ယခုနှစ်မန္တလေးသင်္ကြန်ပွဲတော်တွင် လမ်းလျှောက်သင်္ကြန်သာမက အညာကျေးလက်ရသကို ညပိုင်းအချိန်တွင် ခံစားနိုင်ရန် ‘တောသင်္ကြန်’ အား ကျုံးအရှေ့ဘက်တွင် တိုးချဲ့ကျင်းပမည် ယမန်နှစ် မန္တလေးသင်္ကြန်တွင် လည်ပတ်သူများဖြင့် စည်ကားနေစဉ်

ယမန်နှစ် မန္တလေးသင်္ကြန်တွင် လည်ပတ်သူများဖြင့် စည်ကားနေစဉ်

ယခုနှစ် မန္တလေးသင်္ကြန်ပွဲတော်တွင် လမ်းလျှောက်သင်္ကြန်သာမက အညာကျေးလက် ရသအသွင်ပုံဖော်မည့် တောသင်္ကြန်ညဈေးကိုပါ ကျုံးအရှေ့ဘက် ( ၆၆ လမ်း၊ ၁၉ လမ်းနှင့် ၂၄ လမ်းကြား) တွင် တိုးချဲ့ကျင်းပမည်ဖြစ်ကြောင်း စည်ပင်သာယာရေးကော်မတီမှ သတင်းရရှိသည်။

နိုင်ငံခြားသား ဧည့်သည်များအတွက်ပါ ရည်ရွယ်ပြီး အကောင်အထည်ဖော်မည့် အဆိုပါ တောသင်္ကြန်သည် ကျေးလက်ဘုရားပွဲ ဈေးကဲ့သို့ မြန်မာ့ရိုးရာမုန့်များကို ရောင်းချမည်ဖြစ်ကာ ရှေးဟောင်း ရုပ်ရှင်များကို ပိတ်ကား ထောင်ပြသသွားမည်ဟု သိရသည်။

စည်ပင်သာယာရေး ကော်မတီဝင် ဦးကျော်ဆန်းမြင့်က “အညာကျေးလက်က ဘုရားပွဲဈေးအရသာလေးကို နိုင်ငံခြားသားတွေ ခံစားစေချင်သလို ပြည်တွင်းက သူတွေအတွက်လည်း သင်္ကြန်ကညဆိုရင် လည်စရာမရှိတော့ဘူး။ ဒါကြောင့် ခုလို တောသင်္ကြန် ညဈေးလေး အကောင်အထည်ဖော်ခြင်း ဖြစ်ပါတယ်။ နောက်ပြီး ရှေးဟောင်း ရုပ်ရှင်တွေကို ပိတ်ကားထောင်နဲ့ ပြသသွားမှာပါ။ ရုပ်သေးကပြမှုတွေအပြင် အခြားဖျော်ဖြေရေးတွေကိုပါ ထည့်သွင်းကျင်းပသွားဖို့ စီစဉ်ဆောင်ရွက်နေပါတယ်။ ည ၇ နာရီက စတင် ဖျော်ဖြေရေး အစီအစဉ်တွေ စတင်ကျင်းပမှာပါ”ဟု ရှင်းပြခဲ့သည်။

ရုပ်ရှင်ပိတ်ကားထောင်ဖြင့် ပြသရန်အတွက် ရီမြင့်ရုပ်ရှင်ထုတ်လုပ်ရေးမှ တာဝန်ယူထားသလို တောသင်္ကြန်ညဈေးတွင် ရောင်းချမည့် အစားအသောက်များ သန့်ရှင်းစေရန်၊ ကျန်းမာရေးနှင့် ကိုက်ညီစေရန်အတွက် စားသောက်ဆိုင်လုပ်ငန်းရှင်များအသင်းကို အကူအညီ တောင်းခံမည်ဟု သိရသည်။

အဆိုပါတောသင်္ကြန် ညဈေးကျင်းပမည့် ၆၆ လမ်း၊ ၁၉ လမ်းနှင့်၂၄ လမ်းကြားကို မဏ္ဍပ်တည်ဆောက်ခွင့်ပြုတော့မည် မဟုတ်ဘဲ ၁၉ လမ်းမြောက်ဘက်မှသာ မဏ္ဍပ်များ တည်ဆောက်ခွင့်ပြုမည်ဟု သိရသည်။

ပြီးခဲ့သည့် ၂၀၁၇ ခုနှစ် သင်္ကြန်တွင် လမ်းလျှောက်သင်္ကြန်အဖြစ် တောင်ဘက်ကျုံး (၂၆ ဘီလမ်း) ပေါ်တွင် ဖျော်ဖြေရေး မပါဝင်သည့် ရေပက်မဏ္ဍပ်ငယ်  ၃၂ ခု၊ တိုင်းရင်းသား ရိုးရာအကများ၊ စတုဒိသာကျွေးမွေးသည့် မဏ္ဍပ်ငယ်များ စသည်တို့ဖြင့် ကျင်းပခဲ့ရာ မန္တလေးကျုံးဘေး လမ်းလျှောက်သင်္ကြန်သည် အောင်မြင်စည်ကားခဲ့ပြီး ပြည်တွင်းပြည်ပ ဧည့်သည်အများအပြား လာရောက်ဆင်နွှဲခဲ့ကြသည်။

ထို့ကြောင့် ယခုနှစ်တွင်လည်း တောင်ဘက်ကျုံးလမ်းလျှောက်သင်္ကြန်ကို ယခင်နှစ် အတိုင်း မပျက်ကျင်းပမည်ဖြစ်ကာ အရှေ့ကျုံး (၆၆ လမ်း၊ ၁၉ လမ်းနှင့်၂၄ လမ်းကြား)တွင် တောသင်္ကြန်ကို ထပ်တိုးကျင်းပမည်ဖြစ်သည်။

၂၀၁၇ ခုနှစ်သင်္ကြန်မှ စတင်ကာ မန္တလေးကျုံးဘေးတစ်လျှောက် ဖျော်ဖြေရေးမဏ္ဍပ်များ တည်ဆောက်ခွင့်ကို သိသိသာသာ လျှော့ချခဲ့ပြီး လူတန်းစားမရွေး အလွှာပေါင်းစုံ ပါဝင်ဆင်နွှဲနိုင်ရန် ရည်ရွယ်ကာ တောင်ဘက်ကျုံး(၂၆ ဘီလမ်း) တွင် လမ်းလျှောက် သင်္ကြန်ကို စတင် အကောင်ထည်ဖော်ခဲ့ခြင်း ဖြစ်သည်။

 

မိတ္တီလာမြို့နယ် ကန်တောင်ကျေးရွာအနီးတွင် ဆေးလိပ်မီး စွန့်ပစ်ရာမှ မီးလောင်ကျွမ်းမှု့ဖြစ်ပွားခဲ့ပြီး ကြက်ခြံများ မီးလောင်ပျက်ဆီး ဆုံးရှုံး

ဓာတ်ပုံ – ၀ဏ္ဏ(မိတ္တီလာ)

မိတ္တီလာမြို့နယ် ကန်တောင်ကျေးရွာအနီးတွင် စည်းကမ်းမဲ့ ဆေးလိပ်မီးစွန့်ပစ်ရာမှ မီးလောင်ကျွမ်းမှု့ဖြစ်ပွားခဲပြီး ကြက်ခြံခြောက်ခြံနှင့် ခြံစောင့်တဲသုံးလုံး မီးလောင်ပျက်ဆီးဆုံးရှုံးခဲ့ရကြောင်း မိတ္တီလာခရိုင် မီးသတ်ဦးစီးဌာနမှ သိရှိရသည်။

