အမှုထမ်းများအတွက် ရာခိုင်နှုန်း ၂၀ နှင့် အရာထမ်းများအတွက် ၁၀ ရာခိုင်နှုန်း ၀န်ထမ်းလစာတိုးမြှင့်မှု ယခုဧပြီလမှစ၍ တိုးမြှင့်ပေးနိုင်ရေး တွက်ချက်ရန် စီမံ/ဘဏ္ဍာသို့ အစိုးရအဖွဲ့ ညွှန်ကြား

အမှုထမ်းများအတွက် ရာခိုင်နှုန်း ၂၀ နှင့် အရာထမ်းများအတွက် ၁၀ ရာခိုင်နှုန်းအထိ တိုးမြှင့်ပေးမည့် ၀န်ထမ်းလစာတိုးမြှင့်မှုကို ယခုဧပြီလမှစတင်ပြီး တိုးမြှင့်ပေးနိုင်ရန် တွက်ချက်စီစဉ်ထားကြောင်း စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်နှင့် နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ဧပြီ ၁၉ ရက်တွင် ပြောကြားသည်။

ဧပြီ ၁၇ ရက်တွင် ပြောကြားခဲ့သည့် နှစ်သစ်မိန့်ခွန်းတွင် ၀န်ထမ်းများ လစာတိုးမြှင့်မည်ဖြစ်ကြောင်း နိုင်ငံတော်သမ္မတ ဦးဝင်းမြင့်က “အလုပ်သမားတစ်ဦးရဲ့ တစ်နေ့အတွက် အနည်းဆုံးအခကြေးငွေ ကျပ် ၄၈၀၀ နှုန်းနဲ့ လိုက်လျောညီထွေဖြစ်စေရန် အမှုထမ်းလစာများအားလုံးကို ရာခိုင်နှုန်း ၂၀ တိုးမြှင့်ပေးပြီး အရာထမ်းလစာများကို ၁၀ ရာခိုင်နှုန်း တိုးမြှင့်ပေးနိုင်ရန် ပြည်ထောင်စုအစိုးရအဖွဲ့အနေနဲ့ စီစဉ်တွက်ချက်ပြီးဖြစ်ပါတယ်။ ယင်းတွက်ချက်မှုအရ အမှုထမ်းတစ်ဦးရဲ့ အနည်းဆုံးလစာမှာ ကျပ် ၁၂၀၀၀၀ မှ ကျပ် ၁၄၄၀၀၀ အထိ တိုးမြှင့်သွားမှာဖြစ်ပြီး အရာထမ်းတစ်ဦးရဲ့ အများဆုံးလစာမှာ ကျပ် ၅၀၀၀၀၀ မှ ကျပ် ၅၅၀၀၀၀ သို့ တိုးမြှင့်သွားမှာဖြစ်ပါတယ်။ နိုင်ငံတော်အစိုးရက ၀န်ထမ်းတွေအတွက် ယခုလိုစီမံဆောင်ရွက်ပေးမှုကို တုံ့ပြန်သောအားဖြင့် နိုင်ငံတော်ပြုပြင်ပြောင်းလဲရေး လုပ်ငန်းစဉ်များတွင် ၀န်ထမ်းတွေကလည်း တာဝန်ယူမှုဖြင့် ပူးပေါင်းဆောင်ရွက်ကြရန် သတိပြုစေလိုပါတယ်” ဟု ထည့်သွင်းပြောကြားခဲ့နောက် ယခုဧပြီလမှစ၍ ၀န်ထမ်းလစာတိုးမြှင့်ပေးနိုင်ရေး ၀န်ကြီးဌာနများသို့ ညွှန်ကြားတွက်ချက်စေရန် စီမံကိန်းနှင့်ဘဏ္ဍာရေး ၀န်ကြီးဌာနသို့ ညွှန်ကြားထားကြောင်း ဦးဇော်ဌေးက ပြောကြားသည်။

“ကျွန်တော်တို့က ဒီခြောက်လဘတ်ဂျက်အစ ဧပြီလကုန်ကနေ ပေးချင်တယ်၊ စီမံ/ဘဏ္ဍာကို ဘယ်လိုပေးလို့ရမယ်ဆိုတာကို တွက်ခိုင်းထားတယ်။ အခုဝန်ကြီးဌာနတွေ အားလုံးကနေ လစာတိုးမြှင့်မယ့်ဟာကို ပြန်ပြီးတော့ တင်ခိုင်းထားတယ်။ ပေးနိုင်ဖို့ရည်မှန်းပြီးတော့၊ ပေးနိုင်ဖို့လုပ်ဖို့ စီမံ/ဘဏ္ဍာကို ပြောတယ်။ စီမံ/ဘဏ္ဍာက ၀န်ကြီးဌာနတွေနဲ့ အင်အားစုတွေနဲ့ ပြန်တွက်နေတယ်” ဟု ဦးဇော်ဌေးက ပြောကြားသည်။

လက်ရှိတွင် လစာတိုးမြှင့်မည့် တရားဝင်ညွှန်ကြားစာမှာ ၀န်ကြီးဌာနများသို့ စတင်ရောက်ရှိနေပြီဖြစ်ကြောင်း သတင်းများပျံ့နှံ့နေပြီး ထိုသို့ ပျံ့နှံ့နေမှုမှာ ၀န်ထမ်းလစာကို ဧပြီလအတွင်းပေးနိုင်ရန် ၀န်ထမ်းအင်အား၊ လစာနှင့် နှုန်းထားများကို တွက်ခိုင်းခြင်းသာဖြစ်နိုင်ပြီး စီမံကိန်းနှင့် ဘဏ္ဍာရေးဝန်ကြီးဌာနသို့ သေချာစွာမေးမြန်းစေလိုကြောင်း ဦးဇော်ဌေးက ပြောကြားသည်။

“ဘယ်တော့ပေးနိုင်မလဲဆိုတာတော့ ကျွန်တော်တို့မသိဘူး။ ကျွန်တော်တို့ စီမံ/ဘဏ္ဍာအနေနဲ့တော့ တိုးမြှင့်တဲ့လစာတွေအပေါ်မှာ ၀န်ကြီးဌာနတွေက ဘယ်လောက်လစာလိုမှာလဲပေါ့လေ။ ဘယ်လောက်ဘတ်ဂျတ်ထပ်ပြီး ထည့်ပေးရမလဲဆိုတာကို သက်ဆိုင်ရာဝန်ကြီးဌာနတွေ အကုန်လုံးကိုစာထုတ်ပြီး တောင်းထားတယ်။ လစာတိုးပေးဖို့ ဘတ်ဂျက်တွက်ချက်တာပဲ ရှိသေးတယ်” ဟု စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်က ဧပြီ ၁၉ ရက်တွင် ပြောကြားသည်။

အနည်းဆုံးအခကြေးငွေအဖြစ် တစ်နေ့လျှင် ကျပ် ၃၆၀၀ မှ ကျပ် ၄၈၀၀ သို့ တိုးမြှင့်ပေးရန် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီက မတ် ၅ ရက်တွင် ရွေးချယ်ဆုံးဖြတ်ခဲ့ပြီး အတည်ပြုပေးရန် ပြည်ထောင်စုအစိုးရအဖွဲ့ထံ တင်ပြထားချိန်တွင် နိုင်ငံတော်သမ္မတ ဦးဝင်းမြင့်က အနည်းဆုံးအခကြေးငွေ ကျပ် ၄၈၀၀ နှုန်းနှင့် လိုက်လျောညီထွေဖြစ်စေရန် ၀န်ထမ်းလစာ တိုးမြှင့်ပေးမည်ဟု ပြောကြားခဲ့ခြင်းကြောင့် အနည်းဆုံးအခကြေးငွေကို ကျပ် ၄၈၀၀ သတ်မှတ်ရန် သေချာနေသော်လည်း ပြည်ထောင်စုအစိုးရအဖွဲ့က အတည်ပြုမှသာ စတင်အသက်ဝင်မည်ဖြစ်သည်။

“တိုးမယ်လို့ ပြောတယ်။ လစာတွက်ပြီး အမီတင်ခိုင်းနေတယ်” ဟု ၀န်ကြီးဌာနတစ်ခုမှ ညွှန်ကြားရေးမှူုးတစ်ဦးက လစာတွက်ချက်တင်ပြရန် ညွှန်ကြားစာရောက်ရှိလာပြီး သိရှိရသည့် အခြေအနေအပေါ် ပြောဆိုသည်။
မြန်မာနိုင်ငံတွင် ၀န်ထမ်းလစာတိုးမြှင့်မှု၊ ရှားပါးစရိတ်နှင့် ထောက်ပံ့ကြေးပေးမှုများအဖြစ် လွတ်လပ်ရေးရပြီးစ ၁၉၈၄ ခုနှစ်မှ ၂၀၁၄ ခုနှစ်အထိ ၁၃ ကြိမ်တိုးမြှင့်ပေးခဲ့ပြီး ပြည်ထောင်စုအစိုးရအဖွဲ့ အစည်းအဝေး အမှတ်စဉ် ၇/၂၀၁၅ ဆုံးဖြတ်ချက်အရ နိုင်ငံ့ဝန်ထမ်းများ၏ လစာကိုအနည်းဆုံး ကျပ် ၁၂၀၀၀၀ မှ အများဆုံးကျပ် ငါးသိန်းအထိ တိုးမြှင့်ပေးခဲ့ကြောင်း သိရသည်။

ဘင်္ဂလားဒေ့ရ်ှနိုင်ငံဘက်သို့ ရောက်ရှိနေပြီး မြန်မာနိုင်ငံ၌နေခဲ့ကြောင်း အထောက်အထားရှိသူမှန်သမျှ နှစ်နိုင်ငံသဘောတူညီစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီး ရှင်းလင်း

ရန်ကုန်မြို့၌ ဧပြီ ၁၉ ရက်က ပြည်ထောင်စုဝန်ကြီး ဒေါက်တာဝင်းမြတ်အေး ဦးဆောင်သော ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံသို့ သွားရောက်ခဲ့သည့် ခရီးစဉ်နှင့်ပတ်သက်၍ မီဒီယာများအား ရှင်းလင်းပြောကြားနေစဉ်

ဘင်္ဂလားဒေ့ရ်ှနိုင်ငံဘက်သို့ ရောက်ရှိနေပြီး မြန်မာနိုင်ငံ၌နေခဲ့ကြောင်း အထောက်အထားရှိသူမှန်သမျှကို နှစ်နိုင်ငံသဘောတူညီစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီးများက ရှင်းလင်းပြောကြားသည်။

ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ ဧပြီ ၁၉ ရက်ကပြုလုပ်သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး ခေါင်းဆောင်သော မြန်မာကိုယ်စားလှယ်အဖွဲ့ ဧပြီ ၁၁ ရက်မှ ၁၃ ရက်အထိ ဘင်္ဂလားဒေ့ရ်ှနိုင်ငံ ကော့ခ်ဘဇားနှင့် ဒါကာသို့ သွားရောက်ခဲ့သည့် ခရီးစဉ်နှင့်ပတ်သက်၍ သတင်းစာရှင်းလင်းပွဲတွင် ပြည်ထောင်စုဝန်ကြီးများက အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။

“ကျွန်တော်တို့ အမြန်ဆုံးပြန်လည်လက်ခံဖို့ ကျွန်တော်တို့မှာ ဆန္ဒရှိတယ်။ ဒီမှာနေခဲ့ဖူးတဲ့ လူမှန်သမျှကိုလည်း ဦးရေသတ်မှတ်ချက် မဟုတ်ဘဲနဲ့ ကျွန်တော်တို့သတ်မှတ် နှစ်နိုင်ငံသဘောတူစာချုပ်ထဲမှာပါတဲ့အတိုင်း ကျွန်တော်တို့ ချက်ချင်းပြန်လက်ခံချင်တဲ့ ဆန္ဒရှိတယ်။ ဒီရာသီဥတုကလည်း မုတ်သုံရာသီကလည်း ၀င်တော့မယ်။ ဒါကြောင့် ကျွန်တော်တို့ အဲဒီဘက်ကိုသွားတယ်။ သွားတယ်ဆိုတာ ဘာလဲဆိုတော့ ပြန်လည်လက်ခံဖို့ နှောင့်နှေးနေတဲ့အတွက်ကြောင့် နှောင့်နှေးနေတဲ့အချက်တွေ ဘာတွေရှိလဲ။ ဘာကြောင့်နှောင့်နှေးရလဲဆိုတာကို သိအောင်လို့ ကိုယ်တိုင်သွားတာဖြစ်ပါတယ်။ သွားတဲ့အခါကျတော့ အခုပြောတဲ့အတိုင်းပဲ တကယ်ပဲနှောင့်နှေးကြောင်းက ပုံစံတွေကို သူတို့ ပုံစံတကျ ဖြည့်ထားတာမရှိဘူး။ ဖြည့်ပြီးတော့ ပို့တဲ့ပုံစံတွေကလည်း ပုံစံမကျလို့ ကျွန်တော်တို့မှာစစ်ဆေးရတာ ခက်တယ်။ ဒါကြောင့် ကြန့်ကြာတယ်။ ဆိုတော့ အဖြေကထွက်ခဲ့ပါတယ်” ဟု ဒေါက်တာဝင်းမြတ်အေးက ရှင်းလင်းပြောကြားသည်။

“ကျွန်တော်တို့မှာ ပုံစံရှိပါတယ်။ ဘယ်သူရယ်၊ ဘယ်ဝါရယ်ဆိုပြီးတော့ လက်ခံတာ မဟုတ်ပါဘူး။ အဲဒီပုံစံမှာ သူကြိုက်တာသူဖြည့်။ ကျွန်တော်တို့က သဘောတူထားတာက ဘာကိုသဘောတူထားလဲဆိုတဲ့ အခါကျတော့ ဒီနိုင်ငံမှာ နေခဲ့ဖူးတဲ့လူ ဖြစ်ရမယ်။ ဒီနိုင်ငံသားဖြစ်စရာမလိုဘူး။ ဒီနိုင်ငံမှာ နေခဲ့ဖူးတဲ့ အထောက်အထားရှိတယ်ဆိုရင် အဲဒီလူအနေနဲ့ လက်ခံမှာပဲ။ ကျွန်တော်တို့ အနေနဲ့အခုနတုန်းက ဘင်္ဂါလီလို့ခေါ်တာ။ ရိုဟင်ဂျာလို့ ခေါ်တာဆိုတဲ့ဟာက စိတ်ဝမ်းကွဲစေတဲ့ကိစ္စကြောင့်မို့လို့ ကျွန်တော်တို့ နိုင်ငံတော်အတိုင်ပင်ခံက အဲဒီမှာရှိတဲ့ လူတွေအားလုံးကို ရခိုင်ပြည်မှာရှိတဲ့ မွတ်စလင် Community ကလူတွေလို့ သတ်မှတ်ထားတယ်” ဟု နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

ထို့ပြင် သတင်းစာရှင်းလင်းပွဲ၌ နှစ်နိုင်ငံ သဘောတူညီချက်အရ ပြန်လာလိုသူများအနေဖြင့် ဖြည့်သွင်းရမည့် သတ်မှတ်ပုံစံကွဲလွဲနေခြင်းများနှင့် ပတ်သက်၍ ၀န်ကြီး ဒေါက်တာဝင်းမြတ်အေးက နှစ်ဦးနှစ်ဖက်ဆွေးနွေး သဘေားထားသည့်ပုံစံ Hard Copy Soft Copy များ ဘင်္ဂလားဒေ့ရ်ှဘက်သို့ ပေးလိုက်သော်လည်း ၎င်းတို့ပြန်ပို့လိုက်သည့် ပုံစံသည် လုံးဝမတူသည့်ပုံစံဖြစ်နေကြောင်း ပြောကြားသည်။

“အဓိက ကတော့ ဘာတွေမပါဘူးလဲဆိုတော့ ဓာတ်ပုံမပါဘူး။ လက်မှတ်မပါဘူး။ လက်မှတ်ပါဖို့က ဘာလို့အရေးကြီးသလဲဆိုတော့ လက်မှတ်ထိုးတဲ့အခါကျမှ သူတို့တွေဟာ နယ်စပ်ဖြတ်ကျော်လာတဲ့သူတွေဆိုတာကို စိစစ်လို့ရမယ်။ လက်ဗွေမပါဘူး။ ဓာတ်ပုံတို့မပါဘူး။ အဲဒါတွေပါတယ်ဆိုရင် ကျွန်တော်တို့ဆီမှာ မှတ်တမ်းတွေယူထားတာရှိတယ်။ အဲဒါတွေနဲ့ ယှဉ်ကြည့်လိုက်ရင် အကုန်လုံးထွက်လာစရာရှိတယ်။ အဲဒီတော့ မြန်မာဘက်က ဘာမှထပ်ပို့စရာမလိုဘူး” ဟု ဒေါက်တာဝင်းမြတ်အေးက ပြောကြားသည်။

ထိုသို့ ဘင်္ဂလားဒေ့ရ်ှဘက်မှ ပြန်ပို့သည့်ပုံစံများသည် သတ်မှတ်ထားသောပုံစံများ မဟုတ်ကြောင်းကို ဘင်္ဂလားဒေ့ရ်ှနိုင်ငံခြားရေးဝန်ကြီး သိရှိသွားသည့်အတွက် နှစ်ဖက်သဘောတူထားသည့်ပုံစံအတိုင်း ပြန်ပို့နိုင်ရန်အတွက် ဘင်္ဂလားဒေ့ရ်ှဝန်ကြီးက ၎င်းတို့ဘက်တွင် မှာကြားမှုများ ပြုလုပ်ပြီးဖြစ်ကြောင်းနှင့် မြန်မာဘက်သို့လည်း အမြန်ဆုံးပြန်ပို့မည်ဟု ပြောဆိုကြောင်း ဒေါက်တာဝင်းမြတ်အေးက ပြောကြားသည်။

ကရင်ပြည်နယ် ဖာပွန်ခရိုင်အတွင်း လမ်းဖောက်လုပ်ခြင်းနှင့် ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တောင်ပိုင်းတိုင်းစစ်ဌာနချုပ်နှင့် KNU တပ်မဟာ (၅) အကြား အပြန်အလှန်ကန့်ကွက်

ကရင်ပြည်နယ်ဖာပွန်ခရိုင်အတွင်း လမ်းဖောက်လုပ်ခြင်းနှင့်ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တပ်မတော်လက်အောက်ခံ တောင်ပိုင်းတိုင်းစစ်ဌာချုပ်နှင့် NCA ရေးထိုးထားသည့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) အကြား အပြန်အလှန် ကန့်ကွက်စာများ ပေးပို့ထားကြောင်း သတင်းရရှိသည်။

တောင်ပိုင်းတိုင်းစစ်ဌာချုပ်တိုင်းမှူး၏ ကန့်ကွက်စာအား ဧပြီ ၁၆ ရက်တွင် လက်ခံရရှိကြောင်း၊ ၎င်းကန့်ကွက်စာအရ စစ်သည်များအုပ်ချုပ်မှုကိစ္စ ဆောင်ရွက်ရန် ကားလမ်းအား ဖောက်လုပ်နေစဉ် တောင်ပိုင်းတိုင်း စစ်ဌာနချုပ်နယ်မြေအတွင်း နှောင့်ယှက်ပစ်ခတ်မှုများ ပြုလုပ်နေခြင်းဟု ဆက်ကာဆက်ကာ စွပ်စွဲကန့်ကွက်စာပေးပို့သည့်အပေါ် မိမိတို့ တပ်မဟာ (၅) သည် အပစ်အခတ်ရပ်စဲရေး အဓွန့်ရှည်တည်တံ့ခိုင်မာစေရန် KNU ၏ နိုင်ငံရေးဦးဆောင်မှုကိုခံယူကာ နှစ်ဖက်လေးစားလိုက်နာရမည့် ပစ်ခတ်တိုက်ခိုက်မှုရပ်စဲရေးဆိုင်ရာ စည်းမျဉ်းစည်းကမ်းများနှင့် စစ်ဘက်ဆိုင်ရာကျင့်ဝတ်များပါ ရည်ရွယ်ချက်အတိုင်း တစ်သဝေမတိမ်း ထိန်းသိမ်းဆုပ်ကိုင်ကာ အကောင်အထည်ဖော်လျက်ရှိကြောင်း KNLA တပ်မဟာ (၅) ၏ တပ်မဟာမှူး ဗိုလ်မှူးချုပ်စောမူဟဲက ဧပြီ ၁၉ ရက်တွင် တောင်ပိုင်းတိုင်းစစ်ဌာချုပ်တိုင်းမှူးထံ လိပ်မူ၍ ပြန်လည်ပေးပို့သည့် စာတွင်ဖော်ပြထားသည်။

