၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို တောင်ကြီးမြို့တွင် ကျင်းပ

၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို တောင်ကြီးမြို့၊ အဝေရာကုန်းသာယာ မီးပုံးပျံကွင်းတွင် ဖေဖော်ဝါရီလ ၂၃ ရက်မှ ၂၅ ရက်အထိ သုံးရက်ကြာ ကျင်းပပြုလုပ် လျက်ရှိကြောင်း သိရသည်။

အဆိုပါ ၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို မြန်မာနိုင်ငံလုံးဆိုင်ရာ ဗုဒ္ဓဘာသာ လီဆူတိုင်းရင်းသား စာပေနှင့် ယဉ်ကျေးမှုအသင်းမှ ဦးဆောင်ကာ ကြီးမှူးကျင်းပခြင်းဖြစ်ပြီး၊ ရှမ်းပြည်နယ် တောင်ပိုင်း၊ မြောက်ပိုင်း၊ အရှေ့ပိုင်း၊ ကချင်ပြည်နယ်၊ ကယားပြည်နယ်၊ မန္တလေးတိုင်းဒေသကြီး၊ ရန်ကုန်တိုင်းနှင့် ထိုင်းနိုင်ငံနယ်စပ်မှ လီဆူတိုင်းရင်းသားများ သောင်းချီကာ ပွဲတော်ကို တက်ရောက် ဆင်နွဲလျက်ရှိကြောင်း သိရသည်။

၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော် ပထမနေ့ ဖေဖော်ဝါရီ ၂၃ ရက် မနက် ၈ နာရီအချိန်တွင် အခမ်းအနား စတင်ဖွင့်လှစ်ကာ ရှမ်းပြည်နယ် အစိုးရအဖွဲ့ ၀န်ကြီးချုပ်နှင့် ၀န်ကြီးများ၊ ဌာနဆိုင်ရာ လူကြီးများ တက်ရောက်ခဲ့ကြကာ နန်းတော်မုဒ်ဦး ဖွင့်လှစ်ခြင်း၊ လီဆူတိုင်းရင်းသားများ စုပေါင်းနှစ်သစ်ကူးပွဲတော် အထိမ်းအမှတ် ရိုးရာနှစ်သစ်ကူး သစ်ပင်စိုက်ထူခြင်း နှင့် ရွှေမိုး ငွေမိုး ပက်ဖျန်းခြင်း၊ တိုင်းရင်းသား အကအလှများဖြင့် ဖျော်ဖြေခြင်း၊ အစိုးရအဖွဲ့ ၀န်ကြီးချုပ်မှ အဖွင့်မိန့်ခွန်း ပြောကြားခြင်း၊ လီဆူတိုင်းရင်းသားရေးရာ ၀န်ကြီးမှ မိန့်ခွန်းပြောကြားခြင်း၊ တိုင်းရင်းသား ပြခန်းများကို လှည့်လည်ကြည့်ရှုခဲ့ကြပြီး၊ အခမ်းအနား ပြီးဆုံးခဲ့သည်။

မြန်မာနိုင်ငံ တစ်ဝှမ်းလုံးမှ တက်ရောက်လာကြသော လီဆူတိုင်းရင်းသားတို့သည် ရိုးရာနှစ်သစ်ကူးသစ်ပင် အနီးအနားတွင် အဖွဲ့လိုက် ရိုးရာအကအလှများဖြင့် ကခုန်ခဲ့ကြပြီး၊ လာရောက်ကြသူများကို ဖျော်ဖြေလျက် ရှိကြောင်း သိရသည်။ ယခုနှစ်သည် လီဆူတိုင်းရင်းသားတို့၏ ခွေးနှစ်ကျရောက်ခြင်းဖြစ်ပြီး၊ လီဆူရိုးရာ နှစ်သစ်ကူး သစ်ပင်စိုက်ပျိုးခြင်း၊ ရိုးရာအကများဖြင့် ပျော်ပွဲရွှင်ပွဲတို့ကို ကျင်းပလေ့ရှိကြောင်း၊ ရှမ်းပြည်နယ်တွင် လီဆူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကို ၁၁ ကြိမ်တိုင်တိုင် ကျင်းပခဲ့ဖူးကြောင်း၊ နှစ်သစ်ကူး ပွဲတော်များကို မြို့နယ်အလိုက် နှစ်စဉ်ပြောင်းလဲ ကျင်းပလေ့ရှိကြောင်း၊ လီဆူတိုင်းရင်းသားတို့၏ စာပေနှင့် ယဉ်ကျေးမှုများကို သိရှိစေရန်နှင့် ထိန်းသိမ်းနိုင်စေရန် ရည်ရွယ်ကျင်းပခြင်းဖြစ်ကြောင်း ပွဲကျင်းပရေး ကော်မတီထံမှ သိရသည်။

