ရခိုင်ပြည်နယ် အကြမ်းဖက်မှုတွင် ပါဝင်ခဲ့သူများ၏ အမည်စာရင်းအား ဘင်္ဂလားဒေ့ရ်ှအစိုးရ၊ နိုင်ငံတကာရဲတပ်ဖွဲ့နှင့် ကုလသမဂ္ဂသို့ ပေးပို့မည်

စက်တင်ဘာ ၂၂ ရက်က နေပြည်တော်ရှိ နိုင်ငံတော်သမ္မတအိမ်တော်တွင် ပြုလုပ်သည့် ရခိုင်ပြည်နယ်ကိစ္စ အစည်းအဝေးကို တွေ့ရစဉ် (ဓာတ်ပုံ-နိုင်ငံတော်အတိုင်ပင်ခံရုံး)

ရခိုင်ပြည်နယ် အကြမ်းဖက်မှုတွင် ပါဝင်ခဲ့သူများ၏ အမည်စာရင်းအား ဘင်္ဂလားဒေ့ရ်ှအစိုးရ၊ နိုင်ငံတကာ ရဲတပ်ဖွဲ့နှင့် ကုလသမဂ္ဂသို့ ပေးပို့သွားမည်ဖြစ်ကြောင်း နိုင်ငံတော်အတိုင်ပင်ခံရုံး၏ သတင်းထုတ်ပြန်ချက်အရ သိရသည်။

စက်တင်ဘာ ၂၂ ရက်က နေပြည်တော်ရှိ နိုင်ငံတော်သမ္မတအိမ်တော် အစည်းအဝေးခန်းမ၌ ပြုလုပ်သည့် နိုင်ငံတော်၏အတိုင်ပင်ခံပုဂ္ဂိုလ်နှင့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေး ကော်မတီဝင်များ တွေ့ဆုံသည့် အစည်းအဝေးတွင် ယင်းကဲ့သို့ သဘောတူ ဆုံးဖြတ်ခဲ့ခြင်းဖြစ်ကြောင်း သိရသည်။

ရခိုင်ပြည်နယ် အကြမ်းဖက်မှုတွင် ပါဝင်သူများအား အရေးယူနိုင်ရေး ဘင်္ဂလားဒေ့ရ်ှနိုင်ငံနှင့် ညှိနှိုင်းရန်သွားရန်လည်း သဘောတူ ဆုံးဖြတ်ခဲ့ကြောင်း သိရသည်။