ထို့ပြင် မြန်မာ့တပ်မတော်အနေဖြင့် NCA စာချုပ်ပါ အပစ်ရပ်နယ်မြေများတွင် တပ်ပိုင်းဆိုင်ရာ အုပ်ချုပ်မှုကိစ္စရပ်များကို ညှိနှိုင်းဆောင်ရွက်ရန်အချက်အား တစ်ဖက်သတ်ဆုံးဖြတ်ခြင်း၊ ကြိုတင်ညှိနှိုင်းသဘောတူညီမှုမရှိဘဲ အသိပေးရုံမျှဖြင့် ချက်ချင်းအကောင်အထည်ဖော်ကာ တစ်ဖက်သတ်ဆန္ဒအတိုင်း ထိပ်တိုက်ရင်ဆိုင်မှုအပြုအမူများကို သွယ်ဝိုက်နည်း၊ တိုက်ရိုက်နည်းစသည်ဖြင့် ချိုးဖောက်လျက်ရှိကြောင်း၊ ထို့သို့ ပြောဆိုရခြင်းအကြောင်းမှာ စာချုပ်ပါ ထိပ်တိုက်ရင်ဆိုင်မှုများကို ရှောင်ရှားနိုင်ရန် လက်နက်ကိုင်အဖွဲ့များ နေရာချထားခြင်းအရ တပ်ဖွဲ့ဝင်များ သတ်မှတ်နေရာတွင်သာထားရှိရန်နှင့် တပ်စခန်းအရေအတွက် ညှိနှိုင်းအကောင်အထည်ဖော်ဆောင်ရွက်ရန် အစရှိသည်တို့ကို ကနဦးကတည်းကပင် မိမိတို့ဘက်မှ တင်ပြထားသော်လည်း ယခုထိညှိနှိုင်းအကောင်အထည်ဖော်မှု မရှိသေးခြင်းကြောင့်ဖြစ်ကြောင်း တပ်မဟာ (၅) ၏ ကန့်ကွက်စာတွင် ပါရှိသည်။

ထို့အတူ မိမိအနေဖြင့် ယခုနှစ်အစောပိုင်းက ထိပ်တိုက်ရင်ဆိုင်မှု၏ နောက်ပိုင်း စစ်ရေးပဋိပက္ခများကို မြေပြင်စစ်ရေးအရ မဖြေရှင်းစေလိုဘဲ စားပွဲဝိုင်းနိုင်ငံရေးနည်းဖြင့်သာ ညှိနှိုင်းဖြေရှင်းရန် ညွှန်ကြားထားကြောင်း NCA စာချုပ်ပါ ကတိက၀တ်အတိုင်း ထိပ်တိုက်ရင်ဆိုင်မှုများမရှိစေရန်အတွက် အခါအားလျော်စွာ ကိုယ်စားလှယ်များစေလွှတ်ခဲ့ကြောင်း၊ ယခုနောက်ဆုံး မတ် ၂၈ ရက်တွင် ထိပ်တိုက်ရင်ဆိုင်မှုဖြစ်စဉ်အား ဆွေးနွေးညှိနှိုင်းဖြေရှင်းရန်အတွက် တပ်မဟာ (၅) ကိုယ်စားလှယ် ဗိုလ်မှူးစောကလယ်ဒိုနှင့် KNLA တာဝန်ရှိတပ်မှူးကြီးများ ပါဝင်ဖွဲ့စည်းထားသည့် စစ်ဘက်ဆိုင်ရာညှိနှိုင်းဆွေးနွေးရေးအဖွဲ့ (MANT-Military Affair Negotiation Team) အား စေလွှတ်ခဲ့သော်လည်း ပြဿနာများ ညှိနှိုင်းဖြေရှင်းနိုင်မှု တစ်စုံတစ်ရာမျှမရှိဘဲ တွေ့ဆုံဆွေးနွေးဖြေရှင်းမှုတွင် မိမိမပါ၍ရွှေ့ဆိုင်းလိုက်ရသည်ဟု တပ်မတော်ဘက်မှ အချိန်ဆွဲဆိုင်းငံ့ခြင်းဖြင့်သာ ပြန်လှည့်လာခဲ့ရကြောင်း၊ အခြားတစ်ဖက်တွင် တပ်မတော်၏ စစ်ရေးပြင်ဆင်မှုများကို တွေ့မြင်လာရကြောင်း အမှတ် (၅) တပ်မဟာမှူးက ပြန်ကြားစာတွင် ရေးသားထားသည်။

တပ်မဟာ (၅) အနေဖြင့် NCA စာချုပ်ပါမူအတိုင်း ငြိမ်းချမ်းရေးလုပ်ငန်းစဉ်နှင့် ရေရှည်တည်တံ့ခိုင်မြဲမည့် အပစ်အခတ်ရပ်စဲရေးအား ဆက်လက်အကောင်အထည် ဖော်ဆောင်သွားမည်ဖြစ်သကဲ့သို့ အခြားတစ်ဖက်တွင်လည်း အပစ်အခတ်ရပ်စဲရေး ကြားကာလအတွင်း တပ်မတော်၏ လိုအင်ဆန္ဒများကို ရပ်တန့်ပေးရန်နှင့် ညှိနှိုင်းအဖြေရှာ ဖြေရှင်းရန် တရားဝင်ရွေးချယ်ထားသည့် MANT အဖွဲ့နှင့် တွေ့ဆုံညှိနှိုင်းအဖြေရှာ မပြုလုပ်နိုင်ဘဲ ယခုကဲ့သို့ စွပ်စွဲကန့်ကွက်စာ တင်ပြလာသည့် ကိစ္စအပေါ် တပ်မတော် (၅) အနေဖြင့် ကန့်ကွက်ကြောင်း တောင်ပိုင်းတိုင်းစစ်ဌာနချုပ်သို့ ပြန်လည်ပေးပို့သည့် အကြောင်းကြားစာတွင် ဖော်ပြပါရှိသည်။

ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန်အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင်မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက်နက်ကိုင် အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း ၁၁ ကြိမ်ပြုလုပ်ခဲ့ပြီး လမ်းဖောက်လုပ်ရေး လုပ်ငန်းများအား ၂၀၁၈ ခုနှစ် မတ် ၄ ရက်မှစတင်၍ ဆောင်ရွက်ခဲ့ကြောင်း၊ လမ်းဖောက်လုပ်ရေးလုပ်ငန်းများအား ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင်အဖွဲ့အချို့က တက်မတော်အနေဖြင့် စစ်ဆင်ရေးများတွင် အသုံးပြုရန်ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက်လုပ်ရေး ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်မှုများ ပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့ထိ စစ်သည်မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှုရှစ်ကြိမ် (မိုင်း၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်း တပ်မတော်သတင်းမှန်ပြန်ကြားရေးအဖွဲ့က ဧပြီ ၁၀ ရက်တွင် သတင်းထုတ်ပြန်ထားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တွေ့ဆုံပြီး ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေးအပါအ၀င် ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေး ဆွေးနွေး

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ ဦးဆောင်သော နှစ်နိုင်ငံဆွေးနွေးပွဲ ကျင်းပနေစဉ် (Photo: AFP)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တွေ့ဆုံပြီး ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေးအပါအ၀င် ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေးဆွေးနွေးခဲ့ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

ဗီယက်နမ်ဆိုရှယ်လစ်သမ္မတနိုင်ငံ အစိုးရအဖွဲ့ရုံး၌ ကျင်းပသည့် နှစ်နိုင်ငံဆွေးနွေးပွဲသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တက်ရောက်ခဲ့ပြီး ဆွေးနွေးပွဲတွင် နှစ်နိုင်ငံ ခေါင်းဆောင်များသည် အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် သမ္မတဟိုချီမင်းလက်ထက်တွင် စတင်သန္ဓေတည်ခဲ့ပြီး နှစ်နိုင်ငံခေါင်းဆောင်များ အဆက်ဆက်နှင့် ပြည်သူများမှလက်ဆင့်ကမ်းခဲ့ကြသော မြန်မာ-ဗီယက်နမ် နှစ်နိုင်ငံအကြား ချစ်ကြည်ရင်းနှီးစွာ နေထိုင်ခဲ့ကြသည့်အစဉ်အလာနှင့် အတူတကွ ပူးပေါင်းဆောင်ရွက်မှုများကို လည်းကောင်း၊ ၂၀၁၇ ခုနှစ် သြဂုတ်လတွင် နှစ်နိုင်ငံဆက်ဆံရေးကို ဘက်စုံပူးပေါင်းဆောင်ရွက်ရေး မိတ်ဖက်ဆက်ဆံရေးအဆင့်သို့ တိုးမြှင့်နိုင်ခဲ့ခြင်းကိုလည်းကောင်း သုံးသပ်ပြောကြားခဲ့ပြီး နှစ်နိုင်ငံအကြား ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေး၊ ကမ္ဘာလှည့်ခရီးသွားလုပ်ငန်း၊ ပညာရေး စသည့်ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေးကိစ္စရပ်များကို ဆွေးနွေးခဲ့ကြောင်း သိရသည်။

ထို့ပြင် ယင်းအခမ်းအနားတွင် မြန်မာ- ဗီယက်နမ် နှစ်နိုင်ငံအကြား ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာများကိုလည်း လက်မှတ်ရေးထိုးခဲ့သည်။

လက်မှတ်ရေးထိုးပွဲတွင် နိုင်ငံတော်၏အတိုင်ပင်ခံပုဂ္ဂိုလ်နှင့် ဗီယက်နမ်နိုင်ငံဝန်ကြီးချုပ်တို့ ရှေ့မှောက်၌ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်နှင့် ဗီယက်နမ်နိုင်ငံ သတင်းအချက်အလက်နှင့် ဆက်သွယ်ရေးဝန်ကြီးဌာန ဒုတိယ၀န်ကြီး မစ္စတာဖန်းသမ်းတို့က နှစ်နိုင်ငံအကြား စာတိုက်၊ ဆက်သွယ်ရေး၊ သတင်းအချက်အလက်နှင့် နည်းပညာကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာကို လည်းကောင်း၊ ဗီယက်နမ်နိုင်ငံဆိုင်ရာ မြန်မာသံအမတ်ကြီး ဦးကျော်စိုးဝင်းနှင့် ဗီယက်နမ်နိုင်ငံ သတင်းအချက်အလက်နှင့် ဆက်သွယ်ရေးဝန်ကြီးဌာန ဒုတိယ၀န်ကြီး မစ္စတာဖန်းသမ်းတို့က နှစ်နိုင်ငံအကြား ပြန်ကြားရေးကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာကို လည်းကောင်း အပြန်အလှန် လက်မှတ်ရေးထိုးခဲ့ကြကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်နိုင်ငံသို့ ဧပြီ ၁၉ ရက် နံနက်ပိုင်းတွင် နေပြည်တော် အပြည်ပြည်ဆိုင်ရာလေဆိပ်မှ အထူးလေယာဉ်ဖြင့် သွားရောက်ခဲ့ခြင်းဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် မြန်မာကိုယ်စားလှယ်အဖွဲ့သည် ဒေသစံတော်ချိန် နံနက် ၁၀ နာရီ ၅ မိနစ်တွင် ဗီယက်နမ်နိုင်ငံ ဟနွိုင်းမြို့ Noi Bai နိုင်ငံတကာလေဆိပ်သို့ ရောက်ရှိခဲ့ကြောင်း သိရသည်။

