မူးယစ်ဆေးဝါး သုံးစွဲသူများအား လူမှုရေးအကျိုးပြုလုပ်ငန်းများ တစ်နေ့နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များအပါအ၀င် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေကိုပြင်ဆင်သည့်ဥပဒေကြမ်း အမျိုးသားလွှတ်တော်အတည်ပြု

သြဂုတ် ၁၄ ရက်က လွှတ်တော်အစည်းအဝေးအပြီး ပြန်လည်ထွက်ခွာလာသည့် အမျိုးသားလွှတ်တော်ကိုယ်စားလှယ်များအား တွေ့ရစဉ်

မူးယစ်ဆေးဝါးသုံးစွဲသူများအား လူမှုရေး အကျိုးပြုလုပ်ငန်းများအား တစ်နေ့ နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များ အပါအ၀င် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေကို ပြင်ဆင်သည့် ဥပဒေကြမ်းအား သြဂုတ် ၁၆ ရက်ကပြုလုပ်သည့် အမျိုးသားလွှတ်တော်တွင် အတည်ပြုခဲ့သည်။

ဥပဒေကြမ်း၏ အခန်း ၇ လူမှုအကျိုးပြု လုပ်ငန်းဆောင်ရွက်စေခြင်းအခန်းတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် လူမှုအကျိုးပြုလုပ်ငန်းများဖြစ်သည့် သစ်ပင် ပန်းမန်စိုက်ပျိုးခြင်း၊ သန့်ရှင်းရေးလုပ်ငန်းများ ဆောင်ရွက်ခြင်း၊ လမ်းတံတားများပြုပြင်ခြင်း၊ လူမှုရေးအဖွဲ့အစည်းများနှင့် ပူးပေါင်း၍ အကျိုးပြုလုပ်ငန်းများ ဆောင်ရွက်ခြင်း စသည့်လုပ်ငန်းများကို ကြီးကြပ်သူရှေ့မှောက်၌ နှိမ့်ချခြင်း၊ ခွဲခြားဆက်ဆံခြင်းသဘော မသက်ရောက်သည့် သတ်မှတ်ထားသော ၀တ်စုံကို ၀တ်ဆင်လျက် တစ်နေ့ နှစ်နာရီဖြင့် အနည်းဆုံး နာရီ ၂၄၀ မှ အများဆုံးနာရီ ၃၆၀ အထိ ကိုယ်တိုင်လုပ်အားဖြင့် အခမဲ့လုပ်ကိုင် ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့သည်။

အမျိုးသားလွှတ်တော် ဥပဒေကြမ်းကော်မတီဥက္ကဋ္ဌ ဦးဇော်မင်းက “ဒီမူးယစ်ဥပဒေကို ပြင်ဆင်တာကတော့ နိုင်ငံတကာမှာလည်း ဒီလိုပြစ်ဒဏ်တွေပေးတယ်။ အရင်က ဆေးပြား တစ်ပြားမိလည်း ဒီပြစ်ဒဏ်ပဲ။ အများကြီးမိလည်း ဒီပြစ်ဒဏ်ပဲဖြစ်နေတယ်။ ဒါကြောင့် ပြင်ဆင်ရခြင်းဖြစ်ပါတယ်။ ပြည်ထဲရေးဝန်ကြီးဌာနကလည်း ပြင်သင့်တဲ့အတွက် အဆိုတင်လာခြင်းဖြစ်ပါတယ်။ အခုလို ပြင်ဆင်တာကို သဘောမတူသူတွေလည်း ရှိပါတယ်။ ဆေးသုံးစွဲသူတွေ များလာမယ် စသဖြင့်ပေါ့။ ဥပဒေဆိုတာကတော့ တစ်ခါတည်းပြင်လို့ မပြီးပါဘူး။ အသုံးပြုနေရင်းနဲ့ လိုအပ်တာတွေ တွေ့လာရင်လည်း ပြင်ဆင်ရမှာပါ” ဟု ပြောကြားသည်။

