International

ဘရပ်ဆဲဘူတာရုံတွင် အကြမ်းဖက်ဗုံးခွဲသူဟု ယူဆရသူအား စစ်သားများက ပစ်သတ်

ဘယ်လ်ဂျီယံနိုင်ငံမြို့တော် ဘရပ်ဆဲ မြို့လယ်ရှိ ဘူတာရုံတစ်ရုံတွင် ဇွန် ၂၀ ရက်က ပေါက်ကွဲမှုတစ်ခု ဖြစ်ပွားခဲ့ပြီးနောက် စစ်သားများက အကြမ်းဖက်ဗုံးခွဲသမားဟု သံသယရှိသူတစ်ဦးအား ပစ်သတ်ခဲ့ကြောင်း သိရသည်။ ဥရောပတစ်ဝန်း နောက်ဆုံးဖြစ်ပွားခဲ့သော ယင်းတိုက်ခိုက်မှုတွင် ယင်းသံသယရှိသူက ဖောက်ခွဲမှုမပြုလုပ်မီ “ဘုရားသခင်က ကြီးမြတ်သည်” ဟု အော်ဟစ်ခဲ့ကြောင်း မျက်မြင်သက်သေများက ပြောကြားခဲ့သည်။

မြောက်ကိုရီးယား၏ မောင်းသူမဲ့လေယာဉ်ဖြင့် ထောက်လှမ်းမှုသည် ဆိုးရွားသော ရန်စလှုံ့ဆော်မှုဖြစ်ကြောင်း တောင်ကိုရီးယား ပြောကြား

မြောက်ကိုရီးယား၏ မောင်းသူမဲ့လေယာဉ်တစ်စင်းကို ဇွန်လအစောပိုင်းက နယ်စပ်အနီး၌ တွေ့ရှိခဲ့ပြီးနောက် ယင်းကဲ့သို့ ထောက်လှမ်းမှုသည် ဆိုးရွားသော ရန်စလှုံ့ဆော်မှုဟု တောင်ကိုရီးယား အစိုးရက ဇွန် ၂၁ ရက်တွင် ပြောကြားခဲ့ပြီး ကုလသမဂ္ဂအနေဖြင့် စုံစမ်းစစ်ဆေးမှု ဆောင်ရွက်ပေးရန် တောင်းဆိုခဲ့သည်။

လုံခြုံရေး အလွန်တင်းကျပ်ထားသော နယ်စပ်တစ်လျှောက်တွင် အရေးကြီးသော စစ်ဘက်ဆိုင်ရာ နေရာများအနီး၌ ပျက်ကျ ခဲ့သော ယင်းမောင်းသူမဲ့ လေယာဉ်သည် အမေရိကန်၏ ဒုံးခွင်းဒုံးစနစ်ကို ဓာတ်ပုံရိုက်ကူးခဲ့ကြောင်း တောင်ကိုရီးယား စစ်ဦးစီးအဖွဲ့ ဒုတိယညွှန်ကြားရေးမှူးက ပြောကြားခဲ့သည်။

အင်ဒိုနီးရှား၊ မလေးရှားနှင့် ဖိလစ်ပိုင်တို့က ဒေသတွင်း၌ ရေကြောင်း ပူးတွဲကင်းလှည့်မှုများ စတင်

အစွန်းရောက်အဖွဲ့များ၏ ခြိမ်းခြောက်မှုများ မြင့်တက်လာစဉ် အင်ဒိုနီးရှား၊ မလေးရှားနှင့် ဖိလစ်ပိုင်တို့က ဒေသတွင်း၌ ရေကြောင်း ပူးတွဲကင်းလှည့်မှုများအား ဇွန် ၁၉ ရက်၌ စတင်ခဲ့ကြောင်း သိရသည်။

ဖိလစ်ပိုင်တောင်ပိုင်း မင်ဒါနာအိုကျွန်းစုရှိ မာရာဝီမြို့၏ အစိတ်အပိုင်းများအား သိမ်းယူထားဆဲဖြစ်သော IS အဖွဲ့ သစ္စာခံသည့် အစ္စလာမ္မစ်သေနတ်သမားများနှင့် ဖိလစ်ပိုင် တပ်ဖွဲ့ဝင်များအကြား တိုက်ပွဲ ဆက်လက် ဖြစ်ပွားနေချိန်တွင် ယင်းကဲ့သို့ သုံးနိုင်ငံ ပူးပေါင်း၍ ရေကြောင်းကင်းလှည့်မှုများကို စတင်ခဲ့ခြင်းဖြစ်သည်။

မိုဆူးမြို့ဟောင်းထဲသို့ အီရတ်တပ်များ ထိုးဖောက်ဝင်ရောက်လာပြီး IS များကို လက်နက်ချရန် သတိပေး

ဇွန် ၁၉ ရက်တွင် အီရတ်တပ်များသည် မိုဆူးမြို့ဟောင်းထဲသို့ ပိုမိုနက်ရှိုင်းစွာ ထိုးဖောက် ၀င်ရောက်လာကြောင်း သိရသည်။  အီရတ်တပ်များသည် IS အဖွဲ့အား နောက်ဆုံးထိုးစစ်အဖြစ် စစ်ဆင်ရာတွင် အရပ်သားများကို မြို့ထဲ၌သာ ဆက်လက်နေထိုင်ရန် သတိပေးပြီး ဂျီဟတ်များအား လက်နက်ချသည့် လမ်းနှင့် သေသည့်လမ်း ကြိုက်ရာရွေးဟု ပြောကြားခဲ့သည်။

အီရတ်တပ်များသည် ဇွန် ၁၈ ရက်တွင်  မြို့ဟောင်းကို ပြန်လည်သိမ်းယူရန် စစ်ဆင်ရေး စတင်ခဲ့ပြီး ယင်းသည် တစ်လကြာ ထိုးစစ်ဆင်ပြီးနောက် IS များက ထိန်းချုပ်ခဲ့သည့် အီရတ်ဒုတိယမြို့တော် မိုဆူး၏  နောက်ဆုံးကျန်ရစ်သော အစိတ်အပိုင်းဖြစ်သည်။

မြောက်ကိုရီးယားမှ ပြန်လွတ်လာသော အမေရိကန်ကျောင်းသား ကွယ်လွန်

မြောက်ကိုရီးယားတွင် ၁၈ လကြာ ထောင်ကျခံခဲ့ရပြီးနောက် ပြီးခဲ့သည့် သီတင်းပတ်က ကိုမာဖြစ်နေသော အခြေအနေဖြင့် ပြန်လွတ်ကာ နေရပ်သို့ရောက်လာသည့် အမေရိကန် ကျောင်းသား အော်တိုဝမ်းဘီယာသည် ဇွန် ၁၉ ရက်က ကွယ်လွန်သွားခဲ့ပြီ ဖြစ်သည်။ ၀မ်းဘီယာ ကွယ်လွန်မှုနှင့် ပတ်သက်၍ အမေရိကန်သမ္မတ ဒေါ်နယ်ထရန့်က မြောက်ကိုရီးယားကို ရက်စက်ကြမ်းကြုတ်သော အစိုးရဟု ဝေဖန်ရှုတ်ချခဲ့သည်။