မြန်မာနိုင်ငံတွင် သဘာဝပတ်ဝန်းကျင် မထိခိုက်သည့် လျှပ်စစ်စွမ်းအင်ထုတ်လုပ်ရန် ကြိုးစားဖို့လိုအပ်ကြောင်း သဘာဝပတ်ဝန်းကျင် ပညာရှင်များဆွေးနွေး

ဘားအံမြို့၌ မြန်မာနိုင်ငံနှင့် ကမ္ဘာ့စွမ်းအင် အကူးအပြောင်းဆွေးနွေးပွဲ ဒီဇင်ဘာ ၁၄ ရက်က ပြုလုပ်စဉ်

ကမ္ဘာတွင် ရုပ်ကြွင်းလောင်စာအသုံးပြုမှု လျှော့ချကာ ပြန်ပြည့်မြဲစွမ်းအင်အစားထိုး ရန်ကြိုးစားနေကြသဖြင့် မြန်မာနိုင်ငံတွင်လည်း သဘာဝပတ်ဝန်းကျင်ကိုမထိခိုက်သည့် လျှပ်စစ်စွမ်းအင် ထုတ်လုပ်ရန် ကြိုးစားဖို့ လို အပ်ကြောင်းကို သဘာဝပတ်ဝန်းကျင်ပညာ ရှင်များက ဒီဇင်ဘာ ၁၄ ရက်တွင် ကရင်ပြည်နယ် ဘားအံမြို့၌ ပြုလုပ်သော မြန်မာနိုင်ငံနှင့် ကမ္ဘာ့စွမ်းအင်အကူးအပြောင်း ဆွေးနွေးပွဲ၌ ထည့်သွင်းဆွေးနွေးခဲ့ကြသည်။

“ကျောက်မီးသွေးကို အဆင့်လိုက်ဖျက်သိမ်းဖို့ ကျွန်မတို့ ကြိုးစားနေပါတယ်။ ဒါကြီးကို တခြားလောင်စာတွေနဲ့ ချက်ချင်းပိတ်သိမ်းဖို့ဆိုတာလည်း မဖြစ်နိုင်ဘူး။ ဘာဖြစ်လို့လည်းဆိုတော့ ထည့်ထားရတဲ့ ရင်းနှီးမြှုပ်နှံမှုတွေ အလုပ်သမားရေးရာ ကိစ္စတွေရှိသေးတယ်။ ဒါကြောင့်မို့ ကူးပြောင်းဖို့ဆိုတာ အချိန်ပေးရတယ်။ အချိန်လည်း ပေးထားပါတယ်။ ဒါကြောင့် ဖွံ့ဖြိုးတဲ့ နိုင်ငံတွေဟာ ၂၀၃၀ အပြီး ပြည့်မြဲစွမ်းအင်အစားထိုးရမယ်။ ဒေါ်လေးတို့လို မဖွံ့ဖြိုးသေးတဲ့ နိုင်ငံတွေက ၂၀၅၀ မတိုင်ခင် ဒါတွေကို အပြီးလုပ်ထားမယ်။ ဒေါ်လေးတို့က အဲဒါတွေကို ကြိုတင်စဉ်းစားပြီးတော့မှ ကျောက်မီးသွေးစွမ်းအင်ကို အတိုင်းအတာအရပဲ စဉ်းစားလို့ရမယ်။ ရေရှည်သူများတွေ အားလုံးဆုတ်နေတဲ့အချိန်မှာ ဒေါ်လေးတို့က ကျောက်မီးသွေး စွမ်းအင်တက်တဲ့ ကိစ္စဟာ အင်မတန် အန္တရာယ်ကြီးပါတယ်။ ကျောက်မီးသွေးသယ်တာ ထားသိုတာကို သက်ဆိုင်ရာ ၀န်ကြီးဌာနကို မူကြမ်းအနေနဲ့ တင်ထားပြီး ဖြစ်တယ်။ ဒီချောင်းထဲမှာ အမှုန်တွေကျပြီးတော့ လူတွေရော၊ နွားတွေရော အန္တရာယ်မဖြစ်ဖို့ ကျောက်မီးသွေးသည် သတ္တုထဲမှာပါနေတယ်။ ဒါပေမဲ့ သူ့အတွက် သီးသန့်ဥပဒေက မရှိဘူး။ အနောက်နိုင်ငံတွေမှာ သုံးနေတဲ့ သန့်စင်တဲ့ ကျောက်မီးသွေးပဲဖြစ်ဖြစ်။ အကုန်လုံး ကျောက်မီးသွေးအတွက် သီးသန့်ဥပဒေတွေ နည်းဥပဒေတွေ ပြဋ္ဌာန်းထားတယ်။ အဲဒီအရင်ဆုံးစွမ်းအင်မသုံးခင် ဒါတွေကို အရင်လုပ်ဖို့ လွှတ်တော်မှာတောင်းဆိုကြဖို့ လိုတယ်လေ။ ကျောက်မီးသွေးကို ဒေါ်လေးတို့ကတော့ သဘောမတူဘူး။  အဲဒါမျိုးတွေပြီးမှ မဖြစ်မနေ ပေါ်လစီလုပ်နေတဲ့ သူတွေက စီးပွားရေးလို အပ်တယ်ဆိုလို့ရှိရင် အချိန်တို အတိုင်းအတာအတွင်းတောင်မှ WWF ကတင်ပြသလိုပဲ ပြန်ပြည့်မြဲစွမ်းအင်ဟာ အသေးစားအနေနဲ့ဆိုရင် ခြောက်လအတွင်း ခြောက်နှစ်အတွင်း လုပ်နိုင်မယ်။ ကမ္ဘာနဲ့ပြောင်းနေချိန်မှာ ရေစီးကြောင်းနဲ့ စီးမျှောဖို့ တိုက်တွန်းချင်တယ်” ဟု မြန်မာအစိမ်းရောင်ကွန်ရက်မှ ဒေါ်ဒေ၀ီသန့်ဇင်က ပြောကြားသည်။

“မြန်မာနိုင်ငံကနေ အားတစ်မျိုးတည်းရှိတာ မဟုတ်ဘူးဗျ။ ကျွန်တော်တို့ မြန်မာနိုင်ငံမှာ ကရင်ပြည်နယ်အပါအ၀င် သဘာဝအရင်းအမြစ်တွေ အများကြီးရှိတဲ့အတွက် နေမရှိတဲ့ အချိန်မှာ ရေအားနဲ့ ထုတ်လို့ရတယ်။ ရေမရှိတဲ့အချိန်မှာ လေအားနဲ့ ထုတ်လို့ရတယ်။ ဇီဝလောင်စာနဲ့လည်း ထုတ်လို့ရတယ်။ ဇီဝအပူနဲ့ လည်းထုတ်လို့တယ်။ ကျွန်တော်အနေနဲ့ ဆိုရင်တော့ စိုးရိမ်နေရတဲ့ နည်းပညာတစ်ခုတည်းကို ဇောက်ချပြီး ဘယ်တော့မှပြောလို့ မရပါဘူးခင်ဗျ။ ဘာကို မှီခိုစေချင်သလဲဆိုတော့ မြန်မာနိုင်ငံမှာ ရှိပြီးသား အရင်းအမြစ်တွေ အားလုံးပေါင်းပြီးတော့ နည်းပညာမျိုးစုံ သုံးပြီးတော့ သုံးတာပိုအဆင်ပြေပါတယ်။ အဲဒီတော့ ကရင်ပြည်နယ်မှာ ဆိုလာနဲ့ထုတ်မယ်။ ရှမ်းပြည်နယ်မှာ အသေးစားရေအားနဲ့ ထုတ်မယ်။ တနင်္သာရီတိုင်းမှာ လောလောဆယ် ဂက်စ်နဲ့ထုတ်နေကြတယ်။ အဲဒီတော့ အားလုံးပေါင်းပြီးတော့ ထုတ်မယ်ဆိုရင် ရာသီအလိုက် နည်းပညာအလိုက် တစ်နာရီချင်းစီအလိုက် လျှပ်စစ်ထုတ်မယ်ဆိုရင် မပြတ်ဘူးဆိုတာ ကွန်ပျူတာမောဒင်းနင်းနဲ့ရော၊ သိပ္ပံပညာနဲ့ရော တစ်နာရီအတွင်း နောက် ၃၃ နှစ်အထိ လျှပ်စစ်မပြတ်စေရဘူးဆိုတာ ကျွန်တော်တို့ ဆန်းစစ်တွေ့ရှိပြီးပါပြီ။ တခြားနိုင်ငံတွေမှာလည်း နည်းပညာတစ်မျိုးတည်းကို ဇောက်ချပြီး မသုံးဘဲ ရှိပြီးသားအရင်းမြစ်တွေ အားလုံးကို တွဲဖက်ပြီးတော့ သုံးနေကြပါတယ်ခင်ဗျ” ဟု WWF မှ ဦးရွှန်းစိုဦးက ဆက်လက်ဆွေးနွေးသည်။

