ဂျပန်နိုင်ငံ အိုဆာကာမြို့တွင် ပြင်းအား ၅ ဒသမ ၃ အဆင့်ရှိ ငလျင်ကြောင့် လူသုံးဦးသေဆုံးပြီး လူ ၂၀၀ ကျော်ဒဏ်ရာရ

ဇွန် ၁၈ ရက်က အိုဆာကာစီရင်စုမြောက်ဘက် အီဘာရာကီမြို့တွင် ငလျင်ကြောင့် ပြိုကျခဲ့သော အိမ်တစ်လုံးရှေ့မှ ဖြတ်သန်းသူများကို တွေ့ရစဉ် (Photo – AFP)

ဂျပန်နိုင်ငံ၏ ဒုတိယအကြီးဆုံးမြို့ဖြစ်သည့် အိုဆာကာတွင် ဇွန် ၁၈ ရက်၌ အင်အားပြင်းသည့် ငလျင်တစ်ခုလှုပ်ခတ်ခဲ့ရာ အသက်ကိုးနှစ်အရွယ် ကလေးငယ်တစ်ဦးအပါအ၀င် လူသုံးဦးသေဆုံးခဲ့ပြီး လူ ၂၀၀ ကျော် ထိခိုက်ဒဏ်ရာရရှိခဲ့ကြောင်း အစိုးရက ထုတ်ပြန်ခဲ့သည်။ လူနှစ်သန်းဝန်းကျင်သွားလာနေသည့်  ရုံးတက်ချိန် နံနက် ၈ နာရီတွင် ငလျင်လှုပ်ခတ်ခဲ့ခြင်းဖြစ်ပြီး ငလျင်ကြောင့် အဆောက်အအုံများမှာ လှုပ်ရမ်းနေကာ ရေပိုက်များလည်း ပေါက်ထွက်နေသည်ကို ရုပ်သံပြကွက်ဗီဒီယိုတွင် ပြသခဲ့သည်။

သို့သော် ပျက်စီးဆုံးရှုံးမှုကြီးကြီးမားမား မရှိခဲ့သလို ငလျင်လှုပ်ခတ်ပြီးနောက် ဆူနာမီ သတိပေးချက် ထုတ်ပြန်ခြင်းလည်း မရှိခဲ့ပေ။ သေဆုံးသူများထဲမှ အသက်ကိုးနှစ်အရွယ် မိန်းကလေးမှာ အိုဆာကာမြောက်ပိုင်းရှိ တာကာဆူကီမြို့တွင် သေဆုံးခဲ့ခြင်းဖြစ်ပြီး ပြင်းအား ၅ ဒသမ ၃ အဆင့်ရှိ ငလျင်ကြောင့် နံရံပြိုကျရာမှ ယင်းကလေးငယ်အပေါ် ပိမိ၍ သေဆုံးခဲ့ခြင်းဖြစ်သည်။ ကျန်သေဆုံးသူ နှစ်ဦးမှာ အသက် ၈၀ အရွယ်ရှိ အမျိုးသား နှစ်ဦးဖြစ်ပြီး တစ်ဦးမှာ နံရံပြိုကျမှုကြောင့် သေဆုံးခြင်းဖြစ်ကာ အခြားတစ်ဦးမှာ စာအုပ်စင်ပိမိခြင်းကြောင့် နေအိမ်တွင်ပင် သေဆုံးခဲ့ခြင်းဖြစ်ကြောင်း အစိုးရပိုင် မီဒီယာတစ်ခုက ပြောကြားခဲ့သည်။

ငလျင်ကြောင့် ထိခိုက်ဒဏ်ရာရရှိသူ ၂၀၀ ကျော်ရှိကြောင်း မီးဘေးနှင့်သဘာဝ ဘေးအန္တရာယ် ကာကွယ်ရေးအေဂျင်စီက ပြောကြားခဲ့သည်။ ငလျင်ကြောင့် ကျည်ဆန်ရထားအပါအ၀င် ရထားလမ်း ပို့ဆောင်ရေးဝန်ဆောင်မှုများကို ရပ်ဆိုင်းထားရသည်။ ငလျင်ဒဏ်ကြောင့် အဏုမြူဓာတ်ပေါင်းဖိုများတွင် ပြဿနာတစ်စုံတစ်ရာဖြစ်ပေါ်ခဲ့ခြင်း မရှိကြောင်း၊ သို့သော် Honda အပါအ၀င် တစ်ချို့သော ကုမ္ပဏီများသည် ၎င်းတို့၏ လုပ်ငန်းများအား ရပ်နားခဲ့ရကြောင်း နျူကလီးယားထိန်းသိမ်းရေး အာဏာပိုင်အဖွဲ့က ထုတ်ပြန်သည်။

အစိုးရအဖွဲ့သည် ပြည်သူများ၏ အသက်အိုးအိမ်များကို ကယ်ဆယ်ရေးအတွက် ပထမဦးစားပေးအနေဖြင့် စည်းစည်းလုံးလုံး ကြိုးပမ်းဆောင်ရွက်နေကြောင်း ဂျပန်ဝန်ကြီးချုပ် ရှင်ဇိုအာဘေးက သတင်းထောက်များကို ပြောကြားခဲ့သည်။

လာမည့် နှစ်ရက်၊ သုံးရက်အတွင်း နောက်ဆက်တွဲအင်အားပြင်း ငလျင်ငယ်များ ထပ်မံလှုပ်ခတ်နိုင်ဖွယ်ရှိကြောင်း အစိုးရပြောခွင့်ရပုဂ္ဂိုလ် ယိုရှီဟီဒီဆူဂါက ဆိုသည်။

ဂျပန်နိုင်ငံသည် ကမ္ဘာ့အင်အားပြင်း ငလျင်များနှင့် မီးတောင်ပေါက်ကွဲမှု အများဆုံးဖြစ်သော ပစိဖိတ်၏ Ring of Fire ဟု သမုတ်ခံထားရသည့် နေရာပေါ်တွင် တည်ရှိနေသည်။ လွန်ခဲ့သော ၂၀၁၁ ခုနှစ် မတ် ၁၁ ရက်တွင် ဂျပန်နိုင်ငံအား ဖွတ်ဖွတ်ညက်ညက်ကြေစေခဲ့သည့် ပြင်းအား  ၉  အဆင့်ရှိသည့် ငလျင်တစ်ခုလှုပ်ခတ်ခဲ့ပြီးနောက် ဆူနာမီလှိုင်းပါဖြစ်ပွားခဲ့ရာ အကြီးအကျယ် ပျက်စီးဆုံးရှုံးခဲ့ပြီး အသက်အိုးအိမ် ထောင်ပေါင်း များစွာ သေကြေခဲ့သည်။

Ref ;AFP

အစ္စရေး စစ်လေယာဉ်များက ဂါဇာရှိ ဟားမားစ်စစ်ဘက်ဆိုင်ရာပစ်မှတ်များအား တိုက်ခိုက်

ဇွန် ၁၈ ရက်တွင် အစ္စရေး၏တိုက်ခိုက်မှုကြောင့် ဂါဇာစီးတီး၌ ပေါက်ကွဲမှုဖြစ်ပွားနေစဉ် (Photo – AFP)

အစ္စရေးနယ်မြေထဲသို့ မီးလောင်စေသည့် စွန်များလွှတ်တင်နေမှုကို တုံ့ပြန်ရန် အစ္စရေး စစ်လေယာဉ်များက ဂါဇာကမ်းမြောင် မြောက်ပိုင်းရှိ ဟားမားစ်စစ်ဘက်ဆိုင်ရာ ပစ်မှတ်ကိုးခုကို ဇွန် ၁၈ ရက်တွင် တိုက်ခိုက်ခဲ့ကြောင်း အစ္စရေးစစ်ဘက်က ထုတ်ပြန်ခဲ့သည်။

ထိုတိုက်ခိုက်မှုများသည် ဟားမားစ်တို့၏ စစ်ဘက်ဆိုင်ရာနေရာနှစ်ခု၊ လက်နက်ခဲယမ်းများ ထုတ်လုပ်သည့် နေရာတစ်ခုတို့ကို ပစ်မှတ်ထားခဲ့ခြင်းဖြစ်ကြောင်း အစ္စရေးစစ်ဘက်က ကြေညာချက်ထုတ်ပြန်ခဲ့သော်လည်း ထိုစီးနင်းတိုက်ခိုက်မှုများတွင် သေဆုံးဒဏ်ရာရမှုများ ရှိ၊ မရှိကို မဖော်ပြခဲ့ပေ။

မီးလောင်စေသော ပစ္စည်းများကို တပ်ဆင်ထားသည့် မီးပူဖောင်းများနှင့် စွန်များကို လွှတ်တင်မှုသည် မကြာသေးမီလများအတွင်း ပါလက်စတိုင်းများက အစ္စရေးကို နယ်စပ်၌ ဆန့်ကျင်ဆန္ဒပြမှုများ၏ သင်္ကေတဖြစ်လာခဲ့သည်။

