သရက်ချောင်းမြို့နယ် ကနက်သီရိကျေးရွာရှိ စာကျက်ဝိုင်းတွင် ကြမ်းပိုးဆေးဖျန်းထားသည်ကို ရှူရှိုက်မိသည့် ကျောင်းသား ၁၅ ဦးခန့် အဆိပ်သင့်မှု ဖြစ်ပွား

ရငဲတိုက်နယ်ဆေးရုံမှတစ်ဆင့် ထားဝယ်ပြည်သူ့ဆေးရုံသို့ လူနာများလွှဲပြောင်းနေစဉ်

တနင်္သာရီတိုင်းဒေသကြီး ထားဝယ်ခရိုင် သရက်ချောင်းမြို့နယ် ကနက်သီရိကျေးရွာရှိ စာကျက်ဝိုင်းတွင် မေ ၂၀ ရက် ညက ကြမ်းပိုးဆေးဖျန်းထားသည်ကို ရှူရှိုက်မိသည့် ကျောင်းသား ၁၅ ဦးခန့် အဆိပ်သင့်မှုဖြစ်ပွားခဲ့ကြောင်း ကနဦးအခြေအနေများအရ သိရသည်။

မေ ၂၀ ရက် နံနက်ပိုင်းက ယင်းကျေးရွာရှိ စာကျက်ဝိုင်း ပြုလုပ်သည့်နေအိမ်၌ ကြမ်းပိုးသတ်ဆေး ဖျန်းထားခဲ့ပြီး ညပိုင်းတွင် ကိုးတန်းနှင့် ၁၀ တန်း တက်ရောက်မည့်ကျောင်းသား ၂၀ ကျော်ခန့် စာကျက်ဝိုင်းသို့ ရောက်ရှိလာခဲ့ကြောင်း၊ ထို့နောက် ကျောင်းသားများ စာကျက်နေစဉ် ကျောင်းသားများ တစ်ဦးပြီးတစ်ဦး မူးဝေအော့အန်မှုဖြစ်ပွားခဲ့၍ ရငဲတိုက်နယ် ဆေးရုံသို့တင်ပို့ခဲ့ရပြီး ၎င်းဆေးရုံမှတစ်ဆင့် ထားဝယ်ပြည်သူ့ဆေးရုံကြီးသို့ အရေးပေါ် လူနာတင်ယာဉ်များဖြင့် တင်ပို့ခဲ့ရသည်ဟု သိရသည်။

လက်ရှိ အခြေအနေအရ အဆိပ်သင့်မှု ဖြစ်ပွားခဲ့သည့် ကျောင်းသား ၁၅ ဦးအား သရက်ချောင်းမြို့ နယ်အတွင်းမှ အရေးပေါ်လူနာတင်ယာဉ်များအပြင် ဇမ္ဗူသီရိ အရေးပေါ်လူနာတင်ယာဉ်အဖွဲ့ မှ လူနာတင်ယာဉ် ၇ စီး စုစုပေါင်းလူနာတင်ယာဉ် ၁၅ စီးဖြင့် ရငဲတိုက်နယ်ဆေးရုံမှ ထားဝယ်ပြည်သူ့ဆေးရုံကြီးသို့  ညတွင်းချင်း လွှဲပြောင်းတင်ပို့ ပေးခဲ့ကြောင်း၊ ယင်းလူနာ ၁၅ ဦးမှာ အသက် ၁၄ နှစ်မှ ၁၈ နှစ်အတွင်းရှိ မိန်းကလေးများဖြစ်ပြီး ရင်ဘတ်အောင့်၊ အသက်ရှုကြပ်၊ မူးဝေအော့အန်ခြင်းများ ခံစားနေသော်လည်း လက်ရှိအနေအထားအရ အသက်အန္တရာယ် စိုးရိမ်ရသည့်အခြေအနေ မရှိတော့ကြောင်း ဇမ္ဗူသီရိ အရေးပေါ်လူနာတင်ယာဉ်အဖွဲ့ ထံမှ သိရသည်။ ထို့အပြင် ရငဲတိုက်နယ်ဆေးရုံ၌လည်း ထပ်မံရောက်ရှိလာသည့် လူနာ သုံးဦးကို ကုသမှုပေးနေပြီး အခြေအနေကို စောင့်ကြည့်နေကြောင်း ကနဦး သတင်းများအရ သိရသည်။

(၂၁) ရာစုပင်လုံ တတိယအစည်းအဝေးကို ယခုလကုန်ပိုင်းတွင်ပြုလုပ်ရန် အစိုးရဘက်မှ ပြင်ဆင်ထားသော်လည်း တိုင်းရင်းသားလက်နက်ကိုင်များဘက်က အဆင်သင့်မဖြစ်ခဲ့ဟု ဦးဇော်ဌေး ပြောကြား

ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးကို ယခင်လျာထားချက်အတိုင်း ယခုလကုန်ပိုင်းတွင် ပြုလုပ်ရန် အစိုးရနှင့် နိုင်ငံရေးပါတီများက ပြင်ဆင်ထားသော်လည်း တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသော တိုင်းရင်းသားလက်နက်ကိုင်များဘက်က အဆင်သင့်မဖြစ်ခဲ့သည့်အတွက် ယခုလကုန်ပိုင်းတွင် ညီလာခံပြုလုပ်ရန် အဆင်မပြေဖြစ်လာခဲ့သည်ဟု နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ်ဦးဇော်ဌေးက ပြောကြားသည်။

ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးကို သတ်မှတ်ထားသည့်အတိုင်း အောင်မြင်စွာ ပြုလုပ်နိုင်ရေးအတွက် အစိုးရကိုယ်စားလှယ်များနှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့များ ကိုယ်စားလှယ်များဖြင့် ဖွဲ့စည်းထားသည့် အလွတ်သဘော တွေ့ဆုံဆွေးနွေးရေးအဖွဲ့တို့ မေ ၁၈ ရက်နှင့် ၁၉ ရက်တွင် နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ အလွတ်သဘော တွေ့ဆုံဆွေးနွေးခဲ့ကြသော်လည်း ညှိနှိုင်းမှု အဆင်မပြေဖြစ်ခဲ့ကြောင်း သိရသည်။

“ဘယ်လိုပဲဖြစ်ဖြစ် ကျွန်တော်တို့က ညီလာခံကျင်းပဖို့အတွက် အစိုးရပိုင်းက အားလုံးပြင်ထားတာ။ နိုင်ငံရေးပါတီတွေဘက်ကလည်း ပြင်ထားတယ်။ ဒီလထဲမှာပဲပေါ့။ ညီလာခံကျင်းပဖို့အတွက် အလွတ်သဘော အစည်းအဝေးပြီးရင် အကြောင်းပြန်မယ်လို့ EAO တွေက ပြောတယ်။ ဒါကြောင့်မို့ အလွတ်သဘော အစည်းအဝေးမှာ ဆွေးနွေးတယ်။ ဆွေးနွေးတဲ့ဟာတွေကလည်း ဒုတိယ အစည်းအဝေးကဟာတွေပဲ ပြန်ဖြစ်လာတယ်။ ဖြစ်လာတော့ EAO တွေဘက်က အဆင်သင့်မဖြစ်ဘူး။ မဖြစ်တော့ ညီလာခံကျင်းပဖို့ မေလကုန်ဆိုပြီး စီစဉ်ထားတာဟာ အဆင်မပြေဘူး ဖြစ်လာတယ်ပေါ့နော်။ အစိုးရဘက်က အဆင်သင့်ဖြစ်တယ်။ EAO ဘက်က အဆင်သင့်မဖြစ်ဘူး” ဟု ၎င်းက ဆိုသည်။

