဖြစ်သည်။

တရုတ်နိုင်ငံခြားရေးဝန်ကြီး ၀မ်ယီသည် အာရှနှင့် ဥရောပနိုင်ငံခြားရေးဝန်ကြီးများ အစည်းအဝေးတစ်ရပ်ကို တက်ရောက်နေသဖြင့် နိုဝင်ဘာ ၂၀ ရက်တွင် မြန်မာနိုင်ငံ၌ ရှိနေဆဲဖြစ်သည်။

ခြိမ်းခြောက်မှုနှင့် အရေးပေါ် အခြေအနေသစ်များကြောင့် ကမ္ဘာတစ်ဝန်းတွင် ပဋိပက္ခဖြစ်ပွားမှုများ မြင့်တက်လာနေကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အေဆမ်နိုင်ငံခြားရေးဝန်ကြီးများ အစည်းအဝေးတွင် ပြောကြား

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အေဆမ်နိုင်ငံခြားရေးဝန်ကြီးများ အစည်းအဝေး၌ အမှာစကားပြောကြားနေစဉ် (ဓာတ်ပုံ – နေရိုင်း)

နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်က (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး အဖွင့်အမှာစကား ပြောကြားမှုတွင် ခြိမ်းခြောက်မှုနှင့် အရေးပေါ် အခြေအနေသစ်များကြောင့် ကမ္ဘာတစ်ဝန်းတွင် ပဋိပက္ခဖြစ်ပွားမှုများ မြင့်တက်လာနေကြောင်း ထည့်သွင်းပြောကြားခဲ့သည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးဖွင့်ပွဲကို နိုဝင်ဘာ ၂၀ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗန်းရှင်းဗဟိုဌာနတွင် ကျင်းပခဲ့ရာ နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည် တက်ရောက်ပြီး အဖွင့်အမှာစကား ပြောကြားခဲ့သည်။

ဒေါ်အောင်ဆန်းစုကြည်က ကမ္ဘာပေါ်တွင် ဖြစ်စဉ်အမျိုးမျိုးမှ ပဋိပက္ခဖြစ်ပွားနေမှုများ မြင့်တက်လာနေပြီး လျော့နည်းသွားခြင်း မရှိသည်ကို မိမိတို့အားလုံး သတိထားမိကြောင်းနှင့် တရားမ၀င် ရွှေ့ပြောင်းအခြေချခြင်း၊ အကြမ်းဖက်ဝါဒနှင့် အစွန်းရောက်ဝါဒ ပြန့်ပွားလာခြင်း၊ လူတန်းစား ကွာဟခြင်းနှင့် နျူကလီးယားစစ်ပွဲ ဖြစ်ပွားလာနိုင်သည့် အခြေအနေများကိုပါ ရင်ဆိုင်နေရကြောင်း ပြောကြားခဲ့သည်။

“ကမ္ဘာပေါ်မှာ ဖြစ်စဉ်အမျိုးမျိုးကနေ ပြီးနေတော့ ပဋိပက္ခ ဖြစ်ပွားနေတာတွေ မြင့်တက်လာနေတာ လျော့နည်းသွားတယ်ဆိုတာ မရှိဘူးဆိုတာ ကျွန်မတို့အားလုံး သတိထားမိမှာပါ။ ဒီနေ့မှာ ကျွန်မတို့အနေနဲ့ ကမ္ဘာလုံးဆိုင်ရာ မသေချာမရေရာမှုတွေနဲ့ မတည်ငြိမ်မှု အပိုင်းအခြားနဲ့ ကြုံတွေ့နေရပါတယ်။ ခြိမ်းခြောက်မှုနဲ့ အရေးပေါ် အခြေအနေသစ်တွေကနေ ကမ္ဘာတစ်ဝန်းမှာ ပဋိပက္ခဖြစ်ပွားတာတွေဟာ မြင့်တက်လာနေတာ ဖြစ်ပါတယ်။ တရားမ၀င် ရွှေ့ပြောင်းအခြေချခြင်း၊ အကြမ်းဖက်ဝါဒနဲ့ အစွန်းရောက်ဝါဒ ပြန့်ပွားလာခြင်း၊ လူတန်းစား ကွာဟခြင်းနဲ့ နျူကလီးယားစစ်ပွဲ ဖြစ်ပွားလာနိုင်တယ်ဆိုတဲ့ အခြေအနေတွေနဲ့တောင် ရင်ဆိုင်နေရပါတယ်။ ပဋိပက္ခတွေဟာ ငြိမ်းချမ်းရေးကို လူ့အသိုင်းအ၀ိုင်းကနေ ဆွဲထုတ်သွားပါတယ်။
ဖွံ့ဖြိုးတိုးတက်မှု မရှိခြင်းနဲ့ ဆင်းရဲဒုက္ခတွေကို ချန်သွားပါတယ်။ လူတွေနဲ့ နိုင်ငံတွေကိုတောင် တစ်ဦးနဲ့တစ်ဦး၊ တစ်နိုင်ငံနဲ့ တစ်နိုင်ငံ ဝေးကွာသွားစေပါတယ်” ဟု ဒေါ်အောင်ဆန်းစုကြည်က ပြောကြားခဲ့သည်။