ဇွန် ၁၆ ရက်က ဂါဇာကမ်းမြောင်တွင် နယ်စပ်မှတစ်ဆင့် အစ္စရေးထဲသို့ ထိုမီးလောင်စေတတ်သော ပူဖောင်းများလွှတ်တင်ရန် ကြိုးပမ်းနေသည့် ပါလက်စတိုင်းနှစ်ဦးသည် အစ္စရေးစစ်ဘက်၏ ပစ်ခတ်မှုကြောင့် ဒဏ်ရာရခဲ့ကြောင်း တာဝန်ရှိသူများက ပြောကြားခဲ့သည်။

ပြီးခဲ့သော မတ်လကုန်တွင် စတင်ဖြစ်ပွားခဲ့သော ပါလက်စတိုင်းများ၏ ဧရာမဆန္ဒပြမှုများ ဖြစ်ပွားခဲ့ပြီးနောက်ပိုင်း မီးလောင်မှု အကြိမ် ၃၀၀ ကျော်ကြောင့် လယ်ကွင်းများနှင့် ချုံတောဟက်တာ ထောင်ပေါင်းများစွာသည် ပျက်စီးခဲ့ကြောင်း အစ္စရေးမီးသတ်ဌာနက ထုတ်ပြန်ခဲ့သည်။

မကြာသေးမီက ပြုလုပ်ခဲ့သည့် ဆန္ဒပြမှုများဖြစ်ပွားခဲ့ပြီးနောက်ပိုင်း ပါလက်စတိုင်းများက လွှတ်တင်ခဲ့သည့် စွန် ၆၀၀ ခန့်အနက် ၄၀၀ ခန့်အား ကြားဖြတ်ဖျက်ဆီးနိုင်ခဲ့ကြောင်း အစ္စရေးကာကွယ်ရေးဝန်ကြီး အဗစ်ဒေါလစ်ဘာမန်းက ပြောကြားခဲ့သည်။ ထိုကာလအတွင်း အစ္စရေးလုံခြုံရေးများ၏ ပစ်ခတ်နှိမ်နင်းမှုကြောင့် ပါလက်စတိုင်း ၁၃၀ ထက်မနည်း သေဆုံးခဲ့ရသည်။

အစ္စရေးနိုင်ငံထူထောင်သည့် ကာလ၀န်းကျင်ဖြစ်သည့် ၁၉၄၈ ခုနှစ်တွင် ၎င်းတို့၏ မိသားစုဝင်များ ထွက်ပြေးခဲ့ရသော သို့မဟုတ် မောင်းထုတ်ခံခဲ့ရသော ၎င်းတို့၏ နေအိမ်များသို့ ပြန်သွားခွင့်ရရှိရန် ပါလက်စတိုင်းများက တောင်းဆိုနေခြင်း ဖြစ်သည်။ အစ္စရေးက ၎င်း၏ အဓိကရန် ဘက်ဟုယူဆသည့် အစ္စလာမ္မစ် လှုပ်ရှားမှုအဖွဲ့ဟားမားစ်က ဂါဇာကမ်းမြောင်အား ထိန်းချုပ်ထားသည်။

Ref ;AFP

ရွှေ့ပြောင်းအခြေချကလေးများအား မိဘများနှင့်ခွဲထားမှုကို အဆုံးသတ်ရန် အမေရိကန်အမတ်များနှင့် သမ္မတကတော်တို့ တောင်းဆို

မေ ၇ ရက်က အိမ်ဖြူတော်ရှိ နှင်းဆီဥယျာဉ်တွင် ကလေးများအတွက် “Be Best” အစီအစဉ်အား မီလန်နီယာထရန့်က ကြေညာနေစဉ် (Photo – AFP)

အမေရိကန်နယ်စပ်များတွင် ရွှေ့ပြောင်းအခြေချများအား မိဘနှင့်ကလေးခွဲထားသည့် အလွန်အမင်း အငြင်းပွားစရာ လုပ်ထုံးလုပ်နည်းအား အဆုံးသတ်ရန်အတွက် သမ္မတဒေါ်နယ်ထရန့်၏ကတော် မီလန်နီယာထရန့်က ရှားရှားပါးပါး နိုင်ငံရေးဆိုင်ရာ မေတ္တာရပ်ခံမှု ပြုလုပ်ခဲ့စဉ် ဒီမိုကရက်တစ်နှင့် ရီပက်ဘလီကင် နှစ်ပါတီစလုံးမှ ဥပဒေပြုအမတ်များ က ဇွန် ၁၇ ရက်တွင် ထိုကိစ္စအား ဆွေးနွေးမှုကို အရှိန်မြှင့်ခဲ့ကြသည်။

ထရန့်အစိုးရ၏ လုံးဝအလျှော့မပေးသည့် နယ်စပ်လုံခြုံရေးဆိုင်ရာ မူဝါဒသည် နှစ်ပါတီစလုံးအား ဒေါသထွက်စေခဲ့ပြီး အထူးသဖြင့် အမေရိကန်တွင် အဖေများနေ့ ကျင်းပနေစဉ် နှစ်ပါတီစလုံးက တူညီသော အသံများ ထုတ်ပြန်ခဲ့ကြသည်။ မိဘနှင့် ကလေးများအား ခွဲထားသည့်ထိုလုပ်ရပ်အား အဆုံးသတ်လိုကြောင်း ထရန့်က ပြောကြားထားသော်လည်း ထိုအကျပ်အတည်းအတွက် ဒီမိုကရက်တစ်များကို ၎င်းက ထပ်မံအပြစ် တင်ခဲ့သည်။ ဝေဖန်သူများကမူ ထိုပြဿနာကို ထရန့်က ကိုယ်တိုင်ဖန်တီးခဲ့ခြင်းဖြစ်ဟု အပြစ်တင်ခဲ့ကြသည်။

နိုင်ငံရေးကဏ္ဍတွင် အမြဲတမ်းပါဝင်လေ့ မရှိသော မီလန်နီယာက ထရန့်အစိုးရ၏မူ ၀ါဒကို ရှုတ်ချခြင်းမပြုသော်လည်း ထိုပြဿနာအား ဖြေရှင်းနိုင်ရန်အတွက် ပါတီနှစ်ရပ်စလုံးက ပူးပေါင်း၍ လူဝင်မှုကြီးကြပ်ရေးဆိုင်ရာ ပြုပြင်ပြောင်းလဲမှုဖော်ဆောင်ရန်သာ တိုက်တွန်းခဲ့သည်။ ဥပဒေအားလုံးကို လိုက်နာသော နိုင်ငံတစ်နိုင်ငံဖြစ်ရန်အပြင် နှလုံးသားဖြင့် အုပ်ချုပ်သည့် နိုင်ငံတစ်နိုင်ငံ ဖြစ်ရန်လည်း လိုအပ်ကြောင်းကို သမ္မတကတော်က လက်ခံထားကြောင်း ၎င်း၏ ပြောခွင့်ရပုဂ္ဂိုလ် စတက်ဖနီဂရစ်ဟမ်က ပြောကြားခဲ့သည်။

လူဝင်မှုကြီးကြပ်ရေးကိစ္စသည် ထရန့်အစိုးရအား ဖိစီးနေသော သဘောထားအကွဲလွဲဆုံး၊ အငြင်းပွားဖွယ်အဖြစ်ဆုံး ကိစ္စများ အနက်တစ်ခု ဖြစ်သည်။ ပြီးခဲ့သောသီတင်း ပတ်ခြောက်ပတ်အတွင်း အမေရိကန်အစိုးရသည် အသက်မပြည့်သေးသူ ၂၀၀၀ နီးပါးအား မိဘများ သို့မဟုတ် အရွယ်ရောက်ပြီးသူ အုပ်ထိန်းသူများနှင့် သီးခြားခွဲထားခဲ့ကြောင်း ထုတ်ပြန်ခဲ့ရာ ယင်းကဲ့သို့ ရုတ်တရက်ဆန့်ကျင်ကန့်ကွက်မှုကို မီးထိုးပေးခဲ့ခြင်း ဖြစ်သည်။

အရွယ်ရောက်သူများက ခိုလှုံခွင့်တောင်းခံရန် ဟုတ်၊ မဟုတ်ကို ထည့်သွင်းမစဉ်းစားဘဲ မက္ကဆီကိုနှင့် ထိစပ်နေသည့် အမေရိကန် နယ်စပ်ကို တရားမ၀င် ဖြတ်ကျော်လာသော ရွှေ့ပြောင်းအခြေချအားလုံးကို ဖမ်းဆီးသွားမည်ဖြစ်ကြောင်း ရှေ့နေချုပ်ဂျက်ဆက်ရှင်းက ကြေညာခဲ့သည့် မေအစောပိုင်းနောက်ပိုင်း ယင်းကဲ့သို့ ရွှေ့ပြောင်းအခြေချမိဘများနှင့် ကလေးများအား ခွဲထုတ်မှုသည် မြင့်တက်ခဲ့ခြင်း ဖြစ်သည်။

