NLD လွှတ်တော်ကိုယ်စားလှယ်အချို့ တာဝန်ထမ်းဆောင်ရာတွင် တာဝန်မကျေကြောင်းနှင့် ၎င်းထက် ပိုဆိုးသည်မှာ အချို့လွှတ်တော်ကိုယ်စားလှယ်များက ကိုယ်ကျိုးအတွက်ရည်ရွယ်ပြီး လုပ်သောကိစ္စများရှိကြောင်း ပါတီဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ပြောကြား

 

NLD လွှတ်တော်ကိုယ်စားလှယ်အချို့ ကိုယ်စားလှယ်လုပ်ငန်းတာဝန်ကို ထမ်းဆောင်ရာတွင် တာဝန်မကျေကြောင်းနှင့် ၎င်းထက် ပိုဆိုးသည်မှာ အချို့လွှတ်တော် ကိုယ်စားလှယ်များက ကိုယ့်အကျိုးအတွက် ရည်ရွယ်ပြီး လုပ်သောကိစ္စများရှိကြောင်း အမျိုးသားဒီမိုကရေစီအဖွဲ့ချုပ်ပါတီ (NLD) ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဝင်းထိန်က ပြောကြားသည်။

ရန်ကုန်တိုင်းဒေသကြီး၊ ဗဟန်းမြို့နယ်ရှိ အမျိုးသားဒီမိုကရေစီအဖွဲ့ချုပ်ရုံး၌ စက်တင်ဘာ ၂၃ ရက်ကပြုလုပ်သည့် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့၊ ရန်ကုန်တိုင်းအလုပ်အမှုဆောင်အဖွဲ့၊ ရန်ကုန်တိုင်းအတွင်းရှိ လွှတ်တော်ကိုယ်စားလှယ်များနှင့် ရန်ကုန်တိုင်းအစိုးရအဖွဲ့တို့  ဒုတိယအကြိမ် တွေ့ဆုံညှိနှိုင်း အစည်းအဝေးတွင် ဦးဝင်းထိန်က အမှာစကားပြောရာတွင် အထက်ပါကဲ့သို့ ထည့်သွင်းပြောကြားခဲ့ခြင်း ဖြစ်သည်။

တိုင်းနှင့်ပြည်နယ် အားလုံးနီးပါးသို့ သွားရောက်ခဲ့ပြီး အစိုးရအဖွဲ့၊ လွှတ်တော်ကိုယ်စားလှယ်များ တွေ့ဆုံခဲ့ကြောင်း၊ တစ်နှစ်ခွဲ ကာလအတွင်း အဖွဲ့ချုပ်လွှတ်တော်ကိုယ်စားလှယ်အချို့က ကိုယ့်ဘ၀ကိုယ် မေ့ကုန်ကြကြောင်း၊ ကိုယ်ဘာကြောင့် လွှတ်တော်ကိုယ်စားလှယ် ဖြစ်လာတယ်ဆိုတာကိုလည်း မဆန်းစစ်တော့ကြောင်း NLD ပါတီ ဗဟို အလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဝင်းထိန်က ပြောကြားသည်။

“နောက်တစ်ချက်က တချို့လွှတ်တော်ကိုယ်စားလှယ်တွေက လွှတ်တော်ကိုယ်စားလှယ် လုပ်ငန်းတာဝန်ကို ထမ်းဆောင်တဲ့အခါမှာ တာဝန်မကျေကြဘူး။ ဒါလည်း ကျွန်တော်က ဒီလွှတ်တော် ကိုယ်စားလှယ်အားလုံးနဲ့ အရည်အချင်းနဲ့ပတ်သက်၍ သုံးသပ်တဲ့အဖွဲ့ မှာ ပါတဲ့အတွက်ကြောင့်မို့လို့ ဒီလိုပြောနိုင်တာ။ အဲဒီထက်ပိုဆိုးတာက တချို့လွှတ်တော် ကိုယ်စားလှယ်တွေက ဒါအကုန်လုံးလို့ဆိုလိုတာ မဟုတ်ဘူးနော် ကိုယ့်အကျိုးအတွက် ရည်ရွယ်ပြီးတော့မှ လုပ်တဲ့ကိစ္စလေးတွေပေါ် လာတယ်။ ပေါ်လာလို့ပဲ ဒီလိုအသံတွေ အမျိုးမျိုး ထွက်တဲ့အချိန်မှာ ကျွန်တော်တို့ခေါင်းဆောင် ဒေါ်အောင်ဆန်းစုကြည်ရဲ့ လမ်းညွှန်ချက်အရ လွှတ်တော်ကိုယ်စားလှယ်များနဲ့ ပတ်သက်ပြီးတော့မှ တိုင်ကြားရေးအဖွဲ့ဖွဲ့ လိုက်ပြီးတော့မှ ဒေါက်တာမျိုးညွန့်ကို တာဝန်ပေးတယ်။ တာဝန်ပေးတော့ တိုင်စာတွေတက်လာတဲ့ အခါမှာ တိုင်စာတွေတော်တော်များများကတော့ အခြေအမြစ်မရှိဘူး။ မကျေနပ်လို့၊ မနာလိုလို့၊ ကိုယ့်အတ္တနဲ့ယှဉ်ပြီးတော့ တိုင်တာတွေများတယ်။ တကယ်တမ်း မှန်တဲ့ အမှုကတော့ အနည်းစုပါ။ ကျွန်တော်ထင်တယ်။ ငါးရာခိုင်နှုန်းတောင်မရှိဘူး။ သို့သော်လည်းပဲ ငါးရာခိုင်နှုန်းဆိုရင်လည်း ကျွန်တော်တို့ အမျိုးသားဒီမိုကရေစီအဖွဲ့ချုပ်အတွက်ကတော့ များတယ်လို့ပြောရမယ်”ဟု ဦးဝင်းထိန်က ပြောကြားသည်။

