ဂျပန်နိုင်ငံမှ ကမ္ဘာ့အသက်အကြီးဆုံးလူသား အသက် ၁၁၇ နှစ်တွင် ကွယ်လွန်

အသက် ၁၁၇ နှစ်အရွယ်တွင် ကွယ်လွန်ခဲ့သော နာဘီတာဂျီမာကို ၂၀၁၅ ခုနှစ် စက်တင်ဘာလက တွေ့ရစဉ် (Photo: AP)

ကမ္ဘာ့အသက်အကြီးဆုံး လူသားအဖြစ် သတ်မှတ်ခံထားရသော အသက် ၁၁၇ နှစ်အရွယ် ဂျပန်အမျိုးသမီးတစ်ဦးသည် ကွယ်လွန်သွားပြီဖြစ်ကြောင်း ဒေသဆိုင်ရာအရာရှိ တစ်ဦးက ဧပြီ ၂၂ ရက်တွင် ပြောကြားခဲ့သည်။

၁၉၀၀ ပြည့်နှစ် သြဂုတ် ၄ ရက်တွင် မွေးဖွားခဲ့သော နာဘီတာဂျီမာသည် ဧပြီ ၂၁ ရက်က ၎င်း၏ မွေးရပ်ဖြစ်သော ကာဂိုရှီမားဒေသ ကီကိုင်ကျွန်းရှိ ဆေးရုံတစ်ရုံတွင် ကွယ်လွန်ခဲ့ခြင်းဖြစ်သည်။

ဂျမေကာနိုင်ငံမှ ဗိုင်အိုလက်ဘရောင်းသည် ၂၀၁၇ ခုနှစ် စက်တင်ဘာက အသက် ၁၁၇ နှစ်အရွယ်မှာပင် ကွယ်လွန်ခဲ့ပြီးနောက် တာဂျီမာသည် ကမ္ဘာ့အသက်အကြီးဆုံး လူသားဖြစ်လာခဲ့သည်။ တာဂျီမာသည် ဂျပန်၏ အသက်အကြီးဆုံး အမျိုးသမီးအဖြစ် ၂၀၁၅ ခုနှစ် စက်တင်ဘာကတည်းက သတ်မှတ်ခံခဲ့ရခြင်းဖြစ်သည်။

လက်ရှိ ကမ္ဘာ့အသက်အကြီးဆုံး အမျိုးသားမှာလည်း ဂျပန်နိုင်ငံသားပင်ဖြစ်ပြီး အသက် ၁၁၂ နှစ်အရွယ် မာဆာဇိုနိုနာကာဖြစ်ကြောင်း ဂင်းနက်စ်ကမ္ဘာ့စံချိန်က ဧပြီ ၁၀ ရက်တွင် ကြေညာခဲ့သည်။ “သက်ကြီးရွယ်အို စောင့်ရှောက်ရေး စင်တာတစ်ခုမှာ နေထိုင်ခဲ့တဲ့ တာဂျီမာဟာ ဇန်န၀ါရီလကစပြီး အားနည်းလာတဲ့အတွက် ဒေသတွင်းဆေးရုံကို တင်ခဲ့ပါတယ်။ အခုတော့ အသက်အရွယ်ကြီးရင့်မှုကြောင့် တာဂျီမာဟာ ဧပြီ ၂၁ ရက်က ဆေးရုံမှာပဲ ကွယ်လွန်ခဲ့ပါတယ်” ဟု ကျန်းမာရေးနှင့် လူမှုဖူလုံရေးအရာရှိတစ်ဦးက ပြောကြားခဲ့သည်။

လက်ရှိ ကမ္ဘာ့အသက်အကြီးဆုံးလူသားမှာ ဂျပန်အမျိုးသမီးတစ်ဦးဖြစ်သော ချီယိုမီယာကို ဖြစ်သည်ဟု အမေရိကန်အခြေစိုက် သုတေသနအဖွဲ့က ထုတ်ပြန်ခဲ့သည်။ တိုကျိုတောင်ပိုင်း ကာနာဂါဝါစီရင်စုတွင် နေထိုင်သော မီယာကိုသည် လာမည့် ၁၀ ရက်အတွင်း အသက် ၁၁၇ နှစ်ပြည့်မည်ဖြစ်သည်။

ဂျပန်သည် ကမ္ဘာ့အသက်အကြီးဆုံး ဂုဏ်ပုဒ်ရရှိသူ အများအပြားနေထိုင်သည့် နိုင်ငံဖြစ်ပြီး ပြည်သူများ၏ အသက်ရှည်ခြင်းအတွက် ထင်ရှားကျော်ကြားသည်။ ဂျပန်တွင် အသက် ၁၀၀ နှင့်အထက်ရှိ သူဦးရေသည် ၆၈,၀၀၀ ၀န်းကျင်ရှိသည်ဟု သိရသည်။

ကုန်သွယ်ရေးကိစ္စဆွေးနွေးရန် လာရောက်မည့် အမေရိကန်ဘဏ္ဍာရေးဝန်ကြီး၏ ခရီးစဉ်ကို တရုတ်က ကြိုဆို

ဝါရှင်တန်တွင် ပြုလုပ်သော IMF နှင့် ကမ္ဘာ့ဘဏ်တို့၏ နွေဦးကာလ အစည်းအဝေးများအတွက် ဧပြီ ၂၁ ရက်က သတင်းစာရှင်းလင်းပွဲအတွင်း အမေရိကန်ဘဏ္ဍာရေးဝန်ကြီး စတီဖင်မနူချင်အား တွေ့ရစဉ် (Photo: AFP)

ကမ္ဘာ့စီးပွားရေးအတွက် ခြိမ်းခြောက်မှုဟု ရှုမြင်ခံနေရသော ကုန်သွယ်ရေးပဋိပက္ခနှင့် ပတ်သက်၍ ဆွေးနွေးရန် တရုတ်နိုင်ငံ၏ မြို့တော်သို့သွားရေးအား စဉ်းစားနေကြောင်း အမေရိကန်ဘဏ္ဍာရေးဝန်ကြီး စတီဖင်မနူချင်က ပြောကြားခဲ့ပြီးနောက် တရုတ်အစိုးရက ထိုခရီးစဉ်ကို ကြိုဆိုသည်ဟု ဧပြီ ၂၂ ရက်တွင် ထုတ်ပြန်ခဲ့သည်။

စီးပွားရေးအင်အားအကြီးဆုံး နိုင်ငံကြီးနှစ်ခုကြားမှ တင်းမာမှုများသည် ကမ္ဘာ့စီးပွားရေး ပြန်လည်နာလန်ထလာရေးကို အားလျော့စေမည့် ကုန်သွယ်ရေးစစ်ပွဲ ဖြစ်လာစေမည့်အပေါ် စိုးရိမ်နေကြသည်။ ၀ါရှင်တန်၌ ကျင်းပနေသော ဘဏ္ဍာရေးဝန်ကြီးများ တွေ့ဆုံပွဲတွင်လည်း ယင်းကိစ္စကပင် အရိပ်ထိုးလျက်ရှိသည်။

အမေရိကန်မြို့တော် ၀ါရှင်တန်တွင် အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) နှင့် ကမ္ဘာ့ဘဏ်တို့၏ နွေဦးကာလ အစည်းအဝေးများအတွင်း မနူချင်က တရုတ်သို့သွားရန် စဉ်းစားနေကြောင်း ဧပြီ ၂၁ ရက်တွင် ပြောကြားခဲ့ခြင်းဖြစ်သည်။ နောက်တစ်ရက်တွင်မူ တရုတ်ကုန်သွယ်ရေး ၀န်ကြီးဌာနက ထိုခရီးစဉ်ကို ကြိုဆိုသည်ဟု ထုတ်ပြန်ခဲ့သည်။

“ကုန်သွယ်ရေးနဲ့ စီးပွားရေးကိစ္စတွေကို ဆွေးနွေးဖို့အတွက် အမေရိကန်ဘက်က ပေကျင်းကို လာရောက်လိုတဲ့အကြောင်း သတင်းရရှိထားပါတယ်။ တရုတ်အနေနဲ့ ဒါကိုကြိုဆိုပါတယ်” ဟု ၀န်ကြီးဌာန၏ ထုတ်ပြန်ချက်ထဲတွင် ဖော်ပြခဲ့သည်။ မနူချင်ကလည်း ကုန်သွယ်ရေးစစ်ပွဲ ဖြစ်စရာမလိုဘဲ နိုင်ငံများအနေနှင့် ကွဲလွဲမှုများကို ဖြေရှင်းနိုင်ကြောင်း ဧပြီ ၂၁ ရက်က ပြောကြားခဲ့ကာ ၎င်း၏ သတိရှိသော အကောင်းမြင်စိတ်ကို ဖော်ပြခဲ့သည်။