ထိုကိစ္စအတွက် သဘောထားကွဲလွဲမှု နက်ရှိုင်းနေစဉ် ထရန့်၏ ရီပက်ဘလီကင်ပါတီမှ အမတ်များက လက်တွေ့ကျသော လူဝင်မှု ကြီးကြပ်ရေးအစီအစဉ်တစ်ခုကို ရေးဆွဲနိုင်ရန် ခက်ခက်ခဲခဲ ရုန်းကန်နေရသည်။ မိသားစုခွဲထားမှုအား အဆုံးသတ်ပစ်ချိန်တွင် တရားဝင် ၀င်ရောက်လာသည့် ရွှေ့ပြောင်း အခြေချများအား ကန့်သတ်မည့် အပေးအယူ လုပ်ထားသည့် အရေးယူဆောင်ရွက်မှု တစ်ခုနှင့် သဘောထားတင်းမာသော ဥပဒေကြမ်းတစ်ခုစသည့် လူဝင်မှုကြီးကြပ်ရေးဆိုင်ရာ ဥပဒေကြမ်းနှစ်ခုအား ရီပက်ဘလီကင်များ ဦးဆောင်နေသော အောက်လွှတ်တော်က ယခုသီတင်းပတ်တွင် မဲခွဲမည်ဖြစ်သည်။

Ref ;AFP

ယာဉ်တိုက်မှု ဖြစ်ပွားပြီးနောက် ကမ္ဘောဒီးယားမင်းသား ဘန်ကောက်တွင် ဆေးရုံတက်

၂၀၁၂ ခုနှစ် ဇွန် ၃ ရက်က ဖနွမ်းပင်ရှိ မဲရုံတစ်ရုံတွင် ကမ္ဘောဒီးယားမင်းသား (၀ဲ) နှင့် ဇနီးဖြစ်သူ (ယာ) တို့ကို တွေ့ရစဉ် (Photo – AFP)

ယာဉ်တိုက်မှုဖြစ်ပြီးနောက် ဇနီးဖြစ်သူ ကွယ်လွန်ကာ ကိုယ်တိုင်လည်း ဒဏ်ရာရသွားခဲ့သည့် ကမ္ဘောဒီးယားမင်းသားသည် ဆေးကုသမှုခံယူရန် ဘန်ကောက်သို့ ဇွန် ၁၈ ရက်က သွားခဲ့ကြောင်း ၎င်း၏ နိုင်ငံရေးပါတီဝင်တစ်ဦးက ပြောကြားခဲ့သည်။ တစ်ချိန်က ကမ္ဘောဒီးယားဝန်ကြီးချုပ်လည်း ဖြစ်ခဲ့ဖူးသော မင်းသား နိုရိုဒွန်ရာနာရစ်သည် ပြန်လည်နာလန်ထူလာမည်ဟု မျှော်လင့်ရကြောင်း သိရသည်။

ကမ္ဘောဒီးယားဘုရင် နိုရိုဒွန်သီဟာမိုနီ၏ အဖေတူအမေကွဲညီအစ်ကို ရာနာရစ်သည် ယာဉ်တိုက်မှုအတွင်း နံရိုးအနည်းငယ်ကျိုးကာ ခြေထောက်၌ ဒဏ်ရာများရသွားခဲ့သည်ဟု ၎င်း၏ Funcinpec ပါတီမှ အထွေထွေအတွင်းရေးမှူး ယင်ဆာဗီက ဆိုသည်။ “ကြိုတင်ကာကွယ်တဲ့အနေနဲ့ သူ့ကို ထိုင်းနိုင်ငံကို ပို့လိုက်ပါတယ်” ဟု ဆာဗီက ပြောကြားခဲ့သည်။ အသက် ၇၄ နှစ်အရွယ် ရာနာရစ်သည် အခြေအနေကောင်းမွန်ပြီး စကားကိုလည်း ပုံမှန်ပြောနိုင်သည်ဟု သိရသည်။

ကမ္ဘောဒီးယားနိုင်ငံမှ ငွေကြေးတတ်နိုင်သူများသည် အရှေ့တောင်အာရှတွင် အကောင်းဆုံး ဆေးဘက်ဆိုင်ရာဝန်ဆောင်မှုများရှိသည့် ဘန်ကောက်သို့ ဆေးကုသမှုခံ ယူရန်မကြာခဏ သွားရောက်လေ့ရှိကြသည်။

ဇွန် ၁၇ ရက်က Funcinpec  ပါတီဥက္ကဋ္ဌ ရာနာရစ်သည် ဇနီးအော့ဖယ်လာနှင့်အတူ နိုင်ငံအနောက်တောင်ပိုင်းသို့ မဲဆွယ်စည်းရုံးရေးအတွက် ယာဉ်တန်းဖြင့် သွားခဲ့ကြသည်။ ထိုသို့သွားနေစဉ် မျက်နှာချင်းဆိုင်မှ မောင်းလာသော အငှားယာဉ်တစ်စီးသည် ရာနာရစ်တို့ စီးနင်းလာသည့်ကားကို ခေါင်းချင်းဆိုင်ဝင်တိုက်မိခြင်း ဖြစ်သည်။

ထိုဖြစ်စဉ်အတွင်း ရာနာရစ်ကို မြို့တော် ဖနွမ်းပင်သို့ လေယာဉ်ဖြင့်ခေါ်ဆောင်သွားစဉ် ဇနီးသည် အော့ဖယ်လာသည် ဒေသဆိုင်ရာဆေးရုံတစ်ခုမှာပင် ကွယ်လွန်သွားခဲ့သည်။ အခြားဒဏ်ရာရသူ ခုနစ်ဦးလည်းရှိကြောင်း သိရသည်။ အော့ဖယ်လာသည် ရာနာရစ်နှင့် လက်မထပ်မီက ရှေးရိုးကချေသည်တစ်ဦးအနေနှင့် နိုင်ငံတွင် နာမည်ကျော်သူ ဖြစ်သည်။

အငြင်းပွားစရာဖြစ်နေသော လာမည့်ဇူလိုင် ၂၉ ရက် အထွေထွေရွေးကောက်ပွဲသို့ ရာနာရစ်၏ Funcinpec  ပါတီလည်း ၀င်ရောက်ယှဉ်ပြိုင်မည်ဖြစ်သည်။ သို့သော် ထိုရွေးကောက်ပွဲတွင် အဓိကအတိုက်အခံ အင်အားစုဖြစ်သော ကမ္ဘောဒီးယား အမျိုးသားကယ်တင်ရေးပါတီ (CNRP) မပါဝင် နိုင်သဖြင့် မျှတမှုများ မရှိမည်ကို နိုင်ငံတကာက စိုးရိမ်နေကြသည်။

ကာလရှည်ကြာ ဆက်ဆံရေးမကောင်းခဲ့ကြသော ရာနာရစ်နှင့် ၀န်ကြီးချုပ် ဟွန်ဆန်တို့သည် မကြာသေးမီနှစ်များအတွင်း ပြန်၍စည်းလုံးလာသည်ကို တွေ့ရသည်။ ရာနာရစ်သည် ၁၉၉၃ မှ ၁၉၉၇ ခုနှစ်အထိ ဟွန်ဆန်နှင့်အတူ ၀န်ကြီးချုပ်ရာထူးကိုပူးတွဲ ထမ်းဆောင်ခဲ့သည်။

သို့သော် ၁၉၉၇ ခုနှစ်တွင် ဟွန်ဆန်အား သစ္စာခံသူများ၏ သွေးချောင်းစီးအာဏာသိမ်းပွဲအတွင်း ရာနာရစ်မှာ ရာထူးမှ ဖြုတ်ချခံခဲ့ရသည်။ ယင်းနောက်ပိုင်း ရာနာရစ်၏ လူကြိုက်များမှုနှင့် နိုင်ငံရေးအလားအလာတို့မှာလည်း ကျဆင်းခဲ့ပြီး လွန်ခဲ့သည့် ၁၀ နှစ်နီးပါးက Funcinpec ပါတီမှလည်း ထုတ်ပယ်ခံခဲ့ရသည်။ ထိုနောက် ရာနာရစ်သည် တစ်ဖန်ပြန်လာရန် အကြိမ်ကြိမ်ကြိုးပမ်းခဲ့သော်လည်း ၂၀၁၅ ခုနှစ်မှ နိုင်ငံရေးသို့ ပြန်ရောက်ခဲ့ခြင်း ဖြစ်သည်။ Funcinpec ပါတီကို ရာနာရစ်၏ ဖခင်ဖြစ်သည့် ၂၀၁၂ ခု နှစ်က ကွယ်လွန်ခဲ့သော ဘုရင်နိုရိုဒွန်သီဟာနော့က တည်ထောင်ခဲ့သည်။

Ref ; AFP

 

ဂျပန်၏ ကျူးကျော်မှုအတွက် ပြင်ဆင်သည့်အနေနှင့် တောင်ကိုရီးယားက နှစ်ရက်ကြာ စစ်ရေးလေ့ကျင့်

၂၀၁၅ ခုနှစ် မတ် ၃၀ ရက်က တောင်ကိုရီးယားနိုင်ငံ ပိုဟန်မြို့တွင် Foal Eagle ပူးတွဲစစ်ရေးလေ့ကျင့်မှု၌ အမေရိကန်နှင့် တောင်ကိုရီးယားတပ်ဖွဲ့ဝင်များအား တွေ့ရစဉ် (Photo ; AP)

