မူဆယ်မြို့ ပြည်ထောင်စုလမ်းမကြီးပေါ်တွင် အသံမိုင်းတစ်လုံး ပေါက်ကွဲမှုဖြစ်ပွားပြီး လူထိခိုက်မှုမရှိ

ရှမ်းပြည်နယ် (မြောက်ပိုင်း) မူဆယ်မြို့ရှိ ပြည်ထောင်စုလမ်းကြီးပေါ်တွင် ဧပြီ ၁၉ ရက် ည ၉နာရီ ၂၇ မိနစ်က အသံမိုင်းတစ်လုံး ပေါက်ကွဲမှုဖြစ်ပွားခဲ့ကြောင်း သိရသည်။

“ပေါက်ကွဲမှုက အသံမိုင်းဖြစ်ပါတယ် ခင်ဗျ။ စခန်းမှူးတို့ သွားကြည့်နေပါတယ်။ နေရာကတော့ အင်းဝဘဏ်အရှေ့ဘက်နားလို့ ပြောသံကြားပါတယ်။ အင်းဝဘဏ် မျက်နှာချင်းဆိုင်ပေါ့။ လူအထိအခိုက်တော့မရှိပါဘူး” ဟု မူဆယ်မြို့မရဲစခန်းမှ တာဝန်ရှိသူတစ်ဦးက ပြောကြားသည်။

အသံမိုင်းပေါက်ကွဲမှုမှာ မူဆယ်မြို့ တောင်ရပ်ကွက်နှင့် ဈေးရပ်ကွက်ကြား ပြည်ထောင်စုလမ်းမကြီးပေါ်၊ အင်းဝဘဏ်၏ လမ်းတစ်ဖက်ခြမ်းနှင့် ပြည်သူ့ဆေးရုံအောက်ဘက်၊ ရွှေသမင်ဘုန်းကြီးကျောင်းအနီးရှိ အမှိုက်ပုံတွင် ပေါက်ကွဲခဲ့ခြင်းဖြစ်ပြီး ပေါက်ကွဲမှုဖြစ်ပွားချိန်တွင် လူအသွားအလာနည်းပါးနေသဖြင့် ထိခိုက်ဒဏ်ရာရခြင်းမရှိခဲ့ကြောင်း သိရသည်။

“ပေါက်ကွဲတဲ့အချိန်က မိုးလည်းချုပ်နေပြီဆိုတော့ လမ်းမှာလူအသွားအလာနည်းနေတဲ့ အချိန်လည်းဖြစ်တယ်။ အသံကတော့ ဘေးပတ်ဝန်းကျင်ကနေ တော်တော်ကျယ်ကျယ်ကို ကြားရတယ်။ ပေါက်ကွဲမှုကြောင့် အမှိုက်တွေ လွင့်သွားတယ်” ဟု ဒေသခံတစ်ဦးက ပြောကြားသည်။

၂၀၁၅ ခုနှစ် သြဂုတ် ၂၄ ရက် ည ၁၀ နာရီခန့်တွင် မူဆယ်မြို့ အင်းဝဘဏ်ရှေ့တွင် ပေါက်ကွဲမှုဖြစ်ပွားခဲ့ဖူးပြီး ပေါက်ကွဲမှုကြောင့် ဘဏ်ရှေ့မျက်နှာစာရှိ မှန်များကွဲခဲ့ဖူးကြောင်း သိရသည်။

 

ထားဝယ်မြို့၌ ဖြစ်ပွားခဲ့သည့် ရဲတပ်ဖွဲ့ဝင်များက လူမှားရိုက်နှက်မှုဖြစ်စဉ်အပေါ် ခုံရုံးဖွဲ့စစ်ဆေးရန် ညွှန်ကြားထားပြီး ရဲတပ်ဖွဲ့ဌာနချုပ်မှ ဆုံးဖြတ်သည့်အတိုင်း အရေးယူမည်

တနင်္သာရီတိုင်းဒေသကြီး ထားဝယ်မြို့၌ ဧပြီ ၁၅ ရက် (သင်္ကြန်အကြတ်နေ့) က ဖြစ်ပွားခဲ့သည့် ရဲတပ်ဖွဲ့ဝင်များက လူမှားရိုက်နှက်ခဲ့မှုဖြစ်စဉ်အပေါ် ခုံရုံးဖွဲ့စစ်ဆေးရန် ညွှန်ကြားထားပြီး ရဲတပ်ဖွဲ့ဌာနချုပ်မှ ဆုံးဖြတ်သည့်အတိုင်း အရေးယူမည်ဟု သိရသည်။

သင်္ကြန်အကြတ်နေ့ ညနေပိုင်းက ဖြစ်ပွားခဲ့သည့် ရဲတပ်ဖွဲ့ဝင်များက လူမှား၍ရိုက်နှက်မှု ဖြစ်ပွားခဲ့သည့်ဖြစ်စဉ်အပေါ် ထားဝယ်မြို့နယ် ရဲတပ်ဖွဲ့မှူး ရဲမှူးဌေးဝင်းဦးဆောင်သည့် အဖွဲ့ဝင်သုံးဦးပါဝင်သော စုံစမ်းစစ်ဆေးရေးခုံရုံးအဖွဲ့ကို ၎င်းဖြစ်စဉ်ဖြစ်ပွားပြီး နောက်တစ်နေ့ဖြစ်သည့် ဧပြီ ၁၆ ရက်တွင် စတင်ဖွဲ့စည်းကာ ဖြစ်စဉ်၌ပါဝင်ခဲ့သူများကို စစ်ဆေးခဲ့ကြောင်း၊ ထိုသို့ခုံရုံးဖွဲ့စစ်ဆေးခြင်းကို တစ်ပတ်အတွင်းပြီးစီးအောင် ဆောင်ရွက်ရန် ညွှန်ကြားထားပြီး စစ်ဆေးတွေ့ရှိချက်များအပေါ် သုံးသပ်ချက်များနှင့်တကွ ပြန်လည်၍ သက်သေခံအကျဉ်းချုပ်ရေးသားကာ နေပြည်တော်ရှိ မြန်မာနိုင်ငံ ရဲတပ်ဖွဲ့ဌာနချုပ်ထံ တင်ပြသွားမည်ဖြစ်ပြီး ဌာနချုပ်မှဆုံးဖြတ်သည့် အပေါ်မူတည်၍ အရေးယူဆောင်ရွက်သွားမည်ဟု ရဲမှူးကြီးနေမျိုးက ပြောကြားသည်။

“အရိုက်ခံရတဲ့ ကလေးတွေကို ငါတို့က ရဲမှူးဌေးဝင်းကို စုံခုံ (စုံစမ်းစစ်ဆေးရေးခုံရုံး) ဥက္ကဋ္ဌထားပြီးတော့ စစ်ခိုင်းထားတယ်။ ၁၆ ရက်နေ့ (သင်္ကြန်အတက်နေ့) က စပြီး စစ်နေတာပေါ့။ ကာယကံရှင် ကလေးတွေကိုတော့ အကုန်စစ်ပြီးသွားပြီ။ သူတို့ကိုစစ်ပြီးတော့မှ ဒီဘက်ကပါဝင်ပတ်သက်တဲ့ရဲတွေကို ဆက်စစ်မှာ။ စစ်တော့ လောလောဆယ်ပြီးတော့မယ်။ ဒီတစ်ပတ်အတွင်း အပြီးလုပ်ခိုင်းထားတယ်။ ပြီးရင် ဒီအပေါ်မှာသူ့ရဲ့ သုံးသပ်ချက်နဲ့ သူတင်ပြမှာပေါ့။ ဘယ်သူကတော့ ဘယ်လိုလုပ်တယ်။ အဲဒီလုပ်တဲ့ဟာတွေပေါ့။ အဓိကတော့ အရာရှိကတာဝန်ရှိတာပေါ့။ ခေါင်းဆောင်က စဉ်းစားရမှာပေါ့နော်။ လူမှားရိုက်စရာလည်းမလိုဘူး။ တကယ်တမ်းကျတော့ ရှင်းရှင်းပြောရင် ဒီဟာဖြစ်တဲ့အပေါ်မှာ အေးအေးဆေးဆေး ထိန်းလုပ်ပေးရမှာပေါ့။ အရာရှိက။ ဒါကို ဒေါသအလျောက်သွားတဲ့အခါကျတော့ လွဲချော်သွားတဲ့အခါ မမှားသင့်တာ မှားသွားတယ်။ ရှင်းရှင်းပြောရင်သူတို့ကလည်း တမင်ရည်ရွယ်ပြီး လုပ်တာတော့မဟုတ်ဘူးပေါ့။ ဒါပေမဲ့ ရဲမေလေးကို စော်ကားတယ်ဆိုပြီးတော့ စိတ်လေးဝင်သွားတဲ့အခါမှာ ဒေါသအလျောက်ဖြစ်သွားတယ်။ အဲဒီအခါကျတော့ သွားဖမ်းတဲ့အဆင့်မဟုတ်ဘဲ ရိုက်တဲ့အဆင့် ဖြစ်သွားတာပေါ့။ သိသိချင်း ဒီဖြစ်စဉ်အပေါ် ငါတို့က အကုန်တောင်းပန်တယ်။ ငါတို့တရားဝင်ဖွဲ့ ပေးထားတဲ့ အဖွဲ့နဲ့စစ်တယ်။ အရိုက်ခံရတဲ့သူတွေ စစ်ပြီးရင် သုံးသပ်ချက်နဲ့တကွ ဘယ်သူ့ကိုတော့ ဘယ်လိုအရေးယူသင့်တယ်ဆိုတာ ငါတို့ကတော့ရေးမှာပေါ့။ ဖြစ်စဉ်မှာ အချို့က အကုန်လိုက်ပေမယ့်လည်း ပါချင်မှပါမှာပေါ့။ ရိုက်တဲ့လူဟုတ်ချင်မှလည်း ဟုတ်မှာပေါ့။ အဲဒီအပေါ်မူတည်ပြီး အရာရှိဆိုလည်း အရာရှိအပိုင်း၊ အခြားအဆင့်ဆိုလည်း အခြားအဆင့်ပေါ့။ အပေါ်တင်လိုက်ရင် ဒီလူဒီလူတွေကိုတော့ အရေးယူမယ်လို့ အပေါ်ကအတည်ပြုတယ်ဆိုရင် အရေးယူမှာပေါ့” ဟု တနင်္သာရီတိုင်းဒေသကြီး ရဲတပ်ဖွဲ့မှ ရဲမှူးကြီးနေမျိုးက ပြောကြားသည်။

