ဖြိုးငွေစိုးနှင့် တွေ့ဆုံခြင်း

သရုပ်ဆောင်တစ်ဦးအနေနဲ့ အနုပညာနယ်ပယ်ထဲမှာ ဖြည်းဖြည်းမှန်မှန် ခြေလှမ်းတွေနဲ့ လျှောက်လှမ်းခဲ့သူ အနုပညာရှင်တစ်ဦးကတော့ ဖြိုးငွေစိုးပါ။ သူပိုင်နိုင်ရာ ဇာတ်ရုပ်ကိုသာ အကောင်းဆုံးကြိုးစားခဲ့သူ ဖြစ်တာနဲ့အညီ သူ့ရဲ့အနုပညာအပေါ် ပရိသတ်တွေရဲ့အားပေးမှုကို အမြဲရရှိခဲ့သူတစ်ဦးပါ။ မေ ၂၅ ရက်မှာတော့ သူပါဝင်သရုပ်ဆောင်ထားတဲ့ ‘မေတ္တာထားတာ အဟုတ်ကိုပဲ’ ဇာတ်ကားမှာ အဟုတ်ဆိုတဲ့ ဇာတ်ကောင်စရိုက်နဲ့တွေ့မြင်ရမယ့် ဖြိုးငွေစိုးနဲ့ တွေ့ဆုံခိုက် လတ်တလော အနုပညာလှုပ်ရှားမှုတွေ၊ သူလျှောက်လှမ်းခဲ့တဲ့ အနုပညာမှတ်တိုင်တွေအပြင် ‘မေတ္တာထားတာအဟုတ်ကိုပဲ’ ဇာတ်ကားကြီးနဲ့ ပတ်သက်တဲ့အကြောင်းအရာတွေကို တွေ့ဆုံမေးမြန်းဖြစ်ခဲ့ပါတယ် …

■ မေး – လတ်တလော လုပ်ဖြစ်နေတဲ့ အနုပညာလှုပ်ရှားမှုတွေကို အရင်သိချင်ပါတယ်။
ဖြေ – ဇာတ်လမ်းတွဲလေးတစ်ခု ရိုက်ဖို့အတွက် ကျွန်တော်တို့တွေ ပြင်ဆင်နေတာတွေရှိတယ်။ နောက်ပြီးတော့ ဇွန် ၁ ရက်မှာ ရုပ်ရှင်ကားကြီးတစ်ကား ရိုက်ကူးဖို့လည်း ရှိပါတယ်။ ကျွန်တော်တို့ စိတ်တူကိုယ်တူ သူငယ်ချင်းတွေစုပြီး ဇာတ်ညွှန်း၊ ဒါရိုက်တာမင်းသားစသည်ဖြင့် အုပ်စုလေးဖွဲ့ပြီး အနုပညာဖန်တီးမှုတွေ လုပ်ဖြစ်နေပါတယ်။ အဲဒီအနုပညာလှုပ်ရှားမှုတွေကိုလည်း ပရိသတ်တွေ မကြာခင် သိမြင်ရတော့မှာပါ။

■ မေး – မကြာခင် ရုံတင်ပြသတော့မယ့် ‘မေတ္တာထားတာ အဟုတ်ကိုပဲ’ ရုပ်ရှင်ဇာတ်ကားမှာ ဘယ်လိုဇာတ်ကောင်စရိုက်မျိုးနဲ့ ပါဝင်ထားလဲ သိပါရစေ။
ဖြေ – ‘မေတ္တာထားတာအဟုတ်ကိုပဲ’ ဇာတ်ကားမှာ ကျွန်တော်က အဟုတ်ဆိုတဲ့ဇာတ်ကောင်အနေနဲ့ ပါဝင်သရုပ်ဆောင်ထားပါတယ်။ အဲဒီဇာတ်လမ်းမှာ ကျွန်တော်က လက်ရှိအသက်အရွယ်ထက်ကြီးတဲ့ အသက်အရွယ်မျိုးနဲ့ ပါဝင်သရုပ်ဆောင်ရပါတယ်။ ၀င့်ယမုံလှိုင်ရဲ့ ဦးလေးဖြစ်လောက်မယ့် အရွယ်မျိုးပေါ့။ ဆံပင်အဖြူတွေနဲ့။ ကျွန်တော့်အတွက်တော့ တစ်ခါမှမလုပ်ဖူးတဲ့ ဇာတ်ရုပ်မျိုးဖြစ်နေတော့ ကျွန်တော့်အတွက် ခက်ခက်ခဲခဲလုပ်ရတဲ့ ဇာတ်ရုပ်မျိုးလို့ စိတ်ထဲမှာထင်တယ်။ ကိုယ်ကတော့ အသစ်အဆန်းတစ်ခုကို ကြိုးစားပြီး လုပ်နိုင်ခဲ့တယ်လို့ ခံစားရတယ်။ ကောင်းတယ်ဆိုးတယ် ဆိုတာကတော့ ပရိသတ်တွေက ဆုံးဖြတ်ပေးရမှာပါ။

■ မေး – ကိုဖြိုးဘက်က ဒီဇာတ်ကားအတွက် ဘယ်လိုတွေ ကြိုးစားအားထုတ်ခဲ့ရလဲ သိချင်ပါတယ်။
ဖြေ – သေချာတာတစ်ခုကတော့ ကျွန်တော်လုပ်နေကျ၊ မြင်ဖူးနေကျမဟုတ်တဲ့ အသစ်အဆန်းတစ်ခု၊ ကျွန်တော်မတတ်သေးတဲ့ သင်ခန်းစာသစ်တစ်ခုကို ကြိုးစားပြီး လုပ်ကြည့်ရတာဖြစ်လို့ ပရိသတ်တွေကြည့်တဲ့အခါမှာတော့ ကျွန်တော့်ကို ပရိသတ်တွေက မြင်နေကျမဟုတ်တဲ့ ပုံစံသစ်တစ်ခုနဲ့ မြင်ရမှာဖြစ်လို့ အဲဒါတစ်ခုကတော့ ကျွန်တော့်အတွက် အကျေနပ်ဆုံးတစ်ချက်ပါပဲ။ ကျွန်တော်ကိုယ်တိုင်ကလည်း ကျွန်တော့်ကို ပြောင်းလဲပေးနိုင်မယ့်သူကို တော်တော်မျှော်လင့်တယ်။ ဦးလေး (ဒါရိုက်တာထွန်းအောင်ဇော်) နဲ့ဆို ကျွန်တော်နှစ်ကားရိုက်ထားတယ်။ အဲဒီဇာတ်ကားနှစ်ကားလုံးမှာ ကျွန်တော်အပြောင်းအလဲလေးတွေ လုပ်ရတယ်။ အဲဒီနှစ်ကားလုံးမှာ ကျွန်တော့်အတွက် တော်တော်အသစ်အဆန်းဖြစ်တယ်။ မလုပ်ဖူးတာလေးတွေ လုပ်ရတယ်။ ဒီဇာတ်ကားရိုက်ကူးဖို့အတွက် ဆံပင်ပြင်ဆင်မှုပိုင်းတွေ၊ အ၀တ်အစားတွေကို ဦးလေး (ဒါရိုက်တာ) ဆီကို အဆင်ပြေလားဆိုပြီး လာလာပြရတယ်။ အဲဒီအချိန်တုန်းက ကျွန်တော့်အတွက် အသစ်တစ်ယောက် ဘ၀တုန်းကလိုပဲ ပြင်ဆင်ကြိုးစားဖြစ်တယ်။ ကျွန်တော်တို့မင်းသားဖြစ်စကလိုပဲ ဘယ်ဇာတ်ဝင်ခန်းအတွက် ဘယ်အ၀တ်အစားဆိုတာမျိုးကအစ သေချာပြင်ဆင်ပြီး မရိုက်ခဲ့ရတဲ့အချိန်ကကြားထဲမှာ အချိန်တော်တော်ကြာသွားပြီးမှ ဒီဇာတ်ကားမှာ ကျွန်တော် အဲဒီလိုပြန်ပြီး ပြင်ဆင်ကြိုးစားရိုက်ကူးခွင့်ရခဲ့တဲ့ ဇာတ်ကားပါ။ ကိုယ်တိုင်ကလည်း အလုပ်ကို အလုပ်နဲ့တူအောင် သေချာပြန်လုပ်ချင်နေတဲ့အချိန်မျိုးမှာ ဒီဇာတ်ကားလေးကို ပြန်ရိုက်ကူးခွင့်ရခဲ့တာပါ။ ဒီကားမရိုက်ခင် ရှေ့ပိုင်းကာလ အတော်ကြာလောက်က ရိုက်မယ်ဟေ့ဆိုမှ ထပြင်ဆင်ပြီးရိုက်ခဲ့ရတာမျိုး၊ ကိုယ့်ကိုမရသေးဘူး ပြန်ရိုက်မယ်ဆိုတာမျိုး မကြားခဲ့ရသလို ကိုယ်က ဒီအခန်းလေး ပြန်ရိုက်ပါရစေဆိုရင်တောင်မှ သူတို့က စိတ်ဆိုးချင်တာမျိုးတွေ ကြုံခဲ့ရတာလေ။ ဒီဇာတ်ကားမှာတော့ ကိုယ့်ကိုပြန်ပြီး လေ့လာသင်ယူမှုတွေ ဖြစ်စေခဲ့တယ်လို့ ယူဆသလို သင်ခန်းစာအသစ်တွေ ရတယ်လို့လည်း ခံစားရပါတယ်။

■ မေး – ကိုဖြိုးအနေနဲ့ ဇာတ်လမ်း၊ ဇာတ်ကောင် အရမ်းရွေးချယ်ခဲ့တာက ကိုယ့်ရဲ့အနုပညာလမ်းမှာ ရှေ့ကိုပိုရောက်ဖို့ ခက်ခဲတာမျိုးရှိခဲ့တယ်လို့ ခံစားရလား။
ဖြေ – ရှိခဲ့မှာပါ။ ကျွန်တော့်အနေနဲ့ကတော့ ကျွန်တော်မလုပ်တတ်တဲ့ မိန်းမလျာဇာတ်ရုပ်တွေအပြင် တခြားကျွန်တော်မလုပ်တတ်တဲ့ ဇာတ်ကောင်ပုံစံတွေ ကျွန်တော်နဲ့လိုက်မယ်လို့ မထင်တဲ့ ဇာတ်ကောင်ပုံစံတွေ ကျွန်တော်မလုပ်ဖြစ်ခဲ့ဘူး။ တချို့က ထွင်တယ်လို့ထင်မယ်။ အဲဒါမဟုတ်ပါဘူး။ ပိုက်ဆံရတာပဲ လုပ်ချင်တာပေါ့၊ အဲဒါလုပ်မှ နာမည်ကြီးမယ်ဆို ပိုတောင်လုပ်ချင်သေးတယ်။ ဒါပေမဲ့ ကျွန်တော်မှမလုပ်ရဲတာ၊ မလုပ်တတ်တာ။ အဲဒီလို ကျွန်တော်မလုပ်တတ်တာ၊ မလုပ်ရဲတာတစ်ခုကိုလည်း ပိုက်ဆံအတွက်နဲ့ကြံဖန်ပြီး သည်းခံမလုပ်ခဲ့ဘူး။ ကျွန်တော်သီချင်းမဆိုတတ်တဲ့အတွက် စီဒီဖွင့်ထားပြီး ဟန်ပဲလုပ်နေရမယ်ဆိုတာမျိုးတောင် ကျွန်တော်ပိုက်ဆံရပေမဲ့ သွားမဆိုဘူး။ တစ်ခါတလေကျရင် ကျွန်တော်လုပ်နေတဲ့ ပရော်ဖက်ရှင်နယ်အလုပ်မှာ ဒါမျိုးက ရွေးချယ်ပိုင်ခွင့်၊ ငြင်းပိုင်ခွင့်သိပ်မရှိဘူး။ ဒါမျိုးကို ကျွန်တော်ကရှောင်တယ်၊ ငြင်းတယ်ဆိုတဲ့အခါ အစ်မပြောသလိုပဲ ကျွန်တော့်အနုပညာလမ်းကြောင်းမှာ ထိခိုက်ကောင်း ထိခိုက်နိုင်ပါတယ်။ ဒါပေမယ့် ကျွန်တော်ကတော့ အဲဒါကို ကျွန်တော့်အတွက် အနုတ်လက္ခဏာဆောင်တယ်လို့ မယူဆပါဘူး။ ကျွန်တော်မှ မလုပ်ချင်ခဲ့တာကိုး။ ကိုယ်လုပ်ချင်တာကို လုပ်ပြီးပဲအောင်မြင်တဲ့ နေရာတစ်ခုဆီကို သွားချင်တယ်၊ ပရိသတ်တွေကို အနုပညာတွေ ချပြချင်တယ်။ မလုပ်ချင်တာတွေ၊ မကြိုက်တာတွေ၊ ခံစားလို့မရတာတွေကို ငွေကြေးအတွက်၊ အောင်မြင်မှုအတွက်၊ ပရိသတ်ချစ်ခင်မှုအတွက် ဘာအတွက်မှ ကျွန်တော်မလုပ်ချင်တာကို မလုပ်ဘူး။ ကိုယ်မလုပ်ချင်တာဆိုတော့ စေတနာလည်းမပါတဲ့အတွက် မကောင်းနိုင်ဘူးလေ။

■ မေး – ‘မေတ္တာထားတာ အဟုတ်ကိုပဲ’ ဇာတ်ကားနဲ့ပတ်သက်ပြီး ပရိသတ်တွေကို ပြောချင်တာရှိရင်။
ဖြေ – ဒီဇာတ်ကားမှာက ဟာသအနုပညာကို ပိုင်ပိုင်နိုင်နိုင်လုပ်နိုင်တဲ့ အနုပညာရှင်တွေ အင်အားစုံတယ်။ နောက်တစ်ခုက သရုပ်ဆောင်တွေကို မျိုးဆက်အစုံကြည့်ခွင့်ရမှာဖြစ်ပြီး ပါဝင်ကြတဲ့ အနုပညာရှင်တွေအားလုံးက သူ့နေရာနဲ့သူ အဖြစ်အပျက်အကြောင်းအရာတွေ အစုံကို မျှမျှတတလေး ဇာတ်လမ်းက သွားထားတယ်။ အဲဒါကြောင့် ဟာသဇာတ်ကားကို ဇာတ်လမ်းဇာတ်ကွက်လေးနဲ့ တည်တည်ငြိမ်ငြိမ် ဣနြေ္ဒရရလေးကြည့်ရ ရယ်ရမယ့် ဇာတ်ကားမျိုးပါ။

သရုပ်ဆောင်နန်းဆုဦးနှင့် တွေ့ဆုံခြင်း

မေ ၁၈ ရက်တွင် စတင်ပြသမည့် ဥပါဒါန်ဟု အမည်ပေးထားသော ဇာတ်ကားမှာ သံဃာတော်တစ်ပါးအား အကြည်ညိုလွန်မိရာမှ သဒ္ဓါစိတ်လွန်ကဲမှုကြောင့်အပြစ် ဖြစ်ရသည့် ဒါယိကာမတစ်ဦး၏ အကြောင်းအား ပုံဖော်ထားခြင်းဖြစ်သည်။ တွေ့မြင်ရခဲသည့် ဘာသာရေးအခြေပြု ဇာတ်ကားတစ်ကားဖြစ်ပြီး ယင်းဇာတ်ကားတွင် စွန့်စားမှုများသည့်ဇာတ်ရုပ်ဖြစ်သော သံဃာတော်အား သဒ္ဓါလွန်ကဲမိသူ ဒါယိကာမတစ်ဦးအဖြစ် သရုပ်ဆောင်နန်းဆုဦးက ပီပြင်စွာ ပုံဖော်ထားပါသည်။ ယင်းသို့စွန့်စားမှုများသည့် ဇာတ်ရုပ်ကို လက်ခံပါဝင်ခဲ့သည့် သရုပ်ဆောင်နန်းဆုဦးနှင့် တွေ့ဆုံ၍ ဇာတ်ကားရိုက်ကူးမှု အတွေ့အကြုံများ၊ ဇာတ်ရုပ်အပေါ်ထားသည့် ခံယူချက်အပါအ၀င် သိလိုသည်များအား မေးမြန်းဖြစ်ခဲ့သည်။

■ မေး – ဥပါဒါန်ဇာတ်ကားမှာ ပါဝင်ဖြစ်ပုံလေး အရင်ပြောပြပေးပါဦး။

ဖြေ – ဒီဇာတ်ကားကိုမရိုက်ခင် နှစ်လ၊ သုံးလလောက်အလိုမှာ ဒါရိုက်တာဦးအောင်က ဇာတ်လမ်းလာပြတဲ့အခါ ဘာသာရေးဇာတ်ကားလည်းဖြစ်တယ်။ သူပေးတဲ့ Message တွေကလည်း ဗုဒ္ဓဘာသာဝင် လူငယ်လူရွယ်တွေ သိသင့်တာ၊ မှတ်သားသင့်တာတွေ ဖြစ်နေတယ်။ ဒါကြောင့် လက်ခံဖြစ်သွားတာပါ။

■ မေး – ဒီဇာတ်ကားမှာ အဓိကပေးချင်တဲ့ Message ဆိုရင်ရော။

ဖြေ – အဓိကတော့ ဘယ်အရာမဆို တအားကြီး စိတ်စွဲလန်းရင် မကောင်းဘူး။ လွန်သွားရင် မကောင်းဘူး။ ဒီဘုန်းကြီးကျောင်းပဲ လှူချင်တယ်။ ဒီဘုန်းကြီးကိုပဲ လှူဒါန်းချင်တယ်။ အဲဒါတွေက အစွဲအလမ်းတွေပေါ့။ ဒါတွေဖြစ်လာရင်တော့ မကောင်းဘူး။ ဒါလေးတွေကို ပညာပေးတဲ့ဇာတ်ကားလေးပါ။

■ မေး – ဒီကာရိုက်တာမျိုးက နည်းနည်းလေး အန္တရာယ်များတဲ့ဇာတ်ရုပ်မျိုးလည်းဖြစ်တော့ စိုးရိမ်စိတ်ရှိလား။

ဖြေ – ဒီလိုဇာတ်ရုပ်မျိုးက တစ်ခါမှမလုပ်ဖူးဘူး။ Risk လည်း ရှိတယ်။ တာဝန်ကြီးတယ်။ ဒါရိုက်တာဦးအောင်နဲ့လည်း တိုင်ပင်ဖြစ်တယ်။ ဒီကာရိုက်တာကို တာဝန်မယူခင်မှာ သေချာလည်း စဉ်းစားပါတယ်။ တစ်ခုကတော့ ဒီဇာတ်ကားက ဘာသာရေးဇာတ်ကားလည်း ဖြစ်တယ်။ တစ်သက်လုံးမှာ တစ်ခါလာဖို့ဆိုတာ အခွင့်အရေးနည်းတယ်လေ။ ဒါကြောင့် ဘ၀မှာ အခုလို အခွင့်အရေးရတုန်း ရိုက်မယ်ဆိုတဲ့စိတ်နဲ့ရိုက်ဖြစ်တယ်။ အဓိကတော့ ရည်ရွယ်ချက်ကောင်းမွန်စွာနဲ့ ရိုက်ကူးတဲ့ ဇာတ်ကားဖြစ်တဲ့အတွက် အခုဒီဇာတ်ရုပ်ကလည်း အနုပညာနဲ့ ပဲပေးချင်တဲ့ Message လေးကို ဖော်ဆောင်တာဖြစ်တယ်။ ပရိသတ်တွေလည်း နားလည်လိမ့်မယ်လို့ ယုံကြည်တယ်။

■ မေး – ရိုက်ကူးတုန်းကရော အခက်အခဲရှိခဲ့လား။

ဖြေ – ရိုက်တုန်းက ဘာအခက်အခဲမှ သိပ်မရှိပါဘူး။ မှတ်မှတ်ရရဆိုရင်တော့ ဒီဇာတ်ကား ပထမဆုံးစရိုက်ဖို့ ကန်တော့ပွဲပေးတဲ့နေ့မှာ ရွှေတိဂုံဘုရားမှာ ရိုက်ကွင်းတည်တယ်။ အဲဒီမှာ နန်းဆုတို့ဇာတ်ကားမှာပဲ ပါဝင်မယ့် အမျိုးသမီးတစ်ဦးကို နဂါးဝင်ပူးတာ တွေ့ရတယ်။ တစ်ခါမှ မမြင်ဖူးဘူး။ ပြီးတော့ ဇာတ်ကားမရိုက်ခင် ပြင်ဆင်ချိန်မှာ Consideration နဲ့ ပတ်သက်လို့ စိတ်ငြိမ်အောင်လို့ တရားကြိုထိုင်တာမျိုးတွေ ရှိတယ်။ အဓိကတော့ စိတ်ငြိမ်အောင်လို့ ပြင်ဆင်ခဲ့ရပါတယ်။

■ မေး – ဒီဇာတ်ကားနဲ့ ပတ်သက်လို့ ကိုယ့်ကိုယ်ကိုယ် ကျေနပ်မှုဆိုရင်ရော။

ဖြေ – ဒီဇာတ်ကားက နန်းဆုအတွက် ကိုယ့်ကိုယ်ကိုယ်ပြန်ကြည့်မယ်ဆိုရင် ကိုယ်လုပ်ခဲ့တာကို အားရကျေနပ်မှုရှိတဲ့ ဇာတ်ကားတစ်ကားဖြစ်တယ်။ အနုပညာရှင်တစ်ယောက်အနေနဲ့ ကြုံရခဲတဲ့ ဘာသာရေးဇာတ်ကားမှာ ပါဝင်ခွင့်ရခဲ့တယ်။ ခါတိုင်းလုပ်နေကျ ဇာတ်ရုပ်မျိုးတွေလည်း မဟုတ်ဘူး။ ဇာတ်ရုပ်အသစ်တစ်ခု အနေနဲ့ တွေ့ရမှာဖြစ်ပါတယ်။ ဒီဇာတ်ကားကိုကြည့်မယ်ဆိုရင် ဘာသာရေးနဲ့ပတ်သက်တဲ့ ပညာလေးတွေ၊ သိမှတ်ဖွယ်လေးတွေလည်း ရမှာပါ။ ဒါကြောင့် ကြည့်လည်းကြည့်စေချင်တယ်။ လာကြည့်ပါလို့လည်း ဖိတ်ခေါ်ချင်ပါတယ်။

■ မေး – ဒီဇာတ်ကားမှာ ဘာသာတရားကိုင်းရှိုင်းတဲ့ အမျိုးသမီးအဖြစ် အပြည့်အ၀ လုပ်နိုင်ခဲ့တယ်လို့ ယုံကြည်လား။

