၂၀၁၈ ခုနှစ် မေလအတွင်း မြန်မာနိုင်ငံ တစ်ဝန်းလုံးတွင် လက်နက်ကိုင် ထိတွေ့မှု ၉၂ ကြိမ်နှင့် ဒေသန္တရ လက်လုပ်မိုင်း အသုံးပြုတိုက်ခိုက်မှု ၁၇ ကြိမ်ဖြစ်ပွားပြီး ဧပြီလထက် အကြိမ်အရေအတွက်ပိုများဟု MIPS လစဉ်မှတ်တမ်း၌ ဖော်ပြ

ဧပြီ ၄ ရက်က International Business Center တွင် Norwegian People’s Aid မှ အဖွဲ့ဝင်တစ်ဦး မြေမြှုပ်မိုင်း ရှင်းလင်းရေး သရုပ်ပြနေစဉ်

၂၀၁၈ ခုနှစ် မေလအတွင်း မြန်မာနိုင်ငံ တစ်ဝန်းလုံးတွင် လက်နက်ကိုင်ထိတွေ့မှု (Armed Clash) ၉၂ ကြိမ်နှင့်  ဒေသန္တရ လက်လုပ်မိုင်း အသုံးပြုသည့် တိုက်ခိုက်မှု (Improvised Explosive Devices Attack) ၁၇ ကြိမ် ဖြစ်ပွားခဲ့ကြောင်း Myanmar Institute for Peace and Security (MIPS) ၏ မြို့နယ်အဆင့် ပဋိပက္ခ စောင့်ကြည့်ရေး အချက်အလက် ဒေတာဘေ့စ် (Township-based Conflict Monitoring System Data-base) တွင် မှတ်တမ်းတင်ထားသော အချက်အလက်များအရ သိရသည်။

MIPS ၏ မြို့နယ်အဆင့် ပဋိပက္ခစောင့်ကြည့်ရေး အချက်အလက် ဒေတာဘေ့စ် မှတ်တမ်းများအရ ၂၀၁၈ ခုနှစ် ဧပြီလတွင် လက်နက်ကိုင်ပဋိပက္ခ (Armed Incidents) (လက်နက်ကိုင်ထိတွေ့မှုနှင့် ဒေသန္တရ လက်လုပ်မိုင်း အသုံးပြုသည့် တိုက်ခိုက်မှု) ၇၃ ကြိမ်ဖြစ်ပွားခဲ့ရာမှ ၂၀၁၈ ခုနှစ် မေလတွင် လက်နက်ကိုင် ပဋိပက္ခဖြစ်ပွားမှု ၁၀၉ ကြိမ်အထိ မြင့်တက်လာခဲ့ကြောင်း သိရသည်။

ထို့အတူ ဧပြီလအတွင်း လက်နက်ကိုင်ပဋိပက္ခများ ဖြစ်ပွားမှုများမှာ မြို့နယ် ၂၁ မြို့နယ်တွင်သာ ဖြစ်ပွားခဲ့သော်လည်း မေလတွင်မူ မြို့နယ်ပေါင်း ၂၅ မြို့နယ်အထိ လက်နက်ကိုင်ပဋိပက္ခများ ဖြစ်ပွားခဲ့သည်ကို တွေ့ရကြောင်း သိရသည်။

သို့သော် မေလတွင် လက်နက်ကိုင်ထိတွေ့မှုတိုက်ပွဲ အကြိမ်အရေအတွက် ပိုများလာခဲ့သော်လည်း တိုက်ပွဲကြီး ဖြစ်ပွားမှုအကြိမ် အရေအတွက်မှာမူ ဧပြီလအောက် နည်းပါးနေသည်ကို တွေ့ရကြောင်း MIPS ၏ အမှုဆောင်ဒါရိုက်တာ ဒေါက်တာမင်းဇော်ဦးက ပြောကြားသည်။

“တိုက်ပွဲအရေအတွက်က မေလမှာတော့ ပိုများလာတယ်။ ဒါပေမဲ့ တိုက်ပွဲကြီးတွေ လျော့သွားတယ်ပေါ့။ မေလမှာတော့ တိုက်ပွဲထိတွေ့မှုတွေတော့ ပိုများလာတယ်။ တိုက်ပွဲကြီးတွေတော့ လျော့လာတယ်ဆိုတဲ့ သဘောပါ။ စစ်ရဲ့သဘောသဘာဝအရ Adjustment ပေါ့။ ဒီလိုလုပ်ကြတယ် လို့တော့မြင်တယ်။ တစ်ဖက်က စစ်နည်းဗျူဟာ ပြောင်းတဲ့အလားအလာ တွေ့ရတယ်။ အထူးသဖြင့် KIO ဘက်ကဆိုရင် သူတို့က အရင်တုန်းက စခန်းထိုင်တိုက်တဲ့ စစ်ပွဲသဏ္ဌာန်ကနေပြီးတော့ ပြောက်ကျား စစ်သဏ္ဌာန်ကို ပိုပြီးပြောင်းလာတာကို တွေ့ရတယ်။ အဲဒီအလားအလာကို တွေ့ရတယ်။ တပ်မတော်ဘက်ကလည်း ဒါနဲ့ပတ်သက်ပြီးတော့ အချို့တပ်မတွေကို ပြန်ရုပ်ပြီးတော့ သူတို့လည်း စစ်ပွဲပုံသဏ္ဌာန်တွေ ပြောင်းလာတာကို တွေ့ရတယ်။ အဲဒီတော့ ကျွန်တော်တို့ ကချင်ပြည်နယ် စစ်မြေပြင်ပေါ် တွေ့နေရတာကတော့ နှစ်ဖက်စလုံးကနေပြီးတော့ သူတို့ရဲ့ တိုက်နည်းတိုက်ဟန်တွေ ပြောင်းလာမယ့် အလားအလာတွေကို တွေ့ရပါတယ်” ဟု ဒေါက်တာ မင်းဇော်ဦးက ပြောကြားသည်။

မေလအတွင်း လက်နက်ကိုင်ပဋိပက္ခများ ဖြစ်ပွားမှုနှုန်း အမြင့်မားဆုံး ကြုံတွေ့ရသည့် မြို့နယ်များမှာ ကချင်ပြည်နယ်ရှိ ဖားကန့်မြို့ နယ်နှင့် တနိုင်းမြို့နယ်၊ ရှမ်းပြည်နယ်ရှိ မူဆယ်မြို့နယ်များဖြစ်ကြောင်း သိရသည်။

လက်နက်ကိုင် ပဋိပက္ခများ ဖြစ်ပွားရာ၌ တပ်မတော်နှင့် KIA အဖွဲ့တို့အကြား ဖြစ်ပွားခဲ့သည့် တိုက်ပွဲများမှာ ဧပြီတွင် ၃၈ ကြိမ်သာရှိခဲ့ရာမှ မေလတွင် ယင်းအဖွဲ့အစည်း နှစ်ဖွဲ့အကြား ထိတွေ့မှု ၅၅ ကြိမ်အထိ မြင့်တက်လာကြောင်း၊ ထိုကဲ့သို့ တိုက်ပွဲအရေအတွက် မြင့်မားလာသော်လည်း KIA အထိုင်စခန်းများကို သိမ်းပိုက်ရန် ရည်ရွယ်၍ လက်နက်ကြီးပစ်ကူ၊ လေကြောင်းပစ်ကူတို့နှင့် တိုက်ခိုက်မှု အရေအတွက်မှာ ဧပြီလနှင့် နှိုင်းယှဉ်လျှင် ကျဆင်းသွားကြောင်း MIPS က ဖော်ပြထားသော အချက်အလက်များအရ သိရသည်။

ထို့အတူ မြောက်ပိုင်းမဟာမိတ် တပ်ပေါင်းစု (Nothern Alliance) အဖွဲ့က တပ်မတော် စစ်ကြောင်းများကို နေရာဒေသ အများအပြားတွင် အကြိမ်များစွာ တန်ပြန်တိုက်ခိုက်ခဲ့ခြင်းကြောင့် မေလအတွင်း လက်နက်ကိုင် ထိတွေ့မှု အရေအတွက် ပိုမိုမြင့်မားလာခြင်းဖြစ်ကြောင်း၊ တပ်မတော်နှင့် တအန်းလက်နက်ကိုင်အဖွဲ့ (TNLA) တို့အကြားတွင်လည်း တိုက်ပွဲများ ဆက်လက်ဖြစ်ပွားခဲ့ပြီး တပ်မတော်နှင့် ရခိုင်လက်နက်ကိုင်အဖွဲ့ (AA) တို့အကြားတွင် ထိတွေ့မှု ရှစ်ကြိမ်ဖြစ်ပွားခဲ့ကြောင်း MIPS က ဖော်ပြထားသည်။

မေ ၁၇ ရက်တွင် တပ်မတော်နှင့် ကရင်အမျိုးသားအစည်းအရုံး (KNU) ခေါင်းဆောင်များ တွေ့ဆုံခဲ့ပြီး နောက်တွင်မူ တပ်မတော်နှင့် KNU လက်အောက်ခံ KNLA အဖွဲ့တို့အကြား တိုက်ခိုက်မှုများ ရပ်တန့်သွားကြောင်း သိရသည်။

အဆိုပါ လက်နက်ကိုင် ပဋိပက္ခများ ဖြစ်ပွားမှု အချက်အလက် ကောက်ယူခဲ့သည့် ပုံစံများနှင့် ပတ်သက်၍ ဒေါက်တာမင်းဇော်ဦးက “ကျွန်တော်တို့မှာ ဒေတာကောက်တဲ့စနစ်ရှိတယ်။ အဲဒီစနစ်မှာ မြေပြင်ကတာဝန်ရှိတဲ့ သူတွေက ကောက်တယ်။ နောက်ပြီးတော့ လုံခြုံရေး အဖွဲ့အစည်းတွေ၊ တိုင်းရင်းသား လက်နက်ကိုင် အဖွဲ့အစည်းတွေနဲ့ သူတို့ဆီက အတည်ပြုတာ မျိုးတွေရှိတယ်။ မြေပြင်ကနေ အတည်ပြုတာတွေရှိတယ်။ ဂျာနယ်တွေ၊ Report တွေကနေပြီးတော့ ကြည့်တာတွေရှိတယ်။ သတင်းထုတ်ပြန်တာတွေပြန်ပြီး အတည်ပြုတာမျိုး ပုံစံတွေနဲ့ စစ်တမ်းယူပါတယ်” ဟု ပြောကြားသည်။

လက်ရှိတွင် ကချင်ပြည်နယ်နှင့် ရှမ်းပြည်နယ် (မြောက်ပိုင်း) ၌ စစ်ရေးတင်းမာမှုများ မြင့်တက်နေဆဲဖြစ်ပြီး ဖားကန့်ဒေသတွင် တိုက်ပွဲများ ပြန်လည်ဖြစ်ပွားနိုင်သည့် အလားအလာကို တွေ့ရှိရကြောင်းနှင့် ၂၀၁၈ ခုနှစ် မေလအတွင်း စစ်ဘက်ပစ်မှတ် မဟုတ်သော အရပ်သားဆိုင်ရာ ပစ်မှတ်များကို ဖောက်ခွဲတိုက်ခိုက်မှု အရေအတွက် လျော့ကျသွားသော်လည်း ဖြစ်ပွားနိုင်ခြေ မြင့်မားနေဆဲဖြစ်ကြောင်း MIPS က သုံးသပ်ဖော်ပြ ထားသည်။

 

ကုလသမဂ္ဂအနေဖြင့် အကျိုးရှိပြီး အပြုသဘော ဆောင်သော ဆက်ဆံရေးဖြစ်အောင် ဆောင်ကြဉ်းပေးရန် လေးလေးနက်နက် တိုက်တွန်းလိုကြောင်း တပ်မတော်ကာကွယ်ရေးဦးစီးချုပ် ပြောကြား

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ကုလသမဂ္ဂသည် အကျိုးရှိပြီး အပြုသဘောဆောင်သော ဆက်ဆံရေးဖြစ်အောင် ဆောင်ကြဉ်းပေးရန် လေးလေးနက်နက် တိုက်တွန်းလိုကြောင်း ဇွန် ၁၄ ရက်တွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင် ၌ ကုလသမဂ္ဂအထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener အား လက်ခံတွေ့ဆုံစဉ် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ကြောင်း တပ်မတော်ကာကွယ်ရေးဦးစီးချုပ်ရုံးက ထုတ်ပြန်သည်။

