မြန်မာ့အရေးနှင့် ပတ်သက်သည့် အစီရင်ခံစာသည် တစ်ဖက်သတ် စုံစမ်းရရှိချက်များဖြစ်ပြီး မိတ်ဆွေနိုင်ငံများဖြင့် ပူးပေါင်းကာ ဖြေရှင်းမည်ဟု တပ်မတော်ကာကွယ်ရေးဦးစီးချုပ် ပြောကြား

မြန်မာ့အရေးနှင့် ပတ်သက်သည့် အစီရင်ခံစာသည် တစ်ဖက်သတ် စုံစမ်းရရှိချက်များဖြစ်ပြီး မိတ်ဆွေနိုင်ငံများဖြင့် ပူးပေါင်းကာ ဖြေရှင်းမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က အောက်တိုဘာ ၁၈ ရက်တွင် မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E.Mr.Nikolay Listopadov နှင့် တွေ့ဆုံစဉ် ပြောကြားခဲ့ကြောင်း တပ်မတော်ကာကွယ်ရေးဦးစီးချုပ်ရုံးက ထုတ်ပြန်သည်။

ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က သြဂုတ်လအတွင်း မိမိ၏ ရုရှားခရီးစဉ်သည် အောင်မြင်သည့် ခရီးစဉ်ဖြစ်ကြောင်း၊ မြန်မာနိုင်ငံ၏ ဖြစ်စဉ်ဖြစ်ရပ်များအပေါ် ရုရှားနိုင်ငံအနေဖြင့် နားလည်မှုရှိသည့်အတွက် ကျေးဇူးတင်ရှိပြီး မိတ်ဆွေကောင်းနိုင်ငံတစ်ခုလည်း ဖြစ်သည့်အတွက် နှစ်နိုင်ငံဆက်ဆံရေးကို အလေးထားကြောင်း ဦးစွာ ပြောကြားခဲ့သည်။

ရခိုင်ဖြစ်စဉ်နှင့်ပတ်သက်ပြီး တပ်မတော်၏ ထုတ်ပြန်ပြောဆိုချက်များသည် ဖြစ်စဉ်မှန်များပင်ဖြစ်ကြောင်း၊ နိုင်ငံတော်ကို ကိုယ်စားပြုသည့် တပ်မတော်ဖြစ်သည့်အတွက် တပ်မတော်၏ပြောဆိုချက်၊ ထုတ်ပြန်ချက်များသည် နိုင်ငံတော်ကို ကိုယ်စားပြုကြောင်း၊ ကမ္ဘာပေါ်တွင်ရှိသည့် တပ်မတော်တိုင်းသည် မိမိတို့နိုင်ငံနှင့် တိုင်းရင်းသားလူမျိုးများကို ကာကွယ်ရန် တာဝန်ရှိကြောင်း၊ သို့သော် မိမိတို့နိုင်ငံအပေါ် နည်းမျိုးစုံ အကြောင်းပြလျက် မဟုတ်မမှန် စွပ်စွဲပြောဆိုမှုများကို နိုင်ငံတကာက လုပ်ဆောင်လျက်ရှိကြောင်း၊ နိုင်ငံ၏ တည်ငြိမ်အေးချမ်းရေးနှင့် တရားဥပဒေစိုးမိုးရေး၊ အခြေခံဥပဒေတွင် ပြဋ္ဌာန်းထားသည့် လူတစ်ဦးတစ်ယောက်ချင်း၏ ရပိုင်ခွင့်နှင့် အမျိုးသားယဉ်ကျေးမှု စရိုက်လက္ခဏာများကို ထိခိုက်စေမည့် လုပ်ဆောင်ချက်များကို တပ်မတော်အနေဖြင့် ဥပဒေနှင့်အညီ ထိန်းသိမ်းကာကွယ် စောင့်ရှောက်လျက်ရှိကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

မြန်မာနိုင်ငံအရေးကိစ္စနှင့် ပတ်သက်သည့် အစီရင်ခံစာသည် တစ်ဖက်သတ် စုံစမ်းရရှိချက်များဖြစ်ပြီး မြန်မာနိုင်ငံအနေဖြင့် မိတ်ဆွေနိုင်ငံများနှင့် ပူးပေါင်း၍ မှန်ကန်စွာ ရင်ဆိုင်ဖြေရှင်းသွားမည်ဖြစ်ကြောင်း၊ ငြိမ်းချမ်းရေးနှင့် ပတ်သက်၍ ငြိမ်းချမ်းရေးမရှိလျှင် ကမ္ဘာပေါ်တွင် ငြိမ်းချမ်းစွာနေထိုင်နိုင်မည် မဟုတ်ကြောင်း၊ ပြဿနာများကို ဖန်တီးနေ၍ ငြိမ်းချမ်းရေးကို ထိခိုက်နေခြင်းဖြစ်ကြောင်း၊ နိုင်ငံတစ်ခု ငြိမ်းချမ်းရေးမရှိလျှင် ဖွံ့ဖြိုးတိုးတက်မှုရှိမည် မဟုတ်ကြောင်း၊ မိမိတို့အနေဖြင့် ထာဝရငြိမ်းချမ်းရေး ရရှိအောင် ဆောင်ရွက်နေခြင်းဖြစ်ကြောင်း၊ ခေတ်မီတပ်မတော် တည်ဆောက်ခြင်းနှင့် ပတ်သက်၍ နိုင်ငံတော်ကို ကာကွယ်စောင့်ရှောက်နိုင်သည့်၊ နိုင်ငံတော်က အားကိုးရသည့် တပ်မတော်တစ်ရပ်ဖြစ်အောင် တည်ဆောက်နေခြင်းဖြစ်ကြောင်း၊ မိမိတို့အနေဖြင့် ဒီမိုကရေစီလမ်းကြောင်းပေါ်တွင် လျှောက်လှမ်းလျက်ရှိသည့်အတွက် ပြည်သူက ရွေးချယ်ထားသည့် အစိုးရနှင့် ပူးပေါင်းဆောင်ရွက်ရမည် ဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

၂၀၁၈ ကြားဖြတ်ရွေးကောက်ပွဲတွင် မန္တလေးတိုင်းဒေသကြီးအတွင်း မဲပေးပိုင်ခွင့်ရှိသူ သုံးသိန်းကျော်ရှိပြီး လစ်လပ်မဲဆန္ဒနယ်သုံးနေရာ၌ နိုင်ငံရေးပါတီ ၁၁ ပါတီနှင့် တစ်သီးပုဂ္ဂလတစ်ဦး ၀င်ရောက် ယှဉ်ပြိုင်မည်

နိုဝင်ဘာ ၃ ရက်တွင် ကျင်းပပြုလုပ်မည့် ကြားဖြတ်ရွေးကောက်ပွဲတွင် မန္တလေးတိုင်းဒေသကြီးအတွင်း ဆန္ဒမဲပေးပိုင်ခွင့်ရှိသူဦးရေ ၃၁၃၀၀၀ ကျော်ရှိပြီး လစ်လပ်မဲဆန္ဒနယ်သုံးနေရာ၌ နိုင်ငံရေးပါတီ ၁၁ ပါတီနှင့် တစ်သီးပုဂ္ဂလတစ်ဦးတို့ ၀င်ရောက် ယှဉ်ပြိုင်သွားမည်ဖြစ်ကြောင်း မန္တလေးတိုင်းဒေသကြီး ရွေးကောက်ပွဲကော်မရှင်အဖွဲ့ခွဲထံမှ သိရသည်။

၂၀၁၈ ကြားဖြတ်ရွေးကောက်ပွဲတွင် မန္တလေးတိုင်းဒေသကြီးအတွင်း လစ်လပ်မဲ ဆန္ဒနယ်မြေသုံးနေရာဖြစ်သည့် မြင်းခြံမြို့နယ် ပြည်သူ့လွှတ်တော်မဲဆန္ဒနယ်၊ သပိတ်ကျင်းမြို့နယ် တိုင်းဒေသကြီးလွှတ်တော် အမှတ်(၁) မဲဆန္ဒနယ်နှင့် မန္တလေးတိုင်းဒေသကြီးလွှတ်တော် ရှမ်းတိုင်းရင်းသား လူမျိုးမဲဆန္ဒနယ်မြေတို့တွင် နိုင်ငံရေးပါတီ ၁၁ ပါတီနှင့် တစ်သီးပုဂ္ဂလကိုယ်စားလှယ်တစ်ဦးတို့ ၀င်ရောက် ယှဉ်ပြိုင်သွားမည်ဖြစ်သည်။ အဆိုပါ လစ်လပ်မဲဆန္ဒနယ်မြေသုံးခုတွင် ပြည်သူ့လွှတ်တော် နေရာအတွက် ကိုယ်စားလှယ်လောင်းလေးဦး၊ တိုင်းဒေသကြီးလွှတ်တော် အမှတ်(၁) မဲဆန္ဒနယ်မြေအတွက် ကိုယ်စားလှယ်လောင်း ခုနစ်ဦးနှင့် တိုင်းဒေသကြီးလွှတ်တော် ရှမ်းတိုင်းရင်းသားလူမျိုးမဲဆန္ဒနယ်မြေအတွက် ကိုယ်စားလှယ်လောင်းငါးဦးတို့ ယှဉ်ပြိုင်သွားမည်ဖြစ်ကြောင်း သိရသည်။

