ဘတ်ဂျက်အတွက် Instagram တွင် နာမည်ကြီးသူများကို ငှားရမ်းခဲ့သော စင်ကာပူအစိုးရ သရော်ခံနေရ

(Photo – Instagram)

မျိုးဆက်သစ်လူငယ်များ ဘတ်ဂျက်ကိစ္စတွင် စိတ်ဝင်စားလာကြစေရေးအတွက် လူမှုမီဒီယာတွင် လွှမ်းမိုးမှုရှိသူများကို ငှားရမ်းသည့် ကိစ္စနှင့်ပတ်သက်ပြီး စင်ကာပူအစိုးရမှာ ပြက်ရယ်ပြုသရော်ခံရကြောင်း သိရသည်။ ဘဏ္ဍာရေးဝန်ကြီးဌာနသည် Instagram အသုံးပြုသူ ၅၀ ကျော်ကို ငှားရမ်းခဲ့ပြီး ၎င်းတို့အနေနှင့် မကြာမီလာတော့မည့် ဘတ်ဂျက်ကိစ္စနှင့်ပတ်သက်ပြီး follower များထံမှ တုံ့ပြန်ချက်ရရှိစေရန်၊ follower များအား ၎င်းတို့၏ ယူဆချက်များကို အစိုးရရုံးများထံသို့ သွားရောက်ရှင်းပြရေးအတွက် ဆော်သြရန် ကြိုးပမ်းရမည်ဖြစ်ကြောင်း ပြည်တွင်းသတင်းများတွင် ဖော်ပြခဲ့သည်။ Instagram ပို့စ်တစ်ခုတွင် ချယ်ဆီးတန် အမည်ရသူသည် လက်ပ်တော့တစ်လုံးကိုကိုင်ပြီး ရေကူးကန် နံဘေးတွင်ထိုင်နေသည့် ဓာတ်ပုံနှင့်အတူ “သတင်းကောင်းပဲ။ ၂၀၁၈ ဘတ်ဂျက် မကြာမီလာတော့မယ်” ဟု စာသားကို တွေ့ရသည်။ ထိုစည်းရုံးလှုပ်ရှားမှုကိစ္စသည် ဒီဇင်ဘာလကတည်းက စတင်ခဲ့ခြင်းဖြစ်ပြီး ပြီးခဲ့သည့် ရက်များအတွင်းကမှ အာရုံစိုက်မှုများလာခြင်း ဖြစ်သည်။ သို့သော် ထိုအာရုံစိုက်မှုများမှာ နိုင်ငံ၏ဘဏ္ဍာရေးထက် အစိုးရ၏ချဉ်းကပ်ပုံကို သရော်ကြသည်မှာ ပိုမိုများပြားနေသည်။ အချို့ကလည်း အစိုးရက ရွေးထားသည့်သူများသည် နိုင်ငံထဲတွင် အမှန်တကယ်နာမည် ကြီးသူများမပါဘဲ လူသိပ်မသိသူများသာ ဖြစ်သည်ဟု ဝေဖန်ခဲ့ကြသည်။ ဒီဇင်ဘာမှစပြီး ဘတ်ဂျက်နှင့် ပတ်သက်သော သဘောထားတောင်းခံသည့် ပို့စ်ပေါင်း ၃၀ ထက်မနည်း တက်ပြီးသွားပြီဟု သိရသည်။

Ref; AFP

Facebook က အသုံးပြုသူများအား သတင်းရင်းမြစ်များအပေါ် ယုံကြည်မှုအဆင့် သတ်မှတ်ခွင့်ပြုမည်

ဇန်န၀ါရီ ၄ ရက်က ဘရာဇီးရှိ စားသောက်ဆိုင်တစ်ဆိုင်၌ Facebook အသုံးပြုနေသူတစ်ဦး (Photo -AP)

သတင်းအရင်းအမြစ်များအပေါ် ယုံကြည်နိုင်မှုနှင့်ပတ်သက်ပြီး အဆင့်သတ်မှတ်ပေးရန် Facebook က နှစ်ဘီလျံရှိသော ၎င်း၏ အသုံးပြုသူများကို တောင်းဆိုတော့မည်ဖြစ်ကြောင်း ဇန်န၀ါရီ ၂၀ ရက်က ထုတ်ပြန်ခဲ့သည်။ ယင်းသည် လူမှုကွန်ရက်အတွင်းမှ သတင်းအမှားများပျံ့နှံ့မှုကို တိုက်ဖျက်ရန် Facebook ၏နောက်ဆုံး ကြိုးပမ်းမှုလည်း ဖြစ်လာခဲ့သည်။

Facebook သည်သတင်းအမှားများကို ယင်း၏လူမှုကွန်ရက်ပေါ်တွင် ပျံ့နှံ့ခွင့်ပြုပေးခဲ့သည့်အပေါ် ဝေဖန်မှုများနှင့် ပြင်းပြင်းထန်ထန် ရင်ဆိုင်နေရစဉ် ယခုကဲ့သို့ အပြောင်းအလဲကိစ္စများထွက်ပေါ်လာခြင်း ဖြစ်သည်။

Facebook တည်ထောင်သူ မက်ဇက်ကာဘတ်က ၎င်းတို့ကွန်ရက်သည် ယုံကြည်စရာကောင်းပြီး ဗဟုသုတအသိအမြင်ပေးကာ ဒေသတွင်းအကြောင်းအရာများကို  ဦးစားပေးသွားရန် ကြိုးပမ်းသွားမည်ဟု Facebook ပို့စ်တစ်ခုအတွင်း ဆိုခဲ့သည်။

“ယနေ့ခေတ်ကမ္ဘာမှာ တမင်တကာ သတင်းကြီးအောင် ဖန်တီးမှုတွေ၊ သတင်းအချက်အလက်အမှားတွေ၊ အယူဝါဒကွဲလွဲမှုတွေဟာ တအားကို များပြားပါတယ်။ သတင်းအချက်အလက်ပျံနှံ့မှုဟာ ဘယ်တုန်းကထက်မဆို လျင်မြန်စေဖို့ လူမှုမီဒီယာတွေဟာ ထောက်ကူပေးနေပါတယ်။ ကျွန်တော်တို့ဟာ ဒီပြဿနာတွေကို သတ်သတ်မှတ်မှတ် မတိုက်ဖျက်ဘူးဆိုရင် ဒါတွေကို ထပ်ချဲ့အောင် လုပ်မိသလို ဖြစ်နေပါလိမ့်မယ်” ဟု ဇက်ကာဘက်က ပြောကြားခဲ့သည်။

ယုံကြည်ရသည့် သတင်းရင်းမြစ် အဆင့်သတ်မှတ်ရေးသည် လာမည့်သီတင်းပတ်တွင် စတင်မည်ဖြစ်ပြီး တွေ့မြင်နေရသည့် သတင်းတို့မှာ အဆင့်မြင့်ကာအရည်အသွေးမီသည့် သတင်းဖြစ်စေရန် ရည်ရွယ်ကြောင်း ဇက်ကာဘက်က ပြောကြားခဲ့သည်။

ထိုသို့ လုပ်ဆောင်ရန်အတွက် Facebook သည် မန်ဘာစစ်တမ်းများအပေါ်တွင် အားထားသွားမည်ဟု ဆုံးဖြတ်ထားပြီး ယင်းသည် သတင်းရင်းမြစ်များအပေါ် ယုံကြည်နိုင်မှုအဆင့်သတ်မှတ်ရာ၌ ဓမ္မဓိဋ္ဌာန် အကျဆုံးနည်းလမ်းဟု ဇက်ကာဘတ်က ပြောကြားခဲ့သည်။

“ကျွန်တော့်အနေနဲ့ကိုယ်ဘာသာ ကိုယ်ဆုံးဖြတ်ဖို့ လုပ်နိုင်ပါတယ်။ ဒါပေမဲ့ ကျွန်တော်တို့ဟာ ဒီကိစ္စနဲ့ပတ်သက်လို့ သိပ်ပြီးသက်သောင့်သက်သာ မရှိတဲ့အတွက် အပြင်က ကျွမ်းကျင်သူတွေကို မေးမယ်လို့ ဆုံးဖြတ်ထားပါတယ်” ဟု ၎င်းက ဆိုသည်။