မြန်မာနိုင်ငံသည် ကုလသမဂ္ဂ၏ အဖွဲ့ဝင်နိုင်ငံ တစ်နိုင်ငံဖြစ်ပြီး နိုင်ငံခြားရေး မူဝါဒသည်လည်း နိုင်ငံအားလုံးနှင့် မိတ်ဝတ်မပျက် ဆက်ဆံရေးပင် ဖြစ်ကြောင်း၊ နိုင်ငံတကာတွင် ဖြစ်ပျက်လျက်ရှိသော အခြေအနေ အရပ်ရပ်တွင် မှန်ကန်သည့်ဘက်မှ ရပ်တည်လျက်ရှိကြောင်း၊ ကုလသမဂ္ဂနှင့် ပူးပေါင်း ဆောင်ရွက်လျက်ရှိကြောင်း၊ ကုလသမဂ္ဂ၏ ရပ်တည်ချက်များအပေါ် မြန်မာနိုင်ငံ အပါအ၀င် နိုင်ငံငယ်များက ယုံကြည်မှုရှိရန် လိုအပ်နေကြောင်း၊ အပြုသဘောဆောင်သည့် ကူညီဆောင်ရွက်မှုများ ဖြစ်စေလိုကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ထို့ပြင် အကြီးအကဲတစ်ဦး၊ ခေါင်းဆောင်တစ်ဦးသည် ခိုင်မာမှုမရှိသည့် သတင်း အချက်အလက်များ၊ ဖြစ်စဉ်များ၊ မဟုတ်မမှန်သော ဖြစ်စဉ်ဖြစ်ရပ်များအား ထုတ်ဖော်ပြောကြားခြင်းများသည် အပြုသဘော မဆောင်သော လုပ်ဆောင်ချက်များဖြစ်ပြီး မုန်းတီးမှုများ၊ အထင်အမြင် လွဲမှားမှုများ ဖြစ်ပေါ်စေကာ ပူးပေါင်းဆောင်ရွက်မှုများတွင် အခက်အခဲများ ဖြစ်ပေါ်စေကြောင်း၊ “ချစ်စကိုရှည်စေ၊ မုန်းစကိုတိုစေ”၊ “ကြီးတဲ့အမှု ငယ်အောင်၊ ငယ်တဲ့အမှု ပပျောက်အောင်”ဆိုသည့် မြန်မာဆိုရိုး စကားပုံနှင့် ဆန့်ကျင်လျက် မုန်းစကို ရှည်စေသော၊ ငယ်သောအမှုကို ကြီးစေသော ဆောင်ရွက်ချက်များကို တွေ့မြင်နေရကြောင်း၊ မိမိအနေဖြင့် ပြီးခဲ့သည့် ဧပြီ ၃၀ ရက်က ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင် နိုင်ငံကိုယ်စားလှယ်များနှင့် တွေ့ဆုံခဲ့ရာတွင် အပြုသဘောဆောင်သည့် ဆက်ဆံမှုရှိသော နိုင်ငံများ ရှိသကဲ့သို့ နားလည်မှုလွဲမှားစွာ ဆက်ဆံမှုရှိသော နိုင်ငံများကိုလည်း တွေ့မြင်ရကြောင်း၊ ကုလသမဂ္ဂ၏ အကျိုးရှိပြီး အပြုသဘောဆောင်သော ဆက်ဆံရေး ဖြစ်အောင် ဆောင်ကြဉ်းပေးရန် လေးလေးနက်နက်တိုက် တွန်းလိုကြောင်း ဆွေးနွေးပြောကြားသည်။

ဆက်လက်ပြီး ဘင်္ဂါလီများနှင့် ပတ်သက်ပြီး မိမိတို့အနေဖြင့် ရခိုင်ပြည်နယ်တွင် လာရောက် နေထိုင်ကြသူများကို ဘင်္ဂါလီဟုသာ လက်ခံထားကြောင်း၊ ရိုဟင်ဂျာဆိုသည့် အသုံးအနှုန်းမှာ ၎င်းတို့ လုပ်ကြံ ဖန်တီးထားသည့် အခေါ်အဝေါ် တစ်ခုသာဖြစ်ကြောင်း၊ မြန်မာနိုင်ငံသားများက ၎င်းရိုဟင်ဂျာဆိုသည့် အသုံးအနှုန်းကို လုံးဝလက်သင့် မခံကြောင်း၊ သန်းခေါင်စာရင်း အထောက်အထားများအရ ရှီးရိုက်၊ ပထန်နှင့် မွတ်စလင်ဟုသာ သုံးနှုန်းထားပြီး ရိုဟင်ဂျာဟု မပါရှိကြောင်း၊ ထို့ကြောင့် မြန်မာနိုင်ငံသားများအတွက် ပြဿနာဖြစ်စေနိုင်သော အသုံးအနှုန်းကို မသုံးစွဲဘဲ ရှောင်ကြဉ်ပေးစေလိုကြောင်း၊ ဘင်္ဂါလီများနှင့် ပတ်သက်ပြီး ထိုက်သင့်သူများကို ပြန်လည်လက်ခံမည်ဟု ပြောကြားခဲ့ပြီး ဖြစ်ကြောင်း၊ ၁၉၈၂ ခုနှစ် နိုင်ငံသား ဥပဒေနှင့်အညီ စိစစ်လက်ခံမည် ဖြစ်ကြောင်း၊ နိုင်ငံတကာမှ ၀ိုင်းဝန်း ဖိအားပေးနေမည့်အစား ၀ိုင်းဝန်းကူညီ ဖြေရှင်းသည့် နည်းလမ်းကိုသာ ဆောင်ရွက်စေလိုကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

အဆိုပါ တွေ့ဆုံမှုတွင် ကုလသမဂ္ဂ၏ ငယ်ရွယ်သူ ကလေးစစ်သားများ အသုံးပြုသည့်နိုင်ငံစာရင်းမှ ပယ်ဖျက်ရေးဆိုင်ရာ ကိစ္စရပ်များ၊ ရခိုင်ပြည်နယ်အရေးနှင့် ပတ်သက်၍ အချက်အလက် ရှာဖွေရေးအဖွဲ့နှင့် စားပွဲဝိုင်း ဆွေးနွေးရေးဆိုင်ရာ ကိစ္စရပ်များ၊ အနာဂတ်ကာလတွင် ကုလသမဂ္ဂနှင့် ပူးပေါင်းဆောင်ရွက်မှု မြှင့်တင်ရေးဆိုင်ရာကိစ္စရပ်များအား ရင်းနှီးပွင့်လင်းစွာ အပြန်အလှန် ဆွေးနွေးကြပြီး ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်က ယခုရှင်းပြသည့် အချက်အလက်များကို ကုလသမဂ္ဂသို့ ပြန်လည် သယ်ဆောင်ပြောကြားပေးမည် ဖြစ်ကြောင်း ပြောကြားခဲ့သည်။

ဂျာမနီနိုင်ငံဆိုင်ရာ ဆွစ်ဇာလန် သံအမတ်ဟောင်း ဘာဂျန်နာသည် ဧပြီလအတွင်း ယခုတာဝန်၌ ခန့်အပ်ခံရခြင်းဖြစ်ပြီး ၎င်းသည် မြန်မာနိုင်ငံသို့ လာရောက်ပြီးနောက် ဘင်္ဂါလီ မွတ်စလင် ဒုက္ခသည်ပေါင်း ၇၀၀,၀၀၀ ခိုလှုံနေသည့် ဘင်္ဂလားဒေ့ရ်ှနိုင်ငံသို့လည်း သွားရောက်မည်ဖြစ်သည်။

လွန်ခဲ့သည့် သီတင်းပတ်အတွင်းက ကုလသမဂ္ဂနှင့် မြန်မာနိုင်ငံသို့ ရေးထိုးခဲ့သည့် သဘောတူညီချက် တစ်ရပ်အရ ကုလသမဂ္ဂအေဂျင်စီများကို ရခိုင်ပြည်နယ်သို့ ၀င်ရောက် ခွင့်ပြုမည် ဖြစ်သည်။

စစ်ကိုင်းတိုင်းဒေသကြီး လွှတ်တော်တွင် မဲခွဲဆုံးဖြတ်တိုင်း အမြဲတမ်း ပယ်မဲတစ်မဲပါနေခြင်းသည် လွှတ်တော်ကို စော်ကားရာရောက်ကြောင်း တိုင်းလွှတ်တော်ဥက္ကဋ္ဌ ပြောကြား

စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်းက ပယ်မဲပါနေရခြင်းနှင့် ပတ်သတ်၍ လွှတ်တော်တွင် ပြောကြားနေစဉ်

စစ်ကိုင်းတိုင်းဒေသကြီး လွှတ်တော်တွင် အဆိုများနှင့်ပတ်သက်၍ ဆန္ဒမဲခံယူခြင်း၊ မဲခွဲဆုံးဖြတ်ခြင်း ပြုလုပ်ရာတွင် အမြဲတမ်းပယ်မဲတစ်မဲ ပါနေခြင်းသည် လွှတ်တော်ကို စော်ကားရာရောက်ကြောင်း စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်းက ပြောကြားသည်။

ဇွန် ၁၁ ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီး လွှတ်တော် (၁၄) ကြိမ်မြောက် ပုံမှန်အစည်းအဝေး ၁၅ ရက်မြောက်နေ့တွင် မုံရွာမြို့နယ်မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်အမာကြည် တင်သွင်းခဲ့သည့် စစ်ကိုင်းတိုင်းဒေသကြီး အစိုးရအဖွဲ့၏ အလံ၊ အမှတ်အသားတံဆိပ်နှင့် ရင်ထိုးတံဆိပ်တို့အား သိသာထင်ရှား ကွဲလွဲပြတ်သားသော ဒီဇိုင်းပုံစံဖြင့် ပြင်ဆင်ပြောင်းလဲ သတ်မှတ်ပေးပါရန် တိုက်တွန်းကြောင်းအဆိုအား လွှတ်တော်၌ မဲခွဲဆုံးဖြတ်ရာ ပယ်မဲတစ်မဲ ပါရှိသဖြင့် တိုင်းလွှတ်တော်ဥက္ကဋ္ဌက ယင်းကဲ့သို့ ပြောကြားခဲ့ခြင်းဖြစ်သည်။

“အမြဲတမ်း ပယ်မဲတစ်မဲ ပါနေတာကို တွေ့ရပါတယ်။ ဒီပယ်မဲတစ်မဲဟာ ကျွန်တော်တို့ အစည်းအဝေးတိုင်းမှာ တွေ့နေရပါတယ်။ မဲမပေးတတ်လို့ ဆိုရင်တော့ ပြဿနာမဟုတ်ပါဘူး။ မဲပေးတတ်ရဲ့နဲ့ ပယ်မဲပေးနေတာဟာ တမင်ရည်ရွယ်ချက်နဲ့ လုပ်နေတယ်လို့ပဲ ကျွန်တော်တို့ နားလည်ပါတယ်။ ဒါကြောင့် ဒါဟာ ကျွန်တော်တို့ စစ်ကိုင်းတိုင်းဒေသကြီး လွှတ်တော်ကို စော်ကားရာရောက်ပါတယ်။ လွှတ်တော်ကိုယ်စားလှယ်တွေအနေနဲ့ ဆန္ဒမဲပေးတဲ့အခါမှာ မိမိရဲ့သဘောဆန္ဒကို သုံးခွင့်ရှိပါတယ်။ မဲပေးရမယ့် နေရာကလည်း ထောက်ခံမဲ၊ ကန့်ကွက်မဲ၊ ကြားနေမဲဆိုပြီးတော့ သုံးမျိုးရှိပါတယ်။ နောက်တစ်ခါ ဒါမျိုးမလုပ်ကြဖို့ ကျွန်တော့်အနေနဲ့ လွှတ်တော်ကိုယ်စားလှယ်တွေကို မေတ္တာရပ်ခံပါတယ်” ဟု စစ်ကိုင်းတိုင်းလွှတ်တော်ဥက္ကဋ္ဌ ဦးသန်းက ပြောကြားသည်။

စစ်ကိုင်းတိုင်းဒေသကြီး လွှတ်တော်တွင် မဲခွဲဆုံးဖြတ်တိုင်း အမြဲတမ်း ပယ်မဲတစ်မဲကနေ သုံးမဲအထိ ပါနေကြောင်း၊ ယင်းကဲ့သို့ ပယ်မဲများ ပါနေခြင်းသည် တိုင်းဒေသကြီး လွှတ်တော်ကို သိက္ခာကျအောင် လုပ်နေခြင်းဟု ထင်မြင်မိကြောင်း ကနီမြို့နယ် မဲဆန္ဒနယ်မြေ အမှတ်(၂) တိုင်းဒေသကြီး လွှတ်တော် ကိုယ်စားလှယ် ဦးထွန်းထွန်းဝင်းက သုံးသပ် ပြောကြားသည်။

စစ်ကိုင်းတိုင်းဒေသကြီး လွှတ်တော်တွင် အမျိုးသားဒီမိုကရေစီအဖွဲ့ချုပ်မှ လွှတ်တော် ကိုယ်စားလှယ် ၆၈ ဦး၊ တပ်မတော်သား လွှတ်တော်ကိုယ်စားလှယ် ၂၅ ဦး၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော်ကိုယ်စားလှယ်ငါးဦး၊ တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီမှ လွှတ်တော်ကိုယ်စားလှယ်နှစ်ဦး စုစုပေါင်း လွှတ်တော်ကိုယ်စားလှယ် ၁၀၀ ရှိသည်။