ဥပဒေကြမ်း၏ အပိုဒ် ၂၁ တွင် မူးယစ်ဆေးဝါးနှင့်  စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၂၅ ပုဒ်မခွဲ (က)တွင် ပုဒ်မ ၁၅ အရ ဆေးဝါးသုံးစွဲသူများအား လူမှုအကျိုးပြုလုပ်ငန်း ဆောင်ရွက်စေခြင်းမှအပ ဤဥပဒေပါ ပြစ်မှုတစ်ခုခုကို ကျူးလွန်တတ်သူ သို့မဟုတ် ကျူးလွန်ကြောင်း ကျော်စောသတင်းရှိသူအား သုံးနှစ်ထက်မပိုသော ကာလအတွင်း ကောင်းမွန်စွာနေထိုင်စေရန် ခံဝန်ချုပ်ချုပ်ဆိုရမည်ဟု အမျိုးသားလွှတ်တော်က အတည်ပြုခဲ့သည်။

ဆေးဝါးသုံးစွဲသူများကို ပြန်လည်ထူထောင်ပေးရေးနှင့်စပ်လျဉ်းပြီး စီမံချက်များ ချမှတ်၍ စည်းရုံးလှုံ့ဆော်ခြင်း၊ နှစ်သိမ့်ဆွေးနွေး ပညာပေးခြင်း၊ သင့်လျော်သော ကူညီထောက်ပံ့မှုများပေးခြင်း၊ ကောင်းမွန်သော လူနေမှုဘ၀သို့ ပြန်လည်ရောက်ရှိစေရန် ရုပ် ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်ထူထောင်မှုပေးခြင်း၊ အသက်မွေးဝမ်းကျောင်း ပညာရပ်များ သင်ကြားပေးခြင်းဟု အမျိုးသားလွှတ်တော်က အတည်ပြုခဲ့သည်။

ရဲတပ်ဖွဲ့ဝင်သည် ဆေးဝါးသုံးစွဲကြောင်း စစ်ဆေးတွေ့ရှိပါက ဆေးကုသမှုခံယူနိုင်ရန် ကျန်းမာရေးနှင့် အားကစားဝန်ကြီးဌာနက သတ်မှတ်ထားသည့် ဌာန၊ ဂေဟာ သို့မဟုတ် အစိုးရက ဤကိစ္စအလို့ငှာ အသိအမှတ်ပြု ထားသည့် အနီးဆုံးဆေးကုဌာန၊ ဂေဟာသို့ ဆောလျင်စွာ ပို့အပ်ရမည်ဟု အတည်ပြုခဲ့သည်။

ဥပဒေကြမ်း၏ ပုဒ်မ ၉ (က) ဆေးဝါးသုံးစွဲသူသည် ကျန်းမာရေးနှင့်အားကစားဝန်ကြီးဌာနက သတ်မှတ်ထားသည့် ဌာန၊ ဂေဟာ သို့မဟုတ် ဤကိစ္စအလို့ငှာ အစိုးရအသိအမှတ်ပြု ဆေးကုသဌာန၊ ဂေဟာတွင် ဆေးကုသမှုခံယူ၍ မှတ်ပုံတင်ရမည်။ (ခ) မှတ်ပုံတင်ထားသော ဆေးဝါးသုံးစွဲသူအား ဆေးကုသပေးရေးနှင့် ဆေးကုသမှုပြီးဆုံးပါက သက်ဆိုင်ရာပြုစုပျိုးထောင်ရေးစခန်းသို့ လွှဲပြောင်းပေးပို့ရန်အတွက် ကျန်းမာရေးနှင့်အားကစားဝန်ကြီးဌာနသည် လိုအပ်သော အစီအစဉ်များ ချမှတ်ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့သည်။

အဆိုပါဥပဒေကြမ်းအား အမျိုးသားလွှတ်တော်တွင် အတည်ပြုပြီးဖြစ်သည့်အတွက် ပြည်သူ့လွှတ်တော်သို့ပေးပို့သွားမည်ဖြစ်ကြောင်း သိရသည်။

အရှေ့ပိုင်းခရိုင် အထွေထွေအုပ်ချုပ်ရေးမှူးရုံးတွင် ဓာတ်လှေကားချို့ယွင်းပြီး လူကိုးဦးပိတ်မိ

