Snare အဖွဲ့မှ တေးသံရှင်နေ၀င်းနှင့် တွေ့ဆုံခြင်း

Snare အဖွဲ့မှ တေးသံရှင်နေ၀င်းနှင့် တွေ့ဆုံခြင်း

‘၃၉ ဗိုက်ပူ’ ၊ ‘Danger’ စသည့်တေးသီချင်းများဖြင့် ပရိသတ်အခိုင်အမာရရှိသွားပြီးနောက် အောင်မြင်သည့် ဟစ်ဟော့ပ်တေးသီချင်းများစွာအား ဖန်တီးခဲ့သည့် Snare အဖွဲ့သည် ဖေဖော်ဝါရီ ၁၂ ရက်တွင် တတိယမြောက်အယ်လ်ဘမ် ‘ပူးတွဲချန်ပီယံ’ အား ဖြန့်ချိခဲ့ပြီး ဖြစ်သည်။ မတူကွဲပြားသည့် ဂီတဖန်တီးမှုများ၊ စာသားအကြောင်းအရာများအား ဖန်တီးထည့်သွင်းထားသည်။ အဖွဲ့တစ်ခုအဖြစ် ခိုင်ခိုင်မာမာလက်တွဲထားဆဲဖြစ်ကာ မတ်လလယ်တွင်လည်း Snare One Band Show ကို မန္တလေးမြို့၌ ကျင်းပရန် စီစဉ်ထားပြန်သည်။ Snare အဖွဲ့ဝင်တစ်ဦးဖြစ်သည့် တေးသံရှင်နေ၀င်းနှင့် တွေ့ဆုံဖြစ်သည့်အခိုက် ပူးတွဲချန်ပီယံ တေးအယ်လ်ဘမ်သစ်အကြောင်း၊ One band show အကြောင်းနှင့် အဖွဲ့တစ်ဖွဲ့အဖြစ်အချိန်ကြာမြင့်စွာ ရပ်တည်ထားနိုင်သည့် အကြောင်းအရာများအား မေးမြန်းဖြစ်ခဲ့ပါသည်။

 

■ မေး -Snare အဖွဲ့ရဲ့ ပူးတွဲချန်ပီယံအခွေကို ပြင်ဆင်ခဲ့ရတဲ့အပိုင်းလေးတွေ အရင်ဆုံးသိချင်ပါတယ်။

■ ဖြေ – ကျွန်တော်တို့ Snare ရဲ့တတိယမြောက် အယ်လ်ဘမ်ပါ။ ပြင်ဆင်ချိန်က နှစ်နှစ်လောက်ရှိပါပြီ။ အခွေသစ်မထွက်ဖြစ်တာ ငါးနှစ်လောက်ကြာပြီးမှ ထွက်ဖြစ်တဲ့အခွေပေါ့။ ဘကြီးဖြိုးနဲ့ ဦးနေ၀င်းအခွေထွက်ပြီး နောက်တစ်ရက်မှာ ရန်ကုန်မှာ Snare One Band Show လုပ်ဖြစ်ခဲ့တယ်။ အဲဒီပွဲကို Live Show ခွေထုတ်ဖို့ အရင်ပြင်ဆင်ခဲ့တာပေါ့။ Live Show ခွေထုတ်မယ်ဆိုတော့လည်း သီချင်းဟောင်းတွေပဲဖြစ်နေမှာစိုးတော့ ဒီအခွေပဲအရင် ထုတ်ဖြစ်သွားတာပါ။

■ မေး – ဒီအခွေမှာ သီချင်းရေးသား ဖန်တီးမှုအပိုင်းမှာရော ဘယ်လိုပြောင်းလဲမှုတွေရှိလဲ။

■ ဖြေ – ဒီအခွေမှာ အရင်ထွက်တဲ့ခွေနဲ့ နှစ်တော်တော်လေးခြားသွားပြီဆိုတော့ ရေးဖြစ်တဲ့စာသားတွေ၊ အယူအဆတွေ၊ အတွေး အခေါ်တွေ၊ ဆိုဖြစ်တဲ့ Flow တွေ၊ Music ဖန်တီးမှုတွေ နည်းနည်းပြောင်းသွားတယ်။ Idea ကတော့ မျိုးစုံပဲပေါ့။ အလွမ်းအဆွေး၊ အပျော်တွေလည်းပါတယ်။ Party Life တွေပါတယ်။ သူငယ်ချင်း၊ ပိုက်ဆံစသဖြင့် အကြောင်းအရာစုံတယ်။ တစ်ခွေလုံးက ကျွန်တော်တို့ပဲရေးတာပါ။ Featuring တွေက သူတို့ဆိုမယ့်အပိုဒ်ကို သူတို့ရေးပါတယ်။

■ မေး -Featuring တွေကရော ဘယ်သူတွေပါလဲ။

■ ဖြေ -Featuring တွေက စိုင်းစိုင်း၊ G – Fatt ၊ ဘန်နီဖြိုး၊ အမရာဖုန်း၊ မိုးမိုး၊ မိစန္ဒီ၊ အောင်သူ၊ G – Family ပါပါတယ်။

■ မေး -Title ကို ပူးတွဲချန်ပီယံလို့ ပေးဖြစ်တာကရော။

■ ဖြေ – မြန်မာနိုင်ငံက အဖွဲ့တွေထဲမှာ သက်တမ်းအရှည်ဆုံးထဲမှာ ပါတယ်။ တောက်လျှောက်လည်း အကွဲအပြဲမရှိဘဲ ဒီနေ့အထိ ယုံယုံကြည်ကြည်နဲ့ သူငယ်ချင်းနှစ်ယောက်စလုံး လက်တွဲလာတဲ့အတွက် ကိုယ့်ဘာသာ ပူးတွဲချန်ပီယံဆိုပြီး ပေးဖြစ်တာပါ။

■ မေး – ဖြတ်သန်းလာတဲ့ ဂီတခရီးလမ်းတစ်လျှောက် ကြုံခဲ့ရတဲ့စိန်ခေါ်မှုတွေ၊ အတွေ့အကြုံတွေကိုရော ဒီအခွေမှာသီချင်းအနေနဲ့ ထည့်ဖြစ်တာမျိုးရှိလား။

■ ဖြေ – ထူးထူးခြားခြားတော့ မရှိပါဘူး။ သူများကိုပုတ်ခတ်ပြီး စောင်းမြောင်းပြောဆိုတာမျိုးလည်းမပါဘူး။ ငါးနှစ်ကြာသွားတဲ့ အချိန်အတွင်းမှာ အတွေ့အကြုံတွေ၊ အလေ့အထတွေ ပြောင်းသွားတယ်။ အဲဒီအပြောင်းအလဲတွေပေါ် မူတည်ပြီး ဖန်တီးထားတာပါ။

■ မေး – အယ်လ်ဘမ်ထွက်တဲ့နေ့မှာ ပရိသတ်တွေနဲ့ တွေ့ဆုံဖြစ်ခဲ့တာကိုလည်း ပြောပြပါဦး။

■ ဖြေ – ကျွန်တော်တို့ ဖေဖော်ဝါရီ ၁၂ ရက်မှာ Junction Square Outdoor Area မှာ အခွေဝယ်တဲ့သူတွေကို အမှတ်တရ လက်မှတ်ထိုးပေးဖြစ်တယ်။ ဓာတ်ပုံရိုက်တဲ့ အစီအစဉ်တွေ လုပ်တယ်။ ပြီးတော့ ဖျော်ဖြေရေးတွေ လုပ်ဖြစ်ပါတယ်။

■ မေး – Snare One Band Show လုပ်ဖို့ အစီအစဉ် ရှိတယ်ဆို။

■ ဖြေ – ရန်ကုန်မှာကတော့ သင်္ကြန်ပြီးမှပဲ လုပ်ဖြစ်ပါမယ်။ ၁၀ တန်းစာမေးပွဲအပြီးမှာတော့ မန္တလေးမှာလုပ်ဖို့ စီစဉ်ထားပါတယ်။ အကြမ်းဖျင်းတော့ မတ် ၁၈  ရက်လို့မှန်းထားတယ်။ အခွေသစ်လည်း ထွက်ပြီးပြီဆိုတော့ အခွေသစ်ထဲက သီချင်းတွေလည်းဖျော်ဖြေမယ်။ သီချင်းဟောင်းတွေနဲ့လည်း ဖျော်ဖြေဖို့စိတ်ကူးထားတယ်။

■ မေး – One Band Show မလုပ်ဖြစ်တာနည်း နည်းကြာသွားပြီဆိုတော့ ဘယ်လိုတွေ ပြောင်းလဲပြင်ဆင်သွားမလဲ။

■ ဖြေ – ကျွန်တော်တို့ သီချင်းတွေကတော့ ရပြီးသားပါပဲ။ လာကြည့်တဲ့ ပရိသတ်တွေကျေနပ်ပြီး ပျော်ရွှင်ဖို့ကိုပဲ စဉ်းစားပါတယ်။ မလုပ်ဖြစ်တာ အချိန်နည်းနည်းဟသွားတယ်ဆိုတော့ ရင်တော့ခုန်တာပေါ့။

■ မေး – ပထမတစ်ကြိမ်လုပ်ခဲ့တုန်းကလည်း သူငယ်ချင်းတွေအများကြီးက လာပြီးဖျော်ဖြေပေးကြတယ်ဆိုတော့ အခုပွဲမှာရော အဲဒီလိုမျိုးတွေပါနိုင်လား။

■ ဖြေ – ဟုတ် ပါပါမယ်။ Frenzo Artist တွေ အကုန်ပါမယ်။ ကျွန်တော်တို့နဲ့ တွဲဆိုထားတဲ့ သူငယ်ချင်းတွေ၊ အနုပညာညီအစ်ကိုမောင်နှမတွေ အကုန်လုံးပါပါမယ်။

■ မေး – Frenzo Tour အနေနဲ့ နောက်ထပ်ဖျော် ဖြေရေးတွေ ရှိမလား။

■ ဖြေ – သင်္ကြန်မှာလည်း ဆိုဖို့စီစဉ်ထားတယ်။ သင်္ကြန်မတိုင်ခင်တောင်ကြီးမှာ Frenzo အုပ်စုအနေနဲ့ ရှိုးဆိုဖို့ရှိပါမယ်။ နောက်ထပ်ပွဲတွေလည်း ရှိဦးမှာပါ။

■ မေး -Snare အဖွဲ့အနေနဲ့ အခုလိုခိုင်ခိုင်မာမာ လက်တွဲနိုင်တဲ့အကြောင်းရင်း ဆိုရင်ရောဘာဖြစ်မလဲ။

■ ဖြေ – ကျွန်တော်တို့က စီးပွားရေးအရအဖွဲ့ ဖွဲ့ထားတာလည်းမဟုတ်သလို မင်းမိုက်တယ်၊ ငါမိုက်တယ်ဆိုပြီး ဖွဲ့ထားတာလည်း မဟုတ်ဘူး။ ငယ်ငယ်ကတည်းက သီချင်းအတူဆိုလာတဲ့ သူငယ်ချင်းတွေ။ အဲဒါကြောင့်လည်း အခုချိန်ထိလက်တွဲဖြစ်တာပါ။ သူငယ်ချင်းဖြစ်တဲ့အတွက် တစ်ယောက်အကြောင်းလည်းတစ်ယောက် ခရေစေ့တွင်းကျ အကုန်သိနေတာပါ။ ထွေထွေထူးထူး လက်တွဲထားတယ်လို့တော့ မရှိဘူး။ သူငယ်ချင်းတွေဆိုတော့ တစ်ယောက်ကိုတစ်ယောက်က နားလည်ပြီးသားပဲလေ။

■ မေး – တစ်ယောက်တည်း အခွေထွက်ဖို့ စီစဉ်နေတာကရော။

■ ဖြေ – အဲဒါက လိုပါသေးတယ်။ Snare အနေနဲ့ အခွေထွက်မယ်။ ပြီးရင် ကျွန်တော်တို့ဖျော်  ဖြေရေးတွေ လုပ်မယ်ပေါ့နော်။ တစ်ယောက် တည်းထွက်မယ်ဆိုတာက ကိုယ့်တစ်ယောက်တည်းနဲ့ ပရိသတ်တွေကြားက အမှတ်တရအနေနဲ့ သေချာအချိန်ယူပြီး လုပ်မှာပါ။ နေ၀င်းတစ်ယောက်တည်းအနေနဲ့ပေါ့။ ဖြိုးလေးလည်း တစ်ယောက်တည်း အမှတ်တရအနေနဲ့ လုပ်ဖို့ရှိတယ်။ Snare အနေနဲ့ကတော့ အနုပညာအလုပ်တွေ အဓိကလုပ်နေမှာပါ။ တစ်ယောက်တည်းအနေနဲ့ အယ်လ်ဘမ်ကတော့ အချိန်ရရင်ရသလို လုပ်ဖြစ်တယ်။ ဒါပေမဲ့ အချိန်ယူရဦးမှာပါ။ အဓိကတော့ ပရိသတ်တွေနဲ့ အမှတ်တရတစ်ခုအဖြစ် လုပ်ချင်တာပါ။

■ မေး – ဇာတ်ကားရိုက်ဖို့စီစဉ်ပြီးခါမှ မရိုက်ဖြစ်ခဲ့ဘူးဆိုတော့ အခွင့်အရေးရခဲ့မယ်ဆိုရင် ထပ်ရိုက်ချင်လား။

■ ဖြေ – အဲဒီတုန်းက ကျွန်တော်ဆေးရုံတက်လိုက်ရလို့ မရိုက်ဖြစ်လိုက်ဘူး။ ကျွန်တော် လုပ်ကြည့်ချင်တဲ့စိတ်တော့ ရှိပါတယ်။ ကျွန်တော် စိတ်ကျေနပ်စရာဖြစ်မယ့် ဇာတ်လမ်းမျိုးဆိုရင်တော့ လုပ်ဖြစ်မှာပါ။ အများကြီးတော့လည်း မလုပ်ချင်ဘူး။

■ မေး – ဒီအခွေလေးနဲ့ပတ်သက်လို့ ပရိသတ်ကိုပြောချင်တဲ့ စကားလက်ဆောင်များရှိမလား။

■ ဖြေ – ကျွန်တော်တို့အခွေကို မြည်းစမ်းကြည့်ပါ။ ပြောပါ။ ဝေဖန်ပါ။ ကျွန်တော်တို့လက်ခံပါတယ်။ ပရိသတ်အားလုံးကို ကျေးဇူးအများကြီး တင်ပါတယ်။

အိန္ဒိယ မော်ဒယ်နှင့်သရုပ်ဆောင် ရီယာရေး (Riya နှင့် တွေ့ဆုံခြင်း)

အိန္ဒိယ မော်ဒယ်နှင့်သရုပ်ဆောင် ရီယာရေး (Riya နှင့် တွေ့ဆုံခြင်း)

International Supermodel တစ်ဦးအဖြစ် ရပ်တည်နေသည့် အိန္ဒိယမော် ဒယ်ရီယာရေးသည် အမေရိကန်နိုင်ငံ ကယ်လီဖိုးနီးယားပြည်နယ်၊ လော့စ်အိန်ဂျလိစ်မြို့တွင် မွေးဖွားကြီးပြင်းခဲ့သူဖြစ်ပြီး လန်ဒန်တွင် ပညာသင်ကြားခဲ့သူ ဖြစ်သည်။ ယင်းနောက်တွင် ရီယာရေးသည် ဗြိတိန်ဒါရိုက်တာ Tony Kaye ရိုက်ကူးခဲ့သည့် ရုပ်သံအစီအစဉ်တစ်ခုတွင်လည်း ပါဝင်ခဲ့သူဖြစ်ပြီး American Music Video အများဆုံးရိုက်ကူးထားရသူ အိန္ဒိယမော်ဒယ်များတွင် တစ်ဦးအပါအ၀င် ဖြစ်သည်။ ရီယာရေးသည် နိုင်ငံအများအပြားတွင် ပြသအောင်မြင်ခဲ့သည့် အိန္ဒိယအက်ရှင်ဇာတ်ကား Doom 3 တွင်လည်း ချီကာဂိုမှ သတင်းထောက်မလေးအဖြစ် ပါဝင်သရုပ်ဆောင်ခဲ့သူ ဖြစ်သည်။ ရီယာရေးသည် ဖေဖော်ဝါရီ ၂ ရက် နံနက်ပိုင်းက ရန်ကုန်မြို့သို့ ရောက်ရှိခဲ့သည်။ 7th Sense Film Production က စီစဉ်ရိုက်ကူးမည့် ‘မဟူရာ ရုပ်ရှင်ရုံ’ ဇာတ်ကားတွင် ပါဝင်သရုပ်ဆောင်မည့် ရီယာရေးနှင့် တွေ့ဆုံခိုက်မေးမြန်းဖြစ်ခဲ့သည်များကို ဖော်ပြပေးလိုက်ပါသည်။

■မေး- ရီယာရေးအနေနဲ့ မြန်မာအနုပညာရှင်တွေနဲ့ ဇာတ်ကားရိုက်ဖို့ဖြစ်လာတဲ့ အကြောင်းလေးကို အရင်သိပါရစေ။

■ ဖြေ – ဒီဇာတ်ကားကိုရိုက်ကူးမယ့် ဒါရိုက်တာနဲ့က ဟိုမှာကတည်းက သိခဲ့တာပါ။ သူ့ဘက်က ကျွန်မကို အင်တာဗျူးလုပ်ဖို့ ကမ်းလှမ်းတာကို လက်ခံခဲ့တယ်။ အဲဒီနောက်မှာမှ ဒီဇာတ်ကားမှာ ပါဝင်သရုပ်ဆောင်ပေးဖို့ ကမ်းလှမ်းခဲ့တာပါ။

■ မေး –  ‘မဟူရာ ရုပ်ရှင်ရုံ’ ဇာတ်ကားကို လက်ခံရိုက်ကူးဖြစ်တဲ့အကြောင်းကိုလည်း သိပါရစေ။

■ ဖြေ – ဒီဇာတ်ကားရိုက်ကူးဖို့ ကမ်းလှမ်းခဲ့တဲ့ ဒါရိုက်တာရဲ့အရည်အချင်းကို ယုံကြည်ပါတယ်။ ဒါကြောင့် ဇာတ်လမ်းနဲ့ ဇာတ်ညွှန်းကိုတောင်းကြည့်ဖြစ်တယ်။ ဇာတ်လမ်းနဲ့ ဇာတ်ညွှန်းကလည်း ကောင်းတယ်။ ဒီလိုဇာတ်လမ်းမျိုးက ကျွန်မအရင်က သရုပ်ဆောင်ဖူးတဲ့ ဇာတ်လမ်းမျိုးနဲ့လည်း ကွဲတယ်။ နောက်ပြီး နိုင်ငံသစ်တစ်ခုမှာ အနုပညာအလုပ်တွေလည်း လုပ်ခွင့်ရမယ်။ အဲဒီနိုင်ငံကလည်း ကိုယ်သိတဲ့ နိုင်ငံတစ်ခု ဖြစ်တယ်။ ပြီးတော့ ဒီဇာတ်ကားကို ထုတ်လုပ်မယ့် မြန်မာနိုင်ငံက ထုတ်လုပ်သူတွေကလည်း ဇာတ်ကားအပေါ်မှာ ပံ့ပိုးနိုင်မယ့် ထုတ်လုပ်ရေးတစ်ခု ဖြစ်တယ်။ မြန်မာနိုင်ငံမှာလည်း အကောင်းဆုံး ထုတ်လုပ်ရေးတွေထဲက ရုပ်ရှင်ထုတ်လုပ်ရေးတစ်ခုဖြစ်တာကြောင့် ကျွန်မဘက်က ဒီဇာတ်ကားကို ရိုက်ကူးဖို့လက်ခံ ဖြစ်ခဲ့တာပါ။

■ မေး- မြန်မာနိုင်ငံကို ရောက်ရှိလာတဲ့အခါမှာရော ဘယ်လိုစိတ်ခံစားမှုမျိုးဖြစ်လဲ။

■ ဖြေ –  မြန်မာနိုင်ငံကိုလာရတဲ့ ခံစားချက်က တကယ်ကိုကောင်းတဲ့ ခံစားမှုတစ်ခုပါပဲ။ မြန်မာနိုင်ငံကလူတွေက အရမ်းကြင်နာမှုရှိတယ်။ ဖော်ရွေတဲ့အပြုံးတွေနဲ့ ဆီးကြိုကြတာဖြစ်လို့ တကယ်ကို ရင်ထဲမှာ နွေးထွေးကျေနပ်တဲ့ ခံစားမှုမျိုးရပါတယ်။ ဒီကိုလာရတာ ကိုယ့်အိမ်ကိုပြန်လာရတဲ့ ခံစားမှုမျိုး ဖြစ်ပါတယ်။