ယခု အဆင့်သတ်မှတ်သည့် စနစ်သစ်သည် ပင်တိုင်ဖတ်ရှုသူ၊ကြည့်ရှုသူများသာ ယုံကြည်မှုရှိသည့် သတင်းအဖွဲ့အစည်းမှစ၍ လူ့အဖွဲ့အစည်းတစ်ခုလုံးတွင် ကျယ်ကျယ်ပြန့်ပြန့် ယုံကြည်မှုရထားသော သတင်းအဖွဲ့အစည်းအထိ ခွဲခြားပေးသွားနိုင်ရန် မျှော်လင့်ကြောင်း သိရသည်။

Ref ; AFP

အာရှတောရိုင်း တိရစ္ဆာန်မှောင်ခိုကူးမှုတွင် အခရာကျသူအား ထိုင်းရဲတပ်ဖွဲ့က ဖမ်းဆီး

ဇန်န၀ါရီ ၂၀ ရက်က ဘန်ကောက်ရှိ ရဲစခန်းသို့ ဘွန်းချိုင်း (၀ဲ) အား ခေါ်ဆောင်လာစဉ် (Photo – AFP)

မျိုးသုဉ်းပျောက်ကွယ်ရန် အန္တရာယ်ရှိသော မျိုးစိတ်များအား အာရှတွင် တရားမ၀င် ကုန်သွယ်မှု၌ အဓိကကျသူဟု သံသယရှိသူတစ်ဦးအား ထိုင်းရဲတပ်ဖွဲ့က ဖမ်းဆီးခဲ့ရာ ဆင်စွယ်များ၊ ကြံ့ချိုများနှင့် ကျားကိုယ်အင်္ဂါအစိတ်အပိုင်းများအား တရုတ်နှင့်ဗီယက်နမ်ကုန်သည်များထံ မှောင်ခိုကူးသည့် မိသားစုဦးစီးသော လုပ်ငန်းအတွက် ထိုးနှက်ချက်တစ်ရပ် ဖြစ်ခဲ့သည်။

ထိုင်းနိုင်ငံသား ခံယူထားသော ဗီယက်နမ်နိုင်ငံသား အသက် ၄၀ ရှိ ဘွန်းချိုင်းဘက်ခ်ျသည် ဒေါ်လာတစ်သန်းဝန်းကျင် တန်ဖိုးရှိသော ကြံ့ချို ၁၄ ခုအား အာဖရိကမှ ထိုင်းသို့မှောင်ခိုသွင်းစဉ် ဇန်န၀ါရီ ၁၉ ရက် ညနေတွင် ဖမ်းဆီးခံခဲ့ရခြင်း ဖြစ်သည်။ ထိုင်းအမျိုးသား ဥယျာဉ်များနှင့် တောရိုင်းတိရစ္ဆာန် ထိန်းသိမ်းရေးဆိုင်ရာ တာဝန်ရှိသူတစ်ဦးဖြစ်သူ နီကွန်း ဝေါင်ပရာချန်းသည် ရောဂါမကူးစက်ရန် ထိန်းသိမ်းထားသောနေရာမှ ကြံ့ချိုများအား အနီးရှိ တိုက်ခန်းသို့ရွှေ့ပြောင်းပြီး မှောင်ခိုကူးရန် ကြိုးပမ်းစဉ် ဘန်ကောက်ရှိ အဓိကလေဆိပ်၌ ဒီဇင်ဘာ ၁၂ ရက်တွင် ဖမ်းဆီးခံခဲ့ရပြီးနောက် ဘွန်းချိုင်း အဖမ်းခံခဲ့ရခြင်း ဖြစ်သည်။

ယင်းကြံ့ချိုအား ဘန်ကောက်သို့ မှောင်ခိုသွင်းခဲ့သော တရုတ်အမျိုးသားတစ်ဦးသည် တောင်အာဖရိကနိုင်ငံ ဂျိုဟန်နက်စဘတ်မြို့မှ မရောက်လာမီ တစ်ရက်အလိုတွင် ဖမ်းဆီးခံခဲ့ရသည်။ ရဲတပ်ဖွဲ့၏ အသွင်ယူဖမ်းဆီးမှုအတွင်း ယင်းမှောင်ခိုကွန်ရက်အား ငွေကြေးထောက်ပံ့နေသော ဘွန်းချိုင်းကို ခြေရာခံဖမ်းဆီးမိခဲ့ခြင်း ဖြစ်သည်။

ဘွန်းချိုင်းသည် အကာအကွယ်ပေးထားသော တိရစ္ဆာန်များ၏ အစိတ်အပိုင်းများအား မှောင်ခိုကူးမှုတွင် ပါဝင်သည်ဟု ၀န်ခံခဲ့ပြီး ထောင်ဒဏ်လေးနှစ် ကျခံရနိုင်သည်ဟု သိရသည်။ လာအိုနှင့်နယ်စပ်ထိစပ်နေသော ထိုင်းအရှေ့မြောက်ပိုင်းရှိ နာခွန်ဖာနမ်တွင် ပြစ်ဒဏ်ချမှတ်ခံခဲ့ရမှုမှ လွတ်မြောက်လျက် နှစ်ပေါင်းများစွာ လုပ်ကိုင်နေသည်ဟု ယုံကြည်ရသော ဘွန်းချိုင်းနှင့် ဘက်ခ်ျမိသားစုသည် ဒေါ်လာသန်းပေါင်းများစွာ တန်ဖိုးရှိသော တောရိုင်းတိရစ္ဆာန် တရားမ၀င် ကုန်သွယ်မှုတွင် အဓိကကျသူများ ဖြစ်သည်။

မှောင်ခိုကူးသော ယင်းပစ္စည်းများအား တိရစ္ဆာန်အစိတ်အပိုင်းများအား ရိုးရာဆေးဝါးများ ဖော်စပ်ရန်အတွက် အသုံးပြုကြသော အဓိကဈေးကွက်တစ်ခုဖြစ်သော ဗီယက်နမ်သို့ ထိုင်းကို ဖြတ်၍ လာအိုမှတစ်ဆင့်ပို့ ဆောင်ရန်ယင်းမြို့သည် တစ်စိတ်တစ်ပိုင်းအဖြစ် အရေးပါခြင်းကြောင့်  အာရှ၏တောရိုင်းတိရစ္ဆာန် မှောင်ခိုကူးမှု ကွင်းဆက်၏ အရေးပါသော နေရာတစ်ခုဖြစ်သည်။ ဘက်ခ်ျမိသား စုသည် Hydra ဟု အမည်ပြောင်ရထားသော အရှေ့တောင်အာရှတွင် ပြန့်ကြဲနေသည့် ရာဇ၀တ်ဂိုဏ်း၏ အစိတ်အပိုင်းလည်းဖြစ်ကြောင်း ထိုင်းရဲတပ်ဖွဲ့နှင့် အနီးကပ်ပူးပေါင်းလုပ်ကိုင်နေသော မှောင်ခိုကူးမှုတိုက်ဖျက်ရေးအဖွဲ့ Freeland က ထုတ်ပြန်ခဲ့သည်။ ဘက်ခ်ျမိသားစုသည် အာရှနှင့် အာဖရိကတို့မှ တရားမ၀င် တောရိုင်းတိရစ္ဆာန် အစိတ်အပိုင်းများအား လာအို၊ ဗီယက်နမ်နှင့် တရုတ်တို့ရှိ အဓိကကုန်သည်များထံ ထောက်ပံ့သော အပြည်ပြည်ဆိုင်ရာ ကွင်းဆက်ကို ကာလရှည်ကြာ လုပ်ကိုင်ခဲ့ကြောင်း ဘွန်းချိုင်းဖမ်းဆီးခံခဲ့ရကြောင်း ကြေညာချက်ထွက်ပေါ်ခဲ့အပြီး Freeland က ထုတ်ပြန်ခဲ့သည်။

Ref ; AFP

ဆီးရီးယားနှင့် အီရတ်ရှိ IS အဖွဲ့ လာမည့်သီတင်းပတ်များအတွင်း ချေမှုန်းခံရနိုင်ဟု ပြင်သစ်သမ္မတပြောကြား

