ရခိုင်ပြည်နယ်၌ အကြမ်းဖက်မှုများဖြစ်ပွားသည့် ပထမလတွင် ဘင်္ဂါလီမွတ်စလင် ၆,၇၀၀ သေဆုံးခဲ့သည်ဟု နယ်စည်းမခြား ဆရာဝန်များအဖွဲ့က ပြောကြား

နိုဝင်ဘာ ၁၅ ရက်က ဘင်္ဂလားဒေ့ရ်ှရှိ သန်ခါလီဒုက္ခသည်စခန်းအား ရိုက်ကူးထားသော ဓာတ်ပုံ (Photo – AFP)

သြဂုတ်လအနှောင်းပိုင်းတွင် ရခိုင်ပြည်နယ်၌ စတင်သည့် မြန်မာတပ်မတော်၏ အကြမ်းဖက်သမားများအပေါ် စစ်ဆင်ရေး၏ ပထမလအတွင်း ဘင်္ဂါလီမွတ်စလင် ၆,၇၀၀  ထက်မနည်း သေဆုံးခဲ့သည်ဟု နယ်စည်းမခြား ဆရာဝန်များအဖွဲ့ (MSF) က ဒီဇင် ဘာ ၁၄ ရက်တွင် ပြောကြားခဲ့သည်။

ယင်းသည် သြဂုတ် ၂၅ ရက်တွင် အကြမ်းဖက်မှုများ စတင်ဖြစ်ပေါ်ပြီးနောက်ပိုင်း ယခုအထိ ခန့်မှန်းခဲ့သည့် အမြင့်ဆုံးသေဆုံး မှုပမာဏဖြစ်ပြီး သုံးလတာ အချိန်ကာလအတွင်း ဘင်္ဂါလီမွတ်စလင်ပေါင်း ၆၂၀,၀၀၀ ကျော် မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ထွက်ပြေးရမှုနှင့်အတူ ကြီးမားလှသည့် ဒုက္ခသည် အကျပ်အတည်းကို ဖြစ်စေခဲ့သည်။

ကုလသမဂ္ဂနှင့် အမေရိကန်တို့က မြန်မာတပ်မတော်၏ စစ်ဆင်ရေးကို လူနည်းစု ဘင်္ဂါလီမွတ်စလင်များအပေါ် လူမျိုးစုလိုက် သုတ်သင်မှုဟု ခေါ်ဆိုခဲ့ကြသော်လည်း သေဆုံးသူအရေအတွက်အား အထူးပြု ထုတ်ပြန်ခဲ့ခြင်း မရှိပေ။

“ကွန်ဆာဗေးတစ်အဖြစ်ဆုံး ခန့်မှန်းတွက်ချက်မှုတွေအရ ငါးနှစ်အောက် ကလေးငယ် ၇၃၀ ထက်မနည်း အပါအ၀င် ရိုဟင်ဂျာ ပေါင်း ၆၇၀၀ ထက်မနည်း သတ်ဖြတ်ခံခဲ့ရတယ်လို့ ခန့်မှန်းပါတယ်” ဟု MSF က ဒီဇင်ဘာ ၁၄ ရက်တွင် ပြောကြားခဲ့သည်။

MSF ၏တွေ့ရှိချက်များသည် ဒုက္ခသည် စခန်းများရှိ လူပေါင်း ၁၁,၄၂၆ ဦးထက်မနည်းကို စစ်တမ်းကောက်ယူမှုပေါင်း ခြောက်ခုထက်မနည်း ပြုလုပ်ရာမှ ထွက်ပေါ်လာခြင်းဖြစ်ပြီး အကြမ်းဖက်မှုများ စတင်ဖြစ်ပွားပြီးနောက် ပထမတစ်လအတွင်းအတွက် ခန့်မှန်းချက် ဖြစ်သည်။

“ကျွန်တော်တို့က ဘင်္ဂလားဒေ့ရ်ှက ကျပ်ညပ်နေပြီး သန့်ရှင်းမှုမရှိတဲ့ စခန်းတွေမှာ နေထိုင်နေရတဲ့ မြန်မာနိုင်ငံက အကြမ်းဖက်မှုတွေကနေ အသက်ရှင်ကျန်ရစ်ခဲ့တဲ့ လူတွေနဲ့တွေ့ဆုံပြီး စကားပြောခဲ့တာပါ” ဟု MSF မှ ဆေးပညာဆိုင်ရာ ညွှန်ကြားရေးမှူး ဆစ်ဒနီဝေါင်က ပြောကြားခဲ့သည်။

“ကျွန်တော်တို့ ဖော်ထုတ်ခဲ့တာတော့ အကြမ်းဖက်မှုကြောင့် မိသားစုဝင်တစ်ဦးဦး သေဆုံးခဲ့တယ်လို့ အစီရင်ခံတဲ့ လူအရေအတွက်နဲ့ သူတို့အသတ်ခံရ ဒါမှမဟုတ်ဒဏ်ရာ ပြင်းပြင်းထန်ထန်ရခဲ့တဲ့ ကြောက်မက်ဖွယ် နည်းလမ်းတွေအကြောင်းပါပဲ” ဟုလည်း ၎င်းက ပြောကြားခဲ့သည်။

ကျည်ဆန်များ၊ မုဒိမ်းကျင့်မှုများအပြင် ရာနှင့်ချီသော ရွာများကို ပြာပုံအတိဖြစ်သွားစေသည့် မီးရှို့မှုများဖြင့် လုံခြုံရေးတပ်ဖွဲ့ဝင်များနှင့် ဗုဒ္ဓဘာသာဝင် ရခိုင်လူမျိုး လူရမ်းကားများက ၎င်းတို့အား နေအိမ်များမှ မောင်းထုတ်ခဲ့ကြပုံအကြောင်းများကို ဒုက္ခသည်များက အဆက်မပြတ် ပြောပြခဲ့ကြသည်။

ယခုလအစောပိုင်းတွင် ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဇိရာအက်အယ်ဟူစိန်က တပ်မတော်က ဦးဆောင်သော စစ်ဆင်ရေးသည် လူမျိုးတုံးသတ်ဖြတ်မှု မြောက်ဖွယ်ရှိကြောင်း ပြောကြားခဲ့သည်။

ယခု MSF၏ လေ့လာချက်သည် ကြောက်မက်ဖွယ်ရာများအတွင်းသို့ အရေအတွက် တစ်ရပ်ကို ထည့်သွင်းလိုက်ခြင်း ဖြစ်သည်။ ၎င်းတို့၏ လေ့လာချက်၌ သေဆုံးမှု အားလုံး၏ ၆၉ ရာခိုင်နှုန်းသည် သေနတ်ဒဏ်ရာကြောင့်ဖြစ်သည်ဟု ဆိုသည်။

Ref ; AFP

ဒဗ္ဗလင်မြို့တော်ကောင်စီက ဒေါ်အောင်ဆန်းစုကြည်အား ပေးအပ်ထားသည့် ဂုဏ်ပြုဆုကို ပြန်ရုပ်သိမ်းရန် မဲပေး

၂၀၁၂ ခုနှစ် ဇူလိုင် ၁၈ ရက်က ဒဗ္ဗလင်တွင် ဆုပေးပွဲ တက်ရောက်ခဲ့သော ဒေါ်အောင်ဆန်းစုကြည်ကို တွေ့ရစဉ် (Photo – limelight.ie)

ဒီဇင်ဘာ ၁၃ ရက်တွင် ဒဗ္ဗလင်မြို့တော် ကောင်စီဝင်များက မြန်မာခေါင်းဆောင် ဒေါ်အောင်ဆန်းစုကြည်အား ပေးအပ်ထားသည့် ဂုဏ်ပြုဆုကို ပြန်ရုပ်သိမ်းသင့်မသင့် မဲခွဲခဲ့ကြကြောင်း သိရသည်။ မြန်မာနိုင်ငံတွင် ဘင်္ဂါလီ မွတ်စလင်များအပေါ် အကြမ်းဖက်မှုအားသူ၏ ကိုင်တွယ်ပုံကို ဆန္ဒပြသည့်အနေဖြင့် ဆုပြန်ရုပ်သိမ်းရန် မဲခွဲခဲ့ကြခြင်းဖြစ်သည်ဟု အိုင်ယာလန်မီဒီယာများက ဖော်ပြသည်။

