၂၀၁၆ ခုနှစ် နှစ်ကုန်အထိ ပြည်ပချေးငွေ ဒေါ်လာ သန်း ၉၀၀၀ နီးပါးရှိနေပြီး လက်ရှိအစိုးရ၏ ၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ဒေါ်လာ သန်း ၁၂၂၀ ချေးယူရန် ညှိနှိုင်းရရှိ

၂၀၁၆ ခုနှစ် နှစ်ကုန်အထိ ပြည်ပချေးငွေ ဒေါ်လာသန်း ၉၀၀၀ နီးပါးရှိနေပြီး ၂၀၅၂-  ၂၀၅၃ ဘဏ္ဍာနှစ်အထိ နှစ်စဉ် ဒေါ်လာ သန်း ၁၀၀ မှ သန်း ၇၀၀ ကျော်အထိ ပြန်လည်ပေးဆပ်ရန် တွက်ချက်ထားမှုအပြင် လက်ရှိအစိုးရအနေဖြင့် ၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ထပ်မံပြီး ဒေါ်လာ ၁၂၂၀ ဒသမ ၁၆ သန်း ချေးယူရန် ညှိနှိုင်းရရှိထားပြီးဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ထပ်မံပြီး ဒေါ်လာ ၁၂၂၀ ဒသမ ၁၆ သန်း ချေးယူရန် နိုင်ငံအချင်းချင်းနှင့် အပြည်ပြည်ဆိုင်ရာ အဖွဲ့အစည်းများမှ ညှိနှိုင်းရရှိထားသည့် ငွေများတွင် ဂျပန်နိုင်ငံမှ ချေးယူရရှိငွေမှာ ဒေါ်လာ ၇၅၃ ဒသမ ၁၉ သန်းရှိနေကြောင်း သိရသည်။

ပြည်ပချေးငွေ အများဆုံးရရှိသော ၀န်ကြီးဌာနမှာ စီမံကိန်းနှင့် ဘဏ္ဍာရေး ၀န်ကြီးဌာနဖြစ်ပြီး ချေးငွေ၏ ၆၅ ရာခိုင်နှုန်းကို ရယူထားကာ ဒုတိယအများဆုံးမှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနဖြစ်ကာ စုစုပေါင်း ပြည်ပချေးငွေ၏ ၂၂ ရာခိုင်နှုန်းကို ရရှိထားကာ အဆိုပါ ချေးငွေအားလုံး၏ ၂၅ ရာခိုင်နှုန်းမှာမူ လူမှုကာကွယ်ရေးအတွက် အသုံးပြုရန်ဖြစ်ကြောင်း တွေ့ရှိရသည်ဟု ပြည်သူ့ငွေစာရင်း ပူးပေါင်းကော်မတီက သုံးသပ်ထားသည်။

၂၀၁၆ ခုနှစ် ဒီဇင်ဘာ ၃၁ ရက်အထိ ပြည်ပကြွေးမြီ ဒေါ်လာ သန်း ၉၀၀၀ နီးပါးရှိပြီး ၂၀၅၂-၂၀၅၃ ဘဏ္ဍာနှစ်အထိ နှစ်စဉ် ဒေါ်လာသန်း ၁၀၀ မှ သန်း ၇၀၀ ကျော် ပြန်လည်ပေးဆပ်ရမည် ဖြစ်ကြောင်း ၂၀၁၇ ခုနှစ် ကာလလတ်ကြွေးမြီစီမံခန့်ခွဲမှု မဟာဗျူဟာ (မူကြမ်း) အရ သိရသည်။

မြန်မာနိုင်ငံ၏ ပြည်ပကြွေးမြီများမှာ အပြည်ပြည်ဆိုင်ရာ အဖွဲ့အစည်းများ (ADB၊ IDA၊ အခြား) မှ အမေရိကန်ဒေါ်လာ ၁၃၆၄ ဒသမ ၂ သန်း၊ နှစ်နိုင်ငံ အစိုးရကြား ချေးငွေအမေရိကန်ဒေါ်လာ ၇၆၂၅ ဒသမ ၇ သန်း စုစုပေါင်း အမေရိကန်ဒေါ်လာ ၈၉၈၉ ဒသမ၉ သန်း ပြည်ပကြွေးမြီ ရှိနေကြောင်း သိရသည်။

ပြည်ပချေးငွေများကို နှစ်အလိုက် ပြန်လည်ပေးဆပ်ရမည့် ပမာဏမှာ ၂၀၁၇-၂၀၁၈ ဘဏ္ဍာနှစ်မှ ၂၀၁၉-၂၀၂၀ အထိ နှစ်စဉ် အမေရိကန်ဒေါ်လာ သန်း ၆၀၀ မှ ၇၀၀ အထိ၊ ၂၀၂၀-၂၀၂၁ ဘဏ္ဍာနှစ်မှ ၂၀၂၁-၂၀၂၂ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၇၀၀ ကျော်၊ ၂၀၂၂-၂၀၂၃ ဘဏ္ဍာနှစ်မှ ၂၀၂၄-၂၀၂၅ ဘဏ္ဍာနှစ်အထိ နှစ်စဉ် အမေ ရိကန်ဒေါ်လာ သန်း ၆၀၀ မှ ၇၀၀ အထိ၊ ၂၀၂၅-၂၀၂၆ ဘဏ္ဍာနှစ်မှ ၂၀၂၆-၂၀၂၇ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၅၀၀ မှ  ၆၀၀ အထိ၊ ၂၀၂၇-၂၀၂၈ ဘဏ္ဍာ နှစ်တွင် နှစ်စဉ် အမေရိကန်ဒေါ်လာ သန်း ၄၀၀ မှ ၅၀၀အထိ၊ ၂၀၂၈-၂၀၂၉ ဘဏ္ဍာ နှစ်မှ ၂၀၃၀-၂၀၃၁ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၃၀၀ မှ ၄၀၀ အထိ၊ ၂၀၃၁-၂၀၃၂ ဘဏ္ဍာနှစ်မှ ၂၀၃၆-၂၀၃၇ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၁၀၀ မှ ၂၀၀ အထိဖြစ် ပြီး ၂၀၃၇-၂၀၃၈ ဘဏ္ဍာနှစ်မှ ၂၀၅၂-၂၀၅၃ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၁၀၀ ခန့် ပြန်လည်ပေးဆပ်ရမည် ဖြစ်ကြောင်း အစီရင်ခံစာအရ သိရသည်။

 

လုံးခင်း-ဖားကန့် ရတနာမြေတွင် သက်တမ်းကုန် လုပ်ကွက်များမှ ယာဉ်ယန္တရားများပါ ဖြည့်တင်း၍ ယာဉ်ယန္တရား ကန့်သတ်ချက်ထက် ကျော်လွန်ကာ စည်းကမ်းမဲ့ တူးဖော်မှုများကြောင့် ဆုံးရှုံးနစ်နာမှုများရှိနေ

ကချင်ပြည်နယ် ဖားကန့်ဒေသရှိ ကျောက်စိမ်းလုပ်ကွက် အချို့ကို တွေ့ရစဉ် (ဓာတ်ပုံ-အောင်ဟိန်းမင်း)

လုံးခင်း-ဖားကန့် ရတနာမြေတွင် သက်တမ်းကုန် လုပ်ကွက်များမှ ယာဉ်ယန္တရားများပါ ဖြည့်တင်း၍ လုပ်ကွက်ဧရိယာအလိုက် သတ်မှတ်ထားသည့် ယာဉ်ယန္တရား ကန့်သတ်ချက်ထက် အဆမတန် ကျော်လွန်ကာ စည်းကမ်းမဲ့ ကျောက်စိမ်းတူးဖော်မှုများကြောင့် အကြီးအကျယ် ဆုံးရှုံးနစ်နာမှု ရှိနေကြောင်း သိရသည်။

လုံးခင်း-ဖားကန့် ရတနာမြေတွင် ကျောက်စိမ်းတူးဖော်နေသော ကုမ္ပဏီအများအပြားမှာ လုပ်ကွက် ဧရိယာအလိုက် သတ်မှတ်ထားသည့် ယာဉ်ယန္တရား ကန့်သတ်ချက်အား လိုက်နာဆောင်ရွက်ခြင်း မရှိကြောင်း၊ သက်တမ်းကုန်လုပ်ကွက်များမှ ယာဉ်ယန္တရားများပါ သက်တမ်းကျန် လုပ်ကွက်များတွင် ပူးပေါင်း ဖြည့်တင်း၍ ကန့်သတ်ချက်ထက် ကျော်လွန်ကာ စည်းကမ်းမဲ့ တူးဖော်ကြကြောင်း၊ ထို့ကြောင့် ယင်းအခြေအနေအား သက်ဆိုင်ရာ အစိုးရသို့ တင်ပြသော်လည်း အစိုးရဘက်မှ တုံ့ပြန်ဆောင်ရွက်မှုမှာ အားနည်းနေကြောင်း ဖားကန့်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးတင့်စိုးက ပြောကြားသည်။

“နိုင်ငံတော်နဲ့ နိုင်ငံသားတို့ ပိုင်ဆိုင်တဲ့ သယံဇာတပစ္စည်းတွေကို နောင်လာနောက်သားတွေ ရေရှည်သုံးဆောင်နိုင်အောင် လုပ်ကွက်တွေကို ဘယ်လိုထိန်းသိမ်းရမလဲဆိုတဲ့ ကဏ္ဍမှာ (လွှတ်တော်မှာ) ကျွန်တော်ဆွေးနွေးခဲ့တဲ့ အထဲမှာ အဲဒါတွေပါတယ်။ လုပ်ကွက်တစ်ခုထဲကို ရှိသမျှယန္တရားတွေ အကုန်စုပြုံပြီး လုပ်လိုက်တဲ့ အခါမှာ ခဏလေးနဲ့ ကုန်သွားတယ်။ ထိုနည်းတူစွာပဲ လုပ်ကွက်သက်တမ်း ကုန်တဲ့သူက ကုန်တယ်။ အဲဒီသက်တမ်း ကုန်တဲ့သူတွေက သက်တမ်းကျန်နေတဲ့ သူတွေနဲ့ စက်တွေလာပေါင်းပြီး လုပ်တယ်။ လုပ်တဲ့အခါကျတော့ မကုန်သင့်ဘဲနဲ့ ခဏလေး ခဏလေး  ကုန်သွားတယ်။ အဲဒီတော့ ကျွန်တော်တို့က ယန္တရားကိုလည်း ထိန်းချုပ်ရမယ် ဆိုပြီိးတော့ ဒီတစ်ခေါက်မှာပဲ ကျွန်တော်ဆွေးနွေးခဲ့တယ်။ ဥပဒေအရ ဆိုလို့ရှိရင် ကျွန်တော့်မှာ လုပ်ကွက်ရှိတယ်။ ခင်ဗျားမှာ ယန္တရားရှိတယ်။ ခင်ဗျားနဲ့ ကျွန်တော်နဲ့ အကျိုးတူလုပ်လို့ မရဘူး။ ကိုယ့်လုပ်ကွက် ကိုယ့်ဟာကိုယ်ပဲ လုပ်ရမယ်။ ဥပဒေမှာလည်း ဒါပြဋ္ဌာန်းထားပြီးသား။ အခုဒါမျိုးတွေပဲ လုပ်နေတယ်။ ဒါကိုလည်း ကျွန်တော်လွှတ်တော်မှာ တင်ပြပြီးပြီ။ ကျွန်တော့်တာဝန်က ဒါပဲ။ အများသိအောင်၊ အစိုးရသိအောင် အကုန်လုံး ဒီကိစ္စတွေကို လွှတ်တော်မှာ အများသိအောင်ချပြပြီးပြီ။ အရေးယူမှု အပိုင်းက ဘယ်သူ့တာဝန်လဲ။ ကျွန်တော်ဘယ်လောက်အထိ ဆွေးနွေးခဲ့လဲဆိုရင် ၂၀၁၇ ကျောက်မျက် ဥပဒေကလည်း အဆင်သင့် မဖြစ်သေးဘူး။ ယန္တရားတွေကလည်း ဒီမှာ စည်းမဲ့ကမ်းမဲ့ လုပ်နေတယ်။ အဲဒီ ၂၀၁၇ ကျောက်မျက်ဥပဒေ ကြီိးလည်း အဆင်သင့်ဖြစ်ရော မြေပြင်မှာ ကျောက်စိမ်းတူးစရာ နေရာမရှိ ဖြစ်တော့မယ်ဆိုပြီး အဲဒီလောက် ကျွန်တော်ဆွေးနွေးခဲ့ပြီ။ ကျွန်တော်တို့ဟာ ကိုယ်တိုင်အရေးယူ ဆောင်ရွက်လို့မရဘူး။ အရေးယူဆောင်ရွက်မယ့် အစိုးရကို တွန်းအားပေးဖို့၊ သိအောင်ချပြဖို့ပဲ ကျွန်တော်တို့မှာ တာဝန်ရှိတယ်။ ကျွန်တော်တို့ လုပ်ရမယ့် အလုပ်ကိုတော့ တာဝန်ကျေပွန်အောင်လုပ်တယ်။ အစိုးရဘက်က ဘာမှတုံ့ပြန်မှုမလာတဲ့ အပေါ်မှာတော့ ကျွန်တော်တို့လည်း သိပ်အားရကျေနပ်မှု မရှိဘူး” ဟု ဖားကန့်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးတင့်စိုးက ပြောကြားသည်။

