မြောက်ဦးပဋိပက္ခနှင့်ပတ်သက်၍ အမ်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါက်တာအေးမောင်အား ဆက်သွယ်မေးမြန်းခြင်း …

ရခိုင်ပြည်နယ် မြောက်ဦးမြို့တွင် ဇန်န၀ါရီ ၁၆ ရက်ညပိုင်းက အဓိကရုဏ်းတစ်ခု ဖြစ်ပွားခဲ့သည်။ ယင်းဖြစ်စဉ်မှာ ရခိုင်ဘုရင့်နိုင်ငံတော် ကျဆုံးရခြင်းအခမ်းအနားအား နှစ်စဉ် ပြာသိုလတွင်ကျင်းပခဲ့ပြီး ယခုနှစ်တွင် မြောက်ဦးမြို့နန်းတော်ရာကုန်း၌ ကျင်းပရန်စီစဉ်ခဲ့သည်။ ယင်းအခမ်းအနားတွင် ရခိုင်ခေါင်းဆောင်တစ်ဦးဖြစ်သည့် ဒေါက်တာအေးမောင်က တက်ရောက်ဟောပြောရန် စီစဉ်ခဲ့ခြင်းဖြစ်ပြီး ယင်းသို့စီစဉ်မှုနှင့်ပတ်သက်ပြီး ငြိမ်းစုစီပုဒ်မအရ ခွင့်ပြုချက်ယူရမည်ဟု အာဏာပိုင်များက ပြောကြားခဲ့ပြီးနောက်တွင် အဓိကရုဏ်း ဖြစ်ပွားလာခဲ့ခြင်းဖြစ်သည်။ ယင်းဖြစ်စဉ်နှင့်ပတ်သက်ပြီး ဒေါက်တာအေးမောင်အား ဆက်သွယ်မေးမြန်းခဲ့ပါသည်။

‘ဒီလိုမျိုးလုပ်လိုက်တာဟာ ပြည်နယ်အစိုးရတစ်ရပ်အနေနဲ့ တော်တော်လေးစဉ်းစားဆင်ခြင်မှု နည်းတယ်လို့ ကျွန်တော်ကတော့ စွဲချက်တင်တယ်ဗျ’

■ မေး – မြောက်ဦးမှာဖြစ်သွားတဲ့ အခြေအနေနဲ့ပတ်သက်ပြီး နောက်ဆုံးဘာများသိထားရသလဲခင်ဗျ။
ဖြေ – ကျွန်တော်က မြောက်ဦးမှာမဟုတ်တော့ မသိရဘူး။

■ မေး – ဒီပွဲကို ဆရာလည်း ဟောပြောမယ်လို့ စီစဉ်ထားတယ်လို့ သိရပါတယ်ခင်ဗျ။ အဲဒီအခြေအနေလည်း ပြောပြပါဦးခင်ဗျ။
ဖြေ – ကျွန်တော်က အဲဒီပွဲကိုမတက်ဖြစ်ခဲ့ဘူး။ ဒီလိုဗျ။ ဒီမြောက်ဦးက ဇန်န၀ါရီ ၁၆ ရက်နေ့ညနေပိုင်းမှာ ကျင်းပမယ်။ ကျွန်တော်က ဒုတိယပုဂ္ဂိုလ်အနေနဲ့ ဟောပြောရမှာဗျ။ အဲဒီတော့ မြောက်ဦးမတိုင်ခင်မှာ ကျောက်တော်ဘက်ကိုအထွက် ၁၀ မိုင်ကျော်လောက်အကွာမှာ တိမ်ညိုဆိုတဲ့တိုက်နယ်ရှိတာပေါ့။ တိမ်ညိုကျေးရွာအုပ်စုပေါ့။ အဲဒီတိမ်ညိုမှာ ညနေပိုင်းမှာ ပထမလူအနေနဲ့ ဟောပြောရမှာဗျ။ ကျွန်တော်အရင်ပြောပြီးမှ တစ်နာရီလောက်ကြာမှ မြောက်ဦးကိုရောက်ရမှာ။ တိမ်ညိုကို မြောက်ဦးကအဖွဲ့က လာကြိုမှာဗျ။ အဲဒါက ၁၆ ရက်နေ့။ အဲဒီနေ့မတိုင်ခင် ၁၅ ရက်နေ့မှာ ကျွန်တော်တို့ ဦးဝေဟင်အောင် (ပရဟိတလုပ်ဆောင်သူ)တို့က ရသေ့တောင်မှာ ဟောပြောပွဲတစ်ခုလုပ်တယ်ဗျ။ ကျွန်တော်တို့ကိုဖိတ်လို့ပါ။ မေယုရင်သွေးပရဟိတအသင်းက လာပြီးတော့ပြောလှည့်ပါဆိုလို့။ အဲဒီလိုဖိတ်တော့ ကျွန်တော်တို့ကလည်း သွားကြတာပေါ့ဗျာ။ အဲဒီတော့ ရသေ့တောင်ကို ဟောပြောပြီးမှ ဖြစ်စဉ်လေးတွေ ကြားရတာပေါ့ဗျာ။ ၁၅ ရက်မှာ ဟောပြောတာနဲ့ပတ်သက်လို့ ဦးဝေဟင်အောင်ကို ၅၀၅ (ခ) နဲ့တရားစွဲမယ်။ အင်မတန် ကြီးကြီးမားမားပုဂ္ဂိုလ်တွေက စွဲမယ်ဆိုပြီး သတင်းထွက်လာတယ်။ ဆိုတော့ ရသေ့တောင်ဖြစ်စဉ်ကို ကျွန်တော်တို့ကသိပြီးပြီ။ အဲဒီမှာ ၁၇ (၁) တို့ဘာတို့နဲ့ ကျွန်တော့်ကိုလည်းစွဲမယ်ဆိုတဲ့ ကောလာဟလကလည်းထွက်ပြီးပြီ။ အဲဒီလိုကြားကာလလေးမှာ စစ်တွေကနေ ကျွန်တော်တို့က ပထမဟောရမယ့် မြောက်ဦးမြို့နယ် တိမ်ညိုရွာကို စသွားကြတာပေါ့။ အဲဒီကာလမှာဘဲ။ မြောက်ဦးဘက်က ကျွန်တော့်ကို ဖုန်းဆက်တယ်။ ပွဲစီစဉ်ကျင်းပမယ့် ပုဂ္ဂိုလ်တွေဘက်ကနေပေါ့။ ပွဲနဲ့ပတ်သက်လို့ သူတို့ခွင့်ပြုမိန့်ကို တင်ထားတယ်။ လုပ်ရိုးလုပ်စဉ်အတိုင်း ရှေးဟောင်းသုတေသနဌာနကို တင်ထားတယ်။ သူတို့ကလည်း ခွင့်ပြုတယ်ဆိုတာမျိုးပေါ့ဗျာ။ သို့သော်လည်း အနီးကပ်ပြီးခါမှ ၁ နာရီ ၂ နှာရီ (မွန်းလွဲ) ၀န်းကျင်လောက်မှာပဲ မြို့နယ်အာဏာပိုင်တွေက ငြိမ်း၊ စု၊ စီနဲ့ တင်ဖို့ပြောတယ်။ အဲဒီအတွက် ငြိမ်း၊ စု၊ စီ ဥပဒေအရ တင်နိုင်ဖို့အတွက် မြို့နယ်ရဲတပ်ဖွဲ့မှာ ရောက်နေတယ်။ အဲဒါကြောင့် ဆရာ့ရဲ့အဖေနာမည်ရယ် အမေနာမည်ရယ် မှတ်ပုံတင်နံပါတ်ရယ် ကျွန်တော်တို့ကိုပေးပါလို့ တောင်းနေကြတယ်။ …။ ဆိုလိုတာက ပွဲလမ်းသဘင်နဲ့ပတ်သက်ရင် အထွေထွေအုပ်ချုပ်ရေးဦးစီးဌာနမှာ လုပ်ပိုင်ခွင့်ရှိတယ်။ ဒါကြောင့် သူတို့ကကြိုလျှောက်တယ်။ ကျွန်တော်မှတ်မိသလောက် ဇန်န၀ါရီ ၁၃ ရက်နဲ့ထင်တယ်။ အဲဒီရက်စွဲနဲ့ပွဲကျင်းပခွင့်ပါမစ်ကို ပေးတယ်။ ဒါထွေအုပ်ရဲ့ဟာနော်။ သို့သော်လည်း ညနေပိုင်းမှာ ငြိမ်းစုစီနဲ့ တင်ပါဆိုတဲ့အခါမှာ လေးဆယ့်ရှစ်နာရီ ကြိုတင်ရတာဆိုမို့လို့ မြို့နယ်ရဲတပ်ဖွဲ့က ခွင့်မပြုဘူး။ ပါမစ်က တစ်ခုတော့ရှိတယ်။ ငြိမ်း၊ စု၊ စီနဲ့ခွင့်မပြုဘူးဆိုတော့ ကျွန်တော်တို့က ဟောပြောလို့မရတော့ဘူးဗျ။ အဲဒီတော့ ၆ နာရီ ကျော်လောက်မှာပေါ့။ မှောင်လည်း မှောင်ပါပြီ။ ပွဲကျင်းပတဲ့ပုဂ္ဂိုလ်တွေနဲ့သွားပြီးတော့ ကျင်းပတဲ့နေရာမှာ ရောက်နေကြတဲ့ပရိသတ်တွေကို သွားနှုတ်ဆက်ပါတယ်။ ဒီလိုပဲ ကျွန်တော်က ပြောခွင့်မရတော့ပါဘူး။ ဥပဒေအရ ကျွန်တော်ပြန်ရပါတော့မယ်ဆိုတာကို ကျွန်တော်က နှုတ်ဆက်တာပေါ့ဗျာ။ အဲဒါလေးတော့ ကျွန်တော်လုပ်ခဲ့ပါတယ်။ နောက် မြောက်ဦးကလာတဲ့ပုဂ္ဂိုလ်တွေကလည်း မြောက်ဦးကိုမသွားပါတော့နဲ့ လုံခြုံတဲ့စစ်တွေကိုပဲပြန်ပါဆိုပြီးတော့ စစ်တွေအရောက်လိုက်ပို့ကြပါတယ်။ မဟာမြတ်မုနိကုန်းအလွန်မှာ သူတို့ကိုပြန်လွှတ်ပြီး ကျွန်တော့်မိတ်ဆွေကားနဲ့အတူ ၁၀ နာရီဝန်းကျင်လောက်မှာ စစ်တွေကို ပြန်ရောက်ပါတယ်။

■ မေး – အခုဖြစ်သွားတဲ့ဖြစ်စဉ်အပေါ်မှာရော ဘယ်လိုရှုမြင်ထားပါသလဲခင်ဗျ။
ဖြေ – အဲဒီတော့ ပြည်နယ်အစိုးရပဲ ပြောမလားဗျ။ သူတို့ရဲ့ချဉ်းကပ်ပုံက လိုအပ်ချက်ကြီးမားသွားတယ်ဗျ။ ဆိုပါတော့ဗျာ။ အခုကာလက အမျိုးသားပြန်လည်ရင်ကြားစေ့ရေးကို သွားနေကြတယ်။ လက်နက်ကိုင်ပဋိပက္ခတွေ ချုပ်ငြိမ်းရမယ်ဆိုတဲ့ ဦးတည်ချက်နဲ့သွားတာပေါ့။ စစ်မှန်တဲ့ ဖက်ဒရယ်ဒီမိုကရေစီပြည်ထောင်စုကို သွားမယ်လို့ လက်ရှိအစိုးရလည်း ပြောဆိုနေတယ်လေ။ အဲဒီတော့ မျိုးနွယ်စုကြီးတွေမှာ အတိတ်သမိုင်းရှိတာပေါ့ဗျာ။ သင်ခန်းစာတွေပေါ့။ မှတ်မှတ်ရရနေ့တွေ ရက်တွေလတွေကို ခုကာလမှာ လွပ်လွပ်လပ်လပ် ကျင်းပခွင့်ပေးခြင်းမပေးခြင်း အကျိုးသက်ရောက်မှုကို တွေးသင့်တာပေါ့ဗျာ။ အဲဒီတော့ မြန်မာမှာလည်းပါတော်မူတဲ့နေ့လေ။ သီပေါမင်းနဲ့ စုဖုရားလတ်ရတနာဂီရိကိုပါသွားတာလေ။ ရခိုင်မှာလည်း ဒီလိုမျိုးဖြစ်ခဲ့မှာပေါ့။ မွန်မှာလည်းရှိမှာပေါ့။ ရှမ်းမှာလည်းဖြစ်မှာပေါ့။ အဲဒီလိုမျိုးမှတ်မှတ်ရရနေ့တွေကို ကျင်းပခွင့်ကိုပေးသင့်တယ်ဆိုတဲ့ အယူအဆကိုရှိသင့်တာပေါ့ဗျာ။ ပြည်ထောင်စုမပြိုကွဲရေးဆိုတာကို အတင်းအကျပ် စည်းနှောင်ထားခြင်းထက် ပြည်ထောင်စုမှာ လွပ်လွပ်လပ်လပ် မိမိတို့ရဲ့ဆန္ဒအလျောက် ပူးပေါင်းကြတာဖြစ်တယ်။ တန်းတူအခွင့်အရေးရတာဖြစ်တယ်။ အဲဒါမျိုးနဲ့ ကျွန်တော်တို့စည်းနှောင်သင့်တာပေါ့ဗျာ။ အသိနဲ့သတိနဲ့ ယုံကြည်ချက်နဲ့ စည်းနှောင်သင့်တာပေါ့ဗျာ။ အတင်းအကျပ်စည်းနှောင်မှုထက် ပိုပြီးအားကောင်းတယ်ထင်တယ်ဗျ ကျွန်တော်ကလေ။ ကျွန်တော်ကယေဘုယျပြောပြတာပါ။ ဒီလိုပွဲမျိုးဟာ ကျင်းပတဲ့နေရာကလည်း နန်းရာကုန်းဗျ။ ဒီနန်းတော်ကိုမီးရှို့ခဲ့တယ်။ ဒီနန်းတော်ရဲ့ကြေးပြားတွေက မင်းကွန်းခေါင်းလောင်းကြီးဖြစ်သွားတယ်ဆိုတာမျိုးက ရခိုင်သမိုင်းမှာရှိတာကိုး။ ဒီနေရာမှာ သွေးမြေကျခဲ့တယ်ဆိုတာရှိတာကိုးဗျ။ အဲဒီတော့ ဒီနန်းရာကုန်းမှာကျင်းပမယ့် ကျင်းပဖို့လည်း တစ်လကျော်ကျော်လောက်စီစဉ်ထားပြီးပြီ။ . . . နန်းရာကုန်းအ၀န်းအ၀ိုင်းမှာဖြစ်လာမယ့် လူဦးရေထူထပ်မှုနဲ့ အခုလိုဖျက်လိုက်တယ်ဆိုရင် ဖြစ်လာမယ့် အကျိုးသက်ရောက်မှုနဲ့ အေးအေးဆေးဆေး ကျင်းပခွင့်ပေးလိုက်ရင် ဖြစ်လာမယ့် အကျိုးသက်ရောက်မှုနဲ့ ယှဉ်ပြရမှာပေါ့။ အစိုးရတစ်ရပ်အနေနဲ့။ တာဝန်ရှိတဲ့ပုဂ္ဂိုလ်က။ တကယ်တော့ ခုနကပြောသလို ဖျက်ကိုဖျက်ရမယ်။ အဲဒါမျိုးသူတို့ဘက်က ဆုံးဖြတ်ရင် အထိအခိုက်အနည်းဆုံးနဲ့ ဘယ်လိုဒီပြဿနာကိုဖြေရှင်းမှာလဲ။ ရဲတပ်ဖွဲ့ရဲ့ လုပ်ရိုးလုပ်စဉ် ဒီလိုဖြစ်ရင် ဘယ်လိုထုံးတမ်းအစဉ်အလာရှိသလဲ။ ဒိုင်းတို့၊ ရော်ဘာတုတ်တို့၊ မျက်ရည်ယို ဗုံးတို့ရှိတာပဲဗျ။ ပုဒ်မ ၁၄၄ ထုတ်တာတို့၊ ၀မ်နင်ပေးတာတို့၊ ကြေညာတာတို့၊ ရော်ဘာကျည်သုံးတို့ လုပ်ရမှာပေါ့ဗျ။ လိုအပ်ရင် မီးသတ်တို့ဘာတို့၊ ပတ်ဝန်းကျင်ကို မီးတွေလင်းအောင်လုပ်မှာတို့ လုပ်ရမှပေါ့ဗျ။ အချိန်တိုအတွင်းလုပ်လို့ရပါတယ် ဒီခေတ်က။ ဘာမှပြင်ဆင်တာတို့ဘာတို့မရှိဘဲနဲ့ ဒီလိုမျိုးဖြစ်လာနိုင်တာကို ကြိုသိပါရက်နဲ့။ ဒီလိုမျိုးလုပ်လိုက်တာဟာ ချဉ်းကပ်ပုံမှားတယ်။ ဒီလိုမျိုးလုပ်လိုက်တာဟာ ပြည်နယ်အစိုးရတစ်ရပ်အနေနဲ့ တော်တော်လေး စဉ်းစားဆင်ခြင်မှုနည်းတယ်လို့ ကျွန်တော်ကတော့ စွဲချက်တင်တယ်ဗျ။ အဲဒီလုပ်ရပ်ဟာ ပြည်ထောင်စုအစိုးရကို သွားထိခိုက်မှာပေါ့။

■ မေး – ဆရာ့ကို ၁၇ ( ၁) မတရားအသင်းဥပဒေနဲ့ စွဲဆိုထားတာရော ဟုတ်ပါသလား။
ဖြေ – အဲဒီလိုမျိုးသတင်းကတော့ ကျွန်တော်မြောက်ဦးကို မသွားခင်ကတည်းက အဲဒီလိုမျိုးထွက်ပါတယ်။ ရသေ့တောင်က ဒီလိုမျိုးစွဲထားပါတယ်။ ဝေဟင်အောင်က ပုဒ်မတစ်ခု၊ ကျွန်တော်က ပုဒ်မတစ်ခုစွဲခံထားရပါတယ် ဆိုပြီးတော့ပေါ့။ ဝေဟင်အောင်နဲ့ပတ်သက်တဲ့ စာလေးကတော့ အခုအွန်လိုင်းမှာ ပြန့်နေပါတယ်။

Kaew Korravee နှင့် တွေ့ဆုံခြင်း

‘ကျွန်မကိုချစ်တဲ့၊ အားပေးတဲ့ ပရိသတ်တွေအနေနဲ့  Emily ဆိုတဲ့ ဇာတ်ရုပ်ကိုလည်းချစ်ကြမယ်၊ အားပေးကြမယ်လို့ ယုံကြည်ပါတယ်’

 

ထိုင်း-မြန်မာပူးပေါင်းရိုက်ကူးခဲ့ပြီး မြန်မာရွှေ့ပြောင်းလုပ်သားတစ်ဦးနှင့် ထိုင်းအမျိုးသမီးငယ်လေးတစ်ဦးတို့ကြားမှ ချစ်ခြင်းမေတ္တာအား ပုံဖော်ထားသည့် ‘ဘယ်လိုအချစ်မျိုးလဲ’ ရုပ်ရှင်ဇာတ်ကားမှ ထိုင်းမင်းသမီး Kaew Korravee မှာ မြန်မာပရိသတ်များ၏ ချစ် ခင်မှုကိုရရှိထားသူတစ်ဦးဖြစ်သည်။ ယခုရုံတင်ပြသတော့မည့် ဥပါယ်တံမျဉ်ဇာတ်ကားတွင်လည်း ကျရာဇာတ်ရုပ်တွင် ပီပြင်စွာပုံဖော်ခဲ့သည့် ထိုင်းမင်းသမီး Korravee  နှင့်တွေ့ဆုံ ဖြစ်သည့်အခိုက်  ရှေ့ဆက်လုပ်ဆောင်သွားမည့် အနုပညာ လုပ်ငန်းအကြောင်းအရာများကိုမေးမြန်းဖြစ်ခဲ့ပါသည်။

 

မေး – ဒီနေ့ ဥပါယ်တံမျဉ်ဇာတ်ကားရဲ့ World Premiere Red Carpet Show ကို တက်လာတဲ့ ခံစားချက်ကို အရင်သိချင်ပါတယ်။

ဖြေ – အရမ်း စိတ်လှုပ်ရှားနေပါတယ်။ ဒီဇာတ်ကား ရိုက်ကူးပြီးကတည်းက ရုံတင်ပြသနိုင်မယ့်အချိန်ကို စောင့်မျှော်နေခဲ့တာ အခု တကယ်လက်တွေ့ ပြသနိုင်တော့မယ့် အချိန်အထိပါပဲ။ ဒီနေ့ Red Carpet Show ကို တက်ရောက်ခွင့်ရတာ အရမ်းလည်းပျော်သလို အရမ်းလည်း စိတ်လှုပ်ရှားပါတယ်။ မြန်မာပရိသတ်တွေ၊ မြန်မာအနုပညာရှင်တွေ နဲ့ ဒုတိယအကြိမ် ပေါင်းစည်းခွင့်ဖြစ်တဲ့အတွက်လည်း ပိုပြီးစိတ်လှုပ်ရှားမိတာပါ။ အားလုံးလည်း ကျွန်မနဲ့ထပ်တူ စိတ်လှုပ်ရှားကြမယ်လို့ ယုံကြည်ပါတယ်။

 

မေး – ရှေ့မှာလည်း မြန်မာဇာတ်ကားတွေမှာ ပါဝင်ခဲ့ဖူးတယ်ဆိုတော့ အခုဒီဇာတ်ကားနဲ့ အရင် ပါဝင်ခဲ့တဲ့ ဇာတ်ကားတွေရဲ့ ကွာခြားချက်ဆိုရင်ရော။

