အာတိတ်ဒေသ၌ ရုရှား၏ ရေနံရှာဖွေမှုကို စွမ်းအင်ပံ့ပိုးမည့် ကမ္ဘာ့ပထမဆုံး ရေပေါ် နျူကလီးယားစွမ်းအင်စက်ရုံ

မေ ၁၉ ရက်က ရုရှားမြောက်ပိုင်းရှိ ဆိပ်ကမ်းမြို့ Murmansk ၌ ရေပေါ်နျူကလီးယားစွမ်းအင်စခန်း Akademik Lomonosov အား တွေ့ရစဉ် (Photo: AFP)

ဝေးလံသော အာတိတ်ဒေသတို့၌ ရေနံရင်းမြစ်များ ဖွံ့ဖြိုးစေရန် စေ့ဆော်မှုနှင့်အညီ ပိုမိုကြီးထွားလာသော လျှပ်စစ်စွမ်းအင်လိုအပ်ချက်ကို ဖြည့်ဆည်းနိုင်ရေးအတွက် ရုရှားသည် ရေပေါ်နျူကလီးယား စွမ်းအင်စခန်းတစ်ခုကို တည်ဆောက်ခဲ့သည်။ ဝေဖန်သူများကမူ ထိုစီမံကိန်းအား ‘ရေခဲပြင်ပေါ်မှ ချာနိုဘိုင်း’ ဟု ခေါ်ကြသည်။

Akademik Lomonosov ဟု အမည်ပေးထားသော ရေပေါ်စွမ်းအင်စခန်းကို စိန့်ပီတာစဘတ်တွင် တည်ဆောက်ခဲ့ခြင်းဖြစ်သည်။ နျူကလီးယားလောင်စာများကို သယ်ဆောင်ထားသော Akademik Lomonosov သည် ဆိုက်ဘေးရီးယား အရှေ့ခြမ်းသို့မသွားမီ လက်ရှိတွင် Murmansk မြို့၌ ကြိုးဖြင့်ဆိုင်း၍ ဆိုက်ကပ်ထားသည်။

အညိုနှင့် အ၀ါရောင်သုတ်ထားသော ရေပေါ်နျူကလီးယား စွမ်းအင်စခန်းကို Murmansk မြို့ မြစ်ဝ၌ အစိုးရပိုင် နျူကလီးယား စွမ်းအင်လုပ်ငန်းကြီး Rosatom က မေ ၁၉ ရက်တွင် သံစုံတီးဝိုင်းဖြင့် ထုတ်ဖော်ပြသခဲ့သည်။ ထိုစွမ်းအင်စခန်းသစ်ကြီးသည် ကမ္ဘာသစ်တွင် ပထမဆုံးဟု Rosatom အကြီးအကဲ အလက်ဇီလီခ်ဟာချိဗ်က ဂုဏ်ယူပြောကြားခဲ့ပြီး ယင်းသည် ကမ္ဘာစင်မြင့်ပေါ်မှ ရုရှားနျူကလီးယားစွမ်းအင်ကဏ္ဍနှင့် Rosatom ၏ ဦးဆောင်အနေအထားတို့ကို သိသာထင်ရှားစေသည်ဟုလည်း ဆိုခဲ့သည်။

Akademik Lomonosov သည် အရှည် ၁၄၄ မီတာ၊ အကျယ် ၃၀ မီတာ (၄၇၂ ပေ-၉၈ ပေ) ရှိ သော ၀မ်းပြားရေယာဉ်ပေါ်တွင် ၃၅ မီဂါဝပ်ရှိ နျူကလီးယားဓာတ်ပေါင်းဖိုနှစ်ခု တင်ထားခြင်းဖြစ်သည်။ လာမည့် ၂၀၁၉ ခုနှစ် နွေရာသီတွင် Akademik Lomonosov ကို ချူကော့ကာကိုယ်ပိုင်အုပ်ချုပ်ခွင့်ဒေသရှိ ပီဗက်ဆိပ်ကမ်းသို့ ကြိုးဖြင့်ဆွဲသွားမည်ဖြစ်သည်။ ချူကော့ကာဒေသသည် ရာသီဥတု ပြင်းထန်လှသော ရုရှားအရှေ့မြောက်ပိုင်းတွင် တည်ရှိသည်။

လူဦးရေ ၂၀၀၀၀၀ ရှိ မြို့တစ်မြို့အား လျှပ်စစ်ဓာတ်အားပေးရန် လုံလောက်သည့် Akademik Lomonosov သည် လူဦးရေ ၅၀၀၀ သာ နေထိုင်သည့် ရုရှားမြောက်ပိုင်း စွန်းမြို့ပီဗက်အတွက် စွမ်းအင်များစွာ ပိုလျှံနေမည်ဖြစ်သည်။ သို့သော် Akademik Lomonosov သည် နေအိမ်များကို လျှပ်စစ်မီးပေးရန် သက်သက်အတွက် ပီဗက်သို့ သွားခြင်းမဟုတ်ပေ။

ရေနံနှင့် သဘာဝဓာတ်ငွေ့တို့ကို ရှာဖွေရန်အတွက် မြောက်ပိုင်းရှိ အာတိတ်ဒေသသို့ တိုး၍သွားနေသည့် ရုရှားသည် ဝေးလံခေါင်သီလှသော ထိုနေရာများ၌ အသုံးပြုရန် လျှပ်စစ်စွမ်းအင် လိုအပ်လာခဲ့သည်။

“စိတ်ကူးကတော့ လျှပ်စစ်စွမ်းအင် သိပ်များများစားစား မလိုအပ်တဲ့ ရုရှားအာတိတ်ဒေသမှာ အသုံးပြုဖို့ ရွေ့လျားစွမ်းအင်စက်ရုံငယ်မျိုး ဖြစ်ပါတယ်။ သမားရိုးကျစွမ်းအင်စခန်း တစ်ခုတည်ဆောက်ဖို့အတွက်ကျတော့ ရှုပ်ထွေးပြီး အကုန်အကျ များနေပြန်ပါတယ်” ဟု မော်စကိုမှ စွမ်းအင်နှင့် ဘဏ္ဍာရေး အင်စတီကျူ့ရှိ ဆာဂေးကွန်ဒရက်ယိဗ်က ပြောခဲ့သည်။ “အခြားရွေးချယ်စရာအနေနဲ့ ကျောက်မီးသွေး၊ သဘာဝဓာတ်ငွေ့နဲ့ ဒီဇယ်တို့တော့ရှိပါတယ်။ ဒါပေမဲ့ ဒီဇယ်က အကုန်အကျ သိပ်များလွန်းတယ်။ ဓာတ်ငွေ့ကျတော့လည်း သဘာဝဓာတ်ငွေ့အရည် ဒါမှမဟုတ် LNG အဖြစ်နဲ့ ပို့ဆောင်ဖို့ လိုအပ်ပြန်ပါတယ်” ဟု ၎င်းက ဆိုသည်။

ရေပေါ် ပေါ်နိုင်သည့် နျူကလီးယားစွမ်းအင်စခန်းမျိုးသည် ဝေးလံခေါင်သီသော ဒေသများတွင် လျှပ်စစ်မီးနှင့် အပူကို ပေးစွမ်းနိုင်သည့်အပြင် ဒေသတိုးတက်မှုနှင့် ရေရှည်ဖွံ့ဖြိုးမှုကို ဆောင်ကြဉ်းပေးနိုင်မည်ဖြစ်ကြောင်း ရေပေါ်နျူကလီးယားစခန်း ဆောက်လုပ်ရေးနှင့် လည်ပတ်ရေးတို့အတွက် တာဝန်ရှိသူ ဗိုင်တလီထရုနာ့ဗ်က ပြောကြားခဲ့သည်။ ထို့ပြင် ယင်းကဲ့သို့ ရေပေါ် နျူဓာတ်ပေါင်းဖိုမျိုးကို အသုံးပြုပြီး နှစ်စဉ် ကာဗွန်ဒိုင်အောက်ဆိုဒ် ထုတ်လွှတ်မှုကို တန်ချိန် ၅၀၀၀၀ အထိ လျှော့ချနိုင်သည်ဟု ၎င်းက ဖြည့်စွက်ပြောခဲ့သည်။

ယခု Akademik Lomonosov မှာမူ ချူကော့ကာဒေသတွင်ရှိသည့် ကျောက်မီးသွေးစွမ်းအင်စက်ရုံနှင့် သက်တမ်းရင့် နျူကလီးယား ဓာတ်ပေါင်းဖိုတစ်ခု၏ နေရာတွင် အစားထိုးတော့မည်ဖြစ်သည်။

နျူကလီးယား တိုက်တန်းနစ်

Akademik Lomonosov တွင် နောက်ဆုံးပေါ်လုံခြုံရေးစနစ်များ ပါဝင်နေပြီး ကမ္ဘာပေါ်တွင် စိတ်အချရဆုံး နျူကလီးယားတပ်ဆင်မှုများထဲမှ တစ်ခုဖြစ်သည်ဟု ထရုနာ့ဗ်က ပြောကြားခဲ့သည်။

သို့သော် ထိုပြောကြားချက်အပေါ် သဘာဝပတ်ဝန်းကျင်ထိန်းသိမ်းရေးအဖွဲ့ ဂရင်းပိစ်က အယုံအကြည်မရှိဘဲ နိုင်ငံတကာက စောင့်ကြည့်ကြရန် ဆော်သြခဲ့သည်။ Akademik Lomonosov သည် ‘နျူကလီးယားတိုက်တန်းနစ်’ သို့မဟုတ် ဆိုဗီယက်နျူကလီးယား ဘေးဒုက္ခကြီးဖြစ်ပွားပြီး ၃၂ နှစ်အကြာ၌ နောက်တစ်ကြိမ် ‘ရေခဲပြင်ပေါ်မှ ချာနိုဘိုင်း’ တစ်ခုဖြစ်လာနိုင်မည့်အပေါ် ၎င်းတို့အဖွဲ့က စိုးရိမ်နေကြခြင်းဖြစ်သည်။