■ မေး – မြန်မာနိုင်ငံကို မစိမ်းဘူးဆိုတော့ ဒီနိုင်ငံနဲ့ပတ်သက်ပြီး ဘာတွေသိထားလဲ။

■ ဖြေ – ကျွန်မအနေနဲ့ မြန်မာနိုင်ငံကိုမရောက်ဖူးပေမယ့် သိပါတယ်။ ကျွန်မအဘွားရဲ့ မိဘတွေ လက်ထက်ကရော ကျွန်မအဘွားကရော မြန်မာပြည်မှာ နေခဲ့ဖူးတဲ့သူတွေပါ။ ဒါကြောင့် မြန်မာနိုင်ငံအကြောင်းကို ကြားဖူးနေတဲ့အတွက် မြန်မာနိုင်ငံက ကျွန်မနဲ့အရမ်းစိမ်းတဲ့ နိုင်ငံတော့မဟုတ်ဘူး။ ဒီကိုရောက်လာရတဲ့အခါ ခံစားမှုက ကျွန်မအတွက် ကောင်းပါတယ်။

■ မေး – ဒီဇာတ်ကားအတွက် ဘာတွေပြင်ဆင်ဖြစ်ခဲ့လဲဆိုတာလည်း သိချင်ပါတယ်။

■ ဖြေ – ဒီဇာတ်ကားအတွက် ဇာတ်လမ်းအရ လိုအပ်တာတွေကို ဒါရိုက်တာနဲ့တိုင်ပင်ပြီး သေချာပြင်ဆင်ထားပါတယ်။ ထုတ်လုပ်ရေးဘက်ကလည်း လိုအပ်တာတွေကို သေချာလုပ်ပေးပါတယ်။

■ မေး – မြန်မာအနုပညာရှင်တွေနဲ့အတူ အလုပ်တွဲလုပ်ရမယ်ဆိုတဲ့ အပေါ်မှာရော ဘယ်လိုခံစားချက်မျိုး ဖြစ်မိလဲ။

■ ဖြေ – မြန်မာအနုပညာရှင်တွေနဲ့အတူ အလုပ်တွဲလုပ်ရမယ်ဆိုတဲ့အတွက်ရော မြန်မာနိုင်ငံမှာရိုက်ရမယ့် ဇာတ်လမ်းဖြစ်တဲ့အတွက်ပါ ကျွန်မဘက်က အရမ်းကိုစိတ်လှုပ်ရှားနေပါတယ်။ မြန်မာနိုင်ငံဆိုတာ ညီမရဲ့စိတ်ထဲမှာ ဆက်နွယ်မှုရှိနေတဲ့အတွက်လည်း စိတ်လှုပ်ရှားပါတယ်။ ဒီဇာတ်ကားမှာ ကျွန်မနဲ့အတူ တွဲဖက်သရုပ်ဆောင်ရမယ့် အနုပညာရှင်တွေကလည်း မြန်မာနိုင်ငံမှာ တကယ့်ကိုအောင်မြင်နေတဲ့ တော်တဲ့ အနုပညာရှင်တွေ ဖြစ်နေတယ်။ ပြီးတော့ ကိုယ့်ကို သိပ်ပြီးမရင်းနှီးသေးတဲ့ မြန်မာနိုင်ငံက ပရိသတ်တွေအတွက် မြန်မာနိုင်ငံက နာမည်ကျော် အနုပညာရှင်တွေနဲ့အတူတွဲဖက်ပြီး အနုပညာအလုပ်တွေ လုပ်ကိုင်ရမှာဖြစ်တဲ့အတွက်လည်း အရမ်းကို စိတ်လှုပ်ရှားမိပါတယ်။

■ မေး – မြန်မာပရိသတ်တွေအတွက် ပြောချင်တဲ့စကားရှိရင်။

■ ဖြေ – ကျွန်မကို သိနေကြတဲ့သူတွေ၊ ရင်းနှီးနေကြတဲ့ မိတ်ဆွေသူငယ်ချင်းတွေ၊ အားပေးချစ်ခင်ကြတဲ့သူတွေ အားလုံးကို ချစ်ခင်အားပေးတဲ့အတွက် ကျေးဇူးတင်ပါတယ်။ မြန်မာနိုင်ငံက ကျွန်မကို ချစ်ခင်အားပေးနေတဲ့ ပရိသတ်တွေအတွက်ရော ဒီဇာတ်ကားကို ကြည့်ရှုအားပေးမယ့် ပရိသတ်တွေအားလုံးအတွက်ရော ဒီဇာတ်ကားမှာ အကောင်းဆုံး ကြိုးစားသွားမှာပါ။ ဒီဇာတ်ကားထဲမှာ ပရိသတ်တွေ မျှော်လင့်ထားတာထက်ပိုတဲ့ ရလဒ်မျိုးဖြစ်လာစေဖို့အတွက် အကောင်းဆုံးကြိုးစားသွားပါမယ်။ ဒီဇာတ်ကားမှာ ကျွန်မရဲ့အနုပညာကို ချစ်ခင်အားပေးမှုတွေရအောင်လည်း ကြိုးစားသွားမှာပါ။ ဒီဇာတ်ကားကနေ မြန်မာပရိသတ်တွေရဲ့ ချစ်ခင်အားပေးမှုကို ရခဲ့ရင်လည်း နောက်ထပ် ဒီနိုင်ငံမှာ အနုပညာအလုပ်တွေ ဆက်ပြီးလုပ်ကိုင်ခွင့်ရချင် ပါတယ်။

■ မေး – ရီယာရေးအနေနဲ့ ဘောလီးဝုဒ်မှာ လုပ်ဖြစ်နေတဲ့ အနုပညာလှုပ်ရှားမှုတွေကိုလည်း သိချင်ပါတယ်။

■ ဖြေ – ကျွန်မအနေနဲ့ ၂၀၁၂ ခုနှစ်မှာ နာမည်ကျော်ကြားခဲ့တဲ့ Doom 3 ဇာတ်ကားမှာ ပါဝင်သရုပ်ဆောင်ခဲ့ပါတယ်။ အခု မြန်မာနိုင်ငံမှာ ဒီဇာတ်ကားရိုက်ပြီးသွားရင် ဒီ ၂၀၁၈ ခုနှစ် အတွင်းမှာပဲ အိန္ဒိယမှာ ရုပ်ရှင်ဇာတ်ကားနှစ်ကား ရိုက်ကူးဖို့ စီစဉ်ထားတာရှိပါတယ်။

အနုပညာရှင် ဒိန်းပိုပိုဒေါင်နှင့် တွေ့ဆုံခြင်း

Photo – Myat Noe Oo Facebook

ဗေဒင်လာမေးဖူးသူ အမျိုးသမီးများ၏ အရှက်သိက္ခာထိပါးအောင်၊ ကာယိအိနြေ္ဒပျက်စီးအောင် လက်ရောက်မှုကျုးလွန်တာကြောင့် စမ်းချောင်းမြို့မရဲစခန်းတွင် “မိန်းကလေးတစ်ဦး၏ ကာယိအိနြေ္ဒပျက်စီးစေရန် လက်ရောက်ကျူးလွန်မှု (ပ) ၄၄/ ၂၀၁၈၊ ပုဒ်မ ၃၅၄”  ဖြင့် ကိုးထပ်ကြီးဘုရားဝင်းအတွင်း ဖွင့်လှစ်ထားတဲ့ အောင်ချစ်ပို ဗေဒင်ဟောခန်းမှ ဗေဒင်ဆရာ အောင်ချစ်ပိုမှာ လက်ရှိတွင် အမှုဖွင့်ခံထားရကြောင်း သိရသည်။ အမှုဖြစ်စဉ်နဲ့ပတ်သက်ပြီး ဗေဒင်ဆရာအောင်ချစ်ပိုထံတွင် ဗေဒင်မေးမြန်းဖူးသူဖြစ်ဖူးခဲ့ပြီး ဗေဒင်ဆရာအောင်ချစ်ပိုက မိန်းကလေးတစ်ဦး၏ ကာယိအိနြေ္ဒပျက်စီးစေရန် လက်ရောက်ကျူးလွန်မှုဖြစ်စဉ် ကြုံတွေ့ခံရခဲ့သည့် အနုပညာရှင် ဒိန်းပိုပိုဒေါင်နှင့် ဖြစ်စဉ်အပေါ် တွေ့ဆုံမေးမြန်းခဲ့ပါသည်။ ဒိန်းပိုပိုဒေါင်မှာ  Myat Noe Oo အကောင့်အမည်ဖြင့် Facebook သုံးစွဲသူဖြစ်ပြီးတော့ ကိုးထပ်ကြီးဘုရားဝင်းအတွင်းက ဗေဒင်ဆရာ အောင်ချစ်ပိုအကြောင်း ရေးခဲ့တဲ့ပို့စ်မှာ ဗေဒင်ဆရာအောင်ချစ်ပိုကို “နှာဘူး၊ တဏှာရူး” ဆိုတဲ့ အသုံးအနှုန်းမျိုးနဲ့ ကိုယ်တွေ့ဖြစ်စဉ် ပြန်လည်ရေးသားခဲ့တာကြောင့် လူသိများတဲ့ Comment ပိုင်ရှင်လည်း ဖြစ်သည်။ ၎င်းနှင့် တွေ့ဆုံမေးမြန်းခဲ့သည်များမှ အချို့အား ကောက်နုတ်ဖော်ပြအပ်ပါသည်။

ဆရာကို ထိခိုက်မှာစိုးလို့ တပည့်ဘက်ကနေ ၀င်နာပေးတာတွေရှိတယ်။ ဘယ်သူ့ကိုမှ ပြောတာတော့ မဟုတ်ပါဘူး။

ညီမ အခုပြောတဲ့စကားတွေကလည်း မှန်ကန်တယ်ဆိုတာကို ၁၀၀ ရာခိုင်နှုန်း ထောက်ခံတယ်’

 

■ မေး – ဗေဒင်ဆရာအောင်ချစ်ပိုရဲ့ လူမှုကွန်ရက်ပေါ်မှာ ပျံ့နှံ့နေတဲ့ကိစ္စနဲ့ပတ်သက်ပြီး Comment ၀င်ရေးဖြစ်တဲ့အကြောင်းကို အရင်ဆုံးသိချင်ပါတယ်။

■ ဖြေ – ဒီကိစ္စကို မေ့လည်းမေ့နေပြီ။ ဟိုနေ့ကမှ အစ်မတစ်ယောက်က ဗေဒင်ဆရာနဲ့ပတ်သက်ပြီး တင်ထားတာတွေ့တော့ ၀င်ကြည့်တာမှာ အောက်ကလည်း မိန်းကလေးအများစုက အတွင်းကျကျ သူတို့ခံရတာတွေကို ရေးကြတာကိုတွေ့တယ်။ ညီမက အရမ်း မခံမရပ်နိုင် ဖြစ်ခဲ့တယ်။ အဲဒီလူရဲ့အကောင့်ကို Screen Shot ရိုက်ပြီးတင်ထားတော့ ၀င်ကြည့်တာ မဟုတ်သလိုလိုနဲ့ မိန်းကလေးတွေကို တရားစွဲမယ်ဆိုပြီး ရေးထားတာတွေ့တော့ တော်တော်ဒေါသထွက်သွားတယ်။ ပထမရက်က အကောင့်ကို Deactivate လုပ်တယ်။ နောက်တော့ ပြန်ပေါ်လာတယ်။ အမှုဖွင့်ပါတယ်။ အသရေဖျက်မှုနဲ့ဆိုတော့ အဲဒီအောက်မှာ ညီမ လွန်ခဲ့တဲ့ခြောက်နှစ်က ဖြစ်ခဲ့တာတွေကိုဝင်ပြီး Comment ရေးမိခဲ့တာပါ။

■ မေး – လွန်ခဲ့တဲ့ခြောက်နှစ်က အဲဒီဗေဒင်ဆရာကို သွားမေးခဲ့တဲ့အချိန်မှာ ဗေဒင်ဆရာက ဘယ်လိုတွေ ပြုမူခဲ့သလဲ။

■ ဖြေ – ညီမရှက်တော့ရှက်ပေမယ့် ဘယ်လိုဖြစ်ခဲ့တာလဲဆိုတာကို အနည်းအကျဉ်းလောက် ပြောပြပါမယ်။ လွန်ခဲ့တဲ့ခြောက်နှစ်လောက်က ကိုးထပ်ကြီးဘုရားမှာ ဗေဒင်သွားမေးပါတယ်။ အဲဒီနာမည်နဲ့ ဖွင့်ထားတာပါပဲ။ ညီမ အသက် ၁၅၊ ၁၆အရွယ် ၁၀ တန်းကျူရှင်ကအပြန် ပထမဆုံးအကြိမ်အဖြစ် ဗေဒင်ဝင်မေး ဖြစ်တာပါ။ သူငယ်ချင်းတစ်ယောက်လည်း ပါပါတယ်။ ပါလာတဲ့သူငယ်ချင်းကို ဗေဒင်ဆရာက အပြင်မှာ ထွက်ထိုင်ခိုင်းတယ်။ အဓိက,က စာမေးပွဲပြီးပြီဆိုတော့ ပညာရေးအကြောင်းမေးပါတယ်။ သူငယ်ချင်းက အပြင်မှာစောင့်နေချိန်မှာ  ဗေဒင်ဆရာက ညီမကို စာမေးပွဲနဲ့ပတ်သက်တာတို့၊ အချစ်ရေးနဲ့ ပတ်သက်တာတို့ အောင်မြင်ချင်ရင် အဆောင်နေနဲ့ ပေးမယ်။ လူနှစ်ယောက်ပုံပူးထားတဲ့ ရွှေရုပ်တုလေးကို ဆောင်ထားရမယ်။ ရိုးရိုးမဟုတ်ဘဲ ရင်ဘတ်ကြားထဲ ထည့်ရမယ်တဲ့။ ကိုယ့်ကိုယ်ကိုယ် ထည့်မယ်ဆိုတော့ မရဘူး။ သူထည့်ပေးမှ စွမ်းမှာဆိုပြီး ပြောပါတယ်။ ကလေးသာသာဆိုတော့ တွေ့ကရာဗေဒင် လျှောက်ယုံပြီး မေးမိခဲ့တယ်။ ပြီးတော့ အဲဒီရွှေရုပ်တုကို ထည့်ပေးတယ်။ ပြီးတော့ အဲဒီနေရာကို ဆီမန်းနဲ့ လိမ်းရမယ်။ မလိမ်းရင် စာမေးပွဲကျတာတွေ ဘယ်နေရာမှ မအောင်မြင်ဘူးဆိုပြီး ပြောပြန်တယ်။သမီးက ဦးလေးမွေးရင် မြေးအရွယ်လောက်ပဲရှိတယ်။ ဘာမှ ကြောက်စရာရှက်စရာမလိုဘူးလို့လည်း အယုံသွင်းတယ်။ အဲဒီတုန်းက ငြင်းဆန်လိုက်ရင် အရှေ့ကထားထားတဲ့ အဆောင်အချွန် အတက်တွေနဲ့ထိုးတာတို့ သတ်တာတို့လုပ်မှာစိုးလို့ ကြောက်ပြီး အလိမ်းခံရတယ်။ အဲဒီထက်ဆိုးတာတွေကိုတော့ ပြောမထွက်တော့ဘူး။ တကယ်တန်းညီမကို တရားလာစွဲရင် အဲဒါတွေကိုပါ ထုတ်ပြောမှာပါ။

■ မေး – အဲဒီအချိန်တုန်းက ဒီအဖြစ်အပျက်အကြောင်းကို ဘယ်သူတွေကို ပြောဖြစ်သေးလဲ။

■ ဖြေ – အဲဒီတုန်းက တူတူသွားမေးတဲ့ သူငယ်ချင်းကို ပြောပြခဲ့ပါတယ်။ သူငယ်ချင်းရဲ့ အဒေါ်က ဗေဒင်ဆရာမဆိုတော့ ဗေဒင်ထဲမှာ အဲဒီလိုတွေရှိလားဆိုပြီး ဖုန်းဆက်မေးကြည့်မှ မရှိဘူးဆိုတာ သိရတာပါ။ အဲဒီသူငယ်ချင်းတစ်ယောက်တည်းကိုပဲ ပြောပြခဲ့တာပါ။ အဲဒီတုန်းက တိုင်ရမယ်မှန်းလည်း နားမလည်ခဲ့ပါဘူး။ အမေကိုလည်း အရမ်းကြောက်ရတော့ မပြောဖြစ်ဘူး။ မိသားစုဝင်တွေလည်း မသိပါဘူး။ အဲဒီလို လူတွေကို ထိထိရောက်ရောက် အရေးယူစေချင်တယ်။ အမှုရင်ဆိုင်ရရင်လည်း ဖြစ်ကြောင်းကုန်စင်အကုန်ပြောပြီး ဒီလူကို နောက်မလုပ်ရဲလောက်အောင် ပြင်းပြင်းထန်ထန် ပြစ်ဒဏ်ပေးစေချင်ပါတယ်။

■ မေး –  လွန်ခဲ့တဲ့ ခြောက်နှစ်ကဖြစ်ခဲ့တာဆိုတော့ လူမှားတာရော ဖြစ်နိုင်မလား။

■ ဖြေ – လွန်ခဲ့တဲ့ ခြောက်နှစ်ကဖြစ်ခဲ့တာဆိုပေမယ့် လူမှားတာ လုံးဝမဖြစ်နိုင်ပါဘူး။ ညီမနဲ့ အတူတူသွားတဲ့ သူငယ်ချင်းကလည်း မှတ်မိနေပါတယ်။ ညီမကို အရင်မေးတယ်။သူလည်း မေးတယ်။ အဲဒါကြောင့် သူလည်း မှတ်မိနေတယ်။

■ မေး – ဖြိုးေ၀၀င်း အကောင့်ပိုင်ရှင် တရားစွဲခံရတာနဲ့ ပတ်သက်ပြီးတော့ရော ဘယ်လိုမြင်လဲ။

■ ဖြေ – ဟိုနေ့ကလည်း မီဒီယာသမားတစ်ယောက် ကိုဖြိုးေ၀၀င်းဆိုတဲ့ အစ်ကိုတစ်ယောက်ကို တရားစွဲထားတယ်။ ဒီအစ်ကိုက မိန်းကလေးတွေဘက်ကနေ စာနာလို့ ပြည်သူ့ရဲတွေကို အရေးယူပေးပါလို့ ပြောတာပါ။ ဗေဒင်ဆရာက အဲဒီလိုပြောရမလားဆိုပြီး စမ်းချောင်းရဲစခန်းမှာ အမှုသွားဖွင့်ထားတယ်။ ညီမတို့ကို အဲဒီလိုအမှုဖွင့်ရင်လည်း ညီမတို့က ငြိမ်ခံနေမှာမဟုတ်ဘဲ ခံရတဲ့အမျိုးသမီးတွေဘက်ကနေ ညီမကိုယ်တိုင်ဦးဆောင်ပြီး ကိုယ်တိုင်သက်သေအဖြစ် မားမားမတ်မတ်နဲ့ ရပ်တည်ပေးမှာပါ။

■ မေး – အခု ညီမလိုပဲ ဗေဒင်ဆရာနဲ့ပတ်သက်ပြီးခံခဲ့ ရတဲ့အမျိုးသမီးတွေနဲ့ ညီမကရော ခုချိန်မှာ အဆက်အသွယ်ရှိလား။

■ ဖြေ – စမ်းချောင်းမှာ ကိုဖြိုးေ၀၀င်းကို အမှုဖွင့်ထားတယ်ကြားတော့ မူရင်းပို့စ်တင်တဲ့ အစ်မတစ်ယောက်က ညီမကို အကူအညီလာတောင်းတယ်။ အစ်မတို့က မျက်မြင်ကိုယ် တွေ့သက်သေမရှိတဲ့အတွက် ညီမက လူလည်းသိတယ်ဆိုတော့ ကူညီပေးပါဆိုပြီး အကူအညီတောင်းတယ်။ ညီမကလည်း ပွဲတွေနဲ့ မအားဘူးဖြစ်နေတယ်။ အားရင်ရှေ့ကနေ ရပ်တည်ပေးဖို့ အစီအစဉ်ရှိပါတယ်။ ခံရတဲ့ မိန်းကလေး ခြောက်ယောက်က ဂေါပကကို သွားတိုင်တယ်။ ဂေါပကက မိန်းကလေးတွေကို တကယ်အကူအညီပေးတဲ့အဖွဲ့နဲ့ ဆက်သွယ်ပြီးလုပ်ပါ။ သက်သေတစ်ယောက်လည်း လိုတယ်ဆိုတော့ ညီမကို အကူအညီတောင်းပါတယ်။ အဲဒီဗေဒင်ဆရာဘက်က လွန်ကဲလာရင် မိန်းကလေးတွေဘက်က ရပ်တည်သွားမှာပါ။