ဒေါ်အောင်ဆန်းစုကြည်ထံမှ ဒဗ္ဗလင်မြို့တော် လွတ်လပ်ရေးဆုအား ပြန်ရုပ်သိမ်းရန် မဲခွဲရာတွင် ရုပ်သိမ်းမည့်ဘက်က မဲအများစုရရှိကာ အနိုင်ရရှိခဲ့သည်။ ရုပ်သိမ်းမည့်ကိစ္စအား ထောက်ခံမဲ ၅၉ မဲ ရရှိပြီး ကန့်ကွက်မဲ နှစ်မဲနှင့် မဲမပေးဘဲနေသူ တစ်ဦးရှိခဲ့သည်ဟု RTE အသံလွှင့်ဌာနက ဖော်ပြသည်။

မြန်မာနိုင်ငံမှ လူနည်းစု ဘင်္ဂါလီမွတ်စလင် ၆၂၀,၀၀၀ ကျော်သည် မြန်မာတပ်မတော်၏ စစ်ဆင်ရေးကြောင့် နယ်စပ်ကို ဖြတ်ကျော်ကာ ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြပြီးနောက် ယခုကိစ္စပေါ်ထွက်လာခြင်း ဖြစ်သည်။ ဘင်္ဂါလီမွတ်စလင် ဒုက္ခသည်များက မြန်မာတပ်မတော်သည် လူသတ်မှု၊ မုဒိမ်းမှုနှင့် မီးရှို့မှုများ$ ပါဝင်ပတ်သက်ခဲ့ကြသည်ဟု ပြောကြားခဲ့ကြသည်။

လူနည်းစု ဘင်္ဂါလီမွတ်စလင်များကို အကာအကွယ်ပေးရန် ပျက်ကွက်မှုကြောင့် ဒေါ်အောင်ဆန်းစုကြည်သည် နိုင်ငံတကာ အသိုင်းအ၀ိုင်း၏ ဝေဖန်မှုကို ခံခဲ့ရပြီးယင်းသည် မြန်မာနိုင်ငံ၌ နှစ်ပေါင်းများစွာ နေအိမ်အကျယ်ချုပ်ကျခဲ့သည့် ငြိမ်းချမ်းရေးနိုဗယ်ဆုရှင်အတွက် ဂုဏ်သိက္ခာ အကြီးအကျယ်ကျဆင်းစရာ ဖြစ်ခဲ့သည်။

“ရိုဟင်ဂျာတွေအပေါ် နေ့စဉ်ဖိနှိပ်မှု ဆက်ဖြစ်နေမှာကို ခွင့်မပြုနိုင်ပါဘူး။ အခုလို ဆုရုပ်သိမ်းလိုက်တာက မိမိတို့နိုင်ငံသားတွေကို လေးစားဖို့ မြန်မာအစိုးရအပေါ် ဖိအားပေးနိုင်တယ်ဆိုရင် ဒါမျိုးကို ကြိုဆိုရပါလိမ့်မယ်” ဟု မြို့တော်ကောင်စီဝင် စီအာရန်ပယ်ရီက ပြောကြားခဲ့သည်ဟု Irish Independent သတင်းဌာနက ဖော်ပြခဲ့သည်။

ဒဗ္ဗလင်မြို့သား ဂီတပညာရှင်တစ်ဦးဖြစ်သော ဘော့ဂဲဒေါ့က ဒေါ်အောင်ဆန်းစုကြည်ကို ဆန္ဒပြသောအားဖြင့် သူရရှိထားသည့် အလားတူဆုအား ဒဗ္ဗလင်မြို့တော်ခန်းမ၌ ပြန်လည်ပေးအပ်ခဲ့ပြီးနောက် တစ်လအကြာတွင် ယခုကဲ့သို့ မြို့တော်ကောင်စီ၏ဆုံးဖြတ်ချက် ထွက်ပေါ်လာခြင်း ဖြစ်သည်။

သြဂုတ်လသည် အစုလိုက်အပြုံလိုက် ထွက်ပြေးမှုများ ဖြစ်ပေါ်ခဲ့ပြီးနောက် မြန်မာနိုင်ငံ ရခိုင်ပြည်နယ်မြောက်ပိုင်းတွင် ဘင်္ဂါလီ မွတ်စလင် (မူရင်း၌ ရိုဟင်ဂျာဟုဖော်ပြ) ၃၀၀,၀၀၀ ခန့်သာ ကျန်ရှိတော့ကြောင်းနှင့် နယ်စပ်ကိုဖြတ်ကျော်လျက် လူပေါင်း ၃၀၀ ခန့် နေ့စဉ် ထွက်ပြေးနေဆဲဖြစ်ကြောင်း ကြက်ခြေနီအဖွဲ့က ခန့်မှန်းပြောကြားခဲ့သည်။

လွန်ခဲ့သည့်လက ဘင်္ဂလားဒေ့ရ်ှနှင့် မြန်မာတို့သည် ဘင်္ဂါလီမွတ်စလင်ဒုက္ခသည်များအား ပြန်လည်လက်ခံရေးနှင့်ပတ်သက်၍ သဘောတူညီမှုတစ်ရပ်ကို လက်မှတ်ရေးထိုးခဲ့သည်။ ယင်းအချိန်တွင် ကုလသမဂ္ဂက ဒုက္ခသည်များ နေရပ်ပြန်ရန်အတွက် ဘေးကင်းလုံခြုံသော အခြေအနေရပ်များ မရှိသေးဟု ပြောကြားထားသော်လည်း ယင်းကဲ့သို့  သဘောတူညီမှုကို လက်မှတ်ရေးထိုးခဲ့ခြင်း ဖြစ်သည်။

Ref ; AFP

ခြစားမှုစွဲချက် တင်ခံထားရသော အင်ဒိုနီးရှားပါလီမန်ဥက္ကဋ္ဌ ၀မ်းလျှောမှုကြောင့် ရုံးတင်စစ်ဆေးမှု နှောင့်နှေးခဲ့

ဒီဇင်ဘာ ၁၃ ရက်က ဂျကာတာရှိ တရားခွင်သို့ ပါလီမန်ဥက္ကဋ္ဌ နိုဗန်တို(လယ်)အား စောင့်ကြပ်ခေါ်ဆောင်လာစဉ် (Photo- AFP)

အင်ဒိုနီးရှားတွင် နှစ်များစွာအတွင်း အကြီးမားဆုံး အကျင့်ပျက်ခြစားမှုအတွက် စွဲချက်များစွဲဆိုခံထားရသော ပါလီမန်ဥက္ကဋ္ဌ ဆက်ယာနိုဗန်တိုသည် ၀မ်းလျှောမှုကြောင့် အလွန်အမင်း နေထိုင်မကောင်းဖြစ်နေကြောင်း ပြောကြားခဲ့ပြီးနောက် ၎င်းအား ဒီဇင်ဘာ ၁၃ ရက်တွင် ကြားနာစစ်ဆေးရန် အစီအစဉ်သည် နှောင့်နှေးခဲ့ရပြီး တရားခွင်တက်ရောက်ခဲ့သူများက ၎င်းအား လှောင်ပြောင်ခဲ့ကြသည်။

ယခင်ကလည်း အကျင့်ပျက်ခြစားမှုဆိုင်ရာ စွပ်စွဲချက်များ ရင်ဆိုင်ခဲ့ရပြီး စီရင်ချက်ချမှတ်မခံခဲ့ရသော နိုဗန်တို၊ ၆၂ နှစ်သည် အင်ဒိုနီးရှားရှိ လူဦးရေသန်း ၂၅၀ ကျော်အား သက်သေခံကတ်သစ်များ ထုတ်ပေးရန် အစိုးရ၏ အစီအစဉ်မှရန်ပုံငွေများအား ဖြတ်စားလျှပ်စားလုပ်ခဲ့သည့် နိုင်ငံရေးသမား အများအပြားတွင် ပါဝင်ခဲ့သည်ဟု စွဲချက်တင်ခံထားရခြင်း ဖြစ်သည်။ ယခုနှစ်အစောပိုင်းတွင် ထွက်ပေါ်ခဲ့သော ယင်းအရှုပ်တော်ပုံတွင် အစိုးရအသုံးစရိတ်များမှ ခန့်မှန်းခြေ ဒေါ်လာသန်း ၁၇၀ ခန့်အား မသမာနည်းဖြင့် ရယူခဲ့ကြကြောင်း စွပ်စွဲခံထားရသည်။