နျူကလီးယားစွမ်းအင်စက်ရုံတိုင်းတွင် မတော်တဆမှုဖြစ်နိုင်ခြေရှိသော်လည်း ရေပေါ် ပေါ်နိုင်သည့် ယခုနျူကလီးယားစခန်းမှာမူ အထူးသဖြင့် မုန်တိုင်းများ၊ သဘာဝဖြစ်စဉ်များ၊ အကြမ်းဖက်မှုကဲ့သို့ ခြိမ်းခြောက်မှုများအတွက် ပို၍အကာအကွယ်နည်းပါးသည့် အခြေအနေ၌ ရှိနေသည်ဟု ဂရင်းပိစ်ရုရှားမှ ရာရှက်အလီမော့ဗ်က ဆိုသည်။

ထိုစဉ် Rosatom အကြီးအကဲ လီခ်ဟာချိဗ်ကမူ အလားတူ ရေပေါ် နျူစခန်းများကို ပို၍ဆောက်လုပ်ပြီး ဝေးလံခေါင်သီသောဒေသများသို့ လျှပ်စစ်မီးပေးရန် လိုအပ်နေသည့် အာရှနိုင်ငံ ဖောက်သည်များကို ရှာနိုင်ရန် မျှော်လင့်နေကြောင်း ပြောကြားခဲ့ကာ အင်ဒိုနီးရှားနှင့် ဖိလစ်ပိုင်တို့အား ဥပမာပေးခဲ့သည်။

တရုတ်တွင်လည်း အလားတူ ရေပေါ်ပေါ်နိုင်သည့် နျူကလီးယား စွမ်းအင်စက်ရုံတစ်ခု ဆောက်လုပ်နေပြီဟု သိရသည်။

Ref: AFP

ကမ္ဘောဒီးယားတွင် တရုတ်ထောက်ပံ့သည့် ဆည်စီမံကိန်းက မဲခေါင်ဒေသကို ပျက်စီးစေနိုင်ဟု အစီရင်ခံစာတစ်ခုက သတိပေး

မေ ၁၇ ရက်က ကမ္ဘောဒီးယားမြို့တော် ဖနွမ်းပင်အနီး မဲခေါင်မြစ်ကမ်းပါးတွင် တံငါသည်တစ်ဦးနှင့် ၎င်း၏မြေးကို တွေ့ရစဉ် (Photo: AP)

မဲခေါင်မြစ်၏ အကြီးဆုံးဆည် ဆောက်လုပ်ရန် ကမ္ဘောဒီးယားအတွက် တရုတ်က ထောက်ပံ့သည့် စီမံကိန်းသည် လူသန်းနှင့်ချီအား ကျွေးမွေးထားသည့် ငါးဖမ်းလုပ်ငန်းများကို ပျက်စီးစေနိုင်သည့်အပြင် ဆည်များကြောင့် ဆုံးရှုံးမှုအများဆုံးဖြစ်သည့် ရေစုန်တွင်ရှိသော ဗီယက်နမ်နှင့်လည်း တင်းမာမှုများ ပိုမိုဆိုးရွားလာနိုင်သည်ဟု ကမ္ဘောဒီးယား အစိုးရက သုံးနှစ်ကြာ လေ့လာခဲ့သည့် အစီရင်ခံစာတစ်ခုက သတိပေးသည်။

ယင်းလေ့လာမှုကို ဦးစီးခဲ့သည့် အမေရိကန်အခြေစိုက်အဖွဲ့၏ ၀က်ဘ်ဆိုက်တွင် ယခုလ၌ ဖော်ပြထားသည့် ထိုအစီရင်ခံစာတွင် Sambor ဆည်သည် ကမ္ဘောဒီးယားအတွက် အကျိုးအမြတ်ရှိမည့် ပမာဏများသော လျှပ်စစ်ဓာတ်အားကို ထုတ်လုပ်ပေးနိုင်မည်ဖြစ်သော်လည်း မဲခေါင်ဒေသ၏ ငါးဖမ်းလုပ်ငန်းကို ပျက်စီးဆုံးရှုံးမှုဖြစ်နိုင်ပြီး ဗီယက်နမ်၏ ရန်သူဧကန် ဖြစ်လာမည်ဟု ဖော်ပြခဲ့သည်။

တရုတ်၏ Southern Power Grid ကုမ္ပဏီက စီစဉ်သည့် ယင်းဆည်သည် စတုရန်းကီလိုမီတာ ၆၂၀ (စတုရန်းမိုင်၂၃၉) ရှိသည့် ရေလှောင်ဆည်ဖြစ်ပြီး မဲခေါင်မြစ်တွင် လာအိုက လတ်တလော ဆောက်လုပ်နေသည့် အကြီးဆုံးဆည်ဖြစ်သော Xayaburi ဆည်ထက် ပိုမိုကြီးမားမည်ဟု အစီရင်ခံစာတွင် ဖော်ပြထားသည်။ Xayaburi ဆည်ဆောက်လုပ်မှုကို သဘာဝပတ်ဝန်းကျင် ထိန်းသိမ်းရေးသမားများက နှစ်နှင့်ချီ ပြင်းပြင်းထန်ထန် ကန့်ကွက်ခဲ့ကြသည်။

အစီရင်ခံစာကိုရေးသားသည့် Natural Heritage Institute မှ ကျွမ်းကျင်ပညာရှင်များက ကမ္ဘောဒီးယားအစိုးရထံသို့ ယင်းအစီရင်ခံစာကို ပြီးခဲ့သည့်နှစ်နှောင်းပိုင်းတွင် တင်ပြခဲ့သည်။ ရှိဆဲရေအားလျှပ်စစ်ဆည်များအပြင် ဆိုလာစွမ်းအင် အသုံးပြုမှုကဲ့သို့သော ပိုမိုကောင်းမွန်သည့် အခြားနည်းလမ်းများ ထပ်တိုးရန် လေ့လာနေစဉ်အတွင်း ယင်းစီမံကိန်းကို ရွှေ့ဆိုင်းထားရန် ပညာရှင်များက အကြံပေးခဲ့သည်။

ယင်းဆည်သည် ကမ္ဘောဒီးယားရှိ ဧရာမ Tonle Sap ကန်မှ ငါးများ တစ်နေရာမှ တစ်နေရာသို့ ပြောင်းရွှေ့ကျက်စားမှုကို အဟန့်အတား ဖြစ်စေနိုင်သည်။

“ဆည်နဲ့ ရေလှောင်ကန်တွေက အတားအဆီးတစ်ခုကိုဖြစ်စေပြီး ငါးတွေ ရွှေ့ပြောင်းကျက်စားမှုအတွက် ထိခိုက်ပျက်စီးစေတယ်” ဟု ယင်းအစီရင်ခံစာတွင် ဖော်ပြထားသည်။

စိုးရိမ်ဖွယ်ရာ မျိုးသုဉ်းပျောက်ကွယ်တော့မည့် ဧရာဝတီ လင်းပိုင် ၈၀ ခန့်က ခြောက်သွေ့သည့် ရာသီတွင် ကျက်စားနေသည့် မြစ်နက်ပိုင်း ရေအိုင်များသည် ထိုဆည်ကြောင့် အနည်အနှစ်များ စုပုံပြည့်နှက်လာမှုကြောင့် မျိုးသုဉ်းပျောက်ကွယ်သွားနိုင်ခြေ ရှိသည်ဟု အစီရင်ခံစာတွင် သတိပေးထားသည်။

တရုတ်နှင့် ရင်းနှီးသည့်မဟာမိတ်ဖြစ်ပြီး တရုတ်ထံမှ အကူအညီနှင့် ရင်းနှီးမြှုပ်နှံမှု အများအပြား လက်ခံရရှိထားသည့် ကမ္ဘောဒီးယားအစိုးရက ယင်းအစီရင်ခံစာနှင့် ပတ်သက်ပြီး ပွင့်ပွင့်လင်းလင်း မှတ်ချက်မပေးခဲ့ပေ။

တရုတ်ပိုင်နက်ရှိ မဲခေါင်မြစ်ဖျားပိုင်းတွင် တရုတ်က ဆောက်လုပ်ထားသည့် ဆည်ခုနစ်ခုသည် အရှေ့တောင်အာရှနိုင်ငံများအတွက် ဒုက္ခပေးသည့် အရာတစ်ခုဖြစ်ခဲ့ပြီး ယင်းဆည်ထက်ဝက်ကျော်ကြောင့် ရေစုန်တွင် အနည်အနှစ်မျောပါသည့် ပမာဏကို ကျဆင်းစေခဲ့သည်ဟု သုတေသနပညာရှင်များက ပြောကြားခဲ့သည်။

တရုတ်ဆည်များသည် ၂၀၁၆ ခုနှစ်တွင် အရှေ့တောင်အာရှ မိုးခေါင်မှုကို ပိုမိုဆိုးရွားစေမှုအတွက် အပြစ်တင်ခံခဲ့ရသော်လည်း ဒေသတွင်းရှိနိုင်ငံများက စွမ်းအင်အတွက် ကြီးထွားလာသည့် လိုအပ်ချက်ကို ဖြည့်ဆည်းပေးရန် မဲခေါင်၌ အခြားဆည်များကို ဆောက်လုပ်မည့် စီမံကိန်းများအတွက် တရုတ်ကုမ္ပဏီများကို ဆက်လက်လုပ်ဆောင်ခိုင်းခဲ့သည်။

Ref: AFP

ပြန်လည်အသက်ဝင်လာသော ပေါ်တူဂီသမ္မတရထား

ပြန်လည်ပြင်ဆင်ထားသော သမ္မတရထားအား ဧပြီ ၈ ရက်က ပေါ်တိုရှိ ဆော်ဘင်တိုဘူတာရုံတွင် တွေ့ရစဉ် (Photo: AFP)