ဆက်လက်၍ ဒေါ်အောင်ဆန်းစုကြည်က မြန်မာနိုင်ငံ အပါအ၀င် များစွာသောနိုင်ငံများ၏ သမိုင်းကြောင်းကို ပြန်ကြည့်မည်ဆိုပါက ပဋိပက္ခနှင့် မတည်ငြိမ်မှုများကြောင့် နိုင်ငံတစ်နိုင်ငံ၏ ဖွံ့ဖြိုးတိုးတက်မှုကို ရှည်ကြာခိုင်မြဲသည့် အရိပ်တစ်ခုအဖြစ် လွှမ်းမိုးနေသည်ကို မြင်တွေ့ရကြောင်းနှင့် ငြိမ်းချမ်းမှု မရှိပါက ကြာရှည်တည်မြဲသည့် တိုးတက်မှုနှင့် သာယာဝပြောမှုကို ရရှိနိုင်မည် မဟုတ်ကြောင်းလည်း ပြောကြားခဲ့သည်။

ထို့ပြင် ဒေါ်အောင်ဆန်းစုကြည်က နိုင်ငံ့ခေါင်းဆောင်များ အနေဖြင့် နိုင်ငံတစ်နိုင်ငံချင်းစီ၏ ကန့်သတ်မှုနှင့် အခက်အခဲများကို စစ်မှန်သည့် နားလည်မှုရှိပါက ကမ္ဘာလုံးဆိုင်ရာ ပြဿနာများကို ဖြေရှင်းရာတွင် ပိုမိုလွယ်ကူ အကျိုးသက်ရောက်မည် ဖြစ်ကြောင်း၊ နိုင်ငံအချင်းချင်း မိတ်ဖက်ဆောင်ရွက်မှု အားကောင်းခြင်းဖြင့် ငြိမ်းချမ်းမှုနှင့် စဉ်ဆက်မပြတ် ဖွံ့ဖြိုးတိုးတက်မှုကို ထိန်းသိမ်းမြှင့်တင်နိုင်ရန် ယခု အေဆမ် အစည်းအဝေးအတွက် ဆောင်ပုဒ်ကို “ငြိမ်းချမ်းရေးနှင့် စဉ်ဆက်မပြတ် ဖွံ့ဖြိုးတိုးတက်မှုများအတွက် မိတ်ဖက်ဆောင်ရွက်မှုကို ပိုမိုအားကောင်းစေရန် ဆောင်ရွက်ခြင်း” ဟု အဆိုတင်သွင်းခဲ့ခြင်း ဖြစ်ကြောင်း ပြောကြားခဲ့သည်။

ဒေါ်အောင်ဆန်းစုကြည်၏ အဖွင့်အမှာစကား ပြောကြားပြီးနောက် အာရှဘက်မှ အာဆီယံအဖွဲ့အတွက် ညှိနှိုင်းရေးမှူးတာဝန် ယူထားသည့် ဖိလစ်ပိုင်နိုင်ငံမှ ကိုယ်စားလှယ်တစ်ဦးနှင့် နီဆာအဖွဲ့အတွက် ပါကစ္စတန်နိုင်ငံမှ ကိုယ်စားလှယ် တစ်ဦးတို့က အမှာစကား ပြောကြားခဲ့သည်။

ယင်းနောက် ဥရောပဘက်မှ ညိနှိုင်းရေးမှူးအဖြစ် တာဝန်ယူထားသည့် ဥရောပသမဂ္ဂ အဆင့်မြင့် ကိုယ်စားလှယ် Federica Mogherini နှင့် အက်စ်တိုးနီးယားနိုင်ငံတို့မှ ကိုယ်စားလှယ်တို့က အမှာစကား ပြောကြားခဲ့သည်။

ဆက်လက်၍ နိုဝင်ဘာ ၁၅ ရက်မှ ၂၀ ရက်အထိ ရန်ကုန်မြို့နှင့် နေပြည်တော်တို့တွင် ကျင်းပခဲ့သည့် ၈ ကြိမ်မြောက် ASEM Model 2017 သို့ တက်ရောက်ခဲ့သော လူငယ်ကိုယ်စားလှယ် နှစ်ဦးကလည်း အေဆမ် ဆွေးနွေးမှုပုံစံနှင့် ပတ်သက်၍ ၎င်းတို့၏ အမြင်များကို ပြောကြားခဲ့သည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးကို နေပြည်တော်ရှိ MICC – 1 တွင် နိုဝင်ဘာ ၂၀ နှင့် ၂၁ ရက်တို့၌ ကျင်းပနေခြင်းဖြစ်ပြီး ယခုနှစ်အတွက် အာရှ-ဥရောပ အစည်းအဝေးအကြောင်းအရာမှာ “ငြိမ်းချမ်းရေးနှင့် စဉ်ဆက်မပြတ် ဖွံ့ဖြိုးတိုးတက်မှုများအတွက် မိတ်ဖက်ဆောင်ရွက်မှုကို ပိုမိုအားကောင်းစေရန် ဆောင်ရွက်ခြင်း” ဖြစ်သည်။

အေဆမ်၌ အဖွဲ့ဝင်အဖြစ် အာရှမှ ၂၁ နိုင်ငံနှင့် အာဆီယံ အတွင်းရေးမှူးချုပ်ရုံး၊ ဥရောပဒေသမှ EU အဖွဲ့ဝင် ၃၀ နိုင်ငံနှင့် ဥရောပကော်မရှင်တို့ ပါဝင်ပြီး စုစုပေါင်း နိုင်ငံပေါင်း ၅၁ နိုင်ငံနှင့် ဒေသဆိုင်ရာအဖွဲ့ကြီး နှစ်ခုတို့ ပါဝင်ကြောင်း သိရသည်။