ဖေဖော်ဝါရီလ (၁၈) ရက်နေ့ မွန်းလွဲပိုင်းက မိတ္တီလာမြို့နယ် ကန်တောင်ကျေးရွာအနီး ကွင်းအမှတ် (၁၀၆၇) အနီးတွင် လမ်းသွားလမ်းလာများ ဆေးလိပ်မီးစွန့်ပစ်ရာမှ မြက်ခြောက်များကို လောင်ကျွမ်းပြီး ခြံစည်းရိုး ဆက်စပ်လျက်ရှိသော ကိုဇော်လေး အသက်(၃၄)နှစ် ပိုင်ဆိုင်သော ၀ါးကပ်မိုး၊၀ါးကပ်ကာ၊ ၀ါးကြမ်းခင်းတစ်ထပ် ကြက်ခြံအဟောင်းများသို့ မီးကူးစက်လောင်ကျွမ်းခဲ့ရာ မိတ္တီလာခရိုင် မီးသတ်ဦးစီးဌာနမှတာဝန်ရှိသူများ သွားရောက်မီးငြိမ်းသတ်ခဲ့ရကြောင်း သိရှိရပြီး အဆိုပါ မီးလောင်ကျွမ်းမှု့ကြောင့် ပေ(၅၀) ပေ(၂၀) ကြက်ခြံဟောင်း ခြောက်ခြံနှင့် ကြက်ခြံစောင့်တဲသုံးလုံး မီးလောင်ပျက်ဆီး ဆုံးရှုံးခဲ့ရကြောင်း သိရှိရသည်။

‘လမ်းသွားလမ်းလာ တစ်ယောက်ယောက်က ဆေးလိပ်မီးစွန့်လိုက်တာကနေစပြီး မြက်ခြောက်တွေ မီးရှို့လိုက်သလိုဖြစ်သွားတယ်၊ အဲ့ဒီ မြက်ခြောက်တွေ မီးကနေပြီးတော့ အတွင်းထဲမှာရှိတဲ့ မြက်တွေကနေ တစ်ဆင့် ကြက်ခြံတွေ မီးလောင်သွားတယ်၊ ကြက်ခြံထဲက ခြုံတွေနဲ့ အပြင်က မြက်ခြောက်လောင်တဲ့ ခြုံက ဆက်စပ်နေတယ်၊ကြက်ခြံတွေနဲ့ လူနေတဲ စုစုပေါင်းကိုးလုံးမီးလောင်သွားတယ်၊ကြက်ခြံနဲ့ န၀ရတ် ဆီဆိုင်က စည်းရိုးလေးပဲ ခြားတယ်၊ကျွန်တော်တို့ကစက်သုံးဆီ ဆိုင်မကူးအောင် တောင်ခံပြီး ငြိမ်းသတ်ခဲ့ရတယ်၊ဒီမီးလောင်ကျွမ်းမှု့ကို မြို့နယ်စခန်း၊နယ်မြေစခန်း မီးသတ်ယာဉ်ခြောက်စီး၊ ရေသယ်ယာဉ် လေးစီး၊ အုပ်ချုပ်ယာဉ်တစ်စီး စုစုပေါင်း (၁၁)စီး သွားမီးငြိမ်းသတ်ခဲ့ရတယ်၊ သန္ဓေတပ်ဖွဲ့ဝင် ကျွန်တော်အပါအ၀င် (၄၃)ဦး သွားငြိမ်းသတ်ခဲ့ရတယ်၊ (၂၀၁၈ )ခုနှစ်ထဲမှာ ပထမဆုံး မီးမဟုတ်ပေမယ့် ဒီမီးက ဆုံးရှုံးမှု့ အများဆုံးပဲ၊ ကျန်တာတွေက ငွေကျပ်တစ်ထောင်ဖိုး နှစ်ထောင်ဖိုးပဲရှိတယ်၊ ဒါက မိတ္တီလာမြို့နယ်ထဲမှာ (၂၁၀၈)ခုနှစ်အတွင်း လေးကြိမ်မြောက် မီးလောင်ဆုံးရှုံးမှု့ပါ’ ဟု မိတ္တီလာခရိုင်မီးသတ်ဦးစီမှုး လက်ထောက်ညွှန်ကြားရေးမှုး ဦးကျော်ဆန်းမှ ပြောကြားသည်။ အဆိုပါ မီးလောင်ကျွမ်းမှု့အား မိတ္တီလာမြို့မရဲစခန်းမှ (ပ)၇၇ / ၂၀၁၈ ပုဒ်မ (၂၈၅)ဖြင့် အမှု့ဖွင့် စစ်ဆေးဆောင်ရွက်လျက်ရှိကြောင်း သိရှိရသည်။

ရှမ်းပြည်နယ်(မြောက်ပိုင်း) ကွတ်ခိုင်မြို့နယ်အတွင်း ငွေကျပ်သိန်းပေါင်း ၉၉၆၀၀ ကျော် တန်ဖိုးရှိ မူးယစ်ဆေးဝါးများနှင့် ဆက်စပ်ပစ္စည်းများ ဖော်ထုတ်သိမ်းဆည်းရမိ

ကွတ်ခိုင်မြို့နယ် လွယ်ခန်ကျေးရွာအနီးဝန်းကျင်မှ ဖမ်းဆီးရမိခဲ့သည့် မူးယစ်ဆေးဝါး ချက်လုပ်ရာတွင် အသုံးပြုသောပစ္စည်းများအား တွေ့ရစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

ကွတ်ခိုင်မြို့နယ်အတွင်း ငွေကျပ်သိန်းပေါင်း ၉၉၆၀၀ ကျော် တန်ဖိုးရှိ မူးယစ်ဆေးဝါးများနှင့် ဆက်စပ်ပစ္စည်းများ ဖော်ထုတ်သိမ်းဆည်းရမိကြောင်း ဖေဖော်ဝါရီ ၁၈ ရက်က တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

ရှမ်းပြည်နယ် (မြောက်ပိုင်း) ကွတ်ခိုင်မြို့နယ်၊ လွယ်ခန်ကျေးရွာအနီးပတ် ၀န်းကျင်တစ်ဝိုက်၌ မူးယစ်ဆေးဝါးများ ထုတ်လုပ်နေမှုရှိကြောင်း ဆက်စပ်သတင်းများ ဖော်ထုတ်ချက်အရ တပ်မတော်စစ်ကြောင်းများနှင့် ကွတ်ခိုင်မြို့နယ်မှ ဌာနဆိုင်ရာတာဝန်ရှိသူများ ပါဝင်သော ပူးပေါင်းအဖွဲ့ဖြင့် ဖေဖော်ဝါရီ ၁၅ ရက်မှစတင်၍ နယ်မြေဖြန့်ခွဲ ရှင်းလင်းခဲ့ကြောင်း သိရသည်။

