သူတော်ယောင်ဆောင်ပြီး ကိုယ်ကျိုးစီးပွားကိုသာကြည့်သော ကုလသမဂ္ဂလူ့ အခွင့်အရေးကောင်စီမှ နုတ်ထွက်ကြောင်း အမေရိကန်ထုတ်ပြန် ကြေညာ

အစ္စရေး အကျိုးစီးပွားပျက်စီးအောင် လုပ်ဆောင်သည်ဟုစွပ်စွဲလျက် အမေရိကန် ပြည်ထောင်စုသည် ဇွန် ၁၉ ရက်တွင် ကုလသမဂ္ဂ လူ့ အခွင့်အရေးကောင်စီမှ နုတ်ထွက်ကြောင်း ထုတ်ပြန်ကြေညာခဲ့သည်ဟု ကုလ တာဝန်ရှိသူများက ထုတ်ဖော်ပြောကြားခဲ့ကြသည်။

ကုသမဂ္ဂဆိုင်ရာ အမေရိကန်သံတမန် နစ်ကီဟာလေသည် နိုင်ငံခြားရေးဝန်ကြီး မိုက်ပွန်ပီယိုနှင့်အတူ ၀ါရှင်တန်တွင်ယင်းနေ့  ဒေသစံတော်ချိန် ၅ နာရီ ပြုလုပ်သော သတင်းစာရှင်းလင်းပွဲ၌ ထုတ်ပြန်ကြေညာခဲ့ခြင်းဖြစ်သည်။ ကမ္ဘာတစ်ဝန်း လူ့ အခွင့်အရေးများကို ကာကွယ် မြှင့်တန်ရန် ၂၀၀၆ခုနှစ်တွင်ထူထောင်ခဲ့သော ဂျနီဗာအခြေစိုက် ကုလသမဂ္ဂ လူ့ အခွင့်အရေးကောင်စီမှထွက်ရန် နစ်ကီဟာလေက အကြိမ်ကြိမ် ခြိမ်းခြောက် ပြောဆိုခဲ့သည်။

အမေရိကန်-မက္ကဆီကိုနယ်စပ်တွင်   ရွေ့ ပြောင်း အခြေချကလေးများကို ၄င်းတို့ ၏ မိသားစုများနှင့်ခွဲထုတ်သည့် ထရန့် ၏မူဝါဒကို ကုလသမဂ္ဂကပြင်းပြင်းထန်ထန် ဝေဖန်ခဲ့ပြီးနောက် အမေရိကန်က ကုလလူ့ အခွင့် အရေးကောင်စီမှ ထွက်ခွာကြောင်း ထုတ်ပြန် ကြေညာ ခဲ့ခြင်းဖြစ်သည်။ကလေးများကို ယခုကဲ့သို့ ကို နှိပ်စက် အပြစ်ပေး ခြင်းဖြင့် မည်သည့်နိုင်ငံမဆို မိဘများကိုဟန့်တားလိမ့်ဆိုသော အတွေးအခေါ် မှာ ယုတ္တိမရှိ ကြောင်း  ဇွန် ၁၈ ရက်တွင် ကုလလူ့အခွင့်အျရး  ကောင်စီအကြီးအကဲ ဇာအစ်ရာ အက်အယ် ဟူစိန်က ထုတ်ဖော်ပြောကြားခဲ့သည်။

ကုလသမဂ္ဂ ထိပ်တန်းအဖွဲ့ အစည်းတစ်ခုမှ အမေရိကန်နုတ်ထွက်သွားခြင်းကို လူ့အခွင့်အရေးစောင့်ကြည့်မှုအဖွဲ့ က ဝေဖန်ခဲ့ပြီးကမ္ဘာ့အဆိုးရွားဆုံး လူ့ အခွင့်အရေးပြဿနာများကို ဖြေရှင်းရန် အခြားအစိုးရများကို ၀န်ထုပ်ဝန်ပိုး ဖြစ်စေကြောင်း သတိပေးခဲ့သည်။

အစ္စရေးကိုဆန့်ကျင်သည့် နာတာရှည် အစွဲရှိနေပြီး ပြုပြင်ပြောင်းလဲမှု မရှိခြင်းကြောင့် ကြောင်သူတော်ယောင်ဆောင်ပြီး ကိုယ်ကျိုးစီးပွားကိုသာ ကြည့်သော ကုလသမဂ္ဂလူ့ အခွင့်အရေးကောင်စီမှ အမေရိကန် နုတ်ထွက်ကြောင်း သတင်းစာရှင်းလင်းပွဲတွင် နစ်ကီဟာလေကပြောကြားခဲ့ပြီး၊ အမေရိကန်၏ယခုလုပ်ရန်သည် ကမ္ဘာနှင့်အ၀န်း လူ့  အခွင့်အရေး မြှင့်တင်မှုများအတွက် ပိုမို ခက်ခဲ့သွားစေလိမ့်မည်ဟု လူ့ အခွင့်အရေး   တက်ကြွလှုပ်ရှားသူများက သတိပေးခဲ့သည်။

ကုလသမဂ္ဂလူ့ အခွင့်အရေးကောင်စီကို ပြုပြင်ပြောင်းလဲရန်အမေရိကန်၏ ကြိုးပမ်းမှုများကို ကဖျက်ယဖျက် လုပ်သည့်အတွက် ရုရှား၊ တရုတ်၊ ကျူးဘားနှင့် အီဂျစ်တို့ ကို နစ်ကီဟာလေက ဝေဖန်ခဲ့သည်။ အမေရိကန် တန်ဖိုးများကိုမျှဝေ၍ အမေရိကန်ကိုလူ့ အခွင့်အရေးကောင်စီတွင် ဆက်လက်ရှိနေစေရန် အားပေးတိုက်တွန်းသောနိုင်ငံများကို သူမက ဝေဖန်ခဲ့သော်လည်း ပိုနေမြဲကျားနေမြဲ အခြေအနေကို အပြင်းအထန်စိန်ခေါ်ရန် ဆန္ဒမရှိကြောင်းပြောကြားခဲ့သည်။

မိုဘိုင်းဖုန်း တိုးပွားမှု ထိပ်ဆုံးငါးနိုင်ငံတွင် မြန်မာပါဝင်ခြင်း မရှိတော့သော်လည်း အာရှပစိဖိတ် ဒေသတွင် ဦးဆောင်နေကြောင်း Ericsson အစီရင်ခံစာမှ သိရ

ပြည်တွင်း မိုဘိုင်းဖုန်း သုံးစွဲနေသူ အချို့အား တွေ့ရစဉ် (ဓာတ်ပုံ- နေမျိုးထွန်း)

မိုဘိုင်းဖုန်းတိုးပွားမှု ထိပ်ဆုံးငါးနိုင်ငံ စာရင်းတွင် မြန်မာနိုင်ငံ ပါဝင်ခြင်း မရှိတော့သော်လည်း အာရှပစိဖိတ်ဒေသမှာ ဦးဆောင်နေကြောင်း ၂၀၁၈ ခုနှစ် ဇွန်လတွင် ထွက်ရှိလာသော Ericsson Mobility Report အစီရင်ခံစာအရ သိရသည်။

၂၀၁၈ ပထမသုံးလအတွင်း ကမ္ဘာတစ်ဝန်းတွင် မိုဘိုင်းဖုန်းသုံးစွဲမှုအသစ် တိုးပွားမှု မှာ ၉၈ သန်းရှိခဲ့ပြီး အာရှပစိဖိတ်ဒေသမှာ ၈၃ သန်းအထိ တိုးပွားခဲ့ကြောင်း သိရသည်။ လက်တင်အမေရိကနှင့် အနောက်ဥရောပတို့မှာ တစ်သန်းစီပင် ပြန်လည်လျော့ကျခဲ့သည်။

၂၀၁၈ နှစ်ဆန်းပိုင်းတွင် မိုဘိုင်းဖုန်းသုံးစွဲသူ အသစ်တိုးပွားမှု ထိပ်ဆုံးငါးနိုင်ငံမှာ တရုတ်နိုင်ငံက ၅၃ သန်းဖြင့် ထိပ်ဆုံးမှ ဦးဆောင်နေပြီး အိန္ဒိယနိုင်ငံက ၁၆ သန်း၊ အင်ဒိုနီးရှားနိုင်ငံက ခြောက်သန်း၊ နိုင်ဂျီးရီးယားနိုင်ငံက သုံးသန်း၊ ဘင်္ဂလားဒေ့ရ်ှနိုင်ငံက နှစ်သန်းဖြင့် ထပ်မံတိုးပွားလာခဲ့ခြင်း ဖြစ်ကြောင်း သိရသည်။

