ဖိလစ်ပိုင်ရဲတပ်ဖွဲ့၏ မူးယစ်ဆေးဝါးနှိမ်နင်းရေး စီးနင်းမှုအတွင်း လူ ၃၂ ဦး သေဆုံး

၂၀၁၆ ခုနှစ် နိုဝင်ဘာ ၁၀ ရက်က မြို့တော်မနီလာ၌ မူးယစ်ဆေးနှိမ်နင်းရေး စစ်ဆင်ရေးတစ်ခုအပြီးတွင် တွေ့ရသော ဖိလစ်ပိုင်ရဲတပ်ဖွဲ့ဝင်များ

အငြင်းပွားဖွယ် ဖိလစ်ပိုင်မူးယစ်ဆေးဝါး နှိမ်နင်းရေးစစ်ပွဲသည် နောက်ကြောင်းပြန်လှည့်မှုများ ရှိခဲ့ကြောင်း ဖိလစ်ပိုင်သမ္မတ ရိုဒရီဂိုဒူတာတေးက ၀န်ခံခဲ့ပြီးနောက် မူးယစ်ဆေးဝါး မှောင်ခိုကူးသူများအား ကြောက်လန့်စေရန် ရည်ရွယ်သော ထိတ်လန့်စရာကောင်းသည့် စီးနင်းမှုများအတွင်း ရဲတပ်ဖွဲ့က လူ ၃၂  ဦးအား သတ်ဖြတ်ခဲ့ကြောင်း အာဏာပိုင်များက သြဂုတ် ၁၆ ရက်တွင် ပြောကြားခဲ့သည်။

ယင်းမူးယစ်ဆေးဝါး နှိမ်နင်းရေးစစ်ပွဲ၏ လူသေဆုံးမှုအများဆုံး စစ်ဆင်ရေးတစ်ခုအဖြစ် မြို့တော်မနီလာနှင့် ကပ်လျက်ရှိ ဘူလကန်ပြည်နယ်တစ်ဝန်းရှိ မူးယစ်ဆေးဝါး မှောင်ခိုကူးသူများဟု သံသယရှိသူများအား သြဂုတ်  ၁၄ ရက်တွင် စီးနင်းမှုများစွာ ပြုလုပ်ခဲ့မှုအတွင်း ရဲတပ်ဖွဲ့က လူ ၃၂ ဦးကို သတ်ပစ်ခဲ့ကြောင်း သိရသည်။ ယင်းမူးယစ်ဆေးဝါး လုပ်ကိုင်နေသူများအား ထိတ်လန့်သွားစေလိုကြောင်း၊ ယင်းစီးနင်းမှုများအတွင်း နောက်ထပ် သံသယရှိသူ ၁၀၉ ဦးကိုလည်း ဖမ်းဆီးခဲ့ကြောင်း ဘူလကန်ရဲမှူး ရိုမီယိုကာရာမတ်က ပြောကြားခဲ့သည်။

အခြားမူးယစ်ဆေးဝါး လုပ်ကိုင်သူများသည်လည်း မူးယစ်ဆေးကုန်သွယ်မှု ဆက်လက်မပြုလုပ်မီနှစ်ကြိမ် စဉ်းစားလိမ့်မည်ဖြစ်ကြောင်း ၎င်းက ပြောကြားခဲ့သည်။

ကာရာမတ်က ရဲများသည် ကိုယ့်ကိုယ်ကိုယ် ခုခံသည့်အနေဖြင့်သာ သံသယရှိသူများအား ပစ်သတ်ခဲ့ခြင်းဖြစ်ကြောင်း၊ စီးနင်းမှုများအတွင်း ပစ္စတိုများနှင့် လက်ပစ်ဗုံးများအား သိမ်းဆည်းမိခဲ့ကြောင်း ကာရာမတ်က ပြောကြားခဲ့သည်။ ယင်းစီးနင်းမှုအတွင်း ရဲတစ်ဦးမျှ သေဆုံး၊ ဒဏ်ရာမရခဲ့ကြောင်းလည်း ၎င်းက ပြောကြားခဲ့သည်။