ပြီးခဲ့သည့် သီတင်းပတ်အတွင်း နိုင်ငံပေါင်း ၁၈ နိုင်ငံမှ ဘဏ္ဍာရေးဝန်ကြီးများနှင့် တွေ့ဆုံခဲ့သည့် မနူချင်က ၎င်းသည် တရုတ်ဗဟိုဘဏ်အကြီးအကဲ ယီကန်းနှင့်လည်း တွေ့ဆုံခဲ့သည်ဟု ပြောကြားခဲ့သည်။ ထိုတွေ့ဆုံမှုအတွင်း ယီကန်းသည် တရုတ်နှင့် ကုန်သွယ်ရေးပြဿနာကို ဗဟိုမပြုခဲ့သော်လည်း ယီသည် ထိုကိစ္စနှင့် ပတ်သက်ပြီး သတိရှိရှိနှင့် အကောင်းမြင်မှုရှိနေသေးကြောင်း မနူချင်က ဆိုသည်။

၂၀၁၀ ပြည့်နှစ်နောက်ပိုင်း ပထမဆုံးအကြိမ် ကမ္ဘာ့ဘဏ်၏ ရန်ပုံငွေတိုးမြှင့်ရေးအား အမေရိကန်၏ ကန့်ကွက်နေမှုကို ဖယ်ရှားပေးလိုက်ပြီဖြစ်ကြောင်း မနူချင်က အတည်ပြုခဲ့သည်။ ထို့ကြောင့် ချမ်းသာသောနိုင်ငံများ (တရုတ်ဟု အများကရှုမြင်) အပေါ် မှီခိုမှုလျှော့ချခြင်း အပါအ၀င် အမေရိကန်လိုလားသည့် ပြုပြင်ပြောင်းလဲမှုများစွာနှင့်အတူ ကမ္ဘာ့ဘဏ်၏ ရန်ပုံငွေကို ၁၃ ဘီလျံ ထပ်မံတိုးမြှင့်မည်ဖြစ်သည်။

နျူကလီးယား သဘောတူညီချက်မှ အမေရိကန် နုတ်ထွက်ပါက ယူရေနီယံသန့်စင်ရေးကို အားကောင်းကောင်းဖြင့် ပြန်စမည်ဟု အီရန် ခြိမ်းခြောက်

ဧပြီ ၁၈ ရက်က တီဟီရန်တွင် ပြုလုပ်ခဲ့သော စစ်ရေးပြအခမ်းအနား တစ်ခုအတွင်း အီရန် စစ်တပ်ထရပ်ကားတစ်စီးက မြေပြင်-ဝေဟင်ပစ် ဒုံးကျည်များအား သယ်ဆောင်လာသည်ကို တွေ့ရစဉ် (Photo: AFP)

၂၀၁၅ ခုနှစ်က ရရှိခဲ့သည့် နျူကလီးယားသဘောတူညီချက်ကို အမေရိကန်က စွန့်ပစ်လိုက်ပါက အီရန်သည် ယူရေနီယံသန့်စင်ရေးလုပ်ငန်းများကို အားကောင်းကောင်းနှင့် ပြန်လည်စတင်ရန် အသင့်ဖြစ်နေပြီဖြစ်ကြောင်း အီရန်က ဧပြီ ၂၁ ရက်တွင် သတိပေးခဲ့သည်။ အမေရိကန်၏ နုတ်ထွက်ခြင်းကို တုံ့ပြန်သည့်အနေနှင့် အီရန်သည် ပြင်းထန်သည့် အခြားသော လုပ်ဆောင်ချက်များ လုပ်ဆောင်ရေးအတွက်လည်း စဉ်းစားနေသည်ဟု သိရသည်။

အမေရိကန်၏ နုတ်ထွက်မှုကို တုံ့ပြန်ရန်အတွက် အီရန်သည် နျူကလီးယားဗုံးတစ်လုံး ထုတ်ရန် ကြိုးပမ်းမည်မဟုတ်သော်လည်း သန့်စင်သော ယူရေနီယံထုတ်လုပ်မှုများကို ပြန်စမည်ဖြစ်ကြောင်း အီရန်နိုင်ငံခြားရေးဝန်ကြီး မိုဟာမက်ဂျာဗာဇာရစ်က နယူးယောက်တွင် သတင်းထောက်များကို ပြောကြားခဲ့ခြင်းဖြစ်သည်။ သန့်စင်သော ယူရေနီယံများသည် နျူကလီးယားဗုံးလုပ်ရန် အဓိကပါဝင်ပစ္စည်းဖြစ်သည်။

၂၀၁၅ ခုနှစ်ကရရှိခဲ့သည့် နျူကလီးယား သဘောတူညီချက်ကြောင့် အီရန်သည် ၎င်း၏နျူကလီးယားစီမံကိန်းကို ထိန်းချုပ်လိုက်ပြီး အပြန်အလှန်အနေနှင့် နိုင်ငံတကာ၏ ပိတ်ဆို့အရေးယူမှု လျှော့ချပေးခြင်းကို ရရှိခဲ့သည်။ သို့သော် အမေရိကန်သမ္မတ ဒေါ်နယ်ထရန့်က ထို ၂၀၁၅ ခုနှစ် သဘောတူညီချက်ကို မေ ၁၂ ရက် နောက်ဆုံးထား၌ ပြန်ပြင်ရန် ဥရောပနိုင်ငံတို့ကို အချိန်သတ်မှတ်ပေးထားသည်။

အီရန်နိုင်ငံခြားရေးဝန်ကြီး ဇာရစ်၏ ပြောကြားချက်သည် အီရန်ဘက်မှ ပိုမိုတင်းမာလာသော သတိပေးမှုများ၏ နောက်ဆုံးတစ်ခုလည်းဖြစ်လာခဲ့သည်။ ယခုလအစောပိုင်းကလည်း အီရန်သမ္မတ ဟတ်ဆန်ရိုဟာနီက အမေရိကန်သည် နျူသဘောတူညီချက်မှ နုတ်ထွက်ပါက နောင်တရမည်ဖြစ်ပြီး အီရန်သည် သီတင်းတစ်ပတ်အတွင်းမှာပင် ပြန်လည်တုံ့ပြန်မည်ဟု သတိပေးခဲ့သည်။

ဧပြီ ၂၃ ရက်တွင် ပြင်သစ်သမ္မတ အီမန်နျူယယ်မက်ခရွန်၏ အမေရိကန်ခရီးစဉ်ထဲ၌ အီရန်နျူကလီးယား သဘောတူညီချက်ကိစ္စသည် အဓိကဆွေးနွေးမည့် အကြောင်းအရာဖြစ်သည်။ ထို့ပြင် အဆိုပါကိစ္စအတွက် ဆွေးနွေးရန်ပင် ဂျာမနီဝန်ကြီးချုပ် အိန်ဂျလာမာကယ်သည် ၀ါရှင်တန်သို့ ဧပြီ ၂၈ ရက်တွင် လာဦးမည်ဖြစ်သည်။

အကယ်၍ အမေရိကန်က နုတ်ထွက်လိုက်ပါက အီရန်သည် သဘောတူညီချက်၌ ပါဝင်လက်မှတ်ထိုးထားသည့် အခြားနိုင်ငံများဖြစ်ကြသော ဗြိတိန်၊ တရုတ်၊ ပြင်သစ်၊ ဂျာမနီ၊ ရုရှားတို့နှင့်အတူ သဘောတူညီချက်ထဲတွင် ဆက်ရှိနေမည်မှာ ဖြစ်နိုင်ခြေ အလွန်နည်းကြောင်းလည်း နိုင်ငံခြားရေးဝန်ကြီး ဇာရစ်က ပြောကြားခဲ့သည်။

 

မလေးရှား၌ ပါလက်စတိုင်း တက္ကသိုလ်ဆရာတစ်ဦး လုပ်ကြံပစ်သတ်ခံရမှုသည် အစ္စရေးမော့ဆက်၏ လက်ချက်ဟု စွပ်စွဲမှုများ ဖြစ်ပေါ်

မလေးရှားတွင် လုပ်ကြံသတ်ဖြတ်ခံခဲ့ရသည့် ဟားမားအဖွဲ့ဝင်တစ်ဦး ဖြစ်ဖွယ်ရှိသော ပါလက်စတိုင်း တက္ကသိုလ်ဆရာ၏ ဓာတ်ပုံကို ဧပြီ ၂၁ ရက်က ဂါဇာကမ်းမြောင်မြောက်ပိုင်း၌ အမျိုးသားများက ကိုင်ဆောင်ထားကြသည်ကို တွေ့ရစဉ် (Photo: AFP)

မလေးရှားနိုင်ငံ ကွာလာလမ်ပူမြို့တွင် ဧပြီ ၂၁ ရက်က ပါလက်စတိုင်း အမျိုးသားတစ်ဦးကို မည်သူမည်ဝါမှန်းမသိသော အမျိုးသားနှစ်ဦးက ပစ်သတ်သွားခဲ့သည်ဟု မလေးရှားနှင့် ပါလက်စတိုင်း အာဏာပိုင်တို့က ထုတ်ပြန်ခဲ့သည်။ သေနတ်သမားဖြစ်ဖွယ်ရှိသူတို့သည် ပြည်ပထောက်လှမ်းရေး အဖွဲ့အစည်းတစ်ခုခုနှင့် ဆက်နွှယ်နေနိုင်သည်ဟု မလေးရှား ဒုတိယ၀န်ကြီးချုပ်က ပြောကြားခဲ့သည်။