ထိုသို့ ဖြန့်ခွဲရှင်းလင်းခဲ့ရာ ဖေဖော်ဝါရီ ၁၅ ရက်မှ ၁၇ ရက်အထိ လွယ်ခန်ကျေးရွာ၏ အရှေ့မြောက်ဘက် မီတာ ၂၀၀၀ ခန့်အကွာရှိနေရာ လေးနေရာမှ မူးယစ်ဆေးဝါးချက်လုပ် သည့် ယာယီအဆောက်အအုံ ၃၄ လုံး၊ မီးစက်ကြီး ၁၂ လုံး၊ FREEZER ၂၂ လုံး၊ အက်စစ်ပီပါ အလုံး ၂၁၀၊ ဒီဇယ်ပီပါ ၁၆၅ လုံး၊ ဓာတ်ဆီပီပါအလုံး ၆၀၊ ပေါင်းအိုး ၃၂ လုံး၊ အက်စစ်ပုလင်း ၂၀၀၊ နှစ်လီတာဆံ့အက်စစ်ဘူး ၆၀၀၊ ကော့စတစ်ဆိုဒါအိတ် ၇၅၀၊ ဟိုက်ဒရိုဂျင်ပါအောက်ဆိုဒ်ပုံး ၁၅၀၊ စိတ်ကြွရူးသွပ် ဆေးပြား ၄၈၇၁၀၀၊ စိတ်ကြွရူးသွပ်ဆေးမှုန့် ၁၃ ကီလိုဂရမ်၊ ဘိန်းညို ၄၃ ကီလိုဂရမ်၊ ကဖင်း ၁၀၀၃၀ ကီလိုဂရမ်၊ အဖက်ဒရင်း/ဆူဒိုအဖက်ဒရင်း ၁၃၇၅ ကီလိုဂရမ် ICE ၂၅၉ ကီလိုဂရမ်၊ ဘိန်းဖြူ ၁၂၀ ကီလိုဂရမ်နှင့် ဆက်စပ်ပစ္စည်း ၂၃ မျိုး (ခန့်မှန်းတန်ဖိုးငွေကျပ်သိန်းပေါင်း ၉၉၆၀၀ ကျော်) တို့အား ရှာဖွေဖော်ထုတ် သိမ်းဆည်းရမိခဲ့ကြောင်း သိရသည်။

ယခင်က မူးယစ်ဆေးဝါး ဖမ်းဆီးရမိသည့်ဖြစ်စဉ်များမှ ဆက်စပ်တရားခံများအား စစ်ဆေးမေးမြန်းချက်များအပေါ် စုစည်းသုံးသပ်၍ ယခုကဲ့သို့ ကွတ်ခိုင်မြို့နယ်၊ လွယ်ခန်ကျေးရွာအနီး ပတ်ဝန်းကျင်တစ်ဝိုက်မှ မူးယစ်ဆေးဝါးများ ချက်လုပ်ဖွယ်ရှိသည့် ဖြစ်နိုင်ခြေနေရာများကို တပ်မတော်စစ်ကြောင်းများနှင့် ဌာနဆိုင်ရာတာဝန်ရှိသူများ ပါဝင်သော ပူးပေါင်းအဖွဲ့က ရှာဖွေဖော်ထုတ်ရာမှ သိမ်းဆည်းရမိခဲ့ခြင်းဖြစ်ကြောင်း သိရသည်။

အဆိုပါ နေရာနှင့် အနီးပတ်ဝန်းကျင် တစ်ဝိုက်အား ပူးပေါင်းအဖွဲ့များက ဆက်လက်ရှာဖွေ ရှင်းလင်းလျက်ရှိပြီး သိမ်းဆည်းရမိသော မူးယစ်ဆေးဝါးများနှင့် ဆက်စပ်ပစ္စည်းများအား ကွတ်ခိုင်မြို့ရှိ မူးယစ်တပ်ဖွဲ့သို့ စနစ်တကျ လွှဲပြောင်းအပ်နှံသွားမည် ဖြစ်ကြောင်း သိရသည်။

ရန်ကုန်-မန္တလေး အမြန်လမ်းတွင် ယာဉ်နှစ်စီးတိုက်မိရာမှ ကျန်းမာရေးကြီးကြပ်ဝန်ထမ်း အမျိုးသမီးတစ်ဦး သေဆုံးကာ ၁၄ ဦး ဒဏ်ရာရ

ယာဉ်တိုက်မှုဖြစ်ပွားပြီးနောက် တာဝန်ရှိသူများ လာရောက်စစ်ဆေးနေသည်ကို တွေ့ရစဉ်

ရန်ကုန်-မန္တလေး အမြန်လမ်းမကြီး ၂၈၉ မိုင်အနီးတွင် ဖေဖော်ဝါရီ ၁၈ ရက် ညနေပိုင်းက ရှေ့မှမောင်းနှင်နေသောယာဉ်အား နောက်မှမောင်းနှင်လာသော ယာဉ်က ၀င်တိုက်မိပြီး ရှေ့ယာဉ်ပေါ်ပါခရီးသည်များအနက် ဘုတလင်မြို့နယ် ကျန်းမာရေးကြီးကြပ် (၂) ၀န်ထမ်းအမျိုးသမီးတစ်ဦး သေဆုံးကာ ၁၄ ဦး ထိခိုက်ဒဏ်ရာရရှိခဲ့ကြောင်း သီးကုန်းအမြန်လမ်းရဲစခန်းမှ သိရသည်။

“ဖြစ်စဉ်က ရှေ့ကကားကိုနောက်ကကားက ၀င်တိုက်တယ်။ ဒဏ်ရာ ၁၄ ဦးရတယ်။ တစ်ဦးသေဆုံးတယ်။ တချို့က ဆေးရုံတက်ရတယ်။ တချို့က ပြန်ဆင်းတဲ့သူရှိတယ်။ အရေအတွက်တော့ အတိအကျ မသိရသေးဘူး။ တချို့က ဒါရိုက်ပြန်သွားတဲ့လူတွေ ရှိတယ်ဗျ” ဟု သီးကုန်းအမြန်လမ်းမကြီးရဲစခန်းမှ တာဝန်ရှိသူတစ်ဦးက ပြောကြားသည်။

ဖြစ်စဉ်မှာ ဖေဖော်ဝါရီ ၁၈ ရက် မွန်းလွဲ ၂ နာရီခွဲခန့်က မိတ္ထီလာမြို့နယ် သီးကုန်းအမြန်လမ်းမကြီး ရဲစခန်းအပိုင် အမြန်လမ်းမကြီးပေါ်တွင် မန္တလေးဘက်မှ နေပြည်တော်ဘက်သို့ ယာဉ်မောင်းမျိုးမြင့်ဦး ၂၂ နှစ် (ဘ) ဦးလီဖိုးစိန်၊ မဟာစိန်လမ်း၊ လှိုင်မြို့နယ်နေသူတစ်ဦးတည်း မောင်းနှင်လာသော ယာဉ်အမှတ် 2H/—— MITSUBISHI RVR မီးခိုးရောင် မော်တော်ယာဉ်မှာ အမြန်လမ်းမိုင်တိုင်အမှတ် ၂၈၉ မိုင် ခုနစ်ဖာလုံနှင့် ရှစ်ဖာလုံအကြားသို့အရောက် အရှိန်မထိန်းနိုင်ဘဲ ရှေ့မှယာဉ်မောင်း ဦးဝင်းနိုင် ၄၁ နှစ်၊ ကုန်စည်ဒိုင်လမ်း၊ တောင်ရပ်ကွက်၊ မုံရွာမြို့နေသူ မောင်းနှင်လာသော ယာဉ်အမှတ် 8J/—— နယူးငွေစန္ဒာ HIACE MICROBUS အဖြူရောင်မော်တော်ယာဉ်၏နောက်ပိုင်းအား ၀င်ရောက်တိုက်မိခဲ့ခြင်းဖြစ်သည်။ ယာဉ်တိုက်မှုဖြစ်ပွားပြီးနောက် MITSUBISHI RVR ယာဉ်မှာ လမ်းမ၌ ရပ်တန့်နေခဲ့ပြီး နယူးငွေစန္ဒာ HIACE MICROBUS ယာဉ်မှာ လမ်းလယ်ကျွန်းပေါ်သို့ ကျော်လွန်ရောက်ရှိကာ တိမ်းမှောက်သွားခဲ့ကြောင်း သိရသည်။