အေဆမ်နိုင်ငံခြားရေးဝန်ကြီးများ အစည်းအဝေးမတိုင်မီ အေဆမ် အဆင့်မြင့်အရာရှိကြီးများ အစည်းအဝေးနှင့် ဆက်စပ် အစည်းအ၀းများကို နိုဝင်ဘာ ၁၇ ရက်မှ ၁၉ ရက်အထိ နေပြည်တော်ရှိ MICC – 1 တွင် ကျင်းပခဲ့ပြီး အေဆမ် မိတ်ဘက်နိုင်ငံများမှ ပါဝင် တက်ရောက်ခဲ့ကြကြောင်း ထုတ်ပြန်ချက်အရ သိရသည်။

အစိုးရငွေတိုက်စာချုပ်နှင့် အစိုးရငွေတိုက်လက်မှတ် ကျပ်သန်းပေါင်း ၉၁၀၀၀၀ အထိ စံချိန်တင်လေလံတင်ရောင်းချမှု ကျပ်သန်းပေါင်း ၆၈၅၄၉၀ လေလံအောင်

ဘတ်ဂျက်လိုငွေမြင့်တက်မှုနှင့် အစိုးရက ဗဟိုဘဏ်မှ သတ်မှတ်ပမာဏထက် ငွေချေးယူမှုများရှိနေချိန်တွင် မြန်မာနိုင်ငံတော်ဗဟိုဘဏ်က အစိုးရငွေတိုက်စာချုပ် ကျပ်သန်းပေါင်း ၄၁၀၀၀၀ နှင့် အစိုးရငွေတိုက်လက်မှတ် ကျပ်သန်းပေါင်း ၅၀၀၀၀၀၊ စုစုပေါင်း ကျပ်သန်းပေါင်း ၉၁၀၀၀၀ ကို နိုဝင်ဘာ ၁၄ ရက်နှင့် ၁၅ ရက်တွင် စံချိန်တင် လေလံတင်ရောင်းချခဲ့ရာတွင် ကျပ်သန်းပေါင်း ၆၈၅၄၉၀ လေလံအောင်မြင်ခဲ့သည်ဟု သိရသည်။

အစိုးရငွေတိုက်စာချုပ်နှင့် အစိုးရငွေတိုက် လက်မှတ်များကို လေလံတင်ရောင်းချရန် တစ်ပြိုင်နက်ထုတ်ပြန်ခဲ့ခြင်းဖြစ်ပြီး ကျပ်သန်းပေါင်း ၄၁၀၀၀၀ အထိရောင်းချမည့် အစိုးရငွေတိုက်စာချုပ်ကို GB 0015 ဖြင့် ကြေညာခဲ့ခြင်းဖြစ်ကာ နှစ်နှစ်နှင့် ငါးလကျော်သက်တမ်းရှိမည့် သက်တမ်း (၁) အတွက် ကျပ်သန်းပေါင်း ၁၀၀၀၀၀ လေလံအောင်ခဲ့ပြီး လေးနှစ်နှင့် ၁၁ လကျော်သက်တမ်းရှိမည့် အစိုးရငွေတိုက်စာချုပ်သက်တမ်း (၂) အတွက် ကျပ်သန်းပေါင်း ၁၆၆၄၉၀ လေလံအောင်မြင်ခဲ့ကြောင်း သိရသည်။

ကျပ်သန်းပေါင်း (ငါးသိန်း) ၅၀၀၀၀၀ အထိလေလံတင်ခဲ့သည့် အစိုးရငွေတိုက်လက်မှတ်များတွင် ငွေတိုက်လက်မှတ်များ၏ သက်တမ်းများကို ၉၁ ရက်၊ ၁၈၂ ရက်နှင့် ၃၆၄ ရက်များအဖြစ် သတ်မှတ်ခဲ့သည်။ အဆိုပါ ကျပ်သန်းပေါင်း ငါးသိန်းကို လေလံတင်ရောင်းချရာတွင် သက်တမ်း ၉၁ ရက်အတွက် ကျပ်သန်းပေါင်း ၃၀၁၀၀၀ လေလံအောင်ခဲ့ပြီး ၁၈၂ ရက်သက်တမ်းအတွက် ကျပ်သန်းပေါင်း ၁၁၂၀၀၀ နှင့် ၃၆၄ ရက်သက်တမ်းအတွက် ကျပ်သန်းပေါင်း ၆၀၀၀ လေလံအောင်မြင်ခဲ့ကြောင်း သိရသည်။

