နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် NLD ပါတီ ဥက္ကဋ္ဌဟောင်း ဦးအောင်ရွှေ၏ ဈာပနသို့ တက်ရောက်

ဓာတ်ပုံ – ကျော်ဇင်ဖြိုး

အမျိုးသားဒီမိုကရေစီအဖွဲ့ချုပ်ပါတီ ဥက္ကဋ္ဌဟောင်း ဦးအောင်ရွှေ၏ ဈာပနအခမ်းအနားကို ယနေ့ (ဩဂုတ် ၁၇ ရက်) နံနက် ၁၀ နာရီက ရေဝေးသုဿန်တွင် ပြုလုပ်ခဲ့သည်။

အဆိုပါ ဈာပနအခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကွယ်လွန်သူ NLD ပါတီ ဥက္ကဋ္ဌဟောင်း ဦးအောင်ရွှေအား ဂါရဝပြုခဲ့ပြီး အမှတ်တရစကား ပြောကြားခဲ့သည်။

ဦးအောင်ရွှေ၏ ရုပ်အလောင်းအား ၎င်းနေထိုင်ခဲ့သည့် ရန်ကင်းမြို့နယ် အမှတ် ၆ ရပ်ကွက်ရှိ နေအိမ်တွင်ထားရှိခဲ့ပြီး ယနေ့ နံနက်အစောပိုင်းက အဆိုပါနေအိမ်၌ သီတဂူဆရာတော် ဒေါက်တာအရှင်ဉာဏိဿရ အမှူးပြုသော သံဃာတော်များက သရဏဂုံတင် တရားနာအမျှဝေခဲ့ပြီးနောက် ရေဝေးသုဿန်သို့ သယ်ဆောင်ကာ ဈာပနအခမ်းအနားဖြင့် မီးသဂြိုလ်ခဲ့ခြင်း ဖြစ်သည်။

ဈာပနအခမ်းအနားသို့​ NLD ဗဟိုအလုပ်အမှုဆောင်အဖွဲ့ဝင်များ၊ ရန်ကုန်တိုင်းဒေသကြီးအစိုးရအဖွဲ့ တာဝန်ရှိသူများင့် လွှတ်တော်ကိုယ်စားလှယ်များ၊ ဒေသအသီးသီးမှ အမျိုးသားဒီမိုကရေစီအဖွဲ့ချုပ်ပါတီဝင်များ၊ နိုင်ငံရေးနယ်ပယ် အသီးသီးက ပုဂ္ဂိုလ်များ၊မိသားစုဝင်များ တက်ရောက်ခဲ့ကြပြီး လွမ်းသူပန်းခွေချခြင်းများ ဆောင်ရွက်ခဲ့ပြီး မြန်မာနိုင်ငံရှိ သံရုံးအသီးသီးကလည်း လွမ်းသူပန်းခွေများ ပေးပို့ခဲ့ကြသည်။

ဦးအောင်ရွှေသည် ဩဂုတ် ၁၃ ရက်က ရန်ကုန်မြို့ ဝိတိုရိယဆေးရုံးကြီးတွင် လူကြီးရောဂါဖြင့် ကွယ်လွန်ခဲ့ခြင်းဖြစ်ပြီး ကွယ်လွန်ချိန်တွင် အသက် ၁၀၁ နှစ်ရှိပြီ ဖြစ်သည်။

မူးယစ်ဆေးဝါး သုံးစွဲသူများအား လူမှုရေးအကျိုးပြုလုပ်ငန်းများ တစ်နေ့နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များအပါအ၀င် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေကိုပြင်ဆင်သည့်ဥပဒေကြမ်း အမျိုးသားလွှတ်တော်အတည်ပြု

သြဂုတ် ၁၄ ရက်က လွှတ်တော်အစည်းအဝေးအပြီး ပြန်လည်ထွက်ခွာလာသည့် အမျိုးသားလွှတ်တော်ကိုယ်စားလှယ်များအား တွေ့ရစဉ်

မူးယစ်ဆေးဝါးသုံးစွဲသူများအား လူမှုရေး အကျိုးပြုလုပ်ငန်းများအား တစ်နေ့ နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များ အပါအ၀င် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေကို ပြင်ဆင်သည့် ဥပဒေကြမ်းအား သြဂုတ် ၁၆ ရက်ကပြုလုပ်သည့် အမျိုးသားလွှတ်တော်တွင် အတည်ပြုခဲ့သည်။

