ခြိမ်းခြောက်မှုနှင့် အရေးပေါ် အခြေအနေသစ်များကြောင့် ကမ္ဘာတစ်ဝန်းတွင် ပဋိပက္ခဖြစ်ပွားမှုများ မြင့်တက်လာနေကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အေဆမ်နိုင်ငံခြားရေးဝန်ကြီးများ အစည်းအဝေးတွင် ပြောကြား

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အေဆမ်နိုင်ငံခြားရေးဝန်ကြီးများ အစည်းအဝေး၌ အမှာစကားပြောကြားနေစဉ် (ဓာတ်ပုံ – နေရိုင်း)

နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်က (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေး အဖွင့်အမှာစကား ပြောကြားမှုတွင် ခြိမ်းခြောက်မှုနှင့် အရေးပေါ် အခြေအနေသစ်များကြောင့် ကမ္ဘာတစ်ဝန်းတွင် ပဋိပက္ခဖြစ်ပွားမှုများ မြင့်တက်လာနေကြောင်း ထည့်သွင်းပြောကြားခဲ့သည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးဖွင့်ပွဲကို နိုဝင်ဘာ ၂၀ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗန်းရှင်းဗဟိုဌာနတွင် ကျင်းပခဲ့ရာ နိုင်ငံတော်၏ အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည် တက်ရောက်ပြီး အဖွင့်အမှာစကား ပြောကြားခဲ့သည်။

ဒေါ်အောင်ဆန်းစုကြည်က ကမ္ဘာပေါ်တွင် ဖြစ်စဉ်အမျိုးမျိုးမှ ပဋိပက္ခဖြစ်ပွားနေမှုများ မြင့်တက်လာနေပြီး လျော့နည်းသွားခြင်း မရှိသည်ကို မိမိတို့အားလုံး သတိထားမိကြောင်းနှင့် တရားမ၀င် ရွှေ့ပြောင်းအခြေချခြင်း၊ အကြမ်းဖက်ဝါဒနှင့် အစွန်းရောက်ဝါဒ ပြန့်ပွားလာခြင်း၊ လူတန်းစား ကွာဟခြင်းနှင့် နျူကလီးယားစစ်ပွဲ ဖြစ်ပွားလာနိုင်သည့် အခြေအနေများကိုပါ ရင်ဆိုင်နေရကြောင်း ပြောကြားခဲ့သည်။

“ကမ္ဘာပေါ်မှာ ဖြစ်စဉ်အမျိုးမျိုးကနေ ပြီးနေတော့ ပဋိပက္ခ ဖြစ်ပွားနေတာတွေ မြင့်တက်လာနေတာ လျော့နည်းသွားတယ်ဆိုတာ မရှိဘူးဆိုတာ ကျွန်မတို့အားလုံး သတိထားမိမှာပါ။ ဒီနေ့မှာ ကျွန်မတို့အနေနဲ့ ကမ္ဘာလုံးဆိုင်ရာ မသေချာမရေရာမှုတွေနဲ့ မတည်ငြိမ်မှု အပိုင်းအခြားနဲ့ ကြုံတွေ့နေရပါတယ်။ ခြိမ်းခြောက်မှုနဲ့ အရေးပေါ် အခြေအနေသစ်တွေကနေ ကမ္ဘာတစ်ဝန်းမှာ ပဋိပက္ခဖြစ်ပွားတာတွေဟာ မြင့်တက်လာနေတာ ဖြစ်ပါတယ်။ တရားမ၀င် ရွှေ့ပြောင်းအခြေချခြင်း၊ အကြမ်းဖက်ဝါဒနဲ့ အစွန်းရောက်ဝါဒ ပြန့်ပွားလာခြင်း၊ လူတန်းစား ကွာဟခြင်းနဲ့ နျူကလီးယားစစ်ပွဲ ဖြစ်ပွားလာနိုင်တယ်ဆိုတဲ့ အခြေအနေတွေနဲ့တောင် ရင်ဆိုင်နေရပါတယ်။ ပဋိပက္ခတွေဟာ ငြိမ်းချမ်းရေးကို လူ့အသိုင်းအ၀ိုင်းကနေ ဆွဲထုတ်သွားပါတယ်။
ဖွံ့ဖြိုးတိုးတက်မှု မရှိခြင်းနဲ့ ဆင်းရဲဒုက္ခတွေကို ချန်သွားပါတယ်။ လူတွေနဲ့ နိုင်ငံတွေကိုတောင် တစ်ဦးနဲ့တစ်ဦး၊ တစ်နိုင်ငံနဲ့ တစ်နိုင်ငံ ဝေးကွာသွားစေပါတယ်” ဟု ဒေါ်အောင်ဆန်းစုကြည်က ပြောကြားခဲ့သည်။

ဆက်လက်၍ ဒေါ်အောင်ဆန်းစုကြည်က မြန်မာနိုင်ငံ အပါအ၀င် များစွာသောနိုင်ငံများ၏ သမိုင်းကြောင်းကို ပြန်ကြည့်မည်ဆိုပါက ပဋိပက္ခနှင့် မတည်ငြိမ်မှုများကြောင့် နိုင်ငံတစ်နိုင်ငံ၏ ဖွံ့ဖြိုးတိုးတက်မှုကို ရှည်ကြာခိုင်မြဲသည့် အရိပ်တစ်ခုအဖြစ် လွှမ်းမိုးနေသည်ကို မြင်တွေ့ရကြောင်းနှင့် ငြိမ်းချမ်းမှု မရှိပါက ကြာရှည်တည်မြဲသည့် တိုးတက်မှုနှင့် သာယာဝပြောမှုကို ရရှိနိုင်မည် မဟုတ်ကြောင်းလည်း ပြောကြားခဲ့သည်။

ထို့ပြင် ဒေါ်အောင်ဆန်းစုကြည်က နိုင်ငံ့ခေါင်းဆောင်များ အနေဖြင့် နိုင်ငံတစ်နိုင်ငံချင်းစီ၏ ကန့်သတ်မှုနှင့် အခက်အခဲများကို စစ်မှန်သည့် နားလည်မှုရှိပါက ကမ္ဘာလုံးဆိုင်ရာ ပြဿနာများကို ဖြေရှင်းရာတွင် ပိုမိုလွယ်ကူ အကျိုးသက်ရောက်မည် ဖြစ်ကြောင်း၊ နိုင်ငံအချင်းချင်း မိတ်ဖက်ဆောင်ရွက်မှု အားကောင်းခြင်းဖြင့် ငြိမ်းချမ်းမှုနှင့် စဉ်ဆက်မပြတ် ဖွံ့ဖြိုးတိုးတက်မှုကို ထိန်းသိမ်းမြှင့်တင်နိုင်ရန် ယခု အေဆမ် အစည်းအဝေးအတွက် ဆောင်ပုဒ်ကို “ငြိမ်းချမ်းရေးနှင့် စဉ်ဆက်မပြတ် ဖွံ့ဖြိုးတိုးတက်မှုများအတွက် မိတ်ဖက်ဆောင်ရွက်မှုကို ပိုမိုအားကောင်းစေရန် ဆောင်ရွက်ခြင်း” ဟု အဆိုတင်သွင်းခဲ့ခြင်း ဖြစ်ကြောင်း ပြောကြားခဲ့သည်။

ဒေါ်အောင်ဆန်းစုကြည်၏ အဖွင့်အမှာစကား ပြောကြားပြီးနောက် အာရှဘက်မှ အာဆီယံအဖွဲ့အတွက် ညှိနှိုင်းရေးမှူးတာဝန် ယူထားသည့် ဖိလစ်ပိုင်နိုင်ငံမှ ကိုယ်စားလှယ်တစ်ဦးနှင့် နီဆာအဖွဲ့အတွက် ပါကစ္စတန်နိုင်ငံမှ ကိုယ်စားလှယ် တစ်ဦးတို့က အမှာစကား ပြောကြားခဲ့သည်။

ယင်းနောက် ဥရောပဘက်မှ ညိနှိုင်းရေးမှူးအဖြစ် တာဝန်ယူထားသည့် ဥရောပသမဂ္ဂ အဆင့်မြင့် ကိုယ်စားလှယ် Federica Mogherini နှင့် အက်စ်တိုးနီးယားနိုင်ငံတို့မှ ကိုယ်စားလှယ်တို့က အမှာစကား ပြောကြားခဲ့သည်။

ဆက်လက်၍ နိုဝင်ဘာ ၁၅ ရက်မှ ၂၀ ရက်အထိ ရန်ကုန်မြို့နှင့် နေပြည်တော်တို့တွင် ကျင်းပခဲ့သည့် ၈ ကြိမ်မြောက် ASEM Model 2017 သို့ တက်ရောက်ခဲ့သော လူငယ်ကိုယ်စားလှယ် နှစ်ဦးကလည်း အေဆမ် ဆွေးနွေးမှုပုံစံနှင့် ပတ်သက်၍ ၎င်းတို့၏ အမြင်များကို ပြောကြားခဲ့သည်။

(၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးကို နေပြည်တော်ရှိ MICC – 1 တွင် နိုဝင်ဘာ ၂၀ နှင့် ၂၁ ရက်တို့၌ ကျင်းပနေခြင်းဖြစ်ပြီး ယခုနှစ်အတွက် အာရှ-ဥရောပ အစည်းအဝေးအကြောင်းအရာမှာ “ငြိမ်းချမ်းရေးနှင့် စဉ်ဆက်မပြတ် ဖွံ့ဖြိုးတိုးတက်မှုများအတွက် မိတ်ဖက်ဆောင်ရွက်မှုကို ပိုမိုအားကောင်းစေရန် ဆောင်ရွက်ခြင်း” ဖြစ်သည်။

အေဆမ်၌ အဖွဲ့ဝင်အဖြစ် အာရှမှ ၂၁ နိုင်ငံနှင့် အာဆီယံ အတွင်းရေးမှူးချုပ်ရုံး၊ ဥရောပဒေသမှ EU အဖွဲ့ဝင် ၃၀ နိုင်ငံနှင့် ဥရောပကော်မရှင်တို့ ပါဝင်ပြီး စုစုပေါင်း နိုင်ငံပေါင်း ၅၁ နိုင်ငံနှင့် ဒေသဆိုင်ရာအဖွဲ့ကြီး နှစ်ခုတို့ ပါဝင်ကြောင်း သိရသည်။

အေဆမ်နိုင်ငံခြားရေးဝန်ကြီးများ အစည်းအဝေးမတိုင်မီ အေဆမ် အဆင့်မြင့်အရာရှိကြီးများ အစည်းအဝေးနှင့် ဆက်စပ် အစည်းအ၀းများကို နိုဝင်ဘာ ၁၇ ရက်မှ ၁၉ ရက်အထိ နေပြည်တော်ရှိ MICC – 1 တွင် ကျင်းပခဲ့ပြီး အေဆမ် မိတ်ဘက်နိုင်ငံများမှ ပါဝင် တက်ရောက်ခဲ့ကြကြောင်း ထုတ်ပြန်ချက်အရ သိရသည်။

ပုဂ္ဂလိကလုပ်ငန်းရှင်များအား အိမ်ရာစီမံကိန်း ၂၀ ခန့်လုပ်ကိုင်ရန် ခွင့်ပြုပေးထားပြီး ဆက်လက်ဆောက်လုပ်နိုင်ခြင်းမရှိဘဲ ဆိုင်းငံ့ထားသောလုပ်ငန်းများကို ဖိအားပေးကာ အမြန်ဆုံးတည်ဆောက်ခိုင်းမည်ဟု ပြည်ထောင်စုဝန်ကြီး ပြောကြား

ဆောက်လုပ်ရေးဝန်ကြီးဌာနနှင့် ပုဂ္ဂလိက ပူးပေါင်းဆောင်ရွက်နေသည့် ရတနာနှင်းဆီ အဆင့်မြင့်အိမ်ရာကို တွေ့ရစဉ်

တန်ဖိုးသင့်နှင့် တန်ဖိုးနည်းအိမ်ရာများ ပိုမိုပေါ်ထွက်လာစေရန်အတွက် နိုင်ငံတော်အစိုးရအနေဖြင့် ပုဂ္ဂလိလုပ်ငန်းရှင်များလုပ်ကိုင်ရန် အိမ်ရာစီမံကိန်း ၂၀ ကိုလုပ်ကိုင်ရန် ခွင့်ပြုပေးထားပြီး လက်ရှိအချိန်တွင် ဆက်လက်ဆောင်ရွက်နိုင်ခြင်းမရှိဘဲ ဆိုင်းငံ့ထားသောလုပ်ငန်းများကို ဖိအားပေးကာ အမြန်ဆုံးတည်ဆောက်ခိုင်းသွားမည်ဖြစ်ကြောင်း ရတနာနှင်းဆီ အဆင့်မြင့်အိမ်ရာ/အိမ်ခန်းသော့အပ်နှံပွဲတွင် ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင်က ပြောကြားသည်။