“ကြားဖြတ်ရွေးကောက်ပွဲအတွက် ကော်မရှင်ဘက်ကတော့ အားလုံးကို ပြင်ဆင်ထားပြီး ဖြစ်တာကြောင့် အသင့်အနေအထား ဖြစ်နေပါပြီ။ သက်ဆိုင်ရာ ကော်မရှင်အဖွဲ့ခွဲတွေနဲ့ မဲရုံမှူးတွေအထိ အဆင့်ဆင့် သင်တန်းတွေ ပို့ချပေးထားပြီး ဖြစ်ပါတယ်။ ခရီးသွားမယ့်သူတွေ၊ နာမကျန်းဖြစ်နေသူတွေ၊ ဆေးရုံတက်ရောက်နေရသူတွေ အချုပ်ကျခံနေရသူတွေအတွက် ကြိုတင်မဲကိုတော့ နိုဝင်ဘာ ၁ ရက်ကနေ ၂ ရက်အထိ သက်ဆိုင်ရာမဲဆန္ဒနယ် မြေတွေမှာ သွားရောက်ပြီးပေးနိုင်မှာ ဖြစ်ပါတယ်။ ကြားဖြတ်ရွေးကောက်ပွဲနဲ့ ပတ်သက်ပြီး တာဝန်ထမ်းဆောင်ကြရမယ့် နိုင်ငံဝန်ထမ်းတွေနဲ့ သက်ဆိုင်ရာ အစိုးရတာဝန်ရှိသူတွေအတွက်ကတော့ အောက်တိုဘာ ၂၄ ရက်က စတင်ပြီး ကြိုတင်မဲပေးခွင့် ရရှိမှာ ဖြစ်ပါတယ်” ဟု မန္တလေးတိုင်းဒေသကြီး ရွေးကောက်ပွဲ ကော်မရှင်အဖွဲ့ခွဲမှ အတွင်းရေးမှူး ဦးကျော်ကျော်စိုးက ပြောကြားသည်။

မန္တလေးတိုင်းဒေသကြီးအတွင်း ၂၀၁၈ ကြားဖြတ်ရွေးကောက်ပွဲအတွက် လစ်လပ်နေသည့် မဲဆန္ဒနယ်သုံးနေရာတွင် မဲရုံပေါင်း ၆၈၀ ကျော်ရှိပြီး မဲပေးပိုင်ခွင့်ရှိသူဦးရေမှာ မြင်းခြံမြို့နယ် ပြည်သူ့လွှတ်တော်မဲဆန္ဒနယ်မြေတွင် ၂၂၁၀၀၀ ကျော်၊ သပိတ်ကျင်းမြို့နယ် တိုင်းဒေသကြီးလွှတ်တော်အမှတ်(၁) မဲဆန္ဒနယ်မြေတွင် ၄၉၆၈၁ ဦး၊ တိုင်းဒေသကြီးလွှတ်တော် ရှမ်းတိုင်းရင်းသားလူမျိုးမဲဆန္ဒနယ်မြေတွင် ၄၂၇၄၇ ဦးရှိကြောင်း မန္တလေးတိုင်းဒေသကြီး ရွေးကောက်ပွဲကော်မရှင်အဖွဲ့ခွဲထံမှ သိရသည်။

၂၀၁၈ နိုဝင်ဘာ ၃ ရက်၌ ကျင်းပပြုလုပ်မည့် ကြားဖြတ်ရွေးကောက်ပွဲတွင် လစ်လပ်မဲ ဆန္ဒနယ် ၁၃ နေရာရှိပြီး အမျိုးသားလွှတ်တော်တစ်နေရာ၊ ပြည်သူ့လွှတ်တော် လေးနေရာနှင့် တိုင်းဒေသကြီးနှင့် ပြည်နယ်လွှတ်တော် ရှစ်နေရာရှိကြောင်း သိရသည်။ ကြားဖြတ်ရွေးကောက်ပွဲအတွက် မဲဆွယ်ဟောပြောစည်းရုံးခွင့်ကို စက်တင်ဘာ ၃ ရက်မှ နိုဝင်ဘာ ၁ ရက်အထိ ခွင့်ပြုပေးထားပြီး နိုဝင်ဘာ ၂ ရက်တွင် ရပ်နားရမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်က ထုတ်ပြန်ထားသည်။

ထို့ပြင် ၂၀၁၈ ကြားဖြတ်ရွေးကောက်ပွဲအတွက် လစ်လပ်လျက်ရှိသည့် မဲဆန္ဒနယ်မြေများအတွက် မဲစာရင်းများပြုစုရာတွင် ၂၀၁၅ ခုနှစ် အထွေထွေရွေးကောက်ပွဲကာလက မဲဆန္ဒရှင်စာရင်းကို အခြေခံပြုစုထားခြင်းဖြစ်ကာ ကြားဖြတ်ရွေးကောက်ပွဲအတွက် မဲစာရင်းများကို ပထမအကြိမ်အဖြစ် ဇူလိုင် ၉ ရက်မှ ၂၂ ရက်အထိလည်းကောင်း၊ နောက်ဆုံးအကြိမ်အဖြစ် အောက်တိုဘာ ၁ ရက်မှ ၁၄ ရက်အထိ သက်ဆိုင်ရာ ရပ်ကွက်/ကျေးရွာအုပ်စု ရွေးကောက်ပွဲကော်မရှင် အဖွဲ့ခွဲရုံးများတွင် ထုတ်ပြန်ကြေညာခဲ့ပြီး မဲဆန္ဒရှင်ပြည်သူများ ဘက်မှလည်း ပြင်ဆင်၊ ကန့်ကွက်၊ ဖြည့်စွက်မှုများ ဆောင်ရွက်ခဲ့ပြီးဖြစ်ကြောင်း၊ မဲဆန္ဒရှင် ပြည်သူများအနေဖြင့် သဘာဝဘေးအန္တရာယ် အပါအ၀င် အကြောင်းအမျိုးမျိုးတို့ကြောင့် ဆန္ဒမဲပေးရန်အတွက် မှတ်ပုံတင်နှင့် အခြားသက်ဆိုင်ရာ အထောက်အထားများ ပျောက်ဆုံး၊ ပျက်စီးဆုံးရှုံးမှုများ ဖြစ်ပေါ်ခဲ့ပါက မဲပေးပိုင်ခွင့်မဆုံးရှုံးစေရန်အတွက် ရွေးကောက်ပွဲ ကျင်းပသည့်နေ့တွင် မဲစာရင်းတွင်ပါဝင်သည့် မဲဆန္ဒရှင်အမှန်ဖြစ်ကြောင်း ရပ်ကွက်/ကျေးရွာအုပ်စု အုပ်ချုပ်ရေးမှူး၏ ထောက်ခံချက်ကို မဲရုံမှူးထံတင်ပြကာ ဆန္ဒမဲပေးပိုင်ခွင့်ရှိကြောင်း၊ ထိုကဲ့သို့ ထောက်ခံချက်ကို မတင်ပြနိုင်ခဲ့ပါကလည်း မဲစာရင်းတွင်ပါဝင်သည့် မဲဆန္ဒရှင် အမှန်ဖြစ်ကြောင်းကို တာဝန်ခံကာ ပြောဆိုပေးနိုင်သူရှိပါက ဆန္ဒမဲပေးနိုင်ကြောင်း ပြည်ထောင်စုရွေး ကောက်ပွဲကော်မရှင်က သတင်းထုတ်ပြန်ထားသည်။

ကြားဖြတ်ရွေးကောက်ပွဲ လစ်လပ်မဲဆန္ဒနယ်ဖြစ်သည့် ကချင်ပြည်နယ် အမျိုးသားလွှတ်တော် မဲဆန္ဒနယ် (၂) တွင် အဝေးရောက် ကြိုတင်မဲများ စတင်ရောက်ရှိ

၂၀၀၈ ခုနှစ် ကြားဖြတ်ရွေးကောက်ပွဲ လစ်လပ်မဲဆန္ဒနယ်ဖြစ်သည့် ကချင်ပြည်နယ် အမျိုးသားလွှတ်တော်မဲဆန္ဒနယ်(၂) (အကျုံးဝင် မြစ်ကြီးနားမြို့နယ်) တွင် ကြိုတင်မဲများ အောက်တိုဘာ ၁၈ ရက်က စတင်ရောက်ရှိကြောင်း သတင်းရရှိသည်။

အောက်တိုဘာ ၁၈ ရက်တွင် ရောက်ရှိလာသည့် ကြိုတင်မဲများမှာ မြစ်ကြီးနားမြို့နယ်တွင် နေထိုင်ပြီး အင်းစိန်ဗဟိုအကျဉ်းထောင်တွင် အချုပ်ကျနေသူများ၊ ဗဟိုသားဖွားဆေးရုံ၊ အရိုးရောဂါအထူးကု နေပြည်တော်တို့မှ ပုံစံ ၁၅ ဖြင့် ရောက်ရှိလာသည့် ကြိုတင်မဲ ရှစ်စောင်ဖြစ်ကြောင်း သိရသည်။

မြစ်ကြီးနားမြို့နယ် ရွေးကောက်ပွဲကော်မရှင်ဥက္ကဋ္ဌ ဦးမောင်မောင်က “မြစ်ကြီးနားမြို့နယ်၊ အမျိုးသားလွှတ်တော် မဲဆန္ဒနယ် အမှတ် (၂)က ဒီနေ့ ကြိုတင်မဲတွေ ပထမအကြိမ် ပေးပါတယ်။ ပုံစံ ၁၅ နှင့် ပို့ထားတဲ့ဟာတြွေ ဖြစ်ပါတယ်။ အင်းစိန်ဗဟိုအကျဉ်းထောင်၊ ဗဟိုသားဖွားဆေးရုံ၊ နေပြည်တော် အရိုးအထူးကုတွေကပါ။ နိုင်ငံခြားမဲသုံးစောင်ကို သံရုံးကနေတစ်ဆင့် မှာကြားထားလို့ မနက်ဖြန်ရောက်မယ်ထင်တယ်။ ကြိုတင်မဲပုံစံ ၁၅ နဲ့က အကုန်ပါပဲ။ ဒီနေ့ စေ့စပ်ညှိနှိုင်းရေးကော်မတီနဲ့ တွေ့ဆုံတဲ့နေ့ ဖြစ်တော့ အားလုံးပါပါတယ်” ဟု ပြောကြားသည်။