သံသယရှိသူများ ၀တ်ဆင်ရသည့် လိမ္မော်ရောင်ဝတ်စုံဖြင့် ဗဟိုဂျကာတာတရားရုံးသို့ ရောက်လာခဲ့သည့် နိုဗန်တိုသည် ၎င်း၏အမည်အား တရားသူကြီးက အကြိမ်ကြိမ် မေးမြန်းချိန်တွင် ၀မ်းနည်းနေမှုနှင့် ညည်းညူနေပုံရကြောင်း သိရသည်။ ၎င်းဝမ်းလျှောနေသည်မှာ ငါးရက်ကြာနေပြီဖြစ်ကြောင်း၊ ဆရာဝန်များထံ ဆေးတောင်းခဲ့သော်လည်း ဆေးမရခဲ့ကြောင်း နိုဗန်တိုကပြောကြားခဲ့ရာ ၎င်း၏ အပြုအမူများကို တရားခွင်တက်ရောက်သူများက ဟားတိုက်ခဲ့ကြသည်။ ဆရာဝန်သုံးဦးက ၎င်းအား စစ်ဆေးပြီး ကြားနာမှုခံယူရန်အတွက် ကျန်းမာရေးကောင်းမွန်ကြောင်း အစောပိုင်းတွင် ပြောကြားထားဟု အစိုးရရှေ့နေများက စောဒကတက်ခဲ့ကြသော်လည်း နိုဗန်တို၏ ရှေ့နေမက်ဒီယာအစ္စမေးက ၎င်း၏ အမှုသည်သည် အလွန်နေထိုင် မကောင်းဖြစ်နေပြီး တရားခွင်တက်နိုင်မည် မဟုတ်ကြောင်း ပြောကြားခဲ့သည်။ နိုဗန်တိုအား အခြားဆရာဝန်များဖြင့် စစ်ဆေးခွင့်ပြုရန်လည်း ၎င်းက တောင်းဆိုခဲ့သည်။

တရားသူကြီးယန်တိုက စွပ်စွဲခံရသူ ရှေ့နေ၏ စောဒကတက်မှုများကြောင့် ကြားနာမှုကို နှစ်ကြိမ်ဆိုင်းငံ့ခဲ့ရသော်လည်း ဆက်လက်လုပ်ဆောင်ရန် နောက်ဆုံးတွင် ဆုံးဖြတ်ခဲ့သည်။

Ref; AFP

အိပ်ပျော်လျက် လမ်းလျှောက်၍ မြောက်ကိုရီးယားအား စစ်ပွဲမဆင်နွှဲရန် ကုလသမဂ္ဂအတွင်းရေးမှူးချုပ် သတိပေး

ဒီဇင်ဘာ ၁၄ ရက်က တိုကျိုတွင် ဂျပန်ဝန်ကြီးချုပ်အာဘေး(ယာ)နှင့် ပူးတွဲ သတင်းစာရှင်းလင်းပွဲ ပြုလုပ်နေသော ကုလအတွင်းရေးမှူးချုပ် ဂူတာရက် (Photo – AFP)

ကိုရီးယားကျွန်းဆွယ်မှ နျူကလီးယား လက်နက်များအား ဖယ်ရှားပစ်ရန်အတွက် သံတမန်ရေးရာ အားထုတ်မှုများဆောင်ရွက် ရန်တိုက်တွန်းခဲ့စဉ် ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်ဇ်က နိုင်ငံတကာအနေဖြင့် အိပ်ပျော်လျက်လမ်းလျှောက်၍ မြောက်ကိုရီးယားအား စစ်ပွဲမဆင်နွှဲရန် ဒီဇင်ဘာ ၁၄  ရက်တွင် သတိပေးခဲ့သည်။

အလွန်သိသာထင်ရှားသော အခြေအနေများ ကြုံရဖွယ်ရှိသည့် စစ်ပွဲအား အိပ်မက်ထဲလမ်းလျှောက်၍ ဆင်နွှဲလျှင် ၎င်းတို့အားလုံးအတွက် အဆိုးရွားဆုံးအရာဖြစ်လာနိုင်ကြောင်း ဂူတာရက်ဇ်က ဂျပန်သို့ရောက်ရှိစဉ် ပြောကြားခဲ့သည်။

နျူကလီးယားစမ်းသပ်မှုနှင့် ဒုံးပစ်လွှတ်စမ်းသပ်မှု တသီတတန်း ပြုလုပ်ခဲ့သော မြောက်ကိုရီးယားအား ကုလသမဂ္ဂလုံခြုံရေးကောင်စီက ပြီးခဲ့သောနှစ်တွင် ပိတ်ဆို့အရေး ယူမှုဆုံးဖြတ်ချက် သုံးကြိမ်ချမှတ်ထားသည်။ ယင်းပိတ်ဆို့အရေးယူမှု ဆုံးဖြတ်ချက်များအား ပထမဆုံးအနေဖြင့် မြောက်ကိုရီးယားက အကောင်အထည်ဖော်ပေးရန် လိုအပ်ကြောင်း၊ သို့သော် အရေးပါသောကဏ္ဍတွင် ပါဝင်သည့် နိုင်ငံအချို့ကလည်း အပြည့်အ၀ အကောင်အထည်ဖော်ရန် လိုအပ်ကြောင်း ဂူတာရက်ဇ်က ပြောကြားခဲ့သည်။

(ကိုရီးယားကျွန်းဆွယ်) နျူကလီးယား ကင်းစင်ရေးအတွက် ငြိမ်းချမ်းသောနည်းလမ်းဖြင့် ဆောင်ရွက်ရန် သံတမန်ရေးရာ အားထုတ်မှုများကို လုပ်ဆောင်ရန်လည်း ဂူတာရက်ဇ်က တိုက်တွန်းခဲ့သည်။

ဂူတာရက်ဇ်နှင့်အတူ ယှဉ်တွဲရပ်လျက် ဂျပန်ဝန်ကြီးချုပ် ရှင်ဇိုအာဘေးကလည်း ကုလသမဂ္ဂလုံခြုံရေးကောင်စီ၏ ဆုံးဖြတ်ချက်များကို အပြည့်အ၀ အကောင်အထည်ဖော်ကြရန်နှင့် နျူကလီးယားကင်းစင်ရေးသို့ ဦးတည်သော အဓိပ္ပာယ်ရှိသည့်ဆွေးနွေးပွဲကို ကျင်းပကြရန် တိုက်တွန်းခဲ့သည်။

ကုလသမဂ္ဂ၏ နိုင်ငံရေးဆိုင်ရာ အကြီးအကဲ ဂျက်ဖရေးဖက်မန်းက ယခုလအစောပိုင်းတွင် မြောက်ကိုရီးယားသို့ သွားရောက်ခဲ့ပြီးနောက် ဂူတာရက်ဇ်က ဂျပန်သို့သွားရောက်ခဲ့ခြင်း ဖြစ်သည်။ ပြုံယမ်းသို့ ရောက်ရှိစဉ် မြောက်ကိုရီးယားက ၎င်းတို့သည် စစ်ပွဲအား ရှောင်လွှဲလိုကြောင်း ဖက်မန်းအား ပြောကြားခဲ့သည်။ စေ့စပ်ညှိနှိုင်းမှုဖြင့် အဖြေရှာရန် တံခါးသည် ယခုအခါ ပို၍ကျယ်ပြန့်လာပြီဟု မျှော်လင့်ကြောင်း ဖက်မန်းက ပြောကြားခဲ့သည်။

