ကနေဒီတောင်အား တောင်တက်သမားအများစု စိတ်ဝင်စားမှုရှိလာပြီး တောင်တက်အားကစားမှ သဘာဝပတ်ဝန်းကျင် အခြေခံ ခရီးသွားလုပ်ငန်းနှင့် ဒေသဖွံ့ဖြိုးရန် ရည်ရွယ်ဟုဆို

ချင်းပြည်နယ် ကနေဒီတောင်သို့ တောင်တက်သမားများ တက်ရောက်နေစဉ်

ကနေဒီတောင်သို့ တောင်တက်သမားအများစု စိတ်ဝင်စားမှုရှိလာကြပြီး တောင်တက်အားကစားမှ သဘာဝပတ်ဝန်းကျင် အခြေခံ ခရီးသွားလုပ်ငန်းနှင့် ဒေသဖွံ့ဖြိုးရန် ရည်ရွယ်သည်ဟု ဒေသခံ တောင်တက်သမားတစ်ဦးဖြစ်သူ ကိုလှိုင်ထွန်းက ပြောကြားသည်။

“ကနေဒီတောင်က ပိုပြီးလတ်ဆတ်တဲ့ တောတောင်ရေမြေ ရှိသေးတယ်။ ပိုပြီး တိတ်ဆိတ်တယ်။ စိတ်ဝင်စားစရာကောင်းတဲ့ ဒေသခံ တိုင်းရင်းသားတွေရဲ့ နယ်မြေတွေ၊ ကျေးရွာတွေကို ဖြတ်သန်းသွားရမှာပါ။ တောင်တက်အားကစားကနေ သဘာဝပတ်ဝန်းကျင် အခြေခံ ခရီးသွားလုပ်ငန်းနှင့် ဒေသဖွံ့ဖြိုးဖို့ ရည်ရွယ်ပြီး လုပ်ပါတယ်။ ကနေဒီက ရာသီဥတု အပြောင်းအလဲ မြန်တယ်။ တစ်ခါတစ်ခါ မြူခိုးတွေ ပိတ်သွားမယ်။ တစ်ခါတစ်ခါ ကြည်သွားမယ်။ လေအေးတွေ တိုးလာမယ်။ နေတွေပူလာမယ်။ ရာသီအလိုက် သစ်ပင်ပန်း မာန်တွေရှိမယ်။ ဒီလိုအချိန်ဆို ချယ်ရီ တောင်ဇလပ်တွေ တွေ့ရမယ်။ ချင်းတောင်က စမ်းချောင်းတွေနဲ့ စိမ်းစိုနေတာကို တွေ့နိုင်ပါတယ်။ ကနေဒီတောင်က သဘာဝပတ်ဝန်းကျင်နဲ့ သဘာဝ တောတောင်အလှအပတွေ ပိုပြီး များများစားစား ကျန်သေးတယ်။ စွန့်စွန့်စားစားနဲ့ စိတ်လှုပ်ရှားမယ့် ခရီးစဉ်တွေကို သွားချင်တဲ့သူတွေအတွက် ပိုပြီးသင့်တော်တဲ့ ခရီးစဉ်ဖြစ်လို့ တောင်တက်အဖွဲ့တွေကို အခမဲ့လိုက်ပြီး ပို့ပေးတာဖြစ်ပါတယ် ။ ထူးခြားချက်အနေနဲ့ ယှဉ်ပြီးပြောရမယ်ဆိုရင်တော့ နတ်မတောင်ပေါ့ ။ ပြီးခဲ့တဲ့ ကျွန်တော်တို့ ၂၀၁၃ တက်တဲ့အချိန်နဲ့ ယှဉ်ကြည့်ရင် သဘာဝပတ်ဝန်းကျင် မကောင်းတော့ဘူးပေါ့။ ဒီမှာက ( ကနေဒီတောင် ) ပိုပြီး လတ်ဆတ်တဲ့ တောတောင်ရေမြေရှိသေးတယ်။ ပိုပြီးတိတ်ဆိတ်တယ်။ စိတ်ဝင်စားစရာကောင်းတဲ့ ဒေသခံ တိုင်းရင်းသားတွေရဲ့ နယ်မြေတွေ၊ ကျေးရွာတွေကို ဖြတ်သန်းသွားရမှာပါ ” ဟု ဒေသခံ တောင်တက်သမားတစ်ဦးဖြစ်သူ ကိုလှိုင်ထွန်းက ပြောကြားသည်။

ကနေဒီတောင်သို့ ၂၀၁၇ ခုနှစ်အတွင်းတွင် တောင်တက်အဖွဲ့ နှစ်ဖွဲ့လာရောက် တက်ရောက်ခဲ့ကြပြီး နောက်ထပ်လည်း လာရောက်မည့် တောင်တက်အဖွဲ့များလည်း ရှိသေးသည်ဟု သိရသည်။

မုံရွာမြို့တွင် အရက်သေစာ သောက်စားမူးယစ်ပြီး တက္ကသိုလ်ကျောင်းသားအချင်းချင်း စကားများရန်ဖြစ်ရာမှ လူသတ်မှုဖြစ်ပွား

စစ်ကိုင်းတိုင်းဒေသကြီး မုံရွာခရိုင် မုံရွာမြို့ မြ၀တီရပ်ကွက်တွင် ဒီဇင်ဘာ ၁၅ ရက်ညက အရက်သေစာ သောက်စားမူးယစ်ပြီး တက္ကသိုလ်ကျောင်းသားအချင်းချင်း စကားများရန်ဖြစ်ရာမှ လူသတ်မှုဖြစ်ပွားခဲ့ကြောင်း မုံရွာနယ်မြေရဲစခန်း၏ မှတ်တမ်းများအရ  သိရသည်။

မြ၀တီရပ်ကွက် သစ္စာလမ်းသွယ် (၁၆) ရှိ မေတ္တာဘော်ဒါဆောင်၌ ငှားရမ်းနေထိုင်သော မုံရွာတက္ကသိုလ်၌ ကျောင်းတက်နေသော ကျောင်းသားများဖြစ်ကြသော မင်းခန့် (၂၂ နှစ်)၊ ဒုတိယနှစ် (ပထ၀ီ)၊ မင်းကင်းမြို့နယ် ကျွန်းတော်ရွာ၊ နိုင်ရဲအောင် (၁၉ နှစ်)၊ တတိယနှစ် (သမိုင်း)၊ မင်းကင်းမြို့နယ် ကျွန်းတော်ရွာ၊ သန့်ဇင်ဝင်း(၂၁ နှစ်)၊ စတုတ္ထနှစ် (အင်္ဂလိပ်)ကနီမြို့နယ် ဆူးလေကုန်းကျေးရွာ သုံးဦးတို့ သည် အပြင်မှအဆောင်သို့ အရက်ဝယ်လာပြီး အဆောင်၌ သောက်နေစဉ် ကျော်ဖြိုးလှိုင် (၁၈ နှစ်)၊ ဒုတိယနှစ် (သမိုင်း) မင်းကင်းမြို့နယ် ကျွန်းတော်ရွာနေသူမှ အရက်သောက်စား၍ မဆူကြရန်ပြောကြားခဲ့ကြောင်း သိရသည်။

ထို့နောက် မင်းခန့်ပါ သုံးဦးနှင့် စကားများ ရန်ဖြစ်ရာ အဆောင်အတူနေ တင်မိုးဝေ (၁၈ နှစ်)၊ တတိယနှစ် (ရူပဗေဒ)၊ မင်းကင်းမြို့နယ် စနက်ဗြင်းကျေးရွာနေသူက ၀င်ရောက်ဖျန်ဖြေသော်လည်း မရရှိသဖြင့် မင်းခန့်က ၎င်းပါလာသော အရိုးအသွား ကိုးလက်မခန့် ရှိ စတီးဓားဖြင့် ကျော်ဖြိုးလှိုင်၏ ၀ဲဘက်လည်ပင်းနှင့် ညှပ်ရိုးကြားတွင် ထိုးသွင်းခဲ့ကြောင်း မုံရွာနယ်မြေရဲစခန်း၏ မှတ်တမ်းများအရ ဆက်လက်သိရသည်။