အသက် ၃၅ နှစ်အရွယ် အမျိုးသားကို မော်တော်ဆိုင်ကယ်တစ်စီးပေါ်မှ လူနှစ်ဦးက သေနတ်ဖြင့် ၁၀ ချက်ခန့် ပစ်သွားခဲ့ရာ ၎င်းမှာ နေရာမှာပင် သေဆုံးခဲ့သည်ဟု ကွာလာလမ်ပူရဲချုပ် မက်ဇလန်လာဇင်က ပြောကြားခဲ့သည်။ “အစောပိုင်းစစ်ဆေးမှု ရလဒ်တွေအရ သေဆုံးသူရဲ့ ခန္ဓာကိုယ်မှာ သေနတ်ဒဏ်ရာ လေးချက် တွေ့ခဲ့ရပါတယ်။ အခင်းဖြစ်ပွားတဲ့ အဲဒီနေရာမှာ နောက်ထပ်ကျည်ဖူးနှစ်ခုကို တွေ့ရှိခဲ့ရပါတယ်” ဟု ရဲချုပ်က ပြောကြားခဲ့သည်။ အနီးရှိ နံရံတွင်လည်း ကျည်ရာများကို တွေ့ခဲ့ရသည်ဟု သိရသည်။ အဆိုပါအမျိုးသားသည် ဂွမ်ဘာ့ဆင်ခြေဖုံး ရပ်ကွက်ထဲရှိ ဗလီတစ်ခုတွင် ၀တ်ပြုရန်အတွက် ၎င်း၏ အထပ်မြင့်နေအိမ် တိုက်ခန်းပေါ်မှ ဆင်းလာစဉ် ယခုကဲ့သို့ လုပ်ကြံခံရခြင်းဖြစ်သည်။

သေဆုံးသူအမျိုးသားသည် ပါလက်စတိုင်း အစ္စလာမ္မစ်အုပ်စု ဟားမား၏အဖွဲ့ဝင်ဖြစ်သည်ဟု ထွက်ပေါ်နေသည့်သတင်းများနှင့် ပတ်သက်၍ ရဲချုပ်က တစ်စုံတစ်ရာ အတည်မပြုပေးခဲ့ပေ။ “ဒီလိုပြောဖို့ သိပ်စောလွန်းပါသေးတယ်။ ကျွန်တော်တို့ဘက်က ထောင့်ပေါင်းစုံကို စုံစမ်းစစ်ဆေးနေဆဲ ဖြစ်ပါတယ်” ဟု ၎င်းက ဆိုသည်။

သေဆုံးသူသည် ဖာဒီအယ်ဘာတေ့ရှ် အမည်ရှိ ပါလက်စတိုင်းတစ်ဦးဖြစ်ပြီး အင်ဂျင်နီယာဘာသာရပ်ဆိုင်ရာ တက္ကသိုလ်ဆရာ တစ်ဦးလည်းဖြစ်သည်ဟု မလေးရှားနိုင်ငံဆိုင်ရာ ပါလက်စတိုင်း သံအမတ်က နောက်ပိုင်းတွင် ပြောကြားခဲ့သည်။ သို့သော် ၎င်းသည် ဟားမားအဖွဲ့ဝင် ဟုတ် မဟုတ်ကိုမူ ပြောကြားခဲ့ခြင်းမရှိပေ။ အခင်းဖြစ်ပွားရာနေရာမှ မျက်မြင်သက်သေများ၏ ပြောကြားချက်အရ သေနတ်ဖြင့် ပစ်သွားသည်ဟု သံသယရှိသူ နှစ်ဦးသည် ဥရောပတိုက်သားပုံစံများဖြစ်သည်ဟု သိရသည်။

မလေးရှား ဒုတိယ၀န်ကြီးချုပ် အာမတ်ဇာဟစ်ဟာမီဒီကမူ ထိုနှစ်ဦးသည် ပြည်ပထောက်လှမ်းရေး အေဂျင်စီတစ်ခုနှင့် ဆက်နွှယ်မှုရှိသော ဥရောပတိုက်သားများဖြစ်သည်ဟု ယုံကြည်ရကြောင်း နိုင်ငံပိုင်သတင်းအေဂျင်စီ Bernama တွင် ဖော်ပြခဲ့သည်။

အီလက်ထရွန်နစ် အင်ဂျင်နီယာပိုင်းနှင့် ဒုံးကျည်ဆောက်လုပ်ရေးပိုင်းတို့နှင့် ပတ်သက်သည့် ပညာရှင်တစ်ဦးဖြစ်သော ဘာတေ့ရ်ှမှာလည်း ပြည်ပထောက်လှမ်းရေးနှင့် ဆက်နွှယ်မှုရှိခဲ့ပြီး အစိုးရမဟုတ်သော ပါလက်စတိုင်းလိုလားသည့် အဖွဲ့အစည်းများတွင် လှုပ်ရှားမှုရှိခဲ့သည်ဟု ဒုတိယ၀န်ကြီးချုပ်က ပြောကြားခဲ့သည်။

သေဆုံးသူသည် ပါလက်စတိုင်း၏ ရန်သူနိုင်ငံတစ်ခုခုက အဟန့်အတားအဖြစ် ရှုမြင်ခြင်းခံခဲ့ရသည်ဟု ဇာဟစ်က ပြောကြားခဲ့သေးသည်။

ဂါဇာကမ်းမြောင်ဒေသကို ထိန်းချုပ်ထားသော ဟားမားအဖွဲ့ကမူ ၎င်းတို့၏အဖွဲ့ဝင်တစ်ဦး မလေးရှားတွင် လုပ်ကြံသတ်ဖြတ်ခံခဲ့ရသည်ဟု ထုတ်ပြန်ခဲ့သည်။ ထိုအမှုနှင့် ပတ်သက်ပြီး မလေးရှားအရာရှိများနှင့် ဆွေးနွေးမှုများ ပြုလုပ်ရန် ကိုယ်စားလှယ်အဖွဲ့တစ်ဖွဲ့ လွှတ်ထားကြောင်းလည်း ဟားမားတို့က ဆိုသည်။

ပါလက်စတိုင်း သိပ္ပံပညာရှင်များအား လုပ်ကြံရန် ယခင်က ကြိုးပမ်းမှုများ၏ နောက်ကွယ်တွင်မူ အစ္စရေး၏ မော့ဆက်ထောက်လှမ်းရေးအဖွဲ့ ရှိခဲ့သည်ဟု ဟားမားအကြီးအကဲ အစ္စမေးဟာနီယာက ဆိုသည်။ ယခု အယ်ဘာတေ့ရှ်၏ အသတ်ခံရမှုသည်လည်း ယင်း၏နောက်ဆက်တွဲတစ်ခုဟု ၎င်းက ဆက်လက်ပြောကြားခဲ့သည်။

အစ္စရေးမှ အစိုးရအရာရှိများကမူ ယခုဖြစ်စဉ်နှင့်ပတ်သက်ပြီး တစ်စုံတစ်ရာ တုံ့ပြန်ပြောကြားခြင်း မရှိသေးပေ။

ဂါဇာကမ်းမြောင်မြောက်ပိုင်းရှိ ဂျာဘယ်ယာမြို့နေ ဘာတေ့ရှ်၏ ဦးလေးကမူ မော့ဆက်၏ လက်ချက်ဟု ရိုက်တာသတင်းဌာနသို့ ပြောကြားခဲ့သည်။ “အစ္စရေးမော့ဆက်တွေပါ။ ပညာတတ်တွေ၊ ပညာရှင်တွေ လုပ်ကြံခံရမှုရဲ့ နောက်ကွယ်မှာ အစ္စရေးမော့ဆက် ရှိနေပါတယ်။ ဘာဖြစ်လို့လဲဆိုတော့ ပါလက်စတိုင်းတွေဟာ သိပ္ပံပညာရှင်တွေကြောင့် လွတ်မြောက်မှုရလိမ့်မယ်ဆိုတာ အစ္စရေးတွေ သိနေကြလို့ပဲဖြစ်တယ်” ဟု ဦးလေးဖြစ်သူ ဂျာမယ်အယ်ဘာတေ့ရ်ှက ပြောကြားခဲ့သည်။ “ဒါကြောင့် ငယ်ရွယ်တဲ့ ဒီပညာတတ်အမျိုးသားကို သူတို့တွေ ခြေရာခံလိုက်ခဲ့တာဖြစ်ပါတယ်“ ဟု ၎င်းက ဆက်လက်ပြောကြားခဲ့သည်။

ဘာတေ့ရ်ှသည် ကွာလာလမ်ပူတက္ကသိုလ်မှ စွမ်းအင်အင်ဂျင်နီယာ ဘာသာရပ်၏ ဆရာတစ်ဦးဖြစ်သည်ဟု ထိုတက္ကသိုလ်မှ ထုတ်ပြန်ခဲ့သည်။

ဘာတေ့ရ်ှသည် ၎င်း၏နေအိမ်အနီးရှိ ဗလီတစ်ခုမှ ဘာသာရေးခေါင်းဆောင် တစ်ဦးလည်းဖြစ်သည်ဟု ဘာတေ့ရ်ှကိုသိသော အမည်မဖော်လိုသည့် မလေးရှားနေ ပါလက်စတိုင်းတစ်ဦးက ဆိုသည်။

