ဘင်္ဂလားပင်လယ်အော်တွင် ဖြစ်ပေါ်နေသည့် လေဖိအားနည်းရပ်ဝန်းသည် လက်ရှိတွင် အားအကောင်းဆုံးရှိနေပြီး မုန်တိုင်းငယ်နှင့် လေဖိအားနည်းရပ်ဝန်းကြား အဆင့်ဖြင့် မြစ်ဝကျွန်းပေါ်ဒေသသို့ ဖြတ်ကျော် ၀င်ရောက်လျှက်ရှိ

ဘင်္ဂလားပင်လယ်အော်တွင် ဖြစ်ပေါ်နေသည့် လေဖိအားနည်းရပ်ဝန်းသည် လက်ရှိတွင် မုန်တိုင်းငယ်နှင့် လေဖိအားနည်းရပ်ဝန်းကြားအဆင့် ဖြတ်ကျော် ၀င်ရောက်ဝင်လျှက်ရှိကြောင်း မိုးဇလညွှန်ချုပ်၏ ပြောကြားမှုအရ သိရသည်။

ထိုသို့ ဖြတ်ကျော်ဝင်ရောက်ရာတွင် လက်ရှိအခြေအနေအရ အားအကောင်းဆုံး အခြေအနေတွင် ရှိနေပြီး လေတိုက်နှုန်း အနေဖြင့် တစ်နာရီလျှင် ၂၅ မိုင်ထိ ရှိနေနိုင်ကာ ကပ်ဆွဲအဖြစ် ဖြတ်ကျော်ပါက လေတိုက်နှုန်းသည် တစ်နာရီ ၃၃ မိုင်မှ ၃၅ မိုင်ထိ ရှိနိုင်ကြောင်း သိရသည်။

”လက်ရှိကတော့ ကမ်းကို ဖြတ်နေတာပေါ့။ မြစ်ဝကျွန်းပေါ်ဒေသကိုတော့ စဖြတ်နေပြီပေ့ါ။ လက်ရှိကတော့ လေဖိအားနည်းရပ်ဝန်းနဲ့ မုန်တိုင်းငယ်ကြားထဲက အဆင့်မှာ ရှိနေတယ်။ မုန်တိုင်းငယ်အဆင့်အနေနဲ့ဆိုရင်တော့ တစ်ခါတစ်လေကျတော့ ကပ်ဆွဲအနေနဲ့ ဆိုရင်တော့ မုန်တိုင်းငယ်အဆင့်ကို ကျော်သွားပြီးတော့ ၃၃ မိုင် ကနေ ၃၅ မိုင်လောက်အထိ လေတိုက်နှုန်း ရှိနိုင်တာပေါ့နော်။ ကပ်ဆွဲအနေနဲ့ မယူရင်တော့ ၂၅ မိုင် ပတ်ဝန်းကျင်လောက်ဆိုတော့ ကြားထဲက အဆင့်အဖြစ် ရိုးရိုး လေဖိအားနည်းရပ်ဝန်းနဲ့ မုန်တိုင်းငယ်ကြားထဲက အနေအထားလောက်ရှိမယ်ပေါ့။” ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦးက ပြောကြားသည်။

လေဖိအားနည်းရပ်ဝန်းသည် မြစ်ဝကျွန်းပေါ်ဒေသသို့ ဖြတ်ကျော်လျှက်ရှိသည့် အခြေအနေကြောင့် အဆိုပါဒေသတွင် နေထိုင်သူများ အနေဖြင့် လေတိုက်နှုန်းအခြေအနေနှင့် ၉ ပေမှ ၁၂ ပေခန့်ထိ မြင့်တက်နိုင်သည့် လှိုင်းအခြေအနေများကို သတိပြုရန်လိုအပ်ကြောင်း သိရသည်။”အခုလက်ရှိမှာကတော့ အားအကောင်းဆုံး အနေအထားမှာ ရှိနေတယ်။ ဗဟိုချက်မှာတော့ အားနည်းပြီးတော့ အပြင်ဘက်မှာတော့ အားကောင်းနေတယ်။အဓိက လေတိုက်နှုန်းကို သတိပြုဖို့လိုတယ်။ မြစ်ဝကျွန်းပေါ်ဒေသတွေမှာပေါ့။ ပြီးတော့ လှိုင်းက ၉ ပေကနေ ၁၂ပေလောက်အထိ ရှိနိုင်တာလေ။”ဟု ဒေါက်တာကျော်မိုးဦးက ပြောကြားသည်။

လက်ရှိ ဖြစ်ပေါ်နေသည့် လေဖိအားနည်းရပ်ဝန်း၏ အခြေအနေအရ တိမ်တိုက်နှင့် Circulation အနည်းငယ် ကွာဟနေခြင်းကြောင့် တိမ်တိုက်ရှိသည့် ရန်ကုန်တိုင်းဒေကြီး၊ ပဲခူးတိုင်းဒေသကြီးနှင့် ဧရာဝတီမြစ်ဝတိုင်းဒေသကြီး မြောက်ပို်င်းဒေသများတွင် မိုးသက်လေပြင်းကျနိုင်သည့် အခြေအနေရှိနေကြောင်း သိရသည်။

”တိမ်တိုက်နဲ့ Circulation နဲ့က နည်းနည်းလေးကွာနေတော့။ တိမ်တိုက်ရှိတဲ့ နေရာတွေမှာ မိုးသက်လေပြင်းကျနိုင်တယ်။ ကျန်တဲ့ Circulationရှိတဲ့ နေရာတွေမှာတော့ လေကိုပဲ သတိပြုရမယ်။ လက်ရှိတိမ်တိုက်ရှိတဲ့ နေရာတွေကတော့ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီးမြောက်ပိုင်းတွေပေါ့။” ဟု ဒေါက်တာကျော်မိုးဦးက ပြောကြားသည်။

အဆိုပါ လေဖိအားနည်းရပ်ဝန်း၏ အရှိန်ကြောင့် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး စသည့် ဒေသအချို့တွင် အောက်တိုဘာ ၂၅ ရက်ခန့်ထိ မိုးရွာသွန်းနိုင်ပြီး လေဖိအားနည်းရပ်ဝန်းသည် ဘင်္ဂလားပင်လယ်အော်ဘက်မှတစ်ဆင့် အောက်တိုဘာ ၂၃ ရက်ခန့်တွင် ရခိုင်ကမ်းရိုးတန်းဒေသသို့ ၀င်ရောက်ကာ အားပျော့ပျက်ပြယ်သွားနိုင်ဖွယ်ရှိကြောင်း သိရသည်။

ဒုတိယအကြိမ် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်အစည်းအဝေးများ၏ ဒသမပုံမှန် အစည်းအဝေး နိုဝင်ဘာ ၁၂ ရက်တွင် ကျင်းပမည်

ဒုတိယအကြိမ် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်အစည်းအဝေးများ၏ ဒသမပုံမှန် အစည်းအဝေးကို နိုဝင်ဘာ ၁၂ ရက်တွင် ကျင်းပမည်ဖြစ်ကြောင်း လွှတ်တော်ရုံးများနှင့် လွှတ်တော်အခွင့်အရေးကော်မတီတို့မှ သိရသည်။

ဒုတိယအကြိမ် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်အစည်းအဝေးများ၏ ဒသမပုံမှန် အစည်းအဝေးကို နိုဝင်ဘာ ၁၂ ရက်တွင် ကျင်းပမည်ဖြစ်ကြောင်း လွှတ်တော်ရုံးများ၏ လူမှုကွန်ရက် စာမျက်နှာမှတစ်ဆင့် အောက်တိုဘာ ၂၁ ရက်က ကြေညာခဲ့ခြင်း ဖြစ်သည်။

“၁၂ ရက်ပါ။ လွှတ်တော်အားလုံး ဟုတ်ပါတယ်။ ကြေညာတယ်ဆိုကတည်းက အကြောင်းကြားတာနဲ့ အတူတူပါပဲ။ ဒသမအကြိမ်ကတော့ ဘတ်ဂျက်မရှိတော့ဘူး။ မရှိတော့တဲ့အတွက် ဥပဒေပြုဖို့ ဥပဒေပြုပြင်တာတွေပဲ အဓိကပေါ့။ လွှတ်တော်မှာ ရောက်ပြီးသား ဥပဒေတွေလည်းရှိတယ်။ ပြည်သူ့လွှတ်တော်နဲ့ အမျိုးသားလွှတ်တော်နှစ်ရပ်ကြားမှာ မပြတ်သေးတဲ့ ဥပဒေတွေလည်း ရှိတယ်။ ကျန်တာတွေ အပြီးသတ်ရမှာပေါ့” ဟု ပြည်သူ့လွှတ်တော် လွှတ်တော်အခွင့်အရေး ကော်မတီအတွင်းရေးမှူး ဒေါက်တာလှမိုးက ပြောကြားသည်။