ဒဏ်ရာရရှိခဲ့သော ကျော်ဖြိုးလှိုင်သည် မုံရွာမြို့ပြည်သူ့ဆေးရုံကြီးတွင် တက်ရောက် ဆေးကုသမှု ခံယူစဉ် ည ၉ နာရီကျော်တွင် ဆေးရုံ၌ အဆိုပါ ဓားဒဏ်ရာများဖြင့်  သေဆုံးသွားခဲ့ကြောင်း သိရသည်။

အဆောင်ပိုင်ရှင် ဒေါ်လှရင်၏ တရားလိုပြုလုပ် တိုင်ကြားမှုကြောင့် မုံရွာနယ်မြေ ရဲစခန်းမှ (ပ) ၇၆၄/၂၀၁၇၊ ရာဇသတ်ကြီး ပုဒ်မ ၃၀၂/၁၁၄ မရ မင်းခန့်ပါ သုံးဦးအား အမှုဖွင့် အရေးယူထားကြောင်း သိရသည်။

ဘူးသီးတောင်မြို့နယ်မှ ဘင်္ဂါလီများ ဘင်္ဂလားဒေ့ရ်ှနိုင်ငံသို့ ဆက်လက်ထွက်ခွာနေ

ဘူးသီးတောင်မြို့နယ်မှ ဘင်္ဂါလီများ ဘင်္ဂလားဒေ့ရ်ှနိုင်ငံသို့ ဆက်လက်ထွက်ခွာနေကြောင်း ပြည်ထဲရေးမှ သတင်းထုတ်ပြန်ချက်အရ သိရသည်။

ဒီဇင်ဘာ ၁၅ ရက် နံနက် ၂ နာရီက မောင်တောမြို့နယ်၊ ဂေါ်ဒူသာရချောင်းဝ ပင်လယ်ကမ်းခြေ၌ ရောက်ရှိနေသော နေရပ်စွန့်ခွာ ဘင်္ဂါလီ ၈၆၅ ဦးအနက်မှ ၅၀ တို့သည် ဘင်္ဂလားဒေ့ရ်ှနိုင်ငံဘက်သို့ စက်လှေ နှစ်စင်းဖြင့် ထွက်ခွာသွားခဲ့ကြောင်း သတင်းရရှိသည်။

လက်ရှိအဆိုပါ ကမ်းခြေတွင် ဘင်္ဂါလီ ၈၁၅ ဦး (ကျား ၃၇၄၊ မ ၄၄၁) တို့ ကျန်ရှိနေထိုင်လျက်ရှိကြောင်း သတင်းရရှိသည်။

ဒီဇင်ဘာ ၁၄ ရက်က ဘူးသီးတောင်မြို့နယ် ဖုံညိုလိပ်ကျေးရွာမှ ဘင်္ဂါလီ ၂၅၅ ဦး (ကျား ၁၁၅၊ မ ၁၄၀)၊ ဆေးအိုးကျ ကျေးရွာမှ ဘင်္ဂါလီ ၆၉ ဦး(ကျား ၃၄၊မ ၃၅)၊ သေကံခွဆုံကျေးရွာမှ ဘင်္ဂါလီ ၁၃၈ ဦး (ကျား ၅၉၊ မ ၇၉)၊ ဖရုံချောင်းကျေးရွာမှ ဘင်္ဂါလီ ၁၇၄ ဦး (ကျား ၈၅၊ မ ၈၉)၊ စိမ်းညှင်းပြာကျေးရွာမှ ဘင်္ဂါလီ ၃၅ ဦး (ကျား ၁၆၊ မ ၁၉)၊ ဖိုးခေါင်ချောင်းကျေးရွာမှ ဘင်္ဂါလီ ခုနစ်ဦး (ကျား ၃၊ မ ၄)၊ မြောင်နားကျေးရွာမှ ဘင်္ဂါလီ ကိုးဦး(ကျား ၅၊ မ ၄)၊ စုစုပေါင်း ဘင်္ဂါလီ ၆၈၇ ဦးတို့သည် နေရပ်စွန့်ခွာပြီး မောင်တောမြို့နယ် တောင်ပိုင်းကမ်းခြေသို့ ရောက်ရှိလာခဲ့ကြောင်းနှင့် တာဝန်ရှိသူများက မေးမြန်းရာ အနေအထိုင်အစား အသောက်နှင့် အလုပ်အကိုင်များ အခက်အခဲရှိ၍ ၎င်းတို့၏ သဘောဆန္ဒအလျောက် ဘင်္ဂလားဒေ့ရ်ှနိုင်ငံသို့ သွားရန် ထွက်လာခြင်း ဖြစ်ကြောင်း ဖြေကြားခဲ့ကြသည်ဟု သိရသည်။

ဒီဇင်ဘာ ၁၃ ရက်ကလည်း မောင်တောမြို့နယ်၊ ဂေါ်ဒူသာရချောင်းဝ ပင်လယ်ကမ်းခြေတွင် ရောက်ရှိနေသော နေရပ်စွန့်ခွာ ဘင်္ဂါလီ ၂၀ (ကျား ၁၀၊ မ ၁၀)သည် ဘင်္ဂလားဒေ့ရ်ှနိုင်ငံဘက်သို့ စက်လှေ နှစ်စင်းဖြင့် ထွက်ခွာခဲ့ကြောင်း သိရသည်။

ဒီဇင်ဘာ ၁၂ ရက်ကလည်း မောင်တောမြို့နယ် ၊ ဂေါ်ဒူသာရ ချောင်းဝ ပင်လယ်ကမ်းခြေတွင် ရောက်ရှိနေသော နေရပ်စွန့်ခွာ ဘင်္ဂါလီ ၇၀ (ကျား ၄၀၊ မ ၃၀) တို့သည် စက်လှေ နှစ်စီးဖြင့် ဘင်္ဂလားဒေ့ရ်ှနိုင်ငံဘက်သို့ ထွက်ခွာသွားကြောင်း သိရသည်။

လူမှုရေးအသင်းပိုင် လူနာတင်ယာဉ်များကို ကွန်ရက်ချိတ်ဆက်ပြီး ဗဟိုကွပ်ကဲသည့် လူနာတင်ယာဉ်စနစ် ထူထောင်နိုင်ရန် ရန်ကုန်တိုင်းဒေသကြီး အစိုးရအဖွဲ့က ဆောင်ရွက်မည်ဟုဆို

ထိခိုက်ဒဏ်ရာရရှိသူတစ်ဦးအား လူမှုကူညီရေးအသင်းမှ လူနာတင်ကားပေါ်သို့ သယ်ဆောင်နေစဉ်

လူမှုရေးအသင်းပိုင် လူနာတင်ယာဉ်များကို ကွန်ရက်ချိတ်ဆက်ပြီး ဗဟိုကွပ်ကဲသည့် လူနာတင်ယာဉ်စနစ် ထူထောင်နိုင်ရန် ရန်ကုန်တိုင်းဒေသကြီး အစိုးရအဖွဲ့မှ ဆောင် ရွက်မည်ဖြစ်ကြောင်း လျှပ်စစ်၊ စက်မှုလက်မှု နှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားသည်။

“လူမှုအသင်းပိုင် လူနာတင်ယာဉ်များအနေဖြင့် အဖွဲ့ချင်း ကွန်ရက်ချိတ်ဆက်ခြင်းဖြင့် လုပ်ငန်းအရ ပူးပေါင်းဆောင်ရွက်နိုင်ခြင်း၊ ပညာရပ်များ ဖလှယ်နိုင်ခြင်း၊ နယ်မြေချိတ်ဆက် လှုပ်ရှားခြင်းများကြောင့် လုပ်ငန်းပိုမို ကျယ်ပြန့်လာနိုင်ခြင်း၊ အဆိုပါကွန်ရက်ဖွဲ့စည်းခြင်းကို ရန်ကုန်တိုင်းဒေသကြီး အစိုးရအဖွဲ့မှ ဦးဆောင် ဆောင်ရွက်သွားမည်ဖြစ်ပါတယ်” ဟု ၀န်ကြီးဒေါ်နီလာကျော်က ပြောကြားသည်။

