International

ဂျပန်နှင့် ကနေဒါ သိပ္ပံပညာရှင်နှစ်ဦး ရူပဗေဒ နိုဘယ်ဆုကို ပူးတွဲရရှိ

အခြေခံကျပြီး နားလည်ရန် ခက်ခဲသော နျူထရီနို အမှုန်များ၌ ဒြပ်ထုရှိကြောင်း ဖော်ထုတ်ပေးခဲ့မှုအတွက် ဂျပန်သိပ္ပံပညာရှင် တာကာအာကီကာဂျီတာနှင့် ကနေဒါ သိပ္ပံပညာရှင် အာသာမက်ဒေါနယ်တို့ကို ရူပဗေဒ နိုဘယ်ဆု ပူးတွဲပေးအပ်ကြောင်း ဆွီဒင်သိပ္ပံ အကယ်ဒမီက အောက်တိုဘာ ၆ ရက်တွင် ကြေညာခဲ့သည်။

အာဖရိက အောက်ပိုင်းဒေသရှိ လူပေါင်းသန်း ၆၀ အငတ်ဘေး ကြုံရနိုင်ဟု ကြက်ခြေနီအဖွဲ့ ပြောကြား

ဆာဟာရ အာဖရိက အောက်ပိုင်းဒေသ တစ်ဝန်းတွင် နေထိုင်သော အစာရေစာ ရှားပါးမှုနှင့် ရင်ဆိုင်နေရသည့် လူသန်း ၆၀ ခန့်သည် မိုးခေါင်မှုများ ပိုမိုဖြစ်လာမည့် အခြေအနေများကြောင့် ၎င်းတို့၏ အခြေအနေများမှာ ပိုမို ဆိုးရွား သွားနိုင်ဖွယ်ရှိသည်ဟု ကြက်ခြေနီအဖွဲ့က အောက်တိုဘာ ၅ ရက်တွင် ပြောကြားခဲ့သည်။

အာဖဂန်နိုင်ငံ ကန်ဒုဇ်မြို့ရှိ ဆေးရုံကို လေကြောင်းမှ တိုက်ခိုက်ရန် အာဖဂန်တပ်များက တောင်းဆိုခဲ့ဟု အမေရိကန် ပြောကြား

အာဖဂန်နိုင်ငံ ကန်ဒုဇ်မြို့ရှိ ဆေးရုံတစ်ရုံကို လေကြောင်း တိုက်ခိုက်မှု တစ်ခုအတွင်း လူ ၂၂ ဦး သေဆုံးခဲ့ရာ ယင်းတိုက်ခိုက်မှု သည် စစ်ရာဇ၀တ်မှု ကျူးလွန်မှု ဖြစ်သည်ဟု နယ်စည်းမခြား ဆရာဝန်များအဖွဲ့ (MSF)က ရှုတ်ချခဲ့ပြီးနောက် အာဖဂန်ရှိ အမေရိကန် တပ်မှူးတစ်ဦးက ယင်းလေကြောင်း တိုက်ခိုက်မှု ပြုလုပ်ပေးရန် အာဖဂန်တပ်များက တောင်းဆိုခဲ့ခြင်း ဖြစ်သည်ဟု အောက်တိုဘာ ၅ ရက်တွင် ပြောကြားခဲ့သည်။

ထိုင်းမိသားစုကို အသရေဖျက်မှုဖြင့် တရားစွဲဆိုမှုများကို မှတ်တမ်းတင်ခဲ့သည့်အတွက် အေအက်ဖ်ပီက ထိုင်းဂျာနယ်လစ်အား ဆုချီးမြှင့်

အောက်တိုဘာ ၆ ရက်တွင် ထိုင်း ဂျာနယ်လစ် မူတီတာချွာချွန်းသည် အေအက်ဖ်ပီ သတင်းဌာန၏ ၂၀၁၅ ခုနှစ် ကိတ်ဝက်ဘ်ဆုကို ရရှိသွားကြောင်း သိရသည်။ အဆိုပါ အမျိုးသမီး သတင်းထောက်သည် ထိုင်း စစ်အစိုးရ လက်ထက်တွင် အလွန် များပြားလာသော ထိုင်း ဘုရင့်မိသားစုကို အသရေဖျက်မှုဖြင့်  တရားစွဲဆိုမှုများအား တစ်လျှောက်လုံး ထိရောက်စွာ သတင်းရေးသား ဖော်ပြမှုများကြောင့် ယခုဆုကို ချီးမြှင့်ခံရခြင်း ဖြစ်သည်။

နေတိုးက ဆီးရီးယား၌ လေကြောင်း တိုက်ခိုက်မှု ပြုလုပ်သည့် ရုရှားကို ဝေဟင်ပိုင်နက် ချိုးဖောက်မှုအတွက် သတိပေး

အောက်တိုဘာ ၆ ရက်တွင် နေတိုး စစ်အုပ်စုက ရုရှားအား ဆီးရီးယား၌ ပြုလုပ်နေသည့် လေကြောင်း တိုက်ခိုက်မှုများကို ရပ်စဲရန် တောင်းဆိုလိုက်ပြီး လေကြောင်း တိုက်ခိုက်မှု ပြုလုပ်စဉ်အတွင်း တူရကီနိုင်ငံ၏ ဝေဟင် ပိုင်နက်ကို ကျူးကျော်ခဲ့မှုအား သတိပေးလိုက်သည်။ ရုရှား၏ စစ်ရေးအရ ၀င်ရောက် စွက်ဖက်မှု စတင်ခဲ့ပြီးနောက် တင်းမာမှုများ မြင့်မားလာမည့် အန္တရာယ် ရှိနေစဉ်အတွင်း  နေတိုးက ယခုကဲ့သို့ သတိပေးမှု ပြုလုပ်ခဲ့ခြင်းဖြစ်သည်။