ထိုင်းရှိ မြန်မာလုပ်သားများ ဇွန်လကုန်အမီ အထောက်အထား လက်မှတ် CI ကတ်များ ပြုလုပ်ကြရန် ၀န်ကြီးဌာန ထုတ်ပြန်

ထိုင်းနိုင်ငံအတွင်းရှိ မြန်မာလုပ်သားများ အနေဖြင့် ဇွန်လကုန်အမီ အထောက်အထားလက်မှတ် CI ကတ်များ ပြုလုပ်ကြရန် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ဇွန် ၂၀ ရက် ညပိုင်းက သတင်းထုတ်ပြန်သည်။

ထိုင်းအစိုးရအနေဖြင့် အလုပ်သမားများ နိုင်ငံသားစိစစ်ရေးနှင့် လိုအပ်သော အထောက်အထားများ ရရှိအောင် ဆောင်ရွက်ရန် နောက်ဆုံးကာလအား ယခင်က ၂၀၁၇ ခုနှစ် ဒီဇင်ဘာလကုန်အထိ သတ်မှတ်ခဲ့ပြီး ၂၀၁၈ ခုနှစ် မတ်လကုန်အထိ သက်တမ်းတိုးခဲ့သည်။ ယင်းအပြင် ထိုင်းအစိုးရက အထောက်အထားများ ပြုလုပ်ရန် ဇွန်လကုန်အထိ နောက်ဆုံးသက်တမ်းတိုးပေးခဲ့ခြင်း ဖြစ်သည်။

ထိုင်းအစိုးရ၏ သတ်မှတ်ကာလ ဇွန် ၃၀ ရက်ပြည့်ပြီးသည့် နောက်ပိုင်းတွင် နိုင်ငံခြားသား အလုပ်သမားစီမံခန့်ခွဲမှု ဥပဒေအတိုင်း စတင်ကျင့်သုံးမည်ဖြစ်၍ လိုအပ်သော စာရွက်စာတမ်း အထောက်အထားများ (နိုင်ငံကူးလက်မှတ် သို့မဟုတ် CI အလုပ်လုပ်ကိုင်ခွင့်လက်မှတ် Work Permit၊ နေထိုင်ခွင့်ဗီဇာ Visa) ရရှိထားခြင်း မရှိသေးသူများ အနေဖြင့် ဇွန် ၃၀ ရက်မတိုင်မီ အထောက်အထားများ အမြန်ဆုံးရရှိနိုင်ရေး ဆောင်ရွက်ထားရန် လိုအပ်ကြောင်း ထုတ်ပြန်ချက်တွင် ပါဝင်သည်။

ထိုင်းနိုင်ငံအတွင်း CI ထုတ်ပေးရေး လုပ်ငန်းစဉ်ကို Mitr Maitri Road၊ Din Daeng၊ Bangkok ရှိ ထိုင်းနိုင်ငံ အလုပ်သမားဝန်ကြီးဌာနနှင့် စမုစခွန် (မဟာချိုင်) ထလေငါးဈေးအနီးတွင် Moblie ယာဉ်ဖြင့် ဆောင်ရွက်ပေးလျက်ရှိပြီး ထိုင်းနိုင်ငံ အလုပ်သမားဝန်ကြီးဌာနတွင် အလုပ်လုပ်ကိုင်ခွင့် လက်မှတ်၊ နေထိုင်ခွင့်ဗီဇာ တစ်ပါတည်း ရယူနိုင်ရေး လုပ်ဆောင်ပေးလျက် ရှိသည်။

၂၀၁၆ ခုနှစ် ငါးခူရနယ်ခြားစောင့်ရဲစခန်း အကြမ်းဖက်မှုဖြစ်စဉ်နှင့် ဆက်စပ် ဖမ်းဆီးခံထားရသူ ရှိုင်းဆောက်လုပ်ရေး ဥက္ကဋ္ဌနှင့် ပြည်ခိုင်ဖြိုးပါတီ လွှတ်တော်ကိုယ်စားလှယ်ဟောင်း ဦးအောင်ဇော်ဝင်း (ခေါ်) ဇော်ကီးအာမတ်ကို မောင်တောခရိုင်တရားရုံးမှ တရားရှင်လွှတ်

ဓာတ်ပုံ – ရဲဇာနည် Facebook

၂၀၁၆ ခုနှစ် အောက်တိုဘာ ၉ ရက်နေ့က ငါးခူရ နယ်ခြားစောင့်ရဲစခန်း အကြမ်းဖက်မှု ဖြစ်စဉ်မှ လူသတ်မှုဖြင့် စွပ်စွဲဖမ်းဆီးခံထားရသူ မောင်တောမြို့နယ် ယခင်ပြည်ခိုင်ဖြိုးပါတီ ပြည်သူ့လွှတ်တော် ကိုယ်စားလှယ်ဟောင်း ရှိုင်းဆောက်လုပ်ရေး ကုမ္ပဏီဥက္ကဋ္ဌ ဦးအောင်ဇော်ဝင်းကို မောင်တောခရိုင်တရားရုံးမှ ဇွန်လ ၂၀ ရက်နေ့က တရားရှင် လွှတ်ပေးလိုက်ကြောင်း တရားလွှတ်တော်ရှေ့နေ တစ်ဦးဖြစ်သူ ဦးသင်္ခါကျော်က ပြောကြားသည်။

ဦးအောင်ဇော်ဝင်း (ခ) ဇော်ကီးအာမတ်အား ရာဇ၀တ်မှု အမှတ် ၃၅/ ၂၀၁၈ ဖြင့် အမှုဖွင့်ပြီး ပုဒ်မ ၃၀၂/၃၃၃/၃၂၆/၃၄ တို့နဲ့ တရားစွဲဆိုခဲ့ခြင်းဖြစ်ကြောင်း သိရသည်။

“၂၀၁၆ ခုနှစ်က ငါးခူရစခန်း တိုက်ခိုက်ခံရမှုနဲ့ သူ့ကို ၃၀၂/၃၃၃/၃၂၆/၃၄ တို့နဲ့ တရားစွဲပါတယ်။ တရားစွဲတဲ့ထဲမှာ ၂၀၁၆ ခုနှစ်ကတော့ တရားခံ ၄၅ ဦးကို စွဲပြီးပါပြီ။ အဲဒီထဲမှာ ၄ ဦး သေဒဏ်ကျပါတယ်။ တခြားသူတွေကတော့ ထောင်ဒဏ် အနှစ် ၂၀ နဲ့ အသီးသီးကျပါတယ်။ အဲဒီအထဲမှာ တရားခံပြေးက အကုန်လုံး ၂၀၀ ကျော်လောက်ပါတယ်။ အဲဒီအထဲမှာ ဦးအောင်ဇော်ဝင်းလည်းပါတယ်။ အခု ဦးအောင်ဇော်ဝင်း အမှုမှာ သက်သေ ၂၁ ဦးကို စစ်ဆေပြီးတဲ့အခါမှာ သူ့ကို စွဲချက်တင်နိုင်လောက်တဲ့ ငြိစွန်းမှု မရှိဘူး ဆိုပြီးတော့ ကျင့်ထုံး ပုဒ်မ ၂၅၃ (၁) အရ တရားရှင် လွှတ်လိုက်တာပါ” ဟု တရားရှင် လွှတ်ပေးလိုက်ကြောင်း တရားလွှတ်တော်ရှေ့နေ တစ်ဦးဖြစ်သူ ဦးသင်္ခါကျော်က ပြောကြားသည်။