ပြည်ထောင်စုငြိမ်းချမ်းရေးညီလာခံကို တစ်နှစ်လျှင် နှစ်ကြိမ်ပြုလုပ်ရန် သတ်မှတ်ထားသော်လည်း ဒုတိယအစည်းအဝေးပြီးသည့်အချိန်မှ လက်ရှိအချိန်အထိ တစ်နှစ်ကျော်အတွင်း တစ်ကြိမ်မျှ ပြုလုပ်နိုင်ခြင်း မရှိသေးကြောင်း သိရသည်။

KIA အနေဖြင့် NCA စာချုပ်တွင် ပါဝင်လက်မှတ်ရေးထိုးပြီး နိုင်ငံရေးအခွင့်အရေးများနှင့် ပတ်သက်၍ အစိုးရ၊ တပ်မတော်တို့နှင့် တွေ့ဆုံဆွေးနွေး အဖြေရှာရန် ကချင်ပြည်နယ်အခြေစိုက် တိုင်းရင်းသားအဖွဲ့အချို့ တောင်းဆို

ကချင်တိုင်းရင်းသားလက်နက်ကိုင်အဖွဲ့ (KIA) အနေဖြင့် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) တွင် ပါဝင်လက်မှတ်ရေးထိုးပြီး နိုင်ငံရေးအခွင့်အရေး၊ အမျိုးသားရေးအခွင့်အရေး တောင်းဆိုမှုများနှင့် ပတ်သက်၍ အစိုးရ၊ တပ်မတော်တို့နှင့် တွေ့ဆုံဆွေးနွေးအဖြေရှာရန် ကချင်ပြည်နယ်အခြေစိုက် မြန်မာပြည်မြောက်ပိုင်း ရှမ်းမျိုးနွယ်စုရေးရာအဖွဲ့၊ ကချင်အထူးဒေသ (၁) ထာဝရငြိမ်းချမ်းရေးအဖွဲ့ချုပ်နှင့် လီဆူတိုင်းရင်းသား စာပေယဉ်ကျေးမှုစောင့်ရှောက်ရေးအဖွဲ့တို့က မေ ၁၉ ရက်တွင် ပူးတွဲကြေညာချက် ထုတ်ပြန်ကာ တောင်းဆိုခဲ့သည်။

နိုင်ငံရေး အကျိုးကျေးဇူးလိုလားမှုနှင့် အမျိုးသားအကျိုးကျေးဇူး လိုလားမှုမှန်သမျှသည် ဒီမိုကရေစီမူဝါဒကျင့်သုံးပြီး ဆွေးနွေး အဖြေရှာခြင်းဖြင့်သာလျှင် ဖော်ဆောင်နိုင်ကြောင်း၊ ငြိမ်းချမ်းသည့် လူ့အဖွဲ့အစည်းနှင့် ယဉ်ကျေးသိမ်မွေ့သော ပူးပေါင်းဆောင်ရွက်မှုကသာလျှင် မှန်ကန်သင့်မြတ်သော ငြိမ်းချမ်းရေးကို ဖြစ်ပေါ်စေနိုင်ကြောင်း မြန်မာပြည်မြောက်ပိုင်း ရှမ်းမျိုးနွယ်စုရေးရာအဖွဲ့၊ ကချင်အထူးဒေသ (၁) ထာဝရငြိမ်းချမ်းရေးအဖွဲ့ချုပ်နှင့် လီဆူတိုင်းရင်းသား စာပေယဉ်ကျေးမှု စောင့်ရှောက်ရေးအဖွဲ့တို့၏ ပူးတွဲကြေညာချက်တွင် ဖော်ပြထားသည်။

KIO/KIA ခေါင်းဆောင်များအနေဖြင့် လက်ရှိရင်ဆိုင်နေရသည့် လက်နက်ကိုင်ပဋိပက္ခများသည် မိသားစုအတွင်းဖြစ်သည့် ပဋိပက္ခအဖြစ်မှတ်ယူ၍ NCA လက်မှတ်ရေးထိုးကာ ငြိမ်းချမ်းရေးဆွေးနွေးပွဲများဖြင့် ဖြေရှင်းရန် မျှော်လင့်ယုံကြည်ကြောင်း၊ နိုင်ငံရေး ဂုဏ်သိက္ခာ၊ အမျိုးသားရေးဂုဏ်သိက္ခာများနှင့် ပတ်သက်၍ နိုင်ငံရေးဆွေးနွေးပွဲများဖြင့် အဖြေရှာကာ မြှင့်တင်နိုင်ကြောင်းလည်း အဆိုပါ ကြေညာချက်တွင် ဖော်ပြခဲ့သည်။

အဆိုပါ ကြေညာချက်နှင့်ပတ်သက်၍ “ဒီထဲမှာ လှုပ်ရှားနေတဲ့ အဖွဲ့အစည်းတွေဆိုတော့ ကျွန်တော်တို့ဘက်ကနေ သီးခြားပစ်မှတ်ထားပြီးတော့ တုံ့ပြန်တာမျိုးတွေလုပ်မှာ မဟုတ်ပါဘူး။ သူတို့ရဲ့နောက်ကွယ်မှာ ပံ့ပိုးတဲ့သူတွေ၊ ထောက်ပံ့တဲ့သူတွေရှိတယ်။ သူတို့ကို ပစ်မှတ်သွားထားရင် အားလုံးနစ်နာမယ်လေ။ ဒါကြောင့်မို့ သူတို့ကို ပစ်မှတ်မထားဘူး။ သူတို့ရဲ့နောက်ကွယ်မှာ သပ်လျှိုတာတွေ၊ သွေးခွဲတာတွေရှိတယ်။ မီးမောင်းထိုးပြတာတွေရှိတယ်။ အဲဒါကြောင့် ကျွန်တော်တို့ကလည်း အဲဒါမျိုးတွေကို စစ်ရေးအရ၊ နိုင်ငံရေးအရ၊ လူမျိုးရေးအရ အရေးယူတာမျိုး မဟုတ်ဘဲနဲ့ သူတို့အချင်းချင်း ဖာထေးစေချင်တာမျိုးပေါ့။ အဲဒါမျိုးပဲ လုပ်ပါတယ်။ တရားဝင် သူတို့ကိုပစ်မှတ်ထား တုံ့ပြန်တာမျိုး မရှိသေးပါဘူး” ဟု မြစ်ကြီးနားအခြေစိုက် KIO နည်းပညာအကြံပေးအဖွဲ့ရုံး ပြောရေးဆိုခွင့်ရှိသူ ဦးဒေါင်ခါးက ပြောကြားသည်။

မည်သည့်နိုင်ငံတွင်ဖြစ်စေ စစ်ရေးပဋိပက္ခ အချိန်ကြာမြင့်လာပါက အောက်ခြေလူတန်းစားများ အနေဖြင့် နိုင်ငံရေးအဖြေရခြင်း၊ မရခြင်းသည် ၎င်းတို့နှင့်သက်ဆိုင်မှုမရှိကြောင်း၊ ပဋိပက္ခကြောင့် ၎င်းတို့ခံစားနေရသည့် အနိဋ္ဌာရုံများကို အမြန်ဆုံး ကွယ်ပျောက်စေလိုကြောင်းနှင့် လူမှုကူညီထောက်ပံ့မှုများကို ရလိုကြောင်းကို ပြသလိုသည့်အနေဖြင့် ယခုကဲ့သို့သော ကြေညာချက်မျိုးဖြင့် ဖော်ပြကြောင်း ဦးဒေါင်ခါးက ဆက်လက်ပြောကြားသည်။