ဓာတ်လှေကားချို့ယွင်း၍ ပိတ်မိနေသူများအား မီးသတ်တပ်ဖွဲ့ဝင်များက ကယ်တင်ရန်ဆောင်ရွက်နေစဉ် (ဓာတ်ပုံ-မြန်မာနိုင်ငံမီးသတ်တပ်ဖွဲ့)

တောင်ဥက္ကလာပမြို့နယ်၊ (၄) ရပ်ကွက်၊ ပတ္တမြားဈေး အနောက်ဘက်ရှိ အရှေ့ပိုင်းခရိုင် အထွေထွေအုပ်ချုပ်ရေးမှူးရုံး၌ သြဂုတ် ၁၆ ရက်နံနက်က ဓာတ်လှေကားချို့ယွင်းပြီး ကိုးဦးပိတ်မိခဲ့သဖြင့် မီးသတ်တပ်ဖွဲ့မှ သွားရောက် ကယ်ဆယ်ခဲ့ရကြောင်း အရှေ့ပိုင်း ခရိုင်မီးသတ်တပ်ဖွဲ့မှ သိရသည်။ သြဂုတ် ၁၆ ရက် နံနက် ၁၀ နာရီ ၄၀ မိနစ်ခန့်က ဖြစ်ပွားခဲ့ပြီး ၁၅ မိနစ်ခန့်အကြာတွင် ပိတ်မိနေသူများကို ကယ်ဆယ်နိုင်ခဲ့ကြောင်း သိရသည်။

အရှေ့ပိုင်းခရိုင် အထွေထွေအုပ်ချုပ်ရေးမှူးရုံး ဓာတ်လှေခါးကို အမျိုးသားကိုးဦး စီးနင်းအသုံးပြုရာ ဒုတိယထပ်နှင့် တတိယထပ်ကြား၌ ဓာတ်လှေကား စက်ချို့ယွင်းပြီး ပထမထပ်တွင် ပိတ်မိနေခဲ့ခြင်းဖြစ်ကြောင်း မီးသတ်တပ်ဖွဲ့မှ တာဝန်ရှိသူတစ်ဦးက ပြောကြားသည်။

“အရှေ့ပိုင်းခရိုင် အထွေထွေ အုပ်ချုပ်ရေးမှူးရုံးမှာ အမျိုးသားကိုးယောက် ဓာတ်လှေခါးကို အသုံးပြုပြီး တက်လာတယ်။ ဒုတိယထပ်နဲ့ တတိယထပ်ကြားထဲမှာ ဓာတ်လှေကားက အလုပ်မလုပ်တော့ဘူး။ Shutdown လုပ်ပြီးတော့ Manual နဲ့ အလုပ်လုပ်ဖို့ ကြိုးစားသေးတယ်။ Manual နဲ့ အလုပ်လုပ်ဖို့ တပ်ဆင်ထားတဲ့ Function တွေက လွဲမှားနေတယ်။ Function တွေ လွဲမှားနေတဲ့အတွက် တာမွေ မီးသတ်တပ်ဖွဲ့ကိုခေါ်ရတယ်။ အဲဒီမှာပါတဲ့ အသက်ကယ်ကိရိယာတွေနဲ့ ကယ်ခဲ့ရတယ်”ဟု ၎င်းက ပြောကြားသည်။

ဓာတ်လှေကားစက်ချို့ယွင်းပြီး လူကိုးဦး ပိတ်မိခဲ့သော်လည်း ထိခိုက်ဒဏ်ရာရရှိသူ မရှိကြောင်းသိရပြီး ဓာတ်လှေကားတွင် လွဲမှားနေသည့် Function များကို ပြုပြင်ရန် ဓာတ်လှေကားတပ်ဆင်သည့် ကုမ္ပဏီကို အကြောင်းကြားထားကြောင်း သိရသည်။

ယင်းဖြစ်စဉ်နှင့် ပတ်သက်ပြီးအရှေ့ပိုင်းခရိုင် အထွေထွေအုပ်ချုပ်ရေးမှူးရုံးသို့ သွား ရောက်မေးမြန်းခဲ့သော်လည်း ခရိုင်အုပ်ချုပ်ရေးမှူး အစည်းအဝေးတက်နေသောကြောင့် ဖြေကြားပေးနိုင်ခြင်းမရှိကြောင်း ဒုတိယခရိုင် အုပ်ချုပ်ရေးမှူးက ပြောကြားသည်။