ဒေသတစ်ခုလုံး အနေဖြင့်မူ မြောက်အမေရိကတိုက်မှာ နှစ်သန်းခန့်သာ ထပ်မံတိုးပွားမှုရှိပြီး အလယ်နှင့် အရှေ့ဥရောပမှာ တစ်သန်း၊ အရှေ့အလယ်ပိုင်း ဒေသမှာ သုံးသန်း၊ အာဖရိကဒေသမှာ ၁၁ သန်း ဖြစ်ကြောင်း သိရသည်။

စုစုပေါင်း မိုဘိုင်းဖုန်း သုံးစွဲမှုတွင်မူ မြောက်အမေရိကမှာ သန်း ၃၉၀၊ လက်တင်အမေရိကမှာ သန်း ၆၉၀၊ အနောက်ဥရောပမှာ ၅၂၅ သန်း၊ အလယ်ပိုင်းနှင့် အရှေ့ဥရောပမှာ သန်း ၅၈၀၊ အရှေ့အလယ်ပိုင်းဒေသမှာ ၄၁၅ သန်း၊ အာဖရိကဒေသမှာ သန်း ၁,၀၄၀ နှင့် အာရှ ပစိဖိတ်ဒေသမှာ သန်း ၄,၂၃၀ ရှိလာကြောင်း သိရသည်။ အာရှပစိဖိတ်ဒေသတွင် တရုတ်မှာ သန်း ၁,၄၇၀ နှင့် အိန္ဒိယမှာ ၁,၁၈၅ သန်းရှိကြောင်း သိရသည်။ တစ်ကမ္ဘာလုံးတွင် မိုဘိုင်းသုံးစွဲမှု စုစုပေါင်းမှာ ၇ ဒသမ ၉ ဘီလျံအထိ ရောက်ရှိလာခြင်းဖြစ်သည်။

အူရီဒူးနှင့် တယ်လီနောတို့က ဆင်းမ်ကတ်များကို စတင်ရောင်းချပြီးနောက်ပိုင်း  မြန်မာနိုင်ငံမှာ မိုဘိုင်းဖုန်းသုံးစွဲမှု အတိုးပွားဆုံး ထိပ်ဆုံးငါးနိုင်ငံတွင် ပါဝင်ခဲ့ခြင်းဖြစ်ပြီး ကာလအပိုင်းအခြား တစ်ကြိမ်မက ဖော်ပြခံခဲ့ရခြင်း ဖြစ်သည်။

၂၀၂၃ ခုနှစ်သို့ အရောက်၌ မိုဘိုင်းဖုန်း သုံးစွဲမှုနှုန်းမှာ ၈ ဒသမ ၉ ဘီလျံအထိ ရောက်ရှိလာမည်ဟု ခန့်မှန်းထားပြီး အမှန်တကယ် သုံးစွဲသူ အရေအတွက်မှာ ၆ ဒသမ ၁ ဘီလျံရှိလာမည်ဟု ခန့်မှန်းထားကြသည်။

၂၀၁၃ မှ ၂၀၁၈ ခုနှစ်ကာလအတွင်း အသံဝန်ဆောင်မှု (ဖုန်းပြောဆိုခြင်း) သုံးစွဲခြင်းမှာ တစ်ပြေးညီဖြင့် အပြောင်းအလဲ အတက်အကျ မရှိခဲ့သော်လည်း ဒေတာသုံးစွဲမှု (တစ်နည်းအားဖြင့် အင်တာနက်သုံးစွဲမှု) မှာ လအလိုက်၊ နှစ်အလိုက် ဆက်တိုက် မြင့်တက်ခဲ့ကြောင်း သိရသည်။ မိုဘိုင်းဒေတာ သုံးစွဲမှုမှာ နှစ်စဉ် ၅၄ ရာခိုင်နှုန်းခန့် စီမြင့်တက်ခဲ့ခြင်းဖြစ်ပြီး သုံးလခြားတစ်ခါ မြင့်တက်မှုမှာ ၁၁ ရာခိုင်နှုန်းခန့် ဖြစ်ကြောင်း သိရသည်။

 

နော်ဝေ၌ လျှပ်စစ်လေယာဉ်ငယ်အား စမ်းသပ်မောင်းနှင်

ဇွန် ၁၈ ရက်က အော်စလိုလေဆိပ်တွင် ပထမဆုံးအကြိမ် စမ်းသပ်မောင်းနှင်ခဲ့သော လျှပ်စစ်လေယာဉ်ကို တွေ့ရစဉ် (Photo – AFP)

၂၀၂၅ ခုနှစ်၌ ခရီးသည်တင်လျှပ်စစ် လေယာဉ်များ စတင်ပျံသန်းနိုင်ရန် မျှော်မှန်းထားသော နော်ဝေတွင် ဇွန်၁၈ ရက်က ထိုင်ခုံနှစ်ခုံပါ လျှပ်စစ်လေယာဉ်တစ်စင်းကို စမ်းသပ်မောင်းနှင်ခဲ့သည်။

သဘာဝပတ်ဝန်းကျင်နှင့်လိုက်လျော ညီထွေရှိသော လမ်းကြောင်းသို့ ပြောင်းလဲလာသည့် နော်ဝေသည်ကမ္ဘာတွင် လျှပ်စစ်ကားအများဆုံး ၀ယ်ယူအသုံးပြုသည့်နိုင်ငံလည်း ဖြစ်သည်။

ယခုစမ်းသပ်ခဲ့သည့် လျှပ်စစ်လေယာဉ်  Alpha Electro G2 ကို ဆလိုဗေးနီးယားမှ  Pipistrel က တည်ဆောက်ခဲ့ခြင်း ဖြစ်သည်။ Alpha Electro G2 လေယာဉ်ကို  သယ်ယူပို့ဆောင်ရေးဝန်ကြီး ကီတယ်စလိုဗက်-အော်စလန်နှင့် နိုင်ငံပိုင်နော်ဝေလေကြောင်းလုပ်ငန်း Avinor ဥက္ကဋ္ဌဒက်ဖော့ခ်-ပီတာဆင်တို့သည် အော်စလိုလေဆိပ်အနီးတွင် မိနစ်အနည်းငယ်ကြာ စမ်းသပ်မောင်းနှင်ခဲ့ကြခြင်း ဖြစ်သည်။

“ကျွန်တော်တို့ဟာ သဘာဝပတ်ဝန်းကျင်နဲ့ ပိုမိုကိုက်ညီမှုရှိတဲ့ ဝေဟင်ပျံသန်းမှုဆီသို့ အမြန်နှုန်းနဲ့သွားနေတဲ့အကြောင်း  ဒါဟာ ပထမဥပမာတစ်ခု ဖြစ်ပါတယ်။ ဘေးကင်းစေဖို့အတွက်တော့ သေချာပေါက် လုပ်ဆောင်ရမှာဖြစ်ပါတယ်” ဟု စလိုဗက်- အော်စလန်က ပြောကြားခဲ့သည်။