ဖြေ – နန်းဆုကတော့ ဦးအောင်သင်ကြားပြသပေးတဲ့အတိုင်း အကောင်းဆုံးလုပ်နိုင်ခဲ့တယ်လို့ ယုံကြည်ပါတယ်။ ဒီ Result ကတော့ ပရိသတ်တွေရဲ့ ဆုံးဖြတ်မှုကို စောင့်ကြည့်ရမှာပေါ့။ ဇာတ်ကားတစ်ကား ရိုက်မယ်ဆိုရင် ကိုယ့်အတွက် လုပ်ကွက်ရှိလား။ ပြီးတော့ကိုယ်ရိုက်တဲ့ဇာတ်ကားမှာ ပရိသတ်တွေအတွက် ဘယ်လိုအသိပညာမျိုးကို ပေးခွင့်ရမလဲဆိုတာ စဉ်းစားပါတယ်။ ဒီဇာတ်ကားမှာကတော့ နန်းဆုရဲ့အနုပညာတစ်ခုကို ပရိသတ်တွေအတွက် တင်ဆက်ခွင့်ရခဲ့တယ်။ ပရိသတ်တွေအတွက် စဉ်းစားစရာ အသိပညာတစ်ခုရမယ်လို့ ယုံကြည်ပါတယ်။

■ မေး – နန်းဆု လတ်တလောရော တခြားဘာဇာတ်ကားတွေ ရိုက်နေလဲ။

ဖြေ – လောလောဆယ်တော့ ကိုနေဒွေးနဲ့ ဗီဒီယိုဇာတ်ကားတစ်ကား ရိုက်ထားပါတယ်။ ဒီဇာတ်ကားလေးကတော့ ဖန်စီဇာတ်ကားလေးပေါ့။ နန်းဆုရိုက်ထားတဲ့ ရုပ်ရှင်ကားကြီးတွေလည်း ရုံတင်ဖို့တွေ ရှိပါသေးတယ်။ နောက်ထပ်ပြောထားတဲ့ ဇာတ်ကားတွေလည်း ရှိပါတယ်။

■ မေး – ကိုယ်ပိုင်ထုတ်လုပ်ရေးအနေနဲ့ ဇာတ်ကားတွေ ရိုက်နေကြတာမျိုးလည်းရှိတော့ နန်းဆုရော အဲဒီလိုစိတ်ကူးမျိုးရှိလား။

ဖြေ – စိတ်ကူးယဉ်ထားတာတော့ရှိတယ်။ ဒါပေမဲ့ လက်တွေ့မှာတော့ အများကြီးလိုပါသေးတယ်။ လောလောဆယ်တော့ ကိုယ်ရိုက်ခွင့်ရတဲ့ဇာတ်ရုပ်ကိုပဲ အကောင်းဆုံးဖြစ်အောင် ကြိုးစားနေပါတယ်။

■ မေး – ဥပါဒါန်ဇာတ်ကားက နန်းဆုဦးအတွက် ဘ၀မှာအမှတ်တရဖြစ်မယ့် ဇာတ်ကားလို့ပြောလို့ရမလား။

ဖြေ – ပြောလို့ရပါတယ်။ တကယ်လည်း အမှတ်တရပါပဲ။ ဘာသာရေးဇာတ်ကားတစ်ကားမှာ ပါဝင်ခွင့်ရတယ်။ လူငယ်တွေ အမှတ်တမဲ့ စိတ်တစ်ခုနဲ့ မှားယွင်းသွားတတ်တာကို ပညာပေးထားတာလေးလည်းပါတယ်။ ဒီလိုအန္တရာယ်များတဲ့ ဇာတ်ရုပ်တစ်ခုကို ပါဝင်ခွင့်ရခဲ့တာကတော့ တကယ့်ကိုအမှတ်တရပါ။

■ မေး – ပရိသတ်ကိုပြောချင်တဲ့ စကားလက်ဆောင်များရှိမလား။

ဖြေ – ဒီဇာတ်ကားလေးက မေ ၁၈ ရက်မှာ စတင်ပြသပါတော့မယ်။ ပရိသတ်တွေအတွက်လည်း ကြည့်ရတဲ့အခါ အသိအမြင်လေးတစ်ခုတော့ရမယ်လို့ ယုံကြည်ပါတယ်။ ဒါကြောင့်အားပေးစေချင်ပါတယ်။ နောက်ထပ်လည်း အနုပညာလုပ်ငန်းတွေမှာ အကောင်းဆုံး ကြိုးစားသွားပါဦးမယ်။ အားပေးကြပါဦးလို့ ပြောချင်ပါတယ်။

တေးသံရှင် J-me နှင့် တွေ့ဆုံခြင်း

‘ကျွန်တော့်အခွေသစ်ကို နားထောင်ချင်တဲ့ ပရိသတ်တွေရော၊ ကျွန်တော်ဘာတွေလုပ်နေလဲဆိုပြီး သိချင်နေကြတဲ့ ပရိသတ်တွေရော အခွေထွက်လာတဲ့အခါ နားထောင်ကြည့်ပါ။ တစ်ခုခုတော့ရသွားမယ်ဆိုတာ ကျိန်းသေပါတယ်’

ဟစ်ဟော့ပ်ဂီတ ရေစီးကြောင်းတွင် ပရိသတ်အခိုင်အမာရရှိထားသူ တေးသံရှင် J-me က အချိန်အပိုင်းအခြားတစ်ခုအထိ ဂီတအနုပညာလှုပ်ရှားမှုများ အတန်ငယ်ကျဲပါးသွားခဲ့ပြီး မေ ၂၆ ရက်တွင် တတိယမြောက် တစ်ကိုယ်တော်တေးစီးရီး ‘အမွေစားအမွေခံ’ အား ထွက်ရှိရန် စီစဉ်ထားသည်။ J-me ၏ တတိယမြောက် တစ်ကိုယ်တော်စီးရီးတွင် ၎င်းဖြတ်သန်းခဲ့သည့် လူငယ်ဘ၀အတွေ့အကြုံများ၊ မှားယွင်းခဲ့မိသည်များ၊ အတွေးအမြင်များအား လူငယ်များထံ လက်ဆင့်ကမ်းသည့် အကြောင်းအရာများကိုလည်း ထည့်သွင်းထားသည်ဟု သိရသည်။ တေးသံရှင် J-me နှင့်တွေ့ဆုံ၍ ‘အမွေစားအမွေခံ’ တေးစီးရီးနှင့်ပတ်သက်၍ မေးမြန်းထားသည်များ၊ ဟစ်ဟော့ပ်ဂီတ ရေစီးကြောင်းအပေါ် သုံးသပ်ထားသည်များအား ဖော်ပြလိုက်ပါသည်။

■ မေး – မေ ၂၆ မှာ ထွက်ဖို့စီစဉ်ထားတဲ့ တစ်ကိုယ်တော်အခွေနဲ့ ပတ်သက်လို့ ပြောပြပါဦး။
ဖြေ – အမွေစားအမွေခံအခွေက မေ ၂၆ မှာ ထွက်မယ်။ ကျိန်းသေတယ်။ ပွဲလုပ်ဖြစ်မလုပ်ဖြစ်ကတော့ ညှိနှိုင်းနေကြတယ်။ အဆင်ပြေရင် တစ်နေရာရာမှာပွဲလုပ်ဖြစ်မယ်။ စီဒီတစ်ချပ်ဝယ်တဲ့သူတိုင်းကိုတော့ ပိုစတာပေးဖြစ်မှာတော့ ကျိန်းသေတယ်။ ကျွန်တော့် Fan Page တစ်ခုရှိတော့ အဲဒီကနေ ကြေညာပေးသွားမယ်။

■ မေး – အခွေသစ်မထွက်တာ နည်းနည်းကြာသွားပြီဆိုတော့ ဘယ်လိုဖန်တီးမှုပုံစံအသစ်တွေ မြင်တွေ့ခွင့်ရမလဲ။
ဖြေ – အရင်နဲ့မတူတဲ့ ပုံစံမျိုးတွေပါမယ်။ မကြိုက်မချင်းလုပ်ထားတဲ့ သီချင်းတွေပါမယ်။ တီးလုံးတွေကအစ သေချာလေးတီးထားတယ်။ သီချင်းပုံစံအားလုံးကိုလည်း အချိန်ယူပြီးစိတ်တိုင်းကျတဲ့အထိ ပြင်ဆင်ပြီးမှ ထွက်ဖို့စီစဉ်ဖြစ်တာပါ။

■ မေး – သီချင်းတွေက ဘယ်နှစ်ပုဒ်လောက်ပါလဲ။
ဖြေ – ကြားထဲလည်း အချိန်တော်တော်ယူထားတယ်ဆိုတော့ သီချင်းတွေကတော့ အများကြီးရှိတယ်။ စိတ်တိုင်းကျတဲ့သီချင်းတွေ အကုန်ထည့်ရင် နှစ်ခွေစာလောက်ဖြစ်သွားမယ်။ အဲဒါကြောင့် ပြန်စိစစ်ပြီးလုပ်ထားတာ။ သီချင်း ၁၀ ပုဒ်ပါပါမယ်။ Featuring အနေနဲ့ ပိုပိုဟေသာ၊ ကျားပေါက်ပါမယ်။ ဂျောက်ဂျက်တို့၊ ကြက်ဖတို့ကလည်း ဟာမိုနီတွေ ၀င်ဆိုပေးထားတယ်။

■ မေး – ဒီအခွေထွက်ဖို့က ကြားထဲမှာ အချိန်တော်တော်လေး ခြားသွားတယ်နော်။
ဖြေ – အဓိက ဒီအခွေလုပ်ဖြစ်တာက ပရိသတ်တွေအတွက်ပါပဲ။ ပရိသတ်တွေက ကျွန်တော့်သီချင်းသစ်တွေ နားထောင်ချင်တယ်။ ပရိသတ်တွေဆိုတာလည်း ကျွန်တော့်ညီအစ်ကိုတွေ သူငယ်ချင်းတွေပဲလေ။ သူတို့နဲ့ ကျွန်တော်နဲ့အမြဲတမ်းအတူ မျှဝေခံစားလို့ရတယ်။ ဒါကြောင့် သီချင်းသစ်တွေ ဖန်တီးဖြစ်တာပါ။

■ မေး – စီးရီး Title က အမွေစားအမွေခံလို့ ပေးဖြစ်တာကရော။
ဖြေ – အဓိကတော့ အသက်မပြည့်ရင် အမွေမခံရဘူး။ ဒီအခွေကိုဆိုတဲ့သူရော ရေးတဲ့သူရော၊ နားထောင်ပြီး အားပေးမယ့်သူတွေရော စီးမျောမယ့်သူတွေအားလုံးက အမွေခံထိုက်မယ့်အရွယ်ဖြစ်လာပြီ။ အဲဒီလိုဖြစ်တယ်လို့လည်း ယုံကြည်တဲ့သဘောပဲ။ နှစ်ဦးနှစ်ဖက်လုံးကို ပြောတာပါ။ ပရိသတ်ရော၊ ဖန်တီးသူရောပေါ့။

■ မေး – Music ပုံစံတွေကရော ဘယ်လိုတွေပါမလဲ။
ဖြေ – Fusion ပုံစံတွေပါမယ်။ Electronic ဘက်ယိမ်းမလား၊ ဘယ်ဘက်ယိမ်းမလဲဆိုတာ မပြောထားဘူး။ ကျိန်းသေတာ ဟစ်ဟော့ပ်ဖရိမ်အတွင်းမှာပဲ။ အဲဒီအတွင်းထဲကပဲ ဖန်တီးထားတယ်။

■ မေး – Woofer က The Voice Myanmar သီချင်းဆိုပြိုင်ပွဲကနေ နှုတ်ဆက်သွားရတာနဲ့ပတ်သက်ပြီး ဘယ်လိုသုံးသပ်ချင်လဲ။
ဖြေ – ဒါက ၀ါးလက်ခုပ်တီးတဲ့သူတီးမှာပဲ။ ဒီဂျေပွတ်တဲ့သူက ပွတ်မှာပဲ။ လူတိုင်းက သူ့နေရာနဲ့သူ လုပ်ကြတာပဲလေ။ အတွင်းစိတ်ထဲမှာရှိတဲ့အရာကို သူဘယ်လိုဆွဲထုတ်တင်ပြမလဲ။ အဲဒါက အနှစ်သာရပဲ။ ကျွန်တော်လည်း အဲဒါကိုသဘောကျတယ်။ ကျန်တာတော့ မပြောချင်ဘူး။ သူဆုမရပေမယ့် အခုတစ်တိုင်းပြည်လုံးက သူ့ကိုသိသွားပြီ။ အဲဒါက အဓိကပဲလေ။

■ မေး – အရင်ကလုပ်ခဲ့မိတဲ့ အမှားတွေကို ကျောခိုင်းလိုက်ပြီဆိုတာလည်း လူငယ်တွေကို ပြန်ပြီးမျှဝေပေးပါဦး။
ဖြေ – Main Theme က အဲဒါပါ။ အဲဒါကိုပေးချင်လို့ အဲဒီသီချင်းကို မရမချင်းရေးတယ်။ သုံးလဆက်တိုက် ရေးခဲ့တဲ့အခါ ကိုယ့်ဝိညာဉ်ထဲက လိုချင်တာမရမချင်းပေါ့။ ၀ိညာဉ်စကားလုံးရပြီဆိုမှ စလုပ်တာ။ လူတွေကြိုက်မကြိုက်၊ လက်ခံမခံဆိုတာထက် အဲဒီသီချင်းက အချည်းနှီးတော့ မဖြစ်နိုင်ဘူး။ လေထုထဲကို စေလွှတ်လိုက်တာ အာကာသထဲရောက်သွားတယ်လို့ပဲ ပြောရမယ်။ ဒီသီချင်းက တစ်ခုခုတော့ထူးခြားမယ်လို့ ယုံကြည်တယ်။ ၀ါဒဖြန့်တာ၊ မြှူစွယ်တာမျိုးတွေ ပါမှာမဟုတ်ဘူး။ ကျွန်တော်ပြောချင်တာတွေကို သီချင်းထဲကနေ ပြောထားတာပါ။

■ မေး – အခု ဒီဘက်ခေတ် ဟစ်ဟော့ပ်ရေစီးကို သုံးသပ်မယ်ဆိုရင်ရော ဘယ်လိုသုံးသပ်ချင်လဲ။
ဖြေ – ကျွန်တော်တို့၊ ကိုသားစိုးတို့ခေတ်နဲ့ နှိုင်းယှဉ်မယ်ဆိုရင် အခုခေတ်ကရေစီး ပိုမြန်လာတယ်။ ပိုကြမ်းလာတယ်။ တချို့သူတွေကို ကျွန်တော်တကယ်သဘောကျတယ်။

■ မေး – မျိုးဆက်သစ် ဂီတ၀ါသနာရှင်တွေအတွက် လက်ဆင့်ကမ်းပေးချင်တာရောရှိလား။
ဖြေ – ဆင်းရဲတာချမ်းသာတာတွေနဲ့ လုံးဝမဆိုင်ဘူး။ အဓိကတော့ ကိုယ့်မှာရင်းနှီးမြှုပ်နှံမှုဖြစ်တဲ့ အချိန်မယူထားရင်၊ ၀မ်းစာမပြည့်ရင် ကိုယ်စင်ပေါ်တက်ရတော့မယ့်အချိန် အခွင့်အလမ်းက ကိုယ့်ဆီရောက်လာတဲ့အချိန်မှာ အမိအရ မဆုပ်ကိုင်နိုင်ဘူး။ အိပ်ရေး၀၀မအိပ်ထားရင် စင်ပေါ်ရောက်ရင် အသံမထွက်သလိုမျိုး၊ ပွဲအတွက်အ၀တ်အစားကို လျှော်ဖွပ်မီးပူတိုက်ထားဖို့ လိုသလိုမျိုးပေါ့။ အဲဒီတော့ အမြဲတမ်းကိုယ့်ကိုယ်ကိုယ် ပြင်ဆင်ထားဖို့တော့လိုတယ်။

■ မေး – Galaxy Star သီချင်းဆိုပြိုင်ပွဲမှာလည်း ဒိုင်လုပ်ခဲ့တယ်ဆိုတော့ နောက်ထပ်လုပ်ဖြစ်ဦးမလား။
ဖြေ – လောလောဆယ်တော့ မရှိသေးဘူး။ ကမ်းလှမ်းတယ်ဆိုလည်း ညှိနှိုင်းလို့အဆင်ပြေရင် လုပ်ဖြစ်လိမ့်မယ်။

■ မေး – အခုထွက်မယ့်အခွေကိုရော အားရလား။
ဖြေ – ဒီအခွေက ၂၀၁၄ လောက်ကတည်းက ပြီးနေတဲ့အခွေပါ။ ကိုယ့်အခွေ ကိုယ်စိတ်တိုင်းကျတဲ့အထိ၊ ကြိုက်တဲ့အထိ ပြန်ပြင်နေလို့သာ ဒီလောက်အထိ ကြာသွားတာပါ။ အခု မေ ၂၆ ရက်မှာ The Sun Music Production ကနေ ဖြန့်ချိပါမယ်။ နားထောင်ကြည့်တဲ့ သူတွေအတွက်တော့ တစ်ခုခုရမှာ သေချာပါတယ်။ နားထောင် ကြည့်စေချင်ပါတယ်။

■ မေး – ပရိုမိုးရှင်းရောလုပ်ဖို့ရှိလား။
ဖြေ – လောလောဆယ်တော့ နေရာညှိတုန်းပဲ။ အဆင်ပြေရင် လုပ်ဖြစ်မယ်။ လက်မှတ်ထိုးဖြစ်မှာ မဟုတ်ဘူး။ သီချင်းတွေဆိုမယ်။ အခွေရောင်းမယ်။ ပရိသတ်တွေလည်း J ကြီးရဲ့ လက်မှတ်ထက် သီချင်းတွေဆိုပြတာ ပိုကြားချင်မယ်လို့ထင်တယ်။

အောင်မင်းခန့်နှင့် တွေ့ဆုံခြင်း

MRTV-4 က ရိုက်ကူးထုတ်လွှင့်ခဲ့တဲ့ ရုပ်သံဇာတ်လမ်းတွဲတွေကနေတစ်ဆင့် ပရိသတ်တွေရဲ့ ချစ်ခင်အားပေးမှုကို ရရှိခဲ့တဲ့ အနုပညာရှင်တစ်ဦးကတော့ အောင်မင်းခန့်ပါ။ ပရိသတ်တွေရဲ့ အားပေးချစ်ခင်မှုတွေ ရရှိခဲ့ပြီးနောက်မှာတော့ ရုပ်သံဇာတ်လမ်းတွဲတွေ သာမကပဲ ရုပ်ရှင်နဲ့ ဗီဒီယိုဇာတ်ကားတွေကိုလည်း လက်ခံရိုက်ကူးခွင့်ရခဲ့သူပါ။ သူရဲ့ပါဝင်ထားတဲ့ဗီဒီယို ဇာတ်ကားတွေဟာလည်း ပရိသတ်တွေအားပေးမှုကို ရရှိခဲ့ပြီး လက်ရှိမှာလည်း ရုပ်ရှင်၊ ကြော်ငြာနဲ့ ရုပ်သံဇာတ်လမ်းတွဲတွေကို ဆက်တိုက်ရိုက်ကူးနေရသူ အောင်မင်းခန့် အဓိက ပါဝင်သရုပ်ဆောင်ထားတဲ့ ‘မေတ္တာထားတာ အဟုတ်ကိုပဲ’ ဆိုတဲ့ရုပ်ရှင်ဇာတ်ကားကြီးကို မေလထဲမှာပဲ ရုံတင်ပြသတော့မှာ ဖြစ်ပါတယ်။ ဒါကြောင့် ပရိသတ်တွေ ကြည့်ရှုရတော့မှာဖြစ်တဲ့ ‘မေတ္တာထားတာ အဟုတ်ကိုပဲ’ ဇာတ်ကားနဲ့ ပတ်သက်တဲ့ အောင်မင်းခန့်ရဲ့ ကြိုးစားအားထုတ်မှုတွေ၊ ရင်ခုန်သံတွေနဲ့အတူ လတ်တလော အနုပညာလှုပ်ရှားမှုတွေအကြောင်း မေးမြန်းဖြစ်ခဲ့ပါတယ် ….