“သတ္တုဥပဒေမှာကတော့  သဘာဝပတ်ဝန်းကျင်ကို မထိခိုက်အောင် ဆောင်ရွက်ရမယ်ဆိုတဲ့ ညွှန်ကြားချက်လေး တစ်ခုပဲရှိတယ်။ ကျန်တာဘာမှမရှိဘူး၊ ကျောက်မီးသွေးဟာ ကမ္ဘာတစ်ဝန်းလုံးမှာ ပြောရမယ်ဆိုရင်  သတ္တုတွင်းကဏ္ဍမှာ သဘာဝပတ်ဝန်းကျင်ကို ထိခိုက်မှု အများဆုံးဖြစ်တာကို တွေ့ရတယ်။ အဲဒါကြောင့် သတ္တုတွင်းကဏ္ဍ သတ္တုတွင်းဆိုင်ရာ ဥပဒေတွေထဲမှာ မပါတော့ဘဲနဲ့ ကျောက်မီးသွေးဆိုင်ရာ ဥပဒေနည်းဥပဒေတွေကို ရေးဆွဲပြီးတော့ သူများနိုင်ငံတွေမှာ လုပ်ဆောင်တယ်။ ကျွန်တော်တို့ နိုင်ငံမှာကျတော့ ကျောက်မီးသွေးဟာလည်း တကယ်တမ်းပြောရင်တော့ နိုင်ငံတော်အစိုးရ လုပ်တာက ၁၉၅၅ ခုနှစ်လောက်ကစပြီးတော့ လုပ်တာအဲဒီကတည်းက လုပ်တာက၊ နောက်ပိုင်းကျတော့သိပ်လည်း မရှိတော့ဘူး။ နောက်တော့ ကျောက်မီးသွေးကို စွမ်းအင်တစ်ခုအဖြစ် ထုတ်တော့မယ်လို့ အခြားနေရာတွေမှာလည်း သုံးတော့မယ်ဆိုတော့ ကျောက်မီးသွေးလုပ်ငန်းတွေက ပြန်ပြီးတော့ ခေါင်းထောင်လာ တော့မယ်။ နောက်ပြီး မြန်မာပြည်မှာ အင်မတန်နည်းပါတယ်ဆိုတဲ့ ကျောက်မီးသွေးကို မရရအောင်ရှာကြံပြီး ထုတ်တယ်။ အဲဒီမှာ ကျောက်မီးသွေးမှာက အမျိုးအစား လေးမျိုးရှိတယ်။ မြန်မာနိုင်ငံမှာ ဆိုးတာက အခြားသော သယံဇာတတွေ ပေါတယ်ဆိုပေမယ့်လို့ ကျောက်မီးသွေးကျတော့ အညံ့ဆုံး အမျိုးအစားပဲထွက်တယ်။ ကျောက်မီးသွေးထုတ်ရင် အင်မတန်အန္တရာယ်များတဲ့အတွက် နိုင်ငံတိုင်း နိုင်ငံတိုင်းမှာ သီးခြားဥပဒေနဲ့ ပြဋ္ဌာန်းပြီးတော့ ကန့်သတ်ထိန်းချုပ်တာရှိပါတယ်။ ကျွန်တော်တို့နိုင်ငံကျတော့ ကျောက်မီးသွေးလုပ်ငန်းတွေ အရင်ကမလုပ်ခဲ့ မတွင်ကျယ်ခဲ့တဲ့အတွက် ဥပဒေမရှိဘူး၊ ဥပဒေမဲ့ လုပ်မယ်ဆိုရင် ဘယ်သူမှ ထိန်းချုပ်လို့မရဘူး။ လက်တွေ့ ကျွန်တော်တို့ ခံစားနေရတာဆိုရင် မန်းရွှေစက်တော်နားက ကျောက်မီးသွေးတွင်း တစ်တွင်းမှာဆိုရင် နိုင်ငံခြားသားတစ်ယောက် အပါအ၀င် လူရှစ်ယောက်လောက် ကျောက်မီးသွေးတွင်းထဲ ပိတ်မိပြီးတော့ သေသွားခဲ့တယ်။ နောက်ပြီးတော့ စွန့်ပစ်ပစ္စည်းတွေကြောင့် စနစ်တကျမထားပဲနဲ့ ဟိုပစ်ဒီပစ်စည်းမဲ့ကမ်းမဲ့ ဥပဒေမဲ့ လုပ်နေတဲ့အတွက်  သဘာဝပတ်ဝန်းကျင်ကိုလည်း ထိခိုက်တယ်။ လူတွေကိုလည်းဒုက္ခပေးတယ် တိရစ္ဆာန်တွေကိုလည်း ဒုက္ခပေးတဲ့ ဖြစ်စဉ်တွေရှိပါတယ်။ တီကျစ် ကျောက်မီးသွေးစက်ရုံမှာဆိုရင် စွန့်ထုတ်လိုက်တဲ့ စွန့်ပစ်ပစ္စည်းတွေဟာ ချောင်းတွေမြောင်းတွေထဲရောက်၊ အဲဒီချောင်းတွေ မြောင်းတွေထဲက ရေတွေကို ရေသွားချိုးတဲ့ ကလေးတွေ၊ အရေပြားရောဂါတွေဖြစ်တယ်။ သီးနှံတွေ အထွက်နှုန်းတွေ ဆုတ်ယုတ်သွားတယ်။ အရည်အသွေးတွေကျသွားတယ်။ ဒါက စိုက်ပျိုးရေးလုပ်ငန်းမှာ သီးနှံတွေပေါ်မှာ သက်ရောက်မှု၊ ဒီထက်ပိုဆိုးတာက နွားတွေက ကျောက်မီးသွေးအမှုန်တွေပါတဲ့ ရေတွေကို သွားသောက်မိတဲ့အခါကျတော့ ဗိုက်တွေ ဖောင်းပြီးသေတယ်။ နောက်ပြီး ကျောက်မီးသွေးမှုန်တွေ ပျံ့နှံ့နေတဲ့ လေကိုရှူမိတဲ့ ၀က်စတဲ့ တိရစ္ဆာန်တွေမှာ မူမမှန်တဲ့ အင်္ဂါမစုံတဲ့ ၀က်ကလေးတွေ မွေးလာတယ်။ သားပေါက်နှုန်းတွေ ကျသွားတယ်။ ကျောက်မီးသွေးမှာ အဆိုးဆုံးက သူ့ဆီကထွက်တဲ့  အမှုန်လေးတွေ အဲဒီအမှုန်လေးတွေက ဆံချည်မျှင်လေးတွေရဲ့ ၂၅ ပုံ တစ်ပုံလောက်ပဲ ရှိတယ်။ အဲဒါတွေက ပတ်ဝန်းကျင်မှာ အကုန်ပြန့်တော့ရေထဲကျတော့လည်း ရေသတ္တ၀ါတွေကို ဒုက္ခပေးတယ်။ ကုန်းပေါ်မှာ လေတိုက်လို့ လွင့်လည်း လမ်းမှာရှိတဲ့ ကုန်းနေသတ္တ၀ါတွေ အကုန်လုံးကိုလည်း ဒုက္ခပေးတယ်။ အဲဒီလိုမျိုး စည်းမရှိကမ်းမရှိ ဥပဒေမရှိတဲ့အတွက် ဘာမှတားလို့မရဘူး” ဟု သဘာဝပတ်ဝန်းကျင်ပညာရှင် တစ်ဦးဖြစ်သည့် ဦးစိန်မြင့်က ပြောကြားသည်။

ရန်ကုန်မြို့ပြ ဖွံ့ဖြိုးတိုးတက်ရေး စီမံကိန်း၊ အခြေခံ အဆောက်အအုံ၊ ပို့ဆောင်ရေးနှင့် လျှပ်စစ်ကဏ္ဍတို့အတွက် ဂျပန်နိုင်ငံမှ ယန်းငွေ ဘီလျံ ၈၀၀ အကူအညီပေးမည်ဖြစ်ကြောင်း ဂျပန်နိုင်ငံဝန်ကြီးချုပ် ပြောကြား

ရန်ကုန်မြို့ပြ ဖွံ့ဖြိုးတိုးတက်ရေး စီမံကိန်း၊ အခြေခံအဆောက်အအုံ၊ ပို့ဆောင်ရေးနှင့် လျှပ်စစ်ကဏ္ဍတို့အတွက် ဂျပန်နိုင်ငံမှ ယန်းငွေ ဘီလျံ ၈၀၀ အကူအညီပေးသွားမည်ဖြစ်ကြောင်း နိုင်ငံတော်သမ္မတ ဦးထင်ကျော်နှင့် ဂျပန်နိုင်ငံဝန်ကြီးချုပ် ရှင်ဆိုအာဘေးတို့ ပူးတွဲသတင်းစာ ရှင်းလင်းပွဲ ပြုလုပ်ရာတွင် ၀န်ကြီးချုပ်မှ ပြောကြားခဲ့ခြင်းဖြစ်ကြောင်း မြန်မာ့အသံနှင့် ရုပ်မြင်သံကြား သတင်းဖော်ပြချက်အရ သိရသည်။

နိုင်ငံတော်သမ္မတ ဦးထင်ကျော်အား ဒီဇင်ဘာ ၁၄ ရက် ညနေပိုင်းတွင် ဂျပန်နိုင်ငံဝန်ကြီးချုပ်က အခမ်းအနားဖြင့် ဂုဏ်ပြုကြိုဆိုခဲ့ကြောင်း၊ ထို့နောက် နိုင်ငံတော်သမ္မတနှင့် ဂျပန်ဝန်ကြီးချုပ်တို့သည် မြန်မာဂျပန်ထိပ်သီး အစည်းအဝေးတို့ တက်ရောက်ခဲ့ပြီး ၀န်ကြီးချုပ်ရုံးတွင် ကျင်းပသည့် နှစ်နိုင်ငံပူးတွဲ သတင်းစာ ရှင်းလင်းပွဲသို့ တက်ရောက်ခဲ့ကြောင်း သိရသည်။

ပူးတွဲသတင်းစာ ရှင်းလင်းပွဲတွင် နိုင်ငံတော်သမ္မတ ဦးထင်ကျော်က အရည်အသွေး ပြည့်မီသည့် အခြေခံကျန်းမာရေးဝန်ဆောင်မှု ပေးနိုင်ရေးသည် သက်ဆိုင်ရာ အစိုးရများအတွက် အလွန်အရေးပါသည့် တာဝန်တစ်ရပ် ဖြစ်ပါကြောင်း၊ ယင်းကဲ့သို့ ၀န်ဆောင်မှုတွေကို ဖြည့်ဆည်းပေးနိုင်ဖို့သည် မြန်မာအစိုးရ အပါအ၀င် ဖွံ့ဖြိုးဆဲနိုင်ငံများအတွက် စိန်ခေါ်မှုတစ်ရပ် ဖြစ်ပါကြောင်း၊ စိန်ခေါ်မှုများကို ကျော်လွှားနိုင်ရန်အတွက် အစိုးရနှင့် လူထုတစ်ရပ်လုံးက ပူးပေါင်း ပါဝင်ကြရမှာဖြစ်ပါကြောင်း၊ Universal Health Coverage Forum ကိုတက်ရောက်ပြီး ဒီကနေ့ မွန်းလွဲပိုင်းမှ စတင်ကာ မိမိ၏ တရားဝင်ခရီးစဉ် စတင်ခဲ့ပါကြောင်း၊ မစ္စတာဟာဘေးနှင့် ဆွေးနွေးခဲ့သည့် နှစ်နိုင်ငံ ထိပ်သီးအစည်းအဝေးတွင် မိမိတို့နှစ်နိုင်ငံအကြား ပူးပေါင်းဆောင်ရွက်ရေးနှင့် ဒေသတွင်းဆိုင်ရာ ကိစ္စရပ်များအပေါ် အမြင်ချင်းဖလှယ်ခဲ့ကြပါကြောင်း၊ မိမိတို့ဆွေးနွေးမှုများတွင် နှစ်နိုင်ငံအကြား စီးပွားရေးပူးပေါင်း ဆောင်ရွက်မှုမြှင့်တင်ရေး၊ မြန်မာနိုင်ငံ ဖွံ့ဖြိုးတိုးတက်ရေး လုပ်ငန်းများနှင့် လူ့စွမ်းအား အရင်းအမြစ် ဖွံ့ဖြိုးတိုးတက်ရေးကဏ္ဍများတွင် ဂျပန်နိုင်ငံမှ အကူအညီပေးအပ်လျက်ရှိသည့် ကိစ္စရပ်များနှင့် မြန်မာနိုင်ငံ ငြိမ်းချမ်းရေး လုပ်ငန်းစဉ်တွင် ဂျပန်နိုင်ငံအနေဖြင့် ဆက်လက် အကူအညီပေးရေးတို့ကို ဆွေးနွေးခဲ့ပါကြောင်း ပြောကြားခဲ့သည်။