ဘိုရင်းနှင့် အဲဘတ်စ်ကဲ့သို့ လေယာဉ်ထုတ်လုပ်ရေးလုပ်ငန်းများသည် လျှပ်စစ်လေယာဉ်များအား တည်ဆောက်နေပြီဖြစ်ကာ ဘက်ထရီဈေးနှုန်းများမှာလည်း ကျဆင်းလာပြီဖြစ်သည့်အတွက် ၂၀၄၀ ပြည့်၌ နော်ဝေပြည်တွင်း လေကြောင်းခရီးစဉ်များ အားလုံးတွင် လျှပ်စစ်လေယာဉ်များကိုသာ အသုံးပြုမောင်းနှင်နိုင်ရန် အစိုးရ၏ ရည်မှန်းချက်ပြည့်မီရေးမှာ ပိုမိုဖြစ်နိုင်ခြေရှိလာခဲ့သည်။ မည်သည့်အချိန်တွင် ခရီးသည်တင် လျှပ်စစ်လေယာဉ်များ စတင်ပျံသန်းနိုင်မည် နည်းဟုမေးမြန်းခဲ့ရာတွင် ပီတာဆန်က “ကျွန်တော်အနေနဲ့ အနီးစပ်ဆုံးခန့်မှန်းရမယ် ဆိုရင်တော့ ၂၀၂၅ ခုနှစ် မတိုင်မီလောက် ဖြစ်ပါလိမ့်မယ်။ ၂၀၄၀ ပြည့်နှစ်လောက်ကျရင်တော့ အားလုံးဟာ လျှပ်စစ်လေယာဉ်တွေ ဖြစ်လာနိုင်ပါတယ်” ဟု ပြောကြားခဲ့သည်။

ဇွန် ၁၈ ရက်က စမ်းသပ်မောင်းနှင်ခဲ့ရာတွင်  Alpha Electro G2 လေယာဉ်သည် ကျဉ်းကျဉ်းကျုတ်ကျုတ်ရှိလှပြီး လေကြောင့်လူးလှိမ့်နေသည်မှာလည်း ထိတ်လန့်စရာ ဖြစ်သည်ဟု ၀န်ကြီးနှင့် ပီတာဆန်တို့က ဆိုကြသည်။ စမ်းသပ်မောင်းနှင်မှုတွင် ပီတာဆင်က မောင်းနှင်ပြီး ၀န်ကြီးစလိုဗက်အော် စလန်က ခရီးသည်ထိုင်ခုံ၌ထိုင်၍ လိုက်ပါခဲ့ခြင်း ဖြစ်သည်။ သို့သော် ၅၇၀ ကီလိုဂရမ် ( ၁၂၅၅ ပေါင်) လေးသော ထိုလေယာဉ်ငယ်သည် ရုပ်ကြွင်းလောင်စာများ အား အသုံးပြု ပျံသန်းသည့် လေယာဉ်များထက်အသံပို၍ တိတ်ဆိတ်သည်ဟု သိရသည်။

နော်ဝေတွင် လျှပ်စစ်ကားများအတွက် အသုံးပြုပါက အခွန်ကင်းလွတ်မှုကြီးကြီးမားမားပေးခြင်း၊ အခမဲ့ယာဉ်ရပ်နားနိုင်ခြင်း အစရှိသည့် အကျိုးကျေးဇူးများစွာရရှိထားသည်။ ထို့ကြောင့် နော်ဝေသည် လျှပ်စစ်ကား အများဆုံးအသုံးပြုမှုတွင် ကမ္ဘာ့ထိပ်တန်းတစ်နိုင်ငံ ဖြစ်နေသည်။ ၂၀၁၈ ခုနှစ် မေလက နော်ဝေ၌ ရောင်းချခဲ့သည့် ကားအားလုံး၏ ၅၆ ရာခိုင်နှုန်းသည် လျှပ်စစ်ကား သို့မဟုတ် စွမ်းအင်နှစ်မျိုးသုံးကားများ ဖြစ်ကြသည်။

Ref ;Reuters

ယီမင်အစိုးရတပ်ဖွဲ့ဝင်များ ဟိုဒေးဒါ လေဆိပ်သို့ ထိုးဖောက်ဝင်ရောက်

ဇွန် ၁၈ ရက်က ဟိုဒေးဒါ လေဆိပ်တစ်ဝိုက်တွင် စုဝေးနေသည့် ယီမင်အစိုးရဘက်တော်သား တပ်ဖွဲ့ဝင်များကို တွေ့ရစဉ် (Photo – AFP)

သူပုန်ထိန်းချုပ်ထားသော ဆိပ်ကမ်းမြို့ကို သိမ်းပိုက်ရေးအတွက် တိုက်ပွဲအရှိန်အဟုန်မြင့်တက်နေစဉ် ယူအေအီး ကျောထောက်နောက်ခံပြု ယီမင်အစိုးရတပ်ဖွဲ့ဝင်များသည် ဇွန် ၁၉ ရက်တွင် ဟိုဒေးဒါလေဆိပ်သို့ ၀င်ရောက်ခဲ့သည်ဟု ယူအေအီးက ထုတ်ပြန်ခဲ့သည်။

“ယူအေအီး တပ်ဖွဲ့ဝင်တွေရဲ့ ပါဝင်ပံ့ပိုး ပေးမှုနဲ့အတူ ယီမင်ပူးတွဲ ခုခံကာကွယ်ရေး (စစ်တပ်)က ဟိုဒေးဒါဆိပ်ကမ်းကို ၀င်ရောက်ခဲ့တယ်” ဟု ယူအေအီးအစိုးရပိုင် သတင်းအေဂျင်စီ WAM က ထုတ်ပြန်ခဲ့သည်။

ယီမင်စစ်ဘက်ဆိုင်ရာ သတင်းရင်းမြစ်တစ်ဦးကလည်း ယင်းသတင်းကို အေအက်ဖ်ပီသို့ အတည်ပြုခဲ့သည်။ ယူအေအီးနှင့်အိမ်နီးချင်း ဆော်ဒီအာရေဗျနိုင်ငံမှ တပ်ဖွဲ့ဝင်များသည် ၂၀၁၅ ခုနှစ်မှစပြီး ဟူသီရှီအိုက် သူပုန်များကို နှိမ်နင်းမှုတွင် ယီမင်အစိုးရအဖွဲ့ကို ထောက်ပံ့ပေးသည့် အာရပ်ညွန့်ပေါင်းအဖွဲ့တွင် ပါဝင်နေသည်။

ညွန့်ပေါင်းအဖွဲ့သည် ပင်လယ်နီဆိပ်ကမ်း ဟိုဒေးဒါမှ သူပုန်များကို မောင်းထုတ်ရန်အတွက် ဇွန် ၁၃ ရက်တွင် အကြီးစားထိုးစစ်တစ်ခုကို စတင်ခဲ့သည်။

ဒေသတွင်းလက်နက်ပြိုင်ဘက်ဖြစ် သောအီရန်က ဆိပ်ကမ်းမှတစ်ဆင့် သူပုန်များအတွက် လက်နက်များမှောင်ခိုသွင်းပေးခဲ့သည်ဟု ဆော်ဒီအာရေဗျက စွပ်စွဲခဲ့သော်လည်း အီရန်က ငြင်းဆိုခဲ့သည်။ ဆော်ဒီပိုင်နက်ကို သူပုန်များက ဒုံးကျည်များဖြင့် ပစ်ခတ်မှုများကို တုံ့ပြန်မှုအဖြစ် ယခုနှစ် အစောပိုင်းတွင်ဆော်ဒီနှင့် ၎င်း၏ မဟာမိတ်များက ဆိပ်ကမ်းကို ပိတ်ဆို့ခဲ့သည်။

ယင်းပိတ်ဆို့မှုကို ကယ်ဆယ်ရေးအဖွဲ့ အစည်းများက ကန့်ကွက်ခဲ့ကြပြီး ကယ်ဆယ်ရေးပို့ကုန်များနှင့် စီးပွားဖြစ် စားနပ်ရိက္ခာသွင်းကုန်များကို အပြည့်အ၀ပြန်လည်မထိန်းသိမ်းနိုင်ပါက အငတ်ဘေးကြုံ တွေ့နိုင်သည်ဟု သတိပေးခဲ့သည်။

ယီမင်ပဋိပက္ခကို ကမ္ဘာ့အကြီးဆုံးတစ်ခုတည်းသော လူသားချင်းစာနာထောက်ထားမှုဆိုင်ရာ ကပ်ဘေးတစ်ခုဟု ကုလသမဂ္ဂက ဖော်ပြခဲ့သည်။ ယီမင်တွင် လူ ၂၂ သန်း ခန့်သည် အကူအညီလိုအပ်နေပြီး ယင်းတို့ထဲ မှ ၈ ဒသမ ၄ သန်းသည် အငတ်ဘေးကျ ရောက်တော့မည့်ဆဲဆဲ ရှိနေသည်ဟု ကုလသမဂ္ဂ ထုတ်ပြန်ချက်အရ သိရသည်။

