ကန်တော်ကြီးပဲလေ့စ်ဟိုတယ် မီးလောင်မှုတွင် ညတာဝန်ကျ မန်နေဂျာအား ပုဒ်မသုံးခုဖြင့် အမှုဖွင့် စစ်ဆေးနေပြီး ရုပ်ပျက်နေသည့်အလောင်းမှာ ပျောက်ဆုံးနေသော ထိုင်းနိုင်ငံသူ ဟုတ် မဟုတ် စိစစ်နေ

မီးလောင်ကျွမ်းခဲ့သည့် ကန်တော်ကြီး ပဲလေ့စ်ဟိုတယ်အား တွေ့ရစဉ်(ဓာတ်ပုံ-ကြည်နိုင်)

ရန်ကုန်မြို့ မင်္ဂလာတောင်ညွှန့်မြို့နယ်ရှိ ကန်တော်ကြီးပဲလေ့စ်ဟိုတယ် မီးလောင်မှုတွင် ညတာဝန်ကျ မန်နေဂျာအား လူသေမှု၊ ပြင်းထန်နာကျင်မှု၊ မီးလောင်မှု ပုဒ်မသုံးခုဖြင့် အမှုဖွင့် စစ်ဆေးနေကြောင်း ပြည်ထဲရေးဝန်ကြီးဌာန၏ အောက်တိုဘာ ၂၀ ရက် သတင်းထုတ်ပြန်မှုအရ သိရသည်။

ထို့ပြင် မီးလောင်မှုမှ ဒုတိယအကြိမ်တွေ့ရှိသော ရုပ်ပျက်နေသည့်အလောင်းမှာ ဟိုတယ်တွင် တည်းခိုပြီး ပျောက်ဆုံးနေသော ထိုင်နိုင်ငံသူ ဟုတ် မဟုတ် စိစစ်လျက်ရှိကြောင်း သတင်းထုတ်ပြန်မှုတွင် ပါရှိသည်။

ကန်တော်ကြီးပဲလေ့စ်ဟိုတယ်သည် အောက်တိုဘာ ၁၉ ရက်၊ နံနက် ၃ နာရီ ၂၀ မိနစ်က မီးလောင်မှုဖြစ်ပွားခဲ့ပြီး အဆိုပါ မီးလောင်မှုနှင့် ပက်သက်၍ ဟိုတယ်တွင် ညတာဝန်ကျ မန်နေဂျာ ကိုသီဟ၊ (၄၁)နှစ်၊ ဗမာ/ဗုဒ္ဓ၊ (ဘ) ဦးစိုးရင်၊ မြောက်ဥက္ကလာပမြို့နယ်နေသူအား မင်္ဂလာတောင်ညွန့် မြို့မရဲစခန်းတွင် (ပ) ၅၈၁/၂၀၁၇ ရာဇသတ်ကြီးပုဒ်မ ၃၀၄-က/၃၃၈/၂၈၅ (လူသေမှု/ပြင်းထန်နာကျင်မှု/မီးလောင်မှု)ဖြင့် စစ်ဆေးလျက်ရှိကြောင်း သိရသည်။ ဆုံးရှုံးမှု တန်ဖိုး (စိစစ်ဆဲ) ဖြစ်ကြောင်း သိရှိရပါသည်။

Photo: Ministry of Home Affairs, Myanmar

အဆိုပါ မီးလောင်မှုတွင် ဟိုတယ်၏ (၅) လွှာ၌ မီးလောင်သေဆုံးနေသော ဂျပန်နိုင်ငံသား Mr.Masatumi Tomita၊ (၅၃) နှစ်ကို နံနက်ပိုင်းတွင် တွေ့ရှိခဲ့ပြီး (ပတ်စ်ပို့နံပါတ် TR-4138084) ဖြစ်ကြောင်း သိရသည်။

မီးလောင်မှု ဖြစ်ပွားပြီးနောက် ဟိုတယ်မှ ဝန်ထမ်းများသည် မီးလောင်ထားသည့် ပစ္စည်းများအား ရှင်းလင်းစဉ် မွန်းလွဲ ၂ နာရီ ၃၀ မိနစ်ခန့်တွင် ဟိုတယ်၏ (၅)လွှာ အနောက်ဘက် ဝရံတာမှ လူရုပ်မပီပြင်တော့သည့် လူသေအလောင်း တစ်လောင်း ထပ်မံတွေ့ရှိခဲ့ပြီး ဟိုတယ် (၅)လွှာရှိ အခန်းအမှတ် (၅၂၇) တွင် ဗြိတိန်နိုင်ငံသား Mr.John Travs နှင့်ဇနီး ထိုင်းနိုင်ငံသူ Mrs.Hansa Khomsai တို့ တည်းခိုခဲ့ရာ Mr.John Travs နှင့် နိုင်ငံခြားသားများအား ပြန်လည်စိစစ်ချက်အရ Mrs.Hansa Khomsai မှာ ပျောက်ဆုံးလျက်ရှိကြောင်း သိရှိရသဖြင့် မီးလောင်သေဆုံးနေသည့် အလောင်းမှာ Mrs.Hansa Khomsai ဟုတ်/မဟုတ် စိစစ် အတည်ပြုသွားမည် ဖြစ်ကြောင်း သိရသည်။