“ပုဂ္ဂလိကပိုင်းကလည်း ဆောက်နေတာပဲ။ အခုလည်း စီမံကိန်းကြီးတွေပေးထားတာ စီမံကိန်း ၂၀ လောက်ရှိတယ်။ ဒါတွေက တိုးလို့တန်းလန်းဖြစ်နေတာတွေ အများကြီးပဲ။ ဒါတွေကိုဖိအားပေးပြီး အမြန်ဆုံးပြန်ဆောက်ခိုင်းမယ်။ ရပ်နေတဲ့စီမံကိန်းတွေလည်း အများကြီးရှိတယ်။ အခုစပ်ကူးမပ်ကူးမှာ ရပ်သွားတဲ့ဟာတွေရှိတယ်။ ဒါတွေက နိုင်ငံတော်ဘက်ကတော့ ပေးပြီးသားတွေ။ လုပ်ငန်းရှင်တွေက မဆောက်နိုင်သေးတာ ဒါတွေကိုလည်း အမြန်ဆုံးပြန်ဆောက်နိုင်အောင် စီစဉ်မယ်” ဟု ဦးဝင်းခိုင်က ပြောကြားသည်။

အဆိုပါ ပုဂ္ဂလိကလုပ်ငန်းရှင်များ ဆောင်ရွက်နေသည့် စီမံကိန်း ၂၀ ကို တည်ဆောက်ပြီးစီးပါက နိုင်ငံတော်အတွက် တန်ဖိုးအလယ်အလတ်နှင့် တန်ဖိုးနည်းတိုက်ခန်းများ ပိုမိုတိုးလာမည်ဖြစ်ကြောင်း သိရသည်။

ထို့အပြင် နိုင်ငံတော်အစိုးရပိုင်းမှ လက်ရှိအချိန်အထိ အိမ်ရာအခန်းပေါင်း ၆၅၀၀၀ ခန့်ကို တည်ဆောက်ပေးထားပြီး လာမည့်နှစ်များ၌ တစ်နှစ်ကို အိမ်ရာအခန်းပေါင်း ၂၀၀၀ မှ ၃၀၀၀ အကြား ဆက်လက်တည်ဆောက်သွားရန် မျှော်မှန်းထားကြောင်း ဆောက်လုပ်ရေးဝန်ကြီးဌာနမှ သိရသည်။

“အခုကတော့ ၆၅၀၀၀ လောက်ဆောက်ထားပြီး ရှေ့လျှောက်တစ်နှစ်ကို ၂၀၀၀၊ ၃၀၀၀ တော့ဆောက်နေမှာပဲ။ ဒါက အစိုးရပိုင်းကစီစဉ်တာ” ဟု ဦးဝင်းခိုင်က ပြောကြားသည်။

ဆက်လက်ပြီး အငှားအိမ်ရာများကိုလည်း တည်ဆောက်သွားရန် စီစဉ်လျက်ရှိပြီး လက်ရှိအချိန်တွင် ၀န်ထမ်းအိမ်ရာများကိုလည်း ရန်ကုန်၊ မန္တလေးနှင့် နေပြည်တော်တို့တွင် တည်ဆောက်လျက်ရှိကြောင်း၊ ကျန်သည့် ပြည်နယ်နှင့် တိုင်းဒေသကြီးများတွင်လည်း ၎င်းတို့၏အစီအစဉ်များဖြင့် ဆောက်လုပ်ရန် စီစဉ်လျက်ရှိကြောင်း သိရသည်။

ဆောက်လုပ်ရေးဝန်ကြီးဌာနအနေဖြင့် လာမည့် ၂၀၃၀ ပြည့်နှစ်အရောက်တွင် အစိုးရနှင့် ပုဂ္ဂလိကကဏ္ဍပူးပေါင်းကာ အိမ်ရာတစ်သန်းအထိ ဖော်ထုတ်သွားနိုင်ရန် မျှော်မှန်းဆောင်ရွက်လျက်ရှိကြောင်း သိရသည်။

မြန်မာနိုင်ငံ၏ အိမ်ရာကဏ္ဍဖွံ့ဖြိုးတိုးတက်ရေးအတွက် ၂၀၁၆-၂၀၁၇ ဘဏ္ဍာနှစ်မှ ၂၀၂၀-၂၀၂၁ ခုနှစ်အတွင် အိမ်ရာဖွံ့ဖြိုးမှု ငါးနှစ်စီမံကိန်းရေးဆွဲထားရာ စုစုပေါင်းအိမ်ရာ ၁ ဒသမ ၈ သိန်းအထိ အကောင်အထည်ဖော် တည်ဆောက်မည်ဖြစ်ကြောင်း ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင်က ၂၀၁၇ ခုနှစ်နှစ်ဆန်းပိုင်းက ပြောကြားထားသည်။

ဘင်္ဂါလီဒုက္ခသည်အရေးနှင့် ပတ်သက်၍ မြန်မာနှင့် ဘင်္ဂလားဒေ့ရ်ှနှစ်နိုင်ငံကြား ပူးပေါင်းလုပ်ဆောင်မှုများ အောင်မြင်ရန် ဥရောပသမဂ္ဂ ကူညီပံ့ပိုးမည်

ဥရောပသမဂ္ဂ အီးယူအနေဖြင့် ရခိုင်ပြည်နယ်မှ ထွက်ပြေးလာသည့် ဘင်္ဂါလီဒုက္ခသည်များအရေးနှင့် ပတ်သက်၍ မြန်မာနှင့် ဘင်္ဂလားဒေ့ရှ် နှစ်နိုင်ငံကြား ပူးပေါင်းလုပ်ဆောင်မှုများ အောင်မြင်ရန် ကူညီပံ့ပိုးပေးသွားမည်ဟု ဥရောပသမဂ္ဂ အဆင့်မြင့်ကိုယ်စားလှယ်၊ ဥရောပကော်မရှင်၏ ဒုတိယဥက္ကဋ္ဌ Federica Mogherini က ပြောကြားသည်။

နိုဝင်ဘာ ၂၀ ရက်ကပြုလုပ်ခဲ့သည့် (၁၃) ကြိမ်မြောက် အေဆမ်နိုင်ငံခြားရေးဝန်ကြီးများ အစည်းအဝေးသို့ တက်ရောက်လာသည့် ဥရောပကော်မရှင်ဒုတိယဥက္ကဋ္ဌ Federica Mogherini က သတင်းထောက်များနှင့် တွေ့ဆုံရာတွင် ထည့်သွင်းပြောကြားခဲ့ခြင်းဖြစ်သည်။

ဥရောပကော်မရှင်ဒုတိယဥက္ကဋ္ဌ Federica Mogherini က ၎င်းအနေဖြင့် အေဆမ်အစည်းအဝေးမစတင်မီအချိန်၌ နိုင်ငံတော်၏ အတိုင်ပင်ခံပုဂ္ဂိုလ်နှင့် အလွတ်သဘော တွေ့ဆုံဆွေးနွေးမှုတစ်ခု ပြုလုပ်ခဲ့ကြောင်း၊ ဒုက္ခသည်များကို ပြန်လည်လက်ခံရန် မြန်မာနှင့် ဘင်္ဂလားဒေ့ရ်ှနှစ်နိုင်ငံကြား နားလည်မှုစာချွန်လွှာ လက်မှတ်ရေးထိုးနိုင်ခဲ့ခြင်းသည် ဒုက္ခသည်ပြဿနာများကိုဖြေရှင်းရန် အရေးကြီးသည့် ပထမအဆင့်လုပ်ငန်းစဉ်ဖြစ်ကြောင်း ပြောကြားသည်။

“နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစောပိုင်းဆွေးနွေးမှုမှာ ရခိုင်ပြည်နယ်အတွင်း ဖြစ်ပွားနေတဲ့ကိစ္စတွေကို မေးမြန်းခဲ့ပါတယ်။ မနေ့က ဘင်္ဂလားဒေ့ရ်ှနိုင်ငံဝန်ကြီးချုပ် ရှိတ်ဟာဆီနာနဲ့ တွေ့ဆုံခဲ့ပြီး ဘင်္ဂလားဒေ့ရ်ှဘက်မှာရှိတဲ့ ဒုက္ခသည်စခန်းတချို့ကိုလည်း သွားရောက်ခဲ့ပါတယ်။ ဒုက္ခသည်တွေကို ပြန်လည်လက်ခံဖို့ မြန်မာနဲ့ ဘင်္ဂလားဒေ့ရ်ှနှစ်နိုင်ငံ နားလည်မှုစာချွန်လွှာ လက်မှတ်ရေးထိုးနိုင်ခဲ့တာဟာ ဒုက္ခသည်ပြဿနာတွေကိုဖြေရှင်းဖို့ အရေးကြီးတဲ့ ပထမအဆင့်လုပ်ငန်းစဉ်ဖြစ်ပါတယ်။ အီးယူအနေနဲ့ မြန်မာနဲ့ ဘင်္ဂလားဒေ့ရှ် နှစ်နိုင်ငံကြား ပူးပေါင်းလုပ်ဆောင်မှုတွေ အောင်မြင်အောင် ကူညီပံ့ပိုးပေးသွားမှာဖြစ်ပါတယ်။ ရခိုင်ပြည်နယ်အတွင်း အကြမ်းဖက်မှုတွေ ရပ်တန့်ဖို့နဲ့ ဒုက္ခသည်စီးဆင်းမှုတွေကို ရပ်တန့်ဖို့ လုပ်ဆောင်ခြင်းတွေဟာ အခုလက်ရှိဖြစ်ပေါ်နေတဲ့ ပြဿနာတွေကိုဖြေရှင်းဖို့ သင့်တော်တဲ့ လုပ်ဆောင်မှုတွေဆိုတာ ကျွန်မတို့ ယုံကြည်ပါတယ်။ အခုကိစ္စတွေကို အခုမနက်ပိုင်း ကနဦး အလွတ်သဘောဆွေးနွေးမှုအတွင်းမှာလည်း ထည့်သွင်းပြောကြားခဲ့ပါတယ်” ဟု Federica Mogherini က ပြောကြားသည်။

ဆက်လက်၍ ဥရောပကော်မရှင် ဒုတိယဥက္ကဋ္ဌ Federica Mogherini က အီးယူသည် မြန်မာနိုင်ငံ၏ ဒီမိုကရေစီကူးပြောင်းရေးလုပ်ငန်းစဉ်ကို ခိုင်မာစွာ ကူညီထောက်ပံ့ပေးခဲ့ပြီး ဒေါ်အောင်ဆန်းစုကြည် ရှေ့ဆက်လုပ်ဆောင်နေသည့် လုပ်ငန်းစဉ်များကိုလည်း ဆက်လက်ကူညီအားပေးသွားမည်ဖြစ်ကြောင်း ပြောကြားသည်။

နိုင်ငံခြားရေးနှင့် လုံခြုံရေးရာမူဝါဒဆိုင်ရာ အီးယူအဆင့်မြင့်ကိုယ်စားလှယ်၊ ဥရောပကော်မရှင်၏ ဒုတိယဥက္ကဋ္ဌလည်းဖြစ်သူ Federica Mogherini သည် နေပြည်တော်ရှိ MICC 1 တွင် ကျင်းပနေသည့် (၁၃) ကြိမ်မြောက် အာရှ-ဥရောပနိုင်ငံခြားရေးဝန်ကြီးများ အစည်းအဝေး (ASEM) ၌ ဥရောပသံကိုယ်စားလှယ်အဖွဲ့အား ဦးဆောင်၍ တက်ရောက်နေခြင်းဖြစ်သည်။

အာရှ-ဥရောပဆွေးနွေးပွဲ (အေဆမ်) ကို အာရှနှင့် ဥရောပဒေသရှိနိုင်ငံများအကြား နှစ်ဖက်အကျိုးတူကိစ္စရပ်များတွင် ညှိနှိုင်းဆွေးနွေး ပူးပေါင်းဆောင်ရွက်နိုင်ရန် ၁၉၉၆ ခုနှစ်မှ စတင်ကျင်းပလာခဲ့သည်။

ကျောက်ဖြူ-ကူမင်း ရေနံပိုက်လိုင်းဖြတ်သန်းခအဖြစ် ရေနံစိမ်း တစ်မက်ထရစ်တန်လျှင် အမေရိကန် တစ်ဒေါ်လာနှုန်းဖြင့် စာချုပ်ချုပ်ဆိုထားကြောင်း ဒုတိယ၀န်ကြီး ပြောကြား

မဒေးကျွန်းရှိ ဆီသိုလှောင်ကန်များကို တွေ့ရစဉ်

ကျောက်ဖြူ-ကူမင်း ရေနံပိုက်လိုင်း ဖြတ်သန်းခအဖြစ် ရေနံစိမ်း တစ်မက်ထရစ်တန်လျှင် အမေရိကန်ဒေါ်လာ တစ်ဒေါ်လာနှုန်းဖြင့် စာချုပ်ချုပ်ဆိုထားကြောင်း ဒုတိယ၀န်ကြီး ဦးအောင်ထူးက ပြောကြားသည်။