■ မေး – ဗေဒင်ဆရာဘက်က ရပ်တည်ပေးတဲ့သူတွေအတွက်ရော ဘာပြောချင်တာရှိပါသလဲ။

■ ဖြေ – ဗေဒင်ဆရာဘက်က ထောက်ခံတဲ့သူတွေကိုလည်း ပြောချင်တာက ညီမက တကယ်ဟုတ်လို့ ရေးတာပါ။ မဟုတ်ဘဲ တခြားမိန်းက လေးတွေကလည်း ရေးစရာအကြောင်း မရှိပါဘူး။ သူ့ရဲ့ဆရာကို ထိခိုက်တာမဟုတ်ဘဲ သူ့ကိုပဲပြောတာပါ။ တပည့်တွေအကုန်လုံးက ဒီဆရာတစ်ယောက်တည်းဆိုတော့ ဒီဆရာနာမည်ပျက်မှာစိုးလို့ ဒီတပည့်ဘက်ကနေ အကာအကွယ်ပေးနေသလို ဖြစ်နေတယ်။ ညီမတစ်ခုပဲ ပြောချင်ပါတယ်။ ဟုတ်လို့ပေါ်လာတာပဲရှိတယ်။ မဟုတ်ဘဲ ဘယ်မိန်းကလေးကမှ ကိုယ့်သိက္ခာ၊ ကိုယ့်မိသားစုသိက္ခာ အကျခံပြီး မဟုတ်ဘဲနဲ့တော့ မရေးပါဘူး။ နောက်တစ်ခုက တပည့်မကောင်း ဆရာခေါင်းဆိုသလို ဆရာတစ်ယောက်မှာ တပည့်အယောက်တစ်ရာရှိပေမယ့် အကုန်လုံး ကောင်းတဲ့တပည့်တွေ မဖြစ်နိုင်ဘူး။ တချို့က ဆရာကို ထိခိုက်မှာစိုးလို့ တပည့်ဘက်ကနေ ၀င်နာပေးတာတွေရှိတယ်။ ဘယ်သူကိုမှ ပြောတာတော့ မဟုတ်ပါဘူး။ ညီမ အခုပြောတဲ့စကားတွေကလည်း မှန်ကန်တယ်ဆိုတာကို ၁၀၀ ရာခိုင်နှုန်း ထောက်ခံတယ်။ ညီမလည်း အဖေ့ဂုဏ်သိက္ခာရော၊ ကိုယ့်ဂုဏ်သိက္ခာရောပါရှိတဲ့အတွက် မဟုတ်ဘဲ မပြောပါဘူး။ ညီမကိုယ်တိုင်ကလည်း ခံခဲ့ရတဲ့သူဖြစ်တဲ့အတွက် မိန်းကလေးတွေ ဘက်ကနေ နာလို့ဝင်ပြောတာ ဖြစ်ပါတယ်။ သူတို့ဘက်က ဒါကိုမဟုတ်ပါဘူးလို့တောင် ပြန်ပြီးတရားစွဲထားတယ်ဆိုတော့ သူခိုးကလူပြန်ဟစ်သလိုတောင် ဖြစ်နေပါတယ်။

■ မေး – ဗေဒင်ဆရာ အောင်ချစ်ပိုဘက်ကနေ စာနယ်ဇင်းရှင်းလင်းပွဲလုပ်တယ်ဆိုတဲ့အပေါ်မှာရော ဘယ်လိုမြင်ပါသလဲ။

■ ဖြေ – ဘယ်သူခိုးကမှ ခိုးတယ်ဝန်ခံပြီး ရှင်းမှာမဟုတ်ပါဘူး။ ဦးနှောက်ပါတဲ့သူတွေကိုတော့ သူ့စကားတွေကို မယုံစေချင်ဘူး။ ခံရတဲ့မိန်းကလေးတွေဘက်ကနေ စဉ်းစားပြီး ချင့်ချိန်ယုံစေချင်ပါတယ်။

■ မေး – ဗေဒင်ဆရာအောင်ချစ်ပိုကိုရော ဘာပြောချင်ပါသလဲ။

■ ဖြေ – နောက်ဆုံးတစ်ခုအနေနဲ့ ပြောချင်တာက ထောင်ထမင်းထောင်ဟင်းမစားရခင်မှာ အမြန်ဆုံး ကိုယ်ဖြစ်တာ၊ လုပ်ဖူးတာကို ၀န်ခံလိုက်ပါ။ ဘာမှထပ်ပြီး တိမ်းရှောင်မနေပါနဲ့။ ညီမအခုပြောတဲ့ အင်တာဗျူးကိုတွေ့လို့ သူတရားစွဲမယ်ဆိုလည်း လုံးဝမကြောက်ပါဘူး။ ဘာလို့ဆိုတော့ အမှန်တရားကို ဖုံးကွယ်လို့ မရပါဘူး။ သူ့ကိုလည်း ထိထိရောက်ရောက် အရေးယူပေးပါလို့ ပြည်သူ့ရဲနဲ့တကွ တာဝန်ရှိသူအားလုံးကို တောင်းဆိုချင်ပါတယ်။

ဒါရိုက်တာ အောင်မြတ်နှင့် တွေ့ဆုံခြင်း

Music Video တွေကို မတူညီတဲ့ တင်ဆက်မှု ပုံစံသစ်တွေ ရိုက်ချက်ကောင်းကောင်းတွေနဲ့ ရိုက်ကူးပြီး ပရိသတ်တွေရဲ့ အားပေးမှုကိုရရှိခဲ့တဲ့ လူငယ်ဒါရိုက်တာတွေထဲမှာ ဒါရိုက်တာအောင်မြတ်လည်း တစ်ယောက်အပါအ၀င်ပါ။ ၂၀၁၅ ခုနှစ်ကစလို့ Music Video တွေ ရိုက်ကူးရာက ပရိသတ်တွေရဲ့ အားပေးမှုနဲ့ အနုပညာလောကထဲမှာ နေရာတစ်ခုရရှိလာတဲ့ အောင်မြတ်က သူ့ရဲ့ပထမဆုံး ရုပ်ရှင်ဇာတ်ကားအဖြစ် စာရေးဆရာမပုညခင်ရဲ့ ၀တ္ထုဖြစ်တဲ့ ‘အနမ်းဝိုင်’ ကို စိန်ဌေးရုပ်ရှင်ထုတ်လုပ်ရေးအတွက် ရိုက်ကူးခဲ့ပါတယ်။ ‘အနမ်းဝိုင်’ ရုပ်ရှင်ကို ဖေဖော်ဝါရီ ၂ ရက်ကစလို့ ပရိသတ်တွေ ကြည့်ရှုရတော့မှာ ဖြစ်လို့ ‘အနမ်းဝိုင်’ နဲ့ ပတ်သက်တဲ့ အကြောင်းအရာတွေအပြင် ဒါရိုက်တာအောင်မြတ်ရဲ့ အနုပညာခြေလှမ်းတွေအကြောင်း မေးမြန်းဖြစ်ခဲ့ပါတယ်။

■ မေး – Music Video တွေ ရိုက်ကူးနေရာကနေ ‘အနမ်းဝိုင်’ ရုပ်ရှင်ကို ရိုက်ကူးဖြစ်ခဲ့တာလေးကို သိပါရစေ။

ဖြေ – ၂၀၁၅ ခုနှစ်လောက်က ကျွန်တော်က Music Video နဲ့ ကြော်ငြာတွေပဲ ရိုက်ဖြစ်နေခဲ့ရင်းနဲ့ ရုပ်ရှင်ဇာတ်ကားရိုက်ချင်တဲ့ စိတ်လည်းဖြစ်နေချိန်မှာ ဆရာမမပုညခင်က သူ့ရဲ့ ‘အနမ်းဝိုင်’ ၀တ္ထုကို စိန်ဌေးကရိုက်မယ်ဆိုတဲ့အချိန်မှာ အဲဒီဇာတ်ကို ကျွန်တော်ကိုယ်တိုင်က ဖတ်ဖူးပြီးသား တောင်ကြီးတန်ဆောင်တိုင်၊ စပျစ်ခြံတွေနဲ့ လှလှပပ ရိုက်ကူးရမယ့် ဇာတ်ဖြစ်တယ်ဆိုတော့ တောင်ကြီးကလာတဲ့ ကျွန်တော့်အနေနဲ့ ဒီဇာတ်ကို ဖော်ပြခွင့်ရမယ်ဆိုတော့ ၀မ်းသာခဲ့ရတဲ့ ဇာတ်ကားပါ။ ဒီဇာတ်ကားလေးကို ၂၀၁၅ ခုနှစ် တောင်ကြီးတန်ဆောင်တိုင် ပွဲတော်ကာလမှာ စပြီးရိုက်ကူးဖြစ်ခဲ့ပါတယ်။

■ မေး – ဒီဇာတ်ကားက ကိုယ့်ဒေသရဲ့ ရှုခင်းအလှအပတွေကို ထည့်သွင်းရိုက်ကူးခွင့်ရတဲ့ ဇာတ်ကားဆိုတော့ ရိုက်ကွင်းနေရာတွေနဲ့ ပတ်သက်ပြီး ရွေးချယ်ဖြစ်ခဲ့တာလေးတွေကို ပြောပြပေးပါဦး။

ဖြေ – ဒီဇာတ်လမ်းမှာပါဝင်တဲ့ တောင်ကြီးတန်ဆောင်တိုင်ပွဲတော်ဆိုရင် အဲဒီပွဲတော်ကျင်းပနေတဲ့ ကွင်းထဲမှာပဲ တိုးတိုးဝှေ့ဝှေ့ တောင်းတောင်းပန်ပန်နဲ့ သေချာရိုက်ကူးခဲ့တယ်။ အဓိက,ကတော့ ဇာတ်ဝင်ခန်းမှာပါဝင်တဲ့ နေရာဒေသတွေကို သေချာလေး ပုံဖော်နိုင်ဖို့ ကျွန်တော်ကြိုးစားပြင်ဆင်ခဲ့တယ်။ စပျစ်ခြံမှာရိုက်ကူးတဲ့အခါမှာလည်း စပျစ်သီးတွေ ခူးလို့ရတဲ့အချိန် ရာသီဥတုကောင်းပြီး စပျစ်ရွက်တွေလည်း လှတဲ့အချိန်ဖြစ်တဲ့ ဖေဖော်ဝါရီလမှာ သွားပြီးရိုက်ကူးခဲ့တာပါ။ အဲဒီလို ရိုက်ကွင်းအလှအပတွေအတွက် ဒီဇာတ်ကားကို ပထမရိုက်ကူးရက် ၁၀ ရက်ကျော်နဲ့ ဒုတိယ ရိုက်ကူးရက်တွေကြားမှာ အချိန်နှစ်လကြာခြားပြီး ရိုက်ကူးခဲ့ရတာပါ။ နောက်ပြီး ဒီဇာတ်ကားထဲမှာပါတဲ့ ပအို့တိုင်းရင်းသားရွာဖြစ်တဲ့ ကျောက်ကခြားဆိုရင်လည်း တောင်ကြီးကနေ သုံးနာရီကျော်လောက်သွားရတဲ့ နှစ် ၁၀၀ ကျော် သက်တမ်းရှိပြီး အိမ်လေးတွေနဲ့ တည်ဆောက်ပုံကအစ လှလှပပလေး ထူးထူးခြားခြားလေးဖြစ်တဲ့ဒေသကို သေချာရွေးပြီး ရိုက်ကူးခဲ့တာပါ။

■ မေး – ကိုယ့်ရဲ့ပထမဆုံးရုပ်ရှင်ဖြစ်တဲ့အတွက် ဘယ်လိုတွေ ကြိုးစားပြင်ဆင်ခဲ့ရလဲ သိချင်ပါတယ်။

ဖြေ – ရုပ်ရှင်ဇာတ်ကားမရိုက်ကူးခင်တည်းက ဇာတ်လမ်းနဲ့ ဇာတ်ညွှန်းကို သေချာဖတ်ပြီး ဇာတ်ဝင်ခန်းတစ်ခုချင်းစီအတွက် အသေးစိတ် အချက်အလက်တွေပါတဲ့ Story Book ကို ရေးပါတယ်။ ရိုက်ကွင်းနေရာအတွက်လည်း သေချာပြင်ဆင်တယ်။ ဇာတ်ကောင်စရိုက်အလိုက် ၀တ်စားဆင်ယင်မှု အပိုင်းတွေ၊ ပြင်ဆင်ခြယ်သမှုအပိုင်းတွေ ဇာတ်ဝင်ခန်းတစ်ခုချင်းစီအတွက် သေချာပြင်ဆင်ခဲ့ပါတယ်။ မရိုက်ကူးခင်မှာ Story Book ကို တစ်ကားလုံးစာ သေချာပြင်ဆင်ပြီး အားလုံးကိုပေးထားတယ်။ နောက်ပြီး ပါဝင်တဲ့ အနုပညာရှင်တွေကိုရော ရိုက်ကူးရေးအဖွဲ့သားတွေနဲ့ ပူးပေါင်းပါဝင်ပံ့ပိုးမယ့် ဖက်ရှင်၊ မိတ်ကပ်၊ စက်အဖွဲ့သားတွေအကုန်လုံးနဲ့ ဆွေးနွေးခဲ့တယ်။ Pre Production ပိုင်းကို သေချာပိုလုပ်ခဲ့တဲ့အတွက် ရိုက်ကွင်းပေါ်မှာ အဆင်ပြေခဲ့ပါတယ်။ ရုပ်ရှင်ဇာတ်ကားရိုက်ကူးမှုမှာ ကျွန်တော်က အသစ်တစ်ယောက်ဖြစ်တဲ့အတွက် အတတ်နိုင်ဆုံး အမှားနည်းနိုင်သမျှနည်းအောင် သေချာပြင်ဆင် ကြိုးစားခဲ့ပါတယ်။

■ မေး – ‘အနမ်းဝိုင်’ ရုပ်ရှင်ရိုက်ကူးချိန်မှာ ကြုံတွေ့ရတဲ့ အခက်အခဲကရော ဘာတွေဖြစ်မလဲ။

ဖြေ – အရင်ကတော့ ကျွန်တော့်အနေနဲ့ လေး၊ ငါးနှစ်လောက် ကြိုးစားလေ့လာရင်းနဲ့ သုံးမိနစ်အတွင်းမှာ သီချင်းတစ်ပုဒ်ကို ပုံဖော်ရတဲ့ Music Video တွေကိုပဲ ရိုက်ကူးဖြစ်ခဲ့ရာကနေ အချိန်နှစ်နာရီကျော်ဝန်းကျင် ရုပ်ရှင်ဇာတ်ကားကို ရိုက်ရတဲ့အခါမှာ အဲဒီပြသချိန်အတွင်းမှာ ဇာတ်ရဲ့အနိမ့်အမြင့်ကိုချိန်ရတဲ့ အပိုင်းတွေက ကျွန်တော့်အတွက် အရေးကြီးလာတယ်။ နောက်ပြီး ရိုက်ကူးရေးကာလကလည်း ရက်ရှည်ဖြစ်တဲ့အခါ ရိုက်ကူးရေးတစ်ဖွဲ့လုံးကို အုပ်ချုပ်ရတဲ့အပိုင်းတွေရော ငွေကြေးပိုင်း ကိုင်တွယ်ရတာတွေက ကျွန်တော့်အတွက် အခက်အခဲဖြစ်ခဲ့ပါတယ်။ အဲဒီထဲမှာမှ အချိန်ကာလနှစ်ခုခွဲပြီး ရိုက်ကူးရတာဖြစ်လို့ အခက်အခဲလေးတွေ ရှိပါတယ်။

■ မေး – ဇာတ်ကားတစ်ကားတည်းကိုပဲ ကြားထဲမှာ အချိန်ကာလတစ်ခုနားပြီး နှစ်ပိုင်းခွဲရိုက်ရတဲ့အခါ အခက်အခဲဖြစ်တာရှိလား။

ဖြေ – တစ်ဝက်ခွဲရိုက်တယ်ဆိုတာထက် ဘာကြောင့်ဒီလိုရိုက်ရတာလဲဆိုတာက ပိုအရေးကြီးတာပါ။ ဇာတ်လမ်းလိုအပ်ချက်အရ အပင်ပန်းခံပြီး သေချာရိုက်ကူးခဲ့ရတာပါ။ ဇာတ်လမ်းမှာပါတဲ့ နောက်ခံရှုခင်းတွေက ဇာတ်ကိုပိုပြီး ပံ့ပိုးနိုင်အောင်လို့ သေချာပြင်ဆင် ရိုက်ကူးခဲ့တာပါ။

■ မေး – ဒီဇာတ်ကားကို ပြန်ကြည့်တဲ့အခါ ဘယ်လောက်အထိ စိတ်ကျေနပ်မှုရှိလဲ။

ဖြေ – ကိုယ်တိုင်က အကောင်းဆုံးဖြစ်အောင် ကြိုးစားခဲ့တာပဲ။ ဒါပေမဲ့ ပြန်ကြည့်တဲ့အခါ ကိုယ်တိုင်ကြိုးစားခဲ့တာတွေအတွက် ပီတိဖြစ်ရတယ်။ လိုအပ်ချက်လေးတွေကတော့ ပြန်တွေ့နေရတာပါပဲ။ လုပ်ထားပြီးသလောက်ကို ပြန်ကြည့်ပြီးတော့ကိုယ်တိုင်က အားဖြစ်ရတာပဲ။ အဲဒီအပေါ်မှာ ပရိသတ်တွေရဲ့ အားပေးမှု ဘယ်လိုရမလဲဆိုတာကိုတော့ မျှော်လင့်နေပါတယ်။

■ မေး – ဒီဇာတ်ကားနဲ့ ပတ်သက်ပြီး ပရိသတ်တွေကို ပြောချင်တာရှိရင်။

ဖြေ – ဒီဇာတ်ကားက လူငယ်တွေရဲ့ အချစ်ဇာတ်လမ်းလေးတစ်ပုဒ်ကို ပြုံးပြုံးလေးနဲ့ ကြည့်နိုင်မယ့်ဇာတ်ကားလေးပါ။ ချစ်ခြင်းမေတ္တာအကြောင်းကို ခံစားကြည့်ရှုဖို့ လာအားပေးစေချင်ပါတယ်။ ထူးထူးခြားခြားလေးနဲ့ လူငယ်ဆန်ဆန် Romantic ဖြစ်မယ့် ဇာတ်ကားလေးဖြစ်အောင် ကျွန်တော်တို့အားလုံး ကြိုးစားထားပါတယ်။ ပရိသတ်တွေရဲ့ အားပေးမှုကိုလည်း မျှော်လင့်နေပါတယ်။ ဒီဇာတ်ကားအပေါ် ပရိသတ်ရဲ့ တုန့်ပြန်မှုကို အရမ်းမျှော်လင့်ပါတယ်။

မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း အတွင်းရေးမှူး ဦးကျော်သူနှင့် တွေ့ဆုံခြင်း

ရခိုင်ပြည်နယ်တွင် ပဋိပက္ခများဖြစ်ပွားပြီးနောက် ပြန်လည်ထူထောင်ရေး လုပ်ငန်းစဉ်များ ဆောင်ရွက်လျက်ရှိရာ ပြည်တွင်းစားသုံးမှုအပြင် ဘင်္ဂလားဒေ့ရ်ှနိုင်ငံ ဈေးကွက်သို့တင်ပို့နိုင်မည့် ချင်း (ဂျင်း)သီးနှံများကို ရခိုင်ဒေသအတွင်း ပြည်နယ်အစိုးရနှင့် ဒေသခံအများ ပိုင်ကုမ္ပဏီများပူးပေါင်းကာ စီးပွားဖြစ်စိုက်ပျိုးမည် ဖြစ်သည်။ မြန်မာနိုင်ငံ၌ ချင်းကို ရှမ်းပြည်နယ်တောင်ပိုင်းတွင်သာ အဓိကစိုက်ပျိုးလျက်ရှိပြီး ဘင်္ဂလားဒေ့ရ်ှနိုင်ငံသို့ တင်ပို့လျက်ရှိကာ တင်ပို့မှုမှာ နှစ်စဉ်ဒေါ်လာ သုံးသန်း ၀န်းကျင်အထိ ရရှိနေသည်။ ရခိုင်ပြည်နယ်အတွင်း၌ ချင်းကို စီးပွားဖြစ်စိုက်ပျိုးထုတ်လုပ်နိုင်ပါက ဘင်္ဂလားဒေ့ရ်ှနိုင်ငံသို့ တိုက်ရိုက်တင်ပို့နိုင်သော အခွင့်အလမ်းများရှိနေသည့်အပြင် သယ်ယူပို့ဆောင်ရေး ကုန်ကျစရိတ်ကျဆင်းသွားသည့်အတွက် စီးပွားရေးပိုမိုတွက်ခြေကိုက်နိုင်မည်ဟု သိရသည်။ ယင်းသို့သော အခြေအနေများကြောင့် ရခိုင်ပြည်နယ်တွင် ချင်းစိုက်ပျိုးရန်စီစဉ်နေမှုနှင့်ပတ်သက်ပြီး မြန်မာနိုင်ငံ သစ်သီးဝလံ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများ အသင်းမှအတွင်းရေးမှူး ဦးကျော်သူနှင့် ဆက်သွယ်မေးမြန်းထားသည်များကို ပြန်လည်ဖော်ပြအပ်ပါသည်