အာရပ်ကမ္ဘာ၏ အဆင်းရဲဆုံးနိုင်ငံဖြစ်သည့် ယီမင်တွင် ပဋိပက္ခကြောင့် လူ ၁၀,၀၀၀ ခန့်သေဆုံးခဲ့သည်။

အဓိကဆိပ်ကမ်းဟိုဒေးဒါကို ထိုးစစ်ဆင်နေသော်လည်း လာမည့်လတွင် ငြိမ်းချမ်းရေး ဆွေးနွေးပွဲအစီအစဉ်တစ်ခုကို ပြန်လည်စတင်ရန် ယီမင်ဆိုင်ရာ ကုလသမဂ္ဂသံမတ်ကြီး Martin Griffiths က မျှော်လင့်ထားသည် ဟုသံအမတ်များက ဇွန် ၁၈ ရက်တွင် ပြောကြားခဲ့သည်။

Ref ; AFP

ကမ္ဘာတစ်ဝန်း နေရပ်ရွှေ့ပြောင်းထွက်ပြေးရသူ ဦးရေသည် ၆၈ ဒသမ ၅ သန်းအထိ စံချိန်တင်မြင့်တက်လာ

၂၀၁၅ ခုနှစ် စက်တင်ဘာ ၁၅ ရက်က ဂျာမနီတောင်ပိုင်းတွင် ဟန်ဂေရီနှင့် သြစတြီးယားတို့မှ ၀င်ရောက်လာသည့် ဒုက္ခသည်များအား ဂျာမနီရဲတစ်ဦးက မှတ်တမ်းတင်နေစဉ် (Photo – AFP)

ကမ္ဘာတစ်ဝန်းတွင် စစ်ပွဲ၊ အကြမ်းဖက်မှုနှင့် ဖိစီးနှိပ်စက်မှုများကြောင့် နေအိမ်များမှ ရွှေ့ပြောင်းထွက်ပြေးရသူ ဦးရေသည် စံချိန်တင် ၆၈ ဒသမ ၅ သန်းအထိရှိလာခဲ့ပြီး အထူးသဖြင့် မြန်မာနှင့် ဆီးရီးယားကဲ့သို့ နေရာများတွင် သိသိသာသာ များပြားလာသည်ဟု ကုလသမဂ္ဂက ဇွန် ၁၉ ရက်တွင် ထုတ်ပြန်ခဲ့သည်။

၂၀၁၇ ခုနှစ် နှစ်ကုန်ချိန်၌ ရွှေ့ပြောင်းထွက်ပြေးရသူဦးရေသည် ယခင်တစ်နှစ်ကထက် သုံးသန်းနီးပါး ပိုမိုမြင့်တက်လာခဲ့သည်။ လွန်ခဲ့သည့် ဆယ်စုနှစ်တစ်ခုခန့်က အချိန်နှင့် နှိုင်းယှဉ်ပါက ရာခိုင်နှုန်း ၅၀ ခန့် မြင့်တက်လာခြင်းဖြစ်သည်ဟု ကုလသမဂ္ဂ ဒုက္ခသည်အေဂျင်စီက ထုတ်ပြန်ခဲ့သည်။

လက်ရှိရွှေ့ပြောင်းထွက်ပြေးရသူ ဦးရေသည် ထိုင်းတစ်နိုင်ငံလုံး၏ လူဦးရေနှင့် ပင်တူညီနေပြီး ကမ္ဘာတစ်ဝန်း၌ လူ ၁၁၀  လျှင် တစ်ဦးနှုန်းဖြင့် အိုးအိမ်တို့မှရွှေ့ပြောင်း ထွက်ပြေးရသည့် သဘောသက်ရောက်နေသည်ဟု ထိုထုတ်ပြန်ချက်တွင် ဖော်ပြခဲ့သည်။

“လက်ရှိအခြေအနေဟာ အရေးပါတဲ့ ကာလတစ်ခု ဖြစ်နေပါတယ်။ နိုင်ငံတွေ၊ လူ့ အဖွဲ့အစည်းတွေအနေနဲ့ ဒီပြဿနာကိုကိုယ့် ဘာသာဖြေရှင်းနေရတာမျိုး မဖြစ်စေဘဲ ကမ္ဘာတစ်ဝန်းက ရွှေ့ပြောင်းထွက်ပြေးသူ ဦးရေကို ထိန်းချုပ်ရာမှာ အောင်မြင်မှုရရှိဖို့ အတွက် ပိုမိုကျယ်ပြန့်တဲ့ ချဉ်းကပ်မှုသစ်တစ်ခုကို လိုအပ်နေပါတယ်” ဟု ကုလသမဂ္ဂ ဒုက္ခသည်ဆိုင်ရာ မဟာမင်းကြီး ဖိလစ်ပိုဂရန်ဒီက ပြောကြားခဲ့သည်။

သို့သော် နေအိမ်များမှ ရွှေ့ပြောင်း ထွက်ပြေးရသူစုစုပေါင်း၏ ရာခိုင်နှုန်း ၇၀  မှာ နိုင်ငံ ၁၀ နိုင်ငံမှသာ ဖြစ်နေကြောင်း ဂရန်ဒီက ဂျီနီဗာတွင် သတင်းထောက်များကို ပြောကြားခဲ့သည်။

နှစ်စက္ကန့်တိုင်း တစ်ဦး

ယမန်နှစ်အတွင်း ရွှေ့ပြောင်းထွက်ပြေးရသူအသစ် ဦးရေမှာ ၁၆ ဒသမ ၂ သန်း ရှိနေသည်ဟု အစီရင်ခံစာ၌ ဖော်ပြခဲ့သည်။ ထို့ကြောင့် အိုးအိမ်များမှ စွန့်ခွာထွက်ပြေးနေရသူ ဦးရေသည် နေ့စဉ် ၄၄၅၀၀ သို့မဟုတ် နှစ် စက္ကန့်လျှင် တစ်ဦးနှုန်းဖြစ်ကြောင်း UNHCE က ထုတ်ပြန်ခဲ့သည်။

နိုင်ငံတွင်းမှာပင် ရွှေ့ပြောင်းထွက်ပြေးသူတို့ကို ပြည်တွင်းရွှေ့ပြောင်းထွက်ပြေးသူများ (IDP) ဟု ခေါ်ကြသည်။ ၂၀၁၇ ခုနှစ်ကုန်တွင် IDP ဦးရေမှာ ယခင်နှစ်များ ထက်အနည်းငယ်ကျဆင်းသွားပြီး သန်း ၄၀ ခန့်ရှိနေသည်။ IDP ဦးရေသည် ကိုလံဘီ ယာ၊ ဆီးရီးယား၊ ဒီအာကွန်ဂိုတို့တွင် အများဆုံးဖြစ်သည်။

တောင်ဆူဒန်၏ ဒုက္ခသည်ဦးရေ  အလျင်အမြန် မြင့်တက်လာ

ခုနစ်နှစ်ကြာ ပြည်တွင်းစစ်ဖြစ်ပွားနေသည့် ဆီရီးယားတစ်နိုင်ငံတည်းမှာပင်

ပြည်ပသို့ ရွှေ့ပြောင်းထွက်ပြေးရသူဦးရေမှာ ၆ ဒသမ ၃ သန်းကျော်ရှိနေပြီး IDPs ဦးရေမှာ ၆ ဒသမ ၂ သန်း ရှိသည်။

ဒုတိယမြောက် ဒုက္ခသည်အများဆုံး ထွက်ရှိသည့်နိုင်ငံမှာ အာဖဂန်နစ္စတန် ဖြစ်သည်။ အာဖဂန်၏ ဒုက္ခသည်ဦးရေသည် တစ်နှစ်အတွင်းမှာပင် ငါးရာခိုင်နှုန်းမြင့်တက်ကာ ၂ ဒသမ ၆ သန်း ရှိနေသည်။