ပြီးခဲ့သည့် ဒုတိယအကြိမ် ပြည်သူ့လွှတ်တော်နှင့် အမျိုးသားလွှတ်တော်တို့၏ န၀မ ပုံမှန်အစည်းအဝေးများသည် စက်တင်ဘာ ၁၈ ရက်က ပြီးဆုံးခဲ့ခြင်းဖြစ်ပြီး န၀မပုံမှန် အစည်းအဝေး ကာလအတွင်း ပြည်သူ့လွှတ်တော်တွင် ကြယ်ပွင့်ပြမေးခွန်း ၁၂၃ ခုမေးမြန်းဖြေကြားခြင်း၊ ကြယ်ပွင့်မပြမေးခွန်း ၂၁၄ ခု မေးမြန်းဖြေကြားခြင်း၊ အဆို ၁၁ ခုတွင် အဆိုခြောက်ခုအတည်ပြု၍ အဆိုငါးခုအားမှတ်တမ်းတင်ခြင်း၊ ဥပဒေကြမ်း ၂၈ ခုတွင် ၁၀ ခုကို အတည်ပြုကာ ဆက်လက်ဆောင်ရွက်ရန် ၁၈ ခုကျန်ကြောင်း အစည်းအဝေးပြီးဆုံးချိန်တွင် ပြည်သူ့လွှတ်တော်ဥက္ကဋ္ဌ ဦးတီခွန်မြတ်က ပြောကြားသည်။

ဆက်လက်ပြီး န၀မပုံမှန်အစည်းအဝေး ကာလအတွင်း အမျိုးသားလွှတ်တော်တွင် ကြယ်ပွင့်ပြမေးခွန်း ၈၇ ခုနှင့် ကြယ်ပွင့်မပြ မေးခွန်း ၁၅၄ ခုတို့ မေးမြန်းခဲ့ကြောင်း အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၏ ပြောကြားချက်အရ သိရသည်။

ထို့ပြင် ဒုတိယအကြိမ် ပြည်သူ့လွှတ်တော် ပထမပုံမှန်အစည်းအဝေးမှ န၀မပုံမှန်အစည်းအဝေးအထိ အစည်းအဝေး ကျင်းပသည့် ရက်ပေါင်း ၂၆၈ ရက်ရှိခဲ့ပြီး လွှတ်တော်တွင် ဖြေဆိုခဲ့သည့် မေးခွန်းပေါင်း ၆၅၀၄ ခုရှိကြောင်း ပြည်သူ့လွှတ်တော်မှ သိရသည်။

အဆိုများအနေဖြင့် ဒုတိယအကြိမ် ပြည်သူ့လွှတ်တော် ပထမပုံမှန်အစည်းအဝေးမှ န၀မပုံမှန်အစည်းအဝေးအထိ အတည်ပြုသော ရိုးရိုးအဆို ၃၇ ခု၊ အတည်ပြုသော အရေးကြီးအဆို ခြောက်ခု၊ မှတ်တမ်းတင်သော ရိုးရိုးအဆို ၅၀ ခု၊ မှတ်တမ်းတင်သော အရေးကြီးအဆို လေးခု၊ အတည်မပြုသော ရိုးရိုးအဆို နှစ်ခုနှင့် အတည်မပြုသော အရေးကြီးအဆို နှစ်ခုရှိခဲ့ကြောင်း သိရသည်။

ဒုတိယအကြိမ် လွှတ်တော်အစည်းအဝေးများကို အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက နာယကအဖြစ် တာဝန်ယူ၍ ဦးစီးကျင်းပခဲ့ရာမှ လပေါင်း ၃၀ ပြည့်မြောက် ပြီဖြစ်သောကြောင့် ပြီးခဲ့သည့် န၀မအကြိမ် လွှတ်တော်အစည်းအဝေးကာလဖြစ်သည့် သြဂုတ် ၁ ရက်တွင် ပြည်သူ့လွှတ်တော်ဥက္ကဌ ဦးတီခွန်မြတ်က နာယကတာဝန်ကိုလွှဲပြောင်းယူခဲ့ကြောင်း သိရသည်။

 

ဘင်္ဂလား ပင်လယ်အော်တွင်ဖြစ်ပေါ်နေသည့် လေဖိအားနည်း ရပ်ဝန်းသည် ယနေ့တွင် မုန်တိုင်းငယ်အဖြစ် ပြောင်းလဲကာ မြစ်ဝကျွန်းပေါ်သို့ ၀င်ရောက်မည်ဖြစ်ပြီး ရန်ကုန်တိုင်းလည်း သက်ရောက်မှု ရှိနိုင်

စက်တင်ဘာ ၁၅ ရက် မွန်းလွဲပိုင်းက မိုးသည်းထန်စွာရွာသွန်းခြင်းကြောင့် စမ်းချောင်းမြို့နယ် ဗဟိုလမ်းတွင် ရေကြီးရေလျှံမှုဖြစ်ပွားခဲ့သည်ကို တွေ့ရစဉ် (ဓာတ်ပုံ-မျိုးထက်ပိုင်)

ဘင်္ဂလားပင်လယ်အော်တွင်ဖြစ်ပေါ်နေသည့် လေဖိအားနည်း ရပ်ဝန်းသည် ယနေ့ (အောက်တိုဘာ ၂၂ ရက်) တွင် မုန်တိုင်းငယ်အဖြစ် ပြောင်းလဲကာ မြစ်ဝကျွန်းပေါ်သို့ ၀င်ရောက်မည်ဖြစ်ပြီး ရန်ကုန်တိုင်းလည်း သက်ရောက်မှုရှိနိုင်ကြောင်း သိရသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ အောက်တိုဘာ ၂၁ ညနေ ၆ နာရီခွဲအချိန် တိုင်းထွာချက်များအရ ကပ္ပလီ ပင်လယ်ပြင်မြောက်ပိုင်းတွင် ဖြစ်ပေါ်နေသော လေဖိအားနည်းရပ်ဝန်းသည် ဆက်လက်တည်ရှိနေကြောင်း၊ အဆိုပါလေဖိအား နည်းရပ်ဝန်းသည် နောက် ၁၂ နာရီအတွင်း မုန်တိုင်းငယ် (Depression) အဖြစ်သို့ ရောက်ရှိနိုင်ပြီးနောက် ၁၈ နာရီအတွင်း မြစ်ဝကျွန်းပေါ်ဒေသများသို့ ဖြတ်ကျော် ၀င်ရောက်နိုင်မည်ဟု ခန့်မှန်းထားသည်။

အဆိုပါ လေဖိအားနည်းရပ်ဝန်း (Low Pressure Area) ၏အရှိန်ကြောင့် ယနေ့ည (အောက်တိုဘာ ၂၁ ရက်) မှ နောက် ၁၈ နာရီအတွင်း ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးနိုင်ကြောင်း သိရသည်။

ထို့ပြင် မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ရံဖန်ရံခါ မိုးသက်လေ ပြင်းများကျရောက်ကာ လှိုင်းကြီးမည်ဖြစ်ပြီး မိုးသက်လေပြင်းကျစဉ် ရေပြင်မြေပြင်လေသည် တစ်နာရီလျှင် မိုင် ၄၀ အထိ တိုက်ခတ်နိုင်ကာ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ကိုးပေမှ ၁၂ ပေခန့်ရှိနိုင်ကြောင်း သိရသည်။

“ဘင်္ဂလားပင်လယ်အော် မြောက်ပိုင်းမှာဖြစ်နေတဲ့ လေဖိအားနည်းရပ်ဝန်းက ၁၈ နာရီအတွင်း မုန်တိုင်းငယ်အဖြစ် ရောက်နိုင်တယ်။ ၃၆ နာရီအတွင်း မြစ်ဝကျွန်းပေါ်ကမ်းရိုးတန်းကို ဖြတ်ကျော်ပြီးသွားရင် ရေထဲပြန်ဆင်းသွားပြီး ဘင်္ဂလားပင်လယ်အော် အရှေ့ အလယ်ပိုင်းကို ရောက်သွားမယ်။ ရခိုင်ကမ်း ရိုးတန်းကိုရောက်သွားပြီး ၂၃ ရက်နေ့မှာ ကန်းရိုးတန်းကို ဖြတ်ကျော်ဝင်ရောက်မယ်လို့ ခန့်မှန်းရတယ်။ မြစ်ဝကျွန်းပေါ်ကို ဖြတ်ကျော်ဝင်ရောက်တဲ့အချိန်မှာ တစ်နာရီ ၃၅ မိုင်ကနေ မိုင် ၄၀ လောက် ရှိနိုင်တယ်။ ဖြတ် တာက ဧရာဝတီတိုင်းဒေသကြီးဖြစ်ပေမဲ့ မုန်တိုင်းအ၀န်းအ၀ိုင်းက ရန်ကုန်တိုင်းဒေသကြီးကိုပါ မုန်တိုင်းသက်ရောက်မှုကို ခံစားရနိုင်တယ်” ဟု မိုးလေ၀သနှင့် ဇလဗေဒညွှန် ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက အောက်တိုဘာ ၂၁ ရက် ညနေ ၅ နာရီခန့်က ပြောကြားသည်။