နိုဝင်ဘာ ၉ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ၂၀၁၇-၂၀၁၈ ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းနှင့် စပ်လျဉ်းပြီး ပူးပေါင်းကော်မတီများ၏ သုံးသပ်ချက် အစီရင်ခံစာပါမူနှင့် အခြေခံသဘော အကြောင်းအရာများ၊ လွှတ်တော်ကိုယ်စားလှယ်များ၏ ဆွေးနွေးချက်များအပေါ် ရှင်းလင်းစဉ် ပြောကြားခဲ့ခြင်းဖြစ်သည်။

ဒုတိယ၀န်ကြီး ဦးအောင်ထူးက လွှတ်တော်ကိုယ်စားလှယ် ဒေါ်ဝင့်ဝါထွန်း ဆွေးနွေးခဲ့သည့် ကျောက်ဖြူ-ကူမင်း ရေနံပိုက်လိုင်း ဖြတ်သန်းခကောက်ခံရာတွင် ဆက်စပ်သည့် ၀န်ကြီးဌာနများ ပိုမိုပူးပေါင်းဆောင်ရွက်ရန် ကိစ္စနှင့် စပ်လျဉ်းပြီး ပြန်လည်ရှင်းလင်းရာ၌ မြန်မာ့ရေနံနှင့် သဘာဝဓာတ်ငွေ့လုပ်ငန်းနှင့် အကျိုးတူပူးပေါင်းစနစ်ဖြင့် ဖွဲ့စည်းထားသော SEAOP ကုမ္ပဏီမှ ပိုက်လိုင်းဖြင့် ရေနံစိမ်းသယ်ပို့ရန် ဖြတ်သန်းကုန်သွယ်ခြင်း Transit Trade ဆောင်ရွက်ရာတွင် Pipeline Right Agreement စာချုပ်တွင် သဘောတူထားသော ရေနံစိမ်း တစ်မက်ထရစ်တန်လျှင် အမေရိကန် တစ်ဒေါ်လာနှုန်းဖြင့် ပေးချေဆောင်ရွက် ခွင့်ပြုထားကြောင်း ပြည်ထောင်စုလွှတ်တော်တွင် ပြောကြားသည်။

SEAOP ကုမ္ပဏီမှ ပိုက်လိုင်းဖြင့် ရေနံစိမ်း သယ်ပို့ခြင်းကို ၂၀၁၇ ခုနှစ် ဧပြီ ၁၀ ရက်မှစပြီး ပို့လွှတ်ခဲ့ကြောင်း၊ Pipeline Right Agreement စာချုပ်တွင် Transit Free တစ်တန်လျှင် တစ်ဒေါ်လာနှုန်းဖြင့် နမ့်ခမ်းကို ဖြတ်ကျော်သည့်အချိန်တွင် ပေးဆောင်ရမည်ဟု ချုပ်ဆိုခဲ့သော်လည်း အကောက်ခွန်နှင့် MOGE တို့ ညှိနှိုင်းချက်အရ နမ့်ခမ်း Metering Station တွင် မီတာများ ပြီးစီးအောင် တပ်ဆင်ထားခြင်း မရှိသေးသည့်အတွက် စတင်ပို့လွှတ်သည့် အချိန်မှစကာ Transit Quantity ကို မဒေးကျွန်းတွင် တိုင်းတာချက်အရသာ ပေးချေရန် သဘောတူခဲ့ကြောင်း၊ SEAOP မှ ၁၄ ကြိမ် ပို့လွှတ်ခဲ့ပြီး မက်ထရစ် တန် ၂၃၇၀၅၁၉ ဒသမ ၁၈၉ တန်ရှိကြောင်း ဒုတိယ၀န်ကြီးက ပြောကြားသည်။

လက်ရှိ၌ နမ့်ခမ်းတွင် မီတာများ တပ်ဆင်ပြီးဖြစ်သည့်အတွက် Metering Station တိုင်းတာချက်မှာ ၁၄ ကြိမ်မြောက်အထိ မက်ထရစ်တန် ၂၉၁၃၈၂၆ ဒသမ ၅၆၁တန်ရှိပြီး SEAOP နှင့် ကွာခြားချက်မှာ မက်ထရစ်တန် ၅၄၃၃၀၇ ဒသမ ၃၇၂ ဖြစ်သည့်အတွက် ယင်းကွာခြားမှုအတွက် လိုအပ်သည့် အမေရိကန်ဒေါ်လာ ၅၄၃၃၀၇ ဒသမ ၃၇၂ အား ပေးချေရန် MOGE က SEAOP သို့ အကြောင်းကြားထားပြီးဖြစ်ကြောင်း ၎င်းက ဆက်လက်ပြောကြားသည်။

မြန်မာ့ရေနံနှင့် သဘာဝဓာတ်ငွေ့လုပ်ငန်းနှင့် အကျိုးတူ ပူးပေါင်းစနစ်ဖြင့် ဖွဲ့စည်းထားသည့် SEAOP ကုမ္ပဏီမှ ပိုက်လိုင်းဖြင့် ရေနံစိမ်းသယ်ပို့ရန် ဖြတ်သန်းကုန်သွယ်ခြင်း ဆောင်ရွက်ရာတွင် မီတာများတပ်ဆင်ထားပြီးဖြစ်သည့်အတွက် မဒေးကျွန်းနှင့် နမ့်ခမ်း Station များအကြား ပို့လွှတ်သည့် ပမာဏ ကွာခြားမှုလျော့နည်းသွားပြီး ကွာခြားမှုကိုလည်း သက်ဆိုင်ရာဌာနများ ညှိနှိုင်းလျက်ရှိကြောင်း၊ စတင်ပို့လွှတ်ပြီး ကိုးလအကြာတွင် Contractual Transportation Date ကို စတင်မည် ဖြစ်သည့်အတွက် ယင်းကာလနောက်ပိုင်းတွင် Transportation Plan အတိုင်း ပေးပို့နိုင်မည်ဖြစ်သည့်အတွက် စာရင်းကွာဟမှုများကို လျှော့ချနိုင်မည်ဖြစ်ကြောင်း ဒုတိယ၀န်ကြီး ဦးအောင်ထူးက ပြောကြားသည်။

ဘင်္ဂလားဒေ့ရ်ှနိုင်ငံသို့ ထွက်ခွာရန် မောင်တောတောင်ပိုင်းကမ်းခြေတွင် လှေစောင့်ဆိုင်းနေသည့် ဘင်္ဂါလီ ၄၀၀၀ ကျော်ရှိနေ

တစ်ဖက်ဘင်္ဂလားဒေ့ရ်ှနိုင်ငံသို့ ထွက်ခွာရန် လှေစောင့်ဆိုင်းနေသည့် ဘင်္ဂါလီများအား မောင်တောမြို့နယ်တောင်ပိုင်း ကမ်းခြေတစ်နေရာတွင် တွေ့ရစဉ်

တစ်ဖက်ဘင်္ဂလားဒေ့ရ်ှနိုင်ငံသို့ ထွက်ခွာရန် မောင်တောတောင်ပိုင်းကမ်းခြေတွင် လှေစောင့်ဆိုင်းနေသည့် ဘင်္ဂါလီလေးထောင် ကျော်ရှိနေကြောင်းနှင့် ရခိုင်ပြည်နယ်မြောက်ပိုင်း မောင်တောဒေသတည် ငြိမ်နေသည့်အချိန်ပင် တစ်ဖက်နိုင်ငံသို့ ရက်ဆက်ထွက်ခွာမှုများရှိနေကြောင်း သိရသည်။

နိုဝင်ဘာ ၈ ရက်နံနက် ၃ နာရီတွင် မောင်တောမြို့နယ် အလယ်သံကျော် လေယာဉ်ပျံကွင်းကမ်းခြေ၌ ရောက်ရှိနေသော နေရပ်စွန့်ခွာ ဘင်္ဂါလီ ၃၁၂၄ ဦး (ကျား ၁၂၃၅၊ မ ၁၈၈၉) အနက် ဘင်္ဂလားဒေ့ရ်ှနိုင်ငံ ဘက်သို့ စက်လှေကိုးစင်းဖြင့် ၂၄၅ ဦး (ကျား ၁၁၂၊ မ ၁၃၃)ဦး ထွက်ခွာသွားကြောင်း သိရသည်။

နိုဝင်ဘာ ၇ ရက်ကလည်း မောင်တောမြို့နယ် မိုဝင်ချောင်းဝကင်းစခန်းနှင့် ဂေါ်ဒူသာရချောင်းဝကြား ပင်လယ်ကမ်းခြေသို့ ရောက်ရှိလာကြသည့် ဘင်္ဂါလီအမျိုးသား ၅၄၀၊ အမျိုးသမီး ၇၃၃ ဦး စုစုပေါင်းနေရပ်စွန့် ခွာဘင်္ဂါလီ ၁၂၇၃ ဦးအနက် ဘင်္ဂလားဒေ့ရှ် နိုင်ငံဘက်သို့ ဘင်္ဂါလီအမျိုးသား ၂၀၊ အမျိုး သမီး၂၅ ဦး စုစုပေါင်း ၄၅ ဦးတို့ စက်လှေနှစ်စင်းဖြင့် ထွက်ခွာသွားကြောင်း ပြည်ထဲရေးဝန်ကြီးဌာန၏ ထုတ်ပြန်ချက်အရ သိရသည်။

ထို့ပြင် ဘင်္ဂလားဒေ့ရ်ှသို့ ထွက်ခွာရန် ဘူးသီးတောင်မြို့နယ်အတွင်းမှ ဘင်္ဂါလီများ မောင်တောမြို့နယ်တောင်ပိုင်း ကမ်းခြေသို့ ဆက်လက်ဝင်ရောက်လျက်ရှိကြောင်း သိရသည်။

နိုဝင်ဘာ ၈ ရက် ညနေ ၃ နာရီက မောင်တောမြို့နယ် ပညောင်ပင်ကြီးကျေးရွာနှင့် နယ်စပ်ခြံစည်းရိုးကြား၌ နေရပ်စွန့်ခွာဘင်္ဂါလီများ ရောက်ရှိနေကြောင်း သတင်းအရ ရဲမှူးမင်းဝင်းစိုး ဦးစီးအဖွဲ့က သွားရောက် စစ်ဆေးရာ ဘူးသီးတောင်မြို့နယ် ဖုံညိုလိပ်ကျေးရွာမှ ၁၆၄ ဦး (ကျား ၆၃၊ မ ၁၀၁) နှင့် စိမ်းညှင်းပြားကျေးရွာမှ နေရပ်စွန့်ခွာ ဘင်္ဂါလီ ၈၈ ဦး (ကျား ၅၃၊ မ ၃၅) စုစုပေါင်းနေ ရပ်စွန့်ခွာဘင်္ဂါလီ ၂၅၂ ဦး (ကျား ၁၁၆၊ မ ၁၃၆) တို့အားတွေ့ရှိပြီး အကြမ်းဖက်ဖြစ် စဉ်ဖြစ်ပွားပြီးနောက် နေစရာ စားစရာအလုပ် အကိုင်အခက်အခဲရှိသဖြင့် ၎င်းတို့၏ ဆန္ဒအလျောက် ဘင်္ဂလားဒေ့ရ်ှနိုင်ငံသို့ သွားရောက်ရန် ထွက်ခွာလာခြင်းဖြစ်ပြီး ညနေ ၆ နာရီ ၁၀ မိနစ်တွင် နေရပ်စွန့်ခွာဘင်္ဂါလီများသည် မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကင်းစခန်းကြားသို့ ရောက်ရှိခဲ့ကြောင်း သိရသည်။

မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကြားပင်လယ်ကမ်းခြေ၌ ယခင်ရှိ ရင်းဘင်္ဂါလီ ၁၂၂၈ ဦး(ကျား ၅၂၀၊မ ၇၀၈) ဖြစ်ပြီး ဘင်္ဂါလီ ၂၅၂ ဦး(ကျား ၁၁၆၊ မ ၁၃၆)တို့ ထပ်မံရောက်ရှိလာသဖြင့် စုစုပေါင်း ဘင်္ဂါလီ ၁၄၈၀ (ကျား ၆၃၆၊ မ ၈၄၄) တို့ ရောက်ရှိနေကြောင်းနှင့် အလယ်သံကျော် လေယာဉ်ပျံကွင်းကမ်းခြေ၌ နေရပ်စွန့်ခွာ ဘင်္ဂါလီ၂၈၇၉ ဦး (ကျား ၁၂၀၃၊ မ ၁၆၇၆)ကျန်ရှိနေကြောင်း ပြည်ထဲရေး၏ သတင်းထုတ်ပြန်ချက်အရ သိရသည်။