ထို့ပြင် မြစ်ကြီးနားမြို့နယ် ဆင်ဘိုဒေသတွင် ကချင်တိုင်းရင်းသား လက်နက်ကိုင်အဖွဲ့နှင့် တပ်မတော်တို့ ပစ်ခတ်မှု ဖြစ်ပွားနေခြင်းကြောင့် ကျေးရွာအုပ်စု လေးခုတွင် မဲဆွယ်စည်းရုံးခြင်းမပြုရန် သတိပေးထားကြောင်း သိရသည်။

“ဆင်ဘိုမြို့တောင်ဘက် လေးအုပ်စုက မကြာခင်က ပစ်ခတ်မှုဖြစ်တော့ မဲဆွယ်စည်းရုံးတာတွေ မလုပ်ဖို့ လုပ်ထားတာပေါ့။ နယ်မြေပြန်တည်ငြိမ်ရင်တော့ သွားလို့ရပါတယ်” ဟု မြစ်ကြီးနားမြို့နယ် ရွေးကောက်ပွဲကော်မရှင်ဥက္ကဋ္ဌ ဦးမောင်မောင်က ပြောကြားသည်။

မြစ်ကြီးနားမြို့နယ်တွင် ဆန္ဒမဲပေးပိုင်ခွင့်ရှိသူ ၂၀၃၆၁၉ ဦးကြောင်း သိရသည်။

ကချင်ပြည်နယ် အမျိုးသားလွှတ်တော် မဲဆန္ဒနယ် (၂) တွင် ၀င်ရောက်ယှဉ်ပြိုင်သူများမှာ ကချင်ဒီမိုကရက်တစ်ပါတီမှ ဦးကွမ်ဂေါင်အောင်ခမ်း၊ ရှမ်းနီ(တိုင်းလိုင်)နှင့် မြောက်ပိုင်းရှမ်းမျိုးနွယ်စုများ သွေးစည်းညီညွတ်ရေးပါတီမှ ဒေါ်ခင်အုန်း၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဦးဆီဟူးဒွေ့၊ အမျိုးသားဒီမိုကရေစီအဖွဲ့ချုပ်ပါတီမှ ဒေါ်ယမ်ခေါန်၊ ပြည်ထောင်စုတိုင်းရင်းသားများ ဖက်ဒရယ်ဒီမိုကရေစီပါတီမှ ဒေါ်အမ်ဒီခေါညွယ်၊ တစ် သီးပုဂ္ဂလကိုယ်စားလှယ်လောင်း ဒေါက်တာသန်းထိုက်ဦးတို့ ဖြစ်သည်။

ရှမ်းပြည်နယ် (တောင်ပိုင်း) မိုင်းပန်မြို့နယ်အတွင်း NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များဖြစ်ကြသည့် RCSS နှင့် PNLO တို့ တိုက်ပွဲဖြစ်ပွားခဲ့ကြပြီး ထိခိုက်ဒဏ်ရာ ရရှိမှုများရှိဟုဆို

ရှမ်းပြည်နယ် (တောင်ပိုင်း) လင်းခေးခရိုင် မိုင်းပန်မြို့နယ်ထဲတွင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့အစည်းများ ဖြစ်ကြသည့် ရှမ်းပြည်ပြန်လည်ထူထောင်ရေး ကောင်စီ (RCSS/SSA) နှင့် ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) တို့ အောက်တိုဘာ ၁၆ ရက်တွင် တိုက်ပွဲဖြစ်ပွားခဲ့ကြကြောင်း သတင်းရရှိသည်။

လင်းခေးခရိုင် မိုင်းပန်မြို့နယ် ကောင်တန်ဒေသအတွင်း အောက်တိုဘာ ၁၆ ရက် နံနက်ပိုင်းတွင် တစ်ကြိမ်၊ မွန်းလွဲပိုင်းတွင် တစ်ကြိမ် စုစုပေါင်း နှစ်ကြိမ် တိုက်ပွဲဖြစ်ပွားခဲ့ခြင်းဖြစ်ပြီး အချိန်အတော်ကြာ တိုက်ပွဲဖြစ်ပွားခဲ့ခြင်းဖြစ်ကာ နှစ်ဖက်ထိခိုက်ဒဏ်ရာရရှိမှုနှင့် သေဆုံးမှုများ ရှိခဲ့ကြောင်းလည်း သိရသည်။

“ဟုတ်ပါတယ်။ ၁၆ ရက်နေ့က ဖြစ်တာပါ။ အမှန်က အဲ့ဒီနေရာဟာ အရင်က သူတို့နေတဲ့နေရာမဟုတ်ဘူး။ ကျွန်တော်တို့အဖွဲ့တွေကလည်း ဘယ်အဖွဲ့မှန်း မသိတဲ့အခါကျတော့ အဲ့ဒီလို တိုက်ပွဲဖြစ်သွားတာပါ။ ထိခိုက် ဒဏ်ရာရမှုတွေ ရှိတယ်လို့ကြားတယ်။ ဒါပေမဲ့ ဘယ်ဘက်က ဘယ်လောက်ထိခိုက်ကြသလဲ ဆိုတာတော့ မသိရသေးဘူး” ဟု RCSS/SSA ပြောရေးဆိုခွင့်ရှိသူ တောင်ကြီးဆက်ဆံရေးရုံးတာဝန်ခံ ဒုတိယဗိုလ်မှူးကြီး စိုင်းဦးက ပြောကြားသည်။

ယခုတိုက်ပွဲဖြစ်ပွားရာ မိုင်းပန်မြို့နယ် ကောင်တန်ဒေသသည် RCSS တပ်ဖွဲ့များ အမြဲတမ်း နေထိုင်လှုပ်ရှားနေသည့် ဒေသဖြစ်ကြောင်း ဒုတိယဗိုလ်မှူးကြီး စိုင်းဦးက ပြောကြားသည်။

ကောင်တန်ဒေသအတွင်းရှိ ကျေးရွာများတွင် ပအိုဝ်းလူမျိုးများ အများဆုံးနေထိုင်ကြပြီး အဆိုပါ ကျေးရွာများတွင် မလုံမခြုံဖြစ်နေသည်ဟုဆိုကာ ဒေသခံများက လာရောက် လေ့လာရန် အကူအညီ တောင်းခံခဲ့သည့်အတွက် PNLO တပ်ဖွဲ့များက သွားရောက်ခဲ့ပြီး နှစ်ဖက်နားလည်မှု လွဲမှားရာမှ တိုက်ပွဲဖြစ်ပွားခဲ့သည်ဟု တောင်ကြီးဆက်ဆံရေးရုံးမှ သတင်းပို့သည်ဟု PNLO နာယက ဗိုလ်မှူးကြီး ခွန်ဥက္ကာက ပြောကြားသည်။

“ရင်ဆိုင်တိုက်ပွဲတော့ မဟုတ်ပါဘူး။ တောင်ကြီးမှာရှိတဲ့ တပ်မှူးတွေဆီကနေ သိရသလောက်ကတော့ အဲ့ဒီမှာရှိတဲ့ ပအိုဝ်းရွာသားတွေက လုံခြုံမှုမရှိဘူး။ လူသစ်စုဆောင်းတာနဲ့ ရိက္ခာအတင်းအကျပ် တောင်းတာနဲ့ စသဖြင့်ပေါ့ဗျာ။ အခြေအနေတွေ မကောင်းဘူး။ လုံခြုံမှုမရှိတဲ့အတွက် နည်းနည်းလေ့လာရေး လာကြည့်ပေးပါဆိုတော့ ကျွန်တော်တို့ဆီက လွှတ်လိုက်တယ်နဲ့တူတယ်။ ကျွန်တော်တို့ရဲ့ တပ်တာဝန်ခံတွေက။ အဲဒီလို လွှတ်လိုက်တဲ့နေရာမှာလည်းပဲ ဒေသခံအဖွဲ့အစည်းတွေနဲ့ ဆက်သွယ်ဆက်ဆံပြီးတော့ ညှိညှိနှိုင်းနှိုင်းနဲ့ လုပ်ဖို့ပါပဲ။ သို့သော် ရောက်ရောက်ချင်းပဲ ဆက်သွယ်ရေးမရခင်မှာ တိုက်ခိုက်မှုခံရတယ်။ ခံရတာနဲ့ သူတို့ ရှောင်သွားတယ်။ ရှောင်သွားပြီးတော့ တစ်နေရာပြန်နေပေါ့ဗျာ။ ၁၆ ရက်နေ့မှာတော အင်အားအလုံးအရင်းနဲ့ တစ်ခါထပ်ပြီးတော့ တိုက်ခိုက်မှုခံရတယ်လို့ ပြောပါတယ်။ တိုက်ခိုက်မှုခံရတဲ့ အခါကျတော့ ပြန်လည်ခုခံကြပေါ့ဗျာ။ ခုခံရင်းနဲ့ တိုက်ပွဲသဘောမျိုး ဖြစ်သွားတာပါ။ ဒေသခံအဖွဲ့အစည်းနဲ့ ဆက်သွယ်လို့ မရခင် နားလည်မှုလွဲပြီး ဖြစ်သွားတဲ့သဘောပါပဲ” ဟု ဗိုလ်မှူးကြီး ခွန်ဥက္ကာက ပြောကြားသည်။