နောက်မှဝင်တိုက်သော MITSUBISHI RVR ယာဉ်မောင်းမှာ ထိခိုက်ဒဏ်ရာရရှိခြင်း မရှိသော်လည်း အတိုက်ခံရသော နယူးငွေစန္ဒာ HIACE MICROBUS ယာဉ်မှ ယာဉ်မောင်းပါ ကျားခုနစ်ဦး မ ၁၀ ဦး၊ စုစုပေါင်း ၁၇ ဦးအနက်ကျားငါးဦး၊ မကိုးဦး၊ စုစုပေါင်း ၁၄ ဦးတို့တွင် ထိခိုက်ဒဏ်ရာ အသီးသီး ရရှိသွားခဲ့ပြီး မမြသက်ဝေလင်း ၂၃ နှစ် (ဘ) ဦးတင်အောင်ကျော်၊ ကျန်းမာရေးကြီးကြပ်(၂)၊ ပြည်သူ့ဆေးရုံဝင်း၊ ဘုတလင်မြို့နယ်နေသူတွင် ဒဏ်ရာများရရှိကာ အခင်းဖြစ်နေရာတွင် သေဆုံးသွားခဲ့ကြောင်း သိရသည်။

အဆိုပါ ယာဉ်မတော်တဆမှုဖြစ်စဉ်နှင့် ပတ်သက်ပြီး ယာဉ်အားမဆင်မခြင်ပေါ့ဆစွာ မောင်းနှင်သူ MITSUBISHI RVR ယာဉ်မောင်းမျိုးမြင့်ဦးအပေါ် ဥပဒေအရ အရေးယူပေးရန် ဒုရဲအုပ်မြင့်ကျော်က တရားလိုလုပ် အမှုဖွင့် တိုင်တန်းခဲ့သောကြောင့် သီးကုန်းအမြန်လမ်းမကြီး ရဲစခန်းမှ ယာဉ်(ပ)၇/၂၀၁၈၊ ပြစ်မှုပုဒ်မ ၃၀၄-က/၃၃၇/၃၃၈ အရ အမှုဖွင့် အရေးယူထားကြောင်း သိရသည်။

ထိုင်းနိုင်ငံသို့ ချစ်ကြည်ရေးခရီး သွားရောက်ခဲ့သည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် မြန်မာနိုင်ငံသို့ ပြန်လည်ရောက်ရှိ

ထိုင်းဘုရင့်တပ်မတော်ကာကွယ်ရေးဦးစီးချုပ် Gen. Tarnchaiyan Srisuwan ၏ ဖိတ်ကြားချက်အရ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ထိုင်းနိုင်ငံသို့ ချစ်ကြည်ရေးခရီးနှင့် ထိုင်းဘုရင်မင်းမြတ်ကပေးအပ်သည့် မြင့်မြတ်သော ဆင်ဖြူတော်ဝင်သူရဲကောင်းဘွဲ့တံဆိပ် (ပထမအဆင့်) ”The Knight Grand Cross (First Class) of the Most Exalted Order of the White Elephant” အပ်နှင်းခြင်း အခမ်းအနားသို့ တက်ရောက်ခဲ့ပြီး ဖေဖော်ဝါရီ ၁၈ ရက် မွန်းလွဲပိုင်းတွင် ထိုင်းနိုင်ငံ၊ ဘန်ကောက်မြို့ရှိ ဒွန်မောင်းတပ်မတော် လေဆိပ် (Wing-6) မှ ပြန်လည်ထွက်ခွာခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

မြန်မာနိုင်ငံသို့ ပြန်လည်ထွက်ခွာလာသည့် တပ်မတော်ကာကွယ်ရေးဦးစီးချုပ်နှင့် ဇနီးဒေါ်ကြူကြူလှ ဦးဆောင်သည့် ချစ်ကြည်ရေး ကိုယ်စားလှယ်အဖွဲ့အား ထိုင်းဘုရင့်တပ်မတော်မှ Deputy Chief of Joint Staff ဖြစ်သူ Gen. Chaichana Nakkerd နှင့်ဇနီး၊ ထိုင်းဘုရင့်တပ်မတော်အရာရှိကြီးများ၊ ထိုင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးမျိုးမြင့်သန်း၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ်ခင်ဇော်နှင့် တာဝန်ရှိသူများက လေဆိပ်တွင် ပို့ဆောင်နှုတ်ဆက်ခဲ့ကြောင်း သိရသည်။

ထို့နောက် တပ်မတော်ကာကွယ်ရေး ဦးစီးချုပ်နှင့်အဖွဲ့ဝင်များသည် နေပြည်တော် လေဆိပ်သို့ ရောက်ရှိကြရာ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးမြထွန်းဦး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ နေပြည်တော် တိုင်းစစ်ဌာနချုပ်တိုင်းမှူးနှင့် တာဝန်ရှိသူများက ကြိုဆိုနှုတ်ဆက်ခဲ့ကြကြောင်း သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော် ကိုယ်စားလှယ်အဖွဲ့တွင် အဖွဲ့ဝင်များအဖြစ် လိုက်ပါသွားသည့် ဇနီးဒေါ်ကြူကြူလှ၊ ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများနှင့် ရန်ကုန်တိုင်း စစ်ဌာနချုပ်တိုင်းမှူးတို့ ပြန်လည်လိုက်ပါလာခဲ့ကြောင်း သိရသည်။

မင်္ဂလာဒုံမြို့နယ်တွင် ဆိုင်ကယ်ကွေ့သည့်ကိစ္စ ကယ်ရီသမားချင်း စကားများရန်ဖြစ်ရာမှ လူသတ်မှုဖြစ်ပွား

ဓားဖြင့်အထိုးခံရသူအား သယ်ဆောင်လာစဉ် (ဓာတ်ပုံ-ပုလဲမြို့သစ်အရန်မီးသတ်တပ်ဖွဲ့)

ရန်ကုန်တိုင်းဒေသကြီး မင်္ဂလာဒုံမြို့နယ်တွင် ဆိုင်ကယ်ကွေ့သည့်ကိစ္စဖြင့် ကယ်ရီသမားချင်း စကားများရန်ဖြစ်ရာမှ လူသတ်မှုဖြစ်ပွားခဲ့ကြောင်း ဖေဖော်ဝါရီ ၁၈ ရက်တွင် ပုလဲမြို့သစ် အရန်မီးသတ်တပ်ဖွဲ့မှ သိရသည်။

ဖြစ်စဉ်မှာ မင်္ဂလာဒုံမြို့နယ်၊ သင်္ဃန်းကျွန်းကြီးကျေးရွာအုပ်စု၊ ကျောင်းကြီး (၃)လမ်း၊ ညောင်ပင်မှတ်တိုင်အနီးတွင် ဖေဖော်ဝါရီ ၁၇ ရက် ည ၈ နာရီခွဲခန့်က မင်္ဂလာဒုံမြို့နယ်နေ ကို…..(၂၆)နှစ်မောင်းနှင်ပြီး ၎င်း၏မိခင်ဖြစ်သူနောက်မှ စီးနင်းလိုက်ပါလာသည့် ဆိုင်ကယ်သည် အဆိုပါ မှတ်တိုင်အနီး၌ ဆိုင်ကယ်ကိုကွေ့ရာမှ ယင်းအနီးတွင်ရှိသည့် ဆိုင်ကယ်ကယ်ရီသမားနှစ်ဦးနှင့် စကားများ ရန်ဖြစ်ခဲ့ကြောင်း သိရသည်။