လက်ရှိအစိုးရလက်ထက်တွင် ဘတ်ဂျက်လိုငွေများ စံချိန်တင်မြင့်မားနေပြီး ၂၀၁၆ -၂၀၁၇ ဘဏ္ဍာနှစ် ပြည်ထောင်စုအစိုးရ အပ်ငွေစာရင်းလိုငွေကို ဖြည့်ဆည်းရန်အတွက် မြန်မာနိုင်ငံတော်ဗဟိုဘဏ်မှ ကျပ် ၁၂၃၆ ဘီလျံချေးယူရန် လျာထားခဲ့သော်လည်း ကျပ် ၅၅၃ ဒသမ ၅၃၄ ဘီလျံ ကျော်လွန်ချေးယူခဲ့ပြီးနောက် ပြည်ထောင်စုလွှတ်တော်က အတည်ပြုပေးရန် နိုဝင်ဘာ ၁၀ ရက်ကကျင်းပသည့် အစည်းအဝေး၌ စီမံကိန်းနှင့်ဘဏ္ဍာရေး ဒုတိယ၀န်ကြီး ဦးမောင်မောင်ဝင်းနှင့် မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်းတို့က ရှင်းလင်းတင်ပြခဲ့ကြသည်။

ယခင်အစိုးရလက်ထက် ငါးနှစ်သက်တမ်းအတွင်း လိုငွေ ကျပ်ဘီလျံ ၈၀၂၈ သာရှိခဲ့သော်လည်း လက်ရှိအစိုးရလက်ထက်တွင် ကနဦးစာရင်းများအရ လိုငွေမှာ ကျပ် ၁၁၁၁၂ ဘီလျံအထိဖြစ်ပေါ်နေပြီး ၂၀၁၇- ၂၀၁၈ ဘဏ္ဍာနှစ်တွင် ဘတ်ဂျက်လိုငွေကျပ် ၆၄၇၀ ဘီလျံအထိ ဖြစ်ပေါ်နေသည့်အတွက် လိုငွေ၏ရာခိုင်နှုန်း ၃၀ အတွင်းကို မြန်မာနိုင်ငံတော်ဗဟိုဘဏ်မှ ချေးယူရမည့်အခြေအနေ ဖြစ်ပေါ်နေသည်။

၂၀၁၈-၂၀၁၉ ဘဏ္ဍာနှစ် JMC ၏ ဘတ်ဂျက်ကိစ္စရပ်များအပါအ၀င် လုပ်ထုံးလုပ်နည်းများ ဆွေးနွေးအတည်ပြုမည့် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီ (JMC-U) အစည်းအဝေး ရန်ကုန်မြို့၌ပြုလုပ်

နိုဝင်ဘာ ၂၀ ရက်က ရန်ကုန်မြို့တွင်ပြုလုပ်သည့် (၁၃) ကြိမ်မြောက် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီ (JMC-U) အစည်းအဝေးကို တွေ့ရစဉ်

ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီ (JMC) ၏ ၂၀၁၈-၂၀၁၉ ဘတ်ဂျက်ကိစ္စရပ်များအပါအ၀င် လုပ်ထုံးလုပ်နည်းများ ဆွေးနွေးအတည်ပြုမည့် (၁၃) ကြိမ်မြောက် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီ (JMC-U) အစည်းအဝေးကို ရန်ကုန်မြို့ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် နိုဝင်ဘာ ၂၀ ရက်က စတင်ပြုလုပ်လျက်ရှိသည်။

အဆိုပါအစည်းအဝေးတွင် ပထ၀ီဝင်အချက်အလက် စီမံခန့်ခွဲမှုလုပ်ထုံးလုပ်နည်း (မူကြမ်း)၊ စိစစ်အတည်ပြုရေး လုပ်လုံးလုပ်နည်းအဆင့်အဆင့်တွင် ထပ်မံဖြည့်သွင်းရန် အချက်များ (မူကြမ်း) တို့အား ဆွေးနွေးအတည်ပြုမည်ဖြစ်သည်။

“အဓိကအားဖြင့်တော့ ပဋိပက္ခတွေဖြစ်ပွားတယ်ဆိုတဲ့နေရာမှာ စေ့စပ်ညှိနှိုင်းရေးဖြစ်စဉ်တစ်ခုကို မလွဲမသွေ တည်ဆောက်ရမှာဖြစ်ပါတယ်။ အဲဒီစေ့စပ်ညှိနှိုင်းရေးဖြစ်စဉ်တစ်ခုဆိုတာ အဓိကအားဖြင့်တော့ NCA ပဲဖြစ်ပါတယ်။ ကျွန်တော်တို့အားလုံးဟာ NCA ကို စေ့စပ်ညှိနှိုင်းရေးဖြစ်စဉ်တစ်ခုအနေနဲ့ ခက်ခက်ခဲခဲတည်ဆောက်ထားပြီး ဖြစ်ပါတယ်။ ဒီတည်ဆောက်ထားတဲ့ဖြစ်စဉ်ကို အရှိန်အဟုန်ထိန်းပြီးတော့မှ ဆောင်ရွက်သွားဖို့ လိုအပ်ပါတယ်။ အဲဒီမှာလည်း ကျွန်တော်တို့ စေ့စပ်ညှိနှိုင်းဆွေးနွေးရေးဖြစ်စဉ်ပေါ်မှာ မူတည်ပြီးတော့မှ အားကောင်းတဲ့ Structure တွေလည်း တည်ဆောက်ဖို့လိုပါတယ်။ ကျွန်တော်တို့ NCA မှာ Structure နှစ်ခုတည်ဆောက်ထားပါတယ်။ UPDJC နဲ့ JMC ဆိုပြီးတော့ တည်ဆောက်ထားတာဖြစ်ပါတယ်။ ကျွန်တော်တို့ JMC ကိုတည်ဆောက်ခဲ့တာ အခုဆိုရင် သက်တမ်းအားဖြင့် ကျွန်တော်တို့ နှစ်နှစ်ကျော်ခဲ့ပြီဖြစ်ပါတယ်” ဟု JMC-U ဥက္ကဋ္ဌ ဒုတိယဗိုလ်ချုပ်ကြီးရာပြည့်က ပြောကြားသည်။