ယင်းသို့ကမ်းခြေသို့ ရောက်ရှိနေကြသည့် ဘင်္ဂါလီများကို သက်ဆိုင်ရာအဖွဲ့ အစည်းများက အစားအသောက်၊ ဆေးဝါးနှင့်လိုအပ်သည့် ထောက်ပံ့မှုများကိုပေးထားပြီး ၎င်းတို့ နေရပ်သို့ ပြန်ရန်ဖျောင်းဖျပြောဆိုသော်လည်း ၎င်းတို့နေရပ်သို့ ပြန်လည်နေထိုင်ရန် ဆန္ဒမရှိဟု ပြောဆိုကြကြောင်း သိရသည်။

အဆိုပါဘင်္ဂါလီများသည် တစ်ဖက်နိုင်ငံမှ ဆွေမျိုးများဖြင့် ဆက်သွယ်နေကြပြီး ၎င်းတို့ကို လာခေါ်မည့် စက်လှေများကို စောင့်ဆိုင်းနေကြခြင်းဖြစ်ကြောင်း သိရသည်။

နိုဝင်ဘာ၂ ရက်က မှိုဝင်ချောင်းဝကင်းစခန်းနှင့် ဂေါ်ဒူသာရချောင်းဝကြား ပင်လယ်ကမ်းခြေတွင် ရောက်ရှိနေသည့် နေရပ်စွန်ခွာ သဘင်္ဂါလီများထဲမှ ဘူးသီးတောင်မြို့နယ် ပြိုင်းတောင်ရွာနေ အသက်၂၇ နှစ်အရွယ် မာမွတ်ရုက္ကူ၊ အသက်၂၂ နှစ်အရွယ် မာမွတ်ရောဖိ၊ အသက် ၁၃ နှစ်အရွယ် ဇူဘိုင်တို့သည် ပချီးယားတန်းကျေးရွာ ပုစွန်ကန်အနီး တောစပ်တွင် ငါးရှာနေသည့် မောင်တောမြို့နယ်တောင်ပိုင်း သရေကုန်းဘောင် ကျေးရွာသား ဦးလှသန်းမောင်နှင့် ပေါင်းအပါတချို့ကို ဓား၊ ရဲတင်းသည့် လက်နက်များဖြင့် တိုက်ခိုက်မှုကြောင့် ဦးလှသန်းမောင်တွင် ဒဏ်ရာများရရှိပြီး မောင်တောပြည်သူ့ ဆေးရုံကြီးတွင် ကုသမှုခံယူလျက်ရှိကြောင်း သိရသည်။

ဦးလှသန်းမောင်ကို တိုက်ခိုက်ခဲ့သည် ဘင်္ဂါလီသုံးဦးအား ဥပဒေနှင့်အညီ အမှုဖွင့်အရေးယူထားကြောင်း သိရသည်။

ရန်ကုန်မြို့တွင် သွေးလွန်တုပ်ကွေးဖြစ်ပွားသူ ၆၆၀၀ ကျော်၊ သေဆုံးသူ ၄၆ ဦးရှိနေပြီး ရောဂါဖြစ်ပွား၊ သေဆုံးနှုန်းစာရင်းအရ အဖြစ်အများဆုံးဒေသအဖြစ် ထိပ်ဆုံး၌ရှိနေ

မြို့နယ်ရပ်ကွက်များတွင် တိုင်းပြည်သူ့ကျန်းမာရေးဌာနက သွေးလွန်တုပ်ကွေးရောဂါ ကာကွယ်နှိမ်နှင်းရေးလုပ်ငန်းများ လုပ်ဆောင်ပေးနေစဉ်

ရန်ကုန်တိုင်းဒေသကြီးတွင် ယခုနှစ် ဇန်န၀ါရီလမှ အောက်တိုဘာ ၂၁ရက်အထိ ရရှိသည့်စာရင်းအရ သွေးလွန်တုပ်ကွေး ဖြစ်ပွားသူ ၆၆၁၆ ဦး၊သေဆုံးသူ ၄၆ ဦးထိရှိနေပြီး တိုင်းဒေသကြီး၊ ပြည်နယ်အလိုက် ရောဂါဖြစ်ပွား၊ သေဆုံးနှုန်းစာရင်းအရ အဖြစ်အများဆုံးဒေသအဖြစ် ထိပ်ဆုံး၌ရှိနေကြောင်း နေပြည်တော်၊ ပြည်သူ့ကျန်းမာရေးဦးစီးဌာန (သွေးလွန်တုပ်ကွေးနှင့် ဆင်ခြေထောက် ရောဂါစီမံချက်) မှသိရသည်။

“ရန်ကုန်တိုင်းရဲ့ သွေးလွန်တုပ်ကွေး ဖြစ်ပွားမှုကတော့ မနှစ်ကထက်စာရင် ဖြစ်ပွားမှုတွေ များနေတယ်။ ဒီနှစ် ပထမလေးလမှာကတည်းက ဖြစ်ပွားမှုနှုန်းက လေးဆလောက်အထိ မြင့်တက်ခဲ့တယ်။ မနှစ်ကထက်စာရင် ဖြစ်ပွားမှုနှုန်းများပါတယ်။ ခုချိန်ထိ သွေးလွန်တုပ်ကွေးဖြစ်တဲ့သူ ၆၀၀၀ ကျော်၊ သေဆုံးသူ ၄၆ ဦးအထိ ရှိပါတယ်။ လူဦးရေ ၄၀ကျော် လောက်သေဆုံးနှုန်း ရှိတယ်ဆိုတာနည်းတဲ့ ပမာဏတော့ မဟုတ်ပါဘူး။

ဒီနှစ်အတွက်ကတော့ အဖြစ်များတဲ့ရပ်ကွက်၊ မြို့နယ်တွေကို ရွေးချယ်ပြီး သွေးလွန်တုပ်ကွေးဖြစ်နိုင်တဲ့ ရပ်ကွက်တွေကို ကြိုတင်ပြီး ပိုးလောက်လမ်းနှိမ်နှင်းရေးတွေကို ရပ်ကွက်အလိုက် ရပ်ကွက်လုံးကျွတ် လုပ်ဆောင်ခဲ့တယ်။ မိုးတွင်းကာလတုန်းကလည်း ဖြစ်ပွားမှုနှုန်းက တက်လာတာဖြစ်တဲ့အတွက်  အဖြစ်များတဲ့ရပ်ကွက်တွေကို ကြိုတင်ကာကွယ်ရေးလုပ်ငန်းတွေကိုလည်း လုပ်ခဲ့ပါတယ်။ သွေးလွန်တုပ်ကွေးက ဒီဘက်နှစ်တွေမှာ တစ်နှစ်ခြား သို့မဟုတ် နှစ်နှစ်ခြားတစ်ကြိမ် ကပ်အသွင်လို ဖြစ်တတ်တဲ့အလေ့ရှိလာတယ်။ ရန်ကုန်မှာ အဖြစ်များတဲ့ရပ်ကွက်တွေက လူဦးရေများတဲ့နေရာ၊ လူနေထူထပ်တဲ့ နေရာတွေပါ။ လှိုင်သာယာ၊ ဒဂုံမြို့သစ် လေးခု၊ ဒလ၊ သာကေတ၊ မရမ်းကုန်း၊ လှိုင်တို့တွင် အဖြစ်များတယ်။ နှစ်စဉ်လည်း ဒီနေရာတွေက အဖြစ်များပါတယ်” ဟု ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။

ယခင်ကအသက် ၁၅ နှစ်အောက် ကလေးများတွင် ဖြစ်ပွားမှုများပြားခဲ့သော်လည်း ယခုအခါ အသက် ၁၅ နှစ်အထက် လူငယ်များ၊ အသက် ၄၀ မှ ၈၀ ကြားလူကြီးများတွင်ပါ ဖြစ်ပွားမှုများပြားလာပြီး လူကြီးများတွင် ဖြစ်ပွားပါက နောက်ဆက်တွဲဆိုးကျိုး ပိုမိုများပြားကြောင်းနှင့် ယခင်က မြို့ပြဆန်သော နေရာဒေသများတွင်သာ အဓိကဖြစ်ပွားသော်လည်း ယခုအခါ ကျေးလက်ဒေသများ၊ ကျေးရွာများတွင်ပါ ပျံ့နှံ့ဖြစ်ပွားလာကြောင်း သိရသည်။

သွေးလွန်တုပ်ကွေး ဖြစ်ပွားမှု မြင့်တက်နေခြင်းကြောင့် ကျန်းမာရေးနှင့် အားကစားဝန်ကြီးဌာန၊ ပြည်သူ့ကျန်းမာရေးဦးစီးဌာနနှင့် ရန်ကုန်မြို့တော်စည်ပင်သာယာရေးကော် မတီတို့ ပူးပေါင်းပြီး ရန်ကုန်မြို့အတွင်းရှိ ဆောက်လုပ်ရေး လုပ်ငန်းခွင်များတွင်  သွေးလွန်တုပ်ကွေး ကာကွယ်နှိမ်နှင်းရေး လုပ်ငန်းများကို အခါအားလျော်စွာ လုပ်ဆောင်ထားကြောင်း သိရသည်။

ဆောက်လုပ်ရေးလုပ်ငန်းခွင်တွင် ခြင်ပေါက်ပွားမည့်နေရာများ နေ့စဉ်စစ်ဆေးရှင်းလင်းရန် လုပ်ငန်းလမ်းညွှန်ကို ရေးဆွဲထားပြီး ဆောက်လုပ်ရေးလုပ်ငန်းခွင်မှ ခြင်ကျားပေါက်ရာနေရာများ (အလွှာတိုင်းရှိ မြေပြင်နှင့် ကွန်ကရစ်ကြမ်းခင်းတွင် ရေတင်ကျန်နိုင်သော ချိုင့်ခွက်များ၊ ဘိလပ်မြေဖျော်စက်စသည့် စက်များ၊ တိုင်ကီများ၊ ရေကန်များနှင့် အခြားရေသိုလှောင်နိုင်သော ပစ္စည်းများ၊ ယာယီရေမြောင်းများ၊ အမှိုက်ပုံးများ) စသည်ကို စစ်ဆေးလျက်ရှိကြောင်း သိရသည်။

ဆောက်လုပ်ရေးလုပ်ငန်းခွင်များတွင် ငြမ်းအဖြစ် အသုံးပြုထားသော သစ်ချောင်းများ၊ သံတန်းများနှင့် သံပိုက်များသည် အသုံးပြုပြီးနောက် စုပုံထားတတ်ကြပြီး ထိုနေရာများမှတစ်ဆင့် ခြင်ပေါက်နိုင်ကြောင်း၊  ဆောက်လုပ်ရေးလုပ်ငန်းသုံး ပစ္စည်းများကို မိုးရေမစိုစေရန် ဖုံးအုပ်ရာတွင်  အသုံးပြုသော မိုးရေကာဖျင်၊ တာလပတ်များသည်လည်း ထိန်းသိမ်းမှု မကောင်းလျှင် ခြင်ကျားလောက်လမ်း ပေါက်ဖွားနိုင်ကြောင်း၊ ဆောက်လက်စ အဆောက်အအုံ (အထူးသဖြင့် အထပ်မြင့်များ) ၏ ကြမ်းပြင်များပေါ်တွင် ရေတင်ကျန်နိုင်ပြီး ခြင်ကျားလောက်လမ်းများ ပေါက်ဖွားနိုင်ကြောင်းနှင့် ဆောက်လုပ်ရေးအလုပ်သမား များ၏ စားကြွင်းစားကျန်များ၊ အမှိုက်သရိုက်များကို စနစ်တကျမစွန့်ပစ်ခြင်းကြောင့်လည်း မိုးရေတင်ကျန်နိုင်သော နေရာများဖြစ်လာပြီး ခြင်ပေါက်ဖွားနိုင်ကြောင်း သိရသည်။

အိုင်တီ (IT) နည်းပညာ အလွဲသုံးစွဲမှုများကို လိုအပ်သလို စောင့်ကြည့်ထိန်း ကျောင်းနိုင်ရန် (Monitoring) ပြုလုပ်နိုင်ရန် အစိုးရအားတိုက်တွန်းသည့်အဆို ပြည်သူ့လွှတ်တော် အတည်ပြု

နိုဝင်ဘာ ၈ ရက်က နေပြည်တော်တွင်ပြုလုပ်သော ပြည်သူ့လွှတ်တော်အစည်းအဝေးသို့ တက်ရောက်လာသော ကိုယ်စားလှယ်များကို တွေ့ရစဉ် (ဓာတ်ပုံ-မျိုးမင်းထက်)

လူငယ်လူရွယ်များ အကျင့်စာရိတ္တပျက်ပြားစေခြင်း၊ ရပ်ရွာတည်ငြိမ်အေးချမ်းမှု ပျက်ပြားစေခြင်းတို့ကြောင့် အိုင်တီ (IT) နည်းပညာအလွဲသုံးစွဲမှုကို လိုအပ်သလို စောင့်ကြည့်ထိန်းကျောင်းနိုင်ရန် (Monitoring) ပြုလုပ်နိုင်ရန် ပြည်ထောင်စုအစိုးအား တိုက်တွန်းကြောင်းအဆိုကို ပြည်သူ့လွှတ်တော်က နိုဝင်ဘာ ၈ ရက်တွင် အတည်ပြုခဲ့သည်။