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဆွေးနွေး

တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီးစိုးမြင့်အောင် ဆွေးနွေးနေစဉ်ကို တွေ့ရစဉ်

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးဆိုင်ရာ အချုပ်အခြာအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး စိုးမြင့်အောင်က ထောက်ပြ ဆွေးနွေးခဲ့သည်။

မိုင်းပန်မဲဆန္ဒနယ် ပြည်သူ့လွှတ်တော် ကိုယ်စားလှယ် တင်သွင်းသည့် ”နိုင်ငံတော်အစိုးရ အနေဖြင့် ရခိုင်ပြည်နယ်အတွက် လွတ်လပ်သော ကော်မရှင်တစ်ခုကို နိုင်ငံတကာမှ ပုဂ္ဂိုလ်ကြီးတစ်ဦး အပါအ၀င် အဖွဲ့ဝင် သုံးဦးဖြင့် ဖွဲ့စည်းခြင်းနှင့် စပ်လျဉ်း၍ UNSC ကိုယ်စားလှယ်အဖွဲ့၏ အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်းနည်းလမ်း နှစ်သွယ်ပါရှိရာ လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကို လေးစား ယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စု အစိုးရအား တိုက်တွန်းကြောင်း” အရေးကြီးအဆိုကို ဇွန် ၁၁ ရက်က ပြုလုပ်သည့် ပြည်သူ့လွှတ်တော် အစည်းအဝေး၌ လွှတ်တော်ကိုယ်စားလှယ်များက ဆွေးနွေးရာတွင် ၎င်းက ထည့်သွင်းပြောကြားခြင်း ဖြစ်သည်။

”အဖွဲ့ဝင်သုံးဦး ပါဝင်ဖွဲ့စည်းမည့် စစ်ဆေးရေးကော်မရှင်မှာ နိုင်ငံတကာပုဂ္ဂိုလ်တစ်ဦး ပါဝင်မှုဆိုတာ ကျွန်တော်တို့ရဲ့ ဖွဲ့စည်းပုံ အခြေခံဥပဒေနှင့် ညီ မညီ စိစစ်ကြည့်ရန် လိုအပ်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၄ မှာ နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည်ဟု အတိအလင်း ပြဋ္ဌာန်းထားပြီး ဖြစ်တဲ့အတွက် နိုင်ငံတော်ရဲ့အချုပ်အခြာအာဏာ အုပ်ချုပ်ရေးပိုင်းအထိ ယခုဖွဲ့စည်းသော ကော်မရှင်က စစ်ဆေးနိုင်မယ့် အခြေအနေရှိတဲ့အတွက် နိုင်ငံတော်သားများထံမှ ဆင်းသက်လာသော ကော်မရှင် မဟုတ်ဘဲ နိုင်ငံခြားသားထံမှ ဆင်းသာလာသော ကော်မရှင်ဖြစ်လာမည်ကို သတိပြုရမည် ဖြစ်သောကြောင့် နိုင်ငံတကာပုဂ္ဂိုလ် ပါဝင်သာ စစ်ဆေးရေး ကော်မရှင်ဟာ နိုင်ငံတော် ဖွဲ့စည်းပုံအခြေခံဥပဒေနှင့် ကိုက်ညီမှု မရှိကြောင်း ပထမဦးစွာ တွေ့ရပါတယ်။ ယင်းကော်မရှင်ဟာ မြန်မာနိုင်ငံသားများကို ခေါ်ယူခြင်း တွေ့ဆုံခြင်း မေးမြန်းခြင်းတို့ကို ပြုလုပ်ရမှာ ဖြစ်ပါတယ်။ နိုင်ငံသား တစ်ဦးဦးကို ဥပဒေရဲ့ ခွင့်ပြုချက်မှတစ်ပါး မည်သူကမှ မေးမြန်းပိုင်ခွင့် မရှိပါဘူး။ ၎င်းအာဏာမှာ တရားရေးအာဏာသာ ဖြစ်ပါတယ်။ တရားရေး အာဏာကို ကော်မရှင်သို့ ပေးအပ်ပါက မြန်မာနိုင်ငံရဲ့ တရားရေးဆိုင်ရာ အချုပ်အခြာအာဏာကို နိုင်ငံခြား အဖွဲ့အစည်းတစ်ခုကို အပ်နှင်းလိုက်သလို ဖြစ်နေမှာ သတိပြုရမှာ ဖြစ်ပါတယ်။ မြန်မာနိုင်ငံ Sovereign Decision ကို နိုင်ငံခြားသားက ချမှတ်ပါက မမျှော်လင့်သော ရှုပ်ထွေးမှုများ ဖြစ်ပေါ်လာနိုင်ပြီး ကျွန်တော်တို့ ပြည်နယ်တစ်ခုရဲ့ လုံခြုံရေးပိုင်းဆိုင်ရာ ကျိုးပေါက်သွားနိုင်သကဲ့သို့ နိုင်ငံတော်ရဲ့ အချုပ်အခြာကိုပါ ထိပါး စွက်ဖက်လာနိုင်တာကိုပါ သတိပြုရမှာ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင် က ပြောကြားသည်။

ထို့ပြင် အာဆာအကြမ်းဖက်မှု ကာလနောက်ပိုင်းအား စုံစမ်းမယ်ဆိုသည့်အတွက် ၎င်းကာလသည် ဒေသတွင်း တည်ငြိမ်းအေးချမ်းမှု မရှိချိန်၊ အစိုးရ၏ အုပ်ချုပ်မှုယန္တရား ပျက်ပြားနေချိန်၊ ဒေသခံ ပြည်သူများ စိုးရိမ်ကြောက်လန့်ပြီး တစ်ဦးနှင့်တစ်ဦး၊ လူမျိုး တစ်မျိုးနှင့်တစ်မျိုး နာကျင်ခံစားပြီး သံသယကြီးနေချိန် ဖြစ်ကြောင်း၊ အစိုးရ၏ အုပ်ချုပ်ရေးအဖွဲ့အစည်းများ၊ လုံခြုံရေးတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များနှင့် ပူးပေါင်းဆောင်ရွက်နေကြသည့် ဒေသခံပြည်သူများဖြင့် ဒေသတွင်း တည်ငြိမ်ရေး၊ အုပ်ချုပ်ရေးယန္တရား လည်ပတ်နိုင်ရေး၊ အချုပ်အခြာအာဏာ ထပ်မံမဆုံးရှုံးရေး၊ ပြည်သူလူထု အိုးအိမ်စည်းစိမ် ထပ်မံမထိခိုက်စေရေး၊ လုံခြုံရေးနှင့် တရားဥပဒေစိုးမိုးရေးတို့ကို အဓိကထား လုပ်ဆောင်နေချိန် ကာလဖြစ်၍ ၎င်းကာလကို နိုင်ငံခြားသား ပုဂ္ဂိုလ်တစ်ဦးအနေဖြင့် သမိုင်းနောက်ခံ အခြေအနေမသိ၊ ဒေသခံများ၏ ခံစားနေရသည့် ဒုက္ခကိုမသိဘဲ လူ့အခွင့်အရေး၊ လူသားချင်း စာနာထောက်ထားမှု ခေါင်းစဉ်များဖြင့် သုံးသပ် စစ်ဆေးလာမည်ဆိုပါက နိုင်ငံတော်အစိုး၏ ပုံရိပ်ကို ထိခိုက်လာနိုင်သည်ကို ထည့်သွင်း စဉ်းစားရမည်ဖြစ်ကြောင်း ၎င်းကဆက်လက် ဆွေးနွေးသည်။

”မြန်မာနိုင်ငံရဲ့ ပြည်တွင်းရေးကို မြန်မာနိုင်ငံသားများကသာ ကွပ်ကဲစီရင်ပိုင်ခွင့် ရှိပြီးတော့ ပြည်ပနိုင်ငံသားများ ပါဝင်စေခြင်းဟာ ပြည်ပမှ ၀င်ရောက်စွက်ဖက်မှုကို မိမိကိုယ်တိုင် ကြိုဆိုနေသလို ဖြစ်နေတာကို သတိပြုရမှာ ဖြစ်ပါတယ်။ မြန်မာနိုင်ငံကို မြန်မာအစိုးရကသာ အုပ်ချုပ်နေတာဖြစ်ပြီးတော့ UN က လာရောက် အုပ်ချုပ်နေတာ မဟုတ်ကြောင်း သတိပြုရမှာ ဖြစ်ပါတယ်”ဟု တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး မင်းသော်အေး ကပြောကြားသည်။

ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေးကော်မရှင်တစ်ခုကို ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေး အရေးကြီးအဆိုအား ပြည်သူ့လွှတ်တော်တွင် မဲခွဲဆုံးဖြတ်ရာတွင် ရှုံးနိမ့်သွားသည့် မဲရလဒ်အား တွေ့ရစဉ်

ယခုကဲ့သို့ နောက်ကြောင်းပြန် ဆောင်ရွက်ခြင်းသည် ကျယ်ပြန့် နက်ရှိုင်းပြီး ပြည်ပ ပယောဂများ အဖျက်အမှောင့်များ မတည်ငြိမ်မှုများ စသည့် ကဏ္ဍပေါင်းစုံမှ ဆက်နွှယ်လာနိုင်သည်ကို သတိပေး ဆွေးနွေးလိုကြောင်း၊ ကော်မရှင်အနေဖြင့် မြန်မာနိုင်ငံအကျိုးကို ထည့်သွင်းမစဉ်းစားဘဲ လူ့အခွင့်အရေးကို ဇောင်းပေးကာ ဒေသခံ တိုင်းရင်းသားများ၏အရေးကို မျက်ကွယ်ပြုပြီး ၎င်းတို့ဖြစ်စေချင်သည့် အကြောင်းအရာများကိုသာ စစ်ဆေး ဖော်ထုတ်လာပါက ပြည်တွင်းရေး ပြဿနာကို တရားနည်းလမ်းကျ ဖြေရှင်းရာမရောက်ဘဲ နိုင်ငံတကာသို့ ကျယ်ပြန့်စွာ လှုံ့ဆော်ဖန်တီးမှုမျိုး ဖြစ်လာနိုင်ကြောင်း၊ နိုင်ငံခြားသား ပါဝင်သည့် ကော်မရှင်ဖွဲ့စည်းခြင်းကို နိုင်ငံတော်အစိုးရ အနေဖြင့် နက်နက်နဲနဲ စဉ်းစားသင့်ကြောင်း၊ ပြဿနာများကို ပိုမို ကျယ်ပြန့်စေခြင်း၊ အခြေအနေ ပိုမိုရှုပ်ထွေး ဆိုးရွားသွားစေခြင်း မရှိစေရန်နှင့် တစ်ဖက်နှင့် တစ်ဖက် အမုန်းတရားများ မဖြစ်ပေါ်စေရေး ထိန်းသိမ်းရန်မှာ ပြည်ထောင်စုအစိုးရ၏ တာဝန်သာ ဖြစ်ကြောင်း ဒုတိယဗိုလ်မှူးကြီး စိုးမြင့်အောင်က ပြောကြားသည်။

”လုံခြုံရေး၊ တည်ငြိမ်အေးချမ်းရေးနဲ့ တရားဥပဒေ စိုးမိုးရေးကို အခြေခံကျကျ စဉ်းစားပြီး အစိုးရရဲ့ အခွင့်အာဏာအတွင်းမှ နိုင်ငံတော်နဲ့နိုင်ငံသားများ၊ ဒေသခံ တိုင်းရင်းသားများရဲ့ မွေးရာပါ အခွင့်အရေးများနဲ့ အကျိုးစီးပွားကို ရှေးရှုသော ကော်မရှင်တစ်ရပ် ဖွဲ့စည်းရေးကိုသာ ဦးစားပေး ဆောင်ရွက်သင့်ပါတယ်။ ရခိုင်ပြည်နယ်အရေးကိစ္စဟာ မြန်မာပထ၀ီဝင် အနေအထားအရ နိုင်ငံခြားသားများနဲ့ ဖြေရှင်းရမယ့်ကိစ္စ မဟုတ်ဘဲ မိမိနိုင်ငံရဲ့ အမျိုးသား အကျိုးစီးပွားဖြစ်တဲ့ တိုင်းပြည် တည်ငြိမ်အေးချမ်းရေး တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးတိုးတက်ရေးအတွက် စိတ်ရင်း စေတနာအမှန်နဲ့ ဆောင်ရွက်လိုသူများ၊ မြန်မာနိုင်ငံ အတိတ်သမိုင်းကြောင်းကို သိရှိလက်ခံနိုင်သည့် မိမိနိုင်ငံသား အသိပညာရှင်များ၊ အတက်ပညာရှင်များနဲ့သာ ဖြေရှင်းနိုင်တဲ့ ကိစ္စတစ်ခု ဖြစ်ပါတယ်။ နိုင်ငံတော်အတွင်းမှာရှိတဲ့ ပညာရှင်နိုင်ငံသားများနဲ့သာ ပါဝင်ဖွဲ့စည်းသော ကော်မရှင်တစ်ခုကို ပြည်သူတို့ရဲ့ ဆန္ဒနဲ့အညီ ဖွဲ့စည်းဆောင်ရွက်သင့်ပါတယ်။ ထိုသို့ ကော်မရှင် ဖွဲ့စည်းသောကိစ္စဟာ နိုင်ငံတော်အတွက် အထူးအရေးကြီးပြီး အတိမ်းအစောင်း မခံသည့်ကိစ္စဖြစ်၍ လုပ်ဆောင်မှု နည်းလမ်းမှားယွင်းခဲ့ရင် ဒေသခံ ပြည်သူလူထုများ ထိခိုက်နစ်နာပြီး မလိုလားအပ်သော ပြဿနာများ နစ်နာဆုံးရှုံးမှုများ နက်ရှိုင်းစွာ ဖြစ်ပေါ်လာနိုင်ခြင်း၊ နိုင်ငံတော်ရဲ့ လုံခြုံရေးနှင့် အမျိုးသားအကျိုးစီးပွားများကို ထိခိုက်လာနိုင်ခြင်းတို့ကြောင့် နိုင်ငံတော်နှင့် နိုင်ငံသားများအကျိုးအတွက် ပွင့်လင်းမြင်သာစွာနဲ့ ပြည်သူ့ကိုယ်စားလှယ်ဖြစ်သော လွှတ်တော် ကိုယ်စားလှယ်များတို့ရဲ့ အတည်ပြုချက်ရယူပြီး အထူးဂရုပြု ဆောင်ရွက်သင့်တဲ့ကိစ္စ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင်က ပြောကြားသည်။