ထိုသို့ JMC နှစ်နှစ်ပြည့် အထိမ်းအမှတ်အဖြစ် ယခုပြုလုပ်လျက်ရှိသည့် အစည်းအဝေးတွင် JMC-S (ပြည်နယ်အဆင့်) အဖွဲ့ဝင်များလည်း ပါဝင်တက်ရောက်လျက်ရှိသည်။

“ကျွန်တော်တို့ရဲ့ အဓိကတာဝန်ကတော့ ကျွန်တော်တို့နိုင်ငံရေးဆွေးနွေးပွဲတွေ ကျင်းပနေစဉ်အတွင်း မြေပြင်မှာတိုက်ပွဲတွေမဖြစ်အောင် ထိန်းသိမ်းရမှာဖြစ်လို့ ဘယ်လိုအခြေအနေပဲရောက်ရောက် အနိမ့်ဆုံးအဆင့်မှာပဲဖြစ်ဖြစ် နှစ်ဖက်လက်နက်ကိုင်တပ် တွေ့ထိတွေမှုမရှိအောင် ထိန်းသိမ်းကြရမှာ ဖြစ်ပါတယ်။ ဒါကြောင့်သည်းညဉ်းခံကြပါ။ စိတ်ရှည်ရှည်ထားကြပါလို့ တိုက်တွန်းချင်ပါတယ်။ ထိပ်တိုက်ရင်ဆိုင်မှု ရှောင်ရှားရေးနဲ့ပတ်သက်ပြီး နှစ်ဖက်အောက်ခြေအဆင့်ဆင့်ထိပို့ချပြီး လက်တွေ့အကောင်အထည်ဖော်နိုင်အောင်လည်း ကြိုးစားကြရမှာဖြစ်ပါတယ်။ ဒါကြောင့် ကျွန်တော်တို့ JMC အနေနဲ့ မြေပြင်မှာ တိုက်ပွဲတွေမဖြစ်အောင် ကြိုးစားညှိနှိုင်းပြီး NCA အကောင်အထည်ဖော်မှုမှာ အထောက်အကူဖြစ်ဖို့ စိတ်ရင်းစေတနာမှန်မှန်တွေနဲ့ သမိုင်းပေးတာဝန်တွေကို ထမ်းဆောင်ကြဖို့ လိုအပ်ပါတယ်” ဟု JMC-U ဥက္ကဋ္ဌ (၁) ကရင်အမျိုးသားအစည်းအရုံး (KNU) မှ ဗိုလ်ချုပ်စောအိုင်းဇက်ဖိုးက ပြောကြားသည်။

ထို့ပြင် လက်နက်ကိုင်အဖွဲ့အစည်းများကြားတွင် ပဋိပက္ခဖြစ်ပွားခြင်းနှင့် အရပ်သားများကို ကာကွယ်ပေးရန်အတွက် စောင့်ကြည့်ရေးလုပ်ငန်းစဉ်ကို JMC တွင် အဓိကထားပြီး ဆောင်ရွက်ခြင်းဖြစ်ကြောင်း၊ JMC သည် စောင့်ကြည့်ရေးလုပ်ငန်းများ၊ စိစစ်အတည်ပြုရေး လုပ်ငန်းစဉ်များ၊ ပဋိပက္ခဖြေရှင်းရေး လုပ်ငန်းစဉ်များ လုပ်ဆောင်ကြောင်း၊ ထိုသို့လုပ်ဆောင်ခြင်းသည် အဓိကအားဖြင့် နိုင်ငံရေးဆိုင်ရာ တွေ့ဆုံဆွေးနွေးမှုများကို စနစ်တကျနှင့် သဘောတူညီချက်များရအောင် ဆောင်ရွက်ခြင်းဖြစ်ကြောင်း ၎င်းကပြောကြားသည်။

“အဓိက NCA ရဲ့ အန္တိမရည်မှန်းချက်ဟာ ထာဝရငြိမ်းချမ်းရေးဖြစ်ပါတယ်။ လက်နက်ကိုင်လမ်းစဉ်တွေ စွန့်လွှတ်ပြီးတော့မှ ဒီဘက်က ကျွန်တော်တို့ရွေးကောက်ပွဲလမ်းစဉ်ပေါ်ကို ရောက်ရှိလာဖို့အတွက် နိုင်ငံရေးဆိုင်ရာ တွေ့ဆုံဆွေးနွေးပြီးတော့မှ အဖြေရှာဆောင်ရွက်သွားဖို့ လိုအပ်ပါတယ်။ ဒါဟာ ကျွန်တော်တို့ရဲ့ အဓိကအန္တိမရည်မှန်းချက် ဖြစ်ပါတယ်။ ဒီရည်မှန်းချက်ကိုသွားဖို့အတွက် JMC ဟာ တွေ့ဆုံတိုက်ခိုက်မှုတွေမရှိအောင်၊ တစ်ဖက်နဲ့တစ်ဖက် တိုက်ပွဲတွေမဖြစ်အောင် ဒါတွေကို ကျွန်တော်တို့က သက်ဆိုင်ရာကော်မတီအလိုက် စေ့စပ်ညှိနှိုင်းတဲ့ပုံစံနဲ့ ညှိနှိုင်းဖြေရှင်းသွားတာဖြစ်ပါတယ်။ ဒါဟာလည်း ကျွန်တော်တို့က NCA ဆိုတဲ့ စေ့စပ်ညှိနှိုင်းရေး Process တစ်ခုကို ဆောင်ရွက်လိုက်တဲ့အတွက် ဒီပေါ်မှာ တစ်ခုခုဖြစ်တဲ့ဆိုရင် ဒီ Structure ပေါ်မှာပဲ အမြဲတမ်း စေ့စပ်ညှိနှိုင်းဆွေးနွေးခြင်းအားဖြင့် ကျွန်တော်တို့ရဲ့ ထိတွေ့တိုက်ခိုက်မှုတွေကို လျှော့ချနိုင်မှာဖြစ်ပါတယ်” ဟု ဒုတိယဗိုလ်ချုပ်ကြီးရာပြည့်က ပြောကြားသည်။