အမေရိကန်သည် ကြိုတင်ပြဋ္ဌာန်းချက်များမပါဘဲ မြောက်ကိုရီးယားနှင့်ဆွေးနွေးရန် အသင့်ရှိကြောင်း အမေရိကန်နိုင်ငံခြားရေးဝန်ကြီး ရက်တေလာဆင်က ဒီဇင်ဘာ ၁၂ ရက်တွင် ထုတ်ဖော်ပြောကြားခဲ့ရာ အမေရိကန်၏ မူဝါဒအပြောင်းအလဲအဖြစ် အများအပြားက ရှုမြင်ခဲ့ကြသည်။ မြောက်ကိုရီးယားနှင့် ပထမဆုံးဆွေးနွေးပွဲတွင် အရာအားလုံး၊ ရာသီဥတုအကြောင်းအရာကိုပင် ဆွေးနွေးရန်ရှိကြောင်း တေလာဆင်က အတ္တလန္တိတ်ကောင်စီ မူဝါဒဖိုရမ်တွင် ပြောကြားခဲ့ခြင်း ဖြစ်သည်။ သို့သော် မြောက်ကိုရီးယားဆိုင်ရာ အမေရိကန်မူဝါဒသည် အပြောင်းအလဲမရှိကြောင်း တေလာဆင်၏ နိုင်ငံခြားရေးဌာနနှင့် အိမ်ဖြူတော်က နောက်ပိုင်းတွင် အလေးပေးပြောကြားခဲ့သည်။ နိုင်ငံခြားရေးဝန်ကြီးသည် မူဝါဒသစ် ရေးဆွဲခြင်းမရှိကြောင်း၊ ၎င်းတို့၏ မူဝါဒသည် မပြောင်းမလဲရှိနေဆဲဖြစ်ကြောင်း နိုင်ငံခြားရေးဌာန ပြောခွင့်ရပုဂ္ဂိုလ် Heather Nauert က ဒီဇင်ဘာ ၁၃ ရက်တွင် ပြောကြားခဲ့သည်။

Ref ; AFP

အရှေ့ဂျေရုစလင်အား ပါလက်စတိုင်း၏မြို့တော်အဖြစ် အသိအမှတ်ပြုကြောင်း အစ္စလာမ္မစ်ခေါင်းဆောင်များ ကြေညာ

အရှေ့ဂျေရုစလင်အား ပါလက်စတိုင်း၏မြို့တော်အဖြစ် အသိအမှတ်ပြုကြောင်း အစ္စလာမ္မစ်ခေါင်းဆောင်များ ကြေညာ (Photo – AFP)

အမေရိကန်သည် အရှေ့အလယ်ပိုင်း ငြိမ်းချမ်းရေးလုပ်ငန်းစဉ်တွင် ပါဝင်ရန်ကဏ္ဍ မရှိတော့ဟု ပါလက်စတိုင်းသမ္မတ မာမွတ်အဘားစ်က သတိပေးခဲ့ချိန်တွင် ကမ္ဘာ့အင်အားကြီးနိုင်ငံများအနေဖြင့် သိမ်းယူခံထားရသည့် အရှေ့ဂျေရုစလင်အား ပါလက်စတိုင်း၏ မြို့တော်အဖြစ် အသိအမှတ်ပြုရန် အစ္စလာမ္မစ် ခေါင်းဆောင်များက ဒီဇင်ဘာ ၁၃ ရက်တွင် တိုက်တွန်းခဲ့သည်။

ဂျေရုစလင်အား အစ္စရေး၏မြို့တော်အဖြစ် တရားဝင်အသိအမှတ်ပြုခဲ့သော  အမေရိကန်သမ္မတ ဒေါ်နယ်ထရန့်၏ ဆုံးဖြတ်ချက်ကို တင်းမာသော တုံ့ပြန်မှုဆောင်ရွက်ရန် တူရကီသမ္မတရီဆပ်တေယစ်အာဒို ဂန်က အစ္စတန်ဘူတွင် ကမ္ဘာ၌ အဓိက အစ္စလာမ္မစ်အဖွဲ့ဖြစ်သော အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) ၏ အရေးပေါ်အစည်းအဝေးကို ကျင်းပခဲ့သည်။

အစ္စလာမ်ကမ္ဘာတွင်ပင် သဘောကွဲလွဲမှုများ ဖြစ်ပေါ်နေခဲ့ပြီး ယင်းအစည်းအဝေးတွင် အစ္စရေး သို့မဟုတ် အမေရိကန်အား ပြင်းထန်သောပိတ်ဆို့အရေးယူမှုများ ချမှတ်ရန်အတွက် မည်သည့် သဘောတူညီချက်မျှ မရရှိခဲ့ပေ။

သို့သော် ၎င်းတို့၏ နောက်ဆုံးကြေညာချက်တွင် အရှေ့ဂျေရုစလင်အား ပါလက်စတိုင်း၏မြို့တော်အဖြစ် အသိအမှတ်ပြုခဲ့ပြီး နိုင်ငံအားလုံးအနေဖြင့် ပါလက်စတိုင်းနှင့် အရှေ့ဂျေရုစလင်တို့အား သိမ်းပိုက်ခံထားရသည့် မြို့တော်အဖြစ် အသိအမှတ်ပြုကြရန် တိုက်တွန်းခဲ့သည်။

ထရန့်၏ဆုံးဖြတ်ချက်သည် ဥပဒေကြောင်းအရ တရားမ၀င်ကြောင်းနှင့် ၎င်း၏ ဆုံးဖြတ်ချက်သည် အစွန်းရောက်မှုနှင့် အကြမ်းဖက်မှုများအား တွန်းအားဖြစ်စေမည်ဖြစ်ပြီး ငြိမ်းချမ်းရေးကြိုးပမ်းမှုအားလုံးကို အားလျော့စေသည့် တမင်ရည်ရွယ်မှုဖြစ်ကြောင်း ယင်းကြေညာချက်တွင် ဖော်ပြခဲ့သည်။

ခရစ်ယာန်၊ ဂျူးနှင့် မွတ်စလင်များက အထွတ်အမြတ်ထားကြသော ဂျေရုစလင်မြို့ အဆင့်အတန်းသည် အစ္စရေး-ပါလက်စတိုင်း ပဋိပက္ခတွင် အကဲဆတ်ဆုံးအကြောင်း အရာဖြစ်ဖွယ်ရှိသည်။ အစ္စရေးက ယင်းတစ် မြို့လုံးအား ၎င်းတို့၏ မြို့တော်အဖြစ် သတ်မှတ်ထားသည်။ ပါလက်စတိုင်းကမူ အရှေ့ဂျေရုစလင်သည် အစ္စရေးက သိမ်းယူခဲ့သည့် အနာဂတ်ပါလက်စတိုင်း၏ မြို့တော်အဖြစ် သတ်မှတ်ထားသည်။

OIC ၏ကြေညာချက်များကို ၎င်းက သဘောမကျကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက တုံ့ပြန်ခဲ့ပြီး ပါလက်စတိုင်းသည် လက်တွေ့ဘ၀ကို အသိအမှတ်ပြုခြင်းနှင့် အစွန်းရောက်မှုအစား ငြိမ်းချမ်းရေးကို လိုလိုလားလား ဆောင်ရွက်ခြင်းဖြင့် ပိုမိုကောင်းမွန်စေမည်ဖြစ်ကြောင်း ပြောကြားခဲ့သည်။

ပါလက်စတိုင်းအရေးအတွက် ကြိုးပမ်းသူဟု ကိုယ့်ကိုယ်ကိုယ်ရည်ညွှန်းသော အာဒိုဂန်က ၁၉၄၈ ခုနှစ်တွင် အစ္စရေးနိုင်ငံ ထူထောင်ခဲ့ပြီးနောက်ပိုင်း ပါလက်စတိုင်းနယ်မြေများ အရွယ်အစားကျုံ့သွားမှုကို ရှင်းလင်းပြသခဲ့သည်။ ပုံမှန်မဟုတ်ဘဲ ပြင်းထန်သော အမေရိကန်ဆန့်ကျင်ရေးလေသံဖြင့် အဘားစ်ကလည်း ဂျေရုစလင်အား ပါလက်စတိုင်း၏ မြို့တော်အဖြစ် အသိအမှတ်မပြုသေးသည့် အချိန်အထိ အရှေ့အလယ်ပိုင်းတွင် ငြိမ်းချမ်းရေး သို့မဟုတ် တည်ငြိမ်မှု ရရှိနိုင်မည်မဟုတ်ကြောင်း သတိပေးခဲ့သည်။

Ref ; AFP

ဂါဇာမှဒုံးကျည်များဖြင့် တိုက်ခိုက်မှုပြီးနောက် အစ္စရေးက ဟားမားစ်ပစ်မှတ်များကို လေကြောင်းမှ တိုက်ခိုက်