ထားဝယ်မြို့ ဥဿရံရပ်ကွက်ရှိ ကမြောကင်းလမ်းမပေါ်၌ သင်္ကြန်အကြတ်နေ့က ဖြစ်ပွားခဲ့သည့် ရဲမေတစ်ဦးအား ရေလောင်း၍ အင်္ကျီဆွဲချွတ်သည်ဟုဆိုကာ ထားဝယ်မြို့မရဲစခန်းမှ ရဲတပ်ဖွဲ့ဝင်များက လာရောက်ရိုက်နှက် ဖမ်းဆီးခဲ့ပြီးနောက် အာမခံဖြင့်ပြန်လည်လွှတ်ပေးထားသည့် လူငယ်ခုနစ်ဦးကို ထားဝယ်မြို့မရဲစခန်း၌ ကာယိနြေ္ဒပျက်ပြားစေမှုနှင့် တာဝန်ဝတ္တရားနှောင့်ယှက်မှုတို့ဖြင့် အမှုဖွင့်ထားကြောင်း၊ လက်ရှိ၌ ခုံရုံးဖွဲ့၍ စစ်ဆေးနေသည်မှာ ၎င်းရဲမေအား ရေလောင်း၍ အင်္ကျီချွတ်ခဲ့သည်ဟုဆိုသော အမှုမှ ရဲတပ်ဖွဲ့ဝင်များက လူမှား၍ရိုက်နှက်ခဲ့သည့်ဖြစ်စဉ်အတွက် ရိုက်နှက်ခံရသူများနှင့်ပါဝင်သည့် ရဲတပ်ဖွဲ့ဝင်များကိုသာ စစ်ဆေးနေခြင်းဖြစ်ပြီး အမှုနှစ်ခုမှာ မတူညီကြောင်း ၎င်းက ဆက်လက်ပြောကြားသည်။

ယင်းဖြစ်စဉ်နှင့်ပတ်သက်၍ ရဲတပ်ဖွဲ့က စုံစမ်းစစ်ဆေးနေမှုနှင့် အရေးယူမှုများ စောင့်ကြည့်သွားမည်ဖြစ်ပြီး အရေးယူသည့်အပေါ် မကျေနပ်ပါက တရားစွဲဆိုသွားရန် စီစဉ်ထားကြောင်း၊ ရဲတပ်ဖွဲ့ဝင်များ၏ မှားယွင်းရိုက်နှက်မှုကို ခံရသောလူငယ်များ၏ မိသားစုဝင်များထံ ရဲတပ်ဖွဲ့ဘက်မှ နေအိမ်သို့ လာရောက်တောင်းပန်မည်ဖြစ်ကြောင်း စကားကမ်းလှမ်းသော်လည်း လက်မခံခဲ့ဘဲ ဖြစ်စဉ်နှင့်ပတ်သက်၍ မြို့မိမြို့ဖနှင့် မီဒီယာများရှေ့တွင် အရေးယူဆောင်ရွက်နေမှုကို ပွင့်လင်းမြင်သာစွာ ချပြပေးရန်နှင့် ထိုအချိန်တွင် တာဝန်ရှိသူများက တောင်းပန်ရန်လိုလားသည်ဟု မှားယွင်းရိုက်နှက်ခံရသော လူငယ်တစ်ဦး၏ မိသားစုဝင်ဖြစ်သူ ဦးအောင်မျိုးက ပြောကြားသည်။

တနိုင်းဒေသတွင် တိုက်ပွဲများကြောင့် ရှောင်တိမ်းနေသူ အောင်လောဒ်ရွာသားများ ပြန်လာရေး တပ်မတော်က တနိုင်းမြို့တွင်း လှည့်လည်ကြေညာ

တနိုင်းဒေသတွင် တိုက်ပွဲများကြောင့် ရှောင်တိမ်းနေသူ အောင်လောဒ်ရွာသားများ ပြန်လာရေး တပ်မတော်က တနိုင်းမြို့တွင်းသို့ ဧပြီ ၁၈ ရက်က လှည့်လည်ကြေညာခဲ့သည်။

ဧပြီ ၁၉ ရက်အထိ နောက်ဆုံးရသတင်းများအရ တိမ်းရှောင်နေသည့် ကျေးရွာသူရွာသား အများစုမှာ ကေအိုင်အေတပ်မဟာ (၂) အနီးရှိ အောင်လောဒ်ကျေးရွာသို့ ပြန်လာခြင်း မရှိသေးကြောင်း သိရသည်။

တနိုင်းမြို့နယ်မှ လွှတ်တော်ကိုယ်စားလှယ်တစ်ဦးက “အခုပြေးတာက တပ်မဟာ (၂) အခြေစိုက်တဲ့ရွာတွေပေါ့။ မနေ့က တပ်မတော်က ကြေညာတယ်။ ကေအိုင်အေ အကြမ်းဖက်သောင်းကျန်းသူများနဲ့ ဆက်နွှယ်ပတ်သက်မှု မရှိသူများ ပြန်လာဖို့ပေါ့။ မနေ့ကတော့ အုပ်ချုပ်ရေး၊ ရပ်မိရပ်ဖ၊ ဘာသာရေးဆရာတွေနဲ့ ညှိနေကြတယ်။ တနိုင်းမြို့ပေါ်မှာလည်း RC (ရိုမန်ကစ်သလစ်အသင်းတော်)က လူတွေ အရင်တိုက်ပွဲမဖြစ်ခင်ကတည်းက ရောက်နေကြတာ ရှိနေတယ်” ဟု ပြောကြားသည်။

ဧပြီ ၁၈ ရက်တွင် တပ်မတော်ယာဉ်ဖြင့် တနိုင်းမြို့တွင်း ကြေညာရာတွင် “ရွာ၏အနေအထားကိုလည်း ကေအိုင်အေ အကြမ်းဖက် သောင်းကျန်သူများ ဆုတ်ခွာချိန် နေအိမ်အချို့အား မီးရှို့ဖျက်ဆီးခဲ့ခြင်းမှအပ ပျက်စီးဆုံးရှုံးမှုမရှိစေရန် တပ်မတော်က ထိန်းသိမ်းထားပါသည်။ လက်ရှိ အောင်လောဒ်ကျေးရွာအား ကေအိုင်အေသောင်းကျန်းသူများက ဖျက်ဆီးခဲ့ခြင်းမှအပ ရွာသူရွာသားများ ထားရှိခဲ့သည့် ပကတိအခြေအနေအတိုင်း တပ်မတော်က ထိန်းသိမ်းထားရှိသည့် အခြေအနေများကို တနိုင်းမြို့နယ် အုပ်ချုပ်ရေးအဖွဲ့များ၊ ဘာသာရေးအသင်း အဖွဲ့များနှင့် မြို့မိမြိုဖဖြင့် ဖွဲ့စည်း၍ သွားရောက် ကြည့်ရှုနေပြီ ဖြစ်ပါသည်။