ဇန်န၀ါရီ ၁၉ ရက်က ပြင်သစ်တောင်ပိုင်း တိုတူးရေတပ်စခန်း၌ တိုက်ခိုက်ရေးသင်္ဘောပေါ်၌ ဒရုန်းပြသမှုကို ကြည့်ရှုနေသည့် ပြင်သစ်သမ္မတ မက်ခရွန် (လယ်)

ဆီးရီးယားနှင့် အီရတ်နိုင်ငံမှ IS အဖွဲ့သည် လာမည့်သီတင်းပတ်များအတွင်းမှာပင် စစ်ရေးအရ ရှုံးနိမ့်တော့မည်ဟု ပြင်သစ်သမ္မတ အီမန်နျူရယ်မက်ခရွန်က ဇန်န၀ါရီ ၁၉ ရက်တွင် ပြောကြားခဲ့သည်။ တစ်ချိန်တည်းမှာပင် မက်ခရွန်သည်ပြင်သစ်၏ကာ ကွယ်ရေးစွမ်းရည်ကို မြှင့်တင်ရန် အစီအစဉ်များကို ချပြသွားခဲ့သည်။

“ပါဝင်ခဲ့တဲ့ နိုင်ငံတွေအားလုံးရဲ့ အားစိုက်ထုတ်မှုကြောင့် IS အဖွဲ့ဟာ အလုံးစုံ ရှုံးနိမ့်လုနီးပါး ဖြစ်နေပါပြီ” ဟု မက်ခရွန်က နိုင်ငံတောင်ပိုင်းဆိပ်ကမ်း တိုလူးရှိ ရဟတ်ယာဉ် တင်သင်္ဘောတစ်စင်းပေါ်၌ မိန့်ခွန်း ပြောကြားမှုအတွင်း ထည့်သွင်းပြောကြားသွားခဲ့သည်။

“လာမယ့် သီတင်းပတ်တွေအတွင်း မြေပြင်မှာ စစ်ရေးအောင်ပွဲတစ်ခု ကျွန်တော်တို့ရမယ်လို့ ကျွန်တော်အနေနဲ့ ယုံကြည်မှု ရှိပါတယ်” ဟု ၎င်းက ပြောကြားသွားခဲ့သည်။

“နှစ်ပေါင်းများစွာ ကြာမြင့်တဲ့ ပဋိပက္ခတွေအပြီးမှာ တည်ငြိမ်ရေး၊ လူထုကို ကူညီရေး၊ ပြန်လည်တည်ဆောက်ရေးတို့အတွက် ကျွန်တော်တို့ မိတ်ဖက်တွေနဲ့အတူ ခိုင်ခိုင်မာမာ ကတိပြုဖို့လိုပါတယ်” ဟု ၎င်းက ဆိုသည်။

IS အဖွဲ့သည် တစ်ချိန်က ဆီးရီးယားနှင့် အီရတ်တို့တွင် ထိန်းချုပ်သည့် နယ်မြေအားလုံးနီးပါးကို ဆုံးရှုံးခဲ့ရပြီးပြီဖြစ်သည့်အပြင် ခေါင်းဆောင်အများအပြားမှာ အသတ်ခံခဲ့ရကာ တိုက်ခိုက်ရေးသမားများမှာလည်း ထွက်ပြေးနေရသည့် အခြေအနေ ဖြစ်နေသည်။

ပြင်သစ်သည် ထိုဒေသတွင်း၌တာဝန် ထမ်းဆောင်နေသော ၎င်း၏ ရာဖေးတိုက်ဂျက်လေယာဉ် ၁၂ စင်းထဲမှ နှစ်စင်းကို ပြန်လည်ရုပ်သိမ်းသွားပြီ ဖြစ်သည်။ စစ်သွေးကြွများကို တိုက်ခိုက်နေသည့် နိုင်ငံတကာ ညွန့်ပေါင်းအုပ်စုထဲတွင် လက်ရှိပါဝင်ထားသည့် ပြင်သစ်တပ်ဖွဲ့ဝင်ဦးရေမှာ ၁၂၀၀ ခန့်ရှိသည်။

တိုက်ခိုက်မှုစစ်ဆင်ရေးများ ဆက်လက်လုပ်ဆောင်သွားမည့်အပြင် ပြင်သစ်သည် ယခုနှစ်အတွင်း ဖွံ့ဖြိုးမှုများအတွက် ၎င်းတို့၏ ပါဝင်ထောက်ပံ့မှုများကို ပြင်ဆင်ညှိနှိုင်းသွားမည်ဟု ပြောကြားခဲ့သည်။ သို့သော် အသေးစိတ် အချက်အလက်များကို မထုတ်ပြန်ခဲ့ပေ။

ပြင်သစ်အစိုးရသည် ၂၀၁၈ ခုနှစ် အတွက် ကာကွယ်ရေးဘတ်ဂျက်ကို ယူရို ၁ ဒသမ ၈ ဘီလျံတိုးမြှင့်လိုက်သည့်အတွက် စုစုပေါင်း ယူရို ၃၄ ဒသမ ၂ ဘီလျံ (အမေရိကန် ဒေါ်လာ ၄၂ ဘီလျံ) ဖြစ်သွားခဲ့သည်။ ပြင်သစ်ကာကွယ်ရေး အသုံးစရိတ်ကို ၂၀၂၅ ခုနှစ်တွင် နိုင်ငံ့ဂျီဒီပီ၏ နှစ်ရာခိုင်နှုန်းအထိ သုံးစွဲသွားရန် ကတိကိုလည်း မက်ခရွန်က ထပ်လောင်းပြောကြားသွားခဲ့သည်။ ကာကွယ်ရေး စရိတ်ကို နိုင်ငံ့ဂျီဒီပီ၏ နှစ်ရာခိုင်နှုန်းအထိ သုံးစွဲရန် ၂၀၁၄ ခုနှစ်က နေတိုးအဖွဲ့ဝင်များ သဘောတူခဲ့ကြသည်။

မက်ခရွန်က တိုးမြှင့်လိုက်သည့် ကာကွယ်ရေး အသုံးစရိတ်ထဲတွင် ၎င်း၏ ငါးနှစ်ကြာ သက်တမ်းအတွင်း ပြင်သစ်၏ နျူကလီးယား လက်နက်များ သက်တမ်းတိုးရန် ပါဝင်သည်ဟုဆိုခဲ့သည်။ ထို့ပြင် ပြီးခဲ့သည့် နှစ် ၅၀ အတွင်းက နျူကလီးယား အဟန့်အတားသည် ပြင်သစ်ကာကွယ်ရေး မဟာဗျူဟာအတွင်း အဓိကကျခဲ့သည်ဟု ပြောဆိုသုံးနှုန်းသွားခဲ့သည်။

Ref ; AFP

အမေရိကန်အစိုးရ ရပ်ဆိုင်းမှုဖြစ်ပွားခဲ့ပြီး ဒီမိုကရက်တစ်နှင့် ရီပက်ဘလီကင်တို့ အပြန်အလှန်အပြစ်တင်

ဇန်န၀ါရီ ၂၀ ရက်က ၀ါရှင်တန်ရှိ အမေရိကန်ကွန်ဂရက်တွင် အထက်လွှတ်တော်ခန်းမအပြင်ဘက်၌ အိုဟိုင်းယိုးနာရီအား ဓာတ်ပုံရိုက်ကူးနေကြသူများ (Photo- AFP)

အမေရိကန် ဖက်ဒရယ်အစိုးရသည် ဇန်န၀ါရီ ၁၉ ရက် ညသန်းခေါင်တွင် အရေးကြီးဆုံးသော လည်ပတ်မှုများမှလွဲ၍ အားလုံးရပ်ဆိုင်းသွားခဲ့ပြီး သမ္မတဒေါ်နယ်ထရန့်၏  ကျမ်းသစ္စာကျိန်ဆိုမှု တစ်နှစ်ပြည့်အထိမ်းအမှတ်ကို ရုပ်ပျက်စေခဲ့သည်။