‘ချင်းက သုံးနှစ်တစ်ခါလောက်ကို အိန္ဒိယဘက်က ၀င်ဆွဲတတ်တယ်။ တမူးနယ်စပ်ဘက်ကပေါ့။ အဲဒီလိုဝင်ဆွဲတဲ့နှစ်ဆိုရင် ဈေးက ပိုတက်တယ်ပေါ့’

■ မေး – ချင်းကို ရခိုင်ပြည်နယ်မှာ စိုက်ပျိုးဖို့ စတင်ဆောင်ရွက်ဖြစ်ပုံကစပြီး ပြောပြပေးပါ။

■ ဖြေ – ရခိုင်ပြည်နယ်မှာ ပြဿနာတွေ ဖြစ်ပြီးတဲ့နောက် ပြန်လည်ထူထောင်ရေး လုပ်တဲ့အခါမှာ အစိုးရကလည်းလုပ်တာရှိသလို ကျွန်တော်တို့ ပုဂ္ဂလိကကဏ္ဍကလည်း  ၀င်ပါပြီးတော့ ရခိုင်ဒေသဖွံ့ဖြိုးရေးရော ရခိုင်မှာ ရှိတဲ့သူတွေပြန်ပြီး စားဝတ်နေရေးအတွက် ဘယ်လိုလုပ်လို့ရှိရင် ဒီမှာကြာကြာနေနိုင် မလဲဆိုတဲ့ဟာတွေ ၀ိုင်းစဉ်းစားပြီးတော့မှ လုပ်ကြတဲ့အချိန်မှာ UMFCCI ၊ ညီနောင်အသင်းတွေ အကုန်လုံးသွားပြီး လုပ်ကြတယ်။ ကျွန်တော်တို့ကတော့ သစ်သီးဝလံ အသင်းဆိုတော့ သစ်သီးဝလံနဲ့ဆိုင်တဲ့ကဏ္ဍကို ကျွန်တော်တို့က စဉ်းစားပေးရတာပေါ့။ စဉ်းစားတဲ့အခါကျတော့ ကျွန်တော်တို့ကြည့် လိုက်တဲ့အခါချင်းက မြန်မာတစ်ပြည်လုံးက ထွက်တဲ့ချင်းရဲ့ ၈၀ ရာခိုင်နှုန်းက ဘင်္ဂလားဒေ့ရ်ှကို ရောင်းနေတာကိုး။  ဘင်္ဂလားဒေ့ရ်ှကို ရောင်းနေတာဆိုတော့ ရခိုင်မှာက ချင်းကို စီးပွားဖြစ်စိုက်နေတာ မရှိဘူး။ အနည်းအကျဉ်းပဲရှိတယ်။ သူက ရှမ်းပြည်နယ်က ချင်းကို ၀ယ်ပြီးတော့ ဘင်္ဂလားဒေ့ရ်ှကိုပို့တယ်။ ပို့တဲ့အခါ အကယ်၍သာ ရခိုင်မှာ စိုက်နိုင်မယ်ဆိုရင် ဈေးက ဒီဈေးပဲရဦးတော့  Transpotation စရိတ်သက်သာသွားမယ်ဆိုရင် သူတို့အမြတ်ပိုကျန်မယ်။ အဲဒါလေးကို စဉ်းစားမိပြီးတော့ ချင်းကို စပြီးလုပ်ဖို့ ပြောတာပါ။

■ မေး – ပြည်နယ်နဲ့တိုင်းမှာ ချင်းကို အဓိကစိုက်ပျိုးတဲ့ ဒေသတွေက ဘယ်ဒေသမှာ စိုက်ပါသလဲ။

■ ဖြေ – မြန်မာတစ်ပြည်လုံးက စိုက်တယ်။ ဒါပေမဲ့ စီးပွားဖြစ်စိုက်တာကတော့ ရှမ်းပြည်နယ်ပေါ့။ ရှမ်းပြည်နယ်က ဟဲဟိုး၊ ပင်းတယမှာလည်း စိုက်တယ်။ ရှမ်းပြည်နယ် တောင်ပိုင်းပေါ့နော်။ ရှမ်းပြည်နယ်တောင်ပိုင်းတစ်ကြောက တော်တော်များများ စိုက်ပါတယ်။

■ မေး – ရခိုင်ပြည်နယ်မှာ ချင်းစိုက်ပျိုးထုတ်လုပ်မှုက အဆင်ပြေလာမယ်ဆိုရင် လက်ရှိအနေအထားထက် ဘယ်လောက်အထိ အကျိုးဖြစ်ထွန်းလာနိုင်မလဲ။

■ ဖြေ – ချင်းက အချိန် ခြောက်လ၊ ရှစ်လ အဲဒီလောက်ပဲယူတယ်။ နောက်ပြီး သိပ်ပြီးတော့ လုပ်ရကိုင်ရတာ ကရိကထမများဘူး။ ပြီးတော့ သူက ချင်းစိမ်းပဲ ရောင်းသေးတာ။ နောက်တစ်ချက်က ချင်းအမှုန့်တို့ Processing လည်း လုပ်လို့ရတဲ့ အနေအထားလည်း ရှိနေတယ်။ ရှိတော့ သူတို့သာ တကယ်စိုက်လို့ တကယ်ဖြစ်လာရင် ချင်းစိမ်းရောင်းတာက တစ်ပိုင်း။ ကျန်တဲ့ Processing လုပ်လိုက်ရင် ကျွန်တော်တို့ ဘင်္ဂလားဒေ့ရ်ှတင်မဟုတ်ဘူး။ အီးယူတို့၊ အမေရိကန်တို့ဘက်ပါ သွားလို့ရတယ်။ လက်ရှိဆိုရင် ဒီနှစ်မှာ အမေရိကန်ကို ကွန်တိန်နာနှစ်လုံးလောက် စမ်းပို့နေတယ်။ ဒါက ရှမ်းပြည်နယ်က ဟဲဟိုး ချင်းပေါ့ ။ နယ်သာလန်ကိုလည်း အခုနမူနာတွေ ပို့နေတာရှိတယ်။ ချင်းခြောက်တို့လည်း ထွက်နေတာတွေရှိတယ်။ အခွင့်အလမ်းတွေ အများကြီးရှိတယ်။ တကယ်တမ်းလုပ်နိုင်မယ်ဆိုရင် Processing မှာ ကျွန်တော်တို့ အများကြီးလုပ်လို့ရတယ်။ ဘင်္ဂလားဒေ့ရ်ှကလည်း ချင်းစိမ်းကိုချည်း အကုန်ပြန်သုံးတာ မဟုတ်ဘူးဗျ။ တစ်ပိုင်းကလည်း အိန္ဒိယဘက်ကို ပြန်ရောင်းတာရှိတယ်။ တစ်ပိုင်းက လည်း သူတို့ဆီမှာ Processing စက်ရုံတွေရှိတယ်။ ချင်းမှုန့်လုပ်တာတို့၊ ချင်းခြောက်လုပ်တာတို့ ရှိတဲ့အခါကျတော့ ကျွန်တော်တို့က  Raw ကိုမရောင်းဘဲ  ကိုယ့်ဆီမှာပါတကယ် တမ်းဖြစ်ထွန်းမယ်ဆိုရင် ပြန်ပြီးတော့ Processing စက်ရုံတွေထောင်ပြီးတော့ လုပ်လို့ရတယ်။

■ မေး – ရခိုင်မှာ ဆရာတို့ စမ်းသပ်စိုက်ပျိုးတဲ့ အနေအထားကရော ဘယ်လိုချင်းအမျိုးအစားနဲ့ စိုက်ပျိုးဖြစ်ထွန်းနိုင်တဲ့ လေ့လာတွေ့ရှိချက်တွေကိုလည်း ပြောပြပေးပါ။

■ ဖြေ – အကြမ်းဖျင်းပြောရရင်တော့ ဖြစ်တယ်။ သူတို့လည်း လက်ရှိစိုက်နေတာတွေ ရှိတယ်။ စီးပွားဖြစ်သာ မစိုက်တာ နည်းနည်းပါးပါးတော့ စိုက်တယ်။ ကျွန်တော်တို့ သွားကြည့်သလောက်ဆိုရင် အကြမ်းဖျင်းက အဆင်ပြေတယ်။ ချင်းစိုက်ပျိုးဖြစ်ထွန်းမယ့်  အနေအထားရှိတယ်။ ဒါပေမဲ့ ကျွန်တော်တို့ မြေကြီးကို Soil Test လုပ်ထားတယ်။ အဲဒါတော့ အဖြေမရသေးဘူးပေါ့။ အဖြေရရင် ဒီထက်ပိုပြီး ပြောနိုင်တာပေါ့။ ဒါပေမဲ့ ယေဘုယျအားဖြင့်တော့ ချင်းက စိုက်လို့ဖြစ်တယ်။

■ မေး – ကနဦးအနေနဲ့ ဘယ်လောက် စိုက်ပျိုးသွားဖို့ ရှိလဲ။

■ ဖြေ – ဒီနှစ်မှာ ကျွန်တော်တို့ ပိဿာချိန် ၆၀၀၀ ကို နေရာတွေခွဲပြီးတော့ စမ်းစိုက်မယ်။

■ မေး – ပိဿာချိန် ၆၀၀၀ က ဧက ဘယ်လောက် စိုက်ပျိုးမှာလဲ။

■ ဖြေ – ခန့်မှန်းခြေအားဖြင့် ၁၀ ဧက ကျော်ကျော်ပေါ့။ ကျွန်တော်တို့ တစ်ဧကကို ချင်းပိဿာချိန်က ၅၀၀ ကနေ ၇၀၀ အထိ စိုက်တဲ့ စနစ်အပေါ် မူတည်ပြီးတော့ ၀င်တာကိုး။ ၅၀၀ နဲ့တွက်မယ်ဆိုရင် ၁၀ ဧကနည်းနည်း ကျော်မယ်။ ၇၀၀ ဆိုရင်တော့ ၁၀ ဧက နည်းနည်းလျော့မယ်ပေါ့။ ပျမ်းမျှ ၁၀ ဧက ၀န်းကျင် စိုက်မယ်။

■ မေး – အဲဒါနဲ့ပတ်သက်ပြီး ဒေသခံတွေရဲ့ ပူးပေါင်းပါဝင်မှုကိုလည်း ပြောပြပေးပါ။

■ ဖြေ – လောလောဆယ် ကျွန်တော်တို့  ဒေသခံတွေကို မစည်းရုံးသေးဘူး။ မစည်းရုံးသေးဘူးဆိုတာက ကျွန်တော်တို့ UMFCCI ပါတယ်။ ရခိုင်ကုန်သည်အသင်းပါတယ်။ ပြီးတော့ ရခိုင်ပြည်နယ်အစိုးရအဖွဲ့က ၀န်ကြီးတွေပါတယ်။ ၀န်ကြီးဆိုတာ စီမံ/ ဘဏ္ဍာဝန်ကြီးပါတယ်။ စိုက်ပျိုးရေးဝန်ကြီးပါတယ်။ ပြီးတော့ ရခိုင်အများပိုင် ကုမ္ပဏီတွေပေါ့။ ကျောက်တော်၊ စစ်တွေ ၊ ပုဏ္ဏားကျွန်းမှာရှိတဲ့ အများပိုင်ကုမ္ပဏီတို့ အဲဒါတွေက စီးပွားရေး လုပ်ငန်းရှင်တွေကစပြီး စမ်းမှာပေါ့။ အကယ်၍ အမှားအယွင်း ဖြစ်သွားရင်လည်း ခံနိုင်ရည်ရှိတဲ့ လူမျိုးပေါ့။ ကျွန်တော်တို့စပြီး စမ်းကြည့်လို့ အောင်မြင်ပြီဆိုမှ ကျွန်တော်တို့က ဒါကို ချပြမှာပေါ့နော်။ အဲတော့မှ လုပ်ချင်တဲ့သူအကုန်လုံး လုပ်လို့ရအောင် စီစဉ်ပေးမှာ။ အခုလောလောဆယ် စလုပ်တာကတော့ UMFCCI နဲ့ ချင်းပိဿာချိန်တစ်ထောင်ပေါ့။ ရခိုင်ကုန်သည်စက်မှုအသင်းအနေနဲ့ ချင်းမျိုးပိဿာချိန် ၁၀၀၀ ကျွန်တော်တို့ကို ထောက်ပံ့တာရှိတယ်။ ၄၀၀၀ကိုတော့ ရခိုင်ဘက်က ၀ယ်တာပေါ့နော်။ ၀ယ်ပြီးတော့ ကျွန်တော်တို့ စပြီး စမ်းရမှာပေါ့နော်။

■ မေး – ပြည်ပဈေးကွက်အနေနဲ့ဆိုရင် လက်ရှိမှာ ဘင်္ဂလားဒေ့ရ်ှဆိုပေမယ့် နောက်ထပ်အလားအလာ ကောင်းတဲ့ဈေးကွက်က  အီးယူနဲ့အမေရိကန်တို့ပေါ့။

■ ဖြေ – နယ်သာလန်ကို နမူနာပို့ထားပြီ။ အီးယူကတော့ ပို့လို့ရတယ်။ ပို့နေတဲ့သူတွေ ရှိတယ်။ ပမာဏမများတာပဲ ရှိတယ်။  အမေရိကန်ကိုလည်း ဒီနှစ် ကွန်တိန်နာ နှစ်လုံး စမ်းပြီးပို့နေတယ်။ အဆင်ပြေတယ်ဆိုရင်တော့  နောက်ထပ် များလာနိုင်ခြေရှိတယ်။

■ မေး – ချင်းစိုက်ပျိုးမယ်ဆိုရင် တစ်ဧက ကုန်ကျစရိတ်က ပျမ်းမျှဘယ်လောက်ရှိမလဲ။

■ ဖြေ – ပျမ်းမျှအားဖြင့် ကျွန်တော်တို့  လုပ်အားကိုပါ အပြင်က ငှားရမယ်ဆိုရင် ၁၅ သိန်း ပတ်ချာလည်လို့ တွက်ထားတယ်။

■ မေး – အထွက်နှုန်းက ပုံမှန်အတိုင်း ပြန်ထွက်မယ်ဆိုရင် အကျိုးအမြတ်က ဘယ်လောက်ရှိလာနိုင်မလဲ။

■ ဖြေ – ပျမ်းမျှဆိုရင် ကျွန်တော်တို့က ပြန်ဝင်တဲ့ ပိုက်ဆံက ၄၅၊ ၅၀ ပေါ့။ ကျွန်တော်တို့ မှန်းထားတယ်။ ဒါကတော့ အနိမ့်အနေနဲ့ မှန်းထားတယ်။ ပိုရင်သာ ပိုနိုင်တယ်။ ဘာလို့လဲဆိုရင် ချင်းက ပိုပြီးလည်း ထွက်နိုင်တာကိုး။ တစ်ပိဿာပျမ်းမျှရှိရင် ၁၀ ပိဿာထွက်မယ်။ ၁၀ ပိဿာလောက် မမှန်းဘူးပေါ့။ ငါးဆ၊ ခြောက်ဆလောက်ပေါ့ အဲဒါနဲ့မှန်းပြီး တွက်ချက်ထားတာဖြစ်ပါတယ်။

■ မေး – အခုဘင်္ဂလားဒေ့ရ်ှကို တင်ပို့နေတာကရော တစ်တန်ကို ဈေးနှုန်းဘယ်လောက်ရှိလဲ။

■ ဖြေ – ဒီက ပိဿာချိန်နဲ့ ထွက်နေတာဆိုတော့ ပိဿာချိန်နဲ့ပဲပြောမယ်။ ပုံမှန်အားဖြင့်တော့ အများဆုံး ဒေါ်လာသုံးသန်းကနေ  သန်း ၃၀ အထိ ၀င်တယ်ပေါ့ဗျာ။ တစ်နှစ်ကို  သုံးသန်းပေါ့။ အဲဒီလောက်ရတယ်။ ဒါပေမဲ့ ပြဿနာက အခုက ချင်းက စပေါ်နေပြီပေါ့။  စပေါ် တဲ့အချိန်မှာ ရှမ်းပြည်နယ်ရဲ့သဘာဝပေါ့။ နည်းနည်းညံ့တဲ့ဟာတွေ အရင်ထုတ်ရောင်း တယ်။ ထုတ်ရောင်းတော့ ဒီနှစ်ဆိုရင် အဲဒီ ကောင်တွေက ကျပ် ၃၀၀၊ ၃၅၀ အဲဒီလောက်  ပေါက်တယ်။ အခု ဒီဇင်ဘာ၊ ဇန်န၀ါရီဆိုရင် ဒီထက်ပိုကောင်းတာတွေ ရောင်းတယ်။ ပို ကောင်းတဲ့ဟာတွေ ရောင်း တဲ့အခါကျတော့ ကျပ် ၄၅၀၊ ၅၀၀ လောက်ရှိတာပေါ့။ ဒါက တစ်ပိဿာဈေးနှုန်းပေါ့။ သြဂုတ်လလောက် ဆိုရင် ဈေးကအမြင့်ဆုံးဖြစ်သွားတယ်။ ပုံမှန် အားဖြင့် ဘင်္ဂလားဒေ့ရှ် ကိုပို့တဲ့အခါ တစ်ပိဿာအပေါ်မှာ ပြန်ရတဲ့ ဈေးကတော့ ၁၂၀၀ ဖြစ်သွားတယ်။ ဒါပေမဲ့ သြဂုတ်လလောက် ရောက်သွားရင် ကျွန်တော်တို့က ၀ယ်လို့မကိုက်တော့ဘူး။   ၂၀၀၀ ကျော်၊ တစ်ခါတလေ ၃၀၀၀ လောက်အထိ ဖြစ်သွားတယ်။ အဲဒီမှာလည်း  ချင်းက သုံးနှစ် တစ်ခါလောက်ကို အိန္ဒိယဘက်က ၀င်ဆွဲတတ်တယ်။ တမူးနယ်စပ်ဘက်ကပေါ့။ အဲဒီလိုဝင်ဆွဲတဲ့နှစ်ဆိုရင် ဈေးက ပိုတက်တယ်ပေါ့။ မဆွဲတဲ့နှစ်ဆိုရင်တော့  ဈေးက ပုံမှန်ဈေးနဲ့ပဲ သွားတယ်။

■ မေး – ချင်းကို မြန်မာပြည်မှာ ဘယ်အချိန်မှာ စတင်စိုက်ပျိုးတာက အကောင်းဆုံးဖြစ်ပြီး ဘယ်အချိန်မှာ ထုတ်လုပ်ရင်အကောင်းဆုံးလဲ။

■ ဖြေ – ချင်းက မေလမှာစိုက်ပြီးတော့ အပင်ကျသွားပြီးတော့ တူးတာကတော့ နိုဝင်ဘာ၊ ဒီဇင်ဘာပေါ့။ တချို့ကလည်း ကျွန်တော်တို့ဆီမှာ ပြဿနာက တူးပြီးသွားရင် အအေးခန်း စက်ရုံတွေမရှိဘူး။ မရှိတော့ ခြောက်သွားမှာ စိုးလို့။ ရှမ်းပြည်နယ်သဘာဝပေါ့ ရှမ်းပြည်နယ်က အေးလည်းအေးတော့ သူတို့လိုချင်တဲ့ အချိန်ကျမှ ဖော်ပြီးရောင်းတယ်။ ချင်းကတော့ နိုဝင်ဘာ၊ ဒီဇင်ဘာဆိုရင်ရပြီ။ ဒါပေမဲ့ တချို့တွေက  မရောင်းသေးဘူး၊ ဈေးကောင်းအောင် စောင့်တယ်။ အမှန်တကယ်ဆိုရင်တော့ တူးပြီးအအေးခန်းထဲ ထားလို့ရတယ်။ ဒါပေမဲ့ မထားနိုင်တော့ ချင်းကိုမြေကြီးထဲပဲ ဒီအတိုင်းထားတာပေါ့ဗျာ။ ဖော်ရောင်းတာကတော့ ဇန်န၀ါရီ၊ ဖေဖော်ဝါရီပေါ့။ ဒါပေမဲ့ တချို့တွေလည်းမဖော်ဘဲ သြဂုတ်လလောက် အထိထားတာရှိတယ်။ တကယ်တမ်းတော့ လည်း အအေးခန်းတွေနဲ့ ထားနိုင်ရင်တော့ ပိုပြီးအဆင်ပြေတာပေါ့။

■ မေး – ဒါနဲ့ပတ်သက်ပြီး တောင်သူတွေကိုပဲဖြစ်ဖြစ် နောက်ထပ်လုပ်ကိုင်ချင်တဲ့ လုပ်ငန်းရှင်တွေပဲဖြစ်ဖြစ်  ဘယ်လိုမျိုးအကြံဥာဏ်တွေ ပေးချင်ပါသလဲ။