ယင်းစီးနင်းမှုပြုလုပ်သူများသည် ကိုယ့်ကိုယ်ကိုယ် ကာကွယ်ရန်အတွက် လူ ၃၂ ဦးကို ပစ်သတ်ခဲ့ချိန်တွင် ရဲတစ်ဦးမျှ ဒဏ်ရာမရခဲ့ဟုဆိုခြင်းမှာ ဖြစ်နိုင်ခြေရှိသလားဟု မေးမြန်းမှုကို ကာရာမတ်က “ဒီကိစ္စကို ရှင်းပြဖို့ ကျွန်တော်ကို မေးခွန်းမထုတ်ပါနဲ့” ဟု ပြောကြားခဲ့သည်။

ဖိလစ်ပိုင်အား မူးယစ်ဆေးဝါး နိုင်ငံတစ်နိုင်ငံအဖြစ် ဆင်းသက်သွားမည့်အရေးမှ ကာကွယ်နိုင်ရန် သောင်းနှင့်ချီသော မူးယစ်ဆေးဝါး မှောင်ခိုကူးသူများနှင့် ဆေးစွဲနေသူများအား သုတ်သင်မည်ဟု ကတိပြုမှုဖြင့် ဒူတာတေးသည်ပြီးခဲ့သောနှစ် သမ္မတရွေးကောက်ပွဲတွင် အလွယ်တကူအနိုင်ရခဲ့သည်။ ၎င်း၏ မူးယစ်ဆေးဝါးနှိမ်နင်းရေးစစ်ပွဲသည် သုံးလမှ ခြောက်လအတွင်း အနိုင်ရနိုင်မည်ဟု ဒူတာတေးက မဲဆွယ်မှုအတွင်း ကတိပြုခဲ့သည်။ မူးယစ်ဆေးဝါးမှောင်ခိုကူးသူများနှင့် မူးယစ်ဆေးစွဲနေသူများအား သတ်ဖြတ်ရုံဖြင့် မူးယစ်ဆေးဝါးပြဿနာကို အလျင်အမြန် ဖြေရှင်းနိုင်ခြေမရှိကြောင်း ဝေဖန်ထောက်ပြသူများကိုလည်း ဒူတာတေးက ပြင်းပြင်းထန်ထန် တိုက်ခိုက်ခဲ့သည်။

ယင်းမူးယစ်ဆေးဝါး ပြဿနာအား လူတစ်ဦးတည်းက၊ သမ္မတတစ်ဦးက သက်တမ်းတစ်ခုတည်းဖြင့် ဖြေရှင်းနိုင်မည်မဟုတ်ကြောင်း၊ ယင်းပြဿနာက နိုင်ငံများကို နွံနစ်စေကြောင်း ဒူတာတေးက သြဂုတ် ၁၁ ရက် တွင် နိုင်ငံတောင်ပိုင်းရှိ ဒါဗာအိုမြို့၌ ပြောကြားခဲ့သည်။ သို့သော် ၎င်း၏ နည်းဗျူဟာများကို ပြောင်းလဲသွားမည်မဟုတ်ကြောင်း၊ ယင်းမူးယစ်ဆေးဝါးနှိမ်နင်းရေး စစ်ပွဲအတွင်း လူသတ်မှုအတွက် အပြစ်ရှိကြောင်း စစ်ဆေးတွေ့ရှိရသည့် ရဲများအား လွတ်ငြိမ်းချမ်းသာခွင့်ပေးမည်ဖြစ်ကြောင်း ဒူတာတေးက ထပ်မံကတိပြုခဲ့သည်။

လျှပ်စစ်ဓာတ်အားပြတ်တောက်မှုကြောင့် လူထု ကန့်ကွက်မှုခံရသည့် ထိုင်ဝမ်ဝန်ကြီး နုတ်ထွက်

အိမ်ထောင်စုပေါင်း ၆ ဒသမ ၆၈ သန်းအား သက်ရောက်စေခဲ့သည့် ထိုင်ဝမ်ကျွန်းတစ်လွှား ကြီးမားသော လျှပ်စစ်ဓာတ်အား ပြတ်တောက်မှုကြောင့် လူထုကန့်ကွက်မှုခံရပြီးနောက်တွင် ထိုင်ဝမ်စီးပွားရေးဝန်ကြီးသည် သြဂုတ် ၁၅ ရက်တွင် ရာထူးမှ နုတ် ထွက်ခဲ့သည်။