ညသန်းခေါင်အချိန် မဲခွဲဆုံးဖြတ်မှုတွင် သီတင်းပတ်လေးပတ်ကြာ ဘတ်ဂျက်သက်တမ်းတိုးမှုအား ဒီမိုကရက်တို့က တားဆီးပိတ်ပင်ခဲ့သောကြောင့် နောက်ဆုံးမိနစ် စေ့စပ်ညှိနှိုင်းမှုများ ပြိုလဲသွားခဲ့ပြီး ၂၅ နှစ်အတွင်း လေးကြိမ်မြောက် အစိုးရရပ်ဆိုင်းမှုဖြစ်ပွားခဲ့သည်။ သို့သော်လည်း ကန့်လန့်ကာ နောက်ကွယ်တွင် ရီပက်ဘလီကင်နှင့် ဒီမိုကရက်တို့သည် ကာလကြာရှည်ရပ်ဆိုင်းမှုကို ရှောင်လွှဲရန်အတွက် စေ့စပ်ညှိနှိုင်းမှုကို ဆောင်ရွက်ရန် ကြိုးပမ်းခဲ့ကြသည်။

နာရီပေါင်းများစွာ တံခါးပိတ် အစည်းအဝေးကျင်းပခဲ့ပြီး အပြန်အလှန် ဖုန်းဆက်ဆွေးနွေးမှုများပြီးနောက် အထက်လွှတ်တော်သည် အောက်လွှတ်တော်က ပြဋ္ဌာန်းထားသော အစီအစဉ်ကို ညသန်းခေါင်အချိန်တွင် မဲခွဲဆုံးဖြတ်ရန် စီစဉ်ခဲ့သည်။ မဲခွဲဆုံးဖြတ်မှု မတိုင်မီကပင် ထရန့်က အဆိုးမြင်မှုကို ထုတ်ဖော်ခဲ့ပြီး ရီပက်ဘလီကင်တို့ ပြီးခဲ့သည့်လက ပြဋ္ဌာန်းခဲ့သည့် အခွန်ဥပဒေ၏ အောင်မြင်မှုများကို လျော့ပါးစေရန်အတွက် ဒီမိုကရက်တို့က အစိုးရရပ်ဆိုင်းမှုကို လိုလားနေကြောင်း Twitter တွင် ရေးသားခဲ့သည်။

အမေရိကန်နိုင်ငံတွင်းသို့ ကလေးများဖြင့် ၀င်ရောက်ခဲ့ကြပြီး ယခုအခါ တရားမ၀င် နေထိုင်နေကြသော ရွှေ့ပြောင်းအခြေချများ (dreamer) ကို ကာကွယ်ရန်အတွက် အိမ်ဖြူတော်ကို ဖိအားပေးသည့်အနေဖြင့် ဒီမိုကရက်တို့က အစိုးရလုပ်ငန်းများနှင့် အေဂျင်စီများအတွက် သင့်တော်သော ရန်ပုံငွေ ပြဋ္ဌာန်းမှုကို နှောင့်နှေးခဲ့ကြခြင်း ဖြစ်သည်။

အစိုးရလည်ပတ်မှုကို ထိန်းသိမ်းရန်အတွက် အသုံးစရိတ်ဥပဒေနှင့်ပတ်သက်ပြီး ကွန်ဂရက်တွင် ဆွေးနွေးမှုများ ရှေ့မတိုး နောက်မဆုတ်ဖြစ်နေခဲ့သည်။ နေရပ်ပြန်ပို့ခံရမည့် လူငယ်ရွှေ့ပြောင်းအခြေချ ၇၀၀၀၀၀ ကို ကာကွယ်ရန် အစိုးရအသုံးစရိတ်၌ ပြဋ္ဌာန်းမှုလိုအပ်ကြောင်း ဒီမိုကရက်တို့က အခိုင်အမာ တောင်းဆိုခဲ့သည်။ ယင်းထိပ်တိုက်တွေ့မှုတွင် “ရှူးမား ရပ်ဆိုင်းမှု” ဟု တံဆိပ်ကပ်ခဲ့ပြီး တရားမ၀င် ရွှေ့ပြောင်းအခြေချများကို ကာကွယ်ရန် အမေရိကန်ပြည်သူတို့အား ဒီမိုကရက်တို့က ထိခိုက်နစ်နာစေခဲ့ကြောင်း  ရီပက်ဘလီကင်တို့က ပြောကြားခဲ့သည်။

အထက်လွှတ်တော် ဒီမိုကရက်ခေါင်းဆောင် ချက်ရှူးမားသည် လူငယ်ရွှေ့ပြောင်း အခြေချတို့အတွက် သဘောတူညီချက်ရရှိရေးကို ထရန့်နှင့်ဆွေးနွေးခဲ့သည်။

မှတ်တမ်းမရှိ လူငယ်ရွှေ့ပြောင်းအခြေချများနှင့် ပတ်သက်၍ စိုးရိမ်မှုများကို မဖြေရှင်းနိုင်ခဲ့သောကြောင့် ရီပက်ဘလီကင်တို့က အစိုးရလုပ်ငန်းများအတွက် ဘတ်ဂျက် သက်တမ်းတစ်လတိုးရန် ကြိုးပမ်းမှုသည် အထက်လွှတ်တော်၌ ပယ်ချခံခဲ့ရခြင်း ဖြစ်သည်။ ရပ်ဆိုင်းမှုအတွင်း အစိုးရလုပ်သား အင်အား၏ ရာခိုင်နှုန်း ၄၀ သည် လစာမရဘဲ နားခွင့်ရရှိမည် ဖြစ်သည်။ ကာကွယ်ရေးတာဝန်မရှိသော ဖက်ဒရယ်ဝန်ထမ်းများ နားခွင့်ရမည်ဖြစ်ပြီး လက်ရှိတာဝန်နှင့် စစ်မှုထမ်းများ ခွင့်ရမည်မဟုတ်ပေ။

ယခုသီတင်းပတ်အကုန်တွင် အစိုးရ ရပ်ဆိုင်းမှုစတင်ခဲ့ပြီးနောက် အမေရိကန် အများစုအတွက် ချက်ချင်းသက်ရောက်မှုကို ခံစားရဦးမည် မဟုတ်ပေ။ သို့သော်လည်း ယင်းရပ်ဆိုင်းမှု ရှည်ကြာလာလျှင် ထိခိုက်မှုများ အလျင်အမြန်ပင် ရှိလာနိုင်သည်။ သမ္မတနှင့် နိုင်ငံရေးပါတီနှစ်ခုစလုံးအတွက် နိုင်ငံရေးအန္တရာယ်ရှိလာနိုင်ပြီး နိုဝင်ဘာတွင် ကျင်းပမည့် ရွေးကောက်ပွဲတွင် မဲဆန္ဒရှင်တို့က နိုင်ငံရေးပါတီများကို အပြစ်ပေးကြမည် ဖြစ်သည်။

Ref ; AFP

ရုရှားနှင့်တရုတ်တို့ထံမှ မြင့်တက်လာသော ခြိမ်းခြောက်မှုများအား အမေရိကန်ကာကွယ်ရေးဝန်ကြီးမာတစ် သတိပေး

ဇန်န၀ါရီ ၁၈ ရက်က ကာကွယ်ရေးဝန်ကြီး၊ ဒုသမ္မတ၊ အိမ်ဖြူတော်ဝန်ထမ်း အကြီးအကဲတို့နှင့်အတူ ပင်တဂွန်တွင် မီဒီယာသို့ စကားပြောနေသော သမ္မတဒေါ်နယ်ထရန့် (Photo – AP)

အမေရိကန်သည် တရုတ်နှင့်ရုရှားတို့ထံမှ မြင့်တက်လာသောခြိမ်းခြောက်မှုအား ရင်ဆိုင်နေရပြီး အမေရိကန်စစ်ဘက်၏ အလေးသာမှုများသည် မကြာသေးမီနှစ်များအတွင်း တဖြည်းဖြည်း ဆုတ်ယုတ်လာကြောင်း အမေရိကန်ကာကွယ်ရေးဝန်ကြီး ဂျိမ်းမာတစ်က ဇန်န၀ါရီ ၁၉ ရက်တွင် သတိပေးခဲ့သည်။ အမျိုးသားကာကွယ်ရေး မဟာဗျူဟာဟုခေါ်သော ပင်တဂွန်၏ အနာဂတ်အတွက် အမြင်ကို ထုတ်ပြန်ခဲ့ချိန်တွင် မာတစ်၏ ယင်းသတိ ပေးမှုထွက်ပေါ်ခဲ့ခြင်း ဖြစ်သည်။