ဖြေ – ဒီဇာတ်ကားက မြန်မာအနုပညာရှင်တွေနဲ့ ပူးပေါင်းအလုပ်လုပ်ဖြစ်တာ သုံးကားမြောက် ဇာတ်ကားပါ။ ပထမဇာတ်ကားက ဘယ်လိုအချစ်မျိုးလဲဆိုတဲ့ ဇာတ်ကားပါ။ ရိုမန့်စ်ဇာတ်ကားအမျိုးအစားပါ။ ဒုတိယဇာတ်ကားကတော့ 67 Plaza ဆိုတဲ့ ဇာတ်ကားပါ။ အဲဒီဇာတ်ကားကတော့ ၀ိညာဉ်ဇာတ်ကားဖြစ်ပါတယ်။ အခုဒီဇာတ်ကားကတော့ ဇာတ်အိမ် အလှည့်အပြောင်းတွေနဲ့ ဖန်တီးထားတဲ့ဇာတ်ကားပါ။ ဇာတ်လမ်းပုံစံတွေ တစ်ကားနဲ့တစ်ကားက မတူတဲ့အခါကျတော့ ပါဝင်ခွင့်ရတဲ့ ခံစားချက်ချင်းလည်း မတူပါဘူး။ တူညီတာတစ်ခုကတော့ မြန်မာအနုပညာရှင်တွေက နွေးထွေးကြတယ်။ ကူညီကြတယ်။ ပျော်စရာကောင်းပါတယ်။ မြန်မာပရိသတ်တွေလည်း အခုဒီဇာတ်ကားလေးကို အားပေးကြဖို့ မျှော်လင့်ပါတယ်။

 

မေး – ဒီဇာတ်ကားထဲမှာ သရုပ်ဆောင်ရတဲ့ Emily ဆိုတဲ့ ဇာတ်ရုပ်ကိုရော ဘယ်လိုမြင်လဲ။

ဖြေ – ဒီဇာတ်ကားထဲက Emily ဆိုတဲ့ ကောင်မလေးက သူ့ဘ၀ရဲ့အိပ်မက်တွေ ဖြစ်လာဖို့ ဘာမဆိုလုပ်ရဲတဲ့ ဇာတ်ရုပ်လို့ပြောလို့ရပါတယ်။ ခပ်ဆိုးဆိုးကောင်မလေးလို့လည်း ပြောလို့ရပါတယ်။ သူလိုချင်တာတွေရဖို့ ဖြစ်တဲ့နည်းလမ်းက နေကြိုးစားရင်းနဲ့ နောက်ဆုံး ဒုက္ခရောက်သွားတဲ့ ကောင်မလေးပေါ့။

 

မေး –  ဒီဇာတ်ကားထဲက Love Scene နဲ့ပတ်သက်လို့ရော ရိုက်ကူးချိန်မှာ အခက်အခဲရှိခဲ့လား။

ဖြေ – ဒီဇာတ်ဝင်ခန်းနဲ့ပတ်သက်လို့ အားလုံးကလည်းမေးကြတယ်။ ဒါက ကျွန်မအတွက်တော့ ဒုတိယမြောက် Love Scene ရိုက်ကူးမှုပေါ့။ ဒါပေမဲ့ ဒီဇာတ်ကားမှာရိုက်ကူးရတာက နည်းနည်းပိုပြီး Serious ဖြစ်ပါတယ်။ ဇာတ်လမ်းရဲ့အဓိကကျတဲ့ ဇာတ်ဝင်ခန်းတစ်ခန်းဖြစ်နေတာကြောင့်လည်း ပါမယ်။ ဒါကြောင့် တကယ်နမ်းရတာ နည်းနည်းပါတယ်။ ပြီးတော့ Love Scene ကို နည်းနည်း သေချာလေးရိုက်ပြတာ ပါတယ်ပေါ့နော်။ အဓိကတော့ ဇာတ်လမ်းရဲ့ အရေးပါတဲ့ဇာတ်ဝင်ခန်းဖြစ်လို့ပါ။ ကျွန်မ အခုလိုသရုပ်ဆောင်ထားရတဲ့ အပေါ် ပရိသတ်ရဲ့တုံ့ပြန်မှုကိုလည်း စိတ်လှုပ်ရှားပါတယ်။

 

မေး – ဒီဇာတ်ကားထဲက Emily ဆိုတဲ့ဇာတ်ရုပ်က Bad Girl ဆိုတော့ အဲဒီအတွက် ပရိသတ်တွေမုန်းမှာကို စိုးရိမ်တာမျိုးရှိလား။

ဖြေ – ဒီဇာတ်ကားက ကျွန်မအတွက် အခုလို Bad Girl ဇာတ်ရုပ်မျိုး ပထမဆုံး သရုပ်ဆောင်ခွင့်ရတာပါ။ ဒါပေမဲ့ Emily ဆိုတဲ့ဇာတ်ရုပ်ကို ကျွန်မအရမ်း သဘောကျပါတယ်။ ဒါကြောင့် အခွင့်အရေးသာရမယ်ဆိုရင် အခုလို Bad Girl ဇာတ်ရုပ်မျိုး၊ အခုထက် Serious  ဖြစ်တဲ့ Bad Girl ဇာတ်ရုပ်မျိုးရိုက်ခွင့်ရချင်ပါတယ်။ အဓိကတော့ အခုလိုထူးခြားတဲ့ ဇာတ်ရုပ်မျိုးမှာသရုပ်ဆောင်ချင်တာပါ။

 

မေး –  ဒီဇာတ်ကားရဲ့ရလဒ်ကို ဘယ်လိုမျှော်လင့်ထားလဲ။

ဖြေ – ဒီဇာတ်ကားကို ပရိသတ်တွေဘယ်လို တုံ့ပြန်မလဲဆိုတာတော့ သေချာ မပြောတတ်ပါဘူး။ ဒါပေမဲ့ ဒီဇာတ်ကားကို ဖန်တီးထားကြတဲ့သူတွေ အားလုံးက အပြည့်အ၀ အာရုံစိုက်ပြီး ဖန်တီးထားတာဖြစ်တဲ့အတွက် ကြည့်ရတဲ့သူတွေအတွက်တော့ စိတ်ပျက်စရာ မဖြစ်စေဘူးဆိုတာတော့ သေချာပါတယ်။

 

မေး –  မြန်မာအနုပညာရှင်တွေနဲ့ နောက်ထပ်ပူးပေါင်းပြီး အနုပညာလုပ်ငန်းတွေ လုပ်ဖို့ရှိမလား။

ဖြေ – ရှိပါတယ်။ အဲဒီအတွက် စကားပြောနေကြပါတယ်။ နောက်ထပ် အနုပညာဖန်တီးမှုတွေ လုပ်ဆောင်ဖို့ ညှိနှိုင်းနေကြပါတယ်။ လုပ်ဖြစ်မှာပါ။

 

မေး – ဇာတ်ကားလာကြည့်ကြမယ့် ပရိသတ်တွေအတွက် ပြောချင်တဲ့ စကားလက်ဆောင်များ ရှိမလား။

ဖြေ – ဒီနေ့ကျွန်မကိုယ်တိုင်လည်း ဒီဇာတ်ကားကိုကြည့်ခွင့်ရတဲ့အတွက် အရမ်းစိတ်လှုပ်ရှားပါတယ်။ ပရိသတ်တွေ ဘယ်လိုတုံ့ပြန်မလဲဆိုတာလည်း အရမ်းသိချင်တယ်။ ဒါကြောင့် ဒီဇာတ်ကားလေး ရုံတင်တဲ့အခါ ကြည့်ပြီး မှတ်ချက်ပြုပေးပါလို့ ပြောချင်ပါတယ်။ ကျွန်မကိုချစ်တဲ့၊ အားပေးတဲ့ပရိသတ်တွေ အနေနဲ့ Emily ဆိုတဲ့ ဇာတ်ရုပ်ကိုလည်းချစ်ကြမယ်၊ အားပေးကြမယ်လို့ ယုံကြည်ပါတယ်။

 

မေး –  မြန်မာနိုင်ငံမှာ ဘယ်နှရက်လောက်နေဖို့ စီစဉ်ထားပါသလဲ။

ဖြေ – အခုတစ်ခေါက်တော့ မြန်မာနိုင်ငံမှာတစ်ပတ်လောက်နေဖို့ စီစဉ်ထားပါတယ်။ ကျေးဇူးအများကြီးတင်ပါတယ်။

 

ဒါရိုက်တာပြည့်ဇော်ဖြိုးနှင့် တွေ့ဆုံခြင်း

‘ကျွန်တော်အခုချိန်မှာ လေ့လာထားသမျှ၊ အစွမ်းရှိသမျှ ကြိုးစားအားထုတ်ပြီး ဖန်တီးသွားပါမယ်’

လူငယ်တို့၏ ဖန်တီးမှုအသစ်များအား လက်ခံကြိုဆိုလာသည့်အချိန်တွင် အနုပညာဖန်တီးမှုလမ်းကြောင်းပေါ်၌လည်း လူငယ်အနုပညာရှင်များ၏ ဖန်တီးမှုအသစ်များမှာ အသက်ဝင်လာခဲ့သည်။ 7 Sense Production နှင့် အကယ်ဒမီသရုပ်ဆောင် နေတိုးက စာချုပ်ချုပ်ဆိုထားပြီးနောက် စိတ်ကြိုက်အနုပညာ ဖန်တီးမှုများပြုလုပ်ရန် စီစဉ်ထားရာတွင် ပထမဆုံးဇာတ်ကားအဖြစ် မဟူရာရုပ်ရှင်ရုံဇာတ်ကားအား ဖေဖော်ဝါရီလအတွင်း ဖန်တီးတော့မည်ဖြစ်သည်။ လူငယ်ဒါရိုက်တာ ပြည့်ဇော်ဖြိုး၏ ပထမဆုံးရုပ်ရှင်ဇာတ်ကားအဖြစ် ဖန်တီးမည်ဖြစ်ပြီး ဘောလိဝုဒ်မှမင်းသမီးနှင့် အကယ်ဒမီနေတိုးတို့ တွဲဖက်ပါဝင်မည့် ၀ိညာဉ်ဇာတ်ကားတစ်ကားဖြစ်သည်။ မှတ်တမ်းရုပ်ရှင် ဒါရိုက်တာတစ်ဦးအဖြစ် ဆုများရရှိထားကာ နိုင်ငံတကာရုပ်ရှင်ပွဲတော်များသို့ တက်ရောက်ခွင့်ရရှိထားသူ လူငယ်ဒါရိုက်တာပြည့်ဇော်ဖြိုး၏ ပထမဆုံး feature ဇာတ်ကားအဖြစ် တွေ့မြင်ရမည့်ဇာတ်ကားလည်းဖြစ်သည်။ ဒါရိုက်တာပြည့်ဇော်ဖြိုးနှင့်တွေ့ဆုံ၍ ပထမဆုံးဇာတ်ကားအတွက် ပြင်ဆင်ထားမှုများ၊ မှတ်တမ်းရုပ်ရှင်နှင့် feature film တို့၏ခြားနားချက်အပေါ် လက်ခံထားမှုများအပါအ၀င် သိလိုသည်များအား မေးမြန်းဖြစ်ခဲ့ပါသည်။

■ မေး – မဟူရာရုပ်ရှင်ရုံဇာတ်ကားကို ဒါရိုက်တာအဖြစ် ရိုက်ကူးဖို့က ဘယ်လိုလက်ခံဖြစ်သွားတာလဲ။
ဖြေ – ကျွန်တော့်ရဲ့ အနုပညာလှုပ်ရှားမှုက ပထမဆုံးတော့ ဆရာမင်းထင်ကိုကိုကြီးတို့ဖွင့်တဲ့ လူ့ဂုဏ်သိက္ခာ ရုပ်ရှင်သင်တန်းကျောင်းကို တက်ခွင့်ရခဲ့တယ်။ အဲဒီသင်တန်းမှာ မှတ်တမ်းရုပ်ရှင်ဖန်တီးမှုနဲ့ ပတ်သက်တဲ့အကြောင်းအရာတွေကို လေ့လာသင်ယူခွင့်ရခဲ့တယ်။ လက်တွေ့လည်း ဖန်တီးခွင့်ရတယ်။ အဲဒီကနေမှ မှတ်တမ်းရုပ်ရှင် ဖန်တီးမှုလမ်းကြောင်းပေါ်ကို ရောက်သွားတယ်ပေါ့နော်။ ကျွန်တော်က ဒီလောကထဲစရောက်ကတည်းကလည်း မှတ်တမ်းရုပ်ရှင်ရယ်၊ feature ရယ်ဆိုပြီး ခွဲခြားချင်တာမျိုးမရှိဘူး။ ဒါကြောင့်လည်း အဲဒီအချိန်မှာပဲ အမ်တီဗွီတချို့စရိုက်ဖြစ်တယ်။ အဲဒီကနေမှ ကိုမင်းသွေးရဲ့ အမ်တီဗွီကိုရိုက်ပေးဖြစ်တယ်။ ခင်သွားတယ်ပေါ့နော်။ အဲဒီနောက် ကိုမင်းသွေးနဲ့ အိမ်လိုက်လည်ရင်းက ကိုနေတိုးနဲ့ဆုံတယ်။ ကိုနေတိုးနဲ့ စကားပြောဖြစ်တဲ့အခါ ကိုနေတိုးကလည်း အနုပညာဖန်တီးမှုအပိုင်းကို ပုံစံတစ်မျိုးခွဲထွက်ချင်တယ်။ သူ့မှာစိတ်ကူးထားတာတွေရှိတယ်။ ကျွန်တော်ကလည်း ကျွန်တော်ဖန်တီးဖို့ စိတ်ကူးထားတဲ့ဇာတ်လမ်းတွေ အများကြီးရှိတယ်။ အဲဒီလိုတွေ ပြောဖြစ်ကြရင်းကနေ အခုဒီဇာတ်ကားရိုက်ဖို့ထိ ဖြစ်လာတာပါ။

■ မေး – ဇာတ်လမ်းတွေ အများကြီးရှိတဲ့အထဲက မဟူရာရုပ်ရှင်ရုံဇာတ်လမ်းကို ဖန်တီးဖို့ရွေးချယ်ဖြစ်တာကရော။
ဖြေ – ကိုနေတိုးနဲ့ ကျွန်တော်စကားပြောဖြစ်တဲ့အခါ ဒီ ၂၀၁၈ မှာရိုက်ဖို့ပေါ့လေ။ စဉ်းစားကြတုန်းက ပထမဇာတ်လမ်းတစ်ခုရှိသေးတယ်။ အဲဒီဇာတ်လမ်းက ပြင်ဆင်ချိန်ကိုပဲ တော်တော်လေးယူရမယ်။ ဇာတ်လမ်းရိုက်ကူးရမယ့်နေရာတွေကိုက မြို့ကြီးတွေအများကြီးကို လှည့်ပြီးရိုက်ကူးရမယ့် ဇာတ်လမ်းမျိုးပေါ့။ အဲဒီဇာတ်အတွက် ပြင်ဆင်နေရင်းကပဲ အချိန်တော်တော်လေးယူမယ်လို့ စဉ်းစားမိရင်းက အခုရိုက်မယ့် မဟူရာရုပ်ရှင်ရုံဇာတ်လမ်းကို စဉ်းစားမိတာ။ ကျွန်တော်တို့ ရုပ်ရှင်ရုံထဲမှာ ဇာတ်ကားကြည့်ရင်းနဲ့ သရဲခြောက်ခံရတယ်ဆိုတဲ့အဖြစ်မျိုးက ထူးခြားတယ်ပေါ့နော်။ အဲဒီကနေပဲဒီဇာတ်လမ်းအတွက် ကျွန်တော်စဉ်းစားတာကို ပြောပြတဲ့အခါ ကိုနေတိုးကသဘောကျပြီး ရိုက်မယ်လို့ ဆုံးဖြတ်ဖြစ်ကြတာပါ။

■ မေး – မင်းသမီးက ဘောလိဝုဒ်ကမင်းသမီးကို သုံးဖြစ်တာကရော။
ဖြေ – အဲဒါကတော့ ဇာတ်လမ်းသဘောအရကို နိုင်ငံခြားမင်းသမီးတစ်ယောက်သုံးရမယ့် အနေအထားရှိတယ်။ ဒါကိုဘယ်မင်းသမီးသုံးမလဲဆိုပြီး စဉ်းစားကြတာပေါ့။ အခုရွေးချယ်ထားတဲ့မင်းသမီးက ဘောလိဝုဒ်ကမော်ဒယ်လ်ပေါ့။ အမ်တီဗွီတွေလည်း ရိုက်ဖူးတယ်။ ကျွန်တော်ဘောလိဝုဒ်မှာ အလုပ်သွားလုပ်ဖြစ်တုန်းကလည်း ခင်ခဲ့တဲ့သူပါ။ တကယ်တမ်းဆိုရင် သူတို့ရဲ့အနုပညာကြေးတွေက မြင့်ပါတယ်။ ကျွန်တော်က ဒီဇာတ်ကားက ကျွန်တော့်ရဲ့ပထမဆုံး feature ဇာတ်လမ်းဖြစ်တယ်။ ကူညီပေးပါလို့ပြောတဲ့အခါ သူကလည်း ကူညီမယ်ဆိုပြီး ၀မ်းသာအားရပဲပြန်ပြောတာနဲ့ သူ့ကိုရွေးဖြစ်သွားတာပါ။

■ မေး – အခုဒီဇာတ်ကားက ပထမဆုံးဇာတ်ကားဖြစ်တဲ့အတွက် ဘယ်လိုစိန်ခေါ်မှုတွေ ရှိမယ်လို့ရောထင်လဲ။
ဖြေ – အခုရိုက်မယ့် မဟူရာရုပ်ရှင်ရုံဇာတ်ကားက horror အမျိုးအစားဖြစ်နေတော့ ကျွန်တော့်ပင်ကိုယ်အကြိုက်ဆိုရင် ဒရာမာကိုရိုက်ချင်တာ။ ကျွန်တော်လေ့လာခဲ့တာကလည်း ဒရာမာဇာတ်ကားတွေများတယ်။ ညီအစ်ကိုနှစ်ယောက်ကြားက သံယောဇဉ်၊ ဆရာနဲ့တပည့်ကြားက သံယောဇဉ်ဆိုတာမျိုးတွေကို ရိုက်ချင်ခဲ့တာ။ သရဲကားဆိုတာ ကိုယ်တိုင်ဖန်တီးရမယ်ဆိုတဲ့အခါ ကျွန်တော့်အတွက် ဘာသာရပ်အသစ်တစ်ခုဖြစ်နေတာ။ အဲဒီအတွက် ကိုယ့်လက်တစ်ကမ်းမှာရှိတဲ့ အင်တာနက်ကနေ လေ့လာတယ်။ online course တွေ၊ horror ဇာတ်ညွှန်းနဲ့ပတ်သက်တဲ့ workshop တွေတက်ဖြစ်နေပါတယ်။ ဒါရိုက်တာဆိုတာ ဇာတ်လမ်းအမျိုးအစားစုံကို ရိုက်တတ်ရမယ်ဆိုပေမဲ့ ဟာသကိုအားသန်တဲ့သူ၊ သရဲကားတွေကို ပိုကောင်းအောင်ရိုက်တတ်တဲ့သူ စသဖြင့်ရှိမှာပဲလေ။ ဒီဇာတ်ကိုရေးဖို့အတွက် စာတွေအများကြီးဖတ်ပြီးမှ ဖန်တီးရပါတယ်။ ဇာတ်လမ်း frame လေးတွေချဖြစ်တယ်။ ကျွန်တော်လုပ်နိုင်တဲ့ အကောင်းဆုံးဆိုတဲ့စွမ်းအားနဲ့ လုပ်ထားတာပါ။ ကျွန်တော့်အတွက် ပထမဆုံးဇာတ်ကားဖြစ်သလို အရင်ကလုပ်မယ်လို့ စိတ်မကူးခဲ့ဖူးတဲ့ ဇာတ်လမ်းပုံစံလည်းဖြစ်တာကြောင့် ပထမဆုံးတွေများပါတယ်။

■ မေး – သရဲကားဖြစ်တဲ့အတွက် Sound Effect တွေ၊ မိတ်ကပ် Effect တွေအပိုင်းရော ဘယ်လိုစဉ်းစားထားလဲ။
ဖြေ – အဲဒါတွေအတွက်လည်း ကျွန်တော်တို့အားလုံးကြိုပြီး တိုင်ပင်ညှိနှိုင်းနေပါတယ်။ ပြည်တွင်းက ၀ါရင့်တွေကိုလည်း ပါဝင်စေမှာဖြစ်သလို ပြည်ပကပညာရှင်တွေကိုလည်း ခေါ်ယူသွားဖို့ရှိတယ်။ နောက်တစ်ခုက ဒီဇာတ်ကားကစိတ်ကို ခြောက်မယ့်ဇာတ်ကားမျိုးပေါ့နော်။ အဲဒီအတွက် ဘယ်လိုအရာတွေအသုံးပြုပြီး ခြောက်ခြားအောင် ဖန်တီးမလဲဆိုတာတွေ တိုင်ပင်ညှိနှိုင်းနေပါတယ်။

■ မေး – ဇာတ်ကားမရိုက်ခင် သရုပ်ဆောင်တွေနဲ့အကြို ညှိနှိုင်းတာမျိုးတွေ ဘယ်တော့လောက်စလုပ်ဖြစ်မလဲ။
ဖြေ – ကင်မရာမန်းက ကျွန်တော်တို့ပြည်တွင်းက တစ်ယောက်ရယ်၊ ပြည်ပကတစ်ယောက်ရယ် တွဲဖက်ရိုက်ကူးဖို့ စီစဉ်ထားပါတယ်။ အဲဒီအတွက်လည်း ဇန်န၀ါရီလအတွင်းမှာပဲ ပြည်ပက ကင်မရာမန်းကို ကြိုလာခိုင်းထားပြီး နှစ်ယောက်လုံးဇာတ်ကားအတွက် ဘယ်လိုဖန်တီးမလဲဆိုတာ အကြိုဆွေးနွေးခိုင်းမယ်။ on scene ပေါ်မရောက်ခင် ကြိုက်သလောက် ငြင်းခုန်လို့ရတယ်။ တကယ်ရိုက်တဲ့အချိန်မှာတော့ ဇာတ်ကားကောင်းဖို့အတွက်ပဲ ဖန်တီးမယ်။ အဲဒီအချိန်မှာတော့ ငြင်းဖို့အချိန်မရှိတော့ဘူးပေါ့။ အဲဒီလိုစဉ်းစားထားတယ်။ မင်းသမီးကလည်း ဇန်န၀ါရီလထဲမှာပဲ ကြိုလာမှာပါ။ ဇာတ်လမ်းနဲ့ပတ်သက်ပြီး အသေးစိတ်အချက်တွေရှင်းပြမယ်။ ကြိုညှိနှိုင်းမယ်။ ကိုနေတိုးနဲ့နှစ်ယောက် အပြန်အလှန်သိချင်တာတွေ၊ ညှိနှိုင်းရမှာတွေရှိတယ်။ သူကလည်း အချိန်ပေးပြီးလာမယ်လို့ ပြောထားပါတယ်။ ဖေဖော်ဝါရီမှာ ရိုက်မယ်ဆိုတော့ မရိုက်ခင် အကြိုညှိနှိုင်းပြင်ဆင်ကြမှာပါ။