ထို့ကြောင့် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီးကမ်းဝေး ငါးဖမ်းရေယာဉ်များ၊ သင်္ဘောများအနေဖြင့် ကြိုတင်သတိပြုရန် မိုးဇလက ထုတ်ပြန်ထားသည်။

အောက်တိုဘာ ၂၀ ရက်တွင် ထိုင်းပင်လယ်ကွေ့၌ ဖြစ်ပေါ်ခဲ့သည့် မုန်တိုင်းငယ်သည် ထိုင်းနိုင်ငံသို့ ဖြတ်ကျော်ဝင်ရောက်ခဲ့ပြီး ထိုမှတစ်ဆင့်တနင်္သာရီတိုင်းဒေသကြီး ကရင် ပြည်နယ်နှင့် မွန်ပြည်နယ်သို့ ဖြတ်ကျော်ခဲ့ကာ လေဖိအားနည်းရပ်ဝန်းအဖြစ် အား လျော့ပြီး ကပ္ပလီပင်လယ်ပြင်သို့ ပြန်လည် ရောက်ရှိခဲ့သည်။

စာသင်ကျောင်းများတွင် ခြင်းလုံး၊ ပိုက်ကျော်ခြင်း၊ စားပွဲတင်တင်းနစ် စသည့်အားကစားနည်းများကို လွယ်လင့်တကူကစားနိုင်ရန် ကျန်းမာရေးဝန်ကြီးဌာနက လုပ်ဆောင်ပေးမည်

အခြေခံပညာကျောင်းများတွင် ခြင်းလုံး၊ ပိုက်ကျော်ခြင်း၊ ဘတ်စကတ်ဘော၊ စားပွဲတင်တင်းနစ်စသည့် အားကစားနည်းများကို ကျောင်းသား ကျောင်းသူများ လွယ်လင့်တကူ ကစားနိုင်ရန် ကျန်းမာရေးနှင့်အားကစားဝန်ကြီးဌာနက လုပ်ဆောင်ပေးမည်ဖြစ်ကြောင်း သိရသည်။

“တိုင်းဒေသကြီးနဲ့ပြည်နယ် အသီးသီးမှာရှိတဲ့ အားကစားကွင်း၊ အားကစားရုံတွေ၊ ခရိုင်မြို့နယ်နဲ့ ရပ်ကွက်တွေမှာရှိတဲ့ အားကစား ကွင်း / ရုံတွေကိုပြင်ဆင်တာ၊ အသစ်ဆောက်လုပ်တာတွေကို လုပ်ဆောင်ပေးနေပါတယ်။ ဒါအပြင် အခြေခံပညာ ကျောင်းများမှာလည်း ခြင်းလုံး၊ ပိုက်ကျော်ခြင်း၊ ဘတ်စကက်ဘော၊ စားပွဲတင်တင်းနစ်စတဲ့ အားကစားနည်းတွေကို ကျောင်းသား ကျောင်းသူတွေ လွယ်လင့်တကူကစားလာနိုင်ဖို့ကိုလည်း ဆောင်ရွက်ပေးသွားမှာပါ။ ဒီလိုတပြေးညီ ဆောင်ရွက်သွားမှ တစ်တိုင်းပြည်လုံးမှာရှိတဲ့ ရွက်ပုန်းသီး အားကစားထူးချွန် လူငယ်မောင်မယ်တွေ ပိုမိုထွက်ပေါ်လာမှာ ဖြစ်ပါတယ်” ဟု ကျန်းမာရေးနှင့်အားကစားဝန်ကြီးဌာနမှ တာဝန်ရှိသူတစ်ဦးက ပြောကြားသည်။

လက်ရှိ ၀န်ကြီးဌာနအနေဖြင့် ကျောင်းသားကျောင်းသူများ၏ အားကစားစွမ်းရည် တိုးတက်ရေးအတွက် ပညာရေးဝန်ကြီးဌာနအောက်ရှိ အခြေခံပညာကျောင်းများတွင် အားကစားပညာဘွဲ့ရများ၊ အားကစားသိပ္ပံ ကျောင်းများမှ ထွက်ပေါ်လာသော လူငယ်မျိုးဆက်သစ် အားကစားသမားများနှင့် မြန်မာ့လက်ရွေးစင်အားကစားသမားများကို ကာယဆရာများအဖြစ်ခန့်ထားနိုင်ရေး စီစဉ်ဆောင်ရွက်နေကြောင်း သိရသည်။

လက်ရှိတွင် မြန်မာ့အားကစားဖွံ့ဖြိုးတိုးတက်ရေးအတွက် ကျန်းမာရေးနှင့် အားကစားဝန်ကြီးဌာန၊ ပညာရေးဝန်ကြီးဌာနတို့ ပူးပေါင်းဆောင်ရွက်လျက်ရှိကြောင်း၊ အခြေခံ ပညာကျောင်းများတွင် ကာယဆရာများကို လုံလုံလောက်လောက်ခန့်ထားနိုင်ရေးစီစဉ်နေပြီး နိုင်ငံတကာတွင် ကျန်းမာရေးနှင့် အားကစားတွဲဖက်၍ အောင်မြင်မှုရရှိနေသော နိုင်ငံများ၏ အားကစားမဟာဗျူဟာများကို လေ့လာ၍ မိမိနိုင်ငံနှင့်ကိုက်ညီမည့် အချက်များကို အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။

ထို့ပြင် တက္ကသိုလ်ပညာရေး၌  B.Sc (Sports) သင်တန်းကို ထည့်သွင်းထားရှိပြီး အားကစားကို သိပ္ပံနည်းကျလေ့ကျင့်ခြင်း၊ ပြိုင်ပွဲဝင်ခြင်း၊  နိုင်ငံတကာ နည်းတူဖြစ်စေရန် ဆောင်ရွက်လျက်ရှိပြီး အားကစားနှင့်ကာယ ပညာသိပ္ပံကျောင်းခြောက်ကျောင်းကို ဖွင့်လှစ်သင်ကြားလျက်ရှိကြောင်းနှင့်မကြာမီတွင် အခြေခံပညာကျောင်းများ၌ မြန်မာ့ရိုးရာ ခြင်းလုံးအားကစားနည်းကို လေ့ကျင့်သင်ကြားပေး၍ ကျောင်းသားများ၏ ကျန်းမာရေး နှင့် အားကစားတွင် စိတ်ပါဝင်စားမှု မြှင့်တင်နိုင်ရန်လည်း စီစဉ်ထားကြောင်း သိရသည်။

ငြိမ်းချမ်းရေးလုပ်ငန်းစဉ်တွင် လက်နက်ကိုင်အဖွဲ့အားလုံးပါဝင်ရေး အစိုးရနှင့်တိုင်းရင်းသားလက်နက်ကိုင်များ နှစ်ဖက်သဘောတူထားကြောင်း၊ ခွဲမထွက်ရေး၊ ကိုယ်ပိုင်ပြဋ္ဌာန်းခွင့်နှင့်ပတ်သက်၍ နှစ်ဖက်လက်ခံနိုင်သော သဘောတူညီချက်ရရှိပါက အားလုံးလက်ခံနိုင်မည်ဖြစ်ကြောင်း KNU ဒုတိယဥက္ကဋ္ဌ ပြောကြား

နေပြည်တော်တွင် ကျင်းပခဲ့သော အစိုးရနှင့် NCA – SEAO ထိပ်သီးခေါင်းဆောင်များ သီးသန့်အစည်းအဝေးကို တွေ့ရစဉ်

ပြီးခဲ့သည့် အောက်တိုဘာ ၁၅ ရက်နှင့် ၁၆ ရက်တွင် နေပြည်တော်၌ ကျင်းပခဲ့သော အစိုးရနှင့် NCA – SEAO ထိပ်သီးခေါင်းဆောင်များ သီးသန့်အစည်းအဝေးမှ ငြိမ်းချမ်းရေးလုပ်ငန်းစဉ်တွင် တိုင်းရင်းသားလက်နက် ကိုင်အဖွဲ့အားလုံး ပါဝင်ရေးအတွက် အစိုးရနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ ခေါင်းဆောင်များ နှစ်ဖက်သဘောတူထားကြောင်း၊ ခွဲမထွက်ရေး၊ ကိုယ်ပိုင်ပြဋ္ဌာန်းခွင့်ကိစ္စနှင့် ပတ်သက်၍ နှစ်ဖက်လက်ခံနိုင်သော သဘောတူညီချက်ရရှိပါက အားလုံးလက်ခံနိုင်မည်ဖြစ်ကြောင်း ကရင်အမျိုးသားအစည်းအရုံး (KNU) ဒုတိယဥက္ကဋ္ဌ ပဒိုစောကွယ်ထူးဝင်းက ပြောကြားသည်။