ထို့ပြင် နေရပ်စွန့်ခွာ တိမ်းရှောင်နေရသည့် ဒေသခံတိုင်းရင်းသားများအား ပြန်လည်နေရာချထားရေးတွင် မြို၊ ဒိုင်းနက် စသည့် ဌာနေတိုင်းရင်းသားများလည်း ပါဝင်ရာ တိုင်းရင်းသားများ၏ ဓလေ့၊ ထုံးတမ်း၊ ယဉ်ကျေးမှုဆိုင်ရာများကိုပါ မပျောက်ပျက်အောင် ထိန်းသိမ်းထားနိုင်ရေးအတွက် ရည်ရွယ်၍ UN-Habitat – United Nations Human Settlements Programme ထံမှ အကြံဥာဏ်များ ရယူနိုင်ရေး ဆောင်ရွက်သွားရန်၊ ပြန်လည်လက်ခံမည့် ဘင်္ဂလားဒေ့ရ်ှနိုင်ငံသို့ ရောက်ရှိနေသူများအား ၁၉၉၃ ခုနှစ် သဘောတူညီချက်ကို အခြေခံ၍ စိစစ်မှုများ စနစ်တကျ ဆောင်ရွက်ရန်နှင့် ပြန်လည်စိစစ် လက်ခံရေးအဖွဲ့တစ်ဖွဲ့ အမြန်ဆုံး ဖွဲ့စည်းဆောင်ရွက်ရန်၊ ယာယီနေရာချထားပြီးနောက် ပြန်လည်နေရာချထားရာတွင် မူလကထက် ပိုမိုအဆင်ပြေနိုင်ရေး၊ ရေရှည်ဖွံ့ဖြိုးရေးကိုပါ ခြုံငုံပါဝင်စေမည့် အစီအစဉ်အား UN-Habitat ထံမှ အကြံဥာဏ်များ ရယူဆောင်ရွက်ရန်၊ မောင်တောဒေသအတွင်း လမ်းကွန်ရက်များ စနစ်တကျ ရေးဆွဲဆောင်ရွက်ရာတွင် လျှပ်စစ်ဓာတ်အားလိုင်းများ၊ ရေမြောင်းစနစ်များ၊ စာသင်ကျောင်း၊ ဆေးရုံနှင့် ရဲကင်းစခန်းများကိုပါ ထည့်သွင်း၍ ဒေသဖွံ့ဖြိုးရေးနှင့် ယှဉ်တွဲ ဆောင်ရွက်ရန်၊ ARSA အကြမ်းဖက်သမားများ၏ တိုက်ခိုက်ခြင်းခံရသည့် တမန်းသားကျေးရွာမှ ပျောက်ဆုံးနေသာ ဟိန္ဒူဘာသာဝင် ၉၃ ဦး၏ အခြေအနေ အမြန်ဆုံး သိရှိနိုင်ရန်အတွက် ရှာဖွေမှု တိုးမြှင့်ဆောင်ရွက်ရန်၊ မြန်မာ-ဘင်္ဂလားဒေ့ရှ် နှစ်နိုင်ငံနယ်စပ်ရှိ ဒုက္ခသည်စခန်းတွင် အသက်မသေဘဲ ရောက်ရှိနေသည်ဟု သတင်းထွက်ပေါ်နေသော ဟိန္ဒူဘာသာဝင် အမျိုးသမီးခြောက်ဦးနှင့် ကလေးငယ်သုံးဦးအား မြန်မာနိုင်ငံသို့ ပြန်လည်ခေါ်ယူနိုင်ရေး နယ်ခြားစောင့်တပ်များ အချင်းချင်း တောင်းခံထားပြီး ဖြစ်သော်လည်း သံတမန်လမ်းကြောင်းမှတစ်ဆင့်လည်း ထပ်မံတောင်းခံသွားရန် စသည်တို့ကို သဘောတူ ဆုံးဖြတ်ခဲ့ကြောင်း သိရသည်။

ထို့အတူ နယ်ခြားဒေသ လုံခြုံရေးဆိုင်ရာ နှစ်နိုင်ငံ ပူးပေါင်းဆောင်ရွက်နိုင်ရေး ဆွေးနွေးနိုင်ရန် ဖိတ်ကြားထားသည့် ဘင်္ဂလားဒေ့ရ်ှနိုင်ငံမှ ပြည်ထဲရေးဝန်ကြီး၏ မြန်မာနိုင်ငံခရီးစဉ်မှာ ဘင်္ဂလားဒေ့ရ်ှဘက်မှ အဆင်မပြေသဖြင့် ခရီးစဉ်မတိုင်မီ ရွှေ့ဆိုင်းထားခဲ့ရသောကြောင့် ဘင်္ဂလားဒေ့ရှ် ပြည်ထဲရေးဝန်ကြီးအား ထပ်မံဖိတ်ကြားရန်၊ ဘင်္ဂလားဒေ့ရ်ှနိုင်ငံ ပြည်ထဲရေးဝန်ကြီး၏ မြန်မာနိုင်ငံ ခရီးစဉ်တွင် ဘင်္ဂလားဒေ့ရ်ှရဲချုပ် အတူလိုက်ပါနိုင်ရေးအတွက် မြန်မာနိုင်ငံရဲတပ်ဖွဲ့ ရဲချုပ်ကလည်း သီးခြားဖိတ်ကြားထားသဖြင့် ထပ်မံဖိတ်ကြားရန်နှင့် လာမည့် သီတင်းပတ်အတွင်း မြန်မာနိုင်ငံရှိ သံတမန်များအား မောင်တောဒေသသို့ ပို့ဆောင်ပေးနိုင်ရေး အစီအမံများ ဆက်လက် ဆောင်ရွက်ရန် စသည်တို့ကို သဘောတူ ဆုံးဖြတ်ခဲ့ကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ်က အစည်းအဝေး သဘောတူ ဆုံးဖြတ်ချက်များကို အမြန်ဆုံး အကောင်အထည်ဖော် ဆောင်ရွက်ရန် မှာကြားခဲ့ကြောင်း သိရသည်။