မောင်တောမြို့နယ် ယခင်ပြည်ခိုင်ဖြိုးပါတီ ပြည်သူ့လွှတ်တော် ကိုယ်စားလှယ်ဟောင်း ရှိုင်းဆောက်လုပ်ရေး ကုမ္ပဏီဥက္ကဋ္ဌ ဦးအောင်ဇော်ဝင်းကို ရန်ကုန်အပြည်ပြည်ဆိုင်ရာ လေဆိပ်တွင် ဖေဖေါ်ဝါရီ ၂၈ ရက်နေ့က ထိုင်းလေကြောင်း TG ဖြင့် ဘန်ကောက်သို့ ထွက်ခွာရန် ရောက်ရှိလာစဉ် ရဲတပ်ဖွဲ့က ဖမ်းဆီးခဲ့ပြီး သူ့အား မောင်တောသို့ လွဲပြောင်းကာ သူ့အမှုအား စစ်ဆေးခဲ့ခြင်းဖြစ်ကြောင်း သိရသည်။

“ရှိုင်း” ဆောက်လုပ်ရေး ကုမ္မဏီဥက္ကဋ္ဌ ဦးအောင်ဇော်ဝင်း(ခ) ဇော်ကီးအာမတ်အား ၂၀၁၆ ခုနှစ် အောက်တိုဘာ ၉ ရက် ငါးခူရ နယ်ခြားစောင့်စခန်း တိုက်ခိုက်ခံရမှုတွင် အကြမ်းဖက်သမားများကို အားပေးအားမြောက် လုပ်သည် ဟုဆိုကာ ဒုရဲမှူးထွန်ထွန်းစိုးမှ တစ်ခြားဘင်္ဂလီလူမျိုး ၄၅ ဦးနှင့်အတူ တရားစွဲဆိုခဲ့ခြင်း ဖြစ်ကြောင်း သိရသည်။

 

မင်္ဂလာဒုံမြို့နယ်တွင် စံချိန်တင်ဖမ်းဆီးရမိခဲ့သည့် မူးယစ်ဆေးဝါးအမှုနှင့် ဆက်စပ်၍ တရားစွဲခံထားရသူများထဲမှ ၇ ဦးကို ထောင်ဒဏ် ၄၈ နှစ်နှင့် ကျန် ၅ ဦးကို နှစ်ရှည် ထောင်ဒဏ်များအသီးသီးချမှတ်

မင်္ဂလာဒုံမြို့နယ်တွင် ဖမ်းဆီးရမိခဲ့သည့် မူးယစ်ဆေးဝါးများကို သက်ဆိုင်ရာက စိစစ်ရေတွက်နေစဉ်

စံချိန်တင် ဖမ်းဆီးရမိခဲ့သည့် မင်္ဂလာဒုံ မူးယစ်ဆေးဝါးအမှုနှင့် ဆက်စပ်၍ မြောက်ဒဂုံနှင့် အရှေ့ဒဂုံတို့တွင် မူးယစ်ဆေးဝါး သိန်းနှင့်ချီ၍ ထပ်မံဖမ်းဆီးရမိခဲ့သည့် ဖြစ်စဉ်များမှ တရားစွဲခံရသူများအား နှစ်ရှည်ထောင်ဒဏ် အသီးသီး ကျခံစေရန် အရှေ့ပိုင်းခရိုင် တရားရုံးက အမိန့်ချမှတ်ခဲ့သည်။

ဒဂုံမြို့သစ် အရှေ့ပိုင်းမြို့နယ် ၁၁၉ ရပ်ကွက်ရှိ နေအိမ်တစ်အိမ်တွင် WY စိတ်ကြွရူးသွပ်ဆေးပြား ၃၈ သိန်းကျော်နှင် ICE များကို ဖမ်းဆီးရမိခဲ့ပြီး၊ ယင်းရပ်ကွက်ရှိ နေအိမ်တစ်အိမ်မှလည်း မူးယစ်ဆေးပြား ၁၉ ဒသမ ၂၃ ကျော်နှင့် ဖန်ဆီဒိုင်း ပုလင်းများ ဆက်စပ်ပစ္စည်းများ ဖမ်းဆီးရမိခဲ့သည်။ ထို့အပြင် ဒဂုံမြောက် မြို့နယ်တွင်လည်း WY စိတ်ကြွရူးသွပ်ဆေးပြားပေါင်း ၁၅ သိန်းကျော်နှင့် စပ်ဆက်ပစ္စည်းများကို ဖမ်းဆီးရမိခဲ့ခြင်း ဖြစ်သည်။

ဒဂုံမြို့သစ်အရှေ့ပိုင်းမြို့နယ်တွင် WY စိတ်ကြွရူးသွပ်ဆေး ပြားများ ဖမ်းဆီးရမိမှုမှ ပါဝင်သူများကို ရဲမှူးနှစ်ဦးက တရားလိုပြုလုပ် ကာ ၂၀၁၅ ခုနှစ် စက်တင်ဘာ ၂၇ ရက်တွင် ဒဂုံမြို့သစ် အရှေ့ပိုင်းမြို့နယ် မြို့မရဲစခန်းတွင် အမှုဖွင့်ခဲ့ခြင်းဖြစ်သည်။

ထို့နောက် အဆိုပါအမှုကို ရန်ကုန်အရှေ့ပိုင်းခရိုင် တရားရုံးသို့ တရားစွဲဆိုတင်ပို့ခဲ့ပြီးနောက် ဇွန် ၂၀ ရက်တွင် အမိန့်ချမှတ်ခဲ့ခြင်း ဖြစ်သည်။

ထိုသို့အမိန့်ချမှတ်ရာ၌  WY စိတ်ကြွရူးသွပ်ဆေး ပြား ၃၈ သိန်းကျော်နှင့် ICE များကို ဖမ်းဆီးရမိခဲ့သည့် ဖြစ်စဉ်မှ သိန်းထွန်းအေးနှင့် အောင်တင်ဝင်း ဆိုသူတို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀ (က) အရ ၂၀ နှစ်စီ၊ ထွန်းဇော်ဌေး၊ ထွန်းမင်း၊ ထွန်းကျော်ဇံ၊ ဇော်ဇော်မင်း၊ သန်းရွှေ(ခ)စောဂျင်မီ၊ ညွန့်ဝင်း၊ ရန်ရှောက်ဟွာ၊ မ၀င်းခိုင်ငြိမ်း၊ မောင်ဝင်း(ခ)ကျော်ထူးတို့ ကိုးဦးအား မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀(က)/၂၁အရ ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့ခြင်းဖြစ်ပြီး အဆိုပါအမှုမှ မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်း သိရသည်။