ဂန့်ဂေါမဲဆန္ဒနယ်မှ အဆိုရှင် ဒေါ်ယဉ်မင်းလှိုင်က လူငယ်လူရွယ်များ အကျင့်စာရိတ္တ ပျက်ပြားစေခြင်း၊ ရပ်ရွာတည်ငြိမ်အေးချမ်းမှု ပျက်ပြားစေခြင်းတို့ကြောင့် အိုင်တီ (IT) နည်းပညာသုံးစွဲမှုကို လိုအပ်သလို စောင့် ကြည့်ထိန်းကျောင်းနိုင်ရန် (Monitoring)  ပြုလုပ်နိုင်ရန် အစိုးရအား တိုက်တွန်းကြောင်း ခေါင်းစဉ်ဖြင့် အောက်တိုဘာ ၂၅ ရက်က အဆိုတင်သွင်းခဲ့ပြီး အဆိုခေါင်းစဉ်တွင် Typing Error ကြောင့် IT နည်းပညာသုံးစွဲမှုတွင် အလွဲသုံးစွဲမှုဆိုသည့် စာလုံးကျန်ခဲ့ကြောင်း အဆိုရှင်သဘောထားကို ပြောကြားရာတွင် ပြန်လည် ရှင်းလင်းတင်ပြခဲ့သည်။

၎င်းအဆိုနှင့်ပတ်သက်၍ လွှတ်တော်ကိုယ်စားလှယ်ငါးဦးက ဆွေးနွေးခဲ့ကြပြီး မင်းဘူးမဲဆန္ဒနယ်မှ လွှတ်တော်ကိုယ်စားလှယ် ဦးဝင်းဝင်းက အဆိုရှင်၏ စိတ်စေတနာ ရည်ရွယ်ချက်သည် ကောင်းမွန်ကြောင်း၊ သို့သော်လည်း ကျယ်ပြန့်ရှုပ်ထွေးသည့် IT နည်းပညာ တစ်ရပ်လုံးကို စောင့်ကြည့်ထိန်းကျောင်းရန် ဆိုသည်မှာ ဖြစ်နိုင်ပါ့မလားဆိုသည်ကို စဉ်းစားစရာဖြစ်ကြောင်း၊ လူမှုကွန်ရက်သုံးသူများထဲတွင် မမှန်သတင်းဖြန့်သူများ၊ လူမျိုးရေး လှုံ့ဆော်သူများရှိသလို အမှန်တရားကို ပြန်လည်ဖြေရှင်းပေးနေသူများလည်း ရှိကြောင်း၊ အဆိုရှင် ဆိုလိုချင်သလို IT နည်းပညာသုံးစွဲမှုကြောင့် လူငယ်များအကျင့်စာရိတ္တ ပျက်ပြားနေကြတာလား၊ ရပ်ရွာတည်ငြိမ်အေးချမ်းမှု ပျက်ပြားစေတာလားဆိုသည်ကို ပြန်လည် ဆင်ခြင် စဉ်းစားသင့်လှကြောင်း ဆွေးနွေး ပြောကြားသည်။

“အဆိုရှင်ရဲ့ ဆွေးနွေးချက်အရဆိုလို့ရှိရင် Facebook လို လူမှုကွန်ရက်ကို ဆိုလိုချင်တာလား။ IT ဆိုတဲ့ ကျယ်ပြန့်လှတဲ့ နည်းပညာတစ်ရပ်လုံးကို စောင့်ကြည့်ထိန်းကျောင်းနိုင်ရန် Monitoring ပြုလုပ်နိုင်ရန်ဆိုရင် အဆင်ပြေနိုင်ပါ့မလားဆိုတာကို စဉ်းစားစရာပဲဖြစ်ပါတယ်။ တကယ်တော့ လက်တွေ့အခြေအနေတွေပေါ်မှာ ဖြစ်ချင်တာနဲ့ ဖြစ်နိုင်တာတွေ ဖြစ်သင့်တာတွေ ဘယ်ဟာကို ဦးစားပေးမလဲဆိုတာ စဉ်းစားဆင်ခြင်သင့်လှပါ တယ်။ အဆိုရှင် ဆိုလိုချင်သလို IT နည်းပညာ သုံးစွဲမှုကြောင့် လူငယ်တွေ အကျင့်စာရိတ္တ ပျက်ပြားနေကြတာလား၊ IT နည်းပညာ သုံးစွဲမှုကြောင့် ရပ်ရွာ တည်ငြိမ်အေးချမ်းမှုတွေ ပျက်ပြားစေတာလားဆိုတာကို ပြန်လည်ဆင်ခြင် စဉ်းစားသင့်လှပါတယ်” ဟု ဦးဝင်းဝင်းက ဆွေးနွေးတင်ပြသည်။

IT နည်းပညာသုံးစွဲမှုကို လိုအပ်သလို စောင့်ကြည့် ထိန်းကျောင်းမည်ဆိုပါက မကြာသေးမီက အတည်ပြုပြဋ္ဌာန်းခဲ့သည့် နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေးဥပဒေပါ ပြဋ္ဌာန်းချက်များနှင့် ကိုက်ညီမှုရှိ၊ မရှိ ပြန်လည် စဉ်းစားသင့်ကြောင်း ဦးဝင်းဝင်းက ဆွေးနွေး အကြံပြုသည်။

ထို့ပြင် အဆိုအပေါ် တပ်မတော်သား ပြည်သူ့လွှတ်တော်ကိုယ်စားလှယ် ဗိုလ်မှူးနေ၀င်းက လက်ရှိနိုင်ငံအ၀န်း Sim Card အသုံးပြုမှုမှာ ၅၄ ဒသမ ၃၄ သန်းရှိသည့်အတွက် နိုင်ငံလူဦးရေ ၅၃ ဒသမ ၃၉ သန်းနှင့် နှိုင်းယှဉ်ပါက ၁၀၁ ဒသမ ၇၈ ရာခိုင်နှုန်းအထိ သုံးစွဲနေခြင်းဖြစ်ကြောင်း၊ မြန်မာနိုင်ငံတွင် အင်တာနက်၊ Facebook သုံးစွဲသူ ၁၂ သန်း ကျော်ရှိပြီး အသက် ၁၃ နှစ် ၂၅ နှစ်အကြား လူငယ်လူရွယ် ငါးသန်း ကျော်ရှိနေကြောင်းကို စစ်တမ်းများအရ သိရကြောင်း၊ မြန်မာနိုင်ငံသည် အင်တာနက်ကို လူတိုင်းသုံးစွဲနိုင်သည့် အနေအထားသို့ ရောက်ရှိနေပြီဖြစ်သော်လည်း အကျိုးရှိစွာအသုံးပြုမှုမှာ လွန်စွာအားနည်းနေကြောင်းကို တွေ့ရှိရကြောင်း ဆွေးနွေးပြောကြားသည်။

လူမှုကွန်ရက်များကို လူငယ်လူရွယ်များ အလွန်အကျွံအသုံးပြုနေခြင်း၊ အမုန်းတရား ပွားများအောင် မဟုတ်မမှန် လှုံ့ဆော်ဝါဒဖြန့်နေမှုများကိုလည်း လူတစ်ဦးချင်း၏ အသိတရားဖြင့် ဆောင်ရွက်ခြင်း၊ အဖွဲ့အစည်း၊ ဌာနများအလိုက် ပညာပေးကြပ်မတ်ခြင်း၊ မီဒီယာများဖြင့် ကျယ်ပြန့်စွာ အသိပညာပေးခြင်း၊ လူထုကို စည်းရုံးဟောပြောခြင်း၊ ပြစ်မှုကျူးလွန်သူများကိုလည်း တည်ဆဲဥပဒေများ နှင့်အညီ ဖော်ထုတ် အရေးယူခြင်းများဆောင် ရွက်သင့်ကြောင်း ဗိုလ်မှူးနေ၀င်းက ဆွေးနွေးအကြံပြုသည်။

အဆိုအပေါ် နွားထိုးကြီးမဲဆန္ဒနယ်မှ လွှတ်တော်ကိုယ်စားလှယ် ဦးနိုင်ထူးအောင်က“ကျွန်တော်တို့နိုင်ငံရဲ့ အင်တာနက်အသုံးပြုမှုကို လေ့လာကြည့်တဲ့အခါ ထူးခြားတဲ့အချက်တစ်ခုကို တွေ့ရပါတယ်။ အဲဒီအချက်က တော့ မြန်မာနိုင်ငံရဲ့ Facebook အသုံးပြုသူအရေအတွက်နဲ့ အင်တာနက် အသုံးပြုအရေအတွက်ဟာ ထပ်တူလောက်ဖြစ်နေတယ်ဆိုတာပါပဲ။ ကမ္ဘာလုံးအနေနဲ့ Faecbook အသုံးပြုတဲ့သူ အရေအတွက်နဲ့ အင်တာနက်အသုံးပြု အရေအတွက်အချိုးဟာ ရာခိုင်နှုန်း ၅၀ တောင်မရှိပါဘူး။ ပညာရှင်တချို့ဆိုရင် မြန်မာနိုင်ငံဟာ Facebook ရဲ့ သက်ရောက်မှု အများဆုံးခံရတဲ့နိုင်ငံဖြစ်တယ်လို့ ဆိုခဲ့ဖူးပါတယ်”ဟု ဆွေးနွေးတင်ပြသည်။

သတင်းအမှားများကို Facebook ၊ ဆိုရှယ်မီဒီယာမှတစ်ဆင့် လျင်မြန်စွာပျံ့နှံ့ပြီး လူထုက အမှန်ဟုမှတ်ထင်ခြင်းသည် တိုင်းပြည်၏တည်ငြိမ်မှု၊ စီးပွားရေးနှင့် ရွေးကောက်ပွဲ ရလဒ်များအထိ သက်ရောက်မှုများစွာ ရှိနိုင်သည့်အတွက် အလေးအနက်ထားကာ အမြန်ဆုံး ဖြေရှင်းရန်လိုကြောင်း၊ နိုင်ငံတကာတွင်လည်း အွန်လိုင်းက သတင်းများကို ဆင်ခြင်သုံးသပ်ပြီးမှ လက်ခံကြရန်အတွက် ပညာပေးခြင်း၊ လူထုလှုပ်ရှားမှုပြုလုပ်ပြီး တိုက်တွန်းခြင်းများ လုပ်နေကြကြောင်း ဦးနိုင်ထူးအောင်က ဆွေးနွေးပြောကြားသည်။

“ကျွန်တော်တို့နိုင်ငံမှာ ပြည်သူအားလုံး ဘေးကင်းလုံခြုံစွာနဲ့ IT နည်းပညာများကို သုံးစွဲနိုင်ဖို့ တိုင်းပြည်တည်ငြိမ်အေးချမ်းစေရန်အတွက် အင်တာနက်နဲ့ IT အသုံးပြုမှုတွေကို လိုအပ်သလို စောင့်ကြည့်လေ့လာထိန်းကျောင်းမှုများ ပြုလုပ်ဖို့စီမံတဲ့အခါမှာ အပိုင်းနှစ်ပိုင်းခွဲဖို့ လိုပါတယ်။ တစ်ပိုင်းကတော့ သုံးစွဲသူအားလုံးနဲ့သက်ဆိုင်တဲ့ အပိုင်းဖြစ်ပါတယ်။ ဒီအပိုင်းမှာ ပထမဆုံးအနေနဲ့ တစ်နိုင်ငံလုံးသော အင်တာနက်သုံးစွဲသူတွေဟာ ဘယ်လိုအကြောင်းအရာတွေကိုပြောနေကြသလဲ။ စိတ်ဝင်စားနေကြသလဲ။ ဘယ်သတင်းအမှားတွေ ပျံ့နှံ့နေသလဲ။ စတာတွေကို ပုဂ္ဂိုလ်ရေး လွတ်လပ်ခွင့် လုံးဝမထိခိုက်စေဘဲ သုတေသနပြုတာ၊ လေ့လာသုံးသပ်တာတွေ လုပ်ရပါလိမ့်မယ်။ ရလာတဲ့အဖြေပေါ် မူတည်လို့လိုအပ်တဲ့ ပညာပေးခြင်း၊ သတင်းမှန်ထုတ်ပြန်ခြင်းတို့ကို အလျင်မြန်ဆုံး ဆောင်ရွက်ရပါမယ်။ နောက်တစ်ပိုင်းကတော့ တည်ငြိမ်အေးချမ်းမှု ပျက်ပြားအောင် ရည်ရွယ်ချက်ရှိစွာနဲ့ လှုံ့ဆော်နေသူတွေ၊ သတင်းမှားထုတ်ပြန်နေ သူတွေကိစ္စဖြစ်ပါတယ်။ ဒီလိုပြုလုပ်နေသူတစ်ဦးချင်းကိုတော့ ဥပဒေနဲ့အညီ စုံစမ်းဖော်ထုတ် အရေးယူဖို့လိုအပ်ပါတယ်။ နောက်ပြီးတော့ အွန်လိုင်းမှာ မတည်ငြိမ်အောင် လှုံ့ဆော်မှုတွေ၊ သတင်းအမှားဖန်တီးမှုတွေအတွက် လိုအပ်တဲ့ဥပဒေများ ပြဋ္ဌာန်းတာ၊ ပြင်ဆင်တာ ပြုလုပ်ရပါလိမ့်မယ်”ဟု ဦးနိုင်ထူးအောင်က ဆွေးနွေးတင်ပြသည်။