စုံစမ်းစစ်ဆေးရေးကော်မရှင်၏ အစီရင်ခံစာအရ အစားထိုးမြေဧက ၁၉၀၀ ဖော်ထုတ်ပေးရန် မြေသိမ်းခံ လက်ပံတောင်းတောင် ဒေသခံများက ဆားလင်းကြီးမြို့နယ် လွှတ်တော်ကိုယ်စားလှယ်နှစ်ဦးထံ တောင်းဆို

ဆားလင်းကြီးမြို့နယ်တွင် တည်ရှိသော လက်ပံတောင်းတောင် ကြေးနီစီမံကိန်းမှ သိမ်းဆည်းခံခဲ့ရသည့် မြေယာများနှင့် ပတ်သက်၍ လက်ပံတောင်းတောင်ဒေသခံများက ဒေါ်အောင်ဆန်းစုကြည် ဦးဆောင်သော စုံစမ်းစစ်ဆေးရေးကော်မရှင်၏ အစီရင်ခံစာအရ အစားထိုးမြေဧက ၁၉၀၀ ဖော်ထုတ်ပေးရန် ဆားလင်းကြီးမြို့နယ် လွှတ်တော်ကိုယ်စားလှယ်နှစ်ဦးထံ တောင်းဆိုခဲ့ကြောင်း သိရသည်။

စက်တင်ဘာ ၂၂ ရက်က စစ်ကိုင်းတိုင်းဒေသကြီး ယင်းမာပင်ခရိုင် ဆားလင်းကြီးမြို့နယ် လက်ပံတောင်းတောင်ဒေသခံများ၊ ဆားလင်းကြီးမြို့နယ် အမျိုးသားလွှတ်တော် ကိုယ်စားလှယ် ဦးရဲထွဋ်နှင့် တိုင်းဒေသကြီး လွှတ်တော်ကိုယ်စားလှယ် ဒေါက်တာသိန်းနိုင်တို့ တွေ့ဆုံမှုတွင် ဒေသခံများက အထက်ပါအတိုင်း တောင်းဆိုခဲ့ကြကြောင်း သိရသည်။