တောင်ကိုရီးယားသည် ၎င်း၏ အရှေ့ဘက်ကမ်းလွန်၌ရှိသော ဒေါ့ဒိုကျွန်းစုကို ဖြစ်နိုင်ခြေမရှိသော ဂျပန်၏ တိုက်ခိုက်လာမည့် အန္တရာယ်မှ ကာကွယ်ရန်အတွက် နှစ်ရက်ကြာ စစ်ရေးလေ့ကျင့်မှုများကို ဇွန် ၁၈ ရက်တွင် စတင်ပြုလုပ်ခဲ့သည်။

ကိုရီးယားကျွန်းဆွယ်ကို ဂျပန်ကိုလိုနီအုပ်စိုးမှု အဆုံးသတ်ပြီးကတည်းက တောင်ကိုရီးယားသည် ဂျပန်ပင်လယ် (အရှေ့ပင်လယ်) ရှိ ထိုကျွန်းစုငယ်ကို ထိန်းချုပ်ခဲ့သည်။ ဂျပန်ကလည်း ၎င်းတို့က တာကီရှီမာဟု ခေါ်ဆိုသည် ထိုကျွန်းစုငယ်သည် ၎င်းတို့အပိုင်ဖြစ်သည်ဟုပြောပြီး တောင်ကိုရီးယားက တရားမ၀င် သိမ်းယူထားသည်ဟု ပြန်လည်စွပ်စွဲနေသည်။

အမေရိကန်သမ္မတ ဒေါ်နယ်ထရန့်သည် တောင်ကိုရီးယားနှင့် နှစ်စဉ်ပူးတွဲ လုပ်ဆောင်နေကျ စစ်ရေးလေ့ကျင့်မှုကြီးများကို (မြောက်ကိုရီးယား၏ ရန်စမှုအား ကာကွယ်ရန်ရည်ရွယ်) အကုန်အကျများပြီး ရန်စသည့် သဘောဆောင်သည်ဟုဆိုပြီး အချိန်အကန့်အသတ်မရှိ ရပ်ဆိုင်းကြောင်း ကြေညာခဲ့သည်။ ထိုသို့ ကြေညာပြီး ရက်အနည်းငယ်အကြာတွင် တောင်ကိုရီးယားက ယခုစစ်ရေးလေ့ကျင့်မှုကို လုပ်ဆောင်ခဲ့ခြင်း ဖြစ်သည်။

ဂျပန်ထံမှ တိုက်ခိုက်လာမှုဆိုသည်မှာ ဖြစ်နိုင်ခြေနည်းပါးသော်လည်း တောင်ကိုရီးယားသည် ထိုစစ်ရေးလေ့ကျင့်မှုများကို ၁၉၈၆ ခုနှစ်က ပထမဆုံးလုပ်ဆောင်ခဲ့ခြင်း ဖြစ်သည်။ ထို့နောက် ၂၀၀၃ ခုနှစ်မှစပြီး တစ်နှစ်လျှင် နှစ်ကြိမ်စီ ကျင်းပခဲ့သည်။

“ပြည်ပအင်အားစုတွေရဲ့ ကျူးကျော်မှုကို ကာကွယ်ဖို့အတွက် ဒေါ့ဒိုကာကွယ်ရေး စစ်ရေးလေ့ကျင့်မှုဟာ ပုံမှန်လုပ်ဆောင်နေတဲ့ ဖြစ်စဉ်တစ်ခုပါ” ဟု တောင်ကိုရီးယားကာ ကွယ်ရေးဝန်ကြီးဌာနမှ ပြောခွင့်ရပုဂ္ဂိုလ် ချွိုင်ဟန်ဆိုက ပြောခဲ့သည်။

စစ်သင်္ဘော ခြောက်စင်း၊ လေယာဉ်ခုနစ်စင်း ပါဝင်သည့် ယခုနှစ်ရက်ကြာ စစ်ရေးလေ့ကျင့်မှုသည် ရပ်ဆိုင်းလိုက်သော အမေရိကန်-တောင်ကိုရီးယား ပူးတွဲစစ်ရေး လေ့ကျင့်မှုများနှင့် နှိုင်းယှဉ်ပါကမူ သေးငယ်နေလိမ့်မည် ဖြစ်သည်။ ဒေါ့ဒိုစစ်ရေး လေ့ကျင့်မှုအတွင်း မရိန်းတပ်ဖွဲ့တစ်ဖွဲ့သည် ကျောက်ဆောင်ထူထပ်သည့် ကျွန်းစုပေါ်သို့ ကမ်းတက်ခြင်းများလုပ်ဆောင်ကြမည် ဖြစ်သည်။ ဒေါ့ဒိုကျွန်းစုပေါ်တွင် နေထိုင်သူဦး ရေမှာ ၄၀ ၀န်းကျင်သာရှိပြီး အများစုမှာ ရဲအရာရှိများ ဖြစ်ကြသည်။

တောင်ကိုရီးယားနှင့် ဂျပန်တို့သည် ဈေးကွက်စီးပွားရေး၊ ဒီမိုကရေစီနှင့် အမေရိကန်၏ မဟာမိတ်ဖြစ်ကြမှုခြင်းတူညီသည့်အပြင် နျူကလီးယားလက်နက်ပိုင်သော မြောက်ကိုရီးယား၏ ခြိမ်းခြောက်မှုကို ခံရခြင်းလည်း တူညီကြသည်။ သို့သော်လည်း ထိုနှစ်နိုင်ငံဆက်ဆံရေးမှာ သမိုင်းကြောင်းနှင့် နယ်မြေကိစ္စများကြောင့် နက်နက်ရှိုင်းရှိုင်း ကွဲလွဲလျက်ရှိသည်။

ထို့ပြင် ကမ္ဘာစစ်အတွင်းက ဂျပန်တို့သည် ကိုရီးယားအမျိုးသမီးများကို လိင်ကျွန်ပြုမှုကိစ္စကလည်း ထိုအိမ်နီးချင်းနှစ်နိုင်ငံကြားမှ ဆက်ဆံရေးအတွက် အဟန့်အတား ဖြစ်နေသည်။

Ref ; AFP

ယီမင် အပစ်အခတ် ရပ်စဲရေးအတွက် ကုလသမဂ္ဂ၏ကြိုးပမ်းမှုများ အဖျားရှူး

ဇွန် ၁၇ ရက်က ဟိုဒေးဒါလေဆိပ်အနီးမှ ရွှေ့ပြောင်းခဲ့ပြီး ကျောင်းတစ်ကျောင်းတွင် ခိုလှုံနေသူများအား တွေ့ရစဉ် (Photo ; AFP)

ယီမင်နိုင်ငံ၌ အပစ်အခတ်ရပ်စဲစေ  ရန်ကုလသမဂ္ဂ၏ ကြိုးပမ်းမှုများသည် ဇွန် ၁၈ ရက်က အဖျားရှူးသွားဖွယ်ရသည်။ သူပုန်တို့ထိန်းချုပ်ထားသော အဓိကဆိပ်ကမ်း မြို့ဟိုဒေးဒါကို သိမ်းယူရန် ဆော်ဒီကျော ထောက်နောက်ခံပေးထားသော အစိုးရ လိုလားသည့်တပ်ဖွဲ့များက ထိုးစစ်ဆင်နေကြစဉ် အရပ်သားများအတွက်စိုးရိမ်မှုများမှာ မြင့်တက်လာနေသည်။

သူပုန်တို့ထိန်းချုပ်ထားသော မြို့တော် ဆာနာ၌ နှစ်ရက်ကြာဆွေးနွေးမှုများ ပြုလုပ်ခဲ့ပြီးနောက် ကုလသမဂ္ဂသံတမန် မာတင်ဂရစ်ဖစ်သည် ဟိုဒေးဒါပဋိပက္ခများ အဆုံးသတ်စေရန် ၎င်း၏ ကြိုးပမ်းအားထုတ်ခဲ့မှုများနှင့် ပတ်သက်ပြီး ဇွန် ၁၈ ရက်နှောင်းပိုင်းတွင် ကုလသမဂ္ဂလုံခြုံရေးကောင်စီသို့ ပြန်လည်ရှင်းပြမည် ဖြစ်သည်။ အငတ်ဘေး ဆိုက်တော့မည်ဖြစ်သဖြင့် အကူအညီအလွန်အမင်း လိုအပ်နေသော ယီမင်နိုင်ငံအတွက် ဟိုဒေးဒါသည် နိုင်ငံထဲသို့ ကုန်များဝင်ရာ အဓိက၀င်ပေါက် ဖြစ်သည်။