နေပြည်တော်တွင် ကျင်းပခဲ့သော အစိုးရနှင့် NCA – SEAO ထိပ်သီး ခေါင်းဆောင်များ သီးသန့်အစည်းအဝေးတွင် ဆွေးနွေးခဲ့သော အချက်များ၊ သဘောတူညီချက်များနှင့်ပတ်သက်၍ KNU ၏ သတင်းများကို အဓိက ဖော်ပြနေသည့် Thoolei News နှင့် ပဒိုစောကွယ်ထူးဝင်းတို့၏ သီးသန့်အင်တာဗျူးတွင် ပဒိုစောကွယ်ထူးဝင်းက ထိုသို့ ပြောကြားခဲ့ခြင်း ဖြစ်သည်။

“အားလုံးပါလာဖို့အတွက် နှစ်ဖက်သဘောတူတာက နှစ်ဖက်စလုံး အစိုးရဘက်လည်း အစိုးရအနေနဲ့ လုပ်သွားမယ်။ တပ်မတော်ဘက်ကလည်း တပ်မတော်အနေနဲ့ လုပ်သွားမယ်။ နောက်ပြီးတော့ ငြိမ်းချမ်းရေး ကော်မရှင်ကလည်း ကြိုးစားဆောင်ရွက်သွားမယ်။ ကျွန်တော်တို့ တိုင်းရင်းသားလက်နက်ကိုင်အဖွဲ့အစည်း တွေကလည်း ကျွန်တော်တို့ ကြိုးစားဆောင်ရွက်မယ်။ အဲဒီလို ကြိုးစားဆောင်ရွက်တဲ့နေရာမှာ အစိုးရဘက်ကတော့ မြောက်ပိုင်းအဖွဲ့နဲ့ တွေ့ဆုံပြီးတော့ တစ်ဖွဲ့ချင်းနဲ့ အစုအဖွဲ့လိုက်တွေ့ဖို့ ရည်ရွယ်ထားတာ ရှိတယ်။ ကျွန်တော်တို့ဘက်မှာကတော့ တိုင်းရင်းသားလက်နက်ကိုင် အဖွဲ့အစည်းအားလုံး ပါဝင်နိုင်တဲ့ ထိပ်သီးခေါင်းတောင်တွေ တွေ့ဆုံတဲ့ ညီလာခံတစ်ခုလုပ်ဖို့ ကျွန်တော်တို့ ရည်ရွယ်ထားတယ်။ ဒါကို လုပ်ခြင်းအားဖြင့် ကျွန်တော်တို့ရဲ့ ဆောင်ရွက်မှု၊ သူတို့ရဲ့ သဘောထားသူတို့ရဲ့ အမြင်ကို ရယူခြင်းအားဖြင့် အကုန်လုံးကနေပြီးတော့ လက်ခံနိုင်တဲ့ အခြေခံမူပဲဖြစ်ဖြစ် ငြိမ်းချမ်းရေး လုပ်ငန်းစဉ်ပဲဖြစ်ဖြစ် ဆောင်ရွက်နိုင်လို့ရှိရင် ဒါပိုမိုကောင်းမွန်မယ်။ အားလုံးပါလာနိုင်တဲ့ နည်းလမ်းတစ်ခုပေါ့နော်” ဟု ပဒိုစောကွယ်ထူးဝင်းက ပြောကြားသည်။

NCA လက်မှတ်ရေးထိုးထားခြင်း မရှိသေးသော တိုင်းရင်းသားလက်နက်ကိုင် အဖွဲ့များအနေဖြင့် နိုင်ငံရေးဆွေးနွေးပွဲများတွင် တိုက်ရိုက်မပါဝင်နိုင်သော်လည်း သွယ်ဝိုက်သောအားဖြင့် ၎င်းတို့၏ သဘောထားကို ရယူပြီး အဆိုပါသဘောထားအား အစိုးရနှင့်ဆွေးနွေးပါက လူမပါသော်လည်း သဘောထားပါသည့် သဘောဖြစ်ကြောင်း၊ အဆိုပါနည်းလမ်းကိုလည်း ရှာဖွေနေပြီး ယင်းသို့ ဆောင်ရွက်မည့်အကြောင်းကိုလည်း အစိုးရထံ အသိပေးထားကြောင်း ပဒိုစောကွယ်ထူးဝင်းက ပြောကြားသည်။

၂၀၁၇ ခုနှစ် မေလအတွင်း ကျင်းပခဲ့သော ပြည်ထောင်စုငြိမ်းချမ်းရေးညီလာခံ – ၂၁ ရာစုပင်လုံ ဒုတိယအစည်းအဝေးတွင် ခွဲမထွက်ရကိစ္စ၊ကိုယ်ပိုင်ပြဋ္ဌာန်းခွင့်ကိစ္စနှင့် တစ်ခုတည်းသော တပ်မတော်၊ လုံခြုံရေးဆိုင်ရာ ကိစ္စများအား ဆွေးနွေးခဲ့ရာ အဖြေမထွက်ကြောင်း၊ ယင်းညီလာခံအပြီး တစ်နှစ်ကျော် ကာလအတွင်းတွင်လည်း KNU အနေဖြင့် ၎င်းတို့ အဖွဲ့အစည်းအတွင်းလည်းကောင်း၊ တိုင်းရင်းသားလက်နက်ကိုင် အဖွဲ့အစည်းအတွင်းတွင်လည်းကောင်း၊ အစိုးရနှင့်သော်လည်းကောင်း NCA အကောင်အထည်ဖော်မှုနှင့်ပတ်သက်၍ ပူးတွဲသုံးသပ်မှုများ ပြုလုပ်ခဲ့ကြောင်း၊ ကိုယ်ပိုင်ပြဋ္ဌာန်းခွင့်၊ ခွဲမထွက်ရေးဟူသော အချက်နှစ်ချက်နှင့်ပတ်သက်၍ များစွာသော အလွတ်သဘော အစည်းအဝေးများတွင် အကြိမ်ကြိမ် ဆွေးနွေးခဲ့သော်လည်း အဖြေမထွက်ခဲ့ကြောင်း ပဒိုစောကွယ်ထူးဝင်းက ပြောကြားသည်။

ထို့ကြောင့် နေပြည်တော်တွင် ဇူလိုင်လအတွင်းက ကျင်းပခဲ့သော ပြည်ထောင်စုငြိမ်းချမ်းရေးညီလာခံ-၂၁ ရာစု ပင်လုံ တတိယအစည်းအဝေးတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်တိုင်းရင်းသား လက်နက်ကိုင်အဖွဲ့ခေါင်းဆောင်များ တွေ့ဆုံခဲ့ကြပြီး အဆိုပါတွေ့ဆုံမှုနှင့် တိုင်းရင်းသားလက်နက်ကိုင်များဘက်မှ အချက်ငါးချက်ကို ဒေါ်အောင်ဆန်းစုကြည်ထံ တင်ပြခဲ့ပြီး ထိုသို့တင်ပြမှုများအား အကောင်အထည်ဖော်ရေးအတွက် အစိုးရနှင့် NCA – SEAO ထိပ်သီးခေါင်းဆောင်များ၏ သီးသန့်အစည်းအဝေး ဖြစ်ပေါ်လာရခြင်းဖြစ်ကြောင်း သိရသည်။