ယခုအချိန်တွင် အောင်လောဒ်ကျေးရွာရှိ ကေအိုင်အေ အကြမ်းဖက်သောင်းကျန်းသူများကို ဖယ်ရှားရှင်းလင်းပြီး ဖြစ်သဖြင့် အကြောင်း အမျိုးမျိုးကြောင့် ထွက်ပြေးတိမ်းရှောင်လျက်ရှိသည့် ကေအိုင်အေနှင့် ဆက်စပ် ပတ်သက်မှုမရှိသော အပြစ်မဲ့ ရွာသူရွာသားများအား မိမိတို့အိမ်သို့ ပြန်လည်ဝင်ရောက် နေထိုင်နိုင်ရေးအတွက် တပ်မတော်နှင့် တနိုင်းမြို့နယ် အုပ်ချုပ်ရေးအဖွဲ့များ၊ ဘာသာရေး အသင်းအဖွဲ့များ၊ ရပ်မိရပ်ဖများက ကူညီ ဆောင်ရွက်ပေးသွားမည် ဖြစ်ပါသည်။ တနိုင်းမြို့တွင် အောင်လောဒ်ကျေးရွာမှ ရောက်ရှိနေသူများရှိပါက သက်ဆိုင်ရာအုပ်ချုပ်ရေးမှူးထံ သွားရောက်သတင်းပို့ရန်နှင့် ၎င်းတို့ကို လက်ခံရရှိသော အိမ်ရှင်များကလည်း အောင်လောဒ် ရွာသူရွာသားများအား ၎င်းတို့ကျေးရွာတွင် ပြန်လည်နေထိုင်ရေးအတွက် အတူတကွ ပို့ဆောင်သတင်းပို့ကြရန် လိုအပ်ပါသည်။ သောင်းကျန်းသူများနှင့် ဆက်နွှယ်ပတ်သက် မရှိဘဲ ရိုးသားစွာ နေထိုင်ကြသည့် ရွာသူရွာသားများ အနေဖြင့် စိုးရိမ်ကြောင့်ကြမှုမရှိဘဲ မိမိတို့နေအိမ်များတွင် ပြန်လည်နေထိုင်နိုင်ပြီဖြစ်ပြီး မိမိတို့နေအိမ်များအား သောင်းကျန်းသူများ ဖျက်ဆီးခဲ့မှုကြောင့် ပျက်စီးခြင်းမှအပ ရွာသူရွာသားများ ထားရှိခဲ့သည့် မူလအခြေအနေအတိုင်း တပ်မတော်မှ ပြန်လည်အပ်နှံပေးသွားမည် ဖြစ်ပါသည်။ တိုက်ပွဲများကို အကြောင်းပြု၍တနိုင်းမြို့တွင် တိုက်ပွဲရှောင် စခန်းများ ဖွင့်လှစ်ထားရှိမည် မဟုတ်သဖြင့် ဒေသခံ ရွာသူရွာသားများအနေဖြင့် မိမိတို့ မူလအောင်လောဒ်ကျေးရွာတွင် ပြန်လည် နေထိုင်သွားကြရန် ဖြစ်ပါသည်။ တပ်မတော်နှင့် မြို့နယ်အုပ်ချုပ်ရေးအဖွဲ့များအနေဖြင့် အောင်လောဒ်ကျေးရွာတွင် အမှန်တကယ် နေထိုင်ခဲ့သည့် ဒေသခံ ရွာသူရွာသားများကို ပြန်လည်နေထိုင်နိုင်ရေး၊ လိုအပ်သည့် ကိစ္စရပ်များအား အပြည့်အ၀ ကူညီဆောင်ရွက် ပေးသွားမည်ဖြစ်ကြောင်း အသိပေး ကြေညာအပ်ပါသည်” ဟု ကြေညာခဲ့သည်။

ဟင်္သာတခရိုင်၌ လေပြင်းတိုက်ခတ်မှုကြောင့် နှစ်ရက်အတွင်း နေအိမ်ပေါင်း ၂၄၀၀ ခန့် ထိခိုက်ပျက်စီး

ဟင်္သာတမြို့နယ် ပဲကြီးကျွန်းကျေးရွာအုပ်စုရှိ နေအိမ်အချို့ လေဘေးသင့်မှု အခြေအနေကို တွေ့ရစဉ် (ဓာတ်ပုံ-အောင်ကျော်မျိုး (ဟင်္သာတ))

လေပြင်းတိုက်ခတ်မှုကြောင့် ဟင်္သာတခရိုင်၌ နေအိမ်ပေါင်း ၂၄၀၀ ခန့် ထိခိုက်ပျက်စီးခဲ့ကြောင်း အထွေထွေအုပ်ချုပ်ရေးဦးစီးဌာနမှ ဧပြီ ၁၉ ရက် ညနေပိုင်းအထိ ရရှိသည့် စာရင်းများအရ သိရသည်။

အဆိုပါ လေပြင်းတိုက်ခတ်မှုမှာ ဧပြီ ၁၇ ရက်နှင့် ၁၈ ရက်တွင် ဖြစ်ပွားခဲ့ခြင်းဖြစ်ပြီး ကျေးရွာများရှိ လူနေအိမ်များ ပြိုကျခြင်း၊ အမိုးလန် ပျက်စီးခြင်းများ ဖြစ်ပေါ်ခဲ့ကြောင်း သိရသည်။

“မနေ့က ညနေ ၅ နာရီလောက်မှာ လေပြင်းတိုက်တယ်။ ဖုန်လုံးကြီးတွေထတယ်။ ကျွန်တော်လည်း ရွာကုန်းပေါ်ရောက်နေတာနဲ့ ရေမချိုးဘဲ ပြန်ပြေးလာတာ။ အိမ်ရောက်တော့ တစ်ယောက်မှ မရှိကြတော့ဘူး။ ကလေးတွေနဲ့ ပြေးလွှားနေကြရတယ်။ အိမ်မှာထရံတွေလည်း မရှိတော့ဘူး။ သွပ်တွေလည်းကွာပြီး တိုင်တွေလည်း ယိုင်ရွဲ့ကုန်တယ်။ ဘေးအိမ်ကလည်း သွပ်တွေ လွင့်ထွက်ကုန်တယ်။ အဲဒါနဲ့ အိမ်ရှေ့အိမ်အောက်ထဲသွားပြီး ခိုနေရတယ်။ လေပြင်းပြီးတော့ မိုးကဆက်ရွာတယ်။ လောလောဆယ် နေစရာမရှိဘူး။ ကြံဖန်ပြီး အိမ်အောက်ထဲမှာပဲ နေနေရတယ်” ဟု ဟင်္သာတမြို့နယ် ပဲကြီးကျွန်းကျေးရွာအုပ်စု လက်ပံကုန်းအစုမှ ကိုသန့်ဇင်က ပြောကြားသည်။

လေဘေးကြောင့် ဟင်္သာတခရိုင်အတွင်းရှိ ဟင်္သာတ၊ ဇလွန်၊ လေးမျက်နှာ၊ အင်္ဂပူ၊ မြန်အောင်၊ ကြံခင်းမြို့နယ်စသည့် မြို့နယ်ခြောက်မြို့နယ်စလုံး၌ ထိခိုက်ပျက်စီးမှုအချို့ ရှိခဲ့ကြောင်း သိရသည်။

သစ်ကိုင်းကျိုးကျ၍ နေအိမ်ပျက်စီးခဲ့သည့် ဟင်္သာတမြို့နယ် ရေလယ်ကျွန်းကျေးရွာမှ ဒေါ်အုန်းက “လေနည်းနည်းတိုက်တုန်းကတော့ ကျွန်မတို့အိမ်ပေါ်မှာနေတယ်။ လေတအားကြီး ကြမ်းလာတော့ အောက်ကို ကလေးတွေနဲ့ ဆင်းပြေးတယ်။ ဆင်းလည်းပြေးရော သစ်ကိုင်းကျိုးကျတယ်။ ဆင်းပြေးလို့ မပြေးလို့ အိမ်ပေါ်မှာနေရင်လည်း အကုန်လုံးပိပြီး လူတွေပါ ဒုက္ခရောက်ကုန်မှာ။ အိမ်ကလည်း တစ်ခြမ်းလုံးပြိုသွားတယ်။ တိုင်တွေပါကျိုးကုန်တယ်” ဟု ပြောကြားသည်။

မြို့နယ်အသီးသီးရှိ ပြိုကျပျက်စီး၊ အမိုးလန်ပျက်စီး အိမ်ခြေများစာရင်းကို ဌာနဆိုင်ရာ တာဝန်ရှိသူများနှင့် ရပ်ကျေးအုပ်ချုပ်ရေး အဖွဲ့များက ကွင်းဆင်းစိစစ်မှုများ လုပ်ဆောင်နေပြီး ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနက ထောက်ပံ့မှုများလည်း စတင်ဆောင်ရွက်နေပြီဖြစ်ကြောင်း သိရသည်။

နွေကာလဖြစ်သည့် ဧပြီနှင့် မေလတွင် လေပြင်းများတိုက်ခြင်း၊ မိုးကြိုးပစ်ခြင်း စသည့် မိုးလေ၀သဖြစ်စဉ်များ ဖြစ်ပေါ်လာနိုင်သည့်အတွက် အထူးဂရုပြုနေထိုင်ကြရန် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက သတိပေးချက် ထုတ်ပြန်ခဲ့သည်။

မြန်မာနိုင်ငံအရပ်ရပ်တွင် နွေကာလဖြစ်သည့် ဧပြီနှင့်မေလတို့တွင် နေ့အပူချိန် တဖြည်းဖြည်း မြင့်တက်လာရာမှ အပူပျံတက် တိမ်များဖြစ်ထွန်း၍ မွန်းလွဲ၊ ညနေပိုင်းတို့တွင် မိုးတိမ်တောင်များဖြစ်ပေါ်နိုင်ပြီး အဆိုပါ မိုးတိမ်တောင်များ ရွေ့လျားရာတစ်လျှောက်တွင် လေပြင်းများတိုက်ခတ်ခြင်း၊ လေပြင်းနှင့်အတူ ထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် နေရာကွက်ကျား မိုးထစ်ချုန်းရွာခြင်း စသည့် မိုးလေ၀သဖြစ်စဉ်များ ဖြစ်ပေါ်နိုင်ကြောင်း၊ လေပြင်းတိုက်ခတ်စဉ် မြေပြင်ရေပြင်လေသည် တစ်နာရီလျှင် ၃၅ မိုင်မှ မိုင် ၄၀ အထိ တိုက်ခတ်နိုင်ကြောင်း မိုးလေ၀သနှင့်ဇလဗေဒညွှန်ကြားမှု ဦးစီးဌာနမှ ထုတ်ပြန်ခဲ့သည်။

လေပြင်းတိုက်ခတ်မှုကြောင့် ပဲခူးတိုင်းဒေသကြီး (အနောက်ပိုင်း) ပြည်ခရိုင် ပေါင်းတည်မြို့နယ်နှင့် သာယာဝတီခရိုင် နတ္တလင်းမြို့နယ်တို့တွင် အိမ်ခြေ ၆၀၀ ကျော် ပျက်စီးပြိုလဲခဲ့ပြီး အမျိုးသမီးတစ်ဦး သေဆုံးခဲ့ကြောင်း သိရသည်။