ထို့ပြင် ကုလသမဂ္ဂ လူ့အခွင့်အရေးကောင်စီက ရခိုင်ပြည်နယ်အတွင်း စုံစမ်းစစ်ဆေးနိုင်ရန် အချက်အလက် ရှာဖွေဖော်ထုတ်ရေးအဖွဲ့ကို ဖွဲ့စည်း၍ မြန်မာနိုင်ငံကို စေလွှတ်ရန် ၂၀၁၇ ခုနှစ် မတ် ၂၄ ရက်တွင် မဲခွဲမှု မလုပ်ဘဲ အတည်ပြု ဆုံးဖြတ်ခဲ့ကြောင်း၊ ထို့အတူ မြန်မာနိုင်ငံအပေါ် R2P ဆောင်ရွက်ရန် တွန်းအားပေးမှုများ ပြုလုပ်ခြင်း၊ ဆွေးနွေးပွဲများ ကျင်းပခြင်း၊ နိုင်ငံတကာ တက္ကသိုလ်ကောလိပ်များတွင် ဘွဲ့လွန်စာတမ်းများ ပြုစုခြင်းတို့ကိုပါ အချိန်ကိုက် ဆောင်ရွက်လာကြကြောင်း၊ ကိုဖီအာနန် ကော်မရှင်သည် အကြံပေးရန်ဟု ဆိုခဲ့သော်လည်း ဖွဲ့စည်းဆောင်ရွက်ပြီးသည့်နောက်တွင် ကော်မရှင်၏ အကြံပြုချက်များကို UN တွင် တင်ပြခဲ့ပြီး တရားဝင်အတည်ဖြစ်ကာ ယခုအခါတွင် ရခိုင်အရေး လမ်းပြမြေပုံအဖြစ်သို့ ရောက်ရှိနေပြီ ဖြစ်ကြောင်း၊ အဆိုပါဖြစ်စဉ်သည် ကိုဖီအာနန် ကော်မရှင်ဆိုသည့် နိုင်ငံခြားသားများ ပါဝင်လာသည့် အကျိုးဆက်ဖြစ်ပြီး မိအေးနှစ်ခါနာ သာမက ၁၀ ခါမကနာသည့်အဖြစ်သို့ ရောက်နေကာ မိမိနိုင်ငံသူ၊ နိုင်ငံသားများကိုလည်း မယုံကြည်ရာ ရောက်ကြောင်း ဒုတိယဗိုလ်မှူးကြီး မင်းသော်အေး ကပြောကြားသည်။

မြန်မာနိုင်ငံသည် ကမ္ဘာ့ကုလသမဂ္ဂ အဖွဲ့ဝင်နိုင်ငံဖြစ်သည်နှင့်အညီ မြန်မာနိုင်ငံအပေါ် ဥပဒေအရ စည်းနှောင်မှုရှိသည့် ပြဋ္ဌာန်းချက်များ၊ ဆုံးဖြတ်ချက်များကို လိုက်နာ ဆောင်ရွက်ရမည် ဖြစ်သော်လည်း ဥပဒေအရ စည်းနှောင်မှု မရှိသည့် ကုလသမဂ္ဂ၏ တိုက်တွန်း အကြံပြုချက်များကို အလုံးစုံလိုက်နာ ဆောင်ရွက်ရန်မလိုဘဲ မိမိနိုင်ငံ၏ အခြေအနေအရ ဆောင်ရွက်သင့်သည်များကိုသာ ဆောင်ရွက်ရန်ဖြစ်ပြီး မဆောင်ရွက်နိုင်သည့် ကိစ္စများကို မဆောင်ရွက်ဘဲ ထားရှိသင့်ကြောင်းနှင့် ရွေးချယ်စရာ နည်းလမ်းများနှင့် အကောင်းဆုံး ရွေးချယ်မှုကို မိမိနိုင်ငံ၏ အမျိုးသားအကျိုးစီးပွား ထိခိုက်နစ်နာမှု မရှိစေနိုင်သော အခြေခံအချက်အပေါ် မူတည်ပြီး ရွေးချယ် ဆောင်ရွက်သင့်ကြောင်း ဗိုလ်မှူးကြီး ခင်မောင်ချိုက ပြောကြားသည်။

အဆိုပါ အရေးကြီးအဆိုအား တပ်မတော်သား လွှတ်တော်ကိုယ်စားလှယ်များ၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီဝင် လွှတ်တော်ကိုယ်စားလှယ်များ၊ ရခိုင်အမျိုးသားပါတီဝင် လွှတ်တော်ကိုယ်စားလှယ်များက ထောက်ခံဆွေးနွေးခဲ့ပြီး အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များက ကန့်ကွက်ဆွေးနွေးခဲ့ကာ နိုင်ငံတော်အတိုင်ပင်ခံရုံးဝန်ကြီးဌာန ဒုတိယ၀န်ကြီးက အစိုးရ၏ ဆောင်ရွက်ချက်များကို ရှင်းလင်း၍ အဆိုအား အတည်မပြုရန် သဘောထားတင်ပြခဲ့ပြီးနောက် အဆိုအပေါ် မဲခွဲဆုံးဖြတ်ရာတွင် ကန့်ကွက်မဲများသည့်အတွက် အဆိုတင်သွင်းခြင်း ရှုံးနိမ့်ခဲ့သည်။

ရခိုင်ပြည်နယ် လွှတ်တော်မှ ခြောက်ဘီလျံကျော် ကောက်ခံမှုနှင့် ဆက်စပ်ပြီး နောင်တွင် အစိုးရက ငါတို့ကြိုက်သလို ဆွဲမယ်၊ လွှတ်တော်က ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ရခိုင်ပြည်နယ် လွှတ်တော်ဥက္ကဋ္ဌ ပြောကြား

ရခိုင်ပြည်နယ် လွှတ်တော်မှ ခြောက်ဘီလျံကျော် ဖြတ်မှုကို ပြုလုပ်ခဲ့ရသည့်အတွက် လာမည့် ၂၀၁၈-၁၉ ဘတ်ဂျက်များတွင် ဖြတ်တော်မှု မဖြစ်ပေါ်စေရေးအတွက် ငါတို့ကြိုက်သလို ဆွဲမယ်၊ ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေး ၃/၂၀၁၈ တတိယနေ့တွင် လွှတ်တော်ဥက္ကဋ္ဌက လွှတ်တော်ကိုယ်စားလှယ်များအား ပြောကြားခဲ့သည်။

ယင်းနှင့် ပတ်သက်ပြီး ရခိုင်ပြည်နယ် လွှတ်တော်ဥက္ကဋ္ဌ ဦးစံကျော်လှက “ဧပြီလမှ စက်တင်ဘာလအထိ ခြောက်လ ဘတ်ဂျက်မှာ ကျွန်တော်တို့ ရခိုင်ပြည်နယ်ဟာ ခြောက်ဘီလျံကျော် ဖြတ်တောက်ခြင်း ခံခဲ့ရတယ်ဆိုတာ အားလုံးအသိပဲ ဖြစ်ပါတယ်။ ခြောက်ဘီလျံ ဆိုတာ နည်းနည်းနောနော ကိစ္စမဟုတ်ဘူး၊ ဒါကို ကျွန်တော်တို့က ဖြတ်တောက် ခဲ့ရတယ်။ စိတ်မကောင်းဘူးဆိုတာ ဟိုတုန်းကလည်း ပြောခဲ့ပြီးပြီ။ အခုလာမယ့် ၁၈-၁၉ ဘတ်ဂျက်ထဲမှာ အဲလိုအဖြစ်မျိုးနဲ့ မကြုံတွေ့ရဖို့အတွက် ကျွန်တော်တို့ လွှတ်တော်ရော၊ အစိုးရအဖွဲ့ရော၊ နှစ်ဖက်စလုံးက ပူပေါင်းညှိနှိုင်း ဆောင်ရွက်ဖို့ လိုပါတယ်။ အထူးသဖြင့် ကိုယ်စီ ကိုင်စွဲထားတဲ့ မာနတွေကို လျှော့ချဖို့လိုတယ်။ အစိုးရဘက်ကလည်း ဘတ်ဂျတ်ဆိုတာ ငါတို့ဆွဲလို့ရတယ်၊ လွှတ်တော်ရဲ့ အကြံပြုချက်တွေကို ငါတို့ ဂရုထားစရာ မလိုဘူး ၊ ဥပဒေထဲမှာ လွှတ်တော်ရဲ့ အကြံပြုချက်တွေကို မလွဲမသွေ လက်ခံရမယ်လို့ မပါဘူး၊ ဒါကြောင့် ငါတို့ကြိုက်သလို ဆွဲမယ်ဆိုတဲ့ မာနမျိုး ၊ အဲဒီမာနမျိုးကို လျှော့ချဖို့ လိုပါလိမ့်မယ်၊ လွှတ်တော် ကိုယ်စားလှယ်တွေကလည်း ရာထားဘတ်ဂျက်ကို ငါတို့ဘာမှ မလုပ်နိုင်ဘူး၊ သို့သော် ဥပဒေကြမ်းအဖြစ်နဲ့ ဒုတိယအကြိမ် ရောက်လာတဲ့အခါမှာ ငါတို့လွှတ်တော်ကတော့ လုပ်ပိုင်ခွင့် ရှိနေတယ်ဆိုပြီးတော့ ဖြတ်မယ်၊ တောက်မယ်၊ ဖြုတ်မယ်၊ အဲဒီလို မလုပ်ကြပါနဲ့ ။ ကိုယ်စီကိုယ်စီမှာ လုပ်ပိုင်ခွင့် ရှိတယ်ဆိုပြီးတော့ ကိုင်စွဲထားတဲ့ မာနတွေကို လျှော့ချပါ၊ ကျွန်တော်တို့ မာနကိုယ်စီ ရှိနေကြဖို့ဆိုရင် နောက်ဆုံးမှာ ပြည်သူတွေသာ နစ်နာမှာ ဖြစ်တယ်။ ဖြတ်တောက်ပြီးငွေကို ကျွန်တော်တို့ ပြန်သုံးလို့ မရတော့ဘူး။ ဒါကြောင့် အားလုံးမှာ တာဝန်ရှိပါတယ်၊ အတတ်နိုင်ဆုံး ပူးပေါင်းပြီး ညှိနှိုင်းပြီး ဆောင်ရွက်ကြပါ”ဟု ပြောကြားခဲ့သည်။

ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေးကို ရခိုင်ပြည်နယ် ၀န်ကြီးချုပ်က ၂၀၁၈-၂၀၁၉ ခုနှစ် ဘဏ္ဍာရေးနှစ် ဘဏ္ဍာငွေအရ၊ အသုံးဆိုင်ရာ ခန့်မှန်းခြေငွေစာရင်း (လျာထားချက်) နဲ့ ပတ်သက်ပြီး ပြည်နယ်ဝန်ကြီးချုပ်မှ အစည်းအဝေး ခေါ်ပေးရန် လွှတ်တော်သို့ ညှိနှိုင်းလာသည့်အတွက် ခေါ်ယူရခြင်း ဖြစ်ကြောင်း၊ ငွေစာရင်းနဲ့ ပတ်သက်လို့ ပြည်နယ် လွှတ်တော်ကိုယ်စားလှယ် ရှစ်ဦးကလည်း အသေအချာ ဆွေးနွေးခဲ့ပြီး ဖြစ်ကြောင်း၊ အစိုးရအဖွဲ့အနေဖြင့် လွှတ်တော်ကိုယ်စားလှယ်များ၏ အကြံပြုချက်များကို အလေးအနက်ထားပြီး ဆောင်ရွက်ဖို့ တိုက်တွန်းပါကြောင်းလည်း ပြောကြားခဲ့သည်။