ဧပြီ ၂၂ ရက်တွင်မူ မလေးရှားအာဏာပိုင်များသည် ဘာတေ့ရှ်၏ အလောင်းကို ခွဲစိတ်စစ်ဆေးမှုများပြုလုပ်နေပြီဟု သိရသည်။ လွန်ခဲ့သည့် ၁၀ နှစ်ကတည်းက မလေးရှားနိုင်ငံတွင် နေထိုင်ခဲ့သည့် ဘာတေ့ရ်ှတွင် ဇနီးနှင့် ငယ်ရွယ်သော သားသမီးသုံးဦး ရှိသည်။

ပြီးခဲ့သည့် သီတင်းပတ်များအတွင်း ဂါဇာ-အစ္စရေးနယ်စပ်တွင် တင်းမာမှုများ မြင့်တက်လာခဲ့သည်။ ပါလက်စတိုင်းတို့သည် ၎င်းတို့၏ နေရပ်ဟောင်းကို ပြန်သွားနိုင်ရန် အခွင့်အရေးရရှိရေးအတွက် တိုးမြှင့်တောင်းဆိုသော ဆန္ဒပြပွဲများမှာ ကြီးထွားလာလျက်ရှိသည်။ ထိုဆန္ဒပြပွဲများကို အစ္စရေးတို့၏ ကျည်အစစ်သုံး နှိမ်နင်းမှုကြောင့် နိုင်ငံတကာ၏ ဝေဖန်မှုများလည်း ထွက်ပေါ်လျက်ရှိသည်။

အစ္စရေးအစိုးရကမူ ၎င်းတို့သည် နယ်စပ်ကို ကာကွယ်နေခြင်းဖြစ်ပြီး ဆန္ဒပြသူများ နယ်စပ်စည်းရိုးအနီးသို့ ကပ်လာပါက ထိုကဲ့သို့လုပ်ရပ်များကို လုပ်ဆောင်သည်ဟု ထုတ်ပြန်ခဲ့သည်။

ကရင်မလင်၏ ၀င်ငွေစာရင်းက အစိုးရအရာရှိများ၏ ကြွယ်ဝမှုကို ဖော်ပြနေ

ဧပြီ ၂၀ ရက်က မော်စကိုအပြင်ဘက်ရှိ နိုဗို-အိုဂါယိုဗိုနေအိမ်တွင် အစည်းအဝေးတစ်ခု၌ ရုရှားသမ္မတပူတင် (လယ်) ကို တွေ့ရစဉ် (Photo: AFP)

ကရင်မလင်၏ နှစ်စဉ်ထုတ်ပြန်သည့် ရုရှားတာဝန်ရှိသူများ၏ ၀င်ငွေစာရင်းက သြဇာကြီးသူများ၏ အမှန်တကယ် ကြွယ်ဝမှုကို ထွင်းဖောက်မမြင်နိုင်သေးသော်လည်း အစိုးရအဖွဲ့တွင် အချမ်းသာဆုံး အမည်စာရင်း အနှစ်ချုပ်တစ်ခုကို ပံ့ပိုးပေးခဲ့သည်။

အထက်လွှတ်တော်အမတ်တစ်ဦး၏ ၀င်ငွေသည် ယခင်တစ်နှစ်ကထက် အဆ ၂၃၀ ကျော် မြင့်တက်လာခဲ့ခြင်းနှင့် သြဇာကြီးအစိုးရအရာရှိများ၏ ၀င်ငွေကို ၎င်းတို့၏ ဇနီးများ၏၀င်ငွေက ကျော်တက်သွားခြင်းတို့သည် တစ်မူထူးခြားသော ရလဒ်များဖြစ်ခဲ့သည်။

သမ္မတဗလာဒီမာပူတင်၏ ပုဂ္ဂိုလ်ရေးအရ ပိုင်ဆိုင်မှုနှင့်ပတ်သက်ပြီး ကောလာဟလများ ထွက်ရှိနေစဉ် တရားဝင် ထုတ်ပြန်ခဲ့သည့် ၀င်ငွေသည် အသင့်အတင့်သာ ရှိခဲ့သည်။ ပူတင်သည် ၂၀၁၇ ခုနှစ်တွင် ၀င်ငွေ ဒေါ်လာ ၃၀၂,၀၀၀ (ရူဘယ် ၁၈ ဒသမ ၇ သန်း) သာ ရရှိခဲ့သည်။

၎င်း၏ ပိုင်ဆိုင်မှု ထုတ်ပြန်ရာတွင် ၇၇ စတုရန်းမီတာ (၈၂၈ စတုရန်းပေ) ရှိသည့် တိုက်ခန်းအိမ်ရာတစ်ခုနှင့် ကားဂိုဒေါင်တစ်ခုသာလျှင် ပါဝင်ခဲ့သည်။ ယခင်နှစ် စာရင်းတွင် ပါဝင်သည့် ၁,၅၀၀ စတုရန်းမီတာရှိသည့် မြေကွက်ကို အဆိုပါစာရင်းတွင် မဖော်ပြခဲ့ပေ။

ဝန်ကြီးချုပ် ဒီမီထရီမက်ဗီဒက်က ၎င်း၏ ၀င်ငွေသည် ဒေါ်လာ ၁၃၉,၄၄၂ (ရူဘယ် ၈ ဒသမ ၅၆ သန်း)၊ တိုက်ခန်းတစ်ခန်းနှင့် ငှားရမ်းထားသော မြေကွက်တစ်ကွက်သာ ရှိသည်ဟု ဖော်ပြခဲ့သည်။ ခြစားမှုတိုက်ဖျက်ရေး လှုပ်ရှားသူ အလက်ဇီနာဗာညီကမူ မက်ဗီဒက်သည် ဇိမ်ကျသည့်ပစ္စည်းဥစ္စာ အင်ပါယာကို ရရှိထားသည်ဟု စွပ်စွဲခဲ့သည်။

ကရင်မလင်ပြောခွင့်ရပုဂ္ဂိုလ် ဒီမီထရီပက်စ်ကော့က ၂၀၁၇ ခုနှစ်တွင် ဒေါ်လာ ၂၃၂,၉၄၇ (ရူဘယ် ၁၄ ဒသမ ၃ သန်း) ရရှိခဲ့သည်ဟု ထုတ်ပြန်ခဲ့သည်။ သို့သော် ၎င်း၏ဇနီး အိုလံပစ်ရေခဲပြင်အကချန်ပီယံ တာတီရာနာနက်ဗကာက အစိုးရ ကန်ထရိုက်များမှ အကျိုးပြုသည့် လုပ်ငန်းနှစ်ခုကို ဦးစီးလုပ်ကိုင်နေသည်ဟု ရုရှားသတင်းအေဂျင်စီ Interfax မှ ရရှိထားသည့် အချက်အလက်များအရ သိရသည်။ ပနားမား စာရွက်စာတမ်းများတွင် အမည်ပါဝင်သည့် နက်ဗကာသည် ပြီးခဲ့သည့်နှစ်တွင် ၀င်ငွေဒေါ်လာ ၃,၂၅၈,၀၀၀ (ရူဘယ်သန်း ၂၀၀) ရရှိခဲ့ပြီး ၂၀၁၆ ခုနှစ်ကထက် ၆၆ ရာခိုင်နှုန်း မြင့်တက်လာခဲ့သည်။

ယဉ်ကျေးမှုဝန်ကြီး ဗလာဒီ မာမီဒင်စကီး၏ ဇနီးဖြစ်သည့် မာရီနာမီဒင်စကာယာ၏ ၀င်ငွေသည်လည်း ခင်ပွန်း၏ ၀င်ငွေကို မှေးမှိန်စေခဲ့သည်။ မီဒင်စကာယာသည် အိမ်ခြံမြေလုပ်ငန်းနှင့် ကြော်ငြာကုမ္ပဏီများ၏ ဒါရိုက်တာဖြစ်သောကြောင့် ၎င်း၏ ၀င်ငွေမြင့်တက်ခဲ့သည်ဟု Interfax က ရရှိသည့် အချက်အလက်အရ သိရသည်။

ရုရှား၏ စီးပွားရေး အခြေအနေသည် စီးပွားရေးကျဆင်းမှုမှ အနည်းငယ်သာ နာလန်ထူခဲ့သော်လည်း ရုရှားအကြီးတန်းအရာရှိများ၏ ပျမ်းမျှမိသားစုဝင်ငွေသည် ပြီးခဲ့သည့်နှစ်ကထက် ၁၈ ရာခိုင်နှုန်း မြင့်တက်လာခဲ့သည်ဟု RBK သတင်းစာတွင် ခန့်မှန်းချက်တစ်ခု အရ သိရသည်။

ရုရှားပါလီမန်တွင် ၀င်ငွေအများဆုံးရရှိသည့် အဖွဲ့ဝင်သည် ဂရီဂိုရီအန်နီကီယက်ဖြစ်ပြီး ၎င်း၏ ၂၀၁၇ ခုနှစ်ဝင်ငွေသည် ၂၀၁၆ ခုနှစ်ကထက် ရှစ်ဆမြင့်တက်ခဲ့ပြီး ဒေါ်လာ ၇၀,၀၄၇,၀၀၀ (ရူဘယ် ၄ ဒသမ ၃ ဘီလျံ) ရရှိခဲ့သည်။