မီးလောင်မှုကြောင့် ရွှေပြည်သာမြို့နယ် မီးသတ်ဦးစီးမှူး ဦးကျော်စွာလင်းသည် မီးငြှိမ်းသတ်နေစဉ် ဦးခေါင်းပေါ်သို့ သစ်သားတန်း ပြုတ်ကျခဲ့၍ သတိမေ့သွားကာ ဦးနှောက်အမြှေးအောက် သွေးခဲ၊ ဦးနှောက်အသားထဲ သွေးယိုစိမ့်၊ ဝဲနားထင်ရိုးကျိုး ဒဏ်ရာများ ရရှိခဲ့သဖြင့် ခွဲစိတ်ထားပြီး လက်ရှိအခြေအနေအရ မျက်စိဖွင့် မရ၊ လေပြွန်ဖောက်ထား၊ ခြေ/လက် အနည်းငယ်လှုပ်နိုင်ကာ စိုးရိမ်ရသဖြင့် ဦးနှောက်နှင့်အာရုံကြောကုသဌာန အထူးကြပ်မတ်ကုသခန်း၌ ကုသမှုခံယူလျက်ရှိကြောင်း သိရသည်။

ထို့ပြင် မီးလောင်မှုဖြစ်ပွားစဉ် ဟိုတယ် (၄) လွှာလှေခါးမှ (၃) လွှာသို့ ခုန်ချခဲ့သော မကာအိုနိုင်ငံသူသည် ခါးနာကျင်၊ ယာပါးပွန်း ဒဏ်ရာများ ရရှိခဲ့ရာ ရန်ကုန်ပြည်သူ့ဆေးရုံတွင် ကုသမှုခံယူ ရာမှတစ်ဆင့် ကမာရွတ်မြို့နယ် Grand Hantha International ဆေးရုံသို့ လွှဲပြောင်းကုသမှု ခံယူလျက်ရှိကြောင်း သိရသည်။

ဘာသာရေးအကြောင်းပြ၍ အမျိုးသမီးငယ်များအား ပန်းဦးလွှတ်မှု ပြုလုပ်နေသူကို ပြည်နယ်အစိုးရနှင့်ပူးပေါင်း၍ အရေးယူသွားမည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီး ပြောကြား

မွန်ပြည်နယ် သထုံမြို့နယ် အလံတစ်ရာနယ်မြေတွင် ဘာသာရေးအကြောင်းပြ၍ အမျိုးသမီးငယ်များအား ပန်းဦးလွှတ်မှုပြုလုပ်နေသူကို ပြည်နယ်အစိုးရနှင့်ပူးပေါင်း၍ သေချာပေါက် အရေးယူသွားမည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ပြောကြားသည်။

အောက်တိုဘာ ၁၉ ရက်က ပြည်သူ့လွှတ်တော်သို့ တက်ရောက်လာသော သာသနာရေးနှင့် ယဉ်ကျေးမှုဝန်ကြီးသည် အစည်းအဝေး အပြီးတွင် မီဒီယာများနှင့်တွေ့ဆုံစဉ် ထိုသို့ပြောကြားခဲ့ခြင်းဖြစ်သည်။

အဆိုပါဖြစ်စဉ်နှင့်ပတ်သက်၍ ယခုအချိန်မှသာ သိရှိရခြင်းဖြစ်ပြီး တိုင်ကြားစာများလည်း ရောက်ရှိခြင်းမရှိသေးကြောင်း၊ သို့ရာတွင် မွန်ပြည်နယ်အစိုးရနှင့် ပူးပေါင်းဆောင်ရွက်ကာ အရေးယူသွားမည်ဖြစ်ကြောင်း သူရဦးအောင်ကိုက ပြောကြားသည်။

“ပြည်နယ်အစိုးရနဲ့ ပြည်ထောင်စုဝန်ကြီးဌာန ပူးပေါင်းပြီးတော့ ညှိနှိုင်းအကောင်အထည်ဖော် ဆောင်ရွက်သွားမှာဖြစ်ပါတယ်။ သေချာပေါက် အရေးယူ ဆောင်ရွက်မှာဖြစ်ပါတယ်” ဟု သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ပြောကြားသည်။

အလံတစ်ရာဆရာတော်ကြီးအား ပအိုဝ်းတိုင်းရင်းသားများက ဘုရားတစ်ဆူကဲ့သို့ပင် ယုံကြည်ကိုးကွယ်ခဲ့ကြပြီး မိမိနှင့်လည်း ၁၉၈၉၊ ၁၉၉၀ ခုနှစ်ဝန်းကျင်က ဆရာတော်နှင့်အတူ သာသနာပြုခဲ့ဖူးကြောင်း၊ ဆရာတော်ကြီး ပျံလွန်တော်မူပြီးနောက် သထုံမြို့နယ် အလံတစ်ရာဒေသတွင် အလံတစ်ရာ ဆရာတော်ဝင်စားသည်ဟုဆိုသည့် ကိုရင်တစ်ပါး ရောက်လာခဲ့သည်ဟု သတင်းကြားရကြောင်း၊ အဆိုပါကိုရင်သည် ဆရာတော် သီတင်းသုံးခဲ့သည့်နေရာ၊ အသုံးအဆောင် ပစ္စည်းများမှအစ အကုန်လုံး အမှန်အတိုင်း ပြန်လည်ပြောပြနိုင်သည်ဟု ဆိုသည့်အတွက်ကြောင့် ရွာသူရွာသားအများစုသည် ဆရာတော်ဝင်စားသည်ဟု အကြွင်းမဲ့ ယုံကြည်ကြကြောင်း သူရဦးအောင်ကိုက ဆိုသည်။