အဆိုပါ လေပြင်းတိုက်ခတ်မှုမှာ ဧပြီ ၁၆ ရက် ညနေ ၅ နာရီခန့်က ဖြစ်ပွားခဲ့ခြင်းဖြစ်ပြီး တိုက်ခတ်ချိန် ကြာမြင့်ခြင်းမရှိသော်လည်း တိုက်ခတ်နှုန်း ပြင်းထန်သောကြောင့် နေအိမ်များလဲပြိုခြင်း၊ အမိုးသွပ်များလန်ခြင်း၊ သစ်ပင်များ ကျိုးပြတ်ကျခြင်းတို့ ဖြစ်ပေါ်ခဲ့ကြောင်း ဒေသခံများက ဆိုသည်။

ရခိုင်ပြည်နယ်၌ အကြမ်းဖက်မှုများ လုပ်ဆောင်ခဲ့သည့် ARSA အဖွဲ့ဝင်အဖြစ် သံသယရှိသူ ဘင်္ဂါလီအချို့အား ဘင်္ဂလားဒေ့ရ်ှဘက်က ဖမ်းဆီးရမိထားကြောင်း မလေးရှားအခြေစိုက် Benar News သတင်းဌာနက ဖော်ပြ

ရခိုင်ပြည်နယ်၌ အကြမ်းဖက်မှုများ လုပ်ဆောင်ခဲ့သည့် ARSA အဖွဲ့ဝင်အဖြစ် သံသယရှိသော ဘင်္ဂါလီ (မူရင်းသတင်းတွင် ရိုဟင်ဂျာဟုသုံးနှုန်း) အချို့အား ဖမ်းဆီးရမိထားကြောင်း ဘင်္ဂလားဒေ့ရ်ှအစိုးရ အကြီးအကဲတစ်ဦး၏ ပြောကြားချက်အား ကိုးကားကာ မလေးရှားအခြေစိုက် Benar News သတင်းဌာနက ဧပြီ ၁၉ ရက်တွင် ဖော်ပြခဲ့သည်။

Benar News သတင်းဌာန၏ ဖော်ပြချက်တွင် ဘင်္ဂလားဒေ့ရ်ှအစိုးရ အကြီးအကဲ၏ အမည်အား ဖော်ပြထားခြင်းမရှိပေ။

ထို့ပြင် အဆိုပါ အစိုးရသတင်းအရင်းအမြစ်၏ ပြောကြားချက်တွင် ARSA အဖွဲ့ဝင်ဟု သံသယရှိသူ အရေအတွက် မည်မျှဖမ်းဆီး ထိန်းသိမ်းထားကြောင်း မပါဝင်သော်လည်း ဖမ်းဆီးရမိသူများသည် ဘင်္ဂလားဒေ့ရ်ှနိုင်ငံ ကော့စ်ဘဇားမြို့တွင်ရှိသော ဒုက္ခသည်စခန်းများ၌ နေထိုင်နေကြသော ဘင်္ဂါလီ (မူရင်းတွင် ရိုဟင်ဂျာဟုသုံးနှုန်း) ဒုက္ခသည်များကြားတွင် ပုန်းအောင်းပြီး လှုပ်ရှားနေသောသူများဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံ အစိုးရအနေဖြင့် ARSA အဖွဲ့ဝင်များအား စဉ်ဆက်မပြတ် ရှာဖွေဖမ်းဆီးမှုနှင့် ပတ်သက်ပြီး တရားဝင် ကြေညာချက် ထုတ်ပြန်ထားမှုများ မရှိသော်လည်း ကော့စ်ဘဇားမြို့ရှိ အကြီးဆုံးဒုက္ခသည် စခန်းတစ်ခုမှ လူစုခေါင်းဆောင် ဘင်္ဂါလီတစ်ဦးက ဦးဆောင်ကာ ARSA အဖွဲ့ဝင် အကြမ်းဖက်သမားဖြစ်နိုင်ခြေရှိသော လူပေါင်း ၁၅ ဦးအား ဖမ်းဆီးခဲ့ပြီး ဘင်္ဂလားဒေ့ရှ် ရဲတပ်ဖွဲ့သို့ အပ်နှံခဲ့ကြောင်း Benar News သတင်းဌာန၏ ဖော်ပြချက်အရ သိရသည်။

ထို့အတူ ဘင်္ဂလားဒေ့ရ်ှနိုင်ငံ ကူတူပါလောင်ဒုက္ခသည်စခန်းရှိ ဘင်္ဂါလီများကလည်း ဧပြီ ၉ ရက်တွင် စက်သေနတ်တစ်လက်၊ ကျည်ဆန်တောင့်များနှင့်အတူ အသက် ၂၆ နှစ်ရှိသော ARSA အကြမ်းဖက်သမား မိုဟာမက်ရှာဒက်အား ဖမ်းဆီးရာတွင် ဘင်္ဂလားဒေ့ရ်ှရဲတပ်ဖွဲ့အား ကူညီပေးခဲ့ကြောင်း၊ အဆိုပါ အကြမ်းဖက်သမားကို ဖမ်းဆီးရခြင်းမှာ ARSA အဖွဲ့က YouTube တွင် တင်ထားသော ဗီဒီယိုများတွင် ARSA အဖွဲ့ခေါင်းဆောင် အက်တူလာအဆူအမ်မာ ဂျန်နုနီ၏ဘေးတွင် ပါဝင်ခဲ့သောကြောင့် ဖြစ်ကြောင်းလည်း သတင်းတွင် ဖြော်ပသည်။

ဘင်္ဂါလီဒုက္ခသည်စခန်းများတွင် ARSA အကြမ်းဖက်အဖွဲ့ လှုပ်ရှားမှုများ၊ အခြားဖမ်းဆီးမှုများနှင့် ပတ်သက်ပြီး ဘင်္ဂါလီဒုက္ခသည်များကိုယ်တိုင် အကြမ်းဖက်သမားများအား ဖမ်းဆီးပေးခဲ့သည်ဟု ပြောဆိုမှုများ ရှိသော်လည်း ဘင်္ဂလားဒေ့ရ်ှရဲတပ်ဖွဲ့ထံမှ အတည်ပြုချက်မရှိသကဲ့သို့ အချို့ဖမ်းဆီးမှုများမှာ မဟုတ်မှန်ကြောင်း ဘင်္ဂလားဒေ့ရှ် ရဲတပ်ဖွဲ့က ငြင်းဆိုမှုများရှိသည်ဟု Benar News သတင်းတွင် ဖော်ပြထားသည်။

Benar News သတင်းဌာန၏ ဖော်ပြချက်အရ ARSA အကြမ်းဖက်သမားများသည် ဘင်္ဂါလီဒုက္ခသည်စခန်းများအတွင်း လှုပ်ရှားမှုများရှိနေပြီး ဘာလူခါလီ ဒုက္ခသည်စခန်းတွင် ARSA အဖွဲ့ဝင်များဆုံး ရှိနေကြောင်း၊ ARSA အကြမ်းဖက်အဖွဲ့သည် လက်ရှိတွင် နှစ်ဖွဲ့ခွဲကာ လှုပ်ရှားနေပြီး တစ်ဖွဲ့က အက်တူလာ လက်အောက်တွင်ဖြစ်ပြီး ကျန်တစ်ဖွဲ့ကို ဘင်္ဂလားဒေ့်ရ်ှနိုင်ငံ ကော့စ်ဘဇားမြို့ တက်ကနက်ခရိုင်ခွဲတွင် နေထိုင်သော အဗ္ဗဒူဟာကင် အမည်ရှိသူတစ်ဦးက ဦးဆောင်နေသည်ဟု အမည်မဖော်လိုသော ဘင်္ဂါလီဒုက္ခသည်တစ်ဦးက ပြောကြားခဲ့ကြောင်း သိရသည်။

ထို့ပြင် ဘင်္ဂလားဒေ့ရ်ှရဲတပ်ဖွဲ့က ဖမ်းဆီးထိန်းသိမ်းထားသူများကို မြန်မာအစိုးရထံ လွှဲပြောင်းပေးခြင်း မလုပ်ခဲ့ကြောင်း၊ လုပ်ခဲ့ပါကလည်း အခြားဒုက္ခသည်များကြားထဲ၌ စိုးရိမ်ပူပန်မှုများ လွန်ကဲစွာ မြင့်တက်လာပြီး မြန်မာ-ဘင်္ဂလားဒေ့်ရှ် နှစ်နိုင်ငံကြား ဒုက္ခသည် ပြန်လည်လက်ခံမှု အစီအစဉ်များကို ထိခိုက်စေမည်ကို စိုးရိမ်ရသည်ဟု အမည်မဖော်လိုသော ဘင်္ဂလားဒေ့ရ်ှအစိုးရ အာဏာပိုင်တစ်ဦးက ပြောကြားခဲ့ကြောင်း သတင်းဖော်ပြချက်တွင် ပါရှိသည်။

မြန်မာနိုင်ငံ၌ မြန်မာ-နီပေါ ချစ်ကြည်ရေးအသင်း ဖွဲ့စည်းဆောင်ရွက်နိုင်ရန် အပါအ၀င် နှစ်နိုင်ငံချစ်ကြည်ရေးကိစ္စရပ်များ ဗိုလ်ချုပ်မှူးကြီးမင်းအောင်လှိုင်နှင့် မြန်မာနိုင်ငံလုံးဆိုင်ရာ ဂေါ်ရခါးဟိန္ဒူဓမ္မအဖွဲ့ချုပ်တာဝန်ရှိသူများ တွေ့ဆုံဆွေးနွေး