သို့သော် အီရန် ကျောထောက်နောက်ခံ ပြုထားသော ဟူသီသူပုန်တို့က ဆွေးနွေးမှုများ မအောင်မြင်ဟု ထုတ်ပြန်ခဲ့ပြီးဖြစ်သည်။ ဇွန် ၁၇ ရက်က ဂရစ်ဖစ်နှင့်ဆွေးနွေးမှုများပြုလုပ်ခဲ့ပြီးနောက် တရားမ၀င်ဟူသီ အစိုးရအကြီးအကဲက လက်ရှိအခြေအနေများတွင် အပစ်အခတ်ရပ်စဲရေးကို လက်မခံ နိုင်ဟုဆိုကာ ပယ်ချခဲ့ကြောင်း သိရသည်။ ဆော်ဒီဦးဆောင်သော တပ်ဖွဲ့များသည် အနောက်ဘက်ဆိပ်ကမ်းသို့ တိုက်ခိုက်မှုများကို တိုးမြှင့်လာသည်ဟုလည်း ၎င်းတို့က ဆိုခဲ့သည်။

ပင်လယ်နီဆိပ်ကမ်းမြို့သို့ ဆော်ဒီနှင့် အာရပ်နိုင်ငံများ၏ ကျောထောက်နောက်ခံပေးထားသော တိုက်ခိုက်မှုများကြောင့် ဘေးလွတ်ရာသို့ ထွက်ပြေးခဲ့ရသည့် မိသားစုများမှာ ထောင်နှင့်ချီရှိပြီ ဖြစ်သည်။

ဟူသီသူပုန်များ ဟိုဒေးဒါမြို့ထဲမှ ထွက်သွားရမည်

ထိုစဉ် ယူအေအီး (ဆော်ဒီဦးဆောင် သော စစ်ရေးညွန့်ပေါင်းအဖွဲ့ဝင်နိုင်ငံ) က ညွန့်ပေါင်းအုပ်စု ကျောထောက်နောက်ခံပေးထားသော အစိုးရတပ်ဖွဲ့များ ချီတက်လာကြပြီဖြစ်သဖြင့် ဟူသီသူပုန်များဟိုဒေး ဒါမြို့ထဲမှ ထွက်သွားကြရန် ဇွန် ၁၈ ရက်က သတိပေးခဲ့သည်။

“သူပုန်တွေ မထွက်သွားဘူးဆိုရင်ဟို ဒေးဒါဆိပ်ကမ်းစစ်ဆင်ရေးကို ချွင်းချက်မရှိ ဆက်လက်လုပ်ဆောင်သွားမှာပါ” ဟု ယူအေအီး နိုင်ငံခြားရေးဝန်ကြီး အန်ဝါဂါဂတ်ရ်ှက ဒူဘိုင်းတွင် ပြုလုပ်ခဲ့သည့် သတင်းစာရှင်းလင်းပွဲအတွင်း ပြောကြားခဲ့သည်။ ထို့ပြင် ဟူသီတို့ ဆုတ်ခွာနိုင်ရန်အတွက် ဟိုဒေးဒါ- ဆာနာလမ်းကိုလည်း ဖွင့်ပေးထားဆဲဖြစ်ကြောင်းလည်း ၎င်းက ဆိုသည်။

“ ဒီစစ်ဆင်ရေးဟာ မြို့ထဲကနေ ဟူသီတွေထွက်သွားအောင် ပြောဖို့နောက်ဆုံး အခွင့်အရေး ရထားတဲ့ ကုလသမဂ္ဂသံတမန် (မာတင်ဂရစ်ဖစ်) ကို ကူညီဖို့အတွက်ပါ” ဟု ၎င်းက ပြောခဲ့သေးသည်။

ဟိုဒေးဒါတိုက်ပွဲများအတွင်း လက်ရှိအချိန်အထိ တိုက်ခိုက်ရေးသမား ၁၃၉ ဦး ကျဆုံးခဲ့ပြီဖြစ်ပြီး အများစုမှာ သူပုန်များဖြစ်ကြသည်ဟု ဆေးဘက်နှင့် စစ်ဘက်သတင်းရင်းမြစ်များက ဆိုသည်။

Ref ;AFP

ကိုလံဘီယာရွေးကောက်ပွဲ၌ အီဗန်ဒုအနိုင်ရသဖြင့် FARC ငြိမ်းချမ်းရေးသဘောတူညီချက်အတွက် အန္တရာယ်ရှိလာ

ဇွန် ၁၇ ရက်က ဘိုဂိုတာမြို့တွင် ကိုလံဘီယာသမ္မတ ရွေးကောက်ပွဲဒုတိယအကျော့ ရလဒ်ကို ကြေညာနေစဉ် (Photo – AFP)

ဇွန် ၁၈ ရက်က ကိုလံဘီယာ သမ္မတရွေးကောက်ပွဲတွင် ကွန်ဆာဗေးတစ်ဝါဒီ အီဗန်ဒုက အနိုင်ရရှိသွားခဲ့သည်။ အီဗန်ဒုသည် FARC  သူပုန်များနှင့် ရရှိထားသော ၂၀၁၆ ခုနှစ်က ငြိမ်းချမ်းရေး သဘောတူညီချက်ကို ပြန်လည်ပြင်ဆင်ရေးသားမည်ဟု မဲဆွယ်စည်းရုံးခဲ့သူ ဖြစ်သည်။

အသက် ၄၁ နှစ်အရွယ် ဒုသည် ရွေးကောက်ပွဲဒုတိယအကျော့တွင် မဲ ၅၄ ရာခိုင်နှုန်းရရှိပြီး အနိုင်ရသွားခဲ့သည်ဟု ရွေးကောက်ပွဲအာဏာပိုင်များက ပြောကြားခဲ့သည်။ ထို့ကြောင့် ဒုသည် ၁၈၇၂ ခုနှစ် နောက်ပိုင်း အသက်အငယ်ဆုံး ကိုလံဘီယာ သမ္မတဖြစ်လာပြီ ဖြစ်သည်။

ပြိုင်ဘက်ဂူစတာဗို ပီထရိုမှာမူ ထောက်ခံမဲ ၄၂ ရာခိုင်နှုန်းရရှိခဲ့သည်။ လက်ဝဲ၀ါဒီ မြို့တော်ဝန်ဟောင်းနှင့် သူပုန်ဟောင်းတစ်ဦးဖြစ်ခဲ့သော ပီထရိုသည် FARC သူပုန်များနှင့် ငြိမ်းချမ်းရေး သဘောတူညီချက်ကို ထောက်ခံသူဖြစ်သည်။

မဲရုံများသည် ဒေသစံတော်ချိန် ညနေလေးနာရီတွင် ပိတ်ခဲ့ပြီး ငြိမ်းချမ်းသောရွေးကောက်ပွဲတစ်ခု ဖြစ်ခဲ့သည်။

ရွေးကောက်ခံလိုက်ရသောဒုသည် ငြိမ်းချမ်းရေး သဘောတူညီချက်ကိုပြင်မည်ဟု ပေးထားသော ကတိကို အချိန်မဆိုင်းဘဲ လုပ်ဆောင်သွားမည်ဟု ပြောခဲ့ပြီးနောက် သဘောတူညီချက်နှင့် ပတ်သက်၍ တင်းမာမှုများသည် ချက်ချင်းပင် သိသိသာသာ ထွက်ပေါ်လာခဲ့သည်။

“ကျွန်တော်တို့ လိုလားနေတဲ့ငြိမ်းချမ်းရေးဆိုတာ ပြုပြင်မှုကို လိုလားတယ်၊ပြုပြင် မှုရှိရပါမယ်။ တရားမျှတမှု၊ အမှန်တရားနဲ့ စစ်လျော်ကြေးတွေအတွက် အာမခံရရှိဖို့အတွက် သားကောင်ဖြစ်ခဲ့ရသူတွေဟာ လုပ်ငန်းစဉ်ရဲ့ ဗဟိုချက်မှာရှိရပါမယ်” ဟု ဒုက အောင်ပွဲမိန့်ခွန်းအတွင်း ထောက်ခံသူများကို ပြောကြားခဲ့သည်။ ဒု၏ဆရာမှာ သမ္မတဟောင်း အယ်ဗာရိုအူရီဘေးဖြစ်သည်။ ၂၀၀၂-  ၂၀၁၀ အထိသမ္မတသက်တမ်းနှစ်ခု ထမ်းဆောင်ခဲ့သော အူရီဘေးလက်ထက်အတွင်း စစ်တပ်နှင့် FARC  သူပုန်တို့ကြားတွင် မီးကုန်ယမ်းကုန် တိုက်ပွဲများ ဖြစ်ပွားခဲ့သည်။

ပြိုင်ဘက်ပီထရိုကမူ သဘောတူညီချက်၏ အခြေခံအချက်များအား ပြောင်းလဲမှုများကိုမူ ခုခံကာကွယ်သွားမည်ဟု ကတိပေးထားသည်။ “ဒီအတိုင်းပျက်စီးသွားမှာကို ကြည့်မနေနိုင်ပါဘူး” ဟု ပီထရိုက ပြောကြားခဲ့သည်။

