မင်္ဂလာဒုံမြို့နယ်တွင် စံချိန်တင်ဖမ်းဆီးရမိခဲ့သည့် မူးယစ်ဆေးဝါးအမှုနှင့် ဆက်စပ်၍ တရားစွဲခံထားရသူများထဲမှ ၇ ဦးကို ထောင်ဒဏ် ၄၈ နှစ်နှင့် ကျန် ၅ ဦးကို နှစ်ရှည် ထောင်ဒဏ်များအသီးသီးချမှတ်

မင်္ဂလာဒုံမြို့နယ်တွင် ဖမ်းဆီးရမိခဲ့သည့် မူးယစ်ဆေးဝါးများကို သက်ဆိုင်ရာက စိစစ်ရေတွက်နေစဉ်

စံချိန်တင် ဖမ်းဆီးရမိခဲ့သည့် မင်္ဂလာဒုံ မူးယစ်ဆေးဝါးအမှုနှင့် ဆက်စပ်၍ မြောက်ဒဂုံနှင့် အရှေ့ဒဂုံတို့တွင် မူးယစ်ဆေးဝါး သိန်းနှင့်ချီ၍ ထပ်မံဖမ်းဆီးရမိခဲ့သည့် ဖြစ်စဉ်များမှ တရားစွဲခံရသူများအား နှစ်ရှည်ထောင်ဒဏ် အသီးသီး ကျခံစေရန် အရှေ့ပိုင်းခရိုင် တရားရုံးက အမိန့်ချမှတ်ခဲ့သည်။

ဒဂုံမြို့သစ် အရှေ့ပိုင်းမြို့နယ် ၁၁၉ ရပ်ကွက်ရှိ နေအိမ်တစ်အိမ်တွင် WY စိတ်ကြွရူးသွပ်ဆေးပြား ၃၈ သိန်းကျော်နှင် ICE များကို ဖမ်းဆီးရမိခဲ့ပြီး၊ ယင်းရပ်ကွက်ရှိ နေအိမ်တစ်အိမ်မှလည်း မူးယစ်ဆေးပြား ၁၉ ဒသမ ၂၃ ကျော်နှင့် ဖန်ဆီဒိုင်း ပုလင်းများ ဆက်စပ်ပစ္စည်းများ ဖမ်းဆီးရမိခဲ့သည်။ ထို့အပြင် ဒဂုံမြောက် မြို့နယ်တွင်လည်း WY စိတ်ကြွရူးသွပ်ဆေးပြားပေါင်း ၁၅ သိန်းကျော်နှင့် စပ်ဆက်ပစ္စည်းများကို ဖမ်းဆီးရမိခဲ့ခြင်း ဖြစ်သည်။

ဒဂုံမြို့သစ်အရှေ့ပိုင်းမြို့နယ်တွင် WY စိတ်ကြွရူးသွပ်ဆေး ပြားများ ဖမ်းဆီးရမိမှုမှ ပါဝင်သူများကို ရဲမှူးနှစ်ဦးက တရားလိုပြုလုပ် ကာ ၂၀၁၅ ခုနှစ် စက်တင်ဘာ ၂၇ ရက်တွင် ဒဂုံမြို့သစ် အရှေ့ပိုင်းမြို့နယ် မြို့မရဲစခန်းတွင် အမှုဖွင့်ခဲ့ခြင်းဖြစ်သည်။

ထို့နောက် အဆိုပါအမှုကို ရန်ကုန်အရှေ့ပိုင်းခရိုင် တရားရုံးသို့ တရားစွဲဆိုတင်ပို့ခဲ့ပြီးနောက် ဇွန် ၂၀ ရက်တွင် အမိန့်ချမှတ်ခဲ့ခြင်း ဖြစ်သည်။

ထိုသို့အမိန့်ချမှတ်ရာ၌  WY စိတ်ကြွရူးသွပ်ဆေး ပြား ၃၈ သိန်းကျော်နှင့် ICE များကို ဖမ်းဆီးရမိခဲ့သည့် ဖြစ်စဉ်မှ သိန်းထွန်းအေးနှင့် အောင်တင်ဝင်း ဆိုသူတို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀ (က) အရ ၂၀ နှစ်စီ၊ ထွန်းဇော်ဌေး၊ ထွန်းမင်း၊ ထွန်းကျော်ဇံ၊ ဇော်ဇော်မင်း၊ သန်းရွှေ(ခ)စောဂျင်မီ၊ ညွန့်ဝင်း၊ ရန်ရှောက်ဟွာ၊ မ၀င်းခိုင်ငြိမ်း၊ မောင်ဝင်း(ခ)ကျော်ထူးတို့ ကိုးဦးအား မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀(က)/၂၁အရ ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့ခြင်းဖြစ်ပြီး အဆိုပါအမှုမှ မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်း သိရသည်။

ဒဂုံအရှေ့ပိုင်းမြို့နယ်တွင် ဖမ်းဆီးရမိခဲ့သည့် မူးယစ်ဆေးပြား ၁၉ သိန်းကျော် အမှုနှင့်ပတ်သက်၍မူ ရန်ကုန်မူးယစ်တပ်ဖွဲ့မှ ရဲမှူးတစ်ဦးက တရားလိုပြုလုပ်ကာ တရားစွဲဆိုခဲ့ပြီး အဆိုပါအမှုမှ ခင်မောင်သန်း၊ မောင်ဝင်း၊ မ၀င်းငြိမ်းခိုင်၊ သန်းရွှေ၊ ဇော်ဇော်မင်း၊ ထွန်းကျော်ဇံ၊ ရန်ရှောက်ဟွာ၊ ညွှန့်ဝင်းတို့ ရှစ်ဦးအား ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့သည်။

ယင်းအမှုတွင်လည်း မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်းသိရသည်။

အလားတူ ဒဂုံမြို့သစ် မြောက်ပိုင်းတွင် ဖမ်းဆီးရမိခဲ့သည့် စိတ်ကြွရူးသွပ်ဆေးပြား ၁၅ သိန်းကျော် အမှုနှင့်ပတ်သက်၍ မ၀င်းငြိမ်းခိုင်(ခ)ငြိမ်းငြိမ်း သန်းရွှေ(ခ)စောဂျင်မီ၊ ဇော်ဇော်မင်း၊ ထွန်းကျော်ဇံ(ခ)ဖိုးဇံ၊ ညွန့်ဝင်း၊ ရန်ရှောက်ဟွာ၊ ခင်မောင်သန်း၊ မောင်ဝင်းတို့ ရှစ်ဦးအား မူးယစ်ဆေးဝါးနှင့် စိတ်ကိုပြောင်းလဲစေသော ဥပဒေပုဒ်မ ၂၀(က)/၂၁ အရ ထောင်ဒဏ် ၁၆ နှစ်စီ ကျခံစေရန် အမိန့်ချမှတ်ခဲ့သည်။ ယင်းအမှုတွင်လည်း မရန်ယုံရှင်း(ခ) မချိုချိုဝင်းမှာ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၃ အရ စွဲချက်မတင်မီ လွတ်မြောက်ခဲ့ကြောင်း သိရသည်။

ယင်းအမှုများအနက် ဖမ်းဆီးရမိသည့် တရားခံများကို ပြစ်ဒဏ်များ ချမှတ်ခဲ့သော်လည်း  ဒဂုံမြို့သစ် အရှေ့ပိုင်းတွင် ဖမ်းဆီးရသည့်ဖြစ်စဉ်မှ တရားခံပြေး ၁၄ ဦး ကျန်ရှိနေသေးကြောင်း သိရပြီး ယင်းတို့အနက် ခင်မောင်သန်း(ခ) အာနိုးနှင့် မောင်ဝင်း(ခ)ကျော်ထူးတို့မှာ တရားခံပြေးစာရင်းတွင် ပါဝင်ကြောင်း သိရသည်။

အမိန့်ချမှတ်ခဲ့သည့် မှတ်တမ်းများအရ အဆိုပါ မူးယစ်ဆေးပြား ဖမ်းဆီးရမိမှု ဖြစ်စဉ်တွင် စုစုပေါင်းထောင်ဒဏ် ၄၈ နှစ်ချမှတ်ခံရသူ ခုနှစ်ဦး ပါဝင်ကြောင်း သိရသည်။

 

ကမ္ဘာ့ဒေါ်လာဈေး အညွှန်းကိန်း ၉၅ ပွိုင့်နီးပါး ရောက်ရှိပြီး နိုင်ငံခြားငွေလဲနှုန်း တစ်ဒေါ်လာ ၁၃၆၈ ကျပ်အထိ မြင့်တက်

ဇွန် ၂၀ ရက်တွင် ကမ္ဘာ့ဒေါ်လာဈေး အညွှန်းကိန်း ၉၅ ပွိုင့်နီးပါးသို့ ရောက်ရှိပြီး ပြည်တွင်းဈေးကွက်အတွင်း နိုင်ငံခြားငွေလဲနှုန်း တစ်ဒေါ်လာ ၁၃၆၈ ကျပ်အထိ မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ခုနှစ် ဇန်န၀ါရီ ၃ ရက်တွင် ၁၀၃ ဒသ မ ၈၂ ပွိုင့်အထိ မြင့်တက်ခဲ့ပြီး ၂၀၁၈ ခုနှစ် ဇန်န၀ါရီ ၂၅ ရက်တွင် ၈၈ ဒသမ ၆၃ ပွိုင့်အထိ ကျဆင်းခဲ့သည်။ ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော အညွှန်းကိန်းများမှာ ဒီဇင်ဘာတွင် ၉၄ ဒသမ ၁၈ ပွိုင့်၊ ဇန်န၀ါရီတွင် ၉၂ ဒသမ ၃၆ ပွိုင့်၊ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့် ဖြစ်သည်။ ဧပြီလကုန်ပိုင်းအအထိ ၉၁ ပွိုင့် အထက်တွင်ရှိသော ကမ္ဘာ့ဒေါ်လာဈေး အညွှန်းကိန်းသည် မေ ၁ ရက်တွင် ၉၂ ပွိုင့် အထက်၊ မေ ၁၅ ရက်တွင် ၉၃ ပွိုင့်အထက်၊ မေ ၂၅ ရက်တွင် ၉၄ ပွိုင့်အထက်၊ ဇွန် ၁၅ ရက်တွင် ၉၅ ပွိုင့်အထက် ရောက်ရှိခဲ့ကြောင်း သိရသည်။

၂၀၁၇ ခုနှစ် မတ်လလယ်မှ စတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ကျဆင်းခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄ – ၁၃၃၂ ကျပ်၊ မေတွင် ၁၃၃၂-၁၃၅၁ တို့ဖြစ်ပြီး ဇန်န၀ါရီတွင် ကွာဟချက် အများဆုံးဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက်တွင် ၁၃၃၄ ကျပ် ဖြစ်ပေါ်ခဲ့သော ဒေါ်လာဈေးသည် ဇွန် ၁၅ ရက်တွင် ၁၃၅၅ ကျပ်၊ ဇွန် ၁၆ ရက်တွင် ၁၃၆၅ ကျပ်၊ ဇွန် ၂၀ ရက်တွင် ၁၃၆၈ ကျပ် ၀န်းကျင် ဖြစ်ပေါ်ခဲ့သည်။ ဇွန် ၂၀ ရက်တွင် သတ်မှတ်ထားသော ဗဟိုဘဏ်ရည်ညွှန်း ငွေလဲနှုန်းမှာ ၁၃၆၈ ကျပ်ဖြစ်ကြောင်း သိရသည်။

ပြည်တွင်းဈေးကွက်အတွင်း ဇွန် ၂၀ ရက်တွင် ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှု နှုန်းထားများမှာ ယူရို ၁၅၈၇ ကျပ်၊ စင်ကာပူဒေါ်လာ ၁၀၁၀ ကျပ်၊ မလေးရှားရင်းဂစ် ၃၄၁ ဒသမ ၅ ကျပ်၊ ထိုင်းဘတ် ၄၂ ဒသမ ၃၅ ကျပ်၊ တရုတ်ယွမ် ၂၁၀ ကျပ်၊ ဂျပန်ယန်း ၁၂ ဒသမ ၃၅ ကျပ်၊ တောင်ကိုရီးယားဝမ် ၁ ဒသမ ၂၇ ကျပ် ဖြစ်သည်။

မြန်မာနိုင်ငံမှ မူးယစ်ဆေးဝါးများ မလေးရှားတွင် ဖမ်းမိခဲ့မှုနှင့် ပတ်သက်၍ ဆက်စပ်တရားခံများ ထပ်မံဖမ်းဆီး ရမိခဲ့ပြီး အဆိုပါ မူးယစ်ဆေးဝါးများကို တာချီလိတ်မှ ရန်ကုန်မြို့သို့ ပို့ခဲ့ခြင်းဖြစ်

ဓာတ်ပုံ – ပြည်ထဲရေး ၀န်ကြီးဌာန

မြန်မာနိုင်ငံမှ မူးယစ်ဆေးဝါးများ မလေးရှားနိုင်ငံတွင် ဖမ်းဆီးရမိခဲ့မှုနှင့် ပတ်သက်၍ ဆက်စပ်တရားခံများ ထပ်မံဖမ်းဆီးရမိခဲ့ပြီး အဆိုပါ မူးယစ်ဆေးဝါးများမှာ တာချီလိတ်မှတစ်ဆင့် ရန်ကုန်မြို့သို့ ပို့ဆောင်ခဲ့သည့် မူးယစ်ဆေးဝါးများ ဖြစ်ကြောင်း ပြည်ထဲရေး ၀န်ကြီးဌာန၏ ဇွန် ၁၉ ရက်ညပိုင်း သတင်းထုတ်ပြန်မှုအရ သိရသည်။

ယင်းအမှုနှင့် ပတ်သက်၍ မြန်မာနိုင်ငံရဲတပ်ဖွဲ့က ဇွန် ၂ ရက်တွင် မင်းနိုင်ဆိုသူကို ဖမ်းဆီးရမိခဲ့ကြောင်း မင်းနိုင်မှတဆင့် ဖော်ထုတ်ချက်အရ ဇွန် ၅ ရက်တွင် မောင်မောင် (ခ) Yassin ကို ဖမ်းဆီးရမိခဲ့ကြောင်း Yassin ၏ထွက်ဆိုချက်အရ အဆိုပါ မူးယစ်ဆေးဝါးများမှာ မလေးရှားတွင် တွေ့ဆုံသိကျွမ်းခဲ့သည့် ချင်ကျားမူ (ခ) မကျားဝေ (ခ) နှင်းဦးလွင် (ဖမ်းမမိသေး) တာချီလိတ်မြို့နေသူထံမှ မူးယစ်ဆေးဝါးများအား မြန်မာပြည်တွင်း အဆင့်ဆင့်သော သယ်ဆောင်သူများဖြင့် ကားလမ်းကြောင်းနှင့် မော်တော်ယာဉ် အမျိုးမျိုးတို့ကို အသုံးပြုကာ တာချီလိတ်မှတစ်ဆင့် ရန်ကုန်မြို့၊ လှည်းကူးမြို့နယ်ရှိ မင်းနိုင်ပိုင် Nice Guy သောက်ရေသန့် စက်ရုံသို့ ပို့ခဲ့ကြောင်း၊ ၎င်းစက်ရုံမှတစ်ဆင့် ဟူစိန် (ခ) မိုဟာမက်ဟူစိန် (ဖမ်းမမိသေး)မှ ၎င်း၏ Bongo Box ယာဉ်ဖြင့် အောက်ပုဇွန်တောင်လမ်းရှိ မောင်မောင်၏ ဂိုဒေါင်သို့ ပို့ဆောင်ခဲ့ကြောင်း၊ ၎င်းမှတစ်ဆင့် မင်းနိုင်၏ Nice Guy Clearance Service Agency မှ စီစဉ်ပေးမှုဖြင့် ကွန်တိန်နာအတွင်း မြန်မာ့ရိုးရာ အစားအသောက်များနှင့် ရောနှောကာ မလေးရှားနိုင်ငံသို့ ပို့ခဲ့သည်ဟု စစ်ဆေးပေါ်ပေါက်ခဲ့ကြောင်း သိရသည်။