■ မေး – လတ်တလော အနုပညာလှုပ်ရှားမှုတွေအကြောင်းကို အရင်သိပါရစေ။

ဖြေ – ‘မနေ့ကဖြစ်သည် ၂’ ဇာတ်လမ်းတွဲလေး ရိုက်ကူးပြီးသွားပါပြီ။ လက်ရှိမှာ ကြော်ငြာတွေရိုက်ဖြစ်နေတယ်။ ပြက္ခဒိန်တွေလည်း ရိုက်ဖြစ်နေပါတယ်။

■ မေး – ‘မနေ့ကဖြစ်သည် ၂’ မှာရော ဘယ်လိုဇာတ်ကောင်စရိုက်မျိုး ပါဝင်သရုပ်ဆောင်ထားလဲ။

ဖြေ – အဲဒီဇာတ်လမ်းမှာကတော့ ကျွန်တော်က ဂျစ်ကန်ကန်နိုင်တဲ့ကောင်လေးတစ်ယောက်၊ ကိုယ်စိတ်ထင်ရာလုပ်တတ်တဲ့ ကောင်လေးအဖြစ် ပါဝင်သရုပ်ဆောင်ထားပါတယ်။

■ မေး – မေတ္တာထားတာ အဟုတ်ကိုပဲ ရုပ်ရှင်ဇာတ်ကားမှာ ပါဝင်သရုပ်ဆောင်ဖြစ်ခဲ့တဲ့ အကြောင်းကိုအရင်ပြောပြပေးပါဦး။

ဖြေ – အဲဒီဇာတ်ကားကြီးမှာ ပါဝင်ဖို့အတွက် ဆရာဦးထွန်းအောင်ဇော်က ကမ်းလှမ်းခဲ့တာပါ။ ကျွန်တော့်အတွက် လုပ်ခွင့်ရတဲ့ ဇာတ်လမ်းမျိုးလေးဖြစ်သလို ၀ါရင့်အနုပညာရှင်တွေနဲ့လည်း တွဲဖက်ပြီး သရုပ်ဆောင်ရတာဖြစ်လို့ ကျွန်တော့်ဘက်က ၀မ်းသာစွာနဲ့ လက်ခံရိုက်ကူးဖြစ်ခဲ့တာပါ။ အဲဒီလို ကမ်းလှမ်းခဲ့တဲ့အတွက် ဆရာဦးထွန်းအောင်ဇော်ကိုရော ပန်းသခင် ထုတ်လုပ်ရေးကိုပါ ကျေးဇူးအများကြီးတင်ရပါတယ်။

■ မေး – ‘မေတ္တာထားတာ အဟုတ်ကိုပဲ’ ဇာတ်လမ်းမှာရော ဘယ်လိုဇာတ်ကောင်စရိုက်မျိုးနဲ့ တွေ့ရမလဲ။

ဖြေ – ‘မေတ္တာထားတာ အဟုတ်ကိုပဲ’ ဇာတ်ကားမှာက ကျွန်တော့်အနေနဲ့ကတော့ လူငယ်ဆန်ဆန် ပေါ့ပေါ့ပါးပါး ဇာတ်ရုပ်မျိုးပါပဲ။ ဟာသဇာတ်လမ်းလေးဖြစ်ပေမယ့် ကျွန်တော့်အနေနဲ့ ၀ါရင့်အနုပညာရှင်ကြီးတွေဖြစ်တဲ့ အန်ကယ်လေး (လူမင်း) ဦးဗေ (ဗေလုဝ) တို့ အပြင် အခြားဝါရင့်အနုပညာရှင်တွေ အများကြီးနဲ့ တွေ့ဆုံခွင့်ရတဲ့အတွက် ကျွန်တော့်အတွက် ပညာတွေအများကြီးရခဲ့သလို အနုပညာ အခွင့်အရေးကောင်းလည်း ဖြစ်ခဲ့ပါတယ်။ ပညာတွေလည်း အများကြီးရခဲ့သလို ကျွန်တော့်အနေနဲ့ ပါဝင်ရတဲ့အပိုင်းမှာလည်း လုပ်ခွင့်တွေ အများကြီးရခဲ့တဲ့ ဇာတ်ကားဖြစ်တဲ့အတွက် ကျွန်တော့်အတွက်တော့ တကယ်ကို အမှတ်တရဖြစ်တဲ့ ဇာတ်ကားတစ်ကားပါ။

■ မေး – အောင်မင်းခန့်ကို ဟာသဇာတ်လမ်းမျိုးမှာ သိပ်ပြီးတွေ့ရလေ့မရှိတော့ ‘မေတ္တာထားတာ အဟုတ်ကိုပဲ’ ဇာတ်ကား ဟာသဖြစ်တဲ့အတွက် အခက်အခဲရှိခဲ့လား။

ဖြေ – ‘မေတ္တာထားတာ အဟုတ်ကိုပဲ’ ဇာတ်ကားမှာက ကျွန်တော့်က အမေက မိန်းမပေးစားတာကို မယူချင်တဲ့အတွက် အဖေနဲ့ ဦးလေးရဲ့ အားကိုးနဲ့ မိန်းမမယူရအောင် ကြံဖန်ရတဲ့ဇာတ်လမ်းလေးပါ။ ဇာတ်ကားရိုက်ကူးတုန်းကတော့ ဆရာဦးထွန်းအောင်ဇော်ကရော အန်ကယ်လေး (လူမင်း) တို့ ဦးဗေ (ဗေလုဝ) တို့ ကိုဖြိုးငွေစိုးတို့တွေကလည်း အားလုံးက ၀ိုင်းဝန်းသင်ကြားပေးကြတယ်။ နောက်ပြီး အခြားဝါရင့်အနုပညာရှင်တွေများကြီးပါတဲ့ အတွက် ကျွန်တော့်အနေနဲ့ သိချင်တာတွေကို မေးမြန်းခွင့်ရတယ်။ အားလုံးကလည်း ကူညီသင်ကြားပေးကြတာဖြစ်လို့ အစစအရာရာ အဆင်ပြေခဲ့ပါတယ်။

■ မေး – ‘မေတ္တာထားတာ အဟုတ်ကိုပဲ’ ဇာတ်ကားက အောင်မင်းခန့်အတွက် ပထမဆုံးဇာတ်ကားဖြစ်မလား။

ဖြေ – ဟာသဇာတ်လမ်းမှာဆိုရင် ဒီဇာတ်ကားက ကျွန်တော့်အတွက် ပထမဆုံးရုံတင် ဇာတ်ကားကြီးဖြစ်မှာပါ။ ဟာသဇာတ်လမ်းက ဗီဒီယိုမှာလည်း ထွက်ထားတာရှိသလို ရိုက်ကူးထားတာတွေလည်း ရှိပေမယ့် ပရိသတ်တွေ ကြည့်ရှုခွင့်ရမယ့် ရုပ်ရှင်ဇာတ်ကားကြီး အနေနဲ့ကတော့ ဒီဇာတ်ကားက ပထမဆုံးပါပဲ။

■ မေး – ခုချိန်မှာ အောင်မင်းခန့်အနေနဲ့ ဘယ်လိုဇာတ်ကောင်စရိုက်မျိုးတွေကို သရုပ်ဆောင်ချင်နေလဲ။ ရုပ်ရှင်၊ ဇာတ်လမ်းတွဲ ဘာကိုပိုပြီးရိုက်ကူးချင်လဲ။

ဖြေ – တကယ်ကတော့ ရုပ်ရှင်ပဲဖြစ်ဖြစ်၊ ရုပ်သံဇာတ်လမ်းတွဲပဲဖြစ်ဖြစ် သန်းခြောက်ဆယ်သော ပြည်သူတွေကို ဦးတည်ပြီး ရိုက်ကူးတာဖြစ်လို့ ကျွန်တော့်အတွက်ကတော့ ဘာပဲဖြစ်ဖြစ် ပရိသတ်တွေကို ဖျော်ဖြေခွင့်ရမယ့် အလုပ်ပဲဖြစ်လို့ အတူတူပါပဲ။ ဇာတ်ကောင်စရိုက် အနေနဲ့ဆိုရင်တော့ လက်ရှိမှာ ကျွန်တော့်စိတ်ထဲမှာ အရမ်းချစ်တတ်တဲ့ သမီးရည်းစား အချစ်ဇာတ်ကားလေး ရိုက်ချင်သလို အက်ရှင်ဇာတ်ကားတွေလည်း ရိုက်ချင်နေတယ်။

■ မေး – ကိုယ်ရိုက်ကူးမယ့် ဇာတ်ကားတွေကိုရော ဘယ်လိုမျိုးရွေးချယ်ဖြစ်လဲ။

ဖြေ – ကိုယ်ရိုက်ကူးမယ့်ဇာတ်က ကိုယ့်စိတ်ထဲမှာ တကယ်နှစ်သက်တာမျိုးကို ရွေးတယ်။ ကိုယ်တကယ်ကြိုက်မှ ပရိသတ်တွေလည်း ကြိုက်မယ်လေ။ နောက်ပြီး ဇာတ်ကောင်စရိုက်ဆိုရင်လည်း ကိုယ်တိုင်နှစ်သက်တဲ့ ဇာတ်ရုပ်မျိုးပဲရွေးတယ်။ ကိုယ့်ခံစားချက်က ပါဝင်လုပ်ဆောင်နိုင်မယ့် ဇာတ်ကောင်စရိုက်မျိုးပဲရွေးတယ်။ ဒါမှလည်း ကျွန်တော့်ဘက်က ပီပြင်အောင်လုပ်နိုင်မယ်လို့ ခံယူထားတယ်။

■ မေး – မေတ္တာထားတာ အဟုတ်ကိုပဲ ဇာတ်ကားနဲ့ပတ်သက်ပြီး အမှတ်တရရှိရင်လည်း သိချင်ပါတယ်။

ဖြေ – ‘မေတ္တာထားတာ အဟုတ်ကိုပဲ’ ဇာတ်ကားမှာက ကျွန်တော့်အနေနဲ့ ၀ါရင့်အနုပညာရှင်တွေ အကယ်ဒမီရထားတဲ့ အနုပညာရှင်တွေ အများကြီးနဲ့ တွေ့ဆုံခွင့်ရတဲ့အတွက်ရော သူတို့တွေက ကျွန်တော့်လို အနုပညာရှင်သစ်တစ်ယောက်ကို လက်တွဲပြီး သရုပ်ဆောင် ခွင့်ပေးတဲ့အတွက်ရော ကျွန်တော့်အတွက် တကယ်ကို အမှတ်တရဖြစ်ရသလို ဂုဏ်ယူစရာကောင်းတဲ့ ဇာတ်ကားတစ်ကားပါ။ ဇာတ်လမ်းလေးကလည်း ကောင်းတဲ့အတွက် ပရိသတ်တွေအနေနဲ့လည်း အချိန်ပေးပြီး ကြည့်ရှုရကျိုးနပ်မယ့် ဇာတ်ကားတစ်ကားဖြစ်မှာပါ။

■ မေး – အားပေးနေတဲ့ ပရိသတ်တွေကို ပြောချင်တဲ့စကားရှိရင်။

ဖြေ – ပရိသတ်တွေအားလုံး ကျန်းမာချမ်းသာကြပါစေလို့ ဆုတောင်းမေတ္တာပို့ပါတယ်။ ပရိသတ်တွေရဲ့ ချစ်ခင်အားပေးမှုနဲ့ မေတ္တာတွေကိုလည်း ကျွန်တော်မျှော်လင့်ပါတယ်။ မကြာခင်ရုံတင်တော့မယ့် ‘မေတ္တာထားတာ အဟုတ်ကိုပဲ’ ဇာတ်ကားကိုလည်း ပရိသတ်တွေ လာရောက်ကြည့်ရှု အားပေးဖို့အတွက် ဖိတ်ခေါ်ပါတယ်။

တေးသံရှင် X-Box နှင့် တွေ့ဆုံခြင်း

လူငယ်ဟစ်ဟော့ပ် တေးသံရှင်များကြားတွင် ပရိသတ်အခိုင်အမာဖြင့် ရပ်တည်နေသူတစ်ဦးမှာ တေးသံရှင် X-Box ဖြစ်သည်။ ‘9’၊ ‘99’ တစ်ကိုယ်တော် အယ်လ်ဘမ်နှစ်ခွေ ထွက်ရှိထားပြီး တေးသံရှင်ထက်ယံ၊ ရွှေထူး၊ Lil’Z တို့နှင့် တွဲဖက်ကာ ‘4’ အယ်လ်ဘမ်ဖြင့်လည်း ပရိသတ်အားပေးမှု အခိုင်အမာ ရရှိထားစေသူဖြစ်သည်။ မေ ၁၉ ရက်တွင် ရန်ကုန်မြို့ Hard Rock Cofe ၌ House Party ကျင်းပရန် စီစဉ်ထားသည့် X-Box သည် မေ ၂၀ ရက်တွင် ကျရောက်မည့် မွေးနေ့အတွက် သာမညတောင်သို့ သွားရောက်ကာ သာသနာ့ဘောင်သို့ ၀င်ရောက်လျက် ရှိပါသည်။ တေးသံရှင် X-Box နှင့်တွေ့ဆုံ၍ House Party ဖျော်ဖြေပွဲအတွက် ပြင်ဆင်ထားမှုများ၊ မွေးနေ့တွင် ဖြတ်သန်းရန် စီစဉ်ထားသည်များ၊ ယခုနှစ်အတွင်း ရိုက်ကူးရန် စီစဉ်ထားသည့် ဇာတ်ကားရိုက်ကူးမှုအကြောင်းတို့ကို မေးမြန်းဖြစ်ခဲ့သည်။

■ မေး – မေ ၁၉ မှာလုပ်မယ့် ပွဲလေးအကြောင်း အရင်ဆုံးပြောပြပါဦး။

ဖြေ – ပါတီသဘောမျိုးလုပ်မယ့်ပွဲလေးပါ။ ပရိသတ်နဲ့ နီးနီးကပ်ကပ်လေးတွေ့ပြီး ဖျော်ဖြေခွင့်ရမယ်။ ပရိသတ်နဲ့ အဆိုတော်နဲ့ မိသားစုပုံစံလေး ဖျော်ဖြေခွင့်ရမယ့်ပွဲမျိုးပါ။ အဲဒီလိုဖြစ်အောင်လည်း စီစဉ်ဖြစ်တာပါ။

■ မေး – အရင်ကတော့ ပရိုမိုးရှင်းပွဲတွေကအစ Outdoor Area မှာ လုပ်တယ်။ လူတွေအများကြီးနဲ့ပေါ့။ အခုတော့ နေရာအရ ပရိသတ်လည်း အကန့်အသတ်နဲ့ ဖြစ်သွားမယ်။ အဲဒီလို ရွေးချယ်ဖြစ်တာကရော။

ဖြေ – အဓိကတော့ Freeshow ဆိုရင် ပရိသတ်တွေ အများကြီးလာကြည့်တယ်။ အယ်လ်ဘမ်ပရိုမိုးရှင်းပွဲတွေ လုပ်တဲ့အခါ ပရိသတ်တွေ အများကြီးကလာကြတယ်။ အခုလို ၀င်ကြေးနဲ့ လုပ်ကြည့်တာကတော့ ကိုယ့်ကိုယ်ကိုယ် စာမေးပွဲ စစ်ကြည့်တာလည်းပါတယ်။ ပရိသတ်နဲ့ ကျွန်တော်နဲ့ကြားထဲက ရင်းနှီးမှုလေး ဘယ်လောက်ရှိတယ်ဆိုတာ သိချင်တာကြောင့်လည်း ပါပါတယ်။

■ မေး – ပွဲက ထိုင်ခုံတွေနဲ့လုပ်မယ်ဆိုတော့ သီချင်းအမြူးတွေဆိုတဲ့အခါ ပရိသတ်ကို ပွဲထိန်းနိုင်ဖို့ ဘယ်လိုပြင်ဆင်ထားလဲ။

ဖြေ – အဲဒါလည်း အရသာတစ်ခုပဲ။ လူအုပ်လိုက်ကြီး ပွဲတွေလုပ်ကြတယ်။ မတ်တပ်ရပ်ကြည့်ပြီး လွတ်လွတ်လပ်လပ် အော်ကြတယ်ပေါ့။ အခုကတော့ သီချင်းအေးအေးလေးတွေကို ဂစ်တာနဲ့တီးပြီး ဆိုချင်လည်းဆိုမယ်။ သီချင်းအေးလေးတွေကို Up Beat တွေနဲ့ ပြန်ပြောင်းပြီး ဆိုချင်လည်းဆိုမယ်။ အရသာကတော့ အမျိုးမျိုးရမှာပါပဲ။ အဓိကတော့ ဒီပွဲမှာ လာကြည့်တဲ့ ပရိသတ်တွေက အရင်ရှိုးတွေမှာမြင်နေကျပုံစံမဟုတ်တဲ့ ရသအသစ်တစ်မျိုးကိုရမှာပါ။

■ မေး – မေ ၂၀ ရက်က မွေးနေ့ဆိုတော့ မွေးနေ့အမှတ်တရလုပ်တယ်လို့ ပြောလို့ရလား။

ဖြေ – အဲဒီလို သဘောလည်းပြောလို့ရပါတယ်။ ဒါပေမဲ့ မွေးနေ့ဖျော်ဖြေပွဲဆိုတဲ့ ခေါင်းစဉ်မတပ်ချင်ဘူး။ ဒါကြောင့် ဒီအတိုင်းပဲ မွေးနေ့အကြိုညမှာ လုပ်ဖြစ်တာပါ။

■ မေး – နှစ်တိုင်း မေလမှာပွဲလုပ်ဖို့ ရည်ရွယ်ချက်ရှိတယ်လို့လည်း ကြားတယ်နော်။

ဖြေ – မွေးနေ့ရယ်လို့တော့ မဟုတ်ဘူး။ ပါတီပေါ့။ အဓိက,ကတော့ 99 အယ်လ်ဘမ်အတွက် ပရိုမိုးရှင်းပွဲကို မလုပ်လိုက်ဘူး။ ကျွန်တော့်ဖျော်ဖြေမှုကို ကြည့်ချင်တဲ့ပရိသတ်တွေအတွက် ဒီပွဲကို အစားထိုး လုပ်လိုက်ခြင်းဖြစ်တယ်။ ဒီပွဲက မွေးနေ့ပုံစံမဟုတ်ဘဲ House Party ဆိုတဲ့ နာမည်အတိုင်းပဲ 1,2,3,4 ဆိုပြီး လုပ်သွားမယ့်ပုံစံမျိုးပါ။ ဒီနှစ်ထဲမှာမြို့တစ်မြို့ကို ရွေးချယ်ပြီး House Party နာမည်နဲ့ပဲ ပွဲတစ်ပွဲထပ်လုပ်ဖို့ ဒီပွဲရဲ့ Result ကိုကြည့်ပြီး ဆုံးဖြတ်သွားပါမယ်။

■ မေး – ပွဲမှာ တခြားဘယ်အနုပညာရှင်တွေရော ပါဝင်ဖြစ်မလဲ။

ဖြေ – ကျွန်တော့်သူငယ်ချင်းတွေ ပါဝင်ပါမယ်။ ကျွန်တော့်သူငယ်ချင်းတွေပွဲဆိုလည်း ကျွန်တော်အမြဲတမ်း ပါဝင်ကူညီသီဆိုတယ်။ အခုကျွန်တော့်ပွဲမှာလည်း ကျွန်တော့်သူငယ်ချင်းတွေ ပါပါမယ်။ ထက်ယံ၊ ရွှေထူး၊ Lil’Z၊ Oasix၊ မစန္ဒီမြင့်လွင်၊ မနီနီခင်ဇော် အများကြီးပါပဲ။

■ မေး – ဒီပွဲအတွက် ရင်ခုန်စိတ်လှုပ်ရှားမှုဆိုရင်ရော။

ဖြေ – အများကြီးပဲ။ ညဘက်ဆိုအိပ်မပျော်ဘူး။ တစ်ခုခုများ အဆင်မပြေဖြစ်သွားမလား ဆိုတာလည်း ကြောက်တယ်။ ဒီကြားထဲ ဘုန်းကြီးဝတ်ဦးမှာဆိုတော့ ပွဲမှာလည်း ကတုံးနဲ့ဆိုရမှာ။

■ မေး – သာသနာ့ဘောင်ဝင်မယ်ဆိုတော့ ဘယ်တော့ဝင်ဖြစ်မလဲ။

ဖြေ – မေ ၉ ရက်ကို သာမညစထွက်ဖြစ်မယ်။ သာမညတောင်မှာ ၀တ်မှာပါ။ အဓိကတော့ ကျွန်တော့်အစ်ကို ပြန်လာတယ်။ သူကလည်း ပြည်ပမှာနေတာ ၁၀ နှစ်လောက်ရှိပြီးမှ ပြန်လာတာဆိုတော့ ညီအစ်ကိုနှစ်ယောက် ဘုန်းကြီးအတူဝတ်ချင်တယ်။ အချိန်ညှိတော့ ပွဲမလုပ်ခင်ဘဲရတဲ့အတွက် ဒီအချိန်ပဲ ၀တ်မယ်ဆိုပြီးဖြစ်သွားတာ။ ငါးရက်လောက်ဝတ်ဖြစ်မယ်။

■ မေး – ဒီပွဲမှာဖျော်ဖြေမယ့်ပုံစံကရော ဘယ်လိုပုံစံတွေ ဖျော်ဖြေဖြစ်မလဲ။ သီချင်းတွေကရော ဘယ်လိုရွေးချယ်ဖြစ်မလဲ။

ဖြေ – ဖျော်ဖြေမယ့်ပုံစံကတော့ ဒရမ်သမားတစ်ယောက်ပါမယ်။ ဒီဂျေပါမယ်။ ပါတီနဲ့ ကိုက်ညီတဲ့ မြူးကြွတဲ့ပုံစံတွေ ဖျော်ဖြေဖြစ်ပါမယ်။ ငြိမ်တဲ့သီချင်းတွေလည်းပါပါမယ်။ အကောင်းဆုံး ဖျော်ဖြေတင်ဆက်မှုတွေဖြစ်အောင် ကြိုးစားသွားမှာပါ။ အခြားပွဲတွေမှာ မြင်ရလေ့ရှိတဲ့ X-Box နဲ့တော့ လုံးဝတူမှာမဟုတ်ဘူး။ ရသအသစ်တစ်မျိုးကို ခံစားရမှာပါ။

■ မေး – Hard Rock Cafe မှာလုပ်ဖို့ ရွေးချယ်ဖြစ်တာကရော။

ဖြေ – ဒီနေရာက ရော့ခ်ဂီတသမားတွေ ဖျော်ဖြေလို့ကောင်းတဲ့နေရာပေါ့။ ဟစ်ဟော့ပ်သမားတွေ အတွက်တော့ နည်းနည်းခက်တယ်။ ဒါပေမဲ့ ဘာလို့ရွေးလဲဆိုရင် ဂီတဖျော်ဖြေပွဲတွေ နိုင်ငံတကာမှာလည်း လုပ်လေ့ရှိတဲ့နေရာဖြစ်တာကြောင့်လည်း ပါပါတယ်။

■ မေး – သီချင်းကရော 99 ထဲက အများစုဆိုမှာလား။

ဖြေ – အဲဒီလိုတော့မဟုတ်ဘူး။ သီချင်းဟောင်း အများစုဆိုပါမယ်။ 4 အယ်လ်ဘမ်ထဲက သီချင်းတွေ ဆိုမယ်။ 9 အယ်လ်ဘမ်ထဲကလည်းဆိုမယ်။ 99 ထဲက သီချင်းနည်းနည်းပဲဆိုဖြစ်မယ်။ သီချင်းဟောင်းတွေ မဆိုဖြစ်တာ တော်တော်လေးကြာပြီလေ။

■ မေး – သရုပ်ဆောင်တစ်ယောက်အဖြစ် ဇာတ်ကားရိုက်ကူးဖို့ အစီအစဉ်နဲ့ ပတ်သက်ပြီးလည်း ပြောပါဦး။

ဖြေ – ရိုက်တာတော့ ရိုက်ပါမယ်။ လောလောဆယ်က သီချင်းကိုအာရုံစိုက်နေတော့ ဇာတ်ကားရိုက်တဲ့အပိုင်းကို အချိန်မပေးနိုင်သေးဘူးဖြစ်နေတယ်။ အခုထွက်ခဲ့တဲ့ 99 အခွေကလည်း ကျွန်တော်လုပ်ချင်တာတွေပဲ လုပ်ထားတဲ့အတွက် ကျွန်တော်စိတ်ကျေနပ်ပေမယ့် ပရိသတ်က သိပ်မကြိုက်ဘူး။ သီချင်းသစ်တွေကို ဘယ်လိုဖန်တီးမလဲဆိုတာပဲ ခေါင်းထဲမှာ ရှိနေပါတယ်။ နောက်လထဲလောက်မှာ သီချင်းသစ်တစ်ပုဒ် ထွက်လာဖို့ရှိပါတယ်။ တစ်ပုဒ်ချင်းစီ အရင်ထွက်မယ်။ ပြီးမှ အချိန်နည်းနည်းခြားပြီးမှ အယ်လ်ဘမ်သစ်အနေနဲ့ ထွက်ပါမယ်။