“ကျွန်တော်တို့ အစိုးရကနေပြီးတော့ ကြေးထုတ်တဲ့နေရာမှာ ကြေးမှမဟုတ်ဘူး။ ဘယ်သယံဇာပဲထုတ်ထုတ် ရေရှည်သုံးစွဲနိုင်တဲ့ ထုတ်လုပ်နိုင်တဲ့ မူဝါဒတစ်ခုရှိတယ်။ အဲဒီ မူဝါဒအရထပ်ပြီးတော့ ချဲ့လို့မရဘူးဆိုရင်တော့ ဒီကိစ္စက ညှိနှိုင်းလို့ ဖြစ်နိုင်ပါတယ်။ အကယ်၌ ထပ်တိုးမယ်ဆိုရင်တော့ အစိုးရနဲ့ ကုမ္ပဏီ Plan ပေါ့လေ။ အဲဒါဆိုရင်တော့ ဒီကိစ္စမဖြစ်နိုင်ဘူး။ နှစ်ခုကတော့ တစ်ခုပေါ့နော်။ အဓိက ကွာဟတာကတော့ သီးနှံနစ်နာကြေးပေါ့။ သီးနှံနစ်နာကြေးကိစ္စကို ကျွန်တော်တို့ကလည်း ပေးသင့်တယ်လို့ ပြောနေတာ ကြာပြီ။ ပြည်ထောင်စုကို တင်လိုက်တော့ ပြည်ထောင်စုကလည်း တိုင်းကိုပြန်ပြီး လွှဲလိုက်တယ်။ တကယ်လည်း နစ်နာခဲ့တယ်။ နစ်နာကြေးပေးသင့်တယ်ဆိုတဲ့အကြောင်း ကျွန်တော် အစည်းအဝေးတိုင်းမှာ ပြောခဲ့တယ်။ ဒါပေမဲ့ သူတို့ဘက်က ဥပဒေနဲ့ပြောတာ။ ၂၀၁၀ ခုနှစ်ကတည်းက သိမ်းဆည်းခဲ့တယ်ပေါ့။ အဲဒီမှာ လန ၃၉ ကျတယ်။ ဥပဒေက နောက်ကြောင်းပြန်ရမှာလား။ အဲဒီသိမ်းဆည်းပြီး စိုက်ခွင့်မရှိတဲ့အတွက် သီးနှံလျော်ကြေးအနေနဲ့ ဆိုရင်တော့ ပေးရမှာပေါ့နော်။ နစ်နာကြေးအနေနဲ့ ဆိုရင်တော့ ပေးစရာ အကြောင်းမရှိဘူး” ဟု ဆားလင်းကြီးမြို့နယ် မဲဆန္ဒနယ်မြေအမှတ် (၁) တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်က ပြောကြားသည်။

လက်ပံတောင်းတောင်ဒေသခံများ အနေဖြင့် တောင်သူလယ်သမားများ ဖြစ်နေခြင်းကြောင့် ဒေါ်အောင်ဆန်းစုကြည် ဦးဆောင်သော စုံစမ်းစစ်ဆေးရေးကော်မရှင်၏ အစီရင်ခံစာအရ အစားထိုးမြေဧက ၁၉၀၀ ဖော်ထုတ်ပေးရန် လိုလားနေကြကြောင်း၊ ယင်းအစားထိုးမြေဧက ၁၉၀၀ ဖော်ထုတ်ပေးနိုင်ပါက ၎င်းတို့၏ ဘ၀ရှေ့ရေးအတွက် လုံခြုံမှုရှိနိုင်ကြောင်း ဆည်တည်းရွာတွင် နေထိုင်သည့် မြေသိမ်းခံတောင်သူတစ်ဦးက ပြောကြားသည်။

“ကျွန်မအနေနဲ့ အမှန်အတိုင်းပြောရရင် အရင်တစ်ခါတွေတုန်းကလည်း ဒီအတိုင်းပဲ ပြောသွားတာဆိုတော့ သိပ်တော့အားရမှုတော့ နည်းတော့နည်းပါတယ်။ ဒါပေမဲ့လို့ လွှတ်တော်ကိုယ်စားလှယ်တွေကလည်း ကိုယ်တင်မြှောက်တဲ့ အစိုးရဆိုတော့ အစွမ်းကုန် လုပ်ပေးနိုင်မယ်လို့တော့ မျှော်လင့်ပါတယ်။ မြေယာလျော်ကြေးကို သူတို့မပေးနိုင်ဘူး ဆိုရင်လည်း ကျွန်မတို့မယူဘူး။ ကျွန်မကတော့ မြေဧက ၁၉၀၀ ကို ပြန်ပေးမယ်ဆိုရင် အဲဒီ မြေဧက ၁၉၀၀ ကိုပဲ လိုချင်ပါတယ်။ မြေယာလျော်ကြေး ဘယ်လောက်ပေးနေပါစေ ကျွန်မတော့မယူဘူး။ အစားထိုးမြေဧကထဲက မြေကိုပဲ လိုချင်ပါတယ်” ဟုဆားလင်းကြီးမြို့နယ် ဆည်တည်းရွာမှ မြေသိမ်းခံတောင်သူ ဒေါ်ရီဝင်းက ပြောကြားသည်။