ထို့နောက် မလေးရှားနိုင်ငံတွင် နေထိုင်ပြီး စတိုးဆိုင် ဖွင့်လှစ်ထားသည့် Yassin ၏ ယောက်ဖတော်စပ်သူ ဇေယျာဟိန်းက အဆင့်ဆင့်သော အဆက်အသွယ်များဖြင့် လက်ခံရယူ ထိန်းသိမ်းပြီး ဇေယျာဟိန်းမှတစ်ဆင့် ချင်ကျားမူ (ခ) မကျားဝေ (ခ) နှင်းဦးလွင်၏ခင်ပွန်း အကိုကြီး (ခ) ကတုံး (စိစစ်ဆဲ၊ မလေးရှားနိုင်ငံတွင် နေထိုင်သူ) ထံသို့ ဆက်လက်ပေးပို့ရကြောင်း၊ အကိုကြီး (ခ) ကတုံးသည် မလေးရှားနိုင်ငံတွင် မူးယစ်ဆေးဝါးများ ဖြန့်ဖြူးနေသူ တစ်ဦးဖြစ်ကြောင်း ဖော်ထုတ်ရရှိခဲ့သည်။ ၎င်းနောက် ဇေယျာဟိန်းအား နိုင်ငံကူးလက်မှတ် သက်တမ်းတိုးရန် ရန်ကုန်မြို့သို့ ပြန်လည်ရောက်ရှိလာစဉ် ဇွန် ၉ ရက်တွင် ဆက်လက် ဖမ်းဆီးရမိခဲ့ကြောင်း သိရသည်။

ယင်းနောက် Yassin နှင့် ဇေယျာဟိန်းတို့ကို စစ်ဆေးချက်အရ ချင်ကျားမူ (ခ) မကျားဝေ (ခ) နှင်းဦးလွင်နှင့် ဆက်သွယ်ကာ မူးယစ်ဆေးဝါးများကို မလေးရှားနိုင်ငံသို့ ပို့ဆောင်ခဲ့သူ ထားဝယ်ကြီး (ခ) အောင်လွင်ကို မလွှဲတောင် စစ်ဆေးရေးဂိတ်တွင် ဇွန် ၁၂ ရက်တွင် ဖမ်းဆီးရမိခဲ့ကာ ၎င်း၏ထားဝယ်မြို့ နေအိမ်မှ ICE (၁၀) ဂရမ် သိမ်းဆည်းရမိခဲ့ကြောင်း၊ ယင်းနောက် ထားဝယ်ကြီးကို စစ်ဆေးချက်အရ မောင်မောင် (ခ) Yassin ၊ ဇေယျာဟိန်း၊ ချင်းကျားမူ (ခ) မကျားဝေ (ခ) နှင်းဦးလွင်နှင့် ၎င်း၏ခင်ပွန်း အကိုကြီး (ခ) ကတုံးတို့ ပူးပေါင်း၍ မူးယစ်ဆေးဝါးများကို မင်းနိုင်၏ အကူအညီဖြင့် မလေးရှားနိုင်ငံသို့ ပေးပို့ခဲ့ကြောင်းနှင့် ၎င်းသည် ယခင်က မလေးရှားနိုင်ငံ၌ မူးယစ်ဆေးဝါးမှုဖြင့် ထောင်ကျခဲ့ဖူးကြောင်း ဝန်ခံထွက်ဆိုခဲ့သည်။

အဆိုပါ တရားခံများ၏ အစစ်ခံ ဖော်ထုတ်ချက်များအရ မူးယစ်ဆေးဝါး သယ်ဆောင်ရောင်းဝယ်ရာမှ ရရှိသော အကျိုးအမြတ်များဖြင့် ရယူပိုင်ဆိုင်ထားသည်ဟု ယူဆရသည့် မြေ၊ အဆောက်အဦ၊ မော်တော်ယာဉ်၊ ရွှေ၊ ငွေ၊ ဘဏ်စာရင်းများကို စိစစ်ခဲ့ရာ မောင်မောင် (ခ) Yassin (ဖမ်းမိ)ထံမှ ခန့်မှန်းကျပ်သိန်းပေါင်း ခုနှစ်သောင်းကျော်၊ ထားဝယ်ကြီး (ခ) အောင်လွင်(ဖမ်းမိ)ထံမှ ခန့်မှန်း ကျပ်သိန်းပေါင်း နှစ်သောင်းခုနှစ်ထောင်ကျော်၊ ဇေယျာဟိန်း (ဖမ်းမိ)ထံမှ ခန့်မှန်း ကျပ်သိန်းပေါင်း လေးထောင်ကျော်၊ မင်းနိုင်(ဖမ်းမိ)ထံမှ ခန့်မှန်းကျပ်သိန်းပေါင်း ငါးရာခန့်၊ ချင်ကျားမူ (ခ) မကျားဝေ (ခ) နှင်းဦးလွင် (တိမ်းရှောင်) ပိုင်ဆိုင်သည့် ခန့်မှန်းကျပ်သိန်းပေါင်း ရှစ်သောင်းကျော်၊ ဟူစိန် (ခ) မိုဟာမက်ဟူစိန် (တိမ်းရှောင်) ပိုင်ဆိုင်သည့် ခန့်မှန်းကျပ်သိန်းပေါင်း ငါးထောင်ကျော်တို့အား ကနဦး စိစစ်တွေ့ရှိရ၍ ထိန်းသိမ်းကာ ငွေကြေးခဝါချမှု တိုက်ဖျက်ရေး ဥပဒေနှင့်အညီ ဆက်လက် အရေးယူ ဆောင်ရွက်လျက်ရှိကြောင်း သိရသည်။

ယင်းကြောင့် တရားခံပြေး ချင်ကျားမူ (ခ) မကျားဝေ (ခ) နှင်းဦးလွင် (၄၅)နှစ်ခန့်၊ (ဖ) ဦးစိုင်းမောင်၊ မှတ်ပုံတင်အမှတ် ၁၃/တကန (နိုင်) ၁၂၈၈၆၆၊ အမှတ် ၁/၆(၅၆)၊ ဘုရားဖြူလမ်း၊ နယ်မြေ(၁)၊ ပန်းတင်လမ်းခွဲ၊ တောင်ကြီးမြို့နှင့် အမှတ် (၂/၂၉)၊ ဗိုလ်ချုပ်လမ်း၊ မယ်ခေါင်ရပ်ကွက်၊ တာချီလိတ်မြို့နေသူနှင့် ဟူစိန် (ခ) မိုဟာမက်ဟူစိန် (၄၄)နှစ်ခန့်၊ (ဖ) ဦးဂိုလာမာမက်၊ မှတ်ပုံတင်အမှတ် ၁၀/မလန (နိုင်) ၁၅၀၈၁၂၊ အမှတ် ၈၁/F၊ ပထမထပ်၊ ၅၅ လမ်း၊ (၂) ရပ်ကွက်၊ ပုဇွန်တောင်မြို့နယ်၊ ရန်ကုန်မြို့နေသူတို့အား တွေ့ရှိပါက နီးစပ်ရာရဲစခန်း အသီးသီးသို့ သတင်းပေးပို့နိုင်ပါကြောင်း ပြည်ထဲရေး ၀န်ကြီးဌာနမှ သတင်းထုတ်ပြန် ထားသည်။

 

 

 

မကွေးတိုင်းဒေသကြီးအတွင်း မိုးရက်ဆက်ရွာသွန်း၍ ချောင်းများရေလျှံမှုကြောင့် သီးနှံစိုက်ခင်းဧက ၉၀၀၀၀ ကျော် ရေ၀င်နစ်မြုပ်

စကုမြို့နယ်အတွင်း နွားကူးချောင်း ရေလျှံဝင်ရောက်ခဲ့သည့် နှမ်းခင်းများကို တွေ့ရစဉ်

မကွေးတိုင်းဒေသကြီးအတွင်း ဇွန် ၉  ရက်မှ ၁၄ ရက်အထိ မိုးရက်ဆက်ရွာသွန်း၍ ချောင်းများတွင် ရေပြည့်ရေလျှံ စီးဆင်းခဲ့မှုကြောင့် သီးနှံစိုက်ခင်းဧက ကိုးသောင်းကျော် ရေ၀င်နစ်မြုပ်ခဲ့ပြီး ပျက်စီးမှုများလည်း ရှိခဲ့ကြောင်း မကွေးတိုင်းဒေသကြီး အစိုးရအဖွဲ့ လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးဝင်းမော်ထွန်းထံမှ သိရသည်။

မိုးရက်ဆက် ရွာသွန်း၍ ချောင်းများတွင် ရေပြည့်ရေလျှံ စီးဆင်းခဲ့မှုကြောင့် ဧရာဝတီမြစ် အနောက်ဘက်ကမ်း လယ်မြေများတွင် မိုးစပါးနှင့် နွေစပါးအကြား ရေသွင်းစိုက်ပျိုးခဲ့သည့် နှမ်းခင်းများနှင့် စပါးခင်းအချို့တွင် ရေ၀င်ရောက်ခဲ့ကြောင်း မိုးများလွန်းမှုကြောင့် ရိတ်သိမ်းလက်စ နှမ်းခင်းများနှင့် ရိတ်သိမ်းရလုနီး နှမ်းခင်းများ ပျက်စီးမှု ရှိခဲ့ကြောင်း ဧရာဝတီမြစ် အရှေ့ဘက်ကမ်းရှိ မြေပဲနှင့် နှမ်းစိုက်ခင်းများတွင် ရေတိုက်စားမှုနှင့် ရေ၀ပ်မှုများကြောင့် ပျက်စီးဆုံးရှုံးမှုများ ရှိခဲ့ကြောင်း သိရသည်။

“ကျွန်တော်တို့ ကျွန်းပေါ်မှာ စိုက်ထားတဲ့ နှမ်းတွေ၊ နေကြာတွေက ပုံမှန်ဆိုရင် ဇွန်လကုန်ပိုင်းမှာ ရိတ်သိမ်းရတော့မှာပါ။ အခုက မြစ်ရေတွေ ရက်ပိုင်းအတွင်း တက်လာပြီး ရေမြုပ်ကုန်တော့ ပျက်စီးကုန်ပြီ။ ကျွန်းပေါ်မှာ အခြား ဟင်းသီးဟင်းရွက် စိုက်ခင်းတွေလည်း ရေမြုပ်ပျက်စီး ခဲ့ပါတယ်” ဟု မကွေးမြို့နယ် ၀ါးတောကျောင်းကျေးရွာမှ တောင်သူတစ်ဦးက ပြောကြားသည်။

မကွေးတိုင်းဒေသကြီး အစိုးရအဖွဲ့ လယ်ဆည်ဝန်ကြီး ဦးဝင်းမော်ဌေးက “ကျွန်တော်တို့ ဌာနအနေနဲ့က ပျက်စီးသွားတဲ့ သီးနှံတွေနေရာမှာ အစားထိုးသီးနှံတွေ စိုက်ပျိုးနိုင်ဖို့ အချို့ဝါဆိုပဲ စိုက်လို့ရတဲ့ နေရာတွေမှာ သုံးလပဲစိုက်ဖို့ မျိုးစေ့တွေလည်း စီစဉ်ထားပါတယ်။ နောက်ပြီးတော့ ပဲတီစိမ်းစိုက်မှာ၊ ၀ါစိုက်မှာတွေ၊ အစေ့လွတ်ပြောင်းတွေလည်း ရှိပါတယ်။ ဒါပေမဲ့ ဘယ်လို အခြေအနေတွေနဲ့ ဘယ်လိုထောက်ပံ့ပေးနိုင်မယ် ဆိုတာတော့ ကျွန်တော်တို့ စီစဉ်နေဆဲပဲ ဖြစ်ပါတယ်” ဟု ပြောကြားသည်။

မကွေးမြို့မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဌေးက “ကျေးရွာနေ ပြည်သူတွေက ကျွန်တော့ဆီကို ဖုန်းနဲ့ဆက်သွယ် ပြောပြချက်တွေအရ သူတို့ဆီမှာ ရေစီးကြောင်းတွေကြောင့် မြေပဲနဲ့ နှမ်းစိုက်ခင်းတွေ ပျက်စီးခဲ့တာ ရှိတယ်လို့ သိရပါတယ်။ အဲဒီလို ဆက်သွယ်လာသူတွေကို ကျွန်တော်က သက်ဆိုင်ရာ ဌာနတွေကို တင်ပြဖို့ ပြောကြားခဲ့ပါတယ်။ ကျွန်တော်က မကွေးမြို့နယ်ထဲက ပျက်စီးသွားတဲ့ တောင်သူတွေရဲ့ ဧကစာရင်းတွေ အပေါ်မှာ မူတည်ပြီးတော့ ဘယ်လိုကူညီ ထောက်ပံ့ပေးနိုင်မလဲဆိုတာ အစိုးရနဲ့ သက်ဆိုင်ရာဌာန တာဝန်ရှိသူတွေနဲ့ တိုင်ပင်ဆွေးနွေး ထားပါတယ်” ဟု ပြောကြားသည်။

မကွေးတိုင်း ဒေသကြီးအတွင်း မိုးဦးရာသီအစမှာပင် ဖြစ်ပေါ်ခဲ့သည့် အဆိုပါ ချောင်းရေကြီးရေလျှံ မှုများကြောင့် လမ်းတံတား ပျက်စီးမှုများလည်း ရှိခဲ့ပြီး လူငါးဦး သေဆုံးခဲ့ကြောင်း၊ ချောင်းရေကြီး မှုများကြောင့် မင်းဘူး၊ ပွင့်ဖြူ၊ စလင်း၊ စေတုတ္တရာ စသည့် မြို့နယ်ပေါင်း ၁၀ ခုကျော်မှ သီးနှံစိုက်ခင်း ၉၀၇၈၃ ဧကကျော် ရေ၀င်နစ်မြုပ်ခဲ့ကြောင်း သိရသည်။

ဝမ်းဗိုက်ထဲတွင် ခွဲစိတ်ခန်းသုံးကိရိယာ ကျန်ခဲ့မှုကို ၂၆ နှစ်ကြာမှ သိရှိပြီး ပြန်လည်ခွဲထုတ်ခဲ့ရသည့် အသက် ၅၀ အရွယ် လူနာအမျိုးသား ဟင်္သာတဆေးရုံကြီး၌ ဆေးကုသနေ