အမျိုးသားဒီမိုကရေစီအဖွဲ့ချုပ်၏ ရည်မှန်းချက်များကို မျက်ကွယ်ပြုပြီး အချို့ပုဂ္ဂိုလ်များက ထင်ရာစိုင်းနေကြသည်မှာ ရန်ကုန်တိုင်းသာမက အခြားတိုင်းနှင့်ပြည်နယ်များတွင် အများကြီးရှိကြောင်းလည်း ဦးဝင်းထိန်က ဆက်လက်ပြောကြားသည်။

ထို့ပြင် ဦးဝင်းထိန်က “သို့သော်လည်းပဲ ကျွန်တော်တို့ အမျိုးသားဒီမိုကရေစီအဖွဲ့ချုပ်က အဖွဲ့ဝင်တွေပဲဆိုတဲ့ စိတ်နဲ့ စိတ်ရှည်ရှည်ထားပြီးတော့ ပြုပြင်ပြောင်းလဲပြီးတော့ ကိုယ်တို့လိုတဲ့ နိုင်ငံရေးလမ်းကြောင်းကို ရောက်အောင်ကြိုးစားပြီးတော့ ဆောင်ရွက်နေတယ်။ အဲဒီတော့ ဘယ်သူကို ရည်ရွယ်ပြီးပြောတယ် ဆိုတာကတော့ ကိုယ့်ကိုဆန်းစစ်ကြပါ။ တချို့က ပြဿနာတစ်ခုရှိတယ်။ ဒီဘက်သွားရင်တော့မှန်မယ်။ ဒီဘက်သွားရင် မှားမယ်။ အဲဒီလို မဟုတ်ဘဲနဲ့ ကြားခံလုပ်ပြီးတော့မှ မှန်သ လိုလို မှားသလိုလိုနဲ့ အမြတ်ထုတ်တဲ့ လွှတ်တော် ကိုယ်စားလှယ်တစ်ယောက်၊ နှစ်ယောက်ရှိတယ်။ ဒါတွေနဲ့ပတ်သက်လို့လည်း လိုအပ်သလို စုံစမ်းပြီးတော့ သတိပေးဖို့ရှိတယ်။ ပေးလည်းပေးမှာပါ” ဟု ဆိုသည်။

ရန်ကုန်တိုင်းအစိုးရအဖွဲ့၊ လွှတ်တော် ကိုယ်စားလှယ်များ၊ တာဝန်ရှိသည့်ပုဂ္ဂိုလ်များ တွေ့ဆုံပြီး ပုံမှန်အစည်းအဝေးပြုလုပ်ကာ ညှိနှိုင်းဆောင်ရွက်ခြင်းသည် အမျိုးသားဒီမိုကရေစီအဖွဲ့ချုပ် တည်တံ့ရေး၊ စည်းလုံးညီညွတ်ရေး၊ မြန်မာနိုင်ငံ ဒီမိုကရေစီထွန်းကားရေးတို့အတွက် အားပေးအားမြှောက်ဖြစ်မည် ဖြစ်ကြောင်း ဦးဝင်းထိန်က ပြောကြားသည်။

ထို့ပြင် အမျိုးသားဒီမိုကရေစီအဖွဲ့ချုပ်၏ ရွေးကောက်ပွဲကြေညာစာတမ်းကို လွှတ်တော်ကိုယ်စားလှယ်များ ပြန်ဖတ်ရန်နှင့် မဲ ဆန္ဒရှင်ပြည်သူလူထုအတွက် ဘယ်လောက်အထိ ဆောင်ရွက်ပေးနိုင်မလဲဆိုသည်ကို ပြန်လည်ဆန်းစစ်ရန် ဦးဝင်းထိန်က တိုက်တွန်းပြောကြားသည်။

မြိုင်ကြီးငူ စစ်ဘေးဒုက္ခသည်စခန်းတွင် ဆန်နှင့် စားနပ်ရိက္ခာ နှစ်ရက်စာသာ ကျန်ရှိ၍ အလှူရှင် အရေးတကြီး လိုအပ်နေဟု သိရ

မြိုင်ကြီးငူ စစ်ဘေးဒုက္ခသည်စခန်းရှိ စစ်ဘေးဒုက္ခသည်များအား တွေ့ရစဉ် (ဓာတ်ပုံ-ကိုစောဝင်းစိုး)

ကရင်ပြည်နယ် လှိုင်းဘွဲမြို့နယ် မြိုင်ကြီးငူသာသနာ့နယ်မြေ စစ်ဘေးဒုက္ခသည်စခန်းတွင် ဆန်နှင့် စားနပ်ရိက္ခာ နှစ်ရက်စာသာ လုံလောက်တော့မည်ဖြစ်၍ အလှူရှင် အရေးတကြီး လိုအပ်နေကြောင်း ကူညီကယ်ဆယ်ရေးလုပ်သူများထံမှ သိရသည်။

ကရင်ပြည်နယ်၊ မဲသဝေါဒေသတွင် ယခင်နှစ်က ဖြစ်ပွားခဲ့သည့် တိုက်ပွဲများကြောင့် ဒေသခံကျေးရွာပေါင်း ၃၀ ကျော်မှ ဒေသခံတိုင်းရင်းသား ၅၀၀၀ ကျော် အိုးအိမ်စွန့်ခွာကာ မြိုင်ကြီးငူသာသနာ့နယ်မြေသို့ ရှောင်ပြေးခဲ့ရသော်လည်း ယခုထိ အိမ်မပြန်ရသေးကြောင်း သိရသည်။

ယခုနှစ်တွင် တစ်ကျော့ပြန် ဖြစ်ပွားလာသည့် ချုံခိုတိုက်ခိုက်မှုများကြောင့် မြိုင်ကြီးငူ မဲသဝေါသွား ကားလမ်းသွားလာမှု မဲ့ခဲ့ကာစစ် ဘေးဒုက္ခသည်ပြည်သူများ စားသောက်ရေး ဆန်နှင့်ရိက္ခာများလည်း နောက်နှစ်ရက်စာခန့်သာ ရှိတော့သည်ဟု ဆိုသည်။