ဗီယက်နမ်နိုင်ငံသို့ရောက်ရှိချိန်တွင် လေဆိပ်၌ နိုင်ငံတော်၏အတိုင်ပင်ခံပုဂ္ဂိုလ်နှင့်အဖွဲ့အား ဗီယက်နမ်နိုင်ငံ နိုင်ငံခြားရေးဝန်ကြီးဌာန ဒုတိယ၀န်ကြီး H.E.Mr.Dang Dinh Quy၊ မြန်မာနိုင်ငံဆိုင်ရာ ဗီယက်နမ်နိုင်ငံ သံအမတ်ကြီး H.E.Dr. Luan Thuy Duong၊ ဗီယက်နမ်နိုင်ငံဆိုင်ရာ မြန်မာသံအမတ်ကြီး ဦးကျော်စိုးဝင်းနှင့် တာဝန်ရှိသူများက ကြိုဆိုနှုတ်ဆက်ခဲ့ကြောင်း သိရသည်။

အဆိုပါခရီးစဉ်အတွင်း နိုင်ငံတော်၏အတိုင်ပင်ခံပုဂ္ဂိုလ်နှင့်အတူ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ သမ္မတရုံးဝန်ကြီးဌာန ဒုတိယ၀န်ကြီး ဦးမင်းသူ၊ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်နှင့် နိုင်ငံခြားရေးဝန်ကြီးဌာနမှ တာဝန်ရှိပုဂ္ဂိုလ်များ လိုက်ပါသွားကြောင်း နိုင်ငံတော်အတိုင်ပင်ခံရုံး၏ ထုတ်ပြန်ချက်အရ သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ဗီယက်နမ်နိုင်ငံခရီးစဉ်သည် ဧပြီ ၁၉ ရက်မှ ၂၀ ရက်ထိ နှစ်ရက်ကြာမြင့်မည်ဖြစ်ကြောင်း ဗီယက်နမ်အစိုးရ၏ တရားဝင် Twitter စာမျက်နှာတွင် ဖော်ပြထားချက်အရ သိရသည်။

မြန်မာနိုင်ငံသည် ဗီယက်နမ်နှင့် ၁၉၇၅ ခုနှစ်က သံတမန်ဆက်ဆံရေး စတင်ထူထောင်ခဲ့သော ပထမဆုံးအရှေ့တောင်အာရှနိုင်ငံဖြစ်ကြောင်း ဗီယက်နမ်သတင်းစာများတွင် ဖော်ပြထားချက်အရ သိရသည်။

ရှစ်လေးလုံး ပြည်သူ့ပါတီ မှတ်ပုံတင်လျှောက်ထားမှုကို လက်ခံကြောင်း ကော်မရှင်က အကြောင်းပြန်ပါက ဗဟိုအလုပ်အမှုဆောင် ရွေးချယ်ခြင်းအပါအ၀င် လုပ်ငန်းအဆင့်ဆင့် ဆောင်ရွက်ရန် သုံးလခန့်သာကြာမြင့်မည်ဟု မျှော်မှန်းထား

ရှစ်လေးလုံး ပြည်သူ့ပါတီ ဖြစ်မြောက်ရေးကော်မတီအနေဖြင့် ပါတီအတွက် အဆင်သင့်ဖြစ်နေပြီး ရွေးကောက်ပွဲကော်မရှင်က ပုံစံ (ခ) ဖြင့် ပါတီမှတ်ပုံတင်လျှောက်ထားမှုအား လက်ခံကြောင်းပြန်လာပါက ပါတီဗဟိုအလုပ်အမှုဆောင် ရွေးချယ်ခြင်းအပါအ၀င် ပါတီလုပ်ငန်းအဆင့်ဆင့်ကို ဆောင်ရွက်ရန် သုံးလခန့်သာ ကြာမြင့်မည်ဟု မျှော်မှန်းထားကြောင်း ပါတီဖြစ်မြောက်ရေးကော်မတီ ဦးဆောင်အဖွဲ့ဝင် ဦးရဲနိုင်အောင်က ပြောကြားသည်။

“ဌာနဆိုင်ရာတွေ စုံစမ်းစစ်ဆေးတာတွေ ပြီးသွားပြီ။ ကော်မရှင်အပိုင်းပဲ ကျန်တယ်။ ပထမအဆင့်အနေနဲ့ ကျွန်တော်တို့လျှောက်လွှာကို လက်ခံမခံဆုံးဖြတ်ရမယ်။ လက်ခံမယ်ဆိုရင် ပုံစံ (ခ) နဲ့ လက်ခံကြောင်း ပြန်ရမယ်။ လက်မခံဘူးဆိုရင် ပုံစံ (ဂ) နဲ့ လက်မခံဘူးလို့ ပြန်ရမယ်။ အဲဒီအဆင့်ကိုမလုပ်ခင်မှာ မတ် ၂၆ ရက်က ကျွန်တော်တို့ကိုခေါ်တွေ့တယ်။ ခေါ်တွေ့တာက မိသားစုပုံစံနဲ့ ဆွေးနွေးပြီးတော့ အဖုအထစ်ဖြစ်မှာဆိုးလို့ နာမည်ကို ပြောင်းပေးစေလိုတဲ့ သဘောမျိုးပါ။ ပြောင်းပေးပါလို့တော့ မတောင်းဆိုဘူး။ ကျွန်တော်တို့ကလည်း အရေးပေါ် စုံညီအစည်းအဝေးခေါ်ပြီးတော့ ကျွန်တော်တို့ဘက်က အပြုသဘော တုံ့ပြန်တဲ့အနေနဲ့ နာမည်ကို ရှစ်လေးလုံးပါတီကနေ ရှစ်လေးလုံး ပြည်သူ့ပါတီအဖြစ် ပြောင်းပေးခဲ့တယ်။ အခုကော်မရှင်က ဆုံးဖြတ်ရတော့မယ် ဧပြီ ၆ ရက်က တရားဝင်တင်တယ်ဆိုတော့ ကျွန်တော်ထင်ပါတယ်။ ဒီတစ်ပတ် (သို့) ရှေ့တစ်ပတ်ထဲမှာ သူတို့ ဆုံးဖြတ်ချက်ထွက်လာမှာပဲ။ လက်ခံတယ်ဆိုတာကို အကြောင်းပြန်မလား ငြင်းပယ်တယ်ဆိုတာကို အကြောင်းပြန်မလား။ ဒါတော့ မသိဘူးပေ့ါ။ သို့ပေမဲ့ ကျွန်တော်တို့ကတော့ ကျွန်တော်တို့ဘက်ကလည်း လိုက်လျောခဲ့တဲ့အတွက် ပုံစံ (ခ) နဲ့ အကြောင်းပြန်မယ်လို့ မျှော်လင့်တယ်။ ဒီလုပ်ငန်းစဉ်အဆင့်ဆင့်က အလွန်ဆုံးကြာ နှစ်လ၊ သုံးလလောက်ကြာမယ်လို့ ကျွန်တော်တို့မှန်းတယ်။ ကော်မရှင်လုပ်ငန်းစဉ်ကလည်း ရှိသေးတော့။ ကျွန်တော်တို့ဘက်က အဆင်သင့်ဖြစ်နေပြီ။ သူတို့ဘက်က လုပ်ငန်းစဉ်ပေါ်မူတည်ပြီး တစ်ဆင့်ချင်းလုပ်ရမှာတွေ လုပ်သွားမှာပါ” ဟု ဦးရဲနိုင်အောင်က ပြောကြားသည်။

ပုံစံ (ခ) ဖြင့် လက်ခံကြောင်း အကြောင်းပြန်လာပါက ပါတီ၏ ပထမခေါင်းဆောင်၊ ဒုတိယခေါင်းဆောင်၊ ပါတီဖွဲ့စည်းပုံ၊ အမှတ်တံဆိပ်၊ အလံ စသည်တို့ကို တင်ပြရမည်ဖြစ်ပြီး သတင်းစာတွင် ကန့်ကွက်ရန်ရှိ၊ မရှိ ထည့်သွင်းရမည်ဖြစ်ဖြစ်ကြောင်း၊ အဆိုပါအဆင့်တွင် ကန့်ကွက်မှုကို တခြားနိုင်ငံရေးပါတီကသာ ကန့်ကွက်နိုင်ပြီး ကန့်ကွက်ရာတွင်လည်း အမည်ဆင်တူယိုးမှား၊ အလံအမှတ်တံဆိပ် ဆင်တူယိုးမှား ဖြစ်နေခြင်းကိုသာ ကန့်ကွက်နိုင်ကြောင်းနှင့် ကန့်ကွက်မှုတွင်လည်း ပြဿနာတစ်စုံတစ်ရာမရှိပါက ပါတီဝင်အင်အားတစ်ထောင်၏ အမည်စာရင်းကို တင်ပြကာ ပါတီဗဟိုအလုပ်အမှုဆောင်ကော်မတီကို ရွေးချယ်တင်ပြရမည်ဖြစ်ကြောင်း သိရသည်။

ဦးကိုကိုကြီးအပါအ၀င် ပါတီတည်ထောင်လိုသူများက နိုင်ငံရေးပါတီတစ်ရပ်အား ရှစ်လေးလုံးပါတီအမည်ဖြင့် ပါတီမှတ်ပုံတင်ခြင်းကို ၂၀၁၇ ခုနှစ် ဒီဇင်ဘာ ၁၉ ရက်တွင် လျှောက်ထားခဲ့သည်။

ထို့နောက် ရှစ်လေးလုံးပါတီ အမည်အသုံးပြုခြင်းနှင့် ပတ်သက်၍ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ အပါအ၀င် အဖွဲ့ဝင်များနှင့် ဦးကိုကိုကြီးဦးဆောင်သော ပါတီတည်ထောင်လိုသူများ မတ် ၂၆ ရက်က နေပြည်တော်ရှိ ပြည်ထောင်စုရွေးကောက်ပွဲ ကော်မရှင်ရုံးတွင် တွေ့ဆုံဆွေးနွေးခဲ့သည်။

ယင်းနောက် ရှစ်လေးလုံးပါတီအား ရှစ်လေးလုံးပြည်သူ့ပါတီ အမည်ပြောင်းလဲကာ ဧပြီ ၆ ရက်တွင် နေပြည်တော် ပြည်ထောင်စုရွေးကောက်ပွဲကော်မရှင်တွင် ပြန်လည်မှတ်ပုံတင်လျှောက်ထားခဲ့သည်။

ယခုနှစ် ၂၀၁၈ ခုနှစ်အတွင်း ကြားဖြတ်ရွေးကောက်ပွဲ ပြုလုပ်မည်ဖြစ်ကြောင်း ရွေးကောက်ပွဲကော်မရှင်က ပြောကြားထားပြီး ကြားဖြတ်ရွေကောက်ပွဲ ပြုလုပ်ချိန်တွင် တရားဝင်ပါတီအဖြစ်ရှိမည်ဆိုပါက ဥပဒေအရ မဖြစ်မနေသုံးနေရာ ၀င်ရမည်ဖြစ်သော်လည်း မည်သည့်နေရာနှင့် မည်မျှဝင်မည်ကို ဆုံးဖြတ်ချက်မရှိသေးကြောင်း ပါတီဖြစ်မြောက်ရေးကော်မတီ ဦးဆောင်အဖွဲ့ဝင် ဦးရဲနိုင်အောင်က ပြောကြားသည်။