“ကိုယ်စားလှယ်တွေဆိုတာ ပါတီအသီးသီး နယ်ပယ်အသီးသီးက လာတယ်ဆိုပေမယ့် အမျိုးသားရေးကိစ္စအပေါ်မှာ တညီတညွတ်တည်း ဆောင်ရွက်ဖို့ လိုတယ်။ အစိုးရ သီးသန့်၊ တပ်မတော်သား ကိုယ်စားလှယ်က သီးသန့်၊ လွှတ်တော်က လွှတ်တော်သီးသန့် အဲလိုဖြစ်နေလို့ မရပါဘူး။ ရခိုင်ပြည်နယ်ရဲ့ ကြုံတွေ့နေရတဲ့ အခြေအနေဟာ စိန်ခေါ်မှုတွေ အလွန်တရာမှ များပြားနေပါတယ်။ ဒါတွေကို ကျော်လွှားနိုင်ဖို့အတွက် ကျွန်တော်တို့အားလုံး စည်းလုံးမှုရှိဖို့ လိုပါတယ်။ အဲဒီလိုရှိဖို့အတွက် ပါတီစွဲ၊ ပုဂ္ဂိုလ်စွဲ၊ အတ္တစွဲတွေ ကျွန်တော်တို့ လျှော့ချရပါမယ်၊ ကိုယ်စားလှယ်တွေဆိုတာ ပြည်သူက ယုံကြည်လို့ ရွေးချယ်ပေးလိုက်တာပါ၊ ပြည်သူတွေအတွက် ဆောင်ရွက်ဖို့ ရွေးချယ်ပေးခဲ့တာ ဖြစ်ပါတယ်။ ကျွန်တော်တို့ ကိုယ်တိုင်ကလည်း ပြည်သူတွေ အားကိုးလောက်တဲ့လူ ဖြစ်ဖို့လိုပါတယ်၊ ကျွန်တော်တို့ကြောင့် ပြည်သူတွေ မနစ်နာကြပါစေနဲ့ ၊ ၂၀၁၈-၁၉ အရသုံးဆိုင်ရာ ဥပဒေမူကြမ်းဟာ မကြာခင်မှာ လွှတ်တော်ကြီးဆီကို လာပါလိမ့်မယ်၊ အဓိက ပြောချင်တာကတော့ အဲဒီလိုပြန်လည် ရောက်တဲ့အခါမှာ တစ်ချိန်တုန်းက ကြုံခဲ့ရသလို ခြောက်ဘီလျံကျော် ဖြတ်တောက်တယ် ဆိုတဲ့ဟာမျိုး မဖြစ်ရအောင် ကျွန်တော်တို့ ညှိနှိုင်းပြီး ဆောင်ရွက်ရမှာ ဖြစ်တယ်လို့ တိုက်တွန်းချင်ပါတယ်။ နောက်ဆုံးအနေနဲ့ ပြောချင်တာကတော့ ညှိနှိုင်း ဆောင်ရွက်တယ်ဆိုတာ ကျွန်တော်တို့ ပြောပြောနေတဲ့ ဒီမိုကရေစီရဲ့ အနှစ်သာရ တစ်ခုလို့သာ ပြောချင်ပါတယ်”ဟုလည်း လွှတ်တော်ဥက္ကဋ္ဌ က ပြောကြားခဲ့သည်။

တရားမ၀င် အရက်ဘီယာ တင်သွင်းချက်လုပ် ရောင်းချမှုထိန်းချုပ်ရေး စီမံချက်ကို ဧပြီလအတွင်း ရေးဆွဲခဲ့ပြီး စီမံချက်ပါ လုပ်ငန်းအတိုင်း အရေးယူ ဆောင်ရွက်မည်ဟု ပြည်ထဲရေး ဒုတိယ၀န်ကြီး လွှတ်တော်၌ ဖြေကြား

တရားမ၀င် အရက်ဘီယာ တင်သွင်းချက်လုပ် ရောင်းချမှုထိန်းချုပ်ရေး စီမံချက်ကို ဧပြီလအတွင်းက ရေးဆွဲခဲ့ပြီး စီမံချက်ပါ လုပ်ငန်းအတိုင်း အရေးယူ ဆောင်ရွက်မည်ဖြစ်ကြောင်း ပြည်ထဲရေးဒုတိယ၀န်ကြီး ဗိုလ်ချုပ် အောင်သူက ပြောကြားသည်။

ဇွန် ၆ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ရန်ကုန်တိုင်းဒေသကြီး မဲဆန္ဒနယ် အမှတ် ၆ မှ ဒေါက်တာ မောင်မောင်က နိုင်ငံတော်အ၀န်း မြို့နယ်၊ ရပ်ကွက်၊ ကျေးရွာများထဲရှိ လိုင်စင်မဲ့ အရက်ပုန်းဆိုင်များကို ယစ်မျိုးဥပဒေအရ အရေးယူပေးရန် အစီအစဉ် ရှိ မရှိ မေးမြန်းခဲ့သည်။

အမျိုးသား လွှတ်တော်ကိုယ်စားလှယ် ဒေါက်တာမောင်မောင်က “ကျွန်တော်တို့ နိုင်ငံမှာရှိတဲ့ လူငယ်အများအပြားဟာ အရွယ်မရောက်သေးမီ ၁၈ နှစ်မတိုင်ခင်က အစပြုပြီး အရက်သေစာများကို သောက်သုံးမှီဝဲ စွဲလမ်းနေကြပါတယ်။ စောစီးစွာ အရက်သောက်တတ်တဲ့ အကျင့်ရသွားတဲ့အကြောင်းမှာ ရပ်ကွက်ထဲ နေရာအနှံ့ လက်တစ်ကမ်းအကွာ အရက်ရောင်းချသူများ ပြည့်နှံ့နေပါတယ်။ ကုန်စုံဆိုင်၊ ကွမ်းယာဆိုင် အစရှိတဲ့ဆိုင်များတွင် မသိမသာတစ်မျိုး၊ သိသာစွာတစ်မျိုး ရောင်းချနေကြပါတယ်။ ကျေးရွာများတွင်လည်း လမ်းမကြီး ဘေးဝဲယာ တစ်လျှောက်မှာ အရက်ဘီယာဆိုင်များနှင့် စည်ကားနေတာ တွေ့ရပါတယ်။ လွယ်ကူစွာရရှိတဲ့ အရက်သေစာများကို အတိုင်းအဆမရှိ သောက်သုံးနေကြခြင်းဖြင့် တန်ဖိုးရှိတဲ့အချိန်ကို ကုန်ဆုံးစေပါတယ်။ ကျန်းမာရေး ထိခိုက်ပါတယ်။ အရွယ်မတိုင်ခင် သေဆုံးကြပါတယ်။ ဒီလို အခြေအနေ လျော့နည်းသွားစေရန်အတွက် လိုင်စင်မဲ့ အရက်ပုန်းဆိုင်များကို အရေးယူပေးရန် အစီအစဉ်ရှိ မရှိ မေးမြန်းရခြင်း ဖြစ်ပါတယ်”ဟု ပြောကြားသည်။

လိုင်စင်မဲ့အရက်များ ရောင်းချမှုများ အရေးယူရာတွင် ၂၀၁၆ ခုနှစ်မှ ၂၀၁၈ ခုနှစ် ဧပြီအထိ ၁၄၂၁၉ မှု၊ တရားခံ ကျား ၁၈၁၁၆ ဦး၊ မ ၃၄၆၉ဦး စုစုပေါင်း ၁၄၂၈၅ ဦး ဖမ်းဆီး အရေးယူခဲ့ကြောင်း၊ လိုင်စင်စည်းကမ်းနှင့် မညီဘဲ အရက်ရောင်းချသူများကို ဖမ်းဆီးအရေးယူ ဆောင်ရွက်လျက်ရှိရာ ၂၀၁၆ ခုနှစ် မှ၂၀၁၈ ခုနှစ် ဧပြီအထိ ၃၉၅၉ မှု တရားခံ ကျား ၃၀၀၇ ဦး၊ မ ၉၇၈ ဦး စုစုပေါင်း ၃၉၈၅ ဦး အရေးယူခဲ့ကြောင်း ဒုတိယ၀န်ကြီး ဗိုလ်ချုပ်အောင်သူက ပြောကြားသည်။

“တရားမ၀င် အရက်များ တင်သွင်းရောင်းချမှု ထိန်းချုပ်ခြင်း၊ နိုင်ငံသားများ စာရိတ္တမဏ္ဍိုင်နဲ့ ကျန်းမာကြံ့ခိုင်ရန် ရည်ရွယ်၍ ၁၀.၄.၂၀၁၈ တွင် တရားမ၀င် အရက်ဘီယာ တင်သွင်းချက်လုပ် ရောင်းချမှု ထိန်းချုပ်ရေးစီမံချက် ရေးဆွဲခဲ့ပြီး ၁.၆.၂၀၁၈ ရက်မှစ၍ စီမံချက်ပါ လုပ်ငန်းအတိုင်း အရေးယူ ဆောင်ရွက်သွားမှာ ဖြစ်ပါတယ်။ သို့ဖြစ်ပါ၍ ပြည်ထဲရေးဝန်ကြီး အထွေထွေအုပ်ချုပ်ရေး ဦးစီးဌာနအနေဖြင့် လိုင်စင်မဲ့ အရက်ပုန်းဆိုင်များနှင့် တရားမ၀င် ယစ်မျိုးလုပ်ငန်းများကို အရေးယူမှုတွေ ဆောင်ရွက်လျက် ရှိပါတယ်”ဟု အမျိုးသားလွှတ်တော်တွင် ပြောကြားသည်။

ထို့ပြင် ယစ်မျိုးမူဝါဒနှင့်အညီ တစ်နှစ်ထက် တစ်နှစ် လျှော့ချလျက် ရှိရာတွင် ၂၀၁၂- ၂၀၁၃ ဘဏ္ဍာနှစ်တွင် လိုင်စင် အရေအတွက် ၄၁၂၃၃ ခွင့်ပြုခဲ့ရာမှ ၂၀၁၇ -၂၀၁၈ ဘဏ္ဍာနှစ်တွင် လိုင်စင် အရေအတွက် ၄၁၁၄၀ သာ ခွင့်ပြု၍ လိုင်စင် ၁၅၃ ခု လျော့ချခွံင့်ပြုခဲ့ကြောင်း၊ တရားမ၀င် လိုင်စင်မဲ့ အရက်ဆိုင်နှင့် ထန်းရည်ဆိုင်များအား ဥပဒေနှင့်အညီ ဖမ်းဆီးအရေးယူ ဆောင်ရွက်လျက်ရှိကြောင်း ဒုတိယ၀န်ကြီး ဗိုလ်ချုပ်အောင်သူ၏ ပြောကြားချက်အရ သိရသည်။

“ပြည်ထဲရေးဝန်ကြီးဌာန အထွေထွေအုပ်ချုပ်ရေး ဦးစီးဌာနဟာ ၁၉၁၇ ခုနှစ် မြန်မာနိုင်ငံ ယစ်မျိုးအက်ဥပဒေ ၁၉၂၈ မြန်မာနိုင်ငံ ယစ်မျိုးနည်းဥပဒေများ၊ ၁၉၂၉ ခုနှစ် မြန်မာ ယစ်မျိုးအမိန့် ဆင့်ဆိုချက်များနှင့် ၂၀၁၅ ခုနှစ် မြန်မာနိုင်ငံ ယစ်မျိုးအက်ဥပဒေကို ပြင်ဆင်သည့် ဥပဒေများကို ကျင့်သုံးလျက် ယစ်မျိုးလိုင်စင်များ ခွင့်ပြုခြင်း၊ စည်းကမ်းပျက် လိုင်စင်များ ပိတ်သိမ်းခြင်း၊ ပြည်တွင်းအခွန်များ ကောက်ခံခြင်းတို့ကို ဆောင်ရွက်လျက် ရှိပါတယ်။ ယစ်မျိုး စီမံခန့်ခွဲခြင်း လုပ်ငန်းနှင့်ယစ်မျိုးလိုင်စင် ချထားခြင်းလုပ်ငန်းများ ဆောင်ရွက်ရာမှာ ယစ်မျိုးဥပဒေ သုံးရပ်၊ ယစ်မျိုး အခြေခံလေးရပ်နဲ့အညီ ဆောင်ရွက်လျက် ရှိပါတယ်။ ထို့ပြင် ယစ်မျိုးလိုင်စင် ရယူခြင်းမရှိဘဲ ထုတ်လုပ်ဖြန့်ဖြူး ရောင်းချခြင်း လိုင်စင်ခွင့်ပြုချက်ထက် ကျော်လွန် ဆောင်ရွက်နေခြင်းများအား တရားဥပဒေနှင့်အညီ အရေးယူနိုင်စေရေးအတွက် စုံစမ်း ဖမ်းဆီးခြင်းလုပ်ငန်းများကို မြန်မာနိုင်ငံ ရဲတပ်ဖွဲ့က အရေးယူ ဆောင်ရွက်လျက် ရှိပါတယ်” ဟု ဗိုလ်ချုပ်အောင်သူက ပြောကြားသည်။