လုံးခင်း-ဖားကန့် ရတနာမြေတွင် လုပ်ကိုင်ခွင့်ရ လုပ်ကွက်ဧရိယာ အကျယ်အ၀န်းအလိုက် ခွင့်ပြုမည့် စက်ယန္တရား၊ မြေသယ်ယာဉ် အရေအတွက်နှင့် ၀န်ဆောင်မှုအားကို လျာထားသတ်မှတ်ထားမှု အခြေအနေအား အစိုးရသစ် မတက်မီ ၂၀၁၅ ခုနှစ် မတ် ၉ ရက်ကပင် သတ္တုတွင်းဝန်ကြီးဌာန မြန်မာ့ကျောက်မျက်ရတနာ ရောင်းဝယ်ရေး လုပ်ငန်းမှ ကျောက်မျက်ကုမ္ပဏီများအား လိုက်နာဆောင်ရွက်ရန် ညွှန်ကြားထားပြီးဖြစ်ကြောင်း သိရသည်။

အဆိုပါ ညွှန်ကြားချက်အရ လုပ်ကွက်အကျယ်အ၀န်း ၁၀ ဧကနှင့်အောက်ဖြစ်ပါက ဘက်ဟိုးအရေအတွက် ငါးစီး ၀န်ဆောင်မှုအား စုစုပေါင်း တန် ၃၅၀၊ မြေသယ်ယာဉ်အရေ အတွက် အစီး ၂၀ ၀န်ဆောင်မှုအား စုစုပေါင်း တန် ၁၄၀၀ အသုံးပြုရမည်ဖြစ်သည်။ လုပ်ကွက်အကျယ်အ၀န်း ၁၀ ဧကအထက်မှ ဧက ၃၀ အထိဖြစ်ပါက ဘက်ဟိုးအရေအတွက် ၁၂ စီး ၀န်ဆောင်မှုအား စုစုပေါင်း တန် ၈၄၀၊ မြေသယ်ယာဉ် အရေအတွက် ၃၆ စီး ၀န်ဆောင်မှုအား စုစုပေါင်း တန် ၂၅၂၀ အသုံးပြုရမည်ဖြစ်ပြီး လုပ်ကွက်အကျယ်အ၀န်း ၃၀ ဧကအထက် ဖြစ်ပါက ဘက်ဟိုးအရေအတွက် အစီး ၂၀ ၀န်ဆောင်မှုအား စုစုပေါင်း တန် ၁၄၀၀၊ မြေသယ်ယာဉ် အရေအတွက် ၄၈ စီး ၀န်ဆောင်မှုအား စုစုပေါင်း တန် ၃၃၆၀ အသုံးပြုရမည်ဖြစ်သည်။

ဖားကန့်ဒေသတွင် ယာဉ်ယန္တရား ကန့်သတ်ချက်ထက် အဆမတန် ကျော်လွန်တူးဖော်နေမှုနှင့် ပတ်သက်၍ ကချင်အမျိုးသား ကွန်ဂရက်ပါတီ (ဗဟို) ဥက္ကဋ္ဌ ဒေါက်တာအမ်ကောန်လက “စက်ယန္တရား ကန့်သတ်ချက်ကို သတ္တိရှိရှိလုပ်ပါ။ နိုင်ငံတော်အစိုးရရဲ့ အာဏာကိုကိုင်စွဲပြီး အကောင်အထည် ဖော်ရမယ်။ ဒါကိုမှ မလုပ်ရဲရင်တော့ အခက်အခဲ ရှိလိမ့်မယ်။ ဒါကို တတ်နိုင်သလောက် အရွေ့တော့ တွန်းရလိမ့်မယ်။ စက်ယန္တရားမှ မကန့်သတ်ရင်တော့ ဒီနယ်မြေဟာ ၁၀ နှစ်အတွင်း မခံတော့ဘူး။ ဒါကိုတော့ ကျွန်တော် အပြင်းအထန် တိုက်တွန်းလိုပါတယ်။ ဒီအစိုးရဟာ အရင်အစိုးရထက်စာရင် ဥပဒေဆောင်ရွက်ပုံ ဆောင်ရွက်နည်း အများကြီးပိုတယ်။ ပွင့်လင်းမြင်သာမှုအပိုင်း အားကောင်းပေမဲ့ ဥပဒေရဲ့ အနှစ်သာရကို အကောင်အထည် ဖော်တဲ့နေရာမှာတော့ အားနည်းသေးတယ်” ဟု ပြောကြားသည်။

ကျောက်စိမ်းတူးဖော်ရေး လုပ်ကွက်များမှာ လစဉ်သက်တမ်းကုန်ဆုံးလျက်ရှိပြီး ၂၀၁၅ ခုနှစ် သတ္တုတွင်း ၀န်ကြီးဌာန၏ စာရင်းများအရ ဖားကန့်ဒေသတွင် ပုဂ္ဂလိကကုမ္ပဏီ ၈၀၈ ခု တစ်ဧက လုပ်ကွက်ပေါင်း ၁၅၆၃၈ ကွက်၊ အကျိုးတူကုမ္ပဏီ ၂၂၂ ခု လုပ်ကွက်ပေါင်း ၃၀၂ ကွက်ရှိခဲ့ရာမှ NLD အစိုးရ တက်လာပြီးနောက်ပိုင်း လုပ်ကွက်များ သက်တမ်းတိုးခွင့် မရှိတော့သည့်အတွက် ၂၀၁၇ ခုနှစ် အောက်တိုဘာ ၃၁ ရက် စာရင်းချုပ်အရ အကျိုးတူ လုပ်ကွက် ၉၅ ကွက်၊ ပုဂ္ဂလိကလုပ်ကွက် ၇၄၅ ကွက်ခန့်သာ ကျန်ရှိတော့ကြောင်း မြစ်ကြီးနားမြို့တွင် ပြုလုပ်ခဲ့သည့် ကျောက်မျက်ရတနာ မူဝါဒဆွေးနွေးပွဲတွင် မြန်မာ့ကျောက်မျက်ရတနာ ရောင်းဝယ်ရေး လုပ်ငန်းမှ ဦးဆောင်ညွှန်ကြားရေးမှူး ဦးအောင်ညွန့်သိန်း၏ ပြောကြားချက်အရ သိရသည်။

ရခိုင်ပြည်နယ် မေယုဒေသတွင် အခြေချနေထိုင်ရန်အတွက် ရမ်းဗြဲဒေသခံအချို့ ရသေ့တောင်နှင့် မောင်တောတောင်ပိုင်းသို့ စတင်သွားရောက်

မေယုဒေသတွင် အခြေချနေထိုင်ရန် ထွက်ခွာနေသည့် ရမ်းဗြဲဒေသခံအချို့ကို တွေ့ရစဉ်

မေယုဒေသတွင် အခြေချနေထိုင်ရန်အတွက် ရမ်းဗြဲဒေသခံများ ရသေ့တောင်နှင့် မောင်တောတောင်ပိုင်းသို့ စတင်သွားရောက်နေပြီဖြစ်ကြောင်း သိရသည်။

ဒီဇင်ဘာ ၉ ရက်က မောင်တောတောင်ပိုင်း ကမ်းခြေဒေသသို့ သွားရောက်လုပ်ကိုင်နေထိုင်ရန် ရမ်းဗြဲမြို့နယ်နှင့် မာန်အောင်မြို့နယ်မှ တတိယအသုတ်အဖြစ် ရောက်လာသူ ၁၈ ဦးကို ရခိုင်ပြည်နယ် အစိုးရအဖွဲ့ဝန်ကြီး ဦးကျော်လွင်၊ ပြည်နယ်လွှတ်တော်ကိုယ်စားလှယ် ဦးသန်းမောင်နှင့် အနောက်ဘက် နယ်စပ်ဒေသ ရခိုင်အမျိုးသားနယ် မြေပြန်လည်တည်ဆောက်ရေး အထောက်အကူပြု ကော်မတီအတွင်း ရေးမှူး ဦးသန်းထွန်းတို့က စစ်တွေ ရေချမ်းပြင်ဆိပ်ကမ်းအရောက် လိုက်လံပို့ဆောင်ခဲ့ကြကြောင်း သိရသည်။