စက်လည်ပတ်မှုဆိုင်ရာ အမှားဖြစ်ပေါ်ပြီးနောက် မြောက်ပိုင်းတိုင်ရွမ်နယ်မှ ထိုင်ဝမ်၏ အကြီးမားဆုံး ဓာတ်ငွေ့သုံးစွမ်းအင် ထုတ်လုပ်ရေးစက်ရုံမှ ဂျင်နရေတာ ခြောက်လုံး အလုပ်လုပ်မှုရပ်တန့်သွား၍ ဒေသန္တရအုပ်ချုပ်ရေးဆိုင်ရာ စီရင်စုနယ် ၁၇ နယ်တွင် လျှပ်စစ်ပြတ်တောက်မှုဖြစ်ခဲ့ကြောင်း အစိုးရက ပြောကြားခဲ့သည်။

ထိုင်ဝမ်ကျွန်း၏ လမ်းအများအပြားတွင် ယာဉ်ကြောထိန်း အချက်ပြမီးများပျက်ပြီး လူအများအပြားမှာ စက်လှေခါးများတွင် ပိတ်မိ၍ ထိခိုက်မှုများဖြစ်ခဲ့ပြီး အမျိုးသား ရဲတပ်ဖွဲ့က အကူအညီများ ပေးခဲ့ရသည်။

ထိုင်ဝမ်ဓာတ်အားပေး လုပ်ငန်းကို ကြီးကြပ်ရသည့် စီးပွားရေးဝန်ကြီးဌာန ၀န်ကြီး လီချီကွမ်က ၎င်း၏နုတ်ထွက်လွှာကို သြဂုတ် ၁၅ ရက် ညတွင်တင်ခဲ့ပြီး ၀န်ကြီးချုပ် လီချွမ်က လက်ခံခဲ့သည်။

ဓာတ်အားချွေတာရန်အလို့ငှာ ဌာနဆိုင်ရာများ၌ လေအေးပေးစက်များကိုပိတ်ထားရန် အမိန့်ထုတ်၍ ထိုင်ဝမ်အစိုးရဝေဖန်ခံရပြီး သီတင်းပတ်အနည်းငယ်အကြာတွင် ယခုဖြစ်ရပ် ဖြစ်ပေါ်ခဲ့ခြင်းဖြစ်သည်။ ဇူလိုင် နှောင်းပိုင်း တိုင်ဖွန်းမုန်တိုင်းဒဏ်ကြောင့် ဓာတ်အားပို့လွှတ်သည့် စခန်းတစ်ခုပျက်စီးခဲ့ရာမှ ဓာတ်အားပြတ်တောက်မှု စတင်ဖြစ်ပေါ်ခဲ့သည်။ ပင်စင်ဖြတ်တောက်မှုနှင့် တရားရေးဆိုင်ရာ ပြုပြင်ပြောင်းလဲမှုစသည့် အငြင်းပွားဖွယ် မူဝါဒများကြောင့် ထိုင်ဝမ်အစိုးရအပေါ် လူကြိုက်များမှု လျော့ကျလာခဲ့သည်။

Ref: AFP

ဘီလ်ဂိတ်က ၂၀၀၀ ပြည့်နှစ်နောက်ပိုင်း ၎င်း၏ အကြီးဆုံးလှူဒါန်းမှုကြီးအဖြစ် ဒေါ်လာ ၄ ဒသမ ၆ ဘီလျံ လှူဒါန်း

၂၀၀၁ ခုနှစ် အောက်တိုဘာ ၂၅ ရက်က နယူးယောက်ရှိ တိုင်းမ်စကွဲတွင် Windows XP စတင်ဖြန့်ချိသည့် အခမ်းအနား၌တွေ့ရသော ဘီလ်ဂိတ်

ဘီလ်ဂိတ်သည် ၂၀၀၀ ပြည့်နှစ်နောက် ပိုင်းမှစပြီး ၎င်း၏ အကြီးမားဆုံးလှူဒါန်းမှုကြီးအဖြစ် ဒေါ်လာ ၄ ဒသမ ၆ ဘီလျံကို ပရဟိတလုပ်ငန်းသို့ လှူဒါန်းခဲ့သည်ဟု သိရသည်။

ဘီလ်ဂိတ်သည် မိုက်ခရိုဆော့ ကုမ္ပဏီမှ ရှယ်ယာ ၆၄ သန်းကို လှူဒါန်းခဲ့သော်လည်း ကမ္ဘာ့အချမ်းသာဆုံး ပုဂ္ဂိုလ်ဖြစ်နေဆဲ ဖြစ်သည်။ ထိုရှယ်ယာများသည် ဘီလ်ဂိတ်၏ စုစုပေါင်း ခန့်မှန်းပိုင်ဆိုင်မှု ဒေါ်လာ ၈၉ ဒသ မ ၉ ဘီလျံ၏ ငါးရာခိုင်နှုန်းနှင့် ညီမျှသည်။

