International

မလေးရှားဝန်ကြီးချုပ်၏ ဇနီးအတွက် ဒေါ်လာသန်း ၃၀ တန်စိန်ဝယ်ယူမှုနှင့် 1 MDB အမှုဆက်နွှယ်နေ

မလေးရှားအစိုးရပိုင် ရင်းနှီးမြှုပ်နှံမှုလုပ်ငန်း 1 MDB မှခိုးယူခဲ့သည်ဟု စွပ်စွဲခံထားရသော ဒေါ်လာသန်း ၃၀ ကိုဝန်ကြီးချုပ် နာဂျစ်ရာဇက်၏ ဇနီးအတွက် စိန်ဝယ်ယူရန် သုံးစွဲခဲ့ကြောင်း အမေရိကန် တရားရေးဌာနက စွပ်စွဲမှုတွင် ဖော်ပြခဲ့သည်။ လော့စ်အိန်ဂျလိရှိ ခရိုင်တရားရုံးတွင် လျှောက်ထားခဲ့သော ယင်းစွဲဆိုမှု၌ ၀န်ကြီးချုပ် နာဂျစ်ရာဇက်နှင့် သူ၏ဇနီး ရိုစမာမန်ဆာကို အမည်တပ်၍ မဖော်ပြခဲ့သော်လည်း ၂၂ ကာရက်ရှိ ပန်းရောင်စိန်ဝယ်ယူမှုသည် ‘Malaysian Official 1’ ၏ဇနီးအတွက်ဟု ဖော်ပြထားခဲ့သည်။

လန်ဒန်မီးလောင်မှုတွင် သေဆုံးသူ ၃၀ အထိ မြင့်တက်လာချိန်၌ ဒေါသထွက်မှုများ ပိုမိုကြီးထွားလာ

လန်ဒန်အနောက်ဘက်ရှိ ၂၄ ထပ်မြင့်သော တာဝါတစ်ခု မီးကြီးလောင်မှုအတွင်း သေဆုံးသူ ၃၀ အထိမြင့်တက်လာပြီး လူ ၇၀ သည်စာရင်းပျောက်နေဆဲဖြစ်စဉ် ယင်းသေဆုံး ထိခိုက်ခဲ့ရသူများအတွက် တရားမျှတမှုဖော်ဆောင်ပေးရန် တောင်းဆိုမှုများ ထွက်ပေါ်နေချိန်၌ ဒေါသထွက်နေသော ဒေသခံများက ၀န်ကြီးချုပ် ထရီဆာမေအား ဝေဖန်ခဲ့ကြပြီး ဒေသဆိုင်ရာ အာဏာပိုင်ရုံးချုပ်ကို ထိုးဖောက်ဝင်ရောက်ခဲ့ကြသည်။

ဒန်းနစ်ရော့ဒ်မန်းက မြောက်ကိုရီးယားသို့ သွားရောက်လည်ပတ်မှုကို ကောင်းမွန်သော ခရီးတစ်ခုဟုပြောကြား

မြောက်ကိုရီးယားသို့ သွားရောက်လည်ပတ်ခဲ့ပြီးနောက် ဇွန် ၁၇ ရက်တွင် တရုတ်နိုင်ငံ၊ ပေကျင်းသို့ရောက်ရှိခဲ့သည့် အမေရိကန် ဘတ်စကက်ဘော ကစားသမားဟောင်း ဒင်းနစ်ရော့ဒ်မန်းက မြောက်ကိုရီးယားခရီးသည် ကောင်းမွန်သောခရီးတစ်ခုဟု ပြောကြားခဲ့သည်။
    
ဘေ့စ်ဘော အားကစားဦးထုပ်ဆောင်းပြီး နေကာမျက်မှန်တပ်ဆင်၍ PotCoin လိုဂိုရေးထိုးထားသည့် အနက်ရောင်တီရှပ်ကို ၀တ်ဆင်ထားသည့် ရော့ဒ်မန်းက ဂျာနယ်လစ်များ အုံခဲနေသည့်ပေကျင်း လေဆိပ်မှ တိုးထွက်နေစဉ် နောက်ထပ်ထင်မြင်ချက်များ ပြောကြားရန် ငြင်းဆိုခဲ့သည်။
    

သေဆုံးသူအရေအတွက် ၃၀၀ ကျော်သွားချိန်တွင် ဖိလစ်ပိုင်တပ်ဖွဲ့ဝင်များက အစ္စလာမ္မစ်များအား ဗုံးကြဲတိုက်ခိုက်

တစ်လနီးပါး ကြာမြင့်လာပြီဖြစ်သော တိုက်ခိုက်မှုများအတွင်း သေဆုံးသူ ၃၀၀ ကျော်လာချိန်တွင် ဖိလစ်ပိုင်တောင်ပိုင်းရှိ မာရာဝီမြို့၌ ဇွန် ၁၇ ရက်တွင် စစ်တပ်က တပ်ဖွဲ့ဝင်များကို တိုးမြှင့်တပ်ဖြန့်ခဲ့ပြီး အစ္စလာမ္မစ်စစ်သွေးကြွများအား လေကြောင်းတိုက်ခိုက်မှုများနှင့် အမြောက်များဖြင့်ပစ်ခတ်မှုများ ပြုလုပ်ခဲ့ကြသည်။ ခြေကုပ်အခိုင်အမာယူထားသော စစ်သွေးကြွများအား တိုက်ထုတ်နိုင်ရန် ရုန်းကန်နေရသည့် မြေပြင်တပ်ဖွဲ့ဝင်များကို ထောက်ကူပေးရန် လေကြောင်းမှ ဗုံးကြဲတိုက်ခိုက်ပေးခဲ့စဉ် စစ်သွေးကြွများ ထိန်းချုပ်ထားဆဲဖြစ်သောနေရာများမှ ပစ်ခတ်သံများ ကြားခဲ့ရပြီး မီးခိုးလုံးမည်းကြီးများ ထွက်လာခဲ့ကြောင်း အေအက်ဖ်ပီ ဂျာနယ်လစ်များက ပြောကြာ

အစ္စရေးရဲမေ ဓားထိုးသတ်ခံရခြင်းသည် ၎င်းတို့လက်ချက်ဟု IS ထုတ်ပြန်

တံတိုင်းကာရံထားသော ဂျေရုစလင်၏ မြို့ဟောင်း အပြင်ဘက်တွင် အစ္စရေးရဲမေတစ်ဦး ဓားထိုးခံရပြီး သေဆုံးခဲ့သည့် တိုက်ခိုက်မှုသည် ၎င်းတို့လက်ချက်ဖြစ်သည်ဟု IS တို့ကဇွန် ၁၇ ရက်တွင် ထုတ်ပြန်ခဲ့သည်။ IS တို့က ဂျေရုစလင်တွင် ဖြစ်ပွားသည့် တိုက်ခိုက်မှုတစ်ခုကို ၎င်းတို့လက်ချက်ဟု ပထမဆုံးအကြိမ် ပြောကြားခြင်းလည်းဖြစ်သည်။