တိုက်ပွဲများ၏ သဘောသဘာဝအရ နှစ်ဖက်စလုံးမှ ထိခိုက်ဒဏ်ရာရရှိမှုများ ရှိနိုင်ကြောင်း ၎င်းက သုံးသပ် ပြောကြားခဲ့ပြီး ထိခိုက်ဒဏ်ရာရရှိမှု အခြေအနေများအား သတင်းထုတ်ပြန်ခြင်းမပြုရန် တာဝန်ရှိသူများကို မှာကြားထားကြောင်းလည်း သိရသည်။

ပြီးခဲ့သည့် ၂၀၁၇ ခုနှစ် ဇွန်လအတွင်းကလည်း ရှမ်းပြည်နယ် (တောင်ပိုင်း) မောက်မယ်မြို့နယ် ကဒူးကြီးဒေသတွင် RCSS နှင့် PNLO တို့အကြား နယ်မြေအုပ်ချုပ်မှုပိုင်းဆိုင်ရာ အငြင်းပွားမှု ဖြစ်ပွားခဲ့ရာမှတစ်ဆင့် နှစ်ဖက် စစ်ရေးတင်းမာခဲ့ပြီး ထို့ကြောင့် ကဒူးကြီးဒေသရှိ ဒေသခံ ပအိုဝ်းလူမျိုး အများအပြားမှာ နေရပ်စွန့်ခွာထွက်ပြေး တိမ်းရှောင်ခဲ့ရဖူးသည်။

သို့သော်လည်း ၂၀၁၇ ခုနှစ် ဇူလိုင်လတွင် RCSS ဥက္ကဋ္ဌ ဗိုလ်ချုပ်ကြီး ယွက်စစ်နှင့် ထိုစဉ်က PNLO ဥက္ကဋ္ဌဖြစ်သူ ဦးခွန်မြင့်ထွန်းတို့က ပြဿနာကြီးငယ်ဟူသမျှကို ငြိမ်းချမ်းသောနည်းဖြင့်သာ တွေ့ဆုံဆွေးနွေး အဖြေရှာကြရန် နှစ်ဖက်ပူးပေါင်း သဘောတူကြေညာချက် ထုတ်ပြန်ခဲ့ပြီးနောက် ပြေလည်မှုရရှိအောင် ဆောင်ရွက်နိုင်ခဲ့ကြသည်။

NCA ရေးထိုးထားသော တိုင်းရင်းသားလက်နက်ကိုင်အဖွဲ့များ၏ ငြိမ်းချမ်းရေးလုပ်ငန်းစဉ်ဆိုင်ရာ ကိစ္စရပ်များကို နိုင်ငံတကာသံတမန်များအား စုစည်းရှင်းလင်း တင်ပြသည့် ဆွေးနွေးပွဲ ရန်ကုန်မြို့တွင် ပြုလုပ်

NCA ရေးထိုးထားသည့် တိုင်းရင်းသားလက်နက်ကိုင်အဖွဲ့များမှ တာဝန်ရှိသူများနှင့် နိုင်ငံတကာသံတမန်များ အောက်တိုဘာ ၁၈ ရက်က တွေ့ဆုံဆွေးနေစဉ် (Photo: Myo Win Page)

တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့အစည်းများ၏ ငြိမ်းချမ်းရေးလုပ်ငန်းစဉ်ဆိုင်ရာ ကိစ္စရပ်များနှင့်ပတ်သက်၍ နိုင်ငံတကာ သံတမန်များအား စုစည်းရှင်းလင်း တင်ပြသည့် ဆွေးနွေးပွဲကို ရန်ကုန်မြို့ ဖိုးစိန်လမ်းရှိ Green Hill ဟိုတယ်တွင် အောက်တိုဘာ ၁၈ ရက်က ပြုလုပ်ခဲ့သည်။

“အဓိကကတော့ လက်ရှိ ငြိမ်းချမ်းရေးလုပ်ငန်းစဉ် ဖော်ဆောင်နေတဲ့ အနေအထားကို ရှင်းလင်းတင်ပြတာပါပဲ။ ပြီးတော့ ပြီးခဲ့တဲ့ နေပြည်တော်မှာ ထိပ်သီးတွေဆွေးနွေးတဲ့ ညီလာခံအခြေအနေတွေကို သူတို့ သိရှိနိုင်ဖို့နဲ့ လိုအပ်တာတွေကို ပံ့ပိုးနိုင်ဖို့ကို ရှင်းပြတဲ့ အခြေအနေလောက်ပါပဲ” ဟု NCA လက်မှတ် ရေးထိုးထားသော တိုင်းရင်းသားလက်နက်ကိုင် အဖွဲ့အစည်းတစ်ခုဖြစ်သည့် မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ် တပ်ဦး (ABSDF) ဒုတိယဥက္ကဋ္ဌ ရဲဘော်မျိုးဝင်းက ပြောကြားသည်။

အဆိုပါ တွေ့ဆုံရှင်းလင်းပွဲတွင် နိုင်ငံတကာမှ သံတမန်များက မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့်ပတ်သက်၍ သိရှိလိုသည်များကို မေးမြန်းခဲ့ကြပြီး NCA လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့အစည်းများမှ ကိုယ်စားလှယ်များက ပြန်လည်ရှင်းလင်း ဖြေကြားခဲ့ကြကြောင်း ရဲဘော်မျိုးဝင်းက ရှင်းလင်းပြောကြားသည်။

“မေးတာတွေကတော့ လက်ရှိအနေအထားကနေ ရှေ့ဆက်သွားဖို့အတွက် အခြေအနေ ဘယ်လိုရှိသလဲ။ အလားအလာ ဘယ်လိုရှိသလဲပေါ့။ သူတို့ပံ့ပိုးပေးရမယ့်အပိုင်းက ဘယ်လိုရှိသလဲ။ အဲ့ဒီလိုတော့ အမေးအဖြေတွေ လုပ်ခဲ့ကြပါတယ်” ဟု ရဲဘော်မျိုးဝင်းက ပြောကြားသည်။

ပြီးခဲ့သည့် အောက်တိုဘာ ၁၅ ရက်နှင့် ၁၆ ရက်တွင် နေပြည်တော်၌ အစိုးရနှင့် NCA-S EAO ထိပ်သီးခေါင်းဆောင်များ၏ သီးသန့်အစည်းအဝေး ပြုလုပ်ခဲ့ပြီး အစည်းအဝေး ပထမနေ့တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် NCA လက်မှတ် ရေးထိုးထားသော တိုင်းရင်းသားလက်နက်ကိုင်အဖွဲ့များကိုယ်စား ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ၏ အဖွဲ့ခေါင်းဆောင်ဖြစ်သူ ကရင်အမျိုးသားအစည်းအရုံး (KNU) ဥက္ကဋ္ဌ ဗိုလ်ချုပ်ကြီး မူတူးစေးဖိုးတို့က အဖွင့်အမှာစကား ပြောကြားခဲ့ကြသည်။

နှစ်ရက်တာ ကျင်းပပြုလုပ်ခဲ့သည့် အစိုးရနှင့် NCA-S EAO ထိပ်သီးခေါင်းဆောင်များ၏ သီးသန့်အစည်းအဝေးမှ လက်ရှိနိုင်ငံရေးဆွေးနွေးမှုပုံစံကို ပိုမိုရှင်းလင်း လွယ်ကူအောင် ဆောင်ရွက်ရေး၊ ငြိမ်းချမ်းရေးလုပ်ငန်းစဉ်များ အကောင်အထည်ဖော် ဆောင်ရွက်ရာတွင် ခေါင်းဆောင်များအကြား သဘောတူညီချက်များရယူပြီး ယင်းသဘောတူညီချက်များကို အကောင်အထည်ဖော် ဆောင်ရွက်ရေးတို့ကို သဘောတူညီခဲ့ကြသည်။

NCA အခန်း (၅)၊ နိုင်ငံရေးလမ်းပြမြေပုံသတ်မှတ်ခြင်း အပိုဒ် ၂၀ (ဂ) ပါ လုံခြုံရေးဆိုင်ရာ ပြန်လည်ပေါင်းစည်းခြင်း ကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးမှုများ စတင်ပြုလုပ်ရေး၊ NCA လက်မှတ်မထိုးရသေးသည့် တိုင်းရင်းသားလက်နက်ကိုင် အဖွဲ့အစည်းများအားလုံး ပါဝင်ရေးအတွက် ကြိုးပမ်းဆောင်ရွက်ရေး စသည့်အချက်များကို ယင်းအစည်းအဝေး၏ သဘောတူညီချက်အဖြစ်လည်း ထုတ်ပြန် ကြေညာခဲ့ကြသည်။

ထို့ပြင် ပစ်ခတ်တိုက်ခိုက်မှုရပ်စဲရေး ပိုမိုခိုင်မာအောင် ဆောင်ရွက်ရာတွင် NCA ပါ သဘောတူညီချက်များ အတိုင်း ဆက်လက် ဆွေးနွေးညှိနှိုင်း ဆောင်ရွက်ရေးကိုလည်း အဆိုပါ အစည်းအဝေး၏ သဘောတူညီချက်အဖြစ် ထုတ်ပြန်ကြေညာခဲ့ပြီး လွတ်လပ်မှု၊ တန်းတူညီမျှမှုနှင့် တရားမျှတမှုတို့ကို အခြေခံပြီး ပင်လုံစိတ်ဓာတ်နှင့်အညီ ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ၊ အာမခံချက်များ အပြည့်အ၀ရှိသော ဒီမိုကရေစီနှင့် ဖက်ဒရယ်စနစ်တို့ကို အခြေခံသည့် ပြည်ထောင်စုကို နိုင်ငံရေးဆွေးနွေးပွဲရလဒ်များနှင့်အညီ တည်ဆောက်သွားရန် သန္နိဋ္ဌာန်ဖြင့် ဆက်လက်ကြိုးပမ်း ဆောင်ရွက်သွားမည်ဟု ယင်းအစည်းအဝေးက ကြေညာခဲ့သည်။