ထို့အတူ ၁၉၁၇ ခုနှစ် ယစ်မျိုးအက် ဥပဒေပါ တရားမ၀င် ယစ်မျိုးထုတ်လုပ်ခြင်း၊ ရောင်းဝယ်ခြင်း၊ ဖြန့်ဖြူးခြင်း၊ သယ်ယူခြင်းတို့နှင့် ပတ်သက်၍ ပြဋ္ဌာန်းထားသော ပြစ်ဒဏ်နှင့် ဒဏ်ငွေများကိုလည်း ထိရောက် ဟန့်တားသော ပြစ်ဒဏ်ဖြစ်စေရန်အတွက် ခေတ်ကာလနှင့် လျော်ညီသော ဒဏ်ငွေချမှတ်နိုင်ရန်အတွက် ယစ်မျိုးအက်ဥပဒေကို ပြင်ဆင်သည့် ဥပဒေကို ၂၀၁၅ ခုနှစ် ဒီဇင်ဘာ ၂၂ ရက်တွင် ပြည်ထောင်စုလွှတ်တော်က တိုးမြှင့် သတ်မှတ်ခဲ့ကြောင်း ၎င်းကပြောကြားသည်။

ရခိုင်အရေးနှင့် ပတ်သက်၍ မြန်မာနိုင်ငံအပေါ် ကျရောက်နေသော နိုင်ငံတကာဖိအားများ လျှော့ချနိုင်ရေးအတွက် နိုင်ငံတကာနှင့် ပူးပေါင်းဆောင်ရွက်ရန် လိုအပ်ကြောင်း DVB Debate တွင် ဆွေးနွေး

ပြည်တွင်းပြည်ပ သတင်းမီဒီယာများ ၂၀၁၈ ခုနှစ် ဧပြီလအတွင်းက တောင်ပြိုနယ်စပ်ခြံစည်းရိုး အပြင်ဘက်တွင် နေထိုင်နေသော ဘင်္ဂါလီများအား သွားရောက်တွေ့ဆုံစဉ်

အာဆာအဖွဲ့၏ အကြမ်းဖက် တိုက်ခိုက်မှုကြောင့် ရခိုင်ပြည်နယ် မြောက်ပိုင်းတွင် ဖြစ်ပွားခဲ့သော အရေးကိစ္စများနှင့် ပတ်သက်၍ မြန်မာနိုင်ငံအပေါ် ကျရောက်နေသော နိုင်ငံတကာ ဖိအားများအား လျှော့ချနိုင်ရေးအတွက် အစိုးရအဖွဲ့ အနေဖြင့် နိုင်ငံတကာနှင့် ပူးပေါင်းဆောင်ရွက်ရန် လိုအပ်သည်ဟု ဇွန် ၂ ရက်က ရန်ကုန်မြို့ အနော်ရထာလမ်းနှင့် ဗိုလ်တထောင်ဘုရား လမ်းထောင့်ရှိ Orchid ဟိုတယ်တွင် “နိုင်ငံတကာ ဖိအားကို ဘယ်လိုကျော်လွှားမလဲ” ဟူသော ခေါင်းစဉ်ဖြင့် ပြုလုပ်သည့် DVB Debate ဆွေးနွေးပွဲတွင် နိုင်ငံရေး လေ့လာသုံးသပ်သူများက အကြံပြုပြောကြားသည်။

ရခိုင်ပြည်နယ် အကြမ်းဖက်မှု ဖြစ်စဉ်နှင့်ပတ်သက်၍ မြန်မာ့လုံခြုံရေး တပ်ဖွဲ့ဝင်များက နယ်မြေရှင်းလင်းရေး ဆောင်ရွက်ရာတွင် အဓမ္မပြုကျင့်မှုများနှင့် လူအများအပြားကို  သတ်ဖြတ်ခဲ့သည်ဟု နိုင်ငံတကာ၏ စွပ်စွဲမှုများက ရှိနေပြီး အဆိုပါ စွပ်စွဲချက်များနှင့် ပတ်သက်၍ ကုလသမဂ္ဂ အချက်အလက်ရှာဖွေရေး အဖွဲ့ကို ရခိုင်ပြည်နယ်အတွင်းသို့ ၀င်ရောက်ခွင့် ပြုလိုက်ပါက ပြေလည်သွားနိုင်သော်လည်း နိုင်ငံတကာ၏ စွပ်စွဲချက်များအတိုင်း တကယ်ဖြစ်ခဲ့ခြင်း ရှိ၊ မရှိကိုမူ အစိုးရနှင့် တပ်မတော်တို့ အသေးစိတ် ညှိနှိုင်းဆွေးနွေးရန် လိုအပ်သည်ဟု နိုင်ငံရေးသုတေသီ ဒေါက်တာအောင်မျိုးက ပြောကြားသည်။

“စွပ်စွဲချက်တွေကို ဖြေရှင်းတဲ့နေရာမှာ အဓိကက ကျွန်တော်တို့က သူတို့ကို ၀င်ခွင့်မပေးတာပေါ့။ အဲဒီလို ၀င်ခွင့်မပေးတာဟာ ကျွန်တော်တို့က ကိုယ်မှားနေလို့လားပေါ့။ ကိုယ်မှားနေသလား။ မှန်နေသလား ဆိုတာကို အစိုးရနဲ့ တပ်မတော် ဒီနှစ်ခုက ပေါင်းကိုပေါင်းနေရမှာ။ တကယ်တော့ မောင်းနှင်တဲ့ ယန္တရားဟာ လူတစ်ယောက်ဆို အစိုးရက ခေါင်း၊ တပ်က လက်နဲ့ခြေထောက်။ အဲဒီ လက်နဲ့ခြေထောက်ဟာ လည်ပင်းက ပြတ်သွားပြီဆိုရင် ဘာမှလုပ်မရတော့ဘူး။ ဒီနှစ်ခုဟာ လက်က လုပ်နေတယ်။ ခေါင်းက တာဝန်ခံ။ ဒီနှစ်ခုက ညီပြီးတော့ အဖြေဖော်ရမှာ။ (ကုလသမဂ္ဂ အချက်အလက်ရှာဖွေရေး မစ်ရှင်ကို ၀င်ခွင့်ပေးလိုက်ရင် ဒီပြဿနာက) ပြေလည်သွားမှာ။ ဒါပေမဲ့ မလုပ်ခင်မှာတော့ ကျွန်တော်တို့က ဒီနှစ်ဖက်က ဒါတကယ် ဖြစ်ခဲ့သလားဆိုတာ နှစ်ဖက်မျက်နှာချင်းဆိုင်ပြီး အဖြေရှာဖို့လိုတယ်။ ဒီကိစ္စအတွက် ပေါင်းပြီးတော့ အဖြေရှာရမယ်” ဟု ဒေါက်တာအောင်မျိုးက ပြောကြားသည်။

မြန်မာနိုင်ငံအနေဖြင့် နိုင်ငံတကာ၏ ဖိအားကို ကျော်လွန်ရန် အလွန်အရေးကြီးပြီး ယခင်ကတည်းကပင် နိုင်ငံတကာ ဖိအားများ ရှိခဲ့ကာ ထိုသို့ နိုင်ငံတကာ ဖိအားများ ရှိနေခြင်းသည် မြန်မာနိုင်ငံ အနေဖြင့် မှားနေသောကြောင့်လား သို့မဟုတ် နိုင်ငံသားများ၏ တောင်းဆိုချက် ကြောင့်လားဟု ဖက်ဒရယ်ဒီမိုကရေ စီအင်အားစုမှ ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သူ ကိုမြအေးက ပြောကြားသည်။

“ကျွန်တော်တို့ မှန်နေတယ်ဆိုရင် နိုင်ငံတကာကနေ စုံစမ်းစစ်ဆေးရေး အဖွဲ့တွေနဲ့ ကျွန်တော်တို့ ပူးပေါင်းဆောင်ရွက်နိုင်စွမ်း ရှိရမယ်လို့ ကျွန်တော်တော့ မြင်တယ်။ ကျွန်တော်တို့ မှန်တာပဲ။ ရဲရဲတင်းတင်းပဲ ပြောရမှာပဲ။ နိုင်ငံတကာရဲ့ ပူးပေါင်းဆောင်ရွက်မှုတွေ လုပ်ရမယ်လို့ ကျွန်တော်မြင်တယ်” ဟု ကိုမြအေးက ပြောကြားသည်။

ရခိုင်အရေးနှင့် ပတ်သက်၍ မြန်မာနိုင်ငံအပေါ် နိုင်ငံတကာ၏ သဘောထား အမြင်များ အရှိန်မြင့် တက်လာသော်လည်း အချုပ်အခြာ အာဏာပိုင်သည့် နိုင်ငံတစ်ခုကို ကုလသမဂ္ဂ၏ ငြိမ်းချမ်းရေး ထိန်းသိမ်းမှုတပ်များ ၀င်ရောက်သည်ဆိုသည့် ကိစ္စသည် ကုလသမဂ္ဂ လုံခြုံရေးကောင်စီ၏ လုပ်ပိုင်ခွင့်နှင့် ကုလလုံခြုံရေး ကောင်စီထဲတွင် အချိန်ယူ ဆွေးနွေးရသည့်အတွက် ချက်ချင်း ဖြစ်မလာ နိုင်သော်လည်း အဆိုပါ လမ်းကြောင်းပေါ်ကို ဦးတည်နေသည့် နိုင်ငံတကာ သဘောထား တည်ဆောက်မှုများမှာ မြင့်တက်လာသည်ဟု နိုင်ငံရေး လေ့လာသုံးသပ်သူ ဒေါက်တာသောင်းထွန်းက ပြောကြားသည်။

“လုံခြုံရေးကောင်စီမှာ တရုတ်နဲ့ ရုရှားက ငါတို့ကို ကာကွယ်ပေးမှာပေါ့လို့။ ဗီတိုဆိုတာဟာ ခဏခဏ သုံးလို့ရတဲ့အရာ မဟုတ်ဘူး။ အဲဒီနိုင်ငံတွေမှာ ဂုဏ်သိက္ခာရှိတယ်။ တစ်ခါသုံးမယ်။ နှစ်ခါသုံးမယ်။ သုံးခါသုံးမယ်။ အဲဒီနိုင်ငံတွေမှာ သူတို့ရဲ့အကျိုးစီးပွားရှိတယ်။ အဲဒီတော့ ဒီကိစ္စမှာ မြန်မာနိုင်ငံ အခုလက်ရှိ ဖြစ်နေတဲ့ကိစ္စမှာ အထူးသဖြင့် တရုတ်နဲ့ ရေနံအကျိုးစီးပွား အပေါ်မှာ အခြေခံပြီးတော့ ဆက်စပ်နေတဲ့ အိုအိုင်စီ နိုင်ငံတွေရှိတယ်။ ဒါကို လျှော့မတွက်နဲ့။ ဒီရေနံ အကျိုးစီးပွား အခြေခံပေါ်မှာ တရုတ်ဟာ မြန်မာပြည်ပေါ်မှာ အကာအကွယ်ပေးနေတဲ့ သဘောထားဟာ ကာလတစ်ခုမှာ ပြောင်းသွားနိုင်ခြေရှိတယ်” ဟု ဒေါက်တာသောင်းထွန်းက ပြောကြားသည်။

ရခိုင်ပြည်နယ် မြောက်ပိုင်းတွင် လူမျိုးသုဉ်း သတ်ဖြတ်ခဲ့မှု ရှိ၊ မရှိကို နိုင်ငံတကာက လွတ်လပ်စွာ စစ်ဆေးခြင်း၊ စစ်ဆေးတွေ့ရှိချက်အရ ကျူးလွန်သူများကို ထိရောက်သော အပြစ်ပေးခြင်းနှင့် လူခုနစ်သိန်းခန့် ဘင်္ဂလားဒေ့ရ်ှနိုင်ငံသို့ ထွက်ပြေးသွားမှုကြောင့် တစ်ဖက်နိုင်ငံ ၀န်ထုပ်ဝန်ပိုး ဖြစ်ခဲ့ရသည့်အပေါ် မြန်မာနိုင်ငံက မည်ကဲ့သို့ လုပ်ပေးနိုင်မည်ဟူသော အချက်သုံးချက်ကို မြန်မာနိုင်ငံက မည်မျှလုပ်ပေးနိုင်သည် ဆိုသည့်အပေါ် မူတည်ကာ နိုင်ငံတကာဖိအားများ အတိုးအလျော့ ဖြစ်လာနိုင်သည်ဟုလည်း မြန်မာ့ငြိမ်းချမ်းရေးနှင့် လုံခြုံရေးအဖွဲ့မှ ဒေါက်တာမင်းဇော်ဦးက သုံးသပ်ပြောကြားသည်။