မျိုးသုဉ်းတော့မည် အန္တရာယ်နှင့်ရင်ဆိုင်နေရသော ဟိမ၀န္တာဝက်ဝံနှစ်ကောင်ကို ထမံသီဘေးမဲ့တောအတွင်း ပြန်လွှတ်မည်

 

ထမံသီတောအတွင်း ပြန်လွှတ်ပေးမည့် ဟိမ၀န္တာဝက်ဝံအမျိုးအစား ၀က်ဝံနှစ်ကောင်ကို တွေ့ရစဉ်

မျိုးသုဉ်းတော့မည့် အန္တရာယ်နှင့် ရင်ဆိုင်နေရသော ဟိမ၀န္တာဝက်ဝံနှစ်ကောင်ကို ခန္တီးခရိုင် သစ်တောဦးစီးဌာနမှ ထမံသီ ဘေးမဲ့တောအတွင်း ပြန်လွှတ်ပေးရန်အတွက် သြဂုတ် ၁၅ ရက် နံနက် ၁၁ နာရီက ရေကြောင်းခရီးဖြင့် ထမံသီကျေးရွာသို့ ရောက်ရှိလာသည်ဟု သိရသည်။

“ဒီကနေ့ မနက် ခန္တီးခရိုင်သစ်တောက လာပို့တာပါ။ မနက် ၁၁ နာရီလောက်က ခန္တီး အစုန်နဲ့ပါလာတာ။ ကျွန်တော်တို့က ထမံသီဘေးမဲ့တောက ၀န်ထမ်းတွေနဲ့ သွားယူကြတာပါ။ ၀က်ဝံကြီး အမျိုးအစားပါ။ ဒီတောထဲမှာက မလေးဝက်ဝံနဲ့ ၀က်ဝံကြီး (ဟိမ၀န္တာဝက်ဝံ) ဆိုပြီး နှစ်မျိုးရှိပါတယ်။ မလေးဝက်ဝံကြတော့ ရင်ဘတ်ပေါ်မှာ U ပုံစံလေးနဲ့။ ၀က်ဝံကြီး (ဟိမ၀န္တာဝက်ဝံ) ကြတော့ V ပုံစံပါတယ်။ အခုရောက်လာတဲ့ ၀က်ဝံက အမွေး နည်းနည်းထူတယ်။ မလေးဝက်ဝံက အမွေး နည်းနည်းပါးတယ်။ ထမံသီဘေးမဲ့တောထဲမှာ အရင်တုန်းက မလေးဝက်ဝံတစ်ကောင်ကို လွှတ်ပေးဖူးတယ်။ အခု ၀က်ဝံတွေက မျိုးသုဉ်းဖို့ အလားအလာရှိတဲ့ မျိုးစိတ်မှာပါ ၀င်နေပါတယ်” ဟု ထမံသီကျေးရွာရှိ WCS အဖွဲ့မှ ကိုစန်းလွင်က ပြောကြားသည် ။

အဆိုပါ ၀က်ဝံနှစ်ကောင်သည် အမများဖြစ်ပြီး Asian Black Bear (သိပ္ပံအမည် = Ursus Thibetanus)  မြန်မာအခေါ် ဟိမ၀န္တာ ၀က်ဝံဖြစ်ပြီး ကမ္ဘာပေါ်တွင် မျိုးသုဉ်းမည့် အန္တရာယ်နှင့် ရင်ဆိုင်နေရသော ၀က်ဝံမျိုးစိတ်ဖြစ်ကြောင်း သိရသည်။