ပြည်ထောင်စု ငြိမ်းချမ်းရေးညီလာခံ- ၂၁ ရာစု ပင်လုံ တတိယအစည်းအဝေး၏ ထုတ်ပြန်ကြေညာချက်အား အကောင်အထည်ဖော်ရာတွင် ညှိနှိုင်းဆွေးနွေး၍ သဘောတူညီချက်မရသေးသည့် အချက်များကို ခေါင်းဆောင်များ၏ နိုင်ငံရေးသဘောတူညီချက်များဖြင့် ဖြေရှင်းရန်၊ NCA အကောင်အထည်ဖော်မှုအဖြစ် ဒီမိုကရေစီနှင့် ဖက်ဒရယ်စနစ်တို့ကို အခြေခံသော ပြည်ထောင်စုတည်ဆောက်ရေးအတွက် အရေးကြီးသည့် အခြေခံမူများ ချမှတ်နိုင်ရန် ရည်ရွယ်၍ အစိုးရနှင့် NCA-S EAO ထိပ်သီးခေါင်းဆောင်များ၏ သီးသန့်အစည်းအဝေးအား ကျင်းပခဲ့ခြင်းဖြစ်သည်။

အစိုးရနှင့် NCA-S EAO ထိပ်သီး ခေါင်းဆောင်များ၏ သီးသန့်အစည်းအဝေးတွင် ကိုယ်ပိုင်ပြဋ္ဌာန်းခွင့်၊ ခွဲမထွက်ရေးနှင့် တစ်ခုတည်းသော တပ်မတော်ထားရှိရေးကိစ္စရပ်များကို အဓိကထား ဆွေးနွေးခဲ့ကြပြီး ပြည်ထောင်စုသဘောတူစာချုပ်တွင် ခွဲမထွက်ရေး ဟူသောအချက် ထည့်သွင်းနိုင်ရေးနှင့်ပတ်သက်၍ လာမည့် နိုဝင်ဘာလတွင် အဆုံးအဖြတ်ပေးနိုင်ရန် NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့များက လုပ်ငန်းစဉ်များချမှတ်ကာ ဆောင်ရွက်သွားမည်ဖြစ်ကြောင်း သိရသည်။

အစိုးရနှင့် NCA-S EAO ခေါင်းဆောင်များ သီးသန့်အစည်းအဝေးနှင့် စပ်လျဉ်း၍ KNU သဘောထားထုတ်ပြန်

အစိုးရနှင့် NCA-S EAO ခေါင်းဆောင်များ သီးသန့်အစည်းအဝေးနှင့် စပ်လျဉ်း၍ KNU ကရင်အမျိုးသားအစည်းအရုံးဗဟိုဌာနချုပ် ကော်သူးလေက အောက်တိုဘာ ၁၇ ရက်တွင် သဘောထား ကြေညာချက်တစ်စောင် ထုတ်ပြန်ကြေညာခဲ့သည်။

အဆိုပါ ထုတ်ပြန်ကြေညာချက်၌ ယင်းအစည်းအဝေးတွင် ၂၁ ရာစုပင်လုံညီလာခံ သုံးကြိမ်ထက်မနည်းကျင်းပပြီး ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စု၏ အခြေခံအုတ်မြစ်အဖြစ် ဒီမိုကရေစီနှင့် ဖက်ဒရယ်အခြေခံမူများကို ချမှတ်နိုင်ရေး ကြိုးပမ်းဆောင်ရွက်ရန် သဘောတူ ဆုံးဖြတ်ခဲ့သော်လည်း KNU အနေဖြင့် ဘုံရည်မှန်းချက်နှင့် မျှဝေထားသော ဘုံစံတန်ဖိုးများအား အခြေခံသည့် ဆွေးနွေးပွဲများကို အခြေခံပြီး သွားမှသာလျှင် အထက်ပါ မျှော်မှန်းချက်များ အောင်မြင်မည်ဟု ယုံကြည်ကြောင်း၊ အစည်းအဝေးတွင် ဆွေးနွေးခဲ့သော ကိုယ်ပိုင်ပြဋ္ဌာန်းခွင့်နှင့် ခွဲမထွက်ရ (Package Deal) သည် နှစ်ဖက်ယုံကြည်မှု တည်ဆောက်ခြင်းအပြင် တိုင်းရင်းသားများ၏ ကိုယ်ပိုင်ပြဋ္ဌာန်းခွင့် အခွင့်အရေးနှင့် တိုက်ရိုက်ပတ်သက်နေသောကြောင့် နှစ်ဖက်ယုံကြည်စိတ်ချနိုင်သော နည်းလမ်းများကို ရှာဖွေဖြေရှင်းသွားမည်ဖြစ်ကြောင်း ဖော်ပြထားသည်။

ထို့ပြင် တစ်ခုတည်းသော တပ်မတော်ထားရှိရေးအတွက် မူချမှတ်နိုင်ရေးနှင့် စပ်လျဉ်း၍ ဒီမိုကရေစီနှင့် ဖက်ဒရယ်စနစ်ကို အခြေခံသော ပြည်ထောင်စုတွင် တစ်ခုတည်းသော တပ်မတော်ထားရှိရေးသည် နိုင်ငံတကာကျင့်သုံးမှုပုံစံ (International Practice) အဖြစ် မိမိတို့အနေဖြင့် လက်ခံကျင့်သုံးမည် ဖြစ်သော်လည်း တစ်ခုတည်းသော တပ်မတော်ကိစ္စနှင့် NCA တွင်ဖော်ပြထားသည့် တိုင်းရင်းသားလူမျိုးပေါင်းစုံ ပါဝင်သော ပြည်ထောင်စုတပ်မတော်ဆိုင်ရာ ကိစ္စရပ်တို့ကို တစ်ပေါင်းတည်း ဆက်လက် ဆွေးနွေးသွားမည်ဖြစ်ကြောင်း၊ ယင်းအပြင် ပစ်ခတ် တိုက်ခိုက်မှုရပ်စဲရေး ခိုင်မာအောင် ဆောင်ရွက်ရမည့် လုပ်ငန်းစဉ်များနှင့် စပ်လျဉ်း၍ NCA ပါ သဘောတူညီချက်များအတိုင်း ဆက်လက်ဆွေးနွေး ညှိနှိုင်းသွားမည်ဖြစ်ကြောင်း၊ NCA လက်မှတ် မရေးထိုးရသေးသည့် တိုင်းရင်းသားလက်နက်ကိုင်များအားလုံး ငြိမ်းချမ်းရေးလုပ်ငန်းစဉ်တွင် ပါဝင်လာနိုင်ရေးသည် မြန်မာ့ငြိမ်းချမ်းရေးဖြစ်စဉ် အောင်မြင်ရေး အခရာကျသည့်အတွက် KNU အနေဖြင့် ကိုယ်စွမ်းဥာဏ်စွမ်းရှိသမျှ သက်ဆိုင်ရာ Stakeholder များနှင့် ညှိနှိုင်းဆောင်ရွက် အဖြေရှာသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) အကောင် အထည်ဖော်မှုအဖြစ် ဒီမိုကရေစီနှင့်ဖက်ဒရယ်စနစ်တို့ကို အခြေခံသော ပြည်ထောင်စု တည်ဆောက်ရေးအတွက် အခြေခံမူများ ချမှတ်နိုင်ရန်နှင့် ညှိနှိုင်းဆွေးနွေး၍ သဘောတူညီချက် မရသေးသည့် အချက်များကို ခေါင်းဆောင်များ၏ နိုင်ငံရေး သဘောတူညီချက်များဖြင့် ဖြေရှင်းရန် အစိုးရနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင် တော်လှန်ရေး အဖွဲ့အစည်းများမှ ခေါင်းဆောင်တို့သည် အောက်တိုဘာ ၁၅ ရက်နှင့် ၁၆ ရက်တို့တွင် နေပြည်တော်ရှိ ရွှေစံအိမ်ဟိုတယ်တွင် တွေ့ဆုံခဲ့သည်။

၂၀၁၈ ကြားဖြတ်ရွေးကောက်ပွဲ မဲဆွယ်စည်းရုံးရေးကာလတွင် လူမျိုးမတူမှုအပေါ် အခြေခံ၍ လှုံ့ဆော်ပြောဆိုမှုအချို့ ရှိခဲ့ကြောင်း အစီရင်ခံစာတစ်စောင်၌ ဖော်ပြ

၂၀၁၈ ခုနှစ် ကြားဖြတ်ရွေးကောက်ပွဲ မဲဆွယ်စည်းရုံးရေးကာလတွင် လူမျိုးမတူမှုအပေါ် အခြေခံ၍ လှုံ့ဆော်ပြောဆိုမှုအချို့ ရှိခဲ့ကြောင်း ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့ (PACE) နှင့် ဖန်တီးအိမ်အဖွဲ့တို့မှ ပူးပေါင်းထုတ်ပြန်သည့် မဲဆွယ်စည်းရုံးရေးကာလ စောင့်ကြည့်လေ့လာခြင်း ကနဦးအစီရင်ခံစာတွင် ဖော်ပြထားသည်။

ရန်ကုန်မြို့ Park Royal Hotel တွင် အောက်တိုဘာ ၁၇ ရက်က ပြုလုပ်သည့် ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့နှင့် ဖန်တီးအိမ်အဖွဲ့တို့၏ မဲဆွယ်စည်းရုံးရေးကာလ စောင့်ကြည့်လေ့လာမှု ကနဦးတွေ့ရှိချက်များအား ရှင်းလင်းတင်ပြခြင်း အခမ်းအနား၌ ယင်းအစီရင်ခံစာကို ထုတ်ပြန်ခဲ့ခြင်းဖြစ်သည်။