ထိုသို့ စကားများရန်ဖြစ်ကြစဉ် အဆိုပါ ကယ်ရီသမားနှစ်ဦးက ကို……(၂၆)နှစ်အား ရိုက်နှက်ကာ ဓားဖြင့်ထိုးခဲ့ပြီး ၎င်း၏မိခင်ဖြစ်သူကိုလည်း တွန်းထိုးခဲ့ကြောင်း သိရသည်။

“ဆိုင်ကယ်က လမ်းထဲကိုကွေ့ဝင်တယ်လို့ပြောတယ်။ ကောင်လေးက ရှေ့ကမောင်းတယ်။ သူ့အမေက နောက်မှာပါတယ်ပေါ့နော်။ အဲဒီကောင်လေးကလည်း ကယ်ရီတွေ ဘာတွေဆွဲတယ်လို့ သိရတယ်။ လမ်းထဲကို ဆိုင်ကယ်ကွေ့ဝင်တဲ့အခါမှာ အဲဒီနားက ကယ်ရီဆွဲတဲ့လူတွေနဲ့ ပြဿနာဖြစ်တယ်လို့ သိရတယ်။ ဖြစ်တော့အဲဒီကောင်လေးရဲ့ပါးကို စရိုက်တယ်လို့ သိရတယ်။ အဲဒီအချိန်မှာ မိခင်ဖြစ်တဲ့သူက ၀င်ပြောတော့ မိခင်ဖြစ်တဲ့ သူကိုလည်း တွန်းလှဲခဲ့တယ်လို့ သိရတယ်။ နောက်ကောင်လေးကို ဓားနဲ့ထိုးလိုက်တယ်ပေါ့။ ဖြစ်ပြီးတဲ့အချိန် နာရီဝက်လောက် အကြာမှာ အစ်ကိုတို့ကို အကြောင်းကြားတာ။ အစ်ကိုတို့ရောက်သွားတော့ အသက်ကငွေ့ငွေ့ပဲ ကျန်တော့တယ်။ အဲဒါနဲ့ ဆေးရုံကိုပို့တော့ လမ်းမှာပဲ သေဆုံးသွားခဲ့တာ ဖြစ်ပါတယ်” ဟု ပုလဲမြို့သစ် အရန်မီးသတ်တပ်ဖွဲ့မှ တာဝန်ရှိသူတစ်ဦးက ပြောကြားသည်။

ဓားနဲ့အထိုးခံခဲ့ရသဖြင့် ကို….(၂၆)နှစ် မှာ ရင်ဘတ်တွင်ထိုးသွင်းဒဏ်ရာရရှိခဲ့ပြီး မြောက်ဥက္ကလာပဆေးရုံသို့ တင်ပို့ကုသစဉ် သေဆုံးသွားခဲ့ကြောင်း သိရသည်။

အဆိုပါဖြစ်စဉ်အား သက်ဆိုင်ရာရဲစခန်းမှ ရာဇသတ်ကြီးပုဒ် မ ၃၀၂ ဖြင့် အမှုဖွင့်ထားပြီး ကျူးလွန်သူကို ဖမ်းဆီးရမိရေး ဆောင်ရွက်လျက်ရှိကြောင်း သိရသည်။

မောင်တောသို့ ရောက်ရှိနေသော ဟိန္ဒူ ၅၀၀ နီးပါး နေရပ်ပြန်ခိုင်းခြင်း အခက်အခဲနှင့် ရင်ဆိုင်နေရကြောင်း သိရ

စစ်တွေမြို့မှတစ်ဆင့် ရခိုင်ပြည်နယ် မြောက်ပိုင်း မောင်တောမြို့သို့ ပြန်လည်ရောက်ရှိလာခဲ့သော ဟိန္ဒူဘာသာဝင် ၅၀၀ နီးပါး ယာယီကယ်ဆယ်ရေးစခန်းတွင် နေထိုင်ရသော်လည်း နေရပ်ပြန်ခိုင်းခြင်းများကို ရင်ဆိုင်နေရကြောင်းနှင့် နေရပ်ပြန်ရန် စိုးရိမ်နေရသည့် အခြေအနေကို ရောက်နေကြောင်း သိရှိရသည်။

အဆိုပါ ဟိန္ဒူလူမျိုးများသည် ၂၀၁၇ သြဂုတ်လဖြစ်စဉ်အတွင်း မောင်တောမြို့နယ် အတွင်းမှ စစ်တွေမြို့သို့ နေရပ်စွန့်ခွာထွက်ပြေးလာခဲ့ပြီးနောက် တစ်လကျော်နှစ်လခန့် အကြာတွင် မောင်တောမြို့တွင် ဖွင့်လှစ်ထားသော ယာယီစခန်းသို့ ပြန်လည်သွားရောက် နေထိုင်ကြသော်လည်း ကူညီထောက်ပံ့မှုမရရှိသည့်အပြင် ယခုရက်ပိုင်းအတွင်း အာဏာပိုင်များမှ မိမိနေရပ်သို့ ပြန်ကြရန်တိုက်တွန်း ပြောဆိုခြင်းများ ရှိလာခဲ့သည့်အပြင် ပြောင်းရွှေ့ပေးရန် စီစဉ်ခြင်းကိုလည်း ခံခဲ့ရကြောင်း သိရှိရသည်။

ယင်းနှင့်ပတ်သက်ပြီး စခန်းတာဝန်ခံ ဦးမောင်လှက “ကျွန်တော်တို့ကို မူလနေရပ်ကို ပြန်သွားဖို့ လာပြောတယ်။ ကားပေါ်တင်တယ်။ မြို့အနီးဝန်းကျင်မှာရှိတဲ့ ရွာတွေကို ပြန်ခိုင်းတယ်။ ကျွန်တော်တို့ဘယ်လိုပြန်မလဲ။ လသရွာမှာဆိုရင် ဟိန္ဒူတွေကို ထွက်လို့မရအောင်အထိ ပိတ်ဆို့ခြင်းကို ခံခဲ့ရတယ်။ စစ်တပ်က လာပြီးကယ်ထုတ်လို့ ထွက်လာရတာ။ အခုတစ်ခါ အဲဒီနေရာတွေကို ပြန်သွားခိုင်းတယ်။ လုံခြုံရေးမရှိဘဲ ဘယ်လိုမှ သွားလို့မရဘူး။ ခြိမ်းခြောက်မှုတွေတောင်ရှိတယ်။ ကျွန်တော်တို့ ဟိန္ဒူတွေ အတော်လေး ဒုက္ခရောက်နေပါတယ်” ဟုလည်း ပြောကြားခဲ့သည်။

ဟိန္ဒူများအနေဖြင့် မောင်တောမြောက်ပိုင်း ခမောင်းဆိပ်နှင့် ရဲဘော်ကျကျေးရွာတို့မှ ဟိန္ဒူဘာသာဝင်များ အစုလိုက်အပြုံလိုက် သတ်ဖြတ်ခံခဲ့ရသည့်အတွက် စိုးရိမ်ထိတ်လန့်မှုများ ဖြစ်ပေါ်ခဲ့သည့်အပြင် ဘင်္ဂါလီများ အနေဖြင့်လည်း အစိုးရအာဏာပိုင်များနှင့် ပူးပေါင်းသည့် ဟိန္ဒူများအပေါ် ခြိမ်းခြောက်မှုများ ရှိနေကြောင်းနှင့် နေရပ်သို့ ပြန်သွားပါက ဘင်္ဂါလီများ၏ တိုက်ခိုက်မှုကို ခံရနိုင်ဖွယ်ရှိမှုအပေါ် စိုးရိမ်နေကြရကြောင်းလည်း ပြောဆိုကြသည်။