ဆက်လက်ပြီး သတင်းစာ ရှင်းလင်းပွဲတွင် ဂျပန်နိုင်ငံဝန်ကြီးချုပ် ရှင်ဆိုအာဘေးဟာ မြန်မာနိုင်ငံ၏ ဒီမိုကရေစီအရေး၊ ပြုပြင်ပြောင်းလဲရေး၊ စီးပွားရေးတိုးတက် အောင်မြင်စေရန်နှင့် ငြိမ်းချမ်းရေးလုပ်ငန်းစဉ်များ အောင်မြင်စေဖို့အတွက် ဆက်လက်ပူးပေါင်း ကူညီဆောင်ရွက်သွားမှာဖြစ်ကြောင်း၊ ဂျပန်နိုင်ငံ၏ ရပ်တည်ချက်ကို ထပ်လောင်းအတည်ပြု ပြောကြားခဲ့ပါကြောင်း၊ ဂျပန်နိုင်ငံမှ အကူအညီပေးမည့် ယန်းငွေ ဘီလျံ ၈၀၀ ဖြင့် ရန်ကုန်မြို့ပြ ဖွံ့ဖြိုးတိုးတက်ရေးစီမံကိန်း၊ အခြေခံ အဆောက်အအုံနှင့် ပို့ဆောင်ရေး၊ လျှပ်စစ်ဓာတ်အားကဏ္ဍများတွင် အဓိကထားပူးပေါင်း ဆောင်ရွက်သွားမှာဖြစ်ပါကြောင်း၊ ကျန်းမာရေးကဏ္ဍ၊ လူသားအရင်းအမြစ် ဖွံ့ဖြိုးတိုးတက်ရေး စသည့် ကဏ္ဍများအတွက်လည်း ပူးပေါင်း ကူညီသွားမည်ဖြစ်ကြောင်း၊ ရခိုင်ပြည်နယ် မောင်တောဒေသအရေး ကိစ္စနှင့်ပတ်သက်ပြီး မြန်မာအစိုးရ၏ ကြိုးပမ်းဆောင်ရွက်နေမှုများကို ဂျပန်နိုင်ငံမှ ထောက်ခံအသိအမှတ်ပြုပြီး အကူအညီ ပေးအပ်သွားမည်ဖြစ်ကြောင်း၊ အထူးသဖြင့် ရခိုင်ပြည်နယ်အတွင်း လမ်းတံတားများ ဆောက်လုပ်ရေး၊ လျှပ်စစ်ဓာတ်အားများ ရရှိရေး၊ စာသင်ကျောင်းများ ဆောက်လုပ်ရေးတို့ကို အကူအညီပေးသွားမှာဖြစ်ကြောင်း၊ ဂျပန်နိုင်ငံအနေဖြင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုကို အားပေးကူညီလျက် ရှိပါကြောင်း ပြောကြားခဲ့သည်။

ကြေးနီစီမံကိန်းကိစ္စ လက်ပံတောင်းတောင် ဒေသခံများ၏ တောင်းဆိုချက်များပါ တိုင်ကြားစာကို လက်ပံတောင်းတောင် အကျိုးစီးပွား ကာကွယ်ရေးအသင်းက တရုတ်သံရုံးသို့ ပေးပို့ရာ သံရုံးက ရဲမှတစ်ဆင့်ပို့ခိုင်း၍ စာမပေးဘဲ ပြန်ယူလာ

ကြေးနီစီမံကိန်းနှင့်ပတ်သက်၍ လက်ပံတောင်းတောင်ဒေသခံများ၏ တောင်းဆိုချက်ပါ တိုင်ကြားစာကိစ္စ တရုတ်သံရုံးရှေ့တွင် လုံခြုံရေးတာဝန်ကျရဲများနှင့် ဒီဇင်ဘာ ၁၄ ရက် ညနေက တွေ့ဆုံစဉ် (ဓာတ်ပုံ-ကျော်ဇင်ဖြိုး)

လက်ပံတောင်းတောင် အကျိုးစီးပွား ကာကွယ်ရေးအသင်းက လက်ပံတောင်းတောင်ဒေသခံများ၏ တောင်းဆိုချက်များပါ တိုင်ကြားစာကို ဒီဇင်ဘာ ၁၄ ရက်က တရုတ်သံရုံးသို့ သွားရောက်ပေးပို့စဉ် သံရုံးကရဲမှ တစ်ဆင့်ပေးရန် ပြောဆိုသဖြင့် စာကိုမပေးဘဲ ပြန်လည်ထွက်ခွာခဲ့ကြောင်း သိရသည်။

လက်ပံတောင်းတောင် အကျိုးစီးပွား ကာကွယ်ရေးအသင်းမှ ဒေါ်နော်အုန်းလှ အပါအ၀င် ၁၀ ဦးခန့်သည် ဒီဇင်ဘာ ၁၄ ရက် ညနေ ၄ နာရီခန့်တွင် ကြေးနီစီမံကိန်းကိစ္စ တိုင်ကြားစာကို တရုတ်သံရုံးသို့ သွားရောက်ပြီးပေးရန် ပြုလုပ်စဉ် သက်ဆိုင်ရာ မြို့နယ်ရဲစခန်းမှ တာဝန်ရှိသူက လက်ခံရယူထားမည် ဖြစ်ကြောင်း ပြန်လည်ပြောဆိုခဲ့သည်။

“ကျွန်မတို့စာကို တရုတ်သံရုံးခန်းကို သွားပေးတယ်။ ကျွန်မတွေ့ချင်တာ သံရုံးတာဝန်ကိုပါ။ သံရုံးတာဝန်ခံ မဟုတ်ရင် အဆင်မပြေပါဘူး။ သံရုံးကိုလာတာက စာပေးချင်လို့လာတာ။ ရဲကိုပေးချင်လို့လာတာ မဟုတ်ပါဘူး။ ရဲကတစ်ဆင့်တော့ သူတို့က ပေးခိုင်းတယ်။ အဲဒီလို မလုပ်ချင်ပါဘူး။ ရဲကိုပေးချင်ရင် ရဲစခန်းသွားမှာပါ။ ကျွန်မတို့နိုင်ငံမှာ သံရုံးလာဖွင့်ထားတယ်။ ကျွန်မတို့ နိုင်ငံနစ်နာရတဲ့ အကြောင်းရင်းကို သိစေချင်လို့ စာလာပေးတာကို လက်မခံနိုင်ဘူးဆိုရင် ဆက်လက်ပြီး ဆန္ဒပြမှာပါ။ သံရုံးကိုဆန္ဒပြမှာပါ” ဟု ဒေါ်နော်အုန်းလှက ပြောကြားသည်။

ဆက်လက်၍ ၎င်းက “အဓိကက တောင်သူတွေ နစ်နာတာကို တိုင်ကြားခြင်းပါ။ အဲဒီမှာ ဖြစ်ခဲ့တာကို ယခင်အစိုးရရော အခုအစိုးရရော ဘာမှဖော်ဆောင်ပေးခြင်း မရှိပါဘူး။ ကုမ္ပဏီကလည်း စုံ/ကော် အစီရင်ခံစာကို မလိုက်နာလို့ အရေးယူပေးဖို့လည်း ပါပါတယ်။ မလိုက်နာတဲ့အပြင် သူတို့ကုမ္ပဏီမှာရှိတဲ့ ရေဆိုးတွေကို စွန့်ထုတ်တယ်။ အဲဒီတော့ ဒေသခံတွေ စိုက်ပျိုးမှုတွေ ပျက်စီးတယ်။ တရုတ်နိုင်ငံက သမ္မတကို သိစေချင်တာလည်းပါတယ်။ သက်ဆိုင်ရာဌာနအစုံကို စာနဲ့တိုင်မှာပါ” ဟု ပြောကြားသည်။

ထိုသို့ စာလာပေးသည့် အချိန်တွင် ရဲလုံခြုံရေးများ ချထားသော်လည်း အဆိုပါ လုံခြုံရေးများမှာ ပုံမှန်လုံခြုံရေးသာဖြစ်ကြောင်း အနောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

လက်ပံတောင်းတောင်ရှိ ဦးပိုင်နှင့် ၀မ်ပေါင်ကုမ္ပဏီမှာ လက်ရှိအချိန်တွင် စုံခုံအစီရင်ခံစာအတိုင်း လက်ခံမည်ဟု ပြောဆိုခဲ့သော်လည်း လိုက်နာခြင်းမရှိကြောင်း သိရသည်။

ပြီးခဲ့သည့် ဒီဇင်ဘာ ၁၃ ရက် နံနက် ၁၁ နာရီကလည်း ဒေါ်နော်အုန်းလှနှင့် လက်ပံတောင်းတောင်ဒေသခံများ အပါအ၀င် ၁၂ ဦးက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နေထိုင်သည့် နေအိမ်သို့ တွေ့ဆုံရန် လာရောက်ခဲ့ပြီး သက်ဆိုင်ရာ အရာရှိတစ်ဦးက ၀င်ခွင့်မရကြောင်း ပြောဆိုသော်လည်း လာရောက်တွေ့ဆုံသူများက ရဲတပ်ဖွဲ့ဝင်ခွင့် မပေးခြင်းလား၊ ဒေါ်အောင်ဆန်းစုကြည်မှ ၀င်ခွင့်မပေးခြင်းလားဟု မေးခွန်းထုတ်ခဲ့ကြကြောင်း သိရသည်။

ယင်းသို့ မေးခွန်းထုတ်သည့်အပေါ် တာဝန်ကျရဲမှူး ရောက်ရှိလာပြီး လုံခြုံရေးအရ ရဲတပ်ဖွဲ့မှ ၀င်ခွင့်မပေးခြင်းဖြစ်ပြီး ၎င်းတို့ပေးချင်သည့်စာအား နိုင်ငံတော်၏အတိုင်ပင်ခံရုံးသို့ ရောက်ရှိအောင် ပေးပို့မည်ဟု တာဝန်ယူကာ အဆိုပါတိုင်ကြားစာကို လက်ခံရယူခဲ့သည်။

“အဓိက နစ်နာတဲ့ဒေသခံတွေက အခုချိန်အထိ အစားထိုးမြေလည်း မရသေးဘူး။ လုံးဝလျော်ကြေးမယူတဲ့သူတွေက သီနှံလျော်ကြေးတောင်းတာလည်း အခုချိန်အထိ မပြေလည်သေးဘူး။ ဒေါ်အောင်ဆန်းစုကြည်ကိုယ်တိုင်ကလည်း စုံခုံအစီရင်ခံစာအတိုင်း လက်ခံမယ်ဆိုပြီး ဦးပိုင်၊ ၀မ်ပေါင်ကလည်း အခုကပိုဆိုးလာတဲ့အခါ အခုသိအောင် လာပြောခြင်း ဖြစ်ပါတယ်။ ပါးစပ်နဲ့လည်း ပြောချင်တယ်။ စာလည်းပေးမယ်ပေါ့နော်။ အစီရင်ခံစာအတိုင်းလုပ်မယ်။ ကမ္ဘာသိအောင်၊ နိုင်ငံသိအောင်လုပ်မယ် ကြေငြာထားပြီးမှ ဦးပိုင်၊ ၀မ်ပေါင်အခု အချိန်အထိ မလိုက်နာဘူး။ ဒါကိုလည်း ဘယ်လိုဆောင်ရွက်ပေးမယ် ဆိုတာကိုလည်း သိချင်တယ်။ လက်ရှိဒေသခံတွေက အခုဆိုလို့ရှိရင် ခြိမ်းခြောက်မှု ခဏခဏဖြစ်တယ်။ အခုဆို ပြောင်းရွှေ့ခိုင်းပြန်ပြီ။ ဒါတွေကလည်း ဖိအားပေးတာကိုသိအောင် လာပြောချင်လို့ လာကြတာ ဖြစ်ပါတယ်။ ကိုယ့်အစိုးရမို့လို ကိုယ်အသိပေးချင်လို့ လာတာဖြစ်ပါတယ်” ဟု လက်ပံတောင်း အကျိုးစီးပွားကာကွယ်ရေးအသင်း (ရန်ကုန်)မှ ဒေါ်နော်အုန်းလှက ပြောကြားသည်။