ဓာတ်ပုံ – အောင်ကျော်မျိုး

ဝမ်းဗိုက်ထဲတွင် ခွဲစိတ်ခန်းသုံး ကိရိယာ ကျန်ခဲ့မှုအား ၂၆ နှစ်ကြာမှ သိရှိကာ ခွဲထုတ်ခဲ့ရသည့် လူနာအမျိုးသားမှာ ဟင်္သာတဆေးရုံကြီး၌ ဆေးကုသမှု ခံယူလျက်ရှိကြောင်း သိရသည်။

ယင်းဖြစ်စဉ်၌ လူနာ၏ ဝေဒနာမှာ ဆိုးဝါးလာသဖြင့် စစ်ဆေးကြည့်ရာမှ ၀မ်းဗိုက်ထဲတွင် ခွဲစိတ်ခန်းသုံး ကိရိယာ ရှိနေသည်ကို တွေ့ရှိခဲ့ခြင်းဖြစ်ကြောင်း လူနာရှင် မိသားစုထံမှ သိရသည်။

“လွန်ခဲ့တဲ့ ၁၉၉၂ တုန်းက အူပုပ်လို့ဆိုပြီး ဟင်္သာတဆေးရုံမှာ ခွဲခဲ့ရတယ်။ အဲ့ဒီနောက်ပိုင်းမှာတော့ ခွဲစိတ်မှု မရှိဘူး။ ဒီကြားထဲ တရှောင်ရှောင်အောင့်တယ်။ အောင့်လိုက် ပျောက်လိုက်၊ ဆေးထိုးလိုက် ပျောက်လိုက်ပေါ့။ ဒီကတ်ကြေးကျန်ခဲ့လို့ အောင့်တယ်လို့တော့ မထင်ဘူးပေါ့။ တခြားခွဲစိတ်ထားတဲ့ ဒဏ်တွေကြောင့်ပဲ အောင့်တယ်ဆိုပြီး ထင်ခဲ့တာ။ အခုကျတော့ မနေနိုင် မထိုင်နိုင်အောင် အောင့်တယ်။ အောင့်တော့ အရည်တောင် မ၀င်တော့ဘူး။ အဲဒီ့အဆင့် ရောက်သွားတာ။ သေဖို့ပဲ ရှိတော့တာပေါ့။ ဆရာဝန်ကိုပြတော့ အခြေအနေက အောင့်တာလည်း ကြာနေပြီ။ Ultrasound ရိုက်ပါဆိုလို့ Ultrasound ရိုက်တော့ ဆရာမကြီးက ဒီအထဲမှာ တစ်ခုခု ရှိနေတယ်ထင်တယ်။ X-ray ဓာတ်မှန်လေး ရိုက်ကြည့်ပါဆိုလို့ ရိုက်ကြည့်ရင်းနဲ့ ကတ်ကြေးတွေ့တာပေါ့။ တွေ့တော့ တက်ခွဲရတာပေါ့” ဟုလူနာ၏ သားဖြစ်သူက ဖြေကြားသည်။

အဆိုပါလူနာ၏ ၀မ်းဗိုက်ထဲ၌ တွေ့ရှိရသည့် ကိရိယာမှာ ခွဲစိတ်ခန်းသုံး သွေးကြောဖမ်း ကိရိယာဖြစ်ပြီး ယခင်ခွဲစိတ်မှုအပြီး ၂၆ နှစ်အကြာ၌ မြင့်မြတ်အထူးကုဆေးရုံတွင် ခွဲထုတ်ခဲ့ရခြင်းဖြစ်ကာ ဟင်္သာတ ပြည်သူ့ဆေးရုံကြီး၌ ဆက်လက်၍ ဆေးကုသမှု ခံယူလျက်ရှိကြောင်း သိရသည်။

ဓာတ်ပုံ – အောင်ကျော်မျိုး

ယင်းကိစ္စနှင့် ပတ်သက်၍ ဟင်္သာတ ပြည်သူ့ဆေးရုံကြီးမှ ခွဲစိတ်အထူးကု ဆရာဝန်ကြီး ဒေါက်တာမြင့်သောင်းအား မေးမြန်းခဲ့ရာ “ခွဲစိတ်ခန်းထဲမှာသုံးတဲ့ ၆ လက်မလောက်ရှိတဲ့ သွေးကြောဖမ်းတဲ့ ကိရိယာပေါ့။ ၀မ်းခေါင်းထဲမှာ မဟုတ်ဘဲ အူမကြီးထဲမှာ ကိရိယာလေးက ကျနေတယ်။ လိုက်စမ်းတဲ့အခါ အူမကြီးထဲ ရောက်နေတယ်။ အူမကြီးကို ဖောက်ထုတ်ရတာပေါ့။ မြင့်မြတ်မှာ ခွဲစိတ်ပြီး အဲ့ဒီဟာကို ထုတ်ပေးလိုက်တာပေါ့နော်။ ဆေးရုံကို ခွဲစိတ်ပြီး ခေါ်ထားတယ် ဆိုတာကလည်း ဆေးရုံဆိုရင် တတ်နိုင်သမျှ ထောက်ပံ့ပေးတာပေါ့လေ။ အပြင်ကနေ တတ်နိုင်သမျှ မ၀ယ်ရအောင် ထောက်ပံ့ပေးလို့ရအောင် စောင့်ရှောက်ပေးတယ်။ တခြားဘာအခက်အခဲရှိလဲ ဆိုတာသိဖို့ ဆေးလူမှုဆက်ဆံရေး အရာရှိနဲ့လည်း တွေ့ပေးပြီး ဘာအခက်အခဲတွေရှိလဲဆိုတာ တင်ပြခိုင်းထားတာလည်း ရှိပါတယ်” ဟု ဖြေကြားသည်။

လက်ရှိကုသနေမှု အခြေအနေနှင့် ပတ်သက်၍ “လောလောဆယ်ကတော့ သူ့ကို ယာယီဝမ်းသွားဖို့ ဖောက်ပေးထားတဲ့ဟာကို ပြန်ပိတ်ပြီးတော့ လုပ်ပြီးပါပြီ။ လုပ်ပြီးသွားတဲ့ အခါကျတော့ ၀မ်းသွားတဲ့နေရာ ကျွန်တော်တို့ ပိတ်ထားတဲ့ ချုပ်ကြိုးလေး အနာကျက်ဖို့ စောင့်နေတာပေါ့။ အနာကျက်လို့ရှိရင် သူ့ကိုတဖြည်းဖြည်း အစားအသောက်ကို အရည်ကနေ ဆန်ပြုတ်၊ ဆန်ပြုတ်ကနေ ထမင်းပြန်စားဝင်ဖို့ လုပ်ရမှာပေါ့။ အခုလက်ရှိကတော့ ပြန်ပိတ်ထားတဲ့ အနာလေး ကျက်ဖို့ရယ်၊ သူ့ရဲ့အာဟာရပြည့်ဖို့ရယ် အဲဒါလေးတွေ လုပ်ပေးတာပေါ့” ဟု ဒေါက်တာမြင့်သောင်းက ပြောကြားသည်။

အဆိုပါဖြစ်စဉ်မှ လူနာသည် ဟင်္သာတမြို့နယ်၊ ရွာသစ်တောင်ကျေးရွာတွင် နေထိုင်သူ အသက် ၅၀ နှစ်အရွယ်ရှိ ဦးဝင်းခိုင်ဆိုသူဖြစ်ပြီး လက်ရှိတွင် ဟင်္သာတ ပြည်သူ့ဆေးရုံကြီး ခွဲစိတ်ကုသဆောင်၌ ဆေးကုသမှု ခံယူလျက်ရှိကြောင်း သိရသည်။

ဓာတ်ပုံ – အောင်ကျော်မျိုး

“လူနာက ကျွန်တော့်ဆီလာတာတော့ ကြာပြီ။ လွန်ခဲ့တဲ့နှစ် ၂၀ ကျော်လောက် ကတည်းကပေါ့။ ဗိုက်အောင့်တယ် အောင့်တယ် ဆိုပြီးလာနေတာ။ ပထမပိုင်းတော့ နည်းနည်းကွာတယ်။ နောက်ပိုင်းကျတော့ တဖြည်းဖြည်း စိပ်စိပ်လာတယ်။ ဆေးကဘယ်လိုမှ ပေးလို့မရတော့ဘူး။ ဘာလိုဆေး ပြောင်းပေးပေး မပျောက်တော့ ညမအိပ်ရ ဖြစ်လာတယ်။ ဒါနဲ့ Ultrasound ရိုက်ခိုင်းလိုက်တဲ့ အခါမှာ ဆရာမက ဘာပြောလဲဆိုတော့ ဗိုက်ထဲမှာ မသင်္ကာတာတစ်ခုခု တွေ့နေတယ်။ X-ray ရိုက်ရင် ကောင်းမယ်ဆိုလို့ ရိုက်ခိုင်းလိုက်တော့ ဗိုက်ထဲမှာ Forcep သွားတွေ့တယ်။ အဲဒါနဲ့ Surgeon ကိုလွှဲပေးလိုက်တယ်။ နောက်ပိုင်း ဆေးရုံမှာကုပေးတာပေါ့။ ဆရာကြီးရော အားလုံးက သေချာလုပ်ပေးပါတယ်။ လူနာကတော့ သိပ်ပြီးအကောင်းကြီး မဟုတ်သေးဘူးပေါ့။ ရှေ့ဆက်တော့ ကုရမှာပေါ့။ သူလည်းကုရတာ နှစ်တွေကြာလာတဲ့အခါ ရှိတာရောင်းကုရတော့ တော်တော်လည်း ကုန်နေပါပြီ။ ရှေ့ဆက်ကုဖို့ အခက်အခဲ ဖြစ်တာပေါ့။ ကူညီထောက်ပံ့မှုတွေက အများကြီး လိုနေတယ်” ဟု ဒေါက်တာတင်သိန်းက ပြောကြားသည်။

ဝမ်းဗိုက်ထဲတွင် ခွဲစိတ်ခန်းသုံး ကိရိယာ ကျန်ခဲ့မှု ဖြစ်စဉ်နှင့် ပတ်သက်၍ ယခင်ခွဲစိတ်မှု ပြုလုပ်ခဲ့စဉ်က တာဝန်ရှိသူများကို မိမိတို့အနေဖြင့် တုံ့ပြန်ဆောင်ရွက်လိုခြင်း မရှိသော်လည်း လူနာမှာ နှစ်ပေါင်းများစွာ ဝေဒနာခံစားခဲ့ရသည့်အပေါ် များစွာစိတ်မကောင်း ဖြစ်မိကြောင်း လူနာရှင်များက ဆိုသည်။

 

 

 

 

 

 

မော်လမြိုင်နှင့် သထုံခရိုင်တို့တွင် မိုးသည်းထန်စွာ ရွာသွန်းပြီး ရေကြီးရေလျှံမှုကြောင့် ပျက်စီးဆုံးရှုံးမှု အများအပြားရှိခဲ့ပြီး ရေဘေးသင့်ပြည်သူ ၇၄၀၀ ခန့်ရှိ

မော်လမြိုင်မြို့တွင် ရေဘေးသင့်ပြည်သူများအား တွေ့ဆုံအားပေးနေသည့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး

မော်လမြိုင်နှင့် သထုံခရိုင်တို့တွင် မိုးသည်းထန်စွာ ရွာသွန်းမှုပြီး ရေကြီးမှုကြောင့် ပျက်စီးဆုံးရှုံးမှု ကျပ်သိန်း ၆၀၀၀ ကျော်ရှိပြီး ရေဘေးသင့်ပြည်သူ ၇၄၀၀ ခန့်ရှိကြောင်း မွန်ပြည်နယ် အစိုးရအဖွဲ့ထံမှ သိရသည်။

မွန်ပြည်နယ် မော်လမြိုင်ခရိုင်နှင့် သထုံခရိုင်တို့တွင် ဇွန် ၁၇ ရက် မိုးသည်းထန်စွာ ရွာသွန်းခဲ့ပြီး နှစ်ပေါင်း ၂၀ အတွင်း ရေကြီးခဲ့ခြင်းဖြစ်ပြီး ဘုရား၊ ကျောင်း၊ လူနေအိမ်၊ လမ်း၊ တံတား ပျက်စီးဆုံးရမှု ကျပ်သိန်း ၆၄၄၁ ခန့်ရှိကြောင်း သိရသည်။

မွန်ပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနက ထုတ်ပြန်ချက်အရ မော်လမြိုင်ခရိုင်တွင် အိမ်ထောင်စု ၂၂၁၀၊ အိမ်ခြေ ၃၅၀၅၊ လူဦးရေ ၇၁၄၇၊ သထုံခရိုင်တွင် လူဦးရေ ၂၇၀ ရှိကြောင်း သိရသည်။

ထို့ပြင် တောင်ရိုးတန်းရှိ ကျိုက်သလံ ဘုရားကြီးကုန်းတော်ပေါ် အရှေ့ဘက်၊ အနောက်ဘက်တို့တွင် မြေပြိုခြင်းကြောင့် အရှေ့ဘက်မုခ်ရှိ ဓာတ်လှေကားကို သုံးစွဲခွင့်မပြုဘဲ ဘုရားပေါ်သို့ တက်ရောက်ဖူးမျှော်ခွင့် ပြုခဲ့သော်လည်း ဇွန် ၁၈ ရက်တွင် ဘုရားပေါ်သို့ တက်ရောက်ခွင့်ပါ ပိတ်ထားကြောင်း မွန်ပြည်နယ်အစိုးရအဖွဲ့ထံမှ သိရသည်။

မော်လမြိုင်မြို့တွင် ဇွန် ၁၇ ရက်က မိုးရေချိန် ၁၃ ဒသမ ၇ လက်မရှိရာ အချိန်တိုအတွင်း ပြင်းအားများ မိုးရွာသွန်းမှုကြောင့် မြေပြိုမှုများကိုလည်း သတိထားရမည် ဖြစ်ကြောင်း မွန်ပြည်နယ် မိုးဇလမှ လက်ထောက်ညွှန်ကြားရေးမှူး ဦးသိန်းမြင့်ဌေးက ပြောကြားသည်။

ဇွန်လ ဒုတိယ ၁၀ ရက် နေပြည်တော်မှ မိုးလေ၀သခန့်မှန်းချက် ထုတ်ပြန်ချက်အရ ဘင်္ဂလားပင်လယ်အော်တွင် လေဖိအားနည်းရပ်ဝန်း တစ်ကြိမ် ဖြစ်ပေါ်နိုင်ပြီး ပိုမိုအားကောင်းသော မုန်တိုင်းငယ်အဖြစ် ရောက်ရှိနိုင်ကြောင်း သိရသည်။

“ဇွန် ၁၇ ညက မိုးတစ်ချက်သည်းပြီး နည်းသွားပါတယ်။ ဇွန် ၁၈ ရက် မနက်မှာ လုံးဝလင်းသွားပါတယ်။ မနေ့က အိမ်ပေါ် ရေခြောက်လက်မ ကျော်ရောက်နေတာ။ ဒီမနက်က အိမ်ပေါ် ရေမကျန်တော့ပေမယ့် အိမ်နားဝန်းကျင်မှာတော့ ရေနည်းနည်း ကျန်နေသေးတယ်။ မိုးဆက်မရွာရင်တော့ ရေတွေ ကျသွားမှာပါ”ဟု သမာဓိလမ်းမ သီရိမင်္ဂလာရပ်ကွက်နေ ဦးတင်ဦးက ပြောကြားသည်။