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် မြန်မာနိုင်ငံလုံးဆိုင်ရာ ဂေါ်ရခါးဟိန္ဒူဓမ္မအဖွဲ့ချုပ်ဥက္ကဋ္ဌ ဦးကာလာဒါရ် (ခ) ဦးမောင်ဝင်း ဦးဆောင်သည့်အဖွဲ့အား ဧပြီ ၁၉ ရက် နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံခဲ့ကြောင်း တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်သည်။

ထိုသို့တွေ့ဆုံရာတွင် မြန်မာနိုင်ငံတွင် မြန်မာ-နီပေါချစ်ကြည်ရေးအသင်း ဖွဲ့စည်းဆောင်ရွက်နိုင်မည့် အခြေအနေများ၊ နှစ်နိုင်ငံ ချစ်ကြည်ရေးနှင့် အပြန်အလှန် ကုန်သွယ်မှု၊ ခရီးသွားလုပ်ငန်းများ တိုးမြှင့်ဆောင်ရွက်နိုင်မည့် အခြေအနေများ၊ မြန်မာနိုင်ငံအတွင်း မည်သူမဆို တရားဥပဒေနှင့်အညီ အေးချမ်းစွာ နေထိုင်နိုင်သည့် အခြေအနေများအား အပြန်အလှန် ဆွေးနွေးခဲ့ကြောင်း သတင်းထုတ်ပြန်ချက်အရ သိရသည်။

အဆိုပါ တွေ့ဆုံမှု၌ တပ်မတော်ကာကွယ်ရေးဦးစီးချုပ်က တပ်မတော်သမိုင်းတွင် ဂေါ်ရခါးလူမျိုးတပ်မတော်သားများသည် သစ္စာရှိစွာ၊ ရဲဝံ့စွန့်စားစွာ ထူးထူးခြားခြား တာဝန်ထမ်းဆောင်ကြသည့် အစဉ်အလာကောင်းရှိသူများဖြစ်ကြောင်း၊ စွမ်းရည်သတ္တိဆိုင်ရာ အမြင့်ဆုံးဘွဲ့တံဆိပ်ဖြစ်သော အောင်ဆန်းသူရိယဘွဲ့တံဆိပ်ချီးမြှင့်ခံရသူအထိ ပါဝင်ခဲ့ပြီး ယခုတိုင်စစ်မှုထမ်းဆဲအရာရှိ၊ စစ်သည်များစွာရှိနေသဖြင့် ဂုဏ်ယူပါကြောင်း၊ ဂေါ်ရခါးလူမျိုးများ၏ မူရင်းဒေသဖြစ်သော နီပေါဖက်ဒရေးရှင်းသမ္မတနိုင်ငံနှင့် မြန်မာနိုင်ငံတို့သည် မိတ်ဆွေကောင်းနိုင်ငံများ ဖြစ်ကြကြောင်း၊ နီပေါနိုင်ငံသို့ တပ်မတော်ကာကွယ်ရေးဦးစီးချုပ်အနေဖြင့် ၂၀၁၇ ခုနှစ်၊ ဒီဇင်ဘာလအတွင်းက ချစ်ကြည်ရေးခရီးစဉ် သွားရောက်ခဲ့ပြီး နှစ်နိုင်ငံချစ်ကြည်ရေးနှင့် တပ်မတော်နှစ်ရပ်အကြား ချစ်ကြည်ရင်းနှီးမှုများ တိုးမြှင့်ဆောင်ရွက်နိုင်ခဲ့သည့် အခြေအနေများအား ပြောကြားသည်။

ထို့အတူ မြန်မာနိုင်ငံလုံးဆိုင်ရာ ဂေါ်ရခါးဟိန္ဒူဓမ္မအဖွဲ့ချုပ်ဥက္ကဋ္ဌက မြန်မာသက္ကရာဇ် ၁၃၈၀ ပြည့်နှစ်၊ နှစ်သစ်ကူးအခါသမယတွင် တပ်မတော်ကာကွယ်ရေးဦးစီးချုပ်နှင့် တပ်မတော်သားများ၊ မိသားစုဝင်များအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံ၍ နိုင်ငံ့တာဝန်များ အောင်မြင်စွာ ထမ်းဆောင်နိုင်ကြပါစေရန် ဆုမွန်ကောင်းတောင်းပါကြောင်း၊ မိမိတို့အဖွဲ့သည် မြန်မာနိုင်ငံ တစ်ဝန်းလုံးရှိ ဂေါ်ရခါးလူမျိုးများအားလုံးကို ကိုယ်စားပြုသော နိုင်ငံတော်မှ တရားဝင် အသိအမှတ်ပြုထားသည့် အဖွဲ့ဖြစ်ပါကြောင်း၊ ဂေါ်ရခါးလူမျိုးများသည် အေးချမ်းရိုးသားစွာ နေထိုင်လုပ်ကိုင်ကြ၍ တပ်မတော်တွင်လည်း ရိုးသား၊ သစ္စာရှိစွာ တာဝန်ထမ်းဆောင်ခြင်း၊ နိုင်ငံတော်အပေါ်တွင်လည်း သစ္စာစောင့်သိရိုသေခြင်း အစဉ်အလာကောင်းတို့ကို ယနေ့ထက်တိုင် ထိန်းသိမ်းလျက်ရှိကြောင်း ပြန်လည်ပြောကြားသည်။

ယင်းတွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေးဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး မျိုးဇော်သိန်းနှင့် တပ်မတော်အရာရှိကြီးများ တက်ရောက်ကြပြီး မြန်မာနိုင်ငံလုံးဆိုင်ရာ ဂေါ်ရခါးဟိန္ဒူဓမ္မအဖွဲ့ချုပ် ဥက္ကဋ္ဌနှင့်အတူ နာယကဦးမော်နီလားလ်နှင့် တာဝန်ရှိသူများ တက်ရောက်ခဲ့ကြောင်း တပ်မတော်ကာကွယ်ရေးဦးစီးချုပ်၏ ထုတ်ပြန်ချက်အရ သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တွေ့ဆုံပြီး ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေးအပါအ၀င် ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေး ဆွေးနွေး

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ ဦးဆောင်သော နှစ်နိုင်ငံဆွေးနွေးပွဲ ကျင်းပနေစဉ် (Photo: AFP)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တွေ့ဆုံပြီး ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေးအပါအ၀င် ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေးဆွေးနွေးခဲ့ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

ဗီယက်နမ်ဆိုရှယ်လစ်သမ္မတနိုင်ငံ အစိုးရအဖွဲ့ရုံး၌ ကျင်းပသည့် နှစ်နိုင်ငံဆွေးနွေးပွဲသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗီယက်နမ်ဝန်ကြီးချုပ်တို့ တက်ရောက်ခဲ့ပြီး ဆွေးနွေးပွဲတွင် နှစ်နိုင်ငံ ခေါင်းဆောင်များသည် အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် သမ္မတဟိုချီမင်းလက်ထက်တွင် စတင်သန္ဓေတည်ခဲ့ပြီး နှစ်နိုင်ငံခေါင်းဆောင်များ အဆက်ဆက်နှင့် ပြည်သူများမှလက်ဆင့်ကမ်းခဲ့ကြသော မြန်မာ-ဗီယက်နမ် နှစ်နိုင်ငံအကြား ချစ်ကြည်ရင်းနှီးစွာ နေထိုင်ခဲ့ကြသည့်အစဉ်အလာနှင့် အတူတကွ ပူးပေါင်းဆောင်ရွက်မှုများကို လည်းကောင်း၊ ၂၀၁၇ ခုနှစ် သြဂုတ်လတွင် နှစ်နိုင်ငံဆက်ဆံရေးကို ဘက်စုံပူးပေါင်းဆောင်ရွက်ရေး မိတ်ဖက်ဆက်ဆံရေးအဆင့်သို့ တိုးမြှင့်နိုင်ခဲ့ခြင်းကိုလည်းကောင်း သုံးသပ်ပြောကြားခဲ့ပြီး နှစ်နိုင်ငံအကြား ကုန်သွယ်ရေးနှင့် ရင်းနှီးမြှုပ်နှံမှု၊ စိုက်ပျိုးရေး၊ ပို့ဆောင်ရေး၊ စွမ်းအင်နှင့် ဆက်သွယ်ရေး၊ ကမ္ဘာလှည့်ခရီးသွားလုပ်ငန်း၊ ပညာရေး စသည့်ကဏ္ဍစုံတွင် ပူးပေါင်းဆောင်ရွက်မှု တိုးမြှင့်ရေးကိစ္စရပ်များကို ဆွေးနွေးခဲ့ကြောင်း သိရသည်။

ထို့ပြင် ယင်းအခမ်းအနားတွင် မြန်မာ- ဗီယက်နမ် နှစ်နိုင်ငံအကြား ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာများကိုလည်း လက်မှတ်ရေးထိုးခဲ့သည်။