ငြိမ်းချမ်းရေးရယူရန် နစ်နာဆုံးရှုံးမှုများ ပြီးဆုံးပြီး ပြည်သူလူထု ဒုက္ခအ၀၀မှ လွတ်မြောက်ရေးအတွက် KIO/KIA ခေါင်းဆောင်များ အနေဖြင့် NCA စာချုပ်တွင် လက်မှတ်ထိုးရန် ကချင်ပြည်နယ်အခြေစိုက် ပူးပေါင်းအဖွဲ့က တိုက်တွန်းထားပြီး ရန်သူဖြစ်သည့် လက္ခဏာရှိလာပါက အမြစ်ပြတ်တိုက်ခိုက်၍ ပြည်သူများ၏ အသက်နှင့်ဘ၀ကို ကာကွယ်ပေးရန် အစိုးရနှင့်တပ်မတော်ကို တောင်းဆိုကြောင်း အဆိုပါအဖွဲ့က ကြေညာခဲ့သည်။

ရွှေကျင်မြို့နယ် တိုင်းဒေသကြီးလွှတ်တော် ကိုယ်စားလှယ်တစ်ဦးအား မြို့ခံသတင်းသမားတစ်ဦး တစ်ကိုယ်တော်ဆန္ဒထုတ်ဖော်

ပဲခူးတိုင်းဒေသကြီး ရွှေကျင်မြို့တွင် မေ ၂၀ ရက် နံနက်က ရွှေကျင်မြို့နယ် တိုင်းဒေသကြီး (၂) လွှတ်တော်ကိုယ်စားလှယ်တစ်ဦးအား ကျောက်ကြီးမြို့ခံ သတင်းသမားတစ်ဦးက ရွှေကျင်မြို့နယ် အမျိုးသားဒီမိုကရေစီအဖွဲ့ချုပ်ရုံးရှေ့တွင် တစ်ကိုယ်တော် ဆန္ဒထုတ်ဖော်ခဲ့ကြောင်း သိရသည်။

အဆိုပါဆန္ဒထုတ်ဖော်ပွဲကို သက်ဆိုင်ရာတာဝန်ရှိသူများထံ တရားဝင်အသိပေးတင်ပြ၍ ဆန္ဒထုတ်ဖော်ခြင်းဖြစ်ပြီး ရွှေကျင်မြို့နယ် တိုင်းဒေသကြီး (၂) လွှတ်တော်ကိုယ်စားလှယ် ဒေါ်လှလှဝင်းက “သတင်းထောက်တွေနဲ့ စကားမပြောဘူးလို့ ဆုံးဖြတ်ထားခြင်းကိစ္စရပ်” ဖြင့် ဟောပြောဆန္ဒထုတ်ဖော်ခဲ့ခြင်းဖြစ်ကြောင်း သိရသည်။

ထိုသို့ ဆန္ဒထုတ်ဖော်ရခြင်းနှင့် ပတ်သက်၍ တစ်ကိုယ်တော်ဆန္ဒထုတ်ဖော်သူ ကိုရန်နိုင်အောင်က “ကျွန်တော်တို့သမ္မတကြီးရဲ့ အခြေပြမိန့်ခွန်းထဲမှာလည်း ပြောထားတာရှိပါတယ်။ စတုတ္ထမဏ္ဍိုင်ရဲ့ ကဏ္ဍကလည်း ပေါ်လွင်ပြီးသားဖြစ်ပါတယ်။ ကျွန်တော် ဒီနေ့ဒီအချိန်မှာ လာရောက်ပြီးတော့ ပဲခူးတိုင်းဒေသကြီး ရွှေကျင်မြို့နယ် တိုင်းလွှတ်တော်ကိုယ်စားလှယ်ကို လာရောက်ဆန္ဒထုတ်ဖော်ခြင်းက အကြောင်းရင်းသုံးခုပေါ့။ ပွင့်လင်းမြင်သာမှုမရှိဘူးဆိုတာရယ်၊ ပြည်သူ့အသံ လွှတ်တော်အသံဖြစ်တယ်ဆိုတာကို မျက်ကွယ်ပြုထားတယ်ဆိုတဲ့ အချက်ရယ်၊ နံပါတ်သုံးအချက်က စတုတ္ထမဏ္ဍိုင်ကို စိန်ခေါ်ချက်ပေါ့” ဟု တစ်ကိုယ်တော် ဆန္ဒထုတ်ဖော်သူက ပြောကြားသည်။

ဆန္ဒထုတ်ဖော်ခြင်းကို နံနက် ၉ နာရီခွဲခန့်တွင် စတင်၍ “ရွှေကျင်မြို့နယ် တိုင်း (၂) လွှတ်တော်ကိုယ်စားလှယ် ဒေါ်လှလှဝင်းအား ရှုတ်ချပွဲ” ဟူသော ဗီနိုင်းဆိုင်းပုဒ်ကိုင်ဆောင်ကာ ဆန္ဒထုတ်ဖော်ကြောင်း၊ တစ်ကိုယ်တော် ဆန္ဒထုတ်ဖော်ခဲ့သူ ကိုရန်နိုင်အောင်မှာ ကျောက်ကြီးမြို့တွင် နေထိုင်သူဖြစ်ပြီး ပဲခူးသတင်းစဉ် (အယ်ဒီတာ) တစ်ဦးဖြစ်ကြောင်း သိရသည်။

သတင်းသမားတစ်ဦး၏ တစ်ကိုယ်တော် ဆန္ဒထုတ်ဖော်ခံရခြင်းနှင့်ပတ်သက်ပြီး ရွှေကျင်မြို့နယ် တိုင်းဒေသကြီးလွှတ်တော် ကိုယ်စားလှယ် ဒေါ်လှလှဝင်းက “မီဒီယာတွေကတော့ မီဒီယာတွေရဲ့ကျင့်ဝတ်အတိုင်း ဆောင်ရွက်ဖို့ အရေးကြီးပါတယ်။ မီဒီယာသည် သူ့ရဲ့မီဒီယာကျင့်ဝတ်ရှိပါတယ်။ သတင်းစုံစမ်းတဲ့ဟာကလည်း အနုပညာတစ်ခုပါ။ ပြည်သူတွေ ပြောလာအောင်၊ ပြည်သူတွေ ပါလာအောင်၊ ပြည်သူတွေ စိတ်ဝင်စားလာအောင်၊ ပြည်သူတွေကမှ သတင်းအမှန်တွေ ဖော်ထုတ်လာအောင်၊ မီဒီယာသမားတွေမှာ ကျင့်ဝတ်တွေရှိသလို ဒါတွေဟာ အနုပညာတစ်မျိုးလို့ အန်တီကမြင်ပါတယ်။ အဲဒီတော့ မီဒီယာတွေအပေါ်မှာ ဘာမှမပြောဘူး။ အန်တီတို့က ကြိုဆိုတယ်။ ဒါပေမဲ့ မီဒီယာတွေသည် မိမိရဲ့ကျင့်ဝတ်အတိုင်း လုပ်ဆောင်ဖို့တော့ အရေးကြီးပါတယ်လို့ ပြောချင်ပါတယ်။ ဆန္ဒပြတဲ့အထဲမှာ သူဆန္ဒပြတဲ့ဟာက အန်တီအတွက်က မှန်ကန်နေတယ်ဆိုရင်တော့ ဒါကို မှန်ကန်တဲ့အတိုင်းပေါ့။ မမှန်ကန်ဘူးလို့ဆိုလို့ရှိရင်တော့ အန်တီကလည်း တရားဥပဒေအတိုင်း ဆောင်ရွက်သွားမှာပါ။ အန်တီ့မှာ ရှေ့ဆက်ဖြေစရာအကြောင်းတော့ မရှိဘူး။ ဒီဥစ္စာက အမှန်အတိုင်းပါပဲ” ဟုပြောကြားသည်။

 

နိုင်ငံတော်သမ္မတ ဦးဝင်းမြင့်ထံ အိတ်ဖွင့်ပေးစာပေးပို့ခဲ့ခြင်းနှင့် ပတ်သက်၍ ဧရာဝတီတိုင်း ပြည်ခိုင်ဖြိုးပါတီ သတင်းစာရှင်းလင်း