ဆားလင်းကြီးမြို့နယ် အမျိုးသားလွှတ်တော်ကိုယ်စားလှယ် ဦးရဲထွဋ်နှင့် တိုင်းဒေသကြီးလွှတ်တော်ကိုယ်စားလှယ် ဒေါက်တာသိန်းနိုင်တို့ တွေ့ဆုံမှုတွင် အစားထိုးမြေဧက ၁၉၀၀ ဖော်ထုတ်ပေးရေး အချက်ကိုသာ လက်ပံတောင်းတောင် ဒေသခံများက အဓိကထား တောင်းဆိုခဲ့ကြကြောင်း၊ ထိုတောင်းဆိုခဲ့သည့် အချက်အား သက်ဆိုင်ရာသို့ တင်ပြ ဆွေးနွေးသွားမည်ဖြစ်ကြောင်း လွှတ်တော်ကိုယ်စားနှစ်ဦးက လက်ပံတောင်းတောင် ဒေသခံများ ပြန်လည်ပြောကြားသည်။

ဆားလင်းကြီးမြို့နယ် အမျိုးသားလွှတ်တော်ကိုယ်စားလှယ် ဦးရဲထွဋ်နှင့် တိုင်းဒေသကြီး လွှတ်တော်ကိုယ်စားလှယ် ဒေါက်တာသိန်းနိုင်တို့သည် လက်ပံတောင်းတောင်ဒေသ မြေသိမ်းခံကျေးရွာများဖြစ်သည့် တုံရွာမ၊ တုံတောကျောင်း၊ တုံရွာသစ်၊ ဆည်တည်းရွာဟောင်းနှင့် မိုးကြိုးပြင်အလယ်ရွာတို့တွင် နေထိုင်သည့် တောင်သူများအား တွေ့ဆုံခဲ့ကြကြောင်း သိရသည်။

မြန်မာအစိုးရကို လက်နက်များ ထောက်ပံ့ရန် အိန္ဒိယက စဉ်းစား

မြန်မာနိုင်ငံတွင် ဘင်္ဂါလီမွတ်စလင်များ (မူရင်းသတင်းတွင် ရိုဟင်ဂျာမွတ်စလင်များဟု သုံးနှုန်းထား) ကို နှိမ်နင်းသည့်အတွက် ဝေဖန်မှုများ ရင်ဆိုင်နေရသည့် အိမ်နီးချင်းအတွက် ခိုင်မာသော ထောက်ခံအားပေးမှု သင်္ကေတအနေဖြင့် မြန်မာအစိုးရကို လက်နက်များ ထောက်ပံ့ရန် အိန္ဒိယက စဉ်းစားနေကြောင်း ရိုက်တာသတင်း တစ်ပုဒ်တွင် ဖော်ပြထားသည်။

မြန်မာနိုင်ငံမှ ရေတပ်ဦးစီးချုပ် လာရောက်လည်ပတ်သည့် ခရီးစဉ်အတွင်း လက်နက်များကိစ္စ ဆွေးနွေးခဲ့ကြောင်း အိန္ဒိယတာဝန်ရှိသူများက စက်တင်ဘာ ၂၁ ရက်က ပြောကြားခဲ့သည်။ အိန္ဒိယနိုင်ငံ၏ ထိပ်တန်းကာကွယ်ရေး တက္ကသိုလ်များတွင် မြန်မာတပ်မတော် အရာရှိများအား သင်တန်းတက်ရောက်ခွင့် ရရှိရေး နှစ်ဖက် ဆွေးနွေးခဲ့ကြောင်းလည်း သိရသည်။

အိမ်နီးချင်းနိုင်ငံနှင့် စစ်ရေးပူးပေါင်း ဆောင်ရွက်မှု တိုးမြှင့်ရေးဆွေးနွေးရန် အိန္ဒိယ၏ ဆုံးဖြတ်မှုသည် ဒေသတွင်း၌ တရုတ်၏လွှမ်းမိုးမှုကို တန်ပြန်ရန်အတွက် ကြိုးစားမှု အစိတ်အပိုင်းလည်း ဖြစ်သည်။