အသားစီမံထုတ်လုပ်သည့် ABI လုပ်ငန်းစု၏ ပိုင်ရှင်သည် Forbes မဂ္ဂဇင်းက ထုတ်ပြန်သည့် ရုရှား၏ အချမ်းသာဆုံးပုဂ္ဂိုလ် ၂၀၀ စာရင်းတွင် ပါဝင်ခဲ့သည်။

မှတ်တမ်းများအရ အချမ်းသာဆုံး ဥပဒေပြုလွှတ်တော်အမတ်များထဲတွင် ဆူလေမန်ကာရီမော့၏ ၀င်ငွေသည် ၂၀၁၆ ခုနှစ်ကထက် အဆ ၂၃၀ မြင့်တက်လာခဲ့သည်။ ၎င်းသည် လတ်တလောတွင် ပြင်သစ်နိုင်ငံ၌ အခွန်လိမ်လည်မှုဖြင့် စစ်ဆေးခံနေရသည်။ အသက် ၅၁ နှစ်အရွယ်ရှိ ကာရီမော့သည် French Riviera တွင် ဇိမ်ခံအဆောက်အအုံများ ၀ယ်ယူမှုတွင် အခွန်တိမ်းရှောင်မှုနှင့် ပတ်သက်ပြီး ပြီးခဲ့သည့်နှစ်တွင် နိစ်မြို့၌ ဖမ်းဆီးခံခဲ့ရသည်။

သို့သော် ကရင်မလင်က ထုတ်ပြန်သည့်စာရင်းတွင် ပြည်ပပိုင်ဆိုင်မှုများ မပါဝင်ခဲ့ပေ။ ကာရီမော့သည် ရုရှားတွင် ၃၈ စတုရန်းမီတာရှိ တိုက်ခန်းတစ်ခန်းသာ ပိုင်ဆိုင်သည်ဟု မှတ်တမ်းအရ သိရသည်။

ခြစားမှု အရှုပ်တော်ပုံသည် ရုရှားရှိ အကြီးတန်းအရာရှိများ၊ ၀န်ကြီးများနှင့် ဒေသဆိုင်ရာ အုပ်ချုပ်ရေးမှူးများ ပါဝင်ပတ်သက်လေ့ရှိသည်။

အမှီအခိုကင်းသည့် Novaya Gazeta သတင်းစာတွင် ပါဝင်သည့် “Who wants to be a millionaire?” ဟု ခေါင်းစဉ်တပ်ထားသည့် အယ်ဒီတာ့အာဘော်တွင် စီမံခန့်ခွဲမှုအယ်ဒီတာ အလက်ဇီပိုလူခင်က အစိုးရအရာရှိများ၏ ၀င်ငွေထူးထူးခြားခြား မြင့်တက်လာမှုကို ဝေဖန်ခဲ့သည်။

“အစိုးရအခန်းကဏ္ဍမှာ သင်တို့ရဲ့ လစာတွေ အဆရာကျော် မြင့်တက်လာတာကို မြင်နိုင်မှာပါ” ဟု ပြီးခဲ့သည့်နှစ်ကထက် ၂၉၃ ဆ မြင့်တက်ပြီး ဒေါ်လာ ၄၇,၂၄၁,၀၀၀ (ရူဘယ် ၂ ဒသမ ၉ ဘီလျံ) ရရှိခဲ့သည့် ဒုတိယ၀န်ကြီးချုပ် အလက်ဇန်ဒါခိုလိုပိုနင်၏ ၀င်ငွေကို ၎င်းက ကိုးကားရေးသားခဲ့သည်။

Ref: AFP

အင်ဂျင်ပေါက်ကွဲမှုဖြစ်ခဲ့သည့် လေယာဉ်တွင် လိုက်ပါလာသူများအား Southwest လေကြောင်းလိုင်းက တောင်းပန်ပြီး ငွေကြေးပေးအပ်

ဧပြီ ၁၈ ရက်က Southwest လေကြောင်းလိုင်းလေယာဉ်၏ ပေါက်ကွဲအင်ဂျင်ကို စစ်ဆေးနေသည့် အမျိုးသားသယ်ယူပို့ဆောင်မှု ဘေးကင်းလုံခြုံရေးဘုတ်အဖွဲ့မှ စစ်ဆေးသူများကို တွေ့ရစဉ် (Photo: AFP)

အင်ဂျင်တစ်လုံးပေါက်ကွဲမှုကြောင့် ဖီလာဒဲဖီးယားတွင် အရေးပေါ် ဆင်းသက်ခဲ့ရသည့် လေကြောင်းခရီးစဉ်တွင် လိုက်ပါခဲ့သည့် ခရီးသည်များထံ Southwest လေကြောင်းလိုင်းက တောင်းပန်စာ၊ တစ်ဦးချင်းစီထံ ဒေါ်လာ ၅၀၀၀ တန် ချက်လက်မှတ်တစ်စောင်၊ ဒေါ်လာ ၁၀၀၀ တန်ဖိုးရှိ ခရီးသွားလက်မှတ်တစ်စောင်စီကို ပေးပို့ခဲ့ကြောင်း သိရသည်။

“ကျွန်တော်တို့ရဲ့ အလေးအနက်ထား တောင်းပန်မှုကို လက်ခံပေးပါ” ဟု ထိုမတော်တဆ ဖြစ်ပွားခဲ့မှုအပြီး နောက်တစ်ရက်အကြာ ဧပြီ ၁၈ ရက်နေ့စွဲဖြင့် ယင်းလေကြောင်းလိုင်းမှ ဥက္ကဋ္ဌဂါရီကယ်ရီက တောင်းပန်စာ ပို့ခဲ့ခြင်းဖြစ်သည်။

Southwest လေကြောင်းလိုင်းမှ လေယာဉ်တစ်စင်းသည် နယူးယောက်မှ ဒါးလတ်စ်သို့ ဧပြီ ၁၇ ရက်တွင် ပျံသန်းနေစဉ် လေယာဉ်၏အင်ဂျင်တစ်လုံးသည် ပေါက်ကွဲခဲ့ပြီး ထိုအစအနများကြောင့် အတော်အသင့် ထိခိုက်ပျက်စီးခဲ့သည်။ နယူးမက္ကဆီကိုရှိ Albuquerque တွင် နေထိုင်သော အသက် ၄၃ နှစ်ရှိ ဘဏ်အမှုဆောင်တစ်ဦးဖြစ်သူ ဂျနီဖာရီယိုဒန်သည် ကွဲကြေခဲ့သော ပြတင်းပေါက်မှတစ်ဆင့် အပိုင်းအစ ထိမှန်မှုကြောင့် ဒဏ်ရာပြင်းထန်စွာ ရရှိခဲ့ကြောင်း၊ ပေါက်ကွဲမှုကြောင့် လေယာဉ်က ပြင်းပြင်းထန်ထန် လှုပ်ခါခဲ့ပြီး အရှိန်ဖြင့် ထိုးဆင်းနေစဉ် ခရီးသည်များက ထိုအမျိုးသမီးအား ကူညီနိုင်ရန် အပူတပြင်း ကြိုးပမ်းခဲ့ရကြောင်း သိရသည်။

ထိုလေယာဉ်ပေါ်တွင် လိုက်ပါလာခဲ့သည့် ဒါးလတ်စ်မှ ခရီးသည်တစ်ဦးဖြစ်သူ မာတီမာတီနက်ဇ်က သူသည် ထိုချက်လက်မှတ်မှ ငွေကို ချက်ချင်းထုတ်ယူမည် မဟုတ်ဘဲ ရှေ့နေတစ်ဦးနှင့် ဆွေးနွေးလိုကြောင်း ပြောကြားခဲ့သည်။

ကယ်လီဖိုးနီးယားမှ ခရီးသည်တစ်ဦးဖြစ်သူ အီရစ်ဇီဘာ့တ်ကမူ သူသည် တောင်းပန်စာနှင့်ပတ်သက်၍ ပြဿနာမရှိကြောင်း ပြောကြားခဲ့သည်။ ၎င်း၏ရှေ့နေနှင့် တိုင်ပင်ခဲ့ပြီးနောက် ချက်လက်မှတ်မှ ငွေထုတ်ရန် ဆုံးဖြတ်ခဲ့ကြောင်း ၎င်းက ပြောကြားခဲ့သည်။

ခရီးသည် ၁၄၄ ဦး လိုက်ပါလာသော ထိုလေယာဉ်မှ အင်ဂျင်ပေါက်ကွဲရသည့် အကြောင်းရင်းကို အမျိုးသားသယ်ယူပို့ဆောင်မှု ဘေးကင်းလုံခြုံရေးဘုတ်အဖွဲ့က စုံစမ်းစစ်ဆေးနေသည်။ ဒဏ်ရာများကြောင့် သေဆုံးခဲ့သူ ရီယိုဒန်အတွက် ၀မ်းနည်းမှု အထိမ်းအမှတ်ကို Albuquerque တွင် ဧပြီ ၂၂ ရက်၌ ပြုလုပ်ခဲ့သည်။