ထိုသို့ ရမ်းဗြဲ၊ မာန်အောင်ဒေသခံများ မေယုဒေသသို့ အခြေချရန် သွားရောက်ရာတွင် ကူညီဆောင်ရွက်ပေးသူ ရမ်းဗြဲမြို့နယ်မှ ပြည်နယ်လွှတ်တော်ကိုယ်စားလှယ် ဦးသန်းမောင်ဦးက “မေယုဒေသမှာ ကျေးရွာသစ်တွေ ပြန်လည်ထူထောင်တဲ့ အခါမှာ အစိုးရကနေ အိမ်ပေးမယ်။ လယ်ပေးမယ်။ နွားပေးမယ်လောက်နဲ့တော့ လူတွေမလာလောက်ဘူးလေ။ ဒီဒေသကို ရင်းနှီးအောင်၊ ဒီဒေသမှာ လုပ်စားလို့ရတယ်ဆိုတာ သိသွားအောင်၊ ဒီဒေသမှာ လုပ်စားတတ်အောင်၊ ဒီဒေသကို ငါတို့ကာကွယ်ထားရမယ်လို့ ကျွန်တော်တို့က ပို့တာဖြစ်ပါတယ်။ အဲဒီဒေသမှာ နေရာချထားဖို့ အဆင့်အထိတော့ မရောက်သေးဘူး။ ဒါပေမဲ့ အခုပို့တာက ဒေသမှာ ကျွမ်းကျင်သွားအောင်၊ ဒေသမှာ နေချင်လာအောင်၊ ဒီဒေသကို ငါတို့ကာကွယ်ရမယ်ဆိုတာ သိသွားအောင် ကနဦးအနေနဲ့ ပို့တာပါ။ နောက်ပိုင်းမှာတော့ ဒေသနဲ့ရင်းနှီးသွားရင် သူတို့နေပါလိမ့်မယ်။ အဲဒီမှာ ဘယ်နှရွာလောက် တည်မယ်ဆိုတာတော့ အတတ်မပြောနိုင်သေးဘူး။ ဒါပေမဲ့ သုံးရွာလောက် ရမ်းဗြဲဘက်က လူတွေနဲ့ တည်ပေးရမလားလို့ စဉ်းစားထားတယ်။ ဒီကနေ့သွားတာက ၁၈ ဦး ရှိတယ်။ မာန်အောင်က ကိုးဦး၊ ရမ်းဗြဲက ကိုးဦးပါတယ်။ ဟိုမှာ ရောက်နေတဲ့ သူတွေနဲ့ဆိုရင် အားလုံးပေါင်း ၃၁ ဦး ဖြစ်ပါတယ်။ အဲဒီအထဲမှာ အမျိုးသမီးလေးဦးလည်း ပါတယ်။ နေထိုင်ဖို့တော့ ကိုယ့်နည်းကိုယ့်ဟန်နဲ့နေဖို့ စီစဉ်ထားတယ်။ လတ်တလောမှာတော့ မောင်တောမြို့ နယ်တောင်ပိုင်း အင်းဒင်ရွာမှာ လူစုထားတယ်။ စားဖို့သောက်ဖို့အတွက် အဲဒီမှာ စပါးတွေ ၀င်ရိတ်မယ်။ ရေလုပ်ငန်းကိုလည်း သူတို့ စဉ်းစားထားတာ ရှိတယ်။ အခု ဒီဘက်ကိုလာတဲ့လူတွေက လယ်သမားတွေများတယ်။ ရေလုပ်ငန်းလုပ်ကိုင်သူတွေလည်း ပါတယ်။ လောလောဆယ်မှာ အင်းဒင်ရွာမှာနေဖို့၊ စားဖို့ အားလုံးကူညီဆောင်ရွက်ပေးထားတာ ရှိတယ်” ဟု ပြောကြားသည်။

လက်ရှိတွင် ရမ်းဗြဲနှင့် မာန်အောင်ဒေသခံ လယ်သမားများ၊ ရေလုပ်သားများ စုစုပေါင်း ၃၁ ဦးသည် မောင်တောမြို့နယ်တောင်ပိုင်း အင်းဒင်ကျေးရွာသို့ ရောက်ရှိနေပြီဖြစ်ကြောင်း သိရသည်။

ထို့ပြင် ရခိုင်ပြည်နယ်မြောက်ပိုင်းမှ ဘင်္ဂါလီပြဿနာကြောင့် နေရပ်စွန့်ခွာပြီး ရမ်းဗြဲမြို့နယ်အတွင်း လာရောက်နေထိုင်သူများလည်း ပြန်လာရန် စိတ်ကူးရှိနေကြောင်း သိရသည်။

“ရမ်းဗြဲဘက်မှာ ဒီဘက်ကလူတွေ ဘာသာခြားတွေနဲ့မနေချင်လို့ လာနေတာရှိတယ်။ သူတို့က အခြေအနေကောင်းရင် ပြန်မယ့်သဘော ရှိတယ်။ ဒါပေမဲ့ အခုစပို့တာကတော့ ရမ်းဗြဲဒေသခံတွေ သီးသန့်ဖြစ်တယ်။ သူတို့က လယ်ယာလုပ်ငန်းကို ကိုယ်တိုင်လုပ်နိုင်တဲ့ သူတွေဖြစ်တယ်။  သူတို့ အဲဒီဒေသမှာ နေထိုင်ရင်တော့ အဲဒီဒေသအတွက်လည်း ကောင်းသွားမယ်။ ရွာတည်ဖို့ကိစ္စတော့ ဘာမှညှိတာ မရှိသေးဘူး။ သူတို့ကလည်း အဲဒီအဆင့်အထိ မဟုတ်သေးဘူး။ ဒါပေမဲ့ သူတို့သွားတာကို ပြည်ထောင်စုအစိုးရရော၊ ရခိုင်ပြည်နယ်အစိုးရရော၊ လွှတ်တော်ရော၊ CSO တွေရော သိအောင်တော့ လုပ်နေတယ်။ ဘာကြောင့်လဲဆိုတော့ အခြေချနေဖို့ဆိုတာက သူတို့အပေါ်မှာမူတည်ပါတယ်” ဟု ပြည်နယ်လွှတ်တော်ကိုယ်စားလှယ် ဦးသန်းမောင်ဦး ပြောကြားသည်။

လက်ရှိတွင် ရသေ့တောင်မြို့နယ် မယူကမ်းဒေသတွင် အလုပ်သမား ရှားပါးခြင်းကြောင့် စပါးခင်းများ ရိတ်သိမ်းရန် အခက်အခဲဖြစ်နေကြောင်း သိရသည်။

ပြည်သူလူထုအခြေပြု ဂျပန်ဦးနှောက်ရောင်ရောဂါ ကာကွယ်ဆေးထိုးအစီအစဉ် ဒီဇင်ဘာ ၁၁ ရက် (ယနေ့) စတင်မည်

နိုဝင်ဘာ ၁၅ ရက်က အထက (၂) စမ်းချောင်းတွင် ကျန်းမာရေးဌာနက ကျောင်းအခြေပြု ဂျပန်ဦးနှောက်ရောင် ရောဂါကာကွယ်ဆေး အစုလိုက်ထိုးနှံပေးနေစဉ် (ဓာတ်ပုံ-ကြည်နိုင်)

ပြည်သူလူထုအခြေပြု ဂျပန်ဦးနှောက်ရောင် ရောဂါကာကွယ်ဆေး အစီအစဉ်ကို ဒီဇင်ဘာ ၁၁ ရက် (ယနေ့) တွင် စတင်လုပ်ဆောင်မည်ဖြစ်ပြီး ဒီဇင်ဘာ ၂၀ ရက်အထိ လုပ်ဆောင်မည်ဖြစ်ကြောင်း သိရသည်။

ပြည်သူလူထုအခြေပြု ဂျပန်ဦးနှောက်ရောင် ရောဂါကာကွယ်ဆေး အစီအစဉ်တွင် အသက်ကိုးလမှ ငါးနှစ်အထိ ကလေးများ၊ ၁၅ နှစ် အထိ ကျောင်းမနေသော ကလေးလူငယ်များ၊ ကျောင်းအခြေပြု ကာကွယ်ဆေးထိုးအစီအစဉ်တွင် ကာကွယ်ဆေးထိုးရန် လွတ်ကျန်ခဲ့သော ကျောင်းသား ကျောင်းသူများကို ထိုးနှံပေးမည်ဖြစ်ကြောင်းနှင့် ယင်းအစီအစဉ်ကို မြို့နယ်ဆေးရုံများ၊ မိခင်နှင့်ကလေးကျန်းမာရေးဌာန၊ ဒေသန္တရကျန်းမာရေးဌာန၊ တိုက်နယ်ဆေးရုံ၊ ကျေးလက်ကျန်းမာရေး ဌာန/ ဌာနခွဲ၊ ရပ်ကွက်ကျေးရွာများ အတွင်း အုပ်ချုပ်ရေးမှူးရုံး၊ ဓမ္မာရုံများ၊ ဘုန်းကြီးကျောင်း၊ ပုဂ္ဂလိက နေအိမ်နှင့် အခြားသတ်မှတ်ထားသည့် ဆေးထိုးစုရပ်များတွင် ထိုးနှံပေးမည်ဖြစ်ကြောင်း သိရသည်။

ယခင်က ဂျပန်ဦးနှောက်ရောင် ကာကွယ်ဆေးထိုးဖူးသည်ဖြစ်စေ၊ မထိုးဖူးသည်ဖြစ်စေ ဂျပန်ဦးနှောက်ရောင်ရောဂါ ဖြစ်ဖူးသည်ဖြစ်စေ၊ မဖြစ်ဖူးသည်ဖြစ်စေ အသက်ကိုးလမှ ၁၅ နှစ်အထိ ကလေးလူငယ်အားလုံးကို ကာကွယ်ဆေးထိုးနှံပေးမည်ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာနအနေဖြင့် ပိုမိုစိတ်ချရသော ကာကွယ်ဆေးထိုးလုပ်ငန်း ဖြစ်စေရန် ကာကွယ်ဆေးမထိုးမီ ကာကွယ်ဆေး မထိုးသင့်သည့် အခြေအနေနှင့် လက္ခဏာများ ရှိ မရှိ စစ်ဆေးခြင်း၊ ကာကွယ်ဆေးမထိုးသင့်သည့် အခြေအနေကို မိဘများ ပိုမိုသိရှိရန် ကာကွယ်ဆေးမထိုးသင့်သည့် အချက်အလက်များပါဝင်သော ဗီနိုင်းပိုစတာများကို ကာကွယ်ဆေးထိုးစုရပ်တိုင်းတွင် ချိတ်ဆွဲပေးခြင်း၊ မိဘများသိရှိလိုသော အချက်အလက်များအတွက် အမေးအဖြေ ကဏ္ဍများကို ပိုမိုကျယ်ပြန့်စွာ အသိပေးထုတ်ပြန်ခြင်း၊ ကာကွယ်ဆေးထိုးပြီး တစ်နာရီ စောင့်ကြည့်ခြင်း၊ မည်သည့်လက္ခဏာမျိုးမဆို ပေါ်ပေါက်လာပါက ဆရာဝန်၊ ဆရာမထံ ချက်ချင်းပြသရန် အသိပေးခြင်း၊ ဘေးကင်းစိတ်ချရသော လုပ်ငန်းဖြစ်စေရန် ထပ်မံအားဖြည့် ဆောင်ရွက်ထားကြောင်း ထုတ်ပြန်ချက်အရ သိရသည်။