၁၉၉၄ ခုနှစ်မှစပြီး အသက် ၆၁ နှစ်အရွယ် ဘီလ်ဂိတ်နှင့် ဇနီးဖြစ်သူမီလင်ဒါဂိတ်တို့သည် အမျိုးမျိုးသော ပရဟိတအကြောင်းရင်းတို့ဖြင့် ဒေါ်လာ ၃၅ ဘီလျံတန်ဖိုးရှိသော ငွေသားနှင့် ပစ္စည်းများကို လှူဒါန်းခဲ့ပြီးဖြစ်သည်။

ဒေါ်လာ ၄ ဒသမ ၆ ဘီလျံရှိသော ထိုလှူဒါန်းမှုကြီးကို ဇွန်လက လုပ်ဆောင်ခဲ့ခြင်း ဖြစ်သည်။ သို့သော် အမေရိကန်စတော့ လုပ်ငန်းနှင့် ငွေကြေးလဲလှယ်မှုကော်မရှင်မှ ထုတ်ပြန်ခဲ့သည့် အချက်အလက်များကြောင့် ယင်းလှူဒါန်းမှုကြီးအကြောင်းသည် သြဂုတ် ၁၄ ရက်ကမှ အများပြည်သူများ သိရှိရခြင်း ဖြစ်သည်။

မိုက်ခရိုဆော့လုပ်ငန်းထဲမှ ဘီလ်ဂိတ်၏ ရှယ်ယာများသည် လက်ရှိတွင် ၁ ဒသမ ၃ ရာခိုင်နှုန်းသာရှိတော့ကြောင်း သိရသည်။ ဘီလ်ဂိတ်သည် ၁၉၉၉ ခုနှစ်ကတစ်ကြိမ် ဒေါ်လာ ၁၆ ဘီလျံ၊ ၂၀၀၀ ပြည့်နှစ်ကတစ် ကြိမ်ဒေါ်လာ ၅ ဒသမ ၁ ဘီလျံကို လှူဒါန်းခဲ့သည်။

ဘီလ်ဂိတ်၏ ယခင်လှူဒါန်းမှုကြီးများ အားလုံးသည် ဘီလ်နှင့် မီလင်ဒါဂိတ် ဖောင်ဒေးရှင်းကို လှူဒါန်းခဲ့ခြင်းဖြစ်သည်။ ထိုဖောင်ဒေးရှင်၏ ရည်ရွယ်ချက်မှာ ကမ္ဘာပေါ်တွင် ဆင်းရဲမွဲတေမှုပပျောက်ရန်၊ ကူးစက်ရောဂါများကို တိုက်ဖျက်ရန်၊ တစ်ကမ္ဘာလုံး ကွန်ပျူတာများနှင့် ထိတွေ့မှု ရှိနိုင်စေရန် အဓိကရည်ရွယ်သည်။ သို့သော် နောက်ဆုံးလှူဒါန်းခဲ့သည့် ဒေါ်လာ ၄ ဒသမ ၆ဘီလျံကို မည်သည့်နေရာသို့ လှူဒါန်းခဲ့ကြောင်းကို မသိရသေးပေ။

ထိုလှူဒါန်းမှုကြီးသည် ယခုနှစ်အတွင်း ကမ္ဘာတစ်ဝန်းတွင် လုပ်ဆောင်ခဲ့သော မည်သည့် လှူဒါန်းမှုထက်မဆို ကြီးမားကြောင်း သိရသည်။ ယခုနှစ်၏ ဒုတိယအကြီးမားဆုံး လှူဒါန်းမှုကြီးကို ၀ါရင်ဘတ်ဖက်က လုပ်ဆောင်ခဲ့ခြင်း ဖြစ်သည်။ ၀ါရင်ဘတ်ဖက်သည် ဒေါ်လာ ၃ ဒသမ ၂ ဘီလျံနီးပါးကို ပြီးခဲ့သည့်လက ဘီလ်နှင့် မီလင်ဒါဂိတ်ဖောင်ဒေးရှင်းသို့ လှူဒါန်းခဲ့သည်။