ရခိုင်ပြည်နယ်အတွင်းရှိ NVC ကတ် ကိုင်ဆောင်ထားသူများနှင့်ပတ်သက်၍ အစိုးရက ကန့်သတ်ချက်များ လျှော့ချပေးခဲ့ပြီး တစ်နိုင်ငံလုံး လွတ်လပ်စွာ သွားလာခွင့်ပြုခဲ့ကြောင်း သိရ

ရန်ကုန်မြို့၌ ဧပြီ ၁၉ ရက်က ပြည်ထောင်စုဝန်ကြီး ဒေါက်တာဝင်းမြတ်အေး ဦးဆောင်သော ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံသို့ သွားရောက်ခဲ့သည့် ခရီးစဉ်နှင့်ပတ်သက်၍ မီဒီယာများအား ရှင်းလင်းပြောကြားနေစဉ်

ရခိုင်ပြည်နယ်အတွင်းရှိ National Verification Card (NVC) ကတ် ကိုင်ဆောင်ထားသူများနှင့်ပတ်သက်၍ အစိုးရက ကန့်သတ်ချက်များ လျှော့ချပေးခဲ့ပြီး တစ်နိုင်ငံလုံး လွတ်လပ်စွာ သွားလာခွင့်ပြုခဲ့ကြောင်း သိရသည်။

NVC ကတ် ကိုင်ဆောင်ထားသူများအား လွတ်လပ်စွာသွားလာခွင့် ရရှိရန်အတွက် ဆောင်ရွက်နေကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ ဧပြီ ၁၉ ရက်က ပြုလုပ်သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေး ခေါင်းဆောင်သော မြန်မာကိုယ်စားလှယ်အဖွဲ့ ဧပြီ ၁၁ ရက်မှ ၁၃ ရက်အထိ ဘင်္ဂလားဒေ့ရ်ှနိုင်ငံ ကော့ခ်ဘဇားနှင့် ဒါကာသို့ သွားရောက်ခဲ့သည့် ခရီးစဉ်နှင့်စပ်လျဉ်း၍ သတင်းစာရှင်းလင်းပွဲတွင် ဒေါက်တာဝင်းမြတ်အေးက အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။

“ကျွန်တော်တို့ လွတ်လပ်စွာသွားလာခွင့်နဲ့ ပတ်သက်ပြီးတော့ Freedom of Movement ရဖို့အတွက်ကို အခုနက ကျွန်တော်ပြောခဲ့တဲ့အတိုင်းပဲ NVC ကတ် ကိုင်ဆောင်ထားရင် Freedom of Movement ရမယ်။ အရင်တုန်းကတော့ ဒီကိစ္စတွေမှာ ကန့်သတ်ချက်တွေ အများကြီးရှိတယ်။ ကျွန်တော်တို့က မစ္စတာအာနန်ရဲ့ အကြံပြုချက်တွေကို အကောင်အထည်ဖော်တာလည်း ပါတယ်။ ကျွန်တော်တို့ မူလ ၂၀၁၆ စပြီးတော့ ရခိုင်မှာရှိတဲ့ တည်ငြိမ်အေးချမ်းရေးနဲ့ ဖွံဖြိုးရေးဗဟိုကော်မတီမှာ လုပ်နေတဲ့လုပ်ငန်းကော်မတီတွေရဲ့ ဆောင်ရွက်ချက်လည်း ဖြစ်တယ်။ အဲဒါဘာလဲဆိုတော့ ကျွန်တော်တို့က ကန့်သတ်ချက်တွေလျှော့ဖို့ လွတ်လပ်စွာသွားလာခွင့်တွေရဖို့။ ဘယ်လိုရမလဲဆိုတော့ အနိမ့်ဆုံး NVC ကတ် ကိုင်ဆောင်ထားတဲ့သူသည် လွတ်လပ်စွာသွားလာခွင့် ရရမယ်ဆိုတဲ့ဟာကို ဆောင်ရွက်နေတယ်။ ဆောင်ရွက်နေတဲ့ကြားမှပဲ အဖြစ်အပျက်တွေက ဖြစ်နေတယ်။ အခုတော့ ကျွန်တော်တို့ NVC ဖြစ်စဉ်ကို ပွင့်ပွင့်လင်းလင်း ချပြပါ့မယ်။ အဲဒီကတ်ကိုင်ထားတဲ့သူတွေကို လွတ်လပ်စွာ သွားလာခွင့်ရဖို့အတွက်ကို ကျွန်တော်တို့က သက်ဆိုင်ရာလုံခြုံရေးနဲ့ဆိုင်တဲ့ ပြည်ထဲရေးဝန်ကြီးဌာန လူဝင်မှုကြီးကြပ်ရေး အကုန်လုံးဆွေးနွေးတိုင်ပင်ပြီးပြီ။ ဒီကတ် ကိုင်ဆောင်ထားလို့ရှိရင် နဂိုကရှိခဲ့တဲ့ ကန့်သတ်ချက်တွေကို လျှော့ချလိုက်ပြီ။ လ၀ကဆိုတာ လူဝင်မှုကြီးကြပ်ရေးက ပုံစံ ၄ ကိုဖြည့်လိုက်တာနဲ့ ဖြည့်ပြီးရင် သွားချင်တဲ့နေရာ သွားလို့ရပြီ။ အဲလိုပုံစံမျိုး ဖြစ်သွားပါပြီ။ ဒါကို ကျွန်တော်တို့ လက်တွေ့လုပ်ဆောင်နေပါတယ်။ မနေ့ကပဲ ကျွန်တော်တို့ အဲဒီနေရာကိုရောက်ခဲ့တော့ တော်တော်များများနဲ့ တွေ့ဆုံခဲ့တော့ အဲဒီအခွင့်အရေး ရပြီလားလို့မေးတော့ လက်တွေ့ရပြီဆိုတဲ့ စကားကိုရခဲ့ပါတယ်” ဟု ဒေါက်တာ ၀င်းမြတ်အေးက ပြောကြားသည်။

ထို့ပြင် သတင်းစာရှင်းလင်းပွဲ၌ ၀န်ကြီး ဒေါက်တာဝင်းမြတ်အေးက NVC ကတ် ကိုင်ဆောင်ပါက လူဝင်မှုကြီးကြပ်ရေးက တရားဝင်ထုတ်ပြန်ထားသည့် အချက်ရှစ်ချက်ကို အပြည့်အ၀ ရရှိမည်ဖြစ်ကြောင်း၊ အာမခံချက်ရှိကြောင်း ဆက်လက်ပြောကြားသည်။

“Citizen လျှောက်လို့ရှိရင် အခုနပြောတဲ့ နိုင်ငံသားဖြစ်မှုလမ်းစဉ်ထဲ ၀င်လိုက်တာနဲ့ NVC ကတ်ကိုင်ပြီးပြီ။ ကိုင်ပြီးတာနဲ့ ဒီနိုင်ငံသားဖြစ်ဖို့ ထိုက်တဲ့ဥပဒေအရ ဖြစ်ထိုက်တဲ့လူ ဖြစ်ဖို့အတွက်က ငါးလလို့ သတ်မှတ်ထားပါတယ်။ ငါးလအတွင်းမှာ ရမှာဖြစ်ပါတယ်။ ဒါကိုလည်း ဒီအတိုင်းကိုပဲ Exercise လုပ်နေတယ်။ တကယ်ပဲငါးလအတွင်းမှာ ရတဲ့လူတွေရှိတာဖြစ်ပါတယ်။ ဒါကတော့ ကျွန်တော်တို့ အခုလက်ရှိရှိနေတဲ့ ဥပဒေအတိုင်းပဲ သွားရမှာဖြစ်ပါတယ်” ဟု ပြည်ထောင်စုဝန်ကြီး ဒေါက်တာဝင်းမြတ်အေးက ဆိုသည်။

ဘင်္ဂလားဒေ့ရ်ှနိုင်ငံဘက်မှ ပေးပို့လာသည့် ၈၀၃၂ ဦး၏စာရင်းနှင့် ဖြည့်စွက်ထားသောပုံစံများမှာ နှစ်နိုင်ငံအကြား သဘောတူညီထားသော Physical Arrangement ပါ ဖောင်ပုံစံအတိုင်းမဟုတ်ကြောင်း၊ ၎င်းတို့ ဆန္ဒအလျောက် ပြန်လာလိုကြောင်း ဖော်ပြလက်မှတ် ရေးထိုးထားမှု၊ လက်ဗွေပုံစံနှင့် ဓာတ်ပုံများ ပါဝင်ခြင်းမရှိကြောင်း၊ မြန်မာဘက်အနေဖြင့် ၎င်းပုံစံများကို စိစစ်ရန်ခက်ခဲကြောင်းလည်း ဘင်္ဂလားဒေ့ရ်ှဘက်သို့ အသိပေးခဲ့ကြောင်း ဒေါက်တာဝင်းမြတ်အေးက ပြောကြားထားသည်။

ဘင်္ဂလားဒေ့ရ်ှမှ ပြန်လည်လက်ခံမည့်သူများအား NVC ကတ်ထုတ်ပေးမည်ဖြစ်ပြီး နိုင်ငံသားအဖြစ် လျှောက်ထားပါက ၁၉၈၂ ခုနှစ် နိုင်ငံသားဥပဒေနှင့်အညီ နိုင်ငံသားအဆင့်အတန်း သတ်မှတ်ပေးမည်ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီး ဦးသိန်းဆွေက ၂၀၁၇ ခုနှစ် စက်တင်ဘာ ၂၈ ရက်က မီဒီယာများကို ပြောကြားထားသည်။

“ဒီကနေ ထွက်ပြေးသွားတဲ့သူတွေဖြစ်တဲ့အတွက် ပြန်လည်လက်ခံတဲ့သူတွေပါပဲ။ အဲဒီသူတွေကို NVC ထုတ်ပေးဖို့ စီစဉ်ထားပါတယ်။ NVC ထုတ်ပြီးသွားရင် သူတို့တွေအနေနဲ့ ဆန္ဒရှိတယ်ဆိုရင် နိုင်ငံသားအဖြစ် လျှောက်ထားတယ်ဆိုရင် ၁၉၈၂ ဥပဒေနဲ့အညီ သူတို့ရရှိနိုင်တဲ့ နိုင်ငံသားအဆင့်အတန်းကို သတ်မှတ်ပေးသွားမှာဖြစ်ပါတယ်” ဟု ၀န်ကြီးဦးသိန်းဆွေက ပြောကြားခဲ့သည်။