■ မေး – နောက်ပိုင်းရော feature film ပိုင်းကိုပဲ ပိုပြီးသွားဖြစ်မလား။ မှတ်တမ်းရုပ်ရှင်ရော ဖန်တီးဖြစ်မလား။
ဖြေ – ကျွန်တော်က ခေါင်းစဉ်တစ်ခုတည်းမျိုး သတ်မှတ်ထားတာမရှိပါဘူး။ အနုပညာဖန်တီးမှုဖြစ်တဲ့အတွက် feature film လည်းဖန်တီးမှာဖြစ်သလို မှတ်တမ်းဇာတ်ကားလည်း ရိုက်ဖို့ရှိရင်ရိုက်ဦးမှာပဲ။ အမ်တီဗွီလည်း ရိုက်ဖြစ်မှာပဲ။ အနုပညာဖန်တီးမှုကို ဘယ်လိုပုံစံဖြစ်ဖြစ် ရိုက်ဖြစ်မှာပါ။

■ မေး – မဟူရာရုပ်ရှင်ရုံကို စိတ်ဝင်စားစောင့်ကြည့်မယ့် ပရိသတ်တွေကို ပြောချင်တဲ့စကားလက်ဆောင်များ ရှိမလား။
ဖြေ – ကျွန်တော့်ကိုယုံကြည်စွာနဲ့ ဖန်တီးခွင့်ပေးတဲ့ ကိုနေတိုး၊ ကိုဝေမင်းမောင်တို့ကို ကျေးဇူးအများကြီးတင်ပါတယ်။ ဒီဇာတ်ကားကို စောင့်ကြည့်အားပေးမယ့် ပရိသတ်တွေကိုလည်း ကျွန်တော်အခုချိန်မှာ လေ့လာထားသမျှ၊ အစွမ်းရှိသမျှ ကြိုးစားအားထုတ်ပြီး ဖန်တီးသွားပါမယ်။

မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် ဒုတိယဥက္ကဋ္ဌ ဦးနော်အောင်နှင့် ဆက်သွယ်မေးမြန်းခြင်း

“၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး”

ပြီးခဲ့တဲ့ ဒီဇင်ဘာ ၂၉ ရက်က နေပြည်တော်မှာ ကျင်းပတဲ့ အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီ အစည်းအဝေးမှာ အနည်းဆုံး အခကြေးငွေတစ်ရက် ၄၈၀၀ အဖြစ် အဆိုပြုဖို့ ဆုံးဖြတ်ခဲ့ပါတယ်။ ဒီလိုအဆိုပြုရာမှာ အလုပ်ရှင်ကိုယ်စားလှယ်တွေနဲ့ အလုပ်သမား ကိုယ်စားလှယ်တွေက တရားဝင် ကန့်ကွက်မှုတွေရှိခဲ့ပါတယ်။ အလုပ်ရှင်တွေဘက်က ကုန်ထုတ်လုပ်မှုစရိတ်တွေ မြင့်မားနေတဲ့အတွက် ၄၀၀၀ သာပေးချင်သလို အလုပ်သမားတွေဘက်ကလည်း လူနေမှုကုန်ကျစရိတ် မြင့်တက်လာတာကြောင့် တောင်းဆိုထားတဲ့ ၅၆၀၀ ကို လိုချင်ကြပါတယ်။ အမျိုးသားကော်မတီကနေ အနည်းဆုံး အခကြေးငွေနှုန်းထားကို အဆိုပြုထားပေမဲ့ အတည်မဖြစ်သေးပါဘူး။ ရက်ပေါင်း ၆၀ အတွင်း ကျေနပ်မှုမရှိတဲ့ အလုပ်ရှင်နဲ့ အလုပ်သမားတွေက ကန့်ကွက်ပိုင်ခွင့် ရှိနေပါသေးတယ်။ ဒီလိုအခြေအနေတွေနဲ့ ပတ်သက်လို့ မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ်မှ ဒုတိယဥက္ကဋ္ဌလည်းဖြစ် အနည်းဆုံးအခကြေး ငွေသတ်မှတ်ရေးဆိုင်ရာ အမျိုးသားကော်မတီအဖွဲ့ဝင် အလုပ်သမား ကိုယ်စားလှယ်လည်းဖြစ်သူ ဦးနော်အောင်နဲ့ မေးမြန်းခဲ့တာတွေထဲက တချို့ကို ကောက်နုတ် ဖော်ပြလိုက်ရပါတယ်။

■ မေး – အမျိုးသားကော်မတီကနေ အနည်းဆုံးအခကြေးငွေ ၄၈၀၀ အဆိုပြုလိုက်တာနဲ့ ပတ်သက်လို့ ဆရာ့အမြင်လေးကို သိချင်ပါတယ်။

ဖြေ – ၄၈၀၀ က ကျွန်တော်တို့ဘက်က အားမတန်လို့ မာန်လျှော့လိုက်ရတာမျိုး ဖြစ်သွားတာပါ။ အလုပ်ရှင်တွေကလည်း ခါးခါးသီးသီး ငြင်းဆန်တယ်။ အစိုးရအနေနဲ့ကလည်း သူတို့စဉ်းစားရမယ့်ဟာတွေက အများကြီးလို့ ပြောတာကိုး။ အများကြီး သတ်မှတ်လိုက်လို့ရှိရင် ဖြစ်လာမယ့် ဆိုးကျိုးတွေကိုလည်း စဉ်းစားရမယ်လို့ ပြောလာတဲ့အပေါ်မှာ နောက်ဆုံး ကျွန်တော်တို့ အလုပ်သမားကိုယ်စားလှယ်တွေက အားမတန်မာန်လျှော့တဲ့ အနေနဲ့ ၄၈၀၀ ကို လက်ခံခဲ့ရတဲ့ သဘောမျိုးပေါ့။

■ မေး – အလုပ်သမားတွေဘက်က အနည်းဆုံး အခကြေးငွေ တောင်းဆိုတာနဲ့ ပတ်သက်လို့ များတယ်ဆိုပြီး ဝေဖန်မှုတွေရှိနေပါတယ်။ ဒီအပေါ်မှာ ဆရာ့အနေနဲ့ ဘာများပြောချင်ပါသလဲ။

ဖြေ – ကျွန်တော်တို့ အဖွဲ့ချုပ်က ၅၆၀၀ တောင်းထားတယ်ဆိုတာ လက်လွတ်စပယ်တောင်းထားတာ မဟုတ်ဘူး။ အလုပ်သမားတွေရဲ့ အခြေခံလူနေမှု ကုန်ကျစရိတ်နဲ့ တွက်ချက်ပြီးတော့မှ ကျွန်တော်တို့က တောင်းဆိုထားတာပါ။ ၄၈၀၀ သတ်မှတ်လိုက်မှုက ကျွန်တော်တို့ တောင်းဆိုထားတာနဲ့ ကွာဟမှုရှိနေတာပေါ့။ ဒီလို ကွာဟမှု ရှိနေတဲ့အတွက်ကြောင့် တကယ်လို့သာ ၄၈၀၀ ကို ကျင့်သုံးရင်တောင်မှ ကျွန်တော်တို့ တောင်းဆိုထားတာကို ပြည့်မီအောင် ဘယ်လိုပေးမလဲဆိုတာကို အလုပ်ရှင်ရော၊ အစိုးရရော စဉ်းစားထားဖို့ လိုပါတယ်။ ကျွန်တော်တို့ တောင်းဆိုထားတာပြည့်မီမှ အလုပ်သမားတွေကလည်း တည်တည်ငြိမ်ငြိမ်နဲ့ အေးအေးချမ်းချမ်းနဲ့ လုပ်ငန်းခွင်မှာ ပျော်ပျော်ရွှင်ရွှင်နဲ့ လုပ်နိုင်မှာပေါ့။ တကယ်လို့သာ ၄၈၀၀ ကို ၃၆၀၀ တုန်းကလိုပဲ ဒါကိုအနည်းဆုံး အခကြေးငွေဆိုပြီးတော့ သတ်မှတ်ပေမဲ့လည်း အများဆုံးအခကြေးငွေသဘောမျိုး လုပ်နေခဲ့ရင်တော့ ပြဿနာက ရှိတယ်။

■ မေး – မြန်မာနိုင်ငံမှာ အနည်းဆုံးအခကြေးငွေ သတ်မှတ်ထားပေမဲ့ တကယ့်လုပ်ငန်းခွင်တွေထဲမှာတော့ အများဆုံး အခကြေးငွေလိုမျိုးဖြစ်နေတဲ့ အပေါ်မှာ ဆရာတို့အနေနဲ့ ဘယ်လိုမျိုးလုပ်ဆောင်မှုတွေ ရှိပါသလဲ။

ဖြေ – အလုပ်သင်ရယ်၊ အစမ်းခန့်ဆိုပြီး ရှိတာပေါ့။ ကျွန်တော်တို့ အလုပ်သမား ကိုယ်စားလှယ်တွေ အကုန်လုံးက အတိအလင်း အမျိုးသားကော်မတီမှာ တောက်လျှောက်ဆွေးနွေးနေတာက အစမ်းခန့်ပဲဖြစ်ဖြစ်၊ အလုပ်သင်ပဲဖြစ်ဖြစ် သုံးလအချိန်ပဲ ရှိရမယ်။ သူတို့ အရင်တုန်းကကျင့်သုံးတဲ့ ခြောက်လပုံစံကြီးမရဘူးဆိုတာကို ကျွန်တော်တို့အတိအလင်း ဆွေးနွေးထားပါတယ်။ အဲဒီအပေါ်မှာလည်း အစိုးရကိုယ်စားလှယ်တွေ အနေနဲ့ သဘောတူညီမှု ရှိထားတယ်။ နောက်ဆိုရင်တော့ သုံးလဆိုတဲ့ အကန့်အသတ်ပဲ ရှိတော့မှာပါ။ ခြောက်လဆိုတဲ့ အကန့်အသတ် မရှိတော့ဘူးပေါ့။ နောက်တစ်ခုကျွန်တော်တို့ ထပ်ပြီးဆွေးနွေးနေတာက အလုပ်သင်ဆို ၇၅ ရာခိုင်နှုန်းပေါ့။ အလုပ်သင်က သူက ဘာမှမသိတာကိုး။ အစမ်းခန့်ကျတော့ သူက ကျွမ်းကျင်ပြီး ၀င်လာတဲ့အတွက် အစမ်းခန့်တာလေ။ အဲဒီဟာကို အကန့်အသတ်ထဲမှာ မပါသင့်ဘူးလို့ ဆွေးနွေးထားတယ်။

■ မေး – ဒီဇင်ဘာ ၂၉ ရက်က ကျင်းပခဲ့တဲ့ အမျိုးသားကော်မတီ အစည်းအဝေးမှာ ဆရာ့အနေနဲ့ အချက်နှစ်ချက်ကို အဆိုတင်သွင်းခဲ့တယ်လို့ သိရပါတယ်။ ဘယ်အချက်တွေကို တင်သွင်းခဲ့တယ်ဆိုတာလည်း သိချင်ပါတယ်။

ဖြေ – အမျိုးသားကော်မတီမှာ ကျွန်တော်အဆိုတင်သွင်းထားတာ အချက်နှစ်ချက် ရှိပါတယ်။ ပထမတစ်ချက်က နှစ်တိုးကြေးပါ။ လုပ်သက်ကြေးလို့လည်း ခေါ်ပါတယ်။ အဲဒါကို ကျွန်တော်က ကိန်းဂဏန်းနဲ့ပြောတာ မဟုတ်ဘဲနဲ့ ရာခိုင်နှုန်းနဲ့ပဲ ကျွန်တော်ပြောခဲ့ပါတယ်။ လုပ်ခလစာ ဘယ်လောက်ပဲရရ တစ်နှစ်ပြည့်လို့ရှိရင် တစ်နှစ်လုပ်သက်ရှိတဲ့ လူတစ်ယောက်ကို လစာရဲ့ ငါးရာခိုင်နှုန်း တိုးပေးရမယ်ဆိုပြီး ကျွန်တော်အဆို တင်သွင်းထားပါတယ်။ နောက်တစ်ချက်ကတော့ ကျွမ်းကျင်ကြေးပေါ့။ ကျွမ်းကျင်ကြေးကတော့ စက်ရုံတစ်ရုံနဲ့တစ်ရုံ မတူတဲ့အတွက် စက်ရုံအလုပ်ရှင်နဲ့ အလုပ်သမားညှိနှိုင်းပြီးတော့မှ သတ်မှတ်သင့်တယ်ပေါ့။

■ မေး – ဆရာတို့ရဲ့ မြန်မာနိုင်ငံ စက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် (MICS) ကနေ သဘောထား ထုတ်ပြန်ချက်ထဲမှာ အမျိုးသား ကော်မတီက ဆုံးဖြတ်လိုက်တဲ့ အလုပ်သမား ၁၀ ဦးနဲ့အထက် အကျုံးဝင်တယ်ဆိုတာနဲ့ ပတ်သက်လို့ ဥပဒေနဲ့မညီဘူးလို့ ဝေဖန်ထားတာ ရှိပါတယ်။ ဒါနဲ့ပတ်သက်လို့ ဘယ်လိုအကြောင်းတွေကြောင့် အမျိုးသားကော်မတီရဲ့ လုပ်ဆောင်ချက်တွေက ဥပဒေနဲ့မညီရတာလဲဆိုတာ သိချင်ပါတယ်။

ဖြေ – မနေ့က အစည်းအဝေးမှာ ဘာတစ်ခုကြုံသွားသလဲဆိုတော့ စက်မှုဝန်ကြီးဌာနက ညွှန်ချုပ်ပြောတာက အသေးစားစက်မှုလုပ်ငန်းရှင်လို့ သတ်မှတ်ထားတဲ့ သူတို့ရဲ့ ဥပဒေမှာ ၁၀ ဦးနဲ့ အထက်လို့ ပြဋ္ဌာန်းထားတယ်။ နောက်ပြီးတော့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနက အမြဲတမ်းအတွင်းဝန်က သူတို့ လယ်ယာစိုက်ပျိုးရေးမှာ အသေးစားဆိုပြီး သတ်မှတ်ထားတာက ခုနစ်ဦးတဲ့။ အဲဒါကို ကြည့်ရင် ဘာဖြစ်နေလဲဆိုတော့ ဥပဒေတစ်ခု ထုတ်တာက တခြားဥပဒေတွေနဲ့ ဆက်စပ်စဉ်းစားပြီးတော့မှ ထုတ်တဲ့ပုံစံမျိုးမဟုတ်ဘူးဆိုတာ တွေ့ရတယ်။ ဟိုဥပဒေနဲ့ ကြည်ရင် မှန်သလိုလို၊ ဒီဥပဒေနဲ့ ကြည့်ရင် မှားသလိုလိုတွေ ဖြစ်နေတယ်။ ပြည်နယ်နဲ့တိုင်းကော်မတီဥက္ကဋ္ဌတွေကလည်း SME လုပ်ငန်းတွေအတွက် စဉ်းစားပေးသင့်တယ်ဆိုတဲ့ အကြောင်းကို အကြောင်းပြပြီးတော့မှ ၁၀ ဦးနဲ့အထက်ကို အကုန်လုံးက လက်ခံကြတယ်။

■ မေး – အဆိုပြုလိုက်တဲ့ ၄၈၀၀ အပေါ်မှာ ဆရာတို့အနေနဲ့ ကန့်ကွက်သွားဖို့ ရှိလား။

ဖြေ – ကျွန်တော်ကတော့ အမျိုးသား ကော်မတီကိုယ်စားလှယ်ဖြစ်တဲ့အတွက် ကျွန်တော့်အနေနဲ့ကတော့ ကန့်ကွက်ဖို့ မရှိဘူး။ ကျွန်တော်တို့ အဖွဲ့ချုပ်အနေနဲ့ကတော့ ကန့်ကွက်သွားဖို့ရှိမယ်လို့ ထင်တာပဲ။ အဖွဲ့ချုပ်က သဘောထား ကြေညာချက်လည်း ထုတ်ပြန်ထားပြီဆိုတော့လေ။ အဖွဲ့ချုပ်အနေနဲ့တော့ ကန့်ကွက်သွားမယ်လို့ ထင်တာပဲ။

■ မေး – အလုပ်သမားတွေ တောင်းဆိုထားတဲ့ ၅၆၀၀ မရဘဲ ၄၈၀၀ သာ အတည်ဖြစ်ခဲ့ရင် အလုပ်သမားတွေဘက်က ဘာတွေတုံ့ပြန်လာနိုင်ပါသလဲ။

ဖြေ – အမျိုးသားကော်မတီမှာ ကျွန်တော်လည်း ပြောပြီးသားပါ။ အလုပ်သမားတွေက နောက်ဆုံး ၅၂၀၀ အထိတော့ လက်ခံပေးလို့ ရတယ်။ ၅၂၀၀ ထက် လျော့နည်းရင်တော့ ဖြစ်လာတဲ့အပြောင်းပေါ့။ အမျိုးသားကော်မတီက ခံရလိမ့်မယ်လို့ ကျွန်တော်ပြောထားပါတယ်။ ဘာတွေဖြစ်လာနိုင်မလဲဆိုတာထက် ဒီ ၄၈၀၀ သတ်မှတ်ထားတဲ့အပေါ်မှာ သဘာဝကျအောင် ဘယ်လိုပြန်လုပ်မလဲဆိုတာ ပိုပြီးတော့အရေးကြီးတယ်။ ဘာတွေတုံ့ပြန်ကြမလဲဆိုတာကတော့ ကျွန်တော်တို့ရဲ့ မိခင်အဖွဲ့ချုပ်ရယ်၊ CTUM အဖွဲ့ချုပ်ရယ်၊ အနည်းဆုံး အခကြေးငွေ ပူးပေါင်းဆောင်ရွက်ရေး ကော်မတီ အစရှိတဲ့ အဖွဲ့တွေရဲ့ တုံ့ပြန်မှုအပေါ်မှာ မူတည်မှာပါ။ ဒါပေမဲ့တစ်ခုရှိတာက အမျိုးသားကော်မတီအနေနဲ့ ဘာတွေလုပ်သင့်သလဲဆိုတာတော့ ၄၈၀၀ နည်းတယ်။ Living Rage နဲ့ မကိုက်ညီဘူး။ Living Rage နဲ့ ကိုက်ညီအောင် ဘယ်လိုမျိုး ကျွန်တော်တို့ ကုစားသွားမလဲဆိုတဲ့ဟာကို အမျိုးသားကော်မတီ တာဝန်ရှိသူတွေအနေနဲ့ကတော့ စဉ်းစားထားဖို့ လိုအပ်ပါတယ်။

■ မေး – အလုပ်ရှင်ဘက်က ကိုယ်စားလှယ်တွေ အမျိုးသားကော်မတီအစည်းအဝေးမှာ တရားဝင်ကန့်ကွက်တာနဲ့ ပတ်သက်လို့ ဆရာ ဘာများပြောချင်ပါသလဲ။

ဖြေ- အလုပ်ရှင်တွေဘက်ကလည်း ၄၈၀၀ ဆိုတာကို ဘ၀င်ကျပုံမရဘူး။ မနေ့တုန်းက ဒေါ်ခိုင်ခိုင်နွယ်ဆိုရင် ဒါကို အမျိုးသားကော်မတီ အစည်းအဝေးမှာ ပြတ်ပြတ်သားသား ငြင်းဆိုတာတွေ့ရတယ်။ အလုပ်ရှင်တွေ အနေနဲ့လည်း ကန့်ကွက်သွားဖို့ ရှိလိမ့်မယ်လို့ ထင်တယ်။ မနေ့က ဒေါ်ခိုင်ခိုင်နွယ် ဖြေထားတာကို ကြည့်ခြင်းအားဖြင့် ၄၈၀၀ နှုန်းထားထက် အစိုးရက သူတို့အပေါ်မှာ ဖြေလျှော့ပေးရမယ့်ဟာတွေက ပိုများနေတယ်။

■ မေး – ကော်မတီတွေ လုပ်ဆောင်နေတဲ့ အပေါ်မှာ ဆရာ့အနေနဲ့ အားရကျေနပ်မှုရှိရဲ့လား။

ဖြေ- အမျိုးသားကော်မတီပဲဖြစ်ဖြစ်၊ တိုင်းဒေသကြီးကော်မတီပဲဖြစ်ဖြစ် ပြည်ထောင်စုအစိုးရက ဘတ်ဂျက်ချပေးပြီးတော့ စဉ်ဆက်မပြတ်လုပ်ဖို့ ၂၉ ရက် အစည်းအဝေးမှာ ကျွန်တော် ပြောခဲ့တယ်။ အနားနီးကာမှ ဖုတ်ပူ မီးတိုက်လုပ်တဲ့ အလုပ်မျိုးတွေမလုပ်ဖို့ မနေ့တုန်းက အမျိုးသားကော်မတီမှာလည်း ဒါကိုပဲ ကျွန်တော် ဆက်လက်ပြီးတော့မှ အဆိုတင်ခဲ့တယ်။ ပြည်ထောင်စုဝန်ကြီးကလည်း ဒါကို အလေးအနက် စဉ်းစားပြီးတော့မှ စဉ်ဆက်မပြတ် လုပ်နိုင်အောင် ကြိုးစားသွားမယ်လို့ ပြောသွားပါတယ်။

■ မေး – ဆရာ့အနေနဲ့ မေးခဲ့တဲ့အပေါ်မှာ ဘာများဖြည့်စွက် ပြောချင်တာများ ရှိပါသေးသလဲ။

ဖြေ – အလုပ်သမားတွေ လိုချင်တဲ့ နှုန်းထားတော့ မဟုတ်ခဲ့ဘူး။ ကျွန် တော်တို့အနေနဲ့ ဒါကို ထန်ကုန်ကြိုးစားခဲ့တာပါလို့ ၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး။ ကျေးဇူးတင်ပါတယ်။

ရန်ကုန်တိုင်းဒေသကြီး သုံးခွမြို့နယ် အဇတ်ဝကျေးရွာမှ ပဲစိုက်တောင်သူ ကိုမြင့်အောင်နှင့် တွေ့ဆုံမေးမြန်းခြင်း