“ခန္တီးခရိုင်သစ်တောဌာနကနေပြီး လာပို့တာပါ။ ၀က်ဝံနာမည်က  Asian Black Bear  (ဟိမ၀န္တာဝက်ဝံ)၊ ကျွန်တော်တို့ ခန့်မှန်းတာက တစ်နှစ်သားလောက်ပဲရှိဦးမှာပါ။   အရွယ်အစားက လုံးပတ်က ၁ ပေ ၈ လက်မ၊ အရပ်က ၁ ပေ ၄ လက်မ၊ ဘော်ဒီအရှည် ၂ ပေ ၈ လက်မပါ။ မျိုးသုဉ်းမယ့်အန္တရာယ်နဲ့ ရင်ဆိုင်နေရတဲ့ ၀က်ဝံတွေပါ။ တောထဲကို လွှတ်ပေးသွားမှာပါ” ဟု ထမံသီဘေးမဲ့တောမှ တောခေါင်းဦးမျိုးခိုင်က သြဂုတ် ၁၅ ရက် က ပြောကြားသည်။

မေယုတောင်ပေါ်တွင် တပ်မတော်နှင့် နယ်ခြားစောင့် လုံခြုံရေးတပ်ဖွဲ့များ အပြည့်ဆောင်ရွက်ထားပြီးဖြစ်ကြောင်း ရခိုင်ပြည်နယ် ၀န်ကြီးချုပ် ပြောကြား

မောင်တောနယ်စပ်သို့ အစိုးရအဖွဲ့တာဝန်ရှိသူများ သြဂုတ် ၁၄ ရက်က လာရောက်စဉ် လုံခြုံရေးဆောင်ရွက်နေစဉ် (ဓာတ်ပုံ-သားရွှေဦး၊ ကစ္ဆပ)

မေယုတောင်ပေါ်တွင် တပ်မတော်နှင့် နယ်ခြားစောင့် လုံခြုံရေးတပ်ဖွဲ့ဝင်များ အပြည့်ဆောင်ရွက်ထားပြီးဖြစ်ကြောင်း ကျေးရွာသားရှစ်ဦး သတ်ဖြတ်ခံခဲ့ရသည့် ကိုင်းကြီးမြို တိုင်းရင်းသားကျေးရွာမှ ရွာသားများနှင့် သြဂုတ် ၁၄ ရက်က တွေ့ဆုံရာတွင် ရခိုင်ပြည်နယ်ဝန်ကြီးချုပ်က ဦးညီပုက ပြောကြားသည်။

“လိုအပ်တဲ့ လုံခြုံရေးကိစ္စတွေလည်း မေယုတောင်ကြောပေါ်မှာ တပ်မတော်ရော နယ်ခြားစောင့်တွေရော တာဝန်ယူထားပြီးပြီ။ အရင်တုန်းက အောက်ခြေမှာတင် အခုဆိုရင် တောင်ပေါ်မှာ အပြည့်ယူထားပြီးပြီ။ ဘာမှစိုးရိမ်စရာမလိုဘူး” ဟု ပြည်နယ်ဝန်ကြီးချုပ် ဦးညီပုက ပြောကြားသည်။

အကြမ်းဖက် သတ်ဖြတ်ခံရမှုများ ဆက်တိုက်ဖြစ်ပွားနေသည့် ရခိုင်ပြည်နယ် မောင်တော၊ ဘူးသီးတောင်နှင့် ရသေ့တောင်မြို့နယ်များတွင် တပ်မတော်မှ သြဂုတ် ၁၁ ရက်မှစကာ အင်အားအများအပြား တိုးချဲ့ချထားခဲ့ကြောင်း သိရသည်။

ကျေးရွာသားများ သတ်ဖြတ်ခံရသည့်ဖြစ်စဉ်အပေါ် စိတ်မကောင်းဖြစ်ကြောင်း၊ နယ်စပ်ဒေသတွင် ယခုကဲ့သို့ မြိုတိုင်းရင်းသားများ သတ္တိရှိရှိ ရပ်တည်နေထိုင်ကြသည်မှာ တစ်နိုင်ငံလုံးအတွက် ကျေးဇူးကြီးမားကြောင်း ၀န်ကြီးချုပ်က ပြောကြားသည်။