ထို့ပြင် ဘင်္ဂလားဒေ့ရ်ှနိုင်ငံသို့ ထွက်ပြေးသွားသည့် မြန်မာနိုင်ငံ၌နေခဲ့သူများအား နှစ်နိုင်ငံ သဘောတူစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီး ဒေါက်တာဝင်းမြတ်အေးက သတင်းစာရှင်းလင်းပွဲ၌ ပြောကြားသည်။

ကချင်နိုင်ငံရေးပါတီများ ပေါင်းစည်းရေးတွင် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ထပ်မံတိုးလာ

ကချင်နိုင်ငံရေးပါတီများ ပေါင်းစည်းရေးတွင် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ၀င်ရောက် ပူးပေါင်းလာကြောင်း ကချင်ပါတီ ပေါင်းစည်းရေး ကော်မတီထံမှ သတင်းရရှိသည်။

ကချင်ပြည်သူများ အနေဖြင့် ကချင်နိုင်ငံရေးပါတီများ ပေါင်းစည်းရေးကို လိုလားနေသည့်အတွက် ကချင်ဒီမိုကရက်တစ်ပါတီ (KDP) ၊ ကချင်ပြည်နယ် ဒီမိုကရေစီပါတီ (KSDP) နှင့် ကချင်အမျိုးသားကွန်ဂရက် (KNC) ပါတီတို့သည် နိုင်ငံရေးပါတီ တစ်ခုတည်းအနေဖြင့် ပေါင်းစည်းနိုင်ရန် လုပ်ဆောင်လျက်ရှိရာ လက်ရှိတွင် နောက်ထပ် ပါတီတစ်ခုဖြစ်သည့် စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီကလည်း အဆိုပါ ကချင်နိုင်ငံရေးပါတီများ ပူးပေါင်းရေးတွင် ပါဝင်လာခြင်း ဖြစ်သည်။

ကချင်နိုင်ငံရေးပါတီများ ပေါင်းစည်းရေးကိစ္စနှင့် ပတ်သက်၍ ပူးပေါင်းလိုသည့် ကချင်ပါတီများနှင့် ကချင်မျိုးနွယ်စုရိုးရာ ခေါင်းဆောင်များ၊ ကချင်အရပ်ဘက် အဖွဲ့အစည်းများ၊ ဘာသာရေး ခေါင်းဆောင်များနှင့် ကချင်ပြည်သူ လူထုတို့သည် ဧပြီ ၁၀ ရက်က မြစ်ကြီးနားမြို့တွင် တွေ့ဆုံခဲ့ကြပြီး တွေ့ဆုံဆွေးနွေးပွဲတွင် အဆိုပါ ပါတီလေးခုက ပူးပေါင်းရန် လက်မှတ်ရေးထိုးခဲ့ကြောင်း သတင်းရရှိသည်။

ထိုသို့ ပါတီ ပေါင်းစည်းရေးတွင် ပါဝင်လာသည့် စဒကပါတီ အပါအ၀င် ပါတီ လေးပါတီမှ တာဝန်ရှိသူများ ပထမဆုံးအဖြစ် ဧပြီ ၁၇ ရက်က မြစ်ကြီးနားမြို့တွင် တွေ့ဆုံဆွေးနွေူးမှု ပြုလုပ်ခဲ့ပြီး ကချင်ပါတီ ပေါင်းစည်းရေး ကော်မတီတွင် စဒကပါတီ တာဝန်ရှိသူများကို ထပ်မံ ဖြည့်စွက်ခဲ့ကြောင်း သိရသည်။

“ပါတီပေါင်းစည်းရေး ဆိုတဲ့အပိုင်းမှာ ပါတီတစ်ခု ထပ်ထိုးလာတယ်။ စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ဦးခက်ထိန်နန်တို့အဖွဲ့ ဒေါ်ဒွဲဘူတို့အဖွဲ့ပေါ့။ သူတို့ ၀င်လာတယ်။ ဆိုတော့ လေးပါတီတော့ ဖြစ်သွားပြီ။ လေးပါတီ ဖြစ်သွားတဲ့ဟာက နည်းနည်းလေး အခက်အခဲလေးတွေတော့ ရှိနေတယ်။ အခက်အခဲလေးတွေ ရှိနေတော့ နာမည်၊ လိုဂို၊ အမှတ်တံဆိပ်ကတော့ ကော်မတီတစ်ခု ထပ်ဖွဲ့ပြီးတော့ ဆက်လက် ဆွေးနွေးဦးမယ် ဆိုပြီးတော့ လုပ်ထားတယ်” ဟု ကချင်အမျိုးသားကွန်ဂရက်ပါတီ (KNC) ဥက္ကဋ္ဌ ဒေါက်တာ အမ်ကောန်လက ပြောကြားသည်။

ပြီးခဲ့သည့် ဖေဖော်ဝါရီလအတွင်းက ကချင်နိုင်ငံရေးပါတီ သုံးခုဖြစ်သည့် ကချင်ဒီမိုကရက်တစ်ပါတီ (KDP) ၊ ကချင်ပြည်နယ် ဒီမိုကရေစီပါတီ (KSDP) နှင့် ကချင်အမျိုးသားကွန်ဂရက် (KNC) ပါတီတို့သည် ပူးပေါင်းသွားမည့် ပါတီသစ်အတွက် ပါတီအမည်၊ လိုဂို၊ အလံနှင့် တံဆိပ်များကို ရွေးချယ်ထားပြီး လူထုညီလာခံတွင် ချပြ အတည်ပြုသွားမည်ဟု ပြောကြားထားသော်လည်း ယခု လူထုနှင့် တွေ့ဆုံခဲ့မှုတွင် အဆိုပါ ပါတီ၏ နာမည်၊ လိုဂို၊ အလံနှင့် တံဆိပ်များကို အတည်ပြုနိုင်ခဲ့ခြင်း မရှိဘဲ ကချင်လူမျိုးများ အတိုင်ပင်ခံအဖွဲ့ (WMR) ဦးဆောင်ကာ ကော်မတီတစ်ခု ဖွဲ့စည်း၍ အဆိုပါကိစ္စရပ်များအား ဆက်လက် ဆွေးနွေး ဆောင်ရွက်သွားမည်ဖြစ်ကြောင်းလည်း သိရသည်။

“ကျွန်တော်တို့ ပါတီအနေနဲ့က ကချင်ပြည်သူ လူထုကလည်း ပေါင်းစည်းစေလိုတဲ့ ဆန္ဒရှိတယ်။ အဲဒီအတွက် ကျွန်တော်တို့ကလည်း အတူတကွ ပူးပေါင်းပြီးတော့ ကချင် ပြည်သူလူထုအရေး လုပ်ဆောင်သွားမယ် ဆိုတဲ့ဆန္ဒနဲ့ ပူးပေါင်းတာပါ။ တခြားတိုင်းနဲ့ ပြည်နယ်တွေမှာလည်း နိုင်ငံရေးပါတီတွေက ပူးပေါင်းသွားကြတာမျိုးတွေ ရှိတယ်။ ဒီတော့ ကချင်ပြည်သူလုထု အနေနဲ့ မဲပေးတဲ့ အခါမှာလည်း ပါတီတွေ ကွဲနေရင် ဘယ်ပါတီကို မဲပေးရမလဲ ဆိုတာက ဝေခွဲမရဖြစ်နေမယ်။ ပါတီကြီး တစ်ခုတည်း လုပ်လိုက်လို့ရှိရင် သူတို့မဲပေးရမယ့် ပါတီကို ရှင်းရှင်းလင်းလင်း ပေါ်လာမယ်။ လူထုကလည်း ပေါင်းစည်းစေချင်တယ်။ မူဝါဒပိုင်းဆိုင်ရာကတော့ ပူးပေါင်းမယ့် ပါတီအားလုံးလိုလို အခြေခံမူဝါဒတွေ တူညီတာတွေ ရှိပါတယ်။ ကျွန်တော်တို့ စားပွဲဝိုင်းမှာ ဆွေးနွေးမယ်။ ပြည်သူလူထု ချပြမယ်။ ကချင်လူထုက ဘယ်လိုမျိုး ဖြစ်စေချင်တာလဲ ဆိုတာတွေကို အတူတကွ အကောင်အထည်ဖော်သွားမယ် ဆိုတဲ့ ရည်ရွယ်ချက်နဲ့ပါ” ဟု စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ် (စဒက) ပါတီ ဥက္ကဋ္ဌ ဦးခက်ထိန်နန်က ပြောကြားသည်။

တိုင်းဒေသကြီး၊ ပြည်နယ် ရွေးကောက်ပွဲကော်မရှင် အဖွဲ့ခွဲများကို ရွေးကောက်ပွဲဆိုင်ရာ သင်တန်းပေးထားပြီး မြို့နယ်၊ ရပ်ကျေးကော်မရှင် အဖွဲ့ခွဲများတွင် ဆင့်ပွားသင်တန်းပေးရန် ညွန်ကြားထား

အသစ်ပြန်လည် ရွေးချယ် ခန့်အပ်ထားသည့် တိုင်းဒေသကြီး၊ ပြည်နယ် ရွေးကောက်ပွဲကော်မရှင် အဖွဲ့ခွဲများမှ ဥက္ကဋ္ဌ၊ အဖွဲ့ဝင် ၁၅၀ ခန့်ကို ရွေးကောက်ပွဲဆိုင်ရာ သင်တန်းပေးထားပြီး မြို့နယ်၊ ရပ်ကျေး ရွေးကောက်ပွဲကော်မရှင် အဖွဲ့ခွဲများတွင် ဆင့်ပွား သင်တန်းများပေးရန် ညွှန်ကြားထားကြောင်း ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က The Daily Eleven သတင်းစာ ကို ပြောကြားသည်။

တိုင်းဒေသကြီး၊ ပြည်နယ်၊ ခရိုင်၊ မြို့နယ် ရွေးကောက်ပွဲကော်မရှင် အဖွဲ့ခွဲများမှ ဥက္ကဋ္ဌများ၊ အဖွဲ့ဝင်များအတွက် ရွေးကောက်ပွဲဆိုင်ရာ သင်တန်းကို ဧပြီ ၉ ရက်နှင့် ၁၀ ရက်တို့တွင် နေပြည်တော်၌ သင်ကြားခဲ့သည်။