လက်မှတ်ရေးထိုးပွဲတွင် နိုင်ငံတော်၏အတိုင်ပင်ခံပုဂ္ဂိုလ်နှင့် ဗီယက်နမ်နိုင်ငံဝန်ကြီးချုပ်တို့ ရှေ့မှောက်၌ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်နှင့် ဗီယက်နမ်နိုင်ငံ သတင်းအချက်အလက်နှင့် ဆက်သွယ်ရေးဝန်ကြီးဌာန ဒုတိယ၀န်ကြီး မစ္စတာဖန်းသမ်းတို့က နှစ်နိုင်ငံအကြား စာတိုက်၊ ဆက်သွယ်ရေး၊ သတင်းအချက်အလက်နှင့် နည်းပညာကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာကို လည်းကောင်း၊ ဗီယက်နမ်နိုင်ငံဆိုင်ရာ မြန်မာသံအမတ်ကြီး ဦးကျော်စိုးဝင်းနှင့် ဗီယက်နမ်နိုင်ငံ သတင်းအချက်အလက်နှင့် ဆက်သွယ်ရေးဝန်ကြီးဌာန ဒုတိယ၀န်ကြီး မစ္စတာဖန်းသမ်းတို့က နှစ်နိုင်ငံအကြား ပြန်ကြားရေးကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာကို လည်းကောင်း အပြန်အလှန် လက်မှတ်ရေးထိုးခဲ့ကြကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်နိုင်ငံသို့ ဧပြီ ၁၉ ရက် နံနက်ပိုင်းတွင် နေပြည်တော် အပြည်ပြည်ဆိုင်ရာလေဆိပ်မှ အထူးလေယာဉ်ဖြင့် သွားရောက်ခဲ့ခြင်းဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် မြန်မာကိုယ်စားလှယ်အဖွဲ့သည် ဒေသစံတော်ချိန် နံနက် ၁၀ နာရီ ၅ မိနစ်တွင် ဗီယက်နမ်နိုင်ငံ ဟနွိုင်းမြို့ Noi Bai နိုင်ငံတကာလေဆိပ်သို့ ရောက်ရှိခဲ့ကြောင်း သိရသည်။

ဗီယက်နမ်နိုင်ငံသို့ရောက်ရှိချိန်တွင် လေဆိပ်၌ နိုင်ငံတော်၏အတိုင်ပင်ခံပုဂ္ဂိုလ်နှင့်အဖွဲ့အား ဗီယက်နမ်နိုင်ငံ နိုင်ငံခြားရေးဝန်ကြီးဌာန ဒုတိယ၀န်ကြီး H.E.Mr.Dang Dinh Quy၊ မြန်မာနိုင်ငံဆိုင်ရာ ဗီယက်နမ်နိုင်ငံ သံအမတ်ကြီး H.E.Dr. Luan Thuy Duong၊ ဗီယက်နမ်နိုင်ငံဆိုင်ရာ မြန်မာသံအမတ်ကြီး ဦးကျော်စိုးဝင်းနှင့် တာဝန်ရှိသူများက ကြိုဆိုနှုတ်ဆက်ခဲ့ကြောင်း သိရသည်။

အဆိုပါခရီးစဉ်အတွင်း နိုင်ငံတော်၏အတိုင်ပင်ခံပုဂ္ဂိုလ်နှင့်အတူ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ သမ္မတရုံးဝန်ကြီးဌာန ဒုတိယ၀န်ကြီး ဦးမင်းသူ၊ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်နှင့် နိုင်ငံခြားရေးဝန်ကြီးဌာနမှ တာဝန်ရှိပုဂ္ဂိုလ်များ လိုက်ပါသွားကြောင်း နိုင်ငံတော်အတိုင်ပင်ခံရုံး၏ ထုတ်ပြန်ချက်အရ သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ဗီယက်နမ်နိုင်ငံခရီးစဉ်သည် ဧပြီ ၁၉ ရက်မှ ၂၀ ရက်ထိ နှစ်ရက်ကြာမြင့်မည်ဖြစ်ကြောင်း ဗီယက်နမ်အစိုးရ၏ တရားဝင် Twitter စာမျက်နှာတွင် ဖော်ပြထားချက်အရ သိရသည်။

မြန်မာနိုင်ငံသည် ဗီယက်နမ်နှင့် ၁၉၇၅ ခုနှစ်က သံတမန်ဆက်ဆံရေး စတင်ထူထောင်ခဲ့သော ပထမဆုံးအရှေ့တောင်အာရှနိုင်ငံဖြစ်ကြောင်း ဗီယက်နမ်သတင်းစာများတွင် ဖော်ပြထားချက်အရ သိရသည်။

မောင်တောမြို့၏ သင်္ကြန်နောက်ဆုံးနေ့တွင် ရေကစားသူများနှင့် အထူးစည်ကားခဲ့

■ ဓာတ်ပုံ – သားရွှေဦး (ကစ္ဆပ)

မောင်တောမြို့၏ သင်္ကြန်နောက်ဆုံးနေ့ဖြစ်သော ယနေ့ (ဧပြီ ၁၉ ရက်) နံနက်ပိုင်းတွင် မိုးအနည်းငယ် ရွာသွန်းခဲ့သော်လည်း ရေကစားသူများနှင့် အထူးစည်ကားခဲ့သည်။

မောင်တောမြို့ ရခိုင်ရိုးရာ ရေသဘင်ပွဲတော်ကို မြန်မာနှစ်ဆန်းတစ်ရက် ဧပြီ ၁၇ ရက်မှ ဧပြီ ၁၉ ရက်အထိ စဉ်လာမပျက် ကျင်းပခဲ့ကြခြင်းဖြစ်ပြီး သင်္ကြန်ပွဲတော် ဗဟိုမဏ္ဍပ်တွင် ရခိုင်နာမည်ကြီး တေးသံရှင်များနှင့်အတူ ဖျော်ဖြေရေးအဖွဲ့များက နေ့စဉ် တင်ဆက်ပေးခဲ့သဖြင့် ဗဟိုမဏ္ဍပ်ရှေ့တွင် အထူးစည်ကားခဲ့သည်။

ဧပြီ ၁၇ ရက် မွန်းလွဲ ၁၂ နာရီကျော်အချိန်တွင် မောင်တောမြို့၊ ရခိုင်ရိုးရာ သင်္ကြန်ပွဲတော် ဗဟိုမဏ္ဍပ်ဖွင့်ပွဲကို အနောက်ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ် စိုးတင့်နိုင်၊ အမှတ် (၁၅) စစ်ဆင်ရေးကွပ်ကဲမှုဌာနချုပ် ကွပ်ကဲရေးမှူး ဗိုလ်မှူးချုပ် ခင်မောင်စိုး၊ အမှတ် (၁) နယ်ခြားစောင့်ရဲကွပ်ကဲမှု အဖွဲ့မှူးရုံး ရဲမှူးချုပ်မြင့်တိုး၊ မောင်တောခရိုင် စီမံခန့်ခွဲမှုကော်မတီဥက္ကဋ္ဌ ဦးရဲထွဋ်၊ မြို့နယ်စီမံခန့်ခွဲမှုကော်မတီဥက္ကဋ္ဌ ဦးမြင့်ခိုင်၊ ရခိုင်ပြည်နယ် လွှတ်တော် ကိုယ်စားလှယ်နှင့် မြို့မိ၊ မြို့ဖတို့က တက်ရောက် ဖဲကြိုးဖြတ် ဖွင့်လှစ်ပေးကြသည်။

မောင်တောမြို့၏ သင်္ကြန်ဒုတိယနေ့တွင် ပြည်ထောင်စုဝန်ကြီး ဒေါက်တာဝင်းမြတ်အေးနှင့် ပြည်နယ်ဝန်ကြီးချုပ် ဦးညီပုတို့ လာရောက်အားပေးခဲ့ကြကြောင်း သိရသည်။

မောင်တောမြို့သင်္ကြန်ကို ဧပြီ ၁၉ ရက်အထိ ကျင်းပမည်ဖြစ်ကာ ဧပြီ ၂၀ ရက်နေ့တွင်လည်း မောင်တောတောင်ပိုင်း ကျောက်ပန်းတူ ကမ်းခြေသင်္ကြန်ကို ဆက်လက်ကျင်းပမည်ဟု သိရသည်။

ယခုနှစ်တွင် ပုဒ်မ ၁၄၄ ညမထွက်ရအမိန့်အား ယခင် ထုတ်ပြန်ထားသည့် ညနေ ၆ နာရီမှ နံနက် ၆ နာရီအချိန်အစား ည ၉ နာရီမှ နံနက် ၅ နာရီအထိ ပြောင်းလဲကာ ဧပြီ ၁၂ ရက်က အချိန်လျှော့ချထုတ်ပြန်ခဲ့သည့်အတွက် ညနေပိုင်းတွင် နံ့သာသွေးပွဲများကို ပျော်ရွှင်စွာ ကျင်းပနိုင်ခဲ့ကြောင်း သိရသည်။

 

 

မိုးညိုမြို့နယ်အတွင်း လေပြင်းတိုက်ခတ်မှုကြောင့် အိမ်ခြေ ၉၀၀ ကျော် ပျက်စီးဆုံးရှုံးခဲ့ကာ အကူအညီများ လိုအပ်လျက်ရှိ

မိုးညိုမြို့နယ်အတွင်း လေပြင်းတိုက်ခတ်မှုကြောင့် အိမ်ခြေများ ပျက်စီးခဲ့စဉ်

ပဲခူးတိုင်းဒေသကြီး (အနောက်ပိုင်း)၊ သာယာဝတီခရိုင်၊ မိုးညိုမြို့နယ်အတွင်း လေဆင်နှာမောင်းသဏ္ဌာန် လေပြင်းများတိုက်ခတ်မှုကြောင့် အိမ်ခြေ ၉၀၀ ကျော် ပျက်စီးဆုံးရှုံးခဲ့ကာ အကူညီများ လိုအပ်လျက်ရှိကြောင်း သိရသည်။

အဆိုပါလေပြင်းများမှာ ဧပြီ ၁၈ ရက် ညနေ ၆ နာရီခန့်က တိုက်ခတ်ခဲ့ခြင်းဖြစ်ပြီး လေပြင်းတိုက်ခတ်မှုကြောင့် မိုးညိုမြို့နယ်အတွင်း ညောင်ဝိုင်းကျေးရွာအုပ်စု၊ ရွှေခဲ၊ ကြို့ပင်သာ၊ ဇောတိကရပ်ကွတ်၊ ထိန်တော၊ အင်းတော်လုပ်၊ ပေါက်ကုန်းကျေးရွာအတွင်းရှိ ကျေးရွာ ၃၄ ရွာတွင် အိမ်ခြေစုစုပေါင်း ၉၀၁ လုံး ထိခိုက်ပျက်စီးခဲ့ခြင်းဖြစ်ကြောင်း အုပ်ချုပ်ရေးအဖွဲ့အစည်းများ၏ ကောက်ယူထားသည့် စာရင်းများအရ သိရသည်။