မြန်မာနိုင်ငံတွင် နှစ်စဉ်ပဲမျိုးစုံစိုက်ဧက ၁၁ သန်းကျော်ရှိရာ မတ်ပဲ ၂၅  ရာခိုင်နှုန်း၊ ပဲတီစိမ်း ၂၆  ရာခိုင်နှုန်း၊  ပဲစင်းငုံ ၁၅ ရာခိုင်နှုန်း၊  ကုလားပဲ ရှစ်ရာခိုင်နှုန်း  စိုက်ပျိုးလျက်ရှိသည်။ မြန်မာနိုင်ငံမှ ပဲမျိုးစုံသီးနှံအများဆုံး ၀ယ်ယူလျက်ရှိသည့် အိန္ဒိယနိုင်ငံက ၂၀၁၇ ခုနှစ် သြဂုတ်လအတွင်း ပဲစင်းငုံ၊ မတ်ပဲနှင့် ပဲတီစိမ်းသီးနှံများအား ကန့်သတ်ကုန်စည်အမျိုးအစားအဖြစ် သတ်မှတ်ကာ ပဲတင်သွင်းမှုမူဝါဒ ပြောင်းလဲလိုက်သည်။ အိန္ဒိယနိုင်ငံက ၂၀၁၇ ခုနှစ် သြဂုတ် ၅ ရက် မှ ၂၀၁၈ ခုနှစ် မတ် ၃၁ ရက်အထိ ပဲစင်းငုံတင်သွင်းမှုကို တစ်နှစ်လျှင် တန်ချိန်နှစ်သိန်း၊၂၀၁၇ ခုနှစ် သြဂုတ်၂၁  ရက်မှ ၂၀၁၈ ခုနှစ် မတ် ၃၁ ရက်အထိ မတ်ပဲနှင့် ပဲတီစိမ်းတင်သွင်းမှုကို တစ်နှစ်လျှင် တန်ချိန်သုံးသိန်သတ်မှတ်ခဲ့ခြင်းကြောင့် မြန်မာ့ဈေးကွက်အတွင်း ပဲဈေးနှုန်းများ ထိုးဆင်းခဲ့သည်။ လတ်တလောတွင် ဈေးကွက်ပျောက်နေသော ပဲများအစား အခြားဈေးကွက်ဝင်သီးနှံများ ပြောင်းလဲစိုက်ပျိုးရန် အသိပေးလျက်ရှိသော်လည်း ပဲစိုက်တောင်သူအများစု မတ်ပဲ၊ ပဲတီစိမ်းတို့ကိုသာ ဆက်လက်စိုက်ပျိုးနေဆဲ ဖြစ်သည်။ ရန်ကုန်တိုင်းဒေသကြီး၊ သုံးခွမြို့နယ်အတွင်းမှ ပဲစိုက်တောင်သူများနှင့်တွေ့ဆုံခိုက် ပဲစိုက်ဧက လျော့နည်းသွားခြင်းမရှိဘဲ ယခင်နှစ်များအတိုင်း စိုက်ပျိုးထားမှုအခြေအနေများကို မေးမြန်းထားသည်ကို ပြန်လည်ဖော်ပြလိုက်ပါသည်။

‘ကျွန်တော်တို့ တွက်ခြေကိုက်တဲ့ဈေးတော့ ရမယ်မထင်ဘူး။ ဒါပေမဲ့ စိုက်ထားတဲ့ အရင်းကျေမယ့်ဈေးတော့ ရမယ်မျှော်လင့်ပါတယ်။ အရင်းရတယ်ဆိုရင်ပဲ ဒီလယ်ကို ပစ်မထားနိုင်ဘူး။ မစိုက်ဘဲထားလို့မရဘူး’

 

■ မေး ။ သုံးခွမြို့နယ်ထဲမှာ ပဲတီစိမ်းစိုက်ပျိုးတဲ့ အခြေအနေက စပြီးပြောပြပေးပါ။

■ ဖြေ ။  ကျွန်တော်တို့ရွာမှာ ပဲတီစိမ်းကို အဓိကစိုက်ပျိုးပါတယ်။ ကျွန်တော်တို့ တစ်နယ်လုံး ပဲတီစိမ်းကိုပဲ အားထားစိုက်တယ်၊  ခါတိုင်းနှစ်တွေစိုက်ဧကအတိုင်း ဒီနှစ်လည်း စိုက်ကြပါတယ်။

■ မေး ။ ပဲအထွက်နှုန်းကရော။

■ ဖြေ ။ ပြီးခဲ့တဲ့နှစ်တွေမှာ အထွက်နှုန်းတွေက နဲနဲပါတယ်။ ဘာကြောင့်လဲဆိုတော့ ရိတ်စက်တွေနဲ့ရိတ်တော့ ပဲအထွက်နှုန်းတော့ နည်းနည်းလျော့သွားတယ်။ စက်တွေသုံးပြီး ရိတ်တဲ့အခါ  ပဲအထွက်နှုန်း နည်းနည်းလျော့တယ်။

လက်ရှိ ကျွန်တော်လုပ်ကိုင်နေတာက ၁၂ ဧကခွဲရှိပေမယ့် ကျွန်တော်တို့အဇတ်ဝ ကျေးရွာမှာတင် တောင်သူက ၁၉၈ ဦး၊ စိုက်  ၁၅၉၁ ဧကရှိတယ်။ ဒါက စပါးစိုက်တာ၊ စပါးစိုက်သမျှတွေမှာ ပဲအကုန်စိုက်ပါတယ်။ ကျန်တောင်နည်းနည်းပါးပါးပဲ။ ဆိုတော့ ဧက ၁၅၀၀ လောက်စိုက်တယ်။ တချို့တောင်သူတွေဆို  တစ်ဦးထဲ ဧက ၅၀၊ ၅၀ အထက်လုပ်ကိုင်နေတဲ့ တောင်သူတွေလည်း ရှိပါတယ်။

ပဲအထွက်နှုန်းက ရိတ်စက်နဲ့ရိတ်တဲ့အခါ နဲနဲဆုတ်လာတယ်။ ပထမနှစ်မှာ တစ်ဧကကို ၂၀ လောက် သီးရင် နောက်နှစ်မှာ ၁၇ တင်း၊ ၁၈ တင်းပေါ့။ ၁၇၊ ၁၈ တင်းလောက် ကနေ ၁၆ တင်းလောက်ပဲ ထွက်တယ်။ ဒီနှစ် အတိုင်းအတာမှာ ဘယ်လောက်လျော့ဦးမလဲ မသိသေးဘူး။ ဒါက ရိတ်စက်တွေကြောင့် အလေအလွင့်တွေကနေ ဖြစ်တယ်။ စပါးရိတ် လိုက်တဲ့အခါ ရိတ်စက်ရဲ့ ဘီးရာတွေကြောင့် ပဲပင်ကပေါက်တော့ ပေါက်တယ်၊ အသီးမသီးနိုင်တော့ဘူး။ အပင်ကတော့ ဒီလောက်ကြီး မဆိုးလှပါဘူး။ ရိတ်စက်နဲ့ရိတ်တာက စပါးမှည့်တယ်ဆိုရင် အခုက ပွဲစားကလည်း စပါးဝယ်တာမှာ စိမ်းစိမ်းစိုစို ၀ယ်တာပဲ။ ၀ယ်တဲ့ အခါ မိုးရေထဲမှာ ရိတ်တဲ့အခါ ဘီးရာက အများကြီးထင်ကျန်တာပေါ့။ ထင်သွားတဲ့အခါ သိပ်သည်းမှုက ပိုများပြီး ပဲစိုက်တဲ့အခါ ပဲပင်က ပိုဆိုးသွားတာပေါ့။

■ မေး ။ ပဲတစ်ဧကစိုက်ရင် ကုန်ကျစရိတ်က အကြမ်းဖျင်းဘယ်လောက်ရှိမလဲ။

■ ဖြေ ။  ပဲတစ်တင်းရဲ့ မျိုးစေ့ဖိုးက ငါးသောင်းပဲထားလိုက်တော့၊ ထွန်စက်ခက လေးသောင်းကျတယ်၊  ဆေးဖိုးက အနည်းဆုံး ငါးသောင်းလောက်ကုန်တယ်။ ဒါတောင် အလုပ်သမား ဆေးဖျန်းခ မပါသေးဘူး။ အလုပ်သမားခက နေ့ပြတ်နဲ့ ပေးရတာ။ ဆေးက ရှစ်ကြိမ်လောက် ဖျန်းရတယ်၊ အခုကျွန်တော်တို့ လယ်တွေ တစ်ရက်တစ်မွန်းတည့်ဖျန်းရတယ်။ နောက်ပိုင်းတွေကျတော့  အပင်နည်းနည်းကြီးလာရင် နှစ်ရက်ကနေ နှစ်ရက်ခွဲ၊ နှစ်ရက်ခွဲကနေ သုံးရက်ပေါ့။ အဲဒီလောက်အထိ ကူးရတယ်။ ဆိုတော့ ဖျန်းရတဲ့အကြိမ်က ရှစ်ကြိမ်လောက် ဖျန်းရတယ်။ ဆိုတော့ ရက် ၂၀ လောက်ရှိတယ်။ အလုပ်သမားခက တစ်နေ့ကို ၇၀၀၀ ကျပ်၊ ရက် ၂၀ ဆိုတော့  ၁၄၀၀၀၀ လောက်ကုန်တယ်။ ဆိုတော့ ဆေးဖျန်းခချည်းပဲ နှစ်သိန်းခွဲလောက်ကျတယ်။ ဒါက ကျွန်တော့် ၁၂ ဧကခွဲမှာ တစ်ရာသီစာမှာ ကုန်ကျစရိတ်ကို ပြောတာ။

■ မေး ။ လက်ရှိ ပဲဈေးအခြေအနေက ဘယ်လိုရှိလဲ။ အမြင့်ဆုံးဈေးကောင်း ရခဲ့တဲ့နှစ်က ဘယ်တုန်းကဖြစ်မလဲ။

■ ဖြေ ။  ၂၀၁၅ လောက်က ဈေးကောင်းရခဲ့တယ်။ ၆၅၀၀၀ ကျပ်ဈေးနဲ့ ရောင်းခဲ့ရတယ်။ လက်ရှိပဲဈေး အခြေအနေကတော့ ဘာသံမှ မကြားသေးပါဘူး။

■ မေး ။ မြန်မာနိုင်ငံကပဲကို အိန္ဒိယကို အဓိက တင်ပို့ခဲ့တာပါ။ အိန္ဒိယဘက်က မတ်ပဲ၊ ပဲတီစိမ်း၊ ပဲစင်းငုံတွေကို သူတို့ဆီကို တင်သွင်းခွင့် ကန့်သတ်ထားတယ်။ ဆိုတော့ ဒီနှစ် ပဲဈေးကတောင် သူတွက်ခြေကိုက်တဲ့ ဈေးနှုန်းဖြစ်ပါ့မလား။ တစ်ဖက်ကလည်း ပဲဈေးကောင်းလာမလားမကောင်း ဘူးဆိုတဲ့အခြေအနေမှာ အရင်နှစ်တွေအတိုင်း အပြည့်အ၀ စိုက်ထားတယ်ဆိုတဲ့ အခြေအနေကိုလည်း ပြောပြပေးပါ။

■ ဖြေ ။  ဈေးအနေနဲ့ဆိုရင်တော့ ခုနက  ကျွန်တော်ပြောသလို တစ်တင်းကို လေးသောင်းလောက်ရမှ အဆင်ပြေရုံပဲ ရှိသေးတယ်။ အမြတ်အစွန်းမပါသေးဘူး။ လေးသောင်းထက် ဈေးနည်းနည်း အေးသွားတာမျိုး ရှိခဲ့ဖူးတယ်။

အခုချိန်မှာ Export အခြေအနေက ဘာမှန်းမသိနိုင်သေးဘူး။ ပြည်ပကိုသွားမှလည်း ကျွန်တော်တို့ ပဲဈေးကကောင်းမှာပေါ့နော်။ ကျွန်တော် သတင်းတွေထဲမှာ ဖတ်ရသိရပါတယ်။ တကယ်လို့ နိုင်ငံခြားက မ၀ယ်ဘူးဆိုရင် မြန်မာနိုင်ငံက ၀ယ်ပေးပါ့မယ်တဲ့။ အစိုးရအနေနဲ့ ၀ယ်ပေးမယ်လို့ သိရပါတယ်။

ပြောရရင် ကျွန်တော်တို့ တွက်ခြေကိုက်တဲ့ဈေးတော့ ရမယ်မထင်ဘူး။ ဒါပေမဲ့ စိုက်ထားတဲ့အရင်းကျေမယ့် ဈေးတော့ရမယ် မျှော်လင့်ပါတယ်။ အရင်းရတယ်ဆိုရင်ပဲ ဒီလယ်ကို ပစ်မထားနိုင်ဘူး။ မစိုက်ဘဲထား လို့မရဘူး။ ဒီအတိုင်းပစ်ထားရင် နောက်နှစ်ကျလယ်က အရိုင်းဖြစ်သွားမယ်၊ အဲဒါကြောင့်မို့ ကျွန်တော်တို့ ပဲတီစိမ်းကို ဆက်စိုက်ထားပါတယ်။ ဈေးကောင်းကိုအရမ်း မမျှော်လင့်ပေမဲ့ ကိုယ်လယ်တွေ အရိုင်းဖြစ်သွားမှာစိုးလို့  ပဲတီစိမ်းကို ဆက်ပြီး စိုက်ထားရတာပါ။

■ မေး ။ ပဲဈေးကွက်အလားအလာက ဘာမှန်းမသိသေးတော့ အဓိကပဲစိုက်ဒေသတွေမှာ ပဲအစား အခြားဈေးကွက်ဝင် သီးနှံတွေအစားထိုး  စိုက်ပျိုးကြပါဆိုတာမျိုးတွေ  ပြောလာကြတယ်။

■ ဖြေ ။  ကျွန်တော်တို့ဆီမှာတော့ ဘာမှလာပြီး မပြောကြပါဘူး။ တီဗွီမှာလွှင့်တာတော့ ကြားရပါတယ်။ ဒါပေမဲ့ ကျွန်တော်တို့ဆီကို ကွင်းဆင်းပြီးပြောတာမျိုးတော့ မတွေ့မိပါဘူး။ ကျွန်တော်တို့ ၀န်းကျင်မှာတော့ ကိုယ်စိုက်နေကျ ပဲတွေပဲ ဆက်လက်စိုက်ပျိုးနေကြပါတယ်။ ကျွန်တော်တို့ဒေသက ပဲအဓိကထွက်တဲ့ နေရာထဲမှာ ပါပါတယ်။ ရန်ကုန်တိုင်းအနေနဲ့ပြောရင် သုံးခွမြို့နယ်က ပဲလည်းအထွက်ဆုံး၊ ပဲအရည်အသွေးလည်း အကောင်းဆုံးလို့ သိရပါတယ်။

■ မေး ။ ပဲကို ပြည်ပတင်ပို့တဲ့အခါ ကုန်ကြမ်းအတိုင်း တင်ပို့တာပေါ့နော်။ တချို့ပဲတွေမှာ ဆေးတွေအရမ်းသုံးထားလို့ ဓာတုဓာတ်ကြွင်းတွေ တွေ့ရှိတယ်ဆိုပြီး တကယ့်ဈေးကောင်းရတဲ့ အီးယူ၊ ဂျပန်ဈေးကွက်တွေ ပို့တဲ့အခါမှာ ပြဿနာရှိတာတွေ ကြားရပါတယ်။ ဒီပြဿနာကို ဘယ်လိုဖြေရှင်းသင့်တယ်လို့ မြင်ပါသလဲ။

■ ဖြေ ။ အမှန်က ဆေးသုံးတယ်ဆိုတာ  ကုန်သည်ကြီးတွေ သူတို့ဂိုဒေါင်တွေမှာ ပဲသိုလှောင်ဖို့ ဆေးဖျန်းတယ်။ ပဲအပင်တွေကို ဖျန်းတဲ့ဆေးက ပဲမခူးခင် အပင်မှာတင် အာနိသင်ကုန်သွားတယ်။ အဆီဖိတ်ပိုးသတ် ဆေးဆိုရင် သူ့သက်တမ်းဆေးရဲ့ အာနိသင်က ၂၂ရက်ကြာတယ်။ ပဲခူးခါနီး ၁၅ ရက်ပဲ ကျန်တော့တယ်ဆိုရင် အဆီပိတ်ဆေးကို မဖျန်းပါနဲ့တော့ဆိုပြီး ပြောတာတွေရှိတယ်။ စောစောက ကျွန်တော်ပြောပြခဲ့တဲ့ ပဲဖျန်းတာက ရှစ်ကြိမ်ရှိတယ်ဆိုတာမှာ အပင်လေးတွေ စထွက်လာပြီး ၁၅ ရက်သားမှာ ပိုးသတ်ဆေးစဖျန်းတယ်။ ငါးရက်အကြာ ခြောက်ရက်အကြာမှာ တစ်ခါထပ်ဖျန်းတယ်။ သူ့ရက်နဲ့သူပေါ့။ နောက်ရက်တွေမှာ တချို့လယ်သမားက အားဆေးမထည့်ဘူး၊ မြေဆီနဲ့ပိုးသတ်ဆေးရော ဖြန်းတယ်။ တချို့လယ်သမားက အားဆေးနဲ့ ပိုးသတ်ဆေးရောဖြန်းတယ်။ ပထမအသုတ်တွေမှာ မှိုဆေးတွေ ထည့်ဖျန်းတယ်။ မှိုစွဲရင် အသီးအားနည်းလို့ မှိုဆေးထည့်ဖျန်းတာ။ နောက်ဆုံးအကြိမ်က နောက် ၁၅ ရက်ကြာရင် ပဲခူးတော့မယ်ဆိုရင် ဆေးကိုဖြတ်လိုက်ပြီ။ ဘာဆေးမှထပ် မဖျန်းတော့ဘူး။ အမှန်တကယ်က လယ်သမားဆီက ဆေးက ပါခဲပါတယ်။ ကုန်သည်တွေက သိုလှောင်ရုံမှာ ဆေးပြားတွေထည့်တယ်၊ ဆေးတွေဖျန်းထားတယ်။ သိုလှောင်ထားတဲ့ပဲကို ဆေးမထည့်ထားရင်လည်း ပိုးကိုက် သွားမှာလေ၊ အဲဒါကြောင့် ဆေးထည့်ထားရတာပေါ့။ တောင်သူတွေကြောင့် တစ်ခုတည်းနဲ့တော့ ဒီဓာတုဓာတ်ကြွင်းပြဿနာရှိတာ မဟုတ်ပါဘူး။ သိုလှောင်ရုံတွေမှာ ဆေးဖြန်းတဲ့ကိစ္စတွေလည်း ရှိပါတယ်။

■ မေး ။ ပဲလုပ်ငန်းခွင်မှာ တခြားကြုံတွေ့နေရတဲ့ အခက်အခဲက ဘာတွေရှိဦးမလဲ။

■ ဖြေ ။ အဲဒါက အလုပ်သမားပြဿနာပဲ။ လုပ်သားရှားတယ်။ ငှားချင်တိုင်းငှားမရဘူး။ မိန်းကလေးဆိုရင်လည်း အထည်ချုပ်ကို သွားတယ်။ ယောက်ျားလေးတွေက ထိုင်းကိုသွားတယ်။ ပြည်ပထွက်ပြီး အလုပ်လုပ်နေကြတယ်။ ဒီလိုဖြစ်နေတာ နှစ်နှစ်ကျော်ပြီ၊ အလုပ်သမားရှားတော့ အလုပ်သမားတစ် ယောက်ကိုတစ်နေ့ ထမင်းသုံးနပ်ကျွေးပြီး တစ်နေ့ကို ၇၀၀၀ ကျပ်ပေးတာကိုတောင် ငှားချင်တိုင်းငှားမရဘူး။

■ မေး ။ ထပ်မံဖြည့်စွက်ပြောချင်တာများရှိရင် ပြောပြပေးပါ။

■ ဖြေ ။ ကျွန်တော်တို့ကတော့ ပဲဈေးကောင်းချင်တယ်။ ကျွန်တော်တို့က စပါးထက်ပဲကို ပိုပြီးအားထားစိုက်တယ်။ ပဲကဈေးကွက်တစ်ခုတည်း အားကိုးပြီးပို့နေရတာဆိုတော့ အဲဒီဈေးကွက်ကလည်း မ၀ယ်ရော  အကုန်တိုင်ပတ်ကုန်ရော။ ဈေးကောင်းရမယ့်နိုင်ငံတွေ ကိုပို့ဖို့၊ ပဲဈေးကွက်ပြန်ကောင်းလာဖို့ ကျွန်တော်တို့ ပဲတောင်သူတွေကို လို အပ်တဲ့နည်းပညာတွေ မျိုးကောင်းမျိုးသန့်တွေ ပံ့ပိုးပေးစေချင်ပါတယ်။ ဘာလို့လဲဆိုရင် အခုကျွန်တော်တို့သုံးနေတာက ကိုယ့်မျိုးနဲ့ကိုယ် ပြန်စိုက်နေတာဖြစ်ပါတယ်။ စောစောကပြောတဲ့ ဓာတုဓာတ်ကြွင်းပြဿနာကလည်း ကျွန်တော်တို့ ပဲစိုက်တောင်သူကနေ ကုန်သည်အဆုံး အားလုံးဝိုင်းလုပ်ရမယ့်ကိစ္စ ဖြစ်တယ်ဆိုတာကို ပြောချင်ပါတယ်။

အခုလိုဖြေကြားပေးတာ ကျေးဇူးတင်ပါတယ်။

ရွှေသမီးနှင့် တွေ့ဆုံခြင်း

အနုပညာလောကထဲကို စတင်ဝင်ရောက်ခဲ့စဉ်တည်းက ခြေလှမ်းမှန်မှန်နဲ့ လျှောက်လှမ်းလာခဲ့သူက ရွှေသမီးပါ။ မန္တလေးမြို့သူလေးဖြစ်တဲ့ ရွှေသမီးက အနုပညာအလုပ်တွေလုပ်ကိုင်ရင်း အနုပညာပျိုးခင်းရဲ့ ပန်းတစ်ပွင့်လည်း ဖြစ်လာခဲ့ပြီး ကျရာဇာတ်ရုပ်ကို ပီပီပြင်ပြင်သရုပ်ဆောင်နိုင်တဲ့ ချစ်စရာမင်းသမီးတစ်လက်အဖြစ် ပရိသတ်တွေရဲ့ ချစ်ခင်အားပေးမှုနဲ့ နေရာတစ်ခုကို ပိုင်ဆိုင်ရရှိထားသူပါ။ ဇန်န၀ါရီ ၅ ရက်မှာ ရုံတင်ပြသတော့မယ့် ‘ဂယ်ဘဲသရဲနှင့် သူငယ်ရွာ’ ရုပ်ရှင်ဇာတ်ကားမှာတော့ ရွှေသမီးကို ပရိသတ်တွေအနေနဲ့ မတွေ့ဖူးသေးတဲ့ ဇာတ်ကောင်စရိုက်မျိုးနဲ့ တွေ့ရမှာဖြစ်သလို ဇန်န၀ါရီလထဲမှာပဲ သူပါဝင်သရုပ်ဆောင်ထားတဲ့ ‘သုံးရောင်ခြယ်’  ဇာတ်ကားလည်း ရုံတင်တော့မှာဖြစ်လို့ ရွှေသမီးနဲ့ တွေ့ဆုံခိုက် သူ့ရဲ့အနုပညာခြေလှမ်းတွေအကြောင်း မေးမြန်းဖြစ်ခဲ့ပါတယ် . . .