လူမှုကူညီရေးနှင့် ပရဟိတလုပ်ငန်းများ ဆောင်ရွက်နေသူ ကိုစောဝင်းစိုးက “မြိုင်ကြီးငူ စစ်ဘေးဒုက္ခသည်စခန်းမှာ ဆန်နဲ့စားနပ်ရိက္ခာ နှစ်ရက်စာလောက်ပဲ ကျန်ရှိပါတော့တယ်။ သက်ကြီးရွယ်အိုနဲ့ ကလေးငယ်တွေအတွက် ရတက်မအေး ဖြစ်နေရပါတယ်၊၊ ရိက္ခာအတွက် အလှူရှင် အရေးကြီး လိုအပ်နေပါတယ်” ဟု ဆိုသည်။

ဇူလိုင်လဆန်းပိုင်းက ရင်းမှိုင်းတံတားတွင် ဆွဲမိုင်းခွဲခံပြီး ရဲဘော်သုံးယောက်မိုင်းထိကာ တစ်ယောက်သေသွားခဲ့သည့်နောက်ပိုင်း မြိုင်ကြီးငူ-မဲသဝေါ သွားကားလမ်း၌ အသွားအလာ ရပ်ထားခဲ့ကြောင်းလည်း သိရသည်။

“မကြာခဏ ချုံခိုတိုက်ခိုက်တာတွေ ရှိနေတော့ ကျုံထော်ရေတံခွန်လည်း အသွားအလာ ပိတ်ထားတယ်။ အခုဆိုရင် စစ်ဘေးဒုက္ခသည် ပြည်သူတွေလည်း စားသောက်ရေး ပိုမိုခက်ခဲလာပြီး စိတ်ပူနေမိတယ်” ဟု ၎င်းက ဆက်လက်ပြောကြားသည်။

ယခင်နှစ်က ဖြစ်ပွားခဲ့သည့် တိုက်ပွဲများကြောင့် မြိုင်ကြီးငူဒေသတွင် ခိုလှုံနေရသူ ၅၁၂၆ ဦး ရှိနေသေးပြီး စားနပ်ရိက္ခာအတွက် ပြည်သူလူထု လှူဒါန်းမှုများကိုသာ မျှော်လင့်နေရကြောင်း သိရသည်။

မြေမြှုပ်မိုင်းရှင်းလင်းရေးကို မဆောင်ရွက်နိုင်သေးသည့်အတွက် မိမိကျေးရွာများသို့ ပြန်ရန်ခက်ခဲလျက်ရှိသည်။

စစ်ဘေးဒုက္ခသည်များ၏ သားသမီးငယ်များ ပညာရေး မလစ်ဟင်းစေရေးအတွက် သက်ဆိုင်ရာက စီစဉ်ဆောင်ရွက်မှုဖြင့် သူငယ်တန်းမှ စတုတ္ထတန်းထိ ကျောင်းသူကျောင်းသား ၅၀၀ ကျော်အား ပညာသင်ကြားပေးလျက်ရှိကြောင်း သိရသည်။

အဆိုပါ စစ်ဘေးဒုက္ခသည် ပြည်သူများ၏ သားသမီးငယ်များ ပညာရေးအတွက် အေးလင်းသာ ကျောက်စာကွင်းရှိ ကားရုံတွင် သူငယ်တန်းမှ စတုတ္ထတန်းထိ ကျောင်းသားသူ ၄၁၃ ဦးအား ဆရာဆရာမရှစ်ဦးဖြင့် ပညာသင်ကြားပေးလျက်ရှိပြီး မြတ်ပန်းဝတ်မှုံ ဓမ္မာရုံအတွင်း၌ ဆရာဆရာမခြောက်ဦးဖြင့် ပညာသင်ကြားပေးလျက်ရှိသည်။

၂၀၁၆ ခုနှစ် သြဂုတ် ၃၁ ရက် DKBA မှ ကြေညာချက်ထုတ်ပြီးနောက် စက်တင်ဘာ ၂ ရက် ည ၆ နာရီခွဲ မဲသဝေါအနီး ဘယ်လာရွတ်ရှိ BGF တပ်ရင်း (၁၀၁၂) လုံခြုံရေးယူထားသော စခန်းများကို RPG လောင်ချာများဖြင့် စတင်ပစ်ခတ် တိုက်ပွဲဖြစ်ပွားပြီး စက်တင်ဘာ ၉ ရက်တွင် ပြီးဆုံးခဲ့သော်လည်း ယနေ့အချိန်အထိ နယ်မြေအေးချမ်းမှု၊ လုံခြုံမှုမရှိသေးဘဲ ဒေသခံစစ်ဘေးဒုက္ခသည်ပြည်သူများမှာ မြိုင်ကြီးငူတွင် ခိုလှုံနေရဆဲဖြစ်ကာ ယခုအခါ ဆန်နှင့်စားနပ်ရိက္ခာ အခက်အခဲ ဖြစ်လျက်ရှိကြောင်း သိရသည်။

မောင်တောဒေသသည် တိုင်းရင်းသားတို့၏ မူရင်းဒေသ အမှန်ဖြစ်သဖြင့် အကြမ်းဖက်မှု ဖြစ်စဉ်ကြောင့် နေရပ် စွန့်ခွာလာကြသည့် တိုင်းရင်းသားများ မိမိနေရပ်သို့ ပြန်လည်အခြေချရန် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တိုက်တွန်း

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် စက်တင်ဘာ ၂၁ ရက် မွန်းလွဲက စစ်တွေမြို့ ဦးဥတ္တမခန်းမတွင် ဒေသခံပြည်သူများနှင့် တွေ့ဆုံစဉ် (ဓာတ်ပုံ- ၀င်းမောင်)

မောင်တောဒေသသည် တိုင်းရင်းသားတို့၏ မူရင်းဒေသ အမှန်ဖြစ်သဖြင့် အကြမ်းဖက်မှု ဖြစ်စဉ်ကြောင့် နေရပ်စွန့်ခွာလာကြသည့် တိုင်းရင်းသားများ မိမိနေရပ်ဒေသသို့ ပြန်လည် သွားရောက်အခြေချရန် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တိုက်တွန်း ပြောဆိုခဲ့သည်။

