Local

ရန်ကုန်တက္ကသိုလ် ကျောင်းသားသမဂ္ဂ အဆောက်အအုံ တည်ဆောက်ရန် ကျပ် ၅ ဒသမ ၂ ဘီလျံ ခွင့်ပြုထား

ရန်ကုန်တက္ကသိုလ် ကျောင်းသားသမဂ္ဂ အဆောက်အအုံ တည်ဆောက်ရန်အတွက် ကျပ် ၅ ဒသမ ၂ ဘီလျံ ခွင့်ပြုထားကြောင်း ပညာရေးဝန်ကြီးဌာန တာဝန်ရှိသူများက ပြောကြားသည်။

သမဂ္ဂအဆောက်အအုံအတွက် ဘတ်ဂျက်ကို ၂၀၁၇-၂၀၁၈ ခုနှစ် ဘတ်ဂျက်တွင် အတည်ပြုထားကြောင်း၊ တည်ဆောက်ရာတွင် နဂိုသမဂ္ဂနေရာဟောင်း၏ ဧရိယာကို လွှမ်းခြုံနိုင်စေရန်အတွက် ပုံစံအဆိုပြုထားကြောင်း ပညာရေးဝန်ကြီးဌာန၊ အဆင့်မြင့်ပညာ ဦးစီးဌာန ညွှန်ကြားရေးမှူးချုပ် ဦးသိန်းဝင်းက ပြောကြားသည်။

ရန်ကုန်ကမ်းနားလမ်း အနိမ့်ပိုင်း ညဈေးတန်း မြစ်ရေလျှံခဲ့ပြီး မိုးရာသီတွင် ဈေးရောင်းရန် အခက်အခဲ ဖြစ်ပေါ်လာမည်ကို ဈေးသည်များ စိုးရိမ်နေ

ရန်ကုန်မြို့ ကမ်းနားလမ်း အနိမ့်ပိုင်း ညဈေးတန်း မြစ်ရေလျှံခဲ့ပြီး မိုးရာသီတွင် ဈေးရောင်းချရန် အခက်အခဲ ဖြစ်ပေါ်လာမည်ကို ဈေးသည်များ စိုးရိမ်လျက်ရှိကြောင်း ဧပြီ ၂၆ ရက်တွင် ဈေးသည်များ၏ ပြောကြားချက် အရသိရသည်။

ယခုရက်ပိုင်းတွင် ရန်ကုန်မြစ် ဒီရေတက်မှုကြောင့် ကမ်းနားလမ်း အနိမ့်ပိုင်း ညဈေးတန်းတွင် နှစ်ရက်၊ သုံးရက်ခန့် ဆက်တိုက် ရေတက်နိုင်ကြောင်း၊ ဧပြီ ၂၆ ရက် မွန်းလွဲပိုင်းက တစ်ပေခန့်ရှိသည့်ရေများ တစ်နာရီခန့် လျှံတက်ခဲ့ကြောင်း၊ အနိမ့်ပိုင်းများဖြစ်သည့် ၁၈ လမ်းဝန်းကျင်မှ ၂၄ လမ်းဝန်းကျင်အထိ တက်ရောက်ခဲ့ခြင်းဖြစ်ကြောင်း ဈေးသည်များ၏ ပြောကြားချက်အရ သိရသည်။

လှိုင်သာယာမြို့နယ် အတွင်းရှိ ကျူးကျော်နေထိုင်သူစာရင်း ကောက်ခံနေပြီး အထောက်အထား ကတ်ပြားများ ထုတ်ပေးနေ

ရန်ကုန်တိုင်းဒေသကြီး လှိုင်သာယာမြို့နယ် အတွင်းရှိ ကျူးကျော်နေထိုင်သူများအား စာရင်းများ ကောက်ခံနေပြီး အထောက်အထား ကတ်ပြားများ ထုတ်ပေးလျက်ရှိကြောင်း သိရသည်။