ဒဂုံအရှေ့ပိုင်းမြို့နယ်တွင် ဖမ်းဆီးရမိခဲ့သည့် မူးယစ်ဆေးပြား ၁၉ သိန်းကျော် အမှုနှင့်ပတ်သက်၍မူ ရန်ကုန်မူးယစ်တပ်ဖွဲ့မှ ရဲမှူးတစ်ဦးက တရားလိုပြုလုပ်ကာ တရားစွဲဆိုခဲ့ပြီး အဆိုပါအမှုမှ ခင်မောင်သန်း၊ မောင်ဝင်း၊ မ၀င်းငြိမ်းခိုင်၊ သန်းရွှေ၊ ဇော်ဇော်မင်း၊ ထွန်းကျော်ဇံ၊ ရန်ရှောက်ဟွာ၊ ညွှန့်ဝင်းတို့ ရှစ်ဦးအား ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့သည်။

ယင်းအမှုတွင်လည်း မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်းသိရသည်။

အလားတူ ဒဂုံမြို့သစ် မြောက်ပိုင်းတွင် ဖမ်းဆီးရမိခဲ့သည့် စိတ်ကြွရူးသွပ်ဆေးပြား ၁၅ သိန်းကျော် အမှုနှင့်ပတ်သက်၍ မ၀င်းငြိမ်းခိုင်(ခ)ငြိမ်းငြိမ်း သန်းရွှေ(ခ)စောဂျင်မီ၊ ဇော်ဇော်မင်း၊ ထွန်းကျော်ဇံ(ခ)ဖိုးဇံ၊ ညွန့်ဝင်း၊ ရန်ရှောက်ဟွာ၊ ခင်မောင်သန်း၊ မောင်ဝင်းတို့ ရှစ်ဦးအား မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀(က)/၂၁ အရ ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့သည်။ ယင်းအမှုတွင်လည်း မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်း သိရသည်။

ယင်းအမှုများအနက် ဖမ်းဆီးရမိသည့် တရားခံများကို ပြစ်ဒဏ်များ ချမှတ်ခဲ့သော်လည်း  ဒဂုံမြို့သစ် အရှေ့ပိုင်းတွင် ဖမ်းဆီးရသည့်ဖြစ်စဉ်မှ တရားခံပြေး ၁၄ ဦး ကျန်ရှိနေသေးကြောင်း သိရပြီး ယင်းတို့အနက် ခင်မောင်သန်း(ခ) အာနိုးနှင့် မောင်ဝင်း(ခ)ကျော်ထူးတို့မှာ တရားခံပြေးစာရင်းတွင် ပါဝင်ကြောင်း သိရသည်။

အမိန့်ချမှတ်ခဲ့သည့် မှတ်တမ်းများအရ အဆိုပါ မူးယစ်ဆေးပြား ဖမ်းဆီးရမိမှု ဖြစ်စဉ်တွင် စုစုပေါင်းထောင်ဒဏ် ၄၈ နှစ်ချမှတ်ခံရသူ ခုနှစ်ဦး ပါဝင်ကြောင်း သိရသည်။

 

မောင်တောခရိုင်အတွင်း အကြမ်းဖက်မှုများဖြစ်ပွားပြီးနောက်ပိုင်း စိုက်ပျိုးသူမဲ့လယ်မြေများကို စပါးစိုက်ပျိုးရေးလုပ်ကိုင်ရန်အတွက် UEHRD သို့ တင်ပြထားကြောင်း သိရ

မောင်တောခရိုင်အတွင်း အကြမ်းဖက်မှုများဖြစ်ပွားပြီးနောက်ပိုင်း စိုက်ပျိုးသူမဲ့လယ်မြေများကို စပါးစိုက်ပျိုးရေး လုပ်ကိုင်နိုင်ရေးအတွက် UEHRD သို့ တင်ပြထားကြောင်း ရခိုင်ပြည်နယ်အစိုးရအဖွဲ့ စိုက်ပျိုးရေးနှင့် မွေးမြူရေး၊ သစ်တောနှင့် သတ္တုတွင်းဝန်ကြီး ဦးကျော်လွင်၏ ပြောကြားချက်အရ သိရှိရပါသည်။

“မောင်တောက လယ်တွေမှ တိုင်းရင်းသားတွေကတော့ ကိုယ့်လယ်ကိုယ်စိုက်ကြပါမယ်။ ဒါပေမဲ့ နေရပ်စွန့်ခွာသွားသူတွေကတော့ သူတို့ပြန်လာတဲ့အခါမှပဲ စိုက်နိုင်ပါမယ်။ အခုလောလောဆယ်တော့ ဒါတွေကို စာရင်းပြုစုပြီး ပြည်ထောင်စုကို တင်ပြထားပါတယ်။ ကုမ္ပဏီတွေကလည်း ထဲထဲဝင်ဝင် တင်ပြတာ မရှိသေးပါဘူး။ အခု ရခိုင်ပြည်နယ်တစ်ခုလုံးမှာတော့ ကိုယ့်ဘတ်ဂျက်နဲ့ နိုင်သလောက် မျိုးစပါးတို့ ပံ့ပိုးနေပါတယ်။ မိုးစပါးစိုက်ဖို့အတွက် တိုင်းရင်းသားကျေးရွာတွေက လိုအပ်ချက်တွေကို ကျွန်တော်တို့ဆီကို တရားဝင်တင်ပြရင် ကူညီပေးဖို့ အဆင်သင့် ရှိပါတယ်။ ထောက်ပံ့နေပါတယ်။ တမန်းသား ကျေးရွာကဆိုရင် လိုအပ်တယ်လို့ပြောလို့ ကျွန်တော်တို့က စက်တွေပေးထားတယ်။ မျိုးစေ့တွေကိုလည်း လိုသလောက်ပံ့ပိုးဖို့ စီစဉ်ထားပါတယ်။ ဒါပေမဲ့ လိုအပ်ချက်တွေကို တရားဝင် လာတင်ပြတာတော့ မရှိပါဘူး။ အခုတော့ ပိုင်ရှင်မဲ့လယ်တွေနဲ့ပတ်သက်လို့ ဘာမှဆုံးဖြတ်ချက်မရသေးပါဘူး” ဟု ရခိုင်ပြည်နယ်အစိုးရအဖွဲ့ စိုက်ပျိုးရေးနှင့် မွေးမြူရေး၊ သစ်တောနှင့်သတ္တုတွင်းဝန်ကြီး ဦးကျော်လွင်က ပြောကြားသည်။

အကြမ်းဖက်တိုက်ခိုက်မှုများ ဖြစ်ပွားခဲ့သည့် ရခိုင်ပြည်နယ် မြို့နယ်သုံးခုတွင် ပိုင်ရှင်မဲ့စပါးဧကပေါင်း ရှစ်သောင်းနီးပါးခန့် ရှိနေကြောင်း ရခိုင်ပြည်နယ်အစိုးရအဖွဲ့မှ သိရသည်။

ရသေ့တောင်မြို့နယ်တွင် ပိုင်ရှင်မဲ့စပါး ဧက ၄၉၀၀ ကျော်၊ ဘူးသီးတောင်မြို့နယ်တွင် ဧက တစ်သောင်းကျော်နှင့် မောင်တောမြို့နယ်တွင် ဧက ၆၅၀၀၀ ကျော်ရှိကြောင်း သိရသည်။