ရခိုင်ပြည်နယ်အတွင်း နိုင်ငံတော်လုံခြုံရေးနှင့် ကာကွယ်ရေးတာဝန်များကို သက်စွန့်ကြိုးပမ်း ထမ်းဆောင်နေသည့် လုံခြုံရေးတပ်ဖွဲ့ဝင်များ၊ ဌာနဆိုင်ရာ ၀န်ထမ်းများနှင့် ARSA အစွန်းရောက် ဘင်္ဂါလီအကြမ်းဖက်သမားများ၏ အကြမ်းဖက်တိုက်ခိုက်မှု ဖြစ်စဉ်များကြောင့် နေရပ်စွန့်ခွာ တိမ်းရှောင်နေကြသည့် ဒေသခံပြည်သူများအား ထောက်ပံ့ပစ္စည်း ပေးအပ်ခြင်းနှင့် နယ်စပ်ခြံစည်းရိုး ကာရံရန်အတွက် တတိယအကြိမ် အလှူငွေပေးအပ်ခြင်း အခမ်းအနားကို ရခိုင်ပြည်နယ် စစ်တွေမြို့ ဦးဥတ္တမခန်းမတွင် စက်တင်ဘာ ၂၁ ရက် မွန်းလွဲ ၂ နာရီက ပြုလုပ်ခဲ့ပြီး တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် အမှာစကားပြောကြားရာတွင် ထိုသို့ ထည့်သွင်းပြောကြားခဲ့ခြင်း ဖြစ်သည်။