မော်လမြိုင် ဈေးကြိုရပ် ဓမ္မရိက္ခိတဘုန်းကြီးကျောင်းတွင် တောင်ဝိုင်းရပ် ဥယျာဉ်လမ်းမှ ရေဘေးရှောင်သူ ၂၈၅ ဦးရှိပြီး ဇွန် ၁၈ ရက် ညနေထိ အများပြည်သူ လှူဒါန်းမှုဖြင့် ထမင်းထုပ်၊ ခေါက်ဆွဲခြောက်၊ ရေသန့်ဘူး၊ စောင်၊ မျက်နှာသုတ်ပုဝါ၊ ခေါင်းအုံး၊ ဆန်များ ထောက်ပံ့လျက်ရှိပြီး ယခုအချိန်ထိ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ထောက်ပံ့မှု မရရှိသေးကြောင်း၊ ယနေ့ ညနေတွင် မိုးရွာမှုနည်းပြီး အန္တရာယ်ကင်း၍ နေအိမ်ပြန်လိုသူ တစ်ဝက်ကျော်ရှိကြောင်း ယင်းစခန်းတာဝန်ခံက ပြောကြားသည်။

မွန်ပြည်နယ်တွင် ကယ်ဆယ်ရေးစခန်း စုစုပေါင်း ၃၈ ခု ဖွင့်လှစ်ထားရာ မော်လမြိုင် မြို့ပေါ်တွင်ပင် စခန်း ၂၄ ခုရှိသည်။

ရေဘေးကြောင့် ကွယ်လွန်သူ တစ်ဦးလျှင် ကျပ်သုံးသိန်း၊ ရေဘေးရှောင် တစ်ဦးလျှင် ကျပ် ၂၁၀၀ နှုန်းဖြင့် စုစုပေါင်း ကျပ် ၁၅,၅၅၄,၄၀၀ ကို ထုတ်ပေးပြီး ဖြစ်ကြောင်း မွန်ပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ သိရသည်။

မြောက်ဒဂုံမြို့နယ် မဟာမြိုင်အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန်မောင်းနှင်လာသော အငှားယာဉ်မှ အခြားယာဉ်သုံးစီးအား ဆင့်တိုက်မှုဖြစ်ပွား

မြောက်ဒဂုံမြို့နယ် မဟာမြိုင်အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန် မောင်းနှင်လာသော အငှားယာဉ်မှ အခြားယာဉ်သုံးစီးအားဆင့်တိုက်မှု ဇွန် ၁၉ ရက် ည ၉ နာရီခွဲခန့်က ဖြစ်ပွားခဲ့ကြောင်း သိရသည်။

ဖြစ်စဉ်မှာ မြောက်ဒဂုံမြို့နယ် မဟာမြိုင် အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန်မောင်းနှင်လာသော ပရိုဘောက် အမျိုးအစား အငှားယာဉ်မှာ အကြော်ဆိုင် မှတ်တိုင်နှင့် ဟောင်ကောင်မှတ်တိုင်ကြားအရောက်၌ တစ်ဖက်ယာဉ်ကြောတွင် ရပ်ထားသော Toyota Premio အမျိုးအစား အိမ်စီးယာဉ်ကို မျက်နှာချင်းဆိုင်တိုက်မိခဲ့ရာ အိမ်စီးယာဉ်မှာ အနောက်တွင်ရပ်ထားသော Fielder အမျိုးအစား အငှားယာဉ်၏ ခေါင်မိုးပေါ်သို့ ရောက်ရှိသွားကြောင်း၊ ထို့ပြင် အနောက်တွင်ရပ်ထားသော အငှားယာဉ်တစ်စီးအား အဆင့်ဆင့်တိုက်မိခဲ့ကြောင်း သိရသည်။

“ကားတိုက်တော့ အစ်ကိုတို့က လက်ဖက်ရည်ဆိုင်မှာ ဘောလုံးပွဲကြည့်နေကြတာ။ အသံကြားလို့ထွက်ကြည့်လိုက်တော့ အိမ်စီးကားလေးက နောက်ကတက္ကစီ ခေါင်မိုးပေါ် ရောက်နေပြီ။ တိုက်တာက မျက်နှာချင်းဆိုင်တိုက်တာ။ အရှိန်ပါတော့ တက္ကစီကား ခေါင်မိုးပေါ်အထိ ရောက်သွားတယ်။ တိုက်တဲ့ တက္ကစီ သမားကလည်း မူးနေတာ။ အိမ်စီးကားမှာတော့ ကိုယ်ဝန်ဆောင်သည် အမျိုးသမီးရယ်၊ ကလေးရယ်ပါတယ်။ လေအိတ်ပွင့်သွားလို့ သူတို့ကတော့ ဘာမှမဖြစ်ဘူး။ တိုက်တဲ့တက္ကစီသမားကိုတော့ အခုဆေးရုံပို့လိုက်ပါပြီ” ဟု ယာဉ်တိုက်မှုကို ကြုံတွေ့ခဲ့သူတစ်ဦးက ပြောကြားသည်။

လမ်းပြောင်းပြန်မောင်းနှင်လာသော အငှားယာဉ်သည် ဟောင်ကောင်မှတ်တိုင်နားတွင် အခြားယာဉ်တစ်စီးနှင့် ဦးဆုံးတိုက်မိခဲ့ပြီး မောင်းနှင်ထွက်ပြေးခဲ့ကြောင်း သိရသည်။

“အရင်ဆုံး ကျွန်တော့်ကားနဲ့ တိုက်မိတာ။ ကျွန်တော်က ကားပေါ်ကဆင်းပြီး ဓာတ်ပုံတွေဘာတွေရိုက်တော့ မောင်းပြေးသွားတယ်။ ကားဘီးကလည်းလိမ်နေတော့ ကျွန်တော်လည်း သူ့နောက်က ဖြည်းဖြည်းချင်းပဲ လိုက်သွားတာ။ အကြော်တဲမှတ်တိုင်ရောက် ခါနီးလောက်ကျတော့ လူတွေလည်း အုံနေလို့ ဆင်းကြည့်တော့မှ ကျွန်တော့်ကိုတိုက်သွား တဲ့သူပဲ ဒီမှာထပ်တိုက်ထားတာ။ တော်တော် လည်း မူးနေတယ်နဲ့တူတယ်။ ကားပေါ်က ဆွဲချတော့လည်း အရက်နံ့တွေ နံနေတာ။ သတိလည်းမရတော့ဘူး” ဟု အငှားယာဉ်မောင်း ကိုမိုးဇော်အောင်က ပြောကြားသည်။

ယာဉ်တိုက်မှုကြောင့် လမ်းပြောင်းပြန် မောင်းနှင်သူ အငှားယာဉ်မောင်းမှာ ဒဏ်ရာရရှိခဲ့သဖြင့် ဆေးရုံသို့ ပို့ဆောင်ခဲ့ပြီး ၎င်းကို အမှုဖွင့်အရေးယူနိုင်ရန် ဆောင်ရွက်လျက်ရှိကြောင်း သိရသည်။

မိုးသည်းထန်စွာ ရွာသွန်းခဲ့ပြီးနောက် ဧရာဝတီတိုင်းဒေသကြီး ကညင်ရေလှောင်တမံရှိ ရေပိုလွှဲအထက် ရေအမြင့် ၁၀ ပေကျော်အထိ စံချိန်တင်ကျော်လွန်ရောက်ရှိခဲ့

မိုးသည်းထန်စွာ ရွာသွန်းခဲ့ပြီးနောက် ဧရာဝတီတိုင်းဒေသကြီးရှိ ကညင်ရေလှောင်တမံ၌  ဇွန်လဒုတိယပတ်အတွင်း ရေပိုလွှဲအထက် ရေအမြင့် ၁၀ ပေကျော်အထိ စံချိန်တင် ကျော်လွန်ရောက်ရှိခဲ့ကြောင်း သိရသည်။

ရေပိုလွှဲအထက် အမြင့်ဆုံးကိုးပေခွဲ ကျော်အထိ ၂၀၁၁ ခုနှစ်က ရောက်ရှိခဲ့ဖူးသော်လည်း ယခုဖြစ်စဉ်၌ ရေအမြင့်မှာ ၁၀ ပေကျော်အထိ ရောက်ရှိခဲ့သဖြင့် စံချိန်ချိုးသည့် အနေအထားရှိခဲ့ကြောင်း သိရသည်။

“၂၀၁၁ ခုနှစ်  ခုနစ်လပိုင်းမှာရေပိုလွှဲ ကနေ ၉ ဒသမ ၆၅ ပေကျော်ပါတယ်။ ၂၀၁၂ မှာတော့ အမြင့်ဆုံးကတော့ ၄ ဒသမ ၄ ပေ ပဲကျော်ပါတယ်။ ၂၀၁၃ မှာတော့ ၈ ဒမသ ၅ ပေ ကျော်ခဲ့ပါတယ်။ ၂၀၁၄ မှာ ၉ ဒသမ ၅ ပေ ကျော်ခဲ့ပါတယ်။ ၂၀၁၅ မှာ ၈ ဒသမ ၁ ပေ ကျော်ခဲ့ပါတယ်။ ၂၀၁၆၊ ၂၀၁၇ မှာ တော့ ရေကျော်တဲ့အမြင့်က ငါးပေလောက်ပဲ ရှိပါတယ်။ ဒီနှစ်ကတော့ ၁၀ ဒသမ ၉ ပေ ဆိုတော့ ကညင်ဆည်ကရေကျော်တဲ့ ကာလတွေအားလုံးမှာ  ဒီနှစ်ကတော့ ရေကျော်တဲ့အမြင့်ပမာဏ အများဆုံးဖြစ်ပါတယ်” ဟု ကညင်ဆည် ဦးစီးအရာရှိဦးတင်စိုးက ပြောကြားသည်။

မိမိတို့အနေဖြင့် တမံဖောက်ချခြင်း မဟုတ်ဘဲ ပင်မရေပိုလွှဲကြီး၏ ခံနိုင်သည့် အတိုင်းအတာအတွင်းမှ ရေကျော်စီးဆင်း ခြင်းသာဖြစ်ပြီး ရေပိုလွှဲရေကျော်ချိန်မှစ၍ တာတမံကြံ့ခိုင်ရေးကို အချိန်နှင့်တစ်ပြေးညီ အလေးထားစောင့်ကြည့်ကာ ဆောင်ရွက်လျက်ရှိကြောင်း ဦးစီးအရာရှိဦးတင်စိုးက ဆက်လက်ပြောကြားသည်။

“အမြင့်ဆုံး ၁၀ ဒသမ ၉ ပေ ရေကျော်တာပေါ့။ ဒါကလည်း ကျွန်တော်တို့က တမံကို ဖောက်ချတာ မဟုတ်ဘူး။ ဖြစ်ရိုးဖြစ်စဉ် ပိုလျှံတဲ့ရေတွေက ရေပိုလွှဲကနေရေကျော်စီး အောင်လုပ်ပေးထားတာ ဖြစ်ပါတယ်။ နောက်ပြီးတော့ ကျွန်တော်တို့ဆီမှာရေပိုလွှဲက နှစ်ခုရှိပါတယ်။ အရန်ရေပိုလွှဲနဲ့ အကူရေပိုလွှဲ ရှိတယ်။ ပင်မရေပိုလွှဲကြီးကဆိုရင် အမြင့် ၁၃ ဒသမ ၅ ပေ ရေကျော်စီးဆင်းမှုကို ခံနိုင်တဲ့ အင်အားရှိတယ်။ အဲဒီတော့ ဒီရေကျော် စီးဆင်းတာသည် ပုံမှန်ခွင့်ပြုထားတဲ့အတိုင်း အတာထဲကပဲ။ ပုံမှန်ခံနိုင်တဲ့ အတိုင်းအတာထဲကပဲ  ရေကျော်စီးဆင်းသွားတာဖြစ်တဲ့အတွက်ကြောင့် စိုးရိမ်စရာလည်း မရှိဘူး။ ရေကျော်တဲ့အချိန်မှာလည်း ကျွန်တော်တို့က တာတမံရဲ့ကြံ့ခိုင်မှုအပိုင်းတို့၊ မြစ်ချောင်းထဲမှာ ရေကြီးရေလျှံမှုကြောင့် ပြည်သူတွေကို ထိခိုက်မှုမရှိအောင် အချိန်နဲ့ တစ်ပြေးညီ လေ့လာစောင့်ကြည့်ပြီး သတင်းလည်း ထုတ်ပြန်တယ်။ ကြံ့ခိုင်ရေးအပိုင်းကိုလည်း အခြေမပြတ် ကင်းလှည့်ပြီးတော့ အဖွဲ့ဖွဲ့ပြီး စိစစ်ဆောင်ရွက်နေတဲ့အတွက်ကြောင့် တမံတွေနဲ့ ပတ်သက်လို့ စိုးရိမ်စရာမရှိပါဘူး” ဟု ၎င်းက ပြောကြားသည်။

ကညင်ရေလှောင်တမံ၏ ရေပိုလွှဲအထက် ရေအမြင့် ၁၀ ပေကျော်အထိ စံချိန်တင် ကျော်လွန်ရောက်ရှိချိန်၌ တစ်စက္ကန့်လျှင် ကုဗပေ ၃၂၀၀၀ ကျော် ရေစီးဆင်းမှုရှိခဲ့ကြောင်း သိရသည်။

ပြီးခဲ့သည့် တစ်လခန့်အတွင်းရွာသွန်းခဲ့သည့် မိုးရေချိန်မှာပုံမှန်အားဖြင့် အဆိုပါ ဒေသ၏ တစ်နှစ်ပတ်လုံးမိုးရေချိန်၏ ထက်ဝက်ခန့်အထိရှိခဲ့ကြောင်း သိရသည်။

ဇွန် ၁၈ ရက် မွန်းတည့် ၁၂ နာရီရရှိသည့် မှတ်တမ်းအရ ကညင်ရေလှောင်တမံ၏ ကန်ရေပြည့်အမှတ် ၂၈၈ ပေအထက်နှစ် ပေနီးပါး ရေကျော်နေဆဲဖြစ်ကြောင်း သိရသည်။

စကားဝိုင်းတွေနဲ့ မြန်မာ့ငြိမ်းချမ်းရေးရာသီဥတု

ဇွန် ၁၄ ရက်က မော်လမြိုင်မြို့တွင် ပြုလုပ်သည့် နိုင်ငံတော်၏အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်း

၂၀၁၇ ကို ငြိမ်းချမ်းရေးနှစ်အဖြစ် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သတ်မှတ်ခဲ့ပါတယ်။ ဒါကြောင့်လည်း ၂၀၁၇ ဇန်န၀ါရီ ၁ ရက်ကစလို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်ပြီး ငြိမ်းချမ်းရေးစကားဝိုင်းတွေကို ပြုလုပ်ခဲ့တာပါ။

ပထမဆုံး ငြိမ်းချမ်းရေးစကားဝိုင်းအဖြစ် ၂၀၁၇ ဇန်န၀ါရီ ၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန- ၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ လူငယ်များ စကားဝိုင်းကို ကျင်းပခဲ့ပါတယ်။ ဒေါ်အောင်ဆန်းစုကြည်က နှစ်သစ်ကူး အဖွင့်နှုတ်ခွန်းဆက် စကားပြောကြားရာမှာ နိုင်ငံအတွက် ပြည်တွင်းငြိမ်းချမ်းရေးကို ဦးစားပေး လုပ်ဆောင်မယ်လို့ ထည့်သွင်းပြောကြားခဲ့ပါတယ်။