သို့သော် ယမန်နှစ်အတွင်းက ဒုက္ခသည် ဦးရေ အများဆုံးမြင့်တက်လာသည့် နိုင်ငံမှာ တောင်ဆူဒန်ဖြစ်သည်။ ကမ္ဘာ့သက်တမ်းအနုဆုံးနိုင်ငံတောင် ဆူဒန်တွင် ၂၀၁၇  နှစ်စက အိုးအိမ်များမှ စွန့်ခွာထွက်ပြေးရသူဦးရေသည် ၁ ဒသမ ၄ သန်းရှိနေပြီး နှစ်ကုန်တွင် ၂ ဒသမ ၄ သန်း သို့မြင့်တက်သွားခဲ့သည်။ ရခိုင်အရေးဖြစ်ပေါ်နေသည့် မြန်မာနိုင်ငံတွင်လည်း ယမန်နှစ်ကဒုက္ခသည်  ဦးရေသည် နှစ်ဆမြင့်တက်လာက ၁ ဒသမ ၂ သန်း ရှိလာသည်။     Ref ; AFP

အင်ဒိုနီးရှားကူးတို့ သင်္ဘောနစ်မြုပ်မှုတွင် ၁၂၈ ဦး ပျောက်ဆုံးနေ

ဇွန် ၁၉ ရက်တွင် မြောက်ဆူမတ်တြားပြည်နယ်ရှိ တိုဘာကန်ဆိပ်ကမ်းတွင် ပျောက်ဆုံးနေသူများအား ရှာဖွေနေစဉ် (Photo – AFP)

အင်ဒိုနီးရှားနိုင်ငံတွင် ကူးတို့ သင်္ဘော နစ်မြုပ်ခဲ့ပြီးနောက် ပျောက်ဆုံးနေသူ ၁၂၈ ဦးကို ရာနှင့်ချီသော ကယ်ဆယ်ရေးသမားများက ရှာဖွေနေသည်ဟု အမျိုးသားဘေးအန္တရာယ် တုံ့ပြန်ကယ်ဆယ်ရေး အေဂျင်စီက ဇွန် ၁၉ ရက်တွင် ထုတ်ပြန်ခဲ့သည်။

သစ်သားကူးတို့သင်္ဘောသည် ဆူမတ်တြားကျွန်းရှိ  ခရီးသွားများလာရောက်သည့် နာမည်ကြီးနေရာတစ်ခုဖြစ်သော တိုဘာရေကန်သို့ သွားရောက်စဉ် ဇွန် ၁၈ ရက်  မွန်းလွဲပိုင်းတွင် နစ်မြုပ်ခဲ့သည်။ လူတစ်ဦး၏ အလောင်းကိုတွေ့ရှိခဲ့ပြီး ၁၈ ဦးကို ကယ်တင်နိုင်ခဲ့သည်ဟု အာဏာပိုင်များက ပြောကြား ခဲ့သည်။

“လူတော်တော်များများ ပျောက်နေတယ်လို့ သူတို့ရဲ့ ဆွေမျိုးတွေက သတင်းပို့ထားတယ်” ဟု  မီဒန်မြို့အနီးရှိ ရှာဖွေရေးနှင့် ကယ်ဆယ်ရေးအေဂျင်စီ၏ ခေါင်းဆောင် ဘူဒီဝန်က ရိုက်တာသတင်းဌာနသို့ ပြောကြားခဲ့သည်။

ကူးတို့သင်္ဘောပေါ်တွင် ခရီးသည် ၈၀ ထက်မနည်း ပါဝင်သည်ဟု အာဏာပိုင်များ ကအစောပိုင်းတွင် ထုတ်ပြန်ခဲ့သည်။  တိုဘာရေကန်တွင် နစ်မြုပ်ခဲ့သည့် ယင်းကူးတို့ သင်္ဘောသည် ခရီးသည်စာရင်းများ (သို့မ ဟုတ်) ခရီးသည် လက်မှတ်များမရှိဘဲ တရားမ၀င် သယ်ယူပို့ဆောင်နေသည်ဟု ယူဆကြောင်း အာဏာပိုင်များက ပြောကြားခဲ့သည်။

ယင်းကူးတို့သင်္ဘောပေါ်တွင် နိုင်ငံခြားသားများ ပါဝင်ခြင်း ရှိ၊ မရှိ တိတိကျကျ မသိရပေ။ ဇွန် ၁၈ ရက်တွင် ရုပ်သံမှပြသသည့် ဗီဒီယို၌ ကယ်ဆယ်ရေးလှေတစ်စင်း ချဉ်းကပ်ဝင်ရောက်ချိန်တွင် လှိုင်းထန်သောရေပြင်၌ ခရီးသည်အဖွဲ့တစ်ဖွဲ့မြင့် ချည်နိမ့်ချည်ပေါ်နေသည်ကို ပြသခဲ့သည်။

“ကူးတို့သင်္ဘောမြုပ်တာ အရမ်းကို မြန်ဆန်လွန်းပါတယ်။ ကျွန်မ ကလေးကို ဆွဲခဲ့ပေမယ့် ကလေးပျောက်သွားခဲ့တယ်” ဟု  ဂျူဝီတာအမည်ရ အမျိုးသမီးတစ်ဦးက  TVOne  သို့ ပြောကြားခဲ့သည်။

ရာသီဥတုဆိုးရွားပြီး မြင်ကွင်းမရှင်းလင်းမှုကြောင့် ဇွန် ၁၈ ရက် ညနေပိုင်းတွင် ကယ်ဆယ်ရေးကို ရပ်ဆိုင်းခဲ့ပြီး ဇွန် ၁၉ ရက်  နံနက်ပိုင်းတွင် ကယ်ဆယ်ရေးသမား ၃၅၀ ဖြင့် ကယ်ဆယ်ရေးကို ပြန်လည်စတင်ခဲ့သည်။

မွတ်စလင်အများစုနေထိုင်သည့် အင်ဒိုနီးရှားနိုင်ငံတွင် ဇွန် ၁၅ ရက်မှစပြီး အိဒ်ပွဲတော်ဆင်နွှဲနေသည်။ ပွဲတော်များအတွင်း အားလပ်ရက်တွင် လူသန်းများစွာသည် တိုဘာရေကန်သို့ သွားရောက်ကြ သည်။

ကျွန်းစု ၁၇,၀၀၀ ရှိပြီး သွားလာရေးအတွက် ကူးတို့သင်္ဘောနှင့်လှေများကို အမှီပြုနေရသည့် အင်ဒိုနီးရှားတွင် ဘေးကင်းလုံခြုံရေး စံချိန်စံနှုန်း အားနည်းမှုကြောင့် ရေလမ်းမတော်တဆမှုများ ဖြစ်ပွားနေကျဖြစ်သည်။ ပြီးခဲ့သည့် သီတင်းပတ်တွင် လူ ၄၀ ပါဝင်သည့် သစ်သားသင်္ဘောတစ်စင်း နစ်မြုပ်ခဲ့ပြီး တစ်ဒါဇင်ကျော် သေဆုံးခဲ့သည်။ ၂၀၁၅ ခုနှစ်တွင် ဆူလာဝေစီကျွန်း ကူးတို့သင်္ဘောတစ်စင်း နစ်မြုပ်မှုကြောင့် လူ ၇၈ ဦး သေဆုံးခဲ့သည်။                                   Ref ; AFP

မြောက်ကိုရီးယားခေါင်းဆောင် ကင်ဂျုံအွန်က တရုတ်သို့ နှစ်ရက်ကြာခရီး ထပ်မံသွားရောက်

ဇွန် ၁၉ ရက်က ပေကျင်းတွင် မြောက်ကိုရီးယားခေါင်းဆောင် ကင်ဂျုံအွန် လိုက်ပါလာသည်ဟု ယူဆရသော ယာဉ်တန်းကို တွေ့ရစဉ် (Photo – AFP)

အမေရိကန်သမ္မတ ဒေါ်နယ်ထရန့် နှင့် မမျှော်လင့်ထားသော သမိုင်းဝင်ထိပ်သီးကို ကျင်းပခဲ့ပြီးနောက် တစ်ပတ်အကြာတွင် မြောက်ကိုရီးယားခေါင်းဆောင် ကင်ဂျုံအွန်သည် ပေကျင်းသို့ နှစ်ရက်ကြာ ခရီးစဉ်လာ ရောက်ခဲ့ကြောင်း တရုတ်အစိုးရမီဒီယာက  ဇွန် ၁၉ ရက်တွင် ဖော်ပြခဲ့သည်။ အမေရိကန်နှင့် မြောက်ကိုရီးယားတို့အကြားစေ့စပ်ညှိ နှိုင်းသူနေရာအား ပိုမိုခိုင်မာစေရန် တရုတ်က ကြိုးပမ်းနေစဉ် ကင်၏တရုတ်ခရီးစဉ် ထွက်လာခဲ့ခြင်း ဖြစ်သည်။