လက်ရှိအချိန်သည် ရခိုင်ပြည်နယ်တွင် ဘင်္ဂါလီမွတ်စလင်များနှင့် ပတ်သက်၍ မြန်မာအစိုးရအပေါ် အနောက်နိုင်ငံများ၏ ဖိအားပေးမှု မြင့်တက်နေချိန်လည်း ဖြစ်သည်။

ရခိုင်ပြည်နယ်ရှိ လူမျိုးစုအကြမ်းဖက်မှုများကြောင့် မြန်မာ့တပ်မတော် ပညာရေးဆိုင်ရာ လေ့ကျင့်ရေး သင်တန်းများအား ရပ်ဆိုင်းခဲ့ကြောင်း ဗြိတိန်က စက်တင်ဘာ ၁၉ ရက်တွင် ပြောကြားခဲ့သည်။

ယနေ့ ပါတီစုံဒီမိုကရေစီခေတ်ကာလတွင် တပ်မတော်အနေဖြင့် အိမ်နီးချင်းနိုင်ငံများ၊ ဒေသတွင်းနိုင်ငံများသာမက နိုင်ငံတကာ တပ်မတော်များနှင့်ပါ ချစ်ကြည်ရင်းနှီးစွာ ပူးပေါင်း ဆောင်ရွက်ရေးအတွက် တစ်စိုက်မတ်မတ် ကြိုးပမ်း လုပ်ဆောင်လျက်ရှိကြောင်း၊ မြန်မာ-ဗြိတိန် နှစ်နိုင်ငံ တပ်မတော်နှစ်ရပ် အကြားတွင်လည်း ဆက်ဆံရေးနှင့် ပူးပေါင်း ဆောင်ရွက်မှု မြှင့်တင်ရေး လုပ်ဆောင်ခဲ့ရာ မြန်မာ့တပ်မတော်မှ သင်တန်းသားအရာရှိ ငါးဦး ဗြိတိန်နိုင်ငံတွင်သင်တန်းများ တက်ရောက်လျက်ရှိကြောင်း၊ သို့သော်လည်း မြန်မာနိုင်ငံ ရခိုင်ပြည်နယ်အတွင်း ဖြစ်ပွားခဲ့သည့် ဖြစ်စဉ်များနှင့် ပတ်သက်၍ ဗြိတိန်ပါလီမန် အမတ်များက ဗြိတိန်နိုင်ငံတွင် သင်တန်း တက်ရောက်နေသော မြန်မာ့တပ်မတော်သင်တန်းသားများအား သင်တန်းဆိုင်းငံ့ပေးရန် တောင်းဆိုမှုအရ အဆိုပါ သင်တန်းသားအရာရှိများအား မြန်မာနိုင်ငံသို့ ပြန်လည်စေလွှတ်ခဲ့ရာ စက်တင်ဘာ ၂၀ ရက်တွင် လန်ဒန်မြို့ရှိ မြန်မာစစ်သံ (ကြည်း၊ ရေ၊ လေ) ရုံး၌ သင်တန်းသားအားလုံး စုစည်းရောက်ရှိခဲ့ကြောင်း၊ တပ်မတော်အနေဖြင့် ယင်းသင်တန်းသားများအား မြန်မာနိုင်ငံသို့ အမြန်ပြန်လည် ခေါ်ယူသွားမည်ဖြစ်ပြီး ယခင်က ကမ်းလှမ်း သဘောတူညီထားသည့် သင်တန်းသားများ အပါအ၀င် ဗြိတိန်နိုင်ငံသို့ သင်တန်းသားများ ထပ်မံစေလွှတ်မည် မဟုတ်ကြောင်း တပ်မတော် သတင်းမှန် ပြန်ကြားရေးအဖွဲ့က စက်တင်ဘာ ၂၀ ရက်တွင် ထုတ်ပြန်ခဲ့သည်။