“အဲဒီယုံကြည်မှု၊ ရိုးသားမှုကို လူမှုရေးအရ ချိုးဖောက်အမြတ်ထုတ်တာဖြစ်တယ်လို့ ဒါခန့်မှန်းလို့ရတယ်၊ သုံးသပ်လို့ရပါတယ်။ ဒါကို အမြန်ဆုံး အမှုဖွင့် ဆောင်ရွက်သွားမှာဖြစ်ကြောင်း ပြောကြားလိုပါတယ်” ဟု သူရဦးအောင်ကိုက ပြောကြားသည်။

ထိုသို့ အလံတစ်ရာနယ်မြေတွင် ဘာသာရေးအကြောင်းပြ၍ အမျိုးသမီးငယ်များအား ပန်းဦးလွှတ်မှု ပြုလုပ်နေသည်မှာ လေးငါးနှစ်ခန့်ကပင် ဖြစ်ပွားနေသော်လည်း ၎င်း၏နောက်တွင် အင်အားအများအပြားရှိနေပြီး တစ်ခါတရံ သင်္ကန်းဝတ်ဖြင့်နေထိုင်ပြီး တစ်ခါတရံတွင် သာမန်လူအဖြစ်ဖြင့် နေထိုင်ကြောင်း သထုံမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်မာမာခိုင်က ပြောကြားသည်။

“သူက အလံတစ်ရာဆရာတော်ကြီး ၀င်စားတယ်ဆိုပြီး ရောက်လာတယ်။ အဲဒီမှာလည်း သူက တချို့ကိစ္စတွေပြောနိုင်တာ ရှိတယ်။ ဒါပေမဲ့ ကျွန်မအမြင်ကတော့ ပအိုဝ်းတိုင်းရင်းသားတွေက ရိုးသားကြတယ်။ သူတို့ ရင်ထဲမှာ အလံတစ်ရာ ဆရာတော်ကြီးကို ကြည်ညိုတဲ့အစွဲဟာ တော်တော်ကြီးကိုရှိတယ်။ သူပြောသမျှကို အလံတစ်ရာဆရာတော်ကြီး ပြောတယ်လို့ပဲ မှတ်ယူနေကြတယ်။ အဓိကဇစ်မြစ်က အဲဒါပဲ။ တကယ်လို့သာ ဆရာတော်ကြီးဝင်စားတယ်ဆိုရင် ဆရာတော်ကြီးဟာ သူတော်ကောင်းဖြစ်တဲ့အတွက် ဒီလိုမျိုး ကာမေသုမိစ္ဆာရကံ ကျူးလွန်မှာမဟုတ်ဘူး။ မသိတော့ဘူးပေါ့။ အမှားအမှန်ကို ခွဲခြားနိုင်ခြင်း မရှိတော့ဘူးဖြစ်သွားတာ” ဟု ပြည်သူ့လွှတ်တော်ကိုယ်စားလှယ် ဒေါ်မာမာခိုင်က ပြောကြားသည်။

ထိုသို့ဖြစ်စဉ်များနှင့်ပတ်သက်၍ သာသနာရေးနှင့် ယဉ်ကျေးမှုဝန်ကြီး သူရဦးအောင်ကိုက “ဒီကိစ္စက ဒီခေတ်မှာ မရှိသင့်တော့ဘူး။ ဖြစ်လည်းမဖြစ်သင့်တော့ဘူး။ မကြားဝံ့မနာသာပဲ” ဟု ပြောကြားသည်။

ခွန်တန်ကို လွန်ခဲ့သည့်နှစ်လက တိုင်ကြားမှုကြောင့် ဥပဒေချုပ်၏ အကြံပေးချက်ဖြင့် ကက်ဘိနက်မှ ဖမ်းဆီးရန် စီစဉ်နေခိုက် မွေးရပ်ရှမ်းပြည်သို့ ထွက်ပြေးသွားရာ ဆက်သွယ် အရေးယူရန်ရှိကြောင်း၊ စော်ကားခံရသည့် မိန်းကလေးမိဘများ၏ တိုင်ကြားမှုကို လွှတ်တော်ကကြားနာ၍ တစ်ဆင့်ချင်း အရေးယူမှု လုပ်ဆောင်မည်ဖြစ်ကြောင်း၊ အရေးယူမှုကိုလည်း ထုတ်ပြန်သွားမည်ဖြစ်ကြောင်း မွန်ပြည်နယ်ဝန်ကြီးချုပ် ဒေါက်တာအေးဇံက ပြောကြားသည်။