ဥပဒေကြမ်း၏ အခန်း ၇ လူမှုအကျိုးပြု လုပ်ငန်းဆောင်ရွက်စေခြင်းအခန်းတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် လူမှုအကျိုးပြုလုပ်ငန်းများဖြစ်သည့် သစ်ပင် ပန်းမန်စိုက်ပျိုးခြင်း၊ သန့်ရှင်းရေးလုပ်ငန်းများ ဆောင်ရွက်ခြင်း၊ လမ်းတံတားများပြုပြင်ခြင်း၊ လူမှုရေးအဖွဲ့အစည်းများနှင့် ပူးပေါင်း၍ အကျိုးပြုလုပ်ငန်းများ ဆောင်ရွက်ခြင်း စသည့်လုပ်ငန်းများကို ကြီးကြပ်သူရှေ့မှောက်၌ နှိမ့်ချခြင်း၊ ခွဲခြားဆက်ဆံခြင်းသဘော မသက်ရောက်သည့် သတ်မှတ်ထားသော ၀တ်စုံကို ၀တ်ဆင်လျက် တစ်နေ့ နှစ်နာရီဖြင့် အနည်းဆုံး နာရီ ၂၄၀ မှ အများဆုံးနာရီ ၃၆၀ အထိ ကိုယ်တိုင်လုပ်အားဖြင့် အခမဲ့လုပ်ကိုင် ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့သည်။

အမျိုးသားလွှတ်တော် ဥပဒေကြမ်းကော်မတီဥက္ကဋ္ဌ ဦးဇော်မင်းက “ဒီမူးယစ်ဥပဒေကို ပြင်ဆင်တာကတော့ နိုင်ငံတကာမှာလည်း ဒီလိုပြစ်ဒဏ်တွေပေးတယ်။ အရင်က ဆေးပြား တစ်ပြားမိလည်း ဒီပြစ်ဒဏ်ပဲ။ အများကြီးမိလည်း ဒီပြစ်ဒဏ်ပဲဖြစ်နေတယ်။ ဒါကြောင့် ပြင်ဆင်ရခြင်းဖြစ်ပါတယ်။ ပြည်ထဲရေးဝန်ကြီးဌာနကလည်း ပြင်သင့်တဲ့အတွက် အဆိုတင်လာခြင်းဖြစ်ပါတယ်။ အခုလို ပြင်ဆင်တာကို သဘောမတူသူတွေလည်း ရှိပါတယ်။ ဆေးသုံးစွဲသူတွေ များလာမယ် စသဖြင့်ပေါ့။ ဥပဒေဆိုတာကတော့ တစ်ခါတည်းပြင်လို့ မပြီးပါဘူး။ အသုံးပြုနေရင်းနဲ့ လိုအပ်တာတွေ တွေ့လာရင်လည်း ပြင်ဆင်ရမှာပါ” ဟု ပြောကြားသည်။

ဥပဒေကြမ်း၏ အပိုဒ် ၂၁ တွင် မူးယစ်ဆေးဝါးနှင့်  စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၂၅ ပုဒ်မခွဲ (က)တွင် ပုဒ်မ ၁၅ အရ ဆေးဝါးသုံးစွဲသူများအား လူမှုအကျိုးပြုလုပ်ငန်း ဆောင်ရွက်စေခြင်းမှအပ ဤဥပဒေပါ ပြစ်မှုတစ်ခုခုကို ကျူးလွန်တတ်သူ သို့မဟုတ် ကျူးလွန်ကြောင်း ကျော်စောသတင်းရှိသူအား သုံးနှစ်ထက်မပိုသော ကာလအတွင်း ကောင်းမွန်စွာနေထိုင်စေရန် ခံဝန်ချုပ်ချုပ်ဆိုရမည်ဟု အမျိုးသားလွှတ်တော်က အတည်ပြုခဲ့သည်။

ဆေးဝါးသုံးစွဲသူများကို ပြန်လည်ထူထောင်ပေးရေးနှင့်စပ်လျဉ်းပြီး စီမံချက်များ ချမှတ်၍ စည်းရုံးလှုံ့ဆော်ခြင်း၊ နှစ်သိမ့်ဆွေးနွေး ပညာပေးခြင်း၊ သင့်လျော်သော ကူညီထောက်ပံ့မှုများပေးခြင်း၊ ကောင်းမွန်သော လူနေမှုဘ၀သို့ ပြန်လည်ရောက်ရှိစေရန် ရုပ် ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်ထူထောင်မှုပေးခြင်း၊ အသက်မွေးဝမ်းကျောင်း ပညာရပ်များ သင်ကြားပေးခြင်းဟု အမျိုးသားလွှတ်တော်က အတည်ပြုခဲ့သည်။