“ဒီနေရာမှာလည်း တိုင်းရင်းသားရွာတွေကို ပြန်လည် ထူထောင်ရေးနဲ့ ပတ်သက် ပြီးတော့ ကျွန်တော်တို့ မဖြစ်မနေ လုပ်ရမယ့် ကိစ္စရပ်တွေက ဘာလဲဆိုတော့ နေရပ်စွန့်ခွာလာတဲ့ တိုင်းရင်းသားတွေ နံပါတ် (၁) အချက် မိမိနေရပ်ဒေသကို ပြန်ပြီးတော့ သွားရောက်ဖို့ ဖြစ်ပါတယ်။ မနက်ကလည်း ကျွန်တော် မောင်တောမှာ ဒါကို ကျယ်ကျယ်ပြန့်ပြန့် အချိန်ကြာကြာယူပြီးတော့ ရှင်းပြပါတယ်။ အဓိက ကတော့ ကိုယ့်နယ်မြေထဲမှာ ကျွန်တော်တို့ လူတွေရှိနေဖို့ နံပါတ် (၁) အချက် အရေးကြီးပါတယ်။ ပြီးရင် ကျွန်တော်တို့ နယ်မြေကို ကျွန်တော်တို့ တိုင်းရင်းသားတွေနဲ့ ထိန်းချုပ်နိုင်တဲ့ အနေအထားမျိုး ရှိနေဖို့လိုပါတယ်။ ကျွန်တော်တို့ လူမရှိဘဲနဲ့ ဘာမှလုပ်လို့မရဘူး။ ကျွန်တော်တို့ တိုင်းရင်းသားမရှိဘဲ ဘာမှလုပ်လို့မရဘူး။ တိုင်းရင်းသားရှိဖို့ လိုတယ်။ ဘာလို့လဲဆိုတော့ ကျွန်တော်တို့ တိုင်းရင်းသားတွေက မူရင်းဒေသအမှန်ပဲ ဖြစ်ပါတယ်။ ကျွန်တော်ဒီမှာ တိုင်းမှူးတာဝန် ထမ်းဆောင်တဲ့အခါ ဒီမှာရှိတဲ့ ကျွန်တော့်ဆွေမျိုးတွေ ရှိပါတယ်။ သူတို့ ဘယ်လို ဒုက္ခရောက်ကြသလဲဆိုတာ ပြောပြတယ်။ ပြောပြတဲ့အခါမှာ တချို့ဆိုရင် ဘူးသီးတောင် မှတ်ပုံတင် ကိုင်တဲ့လူတွေ ရှိပါတယ်။ ဆိုလိုတာကတော့ လက်ရှိအနေအထားမှာ အဲဒီဒေသမှာ မဟုတ်ဘဲ ဒီပြင်ဒေသကို ရောက်ရှိနေကြတဲ့ အထဲက ဖြစ်နိုင်မယ် ဆိုလို့ရှိရင် သက်ဆိုင်ရာနေရာကို ပြန်ပြီးတော့ ကိုယ့်နေရာမှာ တိုးတက်ရာ တိုးတက်ကြောင်း အဲဒီမှာ ရင်းနှီးမြှုပ်နှံပြီးတော့ စီးပွားရေးအရ ရင်းနှီးမြှုပ်နှံပြီး လုပ်မယ်ဆိုလို့ရှိရင် လုပ်ဖို့အတွက် တိုက်တွန်းလိုတယ်။ ကိုယ့်နိုင်ငံ တိုးတက်ဖို့ဆိုရင် ကိုယ့်ပြည်သူပြည်သားတွေ လုပ်ရပါမယ်။ ကျွန်တော် တစ်နေ့က ပြင်ဦးလွင်မှာ စစ်ဘက်ဥပဒေ တက်ရောက်နေတဲ့ အရာရှိကြီးတွေကို ဗိုလ်မှူးကြီးတွေ ၂၀ လောက် ရှိပါတယ်။ ကျွန်တော် တွေ့ပါတယ်။ သူတို့ကို ကျွန်တော်ပြောပြတယ်။ တပ်မတော် ကောင်းဖို့ဆိုရင် တပ်မတော်က လုပ်ရလိမ့်မယ်။ ကိုယ့်တိုင်းပြည် ကောင်းဖို့ဆိုရင် ကိုယ့်တိုင်းပြည်မှာ ရှိတဲ့လူတွေကပဲ ကောင်းအောင် လုပ်ရလိမ့်မယ်။ ကိုယ့်ဒေသ ကောင်းအောင် လုပ်ချင်လို့ဆိုရင် ကိုယ့်ဒေသမှာရှိတဲ့ လူတွေကပဲ လုပ်ရလိမ့်မယ်။ သူများဒေသက လုပ်မယ်ဆိုတာ သူ့အတွက် အကျိုးအမြတ် ရှိမယ့်သူက သွားပြီးလုပ်တာ။ သူ့အတွက် အကျိုးအမြတ် မရှိဘူးဆိုရင် သွားပြီး လုပ်ဖို့အတွက် ခဲယဉ်းလိမ့်မယ်။ ဒီလို ပြောပါတယ်။ ပြည်ပနိုင်ငံများက လာပြီးတော့ ကျွန်တော်တို့ တိုင်းပြည်ကို ကူညီပေးတယ်ဆိုရင် ကူညီတဲ့လူတွေ ရှိသလိုပဲ တချို့လည်း သူတို့တွေ အကျိုးစီးပွားဖြစ်ထွန်းဖို့ လာလုပ်တဲ့သူတွေ ရှိပါတယ်။ ဒါကိုလည်း မျှော်လင့်ပြီး လုပ်နေလို့ မရဘူး။ ဥစ္စာလိုရင် ဥစ္စာရင်းခဲ ကိုယ့်လည်း ကြိုးစားပြီး လုပ်ဖို့ လိုလိမ့်မယ်။ ကျွန်တော် ဒီလိုပဲပြောခဲ့တယ်။ တကယ်စေတနာနဲ့ ပြောခဲ့တဲ့စကား ဖြစ်ပါတယ်။ ရခိုင်ပြည်နယ်ပဲ တိုးတက်စေချင်တယ်ဆိုရင် ရခိုင်ပြည်နယ်မှာရှိတဲ့ လူတွေက ရခိုင်ပြည်နယ် တိုးတက်ရာ တိုးတက်ကြောင်းကို အဓိကထားပြီး လုပ်စေချင်ပါတယ်။ အကြမ်းဖက်မှုကြောင့် ထွက်ပြေး တိမ်းရှောင်လာရတဲ့ ဘူးသီးတောင်၊ မောင်တောဒေသ ဆိုရင်လည်း ဒီဒေသ ပြန်လည်ထူထောင်ရေး ပြန်လည်ဖွံ့ဖြိုး တိုးတက်ရေး ဆိုလို့ရှိရင် အဲဒီဒေသမှာနေတဲ့ တိုင်းရင်းသားတွေကပဲ အဓိကထားပြီးတော့ လုပ်ဖို့လိုလိမ့်မယ်။ အဲဒီလို လုပ်နိုင်ဖို့အတွက် ကျွန်တော်တို့ ကူညီပေးရလိမ့်မယ်။ ဘာတွေ ကူညီပေးမလဲ။ နံပါတ်(၁) အချက်က နေရေး၊ အခုနက ပြောတဲ့ ပျက်စီးသွားတဲ့ နေရာတွေမှာနေရေး ကူညီပေးရမယ်။ သွားရေး လာရေးကောင်းဖို့အတွက် လမ်းပန်း ဆက်သွယ်ရေးကောင်းအောင် လုပ်ပေးရလိမ့်မယ်။ စီးပွားရေး ဖွံ့ဖြိုးတိုးတက်ဖို့အတွက် နည်းလမ်းရှာပေးရမယ်။ စီးပွားရေး ဖွံ့ဖြိုးတိုးတက်မှုရှိမှ ကုန်ထုတ်လုပ်ငန်း ရှိမယ်။ ကုန်ထုတ်လုပ်ငန်းရှိမှပဲ အရောင်းအ၀ယ် ကောင်းမယ်။ အရောင်းအ၀ယ် ဖွံ့ဖြိုးတိုးတက်မှုရှိမှပဲ ရောင်းလို့ရတဲ့ပစ္စည်း ရှိမယ်။ ရောင်းလို့ရမယ့် ပစ္စည်းတွေကလည်း အသိပညာ အတတ်ပညာ လိုမယ်။ အသိပညာ၊ အတတ်ပညာအတွက် ဆိုရင်လည်း ပညာရေးကောင်းအောင် လုပ်ရမယ်။ ဒါတွေကြောင့် ကျောင်းတွေ ဖွင့်ဖို့အတွက် ကြိုးစားနေတာ ဖြစ်ပါတယ်။ ရခိုင်ပြည်နယ် အစိုးရကလည်း ကျောင်းတွေ မြန်မြန်ဖွင့်ဖို့အတွက် ကြိုးစားနေပါတယ်။ ကျောင်းသူကျောင်းသားတွေ မပျက်မကွက် တက်နိုင်အောင် ကြိုးစားရမယ်။ ဒီနေ့ ပညာရေးမှာ တာဝန်ရှိတဲ့ ဆရာ၊ ဆရာမတွေ တော်တော်များများ လာကြပါတယ်။ သူတို့ပြောကြပါတယ်။ ပြောကြတဲ့အခါကျတော့ ကျွန်တော်တို့လည်း တတ်နိုင်သလောက် ကူညီပေးမယ်။ နယ်မြေဒေသ မတည်ငြိမ်ရင် တည်ငြိမ်အောင် တပ်အင်အားရအောင် ထည့်ပေးမယ်။ တပ်တွေ ထည့်တယ် ဆိုတာကလည်း တပ်တွေ ထည့်ချင်တိုင်း ထည့်လို့မရဘူး။ ကျွန်တော်တို့အပေါ် မျက်စိဒေါက်ထောက် ကြည့်နေတဲ့ ပြဿနာရှာဖို့ လုပ်နေတဲ့လူတွေ အများကြီးရှိတယ်။ သူတို့ ပြဿနာမရှာနိုင်ဖို့ ကျွန်တော်တို့မှာ ဥပဒေနဲ့ညီအောင် ထိန်းထိန်းသိမ်းသိမ်း လုပ်ရတယ်။ တစ်ဆိတ်ကို တစ်အိတ်ဖြစ်အောင် လုပ်မယ့်လူတွေက အဆင်သင့်ရှိတယ်။ ဒါတွေကိုလည်း ကျွန်တော်တို့ သတိထားရမယ်။ ကိုယ့်အချင်းချင်း ပြဿနာရှာဖို့ ကြိုးစားနေတဲ့သူတွေလည်း ရှိတယ်။ ပြည်ပကလည်း ပြဿနာရှာဖို့ ကြိုးစားနေတဲ့သူတွေ ရှိတယ်။ ဒါကြောင့် ကျွန်တော်တို့အနေနဲ့ တော်တော်လေး သတိတရားထားပြီးတော့ လုပ်ရတဲ့အခြေအနေ ရှိပါတယ်။ ဒါကြောင့် ကျန်တဲ့ ဒေသတည်ငြိမ် အေးချမ်းအောင် လုပ်တဲ့အချိန်မှာ တပ်မတော် တစ်ခုတည်း၊ လုံခြုံရေးတပ်ဖွဲ့တွေ တစ်ခုတည်း လုပ်လို့မရဘူး။ ပြည်သူလူထုကလည်း ပါဖို့လိုပါတယ်။ ပြည်သူကလည်း ပါပြီး လုပ်ပေးကြပါ။ ၀ိုင်းဝန်း ကူညီပေးဖို့ မေတ္တာရပ်ခံခဲ့ပါတယ်”ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