မွန်ပြည်နယ် သထုံမြို့နယ် အလံတစ်ရာနယ်မြေတွင် ဘာသာရေးမှိုင်းတိုက်၍ ပန်းဦးလွှတ်မှုကို ကျူးလွန်သူကို မိဘအချို့၏တိုင်ကြားမှုကြောင့် မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်ထိန်းသိမ်း စောင့်ရှောက်ရေးကော်မတီမှ နိုဝင်ဘာ ၆ ရက်တွင် ကြားနာစစ်ဆေးမည်ဖြစ်ကြောင်း၊ ကော်မတီဥက္ကဋ္ဌ ဒေါ်ခိုင်ခိုင်လဲ့ (သထုံမြို့နယ် အမှတ်-၁ မဲဆန္ဒနယ်ပြည်နယ်လွှတ်တော် ကိုယ်စားလှယ်) က အောက်တိုဘာ ၁၉ ရက်တွင် ပြောကြားသည်။

“ထိခိုက်နစ်နာတဲ့ မိန်းကလေးတွေရဲ့ တိုင်တာကို နိုဝင်ဘာ ၆ ရက် နံနက် ၁၀ နာရီမှာ ကြားနာမှာဖြစ်ပါတယ်။ တိုင်စာတက်ထားပါတယ်၊ ဖခင်တွေကလည်း တိုင်ထားပါတယ်။ ကိုးယောက်ပါ။ ကြားနာတွေ့ရှိချက်ကို အစိုးရအဖွဲ့ကို Report ပေးလိုက်မှာပါ။ အဲဒီအတိုင်း အစိုးရအဖွဲ့က ဆောင်ရွက်မှာပါ။ ၀န်ကြီးချုပ်လည်း ပြောလိုက်ပြီ။ မွန်ပြည်နယ်အစိုးရကရော ပြည်ထောင်စုသာသနာရေးကပါ ထိထိရောက် ကိုင်တွယ်ပါ့မယ်လို့ Agreement ရထားပါတယ်။ ကျွန်မတို့ အလံတစ်ရာနယ်မြေကြီးဟာ တကယ့်ကို သန့်ရှင်းပြီးတော့ အရင်လိုပဲ စည်စည်ကားကားနဲ့ ကျက်သရေ ရှိရှိပြန်ဖြစ်လာမယ်ဆိုတာ မြင်မိပါတယ်။ ဒီလိုဟာမျိုးတွေ ကျွန်မတို့နယ်မြေမှာထပ်ပြီး ဘယ်သူမှမလုပ်ရဲတော့မယ်ဟာမျိုး ဖြစ်လာမှာပါ” ဟု မွန်ပြည်နယ်လွှတ်တော် အမျိုးသမီးရေးရာနှင့် ကလေးသူငယ်ထိန်းသိမ်း စောင့်ရှောက်ရေးကော်မတီ ဥက္ကဋ္ဌ ဒေါ်ခိုင်ခိုင်လဲ့က ပြောကြားသည်။

ခွန်တန် (ခေါ်) ဇာတ်လိုက်သည် သံဃာ မဟုတ်ကြောင်း၊ ဘာသာရေးမှိုင်းတိုက်ပြီး ပန်းဦးလွှတ်မှုကို ကျူးလွန်နေရာ နစ်နာသည့် မိန်းကလေး၏မိဘများက လွှတ်တော်သို့ တိုင်ကြားထား၍ စစ်မေးကွင်းဆင်းတွေ့ရှိချက်ကို အစိုးရအဖွဲ့သို့ပေးပို့ကာ ဥပဒေအရ အရေးယူသွားရန်ရှိကြောင်း ပအိုဝ်းတိုင်းရင်းသားရေးရာဝန်ကြီး နန်းစံဝင့်ခိုင်က ပြောကြားသည်။

ပေါက်ဈေးထက် အဆမတန်နည်းပါးသော ဈေးများဖြင့် ရယူထားပြီး လုပ်ငန်းလုပ်ရန် ရည်ရွယ်ခြင်းမရှိဘဲ မြေဈေးကစားရန် စောင့်နေသည့် ရန်ကုန်တိုင်းဒေသကြီးအတွင်းရှိ နိုင်ငံပိုင်အဆောက်အအုံနှင့် မြေကွက်များကို ပြန်သိမ်းရန် အစိုးရအားတိုက်တွန်းကြောင်းအဆို လွှတ်တော်ကိုယ်စားလှယ်ကိုးဦး ဆွေးနွေး

ပေါက်ဈေးထက် အဆမတန် နည်းပါးသောဈေးများဖြင့် ရယူထားပြီး လုပ်ငန်းလုပ် ရန်ရည်ရွယ်ခြင်းမရှိဘဲ မြေဈေးကစားရန် စောင့်နေသည့် ရန်ကုန်တိုင်းဒေသကြီး အတွင်းရှိ နိုင်ငံပိုင်အဆောက်အအုံနှင့် မြေကွက်များကို ပြန်သိမ်းရန် အစိုးရအား တိုက်တွန်းကြောင်းအဆိုကို လွှတ်တော်ကိုယ်စားလှယ် ကိုးဦးက အောက်တိုဘာ ၁၉ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ပဉ္စမပုံမှန်အစည်းအဝေး ၁၂ ရက်မြောက်နေ့တွင် ဆွေးနွေးခဲ့ကြသည်။