ရခိုင်ပြည်နယ်အရေးသည် နိုင်ငံတကာ၏အရေး အခြေအနေ အဖြစ်သို့ ရောက်ရှိသွားခြင်းမှာ ရခိုင်ပြည်နယ်မြောက်ပိုင်း အရေးကိစ္စ တစ်ခုတည်းကြောင့် မဟုတ်ဘဲ အဆိုပါ ကိစ္စရပ်ပေါ်တွင် အခြေခံပြီး နိုင်ငံရေး အကျိုးစီးပွားအတွက် ကစားကြသူများကြောင့်လည်း ဖြစ်ကြောင်း၊ ထိုသို့ဖြစ်မှုသည် ဒီမိုကရေစီ အသွင်ကူးပြောင်းရေး ဖြစ်စဉ်တွင် ဖြစ်လေ့ ဖြစ်ထရှိကာ လူဟောင်းများ အနေဖြင့် လူထုကြားတွင် ထင်ပေါ်ကျော်ကြားခြင်း မရှိသောအခါ လူထုထောက်ခံမှု ရရှိရေးအတွက် ဘာသာရေး အယူအဆများနှင့် အစွန်းရောက် အမျိုးသားရေး ၀ါဒများကို အသုံးပြုကြကြောင်းလည်း ဒေါက်တာသောင်းထွန်းက သတိပေး ပြောကြားသည်။

 

မြန်မာနှင့် ကုလသမဂ္ဂတို့၏ နားလည်မှုစာချွန်လွှာသည် ဘင်္ဂါလီမွတ်စလင်များ ပြန်လည်လက်ခံရေးကို အဆင်ပြေစေလိမ့်မည်ဟု ဘင်္ဂလားဒေ့ရ်ှဒုက္ခသည်များဆိုင်ရာ မဟာမင်းကြီး ပြောကြား

ဒုက္ခသည်များ သက်သာချောင်ချိရေး နှင့် ပြန်လည်လက်ခံရေးဆိုင်ရာ ဘင်္ဂလားဒေ့ရှ် မဟာမင်းကြီး မိုဟာမက်အဘူကာလမ်က မြန်မာအစိုးရနှင့် ကုလသမဂ္ဂအေဂျင်စီတို့အကြား ရခိုင်ပြည်နယ်တွင် ဘင်္ဂါလီမွတ်စလင် ဒုက္ခသည်များကို ပြန်လည်လက်ခံရေး နှင့်ပတ်သက်၍ နားလည်မှုစာချွန်လွှာ ရေးထိုးခဲ့မှုကို ဇွန် ၁ ရက်က ကြိုဆိုလိုက်ပြီး ယင်းသည် လုပ်ငန်းစဉ်ကို အဆင်ပြေချောမွေ့စေလိမ့်မည်ဖြစ်ကြောင်း ပြောကြားခဲ့သည်။

မေ ၃၁ ရက်တွင် မြန်မာအစိုးရ၊ ကုလသမဂ္ဂ၏ ဒုက္ခသည်များဆိုင်ရာအေဂျင်စီ (UNHCR) နှင့် ကုလသမဂ္ဂ ဖွံ့ဖြိုးရေးအစီအစဉ် (UNDP) တို့က ၎င်းတို့သည် ဒုက္ခသည်များ မိမိသဘောဆန္ဒအလျောက် ဘေးကင်းလုံခြုံစွာ ဂုဏ်သိက္ခာရှိရှိဖြင့် အဆက်မပြတ် ပြန်လာနိုင်ရေးအတွက် အခြေအနေရပ်များ ဖန်တီးရန် ရည်ရွယ်သည့် နားလည်မှုစာချွန်လွှာ တစ်ရပ်ကို သဘောတူညီခဲ့ကြောင်း ထုတ်ပြန်ကြေညာခဲ့သည်။

“ဒါက အပြုသဘောဆောင်တဲ့ ဖွံ့ဖြိုးမှုတစ်ရပ်လို့ ကျွန်တော်တို့ထင်တယ်”ဟု မိုဟာမက် အဘူကာလမ်က Benar News သတင်းဌာနသို့ ပြောကြားခဲ့သည်။

“UNHCR၊ UNDP တို့နဲ့ နားလည်မှု စာချွန်လွှာက ပြန်လည်လက်ခံရေးလုပ်ငန်းစဉ် ချောမွေ့ရေးအတွက် အထောက်အကူ ပြုပါလိမ့်မယ်။ ဒုက္ခသည်တွေ ပြန်လည်လက်ခံရေးအတွက် အချိုးညီညီ ပူးပေါင်းဆောင်ရွက်တဲ့ နည်းလမ်းတစ်ရပ်အတွင်းမှာ ကျွန်တော်တို့ လုပ်ကိုင်နိုင်ပါတယ်” ဟုလည်း ကာလမ်က ပြောကြားခဲ့သည်။

သို့သော် ကာလမ်က ယင်းကိစ္စနှင့်ပတ်သက်၍ နောက်ထပ် မှတ်ချက်ပေးရန် ငြင်းဆိုခဲ့ပြီး ဘင်္ဂလားဒေ့ရ်ှအစိုးရအနေဖြင့် နားလည်မှု စာချွန်လွှာ၏ အသေးစိတ်အချက်အလက်များကို ကြည့်ရှုရခြင်းမရှိသေးကြောင်း ပြောကြားခဲ့သည်။

ဧပြီလအတွင်းက ဘင်္ဂလားဒေ့ရ်ှနှင့် UNHCR တို့သည် နိုင်ငံမဲ့ ဘင်္ဂါလီမွတ်စလင်ဒုက္ခသည်များ မိမိသဘောဆန္ဒအလျောက် ပြန်လာရေးနှင့်ပတ်သက်၍ သီးခြားနားလည်မှု စာချွန်လွှာတစ်ရပ်ကို လက်မှတ်ရေးထိုးခဲ့သည်။

ယင်းမတိုင်မီ ဘင်္ဂလားဒေ့ရ်ှနှင့် မြန်မာ နိုင်ငံတို့သည် ဘင်္ဂလားဒေ့ရ်ှသို့ ထွက်ပြေးသွားခဲ့သည့် ဒုက္ခသည်များကို ပြန်လည်လက်ခံရေး၌ အတူတကွ ပူးပေါင်းဆောင်ရွက်ရန် သဘောတူညီချက်တစ်ရပ်ကို ၂၀၁၇ ခုနှစ် နိုဝင်ဘာလအတွင်းက လက်မှတ်ရေးထိုးခဲ့သည်။

ကုလသမဂ္ဂ အေဂျင်စီနှစ်ခုနှင့် မြန်မာအစိုးရတို့၏ နားလည်မှုစာချွန်လွှာရေးဆွဲမှုကို လာမည့်သီတင်းပတ်အတွင်း အပြီးသတ်မည်ဟု UNHCR က ပြောကြားခဲ့သည်။

ယခုနောက်ဆုံး နားလည်မှုစာချွန်လွှာသည် ဒုက္ခသည်များ မိမိတို့သဘောဆန္ဒအလျောက် ဘေးကင်းလုံခြုံစွာ ပြန်လာနိုင်ရေးအတွက် သင့်လျော်သည့် အခြေအနေရပ်များ ဖန်တီးရန် လိုအပ်သည့် ပထမအဆင့်ဖြစ်ကြောင်း ကုလသမဂ္ဂအရာရှိများက ပြောကြားခဲ့သည်။

“ဒီသဘောတူညီချက်ဟာ ၂၀၁၇ ခုနှစ် သြဂုတ်လမှာ အကြမ်းဖက်မှုတွေ ဖြစ်ပွားခဲ့ပြီးနောက်ပိုင်း ခွင့်ပြုခြင်းမရှိခဲ့တဲ့ ဒုက္ခသည်တွေရဲ့ မူရင်းနေရာတွေနဲ့ ပြန်လာဖို့ဖြစ်နိုင်တဲ့ နေရာတွေအပါအ၀င် ရခိုင်ပြည်နယ်ကို ၀င်ရောက်ဖို့ UNHCR နဲ့ UNDP ကို ခွင့်ပြုပေးတဲ့ မူဘောင်တစ်ရပ်ကိုလည်း ပေးပါတယ်” ဟု မေ ၃၁ ရက်က ထုတ်ပြန်သည့် ကြေညာချက်တစ်စောင်တွင် UNHCR က ပြောကြားထားသည်။

ယင်းကဲ့သို့ ၀င်ရောက်ခွင့် စတင်သက်ဝင်သည်နှင့် UNHCR သည် မြေပြင်အခြေအနေရပ်များကို လေ့လာသုံးသပ်ခြင်းနှင့် ကာကွယ်စောင့်ရှောက်ရေး လုပ်ဆောင်ချက်များကို ဆောင်ရွက်ခြင်းတို့ ပြုလုပ်နိုင်လိမ့်မည်ဖြစ်ကြောင်း၊ ယင်းသည် UNHCR အနေဖြင့် ဒုက္ခသည်များအား ၎င်းတို့၏ မူရင်းနေရာများရှိ အခြေအနေရပ်များအကြောင်း လွတ်လပ်သည့် အချက်အလက်များပေးကာ ၎င်းတို့အား ဘေးကင်းလုံခြုံစွာနှင့် ဂုဏ်သိက္ခာရှိစွာ ပြန်လာနိုင်ရေးအတွက် မှန်ကန်သော အခြေအနေရပ်များ ဟုတ် မဟုတ် ဆုံးဖြတ်ချက်ချရာတွင် အထောက်အကူပြုစေလိမ့်မည်ဖြစ်ကြောင်း UNHCR က ပြောကြားခဲ့သည်။

 

 

လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူ ဆောင်ရွက်နေကြောင်း ဒုတိယ၀န်ကြီး ပြောကြား

လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူကာ ဆောင်ရွက်နေကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က ပြောကြားသည်။

မေ ၃၁ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၇ ခုနှစ် မတ် ၃၁ ရက်အထိ ပြည်ထောင်စုလွှတ်တော်၏ အတည်ပြုချက်ဖြင့် ရယူထားသည့် ပြည်ပချေးငွေများနှင့် စပ်လျဉ်းပြီး ဆောင်ရွက်ပြီးစီးမှု အခြေအနေများကို ရှင်းလင်းစဉ် ပြောကြားခဲ့ခြင်း ဖြစ်သည်။

ဝန်ကြီးဌာန အနေဖြင့် အကောင်အထည်ဖော် ဆောင်ရွက်နေသော ချေးငွေ ၁၄ ခုတွင် JICA ချေးငွေ ခုနစ်ခု ဂျပန်ယန်း ၁၀၈ ဒသမ ၈၅၀ ဘီလျံ၊ World Bank ချေးငွေ နှစ်ခု အမေရိကန်ဒေါ်လာ ၄၅၀ သန်း၊ ADB ချေးငွေ နှစ်ခု အမေရိကန်ဒေါ်လာ သန်း ၁၄၀၊ China Development Bank ချေးငွေ အမေရိကန်ဒေါ်လာ ၁၆ ဒသမ ၄၀၈ သန်း၊ Exam Bank of Korea ချေးငွေ အမေရိကန်ဒေါ်လာ သန်း ၁၀၀၊ ဂျာမနီချေးငွေ ယူရို ၂၃ ဒသမ ၈၈၃ သန်းတို့ ပါဝင်ကြောင်း ဒုတိယ၀န်ကြီးက ပြောကြားသည်။

အဆိုပါ ချေးငွေများတွင် JICA ချေးငွေ ခုနစ်ခုအနက် ရန်ကုန်မြို့ရှိ ဓာတ်အားပေးစက်ရုံများ၊ ဓာတ်အားခွဲရုံနှင့် ဓာတ်အားလိုင်းများ ပြုပြင်ခြင်း၊ သာကေတ ဓာတ်အားပေးစက်ရုံ အဆင့်မြှင့်တင်ခြင်း လုပ်ငန်းများကို Marubeni Co, Ltd နှင့် Pre-Engineering လုပ်ငန်းများကို စတင် ဆောင်ရွက်နေပြီ ဖြစ်သည့်အပြင် 230 KV ခွဲရုံ လေးရုံ အဆင့်မြှင့်တင်ခြင်း လုပ်ငန်းများကိုလည်း ဆောင်ရွက်လျက်ရှိကြောင်း ပြောကြားသည်။