 

■ မေး- လက်ရှိအနုပညာ လှုပ်ရှားမှုလေးတွေကို ပြောပြပေးပါဦး။

■ ဖြေ- ဒါရိုက်တာ ကိုပြည်ဟိန်းသီဟနဲ့ မြ၀တီဘက်ကိုသွားပြီး ရန်ကုန် ‘တူ’ ထိုင်းလင်း ဇာတ်ကားကြီးကို ရိုက်ကူးခဲ့ပါတယ်။ နောက်ထပ်ဆက်ရိုက်မယ့် ကားတွေလည်း ရှိပါတယ်။ နောက်ပြီး နှစ်သစ်မှာပဲ ညီမပါဝင်ထားတဲ့ ဇာတ်ကားတွေဖြစ်တဲ့ ‘ဂယ်ဘဲသရဲ နှင့် သူငယ်ရွာ’ နဲ့ ‘သုံးရောင်ခြယ်’ ဇာတ်ကားတွေ ရုံတင်ဖို့ရှိပါတယ်။ အဲဒီဇာတ်ကားနှစ်ကားကို ဇန်န၀ါရီလ ဆန်းပိုင်းမှာ ပရိသတ်တွေကြည့်ရမှာပါ။

 

■ မေး- ဂယ်ဘဲသူရဲနှင့် သူငယ်ရွာ ဇာတ်ကားရိုက်ကူးတုန်းက တွေ့ကြုံရတာလေးတွေကိုလည်း ပြောပြပေးပါဦး။

■ ဖြေ-  ဒီဇာတ်ကားမှာ ၀ါရင့်အနုပညာရှင်တွေအများကြီးနဲ့ တွဲဖက်သရုပ်ဆောင်ရတယ်။ အမှတ်တရတွေကတော့ အများကြီးပါပဲ။ ပျော်စရာလည်း ကောင်းခဲ့ပါတယ်။ အဖွဲ့သားတွေ အားလုံးကလည်း စည်းစည်းလုံးလုံးနဲ့ အကောင်းဆုံးဖြစ်အောင် ကြိုးစားခဲ့ကြတာပါ။ သရဲဝင်ပူးပြီး ကောင်လေးတွေကို ပရောပရီလုပ်ရတဲ့ အခန်းတချို့ကတော့ ခဏခဏ ပြန်ရိုက်ရတာမျိုးတွေရှိတယ်။ ယောကျာ်းလေးတွေကို ပွတ်သီးပွတ်သပ်လုပ်ပြီး မြှူဆွယ်ရတဲ့ ဇာတ်ဝင်ခန်းတွေမှာ ကိုယ်ကနည်းနည်းလည်း ရှက်နေကြောက်နေခဲ့တော့  အဲဒီလိုဇာတ်ဝင်ခန်းတွေက ကိုယ့်အတွက် အခက်အခဲရှိခဲ့တယ်။ ဒါပေမဲ့ ညီမအနေနဲ့ ဇာတ်ကောင်စရိုက် ပီပြင်စေဖို့ သေချာကြိုးစားထားပါတယ်။

 

■ မေး- ဂယ်ဘဲသရဲနှင့် သူငယ်ရွာ ဇာတ်ကားနဲ့ပတ်သက်ပြီး ပရိသတ်တွေကို ပြောချင်တာရှိရင်။

■ ဖြေ- ဒီဇာတ်ကားမှာ ညီမရဲ့ ဇာတ်ကောင်စရိုက်က မတူတဲ့ကာရိုက်တာ နှစ်မျိုးကို အရမ်းကွဲလွဲတဲ့ စရိုက်နှစ်မျိုးကို မတူအောင်သရုပ်ဆောင်ထားတယ်။ အဲဒီထဲက တစ်မျိုးကလည်း ရှေ့က သရုပ်ဆောင်ထားတဲ့ ဦးခင်လှိုင်ရဲ့ ကာရိုက်တာကိုမိအောင် ကြိုးစားထားရတာဆိုတော့ ပရိသတ်တွေအတွက် ညီမကို အမြင်သစ်တစ်မျိုးနဲ့တွေ့ရမယ့် ဇာတ်ကားဖြစ်မှာပါ။ ပြီးတော့ ဒီဇာတ်ကားလေးက ပရိသတ်တွေအတွက် ဘ၀အမောတွေကို တစ်ခဏတာပြေပျောက်ပြီး ပျော်ရွှင်စေမယ့် ဇာတ်ကားလေးတစ်ကားဖြစ်လို့ လာကြည့်ဖို့ ဖိတ်ခေါ်ပါတယ်။

 

■ မေး- ဒီနေ့ပရိသတ်တွေ ချစ်ခင်အားပေးတဲ့ ရွှေသမီးဖြစ်ဖို့ ကြိုးစားဖြတ်သန်းခဲ့ရတာလေးတွေကိုလည်း ပြောပြပေးပါဦး။

■ ဖြေ- ညီမက ဆာတိုရီထုတ်လုပ်ရေးနဲ့ ချိတ်ဆက်မိပြီး အနုပညာလောကထဲကို ရောက်လာခဲ့တာပါ။ အနုပညာအလုပ်တွေကို တကယ်ထိထိရောက်ရောက် လုပ်ဖြစ်တာကတော့ ၂၀၁၅ ခုနှစ်လောက်ကမှလို့ ပြောလို့ရပါတယ်။ အနုပညာအလုပ်တွေ လုပ်နေတဲ့အချိန်မှာ ကိုယ်တိုင်ကလည်း အရမ်းစိတ်လေခဲ့တဲ့အချိန်တွေ၊ အရမ်းကို စိတ်ဓာတ်ကျတဲ့အချိန်တွေလည်း အများကြီးရှိခဲ့ပါတယ်။ ဝေဖန်မှုတွေရော ကြုံရတဲ့အခက်အခဲတွေရော အများကြီးပါပဲ။ ဒါပေမယ့် ကိုယ့်အတွက်က အရမ်းကံကောင်းတယ်လို့ ပြောလို့ရတယ်။ အနုပညာပျိုးခင်းက ဆရာတွေရှိတယ်။ ဆာတိုရီက ဆရာတွေရှိတယ်။ အဲဒီအတွက် ကိုယ့်ကိုလက်တွဲခေါ်မယ့်သူတွေ အကြံပေးတဲ့သူတွေလည်းရှိခဲ့တာပေါ့။ နောက်ပြီး ကိုယ့်ကိုအားပေးနေတဲ့ ပရိသတ်တွေကြောင့်လည်း စိတ်အားတက်ခဲ့ရတာတွေ ရှိတဲ့အတွက် ညီမရဲ့ ပရိသတ်တွေကိုလည်း ကျေးဇူးအများကြီးတင်ပါတယ်။

 

■ မေး- ‘သုံးရောင်ခြယ်’ ဇာတ်ကားမှာပါဝင်ထားတဲ့ ဇာတ်ကောင်စရိုက်နဲ့ အဲဒီဇာတ်ကားမှာ ကြိုးစားထားမှုတွေကို ပြောပြပေးပါဦး။

■ ဖြေ- သုံးရောင်ခြယ်ဇာတ်ကားမှာ ညီမက ထိုင်းနယ်စပ်ကိုလူကုန်ကူးခံရပြီးတော့ ရောင်းစားခဲ့ရတာကနေ ပြည့်တန်ဆာဖြစ်သွားတဲ့ ကောင်မလေးအဖြစ် သရုပ်ဆောင်ထားရတာပါ။ အဲဒီဇာတ်လမ်းလေးက ပရိသတ်တွေအတွက် ဇာတ်လမ်းအဆန်းလေး ဖြစ်နေမှာပါ။ ညီမအတွက် သရုပ်ဆောင်မှုပိုင်းမှာ အခက်အခဲတွေရှိတဲ့ ဇာတ်ကောင်စရိုက်ဖြစ်ပေမယ့် သေချာကြိုးစားထားပါတယ်။

 

■ မေး – မကြာခင်ပရိသတ်တွေ ကြည့်ရတော့မယ့် ‘ဂယ်ဘဲ သရဲနှင့် သူငယ်ရွာ’ နဲ့ ‘သုံးရောင်ခြယ်’ ဇာတ်ကားတွေက ရွှေသမီးအတွက် စိန်ခေါ်မှုရှိတဲ့ ဇာတ်ကားတွေ ဖြစ်ခဲ့လား။

■ ဖြေ-  ဟာသပဲဖြစ်ဖြစ် ဒရမ်မာပဲဖြစ်ဖြစ် ညီမအတွက်ကတော့ ဇာတ်ကောင် စရိုက်တိုင်းက စိန်ခေါ်မှုရှိတာတွေချည်းပါပဲ။ ပရိသတ်တွေကို ရယ်အောင်လုပ်ဖို့က ခက်သလိုပဲ ငိုအောင်လုပ်ဖို့ကလည်း ခက်တယ်လေ။

 

■ မေး-  ၂၀၁၈ နှစ်သစ်မှာ ဆက်တိုက်ရုံတင်မယ့် ‘ဂယ်ဘဲသရဲနှင့် သူငယ်ရွာ’ နဲ့ ‘သုံးရောင်ခြယ်’ ဇာတ်ကား နှစ်ကားမှာပါဝင်တဲ့ ကိုယ့်ရဲ့ဇာတ်ကောင်စရိုက်အတွက် စိုးရိမ်မိတာမျိုးရှိလား။

■ ဖြေ-  အဲဒီဇာတ်ကားနှစ်ကားလုံးက ညီမအတွက် အပြောင်းအလဲအရမ်းရှိတဲ့ ဇာတ်ကောင်စရိုက်တွေဖြစ်လို ပထမဆုံးစရိုက်ဖူးတဲ့ ဇာတ်ကောင်စရိုက်တွေပါ။ စရိုက်ခဲ့တုန်းကတော့ စိုးရိမ်မှုတွေရှိခဲ့တယ်။ ရိုက်တဲ့အချိန်မှာလည်း အခက်အခဲတွေ အများကြီးရှိခဲ့ပေမယ့် သေချာကြိုးစားပြီး ရိုက်ကူးခဲ့တာဆိုတော့ ရုံတင်တော့မယ်ဆိုတဲ့ အခါမှာ အရမ်းကြီးစိုးရိမ်တာမျိုးမရှိတော့ဘူး။ ဒါပေမယ့် အဲဒီဇာတ်ကားတွေကြည့်ပြီးတဲ့အချိန်မှာ ပရိသတ်တွေက ကိုယ့်ကိုဘယ်လို တုံ့ပြန်မလဲ ဆိုတဲ့အပေါ်မှာတော့ အရမ်းကို ရင်ခုန်ပါတယ်။

 

■ မေး- ပရိသတ်တွေအတွက် စကားလက်ဆောင်လေး ပြောပေးပါဦး။

■ ဖြေ- နှစ်သစ်လည်း ကူးတော့မယ်ဆိုတော့ ပရိသတ်တွေအားလုံး ကျန်းမာချမ်းသာကြပါစေ။ နှစ်ဟောင်းက ဆိုးခဲ့မှားခဲ့တာတွေကို ချန်ထားခဲ့ပြီး ရှေ့ကိုပဲကြည့်ပြီး လက်ရှိအချိန်ကို အကောင်းဆုံး ဖြတ်သန်းနိုင်ပါစေ။ မှားခဲ့တဲ့ အမှားတွေကနေ သင်ခန်းစာ ယူနိုင်ကြပါစေ။

မိုးဟေကိုနှင့် တွေ့ဆုံခြင်း

အနုပညာလောကမှာ ပရိသတ် ချစ်ခင်အားပေးမှုနဲ့အတူ အောင်မြင်တဲ့ အနုပညာရှင်တစ်ယောက်အဖြစ် ရပ်တည်လာနိုင်ခဲ့သူတွေထဲမှာ မိုးဟေကိုလည်း တစ်ဦးအပါအ၀င်ပါပဲ။  သူရဲ့ အနုပညာ လှုပ်ရှားမှုတွေနည်းသွားခဲ့တဲ့ နှစ်ကာလတွေ အနည်းငယ်ကြာသွားပေမယ့် အနုပညာ အလုပ်တွေကိုတော့အဆက်ပြတ်မသွားအောင် လုပ်ကိုင်ခဲ့သူ မိုးဟေကိုအနေနဲ့ အနုပညာနဲ့ပတ်သက်တဲ့ စီးပွားရေးလုပ်ငန်းတစ်ခုအဖြစ် မိုး ရုပ်ရှင်ထုတ်လုပ်ရေးကိုတည်ထောင်ပြီး ဇာတ်ကားတွေ ရိုက်ကူးနေခဲ့ပါတယ်။ သူရဲ့ထုတ်လုပ်ရေးမှ ရုံတင်ပြသခဲ့ပြီးဖြစ်တဲ့ ‘ခိုးဆိုးလုနှိုက်’ ဇာတ်ကားက ပရိသတ်တွေရဲ့ အားပေးမှုအများကြီး ရရှိခဲ့သလို လက်ရှိမှာလည်း ဒီဇင်ဘာ ၂၂ ရက်ကစလို့ နိုင်ငံတစ်ဝန်းက ရုပ်ရှင်ရုံတွေမှာ ‘ခိုးဆိုးလုနှိုက်’ ဇာတ်ကားရဲ့ ဒုတိယဇာတ်ကားအဖြစ်ရိုက်ကူး တင်ဆက်လိုက်တဲ့ ‘ တောကျီးကန်း’ ဇာတ်ကားရုံတင်နေပြီး အဲဒီဇာတ်ကားမှာတော့ မိုးဟေကိုကိုယ်တိုင် ပါဝင်သရုပ်ဆောင်ထားတာဖြစ်လို့ သူ့ရဲ့အနုပညာကြိုးစားမှုတွေနဲ့ အနုပညာခြေလှမ်းတွေအကြောင်း မေးမြန်းဖြစ်ခဲ့ပါတယ်။

 

မေး – မိုး ရုပ်ရှင်ထုတ်လုပ်ရေးအနေနဲ့ ခိုးဆိုးလုနှိုက် ဇာတ်ကားရဲ့အဆက်အဖြစ် တောကျီး ကန်းဇာတ်ကားကို ဆက်ပြီးရိုက်ကူးဖြစ်ခဲ့တဲ့အကြောင်းလေးကို အရင်သိပါရစေ။

ဖြေ –  မိုးအနေနဲ့ ‘ ခိုးဆိုးလုနှိုက်’ ဇာတ်ကားရိုက်ကူးနေတဲ့အချိန်ကတည်းက ကိုစတီးလ်ကို ဇာတ်လမ်းအရ ချိတ်ဆက်လို့ရတဲ့ ဇာတ်ကားပဲဖြစ်ဖြစ် နောက်ထပ်ဇာတ်လမ်းလေး စဉ်းစားထားပေးဖို့ တောင်းဆိုခဲ့တာပါ။ နိုင်ငံခြားဇာတ်ကားတွေမှာ အဲဒီလိုပုံစံလေးတွေရိုက်ကြတာကို သဘောကျလို့ စီစဉ်ဖြစ်တာပါ။ ပထမဆုံး ရုံတင်ခဲ့တဲ့ ခိုးဆိုးလုနှိုက် ဇာတ်ကားကလည်း အောင်မြင်ခဲ့တယ်။ ပရိသတ်တွေ ကြိုက်နှစ်သက်တယ်ဆိုတော့ ဒုတိယဇာတ်ကားကိုလည်း ပရိသတ်တွေဆီ အမြန်ရောက်အောင် စီစဉ်ခဲ့ကြတာပါ။  ပထမဇာတ်ကား မအောင်မြင်ခဲ့ရင်လည်း ဒီဇာတ်ကားကတော့ ဇာတ်လမ်း တစ်ခုအနေနဲ့ မိုးတို့ သီးသန့်ရိုက်သွားဖို့ စီစဉ်ထားခဲ့ကြတဲ့ ဇာတ်လမ်းပါ။

 

မေး – တောကျီးကန်း(ခိုးဆိုလုနှိုက် ၂)ဇာတ်ကားမှာ ပါဝင်သရုပ်ဆောင်ဖြစ်ခဲ့တဲ့ အကြောင်းလေးလည်း ပြောပြပေးပါဦး။

ဖြေ –  မိုးအနေနဲ့ ရုပ်ရှင်ထုတ်လုပ်ရေး လုပ်ဖြစ်ခဲ့တာက စီးပွားရေးလုပ်ငန်းကို အဓိကရည်ရွယ်ခဲ့တာပါ။ ကိုယ်ချစ်တဲ့ အနုပညာနဲ့တွဲဖက်ပြီး လုပ်ကိုင်နိုင်မယ့် စီးပွားရေးလုပ်ငန်းပေါ့။ ကိုယ်တိုင်သရုပ်ဆောင်ချင်တဲ့ ဇာတ်ကားတွေချည်း ထုတ်လုပ်ဖို့အတွက် ထုတ်လုပ်ရေးလုပ်ငန်းကို လုပ်ခဲ့တာမဟုတ်ပါဘူး။ ဒီ တောကျီးကန်း ဇာတ်ကားမှာ ပါဝင်ဖြစ်ခဲ့တာကလည်း အရင်ရှေ့ဇာတ်ကားတွေမှာကတည်းက ဒါရိုက်တာက ပါဝင်ပေးဖို့ပြောခဲ့ပါတယ်။ ဒါပေမဲ့ မိုးအနေနဲ့ နောက်ဇာတ်ကားတွေမှပဲ ၀င်ရိုက်မယ်လို့ ပြောခဲ့တော့ ဒီဇာတ်ကားမှာတော့ ကိုယ့်ရဲ့ကတိအတိုင်း ပါဝင်ဖြစ်တာပါ။ နောက်ပြီး ပါဝင်ဖြစ်ခဲ့တာကလည်း ဒီဇာတ်က မင်းသမီးအနေနဲ့က အားဖြည့်မှုပိုင်းလောက်ပဲပါတဲ့ ဇာတ်ကောင်နေရာမျိုးဖြစ်ပြီး အခြားသရုပ်ဆောင်တွေရဲ့ အဓိကဇာတ်လမ်းမျိုးဖြစ်တဲ့အတွက်လည်း မိုးအနေနဲ့ ပါဝင်အားဖြည့်ဖြစ်တာပါ။

 

မေး – ကိုယ်ပိုင်ထုတ်လုပ်ရေးကနေပြီး ကိုယ့်စိတ်ကြိုက်ဖြစ်တဲ့ ကိုယ်တိုင်လည်း ရိုက်ကူးချင်တယ်ဆိုတဲ့ ဇာတ်လမ်းမျိုးတွေကို ရိုက်ကူးဖို့စီစဉ်ထားတာရှိလား။

ဖြေ – မိုးအနေနဲ့ ထုတ်လုပ်ရေးလုပ်တယ်ဆိုတာ ကိုယ့်ဇာတ်ကားတွေချည်းရိုက်ကူးဖို့ မဟုတ်ပါဘူး။ ဒါ့ကြောင့် ဇာတ်လမ်းကောင်းတာမျိုး၊ ပရိသတ်တွေကြိုက်နိုင်မယ်ဆိုတဲ့ ဇာတ်ကားမျိုးတွေ၊ ဈေးကွက်အနေအထားအရရော အဆင်ပြေမယ့်ဇာတ်လမ်းမျိုးတွေကိုပဲ အဓိကရွေးချယ်ပြီး အဲဒီဇာတ်လမ်းတွေနဲ့ လိုက်ဖက်မယ့် သရုပ်ဆောင်တွေနဲ့ပဲ အဓိက ရိုက်ကူးဖြစ်တာပါ။ ကိုယ့်စိတ်ကြိုက်ဆိုတဲ့ ဇာတ်လမ်းမျိုးက စဉ်းစားထားတာပဲရှိတာပါ။ အခုကတော့ ပရိသတ်တွေအတွက် ဇာတ်လမ်းကောင်းလေးတွေဖြစ်အောင် ရွေးချယ်ရိုက်ကူးနေပါတယ်။ ၂၀၁၈ အတွက်ပေးထားတဲ့ ဇာတ်ညွှန်းတွေလည်းရှိပါတယ်။ အဲဒါတွေလည်း ဖတ်နေပါတယ်။

 

မေး – မိုး ရုပ်ရှင်ထုတ်လုပ်ရေးအနေနဲ့ တောကျီးကန်းပြီးရင် ဘယ်လိုဇာတ်လမ်းမျိုးတွေ တင်ဆက်သွားဖို့ရှိမလဲ။

ဖြေ –  မိုးရုပ်ရှင်ထုတ်လုပ်ရေးက ရုပ်ရှင်ဇာတ်ကား ကိုးကားရိုက်ကူးထားပြီးပါပြီ။ အဲဒီထဲက တောကျီးကန်းက လေးကားမြောက်ရုံတင်ဖြစ်တဲ့ကားပါ။ ။ နောက်ထပ်ကားတွေလည်း အမြန်ဆုံး ရုံ တင်ပြသနိုင်ဖို့စီစဉ်နေပါတယ်။ ဒါပေမဲ့ အခုက ရုံတင်စနစ်အပြောင်းအလဲတွေလည်း ဖြစ်နေတော့ ကြိုပြီးပြောဖို့ အဆင်မပြေသေးပါဘူး။

 

မေး – မိုးဟေကိုအနေနဲ့ အနုပညာအလုပ်တွေ လုပ်ကိုင်တာ နည်းသွားတာတဲ့အကြောင်းလည်း ပြောပြပေးပါဦး။