IT နည်းပညာသုံးစွဲမှုကို လိုအပ်သလိုစောင့်ကြည့်ထိန်းကျောင်းရာတွင် ပုဂ္ဂိုလ်ရေး လွတ်လပ်ခွင့်ကို မထိခိုက်ရန်လိုသလို တိုင်းပြည်၏လုံခြုံရေးနှင့်တည်ငြိမ်ရေးကို မထိပါးရန်လည်းလိုကြောင်း၊ ပြည်သူများ သတင်းအချက်အလက်ရယူပိုင်ခွင့်ကို အဟန့်အတား မဖြစ်ရန်လိုသလို သတင်းအမှားများပျံ့နှံ့ခြင်းများကို တားဆီးရန်လည်းလိုကြောင်း ၎င်းက ဆက်လက်အကြံပြုသည်။

ထိုသို့ လွှတ်တော်ကိုယ်စားလှယ်များ၏ ဆွေးနွေးမှုများအပြီး ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီးဦးသန့်စင်မောင်က ပြန်လည်ရှင်းလင်းရာတွင် ၂၀၁၇ ခုနှစ် စက်တင်ဘာလအထိ Sim Card သုံးစွဲမှုမှာ ၅၆ ဒသမ ၁၂၇ သန်းရှိသည့်အတွက် လူဦးရေနှင့်နှိုင်းယှဉ်ပါက ၁၀၈ ဒသမ ၅၆ ရာခိုင်နှုန်းရှိပြီး အင်တာနက်သုံးစွဲမှုမှာ ၄၆ ဒသမ ၃၉၁ သန်းရှိသည့်အတွက်ကြောင့် သိပ်သည်းဆ ၈၉ ဒသမ ၇၃ ရာခိုင်နှုန်းအထိ အင်တာနက်သုံးစွဲနေကြောင်း၊ အင်တာနက် သုံးစွဲသူအများစုသည် Facebook ၊ Messenger ၊ Viber ၊ Twitter စသည့် ဆိုရှယ်မီဒီယာများကို အသုံးပြုလျက်ရှိပြီးFacebook အများဆုံး သုံးစွဲလျက်ရှိကြောင်း၊ ၂၀၁၇ ခုနှစ် ဇန်န၀ါရီအထိ ၁၄ သန်းခန့်ရှိကြောင်း ရှင်းပြသည်။

ပြည်သူလူထုကို ပညာပေးရမည်ဖြစ်ကြောင်း၊ တာဝန်သိ၊ တာဝန်ကျေပွန်သည့် လူမှုကွန်ရက် အသုံးပြုသူများဖြစ်ရန် Facebook အသုံးပြုရာတွင် လိုက်နာသင့်သည့်အချက်များ၊ သတိပြုရမည့်အချက်များကို ကျယ်ကျယ်ပြန့်ပြန့်သိရှိစေရန် ပြန်ကြားရေးဝန်ကြီးဌာနနှင့် ပူးပေါင်း ဆောင်ရွက်သွားရမည်ဖြစ်ကြောင်း ပြည်ထောင်စုဝန်ကြီး ဦးသန့်စင်မောင်က ဆိုသည်။

ဆက်လက်ပြီး ပြည်ထောင်စုဝန်ကြီး ဦးသန့်စင်မောင်က Facebook မှ တာဝန်ရှိသူ များနှင့်တွေ့ဆုံမှုနှင့်ပတ်သက်၍ “ Facebook တွေကို Monitor လုပ်ရင်ရော အင်တာနေရှင်နယ်က ဘယ်လိုသဘောထားပါသလဲဆိုတော့လည်း သူကကြည့်ရှုခွင့်ရှိပါတယ်။ ကျွန်တော်တို့ဝင်ရောက်ပြီး ကြည့်ရှုခွင့်ရှိပါတယ်။ ဒါတွေဟာ အခုန Privacy ရှိထားသော Limited Group တွေကိုတော့ ၀င်ခွင့်မရှိပါဘူး။ အားလုံးကို Share ထားတယ်ဆိုခဲ့ရင်တော့ အဲဒီအကောင့်တွေကို ကြည့်ရှုလို့ရပါတယ်ဆိုပြီးတော့ ဆွေးနွေးထားတာရှိပါတယ်” ဟု ပြောကြားသည်။

အင်တာနက်ကိုအသုံးပြုပြီး ကျူးလွန်သည့်ပြစ်မှုများကို ထိထိရောက်ရောက် အရေးယူအပြစ်ပေးနိုင်ရန်အတွက် နိုင်ငံတကာစံနှုန်းများနှင့်ကိုက်ညီသည့် Cyber Law တစ်ရပ် ပေါ်ထွန်းလာရေးအတွက် ကော်မတီဖွဲ့စည်းကာ ဆောင်ရွက်လျက်ရှိကြောင်းလည်း ၎င်းက ဆက်လက်ရှင်းပြသည်။

“သက်ဆိုင်ရာအဖွဲ့အစည်းတစ်ခုခုက စောင့်ကြပ်ကြည့်ရှု ဖော်ထုတ်အရေးယူခြင်းဆိုတဲ့ ကျွန်တော်တို့လုပ်ဖို့ရာအတွက် ကျွန်တော်တို့ဝန်ကြီးဌာနနဲ့ သမ္မတရုံးနဲ့ ရှေ့နေချုပ်ရုံးနဲ့ အားလုံးညှိနှိုင်းပြီးတော့ ကျွန်တော်တို့ Monitoring လုပ်ဖို့ အဖွဲ့ အခုနတုန်းကပြောတဲ့ ပုဂ္ဂလိကအခွင့်အရေးကို ကာကွယ်တဲ့ ဥပဒေကိုလည်း မထိခိုက်စေဘဲ အခြေခံဥပဒေပါ ပြည်သူတွေရဲ့ လွတ်လပ်ခွင့်ကိုလည်း မထိခိုက်စေဘဲ ကျွန်တော်တို့ရဲ့ တာဝန်နဲ့အညီ ဆောင်ရွက်လျက်ထားရှိပါကြောင်း တင်ပြအပ်ပါတယ်” ဟု ပြည်ထောင်စုဝန်ကြီးဦးသန့်စင်မောင်က ရှင်းလင်းပြောကြားသည်။

IT နည်းပညာအလွဲသုံးစွဲမှုကို လိုအပ်သလို စောင့်ကြည့်ထိန်းသိမ်းခြင်း ပြုလုပ်ရန် ပြည်ထောင်စုအစိုးရအား တိုက်တွန်းကြောင်း အဆိုကို အတည်ပြုသင့်ပါကြောင်း ပြည်ထောင်စုဝန်ကြီး ဦးသန့်စင်မောင်က တင်ပြသည်။

ထို့နောက် အဆိုရှင်ဒေါ်ယဉ်မင်းလှိုင်က အဆိုကိုတင်သွင်းရခြင်းမှာ ပြည်သူလူထု၏ ပုဂ္ဂိုလ်ရေး လွတ်လပ်ခွင့်၊ သတင်းအချက်အလက်ရပိုင်ခွင့်ကို ထိခိုက်စေရန် တင်သွင်းခြင်း မဟုတ်ကြောင်း၊ IT နည်းပညာ သုံးစွဲမှုကနေ သတင်းအမှားများ၊ အမုန်းစကားများ ပျံ့နှံ့နေခြင်းကိုသာ တားဆီးနိုင်ရန်အတွက်ဖြစ်ကြောင်း ရှင်းလင်းပြောကြားသည်။

“ကျွန်မရဲ့ အဆိုတင်သွင်းမှု နိဂုံးချုပ်မှာလည်း ပါပါတယ်။ IT နည်းပညာ အလွဲသုံးစွဲမှုများကို စောင့်ကြည့်ထိန်းကျောင်းနိုင်ရန် ဒီအဆိုကို တင်သွင်းခဲ့ခြင်းဖြစ်ပေမဲ့ အဆိုရဲ့ ခေါင်းစဉ်မှာတော့ Typing Error ကြောင့် အလွဲဆိုတဲ့ စာလုံးကျန်ရှိခဲ့ပါတယ်။ သို့ဖြစ်ပါ၍ ပို့ဆောင်ရေးနှင့် ဆက်သွယ်ရေး ၀န်ကြီး ရှင်းလင်း ပြောကြားခဲ့သလိုပဲ ကျွန်မရဲ့ အဆိုကို လူငယ်လူရွယ်များ အကျင့်စာရိတ္တ ပျက်ပြားစေခြင်း၊ ရပ်ရွာတည်ငြိမ်အေးချမ်းမှု ပျက်ပြားစေခြင်းတို့ကြောင့် IT နည်းပညာအလွဲသုံးစွဲမှုကို လိုအပ်သလို စောင့်ကြည့်ထိန်းကျောင်းနိုင်ရန်၊ (Monitoring) ပြုလုပ်နိုင်ရန် ပြည်ထောင်စုအစိုးရအား တိုက်တွန်းကြောင်းအဆိုကို အတည်ပြုပေးနိုင်ရန် တင်ပြအပ်ပါတယ်” ဟု အဆိုရှင်ဒေါ်ယဉ်မင်းလှိုင်က ပြောကြားသည်။

ထို့နောက် အဆိုရှင် ဒေါ်ယဉ်မင်းလှိုင် ပြန်လည်တင်ပြခဲ့သည့် လူငယ်လူရွယ်များ အကျင့်စာရိတ္တပျက်ပြားစေခြင်း၊ ရပ်ရွာတည်ငြိမ်အေးချမ်းမှုပျက်ပြားစေခြင်းတို့ကြောင့် အိုင်တီ (IT) နည်းပညာအလွဲသုံးစွဲမှုကို လိုအပ်သလို စောင့်ကြည့်ထိန်းကျောင်းနိုင်ရန် (Monitoring) ပြုလုပ်နိုင်ရန် ပြည်ထောင်စုအစိုးအား တိုက်တွန်းကြောင်းအဆိုကို ပြည်သူ့လွှတ်တော်က ကန့်ကွက်သူမရှိ အတည်ပြု ခဲ့သည်။

ဘင်္ဂလားဒေ့ရ်ှမှ ရခိုင်ပြည်နယ်သို့ ပြန်ဝင်လာသူများကို ပြန်လည်လက်ခံရေးစခန်းများ၌ တစ်ပတ်လျှင်ငါးကြိမ်စီဖြင့် တစ်ကြိမ်လျှင် လူဦးရေ ၁၀၀ မှ ၁၅၀ အထိ လက်ခံမည်

မောင်တောမြို့နယ်တွင် ကျန်းမာရေးစောင့်ရှောက်မှုပေးနေသည့် ကျန်းမာရေးဝန်ထမ်းများအား တွေ့ရစဉ်

ဘင်္ဂလားဒေ့ရ်ှမှ ရခိုင်ပြည်နယ်အတွင်းသို့ ပြန်လည်ဝင်ရောက်လာသူများကိုပြန် လည်လက်ခံရေးစခန်းများတွင် တစ်ပတ်လျှင် ငါးကြိမ်စီဖြင့် တစ်ကြိမ်လျှင် လူဦးရေ ၁၀၀ မှ ၁၅၀ အထိ လက်ခံမည်ဖြစ်ကြောင်း ကျန်းမာရေးနှင့်အားကစားဝန်ကြီးဌာနမှ သိရသည်။

ဘင်္ဂလားဒေ့ရ်ှမှ ရခိုင်ပြည်နယ်အတွင်းသို့ ၀င်ရောက်လာပါက ပြန်လည်လက်ခံနိုင်ရန်အတွက် စီစဉ်ထားပြီး ကုန်းလမ်းဖြင့် ၀င်ရောက်လာသူများအတွက် မောင်တောမြို့နယ် တောင်ပြိုလက်ဝဲမြို့နှင့်ရေလမ်းဖြင့် ၀င်ရောက်လာသူများအတွက် ငါးခူရကျေးရွာများအား ရွေးချယ်ထားကြောင်း သိရသည်။