ရခိုင်ပြည်နယ်၊ မောင်တောခရိုင်အတွင်း အကြမ်းဖက်မှုများ ဖြစ်ပွားပြီးနောက်ပိုင်း ပိုင်ရှင်မဲ့ဖြစ်နေသည့် လယ်မြေများကို အလေအလွင့် မရှိအောင် စပါးစိုက်ပျိုးရေး လုပ်ကိုင်နိုင်ရန်အတွက် ကုမ္ပဏီတချို့ကို လုပ်ကိုင်ခွင့်ပြုနိုင်ရေး ရခိုင်ပြည်နယ်အစိုးရက ဆောင်ရွက်ထားသော်လည်း ကုမ္ပဏီများမှ လာရောက်ကမ်းလှမ်းခြင်း မရှိသေးကြောင်းလည်း သိရသည်။

အကြမ်းဖက်မှုများ ဖြစ်ပွားပြီးနောက်ပိုင်း မောင်တောမြို့နယ် ကျေးရွာဒေသအလိုက် နေရပ်စွန့်ခွာသူများ၏ မိုးစပါးများ အချိန်မီ ရိတ်သိမ်းနိုင်ရေးအတွက် ရခိုင်ပြည်နယ် အစိုးရအဖွဲ့မှ ထိန်းသိမ်းရေးကော်မတီဖွဲ့စည်း၍ ရိတ်သိမ်းခဲ့ရကြောင်း သိရသည်။

ကမ္ဘာ့ဒေါ်လာဈေး အညွှန်းကိန်း ၉၅ ပွိုင့်နီးပါး ရောက်ရှိပြီး နိုင်ငံခြားငွေလဲနှုန်း တစ်ဒေါ်လာ ၁၃၆၈ ကျပ်အထိ မြင့်တက်

ဇွန် ၂၀ ရက်တွင် ကမ္ဘာ့ဒေါ်လာဈေး အညွှန်းကိန်း ၉၅ ပွိုင့်နီးပါးသို့ ရောက်ရှိပြီး ပြည်တွင်းဈေးကွက်အတွင်း နိုင်ငံခြားငွေလဲနှုန်း တစ်ဒေါ်လာ ၁၃၆၈ ကျပ်အထိ မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ခုနှစ် ဇန်န၀ါရီ ၃ ရက်တွင် ၁၀၃ ဒသ မ ၈၂ ပွိုင့်အထိ မြင့်တက်ခဲ့ပြီး ၂၀၁၈ ခုနှစ် ဇန်န၀ါရီ ၂၅ ရက်တွင် ၈၈ ဒသမ ၆၃ ပွိုင့်အထိ ကျဆင်းခဲ့သည်။ ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော အညွှန်းကိန်းများမှာ ဒီဇင်ဘာတွင် ၉၄ ဒသမ ၁၈ ပွိုင့်၊ ဇန်န၀ါရီတွင် ၉၂ ဒသမ ၃၆ ပွိုင့်၊ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့် ဖြစ်သည်။ ဧပြီလကုန်ပိုင်းအအထိ ၉၁ ပွိုင့် အထက်တွင်ရှိသော ကမ္ဘာ့ဒေါ်လာဈေး အညွှန်းကိန်းသည် မေ ၁ ရက်တွင် ၉၂ ပွိုင့် အထက်၊ မေ ၁၅ ရက်တွင် ၉၃ ပွိုင့်အထက်၊ မေ ၂၅ ရက်တွင် ၉၄ ပွိုင့်အထက်၊ ဇွန် ၁၅ ရက်တွင် ၉၅ ပွိုင့်အထက် ရောက်ရှိခဲ့ကြောင်း သိရသည်။

၂၀၁၇ ခုနှစ် မတ်လလယ်မှ စတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ကျဆင်းခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄ – ၁၃၃၂ ကျပ်၊ မေတွင် ၁၃၃၂-၁၃၅၁ တို့ဖြစ်ပြီး ဇန်န၀ါရီတွင် ကွာဟချက် အများဆုံးဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက်တွင် ၁၃၃၄ ကျပ် ဖြစ်ပေါ်ခဲ့သော ဒေါ်လာဈေးသည် ဇွန် ၁၅ ရက်တွင် ၁၃၅၅ ကျပ်၊ ဇွန် ၁၆ ရက်တွင် ၁၃၆၅ ကျပ်၊ ဇွန် ၂၀ ရက်တွင် ၁၃၆၈ ကျပ် ၀န်းကျင် ဖြစ်ပေါ်ခဲ့သည်။ ဇွန် ၂၀ ရက်တွင် သတ်မှတ်ထားသော ဗဟိုဘဏ်ရည်ညွှန်း ငွေလဲနှုန်းမှာ ၁၃၆၈ ကျပ်ဖြစ်ကြောင်း သိရသည်။

ပြည်တွင်းဈေးကွက်အတွင်း ဇွန် ၂၀ ရက်တွင် ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှု နှုန်းထားများမှာ ယူရို ၁၅၈၇ ကျပ်၊ စင်ကာပူဒေါ်လာ ၁၀၁၀ ကျပ်၊ မလေးရှားရင်းဂစ် ၃၄၁ ဒသမ ၅ ကျပ်၊ ထိုင်းဘတ် ၄၂ ဒသမ ၃၅ ကျပ်၊ တရုတ်ယွမ် ၂၁၀ ကျပ်၊ ဂျပန်ယန်း ၁၂ ဒသမ ၃၅ ကျပ်၊ တောင်ကိုရီးယားဝမ် ၁ ဒသမ ၂၇ ကျပ် ဖြစ်သည်။

ပင်လည်ဘူးမြို့နယ်တွင် မူးယစ်ဆေးဝါးအမှုဖြင့် NLD ရပ်ကျေးဒုဥက္ကဋ္ဌအား ထောင်ဒဏ်ရှစ်နှစ် ချမှတ်ခဲ့သည့်အမှုမှာ အမှုဆင်ဖမ်းဆီးခံခဲ့ရခြင်းဖြစ်ကြောင်း မိသားစုဝင်များ သတင်းစာရှင်းလင်း

ပင်လည်ဘူးမြို့နယ် နောင်မူးကျေးရွာအုပ်စုတွင် မူးယစ်ဆေးဝါးအမှုဖြင့် NLD ရပ်ကျေးဒုဥက္ကဋ္ဌဖြစ်သူကို ထောင်ဒဏ်ရှစ်နှစ် ချမှတ်ခဲ့သည့်အမှုမှာ အမှုဆင်ဖမ်းဆီးခံခဲ့ရခြင်းသာဖြစ်ပြီး အမှန်တကယ် လက်ဝယ်ထားရှိ သုံးစွဲခဲ့ခြင်းမရှိကြောင်း ကာယကံရှင်၏ မိသားစုဝင်များက ဇွန် ၂၀ ရက် မွန်းလွဲပိုင်းက မမန္တလေးမြို့ရှိ မီဒီယာစင်တာတွင် သတင်းစာ ရှင်းလင်းခဲ့ကြောင်း သိရသည်။

