International

ဂျာမနီတွင် ရွှေ့ပြောင်းအခြေချ ဆန့်ကျင်သည့် AfD ပါတီ၏ ညီလာခံအား လက်ဝဲဆန္ဒပြသူများက နှောင့်ယှက်ရန် ကြိုးပမ်း

ဂျာမနီတွင် လက်ယာယိမ်း အများကြိုက်ဝါဒီ Alternative for Germany (AfD) ပါတီက ဧပြီ ၂၂ ရက်တွင် ပါတီညီလာခံ ကျင်းပနေစဉ် ထောင်နှင့်ချီသော လက်ဝဲယိမ်းဆန္ဒပြသူများက နှောင့်ယှက်ရန် ကြိုးပမ်းခဲ့ကြပြီး အထွေထွေ ရွေးကောက်ပွဲမတိုင်မီ ငါးလခန့်အလိုတွင် ပါတီတွင်း ယှဉ်ပြိုင်မှုများ ကြီးထွားလာသည့် လက္ခဏာဖြစ်သည်။ နိုင်ငံအနောက်ပိုင်းရှိ ကိုလုံးမြို့တွင် ရွှေ့ပြောင်း အခြေချများအား ဆန့်ကျင်သည့် AfD ပါတီ၏ နှစ်ရက်ကြာ စုဝေးမှုအတွင်း ဆန္ဒပြသူ ၅၀၀၀၀ ခန့်ကစုဝေးကြမည်ဟု မျှော်လင့်ရပြီး အခြေအနေ ထိန်းသိမ်းရန် ရဲတပ်ဖွဲ့ဝင် ၄၀၀၀ ကိုချထားခဲ့ကြောင်း သိရသည်။

ရွေးကောက်ပွဲ နီးကပ်လာစဉ် ရွမ့်အလစ်ဇေးတွင် တိုက်ခိုက်သူအကြောင်းအား စုံစမ်းစစ်ဆေး

ပြင်သစ်နိုင်ငံတွင် အကြိတ်အနယ်ရှိနိုင်သည့် သမ္မတရွေးကောက်ပွဲ ပထမအကျော့ မကျင်းပမီ မြို့တော်ပါရီရှိ ထင်ရှားသော ရွမ့်အလစ်ဇေး ရိပ်သာလမ်းမကျယ်တွင် ရဲတစ်ဦးအား ပစ်သတ်ခဲ့သည့် ဂျီဟတ်၏ နောက်ကြောင်းရာဇ၀င်ကို ပြင်သစ်စုံစမ်းစစ်ဆေးသူများက ဧပြီ ၂၂ ရက်တွင် စုံစမ်းစစ်ဆေးနေကြောင်း သိရသည်။ ဧပြီ ၂၀ ရက် ညကဖြစ်ပွားခဲ့သော ယင်းပစ်ခတ်တိုက်ခိုက်မှုအပြီး ပြင်သစ်အား မည်သို့ကာကွယ်မည်နှင့် ပတ်သက်၍ သမ္မတကိုယ်စားလှယ်လောင်းများက အချေအတင် ဆွေးနွေးခဲ့ကြသည်။

တောင်ကိုရီးယားသမ္မတ ကိုယ်စားလှယ်လောင်းက မုဒိမ်းကျင့်ရန် ကြံစည်ခဲ့မှုကို ငြင်းဆို

တောင်ကိုရီးယားသမ္မတ ကိုယ်စားလှယ်လောင်း ဟောင်ယွန်းပျိုသည် သူ၏ ကိုယ်တိုင်ရေး အတ္ထုပ္ပတ္တိ စာအုပ်တွင် ချိန်းတွေ့ကာ မုဒိမ်းကျင့်ရန် ကြိုးပမ်းခဲ့မှု အရှုပ်တော်ပုံကို ၀န်ခံခဲ့မှုအား မဲဆန္ဒရှင်များ၏ ဒေါသများ မြင့်တက်လာချိန်၌ ဧပြီ ၂၁ ရက်တွင် ငြင်းဆိုလိုက်ကြောင်း သိရသည်။

မိုနာကိုမှ ကားပြပွဲတွင် ကားပျံနှစ်မျိုး ပါဝင်ပြသ

ကားပျံများကို စိတ်ကူးယဉ်သိပ္ပံဝတ္ထုများတွင်သာ တွေ့နိုင်ဖွယ်ရှိသော်လည်း French Riviera ပင်လယ်ကမ်းခြေဒေသတွင်းမှ မိုနာကိုတွင် ဧပြီ ၂၀ ရက်က ပြုလုပ်ခဲ့သည့် စူပါကားပြပွဲ၌  ကားပျံရှေ့ပြေးပုံစံ နှစ်မျိုးကို ပြသခဲ့ကြသည်။

ချမ်းသာကြွယ်ဝသော မိုနာကိုတွင် ဧပြီ ၂၃ ရက်နေ့အထိ ကျင်းပမည့် ဇိမ်ခံကားများ လာရောက်ပြသကြသော Top Marques ပြပွဲတွင် ဒတ်ခ်ျနှင့် ဆလိုဗက် ကုမ္ပဏီများက ၎င်းတို့၏ ကားပျံဒီဇိုင်းများကို ပါဝင်ပြသခဲ့ကြခြင်းဖြစ်သည်။

ဗြိတိန်ဘုရင်မ အလစ်ဇဘတ် အသက် ၉၁ နှစ်ပြည့် မွေးနေ့ အခမ်းအနားဆင်နွှဲ

ဗြိတိန်ဘုရင်မ ဒုတိယမြောက် အလစ်ဇဘတ်သည် ဧပြီ ၂၁ ရက်တွင် အသက် ၉၁ နှစ်ပြည့်မြောက်ခဲ့ပြီး ကမ္ဘာ့ထီးနန်းစိုးစံမှုအရှည်ကြာဆုံး ဘုရင်မသည် လူငယ်မျိုးဆက်များထံ နန်းတော်တာဝန်များ လွှဲပေးရန်အတွက် လုပ်ဆောင်နေကြောင်း သိရသည်။ လန်ဒန်ရှိ Tower Bridge တွင် သေနတ်ပစ်ဖောက် ဂုဏ်ပြုမှုနှင့် Hyde Park တို့တွင် ဘုရင်မ၏ မွေးနေ့အထိမ်းအမှတ်ကို ကျင်းပမည်ဖြစ်ရာ အလစ်ဇဘတ်၏ အသက် ၉၀ ပြည့် မွေးနေ့ အခမ်းအနားကဲ့သို့မဟုတ်ဘဲ ခပ်မှိန်မှိန်သာ ကျင်းပမည့် လက္ခဏာဖြစ်သည်။