“ကျွန်မတို့ အခု ၂၀၁၇ ခုနှစ်ကနေ စတင်စဉ်းစားရမှာက ကျွန်မတို့နိုင်ငံအတွက် ဘာတွေပထမဦးဆုံး ဦးစားပေးပြီးတော့ လုပ်ရမလဲဆိုတဲ့ ကိစ္စပါပဲ။ အရင်နှစ်တုန်းက ပြည်သူလူထုအများစုရဲ့ ရွေးချယ်တင် မြှောက်မှုနဲ့ အမျိုးသားဒီမိုကရေစီအဖွဲ့ချုပ်အစိုးရ စထူထောင်ကတည်းက ကျွန်မတို့အနေနဲ့ တင်ပြထားတဲ့ကိစ္စတွေရှိပါတယ်။ ဘာတွေကို ကျွန်မတို့ ဦးစားပေးပြီး ဆောင် ရွက်မလဲဆိုတာကို ကျွန်မတို့တင်ပြထားပါတယ်။ အဲဒီထဲမှာ အရေးကြီးဆုံးတစ်ခုကတော့ ပြည်တွင်းငြိမ်းချမ်းရေးပါပဲ။ ပြည်တွင်းငြိမ်းချမ်းရေးနဲ့ ပြည်သူလူထုတွေရဲ့ ဘ၀တိုးတက်ရေးဟာ ကျွန်မတို့ ဦးစားပေးထားတဲ့ ကိစ္စနှစ်ခုဖြစ်ပါတယ်။ ဒီနှစ်ခုကလည်း ဆက်နွှယ်မှုရှိပါတယ်။ ကျွန်မတို့ရဲ့နိုင်ငံအေးချမ်းမှ ကျွန်မတို့ နိုင်ငံသူနိုင်ငံသားတွေရဲ့ ဘ၀တွေဟာ တိုးတက်နိုင်မှာ ဖြစ်ပါတယ်။ ဘ၀တွေတိုးတက်မှလည်း ငြိမ်းချမ်းရေးကို ထိန်းသိမ်းထားနိုင်မှာ ဖြစ်ပါတယ်။ ဒါကြောင့်မို့လို့ ဒီနှစ်ခုကို အရေးကြီးဆုံး ကျွန်မတို့ရဲ့ ရည်ရွယ်ချက်တွေအနေနဲ့ သတ်မှတ်ထားတာ ဖြစ်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

ဒါ့အပြင် နိုင်ငံသူနိုင်ငံသားတွေအနေနဲ့ ငြိမ်းချမ်းရေးအပေါ် ဘယ်လိုအမြင်မျိုးတွေရှိပြီး ငြိမ်းချမ်းရေးနဲ့ပတ်သက်တဲ့ ပြဿနာတွေ၊ စိန်ခေါ်မှုတွေကို ဘယ်လိုကိုင်တွယ်မလဲဆိုတဲ့ ရည်ရွယ်ချက်တွေကို သိချင်တဲ့အတွက် စကားဝိုင်းဆွေးနွေးပွဲကို လုပ်ရတာဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

“ကျွန်မတို့ ဒါကို ဆွေးနွေးဖို့အတွက်ကျတော့ ဘယ်သူတွေနဲ့ စတင်ပြီးဆွေးနွေးမလဲဆိုတာကို စဉ်းစားပါတယ်။ ဘာဖြစ်လို့လဲဆိုတော့ ကျွန်မတို့နိုင်ငံသူ နိုင်ငံသားတွေဟာ အများကြီးလည်းဖြစ်တယ်။ အလွှာမျိုးစုံလည်းဖြစ်တယ်။ တိုင်းရင်းသား လူမျိုး အမျိုးစုံလည်းဖြစ်တယ်။ အမြင်မျိုးစုံလည်းဖြစ်တယ်။ ဒီတော့ ဘယ်သူတွေအတွက် ငြိမ်းချမ်းရေးက အရေးကြီးဆုံးလိုသလဲဆိုတော့ လူငယ်တွေအတွက် အရေးကြီးပါတယ်။ ဘာဖြစ်လို့လဲဆိုတော့ ဒီလူငယ်တွေက အကြာကြီး ဒီနိုင်ငံရဲ့ တာဝန်တွေကို ဆက်ပြီးတော့ ထိန်းသိမ်းထားရ မယ့် အချိန်တွေကို ရှေးရှုသွားရမှာပါ။ လူကြီးတွေဆိုတာကတော့ အနိစ္စ သဘောတရားအရ သိပ်မကြာခင် ကာလမှာတော့ တာဝန်တွေကို ချရတော့မှာ ဖြစ်ပါတယ်။ ဆက်ပြီးတော့ တာဝန်တွေထမ်းဆောင်ရမည့် လူငယ်တွေရဲ့အမြင် ဘယ်လိုရှိသလဲဆိုတာဟာ ကျွန်မတို့အတွက် အလွန်အင်မတန် အရေးကြီးပါတယ်။ အမှန်ပြောရရင်တော့ ကျွန်မက ဒါထက်ငယ်တဲ့ ကလေးတွေနဲ့ ကျွန်မက ဆွေးနွေးချင်တာပါ။ ဒါတော့ ပထမဦးဆုံးကလေးတွေနဲ့ဆိုတော့ သိပ်အဆင်မပြေဘူးထင်တယ်ဆို ပြီးတော့ လူငယ်တွေနဲ့စပြီးတော့ (လုပ်တာဖြစ်ပြီး) နောင်တစ်ကြိမ် တစ်ခါမှာတော့ ကျွန်မကတော့ သတ်မှတ်ထားတဲ့အရွယ်အောက် ကလေးတွေနဲ့ပဲ ဆွေးနွေးတာမျိုးပဲ လုပ်ချင်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

နောက်ပိုင်းမှာ စီးပွားရေးသမားတွေ၊ လူမှုအဖွဲ့အစည်းတွေ၊ ပညာရေးအဖွဲ့အစည်းတွေ စတဲ့ အဖွဲ့အစည်းတွေနဲ့လည်း တွေ့ဆုံဆွေးနွေးသွားဖို့ ရှိတယ်လို့ သူက ဆက်ပြောပါတယ်။

“ဒီလိုဆွေးနွေးပွဲတွေ လုပ်ခြင်းအားဖြင့်လည်း ကျွန်မတို့ရဲ့ နိုင်ငံသူ နိုင်ငံသားအားလုံးဟာ ဒီငြိမ်းချမ်း ရေးဖြစ်စဉ်ကို သူတို့လည်း ပိုင်တယ်ဆိုတဲ့စိတ် ရှိလာအောင်လို့ပါ”လို့ ငြိမ်းချမ်းရေးစကားဝိုင်းတွေ လုပ်ရတဲ့ ရည်ရွယ်ချက်နဲ့ပတ်သက်ပြီး ဒေါ်အောင်ဆန်းစုကြည်က ရှင်းပြပါတယ်။

ပထမဆုံးပြုလုပ်တဲ့ ငြိမ်းချမ်းရေးစကားဝိုင်းမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ လူငယ် ၁၈ ဦးက ငြိမ်းချမ်းရေးအတွက် ယုံကြည်မှု တည်ဆောက်ရေး၊ တိုင်းဒေသကြီးနဲ့ ပြည်နယ်များ လုပ်ပိုင်ခွင့်ပိုမိုရရှိရေး၊ ပြည်ထောင်စုစိတ်ဓာတ်ထားရှိရေး၊ မတူကွဲပြားမှုကနေ ညီညွတ်မှု တည်ဆောက်နိုင်ရေး၊ ပြည်တွင်းစစ်ကြောင့် ရရှိခဲ့တဲ့ စိတ်ဒဏ်ရာများ ကုစားနိုင်ရေး၊ ပြည်သူလူထုကို ဗဟိုပြုတဲ့ တရားဥပဒေနဲ့ အုပ်ချုပ်ရေး၊ ငြိမ်းချမ်းရေးဖြစ်စဉ်တွေမှာ လူငယ်များ ပါဝင်ရေး၊ စစ်ကြောင့် ကိုယ်အင်္ဂါ ဆုံးရှုံးခဲ့ရသူတွေကို ကူညီစောင့်ရှောက်ရေး စတဲ့ကိစ္စတွေနဲ့ ပတ် သက်လို့ အပြန်အလှန် ဆွေးနွေးခဲ့ကြပါတယ်။

၂၀၁၇ ကို ငြိမ်းချမ်းရေးနှစ်လို့ နိုင်ငံတော်၏ အတိုင်ပင်ခံပုဂ္ဂိုလ်က သတ်မှတ်ထားတဲ့အတိုင်း အဲဒီနှစ်အတွင်းမှာ ငြိမ်းချမ်းရေးစကားဝိုင်း ငါးကြိမ်တိတိ ပြုလုပ်ခဲ့တာကို တွေ့ရပါတယ်။ ဒုတိယမြောက် ငြိမ်းချမ်းရေးစကားဝိုင်းအဖြစ် ၂၀၁၇ ဖေဖော်ဝါရီ ၁၂ ရက်က ရှမ်းပြည်နယ်၊ ပင်လုံမြို့မှာ  နှစ် ၇၀ ပြည့် ပြည်ထောင်စုနေ့ ကျင်းပရင်းနဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ တိုင်းရင်းသားတွရဲ့ ပင်လုံငြိမ်းချမ်းရေးစကားဝိုင်းကိုပါ ပြုလုပ်ခဲ့ပါတယ်။

တတိယ ငြိမ်းချမ်းရေးစကားဝိုင်းကိုတော့ ၂၀၁၇ ဧပြီ ၁၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ ကျေးလက်တောရွာနေ လူငယ်များ စကားဝိုင်းဆိုပြီး ပြုလုပ်ခဲ့တာပါ။ စတုတ္ထစကားဝိုင်းကိုတော့ ၂၀၁၇ သြဂုတ် ၇ ရက်က မိတ္ထီလာခရိုင် ၀မ်းတွင်းမြို့ မြေတိုင်ကန်ကျေးရွာ သီဟာရာမဘုန်းတော်ကြီးကျောင်းဝင်းမှာ ကျင်းပခဲ့ပါတယ်။ ပဉ္စမမြောက် ငြိမ်းချမ်းရေးစကားဝိုင်းကို ၂၀၁၇ ဒီဇင်ဘာ ၂၉ ရက်က ကယားပြည်နယ် လွိုင်ကော်မြို့ရှိ ပြည်နယ်ခန်းမမှာ ကျင်းပခဲ့ပါတယ်။

ဒါ့အပြင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) အရ အမျိုးသားအဆင့် နိုင်ငံရေးဆွေးနွေးပွဲတွေကို ကရင်၊ ချင်းနဲ့ ပအိုင်းဒေသတွေမှာ ပြုလုပ်နိုင်ခဲ့တာကြောင့် ငြိမ်းချမ်းရေးနှစ် ဖြစ်တဲ့ ၂၀၁၇ ခုနှစ်ဟာ တာထွက်လှခဲ့တယ်လို့ သုံးသပ်ကြပါတယ်။ ၂၀၁၇ မေ ၂၄ ရက်က ပြည်ထောင်စု ငြိမ်းချမ်းရေးညီလာခံ ၂၁ ရာစု ပင် လုံ ဒုတိယအကြိမ် အစည်းအဝေးကို နေပြည်တော်မှာ ခြောက်ရက်ကြာ ပြုလုပ်နိုင်ခဲ့ပါတယ်။

ပြည်ထောင်စုငြိမ်းချမ်းရေးပူးတွဲကော်မတီ (UPDJC) မှာ ဆွေးနွေးညှိနှိုင်းပြီး အတည်ပြုခဲ့ရာမှာ အားလုံးလက်ခံနိုင်တဲ့ အခြေခံမူ ၄၁ ချက်ရရှိခဲ့ပေမယ့် ညီလာခံမှာ နိုင်ငံရေးဆိုင်ရာ မူဝါဒအဆိုပြုချက် ၁၂ ချက်၊ စီးပွားရေးဆိုင်ရာမူဝါဒ ၁၁ ချက်၊ လူမှုရေးဆိုင်ရာ မူဝါဒလေးချက်၊ မြေယာနှင့် သဘာဝပတ်ဝန်း ကျင်ဆိုင်ရာမူဝါဒ ၁၀ ချက် စုစုပေါင်း သဘောတူညီချက် ၃၇ ချက်ကို အတည်ပြုနိုင်ခဲ့ပြီး ပြည်ထောင်စု သဘောတူစာချုပ်ရဲ့ အစိတ်အပိုင်းတစ်ရပ်အဖြစ် လက်မှတ်ရေးထိုးခဲ့ပါတယ်။ ဒါဟာ ငြိမ်းချမ်းရေးလုပ်ငန်း စဉ်ဆောင်ရွက်နေတဲ့ NLD အစိုးရ နဲ့ တိုင်းရင်းသားလက်နက်ကိုင်တပ်ဖွဲ့တွေကြား ပထမဆုံး သဘောတူ နိုင်ခဲ့တဲ့ နိုင်ငံရေးဆွေးနွေးမှုရလဒ် လည်းဖြစ်တဲ့အတွက် ငြိမ်းချမ်းရေးနှစ်လို့ သတ်မှတ်ထားတဲ့ ၂၀၁၇ ဟာ ချိုမြိန်မှုတွေနဲ့ စခဲ့ပါတယ်။

“အခုလို ဖက်ဒရယ်ဆိုင်ရာ အခြေခံမူတွေကို ဖော်ထုတ်နိုင်အောင် ကျွန်မတို့အစိုးရ၊ တပ်မတော်၊ တိုင်း ရင်းသားလက်နက်ကိုင်အဖွဲ့အစည်းတွေ၊ နိုင်ငံရေးပါတီတွေဟာ အချိန်ပေးပြီး စိတ်ရှည်လက်ရှည် ညှိနှိုင်းခဲ့ရတာဖြစ်ပါတယ်”လို့ ဒေါ် အောင်ဆန်းစုကြည်က ဆိုပါတယ်။

ဒါပေမဲ့ ပြည်ထောင်စုသဘောတူစာချုပ် အစိတ်အပိုင်းနဲ့ပတ်သက်လို့ အငြင်းပွားမှုတွေနဲ့ မေးခွန်းထုတ်မှုတွေ တိုင်းရင်းသားလက်နက်ကိုင်တွေအပြင် ငြိမ်းချမ်းရေးလေ့လာသူတွေကြားမှာပါ ရှိခဲ့ပါတယ်။ ဘာကြောင့်လဲဆိုတော့ ငြိမ်းချမ်းရေးညီလာခံမတိုင်မီ NCA လက်မှတ်ထိုးအဖွဲ့အချို့ လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မကျင်းပနိုင်ခြင်း၊ ညီလာခံမှာ ဆုံးဖြတ်ချက်ချမှတ်မှုအပိုင်းနဲ့ NCA မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေ ကျန်ရှိနေခြင်းစတဲ့ အချက် တွေအပေါ်မှာ မေးခွန်းထုတ်ကြတာပါ။