ဖြစ်စဉ်မှာ စစ်ကိုင်းတိုင်းဒေသကြီး ပင်လည်ဘူးမြို့နယ် နောင်မူးကျေးရွာအုပ်စုတွင် ၂၀၁၇ ခုနှစ် သြဂုတ်လအတွင်းက NLD ရပ်ကျေးဒုဥက္ကဋ္ဌ၏နေအိမ်မှ ပင်နီဆီလင် ပုလင်းနှစ်လုံးအတွင်းမှ ဘိန်းဖြူဟု ယူဆရသည့် မူးယစ်ဆေးဝါးများ တွေ့ရှိခဲ့ကြောင်း၊ ထိုသို့တွေ့ရှိခဲ့မှုမှာ NLD ရပ်ကျေးဒုဥက္ကဋ္ဌအနေဖြင့် သိရှိခဲ့ခြင်းမရှိသည့်အပြင် ၎င်းမှာ ဒေသတွင်း မူးယစ်ဆေးဝါးတိုက်ဖျက် ဖမ်းဆီးရေးအဖွဲ့တွင် ပါဝင်လုပ်ဆောင်နေသူတစ်ဦးဖြစ်ကြောင်း၊ ၎င်းလုပ်ဆောင်နေသည့် မူးယစ်ဆေးဝါး တိုက်ဖျက်ရေးအဖွဲ့က ဒေသခံ ရွာသားတစ်ဦးကို မူးယစ်ဆေးဝါးအမှုဖြင့် ဖော်ထုတ်ဖမ်းဆီးခဲ့မှုအပေါ် ဒေသခံအချို့က ကျေနပ်မှုမရှိသဖြင့် NLD ရပ်ကျေးဒုဥက္ကဋ္ဌ နေအိမ်အတွင်းသို့ မူးယစ်ဆေးဝါးများ တိတ်တဆိတ် သွားရောက်ထားရှိခဲ့ရာမှ ယခုကဲ့သို့ မူးယစ်ဆေးဝါး လက်ဝယ်တွေ့ရှိမှုဖြင့် အမှုဖွင့် ဖမ်းဆီးခံခဲ့ရကာ ထောင်ဒဏ်ရှစ်နှစ် ချမှတ်ခံခဲ့ရခြင်းဖြစ်ကြောင်း မိသားစုဝင်များက ရှင်းလင်းပြောကြားခဲ့သည်။

“သူက ဒေသတွင်းမှာ ဖွဲ့စည်းထားတဲ့ မိုးသောက်ကြယ် မူးယစ်ဆေးဝါးဆန့်ကျင် တိုက်ဖျက်ရေး အဖွဲ့အစည်းမှာ ပါဝင်လုပ်ဆောင်နေသူ ဖြစ်ပါတယ်။ နေအိမ်အတွင်းက တွေ့ရှိခဲ့တဲ့ မူးယစ်ဆေးဝါးဟာ သူသုံးစွဲတဲ့ မူးယစ်ဆေးဝါး မဟုတ်ပါဘူး။ ဒေသခံတစ်ဦးက သူမူးယစ်ဆေးဝါးတွေ ဖမ်းဆီးနေတာနဲ့ ပတ်သက်ပြီး မကျေနပ်တာကြောင့် ညပိုင်းအချိန်မှာ သူ့အိမ်ထဲကို တိတ်တဆိတ် ၀င်ရောက်ပြီး မူးယစ်ဆေးဝါးတွေကို မြှုပ်နှံခဲ့တာပါ။ အဲဒီလို မြှုပ်နှံထားတဲ့ မူးယစ်ဆေးဝါးတွေကို နောင်မူးရွာသူ ဒေါ်မာရွှေကနေ ရဲတပ်ဖွဲ့ကို ဖုန်းဆက်အကြောင်းကြားလိုက်တယ်။ သူ့ကို ဖုန်းဆက်စေခိုင်းသူက ဒေသတွင်းမှာ မူးယစ်ဆေးဝါး ရောင်းဝယ်နေသူလို့ နာမည်ကြီးနေတဲ့ ဇော်လင်းဆိုသူက လုပ်ဆောင်ခိုင်းတယ်လို့ သိရပါတယ်။ ဒီအမှုနဲ့ ပတ်သက်ပြီး တရားမျှတမှုရှိအောင် ဆက်ပြီး လုပ်ဆောင်သွားမှာပါ” ဟု နောင်မူးကျေးရွာ NLD ပါတီရပ်ကျေး အလုပ်အမှုဆောင် ဦးသိန်းစိုးက ဆိုသည်။

“ဦးကံရကို မူးယစ်ဆေးဝါးအမှုနဲ့ ထောင်ကျအောင် အမှုဆင်ခိုင်းတာက မူးယစ်ဆေးဝါးရောင်းချနေတဲ့ ကိုဇော်ဝင်းကနေ စေခိုင်းတဲ့အတွက် ကျွန်မအနေနဲ့ ရဲတပ်ဖွဲ့ကို ဖုန်းဆက်ပြီး သူ့အိမ်မှာ မူးယစ်ဆေးဝါးတွေ မြှုပ်ထားတယ်ဆိုပြီး လုပ်ခဲ့မိပါတယ်။ အဲဒီလို လုပ်ရတာကလည်း ကျွန်မအမျိုးသားကို သူတို့မူးယစ်ဖမ်းဆီးရေးအဖွဲ့က ဖမ်းဆီးခဲ့တဲ့အတွက် မကျေနပ်တာကြောင့် လုပ်ဆောင်မိခဲ့တာပါ။ နောက်ကျတော့ ကျွန်မ ပြန်စဉ်းစားမိတာက သူဟာအပြစ်မရှိသူဖြစ်တဲ့အတွက် သက်ဆိုင်ရာကို ဖွင့်ပြောပြခဲ့ပါတယ်” ဟု NLD ရပ်ကျေးဒုဥက္ကဋ္ဌဦးကံရကို မူးယစ်အမှုဖြင့် အမှုဆင်ခဲ့ရာတွင် ပါဝင်ပတ်သက်ခဲ့သူ ဒေါ်မာရွှေက ဆိုသည်။

အဆိုပါ NLD ရပ်ကျေးဒုဥက္ကဋ္ဌကို မူးယစ်မှုဖြင့် အမှုဆင်ဖမ်းဆီးခံခဲ့ရပြီး ထောင်ဒဏ်ချမှတ်ခံရမှုအပေါ် မိသားစုဝင်များက ခရိုင်တရားရုံးသို့ အယူခံတက်သွားမည်ဖြစ်ကာ အမှုနှင့်ပတ်သက်၍ သက်ဆိုင်ရာ အစိုးရအဖွဲ့နှင့် ပါတီထံသို့လည်း တင်ပြသွားမည်ဖြစ်ကြောင်း မိသားစုဝင်များက ပြောကြားသည်။

မိုးညှင်းဒေသ နန်မားမြို့၌ မူးယစ်ဆေးဝါးအမှုဟောင်းဖြင့် အလိုရှိနေသည့် တရားခံပြေးတစ်ဦးအား ဖမ်းဆီးရာ လွတ်မြောက်သွားသော်လည်း ၎င်း၏ဇနီးဖြစ်သူအား သေနတ်နှင့် လက်ပစ်ဗုံးများနှင့်အတူ ဖမ်းမိ