“နောက်တစ်ခုက ခွဲမထွက်ရနဲ့ကိုယ်ပိုင် ပြဋ္ဌာန်းခွင့်ကိစ္စ။ အဲဒီနှစ်ခုက စိုးရိမ်မှုနဲ့လို လားမှုနှစ်ခုက တွဲနေတယ်။ ဥပမာ ပြောရမယ်ဆိုလို့ရှိရင်ပေါ့ဗျာ။ ဒီကိစ္စက ပြောရမယ်ဆိုရင် သရဲကိုတော့ မမြင်ဖူးဘူးပေါ့။ ဒါပေမဲ့ ကြောက်တာပေါ့။ အဲဒီလိုပဲ ခွဲမထွက်ရဘူးဆိုတာ လက်တွေ့မှာ မဖြစ်နိုင်တဲ့ကိစ္စကိုလည်း ခွဲထွက်မှာလည်း စိုးရိမ်တဲ့သဘော။ တစ်ဖက်မှာလည်း ကျွန်တော်တို့ လိုလားတာက ကိုယ်ပိုင်ပြဋ္ဌာန်းခွင့်။ တစ်ဖက်ကလည်း ခွဲမထွက်ရနဲ့ ကိုင်ထားပြီးတော့ အဲဒီကိုယ်ပိုင်ပြဋ္ဌာန်းခွင့် မပေးမှာလည်း စိုးရိမ်တယ်။ တစ်ဖက်ကလည်း ကိုယ်ပိုင်ပြဋ္ဌာန်းခွင့် ပေးပြီးတော့ ခွဲထွက်သွားမှာလည်း စိုးရိမ်တဲ့ အပေါ်မှာ အနာဂတ်အတွက် တစ်နိုင်ငံလုံး အကျိုးကို ကြည့်ပြီးတော့ ဒါဆိုရင် ဒီနိုင်ငံရေး သဘောတူညီချက် သဘောတူနိုင်တဲ့ အချက်။ အချက်ဆိုတာက စိုးရိမ်မှုကိုလည်း ဖြေလျော့စေတဲ့ အရေးအသား၊ လိုလားမှုကိုလည်း ဖြည့်စွမ်းနိုင်တဲ့ အရေးအသား။ နိုင်ငံရေး သဘောတူညီချက်တစ်ခုရယူဖို့ အဲ့ဒီလို နှစ်ဖက်က သဘောတူပြီးတော့ အစိုးရဘက်ကလည်း သူတို့ အဆိုပြုမယ်။ သုံးချက်လောက်။ နောက်ပြီးတော့  EAO က အဆိုပြုပြီးလို့ရှိရင် ဒီရွေးချယ်စရာ သုံးခုစီက နှစ်ဖက်စလုံးက လက်ခံနိုင်တဲ့ နိုင်ငံရေးသဘောတူညီချက် အရေးအသားမျိုးကို ကျွန်တော်တို့ လက်ခံသွားလို့ရှိရင် အားလုံးလက်ခံနိုင်တယ်” ဟု ပဒိုစောကွယ်ထူးဝင်းက ပြောကြားသည်။

ထို့ပြင် တစ်ခုတည်းသော တပ်မတော် ထားရှိရေးနှင့်ပတ်သက်၍ NCA စာချုပ်၊ နိုင်ငံရေးဆွေးနွေးမှုလမ်းပြမြေပုံ၊ တတိယအပိုဒ် (ဂ) တွင် သေချာရေးထားကြောင်း၊ လုံခြုံရေးဆိုင်ရာ ပြန်လည်ပေါင်းစည်းရေးနှင့်ပတ်သက် နိုင်ငံရေးဆွေးနွေးပွဲများနှင့်အတူ နိုင်ငံရေး ဆွေးနွေးမှုမူဘောင်နှင့်အညီ ဆောင်ရွက်ရန်ဖြစ်ကြောင်း ၎င်းက ပြောကြားသည်။

“လုံခြုံရေုးဆိုင်ရာ ပြန်လည်ပေါင်းစည်းခြင်းကို ကြိုတင်ဆွေးနွေးမယ်။ ကြိုတင်သဘောတူညီချက်၊ ပြင်ဆင်စရာရှိရင် ပြင်ဆင်။ အကောင်အထည်ဖော်တာ ဟိုးနောက်ဆုံးအဆင့်မှာ။နိုင်ငံရေးဆွေးနွေးပွဲရလဒ်နဲ့ အကောင်အထည်ဖော်ပြီးနောက်ပိုင်း ဒီဥစ္စာ လုံခြုံရေးဆိုင်ရာ ပြန်လည်ပေါင်းစည်းခြင်းကို အကောင်အထည်ဖော်။ ဟိုးနောက်ပိုင်းမှာ ရှိနေတယ်။ သို့သော်လည်း လူတွေကလည်းပဲ စိုးရိမ်မှုလား။ ဘယ်လိုပြောရမလဲ။ နောက်တစ်ခုက အခြေခံမူထဲမှာ ပြောထားတာက တိုင်းရင်းသားလူမျိုးပေါင်းစုံ ပါဝင်သော ပြည်ထောင်စုတပ်မတော်ဆိုင်ရာကိစ္စကို နိုင်ငံရေးဆွေးနွေးပွဲမှာ ဆွေးနွေးရမယ်။ မဆွေးနွေးလို့ မရဘူးလေ။ ဘာဖြစ်လို့လဲဆိုတော့ ကျွန်တော်တို့ လက်နက်ကိုင်တိုက်ပွဲဝင်တာက နိုင်ငံတော်အာဏာသိမ်းဖို့လည်း မဟုတ်ဘူး။ နေပြည်တော်ကို သိမ်းဖို့လည်း မဟုတ်ဘူး။ ကျွန်တော်တို့က နိုင်ငံရေးပြုပြင်ပြောင်းလဲမှုဖြစ်တဲ့ ကိုယ့်အမျိုးသားတွေရဲ့ နိုင်ငံရေးအခွင့်အရေးရဖို့အတွက် နိုင်ငံရေးရည်မှန်းချက်” ဟု ပဒိုစောကွယ်ထူးဝင်းက ပြောကြားသည်။

ထို့ကြောင့် နိုင်ငံရေးဆွေးနွေးပွဲများတွင် ဆွေးနွေးဖြစ်ပါက တပ်များကို မည်ကဲ့သို့ထားမည်၊ ဒီမိုကရေစီနှင့်ဖက်ဒရယ် အခြေခံမူနှင့်ရေးဆွဲထားသော ဖွဲ့စည်းပုံရပါက မည်သို့ဆက်လုပ်မည်ဆိုသည်ကို ဆွေးနွေးသွားမည်ဖြစ်ပြီး နိုင်ငံရေးပြောင်းလဲလာသော်လည်း နိုင်ငံတော်ကာကွယ်ရေး၊ ပြည်နယ်ကာကွယ်ရေးနှင့် ပြည်နယ်ဖွဲ့စည်း အုပ်ချုပ်ပုံ အခြေခံဥပဒေ ကာကွယ်ရေးတို့တွင် တိုင်းရင်းသားလက်နက်ကိုင်အဖွဲ့များတွင်လည်း တာဝန်ရှိနေရမည်ဟု ပဒိုစောတာဒိုမူးက ပြောကြားခဲ့သည်။

ရန်ကုန်တိုင်းအတွင်းရှိ စက်ရုံ၊ အလုပ်ရုံများတွင် နိုင်ငံသား စိစစ်ရေးကတ်ပြား မရှိသူများအား သစ္စာစီမံချက်ဖြင့် စိစစ်ရေးကတ် ထုတ်ပေးနေ

ရန်ကုန်တိုင်းအတွင်းရှိ စက်ရုံ၊ အလုပ်ရုံများတွင် နိုင်ငံသားစိစစ်ရေးကတ်ပြားမရှိသူများအား သစ္စာစီမံချက်ဖြင့် စိစစ်ရေးကတ်များ ထုတ်ပေးနေကြောင်း ပြန်ကြားရေးဝန်ကြီးဌာန၏ ထုတ်ပြန်ချက်အရ သိရသည်။

ရန်ကုန်တိုင်းအတွင်း စက်မှုဇုန်များ၊ စက်ရုံ/အလုပ်ရုံများပြားသည့် မြို့နယ် ၁၄ မြို့နယ်တွင် စက်ရုံ၊ အလုပ်ရုံ ၃၀၈၁ ခုမှ လုပ်သားဦးရေ လေးသိန်းခန့်တွင် ၈၀၀၀ ခန့်မှာ နိုင်ငံသားစိစစ်ရေးကတ်ပြားမရှိကြောင်း စာရင်းအရ သိရသဖြင့် ၎င်းလုပ်သားများအား ဥပဒေနှင့်အညီ ထုတ်ပေးနိုင်ရေးအတွက် စက်တင်ဘာ ၈ ရက်မှ နိုဝင်ဘာ ၈ ရက်အထိ နှစ်လသတ်မှတ်၍ သစ္စာစီမံချက်ဖြင့် လုပ်ငန်းခွင်မပျက် ကွင်းဆင်းဆောင်ရွက်ပေးလျက်ရှိရာ ရန်ကုန်(မြောက်ပိုင်း ခရိုင်) အတွင်းရှိ ရွှေပြည်သာ၊ အင်းစိန်၊ လှိုင် သာယာ၊ မင်္ဂလာဒုံ၊ လှည်းကူးနှင့် တိုက်ကြီးမြို့နယ်များရှိ စက်ရုံ၊ အလုပ်ရုံများမှ အလုပ်သမား ၁၃၈၉ ဦးအား နိုင်ငံသား စိစစ်ရေး ကတ်ပြားများ ထုတ်ပေးနိုင်ခဲ့ကြောင်း သိရသည်။