“ကျွန်တော်ပြောဖို့တောင် ကြောက်နေရတယ်။ ကျွန်တော့်ကို ကြိမ်းမောင်းသွားတာကို သိရတယ်။ အာဏာပိုင်တွေက ယာယီတန်းလျားကိုရောက်လာပြီး ခိုလှုံနေသူတွေကို နေရပ်ပြန်ပို့ဖို့ လုပ်ဆောင်ခဲ့တယ်။ ဒါပေမဲ့ တစ်ယောက်မှမလိုက်ဘူး။ စိုးရိမ်တယ်။ ကျွန်တော့်အနေနဲ့ကလည်း ဘယ်လိုဖြစ်စေချင်တယ် ဆိုတာကိုတောင် မပြောရဲဘူးဖြစ်နေတယ်။ မောင်တောမြို့ ဟိန္ဒူဘာသာရေး ကောင်စီဥက္ကဋ္ဌ ဦးနီမောင်က ပြောကြားခဲ့သည်။

လက်ရှိမောင်တောမြို့ ယာယီစခန်း (တန်းလျား) တွင် နေထိုင်သော ဟိန္ဒူ ၅၀၀ နီးပါးခန့်ရှိနေပြီး ဒေသအာဏာပိုင်များက ပြောင်းရွှေ့မှုများပြုလုပ်ရန် စီစဉ်နေခြင်းအပေါ် စိတ်မကောင်းဖြစ်မိကြောင်းနှင့် လုံခြုံရေးအတွက် အရေးတကြီး အကူအညီ လိုအပ်နေကြောင်း၊ ဘင်္ဂါလီများရှိသည့်နေရာတွင် မနေထိုင်လိုကြောင်း၊ စစ်တွေက ပြန်လာစဉ် ကျေးရွာတည်ဆောက်ပေးမည်ဟု အစိုးရဘက်က ပြောဆိုခဲ့ကြောင်းနှင့် ကူညီပံ့ပိုးမှုများကိုလည်းပေးမည်ဟု ကတိပေးခဲ့သည်များ ရှိခဲ့ကြောင်းလည်း ပြောဆိုကြသည်။

မဖူလ်မော်တီကလည်း “တာဝန်အရ လာပြောတာဆိုပြီး ရပ်ကွက်အုပ်ချုပ်ရေးမှူးတွေ ရောက်လာတယ်။ နင်တို့ကိုယ့်အိမ်ကို ကိုယ်ပြန်ရမယ်လို့ပြောတယ်။ ကျွန်မကလည်း မပြန်နိုင်ဘူး။ ဘင်္ဂါလီတွေကို ကြောက်ကြတယ်ဆိုတော့ နင်တို့ ဘာလုိ့ကြောက်ရတာလဲလို့ ပြောသေးတယ်။ သူတို့ပြောတာကအထက်ကလူကြီးတွေ လွှတ်လိုက်လို့တဲ့။ အခုအချိန်မှာ ကျွန်မတို့ကို အခုလိုမျိုး ဖိအားပေးနေမယ်ဆိုရင် ကျွန်မတို့အနေနဲ့ အိန္ဒိယကို ပြန်သွားရပါလိမ့်မယ်၊ ဘင်္ဂါလီတွေနဲ့အတူနေဖို့ဆိုတာ မဖြစ်နိုင်ဘူး” ဟုလည်း ပြောကြားခဲ့သည်။

လက်ရှိအစိုးရလက်ထက်တွင်လည်း ဓမ္မစေတီခေါင်းလောင်းကြီး ထပ်မံဆယ်ယူရန် နိုင်ငံတော်သမ္မတထံ ခွင့်ပြုချက် တင်ပြမည်ဖြစ်ကြောင်း ဦးစံလင်း သတင်းစာ ရှင်းလင်း

ဓမ္မစေတီခေါင်းလောင်းကြီး ဆယ်ယူမည့်အကြောင်း သတင်းစာ ရှင်းလင်းစဉ်

လက်ရှိအစိုးရလက်ထက်တွင် ဓမ္မစေတီခေါင်းလောင်းကြီးကို ထပ်မံဆယ်ယူရန် နိုင်ငံတော်သမ္မတထံ ခွင့်ပြုချက်တင်ပြမည်ဖြစ်ကြောင်း ဦးစံလင်းက ဖေဖော်ဝါရီ ၁၈ ရက်တွင် ရန်ကုန်မြို့ရှိ Orchid Hotel ၌ သတင်းစာ ရှင်းလင်းပွဲ ပြုလုပ်ခဲ့ကြောင်း သိရသည်။

အဆိုပါ သတင်းစာရှင်းလင်းပွဲတွင် ဦးစံလင်းက ယခင် ၂၀၁၄ ခုနှစ်အတွင်းက ဓမ္မစေတီခေါင်းလောင်း ဆယ်ယူစဉ်က အလှူငွေ ကျန်ရှိသည့်စာရင်းများကို ရှင်းလင်းခြင်းနှင့် ဆယ်ယူစဉ်က ကြုံတွေ့ရသည့် အခက်အခဲများကို ရှင်းလင်းခဲ့သည်။

ထို့ပြင် ခေါင်းလောင်းကြီးအား ဆယ်ယူရန်အတွက် နိုင်ငံတော်သမ္မတထံ ခွင့်ပြုချက်တောင်းခံမည်ဖြစ်ပြီး ၎င်းအနေဖြင့် ခေါင်းလောင်းဆယ်ယူရန်အတွက် ခွင့်ပြုကြောင်း စာရွက်နှင့် သောင်တူးစက်ယာဉ်သာ လိုအပ်ကြောင်း ပြောကြားသည်။

“ကျွန်တော် လာမယ့်ဗုဒ္ဓဟူးနေ့မှာ တင်ပါမယ်။ ကျွန်တော်ကိုယ်တိုင်သွားတင်လို့မရတော့ စာနဲ့တင်ပါမယ်။ ကျွန်တော်သွားတင်တုန်းကတော့ အောက်က ညွှန်ချုပ်တွေက မတင်ပေးလုိ့လား။ သမ္မတမရှိလို့လား။ သိလို့မချပေးတာလား။ ဘာအခက်အခဲရှိလို့လဲ။ ကျွန်တော် အခုလိုတာက ခွင့်ပြုချက်တစ်စောင်နဲ့ သောင်တူးယာဉ်ပဲ။ သောင်တူးယာဉ်ကိုလည်း သမ္မတက တစ်ခါတည်း ချပေးလိုက်ပါ။ ကျွန်တော် သမ္မတထံကို စာတိုက်ကနေ တိုက်ရိုက်ပို့မှရမယ်။ နေပြည်တော်သွားရင် သူတို့က လက်မခံဘူး” ဟု ဦးစံလင်းက သတင်းစာရှင်းလင်းပွဲတွင် ပြောကြားသည်။

NLD အစိုးရတက်လာပြီးနောက် ၂၀၁၆ ခုနှစ်အတွင်းက ရန်ကုန်တိုင်းဝန်ကြီးချုပ်ဦး ဖြိုးမင်းသိန်းထံ ခေါင်းလောင်းဆယ်ယူရန်အတွက် စာတင်ခဲ့သော်လည်း အစည်းအဝေး ဆုံးဖြတ်ချက်အရ မိုးရာသီဖြစ်သည့် အတွက်ကြောင့် ဆယ်ယူခွင့်ကို မပေးခဲ့ကြောင်း ဦးစံလင်း၏ ပြောကြားချက်အရ သိရသည်။