ရဲတပ်ဖွဲ့ဝင်သည် ဆေးဝါးသုံးစွဲကြောင်း စစ်ဆေးတွေ့ရှိပါက ဆေးကုသမှုခံယူနိုင်ရန် ကျန်းမာရေးနှင့် အားကစားဝန်ကြီးဌာနက သတ်မှတ်ထားသည့် ဌာန၊ ဂေဟာ သို့မဟုတ် အစိုးရက ဤကိစ္စအလို့ငှာ အသိအမှတ်ပြု ထားသည့် အနီးဆုံးဆေးကုဌာန၊ ဂေဟာသို့ ဆောလျင်စွာ ပို့အပ်ရမည်ဟု အတည်ပြုခဲ့သည်။

ဥပဒေကြမ်း၏ ပုဒ်မ ၉ (က) ဆေးဝါးသုံးစွဲသူသည် ကျန်းမာရေးနှင့်အားကစားဝန်ကြီးဌာနက သတ်မှတ်ထားသည့် ဌာန၊ ဂေဟာ သို့မဟုတ် ဤကိစ္စအလို့ငှာ အစိုးရအသိအမှတ်ပြု ဆေးကုသဌာန၊ ဂေဟာတွင် ဆေးကုသမှုခံယူ၍ မှတ်ပုံတင်ရမည်။ (ခ) မှတ်ပုံတင်ထားသော ဆေးဝါးသုံးစွဲသူအား ဆေးကုသပေးရေးနှင့် ဆေးကုသမှုပြီးဆုံးပါက သက်ဆိုင်ရာပြုစုပျိုးထောင်ရေးစခန်းသို့ လွှဲပြောင်းပေးပို့ရန်အတွက် ကျန်းမာရေးနှင့်အားကစားဝန်ကြီးဌာနသည် လိုအပ်သော အစီအစဉ်များ ချမှတ်ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့သည်။

အဆိုပါဥပဒေကြမ်းအား အမျိုးသားလွှတ်တော်တွင် အတည်ပြုပြီးဖြစ်သည့်အတွက် ပြည်သူ့လွှတ်တော်သို့ပေးပို့သွားမည်ဖြစ်ကြောင်း သိရသည်။

MCL ဘိလပ်မြေစက်ရုံ၌ တည်ဆောက်ထားသည့် ကျောက်မီးသွေးသုံး လျှပ်စစ်ဓာတ်အားပေး စက်ရုံမှာ ခွင့်ပြုချက်မရှိဘဲ တည်ဆောက်ထားသော ဓာတ်အားပေးစက်ရုံဖြစ်ဟုဆို

MCL ဘိလပ်မြေစက်ရုံတွင် ကျောက်မီးသွေး သုံးစွဲမှုအတွက် ဇူလိုင် ၂၁ ရက်က မော်လမြိုင်မြို့ပေါ်၌ ဆန္ဒထုတ်ဖော်နေစဉ်

မွန်ပြည်နယ် ကျိုက်မရောမြို့နယ် ပျားတောင်ဒေသအတွင်း တည်ဆောက်ထားသည့် MCL ဘိလပ်မြေစက်ရုံ၌ တည်ဆောက်ထားသည့် ကျောက်မီးသွေးသုံး လျှပ်စစ်ဓာတ်အားပေးစက်ရုံမှာ ခွင့်ပြုချက်မရှိဘဲ တည်ဆောက်ထားသော ဓာတ်အားပေးစက်ရုံ ဖြစ်ကြောင်း၊ မွန်ပြည်နယ်လွှတ်တော် ဘဏ္ဍာရေး၊ စီမံကိန်းနှင့် စီးပွားရေးဆိုင်ရာ ကိစ္စရပ်များ လေ့လာသုံးသပ်ရေး ကော်မတီဥက္ကဋ္ဌ ဦးအောင်ကျော်သူ၏ ပြောကြားချက်အရ သိရသည်။