နိုဝင်ဘာ ၁၅ ရက်မှစ၍ ကျောင်းအခြေပြု ကာကွယ်ဆေးထိုး အစီအစဉ်ကိုစတင်ခဲ့ရာ နိုဝင်ဘာ ၂၄ ရက် အထိ ရည်မှန်းကလေးဦးရေ ၈ ဒသမ ၆ သန်းခန့်အနက် ၈ ဒသမ ၃ သန်းကို ထိုးနှံနိုင်ခဲ့ပြီး ၉၆ ဒသမ ၄ ရာခိုင်နှုန်း လွှမ်းခြုံခဲ့ကြောင်းနှင့် တိုင်းဒေသကြီးနှင့်ပြည်နယ်အလိုက် ကာကွယ်ဆေးလွှမ်းခြုံမှုရာခိုင်နှုန်းမှာ ဧရာဝတီတွင် ၉၇ ရာခိုင်နှုန်း၊ ပဲခူးတွင် ၉၅ ရာခိုင်နှုန်း၊ ချင်းတွင် ၉၅ ရာခိုင်နှုန်း၊ ကချင်တွင် ၉၃ ရာ ခိုင်နှုန်း၊ ကယားတွင် ၉၄ ရာခိုင်နှုန်း၊ ကရင်တွင် ၉၅ ရာခိုင်နှုန်း၊ မကွေးတွင် ၉၇ ရာခိုင်နှုန်း၊ မန္တလေးတွင် ၉၅ ရာခိုင်နှုန်း၊ မွန်တွင် ၉၆ ရာခိုင်နှုန်း၊ နေပြည်တော်တွင် ၉၅ ရာခိုင်နှုန်း၊ ရခိုင်တွင် ၈၃ ရာခိုင်နှုန်း၊ စစ်ကိုင်းတွင် ၉၈ ရာခိုင်နှုန်း၊ ရှမ်းအရှေ့တွင် ၉၅ ရာခိုင်နှုန်း၊ ရှမ်းမြောက် ၉၁ ရာခိုင်နှုန်း၊ ရှမ်းတောင်တွင် ၉၄ ရာခိုင်နှုန်း၊ တနင်္သာရီတွင် ၉၅ ရာ ခိုင်နှုန်း၊ ရန်ကုန်တွင် ရာခိုင်နှုန်း ၉၀ အသီးသီးရှိခဲ့ကြောင်း သိရသည်။

မြစ်ဆုံစီမံက်ိန်းအရေး ဆွေးနွေးသည့်အခါတွင် သုံးပွင့်ဆိုင်တွေ့ဆုံဆွေးနွေးရန်လိုအပ်ဟု ကချင်အမျိုးသားကွန်ဂရက်ပါတီ ပြောကြား

ကချင်ပြည်နယ် မြစ်ဆုံဒေသတွင် ၂၀၁၆ ခုနှစ် အောက်တိုဘာ ၂၉ ရက်က ပြုလုပ်သော မြန်မာအစိမ်းရောင်ကွန်ရက်၏ (၅) ကြိမ်မြောက် တွေ့ဆုံပွဲအခမ်းအနား မြင်ကွင်းတစ်ခု

မြစ်ဆုံစီမံကိန်းအရေး ဆွေးနွေးသည့်အခါတွင် မြန်မာအစိုးရ၊ တရုတ်အစိုးရ (တရုတ်အစိုးရ၊ တရုတ်ကုမ္ပဏီ) နှင့် ကချင်နိုင်ငံရေး အစုအဖွဲ့တုိ့  သုံးပွင့်ဆိုင် တွေ့ဆုံဆွေးနွေးရန် လိုအပ်ဟု ကချင်အမျိုးသားကွန်ဂရက်ပါတီဥက္ကဋ္ဌ ဒေါက်တာအမ်ကောန်လက ဒီဇင်ဘာ ၉ ရက်တွင် ပြောကြားသည်။

ပြီးခဲ့သည့်ရက်ပိုင်းအတွင်းက မြစ်ဆုံစီမံကိန်းနှင့်ပတ်သက်၍  ကချင်အမျိုးသားကွန်ဂရက်ပါတီသည် မြစ်ဆုံရေအားလျှပ်စစ် စီမံကိန်းလုပ်ငန်းခွင် မန်နေဂျာ မစ္စတာ Zhang Hua Ngui နှင့် ဧရာဝတီ မြစ်ဆုံ-မြစ်ညာ မြစ်ဝှမ်းရေအား လျှပ်စစ်ကုမ္ပဏီလီမိတက် (ACHC) ဒုတိယဥက္ကဋ္ဌမစ္စတာ Zhao Laipu တို့နှင့် တွေ့ဆုံဆွေးနွေးခဲ့ကြပြီး ယင်းကဲ့သို့ တွေ့ဆုံဆွေးနွေးရခြင်းမှာ မြစ်ဆုံစီမံကိန်းနှင့်ပတ်သက်၍ ဆွေးနွေးရန်ရှိလာပါက မြန်မာအစိုးရ၊ တရုတ်အစိုးရ (တရုတ်အစိုးရ၊ တရုတ်ကုမ္ပဏီ) နှင့် ကချင်နိုင်ငံရေး အစုအဖွဲ့တုိ့ပါဝင်သည့် သုံးပွင့်ဆိုင် ဆွေးနွေးပွဲအ၀န်းအ၀ိုင်းတစ်ခုကို တည်ဆောက်ပြီး အဖြေရှာရန်အတွက် တွေ့ဆုံခြင်းဖြစ်သည်ဟု  ဒေါက်တာ အမ်ကောန်လက ပြောကြားသည်။

ကချင်အမျိုးသားကွန်ဂရက် ပါတီဥက္ကဋ္ဌ ဒေါက်တာ အမ်ကောန်လက “ကျွန်တော်တို့ အဓိက ပြောတာကတော့ ဘာလဲဆိုတော့ ခေတ်အဆက်ဆက်က မြန်မာအစိုးရနဲ့ တရုတ်အစိုးရရယ်၊ တရုတ်ကုမ္ပဏီရယ်၊ ပွင့်ပွင့်လင်းလင်းပြောရရင် ဘက်နှစ်ဖက်ပေါ့။ မြန်မာအစိုးရ အပိုင်းရယ်၊ တရုတ်ဘက်အပိုင်းရယ် ဘက်နှစ်ဖက်ပဲ အကောင်အထည်ဖော်တဲ့အပိုင်းတွေ ဖြစ်တယ်။ ဖြစ်တဲ့အခါကျတော့ ကျွန်တော်တို့ တောင်းဆိုတာက မြန်မာအစိုးရရယ်၊ တရုတ်အစိုးရယ်၊ တရုတ်အစိုးရ Plus တရုတ်ကုမ္ပဏီပေါ့။ ပြီးရင် ကချင်နိုင်ငံရေးအစုအဖွဲ့ဆိုတဲ့ဟာပေါ့။ အဲဒီအ၀န်းအ၀ိုင်းကို ကျွန်တော်တို့ တည်ဆောက်တာပါ။ သူတို့ကို ကျွန်တော်တို့ သွားအသိပေးတာပေါ့။ ကချင်နိုင်ငံရေး အ၀န်းအ၀ိုင်းရဲ့ သဘောတူညီချက် မပါဘဲနဲ့ အကောင်အထည်ဖော်လို့ မဖြစ်ဘူးဆိုတာကို  အသိပေးတာပေါ့။ အဲဒါက အဓိကအကျဆုံးအချက်ပဲ” ဟု ပြောကြားသည်။

ထို့ပြင် ACHC ကုမ္ပဏီ ဒုတိယ ဥက္ကဋ္ဌနှင့် တွေ့ဆုံသည့်အခါတွင် နည်းပညာဆိုင်ရာ အချက်သုံးချက် ဆွေးနွေးရန်တောင်းဆိုထားပြီး အဆိုပါ အချက်သုံးချက်မှာ  Engineering ပိုင်းဆိုင်ရာ အချက်အလက်၊ မိုးလေ၀သနှင့် ဇလဗေဒပိုင်းဆိုင်ရာ အချက်အလက်နှင့် Geological ပိုင်းဆိုင်ရာ အချက်အလက်တို့ဖြစ်ကာ ယင်းကိစ္စနှင့်ပတ်သက်၍ ၎င်းကုမ္ပဏီက အကြောင်းမပြန်သေးကြောင်း ဒေါက်တာအမ်ကောန်လက ပြောကြားသည်။

ဆက်လက်၍  ဒေါက်တာအမ်ကောန်လက “NLD အစိုးရအနေနဲ့လည်း မပြီးဘူးပေါ့နော်။ မပြီးဘူးဆိုတဲ့ဟာက ကျွန်တော်တို့ ကချင်အမျိုးသားရဲ့ အမွေအနှစ် ဖြစ်နေတယ်။ အဲဒီတော့ အဲဒါဘယ်လိုလဲဆိုတော့ ပြည်ထောင်စုမြန်မာနိုင်ငံအစိုးရက ကိုယ်စားပြုပြီး ပြောပြီးသော်ငြားလည်းပဲ လူမျိုးစုတစ်စုရဲ့ ပြည်ထောင်စုအဖွဲ့ဝင် လူမျိုးစုတစ်စုရဲ့ သဘောထားဆန္ဒကို အကျေအလည်ကို  ဆွေးနွေးဖက်အနေနဲ့ မသတ်မှတ်ဘဲနဲ့ သူတို့ ဒီအတိုင်းဆောင်ရွက်မယ်ဆိုတော့ နည်းနည်းအခက်အခဲ ရှိတယ်။ အရင်တုန်းကလည်း အဲဒီအတိုင်းလုပ်လာလို့ ပြဿနာဖြစ်တယ်လေ။ အဲဒီလို သဘောပေါ့။ ကျွန်တော်တို့ကတော့ ပွင့်ပွင့်လင်းလင်းပြောရရင် နိုင်ငံရေးဆွေးနွေးဖက် အနေနဲ့ တည်ဆောက်ဖို့ ကျွန်တော်တို့ တရုတ်ကို  တိုက်တွန်းထားတယ်။ မြန်မာအစိုးရကိုလည်း တိုက်တွန်းမှာပါ။ သူတို့ဘက်က ဘယ်လို Reply လုပ်မှာလဲ မသိဘူး” ဟု ပြောကြားသည်။

ထိုကဲ့သို့ တွေ့ဆုံဆွေးနွေးခြင်းသည် နိုင်ငံရေးအရ လမ်းကြောင်းဖွင့်သည့် သဘောဖြစ်၍ နိုင်ငံရေးအရ လမ်းကြောင်းပွင့်သွားပြီဆိုလျှင် ကချင်လူထုနှင့် ကချင်နိုင်ငံရေး အစုအဖွဲ့တို့နှင့် ပြန်လည်တိုင်ပင်ပြီး အားလုံးပူးပေါင်းကာ ဆောင်ရွက်မည်ဖြစ်ကြောင်းသည် မိမိတို့ပါတီ၏ သဘောထားဖြစ်ကြောင်း ဒေါက်တာအမ်ကောန်လက ဆိုသည်။

ကြီးမားသော ရေအားလျှပ် စစ်ထုတ်ယူရေး ဆည်များသည် ရေရှည်လျှပ်စစ်ဓာတ်အား မလုံလောက်မှုကို ကိုင်တွယ်ရန်အတွက် မြန်မာနိုင်ငံ မဟာဗျူဟာ၌ ဦးစားပေး မဟုတ်ကြောင်း လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က နိုဝင်ဘာ ၇ ရက်တွင် ရိုက်တာသတင်းဌာနကို ပြောကြားထားသည်။