■ ဖြေ – ချင်းကတော့ နှစ်ရှည်ပင်တွေ စိုက်တဲ့အခါ ကြားသီးနှံအနေနဲ့ စိုက်ရတယ်။ စိုက်ရတာလွယ်တယ်ဗျာ။ နောက်ဆုံး ပေါင်တွေနဲ့ မစိုက်လည်းရတယ်ဗျာ။ အိတ်တွေနဲ့ထည့်ပြီး စိုက်တဲ့နည်းတွေလည်းရှိတယ်။ တောင်းတွေ၊ ခြင်းတွေထဲကို မြေကြီးထည့်ပြီး ချင်းစိုက်လည်း ရတယ်ဗျာ။ နှစ်ရှည်ပင်တွေကြားထဲမှာ ကြားသီးနှံအနေနဲ့ စိုက်လို့ရတော့ အပိုဝင်ငွေလေးတစ်ခု ရတာပေါ့ဗျာ။ ဒီထက်ပိုပြီး စီးပွားဖြစ်လုပ်မယ်ဆိုရင်တော့ စီးပွားဖြစ်နိုင်တဲ့ အနေအထားကိုး။ တစ်ခုကတော့ ကျွန်တော်အကြံပေးချင်တာက ပေါ်ပြူလာဖြစ်တာနဲ့ ရမ်းပြီး လုပ်တာမျိုးကတော့ မကောင်းဘူးပေါ့။ ကိုယ့်ဟာနဲ့ကိုယ် တစ်ဧက ဒါမှမဟုတ် ပိဿာချိန်၁၀၀ လောက်ဖြစ်ဖြစ် စမ်းပြီးစိုက်ကြည့်ပြီးတော့ အဆင်ပြေရင် ဆက်လုပ်စေချင်ပါတယ်။

အခုလိုဖြေကြားပေးတာ ကျေးဇူးတင်ပါတယ်။

ဒါရိုက်တာပြည်ဟိန်းသီဟနှင့် တွေ့ဆုံခြင်း

အနုပညာနယ်ပယ်မှာ မျိုးရိုးရှိပေမဲ့ သူ့ရဲ့အနုပညာခရီးအစကို ကိုယ်စွမ်းကိုယ်စနဲ့ စတင်ဖြတ်သန်းလျှောက်လှမ်းခဲ့ပြီး ပရိသတ်ကြိုက်နှစ်သက်တဲ့ ဇာတ်ကားတွေ အများအပြားကို ရိုက်ကူးခဲ့သူ ဒါရိုက်တာတစ်ဦးကတော့ ဘိတ်ကလာတဲ့ ငံပြာရည်ရဲ့ မြေး၊ ဒါရိုက်တာ သီဟကျော်စိုးရဲ့ တူဖြစ်တဲ့ ဒါရိုက်တာ ပြည်ဟိန်းသီဟ။ ၂၀၁၆ ခုနှစ်အတွင်းမှာ ရုံတင်ပြသခဲ့တဲ့ ဇာတ်ကားတွေအနက်က ၀င်ငွေအများဆုံး ပြန်လည်ရရှိခဲ့တဲ့ ဇာတ်ကားတွေကို ရိုက်ကူးခဲ့သူ ပြည်ဟိန်းသီဟက ၂၀၁၇ ခုနှစ်အတွင်းမှာလည်း ရုပ်ရှင်ဇာတ်ကားတွေအများကြီးကို ဆက်တိုက်ရိုက်ကူးခဲ့သူဖြစ်သလို သူရိုက်ကူးခဲ့တဲ့ ရုပ်ရှင်ဇာတ်ကားတွေဟာလည်း ၂၀၁၇ ခုနှစ်အတွင်းမှာ ပရိသတ်အားပေးမှု များပြားခဲ့သလို ၀င်ငွေအရလည်း အောင်မြင်တဲ့ ဇာတ်ကားတွေ ဖြစ်ခဲ့ပါတယ်။ လက်ရှိမှာလည်း  ‘လူကြီးလူကောင်းများ’ ဇာတ်ကားကြီးကိုလည်း ကိုယ်တိုင်ဇာတ်လမ်းရေးဖွဲ့ပြီး ရိုက်ကူးနေပြီး သူရိုက်ကူးထားတဲ့ သူငယ်ချင်းကိုးယောက် ရုပ်သံဇာတ်လမ်းတွဲလည်း ပြသတော့မှာဖြစ်တဲ့အတွက် ဒါရိုက်တာပြည်ဟိန်းသီဟနဲ့ တွေ့ဆုံခိုက် သူ့ရဲ့အနုပညာလှုပ်ရှားမှုတွေအကြောင်း မေးမြန်းဖြစ်ခဲ့ပါတယ် . . .

 

■ မေး- The Eye ရုပ်ရှင်ထုတ်လုပ်ရေးက စီစဉ်တဲ့ ‘လူကြီး လူကောင်းများ’ ဇာတ်ကားကို လက်ခံရိုက်ကူးရတာက အခြားဇာတ်ကားတွေကို ရိုက်ကူးရတာနဲ့ ဘာတွေကွာမလဲ။

■ ဖြေ- ကျွန်တော့်အနေနဲ့ကတော့ ကျွန်တော်ရိုက်ကူးမယ့် ဇာတ်ကားတိုင်းမှာ အနုပညာ ကြိုးစားဖန်တီးမှုတွေကတော့ အတူတူပါပဲ။ နောက်ပြီး ပရိသတ်တွေနှစ်သက်မှုရှိဖို့နဲ့ ထုတ်လုပ်သူတွေမှာ အကျိုးအမြတ်ရှိဖို့လည်းပါတယ်။ The Eye ရုပ်ရှင်ထုတ်လုပ်ရေးအတွက် ရှေ့မှာလည်း ရုပ်ရှင်ဇာတ်ကားတစ်ကား ရိုက်ထားပေးပြီးပါပြီ။ The Eye ကတော့ ရုပ်ရှင်လောကသား ၄၀၀ ကျော်ရဲ့ အကျိုးအမြတ်အတွက်ဖြစ်လို့ ကျွန်တော့်အနေနဲ့ အခြားဇာတ်ကားတွေထက်ပိုပြီး တာဝန်ကြီးတာတော့ အမှန်ပါပဲ။ ဒီဇာတ်ကားက အောင်မြင်မှ ငွေကြေးအရလည်းမြတ်မှ ကိုယ့်လောကသားတွေ အကျိုးရှိမှာဖြစ်တဲ့အတွက် ကျွန်တော့်အတွက် တာဝန်ကြီးတယ်။ အဲဒီထဲမှာမှ ဒီဇာတ်ကားမှာ မင်းသားကြီးလေးယောက် အတူပါဝင်တာဖြစ်လို့ ဒီဇာတ်ကားအတွက် ကျွန်တော်သေချာပြင်ဆင်မှုတွေလည်း လုပ်ရတယ်။ ဒါ့ကြောင့် ရှေ့မှာရိုက်ကူးဖို့လက်ခံထားတဲ့ ဇာတ်ကားကို စရန်ငွေ ပြန်လျော်ပြီး ဖျက်လိုက်ရတယ်။ ဒီဇာတ်ကားအတွက် အစစအရာရာ အသေးစိတ်ကအစ ကျွန်တော်သေချာပြင်ဆင်ပြီး လုပ်ဖြစ်ပါတယ်။

■ မေး –  ‘လူကြီး လူကောင်းများ’ ဇာတ်ကားအတွက် ဇာတ်လမ်းကလည်း အစ်ကိုပဲရေးတာဆိုတော့ မင်းသားလေးယောက်အတွက် စဉ်းစားပြီး ဇာတ်လမ်းကိုစဉ်တာလား၊ ဇာတ်လမ်းပေါ်မှာလိုက်ပြီး သူတို့တွေကို ထည့်တာလား။

■ ဖြေ-  ဇာတ်လမ်းက စဉ်းစားကတည်းက မင်းသားလေးယောက်၊ မင်းသမီးလေးယောက်ပေ့ါ။ ဇာတ်လမ်းကို သေချာစီစဉ်တယ်။ အခန်းစဉ်မှာလည်း မင်းသားလေးယောက်လုံးရော မင်းသမီးတွေအတွက်ရော ညီတူညီမျှဖြစ်အောင် စီစဉ်ထားတယ်။ ဇာတ်လမ်းကိုလည်း သေချာကိုက်အောင် ရေးထားပါတယ်။

■ မေး-  ‘လူကြီး လူကောင်းများ’ ဇာတ်ကားမှာ မင်းသမီးအသစ်တွေကို သုံးဖြစ်တဲ့အကြောင်းလေးကိုလည်း သိချင်ပါတယ်။

■ ဖြေ – ဒါကတော့ ပရိသတ်တွေအတွက် ကြည့်ရဆန်းအောင် စဉ်းစားတာလည်းပါတယ်။ နောက်ပြီး လက်ရှိ ကျွန်တော်တို့ ရုပ်ရှင်လောကမှာ မင်းသမီးရှားတဲ့ ပြဿနာတစ်ခုကို ကိုယ်တတ်နိုင်တဲ့ ဖက်ကနေပြီး ဖြည့်ချင်တာလည်းပါတယ်။ ဒါ့ကြောင့် အားလုံးတိုင်ပင်ပြီး အသစ်တွေရွေးသုံး ဖြစ်တာပါ။

■ မေး- အစ်ကို့အတွက် တာဝန်ကြီးတဲ့ဇာတ်ကားမှာ ပါဝင်မယ့် မင်းသမီးလေးယောက်က အသစ်တွေဖြစ်နေတဲ့အတွက် စိန်ခေါ်မှုပိုဖြစ်စေလား။

■ ဖြေ –   ဟုတ်ကဲ့ ဖြစ်ပါတယ်။ အဲဒါကြောင့်လည်း သူတို့ကို ဇာတ်ကားအတွက် မရွေးချယ်ခင်မှာလည်း လူချင်းတွေ့ပြီး မေးတယ်။ ဇာတ်ကားမရိုက်ခင်မှာလည်း ကိုယ်လိုချင်တဲ့ ဇာတ်ကောင်စရိုက်ဝင်ဖုိ့ စမ်းသပ်ရိုက်ကူးမှုတွေ လုပ်ဖြစ်ပါတယ်။

■ မေး –  ‘လူကြီးလူကောင်းများ’ ဇာတ်ကားက ဘယ်လိုဇာတ်လမ်းမျိုးလဲ။

■ ဖြေ-  ဒီဇာတ်ကားမှာက တစ်ယောက်ချင်းစီမှာရှိတတ်တဲ့ အကျင့်လေးတွေပေါ်မူတည်ပြီး ဟာသဇာတ်လမ်းအဖြစ် ဖန်တီးထားတာပါ။ လောဘကြီးတဲ့ လူ၊ ဒေါသကြီးတဲ့ လူ၊ ကပ်စေးနှဲတဲ့သူ၊ အလှကြိုက်တဲ့သူ စတဲ့လူကြီးလူကောင်း လေးယောက်နဲ့ တွေ့ဆုံတဲ့ ကောင်မလေးတွေအကြောင်းကို အဓိက ဇာတ်လမ်းဖွဲ့ထားတာပါ။ ဟာသဇာတ်လမ်းပါပဲ။ အဓိကဇာတ်ဆောင်တွေအပြင် အခြားသော အနုပညာရှင်တွေလည်း အများကြီးဝန်းရံပါဝင်ကြမှာပါ။

■ မေး- ဒီဇာတ်ကားကို ဘယ်တွေမှာ ရိုက်ကူးသွားမလဲ။

■ ဖြေ-  ဒီဇာတ်ကားကို ရန်ကုန်အပြင် ပြင်ဦးလွင်၊ အောင်ပန်း၊ ချောင်းသာတို့မှာသွားပြီး ရိုက်ကူးဖြစ်မှာပါ။ အဓိက ကတော့ မင်းသားတွေကလည်း ဒီဇာတ်ကားအတွက် မအားတဲ့ကြားက ပါဝင်ပေးကြတာဆိုတော့ သူတို့ရှိနေတဲ့ ဒေသတွေမှာ ရက်ညှိပြီးသွားရိုက်ရမှာပါ။

■ မေး-  ဇန်န၀ါရီ ၁၉ ရက်မှာ ရုံတင်တော့မယ့် ကြီးလေးကြီး ဇာတ်ကားလေးနဲ့ပတ်သက်ပြီး ပရိသတ်တွေကို ပြောချင်တဲ့စကားလေးရှိရင် ပြောပေးပါဦး။

■ ဖြေ-  ကြီးလေးကြီး ဇာတ်ကားမှာ စရိုက်မတူညီတဲ့ လူလေးယောက်ကြားက အဖြစ်တွေကို ဟာသနှောပြီး တင်ပြထားတဲ့ ဇာတ်ကားလေးပါ။ ပရိသတ်တွေဒီဇာတ်ကား ကိုကြည့်ပြီး ရယ်မောပျော်ရွှင်ရမယ်၊ ထုတ်လုပ်သူအတွက်လည်း အကျိုးရှိမယ်ဆိုရင် ဒါရိုက်တာတစ်ယောက်အနေနဲ့ ကျွန်တော်ကျေနပ်ပါတယ်။ ကြီးလေးကြီး ဇာတ်ကားကို လာကြည့်တဲ့ ပရိသတ်တွေ ဇာတ်ကားကြည့်နေစဉ်မှာ ရယ်မောပျော်ရွှင်စေမယ်လို့ ယုံကြည်ပါတယ်။

■ မေး- သူငယ်ချင်းကိုးယောက် ဇာတ်လမ်းတွဲလေးအကြောင်းလည်း ပြောပြပေးပါဦး။

■ ဖြေ – ကျွန်တော့်ကို ဇာတ်လမ်းတွဲရိုက်ပေးဖို့ ဦးသီက ပြောလာတုန်းက ဒါကြောင့် ကျွန်တော်က ဟာသဇာတ်လမ်းပဲရိုက်ဖို့ စီစဉ်ခဲ့ပေမဲ့ ဦးသီက သရဲဇာတ်လမ်းဒါမှမဟုတ် လူသတ်ကားလို ဇာတ်လမ်းမျိုး ရိုက်ပေးဖို့ပြောတယ်။ ကျွန်တော့်အနေနဲ့ အရင်တုန်းက မင်းသားမင်းသမီးအသစ်တွေနဲ့ ဗီဒီယိုဇာတ်ကားလေးရိုက်ပြီး မဖြန့်ဖြစ်ပဲသိမ်းထားတဲ့ ဒီဇာတ်လမ်းလေးကို ရိုက်ဖြစ်ခဲ့တာပါ။ ဇာတ်လမ်းကို အရင်ကတော့ သူငယ်ချင်းများလို့ နာမည်ပေးခဲ့တယ်။ ဇာတ်လမ်းတွဲရိုက်တဲ့ အခါမှာတော့ 9 လို့ ပေးဖြစ်ပေမယ့် ဦးသီက သူငယ်ချင်းကိုးယောက်လို့ ပြောင်းပေးလိုက်တာပါ။ ဒီဇာတ်က ကျွန်တော့်ရဲ့ ကိုယ်ပိုင်ဇာတ်လမ်းပါ။ ဒီဇာတ်လမ်းနဲ့ပတ်သက်ပြီး ဝေဖန်တဲ့ သူရှိခဲ့ပြီး ကျွန်တော့်ဘက်က တရားစွဲဖို့အထိ ပြင်ဆင်ခဲ့ပေမယ့် အခုချိန်မှာတော့ သူ့ဘက်ကလည်း ပြန်ပြီးတောင်းပန်တဲ့အတွက် ပြေလည်မှုရသွားပါပြီ။

■ မေး – အစ်ကို့ရဲ့ ပရိသတ်တွေအတွက်ပြောချင်တဲ့ စကားရှိရင်။

■ ဖြေ – ကျွန်တော့်အနေနဲ့ ပရိသတ်တွေအတွက် အမြဲတမ်းကြိုးစားနေပါတယ်။ ဝေဖန်မှုတွေဘယ်လိုပဲရှိရှိ ကျွန်တော့်ဇာတ်ကားတွေကို လာပြီးအားပေးကြတဲ့ ပရိသတ်တွေကို ကျေးဇူးတင်ပါတယ်။ ကျွန်တော့်ဇာတ်ကားတွေကိုကြည့်ပြီး ပရိသတ်တွေ ရယ်မောပျော်ရွှင်ရတယ်ဆိုရင် ကျွန်တော်ကျေနပ်ပါတယ်။

မြောက်ဦးပဋိပက္ခနှင့်ပတ်သက်၍ အမ်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါက်တာအေးမောင်အား ဆက်သွယ်မေးမြန်းခြင်း …

ရခိုင်ပြည်နယ် မြောက်ဦးမြို့တွင် ဇန်န၀ါရီ ၁၆ ရက်ညပိုင်းက အဓိကရုဏ်းတစ်ခု ဖြစ်ပွားခဲ့သည်။ ယင်းဖြစ်စဉ်မှာ ရခိုင်ဘုရင့်နိုင်ငံတော် ကျဆုံးရခြင်းအခမ်းအနားအား နှစ်စဉ် ပြာသိုလတွင်ကျင်းပခဲ့ပြီး ယခုနှစ်တွင် မြောက်ဦးမြို့နန်းတော်ရာကုန်း၌ ကျင်းပရန်စီစဉ်ခဲ့သည်။ ယင်းအခမ်းအနားတွင် ရခိုင်ခေါင်းဆောင်တစ်ဦးဖြစ်သည့် ဒေါက်တာအေးမောင်က တက်ရောက်ဟောပြောရန် စီစဉ်ခဲ့ခြင်းဖြစ်ပြီး ယင်းသို့စီစဉ်မှုနှင့်ပတ်သက်ပြီး ငြိမ်းစုစီပုဒ်မအရ ခွင့်ပြုချက်ယူရမည်ဟု အာဏာပိုင်များက ပြောကြားခဲ့ပြီးနောက်တွင် အဓိကရုဏ်း ဖြစ်ပွားလာခဲ့ခြင်းဖြစ်သည်။ ယင်းဖြစ်စဉ်နှင့်ပတ်သက်ပြီး ဒေါက်တာအေးမောင်အား ဆက်သွယ်မေးမြန်းခဲ့ပါသည်။

‘ဒီလိုမျိုးလုပ်လိုက်တာဟာ ပြည်နယ်အစိုးရတစ်ရပ်အနေနဲ့ တော်တော်လေးစဉ်းစားဆင်ခြင်မှု နည်းတယ်လို့ ကျွန်တော်ကတော့ စွဲချက်တင်တယ်ဗျ’

■ မေး – မြောက်ဦးမှာဖြစ်သွားတဲ့ အခြေအနေနဲ့ပတ်သက်ပြီး နောက်ဆုံးဘာများသိထားရသလဲခင်ဗျ။
ဖြေ – ကျွန်တော်က မြောက်ဦးမှာမဟုတ်တော့ မသိရဘူး။