၎င်းတို့၏ အာဏာရှင်ဆန်သောပုံစံများနှင့် ကိုက်ညီသော ကမ္ဘာတစ်ခုအား တည်ထောင်ရန်အတွက် ကြိုးပမ်းနေသော တရုတ်နှင့် ရုရှားကဲ့သို့ အင်အားကြီးနိုင်ငံများမှ ခြိမ်းခြောက်မှု မြင့်တက်လာမှုကို ရင်ဆိုင်နေရကြောင်း မာတစ်က ပြောကြားခဲ့သည်။ အမေရိကန်စစ်တပ်သည် ခိုင်မာနေဆဲဖြစ်ကြောင်း၊ သို့သော် ၎င်းတို့၏ ယှဉ်ပြိုင်နိုင်စွမ်း အကဲသာမှုသည် ကြည်း၊ ရေ၊ လေ၊ အာကာသနှင့် ဆိုက်ဘာအာကာသ စသည့် စစ်ဘက်နယ်ပယ်အားလုံးတွင် တဖြည်းဖြည်းအား လျော့လာပြီး ဆက်လက်ကျဆင်းနေသည်ဟု ၎င်းက ပြောကြားခဲ့သည်။

အမေရိကန်၏ ဧရာမစစ်တပ်သည် နှစ်ပေါင်းများစွာ ဘတ်ဂျက်လိုငွေပြမှုနှင့် အားနည်းမှုတို့၏ သက်ရောက်မှုများအား ခံစားနေရမှုကို အမေရိကန်သမ္မတ ဒေါ်နယ်ထရန့်နှင့် ၎င်း၏ အစိုးရတို့က စိုးရိမ်နေကြပြီး စံပြုထိုက်သော အင်အားတစ်ရပ်ကို ပြန်လည်ရရှိနိုင်ရန် အပြည့်အ၀အသင့်ဖြစ်မှုကို တောင်းဆိုနေသည်။ လာမည့်နှစ်များအတွက် အသေးစိတ် အစီအစဉ်၏ အစိတ်အပိုင်းအဖြစ် ပင်တဂွန်သည် ၎င်း၏ စစ်တပ်အရွယ်အစားကို တိုးချဲ့ရန်၊ ဥရောပ၊ အရှေ့အလယ်ပိုင်းနှင့် အာရှတို့အပါအ၀င် မျိုးစုံသောနယ်ပယ်များ၌ လှုပ်ရှားနေစဉ် မဟာမိတ်များနှင့် ပူးပေါင်းဆောင်ရွက်မှုနှင့် အသင့်ဖြစ်မှုတို့ကို တိုးတက်စေရန် ကြိုးပမ်းမည် ဖြစ်သည်။

အမေရိကန်၏ မဟာဗျူဟာသစ်သည် ပုံမှန်ညှိနှိုင်းဆွေးနွေးမှုနှင့် အပြည်ပြည်ဆိုင်ရာဥပဒေအား အခြေပြုရမည့်အစား အမေရိကန်သည် ထိပ်တိုက်တွေ့မှု မဟာဗျူဟာများ မှတစ်ဆင့် ဦးဆောင်မှုကို သက်သေထူရန် ကြိုးပမ်းနေကြောင်း ရုရှားနိုင်ငံခြားရေးဝန်ကြီး ဆာဂေးလက်ရော့ဗ်က နယူးယောက်တွင် ပြောကြားခဲ့သည်။

တရုတ်သည် ၎င်း၏အိမ်နီးချင်းများအား ခြိမ်းခြောက်ရန် ခေါင်းပုံဖြတ် အမြတ်ကြီးစားသော စီးပွားရေးအား အသုံးပြုပြီး တစ်ဖက်တွင်လည်း တောင်တရုတ်ပင်လယ်တွင် စစ်ပုံသွင်းနေသည့် မဟာဗျူဟာမြောက် ပြိုင်ဘက်ဖြစ်ကြောင်း မာတစ်က ပြောကြားခဲ့သည်။ ရုရှားသည် ၎င်း၏အနီးရှိ နိုင်ငံများ၏ နယ်စပ်များအား ချိုးဖောက်ဝင်ရောက်ခဲ့ပြီး ၎င်း၏ အိမ်နီးချင်းနိုင်ငံများ၏ စီးပွားရေး၊ သံတမန်ရေးနှင့် လုံခြုံရေးဆိုင်ရာ ဆုံးဖြတ်ချက်များအတွက် ဗီတိုအာဏာကို လက်ကိုင်ပြုထားကြောင်း၊ အီရန်နှင့်မြောက်ကိုရီးယားတို့သည်လည်း ငြိမ်းချမ်းရေးအတွက် ခြိမ်းခြောက်မှုဖြစ်ကြောင်း မာတစ်ကယင်းမဟာ ဗျူဟာသစ်တွင် ထောက်ပြခဲ့သည်။

Ref ;AFP

ပြန်လည်လက်ခံရေး သဘောတူညီချက် ရှိထားသော်လည်း ဘင်္ဂါလီများ မြန်မာနိုင်ငံမှ ဘင်္ဂလားဒေ့ရ်ှသို့ ထပ်မံ ထွက်ပြေး

ဘင်္ဂလားဒေ့ရ်ှနိုင်ငံ ကော့ဘဇားအနီး ဒုက္ခသည်စခန်းတစ်ခုတွင် ယာယီအမိုးအကာဆောက်ရန် ၀ါးများသယ်နေသည့် ဘင်္ဂါလီမွတ်စလင် ဒုက္ခသည်များကို ဇန်န၀ါရီ ၁၈ ရက်က တွေ့ရစဉ် (Photo – AP)

ဒုက္ခသည်များကို ပြန်လည်လက်ခံရေးကို လာမည့်သီတင်းပတ်၌ စတင်ရန် မြန်မာနှင့် ဘင်္ဂလားဒေ့ရ်ှတို့ နှစ်နိုင်ငံအကြား သဘောတူထားသော်လည်း ဘင်္ဂါလီမွတ်စလင်များသည် မြန်မာနိုင်ငံမှ ဘင်္ဂလားဒေ့ရ်ှသို့ ဆက်လက်ထွက်ပြေးလျက်ရှိကြောင်း ဘင်္ဂလားဒေ့ရ်ှအရာရှိတစ်ဦးက ဇန်န၀ါရီ ၁၉ ရက်တွင် ပြောကြားခဲ့သည်။

သြဂုတ်လအတွင်း မြန်မာတပ်မတော်က ဘင်္ဂါလီမွတ်စလင်များအပေါ် ရက်စက်ကြမ်းကြုတ်သည့် စစ်ဆင်ရေးတစ်ရပ် စတင်ခဲ့ပြီးနောက် ဘင်္ဂါလီမွတ်စလင် ၆၅၀,၀၀၀ ကျော်သည် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။ လွန်ခဲ့သည့်နှစ်ရက်အတွင်း ဘင်္ဂလားဒေ့ရ်ှနိုင်ငံသို့ ဘင်္ဂါလီမွတ်စလင် ၁၀၀ ကျော် ၀င်ရောက်ခဲ့ကြောင်း ပြန့်ကျဲနေသည့်  စခန်းများ၌ ဒုက္ခသည်များ နေထိုင်နေသည့် ဘင်္ဂလားဒေ့ရ်ှနိုင်ငံ အူခီယာခရိုင်မှ ထိပ်တန်းအရာရှိတစ်ဦးဖြစ်သည့် မိုဟာမက်မီကာရက်ဇမန်က ပြောကြားခဲ့သည်။