တရုတ်နိုင်ငံခြားရေးဝန်ကြီး ဌာနမှ ပြောရေးဆိုခွင့်ရအမျိုးသမီး ဟွာချန်းယင်က မြစ်ဆုံဆည်နှင့် ပတ်သက်၍ တရုတ်၏ အနေအထားသည် မပြောင်းလဲကြောင်းနှင့် တရုတ်သည် အပြန်အလှန်အကျိုးရှိမှု အခြေခံပေါ်မူတည်လျက် မြန်မာနိုင်ငံနှင့် အမြဲတမ်း နက်ရှိုင်းစွာ ပူးပေါင်းဆောင်ရွက်ရေးကို မြှင့်တင်ခဲ့ကြောင်း ပေကျင်းမြို့၌ ပြောကြားခဲ့ကြောင်း သိရသည်။

၂၀၁၆ ခုနှစ် သြဂုတ် ၁၂ ရက် တွင် ဧရာဝတီမြစ်ဆုံ-မြစ်ညာမြစ်ဝှမ်း ရေအားလျှပ်စစ်စီမံကိန်းများ လေ့လာစိစစ်သုံးသပ်ရေး ကော်မရှင်ကို ဖွဲ့စည်းခဲ့ပြီး ကော်မရှင်အနေဖြင့် သုံးလအတွင်း ပထမအစီရင်ခံစာ တင်ပြရန် ညွှန်ကြားချက် ပါဝင်သော်လည်း၂၀၁၆ ခုနှစ် နိုဝင်ဘာ ၁၁ ရက်တွင် ကော်မရှင်၏ ပထမအကြိမ် အစီရင်ခံစာနှင့်ပတ်သက်သည့် ထုတ်ပြန်ချက်မှလွဲ၍ အပြီးသတ်အစီရင်ခံစာကို ယခုချိန်အထိ  ထုတ်ပြန်ခြင်းမရှိသေးကြောင်း သိရသည်။

ထားဝယ်-ထီးခီး နှစ်လမ်းသွားလမ်းမ ဖောက်လုပ်မှုအတွက် ထိုင်းနိုင်ငံ၏ ချေးငွေရယူရန် ပြည်ထောင်စု လွှတ်တော်၏ အတည်ပြုချက် ရရှိပါက စတင်ဖောက်လုပ်မည်ဖြစ်ပြီး ယခင်လမ်းအူကြောင်းကိုသာ အသုံးပြုမည်ဟု သိရ

ထားဝယ်-တီးခီးလမ်းပိုင်း တစ်နေရာကို တွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်ရှိ ထားဝယ်ရေနက် ဆိပ်ကမ်းနှင့် အထူးစီးပွားရေးဇုန်စီမံကိန်းမှ မြန်မာ-ထိုင်းနယ်စပ် ထီးခီးသို့ နှစ်လမ်းသွားလမ်းမ ဖောက်လုပ်မှုအတွက် ထိုင်းနိုင်ငံ၏ချေးငွေ ဘတ်သန်း ၄၅၀၀ အား ချေးယူရန် ပြည်ထောင်စုလွှတ်တော်မှ အတည်ပြုပြီးပါက လမ်းဖောက်လုပ်မှု စတင်သွားမည်ဖြစ်ပြီး လက်ရှိအသုံးပြုနေသည့် လမ်းအူကြောင်း အဟောင်းကိုသာ အသုံးပြုသွားမည်ဖြစ်ကြောင်း သိရသည်။

ထားဝယ် အထူးစီးပွားရေးဇုန် စီမံကိန်းနှင့် ပတ်သက်၍ မြန်မာအစိုးရနှင့် Italian-Thai ကုမ္ပဏီတို့အကြား စာချုပ်ချုပ်ဆိုထားသည့် ၂၇ စတုရန်းကီလိုမီတာ အကျယ်ရှိ ကနဦး အထူးစီးပွားရေးဇုန်၏ Project ကိုးခု အတွင်း ပါဝင်သည့် ထားဝယ်-ထီးခီး နှစ်လမ်းသွားလမ်းမ ဖောက်လုပ်ရန် ထိုင်းနိုင်ငံအစိုးရ၏ WEDA ထံမှချေးငွေအဖြစ် ဘတ်သန်း ၄၅၀၀ ချေးယူနိုင်ရန် ပြည်ထောင်စုအစိုးရအား တင်ပြထားပြီးဖြစ်ကြောင်း၊ ယင်းချေးငွေရယူရန်အတွက် နောက်ဆုံးအနေဖြင့် ဆုံးဖြတ်နိုင်ရန် နိုင်ငံတော်ဒုတိယသမ္မတ ဦးဟင်နရီဗန်ထီးယူက ဒီဇင်ဘာ ၂ ရက်မှ ၃ ရက်အထိ ထားဝယ်ဒေသသို့ နှစ်ရက်ကြာ လာရောက်လေ့လာခဲ့ပြီး ထားဝယ်အထူးစီးပွားရေးဇုန် အမြန်ဆုံး အကောင်အထည် ဖော်နိုင်ရန်အတွက် နှစ်လမ်းသွားလမ်းမကို နံပါတ်တစ် ဦးစားပေးအနေဖြင့် ဆောင်ရွက်သွားမည် ဖြစ်ကြောင်း ပြောကြားသွားခဲ့သည်ဟု သိရသည်။

“ရေနက်ဆိပ်ကမ်းနဲ့ ပတ်သက်လို့ လုပ်ရမယ့်လုပ်ငန်း ကိုးခုရှိတဲ့ အထဲမှာ နံပါတ်တစ် အရေးကြီးဆုံးက နှစ်လမ်းသွား လမ်းမပေါ့။ ရေနက်ဆိပ်ကမ်းကနေပြီး ထီးခီး (မြန်မာ-ထိုင်းနယ်စပ်) အထိ အမြန်ဆုံး အကောင်အထည်ဖော်မှ ရေနက်ဆိပ်ကမ်းက အမြန်ဆုံး တိုးတက်မယ်လို့ ၀န်ကြီးတို့က တင်ပြတယ်။ နှစ်လမ်းသွားကို အမြန်ဆုံး အကောင်အထည်ဖော်မှ ရေနက်ဆိပ်ကမ်းက စတင်တယ်ဆိုတဲ့သဘော သက်ရောက်မယ်။ ဘာဖြစ်လို့လဲဆို သူကထိုင်းနယ်စပ်နဲ့ ဒီရေနက်ဆိပ်ကမ်းကို ဆက်သွယ်တဲ့လမ်းက အဓိကကျတဲ့ အတွက်ပါ။ ဒုသမ္မတကလည်း သဘောတူတယ်။ ဒီထီးခီး-ရေနက်ဆိပ်ကမ်းလမ်းလုပ်မှ ပထမဆုံး စက်မှုဇုန်ကြီး အကောင်အထည် ဖော်ဖို့အတွက် လာမယ့်အပိုင်းကိုပေါ့။ လောလောဆယ် ခရီးသွားတွေ ၀င်လာမယ်။ ကုန်စည်စီးဆင်းမှု မြန်လာမယ်ဆိုတဲ့အတွက် ဒေသအတွက်လည်း အများကြီး အကျိုးရှိမယ်ဆိုပြီး ဒုသမ္မတက ပြောတယ်။ အစိုးရသစ် တက်တ လည်း တစ်နှစ်ခွဲကျော် နှစ်နှစ်နီးပါးရှိနေပြီ ဖြစ်လို့ ဇုန်ဖွံ့ဖြိုးတက်ဖို့ဟာကို သူကအထူးလိုလားတယ်။ ပြင်ဆင်လေ့လာတဲ့အချိန်က ဒီလောက် အတိုင်းအတာဆိုရင် ပြည့်စုံနေပြီ။ အခုအကောင်အထည်ဖော်မယ့် အပိုင်းတွေ ဖြစ်လာပြီ” ဟု တိုင်းဒေသကြီး အစိုးရအဖွဲ့ စီမံ/ဘဏ္ဍာဝန်ကြီး ဦးဖြိုးဝင်းထွန်းက ပြောကြားသည်။

ထားဝယ်-ထီးခီး နှစ်လမ်းသွား အဆင့်မြင့်လမ်းမ ဖောက်လုပ်ရာတွင် ထားဝယ်ရေနက်ဆိပ်ကမ်းနှင့် မြန်မာ-ထိုင်းနယ်စပ် ထီးခီးအထိ ဖောက်လုပ်ထားပြီး လက်ရှိအသုံးပြုနေသော အရှည် ၉၉ မိုင်ရှိ မြေသားလမ်း အူကြောင်းကိုသာ အနည်းငယ်ပြင်ဆင်၍ အသုံးပြုသွားမည်ဖြစ်ကြောင်း၊ ဒုသမ္မတ လာရောက်ခဲ့သည့် ခရီးစဉ်၌ လမ်းဦးစီးဌာနမှ တင်ပြချက်အရ ဒေသတွင်း အသုံးပြုရန် ထီးခီးနယ်စပ်မှ သရက်ချောင်းမြို့နယ်ဘက်သို့ ကျောက်မီးသွေး သယ်ယူရန် တစ်ဝက်တစ်ပျက် ဖောက်လုပ်ထားသည့် ထီးထ-စုံစင်လမ်းကို ကျေးလက် ဒေသလမ်းအဖြစ် ဖောက်လုပ်နိုင်ရန် တင်ပြခဲ့ပြီး ဒုသမ္မတမှ Survey ပြုလုပ်ရန် ညွှန်ကြားခဲ့သည်ဟု သိရသည်။

ဒုသမ္မတ ဟင်နရီဗန်ထီးယူ၏ ခရီးစဉ်မှာ ထားဝယ်-ထီးခီး နှစ်လမ်းသွားလမ်းမ ဖောက်လုပ်ရန်အတွက် ထိုင်းနိုင်ငံထံမှ ထိုင်းဘတ် ငွေသန်း ၄၅၀၀ ချေးယူရန် နောက်ဆုံးဆုံးဖြတ် ချက်ချမှတ်နိုင်ရန် လာရောက် လေ့လာခြင်းဖြစ်ပြီး ပြည်ထောင်စုလွှတ်တော်သို့ တင်ပြ၍ အတည်ပြုချက်ရရှိပါက ပြည်တွင်းပြည်ပ ကုမ္ပဏီများကို တင်ဒါခေါ်ယူကာ လမ်းစတင် ဖောက်လုပ်သွားမည်ဖြစ်ကြောင်း၊ ယင်းနှစ်လမ်းသွားလမ်းမကို ထိုင်းနိုင်ငံ၏ နံပါတ် (၄) အဆင့်ရှိ လမ်းအဖြစ် ပြုလုပ်သွားမည်ဖြစ်ပြီး လက်ရှိအသုံးပြုနေသည့် မြ၀တီလမ်း အဆင့်ကဲ့သို့ဖြစ်အောင် ဆောင်ရွက်သွားမည်ဖြစ်ပြီး လာမည့် ၂၀၁၈ ခုနှစ်အတွင်း အဆုံးအဖြတ် ဖြစ်နိုင်သည်ဟု ဦးဖြိုးဝင်းထွန်းက ပြောကြား သည်။