၁၈၉၀ ပြည့်နှစ်က ထိုရထားသည် ပေါ်တူဂီဘုရင်များနှင့် သမ္မတများကို သယ်ပို့ပေးခဲ့ပြီး ၁၉၇၀ ပြည့်နှစ်တွင် ပြေးဆွဲမှု မရပ်နားမီထိ ဒုတိယ အလစ်ဇဘတ်ဘုရင်မကြီး၊ ဆဋ္ဌမမြောက်ပုပ်ရဟန်းမင်းတို့ ကဲ့သို့သော ဧည့်သည်တော်များကိုလည်း ပို့ဆောင်ပေးခဲ့သည်။

ဒေါ်လာ ၁ ဒသမ ၂ သန်း အကုန်အကျခံ၍ ပြည်လည်မွမ်းမံခဲ့ပြီးနောက် ယခုအခါ အပြာရောင်ဇိမ်ခံရထားအဖြစ် ပြန်လည် အသက်ဝင်လာခဲ့သော ထိုရထားသည် ခရီးသည်များကို ပြန်လည်ပို့ဆောင်နေပြီဖြစ်သည်။ သို့သော်လည်း ရထားသည် တစ်နှစ်လျှင် ၁၂ ကြိမ်သာ ပြေးဆွဲမည်ဖြစ်သည်။

အမျိုးသားရထားပြတိုက်မှနေ၍ ရှုခင်းလှပသော ဒိုရိုတောင်ကြားကို ဖြတ်သန်းပြေးဆွဲမည့် ထိုရထားခရီးစဉ်သည် ယူရို ၅၀၀ ကျသင့်မည်ဖြစ်သည်။

ပြတိုက်တွင်းမှ အတွဲခြောက် တွဲပါရထားကို တွေ့မြင်သဘောကျသွားခဲ့သော အသက် ၃၇ နှစ်အရွယ် စီးပွားရေးလုပ်ငန်းရှင် ရွန်ကာလိုကက်စတယ်ဘရန်ကိုက ရထားကို ၀ယ်ယူပြီး ပြန်လည်သွင်းခဲ့ခြင်း ဖြစ်သည်။

“ဒီရထားကို တစ်ခုခုလုပ်ဖို့ ကျွန်တော် ဆုံးဖြတ်ခဲ့တယ်။ သမီးက စားသောက်ဆိုင်လုပ်ဖို့ အကြံပေးခဲ့တာ။ ဒီစိတ်ကူးက အရမ်းကောင်းတယ်လို့ ကျွန်တော်သိတယ်” ဟု သူက အေအက်ဖ်ပီကို ပြောကြားခဲ့သည်။

ထို့နောက် ဂွန်ကာလိုသည် ၂၀၁၀ ပြည့်နှစ်တွင် ရထားကို ပြန်လည်မွမ်းမံခဲ့သည်။ တည်ခင်းပေးမည့် ကိုးနာရီကြာ ခရီးစဉ်များကို စပျစ်ရိတ်ရာသီနှင့် နွေဦးတိုင်းတွင် ပြေးဆွဲမည်ဖြစ်သည်။

မြောက်ပိုင်းပေါ်တိုမှ ထွက်ခွာမည့် “သမ္မတရထား” သည် ဒိုရိုဒေသ၏ နာမည်ကျော် စပျစ်ခြံများကို ဖြတ်သန်းပြေးဆွဲမည်ဖြစ်သည်။

Ref: AFP

မလေးရှားဝန်ကြီးချုပ်ဟောင်းနာဂျစ်အား ခြစားမှုနှင့် လူသတ်မှုဆိုင်ရာ ထိတ်လန့်ဖွယ်ဇာတ်လမ်းများက လွှမ်းမိုးနေ

မတ် ၂၈ ရက်က ပါဟန်ပြည်နယ်တွင် ရွေးကောက်ပွဲ မှတ်ပုံတင်စင်တာမှ ထွက်လာသည့် ၀န်ကြီးချုပ်ဟောင်း နာဂျစ်နှင့်ဇနီးတို့ကို တွေ့ရစဉ် (Photo: AP)

ရာထူးမှ ဖြုတ်ချခံခဲ့ရသော မလေးရှားဝန်ကြီးချုပ်ဟောင်း နာဂျစ်ရာဇက်သည် အစိုးရရင်းနှီးမြှုပ်နှံမှုလုပ်ငန်း 1 MDB မှ ငွေများအား ခိုးယူခဲ့သည်ဟု စွပ်စွဲချက်များအအတွက် ပြဿနာအကြီးအကျယ် ကြုံနေရပြီဖြစ်သည်။ သို့သော် လူငယ်မော်ဒယ်တစ်ဦး ထိတ်လန့်ဖွယ် သတ်ဖြတ်ခံခဲ့ရသည့် ပို၍ ရှုပ်ထွေးသောအတိတ်မှ အရှုပ်တော်ပုံတွင် ၎င်း၏ပတ်သက်ဆက်နွှယ်မှုအား စုံစမ်းစစ်ဆေးရန် တောင်းဆိုမှုမြင့် တက်လာစဉ် နာဂျစ်၏ဥပဒေကြောင်းဆိုင်ရာ ဒုက္ခများသည် ပိုမိုဆိုးရွားလာနိုင်သည်။

ထိတ်လန့်ဖွယ်ကောင်းသော ထိုအရှုပ်တော်ပုံသည် နာဂျစ်က ကာကွယ်ရေးဝန်ကြီးအဖြစ် ထမ်းဆောင်နေသည့် ၂၀၀၂ ခုနှစ်၌ ပြင်သစ်ထံမှ Scorpene ရေငုပ်သင်္ဘောများကို ၀ယ်ယူမှုတွင် မလေးရှား တာဝန်ရှိသူများက ဖြတ်စားလျှပ်စားငွေ အများအပြား ရယူခဲ့သည့် စွပ်စွဲချက်များကို အဓိကထားခြင်းဖြစ်သည်။ အာဏာရှင်ဆန်သော ခေါင်းဆောင်ဟောင်း နာဂျစ်၏အစိုးရက နောက်ဆုံးတွင် ဖုံးကွယ်ပစ်လိုက်သည့်အချိန်အထိ အုတ်အော်သောင်းတင်းဖြစ်ခဲ့သော ထိုအကြောင်းအရာသည် မလေးရှားကို နှစ်များစွာ အံ့အားသင့်စေခဲ့သည်။

သို့သော် နာဂျစ်က မေ ၉ ရက် ရွေးကောက်ပွဲတွင် မရှုမလှ အရေးနိမ့်ခဲ့ပြီးနောက် တက်လာခဲ့သော ၀န်ကြီးချုပ်သစ် မဟာသီယာမိုဟာမက် အစိုးရက 1 MDB မှ ဒေါ်လာ ဘီလျံများစွာ ခိုးယူခံခဲ့ရမှုနှင့် ဆက်နွှယ်သည့် စွပ်စွဲချက်များအား စုံစမ်း စစ်ဆေးသွားမည့်အပြင် အကျင့်ပျက်ခြစားမှု ထူပြောနေသည့် အစိုးရဟောင်းလက်ထက်မှ မဖြေရှင်းနိုင်ခဲ့သည့် အခြားအရှုပ်တော်ပုံများကိုလည်း ဖော်ထုတ်ခဲ့သည်။

ယခုအချိန်အထိ 1 MDB အရှုပ်တော်ပုံနှင့်ပတ်သက်၍ အစိုးရသစ်၏ အလျင်အမြန် လှုပ်ရှားနေမှုနှင့် ယခင်အစိုးရ၏ အကျင့်ပျက်ခြစားမှုများကိုလည်း အလေးအနက်ထား ကိုင်တွယ်နေမှုအတွက် အလွန်အမင်း အားတက်မိကြောင်း မလေးရှား အင်န်ဂျီအိုတစ်ခုဖြစ်သော အကျင့်ပျက်ခြစားမှုနှင့် ခရိုနီစနစ် တိုက်ဖျက်ရေးစင်တာ (C4) ဥက္ကဋ္ဌ စင်သီယာဂါဘရီရယ်က ပြောကြားခဲ့သည်။ ယင်းနှင့်ဆက်စပ်၍ Scorpene ကဲ့သို့ အရှုပ်တော်ပုံများကိုလည်း လျစ်လျူပြု၍မရကြောင်း၊ ဖိအားများဖြစ်လာနေပြီး ပိုမိုစိတ်ဝင်စားစရာကောင်းလာတော့မည် ဖြစ်ကြောင်း ၎င်းက ပြောကြားခဲ့သည်။

နာဂျစ်အတွက် လတ်တလော အစိုးရိမ်ရဆုံးကိစ္စမှာ ၎င်းနှင့်၎င်း၏ မိသားစုနှင့် ခရိုနီများသည် 1 MDB မှ ဒေါ်လာဘီလျံများစွာကို ခိုးယူခဲ့မှု စွပ်စွဲချက်များဖြစ်သည်။ နာဂျစ်သည် ရွေးကောက်ပွဲရှုံးနိမ့်ခဲ့အပြီး နိုင်ငံမှထွက်ခွာခွင့် ပိတ်ပင်ခံထားရကာ ရဲတပ်ဖွဲ့က ၎င်း၏နေအိမ်များနှင့် အခြားနေရာများမှ များပြားလှသော ငွေသားများ၊ လက်ဝတ်ရတနာများနှင့် ဇိမ်ခံပစ္စည်းများကို သိမ်းဆည်းရမိခဲ့သည်။

ဖုံးကွယ်ခဲ့ကြောင်း စွပ်စွဲခံရမှု

သို့သော် 1 MDB အရှုပ်တော်ပုံသည် လိင်ကိစ္စ၊ ရေငုပ်သင်္ဘောများ၊ လုပ်ကြံမှုနှင့် ကံဆိုးခဲ့သော မွန်ဂိုလီးယားမော်ဒယ်နှင့် စကားပြန်တစ်ဦးတို့ ပါဝင်နေသည့် Scorpene ဇာတ်လမ်းကို မှေးမှိန်စေခဲ့သည်။