ယခင်ခရီးစဉ်တွင် ကင်နေထိုင်ခဲ့သော ပေကျင်းရှိ Diaoyutai နိုင်ငံတော်ဧည့်ဂေဟာတစ်ဝိုက်ရှိ လမ်းများတွင် ဇွန် ၁၉ ရက် မွန်းတည့်၌ လုံခြုံရေးဗင်ကားများ၊ ရဲကားများနှင့် သံချပ်ကာယာဉ် ဒါဇင်များစွာက စောင့်ကြပ်နေခဲ့ကြောင်း သိရသည်။ ဇွန် ၁၉ ရက် နံနက်တွင် ပေကျင်းသို့ရောက်ရှိလာဖွယ်ရှိဟု ယူဆရသော ကင်သည် တရုတ်သမ္မတ ရှီကျင်ပင်းနှင့်တွေ့ဆုံရန် ပြည်သူ့ခန်းမဆောင်သို့ သွားရောက်မည်ဖြစ်သည်။ ကင်သည် ဇွန် ၂၀ ရက်အထိ ပေကျင်းတွင် ဆက်ရှိနေမည်ဖြစ်ကြောင်း တရုတ်အစိုးရရုပ်သံ CCTV က ဖော်ပြခဲ့သည်။

ယခုခရီးစဉ်သည် ပြီးခဲ့သောမတ်တွင် ကင်က ပထမဆုံး ပြည်ပခရီးစဉ်ထွက်ခွာခဲ့ပြီးနောက်ပိုင်း တရုတ်သို့ တတိယအကြိမ်မြောက် သွားရောက်ခဲ့ခြင်းဖြစ်သည်။

ပြီးခဲ့သောသီတင်းပတ်တွင် ပြုလုပ်ခဲ့သော ထရန့်နှင့် ထိပ်သီးဆွေးနွေးပွဲအကြောင်းအား ဆွေးနွေးမှုအပြင် ကင်သည် ရှီနှင့်တွေ့ ဆုံစဉ်အတွင်း နျူကလီးယားဖျက်သိမ်းမည်ဟု ၎င်း၏ကတိပြုမှုအတွက် အပြန်အလှန်အားဖြင့် စီးပွားရေးဆိုင်ရာ ပိတ်ဆို့အရေးယူမှုများအား ဖြေလျှော့ပေးရန်အတွက် တရုတ်က ကူညီပေးရန် တောင်းဆိုမည်ဟု မျှော်လင့်ရကြောင်း ဂျပန်စီးပွားရေးနေ့စဉ်သတင်းစာ နစ်ကေးက ဖော်ပြခဲ့သည်။ ပြီးခဲ့သော သီတင်းပတ်တစ်ပတ်ခန့်က စင်ကာပူတွင် ထရန့် -ကင် သမိုင်းဝင်ထိပ်သီး အပြီး၌ ကုလသမဂ္ဂ လုံခြုံရေးကောင်စီသည် မြောက်ကိုရီးယားအား စီးပွားရေးဆိုင်ရာ ပိတ်ဆို့အရေးယူမှု ချထားခြင်းကို ဖြေလျှော့ပေးရန် စဉ်းစားနိုင်ကြောင်း တရုတ်က အဆိုပြုခဲ့သည်။ စင်ကာပူထိပ်သီးတွင် တရုတ်က ပါဝင်ဖွယ်မရှိသော်လည်း နောက်ကွယ်မှ ကြီးမားသောသြဇာလွှမ်းမိုးမှု ရှိနေဆဲဖြစ်သည်။

သမိုင်းဝင်ထိပ်သီးအပြီးတွင် မြောက်ကိုရီးယားသည် နျူကလီးယားလက်နက်များအား စိစစ်အတည်ပြုနိုင်ပြီး နောက်ပြန်လှည့်၍မရသော အလုံးစုံဖျက်သိမ်းမှုကို လုပ်ဆောင်ရန် အမေရိကန်၏ တောင်းဆိုချက်များကို အကောင်အထည်ဖော်ရန်အတွက် ရှီနှင့် ကင်တို့က အရေးတကြီးဆွေးနွေးရမည်ဖြစ်ကြောင်း ပေကျင်းအခြေစိုက် အပြည်ပြည်ဆိုင်ရာ ဆက်ဆံရေးသုံးသပ်သူဟွာဖိုက ပြောကြားခဲ့သည်။ အမေရိကန်၏ တောင်းဆိုချက်အား ကင်ကလက်ခံရန် ခက်ခဲဖွယ်ရှိကြောင်း၊ ယင်းအတွက် တရုတ်နှင့် မြောက်ကိုရီးယားတို့က အမေရိကန်နှင့် ရှေ့ဆက်ကိုင်တွယ်မည့် အရေးနှင့်ပတ်သက်၍ အလုံးစုံ မဟာဗျူဟာကို ပုံဖော်ရန်နှင့် ဆက်ဆံရေးကို ခိုင်မာအားကောင်းစေရန် လိုလားနေကြောင်း ဟွာက ပြောကြားခဲ့သည်။

နျူကလီးယားဖျက်သိမ်းမည်ဟု ကင်၏ ကတိပြုမှုအတွက် ထရန့်ကလည်း တောင်ကိုရီးယားနှင့်နှစ်စဉ်ပြုလုပ်နေကျ အဓိက ပူးတွဲစစ်ရေးလေ့ကျင့်မှုများအား ရပ်ဆိုင်းသွားမည်ဟု ကြေညာခဲ့ရာ ယင်းသည် ပေကျင်း၏ သြဇာလွှမ်းမိုးမှုရှိကြောင်း ရှင်းလင်းသော လက္ခဏာတစ်ခုဟု လေ့လာသူများက ရှုမြင်ခဲ့ကြသည်။ အမေရိကန်နှင့်တောင်ကိုရီးယားတို့က ပူးတွဲစစ်ရေးလေ့ကျင့်မှု ရပ်ဆိုင်းပြီး အပြန်အလှန်အားဖြင့် မြောက်ကိုရီးယားက နျူကလီးယားနှင့် ဒုံးစီမံကိန်းများအား ရပ်ဆိုင်းရမည့် နှစ်လမ်းသွား အဆိုပြုမှုကို ပေကျင်းက ကာလရှည်ကြာအကြံပြုခဲ့သည်။

Ref ; AFP

ဂါဇာသည် စစ်ပွဲနှင့်နီးကပ်လာနေပြီဟု ကုလသမဂ္ဂအတွင်းရေးမှူးချုပ်က သတိပေး

ဖေဖော်ဝါရီ ၁၈ ရက်က ဂါဇာနှင့် နယ်စပ်အနီးတွင် အစ္စရေးစစ်သားများနှင့် တင့်ကားများက ကင်းလှည့်စောင့်ကြပ်နေကြစဉ် (Photo – AFP)

ဂါဇာသည် စစ်ပွဲဖြစ်လုနီးပါးအခြေအနေနှင့် နီးကပ်လာနေပြီဖြစ်ပြီး ဆန္ဒပြမှုများအတွင်း အစ္စရေးတို့၏ ကျည်အစစ်ဖြင့် ပစ်ခတ်မှုကြောင့် သေကြေဒဏ်ရာရခဲ့သည့် ပါလက်စတိုင်းဦးရေမှာ ထိတ်လန့်စရာကောင်းသည်ဟု ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်က သတိပေးခဲ့သည်။

အစ္စရေး-ပါလက်စတိုင်း ပဋိပက္ခတွင် အန္တရာယ်များပြီး ယိုင်နဲ့နေသည့် ယခုကဲ့သို့ အခြေအနေဖြစ်အောင် လုပ်ဆောင်ခဲ့သည့် ဘက်ပေါင်းစုံကို ပြတ်ပြတ်သားသား အပြစ်တင်ကြောင်းလည်း ဂူတာရက်စ်က လုံခြုံရေးကောင်စီသို့ ပြောကြားခဲ့သည်။