ကချင်ပြည်နယ် မိုးညှင်းဒေသ နန်မားမြို့၌ မူးယစ်ဆေးဝါး အမှုဟောင်းဖြင့် အလိုရှိနေသည့် အဓိကတရားခံပြေးတစ်ဦးအား ဖမ်းဆီးရာတွင် လွတ်မြောက်ခဲ့ပြီး ၎င်း၏ဇနီးဖြစ်သူကို သေနတ်နှင့် လက်ပစ်ဗုံးများ၊ မူးယစ်ဆေးဝါးများနှင့်အတူ ဇွန် ၂၀ ရက် နံနက်ပိုင်းက ဖမ်းမိခဲ့ကြောင်း သတင်းရရှိသည်။

ဖြစ်စဉ်မှာ ဇွန် ၂၀ ရက် နံနက်ပိုင်းတွင် မိုးညှင်းခရိုင် မှုခင်းနှိမ်နှင်းရေး ဌာနစိတ်မှ ရဲတပ်ကြပ်ကြီး စိုင်းသန်းထိုက်ဝင်း၊ ရဲတပ်ကြပ် ကျော်စွာထွန်း၊ ရဲဒုတပ်ကြပ်ရဲဝင်းထွန်း၊ ရဲတပ်သား ဇော်လတ်နှင့် တောင်းအင်းကျေးရွာ အုပ်ချုပ်ရေးမှူး ဦးသိန်းထွေး၊ ရာအိမ်မှူး ဦးကျော်တင့်တို့ ပါဝင်သည့်အဖွဲ့သည် နန်းမားနယ်မြေရဲစခန်းတွင် (ပ)၂၁/၂၀၁၇ မူးယစ်စိတ်ပုဒ်မ ၁၆/၁၆(ဂ)/၂၁ အမှုမှ တရားခံပြေးဖြစ်သူ အောင်ဝင်းထွန်း(ခ)ထွန်းထွန်းသည် လယ်တောနေအိမ်တွင် ပုန်းခိုနေကြောင်း သတင်းရရှိသဖြင့် ၀င်ရောက်စီးနင်းခဲ့ရာ အဓိကတရားခံဖြစ်သူ အောင်းဝင်းထွန်း (ခ) ထွန်းထွန်းမှာ ထွက်ပြေးလွတ်မြောက်ခဲ့ပြီး ၎င်း၏ ဇနီးဖြစ်သူ မြစ်ကြီးနားမြို့ တပ်ကုန်းရပ်ကွက်နေသူ အသက် (၂၅) နှစ် အရွယ်ရှိ မဆိုင်းပန်ဆိုသူ အမျိုးသမီးကို ဖမ်းဆီးနိုင်ခဲ့ကြောင်း သိရသည်။

ထိုသို့ဖမ်းဆီးရာတွင် ပစ္စည်းများမှာ M-20 အမျိုးအစား (နံပါတ် N-110781) ပစ္စတိုတစ်လက်၊ M-20 အမျိုးအစား (နံပါတ် N-034098) ပစ္စတိုတစ်လက်၊ M-20 ပစ္စတို ကျည်အိမ်နှစ်ခု၊ M-20 ပစ္စတိုကျည် ၂၄ တောင့်၊ M-22 ကျည် (7.62×39) ငါးတောင့်၊ တရုတ်နိုင်ငံလုပ် MG-1 ပလတ်စတစ် လက်ပစ်ဗုံး (နာနတ်သီးဗုံး) သုံးလုံး၊ တရုတ်နိုင်ငံလုပ် MG-1 ပလတ်စတစ် လက်ပစ်ဗုံးဖြူးစ်သုံးချောင်း၊ စစ်အစိမ်းရောင် ရေဘူးတစ်အိတ်၊ BALENO တံဆိပ်ပါ ခါးပတ်အိတ်​တစ်အိတ်၊ အ၀ါရောင်အဖုံးပိတ် ဖြူ/၀ါကြား အမှုန့် (၀ ဒသမ၂) ဂရမ်ပါ တစ်ဗူးတို့ကို ဖမ်းဆီးမိခဲ့ကြောင်းနှင့် ယင်းဖြစ်စဉ်နှင့်ပတ်သက်၍ နန်းမားနယ်မြေရဲစခန်းတွင် (ပ) ၆ မူးယစ်စိတ် ပုဒ်မ ၁၆ (ဂ)/၂၂(ခ)/၂၁ ဖြင့် အမှုဖွင့် အရေးယူထားကြောင်း သိရသည်။

ဖမ်းဆီးရာတွင် ပါဝင်ခဲ့သည့် တောင်အင်းကျေးရွာအုပ်ချုပ်ရေးမှူး ဦးသိန်းထွေးက “ဖမ်းတာက နံနက်ငါးနာရီလောက်မှာ တရားခံမှာ လက်နက်ရှိတယ်လို့ကြားတော့ ကျွန်တော်တို့လည်း ၀င်ပေါက်တစ်ပေါက်ကပဲ ၀င်တာ။ အဓိကလူဖြစ်တဲ့ ထွန်းထွန်းက ဂယ်ပေါက်ကနေ ထွက်ပြေးသွားတာ။ မိန်းမတော့ မိလိုက်တယ်။ ပစ္စတိုက ခြောက်လက်၊ လက်ပစ်ဗုံးက သုံးလုံး။ တခြားကျည်တောင့်တွေလည်း ငါးတောင့်မိသေးတယ်။ ရဲတပ်ဖွဲ့ကလည်း လိုက်ပစ်တယ်” ဟု ပြောကြားသည်။

၂၀၁၇ ခုနှစ် နိုဝင်ဘာ ၉ ရက်က ကချင်ပြည်နယ်၊ မိုးညှင်းမြို့နယ်၊ နမ္မားကျေးရွာနယ်မြေရဲစခန်းပိုင်၊ တောင်အင်းကျေးရွာအုပ်စု၊ နန့်စွန်းတောင်တန်း၊ လဆန်ရွာပျက်အနီး တောင်ခြေတွင် တရားမ၀င် လက်နက်ကိုင်ဆောင်၍ မူးယစ်ဆေးဝါးရောင်းသည့်အဖွဲ့အား တပ်မတော်နှင့် ရဲတပ်ဖွဲ့က ၀င်ရောက် ဖမ်းစီးရာ ၂၈ ဦး ဖမ်းဆီးမိပြီး အဓိကသံသယဖြစ်သူ အောင်ဝင်းထွန်းမှာ လွတ်မြောက်သွားခဲ့ခြင်း ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ်နှင့် ကုလသမဂ္ဂ အထူးကိုယ်စားလှယ်တို့ ထပ်မံတွေ့ဆုံ၍ ရခိုင်ပြည်နယ်အရေး ဆွေးနွေး

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ အထူးကိုယ်စားလှယ်တို့သည် ဇွန် ၂၀ ရက် မွန်းလွဲ ၂ နာရီခွဲတွင် နေပြည်တော်ရှိ နိုင်ငံခြားရေးဝန်ကြီးဌာန၌ ထပ်မံတွေ့ဆုံခဲ့ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