ဒေါ်လာ ၁ ဒသမ ၁ ဘီလျံတန်ဖိုးရှိသော ရေငုပ်သင်္ဘောရောင်းဝယ်ရေး သဘောတူညီချက်အတွက် ညှိနှိုင်းပေးခဲ့သည့် နာဂျစ်၏ အနီးကပ် လုပ်ဖော်ကိုင်ဖက်တစ်ဦးဖြစ်သူ အဗ္ဗဒူရာဇက်ဘာဂျင်ဒါနှင့် ဆက်နွှယ်သည့် ဗန်းပြကုမ္ပဏီတစ်ခုထံ ပြင်သစ်ရေငုပ်သင်္ဘောကုမ္ပဏီ DCNS က ပွဲခအဖြစ် ယူရို ၁၁၄ သန်း (ဒေါ်လာ ၁၃၄ သန်း) ကျော် ပေးခဲ့ကြောင်း စွပ်စွဲချက်များကို အခြေခံ၍ ထိုအရှုပ်တော်ပုံ ထွက်ပေါ်လာခဲ့ခြင်းဖြစ်သည်။

ထိုငွေပေးမှုများသည် မသမာမှုဖြစ်သည်ဟု နာဂျစ်၏အတိုက်အခံများက ထိုအချိန်က ပြောကြားခဲ့ကြသည်။

ထိုအရောင်းအ၀ယ် ညှိနှိုင်းမှုတွင် စကားပြန်တစ်ဦးအဖြစ် ဆောင်ရွက်ခဲ့မှုအတွက် ငွေကြေးတောင်းခံခဲ့သည်ဟုဆိုသည့် အဗ္ဗဒူရာဇက်၏ မွန်ဂိုလီးယား အမြှောင်မယားဖြစ်သူ အလန်တူရာရှာရီဘူးသည် ပစ်သတ်ခံခဲ့ရပြီး ၎င်း၏အလောင်းအား ၂၀၀၆ ခုနှစ်တွင် မြို့တော် ကွာလာလမ်ပူအနီး စစ်ဘက်သုံး ပလတ်စတစ် ဖောက်ခွဲရေးပစ္စည်းများဖြင့် ဖောက်ခွဲပစ်ခဲ့ကြောင်း သိရသည်။

အစိုးရအဖွဲ့မှ သက်တော်စောင့်နှစ်ဦးက ဆောင်ရွက်ခဲ့သည့် ထိုလူသတ်မှုတွင် နာဂျစ်နှင့် ၎င်း၏ဇနီး ရို့စ်မာတို့လည်း ပါဝင်ခဲ့သည်ဟု စွပ်စွဲခံခဲ့ရပြီး ၎င်းတို့နှစ်ဦးက ထိုစွပ်စွဲချက်များကို အခိုင်အမာ ငြင်းဆိုထားသည်။ ထို့ပြင် နာဂျစ်က အလန်တူရာနှင့် ဇာတ်လမ်းရှိခဲ့ကြောင်းကို မဟုတ်မှန်ကြောင်း လူသိရှင်ကြား ငြင်းဆိုခဲ့ရသည်။

ထိုလူသတ်မှုကို အားပေးကူညီခဲ့ကြောင်း အဗ္ဗဒူရာဇက်အား စွဲဆိုထားသည့်စွဲချက်ကို တရားရုံးက ၂၀၀၈ ခုနှစ်တွင် ရုပ်သိမ်းပေးခဲ့ပြီးနောက် ထိုအမှုသည် အာရုံစိုက်ခံရမှုမှ လျော့ကျသွားခဲ့သည်။ ယင်းနောက် နာဂျစ်သည်လည်း ဒုတိယ၀န်ကြီးချုပ်အဖြစ် ရာထူးတိုးမြှင့် ခန့်အပ်ခံခဲ့ရသည်။ သို့သော် အဓိကကျသောပုဂ္ဂိုလ်တစ်ဦးသည် ယခုအခါ အပြောင်းအလဲပြုလုပ်နိုင်သူအဖြစ် အလားအလာ ရှိနေသည်။

ထိုလူသတ်မှုအတွက် အခြားရဲတပ်ဖွဲ့ဝင် သက်တော်စောင့်တစ်ဦးနှင့်အတူ စွဲချက်တင်ခံခဲ့ရသည့် ဆီရူအက်ဇ်ဟာအူမာက ၎င်းတို့သည် ထိုလူသတ်မှုအား ညွှန်ကြားခဲ့သည့် အရေးပါသောသူများအတွက် အလုပ်လုပ်ပေးရသည့် လူနုံများသာဖြစ်ကြောင်း ပြောကြားခဲ့ပြီး အားလုံးကို ဖွင့်ချပစ်မည်ဟုလည်း ယခင်က ခြိမ်းခြောက်ခဲ့ဖူးသည်။

ဆီရူသည် ထောင်ဒဏ်မကျခံရမီ ၂၀၁၅ ခုနှစ်တွင် သြစတြေးလျသို့ ထွက်ပြေးရန် ကြိုးစားခဲ့ပြီး ယင်းနိုင်ငံ၌ စစ်ဆေးမေးမြန်းခံရမည်ဟု ယူဆခဲ့ကြသည်။

ရုံးတင်စစ်ဆေးမှုသစ်

ရွေးကောက်ပွဲအပြီးတွင် ထောင်မှလွတ်မြောက်လာခဲ့ပြီး ၀န်ကြီးချုပ် ဖြစ်လာနိုင်သည်ဟု မျှော်မှန်းထားကြသော မလေးရှားထိပ်တန်းနိုင်ငံရေးသမား အန်ဝါအီဘရာဟင်က ဆီရူနှင့် ၎င်း၏ကြံရာပါ အဇီလာဟက်ဒရီတို့အား ရုံးတင်စစ်ဆေးမှုသစ် ပြုလုပ်သင့်ကြောင်း မေ ၁၇ ရက်တွင် ပြောကြားခဲ့သည်။

“အဲဒီအချိန်တုန်းက တရားစီရင်ရေးက အပေးအယူ လုပ်ထားကြတယ်” ဟု အသက် ၇၀ ရှိပြီဖြစ်သော အန်ဝါက အေအက်ဖ်ပီနှင့် အင်တာဗျူးတွင် ပြောကြားခဲ့သည်။ “နာဂျစ်က ဘယ်အခြေအနေအထိ ပါဝင်ပတ်သက်ခဲ့သလဲဆိုတာ ကျွန်တော် မသိဘူး။ ဒါပေမဲ့ သူက တစ်နည်းနည်းနဲ့ အတိအကျကို ပတ်သက်မှု ရှိပါတယ်” ဟု အန်ဝါက ပြောကြားခဲ့သည်။

အလန်တူရာ အသတ်မခံရမီ မလေးရှားသို့ဝင်ရောက်ခဲ့သည့် အထောက်အထားအားလုံးကို ဖျောက်ဖျက်ပစ်ခဲ့မှုသည် ရာထူးမြင့်ပုဂ္ဂိုလ်၏ ဆုံးဖြတ်ချက်ကြောင့်သာ ပြုလုပ်ခဲ့ခြင်းဖြစ်ဟုလည်း ၎င်းကပြောကြားခဲ့သည်။

အဗ္ဗဒူရာဇက်အပြင် Scorpene အရောင်းအ၀ယ် အရှုပ်တော်ပုံနှင့် ဆက်စပ်နေသည့် ပြင်သစ်ထိပ်တန်း အမှုဆောင်ဟောင်းနှစ်ဦးအား စုံစမ်းစစ်ဆေးသူများက စွဲချက်တင်ခဲ့ကြောင်း ပြင်သစ်တရားရေး သတင်းရင်းမြစ်များက ပြီးခဲ့သောနှစ်တွင် အေအက်ဖ်ပီသို့ ပြောကြားခဲ့သည်။

ထိုရေငုပ်သင်္ဘောရောင်းဝယ်မှုနှင့် အလန်တူရာအသတ်ခံရမှုတို့အတွက် နာဂျစ်နှင့် အခြားသူများအား စုံစမ်းစစ်ဆေးမှု ချက်ချင်းပြုလုပ်ရန် C4 က ရွေးကောက်ပွဲအပြီးတွင် လူသိရှင်ကြား တောင်းဆိုခဲ့သည်။ မရိုးသားသော မြေယာသဘောတူညီချက်များ၊ သစ်များအား ခိုးထုတ်မှုများ၊ ရဲများ၏စစ်မေးမှုအတွင်း အစိုးရအား ဝေဖန်သူများ သံသယဖြစ်ဖွယ် သေဆုံးရမှုများ အပါအ၀င် အစိုးရဟောင်းလက်ထက်မှ များပြားလှသော အရှုပ်တော်ပုံများစွာရှိနေကြောင်း C4 ခေါင်းဆောင်က ထောက်ပြခဲ့သည်။

အလန်တူရာ အသတ်ခံရမှုတွင် နာဂျစ်အပါအ၀င် အစိုးရတာဝန်ရှိသူ အများအပြား ပါဝင်ခဲ့သည်ဟု ထိုအမှုအား စုံစမ်းစစ်ဆေးခဲ့သည့် အလွတ်စုံထောက် P.Balasubramaniam က ၂၀၀၈ ခုနှစ်တွင် ပြောကြားခဲ့သည်။ သို့သော် ၎င်းက ထိုစကားအား ပြန်ရုပ်သိမ်းခဲ့ပြီး ခြိမ်းခြောက်ခံရမှုကြောင့် အိန္ဒိယသို့ ထွက်ပြေးခဲ့သည်။ ၂၀၁၃ ခုနှစ်တွင် ၎င်းသည် နိုင်ငံသို့ပြန်လာပြီး အလုံးစုံဖွင့်ချမည်ဟု ကတိပြုခဲ့ပြီးနောက် နှစ်ပတ်အကြာတွင် သေဆုံးခဲ့သည်။

Ref: AFP

တက္ကဆက်အထက်တန်းကျောင်း ပစ်ခတ်မှုတွင် ၁၀ ဦးသေဆုံးကာ သေနတ်ဖြင့်ပစ်သော ကျောင်းသားကို ဖမ်းဆီး