ITD ကုမ္ပဏီမှ ၂၀၀၈ ခုနှစ်က စတင်အကောင်အထည် ဖော်ခဲ့သည့် ထားဝယ်အထူးစီးပွားရေးဇုန် စီမံကိန်းကို ရင်နှီးမြှုပ်နှံမှု ပြဿနာများကြောင့် ၂၀၁၃ ခုနှစ် နိုဝင်ဘာလတွင် စီမံကိန်း ယာယီရပ်နားခဲ့ပြီးနောက်ပိုင်း ၂၀၁၅ ခုနှစ် သြဂုတ်လအတွင်း၌ မြန်မာနှင့် ထိုင်းအစိုးရ တာဝန်ရှိသူများမှ စီမံကိန်း၌ လုပ်ငန်းကိုးခုဖြစ်သည့် နှစ်လမ်းသွားလမ်းမ၊ ရေရရှိရေးလုပ်ငန်း၊ လျှပ်စစ်လုပ်ငန်းသုံးခု၊ Town Ship တစ်ခု၊ ဆက်သွယ်ရေး၊ Small port Small နှင့် ၂၇ စတုရန်းကီလိုမီတာ အကျယ်ရှိသော အလတ်စားစက်မှုဇုန် တစ်ခုတို့ကို ကနဦးအနေဖြင့် အကောင်အထည်ဖော်ရန် MoA လက်မှတ်ရေးထိုးခဲ့ကြောင်း၊ လက်ရှိ ထားဝယ်အထူးစီးပွားရေးဇုန် စီမံခန့်ခွဲမှု ကော်မတီသစ် လက်ထက်၌ ကနဦး စီမံကိန်းနှင့် ပတ်သက်၍ ရှေ့ဆက်ဆောင်ရွက်နိုင်ရန် ထိုင်းနှင့် ဂျပန်နိုင်ငံများဖြင့် ပူးပေါင်းလုပ်ဆောင်နေသည့်အပြင် ၁၉၆ စတုရန်းကီလိုမီတာ အကျယ်ရှိ ပင်မစီမံကိန်း အတွက်လည်း ဆောင်ရွက်မှုများရှိကြောင်း၊ ကနဦး စီမံကိန်းတွင်ပါဝင်သည့် မြေသားလမ်းအဖြစ် ပြီးစီးနေပြီဖြစ်သော ထားဝယ်-ထီးခီး (မြန်မာ-ထိုင်း နယ်စပ်) နှစ်လမ်းသွားလမ်းမ အပြီးသတ် ဖောက်လုပ်ရန်နှင့် အလတ်စားစက်မှု ဇုန်တစ်ခုတို့ကို အကောင်အထည်ဖော်ရန် စတင်ဆောင်ရွက်နေပြီး လမ်းဖောက်လုပ်ရန်အတွက် လိုအပ်သော ချေးငွေဖြစ်သည့် ဘတ်သန်း ၄၅၀၀ (ဒေါ်လာ ၁၃၈ သန်းခန့်) ကို ထိုင်းနိုင်ငံမှတစ်ဆင့် ချေးယူရန် ၀န်ကြီးဌာနမှတစ်ဆင့် တင်ပြထားကြောင်း၊ ကနဦး စက်မှုဇုန်စီမံကိန်း၌ အသုံးပြုမည့် လျှပ်စစ်အတွက်လည်း သဘာဝဓာတ်ငွေ့ဖြင့် လည်ပတ်ရန် ထိုင်းကုမ္ပဏီဘက်မှ စီစဉ်ထားသည်ဟု ထားဝယ်အထူးစီးပွားရေးဇုန် စီမံခန့်ခွဲမှု ကော်မတီထံမှ သိရသည်။

 

ပေါင်မြို့နယ်ကျေးရွာ အချို့တွင် တရားမ၀င် ထိုင်းဝက် ၀င်ရောက်မှုကြောင့် ဈေးကွက်ပျက်၍ ခြောက်လအတွင်း ခြံပေါင်း ၅၀ ကျော်မှ ကျပ်သိန်းပေါင်းရာကျော် ဆုံးရှုံး

မုတ္တမဇင်းဘာရွာ ဝက်မွေးမြူုခြံအချို့ မွေးမြူထားသည်ကို တွေ့ရစဉ်

မွန်ပြည်နယ် ပေါင်မြို့နယ် မုတ္တမ ဇင်းဘာရွာရှိ ၀က်မွေးမြူရေးခြံ ၅၀ ခန့်တွင် ထိုင်းဝက်ပေါက်၊ ရောဂါရ အေးခဲဝက်သား၊ ၀က်အရှင်တို့ကို လွန်ခဲ့သော ခြောက်လခန့်မှ ကရင်ပြည်နယ်စပ်ကိုကျော်၍ တရားမ၀င် ဒေသတွင်း ၀င်ရောက်လာမှုကြောင့် ထိုင်းဝက်သားပေါက်မွေးခြံဝန်းကျင်၊ ရောဂါပါ အေးခဲဝက်သား စားသုံးမှုတို့ကြောင့် ယခင်က ခြောက်လအတွင်း တစ်ကြိမ်လောက်သာ ၀က်ရောဂါဖြစ်ပွားမှုရှိရာ ယခုလစဉ်လိုလို ရောဂါဖြစ်ပေါ်နေခြင်း၊ ယခုထိုင်းဝက်အရှင်များ၊ ရန်ကုန်၊ မော်လမြိုင်ဒိုင်သို့ ထပ်မံဝင်ရောက် လာမှုတို့ကြောင့် ၀က်အ၀ယ်ရပ်ခြင်း၊ ဈေးနှိမ်ခြင်းတို့ကြောင့် ဒေသတွင်း ၀က်ဈေးကွက်ပျက်ကာ ၀က်မွေးမြူမှု လုပ်ငန်းများ သိန်း ၂၀၀ ကျော် ဆုံးရှုံးမှု ရှိလာနေကြောင်း ဒေသခံများထံမှ သိရသည်။

“ကျွန်တော့်ဝက်ခြံထဲနားမှာ ထိုင်းဝက်သားခွဲတွေ လာမွေးတယ်၊ ဒီမှာက ပူ၊ အေး မြန်တယ်။ ၀က်သေတယ်။ ကျွန်တော့်ခြံလည်း ၀က်နာကျတာပဲ။ နောက်ပြီး ထိုင်းဘက်က ဈေးပေါတဲ့ဝက်သား ၀ယ်စားတယ်။ မကြာဘူး ၀က်နာတွေ ထပ်ကျပြန်တယ်။ အနည်းဆုံး ခြံပေါင်း ၅၀ ကျော်က တစ်ခြံကို အနည်းဆုံး ခြောက်လအတွင်းမှာ ကျပ်ငါးသိန်းကျော်လောက် ဆုံးရှုံးတယ်ဆိုတော့ သိန်း ၂၅၀ လောက် ပြုတ်ကုန်တာပေါ့။ တခြားရွာတွေ မပါသေးဘူး။ ဇင်းဘာရွာ တစ်ခုတည်း” ဟု ဇင်းဘာရွာမှ အုပ်ချုပ်ရေးမှူး ဦးကံမြင့်က ပြောကြားသည်။

ဒေသတွင်း အလှူအတန်းပေါများ၍ ယခုလရက်မျိုးတွင် ပုံမှန်ဝက်သား ဈေးကောင်းရလေ့ ရှိသော်လည်း လွန်ခဲ့သော နှစ်လခန့်မှစ၍ မော်လမြိုင်၊ ရန်ကုန်ဝက်ဒိုင်တို့သည် ထိုင်းဝက်အရှင်များ၊ အေးခဲသားများ၊  တရားမ၀င် ဈေးပေါပေါနှင့် ၀ယ်ရောင်းနေမှုကြောင့်၊ မုတ္တမမြို့နယ်မှ ၀က်ဈေးကွက်များ ပျက်လာကြောင်း၊ ၀က်ခြံဖမ်းဈေး တစ်ပိဿာ ကျပ် ၄၁၀၀၊ ၄၀၀၀ သာရှိပြီး ၀ယ်ယူမှုပင် မရှိတော့ကြောင်း၊ ယခင်ကာလတူတွင် ကျပ် ၄၆၀၀ အထက်တွင် ရှိခဲ့ကြောင်း ၀က်မွေးမြူသူ ကိုအေးသိန်းက ပြောကြားသည်။

“၀က်သားကွဲ ဈေးကွက်ပျက်တယ်။ ရောဂါဖြစ်တယ်။ အသားဈေးကွက်လည်း ပျောက်တယ်။ ပြောချင်တာကတော့ လုံးဝကို ပေးမ၀င်စေချင်ဘူး။ ထိုင်းမှာ ကျွန်လိုလုပ်ပြီး ငွေသိန်း ၃၀၊ ၄၀ စုပြီး ကိုယ့်ရပ်ကိုယ့်ရွာမှာ မွေးမြူရေး ပြန်လုပ်ပါတယ်။ ဗမာနိုင်ငံထိ မွေးမြူရေး မလုပ်နိုင်အောင် လာဒုက္ခ ပေးနေတော့ ဘာဆက်လုပ်ရမှာလဲလို့ မေးချင်တယ်။ ထိုင်းပြန်သွားဖို့ အသက်ကကြီးပြီ” ဟု ထိုင်းနိုင်ငံမှ ပြန်လာ၍ ၀က်မွေးသူ ဦးမောင်အေးက ပြောကြားသည်။

“၀က်မွေးမြူမှု အခြေအနေသိချင်လို့ ခြံသမားတွေနဲ့ တွေ့ပါတယ်။ ညကပဲ မြ၀တီက PC-3 (နယ်ကျော်ဖြတ်ခွင့်) ယူပြီး ၀က်ကားတွေ ခုနစ်ကားဆင်းလာတဲ့ သတင်းရတယ်။ သထုံဘက်မှာ သွားစောင့်ကြည့်တယ်။ လိုအပ်ရင် မရမ်းချောင်ဂိတ် ဆက်သွယ်ပြီး စစ်ဆေးဖို့ပါ။ သတင်းရလို့ လမ်းကြောင်းပြောင်းလိုက်တယ်လို့ ထင်ပါတယ်။ လကုန်ရင် မွေးမြူရေးအဖွဲ့ချုပ် အစည်းအဝေးမှာ ဒေသမွေးမြူရေးသမားတွေက သတင်းအချက်လက် စုဆောင်းမယ်။ ကရင်ပြည်နယ် မွေးမြူရေးအဖွဲ့ချုပ်နဲ့ ညှိနိုင်းဆောင်ရွက်ဖို့ စီစဉ်ထားပါတယ်။ မြ၀တီအဆင်းဂိတ်တွေမှာ သံသယဖြစ်စရာ သတင်းတွေလည်း ရထားပါတယ်။ တိတိကျကျ လုပ်ကိုင်ဖို့ ရှိပါတယ်။ မွန်ပြည်နယ် အားထားလုပ်ကိုင်မယ့် စီးပွားရေးငါးခုမှာ မွေးမြူရေးလည်း ပါပါတယ်။ မွေးမြူရေး သမားတွေကို ကာကွယ်ကူညီ ဆောင်ရွက်သွားမှာပါ” ဟု ဦးညိုမင်း (အတွင်းရေးမှူး မွန်ပြည်နယ် မွေးမြူရေးလုပ်ငန်း အဖွဲ့ချုပ်) က ပြောကြားသည်။

 

ပြင်ဦးလွင် အမျိုးသားကန်တော်ကြီးဥယျာဉ်၏ (၁၂) ကြိမ်မြောက် ပန်းပွဲတော်ကို ဒီဇင်ဘာ ၁၆ ရက်တွင် စတင်ကျင်းပရန် ပြင်ဆင်လျက်ရှိပြီး ပန်းအမျိုးအစား ၄၈ မျိုးနှင့် ပန်းပေါင်းနှစ်သိန်းခန့် ပြသမည်