“MCL ဘိလပ်မြေစက်ရုံမှာ လျှပ်စစ်ဓာတ်အား ထုတ်လုပ်နေတဲ့ ကျောက်မီးသွေးသုံး လျှပ်စစ်ဓာတ်အားပေး စက်ရုံ ၂၀ မဂ္ဂါဝပ် နှစ်လုံးနဲ့ ပတ်သက်ပြီးတော့ ကျွန်တော်တို့ မွန်ပြည်နယ်လွှတ်တော် ဘဏ္ဍာရေး၊ စီမံကိန်းနှင့် စီးပွားရေးဆိုင်ရာ ကိစ္စရပ်များ လေ့လာသုံးသပ်ရေး ကော်မတီကနေ ပြီးခဲ့တဲ့ ဇူလိုင် ၇ ရက်မှာ ပြည်ထောင်စု လျှပ်စစ်နှင့် စွမ်းအင်ဝန်ကြီးဌာနကို အချက်အလက်တွေ မေးမြန်းခဲ့ပါတယ်။ သြဂုတ် ၁၅ ရက်မှာ မွန်ပြည်နယ် လွှတ်တော်ကို ပြန်စာ ပြန်ဝင်လာပါတယ်။ ပြည်ထောင်စုလျှပ်စစ်နှင့် စွမ်းအင်ဝန်ကြီးဌာနက ပြန်စာမှာ ဒီလျှပ်စစ်ဓာတ်အား စက်ရုံ ၂၀ မဂ္ဂါဝပ် နှစ်ရုံက တည်ဆောက်ထားခြင်းနှင့် ပတ်သက်ပြီး ပြည်ထောင်စုအဆင့် ညှိနှိုင်းမှုတွေ ရှိခဲ့တယ်။ ဒါပေမဲ့ ပြည်ထောင်စုအဆင့်ကနေ ဒီလျှပ်စစ်ဓာတ်အားပေးစက်ရုံ တည်ဆောက်ခွင့် ရယူခဲ့ပြီး တည်ဆောက်ခဲ့ခြင်း မဟုတ်ကြောင်းကို ပြန်ပို့လာပါတယ်။ တစ်နည်းအားဖြင့် MCL ဘိလပ်မြေစက်ရုံမှာ တည်ဆောက်ထားတဲ့ ကျောက်မီးသွေးသုံး လျှပ်စစ်ဓာတ်အားပေး စက်ရုံက ခွင့်ပြုချက်မရှိဘဲ တည်ဆောက်ထားတာ ဖြစ်ပါတယ်” ဟု ဦးအောင်ကျော်သူက ပြောကြားသည်။

၎င်းကဆက်လက်ပြီး “ဒီကျောက်မီးသွေးသုံး လျှပ်စစ်ဓာတ်အားပေး စက်ရုံက ပြည်ထောင်စု လျှပ်စစ်နှင့် စွမ်းအင်ဝန်ကြီးဌာနက ပြန်ကြားစာအရတော့ တရားမ၀င်ဘူး။ ဘာကြောင့်လဲဆိုတော့ သူတို့ရဲ့  စက်ရုံတည်ဆောက်တဲ့ ကာလနဲ့ စမ်းသပ်လည်ပတ်တဲ့ ကာလက ကျော်လွန်သွားပြီ။ အခုအချိန်မှာက တရားဝင် ဈေးကွက်ထဲကို ဖြန့်ဖြူးနေတဲ့အချိန် ရောက်နေပြီ။ လက်ရှိမှာ မြန်မာပြည်အနှံ့မှာ MCL ကနေ သူ့ရဲ့ကုန်ပစ္စည်းကို Promotion တွေ လုပ်နေတာတွေ တွေ့ရတယ်။ ကြော်ငြာတွေလည်း တွေ့ရတယ်။ ဈေးကွက်ထဲမှာလည်း ကုန်ပစ္စည်းတွေ တွေ့နေရပါတယ်။ ဒါပေမဲ့ ကျောက်မီးသွေးသုံး လျှပ်စစ်ဓာတ်အားပေး စက်ရုံနဲ့ပတ်သက်ပြီး တရားဝင်ခွင့်ပြုမိန့် တစ်စုံတစ်ရာ ရယူထားခြင်း မရှိဘူးဆိုတာ ပြည်ထောင်စု ၀န်ကြီးဌာနက ပြန်ကြားစာမှာ ရှင်းရှင်းလင်းလင်း တွေ့ရပါတယ်” ဟု ပြောကြားသည်။