■ မေး – မွေးနေ့မှာရော အမှတ်တရ ဘယ်လိုအစီအစဉ်တွေနဲ့ ဖြတ်သန်းဖို့ရှိမလဲ။

ဖြေ – မေ ၂၀ မှာ ပရိသတ်တွေနဲ့ထပ်တွေ့လို့ရမယ့် အစီအစဉ်လေးတစ်ခု လုပ်နေပါတယ်။ အလှူလေးတစ်ခု လုပ်ချင်တယ်။ ပရိသတ်တွေနဲ့အတူ လှူဖို့လုပ်ဖြစ်မှာပါ။ ပြီးရင်တော့ မိသားစုခရီးလေး ထွက်ဖို့ရှိပါမယ်။ ပရိသတ်တွေနဲ့ တိုင်ပင်ပြီးရင် အသိပေးပါမယ်။ မွေးနေ့မှာအလှူလည်း လုပ်ချင်တယ်။ ပရိသတ်တွေနဲ့အတူ ဖြတ်သန်းချင်ပါတယ်။

■ မေး – ပရိသတ်တွေကို ပြောချင်တာများ ရှိဦးမလား။

ဖြေ – ကျွန်တော်ဒီပွဲလေးကစပြီးတော့ ပွဲတွေအများကြီး ဆက်လုပ်သွားပါမယ်။ ပရိသတ်တွေလည်း ကျွန်တော့်တင်ဆက်မှုကို လာအားပေးပါ။ ကြိုက်တယ်ဆိုရင် နောက်ထပ်ပွဲတွေကိုလည်း အားပေးပါ။ ပရိသတ်တွေ အားပေးမှုနဲ့ နှစ်တွေအရှည်ကြီး ဖြတ်သန်းချင်ပါတယ်။ ပရိသတ်အားလုံး ကျန်းမာချမ်းသာကြပါစေလို့ ဆုတောင်းပေးချင်ပါတယ်။

အင်န်နီမေးရှင်းဒါရိုက်တာ ဥာဏ်ကျယ်စေနှင့် တွေ့ဆုံခြင်း

တေးသံရှင်ကျားပေါက်၏ Anger Management တေးအယ်လ်ဘမ်မှ သတိရတယ် သီချင်း၏ အင်န်နီမေးရှင်း Music Video အား Pencell Studio မှဖန်တီးပေးထားကာ Pencell Studio Page တွင် လွှင့်တင်ထားရာတွင်လည်း ပရိသတ်စိတ်ဝင်စား အားပေးမှု များပြားခဲ့သည်။ Pencell Studio ကို ကာတွန်းဆရာ အော်ပီကျယ်၏သားဖြစ်သူ အင်နီမေးရှင်းပညာရှင် ဒါရိုက်တဥာဏ်ကျယ်စေနှင့် သူငယ်ချင်းများ စုပေါင်းတည်ထောင်ထားခြင်းဖြစ်သည်။ အင်နီမေးရှင်းဇာတ်ကားတိုများနှင့် နိုင်ငံတကာ ရုပ်ရှင်ပွဲတော်များတွင် ဆုများရရှိထားကာ အင်နီမေးရှင်းဇာတ်ကားတိုများ၊ ရုံတင်အင်နီမေးရှင်း ဇာတ်ကားများကိုပါ ပရိသတ်များထံ အရောက်ပို့ဆောင်သွားရန် စီစဉ်ထားသည့် ဒါရိုက်တာဥာဏ်ကျယ်စေနှင့် တွေ့ဆုံ၍ ဆက်လက်ဖန်တီးသွားမည့် အနုပညာဖန်တီးမှုများ၊ အင်နီမေးရှင်းဈေးကွက်အပေါ် အမြင်တို့အား မေးမြန်းဖြစ်ခဲ့သည်။

■ မေး – သတိရတယ် Animated Music Video ကို ဖန်တီးခဲ့တဲ့ အတွေ့အကြုံလေးတွေကို အရင်ဆုံးပြောပြပါဦး။

ဖြေ – အင်နီမေးရှင်းအနေနဲ့ Music Video တစ်ခုလုံးကို ဖန်တီးထားတာပါ။ ဒီ Music Video က လေးမိနစ်စာဆိုပေမယ့် တကယ်ဖန်တီးခဲ့စဉ်တုန်းက နောက်ကွယ်မှာ လူ ၁၅ ယောက်နဲ့ ငါးလကျော်ကြာ ဖန်တီးခဲ့ရတယ်။ ဒီအတွက် ကုန်ကျစရိတ်လည်း အများကြီး ကုန်ပါတယ်။ နေ့ရောညရော လူတွေအများကြီး ပင်ပန်းခံပြီး လုပ်ခဲ့ရတယ်။

■ မေး – ဒီသီချင်းလေးကို ဖန်တီးရာမှာ ဘယ်လိုစိတ်ကူးနဲ့ ဖန်တီးခဲ့ရလဲ။

ဖြေ – ဒီသီချင်းနဲ့ ရုပ်နဲ့အသံကိုက်ဖို့ အရင်ဆုံး Story စဉ်းစားရတာပေါ့။ ကိုကျားပေါက်ရဲ့ Anger Management ကို နားထောင်ပြီးကတည်းက ကျွန်တော်တို့ Pencell Studio အနေနဲ့ကြိုက်တယ်။ ဒီထဲက သီချင်းတစ်ပုဒ်ကို Music Video ဖန်တီးမယ်လို့ စဉ်းစားခဲ့တယ်။ နောက်ဆုံးတော့ သတိရတယ်ကို ရွေးဖြစ်တယ်။ အင်န်နီမေးရှင်းဖြစ်တဲ့ အတွက်ကြောင့် လူနဲ့ပုံဖော်လို့မရတဲ့ အကြောင်းအရာမျိုးကို ရွေးချယ်တယ်။ Story ဖန်တီးရာမှာလည်း ကြည့်တဲ့ပရိသတ်က လွတ်လွတ်လပ်လပ် ဖြန့်တွေးနိုင်တဲ့ပုံစံမျိုးဖြစ်အောင် ဖန်တီးတယ်။ အားလုံးက တစ်ယောက်နဲ့တစ်ယောက်မတူဘူး။ ကိုယ့်ဘ၀နဲ့ကိုယ် ဆက်တွေးလို့ရမယ့် အနေအထားမျိုး၊ သတိရတယ်သီချင်းရဲ့ အကြောင်းအရာနဲ့လည်း ဝေးမသွားမယ့် Story မျိုးလေးဖြစ်အောင် အများကြီး ကြိုးစားထားတယ်။ အခက်အခဲပိုင်းကတော့ အခြားအလုပ်တွေလည်း မပျက်အောင် အားလုံးညှိပြီး လုပ်ရတယ်။ ဒီလိုပဲ ငတ်တစ်လှည့် ပြတ်တစ်လှည့်နဲ့ပေါ့။

■ မေး – Music Video အပေါ် အားရကျေနပ်မှုရောရှိလား။

ဖြေ – အားရကျေနပ်ပါတယ်။ Result ကတော့ ပရိသတ်ကပဲ ခန့်မှန်းပေးပါ။ Team က ဒီ Music Video ဖြစ်လာဖို့ကို အများကြီး ကြိုးစားထားကြတယ်။ ဒါကြောင့် ကျွန်တော်တို့တစ်ဖွဲ့လုံးရဲ့ အားထုတ်မှုကို ပရိသတ်တွေက ခံစားကြည့်ရှုပြီးမှပဲ Result ကို ခန့်မှန်းပေးစေချင်ပါတယ်။

■ မေး – ဒီ Music Video ကို နိုင်ငံတကာက Music Video Festival တွေမှာလည်းပြိုင်ဖို့ စိတ်ကူးရှိနေတယ်ဆိုတော့ အဲဒီအကြောင်းလည်း ပြောပြပါဦး။

ဖြေ – ကျွန်တော့်အရင် Animation Short Film ကို Festival တွေမှာ ပြိုင်ခဲ့ဖူးတယ်။ အခုဒီ Music Video ကိုလည်း ပြိုင်ချင်တယ်။ အဓိကရည်ရွယ်ချက်က မြန်မာနိုင်ငံရဲ့ အင်န်နီမေးရှင်းယဉ်ကျေးမှုကိုလည်း နိုင်ငံတကာက သိစေချင်တယ်။ မြန်မာနိုင်ငံရဲ့ ဂီတဖန်တီးမှုကိုလည်း နိုင်ငံတကာ သိစေချင်တယ်။ Festival တွေမှာ ပြိုင်ချင်တယ်။ ဒါကြောင့် သွားပြိုင်ဖို့လည်း ပြင်ဆင်နေပါတယ်။

■ မေး – Pencell Studio အနေနဲ့ ဘယ်လိုဖန်တီးမှုတွေ ထပ်လုပ်ဖြစ်မလဲ။

ဖြေ – ကျွန်တော်တို့ စိတ်ကူးထားတာတွေ အများကြီးရှိပါတယ်။ အားလုံးကပြင်ဆင်နေဆဲဆိုတော့ သေချာပြီဆိုမှ အားလုံးကိုအသိပေးပါမယ်။ Pencell Studio Page မှာ အင်နီမေးရှင်းကားတိုတွေ တင်ဖို့ရှိမယ်။ ရုံတင်ကားတွေအထိ လုပ်သွားဖို့ရှိတယ်။ ဘယ်အချိန်မှာ ဘာကအရင်ထွက်လာမယ်ဆိုတာတော့ ပြောလို့မရသေးလို့ပါ။ စောင့်မျှော်နေကြပါလို့ ပြောချင်ပါတယ်။

■ မေး – အစီအစဉ်တွေ အများကြီးရှိနေတယ်ဆိုတော့ အဲဒီအတွက်ပြင်ဆင်မှုနဲ့ စိန်ခေါ်မှုတွေဆိုရင်ရော။

ဖြေ – အများကြီး ပြင်ဆင်ရပါတယ်။ Plan A နဲ့မရရင် Plan B သွားဖို့ အမြဲတမ်းပြင်ထားရတယ်။ အဓိကတော့ ယုံကြည်မှုတစ်ခုနဲ့ပဲ ရှေ့ဆက်တာပါ။ ယုံကြည်မှု ခိုင်ခိုင်မာမာရှိရင် အောင်မြင်မယ်လို့ စိတ်ထဲမှာထားထားတယ်။

■ မေး – အင်န်နီမေးရှင်းက မြန်မာနိုင်ငံမှာတော့ စိန်ခေါ်မှုတွေအခက်အခဲတွေ အများကြီးရှိတုန်းပဲဆိုတော့ အဲဒီအပေါ်ဘယ်လိုမြင်လဲ။

ဖြေ – ဟုတ်ပါတယ်။ အင်န်နီမေးရှင်းက စိန်ခေါ်မှုတွေ အခက်အခဲတွေ အများကြီးရှိနေတုန်းပဲ။ မြန်မာပြည်အနုပညာမှာ အင်န်နီမေးရှင်းကို အနုပညာဖန်တီးမှုတစ်ခုအနေနဲ့ ဘောင်ဝင်လာဖို့၊ လက်ခံလာဖို့ကြိုးစားနေရဆဲပဲ။ အင်န်နီမေးရှင်းဖန်တီးသူတွေက အခုနောက်ပိုင်းတော့ ပိုများလာပါတယ်။ Animated Music Video လုပ်တယ်ဆိုတာလည်း အနုပညာတစ်ခုပဲလေ။ အင်န်နီမေးရှင်းဆိုတာက ရုပ်ရှင်အမျိုးအစားတစ်ခုပဲ။ နိုင်ငံခြားမှာဆိုရင် Live Action ရယ် Animation ရယ်နှစ်မျိုးရှိတယ်။ ဒီမှာလည်း ဒါတွေကို လက်ခံလာအောင် ကျွန်တော်တို့ကြိုးစားမယ်။

■ မေး – ဒီ Music Video လေး အခုထွက်လာတဲ့အခါ ပြန်ကြည့်ပြီးတော့ အားသာချက် အားနည်းချက် သုံးသပ်ပေးပါဆိုရင်ရော။

ဖြေ – Music Video ကောင်းမကောင်းကတော့ ပရိသတ်တွေ ဆုံးဖြတ်တာ အကောင်းဆုံးပါပဲ။ ကျွန်တော့်အနေနဲ့ကတော့ ဒါကိုဖန်တီးနေတဲ့ အချိန်အတွင်းမှာ တစ်ဖွဲ့လုံးက ကိုယ်တတ်တဲ့ပညာတွေကို အစွမ်းကုန်သုံးပြီး အကောင်းဆုံး ကြိုးစားထားကြတယ်။ ဒီလိုကြိုးစားထားတာနဲ့တင် ကျေနပ်နေပါပြီ။

■ မေး – ပရိသတ်ကိုပြောချင်တာများ ရှိမလား။

ဖြေ – Pencell Studio အနေနဲ့ အင်န်နီမေးရှင်း ဇာတ်ကားတွေရော Music Video တွေရော အများကြီးထပ်လာပါဦးမယ်။ အဲဒီအတွက် အင်န်နီမေးရှင်း ချစ်သူတွေရော၊ ကာတွန်းချစ်သူတွေပါ အားပေးစေချင်ပါတယ်။

■ မေး – ဖခင်ဖြစ်သူ ဆရာအော်ပီကျယ်ဆီကရော ဘယ်လိုလေ့လာ သင်ယူခွင့်ရခဲ့လဲ။

ဖြေ – အဖေက ကျွန်တော်အရမ်း လေးစားအားကျရတဲ့သူပါ။ အဖေ့ရဲ့ အနုပညာဖန်တီးမှုကိုသာမက အတွေးအခေါ် အယူအဆ၊ နေထိုင်ကျင့်သုံးမှုတွေကိုပါ ကျွန်တော်လေးစားအားကျရပါတယ်။

မြန်မာနိုင်ငံ ရော်ဘာစိုက်ပျိုးထုတ်လုပ်သူများအသင်း အထွေထွေအတွင်းရေးမှူး ဦးခိုင်မြင့်နှင့် တွေ့ဆုံခြင်း

‘ကျွန်တော်တို့ဆီကထုတ်လုပ်တဲ့ အရည်အသွေးတွေက အရမ်းကိုဆိုးရွားတဲ့ အရည်အသွေးတွေ ဖြစ်နေတယ်’

နိုင်ငံတကာဈေးကွက်တွင် ရော်ဘာဈေးနှုန်း ကျဆင်းမှုနှင့်အတူ ပြည်တွင်းရော်ဘာဈေးနှုန်းများကလည်း ကျဆင်းနေခဲ့ပါတယ်။ ဒီလိုဈေးနှုန်းကျဆင်းခဲ့တဲ့အတွက် ပြည်တွင်းရှိ ရော်ဘာခြံငယ် ပိုင်ရှင်များအနေဖြင့် လုပ်ငန်းဆက်လက် မလုပ်ဆောင်နိုင်တော့တဲ့အထိ အခက်အခဲများဖြစ်ခဲ့ပါတယ်။ လက်ရှိဖြစ်ပေါ်နေတဲ့ အခက်အခဲများကို ဘယ်လိုဖြေရှင်းသင့်လဲ။ မြန်မာနိုင်ငံရဲ့ ရော်ဘာဈေးကွက်အခြေအနေနဲ့ ပြည်ပဈေးကွက် အလားအလာကောင်းများရရှိအောင် မည်ကဲ့သို့ ကြိုးစားဆောင်ရွက်သင့်လဲ။ ထပ်မံစိုက်ပျိုးမယ့် ရော်ဘာခြံပိုင်ရှင်များ အနေဖြင့်လည်း မည်ကဲ့သို့ ကြိုတင်ပြင်ဆင်မှုတွေလုပ်သင့်လဲ စတဲ့အကြောင်းအရာများကို သိရှိရအောင် မြန်မာနိုင်ငံ ရော်ဘာစိုက်ပျိုးထုတ်လုပ်သူများ အသင်းမှ အထွေထွေအတွင်းရေးမှူး ဦးခိုင်မြင့်နှင့် တွေ့ဆုံမေးမြန်းထားခြင်းကို ဖော်ပြလိုက်ပါတယ်။

■ မေး – လက်ရှိပြည်တွင်းမှာ ရော်ဘာစိုက်ပျိုးမှုအခြေအနေနဲ့ စိုက်ဧက ဘယ်လောက်လောက်ရှိသလဲ။ ထုတ်လုပ်မှုအနေအထားက ဘယ်လောက်ရှိသလဲ။
ဖြေ – ပြည်တွင်းရော်ဘာ စိုက်ပျိုးထုတ်လုပ်မှုအနေနဲ့ကတော့ နောက်ဆုံးစိုက်ဧကဆိုလို့ရှိရင် တစ်နိုင်ငံလုံးမှာ ဧကတစ်သန်းခြောက်သိန်း ကျော်သွားပြီ။ လက်ရှိထုတ်လုပ်ဧက ခုနစ်သိန်း ပတ်ဝန်းကျင်လောက်ပဲရှိသေးတယ်။ ကျန်တာတွေကတော့ ထိန်းသိမ်းဧကတွေပေါ့။ အဲဒီဧက ခုနစ်သိန်းကျော်က ထုတ်လုပ်တာက တစ်နှစ်ကို တန်ချိန်နှစ်သိန်းခွဲနီးပါး ရှိတယ်။

■ မေး – ပြည်တွင်းကထွက်ရှိတဲ့ ရော်ဘာတွေကို ဘယ်နိုင်ငံတွေကို အဓိကတင်ပို့လဲ။ ဈေးကွက်အခြေအနေကိုလည်း ပြောပြပေးပါ။
ဖြေ – လက်ရှိမှာက ရော်ဘာထွက်တာ တန်ချိန်နှစ်သိန်းခွဲလောက် ဖြစ်လာတယ်ပေါ့။ ကျွန်တော်တို့နိုင်ငံရဲ့ အားနည်းချက်က ဒီကုန်ချောထုတ်လုပ်မှုမှာ သုံးတဲ့ကုန်ကြမ်းအဖြစ်သုံးတာက အရမ်းနည်းတာ။ တစ်နိုင်ငံလုံး အထွက်နှုန်းရဲ့ ရှစ်ရာခိုင်နှုန်းလောက်ပဲ ပြန်သုံးတာရှိတယ်။ ပြည်ပတင်ပို့တာက ၉၂ ရာခိုင်နှုန်းလောက်သွားတာ။ ဒီ ၉၂ ရာခိုင်နှုန်းမှာ တကယ်တမ်း အမြောက်အမြားသွားတာကတော့ တရုတ်နိုင်ငံကို ရာခိုင်နှုန်း ၇၀ လောက်သွားတယ်။ ကျန်တဲ့ ရာခိုင်နှုန်း ၃၀ က မလေးရှား၊ အင်ဒိုနီးရှား၊ ဗီယက်နမ်တို့ နောက်ပြီးတော့ ကိုရီးယား၊ ဂျပန်၊ စင်ကာပူ၊ အိန္ဒိယ အဲဒီနိုင်ငံတွေကို သွားတာပေါ့။

■ မေး – ပြည်တွင်းမှာထုတ်တဲ့ ရော်ဘာအရည်အသွေးနဲ့ နိုင်ငံတကာနဲ့ ယှဉ်ကြည့်ရင် ဘယ်လိုအနေအထားမျိုးလဲ။
ဖြေ – အဓိကပြဿနာက အဲဒါပဲ။ လက်ရှိနိုင်ငံခြားကို Export လုပ်နေတဲ့အခါမှာ နိုင်ငံတကာပေါက်ဈေးအနေနဲ့ ကျွန်တော်တို့ တိုင်းပြည်ကရတဲ့ဈေးက နိုင်ငံတကာပေါက်ဈေးထက် တစ်တန်ကို ဒေါ်လာ ၃၅၀ ကနေ ၄၀၀ ကြားလောက်ကို လျှော့ရောင်းနေရတာ။ ဒီလိုလျှော့ရောင်းနေရတဲ့ ကိစ္စကလည်း အရည်အသွေးပေါ့နော်။ ကျွန်တော်တို့ဆီက ထုတ်လုပ်တဲ့ အရည်အသွေးတွေက အရမ်းကိုဆိုးရွားတဲ့ အရည်အသွေးတွေဖြစ်နေတယ်။ ဈေးကတော့ တစ်တန်ကို ဒေါ်လာ ၃၅၀ ကနေ ၄၀၀ တော့ လျှော့ရောင်းနေရတယ်။ တကယ်တမ်းက RSS ဆိုရင် 1,2,3,4,5 ရှိတယ်။ ကျွန်တော်တို့ဆီကနေ နိုင်ငံခြားကို Export သွားနေတဲ့ RSS-3 ဆိုပြီးတော့ နာမည်တပ်ပြီး သွားနေတဲ့ပစ္စည်းတွေက တကယ်တမ်း ပြန်ပြောမယ်ဆိုရင် နိုင်တကာစံချိန်စံညွှန်းနဲ့ပြောရင် နိုင်ငံတကာ RSS-5 ကိုတောင်မှ ကျွန်တော်တို့ကမမီဘူး။