ဒီဇင်ဘာ ၁၃ ရက်က ၀က်စ်ဘင့်ရှိ ရာမာလာမြို့တွင် ပါလက်စတိုင်းဆန္ဒပြသူများနှင့် အစ္စရေးလုံခြုံရေးအဖွဲ့ဝင်များ ပဋိပက္ခဖြစ်ပွားနေစဉ် (Photo – AFP)

ဂါဇာမှ ဒုံးကျည်ပစ်ခတ်မှုများနှင့် ကြုံခဲ့ရပြီးနောက် နာရီအနည်းငယ်အကြာတွင် အစ္စရေးသည် ဒီဇင်ဘာ ၁၄ ရက်က ဂါဇာရှိ ဟားမားစ်ပစ်မှတ်များကို လေကြောင်းမှ တိုက်ခိုက်မှုများ ဆက်တိုက်ဆောင်ရွက်ခဲ့ကြောင်း အစ္စရေးစစ်တပ်က ပြောကြားခဲ့သည်။ ဂါဇာနှင့် အစ္စရေးကြားရှိ နယ်စပ်စခန်းများကို လုံခြုံရေးအခြေအနေကြောင့် ပိတ်ပင်သွားမည်ဖြစ်ကြောင်းလည်း အစ္စရေးစစ်တပ်က ကြေညာခဲ့သည်။

ဂါဇာရှိ ဟားမားစ်တို့ ထိန်းချုပ်ထားသော စစ်ဘက်ဆိုင်ရာနေရာများကို ပစ်မှတ်ထား တိုက်ခိုက်ခဲ့ကြောင်း အစ္စရေးစစ်တပ်က ကြေညာချက်တွင် ပြောကြားခဲ့သည်။ ယင်းစစ်စခန်းများသည် လေ့ကျင့်ရေးနှင့် လက်နက်ဂိုဒေါင်များအဖြစ် အသုံးပြုသည့်နေရာများဖြစ်ကြောင်း အစ္စရေးစစ်တပ်၏ ကြေညာချက်က ဆိုသည်။

အစ္စရေးတို့၏ လေကြောင်းတိုက်ခိုက်မှု ၁၀ ကြိမ်ကျော်ရှိခဲ့ကြောင်း ပါလက်စတိုင်း လုံခြုံရေး သတင်းရင်းမြစ်တစ်ခုက ပြောကြားခဲ့သည်။ ဟားမားစ်ရေတပ်စခန်းတစ်ခု အပါအ၀င် အခြားနေရာများ ပျက်စီးမှုရှိခဲ့ကြောင်း အနီးအနားရှိအိမ်များ အနည်းငယ်သာပျက်စီးခဲ့ကြောင်း အဆိုပါ သတင်းရင်းမြစ်က ပြောကြားခဲ့သည်။

ဂါဇာဘက်မှ ပစ်ခဲ့သော ဒုံးနှစ်စင်းကို အစ္စရေးလေကြောင်းရန် ကာကွယ်ရေးစနစ်က ကြားဖြတ်ဟန့်တားနိုင်ခဲ့ပြီးနောက် နာရီအနည်းငယ်အကြာတွင် အစ္စရေး၏ တိုက်ခိုက်မှုများ စတင်ခဲ့ခြင်းဖြစ်သည်။ ယင်းကဲ့သို့ ဒုံးပစ်လွှတ်မှုများကို အစ္စလာမ္မစ်အုပ်စုများက ဆောင်ရွက်လေ့ရှိသော်လည်း ဂါဇာကို ထိန်းချုပ်ထားသည့် ဟားမားစ်တို့သည် ဂါဇာမှ မည်သည့်ပစ်ခတ်မှုအတွက်မဆို တာဝန်ရှိသည်ဟု အစ္စရေးက သတ်မှတ်ထားသည်။

ဂျေရုစလင်ကို အစ္စရေး၏မြို့တော်အဖြစ် အသိအမှတ်ပြုမည်ဟု အမေရိကန်သမ္မတ ဒေါ်နယ်ထရန့်က ပြီးခဲ့သည့်သီတင်းပတ်တွင် ကြေညာခဲ့ပြီးနောက် ဂါဇာမှတိုက်ခိုက်မှုများ မြင့်တက်ခဲ့သည်။ ဒီဇင်ဘာ ၆ ရက် နောက်ပိုင်း ဂါဇာမှ အစ္စရေးသို့ ပစ်ခတ်မှု ၁၂ ကြိမ်ရှိခဲ့ပြီး အစ္စရေးက ဂါဇာရှိ နေရာ ၁၀ ခု ကို လက်တုံ့ပြန်တိုက်ခိုက်ခဲ့သည်။

မကြာသေးခင်က ယင်းတိုက်ခိုက်မှုများအတွင်း အစ္စရေးတွင် အသေအပျောက် မရှိခဲ့ပေ။ ၂၀၁၄ ခုနှစ် ဂါဇာစစ်ပွဲမတိုင်ခင်က ဒုံးကျည်ဖြင့် တိုက်ခိုက်မှုများ မြင့်တက်ခဲ့သော်လည်း မကြာသေးခင်က တိုက်ခိုက်မှုများသည် ကြီးမားခြင်းမရှိဟု အစ္စရေးကာကွယ်ရေးဝန်ကြီး အာဘစ်ဒိုလစ်ဗာမန်းက ပြောကြားခဲ့သည်။ ဂါဇာမြောက်ပိုင်းမှ မလှမ်းမကမ်းတွင်ရှိသော အစ္စရေးမြို့ စဒါရော့သို့ သွားရောက်ခဲ့သည့် လစ်ဘာမန်းက ယင်းတိုက်ခိုက်မှုများသည် ပါလက်စတိုင်းအဖွဲ့များအကြား အာဏာလွန်ဆွဲပွဲကြောင့် ဖြစ်သည်ဟု ပြောကြားခဲ့သည်။

စဒါရော့တွင် မူကြိုကျောင်းတစ်ခုကို မကြာသေးခင်က ဗုံးထိမှန်ပြီး ထိခိုက်ဒဏ်ရာရသူ မရှိခဲ့ပေ။ “တူးမြောင်းတွေ တူး၊ ဒုံးတွေ ထုတ်၊ အစ္စရေးကို တိုက်ခိုက်နေတာထက် ဂါဇာရဲ့ စီးပွားရေးတိုးတက်အောင် ရင်းနှီးမြှုပ်နှံဖို့ သူတို့ခေါင်းဆောင်တွေကို ဂါဇာပြည်သူတွေက တွန်းအားပေးမယ်လို့ ကျွန်တော်မျှော်လင့်ပါတယ်” ဟု လစ်ဗာမန်းက ပြောကြားခဲ့သည်။ ဂျေရုစလင်ကို မြို့တော်အဖြစ် ကြေညာခဲ့ပြီးနောက်ပိုင်း ဖြစ်ပွားခဲ့သော ပဋိပက္ခများကြောင့် ဂါဇာတွင်နေထိုင်သူ လေးဦးသေဆုံးခဲ့သည်။ ထို့ပြင် အစ္စရေး၏ လက်တုံ့ပြန်တိုက်ခိုက်မှုများကြောင့် ဟားမားစ်နှစ်ဦးသေဆုံးခဲ့ပြီး နယ်စပ်ပဋိပက္ခများတွင် နှစ်ဦးသေဆုံးခဲ့သည်။ ဂျေရုစလင်တွင် အစ္စရေးတစ်ဦး ဓားထိုးခံခဲ့ရပြီး ပြင်းပြင်းထန်ထန် ဒဏ်ရာရခဲ့သည်။

Ref ; AFP

တိုယိုတာက လျှပ်စစ်စွမ်းအင်သုံးကားများကို အဓိကမြှင့်တင်ရန် မျှော်မှန်း

ဖေဖော်ဝါရီ ၁၅ ရက်က တိုကျိုတွင် တိုယိုတာက ဒီဇိုင်းပြန်လည်ပြင်ဆင်ထားသည့် Prius PHV ကားအား မိတ်ဆက်နေစဉ် (Photo – AFP)