“အဆိုရှင် တင်ပြခဲ့တဲ့အတိုင်း နိုင်ငံပိုင် အဆောက်အအုံများနဲ့ မြေကွက်များကို နည်းလမ်းအမျိုးမျိုးနဲ့ ရယူထားပြီးတော့ အဆောက်အအုံအလွတ်တွေ၊ မြေကွက်အလွတ်တွေ အဖြစ်နဲ့ မြင်တွေ့နေရပါတယ်။ ဒီလို ရယူထားသူများဟာ ရယူစဉ်က ဈေးကွက်ပေါက်ဈေးထက် အဆမတန်နည်းတဲ့ ဈေးနဲ့ရယူခဲ့သလိုပဲ။ လုပ်ငန်းလုပ်ဆောင်ဖို့ ရည်ရွယ်ချက်မရှိဘဲနဲ့ ပြည်ပရင်းနှီးမြှုပ်နှံသူများကို ငှားစားဖို့အတွက် မြေဈေးကစားဖို့ အတွက် စောင့်စားနေသူများ ဖြစ်ပါတယ်။ စောင့်စားနေတာကို ဖုံးကွယ်ဖို့အတွက် တချို့တွေက သူတို့ရယူထားတဲ့ မြေပေါ်မှာ စီမံကိန်းကြီးတစ်ခု လုပ်ဆောင်နေသယောင် အချိန်ဆွဲပြီး ဖော်ဆောင်နေမှုများရှိတဲ့အတွက် ပြောင်းလဲတိုးတက်မှု သိသာစွာ မမြင်ရတဲ့ ဟန်ပြစီမံကိန်းများကို ဆောင်ရွက်နေတာကို ကျွန်တော်တို့ ပတ်ဝန်းကျင်မှာမြင်ရပြီးတော့ ပြည်သူများကလည်း ဒါကို ဝေဖန်ထောက်ပြမှုတွေ ရှိပါတယ်” ဟု ပုဇွန်တောင်မြို့နယ် မဲဆန္ဒနယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးတင့်လွင်က ပြောကြားသည်။

ယင်းအဆိုနှင့် ပတ်သက်ပြီး တိုင်းဒေသ ကြီးလွှတ်တော်ကိုယ်စားလှယ်ကိုးဦးက ထောက်ခံကြောင်း ပါဝင်ဆွေးနွေးခဲ့ကြသည်။

“ကျောက်တန်းမြို့နယ်ရှိ လယ်ယာမြေများ၊ စက်မှုဇုန် လယ်ယာမြေများကို စက်မှုဇုန် အကောင်အထည်ဖော်ရန်အတွက် လွန်ခဲ့တဲ့ နှစ်၂၀ ခန့်ကတည်း သိမ်းယူထားပေမယ့် သီလ၀ါစက်မှုဇုန်၊ ပြည်တွင်းစက်မှု ဇုန်ဧရိယာမှ လုပ်ငန်းအကောင်အထည်ဖော်ဆောင်မှုက စက်ရုံခြောက်ရုံသာရှိပြီး ကျန်မြေများကို အကောင်အထည်ဖော်ဆောင် နိုင်ခြင်းမရှိပါသဖြင့် ဥပဒေနှင့် အညီ ပြန်လည်စိစစ်ပြီး နိုင်ငံတော်နှင့် ပြည်သူအကျိုးအတွက် စီစဉ်ဆောင်ရွက်သင့်ပါတယ်” ကျောက်တန်းမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဒေါ်သက်သက်မူက ပြောကြားသည်။

ယင်းအဆိုနှင့်ပတ်သက်ပြီး ပြန်လည်ဆွေးနွေးမှုကို အောက်တိုဘာ ၂၆ ရက်တွင် ကျင်းပပြုလုပ်မည့် ဒုတိယအကြိမ် ရန်ကုန်တိုင်းဒေသကြီးလွှတ်တော်၊ ပဉ္စမပုံမှန်အစည်းအဝေး ၁၃ ရက်မြောက်တွင် ပြုလုပ်မည်ဖြစ်ကြောင်း သိရသည်။