မေး – လက်ရှိ နိုင်ငံတကာမှာ ရော်ဘာဈေးနှုန်းက ကျနေတယ်။ ပြည်တွင်းမှာလည်း ဈေးကျနေတယ်။ ဒါကြောင့် ပြည်တွင်းက တချို့ရော်ဘာစိုက်တဲ့သူတွေက မကိုက်လို့ လုပ်ငန်းရပ်ဆိုင်းရတာမျိုးတွေ ရှိတယ်။
ဖြေ – ကျွန်တော်တို့နိုင်ငံရဲ့ အဓိကအားနည်းတာက တစ်နှစ်တစ်ဧက အထွက်နှုန်း အရမ်းနိမ့်တယ်။ နိမ့်ရတဲ့အကြောင်းရင်းက မျိုးတွေမှားယွင်းထားတဲ့ပြဿနာ။ စပြီးစိုက်တဲ့အချိန်မှာ မျိုးတွေမှားစိုက်ထားတဲ့ ပြဿနာပေါ့။ ရော်ဘာမှာ တစ်ဧက တစ်နှစ်ထွက်နှုန်းက ပေါင် ၅၀၀ ထွက်တဲ့မျိုးရှိတယ်။ ပေါင် ၈၀၀ ထွက်တဲ့မျိုးရှိတယ်။ ပေါင် ၁၀၀၀ ထွက်တဲ့မျိုးရှိတယ်။ ပေါင် ၁၂၀၀၊ ၁၆၀၀၊ ပေါင် ၁၈၀၀ အထိ ထွက်တဲ့မျိုးရှိတယ်။ ကိုယ်ကစပြီးစိုက်ကတည်းကိုက စိုက်မယ့်နေရာဒေသနဲ့ ကိုက်ညီတဲ့မျိုးကို အမြင့်ဆုံးအထွက်နှုန်းကို ရွေးချယ်ပြီး စိုက်ထားတဲ့သူတွေကတော့ အဲဒီလိုအထွက်နှုန်းမှာလည်း မြင့်မားတယ်။ ထုတ်လုပ်တဲ့ပစ္စည်းကလည်း အရည်အသွေးမီတဲ့ပစ္စည်း ထုတ်လုပ်တယ်ဆိုရင် ရှင်းရှင်းပြောရရင် လက်ရှိအခုပေါက်ဈေးနဲ့က ဘာပြဿနာမှမရှိသေးဘူး။ ခြံတွေက လုပ်နိုင်သေးတယ်။ ခုနလိုပြောတဲ့ ခြံတွေကမကိုက်တော့ဘူး။ ရပ်လိုက်ရတယ်ဆိုတဲ့ဟာက တစ်နှစ်ကို တစ်ဧကအထွက်နှုန်းက ပေါင် ၅၀၀ ထွက်တဲ့မျိုးကို စိုက်ထားတဲ့ခြံမျိုးဆိုရင် သူ့ရဲ့ထုတ်လုပ်မှုစရိတ်တွေ အရမ်းများနေပြီ။ အဲဒီတော့ သူထပ်ပြီးတော့ မလုပ်နိုင်တော့ဘူးပေါ့နော်။ တကယ်တမ်း ပေါင် ၁၈၀၀ ဆိုရင် သူနဲ့ဆိုရင် သုံးဆလောက်မြင့်နေပြီ သူထုတ်လုပ်ပြီး ရောင်းတဲ့ပစ္စည်းက သာမန်ပေါ့နော်။ အညံ့စားပစ္စည်းဈေးပဲ သူရမှာ။ ဟိုတုန်းကတော့ ကျွန်တော်တို့ရော်ဘာက ဈေးအနေနဲ့ နည်းနည်းပြောရတာ ပြဿနာရှိတယ်။ နိုင်ငံတကာ စံချိန်စံညွှန်းနဲ့မီတဲ့ အရည်အသွေးအတိုင်း ထုတ်ပြီးတော့ ရောင်းပြန်ရင်လည်း တကယ်တမ်း အ၀ယ်ဒိုင်တွေက လက်ရှိအရည်အသွေးမမီတဲ့ ပစ္စည်းဈေးထက်ကို တစ်ပေါင်ကို တစ်ဆယ်၊ နှစ်ဆယ်လောက်ပဲ ပိုပေးတယ်။ ရှင်းရှင်းပြောရရင် မကိုက်ဘူးပေါ့နော်။ ဟိုတုန်းကတော့ ဈေးကွက်ပြဿနာရှိတယ်။ အရည်အသွေးကောင်းအောင် ထုတ်လာပြန်ရင်လည်း အ၀ယ်မရှိတဲ့အတွက် ဈေးကွက်က တော်တော်ပြဿနာရှိတယ်။ ဒါပေမဲ့ ပြီးခဲ့တဲ့ သုံး၊ လေး၊ ငါးနှစ်ကစပြီးတော့ အဲဒီပြဿနာကို Quality Control တွေလုပ်တယ်။ အရည်အသွေးကို မြှင့်တင်လာတာတွေ လုပ်တယ်။ ဂျပန်အကူအညီနဲ့ ဒီအရည်အသွေးမြှင့်တင်ခြင်း၊ သင်တန်းပို့ချတာတွေလုပ်တယ်။ စီးပွားကူးသန်းဝန်ကြီးဌာနနဲ့ ပူးပေါင်းပြီးတော့ ဓာတ်ခွဲခန်းတစ်ခုလည်း ထူထောင်ထားတယ်။ အရည်အသွေးနဲ့ပတ်သက်ပြီး ထဲထဲဝင်ဝင်လုပ်တဲ့အခါကျတော့ တော်တော်လေး အောင်မြင်မှုရလာပါပြီ။ အောင်မြင်မှုရလာတာနဲ့အတူ ဈေးကွက်ကလည်း ပေါ်လာခဲ့တယ်။ တကယ်တမ်း RSS-1 နဲ့ RSS-3 နဲ့ဆိုရင် RSS-3 ကို ဒီနေ့ပေါက်ဈေး တစ်ပေါင်ကို ကျပ် ၇၃၀ လောက်ဆိုရင် RSS-1 ထုတ်ရင် တစ်ပေါင်ကို ကျပ် ၈၈၀ နဲ့ ၉၀၀ ပတ်ဝန်းကျင်လောက်ရမယ်။ ဈေးတန်းတစ်တန်းက တက်လာပြီ ဈေးကွက်လည်းပေါ်လာပြီ လိုက်လုပ်ဖို့ပဲလိုတော့တာ။ တစ်ပေါင်ကို ကျပ် ၁၅၀ လောက် ကွာလာတဲ့အခါကျတော့ တစ်နှစ်တစ်နှစ်ထွက်တဲ့ ပေါင်နဲ့တွက်မယ်ဆိုရင် ၀င်ငွေက အများကြီးကွာလာမယ်။ အရည်အသွေးလည်း တက်လာမယ်။ တက်လာတဲ့ အရည်သွေးအတိုင်း ဈေးကလည်းရပြီ။ မျိုးကလည်း အထွက်နှုန်းမြင့်တဲ့ မျိုးဖြစ်မယ်ဆိုရင် လက်ရှိအခြေအနေမှာ ရော်ဘာခြံတွေက ပြဿနာသိပ်မရှိသေးဘူးလို့ ပြောလို့ရပါတယ်။ ကျွန်တော်တို့နိုင်ငံမှာက အမှားပေါင်းများစွာကို ပြင်နေရတဲ့ အခြေအနေပေါ့နော်။

■ မေး – ဒုတိယသမ္မတနဲ့ လုပ်ငန်းရှင်တွေ တွေ့တုန်းကလည်း တင်ပြထားတာရှိတယ်။ မွန်ပြည်နယ်အပြင် အခြားရော်ဘာအထွက်နှုန်းများတဲ့ ပြည်နယ်နဲ့ တိုင်းဒေသကြီးတွေမှာ ရော်ဘာကုန်ကြမ်း၊ ကုန်ချောထုတ်လုပ်တဲ့ဇုန်တွေ ထူထောင်မယ့်ကိစ္စကိုလည်း ရှင်းပြပေးပါ။
ဖြေ – ရော်ဘာ Industrial Zone ပေါ့နော်။ ကျွန်တော်တို့တိုင်းပြည်မှာက ကုန်ချောထုတ်လုပ်တဲ့စက်ရုံတွေ အရမ်းနည်းတယ်။ တကယ်တမ်း ဖြစ်ဖြစ်မြောက်မြောက် ကြည့်လိုက်ရင် တာယာစက်ရုံအနေနဲ့ဆိုရင် ယခင်ကအစိုးရမှာ နှစ်ရုံရှိခဲ့တယ်။ သထုံတာယာစက်ရုံရယ်၊ ဘီးလင်းတာယာစက်ရုံရယ်။ ပြီးတော့ပုဂ္ဂလိက တာယာစက်ရုံပေါ့။ ရန်ကုန်တာယာဆိုပြီး သူကပေါ်လာခဲ့တယ်။ အခုနောက်ပိုင်းမှာ MEC က တာယာစက်ရုံတစ်ရုံ ပေါ်လာခဲ့တယ်။ အခု ရန်ကုန်တာယာကနေ ဘီးလင်းတာယာစက်ရုံကို နှစ်ရှည်ငှားရမ်းပြီးတော့ သူတို့ရေဒီရယ်တာယာတွေ ထုတ်နေတယ်။ မောတော်ဆိုင်ကယ်တာယာလည်း ထုတ်နေပြီ။ တကယ်တမ်း တာယာစက်ရုံလေးရုံမှာ ထုတ်လုပ်မှုတက်လာတာက ရန်ကုန်တာယာနဲ့ MEC က ထုတ်တာကပဲ တက်လာတယ်။ သထုံတာယာစက်ရုံက ဟိုးအရင်တုန်းက စက်ရုံအဟောင်းတွေ ဖြစ်တဲ့အခါကျတော့ ဌာနဆိုင်ရာသုံးလောက်ပဲ ထုတ်လုပ်နိုင်တယ်။ အဲဒါကိုကြည့်ရင် ပြည်တွင်းသုံးစွဲမှုက မတက်လာဘူး။ အဓိက က ကျွန်တော်တို့တိုင်းပြည်ရဲ့ ပြည်တွင်းသုံးစွဲမှုတက်လာပြီး ကုန်ချောတွေ အမြောက်အမြားထုတ်လာရင် ကိုယ့်တိုင်းပြည်ကထွက်တဲ့ ရော်ဘာတွေသည်လည်း နိုင်ငံခြားကို Export ပို့ရတဲ့ကိစ္စတို့၊ အားကိုးရတဲ့ဟာတွေ အများကြီးလျော့သွားမယ်။ ဒီဘက်ကို ပြန်ကြည့်တဲ့ အခါကျတော့လည်း ပြည်တွင်းကို နိုင်ငံခြားကနေ စက်ရုံတွေ လာဆောက်တယ်ဆိုတာကလည်း ကျွန်တော်တို့ မြေယာလိုအပ်ချက်၊ အခြေခံအဆောက်အအုံ။ ပြီးတဲ့အခါကျတော့ ဥပဒေ။ ဥပဒေတွေက လိုအပ်နေတာ အများကြီးရှိနေတယ်။ နိုင်ငံခြားက ရင်းနှီးမြှုပ်မှုနဲ့ လာမယ့်သူတွေက သူတို့က ကျွန်တော်တို့နိုင်ငံကနေထုတ်တဲ့ ကုန်ကြမ်းတွေသည် သူတို့လိုချင်တဲ့ အရည်အသွေးထွက်ပြီလား စဉ်းစားတယ်။ သူတို့လိုချင်တဲ့ အရေအတွက်ရော ရနိုင်ရဲ့လား။ အဲဒီဟာကို စဉ်းစားတဲ့အခါကျတော့ သူတို့လိုချင်တဲ့ အရေအတွက်ကတော့ ရနိုင်တယ်။ သို့သော်လည်း သူတို့လိုချင်တဲ့ အရည်အသွေးပိုင်းအနေနဲ့က ကျွန်တော်တို့ အများကြီး ကြိုးစားဖို့လိုသေးတယ်။ ဒါကြောင့်မို့ ကျွန်တော်တို့က အတင်းမောင်းနှင်နေတာက နိုင်ငံတကာပေါက်ဈေးနဲ့အညီ ကျွန်တော်တို့ ဈေးကောင်းလည်းရအောင်၊ ပြည်တွင်းကိုလည်း နိုင်ငံခြားကနေပြီးတော့ ကုန်ချောစက်ရုံတွေ ၀င်ရောက်လာအောင်။ ကုန်ချောစက်ရုံတွေ ၀င်ရောက်လာရင် သူတို့လိုချင်တဲ့ ကုန်ကြမ်းတွေထုတ်ပေးနိုင်တဲ့အခါကျရင် အဲစက်ရုံတွေက ကျွန်တော်တို့ကုန်ကြမ်းတွေကို နိုင်ငံတကာပေါက်ဈေးနဲ့ပဲဝယ်ရမှာ။ နိုင်ငံတကာပေါက်ဈေးနဲ့ ၀ယ်တဲ့အခါကျရင် သူတို့တိုင်းပြည်ကိုပို့ရတဲ့ သယ်ယူပို့ဆောင်ရေးစရိတ်တွေက အများကြီး သူတို့သက်သာသွားတဲ့အတွက်မို့ ကျွန်တော်တို့တိုင်းပြည်က ကုန်ကြမ်းတွေကို အမြောက်အမြား သုံးပေးလို့ရတာပေါ့။ အဲဒီတော့ ရော်ဘာအမြောက်အမြား စိုက်ပျိုးတဲ့ ပြည်နယ်နဲ့တိုင်းတွေမှာ ရော်ဘာ Industrial Zone တွေ ဖော်ဆောင်ပေးဖို့။ အဲဒီလိုဖော်ဆောင်ပြီးတဲ့အခါကျရင် နိုင်ငံခြားရင်းနှီးမြှုပ်နှံမှုတွေ လာရောက်စက်ရုံတည်ထောင်မယ်လို့ ပြည်တွင်းက MIC နဲ့ စက်ရုံတွေတည်ထောင်ဖို့ လုပ်တဲ့အခါကျရင် မြေတို့၊ အခြေခံအဆောက်အအုံတွေ ရှိနေပြီဖြစ်တဲ့အတွက်ကြောင့်မို့ မြန်မြန်ဆန်ဆန်နဲ့ အကောင်အထည် ဖော်ဆောင်နိုင်တာပေါ့။

မွန်ပြည်နယ် ကျိုက်မရောမြို့နယ်အတွင်း ရော်ဘာကုန်ကြမ်း ထုတ်လုပ်မှုအဆင့်ဆင့်ကို တွေ့ရစဉ်

■ မေး – အမျိုးသားပို့ကုန် မဟာဗျူဟာကဏ္ဍမှာလည်း ရော်ဘာကဏ္ဍကို ထည့်ထားတယ်။ ဒီလိုဆောင်ရွက်နေတဲ့ ကာလအတွင်းမှာ ရော်ဘာကဏ္ဍကနေပို့ကုန်ကို ဘယ်လောက်မြှင့်တင်ပေးနိုင်ခဲ့လဲ။
ဖြေ – အဓိကတော့ အခုအကောင်အထည်ဖော်နေတာတွေက NES (National Export Strategy) မှာပါတဲ့အတိုင်းကို အကောင်အထည်ဖော်နိုင်ရင် ကျွန်တော်တို့နိုင်ငံအတွက် ရော်ဘာကဏ္ဍက ပြီးပြည့်စုံတဲ့ကဏ္ဍတစ်ခု ဖြစ်သွားပြီ။ NES ရဲ့ လုပ်ငန်းစဉ်အတိုင်းကို အကောင်အထည်ဖော်ရာမှာ Quality Control တို့ Quantity Control တို့ဆက်သွားနေတာပေါ့။ လက်ရှိ တကယ်တမ်းပြောရမယ်ဆိုရင် နိုင်ငံခြားကို Export လုပ်နေတာက ခါတိုင်း ကျွန်တော်တို့ နှစ်စဉ်နှစ်စဉ်ပေါ့။ တန်ချိန် ရှစ်သောင်း၊ ကိုးသောင်းဝန်းကျင်။ ဒါပဲသွားနေတာ ၂၀၁၆-၂၀၁၇ ဘဏ္ဍာနှစ်မှာ တန်ချိန် ၁၄၀၀၀၀ အထိ Export တက်လာတယ်။ ဒါကလည်း ပြည်တွင်းကထုတ်လုပ်မှု တိုးတက်လာတာတွေရယ် တရားမ၀င်တင်ပို့မှု ထိန်းချုပ်လာနိုင်တဲ့ အခြေအနေရှိလာတော့ တရားဝင်တင်ပို့မှုတွေ တက်လာတာ။

■ မေး – နေပြည်တော်မှာ ပထမဆုံးရော်ဘာဖိုရမ် လုပ်သွားတာလည်းရှိတယ်။ အဲဒီကနေပြီးတော့ ဘယ်လိုအကျိုးကျေးဇူးတွေရရှိခဲ့လဲ။ နောက်ထက်ရော ဆက်လုပ်သွားဖို့ရှိလား။
ဖြေ – ရော်ဘာဖိုရမ်ကတော့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနရဲ့ နှစ်ရှည်စက်မှုသီးနှံနဲ့ ပူးပေါင်းပြီးတော့ လုပ်တာပေါ့နော်။ ကျွန်တော်တို့ဆီမှာ ရော်ဘာဖိုရမ်ဆိုတာ တစ်ခါမှမရှိခဲ့ဘူးပေါ့။ ရော်ဘာကဏ္ဍအနေနဲ့လည်း နိုင်ငံတော်ကပံ့ပိုးရမယ့် အစီအစဉ်တွေက များလာတယ်။ ရော်ဘာကဏ္ဍ တိုးတက်လာတဲ့အခါကျတော့ အဲဒါတွေကိုလည်း နိုင်ငံတော်အဆင့်အနေနဲ့ပေါ့နော်။ ထဲထဲဝင်ဝင်သိရှိပြီး ဆောင်ရွက်ပေးနိုင်ဖို့လည်း ရည်ရွယ်တာပေါ့။ လက်ရှိလုပ်နေတဲ့ အခြေအနေတွေ၊ ဆက်လက်သွားမယ့် အခြေအနေတွေ။ အဲဒီဟာတွေကအတွက် ကျွန်တော်တို့ ပုဂ္ဂလိကခြံရှင်တွေအနေနဲ့ ဘယ်လိုမျိုးအားစိုက်ပြီးတော့၊ ကြိုးပမ်းပြီးတော့ ဆောင်ရွက်သွားသင့်တယ်။ ပြီးတော့ သက်ဆိုင်ရာအစိုးရ ဌာနအသီးသီးက ဘယ်လိုပံ့ပိုးသင့်တယ်။ ဘာတွေလုပ်ပေးသင့်တယ်။ အခုနောက်ပိုင်းကျတော့ နိုင်ငံတကာမှာ ခေတ်စားလာတာက Substainable Natural Rubber ပေါ့။ သူက အချက်ငါးချက်ရှိတယ်။ ရော်ဘာမျိုးကောင်း မျိုးသန့်တွေကို ရွေးချယ်စိုက်ပျိုးပြီး အထွက်နှုန်းတိုးမြင့်အောင် လုပ်မယ်၊ ထွက်လာတဲ့ပစ္စည်းတွေကို အရည်အသွေး မြင့်သည်ထက်မြင့်အောင် လုပ်ရမယ်။ ရော်ဘာစိုက်ပျိုးတဲ့ မြေတွေသည် သစ်တောမြေမဖြစ်ရဘူး။ သဘာဝပတ်ဝန်းကျင်ကို ထိခိုက်တဲ့ကိစ္စမျိုး၊ သစ်တောကိုထိခိုက်တဲ့ဟာမျိုး မဖြစ်ရဘူး။ ရော်ဘာထုတ်လုပ်တဲ့နေရာမှာ သုံးစွဲတဲ့ရေသည် လိုအပ်တာထက် ပိုမိုသုံးစွဲတာမရှိရဘူး။ စွန့်ပစ်ရေသည်လည်း သဘာဝပတ်ဝန်းကျင်ကို မထိခိုက်အောင် ပြန်လည်သန့်စင်ပြီးတော့မှ စွန့်ပစ်ရမယ်။ အဓမ္မလုပ်သားစေခိုင်းပြီးတော့ မလုပ်ရဘူး။ ကလေးလုပ်သား စေခိုင်းခြင်းမရှိရဘူး။ အဲဒီအချက်ငါးချက်နဲ့ညီမှသာ ကမ္ဘာ့ကုန်ချောထုတ်တဲ့ စက်ရုံတွေ၊ တာယာထုတ်လုပ်တဲ့ စက်ရုံကြီးတွေက အဲဒါနဲ့ကိုက်ညီတဲ့၊ ထုတ်လုပ်တဲ့ရော်ဘာကိုသာလျှင် ၀ယ်ပါ့မယ်ဆိုတဲ့အချက်ကို တာယာစက်ရုံကြီးတွေကလည်း Bridge Stone တို့၊ Yoko-hama တို့၊ Michelin တို့။ သူတို့တွေကလည်း လိုက်နာပါ့မယ်လို့ ကတိက၀တ် ပေးထားပြီးပြီ။ နောက်ပိုင်း ရော်ဘာထုတ်လုပ်တဲ့အခါမှာ အဲဒီအချက်တွေနဲ့ ကိုက်ညီအောင် ထုတ်လုပ်ရမယ်ဆိုတဲ့ဟာကိုလည်း ကျွန်တော်တို့ဖိုရမ်မှာ အသိပေးပြောကြားတာပေ့ါ။ ဒီလိုဖိုရမ် ကျင်းပတဲ့အတွက် ရော်ဘာကဏ္ဍ ဖွံ့ဖြိုးတိုးတက်အောင် ဆက်ပြီးလုပ်ရမယ့် အလားအလာတွေ အများကြီးမြင်လာရတာပေါ့။ ရန်ကုန်တာယာစက်ရုံတို့၊ သထုံစက်ရုံတို့၊ MEC တာယာစက်ရုံတွေက သူတို့စက်ရုံတွေကနေပြီးတော့ တစ်နှစ် သူတို့ရဲ့ထုတ်လုပ်တဲ့ ကုန်ပစ္စည်းအတွက် လုံလောက်တဲ့ကုန်ကြမ်း ရရှိပြီဆိုရင် ဆက်ပြီးတော့ မ၀ယ်တော့ဘူး။ အဲဒီအခါကျရင် ကျွန်တော်တို့က အရည်အသွေးမြင့်တွေ အမြောက်အမြား ထုတ်ပေမယ့်လည်း ဈေးကွက်မှာရောင်းရတာ အကန့်အသက်ရှိတယ်ပေါ့နော်။ အခုကျတော့ ပြီးခဲ့တဲ့နှစ်ကစပြီးတော့ ကျွန်တော်တို့ မြန်မာပြည်ကို South Land Myanmar ကုမ္ပဏီဆိုပြီးတော့ ကုမ္ပဏီအကြီးတစ်ခုပေါ့နော် MIC ခွင့်ပြုချက်နဲ့ သီလ၀ါမှာစက်ရုံ စတင်နေပြီ။ အဲဒီကုမ္ပဏီက ရော်ဘာကိုသာ အရည်အသွေးပြည့်ပြီး ကောင်းအောင်သာထုတ်။ ထုတ်သလောက် သူတို့ဝယ်မယ်။ ဈေးကွက်ရဲ့ ကန့်သတ်ချက်မရှိတော့ဘူး။