ကားထုတ်လုပ်သည့် လုပ်ငန်းက တင်းကျပ်သော သဘာဝပတ်ဝန်းကျင်စည်းမျဉ်းများနှင့် ကိုက်ညီရန် ကြိုးပမ်းနေစဉ် ဂျပန်ဧရာမ ကားကုမ္ပဏီတိုယိုတာက ၂၀၃၀ ပြည့်နှစ်မတိုင်မီ ၎င်း၏ ကမ္ဘာလုံးဆိုင်ရာ ကားရောင်းချမှု၏ ထက်ဝက်ခန့်ကို လျှပ်စစ်စွမ်းအင်သုံးကားများမှ ရရှိချင်သည်ဟု ဒီဇင်ဘာ ၁၃ ရက်တွင် ထုတ်ပြန်ခဲ့သည်။ လက်ရှိတွင် လျှစ်စစ်စွမ်းအင်သုံးကားများသည် တိုယိုတာ၏ နှစ်စဉ်ရောင်းချရသည့် ကားစီးရေ ၁၀ သန်းခန့်၏ ၁၅ ရာခိုင်နှုန်းသာရှိပြီး အများဆုံးမှာ၎င်း၏ ရောင်းအားအကောင်းဆုံးဖြစ်သည့် Prius ကဲ့သို့သော စွမ်းအင်ရောသုံးကားများ ဖြစ်သည်။

“၂၀၃၀ မတိုင်မီမှာ တိုယိုတာရဲ့ စုစုပေါင်းကားရောင်းချမှုရဲ့ ရာခိုင်နှုန်း ၅၀ ဒါမှ မဟုတ် ရာခိုင်နှုန်း ၅၀ ကျော်ကို စွမ်းအင်ရောသုံးကား EV နဲ့ FCV (လောင်စာဆဲလ်ကား) လိုမျိုး လျှပ်စစ်စွမ်းအင်သုံး ကားတွေရောင်း ချမှုကနေရဖို့ ရည်မှန်းထားတယ်” ဟု တိုယိုတာကုမ္ပဏီ၏ဥက္ကဋ္ဌ အာခီအိုတိုယိုတာက ပြောကြားခဲ့သည်။ ၂၀၃၀ ပြည့်နှစ်မတိုင်မီ လျှပ်စစ်စွမ်းအင်သုံးကားစီးရေ စုစုပေါင်း ၅ ဒသမ ၅ သန်းခန့်ရောင်းချရန် ရည်မှန်းထားကြောင်း တိုယိုတာက ပြောကြားခဲ့သည်။

ကားစီးရေ ၄ ဒသမ ၅ သန်းကို ဓာတ်ဆီ-လျှပ်စစ်နှစ်မျိုးစပ်နှင့် စွမ်းအင်ရောသုံးကားများ၊ ကားစီးရေတစ်သန်းကို လျှပ်စစ်စွမ်းအင်သုံးကားများနှင့် ဟိုက်ဒရိုဂျင် စွမ်းအင်သုံးလောင်စာ ဆဲလ်ကားများ ရောင်းချမှုမှ ရရှိရန် ရည်မှန်းထားသည်ဟု တိုယိုတာ၏ စီအီးအိုက ပြောကြားခဲ့သည်။

Photo; AFP

အီလက်ထရွန်နစ် စွန့်ပစ်ပစ္စည်းများ ကမ္ဘာတစ်ဝန်းတွင် မြင့်တက်လာနေဟု ကုလသမဂ္ဂ သတိပေး

၂၀၁၄ ခုနှစ် သြဂုတ် ၉ ရက်က ကွမ်တုံပြည်နယ်တွင် အီလက်ထရွန်နစ် စွန့်ပစ်ပစ္စည်းများအား တင်ဆောင်ထားသည့် ကားတစ်စီးအား တွေ့ရစဉ် (Photo – AFP)

မိုဘိုင်းဖုန်း၊ လက်ပ်တော့နှင့် ရေခဲသေတ္တာများကဲ့သို့သော စွန့်ပစ်အီလက်ထရွန်နစ် ပစ္စည်းများမှ အမှိုက်များသည် ကမ္ဘာတစ်ဝန်းတွင် စုပုံများပြားလာနေကြောင်း ကုလသမဂ္ဂက ဒီဇင်ဘာ ၁၃ ရက်တွင် သတိပေးခဲ့သည်။ ၂၀၁၆ ခုနှစ်က ကမ္ဘာတွင် e- waste ဟုခေါ်သော အီလက်ထရွန်နစ်အမှိုက် တန် ၄၄ ဒသမ ၇ သန်းထိရှိခဲ့ပြီး ယမန်နှစ်နှစ်က ထက်ရှစ်ရာခိုင်နှုန်း မြင့်တက်ခဲ့ကြောင်း ကုလသမဂ္ဂ၏ အပြည်ပြည်ဆိုင်ရာ ဆက်သွယ်ရေး သမဂ္ဂ ITU က ထုတ်ပြန်ခဲ့သည့် အစီရင်ခံစာတွင် ဖော်ပြခဲ့သည်။ အစီရင်ခံစာအရ  မိသားစုဝင် လေးဦးရှိလျှင် တစ်နှစ်၌ အီလက်ထရွန်နစ် အမှိုက် ၁၇၆ ပေါင်ခန့် ထုတ်လုပ်နေသည့် သဘောဖြစ်သည်။

ကုလသမဂ္ဂတက္ကသိုလ် UNU နှင့် အပြည်ပြည်ဆိုင်ရာ အမှိုက်ဆိုင်ရာအသင်း International Solid Waste Association တို့က ပူးတွဲထုတ်ပြန်ခဲ့သော ယင်းအစီရင်ခံစာတွင် အီလက်ထရွန်နစ် အမှိုက်များ၏ ပမာဏသည် အီဖယ်မျှော်စင် ၄၅၀၀ ၏ ပမာဏနှင့် ညီမျှကြောင်း မှတ်ချက်ချခဲ့သည်။၂၀၂၁ ခုနှစ်တွင် ယင်းကဲ့သို့ အမှိုက်များ၏ ပမာဏသည် တန် ၅၂ ဒသမ ၂  သန်းထိ မြင့်တက်လာဖွယ်ရှိကြောင်း အန္တရာယ်ရှိသော အီလက်ထရွန် နစ်အမှိုက်များ ပြန်လည်သန့်စင်သုံးစွဲရေးကို  ပိုမိုကောင်းမွန်အောင် ဆောင်ရွက်ရန် အစီရင်ခံစာက တိုက်တွန်းခဲ့သည်။

ရေခဲသေတ္တာ၊ အ၀တ်လျှော်စက်နှင့် အခြားအိမ်သုံး အီလက်ထရွန်နစ်ပစ္စည်းများ၊ မိုဘိုင်းဖုန်းများနှင့် ကွန်ပျူတာများ ကဲ့သို့သော အီလက်ထရွန်နစ် စွန့်ပစ်ပစ္စည်းများသည် လူတို့၏ ကျန်းမာရေးနှင့်သဘာဝ ပတ်ဝန်းကျင်ကို ဆိုးဆိုးရွားရွား အန္တရာယ်ရှိစေနိုင်ကြောင်း ယင်းအမှိုက်များကို မှန်ကန်စွာ စွန့်ပစ်မှုနှင့် ပြန်လည်ပြုပြင်သုံးစွဲမှုတို့ အလွန်ရှားပါးကြောင်း အစီရင်ခံစာက ဆိုခဲ့သည်။

ယမန်နှစ်က အီလက်ထရွန်နစ်စွန့်ပစ္စည်းများ၏ ရာခိုင်နှုန်း ၂၀ ၊ တန် ၈ ဒသမ ၉ သန်းသာ ပြန်လည်ပြုပြင်သုံးစွဲခဲ့ကြောင်း၊ ကမ္ဘာတစ်ဝန်းရှိ အီလက်ထရွန်နစ် စွန့်ပစ်ပစ္စည်းအားလုံး၏ ၇၆ ရာခိုင်နှုန်းသည် မည်ကဲ့သို့ ဖြစ်သွားသည်ကိုမသိရဟု ယင်းအစီရင်ခံစာက ဖော်ထုတ်ခဲ့သည်။