လီဆူ တိုင်းရင်းသားများကို အခြားတိုင်းရင်းသားများက ခေါ်ဝေါ်ပုံကွဲပြားခြင်းနှင့် ပတ်သက်၍ ယခုအခါ ပြဿနာရပ်များ ဖြစ်ပေါ်နေရပြီး၊ လီဆူး၊ လီရှော၊ လီဆောနှင့် ယောရယ် စသော အခေါ်အဝေါ်များဖြင့် သုံးနှုန်းနေကြသဖြင့် ယခုအခါ ပြည်ထဲရေး လူဝင်မှုကြီးကြပ်ရေး ဦးစီးဌာန စာရင်းတွင် ကန့်သတ်လူမျိုးတွင် ပါဝင်နေသဖြင့် တိုင်းရင်းသားလူမျိုးတစ်မျိုး ဖြစ်ပါလျက်နှင့် အခွင့်အရေးများစွာ ဆုံးရှုံးနစ်နာမှု ရှိနေကြောင်း လီဆူတိုင်းရင်းသားရေးရာဝန်ကြီး ဦးဂူဆာက အဖွင့်မိန့်ခွန်းတွင် ထည့်သွင်း ပြောကြားခဲ့သည်။

မြန်မာနိုင်ငံတွင် လီဆူတိုင်းရင်းသားပေါင်း ၅ သိန်းကျော်ရှိပြီး၊ ကမ္ဘာ့နိုင်ငံ အသီးသီးတွင်လည်း ပျံ့နှံ့နေထိုင်လျက်ရှိကြောင်း၊ ရှမ်းပြည်နယ်၊ ကချင်ပြည်နယ်၊ မန္တလေးတိုင်းဒေသကြီး၊ ကယားပြည်နယ်တွင် ရာကျော် နေထိုင်ကြကြောင်း၊ လီဆူတိုင်းရင်းသားတို့သည် နေထိုင်ရာ အရပ်ဒေသအလိုက် ကွဲပြားကြသောကြောင့် ရိုးရာဓလေ့ ၀တ်စုံများသည် ကွဲပြားခြားနားမှုရှိကြောင်း သိရသည်။

ဒေါ်လာ ၂ ဒသမ ၅ ဘီလျံ ရင်းနှီးမြှုပ်နှံရမည့် ရန်ကုန်ဘူတာကြီး ဘက်စုံဖွံ့ဖြိုးရေးစီမံကိန်းတွင် မင်းဓမ္မကုမ္ပဏီက အစုရှယ်ယာ ရာခိုင်နှုန်း ၄၀ ပါဝင်ပြီး တည်ဆောက်မှုကာလ ရှစ်နှစ် ကြာမြင့်မည်

ရန်ကုန်ဘူတာကြီး ဘက်စုံဖွံ့ဖြိုးရေး စီမံကိန်း ဒီဇိုင်းပုံစံအား တွေ့ရစဉ်

ဒေါ်လာ ၂ ဒသမ ၅ ဘီလျံ ရင်းနှီးမြှုပ်နှံရမည့် ရန်ကုန်မီးရထားဘူတာကြီးဝင်း ဘက်စုံဖွံ့ဖြိုးတိုးတက်ရေးစီမံကိန်းမှ ပြည်တွင်းအလုပ်အကိုင်ပေါင်း တစ်သိန်းခန့် ဖန်တီးပေးနိုင်မည်ဖြစ်ပြီး စီမံကိန်းတည်ဆောက်မှု ရှစ်နှစ်ကြာမြင့်မည် ဖြစ်ကြောင်း ယင်းစီမံကိန်းအား ဦးစားပေး ညှိနှိုင်းမှုပြုလုပ်ရန် ရွေးချယ်ခံခဲ့ရသည့် Central Transport Development Consortium (CTDC) က သတင်းထုတ်ပြန်သည်။