ပစ်ခတ်မှုဖြစ်ပွားခဲ့သော တက္ကဆက်ရှိ စာသင်ကျောင်းအပြင်ဘက်၌ မေ ၁၈ ရက်က အရေးပေါ်ကယ်ဆယ်ရေး ၀န်ထမ်းများကို တွေ့ရစဉ် (Photo: AFP)

ပြောင်းချောသေနတ်နှင့် ခြောက်လုံးပြူး ကိုင်ဆောင်ထားသော ဆယ်ကျော်သက် ကျောင်းသားတစ်ဦးက မေ ၁၈ ရက်တွင် တက္ကဆက် အထက်တန်းကျောင်း၌ ပစ်ခတ်ခဲ့သောကြောင့် ကျောင်းသားအများစုအပါအ၀င် ၁၀ ဦး သေဆုံးသွားခဲ့ရာ အမေရိကန်ပြည်ထောင်စုတွင် လူသေဆုံးမှုဖြစ်ပေါ်ခဲ့သည့် နောက်ဆုံးစာသင်ကျောင်း ပစ်ခတ်မှုတစ်ရပ် ဖြစ်လာခဲ့သည်။

လူသတ်မှုစွဲချက်များဖြင့် ဖမ်းဆီးခြင်းခံခဲ့ရသော ထိုသေနတ်သမားသည် ဆန်တာဖီးအထက်တန်းကျောင်းမှ အသက် ၁၇ နှစ်ရှိ ဒီမီထရီရော့စ်ပါဂါဇစ်ဖြစ်သည်ဟု တာဝန်ရှိသူများက ပြောကြားခဲ့သည်။ ထိုစွဲချက်များကြောင့် ပါဂါဇစ်သည် သေဒဏ်ကျခံရနိုင်သည်။ လူ ၁၀ ဦး သေဆုံးသွားခဲ့ပြီး နောက်ထပ် ၁၀ ဦး ဒဏ်ရာရရှိသွားခဲ့သည့် ယင်းတိုက်ခိုက်မှုသည် တက္ကဆက် စာသင်ကျောင်းများ၏သမိုင်းတွင် ကြုံခဲ့ဖူးသမျှတိုက်ခိုက်မှုများ၌ အရက်စက်ဆုံး တိုက်ခိုက်မှုဖြစ်သည်ဟု ပြည်နယ်အုပ်ချုပ်ရေးမှူး ဂရက်အဘော့က ပြောကြားခဲ့သည်။ သေနတ်သမားသည် သူ့ဖခင် တရားဝင်ပိုင်ဆိုင်သော ပြောင်းချောသေနတ်၊ ခြောက်လုံးပြူးတို့ဖြင့် ပစ်ခတ်မှုများကို လုပ်ဆောင်ခဲ့ခြင်းဖြစ်သည်ဟု အဘော့ကဆိုသည်။

ပါဂါဇစ်သည် ကျောင်းစတက်ချိန်တွင် စာသင်ခန်းထဲသို့ လက်လုပ်ဗုံးကိုလည်း ပစ်သွင်းခဲ့သည်ဟု ဟူစတန်ခရိုနီကယ် သတင်းစာက ဆိုသည်။

သို့ရာတွင် အမေရိကန်တွင် သေနတ်ဥပဒေ ပြင်ဆင်ပြောင်းလဲရေးမှာ သဘောထားကွဲလွဲနေခြင်းနှင့်အတူ လက်နက်များပျံ့နှံ့မှုကို ကန့်သတ်ရန် တောင်းဆိုခြင်းထက် စာသင်ကျောင်းများကို လက်နက်တပ်ဆင်ပေးရန်၊ စိတ်ကျန်းမာရေးပြဿနာများကို ပိုမိုကောင်းမွန်စွာ ဖြေရှင်းပေးရန်လိုအပ်ကြောင်း အဘော့က ပြောကြားခဲ့သည်။

နေအိမ်နှစ်ခုတွင် ရှာဖွေမှုများကို လုပ်ဆောင်ခဲ့သည်ဟု အဘော့ကပြောကြားခဲ့ပြီး ကာဗွန်ဒိုင်အောက်ဆိုက်တိုင်းတာသော ကိရိယာ၊ ဓာတ်ဆီပုလင်းဗုံးအပါအ၀င် လက်လုပ်ဗုံးများကို တွေ့ရှိခဲ့သည်ဟုဆိုသည်။ သေနတ်သမားက သူ့ကိုယ်သူ သတ်သေချင်သည်ဟု ရေးထားသော နေ့စဉ်မှတ်တမ်းများကို တွေ့ရသော်လည်း သူသည်သတ်သေမည့်ကိစ္စကို ရုပ်သိမ်းခဲ့သည်ကို တွေ့ရကြောင်း အဘော့က ပြောကြားခဲ့သည်။

လူသတ်ရန် မွေးလာသည်ဟူသော စာသားပါတီရှပ်နှင့် Facebook တွင် ပုံတင်ခဲ့သော်လည်း ရာဇ၀တ်မှုမှတ်တမ်းမရှိသော ထိုသံသယရှိသူနှင့်ပတ်သက်၍ ကြိုတင်သတိထားရမည့် လက္ခဏာများမရှိခဲ့ဟု အဘော့က ပြောကြားခဲ့သည်။

မေ ၁၈ ရက်ကဖြစ်ရပ်သည် တက္ကဆက်တွင် ခြောက်လအတွင်း ဒုတိယအကြိမ်မြောက် လူအစုလိုက်အပြုံလိုက်ကို ပစ်ခတ်မှုဖြစ်ခဲ့သည်။ ယခုနှစ်အစပိုင်းတွင်လည်း ဖလော်ရီဒါပြည်နယ် ပါ့ခ်လန်းရှိ မာဂျိုရီဒေါက်ဂလတ်စ်စတုန်းမန်း အထက်တန်းကျောင်းတွင် ပစ်ခတ်မှုကြောင့် ၁၇ ဦး သေဆုံးခဲ့ရသည်။

တောင်တရုတ်ပင်လယ်ရှိ အငြင်းပွားကျွန်းစုပေါ်သို့ တရုတ်ဗုံးကြဲလေယာဉ်များ ပထမဆုံးအကြိမ် ဆင်းသက်

ဆင်ဟွာသတင်းအေဂျင်စီက ထုတ်ပြန်ခဲ့သော ဓာတ်ပုံတွင် တောင်တရုတ်ပင်လယ်ပြင်ပေါ်၌ ပျံသန်းနေသော တရုတ်ဗုံးကြဲလေယာဉ် H-6K တစ်စင်းကို တွေ့ရစဉ် (Photo: AP)

တောင်တရုတ်ပင်လယ်ရှိ ပိုင်ဆိုင်မှုအငြင်းပွားနေသော ကျွန်းစုတစ်ခုပေါ်သို့ တရုတ်၏ ဗုံးကြဲလေယာဉ်များက ပထမဆုံးအကြိမ် ဆင်းသက်ခဲ့ရာ မဟာဗျူဟာအရ အလွန်အမင်းအရေးပါသော ရေပိုင်နက်နှင့် ပတ်သက်၍ နယ်နိမိတ်ထိစပ်နေသည့် နိုင်ငံများအကြား တင်းမာမှုကို တစ်ဖန်မြင့်တက်စေနိုင်ကြောင်း သိရသည်။

တာဝေးသွား၊ နျူကလီးယားပစ်ခတ်နိုင်သော H-6K အပါအ၀င် ဗုံးကြဲလေယာဉ်မျိုးစုံသည် ပင်လယ်ပြင်တွင် ပစ်မှတ်များအား တစ်ပြိုင်နက် ပစ်ခတ်တိုက်ခိုက်သည့် လေ့ကျင့်မှုကို ပြုလုပ်ခဲ့ပြီးနောက် မည်သည့်နေရာဟု မသိရသည့် ကျွန်းစုတစ်ခု၏ လေယာဉ်ကွင်း၌ ဆင်းသက်ခြင်းနှင့် ပျံတက်ခြင်းလေ့ကျင့်မှုများကို ဆောင်ရွက်ခဲ့ကြောင်း တရုတ်လေတပ်က မေ ၁၈ ရက်တွင် ကြေညာချက်ထုတ်ပြန်ခဲ့သည်။

တောင်တရုတ်ပင်လယ်ရှိ ကျွန်းစုများတွင် ယင်းကဲ့သို့ ပျံတက်မှုနှင့် ဆင်းသက်မှုဆိုင်ရာ လေ့ကျင့်မှုများကြောင့် တရုတ်လေတပ်က ရေကြောင်းလုံခြုံရေးဆိုင်ရာ ခြိမ်းခြောက်မှုများအား တုံ့ပြန်ဖြေရှင်းရာတွင် တိုက်ခိုက်ရေးစွမ်းရည်ကို အားကောင်းစေရန် အထောက်အကူဖြစ်စေမည်ဟု ထိုကြေညာချက်အား ကိုးကားလျက် ကာကွယ်ရေးကျွမ်းကျင်ပညာရှင် ၀မ်မင်းလျန်က ပြောကြားခဲ့သည်။

တရုတ်သည် ဗီယက်နမ်နှင့် ဖိလစ်ပိုင်တို့ကပါ ပိုင်ဆိုင်ကြောင်း အခိုင်အမာထုတ်ပြန်ထားသည့် စပရက်တလီကျွန်းစုရှိ စခန်းများတွင် သင်္ဘောဖျက်နှင့် ဝေဟင်မှ ဝေဟင်ပစ် ကာကွယ်ရေးစနစ်များကို တပ်ဆင်နေကြောင်း အမေရိကန်သတင်းကွန်ရက် CNBC က အမေရိကန်ထောက်လှမ်းရေးနှင့် နီးစပ်သော သတင်းရင်းမြစ်များအား ကိုးကားလျက် ထုတ်ပြန်ခဲ့ပြီးနောက် သီတင်းပတ် အနည်းငယ်အကြာတွင် တရုတ်က ယင်းကဲ့သို့ လေ့ကျင့်မှုပြုလုပ်ခဲ့ခြင်းဖြစ်သည်။