မီကာရက်ဇမန်က မည်သည့်အကြောင်းကြောင့် ယခုနောက်ဆုံးဒုက္ခသည်များ ထွက်ပြေးလာသည်ကို ပြောကြားခြင်းမပြုသော်လည်း ဘင်္ဂလားဒေ့ရှ် မီဒီယာများက မြန်မာတပ်မတော်သည် အခကြေးငွေနှင့် စားစရာမပေးဘဲ အလုပ်ခိုင်းစေသောကြောင့် လူအချို့ ထွက်ပြေးလာခြင်းဖြစ်သည်ဟု ပြောကြားခဲ့ကြသည်။

မြန်မာနှင့် ဘင်္ဂလားဒေ့ရ်ှနိုင်ငံတို့သည် နိုဝင်ဘာလအတွင်းက ဘင်္ဂါလီမွတ်စလင် ဒုက္ခသည်များ ပြန်လည်လက်ခံရေး သဘောတူညီချက်တစ်ရပ်ကို လက်မှတ်ရေးထိုးခဲ့ကြပြီး လူအချို့သည် ဇန်န၀ါရီ ၂၃ ရက်၌ မြန်မာနိုင်ငံသို့ စတင်ကာ ပြန်လည်ဝင်ရောက်မည်ဖြစ်ကြောင်း ယခုသီတင်းပတ်အစောပိုင်းတွင် သက်ဆိုင်ရာအာဏာပိုင်များက ပြောကြားခဲ့သည်။ မြန်မာနိုင်ငံသို့ ဒုက္ခသည်များ ပြန်လည်ဝင်ရောက်မှုအား နှစ်နှစ်အတွင်း အပြီးဆောင်ရွက်မည်ဖြစ်ကြောင်းလည်း ပြောကြားထားသည်။

သို့သော် ယင်းသည် ဒုက္ခသည်အနည်း အကျင်းကို ဟန်ပြသက်သက် ပြန်လည်လက်ခံခြင်းမျိုးထက် ဘာမျှမပိုမည်ကို စိုးရိမ်နေကြသည်။ မီကာရက်ဇမန်က မဖြစ်စလောက်သော လူအနည်းမျှသာ နေရပ်ပြန်ရန် ပြင်ဆင်မှုများရှိသည်ဟု ပြောကြားခဲ့သည်။

“ကျွန်တော် လွန်ခဲ့တဲ့ရက်အနည်းငယ်က ဒုက္ခသည်တွေ ပြန်လည်ဝင်ရောက်ဖို့ ဖြစ်နိုင်တဲ့လမ်းကြောင်းတွေကို ကြည့်ဖို့ နယ်စပ်က နေရာတချို့ကို သွားရောက်ခဲ့ပါတယ်။ ဒါပေမဲ့ အခုထိ ဘာကိုမှ ကျွန်တော်တို့ အပြီးမသတ်ရသေးပါဘူး” ဟု မီကာရက်ဇမန်က ပြောကြားခဲ့သည်။

သူက ယင်းသည် အစိုးရဌာနများ၊ နိုင်ငံတကာ အေဂျင်စီများနှင့် ဘင်္ဂါလီ (မူရင်း၌ ရိုဟင်ဂျာဟု ဖော်ပြ) မွတ်စလင်များအကြား ပူးပေါင်းဆောင်ရွက်ရမည့် ကြီးမားသော လုပ်ငန်းတာဝန်တစ်ရပ်ဖြစ်သည်ဟု ပြောကြားခဲ့သည်။ ဘင်္ဂါလီမွတ်စလင်ဒုက္ခသည် များစွာတို့သည် မြန်မာနိုင်ငံသို့ ပြန်ရမည်ကို စိုးရိမ်ထိတ်လန့်သည့် ပုံစံမျိုး ပြသခဲ့ကြသည်။

ကမ္ဘာတစ်လွှားမှ ရိုဟင်ဂျာဟု ခေါ်ဆိုသော အဖွဲ့အစည်း နှစ်ဒါဇင်နီးပါးက ဇန်န၀ါ ရီ ၁၈ ရက်တွင် ထုတ်ပြန်သော ကြေညာချက်တစ်စောင်တွင် နေရပ်မပြန်မီ ဒုက္ခသည်များနှင့် ၎င်းတို့၏ ပိုင်ဆိုင်မှုများအတွက် လုံခြုံရေးဆိုင်ရာ အာမခံချက်များကို တောင်းဆိုခဲ့ကြသည်။

Ref; AP

ဥရောပသို့ လေပြင်းမုန်တိုင်းများ တိုက်ခတ်ရာ လူကိုးဦး သေဆုံး

မုန်တိုင်းတိုက်ခတ်အပြီး ဇန်န၀ါရီ ၁၈ ရက်က ဂျာမနီနိုင်ငံ လမ်စပရင်း ရွာအနီး ရထားလမ်းကို ပြုပြင်နေစဉ်(Photo: AFP)

ဥရောပမြောက်ပိုင်းသို့ အလွန်ပြင်းထန်သည့် လေပြင်းများတိုက်ခတ်ခဲ့ရာ ဇန်န၀ါရီ ၁၈ ရက်က မီးသတ်သမားနှစ်ဦး အပါအ၀င် လူကိုးဦးသေဆုံးခဲ့ပြီး ဝေဟင်နှင့် ရထား ပို့ဆောင်ဆက်သွယ်ရေးများ ပြတ်တောက်ခဲ့ရသည်။

ဂျာမနီတွင် ဟာရီကိန်းပြင်းအားရှိသည့် လေပြင်းများ တိုက်ခတ်ခြင်းကြောင့် ရထားခရီးရှည်များအားလုံးကို အနည်းဆုံးတစ်ရက် ရပ်နားထားခဲ့ရပြီး ပြည်တွင်းလေကြောင်းခရီးစဉ်များစွာလည်း ဖျက်သိမ်းခဲ့ရသည်။ မုန်တိုင်းကြောင့် ဂျာမနီတွင်သေဆုံးခဲ့သူ ခြောက်ဦးအနက် နှစ်ဦးသည် အရေးပေါ်အတွက် တပ်ဖြန့်ခံထားရသည့် မီးသတ်သမားများဖြစ်သည်။ နောက်ထပ်နှစ်ဦးမှာမူ ထရပ်ကားမောင်းသူများဖြစ်ပြီး လေပြင်းများကြောင့် ၎င်းတို့၏ ထရပ်ကားများ လွင့်ထွက်သွားခြင်းဖြစ်သည်။

ဂျာမနီမြောက်ပိုင်း၏ အမြင့်ဆုံးတောင်ထိပ်ဖြစ်သော Brocken တွင် တစ်နာရီ လေတိုက်နှုန်းမှာ ၂၀၃ ကီလိုမီတာ (၁၂၆ မိုင်) အထိရှိနေသည်ဟု ဂျာမန်ရဲများက ပြောခဲ့ကြသည်။ Friederike အမည်ရသည့် ထိုမုန်တိုင်းကြောင့် ဂျာမနီအရှေ့ပိုင်းပြည်နယ်  Thuer ingia တွင် ကျောင်းသားကလေးများ ရှိနေသည့် စာသင်ကျောင်းတစ်ကျောင်း၏အမိုး လွင့်ထွက်သွားသည်ဟု သိရသည်။သို့သော် ထိခိုက်ဒဏ်ရာရသူမရှိဟု အာဏာပိုင်တို့က ပြောကြားခဲ့သည်။

ဂျာမနီမိုးလေ၀သဌာနမှ ထုတ်ပြန်ချက်အရ ၂၀၀၇ ခုနှစ်နောက်ပိုင်း ဂျာမနီသို့တိုက်ခတ်ခဲ့သည့် မုန်တိုင်းများအနက် Friederike မှာ အပြင်းထန်ဆုံးဟု သိရသည်။

ရထားဘူတာရုံများတွင် ပိတ်မိနေကြသည့် ခရီးသည်များကို ဟိုတယ်တွင် အခန်းငှားနေရန် ဘောက်ချာလက်မှတ်များပေးခဲ့သည်ဟု ဂျာမနီရထားလိုင်းဝန်ဆောင်မှု Deutsche Bahn ၏ ပြောခွင့်ရပုဂ္ဂိုလ်  Achim Strauss က ပြောကြားခဲ့သည်။