■ မေး – ဒီလိုဈေးကွက် အလားအလာကောင်းတွေ ပေါ်ထွန်းလာပြီဖြစ်တဲ့အတွက် ရော်ဘာစိုက်ပျိုးသူတွေက ဘယ်လိုပြင်ဆင်သင့်လဲ။ နိုင်ငံတော်ကရော ဘယ်လိုပံ့ပိုးမှုတွေကို လုပ်ပေးသင့်လဲ။
ဖြေ – အဓိကတော့ ကျွန်တော်တို့ခြံရှင်တွေက အထူးသဖြင့်ပေါ့။ ခြံငယ်ရှင်မှာ ရော်ဘာထုတ်တဲ့နေရာမှာ တစ်စိုက်မတ်မတ် ဦးစားပေးပြီးတော့ ထုတ်ဖို့လိုလာပြီပေါ့။ အဲဒါတွေထုတ်ဖို့လည်း ပြည်နယ်နဲ့တိုင်းက ၀န်ကြီးချုပ်တွေနဲ့ ကျွန်တော်တို့တွေ့ဆုံပြီး Group Procession တွေလုပ်ဖို့အတွက် အရည်သွေးမြင့် ရော်ဘာထုတ်ဖို့ အတွက်ကတော့ ခြံငယ်တွေ ၁၀ ဧက၊ ၁၅ ဧကပိုင်တဲ့ ခြံငယ်ရှင်တွေကျတော့ သူတို့က စက်ရုံတို့၊ မှိုင်းရုံတို့ဆောက်ဖို့ ငွေကြေးအနေနဲ့ မပြည့်စုံဘူးပေါ့နော်။ ပြီးတော့ အစိုးရအနေနဲ့ ပံ့ပိုးရင်လည်း ၁၀ ဧက၊ ၁၅ ဧကကို မှိုင်းရုံတစ်ရုံ၊ စက်ရုံတစ်ရုံ ဆောက်ပေးရမယ်၊ ပံ့ပိုးရမယ်ဆိုရင်လည်း မဖြစ်နိုင်ဘူး။ Group Procession ပေါ့။ ဒါက ဧက ၃၀၀၊ ၄၀၀ လောက်ကို တစ်ဖွဲ့ဖွဲ့လိုက်ပြီး အဲဒီအဖွဲ့ကြီးတစ်ဖွဲ့ကို ရော်ဘာ Procession လုပ်မယ့် စက်ရုံကြီးတစ်ရုံ တည်ဆောက်ပေးတယ်။ ရင်းနှီးမြှုပ်နှံမှုနဲ့ တည်ဆောက်ပေး။ နိုင်ငံတော်ကပံ့ပိုးမှုနဲ့ ချေးငွေတို့ ဘာတို့နဲ့ဆောက်ပေးလိုက်။ ဧက ၄၀၀၊ ၅၀၀ ရဲ့ ပစ္စည်းတွေက ဒီမှာပဲလာပြီးတော့ Procession လုပ်မယ်ဆိုရင် အရည်အသွေးလည်းရမယ်။ ထွက်လာတဲ့ပစ္စည်းတွေ တစ်ပြေးညီဖြစ်မယ်။ အခုဟာက ကျွန်တော်တို့ဆီမှာက RSS-3 သာပြောတယ်။ RSS-3 က ၁၀ မျိုးလောက်ဖြစ်နေတယ်။ အဲဒီလိုယူနီဖောင်းဖြစ်လာရင် ထိုင်းက ကမ္ဘာမှာ ရော်ဘာစိုက်ပျိုးထုတ်လုပ်မှု အများဆုံး။ ထိုင်းရဲ့ တစ်နှစ်တစ်နှစ် ထုတ်လုပ်တဲ့တန်ချိန်က တန်ချိန်လေးသန်း အထက်မှာ ထုတ်လုပ်နေတယ်။ ကျွန်တော်တို့က နှစ်သိန်းကျော်ပဲ ရှိသေးတယ်။ တန်ချိန်လေးသန်းကျော် ထွက်ပေမယ့်လည်း သူဆီမှာက စကတည်းက လွန်ခဲ့တဲ့နှစ်ပေါင်း ၆၀၊ ၇၀ လောက်ကတည်းက စနစ်တကျနဲ့ သွားထားတဲ့အခါကျတော့ ဥပမာ Rubber Board (ရော်ဘာဘုတ်အဖွဲ့) တွေရှိတယ်။ Research တွေရှိတယ်။ အဲဒီရော်ဘာဘုတ်တွေကနေပြီးတော့ Export သွားတဲ့သမျှကို Self-Fund တွေထူထောင်ပြီးတော့ ကောက်ထားတယ်။ အဲဒီ Fund နဲ့ သူကခြံငယ်ရှင်တွေကို ဥပမာ ၁၅ ဧကရှိတဲ့ ခြံငယ်ပေါ့။ သူ့ခြံက နှစ် ၂၅ နှစ်ရှိသွားပြီ။ အထွက်နှုန်းလည်း နိမ့်သွားပြီ။ မျိုးအသစ်နဲ့ ပြန်လည်အစားထိုးပြီး စိုက်ချင်တယ်ဆိုရင် အဲဒီဘုတ်အဖွဲ့ကို လျှောက်လိုက်ရင် ဟိုကဆင်းစစ်လို့ ကိုက်ညီပြီဆိုတာနဲ့ ဒီအပင်တွေကို ခုတ်လိုက်။ အဲဒီခုတ်လို့ရတဲ့ပိုက်ဆံကို ခြံပိုင်ရှင်ကယူထား။ Self-Fund နဲ့ အသစ်စိုက်ပေးတယ်။ တစ်ခြံလုံးကို မျိုးကောင်းမျိုးသန့်ကို အပြည့်စိုက်ပေးတယ်။ ပြီးရင် နှစ်စဉ် နှစ်စဉ် ပေါင်းရှင်းစရိတ်၊ မြေသြဇာကျွေးတဲ့စရိတ်၊ ထိန်းသိမ်းတဲ့စရိတ် အဲဒါကနေပြီးတော့ အကုန်အကျ ခံပေးထားတယ်။ ခြောက်နှစ်ပြည့်လို့ ၀င်ငွေပြန်ရလာပြီဆိုတဲ့အခါမှ ဒီထောက်ပံ့ကြေးကို ရပ်လိုက်တယ်။ အဲဒီခြံရှင်က ဒီငွေကိုပြန်ဆပ်စရာမလိုဘူး။ ခြံရှင်အနေနဲ့ ခြောက်နှစ်တာ စားဝတ်နေရေး ပူစရာမလိုတော့ဘူး။ ဒီခြံကို ပြန်လည်ထူထောင်တဲ့အခါမှာလည်း ငွေကြေးအားဖြင့် သူကစိုးရိမ်စရာလည်းမလိုဘူး။ ချေးစရာလည်းမလိုဘူးဆိုတော့ တောင်သူတွေရဲ့ဘ၀က အရမ်းအဆင်ပြေတာပေါ့။ ထိုင်းမှာ အဲဒီလိုလုပ်ပေးတယ်။ သူတို့ထိုင်းကထွက်လာတဲ့ ရော်ဘာတွေဟာ အရည်အသွေးကောင်းတယ်။ အဲဒီတော့ နိုင်ငံတကာကနေပြီးတော့ ရော်ဘာဝယ်တဲ့အခါကျရင် ကျွန်တော်တို့ မလေးရှားတို့၊ အင်ဒိုနီးရှားတို့၊ ဗီယက်နမ်တို့ ကျွန်တော်တို့ တိုင်းပြည်တွေကနေပြီးတော့ ၀ယ်တာနဲ့ ထိုင်းနိုင်ငံကနေ၀ယ်တာ မတူဘူး။ ထိုင်းနိုင်ငံကပစ္စည်းကို ၀ယ်တဲ့အခါကျရင် ဈေးပိုပေးရတယ်။ Premium ဖြစ်သွားတယ်။ သူတို့လုပ်သလို ကျွန်တော်တို့ရော မဖြစ်နိုင်ဘူးလား။ အဲဒီ Drive ကို အတင်းသွားနေတာပေါ့။

■ မေး – လက်ရှိမှာက ရော်ဘာတင်ပို့တာက အာရှဈေးကွက်ပဲရှိနေတယ်။ ဥပရောပတို့ အခြားဘက်တွေ တင်ပို့မယ်ဆိုရင် ဘယ်လိုကွာခြားမှုရှိလဲ။
ဖြေ – ဘယ်လိုကွာလဲဆိုရင် ကျွန်တော်တို့လည်း အစတုန်းကတော့ ငါတို့သည် တရုတ်ကို ရောင်းမယ့်အစား အင်္ဂလန်ကိုရောင်းရင် ဈေးပိုရမယ်။ ဂျာမနီကိုရောင်းရင် ဈေးပိုရမယ်။ အမေရိကန်ကိုရောင်းရင် ဈေးပိုရမယ် အဲဒီလိုတော့ စဉ်းစားခဲ့ကြတာပေါ့။ တကယ်တမ်း ပြန်လေ့လာတဲ့အခါကျတော့ တစ်ကမ္ဘာလုံးရဲ့ ရော်ဘာကုန်ကြမ်း အသုံးအများဆုံးက တရုတ်နိုင်ငံပဲ။ အ၀ယ်ဆုံးကလည်း တရုတ်နိုင်ငံပဲ။ ဥရောပကိုပို့မယ်။ ရတဲ့ဈေးနဲ့ သယ်ယူပို့ဆောင်စရိတ်တွက်ရင် တရုတ်ကိုပို့တဲ့ ဈေးလောက်တောင် မကျန်ဘူး။ ဥရောပကိုပို့လို့ ကျွန်တော်တို့တန်းတစ်ခုအနေနဲ့ တက်သွားမယ်။ ပြီးတော့ ငါ့ပစ္စည်းက ဥရောပကို သွားတယ်ဆိုတဲ့ နာမည်တော့ရှိနိုင်တယ်။ ငွေကြေးအားဖြင့်က တကယ်တမ်းက တရုတ်ကို ပို့သလောက် ဥရောပကိုပို့တဲ့ဟာက သိပ်မထူးခြားဘူး။ အဲဒီအတွက် ကျွန်တော်တို့က အိမ်နီးချင်းနိုင်ငံလည်းဖြစ်တယ်။ အ၀ယ်ဆုံးလည်းဖြစ်တယ်။ တရုတ်ကလည်း အရည်အသွေး ကောင်းရင်ကောင်းသလို ဈေးပေးဝယ်တယ်။ တရုတ်နိုင်ငံမှာလည်း နိုင်ငံတကာကလာတဲ့ ရင်းနှီးမြှုပ်နှံမှုစက်ရုံတွေ အများကြီးလည်း လုပ်နေကြတာတွေရှိတယ်လေ။

■ မေး – နောက်ပိုင်းမှာ အရည်အသွေးက အရေးကြီးလာပြီဖြစ်တော့ ရော်ဘာစိုက်ပျိုးတဲ့သူတွေကိုရော ဘယ်လိုအကြံပြုချင်လဲ။
ဖြေ – အဓိကတော့ ရော်ဘာစိုက်ပျိုးတဲ့သူတွေကို ကျွန်တော်တို့က စစိုက်တဲ့အချိန်မျိုး ရွေးချယ်မှုမမှားယွင်းဖို့၊ မှန်ကန်ဖို့ မျိုးရွေးချယ်မှု မှန်ကန်မှ ဒါကအထွက်နှုန်းမြင့်မှာ။ အထွက်နှုန်းမြင့်မှ တကယ်တမ်းရော်ဘာဈေးတွေ ကျတဲ့အခါကျတော့ ဒီဈေးကျတဲ့ဒဏ်ကို ခံနိုင်ရည်ရှိမှာ။ အထွက်နှုန်းမြင့်ပြီးတော့ မိမိစိုက်ပျိုးမယ့်ဒေသနဲ့ ကိုက်ညီတဲ့မျိုးပေါ့။ ရာသီဥတုဒဏ် ခံနိုင်တဲ့မျိုးတွေ ရွေးချယ်စိုက်ပျိုးဖို့ရယ်။ နောက်ပြီး ထုတ်လုပ်တဲအခါမှာလည်း ပစ္စည်း RSS ထုတ်တဲ့အခါမှာလည်း ဒါအရည်သွေးကောင်းတဲ့ပစ္စည်းကို ဂရုတစိုက်နဲ့ ထုတ်ကြဖို့ပေါ့။ အခုဟာက ထုတ်သလောက်ကို ၀ယ်မယ့်ဈေးကွက်က ကျွန်တော်တို့မှာရှိနေပြီ။ တောင်သူတွေ ထုတ်ဖို့ပဲလိုတော့တယ်။ ဟိုတုန်းကတော့ တောင်သူတွေ အမြောက်အမြားထုတ်လာရင် ၀ယ်မယ့်ဈေးကွက်မရှိလို့ ကျွန်တော်တို့က ပြန်စိုးရိမ်အခြေအနေ ဖြစ်ခဲ့တယ်။ အခုကတော့ စိုးရိမ်စရာအကြောင်းမရှိဘူး။ ဈေးကွက်က အဆင်သင့်ရှိတယ်။ အဓိကတော့ အရည်အသွေးကောင်းအောင် လုပ်ပြီး ထုတ်သာထုတ်ပါ။ Group Procession တွေဖြစ်ဖို့ တောင်သူတွေက ကြိုးစားဖို့လိုသလို နိုင်ငံတော်ဘက်ကလည်း ပံ့ပိုးပေးဖို့ အများကြီးလိုတာပေါ့နော်။ ချေးငွေဆိုလည်း ကျွန်တော်တို့ ရော်ဘာကဏ္ဍက ရရှိတာ အရမ်းနည်းပါတယ်။ ကန့်သန့်မှုအချက်တွေက တအားများတယ်။ အဲဒါတွေအတွက်ကို ရော်ဘာကဏ္ဍအတွက် အစီအစဉ်တစ်ခုအနေနဲ့ ဖြေလျှော့ပြီးတော့ ငွေကြေးထောက်ပံ့မှုတို့ အစစအရာရာ နိုင်ငံတော်က ထောက်ပံ့မှုတွေလည်း လုပ်ပေးဖို့ အများကြီးလိုအပ်ပါတယ်။ အစက ဆန်စပါးပြီးရင် ပဲ၊ နှမ်းပေါ့။ ဒါတွေပြီးမှ ရော်ဘာလာတာ။ အခုက ပဲ၊ နှမ်းက သိပ်အခြေအနေ မဖြစ်တဲ့အခါကျတော့ ရော်ဘာကဏ္ဍကို တက်လာအောင်တင်ပေးရင် နိုင်ငံတော်ရဲ့ ၀င်ငွေအခွန်အခတွေရော အများကြီးရရှိလာမှာ နိုင်ငံတော်အနေနဲ့ တောင်သူငယ်တွေကို ထိထိရောက်ရောက် ပံ့ပိုးပေးစေလိုပါတယ်။

Prof. Dr. Prakit Vathesatogkit နှင့် တွေ့ဆုံခြင်း

အရှေ့တောင်အာရှဒေသရှိ အာဆီယံနိုင်ငံများအနက် ထိုင်းနိုင်ငံအစိုးရသည် ၂၀၀၁ ခုနှစ်တွင် ဥပဒေတစ်ရပ်ပြဋ္ဌာန်း၍ ဆေးလိပ်နှင့် ဆေးရွက်ကြီးထွက်ပစ္စည်းနှင့် အရက်ယမကာများကို ကုန်ပစ္စည်းအပိုဆောင်းအခွန် (Surcharge Tax) ကောက်ခံ၍ ရရှိသည့်ဘဏ္ဍာငွေ (Recenue) ကို သီးခြားရန်ပုံငွေအဖြစ်ဖြင့် ထိုင်းကျန်းမာမှု မြှင့်တင်ရေးဖောင်ဒေးရှင်း (Thai Health Promotion Foundation or Thai Health) ကို ထူထောင်ခဲ့သည်။ ဆေးလိပ်နှင့် ဆေးရွက်ကြီးထွက်ပစ္စည်းနှင့် အရက်ယမကာ ထုတ်လုပ်သည့် ကုမ္ပဏီများသည် မိမိတို့ပေးဆောင်ရသော သမရိုးကျကုန်ပစ္စည်းအခွန် (Exicse tax) အပြင် အပိုဆောင်းအခွန် (Surcharge Tax) နှစ်ရာခိုင်နှုန်းကို ပေးဆောင်ရသည်။ အဆိုပါ အပိုဆောင်းအခွန် နှစ်ရာခိုင်နှုန်းကို ထိုင်းကျန်းမာမှု မြှင့်တင်ရေးဖောင်ဒေးရှင်း၏ ရန်ပုံငွေအဖြစ် ထားရှိသုံးစွဲစေခဲ့သည်။ ပြီးခဲ့သည့်နှစ်များက နှစ်စဉ် အမေရိကန်ဒေါ်လာ သန်း ၆၀ နှင့်ညီမျှသော ထိုင်းဘတ်ငွေ နှစ်ဘီလျံကျော်ရှိသော အခွန်ငွေများရရှိသည့်အတွက် အဆိုပါ ဖောင်ဒေးရှင်းသည် ယခင်ပြည်သူ့ကျန်းမာရေးဝန်ကြီးဌာနက ဆောင်ရွက်ရသော လုပ်ငန်းများထက် အဆပေါင်းများစွာ အကောင်အထည်ဖော်နိုင်ခဲ့ပြီး အစိုးရဌာနများ၏ လုပ်ငန်းများကို ပံ့ပိုးပေးနိုင်သည်သာမက တက္ကသိုလ်များ၊ အစိုးရမဟုတ်သော လူမှုရေးအဖွဲ့အစည်းများ၏ သုတေသနနှင့်ပညာပေးဝန်ဆောင်မှု လုပ်ငန်းများပါသော ကျန်းမာရေးမြှင့်တင်ရေး လုပ်ငန်းများကို အထောက်အကူပြုခဲ့သည်။ အဆိုပါ ဖောင်ဒေးရှင်းက လုပ်ဆောင်လျက်ရှိသည့် လုပ်ငန်းဆောင်တာများနှင့် ပတ်သက်၍ သိရှိနိုင်စေရန် Action on Smoking and Health, (ASH, Thailand) မှ Executive Secretary, Thai Health Promotion Foundation မှ Advisor Prof. Dr. Prakit Vathesatogkit နှင့် တွေ့ဆုံမေးမြန်းခဲ့သည်များကို ပြန်လည်ဖော်ပြအပ်ပါသည်။

“မြန်မာနိုင်ငံမှာ ကျွန်တော်တို့လို ဆေးလိပ်နဲ့ အရက်ကုမ္ပဏီတွေကို အပိုဆောင်း အခွန်ထပ်ကောက်တာမျိုး မရှိသေးပါဘူး။ အခုကောက်နေတဲ့အခွန်က အစိုးရဆီကိုပဲသွားတဲ့ သဘောပေါ့။ သီးခြားအခွန်မရှိတဲ့အတွက် ကျန်းမာရေးမြှင့်တင်ရေး လုပ်ငန်းလို၊ ဆေးလိပ်နဲ့ ဆေးရွက်ကြီး၊ အရက်ထိန်းချုပ်ရေး လုပ်ငန်းတွေအတွက် သီးသန့်အသုံးပြုဖို့ ကျန်းမာရေးဝန်ကြီးဌာနက ဘဏ္ဍာငွေအနေနဲ့ ထပ်ဆောင်းမပေးနိုင်ဘူး”

■ မေး – Thai Health Promotion Foundation ပေါ်ပေါက်လာပုံကို ဦးစွာပြောပြပေးပါ။

ဖြေ – လွန်ခဲ့တဲ့ ၂၅ နှစ်လောက်က ထိုင်းနိုင်ငံမှာ မကူးစက်တတ်တဲ့ရောဂါတွေနဲ့ ပတ်သက်ပြီး ကျန်းမာရေးဆိုင်ရာ ပြဿနာတွေက အရမ်းများတယ်။ ဒါကြောင့် အဲဒီအချိန် အထူးသဖြင့် ဆေးလိပ်၊ အရက်သောက်တာ၊ ယာဉ်တိုက်မှုတွေကြောင့်ဖြစ်တဲ့ ကျန်းမာရေးပြဿနာတွေက အရမ်းများပါတယ်။ ဒီပြဿနာတွေကို ကာကွယ်ဖို့အတွက် အဲဒီအချိန်က အခုလိုအေဂျင်စီတွေ တစ်ခုမှမရှိသေးဘူး။ ဒီအတွက်သုံးဖို့၊ အေဂျင်စီကနေသုံးဖို့ ပိုက်ဆံလည်း မရှိသေးဘူး။ ဒါကြောင့် Thai Health ကို တည်ထောင်ခဲ့တာပါ။ Thai Health ကို ဥပဒေပြုပြီးတော့ အေဂျင်စီကို ထောင်လိုက်တာဖြစ်တယ်။ ရတဲ့ပိုက်ဆံကလည်း ရေရှည်တည်တံ့တဲ့ ၀င်ငွေဖြစ်ဖို့လိုတဲ့အတွက် ဥပဒေပြုပြီးတော့ တည်ထောင်ခဲ့တာပါ။ Thai Health ဆိုတဲ့ အေဂျင်စီကနေပြီး မကူးစက်တတ်တဲ့ရောဂါတွေ အထူးသဖြင့် အရက်နဲ့ပတ်သက်တဲ့ ကျန်းမာရေးပြဿနာတွေ၊ အရက်ကိုထိန်းချုပ်မယ်၊ ဆေးလိပ်သောက်သုံးမှုကို ထိန်းချုပ်မယ်၊ ယာဉ်တိုက်မှုတွေ မဖြစ်အောင် ထိန်းချုပ်မယ့်အပြင် ကျန်းမာရေးမြှင့်တင်မှုနဲ့ ပတ်သက်တဲ့ လုပ်ငန်းဆောင်တာတွေနဲ့ ကာကွယ်မှုတွေလုပ်ဖို့အတွက် Thai Health ကို တည်ထောင်ခဲ့တာ ဖြစ်ပါတယ်။

■ မေး – Thai Health ရေရှည်ရပ်တည်နိုင်ဖို့အတွက် ဘယ်လိုပုံစံတွေနဲ့ စီမံခန့်ခွဲနေပါသလဲ။ အဓိကဖောင်ဒေးရှင်းတည်တံ့ဖို့အတွက် ငွေကြေးပိုင်းဆိုင်ရာကို မည်ကဲ့သို့စီမံ ဆောင်ရွက်နေပါသလဲ။

ဖြေ – Thai Health ကိုလုပ်လာတာ အခုဆိုရင် ၁၇ နှစ် ရှိပါပြီ။ စပြီးတည်ထောင်စဉ်ကတည်းက ငွေကြေးပိုင်းဆိုင်ရာနဲ့ ပတ်သက်ပြီးတော့ ဥပဒေပြုထားတယ်။ ဥပဒေမှာ ဆေးလိပ်နဲ့ ဆေးရွက်ကြီး၊ အရက်ကုမ္ပဏီတွေကနေပြီး နှစ်ရာခိုင်နှုန်း အပိုဆောင်း အခွန်ကောက်ပါတယ်။ အဲဒီအခွန်ကနေပြီး ရပ်တည်နေတာ ဖြစ်ပါတယ်။ လွှတ်တော်အမတ်တွေက ဒီဥပဒေကို မပြောင်းလဲဘူးဆိုရင် နှစ်တိုင်းနှစ်တိုင်းမှာ အခွန်နှစ်ရာခိုင်နှုန်းရပါတယ်။ ဆေးလိပ်နဲ့ အရက်ကုမ္ပဏီတွေက ဘဏ္ဍာရေးနဲ့ အခွန်ဝန်ကြီးဌာနကို အခွန် ၁၀၀ ရာခိုင်နှုန်းပေးတယ်ဆိုရင် နှစ်ရာခိုင်နှုန်းကို အပိုဆောင်း အခွန်ထပ်ပေးရတာမျိုးပါ။