မဲဆွယ်စည်းရုံးရေးကာလ သီတင်းပတ် ငါးပတ်အတွင်း PACE နှင့် ဖန်တီးအိမ်အဖွဲ့တို့မှ ကာလရှည်စောင့်ကြည့် လေ့လာသူများက စောင့်ကြည့်လေ့လာနေစဉ်ကာလအတွင်း စုဝေးဟောပြောမှုများနှင့် တွေ့ဆုံမေးမြန်းမှုများအရ ကိုယ်စားလှယ်လောင်းတစ်ဦးဦးက အခြားကိုယ်စားလှယ်လောင်းနှင့် ပတ်သက်ပြီး ပုဂ္ဂိုလ်ရေး အပုပ်ချပြောဆိုမှု၊ အုံကြွအောင် ပြုလုပ်မှုများ မရှိသော်လည်း လူမျိုးမတူမှုအပေါ် အခြေခံပြီး လှုံ့ဆော်ပြောဆိုမှု ခြောက်ခုရှိသည်ကို တွေ့ရှိရကြောင်း အစီရင်ခံစာတွင် ဖော်ပြထားသည်။

“ပါတီအမျိုးအစား လေးမျိုးစလုံးကို ခွဲခြားပြီးတော့ သူတို့တွေ ဘာတွေလုပ်လဲဆိုတာကို စောင့်ကြည့်တယ်။ အဲဒီမှာ လူမျိုးရေးနဲ့ ပတ်သက်ပြီးတော့ ပါတီအမျိုးအစားလေးမျိုးစလုံးက ဆောင်ရွက်တာကို တွေ့ရပါတယ်။ အဲဒီမှာ သုံးခုက ပါတီကြီးဆိုတဲ့ အမျိုးအစားက ဆောင်ရွက်ခဲ့တယ်ဆိုပြီးတော့ တွေ့ရတာ ဖြစ်ပါတယ်။ Case တစ်ခုချင်းစီမှာတော့ ဘယ်သူက ကျူးလွန်နေတယ်။ ဘာတွေကျူးလွန်တယ် ဆိုတာမျိုးတော့ Report မှာ ဖော်ပြမှာ မဟုတ်ပါဘူး။ ကျွန်တော်တို့ရဲ့ ပုံစံအရဆိုရင် ဘယ်လောက်အတိုင်းအတာအထိ ဆောင်ရွက်ခဲ့တယ်၊ ပြုမူခဲ့တယ်ဆိုတာကိုပဲ ဖော်ပြပြီးတော့မှ ဒီလိုကိစ္စမျိုးတွေ နည်းနိုင်သမျှနည်းအောင် ဆက်လက်တိုက်တွန်းတဲ့ ပုံစံမျိုးဖြစ်ပါတယ်” ဟု ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့၏ စီမံကိန်း အစီအစဉ် မန်နေဂျာ ကိုဟန်စိုးထွန်းက ပြောကြားသည်။

ထို့ပြင် ကော်မရှင်အဖွဲ့ခွဲများမှ တာဝန်ရှိသူများနှင့် မေးမြန်းရာတွင် တရားဝင်တိုင်ကြားမှုများ ရှိသည်ကို တွေ့ရပြီး တိုင်ကြားသော အကြောင်းရင်းများတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီနှင့် အမျိုးသားဒီမိုကရေစီအဖွဲ့ချုပ်ပါတီတို့၏ မဲဆွယ်စည်းရုံးရေးပစ္စည်း ဖျက်စီးခံရမှုများ၊ NLD ပါတီ၏ မဲဆွယ်စည်ရုံးရေးတွင် နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့၏ ရုပ်ပုံများ အသုံးပြုသည်ဟူသော စွပ်စွဲချက်၊ ကျေးရွာအုပ်ချုပ်ရေးမှူးတစ်ဦးက ကိုယ်စားလှယ်လောင်းတစ်ဦးကို ပုဂ္ဂိုလ်ရေးအရ အပုပ်ချပြောဆိုမှုနှင့် နိုင်ငံပိုင်အရင်းအမြစ်များကို မဲဆွယ်စည်းရုံးရာတွင် သုံးစွဲခြင်းစသည့် အကြောင်းအရာများဖြစ်သည်ဟု အစီရင်ခံစာတွင် ဖော်ပြပါရှိသည်။

ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့နှင့် ဖန်တီးအိမ်အဖွဲ့တို့၏ စောင့်ကြည့် လေ့လာခဲ့သည့် မဲဆန္ဒနယ်မှာ ၁၂ နေရာဖြစ်ပြီး မန္တလေးတိုင်းဒေသကြီး ရှမ်းတိုင်းရင်းသားရေးရာ ၀န်ကြီးနေရာမှအပ ကျန်သည့်နေရာများတွင် စောင့်ကြည့်လေ့လာမှုများ လုပ်ဆောင်ခဲ့ပြီး မဲဆွယ်စည်းရုံးရေးကာလပြီးသည်အထိ ဆက်လက်စောင့်ကြည့် လေ့လာသွားမည်ဖြစ်ကြောင်း သိရသည်။

တိုင်းရင်းသားပါတီများ အနိုင်ရစေချင်သည့်အတွက် တိုင်းရင်းသားအများစုနေထိုင်သည့် ပြည်နယ်လွှတ်တော် လစ်လပ်မဲဆန္ဒနယ်များတွင် မယှဉ်ပြိုင်ခြင်းဖြစ်ကြောင်း ပြည်ခိုင်ဖြိုးပါတီဥက္ကဋ္ဌ ပြောကြား

တိုင်းရင်းသားပါတီများ အနိုင်ရစေချင်သည့်အတွက် တိုင်းရင်းသားအများစုနေထိုင်သည့် ပြည်နယ်လွှတ်တော် လစ်လပ်မဲဆန္ဒနယ်များတွင် မယှဉ်ပြိုင်ခြင်းဖြစ်ကြောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောကြားသည်။

ကချင်ပြည်နယ် မြစ်ကြီးနားမြို့တွင် အောက်တိုဘာ ၁၇ ရက်က ကျင်းပသည့် ပြည်သူလူထုတွေ့ဆုံပွဲနှင့် ပါတီဝင်အဆိုပြုလွှာ စုပေါင်းပေးအပ်ပွဲ အခမ်းအနား၌ ဦးသန်းဌေးက အထက်ပါအတိုင်း ထည့်သွင်း ပြောကြားခဲ့ခြင်းဖြစ်သည်။

“ကျွန်တော်တို့ပါတီဟာ ဖယ်ဒရယ်စနစ်ကို အခြေခံတဲ့ ဖွဲ့စည်းပုံကို လက်ခံတဲ့ပါတီ ဖြစ်ပါတယ်။ ဒီနေရာဟာ တိုင်းရင်းသားတွေရဲ့ နယ်မြေ၊ ဒေသဖြစ်တယ်ဆိုရင် တိုင်းရင်းသားတွေရဲ့ အသံကို ထင်ဟပ်နိုင်တယ်လို့ ယေဘုယျ ယူဆလို့ရတဲ့အတွက် တိုင်းရင်းသားပါတီတွေကို အနိုင်ရစေချင်ပါတယ်။ အဲဒီလို အနိုင်ရစေချင်တဲ့အတွက် အခု ကြားဖြတ်ရွေးကောက်ပွဲမှာ ပြည်နယ်လွှတ်တော်ကို သွားမဲ့နေရာတွေမှာ ကျွန်တော်တို့ မပြိုင်ပါဘူး။ အဲဒီတိုင်းရင်းသားပါတီတွေ ယှဉ်ပြိုင်ခွင့် အခွင့်အရေးရအောင် ကျွန်တော်တို့ အခွင့်အရေးတွေ ဆုံးရှုံးခံလိုက်ပါတယ်။ ပြည်ထောင်စုအပေါ်မှာ သစ္စာရှိတယ်လို့ ယူဆနိုင်လောက်တဲ့ တိုင်းရင်းသား ပါတီတွေ အနိုင်ရအောင်လည်း ကျွန်တော်တို့ဝိုင်းပြီး ကူညီပေးမှာပါ။ ဒါဟာ ကျွန်တော်တို့ပါတီရဲ့ တိုင်းရင်းသားများနှင့် တိုင်းရင်းသားပါတီများ အပေါ်ထားတဲ့ သဘောထား ဖြစ်ပါတယ်။ ကျွန်တော်တို့ပါတီဟာ တိုင်းရင်းသားတစ်မျိုးတည်း ဖွဲ့စည်းထားတဲ့ ပါတီသီးသန့် မဟုတ်ပါဘူး။ တစ်နိုင်ငံလုံးက တိုင်းရင်းသား ၁၃၅ မျိုး ပါဝင်ဖွဲ့စည်းထားတဲ့ပါတီဖြစ်ပါတယ်။ မြို့နယ်၊ ကျေးလက်ပါမကျန် ဖွဲ့စည်းခဲ့တဲ့ ပါတီပါ။ အခုလည်း ပြည်သူလူထုက တာဝန်ပေးရင် အချိန်မရွေးအစိုးရ ဖွဲ့နိုင်တဲ့ အရည်အချင်းရှိတဲ့ ပါတီပါ။ မြစ်ကြီးနားမြို့နယ် အမျိုးသားမဲဆန္ဒနယ်ကို ၀င်ပြိုင်ရတာက အမျိုးသားလွှတ်တော်၊ ပြည်ထောင်စုလွှတ်တော်ကို သွားမယ့်နေရာ ဖြစ်ပါတယ်” ဟု ဦးသန်းဌေးက ပြောကြားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အနေဖြင့် ၎င်းတို့၏ ကိုယ်စားလှယ်လောင်းအား တာဝန်ယူကြောင်း၊ ကိုယ်စားလှယ်တာဝန်နှင့် ထိုက်တန်ကြောင်းကို တာဝန်ယူသည်ဟုလည်း ၎င်းက အာမခံ ပြောကြားခဲ့ပြီး ကိုယ်စားလှယ်လောင်း ရွေးချယ်ရာတွင်လည်း ပါတီဗဟိုမှ တိုက်ရိုက်ရွေးချယ်ခြင်းမဟုတ်ဘဲ အောက်ခြေမှ တင်ပြလာမှုအပေါ် သင့်၊ မသင့် ဆုံးဖြတ်ရွေးချယ်ပေးခဲ့ခြင်း ဖြစ်ကြောင်း ဦးသန်းဌေးက ဆိုခဲ့သည်။