“ကျွန်တော်တို့ ကော်မတီအနေနဲ့ကတော့ ဒီ MCLဘိလပ်မြေစက်ရုံမှာ ဥပဒေနဲ့အညီ ဆောင်ရွက်ထားခြင်းမရှိတဲ့ ကျောက်မီးသွေးသုံး လျှပ်စစ်ဓာတ်အားပေး စက်ရုံနဲ့ ပတ်သက်ရင်တော့ သက်ဆိုင်ရာ အစိုးရအဖွဲ့တွေရဲ့ စီမံခန့်ခွဲမှု ဖြစ်နေပါတယ်။ အခုလို ဥပဒေနဲ့ အညီဆောင်ရွက်ထားခြင်း မရှိတဲ့ ကိစ္စနဲ့ ပတ်သက်ပြီး ပြည်ထောင်စု အစိုးရကိုရော၊ သက်ဆိုင်ရာ ပြည်နယ်အစိုးရအဖွဲ့ကိုပါ တိုက်တွန်းစာတွေ ပေးပို့သွားမှာ ဖြစ်ပါတယ်။ ပြည်ထောင်စုအဆင့် အကောင်အထည်ဖော်တဲ့ စီမံကိန်း အားလုံးနီးပါးမှာ ပြည်နယ်အစိုးရအဖွဲ့ရဲ့ သဘောထားမှတ်ချက်တွေ ပေးရတာ ဖြစ်ပါတယ်။ ဒီကို ကိစ္စမျိုးတွေ ပြည်နယ်အစိုးရအနေနဲ့ သိရှိမှသာ နောင်ဖြစ်လာမယ့် ပြဿနာတွေကို ကိုင်တွယ်ဖြေရှင်းလို့ရမှာ ဖြစ်ပါတယ်” ဟု ဦးအောင်ကျော်သူက ပြောကြားသည်။

“လက်ရှိ ကုမ္ပဏီဘက်က ဘယ်လိုပဲလုပ်ခဲ့လုပ်ခဲ့ ဥပဒေနဲ့အညီ လုပ်ဖို့ရယ်၊ အဓိက, ကတော့ ဒေသခံတွေအတွက် ဘယ်လောက်အကျိုးရှိမလဲ။ ဒေသမှာ ဘယ်လောက်ဖွံ့ဖြိုးမှု ဖြစ်သွားလဲပေါ့။ ဘာ့ကြောင့်လဲဆိုတော့ မြန်မာနိုင်ငံမှာ ရင်းနှီးမြှုပ်နှံမှုတွေ လာလုပ်ရင် ဒေသ ရဲ့ဖွံ့ဖြိုးမှု၊ လူနေမှု အဆင့်အတန်းတွေမြင့်အောင် ဘယ်လိုလုပ်ဆောင်ပေးမယ်လို့ ပြောကြပေမယ့် အမှန်တကယ် စီမံကိန်းတွေ အကောင်အထည် ဖော်ပြီးလို့ရှိရင် ဒေသခံတွေရဲ့ လူနေမှုဘ၀တွေက သိသာထင်ရှားစွာ မြင့်လာတယ်ဆိုတာ မတွေ့ရပါဘူး။ နောက်ပြီး ကျွန်တော်တို့ ပြည်နယ်အတွက် ရသင့်ရထိုက်တဲ့ အကျိုးအမြတ်တွေလည်း သူတို့ပြောသလောက် မရခဲ့ဘူး။ ဒါတွေက လက်တွေ့ဖြစ်နေတာတွေပါ။ အဲဒီအတွက်ကြောင့် ဒါတွေအားလုံးကို ပြန်လည်သုံးသပ်ပြီးတော့မှ ပြည်ထောင်စုအဆင့်က ဆောင်ရွက်ရမယ့် ကိစ္စတွေကို ပြည်ထောင်စုအဆင့်ကို အသိပေး အကြောင်းကြားတာမျိုး၊ ပြည်နယ်အဆင့်က ဆောင်ရွက်ရမယ့် ကိစ္စတွေကို ပြည်နယ်အစိုးရအဖွဲ့ကို အကြောင်းကြားတာမျိုးတွေ ကျွန်တော်တို့ တောက်လျှောက် လုပ်နေရမှာပါ။ လာမယ့်လွှတ်တော် အစည်းအဝေးမှာလည်း MCL ဘိလပ်မြေစက်ရုံမှာ ကျောက်မီးသွေးသုံး လျှပ်စစ်ဓာတ်အားပေးစက်ရုံ တည်ဆောက်ထားမှုနဲ့ ပတ်သက်ပြီး လိုအပ်သလို မေးခွန်းတွေ၊ အဆိုတွေ တင်သွင်းသွားဖို့ ရှိပါတယ်” ဟု ဦးအောင်ကျော်သူက ဆက်လက်ပြောကြားသည်။