နိုင်ငံတော်သမ္မတ ဦးဝင်းမြင့်ထံ ပြည်ခိုင်ဖြိုးပါတီအပါအ၀င် နိုင်ငံရေးပါတီ ၂၇ ပါတီမှ ဧပြီ ၂၇ ရက်နေ့စွဲဖြင့် ပေးပို့ခဲ့သည့် နိုင်ငံတော်တွင် ဖြစ်ပေါ်နေသော အထွေထွေအရပ်ရပ် အခြေအနေများနှင့်စပ်လျဉ်း၍ နိုင်ငံရေးပါတီများ၏ သဘောထားအမြင်များနှင့် ပြည်သူ့အတွက် လိုလားချက်များပေးပို့ခြင်း ခေါင်းစဉ်ပါ အိတ်ဖွင့်ပေးစာနှင့်ပက်သက်၍ လက်ရှိအာဏာရအစိုးရက တုံ့ပြန်မှုမရှိသည့်အပေါ် ဧရာဝတီတိုင်းဒေသကြီး ပြည်ခိုင်ဖြိုးပါတီက မေ ၂၀ ရက်တွင် ပုသိမ်မြို့၌ သတင်းစာရှင်းလင်းပွဲ ပြုလုပ်ခဲ့သည်။

အဆိုပါ သတင်းစာရှင်းလင်းပွဲတွင် ဧရာဝတီတိုင်းဒေသကြီး ပြည်ခိုင်ဖြိုးပါတီကော်မတီဝင်များ ဖြစ်ကြသည့် ဦးပြုံးချို၊ ဦးသက်လင်း၊ ဒေါ်စိုးစိုးရီတို့က ဦးဆောင်ရှင်းလင်းခဲ့ပြီး နိုင်ငံတော်သမ္မတ ဦးဝင်းမြင့်ထံ တင်ပြခဲ့သည့် အိတ်ဖွင့်ပေးစာပါ NVC ကတ် ကိုင်ဆောင်ထားသူများအား နိုင်ငံသားကဲ့သို့ အခွင့်အရေးမပေးရေး၊ အမျိုးဇာတ်ပျက်ယွင်းခြင်းမှ ဖယ်ရှားသည့်အက်ဥပဒေအား ပြင်ဆင်သည့်ဥပဒေကို သမ္မတက လက်မှတ်ထိုးအတည်ပြုခဲ့ခြင်းကို ပြန်လည်သုံးသပ်ရေး စသည့်အချက်များအပါအ၀င် တောင်းဆိုပေးပို့ခဲ့သည့် အချက်များအား မည်သည့်အတွက်ကြောင့် ပြည်ခိုင်ဖြိုးပါတီအပါအ၀င် အခြားနိုင်ငံရေးပါတီများ စုပေါင်းလက်မှတ်ထိုး တင်ပြခဲ့ရသည်ကို ရှင်းလင်းပြောကြားခဲ့ကြောင်း၊ ယခုကဲ့သို့ သတင်းစာရှင်းလင်းပွဲ လုပ်ဆောင်ရသည့် အကြောင်းမှာ ပြည်ခိုင်ဖြိုးပါတီအပါအ၀င် နိုင်ငံရေးပါတီ ၂၇ ပါတီမှ နိုင်ငံတော်သမ္မတထံ ပေးအပ်ခဲ့သည့် အိတ်ဖွင့်ပေးစာနှင့်ပတ်သက်၍ နိုင်ငံတော်သမ္မတနှင့် အစိုးရအဖွဲ့က မည်သည့်တုံ့ပြန်ပြောဆိုမှုအကြောင်း ပြန်ကြားမှုများမရှိသောကြောင့် ပြည်သူ့အကျိုးအတွက် ယခုကဲ့သို့ သတင်းစာရှင်းပွဲပြုလုပ်ကာ ပြည်သူထံ ချပြအသိပေးရှင်းလင်းရခြင်းဖြစ်ကြောင်း သိရသည်။

“နိုင်ငံရဲ့အစဉ်အလာအတိုင်း အတက်အကျပါတီဆိုတော့ ကိုယ်ပြောချင်တာတွေ ဖြစ်ချင်တာတွေ၊ ပြည်သူတွေဖြစ်စေချင်တာတွေ ထပ်ဆင့်ထပ်ဆင့် တင်ပြနေမယ်။ ကျွန်တော် အဲဒီမှာနှစ်ပိုင်းပါ။ တစ်ပိုင်းကတော့ ကျွန်တော်တို့က အာဏာမရပေမဲ့ အတိုက်အခံပါတီအဖြစ် ရှိနေတဲ့အချိန်မှာပဲ ပြည်သူ့အတွက်ကို လိုအပ်တဲ့အချက်ကို တင်ပြတောင်းဆိုပေးနေတယ်။ တင်ပြနေတယ်။ အစိုးရကလည်း လိုအပ်တဲ့အထောက်အကူကို ပြုပေးနေတယ်။ အပြုသဘောကိုဆောင်တဲ့ ဆောင်ရွက်ချက်များကို ဆက်တိုက်ဆောင်ရွက်သွားမှာပါ။ ကျွန်တော်တို့ပါတီအနေနဲ့ ပြည်သူအတွက် နိုင်ငံ့အကျိုးအတွက် အမြဲတမ်းတင်ပြနေဦးမှာပါ” ဟု ဦးပြုံးချိုက ပြောကြားသည်။

သီပေါမြို့နယ်၌ နံနက်အစောပိုင်း ၁ နာရီခန့်တွင် ဇနီးမောင်နှံနှစ်ဦး သေနတ်ဖြင့် အပစ်ခံရ

သီပေါမြို့နယ် ကုန်းသာကျေးရွာတွင် ဇနီးမောင်နှံနှစ်ဦး နံနက် ၁ နာရီတွင် သေနတ်နှင့် အပစ်ခံရပြီးနောက် တွေ့ရစဉ်

ရှမ်းပြည်နယ်မြောက်ပိုင်း သီပေါမြို့နယ် ကုန်းသာကျေးရွာတွင် ဇနီးမောင်နှံနှစ်ဦး အချိန်မတော် နံနက် ၁ နာရီတွင် သေနတ်နှင့်အပစ်ခံရသဖြင့် သီပေါဆေးရုံကြီးမှတစ်ဆင့် မန္တလေးဆေးရုံကြီးသို့ လွှဲပြောင်းပို့ဆောင်ပေးခဲ့ကြောင်း သီပေါမြို့နယ်ရှိ နယ်စည်းမခြားပရဟိတအဖွဲ့မှ သိရသည်။

ရှမ်းပြည်နယ် (မြောက်ပိုင်း) သီပေါမြို့နယ် ကုန်းသာကျေးရွာ၌ မေ ၂၀ ရက် နံနက် ၁ နာရီဝန်းကျင်ခန့် ဖုန်းသတင်းပေးပို့မှုအရ ဇနီးမောင်နှံနှစ်ဦး သေနတ်ပစ်ခံရ၍ ဒဏ်ရာရရှိထားသဖြင့် ဒဏ်ရာရသူများကို ဆေးရုံအရေးပေါ်သို့ နယ်စည်းမခြား ပရဟိတကားနှစ်စီးဖြင့် ပို့ဆောင်ပေးခဲ့ကြောင်း နယ်စည်းမခြားပရဟိတ (သီပေါ) မှ ကိုမျိုးက ဆိုသည်။