“သင်တန်းဆင်း လက်မှတ်တွေ ပေးလိုက်တယ်။ ပေးပြီးတော့ အဲဒါကို ဆင့်ပွား သင်တန်းတွေပေးဖို့ ဆုံးဖြတ်တာပေါ့။ သူတို့ မြို့နယ်တွေ၊ ရပ်ကွက်တွေနဲ့ ရပ်ကျေးတွေနဲ့ ပြန်ပြီးတော့ သင်တန်းပေးဖို့ပေါ့။ နောက်ပြီးတော့ ကြားဖြတ်ရွေးကောက်ပွဲ ရှိတဲ့နေရာမှာ အထူးကြပ်မတ် သင်တန်းပေးပြီးတော့ အောင်မြင်အောင် လုပ်ဖို့ ပြောထားပါတယ်” ဟု ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က ပြောကြားသည်။

အဆိုပါ သင်တန်းဆင်းပွဲ၌ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးလှသိန်း က ၂၀၁၇ ခုနှစ် ကြားဖြတ်ရွေးကောက်ပွဲကို ၂၀၁၅ ခုနှစ် အထွေထွေ ရွေးကောက်ပွဲတွင် ဆောင်ရွက်ခဲ့ကြသည့် ကော်မရှင်အဖွဲ့ခွဲ အဆင့်ဆင့်ဖြင့် အောင်မြင်စွာ ကျင်းပပေးနိုင်ခဲ့ကြောင်း၊ ၂၀၁၈ ခုနှစ် ကြားဖြတ်ရွေးကောက်ပွဲနှင့် ၂၀၂၀ ပြည့်နှစ် အထွေထွေ ရွေးကောက်ပွဲအတွက် တိုင်းဒေသကြီး၊ ပြည်နယ်၊ ခရိုင်၊ မြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ နှင့် အဖွဲ့ဝင်များအား အသစ်ပြန်လည် ရွေးချယ် ခန့်အပ်ခဲ့ကြောင်း၊ ထိုသို့ ခန့်အပ်ရာတွင် ယခင် တာဝန်ထမ်းဆောင်ခဲ့ကြသည့် ဥက္ကဋ္ဌ နှင့် အဖွဲ့ဝင်ဟောင်းအချို့ ပါဝင်သော်လည်း အများစုမှာ အသစ်များဖြစ်ကြောင်း၊ ထို့ကြောင့် ရွေးကောက်ပွဲ လုပ်ငန်းများ ဆောင်ရွက်ကြသည့်အခါ ကျွမ်းကျင်ပိုင်နိုင်စွာ ဆောင်ရွက်နိုင်ရန်နှင့် လုပ်ငန်းတာဝန်ပိုင်းဆိုင်ရာတို့ကို သိရှိစေရန် ရည်ရွယ်ပြီး ယခုသင်တန်းအား ဖွင့်လှစ်ရခြင်းဖြစ်ကြောင်း ပြောကြားခဲ့သည်။

ထို့ပြင် ရွေးကောက်ပွဲများ ဆောင်ရွက်ရာတွင် လွတ်လပ်မျှတမှု၊ ပွင့်လင်းမြင်သာမှု နှင့် တာဝန်ယူမှု တာဝန်ခံမှုတို့ ရှိရန်လိုအပ်ကြောင်း၊ အောင်မြင်စွာ ဆောင်ရွက်နိုင်ရန် မိမိကိုယ်ကိုယ် ယုံကြည်မှုရှိရန် လိုအပ်ကြောင်း၊ ယုံကြည်မှုရှိရန်အတွက် ဥပဒေ၊ နည်းဥပဒေများနှင့် လုပ်ငန်း လမ်းညွှန်များကို ကျေကျေညက်ညက် သိရှိထားရန် လိုအပ်ကြောင်း၊ အထူးသဖြင့် ကော်မရှင်အဖွဲ့ခွဲ အဆင့်ဆင့်၏ လုပ်ငန်းလမ်းညွှန်များကို စေ့စေ့စပ်စပ် သိရှိထားရန်လိုကြောင်း၊ ရွေးကောက်ပွဲ လုပ်ငန်းများဖြစ်သည့် မဲစာရင်းပြုစုခြင်း၊ လွှတ်တော် ကိုယ်စားလှယ်လောင်းများ စိစစ်ခြင်း၊ မဲဆန္ဒရှင် အသိပညာပေးခြင်း၊ မဲပေးခြင်း၊ မဲရေတွက်ခြင်း၊ နိုင်ငံရေးပါတီဆိုင်ရာ ကိစ္စရပ်များ၊ ရွေးကောက်ပွဲ စောင့်ကြည့်ခြင်း လုပ်ငန်းစဉ်များ ဆောင်ရွက်ရာတွင် ရွေးကောက်ပွဲလုပ်ငန်းနှင့် ဆက်စပ်နေသည့် ၀န်ကြီးဌာနများ၊ နိုင်ငံရေးပါတီများ၊ လူမှုအဖွဲ့အစည်းများ၊ နိုင်ငံတကာ အဖွဲ့အစည်းများ၊ မီဒီယာနှင့် မဲဆန္ဒရှင် ပြည်သူလူထုတို့နှင့် ထိတွေ့ဆက်ဆံ ဆောင်ရွက်ကြရမည် ဖြစ်ကြောင်း ကော်မရှင်ဥက္ကဋ္ဌ ဦးလှသိန်းက မှာကြားခဲ့သည်။

၂၀၁၈ ခုနှစ်အတွင်း ကြားဖြတ်ရွေးကောက်ပွဲ တစ်ရပ် ကျင်းပမည်ဖြစ်ပြီး ရွေးကောက်ပွဲ ကျင်းပမည့်ရက်ကို ကြိုတင် ကြေညာပေးမည် ဖြစ်ကြောင်း ပြည်ထောင်စု ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က ဆိုသည်။

လက်ရှိတွင် ၂၀၁၈ ခုနှစ် ကြားဖြတ်ရွေးကောက်ပွဲအတွက် မဲစာရင်းများ ပြုစုလျက်ရှိပြီး မဲစာရင်း ကြေညာရာတွင် အိမ်ထောင်စုအလိုက် ထုတ်ပြန်ကြေညာဖြစ်ကြောင်း သိရသည်။

ပြည်သူ့လွှတ်တော်၌ ချင်းပြည်နယ် ကန်ပက်လက် မဲဆန္ဒနယ်၊ ရှမ်းပြည်နယ် လဲချားမဲဆန္ဒနယ်၊ ရန်ကုန်တိုင်းဒေသကြီး တာမွေ မဲဆန္ဒနယ်၊ မန္တလေးတိုင်းဒေသကြီး မြင်းခြံမဲဆန္ဒနယ်နှင့် အမျိုးသားလွှတ်တော်၌ ကချင်ပြည်နယ် မဲဆန္ဒနယ် အမှတ် (၂) တို့တွင် လွှတ်တော်ကိုယ်စားလှယ် လစ်လပ်လျက် ရှိသည်။

ထို့ပြင် ပြည်နယ် လွှတ်တော်၌ ချင်းပြည်နယ် မတူပီမဲဆန္ဒနယ် အမှတ် (၁)၊ ရခိုင်ပြည်နယ် ရသေ့တောင် မဲဆန္ဒနယ် အမှတ် (၂)၊ တိုင်းဒေသကြီး လွှတ်တော်တွင် စစ်ကိုင်းတိုင်းဒေသကြီး တမူးမဲဆန္ဒနယ် အမှတ် (၂)၊ ပဲခူးတိုင်းဒေသကြီး အုတ်တွင်း မဲဆန္ဒနယ် အမှတ် (၁)၊ မကွေးတိုင်းဒေသကြီး မင်းဘူးမဲဆန္ဒနယ် အမှတ် (၂)၊ မန္တလေးတိုင်းဒေသကြီး သပိတ်ကျဉ်း မဲဆန္ဒနယ် အမှတ် (၁) နှင့် မန္တလေးတိုင်းဒေသကြီး ရှမ်းတိုင်းရင်းသားလူမျိုး မဲဆန္ဒနယ်တို့မှာ လွှတ်တော်ကိုယ်စားလှယ် လစ်လပ်နေကြောင်း သိရသည်။

နိုင်ငံရေး တည်ငြိမ်မှုမရှိချိန်တွင် တပ်မတော်သည် နိုင်ငံရေး အသုံးချခံ မဖြစ်ရန် လိုအပ်ကြောင်း တပ်မတော်ကာကွယ်ရေးဦးစီးချုပ် ပြောကြား

နိုင်ငံရေး တည်ငြိမ်မှု မရှိချိန်တွင် တပ်မတော်သည် နိုင်ငံရေး အသုံးချခံ မဖြစ်ရန် လိုအပ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဧပြီ ၁၈ ရက်တွင် ပြင်ဦးလွင်တပ်နယ်၊ တပ်မတော် အုပ်ချုပ်မှုကျောင်း၌ တက်ရောက်လျက်ရှိသည့် ဥပဒေ (အရာရှိ) ဒီပလိုမာသင်တန်းမှ တပ်မတော် အရာရှိကြီးများအား တွေ့ဆုံ အမှာစကားပြောကြားရာတွင် ထည့်သွင်းပြောကြားခဲ့ခြင်း ဖြစ်ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