FARC  ကလည်း သဘောတူညီချက်နှင့် ပတ်သက်၍ ကိုင်တွယ်ရာတွင် အကောင်းမြင်မှုအား ပြသရန် ဒုကို ချက်ချင်းပင် တောင်းဆိုခဲ့သည်။ FARC  တို့သည် ငြိမ်းချမ်းရေး သဘောတူညီချက်ရရှိပြီးသည့် နောက်ပိုင်း လက်နက်စွန့်လွှတ်ကာ နိုင်ငံရေးပါတီ ထူထောင်ခဲ့သော်လည်း သမ္မတရွေးကောက်ပွဲ ၀င်ပြိုင်ခြင်း မရှိပေ။ “နိုင်ငံအတွက် လိုအပ်နေတာဟာ အတွင်းပိုင်းငြိမ်းချမ်းရေးပါ” ဟု ဒုအနိုင်ရသွားပြီးနောက် FARC  က ထုတ်ပြန်ခဲ့ပြီး ဒုနှင့်ဆွေးနွေးမှုတစ်ခု ပြုလုပ်ရန်လည်း သူပုန်ဟောင်းများက ပြောကြားခဲ့သည်။

“အဓိကပြဿနာကြီးတစ်ခုကတော့ ငြိမ်းချမ်းရေးသဘောတူညီချက်နဲ့ ပတ်သက်ပြီး ဘာဖြစ်လာမလဲဆိုတာပါပဲ။ ဒုကသဘောတူညီချက်ကို မဖျက်ဘဲ အဆင့်မြှင့်တင်မှုလုပ်မယ်လို့ ဆိုပါတယ်။ ဒါကြောင့် ဘယ်လိုအပြောင်းအလဲတွေ ဖြစ်လာမလဲဆိုတာ သဲသဲကွဲကွဲ မသိနိုင်ပါဘူး” ဟု Rosario တက္ကသိုလ်မှ ယန်ဘာဆက်က ပြောကြားခဲ့သည်။

“နောက်ပြန်လှည့်ဖို့ဆိုတာကတော့ ပေးရတဲ့ တန်ဖိုးသိပ်ကြီးသွားပါလိမ့်မယ်” ဟု Javeriana တက္ကသိုလ်မှ နိုင်ငံရေးသိပ္ပံဆိုင်ရာ ပါမောက္ခဖြစ်သူ ဖာဘီယံအကူနာက ဆိုသည်။

Ref ; AFP

အာဖဂန်အစိုးရက တာလီဘန်တို့နှင့် အပစ်အခတ် ရပ်စဲရေးကို ထပ်မံသက်တမ်းတိုးကြောင်း ကြေညာ

ဇွန် ၁၅ ရက်က မြို့တော်ကဘူးတွင် အိဒ်ကာလအတွင်း အာဖဂန်ပြည်သူများ အချင်းချင်း ပွေ့ဖက်နေကြသည်ကို တွေ့ရစဉ် (Photo: AFP)

အာဖဂန်နစ္စတန်နိုင်ငံတွင် အိဒ်အားလပ်ရက်အတွင်း လူ ၂၅ ဦးထက်မနည်းကို သေစေခဲ့သော အသေခံဗုံးခွဲမှုတစ်ခု ဖြစ်ပွားခဲ့ပြီးနောက် အစိုးရသည် တာလီဘန်တို့နှင့် အပစ်အခတ် ရပ်စဲရေးကို ဇွန် ၁၆ ရက်တွင် ထပ်မံ သက်တမ်းတိုးခဲ့သည်။

အာဖဂန်သမ္မတ အရှရစ်ဂါနီသည် ရှားရှားပါးပါး ရုပ်သံမိန့်ခွန်းတစ်ခုအတွင်း အပစ်အခတ် ရပ်စဲရေး သက်တမ်းတိုးကြောင်း ကြေညာခဲ့ခြင်းဖြစ်သည်။ ထို့ပြင် တာလီဘန်တို့ကိုလည်း ဇွန် ၁၇ ရက်တွင် အဆုံးသတ်မည့် ၎င်းတို့၏ သုံးရက်ကြာ အပစ်အခတ်ရပ်စဲမှုကို ထပ်မံသက်တမ်းတိုးပေးရန် ဂါနီက တောင်းဆိုခဲ့သည်။ သို့သော် တာလီဘန်တို့က သက်တမ်းထပ်တိုးတော့မည် မဟုတ်ဘဲ တိုက်ခိုက်မှုများ ပြန်လည်စတင်တော့မည်ဟု ထုတ်ပြန်ခဲ့သည်။

“ခံစစ်အနေအထားမှာပဲ ဆက်ပြီးရှိနေကြဖို့ လုံခြုံရေးတပ်ဖွဲ့တွေကို အမိန့်ထုတ်ခဲ့ပါတယ်” ဟု ဂါနီကဆိုပြီး တာလီဘန်များကို ငြိမ်းချမ်းရေးဆွေးနွေးပွဲကို လာရောက်ကြရန် တိုက်တွန်းခဲ့သည်။ အစိုးရ၏ အပစ်အခတ် ရပ်စဲရေးမှာ ဇွန် ၁၉ ရက်တွင် ပြီးဆုံးမည်ဖြစ်သည်။

အပစ်အခတ်ရပ်စဲသည့် ကာလအတွင်း တာလီဘန်များသည် ဆေးဝါးနှင့် လူသားချင်း စာနာထောက်ထားမှုဆိုင်ရာ အထောက်အပံ့များ ရရှိမည်ဖြစ်ပြီး တာလီဘန် အကျဉ်းသားများမှာလည်း မိသားစုများနှင့် တွေ့ခွင့်ရမည်ဟု သမ္မတက ပြောကြားခဲ့သည်။ ထို့ပြင် အစိုးရသည် တာလီဘန် အကျဉ်းသားအချို့ကိုလည်း လွှတ်ပေးနေသည်ဟု သိရသည်။

အိဒ်ကာလ (ရာမာဒန်ဥပုသ်ကာလအပြီး မွတ်စလင်အားလပ်ရက်) ၏ ဒုတိယနေ့တွင် သမ္မတဂါနီက ယခုကဲ့သို့ ပြောကြားခဲ့ခြင်းလည်း ဖြစ်သည်။ ၂၀၀၁ ခုနှစ်က အမေရိကန် ကျူးကျော်မှုနောက်ပိုင်း ပထမဆုံးအကြိမ် တစ်နိုင်ငံလုံး အတိုင်းအတာနှင့် အပစ်အခတ် ရပ်စဲမှုဖြစ်သဖြင့် နိုင်ငံထဲ၌ စိတ်လှုပ်ရှားမှုများ မြင့်တက်လာခဲ့ကြသည်။

အပစ်အခတ် ရပ်စဲထားစဉ်အတွင်း စစ်ဒဏ်ကြောင့် ဖွတ်ဖွတ်ကြေနေသည့် အာဖဂန်တစ်ဝန်းတွင် တာလီဘန်များသည် မျက်ရည်များဝဲကာ လုံခြုံရေးအင်အားစုများ၊ အရပ်သားများ၊ နိုင်ငံရေးသမားများနှင့် ပွေ့ဖက်ခဲ့ကြပုံ၊ အတူတူ ၀တ်ပြုခဲ့ကြပုံ အစရှိသည့် မယုံနိုင်စရာ မြင်ကွင်းများပင် တွေ့မြင်ခဲ့ရသည်။

ဇွန် ၁၆ ရက်က တိုက်ခိုက်မှုမှာမူ နိုင်ငံအရှေ့ပိုင်းပြည်နယ် နန်ဂါဟာထဲရှိ ရိုဒက်ခရိုင်၌ အပစ်အခတ် ရပ်စဲမှုအတွက် အထိမ်းအမှတ်ပွဲ ကျင်းပနေကြသော လူအုပ်ထဲတွင် ဖြစ်ပွားခဲ့ခြင်းဖြစ်သည်။ ထိုဒေသထဲတွင် လှုပ်ရှားနေကြသော IS တို့ က ၎င်းတို့လက်ချက်ဟု ထုတ်ပြန်ခဲ့သည်။ တိုက်ခိုက်မှုအတွင်း တာလီဘန်များ အပါအ၀င် လူ ၂၅ ဦးထက်မနည်း သေဆုံးခဲ့ပြီး ၅၄ ဦး ဒဏ်ရာရရှိခဲ့သည်ဟု ပြည်နယ်အုပ်ချုပ်ရေးမှူး၏ ပြောခွင့်ရပုဂ္ဂိုလ် အတူယာလာ ခိုဂါနီက ဆိုသည်။

“အပစ်အခတ်ရပ်စဲမှုအတွက် ပွဲကျင်းပနေကြတဲ့ တာလီဘန်တွေ၊ လုံခြုံရေးအင်အားစုတွေ၊ ပြည်သူတွေကြားမှ အသေခံဗုံးခွဲလိုက်တာ ဖြစ်ပါတယ်” ဟု ခိုဂါနီက အစောပိုင်းက ပြောကြားခဲ့သည်။