“အကူအညီကတော့ လိုတယ်။ အိမ်ခြေက ၉၅၅ အိမ်ခြေရှိသွားပါပြီ။ ပြိုလဲပျက်စီး ၁၉၁ ကျန်တာကတော့ အမိုးလန်၊ ထရံလန်ပေါ့။ ကျွန်တော်တို့က ဘယ်လိုစီစဉ်ဆောင်ရွက်မလဲဆိုတော့ လူကယ်ပြန်ကတော့ စာရင်းတွေ တင်ပြီးသွားပြီ။ ကျွန်တော်တို့အရပ်ဘက်က လှူတာတွေတော့ ရှိပါတယ်။ အမိုးလန်တို့ ဘာတို့ကတော့ မူလအတိုင်း ပြန်ပြီးနေထိုင်နေကြတယ်။ ကူညီလှူဒါန်းလိုသူတွေရှိရင်လည်း ကျွန်တော့်ဆီကို ဆက်သွယ်လို့ရပါတယ်။ လေဆင်နှာမောင်းဆန်ဆန် လေကွက်ကြားတိုက်တာ အရင်တုန်းကလည်း တိုက်တော့တိုက်တယ်၊ ဒီလောက်အများကြီးမဖြစ်ဘူး။ ဒီတစ်ခါက အရေအတွက်အများဆုံးပဲ။ ကျွန်တော်တို့ အတတ်နိုင်ဆုံး စာရင်းဇယား တိကျမှန်ကန်ဖို့နဲ့ ကယ်ဆယ်ရေးပစ္စည်းတွေ အမြန်ဆုံးရဖို့ ဆောင်ရွက်နေပါတယ်” ဟု မိုးညိုမြို့နယ် ပြည်သူ့လွှတ်တော်ကိုယ်စားလှယ် ဦးကျော်မျိုးဝင်းက ပြောကြားသည်။

လေပြင်းတိုက်ခတ်မှုကြောင့် လူသုံးဦး ထိခိုက်ဒဏ်ရာရရှိကာ မိုးညိုမြို့နယ် ပြည်သူ့ဆေးရုံသို့ ပို့ဆောင်ထားရကြောင်း၊ ပျက်စီးမှုများတွင် ပြိုလဲအိမ်ခြေ ၁၉၁ လုံး၊ အမိုးလန်ပျက်စီး ၇၆၄ လုံးရှိကြောင်း၊ ဘေးသင့်လူဦးရေမှာ ၃၆၀၃ ဦးရှိကြောင်း သိရသည်။

“အနောက်ဘက်ကနေ ၀င်လာတာ။ လေပွေပုံစံ လေဆင်နှာမောင်းပုံစံမျိုးပဲ ဝေ့တိုက်သွားတာ။ ကျွန်တော်တို့ ကျေးရွာအုပ်စုထဲမှာက အိမ် ၁၃ လုံးပြိုတယ်။ အိမ်ခြေ ၁၂၀ လောက် အမိုးလန်သွားတယ်။ အခုတော့ ဌာနဆိုင်ရာတွေနဲ့ ကယ်ဆယ်ရေးတွေ ကွင်းဆင်းစစ်ဆေးပြီး အသေးစိတ်စာရင်း ကောက်ယူမှုတွေ လုပ်နေပါတယ်” ဟုမိုးညိုမြို့နယ်၊ အင်းတော်တလုပ်အုပ်စု အုပ်ချုပ်ရေးမှူး ဦးအောင်မြင့်လှိုင်က ပြောကြားသည်။

အဆိုပါ ပျက်စီးဆုံးရှုံးမှုများအား တပ်မတော်တပ်ဖွဲ့ဝင်များ၊ ရဲတပ်ဖွဲ့ဝင်များ၊ မီးသတ်၊ ကြက်ခြေနီနှင့်အခြား ဌာနဆိုင်ရာဝန်ထမ်းများက ၀ိုင်းဝန်းကူညီ ရွှေ့ပြောင်းပြင်ဆင်မှုများ ပြုလုပ်ပေးနေကြောင်း သိရပြီး ပြီးခဲ့သည့်ဧပြီ ၁၇ ရက်ကလည်း ပေါင်းတည်၊ နတ္တလင်းမြို့နယ်များတွင် လေပြင်းတိုက်ခတ်မှုများကြောင့် အိမ်ခြေ ၆၀၀ ကျော် ပြိုလဲပျက်စီးခဲ့ကာ အမျိုးသမီးတစ်ဦး သေဆုံးခဲ့ကြောင်း သိရသည်။

ဘူးသီးတောင်မြို့နယ်ရှိ ကျေးရွာအချို့အား ARSA အဖွဲ့က နည်းမျိုးစုံဖြင့် နေ့စဉ်ခြိမ်းခြောက်မှုများ ပြုလုပ်လာကြောင်း သိရ

လွှတ်တော်ကိုယ်စားလှယ်နှင့် ရွာသားများ တွေ့ဆုံစဉ်

ရခိုင်ပြည်နယ် ဘူးသီးတောင်မြို့နယ်ရှိ ကျေးရွာအချို့အား ARSA အဖွဲ့က နည်းမျိုးစုံဖြင့် ခြိမ်းခြောက်မှုများ နေ့စဉ်ပြုလုပ်လာကြောင်း သိရသည်။

ဘူးသီးတောင်မြို့နယ် လက်ဝဲဒက်ပြင်ရှည် ကျေးရွာအုပ်စု၊ သပြေတော၊ အင်းဖောက်ကျေးရွာတို့တွင် နေထိုင်နေသည့် ဒေသခံ တိုင်းရင်းသားများကို ဧပြီ ၁၅ ရက်က ARSA အကြမ်းဖက်အဖွဲ့က တယ်လီဖုန်းဖြင့် အကြိမ်ကြိမ် ခြိမ်းခြောက်ခြင်း၊ ရွာအနီး တံတားပေါ်တွင် ခြိမ်းခြောက်စာကပ်ခြင်းများ ပြုလုပ်ခဲ့ပြီး ခြိမ်းခြောက်ခံရသူများတွင် တိုင်းရင်းသားငါးဦးနှင့် ဘင်္ဂါလီနှစ်ဦး ပါဝင်ကြောင်း သိရသည်။

ထိုသို့ ခြိမ်းခြောက်မှုများကို သပြေတောကျေးရွာနှင့် အနီးဝန်းကျင်ကျေးရွာတွင် နေထိုင်သူများထံ ဖုန်းခေါ်ဆို၍ ခြိမ်းခြောက်ခြင်း၊ မက်ဆေ့ပို့၍ ခြိမ်းခြောက်ခြင်းများ ပြုလုပ်ကြခြင်း ဖြစ်သည်။

ဘူးသီးတောင်မြို့နယ်မှ ပြည်သူ့လွှတ်တော်ကိုယ်စားလှယ် ဦးအောင်သောင်းရွှေက “ဘူးသီးတောင်၊ မောင်တောဒေသမှာ တိုင်းရင်းသားတွေက လူနည်းစုတွေသာဖြစ်တယ်။ အခုတော့ ARSA အဖွဲ့က ကျေးရွာအချို့ကို နည်းအမျိုးမျိုးနဲ့ နေ့စဉ် ခြိမ်းခြောက်မှုတွေ ရှိလာတယ်။ ဖုန်းဆက်ပြီး ခြိမ်းခြောက်တယ်၊ မက်ဆေ့ပို့ပြီး ခြိမ်းခြောက်တယ်။ ရွာနဲ့မလှမ်းမကမ်းမှာ စာတွေလာကပ်ထားတယ်။ အဲဒီအပေါ် လက်နက်ကိုင်အဖွဲ့တွေကလည်း လုံခြုံရေး မပေးနိုင်ဘူး။ ဒါဟာ တရားဥပဒေစိုးမိုးမှုမရှိတာကို ဖော်ပြနေပါတယ်။ ဘင်္ဂါလီတွေကို ပြန်ခေါ်ဖို့ အရေးကိုသာ အဓိကပြောဆို နေကြတာတွေကို တွေ့နေရတယ်။ မနေ့က အထွေထွေအုပ်ချုပ်ရေးဦးစီးဌာနက တာဝန်ရှိသူတချို့နဲ့ သပြောတောရွာနဲ့ အင်းဖောက်ရွာကို ရောက်ခဲ့တယ်။ ရွာသားတွေက စိုးရိမ်ကြောက်ရွံ့နေခဲ့တာကို တွေ့ရတယ်။ အခုလိုမျိုး တိုင်းရင်းသားတွေကို ပြန်လည်ခြိမ်းခြောက်လာတာဟာ ပထမဆုံးအကြိမ်ဖြစ်တယ်။ အရင်ကဆို ဘင်္ဂါလီတွေကို ခြိမ်းခြောက်ပြီး သတ်ဖြတ်ခဲ့တာတွေ ရှိနေတော့ အခုလို ခြိမ်းခြောက်တဲ့ကိစ္စအပေါ်မှာ အရေးမယူနိုင်သေးဘူးဆိုတာဟာ အံ့သြစရာကောင်းပါတယ်။ လုံခြုံရေးတပ်ရင်းနဲ့ တစ်မိုင်ကျောက်လောက်သာဝေးတဲ့ရွာတွေကို အခုလိုမျိုး ခြိမ်းခြောက်တာဟာ တရားဥပဒေစိုးမိုးရေးကို စိန်ခေါ်လိုက်တဲ့သဘောလည်း ဖြစ်တယ်” ဟု ပြောကြားသည်။