“သီပေါမြို့နယ် ကုန်းသာကျေးရွာ မနေ့ညတုန်းက ၁ နာရီမှာဖြစ်တာပါ။ ဒဏ်ရာရတာ သူတို့လင်မယားပေါ့။ အမျိုးသားက ပေါင်မှာ၊ အမျိုးသမီးက နံရိုးနဲ့ ၀မ်းဗိုက်နဲ့ပေါင်နဲ့ပေါ့။ ဒဏ်ရာရသွားတယ်။ လူနာတင်ပြီး ကျွန်တော်တို့က ဆေးရုံပို့တယ်။ ဒီတစ်လထဲမှာ နှစ်ကြိမ်၊ သုံးကြိမ်လောက်ရှိပြီ။ အခု မန္တလေးဆေးရုံကို ထပ်ပြီးလွှဲလိုက်ပြီ။ ပို့တာကတော့ ဆေးရုံကြီးကားနဲ့ ပို့တာပေါ့” ဟု နယ်စည်းမခြားပရဟိတ (သီပေါ) မှ ကိုမျိုးက ပြောသည်။

နယ်စည်းမခြားပရဟိတအဖွဲ့ (သီပေါ) ကို ၂၀၁၂ ခုနှစ်တွင် စတင်ဖွဲ့စည်းခဲ့ခြင်းဖြစ်ပြီး ၂၀၁၇ ခုနှစ်တွင် နယ်စည်းမခြားပရဟိတ အဖွဲ့နာမည်ပြောင်းလဲကာ အဖွဲ့ဝင်အင်အား ၃၀ ကျော်ဖြင့် ဖွဲ့စည်းထားသည်။

အရေးပေါ် လူနာတင်ယာဉ်လေးစီးရှိပြီး ယခုအခါ လပြည့်၊ လကွယ်တိုင်း တစ်လလျှင်နှစ်ရက် ကုသပေးသော ကုသိုလ်ဖြစ်အခမဲ့-ဆေးကုခန်းကို ထပ်မံတိုးချဲ့ထားသဖြင့် အဆိုပါ အခမဲ့ဆေးကုသခြင်းလုပ်ငန်းကို တွင်ကျယ်စွာ ဆောင်ရွက်နိုင်ရန် အခက်အခဲများရှိနေကြောင်း နယ်စည်းမခြားပရဟိတ (သီပေါ) မှ ကိုမျိုးက ပြောကြားသည်။

တောင်ငူမြို့နယ် ရန်ကုန်-မန္တလေး လမ်းဟောင်းပေါ်တွင် ဆိုင်ကယ်တစ်စီးက ရပ်ထားသော ၂၂ ဘီးယာဉ်ကို နောက်မှဝင်တိုက်မိပြီး ဆိုင်ကယ်စီးလာသူ တပ်မတော်သားနှစ်ဦး သေဆုံး

ပဲခူးတိုင်းဒေသကြီး တောင်ငူမြို့နယ် မြို့သစ်နယ်မြေရဲစခန်းအပိုင် ရန်ကုန်-မန္တလေး လမ်းမဟောင်းပေါ်တွင် မေ ၁၉ ရက် ညပိုင်းက လမ်းနံဘေးတွင် ရပ်ထားသော ၂၂ ဘီးတွဲကားအား တပ်မတော်သားနှစ်ဦး စီးလာသောဆိုင်ကယ်က နောက်မှဝင်တိုက်မိပြီး ဆိုင်ကယ်စီးလာသူ တပ်သားနှစ်ဦး အခင်းဖြစ်နေရာတွင် သေဆုံးမှုဖြစ်ပွားခဲ့ကြောင်း မြို့သစ်နယ်မြေရဲစခန်းမှ သိရသည်။

ယာဉ်တိုက်မှုဖြစ်စဉ်နှင့် ပတ်သက်ပြီး မြို့သစ်နယ်မြေရဲစခန်းမှူး ရဲအုပ်အောင်လင်းက “ရှေ့ကရပ်ထားတဲ့တွဲကားကို နောက်ကနေ ၀ုန်းဆိုပြီးတော့ ၀င်တိုက်တာပေါ့။ ဆိုင်ကယ်နဲ့ ၂၂ ဘီးကားရဲ့နောက် ဘယ်ဘက်ချောင်ကို တည့်တည့်ဝင်အောင်းတာ။ ဆိုင်ကယ်မောင်းတဲ့တပ်သားက မျက်နှာနဲ့တည့်တည့်ရိုက်ပြီး ပါးကွဲသွားတာ။ သေတာကတော့ အခင်းဖြစ်တဲ့နေရာမှာပဲသေတာ။ ဆိုင်ကယ်စီးလာတဲ့ နှစ်ယောက်စလုံးဆုံးသွားတာပေါ့။ အမှုဖွင့်တာကတော့ ဆိုင်ကယ်မောင်းတဲ့ တပ်သားဖိုးဖြူကို အမှုဖွင့်ထားပါတယ်။ သူတို့ကမှားတာဆိုတော့ သူတို့ကိုပဲဖွင့်ရတာလေ” ဟုပြောကြားသည်။

ဖြစ်စဉ်မှာ မေ ၁၉ ရက် ည ၁၁ နာရီခန့်က မြို့သစ်နယ်မြေရဲစခန်းအပိုင် ကေတုမတီမြို့သစ် တပင်ရွှေထီးရပ်ကွက် ရန်ကုန်-မန္တလေး လမ်းမဟောင်း မိုင်တိုင်အမှတ် ၁၈၆ ယာဉ်မောင်း စောကလိုထူး (၂၈ နှစ်) မောင်းနှင်သည့် ဘိလပ်မြေအိတ်တင်သည့် ၂၂ ဘီး၊ နောက်တွဲယာဉ်ပါ အဖြူရောင်ယာဉ်အား လမ်းမအတိုင်း (မြောက်မှတောင်) ညာဘက်ယာဉ်ကြော၏ အပြင်လမ်း ၁၀ ပေအတွင်း ရှေ့နောက်မီးများဖွင့်ကာ ရပ်တန့်ထားစဉ် လားရာတူအတိုင်း မြောက်မှတောင်သို့ လကတ (၃၀၂၉) မှ တပ်သားဖိုးဖြူ (၂၄ နှစ်) (ဘ) ဦးစိုးမောင်းနှင်လာပြီး နောက်တွင် တပ်သားစိုးမင်းအောင် (၂၀ နှစ်) (ဘ) ဦးဝင်းနိုင်ဦး (အရပ်ဝတ်ဖြင့်) လိုက်ပါစီးနင်းလာသော ဖီကွန် ၁၁၀ အမျိုးအစား အနက်ရောင်ဆိုင်ကယ်က အရှိန်မထိန်းနိုင်ဘဲ ရပ်ထားသော ၂၂ ဘီးတွဲကား၏ နောက်ပိုင်းအား ၀င်တိုက်မိခဲ့ခြင်းဖြစ်ပြီး ဆိုင်ကယ်စီးလာသူ တပ်သားနှစ်ဦး အခင်းဖြစ်နေရာတွင် သေဆုံးမှုဖြစ်ပွားခဲ့ခြင်း ဖြစ်ပွားသည်။

မြောက်ဦးမြို့နယ် လေးမြို့မြစ်အတွင်း စည်းကမ်းမဲ့ မြစ်ကျောက်ထုတ်လုပ်နေမှုကြောင့် ကမ်းပါးပြိုကျခြင်း၊ ကိုင်းကျွန်းမြေပြိုကျ ဆုံးရှုံးခြင်းများဖြစ်ပေါ်နေပြီး မြစ်ကမ်းတစ်လျှောက် ကျေးရွာများ၏ လူမှုစီးပွားဘ၀ ထိခိုက်နေ

လေးမြို့မြစ်အတွင်း ကျောက်ထုတ်နေသည့် မော်တော်များအား တွေ့ရစဉ် (Photo: Khaing Morn Twan)