၂၀၁၄ ခုနှစ်အတွင်းက ဓမ္မစေတီခေါင်းလောင်းတော်ကြီးကို ဦးစံလင်းက ဦးဆောင်၍ ဆယ်ယူရန် ကြိုးပမ်းခဲ့ဖူးသော်လည်း အောင်မြင်ခြင်း မရှိခဲ့ဘဲ ယင်းသို့ ဆယ်ယူရန် လုပ်နေချိန်တွင် အလှူငွေများနှင့်ပတ်သက်ပြီး ဝေဖန်ခံရမှုများ ရှိခဲ့သည်။ လက်ရှိတွင် ဦးစံလင်းထံက ၎င်းထံတွင် အလှူငွေသိန်း ၅၃၀ ကျော်ရှိပြီး ခွင့်ပြုချက်ရရှိပါက ခေါင်းလောင်းတော်ကို ဆယ်ယူမည်ဖြစ်ကြောင်း သိရသည်။

ဦးစံလင်းအနေဖြင့် ရန်ကုန်မြစ်၊ ပဲခူးမြစ်နှင့် ငမိုးရိပ်ချောင်း (ယခုပုဇွန်တောင်ချောင်း) သုံးခွဆုံရာရေပြင်အောက်၌ နစ်မြုပ်ခဲ့သည်ဟုဆိုသော ဓမ္မစေတီခေါင်းလောင်းကြီး ရှာဖွေခြင်းကို ၂၀၁၄ ခုနှစ် သြဂုတ် ၉ ရက်မှ စတင်ရှာဖွေခဲ့သော်လည်း ဆယ်ယူနိုင်ခြင်း မရှိခဲ့ကြောင်း သိရသည်။

ရှားတောမြို့ ကေ့ထျိုးဘိုး ရိုးရာတံခွန်တိုင်ကွင်းအား ပညာရေးဝန်ထမ်းအိမ်ရာ ဆောက်လုပ်နေခြင်းကို ကန့်ကွက်ကြောင်း ဖေစိုးလေးလူငယ်အဖွဲ့ စာထုတ်ပြန်

ရှားတောမြို့ ကေ့ထျိုးဘိုး ရိုးရာတံခွန်တိုင်ကွင်းအား ပညာရေးဝန်ထမ်းအိမ်ရာ ဆောက်လုပ်နေခြင်းနှင့် ပတ်သက်၍ ကန့်ကွက်ကြောင်း ဖေဖော်ဝါရီ ၁၈ ရက် ညနေတွင် ဌာနေတိုင်းရင်းသားများဖြင့် ဖွဲ့စည်းထားသော ဖေစိုးလေးလူငယ်အဖွဲ့က စာထုတ်ပြန်ခဲ့ကြောင်း သိရသည်။

ကန့်ကွက်စာထဲတွင် အများပြည်သူပိုင် ကေ့ထျိုးဘိုးရိုးရာ ကွင်းနေရာတွင် ပညာရေးဝန်ထမ်းအိမ်ရာ ဆောက်လုပ်နေသည်မှာ မြို့နယ် ကေ့ထျိုးဘိုးဂေါပကအဖွဲ့နှင့် ဖေစိုးလေး လူငယ်အဖွဲ့အား ကြိုတင်ညှိနှိုင်းခြင်း တစ်စုံတစ်ရာ မရှိကြောင်း၊ လွှတ်တော်ကိုယ်စားလှယ် အဖွဲ့နှင့် ဌာနဆိုင်ရာတို့သာ ညှိနှိုင်းပြီး လုပ်ဆောင်ကြခြင်းဖြစ်ကြောင်း ရေးသားထားသည်ဟု သိရသည်။

“ကျွန်တော်တို့က မနေ့ညက လွှတ်တော်ကိုယ်စားလှယ်နဲ့ ဆွေးနွေးသေးတယ်။ ပြည်သူ့လွှတ်တော်ကိုယ်စားလှယ် ဒေါ်ဝင့်ဝါထွန်းနဲ့ ကယားပြည်နယ်သယံဇာတနဲ့ သဘာဝ,၀န်းကျင်ဝန်ကြီး ဦးတီရယ်နဲ့။ ကျွန်တော်တို့က အစည်းအဝေးခန်းထဲမှာ ကျွန်တော်တို့အားလုံး ဆွေးနွေးကြတာပေါ့။ နောက်ဆုံးတော့သူက သူတို့ဆောက်ထားတဲ့ နေရာလေးကိုတော့ပေးပါ။ ကျန်တဲ့နေရာတော့ ကျွန်တော်တို့က အဲဒီနေရာလည်း ကေ့ထျိုးဘိုးမြေပဲ။ အဓိက ဖေစိုးလေးလူငယ်ကို ကျွန်တော်တို့ထိန်းသိမ်းတဲ့ အနေနဲ့ပေါ့။ ကျန်တဲ့နေရာတော့ ဂေါပကက ဆက်ပိုင်မှာပေါ့ သူတို့ပြောတာ။ အဲဒီနေရာလေး သူတို့ကိုပေးပါပေါ့။ ကျွန်တော်တို့က လက်မခံပါဘူး။ အဲဒီနေရာလည်း မပေးနိုင်ပါဘူးလို့။ သူတို့က ကျွန်တော်တို့ ကေ့ထျိုးဘိုးကွင်းထဲမှာပဲ သူတို့ဌာနဆိုင်ရာ ၁၀ ခုလောက် အကွက်ရိုက်ထားပြီး ဘယ်ဌာနဘယ်ဌာနပေးဖို့ကို ကျွန်တော်တို့ လုံးဝလက်မခံပါဘူး။ အခု အဆောက်အအုံ ဆောက်နေတာလည်း ကျွန်တော်တို့ လက်မခံပါဘူးလို့ ပြန်ငြင်းလိုက်တယ်” ဖေစိုးလေးလူမှုဒေသဖွံ့ဖြိုးရေးတာဝန်ခံ မိုက်ကယ်ဘိုးရယ်က ပြောကြားသည်။

ကေ့ထျိုးဘိုးရိုးရာ တံခွန်တိုင်ကွင်းထဲတွင် ဌာနဆိုင်ရာ အဆောက်အအုံ ဆောက်လုပ်နေခြင်းမှာ အောက်ခြေအထိ ကွင်းဆင်းလေ့လာခြင်းမရှိဘဲ မြေစာရင်းမြေပုံအရသာ လုပ်ဆောင်သည်ဟုမြင်ကြောင်း၊ လွှတ်တော်ကိုယ်စားလှယ်မှလည်း ရိုးရာကေ့ထျိုးဘိုးကွင်းဖြစ်သည်ကို မသိရှိကြောင်းနှင့် လုပ်ထုံးလုပ်နည်းနှင့်အညီ လုပ်ဆောင်ခြင်းဖြစ်ကြောင်း ပြောဆိုသည်ဟု သိရသည်။

ပြည်ပခရီးသွားများ စိတ်ဝင်စားသော ကယားပြည်နယ်၏ နှစ်စဉ်ကေ့ထျိုးဘိုးရိုးရာပွဲတော်များကို မြို့နယ်အလိုက် ကျင်းပကြရာ သာသနာမြေအဖြစ် အထွတ်အမြတ်ထား၍ ရာသီဥတုကောင်းမွန်စေရန် ရောဂါဘယကင်းစေရန် ဆန်ရေစပါးပေါများရန် ယုံကြည်ကြပြီး တံခွန်တိုင်များ စိုက်ထူကာ ရိုးရာကြက်ရိုးထိုးခြင်းဖြင့် အစားအသောက်များဖြင့် ပူဇော်ကာ စုပေါင်းဆုတောင်းပွဲအဖြစ် ကျင်းပကြကြောင်း သိရသည်။