ထို့ပြင် တည်ငြိမ်အေးချမ်းမှုရှိလျှင် ကိုယ့်ဒေသကို ပြန်ပြီး ဒေသဖွံ့ဖြိုး တိုးတက်ရေးအတွက် ၀ိုင်းဆောင်ရွက်ပေးကြရန် တိုက်တွန်းခဲ့ပြီး အနိဋ္ဌာရုံများကို မြန်မြန်ပျောက်သွားရေး ဆောင်ရွက်ရန် လိုအပ်သလို မူလအခြေအနေ ပြန်လည်ဖြစ်အောင် လုပ်ရမည်ဟု ကာကွယ်ရေးဦးစီးချုပ်က ပြောကြားသည်။

တပ်မတော်ကာကွယ်ရေးဦးစီးချုပ် မင်းအောင်လှိုင်က “ကျွန်တော်ပြောချင်တာကတော့ သင့်တင့်လျောက်ပတ်တဲ့ အချိန်ရောက်ပြီ ဆိုလို့ရှိရင် တည်ငြိမ်အေးချမ်းမှု ရှိပြီဆိုလျှင် ကိုယ့်နေရာဒေသကို ပြန်ပြီးတော့ ကိုယ့်နေရာဒေသ ဖွံ့ဖြိုး တိုးတက်ရေးအတွက် ၀ိုင်းဝန်း လုပ်ဆောင်ပေးကြဖို့ ကျွန်တော် ပြောလိုပါတယ်။ မေတ္တာရပ်ခံလိုပါတယ်။ တိုက်တွန်းလိုပါတယ်။ ကျွန်တော်တို့ ဒီဒေသမှာ ရှိတဲ့လူတွေကလည်း ပျက်စီးဆုံးရှုံးသွားတဲ့ နေရာတွေမှာ ပြန်လည်ထူထောင်ရေး လုပ်တဲ့အချိန်မှာ အကျိုးဖြစ်နိုင်ဖို့အတွက် ၀ိုင်းဝန်းအားပေး ကူညီပေးဖို့ ပြောလိုပါတယ်။ လမ်းပေါ်မှာလည်း ကြည့်ပြီးတော့ ကျွန်တော်နဲ့ပါလာတဲ့ ၀န်ကြီးတွေကိုပြောပြတယ်။ တို့ ဒါတွေကို ပြန်လုပ်မှ ရမယ်။ ပြန်ရောက်လို့ရှိရင် ဒီလိုတင်ပြပြီး ဆောင်ရွက်မှ ရမယ်။ ဒီလိုပြောခဲ့တာ ရှိပါတယ်။ ဘယ်လိုပဲဖြစ်ဖြစ် အနိဋ္ဌာရုံတွေ မြန်မြန်ပျောက်သွားဖို့ လိုပါတယ်။ ကျွန်တော်တို့ မူအခြေအနေ ပြန်လည်ပြီး ဖြစ်အောင်လုပ်ကြဖို့ လိုပါတယ်လို့ ပြောလိုပါတယ်။ ကျွန်တော်တို့ သွားကြည့်တဲ့ အချိန်မှာ တချို့လူတွေ ဘုန်းကြီးကျောင်းတွေ ဖျက်ဆီးခံရတာ ရှိပါတယ်။ တချို့ရွာတွေမှာ ဘုရားကျောင်းကန်တွေ ဖျက်ဆီးခံခဲ့ရတာ ရှိပါတယ်။ အိမ်တွေ မီးလောင်တာတွေတော့ ပြောမနေနဲ့ တော့ အများကြီးပဲ”ဟု ပြောကြားသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ် ကြီး ရဲအောင်၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး ခင်အောင်မြင့်နှင့် ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ လိုက်ပါပြီး ရခိုင်ပြည်နယ် စစ်တွေမြို့သို့ စက်တင်ဘာ ၁၉ ရက်က ရောက်ရှိခဲ့ပြီး ဘူးသီးတောင်၊ မောင်တောဒေသများသို့ သွားရောက်ခဲ့ကြောင်း သိရသည်။

မြစ်သာမြစ်ရေ စတင် ကျဆင်းလာသော်လည်း ရေဘေးကယ်ဆယ်ရေး စခန်းများတွင် ရေဘေးဒုက္ခသည် တစ်သောင်းနီးပါး ရှိလာပြီး ကလေးမြို့နှင့် ဆက်သွယ်ထားသော လမ်းအချို့ ပြတ်တောက်နေဆဲဖြစ်

ကလေးမြို့နယ် အနောက်မြောက်ဒေသရှိ ဆည်ကြီးချောင်း ရေကြီးနေ၍ ယာယီပြုပြင်ထားသော ၀ါးတံတားတွင် ဖြတ်သန်းနေကြသူများအား တွေ့ရစဉ် (ဓာတ်ပုံ-အောင်သူထွန်း)