လေးမြို့မြစ်အတွင်း စည်းကမ်းမဲ့ မြစ်ကျောက်ထုတ်လုပ်မှုကြောင့် ကမ်းပါးများ အတိုင်းထက်အလွန် ပြိုကျခြင်း ကျေးရွာနယ်မြေများ ဆုံးရှုံးမှုများလာခြင်း ကိုင်းကျွန်းမြေများပေါ်တွင် လုပ်စားနေသော တောင်သူများပိုင် ကိုင်းကျွန်းမြေများ ပြိုကျဆုံးရှုံးခြင်း၊ မြစ်ကမ်းတစ်လျှောက်ရှိ ကျေးရွာများ၏ လူမှုစီးပွားများ ထိခိုက်လာခြင်းများ ဖြစ်ပေါ်နေကြောင်း သိရသည်။

“လေးမြို့မြစ်မှာ ကျောက်ထုတ်ထုတ်တဲ့အတွက် ကျွန်တော်တို့ ပုရိန်ကုန်းကျေးရွာက လယ်မြေတွေ ကမ်းပါးပြိုကျရာမှာ ပါသွားပါတယ်။ ကျွန်တော်တို့ ဇင်္ဂလကုန်းကျေးရွာသားတွေက သက်ဆိုင်ရာကို တိုင်ပေမယ့် ဘာမှညွှန်ကြားတာမရှိလို့ ကျောက်ကို ထုတ်မြဲတိုင်းထုတ်နေပါတယ်။ ကျောက်ထုတ်တဲ့လှေတွေက နေ့ရောညပါ ထုတ်နေတာဖြစ်ပါတယ်။ ညအချိန်ဆိုရင် ကျွန်တော်တို့ ဟန့်တားလို့မရအောင် ဖောက်ခွဲသံတွေတောင် ထွက်ပါတယ်။ ဒီလိုကျောက်ထုတ်တာဟာ လေးနှစ်လောက်ရှိပါပြီ။ အရင်တုန်းက သဘာဝဘေးရေကြီးရေလျှံလို့ ကမ်းပြိုတာက တစ်နှစ်ကို ၁၅ ပေလောက်ရှိပေမယ့် အခုဆိုရင် ပေတစ်ရာကျော်ထိ ကမ်းပြိုတာ ဖြစ်ပေါ်ပါတယ်။ ဒီလိုသာ ဆက်လက်ကျောက်ထုတ်နေမယ်ဆိုရင် ကျွန်တော်တို့ကျေးရွာတောင် ပြောင်းရွှေ့ရမယ့် အနေအထားဖြစ်ပါတယ်။ ကျောက်ထုတ်တဲ့လှေတွေကို ဟန့်တားပေမယ့် သူတို့က သက်ဆိုင်ရာခွင့်ပြုချက်နဲ့ ထုတ်တာလို့ပြောပါတယ်။ ကျွန်တော်တို့က ကမ်းပါးနဲ့ နီးနီးလေးမှာ လာမထုတ်ဖို့ သွားပြောတာပါ။ ကျွန်တော်တို့လိုလားတာက ရွာနားမှာ လာပြီးကျောက်မထုတ်ဖို့နဲ့ ပြိုပျက်သွားတဲ့ လယ်ယာမြေတွေအတွက် လျော်ကြေးတောင်လိုချင်ပါတယ်။ ဒါနဲ့လည်း ကျွန်တော်တို့ သက်ဆိုင်ရာတိုင်ဖို့ လုပ်နေပါတယ်” ဟု မြောက်ဦးမြို့နယ် ပုရိန်ကုန်းကျေးရွာသား ဦးခင်မောင်ဇော်က ပြောသည်။

ပုရိန်ကုန်းကျေးရွာသည် မြောက်ဦးမြို့နယ်အတွင်း လေးမြို့မြစ်ကမ်းပါးတွင် တည်ရှိသည့် အိမ်ခြေ ၆၀ ခန့်ရှိသော ကျေးရွာဖြစ်ပြီး နှစ်စဉ်ကမ်းပါးပြိုမှုကို ခံစားနေရကာ လယ်ယာမြေဆုံးရှုံးနေမှုများ ရှိနေကြောင်းလည်း သိရသည်။ အလားတူ ဇင်္ဂလကုန်း၊ ရှောက်ပုံကျွန်းအစရှိသည့် ကျေးရွာများတွင်လည်း ယင်းသို့ကမ်းပါးပြိုခြင်းများ ဖြစ်ပေါ်နေကြောင်း သိရသည်။

တောင်သူလယ်သမားများ ဥပဒေပြု အထောက်အကူပြုကွန်ရက်မှ စီမံကိန်းမန်နေဂျာ ကိုကျော်ထွေးက “အဓိကကတော့ ဒီဒေသခံတောင်သူတွေကို ရိုက်ခတ်မှုတွေက ဒေသခံတွေရဲ့ လယ်မြေတွေ ကမ်းပါးပြိုရာမှာပါနေတယ်။ ဘာကြောင့်ဒီလိုဖြစ်ရလဲဆိုတော့ ကျောက်ကြီးကျောက်ကို ထုတ်တဲ့အခါမှာ အောက်ခံကျောက်မာမရှိလို့။ နောက်ပြီးတော့ ကျေးရွာရဲ့ကမ်းနဲ့ကပ်ပြီးတော့ စုပ်တဲ့အခါမှာ မြစ်အောက်ခြေမှာ အမာခံကျောက်မရှိလို့ ကမ်းပါးတွေဟာ တစ်နှစ်ထက်တစ်နှစ် ပြိုလာတယ်။ အရင်တုန်းကလည်း သဘာဝဘေးအန္တရာယ်ကြောင့်လည်း ကမ်းပြိုတာရှိတယ်။ ဒါပေမဲ့ မြစ်ကျောက်ထုတ်ပြီးတော့ နောက်ပိုင်းမှာ ပိုပြီးပြိုလာတယ်။ အရင်က နှစ်တောင်လောက်ပြိုပေမယ့် အခုဆိုရင် လယ်ယာမြေတွေဟာ ဧက၀က်၊ တစ်ဧက အဲဒီလိုကမ်းပြိုတာတွေ ဖြစ်လာပါတယ်။ တောင်သူတွေမှာ လုပ်ကိုင်စားသောက်ရာမှာ အခက်အခဲဖြစ်လာတယ်။ ဥပမာ ရှောက်ပုံကျွန်းမှာဆိုရင် ကျောက်ထုတ်လို့ထွက်လာတဲ့ ကျောက်စရစ်ခဲတွေက ကမ်းပေါ်ကိုတင်လာပြီးတော့ အဲဒီကျောက်စရစ်တွေရဲ့ အပူချိန်ကြောင့် စိုက်ပျိုးလို့မဖြစ်တာတွေဖြစ်လာတယ်။ ရှောက်ပုံကျွန်းဆိုရင် ကမ်းပြိုတာဆက်ရှိနေရင် ရွာလည်း ပြောင်းရမယ့်အနေအထားရှိတယ်။ ရှောက်ပုံကျွန်းမှာက လယ်ယာမြေမရှိဘူး။ ကိုင်းကျွန်းမြေမှာ လုပ်စားနေကြတာ။ ဒီကျွန်းကြီးပြိုကျသွားရင် ရွာလည်း ပျောက်သွားမယ့်အနေအထားရှိတယ်။ နောက်ပြီးတော့ ပုရိန်ကုန်းတို့၊ ဇင်ကလကုန်းတို့ဘက်မှာလည်း ကျေးရွာကမ်းပါးပြိုလို့ စိုက်ပျိုးမြေတွေ ဆုံးရှုံးနေတယ်ဆိုတာ လေ့လာသိရှိရပါတယ်” ဟုပြောကြားသည်။