နိုင်ငံတော်ပိုင် စီးပွားရေး အဖွဲ့အစည်းများ၊ နိုင်ငံတော်ပိုင်ဘဏ်များနှင့် မြန်မာနိုင်ငံတော်ဗဟိုဘဏ်တို့၏ အခွန်ပေးဆောင်မှုနှင့် နိုင်ငံတော်သို့ ထည့်ဝင်ငွေများ တစ်နှစ်ထက်တစ်နှစ် လျော့နည်းဟုဆို

ရန်ကုန်မြို့ရှိ မြန်မာနိုင်ငံတော် ဗဟိုဘဏ် (ရန်ကုန်ဘဏ်ခွဲ) အား တွေ့ရစဉ်

နိုင်ငံတော်ပိုင် စီးပွားရေး အဖွဲ့အစည်းများ၊ နိုင်ငံတော်ပိုင်ဘဏ်များနှင့် မြန်မာနိုင်ငံတော်ဗဟိုဘဏ်တို့၏ ဘဏ္ဍာရေးနှစ်အလိုက် အခွန်ပေးဆောင်မှုနှင့် နိုင်ငံတော်သို့ ထည့်ဝင်ငွေ အခြေအနေမှာ တစ်နှစ်ထက်တစ်နှစ် လျော့နည်းကျဆင်းနေကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံး ခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက် အစီရင်ခံစာတွင် ဖော်ပြထားချက်အရ သိရသည်။

အဆိုပါ အဖွဲ့အစည်းများနှင့် ဘဏ်များသည် ၂၀၁၁-၂၀၁၂ ဘဏ္ဍာရေးနှစ် (အမှန်စာရင်း) တွင် ကုန်သွယ်လုပ်ငန်းခွန်၊ ၀င်ငွေခွန်နှင့် နိုင်ငံတော်သို့ ထည့်ဝင်ငွေ စုစုပေါင်း ကျပ် ၁၅၉၄ ဒသမ ၉၀၄ ဘီလျံရှိပြီး ပြည်ထောင်စု၏ စုစုပေါင်းရငွေတွင် ပါဝင်မှု ၂၄ ဒသမ ၇၁ ရာခိုင်နှုန်းရှိကြောင်း သိရသည်။ ၂၀၁၂-၂၀၁၃ ဘဏ္ဍာရေးနှစ် (အမှန်စာရင်း) တွင်မူ အဆိုပါအဖွဲ့အစည်းများနှင့် ဘဏ်များအနေဖြင့် ပြည်ထောင်စု၏ စုစုပေါင်းရငွေတွင် ပါဝင်မှု ၁၅ ဒသမ ၂၉ ရာခိုင်နှုန်းသာရှိကြောင်း၊ ၂၀၁၃-၂၀၁၄ ဘဏ္ဍာရေးနှစ် (အမှန်စာရင်း) တွင် ပြည်ထောင်စု၏ စုစုပေါင်းရငွေတွင် ပါဝင်မှု ၁၂ ဒသမ ၄၆ ရာခိုင်နှုန်း၊ ၂၀၁၄-၂၀၁၅ ဘဏ္ဍာရေးနှစ် (အမှန်စာရင်း) တွင် ပြည်ထောင်စု၏ စုစုပေါင်းရငွေတွင် ပါဝင်မှု ၁၂ ဒသမ ၅၄ ရာခိုင်နှုန်း၊ ၂၀၁၅-၂၀၁၆ ဘဏ္ဍာရေးနှစ် (ရှေ့ပြေးအမှန်) တွင် ပြည်ထောင်စု၏ စုစုပေါင်းရငွေ၌ ပါဝင်မှု ၁၁ ဒသမ ၄၇ ရာခိုင်နှုန်း၊ ၂၀၁၆-၂၀၁၇ ဘဏ္ဍာရေးနှစ် (ပြုပြင်ပြီး) တွင် ပြည်ထောင်စု၏ စုစုပေါင်းရငွေ၌ ပါဝင်မှု ၉ ဒသ မ ၉၃ ရာခိုင်နှုန်း၊ ၂၀၁၇-၂၀၁၈ ဘဏ္ဍာရေးနှစ် (ခန့်မှန်းခြေ) တွင် ပြည်ထောင်စု၏ စုစုပေါင်းရငွေ၌ ပါဝင်မှု ၈ ဒသမ ၂၀ ရာခိုင်နှုန်းသာ ရှိခဲ့ကြောင်း အဆိုပါ အစီရင်ခံစာတွင် ဖော်ပြထားသည်။

နိုင်ငံတော်ပိုင် စီးပွားရေးလုပ်ငန်းများကို စီးပွားရေးဆန်ဆန် ဆောင်ရွက်နိုင်စေရန် ၂၀၁၂-၂၀၁၃ ဘဏ္ဍာရေးနှစ်မှ စတင်ပြောင်းလဲ ဆောင်ရွက်ခဲ့သည့် ငွေကြေးစီမံခန့်ခွဲမှု အစီအစဉ်၏ ပကတိအခြေအနေများကို လေ့လာသုံးသပ်၍ နိုင်ငံတော်အတွက် အကျိုးရှိစေပြီး အောင်မြင်သော စီးပွားရေးလုပ်ငန်းများ ဖြစ်လာနိုင်စေရေးအတွက် စက်ရုံ၊ အလုပ်ရုံတစ်ခုချင်းအလိုက် တာဝန်ယူမှု၊ တာဝန်ခံမှုစနစ်ကို ပီပီပြင်ပြင်ကျင့်သုံး ဆောင်ရွက်သွားရန် လိုအပ်ကြောင်း ပြည်သူ့ငွေစာရင်း ပူးပေါင်းကော်မတီက သုံးသပ်ထားသည်။

၂၀၁၈ ခုနှစ် ဧပြီလမှ စက်တင်ဘာလအထိ ခြောက်လ ရသုံးခန့်မှန်းခြေစာရင်းအရ နိုင်ငံတော်ပိုင်စီးပွားရေး အဖွဲ့အစည်းပေါင်း ၃၂ ခုအနက် အမြတ်ရရှိသည့် အဖွဲ့အစည်း ၂၃ ခုရှိပြီး ပြည်တွင်းရေကြောင်းပို့ဆောင်ရေး၊ မြန်မာ့မီးရထား၊ ကုန်းလမ်းပို့ဆောင်ရေး၊ မြန်မာ့စာတိုက်လုပ်ငန်း၊ လျှပ်စစ်ဓာတ်အား ထုတ်လုပ်ရေးလုပ်ငန်း၊ အမှတ် (၁) အကြီးစားလုပ်ငန်း၊ အမှတ် (၂) အကြီးစားလုပ်ငန်း၊ အမှတ် (၃) အကြီးစားလုပ်ငန်း၊ မြန်မာ့သင်္ဘောကျင်းလုပ်ငန်းတို့မှာ အရှုံးဖြစ်ပေါ်လျက်ရှိကြောင်း သိရသည်။

၎င်းတို့အနက် လျှပ်စစ်ဓာတ်အား ထုတ်လုပ်ရေးလုပ်ငန်းသည် ပြည်သူများသက်သာ ချောင်ချိစေရေးအတွက် အရှုံးခံ ဆောင်ရွက်နေသည့် အဖွဲ့အစည်းဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေ ငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက် အစီရင်ခံစာတွင် ဖော်ပြထားသည်။