အစ္စရေး-ပါလက်စတိုင်း အရေးအတွက် ဇွန် ၁၉ ရက်၌ ပြုလုပ်မည့် အစည်းအဝေး မတိုင်မီ ပြီးခဲ့သည့် သီတင်းပတ်က လုံခြုံရေးကောင်စီသို့ ပို့ခဲ့သော အစီရင်ခံစာ၌ ဂူတာရက်စ်က ယခုကဲ့သို့ ပြောကြားခဲ့ခြင်း ဖြစ်သည်။ ယင်းအစီရင်ခံစာအား အေအက်ဖ်ပီက ဇွန် ၁၈ ရက်တွင် ရရှိခဲ့ခြင်း ဖြစ်သည်။

“အခြေအနေတွေဟာ စစ်ပွဲချောက်ကမ်းပါးကို ဘယ်လောက်နီးကပ်နေပြီဖြစ်တဲ့ အကြောင်းအားလုံးကို သတိပေးသင့်ပါတယ်” ဟု ဂူတာရက်စ်က ဆိုသည်။

“မတ် ၃၀ ရက်ကတည်းက စတင်ခဲ့တဲ့ ဆန္ဒပြမှုတွေအတွင်းမှာ အစ္စရေးကာကွယ်ရေး အင်အားစုတွေရဲ့ ကျည်အစစ်အသုံးပြုမှုကြောင့် သေကျေဒဏ်ရာရခဲ့တဲ့ ပါလက်စတိုင်းအရေအတွက်ဟာ ကျွန်တော့်ကို ထိတ်လန့်စေပါတယ်” ဟု ဂူတာရက်စ်က ပြောကြားခဲ့သည်။ ကြက်ခြေနီအဖွဲ့၏ ထုတ်ပြန်ချက်အရ သေဆုံးခဲ့သည့် ပါလက်စတိုင်း ၁၃၂ ဦးထက်မနည်းရှိပြီး ဒဏ်ရာရသူ ၁၃၀၀၀ ကျော်ရှိကာ ယင်းတို့အနက် ၁၄၀၀ ခန့်မှာ ကျည်အချက်ပေါင်းများစွာ (အထူးသဖြင့် ခြေထောက်၌ ထိမှန်) မှန်ခဲ့ခြင်းဖြစ်သည်ဟု သိရသည်။

အစ္စရေးသည် ကိုယ့်ကိုယ်ကိုယ် အမြင့်ဆုံးထိန်းချုပ်နိုင်ရန်အတွက် တာဝန်ရှိပြီး အပြည်ပြည်ဆိုင်ရာ လူသားချင်းစာနာထောက်ထားမှုဆိုင်ရာ ဥပဒေနှင့်အညီ အရပ်သားများကို ကာကွယ်ရမည်ဖြစ်ကြောင်း ကုလသမဂ္ဂအကြီးအကဲက ထိုအစီရင်ခံစာ၌ ရေးသားခဲ့သည်။ “ဆန္ဒပြပွဲတွေအတွင်း လုံခြုံရေးအင်အားစုဟာ အထူးသဖြင့် ကလေးတွေ၊ ဂျာနယ်လစ်တွေ၊ ဆေးဘက်ဝန်ထမ်းတွေကို သတ်တာဟာ လုံးဝလက်ခံနိုင်စရာ မရှိပါဘူး” ဟုလည်း ၎င်းက ဆိုသည်။

ဧပြီလက ဆန္ဒပြပွဲများအတွင်း သတင်းယူရန်ရောက်ရှိနေသည့် ပါလက်စတိုင်း ဂျာနယ်လစ်နှစ်ဦး အသတ်ခံခဲ့ရသလို ဇွန်လအစောပိုင်းကလည်း အသက် ၂၁ နှစ်အရွယ် ဆေးဘက်ဆိုင်ရာ ၀န်ထမ်းတစ်ဦး အသတ်ခံခဲ့ရသည်။ ဂါဇာ၌ ဖြစ်ပွားခဲ့သည့် ထိုပစ်ခတ်မှုများကို အမှီအခိုကင်းကင်းဖြင့် စုံစမ်းစစ်ဆေးပေးရေးအတွက်လည်း ဂူတာရက်စ်က ထပ်လောင်းဆော်သြခဲ့သည်။ အစ္စရေးကမူ ထိုတောင်းဆိုချက်ကို ပယ်ချကာ ၎င်းတို့၏ နယ်စပ်များကို ကာကွယ်ရန်အတွက် ယခုကဲ့သို့ အင်အားသုံးရခြင်းဖြစ်သည်ဟု  ပြန်လည်ကာကွယ်နေသည်။

ဟားမားစ်နှင့် အခြားစစ်သွေးကြွ အုပ်စုများကိုလည်း အစ္စရေးနယ်စပ်အနီးတွင် ဖောက်ခွဲရေးပစ္စည်းများကို မြှုပ်ထားခြင်းနှင့် မေ ၂၉ ၊ ၃၀ ရက်က အစ္စရေးဘက်သို့ ရော့ကတ်များဖြင့် ပစ်ခတ်ခဲ့သည့် လုပ်ရပ်များအတွက် ဂူတာရက်စ်က အပြစ်တင်ခဲ့သည်။

Ref ; AFP

ဥရောပသမဂ္ဂ အစိတ်စိတ်အမြွှာမြွှာ ဖြစ်မည့်အရေးကို ဟန့်တားရန် မာကယ်နှင့် မက်ခရွန်တို့ တွေ့ဆုံဆွေးနွေး

ဇွန် ၉ ရက်က ကနေဒါတွင် ဂျီ-၇ ထိပ်သီးဒုတိယမြောက်နေ့၌ ဂျာမနီဝန်ကြီးချုပ် မာကယ်(ယာ)နှင့် ပြင်သစ်သမ္မတ မက်ခရွန်(၀ဲ)တို့ စကားပြောနေစဉ် (Photo – AFP)

အများကြိုက်ဝါဒီများနှင့် ရွှေ့ပြောင်းအခြေချသူအရေးကြောင့် ဥရောပသမဂ္ဂ အစိတ်စိတ်အမြွှာမြွှာဖြစ်သွားမည်ကို ဟန့်တားနိုင်မည့် ပြုပြင်ပြောင်းလဲရေးများအား ပုံဖော်ရန်အတွက် ဇွန် ၁၉ ရက်က ဂျာမနီဝန်ကြီးချုပ် အင်ဂျလာမာကယ်နှင့် ပြင်သစ်သမ္မတ အီမန်နျူရယ်မက်ခရွန်တို့ တွေ့ဆုံခဲ့ကြသည်။

ဥရောပသမဂ္ဂကို ကျယ်ကျယ်ပြန့်ပြန့် ပြောင်းလဲရန် မက်ခရွန်၏ ခိုင်မာသောအမြင်၊ အထူးသဖြင့် ဘဏ္ဍာရေးပိုင်းတွင် ပိုမိုသတိရှိသော ဂျာမနီ၏ ရပ်တည်ချက်တို့ကြား၌ ညှိနှိုင်းသဘောတူညီချက် တစ်ခုထွက်လာစေရန် ဥရောပ၏ စီးပွားရေးအင်အားအကြီး ဆုံးနှစ်နိုင်ငံမှ ခေါင်းဆောင်တို့က ဒူးတိုက်ဆွေးနွေးခဲ့ကြသည်။

ကုန်သွယ်ရေးစစ်ပွဲနှင့်အတူ လုံခြုံရေးနှင့် ရာသီဥတုမူဝါဒပိုင်းတွင် အမေရိကန်သမ္မတက ဥရောပသမဂ္ဂကို ပွင့်ပွင့်လင်းလင်း စိန်ခေါ်မှုများ ပြုလုပ်လာစဉ် မာကယ်နှင့် မက်ခရွန်တို့နှစ်ဦးစလုံးသည် ပိုမိုအရေးစိုက်လာကြခြင်း ဖြစ်သည်။