“အမှတ် ၂၀ နဲ့ ၅၅ ရပ်ကွက်ကြားမှာ ရှိသလို မီးရထားကွင်းလည်း ဖြစ်သလို အဲဒီက အကျယ်က ဧရာဝဏ်လမ်းထိပ်အနေနဲ့ ကြည့်မယ်ဆိုရင် ဆိုင်းဘုတ်ဟာ ချုံနွယ်ပိတ်ပေါင်းတောင် ဖုံးလွှမ်းသွားပါပြီ။ ရန်ကုန်တိုင်းအရှေ့ပိုင်းခရိုင် ကုန်တင်ယာဉ်များ၊ ယာဉ်များ ရပ်နားဖို့အတွက် ထားရှိထားတဲ့ ဧရိယာဖြစ်ပါတယ်။ အမှတ် ၂၀ နဲ့ ၅၅ မှာ ရှိတဲ့ မဟာဓာတ်အားလိုင်းရှိတဲ့ဟာ ဖြစ်ပါတယ်။ အခုတော့ ခြံစည်းရိုးခတ်ပြီးတော့ တစ်ဦးတစ်ယောက်က ၀ယ်ယူထားတာ ဖြစ်ပါတယ်။ မဟာဓာတ်အားလိုင်းရဲ့ ဘေးနားမှာ ခြံစည်းရိုးအကြီးခတ်ပြီး ကစားကွင်းပါ ဆောင်ရွက်ထားပါတယ်။ ဒါကြောင့် တောင်ဒဂုံမြို့နယ် အမှတ် ၂၀ နဲ့ ၅၅ ရပ်ကွက်ကြားမှာရှိတဲ့ မဟာဓာတ်အား လိုင်းအောက်မှာရှိတဲ့ မီးရထားပိုင်မြေကွက်လပ်ကြီးအား နိုင်ငံတော်နှင့် ပြည်သူလူထု အကျိုးရှိမည့် ကိစ္စရပ်များ  စည်မျဉ်းစည်းကမ်းဥပဒေနှင့်အညီ ပြန်လည်စိစစ်သင့်ပါကြောင်းနှင့် ၎င်းနှင့်နည်းတူ အမှတ် ၁၉ ရပ်ကွက်၊ လှော်ကား လမ်းမပေါ်မှာရှိနေတဲ့  မြို့နယ်မြေပုံပါ လမ်းအတိုင်း၊ လမ်းမြေကြီးအားလည်း မြေကွက်ရိုက်ထားပြီး ရောင်ချထားခြင်းအပေါ် ပြည်သူလူထု ထပ်မံအသုံးပြုနိုင်ရန်အတွက် လမ်းမြေအဖြစ် ပြန်လည်စိစစ်သင့်ပါကြောင်း ဆွေးနွေးအပ်ပါတယ်” ဟု ဒဂုံမြို့သစ် (တောင်ပိုင်း) မဲဆန္ဒနယ်အမှတ်(၁)တိုင်းဒေသကြီး လွှတ်တော်ကိုယ်စားလှယ် ဦးညီညီက ပြောကြားသည်။

ရန်ကုန်တိုင်းဒေသကြီးအတွင်းရှိ နိုင်ငံပိုင်အဆောက်အအုံနှင့် မြေကွက်များအား နည်းလမ်းအမျိုးမျိုးဖြင့် ရယူထားကြပြီး ယနေ့အထိ လုပ်ငန်းလုပ်ကိုင်အကောင် အထည်ဖော်ဆောင်ခြင်းမရှိသော စည်းမျဉ်းစည်းကမ်းနှင့် ကိုက်ညီမှုမရှိသည့် နိုင်ငံပိုင် အဆောက်အအုံနှင့် မြေကွက်များအား နိုင်ငံပိုင်အဖြစ် ပြန်လည်သိမ်းဆည်းရန် ရန်ကုန်တိုင်းဒေသကြီး အစိုးရသို့ တိုက်တွန်းကြောင်း အဆိုကို မင်္ဂလာတောင်ညွန့်မြို့နယ်မဲဆန္ဒနယ်၊ အမှတ်(၁)တိုင်းဒေသကြီးလွှတ်တော် ကိုယ်စားလှယ် ဦးလှဌေးက တင်သွင်းခဲ့ခြင်း ဖြစ်သည်။

“လှိုင်မြို့နယ်မှာ နိုင်ငံပိုင် စက်ရုံအလုပ်ရုံတွေ အင်မတန်ပေါများတဲ့ မြို့နယ်တစ်ခု ဖြစ်ပါတယ်။အမျိုးစုံလှတဲ့ စက်ရုံတွေ ရှိခဲ့ပါတယ်။ ဆပ်ပြာစက်ရုံ၊ ထီးစက်ရုံ၊ ဂုန်နီစက်ရုံ၊ ကြွေရည်သုတ်စက်ရုံ၊ ဒန်အိုးစက်ရုံ၊ ဘီစကွပ်စက်ရုံ၊ ခေါက်ဆွဲစက်ရုံ၊ ရော်ဘာစက်ရုံအစရှိတဲ့ မျိုးစုံစက်ရုံတွေရှိတဲ့မြို့နယ် ဖြစ်ခဲ့ပါတယ်။ ယခုလက်ရှိမှာတော့ တချို့စက်ရုံတွေဟာ နှစ်ရှည်အငှားချထားခြင်းခံရခြင်း၊ တချို့စက်ရုံတွေကတော့ အပြီးရောင်းချခံရခြင်း ဖြစ်ကုန်ကြပါပြီ။ နှစ်ရှည်ငှားရမ်းစဉ်၊ ရောင်းချစဉ်က နှစ်ဦးနှစ်ဖက် ကတိက၀တ်တွေ၊ စည်းမျဉ်းစည်းကမ်းတွေနဲ့ ရောင်းဝယ်ငှားရမ်းခဲ့ပေမယ့်  စည်း မျဉ်းစည်းကမ်းအတိုင်း မဆောင်ရွက် မလုပ်ကိုင်ခဲ့တဲ့ ပုဂ္ဂလိက လုပ်ငန်းရှင်တွေလည်း ရှိတောမို့  ညှိနှိုင်းထိန်းသိမ်းဖို့ လိုနေပါတယ်”ဟု လှိုင်မြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဒေါ်ခိုင်မာဌေးက ပြောကြားသည်။