စက်ရုံ၊ အလုပ်ရုံများတွင် အလုပ်လုပ်ကိုင်လျက်ရှိသည့် အလုပ်သမားများအနက် နိုင်ငံသား စိစစ်ရေးကတ်ပြားမရှိသူများအား ၎င်းတို့ ကိုင်ဆောင်သင့်သည့် ကတ်ပြားတစ်မျိုးမျိုး ထုတ်ပေးနိုင်ရေးအတွက် သစ္စာစီမံချက်ဖြင့် စက်ရုံ၊ အလုပ်ရုံများသို့ လုပ်ငန်းခွင်မပျက် ကွင်းဆင်းဆောင်ရွက်နိုင်ရေး စီမံဆောင်ရွက်ခဲ့ပါကြောင်း၊ အလုပ်သမားများအား နိုင်ငံသားစိစစ်ရေးကတ်ပြား ထုတ်ပေးခြင်းလုပ်ငန်း ဆောင်ရွက်ရာတွင် ကြိုတင်ပြင်ဆင်ခြင်း၊ စာရင်းကောက်ယူ ပြုစုခြင်း၊ ကိုယ်ရေးအချက်အလက် ကောက်ယူခြင်း၊ နိုင်ငံသားအရည်အချင်းစိစစ်ခြင်းနှင့် နိုင်ငံသားစိစစ်ရေးကတ်ပြား ထုတ်ပေးခြင်းစသည့် အဆင့်ငါးဆင့်ဖြင့် ဆောင်ရွက်ပေးခဲ့ပါကြောင်း ၊ အောက်တိုဘာ ၆ ရက်ကလည်း ရန်ကုန် (အရှေ့ပိုင်းခရိုင်) အတွင်းရှိ သာကေတ၊ ဒဂုံ(တောင်) နှင့် ဒဂုံ(အရှေ့) စက်မှုဇုန်တို့မှ အလုပ်သမား ၁၂၀၀ အား လုပ်ငန်းခွင်မပျက် နိုင်ငံသားစိစစ်ရေးကတ်ပြားများ ဆောင်ရွက်ထုတ်ပေးခဲ့ပြီး ဖြစ်ပါကြောင်း၊ ယခုထပ်မံ၍ မြောက်ပိုင်းခရိုင်အတွင်းရှိ ရွှေပြည်သာ၊ အင်းစိန်၊ လှိုင်သာယာ၊ မင်္ဂလာဒုံ၊ လှည်းကူးနှင့်တိုက်ကြီး စက်မှုဇုန်တို့မှ အလုပ်သမား ၁၃၈၉ ဦးအား လုပ်ငန်းခွင်မပျက် နိုင်ငံသားစိစစ်ရေး ကတ်ပြားများ ထုတ်ပေးနိုင်ခဲ့ခြင်းဖြစ်ပါကြောင်း၊ ယင်းလုပ်ငန်းစဉ်အား သတ်မှတ်ကာလအတွင်း အရှိန်အဟုန်ဖြင့် ဆက်လက်ကြိုးပမ်း ဆောင်ရွက်မည်ဖြစ်ပါသဖြင့် လုပ်ငန်းများ အောင်မြင်ရေးအတွက် တာဝန်ရှိသူများ အနေဖြင့် ကူညီပံ့ပိုး ဆောင်ရွက်ပေးကြရန် တိုက်တွန်းကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားခဲ့သည်။

ရာမောင်တံတား ဖျက်သိမ်းမည့်ကိစ္စနှင့် ဇက်ရေယာဉ်ထားပေးမည့်ကိစ္စကို ဈေးနှုန်းသက်သာစွာဖြစ်စေရေး မင်းပြားမြို့မိမြို့ဖများက နိုင်ငံတော်အဆင့်နှင့် ပြည်နယ်အဆင့်သို့ တင်ပြတောင်းခံမည်

ရခိုင်ပြည်နယ်၊ မင်းပြားမြို့နယ်ရှိ စစ်တွေ-ရန်ကုန်အဝေးပြေးလမ်းတွင်တည်ရှိသော ရာမောင်ကြိုးတံတားအား ဖျက်သိမ်းပြီး အသစ်ပြန်ဆောက်လုပ်မည့်ကိစ္စနှင့် ဇက်ရေယာဉ်ထားပေးမည့်ကိစ္စအား ဈေးနှုန်းသက်သက်သာသာဖြင့် ဖြစ်စေရေး မင်းပြားမြို့မိမြို့ဖများမှ နိုင်ငံတော်အဆင့်နှင့် ပြည်နယ်အဆင့်တို့ထံသို့ တင်ပြတောင်းခံသွားမည်ဖြစ်ကြောင်း သိရှိရသည်။

ယင်းသို့တင်ပြရန်ရည်ရွယ်ခြင်းမှာ တံတားကို ပြန်လည်တည်ဆောက်ရန်အတွက် အောက်တိုဘာ ၃၀ ရက်တွင် ဖြိုဖျက်မည်ဖြစ်ရာ ယင်းသို့ဖြိုဖျက်လိုက်ပါက ဇက်များ အလုံအလောက်မရှိပါက ခရီးသွားများအတွက် အခက်အခဲများဖြစ်ပေါ်လာနိုင်သည့်အပြင် ဒေသတွင်းပြေးဆွဲနေသော လုပ်ငန်းသုံးနှင့် အိမ်စီးကားငယ်များ အနေဖြင့်လည်း သွားလာရေးခက်ခဲမှုများကို ရင်ဆိုင်လာရမည်ဖြစ်ကြောင်း၊ ဇက်ဖြင့် ကူးသန်းသည့်အတွက် အခမဲ့ သို့မဟုတ် လွန်စွာနည်းပါးသက်သာသောစရိတ်ဖြင့် ကူးနိုင်ရေးအတွက် တင်ပြရန်ရည်ရွယ်ခြင်း ဖြစ်သည်။

ယင်းနှင့်ပတ်သက်ပြီး မင်းပြားဒေသခံတစ်ဦးဖြစ်သူ ဦးညီညီအောင်က “အဲဒီ တံတားကို အောက်တိုဘာ ၃၀ ရက်မှာ ဖျက်သိမ်းမှာဆိုတော့ ဒေသတွင်းအသုံးပြုနေတဲ့ကားတွေ အခက်အခဲဖြစ်သွားမယ်။ ဆိုင်ကယ်တွေ အခက်အခဲဖြစ်သွားမယ်။ နောက်ပြီး ဇက်နဲ့ကူးတဲ့အတွက် စရိတ်တွေများနေတယ်။ ကားကြီးတစ်စီးကို နှစ်သောင်းကျပ် ဆိုရင်တောင် သုံးနှစ်ဆိုရင်တန်ဖိုးက တံတားထက်တောင် ပိုရသွားမှာဖြစ်တယ်။ တစ်နေ့ကိုကားကြီး တစ်ရာလောက်တောင် ဖြတ်တယ်။ ကားငယ်တွေ၊ ဆိုင်ကယ်တွေကလည်း မပြတ်တမ်းသွားလာနေရတာဆိုတော့ အားလုံးဒုက္ခရောက်သွားနိုင်တယ်။ အရေးပါတဲ့ တံတားဖြစ်တဲ့အတွက် အခုလိုမျိုး နိုင်ငံတော်အဆင့်အထိ တင်ပြသွားမှာဖြစ်ပါတယ်” ဟုလည်း ပြောကြားခဲ့သည်။

အဆိုပါတင်ပြစာကို အောက်တိုဘာ ၂၂ ရက်တွင်နိုင်ငံတော်၏ အတိုင်ပင်ခံပုဂ္ဂိုလ်အပါအ၀င် သက်ဆိုင်ရာ ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်ထံသို့လည်း တင်ပြသွားမည်ဖြစ်ကြောင်း၊ အဝေးပြေးလမ်းတွင် တည်ရှိသည့် တံတားဖြစ်သည့်အတွက် ဇက်ရေယာဉ် အများအပြားကိုလည်း ထားရှိရန် လိုအပ်မည်ဖြစ်ကြောင်း မင်းပြား ဒေသခံများက ပြောဆိုကြသည်။

မြန်မာနိုင်ငံနှင့် မြန်မာ့တပ်မတော်အပေါ် ဖိအားပေးစွက်ဖက်နေသော ပြည်ပနိုင်ငံများနှင့် အဖွဲ့အစည်းများကို ဆန့်ကျင်ရှုတ်ချကြောင်း မိုးညှင်းမြို့တွင် ဆန္ဒထုတ်ဖော်

မြန်မာနိုင်ငံနှင့် မြန်မာ့တပ်မတော်အပေါ် ဖိအားပေးစွက်ဖက်နေသော ပြည်ပနိုင်ငံများနှင့် အဖွဲ့အစည်းများအား ဆန့်ကျင်ရှုတ်ချကြောင်း မိုးညှင်းမြို့တွင် အောက်တိုဘာ ၂၁ ရက်က ဆန္ဒထုတ်ဖော်စဉ်