စစ်ပန်းနေကြပြီ

နန်ဂါဟာပြည်နယ်ရှိ အငြင်းပွားနေသော ဘာတီကော့ခရိုင်မှ စစ်ဆေးရေးဂိတ်များတွင် အာဖဂန်တပ်ဖွဲ့ဝင်များသည် တာလီဘန်တို့ကို အိဒ်အတွက် နုတ်ဆက်ခြင်း၊ ပွေ့ဖက်ခြင်း၊ ဓာတ်ပုံတွဲရိုက်ခြင်းများ ပြုလုပ်ခဲ့ကြသည်။ ပုံမှန်အားဖြင့် အချင်းချင်း သတ်ဖြတ်ရန် ကြိုးပမ်းနေကြသည့်သူများသည် ယင်းကဲ့သို့ အခြေအနေရောက်မည်ကို လွန်ခဲ့သည့် ရက်အနည်းငယ်မတိုင်မီအထိ စဉ်းစား၍ပင် မရနိုင်သေးပေ။ ထိုစဉ် ရွာသားများသည်လည်း တာလီဘန်သူပုန်များအနီးသို့ ၀ိုင်းလာကြပြီး သူပုန်များကို ပွေ့ဖက်ခြင်း၊ ပျော်ရွှင်စွာ ဆဲလ်ဖီရိုက်ကူးခြင်းများ ပြုလုပ်ခဲ့ကြသည်။

“ရဲနဲ့ စစ်တပ်က ညီနောင်တွေကို နှုတ်ဆက်ဖို့ ကျွန်တော်တို့ ဒီကိုလာတာပါ” ဟု တာလီဘန်တပ်မှူး ဘာဘာက အေအက်ဖ်ပီ သတင်းဌာနသို့ ပြောကြခဲ့သည်။ “အခုအချိန်အထိတော့ ကျွန်တော်တို့ အပစ်အခတ် ရပ်စဲနေကြဆဲပါ။ လူတိုင်းဟာ စစ်ပန်းနေကြပါပြီ။ ကျွန်တော်တို့ ခေါင်းဆောင်တွေကသာ ဒီအပစ်အခတ် ရပ်စဲရေးကို ရှေ့ဆက်ဖို့ ညွှန်ကြားမယ်ဆိုရင် ကျွန်တော်တို့တစ်တွေ တစ်သက်လုံး ထိန်းသိမ်းသွားမှာပါ” ဟု ထိုတာလီဘန်တပ်မှူးက ဆိုသည်။

လမ်းများပေါ်တွင်လည်း လက်နက်ကြီးများ ကိုင်ဆောင်ထားကြသည့် တာလီဘန် တိုက်ခိုက်ရေးသမားများသည် အာဖဂန်နှင့် တာလီဘန်အလံနှစ်ခုစလုံး လွှင့်ထူထားသောကားများ၊ မော်တော်ဆိုင်ကယ်များကို မောင်းနှင်ပြီး လွတ်လပ်စွာ သွားလာခဲ့ကြသည်။

Ref: AFP

ရုရှားရင်ပြင်နီအနီး၌ အငှားယာဉ်တစ်စီး ၀င်တိုက်မှု ဖြစ်ပွားခဲ့ရာ လူခုနစ်ဦးထက်မနည်း ဒဏ်ရာရရှိ

ကားဝင်တိုက်မှုဖြစ်ခဲ့သည့် နေရာ၌ ရဲကားများ၊ လူနာတင်ယာဉ်များ ရောက်ရှိနေသည်ကို စီစီတီဗွီမှ ရိုက်ကူးထားသည့် ဓာတ်ပုံ (Photo: AFP)

ဇွန် ၁၆ ရက်တွင် မော်စကိုရင်ပြင်နီအနီးရှိ လူအုပ်အတွင်းသို့ တက္ကစီတစ်စီး ၀င်တိုက်မှုဖြစ်ပွားခဲ့ရာ လူခုနစ်ဦး ထိခိုက်ဒဏ်ရာ ရရှိခဲ့ကြောင်း၊ ဒဏ်ရာရသူခုနစ်ဦးထဲတွင် ကမ္ဘာ့ဖလား လာရောက်ကြည့်ရှုသည့် မက္ကဆီကို နိုင်ငံသားနှစ်ဦး ပါဝင်ကြောင်း အစိုးရတာဝန်ရှိသူများနှင့် မျက်မြင်သက်သေများက ပြောကြားခဲ့သည်။

အဆိုပါ မတော်တဆဖြစ်ရပ်မှာ ရုရှားနိုင်ငံသားများ၊ ဘောလုံးပရိသတ်များနှင့် ကြိတ်ကြိတ်တိုး စည်ကားနေသည့် မော်စကိုမြို့လယ်မှ ရင်ပြင်နီတွင် နေ၀င်ချိန်၌ ဖြစ်ပွားခဲ့ခြင်း ဖြစ်သည်။

တက္ကစီယာဉ်မောင်းသည် မွတ်စလင် အများစုနေထိုင်သည့် ကာဂျစ်စတန်နိုင်ငံ (ဆိုဗီယက်ယူနီယံထဲ၌ ပါဝင်ခဲ့ဖူး) ၏ ယာဉ်မောင်းလိုင်စင်ရရှိထားကြောင်း မော်စကို ယာဉ်စည်းကမ်း ကြီးကြပ်ရေးအာဏာပိုင် အဖွဲ့က ထုတ်ပြန်ခဲ့သည်။ ထိန်းသိမ်းခံထားရသော အဆိုပါ တက္ကစီယာဉ်မောင်းက ၎င်းသည် လူအုပ်အတွင်းသို့ ရည်ရွယ်ချက်ရှိရှိ မောင်းဝင်ခဲ့ခြင်း မဟုတ်ကြောင်း ပြောကြားခဲ့သည်ဟု မော်စကိုရဲတပ်ဖွဲ့၏ ၀က်ဘ်ဆိုက် စာမျက်နှာတွင် ဖော်ပြထားသည်။

“တက္ကစီယာဉ်မောင်းက ယာဉ်ကို ထိန်းချုပ်လို့မရတော့လို့ ဒီလိုမတော်တဆဖြစ်ရပ် ဖြစ်ပွားခဲ့တာပါ” ဟု မော်စကိုမြို့တော်ဝန် ဆာဂေးဆိုဗျာနင်က Twitter ပေါ်တွင် ရေးသားခဲ့သည်။

အဆိုပါ မတော်တဆဖြစ်ရပ်ကြောင့် လူရှစ်ဦး ဒဏ်ရာရရှိခဲ့၍ ဆေးရုံသို့ပို့ဆောင်ပေးခဲ့ကြောင်း၊ ဒဏ်ရာရရှိသူခုနစ်ဦးမှာ အခြေအနေ ကောင်းမွန်နေပြီး ကျန်အမျိုးသမီးတစ်ဦးမှာမူ ဒဏ်ရာပြင်းထန်ကြောင်း မော်စကိုမြို့ ကျန်းမာရေးစောင့်ရှောက်မှုအဖွဲ့က ပြောကြားခဲ့သည်။ ထိခိုက်ဒဏ်ရာ ရရှိသူများထဲတွင် မက္ကဆီကိုနိုင်ငံသားနှစ်ဦး၊ ယူကရိန်းနိုင်ငံသားတစ်ဦး၊ ရုရှားနိုင်ငံသား နှစ်ဦး၊ အဇာဘိုင်ဂျန်နိုင်ငံသားနှစ်ဦး ပါဝင်ကြောင်း ရုရှား RIA သတင်းဌာနက ဖော်ပြခဲ့သည်။

လူမှုမီဒီယာပေါ်သို့ တင်ခဲ့သော မတော်တဆဖြစ်ရပ်ဗီဒီယို၌ အ၀ါရောင်ဟွန်ဒိုင်း တက္ကစီသည် အရှိန်ပြင်းပြင်းဖြင့် လူသွားစင်္ကြံပေါ်သို့ ရောက်လာပြီး စင်္ကြံပေါ်တွင် ၁၀ မီတာနီးပါး မောင်းနှင်ခဲ့ကာ လမ်းသွားလမ်းလာများကို ၀င်တိုက်ခဲ့သည်။ တိုက်မိသည့် လူတချို့မှာ မော်တော်ယာဉ်စက်ဖုံးပေါ်တွင် ပါသွားသည်ကို တွေ့မြင်ရသည်။ အဆိုပါကားသည် ယာဉ်တားတုံးများကို တိုက်မိရာမှ ရပ်တန့်သွားခြင်း ဖြစ်သည်။

ထို့နောက် အင်္ကျီအနက်၊ ဘောင်းဘီ အနက်ဝတ်ဆင်ထားသော ယာဉ်မောင်းသည် ကားတံခါးကိုဖွင့်၍ တဟုန်ထိုး ထွက်ပြေးခဲ့သည်ဟု မျက်မြင်သက်သေများက ပြောခဲ့သည်။ သို့သော် အနီးရှိလူများက ၎င်းအား လက်ရဖမ်းမိခဲ့သည်ကို အဆိုပါဗီဒီယို၌ တွေ့မြင်ရသည်။