မြစ်သာမြစ်ရေသည် စက်တင်ဘာ ၂၁ ရက် တိုင်းထွာချက်များအရ စတင် ကျဆင်းလာပြီဖြစ်ပြီး ရေဘေးကယ်ဆယ်ရေး စခန်းများတွင် ရေဘေးဒုက္ခသည် တစ်သောင်းနီးပါးခန့် ရောက်ရှိနေပြီး ကလေးမြို့နှင့် ဆက်သွယ်ထားသော လမ်းအချို့လည်း ပြတ်တောက်နေဆဲဟု သိရသည်။

“ဒီနေ့ ရာသီဥတု လက်ရှိအခြေအနေအရဆိုရင် ချင်းတောင်ပေါ် မှာ မိုးကလည်း လျော့နည်းနေပြီ ။ လေဖိအားနည်းရပ်ဝန်းကလည်း အိန္ဒိယနိုင်ငံ သြရိသကမ်းခြေကို ၀င်ရောက်သွားပြီ ဖြစ်တဲ့အတွက် ဒီကနေ့ မနက် ၇ နာရီ ခန့်မှန်းချက်မှာလည်း ဘင်္ဂလား ပင်လယ်အော်မှာ မုတ်သုန်လေ အားအသင့်အတင့်ပဲ ရှိတယ်။ နေရာကွက်ပြီး မိုးကြီးနိုင်တာတွေ မရှိတော့တဲ့အတွက် ရာသီဥတု အခြေအနေက ကောင်းမွန်နေပါတယ်။ မြစ်သာမြစ်ရေ ဒီနေ့ အခြေအနေကလည်း မနက် ၁၀ နာရီခွဲက စပြီးတော့ မြစ်ရေက အနည်းငယ် ကျဆင်းလာပြီ။ အခုဆို နေ့လယ်၂ နာရီခွဲအထိ တိုင်းထွာချိန် ၄ နာရီအတွင်းမှာ ခြောက်စင်တီမီတာ (၂ လက်မ) ကျော် ကျဆင်းနေတာ တွေ့ရပါတယ်။ နောက်ရက် အခြေအနေအရတော့ ဒီနေ့ နေ့လယ်၂ နာရီ ခန့်မှန်းချက်မှာလည်း မြစ်သာမြစ်ရေဟာ ကလေးမြို့၊ ပြင်သာမှာ စိုးရိမ်ရေမှတ်အထက်မှာ ခုနစ်ပေလောက် ရောက်နေတယ်။ နောက်နှစ်ရက်အတွင်းမှာ သုံးပေလောက် ကျဆင်းနိုင်ပြီးတော့ ဒီမြို့ရဲ့ စိုးရိမ်ရေမှတ်အထက်မှာ ဆက်လက် တည်ရှိနိုင်တယ်ဆိုပြီး ခန့်မှန်းချက် ထုတ်ပြန်ထားပါတယ်။ ရာသီဥတု ဆိုတာကတော့ အချိန်မရွေး ပြောင်းလဲနိုင်တာဖြစ်လို့ စောင့်ကြည့် တိုင်းထွာ ထုတ်ပြန်သွားမှာပါ” ဟု ကလေးခရိုင် မိုးဇလဌာနမှ ဦးစီးအရာရှိ ဦးတင်စိုးက ပြောကြားသည်။

ရေကြီးရေလျှံမှုကြောင့် ရေဘေးဒုက္ခသည်များကို ဒုက္ခသည်စခန်း ၁၇ ခု ဖွင့်လှစ်ထားပြီး ဒုက္ခသည် တစ်သောင်းနီးပါးခန့် ရှိသည်ဟု သိရသည်။

“ဒီနေ့ ၁၀ နာရီ အထိကတော့ လူဦးရေ စုစုပေါင်း ၉၈၅၈ ယောက်၊ အိမ်ခြေ ၂၀၈၉၊ အိမ်ထောင် စု ၂၁၇၃၊ ကျွန်တော်တို့ ဌာနကတော့ လောလောဆယ်တော့ လူတစ်ယောက်ကို ကျပ် ၂၁၀၀ ထောက်ပံ့တာပေါ့။ လူပေါင်း ၅၀၀၀ ကျော်တော့ ထောက်ပံ့ပြီးပြီ။ ထောက်ပံ့တာကတော့ သိန်း ၁၂၆ သိန်း ငါးသောင်းလောက် ရှိပါပြီ” ဟု ကလေးမြို့ လူကယ်ပြန်ဌာနမှ ဦးမြတ်ဇော်ထွန်းက ပြောကြားသည်။

“မြစ်သာမြစ် ရေလျှံတာက ၁၈ ရက် လောက်က စလျှံတာ။ မြို့ပေါ်ကိုတော့၂၀ ရက်လောက်က ရောက်လာတာ။ မြစ်သာမြစ်နဲ့ တစ်မိုင်နဲ့ တစ်ဖာလုံ ၀န်းကျင်လောက်အထိ မြစ်သာမြစ်ရေ ရောက်လာတာပေါ့။ အခုဆိုရင် ကတ္တရာလမ်းပေါ် တစ်ပေကျော်ကျော် ရှိနေပါတယ်။ ကျွန်တော်တို့ အိမ်ကလည်း ရေ၀င်ပါတယ်။ ပြောင်းတာရွှေ့တာ မရှိပါဘူး။ အောက်ထပ်ကတော့ ရေ၀င်ပါတယ်။ ရေကတော့ အကျဘက်ကို ရောက်နေပါတယ်။ မနက်ဖြန်ဆိုရင်တော့ ကတ္တရာလမ်းပေါ်က အားလုံး လျော့သွားမယ် ထင်ပါတယ်” ဟု အောင်မြေမာန်ရပ်ကွက်မှ ကိုဝင်းဆွေက ပြောကြားသည်။

ကလေးမြို့ အနောက်မြောက် ဒေသတွင်လည်း တောင်ကျချောင်းရေကြောင့် တံတားများ မျောပါပျက်စီးခဲ့ပြီး သွားလာရေးများလည်း ပြတ်တောက်လျက်ရှိကာ စက်တင်ဘာ ၂၀ ရက်မှ စ၍ ကိုယ်ထူကိုယ်ထ ပြုပြင်နေသည်ဟု သိရသည်။