အမျိုးသား လျှပ်စစ်ဓာတ်အား ပို့လွှတ်ရေးကွန်ရက် ဖွံ့ဖြိုးတိုးတက်မှု စီမံကိန်း အဆင့် (၁)အား JICA ချေးငွေဖြင့် ဆောင်ရွက်မည့် 500 KV မိတ္ထီလာခွဲရုံနှင့် တောင်ငူခွဲရုံ ဓာတ်အားလိုင်း စီမံကိန်းအတွက် ချေးငွေပမာဏ ဂျပန်ယန်း ၂၄ ဒသမ ၆၇၈ ဘီလျံမှ ၂၀၁၈ ခုနှစ် ဧပြီ ၃၀ ရက်အထိ ဂျပန်ယန်း ၀ ဒသမ ၄၀၃ ဘီလျံသာ ထုတ်ယူထားပြီး Consultant လုပ်ငန်းများအတွက် စာချုပ်ချုပ်ဆိုခဲ့ကာ လုပ်ငန်းတင်ဒါများကိုလည်း နိုင်ငံပိုင် သတင်းစာများက ခေါ်ယူကာ ဆောင်ရွက်ခဲ့ကြောင်း ဒုတိယ၀န်ကြီးက ပြောကြားသည်။

ထို့အတူ အဆင့် (၂) ဖြစ်သည့် 500 KV ဘုရားကြီး-လှိုင်သာယာ ဓာတ်အားလိုင်း၊ 500 KV ဘုရားကြီးခွဲရုံနှင့် လှိုင်သာယာခွဲရုံအတွက် ဂျပန်ယန်း ၄၁ ဒသမ ၁၁၅ မှ ဂျပန်ယန်း ၀ ဒသမ ၀၄၆ ဘီလျံသာ ထုတ်ယူထားကြောင်း၊ ကျန်စီမံကိန်း လေးခုအတွက် ချေးငွေများ ထုတ်ယူထားခြင်း မရှိသေးကြောင်း၊ Consultant တင်ဒါများ စိစစ်နေပြီး လုပ်ငန်းတင်ဒါများ ခေါ်ယူရန် ပြင်ဆင် ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

China Development Bank ချေးငွေဖြင့် ဆောင်ရွက်နေသည့် 230 KV အသုတ်-ပုသိမ် ဓာတ်အားလိုင်း (၃၀ ဒသမ ၂၅ မိုင်)၊ ဓာတ်အားခွဲရုံ နှစ်ရုံမှာ ချေးငွေပမာဏ အမေရိကန်ဒေါ်လာ ၁၆ ဒသမ ၄၀၈ သန်းအနက် ထုတ်ယူသုံးစွဲမှု ပမာဏသည် အမေရိကန်ဒေါ်လာ ၁၅ ဒသမ ၃၃၉ သန်း ရှိကြောင်း၊ လုပ်ငန်းအားလုံး ၁၀၀ ရာခိုင်နှုန်း ပြီးစီးပြီ ဖြစ်သည့်အတွက် ၂၀၁၅ ခုနှစ် နိုဝင်ဘာလမှ စတင်ကာ ဓာတ်အား ပို့လွှတ်နိုင်ခဲ့ကြောင်း၊ ၂၀၁၅ ခုနှစ်မှစ၍ ချေးငွေများကို စေ့ရက် ရောက်သည့်အတိုင်း ပြန်လည်ပေးဆပ်လျက် ရှိကြောင်း၊ ကမ္ဘာ့ဘဏ် ချေးငွေဖြင့် ဆောင်ရွက်လျက်ရှိသည့် ၁၁၈ ဒသမ ၉ မဂ္ဂါဝပ် သထုံ သဘာဝဓာတ်ငွေ့နှင့် စွန့်ပစ်အပူသုံး ဓာတ်အားပေးစက်ရုံ စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၄၀ ရရှိခဲ့ကြောင်း၊၂၀၁၈ ခုနှစ် ဧပြီလကုန်အထိ အမေရိကန်ဒေါ်လာ ၈၂ ဒသမ ၇၄၁ သန်း ထုတ်ယူ သုံးစွဲခဲ့ပြီးဖြစ်ကာ ၂၀၁၈ ခုနှစ် ဇွန်လအတွင်း ဆောင်ရွက်ပြီးစီးမည် ဖြစ်ကြောင်း ဒေါက်တာထွန်းနိုင်က ပြောကြားသည်။

ထို့ပြင် အာရှဖွံ့ဖြိုးရေးဘဏ် ချေးငွေဖြင့် ဆောင်ရွက်မည့် ရန်ကုန်၊ မန္တလေး၊ စစ်ကိုင်းနှင့် မကွေးတိုင်းဒေသကြီးများ ဓာတ်အား ဖြန့်ဖြူးမှု တိုးတက်ရေး စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၆၀ ရရှိခဲ့သည့်အနက် ၃၈ ဒသမ ၅၈၆ သန်း ထုတ်ယူ သုံးစွဲခဲ့ပြီးဖြစ်ကာ ရန်ကုန်၊ မန္တလေး၊ စစ်ကိုင်း၊ မကွေးမြို့ကြီးများတွင် 66 KV ၊ 33 KV ဓာတ်အားခွဲရုံများ အဆင့်မြှင့်တင်ခြင်း၊ သစ်သားတိုင်များအား ကွန်ကရစ်တိုင်များဖြင့် အစားထိုး လဲလှယ်ခြင်း၊ ACSR ကြိုးလဲလှယ်ခြင်း၊ ABC ကြိုးလဲခြင်း၊ Switch Bay လဲလှယ်ခြင်း လုပ်ငန်းများကို ဆောင်ရွက်လျက် ရှိကြောင်း၊ Exam Bank of Korea ချေးငွေဖြင့် ဆောင်ရွက်လျက်ရှိသည့် 500 KV တောင်ငူ – ကမာနက် (ဘုရားကြီး) ဓာတ်အားလိုင်း ၁၁၇ မိုင် တည်ဆောက်ခြင်း စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၀၀ မှ ၀ ဒသမ ၅၉၄ သန်း ထုတ်ယူသုံးစွဲခဲ့ကာ Consultant လုပ်ငန်းများအတွက် ပြည်ပကုမ္ပဏီ သုံးခုနှင့် စာချုပ်ချုပ်ဆို၍ စီမံကိန်းလုပ်ငန်းများ ဆောင်ရွက်ရန် တင်ဒါခေါ်ယူပြီး ဖြစ်ကြောင်း ဒုတိယ၀န်ကြီးက ပြောကြားသည်။

ဂျာမနီချေးငွေဖြင့် ဆောင်ရွက်မည့် ရှမ်းပြည်နယ် တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ ကျေးရွာများ လျှပ်စစ်ဓာတ်အားရရှိရေး စီမံချက်အတွက် ချေးငွေယူရို၂၃ ဒသမ ၈၈၃ သန်းကို စာချုပ် ချုပ်ဆိုထားသော်လည်း ထုတ်ယူသုံးစွဲခြင်း မရှိသေးကြောင်း၊ လျှပ်စစ်ကဏ္ဍ အနေဖြင့် အကောင်အထည်ဖော် ဆောင်ရွက်လျက်ရှိသည့် ချေးငွေ စီမံကိန်း ၁၄ ခု၊ အခြားဝန်ကြီးဌာနများနှင့် ပူးပေါင်းကာ ချေးငွေရယူ၍ အကောင်အထည်ဖော် ဆောင်ရွက်လျက်ရှိသည့် စီမံကိန်း နှစ်ခု၊ ယင်းစီမံကိန်း ၁၆ ခုအား ချေးငွေစာချုပ်ပါ စည်းကမ်းချက်များအား လိုက်နာ ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

NLD ပါတီ စီးပွားရေးကော်မတီဝင် ဦးစိုးဝင်းအား စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးအဖြစ် ခန့်အပ်ရန် ပြည်ထောင်စုလွှတ်တော် သဘောတူ

စီမံကိန်းနှင့်ဘဏ္ဍာရေးဝန်ကြီးဌာန၏ ပြည်ထောင်စုဝန်ကြီးအဖြစ် NLD ပါတီ စီးပွားရေးကော်မတီဝင် ဦးစိုးဝင်းအား ခန့်အပ်ရန် ပြည်ထောင်စုလွှတ်တော် သဘောတူခဲ့ကြောင်း သိရသည်။

နိုင်ငံတော်သမ္မတထံမှ ပေးပို့ထားသော လစ်လပ်လျက်ရှိသည့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးနေရာတွင် ဦးစိုးဝင်းအား အစားထိုး ခန့်အပ်တာ ၀န်ပေးလိုခြင်းနှင့် စပ်လျဉ်းပြီး ကန့်ကွက်သူ မရှိသောကြောင့် နေပြည်တော်၌ မေ ၃၁ ရက် က ကျင်းပသော ဒုတိယအကြိမ် ပြည်ထောင်စုလွှတ်တော် အစည်းအဝေး ဆဋ္ဌမနေ့တွင် သဘောတူကြောင်း ကြေညာခဲ့ခြင်း ဖြစ်သည်။

ဦးစိုးဝင်းသည် ၁၉၃၈ ခုနှစ်တွင် မော်လမြိုင်မြို့၌ မွေးဖွားခဲ့ပြီး အသက်အရွယ်အားဖြင့် ၈၀ နှစ်ရှိပြီ ဖြစ်ကာ အမျိုးသားဒီမိုကရေစီအဖွဲ့ချုပ်၏ စီးပွားရေးကော်မတီဝင် တစ်ဦးလည်း ဖြစ်သည်။

လက်ရှိတွင် Deloitte Touche Myanmar Vigour Advisory Limited တွင် လုပ်ကိုင်လျက်ရှိပြီး ၀ိဇ္ဇာ၊ ဥပဒေ၀ိဇ္ဇာ၊ စီမံခန့်ခွဲရေး ဒီပလိုမာ (BA, BI, DMA) တို့ကို ရရှိထားသူ ဖြစ်ကာ ရန်ကုန်မြို့ မရမ်းကုန်းမြို့နယ် မစိုးရိမ်ကျောင်းလမ်းတွင် နေထိုင်လျက်ရှိပြီး သားလေးဦး ရှိကြောင်း သိရသည်။

ပြည်ထောင်စုဝန်ကြီးအဖြစ် ခန့်အပ်ရန် အမည်စာရင်း တင်သွင်းခံထားရသည့် ဦးစိုးဝင်းသည် မြန်မာ့စီးပွားရေးဘဏ်တွင် ဒုတိယ မန်နေဂျာအဖြစ် ၁၉၆၁ ခုနှစ်တွင် စတင် လုပ်ကိုင်ခဲ့ပြီး မြန်မာနိုင်ငံတကာကုန်သွယ်မှုဘဏ် (MFTB) တွင်လည်း တာဝန် ထမ်းဆောင်ခဲ့သူ ဖြစ်ကြောင်း သိရသည်။

ထို့နောက် နိုင်ငံတကာ အကြံပေးကုမ္ပဏီ Deloitte Touche ၏ မြန်မာနိုင်ငံဆိုင်ရာ အစုစပ်ပိုင်ရှင်အဖြစ် တာဝန်ယူ လုပ်ကိုင်ခဲ့ပြီး ဘဏ်လုပ်ငန်းနှင့် ပတ်သက်၍ ကျွမ်းကျင်သူတစ်ဦးဖြစ်ကာ နိုင်ငံတကာနှင့် ပြည်တွင်း အကြံပေးပညာရှင်အဖြစ် နှစ်ပေါင်းများစွာ လုပ်ကိုင်လာသူ တစ်ဦးဖြစ်ကြောင်း သိရသည်။

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း အနေဖြင့် ၎င်း၏ သဘောဆန္ဒအလျောက် မေ ၂၅ ရက်တွင် ရာထူးမှ နုတ်ထွက်သွားသောကြောင့် ဦးစိုးဝင်းအား ခန့်အပ်ရန် နိုင်ငံတော်သမ္မတက ပြည်ထောင်စုလွှတ်တော်သို့ တင်ပြလာခြင်း ဖြစ်သည်။

ယခင် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးတာဝန် ထမ်းဆောင်ခဲ့သည့် ဦးကျော်ဝင်းသည် အဂတိလိုက်စားမှုနှင့် ပတ်သက်၍ တိုင်ကြားခံခဲ့ရပြီး အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေးမှုများ ပြုလုပ်ကာ နိုင်ငံတော်သမ္မတထံ အစီရင်ခံစာ တင်သွင်းထားချိန်တွင် ၎င်း၏ သဘောဆန္ဒအလျောက် တာဝန်မှ နုတ်ထွက်သွားခြင်း ဖြစ်သည်။

ဦးကျော်ဝင်းနှင့် ပတ်သက်၍ အဂတိလိုက်စားမှု တိုက်ဖျက်ရေးကော်မရှင်က စစ်ဆေးတွေ့ရှိချက်များကို နိုင်ငံတော်သမ္မတရုံးသို့ တင်ပြခဲ့ပြီး လျှို့ဝှက်အဆင့်အတန်း သတ်မှတ်ထားသည့် ကိစ္စမှတစ်ပါး ကော်မရှင်၏ ဆုံးဖြတ်ချက်များကို သင့်လျော်သည့်အချိန်တွင် ထုတ်ပြန်ပေးမည် ဖြစ်ကြောင်း မေ ၂၇ ရက်တွင် အဂတိလိုက်စားမှု တိုက်ဖျက်ရေးကော်မရှင်က သတင်းထုတ်ပြန်ထားသည်။