ဖြေ –  အရင်ကတည်းက မိုးအနေနဲ့ အနုပညာအလုပ်တွေကို လျှော့သွားမယ်ဆိုပြီး ပြောခဲ့ပါတယ်။ နောက်ပြီး အားလုံးလည်းသိတဲ့အတိုင်း မိုးရဲ့မေမေ ကျန်းမာရေးအခြေအနေကြောင့်လည်း မိုးအနေနဲ့ အနုပညာအလုပ်တွေကို သိပ်မလုပ်ဖြစ်တော့တာပါ။ မေမေ့ ကျန်းမာရေးကလည်း ကျောက်ကပ်ဆေးရတာမျိုးဆိုတော့ မိုးအတွက် အနုပညာအလုပ်လုပ်နိုင်တဲ့အချိန်က နည်းသွားပါတယ်။ ဒါပေမဲ့ မိုးအနေနဲ့ အနုပညာအလုပ်တွေကိုတော့ ရပ်လိုက်မှာမဟုတ်ပါဘူး။ မိုးကို ချစ်တဲ့ ပရိသတ်တွေကလည်း မိုးကိုကြည့်ချင်တယ်၊  မေမေလည်းကျန်းမာမယ်၊ မိုးအနေနဲ့လည်း အချိန်ပေးနိုင်မယ်၊ ဇာတ်လမ်းကလည်းကောင်းပြီး ကိုယ်ပါဝင်ရမယ့် ဇာတ်ကောင်ကလည်း ကိုယ်လည်းလုပ်နိုင်မယ်၊ ကိုယ်နဲ့လည်း လိုက်ဖက်မယ်ဆိုရင် ရိုက်ကူးမှာပါ။

 

မေး –  တောကျီးကန်းဇာတ်ကားနဲ့ ပတ်သက်ပြီး ပရိသတ်တွေကို ပြောချင်တဲ့စကားရှိရင်။

ဖြေ – ဒီဇာတ်ကားလေးမှာ ပါဝင်ကြတဲ့ အနုပညာရှင်၊ အတတ်ပညာရှင် အားလုံးက အကောင်း ဆုံးဖြစ်အောင် ကြိုးစားထားကြတဲ့ပါတယ်။ ဇာတ်လမ်းလေးကလည်း ထင်မှတ်မထားတဲ့အချိုး အကွေ့လေးတွေနဲ့ ဆွဲဆောင်နိုင်မယ့် ဇာတ်ကားကောင်းလေးတစ်ကားဖြစ်လို့ ပရိသတ်တွေ လာအားပေးဖို့ ဖိတ်ခေါ်ချင်ပါတယ်။

 

မေး – ပရိသတ်တွေအတွက် စကားလက်ဆောင်လေးပြောပေးပါ။

ဖြေ – မိုးအနေနဲ့ ၁၀ နှစ်ကျော်ကြာ အနုပညာသက်တမ်းတစ်လျှောက်မှာ အားပေးခဲ့ကြတဲ့ ပရိသတ်တွေအားလုံးကို အရမ်းကျေးဇူးတင်ပါတယ်။ သရုပ်ဆောင်တစ်ယောက်အနေနဲ့ အရမ်းကြီးအောင်မြင်တယ်လို့ မခံယူခဲ့ပါဘူး။  မိုးဒီနေ့အချိန်အထိ အခုလိုရပ်တည်နိုင်တာ ပရိသတ်တွေရဲ့ အားပေးမှုကြောင့်ပါ။ အဲဒီအတွက် မိုးအနုပညာအလုပ်တွေ ကြိုးစားလုပ်ဖြစ်မှာပါ။ ပရိသတ်တွေအားလုံး အခက်အခဲမှန်သမျှ ကျော်လွှားနိုင်ပါစေ။ ကျန်းမာချမ်းသာပြီး စီးပွားရေးတွေလည်း ကောင်းကြပါစေလို့ ဆိုတောင်းပေးပါတယ်။

ဒါရိုက်တာကျော်နှင်းဆီနှင့် တွေ့ဆုံခြင်း

သက်ငယ်မုဒိမ်းဖြစ်စဉ်များမှာ မကြာခဏကြားသိနေရသည့် မှုခင်းဖြစ်စဉ်များဖြစ်ပြီး ကလေးငယ်များအတွက်လည်း စိုးရိမ်ပူပန်စရာ အရေးကြီးအခြေအနေတစ်ခုဟု ဆိုရပေမည်။ သက်ငယ်မုဒိမ်စဉ်များအတွက် မိဘများသတိပြုသင့်သည်များ၊ ကလေးငယ်များအတွက် သတိထားသင့်သည့်အချက်များကို ရိုးရှင်းစွာပုံဖော်ထားသည့် ဇာတ်ကားတိုမှာ ယခုရက်ပိုင်းအတွင်း အွန်လိုင်းအသုံးပြုသူများကြားတွင် ပျံ့နှံ့လျက်ရှိနေသည်။ အဆိုပါဇာတ်ကားမှာ ဖိလစ်ပိုင်နိုင်ငံတွင်ပြုလုပ်ခဲ့သည့် Southeast Asia Prix Jeunesse ရုပ်ရှင်ပွဲတော်တွင် မြန်မာကိုယ်စားပြု ဒါရိုက်တာကျော်နှင်းဆီရိုက်ကူးသည့် ယင်းဇာတ်ကားမှာ ပထမဆုကိုရရှိခဲ့ခြင်းလည်းဖြစ်သည်။ သက်ငယ်မုဒိမ်း ပညာပေးဇာတ်ကားတိုအား ရိုးရှင်းသည့်အချက်အလက်များကို အခြေခံကာ အသိပညာပေးဇာတ်ကားအဖြစ် ဖန်တီးနိုင်ခဲ့သည့် ဒါရိုက်တာကျော်နှင်းဆီနှင့်တွေ့ဆုံ၍ ဇာတ်ကားဖန်တီးခဲ့သည့် ရည်ရွယ်ချက်နှင့် အတွေ့အကြုံများ၊ ဆုရရှိသည့်အပေါ် ခံစားချက်နှင့် ရှေ့ဆက်လုပ်ဆောင်သွားမည့် အနုပညာဖန်တီးမှုများအကြောင်းကို မေးမြန်းဖြစ်ခဲ့ပါသည်…

■ မေး – ဒါရိုက်တာတစ်ယောက်အဖြစ် အနုပညာအလုပ်တွေ ဘယ်လိုစလုပ်ဖြစ်ခဲ့လဲဆိုတာလေး အရင်ပြောပြပေးပါလား။
ဖြေ – အနုပညာလောကထဲကို ၂၀၀၆ ကစပြီး ၀င်ရောက်ခဲ့ပါတယ်။ edit လုပ်တယ်။ ဇာတ်ကားတွေအများကြီးကို edit လုပ်ခဲ့တယ်။ ၂၀၀၈ မှာတော့ ရုပ်ရှင်အစည်းအရုံးကဖွင့်တဲ့ ဒါရိုက်တာသင်တန်းကို တက်ရောက်ဖြစ်ခဲ့ပါတယ်။ ဒါရိုက်တာသင်တန်းတက်ပြီးချိန်ကစပြီး ကိုယ့်ဇာတ်ကားကိုယ့်ဘာသာရိုက်၊ edit လုပ်ပေါ့။ တခြားဇာတ်ကားတွေတော့ မလုပ်ပေးဖြစ်တော့ဘူး။

■ မေး – သင်တန်းပြီးတဲ့နောက် ဇာတ်ကားတွေ ဆက်ရိုက်ဖြစ်တယ်ဆိုတော့ ပရိသတ်နဲ့အမှတ်တရဖြစ်တဲ့ ဇာတ်ကားတွေက ဘာတွေဖြစ်မလဲ။
ဖြေ – ဒါရိုက်တာသင်တန်း ဆင်းပြီးတဲ့အခါ မြန်မာ့အသံမှာ ဇာတ်လမ်းတိုရှစ်ပုဒ်လောက် ရိုက်ဖြစ်တယ်။ နောက်တော့ ဗီဒီယိုဇာတ်ကားတွေရိုက်ဖြစ်တယ်။ အဓိကတော့ ဇာတ်လမ်းကိုဦးစားပေးတယ်။ သမားရိုးကျ ရိုက်ရိုးရိုက်စဉ်မရိုက်ဘဲ ဖန်တီးတယ်။ ဇာတ်လမ်းကိုလည်း ရှုပ်ထွေးအောင်လုပ်တာများတယ်။ အဓိကတော့ပရိသတ်ကို စဉ်းစားခိုင်းတဲ့သဘောပါ။ အဲဒီလိုမဟုတ်ရင်ပရိသတ်က ငြီးငွေ့တတ်တယ်လေ။ ဒါကြောင့် ဘယ်ဇာတ်ကားမဆို စဉ်းစားစရာလေးတစ်ခု မဟုတ်တစ်ခုတော့ ထည့်ထားပေးတယ်။ ဖန်တီးထားတဲ့ ဇာတ်လမ်းတွေကိုတော့ ကျေနပ်ပါတယ်။ အဲဒီကနေမှ ဇာတ်လမ်းတိုလေးတစ်ခု စဉ်းစားမိတာကိုလည်း Micro Film အတွက်ရိုက်ကူးဖြစ်တယ်။ အဲဒီဇာတ်ကားလေးကလည်း People Choice ဆုရခဲ့ပါတယ်။

■ မေး – အခုဖိလစ်ပိုင်မှာဆုရခဲ့တဲ့ သက်ငယ်မုဒိမ်းနဲ့ပတ်သက်တဲ့ ဇာတ်ကားလေးပေါ့။ ဒီဇာတ်ကားက အွန်လိုင်းမှာလည်း အရမ်းပျံ့နှံ့သလို ပရိသတ်တွေကလည်း မျှဝေကြတယ်ဆိုတော့ ပြိုင်ပွဲဝင်ဖို့ရိုက်ခဲ့တာလား။
ဖြေ – ဒီဇာတ်ကားက ၂၀၁၆ တုန်းက မြန်မာနိုင်ငံရဲတပ်ဖွဲ့က အကူအညီတောင်းမှုနဲ့ ရိုက်ဖြစ်ခဲ့တာပါ။ သက်ငယ်မုဒိန်းတွေကလည်း အရမ်းဖြစ်နေတယ်။ ဒါကြောင့် အသိပညာပေးအနေနဲ့ ဇာတ်ကားတိုတစ်ကားရိုက်ဖို့ ပြောလာတယ်။ အသက်အရွယ်က အပျိုဖော်ဝင်စအရွယ်ပေါ့။ သူတို့သတ်မှတ်ချက်ကတော့ ဇာတ်ကားထဲမှာ မိန်းကလေးကို အသားလုံးဝမထိရဘူး။ ပြစ်မှုအထမမြောက်ရဘူး။ ဒါပေမဲ့ သက်ငယ်မုဒိမ်းဖြစ်ရမယ်။ အဲဒါလေး ပေါ်လွင်အောင်ရိုက်ပါလို့ ပြောပါတယ်။ ဒီအခါတော်တော်လေးခက်ပါတယ်။ ရိုက်ဖို့အတွက်စဉ်းစားတဲ့အခါ ဒီလိုဖြစ်ရပ်တွေအဖြစ်များတဲ့ အခြေခံလူတန်းစားတွေကို အခြေခံပြီးဖန်တီးတယ်။ တကယ့်အဖြစ်အပျက်ကိုအခြေခံပြီး ဒီဇာတ်လမ်းလေးကို ဖန်တီးလိုက်တာပါ။ ပရိသတ်ကို စဉ်းစားရမယ့် သတိထားရမယ့်အချက်လေးတွေ ထည့်ဖြစ်တယ်။ ဇာတ်ကားနာမည်မှာ သနပ်ခါးဆိုတာကို ထည့်ဖြစ်တာကတော့ မြန်မာတွေရဲ့ရိုးရာတစ်ခုမှာ သနပ်ခါးပါတယ်။ မြန်မာမိန်းကလေးတွေကလည်း သနပ်ခါးကြိုက်ကြတယ်။ သနပ်ခါးရနံ့လေးမွှေးပျံ့နေသလို မိန်းကလေးတွေရဲ့ ဂုဏ်သိက္ခာလည်း အမြဲမွှေးပျံ့နေဖို့ဆိုတဲ့ အတွေးလေးနဲ့ ဒီနာမည်ကိုပေးဖြစ်တာပါ။

■ မေး – ဒီဇာတ်ကားထဲက ကလေးလေးကလည်း အမူအရာကောင်းတော့ သူ့ကိုရော ဘယ်လိုသင်ကြားပေးခဲ့ရလဲ။
ဖြေ – ဒီဇာတ်ကားရိုက်ဖို့အတွက် ကလေးကိုမေးရတယ်။ ရိုက်ရဲလားပေါ့။ မိဘကိုလည်း ခွင့်ပြုနိုင်လားဆိုတော့ ခွင့်ပြုမယ်ပေါ့။ ရိုက်တဲ့အခါကလေးကလည်း Talent ကောင်းတယ်။ ရှင်းပြတာနဲ့နားလည်တယ်။ ကလေးကိုဖျက်ဆီးမယ့် အခန်းဆိုလည်း တစ်ယောက်ချင်းခွဲရိုက်တာ။ ကလေးတစ်ယောက်တည်းကိုပဲ သမီးနားကို လူစိမ်းရောက်လာတော့ သမီးလန့်သွားရမယ် စသဖြင့် အကျိုးအကြောင်းပြောပြပြီး သင်ပေးတယ်။ ဖျက်ဆီးမယ့်သူနေရာက သရုပ်ဆောင်တဲ့သူကိုလည်း တစ်ယောက်တည်းပဲပေးရိုက်တယ်။ အဲဒီလိုအပိုင်းတွေခွဲပြီး ရိုက်ကူးခဲ့တာပါ။

■ မေး – အခုလိုသက်ငယ်မုဒိန်းနဲ့ ပတ်သက်တဲ့အကြောင်းအရာမျိုးကို အနုပညာနဲ့ ပညာပေးဇာတ်ကားအဖြစ် ဖန်တီးနိုင်သလို ပရိသတ်တွေကြားထဲလည်း ပျံ့နှံ့သွားခဲ့တယ်။ နိုင်ငံတကာမှာလည်း ဆုရတဲ့အပေါ်ခံစားချက်ကိုလည်း ပြောပြပေးပါဦး။
ဖြေ – ကလေးတွေမှာ ဒီအရွယ်က အရမ်းအရေးကြီးတယ်။ မိဘတွေကတော့ ဒီအရွယ်ကို ကလေးလို့ပဲထင်တယ်။ ကလေးကိုယ်တိုင်ကလည်း သူ့ကိုယ်သူ ပြောင်းလဲစပြုလာပြီဆိုတာသိပေမယ့် အတောင်ပံခတ်ဖို့ အားယူစအချိန်ဆိုတော့ အန္တရာယ်များတယ်။ အမှားများနိုင်တယ်ပေ့ါ။ ပတ်ဝန်းကျင်ကလည်း ဒီအရွယ်ဆိုရင် အမြင်ပြောင်းလဲလာတယ်ပေါ့။ ဒါကိုမိဘတွေကလည်း သတိပြုပြီးဂရုစိုက်နိုင်အောင် ဖန်တီးခဲ့တာပါ။ အခုလိုပရိသတ်တွေကြားထဲ ပျံ့နှံ့သလို နိုင်ငံတကာမှာလည်း ဆုရတယ်ဆိုတော့ ကိုယ့်ရည်ရွယ်ချက်လည်း အောင်မြင်တယ်ပေါ့။ ၀မ်းသာပါတယ်။

■ မေး – နောက်ထပ် ဘယ်လိုအနုပညာဖန်တီးမှုတွေရော ဆက်လုပ်ဖြစ်မလဲ။
ဖြေ – ပိုပြီးဗဟုသုတရသွားတာက အရှေ့တောင်အာရှနိုင်ငံတွေမှာဆိုရင် ဒီလိုဖြစ်စဉ်တွေနဲ့ပတ်သက်ပြီး ဘယ်လိုအသိပညာပေးလဲ၊ ဘယ်လိုဖန်တီးလဲဆိုတာတွေကို သိခွင့်ရလာတာပေါ့။ ကိုယ်တိုင်ဇာတ်ကား ဖန်တီးတဲ့အခါမှာလည်း ပရိသတ်စဉ်းစားစရာ၊ သတိပြုစရာတွေလည်း ထည့်သွင်းဖြစ်သွားမှာပါ။

■ မေး – လတ်တလော အနုပညာလှုပ်ရှားမှုရော ဘာရှိဦးမလဲ။
ဖြေ – လောလောဆယ်ကတော့ ဗီဒီယိုဇာတ်ကားတွေရိုက်ဖို့ရှိသလို မှတ်တမ်းဇာတ်ကားတစ်ကား ရိုက်ဖို့ရှိတယ်။ လျှပ်စစ်မီးမရှိတဲ့ဒေသကို သွားရိုက်မယ်။ လျှပ်စစ်မီးမရှိတဲ့အတွက် ကျောင်းသားတွေရဲ့အခက်အခဲ၊ ဆေးကုသဖို့အတွက် လိုအပ်ချက် စသဖြင့်အခက်အခဲတွေကို သွားရောက်ရိုက်ကူးပါမယ်။ လျှပ်စစ်မီးရလာရင် ဘယ်လိုကောင်းကျိုးတွေရနိုင်မလဲပေါ့။ ပုသိမ်သာပေါင်းကိုသွားပြီး ရိုက်ဖြစ်ပါမယ်။

■ မေး – ဒီဇာတ်ကားကို မျှဝေပေးကြတဲ့ ပရိသတ်တွေကိုပြောချင်တဲ့ စကားလက်ဆောင်လေးရှိရင် ပြောပေးပါဦး။
ဖြေ – ဒီဇာတ်ကားလေးကို ကြည့်ပေးတဲ့အတွက်ရော၊ မျှဝေပေးတဲ့အတွက်ပါ ကျေးဇူးအများကြီးတင်ပါတယ်။ ဒီဇာတ်ကားလေးကြည့်လိုက်ခြင်းအားဖြင့် သက်ငယ်မုဒိန်းနဲ့ပတ်သက်ပြီး သတိပြုစရာ စဉ်းစားစရာအချက်လေးတွေ ရလိုက်တယ်ဆိုရင် ဖန်တီးရကျိုးနပ်ပါပြီ။ ဆက်လက်ကြိုးစားသွားပါဦးမယ်။

တေးသံရှင်မို့မို့နှင့် တွေ့ဆုံခြင်း

ဂီတအမွေအား လက်ဆင့်ကမ်းနိုင်ခဲ့သည့် အနုပညာရှင်များစွာတွင် တေးသံရှင်မို့မို့လည်း တစ်ဦးအပါအ၀င်ဖြစ်သည်။ မိခင်ဖြစ်သူ၏ ဂီတအမွေကိုလက်ဆင့်ကမ်းခဲ့ပြီး ချိုမြကြည်သာသည့် အသံပိုင်ရှင်တစ်ဦးအဖြစ် ပရိသတ်လက်ခံအားပေးမှု ရရှိစေခဲ့သူ တေးသံရှင်မို့မို့သည် ဂီတလောကအတွင်းမှ နှစ်အတန်ကြာ ပျောက်ကွယ်နေခဲ့ရာမှ တစ်ကျော့ပြန်လှုပ်ရှားမှုအဖြစ် ဒီဇင်ဘာ ၁၆ ရက်တွင် တစ်ကိုယ်တော် ဂီတဖျော်ဖြေပွဲပြုလုပ်ရန် စီစဉ်ထားသည်။ Simply Accoustic ဂီတဖျော်ဖြေပွဲဟု အမည်တပ်ထားပြီး တေးသံရှင် မျိုးကျော့မြိုင်၊ ဝေလ၊ ဖြိုးပြည့်စုံတို့နှင့်လည်း အတွဲတင်ဆက်မှုများပြုလုပ်ရန် စီစဉ်ထားသည့် တေးသံရှင်မို့မို့နှင့်တွေ့ဆုံ၍ တစ်ကိုယ်တော်ဖျော်ဖြေပွဲအတွက် ပြင်ဆင်ထားမှုများ၊ ရှေ့ဆက်လုပ်ဆောင်သွားရန် စီစဉ်ထားသည့် အနုပညာလုပ်ငန်းများ အပါအ၀င် မေးမြန်းဖြစ်သည်များကို ပြန်လည်ဖော်ပြအပ်ပါသည်။

 

မေး – ဂီတလောကထဲကနေ အချိန်တစ်ခုလောက် ပျောက်ကွယ်သွားခဲ့ပြီးမှ တစ်ကိုယ်တော်ပွဲလုပ်ဖို့ စီစဉ်ဖြစ်ခဲ့တာလေး အရင်ဆုံးပြောပြပေးပါလား။

ဖြေ – ဂီတအလုပ်တွေလုပ်ဖြစ်ရာကနေ ကိုယ်ပိုင်မိသားစုဘ၀လေး တည်ဆောက်ဖြစ်တဲ့အခါ ဂီတလုပ်ငန်းတွေနဲ့ အဆက်ပြတ်သလို ဖြစ်သွားခဲ့တာပေါ့လေ။ ဒါပေမဲ့ သားသမီးလည်း ရလာသလို မိသားစုဘ၀လေးလည်း တည်ငြိမ်လာတဲ့ အခါ အစ်မအမျိုးသားကလည်း သီချင်းလေးတွေ ပြန်ဆိုစေချင်တယ်။ သူကပဲ ခဏခဏ တိုက်တွန်းတာပါ။ သီချင်းပြန်ဆိုဖို့က အရမ်းကြီး စိတ်အားထက်သန် တာမျိုးထက် အမျိုးသားက တိုက်တွန်းတာကြောင့်ပဲ ဒီပွဲကိုစီစဉ်ဖြစ်တာပါ။

မေး – တစ်ကိုယ်တော်ပွဲမှာ အမျိုးသားတေးသံရှင် သုံးယောက်ကို ပူးပေါင်းပါဝင်ဖို့ ထည့်ဖြစ်သွားတဲ့ စိတ်ကူးကရော။

ဖြေ -အဲဒါကတော့ တစ်ယောက်တည်း ဖျော်ဖြေတာမျိုးထက် ပရိသတ်တွေလည်း ရသစုံလေး ပိုရသွားစေချင်တယ်။ အတွဲသီချင်းပုံစံမျိုး၊ နှစ်ယောက် တွဲ တင်ဆက်တာမျိုးလေးလည်း ပရိသတ်တွေကို ကြည့်စေချင်တယ်။ အဲဒါကြောင့်စိတ်ကူးမိတာပါ။ ကိုမျိုးကျော့ရယ်၊ ကိုဝေလရယ်၊ မောင်လေးဖြိုးပြည့်စုံရယ်ကိုကတော့ အစ်မဆိုခဲ့တဲ့ သီချင်းပုံစံလေးတွေနဲ့ လိုက်ဖက်နိုင်မယ့် တေးသံရှင်မျိုးကိုပဲ စဉ်းစားပြီးရွေးချယ်ဖြစ်ခဲ့တာ။ သူတို့သီဆိုဟန်တွေကိုတော့ အစ်မကိုယ်တိုင်လည်း သဘောကျတာကြောင့် ပါပါတယ်။