Ref: AFP

မြောက်ကိုရီးယား၏ ဖွံ့ဖြိုးလာသော ဆောက်လုပ်ရေးလုပ်ငန်းနှင့် ရင်းနှီးမြှုပ်နှံမှု ရင်းမြစ်

၂၀၁၇ ခုနှစ် ဧပြီ ၁၃ ရက်က ပြုံယမ်းရှိ ယိုမြောင်လမ်းတစ်လျှောက် လူနေအိမ်ရာများရှေ့မှ ဖြတ်သန်းသွားကြသူများကို တွေ့ရစဉ် (Photo: AP)

အဓိကဆောက်လုပ်ရေး စီမံကိန်းများအား တိုးချဲ့ရန် အရှိန်မြှင့်နေသော မြောက်ကိုရီးယားသည် နျူကလီးယားစီမံကိန်းကြောင့် ပိတ်ဆို့အရေးယူမှုများမှ သက်သာရာရစေရန် ခေါင်းဆောင်ကင်ဂျုံအွန် အစိုးရ၏ဘဏ္ဍာရေး အခြေအနေကို အားကောင်းစေရန်အတွက် ငှားရမ်းသော သို့မဟုတ် ကိုယ်ပိုင် ပိုင်ဆိုင်သော အိမ်ခြံမြေဈေးကွက်တစ်ခုအထိ ချဲ့ထွင်ရန် ရည်မှန်းနေခြင်းဖြစ်ဟု ကျွမ်းကျင်သူအချို့က ယူဆနေကြသည်။

ကင် အာဏာရလာပြီးနောက်ပိုင်း တိုးတက်လာနေသော်လည်း အများအားဖြင့် တရားဝင်မဖြစ်သေးသည့် ဈေးကွက်စီးပွားရေးစနစ်၌ ပိုင်ဆိုင်မှုများတိုးပွားလာသည့် လူတန်းစားသစ်ကို အိမ်ခြံမြေများ ရောင်းချခြင်းဖြင့် ငွေကြေးအလွန်အမင်း ပြတ်လတ်နေသည့် မြောက်ကိုရီးယားအစိုးရက ၀င်ငွေရင်းမြစ်သစ်ကို အားကောင်းစေရန် ကြိုးပမ်းနေပုံရသည်။

မြောက်ကိုရီးယားစီးပွားရေးအား အစဉ်အလာအားဖြင့် ထောက်ပံ့နေသော တရုတ်ရင်းနှီးမြှုပ်နှံသူများသည် ပေကျင်း၏ ပိတ်ဆို့အရေးယူမှုများ ပိုမိုတင်းကျပ်လာနေချိန်တွင် မြောက်ကိုရီးယားမှ ပြန်လည်ရုပ်သိမ်းနေခြင်းကြောင့် ပြုံယမ်းသည် ဖိအားများကို ပိုမိုရင်ဆိုင်နေရသည်။

ဒေါ်လာတစ်ဘီလျံကျော် ကုန်ကျနိုင်သည့် ဆောက်လုပ်ရေးစီမံကိန်းများ၏နောက်တွင် အရှိန်အဟုန်များစွာ ရှိနေသည်။ ယင်းစီမံကိန်းများသည် ကင်လက်ထက်တွင် ပြုံယမ်းမိုးမျှော်တိုက်အား အသွင်ပြောင်းခဲ့သည့် ခြောက်နှစ်ကြာမြင့်ခဲ့သော စိတ်လွတ်လက်လွတ် ဆောင်ရွက်ခဲ့သည့် အဆောက်အအုံ စီမံကိန်းများ၏ တစ်စိတ်တစ်ပိုင်းဖြစ်သည်။

မြောက်ကိုရီးယား တာဝန်ရှိသူများက နိုင်ငံထူထောင်မှု အနှစ် (၇၀) ပြည့် အထိမ်းအမှတ် ကျရောက်သည့် လာမည့်စက်တင်ဘာတွင် အထိမ်းအမှတ်များ ဆင်နွှဲရာ၌ ဂုဏ်ယူဝင့်ကြွားနိုင်ရန် အနည်းဆုံးအားဖြင့် စီမံကိန်းအချို့ ပြီးစီးနိုင်မည်ဟု မျှော်လင့်ထားသည်။

“၂၀၁၂ ခုနှစ်နောက်ပိုင်းကတည်းက ကျွန်တော်တို့တွေက နှစ်စဉ်နှစ်တိုင်း စီမံကိန်းသစ်တစ်ခုကို ဖော်ဆောင်နေတယ်။ အခုချိန်ကစပြီး နောက်တစ်နှစ်မှာ မြို့ထဲမှာ အပြောင်းအလဲတွေ အများကြီး လုပ်နိုင်မယ်လို့ထင်တယ်” ဟု မြောက်ကိုရီးယားတွင် ဗိသုကာပညာဆိုင်ရာ သုတေသနနှင့် ဒီဇိုင်းဖန်တီးသည့် စင်တာဖြစ်သော Paektusan ဗိသုကာပညာအကယ်ဒမီမှ ပညာရှင် ကင်ကမ်ချိုက ပြောကြားခဲ့သည်။

ယခုနှစ်တွင် အဓိကစီမံကိန်း သုံးခုရှိကြောင်း ၎င်းက ဆိုခဲ့သည်။ ပထမစီမံကိန်းမှာ ၁၉၅၀-၅၃ ခုနှစ် ကိုရီးယားစစ်ပွဲအပြီး တည်ဆောက်ခဲ့သော အထပ်နိမ့် အဆောက်အအုံများနေရာတွင် နေရာအသုံးချမှု ပိုမိုထိရောက်သော မိုးထိတိုက်သစ်များ၊ ရုံးများ၊ အစိုးရ အဆောက်အအုံများနှင့် လူနေအထပ်မြင့် အဆောက်အအုံများဖြင့် အစားထိုးပြီး ပြုံယမ်းစင်တာတစ်ခု ဖန်တီးရန်ဖြစ်သည်။

ဒုတိယစီမံကိန်းမှာ နိုင်ငံအရှေ့ဘက်ကမ်းရိုးတန်းရှိ ၀န်ဆန်-ကယ်မာဧရိယာတွင် ကြယ်သုံးပွင့်မှ ကြယ်ငါးပွင့်အဆင့်ထိ ပါဝင်သော ဟိုတယ် ၁၀ လုံးကျော်၊ လူနေအိမ်ရာ ထောင်ပေါင်းများစွာနှင့် အပန်းဖြေ အဆောက်အအုံအချို့တို့ကို တည်ဆောက်ရန်အတွက် စီစဉ်နေ သို့မဟုတ် ဆောင်ရွက်နေကြောင်း ကင်က ပြောကြားခဲ့သည်။

တတိယအစီအစဉ်မှာ အာဏာရ ကင်မျိုးဆက်၏ ယုံကြည်သက်ဝင်မှုဆိုင်ရာ အခြေပြုနေရာဖြစ်သော Paektu တောင်ခြေရှိ သဘာဝပသာဒဖြစ်သည့်မြို့ဖြစ်သော ဆမ်ဂျီယွန်ရှိ တရုတ်နယ်စပ်အနီးနေရာကို အာရုံစိုက်ထားခြင်းဖြစ်သည်။ ယင်းဧရိယာသည် လုံးလုံးလျားလျားေ ပြောင်းလဲပစ်သည့် အစဉ်အလာများတွင် ပညာရေးအတွက် အမိုးပွင့်ပြတိုက်တစ်ခု ဖြစ်လာမည်ဖြစ်ကြောင်း အစိုးရမီဒီယာများက ဖော်ပြခဲ့သည်။

အမျိုးသားရေးဆိုင်ရာ ၀င့်ကြွားရန်၊ သစ္စာခံမှုအား ချီးမြှောက်ရန်နှင့် အာဏာရအစိုးရ၏ ဂုဏ်သိက္ခာ အားကောင်းစေရန် ပြစားသည့် စီမံကိန်းများအား အမြဲတမ်းအသုံးချလေ့ရှိသည့် မြောက်ကိုရီးယားတွင် ကင်ဂျုံအွန် အာဏာရလာပြီးနောက်ပိုင်း ဒွန်ဂျူဟု လူသိများသော ‘ငွေကြေး ဆရာများ’ ဟုခေါ်သည့် လူတန်းစားများ ထင်ပေါ်လာပြီး ယခင်က မရှိခဲ့သော ပိုမိုကောင်းမွန်သည့် အိမ်ရာများအတွက် ဈေးကွက်တစ်ခုကို ဖြစ်လာစေခဲ့သည်။ ယင်းလူတန်းစားအများစုသည် မြို့တော်နှင့် ဆောက်လုပ်ရေးလုပ်ငန်းများအား အကောင်းဆုံးဖြစ်သော ၀န်ဆန်တွင် နေထိုင်ကြသည်။