မွန်ပြည်နယ်လွှတ်တော် ဒုတိယဥက္ကဋ္ဌ ဒေါက်တာအောင်နိုင်ဦးကလည်း “ပြည်နယ်ကိုလာပြီး ရင်းနှီးမြှုပ်နှံမှုတွေ အများကြီး ၀င်လာတာကို ကျွန်တော်တို့က ကြိုဆိုပါတယ်။ ကြိုဆိုဖို့လည်း လိုပါတယ်။ သို့သော် အဲဒီရင်းနှီးမြှုပ်နှံမှုတွေက တကယ်ပဲ ဥပဒေကြောင်းအရ အလုပ်လုပ်သလား။ တကယ့်ရည်ရွယ်ချက်အတိုင်း အလုပ်လုပ်ခဲ့သလားဆိုတာ ကျွန်တော်တို့ ပြန်ကြည့်ရမှာ ဖြစ်ပါတယ်။ MCL ကို ကြည့်မယ်ဆိုရင် ရင်းနှီးမြှုပ်နှံမှု အပိုင်းဆိုင်ရာက OK တယ်။ ဒါပေမဲ့ အလုပ်လုပ်ပုံ အဆင့်ဆင့်က တော်တော်လေးကို ပွင့်လင်းမြင်သာမှု အားနည်းခဲ့ပါတယ်။ မနှစ်ကတည်းက MCL ကိစ္စကို လွှတ်တော်မှာ အစီရင်ခံတာ တင်ကတည်းက အဲဒီအချိန်က လက်ရှိ ပြည်နယ်ဝန်ကြီးချုပ် ဒေါက်တာအေးဇံက လွှတ်တော်မှာ သယံဇာတနှင့် သဘာဝ ပတ်ဝန်းကျင် လေ့လာစောင့်ကြည့်ရေး ကော်မတီဥက္ကဋ္ဌအဖြစ် အစီရင်ခံစာ တင်တဲ့အခါမှာ ကျွန်တော် ထောက်ပြခဲ့တာ ရှိပါတယ်။ အခုအချိန်အထိကို MCL အနေနဲ့ ကျောက်မီးသွေးသုံး လျှပ်စစ်ဓာတ်အားပေး စက်ရုံတည်ဆောက်ဖို့ လျှပ်စစ်ဥပဒေအတိုင်း ခွင့်ပြုချက်ရယူခဲ့ခြင်း မရှိဘူး။ ခွင့်ပြုချက်ရယူခဲ့ခြင်း မရှိဘဲနဲ့  စက်ရုံကဘာဖြစ်လို့ လည်ပတ်နေတာလဲဆိုတာ မေးခွန်းထုတ်စရာ ဖြစ်ပါတယ်” ဟု ပြောကြားသည်။