မေး – Simply Accoustic ဆိုပြီး ခေါင်းစဉ်တပ်ဖြစ်တာကရော။

ဖြေ -အရင်ကတည်းကလည်း အစ်မဆိုခဲ့တဲ့ သီချင်းတွေ အားလုံးက အငြိမ်တွေများတယ်။ တစ်ကိုယ်တော်ပွဲလုပ်မယ် ဆိုတဲ့အခါလည်း သီချင်းတွေကို အေးအေးဆေးဆေးနဲ့ နားဆင်ခံစားရတာမျိုး ဖြစ်စေချင်တယ်။ ဒါကြောင့် Simply Accoustic ပုံစံလေးလုပ်မယ်ဆို တဲ့ စိတ်ကူးလေး ရလာတာပါ။ သီချင်းတွေအားလုံးကို  Accoustic ပုံစံလေးတွေ ဖန်တီးပြီးတင်ဆက်ခဲ့တာပါ။

မေး – တစ်ကျော့ပြန် တင်ဆက်ရတာဆိုတော့ စိတ်လှုပ်ရှားမှုရော ဘယ်လိုရှိလဲ။

ဖြေ – ရင်ခုန်ပါတယ်။ သီချင်း မဆိုဖြစ်တာလည်း တော်တော်လေးကြာပြီလေ။ စတူဒီယိုထဲမှာ တိုက်တာတောင် တော်တော်လေး ရင်ခုန်တယ်။ ပွဲနေ့မှာလည်း ရင်တွေအရမ်းခုန်တယ်။ ဒါပေမဲ့ မျှော်လင့်ထားတာထက် ပရိသတ်တွေအများကြီး လာအားပေးတဲ့အခါကျတော့ အရမ်းလည်းပျော်ရပါတယ်။ သီချင်းလေးတွေအားလုံးကိုလည်း လိုက်ပါစီးမျော ခံစားပေးတယ်ဆိုတော့ အမှတ်တရလည်း ဖြစ်ရပါတယ်။ ဂီတလောကနဲ့ အလှမ်းကွာပြီးမှ လုပ်ဖြစ်တယ်ဆိုပေမယ့် အားလုံးကလည်း ၀ိုင်းကူပေးကြတယ်။ အရမ်းပျော်စရာကောင်းပါတယ်။

မေး –  ဒီပွဲလေးဆိုပြီးသွားတဲ့အချိန်မှာရော ဂီတနဲ့ပတ်သက်လို့ ဘယ်လိုခွန်အားတွေရလာလဲ။

ဖြေ – ပွဲမှာက ပရိသတ်တွေနဲ့ အပေးအယူမျှမျှ တင်ဆက်နိုင်ခဲ့တယ်။ ဂီတလောကနဲ့အချိန် အတော်ကြာ အဆက်ပြတ်နေခဲ့ပေမယ့် ပရိသတ်တွေကလည်း အားပေးကြတယ်၊ ချစ်ကြတယ်ဆိုတာ သိခွင့်ရတော့ ပျော်ပါတယ်။ နောက်ထပ်ဂီတအလုပ်တွေ လုပ်ဖို့ကိုလည်း ခွန်အားတွေရစေတယ်။ ဒီပွဲလေးက တကယ့်ကိုအမှတ်တရတွေ အများကြီးပါ။ အဘက်ဘက်က၀ိုင်းပြီး ကူညီပေးကြသူတွေကိုလည်း ကျေးဇူးအများကြီး တင်ပါတယ်။ ကူညီပေးသူတွေရှိလို့လည်း အခုလို အဆင်ပြေပြေ တင်ဆက်နိုင်ခဲ့တာပါ။ ပရိသတ်တွေအတွက်လည်း နောက်ထပ်အနု ပညာဖန်တီးမှုအသစ်တွေ ထပ်လုပ်ဖို့စိတ်ကူးထားပါတယ်။

မေး – နောက်ပိုင်းရောဂီတအလုပ်တွေ ဆက်လုပ်ဖြစ်သွားမလား။

ဖြေ – ဆက်လုပ်ဖြစ်မှာပါ။ ပရိသတ်တွေကလည်း အားပေးကြတယ်ဆိုတော့ ဂီတအလုပ်လေး တွေလုပ်ဖြစ်ပါမယ်။ အများကြီးမဟုတ်ရင်တောင် တတ်နိုင်သလောက်တော့လုပ်ဖြစ်မှာပါ။

မေး – Oasis Studio လေးကလည်း မို့မို့တစ်ကိုယ်တော်ပွဲနဲ့အတူ ပြန်ပြီးအသက်ဝင်လာပြီဆိုတော့ နောက်ပိုင်းရော ဂီတလုပ်ငန်းတွေဆက်ပြီး လည်ပတ်သွားတော့မလား။

ဖြေ – ဟုတ်ပါတယ်။ ဒီစတူဒီယိုကိုလည်း ကောင်းမွန်တဲ့အရည်အသွေးတွေ ပိုမိုရရှိစေဖို့ပြင် ဆင်မွမ်းမံထားပါတယ်။ နောက်ပိုင်းတော့ ဂီတလုပ်ငန်းတွေ ပြန်ပြီးလည်ပတ်သွားမှာပါ။ အဓိကတော့ ဒီစတူဒီယိုလေးမှာ အနုပညာရှင်တွေအများကြီးက ဂီတဖန်တီးမှုတွေလုပ်ခဲ့ကြဖူးပါတယ်။ ဒါကြောင့် ဂီတလုပ်ငန်းတွေ ဆက်လက်လုပ်ဆောင်သွားစေမှာပါ။ ဒီစတူဒီယိုရဲ့ဂီတ လုပ်ဆောင်မှုတွေနဲ့ပတ်သက်ပြီးတော့လည်း ပရိသတ်တွေကို အမြဲအသိပေးသွားပါမယ်။

မေး- ကိုယ်တိုင်ဖြတ်သန်းခဲ့ဖူးတဲ့ ဂီတလမ်းကြောင်းတစ်ခုနဲ့ အခုလက်ရှိဖြတ်သန်းနေကြတဲ့ ဂီတလမ်းကြောင်းရဲ့ ကွာဟချက်ဆိုရင်ရော ဘာတွေရှိမလဲ။

ဖြေ – အခုလက်ရှိဂီတရေစီးကြောင်းကတော့ အားသာချက်တွေ အများကြီးရှိပါတယ်။ သီချင်းဆိုပြိုင်ပွဲတွေ၊ ဂီတလမ်းကြောင်းပေါ်ကိုသွားနိုင်တဲ့ လမ်းကြောင်းတွေ အများကြီးရှိသလို အွန်လိုင်းကတစ်ဆင့်လည်း ပရိသတ်သတိထားမိအောင် ကြိုးစားခွင့်ရှိတယ်။ သင်ယူလေ့လာခွင့်ရှိတယ်။ လူငယ်တွေအတွက် အခွင့်အလမ်းတွေ အများကြီးကောင်းလာတယ်လို့ ထင်ပါတယ်။ အဓိကတော့ ဂီတကိုတကယ်ချစ်မြတ်နိုးပြီး ကြိုးစားအားထုတ်မှုသာ ရှိမယ်ဆိုရင် အခွင့်အရေးဆိုတာ အမြဲတမ်းပေါ်နေမှာပါပဲ။

မေး – တစ်ကိုယ်တော်ပွဲကို အားပေးခဲ့ကြတဲ့ ပရိသတ်တွေအတွက် စကားလက်ဆောင်လေး ပြောပေးပါဦး။

ဖြေ – ဂီတလောကထဲကနေ အချိန်တွေအကြာကြီး နားနေခဲ့ပေမယ့် အခုတစ်ကိုယ်တော်ပွဲ လုပ်တဲ့အချိန်မှာ အားပေးကြတဲ့ ပရိသတ်တွေကို ကျေးဇူးအများကြီး တင်ပါတယ်။ ပရိသတ်တွေရဲ့အားပေးမှုကြောင့် ခွန်အားတွေလည်း အများကြီးရပါတယ်။ တစ်ကိုယ်တော်ပွဲမှာလည်း အကောင်းဆုံး ကြိုးစားဖျော်ဖြေ တင်ဆက်ခဲ့ပေမယ့်လိုအပ်ချက်များရှိရင်လည်း နားလည်ပေးစေချင်ပါတယ်။ ပရိသတ်များအားလုံးလည်း လိုအင်တွေအားလုံးပြည့်စုံကြပါစေလို့ ဆုတောင်းပေးချင်ပါတယ်ရှင်။

 

“ဧရာဝတီမြစ်ထဲကို စီးဆင်းတဲ့ဟာတွေမှာ ကျောက်မီးသွေး အမှုန့်တွေ ပါဝင်တဲ့အတွက် အဆိပ်အတောက် ဖြစ်စေတဲ့အတွက် သတ္တ၀ါတွေကိုလည်း များစွာထိခိုက်စေတယ် . . .” ဆရာကြီးဦးစိန်မြင့်နှင့် တွေ့ဆုံခြင်း

သတ္တုတွင်းဦးစီးဌာနတွင် သတ္တုတွင်းလုပ်ငန်းများ စစ်ဆေးရေးကို နှစ် ၂၀ ခန့်ဆောင်ရွက်ခဲ့ပြီး ၂၀၀၆ ခုနှစ်တွင် သက်ပြည့်ပင်စင်ဖြင့် အနားယူခဲ့ကာ လက်ရှိတွင်လည်း သဘာဝပတ်ဝန်းကျင် ထိန်းသိမ်းရေး အဖွဲ့ဖြစ်သည့် မြန်မာအစိမ်းရောင်ကွန်ရက် (Myanmar Green Network) တွင် သတ္တုတွင်းပညာရှင် အကြံပေးအဖြစ် ဆောင်ရွက်နေသည့် ဆရာကြီး ဦးစိန်မြင့်နှင့် ကျောက်မီးသွေးအကြောင်း ပြန်ပြည့်မြဲစွမ်းအင်များ အကြောင်းကို တွေ့ဆုံမေးမြန်း ထားသည်များကို ဖော်ပြအပ်ပါသည်။

မေး – ကျောက်မီးသွေးနဲ့ ပတ်သက်ပြီး အားလုံး နားလည်အောင် ရှင်းပြပေးပါခင်ဗျာ။

ဖြေ – ကျောက်မီးသွေးကို ၁၉ ရာစု အစပိုင်းလောက်ကစပြီး အမေရိကန်နိုင်ငံ အနောက်ဗားဂျီးနီးယား ပြည်နယ်ဘက်မှာ စပြီးတွေ့ခဲ့တာပေါ့။ တွေ့တော့ ကျောက်မီးသွေးကို နဂိုမူလကတော့ ချက်ပြုတ်ဖို့နဲ့ အနွေးဓာတ် ရရှိရေးအတွက် သုံးစွဲတာပေါ့။ တဖြည်းဖြည်းနဲ့ ကျောက်မီးသွေးကနေ အပူထွက်မှန်းသိတဲ့ အခါကျတော့ စက်မှုတော်လှန်ရေး ခေတ်ကျတော့ အပူစွမ်းအင်ကို သုံးပြီးတော့ ဗွိုက်လာ စက်မှုတော်လှန်ရေးခေတ်ကို ရောက်လာတဲ့ အခါမှာ ဗွိုက်လာကို မီးရှို့ဖို့အတွက် သုံးတာပေါ့။ သုံးတော့ အဲဒီကနေ ရလာတဲ့ အပူကနေ အဲဒီကနေရတဲ့အားနဲ့ စက်တွေကို မောင်းနှင်လာကြတော့ စက်မှုတော်လှန်ရေးခေတ်က ပီပီပြင်ပြင် ဖြစ်လာခဲ့ကြတယ်။ နောက် ကုန်ထုတ်လုပ်ငန်းသုံးတယ်။ သွားလာရေးလည်း သုံးတယ်။ နောက်ဆက်သွယ်ရေး စက်ရုံတွေ နေရာတိုင်းလိုလိုသုံးတယ်။ အဲဒီခေတ်ကစပြီးတော့ ကမ္ဘာမှာ ကျောက်မီးသွေးဟာ စွမ်းအင်တစ်ရပ်အနေနဲ့ ပေါ်ပေါက်လာခဲ့တယ်။

မေး – မြန်မာနိုင်ငံမှာရော ဘယ်အချိန်လောက်မှာ စတင်အသုံးပြုခဲ့တာပါလဲ။

ဖြေ – မြန်မာနိုင်ငံမှာတော့ မှတ်မှတ်သားသား ၁၉၅၀ ၀န်းကျင်လောက်မှာ ကလေးဝဘက်မှာ ကျောက်မီးသွေးတွင်းကို စတွေ့တယ်။ အရင်ကတော့ ရှိခဲ့တယ်။ ဒါပေမဲ့ သိပ်မတွင်ကျယ်ခဲ့ဘူး။ ဟိုတုန်းက MRTC ခေါ်တာပေါ့။ ကျောက်မီးသွေးကို MRTC ခေတ်မှာ မြန်မာနိုင်ငံက တစ်ခုတည်းသော အစိုးရပိုင် ကျောက်မီးသွေးတွင်း အဖြစ်နဲ့သုံးတယ်။ အဲဒီမှာ မြေအောက် ကျောက်မီးသွေး တူးဖော်နည်းကို အသုံးပြုခဲ့တယ်။

မေး – ကျောက်မီးသွေးရဲ့ ဆိုးကျိုးတွေကို ကမ္ဘာက ဘယ်အချိန်မှာ စပြီးသတိထား သိရှိခဲ့ကြပါသလဲ။

ဖြေ – ကျောက်မီးသွေးရဲ့ဆိုးကျိုးတွေကို သိတာတော့ တို့ ၁၉ ရာစုနောက်ပိုင်းမှာ လူတွေက ကျောက်မီးသွေးရဲ့ ဆိုးကျိုးတွေကြောင့် လူတွေက သက်တမ်းတိုတာတွေ၊ ရောဂါဘယ ထူပြောတာတွေ၊ ကျန်းမာရေး ချို့တဲ့တာတွေ စပြီးတွေ့ခဲ့တယ်။ တွေ့တော့ ကမ္ဘာကြီးကလည်း ကျောက်မီးသွေးကနေ ထုတ်လွှတ်လိုက်တဲ့ အပူရှိန်ကြောင့် ကာဗွန်တွေကြောင့် ကမ္ဘာကြီးရဲ့ လေထုထဲမှာလည်း ကာဗွန်တွေကြောင့် ပျက်လာတယ်။ ကမ္ဘာကြီး ပူနွေးလာတယ် ဆိုတာကို သိပံ္ပပညာရှင်တွေက စတင်တွေ့ရှိတဲ့ အခါမှာ ကုလသမဂ္ဂကို တင်ပြပြီးတဲ့ အခါမှာ ဒါကို ကမ္ဘာကြီး ပူနွေးလာမှုကို ဆက်ပြီးတော့ ထိန်းဖို့လိုတယ်။ ကမ္ဘာကြီး ပူနွေးလာမှုရဲ့ အကျိုးဆက်က ဘာလဲဆိုတော့ တို့ကမ္ဘာမြေကြီးကို နေရောင်ခြည်က ထွက်လာတဲ့ ခရမ်းလွန်ရောင်ခြည် ကမ္ဘာမြေကြီးကို မရောက်အောင် အိုဇုန်းလွှာကနေပြီးတော့ စုပ်ထားပေးတယ်၊ ကာကွယ်ပေးထားတယ်။ အဲဒီတော့ အိုဇုန်းလွှာကြီး တဖြည်းဖြည်းနဲ့ ပါးပါးပြီး ပေါက်လာတဲ့ အခါကြတော့ ကမ္ဘာမြေကြီးကို ခရမ်းလွန်ရောင်ခြည်တွေ ရောက်လာတဲ့အခါ မှာ ပိုပြီးတော့ မြန်လာတယ်။ သူ့ရဲ့ အညွှန်းကိန်းအရပြောရင် ၁၀ ဆိုရင် အန္တရာယ်ရှိတဲ့ အဆင့်၊ ရှစ် ဆိုရင်တော့ ပုံမှန်ပေါ့။ အခုဟာ မြန်မာနိုင်ငံ အပါအ၀င် နိုင်ငံတော်တော် များများဟာ ခရမ်းလွန်ရောင်ခြည် အညွှန်းကိန်းဟာ ၁၃၊ ၁၄ အထိဖြစ်နေတာ။ မြန်မာနိုင်ငံဆိုလည်း အရပ်ဒေသတိုင်းမှာ ၁၃ က အနည်းဆုံးရှိတယ်။ အဲဒီတော့ အကျိုးဆက်က ကမ္ဘာကြီး ပူနွေးလာတဲ့အတွက် အိုဇုန်းလွှာပျက်စီးတယ်။ အိုဇုန်းလွှာ ပျက်စီးတဲ့အတွက် ခရမ်းလွန်ရောင်ခြည်က ကမ္ဘာကြီးအပေါ် ပိုကျရောက်လာတယ်။ အဲဒီအတွက် အရေပြားရောဂါတွေ ဖြစ်တယ်။ နောက် တိမ်စွဲတဲ့ ရောဂါတွေဖြစ်တယ်။ အခု နောက်ဆုံး တွေ့ရှိချက် အရဆိုရင် အိပ်ခ်ျအိုင်ဗွီတောင် ဖြစ်တယ်လို့ ပြောတယ်။ ဒါကတော့ သေသေချာချာ မသိသေးပါဘူး။ ဒါက စာစောင်ထဲမှာပဲ တွေ့သေးတယ်။ အဆိုးဆုံးကတော့ အရွယ်လွန်တော့ အရေပြားရောဂါ၊ အရေပြား ကင်ဆာတွေဖြစ်တယ်။ တိမ်စွဲရောဂါဖြစ်တယ်။ ဒါကတော့ သေချာတယ်။ ဒါ့ကြောင့် မြန်မာနိုင်ငံမှာ ဘယ်တုန်းကမှ မရှိခဲ့ဖူးတဲ့ နေပူထဲမှာ တာဝန်ထမ်းဆောင်တဲ့ ယာဉ်ထိန်းရဲတွေမှာ နေရောင်ခြည်ကာတဲ့ နေကာမျက်မှန်တွေ တရားဝင် တပ်ဆင်ခွင့်ပေးလိုက်တယ်။ နောက်ပြီးတော့ အသားနဲ့ နေရောင်ခြည်နဲ့ မထိအောင် လက်ရှည်အင်္ကျီတွေဝတ်ပြီး ကာကွယ်တယ်။ ဦးထုပ်တွေ ဆောင်းကြတယ်။ အဲဒီနည်းနဲ့ ခရမ်းလွန်ရောင်ခြည်ဘေး သက်သာအောင်လုပ်တယ်။

မေး – မြန်မာနိုင်ငံမှာ စွမ်းအင်ဘယ်နှမျိုးလောက် ထုတ်ယူရရှိနိုင်ပါသလဲ။

ဖြေ – မြန်မာနိုင်ငံမှာ စွမ်းအင်ထုတ်လုပ်နိုင်တဲ့ဟာကတော့ နံပါတ်တစ် အချက်ကတော့ ရုပ်ကြွင်းလောင်စာစွမ်းအင်ဖြစ်တဲ့ ဒီဇယ်၊ ဓာတ်ဆီ၊ သဘာဝဓာတ်ငွေ့ အဲဒါလည်း ထုတ်လို့ရတယ်။ နောက်တစ်ခုက ရေအားလျှပ်စစ်။ မြန်မာနိုင်ငံရဲ့ တော်တော်များများကတော့ ၄၂ ရာခိုင်နှုန်းမျှသော လျှပ်စစ်စွမ်းအင် လိုအပ်ချက်ကိုတော့ ရေအားလျှပ်စစ်ကပဲ သုံးနေရတယ်။ ရေအားလျှပ်စစ်ရှိတယ်။ နေရောင်ခြည်စွမ်းအင်ရှိတယ်။ လေစွမ်းအင်ရှိတယ်။ နောက်ပြီးတော့ ပင်လယ်ဒီရေက စွမ်းအင်ထုတ်လို့လည်းရတယ်။ ဘူမိအပူစွမ်းအင်ကလည်း ထုတ်လို့ရတယ်။ ဘူမိအပူစွမ်းအင်ကတော့ မြန်မာနိုင်ငံမှာ သိပ်မသုံးဘူး။ ရှိလည်း နည်းပါတယ်။ အဲဒီတော့ မြန်မာနိုင်ငံမှာ သုံးနိုင်တဲ့ စွမ်းအင်ကတော့ ဒီရေစွမ်းအင်ရှိတယ်။ ဘာလို့လဲဆိုတော့ ဒီရေစွမ်းအင်က စစ်တွေကနေပြီးတော့ ကော့သောင်းအထိ ပင်လယ်ကမ်းကြီးကို ပိုင်တဲ့အတွက် တစ်နေ့ကို ဒီရေအတက်အကျ နှစ်ကြိမ်ရှိတယ်။ အဲဒီနှစ်ကြိမ်မှာ ဒီရေအတက်အကျ အားကိုသုံးပြီးတော့ လျှပ်စစ်ဓာတ်ထုတ်တဲ့စက်ကို လည်စေခြင်းအားဖြင့် လျှပ်စစ်ဓာတ် ထုတ်နိုင်ပါတယ်။ သူကတော့ သဘာဝအတိုင်း ဒီရေရှိနေသမျှ ထုတ်လို့ရတယ်။ ကုန်ကျစရိတ်လည်း မရှိဘူး။ နောက်နေရောင်ခြည်စွမ်းအင်။ သူကလည်း မြန်မာနိုင်ငံမှာ ကျေးလက်တွေမှာ ပင်မဓာတ်အားလိုင်းနဲ့ ဝေးကွာတဲ့ ဒေသတွေမှာ စပြီးသုံးနေကြတယ်။ ကျေးလက်ဖွံ့ဖြိုးရေး ဆိုပြီးတော့။ အဲဒီလိုသုံးတဲ့နေရာမှာ အဓိက,ကတော့ နေရောင်ခြည်ဖမ်းတဲ့ ဆိုလာပြားရယ်။ ဆိုလာပြားကနေပြီးတော့ လျှပ်စစ်ဓာတ်အားပြောင်းတဲ့ အင်ဗာတာရယ် စတဲ့ ပစ္စည်းတွေပဲ လိုတဲ့အတွက် နေရာဒေသမရွေး သုံးနိုင်တယ်။ တရုတ်ပြည်မှာလည်းပဲ ဒါကို ကျယ်ကျယ်ပြန့်ပြန့် သုံးပါတယ်။ အိန္ဒိယမှာလည်း ထိုနည်းတူပဲ။ နေစွမ်းအင်ကို သုံးတယ်။ လေစွမ်းအင်ကို သုံးတယ်။ ဒါတွေကိုလည်း ကျောက်မီးသွေး လောင်စာနဲ့လည်း အစားထိုးပြီးတော့ လျော့သွားတဲ့စွမ်းအင်ကို အစားထိုးပြီးတော့ အားလုံး ရေတိုစီမံကိန်းတွေ ရေရှည်စီမံကိန်းတွေ ချပြီးတော့ လုပ်နေကြပြီ။ ထင်ထင်ရှားရှား ဥပမာကတော့ ၂၀၁၆ ခုနှစ် ဒီဇင်ဘာလထဲမှာ အေပတ် ညီလာခံကြီး လုပ်မယ်ဆိုပြီးတော့ တရုတ်ပြည်မှာ ကြေညာတဲ့အခါမှာ တရုတ်ပြည်ရဲ့ လေထုက အင်မတန်ညစ်ညမ်းတယ်။ ကာဗွန်တွေကြောင့်။ အဲဒီ ကာဗွန်တွေကြောင့် ကျောက်မီးသွေးစက်ရုံ ၅၀၀၀ ကို တစ်ခါ တည်း ပိတ်ပစ်လိုက်တယ်။ နောက် ၅ ဒသမ ၅ သန်းလောက်ရှိတဲ့ မီးခိုးအထွက်များတဲ့ ကားတွေကိုလည်း ဖျက်ဆီးပစ်လိုက်တယ်။ အဲဒီတော့ ဒါကို ဒီလိုနည်းနဲ့ လုပ်ပြီးလို့ရှိရင် ဘယ်နည်းနဲ့ ပြန်လည်ဖြည့်သွင်းလဲဆိုတော့ နေစွမ်းအင်နဲ့ လေစွမ်းအင်ကိုသုံးပြီးတော့ သူတို့က လိုအပ်တဲ့ လျှပ်စစ်ဓာတ်ကို ပြန်ဖြည့် ဖို့ ကြိုးစားတယ်။ လုပ်လည်းလုပ်တယ်။ အခု ဆိုရင် လေစွမ်းအင်၊ နေစွမ်းအင်နဲ့ ပတ်သက် လို့ ပြန်လည်ပြည့်ဖြိုးမြဲ စွမ်းအင်နဲ့ ပတ်သက်လာရင် ဂျပန်နိုင်ငံကိုတောင် ကျော်လွန်ပြီးတော့ တရုတ်နိုင်ငံက အာရှမှာ ထိပ်တန်းနိုင်ငံ တစ်ခုအဖြစ် ဦးဆောင်တဲ့နိုင်ငံအဖြစ် ရောက် နေပြီ။ ထိုနည်းလည်းကောင်း အတူတူပဲ။ အိန္ဒိယလည်း ပြောင်းနေပြီ။ သူတို့က နျူကလီးယား စွမ်းအင်ကိုသုံးတယ်။ နေရောင်ခြည်စွမ်းအင်ကို သုံးဖို့အတွက်လည်း လိုအပ်တဲ့ ရန်ပုံငွေတွေကိုလည်း ကမ္ဘာ့ဘဏ်ကနေ ထုတ်ချေးပြီးတော့ သုံးနေတာရှိပါတယ်။ အဲဒီတော့ တစ်ဆက်တည်း ဆက်ပြီးစဉ်းစားမယ် ဆိုလို့ရှိရင်တော့ ယိုးဒယားမှာလည်း ထို့အတူပဲ။ ထိုင်းနိုင်ငံမှာလည်း ကျောက်မီးသွေးကို ပိတ်ပစ်လိုက်တာများတယ်။ တော်တော်များများ ပိတ်ပစ်လိုက်ရပြီ။