တစ်ဖက်မှာလည်း လက်နက်ကိုင်းပဋိပက္ခတွေက ဆက်လက်ဖြစ်ပွားနေပြီး ၂၀၁၇ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တယ်လို့ မြန်မာ့ငြိမ်းချမ်းရေးအထောက်အကူပြုဆိုင်ရာ အဖွဲ့အစည်း (Myanmar Peace Monitor) ရဲ့ အချက်အလက်တွေအရ သိရပါတယ်။

၂၀၁၆ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၂၇ ကြိမ်သာ ဖြစ်ပွားခဲ့ပေမယ့် ငြိမ်းချမ်းရေး နှစ်ဖြစ်တဲ့ ၂၀၁၇ ခုနှစ် ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တာကြောင့် အရင်ကာ လတူထက် လက်နက်ကိုင်ပဋိပက္ခ ဖြစ်ပွားမှုနှုန်း ပိုများနေခဲ့ပါတယ်။

၂၀၁၇ မှာ တပ်မတော်နဲ့ တအာင်းလက်နက်ကိုင်အဖွဲ့ (TNLA) ကြား ပစ်ခတ်တိုက်ခိုက်မှု အများဆုံးဖြစ်ပွားခဲ့ပါတယ်။ ကချင်လက်နက်ကိုင်အဖွဲ့ (KIA) ၊ ရှမ်းလက်နက်ကိုင်အဖွဲ့များဖြစ်ကြတဲ့ (SSPP/SSA) နဲ့ (RCSS/SSA) တို့က ဒုတိယအများဆုံးဖြစ်ပွားခဲ့ပြီး DKBA လက်နက်ကိုင်အဖွဲ့၊ ULA/AA လက်နက်ကိုင်အဖွဲ့တို့နဲ့လည်း ထိတွေ့ပစ်ခတ်မှုအချို့ ရှိခဲ့တယ်လို့ Myanmar Peace Monitor ရဲ့ အ ချက်အလက်တွေမှာ ပါရှိပါတယ်။

ဒီလို လက်နက်ကိုင်ပဋိပက္ခတွေ ဖြစ်ပွားနေဆဲအချိန်မှာပဲ NCA လက်မှတ်ရေးထိုးဖို့ အစိုးရနဲ့ ညှိနှိုင်းနေတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ကနေ ကချင်အဖွဲ့(KIO) ၊ တအာင်းပလောင်အဖွဲ့ (TNLA) ၊ ကိုးကန့်အဖွဲ့ (MNDAA) နဲ့ ‘၀’ အမျိုးသားအဖွဲ့ချုပ် (WNO) တို့က နုတ်ထွက်ခဲ့ပြီး  ‘၀’ ပြည် သွေးစည်းညီညွတ်ရေးပါတီ (UWSP) ဦးဆောင်မှုအောက်ကို ရောက်သွားပါတယ်။

‘၀’ ပြည် သွေးစည်းညီညွတ်ရေးပါတီ (UWSP) က ဦးဆောင်ပြီး ကချင်လွတ်လပ်ရေးအဖွဲ့(KIO) ၊ ရက္ခိုင်အမျိုးသားအဖွဲ့ချုပ် (ULA) ၊ ပလောင်ပြည်နယ်လွတ်မြောက်ရေးတပ်ဦး (PSLF) ၊ မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ(MNTJP) ၊ ရှမ်းပြည်တိုးတက်ရေးပါတီ(SSPP) ၊ ရှမ်းပြည်နယ်အရှေ့ပိုင်း ငြိမ်းချမ်းရေးနှင့် စည်းလုံးရေးကော်မတီ (PSC) တို့နဲ့ စုဖွဲ့ပြီး ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ (FPNCC) ကို  ဖွဲ့စည်းလိုက်ပါတယ်။

ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) အနေနဲ့ NCA လက်မှတ်မထိုးဘဲ အစိုးရနဲ့ နိုင်ငံရေးဆွေးနွေးဖို့ ကြိုးစားလာပါတယ်။ ဒါကြောင့်လည်း နောက်ပိုင်းမှာ NCA ဟာ တိုင်းရင်းသားတွေ လိုလားချက်အတွက် မပြည့်စုံဘူးဆိုပြီး မြောက်ပိုင်း ခုနစ်ဖွဲ့ရဲ့ မူဝါဒတွေ၊ ရပ်တည်ချက်တွေနဲ့ အပစ်ရပ်စာချုပ်ကို ဖော်ပြခဲ့ပါတယ်။

အစိုးရအနေနဲ့ မြောက်ပိုင်းအဖွဲ့ရဲ့ စုဖွဲ့မှုနဲ့ မူဝါအပေါ် လက်ခံခြင်းမရှိသလို အဲဒီအဖွဲ့တွေ NCA မှာ ပါဝင်လက်မှတ်ရေးထိုးရေးကိုလည်း ညှိနှိုင်းမှုမလုပ်ခဲ့ပါဘူး။ အထူးသဖြင့် တပ်မတော်က NCA ပြင်ဆင်ဖို့ မရှိ ဘူးဆိုပြီး တုံ့ပြန်မှု ပြုလုပ်ခဲ့ပါတယ်။

“တပ်မတော်ရဲ့ငြိမ်းချမ်းရေး ရပ်တည်ချက်ကတော့ ကျွန်တော်တို့ နိုင်ငံရဲ့ငြိမ်းချမ်းရေးမဟာဗျူဟာဖြစ်တဲ့ NCA လမ်းကြောင်းပေါ်မှာ မသွေမဖည် ခိုင်ခိုင်မာမာရပ်တည် လုပ်ဆောင်သွားမှာဖြစ်ပါတယ်။ NCA လမ်းကြောင်းကို လျှောက်လှမ်းရာမှာလည်း တပ်မတော်ရဲ့ငြိမ်းချမ်းရေးမူ (၆) ရပ်နဲ့အညီ ခိုင်မာစွာ ရပ်တည်လုပ်ဆောင်သွားမှာ ဖြစ်ပါတယ်”လို့ ပြည်ထောင်စုငြိမ်းချမ်း ရေးညီလာခံ- ၂၁ ရာစုပင်လုံ (ဒုတိယအကြိမ်) အစည်းအဝေး နှုတ်ခွန်း ဆက် အမှာစကားမှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထည့်သွင်း ပြောကြားခဲ့ပါတယ်။

ဒါပေမဲ့ တရုတ်နိုင်ငံရဲ့ ကြားဝင်စေ့စပ်ပေးမှုကြောင့် ၂၁ ရာစုပင်လုံ ဒုတိယအကြိမ် အစည်းအဝေးကို အထူးဖိတ်ကြားသူအနေနဲ့ UWSA မှ ဦးကျောက်ကော်အမ်းနဲ့ KIO မှ ဗိုလ်ချုပ်ကြီး အင်ဘန်လတို့က တက်ရောက်ခဲ့ပါတယ်။ အစည်းအဝေးကို တက်ရောက်လာတဲ့ မြောက်ပိုင်းခုနစ်ဖွဲ့ကို ဒေါ်အောင်ဆန်းစုကြည်က သူ့နေအိမ်မှာ နှစ်ဖွဲ့ခွဲ တွေ့ဆုံဧည့်ခံခဲ့ပေမယ့် ဆွေးနွေးမှု မဟုတ်ကြောင့် ဘာအဖြေမှတော့ မထွက်ခဲ့ပါဘူး။

၂၁ ရာစု ပင်လုံ ဒုတိယအကြိမ်အစည်းအဝေးကို မြောက်ပိုင်း ခုနစ်ဖွဲ့က တက်ရောက်ခဲ့ပေမယ့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ကတော့ တက်ရောက်ခဲ့ခြင်း မရှိခဲ့ပါဘူး။ ဘာကြောင့်လဲဆိုတော့ တန်းတူပါဝင်ခွင့် မရသေးတဲ့ အခြေအနေကြောင့်လို့ UNFC ဘက်က ဆိုပါတယ်။

“ကျွန်မတို့အစိုးရအနေနဲ့ ငြိမ်းချမ်းရေးလုပ်ငန်းစဉ်ကို စတင်ခဲ့ချိန်မှာ NCA လက်မှတ်ရေးထိုးဖို့ ညှိနှိုင်းဆဲအဖွဲ့တွေ ရှိနေသလို အခြားတစ်ဖက်မှာလည်း NCA ကို လက်မခံနိုင်သေးတဲ့အဖွဲ့တွေ ရှိနေခဲ့ပါ တယ်။ ဒီအဖွဲ့တွေနဲ့ တွေ့ဆုံဆွေးနွေးဖို့ ငြိမ်းချမ်းရေးတံခါးဖွင့်လှစ်ထားပြီး လက်ကမ်းကြိုဆိုလျက်ရှိ နေပါတယ်”လို့ ၂၀၁၇ ခုနှစ် အောက်တိုဘာ ၁၅ ရက်က ကျင်းပတဲ့ NCA လက်မှတ်ရေးထိုးခြင်း နှစ်နှစ်မြောက် အထိမ်းအမှတ်အခမ်းအနား မိန့်ခွန်းမှာ ဒေါ်အောင်ဆန်းစုကြည်က ထည့်သွင်းပြောကြားခဲ့ပါတယ်။

၂၁ ရာစု ပင်လုံ ဒုတိယအကြိမ် အစည်းအဝေးနောက်ပိုင်း ကာလအတော်ကြာ ညှိနှိုင်းမရဖြစ်နေတဲ့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပမယ့် နေရာကို ခြောက်ကြိမ်မြောက် NCA အကောင်အထည်ဖော်ရေးဆိုင်ရာ ညှိနှိုင်းအစည်းအဝေး (JICM) မှာ သဘောတူညီမှု ရခဲ့ပါတယ်။

ရှမ်းပြည် ပြန်လည်ထူထောင်ရေး ကောင်စီ (RCSS) က တောင်ကြီး ဒါမှမဟုတ် ပင်လုံမှာ ရှမ်းလူမျိုး အလိုက် အမျိုးသားအဆင့် နိုင်ငံရေး ဆွေးနွေးတွေကို ကျင်းပချင်ပေမယ့် တပ်မတော်က မိုင်းပန်မှာ ကျင်းပဖို့ သဘောတူမှုကို ဒေါ်အောင်ဆန်းစုကြည် ကြားဝင်စေ့စပ်မှုနဲ့ လင်းခေးမြို့မှာ ကျင်းပဖို့ သဘောတူခဲ့ပါတယ်။

ဒီလို အဆင်ပြေချောမွေ့လာပြီလို့ ထင်ရတဲ့  အချိန်မှာပဲ UPDJC နဲ့ JICM သဘောတူညီချက်အရ ပြုလုပ်မယ့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ အကြိုလူထုတွေ့ဆုံပွဲတွေကို ကျင်းပတဲ့အခါမှာ တပ်မတော်က ဟန့်တားခဲ့ပါတယ်။

အမျိုးသားအဆင့် နိုင်ငံရေးဆွေးနွေးပွဲများ လုပ်ငန်းစဉ်အရ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို မြန်မာနိုင်ငံ ရှမ်းလူမျိုးများ နေထိုင်ရာဒေသတွေမှာ ကျင်းပရမှာဖြစ်တာကြောင့် လူထုတွေ့ဆုံပွဲတွေကို ရှမ်းပြည်နယ်နဲ့ ရှမ်းလူမျိုးများရှိရာ ရှမ်းပြည်နယ်ပြင်ပမြို့တွေ မှာ အစိုးရရဲ့ သဘောတူညီချက်နဲ့ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး သဘောတူစာချုပ်ပါ အချက်တို့အရ ပြုလုပ်ခဲ့ပါတယ်။

၂၀၁၇ ခုနှစ် ဒီဇင်ဘာ ၁၇ ရက် ကနေ ၂၅ ရက်အထိ ရှမ်းပြည်နယ်ထဲက မြို့နယ်ပေါင်း ၁၄ မြို့နယ်မှာ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို ကျင်းပတဲ့အခါ မြို့နယ်အများစုမှာ တပ်မတော်က မပြုလုပ်ဖို့ တားမြစ်ခဲ့ပြီး ပင်လုံ၊ တာချီလိတ်၊ ကာလိ၊ ကျောက်မဲ စတဲ့ မြို့နယ်တွေ က အဆိုးဆုံးဖြစ်ခဲ့ပါတယ်။

ဒီဖြစ်စဉ်နဲ့ပတ်သက်လို့ ရှမ်း ပြည်ထူထောင်ရေးကောင်စီ (RCSS) ကနေ ၂၀၁၈ ခုနှစ် ဇန်န၀ါရီ ၈ ရက် နေ့စွဲနဲ့ အမျိုးသားအဆင့် နိုင်ငံရေးဆွေးနွေးပွဲကို ယာယီရွေ့ ဆိုင်းလိုက်တယ်လို့ ကြေညာချက် တစ်စောင် ထုတ်ပြန်ခဲ့ပါတယ်။

ဒီလို လူထုတွေ့ဆုံပွဲတွေကို ပိတ်ပင်တာက မဖြစ်သင့်ဘူးလို့ ရှမ်းပြည်ပြန်လည်ထူထောင်ရေးကောင်စီ RCSS မှ ပြောရေးဆိုခွင့်ရှိသူ ဒုတိယဗိုလ်မှူးကြီး စိုင်းဦးက ဆိုပါတယ်။

“ကျွန်တော်တို့ RCSS အနေနဲ့ လင်းခေးမှာလုပ်ဖို့ ရည်ရွယ်ထားပြီးသား။ တခြား NCA-s EAO အဖွဲ့ တွေဖြစ်တဲ့ ရခိုင်ကလည်း လုပ်ခွင့်မရသေးဘူး။ ကရင်မှာပဲ လုပ်ခွင့်ရပြီးတော့ တခြားတိုင်းနဲ့ ပြည်နယ်တွေမှာ လုပ်ဖို့အတွက်ကျတော့ လုပ်ခွင့်မကျဘူး။ အဲဒီလိုတွေ ဖြစ်နေတယ်။ အမှန်က လူထုဆွေးနွေးပွဲတွေကို ကျယ်ကျယ်ပြန့်ပြန့် လုပ်ဆောင်နိုင်လေ ငြိမ်းချမ်းရေးဖြစ်စဉ်အတွက် ပိုကောင်းလို့ ကျွန်တော်တို့က အဲဒီလို မြင်တယ်။ ပြည်သူလူထုနဲ့ တွေ့ဆုံပွဲအတွက်  ဆွေးနွေးပွဲတွေအတွက် ပိတ်ပင်ခံရတယ်ဆိုတာက အမှန်ဆိုရင် ဒီကိစ္စက မဖြစ်သင့်ဘူး” လို့ ဒုတိယဗိုလ်မှူးကြီး စိုင်းဦးက ပြောပါတယ်။