အဆိုပါ တွေ့ဆုံမှု၌ ကုလသမဂ္ဂ အထွေထွေအတွင်းရေးမှူးချုပ်၏ အထူးကိုယ်စားလှယ်က ၎င်း၏မြန်မာနိုင်ငံခရီးစဉ်အတွင်း အစိုးရ၊ အရပ်ဖက်အဖွဲ့အစည်းများ၊ ရခိုင်ပြည်နယ်ရှိ ထိခိုက်ခံစားရသော အသိုက်အ၀န်းများနှင့် တွေ့ဆုံရာမှ ယေဘုယျ လေ့လာတွေ့ရှိချက်များကို ပြန်လည် တင်ပြခဲ့ပြီး ရှင်းလင်း တင်ပြမှုများတွင် နေရပ်စွန့်ခွာသူများ ပြန်လည်လက်ခံရေးနှင့် ပြန်လည်နေရာချထားရေး အပါအ၀င် မြန်မာအစိုးရ၏ ရခိုင်ပြည်နယ်အရေးကိစ္စအတွက် ကြိုးပမ်းဆောင်ရွက်နေမှုများနှင့် ရခိုင်ပြည်နယ် အရေးကိစ္စ၏ သိမ်မွေ့နက်နဲ ရှုပ်ထွေးမှုတို့အပေါ် အသိအမှတ်ပြုခဲ့ပြီး၊ အသိုက်အ၀န်းများအကြား သဘောထားကြီးမားစွာ ကွဲလွဲနေမှုကြောင့် ပြန်လည်သင့်မြတ်ရေး အပါအ၀င် နေရပ်စွန့်ခွာသူများ ပြန်လာရေးအတွက် သင့်လျော် ကောင်းမွန်သည့် အခြေအနေများ ဖန်တီးပေးရန် လိုအပ်နေမှု၊ လွတ်လပ်စွာ သွားလာခွင့်နှင့် လုံခြုံရေး လိုအပ်နေမှုတို့နှင့် UNDP၊ UNHCR တို့နှင့် လက်မှတ်ရေးထိုးခဲ့သော MoU ကို ဆောလျင်စွာ အကောင်အထည်ဖော်ရေးတို့ကို ပြောကြားခဲ့ကြောင်း သတင်းထုတ်ပြန်မှုတွင် ပါရှိသည်။

ထို့အတူ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ၂၀၁၆ ခုနှစ်နှင့် ၂၀၁၇ ခုနှစ်များတွင် ဖြစ်ပွားခဲ့သည့် ARSA ၏ အကြမ်းဖက်အဖွဲ့၏ တိုက်ခိုက်မှုများကြောင့် လွန်စွာဆိုးရွားသည့် အခြေအနေသို့ ရောက်ရှိခဲ့ကြောင်း၊ ရခိုင်ပြည်နယ်အတွင်း လွတ်လပ်စွာ သွားလာနိုင်မှု မရှိခြင်းမှာ လုံခြုံရေး အခြေအနေအရ စိုးရိမ်သဖြင့် မသွားရဲကြခြင်းသာဖြစ်ကြောင်း၊ ယင်းအတွက် ရခိုင်ပြည်နယ်၌ တရားဥပဒေစိုးမိုးရေးနှင့် ဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်လျက်ရှိကြောင်းနှင့် ပြည်ပမှ အမုန်းပွားစေသော သဘောထားအမြင်များက အသိုင်းအ၀ိုင်းနှစ်ခုအကြား ပိုမိုကွဲပြားမှုများ ဖြစ်စေလျက်ရှိကြောင်း၊ ထို့ကြောင့် ပြဿနာအား ရှေ့ဆက်လက်၍ မည်သို့ဖြေရှင်းမည်ကို အလေးပေးဆောင်ရွက်ရန် လိုအပ်ကြောင်း ပြောကြားခဲ့ကြောင်း သတင်းထုတ်ပြန်ချက်တွင် ဖော်ပြထားသည်။

ထို့ပြင် အသိုက်အ၀န်းများအကြား ယုံကြည်မှု ပြန်လည်တည်ဆောက်ရေးအတွက် သည်းခံမှုဖြင့် အချိန်ယူ ကြိုးပမ်းရမည်ဖြစ်ကြောင်း၊ ယင်းသို့ ကြိုးပမ်းဆောင်ရွက်ရာတွင် ကုလသမဂ္ဂ၏ ပံ့ပိုးကူညီမှုလည်း လိုအပ်ကြောင်း၊ အသိုက်အ၀န်းများအကြား မသင့်မြတ်မှုများမှာ ရှေးယခင်ကပင် တည်ရှိနေခဲ့ပြီး ၂၀၁၆ ခုနှစ်နှင့် ၂၀၁၇ ခုနှစ်များတွင် ဖြစ်ပွားခဲ့သည့် ARSA အကြမ်းဖက်အဖွဲ့၏ တိုက်ခိုက်မှုများကြောင့် အသိုက်အ၀န်းများအကြား မသင့်မြတ်မှုများ အလွန်ဆိုးရွားသည့် အခြေအနေများကို ဖြစ်ပေါ်စေခဲ့ခြင်း ဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ပြောကြားချက်အရ သိရသည်။

၂၀၁၉ ခုနှစ်အတွက် မြန်မာနိုင်ငံဆိုင်ရာ အစီရင်ခံစာတွင် အခွန်ဥပဒေပြောင်းလဲမှုများအကြောင်း အဓိကဆန်းစစ် တင်ပြသွားမည်

၂၀၁၉ခုနှစ်အတွက် မြန်မာနိုင်ငံဆိုင်ရာ အစီရင်ခံစာတွင် အခွန်ဥပဒေပြောင်းလဲမှုများအကြောင်း အဓိကဆန်းစစ် တင်ပြသွားမည်ဖြစ်ကြောင်း Oxford Business Group-OBG မှ သတင်းထုတ်ပြန်ထားသည်။

OBG နှင့် Win Consulting တို့အကြား ဆဋ္ဌမအကြိမ်မြောက် နားလည်မှု စာချွန်လွှာတစ်ခုကို OBG မှ မကြာမီထုတ်ဝေမည့် အစီရင်ခံစာအတွက် လက်မှတ်ရေးထိုးခဲ့သည်။ အဆိုပါ နားလည်မှု စာချွန်လွှာအရ Win Consulting သည် The Report: Myanmar 2019 အစီရင်ခံစာ၏ အခွန်ကောက်ခံမှုဆိုင်ရာ အခန်းခွဲအား ရေးသားရာတွင် OBG အား ကူညီပေးသွားမည်ဖြစ်ကြောင်း သိရသည်။