ထို့ပြင် ရန်ကုန်တိုင်းဒေသကြီးအတွင်း အရေးပေါ်လူနာတင်စနစ် ထူထောင်ရန် အစီအစဉ်ရှိကြောင်း၊ ကျန်းမာရေးနှင့် အားကစားဝန်ကြီးဌာနအောက်ရှိ ဆေးရုံ၊ ဆေးခန်းမှ လူနာတင်ယာဉ်များမှာ ၎င်းဝန်ကြီးဌာန၏ စီမံခန့်ခွဲမှု အောက်တွင်ရှိကြောင်း၊ ရန်ကုန်တိုင်းဒေသကြီးရှိ အရေးပေါ်လူနာပို့ဆောင်ပေးရန် လုပ်ဆောင်ပေးလျက်ရှိသည့် အခြားလူနာတင်ယာဉ်များအား စနစ်တကျစီမံခန့်ခွဲနိုင်ရန် ရန်ကုန်တိုင်းဒေသကြီး အစိုးရအဖွဲ့ နှင့် ကျန်းမာရေးဝန်ကြီးဌာနတို့ ပူးပေါင်း ဆောင်ရွက်ကြရမည်ဖြစ်ကြောင်း၊ ရန်ကုန်တိုင်းဒေသကြီးအတွင်း အရေးပေါ်ဖုန်းနံပါတ် Hot Line 192 ဖြင့် အရေးပေါ်လူနာတင်ယာဉ်စနစ်ကို စနစ်တကျထူထောင်ရန် ကျန်းမာရေးနှင့် အားကစားဝန်ကြီးဌာနတွင် အစီအစဉ်ရှိကြောင်း၊ အဆိုပါစနစ်အောက်တွင် ၀န်ကြီးဌာနပိုင် လူနာတင်ယာဉ်များနှင့်အတူ လူမှုကူညီရေးအသင်းများမှ လူနာတင်ယာဉ်များ ပူးပေါင်းပါဝင်ရန် စည်းရုံးဆောင်ရွက်မည်ဖြစ်ကြောင်း၊ လူနာမှအရေးပေါ် ခေါ်ဆိုသည့်အခါ လွယ်ကူခြင်း၊ လူနာတင်ယာဉ်များအား လူနာပြုစုကုသခြင်း၊ သယ်ယူပို့ဆောင်ခြင်းနှင့် သက်ဆိုင်ရာဆေးရုံသို့ အကြောင်းကြားခြင်းတို့ကို စီမံခန့်ခွဲနိုင်ခြင်း၊ ၁၉၂ ခေါ်ဆိုခြင်းကြောင့် တယ်လီဖုန်းဘေလ် ကုန်ဆုံးမှု မရှိခြင်း၊ သဘာဝဘေးကြောင့် လူအများအပြား ဒဏ်ရာရရှိမှု ဖြစ်စဉ်များတွင် လူနာတင်ယာဉ်များအား တစ်ပြိုင်နက် ကွပ်ကဲ နိုင်ခြင်းတို့ကို ရရှိနိုင်ကြောင်း ၀န်ကြီး ဒေါ်နီလာကျော်က ပြောကြားသည်။

လူမှုရေးအသင်းပိုင် လူနာတင်ယာဉ်များအနက် ယာဉ်မှတ်ပုံတင်မရှိသော လူနာ တင်ယာဉ်များ ကိစ္စသည် လက်ရှိဖြေရှင်းရန် လိုအပ်လျက်ရှိကြောင်း၊ လိုအပ်လျက်ရှိသော အကြောင်းရင်းများသည် ယာဉ်စည်းကမ်း လမ်းစည်းကမ်း ချိုးဖောက်မှုနှင့် ပတ်သက်၍ အရေးယူမှုမခံရခြင်း၊ လူနာကုသမှုဆိုင်ရာ ပြဿနာများ ပေါ်ပေါက်နိုင်ခြင်းစသည်တို့ ပါဝင်ကြောင်း၊ ယာဉ်မှတ်ပုံတင် မရှိသော လူ နာတင်ယာဉ်များကို စိစစ်ပြီး တရားဝင်ယာဉ် အဖြစ်ပြောင်းလဲလိုသော လူနာတင်ယာဉ်များသည် အသင်းအဖွဲ့မှတ်ပုံတင်ရှိခြင်း၊  ကျန်းမာရေးဝန်ကြီးဌာနနှင့် ကုန်းလမ်းပို့ဆောင်မှု ညွှန်ကြားမှုဦးစီးဌာနမှ သတ်မှတ်ထားသော လူနာတင်ယာဉ် စစ်ဆေးချက်၊ ဆေးကိရိယာ စစ်ဆေးချက်များနှင့် ကိုက်ညီခြင်း၊ တည်ဆဲဥပဒေများကို ချိုးဖောက်ခဲ့ဖူးသော ယာဉ်မဖြစ် ခြင်း၊ လူနာတင်ဆောင်ခြင်းမှအပ မည်သည့်လုပ်ငန်းမှ လုပ်ဆောင်ခွင့်မရှိခြင်း၊ သက်ဆိုင်ရာ သတ်မှတ်ကျသင့်သော အခွန်ငွေပေးဆောင်ခြင်း၊ ထပ်မံဝယ်ယူမည့် ယာဉ်များအား ခွင့်မပြုခြင်း၊ ထပ်မံဝယ်ယူမည့် ယာဉ်များသည် တည်ဆဲမော်တော်ယာဉ်ဥပဒေဖြင့် ဆောင်ရွက်ရမည်ဖြစ်ကြောင်း၊ ထပ်ဆင့်ရောင်းဝယ်ခြင်းတို့ကိုခွင့်ပြုခြင်းများကို အချိန်ကာလ အပိုင်းအခြားသတ်မှတ်ပြီး မှတ်ပုံတင်ပြုလုပ်ရန်အတွက် စိစစ်သွားမည်ဖြစ်ကြောင်း၊ သတ်မှတ် ကာလကျော်လွန်သည့် လိုင်စင်မဲ့ယာဉ်များကို အရေးယူ မည်ဖြစ်ကြောင်း၊ ထို့ကြောင့် လူမှုကူညီရေးအသင်းများ ပူးပေါင်းပါဝင်မှုသည် ဗဟိုကွပ်ကဲသည့် လူနာတင်ယာဉ်စနစ် ထူထောင်ရေးတွင် အလွန်အရေးပါကြောင်း ၎င်းက ဆက်လက်ပြောကြားသည်။

မြန်မာနိုင်ငံတွင် မျိုးသုဉ်းလုနီးပါး အန္တရာယ်နှင့် ကြုံတွေ့နေရသည့် တောရိုင်းတိရစ္ဆာန် မျိုးစိတ် ၂၂ မျိုးကျော် ရှိလာကြောင်း သိရ

မြန်မာနိုင်ငံတွင် မျိုးသုဉ်းလုနီးပါး အန္တရာယ်နှင့် ကြုံတွေ့နေရသည့် တောရိုင်းတိရစ္ဆာန် အမျိုးအစား၂၂ မျိုး အထိရှိလာကြောင်း သဘာဝပတ်ဝန်းကျင် ထိန်းသိမ်း ကာကွယ် စောင့်ရှောက်သော နိုင်ငံတကာအဖွဲ့အစည်း (IUCN) ၏ အချက်အလက်များအရ သိရသည်။

အဆိုပါစာရင်းတွင် ပါဝင်သည့်တိရစ္ဆာန် ၂၂ မျိုးကျော်သည် မြန်မာနိုင်ငံတွင်မျိုးသုဉ်းလုနီးပါး စာရင်းဝင်ဖြစ်နေကြောင်း၊ ရန်ကုန်တိရစ္ဆာန်ဥယျာဉ်သည် နောက်ဆုံးခံတပ်ဖြစ်ကြောင်း ရန်ကုန်တိရစ္ဆာန်ဥယျာဉ်မှ သိရသည်။