“ဒီတံတား ပျက်စီးတာ စက်တင်ဘာ ၁၉ ရက်ကစပြီး ပျက်စီးတာပါ။ အခုဆိုရင် သုံးရက်ရှိပါပြီ။ သာရေး၊ နာရေးမှာပဲ ဖြစ်ဖြစ်၊ လူသွားလာရတာ ကျောင်းသားတွေရော အကုန်ဒုက္ခရောက်တာ။ တံတားကို ကိုယ်ထူကိုယ်ထနဲ့ လုပ်တာ။ နောက်ပိုင်းမှာတော့ လင်းခေါဂရုက လာကူညီပေးတယ်။ လိုအပ်တာလေးတွေ ဖြစ်ဖြစ် စားဖို့ သောက်ဖို့ပဲ ဖြစ်ဖြစ်။ ကျွန်တော်တို့က သံကြိုးဝယ်တယ်။ တာယာကြိုးဝယ်တယ်။ ရွာကနေ တစ်အိမ်ကို ၀ါးတစ်လုံး စုထားပြီး စလာတာပါ။ တံတားမရှိတော့ ရွာပေါင်း ၂၀ လောက် ဒုက္ခရောက်ပါတယ်။ ဒီတံတားက ဒီကနေ့ ညနေပိုင်းဆို ပြီးလောက်မှာပါ ။ ဆည်ကြီးချောင်း အခြေအနေက တော်တော်လေး ကျသွားပါပြီ။ အခက်အခဲကတော့ လူပန်းတာ တစ်ခုပါပဲ။ ၀ါးလုံးတွေ တန်းတာကတော့ တော်တော်လေး စွန့်စွန့်စားစား လုပ်ကြရပါတယ်” ဆည်ကြီးကျေးရွာမှာ ဦးဗွိုက်ထွမ်းက ပြောကြားသည်။

ကလေးမြို့နယ် မြောက်စည်းကျေးရွာတွင်လည်း နန်းကသည်းချောင်း (မဏိပူရ်မြစ်) ကမ်းထိန်းနံရံသည် ပေ ၂၀၀ ခန့် ပြိုကျ ပျက်စီးခဲ့ပြီး ကလေး – ကလေးဝ – တမူး ကားလမ်းဖြစ်သော ကလေး – ကျီကုန်းလမ်းပေါ်သို့ ရေတက်နေမှုကြောင့် နယ်စပ် ကုန်သွယ်ရေးလမ်းကြောင်းပါ ပြတ်တောက်နေသည်ဟု သိရသည်။

ကလေးမြို့ အနောက်မြောက်ဒေသ လမ်းပန်းဆက်သွယ်ရေးနှင့် ပတ်သက်၍ ဆည်ကြီးတံတား ပြန်လည်ပြုပြင်ရေး လုပ်ဆောင်ရာတွင် ပါဝင်ခဲ့သူ ကိုဂျေကေက “ကျွန်တော်တို့ အဖွဲ့က လူအခွင့်အရေးနဲ့ ငြိမ်းချမ်းရေးအဖွဲ့ကပါ။ အရေးပေါ် ကယ်ဆယ်ရေးတွေ လုပ်ပေးတယ်။ ကျွန်တော်တို့ ၀ါးတန်းလေးတွေအပေါ်ကို တန်းရတာ တစ်ဆင့်ချင်းစီ တန်းရတာ မြင့်ကလည်း မြင့်တယ်ဆိုတော့ တော်တော် စွန့်စားရတယ်။ ခက်လည်းခက်ခဲတယ်။ ၀ါးတန်းလေးတွေ တန်းပြီး လူကိုင်လို့ ရအောင် အောက်ဘက်ကို တစ်ဆင့် ပြန်တန်းပေးတယ်။ ဒီဟာလုပ်ပြီးရင် ကြိုးတန်းလေးတွေ ချပြီး ၀ါးတန်းလေးတွေနဲ့ လူကူးလို့ရအောင် လုပ်မယ်။ ဒီဘက်ပြီးသွားရင်တော့ ဟိုဘက်ခြမ်းမှာလည်း ရေစီးနေတယ်။ အစိုးရကတော့ ရေမစီးအောင်ဆိုပြီး ရေလမ်းကို ဖယ်နေတယ်။ တကယ်လို့ ရေက စီးနေတုန်းပဲဆိုရင်တော့ ဟိုတစ်ဖက်ခြမ်းကိုလည်း ဒီဘက်လိုပဲ လုပ်ဖို့လိုတယ် ။ ဒီတံတားတွေကို ချောင်းအကျယ်ထက်ပိုတဲ့ တံတားတွေကို ဆောက်ပေးစေချင်တယ်။
အခုဆိုရင် အရေးပေါ် ဆေးရုံပြရတာတို့၊ မနေ့ကဆို ဟိုဘက်က လှေနဲ့သွားရတယ်။ လူနဲ့ကယ်ပြီး ဆွဲရတာတွေရှိတယ်။ စားနပ်ရိက္ခာ ကုန်ခြောက်တွေ မြို့နဲ့ အဆက်သွယ်ပြတ်တဲ့အချိန်မှာ အခက်အခဲရှိတယ်။ ဒီဆည်ကြီးချောင်းကတော့ လူက နှစ်တိုင်းလိုလို မျောတယ်။ ဒီနှစ်တော့ မမျောဘူးသေးဘူး။ ဒီလမ်းကြောင်းက ကလေးမြို့ အနောက်မြောက်ဘက်ရယ် ချင်းပြည်နယ် တီးတိန်မြို့နယ် ရွာကလူတွေ အသုံးပြုတဲ့လမ်း ဖြစ်တယ်။ ဒီတံတား အသုံးပြုလို့မရတော့ ရွာကလူတွေ အခက်အခဲ အများကြီးရှိတယ်”ဟု သိရသည်။

ကလေးမြို့ပေါ်ရှိ ပရဟိအသင်းအဖွဲ့များကလည်း ခေါက်ဆွဲခြောက်များ ပေးဝေခြင်း၊ ရေသန့်များ လှူဒါန်းခြင်းနှင့် ထမင်းထုပ်များ ဝေခြင်းများကို လုပ်ဆောင်ပေးလျက် ရှိသည်ဟု သိရသည်။