ကုလသမဂ္ဂ ယန္တရားများအောက်တွင် လူ့အခွင့်အရေးအကြောင်းပြလျက် မြန်မာနိုင်ငံအပေါ် ထပ်ကာထပ်ကာခွဲ ခြားရွေးချယ်ဆက်ဆံခြင်းမျိုးကို မြန်မာနိုင်ငံအနေဖြင့် လက်မခံနိုင်ကြောင်း ကုလသမဂ္ဂလုံခြုံရေးကောင်စီ၌ မြန်မာနိုင်ငံအရေးကိစ္စ ဆွေးနွေးပွဲတွင် မြန်မာအမြဲတမ်းကိုယ်စားလှယ် တုံ့ပြန်

ကုလသမဂ္ဂယန္တရားများအောက်၌ လူ့အခွင့်အရေးအကြောင်းပြလျက် မြန်မာနိုင်ငံအပေါ် ထပ်ကာထပ်ကာ ခွဲခြားရွေးချယ် ဆက်ဆံခြင်းမျိုးကို မြန်မာနိုင်ငံအနေဖြင့် လက်မခံနိုင်ကြောင်း ကုလသမဂ္ဂလုံခြုံရေးကောင်စီ၌ မြန်မာနိုင်ငံအရေး ကိစ္စဆွေးနွေးပွဲတွင် မြန်မာအမြဲတမ်း ကိုယ်စားလှယ် ဦးဟောက်ဒိုဆွမ်းက တုံ့ပြန်ပြောကြားခဲ့ကြာင်း နိုင်ငံခြားရေးဝန်ကြီးဌာနက ဒီဇင်ဘာ ၁၄ ရက်တွင် ထုတ်ပြန်ခဲ့သည်။

အမေရိကန်နိုင်ငံ၊ နယူးယောက်မြို့ရှိ ကုလသမဂ္ဂ လုံခြုံရေးကောင်စီ၌ ဒီဇင်ဘာ ၁၂ ရက်က ကျင်းပခဲ့သည့် မြန်မာနိုင်ငံနှင့်ပတ်သက်သည့် အစည်းအဝေး၌ ရခိုင်ပြည်နယ်ဆိုင်ရာ ဖွံ့ဖြိုးတိုးတက်မှုများနှင့်စပ်လျဉ်း၍ မြန်မာအမြဲတမ်းကိုယ်စားလှယ် ဦးဟောက်ဒိုဆွမ်းက မိန့်ခွန်းပြောကြားခဲ့ပြီး အထက်ပါအချက်များကို ထည့်သွင်းပြောကြားခဲ့ကြောင်း ထုတ်ပြန်ချက်အရ သိရသည်။

ကုလသမဂ္ဂယန္တရားများအောက်တွင် လူ့အခွင့်အရေးအကြောင်းပြလျက် မြန်မာနိုင်ငံအပေါ် ထပ်ကာထပ်ကာ ခွဲခြားရွေးချယ် ဆက်ဆံခြင်းမျိုးကို မြန်မာနိုင်ငံအနေဖြင့် လက်မခံနိုင်ပါကြောင်းကို ပြတ်သားစွာ ပြောကြားပြီးဖြစ်ကြောင်း၊ နိုင်ငံရေးဖိအားများ သက်ရောက်စေမှုနှင့် အတင်းအကျပ်ဖိအား ပေးမှုများသည် ရလဒ်ကောင်းကို ဆောင်ကြဉ်းပေးနိုင်မည်မဟုတ်ကြောင်း ဦးဟောက်ဒိုဆွမ်းက ပြောကြားခဲ့သည်ဟု နိုင်ငံခြားရေးဝန်ကြီးဌာနက ထုတ်ပြန်သည်။

ဆက်လက်၍  ကုလသမဂ္ဂအဖွဲ့ဝင်နိုင်ငံဖြစ်သော မြန်မာနိုင်ငံသည် ကုလသမဂ္ဂနှင့် ဆက်ဆံရေးကောင်းမွန်စေရန် အစဉ်ထိန်းသိမ်းလျက်ရှိပြီး နှစ်ဖက်အပြန်အလှန် နားလည်မှုနှင့် လေးစားမှုတို့ကိုအခြေခံ၍ ထိတွေ့ခြင်းနှင့် ပူးပေါင်းဆောင်ရွက်ခြင်း လမ်းကြောင်းကိုသာ အစဉ်ရွေးချယ်ကြောင်း၊ ယနေ့မြန်မာနိုင်ငံအနေဖြင့် ရင်ဆိုင်ကြုံတွေ့နေရသော ရှုပ်ထွေးသည့် စိန်ခေါ်မှုများကို နားလည်ကြောင်းပြသပေးခဲ့သည့် လုံခြုံရေး ကောင်စီအဖွဲ့ဝင်နိုင်ငံများကို ကျေးဇူးတင်ရှိကြောင်း၊ အပြန်အလှန်နားလည်မှုရှိခြင်းနှင့် အပြုသဘောဆောင်သည့် ပူးပေါင်းဆောင်ရွက်ခြင်းဖြင့်သာ ရလဒ်ကောင်းများကို ဆောင်ကြဉ်းပေးနိုင်မည်ဖြစ်ကြောင်း ဦးဟောက်ဒိုဆွမ်းက ပြောကြားခဲ့သည်ဟု နိုင်ငံခြားရေးဝန်ကြီးဌာနက ထုတ်ပြန်ခဲ့သည်။

လူသားချင်းစာနာမှု အကူအညီပေးရေးနှင့်ပတ်သက်၍ အစိုးရအနေဖြင့် Red Cross Movement နှင့် ASEAN Coordinating Centre for Humanitarian Assistance on Disaster Management (AHA Centre) တို့နှင့် ပူးပေါင်းလျက် အကြမ်းဖက်တိုက်ခိုက်မှု ဖြစ်ပွားခဲ့သည့်ဒေသရှိ အသိုက်အ၀န်းအားလုံးကို လိုအပ်သောအကူအညီများ ပေးအပ်လျက်ရှိကြောင်း ထုတ်ပြန်ထားသည်။

ရခိုင်ပြည်နယ်မှ နေရပ်စွန့်ခွာသူများ နှင့်စပ်လျဉ်း၍ ဆောင်ရွက်မည့်အစီအစဉ်အား မြန်မာနိုင်ငံနှင့် ဘင်္ဂလားဒေ့ရ်ှနိုင်ငံတို့အကြား ၂၃-၁၁-၂၀၁၇ ရက်တွင် လက်မှတ်ရေးထိုးခဲ့ပြီးဖြစ်ကြောင်း၊ သတ်မှတ်ထားသည့် အချိန်ကာလများအတွင်း နေရပ်စွန့်ခွာသူများကို ပြန်လည်လက်ခံမည့်လုပ်ငန်း စတင်နိုင်ရေးအတွက် Joint Working Group ဖွဲ့ စည်းရန် Terms of Reference (TOR) ကို နှစ်ဖက်ညှိနှိုင်းလျက်ရှိကြောင်း မြန်မာအမြဲတမ်းကိုယ်စားလှယ် ဦးဟောက်ဒိုဆွမ်းက ဆိုသည်။

လက်ရှိတွင် ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင်၏ အကြံပြုချက်များနှင့် မောင်တောဒေသ ရခိုင်ပြည်နယ် စုံစမ်းစစ်ဆေးရေးကော်မရှင်၏ အကြံပြုချက်များကို အကောင်အထည်ဖော် ဆောင်နိုင်ရန်အတွက် ရခိုင်ပြည်နယ်ဆိုင်ရာ အကြံပြုချက်များအား အကောင်အထည်ဖော် ဆောင်ရွက်ရေးကော်မတီနှင့် ကော်မတီ၏ အကြံပေးဘုတ်အဖွဲ့တို့ကို ဖွဲ့စည်းထားသည်။

ကိုယ်ဝန်ဆောင်မိခင်များ၌ ဆီးချိုရောဂါဖြစ်ပွားမှု ရာခိုင်နှုန်း ၂၀ မှ ရာခိုင်နှုန်း ၄၀ ခန့်ရှိနေပြီး အမျိုးသမီးများတွင် ဆီးချိုရောဂါဖြစ်ပွားမှု ၁၁ ဒသမ ၈ ရာခိုင်နှုန်း ဖြစ်နေ

မြန်မာနိုင်ငံ၌ ကိုယ်ဝန်ဆောင်မိခင်များတွင် ဆီးချိုရောဂါ ဖြစ်ပွားမှုနှုန်းသည် ရာခိုင်နှုန်း၂၀ မှ ရာခိုင်နှုန်း ၄၀ ခန့်အထိ ဖြစ်ပွားနေပြီး အမျိုးသမီးများတွင် ဆီးချိုရောဂါဖြစ်ပွားမှု ၁၁ ဒသမ ၈ ရာခိုင်နှုန်း ဖြစ်ပွားနေကြောင်း တစ်နိုင်ငံလုံး အတိုင်းအတာဖြင့် ကောက်ယူထားသော ဆီးချိုရောဂါ စစ်တမ်းများအရ သိရသည်။

လက်ရှိ ကမ္ဘာတွင် အမျိုးသမီး ၁၉၉ သန်းသည် ဆီးချိုရောဂါခံစားနေရပြီး ၂၀၄၀ ပြည့်နှစ်တွင် ၃၁၃ သန်း ဖြစ်လာမည်ဟု ခန့်မှန်းထားကြောင်း ကမ္ဘာ့ကျန်းမာရေးအဖွဲ့ (WHO) ၏ အချက်အလက်များအရ သိရသည်။

ဆီးချိုသွေးချို ကိုယ်ဝန်ဆောင် အမျိုးသမီးများသည် မီးဖွားရာတွင် ခက်ခဲလေ့ရှိသဖြင့် အထူးသတိထားရမည်ဖြစ်ပြီး ခုနစ်ဦးတွင် တစ်ဦးသည် ကိုယ်ဝန်ဆောင်စဉ်ဖြစ်သော ဆီးချိုသွေးချို (Gestational Diabetes-GDM) ဖြစ်တတ်ပြီး မိခင်နှင့် ကလေးကျန်းမာ အသက်ရှင်ရေးကို ပြင်းထန်စွာ ခြိမ်းခြောက်သော အခြေအနေ တစ်ရပ်ဖြစ်ပြီး ယင်း GDM မှာ အမျိုးအစား (၂) ဆီးချိုသွေးချိုရောဂါသို့ ပြောင်းလဲသွားတတ်သဖြင့် နောက်ဆက်တွဲ ဆိုးကျိုးများ ဖြစ်လာနိုင်ကြောင်း သိရသည်။

ကိုယ်ဝန်ဆောင်မိခင်များတွင် ဆီးချိုသွေးချိုရောဂါ ဖြစ်ပွားပါက လမစေ့မီမွေးဖွားခြင်းနှင့် ကလေးအသက် ဆုံးရှုံးခြင်းများ ဖြစ်တတ်ကြောင်း သိရသည်။