ဒီကိစ္စအပေါ်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်း ရှစ်ဖွဲ့ရဲ့ ငြိမ်းချမ်းရေးလုပ်ငန်းစဉ် ဦးဆောင် အဖွဲ့ (PPST) အရေးပေါ် အစည်းအဝေးကို ၂၀၁၈ ခုနှစ် ဇန်န၀ါရီ ၁၁ ရက်မှ ၁၂ ရက်အထိ ထိုင်းနိုင်ငံ၊ ချင်းမိုင်မြို့တွင် ပြုလုပ်ခဲ့ပါတယ်။ အစည်းအဝေးပြီးဆုံးချိန်မှာတော့ အချက်လေးချက်ပါတဲ့ တောင်းဆိုချက်တစ်ရပ် ထုတ်ပြန်ခဲ့ပါတယ်။တောင်းဆိုချက်ရဲ့ ပထမအချက်မှာ နိုင်ငံရေးဆွေးနွေးပွဲဆိုင်ရာ လုပ်ငန်းစဉ် အဆင့်ဆင့်ကို အကောင်အထည် ဖော်ဆောင်ရွက်ပြီးမှသာ ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံ (တတိယအစည်းအဝေး) ကို ဆက်လက်ပြုလုပ်သွားမယ်လို့ ပါရှိတာကြောင့် ၂၀၁၈ ခုနှစ် ဇန်န၀ါ ရီလကုန်ပိုင်းမှာ ကျင်းပဖို့ လျာထားတဲ့  ၂၁ ရာစု ပင်လုံတတိယအကြိမ် အစည်းအဝေးကို အစိုးရက ရွှေ့ဆိုင်းခဲ့ရပါတယ်။

အစိုးရက ကျင်းပခွင့်ပြုထားပေမယ့် အမျိုးသားအဆင့် နိုင်ငံရေး အကြိုဆွေးနွေးပွဲတွေကို တပ်မတော်က ကျင်းပခွင့် ပိတ်ပင်ခြင်းဟာ အရှိန်မြင့်လာတဲ့ အစိုးရငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေး မူဝါဒအကြား ပွတ်တုိုက်မှု ရလဒ်ဖြစ်နိုင်တယ်လို့ တိုင်းရင်းသား လက်နက်ကိုင်အဖွဲ့အစည်းတွေက သုံးသပ်ခဲ့ပါတယ်။

အဓိက,ကတော့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေးမူ ကွာဟချက်က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရေးနဲ့ မပြင်ဆင်ရေးပဲ ဖြစ်ပါတယ်။ ဒေါ်အောင်ဆန်းစုကြည်က ငြိမ်းချမ်းရေး ဆွေးနွေးရင်းနဲ့ နိုင်ငံရေးအရ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖို့ ဦးတည်ထားပြီး တပ်မတော်ဘက်ကတော့ ငြိမ်းချမ်းရေးကုို ၂၀၀၈ ဖွဲ့စည်းပုံအခြေခံဥပဒေဘောင်အတွင်းကသာ တည်ဆောက်ဖို့ ရည်ရွယ်ထားထားပါတယ်။ တပ်မတော်ဘက်က မူ ခြောက်ချက်ကို ဆုပ်ကိုင်ထားပြီး နိုင်ငံတော်၏ အတိုင်ပင်ခံပုဂ္ဂိုလ်က ငြိမ်းချမ်းရေး လမ်းပြမြေပုံ ခုနစ်ချက်ကို ထုတ်ပြန်ထားပါတယ်။

တပ်မတော်ရဲ့ ငြိမ်းချမ်းရေး မူ ၆ ချက်မှာ ၁။ ထာဝရငြိမ်းချမ်းရေး ရယူရန်အတွက် အမှန်တကယ် ဆန္ဒရှိရန်၂။ သဘောတူစာချုပ်များအတိုင်း ကတိတည်ရန် ၃။ ငြိမ်းချမ်းရေး သဘောတူညီချက်များအပေါ် အမြတ်မထုတ်ရန် ၄။ ဒေသခံပြည်သူများအပေါ် ၀န်ထုတ်ဝန်ပိုးမဖြစ်စေရန် ၅။ နိုင်ငံတော်မှ ထုတ်ပြန်ထားသည့် တည်ဆဲဥပဒေများကို လိုက်နာရန် ၆။ ဒို့တာဝန် အရေးသုံးပါးနှင့် ဒီမိုကရေစီ အနှစ်သာရကို လက်ခံပြီး ၂၀၀၈ ဖွဲ့စည်းပုံ အခြေခံ ဥပဒေဖြင့် ဒီမိုကရေစီလျှောက်လှမ်းနေမှုတွင် လိုက်ပါလုပ်ဆောင်ဖို့ ဖြစ်ပါတယ်။

ဒါကြောင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေး လမ်းပြမြေပုံ ခုနစ်ချက်နဲ့ တပ်မတော်ရဲ့မူ ခြောက်ချက်က ဦးတည်ချက်ခြားနားနေပြီး အနှစ်သာရလည်း ကွာခြားနေတာကို တွေ့ရပါတယ်။

“အစိုးရနဲ့ တပ်မတော်က တစ်ထပ်တည်း မဖြစ်တော့ ကျွန်တော်တို့ EAO လည်း အလုပ်လုပ်ရတာ အခက်အခဲ ဖြစ်တယ်”လို့ ပအိုဝ်းအမျိုး သားလွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က ပြောကြားပါတယ်။

သမ္မတဦးသိန်းစိန် အစိုးရ အာဏာမလွှဲပြောင်းမီ ကတိုက်ကရိုက်ချုပ်ဆိုခဲ့တဲ့ NCA စာချုပ်မှာ မရှင်းလင်းမှုတွေ၊ လုပ်ငန်းစဉ် မပီပြင်မှုတွေ၊ အဓိပ္ပာယ်ဖွင့်ဆိုချက် နှစ်ခွဖြစ်နေမှုတွေရှိနေတဲ့အတွက်  အဓိပ္ပာယ် တိတိကျကျ သတ်မှတ်မှသာ အကောင်အထည်ဖော်ရာမှာ အထောက်အကူဖြစ်လိမ့်မယ်လို့ တိုင်းရင်းသားလက်နက်ကိုင်အဖွဲ့တွေက ဆိုပါတယ်။

တိကျရှင်းလင်းမှု မရှိတဲ့အတွက် အဓိပ္ပာယ် နှစ်ခွဖြစ်နေတဲ့အပေါ် အစိုးရ၊ တပ်မတော်နဲ့ တိုင်းရင်း သားလက်နက်ကိုင် အဖွဲ့အစည်းတွေအကြား အဓိပ္ပာယ်ကောက်ယူရာမှာ လွဲမှားမှုတွေ ရှိနေတာကြောင့် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲတွေကို တားမြစ်ပိတ်ပင်မှုတွေ ဖြစ်ခဲ့တာပါ။

“တတိယအကြိမ် ပင်လုံညီလာခံကို ကျင်းပမယ်ဆိုရင် အမျိုးသားအဆင့် နိုင်ငံရေးဆွေးနွေးပွဲ မကျင်းပရသေးတဲ့ ရှမ်းနဲ့ရခိုင်မှာ အမျိုးသားအဆင့် နိုင်ငံရေးဆွေးနွေးပွဲတွေ ကျင်းပနိုင်မယ်ဆို ပိုထိရောက်မယ်။  တတိယပင်လုံဟာ ပိုပြီး အဓိပ္ပာယ် ပြည့်ဝလာလိမ့်မယ်။ ကျင်းပခွင့် မရှိဘူးဆိုရင်တော့ တတိယပင်လုံမှာ ဘာကို ဆွေးနွေးကြမလဲ။ ဘယ်အချက်ကို အခြေခံပြီးတော့ ဆွေးနွေးမလဲ။ အဲဒီလိုမျိုး စဉ်းစားစရာကြီး ဖြစ်နေတယ်”လို့ ပအိုင်းအမျိုးသား လွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က မေးခွန်းထုတ်လိုက်ပါတယ်။

ဒီလို ၂၀၁၇ ငြိမ်းချမ်းရေးနှစ်မှာ အကျပ်အတည်းတွေ ရှိခဲ့ပေမယ့် နိုင်ငံတော်၏အတိုင်ခံပုဂ္ဂိုလ် ဒေါ်အောင်ဆန်းစုကြည်ကတော့ ငြိမ်းချမ်းရေးစကားဝိုင်းတွေကို ဆက်လက်ကျင်းပခဲ့ပါတယ်။ ၂၀၁၈ ဧပြီ ၁၀ ရက်က ဧရာဝတီတိုင်း မြောင်းမြမြို့မှာ နိုင်ငံတော်အတိုင်ပင်ခံပုဂ္ဂိုလ်နဲ့ မြောင်းမြမြို့ဒေသခံပြည်သူတွေရဲ့ စကားဝိုင်းကို ကျင်းပခဲ့ပါတယ်။ အမှန်က ၂၀၁၈ ဖေဖော်ဝါရီတုန်းက မော်လမြိုင်မြို့မှာ ကျင်းပဖို့ ပြင်ဆင်ခဲ့ပေမယ့် မဖြစ်ခဲ့ဘဲ ဧပြီလရောက်မှသာ မြောင်းမြမြို့မှာ စကားဝိုင်းကို ကျင်းပနိုင်ခဲ့တာ ဖြစ်ပါတယ်။

ဆွေးနွေးမှုအပြီး အင်တာနက်အွန်လိုင်းကနေ မေးမြန်းတဲ့ မေးခွန်းကို ဒေါ်အောင်ဆန်းစုကြည်က ပြန်လည်ဖြေကြားရာ NCA မှာ တိုင်းရင်းသားလက်နက်ကိုင်အားလုံး ပါဝင်လက်မှတ်ရေးထိုးခြင်း မရှိသေး တာက တစ်ဦးနဲ့တစ်ဦး ယုံကြည်မှု မရှိတာကြောင့် ဖြစ်တယ်လို့ ဆိုပါတယ်။

၂၀၁၈ ခုနှစ် ဖေဖော်ဝါရီ ၁၃ ရက်က ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ  (UNFC) အဖွဲ့ဝင်ဖြစ်တဲ့ မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့က တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ လက်မှတ်ရေးခဲ့ကြပါတယ်။

NCA စာချုပ်မှာ လက်မှတ်ရေးထိုးထားတဲ့ ကရင်အမျိုးသား အစည်းအရုံး (KNU) ၊ ရှမ်းပြည် ပြန်လည်ထူထောင်ရေးကောင်စီ (RCSS) ၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ၊ ချင်းအမျိုးသားတပ်ဦး (CNF) ၊ ရခိုင်ပြည်လွတ်မြောက်ရေးပါတီ (ALP) ၊ ဒီမိုကရေစီအကျိုးပြု ကရင်တပ်မတော် (DKBA) KNLA ငြိမ်း ချမ်းရေးကောင်စီအပြင် မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့လည်း ပါဝင်လာတာ ဖြစ်ပါတယ်။

NCA စာချုပ်မှာ တိုင်းရင်းသားလက်နက်ကိုင်အဖွဲ့နှစ်ဖွဲ့ ထပ်တိုးလာတာကြောင့် NLD အစိုးရ လက်ထက်မှာ ငြိမ်းချမ်းရေးလုပ်ငန်းစဉ်က ပြီးမြောက်အောင်မြင်နိုင်မလားဆိုတဲ့ မျှော်လင့်ချက်တွေက ပြည်သူတွေကြားမှာ မြင့်တက်လို့လာပါတယ်။ ဒီလိုမျှော်လင့်ချက်တွေ မြင့်တက်နေတုန်းမှာပဲ NCA လက်မှတ်ရေးထိုးထားတဲ့ ကရင်ပြည်နယ်မြောက်ပိုင်း ဖာပွန်ခရိုင်ထဲက ကရင်အမျိုးသားအစည်းအရုံး (KNU) ရဲ့ တပ်မဟာ (၅) ထိန်းချုပ်နယ်မြေမှာ မတ် ၅ ရက်က တပ်မတော်နဲ့ KNU အကြား တိုက်ပွဲပြန်လည်ဖြစ်ပွားခဲ့ပါတယ်။ တိုက်ပွဲဖြစ်ရတဲ့ အကြောင်းကတော့ တပ်မတော်အနေ နဲ့ KNU တပ်မဟာ ၅ နယ်မြေအတွင်း လမ်းဖောက်လုပ်ခဲ့တာကြောင့် နှစ်ဖက်တင်းမာမှုဖြစ်ပွားပြီး တိုက်ပွဲတွေ တစ်ကျော့ပြန်ဖြစ်လာတာပါ။ ဒါပေမဲ့ မေ ၁၇ ရက်က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ KNU ဥက္ကဋ္ဌ စောမူတူးစေးဖိုးတို့ တွေ့ဆုံခဲ့ပြီး ခေးပူ-လွယ်မူပလောလမ်းကြောင်း ပြုပြင်ဆောင်ရွက်နေမှုကို တပ်မတော်ကနေ ယာယီရပ်ဆိုင်းပေးထားမယ်ဆိုတဲ့ ဆွေးနွေးသဘောတူညီမှု ရရှိခဲ့ပြီးနောက်မှာတော့ နှစ်ဖက်ထိတွေ့မှုတွေ ရပ်တန့်ခဲ့ပါတယ်။

NCA စာချုပ်ကို လက်မှတ်ရေးထိုးလိုက်တဲ့အတွက် မွန်ပြည်သစ်ပါတီ (NMSP) အနေနဲ့ NCA စာချုပ်အရ  အမျိုးသားအဆင့် နိုင်ငံရေးဆွေးနွေးပွဲတွေ မကျင်းပမီ မွန်ပြည်သစ်ပါတီအခြေစိုက်ရာ ခရိုင်ငါးခုမှာ မတ်လအတွင်း အကြိုလူထု တွေ့ဆုံပွဲများကျင်းပဖို့ စီစဉ်ခဲ့ပေမယ့် တပ်မတော်က လူဦးရေကန့် သတ်လာမှုကြောင့် ရပ်ဆိုင်းခဲ့ရပါတယ်။

မွန်ပြည်နယ်မှာ ဖြစ်သွားတဲ့ အမျိုးသားအဆင့် နိုင်ငံရေးဆွေးနွေးပွဲအကြိုလူထုတွေ့ဆုံမှု ကန့်သတ်မှုတွေရှိနေတာက ရှမ်းပြည်နယ်မှာ ဖြစ်ပွားခဲ့တဲ့ တားမြစ်ခံရမှု တူညီနေပါတယ်။ ဒီလို လူထုတွေ့ဆုံပွဲ တွေကို ကန့်သတ်တားမြစ်မှုတွေဟာ NCA လက်မှတ်ထိုးဖို့ ကျန်ရှိနေသေးတဲ့ တိုင်းရင်းသားလက်နက် ကိုင်အဖွဲ့တွေရဲ့ ယုံကြည်မှုကို ထိခိုက်စေပါတယ်။