■ မေး – နှစ်စဉ်ရရှိလာတဲ့ အပိုဆောင်းအခွန်က ဘယ်လောက်ရရှိပါသလဲ။ ရရှိလာတဲ့အခွန်ငွေတွေကို မည်ကဲ့သို့သောလုပ်ငန်းတွေအတွက် အသုံးပြုပါသလဲ။

ဖြေ – သူ့ရဲ့နှစ်စဉ်ဝင်ငွေက ဆေးလိပ်၊ အရက်ကုမ္ပဏီတွေကို အပိုထပ်ဆောင်းကောက်တဲ့အခွန် နှစ်ရာခိုင်နှုန်းကရတဲ့ ပိုက်ဆံဝင်တာဖြစ်တယ်။ အခုလောလောဆယ် တစ်နှစ်ကို အမေရိကန်ဒေါ်လာ သန်းပေါင်း ၁၂၅ သန်းလောက် နှစ်စဉ်ဝင်ငွေ ရှိပါတယ်။ ရတဲ့ပိုက်ဆံက အဆင်ပြေတယ်။ လုံးဝလုံလောက်နေတာမျိုးတော့ မဟုတ်သေးပါဘူး။ ရလာတဲ့ငွေကြေးတွေကို Thai Health က အဓိကစမ်းသပ်တဲ့ ပရောဂျက်လေးတွေ လုပ်ပေးတယ်။ တကယ်လို့ အောင်မြင်တယ်ဆိုရင် တိုင်းနဲ့ပြည်နယ်က ၀န်ကြီးတွေ၊ ၀န်ကြီးဌာနတွေကပဲဖြစ်ဖြစ်၊ ပြည်သူတွေကပဲဖြစ်ဖြစ် ဆက်လက်လုပ်ဆောင်သွားတာပဲဖြစ်တယ်။ ဒါ့အပြင် ကျန်းမာရေးဝန်ကြီးဌာနကလည်း အနည်းငယ်ပေးတာမျိုးတွေရှိမယ်။ နောက်တစ်ခုက ကျန်းမာရေးစောင့်ရှောက်မှုပေးတဲ့ ရုံးအဖွဲ့တစ်ခုကလည်း ဆက်ပြီးတော့ပေးပါတယ်။ Thai Health က အဓိကအားဖြင့် မကူးစက်တတ်တဲ့ရောဂါတွေထဲကမှ ဆေးလိပ်သောက်သုံးတာ၊ အရက်သောက်သုံးတာ၊ ယာဉ်မတော်တဆမှုနဲ့ ပတ်သက်တဲ့ ကြိုတင်ကာကွယ်ရေးလုပ်ငန်းတွေကို လုပ်ပါတယ်။ နောက်တခုကတော့ ကိုယ်လက်လှုပ်ရှား အားကစားအတွက် လုပ်ပါတယ်။ Diet အတွက် ကျန်းမာရေး အသိပညာပေးလုပ်ငန်းတွေလည်း လုပ်ပါတယ်။ အဓိက အဲဒီနေရာ ငါးနေရာမှာ သုံးပါတယ်။ Thai Health တစ်ခုလုံး ဘတ်ဂျက်ရဲ့ ရာခိုင်နှုန်း ၄၀ ကို ဒီလုပ်ငန်းတွေမှာ သုံးပါတယ်။ ၁၀ ရာခိုင်နှုန်းကို ဒီလုပ်ငန်းတွေကို စီမံခန့်ခွဲတဲ့နေရာမှာ သုံးပါတယ်။ နောက်ထပ် ၁၀ ရာခိုင်နှုန်းကိုတော့ ကျန်းမာရေး အဆင့်မြှင့်တင်မှုလုပ်ငန်းတွေမှာ သုံးပါတယ်။ ဥပမာ ကျန်းမာရေး အသိပညာပေးလုပ်ငန်းတွေ၊ အမျိုးသမီးကျန်းမာရေးနဲ့ ပတ်သက်တာတွေ၊ ကလေးတွေနဲ့ သက်ကြီးရွယ်အိုတွေရဲ့ ကျန်းမာရေး ပြဿနာတွေအတွက်လည်း အသုံးပြုပါတယ်။

■ မေး – လက်ရှိမြန်မာနိုင်ငံမှာ ဆေးလိပ်နဲ့ ဆေးရွက်ကြီးထွက်ပစ္စည်းတွေအပေါ် အခွန်ကောက်ခံမှုပုံစံအမျိုးမျိုးနဲ့ ကောက်ခံနေသလို ဥပဒေပြဋ္ဌာန်းပြီး ထိန်းချုပ်မှုတွေ လုပ်နေပေမယ့် အားနည်းမှုတွေ ရှိနေပါသေးတယ်။ ဒီလို အားနည်းချက်တွေ ရှိနေရခြင်း အကြောင်းရင်းက ဘာကြောင့်လို့ ဆရာ့အနေနဲ့ ထင်မြင်ပါသလဲ။

ဖြေ – မြန်မာနိုင်ငံမှာ ကျွန်တော်တို့လို ဆေးလိပ်နဲ့ အရက်ကုမ္ပဏီတွေကို အပိုဆောင်း အခွန်ထပ်ကောက်တာမျိုး မရှိသေးပါဘူး။ အခုကောက်နေတဲ့ အခွန်က အစိုးရဆီကိုပဲသွားတဲ့သဘောပေါ့။ သီးခြားအခွန်မရှိတဲ့အတွက် ကျန်းမာရေးမြှင့်တင်ရေးလုပ်ငန်းလို၊ ဆေးလိပ်နဲ့ ဆေးရွက်ကြီး၊ အရက်ထိန်းချုပ်ရေးလုပ်ငန်းတွေအတွက် သီးသန့်အသုံးပြုဖို့ ကျန်းမာရေးဝန်ကြီးဌာနက ဘဏ္ဍာငွေအနေနဲ့ ထပ်ဆောင်းမပေးနိုင်ဘူး။ ဒါကြောင့် မြန်မာနိုင်ငံမှာ အပိုဆောင်း အခွန်ထပ်ကောက်ခံဖို့ လိုအပ်နေတာလို့ ပြောတာပါ။ ဘာကြောင့်လဲဆိုတော့ ဆေးလိပ်နဲ့ ဆေးရွက်ကြီးကို ထိန်းချုပ်ဖို့ဆိုရင် ပိုက်ဆံလိုပါတယ်။

■ မေး – ထိုင်းနိုင်ငံမှာ ဆေးလိပ်တစ်လိပ်ချင်း ရောင်းချမှုကို တားမြစ်ထားတယ်ဆိုတာ ဟုတ်ပါသလား။

ဖြေ – ပြီးခဲ့တဲ့နှစ် ၂၀၁၆ ခုနှစ်ကစပြီး ဆေးလိပ်တစ်လိပ်ချင်း ရောင်းချနေတာတွေကို ဥပဒေထုတ်ပြီး တားမြစ်ခဲ့ပါတယ်။ အဲဒီဥပဒေကို လိုက်နာဖို့အတွက် လောလောဆယ် Thai Health က လူထုကို ပညာပေးပြီး အလိပ်ချွေရောင်းတဲ့ဆိုင်တွေကို သတင်းပေးတိုင်ကြားဖို့ ပြောပြရတယ်။ အဲဒီအတွက် Thai Health က ဘတ်ဂျက်သုံးထားပါတယ်။

■ မေး – ထိုင်းနိုင်ငံမှာ ဆေးလိပ်ကင်းစင်နယ်မြေတွေ သတ်မှတ်လုပ်ဆောင်တာ အောင်မြင်မှုရှိပါသလား။ ဘယ်လိုနေရာတွေမှာ ဆေးလိပ်ကင်းစင်နယ်မြေတွေအဖြစ် သတ်မှတ်ထားပါသလဲ။

ဖြေ – ဥပဒေအရဆိုရင် ထိုင်းမှာ ပြည်သူလူထုတွေ သွားလာနိုင်တဲ့နေရာ အားလုံးက ဆေးလိပ်ငွေ့ကင်းစင်နေရာ ဖြစ်ကိုဖြစ်ရမယ်။ ဒါပေမဲ့ ဆက်ပြီး တင်းကျပ်တဲ့အရေးယူမှုတွေ မလုပ်ဘူးဆိုရင်တော့ စာရွက်ပေါ်မှာပဲရှိတာမျိုး ဖြစ်လိမ့်မယ်။ ကျွန်တော်တို့ဆိုရင် လုပ်ခဲ့တာ အရမ်းကြာပြီ။ ပြည်သူတွေကို စပြီးတော့ အသိပညာပေးတာ ၁၉၈၆ ခုနှစ်ကတည်းက လုပ်ခဲ့တာပါ။ ပြည်သူလူထုတွေ အပန်းဖြေတဲ့နေရာ အားလုံးမှာ ဆေးလိပ်ငွေ့ကင်းစင် ဖြစ်ရမယ်ဆိုတာကို ဥပဒေသီးသန့် တစ်ခုကို ၁၉၉၂ ခုနှစ်မှာ ပြဋ္ဌာန်းခဲ့တယ်။ အဲဒီကစပြီး ဆေးလိပ်ကင်းစင်နယ်မြေတွေကို တဖြည်းဖြည်း တိုးချဲ့ခဲ့တယ်။ ခုချိန်မှာတော့ အများကြီး ဖြစ်နေပြီပေါ့။ ဒီဥပဒေတစ်ခုတည်းတင် မဟုတ်ဘူး။ ဥပဒေကို ဆက်ပြီးတော့ လိုက်နာကျင့်သုံးမယ့် နေရာမှာကိုလည်း ဆက်ပြီးတော့ အားပေးတယ်။ ဒီအပိုင်းမှာ Thai Health က ရင်းနှီးမြှုပ်နှံမှုတွေ လုပ်တယ်။ ပြည်သူလူထုတွေကို ပညာပေးတယ်။ ကမ်ပိန်းတွေ လုပ်တယ်။ အထူးသဖြင့် မီဒီယာကနေတစ်ဆင့်လည်း သတင်းတွေဖြန့်ပေးတယ်။ ဆေးလိပ်ငွေ့တစ်ဆင့် ခံရှူရှိုက်ခံရခြင်းကြောင့် ကလေးတွေ၊ အမျိုးသမီးတွေ ကျန်းမာရေးကို ထိခိုက်တယ် ဆိုတာတွေအကြောင်းကို ကျယ်ကျယ်ပြန့်ပြန့် ပညာပေးတယ်။ နောက်တခုက ဆေးလိပ်နဲ့ ဆေးရွက်ကြီးဥပဒေကိုလည်း လူတွေအားလုံးသိအောင် ပညာပေးတယ်။ အဲဒီအပြင် ဆေးလိပ်ကင်းစင်နေရာတွေအတွက် သီးသန့် ထုတ်ထားတဲ့ဥပဒေကလည်း ဘာတွေပါတယ်။ ဘယ်လိုလုပ်ရမယ်ဆိုတာကို တိတိကျကျ လူတွေသိအောင် လိုက်နာအောင် လုပ်ပေးပါတယ်။

■ မေး – အပိုဆောင်းအခွန် နှစ်ရာခိုင်နှုန်း ကောက်ခံလိုက်တဲ့အပေါ်မှာ ဆေးလိပ်နဲ့ ဆေးရွက်ကြီးသောက်သုံးမှုရဲ့ အကျိုးသက်ရောက်မှုက ဘယ်လောက်ထိရှိလာပါသလဲ။

ဖြေ – အပိုဆောင်းအခွန် နှစ်ရာခိုင်နှုန်း ကောက်ခံလိုက်တဲ့အပေါ်မှာ ဆေးလိပ်နဲ့ဆေးရွက်ကြီး ထိန်းချုပ်ရေးအပိုင်းမှာ သိသိသာသာ ပြောင်းလဲမှုတွေ ရှိခဲ့ပါတယ်။ အထူးသဖြင့် ဆေးလိပ်သောက်နှုန်းက ကျသွားတယ်။ အရင်တုန်းက ရာခိုင်နှုန်း ၃၀ လောက် ရှိနေရာကနေ အခုဆိုရင် ၁၉ ရာခိုင်နှုန်းပဲ ရှိတော့တယ်။ ပြီးခဲ့တဲ့ ၂၀၁၆ ခုနှစ်တုန်းကဆိုရင် ၁၉ ရာခိုင်နှုန်းအထိ ကျပါတယ်။ ကျတာကတော့ တဖြည်းဖြည်းချင်း ကျသွားတာပါ။ ဆေးလိပ်နဲ့ ဆေးရွက်ကြီးဆိုတာက လူတွေကို စွဲလမ်းစေတတ်တဲ့ အရာဖြစ်တဲ့အတွက် ဆေးလိပ်ဖြတ်ချင်ရင်တောင် ချက်ချင်းဖြတ်ဖို့ခက်တယ်။ ဒါကြောင့် တဖြည်းဖြည်းပဲ ကျတာဖြစ်ပါတယ်။ အရင်ကဆိုရင် ဆေးလိပ်သောက်သုံးတဲ့သူက ၁၂ ဒသမ ၃သန်းရှိတယ်။ အခုဆိုရင် ၁၀ ဒသမ ၆သန်းပဲ ရှိတော့တယ်။ ဘာကြောင့် ရာခိုင်နှုန်းလောက်ပဲ ကျတယ်လို့ ပြောရသလဲဆိုရင် နှစ်စဉ်နှစ်စဉ်တိုင်းမှာ သူတို့ရဲ့ လူဦးရေ တိုးပွားမှုရှိတယ်။ အရင်ကဆို ၃၈ သန်းပဲရှိတဲ့ လူဦးရေက အခုဆိုရင် ထိုင်းနိုင်ငံမှာ ၅၈ သန်းအထိ တိုးသွားတယ်။ အဲဒီတော့ လူဦးရေ တိုးလာတာနဲ့အမျှ သောက်သုံးသူတွေလည်း တိုးလာနိုင်တာပဲပေါ့။ အကယ်၍ Thai Health သာ ထိန်းချုပ်ရေးလုပ်ငန်းတွေ မလုပ်ခဲ့ဘူးဆိုရင် အခုဆိုရင် ဆေးလိပ်သောက်သုံးသူပေါင်း ထပ်ထပ်တိုးလာဖို့ပဲ ရှိပါတယ်။

■ မေး – Thai Health အနေနဲ့ မြန်မာနိုင်ငံကို တိုက်တွန်းပြောကြားချင်တာများ ရှိပါသလား။ အခြားဖြည့်စွက် ပြောကြားလိုတာများရှိရင်လည်း ပြောကြားပေးပါ။

ဖြေ – အကယ်၍ မြန်မာနိုင်ငံမှာသာ Thai Health လိုမျိုး ဖောင်ဒေးရှင်းတစ်ခုလုပ်လိုက်မယ်ဆိုရင် မြန်မာနိုင်ငံအတွက် အကျိုးကျေးဇူးတွေ အများကြီးရမှာ ဖြစ်ပါတယ်။ မြန်မာနိုင်ငံလိုပဲ ထိုင်းနိုင်ငံမှာလဲ ပထမဆုံးအနေနဲ့ လူတွေသေဆုံးရခြင်း အကြောင်းအရင်းတွေထဲမှာ မကူးစက်တတ်တဲ့ရောဂါတွေက ထိပ်ဆုံးက ဖြစ်နေတယ်။ သူတို့ကြောင့်ပဲ လူတွေ သေဆုံးနေကြတယ်။ လူတွေကျန်းမာရေးထိခိုက်မှုတွေ ရှိနေတာဖြစ်တဲ့အတွက် အကယ်၍ ဒါတွေကိုမှ မြန်မာနိုင်ငံက ရင်းနှီးမြှုပ်နှံမှုတွေ မလုပ်ဘူးဆိုရင် နောက်ပိုင်းမှာ ဒီမကူးစက်တတ်တဲ့ရောဂါတွေပဲ ပိုပိုဖြစ်လာဖို့ ရှိပါတယ်။ နာတာရှည်ရောဂါတွေ ဖြစ်လာမယ်။ ရောဂါဖြစ်တဲ့သူတိုင်းကို ထိုင်ကုရမယ်ဆိုရင် ကုသရတဲ့စရိတ်က အရမ်းကို ဈေးကြီးတယ်။ ၀န်ထုပ်ဝန်ပိုးဖြစ်တယ်။ အဲဒီတော့ ကျန်းမာရေးဝန်ကြီးဌာနရဲ့ ဘတ်ဂျက်ကိုလည်း ဒီလိုကုသရေး အပိုင်းတွေမှာ ပိုပိုပြီးသုံးရမယ်။ အဲဒီတော့ ဒီလိုတွေမဖြစ်ဖို့ဆိုရင် အခုကတည်းက ရင်းနှီးမြှုပ်နှံမှုတွေ လုပ်ဖို့လိုပါတယ်။ ထိုင်းနိုင်ငံမှာ တစ်ဒေါ်လာ ရင်းနှီးမြှုပ်နှံတိုင်း နိုင်ငံ့အတွက် ၁၈ ဒေါ်လာ အကျိုးပြန်ရပါတယ်။ အခု Thai Health ရဲ့ လုပ်ငန်းတွေက တခြားသူတွေလည်း လုပ်လို့ရတဲ့ အခြေအနေပါ။ လုပ်ဖို့ခက်ခဲတာမျိုး မဟုတ်ပါဘူး။ မြန်မာနိုင်ငံအနေနဲ့ သေသေချာချာ ရင်းနှီးမြှုပ်နှံပြီး လုပ်မယ်ဆိုရင် ဖြစ်ကိုဖြစ်နိုင်ပါတယ်။ နောက်မီဒီယာတွေရဲ့ အကူအညီတွေလည်း အများကြီးလိုပါတယ်။ ပြည်သူလူထုရဲ့ လိုက်နာမှုအပိုင်းကလည်း အများကြီးလိုပါတယ်။ နိုင်ငံရဲ့ အကြီးပိုင်းတွေသိဖို့အတွက် လွှတ်တော်ထဲမှာလည်း ပြောပြဆွေးနွေးနိုင်မယ့်လူတွေလည်း လိုပါတယ်။ မြန်မာနိုင်ငံသာလုပ်မယ်ဆိုရင် ထိုင်းနိုင်ငံအနေနဲ့ ကူညီဖို့ အဆင်သင့်ပါပဲ။ နည်းပညာပိုင်းအရသော် လည်းကောင်း၊ မြန်မာနိုင်ငံဘက်က ထိုင်းမှာ ဘယ်လိုလုပ်သလဲဆိုတာကို လေ့လာရေး အစီအစဉ်တွေလုပ်မယ်ဆိုရင်လည်း ကူညီဖို့အသင့် ရှိပါတယ်။ ကျွန်တော့်အနေနဲ့လည်း မြန်မာနိုင်ငံကို အများကြီးသွားခဲ့ပြီးပါပြီ။ တချို့အစည်းအဝေးတွေမှာလည်း ဒီလိုမျိုးတွေလုပ်ဖို့ ပြောခဲ့ပြီးပါပြီ။ မြန်မာနိုင်ငံက လွှတ်တော်အမတ်တွေကိုလည်း ဒီအကြောင်းတွေကို ဆွေးနွေးပြောပြပြီးပါပြီ။ ကမ္ဘာ့ကျန်းမာရေးအဖွဲ့ကလည်း ပြောပါတယ်။ ဆေးလိပ်နဲ့ ဆေးရွက်ကြီးကို ထိန်းချုပ်တာက တကယ့်ကို အထိရောက်ဆုံး နည်းလမ်း ဖြစ်တယ်။

ဝင့်ယမုံလှိုင်နှင့် တွေ့ဆုံခြင်း

MRTV-4 က ရိုက်ကူးထုတ်လွှင့်ခဲ့တဲ့ ရုပ်သံဇာတ်လမ်းတွဲတွေကနေတစ်ဆင့် ပရိသတ်တွေရဲ့ ချစ်ခင်အားပေးမှုကို ရရှိခဲ့တဲ့ မျိုးဆက်သစ် အနုပညာရှင်တွေထဲမှာ ၀င့်ယမုံလှိုင်လည်း တစ်ဦးအပါအ၀င်ပါ။ သူမရဲ့သရုပ်ဆောင်မှုတွေကို ပရိသတ်တွေရော အနုပညာ အသိုင်းအ၀ိုင်းက လက်ခံအားပေးခဲ့ပြီး ရုပ်သံဇာတ်လမ်းတွဲတွေအပြင် ပြင်ပထုတ်လုပ်ရေးတွေနဲ့ ရုပ်ရှင်ဇာတ်ကားတွေ၊ ဗီဒီယိုဇာတ်ကားတွေကိုပါ ရိုက်ကူးခွင့်ရခဲ့သူပါ။ မေလထဲမှာတော့ ပန်းသခင် ရုပ်ရှင်ထုတ်လုပ်ရေးရဲ့ ပွဲဦးထွက်ရုံတင်မယ့် ဇာတ်ကားဖြစ်ပြီး သူမပါဝင် သရုပ်ဆောင်ထားတဲ့ ‘မေတ္တာထားတာ အဟုတ်ကိုပဲ’ ဆိုတဲ့ ရုပ်ရှင်ဇာတ်ကားကြီးကို ပရိသတ်တွေ ကြည့်ရှုရတော့မှာဖြစ်တာကြောင့် ၀င့်ယမုံလှိုင်ရဲ့ လတ်တလော အနုပညာလှုပ်ရှားမှုတွေနဲ့ ‘မေတ္တာထားတာအဟုတ်ကိုပဲ’ ဇာတ်ကားနဲ့ပတ်သက်တဲ့ သူ့ရဲ့ကြိုးစားအားထုတ်မှုနဲ့ အမှတ်တရတွေ၊ ရင်ခုန်သံတွေကို မေးမြန်းဖြစ်ခဲ့ပါတယ် …

■ မေး – လက်ရှိတလော အနုပညာလှုပ်ရှားမှုတွေအကြောင်းကို အရင်သိပါရစေ။

ဖြေ – လက်ရှိမှာက MRTV-4 က စီစဉ်ရိုက်ကူးနေတဲ့ “စိတ်၏ခြေရာ” ဇာတ်လမ်းတွဲမှာပါဝင် သရုပ်ဆောင်နေပါတယ်။ ပြီးရင် ညီမပါဝင်သရုပ်ဆောင်ထားတဲ့ ‘မေတ္တာထားတာ အဟုတ်ကိုပဲ’ ရုပ်ရှင်ဇာတ်ကားကြီးလည်း ဒီမေလထဲမှာ ရုံတင်ပြသသွားဖို့ ရှိပါတယ်။