CTDC ကို ကုမ္ပဏီသုံးခု ပေါင်းစပ်ဖွဲ့စည်းထားခြင်းဖြစ်ပြီး ယင်း Consortium တွင် မြန်မာနိုင်ငံမှ မင်းဓမ္မကုမ္ပဏီက အစုရှယ်ယာရာခိုင်နှုန်း ၄၀ ပိုင်ထားကာ ကျန်ရှယ်ယာ ၆၀ ရာခိုင်နှုန်းကို စင်ကာပူအခြေစိုက် Oxley Holdings ကုမ္ပဏီနှင့် တရုတ်အခြေစိုက် Sino Great Wall ကုမ္ပဏီတို့ ၃၀ ရာခိုင်နှုန်းစီ ပိုင်ဆိုင်မည်ဖြစ်သည်။ မင်းဓမ္မကုမ္ပဏီသည် မုတ္တမဟိုးလ်ဒင်း၏ လက်အောက်ခံ ကုမ္ပဏီခွဲ ၂၃ ခုအနက် တစ်ခုဖြစ်သည်။

CTDC ကို ရန်ကုန်မြို့လယ်ခေါင် အချက်အချာနေရာရှိ ၂၅ ဒသမ ၇ ဟက်တာ (၆၃ ဒသမ ၅ ဧက) ကျယ်ဝန်းသည့် ရန်ကုန် မီးရထားဘူတာရုံ ဧရိယာတစ်ခုလုံး ဖွံ့ဖြိုးတိုးတက်ရေး စီမံကိန်းအတွက် ကျေနပ်ဖွယ်ရာ အရှိဆုံး တင်ဒါအဆို တင်သွင်းသူအဖြစ် ရွေးချယ်ခံခဲ့ရခြင်း ဖြစ်သည်။

ယင်းစီမံကိန်းမှ လက်ရှိအစိုးရ လက်ထက်အတွင်း နိုင်ငံခြားရင်းနှီးမြှုပ်နှံမှု ပါဝင်သည့် အကြီးဆုံးသော အကျိုးတူ ပူးပေါင်းဆောင်ရွက်မှု စီမံကိန်းဖြစ်လာပြီး ရန်ကုန်မြို့ပြအင်္ဂါရပ်အတွက် ထပ်တိုးလာမည့် ဂုဏ်ယူဖွယ် အထင်ကရနေရာ တစ်ခုဖြစ်လာမည် ဖြစ်ကာ စီမံကိန်း တည်ဆောက်နေစဉ်အတွင်း ပြည်တွင်းအလုပ်အကိုင် တစ်သိန်းခန့်ကိုလည်း ဖန်တီးပေးနိုင်မည် ဖြစ်သည်။ အဆိုပါစီမံကိန်း ပြီးစီးသွားပါက မြန်မာပြည်၏ ပထမဦးဆုံး TOD (Transit – oriented Development) အများပြည်သူ သွားလာရေး အခြေပြု တည်ဆောက်မှုစီမံကိန်း ဖြစ်လာမည် ဖြစ်သည်။