တောရိုင်းတိရစ္ဆာန်များ မျိုးသုဉ်းပျောက်ကွယ်ရသည့် အကြောင်းအရင်းမှာ သဘာဝပတ်ဝန်းကျင် ပျက်စီးယိုယွင်းမှုများကြောင့်လည်းကောင်း၊ တောရိုင်းတိရစ္ဆာန်များအနေဖြင့် သဘာဝ တော၊ တောင်၊ ရေ၊ မြေများကို မှီခို ရှင်သန် ကျက်စားနေရခြင်းကြောင့် သဘာဝကြီးပြောင်းလဲလာပါက တောရိုင်းတိရစ္ဆာန်များလည်း လျော့ပါးလာပြီး မျိုးသုဉ်းပျောက်ကွယ်တော့မည့် အန္တရာယ်နှင့် ရင်ဆိုင်လာရကြောင်း သိရသည်။

မျိုးသုဉ်းမှုအန္တရာယ်နှင့် ကြုံတွေ့နေရသည့် အနေအထားမှ လျော့နည်းစေရန်အတွက် တိရစ္ဆာန်ဥယျာဉ်များ၌ မျိုးပွားမှုဖြင့် တိရစ္ဆာန်ကောင်ရေ တိုးပွားစေခြင်း၊ တိရစ္ဆာန်များ ထိန်းသိမ်းစောင့်ရှောက်ခြင်းနှင့် ပတ်သက်သည့် ပညာပေးခြင်းများ ဆောင်ရွက်ခြင်း၊ အချို့ရှားပါးတိရစ္ဆာန်များကို သဘာဝတောအတွင်း ပြန်လွှတ်ပေးနိုင်ရန် တိရစ္ဆာန်ဥယျာဉ်များတွင် ကြိုတင်ပြင်ဆင်ခြင်းများ ပြုလုပ်ထားလျက်ရှိကြောင်း သိရသည်။

မျိုးသုဉ်းလုနီးပါး အခြေအနေတွင်ရှိသည့် တိရစ္ဆာန်များတွင် ၀က်ကြံ့၊ ကြံ့ဆင်၊ နှာခေါင်းလန်မျောက် စသည်တို့ဖြစ်ပြီး မျိုးသုဉ်းမှုအန္တရာယ်နှင့် ကြုံတွေ့နေရသည့် တိရစ္ဆာန်များမှာ ကြံ့သူတော်၊ စိုင်၊ ကျွဲ၊ ကျား၊ ဆင်၊ တောခွေး၊ ကြောင်တံငါ၊ ကတိုးဂျီ၊ ရွှေ သမင်၊ ဒရယ်၊ ပသျှူးသင်းခွေချပ်၊ တရုတ်သင်း  ခွေချပ်၊ မျောက်လွှဲကျော် (လက်ဖြူ)၊ မျောက်မျက်ကွင်းဖြူ၊ မျောက်လွှဲကျော် (မျက်ခုံးဖြူ)၊ Indochinese Lutung Shortridge’s Langur၊ ဖျံ၊ Greater Marmoset Rat စသည်တို့ဖြစ်ပြီး ရန်ကုန်တိရစ္ဆာန်တွင် ပြသထားသည့်တိရစ္ဆာန်မျိုးစိတ် ကိုးမျိုးခန့်အထိ ပါဝင်နေကြောင်း IUCN တွင် ဖော်ပြထားသည့် အချက်အလက်များအရ သိရသည်။

တောရိုင်းတိစ္ဆာန် ပေါများနေဆဲဖြစ်ခြင်းကြောင့် လည်းကောင်း မြန်မာအပါအ၀င် ထိုင်း၊ လာအို၊ တရုတ်နိုင်ငံတို့၏ နယ်စပ်များ ထိစပ်နေသည့် ရွှေတြိဂံဒေသကဲ့သို့သော နယ်မြေတည်ရှိနေခြင်းကြောင့် မှောင်ခိုပစ္စည်းများကို နည်းလမ်းမျိုးစုံဖြင့် ရောင်းဝယ် ဖောက်ကားလျက်ရှိရာ မြန်မာနိုင်ငံသည် တရားမ၀င် ကုန်သွယ်မှုဒဏ်ကို ထိခိုက်ခံစား နေရကြောင်း နိုဝင်ဘာ ၁ ရက်က တောရိုင်း တိစ္ဆာန် သတ်ဖြတ်ခံနေရမှုများနှင့် ပတ်သက်၍ VOICES FOR MOMOS လှုပ်ရှားမှု စတင်မည့် အခမ်းအနားမှ သိရသည်။

ပန်ဆယ်လိုအကောင့်ပိုင်ရှင်အား ထောက်ကြန့်မြို့တွင် ဖြစ်ပွားခဲ့သည့် ရိုက်နှက်ခံရသော ဘုန်းကြီးကိစ္စ အပါအ၀င် အချက်သုံးချက်ကြောင့် တရားစွဲဆိုရခြင်းဖြစ်ကြောင်း သတင်းစာရှင်းလင်း

ပန်ဆယ်လို အကောင့်ပိုင်ရှင်အား  ထောက်ကြန့်မြို့ရှိ စားသောက်ဆိုင်တစ်ဆိုင်တွင် ရိုက်နှက်ခံရသည့် ဘုန်းကြီးကိစ္စအပါအ၀င် အချက်သုံးချက်ကြောင့် တာမွေမြို့မ ရဲစခန်းတွင် အမှုဖွင့်ထားကြောင်း ဦးမောင် မောင်တာက ပြောကြားသည်။

ဒီဇင်ဘာ ၁၆ ရက် မွန်းလွဲပိုင်းတွင် သင်္ဃန်းကျွန်းမြို့နယ်ရှိ ရင်ကြည်စားသောက်ဆိုင်၌ ပန်ဆယ်လိုအား တရားစွဲဆိုရခြင်းနှင့် ပတ်သက်၍ သတင်းစာ ရှင်းလင်းပွဲပြုလုပ်ခဲ့ပြီး လူမှုကွန်ရက် Facebook ပေါ်တွင် ရိုက်နှက်ခံရသော ဘုန်းကြီးကိစ္စနှင့် ပတ်သက်၍ ဘာသာ သာသနာ ညှိုးနွမ်းစေသည့် အသုံးအနှုန်းများကို ရေးသားပြောဆိုခဲ့ခြင်း၊ ဆရာတော် ဦးဝီရသူနှင့်ပတ်သက်၍ ရေးသားပြောဆိုမှုများအတွက် စိတ်ထိခိုက်ခံစားရခြင်းနှင့် တပ်မတော်ကာကွယ်ရေးဦးစီးချုပ်ကို ဆဲရေးတိုင်းထွားခြင်း အချက်သုံးချက်တို့ကြောင့် တရားစွဲဆိုရခြင်းဖြစ်ကြောင်း သိရသည်။

ပန်ဆယ်လိုအား တာမွေမြို့မရဲစခန်းတွင် တရားလိုပြုလုပ်၍ တရားစွဲဆိုခဲ့သည့် ဦးမောင်မောင်တာက “အဓိကက အချက်သုံးချက်ကြောင့်ပါ။ ထောက်ကြန့်မှာဖြစ်တဲ့ ဆရာတော်ဖြစ်စဉ်မှာ သူပြောတာတွေက ဘာသာ သာသနာ ညှိုးနွမ်းစေတဲ့ အသုံးအနှုန်းတွေ ပါတယ်။ စွပ်စွဲချက်တွေပါတယ်။ အဲဒီအတွက် ဘာသာ သာသနာ ညှိုးနွမ်းစေမှု မဖြစ်အောင် တရားစွဲတာပါ။ ဒုတိယအချက်က ဆရာတော် ဦးဝီရသူနဲ့ပတ်သက်ပြီး ဆရာတော်ကို ပုတ်ခတ်ပြောဆိုတာတွေက တော်တော်လေးကို ဗုဒ္ဓဘာသာ တစ်ယောက်အနေနဲ့ ရင်ထဲမှာ ခံစားရတယ်ပေါ့။ နောက်တစ်ချက်က တပ်မတော်ကာကွယ်ရေးဦးစီးချုပ်ကို ဆဲရေးတိုင်းထွာတဲ့ အတွက်ပေါ့” ဟု ဆိုသည်။

