International

ဘင်္ဂလားဒေ့ရ်ှတွင် အစိုးရဆန့်ကျင်ရေး ဆန္ဒပြသူများက ဘတ်စ်ကားကို မီးလောင်ဗုံးဖြင့် ပစ်သောကြောင့် ခုနစ်ဦး သေဆုံး

ဖေဖော်ဝါရီ ၃ ရက်က ဘင်္ဂလားဒေ့ရှ် အရှေ့ပိုင်းတွင် အစိုးရဆန့်ကျင်ရေး ဆန္ဒပြသူများက အိပ်ပျော်နေသည့် ခရီးသည်များ လိုက်ပါလာသည့် ဘတ်စ်ကားတစ်စီးကို မီးလောင်ဗုံးဖြင့် တိုက်ခိုက်ခဲ့ရာ လူခုနစ်ဦး သေဆုံးခဲ့ပြီး ၀န်ကြီးချုပ်ရှိတ်ဟာစီနာကို ဖြုတ်ချရန် ရည်ရွယ်သည့် နိုင်ငံရေး မငြိမ်မသက်မှုက ပို၍ အရှိန်မြင့်မားလာခဲ့သည်။

ဝန်ကြီးချုပ်အဖြစ် နှစ်ကြိမ် တာဝန်ယူခဲ့ဖူးသည့် ခါလီဒါဇီယာ ဦးဆောင်သော BNP ပါတီမှ တက်ကြွလှုပ်ရှားသူများ၏ လက်ချက်ဟု စွပ်စွဲထားသော ချက်ဒိုဂရမ်မြို့၌ ဖြစ်ပွားသည့် ယင်းတိုက်ခိုက်မှုတွင် အခြားခရီးသည် အများအပြားလည်း ပြင်းထန်သော ဒဏ်ရာများ ရရှိခဲ့သည်။

ဒုတိယမြောက် ဂျပန်ဓားစာခံ ဂျာနယ်လစ်ကို ကွပ်မျက်လိုက်ပြီဖြစ်ကြောင်း IS ထုတ်ပြန်


အစ္စလာမ္မစ်နိုင်ငံတော်အဖွဲ့ (IS) ၏ ထပ်မံထုတ်ပြန်လိုက်သော ဗီဒီယိုတစ်ခုထဲတွင် ဒုတိယမြောက် ဂျပန်ဓားစားခံကို ခေါင်းဖြတ်လိုက်ပြီဖြစ်ကြောင်း ဖော်ပြထားသည်။ ယင်းဖြစ်စဉ်အပေါ် နိုင်ငံတကာက ဝိုင်းဝန်းပြစ်တင်ခဲ့ကြပြီး ဂျပန်ဝန်ကြီးချုပ် ရှင်ဇိုအာဘေးမှာလည်း သိသိသာသာ စိတ်မချမ်းမသာဖြစ်ကာ အလွန်ယုတ်မာပြီး စက်ဆုပ်ဖွယ်ကောင်းသည့်လုပ်ရပ်ဟု ရှုတ်ချခဲ့ကြောင်း သိရသည်။

အွန်လိုင်းပေါ်သို့တင်ခဲ့သည့် ထို ဗီဒီယိုထဲတွင် IS တို့သည် အသက် ၄၇ နှစ်အရွယ် ဂျပန်ဓားစာခံဂျာနယ်လစ် ကင်ဂျီဂိုတိုအား သတ်လိုက်သည်ဟု ဖော်ပြခဲ့သော်လည်း ဂျော်ဒန်ဓားစာခံ လေယာဉ်မှူးနှင့် ပတ်သက်ပြီး တစ်စုံတစ်ရာ မပြောကြားခဲ့ပေ။

အီဂျစ်နိုင်ငံ ဆိုင်နိုင်းတွင် တိုက်ခိုက်မှုများ ဖြစ်ပွားပြီး ၂၆ ဦး သေဆုံး

အီဂျစ်နိုင်ငံ မြောက်ပိုင်းရှိ လုံခြုံရေးတပ်များနှင့် အစ္စလာမ္မစ်သူပုန်များ တိုက်ပွဲဖြစ်ပွားနေသည့် ဆိုင်နိုင်းပြည်နယ်တွင် စစ်သွေးကြွများက ရော့ကက်များဖြင့် ပစ်ခတ်ပြီး ကားဗုံးဖောက်ခွဲမှုတစ်ရပ် ပြုလုပ်ခဲ့ရာ လူ ၂၆ ဦးထက်မနည်း သေဆုံးခဲ့ကြောင်း သိရသည်။