ဗြိတိန်မပါတော့သော ဥရောပသမဂ္ဂ၏ အနာဂတ်နှင့်ပတ်သက်ပြီး ဇွန် ၂၈၊ ၂၉ တို့၌ အဓိကထိပ်သီးအစည်းအဝေးတစ်ခု ပြုလုပ်မည်ဖြစ်သည်။ ယင်းထိပ်သီးမတိုင်မီ ဖရန်ကို-ဂျာမန် ပူးတွဲရပ်တည်ချက်တစ်ခုအတွက် သဘောတူညီမှုရရှိရန် ၎င်းတို့သည် ဘာလင်အနီးရှိ Meseberg ရဲတိုက်တွင် တွေ့ဆုံခဲ့ကြသည်။ မာကယ်နှင့်မက်ခရွန် နှစ်ဦးစလုံးသည် ပြည်တွင်း၌ အမျိုးသားရေးဝါဒီများ၊ လက်ယာယိမ်းများ၏ ပြင်းထန်သော အတိုက်အခံလှုပ်မှုများအပြင် အီတလီ၊ သြစတြီးယားနှင့် ဥရောပအရှေ့ပိုင်း နိုင်ငံအချို့မှ အစိုးရများနှင့်လည်း ရင်ဆိုင်နေရသည်။

“ဥရောပဟာ အစိတ်စိတ်အမြွှာမြွှာပြို ကွဲမယ့်အရေးကို ရောက်နေပါပြီ။ နိုင်ငံတွေဟာ ဥရောပဆိုင်ရာ ဖြေရှင်းမှုကို လိုအပ်တဲ့ ပြဿနာတွေမှာ အမျိုးသားရေးအဖြေတွေ ထုတ်ဖို့ကြိုးပမ်းလာကြပါတယ်” ဟု အစည်းအဝေးမတိုင်မီ ပြင်သစ်ဘဏ္ဍာရေးဝန်ကြီး ဘရူနိုလီမိုင်ရီက သတိပေးခဲ့သည်။

ဝန်ပိနေသော မြေထဲပင်လယ်နိုင်ငံများကို ငွေကြေးပံ့ပိုးမှု သို့မဟုတ် မက်လုံးများပေးရန် လိုအပ်ကြောင်း၊ ဥရောပ၏ Frontex နယ်စပ်အင်အားစုမှာလည်း ရန်ပုံငွေပိုမိုလိုအပ်ကြောင်းတို့ကို မာကယ်နှင့် မက်ခရွန်တို့က သဘောတူခဲ့ကြသည်။

ဇွန် ၁၉ ရက် ဆွေးနွေးမှုတွင် ရွှေ့ပြောင်းအခြေချသူအရေးမှာ အဓိကအရေးကြီးဆုံး ဖြစ်နေသော်လည်း ယူရိုဇုန်ငွေကြေး၊ ရင်းနှီးမြှုပ်နှံရေးမှအစ ဘုံကာကွယ်ရေးအထိ ရှုပ်ထွေးသောကိစ္စရပ်များလည်း ရှိနေသေးသည်။

“ထိခိုက်နာကျင်နေတဲ့ ကမ္ဘာတစ်ခုမှာ ပြင်သစ်နဲ့ ဂျာမနီရဲ့လက်ရှိအချိန်အထိ ချည်နှောင်ရစ်ဖွဲ့ထားတဲ့ဆက်ဆံရေးကို ကျေးဇူးတင်ရပါမယ်” ဟု ဂျာမနီ၏ Sueddeutshe နေ့စဉ်သတင်းစာတွင် နှစ်နိုင်ငံ ဆက်ဆံရေးကို ချီးမွမ်းခဲ့သည်။

သို့သော် ဥရောပထဲမှ ထိုအငြင်းအခုံ များထဲသို့ ထရန့်သည် ဇွန် ၁၈ ရက်က Twitter မှတစ်ဆင့် ၀င်ပါခဲ့သေးသည်။ “ရွှေ့ပြောင်း အခြေချသူအရေးဟာ အလွန်ချည့်နဲ့ အားနည်းနေတဲ့ ဂျာမနီအာဏာရညွန့်ပေါင်းကို ကိုင်လှုပ်နေစဉ်မှာပဲ ဂျာမနီပြည်သူတွေဟာ သူတို့ရဲ့ ခေါင်းဆောင်ကို ဆန့်ကျင်လာကြပါပြီ” ဟု ရေးသားခဲ့သည်။ စက်တင်ဘာ ရွေးကောက်ပွဲရလဒ်များကြောင့် အားနည်းနေသည့် မာကယ်သည် အစိုးရညွန့်ပေါင်း ဖွဲ့နိုင်ရန် နှစ်ဝက်ခန့် အချိန်ယူခဲ့ရသည်။

Ref ; AFP

စပါးအုံးနှင့် ဓာတ်ပုံရိုက်ခံခဲ့သည့် အိန္ဒိယတောခေါင်း မြွေ၏ ရစ်ပတ်ညှစ်ခြင်းကို ခံခဲ့ရ

ဇွန် ၁၇ ရက်က ဆာဟက်ဘာရီတွင် စပါးအုံမြွေအား ကိုင်ထားသော သစ်တောတာဝန်ရှိသူ ဆန်ဂျေးဒတ္တာ (လယ်) ကို တွေ့ရစဉ် (Photo – AFP)

အိန္ဒိယနိုင်ငံတွင် တောခေါင်းတစ်ဦးသည် ကြီးမားလှသည့် စပါးအုံးမြွေကြီးနှင့် ဓာတ်ပုံတွဲရိုက်ရန် လုပ်နေစဉ် ယင်းမြွေကြီး၏ ရစ်ပတ်၍ညှစ်ခြင်းကို ခံခဲ့ရသည်။ ဖြစ်စဉ်မှာ ဇွန် ၁၇ ရက်က အနောက် ဘင်ဂေါဒေသ၌ ကီလို၄၀ (၈၈ ပေါင်) ရှိ စပါးအုံးမြွေကြီးသည် ဆိတ်တစ်ကောင်အား အရှင်မျိုလိုက်သည်ကို ရွာသားများကတွေ့ကာ ထိတ်ထိတ်ပျာပျာ ဖြစ်သွားကြပြီး တောရိုင်းတိရစ္ဆာန် ထိန်းသိမ်းရေးအရာရှိ ဆန်ဂျေးဒတ္တာကို ခေါ်ခဲ့ကြသည်။ ထိုတောခေါင်းသည် မြွေအား ဘေးကင်းစေရန် အိတ်တစ်အိတ်ထဲသို့ ထည့်ရမည့်အစား လည်ပင်း၌ ရစ်ပတ်ပြပြီး အံ့သြမှင်သက်နေသည့် ရွာသားများနှင့်အတူ ဓာတ်ပုံရိုက်ခံခဲ့သည်။ ထိုစဉ် မြွေက ၎င်း၏ လည်ပင်းကို ညှစ်လိုက်သဖြင့် ရွာသားများက ပို၍ထိတ်လန့်ခဲ့ကြသည်။ မြွေ၏ ရစ်ပတ်မှုမှ လွတ်မြောက်ရန် တောခေါင်းမှာ အပြင်းအထန် ကြိုးပမ်းရုန်းကန်လိုက်ရပြီးနောက် မျက်နှာကြီးနီ၍ ပြန်လည်လွတ်မြောက်လာခဲ့သည်။ သို့သော် တောခေါင်းဒတ္တာ၏ ယင်းအပြုအမူများကို အနောက်ဘင်ဂေါသစ်တောဌာနက စုံစမ်းနေသည်ဟု သိရသည်။ ဒတ္တာကမူ ၎င်းသည် မြွေအား ရွာသားများ၏ ရိုက်သတ်ခံရမည့်ဘေးမှ ကယ်လိုစိတ်သာရှိခဲ့ပြီး မြွေကိုထည့်ရန် အိတ်မပါလာခဲ့ဟု ဆိုသည်။ မြွေကို ဒတ္တာကကားဖြင့် သယ်ကာ တောထဲသို့ ပြန်လွှတ်ပေးခဲ့သည်။ အိန္ဒိယ ကျောက်စပါးအုံးမြွေများသည် အဆိပ်မရှိသော်လည်း သားကောင်ကို လွယ်လင့်တကူ ညှစ်သတ်နိုင်ကာ ၃၃ ပေအထိ ရှည်လျားသော မြွေမျိုးများ ဖြစ်သည်။

Ref ; AFP