ပြီးခဲ့သောနှစ်တွင် မြောက်ကိုရီးယားအား ပိတ်ဆို့အရေးယူမှုများ မတိုးမြှင့်မီ ပြုံယမ်းသည် ပေကျင်းထံ သယံဇာတရင်းမြစ်များ ဧရာမရောင်းချမှုနှင့်အတူ ဆောက်လုပ်ရေးလုပ်ငန်း အားကောင်းမှုနှင့် တိုက်ဆိုင်နေခဲ့သည်။ သဘောတရားအရ အဆောက်အအုံများ၊ စက်ရုံများနှင့် မြေများအပါအ၀င် အရင်းအနှီးအားလုံးကို အစိုးရက ပိုင်ဆိုင်သည့် ဆိုရှယ်လစ်မြောက်ကိုရီးယားတွင် အိမ်ရာ၊ ပညာရေးနှင့် ကျန်းမာရေး စောင့်ရှောက်မှုတို့အတွက် ပြည်သူအားလုံးကို အခမဲ့ထောက်ပံ့သည်။ သို့သော် အိမ်ခြံမြေများအား အပြတ်ရောင်းချခြင်း သို့မဟုတ် ငှားရမ်းခြင်းတို့သည် ယင်းကဲ့သို့ တတ်နိုင်သူများထံမှ ငွေများကို အစိုးရဘဏ္ဍာထဲသို့ ၀င်ရောက်စေမည်ဖြစ်သည်။ ကြိုတင်ပေးသွင်းရန် တောင်းဆိုမှုကလည်း လုပ်ဆောင်နေသည့် စီမံကိန်းများ သို့မဟုတ် စီစဉ်နေသည့် စီမံကိန်းများအတွက် ငွေကြေးများ ထောက်ပံ့နိုင်မည်ဖြစ်သည်။

ပြီးခဲ့သော စက်တင်ဘာနောက်ပိုင်း တရုတ်၏ကုန်သွယ်မှုနှင့် ရင်းနှီးမြှုပ်နှံမှု ကျဆင်းခြင်း၊ ပြည်ပချေးငွေများ သို့မဟုတ် အခြားရင်းနှီးမြှုပ်နှံသူများအား ကင်အစိုးရက မဆွဲဆောင်နိုင်ခြင်းတို့က စီးပွားရေး အရှိန်အဟုန်ဖြင့် တိုးတက်ရန် အလားအလာကို အလွန်အမင်း သံသယ၀င်စေနိုင်ပြီး စစ်ဘက်အတွက် ထောက်ပံ့မှုကို မတည်မငြိမ် ဖြစ်စေနိုင်ကြောင်း အမေရိကန်အခြေစိုက် Foreign Policy Research Institute ၏ ပညာရှင်နှင့် North Korea Economy Watch ၀က်ဘ်ဆိုက်မှ ပူးတွဲအယ်ဒီတာ ဘင်ဂျမင်ကတ်ဇက်ဖ်ဆီဘာ စတိန်းက သုံးသပ်ခဲ့သည်။

Ref: AP

မိုဘိုင်းဖုန်း ကျယ်ကျယ်ပြန့်ပြန့် ပျံ့နှံ့မှုက ဆင်းရဲသားများထံသို့ ဘဏ်စနစ်အား ပို့ပေးနိုင်

၂၀၁၆ ခုနှစ် မတ် ၁ ရက်က တောင်အာဖရိကနိုင်ငံ ကိတ်တောင်းမြို့ရှိ ABSA ဘဏ်တစ်ခု၏ အပြင်ဘက်တွင် အမျိုးသမီးနှစ်ဦးကို တွေ့ရစဉ် (Photo: AP)

ကမ္ဘာကြီး၏ နေရာတိုင်းသို့ မိုဘိုင်းဖုန်းများ ပျံ့နှံ့သွားခြင်းသည် ဆင်းရဲနွမ်းပါးသူများ၊ ကျေးလက်ဒေသများထံသို့ ဘဏ်ဝန်ဆောင်မှုများကို ပို့ဆောင်ပေးပြီး လူနေမှုဘ၀များ မြင့်တက်လာစေရန် အခွင့်အရေးတစ်ခု ဖြစ်လာကြောင်း ဧပြီ ၁၉ ရက်က ကမ္ဘာ့ဘဏ်၏ အစီရင်ခံစာတစ်ခုထဲတွင် ဖော်ပြခဲ့သည်။

ဘဏ်စာရင်းတစ်ခု ရှိခြင်းသည် အထူးသဖြင့် ကျန်းမာရေးစောင့်ရှောက်မှုနှင့် ပညာရေးတို့အတွက် သုံးစွဲရန် စုဆောင်းတတ်သည့် အလေ့အထ ပိုများတတ်သော အမျိုးသမီးများအတွက် ပိုမိုကူညီပေးနိုင်သည်ဟု ကမ္ဘာ့ဘဏ်မှ စီးပွားရေးပညာရှင် လီယိုရာ ကလက်ပါက အေအက်ဖ်ပီ သတင်းဌာနသို့ ပြောကြားခဲ့သည်။

အစိုးရအနေနှင့် ငွေပေးချေမှု ပုံစံကို ဒစ်ဂျစ်တယ်နည်းလမ်းသို့ ပြောင်းလဲခြင်းဖြင့် အဆိုပါ တိုးတက်မှုများကို လှုံ့ဆော်ပေးနိုင်မည် ဖြစ်သည်။ “သမာရိုးကျ ငွေကြေးဝန်ဆောင်မှုဟာ ကမ္ဘာ့ဆင်းရဲ မွဲတေမှုကို အမြစ်ဖြတ် သုတ်သင်ပြီး အထူးသဖြင့် အမျိုးသမီးတွေရဲ့ စီးပွားရေး လုပ်ဆောင်နိုင်မှုကို ဖွံ့ဖြိုးစေမယ်ဆိုတာ ကျွန်မအနေနဲ့ ပြင်းပြင်းပြပြ ယုံကြည်ပါတယ်” ဟု ကလက်ပါက မေးမြန်းခန်းတစ်ခုအတွင်း ဖြေကြားခဲ့သည်။

ဘဏ်စာရင်းရှိသည့် အရွယ်ရောက်သူဦးရေမှာ ကြီးထွားလာသော်လည်း ဒေသတစ်ခုနှင့်တစ်ခု မတူညီသလို အမျိုးသားနှင့် အမျိုးသမီးကြားတွင်မူ ကွာဟချက် ပိုမိုကြီးမားသည်ကို တွေ့ရကြောင်း ၎င်းကဆိုသည်။

နောက်ဆုံးရရှိထားသော Global Findex အချက်အလက်များအရ ၂၀၁၁ ခုနှစ်မှစပြီး ဘဏ်စာရင်းများ ရှိလာသည့် အရွယ်ရောက်သူ ၁ ဒသမ ၂ ဘီလျံရှိပြီး ၂၀၁၄ ခုနှစ်မှစပြီး ၅၁၅ သန်းရှိကြောင်း ကမ္ဘာ့ဘဏ်က တွေ့ရှိခဲ့သည်။ ထို့ကြောင့် ၂၀၁၇ ခုနှစ်တွင် ဘဏ်စာရင်းရှိသည့် အရွယ်ရောက်သူဦးရေသည် ၆၉ ရာခိုင်နှုန်းအထိ မြင့်တက်လာခဲ့သည်။

ငွေကြေးဝန်ဆောင်မှုနှင့် ထိတွေ့မှု ရှိလာကြသည့်အပိုင်း၌ အလွန်တရာ တိုးတက်မှုကြီးရှိနေကာ ဘဏ်စနစ်တွင် ပိုမိုပါဝင်မှု ရှိလာသော်လည်း အချို့သောနိုင်ငံများတွင် အမျိုးသမီးနှင့် ဆင်းရဲနွမ်းပါးသူများသည် နောက်ကျကျန်နေရစ်ဆဲဖြစ်သည်။

ကမ္ဘာတစ်ဝန်း၌ ဘဏ်စာရင်းရှိသည့် အမျိုးသားပမာဏမှာ ၇၂ ရာခိုင်နှုန်းရှိပြီး အမျိုးသမီးပမာဏမှာ ၆၅ ရာခိုင်နှုန်းသာရှိသည်ဟု အချက်အလက်များထဲတွင် တွေ့ရသည်။ ထိုကဲ့သို့ ကျား၊ မကြားမှ ကွာဟချက်သည် ဖွံ့ဖြိုးဆဲနိုင်ငံများတွင် ကိုးရာခိုင်နှုန်းအထိ ရှိသည်ဟု သိရသည်။

ငွေကြေး အခွင့်အလမ်းများ အတွက် တိုးတက်မှုများစွာ ရှိလာကြောင်းနှင့် အမျိုးသမီး၊ လယ်သမား၊ ဆင်းရဲသူများ ပိုမိုပါဝင်၍ အသုံးပြုမှုများ တိုးမြှင့်လာစေရန်အတွက် မူဝါဒချမှတ်သူနှင့် ပုဂ္ဂလိကကဏ္ဍတို့အတွက် အခွင့်အရေးကြီး ဖြစ်ကြောင်းကို ထိုအစီရင်ခံစာက ဖော်ပြသည်ဟု နယ်သာလန် မိဖုရား မက်စီမာက ပြောကြားခဲ့သည်။