တတိယအကြီးဆုံး လှူဒါန်းမှုကြီးကို Dell ကွန်ပျူတာကော်ပိုရေးရှင်းအား တည်ထောင်သူ မိုက်ကယ်ဒီးနှင့် ဇနီးဆူဆန်တို့က လှူဒါန်ခဲ့ခြင်းဖြစ်သည်။ ဒီးနှင့်ဆူဆန်တို့သည် ကလေးများအရေးနှင့် လူ့အဖွဲ့အစည်း လုပ်ငန်းများအတွက် အဓိကထားလုပ်ဆောင် ပေးသော ၎င်းတို့၏ ဖောင်ဒေးရှင်းသို့ မေလက ဒေါ်လာ တစ်ဘီလျံကျော် လှူဒါန်းခဲ့ခြင်း ဖြစ်သည်။

နောက်ဆုံးအသုတ် လက်နက်များအပ်နှံခဲ့ပြီးနောက် FARC နှင့် စစ်ပွဲနိဂုံးချုပ်ပြီဟု ကိုလံဘီယာ ကြေညာ

သြဂုတ် ၁၅ ရက်က ဂူအာဂျီဘာဒေသတွင် ကိုလံဘီယာဆိုင်ရာ ကုလသမဂ္ဂမစ်ရှင်ဥက္ကဋ္ဌ (ယာ-ဒုတိယမြောက်) နှင့် စကားပြောနေသော ကိုလံဘီယာသမ္မတ ဆန်းတို့စ် (၀ဲ)

အရည်ကျိုရန်အတွက် နောက်ဆုံးအသုတ် ဖျက်သိမ်းလက်နက်များအား အပ်နှံခဲ့ပြီးနောက် ကိုလံဘီယာတွင် အကြီးဆုံးပြောက် ကျားသူပုန်အဖွဲ့ဖြစ်သော ကိုလံဘီယာတော်လှန်ရေး လက်နက်ကိုင်တပ်ဖွဲ့ (FARC) နှင့် နှစ် ၅၀ ကြာ စစ်ပွဲသည် အဆုံးသတ်သွားပြီဖြစ်ကြောင်း သမ္မတဟွမ်မန်နျူရယ်ဆန်းတို့စ်က သြဂုတ် ၁၅ ရက်တွင် ကြေညာခဲ့သည်။ ဖျက်ဆီးမည့်လက်နက်များအား ဝေးလံခေါင်သီသော လက်နက်ဖျက်ဆီးရေးစခန်းတစ်ခုသို့ မပို့ဆောင်မီ ယင်းလက်နက်များ တင်ဆောင်ထားသောထရပ်ကားများ၏ သော့ခလောက်များကို ဆန်းတို့စ်ကိုယ်တိုင် ခတ်ပေးခဲ့သည်။

ကိုလံဘီယာသမ္မတနိုင်ငံသည် သက်တမ်း ၁၉၈ နှစ်ကြာမြင်ခဲ့ပြီဖြစ်ပြီး ယခုကဲ့သို့ ရှည်ကြာသော ပဋိပက္ခမျိုး ကြုံတွေ့ခဲ့ခြင်း မရှိဘဲ ယနေ့သည် ယင်းပဋိပက္ခ၏ နောက်ဆုံးထွက်သက်ဖြစ်ကြောင်း နိုင်ငံမြောက်ပိုင်း ဂူအာဂျီရာဒေသရှိ ဝေးလံခေါင်သီသော ပွန်ဒိုရက်စ်တွင် ကျင်းပသည့်အခမ်းအနား၌ ဆန်းတို့စ်က ပြောကြားခဲ့သည်။ လက်ဝဲ၀ါဒီ သူပုန်အဖွဲ့ FARC က ပြီးခဲ့သောနှစ်တွင် လက်မှတ်ရေးထိုးခဲ့သည့် သမိုင်းဝင် ငြိမ်းချမ်းရေးသဘောတူညီချက်၏ တစ်စိတ်တစ်ပိုင်းအရ အရပ်ဘက်ဘ၀သို့ကူးပြောင်းရန် အဓိကခြေလှမ်းအဖြစ် စက်တင်ဘာ ၁ ရက်တွင် နိုင်ငံရေးပါတီအသွင်တရားဝင် ကူးပြောင်းမည်ဖြစ်ကြောင်း ကြေညာခဲ့သည်။