ဆီးချိုသွေးချိုရောဂါ၏ နောက်ဆက်တွဲ ဆိုးကျိုးများဖြစ်သော နှလုံးသွေးကြောပိတ်ခြင်း၊ လေဖြတ်ခြင်း၊ ခြေထောက်ဖြတ်ရခြင်း၊ မျက်စိကွယ်ခြင်း၊ သက်တမ်းမစေ့မီ သေဆုံးခြင်း၊ ကျောက်ကပ်သွေးကြော ပျက်စီးလျှင် ကျောက်ကပ်လုပ်ငန်း ချို့ယွင်းပြီး ကျောက်ကပ်ရောဂါ၊ သွေးတိုးရောဂါဖြစ်နိုင်ခြင်း၊ ကိုယ်တစ်ခြမ်းသေရောဂါများ ဖြစ်နိုင်ခြင်းတို့ ဖြစ်ပွားနိုင်ကြောင်း သိရသည်။

မြန်မာနိုင်ငံတွင် ၂၀၁၃-၂၀၁၄ သုတေသန စစ်တမ်းအရအသက် ၂၅ နှစ်နှင့် ၆၅ နှစ်ကြားလူ ၁၀၀ တွင် ၁၁ ဦးမှာ ဆီးချိုသွေးချို ရောဂါဖြစ်ပွားနေပြီး အသက် ၂၀ မှ ၇၉ နှစ်အတွင်း ဆီးချိုသွေးချိုရောဂါ ဖြစ်ပွားသူဦးရေ ၂ ဒသမ ၇ သန်းခန့်ရှိကာ ငါးသန်းခန့်မှာ ရောဂါဖြစ်ပွားနိုင်ခြေ ရှိနေကြောင်း သိရသည်။

အမျိုးသားများတွင် ရောဂါဖြစ်ပွားမှုမှာ ၉ ဒသမ ၁ ရာခိုင်နှုန်းခန့်ရှိပြီး အမျိုးသမီးများတွင် ၁၁ ဒသမ ၈ ရာခိုင်နှုန်း ဖြစ်ပွားနေကြောင်း၊ အမျိုးသားများတွင် ရောဂါဖြစ်ပွားမှုနှုန်းသည် ၂၅-၃၄ နှစ်အုပ်စုတွင် ၃ ဒသမ ၆ ရာခိုင်နှုန်းရှိရာ အသက်ကြီးရင့်သည်နှင့်အမျှ ဖြစ်နှုန်းမြင့်သွားရာ ၅၅-၆၄ နှစ်အုပ်စုတွင် ၁၉ ဒသမ ၅ ရာခိုင်နှုန်းအထိ မြင့်တက်လျက်ရှိကြောင်း အမျိုးသမီးများတွင် ၂၅- ၃၄ နှစ် အုပ်စုတွင် ၄ ဒသမ ၅ ရာခိုင်နှုန်း၊ ၅၅-၆၄ အုပ်စုတွင် ၂၃ ဒသမ ၇ ရာခိုင်နှုန်းအထိ မြင့်တက်လျက်ရှိကြောင်း သိရသည်။

ဆေးသုတေသန ဦးစီးဌာနက ၂၀၁၄ ခုနှစ် အတွင်းက မကူးစက်တတ်သော ရောဂါများ ဖြစ်စေတတ်သော အကြောင်းအရာများကို နိုင်ငံတစ်ဝန်း လေ့လာခဲ့ပြီး မြို့နယ်ပေါင်း ၅၂ မြို့မှ အသက် ၂၅ နှစ်မှ ၆၄ နှစ်ရှိသော လူဦးရေ ၈၇၅၇ ဦးကို လေ့လာသုတေသန ပြုလုပ်ခဲ့ကြောင်း၊ လေ့လာချက်မှရရှိသော အချက်အလက်အချို့ကို အသုံးပြု၍ တစ်နိုင်ငံလုံးနှင့် သက်ဆိုင်သော ဆီးချိုသွေးချို ဖြစ်ပွားမှုနှုန်းများကို တင်ပြခဲ့ခြင်းဖြစ်ကြောင်းနှင့် လေ့လာမှုများအရ တစ်နိုင်ငံလုံး အတိုင်းအတာဖြင့် ဆီးချိုသွေးချို ဖြစ်ပွားမှုနှုန်းမှာ နိုင်ငံ့လူဦးရေ၏ ၁၀ ဒသမ ၅ ရာခိုင်နှုန်းခန့်ထိ ရှိနေကြောင်း သိရသည်။

ထို့ကြောင့် အမျိုးသမီးကြီးငယ်များကို ဆီးချိုသွေးချိုရောဂါဆိုင်ရာ ဗဟုသုတများ သင်ကြားပို့ချခြင်း၊ လက်လှမ်းမီသလောက် လူအင်အား၊ ငွေအင်အား၊ ပစ္စည်းအင်အား စုစည်း၍ ဆီးချိုသွေးချိုကာကွယ်ခြင်း သို့မဟုတ် ဖြစ်ပွားမှုနှုန်းနှေးစေခြင်း စသည့် လုပ်ငန်းများတွင် ပါဝင်နိုင်ရန် အရည်အသွေး မြှင့်တင်ခြင်း လုပ်ဆောင်ပေးကြရမည်ဖြစ်ကြောင်း သိရသည်။

မောင်တောမြို့နယ် တောင်ပိုင်းသို့ ရွှေ့ပြောင်းရောက်ရှိလာသူများအား ကူညီခြင်းဖြင့် ရေပြင်ပိုင်နက်ကို စိုးမိုးနိုင်ရေးအတွက် အထောက်အကူပြုနိုင်ဟုဆို

ရခိုင်ပြည်နယ်၊ မောင်တောတောင်ပိုင်းသို့ ရွှေ့ပြောင်းရောက်ရှိလာသူများကို ကူညီပေးခြင်းဖြင့် ရေပြင်ပိုင်နက်ကို စိုးမိုးနိုင်ရေးအတွက် အထောက်အကူပြုနိုင်ကြောင်း လေ့လာသူများက ပြောကြားသည်။

လက်ရှိအနေအထားတွင် မောင်တော တောင်ပိုင်းနှင့် ရသေ့တောင်မြို့နယ်တောင်ပိုင်း ကျေးရွာများသို့ အခြေချရန် ရောက်ရှိလာသူများ ရှိနေပြီဖြစ်ကာ ရေလုပ်ငန်းကို လုပ်ကိုင်ခြင်းအားဖြင့် ရေပိုင်နက်ကို စိုးမိုးထားနိုင်မည်ဖြစ်သဖြင့် ခိုးဝင်လာသူများကို အဟန့်အထားဖြစ်စေနိုင်ပြီး ဒေသအတွက် အထောက်အကူပြုနိုင်ကြောင်း၊ ယင်းအတွက် အားလုံးက ၀ိုင်းဝန်းကူညီပေးရန် လိုအပ်ကြောင်း ပြောကြားသည်။

အနောက်ဘက် နယ်စပ်ဒေသ ရခိုင်အမျိုးသားနယ်မြေ ပြန်လည်တည်ဆောက်ရေး အထောက်အကူပြု ကော်မတီဥက္ကဋ္ဌ သမိုင်းပညာရှင် ဒေါက်တာအေးချမ်းက “ဒီမယူတောင် အနောက်ဘက်က ပင်လယ်ပြင်ဟာ ရခိုင်သမိုင်းတစ်လျှောက်လုံးမှာ ရခိုင်တို့ရဲ့ စီပွားရေးအတွက် အဓိကကျတဲ့ ပင်လယ်ပြင်ဖြစ်တယ်။ ဒီပင်လယ်ပြင်ကြီးကို ရခိုင်တွေ ဆုံးရှုံးသွားခဲ့တာ နှစ်တစ်ရာနီးပါး ရှိခဲ့ပြီ။ ရခိုင်တွေ ငါးဖမ်းထွက်ရင် ပင်လယ်ပြင်မှာ ခြိမ်းခြောက်တယ်၊ သတ်ပစ်တယ်။ ဒါကြောင့် ပင်လယ်ပြင်နဲ့ စိမ်းလာခဲ့တယ်။ အခုအခြေအနေ ပေးလာတဲ့အတွက် စားဝတ်နေရေးအတွက် အသုံးချရမယ်။ ပင်လယ်ပြင်ကို မှီခိုရမယ်။ အရင်က ခြိမ်းခြောက်ခဲ့သူတွေကိုလည်း ပြန်လည်ကာကွယ်ရမယ်။ နယ်မြေတွေကို ပြန်လည်ထိန်းသိမ်းနိုင်ဖို့ဆိုပြီးတော့ ရခိုင်ပြည်နယ်အနှံ့က ဆင်းရဲသူတွေ၊ ရေလုပ်ငန်း လုပ်ကိုင်နိုင်သူတွေ၊ မြေယာစိုက်ပျိုးရေးလုပ်ငန်းကို စိတ်ဝင်စားပြီး မြေမရှိသူတွေကို ဒီနေရာကို ခေါ်နေကြပြီဖြစ်တယ်။ ရခိုင်တွေရဲ့ ဘိုးဘွားပိုင်မြေကို ကျွန်တော်တို့ ရခိုင်လူမျိုးတွေ ပြန်ပြီးနေထိုင်ဖို့ လိုပါတယ်” ဟု ပြောကြားသည်။

“ဒီဘက်မှာ အလုပ်သမားတွေ လိုအပ်တယ်။ အဲဒါကြောင့် ၀င်ပြီးကူမယ်။ အဆင်ပြေမယ်ဆိုရင် ဒီဘက်မှာ အခြေချပြီး နေထိုင်ဖို့အတွက် ကျွန်တော်တို့ အင်းဒင်ကို ရောက်လာခဲ့တာ ဖြစ်ပါတယ်။ ဒီဘက်မှာ အကြာကြီးနေဖို့အတွက် နယ်မြေခံတွေ ပူးပေါင်းကူညီဖို့ လိုအပ်တယ်။ အစိုးရဆီက အကူအညီမရရင်လည်း ဒီက ညီအစ်ကိုမောင်နှမတွေကို အားကိုးလို့ရပါတယ်။ အဓိကလာရတဲ့ ရည်ရွယ်ချက်ကတော့ မောင်တောတောင်ပိုင်းကို လူအားနဲ့ ကာကွယ်ဖို့ပေါ့။ ပြီးတော့ ဒီနေရာတွေမှာ ရခိုင်တွေ ရှိသင့်တယ်လို့လည်း မြင်တယ်။ ဒါကြောင့် အစိုးရပိုင်းကရော နယ်မြေခံတွေရော ကူညီပေးစေချင်တယ်။ ဒီနေရာတွေဟာ ဘယ်သူတွေပိုင်တယ်ဆိုတာ သူတို့လည်း သိပြီးသားပါ။ ဒီနေရာမှာ ဖွံ့ဖြိုးတိုးတက်ပြီး အလုပ်အကိုင်တွေ ရှာပေးနိုင်တယ်ဆိုရင် ဒီနေရာမှာ အခြေချနေထိုင်လာဖို့ အများကြီး ရှိပါတယ်” ဟု မာန်အောင်မြို့နယ် ဒိုးတန်းကျေးရွာမှ ပြောင်းရွှေ့လာသူ ကိုမိုးဇော်က ပြောကြားသည်။