ကျေးရွာသားများက အဆိုပါကျောက်ထုတ်နေသည့် ဘုတ်များအား ဟန့်တားမှုများရှိသော်လည်း ထိရောက်မှုမရှိကြောင်း သိရသည်။

“ပုရိန်ကုန်းတို့၊ ဇင်္ဂလကုန်းတို့ ရှောက်ပုံကျွန်းတို့က တစ်ရွာလုံး သွားဟန့်တားတာရှိတယ်။ ဒါပေမဲ့ သူတို့ကဟန့်တဲ့အခါမှာ နည်းနည်းလေး ကမ်းကခွာပေးတယ်။ ပြီးရင် လာပြီးထုတ်တယ်။ အများအားဖြင့် သူတို့က ဥပဒေနဲ့အညီ ထုတ်ပေးထားတဲ့လိုင်စင် မရှိဘူးလို့သိရတယ်။ ဒါပေမဲ့ ပိုင်ရှင်က ဘယ်သူလဲဆိုတာ၊ ဘယ်ကလာစုပ်တာလဲဆိုတာကလည်း ရွာသားတွေမသိကြဘူး။ ဥပမာ ဇင်ဂလကုန်းတို့ဆိုရင် မြို့နယ်ကိုသွားတိုင်တယ်။ မြို့နယ်က တစ်ခါလာပြီးရှင်းပေးတယ်။ ကမ်းကနေ ကိုက်လေးရာအကွာမှာသာ ထုတ်ဖို့ပြောတယ်။ ဒါပေမဲ့ နောက်တော့ကမ်းပါးနားမှာ လာပြီးကျောက်ထုတ်တယ်။ ဒါကို ထပ်တိုင်တော့ လာပြီးဖြေရှင်းအရေးယူပေးတာမရှိဘူးပေါ့နော်။ နောက်ဆုံးသွားဟန့်တားတဲ့အခါ မင်းပြားနယ်က ထုတ်ပေးထားတဲ့ လိုင်စင်တစ်ခုနဲ့ ဘုတ်တစ်စင်းတွေ့တယ်။ နောက်တစ်စင်းမှာကျတော့ မြောက်ဦးမြို့နယ်က ထုတ်ပေးထားတဲ့ ခွင့်ပြုချက်ပုံစံလေးတွေ သွားတွေ့ရတယ်။ မင်းပြားကလူပြောတာက ငါတို့မှာ ခွင့်ပြုချက်ရှိတယ်။ ဒီမှာ လိုင်စင်လို့ပြောတယ်။ ကြည့်လိုက်တော့ မင်းပြားနယ်ဘက်မှာစုပ်ဖို့ ခွင့်ပြုချက်ပေးထားတာ ဖြစ်နေတယ်။ ရွာသားတွေက ကမ်းနားမှာလာမထုတ်ဖို့ မေတ္တာရပ်ခံတယ်။ သူတို့က ဆုတ်ပေးတယ်။ ဒါပေမဲ့ မကြာပါဘူး။ လာပြီး ထပ်စုပ်တယ်” ဟု တောင်သူလယ်သမားများ ဥပဒေပြုအထောက်အကူပြုကွန်ရက်မှ စီမံကိန်းမန်နေဂျာ ကိုကျော်ထွေးက ပြောသည်။

ယင်းကဲ့သို့ ကျောက်ထုတ်နေသည့် ဘုတ် ၁၅ စင်းခန့်ရှိပြီး တစ်နေ့လျှင် ကျောက်သယ်လာသည့် ဘုတ်အစင်းရေ တစ်ရာကျော်ရှိကြောင်းလည်း သိရသည်။ လေးမြို့မြစ်ကြောင်းတစ်လျှောက် ကျောက်ထုတ်သဖြင့် ကမ်းပါးပြိုကျခြင်းများ ဖြစ်ပေါ်နေသည့် ကျေးရွာအများအပြားရှိကြောင်းလည်း သိရသည်။

ယင်းသို့ တောင်သူများ ထိခိုက်နစ်နာမှုများအား ပြုစုကာ တိုင်ကြားစာကို ရပ်ကျေးအဆင့်မှ ပြည်နယ်အစိုးရထံ သက်ဆိုင်ရာ မြစ်ချောင်းထိန်းသိမ်းရေးဌာန၊ သတ္တုတွင်းဌာန၊ ပြည်ထဲရေးဌာနများကိုပါ ပို့ဆောင်သွားမည်ဖြစ်ကြောင်း သိရသည်။

“ကျွန်တော်တို့က မြစ်ကျောက်ထုတ်တဲ့သူတွေကို သူတို့ရဲ့စီးပွားလည်း မပျက်စီးစေချင်ပါဘူး။ မြစ်ကျောက်ထုတ်တဲ့အခါ ဧရိယာသတ်သတ်မှတ်မှတ် လုပ်ပေးစေချင်တယ်။ တကယ့် ရွာသူရွာသားတွေ လုပ်စားနေတဲ့ လေးမြို့မြစ်တစ်လျှောက်နားမှာ မလုပ်စေချင်ဘူး။ လူသူတွေနဲ့၊ ကျေးရွာတွေနဲ့ ကင်းဝေးတဲ့နေရာမှာ သွားထုတ်စေချင်တယ်။ ဥပဒေနဲ့မညီသူတွေကိုလည်း ထိထိရောက်ရောက် အရေးယူပေးစေချင်တယ်။ နစ်နာတဲ့တောင်သူတွေကို ဘုတ်ပိုင်ရှင်တွေက လျော်ကြေးပေးနိုင်အောင် အစိုးရက လုပ်ပေးစေချင်တယ်” ဟု တောင်သူလယ်သမားများ ဥပဒေပြု အထောက်အကူပြုကွန်ရက်မှ စီမံကိန်းမန်နေဂျာ ကိုကျော်ထွေးက ဆိုသည်။

တစ်ဖက်နှင့်တစ်ဖက် တိုက်ခိုက်ခြင်းသည် ထာဝရငြိမ်းချမ်းရေး ရရှိမည်မဟုတ်သလို ထာဝရငြိမ်းချမ်းရေး ရရှိစေရန်အတွက် မျှတအောင် ဆွေးနွေးညှိနှိုင်းမှသာလျှင် တကယ့်ထာဝရငြိမ်းချမ်းရေး ရရှိမည်ဖြစ်ကြောင်း ပြည်ထောင်စုဝန်ကြီး ဒေါက်တာဝင်းမြတ်အေး ပြောကြား

မုံရွာမြို့တော် ခန်းမဆောင်တွင် ကျင်းပခဲ့သည့် စစ်ကိုင်းတိုင်းဒေသကြီးအတွင်းရှိ မသန်စွမ်းသူများ၊ မိခင်ဝိုင်းများနှင့် သုံးမြွှာပူးမွေးမိခင် ထောက်ပံ့ပေးအပ်ခြင်း အခမ်းအနားကို မေ ၂၀ ရက်က တွေ့ရစဉ်

တစ်ဖက်နှင့်တစ်ဖက် တိုက်ခိုက်ခြင်းသည် ထာဝရငြိမ်းချမ်းရေး ရရှိမှာမဟုတ်သလို၊ ထာဝရငြိမ်းချမ်းရေး ရရှိစေရန်အတွက် မျှတအောင် ဆွေးနွေးညှိနှိုင်းမှသာလျှင် တကယ့်ထာဝရငြိမ်းချမ်းရေး ရရှိမှာဖြစ်ကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

မေ ၂၀ ရက် နံနက်ပိုင်း မုံရွာမြို့တော် ခန်းမဆောင်တွင် ကျင်းပခဲ့သည့် စစ်ကိုင်းတိုင်းဒေသကြီးအတွင်းရှိ မသန်စွမ်းသူများ၊ မိခင်ဝိုင်းများနှင့် သုံးမြွှာပူးမွေးမိခင် ထောက်ပံ့ပေးအပ်ခြင်း အခမ်းအနားတွင် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အထက်ပါအတိုင်း ပြောကြားခဲ့ခြင်းဖြစ်သည်။