ပြင်ဦးလွင် အမျိုးသားကန်တော်ကြီးဥယျာဉ် (၁၂) ကြိမ်မြောက် ပန်းပွဲတော်ကျင်းပရန် ပြင်ဆင်နေသည်ကို တွေ့ရစဉ်

ပြင်ဦးလွင် အမျိုးသားကန်တော်ကြီး ဥယျာဉ်၏ (၁၂) ကြိမ်မြောက် ပန်းပွဲတော်ကို ဒီဇင်ဘာ ၁၆ ရက်တွင် စတင်ကျင်းပရန် ပြင်ဆင်လျက်ရှိပြီး ပန်းအမျိုးအစား ၄၈ မျိုး နှင့် ပန်းပေါင်း နှစ်သိန်းခန့် ပြသသွားမည် ဖြစ်ကြောင်း အမျိုးသားကန်တော်ကြီးဥယျာဉ်၏ အမှုဆောင် ဒါရိုက်တာ ဦးဝေမျိုးအောင်က ပြောကြားသည်။

အမျိုးသား ကန်တော်ကြီးဥယျာဉ် (၁၂) ကြိမ်မြောက် ပန်းပွဲတော်ကို ဒီဇင်ဘာ ၁၆ ရက်မှ  ၃၁ ရက်အထိ ကျင်းပသွားမည်ဖြစ်ပြီး ပန်းပင်ပေါင်း တစ်သိန်းခုနစ်သောင်းနှင့် ပန်းအမျိုးအစားပေါင်း ၄၈ မျိုးကို ယခင်နှစ် ပန်းအခင်းအကျင်း ပြကွက်များဖြင့် တူညီမှုမရှိစေဘဲ ပန်းပြကွက်အသစ်အဆန်းများကို ခင်းကျင်းပြသ သွားမည်ဖြစ်ကြောင်း သိရသည်။

“ပန်းပွဲတော်ရဲ့ ပြခင်းပြကွက်တွေက တစ်နှစ်နဲ့တစ်နှစ် မတူပါဘူး။ ပန်းပြပွဲဧရိယာနဲ့ လိုက်ဖက်မယ့် ပြခင်းပြကွက်၊ ရုပ်လုံး၊ ရုပ်ကြွတွေနဲ့ အလှဆင်ပြသသွားမှာ ဖြစ်ပါတယ်။ ပန်းနဲ့အလှဆင် ပြုလုပ်ထားတဲ့ အရုပ်တွေကတော့ ငါးခုလောက်ပဲ ပါမှာပါ။ ပန်းအမျိုးအစားပေါင်း ၄၈ မျိုးနဲ့ ပြသသွားမှာဖြစ်ပြီး ပန်းအတုတွေ နည်းနိုင်သမျှ နည်းအောင်လို့ စီစဉ်ထားပါတယ်” ဟု အမျိုးသားကန်တော်ကြီးဥယျာဉ်မှ အမှုဆောင်ဒါရိုက်တာ ဦးဝေမျိုးအောင်က ပြောကြားသည်။

ဤ (၁၂) ကြိမ်မြောက် ပန်းပွဲတော်တွင် ပန်းတုများပါဝင်မှု အနည်းဆုံးဖြစ်အောင်  စီစဉ်ထားပြီး ယခုနှစ်တွင် ပန်းအတုများ ရာခိုင်နှုန်း၂၀ ခန့်သာ ပါဝင်တော့မည်ဖြစ်ကာ ယခင်နှစ် ပန်းအတုပါဝင်မှုနှုန်းထက် ငါးရာခိုင်နှုန်း လျော့သွားကြောင်း သိရသည်။

ပန်းပွဲတော်အတွက် ခင်းကျင်းပြသရန်အတွက် ပြင်ဆင်စိုက်ပျိုးရာတွင် ပန်းပင်ပေါင်း နှစ်သိန်းကျော် သုံးသိန်းအထိ စိုက်ပျိုးမှသာလျှင် ယခုကဲ့သို့ ပန်းပင်ပေါင်း တစ်သိန်းခုနစ်သောင်း အသားတင်သာ ကျန်ရှိကြောင်း၊ ယခုပန်းပွဲတော်အတွက် ပန်းမျိုးစိတ် သိန်း ၈၀ ဖိုးခန့် ၀ယ်ယူထားကြောင်း သိရသည်။

ပန်းပွဲတော် ကာလအတွင်း အမျိုးသား ကန်တော်ကြီးဥယျာဉ်သို့ ၀င်ကြေးအဖြစ် လူကြီးတစ်ဦးလျှင် ကျပ် ၁၀၀၀ နှင့် ကလေးတစ်ဦးလျှင် ကျပ် ၅၀၀ ၊ နိုင်ငံခြား ခရီးသွားဧည့်သည်များအတွက် လူကြီးတစ်ဦးလျှင် ငါးဒေါ်လာ၊  ကလေးတစ်ဦးလျှင် သုံးဒေါ်လာဖြင့် ယခင်ပန်းပွဲတော်ကာလ မဟုတ်သည့် အချိန်များအတိုင်း ကောက်ခံသွားမည် ဖြစ်ကြောင်း သိရသည်။

ဒီဇင်ဘာ ၂၄ ရက်နှင့် ၂၅ ရက်တွင်လည်း ရော့ခ်ရှိုးနှင့် ဟစ်ဟောပ့်ရှိုးများ ထည့်သွင်းကျင်းပသွားမည်ဖြစ်ရာ ၂၄ ရက်တွင် Big Bag၊ Idiots၊ ဝေလ၊ G-Latt၊ ၀န ၊ အယ်ဒီ၊ Soul Seven အယ်ပီ၊ အိုင်ရင်းဇင်မာမြင့်၊ Jewel၊ သော်တာချမ်းမြေ့၊ လမင်းခတို့ ပါဝင်သီဆို ဖျော်ဖြေမည်ဖြစ်ပြီး ၂၅ ရက်တွင် ရွှေထူး၊ လွှမ်းပိုင်၊ X Box၊ နိုင်းဝမ်း၊ Lil Z၊ ထက်ယံ၊ Oasix၊ Y Zet၊ ဝေထွန်း၊ Bobby Soxer၊ ၀ိုင်းလေးနှင့် DJ K Gyi စသည့် တေးသံရှင်များ ပါဝင်သီဆို ဖျော်ဖြေပေးသွားမည်ဖြစ်ကြောင်း သိရသည်။

ရှိုးပွဲအချိန်အား မွန်းလွဲ ၁ နာရီမှ ညနေ ၅ နာရီအထိ သတ်မှတ်ထားပြီး လက်မှတ်နှုန်းထားများမှာ တစ်ဦးလျှင် ကျပ် ၆၀၀၀ ဖြစ်ကြောင်း သိရသည်။

အမျိုးသား ကန်တော်ကြီးဥယျာဉ်သည် ဧက ၄၃၆ ဒသမ ၉၆ ကျယ်ဝန်းကာ ကုန်းမြေဧရိယာမှာ ဧက ၃၆၆ ဒသမ ၉၆ ဖြစ်ပြီး ရေပြင်ဧရိယာမှာ ၇၀ ဧကဖြစ်ကြောင်း ၁၉၂၄ ခုနှစ်တွင် စတင်တည်ထောင်ခဲ့ခြင်းဖြစ်သည်။

ပြင်ဦးလွင်မြို့၏ အမျိုးသား ကန်တော်ကြီး ဥယျာဉ်ကို ထူးဖောင်ဒေးရှင်းမှ ၂၀၁၀ ပြည့်နှစ်မှ စတင်၍ ၁၅ နှစ်သက်တမ်းဖြင့် ငှားရမ်းလုပ်ကိုင်ခဲ့ခြင်းဖြစ်ကာ သုံးနှစ်လျှင်တစ်ကြိမ် သက်တမ်းတိုးစာချုပ် ပြန်ချုပ်ဆိုရပြီး  တစ်ကြိမ်ချုပ်ဆိုလျှင် ငှားရမ်းမှုတန်ဖိုး ၁၀ ရာခိုင်နှုန်း တိုးမြှင့်ကြောင်း၊ ကနဦး စတင်ငှားရမ်းချိန်တွင် ကျပ်သိန်း ၂၂၀ ဖြင့် ငှားရမ်းလုပ်ကိုင်ခဲ့သော်လည်း ယခုအခါ ကျပ်သိန်း ၅၅၀ အထိ တိုးမြှင့်သွားကြောင်း သိရသည်။

အမျိုးသား အထိမ်းအမှတ် ဥယျာဉ်သည် ၅၇ ဧက ကျယ်ဝန်းပြီး ၂၀၀၆ ဒီဇင်ဘာတွင် စတင်ဖွင့်လှစ် ခဲ့ခြင်းဖြစ်သည်။

 

မြန်​မာ့တပ်​မ​တော်​နှင့်​ နိုင်​ငံ့ဝန်​ထမ်း​ကောင်းများ၊ ငြိမ်းချမ်း​ရေး တည်​​ဆောက်​နိုင်​ခဲ့​သော ကရင်​တိုင်းရင်းသား လက်​နက်​ကိုင်​များအား ​ထောက်​ခံသည့် အခမ်းအနား ဘားအံမြို့တွင်​ ပြုလုပ်​ရာ ဒေသခံသောင်းနှင့်ချီ တက်ရောက်

မြန်​မာ့တပ်​မ​တော်​နှင့်​ နိုင်​ငံဝန်​ထမ်း​ကောင်းများ၊ ငြိမ်းချမ်း​ရေး တည်​​ဆောက်​နိုင်​ခဲ့​သော ကရင်​တိုင်းရင်းသား လက်​နက်​ကိုင်​များအား​ ထောက်​ခံချီတက်ပွဲကို တွေ့ရစဉ်

မြန်​မာ့တပ်​မ​တော်​နှင့်​ နိုင်​ငံ့ဝန်​ထမ်း​ကောင်းများ၊ ငြိမ်းချမ်း​ရေး တည်​​ဆောက်​နိုင်​ခဲ့​သော ကရင်​တိုင်းရင်းသား လက်​နက်​ကိုင်​များအား​ ထောက်​ခံသည့်​ အခမ်းအနားကို ကရင်​ပြည်​နယ်​ ဘားအံမြို့တွင်​ ဒီဇင်ဘာ ၁၀ ရက်​​ ​မွန်းလွဲ ၁၂ နာရီခွဲက ကျင်းပခဲ့ကြောင်း သိရသည်​။

အဆိုပါ အခမ်းအနားသို့ ကရင်​ပြည်​နယ်​ ခုနစ်မြို့နယ်​တို့မှ ဘားအံစစ်​​ကြောင်း၊ လှိုင်းဘွဲ့စစ်​​ကြောင်း၊ မြ၀တီစစ်ကြောင်း၊ ကြာအင်းဆိပ်​ကြီးစစ်​​ကြောင်း၊ သံ​တောင်​ကြီးစစ်​​ကြောင်း၊ ဖာပွန်​စစ်​ကြာင်း၊ ​ကော့ကရိတ်​စစ်ကြောင်း စသည့်​စစ်​​ကြောင်းတို့မှ ဆရာ​တော်​သံဃာ​တော်​များ အပါအ၀င်​ အင်​အားသုံး​သောင်းခန့်​ တက်ရောက်​ခဲ့ကြ​ကြောင်း သိရသည်​။