ကျန်းမာရေးနှင့် အားကစားဝန်ကြီးဌာနအနေဖြင့် တစ်ဖက်နိုင်ငံသို့ ရွှေ့ပြောင်းသွားသူများ ရခိုင်ပြည်နယ်အတွင်းသို့ ပြန်လည်ဝင်ရောက်လာပါက ပြန်လည်လက်ခံ ရေးစခန်းများနှင့်ပြန်လည်နေရာချထားသည့် နေရာများ၌ ရွေ့လျားဆေးအဖွဲ့များဖြင့် ယာယီဆေးခန်းများဖွင့်လှစ်၍ ကျန်းမာရေးစောင့်ရှောက်မှု ပေးနိုင်ရေးအတွက် စီမံချက်များရေးဆွဲလုပ်ဆောင်ရန် စီစဉ်ထားပြီးဖြစ်ကြောင်း၊ အဆိုပါစီမံချက်သည် လက်ရှိအခြေ အနေပေါ်မူတည်၍ ရေးဆွဲထားခြင်းဖြစ်ကြောင်းနှင့် ရခိုင်ပြည်နယ်အတွင်းသို့ ပြန်လည်ဝင်ရောက်လာသည့် အခြေအနေ၊ ပြန်လည်လက်ခံရေးစခန်းများနှင့် ပြန်လည်နေရာချထားခြင်းများ ဆောင်ရွက်မည့်အခြေ အနေစသည်တို့၌ အပြောင်းအလဲများရှိလာပါက ဤစီမံချက်ပါ လုပ်ငန်းများအား လိုက်လျောညီထွေစွာပြုပြင်၍ပြန်လည် ရေးဆွဲဆောင်ရွက်မည်ဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံသို့ ရွှေ့ပြောင်းသွားသူများ မြန်မာနိုင်ငံအတွင်းသို့ ပြန်လည်ဝင်ရောက်လာပါက တစ်ပတ်လျှင် ငါးကြိမ်စီ လက်ခံသွားမည်ဖြစ်ပြီး တစ်ကြိမ်လျှင် စခန်းတစ်ခု၌ ၁၀၀ မှ ၁၅၀ ခန့်အထိ လက်ခံပေး နိုင်မည်ဟု ခန့်မှန်းထားကြောင်း၊ ပြန်လည် လက်ခံပါက လူဝင်မှုဆိုင်ရာ လုပ်ငန်းများ (National Verfication Card ထုတ်ပေးခြင်း၊ Biometric မှတ်တမ်းပြုလုပ်ခြင်း စသည်) နှင့် အခြားလိုအပ်သည်များကို သက်ဆိုင်ရာဌာနများက ဆောင်ရွက်ပေးသွားမည်ဖြစ်ပြီး ကျန်းမာရေးနှင့်အားကစားဝန်ကြီးဌာနအနေဖြင့် ကျန်းမာရေးစောင့်ရှောက်မှုနှင့်  ကျန်းမာရေးဆိုင်ရာ စီမံခန့်ခွဲမှု လုပ်ငန်းများ ဆောင်ရွက်သွားမည်ဖြစ်ကြောင်း သိရသည်။

တောင်ပြိုလက်ဝဲနှင့် ငါးခူရပြန်လည် လက်ခံရေးစခန်းများ၌လက်ခံထားသော လူထုအား အဆိုပါစခန်းများ၌ တစ်ညနေထိုင်ရန် စီစဉ်ပေးမည်ဖြစ်ပြီး နေထိုင်ရေးနှင့် စားသောက်ရေးများ စီစဉ်ပေးထားမည်ဖြစ်ကြောင်း၊ နောက်တစ်နေ့နံနက်တွင် အဆိုပါ ပြန်လည်လက်ခံထားသောလူထုအား ဒါးကြီးစားကျေးရွာသို့ ပို့ဆောင်ပေးမည်ဖြစ်ပြီး ဒါးကြီးစားကျေးရွာ၌ ယာယီနေထိုင်ရမည် ဖြစ်ကြောင်း၊ ဤအစီအစဉ်အတိုင်းဆောင်ရွက်ဖြစ်မည်ဆိုပါက ကျန်းမာရေးနှင့်အားကစား ၀န်ကြီးဌာနအနေဖြင့် ပြန်လည်ဝင်ရောက်လာသည့် လူထုအား မောင်တောမြို့နယ် တောင်ပြိုလက်ဝဲမြို့၊  ငါးခူရကျေးရွာနှင့် ဒါး ကြီးစားကျေးရွာများ၌ ကျန်းမာရေးစောင့်ရှောက်မှု ပေးနိုင်ရေး စီစဉ်ဆောင်ရွက်ပေးမည်ဖြစ်ကြောင်း သိရသည်။

မူဆယ် ၁၀၅ မိုင်တွင် မြန်မာနိုင်ငံသားများသာ ရောင်းဝယ်ခွင့်ရှိသည့် သစ်သီးဝလံ ရောင်းဝယ်ခွင့်ကတ်များကို တရုတ်ကုန်သည်များက နိုင်ငံသားအမည်ခံများဖြင့်ရယူပြီး အရောင်းအ၀ယ်ဆောင်ရွက်နေဟုဆို

 

မူဆယ် ၁၀၅ မိုင် ကုန်သွယ်ရေးစခန်း သစ်သီးဝလံ ကုန်စည်ဒိုင်တွင် အရောင်းအ၀ယ်ပြုလုပ်နေမှုကို တွေ့ရစဉ် (ဓာတ်ပုံ-ထွန်းနေလှိုင်)

တရုတ်နိုင်ငံသား ကုန်သည်များက မြန်မာ-တရုတ်နယ်စပ် မူဆယ်ကုန်သွယ်ရေး စခန်းတွင် မြန်မာနိုင်ငံသားများသာ ရောင်းဝယ်ခွင့်ရှိသည့် သစ်သီးဝလံရောင်းဝယ်ခွင့်ကတ်များကို နိုင်ငံသားအမည်ခံများဖြင့် ရယူပြီး အရောင်းအ၀ယ်ဆောင်ရွက်နေကြောင်း မူဆယ် ၁၀၅ မိုင် ကုန်သွယ်စခန်း သစ်သီးဝလံကုန်စည်ဒိုင်မှ သိရသည်။

“ရောင်းတဲ့ကတ် ၀ယ်တဲ့ကတ်ရှိတယ်။ ရောင်းတဲ့ဘက်က မြန်မာနိုင်ငံသားတွေ။ တရုတ်ကုန်သည်တွေက ၀ယ်တဲ့ကတ်နဲ့ပဲ ၀ယ်ရတာ။ အခုတော့ တရားမ၀င် လာစိုက်တဲ့အပြင် သူတို့က သူတို့အလုပ်သမားနာမည် တွေနဲ့ အမည်ခံပြီး ရောင်းတဲ့ကတ်တွေနဲ့ ရောင်းနေတယ်။ ဒါက နိုင်ငံတော်အတွက်လည်း အခွန်နစ်နာတယ်။ ကျွန်တော်တို့ဆို အခွန်ဆောင်ရတာ ၀င်ငွေခွန်၊ အမြတ်ခွန် အမျာကြီးဆောင်ရတယ်။ သူတို့က ရောင်းဝယ်ပြီးရင် တရုတ်နိုင်ငံကိုပြန်သွားရော။ ဒါတွေကိုတော့ စိစစ်ပေးစေလိုတယ်” ဟု မူဆယ် ၁၀၅ မိုင် ကုန်သွယ်စခန်း သစ်သီးဝလံ ကုန်စည်ဒိုင်တွင် အရောင်းအ၀ယ်ပြုလုပ်နေသည့် ခွာညိုသစ်သီးပွဲရုံမှ ကိုစိုင်းမင်းသူနိုင်က ပြောကြားသည်။

ပြီးခဲ့သည့် အောက်တိုဘာ ၁၈ ရက်တွင် သစ်သီးဝလံကုန်စည်ဒိုင်မှ တာဝန်ရှိသူများက တရုတ်နိုင်ငံသို့သွားရောက်ပြီး တရုတ် ၀ယ်လက်ကုန်သည်များနှင့် သွားရောက်ဆွေးနွေးခဲ့ရာ ကုန်စည်ဒိုင်တွင် အာမခံစပေါ်ငွေ တင်ထားသည့် တရုတ်ကုန်သည်များကိုသာ သစ်သီးဝလံ ၀ယ်ယူခွင့်ကတ် ထုတ်ပေးထား မည်ဖြစ်ကြောင်းနှင့် ၀ယ်ယူခွင့်ကတ်မရှိသူများကို ရောင်းချသည့် မြန်မာဘက်ခြမ်းမှ ကုန်သည်များကိုလည်း ကုန်စည်ဒိုင်မှ ထုတ်ပယ်သွားမည်ဖြစ်ကြောင်း သိရသည်။

မြန်မာ-တရုတ်နယ်စပ် မူဆယ် ၁၀၅ မိုင် ကုန်စည်ဒိုင်တွင် တရုတ်ကုန်သည်များအနေဖြင့် သစ်သီးဝလံများ လာရောက်ဝယ်ယူမည်ဆိုပါက ကုန်စည်ဒိုင်၌ အာမခံငွေဖြင့် တရုတ်ငွေ ယွမ်သုံးသိန်းတင်ထားမှသာ ၀ယ် ခွင့်ပေးထားကြောင်း မူဆယ် ၁၀၅ မိုင် ကုန်သွယ်ရေးစခန်း သစ်သီးဝလံ ကုန်စည်ဒိုင်မှ အတွင်းရေးမှူး ဦးစိုင်းခင်မောင်က ပြောကြားသည်။

“ကိုယ့်ဘက်က ကုန်သည်တွေလည်း လိမ်လည်ခံရမှု မရှိတော့ဘူး။ လိမ်လည်ခံရပြီဆိုရင်လည်း ငွေက ကိုယ့်ဘက်ကို အရင်ရောက်ပြီးသားဖြစ်တဲ့အတွက် ဆုံးရှုံးမှုနည်း သွားတာပေါ့။ လောလောဆယ် Deposit ကိုတော့ တရုတ်ငွေ သုံးသိန်းလို့ သတ်မှတ်ထားတယ်” ဟု မူဆယ် ၁၀၅ မိုင် ကုန်သွယ်ရေးစခန်း သစ်သီးဝလံကုန်စည်ဒိုင်မှ အတွင်းရေးမှူး ဦးစိုင်းခင်မောင်က ပြောကြားသည်။

လက်ရှိတွင် သစ်သီးဝလံကုန်စည်ဒိုင်၌ တရုတ်နိုင်ငံသား ကုန်သည်များအနေဖြင့် ၀ယ်ယူခွင့်ကတ်များဖြင့်သာ လာရောက်ဝယ်ယူခွင့်ရှိသော်လည်း မြန်မာနိုင်ငံသားများသာ ရောင်းခွင့်ရှိသည့် သစ်သီးရောင်းခွင့်ကတ်များကို ၎င်းတို့၏ မြန်မာအလုပ်သမားအမည်ဖြင့် သစ်သီးရောင်းခွင့်ကတ်ထုတ်ကာ သစ်သီးများ ရောင်းနေခြင်းဖြစ်ကြောင်း သိရသည်။

လက်ရှိတွင် မူဆယ်သစ်သီးဝလံ ကုန်စည်ဒိုင်တွင် သစ်သီးအရောင်းဈေးများ မြင့်တက်နေပြီး ဖရဲသီးဈေးနှုန်းများမှာ အမြင့်ဈေးနှုန်း တစ်တန်လျှင် တရုတ်ယွမ် ၃၂၀၀ မှ ၃၅၀၀ ရှိကြောင်း ဈေးကွက်ဝင် ပုံမှန်ဈေးမှာ တရုတ်ယွမ် ၂၅၀၀မှ ၃၀၀၀ ကြား၊ ဖရဲအဖြူ သီး ၁၅ တန်စီးပြတ်မှာ ယွမ် ၃၅၀၀၀ မှ ယွမ် ၄၀၀၀၀ ကြားရှိကြောင်း မူဆယ်ရှိ ခွာညိုသစ်သီးပွဲရုံမှ သိရသည်။

ဖားကန့်ဒေသရှိ လုပ်ကွက်တစ်ခုအတွင်း ရေမဆေးကျောက် ရှာဖွေသူများအား ရဲတပ်ဖွဲ့က ခြောက်လှန့်ပစ်ခတ်ရာမှ ပဋိပက္ခဖြစ်ပြီး ရဲတပ်ဖွဲ့ဝင်တစ်ဦးနှင့် ရေမဆေးကျောက်ရှာသူနှစ်ဦး သေဆုံး

ဖားကန့်ဒေသ လုပ်ကွက်တစ်ခုအတွင်း ပဋိပက္ခဖြစ်ပွားပြီး သေဆုံးခဲ့သူတို့အား တွေ့ရစဉ် (ဓာတ်ပုံ – ဖားကန့်မြို့နယ် ရဲတပ်ဖွဲ့မှူးရုံး)