အီလက်ထရွန်နစ်ကိရိယာများ သုံးစွဲမှု မြင့်မားလာနေသည့် ကမ္ဘာတွင် ယင်းစွန့်ပစ်ပစ္စည်းများ စီမံခန့်ခွဲမှုသည် အရေးကြီးကိစ္စဖြစ်ကြောင်း ITU ဥက္ကဋ္ဌ ဟိုလင်းကျောင်က ပြောကြားခဲ့သည်။ အီလက်ထရွန်နစ်ပစ္စည်းများ ပြန်လည်ပြုပြင်သုံးစွဲမှုသည် စီးပွားရေးအရ တွက်ချေကိုက်မှုလည်းရှိကြောင်း ယင်းအမှိုက်များတွင် ပါဝင်သည့် ကုန်ကြမ်းပစ္စည်း အားလုံး၏ တန်ဖိုးသည် ဒေါ်လာ ၆၄ ဒသမ ၆ ဘီလျံခန့်ရှိနိုင်ကြောင်း အစီရင်ခံစာက ဖော်ပြခဲ့သည်။

သို့သော်လည်း ကမ္ဘာတွင် အီလက်ထရွန်နစ်အမှိုက် စီမံခန့်ခွဲမှု မူဝါဒများကို ကျင့်သုံးသည့်နိုင်ငံများ ပို၍များပြားလာနေကြောင်း နိုင်ငံ ၆၇ နိုင်ငံတွင် နေထိုင်သော ကမ္ဘာ့လူ ဦးရေ၏ ၆၆ ရာခိုင်နှုန်းသည် ယင်းမူဝါဒများကို လက်ခံကျင့်သုံးနေကြကြောင်း အစီရင်ခံစာက တွေ့ရှိခဲ့သည်။ ၂၀၁၄ ခုနှစ်က အီလက်ထရွန်နစ်အမှိုက် စီမံခန့်ခွဲမှု မူဝါဒကို အကျိုးခံစားရသူသည် ကမ္ဘာ့လူဦးရေ၏ ၄၄ ရာခိုင်နှုန်းသာ ရှိခဲ့သည်။

Photo – AFP

နန်ကျင်းလူသတ်ပွဲ အနှစ် (၈၀) ပြည့်အခမ်းအနားကို တရုတ်တွင် ကျင်းပ

ဒီဇင်ဘာ ၁၃ ရက်က နိုင်ငံအရှေ့ပိုင်းကျန်စုပြည်နယ်တွင် နန်ကျင်းလူသတ်ပွဲ ၀မ်းနည်းမှု အထ်ိမ်းအမှတ်အတွက် ဥသြဆွဲနေစဉ် ရဲနှင့် ဒေသခံများ တစ်မိနစ်ကြာ ငြိမ်သက်နေကြစဉ် (Photo: AFP)

ဂျပန်တပ်ဖွဲ့ဝင်များ၏ နန်ကျင်းလူသတ်ပွဲ အနှစ် (၈၀) ပြည့်အခမ်းအနားကို တရုတ်က ဒီဇင်ဘာ ၁၃ ရက်တွင် ကျင်းပခဲ့သည်။ အင်အားကြီးနှစ်နိုင်ငံအကြား မျက်မှောက်ခေတ် ယှဉ်ပြိုင်မှုက သမိုင်းဆိုင်ရာ မလိုမုန်းထားမှုများကို မီးမောင်းထိုးပြနေချိန်တွင် ယင်းဖြစ်ရပ်သည် ဆက်လက်ရှည်ကြာနေသော ရန်လိုသည့်ဆက်ဆံရေး၏ ရင်းမြစ်တစ်ခုဖြစ်နေသည်။

နိုင်ငံအရှေ့ပိုင်းရှိ ယင်းမြို့တွင် ထိခိုက်ခံစားခဲ့ရသူများ၏ ရုပ်တုများကို ပြသထားသော အထိမ်းအမှတ်အဆောက်အအုံတွင် ပြုလုပ်ခဲ့သည့် ယင်းအောက်မေ့ဖွယ်အခမ်းအနားကို သမ္မတရှီကျင်ပင်းက ကြီးကြပ်ခဲ့ပြီး အလွန်အမင်း အေးစက်နေချိန်၌ အင်္ကျီတွင် ပန်းဖြူတစ်ပွင့်တပ်ထားကြသည့် အနက်ရောင် ၀တ်ထားသူများက တက်ရောက်ခဲ့ကြသည်။ ယင်းအခမ်းအနားစတင်ချိန်တွင် ဥသြများဆွဲခဲ့ကြပြီး ငြိမ်းချမ်းရေးခေါင်းလောင်းကြီးကို ထိုးခဲ့ကာ ချိုးငှက်များအား လွှတ်ပေးခဲ့ကြသည်။

၁၉၃၇ ခုနှစ် ဒီဇင်ဘာ ၁၃ ရက်က ယင်းအချိန်က တရုတ်မြို့တော်ဖြစ်သည့် နန်ကျင်းကို ဂျပန်စစ်တပ်က ကျူးကျော်ခဲ့ပြီးနောက်  သီတင်းပတ်ခြောက်ပတ်အတွင်း ထိန်းမနိုင်သိမ်းမရ သတ်ဖြတ်မှု၊ ညှဉ်းပန်းနှိပ်စက်မှု၊ မုဒိမ်းကျင့်မှု၊ မီးရှို့မှုနှင့် လုယက်မှုများကြောင့် တရုတ်အရပ်သားနှင့် စစ်သား ၃၀၀၀၀၀ ခန့် သေဆုံးခဲ့ရကြောင်း တရုတ်က ထုတ်ပြန်ခဲ့သည်။ ယင်းဖြစ်စဉ်တွင် သေဆုံးခဲ့သူအရေ အတွက်အား ဂျပန်က ခေါင်းမာစွာ ငြင်းဆန်မှုများနှင့် ယင်းဖြစ်စဉ် ဖြစ်ပွားခဲ့ခြင်းပင်မရှိဟု ဂျပန်ရှိ ရှေးရိုးစွဲများ၏ အခါအားလျော်စွာ ငြင်းဆန်မှုများကြောင့် အင်အားကြီးအိမ်နီးချင်း နှစ်နိုင်ငံအတွက် တင်းမာမှုအရှိဆုံး အထိမ်းအမှတ်တစ်ခုဖြစ်နေဆဲဖြစ်သည်။

အရပ်သားအများအပြားအား သတ်ဖြတ်ခြင်း၊ လုယက်ခြင်းနှင့် အခြားလုပ်ရပ်များ ကျူးလွန်ခဲ့ကြောင်း ဂျပန်က တရားဝင် ၀န်ခံခဲ့သော်လည်း သေဆုံးခဲ့သူအရေအတွက် အတိအကျကို ဆုံးဖြတ်ရန် ခက်ခဲကြောင်း ထုတ်ပြန်ခဲ့သည်။ ယင်းအကြောင်းအရာသည် စစ်အေးကာလတွင် မှေးမှိန်ခဲ့သော်လည်း သမ္မတရှီလက်ထက်၌ တရုတ်က အင်အားပြမှု ချဲ့ထွင်လာနေစဉ် ပြန်လည်ထွက်ပေါ်လာခဲ့သည်။ ဝေဖန်သူများက ဂျပန် ပြုပြင်ပြောင်းလဲသူများသည်လည်း ကွန်ဆာဗေးတစ်          ခေါင်းဆောင် ရှင်ဇိုအာဘေးလက်ထက်တွင် ပိုမိုထင်ရှားလာခဲ့ကြောင်း ထောက်ပြခဲ့သည်။ ဂျပန်သည် ၁၉၃၀ ပြည့်လွန်နှစ်များတွင် တရုတ်အား ကျူးကျော်ခဲ့ပြီး ၁၉၃၇ ခုနှစ်နှင့် ၁၉၄၅ ခုနှစ်တို့အကြား ကျယ်ပြန့်သော စစ်ပွဲ ဖြစ်ပွားခဲ့သည်။ နန်ကျင်းလူသတ်ပွဲအတွက် ပထမဆုံးနိုင်ငံလုံးဆိုင်ရာ အောက်မေ့ဖွယ်နေ့ကို ရှီက ၂၀၁၄ ခုနှစ်တွင် သတ်မှတ်ခဲ့သည်။