တိုက်ခိုက်မှု ဖြစ်ပွားခဲ့ပြီးနောက် ဆီးရီးယားနှင့် အီရတ်တို့တွင် နယ်မြေပေါင်းများစွာ သိမ်းယူထားသော IS အုပ်စု၏ အီဂျစ်အဖွဲ့ခွဲက ၎င်းတို့၏ လက်ချက်ဖြစ်ကြောင်း အလျင်အမြန် ကြေညာခဲ့သည်။

ထိုင်းစစ်အစိုးရကို ဝေဖန်သော ရှပ်နီခေါင်းဆောင်နှင့် ၀န်ကြီးဟောင်းတို့ စစ်တပ်ထံ လာရောက်သတင်းပို့ရန် အတင်းအကျပ် ဖိအားပေးခံရ

အစိုးရနှင့် သဘောထားကွဲလွဲသူများအား ထိုင်းစစ်အစိုးရက ဖိနှိပ်မှု တိုးမြှင့်ပြုလုပ်နေချိန်တွင် စစ်အစိုးရအား ဝေဖန်ခဲ့သော ရှပ်နီလှုပ်ရှားမှု ထိပ်တန်းခေါင်းဆောင် တစ်ဦးနှင့် ၀န်ကြီးဟောင်း တစ်ဦးတို့သည် သဘောထား ပြုပြင်ရေး အစီအစဉ်အတွက် စစ်တပ်ထံ သတင်းပို့ရန် ဇန်န၀ါရီ ၃၀ ရက်တွင် အတင်းအကျပ် ဖိအားပေးခံခဲ့ရကြောင်း သိရသည်။ အစိုးရကို လူသိရှင်ကြား ဝေဖန်ခဲ့ပြီးနောက် ၀န်ကြီးချုပ်ဟောင်း ယင်လက်ရှင်နာဝပ်ထရာအား ထောက်ခံသော ရှပ်နီလှုပ်ရှားမှု အတွင်းရေးမှူးချုပ် Nattawut Saikuar နှင့် ယင်လက် အစိုးရလက်ထက် စွမ်းအင်ဝန်ကြီး Pichai Narip-thaphan တို့သည် စစ်တပ်ကို သတင်းပို့ရန် ညွှန်ကြားခံခဲ့ရခြင်းဖြစ်သည်။

ဘိုကိုဟာရမ်တို့ကို တိုက်ခိုက်မည့် တပ်သား ၇၅၀၀ ခန့် ပါဝင်သော အဖွဲ့တစ်ခု ဖြစ်ပေါ်လာရန် အာဖရိကသမဂ္ဂ တောင်းဆို

နိုင်ဂျီးရီးယားမှ အလွန်ဆိုးရွားသော ဘိုကိုဟာရမ် အစ္စလာမစ်များကို ချေမှုန်းရန် ဒေသတွင်းငါးနိုင်ငံမှ တပ်သား ၇၅၀၀ ကို အာဖရိကသမဂ္ဂ (AU) မှ တောင်းဆိုခဲ့ကြောင်း AU ကော်မရှင်ဥက္ကဋ္ဌ နာကိုဆာဇာနာဒလာမီနီ-ဇူးမားက ပြောကြားခဲ့သည်။

“ဘိုကိုဟာရမ်ရဲ့ အလွန်ဆိုးရွားတဲ့ အကြမ်းဖက်မှုတွေ၊ ရက်စက်မှုတွေ၊ လူ့အသက်တွေကို လျစ်လျူပြုမှုတွေ၊ ပိုင်ဆိုင်မှုတွေကို အကြောင်းမဲ့သက်သက် ဖျက်ဆီးမှုတွေဟာ ပြိုင်ဘက်မရှိ ဖြစ်နေပါပြီ” ဟု ဒလာမီနီ-ဇူးမားက AU အဖွဲ့၏ ငြိမ်းချမ်းရေးနှင့် လုံခြုံရေးကောင်စီ တွေ့ဆုံမှုတွင် ပြောကြားခဲ့သည်။