ပန်ဆယ်လိုအား အငြိမ်းစားတပ်မတော်သားတစ်ဦးဖြစ်သည့် ဦးမောင်မောင်တာက ဒီဇင်ဘာ ၁၂ ရက်တွင် ဆက်သွယ်ရေးဥပဒေပုဒ်မ ၆၆ (ဃ) ဖြင့် တာမွေမြို့မရဲစခန်းတွင် အမှုဖွင့်တိုင်ကြားခဲ့ကြောင်း သိရသည်။

လက်ပံတောင်းတောင်ကြေးနီစီမံကိန်း၊ ကြေးစင်တောင်နှင့် စပယ်တောင်ကြေးနီစီမံကိန်းတို့သည် ဥပဒေနှင့်အညီ သတ္တုတူးဖော်ခြင်း မဟုတ်ဟု ပြည်သူ့လွှတ်တော်ကိုယ်စားလှယ် ပြောကြား

ကြေးစင်တောင်နှင့် စံပယ်တောင်ကြေးနီစီမံကိန်းအနီးမှ လယ်ယာမြေများအား နိုဝင်ဘာလအတွင်းက တွေ့ရစဉ် (ဓာတ်ပုံ-ကောင်းခန့်လင်း)

စစ်ကိုင်းတိုင်းဒေသကြီး  ဆားလင်းကြီးမြို့နယ်ရှိ လက်ပံတောင်းတောင်ကြေးနီစီမံကိန်း၊ ကြေးစင်တောင်နှင့် စပယ်တောင်ကြေးနီ စီမံကိန်းတို့သည် ဥပဒေနှင့်အညီ သတ္တုတူးဖော်ခြင်း မဟုတ်ကြောင်း ဆားလင်းကြီးမြို့နယ် ပြည်သူ့လွှတ်တော် ကိုယ်စားလှယ် ဦးဝင်းသိန်းဇော်က The Daily Eleven သတင်းစာသို့ ပြောကြားသည်။

သတ္တုတူးဖော်သည့် နည်းလမ်းသည် မှန်ကန်သည့် နည်းလမ်းမဟုတ်ကြောင်း မှားယွင်းသည့် နည်းစနစ်ဖြင့်သာ စာချုပ်ချုပ်ခဲ့ကြောင်း လက်ပံတောင်းတောင် ကြေးနီစီမံကိန်းနှင့် ကြေးစင်တောင်နှင့် စပယ်တောင် ကြေးနီစီမံကိန်းတို့သည် ယခင်ခေတ်ကာလက ဖြစ်ချင်ရာဖြစ် လက်ညှိုးညွှန်ရာ ရေဖြစ်ပုံစံသာဖြစ်ပြီး ဥပဒေနှင့်မညီမှုမှာ အများအပြားရှိကြောင်း ၎င်းက ဆိုသည်။

“ဒီပြဿနာတွေနဲ့ပတ်သက်ပြီး လက်ပံတောင်းတောင် ဒေသခံတွေက ကျွန်တော်တို့ကို အပြစ်ပုံချတယ်။ တူးဖော်ပုံတူးဖော်နည်းကလည်း မှန်ကန်တဲ့ နည်းလမ်းမဟုတ်ဘူး။ အရင်တုန်းက လူတွေ လုပ်ကိုင်ခဲ့တယ်။ ခွင့်ပြုခဲ့တယ်ဆိုတာ စံချိန်မီတဲ့၊ စနစ်တကျတဲ့ ဒီဇိုင်းတွေ မဟုတ်ဘူး။ မှားယွင်းတဲ့ နည်းစနစ်နဲ့ စာချုပ်ချုပ်ခဲ့ကြတယ်။ ဖြစ်ချင်ရာတွေ ဖြစ်နေတာ။ ဥပဒေနဲ့ မညီညွတ်တာတွေ အများကြီးရှိတယ်။ စပယ်တောင်ကလည်း ဥပဒေနဲ့မညီညွတ်ဘူး။ ကုမ္ပဏီဘက်ကလည်း ဘောင်ဝင် တယ်လို့ ပြောမှာပဲ။ သေချာစစ်ဖို့တော့ လိုပါတယ်။ အခုနည်းတွေဟာ သံသယဖြစ်စရာတွေ အများကြီးရှိတယ်” ဟု ဆားလင်းကြီးမြို့နယ် ပြည်သူ့လွှတ်တော်ကိုယ်စားလှယ် ဦးဝင်းသိန်းဇော်က ပြောကြားသည်။

သတ္တုတူးဖော်သည့်နေရာသည် လူနှင့်ဝေးသည့်နေရာများတွင်သာ တူးဖော်သင့်ကြောင်း၊ လူနှင့်အလွန်နီးသည့်နေရာတွင် သတ္တုတူးဖော်မှုအား မလုပ်သင့်ကြောင်း၊ မဖြစ်မနေ သတ္တုတူးဖော်မည်ဆိုပါက လူနှင့် စိုက်ပျိုးမြေများအတွက် မဆုံးရှုံးအောင် လုပ်ဆောင်သင့်ကြောင်း၊ ယခုဆိုလျှင် လက်ပံတောင်းတောင် ကြေးနီစီမံကိန်းအတွင်း မိုင်းခွဲမှုမှလာသည့် ဖုန်မှုန့်များသည် လယ်ယာမြေများaပ်ါတွင် ကျရောက်မှုကြောင့် စိုက်ပျိုးလုပ်ကိုင်၍ မရတော့ကြောင်း ၎င်းက ဆက်လက် ပြောကြားသည်။

“ကွမ်းရွက်စိုက်ခင်းတွေပေါ်မှာ ကျောက်အမှုန့်တွေ ကျရောက်တဲ့အတွက် ရောင်းလို့ မရဘူးလို့ ပြောတယ်။ လျော်ကြေးတွေ၊ ဘာတွေ လိုချင်တာပေါ့။ ကျွန်တော်တို့ကလည်း ပေးဖို့ပြောတယ်။ ပြောတဲ့အခါမှာ ကုမ္ပဏီအနေနဲ့က သူတို့က စံနှုန်းအရ အမှုန့်မဟုတ်ဘူးလို့ပြောတယ်။ တကယ့်တကယ်ကျတော့ ဖြေရှင်းရတာ ခက်တယ်။ နစ်နာကြေးတွေ ပေးသင့်ပါတယ်” ဟု ဆားလင်းကြီးမြို့နယ် ပြည်သူ့လွှတ်တော်ကိုယ်စားလှယ် ဦးဝင်းသိန်းဇော်က ပြောကြားသည်။

ဒေါ်အောင်ဆန်းစုကြည် ဦးဆောင်သော စုံစမ်းစစ်ဆေးရေး အစီရင်ခံစာပါစာထဲတွင် စံပယ်တောင်နှင့် ကြေးစင်တောင်ကြေးနီစီမံကိန်းမှ ဒေသခံများပိုင်ဆိုင်သည့် လယ်ယာမြေ ၆၂၅၃ ဒသမ ၀၄ ဧကအား ကြေးနီထုတ်လုပ်ရန်အတွက် သိမ်းဆည်း ရယူခဲ့ကြောင်း ၂၀၀၁ ခုနှစ် လန ၃၉ အရ လက်ပံတောင်း တောင်ကြေးနီစီမံကိန်းမှ ဒေသခံများပိုင်ဆိုင်သည့် လယ်ယာမြေ ၇၈၆၇ ဒသမ ၇၈ ဧက အား ကြေးနီထုတ်လုပ်ရန်အတွက် ရယူခဲ့ကြောင်း လက်ပံတောင်းတောင်ကြေးနီးစီမံ ကိန်းအတွင်းရှိ မြေယာအချို့သည် မြေယာလျော်ကြေး ထုတ်ယူခြင်း မရှိသေးသည့် တောင်သူအများအပြား ကျန်ရှိနေကြောင်း သိရသည်။