■ မေး – ဒီပွဲကို ဆရာလည်း ဟောပြောမယ်လို့ စီစဉ်ထားတယ်လို့ သိရပါတယ်ခင်ဗျ။ အဲဒီအခြေအနေလည်း ပြောပြပါဦးခင်ဗျ။
ဖြေ – ကျွန်တော်က အဲဒီပွဲကိုမတက်ဖြစ်ခဲ့ဘူး။ ဒီလိုဗျ။ ဒီမြောက်ဦးက ဇန်န၀ါရီ ၁၆ ရက်နေ့ညနေပိုင်းမှာ ကျင်းပမယ်။ ကျွန်တော်က ဒုတိယပုဂ္ဂိုလ်အနေနဲ့ ဟောပြောရမှာဗျ။ အဲဒီတော့ မြောက်ဦးမတိုင်ခင်မှာ ကျောက်တော်ဘက်ကိုအထွက် ၁၀ မိုင်ကျော်လောက်အကွာမှာ တိမ်ညိုဆိုတဲ့တိုက်နယ်ရှိတာပေါ့။ တိမ်ညိုကျေးရွာအုပ်စုပေါ့။ အဲဒီတိမ်ညိုမှာ ညနေပိုင်းမှာ ပထမလူအနေနဲ့ ဟောပြောရမှာဗျ။ ကျွန်တော်အရင်ပြောပြီးမှ တစ်နာရီလောက်ကြာမှ မြောက်ဦးကိုရောက်ရမှာ။ တိမ်ညိုကို မြောက်ဦးကအဖွဲ့က လာကြိုမှာဗျ။ အဲဒါက ၁၆ ရက်နေ့။ အဲဒီနေ့မတိုင်ခင် ၁၅ ရက်နေ့မှာ ကျွန်တော်တို့ ဦးဝေဟင်အောင် (ပရဟိတလုပ်ဆောင်သူ)တို့က ရသေ့တောင်မှာ ဟောပြောပွဲတစ်ခုလုပ်တယ်ဗျ။ ကျွန်တော်တို့ကိုဖိတ်လို့ပါ။ မေယုရင်သွေးပရဟိတအသင်းက လာပြီးတော့ပြောလှည့်ပါဆိုလို့။ အဲဒီလိုဖိတ်တော့ ကျွန်တော်တို့ကလည်း သွားကြတာပေါ့ဗျာ။ အဲဒီတော့ ရသေ့တောင်ကို ဟောပြောပြီးမှ ဖြစ်စဉ်လေးတွေ ကြားရတာပေါ့ဗျာ။ ၁၅ ရက်မှာ ဟောပြောတာနဲ့ပတ်သက်လို့ ဦးဝေဟင်အောင်ကို ၅၀၅ (ခ) နဲ့တရားစွဲမယ်။ အင်မတန် ကြီးကြီးမားမားပုဂ္ဂိုလ်တွေက စွဲမယ်ဆိုပြီး သတင်းထွက်လာတယ်။ ဆိုတော့ ရသေ့တောင်ဖြစ်စဉ်ကို ကျွန်တော်တို့ကသိပြီးပြီ။ အဲဒီမှာ ၁၇ (၁) တို့ဘာတို့နဲ့ ကျွန်တော့်ကိုလည်းစွဲမယ်ဆိုတဲ့ ကောလာဟလကလည်းထွက်ပြီးပြီ။ အဲဒီလိုကြားကာလလေးမှာ စစ်တွေကနေ ကျွန်တော်တို့က ပထမဟောရမယ့် မြောက်ဦးမြို့နယ် တိမ်ညိုရွာကို စသွားကြတာပေါ့။ အဲဒီကာလမှာဘဲ။ မြောက်ဦးဘက်က ကျွန်တော့်ကို ဖုန်းဆက်တယ်။ ပွဲစီစဉ်ကျင်းပမယ့် ပုဂ္ဂိုလ်တွေဘက်ကနေပေါ့။ ပွဲနဲ့ပတ်သက်လို့ သူတို့ခွင့်ပြုမိန့်ကို တင်ထားတယ်။ လုပ်ရိုးလုပ်စဉ်အတိုင်း ရှေးဟောင်းသုတေသနဌာနကို တင်ထားတယ်။ သူတို့ကလည်း ခွင့်ပြုတယ်ဆိုတာမျိုးပေါ့ဗျာ။ သို့သော်လည်း အနီးကပ်ပြီးခါမှ ၁ နာရီ ၂ နှာရီ (မွန်းလွဲ) ၀န်းကျင်လောက်မှာပဲ မြို့နယ်အာဏာပိုင်တွေက ငြိမ်း၊ စု၊ စီနဲ့ တင်ဖို့ပြောတယ်။ အဲဒီအတွက် ငြိမ်း၊ စု၊ စီ ဥပဒေအရ တင်နိုင်ဖို့အတွက် မြို့နယ်ရဲတပ်ဖွဲ့မှာ ရောက်နေတယ်။ အဲဒါကြောင့် ဆရာ့ရဲ့အဖေနာမည်ရယ် အမေနာမည်ရယ် မှတ်ပုံတင်နံပါတ်ရယ် ကျွန်တော်တို့ကိုပေးပါလို့ တောင်းနေကြတယ်။ …။ ဆိုလိုတာက ပွဲလမ်းသဘင်နဲ့ပတ်သက်ရင် အထွေထွေအုပ်ချုပ်ရေးဦးစီးဌာနမှာ လုပ်ပိုင်ခွင့်ရှိတယ်။ ဒါကြောင့် သူတို့ကကြိုလျှောက်တယ်။ ကျွန်တော်မှတ်မိသလောက် ဇန်န၀ါရီ ၁၃ ရက်နဲ့ထင်တယ်။ အဲဒီရက်စွဲနဲ့ပွဲကျင်းပခွင့်ပါမစ်ကို ပေးတယ်။ ဒါထွေအုပ်ရဲ့ဟာနော်။ သို့သော်လည်း ညနေပိုင်းမှာ ငြိမ်းစုစီနဲ့ တင်ပါဆိုတဲ့အခါမှာ လေးဆယ့်ရှစ်နာရီ ကြိုတင်ရတာဆိုမို့လို့ မြို့နယ်ရဲတပ်ဖွဲ့က ခွင့်မပြုဘူး။ ပါမစ်က တစ်ခုတော့ရှိတယ်။ ငြိမ်း၊ စု၊ စီနဲ့ခွင့်မပြုဘူးဆိုတော့ ကျွန်တော်တို့က ဟောပြောလို့မရတော့ဘူးဗျ။ အဲဒီတော့ ၆ နာရီ ကျော်လောက်မှာပေါ့။ မှောင်လည်း မှောင်ပါပြီ။ ပွဲကျင်းပတဲ့ပုဂ္ဂိုလ်တွေနဲ့သွားပြီးတော့ ကျင်းပတဲ့နေရာမှာ ရောက်နေကြတဲ့ပရိသတ်တွေကို သွားနှုတ်ဆက်ပါတယ်။ ဒီလိုပဲ ကျွန်တော်က ပြောခွင့်မရတော့ပါဘူး။ ဥပဒေအရ ကျွန်တော်ပြန်ရပါတော့မယ်ဆိုတာကို ကျွန်တော်က နှုတ်ဆက်တာပေါ့ဗျာ။ အဲဒါလေးတော့ ကျွန်တော်လုပ်ခဲ့ပါတယ်။ နောက် မြောက်ဦးကလာတဲ့ပုဂ္ဂိုလ်တွေကလည်း မြောက်ဦးကိုမသွားပါတော့နဲ့ လုံခြုံတဲ့စစ်တွေကိုပဲပြန်ပါဆိုပြီးတော့ စစ်တွေအရောက်လိုက်ပို့ကြပါတယ်။ မဟာမြတ်မုနိကုန်းအလွန်မှာ သူတို့ကိုပြန်လွှတ်ပြီး ကျွန်တော့်မိတ်ဆွေကားနဲ့အတူ ၁၀ နာရီဝန်းကျင်လောက်မှာ စစ်တွေကို ပြန်ရောက်ပါတယ်။

■ မေး – အခုဖြစ်သွားတဲ့ဖြစ်စဉ်အပေါ်မှာရော ဘယ်လိုရှုမြင်ထားပါသလဲခင်ဗျ။
ဖြေ – အဲဒီတော့ ပြည်နယ်အစိုးရပဲ ပြောမလားဗျ။ သူတို့ရဲ့ချဉ်းကပ်ပုံက လိုအပ်ချက်ကြီးမားသွားတယ်ဗျ။ ဆိုပါတော့ဗျာ။ အခုကာလက အမျိုးသားပြန်လည်ရင်ကြားစေ့ရေးကို သွားနေကြတယ်။ လက်နက်ကိုင်ပဋိပက္ခတွေ ချုပ်ငြိမ်းရမယ်ဆိုတဲ့ ဦးတည်ချက်နဲ့သွားတာပေါ့။ စစ်မှန်တဲ့ ဖက်ဒရယ်ဒီမိုကရေစီပြည်ထောင်စုကို သွားမယ်လို့ လက်ရှိအစိုးရလည်း ပြောဆိုနေတယ်လေ။ အဲဒီတော့ မျိုးနွယ်စုကြီးတွေမှာ အတိတ်သမိုင်းရှိတာပေါ့ဗျာ။ သင်ခန်းစာတွေပေါ့။ မှတ်မှတ်ရရနေ့တွေ ရက်တွေလတွေကို ခုကာလမှာ လွပ်လွပ်လပ်လပ် ကျင်းပခွင့်ပေးခြင်းမပေးခြင်း အကျိုးသက်ရောက်မှုကို တွေးသင့်တာပေါ့ဗျာ။ အဲဒီတော့ မြန်မာမှာလည်းပါတော်မူတဲ့နေ့လေ။ သီပေါမင်းနဲ့ စုဖုရားလတ်ရတနာဂီရိကိုပါသွားတာလေ။ ရခိုင်မှာလည်း ဒီလိုမျိုးဖြစ်ခဲ့မှာပေါ့။ မွန်မှာလည်းရှိမှာပေါ့။ ရှမ်းမှာလည်းဖြစ်မှာပေါ့။ အဲဒီလိုမျိုးမှတ်မှတ်ရရနေ့တွေကို ကျင်းပခွင့်ကိုပေးသင့်တယ်ဆိုတဲ့ အယူအဆကိုရှိသင့်တာပေါ့ဗျာ။ ပြည်ထောင်စုမပြိုကွဲရေးဆိုတာကို အတင်းအကျပ် စည်းနှောင်ထားခြင်းထက် ပြည်ထောင်စုမှာ လွပ်လွပ်လပ်လပ် မိမိတို့ရဲ့ဆန္ဒအလျောက် ပူးပေါင်းကြတာဖြစ်တယ်။ တန်းတူအခွင့်အရေးရတာဖြစ်တယ်။ အဲဒါမျိုးနဲ့ ကျွန်တော်တို့စည်းနှောင်သင့်တာပေါ့ဗျာ။ အသိနဲ့သတိနဲ့ ယုံကြည်ချက်နဲ့ စည်းနှောင်သင့်တာပေါ့ဗျာ။ အတင်းအကျပ်စည်းနှောင်မှုထက် ပိုပြီးအားကောင်းတယ်ထင်တယ်ဗျ ကျွန်တော်ကလေ။ ကျွန်တော်ကယေဘုယျပြောပြတာပါ။ ဒီလိုပွဲမျိုးဟာ ကျင်းပတဲ့နေရာကလည်း နန်းရာကုန်းဗျ။ ဒီနန်းတော်ကိုမီးရှို့ခဲ့တယ်။ ဒီနန်းတော်ရဲ့ကြေးပြားတွေက မင်းကွန်းခေါင်းလောင်းကြီးဖြစ်သွားတယ်ဆိုတာမျိုးက ရခိုင်သမိုင်းမှာရှိတာကိုး။ ဒီနေရာမှာ သွေးမြေကျခဲ့တယ်ဆိုတာရှိတာကိုးဗျ။ အဲဒီတော့ ဒီနန်းရာကုန်းမှာကျင်းပမယ့် ကျင်းပဖို့လည်း တစ်လကျော်ကျော်လောက်စီစဉ်ထားပြီးပြီ။ . . . နန်းရာကုန်းအ၀န်းအ၀ိုင်းမှာဖြစ်လာမယ့် လူဦးရေထူထပ်မှုနဲ့ အခုလိုဖျက်လိုက်တယ်ဆိုရင် ဖြစ်လာမယ့် အကျိုးသက်ရောက်မှုနဲ့ အေးအေးဆေးဆေး ကျင်းပခွင့်ပေးလိုက်ရင် ဖြစ်လာမယ့် အကျိုးသက်ရောက်မှုနဲ့ ယှဉ်ပြရမှာပေါ့။ အစိုးရတစ်ရပ်အနေနဲ့။ တာဝန်ရှိတဲ့ပုဂ္ဂိုလ်က။ တကယ်တော့ ခုနကပြောသလို ဖျက်ကိုဖျက်ရမယ်။ အဲဒါမျိုးသူတို့ဘက်က ဆုံးဖြတ်ရင် အထိအခိုက်အနည်းဆုံးနဲ့ ဘယ်လိုဒီပြဿနာကိုဖြေရှင်းမှာလဲ။ ရဲတပ်ဖွဲ့ရဲ့ လုပ်ရိုးလုပ်စဉ် ဒီလိုဖြစ်ရင် ဘယ်လိုထုံးတမ်းအစဉ်အလာရှိသလဲ။ ဒိုင်းတို့၊ ရော်ဘာတုတ်တို့၊ မျက်ရည်ယို ဗုံးတို့ရှိတာပဲဗျ။ ပုဒ်မ ၁၄၄ ထုတ်တာတို့၊ ၀မ်နင်ပေးတာတို့၊ ကြေညာတာတို့၊ ရော်ဘာကျည်သုံးတို့ လုပ်ရမှာပေါ့ဗျ။ လိုအပ်ရင် မီးသတ်တို့ဘာတို့၊ ပတ်ဝန်းကျင်ကို မီးတွေလင်းအောင်လုပ်မှာတို့ လုပ်ရမှပေါ့ဗျ။ အချိန်တိုအတွင်းလုပ်လို့ရပါတယ် ဒီခေတ်က။ ဘာမှပြင်ဆင်တာတို့ဘာတို့မရှိဘဲနဲ့ ဒီလိုမျိုးဖြစ်လာနိုင်တာကို ကြိုသိပါရက်နဲ့။ ဒီလိုမျိုးလုပ်လိုက်တာဟာ ချဉ်းကပ်ပုံမှားတယ်။ ဒီလိုမျိုးလုပ်လိုက်တာဟာ ပြည်နယ်အစိုးရတစ်ရပ်အနေနဲ့ တော်တော်လေး စဉ်းစားဆင်ခြင်မှုနည်းတယ်လို့ ကျွန်တော်ကတော့ စွဲချက်တင်တယ်ဗျ။ အဲဒီလုပ်ရပ်ဟာ ပြည်ထောင်စုအစိုးရကို သွားထိခိုက်မှာပေါ့။

■ မေး – ဆရာ့ကို ၁၇ ( ၁) မတရားအသင်းဥပဒေနဲ့ စွဲဆိုထားတာရော ဟုတ်ပါသလား။
ဖြေ – အဲဒီလိုမျိုးသတင်းကတော့ ကျွန်တော်မြောက်ဦးကို မသွားခင်ကတည်းက အဲဒီလိုမျိုးထွက်ပါတယ်။ ရသေ့တောင်က ဒီလိုမျိုးစွဲထားပါတယ်။ ဝေဟင်အောင်က ပုဒ်မတစ်ခု၊ ကျွန်တော်က ပုဒ်မတစ်ခုစွဲခံထားရပါတယ် ဆိုပြီးတော့ပေါ့။ ဝေဟင်အောင်နဲ့ပတ်သက်တဲ့ စာလေးကတော့ အခုအွန်လိုင်းမှာ ပြန့်နေပါတယ်။

Kaew Korravee နှင့် တွေ့ဆုံခြင်း

‘ကျွန်မကိုချစ်တဲ့၊ အားပေးတဲ့ ပရိသတ်တွေအနေနဲ့  Emily ဆိုတဲ့ ဇာတ်ရုပ်ကိုလည်းချစ်ကြမယ်၊ အားပေးကြမယ်လို့ ယုံကြည်ပါတယ်’

 

ထိုင်း-မြန်မာပူးပေါင်းရိုက်ကူးခဲ့ပြီး မြန်မာရွှေ့ပြောင်းလုပ်သားတစ်ဦးနှင့် ထိုင်းအမျိုးသမီးငယ်လေးတစ်ဦးတို့ကြားမှ ချစ်ခြင်းမေတ္တာအား ပုံဖော်ထားသည့် ‘ဘယ်လိုအချစ်မျိုးလဲ’ ရုပ်ရှင်ဇာတ်ကားမှ ထိုင်းမင်းသမီး Kaew Korravee မှာ မြန်မာပရိသတ်များ၏ ချစ် ခင်မှုကိုရရှိထားသူတစ်ဦးဖြစ်သည်။ ယခုရုံတင်ပြသတော့မည့် ဥပါယ်တံမျဉ်ဇာတ်ကားတွင်လည်း ကျရာဇာတ်ရုပ်တွင် ပီပြင်စွာပုံဖော်ခဲ့သည့် ထိုင်းမင်းသမီး Korravee  နှင့်တွေ့ဆုံ ဖြစ်သည့်အခိုက်  ရှေ့ဆက်လုပ်ဆောင်သွားမည့် အနုပညာ လုပ်ငန်းအကြောင်းအရာများကိုမေးမြန်းဖြစ်ခဲ့ပါသည်။

 

မေး – ဒီနေ့ ဥပါယ်တံမျဉ်ဇာတ်ကားရဲ့ World Premiere Red Carpet Show ကို တက်လာတဲ့ ခံစားချက်ကို အရင်သိချင်ပါတယ်။

ဖြေ – အရမ်း စိတ်လှုပ်ရှားနေပါတယ်။ ဒီဇာတ်ကား ရိုက်ကူးပြီးကတည်းက ရုံတင်ပြသနိုင်မယ့်အချိန်ကို စောင့်မျှော်နေခဲ့တာ အခု တကယ်လက်တွေ့ ပြသနိုင်တော့မယ့် အချိန်အထိပါပဲ။ ဒီနေ့ Red Carpet Show ကို တက်ရောက်ခွင့်ရတာ အရမ်းလည်းပျော်သလို အရမ်းလည်း စိတ်လှုပ်ရှားပါတယ်။ မြန်မာပရိသတ်တွေ၊ မြန်မာအနုပညာရှင်တွေ နဲ့ ဒုတိယအကြိမ် ပေါင်းစည်းခွင့်ဖြစ်တဲ့အတွက်လည်း ပိုပြီးစိတ်လှုပ်ရှားမိတာပါ။ အားလုံးလည်း ကျွန်မနဲ့ထပ်တူ စိတ်လှုပ်ရှားကြမယ်လို့ ယုံကြည်ပါတယ်။

 

မေး – ရှေ့မှာလည်း မြန်မာဇာတ်ကားတွေမှာ ပါဝင်ခဲ့ဖူးတယ်ဆိုတော့ အခုဒီဇာတ်ကားနဲ့ အရင် ပါဝင်ခဲ့တဲ့ ဇာတ်ကားတွေရဲ့ ကွာခြားချက်ဆိုရင်ရော။

ဖြေ – ဒီဇာတ်ကားက မြန်မာအနုပညာရှင်တွေနဲ့ ပူးပေါင်းအလုပ်လုပ်ဖြစ်တာ သုံးကားမြောက် ဇာတ်ကားပါ။ ပထမဇာတ်ကားက ဘယ်လိုအချစ်မျိုးလဲဆိုတဲ့ ဇာတ်ကားပါ။ ရိုမန့်စ်ဇာတ်ကားအမျိုးအစားပါ။ ဒုတိယဇာတ်ကားကတော့ 67 Plaza ဆိုတဲ့ ဇာတ်ကားပါ။ အဲဒီဇာတ်ကားကတော့ ၀ိညာဉ်ဇာတ်ကားဖြစ်ပါတယ်။ အခုဒီဇာတ်ကားကတော့ ဇာတ်အိမ် အလှည့်အပြောင်းတွေနဲ့ ဖန်တီးထားတဲ့ဇာတ်ကားပါ။ ဇာတ်လမ်းပုံစံတွေ တစ်ကားနဲ့တစ်ကားက မတူတဲ့အခါကျတော့ ပါဝင်ခွင့်ရတဲ့ ခံစားချက်ချင်းလည်း မတူပါဘူး။ တူညီတာတစ်ခုကတော့ မြန်မာအနုပညာရှင်တွေက နွေးထွေးကြတယ်။ ကူညီကြတယ်။ ပျော်စရာကောင်းပါတယ်။ မြန်မာပရိသတ်တွေလည်း အခုဒီဇာတ်ကားလေးကို အားပေးကြဖို့ မျှော်လင့်ပါတယ်။

 

မေး – ဒီဇာတ်ကားထဲမှာ သရုပ်ဆောင်ရတဲ့ Emily ဆိုတဲ့ ဇာတ်ရုပ်ကိုရော ဘယ်လိုမြင်လဲ။

ဖြေ – ဒီဇာတ်ကားထဲက Emily ဆိုတဲ့ ကောင်မလေးက သူ့ဘ၀ရဲ့အိပ်မက်တွေ ဖြစ်လာဖို့ ဘာမဆိုလုပ်ရဲတဲ့ ဇာတ်ရုပ်လို့ပြောလို့ရပါတယ်။ ခပ်ဆိုးဆိုးကောင်မလေးလို့လည်း ပြောလို့ရပါတယ်။ သူလိုချင်တာတွေရဖို့ ဖြစ်တဲ့နည်းလမ်းက နေကြိုးစားရင်းနဲ့ နောက်ဆုံး ဒုက္ခရောက်သွားတဲ့ ကောင်မလေးပေါ့။

 

မေး –  ဒီဇာတ်ကားထဲက Love Scene နဲ့ပတ်သက်လို့ရော ရိုက်ကူးချိန်မှာ အခက်အခဲရှိခဲ့လား။