မကျည်းချောင်းကျေးရွာသား တစ်ဦးကလည်း ရသေ့တောင်မြို့နယ် အငူမော်မှ မောင်တောအထိ ကမ်းခြေတစ်လျှောက်တွင် ရေလုပ်ငန်းလုပ်ကိုင်သူများစွာ ပေါ်ထွက်လာရေးမှာ အရေးပါကြောင်းနှင့် ရေပြင်ပိုင်နက်ကို ကာကွယ်ထားခြင်းဖြင့် အမျိုးသားရေးလုပ်ငန်း တစ်ရပ်ကို လုပ်ဆောင်ခြင်းဖြစ်ကာ ခိုးဝင်ဘင်္ဂါလီများရန်ကို ကာကွယ်ပြီးသား ဖြစ်နေကာ တိုင်းရင်းသားများ လုပ်ကိုင် စားသောက်ခဲ့သော စိုက်ပျိုးရေး လုပ်ငန်းများတွင်လည်း တိုင်းရင်းသားသာ လုပ်ကိုင်လာနိုင်မည်ဖြစ်သဖြင့် နယ်မြေကို အတိုင်းအတာ တစ်ခုအထိ ကာကွယ်နိုင်မည်ဖြစ်ကြောင်း ပြောကြားသည်။

မောင်တောတောင်ပိုင်းသို့ မာန်အောင်၊ ရမ်းဗြဲနှင့် ရသေ့တောင်မြို့နယ်များမှ ရွှေ့ပြောင်းအခြေချရန် လာရောက်သူ အိမ်ထောင်စု ၅၀ ကျော် ရှိလာပြီဖြစ်ရာ ရသေ့တောင် တောင်ပိုင်းသို့ အခြေလာသူ မိသားစု ၁၀ စု ကျော်လည်း ရှိလာခဲ့ပြီဖြစ်ကြောင်း သိရသည်။

ယင်းတို့အနက် ကိုးတန်ကောက်သို့ ရောက်ရှိပြီး ရေလုပ်ငန်းလုပ်ကိုင်ရန် စိတ်ဝင်စားသူများအား နေအိမ်ငယ်များ ဆောက်လုပ်ပေးလျက်ရှိကြောင်း သိရသည်။

၂၀၁၇ ခုနှစ် နိုဝင်ဘာလကုန်အထိ မြန်မာနိုင်ငံအတွင်း နိုင်ငံရေးလှုပ်ရှားမှုကြောင့် ဖမ်းဆီးထိန်းသိမ်း တရားစွဲဆိုခံထားရသူ ၂၂၈ ဦးရှိကြောင်း AAPP အစီရင်ခံစာတွင်ဖော်ပြထား

၂၀၁၇ ခုနှစ် နိုဝင်ဘာလကုန်ထိ မြန်မာနိုင်ငံအတွင်း၌ နိုင်ငံရေးလှုပ်ရှားမှုကြောင့် ဖမ်းဆီးထိန်းသိမ်း တရားစွဲဆိုခံထားရသူ ၂၂၈ ဦးရှိကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP ) က ဒီဇင်ဘာ ၁၃ ရက်တွင် ထုတ်ပြန်သည့်အစီရင်ခံစာတွင် ထည့်သွင်းဖော်ပြခဲ့သည်။

AAPP ၏ ၂၀၁၇ ခုနှစ် နိုဝင်ဘာလအတွက် နိုင်ငံရေးအကျဉ်းသားပြ လစဉ်အစီရင်ခံစာနှင့် နိုင်ငံရေးအကျဉ်းသားစာရင်း ထုတ်ပြန်ချက်တွင် မြန်မာနိုင်ငံအတွင်း၌ နိုင်ငံရေး လှုပ်ရှားမှုကြောင့် ဖမ်းဆီးထိန်းသိမ်းခံထားရသူ ၂၂၈ ဦးရှိပြီး ၎င်းတို့အထဲမှ နိုင်ငံရေးအကျဉ်းသား စုစုပေါင်း ၄၆ ဦးအကျဉ်းကျခံနေရကြောင်း၊ တက်ကြွလှုပ်ရှားသူ ၄၉ ဦးသည် ထောင်တွင်းမှနေ၍ တရားရင်ဆိုင်နေရကာ ၁၃၃ ဦးသည် ထောင်ပြင်ပမှနေ၍ တရားရင်ဆိုင်နေရကြောင်း ဖော်ပြထားသည်။

နိုဝင်ဘာလအတွင်းတွင် ရာဇသတ်ကြီး ပုဒ်မ ၄၉၄၊ ၂၇၉ (က)၊ ၄၂၇၊ ၄၄၇ တို့အပါအ၀င် စွဲချက်ကိုးခုဖြင့် တရားစွဲဆိုခံထားရသော လယ်သမားအရေးလှုပ်ရှားသူတစ်ဦး၊ မတရားအသင်းအက်ဥပဒေ ပုဒ်မ ၁၇ (၁) ဖြင့် အရပ်သား ရခိုင်တိုင်းရင်းသားတစ်ဦး အမှုဖွင့်ခံထားရပြီး အခြားအရပ်သား ရခိုင်တိုင်းရင်းသားတစ်ဦးမှာလည်း အကြောင်းပြချက်မရှိဘဲ စစ်တပ်မှ ဖမ်းဆီးထိန်းသိမ်းခြင်းခံခဲ့ရကြောင်း၊ နိုဝင်ဘာလတွင်းတွင် လေကြောင်းပျံသန်းမှုဆိုင်ရာ အက်ဥပဒေ၊ ပုဒ်မ ၁၀ ဖြင့် အမျိုးသားနှစ်ဦးနှင့် တနင်္သာရီဂျာနယ်တို့ တရားစွဲဆိုခြင်းခံခဲ့ကြရကြောင်း၊ လေကြောင်းပျံသန်းမှုဆိုင်ရာ အက်ဥပဒေ၊ ပုဒ်မ ၁၀ ဖြင့် အမျိုးသားနှစ်ဦး ပြစ်ဒဏ်ချမှတ်ခြင်းခံခဲ့ရပြီး ဆက်သွယ်ရေးဥပဒေ၊ ပုဒ်မ ၆၆(ဃ)ဖြင့် အမျိုးသားတစ်ဦး ပြန်လည်လွတ်မြောက်လာခဲ့ကြောင်း ဖော်ပြထားသည်။

ထို့ပြင် နိုဝင်ဘာလအတွင်းတွင် နိုင်ငံသားနှင့် နိုင်ငံရေးဆိုင်ရာ အခွင့်အရေးများအပေါ် ပို၍တင်းကျပ်သော ကန့်သတ်မှုများ ရှိလာသည်ကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP ) မှ လေ့လာတွေ့ရှိခဲ့ရကြောင်း၊  မြန်မာနိုင်ငံတွင် အကျဉ်းကျခံနေရသော နိုင်ငံရေးအကျဉ်းသားများ အရေးနှင့်ပတ်သက်၍လည်း တိုးတက်မှု တစ်စုံတစ်ရာမရှိသည်ကို တွေ့ရှိရကြောင်း၊ နိုင်ငံသားများကို ၎င်းတို့၏ အခွင့်အရေးများအား ကျင့်သုံးခြင်းမှ ရပ်တန့်စေရန်အတွက် ဖိနှိပ်ထားသောဥပဒေများကို ဆက်လက်အသုံးပြုလျက်ရှိခြင်းသည် တရားဥပဒေစိုးမိုးရေးကို နှောင့်နှေးစေကြောင်း၊ လူ့အခွင့်အရေး လှုပ်ရှားသူများ၊ နိုင်ငံရေး တက်ကြွလှုပ်ရှားသူများနှင့် လယ်ယာမြေအခွင့်အရေး လှုပ်ရှားသူများအတွက် ဖိနှိပ်မှု၊ ခြိမ်းခြောက်မှုများ ပိုမိုများပြားလာခြင်းသည် ၎င်းတို့အား ဆက်လက်ကာကွယ်ပေးမှု မရှိခြင်းကြောင့် ဖြစ်ပြီး ပြည်သူများ၏ ကန့်ကွက်မှုများ ပိုမိုများပြားလာခြင်းသည်လည်း လယ်ယာမြေ အငြင်းပွားမှုများကို ဆက်လက်ဖြေရှင်း မပေးနိုင်ခြင်းတို့ကြောင့်ဖြစ်သည်ကို ညွှန်းဆိုပြသလျက်ရှိကြောင်း ထည့်သွင်းဖော်ပြထားသည်။

နိုင်ငံရေးလှုပ်ရှားမှုများအတွက် ဖမ်းဆီးခံရမှုနှင့် ပြစ်ဒဏ်ချမှတ်ခံရမှု အရေအတွက်သည် ယခုလတွင် လျော့နည်းလာသော်လည်း တရားရင်ဆိုင်ရမှုအရေအတွက်သည် ဆက်လက်၍ တိုးလာနေဆဲဖြစ်ကြောင်း၊ ဖိနှိပ်ထား သောဥပဒေများဖြင့် တရားရင်ဆိုင်နေရစဉ်တွင် များစွာသော နိုင်ငံသားများသည် အာမခံမရရှိဘဲ ဆက်လက်ထိန်းသိမ်းထားခြင်း ခံနေရလျက်ရှိကြောင်းလည်း အစီရင်ခံစာတွင် ဖော်ပြထားသည်ကို တွေ့ရသည်။

နိုဝင်ဘာလအစီရင်ခံစာတွင် တပ်မတော်နှင့် တိုင်းရင်းသားလက်နက်ကိုင်တပ်ဖွဲ့များအကြား ပဋိပက္ခများ ဆက်လက်ဖြစ်ပွားနေခြင်း၊ လယ်သမားများ၏ လယ်ယာမြေ အခွင့်အရေးများ ဆက်လက်ချိုးဖောက်ခံနေရခြင်းနှင့် နိုင်ငံသားများ၏ လွတ်လပ်စွာ ထုတ်ဖော်ပြောဆိုခွင့်နှင့် နိုင်ငံရေးနှင့် နိုင်ငံသား အခွင့်အရေးများကို ကန့်သတ်ထားမှုများ ဆက်လက်ရှိနေခြင်းတို့ကို ထည့်သွင်းဖော်ပြထားပြီး နိုင်ငံသားများ၏ နိုင်ငံရေးနှင့် နိုင်ငံသားအခွင့်အရေးကို ကာကွယ်ပေးရန်အတွက် ဖိနှိပ်ထားသောဥပဒေများကို ပြန်လည်သုံးသပ်၍ ပြင်ဆင်ဖြည့်စွက်ခြင်းကို ဦးစားပေးအနေဖြင့် ဆောင်ရွက်ပါရန်  အစိုးရအား AAPP က တိုက်တွန်းထားသည်။

ယင်းကဲ့သို့ ပြင်ဆင်ဖြည့်စွက်ခြင်းအားဖြင့် အမျိုးသားငြိမ်းချမ်းရေးနှင့် ပြန်လည်သင့်မြတ်ရေး ရရှိနိုင်မည်ဖြစ်ပြီး အစိုးရအား လက်ကျန်နိုင်ငံရေးအကျဉ်းသားများကို အမြန်ဆုံး လွှတ်ပေးရန်လည်း တိုက်တွန်းတောင်းဆိုထားသည်။