အိန္ဒိယတပ်မတော် (ကြည်း၊ ရေ၊ လေ) ဦးစီးချုပ်များ ကော်မတီဥက္ကဋ္ဌနှင့် အိန္ဒိယ ရေတပ်ဦးစီးချုပ်၏ ဖိတ်ကြားချက်အရ ကာကွယ်ရေးဦးစီးချုပ် (ရေ) ဗိုလ်ချုပ်ကြီး တင်အောင်စန်း ဦးဆောင်သော ချစ်ကြည်ရေးကိုယ်စားလှယ်အဖွဲ့သည် စက်တင်ဘာ ၁၇ ရက် ညနေပိုင်းတွင် အိန္ဒိယသမ္မတနိုင်ငံသို့ ရန်ကုန်အပြည်ပြည်ဆိုင်ရာ လေဆိပ်မှလေကြောင်း ခရီးဖြင့် ထွက်ခွာသွားကြောင်း တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်ထားသည်။

စက်တင်ဘာ ၂၀ ရက်တွင် ကာကွယ်ရေးဦးစီးချုပ် (ရေ) ဗိုလ်ချုပ်ကြီး တင်အောင်စန်းသည် အိန္ဒိယကာကွယ်ရေးဝန်ကြီးနှင့် အိန္ဒိယတပ်မတော် (ကြည်း၊ ရေ၊ လေ) ဦးစီးချုပ်များနှင့် တွေ့ဆုံခဲ့ကြောင်း သိရသည်။

ကမ်းလွန်ကင်းလှည့်ဘုတ်များ ထောက်ပံ့ရေး နှစ်ဖက်ဆွေးနွေးခဲ့ကြောင်း စစ်တပ်အရာရှိတစ်ဦးက ပြောကြားခဲ့သည်။ ကာကွယ်ရေးဦးစီးချုပ် (ရေ) ဗိုလ်ချုပ်ကြီး တင်အောင်စန်းသည် လေးရက်ကြာ ခရီးစဉ်အတွင်း မွမ်ဘိုင်းရှိ ရေတပ်သင်္ဘောများ တည်ဆောက်သည့် နေရာသို့လည်း သွားရောက် ကြည့်ရှုခဲ့ကြောင်း သိရသည်။

ကြိမ်ချောင်းကျေးရွာနှင့် ကလာဘာရွာတို့၌ စက်တင်ဘာလ ၂၁ ရက်ညပိုင်းက မီးလောင်မှုများ ဖြစ်ပွားခဲ့ပြီး စက်တင်ဘာလ ၂၂ ရက်ကလည်း ဘူးသီးတောင်မြို့နယ်တွင် လက်လုပ်မိုင်း ပေါက်ကွဲမှု ဖြစ်ပွားခဲ့ကြောင်း သတင်းထုတ်ပြန်ရေး ကော်မတီ ထုတ်ပြန်