“သမ္မတကြီးက ထုတ်ပြောထားတာလည်းရှိတယ်။ ဒါဟာဘာလည်းဆိုရင် အမျိုးသားရင်ကြားစေ့ရေးနဲ့ ပြည်တွင်းငြိမ်းချမ်းရေး။ ဒါဟာ ကျွန်တော်တို့အစိုးရ စတက်ကတည်းက တိုင်းရင်းသားအရေးနဲ့ ပြည်တွင်းငြိမ်းချမ်းရေးကို ဦးစားပေးဆောင်ရွက်မယ်ဆိုပြီး ထိပ်ဆုံးက ဆောင်ရွက်နေတဲ့တစ်ခု ဖြစ်ပါတယ်။ အဲဒီတော့ ဒါနဲ့ပတ်သက်ပြီးတော့ ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံကနေတစ်ဆင့် စားပွဲဝိုင်းဆွေးနွေးခြင်းနဲ့ အနိုင်ယူမယ်။ တစ်ဖက်နဲ့တစ်ဖက် တိုက်တယ်၊ ခိုက်တယ်ဆိုတာ ခဏလေးငြိမ်သွားမှာ မဟုတ်တာ။ ထာဝရငြိမ်းချမ်းရေးမရနိုင်ဘူး။ ထာဝရငြိမ်းချမ်းရေးအတွက်က မျှတအောင် ဆွေးနွေးညှိနှိုင်းဆောင်ရွက်ပြီး အပေးအယူလုပ်ပြီးတော့ မျှတအောင်ဖြစ်သွားမှ ကျွန်တော်တို့ တကယ့်ထာဝရငြိမ်းချမ်းရေးရရှိမယ်” ဟု ဒေါက်တာဝင်းမြတ်အေးက ဆိုသည်။

ထာဝရငြိမ်းချမ်းရေးရရှိစေရန်အတွက် တစ်ဖက်သတ်စဉ်းစား၍မရကြောင်း၊ မျှမျှတတစဉ်းစားရမှာဖြစ်ပြီး ကိုယ်ချင်းစာစိတ်ရှိရန်လည်း လိုအပ်ကြောင်း၊ နည်းမျိုးစုံဖြင့် စားပွဲဝိုင်းဆွေးနွေးခြင်းများလည်း လုပ်ဆောင်နေပြီး၊ ပြည်ထောင်စုငြိမ်းချမ်းရေးညီလာခံ တတိယအစည်းအဝေးကို မကြာခင်ဆောင်ရွက်သွားမှာဖြစ်ကြောင်း၊ ဆောင်ရွက်မှုတိုင်းတွင် ပြည်ထောင်စုငြိမ်းချမ်းရေးညီလာခံ ၂၁ ရာစု အစည်းအဝေးပြီးတိုင်းမှာလည်း ပြည်ထောင်စု၏ သဘောတူညီချက် အစိတ်အပိုင်းများလည်း ထုတ်ပြန်ကြောင်း ၎င်းကဆိုသည်။

လက်ရှိတွင် ထုတ်ပြန်ထားသည့် အချက်ပေါင်း ၃၇ ချက် ရှိသွားပြီဖြစ်ကြောင်း၊ ထုတ်ပြန်ထားသည့် အချက်များသည် အားလုံးစုစည်းပြီးသွားသည့်အခါမှာ အားလုံးလိုလားသည့် ဖက်ဒရယ်ဒီမိုကရေစီ ပြည်ထောင်စုကြီး ပေါ်ထွက်ရေးအတွက်သာဖြစ်ကြောင်း ၎င်းက ဆက်လက်ပြောကြားသည်။

ထို့ပြင် ပြည်ထောင်စုစိတ်ဓာတ်အား အခြေခံကာ တကယ့်စည်းစည်းလုံးလုံးဖြင့် ပြည်ထောင်စုကြီးအား တည်ထောင်မှာဖြစ်ပြီး၊ တည်ထောင်သည့် ပြည်ထောင်စုကြီးတွင် ဖက်ဒရယ်မူနှင့်သာ သွားမည်ဖြစ်ကြောင်း၊ ဖက်ဒရယ်ဆိုတာသည် မိမိဘာသာ အုပ်ချုပ်ပိုင်ခွင့်ရှိသော်လည်း ပြည်ထောင်စုစိတ်ကို အခြေခံထားသည့် အတွက်ကြောင့်မို့လို့ တစ်စိတ်တည်း တစ်ဝမ်းတည်းနှင့်သာ ပြည်ထောင်စုမြန်မာနိုင်ငံ တစ်ခုလုံးကြီး၏ ပြည်ထောင်စုစိတ်ဓာတ်ဖြင့် ဆောင်ရွက်သည့် ပြည်ထောင်စု ဖက်ဒရယ်ဒီမိုကရေစီ နိုင်ငံတော်ကြီးသာဖြစ်ကြောင်း ၎င်းကပြောကြားသည်။

YBS 21 ယာဉ်တစ်စီးက ကွန်တိန်နာယာဉ်ကို တိုက်မိပြီး ရှစ်လအရွယ် ကလေးတစ်ဦးအပါအ၀င် ကိုးဦးဒဏ်ရာရ

အင်းစိန်မြို့နယ်တွင် YBS 21 ယာဉ်တစ်စီးက ကွန်တိန်နာယာဉ်အား ၀င်တိုက်မိမှုဖြစ်ပွားခဲ့ပြီး ရှစ်လအရွယ် ကလေးတစ်ဦးအပါအ၀င် ကိုးဦး ဒဏ်ရာရရှိခဲ့ကြောင်း မေ ၂၀ ရက်တွင် ယာဉ်ထိန်းရဲတပ်ဖွဲ့မှ သိရသည်။

မေ ၁၉ ရက် ည ၁၀ နာရီခွဲခန့်တွင် အင်းစိန်မြို့နယ်၊ မင်းကြီးလမ်းအတိုင်း မောင်းနှင်လာသည့် YBS 21 ယာဉ်တစ်စီးသည် မညကမှတ်တိုင် အလွန်အရောက်တွင် အရှိန်လွန်ကာ တစ်ဖက်ယာဉ်ကြောသို့ရောက်ရှိပြီး တစ်ဖက်ယာဉ်ကြောမှ မောင်းနှင်လာသည့် ကွန်တိန်နာယာဉ်တစ်စီးကို ၀င်တိုက်မိခဲ့ကြောင်း သိရသည်။

ယင်းသို့ဝင်တိုက်မိမှုကြောင့် ယာဉ်နှစ်စီးပျက်စီးခဲ့ပြီး YBS 21 ယာဉ်မောင်းနှင့် ယင်းယာဉ်ပေါ်ပါသူ ခုနစ်ဦး၊ ကွန်တိန်နာယာဉ်ပေါ်ပါ ရှစ်လအရွယ်ကလေးတစ်ဦးနှင့် အမျိုးသမီးတစ်ဦး စုစုပေါင်းကိုးဦးမှာ ဒဏ်ရာအသီးသီးရရှိခဲ့ပြီး အင်းစိန်ဆေးရုံတွင် ဆေးကုသမှုခံယူနေရကြောင်း သိရသည်။

အဆိုပါဖြစ်စဉ်မှ YBS 21 ယာဉ်မောင်းအား အင်းစိန်မြို့မရဲစခန်းက ယာဉ်(ပ)၃၇/ ၂၀၁၈၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့်အမှုဖွင့်ကာ အရေးယူဆောင်ရွက်နေကြောင်း သိရသည်။