ကျူးကျော်စာရင်းများ ကောက်ခံနေသည့် စီမံကိန်းအား ရန်ကုန်တိုင်းဒေသကြီး ဖွံ့ဖြိုးရေးသုတေသနစီမံကိန်း၊ ကျူးကျော်နေထိုင်သူများ စာရင်းကောက်ယူရေး စီမံချက်ဖြင့် ၂၀၁၆ ခုနှစ် စက်တင်ဘာမှစတင် ဆောင်ရွက်ခြင်းဖြစ်ပြီး တောင်ဒဂုံ၊ ဒဂုံဆိပ်ကမ်း၊ မြောက်ဒဂုံ၊ မြောက်ဥက္ကလာပ၊ သာကေတ၊ သန်လျင်၊ ကျောက်တန်း၊ ဒလ၊ ဒဂုံဆိပ်ကမ်း၊ မရမ်းကုန်း စသည့်မြို့နယ်များတွင် ကျူးကျော်စာရင်း ကောက်ခံပြီးစီးခဲ့ပြီး ဖြစ်သည်။

ချောင်းသာကျေးရွာအုပ်စု အတွင်းရှိ ဂွေးချိုချောင်းအနီး သံချောင်းထိုးစိုက် သေဆုံးနေသည့် တောဆင်ရိုင်းအထီးတစ်ကောင် တွေ့ရှိ

ဧရာဝတီတိုင်းဒေသကြီး ပုသိမ်မြို့နယ် ချောင်းသာကျေးရွာအုပ်စု ဂွေးချိုရွာအိမ်စု အရှေ့မြောက်ဘက် ငါးဖာလုံခန့်အကွာရှိ ဂွေးချိုချောင်းနံဘေးတွင် သံချောင်းထိုးစိုက် သေဆုံးနေသည့် ဆင်ထီးတစ်ကောင်အား ဧပြီ ၂၆ ရက်က တွေ့ရှိခဲ့ကြောင်း သတင်းရရှိသည်။

အဆိုပါ သေဆုံးနေသည့် တောဆင်ရိုင်းမှာ ကျောအလျား ၁၀ ပေ၊ လုံးပတ် ၁၄ ပေ၊ အရပ်အမြင့် ၁၀ ပေ ကိုးလက်မရှိပြီး အစွယ်အရှည် တစ်ပေ လုံးပတ်တစ်လက်မ (အခေါင်း ခြောက်လက်မ) ရှိကာ တင်ပါးအနီးတွင် ငါးမူးလုံးခန့်ရှိ သံချောင်းတစ်ချောင်း ထိုးစိုက်သေဆုံးနေကြောင်း သိရသည်။

ဗိုလ်ချုပ်အောင်ဆန်းတံတား (ဘီလူးကျွန်း) ကို ယနေ့စတင် အသုံးပြုနိုင်မည်ဖြစ်ကြောင်း မွန်ပြည်နယ်ဝန်ကြီးချုပ် ဆို

မွန်ပြည်နယ်ရှိ ဗိုလ်ချုပ်အောင်ဆန်းတံတား (ဘီလူးကျွန်း) ကို ယနေ့စတင် အသုံးပြုနိုင်မည်ဖြစ်ကြောင်း မွန်ပြည်နယ်ဝန်ကြီးချုပ် ဒေါက်တာအေးဇံက သူ၏ လူမှုကွန်ရက် စာမျက်နှာတွင် ဖော်ပြထားသည်။

“မနက်ဖြန် ၂၇.၄.၂၀၁၇ မနက် ၅ နာရီမှ ည ၁၀ နာရီအထိ ဗိုလ်ချုပ်အောင်ဆန်း တံတား (ဘီလူးကျွန်း) မှ စတင် ပြည်သူအပေါင်း ဖြတ်သန်းနိုင်ပါပြီ။ မွန်ပြည်နယ် တိုးတက်ပါစေ။ ပြည်သူအပေါင်း နှလုံးစိတ်ဝမ်းအေးချမ်းပါစေ” ဟု မွန်ပြည်နယ်ဝန်ကြီးချုပ် ဒေါက်တာအေးဇံက ရေးသားထားသည်။