တက္ကစီယာဉ်မောင်းက ၎င်းသည် ဘရိတ်အစား လီဗာကို မတော်တဆ မှားနင်းမိခြင်း ဖြစ်ကြောင်း၊ နာရီ ၂၀ အလုပ်လုပ်ခဲ့ပြီး မအိပ်ရသေးသဖြင့် အိမ်ပြန်အိပ်ရန် ကားမောင်းခဲ့ရာမှ မတော်တဆဖြစ်ရကြောင်း၊ တိုက်မိပြီးနောက် ၎င်းထွက်ပြေးရခြင်းမှာ လူများ၏ အသတ်ခံရမည်ကို ကြောက်ရွံ့၍ဖြစ်ကြောင်း ရဲတပ်ဖွဲ့က ထုတ်လွှင့်သည့် ဗီဒီယိုတွင် ပြောကြားခဲ့သည်။ အခင်းဖြစ်ပွားပြီးနောက် ရဲများသည် ထိုနေရာကို တစ်နာရီကျော်ကြာ ပိတ်ထားခဲ့ကြောင်း သိရသည်။

ရုရှားနိုင်ငံတွင် ဇွန် ၁၄ ရက်မှ ဇူလိုင် ၁၅ ရက်အထိ ကြာမြင့်မည့် ကမ္ဘာ့ဖလားဘောလုံးပွဲအတွက် လုံခြုံရေးမှာ အဓိကစိုးရိမ်စရာ ဖြစ်နေသည်။ ယင်းအတွက် ရုရှားနိုင်ငံသို့ နိုင်ငံခြားခရီးသွား ၆၀၀,၀၀၀ ထက်မနည်း လာရောက်လိမ့်မည်ဟု ခန့်မှန်းထားသည်။

Ref: Reuters

ကိုလံဘီယာ သမ္မတရွေးကောက်ပွဲ ဒုတိယအကျော့ ကျင်းပ

ဇွန် ၁၆ ရက်က သမ္မတကိုယ်စားလှယ်လောင်း ပီထရို၏ပုံ ရိုက်နှိပ်ထားသော အလံတစ်ခုကို သယ်လာသည့် ထောက်ခံသူတစ်ဦး (Photo: AFP)

ဇွန် ၁၇ ရက်က ကိုလံဘီယာသမ္မတ ရွေးကောက်ပွဲ ဒုတိယအကျော့တွင် နိုင်ငံသားများသည် ၎င်းတို့၏ သမ္မတသစ်ကို ရွေးချယ်ကြမည်ဖြစ်သည်။ ယင်းသည် FARC သူပုန်များနှင့် ငြိမ်းချမ်းရေး သဘောတူညီချက် ရရှိပြီးနောက်ပိုင်း ပထမဆုံးကျင်းပသည့် ရွေးကောက်ပွဲလည်း ဖြစ်သည်။

FARC ငြိမ်းချမ်းရေး သဘောတူညီချက်ကို ပြန်ပြင်မည်ဟုဆိုနေသော ရှေးရိုးစွဲသမ္မတ ကိုယ်စားလှယ်လောင်း အီဗန်ဒု၊ ၎င်းနှင့် လုံးလုံးကွဲလွဲသော လက်ဝဲ၀ါဒီမြို့တော်ဝန်ဟောင်းနှင့် သူပုန်ဟောင်းဖြစ်ခဲ့သော ကူတာဗိုပီထရိုတို့ နှစ်ဦးအနက် တစ်ဦးကို မဲဆန္ဒရှင်များက ရွေးချယ်ရမည်ဖြစ်သည်။ ပီထရိုမှာမူ ထိုငြိမ်းချမ်းရေး သဘောတူညီချက်ကို ထောက်ခံသူ ဖြစ်သည်။

“ကျွန်တော်တို့နိုင်ငံမှာ FARC သူပုန်တွေ မရှိတော့ပါဘူး။ သူတို့က ငြိမ်းချမ်းရေး တည်ဆောက်နေပါပြီ” ဟု သြဂုတ်လတွင် သမ္မတရာထူးမှ ဆင်းတော့မည့် သမ္မတဟွမ်မန်နျူယယ်ဆန်းတို့စ်က ရွေးကောက်ပွဲမတိုင်မီ ပြောကြားခဲ့သည်။ ဆန်းတို့စ်သည် FARC သူပုန်တို့နှင့် စစ်ပွဲကို အဆုံးသတ်စေခဲ့သော ၎င်း၏ကြိုးပမ်းမှုကြောင့် ငြိမ်းချမ်းရေးနိုဘယ်ဆုပင် ရရှိခဲ့သည်။ သို့သော်လည်း ဆန်းတို့စ်သည် လူဦးရေ ၄၉ သန်းနေထိုင်သော ကိုလံဘီယာနိုင်ငံ၌ စံချိန်တင် လူကြိုက်နည်းသည့် အခြေအနေနှင့် ရာထူးမှ ဆင်းရတော့မည်ဖြစ်သည်။

ပထမအကျော့ ရွေးကောက်ပွဲတွင် လွယ်လင့်တကူ အသာရခဲ့သည့် အသက် ၄၁ နှစ်အရွယ် အီဗန်ဒုသည် ပြင်းထန်သည့်ပြစ်မှုများကို ကျူးလွန်ခဲ့သော FARC ခေါင်းဆောင်များကို ပြစ်ဒဏ်ပေးရန် သဘောတူညီချက်ကို ပြန်ပြင်လိုနေသည်။ ဒု၏ ဆရာမှာ သမ္မတဟောင်း အယ်ဗာရိုအူရီဘီ ဖြစ်သည်။ ၂၀၀၂-၂၀၁၀ ပြည့်နှစ်အထိ သမ္မတသက်တမ်းနှစ်ခု ထမ်းဆောင်ခဲ့သော အူရဘီလက်ထက်အတွင်းက စစ်တပ်နှင့် FARC သူပုန်တို့ကြားတွင် မီးကုန်ယမ်းကုန်တိုက်ပွဲများ ဖြစ်ပွားခဲ့သည်။

အူရဘီ၏ ဒီမိုကရက်တစ်စင်တာ ပါတီမှဖြစ်သော အီဗန်ဒုသည် ဇွန် ၁၇ ရက် ရွေးကောက်ပွဲတွင် မဲခြောက်ရာခိုင်နှုန်းမှ ၁၅ ရာခိုင်နှုန်းအသာဖြင့် ပီထရိုကို အနိုင်ပိုင်းနိုင်လိမ့်မည်ဟု နောက်ဆုံးကောက်ယူခဲ့သော လူထုသဘောထားစစ်တမ်းများအရ ခန့်မှန်းရသည်။ ဒုသာ ရွေးကောက်ပွဲတွင် နိုင်သွားပါက ၁၈၇၂ ခုနှစ်နောက်ပိုင်း အသက်အငယ်ဆုံး ကိုလံဘီယာသမ္မတ ဖြစ်လာလိမ့်မည်။

အသက် ၅၈ နှစ်အရွယ် သူပုန်ဟောင်း ပီထရိုသည် သမ္မတရွေးကောက်ပွဲဒုတိယ အကျော့အထိ တက်လာနိုင်ခြင်းက နိုင်ငံတွင် လက်ဝဲများနှင့်ပတ်သက်၍ သံသယများ လျော့ပါးလာပြီဟူသည့် လက္ခဏာတစ်ရပ်ဖြစ်သည်။ ငယ်ရွယ်စဉ်က M-19 သူပုန်အဖွဲ့ဝင်ဖြစ်ခဲ့သော ပီထရိုက ၎င်းသည်ထိုစဉ်က တိုက်ခိုက်ရေးသမားတစ်ဦးမဟုတ်ဘဲ စီစဉ်သူတစ်ဦးသာဖြစ်သည်ဟု ဆိုသည်။

နိုင်ငံတွင်းမှ မမျှတမှုများကို မီးမောင်းထိုးပြီး မဲဆွယ်ခဲ့သည့် ပီထရိုသည် ၎င်းအနိုင်ရပါက စိုက်ပျိုးရေးကုမ္ပဏီကြီးများထံမှ မြေများကို ၀ယ်ယူပြီး ဆင်းရဲသော လယ်သမားများကို ဝေပေးမည်ဟု ကတိပြုထားသည်။

ပထမအကျော့အတွင်းက ပီထရိုနှင့် မဲရာခိုင်နှုန်း ကွာခြားမှု နည်းပါးသော ဗဟိုဝါဒီ မြို့တော်ဝန်ဟောင်း ဆာဂျီယိုဖာဂျာဒိုအား ထောက်ခံသူများသည် ဒုတိယအကျော့တွင် ပီထရိုကို ထောက်ခံလိမ့်မည်ဟု လေ့လာသူများက သုံးသပ်နေကြသည်။

ကိုလံဘီယာသည် ကမ္ဘာ့ထိပ်တန်း ကိုကင်းထုတ်လုပ်သည့် နိုင်ငံဖြစ်သည်။ အင်အား အကြီးဆုံးသူပုန်အဖွဲ့ဖြစ်သည့် FARC တို့နှင့် စစ်ပွဲအဆုံးသတ်သွားခဲ့သော်လည်း FARC တို့ တစ်ချိန်က ကြီးစိုးခဲ့သည့် အကျိုးအမြတ်များသော မူးယစ်ဆေး မှောင်ခိုလမ်းကြောင်းများရှိသည့် နေရာများကို ကြီးစိုးရန် အခြားလက်နက်ကိုင်များက ယှဉ်ပြိုင်လျက်ရှိနေဆဲ ဖြစ်သည်။

Ref: AFP