၎င်းကဆက်လက်ပြီး “တစ်ခုတော့ရှိတယ်။ စမ်းသပ်လည်ပတ်တာတို့ ဘာတို့ဆိုရင်တော့ တစ်မျိုးပေါ့။ အခုအချိန်က စမ်းသပ်လည်ပတ်ချိန် လွန်ပြီးတော့ စီးပွားဖြစ် ကုန်ထုတ်လုပ်ငန်းအဖြစ် လုပ်ကိုင်နေပြီး ဖြစ်တဲ့အချိန် ဖြစ်နေပြီ။ တစ်ဖက်မှာလည်း လူထုက ကျောက်မီးသွေးသုံး လျှပ်စစ်ဓာတ်အားပေး စက်ရုံနဲ့ ပတ်သက်ပြီး ကန့်ကွက်မှုတွေ ရှိနေတယ်။ ဒီ ဘိလပ်မြေထုတ်လုပ်တဲ့ စက်ရုံတစ်ခုလုံးကို ကန့်ကွက်တာ မဟုတ်ဘူး။ ကျောက်မီးသွေးသုံး လျှပ်စစ်ဓာတ်အားပေး စက်ရုံကို လက်မခံတာ ဖြစ်ပါတယ်။ အဲဒီအခြေအနေမှာ မွန်ပြည်နယ် လွှတ်တော်ဘဏ္ဍာရေး၊ စီမံကိန်းနှင့် စီးပွားရေးဆိုင်ရာ ကိစ္စရပ်များ လေ့လာသုံးသပ်ရေး ကော်မတီကနေ ဒီစက်ရုံနဲ့ ပတ်သက်ပြီး အချက်အလက်တွေ ဂဃနဏ သိဖို့အတွက်ကို သက်ဆိုင်ရာ ပြည်ထောင်စု ၀န်ကြီးဌာနကို မေးမြန်းသင့်တယ်ဆိုပြီး စာပေးပို့ခဲ့တယ်။ ပြည်ထောင်စုလျှပ်စစ်နှင့် စွမ်းအင်ဝန်ကြီးဌာနကနေ ပြီးတော့လည်း ဒီလျှပ်စစ်ဓာတ်အားပေး စက်ရုံနဲ့ ပတ်သက်ပြီး သူတို့ထံကို MCL က လာရောက် ညှိနှိုင်းခဲ့တယ်။ သို့သော် ဥပဒေကြောင်းအရ တရားဝင် ခွင့်ပြုချက်ရယူခဲ့ခြင်းမျိုး မရှိခဲ့ဘူးဆိုတာ အကြောင်းပြန်ကြားစာထဲမှာ တွေ့ ရပါတယ်” ဟု ပြောကြားသည်။

မော်လမြိုင် ဘိလပ်မြေစက်ရုံ (MCL – Mawlamyine Cement Limited) သည် MCL ၏ ခွင့်ပြုချက် (၅၇၄/၂၀၁၃) အရ၊ Pacific Link Cement Industries Ltd နှင့် Saim Cement Group (SCG) တို့က အမေရိကန်ဒေါ်လာ သန်း ၄၀၀ ရင်းနှီးမြှုပ်နှံ၍ ၂၀၁၄ ခုနှစ်တွင် ကျိုက်မရောမြို့ နယ်၌  စတင်တည်ဆောက်ခဲ့ပြီး ၂၀၁၇ ခုနှစ် ဧပြီမှ စတင်၍ စီးပွားဖြစ် တစ်နေ့တန်ငါးထောင် ထုတ်လုပ်ခဲ့ကြောင်း၊ စက်ရုံ၏ လျှပ်စစ်ဓာတ်အား လိုအပ်ချက်ကို ကျောက်မီးသွေးမှ ထုတ်ယူသုံးစွဲနေမှုအား ဒေသခံရွာသားများ သိရှိရသည့် အချိန်မှစ၍ လက်မှတ်ရေးထိုး ကန့်ကွက်ခြင်း၊ NO COAL စတစ်ကာကမ်ပိန်းလုပ်ခြင်း၊ ဆိုင်းဘုတ်ထောင်ခြင်း၊ ကျိုက်မရော ဘုရားကြီးတွင် ဆုတောင်းခြင်း၊ ကျိုက်မရောရှိ ဘိလပ်မြေစက်ရုံအနီး ကျေးရွာလူထု ၂၀၀၀ ခန့်ဖြင့် ကန့်ကွက်ဆန္ဒ ဖော်ထုတ်ခြင်းကို ဖေဖော်ဝါရီ ၁၈ ရက်တွင် ပြုလုပ်ခဲ့ သော်လည်း အစိုးရအဖွဲ့၏ လျစ်လျူရှုမှုကို ခံရသည်ဆိုကာ ငါးလခန့်အကြာတွင် ဇူလိုင် ၂၁ ရက်က မော်လမြိုင်မြို့ ပေါ်တွင် အင်အား ၁၀၀၀ ကျော်ဖြင့် ဒုတိယအကြိမ် ဆက်လက် ဆန္ဒထုတ်ဖော် ခဲ့ကြကြောင်း သိရသည်။

အရှေ့ပိုင်းခရိုင် အထွေထွေအုပ်ချုပ်ရေးမှူးရုံးတွင် ဓာတ်လှေကားချို့ယွင်းပြီး လူကိုးဦးပိတ်မိ