မေး – ကျောက်မီးသွေးစွမ်းအင်ရဲ့ သဘာဝပတ်ဝန်းကျင်အပေါ် ထိခိုက်မှု ဘယ်လောက်ထိ ရှိတယ်ဆိုတဲ့ အကြောင်းလည်း သိပါရစေ။

ဖြေ – ကျောက်မီးသွေးကတော့ ထုံးစံအတိုင်းပဲ မီးလောင်ပြီဆိုရင် ကမ္ဘာကြီးနဲ့ လူသားတွေ သဘာဝပတ်ဝန်းကျင်တွေအပေါ် ဆိုးကျိုးသက်ရောက်မှုကတော့ တစ်ကမ္ဘာလုံး အတိုင်းအတာနဲ့ သိပြီးသားဖြစ်ပါတယ်။ ယေဘုယျ ပြောမယ်ဆိုရင် ကျောက်မီးသွေးက ပစ္စည်း ၁၃ မျိုးထွက်တယ်။ သူက မီးလောင်ပြီးရင် အပူစွမ်းအင်ထုတ်ပေးတယ်။ အပူစွမ်းအင် ထုတ်ပေးပြီးတာနဲ့တစ်ပြိုင်နက် အငွေ့အဖြစ် နဲ့ သဘာဝပတ်ဝန်းကျင်အပေါ်ကို ပြောင်းလဲ ပြီးတော့ သက်ရောက်သွားတယ်။ အဲဒါတွေက ကာဗွန်ဒိုင်အောက်ဆိုက်တို့၊ ကာဗွန်မို နောက်ဆိုက်တို့၊ နိုင်ထရိုဂျင်အောက်ဆိုက်တို့၊ ဆာဖာဒိုင်အောက်ဆိုက်တို့၊ နိုက်ထရတ် အောက်ဆိုက်တို့ နောက်ပြီးတော့ အာဆင်း နစ်ခေါ်တဲ့ အဆိပ်ဓာတ်ငွေ့တွေ၊ ပြဒါးတွေ နောက်ပြီးတော့ ယူရေနီယမ်လည်း နည်းနည်းပါးပါးထွက်တယ်။ အဲဒီလိုဟာတွေ ထွက်တဲ့အခါကျ အဲဒါတွေအကုန်လုံးက သဘာဝ ပတ်ဝန်းကျင်ကို အသွင်သဏ္ဌာန် အမျိုးမျိုးနဲ့ သွား ပြီးတော့ သက်ရောက်တယ်။ ပြောင်းလဲသွားတယ်။ အထူးသဖြင့်တော့ ဆာလဖာဒိုင်အောက် ဆိုက်ထွက်တဲ့အတွက် ဆာလဖာဒိုင်အောက်ဆိုက်က ဆာလဖျူရစ်အက်စစ်အဖြစ်နဲ့ ကမ္ဘာကြီးပေါ်မှာ ရွာစေတယ်။ သဘာဝပတ်ဝန်းကျင်မှာ လူတွေက အောက်ဆီဂျင်ကို ရှူပြီးတော့ ကာဗွန်ဒိုင်အောက်ဆိုက်ဓာတ်ကို ထုတ်တယ်။ ကာဗွန်ဒိုင်အောက်ဆိုက်ဓာတ်က တို့လူအတွက် မလိုအပ်တဲ့ ပစ္စည်း။ အသက်ရှူလမ်းကြောင်းအတွက်၊ ကျန်းမာရေးအတွက် မလိုအပ်တဲ့ပစ္စည်း။ အဲဒီပစ္စည်းတွေ လေထုထဲကို ရောက်လာပြီဆိုရင် အဓိကကတော့ ဘာဖြစ်လဲဆိုရင် လူရဲ့ကျန်းမာရေးကို ထိခိုက်မယ်။ သွေးနဲ့ဆိုင်တဲ့ ရောဂါတွေ နောက်တစ်ခုက ကိုယ်လက်အင်္ဂါတွေပေါ်မှာ အကျိုးသက်ရောက်မှုတွေရှိတယ်။ ခဲဓာတ်ငွေ့တွေ ထွက်တယ်။ ခဲဓာတ်ငွေ့ကလည်း သွေးနဲ့ဆိုင်တဲ့ ရောဂါတွေဖြစ်တယ်။ ဆာလဖာကြတော့ ရှူမိပြီဆိုရင် ရာခိုင်နှုန်း ၈၀ က အဆုတ်ထဲကို ရောက်သွားမယ်။ အသက်ရှူ လမ်းကြောင်းမှာ သက်ရောက်ပြီးတော့ လူကိုကင်ဆာတွေ အစ အားလုံးသော ရောဂါအမျိုးမျိုး ဖြစ်နိုင်တယ်။ အထူးသဖြင့် ဦးနှောက်ထဲ ရောက်သွားတဲ့ ဟာတွေကလည်း ဦးနှောက်ရဲ့ လုပ်ဆောင်ချက်ကို ထိခိုက်စေတယ်။ အဆိုးဆုံးကတော့ ခဲ၊ ဆာလဖာဒိုင်အောက်ဆိုက်နဲ့ ကာဗွန်ဒိုင်အောက်ဆိုက်။ ကာဗွန်ဒိုင်အောက်ဆိုက်က လေထဲရောက်သွားလို့ရှိရင် လေထဲမှာ ကာဗွန်ဒိုင်အောက်ဆိုက် များတာနဲ့အမျှ တဖြည်းဖြည်းနဲ့ လူရဲ့ကျန်းမာရေးကို အများကြီး ထိခိုက်နိုင်တယ်။ အဲဒါကြောင့် ကာဗွန်ဒိုင်အောက်ဆိုက်ဓာတ်ကို ဘယ်လိုနည်းနဲ့ ချေဖျက်မလဲဆိုရင် အကောင်းဆုံးကတော့ သဘာဝကြီးက ဖန်တီးထားတဲ့ အတိုင်းပဲ အစိမ်းရောင်ရှိတဲ့ သစ်ပင်တွေကနေပြီးတော့ ကာဗွန်ဒိုင်အောက်ဆိုက်ဓာတ်ကို စုပ်ယူတယ်။ အဲဒီလို သစ်ပင်တွေ များများရှိရင်တော့ ကာဗွန်ဒိုင်အောက်ဆိုက် လေထဲသက်ရောက်မှု သက်သာသွားတယ်။ သို့သော် လက်ရှိ မြန်မာနိုင်ငံရဲ့ အနေအထားအရ သိကြတဲ့အတိုင်းဘဲ။ သစ်ပင်သစ်တောတွေ ပြုန်းတီးတာ များနေတဲ့ အခါကျတော့ ကာဗွန်ဒိုင်အောက်ဆိုက်ကို စုပ်နိုင်တဲ့ အရည်အသွေးက ကျဆင်းနေတယ်။ နိုင်ငံတိုင်းလိုလိုမှာလည်း ကျဆင်းနေတယ်။ ဒါကြောင့် ကာဗွန်အောက်ဆိုက် လျော့နည်းအောင် အသုံးပြုတဲ့ ကိစ္စတွေကို လျှော့ချနေရတယ်။

မေး – မြန်မာနိုင်ငံမှာ လည်ပတ်နေတဲ့ ကျောက်မီးသွေးစက်ရုံ ဘယ်လောက်ရှိပါသလဲ။ နောက်ထပ် ဘယ်လောက် ထပ်ဆောက်မယ်လို့ သိထားပါသလဲခင်ဗျ။

ဖြေ –  အရင်တုန်းကတော့ ဦးသိန်းစိန်အစိုးရ လက်ထက်တုန်းကတော့ ၁၁ ခုအထိ လက်မှတ်ထိုးထားခဲ့တာရှိတယ်။ ဒါပေမဲ့ ခုနောက်ပိုင်း အန်အယ်ဒီအစိုးရ တက်ပြီးတဲ့နောက်ပိုင်း ဆက်လက်ပြီး အကောင်အထည်ဖော်တာ သိပ်မရှိဘူး။ ပျက်သွားပြီလို့ တိတိကျကျ ကြေညာနိုင်တဲ့ ဧရာဝတီတိုင်းက ငရုတ်ကောင်းရယ်။ မွန်ပြည်နယ် ရေးမြို့နားက အန်ဒင်ရယ်၊ အဲဒီနှစ်ခုကတော့ ဖျက်ပြီးပြီလို့ တိတိကျကျ ကြေညာပြီးပြီ။ ကျန်တဲ့ဟာတွေကတော့ ဖျက်သိမ်းတယ်လို့ မကြေညာသေးဘူး။ လက်ရှိလည်ပတ် နေတာကတော့ တီကျစ်ရယ်၊ ကော့သောင်းရယ်။ ကော့သောင်းက နိုင်ငံပိုင်မဟုတ်ဘူး ပုဂ္ဂလိကပိုင်၊ တီကျစ်ကလည်း နိုင်ငံတော်နဲ့ ဖက်စပ်လုပ်ထားတာပဲ။

မေး – ကျောက်မီးသွေးနဲ့ ပတ်သက်ပြီး သီးသန့်ဥပဒေ နည်းဥပဒေကရော မရှိသေးဘူးလို့ သိရပါတယ်။ အဲဒါလည်း ရှင်းပြပေးပါဦးခင်ဗျ။

ဖြေ – ဥပဒေ နည်းဥပဒေကတော့ မြန်မာနိုင်ငံမှာ ကျောက်မီးသွေး တူးဖော်တဲ့ နည်းစဉ်တွေရှိတယ်။ သတ္တုတူးဖော်တဲ့ နည်းစဉ်တွေရှိတယ်။ ကျောက်မီးသွေးက အင်မတန် အန္တရာယ်များပြီးတော့ မတော်တဆ ဖြစ်နိုင်ခြေများတဲ့အတွက် နိုင်ငံတိုင်း နိုင်ငံတိုင်း လိုလိုမှာ သူ့ကို သီးခြားပညာရပ် တစ်ခုအနေနဲ့ ကျောက်မီးသွေး တူးဖော်ရေး အင်ဂျင်နီယာ ဘာသာရပ်အနေနဲ့ သီးခြားသင်ပေးရတယ်။ သတ္တုနဲ့ ပတ်သက်ပြီး နှစ်ခုခွဲထားတယ်။ နှစ်ခုခွဲထားတဲ့ အလျောက်လည်း သူ့ရဲ့လုပ်ထုံးလုပ်နည်း နဲ့ ဥပဒေကလည်း နိုင်ငံတိုင်းလိုလိုမှာ သီးခြားစီထားတယ်။ ကျွန်တော်တို့ မြန်မာနိုင်ငံမှာတော့ ကျောက်မီးသွေးတွင်းက နိုင်ငံတော်ပိုင်ဆိုလို့  အဲဒီအချိန်တုန်းက ကလေးဝကျောက် မီးသွေးတွင်း တစ်ခုတည်းရှိခဲ့တဲ့အခါကျတော့ သိပ်ပြီးတော့မှ မရှိခဲ့ဘူး။ ရှိကို မရှိဘူးပေါ့။ ကျောက်မီးသွေးကို နဂိုမူလသတ္တုဥပဒေထဲမှာပဲ လုပ်ငန်းခွင် အန္တရာယ်ကင်းရှင်းအောင် ဆောင်ရွက်ရမယ်ဆိုတဲ့ ဟာလောက်ပဲ သဘာဝ ပတ်ဝန်းကျင် မထိခိုက်အောင်ဆိုတာလောက် ပဲရှိတယ်။ သီးခြားဥပဒေအနေနဲ့ မရှိဘူး။ အဲဒါကြောင့် ကျွန်တော်တို့က ကျောက်မီး သွေးအပေါ်မှာ အခြေခံမယ့်အသံတွေက လည်း ကြားလာရတဲ့အတွက် အခုကျောက်မီး သွေးတူးဖော်မှုတွေလည်း တော်တော်များလာပြီ။ များပြားလာတဲ့အလျောက် မတော်တဆ ထိခိုက်မှုတွေကလည်း များလာတယ်။ ထိခိုက်မှုမှာ လုပ်ငန်းထိခိုက်မှုရှိသလို သဘာဝပတ်ဝန်းကျင် ထိခိုက်မှုလည်း များတယ်။ ကျောက်မီးသွေး တူးဖော်မှုလုပ်ငန်းကြောင့် သဘာဝပတ်ဝန်းကျင် ထိခိုက်မှုတွေရှိတယ်။ မကြာသေးမီကာလက ထိခိုက်မှုအနေနဲ့ နီကယ်စက်ရုံနားက ကျောက်မီးသွေးတွေကို စည်းကမ်းမရှိ စွန့်ပစ်မှုတွေအတွက် ဒါက စည်းကမ်းမရှိ စွန့်ပစ်တယ် ဆိုတာကလည်း ဥပဒေကြောင်းအရ စည်းကမ်းထိန်းသိမ်း အပိုင်းမှာ အားနည်းတာလည်း ဖြစ်ချင်ဖြစ်နိုင်ပါတယ်။ နောက်တစ်ခုက လုပ်ငန်းရှင်တွေက စည်းကမ်းလိုက်နာမှု အားနည်းလို့ ဖြစ်တာလည်း ဖြစ်နိုင်ပါတယ်။ အဲဒီတော့ ကျောက်မီးသွေးမှုန်တွေက ဟင်္သာချောင်းတွေကို ချတယ်။ ဟင်္သာချောင်းက ဘယ်သွားလဲ ဧရာဝတီမြစ်ထဲကို သွားတယ်။ တစ်ဖက်ကကြည့်ရင်လည်း အရေးတကြီး ထိန်းသိမ်းရမယ့် ဧရာဝတီလင်းပိုင်တွေက အဲဒီဒေသမှာ အများဆုံး နေထိုင်ကြတယ်။ အခုဆိုရင်လည်း ဧရာဝတီလင်းပိုင် အရေအတွက်က အတော်လေးနည်းနေပြီ။ အဲဒီတော့ ဧရာဝတီမြစ်ထဲကို စီးဆင်းတဲ့ဟာတွေမှာ ကျောက်မီးသွေးအမှုန့်တွေ ပါဝင်တဲ့အတွက် အဆိပ်အတောက် ဖြစ်စေတဲ့အတွက် သတ္တ၀ါတွေကိုလည်း များစွာထိခိုက်စေတယ်။ ပြီးတော့ အဲဒီချောင်းထဲက သောက်မိတဲ့ ကျွဲတွေ၊ နွားတွေ ဗိုက်ကြီးတွေဖောင်းပြီး သေတယ်။ အဲဒီလို အလားတူကိစ္စ တွေလည်း ဖြစ်ခဲ့ဖူးလို့ရတယ်။ အဲဒါကြောင့် သဘာဝပတ်ဝန်းကျင် မထိခိုက်အောင် ကျောက်မီးသွေးကို သေသေချာချာထိန်းသိမ်း သင့်တယ်လို့ တွေးမိတယ်။ နောက်တစ်ခုက ဒီဇင်ဘာ ၇ ရက်လောက်မှာ ရွှေစက်တော်နား က ကုမ္ပဏီတစ်ခုရဲ့ မြေအောက်ကျောက်မီး သွေးတွင်းမှာ ပေ ၆၀၀ လောက်နက်တဲ့ အလုပ် လုပ်နေတဲ့နေရာမှာ တရုတ်နိုင်ငံသား အပါအ၀င် ဒေသခံအလုပ်သမား ရှစ်ယောက်လောက် မတော်တဆဖြစ်ပြီးတော့ ကျောက်မီးသွေးတွင်းထဲမှာ သေဆုံးခဲ့တာ ဖြစ်ခဲ့တယ်။ အဲဒီလိုဖြစ်တဲ့အတွက် ဒါတော့ ကျောက်မီး သွေးနဲ့ပတ်သက်လို့ သီးခြားဥပဒေ၊ နည်း ဥပဒေပြဋ္ဌာန်းမှ ဖြစ်တော့မယ်။ အိမ်နီးချင်း နိုင်ငံဖြစ်တဲ့ အိန္ဒိယနိုင်ငံမှာလည်း ကျောက်မီးသွေးနဲ့ပတ်သက်လို့ သီးခြားဥပဒေပြဋ္ဌာန်း ပြီးတော့ စနစ်တကျ လုပ်ကိုင်နေတာ ရှိပါတယ်။ သီးခြားကျောက်မီးသွေး မိုင်အင်စရက်ချာတွေလည်း ခန့်ထားတယ်။ ထို့နည်းအတူလည်း ဂျပန်မှာ ဆိုရင်လည်း ကျောက်မီးသွေးနဲ့ ပတ်သက်လို့ အန္တရာယ်မရှိအောင် လုပ်တယ်။ လူဦးရေများတဲ့ တရုတ်မှာ ဆိုရင်လည်း ကျောက်မီးသွေးနဲ့ ပတ်သက်လို့ မကြာ မကြာ မတော်တဆ ဖြစ်နေတာ တွေ့ရတယ်။ ဖြစ်လိုက်ရင်လည်း သေဆုံးမှုတွေ ပါနေတာတွေက များတယ်။ အပြင်းအထန် သေဆုံးမှုနဲ့ သေဆုံးမှု ဒီနှစ်ခုပဲရှိတယ်။ အဲဒီတော့ ကျောက်မီးသွေးနဲ့ ပတ်သက်လို့ မြန်မာနိုင်ငံမှာလည်း အလားအလာ ရှိနေတယ်။ တနင်္သာရီတိုင်းမှာလည်း နိုင်ငံခြား ရင်းနှီးမြှုပ်နှံမှု တစ်ခုနဲ့ လုပ်နေတဲ့နေရာမှာ မီးလောင်မှုတွေ၊ အနံ့အသက်ရှူမိတဲ့ ပြည်သူလူထုက အမြဲတမ်း Complain တက်တာတွေရှိတဲ့ အတွက်ကြောင့် တိုင်းဒေသကြီး အစိုးရအနေနဲ့က ပြင်ဆင်မှု ထုတ်ရမယ်။ ဒါကို ဖြစ်ခါမှလိုက်ပြီး ပြင်ဆင်နေမယ့်အစားကို နဂိုကတည်းက တိတိကျကျ စည်းကမ်းဥပဒေ သတ်မှတ်ပြီး လုပ်မယ်ဆိုရင် သက်ဆိုင်ရာ စည်းကမ်းထိန်းသိမ်းရမယ့် အာဏာပိုင်တွေက သော်လည်းကောင်း၊ သတ္တုတွင်းဝန်ကြီးဌာန အပါအ၀င် သတ္တုတွင်း ၀န်ကြီးဌာနက တာဝန်ရှိသူလည်း လက်ကိုင်ပြုနိုင်မယ့် ဥပဒေရှိမယ်။ နိုင်ငံခြား ရင်းနှီးမြှုပ်နှံမှုတွေ လုပ်လာရင်လည်း ဒီဥပဒေ ဒီစည်းမျဉ်းတွေ ရှိတဲ့အတွက် ကျွန်တော်တို့က တိတိကျကျ စာချုပ်ထဲမှာ ထည့်ပြီးတော့မှ စာချုပ်ချုပ်လို့ရမယ်။