သတင်းထုတ်ပြန်ရေး ကော်မတီ

မောင်တောမြို့နယ် နယ်မြေ ၄ ကြိမ်ချောင်းတောင်ရွာတွင် ယခင်က မီးလောင်မှုဖြစ်ပွားခဲ့ပြီး ကျန်ရှိသည့် နေအိမ် အလုံး ၂၀ သည် စက်တင်ဘာ ၂၁ ရက် ညနေပိုင်းက ထပ်မံ မီးလောင်ကျွမ်းမှု ဖြစ်ပွားခဲ့ကြောင်း သတင်းထုတ်ပြန်ရေး ကော်မတီမှ သိရသည်။ မီးလောင်မှုဖြစ်စဉ်အား လုံခြုံရေးတပ်ဖွဲ့ဝင်များက သွားရောက်ကြည့်ရှု စစ်ဆေးခဲ့ပြီး မည်သည့်အတွက်ကြောင့် မီးလောင်ကျွမ်းသည်ကို စုံစမ်းလျက်ရှိကြောင်းနှင့် ကြိမ်ချောင်းနယ်မြေ ရဲစခန်းတွင် အမှုဖွင့် စုံစမ်းလျက်ရှိကြောင်းလည်း သိရသည်။ အလားတူညပိုင်းတွင် မောင်တောမြို့ ရွာသစ်ကေရပ်ကွက်၊ ကလာဘာရွာ၌ ယခင် မီးလောင်ပြင်ဟောင်းတွင် ကျန်ရှိနေသော လူနေထိုင်ခြင်း မရှိသည့် ဓနိမိုး၊ ထရံကာ နေအိမ် ၁ လုံး မီးလောင်းကျွမ်းခဲ့သဖြင့် တန်ဖိုးငွေ ကျပ် ၃၀၀၀၀ ဆုံးရှုံးခဲ့ကြောင်းနှင့် တရားခံ ဖမ်းဆီးရမိရေး မောင်တောမြို့မ စခန်းတွင် အမှုဖွင့် စုံစမ်းလျက်ရှိကြောင်း ထုတ်ပြန်ချက်တွင် ဖော်ပြထားသည်။

ထို့ပြင် ယနေ့ (စက်တင်ဘာ ၂၂ ရက်) နံနက်ပိုင်းကလည်း ဘူးသီးတောင်မြို့နယ် နယ်မြေ ၁၀ မိချောင်းဈေးကျေးရွာ ဗလီကြီး ခြံဝန်းအတွင်း၌ အစ္စလာမ်ဘာသာဝင်များ ဗလီတက်ချိန်၌ ထိတ်လန့်ကြောက်ရွံ့မှု ဖြစ်စေရန် ရည်ရွယ်၍ ဗလီခြံဝန်း အတွင်း၌ အကြမ်းဖက်သမားများ ထောင်ထားခဲ့သည့် လက်လုပ်မိုင်း ၁ လုံး ပေါက်ကွဲခဲ့ကြောင်းနှင့် လက်လုပ်မိုင်း ပေါက်ကွဲသည့် ဗလီခြံဝန်းအတွင်းသို့ လုံခြုံရေး တပ်ဖွဲ့ဝင်များက သွားရောက်စစ်ဆေးရာ ဗလီ၏ အရှေ့ဘက် ပေ ၃၀ ခန့်အကွာ အုန်းပင်အခြေ၌ လက်လုပ်မိုင်း ပေါက်ကွဲမှုကြောင့် အကျယ် ၄ ပေ၊ အနက် ၂ ပေခန့်ရှိ မြေကျင်း ၁ ခု တွေ့ရှိခဲ့ကြောင်း ထုတ်ပြန်ထားသည်။

လုံခြုံရေး တပ်ဖွဲ့ဝင်များသည် ဗလီခြံဝန်းအတွင်း ဆက်လက် ရှင်းလင်းခဲ့ရာ ပထမ ပေါက်ကွဲခဲ့သည့် လက်လုပ်မိုင်းနေရာနှင့် ၁၀ ပေခန့်အကွာတွင် ဖိုကနောက်ဆိုင် ထောင်ထားသည့် အရှည် ၈ လက်မ၊ အချင်း ၆ လက်မခန့်ရှိ ကားပင်စတင်နှင့် ပြုလုပ်ထားသည့် လက်လုပ်မိုင်း ၁ လုံးအား ထပ်မံတွေ့ရှိ၍ သက်မဲ့ပြုလုပ်ခဲ့ပြီး ဆက်စပ်ပစ္စည်းများဖြစ်သည့် ဓာတ်ခဲနှင့် တွဲလျက် ကတ် ၁ ခု၊ နှစ်ပင်လိမ် ဝါယာကြိုး အရှည်ပေ ၂၀ ခန့်အား ထပ်မံသိမ်းဆည်း ရမိခဲ့ကြောင်း ထုတ်ပြန်ချက်တွင် ပါဝင်သည်။