မြန်မာနိုင်ငံတော်နှင့် မြန်မာ့တပ်မတော်အပေါ် ဖိအားပေးစွက်ဖက်နေသော ပြည်ပနိုင်ငံများနှင့် အဖွဲ့အစည်းများအား ဆန့်ကျင်ရှုတ်ချကြောင်း ကချင်ပြည်နယ် မိုးညှင်းမြို့၌ အောက်တိုဘာ ၂၁ ရက်က ဆန္ဒထုတ်ဖော်ခဲ့ကြောင်း သိရသည်။ အဆိုပါဆန္ဒဖော်ထုတ်ပွဲကို ရှမ်းနီစာပေနှင့် ယဉ်ကျေးမှုအဖွဲ့က ဦးဆောင်ကျင်းပခဲ့ပြီး မိုးညှင်းဒေသ၊ အင်းတော်ကြီးဒေသ၊ ဟိုပင်ဒေသများမှ ဒေသခံ ၁၀၀၀ ၀န်းကျင်တက်ရောက်ခဲ့ကြောင်း သိရသည်။

ဆန္ဒဖော်ထုတ်သူများသည် ‘နိုင်ငံတော်၏ အချုပ်အခြာအာဏာ တည်တံခိုင်မြဲရေး ဒို့အရေး၊ မြန်မာ့အရေးကို ဖိအားပေး ၀င်ရောက်စွက်ဖက်သည့် ပြည်ပနိုင်ငံအဖွဲ့အစည်းများ အလိုမရှိ၊ ARSA (အာဆာ) အကြမ်းဖက် လက်နက်ကိုင်အဖွဲ့အစည်း တိုက်ထုတ်ပစ်၊ မြန်မာ့တပ်မတော်၏ တရားသော စစ်အောင်ရမည်၊ တိုင်းရင်းသားညီအစ်ကိုများ အရေးကြီးပြီ ပေါင်းစုကြစို့’  စသည့်ကြွေးကြော်သံများဖြင့် မိုးညှင်းမြို့တစ်ပတ် ဆန္ဒဖော်ထုတ်ခဲ့ကြောင်း သိရသည်။

ဦးဆောင်ရာတွင်ပါဝင်ခဲ့သည့် ရှမ်းနီစာပေနှင့် ယဉ်ကျေးမှုအဖွဲ့မှ ဦးစိုင်းချစ်ငွေက “ဒီမှာဆန္ဒပြတာကတော့ အစိုးရနဲ့ တပ်မတော်အပေါ် နိုင်ငံတကာဖိအားတွေ၊ ICC လို ဖိအားတွေကြောင့် ဆန္ဒဖော်ထုတ်တာပါ။ ကျွန်တော်တို့လည်း တိုင်းပြည်အစိုးရကို ထောက်ခံတဲ့အကြောင်းပေါ့။ ဗမာ၊ ရခိုင်၊ ဂေါ်ရခါးတွေပါတယ်။ အများဆုံးကတော့ ရှမ်းနီတိုင်းရင်းသားတွေပေါ့။ ကချင်တိုင်းရင်းသားတွေတော့ မပါဝင်ကြဘူး” ဟု ပြောကြားသည်။

အင်းတော်ကြီးဒေသတွင် သဘာဝပတ်ဝန်းကျင်ထိန်းသိမ်းရေးကြောင့် ဒေသခံတောင်သူများ၏ လယ်မြေနှင့် ယာမြေ ဧကပေါင်း ၂၀၀၀ ကျော်မှာ ပိုင်ဆိုင်မှုပြဿနာဖြစ်နေ

အင်းတော်ကြီးဒေသတွင် သဘာဝပတ်ဝန်းကျင် ထိန်းသိမ်းရေးကြောင့်ဒေသခံ တောင်သူများ၏ လယ်မြေနှင့်ယာမြေ ဧကပေါင်း ၂၀၀၀ ကျော်မှာ ပိုင်ဆိုင်မှုပြဿနာဖြစ်နေကြောင်း သတင်းရရှိသည်။ အများစုမှာ မိုင်းနော်ကျေးရွာအုပ်စု၊ မမုန်ကိုင်ကျေးရွာမှ လုပ်ကိုင်နေကြသည့်လယ်မြေများဖြစ်ပြီး စိုက်ပျိုးလုပ်ကိုင်လာကြသည်မှာ နှစ်ပေါင်း ၅၀ ကျော်ခဲ့ပြီဖြစ်သော်လည်း သစ်တောကြိုးဝိုင်းအတွင်း ပါဝင်နေခြင်း၊ နောက်ထက်သတ်မှတ်ခဲ့သည့် UNESCO  ဇီဝအ၀န်း နယ်မြေသတ်မှတ်ခြင်း၊ ရမ်ဆာသဘာဝထိန်းသိမ်းရေးနယ်မြေများ သတ်မှတ်ခဲ့ခြင်းကြောင့် ပိုင်ဆိုင်မှု လယ်ယာမြေလုပ်ပိုင်ခွင့် လက်မှတ်ပုံစံ ၇ ထုတ်ပေးရန် တောင်းဆိုခဲ့သော်လည်း သစ်တောကြိုးဝိုင်းမြေမှ ပယ်ဖျက်ပေးခဲ့ခြင်း မရှိကြောင်း သိရသည်။

မိုးညှင်းမြို့နယ် မဲဆန္ဒနယ် အမှတ် ၂ မှ ပြည်နယ်လွှတ်တော်ကိုယ်စားလှယ် ဦးကျော်ကျော်ဝင်းက “အင်းတော်ကြီးဒေသဟာ UNESCO ဇီဝအ၀န်းအ၀ိုင်း၊ ရမ်ဆာသဘာဝထိန်းသိမ်းရေးနယ်မြေ ဖြစ်တဲ့အတွက်ကြောင့် ကမ္ဘာကျော်ပါတယ်။ အင်းတော်ကြီးမှာ လူနှင့်သဘာဝပတ်ဝန်းကျင် ထိန်းသိမ်းရေးမှာ စိန်ခေါ်မှုကြီးဖြစ်နေတာက ကန့်သတ်နယ်မြေဖြစ်လာတဲ့အခါ ဒေသခံတောင်သူတွေနဲ့ နှစ်ပေါင်းများစွာ ဘိုးဘွားလက်ထက်ကတည်းက လုပ်စားပေမယ့် ပိုင်ဆိုင်ခွင့်တွေ မရကြဘူး။ အရင်က ပိုင်ဆိုင်မှု မလုပ်ခဲ့ကြတာလည်း ပါပါတယ်။ အခုကြတော့ သဘာဝထိန်းသိမ်းရေး နယ်မြေတွေအဆင့်ဆင့် ဖြစ်နေတဲ့ အခါကြတော့ ပယ်ဖျက်ဖို့ ပိုခက်သွားတယ်။ လယ်တွေက ဧပေါင်း၂၀၀၀ ၀န်းကျင်လောက်ရှိတယ်” ဟုပြောကြားသည်။

အင်းတော်ကြီးဒေသ မမုံကိုင်ကျေး ရွာအုပ်စုရှိ  သစ်တော်ကြိုးအ၀င်းပါဝင်နေသည့် တောင်သူ ၂၁၀ ဦးတို့၏ လယ်ဧကပေါင်း ၂၀၀၀ နီးပါးကိုပိုင်ဆိုင်မှု ပုံစံ ၇ ထုတ်ပေးရန် ဒုတိယအကြိမ် ကချင်ပြည်နယ်လွှတ်တော် အဋ္ဌမပုံမှန်အစည်းအဝေးတွင် ၂၀၁၇ ခုနှစ် ဇူလိုင်လ ၃၁ရက်တွင် မေးမြန်းခဲ့သည်။