ခြိမ်းခြောက်စာများ

ပြည်သူ့လွှတ်တော်ကိုယ်စားလှယ် ဦးအောင်သောင်းရွှေကပင် “ခြိမ်းခြောက်တာက အဲဒီရွာက ဦးသန်းဝင်းဆီကို ဖုန်းဆက်ပြီး ခြိမ်းခြောက်တယ်။ ဖုန်းမက်ဆေ့တွေပို့တယ်။ စာကပ်တယ်။ အဲဒီလို ခြိမ်းခြောက်တာတွေ ဖြစ်နေတာပါ။ အဲဒီရွာနားတောင်ကြောမှာ ရှိတယ်လို့တော့ ရွာသားတွေ ပြောကြတယ်။ ခြိမ်းခြောက်တာကတော့ မင်းတို့ဒီမှာမနေနဲ့။ မင်းတို့ကို သတ်ဖို့ရှိတယ်။ အဲဒီလို ရခိုင်ရွာတွေကို ခြိမ်းခြောက်တာ အရင်တုန်းကလည်း ရှိတယ်။ အဲဒီအနားမှာ တိုင်းရင်းသားရွာက နှစ်ရွာပဲရှိတယ်။ အားလုံးက ဘင်္ဂါလီရွာကြီးတွေပဲ။ ခြိမ်းခြောက်ခံစာထဲမှာပါတာက စုစုပေါင်း ခုနစ်ယောက်ဖြစ်ပြီး ဘင်္ဂါလီနှစ်ဦးလည်း ပါတယ်လို့ သူတို့ပြောတယ်။ အရင်တုန်းကတော့ ဘင်္ဂါလီတွေကိုပဲ ခြိမ်းခြောက်တာရှိတယ်။ အခုတော့ တိုင်းရင်းသားတွေပါ ပါလာတာဖြစ်ပါတယ်” ဟု ပြောကြားသည်။

ခြိမ်းခြောက်ခံရသူများတွင် သပြေတောင်ကျေးရွာမှ ကျေးရွာအုပ်ချုပ်ရေးမှူး ဦးအောင်သန်းထွေးပါ တိုင်းရင်းသားသုံးဦး၊ အင်းဖောက်ကျေးရွာမှ တိုင်းရင်းသားတစ်ဦး၊ ထင်ရှားပြင် (ဘင်္ဂါလီ )ကျေးရွာမှ ကျေးရွာ ဒုတာဝန်ခံ၊ ရာအိမ်မှူးတို့ပါဝင်ကြောင်းနှင့် လက်ရှိတွင် သက်ဆိုင်ရာက ခြိမ်းခြောက်သူများကို ဖော်ထုတ်အရေးယူ ဆောင်ရွက်မှုမရှိသေးကြောင်းနှင့် မိသားစုဝင်များ၊ ဒေသခံများမှာ အထူးစိုးရိမ်နေကြကြောင်း ဦးအောင်သောင်းရွှေက ပြောကြားသည်။

“ကျွန်တော် မနေ့က မြို့နယ်အထွေထွေ အုပ်ချုပ်ရေးဦးစီးဌာနက တာဝန်ရှိတဲ့သူတွေကို ခေါ်ပြီးတော့ ဘူးသီးတောင်မြို့နယ် လက်ဝဲဒက်ပြင်ရှည်အုပ်စု၊ အင်းဖောက် တိုင်းရင်းသားကျေးရွာကို သွားပြီးတော့ ဒေသခံပြည်သူတွေ ရွာသားတွေနဲ့ တွေ့ခဲ့ပါတယ်။ ရွာသားတွေက သူတို့ကို ဖုန်းနဲ့ ARSA အဖွဲ့ကနေ ခြိမ်းခြောက်တာရှိတယ်။ ဖုန်းမက်ဆေ့ပို့တာ ရှိတယ်။ နောက်ပြီးတော့ ရွာနားက တံတားပေါ်မှာ စာကပ်တာရှိတယ်။ ဒါကြောင့် သူတို့ အလွန်တစ်ရာ စိုးရိမ်နေရတယ်ဆိုတဲ့ အကြောင်းကို ပြောပါတယ်။ အဲဒီဟာတွေကို ကျွန်တော်တို့က မေးမြန်းစုံစမ်းပြီးတော့ ဘာလုပ်သင့်တယ်ဆိုတာကို ဆွေးနွေးဖြစ်ပါတယ်။ အဓိကကတော့ အဲဒီလိုဖြစ်တာဟာ ဒေသရဲ့ တရားဥပဒေစိုးမိုးမှု အားနည်းနေတဲ့ သဘောကို ဖော်ပြနေတဲ့သဘောဖြစ်တယ်။ အဲဒီကနေ တစ်မိုင်ခွဲလောက်ဝေးတဲ့ နယ်ခြားစောင့် ရဲစခန်းမှာ ၀င်ပြီးတော့ တာဝန်ရှိသူတွေကိုပြောတယ်။ နယ်ခြားစောင့်ရဲစခန်းနဲ့ နီးတဲ့နေရာမှာ အခုလိုဖြစ်နေတာဟာ တိုင်းရင်းသားတွေကို လုံခြုံမှုမပေးနိုင်သလို ဖြစ်နေတယ်။ အခုဖြစ်တာနဲ့ ချက်ချင်းအရေးယူပေးရမယ့် တာဝန်ရှိတယ်။ အခုက အခုထိ ဘာမှဆောင်ရွက်တာ မရှိသေးဘူး။ တိုင်းရင်းသားတွေကို သတ်သွားရင် ခင်ဗျားတို့မှာ တာဝန်ရှိတယ်ဆိုပြီး တာဝန်ရှိသူတွေကို ပြောခဲ့တယ်။ နောက်ဗျူဟာမှူးကိုလည်း ဖုန်းနဲ့ သတင်းပေးခဲ့တယ်။ ခြိမ်းခြောက်ခံရသူ မိသားစုတွေကို အားပေးစကားပြောပြီးတော့ ရွာမှာ နိုးနိုးကြားကြားနဲ့ ကင်းစောင့်ဖို့ ပြောခဲ့တယ်။ တစ်ခုခုဖြစ်ရင်လည်း ဖုန်းဆက်သွယ်ပြီး ပြောပါ။ လုံခြုံရေးပေးဖို့ကိုလည်း နယ်ခြားစောင့်နဲ့ ထွေအုပ်ကိုလည်း ပြောထားပါတယ်” ဟု ပြောကြားသည်။

အဆိုပါ ခြိမ်းခြောက်ခံနေရသော ကျေးရွာများအနီးတစ်ဝိုက်တွင် ဘင်္ဂါလီကျေးရွာကြီးများ ပတ်လည်ဝိုင်းနေပြီး သွားလာရေးအတွက်လည်း လွန်စွာစိုးရိမ်နေရကြောင်းနှင့် တခြားကျေးရွာအချို့ကိုလည်း ခြိမ်းခြောက်မှုများ ရှိလာသည်မှာ ရက်အနည်းငယ် ရှိနေခဲ့ပြီဖြစ်ကြောင်း သိရသည်။

“ခြိမ်းခြောက်လာတာ ရက်အနည်းငယ်ရှိပြီ။ ဖုန်းဆက်ပြီး ခြိမ်းခြောက်တယ်။ မက်ဆေ့ပို့ပြီး ခြိမ်းခြောက်တယ်။ ရွာပြင်က တံတားမှာလည်းလာပြီး စာကပ်ထားတယ်။ ရွာလူကြီးတွေ အကုန်လုံးကို သတ်ပစ်ပြီး တစ်ရွာလုံးကို မီးလောင်တိုက်သွင်းမယ်ဆိုတဲ့ စာသားတွေကို ပို့တယ်။ မနေ့က မြို့နယ်အဆင့် တာဝန်ရှိသူတွေလာတော့ ကင်းတွေစောင့်ကြလို့ပြောတယ်။ ဒါပေမဲ့ ကျွန်တော်တို့မှာ ဘာလက်နက်မှမရှိဘဲ ဘယ်လိုပုံစံမျိုး ကင်းစောင့်မလဲဆိုတာ စဉ်းစားလို့မရဘူး။ အစိုးရအနေနဲ့ လုံခြုံရေး အပြည့်အ၀ ချထားပေးဖို့ တောင်းဆိုချင်ပါတယ်။ ဒါမှမဟုတ်ရင် ကျေးရွာမတည်မငြိမ် ဖြစ်လာမယ်လို့ ထင်ပါတယ်။ ကျွန်တော်တို့ ရွာပတ်လည်မှာလည်း ဘင်္ဂါလီရွာကြီးတွေက အများကြီးရှိနေတော့ ဘယ်လိုလုပ်ရမှန်းမသိတော့ဘူး” ဟု သပြေတောကျေးရွာမှ ဦးသန်းဝင်းက ပြောကြားသည်။

ယင်းသို့ ခြိမ်းခြောက်မက်ဆေ့ပို့စာရင်းတွင် ကျေးရွာသားခုနစ်ဦး၏ အမည်စာရင်းများကိုလည်း ဖော်ပြထားသဖြင့် လုံခြုံရေး ဆောင်ရွက်ထားရှိရေးသည် အရေးပါသော ကိစ္စတစ်ရပ်ဖြစ်ကြောင်း ကျေးရွာသားများက ပြောဆိုကြသည်။