ယင်းသည် တောင်တရုတ်ပင်လယ်တွင် ဗုံးကြဲလေယာဉ်တစ်စင်းက ပထမဆုံးအကြိမ် ဆင်းသက်မှုဟု ယုံကြည်ကြောင်း မဟာဗျူဟာမြောက်နှင့် အပြည်ပြည်ဆိုင်ရာ လေ့လာမှုဆိုင်ရာစင်တာ (CSIS) မှ တရုတ်ကျွမ်းကျင်ပညာရှင် ဘွန်နေးဂလေဇာက Twitter တွင် ရေးသားခဲ့သည်။ ထိုလေယာဉ်များ ဆင်းသက်ခဲ့သည့်နေရာသည် ဗီယက်နမ်နှင့် ထိုင်ဝမ်တို့ကလည်း ပိုင်ဆိုင်သည်ဟု အပြိုင်အဆိုင် ထုတ်ပြန်ထားသည့် ပါရာဆဲကျွန်းစုရှိ တရုတ်အကြီးဆုံးစခန်းဖြစ်သော ၀ူဒီကျွန်းဖြစ်နိုင်ကြောင်း CSIS က ၎င်း၏၀က်ဘ်ဆိုက်တွင် သုံးသပ်မှုကို ဖော်ပြခဲ့သည်။

တရုတ်သည် တောင်တရုတ်ပင်လယ်တွင် ၎င်းတို့ထိန်းချုပ်ထားသော ကျောက်တန်းများပေါ်တွင် မြေယာဖော်ထုတ်မှုကို နှစ်ပေါင်းများစွာ ဆောင်ရွက်ခဲ့ပြီး ပိုင်ဆိုင်မှု အငြင်းပွားသည့်နေရာ၌ အရပ်ဘက်နှင့် စစ်ဘက်သုံး အဆောက်အအုံများအား တည်ဆောက်ခဲ့သည်။ လေတပ်စခန်း၊ ရေဒါနှင့် ဆက်သွယ်ရေးစနစ်များ၊ ရေတပ်အဆောက်အအုံများအပါအ၀င် စစ်ဘက်အဆောက်အအုံများ၊ စစ်လေယာဉ်များ ဆင်းသက်နိုင်မည့် လေယာဉ်ပြေးလမ်းများ အပါအ၀င် ကာကွယ်ရေးအဆောက်အအုံများကိုလည်း တည်ဆောက်ခဲ့သည်။

မလေးရှားဝန်ကြီးချုပ်ဟောင်း နာဂျစ် ခြစားမှုတိုက်ဖျက်ရေး အေဂျင်စီသို့ ဆင့်ခေါ်ခံရ

မေ ၁၈ ရက်က ၀န်ကြီးချုပ်ဟောင်း နာဂျစ်၏ နေအိမ်များမှ သိမ်းဆည်းရမိသည့် ပစ္စည်းများကို ကားတစ်စီးပေါ်သို့ တင်နေကြစဉ် (Photo: AP)

မလေးရှားခြစားမှုတိုက်ဖျက်ရေး အာဏာပိုင်များက မလေးရှားဝန်ကြီးချုပ်ဟောင်း နာဂျစ်ရာဇက်အား စုံစမ်းစစ်ဆေးမှုတစ်ခုအတွက် လာမည့်သီတင်းပတ်တွင် ၎င်းတို့ထံ လာရောက်ရန် ဆင့်ခေါ်ထားသည်ဟု အစိုးရမီဒီယာတွင် ဖော်ပြခဲ့သည်။

နာဂျစ်သည် ရွေးကောက်ပွဲအပြီး နောက်တစ်ရက်တွင် နိုင်ငံတွင်းမှ ထွက်ခွာခွင့်ပိတ်ခံထားရခြင်း ဖြစ်သည်။ ထို့ပြင် ပြီးခဲ့သည့်ရက်များအတွင်းကပင် ရဲများသည် နာဂျစ်၏နေအိမ်များအား စီးနင်းရှာဖွေကာ ငွေသားများ၊ ကျောက်မျက်ရတနာများ၊ တန်ဖိုးကြီးပစ္စည်း အမြောက်အမြားကို သိမ်းဆည်းခဲ့ကြသည်။

ထိုစဉ် အရှုပ်တော်ပုံများဖြင့် နာမည်ဆိုးထွက်နေသည့် နာဂျစ်အား မလေးရှားခြစားမှုတိုက်ဖျက်ရေးကော်မရှင် (MACC) ထံသို့ မေ ၂၂ ရက်တွင် လာရောက်ရန် အမိန့်ထုတ်ခဲ့ခြင်းဖြစ်သည်ဟု အစိုးရပိုင် သတင်းအေဂျင်စီ Bernama က ဖော်ပြခဲ့သည်။

‘SRC International နဲ့ပတ်သက်ပြီး နာဂျစ်ရဲ့ထွက်ဆိုချက်ကို မှတ်တမ်းတင်နိုင်ဖို့အတွက် လာမယ့်အင်္ဂါနေ့မှာ လာရောက်ဖို့ သူ့ကိုပြောထားပါတယ်” ဟု မေ ၁၈ ရက်နှောင်းပိုင်းက ထုတ်ပြန်ခဲ့သော အစီရင်ခံစာနှင့် ပတ်သက်ပြီး MACC ၏ သတင်းရင်းမြစ်တစ်ဦးက ပြောကြားခဲ့သည်ကို ကိုးကားကာ Bernama တွင် ဖော်ပြခဲ့သည်။

SRC International သည် ၂၀၁၂ ခုနှစ်တွင် ဘဏ္ဍာရေးဝန်ကြီးဌာန၏ လက်အောက်သို့မရောက်မီက 1 MDB ၏ လက်ခွဲလုပ်ငန်းတစ်ခု ဖြစ်နေခြင်းဖြစ်သည်။ ထိုစဉ်က နာဂျစ်သည် မလေးရှား၏ ၀န်ကြီးချုပ်အဖြစ်သာမက ဘဏ္ဍာရေးဝန်ကြီးအဖြစ်ပါ တာဝန်ယူထမ်းဆောင်နေသည့် အချိန်လည်းဖြစ်သည်။ SRC နှင့်ဆက်စပ်နေသော ဒေါ်လာများ သန်းနှင့်ချီ ပျောက်ဆုံးခဲ့သည်ဟူသော စွပ်စွဲချက်သည် ကျယ်ပြန့်လှသော 1 MDB အရှုပ်တော်ပုံ၏ တစ်စိတ်တစ်ပိုင်းသာဖြစ်သည်။

ပြီးခဲ့သည့်နှစ်များအတွင်းက တစ်ဟုန်ထိုးများပြားလာသော တိုင်ကြားချက်များထဲ၌ နာဂျစ်၊ ၎င်း၏မိသားစုနှင့် ခရိုနီများသည် 1 MDB မှ ဒေါ်လာဘီလျံနှင့်ချီ၍ ခိုးယူခဲ့သည်ဟု ဖော်ပြထားခဲ့သည်။ သို့သော် နာဂျစ်၏အစိုးရသည် ထိုအရှုပ်တော်ပုံနှင့် ပတ်သက်၍ ပြည်တွင်း၌စုံစမ်းမှုများကို ပိတ်ပင်ကာ အပြည့်အ၀စုံစမ်းမှုများ လုပ်ဆောင်ရန် ဆော်သြသူများကို ဖမ်းဆီးပြီး ထိုကိစ္စနှင့်ပတ်သက်၍ မရေးကြရန် မီဒီယာများကို နှုတ်ပိတ်ခဲ့သည်။

ထိုစဉ် 1 MDB အရှုပ်တော်ပုံများကို စက်ဆုပ်နေသော ၀န်ကြီးချုပ်ဟောင်းမဟာ သီယာမိုဟာမက်သည် အငြိမ်းစားဘ၀မှ နိုင်ငံရေးလောကထဲသို့ တစ်ဖန်ပြန်လည်ရောက်ရှိလာကာ အတိုက်အခံညွန့်ပေါင်းနှင့် ပူးပေါင်းပြီး မေ ၉ ရက် ရွေးကောက်ပွဲတွင် အံ့အားသင့်ဖွယ် အနိုင်ရခဲ့သည်။ ထို့နောက် ၀န်ကြီးချုပ်ဖြစ်လာသည့် မဟာသီယာသည် 1 MDB အရှုပ်တော်ပုံနှင့် ပတ်သက်ပြီး စုံစမ်းမှုများ ကျယ်ကျယ်ပြန့်ပြန့် လုပ်ဆောင်မည်ဟု ကတိပြုထားသည်။

လူကြိုက်နည်းသော ၀န်ကြီးချုပ်က တော်ဟောင်းမှာမူ မေ ၁၉ ရက်က ထုတ်ပြန်ချက်တစ်ခုထဲတွင် ညည်းညည်းညူညူ ပြောကြားခဲ့သည်။ “ကျွန်မတို့အပေါ် ဖိစီးနှိပ်စက်မှုတွေ တစ်ပုံတစ်ပင်ဖြစ်နေပေမယ့် ကျွန်မတို့ဟာ ဘယ်လိုစုံစမ်းစစ်ဆေးမှုမျိုးကိုမဆို လွယ်ကူချောမောအောင်၊ အာဏာပိုင်တွေရဲ့ ဘယ်လိုတောင်းဆိုချက်အတွက်မဆို ကျွန်မတို့ကို အသုံးချနိုင်အောင် လုပ်ဆောင်ပေးသွားမှာ ဖြစ်ပါတယ်” ဟု ၎င်းက ပြောကြားခဲ့သည်။

အထီးကျန်ပြီး ပျက်စီးနေသော ဗင်နီဇွဲလားတွင် သမ္မတမာဒူရိုက ဒုတိယမြောက်သက်တမ်း ထမ်းဆောင်နိုင်ရန် ကြိုးပမ်း

မေ ၁၈ ရက်က သမ္မတနန်းတော်တွင် ရွေးကောက်ပွဲ စောင့်ကြည့်သူများနှင့် ဆွေးနွေးပွဲ၌ ဗင်နီဇွဲလားသမ္မတ မာဒူရိုက စကားပြောနေစဉ် (Photo: AFP)