“ကျွန်တော်တို့ရဲ့ ကာလရှည် မိတ်ဖက်တစ်ဦးဖြစ်ပြီး မြန်မာနိုင်ငံရဲ့ အကြီးမားဆုံးသော ၀န်ဆောင်မှုကုမ္ပဏီတစ်ခုဖြစ်တာနဲ့ အညီ Win Consulting ဟာ မြန်မာနိုင်ငံရဲ့ တိုးတက်ပြောင်းလဲလာတဲ့ အခွန်ကောက်ခံမှု စနစ်နဲ့ ဆက်လက်ဖြစ်ပေါ်နေတဲ့ ပြုပြင်ပြောင်းလဲမှုတွေဟာ ရင်းနှီးမြှုပ်နှံသူတွေအပေါ် ဘယ်လိုမျိုးသက်ရောက်မှုတွေ ရှိနိုင်မလဲဆိုတဲ့ အချက်နဲ့ပတ်သက်ပြီး ကျွန်တော်တို့ရဲ့ တင်ပြချက်တွေကို ပိုမိုအားဖြည့် ကူညီပေးသွားနိုင်မှာ ဖြစ်ပါတယ်” ဟု OBG ၏ မြန်မာနိုင်ငံဆိုင်ရာ Country Director ဖြစ်သူ Naiade Freitas က ပြောကြားသည်။

The Report: Myanmar 2019 တွင် Oxford Business Group မှ သုတေသနအဖွဲ့၏ ၁၀ လကျော် ပြုလုပ်ထားသည့် ဆန်းစစ် လေ့လာချက်များ ပါဝင်မည်ဖြစ်သည်။ အဆိုပါ ထုတ်ပြန်ချက်တွင် Macroeconomics၊ အခြေခံအဆောက်အအုံ၊ ဘဏ်လုပ်ငန်းနှင့် အခြားသော ကဏ္ဍအလိုက် တိုးတက်မှုများ အပါအ၀င် စီးပွားရေးကဏ္ဍတစ်ခုလုံး၏ ဦးတည်ချက်များနှင့် ဖွံ့ဖြိုးတိုးတက်မှုများအပေါ် ခန့်မှန်းချက်များ ပါဝင်ကြောင်း သိရသည်။

အဆိုပါ အစီရင်ခံစာအား မြန်မာနိုင်ငံ ရင်းနှီးမြှုပ်နှံမှုကော်မရှင်နှင့် ပူးတွဲထုတ်ပြန်သွားမည်ဖြစ်ပြီး Win Consulting၊ Kelvin Chia Yangon နှင့် Parami Energy တို့မှလည်း ပါဝင်ကူညီသွားမည်ဖြစ်ကြောင်း သိရသည်။

ပုသိမ်မြို့အနီးနှင့် မြန်မာ-အိန္ဒိယနယ်စပ်ကို ဗဟိုပြုပြီး တစ်ရက်အတွင်း မြေငလျင်နှစ်ကြိမ် လှုပ်ခတ်ခဲ့

ပုသိမ်မြို့၏ အနောက်မြောက်ဘက် ၁၈ မိုင်ခန့်အကွာနှင့် တမူးမြေငလျင်စခန်း၏ မြောက်ဘက် ၃၈ မိုင်ခန့်ကွာဝေးသည့်  မြန်မာ-အိန္ဒိယနယ်စပ်တို့ကို ဗဟိုပြု၍ ဇွန် ၂၀ ရက်တွင် အင်အားအနည်းငယ်ရှိသည့် မြေငလျင်လှုပ်ခတ်မှုများ ဖြစ်ပွားခဲ့ကြောင်း မိုးလေ၀သနှင့်ဇလဗေဒညွှန်ကြားမှု ဦးစီးဌာန၏ ထုတ်ပြန်ချက်အရ သိရသည်။

ဇွန် ၂၀ရက် နံနက် ၃ နာရီ ၃၆ မိနစ်တွင် ပုသိမ်မြို့၏ အနောက်မြောက်ဘက် ၁၈ မိုင် ခန့်အကွာ မြောက်လတ္တီတွဒ် ၁၇ ဒသမ ၀၀ ဒီဂရီ၊ အရှေ့လောင်ဂျီတွဒ် ၉၄ ဒသမ ၆၀ ဒီ ဂရီ၊ အနက် ၂၀ ကီလိုမီတာကို ဗဟိုပြု၍ ရစ်ခ်ျစကေး ၄ ဒသမ ၂ အဆင့်ရှိ အင်အား အနည်းငယ်ရှိသည့် မြေငလျင်တစ်ခု လှုပ်ခတ်ခဲ့ပြီး အဆိုပါ မြေငလျင်လှုပ်ခတ်ခဲ့သည့် နေရာသည် အိန္ဒိယမြေထုချပ်နှင့် မြန်မာမြေထုချပ်တို့ ထိစပ်ရာနေရာအနီး တည်ရှိကြောင်း သိရသည်။

အလားတူ ဇွန် ၂၀ ရက် မွန်းလွဲ ၂နာရီ ၁၄ မိနစ်တွင် တမူးမြေငလျင်စခန်း၏ မြောက်ဘက် ၃၈ မိုင်ခန့်အကွာ မြောက်လတ္တီတွဒ် ၂၄ ဒသမ ၇၅ ဒီဂရီ၊ အရှေ့လောင်ဂျီတွဒ် ၉၄ဒသမ ၃၈ ဒီဂရီ၊ အနက် ၂၅ ကီလိုမီတာကို ဗဟိုပြု၍ ရစ်ခ်ျတာစကေး ၄ ဒသမ ၆ အဆင့်ရှိ အင်အားအနည်းငယ်ရှိသည့် မြေငလျင်တစ်ခုလှုပ်ခတ်ခဲ့ပြီး လှုပ်ခတ်ခဲ့သည့် နေရာမှာ  အိန္ဒိယ-မြန်မာနယ်စပ် (မြန်မာနိုင်ငံပြင်ပ) နေရာကို ဗဟိုပြုလှုပ်ခတ်ခဲ့ခြင်း ဖြစ်ကြောင်း သိရသည်။

“ငလျင်က ဒီနေ့က ပုသိမ်မြို့ကနေ အနောက်မြောက်ဘက်ကျမှာပေါ့။ အဲဒီကို ဗဟိုပြုပြီး အင်အားက ၄ ဒသမ ၂ ရှိတယ်။ အဲဒါက တစ်ခု။ နောက်ပြီးတော့ အိန္ဒိယ-မြန်မာနယ်စပ် မြန်မာနိုင်ငံပြင်ပကိုပေါ့။ တမူးငလျင်စခန်းနားကို ဗဟိုပြုပြီး  အင်အား ၄ ဒသမ ၆ အဆင့်တစ်ခု စုစုပေါင်း နှစ်ခုလှုပ်သွားပါတယ်။ ပုသိမ်နားက မြို့နဲ့ဝေးပါတယ်။ အိန္ဒိယ-မြန်မာ မြေထုချပ်ထိတဲ့ နေရာနားပေါ့” ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာန မြေငလျင်ဌာနခွဲမှ ဒုတိယညွှန် ကြားရေးမှူး ဒေါက်တာယဉ်မျိုးမင်းထွေးက ပြောကြားသည်။

ယခုနှစ်တွင် လက်ရှိအချိန်ထိ မြေငလျင်လှုပ်ခတ်မှု အကြိမ် ၉၀ ကျော်ရှိလာခဲ့ပြီဖြစ်ပြီး ယခင်နှစ်တွင် လှုပ်ခတ်ခဲ့သည့် ငလျင်လှုပ်ခတ်မှု အကြိမ်အရေအတွက်ထက် သိသိသာသာ များပြားကြောင်း သိရသည်။