AAPP အနေဖြင့် အကျဉ်းထောင် အတွင်းရှိသော နိုင်ငံရေးအကျဉ်းသားများနှင့် အမှုရင်ဆိုင်နေရသူများ စာရင်းကို ၂၀၁၄ ခုနှစ် သြဂုတ်က ရန်ကုန်မြို့တွင် ပြုလုပ်ခဲ့သော နိုင်ငံရေးပါတီများ၊ နိုင်ငံရေးအကျဉ်းသားဆိုင်ရာ အဖွဲ့အစည်းများနှင့် အရပ်ဘက် အဖွဲ့အစည်းများ၏ အလုပ်ရုံဆွေးနွေးပွဲမှ ထွက်ပေါ်လာသည့် နိုင်ငံရေးအကျဉ်းသား အဓိပ္ပာယ်ဖွင့်ဆိုချက်ပေါ်တွင် အခြေခံ၍ ပြုစုထားကြောင်း သိရသည်။

၁၉၈၃ သန်းခေါင်စာရင်းနှင့် နှိုင်းယှဉ်ပါက လူငယ်စာတတ်မြောက်မှုနှုန်း မြင့်မားလာသော်လည်း ရှမ်းပြည်နယ်နှင့် ကရင်ပြည်နယ်တွင် လူငယ်စာတတ်မြောက်မှုနှုန်း နည်းနေ

၁၉၈၃ ခုနှစ် သန်းခေါင်စာရင်းနှင့် နှိုင်းယှဉ်ပါက လူငယ်စာတတ်မြောက်မှုနှုန်း မြင့်မားလာသော်လည်း ရှမ်းပြည်နယ်နှင့် ကရင်ပြည်နယ်တွင် လူငယ်စာတတ်မြောက်မှုနှုန်း နည်းပါးနေသေးကြောင်း ဒီဇင်ဘာ ၁၄ ရက်က နေပြည်တော်ရှိ အပြည်ပြည်ဆိုင်ရာကွန် ဗင်းရှင်းစင်တာ-၂ (MICC-2) တွင်း ကျင်းပသည့် ပြည်လုံးကျွတ်လူဦးရေနှင့် အိမ်အကြောင်းအရာ သန်းခေါင်စာရင်း အောင်မြင်ပြီးမြောက်ခြင်း အထိမ်းအမှတ် အခမ်းအနားတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားသည်။

“ရှမ်းပြည်နယ်နဲ့ ကရင်ပြည်နယ်မှာတော့ လူငယ်စာတတ်မြောက်မှုနှုန်း နည်းပါးနေဆဲဖြစ်တာကို တွေ့ရပါတယ်။ လူငယ်ငါးသိန်းခန့်ဟာ လုံးဝစာမရေးတတ်၊ မဖတ်တတ်တာကို တွေ့ရပါတယ်။ စာတတ်မြောက်မှုနှုန်းနိမ့်တဲ့ တိုင်းဒေသကြီး ပြည်နယ်တွေမှာ မသင်မနေရ မူလတန်းစနစ်ကို အပြည့်အ၀ အကောင်အထည်ဖော်နိုင်မယ် ဆိုရင်တော့ လူငယ်စာတတ်မြောက်မှုနှုန်းကို လျော့နိုင်မှာ ဖြစ်ပါတယ်” ဟု ပြည်ထောင်စုဝန်ကြီး ဦးသိန်းဆွေက ပြောကြားသည်။

ကျောင်းတက်ရောက်မှုနှုန်းတွင် မူလတန်းအရွယ်ကလေး ခြောက်ဦးတွင် တစ်ဦးမှာ ကျောင်းနေခြင်းမရှိဘဲ အသက်ခုနစ်နှစ်မှ ၁၁ နှစ်ကြားကလေး ရှစ်သိန်းခန့်သည် မူလတန်းပညာ သင်ကြားနိုင်ခြင်းမရှိကြောင်း ၂၀၁၄ ခုနှစ် ပြည်လုံးကျွတ်အဆင့် လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူမှုရလဒ်များမှ ဖော်ထုတ်ရရှိခဲ့သည့် မူဝါဒဆိုင်ရာ ဖော်ထုတ်ချက်အရ သိရသည်။

ထို့ပြင် အသက် ၂၅ နှစ်မှ ၂၉ နှစ်အတွင်းရှိ လူငယ်သုံးပုံတစ်ပုံခန့်သည် ကျောင်းလုံးဝနေဖူးခြင်းမရှိခြင်းကို ဖော်ထုတ်ရရှိပြီး အဆိုပါ လူငယ်များအတွက် နည်းပညာသင်တန်းကျောင်းများ၊ လက်မှုပညာသင်ကျောင်းများ ဖွင့်လှစ်ပေးရန် လိုအပ်ကြောင်း ပြည်ထောင်စုဝန်ကြီး ဦးသိန်းဆွေက ဆိုသည်။

၎င်းက “ကျောင်းတက်နှုန်းဟာ အသက် ၁၁ နှစ်အရွယ်မှာ သိသာစွာ လျော့ကျလာတာကို တွေ့ရပါတယ်။ အထူးသဖြင့် ကျေးလက်ဒေသတွေမှာ ကျောင်းထွက်နှုန်း ပိုမိုမြင့်မားပါတယ်။ သန်းခေါင်စာရင်းက ရလာတဲ့ အချက်တွေဟာ ရပ်ကွက်ကျေးရွာအုပ်စု အဆင့်ထိ ရရှိနိုင်တာမို့ အခြေအနေ အဆိုးဆုံးဒေသတွေကို ဖော်ထုတ်ပြီး ငွေကြေး အထောက်အပံ့ပေးခြင်း၊ လယ်ယာစိုက်ပျိုးချိန်များတွင် ကျောင်းတက်ချိန် အပြောင်းအလဲ လုပ်ပေးခြင်း၊ လျှော့ချပေးခြင်း စတာတွေကို ပြုလုပ်နိုင်ကြောင်း ပြောလိုပါတယ်” ဟု ပြောကြားသည်။

တက္ကသိုလ်ပညာအဆင့်တွင် အမျိုးသမီးဘွဲ့ရ ရာခိုင်နှုန်းသည် အမျိုးသားများထက် သိသာစွာ မြင့်မားနေပြီး အမျိုးသားများ အဆင့်မြင့်ပညာရေး မတက်ရောက်သည့် အကြောင်းရင်းကို ရှာဖွေပေးရန် လိုအပ်သလို အမျိုးသမီးများအား ပညာအရည်အချင်းနှင့် လိုက်လျောညီထွေမှုရှိသည့် အလုပ်အကိုင် ရရှိရန် အလုပ်အကိုင် အခွင့်အလမ်းများ ဖန်တီးပေးရန် လိုအပ်ကြောင်း ပြည်ထောင်စုဝန်ကြီးက ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်နှင့် ပဋိပက္ခအခြေအနေအတွင်း အမျိုးသမီးများအား အကြမ်းဖက်မှုဘာသာရပ်ဆိုင်ရာ ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ် တွေ့ဆုံဆွေးနွေး

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ်အား လက်ခံတွေ့ဆုံစဉ်

နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဒေါ်အောင်ဆန်းစုကြည်သည် ပဋိပက္ခအခြေအနေအတွင်း အမျိုးသမီးများအား အကြမ်းဖက်မှု ဘာသာရပ်ဆိုင်ရာ ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ်ဖြစ်သူ မစ္စပရာမီလာပတ်တန်နှင့် တွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။

နေပြည်တော်ရှိ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး၏ ဧည့်ခန်းမ၌ ဒီဇင်ဘာ ၁၄ ရက်တွင် တွေ့ဆုံခဲ့ခြင်းဖြစ်ကြောင်း သိရသည်။

ထိုသို့တွေ့ဆုံရာ အမျိုးသမီးများ အခွင့်အရေးများကာကွယ်ရာတွင် ကုလသမဂ္ဂအနေဖြင့် နည်းပညာပိုင်းအကူအညီနှင့် ပူးပေါင်းဆောင်ရွက်မှုများ ပေးအပ်မှုဆိုင်ရာ ကိစ္စရပ်များအပေါ် အမြင်ချင်းဖလှယ်ဆွေးနွေးခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။

အမေရိကန်နိုင်ငံ၊ နယူးယောက်မြို့ရှိ ကုလသမဂ္ဂလုံခြုံရေးကောင်စီ၌ ဒီဇင်ဘာ ၁၂ ရက်က ကျင်းပခဲ့သည့် မြန်မာနိုင်ငံနှင့် ပတ်သက်သည့် အစည်းအဝေး၌ ရခိုင်ပြည်နယ်ဆိုင်ရာ ဖွံ့ဖြိုးတိုးတက်မှုများအား မြန်မာအမြဲတမ်းကိုယ်စားလှယ် ဦးဟောက်ဒိုဆွမ်းက အမျိုးသမီးများအား အကြမ်းဖက်မှုဆိုင်ရာ စွပ်စွဲချက်များနှင့်ပတ်သက်၍ မြန်မာအစိုးရအနေဖြင့် မည်သည့်လူ့အခွင့်အရေး ချိုးဖောက်မှုကိုမျှ ထောက်ထားသက်ညှာမည် မဟုတ်ကြောင်းနှင့် တိကျခိုင်မာသော သက်သေအထောက်အထားရှိပါက ကျူးလွန်သူကို ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း ပြောကြားခဲ့ကြောင်း နိုင်ငံခြားရေးဝန်ကြီးဌာနက ဒီဇင်ဘာ ၁၄ ရက်တွင် ထုတ်ပြန်ခဲ့သည်။

ထို့ပြင် ဒေါ်အောင်ဆန်းစုကြည်သည် ဒီဇင်ဘာ ၆ ရက်က နေပြည်တော်ရှိ နိုင်ငံခြားရေးဝန်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ ကုလသမဂ္ဂ ယာယီဌာနေညှိနှိုင်းရေးမှူး Mr. Knut Ostby ကိုလည်း လက်ခံတွေ့ဆုံခဲ့ပြီး မြန်မာနိုင်ငံနှင့် ကုလသမဂ္ဂတို့အကြား ဆောင်ရွက်နေသည့် လုပ်ငန်းများနှင့်ပတ်သက်ပြီး ဆွေးနွေးခဲ့ကြကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။

စုပေါင်းပိုင် အဆောက်အအုံဆိုင်ရာ (ကွန်ဒို) နည်းဥပဒေတွင် နိုင်ငံခြားသားများအား စုပေါင်းပိုင် အဆောက်အအုံ ကြမ်းခင်းဧရိယာ၏ ရာခိုင်နှုန်း ၄၀ ရောင်းချနိုင်ပြီး အိမ်ခန်းများ၏ ၂၅ ရာခိုင်နှုန်းကို ၀ယ်ယူသူတစ်ဦးတည်း၏ အမည်ဖြင့် မှတ်ပုံတင်ခွင့်ရှိသည်ဟု ထည့်သွင်းပြဋ္ဌာန်းထား

ရန်ကုန်မြို့ ဒဂုံဆိပ်ကမ်းမြို့နယ်ရှိ ရတနာနှင်းဆီအိမ်ရာအား စက်တင်ဘာလအတွင်းက တွေ့ရစဉ် (ဓာတ်ပုံ-ရှိုင်းလင်းအောင်)