တပ်မတော်သည် နိုင်ငံတော် ကာကွယ်ရေးတာဝန် ထမ်းဆောင်လျက်ရှိပြီး ပြည်သူလူထုကို စောင့်ရှောက်နေသည့် အဖွဲ့အစည်း၊ နိုင်ငံတကာနှင့် ဆက်ဆံ ဆောင်ရွက်နေသည့် အဖွဲ့အစည်းတစ်ခု ဖြစ်ကြောင်း၊ အထူးသဖြင့် နယ်စပ်ဒေသတွင် နှစ်နိုင်ငံ တပ်မတော် နှစ်ရပ် ဆက်ဆံရေးများရှိပြီး ရေပြင်ပိုင်နက်၊ မြေပြင်ပိုင်နက်များတွင် ပူးပေါင်းလေ့ကျင့်မှုများ ရှိကြောင်း၊ လိုအပ်ပါက ပူးပေါင်း တာဝန်ထမ်းဆောင်မှုများ ရှိနိုင်သဖြင့် တပ်မှူးများအနေဖြင့် နိုင်ငံတကာဥပဒေများကို သိရှိနေရန်၊ လက်အောက်ကို သိရှိ လိုက်နာအောင် ဦးဆောင်မှုပေးရန် လိုအပ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ထို့ပြင် ယခုအချိန်တွင် ဒီမိုကရေစီ လမ်းကြောင်းပေါ် လျှောက်လှမ်းကြရာ၌ စစ်ဘက်၊ အရပ်ဘက် ဆက်ဆံရေးမှာ ပိုမိုအရေးကြီးလာသဖြင့် ဥပဒေများကို ပိုမိုသိရှိ နားလည်ရန် လိုအပ်ကြောင်း၊ မိမိတို့ နိုင်ငံတွင် ပြည်တွင်း လက်နက်ကိုင်ပဋိပက္ခများ ချုပ်ငြိမ်းမှု မရှိသေးခြင်း၊ နိုင်ငံရေးအရ တည်ငြိမ်မှု မရှိခြင်းတို့ကြောင့် ငြိမ်းချမ်းမှု ရှိအောင် ဆောင်ရွက်ရန်လိုပြီး နိုင်ငံရေး တည်ငြိမ်မှု မရှိချိန်တွင် မိမိတို့ တပ်မတော်သည် နိုင်ငံရေးအရ အသုံးချခံ မဖြစ်ရန်လိုကြောင်း၊ မိမိတို့ သွားနေသည့် လမ်းကြောင်းမှာ အမျိုးသားနိုင်ငံရေး ဖြစ်ကြောင်း၊ ထို့ကြောင့် အဆင့်အလိုက် တပ်မတော်အရာရှိများ အားလုံး ဖွဲ့စည်းပုံ အခြေခံဥပဒေကို သိရှိနားလည်ရန် လိုကြောင်း၊ စစ်ဘက် တရားစီရင်ရေးများ ဆောင်ရွက်ရာတွင် ဖြစ်စဉ် အကြောင်းအရာအလိုက် ပြစ်မှု၊ ပြစ်ဒဏ်များ ရှိကြောင်း၊ အုပ်ချုပ်ရေးနှင့် စစ်ဘက် တရားစီရင်ရေး စနစ်အရ တပ်မှူးများသည် ရှေ့နေ၊ တရားသူကြီး နှင့် အုပ်ချုပ်သူ စသည်ဖြင့် အသီးသီးသော တာဝန်များ ဆောင်ရွက်ရကြောင်း၊ အုပ်ချုပ်သူ အနေဖြင့် ဖခင်စိတ်ထား၊ တပ်မှူးစိတ်ထားဖြင့် ညီညွတ်မျှတစွာ ဆောင်ရွက်ရမည် ဖြစ်ပြီး တရားသူကြီး အနေဖြင့် ဆင်ခြင်တုံတရားဖြင့် တရားမျှတစွာ ဆောင်ရွက်ရမည် ဖြစ်ကြောင်း၊ ရှေ့နေ အနေဖြင့် မိမိလူအား အပြစ်မရှိပါက ပြစ်ဒဏ် မကျအောင်၊ အပြစ်ရှိပါက ထိုက်သင့်သည့် ပြစ်ဒဏ်သာ ကျခံစေရန် ဆောင်ရွက်ရကြောင်း၊ တပ်မှူးများ အနေဖြင့် လက်အောက်ငယ်သားများအား အုပ်ချုပ်ရာတွင် ဘက်လိုက်မှုမရှိဘဲ ညီညွတ်မျှတစွာ အုပ်ချုပ်ရမည် ဖြစ်ကြောင်း၊ ဥပဒေနှင့် ပတ်သက်လျှင် ပုဂ္ဂိုလ်စွဲ၊ ဆန္ဒစွဲ ကင်းစွာဖြင့် တရားမျှတစွာ ဆောင်ရွက်ရမည်ဖြစ်ကြောင်း တပ်မတော်ကာကွယ်ရေးဦးစီးချုပ် က ပြောကြားသည်။

တပ်မတော်တွင် စစ်မှုထမ်း ဥပဒေအရ ၁၈ နှစ် ပြည့်ပြီးမှသာ တစ်နည်းအားဖြင့် ဥပဒေအရ မဲပေးခွင့် ရှိသူများသာ တပ်မတော်အတွင်း တာဝန်ထမ်းဆောင်ခွင့် ရှိကြောင်း၊ ထို့ကြောင့် တရားဥပဒေကို မသိနားမလည်ဟု ဆိုပြီးချိုးဖောက်၍ မရသကဲ့သို့ ဥပဒေအထက်တွင် မည်သူမှ နေ၍မရကြောင်း၊ ဥပဒေ ချိုးဖောက်ပါက ဥပဒေအရ အရေးယူခံရမည် ဖြစ်ကြောင်း၊ ရခိုင်ပြည်နယ်၊ ဘူးသီးတောင်- မောင်တောဒေသ၊ အင်းဒင်ကျေးရွာတွင် ဖြစ်ပွားခဲ့သည့် ပြဿနာများအား ဂျီနီဗာကွန်ဗန်းရှင်းနှင့်အညီ တပ်မတော်မှ ဆောင်ရွက်ခဲ့ပြီး တစ်ဦးချင်း လိုက်နာမှု အားနည်းသည့် အရာရှိ၊ စစ်သည်များအား ဥပဒေနှင့်အညီ အရေးယူ ဆောင်ရွက်ခဲ့ရသည်များလည်း ရှိကြောင်း၊ ဘင်္ဂါလီ အကြမ်းဖက်သမားများက ၂၀၁၆ ခုနှစ် အောက်တိုဘာလတွင် လုံခြုံရေး ကင်းစခန်းများအား လူအင်အား များစွာဖြင့် လက်နက်ကိုင် အကြမ်းဖက် တိုက်ခိုက်ခြင်း၊ လက်နက်များ လုယူခြင်း၊ ဒေသခံ တိုင်းရင်းသားများနှင့် လုံခြုံရေး တပ်ဖွဲ့ဝင်များအား ရက်စက်စွာ သတ်ဖြတ်ခြင်းများအား ဥပဒေမဲ့ ကျူးလွန်ခဲ့ခြင်းကြောင့် တပ်မတော်က ဥပဒေနှင့်အညီ နယ်မြေရှင်းလင်းရေး ဆောင်ရွက်ခဲ့ရကြောင်း၊ ၂၀၁၇ ခုနှစ် သြဂုတ်လတွင် အလားတူ အကြမ်းဖက် တိုက်ခိုက်မှုများ ထပ်မံ လုပ်ဆောင်လာသဖြင့် ဥပဒေနှင့်အညီ နယ်မြေရှင်းလင်းနိုင်ခဲ့သဖြင့် ၎င်းတို့၏ ရည်ရွယ်ချက် မအောင်မြင်ခဲ့ကြောင်း၊ အကြမ်းဖက်သမားများ အနေဖြင့် လူအင်အား များစွာဖြင့် ဥပဒေမဲ့ ပြစ်မှုကျူးလွန်ခဲ့ခြင်းအပေါ် ပြစ်ဒဏ်ကျခံရမည်ကို စိုးရိမ်သဖြင့် ၎င်းတို့ကိုယ်တိုင်နှင့် မိသားစု၊ ဆွေမျိုး၊ ပတ်သက် ဆက်နွယ်သူများ အားလုံး တစ်ဖက်နိုင်ငံသို့ ထွက်ပြေး တိမ်းရှောင်သွားကြခြင်းသာ ဖြစ်ပြီး ဥပဒေအရ ပြစ်ဒဏ်ပေးခံရမည်ကို စိုးရိမ်ကာ ပြန်မလာရဲခြင်းကို ၎င်းတို့အပေါ် တပ်မတော်သားများက နှိပ်စက် အနိုင်ကျင့်မှုများကြောင့်ဟု နိုင်ငံတကာသိအောင် မဟုတ်မမှန် ပြောကြားခြင်းဖြင့် မိမိတို့အပေါ် အထင်အမြင်လွဲအောင် စွပ်စွဲပြောကြားလျက်ရှိကြောင်း ၎င်းကပြောကြားသည်။

တိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေကြောင်း မကွေးတိုင်းဒေသကြီး လွှတ်တော် အာမခံချက်များ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ ပြောကြား

မကွေးတိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေပြီး မျက်ကြီးသည့် မြို့များကို များများချပေးပြီး မျက်နှာငယ်သည့် မြို့များကို နည်းနည်းသာ ချပေးနေကြောင်း မကွေးတိုင်းဒေသကြီးလွှတ်တော် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ တိုင်းဒေသကြီး လွှတ်တော်ကိုယ်စားလှယ် ဦးတင်သောင်းက ပြောကြားသည်။

တိုင်းဒေသကြီး အစိုးရအဖွဲ့၏ ဆောင်ရွက်ချက်များသည် အားနည်းမှု ရှိ မရှိ မေးမြန်းမှုအပေါ် ၎င်းက ထိုသို့ ထည့်သွင်းပြောကြားခြင်း ဖြစ်သည်။

မကွေးတိုင်းဒေသကြီး အစိုးရအဖွဲ့က ဖွံ့ဖြိုးရေးလုပ်ငန်းများ လုပ်ကိုင်ရန်အတွက် မြို့နယ်များကို ဘတ်ဂျက် ခွဲဝေချထားရာတွင် ညီမျှမှု မရှိခြင်းကြောင့် အဆိုပါ လုပ်ရပ်များကို ပြင်ဆင်ရန် လိုအပ်နေကြောင်း ဦးတင်သောင်းက ပြောကြားသည်။

“အစိုးရအဖွဲ့ အနေနဲ့လည်း ပြည်သူတွေရဲ့ ဆန္ဒကို အတတ်နိုင်ဆုံး ပြည့်အောင် လုပ်ပေးဖို့ လိုပါတယ်။ ရတဲ့ ဘဏ္ဍာတွေကိုလည်း မြို့နယ်အလိုက် အတတ်နိုင်ဆုံး ညီညီမျှမျှ ဖြစ်အောင် ခွဲပေးပါ။ ညီမျှဖို့လည်း လိုတယ်။ ဥပမာ မျက်နှာကြီးတဲ့ မြို့ကျတော့ အများကြီး ချပေးပြီး မျက်နှာငယ်တဲ့ မြို့ကျတော့ နည်းနည်းချတယ်။ ဒါမျိုးတွေ မဖြစ်အောင် အစီရင်ခံစာထဲမှာလည်း ထည့်ရေးထားပါတယ်။ အဲဒီအတိုင်း ဖြစ်နေတဲ့အတွက် ဒါတွေကို ပြင်ရပါမယ်။ ဒါကို ဥပမာပေးဆိုရင် ဥပမာ မပေးချင်ပါဘူး။ မျက်နှာကြီးတဲ့ မြို့နဲ့ မျက်နှာငယ်တဲ့မြို့လို့ သုံးတာပဲ ကောင်းပါတယ်” ဟု ဦးတင်သောင်းက ပြောကြားသည်။

ထို့အတူ တိုင်းအစိုးရအဖွဲ့ အနေဖြင့် ကတိက၀တ်များကို အကောင်အထည်ဖော်ရာတွင် အားနည်းနေပြီး နှစ်နှစ်အတွင်း လွှတ်တော်၏ မေးခွန်းများကို အကောင်အထည်ဖော်ရာတွင် ရာခိုင်နှုန်း ၃၀ ကျော်ခန့်သာ အကောင်အထည် ဖော်ပေးနိုင်ပြီး လွှတ်တော်က တင်ပြသည့် အဆိုများကိုလည်း ၁၅ ရာခိုင်နှုန်းလောက်သာ လုပ်ဆောင်ပေးနိုင်သေးကြောင်း ၎င်းက ပြောကြားသည်။