ထို့ပြင် ၎င်းတို့အစိုးရလက်ထက်က ကချင်ပြည်နယ် အပါအ၀င် နိုင်ငံသားအများစု ခံစားနေကြရသော စစ်ဘေးစစ်ဒဏ်မှ ပြည်သူများ အမြန်ဆုံး လွတ်မြောက်စေချင်သည့်အတွက် နိုင်ငံတော်သမ္မတက ငြိမ်းချမ်းရေးကို ကမ်းလှမ်းခဲ့ပြီးနောက် သုံးနှစ်ခွဲအတွင်း အလွတ်သဘော၊ တရားဝင်ဆွေးနွေးမှု အကြိမ်ပေါင်းများစွာ ပြုလုပ်ခဲ့ကာ နောက်ဆုံးတွင် မြန်မာနိုင်ငံရှိ တိုင်းရင်းသား လက်နက်ကိုင်အဖွဲ့အစည်း ထက်ဝက်ခန့် ပမာဏမျှရှိသော တိုင်းရင်းသားလက်နက်ကိုင် အဖွဲ့အစည်းများနှင့် NCA လက်မှတ်ရေးထိုးနိုင်ခဲ့ကြောင်းလည်း ဦးသန်းဌေးက ပြောကြားသည်။

“တကယ်ဆို အဲဒီထက်မက လက်မှတ်ထိုးနိုင်ဖို့ ဖြစ်ပါတယ်။ အဲဒီတော့ တိုင်းပြည်အတွက် တကယ့်ကို ပြည်သူလူထု ဆာလောင်မွတ်သိပ်တမ်းတနေတဲ့ အဲဒီငြိမ်းချမ်းရေးရဖို့ပဲ ကျွန်တော်တို့ အဓိက ထားခဲ့ပါတယ်” ဟု ၎င်းက ပြောကြားသည်။

ယင်းအခမ်းအနားသို့ ပြည်ထောင်ကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေး၊ အထွေထွေအတွင်းရေးမှူး ဦးသက်နိုင်ဝင်း၊ ပါတီဗဟိုအလုပ်အမှုဆောင် ဦးဝဏ္ဏမောင်လွင်၊ ပါတီဗဟိုအလုပ်အမှုဆောင် ကချင်ပြည်နယ် တာဝန်ခံဒေါက်တာအောင်မြတ်ဦး၊ ပြည်နယ်ပါတီဥက္ကဋ္ဌ ဦးရားဝမ်ဂျုံး အပါအ၀င် ယခင်ကချင်ပြည်နယ် ၀န်ကြီးချုပ်ဟောင်း ဦးလဂျွန်ငန်ဆိုင်းနှင့် လွှတ်တော် ဥက္ကဋ္ဌဟောင်း ဦးလ၀မ်းဂျုံးတို့လည်း တက်ရောက်ခဲ့သည့်အပြင် လူဦးရေ ၃၀၀၀ ခန့် တက်ရောက်ခဲ့ကြောင်း သိရသည်။

လာမည့် နိုဝင်ဘာ ၃ ရက်တွင် ကျင်းပမည့် ကြားဖြစ်ရွေးကောက်ပွဲတွင် လစ်လပ်မဲ ဆန္ဒနယ် ၁၃ နေရာတွင် ကျင်းပမည်ဖြစ်သော်လည်း ပြည်ထောင်ကြံ့ခိုင်ရေးနှင့် ဖွံ့ဖြိုးရေးပါတီအနေဖြင့် ၁၀ နေရာ၌သာ ၀င်ရောက်ယှဉ်ပြိုင်မည်ဖြစ်ပြီး ကချင်ပြည်နယ် အမျိုးသားလွှတ်တော် အမှတ် (၂) (မြစ်ကြီးနားမြို့နယ်) လစ်လပ်မဲဆန္ဒနယ်တွင် ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီမှ ဦးဆီဟူးဒွေ့က ယှဉ်ပြိုင်မည်ဖြစ်ကြောင်း သိရသည်။

မြန်မာအရေးနှင့် ပတ်သက်၍ ကုလသမဂ္ဂ အချက်အလက် ရှာဖွေရေးမစ်ရှင်ကို ကြားနာရန် လုံခြုံရေးကောင်စီအား အမေရိကန် အပါအ၀င် ကိုးနိုင်ငံက တောင်းဆို

မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်နှင့် မြန်မာနိုင်ငံမှ ဒေသန္တရ တာဝန်ရှိသူများ၊ သက်ကယ်ပြင်စခန်းမှ မွတ်စလင်များနှင့် တွေ့ဆုံနေစဉ် (Photo: AFP)

ဘင်္ဂါလီ (မူရင်းတွင် ရိုဟင်ဂျာဟုဖော်ပြထား) မွတ်စလင်များအပေါ် မြန်မာစစ်တပ်၏ ရက်စက်ကြမ်းကြုတ်မှုများကို စွပ်စွဲထားသော ကုလသမဂ္ဂအချက်အလက် ရှာဖွေရေးမစ်ရှင်မှ ကြားနာရန် မြန်မာနိုင်ငံနှင့် သက်ဆိုင်သော ကုလသမဂ္ဂလုံခြုံရေးကောင်စီ အစည်းအဝေးကို အောက်တိုဘာ ၁၆ ရက်တွင် အမေရိကန်အ ပါအ၀င် အခြားနိုင်ငံရှစ်နိုင်ငံက မေတ္တာရပ်ခံခဲ့သည်။

အဆိုပါ မေတ္တာရပ်ခံချက်ကို မြန်မာစစ်တပ်နှင့် ရင်းနှီးသော ဆက်ဆံရေးရှိထားသည့် တရုတ်က အတိုက်အခံလုပ်ရန်ရှိနေပြီး တရုတ်သည် မြန်မာနိုင်ငံကို လုံခြုံရေးကောင်စီက အရေးယူခြင်းကိုလည်း အကာအကွယ်ပေးလိုနေသည်။

ကုလသမဂ္ဂ အချက်အလက် ရှာဖွေရေး မစ်ရှင်၏ဥက္ကဋ္ဌသည် မြန်မာနိုင်ငံ၏ အခြေအနေနှင့် ပတ်သက်၍ မစ်ရှင်အနေဖြင့် နောက်ထပ် သတင်းအချက်အလက်များ လက်ခံရရှိနိုင်စေရန်လည်းကောင်း၊ အပြည်ပြည်ဆိုင်ရာ ငြိမ်းချမ်းရေးနှင့် လုံခြုံရေးအတွက် မစ်ရှင်၏ပါဝင်မှုကိုလည်းကောင်း လုံခြုံရေးကောင်စီကို အစီရင်ခံသင့်သည်ဟု အေအက်ဖ်ပီက မြင်တွေ့ခဲ့ရသော နိုင်ငံကိုးနိုင်ငံ၏ ပူးတွဲထုတ်ပြန်စာတွင် ဖော်ပြထားသည်။

မြန်မာနိုင်ငံကို သည်ဟိတ်ရှိ နိုင်ငံတကာရာဇ၀တ်ရုံးသို့ လွှဲပြောင်းပေးရန် သို့မဟုတ် ယူဂိုဆလားဗီးယားပြည်ထောင်စုဟောင်းကို လုပ်ဆောင်ခဲ့သည့်အတိုင်း အပြည်ပြည်ဆိုင်ရာ အထူးခုံရုံးတစ်ရပ် ဖွဲ့စည်းရန် ကုလသမဂ္ဂ လုံခြုံရေးကောင်စီထံ တောင်းဆိုထားသော ပေါက်ကွဲလွယ်သည့် အစီရင်ခံစာကို လွန်ခဲ့သောလတွင် ကုလသမဂ္ဂ အချက်အလက် ရှာဖွေရေးမစ်ရှင်က ထုတ်ပြန်ခဲ့သည်။

ရခိုင်ပြည်နယ်တွင် လူမျိုးသုဉ်း သတ်ဖြတ်မှုအတွက် ဗိုလ်ချုပ်မှူးကြီးမင်းအောင်လှိုင် အပါအ၀င် မြန်မာနိုင်ငံ၏ ထိပ်တန်းဗိုလ်ချုပ်ကြီးများကို စုံစမ်းစစ်ဆေးပြီး တရားစွဲဆိုရမည်ဟု ကုလသမဂ္ဂ အချက်အလက် ရှာဖွေရေးမစ်ရှင်က ပြောကြားခဲ့သည်။

နယ်စပ်ဖြတ်ကျော်၍ ဘင်္ဂလားဒေ့ရ်ှနိုင်ငံထဲသို့ ဘင်္ဂါလီ ၇၀၀,၀၀၀ ကျော် ထွက်ပြေးခဲ့ရသည့် လွန်ခဲ့သောနှစ်က ဖြိုခွင်းမှုတွင် မြန်မာစစ်တပ်က ရက်စက်ကြမ်းကြုတ်မှုများကို ကျူးလွန်ခဲ့သည်ဆိုသော စွပ်စွဲပြောကြားမှုများအား မြန်မာအစိုးရက ငြင်းဆန်ခဲ့သည်။

