International

ယီမင်သည် မျက်စိရှေ့မှာပင် ပြိုလဲပျက်စီးနေပြီဟု လုံခြုံရေးကောင်စီကို ဘန်ကီမွန် သတိပေး

ပရမ်းပတာ အခြေအနေ အတွင်းသို့ ယီမင်နိုင်ငံ မကျရောက်သွားစေရေးအတွက် ဟန့်တားရန် ကုလသမဂ္ဂ အတွင်းရေးမှူးချုပ် ဘန်ကီမွန်က ကုလသမဂ္ဂ လုံခြုံရေးကောင်စီကို ဖေဖော်ဝါရီ ၁၂ ရက်တွင် မေတ္တာရပ်ခံခဲ့ပြီး “သင်တို့ မျက်စိရှေ့မှာပဲ ပြိုလဲပျက်စီးနေပါပြီ” ဟု သတိပေးခဲ့သည်။

မြောက်ကိုရီးယားက ကြီးမားသော စစ်ရေးပြပွဲကို အောက်တိုဘာတွင် ပြုလုပ်မည်

မြောက်ကိုရီးယားက ၎င်းတို့၏ စစ်ရေးအင်အားကို ပြသရန်အတွက် ယခုနှစ်တွင် ကြီးမားပြီး အရေးပါသော စစ်ရေးပြပွဲတစ်ခု ပြုလုပ်သွားမည်ဟု ဖေဖော်ဝါရီ ၁၃ ရက်တွင် အာဏာရ အလုပ်သမားပါတီက ထုတ်ပြန်ခဲ့ပြီး နျူကလီးယားလက်နက် ပိုင်ဆိုင်သော နိုင်ငံ၏ တိုက်ခိုက်ရေးစွမ်းရည် မြှင့်တင်နိုင်ရန်အတွက် အလွန်အဆင့်မြင့်သော လက်နက်များ လိုအပ်ကြောင်း ပြောကြားခဲ့သည်။

ထိုင်းဝန်ကြီးချုပ်ဟောင်း ယင်လက်ကို စစ်အစိုးရက ပြည်ပထွက်ခွာခွင့် ပိတ်ပင်

ရာထူးမှ ဖြုတ်ချခံခဲ့ရသော ထိုင်းဝန်ကြီးချုပ်ဟောင်း ယင်လက်ရှင်နာဝပ်သည် အကျင့်ပျက်ခြစားမှု စွဲချက်များဖြင့် ယခုလနှောင်းပိုင်းတွင် တရားဝင် စွဲချက်တင်ခံရမည် ဖြစ်သဖြင့် ပြည်ပထွက်ခွာခွင့် ပိတ်ပင်ခံခဲ့ရကြောင်း တာဝန်ရှိသူများက ဖေဖော်ဝါရီ ၉ ရက်တွင် ပြောကြားခဲ့သည်။

ပြီးခဲ့သောနှစ် မေတွင် စစ်တပ်က အာဏာမသိမ်းမီ တရားရုံးချုပ်၏ အငြင်းပွားဖွယ် ဆုံးဖြတ်ချက်ကြောင့် ရာထူးမှ ဖယ်ရှားခံခဲ့ရသော ယင်လက်သည် ၎င်းအစိုးရလက်ထက် အငြင်းပွားဖွယ် ဆန်စပါးရောင်းချမှု အစီအစဉ် တစ်ခုနှင့် ပတ်သက်၍ ပြီးခဲ့သောလတွင် စွပ်စွဲအပြစ်တင်မှု စွဲချက်တင်ခံရပြီးနောက် နိုင်ငံရေးတွင် ပါဝင်မှု ငါးနှစ် ပိတ်ပင်ခံခဲ့ရပြီးဖြစ်ကြောင်း သိရသည်။

ဘိုကိုဟာရမ်နှင့် တိုက်ပွဲများ ဖြစ်ပွားနေသောကြောင့် လုံခြုံရေး အာမ,မခံနိုင်သဖြင့် နိုင်ဂျီးရီးယား ရွေးကောက်ပွဲများကို ရွှေ့ဆိုင်း

နိုင်ဂျီရီးယားနိုင်ငံတွင် ဘိုကိုဟာရမ်တို့နှင့် ပဋိပက္ခများမှာ ပိုမိုမြင့်တက်လာစဉ် လုံခြုံရေး အခြေအနေများကြောင့် သမ္မတရွေးကောက်ပွဲ ကျင်းပမည့်အချိန်ကို နောက်သို့ သီတင်းပတ်ခြောက်ပတ် ရွှေ့ဆိုင်းလိုက်ကြောင်း ဖေဖော်ဝါရီ ၇ ရက်က ကြေညာခဲ့သည်။

ဘိုကိုဟာရမ်တို့ ထိန်းချုပ်ထားသော နယ်မြေဒေသများကို လုံခြုံစိတ်ချရအောင် ဆောင်ရွက်ရန် စစ်တပ်အတွက် အချိန်ပိုမို လိုအပ်ကြောင်း လုံခြုံရေး အကြီးအကဲများက ပြောကြားခဲ့ပြီးနောက် ရွေးကောက်ပွဲရွှေ့ဆိုင်းမည့်သတင်း ထွက်ပေါ်လာခြင်းဖြစ်သည်။ ဘိုကိုဟာရမ်တို့သည် နိုင်ဂျီးရီးယား အရှေ့မြောက်ပိုင်း၏ နေရာအများအပြားကို သိမ်းဆည်းထားခြင်းဖြစ်သည်။

လေယာဉ်မှူး သတ်ဖြတ်ခံရပြီးနောက် ဂျော်ဒန်စစ်လေယာဉ်များ IS တို့ကို အပြင်းအထန် တိုက်ခိုက်

ဆီးရီးယားတွင် ဖမ်းဆီးခံခဲ့ရသည့် ဂျော်ဒန်လေယာဉ်မှူးအား IS တို့က အရှင်လတ်လတ် မီးရှို့သတ်ဖြတ်ခဲ့မှုကို ဂျော်ဒန်က အပြင်းအထန် တုံ့ပြန်မည်ဟု ကတိပြုခဲ့ပြီးနောက် ဖေဖော်ဝါရီ ၅ ရက်တွင် IS အဖွဲ့ကို လေကြောင်းတိုက်ခိုက်မှု ဒါဇင်ပေါင်းများစွာ ပြုလုပ်ခဲ့ကြောင်း ဂျော်ဒန်က ပြောကြားခဲ့သည်။

သတင်းများအရ သူပုန်များသည် ဒမတ်စကက်မြို့ကို ရော့ကက်လောင်ချာများဖြင့် တိုက်ခိုက်ခဲ့ပြီး ဆီးရီးယားသမ္မတ ဘာရှားအယ်လ်အာဆတ်၏ တပ်များက လက်တုံ့ပြန်ခဲ့သောကြောင့် လူအများအပြား သေဆုံးခဲ့ကြောင်း သိရသည်။