Headline

  

နှစ် ၆၀ အတွင်း ပထမဆုံးပြုလုပ်သည့် ရန်ကုန်မြို့တော် စည်ပင်ရွေးကောက်ပွဲများတွင် လာရောက်မဲပေးသူ နည်းပါး

နှစ်ပေါင်း ၆ဝ ကျော်အတွင်း ပထမဆုံးအကြိမ် ရန်ကုန်မြို့တော် စည်ပင်သာယာရေး ကော်မတီအဆင့်ဆင့် ရွေးကောက်ပွဲများကို ဒီဇင်ဘာ ၂၇ ရက်တွင် ပြုလုပ်ခဲ့ရာ မဲပေးခွင့်ရှိသူ ၄ဝ၈ဝဝဝ အနက် လာရောက်မဲပေးသူဦးရေ နည်းပါးခဲ့ကြောင်း သတင်းရရှိသည်။

လက်ပံတောင်းတောင်အရေးနှင့် ပတ်သက်၍ မန္တလေးမြို့ရှိ တရုတ်ကောင်စစ်ဝန်ရုံးအနီး ဆန္ဒပြ

လက်ပံတောင်းအရေးနှင့် ပတ်သက်၍ မန္တလေးမြို့တွင် နိုင်ငံရေးအင်အားစုများ၊ ရဟန်းရှင်လူများနှင့် ကျောင်းသားများ စုပေါင်း၍ ဒီဇင်ဘာ ၂၇ ရက်က တရုတ်ကောင်စစ်ဝန်ရုံးအနီးတွင် ဆန္ဒပြတောင်းဆိုမှုများ ပြုလုပ် ခဲ့ကြကြောင်း သိရသည်။

အဆိုပါဆန္ဒပြမှုကို ၇၃ လမ်းနှင့် လမ်း ၃ဝ ထောင့်မှ စတင်ခဲ့ပြီး လမ်း ၃ဝ အတိုင်း ၃၅ လမ်းအထိ၊ ထို့နောက် တရုတ်ကောင်စစ်ဝန်ရုံးရှေ့အထိ လမ်းလျှောက်ဆန္ဒပြခဲ့ကြပြီး လက်ပံတောင်းတောင်တွင် ဒေါ်ခင်ခင်ဝင်းအသတ် ခံရမှုနှင့်ပတ်သက်၍ ဖြေရှင်းပေးရန်တောင်း ဆိုခဲ့ကြပြီး ဦးပိုင်၊ ဝမ်ပေါင်တို့ကို အလိုမရှိကြောင်း ဆန္ဒပြခဲ့ကြသည်။

နှစ်ပေါင်း ၆၀ ကျော်အတွင်း ပထမဆုံးအကြိမ် ရန်ကုန်မြို့တော် စည်ပင်သာယာရေး ကော်မတီအဆင့်ဆင့် ရွေးကောက်ပွဲများ ယနေ့ပြုလုပ်မည်

နှစ်ပေါင်း ၆ဝ ကျော်အတွင်း ပထမဆုံးအကြိမ်ဖြစ်သည့် ရန်ကုန်မြို့တော် စည်ပင်သာယာရေးကော်မတီ အဆင့်ဆင့် ရွေးကောက်ပွဲများကို ဒီဇင်ဘာ ၂၇ ရက် (ယနေ့) ပြုလုပ် မည်ဖြစ်သည်။

ရန်ကုန်မြို့တော် စည်ပင်သာယာရေး ကော်မတီအဆင့်ဆင့် ရွေးကောက်ပွဲများတွင် ရန်ကုန်မြို့တော် စည်ပင်သာယာရေး ကော်မတီအဆင့်၊ ခရိုင်စည်ပင်သာယာရေး ကော်မတီအဆင့်နှင့် မြို့နယ်စည်ပင်သာယာရေး ကော်မတီအဆင့်ဟူ၍ သုံးမျိုးရွေးချယ် တင်မြှောက်မည်ဖြစ်သည်။ ခရိုင်စည်ပင်သာယာရေး ကော်မတီအဆင့်တွင် ရပ်မိရပ်ဖ (ဥက္ကဋ္ဌ)၊ အတတ်ပညာရှင်/အသိပညာရှင်၊ လူမှုရေး ပညာရှင်ဟူ၍ သုံးမျိုးခွဲထားပြီး မြို့နယ်စည်ပင်သာယာရေး ကော်မတီ အဆင့်တွင်လည်း အလားတူ သုံးမျိုးခွဲခြားထားသည်။

အမျိုးသားထောက်လှမ်းရေးအဖွဲ့ အသစ်ပြန်ဖွဲ့ခြင်း လုံးဝမရှိသည့်နည်းတူ ၎င်းနှင့်ဆင်တူသော အဖွဲ့အစည်းလည်း မရှိကြောင်း နိုင်ငံတော်သမ္မတရုံး အကြီးတန်းအရာရှိ ပြောကြား

အမျိုးသားထောက်လှမ်းရေး(NIB) အဖွဲ့ အသစ်ပြန်ဖွဲ့ခြင်း လုံးဝမရှိသည့်နည်းတူ ၎င်းနှင့်ဆင်တူသော အဖွဲ့အစည်းလည်း မရှိကြောင်း နိုင်ငံတော်သမ္မတရုံး အကြီးတန်းအရာရှိက ဒီဇင်ဘာ ၂၆ ရက်တွင် The Daily Eleven သို့ ပြောကြားသည်။

ယခုရက်ပိုင်းများအတွင်း အမျိုးသားထောက်လှမ်းရေးအဖွဲ့ ပြန်လည်ဖွဲ့စည်းထားကြောင်းနှင့် အမျိုးသားထောက်လှမ်းရေးကဲ့သို့ ထောက်လှမ်းရေး အဖွဲ့အစည်းတစ်ခု ဖွဲ့ စည်းရန်စီစဉ်နေကြောင်း သတင်းများ ထွက်ပေါ်ခဲ့ပြီး ယင်းသတင်းများအပေါ် အခြေခံ၍ The Daily Eleven က မေးမြန်းခဲ့ရာ ၎င်းကမဟုတ်ကြောင်း ပြန်လည်ဖြေကြားခဲ့သည်။

သူရဦးရွှေမန်း တက်ရောက်သော စစ်ကိုင်းတိုင်းဒေသကြီး တောင်သူရေးရာ တွေ့ဆုံပွဲတွင် ခရိုင်အသီးသီးမှ စိုက်ပျိုးရေး ကပ်ဆိုက်နေမှုများကို တင်ပြခဲ့သော်လည်း ကန့်ဘလူတပ်သိမ်းမြေပြဿနာ တင်ပြရန် ငြင်းပယ်ခံခဲ့ရ

ပြည်ထောင်စု လွှတ်တော်နာယက သူရ ဦးရွှေမန်းတက်ရောက်သော စစ်ကိုင်းတိုင်းဒေသကြီး တောင်သူလယ်သမားရေးရာ တွေ့ဆုံပွဲတွင် ဒေသတွင်းခရိုင် ရှစ်ခုလုံး၌ စိုက်ပျိုးရေး ကပ်ဆိုက်နေမှုတို့ကို ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားလှယ်များက တင်ပြခဲ့ကြသော်လည်း ကန့်ဘလူတပ်သိမ်းမြေ ပြဿနာနှင့် မြေသိမ်းခံလယ်သမားများ၏ အရေးအတွက် တင်ပြရန် စီစဉ်မှုမှာ အချိန်နောက်ကျခြင်းကြောင့် ငြင်းပယ်ခံခဲ့ရကြောင်း သတင်းရရှိသည်။