လေပြင်းများ၏ ဒဏ်ကို ဇန်န၀ါရီ ၁၈ ရက်အစောပိုင်းက ခံစားခဲ့ရသည့် နယ်သာလန်တွင် လူနှစ်ဦး သစ်ပင်ပိ၍ အသက် ဆုံးရှုံးခဲ့ရကြောင်း သိရသည်။ နယ်သာလန် အမျိုးသားမိုးလေ၀သဌာနက အမြင့်ဆုံးအနီရောင် သတိပေးချက်ကိုလည်း ထုတ်ခဲ့ရသည်။

အိမ်နီးချင်းဘယ်လ်ဂျီယံနိုင်ငံတွင်လည်း သစ်ပင်ပိမှုကြောင့်ပင် အမျိုးသမီး ယာဉ်မောင်းတစ်ဦး သေဆုံးခဲ့သည်။

နယ်သာလန်နိုင်ငံ၏ အချို့သောနေရာများတွင် တစ်နာရီ ၁၄၀ ကီလိုမီတာအထိ ပြင်းသော လေပြင်းများကြောင့် ဥရောပ၏ လူအစည်ကားဆုံး လေဆိပ်များထဲမှတစ်ခု ဖြစ်သည့် အမ်စတာဒမ်မှ  Schiphol လေဆိပ်တွင် လေကြောင်းခရီးစဉ်များအားလုံးကို ခေတ္တရပ်ဆိုင်းလိုက်ရသည်။

လေပြင်းများကြောင့် နယ်သာလန်၏ ကားလမ်းများတွင်လည်း ကသောင်းကနင်း ဖြစ်ပွားခဲ့သည်။ ထိုလေပြင်းတို့ကြောင့် ထရပ်ကား ၆၆ စီး လဲခဲ့ကာ  ၁၉၉၀ ပြည့်နှစ်နောက်ပိုင်း စံချိန်တင် အကြီးမားဆုံး ယာဉ်ကြော ပိတ်ဆို့မှုကြီးလည်းဖြစ်ပေါ်ခဲ့သည်။ နယ် သာလန်အာမခံလုပ်ငန်းများက ဇန်န၀ါရီ ၁၈ ရက် မုန်တိုင်းကြောင့် ပျက်စီးဆုံးရှုံးမှု တန်ဖိုးသည် ယူရို ၁၀ သန်း (ဒေါ်လာ ၁၂ ဒသမ ၂၅ သန်း) ကျော်လိမ့်မည်ဟု သတိ ပေးနေကြသည်။

သြစတြီးယားအရှေ့ပိုင်း တိုင်ရို ပြည်နယ် အာဏာပိုင်တို့၏ ပြောကြားချက်အရ ဗီယင်နာ ၊ လင့်ဇင်၊ ဆော့ဘက်တို့ကို ဆက်သွယ်ထားသည့် ရထားလိုင်းမှာလည်း နှင်းတောင်ပြိုမည့်ဘေးကြောင့် ဇန်န၀ါရီ ၁၈ ရက်နံနက်ပိုင်းက ပိတ်ထားလိုက်ရသည်ဟု သိရသည်။

ပထမဆုံးကိုယ်ဝန်ရထားကြောင်း နယူးဇီလန်ဝန်ကြီးချုပ်က ကြေညာ

ဇန်န၀ါရီ ၁၉ ရက်က သတင်းစာရှင်းလင်းပွဲတွင် ကိုယ်ဝန်ရှိကြောင်းကြေညာနေသော နယူးဇီလန်ဝန်ကြီးချုပ် အာဒန်း (ယာ) (Photo: AFP)

နယူးဇီလန်ဝန်ကြီးချုပ် ဂျဆင်ဒါအာဒန်းက သူသည် ဇွန်တွင် ပထမဆုံးကလေး မွေးတော့မည်ဟု မျှော်လင့်ထားကြောင်း ဇန်န၀ါရီ ၁၉ ရက်တွင် ကြေညာခဲ့ရာ တာဝန်ထမ်းဆောင်စဉ် ကလေးမွေးဖွားသည့် နယူးဇီလန်၏ပထမဆုံးဝန်ကြီးချုပ်ဖြစ်လာမည်  ဖြစ်သည်။ ပြီးခဲ့သောအောက်တိုဘာတွင် တာဝန်စတင်ထမ်းဆောင်ခဲ့သည့် အသက် ၃၇ နှစ်ရှိ အာဒန်းက ကိုယ်ဝန်ကို ၎င်းနှင့် လက်တွဲဖော် ကလာ့ကီဂေးဖို့ဒ်တို့က မမျှော်လင့်ထားသော်လည်း စိတ်လှုပ်ရှားစရာကောင်းကြောင်း ပြောကြားခဲ့သည်။

၎င်းတို့နှစ်ဦးစလုံး အလွန်ပျော်ရွှင်နေကြောင်း၊ မိသားစုဘ၀ကို လိုလားကြောင်း၊ သို့သော် ယင်းကဲ့သို့ ဖြစ်လာမည်ကို မသေချာခဲ့ကြောင်း အာဒန်းက ကြေညာချက် ထုတ်ပြန်ခဲ့သည်။ ပြီးခဲ့သောနှစ်တွင် ဗဟို-လက်ဝဲယိမ်း လေဘာပါတီဥက္ကဋ္ဌ ရာထူးယူခဲ့ပြီးနောက် လပိုင်းအကြာတွင် ရွေးကောက်ပွဲအနိုင်ရခဲ့အပြီး အာဒန်းသည် သြဇာအလျင်အမြန် မြင့်တက်လာခဲ့သည်။

၂၀၁၇ ခုနှစ်သည် ကြီးမြတ်သောနှစ်ဟု ယူဆခဲ့ပြီး ယခုနှစ်တွင်မူ ၎င်းတို့သည် အခြား မိဘများကဲ့သို့ ဖြစ်လာမည်ဖြစ်ကြောင်း၊ ၎င်းသည် ၀န်ကြီးချုပ်နှင့် မိခင်တစ်ဦးဖြစ်လာချိန်တွင် ကလာ့ကီက နေအိမ်၌ရှိသော ဖခင်ဖြစ်လာမည်ဖြစ်ကြောင်း အာဒန်းက ပြောကြားခဲ့သည်။

ကလေးမွေးပြီးလျှင် သီတင်းပတ် ခြောက်ပတ်ခန့် ခွင့်ယူမည်ဖြစ်ပြီး တစ်မူထူးခြားသော ဒုတိယ၀န်ကြီးချုပ် ၀င်စတန်ပီတာ က ၎င်း၏ ရာထူးကို အစားထိုးထမ်းဆောင်မည်ဖြစ်ကြောင်း အာဒန်းက ပြောကြားခဲ့သည်။ ယင်းကာလအတွင်း ၎င်းကို ဆက်သွယ်နိုင်ပြီး ခေါ်ယူနိုင်မည်ဖြစ်ကြောင်း၊ ခွင့်ကာလအပြီး တာဝန်အားလုံးကို ပြန်လည် ထမ်းဆောင်မည်ဖြစ်ကြောင်းလည်း အာဒန်းက ပြောကြားခဲ့သည်။

ပည်သူများက မဲမထည့်မီ သိခွင့်ရှိသည်ဟုဆိုလျက် ရုပ်သံတင်ဆက်သူတစ်ဦးက ရွေးကောက်ပွဲကာလအတွင်း အာဒန်းအား  မိသားစုအစီအစဉ်နှင့်ပတ်သက်၍ မေးမြန်းခဲ့ရာ ကျား၊ မ ခွဲခြားမှုဆိုင်ရာ အချင်းများမှု ဖြစ်ပွားခဲ့သည်။ ယင်းမေးခွန်းသည် လက် သင့်မခံနိုင်စရာဖြစ်ပြီး ကိုယ်ဝန်ဆောင်မှုနှင့် ကလေးများအား ပြုစုပျိုးထောင်မှုတို့က အလုပ်ခွင်တွင် အမျိုးသမီးများ၏အခွင့်အလမ်းများကို အဟန့်အတား မဖြစ်သင့်ကြောင်း အာဒန်းက ဖြေကြားခဲ့သည်။