ကမ္ဘာ့ရွှေဈေး ၁၂၅၅ ဒေါ်လာဖြင့် ဈေးပိတ်ခဲ့ပြီး ပြည်တွင်းရွှေဈေးနှုန်း ကျပ် ၉၁၅၇၀၀ အထိ ပြန်လည်မြင့်တက်

ရန်ကုန်မြို့ရှိ ရွှေဆိုင်တစ်ဆိုင်တွင် ရောင်းဝယ်နေမှုမြင်ကွင်း

ကမ္ဘာ့ရွှေဈေးသည် ဒီဇင်ဘာ ၁၅ ရက်တွင် ၁၂၅၅ ဒေါ်လာဖြင့် ဈေးပိတ်ခဲ့ပြီး ဒီဇင်ဘာ ၁၆ ရက်တွင် ပြည်တွင်းရွှေဈေးနှုန်း ကျပ် ၉၁၅၇၀၀ အထိ ပြန်လည်မြင့်တက်ခဲ့ကြောင်း ရွှေရောင်းဝယ်သူများထံမှ သိရသည်။

ုပြည်တွင်းရွှေဈေးသည် ပြီးခဲ့သည့် ဇူလိုင် ၂၁ ရက်မှစ၍ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လနှင့် စက်တင်ဘာလလယ်အထိ ဆက်တိုက်မြင့်တက်ခဲ့ကာ စက်တင်ဘာ ၁၅ ရက်တွင် ကျပ် ၉၅၇၃၀၀ ဖြင့် စံချိန်တင်ထားသည်။ ထို့နောက် စက်တင်ဘာ ၁၇ ရက်အထိ ကျပ် ၉၅၀၀၀၀ အထက်ရှိခဲ့ပြီး အောက်တိုဘာ ၃ ရက်တွင် ၉၂၂၁၀၀ အထိ ကျဆင်းခဲ့သည်။ အောက်တိုဘာ ၇ ရက်တွင် ၉၃၀၀၀၀ အထက်၊ အောက်တိုဘာ ၁၄ ရက်တွင် ၉၄၀၀၀၀ အထက်သို့ပြန်ရောက်ခဲ့ပြီး အောက်တိုဘာ ၂၃ ရက်တွင် ၉၃၀၆၀၀၊ အောက်တိုဘာ ၃၀ ရက်နှင့် နိုဝင်ဘာ ၁ ရက်တွင် ၉၂၉၂၀၀ အထိကျဆင်းခဲ့သည်။ နိုဝင်ဘာလဆန်းတွင် ကျပ် ၉၃၀၀၀၀ အောက်၌သာဆက်ရှိခဲ့ပြီး နိုဝင်ဘာ ၂၉ ရက်တွင် ၉၃၆၂၀၀ အထိရောက်ရှိခဲ့ကာ ဒီဇင်ဘာ ၆ ရက်တွင် ၉၂၆၁၀၀၊ ဒီဇင်ဘာ ၁၃ ရက်တွင် ၉၁၃၂၀၀၊ ဒီဇင်ဘာ ၁၅ ရက်တွင် ၉၁၄၅၀၀၊ ဒီဇင်ဘာ ၁၆ ရက်တွင် ကျပ် ၉၁၅၇၀၀ ၀န်းကျင် ဖြစ်ပေါ်ခဲ့သည်။

ပြီးခဲ့သည့်သုံးလက ရွှေဈေးကိုပြန်ကြည့်ပါက စက်တင်ဘာလအတွင်း ပြည်တွင်းရွှေဈေး အနိမ့်ဆုံးဈေးနှုန်း ကျပ် ၉၃၂၅၀၀ (စက်တင်ဘာ ၃၀ ရက်)၊ အမြင့်ဆုံးဈေးနှုန်းကျပ် ၉၅၇၃၀၀ (စက်တင်ဘာ ၁၅ ရက်)၊ အောက်တိုဘာလအတွင်း ပြည်တွင်းရွှေဈေး အနိမ့်ဆုံးဈေးနှုန်း ကျပ် ၉၂၂၁၀၀ (အောက်တိုဘာ ၃ ရက်)၊ အမြင့်ဆုံးဈေးနှုန်း ကျပ် ၉၄၂၇၀၀ (အောက်တိုဘာ ၁၅ ရက်)၊ နိုဝင်ဘာလအတွင်း ပြည်တွင်းရွှေဈေး အနိမ့်ဆုံးဈေးနှုန်း ကျပ် ၉၂၆၉၀၀ (နိုဝင်ဘာ ၆ ရက်)၊ အမြင့်ဆုံးနှုန်း ကျပ် ၉၃၆၂၀၀ (နိုဝင်ဘာ ၂၉ ရက်) တို့ဖြစ်သည်။

ကမ္ဘာ့ရွှေဈေးနှုန်းကိုပြန်ကြည့်ပါက ဧပြီလမှစ၍ အတက်အဆင်းကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၄၀ ခန့်မှ ဒေါ်လာ ၈၀ ခန့်အထိကွာခြားခဲ့သည်။ လအလိုက်ဖြစ်ပေါ်ခဲ့သော အနိမ့်ဆုံးနှင့် အမြင့်ဆုံးကမ္ဘာ့ရွှေဈေးနှုန်းများမှာ ဇူလိုင်တွင် ၁၂၀၅- ၁၂၆၈ ဒေါ်လာ၊ သြဂုတ်တွင် ၁၂၅၈-၁၃၂၅ ဒေါ်လာ၊ စက်တင်ဘာတွင် ၁၂၉၀- ၁၃၅၆ ဒေါ်လာ၊ အောက်တိုဘာတွင် ၁၂၆၁- ၁၃၀၃ ဒေါ်လာဖြစ်ပေါ်ခဲ့ပြီး ကွာဟချက် ဒေါ်လာ ၄၀ ကျော်မှ ၆၀ ကျော်အထိရှိခဲ့သည်။

ပြီးခဲ့သည့်အောက်တိုဘာ တတိယပတ်တွင် ဒေါ်လာ ၁၃၀၀ အထက်ရှိသော ကမ္ဘာ့ရွှေဈေးနှုန်းသည် အောက်တိုဘာလကုန်ပိုင်းတွင် ဒေါ်လာ ၁၂၆၀ အထက်နှင့် ၁၂၇၀ အထက်တွင် အတက်အကျဖြစ်ပေါ်ခဲ့သည်။ နိုဝင်ဘာလအတွင်း အနိမ့်ဆုံးနှုန်းအဖြစ် နိုဝင်ဘာ ၃ ရက်တွင် ၁၂၆၆ ဒေါ်လာအထိကျဆင်းခဲ့ပြီး အမြင့်ဆုံးနှုန်းအဖြစ် နိုဝင်ဘာ ၂၉ ရက်တွင် ၁၂၉၆ ဒေါ်လာအထိမြင့်တက်ခဲ့သည်။ နိုဝင်ဘာလအတွင်း ဈေးနှုန်းများသည် ယခင်လများနှင့်နှိုင်းယှဉ်ပါက အတက်အကျနည်းခဲ့ရာ ဒေါ်လာ ၃၀ သာဖြစ်ပေါ်ခဲ့သည်။ ဒီဇင်ဘာလဆန်းတွင် ကမ္ဘာ့ရွှေဈေးသည် အကျပိုင်းသို့ရောက်နေပြီး ဒီဇင်ဘာ ၈ ရက်တွင် ၁၂၄၅ ဒေါ်လာအထိ၊ ဒီဇင်ဘာ ၁၃ ရက်တွင် ဒေါ်လာ ၁၂၃၈ အထိကျဆင်းခဲ့ကာ ဒီဇင်ဘာ ၁၅ ရက်တွင် ၁၂၅၅ ဒေါ်လာအထိ ပြန်တက်ခဲ့ခြင်းဖြစ်သည်။