(၁၃) ကြိမ်မြောက် JMC-U အစည်းအဝေးတွင် ၂၀၁၈-၂၀၁၉ ဘတ်ဂျက်အတွက် ရန်ပုံငွေထောက်ပံ့သည့် အလှူရှင်အဖွဲ့အစည်းများနှင့် ညှိနှိုင်းဆွေးနွေးဆောင်ရွက်ခဲ့ပြီး ယင်းအဖွဲ့တစ်ဖွဲ့ချင်းစီအတွက် အားနည်းချက်၊ အားသာချက်များတင်ပြခြင်း၊ TSC ၀န်ထမ်းများတွင် လုပ်ငန်းခွင် စည်းမျဉ်းစည်းကမ်းများ ရေးဆွဲခြင်း၊ JMC-TSC ဌာနအလိုက် လုပ်ငန်းတာဝန်များနှင့် ၀န်ထမ်းတစ်ဦးချင်းစီ၏ တာဝန်ဝတ္တရားများတင်ပြခြင်း၊ ပြည်သူလူထု တွေ့ဆုံပွဲများအား JMC ရုံးစိုက်ရာမြို့များတွင် ပြုလုပ်ရန်တင်ပြခြင်း၊ မိုင်းရှင်းလင်းရေး (Demining) ကိစ္စရပ်တင်ပြခြင်း၊ JMC ၏ (၁၂) ကြိမ်မြောက်နှင့် (၁၃) ကြိမ်မြောက် အစည်းအဝေးကြားကာလအတွင်း ပစ်ခတ်တိုက်ခိုက်မှုရပ်စဲရေးဆိုင်ရာ အကောင်အထည်ဖော်မှုများအား ဆွေးနွေးခြင်းတို့ ပြုလုပ်မည်ဖြစ်သည်။

ဘင်္ဂါလီဒုက္ခသည်အရေးနှင့် ပတ်သက်၍ မြန်မာနှင့် ဘင်္ဂလားဒေ့ရ်ှနှစ်နိုင်ငံကြား ပူးပေါင်းလုပ်ဆောင်မှုများ အောင်မြင်ရန် ဥရောပသမဂ္ဂ ကူညီပံ့ပိုးမည်

ဥရောပသမဂ္ဂ အီးယူအနေဖြင့် ရခိုင်ပြည်နယ်မှ ထွက်ပြေးလာသည့် ဘင်္ဂါလီဒုက္ခသည်များအရေးနှင့် ပတ်သက်၍ မြန်မာနှင့် ဘင်္ဂလားဒေ့ရှ် နှစ်နိုင်ငံကြား ပူးပေါင်းလုပ်ဆောင်မှုများ အောင်မြင်ရန် ကူညီပံ့ပိုးပေးသွားမည်ဟု ဥရောပသမဂ္ဂ အဆင့်မြင့်ကိုယ်စားလှယ်၊ ဥရောပကော်မရှင်၏ ဒုတိယဥက္ကဋ္ဌ Federica Mogherini က ပြောကြားသည်။

နိုဝင်ဘာ ၂၀ ရက်ကပြုလုပ်ခဲ့သည့် (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးသို့ တက်ရောက်လာသည့် ဥရောပကော်မရှင်ဒုတိယဥက္ကဋ္ဌ Federica Mogherini က သတင်းထောက်များနှင့် တွေ့ဆုံရာတွင် ထည့်သွင်းပြောကြားခဲ့ခြင်းဖြစ်သည်။

ဥရောပကော်မရှင်ဒုတိယဥက္ကဋ္ဌ Federica Mogherini က ၎င်းအနေဖြင့် အေဆမ်အစည်းအဝေးမစတင်မီအချိန်၌ နိုင်ငံတော်၏ အတိုင်ပင်ခံပုဂ္ဂိုလ်နှင့် အလွတ်သဘော တွေ့ဆုံဆွေးနွေးမှုတစ်ခု ပြုလုပ်ခဲ့ကြောင်း၊ ဒုက္ခသည်များကို ပြန်လည်လက်ခံရန် မြန်မာနှင့် ဘင်္ဂလားဒေ့ရ်ှနှစ်နိုင်ငံကြား နားလည်မှုစာချွန်လွှာ လက်မှတ်ရေးထိုးနိုင်ခဲ့ခြင်းသည် ဒုက္ခသည်ပြဿနာများကိုဖြေရှင်းရန် အရေးကြီးသည့် ပထမအဆင့်လုပ်ငန်းစဉ်ဖြစ်ကြောင်း ပြောကြားသည်။

“နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစောပိုင်းဆွေးနွေးမှုမှာ ရခိုင်ပြည်နယ်အတွင်း ဖြစ်ပွားနေတဲ့ကိစ္စတွေကို မေးမြန်းခဲ့ပါတယ်။ မနေ့က ဘင်္ဂလားဒေ့ရ်ှနိုင်ငံဝန်ကြီးချုပ် ရှိတ်ဟာဆီနာနဲ့ တွေ့ဆုံခဲ့ပြီး ဘင်္ဂလားဒေ့ရ်ှဘက်မှာရှိတဲ့ ဒုက္ခသည်စခန်းတချို့ကိုလည်း သွားရောက်ခဲ့ပါတယ်။ ဒုက္ခသည်တွေကို ပြန်လည်လက်ခံဖို့ မြန်မာနဲ့ ဘင်္ဂလားဒေ့ရ်ှနှစ်နိုင်ငံ နားလည်မှုစာချွန်လွှာ လက်မှတ်ရေးထိုးနိုင်ခဲ့တာဟာ ဒုက္ခသည်ပြဿနာတွေကိုဖြေရှင်းဖို့ အရေးကြီးတဲ့ ပထမအဆင့်လုပ်ငန်းစဉ်ဖြစ်ပါတယ်။ အီးယူအနေနဲ့ မြန်မာနဲ့ ဘင်္ဂလားဒေ့ရှ် နှစ်နိုင်ငံကြား ပူးပေါင်းလုပ်ဆောင်မှုတွေ အောင်မြင်အောင် ကူညီပံ့ပိုးပေးသွားမှာဖြစ်ပါတယ်။ ရခိုင်ပြည်နယ်အတွင်း အကြမ်းဖက်မှုတွေ ရပ်တန့်ဖို့နဲ့ ဒုက္ခသည်စီးဆင်းမှုတွေကို ရပ်တန့်ဖို့ လုပ်ဆောင်ခြင်းတွေဟာ အခုလက်ရှိဖြစ်ပေါ်နေတဲ့ ပြဿနာတွေကိုဖြေရှင်းဖို့ သင့်တော်တဲ့ လုပ်ဆောင်မှုတွေဆိုတာ ကျွန်မတို့ ယုံကြည်ပါတယ်။ အခုကိစ္စတွေကို အခုမနက်ပိုင်း ကနဦး အလွတ်သဘောဆွေးနွေးမှုအတွင်းမှာလည်း ထည့်သွင်းပြောကြားခဲ့ပါတယ်” ဟု Federica Mogherini က ပြောကြားသည်။

ဆက်လက်၍ ဥရောပကော်မရှင် ဒုတိယဥက္ကဋ္ဌ Federica Mogherini က အီးယူသည် မြန်မာနိုင်ငံ၏ ဒီမိုကရေစီကူးပြောင်းရေးလုပ်ငန်းစဉ်ကို ခိုင်မာစွာ ကူညီထောက်ပံ့ပေးခဲ့ပြီး ဒေါ်အောင်ဆန်းစုကြည် ရှေ့ဆက်လုပ်ဆောင်နေသည့် လုပ်ငန်းစဉ်များကိုလည်း ဆက်လက်ကူညီအားပေးသွားမည်ဖြစ်ကြောင်း ပြောကြားသည်။

နိုင်ငံခြားရေးနှင့် လုံခြုံရေးရာမူဝါဒဆိုင်ရာ အီးယူအဆင့်မြင့်ကိုယ်စားလှယ်၊ ဥရောပကော်မရှင်၏ ဒုတိယဥက္ကဋ္ဌလည်းဖြစ်သူ Federica Mogherini သည် နေပြည်တော်ရှိ MICC 1 တွင် ကျင်းပနေသည့် (၁၃) ကြိမ်မြောက် အာရှ-ဥရောပနိုင်ငံခြားရေးဝန်ကြီးများ အစည်းအဝေး (ASEM) ၌ ဥရောပသံကိုယ်စားလှယ်အဖွဲ့အား ဦးဆောင်၍ တက်ရောက်နေခြင်းဖြစ်သည်။

အာရှ-ဥရောပဆွေးနွေးပွဲ (အေဆမ်) ကို အာရှနှင့် ဥရောပဒေသရှိနိုင်ငံများအကြား နှစ်ဖက်အကျိုးတူကိစ္စရပ်များတွင် ညှိနှိုင်းဆွေးနွေး ပူးပေါင်းဆောင်ရွက်နိုင်ရန် ၁၉၉၆ ခုနှစ်မှ စတင်ကျင်းပလာခဲ့သည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး မြန်မာနိုင်ငံမှ ပထမဆုံးအဖြစ် နေပြည်တော်ရှိ MICC 1 တွင်လက်ခံကျင်းပ

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး နေပြည်တော် MICC 1 တွင်ကျင်းပစဉ် (ဓာတ်ပုံ-နေရိုင်း)