ဖားကန့်ဒေသရှိ လုပ်ကွက်တစ်ခုအတွင်း ရေမဆေးကျောက် ရှာဖွေသူများအား ရဲတပ်ဖွဲ့က ခြောက်လှန့်ပစ်ခတ်ရာမှ ပဋိပက္ခဖြစ်ပွားပြီး ရဲတပ်ဖွဲ့ဝင်တစ်ဦးနှင့် ရေမဆေးကျောက်ရှာဖွေသူနှစ်ဦး သေဆုံးခဲ့ကြောင်း သတင်းရရှိသည်။

ဖြစ်စဉ်မှာ နိုဝင်ဘာ ၆ ရက် ညနေ ၄ နာရီခန့်က ဖားကန့်မြို့၊ နမ့်မှော်ကျေးရွာအနီးရှိ နိုင်ငံတော်နှင့်အကျိုးတူ ပတ္တမြားနဂါး ကျောက်မျက်တူးဖော်ရေး ကုမ္ပဏီလုပ်ကွက် အတွင်းရဲတပ်ရင်းအမှတ် (၃၀)၊ တပ်ခွဲ (၂) မှ ရဲအုပ် ကျော်တေဇဦးစီးသည့် ရဲတပ်ဖွဲ့ဝင် ၁၀ ဦးသည် လုံခြုံရေးတာဝန်ဆောင်ရွက်နေစဉ် သတ်မှတ်ချိန်မတိုင်မီ ရေမဆေးကျောက်ရှာဖွေသူ အင်အား ၅၀၀ ခန့်သည် လုပ်ကွက်အတွင်းသို့ ၀င်ရောက်လာသဖြင့် ရဲအုပ်ကျော်တေဇက ရဲတပ်ဖွဲ့ဝင်များအား နောက်ဆုတ်ခိုင်းပြီး သေနတ်ဖြင့်ခြောက်လှန့်ပစ်ခတ်ခိုင်းရာ ရှေ့သို့ကျွံထွက်နေသည့် ရဲဒုတပ်ကြပ်အောင်ခိုင်မှ ၎င်းကိုင်ဆောင်ထားသည့် ဘီအေ-၆၃ မောင်းပြန်ရိုင်ဖယ်ဖြင့် ကမ်းပါးယံဘက်သို့ ခြောက်လှန့်ပစ်ခတ်စဉ် ကမ်းပါးယံမှ ကျောက်ခဲစသည်ရေမဆေးသမား အောင်ပိုင်စိုး၏ ဦးခေါင်းနောက်စေ့သို့ ကျောက်ခဲစထိမှန်ခဲ့၍ လဲကျသွားပြီး အောက်တွင်ရှိသည့် ကျောက်တုံးနှင့်ဦးခေါင်း ပြန်လည်ထိခိုက်မိရာ အောင်ပိုင်စိုးမှာ အဆိုပါနေရာတွင် သေဆုံးသွားခဲ့ကြောင်း သိရသည်။

အောင်ပိုင်စိုး သေဆုံးသွားသောကြောင့် ကျန်ရှိရေမဆေးသမားများမှာ မကျေနပ်သဖြင့် ခြောက်လှန့်ပစ်ခတ်သူ ရဲဒုတပ်ကြပ် အောင်ခိုင်အား ၀င်ရောက်လုံးထွေးရန်ကြိုးစားရာ ထပ်မံခြောက်လှန့်ပစ်ခတ်ခဲ့သည့်အတွက် ရေမဆေးကျောက်ရှာဖွေသူ ခင်ဝင်းမောင်၏ ယာဘက်ပေါင်ရင်းရှေ့ဘက် သေနတ်ကျည်ဖောက်ဝင်ဒဏ်ရာ တစ်ချက်၊ ယာဘက်တင်ပါးနှစ်လက်မခန့် သေနတ်ကျည်ထိမှန် ဒဏ်ရာတစ်ချက်ရရှိခဲ့ပြီး ဖားကန့်မြို့နယ် ပြည်သူ့ဆေးရုံသို့ပို့ဆောင်စဉ် သေဆုံးသွားကြောင်း သိရသည်။

ယင်းဖြစ်စဉ်ကြောင့် ရေမဆေးကျောက် ရှာဖွေသူများမှာ ငြာသံပေးကာစိန်တူများ၊ ကျောက်ခဲများဖြင့် ပစ်ပေါက်မှုများပြုလုပ်ခဲ့ပြီး ရေမဆေးသမားများ၏ စိန်တူများဖြင့် ရိုက်နှက်မှုကြောင့် ရဲဒုတပ်ကြပ်အောင်ခိုင်တွင် ယာဘက်ပါးနှစ်လက်မခန့် ပေါက်ပြဲဒဏ်ရာတစ်ချက်၊ ယာဘက်နဖူးနှစ်လက်မခန့် ပေါက်ပြဲဒဏ်ရာတစ်ချက်၊ ယာဘက်ချိုစောင်း နှစ်လက်မခန့် ပေါက်ပြဲဒဏ်ရာတစ်ချက်၊ ဦးခေါင်းနောက်စေ့ တစ်လက်မခန့်ပေါက်ပြဲဒဏ်ရာ တစ်ချက်၊ ယာဘက်နားထင် နှစ်လက်မခန့် ပေါက်ပြဲဒဏ်ရာတစ်ချက်တို့ ရရှိခဲ့သဖြင့် ဖားကန့်မြို့နယ် ပြည်သူ့ဆေးရုံသို့ ပို့ဆောင်စဉ် သေဆုံးသွားခဲ့ကြောင်း သိရသည်။

အဆိုပါအခင်းဖြစ်စဉ်အတွင်း ပါဝင်သည့် သိန်းလွင်၊ ကျော်ကျော်မြင့်၊ ဦးသာဇံ၊ ဦးအေးသိန်းမောင်၊ အောင်ပိုင်စိုး (သေဆုံး)၊ ခင်ဝင်းမောင် (သေဆုံး) တို့အား ဖားကန့်မြို့မရဲစခန်းတွင် (ပ) ၁၇၈/၁၇၊ ရာဇသတ်ကြီး ဥပဒေပုဒ်မ ၃၀၂/၁၁၄ တို့ဖြင့်အမှုဖွင့်ခဲ့ပြီး အခင်းဖြစ်စဉ်နှင့်ပတ်သက်၍ စုံစမ်းဖော်ထုတ် အရေးယူလျက်ရှိကြောင်း သိရသည်။

ကချင်ပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး သူရမျိုးတင်က “လုပ်ကွက်ထဲမှာ တရားမ၀င်,၀င်ပြီး ကျောက်လုရှာတာပေါ့။ ပြည်နယ်အစိုးရအဖွဲ့ကတော့ ဥပဒေနဲ့အညီ ဆောင်ရွက်မှာပါ။ တချို့သောလုပ်ကွက်တွေက အစိုးရနဲ့အကျိုးတူဆိုတော့ နိုင်ငံတော်ရဲ့ အကျိုးစီးပွားဆိုတော့ တားဆီးရတာပေါ့။ ကျောက်မျက်ဥပဒေရေးဆွဲပြီးရင်တော့ သာမန်လက်လုပ်လက်စားတွေပါတဲ့ ဥပဒေထွက်ရင် အဆင်ပြေနိုင်တယ်။ အခုက နိုင်ငံတော်နဲ့အကျိုးတူရှိတယ်။ ပုဂ္ဂလိကရှိတယ်။ ပုဒ်မ ၁၄၄ လိုဟာမျိုးလည်းထုတ်ဖို့ တပ်မတော်က တင်ပြဖူးတယ်။ ဖားကန့်ဒေသက လုပ်ကွက်နဲ့ မြို့ဧရိယာက ဆက်စပ်နေတာ။ ခွဲပြီးလုပ်ဖို့လည်း အစိုးရကိုတင်သေးတယ်။ အစိုးရဘက်က မလိုအပ်သေးဘူးဆိုပြီး ပယ်လိုက်တာ။ အခုအောက်ခြေမှာ နိုင်ငံတော်နဲ့ အကျိုးတူလုပ်ကွက်တွေမှာ လုံခြုံရေးလုပ်ကြရတာပေါ့။ တရားမ၀င် ကျောက်ရှာဖွေသူတွေကို စနစ်တကျကိုင်တွယ်ဖို့ကောင်းတာပေါ့။ နည်းလမ်းတွေလည်း ရှာနေတယ်။ ဥပဒေအသစ်ထွက်ရင်တော့ ဖြစ်လာနိုင်မယ်ထင်တယ်” ဟုပြောကြားသည်။

ဖားကန့်မြို့နယ် ရဲတပ်ဖွဲ့မှူး ရဲမှူး ဦးကျော်ဦးက “အခင်းဖြစ်စဉ်နဲ့ပတ်သက်ပြီး စုံစမ်းဖော်ထုတ်မှုတွေ လုပ်နေပါတယ်။ ဒီကိစ္စနဲ့ ပတ်သက်ပြီးပြောရရင် တရားဥပဒေကိုသိတဲ့လူရှိတယ်။ မသိတဲ့လူရှိတယ်။ ဥပဒေထဲမှာက ကျောက်မျက်လုပ်ကွက်ထဲကို တရားဝင် ,၀င်ရောက်ရှာဖွေခြင်း၊ တူးဖော်ခြင်း၊ စမ်းသပ်တိုင်းတာခြင်း မပြုရဆိုတဲ့ဟာက ရှိပြီးသားလေ။ အဲ့ဒါကိုသူတို့ကမသိဘူး။ သိရင်လည်း မသိချင်ယောင်ဆောင်နေတယ်။ လုံခြုံရေးဆောင်ရွက်တဲ့သူတွေကလည်း နိုင်ငံတော်နဲ့ အကျိုးတူလုပ်ကွက်တွေကိုပဲ လုံခြုံရေးယူပေးရတာပါ။ ဒါကိုသူတို့မြင်တာက ပုဂ္ဂလိကကို ရဲကလုံခြုံရေးလုပ်ပေးတယ်လို့ပဲမြင်တယ်။ နိုင်ငံတော်နဲ့ အကျိုးတူလုပ်ကွက်တွေကိုပဲ လုံခြုံရေးလုပ်ပေးရတယ်ဆိုတာမသိဘဲ တရုတ်ကုမ္ပဏီကြီးတွေကိုပဲ လုပ်ပေးတယ်ဆိုပြီး တလွဲမြင်ကြတယ်ပေါ့ဗျာ။ ဒီလိုဖြစ်စဉ်တွေ လျော့နည်းသွားအောင်ကတော့ ဥပဒေကိုနားလည်အောင် အားလုံးက၀ိုင်းပြောဖို့လိုတယ်။ ရှေ့ဆက်မဖြစ်ဖို့ ကျွန်တော်တို့လည်း ပညာပေးဟောပြောမှုတွေ လုပ်နေပါတယ်” ဟုပြောကြားသည်။

လုပ်ကွက်လုံခြုံရေးတပ်ဖွဲ့ဝင်များနှင့် ရေမဆေးကျောက်ရှာဖွေသူများ မကြာခဏပဋိပက္ခဖြစ်ပွားနေခြင်းနှင့် ပတ်သက်၍ ဖားကန့်ဒေသခံတစ်ဦးဖြစ်သူ ဦးတင်လှိုင်က “နှစ်ဦးနှစ်ဖက်စလုံးက အလွန်တွေပဲ။ ဒီလိုရဲနဲ့ ရေမဆေးပြဿနာမျိုးက စနစ်တကျမကိုင်တွယ်ရင်တော့ မရဘူး။ အစိုးရအနေနဲ့ လေးလေးနက်နက်စဉ်းစားပြီး လုပ်သင့်တယ်။ ဒါမှမဟုတ်ရင် သေကုန်ပျောက်ကုန်တော့မှာ။ ဒါမျိုးကထပ်ဖြစ်ဦးမှာ။ အခုမှ ရာသီအစပဲရှိသေးတယ်။ နောက်ကိုပိုဆိုးမှာ။ ပညာရှင်နည်းနဲ့စဉ်းစားပြီး လုပ်သင့်တယ်” ဟုပြောကြားသည်။

အောက်တိုဘာ ၁၈ ရက်ကလည်း ဖားကန့်မြို့နယ်၊ လုံးခင်းကျေးရွာအုပ်စု၊ မဇွပ်ယန်ကျေးရွာအနီးရှိ တစ်သုံးလုံးကျောက်မျက် ကုမ္ပဏီလုပ်ကွက်အတွင်း လုံခြုံရေးဆောင်ရွက်နေသော ရဲတပ်ဖွဲ့ဝင်များနှင့် ရေမဆေးကျောက်ရှာဖွေသူများ ပြဿနာဖြစ်ပွားပြီး ရေမဆေးကျောက်ရှာဖွေသူ ငါးဦးသေဆုံးကာ ဒဏ်ရာရရှိသူ ၂၀ ခန့်ရှိခဲ့ကြောင်း သိရသည်။