ကချင်ပြည်နယ် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးလအောင်က  သစ်တောဧရိယာများတွင် ပါဝင်သည့်  နန့်ကင်ချောင်းအရှေ့နှင့် အနောက်လယ်မြေများမှာ မိုင်းနောင်ကြိုးဝိုင်းအတွင်းပါဝင်ပြီး ၁၉၀၅ ခုနှစ်တွင် ထုတ်ပြန်ခဲ့ကြောင်း၊ နန့်ရင်းခချောင်းအရှေ့နှင့် အနောက်လယ်ယာမြေများမှာ နန့်ရင်းခကြိုးဝိုင်းကို ၁၉၁၂  ခုနှစ်တွင် ထုတ်ပြန်သတ်မှတ်ခဲ့ကြောင်း၊ မိုင်းနောင်ကြိုးဝိုင်း၊ နန့်ရင်းခကြိုးဝိုင်း၊ နန့်မွန်းကြိုးဝိုင်း၊ မုဆိုးကြိုးဝိုင်း၊ အင်းတော်ကြီးကြိုးဝိုင်း ငါးခုနှင့်ကြိုးပြင်တော ဧရိယာ ၆၄၀၀၃ ဧက တို့ကို စုပေါင်း၍ စုစုပေါင်း ဧရိယာ ၂၀၁၃၈၃ ဧကတို့ကို အင်းတော်ကြီး တောရိုင်းတိရစ္ဆာန် ဘေးမဲ့တောအဖြစ် ၂၀၀၄ ခုနှစ် သြဂုတ်လတွင်သတ်မှတ် ထုတ်ပြန်ခဲ့ကြောင်း၊ ယင်းအချိန်တွင် နန့်ကင်ချောင်းပေါ်တွင်တည်ရှိသည့်  မိုင်းနောင်ကျေးရွာကို ထပ်မံတိုးချဲခြင်းမပြုဘဲ ရွာမြေအဖြစ် ဧက ၉၆၀ နှင့် လယ်ယာမြေအဖြစ် ၈၇၄ ဧက ဆက်လက်လုပ်ကိုင်ခွင့်ပြုခဲ့ကြောင်း၊ ဆိုင်ရာဆိုင်ခွင့် အခွင့်အရေးများဖြင့် သတ်မှတ်ပါဝင်ခဲ့သော်လည်း အင်းတော်ကြီး တောရိုင်းတိရစ္ဆာန်ဘေးမဲ့တောအတွင်း မိုင်းနောင်းကျေးရွာအတွင်း ခွင့်ပြုသည့် ဆိုင်ရာဆိုင်ခွင့်နှင့် အခွင့်အရေးများကို ရရှိသူများကိုသာအမည်ဖြင့် ဖော်ပြထားသူများသာ ခံစားခွင့်ရှိ၍ ၄င်းတို့မှဆင်းသက်လာသူများအား အသက်ဆိုင်စေရ၊ ရောင်းဝယ်ခြင်း၊ လွဲပြောင်းခြင်းမပြုရဟု အမိန့်တွင် ဖော်ပြထားကြောင်း၊၂၀၁၇ခုနှစ် ဇွန်လ ၁၄ ရက်တွင် ပြင်သစ်နိုင်ငံတွင် ကျင်းပသည့်  ၂၉ ကြိမ်မြောက် UNESCO ဇီဝအ၀န်းနယ်မြေ များအစည်းအဝေးတွင် အင်းတော်ကြီး ဘေးမဲ့တော့နှင့် ပတ်ဝန်းကျင်ဒေသအား ဇီဝအ၀န်းနယ်မြေအဖြစ် အတည်ပြုသတ်မှတ်ခဲ့ကြောင်း ယင်းကြောင့်အင်းတော်ကြီး ဘေးမဲ့တော သဘာဝပတ်ဝန်းကျင်ထိန်းသိမ်းရေးနယ်မြေတွင် ကျရောက်နေသည့်အတွက် စွန်လွှတ်ရန် မရှိသေးကြောင်း ကချင်ပြည်နယ်လွှတ်တော်တွင် ဖြေကြားခဲ့သည်။

 

ပင်နီဝတ်ပြီး ရာထူးနေရာ အမျိုးမျိုးရယူထားကြသည့် ကိုယ်စားလှယ်များအနေဖြင့် ပါတီကို ခုတုံးလုပ်စီးပွားမရှာကြရန်နှင့် တိုင်းပြည်အတွက်ကြိုးစားကြရန် NLD ပါတီ ဗဟိုသဘာပတိအဖွဲ့ဝင် ဦးသိန်းတန် ပြောကြား

မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်မှ နာယကကြီးများအား ပူဇော်ကန်တော့ပွဲအခမ်းအနားမြင်ကွင်း

ပင်နီဝတ်ပြီး ရာထူးနေရာအမျိုးမျိုး ရယူထားကြသည့် ကိုယ်စားလှယ်များအနေဖြင့် ပါတီကိုခုတုံးလုပ်ကာ စီးပွားမရှာကြရန်နှင့် တိုင်းပြည်အတွက်ကြိုးစားကြရန် အမျိုးသားဒီမိုကရေစီအဖွဲ့ချုပ် ဗဟိုသဘာပတိအဖွဲ့ဝင် ဦးသိန်းတန်က အောက်တိုဘာ ၂၁ ရက်က မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်မှ နာယကကြီးများအား ပူဇော်ကန်တော့ပွဲ၌ ကိုယ်စားလှယ်များနှင့်ပတ်သက်၍ ပြောကြားခဲ့ခြင်းဖြစ်သည်။

အောက်တိုဘာ ၂၁ ရက် နံနက်ပိုင်းက မန္တလေးတိုင်းဒေသကြီး၊ အမျိုးသားဒီမိုက ရေစီအဖွဲ့ချုပ်မှ  နာယကကြီးများအား ဒုတိယအကြိမ်မြောက် ပူဇော်ကန်တော့ပွဲကို အောင်မြေသာစံမြို့နယ် ဆိုင်းတန်းရပ်ရှိ ပဒုမ္မာခန်းမ၌ ကျင်းပပြုလုပ်ခဲ့သည်။ အဆိုပါ ပူဇော်ကန်တော့ပွဲကို မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်ရုံး၌ တာဝန်ထမ်းဆောင်ခဲ့ကြသည့် လူငယ်ဟောင်းများက စုပေါင်း၍ ကျင်းပပြုလုပ်ခဲ့ခြင်းဖြစ်ကြောင်း သိရသည်။

“ငါတို့ပါတီဟာ စပြီးတာထွက်လာကတည်းက သက်သောင့်သက်သာနဲ့ လာခဲ့ရတဲ့ပါတီ မဟုတ်ဘူး။ ဒုက္ခပေါင်းများစွာနဲ့ အနှိပ်စက်ခံ၊ အပင်ပန်းခံပြီး ထောင်ကျတန်းကျပြီးတော့ ဒီအချိန်အထိရပ်တည်လာပြီးတော့မှ ဒီအချိန်အထိ ၀ိုင်းဝန်းလုပ်ကြတဲ့ အဖွဲ့တွေနဲ့ ၀န်းရံတဲ့လူငယ်တွေအားလုံးကို ကျေးဇူးတင်ပါတယ်။ နောင်နှစ်ပေါင်းများစွာလည်း ဒီအတိုင်းပဲဆက်သွားမယ်လို့ သန္နိဋ္ဌာန်ချထားပါတယ်။ ကိုယ်စားလှယ်တွေနဲ့ပတ်သက်ပြီး အဆုံးအမသြ၀ါဒပေးရမယ်ဆိုရင် သူတို့ခေါင်းဆောင် ဒေါ်အောင်ဆန်းစုကြည်ပြောထားခဲ့တဲ့အတိုင်း ကိုယ့်လိပ်ပြာကိုယ်လုံပြီး ပိုအစစ်ခံနိုင်ကြပါစေ။ စာရိတ္တ၊ သီလပိုပြည့်စုံနိုင်ကြပါစေ။ ပင်နီဝတ်ပြီးတော့ အမျိုးမျိုးအဖုံဖုံ ရာထူးတွေယူထားပေမဲ့ နောက်ပိုင်းမရှိလို့ဆိုလို့ရှိရင် လူတကာလက်ညှိုးထိုးတာကို ခံကြရလိမ့်မယ်။ အဲဒါကြောင့် ကိုယ်စားလှယ်တွေအားလုံးဟာ ပါတီကိုခုတုံးလုပ်ပြီးတော့ စီးပွားမရှာကြပါနဲ့။ တိုင်းပြည်အတွက် ကြိုးစားကြပါလို့ ပြောချင်တယ်” ဟု အမျိုးသားဒီမိုကရေစီအဖွဲ့ချုပ် ဗဟိုသဘာပတိအဖွဲ့ဝင် ဦးသိန်းတန်က ကိုယ်စားလှယ်များနှင့် ပတ်သက်၍ သြ၀ါဒစကား ပြောကြားပေးခဲ့ကြောင်း သိရသည်။

မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်မှ နာယကကြီးများအား ပူဇော်ကန်တော့ပွဲသို့ NLD ပါတီမှ လွှတ်တော်ကိုယ်စားလှယ်များ၊ ပါတီဝင်များ တက်ရောက်ခဲ့ကြပြီး အသက် ၇၀ အရွယ်အထက် ပူဇော်ကန်တော့ခံနာယကကြီး ၁၂ ဦးတို့ တက်ရောက်ခဲ့ကြောင်း သိရသည်။

အဆိုပါ နာယကကြီးများအား ပူဇော်ကန်တော့ပွဲသို့ မန္တလေးတိုင်းဒေသကြီး အစိုးရအဖွဲ့က အလုပ်တာဝန်ကိစ္စများဖြင့် ခရီးထွက်နေသဖြင့် တက်ရောက်ခဲ့ခြင်း မရှိကြောင်း အခမ်းအနားစီစဉ်သူတစ်ဦးဖြစ်သူ ကိုကြည်ညွန့်က ပြောကြားသည်။