ဖြေ – ဒီဇာတ်ဝင်ခန်းနဲ့ပတ်သက်လို့ အားလုံးကလည်းမေးကြတယ်။ ဒါက ကျွန်မအတွက်တော့ ဒုတိယမြောက် Love Scene ရိုက်ကူးမှုပေါ့။ ဒါပေမဲ့ ဒီဇာတ်ကားမှာရိုက်ကူးရတာက နည်းနည်းပိုပြီး Serious ဖြစ်ပါတယ်။ ဇာတ်လမ်းရဲ့အဓိကကျတဲ့ ဇာတ်ဝင်ခန်းတစ်ခန်းဖြစ်နေတာကြောင့်လည်း ပါမယ်။ ဒါကြောင့် တကယ်နမ်းရတာ နည်းနည်းပါတယ်။ ပြီးတော့ Love Scene ကို နည်းနည်း သေချာလေးရိုက်ပြတာ ပါတယ်ပေါ့နော်။ အဓိကတော့ ဇာတ်လမ်းရဲ့ အရေးပါတဲ့ဇာတ်ဝင်ခန်းဖြစ်လို့ပါ။ ကျွန်မ အခုလိုသရုပ်ဆောင်ထားရတဲ့ အပေါ် ပရိသတ်ရဲ့တုံ့ပြန်မှုကိုလည်း စိတ်လှုပ်ရှားပါတယ်။

 

မေး – ဒီဇာတ်ကားထဲက Emily ဆိုတဲ့ဇာတ်ရုပ်က Bad Girl ဆိုတော့ အဲဒီအတွက် ပရိသတ်တွေမုန်းမှာကို စိုးရိမ်တာမျိုးရှိလား။

ဖြေ – ဒီဇာတ်ကားက ကျွန်မအတွက် အခုလို Bad Girl ဇာတ်ရုပ်မျိုး ပထမဆုံး သရုပ်ဆောင်ခွင့်ရတာပါ။ ဒါပေမဲ့ Emily ဆိုတဲ့ဇာတ်ရုပ်ကို ကျွန်မအရမ်း သဘောကျပါတယ်။ ဒါကြောင့် အခွင့်အရေးသာရမယ်ဆိုရင် အခုလို Bad Girl ဇာတ်ရုပ်မျိုး၊ အခုထက် Serious  ဖြစ်တဲ့ Bad Girl ဇာတ်ရုပ်မျိုးရိုက်ခွင့်ရချင်ပါတယ်။ အဓိကတော့ အခုလိုထူးခြားတဲ့ ဇာတ်ရုပ်မျိုးမှာသရုပ်ဆောင်ချင်တာပါ။

 

မေး –  ဒီဇာတ်ကားရဲ့ရလဒ်ကို ဘယ်လိုမျှော်လင့်ထားလဲ။

ဖြေ – ဒီဇာတ်ကားကို ပရိသတ်တွေဘယ်လို တုံ့ပြန်မလဲဆိုတာတော့ သေချာ မပြောတတ်ပါဘူး။ ဒါပေမဲ့ ဒီဇာတ်ကားကို ဖန်တီးထားကြတဲ့သူတွေ အားလုံးက အပြည့်အ၀ အာရုံစိုက်ပြီး ဖန်တီးထားတာဖြစ်တဲ့အတွက် ကြည့်ရတဲ့သူတွေအတွက်တော့ စိတ်ပျက်စရာ မဖြစ်စေဘူးဆိုတာတော့ သေချာပါတယ်။

 

မေး –  မြန်မာအနုပညာရှင်တွေနဲ့ နောက်ထပ်ပူးပေါင်းပြီး အနုပညာလုပ်ငန်းတွေ လုပ်ဖို့ရှိမလား။

ဖြေ – ရှိပါတယ်။ အဲဒီအတွက် စကားပြောနေကြပါတယ်။ နောက်ထပ် အနုပညာဖန်တီးမှုတွေ လုပ်ဆောင်ဖို့ ညှိနှိုင်းနေကြပါတယ်။ လုပ်ဖြစ်မှာပါ။

 

မေး – ဇာတ်ကားလာကြည့်ကြမယ့် ပရိသတ်တွေအတွက် ပြောချင်တဲ့ စကားလက်ဆောင်များ ရှိမလား။

ဖြေ – ဒီနေ့ကျွန်မကိုယ်တိုင်လည်း ဒီဇာတ်ကားကိုကြည့်ခွင့်ရတဲ့အတွက် အရမ်းစိတ်လှုပ်ရှားပါတယ်။ ပရိသတ်တွေ ဘယ်လိုတုံ့ပြန်မလဲဆိုတာလည်း အရမ်းသိချင်တယ်။ ဒါကြောင့် ဒီဇာတ်ကားလေး ရုံတင်တဲ့အခါ ကြည့်ပြီး မှတ်ချက်ပြုပေးပါလို့ ပြောချင်ပါတယ်။ ကျွန်မကိုချစ်တဲ့၊ အားပေးတဲ့ပရိသတ်တွေ အနေနဲ့ Emily ဆိုတဲ့ ဇာတ်ရုပ်ကိုလည်းချစ်ကြမယ်၊ အားပေးကြမယ်လို့ ယုံကြည်ပါတယ်။

 

မေး –  မြန်မာနိုင်ငံမှာ ဘယ်နှရက်လောက်နေဖို့ စီစဉ်ထားပါသလဲ။

ဖြေ – အခုတစ်ခေါက်တော့ မြန်မာနိုင်ငံမှာတစ်ပတ်လောက်နေဖို့ စီစဉ်ထားပါတယ်။ ကျေးဇူးအများကြီးတင်ပါတယ်။

 

ဒါရိုက်တာပြည့်ဇော်ဖြိုးနှင့် တွေ့ဆုံခြင်း

‘ကျွန်တော်အခုချိန်မှာ လေ့လာထားသမျှ၊ အစွမ်းရှိသမျှ ကြိုးစားအားထုတ်ပြီး ဖန်တီးသွားပါမယ်’

လူငယ်တို့၏ ဖန်တီးမှုအသစ်များအား လက်ခံကြိုဆိုလာသည့်အချိန်တွင် အနုပညာဖန်တီးမှုလမ်းကြောင်းပေါ်၌လည်း လူငယ်အနုပညာရှင်များ၏ ဖန်တီးမှုအသစ်များမှာ အသက်ဝင်လာခဲ့သည်။ 7 Sense Production နှင့် အကယ်ဒမီသရုပ်ဆောင် နေတိုးက စာချုပ်ချုပ်ဆိုထားပြီးနောက် စိတ်ကြိုက်အနုပညာ ဖန်တီးမှုများပြုလုပ်ရန် စီစဉ်ထားရာတွင် ပထမဆုံးဇာတ်ကားအဖြစ် မဟူရာရုပ်ရှင်ရုံဇာတ်ကားအား ဖေဖော်ဝါရီလအတွင်း ဖန်တီးတော့မည်ဖြစ်သည်။ လူငယ်ဒါရိုက်တာ ပြည့်ဇော်ဖြိုး၏ ပထမဆုံးရုပ်ရှင်ဇာတ်ကားအဖြစ် ဖန်တီးမည်ဖြစ်ပြီး ဘောလိဝုဒ်မှမင်းသမီးနှင့် အကယ်ဒမီနေတိုးတို့ တွဲဖက်ပါဝင်မည့် ၀ိညာဉ်ဇာတ်ကားတစ်ကားဖြစ်သည်။ မှတ်တမ်းရုပ်ရှင် ဒါရိုက်တာတစ်ဦးအဖြစ် ဆုများရရှိထားကာ နိုင်ငံတကာရုပ်ရှင်ပွဲတော်များသို့ တက်ရောက်ခွင့်ရရှိထားသူ လူငယ်ဒါရိုက်တာပြည့်ဇော်ဖြိုး၏ ပထမဆုံး feature ဇာတ်ကားအဖြစ် တွေ့မြင်ရမည့်ဇာတ်ကားလည်းဖြစ်သည်။ ဒါရိုက်တာပြည့်ဇော်ဖြိုးနှင့်တွေ့ဆုံ၍ ပထမဆုံးဇာတ်ကားအတွက် ပြင်ဆင်ထားမှုများ၊ မှတ်တမ်းရုပ်ရှင်နှင့် feature film တို့၏ခြားနားချက်အပေါ် လက်ခံထားမှုများအပါအ၀င် သိလိုသည်များအား မေးမြန်းဖြစ်ခဲ့ပါသည်။

■ မေး – မဟူရာရုပ်ရှင်ရုံဇာတ်ကားကို ဒါရိုက်တာအဖြစ် ရိုက်ကူးဖို့က ဘယ်လိုလက်ခံဖြစ်သွားတာလဲ။
ဖြေ – ကျွန်တော့်ရဲ့ အနုပညာလှုပ်ရှားမှုက ပထမဆုံးတော့ ဆရာမင်းထင်ကိုကိုကြီးတို့ဖွင့်တဲ့ လူ့ဂုဏ်သိက္ခာ ရုပ်ရှင်သင်တန်းကျောင်းကို တက်ခွင့်ရခဲ့တယ်။ အဲဒီသင်တန်းမှာ မှတ်တမ်းရုပ်ရှင်ဖန်တီးမှုနဲ့ ပတ်သက်တဲ့အကြောင်းအရာတွေကို လေ့လာသင်ယူခွင့်ရခဲ့တယ်။ လက်တွေ့လည်း ဖန်တီးခွင့်ရတယ်။ အဲဒီကနေမှ မှတ်တမ်းရုပ်ရှင် ဖန်တီးမှုလမ်းကြောင်းပေါ်ကို ရောက်သွားတယ်ပေါ့နော်။ ကျွန်တော်က ဒီလောကထဲစရောက်ကတည်းကလည်း မှတ်တမ်းရုပ်ရှင်ရယ်၊ feature ရယ်ဆိုပြီး ခွဲခြားချင်တာမျိုးမရှိဘူး။ ဒါကြောင့်လည်း အဲဒီအချိန်မှာပဲ အမ်တီဗွီတချို့စရိုက်ဖြစ်တယ်။ အဲဒီကနေမှ ကိုမင်းသွေးရဲ့ အမ်တီဗွီကိုရိုက်ပေးဖြစ်တယ်။ ခင်သွားတယ်ပေါ့နော်။ အဲဒီနောက် ကိုမင်းသွေးနဲ့ အိမ်လိုက်လည်ရင်းက ကိုနေတိုးနဲ့ဆုံတယ်။ ကိုနေတိုးနဲ့ စကားပြောဖြစ်တဲ့အခါ ကိုနေတိုးကလည်း အနုပညာဖန်တီးမှုအပိုင်းကို ပုံစံတစ်မျိုးခွဲထွက်ချင်တယ်။ သူ့မှာစိတ်ကူးထားတာတွေရှိတယ်။ ကျွန်တော်ကလည်း ကျွန်တော်ဖန်တီးဖို့ စိတ်ကူးထားတဲ့ဇာတ်လမ်းတွေ အများကြီးရှိတယ်။ အဲဒီလိုတွေ ပြောဖြစ်ကြရင်းကနေ အခုဒီဇာတ်ကားရိုက်ဖို့ထိ ဖြစ်လာတာပါ။

■ မေး – ဇာတ်လမ်းတွေ အများကြီးရှိတဲ့အထဲက မဟူရာရုပ်ရှင်ရုံဇာတ်လမ်းကို ဖန်တီးဖို့ရွေးချယ်ဖြစ်တာကရော။
ဖြေ – ကိုနေတိုးနဲ့ ကျွန်တော်စကားပြောဖြစ်တဲ့အခါ ဒီ ၂၀၁၈ မှာရိုက်ဖို့ပေါ့လေ။ စဉ်းစားကြတုန်းက ပထမဇာတ်လမ်းတစ်ခုရှိသေးတယ်။ အဲဒီဇာတ်လမ်းက ပြင်ဆင်ချိန်ကိုပဲ တော်တော်လေးယူရမယ်။ ဇာတ်လမ်းရိုက်ကူးရမယ့်နေရာတွေကိုက မြို့ကြီးတွေအများကြီးကို လှည့်ပြီးရိုက်ကူးရမယ့် ဇာတ်လမ်းမျိုးပေါ့။ အဲဒီဇာတ်အတွက် ပြင်ဆင်နေရင်းကပဲ အချိန်တော်တော်လေးယူမယ်လို့ စဉ်းစားမိရင်းက အခုရိုက်မယ့် မဟူရာရုပ်ရှင်ရုံဇာတ်လမ်းကို စဉ်းစားမိတာ။ ကျွန်တော်တို့ ရုပ်ရှင်ရုံထဲမှာ ဇာတ်ကားကြည့်ရင်းနဲ့ သရဲခြောက်ခံရတယ်ဆိုတဲ့အဖြစ်မျိုးက ထူးခြားတယ်ပေါ့နော်။ အဲဒီကနေပဲဒီဇာတ်လမ်းအတွက် ကျွန်တော်စဉ်းစားတာကို ပြောပြတဲ့အခါ ကိုနေတိုးကသဘောကျပြီး ရိုက်မယ်လို့ ဆုံးဖြတ်ဖြစ်ကြတာပါ။

■ မေး – မင်းသမီးက ဘောလိဝုဒ်ကမင်းသမီးကို သုံးဖြစ်တာကရော။
ဖြေ – အဲဒါကတော့ ဇာတ်လမ်းသဘောအရကို နိုင်ငံခြားမင်းသမီးတစ်ယောက်သုံးရမယ့် အနေအထားရှိတယ်။ ဒါကိုဘယ်မင်းသမီးသုံးမလဲဆိုပြီး စဉ်းစားကြတာပေါ့။ အခုရွေးချယ်ထားတဲ့မင်းသမီးက ဘောလိဝုဒ်ကမော်ဒယ်လ်ပေါ့။ အမ်တီဗွီတွေလည်း ရိုက်ဖူးတယ်။ ကျွန်တော်ဘောလိဝုဒ်မှာ အလုပ်သွားလုပ်ဖြစ်တုန်းကလည်း ခင်ခဲ့တဲ့သူပါ။ တကယ်တမ်းဆိုရင် သူတို့ရဲ့အနုပညာကြေးတွေက မြင့်ပါတယ်။ ကျွန်တော်က ဒီဇာတ်ကားက ကျွန်တော့်ရဲ့ပထမဆုံး feature ဇာတ်လမ်းဖြစ်တယ်။ ကူညီပေးပါလို့ပြောတဲ့အခါ သူကလည်း ကူညီမယ်ဆိုပြီး ၀မ်းသာအားရပဲပြန်ပြောတာနဲ့ သူ့ကိုရွေးဖြစ်သွားတာပါ။

■ မေး – အခုဒီဇာတ်ကားက ပထမဆုံးဇာတ်ကားဖြစ်တဲ့အတွက် ဘယ်လိုစိန်ခေါ်မှုတွေ ရှိမယ်လို့ရောထင်လဲ။
ဖြေ – အခုရိုက်မယ့် မဟူရာရုပ်ရှင်ရုံဇာတ်ကားက horror အမျိုးအစားဖြစ်နေတော့ ကျွန်တော့်ပင်ကိုယ်အကြိုက်ဆိုရင် ဒရာမာကိုရိုက်ချင်တာ။ ကျွန်တော်လေ့လာခဲ့တာကလည်း ဒရာမာဇာတ်ကားတွေများတယ်။ ညီအစ်ကိုနှစ်ယောက်ကြားက သံယောဇဉ်၊ ဆရာနဲ့တပည့်ကြားက သံယောဇဉ်ဆိုတာမျိုးတွေကို ရိုက်ချင်ခဲ့တာ။ သရဲကားဆိုတာ ကိုယ်တိုင်ဖန်တီးရမယ်ဆိုတဲ့အခါ ကျွန်တော့်အတွက် ဘာသာရပ်အသစ်တစ်ခုဖြစ်နေတာ။ အဲဒီအတွက် ကိုယ့်လက်တစ်ကမ်းမှာရှိတဲ့ အင်တာနက်ကနေ လေ့လာတယ်။ online course တွေ၊ horror ဇာတ်ညွှန်းနဲ့ပတ်သက်တဲ့ workshop တွေတက်ဖြစ်နေပါတယ်။ ဒါရိုက်တာဆိုတာ ဇာတ်လမ်းအမျိုးအစားစုံကို ရိုက်တတ်ရမယ်ဆိုပေမဲ့ ဟာသကိုအားသန်တဲ့သူ၊ သရဲကားတွေကို ပိုကောင်းအောင်ရိုက်တတ်တဲ့သူ စသဖြင့်ရှိမှာပဲလေ။ ဒီဇာတ်ကိုရေးဖို့အတွက် စာတွေအများကြီးဖတ်ပြီးမှ ဖန်တီးရပါတယ်။ ဇာတ်လမ်း frame လေးတွေချဖြစ်တယ်။ ကျွန်တော်လုပ်နိုင်တဲ့ အကောင်းဆုံးဆိုတဲ့စွမ်းအားနဲ့ လုပ်ထားတာပါ။ ကျွန်တော့်အတွက် ပထမဆုံးဇာတ်ကားဖြစ်သလို အရင်ကလုပ်မယ်လို့ စိတ်မကူးခဲ့ဖူးတဲ့ ဇာတ်လမ်းပုံစံလည်းဖြစ်တာကြောင့် ပထမဆုံးတွေများပါတယ်။

■ မေး – သရဲကားဖြစ်တဲ့အတွက် Sound Effect တွေ၊ မိတ်ကပ် Effect တွေအပိုင်းရော ဘယ်လိုစဉ်းစားထားလဲ။
ဖြေ – အဲဒါတွေအတွက်လည်း ကျွန်တော်တို့အားလုံးကြိုပြီး တိုင်ပင်ညှိနှိုင်းနေပါတယ်။ ပြည်တွင်းက ၀ါရင့်တွေကိုလည်း ပါဝင်စေမှာဖြစ်သလို ပြည်ပကပညာရှင်တွေကိုလည်း ခေါ်ယူသွားဖို့ရှိတယ်။ နောက်တစ်ခုက ဒီဇာတ်ကားကစိတ်ကို ခြောက်မယ့်ဇာတ်ကားမျိုးပေါ့နော်။ အဲဒီအတွက် ဘယ်လိုအရာတွေအသုံးပြုပြီး ခြောက်ခြားအောင် ဖန်တီးမလဲဆိုတာတွေ တိုင်ပင်ညှိနှိုင်းနေပါတယ်။

■ မေး – ဇာတ်ကားမရိုက်ခင် သရုပ်ဆောင်တွေနဲ့အကြို ညှိနှိုင်းတာမျိုးတွေ ဘယ်တော့လောက်စလုပ်ဖြစ်မလဲ။
ဖြေ – ကင်မရာမန်းက ကျွန်တော်တို့ပြည်တွင်းက တစ်ယောက်ရယ်၊ ပြည်ပကတစ်ယောက်ရယ် တွဲဖက်ရိုက်ကူးဖို့ စီစဉ်ထားပါတယ်။ အဲဒီအတွက်လည်း ဇန်န၀ါရီလအတွင်းမှာပဲ ပြည်ပက ကင်မရာမန်းကို ကြိုလာခိုင်းထားပြီး နှစ်ယောက်လုံးဇာတ်ကားအတွက် ဘယ်လိုဖန်တီးမလဲဆိုတာ အကြိုဆွေးနွေးခိုင်းမယ်။ on scene ပေါ်မရောက်ခင် ကြိုက်သလောက် ငြင်းခုန်လို့ရတယ်။ တကယ်ရိုက်တဲ့အချိန်မှာတော့ ဇာတ်ကားကောင်းဖို့အတွက်ပဲ ဖန်တီးမယ်။ အဲဒီအချိန်မှာတော့ ငြင်းဖို့အချိန်မရှိတော့ဘူးပေါ့။ အဲဒီလိုစဉ်းစားထားတယ်။ မင်းသမီးကလည်း ဇန်န၀ါရီလထဲမှာပဲ ကြိုလာမှာပါ။ ဇာတ်လမ်းနဲ့ပတ်သက်ပြီး အသေးစိတ်အချက်တွေရှင်းပြမယ်။ ကြိုညှိနှိုင်းမယ်။ ကိုနေတိုးနဲ့နှစ်ယောက် အပြန်အလှန်သိချင်တာတွေ၊ ညှိနှိုင်းရမှာတွေရှိတယ်။ သူကလည်း အချိန်ပေးပြီးလာမယ်လို့ ပြောထားပါတယ်။ ဖေဖော်ဝါရီမှာ ရိုက်မယ်ဆိုတော့ မရိုက်ခင် အကြိုညှိနှိုင်းပြင်ဆင်ကြမှာပါ။

■ မေး – နောက်ပိုင်းရော feature film ပိုင်းကိုပဲ ပိုပြီးသွားဖြစ်မလား။ မှတ်တမ်းရုပ်ရှင်ရော ဖန်တီးဖြစ်မလား။
ဖြေ – ကျွန်တော်က ခေါင်းစဉ်တစ်ခုတည်းမျိုး သတ်မှတ်ထားတာမရှိပါဘူး။ အနုပညာဖန်တီးမှုဖြစ်တဲ့အတွက် feature film လည်းဖန်တီးမှာဖြစ်သလို မှတ်တမ်းဇာတ်ကားလည်း ရိုက်ဖို့ရှိရင်ရိုက်ဦးမှာပဲ။ အမ်တီဗွီလည်း ရိုက်ဖြစ်မှာပဲ။ အနုပညာဖန်တီးမှုကို ဘယ်လိုပုံစံဖြစ်ဖြစ် ရိုက်ဖြစ်မှာပါ။