နိုင်ငံ၏ စီးပွားရေးပျက်စီးနေမှုနှင့် အပြည်ပြည်ဆိုင်ရာမှ ဖယ်ထုတ်ခြင်းတိုးမြှင့် ကြုံတွေ့ရမှုတို့ကို အရေးမစိုက်ဘဲ ဗင်နီဇွဲလား၏ ဆိုရှယ်လစ်သမ္မတ နီကိုလတ်စ်မာဒူရိုသည် အတိုက်အခံများက သပိတ်မှောက်ထားသည့် မေ ၂၀ ရက် အငြင်းပွားဖွယ် ရွေးကောက်ပွဲ၌ ဒုတိယမြောက် ခြောက်နှစ်သက်တမ်းကို ထမ်းဆောင်ခွင့်ရရန် ကြိုးစားနေသည်။

ရွေးကောက်ပွဲမတိုင်မီ နှစ်ရက်အလို မေ ၁၈ ရက်တွင် မာဒူရို၏ သြဇာကြီးလက်ထောက်နှင့် ဆိုရှယ်လစ်ပါတီခေါင်းဆောင် ဒီရိုဒါဒိုကာဘယ်လိုအား ရာထူးကို အသုံးချလျက် မူးယစ်ဆေးမှောင်ခိုကူးမှု၊ ငွေကြေးခ၀ါချမှု၊ ပြည်သူ့ဘဏ္ဍာ အလွဲသုံးစားပြုမှုနှင့် အခြားအကျင့်ပျက်ခြစားမှုတို့အတွက် ပိတ်ဆို့အရေးယူမှုများ ချမှတ်ကြောင်း အမေရိကန်က ကြေညာခဲ့သည်။

မေ ၁၇ ရက်တွင် မြို့တော်ကာရာကက်ရှိ ဘိုလီဗာရိပ်သာလမ်း၌ နောက်ဆုံးမဲဆွယ်မှုတွင် မာဒူရိုနှင့်အတူ အာဂျင်တီးနား ဂန္ထ၀င်ဘောလုံးသမား ဒီယေဂိုမာရာဒိုနာလည်း ကူညီမဲဆွယ်ခဲ့သည်။ အသက် ၅၅ နှစ်ရှိပြီဖြစ်သော ဘတ်စ်ကားယာဉ်မောင်းဟောင်းဖြစ်သူ မာဒူရိုသည် ၎င်း၏ဆရာဖြစ်သော သမ္မတဟောင်း ဟူဂိုချားဗတ်ဇ်၏ ရုပ်ပုံပါသည့် အစိမ်းရောင်တီရှပ်ကို ၀တ်ဆင်လျက် မဲဆွယ်ခဲ့သည်။

လူထုသဘောထား စစ်တမ်းများတွင် ၎င်း၏ အဓိကပြိုင်ဘက် ဟင်နရီဖယ်ကွန်၏နောက်၌ ရပ်တည်ခဲ့သော်လည်း မာဒူရိုသည် အနိုင်ရရန် ရေပန်းစားနေသည်။ သို့သော် ငွေကြေးဖောင်းပွမှု တစ်ရှိန်ထိုးမြင့်တက်နေမှု၊ စားနပ်ရိက္ခာနှင့် ဆေးဝါးများရှားပါးမှု၊ ရာဇ၀တ်မှုများ မြင့်တက်လာမှု၊ ရေပေးဝေမှု၊ လျှပ်စစ်နှင့် ပို့ဆောင်ရေးကွန်ရက်များ ပျက်စီးနေမှုတို့အား ပြည်သူများက ဒေါသထွက်နေခြင်းကြောင့် မာဒူရို၏အစိုးရအား ထောက်ခံမှု အလွန်အမင်းကျဆင်းနေသည်။

လူထုသဘောထား စစ်တမ်းများအရ ဖယ်ကွန်သည် ထောက်ခံမှုရာခိုင်နှုန်း ၃၀ ဖြင့် ဦးဆောင်နေပြီး မာဒူရိုသည် ထောက်ခံမှုရာခိုင်နှုန်း ၂၀ သာရရှိထားသည်။ ဧ၀ံဂေလိအသင်းဝင် ကိုယ်စားလှယ်လောင်း ဇာဗီယာဘာတူစီကမူ ထောက်ခံမှု ၁၄ ရာခိုင်နှုန်း ရရှိထားသည်။ သို့သော် ရွေးကောက်ပွဲအား စိတ်ဝင်စားမှု အလွန်အမင်းကျဆင်းနေခြင်းကြောင့် မဲလာပေးသူ အရေအတွက်သည် ကျဆင်းဖွယ်ရှိပြီး မာဒူရိုသည် ပြည်သူများ၏ ကြီးမားသောတုံ့ပြန်မှု ကြုံတွေ့ရဖွယ်မရှိဘဲ ရလဒ်ကို ထိန်းချုပ်နိုင်မည်ဟု Eurasia Group မှ သုတေသီ ရီဆာဂရစ်တာဂိုးက ပြောကြားခဲ့သည်။

ရွေးကောက်ပွဲဆိုင်ရာနှင့် စစ်ဘက်ဆိုင်ရာ အာဏာပိုင်များအား အလွန်အမင်း ချုပ်ကိုင်ထားသော မာဒူရိုသည် သဘောထား အလွန်အမင်းကွဲပြားနေသည့် အတိုက်အခံများနှင့် ရင်ဆိုင်နေရသည်။ ပြည်သူများသည် ဆန္ဒပြမှုနှင့် ရွေးကောက်ပွဲကို အယုံအကြည်မဲ့သွားပြီဖြစ်ကြောင်း၊ ယင်းအတွက်ကြောင့် ရွေးကောက်ပွဲကို စိတ်မပါတော့ခြင်းဖြစ်ကြောင်း လေ့လာသူ ဟွမ်မန်နျူရယ်ရာဖယ်လီက ပြောကြားခဲ့သည်။

ကျူးဘားခရီးသည်တင်လေယာဉ် ပျက်ကျခဲ့ရာ လူ ၁၀၇ ဦးသေဆုံး

မေ ၁၈ ရက်က ဟာဗားနားတွင် လေယာဉ်ပျက်ကျခဲ့သည့်နေရာ၌ ကယ်ဆယ်ရေးအဖွဲ့များက ရှာဖွေမှုများ ပြုလုပ်နေစဉ် (Photo: AP)

လူ ၁၁၀ ကျော်ကို တင်ဆောင်ထားသော သက်တမ်း ၃၉ နှစ်ရှိ ခရီးသည်တင် လေယာဉ်တစ်စင်းသည် မေ ၁၈ ရက်က ဟာဗားနားလေဆိပ်မှ ပျံတက်သွားပြီး ခဏအကြာ၌ ပီလောပီနံခင်းထဲသို့ပျက်ကျကာ မီးလောင်ကျွမ်းမှုဖြစ်ပွားခဲ့သည်။ ဆယ်စုနှစ်သုံးခုကြာ ကာလအတွင်း ကျူးဘားတွင် အဆိုးရွားဆုံး လေယာဉ်ပျက်ကျမှု ဖြစ်လာသည့် ယခုဖြစ်စဉ်တွင် လူသုံးဦးသာ အသက်ရှင်ခဲ့သည်ဟု သက်ဆိုင်ရာအရာရှိများက ပြောကြားသည်။

ဘိုရင်း 737 လေယာဉ်သည် နိုင်ငံအရှေ့ပိုင်းရှိ ဟိုဂင်းမြို့သို့သွားရန် ဟာဗားနားရှိ ဟိုဆေးမာတီ အပြည်ပြည်ဆိုင်ရာလေဆိပ်၏ လေယာဉ်ပြေးလမ်းအဆုံးမှ ပျံတက်သွားပြီး ခဏအကြာတွင် ပျက်ကျခဲ့ခြင်းဖြစ်သည်။ ထို့နောက် မီးလောင်ကျွမ်းနေသော အပျက်အစီးများကို ငြှိမ်းသတ်ရန် မီးသတ်သမားများ အပြေးအလွှားရောက်လာခဲ့ကြသည်။

အဆိုပါလေယာဉ်အား မက္ကဆီကန်ကုမ္ပဏီ Global Air က ကျူးဘားအစိုးရလေကြောင်းလိုင်း Cubana de Aviacion သို့ အငှားချထားခြင်းဖြစ်သည်။ Global Air သည် ထိုလေယာဉ်ကိုငှားရန် လိုအပ်သည့် ခွင့်ပြုချက်များအားလုံးကို ရရှိထားပြီး လေယာဉ်ကို ယမန်နှစ် နိုဝင်ဘာကပင် စစ်ဆေးမှုများ ပြုလုပ်ထားခြင်းဖြစ်ကြောင်း သိရသည်။

ခရီးသည် ၁၀၄ ဦးကို တင်ဆောင်ထားသော ထိုလေယာဉ်သည် ပျက်ကျမှုအတွင်း အလုံးစုံပျက်စီးသွားခဲ့ပြီးနောက် မီးလောင်ကျွမ်းမှုများလည်း ဖြစ်ပေါ်ခဲ့သည်ဟု သိရသည်။ လေယာဉ်အပျက်အစီးထဲမှ အသက်ရှင်လျက် ဆွဲထုတ်နိုင်ခဲ့သည့် အမျိုးသမီးသုံးဦးသာ အသက်ရှင်ကျန်ခဲ့သည်။ လေယာဉ်ပေါ်တွင် လိုက်ပါသွားသူအများစုမှာ ကျူးဘားများဖြစ်ပြီး အာဂျင်တီးနားနှစ်ဦး အပါအ၀င် နိုင်ငံခြားသားငါးဦးပါသည်ဟု သိရသည်။