အချက်အလက် ရှာဖွေရေးမစ်ရှင်ကို ကြားနာရန် မေတ္တာရပ်ခံမှုအား ၎င်း၏အစိုးရက ပြင်းပြင်းထန်ထန် ကန့်ကွက်ကြောင်း မြန်မာသံအမတ် ဦးဟောက်ဒိုစွမ်က လုံခြုံရေးကောင်စီသို့ သီးခြားပေးပို့သော ပေးစာတစ်စောင်တွင် ဖော်ပြခဲ့သည်။

အချက်အလက် ရှာဖွေရေးမစ်ရှင်၏ အစီရင်ခံစာကို ခိုင်မာသော သက်သေအထောက်အထားများပေါ်တွင် အခြေခံထားခြင်းမဟုတ်ဘဲ ပြောစကားများကို အခြေခံထားခြင်းဖြစ်သောကြောင့် အစီရင်ခံစာသည် တစ်ဘက်သက်ဆန်နေကြောင်း မြန်မာအစိုးရ၏ မကျေနပ်ချက်များကို ဦးဟောက်ဒိုစွမ်က ထပ်တလဲလဲ ပြောကြားခဲ့သည်။

Ref: AFP

NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အချို့မှ တပ်သားသစ် စုဆောင်းနေခြင်းအား တပ်မတော်ဘက်က စိုးရိမ်မှုရှိသော်လည်း နိုင်ငံရေးအရ ဆွေးနွေး အဖြေရှာမည်

နေပြည်တော်ရှိ ရွှေစံအိမ်ဟိုတယ်တွင် အောက်တိုဘာ ၁၆ ရက်က အစိုးရ၊ လွှတ်တော်၊ တပ်မတော်နှင့် NCA-S EAO တိုင်းရင်းသားလက်နက်ကိုင် အဖွဲ့အစည်းများမှခေါင်းဆောင်များ ထိပ်သီးအစည်းအဝေး ကျင်းပစဉ် (ဓာတ်ပုံ-နိုင်ငံတော်အတိုင်ပင်ခံရုံး)

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အချို့မှ တပ်သားသစ် စုဆောင်းနေခြင်းအား တပ်မတော်ဘက်က စိုးရိမ်မှုရှိသော်လည်း နိုင်ငံရေးအရ ဆွေးနွေးအဖြေရှာရမည်ဖြစ်ကြောင်း ကရင်အမျိုးသား အစည်းအရုံး (KNU) ဒုတိယဥက္ကဋ္ဌ ပဒိုစောကွယ် ထူးဝင်းက ပြောကြားသည်။

အစိုးရနှင့် NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့များမှ ခေါင်းဆောင်များ သီးသန့်အစည်းအဝေးအပြီး နေပြည်တော်ရှိ Horizon Lake View ဟိုတယ်တွင် ပြုလုပ်သည့် သတင်းစာ ရှင်းလင်းပွဲတွင် သတင်းထောက်တစ်ဦးက NCA လက်မှတ်ရေးထိုးပြီးနောက်ပိုင်းတွင် တိုင်းရင်းသားများဘက်မှ စစ်သားအင်အား စုဆောင်းမှုရှိခဲ့ပြီး ယင်းအပေါ် တပ်မတော်ဘက်က စိုးရိမ်မှုအပိုင်းများ ရှိသည့်အတွက် တိုင်းရင်းသားများဘက်မှ မည်ကဲ့သို့ တုန့်ပြန် ပြောဆိုချင်ပါသလဲဟု မေးမြန်းမှုအပေါ် ပဒိုစောကွယ်ထူးဝင်းက အထက်ပါအတိုင်း ပြန်လည် ဖြေကြားခဲ့ခြင်း ဖြစ်သည်။

“ဟုတ်ပါတယ်။ ဒါကတော့ တပ်မတော်ဘက် အပိုင်းကတော့ စိုးရိမ်မှုရှိမယ်။ ဒါ တကယ့်လက်တွေ့မှာ ကျွန်တော်တို့က ပစ်ခတ်တိုက်ခိုက်မှု လုပ်ဆောင်ခြင်းက တစ်ဆင့် နောက်ထပ်ပစ်ခတ် တိုက်ခိုက်မှုမဖြစ်ရေး အတွက် ဆောင်ရွက်တာဖြစ်တယ်။ သို့သော်လည်းပဲ ဒီအနေအထားမှာကျတော့ ကျွန်တော်တို့ရဲ့ယတိပြတ်ပေါ့လေ။ တပ်သားသစ် စုဆောင်းမှုနဲ့ ပတ်သက်ပြီးတော့ နိုင်ငံရေးဆွေးနွေးပွဲ တိုးတက်မှုနဲ့အညီ ဆောင်ရွက်သွားမယ်ဆိုတဲ့ သဘောတော့ရှိတယ်။ NCA ထဲမှာ။ ဆိုတဲ့ သဘောက နိုင်ငံရေးအရ ကျွန်တော်တို့ နားလည်မှု၊ ဆွေးနွေးအဖြေရှာနိုင်လေ ဒါတွေက မလိုအပ်ဘူးလို့တော့ အဲဒီလို မြင်ပါတယ်။ အခုလောလောဆယ်မှာကျတော့ အနေအထားတစ်ခုအနေနဲ့ ကျွန်တော်ယတိပြတ်တော့ မပြောနိုင်ဘူးလို့ ပြောလို့ရပါတယ်” ဟု ပဒိုစောကွယ်ထူးဝင်းက ပြောကြားသည်။

ထို့ပြင်လက်ရှိဖြစ်ပွားနေသည့် တိုက်ပွဲများနှင့် ပတ်သက်၍ ပစ်ခတ်တိုက်မှုရပ်စဲရေး ခိုင်မာရန် ဆောင်ရွက်ရေးအပါအ၀င် အစိုးရနှင့် NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ခေါင်းဆောင်များ သီးသန့်အစည်းအဝေးတွင် သဘောတူညီချက် ခုနစ်ချက်ချမှတ်နိုင်ခဲ့ကြောင်း သမ္မတရုံးပြောရေးဆိုခွင့်ရှိသူ ဦးဇော်ဌေးက ဆိုသည်။

“အဓိကကတော့ RCSS နဲ့ ကျွန်တော်တို့ ဖြစ်နေတဲ့ဟာတွေ ကျန်တဲ့ဟာတွေ ဖြစ်နေတာ ရှိတယ်။ အသေးစိတ်ကတော့ တပ်ပိုင်းဆိုင်ရာကိစ္စတွေ ဖြစ်တယ်။ သူတို့ ဆက်ပြီးတော့ လုပ်ပါလိမ့်မယ်။ သို့သော် ခုနပြောတဲ့ ထိပ်တိုက်ထိတွေ့ ရင်ဆိုင်မှုများ ရှောင်ရှားနိုင်ရန်အတွက် ဘယ်လိုလုပ်မလဲဆိုတာလည်းပါတယ်။ ပြီးတော့ တစ်ခုခုဆိုရင် Peace Process သက်ရောက်မှု မရှိအောင် ဘယ်လိုလုပ်မလဲဆိုတာလည်း ပါတယ်။ အဲဒီတော့ သက်ဆိုင်တဲ့ အစုအဖွဲ့တွေက ဘာတွေ လိုက်နာရမလဲဆိုတာလည်း ပါတယ်။ ပြောရရင်တော့ ပစ်ခတ်တိုက်ခိုက်မှုရပ်စဲရေး ခိုင်မာအောင် Statement ထဲမှာ ပါပါတယ်။ အဲဒီထဲမှာပါတဲ့ အားလုံးပေါင်း သဘောတူညီချက် ခုနစ်ချက်ရှိတယ်။ အဲဒါကို နှစ်ဖက်အကောင်အထည်ဖော် ဆောင်ရွက်သွားဖို့ ရှိပါတယ်” ဟု ဦးဇော်ဌေးက ပြောကြားသည်။

လက်ရှိဖြစ်ပွားနေသည့် တိုက်ပွဲများနှင့်ပတ်သက်၍ ပစ်ခတ်ရပ်စဲရေး ခိုင်မာအောင် ဆောင်ရွက်ရန် NCA လမ်းကြောင်းဖြင့် သွားရမည်ဖြစ်ပြီး သက်ဆိုင်ရာ တပ်ဖွဲ့များအကြား လက်နက်အင်အားသုံးစွဲခြင်းကို ရှောင်ရှားရမည်ဖြစ်ကြောင်း ကရင်အမျိုးသားအစည်းအရုံး (KNU) ဒုတိယဥက္ကဋ္ဌ ပဒိုစောကွယ်ထူးဝင်းက ဆိုသည်။

“သက်ဆိုင်ရာတပ်ဖွဲ့တွေရဲ့ ကြားထဲမှာလည်း ပြည့်စုံရမယ်။ လက်နက်အင်အား သုံးစွဲခြင်းကို ရှောင်ရှားရမယ်။ ဒီလိုအချက်တွေပေါ့။ အပစ်အခတ်ရပ်စဲရေး ခိုင်မာအောင်လုပ်ဖို့အတွက်က သက်ဆိုင်ရာ တပ်ဖွဲ့တွေကြားထဲမှာ ညှိနှိုင်းပြီးတော့ သဘောတူညီမှုရယူတဲ့ အပိုင်းလည်းပါတဲ့အတွက်ကြောင့် ဆက်လက်ပြီး ဆောင်ရွက်သွားဖို့အတွက် ကျွန်တော်တို့ ဆွေးနွေးဖြစ်ခဲ့ပါတယ်” ဟု ပဒိုစောကွယ်ထူးဝင်းက ပြောကြားသည်။