နေပြည်တော် သပြေကုန်းအ၀ိုင်းတွင်ထားရှိမည့် ဗိုလ်ချုပ်မြင်းစီးကြေးရုပ်တုအား ကြေးခုနစ်တန်ခန့် အသုံးပြုမည်ဖြစ်ပြီး ခန့်မှန်း ကျပ်သိန်း ၂၀၀၀ ခန့် ကုန်ကျမည်ဟု သိရ

နေပြည်တော်သပြေကုန်းအ၀ိုင်းတွင် ထားရှိမည့် ဗိုလ်ချုပ် မြင်းစီးကြေးရုပ်တုအား ကြေးခုနစ်တန်ခန့် အသုံးပြုမည်ဖြစ်ပြီး ခန့်မှန်း ကျပ်သိန်း ၂၀၀၀ ခန့် ကုန်ကျမည်ဟု နေပြည်တော် ဗိုလ်ချုပ်ကြေးရုပ်ဖြစ်မြောက်ရေးကော်မတီဥက္ကဋ္ဌ ဦးမင်းသူက ပြောကြားသည်။

ဗိုလ်ချုပ်ကြေးရုပ်တု ဖြစ်မြောက်ရေးအတွက်  နေပြည်တော် စည်ပင်ဧည့်ရိပ်သာ ၀င်းအတွင်းတွင် ဒီဇင်ဘာ ၁၆ ရက်က ကြေးသွန်းပန်းပု ထုလုပ်မည့်ပညာရှင်နှင့် ကော်မတီတို့ ဆွေးနွေးစဉ် ထိုသို့ပြောကြားခဲ့ခြင်း ဖြစ်သည်။

ဦးမင်းသူက “ဗိုလ်ချပ်ကြေးရုပ် ဖြစ်မြောက်ရေးကော်မတီ ဥက္ကဋ္ဌ ဦးမင်းသူက ကုန်ကျစရိတ်ကတော့ ကြေးကတော့ တန်ချိန် ခုနစ်တန်ကျော်လောက်ကုန်မယ် မှန်းထားတယ်။ပြင်ပပေါက်ဈေးနဲ့တွက်ရင်တော့ သိန်း ၂၀၀၀ လောက်ရှိမယ်။အဲဒါကိုလည်း သက်ဆိုင်ရာဝန်ကြီးဌာနကနေ ၀ယ်လို့ရတယ်ဆိုရင်တော့ ဈေးသက်သာမှာပေါ့။ ဒါကြောင့် ကုန်ကျစရိတ်က သိန်း ၂၀၀၀ လောက်ရှိမယ်။၂၀၁၈ ခုနှစ်ထဲမှာဖြစ်မှာပဲ။ ကောင်းကောင်းလုပ်ဖို့အတွက် အချိန်နဲ့ ငွေကြေးကိုတော့ ကန့်သတ်မထားပါဘူး။ ရန်ပုံငွေကတော့ ပြည်သူတွေရဲ့ ထည့်ဝင်ငွေနဲ့ဆောင်ရွက်သွားမှာပါ။ ပြည်သူ့အားနဲ့လုပ်သွားမှာပါ။ ပြည်သူတွေကလည်း ဒီနေရာမှာ ဗိုလ်ချုပ်ကြေးရုပ်ကိုထားချင်ကြတယ်။ ပြည်သူတွေ တစ်ယောက် ကျပ်တစ်သောင်းထည့်ရင်တောင် လူဦးရေနှစ်သောင်းလောက်ဆိုပြည့်ပြီပေါ့။ လုပ်ငန်းရှင်တွေက လှူမယ်ဆို မြန်မြန်ပြီးတာပေါ့။ ပြည်သူတွေရဲ့ ထည့်ဝင်ငွေတွေကို လက်ခံသွားမှာပါ။အစိုးရဆီကတော့ တောင်းခံထားခြင်း မရှိပါဘူး။ပြည်သူ့အားနဲ့ပဲ လုပ်သွားမှာပါ။ဗိုလ်ချုပ်ကြေးရုပ်ထားရှိမှာကတော့ ဗိုလ်ချုပ်မျက်နှာကတော့ အပြည်ပြည်ဆိုင်ရာ လေဆိပ်ဘက်ကလာတဲ့ လမ်းကို မျက်နှာမူမှာပါ။ မြင်းကတော့ ပျဉ်းမနားတောင်ညိုလမ်းကို မျက်နှာမူမှာပါ။ အခု စလုပ်ပြီပြောရမှာပေါ့။ ပညာရှင်တွေက ဒီဇိုင်းစွဲတာ၊ ပုံကြမ်းလောင်းတာစတင်ပြီ ပြောလို့ရပါတယ်” ဟု သတင်းထောက်များအား ပြောကြားသည်။

ကြေးသွန်းပန်းပုပညာရှင် ဒေါက်တာမြင့်စံက “အခုကတော့ ဗိုလ်ချုပ်ကြေးရုပ်ဖြစ်မြောက်ဖို့ ညှိနှိုင်းကြတဲ့သဘောဖြစ်ပါတယ်။ မြေပြင်တိုင်းတာမှုလုပ်ငန်း ပြီးဆုံးပါပြီ။ရုပ်တုအရွယ်အစား၊ အောက်ခုံရဲ့ အရွယ်အစား သတ်မှတ်ချက်တွေရွေးပြီးပါပြီ။ ခုံကတော့ ၁၅ ပေပေါ့။ ရုပ်တုကတော့ ၁၈ ပေသတ်မှတ် ထားပါတယ်။ အဲဒီအတိုင်းအတည်ပြုထားပါတယ်။မကြာခင်မှာတော့ ပုံစံငယ်ထုလုပ်သွားမှာပါ။ ပုံစံငယ်ပြီးတော့မှ ပုံစံအကြီးဆက်လုပ်မှာပါ။ ပြီးရင် ကြေးသွန်းလုပ်ငန်းကို ဆက်လုပ်သွားမှာပါ။ အကောင်းဆုံးဖြစ်အောင် ထုလုပ်ရမှာပါ။ ကျွန်တော့်အနေနဲ့ကတော့ အကောင်းဆုံးဖြစ်အောင် ကြိုးစားလုပ်မှာပါ။ဘာလို့လဲဆိုတော့ ဒီဟာက နိုင်ငံတော်မှာ အကြီးဆုံးရုပ်တုလည်းဖြစ်ပါတယ်။ ကမ္ဘာ့အဆင့်ဖြစ်အောင် လုပ်သွားမှာပါ။ ဒီနေရာက  နိုင်ငံတကာဧည့်သည်တွေလည်း သွားလာနေတဲ့နေရာဆိုတော့ အကောင်းဆုံးဖြစ်အောင် လုပ်မှာပါ။ အရပ်သားတွေ၊ ၀န်ထမ်းတွေ နေ့စဉ်သွားလာနေတဲ့နေရာဆိုတော့ အကောင်းဆုံးဖြစ်မှရမှာပါ။ တခြားရုပ်တုနဲ့ မတူပါဘူး။နေရာကောင်းတစ်ခုမှာ တည်ထားမှာဖြစ်တဲ့အတွက် အပြစ်အနာအဆာ မရှိအောင် လုပ်ရမှာပါ။ လက်ရှိမှာ ရှိနေတဲ့ကြေးရုပ်တုတွေက ၁၅ ပေပဲရှိပါတယ်။ အခုက ၁၈ ပေထုလုပ်မှာပါ။ မြင်းစီးကြေးရုပ်ကတော့ ထုလုပ်ခဲ့ဖူးပါတယ်။ အကြီးဆုံးကြေးရုပ်တုဆိုပေမယ့် စိန်ခေါ်မှု မရှိပါဘူး။ စိုးရိမ်စိတ် မရှိပါဘူး။ ကုန်ကျစရိတ်ကတော့ ကျပ်သိန်း ၁၅၀၀ ကျော်လောက် ကုန်မယ်မှန်းပါတယ်။ ပစ္စည်းသုံးတဲ့အပေါ်မူတည်ပြီး ကုန်ကျမှာပါ။ ဥပမာပြောရရင် ကြေးအထူအပါး၊ အထဲမှာသုံးမယ့် သံပစ္စည်း၊ အဲဒါတွေအပေါ် မူတည်ပြီး ကုန် ကျစရိတ်ကဖြစ်လာမှာပါ။ အကောင်းဆုံးပစ္စည်းကိုသုံးဖို့ ရည်ရွယ်ထားပါတယ်။ တစ်စတုရန်းပေကို ကြေးခုနစ်ပိဿာလောက်သုံးမှာပါ။ ကြေးကတော့ ခုနစ်တန်လောက် ကုန်ကျမယ် မှန်းထားပါတယ်” ဟု ပြောကြားသည်။