ဓာတ်လှေကားချို့ယွင်း၍ ပိတ်မိနေသူများအား မီးသတ်တပ်ဖွဲ့ဝင်များက ကယ်တင်ရန်ဆောင်ရွက်နေစဉ် (ဓာတ်ပုံ-မြန်မာနိုင်ငံမီးသတ်တပ်ဖွဲ့)

တောင်ဥက္ကလာပမြို့နယ်၊ (၄) ရပ်ကွက်၊ ပတ္တမြားဈေး အနောက်ဘက်ရှိ အရှေ့ပိုင်းခရိုင် အထွေထွေအုပ်ချုပ်ရေးမှူးရုံး၌ သြဂုတ် ၁၆ ရက်နံနက်က ဓာတ်လှေကားချို့ယွင်းပြီး ကိုးဦးပိတ်မိခဲ့သဖြင့် မီးသတ်တပ်ဖွဲ့မှ သွားရောက် ကယ်ဆယ်ခဲ့ရကြောင်း အရှေ့ပိုင်း ခရိုင်မီးသတ်တပ်ဖွဲ့မှ သိရသည်။ သြဂုတ် ၁၆ ရက် နံနက် ၁၀ နာရီ ၄၀ မိနစ်ခန့်က ဖြစ်ပွားခဲ့ပြီး ၁၅ မိနစ်ခန့်အကြာတွင် ပိတ်မိနေသူများကို ကယ်ဆယ်နိုင်ခဲ့ကြောင်း သိရသည်။

အရှေ့ပိုင်းခရိုင် အထွေထွေအုပ်ချုပ်ရေးမှူးရုံး ဓာတ်လှေခါးကို အမျိုးသားကိုးဦး စီးနင်းအသုံးပြုရာ ဒုတိယထပ်နှင့် တတိယထပ်ကြား၌ ဓာတ်လှေကား စက်ချို့ယွင်းပြီး ပထမထပ်တွင် ပိတ်မိနေခဲ့ခြင်းဖြစ်ကြောင်း မီးသတ်တပ်ဖွဲ့မှ တာဝန်ရှိသူတစ်ဦးက ပြောကြားသည်။

“အရှေ့ပိုင်းခရိုင် အထွေထွေ အုပ်ချုပ်ရေးမှူးရုံးမှာ အမျိုးသားကိုးယောက် ဓာတ်လှေခါးကို အသုံးပြုပြီး တက်လာတယ်။ ဒုတိယထပ်နဲ့ တတိယထပ်ကြားထဲမှာ ဓာတ်လှေကားက အလုပ်မလုပ်တော့ဘူး။ Shutdown လုပ်ပြီးတော့ Manual နဲ့ အလုပ်လုပ်ဖို့ ကြိုးစားသေးတယ်။ Manual နဲ့ အလုပ်လုပ်ဖို့ တပ်ဆင်ထားတဲ့ Function တွေက လွဲမှားနေတယ်။ Function တွေ လွဲမှားနေတဲ့အတွက် တာမွေ မီးသတ်တပ်ဖွဲ့ကိုခေါ်ရတယ်။ အဲဒီမှာပါတဲ့ အသက်ကယ်ကိရိယာတွေနဲ့ ကယ်ခဲ့ရတယ်”ဟု ၎င်းက ပြောကြားသည်။

ဓာတ်လှေကားစက်ချို့ယွင်းပြီး လူကိုးဦး ပိတ်မိခဲ့သော်လည်း ထိခိုက်ဒဏ်ရာရရှိသူ မရှိကြောင်းသိရပြီး ဓာတ်လှေကားတွင် လွဲမှားနေသည့် Function များကို ပြုပြင်ရန် ဓာတ်လှေကားတပ်ဆင်သည့် ကုမ္ပဏီကို အကြောင်းကြားထားကြောင်း သိရသည်။

ယင်းဖြစ်စဉ်နှင့် ပတ်သက်ပြီးအရှေ့ပိုင်းခရိုင် အထွေထွေအုပ်ချုပ်ရေးမှူးရုံးသို့ သွား ရောက်မေးမြန်းခဲ့သော်လည်း ခရိုင်အုပ်ချုပ်ရေးမှူး အစည်းအဝေးတက်နေသောကြောင့် ဖြေကြားပေးနိုင်ခြင်းမရှိကြောင်း ဒုတိယခရိုင် အုပ်ချုပ်ရေးမှူးက ပြောကြားသည်။