အများပြည်သူပိုင် မြသန္တာပန်းခြံအား ကလေးကစားကွင်း ဆောက်လုပ်ပေးမည်ဟုဆိုကာ ရပ်ကွက်နေပြည်သူများကို စာရွက်အလွတ်ပေါ် လက်မှတ်ထိုးခိုင်းပြီး အခကြေးငွေရယူမည့် ဖူဆယ်ကစားကွင်း တည်ဆောက်နေမှုအပေါ် ရပ်ကွက်နေပြည်သူများ ကန့်ကွက်

ရွှေပြည်သာမြို့နယ် မြသန္တာပန်းခြံနေရာတွင် တည်ဆောက်နေသည့် ဖူဆယ်ကစားကွင်းကို အောက်တိုဘာ ၁၉ ရက်က တွေ့ရစဉ်

ရွှေပြည်သာမြို့နယ်၊ အမှတ် ၉ ရပ်ကွက်၊ ပန်းခြံ (၈) မြသန္တာပန်းခြံနေရာအား ကလေးကစားကွင်း ဆောက်လုပ်ပေးမည်ဟုဆိုကာ ရပ်ကွက်နေပြည်သူများကို စာရွက်အလွတ် ပေါ်လက်မှတ်ထိုးခိုင်းပြီး အခကြေးငွေရယူ ကစားမည့် ဖူဆယ်ကစားကွင်းကို ရွှေသံလွင်ကုမ္ပဏီက တည်ဆောက်နေမှုအပေါ်  ရပ်ကွက်နေပြည်သူများက လက်မခံဘဲ ကန့်ကွက်ခဲ့ကြောင်းနှင့် တိုင်ကြားထားကြောင်း ရပ်ကွက်နေပြည်သူများက အောက်တိုဘာ ၁၉ ရက်တွင် ပြောကြားသည်။

အဆိုပါ ပန်းခြံနေရာတွင် ခွင့်ပြုချက်မရှိဘဲ တည်ဆောက်နေခြင်းနှင့် ပတ်သက်၍ ရန်ကုန်တိုင်းဒေသကြီး ရွှေပြည်သာမြို့နယ် လွှတ်တော်ကိုယ်စားလှယ် ဦးရန်အောင်မင်းက အဆိုပါပန်းခြံနေရာတွင် စီးပွားရေး လုပ်ငန်းရှင်တစ်စုက ၎င်းတို့သဘောဖြင့် အားကစားကွင်းတည်ဆောက်၍ အခကြေး ငွေယူမည့်အပေါ် ရပ်ကွက်နေပြည်သူများက တိုင်ကြားသဖြင့် ရန်ကုန်တိုင်းဒေသကြီး အစိုးရအဖွဲ့ စီမံခန့်ခွဲပိုင်ခွင့်ရှိသော ရပ်ကွက်အတွင်း ပန်းခြံလျာထားမြေကို အစိုးရအဖွဲ့က စီမံခန့်ခွဲ၍ ပြည်သူလူထု လက်ခံသော အများပြည်သူအခမဲ့ အေးချမ်းစွာ အနားယူနိုင်မည့် ပန်းခြံအဖြစ် ဖော်ဆောင်ပေးရန် လိုအပ်မည်ဖြစ်ကြောင်း ရန်ကုန်တိုင်းဒေသကြီး လွှတ်တော်ဥက္ကဋ္ဌနှင့် ရန်ကုန်မြို့တော် စည်ပင်သာယာရေးကော်မတီသို့ တင်ပြထားကြောင်း သိရသည်။

“ဒီဖူဆယ်ကွင်းကို လုပ်နေတဲ့ ရာအိမ်မှူးက ဒါဟာ စကိုင်းနက်က လုပ်တယ်လို့ ပြောတယ်။ စကိုင်းနက်ဆို ရွှေသံလွင်ပေါ့။ ကလေးကစားကွင်းလုပ်မယ်ဆိုပြီး စာရွက်အလွတ်မှာ လက်မှတ်ထိုးခိုင်းပြီး လောင်းကစား ၀ိုင်းတွေ၊ ဖူဆယ်ကွင်းတွေ လုပ်မှာကို သ ဘောမတူနိုင်ပါဘူး” ဟု ရပ်ကွက်နေပြည်သူ တစ်ဦးဖြစ်သည့် ဒေါ်နုယဉ်က ဆိုသည်။