ဗိုလ်ချုပ်အောင်ဆန်း မြင်းစီးကြေးရုပ်တုအား နေပြည်တော်၏ အချက်အချာနေရာဖြစ်သည့် သပြေကုန်းအ၀ိုင်းတွင် ထားရှိမည်ဖြစ်ပြီး ၂၀၁၈ ခုနှစ် အောင်တိုဘာလတွင် ပြီးစီးရန် မျှော်မှန်းထားကြောင်း သိရသည်။

မြန်မာနိုင်ငံအနေဖြင့် ၂၀၁၆ ခုနှစ်တွင် အဂတိလိုက်စားမှုအညွှန်းကိန်းအဆင့် ၁၃၆ အထိ တိုးတက်ရောက်ရှိခဲ့သော်လည်း အဆင့်ပိုမိုကောင်းမွန်ရေး ဆက်လက်ကြိုးပမ်းရန် လိုအပ်နေကြောင်း မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင်ဥက္ကဋ္ဌ ပြောကြား

မြန်မာနိုင်ငံအနေဖြင့် ၂၀၁၆ ခုနှစ်တွင် အပြည်ပြည်ဆိုင်ရာ အဂတိလိုက်စားမှုအညွှန်းကိန်း (CPI Index) အဆင့် ၁၃၆ အထိ တိုးတက်ရောက်ရှိခဲ့သော်လည်း အဆင့်ပိုမိုကောင်းမွန်ရေးအတွက် ဆက်လက်ကြိုးပမ်းရန် လိုအပ်နေသေးကြောင်း မြန်မာနိုင်ငံ အဂတိလိုက်စားမှု တိုက်ဖျက်ရေးကော်မရှင်ဥက္ကဋ္ဌ ဦးအောင်ကြည်က ပြောကြားသည်။

အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့ အထိမ်းအမှတ်အခမ်းအနားတွင် ကော်မရှင်ဥက္ကဋ္ဌ ဦးအောင်ကြည်က အထက်ပါကဲ့သို့ ထည့်သွင်းပြောကြားခဲ့ကြောင်း မြန်မာနိုင်ငံ အဂတိလိုက်စားမှုတိုက်ဖျက်ရေးကော်မရှင်၏ သတင်းထုတ်ပြန်ချက်အရ သိရသည်။

အဆိုပါအထိမ်းအမှတ်အခမ်းအနား၌ ကော်မရှင်ဥက္ကဋ္ဌဦးအောင်ကြည်က နိုင်ငံတကာပွင့်လင်းမြင်သာမှုရှိရေးအဖွဲ့က ထုတ်ပြန်သည့် အပြည်ပြည်ဆိုင်ရာအဂတိလိုက်စားမှု အညွှန်းကိန်း (CPI Index) အရ မြန်မာနိုင်ငံသည် ၂၀၁၄ ခုနှစ်တွင် အဆင့် ၁၅၆ ရရှိခဲ့ရာမှ ကော်မရှင်၏ အဂတိလိုက်စားမှုတိုက်ဖျက်ရေး ကြိုးပမ်းမှုများကြောင့် ၂၀၁၆ ခုနှစ်တွင် အဆင့် ၁၃၆ အထိ တိုးတက်ရောက်ရှိခဲ့ကြောင်း၊ သို့သော်လည်း CPI အဆင့် ပိုမိုကောင်းမွန်ရေးအတွက် ဆက်လက်ကြိုးပမ်းကြရန် လိုအပ်နေသေးကြောင်း ပြောကြားခဲ့သည်ဟု ကော်မရှင်က သတင်းထုတ်ပြန်ခဲ့သည်။

ထို့ပြင် ကော်မရှင်၏ ၂၀၁၈ ခုနှစ် လုပ်ငန်းစီမံချက်ကို အကောင်အထည်ဖော်ရန် ပြင်ဆင်နေကြောင်း၊ စီမံချက်တွင် စုံစမ်းစစ်ဆေးခြင်းနှင့် တရားစွဲဆိုခြင်းတို့သာမက ပညာပေးခြင်းနှင့် ပူးပေါင်းဆောင်ရွက်ခြင်းများအပါအ၀င် အဂတိလိုက်စားမှု တားဆီးကာကွယ်ရေးအတွက်ပါ ထည့်သွင်းရေးဆွဲထားကြောင်း၊ အဂတိလိုက်စားမှုတိုက်ဖျက်ရေး ဥပဒေမူဘောင်များကိုလည်း အားကောင်းလာစေရေးအတွက် ဥပဒေပြုအဖွဲ့အစည်းများသို့ တင်ပြဆောင်ရွက်သွားမည်ဖြစ်ကြောင်း ကော်မရှင်ဥက္ကဋ္ဌ ဦးအောင်ကြည်က ပြောကြားသည်။

ထို့အတူ မြန်မာနိုင်ငံအဂတိလိုက်စားမှု တိုက်ဖျက်ရေးကော်မရှင်အနေဖြင့် ကုလသမဂ္ဂဖွံ့ဖြိုးမှုအစီအစဉ် (UNDP) နှင့်လက်တွဲ၍ မြန်မာနိုင်ငံရှိ အဂတိလိုက်စားမှုတိုက်ဖျက်ရေး အခြေခံအဆောက်အအုံများအပေါ် လေ့လာဆန်းစစ်ခြင်း လုပ်ငန်းတစ်ရပ်ကိုလည်း ဆောင်ရွက်လျက်ရှိကြောင်း ကော်မရှင်က ထုတ်ပြန်ခဲ့သည်။

မြန်မာနိုင်ငံသည် United Nations Convention Against Corruption-UNCAC အဖွဲ့ဝင်နိုင်ငံဖြစ်ရန် ၂၀၀၅ ခုနှစ်တွင် လက်မှတ်ရေးထိုးခဲ့ပြီး ၂၀၁၂ ခုနှစ်တွင် အဖွဲ့ ၀င်နိုင်ငံအဖြစ် အတည်ပြုခဲ့သည်။

မြန်မာနိုင်ငံသည် ၂၀၁၀ ပြည့်နှစ်တွင် အဂတိလိုက်စားမှုအညွှန်းကိန်း၌ နိုင်ငံပေါင်း ၁၇၈ နိုင်ငံတွင် အဆင့် ၁၇၆၊ ၂၀၁၁ ခုနှစ်တွင် နိုင်ငံပေါင်း ၁၈၃ နိုင်ငံ၌ အဆင့် ၁၈၀၊ ၂၀၁၂ ခုနှစ်တွင် နိုင်ငံပေါင်း ၁၇၆ နိုင်ငံ၌ အဆင့် ၁၇၂၊ ၂၀၁၃ ခုနှစ်တွင် နိုင်ငံပေါင်း ၁၇၇ နိုင်ငံ၌ အဆင့် ၁၅၇၊ ၂၀၁၄ ခုနှစ်တွင် နိုင်ငံပေါင်း ၁၇၅ နိုင်ငံ၌ အဆင့် ၁၅၆၊ ၂၀၁၅ ခုနှစ်တွင် နိုင်ငံပေါင်း ၁၆၈ နိုင်ငံ၌ အဆင့် ၁၄၇ နှင့် ၂၀၁၆ ခုနှစ်တွင် နိုင်ငံပေါင်း ၁၇၆ နိုင်ငံ၌ အဆင့် ၁၃၆ ရှိကြောင်း သိရသည်။