စုပေါင်းပိုင် အဆောက်အအုံဆိုင်ရာ (ကွန်ဒို) နည်းဥပဒေတွင် နိုင်ငံခြားသား လုပ်ငန်းရှင်များအနေဖြင့် တည်ထောင်သူအပြင် ပူးတွဲတည်ထောင် ရင်းနှီးမြှုပ်နှံခွင့် ထည့်သွင်းထားပြီး နိုင်ငံခြားသားများအား စုပေါင်းပိုင် အဆောက်အအုံကြမ်းခင်း ဧရိယာ၏ ရာခိုင်နှုန်း ၄၀ ရောင်းချနိုင်ကာ အိမ်ခန်းများ၏ ၂၅ ရာခိုင်နှုန်းကို ၀ယ်ယူသူတစ်ဦးတည်း၏ အမည်ဖြင့် မှတ်ပုံတင်ခွင့်ရှိသည်ဟု ထည့်သွင်းပြဋ္ဌာန်းထားကြောင်း သိရသည်။

ဒီဇင်ဘာ ၁၄ ရက်တွင် နေပြည်တော်ရှိ ဆောက်လုပ်ရေးဝန်ကြီးဌာနရုံး၌ စုပေါင်းပိုင် အဆောက်အအုံဆိုင်ရာ နည်းဥပဒေနှင့်ပတ်သက်ပြီး မိတ်ဆက်ရှင်းလင်းစဉ် မြို့ပြနှင့် အိမ်ရာ ဖွံ့ဖြိုးရေးဦးစီးဌာန ဒုတိယညွှန်ကြားရေးမှူး ဒေါ်မိုးသီတာက ပြောကြားခြင်း ဖြစ်သည်။

စုပေါင်းပိုင်အဆောက်အအုံဆိုင်ရာ နည်းဥပဒေတွင် ပူးတွဲတည်ထောင်သူ နိုင်ငံခြားသား ရောင်းချပိုင်ခွင့်ရှိသည့် အခန်းများကို မှတ်ပုံတင်အရာရှိမှတစ်ဆင့် စီမံခန့်ခွဲမှုကော်မတီသို့ တင်ပြရမည်ဖြစ်ကြောင်း၊ အိမ်ခန်းများကို နိုင်ငံခြားသားသို့ ရောင်းချရာတွင် စုပေါင်းပိုင်အဆောက်အအုံ၏ ရောင်းချ၍ရသော စုစုပေါင်းကြမ်းခင်းဧရိယာ၏ ရာခိုင်နှုန်း ၄၀ ထက်မပိုစေရ။ မှတ်ပုံတင်အရာရှိထံတွင် ဦးစွာစုံစမ်းပြီးမှ ရောင်းချနိုင်သည်ဟု ထည့်သွင်းပြဋ္ဌာန်းထားကြောင်း သိရသည်။

ထို့ပြင် စုပေါင်းပိုင်အဆောက်အအုံ၏ အိမ်ခန်းများကို အနည်းဆုံး ၇၅ ရာခိုင်နှုန်းကို ၀ယ်ယူသူထံသို့ ရောင်းချရမည်ဖြစ်ကြောင်း၊ အိမ်ခန်းများ၏ ၂၅ ရာခိုင်နှုန်းကို ၀ယ်ယူသူ တစ်ဦးတည်း၏အမည်ဖြင့် မှတ်ပုံတင်ခွင့်ရှိသည်ဟု နည်းဥပဒေတွင် ထည့်သွင်းထားကြောင်း ဒေါ်မိုးသီတာက ပြောကြားသည်။

ဒေါ်မိုးသီတာက “စုပေါင်းပိုင် အဆောက်အအုံနဲ့ပတ်သက်ပြီး မူလဥပဒေမှာပါရှိတဲ့ နိုင်ငံခြားသားကို ၄၀ ရာခိုင်နှုန်းရောင်း ချခွင့်ပြုမယ်ဆိုတဲ့ အပိုဒ်ပါရှိပြီးသား ဖြစ်ပါတယ်။ ဒီဟာကို အထောက်အပံ့ဖြစ်ဖို့အတွက် နည်းဥပဒေမှာ တချို့သောအချက်လေးတွေကို ထပ်ပြီးဖြည့်စွက်ဖော်ပြထားပါတယ်။ စုပေါင်းပိုင်ဥပဒေမှာတော့ နိုင်ငံခြားသားလို့ဆိုတဲ့နေရာမှာ ပြည်တွင်းမှာအလုပ်လုပ်နေတဲ့ နိုင်ငံခြားသားသာမက ပြည်ပမှာရှိနေတဲ့ နိုင်ငံခြားသားတွေ ပြည်ပမှာပိုက်ဆံရှိပြီးတော့ ပြည်တွင်းမှာ လာပြီးရင်းနှီးမြှုပ်နှံချင်တဲ့သူတွေပါ ရင်းနှီးမြှုပ်နှံလို့ရအောင်ဆိုပြီးတော့ နိုင်ငံခြားသားဆိုတဲ့နေရာမှာ အကန့်အသတ်ကို တတ်နိုင်သမျှလျှော့ချထားပါတယ်။ အဲဒါကတော့ နိုင်ငံသားမဟုတ်တဲ့သူ၊ ဧည့်နိုင်ငံသား မဟုတ်တဲ့သူ၊ နိုင်ငံသားပြုခွင့်မရသော သူဆိုလို့ရှိရင် မည်သည့်နိုင်ငံခြားသားမဆို ပြည်တွင်းမှာရှိနေတဲ့ ကွန်ဒိုမီနီယံကို ၀ယ်ယူခွင့်ရှိပါတယ်။ သို့သော်လည်း ဒီနိုင်ငံခြားသား ၀ယ်ယူမယ်ဆိုလို့ရှိရင်တော့ ဘာနဲ့ဝယ်ယူရမလဲဆိုရင် နိုင်ငံခြားမှတရားဝင်ငွေလွှဲပို့သော နိုင်ငံခြားငွေနဲ့သာ ၀ယ်ယူခွင့်ရမှာပါ။ နိုင်ငံခြားသားကို ၄၀ ရာခိုင်နှုန်းထက် ပိုမရောင်းရဆိုတဲ့အချက်ကို မကျော်စေဖို့အတွက် နိုင်ငံခြားသားသည် မှတ်ပုံတင်အရာရှိထံမှာ လာရောက်စုံစမ်းရပါမယ်။ နိုင်ငံခြားသားကို ရောင်းတိုင်းရောင်းတိုင်းမှာ မှတ်ပုံတင်အရာရှိထံမှာ တင်ပြရမှာ ဖြစ်ပါတယ်။ နိုင်ငံခြားသားအနေနဲ့ မြေပိုင်ဆိုင်ခွင့်ကို ပေးမလား မပေးဘူးလားဆိုတာကတော့ အခုချိန်ထိ မပြတ်သေးပါဘူး။ မပြတ်တဲ့အတွက် နိုင်ငံခြားသားရဲ့ ပိုင်ဆိုင်ခွင့်သက်တမ်းကို ပြန်ပြီးကန့် သတ်လိုက်ရပါတယ်။ အဲဒါကတော့ စုပေါင်း ပိုင်အဆောက်အအုံရဲ့ သက်တမ်းကာလအတွင်းသာ ပိုင်ဆိုင်ခွင့်ရှိတယ်လို့ဖော်ပြပြီး ကန့်သတ်ထားပါတယ်။ နိုင်ငံခြားသားဟာ တည်ထောင်သူအဖြစ်နဲ့ ရပ်တည်လို့ရပါတယ်။ ပူးတွဲတည်ထောင်သူအဖြစ်နဲ့လည်း ရပ်တည်လို့ရပါတယ်။ ဒါပေမဲ့ မြန်မာနိုင်ငံ ရင်းနှီးမြှုပ်နှံမှုကော်မရှင်ရဲ့ ခွင့်ပြုမိန့်ရယူရပါမယ်။ အိမ်ခန်းတွေရဲ့ ၂၅ ရာခိုင်နှုန်းလို့ သတ်မှတ်ထားတာကတော့ တစ်ဦးတစ်ယောက်က အိမ်ခန်းအကုန်လုံးကို ထိန်းချုပ်လို့မရအောင်လို့ပါ” ဟု ပြောကြားသည်။

ထို့ပြင် စုပေါင်းပိုင်အဆောက်အအုံရှိ အိမ်ခန်းများအား အခြားနည်းသုံးစွဲရာတွင် စီးပွားရေးအတွက်အသုံးပြုမည့် အိမ်ခန်းများ ပါဝင်ပါက လူနေအိမ်ခန်းများနှင့် တစ်ထပ်တည်း ရောနှောဆောက်လုပ်ခြင်းမပြုရန်နှင့် ၀င်ထွက်ပေါက်သီးခြားထားရှိရမည်ဟု ပြဋ္ဌာန်းထားကြောင်း၊ စီးပွားရေးအတွက် အသုံးပြုမည့် အိမ်ခန်းများ၏ အမျိုးအစား၊ အကျယ်အ၀န်း၊ ဖွဲ့စည်းပုံနှင့် စုစုပေါင်းအရေအတွက်ကို ဖော်ပြရန်၊ စီးပွားရေးအတွက် အသုံးပြုမည့် အိမ်ခန်းများတွင် စားသောက်ဆိုင်များပါဝင်လျှင် ဆောက်လုပ်မည့် ပုံစံရေးဆွဲရာတွင်လည်းကောင်း၊ ဆောက်လုပ်မည့် နည်းစနစ်အရသော်လည်းကောင်း နေထိုင်သူများကို အနှောင့်အယှက်မဖြစ်စေရေးအတွက် စီစဉ်ဆောင်ရွက်ပေးရမည်။ စုပေါင်းပိုင်အဆောက်အအုံ တည်ထောင်သူသည် အခြားနည်းသုံး စွဲမည့်အိမ်ခန်းများပါဝင်ကြောင်း ၀ယ်ယူသူကို ကြိုတင်အသိပေးပြီး သိရှိသဘောတူကြောင်း ကြိုတင်ကတိပြုချက်ရယူထားရမည်ဟု နည်းဥပဒေတွင် ထည့်သွင်းထားကြောင်း သိရသည်။

စုပေါင်းပိုင် အဆောက်အအုံဆိုင်ရာ ဥပဒေအား ပြည်ထောင်စုလွှတ်တော်က ၂၀၁၆ ခုနှစ် ဇန်န၀ါရီ ၂၉ ရက်က ဥပဒေ အမှတ် ၂၄ ဖြင့် ထုတ်ပြန်ခဲ့ကြောင်း၊ နည်းဥပဒေအား ၂၀၁၇ ခုနှစ် နိုဝင်ဘာ ၂၃ ရက်တွင် ပြည်ထောင်စု အစိုးရအစည်းအဝေးတွင် အတည်ပြုခဲ့ကြောင်း သိရသည်။

စုပေါင်းပိုင် အဆောက်အအုံ ဆောက်လုပ်ခွင့်နှင့်ပတ်သက်ပြီး မှတ်ပုံတင်မှုများအား ၂၀၁၈ ခုနှစ် ဇန်န၀ါရီအတွင်းတွင် စတင်မှတ် ပုံတင်နိုင်မည်ဖြစ်ကြောင်း၊ လက်ရှိတွင် Shwe Taung Development ကုမ္ပဏီမှ စုပေါင်းပိုင် အဆောက်အအုံဆောက်လုပ်ရန် ကမ်းလှမ်းထားကြောင်း ညွှန်ကြားရေးမှူးချုပ် ဦးမင်းထိန်က ပြောကြားသည်။