ပါတီအမည်ကို  Alternative Revolutionary Force of Colombia အဖြစ် မှည့်ခေါ်မည်ဖြစ်ကြောင်း၊ အတိတ်ကာလနှင့် အဆက်မဖြတ်လိုကြောင်း၊ ယင်းအတွက် တော်လှန်ရေးအင်အားစုတစ်ရပ်အဖြစ် ဆက်ရှိနေမည်ဖြစ်ကြောင်း FARC ၏ ထိပ်တန်းခေါင်းဆောင်တစ်ဦးဖြစ်သူ အီဗန်မားကွက်ဇ်က ပြောကြားခဲ့သည်။

FARC အဖွဲ့သည် လယ်သမားအုံကြွမှု တစ်ခုမှတစ်ဆင့် ၁၉၆၄ ခုနှစ် မေတွင် စတင်ထွက်ပေါ်လာခဲ့ပြီး ယင်းအဖွဲ့၏ မာ့စ်-လီနင် အိုင်ဒီယိုလော်ဂျီကို ထောက်ခံသည့် အလွှာစုံမှ လူအများစု ပါဝင်ခဲ့ကြပြီး မြေယာပြုပြင်ပြောင်းလဲရေးသည် အဓိကတောင်းဆိုချက်တစ်ခု ဖြစ်သည်။ ရာစုနှစ်ထက်ဝက်ခန့် ကြာမြင့်ခဲ့သော ယင်းလက်နက်ကိုင်ပဋိပက္ခအတွင်း လူ ၂၅၀၀၀၀ ခန့် သေဆုံးခဲ့ပြီး ၆၀၀၀၀ ခန့် စာရင်းပျောက်နေကာ လူခုနစ်သန်းသည် နေရပ်စွန့်ခွာ ထွက်ပြေးခဲ့ရသည်။

နောက်ထပ်သူပုန်အဖွဲ့ငယ်ဖြစ်သော အမျိုးသားလစ်ဘရယ်တပ်မတော် (NLA) က လက်ရှိအချိန်တွင် အစိုးရနှင့်ငြိမ်းချမ်းရေး ဆွေးနွေးနေသည်။ FARC မှ သင်းကွဲ အဖွဲ့ဝင် ၄၅၀ ခန့်ကမူ အစိုးရနှင့်ငြိမ်းချမ်းရေးယူရန် ငြင်းဆိုခဲ့သည်။ လတ်တလောတွင် FARC သူပုန်ဟောင်းများသည် စခန်း ၂၆ ခန်းတွင် ဖြန့်ကြက်နေထိုင်နေကြသည်။ FARC ၏ ကာကွယ်ပေးမှုအောက်တွင်ရှိသော ကလေးစစ်သား ၂၄ ဦးအား အဖွဲ့က သြဂုတ် ၁၅ ရက်တွင် ထုတ်ပြန်ခဲ့ပြီး FARC သည် ကလေးစစ်သား ၈၈ ဦးကို အစိုးရထံ လွှဲပေးခဲ့ပြီးဖြစ်ကြောင်း အပြည်ပြည်ဆိုင်ရာကြက် ခြေနီအဖွဲ့က ထုတ်ပြန်ခဲ့သည်။

စစ်ပွဲနိဂုံးချုပ်မှုအတွက် ကိုလံဘီယာ ပြည်သူအများအပြားက စိတ်သက်သာရာရခဲ့သော်လည်း ရှေ့ခရီးလမ်းသည် စိန်ခေါ်မှုများစွာနှင့် ပြည့်နှက်နေသည်။ သူပုန်ဟောင်းများသည် အရပ်သားဘ၀တွင် အသားကျစေရန် မည်သို့နေထိုင်ရမည့်စိန်ခေါ်မှု၊ စစ်ပွဲကာလအတွင်း ကျူးလွန်ခဲ့သည့် ရက်စက်ကြမ်းကြုတ်မှုများအတွက် တရားမျှတမှု ဖော်ဆောင်ရေးကိစ္စတို့သည် ကြီးမားသော စိန်ခေါ်မှုများဖြစ်သည်။ ပြစ်မှုများအတွက် ၀န်ခံသည့် သူပုန်များနှင့်စစ်သားများအား ထောင်ဒဏ်အပြစ်မပေးရန်၊ ခံစားခဲ့ရသူများအတွက် လျော်ကြေးပေးရန်၊ အကြမ်းဖက်မှုအား စွန့်လွှတ်မည်ဟု ကတိပြုရန် ယင်းသဘောတူညီချက်တွင် တိုက်တွန်းခဲ့သည်။