ရေပိုင်နက် အငြင်းပွားမှုကဲ့သို့သော ခေတ်သစ်အငြင်းပွားမှုများတွင် ဂျပန်အား ဖိအားတိုးမြှင့်ရန်အတွက် တရုတ်က ယင်းကဲ့သို့ အထိမ်းအမှတ်များကို ဆက်လက်ထိန်းသိမ်းထားရန် လိုလားနေကြောင်း ပီကင်းတက္ကသိုလ်မှ အပြည်ပြည်ဆိုင်ရာလေ့လာရေးဆိုင်ရာ ကျွမ်းကျင်ပညာရှင်လျန်ယန်ရှန်း က ပြောကြားခဲ့သည်။ ဂျပန်က ယင်းသမိုင်း ဖြစ်ရပ်များသည် အဆုံးသတ်သင့်ကြောင်း ထင်မြင်နေသော်လည်း တရုတ်က ပို၍ အင်အားကြီးထွားလာချိန်တွင် ယင်းအထိမ်းအမှတ်များကို ဆက်လက်ထုတ်ဖော်နေကြောင်း ၎င်းက ပြောကြားခဲ့သည်။

ထိုင်းတရားရုံးက ရွှေတြိဂံမှ ၀ါရင့် မူးယစ်ဆေးမှောင်ခိုသမားတစ်ဦးကို ထောင်ဒဏ်တစ်သက်ချမှတ်

ဒီဇင်ဘာ ၁၃ ရက်က ဘန်ကောက်တရားရုံး၌ မူးယစ်မှောင်ခိုသမား Laota Seanlee (လယ်)အား တွေ့ရစဉ် (Photo: AFP)

နာမည်ဆိုးဖြင့် ကျော်ကြားသော အသက် ၇၆ နှစ်အရွယ် မူးယစ်ဆေးမှောင်ခိုသမားတစ်ဦးကို ထိုင်းတရားရုံးက ဒီဇင်ဘာ ၁၃ ရက်တွင် ထောင်ဒဏ်တစ်သက် ချမှတ်လိုက်ကြောင်း သိရသည်။
ထိုမှောင်ခိုသမားသည် ရွှေတြိဂံဒေသထဲတွင် ခရစ်စတယ်မက်သာဖက်တမင်း ကီလို ၂၀ ကိုရောင်းချရန် ကြိုးပမ်းမှုဖြင့် ဖမ်းဆီးခံခဲ့ရခြင်းဖြစ်သည်။

ကွန်မြူနစ်ဆန့်ကျင်ရေးသူပုန်ဘ၀မှ မူးယစ်ဆေး မှောင်ခိုသမားဘ၀သို့ ကူးပြောင်းလာသည့် Laota Seanlee သည် ၎င်း၏အမည်ဖြင့်ပင် ထိုင်းနိုင်ငံမြောက်ပိုင်းစွန်း၌ ကော်ဖီဆိုင်တစ်ဆိုင် ဖွင့်ထားမှုကြောင့် ထင်ရှားသည်။

Laota သည် ယမန်နှစ်က ထိုင်းရဲများ၏ စစ်ဆင်ရေးတစ်ခုအတွင်း မိသားစုဝင်အချို့နှင့် အတူဖမ်းဆီးခံခဲ့ရခြင်းဖြစ်သည်။

လီဆူးမျိုးနွယ်ဝင်ဖြစ်သော Laota သည် ပြီးခဲ့သည့် ဆယ်စုနှစ်များအတွင်းက အကြိမ်ပေါင်းများစွာ ဖမ်းဆီးခံခဲ့ရဖူးသော်လည်း အာဏာပိုင်များသည် ယခုမတိုင်မီအထိ မူးယစ်ဆေးဆိုင်ရာ အမှုဖြင့် ကြီးကြီးမားမားဖြင့် ၎င်းအပေါ် စွဲချက်မတင်နိုင်ခဲ့ပေ။

ဒီဇင်ဘာ ၁၃ ရက်ကမှ Laota ကို ၎င်း၏ခြံဝင်းအတွင်း မူးယစ်ဆေးဝါး ကီလိုဂရမ်၂၀ အား ပိုင်ဆိုင်မှု၊ အသွင်ယူထားသော ရဲများကို ice များ ရောင်းချမှုဖြင့် ဘန်ကောက်ရှိ ရာဇ၀တ်မှုတရားရုံးတွင် ထောင်ဒဏ်တစ်သက် ချမှတ်ခံခဲ့ရခြင်းဖြစ်သည်။ ထိုစွဲချက်များကို Laota ကလည်း ၀န်ခံခဲ့ကြောင်း သိရသည်။

“တရားရုံးက ကီလိုဂရမ် ၂၀ ရှိတဲ့ ice တွေကို ရောင်းချရန်ကြိုးပမ်းမှု၊ လက်ဝယ်ပိုင်ဆိုင်မှုတို့နဲ့ သူ့ကို သေဒဏ်ချဖို့လုပ်ထားတာပါ။ ဒါပေမဲ့ သူဟာ ပြစ်မှုကျူးလွန်ကြောင်း ၀န်ခံခဲ့တဲ့အတွက် ပြစ်ဒဏ်လျှော့ပေါ့ပြီး ထောင်ဒဏ်တစ်သတ်နဲ့ ငွေဒဏ် ဘတ် ၂ ဒသမ ၅ သန်း (ဒေါ်လာ ၇၇၀၀၀) ချမှတ်လိုက်တာဖြစ်ပါတယ်8 ဟု တရားသူကြီးက ပြောကြားခဲ့သည်။

Laota ၏ဇနီးမှာမူ ထောင်ဒဏ် ၂၅ နှစ်ချမှတ်ခံရကာ မူးယစ်ဆေးရောင်းချမှုကို အဆင်ပြေစေရန် ကူညီမှုဖြင့် စွဲချက်တင်ခံထားရပြီး ပြစ်မှုကျူးလွန်ခြင်းမရှိဟု ငြင်းဆိုခဲ့သော သားနှစ်ဦးမှာမူ သေဒဏ်ချမှတ်ခံလိုက်ရကြောင်း သိရသည်။ ထိုင်းနိုင်ငံတွင် သေဒဏ်ချမှတ်သည်မှာ အလွန်အမင်း ရှားပါးသည်။

Laota ၏သေဒဏ်ချမှတ်ခံရသော သား နှစ်ဦးအနက် တစ်ဦးမှာ ချင်းမိုင်ပြည်နယ်၏ ဒေသဆိုင်ရာ အုပ်ချုပ်ရေးမှူးဖြစ်ပြီး ထိုနှစ်ဦးစလုံးသည် အယူခံဝင်လိမ့်မည်ဟု Laota ၏ ရှေ့နေက ပြောကြားခဲ့သည်။
Laota အဖမ်းခံရစဉ်က မူးယစ်ဆေးလုပ်ငန်းတွင် ဥာဏ်များသူတစ်ဦးဖြစ်သည့် Laota သည် ယင်းကဲ့သို့ ချက်ချင်းကြီး အဖမ်းခံလိုက်ရသည့်အတွက် လူအများက အံ့အားသင့်ခဲ့ကြသည်။

Laota သည် ၂၀၁၁ ခုနှစ်က ဘန်ကောက်ပို့စ်နှင့် မေးမြန်းခန်း ပြုလုပ်စဉ်က ၎င်း၏ ထူးခြားသော ဘ၀အကြောင်း အသေးစိတ်ကို ပြောပြခဲ့ဖူးသည်။

Laota သည် ကလေးစစ်သားတစ်ဦးအဖြစ် ကွန်မြူနစ်ဆန့်ကျင်ရေး ကူမင်တန်အဖွဲ့ထဲသို့ ၀င်ခဲ့ခြင်းဖြစ်ပြီး ရာထူးအဆင့်ဆင့် တက်ခဲ့ခြင်း ဖြစ်သည်။

Laota သည် အာရှ၏ နာမည်ဆိုးဖြင့် အကျော်ကြားဆုံး မူးယစ်ဂိုဏ်းခေါင်းဆောင် ဖြစ်သော မြန်မာအခြေစိုက် ခွန်ဆာနှင့် အဆက်အသွယ်ရှိသူဟု ကျယ်ကျယ်ပြန့်ပြန့် ရှုမြင် ခံထားရသူ ဖြစ်သည်။