ယခုစီမံကိန်းမှာ မီးရထားနှင့် သယ်ယူပို့ဆောင်ရေးလုပ်ငန်း၊ အခြားသော အများပြည်သူ အသုံးပြုနိုင်မည့် ဆက်သွယ်ရေးနည်းလမ်းများ ပေါင်းစုံစုဝေးရာ ပို့ဆောင်ဆက်သွယ်ရေး အချက်အချာနေရာ တစ်ခုဖြစ်လာမည့်အပြင် ဒီဇိုင်းအားဖြင့်လည်း ရှေးမူလက်ရာ ရန်ကုန်ဘူတာကြီးဟောင်းနှင့် ခေတ်သစ်လက်ရာ ဘူတာရုံအသစ်ကို အချိုးကျနစွာ ပေါင်းစပ် ဖွဲ့စည်းထားရှိမည် ဖြစ်ကြောင်း သိရသည်။ အများပြည်သူ တန်ဖိုးထားသည့် ၁၉၅၄ ခုနှစ်က တည်ဆောက်ခဲ့သော လက်ရှိ ရန်ကုန်ဘူတာကြီး အဆောက်အအုံကိုလည်း ရှေးမူမပျက် ထိန်းသိမ်းသွားမည်ဖြစ်ပြီး ၂၁ ရာစု၏ နောက်ဆုံးပေါ် လက်ရာတစ်ခုအဖြစ် အထင်ကရဖြစ်လာမည့် ဘဲဥပုံသဏ္ဌာန် အမိုးခုံးနှင့် မီးရထားဘူတာရုံအသစ်တို့ကိုလည်း မီးရထားလမ်းပေါ်တွင် အုပ်မိုး၍ ထပ်မံဆောက်လုပ်မည့်ဖြစ်ရာ အဟောင်းနှင့်အသစ် တစ်ခုနှင့်တစ်ခု ချိတ်ဆက်အသုံးပြုနိုင်မည့် ထူးခြားလှပသည့် အဆောက်အအုံတစ်ခု ဖြစ်လာမည်ဖြစ်သည်။

အဆိုပါစီမံကိန်းသည် ကြမ်းခင်းဧရိယာ စတုရန်းမီတာ ၁ ဒသမ ၀၉ သန်း ကျယ်ဝန်းပြီး ဇုန်ခြောက်ခု ပါဝင်မည်ဖြစ်ကာ ယင်းဇုန်များတွင် အထင်ကရညီနောင်တာဝါ ရုံးခန်းအဆောက်အအုံများ၊ အိမ်ရာများ၊ ဟိုတယ်များနှင့် ၀န်ဆောင်မှုပါ တိုက်ခန်းများ၊ စိမ်းလန်းစိုပြည်နေမည့် အများပြည်သူအတွက် ပန်းခြံနှင့် ပြတိုက်တို့ ပါဝင်မည်ဖြစ်ပြီး တည်ဆောက်မှုအတွက် ခန့်မှန်းကြာမြင့်ချိန် ရှစ်နှစ်ဖြစ်သည်။

မုတ္တမဟိုးလ်ဒင်းလီမိတက်၏ ဥက္ကဋ္ဌနှင့် တည်ထောင်သူ မြန်မာလုပ်ငန်းရှင် ဦးရန်ဟော်က “ ဒီကြီးမားတဲ့ စီမံကိန်းကြီးက ပြည်တွင်းမှာရှိတဲ့ ပြည်သူတွေရော၊ စီးပွားရေး လုပ်ငန်းတွေကိုပါ အခွင့်အလမ်းအသစ်တွေကို ဖန်တီးပေးသွားမှာပါ။ ဒီစီမံကိန်းအသစ်က နေတစ်ဆင့် နိုင်ငံတကာ ရင်းနှီးမြှုပ်နှံမှုအသစ်တွေ ဖိတ်ခေါ်ဆွဲဆောင်ခြင်းနဲ့ ရန်ကုန်မြို့အတွက် နောက်ထပ် စိတ်ဝင်စားဖွယ်နေရာသစ် တစ်ခုကို ဖန်တီးလာနိုင်ခြင်းတွေအပြင် မြန်မာ့စီးပွားရေးကဏ္ဍမှ တတပ်တအား ပါဝင်သွားနိုင်မယ့် အဓိကကျတဲ့ နိုင်ငံတကာနဲ့ ပြည်တွင်းရင်းနှီးမြှုပ်နှံမှုပါဝင်တဲ့ စီမံကိန်းတစ်ခု ဖြစ်လာမယ်လို့လည်း ယုံကြည်ထားပါတယ်”ဟု ပြောကြားသည်။