“အလုံးစုံပါဝင်လာစေဖို့ ကြိုးပမ်းနေသရွေ့ ဒစ်ဂျစ်တယ် ဘဏ္ဍာရေးဝန်ဆောင်မှုဟာဆက်ပြီး အရေးပါနေဦးမှာ ဖြစ်ပါတယ်” ဟု ၎င်းက ဆိုသည်။ မက်စီမာသည် ဘဏ္ဍာရေးကဏ္ဍ ကျယ်ကျယ်ပြန့်ပြန့် တိုးတက်လာစေရန် ကုလသမဂ္ဂ အတွင်းရေးမှူးချုပ်၏ အထူးထောက်ခံလှုပ်ရှားသူဖြစ်သည်။

နိုင်ငံပေါင်း ၁၄၄ နိုင်ငံမှ အရွယ်ရောက်သူ ၁၅၀၀၀၀ကို မေးမြန်းထားသော ယခုအချက်အလက်ကြီးသည် မိုဘိုင်းဖုန်းနှင့် ဆက်စပ်သော အခွင့်အလမ်းနှင့် ပတ်သက်၍ ပထမဆုံး သတင်းစုဆောင်းခြင်း ဖြစ်သည်။ ယင်းအချက်အလက်အရ မိုဘိုင်းဖုန်း အသုံးပြုသော်လည်း ဘဏ်စာရင်းမရှိသည့် အရွယ်ရောက်သူ ဦးရေမှာ ၁ ဒသမ ၁ ဘီလျံရှိသည်ကို တွေ့ရသည်။ ထို့ကြောင့် အထူးသဖြင့် အစိုးရက ဦးဆောင်လာပါက မိုဘိုင်းဖုန်းအကောင့်များမှတစ်ဆင့် ငွေကြေးဝန်ဆောင်မှုများအား လက်လှမ်းမီနိုင်မှုများကို မြှင့်တင်ရန် အခွင့်အရေးတစ်ရပ်လည်း ဖြစ်လာနိုင်သည်။

ဂေဟစနစ်တစ်ခု ဖန်တီးခြင်း

ဒစ်ဂျစ်တယ်နည်းလမ်းဖြင့် ငွေပေးချေခြင်းသည် ငွေသားကို ကိုင်ဆောင်စရာမလိုသဖြင့် ပိုမိုလုံခြုံမှုရှိပြီး ခြစားမှုနှင့် အခြားသော အမှုများမှတစ်ဆင့် ငွေကြေးများ ယိုစီးခြင်းကိုလည်း ကာကွယ်ပေးနိုင်သည်ဟု ကလက်ပါက ဆိုသည်။ ဥပမာအားဖြင့် ယောက္ခမဖြစ်သူက ရလာသည့် လစာငွေသားများကို သိမ်းလေ့ရှိသည်ဟု ညည်းညူနေသော အမျိုးသမီးတစ်ဦးသည် ဒစ်ဂျစ်တယ်နည်းဖြင့် လစာရပြီးနောက် ယောက္ခမမှာ ထိုငွေများကို သိမ်းနိုင်ခြင်း မရှိတော့ပေ။

အစိုးရက ငွေပေးချေမှုများကို ဒစ်ဂျစ်တယ်နည်းသို့ ပြောင်းလိုက်ပါက ယင်းမှတစ်ဆင့် ဂေဟစနစ်တစ်ခု ပေါ်လာမည်ဖြစ်သည်။ အဆိုပါ ဂေဟစနစ်ထဲတွင် ပုဂ္ဂလိကကဏ္ဍမှာ အကျိုးကျေးဇူးခံစားရမည်ဖြစ်ကာ လုပ်ခများပေးခြင်း၊ ငွေပေးချေမှုများကို ကောက်ယူပေးခြင်းတို့ဖြင့် ပိုမိုလုံခြုံစိတ်ချရပြီး၊ ပွင့်လင်းမြင်သာသည့်အပြင် အခွန်ကောက်ခံမှုကိုပါ တိုးတက်လာစေနိုင်ဖွယ်ရှိကြောင်း ကလက်ပါက ပြောကြားခဲ့သည်။

မိုဘိုင်းငွေကြေးအကောင့်များနှင့် ပတ်သက်ပြီး အရှေ့အာဖရိကသည် ဦးဆောင်သူတစ်ဦး ဖြစ်ခဲ့သည်။ နည်းပညာမှာ ပျံ့နှံ့သွားပြီ ၂၀၁၄ ခုနှစ်တွင် ယင်းကိုအသုံးပြုသည့် အရွယ်ရောက်သူဦးရေမှာ နှစ်ဆမြင့်တက်လာကာ ၂၁ ရာခိုင်နှုန်း ဖြစ်သွားသည်။ နောက်ဆုံးရ အချက်အလက်များတွင်မူ အိန္ဒိယသည် အများထက် သာလွန်တိုးတက်မှု ရှိနေသည်ကို တွေ့ရသည်။ အကြောင်းရင်းမှာမူ အစိုးရသည် ငွေပေးချေမှုများအတွက် ဘိုင်အို မက်ထရစ်စမတ်ကတ်သို့ ပြောင်းလဲလိုက်သောကြောင့်ဖြစ်ပြီး ဘဏ်စာရင်းပိုင်ဆိုင်သူဦးရေသည် ရုတ်ချည်းထိုးတက်လာခဲ့သည်။ ကျား၊ မကြားမှ ဘဏ်စာရင်းရှိမှုမှာလည်း ကျဉ်းမြောင်းသွားပြီး ခြောက်ရာခိုင်နှုန်းရှိသည်ဟု သိရသည်။

Ref: AFP

သက်ငယ်မုဒိမ်း ကျူးလွန်သူများကို သေဒဏ်ပေးရန် အိန္ဒိယအစိုးရ သဘောတူခွင့်ပြု

Photo: AP

ရှစ်နှစ်အရွယ် မိန်းကလေးတစ်ဦးကို အုပ်စုဖွဲ့မုဒိမ်းကျင့်ပြီး ရက်စက်စွာသတ်ဖြတ်မှုကြောင့် နိုင်ငံတစ်ဝန်းတွင် ဒေါသူပုန်ထမှုများ ဖြစ်ပွားခဲ့ပြီးနောက် သက်ငယ်မုဒိမ်းသမားများကို သေဒဏ်ပေးရန် အိန္ဒိယအစိုးရက ဧပြီ ၂၁ တွင် သဘောတူခွင့် ပြုပေးခဲ့သည်။ ဓနသဟာယထိပ်သီးမှ ပြန်လာခဲ့ပြီးနောက် ၀န်ကြီးချုပ် နရင်ဒရာမိုဒီက အစိုးရအဖွဲ့ အစည်းအဝေးခေါ်ယူခဲ့ပြီး သေဒဏ်ပေးမည့် အကြံပြုချက်ကို ခွင့်ပြုပေးခဲ့ခြင်းဖြစ်ကြောင်း အစိုးရတာဝန်ရှိသူတစ်ဦးက အေအက်ဖ်ပီကို ပြောကြားခဲ့သည်။

မွတ်စလင် မိန်းကလေးငယ်တစ်ဦးကို ဟိန္ဒူအမျိုးသားများက အုပ်စုလိုက် မုဒိမ်းကျင့်သတ်ဖြတ်မှု၏ အသေးစိတ်ကို အစိုးရက ထုတ်ပြန်ခဲ့ပြီးနောက် အိန္ဒိယနိုင်ငံတစ်ဝန်းတွင် ကန့်ကွက်ဆန္ဒပြမှုများ ပေါ်ပေါက်ခဲ့သည်။ ယင်းဖြစ်ရပ်ကြောင့် လိင်ပိုင်းဆိုင်ရာ ရာဇ၀တ်မှုများကို အရေးယူဆောင်ရွက်ရန် အိန္ဒိယအစိုးရအတွက် ဖိအားတိုးလာခဲ့သည်။

Photo: AP

အသက် ၁၂ နှစ်အောက် ကလေးငယ်များကို မုဒိမ်းမှုကျူးလွန်သူများအား သေဒဏ်ပေးရန် ဥပဒေပြင်ဆင်ချက်များအား အစိုးရက သဘောတူခွင့်ပြုခဲ့ခြင်း ဖြစ်သည်။ သမ္မတထံမှ ခွင့်ပြုချက်ရယူရန် ခြောက်လကြာမြင့်မည်ဖြစ်ပြီး ပါလီမန်က ပြင်ဆင်ချက်များကို ဥပဒေဖြင့် ခွင့်ပြုပြီးနောက် သေဒဏ်အမိန့်သည် အာဏာသက်ဝင်မည်ဖြစ်သည်။ သက်ငယ်မုဒိမ်းသမားများကို သေဒဏ်ပေးရန် အိန္ဒိယပြည်နယ် လေးခုက မကြာသေးခင်လများအတွင်း သဘောတူခွင့်ပြုထားပြီး ဖြစ်သည်။

အိန္ဒိယသည် အကြမ်းဖက်တိုက်ခိုက်မှုနှင့် ရက်စက်စွာ လူသတ်မှုကဲ့သို့သော ပြစ်မှုများအတွက် သေဒဏ်ကို ဆက်လက်ကျင့်သုံးနေသော်လည်း သေဒဏ်ကို ချမှတ်မှုသည် အလွန်ရှားပါးသည်။