NCA စာချုပ်ပါ အခန်း (၅) နိုင်ငံရေးဆွေးနွေးပွဲဆိုင်ရာ အာမခံချက်များအခန်း ပုဒ်မ ၂၀ ကို ဖောက်ဖျက်ရလည်း ကျပါတယ်။ ဘာလို့လဲဆိုတော့ ပုဒ်မ ၂၀ ပါ  “နိုင်ငံ ရေးလမ်းပြမြေပုံ ချမှတ်ခြင်း” မှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် လက်မှတ်ရေးထိုးခြင်းအပါအ၀င် ဆက်လက်လုပ်ဆောင်ရမယ့် အချက် ခြောက်ခု ရှိပါတယ်။ အဲဒီထဲက တတိယအချက်မှာ “ထိုမူဘောင်ကို အခြေခံ၍ အမျိုးသားအဆင့် နိုင်ငံ ရေးဆွေးနွေးပွဲများ ကျင်းပခြင်း၊ လုံခြုံရေးဆိုင်ရာ ပြန်လည်ပေါင်းစည်းခြင်းကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးခြင်းနှင့် နှစ်ဖက်သဘောတူညီသော ကြိုတင်ဆောင်ရွက်ဖွယ်ရာများကို လုပ်ဆောင်ခြင်း” ဖော်ပြထားပါတယ်။ ဒါကြောင့် အမျိုးသားအဆင့်နိုင်ငံရေးဆွေးနွေးပွဲ အကြို လူထုတွေ့ဆုံပွဲတွေကို ကန့်သတ်တားမြစ်တာဟာ NCA စာ ချုပ်ပါ ပုဒ်မ ၂၀ ကို ချိုးဖောက်သလို ဖြစ်နေတယ်လို့ ဆိုရမှာပါ။

လက်ရှိအချိန်မှာ NCA လက် မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (တတိယအစည်းအဝေး) ကို လာမယ့်ဇူလိုင်လထဲမှာ လုပ်ဖို့ အစိုးရဆီ အဆိုပြုထားပေမယ့် ညီလာခံကျင်းပမယ့်ရက်ကိုတော့ သတ်မှတ်နိုင်ခြင်း မရှိသေးပါဘူး။  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (ဒုတိယ အစည်းအဝေး) ကို ၂၀၁၇ မေလက ကျင်းပခဲ့ပြီး လက်ရှိအချိန်အထိ ၂၁ ရာစုပင်လုံ (တတိယအစည်းအဝေး) ကို မကျင်းပနိုင်ခဲ့တာ တစ်နှစ်ကျော် ကြာခဲ့ပါပြီ။ ဒီတစ်နှစ်အတွင်း ၂၁ ရာစုပင်လုံ (တတိယအစည်းအဝေး) ကို ရွှေ့ဆိုင်းခဲ့ရတာ သုံးကြိမ်အထိ ရှိခဲ့ပြီး လက်ရှိအချိန်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက လာမယ့်ဇူလိုင်လအတွင်းမှာ ကျင်းပဖို့ အစိုးရထံ အဆိုပြုခဲ့တာပါ။

လက်ရှိအချိန်မှာလည်း လုံခြုံရေးကဏ္ဍနဲ့ပတ်သက်လို့ အစိုးရ၊ တပ်မတော်နဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်  (NCA) လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့တွေက အလွတ်သဘောတွေ့ဆုံ ဆွေးနွေးမှုတွေကို လုပ်နေပါတယ်။

ဒီလို ငြိမ်းချမ်းရေးလမ်းကြောင်းမှာ အကျပ်အတည်းတွေ ရှိနေပေမယ့်လည်း ၂၀၁၈ ဇွန် ၁၄ ရက်က မော်လမြိုင်မြို့မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဒေသခံပြည်သူတွေရဲ့ ငြိမ်းချမ်းရေးစကားဝိုင်းကို ကျင်းပခဲ့ပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေနဲ့ ငြိမ်းချမ်းရေးစကားဝိုင်းတွေကို ၂၀၁၇ ဇန်န၀ါရီ  ၁ ရက်က နေ ၂၀၁၈ ဇွန် ၁၄ ရက်အထိ ကျင်းပလာခဲ့တာ ခုနှစ်ကြိမ်တိတိ ရှိပြီဖြစ်ပါတယ်။

ဒီလိုငြိမ်းချမ်းရေးစကားဝိုင်းတွေကို ခုနစ်ကြိမ်အထိ ကျင်းပခဲ့ပေ မယ့်လည်း လက်ရှိသွားနေတဲ့ ငြိမ်းချမ်းရေးလမ်းကြောင်းကို အထောက်အကူမပြုဘူးလို့ သုံးသပ်မှုတွေကလည်း ရှိလာပါတယ်။ ဘာကြောင့် လဲဆိုတော့ ငြိမ်းချမ်းရေးလုပ်ငန်းစဉ်တွေမှာ ဘယ်လိုအကျပ်အတည်းတွေ ဖြစ်ပေါ်နေတယ်ဆိုတာကို ငြိမ်း ချမ်းရေးစကားဝိုင်းတွေဆီကနေ ပြည်သူတွေကို ချပြမှုမရှိတဲ့အတွက်ကြောင့်လို့ ထောက်ပြပြောဆိုမှုတွေ ရှိလာပါတယ်။

“ငြိမ်းချမ်းရေး စကားဝိုင်းတွေ လုပ်ခဲ့ပေမယ့် လက်ရှိငြိမ်းချမ်းရေး ဖြစ်စဉ်မှာ အထောက်အကူရတယ်လုိ့ ကျွန်တော်ကတော့ မမြင်ပါဘူး။ ဘာဖြစ်လို့လဲဆိုတော့ ငြိမ်းချမ်းရေးမှာ ဘယ်အဆင့်အထိရောက်နေလဲ ဆိုတာကို သာမန်ပြည်သူလူထုကမသိဘူး။ ဒီဟာကို လုပ်ဆောင်ဖို့အတွက်ကလည်း အစိုးရကလည်း တာဝန်ပျက်ကွက်တယ်။ ဒီလိုစကားဝိုင်း ပုံစံမဟုတ်ဘဲနဲ့ ငြိမ်းချမ်းရေးက ဘယ်လိုဖြစ်နေတယ်ဆိုတာ၊ ဘယ်လိုအခက်အခဲ အကျပ်အတည်းဖြစ်နေတယ်ဆိုတာကို ပြည်သူလူထုကို သိအောင်လို့ ချပြရမှာက အစိုးရရဲ့တာဝန်ဖြစ်တယ်။ ပြောရမယ်ဆိုရင် ချိုမှန်းချဉ်မှန်းတောင် မစားဖူးတဲ့ သူကို ချိုသလား ချဉ်သလားလို့ သွားမေးနေသလိုဖြစ်နေတော့ ကျွန်တော်က သိပ်သက်ရောက်မှုမရှိဘူးလို့ မြင်တယ်” လို့ ပြည်ထောင်စုငြိမ်းချမ်း ရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က မှတ်ချက်ပြုပါတယ်။

ကရင်အမျိုးသားအစည်းအရုံး (KNU) ဗဟိုကော်မတီဝင် ပဒိုမန်းငြိမ်းမောင်က “လူငယ်တွေကို ငြိမ်းချမ်းရေးကို ချပြတာတော့ ကျွန်တော်တို့က ဘယ်လိုမှ သဘောကွဲလွဲစရာမရှိပါဘူး။ ဒါပေမဲ့ ငြိမ်းချမ်းရေးမရ, ရခြင်းရဲ့ အကြောင်းက အဓိကအဟန့်အတားဖြစ်နေတာမှာဘာတွေ တစ်ဆို့နေလဲ။ ဘာတွေ အခက်အခဲရှိတယ်ဆိုတာ လူထုတွေ၊ လူငယ်တွေကိုချပြဖို့ လိုတယ်လို့ ထင်တယ်” လို့ ပြောပါတယ်။

ဒါ့အပြင် ငြိမ်းချမ်းရေးစကားဝိုင်းတွေက ထိရောက်မှု ရှိ၊ မရှိ ပြန် လည်သုံးသပ်ဖို့ လိုတယ်လို့ ကချင်ဒီမိုကရေစီပါတီရဲ့ ဥက္ကဋ္ဌ ဒေါက်တာမနန်တူးဂျာက ဆိုပါတယ်။

“ဒီစကားဝိုင်းတွေကို ပြန်လည် သုံးသပ်ဖို့ လိုတယ်။ ငြိမ်းချမ်းရေး ဖြစ်စဉ်အပေါ်မှာ ဘယ်လောက် အကျိုးရှိလာသလဲ။ အကျိုးရှိသလား၊ မရှိဘူးလားဆိုတာကို သက်ဆိုင်ရာခေါင်းဆောင်တွေနဲ့ အတိုင်ပင်ခံပုဂ္ဂိုလ်ကအစ ပြန်လည်သုံးသပ်ဖို့ လိုတယ်။ သုံးသပ်ပြီးတော့မှ ထိရောက်မှု သိပ်မရှိရင် ထိရောက်မှု ရှိအောင် လုပ်ရမယ်။ ဒီအတိုင်းပဲ ဒါကို ပြန်လည်သုံးသပ်တာ၊ ဆန်းစစ်တာ မရှိဘူးဆိုရင်တော့ ဒါက သိပ်ပြီး မထိရောက်နိုင်ဘူး” လို့ ဒေါက်တာ မနန်တူးဂျာက ဆိုပါတယ်။

ငြိမ်းချမ်းရေးစကားဝိုင်းတွေနဲ့ ပတ်သက်လို့ နိုင်ငံရေးလေ့လာသူ ဦးမောင်မောင်စိုးကတော့ နိုင်ငံ တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ ငြိမ်းချမ်းရေးနဲ့ပတ်သက်ပြီး လူထုကြားထဲကို မက်ဆေ့ပေးချင်ရုံ သက်သက်လို့သာ ထင်မိတယ်လို့ မှတ်ချက်ပြုပါတယ်။

နိုင်ငံတော်၏ အတိုင်ပင်ခံ ဒေါ်အောင်ဆန်းစုကြည်အနေနဲ့ လူငယ်တွေနဲ့ ငြိမ်းချမ်းရေးစကားဝိုင်းကို နှစ်လတစ်ကြိမ် ဒါမှမဟုတ် သုံးလတစ်ကြိမ်လုပ်ဖို့ရှိတဲ့အတွက် ငြိမ်းချမ်းရေးလမ်းကြောင်းကို တစ်စုံတစ်ရာ အထောက်အပံ့ဖြစ်ဖို့ဆိုရင် လူငယ်တွေသာမက ငြိမ်းချမ်းရေး၊ နိုင်ငံရေးကို ထဲထဲဝင်ဝင် လုပ်ဆောင်သူတွေနဲ့ပါ စကားဝိုင်းတွေ လုပ်သင့်တယ်လို့ အကြံပြုမှုတွေလည်း ရှိလာပါတယ်။ ဒီလိုမှ မဟုတ်ဘဲ ငြိမ်းချမ်းရေးစကားဝိုင်းတွေကို ဒီအတိုင်းသာ ဆက်လက်လုပ်ဆောင်နေမယ်ဆိုရင်တော့ ပြည်သူကို ငြိမ်းချမ်းရေးအသိလောက်သာ ပေးရုံရှိပြီး တကယ့်ငြိမ်းချမ်းရေးလမ်းကြောင်းကို အထောက်အကူ မပြုနိုင် တဲ့အတွက် မြန်မာ့ငြိမ်းချမ်းရေး ရာသီဥတု ပကတိအခြေအနေအမှန်ကို ပြည်သူတွေ တကယ်သိနိုင်မှာ မဟုတ်ပါဘူး။

ဒီကိစ္စနဲ့ပတ်သက်လို့ ပြည်ထောင်စုငြိမ်းချမ်းရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က “တကယ် ငြိမ်းချမ်းရေးဆိုတဲ့ အဓိပ္ပာယ်ကို ပြီးပြည့်စုံစေတယ်ဆိုရင် တိုင်းရင်းသားလက်နက်ကိုင်တွေရဲ့အကြောင်းကို ဂဃနဏ နားလည်တဲ့လူ၊  နောက်ပြီး တိုင်းရင်းသားနိုင်ငံရေးပါတီအကြောင်းကို ဂဃနဏနားလည်တဲ့သူ၊ ပြီးတော့ လက်ရှိ နိုင်ငံရေးအခင်းအကျင်း တွေကိုလည်း သိတဲ့လူ၊ ပြီးရင် ဒေသနိုင်ငံရေးအခင်းအကျင်းကိုလည်း သိတဲ့လူတွေပါမယ်။ ကမ္ဘာ့အခင်းအကျင်းကို သိတဲ့လူတွေလည်း ပါမယ်။ အဲဒီလိုမျိုးလူတွေကို ထောင့်စုံအောင် ဖိတ်ကြားပြီးတော့ ပြောတယ်ဆို ဒီထက်ပိုပြီးတော့ အဓိပ္ပာယ်ရှိမယ်လို့မြင်တယ်” လို့ သုံးသပ်ပါတယ်။

မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှု ဖြစ်ပွားနေ

ဓာတ်ပုံ – ဘိုဘိုမြင့်

ဇွန်လ ၁၇ ရက်နံနက် ၂ နာရီအချိန်ခန့်မှ စတင်ပြီး မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှုများ ဖြစ်ပွားလျက်ရှိကြောင်း သိရသည်။

မော်လမြိုင် မြို့ပေါ်ရပ်ကွက်များ ဖြစ်ကြသည့် ဖက်တန်းရပ်ကွက်၊ ရွှေတောင်ရပ်ကွက်၊ စစ်ကဲကုန်းရပ်ကွက်များ၊ သီရိမြိုင်ရပ်ကွက်၊ သီရိမင်္ဂလာရပ်ကွက်၊ မြိုင်သာယာရပ်ကွက်၊ တောင်ဝိုင်းရပ်ကွက်၊ ဇေယျာမြိုင်ရပ်ကွက် စသည်ဖြင့် ရပ်ကွက်များရှိ အနိမ့်ပိုင်းနေရာများတွင် ရေကြီးရေလျှံမှုများ ဖြစ်ပေါ်နေပြီး နေအိမ်များအတွင်းသို့ ရေဝင်ရောက်မှုများ ရှိနေကြောင်း သိရသည်။

ဓာတ်ပုံ – ဘိုဘိုမြင့်

“မိုးက မနက် ၂ နာရီလောက်ကစပြီး သည်းလာတယ်။ ၃ နာရီလောက်ကျတော့ တောင်ကျရေတွေ ဆင်းလာတယ်။ ကားတွေပါ ရေပေါ်ပေါလောပေါ်နေတဲ့ အခြေအနေမျိုး ဖြစ်သွားတယ်။ အဓိကက ချောင်းထဲ မြောင်းထဲ အမှိုက်တွေ ပစ်ချတော့ မြောင်းတွေပိတ်ပြီး ရေလျှံတာပါ။ နောက်ပြီး ချောင်းတွေ မြောင်းတွေ အပေါ် ကျူးကျော်ပြီး အိမ်တွေဆောက်၊ မြေနေရာချဲ့တာတွေ လုပ်ထားကြတော့ ချောင်းတွေ မြောင်းတွေ ကျဉ်းပြီး မိုးတအားရွာတော့ အခုလို ရေလျှံမှုတွေ ဖြစ်ရတာပါ” ဟု မော်လမြိုင်မြို့ ရွှေတောင်ရပ်ကွက်တွင် နေထိုင်သူ တစ်ဦးက ပြောကြားသည်။

မိုးသည်းထန်စွာ ရွာသွန်းမှုကြောင့် ရေကြီးရေလျှံမှုအပြင် သစ်ပင်များလဲကျခြင်းနှင့် မြေပြိုမှုတချို့ ဖြစ်ပွားခဲ့ကြောင်း သိရသည်။
ထို့အပြင် လက်ရှိအခြေအနေအရ မွန်ပြည်နယ် မုဒုံမြို့နယ် ကမာဝက်မြို့တွင်လည်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများ ဖြစ်ပေါ်နေကြာင်း သိရသည်။