လေယာဉ်ပျက်ကျမှု ဖြစ်စဉ်အတွင်း သေဆုံးခဲ့သူများအတွက် ကျူးဘားနိုင်ငံတွင် မေ ၁၉ ရက်မှစ၍ နှစ်ရက်ကြာ ၀မ်းနည်းကြေကွဲခြင်းနေ့အဖြစ် သတ်မှတ်ခဲ့သည်။ လေယာဉ်ပျက်ကျရသည့် အကြောင်းရင်းနှင့်ပတ်သက်သော စုံစမ်းမှုများမှာမူ ပြုလုပ်နေဆဲဖြစ်ကြောင်း ဧပြီ ၁၉ ရက်မှ စတင်တာဝန်ထမ်းဆောင်ခဲ့သည့် သမ္မတသစ် မီဂယ်ဒိုင်အက်စ်ကာနယ်က ပြောကြားခဲ့သည်။

စုံစမ်းစစ်ဆေးမှုများကို ကူညီရန် မက္ကဆီကိုအစိုးရက အရပ်ဘက်လေကြောင်းဆိုင်ရာ ကျွမ်းကျင်သူနှစ်ဦးကို စေလွှတ်ထားသည်။ ထိုလေယာဉ်ပေါ်တွင် လိုက်ပါသွားသော အမှုထမ်းခြောက်ဦးစလုံးမှာ မက္ကဆီကို နိုင်ငံသားများဖြစ်ကြသည်။

“ပေါက်ကွဲသံကြီးဟာ အရာအားလုံးကို တုန်ခါစေခဲ့ပါတယ်” ဟု လေဆိပ်အနီးတွင် နေထိုင်ပြီး လေယာဉ်ပျက်ကျသည်ကို တွေ့လိုက်ရသော ယာစနီယယ်ဒိုင်အက်စ် အမည်ရသော ဒေသခံတစ်ဦးက ပြောကြားခဲ့သည်။

ယခုဖြစ်စဉ်မတိုင်မီ နောက်ဆုံးဖြစ်ပွားခဲ့သည့် ကျူးဘားလေယာဉ်မတော်တဆမှုသည် ၂၀၁၇ ခုနှစ် ဧပြီတွင် ရုရှားလုပ် AN-26 ပို့ဆောင်ရေးလေယာဉ်တစ်စင်းသည် နိုင်ငံအနောက်ပိုင်း၌ ပျက်ကျခဲ့ခြင်းဖြစ်ပြီး စစ်မှုထမ်းရှစ်ဦး သေဆုံးခဲ့သည်။ ၂၀၁၀ ပြည့်နှစ် နိုဝင်ဘာကလည်း ဆန်တီယာဂိုမှ ဟာဗားနားသို့ ပျံသန်းသည့် ကျူးဘားခရီးသည်တင် ဂျက်လေယာဉ်တစ်စင်း ပျက်ကျခဲ့ရာ လိုက်ပါလာသူ ၆၈ ဦး သေဆုံးခဲ့သည်။

အီရတ်ရွေးကောက်ပွဲတွင် ရှီအိုက်ဘာသာရေးခေါင်းဆောင် ဆာဒါး အနိုင်ရခဲ့သော်လည်း အစိုးရဖွဲ့နိုင်ရန် အလှမ်းဝေးနေ

မေ ၁၄ ရက်က ဘဂ္ဂဒက်တွင် ရွေးကောက်ပွဲကျင်းပစဉ်အတွင်း အောင်ပွဲခံနေသော အီရတ်အမျိုးသားများကို တွေ့ရစဉ် (Photo: AFP)

အီရတ်ရွေးကောက်ပွဲ၏ အပြီးသတ်ရလဒ်များကို မေ ၁၉ ရက်တွင် အတည်ပြုခဲ့ရာ အမျိုးသားရေးဝါဒီ ဘာသာရေးခေါင်းဆောင် မော့တာဒါဆာဒါးက နိုင်ငံတကာတွင် ထောက်ခံမှုရရှိထားသည့် ၀န်ကြီးချုပ် ဟိုင်ဒါအယ်လ်ဘာဒီကို အနိုင်ရရှိခဲ့သည်။

သို့သော် မဟာမိတ်များအတွက် ညွန့်ပေါင်းအစိုးရဖွဲ့စည်းရေး အလားအလာသည် လမ်းပွင့်နေဆဲဖြစ်သည်။ ယခုရွေးကောက်ပွဲသည် ၂၀၀၅ ခုနှစ်တွင် ပထမဆုံးကျင်းပခဲ့သည့် ပါတီစုံရွေးကောက်ပွဲနောက်ပိုင်း မဲပေးသူ အနိမ့်ဆုံးဖြစ်ကာ ၄၄ ဒသမ ၅၂ ရာခိုင်နှုန်းမျှသာရှိခဲ့ပြီး မဲမပေးဘဲနေသူအများဆုံး ရွေးကောက်ပွဲအဖြစ် စံချိန်တင်ခဲ့သည်။

၂၀၀၃ ခုနှစ်တွင် အမေရိကန်ဦးဆောင်သည့် ၀င်ရောက်တိုက်ခိုက်မှုတွင် အာဏာရှင် ဆက်ဒမ်ဟူစိန် ကျရှုံးခဲ့ပြီးနောက် ပါလီမန်ကို ကွဲပြားစေရန် စံကိုက်ချိန်ညှိထားသော ရွေးကောက်ပွဲစနစ်တွင် မော့တာဒါဆာဒါး၏ Marching Towards Reform မဟာမိတ်အဖွဲ့သည် လာမည့်လေးနှစ်အတွက် အီရတ်ကို အုပ်ချုပ်ခွင့်ရရန် အလှမ်းဝေးနေသေးသည်။

ဝန်ကြီးချုပ်ဖြစ်ရန် ထည့်မတွက်ထားသည့် ဆာဒါးက အရေးပါသည့်ရာထူးများကို ထိန်းချုပ်သူဖြစ်ရန်နှင့် ပါတီတစ်ဒါဇင်မှ ပညာတတ်အစိုးရအဖွဲ့နှင့်အတူ ပြုပြင်မှုလုပ်ဆောင်ရန် မျှော်လင့်ထားသည်။

ညွန့်ပေါင်းအစိုးရအဖွဲ့ဖွဲ့ရန် စေ့စပ်ဆွေးနွေးမှုများကို အမေရိကန်နှင့် အီရန်တို့၏ ပါဝင်ပတ်သက်မှုနှင့်အတူ ရွေးကောက်ပွဲပြီးဆုံးခဲ့သည့် ပြီးခဲ့သည့်သီတင်းပတ်ကတည်းက စတင်ခဲ့သည်။ အမေရိကန်နှင့် အီရန်က တဇောက်ကန်းရှီအိုက်ခေါင်းဆောင်ကို ကန့်ကွက်ကြသည်။

ဆာဒါးက ရွေးကောက်ပွဲ အနိုင်ရခဲ့ကြောင်း အတည်မပြုနိုင်ခင်ကပင် အီရန်က ဆာဒါးကို အစိုးရဖွဲ့ခွင့် တားဆီးနိုင်ရန် ကြိုးပမ်းသော အစည်းအဝေးအများအပြားကို ကျင်းပခဲ့ပြီးဖြစ်သည်။ အီရန်သည် သြဇာကြီးသော ဗိုလ်ချုပ်ကြီး ကက်ဆန်ဆူလေမန်နီကို ဘဂ္ဂဒက်သို့ စေလွှတ်ခဲ့သည်။ ဆူလေမန်နီသည် အီရတ်ဝန်ကြီးချုပ်များဖြစ်သည့် အဘာဒီနှင့် နျူရီအယ်မာလီကီတို့ကို အကြိမ်ကြိမ်တွေ့ဆုံခဲ့ဖူးသူဖြစ်သည်။ ယမန်နှစ်က အီရန်၏ပြိုင်ဘက် ဆော်ဒီအာရေဗျသို့ ဆာဒါးက သွားရောက်ခဲ့ပြီးနောက် ဆူလေမန်နီက ဆာဒါးနှင့် မဟာမိတ်ဖွဲ့စည်းမှုကို ပယ်ချထားကြောင်း တာဝန်ရှိသူများက ဆိုသည်။

လူကြိုက်များသည့် ရှီအိုက်တရားဟောဆရာနှင့် အီရတ်ကွန်မြူနစ်များ၏ မဟာမိတ်အဖွဲ့သည် အမတ်နေရာ ၅၄ နေရာရရှိခဲ့သည်။ IS နှိမ်နင်းသည့် အီရန်ကျောထောက်နောက်ခံပြု ပြည်သူ့စစ်အဖွဲ့များမှ တိုက်ခိုက်ရေးသမားဟောင်းများနှင့် ဖွဲ့စည်းထားသည့် Conquest Alliance က အမတ်နေရာ ၄၇ နေရာဖြင့် အမတ်နေရာ ၄၂ နေရာရရှိခဲ့သည့် အဘာဒီဦးဆောင်သော Victory Alliance အဖွဲ့ကိုကျော်တက်ပြီး ဒုတိယနေရာတွင် ရပ်တည်ခဲ့သည်။

ဆာဒါးသည် အမေရိကန် ကျူးကျော်ဝင်ရောက်ချိန်တွင် ၎င်း၏ ပြည်သူ့စစ်များက အမေရိကန်တပ်ဖွဲ့ဝင်များကို တိုက်ခိုက်မှုတွင် ထင်ရှားလာခဲ့သည်။

နှစ်ပေါင်းများစွာ ဘေးမှထိုင်ခဲ့ပြီးနောက် ဆာဒါးသည် ဆင်းရဲသားများကို ရပ်တည်ကာကွယ်ပေးသူတစ်ဦးအဖြစ် ပြန်လည်ထွက်ပေါ်ခဲ့ပြီး ခြစားမှုများကို တိုက်ဖျက်ရန် လောကီသီးသန့်ဝါဒီများနှင့် ချိတ်ဆက်ခဲ့သည်။ ရွေးကောက်ပွဲရလဒ်သည် ပြုပြင်ပြောင်းလဲမှုများက အနိုင်ရရှိခဲ့ပြီး ခြစားမှုအားနည်းလာသည်ကို ပြသခဲ့သည်ဟု ဆာဒါးက Twitter တွင် ကြေညာခဲ့သည်။