■ မေး – မဟူရာရုပ်ရှင်ရုံကို စိတ်ဝင်စားစောင့်ကြည့်မယ့် ပရိသတ်တွေကို ပြောချင်တဲ့စကားလက်ဆောင်များ ရှိမလား။
ဖြေ – ကျွန်တော့်ကိုယုံကြည်စွာနဲ့ ဖန်တီးခွင့်ပေးတဲ့ ကိုနေတိုး၊ ကိုဝေမင်းမောင်တို့ကို ကျေးဇူးအများကြီးတင်ပါတယ်။ ဒီဇာတ်ကားကို စောင့်ကြည့်အားပေးမယ့် ပရိသတ်တွေကိုလည်း ကျွန်တော်အခုချိန်မှာ လေ့လာထားသမျှ၊ အစွမ်းရှိသမျှ ကြိုးစားအားထုတ်ပြီး ဖန်တီးသွားပါမယ်။

မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် ဒုတိယဥက္ကဋ္ဌ ဦးနော်အောင်နှင့် ဆက်သွယ်မေးမြန်းခြင်း

“၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး”

ပြီးခဲ့တဲ့ ဒီဇင်ဘာ ၂၉ ရက်က နေပြည်တော်မှာ ကျင်းပတဲ့ အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီ အစည်းအဝေးမှာ အနည်းဆုံး အခကြေးငွေတစ်ရက် ၄၈၀၀ အဖြစ် အဆိုပြုဖို့ ဆုံးဖြတ်ခဲ့ပါတယ်။ ဒီလိုအဆိုပြုရာမှာ အလုပ်ရှင်ကိုယ်စားလှယ်တွေနဲ့ အလုပ်သမား ကိုယ်စားလှယ်တွေက တရားဝင် ကန့်ကွက်မှုတွေရှိခဲ့ပါတယ်။ အလုပ်ရှင်တွေဘက်က ကုန်ထုတ်လုပ်မှုစရိတ်တွေ မြင့်မားနေတဲ့အတွက် ၄၀၀၀ သာပေးချင်သလို အလုပ်သမားတွေဘက်ကလည်း လူနေမှုကုန်ကျစရိတ် မြင့်တက်လာတာကြောင့် တောင်းဆိုထားတဲ့ ၅၆၀၀ ကို လိုချင်ကြပါတယ်။ အမျိုးသားကော်မတီကနေ အနည်းဆုံး အခကြေးငွေနှုန်းထားကို အဆိုပြုထားပေမဲ့ အတည်မဖြစ်သေးပါဘူး။ ရက်ပေါင်း ၆၀ အတွင်း ကျေနပ်မှုမရှိတဲ့ အလုပ်ရှင်နဲ့ အလုပ်သမားတွေက ကန့်ကွက်ပိုင်ခွင့် ရှိနေပါသေးတယ်။ ဒီလိုအခြေအနေတွေနဲ့ ပတ်သက်လို့ မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ်မှ ဒုတိယဥက္ကဋ္ဌလည်းဖြစ် အနည်းဆုံးအခကြေး ငွေသတ်မှတ်ရေးဆိုင်ရာ အမျိုးသားကော်မတီအဖွဲ့ဝင် အလုပ်သမား ကိုယ်စားလှယ်လည်းဖြစ်သူ ဦးနော်အောင်နဲ့ မေးမြန်းခဲ့တာတွေထဲက တချို့ကို ကောက်နုတ် ဖော်ပြလိုက်ရပါတယ်။

■ မေး – အမျိုးသားကော်မတီကနေ အနည်းဆုံးအခကြေးငွေ ၄၈၀၀ အဆိုပြုလိုက်တာနဲ့ ပတ်သက်လို့ ဆရာ့အမြင်လေးကို သိချင်ပါတယ်။

ဖြေ – ၄၈၀၀ က ကျွန်တော်တို့ဘက်က အားမတန်လို့ မာန်လျှော့လိုက်ရတာမျိုး ဖြစ်သွားတာပါ။ အလုပ်ရှင်တွေကလည်း ခါးခါးသီးသီး ငြင်းဆန်တယ်။ အစိုးရအနေနဲ့ကလည်း သူတို့စဉ်းစားရမယ့်ဟာတွေက အများကြီးလို့ ပြောတာကိုး။ အများကြီး သတ်မှတ်လိုက်လို့ရှိရင် ဖြစ်လာမယ့် ဆိုးကျိုးတွေကိုလည်း စဉ်းစားရမယ်လို့ ပြောလာတဲ့အပေါ်မှာ နောက်ဆုံး ကျွန်တော်တို့ အလုပ်သမားကိုယ်စားလှယ်တွေက အားမတန်မာန်လျှော့တဲ့ အနေနဲ့ ၄၈၀၀ ကို လက်ခံခဲ့ရတဲ့ သဘောမျိုးပေါ့။

■ မေး – အလုပ်သမားတွေဘက်က အနည်းဆုံး အခကြေးငွေ တောင်းဆိုတာနဲ့ ပတ်သက်လို့ များတယ်ဆိုပြီး ဝေဖန်မှုတွေရှိနေပါတယ်။ ဒီအပေါ်မှာ ဆရာ့အနေနဲ့ ဘာများပြောချင်ပါသလဲ။

ဖြေ – ကျွန်တော်တို့ အဖွဲ့ချုပ်က ၅၆၀၀ တောင်းထားတယ်ဆိုတာ လက်လွတ်စပယ်တောင်းထားတာ မဟုတ်ဘူး။ အလုပ်သမားတွေရဲ့ အခြေခံလူနေမှု ကုန်ကျစရိတ်နဲ့ တွက်ချက်ပြီးတော့မှ ကျွန်တော်တို့က တောင်းဆိုထားတာပါ။ ၄၈၀၀ သတ်မှတ်လိုက်မှုက ကျွန်တော်တို့ တောင်းဆိုထားတာနဲ့ ကွာဟမှုရှိနေတာပေါ့။ ဒီလို ကွာဟမှု ရှိနေတဲ့အတွက်ကြောင့် တကယ်လို့သာ ၄၈၀၀ ကို ကျင့်သုံးရင်တောင်မှ ကျွန်တော်တို့ တောင်းဆိုထားတာကို ပြည့်မီအောင် ဘယ်လိုပေးမလဲဆိုတာကို အလုပ်ရှင်ရော၊ အစိုးရရော စဉ်းစားထားဖို့ လိုပါတယ်။ ကျွန်တော်တို့ တောင်းဆိုထားတာပြည့်မီမှ အလုပ်သမားတွေကလည်း တည်တည်ငြိမ်ငြိမ်နဲ့ အေးအေးချမ်းချမ်းနဲ့ လုပ်ငန်းခွင်မှာ ပျော်ပျော်ရွှင်ရွှင်နဲ့ လုပ်နိုင်မှာပေါ့။ တကယ်လို့သာ ၄၈၀၀ ကို ၃၆၀၀ တုန်းကလိုပဲ ဒါကိုအနည်းဆုံး အခကြေးငွေဆိုပြီးတော့ သတ်မှတ်ပေမဲ့လည်း အများဆုံးအခကြေးငွေသဘောမျိုး လုပ်နေခဲ့ရင်တော့ ပြဿနာက ရှိတယ်။

■ မေး – မြန်မာနိုင်ငံမှာ အနည်းဆုံးအခကြေးငွေ သတ်မှတ်ထားပေမဲ့ တကယ့်လုပ်ငန်းခွင်တွေထဲမှာတော့ အများဆုံး အခကြေးငွေလိုမျိုးဖြစ်နေတဲ့ အပေါ်မှာ ဆရာတို့အနေနဲ့ ဘယ်လိုမျိုးလုပ်ဆောင်မှုတွေ ရှိပါသလဲ။

ဖြေ – အလုပ်သင်ရယ်၊ အစမ်းခန့်ဆိုပြီး ရှိတာပေါ့။ ကျွန်တော်တို့ အလုပ်သမား ကိုယ်စားလှယ်တွေ အကုန်လုံးက အတိအလင်း အမျိုးသားကော်မတီမှာ တောက်လျှောက်ဆွေးနွေးနေတာက အစမ်းခန့်ပဲဖြစ်ဖြစ်၊ အလုပ်သင်ပဲဖြစ်ဖြစ် သုံးလအချိန်ပဲ ရှိရမယ်။ သူတို့ အရင်တုန်းကကျင့်သုံးတဲ့ ခြောက်လပုံစံကြီးမရဘူးဆိုတာကို ကျွန်တော်တို့အတိအလင်း ဆွေးနွေးထားပါတယ်။ အဲဒီအပေါ်မှာလည်း အစိုးရကိုယ်စားလှယ်တွေ အနေနဲ့ သဘောတူညီမှု ရှိထားတယ်။ နောက်ဆိုရင်တော့ သုံးလဆိုတဲ့ အကန့်အသတ်ပဲ ရှိတော့မှာပါ။ ခြောက်လဆိုတဲ့ အကန့်အသတ် မရှိတော့ဘူးပေါ့။ နောက်တစ်ခုကျွန်တော်တို့ ထပ်ပြီးဆွေးနွေးနေတာက အလုပ်သင်ဆို ၇၅ ရာခိုင်နှုန်းပေါ့။ အလုပ်သင်က သူက ဘာမှမသိတာကိုး။ အစမ်းခန့်ကျတော့ သူက ကျွမ်းကျင်ပြီး ၀င်လာတဲ့အတွက် အစမ်းခန့်တာလေ။ အဲဒီဟာကို အကန့်အသတ်ထဲမှာ မပါသင့်ဘူးလို့ ဆွေးနွေးထားတယ်။

■ မေး – ဒီဇင်ဘာ ၂၉ ရက်က ကျင်းပခဲ့တဲ့ အမျိုးသားကော်မတီ အစည်းအဝေးမှာ ဆရာ့အနေနဲ့ အချက်နှစ်ချက်ကို အဆိုတင်သွင်းခဲ့တယ်လို့ သိရပါတယ်။ ဘယ်အချက်တွေကို တင်သွင်းခဲ့တယ်ဆိုတာလည်း သိချင်ပါတယ်။

ဖြေ – အမျိုးသားကော်မတီမှာ ကျွန်တော်အဆိုတင်သွင်းထားတာ အချက်နှစ်ချက် ရှိပါတယ်။ ပထမတစ်ချက်က နှစ်တိုးကြေးပါ။ လုပ်သက်ကြေးလို့လည်း ခေါ်ပါတယ်။ အဲဒါကို ကျွန်တော်က ကိန်းဂဏန်းနဲ့ပြောတာ မဟုတ်ဘဲနဲ့ ရာခိုင်နှုန်းနဲ့ပဲ ကျွန်တော်ပြောခဲ့ပါတယ်။ လုပ်ခလစာ ဘယ်လောက်ပဲရရ တစ်နှစ်ပြည့်လို့ရှိရင် တစ်နှစ်လုပ်သက်ရှိတဲ့ လူတစ်ယောက်ကို လစာရဲ့ ငါးရာခိုင်နှုန်း တိုးပေးရမယ်ဆိုပြီး ကျွန်တော်အဆို တင်သွင်းထားပါတယ်။ နောက်တစ်ချက်ကတော့ ကျွမ်းကျင်ကြေးပေါ့။ ကျွမ်းကျင်ကြေးကတော့ စက်ရုံတစ်ရုံနဲ့တစ်ရုံ မတူတဲ့အတွက် စက်ရုံအလုပ်ရှင်နဲ့ အလုပ်သမားညှိနှိုင်းပြီးတော့မှ သတ်မှတ်သင့်တယ်ပေါ့။

■ မေး – ဆရာတို့ရဲ့ မြန်မာနိုင်ငံ စက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် (MICS) ကနေ သဘောထား ထုတ်ပြန်ချက်ထဲမှာ အမျိုးသား ကော်မတီက ဆုံးဖြတ်လိုက်တဲ့ အလုပ်သမား ၁၀ ဦးနဲ့အထက် အကျုံးဝင်တယ်ဆိုတာနဲ့ ပတ်သက်လို့ ဥပဒေနဲ့မညီဘူးလို့ ဝေဖန်ထားတာ ရှိပါတယ်။ ဒါနဲ့ပတ်သက်လို့ ဘယ်လိုအကြောင်းတွေကြောင့် အမျိုးသားကော်မတီရဲ့ လုပ်ဆောင်ချက်တွေက ဥပဒေနဲ့မညီရတာလဲဆိုတာ သိချင်ပါတယ်။

ဖြေ – မနေ့က အစည်းအဝေးမှာ ဘာတစ်ခုကြုံသွားသလဲဆိုတော့ စက်မှုဝန်ကြီးဌာနက ညွှန်ချုပ်ပြောတာက အသေးစားစက်မှုလုပ်ငန်းရှင်လို့ သတ်မှတ်ထားတဲ့ သူတို့ရဲ့ ဥပဒေမှာ ၁၀ ဦးနဲ့ အထက်လို့ ပြဋ္ဌာန်းထားတယ်။ နောက်ပြီးတော့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနက အမြဲတမ်းအတွင်းဝန်က သူတို့ လယ်ယာစိုက်ပျိုးရေးမှာ အသေးစားဆိုပြီး သတ်မှတ်ထားတာက ခုနစ်ဦးတဲ့။ အဲဒါကို ကြည့်ရင် ဘာဖြစ်နေလဲဆိုတော့ ဥပဒေတစ်ခု ထုတ်တာက တခြားဥပဒေတွေနဲ့ ဆက်စပ်စဉ်းစားပြီးတော့မှ ထုတ်တဲ့ပုံစံမျိုးမဟုတ်ဘူးဆိုတာ တွေ့ရတယ်။ ဟိုဥပဒေနဲ့ ကြည်ရင် မှန်သလိုလို၊ ဒီဥပဒေနဲ့ ကြည့်ရင် မှားသလိုလိုတွေ ဖြစ်နေတယ်။ ပြည်နယ်နဲ့တိုင်းကော်မတီဥက္ကဋ္ဌတွေကလည်း SME လုပ်ငန်းတွေအတွက် စဉ်းစားပေးသင့်တယ်ဆိုတဲ့ အကြောင်းကို အကြောင်းပြပြီးတော့မှ ၁၀ ဦးနဲ့အထက်ကို အကုန်လုံးက လက်ခံကြတယ်။

■ မေး – အဆိုပြုလိုက်တဲ့ ၄၈၀၀ အပေါ်မှာ ဆရာတို့အနေနဲ့ ကန့်ကွက်သွားဖို့ ရှိလား။

ဖြေ – ကျွန်တော်ကတော့ အမျိုးသား ကော်မတီကိုယ်စားလှယ်ဖြစ်တဲ့အတွက် ကျွန်တော့်အနေနဲ့ကတော့ ကန့်ကွက်ဖို့ မရှိဘူး။ ကျွန်တော်တို့ အဖွဲ့ချုပ်အနေနဲ့ကတော့ ကန့်ကွက်သွားဖို့ရှိမယ်လို့ ထင်တာပဲ။ အဖွဲ့ချုပ်က သဘောထား ကြေညာချက်လည်း ထုတ်ပြန်ထားပြီဆိုတော့လေ။ အဖွဲ့ချုပ်အနေနဲ့တော့ ကန့်ကွက်သွားမယ်လို့ ထင်တာပဲ။

■ မေး – အလုပ်သမားတွေ တောင်းဆိုထားတဲ့ ၅၆၀၀ မရဘဲ ၄၈၀၀ သာ အတည်ဖြစ်ခဲ့ရင် အလုပ်သမားတွေဘက်က ဘာတွေတုံ့ပြန်လာနိုင်ပါသလဲ။

ဖြေ – အမျိုးသားကော်မတီမှာ ကျွန်တော်လည်း ပြောပြီးသားပါ။ အလုပ်သမားတွေက နောက်ဆုံး ၅၂၀၀ အထိတော့ လက်ခံပေးလို့ ရတယ်။ ၅၂၀၀ ထက် လျော့နည်းရင်တော့ ဖြစ်လာတဲ့အပြောင်းပေါ့။ အမျိုးသားကော်မတီက ခံရလိမ့်မယ်လို့ ကျွန်တော်ပြောထားပါတယ်။ ဘာတွေဖြစ်လာနိုင်မလဲဆိုတာထက် ဒီ ၄၈၀၀ သတ်မှတ်ထားတဲ့အပေါ်မှာ သဘာဝကျအောင် ဘယ်လိုပြန်လုပ်မလဲဆိုတာ ပိုပြီးတော့အရေးကြီးတယ်။ ဘာတွေတုံ့ပြန်ကြမလဲဆိုတာကတော့ ကျွန်တော်တို့ရဲ့ မိခင်အဖွဲ့ချုပ်ရယ်၊ CTUM အဖွဲ့ချုပ်ရယ်၊ အနည်းဆုံး အခကြေးငွေ ပူးပေါင်းဆောင်ရွက်ရေး ကော်မတီ အစရှိတဲ့ အဖွဲ့တွေရဲ့ တုံ့ပြန်မှုအပေါ်မှာ မူတည်မှာပါ။ ဒါပေမဲ့တစ်ခုရှိတာက အမျိုးသားကော်မတီအနေနဲ့ ဘာတွေလုပ်သင့်သလဲဆိုတာတော့ ၄၈၀၀ နည်းတယ်။ Living Rage နဲ့ မကိုက်ညီဘူး။ Living Rage နဲ့ ကိုက်ညီအောင် ဘယ်လိုမျိုး ကျွန်တော်တို့ ကုစားသွားမလဲဆိုတဲ့ဟာကို အမျိုးသားကော်မတီ တာဝန်ရှိသူတွေအနေနဲ့ကတော့ စဉ်းစားထားဖို့ လိုအပ်ပါတယ်။

■ မေး – အလုပ်ရှင်ဘက်က ကိုယ်စားလှယ်တွေ အမျိုးသားကော်မတီအစည်းအဝေးမှာ တရားဝင်ကန့်ကွက်တာနဲ့ ပတ်သက်လို့ ဆရာ ဘာများပြောချင်ပါသလဲ။

ဖြေ- အလုပ်ရှင်တွေဘက်ကလည်း ၄၈၀၀ ဆိုတာကို ဘ၀င်ကျပုံမရဘူး။ မနေ့တုန်းက ဒေါ်ခိုင်ခိုင်နွယ်ဆိုရင် ဒါကို အမျိုးသားကော်မတီ အစည်းအဝေးမှာ ပြတ်ပြတ်သားသား ငြင်းဆိုတာတွေ့ရတယ်။ အလုပ်ရှင်တွေ အနေနဲ့လည်း ကန့်ကွက်သွားဖို့ ရှိလိမ့်မယ်လို့ ထင်တယ်။ မနေ့က ဒေါ်ခိုင်ခိုင်နွယ် ဖြေထားတာကို ကြည့်ခြင်းအားဖြင့် ၄၈၀၀ နှုန်းထားထက် အစိုးရက သူတို့အပေါ်မှာ ဖြေလျှော့ပေးရမယ့်ဟာတွေက ပိုများနေတယ်။

■ မေး – ကော်မတီတွေ လုပ်ဆောင်နေတဲ့ အပေါ်မှာ ဆရာ့အနေနဲ့ အားရကျေနပ်မှုရှိရဲ့လား။

ဖြေ- အမျိုးသားကော်မတီပဲဖြစ်ဖြစ်၊ တိုင်းဒေသကြီးကော်မတီပဲဖြစ်ဖြစ် ပြည်ထောင်စုအစိုးရက ဘတ်ဂျက်ချပေးပြီးတော့ စဉ်ဆက်မပြတ်လုပ်ဖို့ ၂၉ ရက် အစည်းအဝေးမှာ ကျွန်တော် ပြောခဲ့တယ်။ အနားနီးကာမှ ဖုတ်ပူ မီးတိုက်လုပ်တဲ့ အလုပ်မျိုးတွေမလုပ်ဖို့ မနေ့တုန်းက အမျိုးသားကော်မတီမှာလည်း ဒါကိုပဲ ကျွန်တော် ဆက်လက်ပြီးတော့မှ အဆိုတင်ခဲ့တယ်။ ပြည်ထောင်စုဝန်ကြီးကလည်း ဒါကို အလေးအနက် စဉ်းစားပြီးတော့မှ စဉ်ဆက်မပြတ် လုပ်နိုင်အောင် ကြိုးစားသွားမယ်လို့ ပြောသွားပါတယ်။

■ မေး – ဆရာ့အနေနဲ့ မေးခဲ့တဲ့အပေါ်မှာ ဘာများဖြည့်စွက် ပြောချင်တာများ ရှိပါသေးသလဲ။

ဖြေ – အလုပ်သမားတွေ လိုချင်တဲ့ နှုန်းထားတော့ မဟုတ်ခဲ့ဘူး။ ကျွန် တော်တို့အနေနဲ့ ဒါကို ထန်ကုန်ကြိုးစားခဲ့တာပါလို့ ၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး။ ကျေးဇူးတင်ပါတယ်။