■ မေး – လက်ရှိရိုက်ကူးနေတဲ့ ‘စိတ်၏ခြေရာ’ ဇာတ်လမ်းတွဲမှာ ဘယ်လိုဇာတ်ရုပ်မျိုးနဲ့ ပါဝင်သရုပ်ဆောင်ထားလဲ။

ဖြေ – ဒီဇာတ်လမ်းတွဲလေးက ခေတ်နှစ်ခေတ်ပုံစံလေးပါ။ ဟိုအရင်ခေတ် အတိတ်ဘ၀တစ်ခုနဲ့ ဒီဘက်ခေတ်လက်ရှိဘ၀ နှစ်ဘ၀ပုံစံမျိုး ပါဝင်သရုပ်ဆောင်ရတယ်။ အရင်ခေတ်က မြန်မာအမျိုးသမီးရဲ့ ပုံစံမျိုးရော ဒီဘက်ခေတ် အမျိုးသမီးရဲ့ ပုံစံမျိုးလေးတွေ ပါဝင်သရုပ်ဆောင်ထားပါတယ်။

■ မေး – မေတ္တာထားတာအဟုတ်ကိုပဲ ဇာတ်ကားမှာ ဘယ်လိုဇာတ်ကောင်စရိုက်မျိုးနဲ့ ပါဝင်သရုပ်ဆောင်ထားလဲ။

ဖြေ – ပရိသတ်တွေ မကြာခင်ကြည့်ရတော့မယ့် ‘မေတ္တာထားတာ အဟုတ်ကိုပဲ’ ဇာတ်ကားလေးက အချစ်ဟာသဇာတ်ကားလေးပါ။ အဲဒီဇာတ်ကားလေးထဲမှာ ညီမက ပျော်ပျော်နေတတ်တဲ့ ခေတ်လူငယ်ကောင်မလေးတစ်ယောက်အဖြစ် ပါဝင်သရုပ်ဆောင်ထားတာပါ။ လူငယ်တွေကြား အချစ်ဇာတ်လမ်းလေးကို ဟာသနဲ့တွဲဖက်ပြီး ပုံဖော်ထားတာပါ။ လူငယ်ဆန်ဆန် ပေါ့ပေါ့ပါးပါးလေးပါပဲ။

■ မေး – ဒီဇာတ်ကားရုံတင်တော့မယ်ဆိုတဲ့ အခါမှာရော ညီမအနေနဲ့ ရင်ခုန်သံဘယ်လိုရှိလဲ။

ဖြေ – ဟာသဇာတ်လမ်းအနေနဲ့ကတော့ ညီမအတွက် ပထမဆုံးရုံတင်မယ့် ဇာတ်ကားပါ။ ကိုယ့်အတွက် ပထမဆုံး ဟာသပုံစံမျိုးဖြစ်တဲ့အတွက်လည်း ရင်ခုန်ပါတယ်။

■ မေး – ‘မေတ္တာထားတာ အဟုတ်ကိုပဲ’ ဇာတ်ကားမှာ ၀ါရင့်အနုပညာရှင်တွေ အများကြီးပါတာဆိုတော့ ရိုက်ကူးတုန်းက အမှတ်တရတွေရှိရင်လည်း သိချင်ပါတယ်။

ဖြေ – ဟုတ်ပါတယ်။ ဒီဇာတ်ကားမှာက ၀ါရင့်အနုပညာရှင်တွေ အများကြီးနဲ့ တွဲဖက်သရုပ်ဆောင်ရတာဖြစ်လို့ ကိုယ့်အတွက် ပညာတွေလည်း အများကြီးရပါတယ်။ အဲဒီတုန်းက ရိုက်ကွင်းမှာဆိုလည်း လူတွေအများကြီး စုံနေတော့ ပျော်စရာကောင်းခဲ့ကြတယ်။ အန်တီဆင့်(မေသန်းနု)တို့ မခိုင်လေး(ခိုင်သင်းကြည်)တို့နဲ့အတူ တွဲဖက်သရုပ်ဆောင်ရင်းနဲ့ အမှတ်တရတွေလည်း ရှိသလို ပညာတွေလည်း ရခဲ့တယ်။

■ မေး – ‘မေတ္တာထားတာ အဟုတ်ကိုပဲ’ ဇာတ်ကားမှာ ကိုယ်ပါဝင်သရုပ်ဆောင်ခဲ့ရတဲ့ ကိုယ့်သရုပ်ဆောင်မှုအပေါ်မှာရော ကျေနပ်အားရမှုရှိခဲ့လား။

ဖြေ – ညီမနေနဲ့ အကောင်းဆုံး လေ့လာသင်ယူခဲ့ပါတယ်။ ကိုယ်တတ်စွမ်းသလောက်တော့ အကောင်းဆုံးကြိုးစားပြီး လုပ်ဆောင်ခဲ့တာဖြစ်လို့ ကိုယ့်ကိုကိုယ်တော့ ကျေနပ်မှုရှိပါတယ်။ ကျန်တာကတော့ ပရိသတ်တွေရဲ့ ဝေဖန်အားပေးမှုတွေက အရေးပါပါတယ်။

■ မေး – ခုချိန်မှာ ကိုယ်ပါဝင်သရုပ်ဆောင်ရတဲ့ ဇာတ်ကောင်စရိုက်တွေ အတော်စုံလောက်ပြီဆိုတော့ ဘယ်လိုဇာတ်ရုပ်မျိုးကို ပိုပြီးနှစ်သက်လဲ။

ဖြေ – ကိုယ်သရုပ်ဆောင်ရတဲ့ ဇာတ်ကောင်စရိုက်ကတော့ အရမ်းကြီးမစုံသေးပါဘူး။ ကိုယ်တိုင်က လုပ်ချင်တဲ့ဇာတ်ကောင်စရိုက်တွေလည်း အများကြီးရှိသေးတယ်။ ကိုယ်လုပ်ခွင့်ရချင်တာတွေ အများကြီး ရှိပါသေးတယ်။ လုပ်ခဲ့သမျှ အနုပညာအလုပ်တိုင်းမှာ လုပ်ခွင့်ရသလောက် ယမုံအနေနဲ့ အကောင်းဆုံးကြိုးစားပြီး လုပ်ဆောင်ခဲ့တာဖြစ်လို့ ကိုယ့်ရဲ့ကြိုးစားမှုအပေါ်မှာ အတိုင်းအတာတစ်ခုထိတော့ ကျေနပ်ပါတယ်။ ဒါပေမယ့်လည်း ဒီထက်ပိုပြီးကောင်းအောင် ကြိုးစားဖို့လည်း လိုအပ်နေပါသေးတယ်။

■ မေး – ခုနောက်ပိုင်းမှာ ရုပ်သံဇာတ်လမ်းတွဲတွေရော၊ ရုပ်ရှင်ဇာတ်ကားတွေရော ပရိသတ်စိတ်ဝင်စားမှု ပိုများလာသလို ရိုက်ကူးမှုတွေလည်း ပိုများလာတာဆိုတော့ ညီမအနေနဲ့ ဇာတ်လမ်းတွဲနဲ့ ရုပ်ရှင်ဘယ်ဘက်ကို ပိုပြီးရိုက်ကူးချင်လဲ။

ဖြေ – ယမုံတို့အနေနဲ့ကတော့ အဲဒီလိုမျိုးတွေ မရှိပါဘူး။ ကိုယ့်ကိုလာပြီး ကမ်းလှမ်းလာတဲ့အပေါ်မှာပဲ ကြိုးစားပြီး လက်လှမ်းမီသလောက် အကောင်းဆုံးကြိုးစားပါတယ်။ ဇာတ်လမ်းတွဲရော ရုပ်ရှင်ရော နှစ်ခုစလုံးကကိုယ့်အတွက် ပညာတွေရော အလုပ်ရောရတာဖြစ်လို့ ဘယ်ဟာမဆိုကြိုးစားပြီး ရိုက်ကူးပါတယ်။ ဒါပေမယ့် ညီမအနေနဲ့ကတော့ MRTV-4 နဲ့စာချုပ်ရှိနေတာဖြစ်လို့ ဇာတ်လမ်းတွေကတော့ အမြဲလိုလို ရိုက်ကူးဖြစ်နေပါတယ်။

■ မေး – “မေတ္တာထားတာ အဟုတ်ကိုပဲ” ရုပ်ရှင်ဇာတ်ကားနဲ့ ပတ်သက်ပြီး ပရိသတ်တွေကို ပြောချင်တာရှိရင်။

ဖြေ- “မေတ္တာထားတာ အဟုတ်ကိုပဲ” ဇာတ်ကားလေးမှာ အနုပညာရှင်၊ အတတ်ပညာရှင်တွေ အများကြီးက အကောင်းဆုံး ကြိုးစားထားကြပါတယ်။ ပရိသတ်တွေအတွက် ပျော်ရွှင်ကြည်နူးမှုတွေပေးနိုင်မယ့် ဟာသဇာတ်ကားကောင်းလေးဖြစ်တာမို့ ပရိသတ်တွေအနေနဲ့ ကြည့်ဖြစ်အောင် လာပြီးကြည့်ရှုအားပေးဖို့ ဖိတ်ခေါ်ပါတယ်။

သရုပ်ဆောင်တေးသံရှင် ခင်သဇင်နှင့် တွေ့ဆုံခြင်း

တေးသံရှင် စိုင်းစိုင်းခမ်းလှိုင်၏ ‘အိုးအိုး..ဟော့တယ်’ စာသားပါဝင်သည့်တေးသီချင်း Music Video တွင် စတင်ပါဝင်ခဲ့ပြီးနောက် ပရိသတ်များ သတိထားမိစေခဲ့သည့် မော်ဒယ်လ်တစ်ဦးမှာ ခင်သဇင်ပင်ဖြစ်သည်။ လက်ရှိတွင် ဒါရိုက်တာ အောင်သြဘာ ရိုက်ကူးသည့် ‘Beautiful Wives’ ရုပ်သံဇာတ်လမ်းတွဲတွင် အိမ်ထောင်ရှင် အမျိုးသမီးတစ်ဦးအဖြစ် ပါဝင်ထားသည်။ သရုပ်ဆောင်တစ်ဦးအဖြစ် ပရိသတ်အားပေးမှုရရှိထားသူ ခင်သဇင်က ပထမဆုံး တစ်ကိုယ်တော်တေးစီးရီး ‘ခပ်ချေချေ’ ကို မေ ၁ ရက်တွင် စတင်ဖြန့်ချိထားသည်။ ဂီတလုပ်ငန်းတွင် ပရော်ဖက်ရှင်နယ်တစ်ဦး မဟုတ်သော်လည်း ၀ါသနာပါရာ အနုပညာအလုပ်တစ်ခုအဖြစ် အကောင်းဆုံး ကြိုးစားလုပ်ဆောင်ထားပါသည်ဟု ပြောကြားလာခဲ့သည့် သရုပ်ဆောင်တေးသံရှင် ခင်သဇင်နှင့် တွေ့ဆုံ၍ သိလိုသည်များအား မေးမြန်းဖြစ်ခဲ့ပါသည်။

■ မေး – အခုရိုက်ဖြစ်နေတဲ့ ဇာတ်လမ်းတွဲနဲ့ ပတ်သက်လို့ အရင်ဆုံးပြောပေးပါဦး။
ဖြေ – အခုရိုက်နေတာက အောင်ပြည့် အန်တာတိန်းမန့်က ရိုက်နေတဲ့ Beautiful Wives ဆိုတဲ့ ဇာတ်လမ်းတွဲလေးပါ။ စာရေးဆရာမ လွန်းထားထားရဲ့ဝတ္ထုပါ။ မင်းသမီးလေးယောက်၊ မင်းသားလေးယောက်ပေါ့။ ဇင်ဇင်နဲ့အတူ စိုးပြည့်ရယ်၊ မြနှင်းရည်လွင်ရယ်၊ မေဘရဏီသော်ရယ်ပါ။

■ မေး – ဇာတ်လမ်းတွဲပုံစံကရော ဘယ်လိုပုံစံလေးဖြစ်မလဲ။
ဖြေ – ဒီမှာကတော့ မင်းသမီးလေးယောက်က အောင်မြင်တဲ့ အိမ်ထောင်ရေးကို ပိုင်ဆိုင်ထားတဲ့ ဇနီးတွေဖြစ်ကြတယ်။ သူတို့က Facebook Page တစ်ခုထောင်ထားကြတယ်။ သူတို့ခင်ပွန်းတွေက ဒါရိုက်တာတွေ၊ စီးပွားရေးလုပ်ငန်းရှင်တွေ၊ ဆရာဝန်တွေပေါ့။ သူတို့ရဲ့ အိမ်ထောင်ရေး အတွေ့အကြုံတွေကို အဲဒီ Page ကနေ မျှဝေကြတာပေါ့။

■ မေး – ဒီဇာတ်လမ်းတွဲ သရုပ်ဆောင်တဲ့အခါရော ဘယ်လိုအတွေ့အကြုံတွေရလဲ။
ဖြေ – ဒီဇာတ်လမ်းမှာကတော့ ဖက်ရှင်ပိုင်းလေးတွေလည်း သေချာပြင်ဆင်တယ်။ ဇင်ဇင်က ဒီဇာတ်ကားမှာ ဆရာဝန်ရဲ့ဇနီးပေါ့။ အိမ်ထောင်သည်မှာမှ လှလှပပနေထိုင်တတ်တဲ့ အမျိုးသမီးတစ်ယောက်ပေါ့။ ဖက်ရှင်ကျကျ ၀တ်ဖို့အတွက်ရော၊ ကာရိုက်တာနဲ့ ထပ်တူကျအောင်ပါ သေချာပြင်ဆင်ရတယ်။ အိမ်ထောင်ရေး အသိပညာပေးတာလေးတွေလည်း ပါတယ်။ ပြဿနာတစ်ခုခုရှိလာရင်လည်း ဘယ်လိုလှလှပပ ဖြေရှင်းမလဲဆိုတာလည်း ပါတယ်။ ဇာတ်လမ်းလေးက အရမ်းကောင်းပါတယ်။

■ မေး – ဇာတ်လမ်းတွဲဖြစ်တဲ့အတွက် ပိုပြီးတာဝန်ကြီးတာမျိုးရှိလား။
ဖြေ – အဲဒါကတော့ ဇာတ်လမ်းတွဲဆိုတော့ ပိုပြီးအသေးစိတ်တာမျိုးတော့ရှိတယ်။ ဒါပေမဲ့ ဇာတ်လမ်းကလည်းကောင်းတယ်။ ဇာတ်ညွှန်းကလည်း ဦးဇော်မြင့်ဦးက သေချာလေးဖန်တီးထားတာ။ ဇင်ဇင်တို့ သရုပ်ဆောင်တွေအားလုံးကလည်း Teamwork လေးတစ်ခုနဲ့ သေချာဖန်တီးထားတာဖြစ်တဲ့အတွက် အကောင်းဆုံးဖြစ်မယ်လို့တော့ ထင်ပါတယ်။ ပရိသတ်တွေအတွက် ပေါ့ပေါ့ပါးပါးကြည့်ရမယ့် ဇာတ်လမ်းတွဲလေးလည်း ဖြစ်တယ်။ အိမ်ထောင်ရေး အသိပညာလေးတွေလည်း ရမယ်ပေါ့။

■ မေး – ဒီဇာတ်လမ်းတွဲလေးကို ဘယ်တော့လောက်ပြဖြစ်မလဲ။
ဖြေ – ဒီဇာတ်ကားရိုက်ကူးချိန်က သုံးလလောက်ကြာမြင့်ပါမယ်။ အခုတော့စပြီးရိုက်နေတာ တစ်လနီးပါးလောက်ရှိတော့မယ်။ ဇွန်လမှာ စတင်ပြသဖို့ရည်မှန်းထားတယ်။

■ မေး – ခပ်ချေချေ တစ်ကိုယ်တော်တေးစီးရီးလည်း ထွက်ဖို့လုပ်ထားတယ်ဆိုတော့ အဲဒီအကြောင်းလေး ပြောပါဦး။
ဖြေ – ဇင်ဇင်ရဲ့ ကိုယ်ပိုင်သံစဉ်သီချင်းတွေပါတဲ့ တစ်ကိုယ်တော်စီးရီးလေးပါ။ မတ်လကုန်မှာ ထွက်ဖို့ စိတ်ကူးခဲ့ပေမယ့် ပရိသတ်တွေအတွက် လက်ဆောင်အဖြစ် အမ်တီဗွီ Version လေးပါ တစ်ခါတည်းပေးချင်တာကြောင့် အခုမှထွက်ဖြစ်တာပါ။ ရိုက်ကူးချိန် ပေးလိုက်ရတာပေါ့။ အခုတော့ထွက်နိုင်ပါပြီ။ အမ်တီဗွီမှာလည်း သရုပ်ဆောင်တွေ အများကြီးပါထားတယ်။ ပရိသတ်တွေကို ကောင်းကောင်းလေးပေးချင်တာကြောင့် အချိန်နည်းနည်းယူလိုက်ရတာပါ။ မေ ၁ ရက်မှာ စတင်ဖြန့်ချိထားပါတယ်။

■ မေး – သီချင်းက ဘယ်လိုပုံစံလေးတွေ ထည့်ထားလဲ။
ဖြေ – သီချင်းလေးတွေက Tropical House တွေပါတယ်။ ပေါ့ပ်တွေပါတယ်။ စုံတွဲသီချင်းလေးတွေ ပါပါတယ်။ သီချင်းအေးလေးတွေလည်း ပါတယ်။ ဇင်ဇင်က အဆိုပိုင်းမှာအရမ်း Professional မဖြစ်ပေမယ့် Vocal Guide တွေနဲ့ သေချာလေ့ကျင့်ထားတယ်။ အကောင်းဆုံးကြိုးစားပြီး သီဆိုထားပါတယ်။

■ မေး – ဂီတကိုလုပ်ဖြစ်သွားတဲ့ အကြောင်းရင်းလေးလည်း ပြောပြပါဦး။
ဖြေ – အမှန်အတိုင်းပြောရရင် သီချင်းဆိုဖို့ တစ်ခါမှမစဉ်းစားဖူးဘူး။ သီချင်းကို တန်ဖိုးထားတယ်။ ကြိုက်တယ်။ ဒါပေမဲ့ ကိုယ့်ဘာသာဆိုတဲ့အခါ စိတ်တိုင်းမကျဘူး။ တစ်ခါတလေ အခုခွေအတွက်လုပ်ဖြစ်ရင်းနဲ့ သီချင်းကအရမ်းကောင်းပြီး သဇင်က အသံသိပ်မကောင်းတဲ့အခါကျတော့ သီချင်းနဲ့အသံက တန်တောင်မတန်ဘူးလို့တောင် ပြောမိတယ်။ ဒါပေမဲ့ အကောင်းဆုံးကြိုးစားထားတယ်။ သီချင်းဆိုတာက အနုပညာလှုပ်ရှားမှုတစ်ခုအနေနဲ့ပါ။ ပရိသတ်တွေက သီချင်းလေးတွေ ထုတ်စေချင်တာကြောင့်လည်းပါတယ်။ အဆိုတော်တစ်ယောက်ဖြစ်ဖို့ ရည်ရွယ်တာမဟုတ်ဘူး။ ပရိသတ်တွေကို အမှတ်တရလက်ဆောင် ပေးချင်တာလည်းပါတယ်။ ၀ါသနာပါတာကြောင့်လည်း ပါပါတယ်။

■ မေး – တေးရေးတွေက ဘယ်သူတွေပါမလဲ။
ဖြေ – တေးရေးတွေက ကိုဝေကြီးသီချင်း သုံးပုဒ်ပါမယ်။ ဖြိုးပြည့်စုံပါမယ်။ ဇင်ဇင်နဲ့ ကျော်ဇင်လတ်ပါမယ်။ သီချင်းအားလုံး ရှစ်ပုဒ်ပါ။

■ မေး – ရုပ်ရှင်ကားကြီး ရိုက်ထားတာတွေရှိသေးလား။
ဖြေ – ရုပ်ရှင်ကားကြီးတွေရော၊ ဗီဒီယိုပါရိုက်ထားတာ ရှိပါတယ်။ ရုံရက်မရသေးလို့ စောင့်နေရတာပါ။ ဗီဒီယိုရော ကားကြီးပါရိုက်ဖို့ စီစဉ်ထားတာတွေလည်း ရှိပါတယ်။

■ မေး – အခွေထွက်တဲ့နေ့မှာ ပရိသတ်တွေနဲ့ တွေ့ဆုံဖြစ်မယ့် အစီအစဉ်ကိုလည်း ပြောပါဦး။
ဖြေ – မေ ၁ ရက် အခွေစထွက်မယ့်နေ့ လှည်းတန်းစင်တာမှာ ဇင်ဇင်နဲ့ အခြားအနုပညာရှင်တွေက ပရိသတ်တွေနဲ့ တွေ့ဆုံမယ်။ အမှတ်တရလက်မှတ် ထိုးပေးမယ်။ သီချင်းလေးတွေဆိုပြမယ်။ အမှတ်တရ လက်ဆောင်လေးတွေပေးမယ့် အစီအစဉ်တွေပါပါမယ်။ ပရိသတ်တွေအားလုံးနဲ့ ပျော်ပျော်ရွှင်ရွှင်တွေ့ရမှာဆိုတော့ ရင်ခုန်ပါတယ်။

■ မေး – စီးပွားရေးလည်း လုပ်နေပြီဆိုတော့ ပြောပြပါဦး။
ဖြေ – Spa တစ်ခု ဖွင့်ထားပါတယ်။ အလှအပအတွက် သေချာလေးလုပ်ပေးနိုင်မယ့် ဆိုင်မျိုးပေါ့။ Artist တွေလည်း အရမ်းတော်ကြတယ်။ ၀န်ထမ်းတွေကို Teamwork လေးဖြစ်အောင် သေချာလေးလုပ်ပေးပါတယ်။ ဆိုင်ကိုလည်း အကောင်းဆုံးဖြစ်အောင် ကြိုးစားပါတယ်။

■ မေး – ပရိသတ်တွေကို ပြောချင်တဲ့ စကားလက်ဆောင်တွေရှိရင် ပြောပေးပါဦး။
ဖြေ – ဇင်ဇင်ရဲ့ ပထမဆုံးတစ်ကိုယ်တော်ခွေကို နားထောင်ကြည့်ပေးစေချင်ပါတယ်။ ပရိသတ်တွေဆီက တုံ့ပြန်မှု၊ ဝေဖန်မှုတွေကို ဇင်ဇင် အရမ်းသိချင်ပါတယ်။ အဲဒီအတွက် ဝေဖန်စကားလေးတွေလည်း ပြောပေးပါဦး။ လင်းလင်းခိုင်