ရွှေသံလွင်ကုမ္ပဏီက ကျပ်သိန်း ၅၀၀ လှူဒါန်းပြီး အခကြေးငွေရယူကစားမည့် ဖူဆယ်ကစားကွင်းနှင့် ကိုယ်ကျိုးစီးပွားရှာမည့် လူတစ်စုက လောင်းကစားဝိုင်းများပြုလုပ်ပြီး ငါးနှစ်ကြာရန်ပုံငွေရှာဖွေမည်ဟု ရပ်ကွက်နေပြည်သူများက ပြောဆိုနေကြပြီး တာဝန်ရှိသူများထံ တိုင်ကြားထားသည့် မြသန္တာ ပန်းခြံနေရာတွင် စာကြည့်တိုက် (ဓမ္မာ ရုံ) တစ်ခုသာ တည်ဆောက်ခွင့်ပြုထားပြီး ပွင့်လင်းရာသီတွင် မီးတားမြေအဖြစ် သတ်မှတ်ထားသည့် နေရာဖြစ်ကြောင်း သိရသည်။

“ဒီစီမံကိန်းကို လုပ်နေတဲ့ ယောက်ျားအုပ်စုလိုက်က အမျိုးသမီးနှစ်ယောက်တည်းကို စိန်ခေါ်တယ်။ စည်ပင်ကတောင် ဘာမှမပြောဘဲ နင်တို့ပြောစရာအကြောင်း မရှိဘူး။ တုတ်ယူမလား၊ ဓားယူမလားဆိုပြီး ကြိုက်တဲ့သူဆင်းလာခဲ့ ခုတ်မယ်ဆိုပြီး ပြောတယ်။ ဒီကစားကွင်းဖွင့်ပြီးရင် မနက်ကနေ ညနေအထိ နာရီပိုင်းနဲ့ ပိုက်ဆံယူပြီး သူတို့က လုပ်စားကြမှာ။ ပတ်ဝန်းကျင်မှာ သက်ကြီးရွယ်အိုတွေရှိတယ်။ သူတို့တစ်နေ့လုံးဆူညံနေမှာ၊ လောင်းကစားဝိုင်းတွေ လုပ်နေမှာကို လက်မခံနိုင်ပါဘူး” ဟု ရပ်ကွက်နေပြည်သူတစ်ဦးဖြစ်သည့် ဒေါ်စန်းစန်းမော်က ဆိုသည်။

အဆိုပါ ပန်းခြံနေရာအား ဖူဆယ်အား ကစားကွင်းနှင့် လောင်းကစားဝိုင်းများတည်ဆောက်ရာတွင် ဦးဆောင်သည်ဟုဆိုသူ အမှတ် (၉) ရပ်ကွက် ရာအိမ်မှူးဦးမြသောင်းက “ကျွန်တော်က အဓိကမဟုတ်ပါဘူး။ ရပ်ကွက်မှာ အားကစားဆပ်ကော်မတီ ကျွန်တော်ဖွဲ့ပေးထားတယ်။ ပန်းခြံထဲမှာစုပြီး အများသဘောဆန္ဒနဲ့ ဒါတွေလုပ်မယ်။ လက်မှတ်တွေစုပါတယ်။ တရားဝင်သန်းခေါင်စာရင်း နဲ့နေသူတွေကို လုပ်ပေးထားတဲ့ သဘောရှိပါတယ်။ ရပ်မိရပ်ဖတစ်ယောက် အနေနဲ့ ပါတာပေါ့။ ကျွန်တော်တို့မှာ ဘာစာချုပ်စာတမ်းမှ ချုပ်ဆိုထားတာ မရှိသေးပါဘူး။ ဒါပေမဲ့ အလှူရှင် စကိုင်းနက်က သူ့စိတ်ကူးလေးတွေ နဲ့ပုံဖော်နေတဲ့ သဘောပဲရှိပါတယ်။ အခုလည်း တစ်ဝက်တစ်ပျက်ပဲ ပြီးပါသေးတယ်။ လှူတဲ့ အလှူရှင်က စကိုင်းနက်ပိုင်ရှင်လို့ ပြောပါတယ်။ အလှူရှင်စိတ်တိုင်းကျပုံဖော်နေပြီး လူငယ်လူလတ်တွေနဲ့ ညှိနှိုင်းနေတဲ့ သဘောပဲ ရှိပါသေးတယ်” ဟု ဆိုသည်။

အဆိုပါ ပန်းခြံနေရာသည် ရပ်ကွက်မှ ပိုင်ဆိုင်သည်မဟုတ်ဘဲ နိုင်ငံတော်မှ ပိုင်ဆိုင်သည့်အတွက် သက်ဆိုင်ရာအဆင့်အလိုက် တာဝန်ရှိသူများဖြစ်သည့် စည်ပင်၊ မြို့နယ်ထွေအုပ်များအား တင်ပြပြီး သက်ဆိုင်ရာမှ ခွင့်ပြုပါက ဆောက်လုပ်နိုင်သည်ဟုသာ ပြောကြားခဲ့ပြီး ရပ်ကွက်နေပြည်သူများက လက်မခံနိုင်ကြောင်း ကန့်ကွက်လိုပါကလည်း ကန့်ကွက်နိုင်ပြီး ၎င်းအနေဖြင့် ဆက်လက် တင်ပြမည်ဖြစ်ကြောင်း အမှတ်(၉) ရပ်ကွက် အုပ်ချုပ်ရေးမှူး ဦးနိုင်လင်းအောင်က ဆိုသည်။