ကရင်​ပြည်​နယ်​ အတွင်းရှိ မြို့နယ်​ခုနစ်​မြို့နယ်​မှ ​ထောက်​ခံသူများစု​ဝေးရာ ဘားအံမြို့ အမှတ်​ ၃ ရပ်​ကွက်​၊ မဲဘောင်​​ကျောင်းတွင်​ အခမ်းအနား ကျင်းပရာ ဇွဲကပင်​​တောင်​ ဆရာ​တော်​ထံမှ​ ပေးပို့​သော သ၀ဏ်​လွှာ၊ KNU ကရင်​အမျိုးသား အစည်းအရုံးမှ​ ပေးပို့​သော သ၀ဏ်​လွှာ၊ KNU/KNLA (pc) မှ​ပေးပို့​သော သ၀ဏ်​လွှာ၊ DKBA စစ်​ဦးစီးချုပ်​မှ​ ပေးပို့​သော သ၀ဏ်​လွှာတို့ကို ကိုယ်​စားလှယ်​များက ဖတ်​ကြားပြီး ​ကော်​မတီ၏ သ​ဘောထား​​​ကြေညာချက်​ကို ထုတ်​ပြန်​ခဲ့သည်​။

အခမ်းအနားသို့ တက်​​ရောက်​လာသူ လွှတ်​​တော်​ကိုယ်​စားလှယ်​​ဟောင်း ​ဒေါ်ခင်​၀ိုင်းကြည်​က “အခုလို ပြည်သူတွေ ငြိမ်းချမ်း​ရေးကို ချစ်​မြတ်​နိုးပြီး စည်းစည်းလုံးလုံး၊ တက်​တက်​ကြွကြွ မြင်​ရ​တော့ ​ကျေနပ်​တယ်​။ အားရတယ်​။ သ​ဘောကျတယ်​။  ဒါကြောင့်​ ခုလိုလာပြီး အား​ပေးတာ ဖြစ်​ပါတယ်​” ဟု ​ပြောကြားသည်​။

ထို့​နောက်​ ​ထောက်​ခံဆန္ဒ​ ထုတ်​ဖော်​ခဲ့သူများသည်​ မဲ​ဘောင်ဘုန်း​တော်​ကြီးကျောင်းမှ မဲဘောင်ကျောင်း လမ်းအတိုင်း​ ချီတက်ကာ ၎င်းမှတစ်ဆင့်​ ဗိုလ်​ချုပ်​လမ်းအတိုင်း ချီတက်​လာကြပြီး။ ယင်းသို့ ချီတက်​လာစဉ်​ တပ်မတော်​အ​ပေါ် ကျ​ရောက်​​နေ​သော နိုင်​ငံတကာဖိအားများ ဖယ်​ရှာကြ။ တပ်​မ​တော်​ကို ဖိအား​ပေးနေ​သော နိုင်​ငံတကာ အဖွဲ့အစည်​များအား ဆန့်ကျင်​ကြ။ နိုင်​ငံ့အချုပ်​အခြာအာဏာ ကာကွယ်​​နေသော တပ်မတော်သားများ​ ထောက်​ခံကြ အပါအ၀င်​ ​​ကြွေးကြော်​သံ ၁၂ ချက်​​ ကြွေးကြော်​ချီတက်​ခဲ့ကာ အ၀ိုင်းပတ်​မီးပွိုင့်​အလွန်​၌ လူစုခွဲလိုက်​ကြ​သည်​။

မြန်မာနိုင်ငံအတွင်း စားသုံးမှုနှင့်ဈေးကွက်လိုအပ်ချက်ကို တစ်ဖက်နိုင်ငံများက အမြဲတစေ စောင့်ကြည့်လျက်ရှိနေပြီး ပြည်တွင်းသို့ နည်းလမ်းပေါင်းစုံဖြင့် ကုန်ပစ္စည်းများ ထိုးဖောက်ဝင်ရောက်နေကြောင်း စီမံ/ဘဏ္ဍာဝန်ကြီး ပြောကြား

(၂၆)ကြိမ်မြောက် နှစ်ပတ်လည် အသင်းသားစုံညီအစည်းအဝေးတွင် ပြည်ထောင်စုဝန်ကြီး ဦးကျော်ဝင်း အမှာစကား ပြောကြားစဉ်(ဓာတ်ပုံ-နီလာ)

မြန်မာနိုင်ငံအတွင်း စားသုံးမှုနှင့် ဈေးကွက်လိုအပ်ချက်ကို တစ်ဖက်နိုင်ငံများက အမြဲတစေ စောင့်ကြည့်လျက်ရှိနေပြီး မြန်မာနိုင်ငံအတွင်းသို့ နည်းလမ်းပေါင်းစုံဖြင့် ကုန်ပစ္စည်းများ ထိုးဖောက်ဝင်ရောက်နေ ကြောင်း စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ဒီဇင်ဘာ ၁၀ရက်က ရန်ကုန်မြို့တွင် ကျင်းပသည့် ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၊ (၂၆) ကြိမ်မြောက် နှစ်ပတ်လည်အသင်းသားစုံညီ အစည်းအဝေးတွင် ပြောကြားသည်။

“ဒီကနေ့ မြန်မာနိုင်ငံမှာ နည်းပညာဖွံ့ဖြိုးမှု နောက်ကျကျန်ခဲ့တဲ့အတွက် ကျွန်တော်တို့ဘေးမှာရှိတဲ့ နိုင်ငံတွေက သူတို့ရဲ့နည်းပညာကို အရင်းပြုပြီး မြန်မာနိုင်ငံကို ထိုးဖောက်ဝင်ရောက်လာတဲ့ ကုန်ပစ္စည်းတွေ မြောက်မြားစွာရှိပါတယ်။ ကျွန်တော်တို့နိုင်ငံမှာ ဘာတွေလိုနေလဲ၊ ပြည်တွင်းမှာရှိတဲ့ စားသုံးသူပုဂ္ဂိုလ်တွေ ဘာတွေလိုအပ်နေသလဲ၊ အဲဒါကို တဖက်နိုင်ငံက ကြည့်ပြီးတော့ ဒီနေရာမှာတော့ဖြင့် ဘယ်ဈေးကွက်ကြီးကို ထူထောင်လိုက်မယ်။ ဒီနေရာမှာတော့ ဘယ်လိုကုန်စည်တွေထုတ်လုပ်ပြီးတော့ တင်ပို့လိုက်မယ်ဆိုပြီးတော့  အမြဲတစေ ကျွန်တော်တို့ရဲ့နိုင်ငံတွင်းကို ဘယ်လိုဈေးကွက်တွေ ဖန်တီးမလဲဆိုတာစောင့်ကြည့်ပြီး နည်းလမ်းပေါင်းစုံနဲ့ ကျွန်တော်တို့နိုင်ငံထဲကို သူတို့ရဲ့ ကုန်ပစ္စည်းတွေထိုးဖောက် ၀င်ရောက်နေတာကို တွေ့ရမှာဖြစ်ပါတယ်” ဟု ပြည်ထောင်စုဝန်ကြီး ဦးကျော်ဝင်းက ပြောကြားသည်။

“အခုဆို ကျွန်တော်တို့ဝတ်နေတဲ့ ပုဆိုးတောင် ပြည်ပနိုင်ငံက သွင်းနေပြီ။ အဲဒီတော့ ပုဆိုးရက်လုပ်တဲ့ ၀မ်းတွင်းလိုနေရာမျိုးတွေ မိတ္ထီလာလိုနေရာမျိုးတွေ ကျွန်တော်တို့က စီးပွားရေးတွက်ခြေကိုက်အောင်  ဆောင်ရွက်နိုင်စွမ်းရှိလျက်နဲ့ နည်းပညာချို့တဲ့နေတဲ့အတွက် ဈေးကွက်ထဲကို ၀င်ရောက်နိုင်စွမ်းမရှိတော့ဘူး။ ယှဉ်ပြိုင်မှုမှာအားသာချက်၊ အားနည်းချက်ဆိုရင် အားနည်းချက်က ပိုများနေတယ်”ဟု ၎င်းက ပြောကြားသည်။

ထို့ပြင် နယ်စပ်ဝင်ပေါက်များမှ ပြည်တွင်းသို့ တရားမ၀င်ကုန်သွယ်မှုနှင့်ပတ်သက်ပြီး အစိုးရအဖွဲ့အနေဖြင့် အလေးအနက်ထား ဆောင်ရွက်မည်ဖြစ်ကြောင်း၊ တိတိကျကျ ပြတ်ပြတ်သားသာ အရေးယူဆောင်ရွက်သွားမည်ဟု ပြည်ထောင်စုဝန်ကြီး ဦးကျော်ဝင်းက နိုင်ငံတော်ဒုတိယ သမ္မတ-၁ နှင့် စီးပွားရေး လုပ်ငန်းရှင်များ တတိယအကြိမ်ပုံမှန်တွေ့ဆုံပွဲတွင် ပြောကြားထားသည်။

တရားမ၀င်ကုန်သွယ်မှု ပပျောက်ရေး ဆောင်ရွက်ရာ၌ ပုံမှန်ကုန်သွယ်မှုလမ်းကြောင်းများကို ဦးစားပေးဆောင်ရွက်ပြီးနောက် ရှောင်ကွင်းလမ်းများနှင့် နယ်မြေစိုးမိုးမှုအနေအထားအရ တပ်မတော်နှင့်လက်နက်ကိုင် အဖွဲ့အစည်းများနှင့်ပါ ညှိနှိုင်းဆောင်ရွက်မည်ဟု သိရသည်။

“ဒီ တရားမ၀င်ကုန်သွယ်မှုတွေကြောင့် ကျွန်တော်တို့လုပ်ငန်းရှင်တွေ အများကြီး နစ်နာပါတယ်။ သက်ဆိုင်ရာ လုပ်ငန်းရှင်တွေတင် မဟုတ်ပါဘူး။ တိုင်းပြည်ပါ နစ်နာတယ်။ တရားမ၀င်တဲ့ကုန်တွေ ၀င်လာတယ်။ ရသင့် ရထိုက်တဲ့ အခွန်တွေမရဘူး။ တရားမ၀င်တဲ့ ကုန်တွေဝင်လာတယ်၊ ပြည်သူတွေ စားသုံးရန်မသင့်တဲ့ ကုန်တွေဝင်လာတယ်။ အန္တရာယ်ဖြစ်တယ်၊လူမှုရေးထိခိုက်တယ်။ ကျန်းမာရေး ထိခိုက်တယ်။ ဒီနည်းတူပဲ သက်ဆိုင်ရာလုပ်ငန်းရှင်တွေ ရင်းနှီးထားတဲ့ လုပ်ငန်းတွေလည်း  အများကြီးထိခိုက်တယ်။ အဘက်ဘက်က ထိခိုက်တယ်။ ဒါကြောင့် illegal trade ကို မျက်ကွယ်ပြုလို့မရဘူး” ဟု ပြည်ထောင်စုဝန်ကြီး ဦးကျော်ဝင်းကဆက်လက် ပြောကြားသည်။