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးကို မြန်မာနိုင်ငံမှ ပထမဆုံးအကြိမ်အဖြစ် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန MICC 1 တွင် လက်ခံကျင်းပနေသည်။

နိုဝင်ဘာ ၂၀ ရက်နံနက်ပိုင်းတွင် (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး ဖွင့်ပွဲအခမ်းအနားကို MICC 1 တွင်ကျင်းပခဲ့ရာ နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်နှင့် အေဆမ်အဖွဲ့ဝင်နိုင်ငံများမှ နိုင်ငံခြားရေးဝန်ကြီးများ၊ ကိုယ်စားလှယ်အဖွဲ့ခေါင်းဆောင်များ တက်ရောက်ကြပြီး စုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။

ယင်းနောက် အေဆမ်နိုင်ငံခြားရေးဝန်ကြီးများ အစည်းအဝေးဖွင့်ပွဲအခမ်းအနားကို ဆက်လက်ကျင်းပရာ နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်က အဖွင့်အမှာစကားပြောကြားခဲ့သည်။

ဆက်လက်၍ အေဆမ်အဖွဲ့၏ ညှိနှိုင်းရေးမှူးများဖြစ်ကြသည့် အာဆီယံအဖွဲ့အတွက် ညှိနှိုင်းရေးမှူးဖြစ်သူ ဖိလစ်ပိုင်နိုင်ငံ နိုင်ငံခြားရေးဝန်ကြီးဌာနမှ Under Secretary ဖြစ်သူ H.E.Mr.Jose Luis G.Montales၊ အရှေ့မြောက်နှင့်တောင်အာရှအဖွဲ့ (နီဆာ) အတွက် ညှိနှိုင်းရေးမှူးဖြစ်သူ ပါကစ္စတန်နိုင်ငံ နိုင်ငံခြားရေးဝန်ကြီးဌာနမှ Additional Secretary (Asia Pacific) ဖြစ်သူ H.E.Mr. Imtiaz Ahmand၊ ဥရောပဘက်မှ ညှိနှိုင်းရေးမှူးများဖြစ်ကြသည့် ဥရောပပြည်ပဆက်ဆံရေးဌာန (European External Action Service-EEAS) မှ High Representative of European Union/Vice President of European Commission ဖြစ်သူ Mrs. Federica Mo-gherini နှင့် အက်စ်တိုးနီးယားနိုင်ငံ နိုင်ငံခြားရေးဝန်ကြီး H.E.Mr.Sven Mikser တို့က အဖွင့်အမှာစကားများ အသီးသီးပြောကြားခဲ့သည်။

ယင်းနောက် ASEF Model ASEM မှ လူငယ်ကိုယ်စားလှယ်နှစ်ဦးတို့မှ ASEM နှင့်ပတ်သက်၍ ၎င်းတို့၏အမြင်များအား တင်ပြခဲ့သည်။

နိုဝင်ဘာ ၂၀ ရက်ကပြုလုပ်သည့် (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ၏ မျက်နှာစုံညီအစည်းအဝေးများအား နံနက်ပိုင်းတွင် “Synergizing Peace and Sustainable Development” ခေါင်းစဉ်ဖြင့်လည်းကောင်း၊ မွန်းလွဲပိုင်းတွင် “3rd Decade of ASEM: Making ASEM Partnership more Dynamic and Connected” ခေါင်းစဉ်များဖြင့်လည်းကောင်း ဆွေးနွေးခဲ့ပြီး နိုဝင်ဘာ ၂၁ ရက်တွင် ဆက်လက်ကျင်းပသွားမည်ဖြစ်ကြောင်း သိရသည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးသို့ ဥရောပသမဂ္ဂအဖွဲ့ဝင် ၂၈ နိုင်ငံ၊ ဥရောပသမဂ္ဂအဖွဲ့ဝင်မဟုတ်သည့် နိုင်ငံနှစ်နိုင်ငံ၊ အာဆီယံအဖွဲ့ဝင် ၁၀ နိုင်ငံ၊ အရှေ့မြောက်နှင့် တောင်အာရှအုပ်စုဝင် ၁၁ နိုင်ငံ စုစုပေါင်းအဖွဲ့ဝင် ၅၁ နိုင်ငံနှင့် ဒေသဆိုင်ရာအဖွဲ့အစည်းများဖြစ်သည့် အာဆီယံအတွင်းရေးမှူးချုပ်ရုံးနှင့် ဥရောပကော်မရှင်တို့မှ နိုင်ငံခြားရေးဝန်ကြီးများ၊ ဒုတိယ၀န်ကြီးများ၊ အဆင့်မြင့်အရာရှိကြီးများ ဦးဆောင်သည့် ကိုယ်စားလှယ်အဖွဲ့ဝင်များ ပါဝင်တက်ရောက်လျက်ရှိကြောင်း သိရသည်။

အေဆမ်အဖွဲ့ဝင်နိုင်ငံများသည် ထိပ်သီးအစည်းအဝေးနှင့် နိုင်ငံခြားရေးဝန်ကြီးများ အစည်းအဝေးတို့ကို ဒေသအလိုက်အလှည့်ကျ အိမ်ရှင်နိုင်ငံအဖြစ် လက်ခံကျင်းပရသည်။ (၁၂) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးကို လူဇင်ဘတ်နိုင်ငံ၌ ၂၀၁၅ ခုနှစ်တွင် ကျင်းပခဲ့သည်။