ပြည်နယ်ဝန်ကြီးချုပ် ဦးညီပုက “ပြီးခဲ့တဲ့ အဖြစ်အပျက်အတွက် စိတ်မကောင်းပါဘူး။ မိသားစုတွေနဲ့ ထပ်တူထပ်မျှ စိတ်မကောင်းပါဘူး။ အပေါ်ယံပြောတာမဟုတ်ဘဲ ရင်ထဲကနေ ပြောတာပါ။ ဒီလိုရပ်တည်နေတာကို ကျွန်တော်တို့ အထူးပဲဂုဏ်လည်းယူပါတယ်။ ကျေးဇူးလည်း တင်ပါတယ်။ တော်ရုံတန်ရုံ လူမနေနိုင်ပါဘူး။ မြိုမိသားစုတွေ အခုလိုနေရာမှာ ကြံ့ကြံ့ခံနေတာ၊ သတ္တိရှိရှိနေတာဟာ ကျွန်တော်တို့အတွက်တောင်မက တစ်နိုင်ငံလုံးအတွက်ပါ အင်မတန်မှ ကျေးဇူးကြီးတဲ့လူတွေလို့တောင် ပြောချင်ပါတယ်။ ဆက်ပြီးတော့မှ ရပ်တည်ပြီးတော့ ကျွန်တော်တို့နဲ့အတူ ဆက်ပြီးတော့ နေနိုင်အောင်လည်း ကြိုးစားစေချင်ပါတယ်” ဟု ပြောကြားသည်။

ရခိုင်ပြည်နယ်၊ မောင်တောခရိုင်အတွင်း အစွန်းရောက် အကြမ်းဖက်များက အကြမ်းဖက် သတ်ဖြတ်မှုများ တိုးမြှင့်ဆောင်ရွက်လာခဲ့ပြီး သြဂုတ် ၉ ရက်အထိ အကြမ်းဖက် သတ်ဖြတ်ခံရသဖြင့် သေဆုံးသူ ၅၉ ဦး ပျောက်ဆုံးနေသူ ၃၃ ဦးအထိ ရှိလာခဲ့ကြောင်း သြဂုတ် ၁၁ ရက်တွင် နိုင်ငံတော်အတိုင်ပင်ခံရုံးဝန်ကြီးဌာနမှ ထုတ်ပြန်ခဲ့သည့် မောင်တောဒေသ တည်ငြိမ်အေးချမ်းရေးဆိုင်ရာ သတင်းထုတ်ပြန်ချက်တွင် ဖော်ပြပါရှိသည်။

နိုင်ငံတော်အစိုးရအနေဖြင့် တည်ဆဲဥပဒေ၊ စည်းမျဉ်းစည်းကမ်းများနှင့်အညီ သတိထား၍ ဆောင်ရွက်နေသည်ကို အခွင့်ကောင်းယူကာ ဤသို့အကြမ်းဖက်လုပ်ရပ်များ တိုးမြှင့်ဆောင်ရွက်လာခြင်းကို ဥပဒေနှင့်အညီ ထိထိရောက်ရောက် နှိမ်နင်းသွားမည်ဖြစ်ကြောင်းနှင့် အပြစ်မဲ့အရပ်သား ပြည်သူများကို အကာအကွယ်ပေးနိုင်ရေးအတွက် လုံခြုံရေးဆိုင်ရာ တိုးမြှင့်ဆောင်ရွက်သွားမည်ဖြစ်သလို အစွန်းရောက်အကြမ်းဖက်များ၊ အစွန်းရောက် အားပေးကူညီသူများ အားလုံးကို ဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်း သိရသည်။

နိုင်ငံတော်အစိုးရအနေဖြင့် ဒေသတွင်း၌ တိုးမြင့်လာသည့် အကြမ်းဖက်မှုဖြစ်စဉ်များ ရပ်တန့်ချုပ်ငြိမ်းရေးနှင့် လုံခြုံတည်ငြိမ်အေးချမ်းရေးအတွက် တပ်မတော် တပ်ရင်းတပ်ဖွဲ့များနှင့်အတူ ပူးပေါင်း၍ နယ်မြေရှင်းလင်းရေး ဆောင်ရွက်လျက်ရှိပြီး လိုအပ်သည့်ဒေသများတွင် ညမထွက်ရအမိန့် ပုဒ်မ ၁၄၄ ထုတ်ပြန် ဆောင်ရွက်သွားမည်ဖြစ်ကြောင်း သတင်းထုတ်ပြန်ခဲ့သည်။