အမျိုးသမီးတစ်ဦးသည် ကလေးယူ၊ မယူကို ကိုယ်တိုင်ဆုံးဖြတ်နိုင်ပြီး ယင်းကိစ္စက ထိုအမျိုးသမီးအား အလုပ်အကိုင်ပေးရန် သို့မဟုတ် အလုပ်အကိုင်အခွင့်အလမ်းများ ပေး၊ မပေးနှင့်ပတ်သက်၍ ကြိုတင်ဆုံးဖြတ်ချက်ချထားမှုမျိုး မဖြစ်သင့်ကြောင်းလည်း အာဒန်းက ပြောကြားခဲ့သည်။

လုပ်ကြံခံခဲ့ရသော ပါကစ္စတန်အမျိုးသမီး ၀န်ကြီးချုပ် ဘနာဇီယာဘူတိုသည်  ၁၉၉၀ ပြည့်နှစ်တွင် ကလေးမွေးဖွားခဲ့ပြီး တာဝန်ထမ်းဆောင်စဉ်အတွင်း ကလေးယူခဲ့သည့် ပထမဆုံး အစိုးရခေါင်းဆောင်ဖြစ်မည်ဟု ယူဆရသည်။

သြစတြေးလျက မောင်းသူမဲ့ လေယာဉ်ဖြင့် ပထမဆုံးပင်လယ်ပြင် အသက်ကယ်ဆယ်မှုပြုလုပ်

ဇန်န၀ါရီ ၁၈ ရက်က မောင်းသူမဲ့လေယာဉ်မှနေ၍ လူငယ်နှစ်ဦးထံ ကယ်ဆယ်ရေးပစ္စည်း ချပေးနေစဉ် (Photo: AFP)

ဇန်န၀ါရီ ၁၈ ရက်က ကယ်တင်ခံခဲ့ရသော သြစတြေးလျရေကူးသူနှစ်ဦးသည် သမုဒ္ဒရာထဲတွင် မောင်းသူမဲ့လေယာဉ်တစ်စင်းဖြင့် ပထမဆုံးအသက်ကယ်ခံခဲ့ရသူများ ဖြစ်လာခဲ့သည်။ ထိုစဉ်က ဝေဟင် အသက်ကယ်ယာဉ်သည် လှိုင်းကြမ်းနေသောရေပြင်သို့ ရောက်ရှိနေပြီး ဘေးဒုက္ခရောက်နေသည့် ဆယ်ကျော်သက်နှစ်ဦးကို ကယ်ဆယ်ရေး ကိရိယာတစ်ခု ချပေးခဲ့ခြင်းဖြစ်သည်။

သြစတြေးလျသည် ရေလွှာလှိုင်းစီးသူများအတွက် အသက်ကယ်မှုဆိုင်ရာနည်းပညာ အသုံးပြုမှုတွင် ထိပ်ဆုံး၌ ရှိနေသည်။ နိုင်ငံတစ်ဝန်းရှိ ပင်လယ်ကမ်းစပ်များတွင် ဒါဇင်နှင့်ချီသော မောင်းသူမဲ့လေယာဉ်များ ကိုလည်း စမ်းသပ်အသုံးပြုနေသည်။

ဇန်န၀ါရီ ၁၈ ရက်က ကွင်းစ်လန်းအနီးရှိ နယူးဆော့ဝေးထဲမှ လင်နော့ဟတ်ဒ်ကမ်းလွန်ပင်လယ်ပြင်တွင် ယောက်ျားလေးနှစ်ဦးမှာ ရေကူးနေကြစဉ် လှိုင်းများသည် သုံးမီတာ (၁၀ ပေ) အထိ မြင့်တက်လာခဲ့သည်။ ကမ်းခြေပေါ်မှ လူများသည် ပင်လယ်ကမ်းခြေစောင့်များကို အသိပေးခဲ့ရာမှ ၎င်းတို့က တစ်ဆင့်ပြန်လည်၍ မောင်းသူမဲ့လေယာဉ်မောင်းနှင်သူကို ပြောခဲ့ကြခြင်းဖြစ်သည်။ ထို့နောက် ဝေဟင်အသက်ကယ်ယာဉ်သည် ခဏအကြာတွင် ထိုနှစ်ဦးထံသို့ ရောက်သွားနိုင်ခဲ့သည်။

“လေယာဉ်ကို လွှတ်တာရယ်၊ အဲဒီနေရာကို သွားတာရယ်၊ ကယ်ဆယ်ရေးပစ္စည်းကို ချပေးတာရယ် စုစုပေါင်းကြာချိန်ဟာ တစ်မိနစ်၊ နှစ်မိနစ်လောက်ပဲရှိပါတယ်” ဟု ကမ်းခြေစောင့် ကြီးကြပ်ရေးမှူး ဂျိုင်ရှာရီ ဒန်က Glod Coast Bulletin သတင်းစာသို့ ပြောကြားခဲ့သည်။ အတွေ့အကြုံကြောင့် အနည်းငယ်ပင်ပန်းသည်မှလွဲ၍ အခြားပြဿနာ မရှိခဲ့ဟု သိရသည်။

ယင်းဖြစ်စဉ်သည် ကမ္ဘာ့ပထမဆုံးအကြိမ် မောင်းသူမဲ့လေယာဉ်ဖြင့် ကယ်တင်မှု ဖြစ်ဖွယ်ရှိပြီး ထိုယောက်ျားလေးနှစ်ဦးကို ထိခိုက်မှုမရှိဘဲ ကယ်တင်နိုင်ခဲ့သည်ဟု သိရသည်။ ယခုကဲ့သို့ မောင်းသူမဲ့လေယာဉ်ဖြင့် စေလွှတ်ကယ်တင်မှုများ မပြုလုပ်မီက ရေလွှာလှိုင်းစီးရန် ပျဉ်ချပ်ရှည်များ သို့မဟုတ် ရော်ဘာလှေများ စေလွှတ်ပေးခြင်းနည်းလမ်းဖြင့် ကယ်တင်ကြခြင်းဖြစ်သည်။ သို့သော် ယင်းနည်းလမ်းများသည် ရေကူးသူများ မည်သည့်နေရာတွင် ရှိနေသည်ကို ရှာဖွေရသည်မှာ ခက်ခဲကြောင်း သိရသည်။

မောင်းသူမဲ့လေယာဉ်များကိုမူ ငါးမန်း၊ ဂျယ်လီငါး အစရှိသည့် ရေအောက်သတ္တ၀ါများကို စောင့်ကြည့်ရာတွင် သြစတြေးလျတို့က ယခင်ကတည်းက အသုံးပြုနေသည်။ ထိုလေယာဉ်ဆော့ဖ်ဝဲသည် ရေသတ္တ၀ါ အမျိုးအစားများကို ခွဲခြားနိုင်ပြီး ငါးမန်းကဲ့သို့ အမျိုးအစားများကို ရာခိုင်နှုန်း ၉၀ ကျော် တိကျ မှုဖြင့် သိရှိနိုင်သည်ဟု သိရသည်။ ပုံမှန်မျက်လုံးနှင့် နှိုင်းယှဉ်ပါက ၁၆ ရာခိုင်နှုန်းကျော် ကွာခြားသည်။

သြစတြေးလျရှိ အချို့သော ကမ်းခြေများတွင် ငါးမန်းပိုက်များရှိကြသည်။ သို့သော် ရေအောက်အသံလှိုင်းနည်းပညာ ၊ဝေဟင်ကင်းလှည့်မှုတို့အပါအ၀င် အခြားနည်းလမ်းများကို ထောက်ပံ့သောအားဖြင့် ထိုငါးမန်းပိုက်များထားရှိခြင်းကို ပယ်ဖျက်ရန် ယမန်နှစ်က အစိုးရ၏အစီရင်ခံစာ တစ်ခုတွင်တောင်းဆိုခဲ့သည်။ ငါးမန်းပိုက်များသည် လူတို့၏  လုံခြုံရေးကို အခြားသောအတားအဆီးများ ထက် ပို၍မပေးနိုင်သည့်အပြင် ရေအောက်သတ္တ၀ါများ၏ နေထိုင်မှုပုံစံကို သိသိသာသာ ပျက်စီးစေနိုင်သည်ဟု သိရသည်။