စဥ့်ကူးမြို့နယ်တွင် ထက်ရည်လင်း ရွှေသတ္တုတူးဖော်ရေးကုမ္ပဏီက ဆိုင်ရာနိုိက် စွန့်ပစ်ရေဆိုး သိုလှောင်ကန်အသစ် တူးဖော်မှုကို ဒေသခံများကန့်ကွက်

မန္တလေးတိုင်းဒေသကြီး ပြင်ဦးလွင်ခရိုင် စဥ့်ကူးမြို့နယ်တွင် ထက်ရည်လင်း ရွှေသတ္တုတူးဖော်ရေးကုမ္ပဏီ ရွှေချက်စက်ရုံ၏ ဆိုင်ရာနိုက် စွန့်ပစ်ရေဆိုးသိုလှောင်ကန်အသစ် တူးဖော်မှုကို ဒေသခံများက ဖေဖော်ဝါရီ ၂၁ ရက်မွန်းလွဲပိုင်းတွင် အဆိုပါတူးဖော်မှုပြုလုပ်သည့်နေရာသို့ သွားရောက်ကန့်ကွက်ခဲ့ကြကြောင်း သိရသည်။

စဥ့်ကူးမြို့နယ်အတွင်းရှိ ကျည်တောက်ပေါက်၊ ကံတောင်၊ ငါးပြားပေး စသည့် ကျေးရွာသုံးရွာအနီးတွင် ထက်ရည်လင်း ရွှေသတ္တုတူးဖော်ရေးကုမ္ပဏီက ရွှေသန့်စင်ရာတွင် အသုံးပြုပြီးစွန့်ပစ်သည့် ဆိုင်ရာနိုက် ဓာတုစွန့်ပစ်ပစ္စည်းကန်အသစ် ထပ်မံတူးဖော်လုပ်ဆောင်နေမှုကို ကန့်ကွက်ခဲ့ကြပြီး ကန့်ကွက်သည့်ကြားမှ ဆက်လက်လုပ်ဆောင်ပါက ဆန္ဒထုတ်ဖော်သွားမည်ဖြစ်ကြောင်း ဒေသခံများက ပြောကြားသည်။

“အခုအသစ်တူးဖော်နေတဲ့ ဆိုင်ရာနိုက်စွန့်ပစ်ကန်က ကံတောင်ကျေးရွာနဲ့က ဘယ်လောက်မှမဝေးဘူး။ ကျည်တောက်ပေါက်ရွာနဲ့ကလည်း သိပ်မဝေးဘူး။ ဒေသခံတွေကလည်း ကန်ကိုဆက်မတူးဖို့အတွက် အကြိမ်ကြိမ်ကန့်ကွက်ထားတယ်။ သက်ဆိုင်ရာဌာနတွေ ဒေသခံတွေနဲ့ ကုမ္ပဏီအကြား ညှိနှိုင်းဆွေးနွေးတဲ့အခါမှာလည်း သဘောမတူတဲ့အကြောင်း ဒေသခံတွေက ကန့်ကွက်ခဲ့ကြတယ်။ ဒါကို ထက်ရည်လင်းကုမ္ပဏီဘက်က ဆက်လုပ်နေတယ်။ ပြီးခဲ့တဲ့ ၂၀၁၇ ခုနှစ်က လည်း ကုမ္ပဏီရဲ့ ဆိုင်ရာနိုက်စွန့်ပစ်ကန် ကျိုးကျတဲ့အတွက် နေအိမ်တွေ ပစ္စည်းတွေအပါအ၀င် ကျပ်သိန်းထောင်ချီဆုံးရှုံးခဲ့ရပြီးပြီ။ ကုမ္ပဏီဘက်က တာဝန်ခံမှုတာဝန်ယူမှုမရှိခဲ့ဘူး။ အခု နောက်ထပ်ကန်အသစ် ထပ်တူးနေတယ်။ အရင်တစ်ခါလို ကန်ကျိုးကျမယ်ဆိုရင် ဘယ်သူကတာဝန်ယူမှာလဲ။ ဆိုင်ရာနိုက် စွန့်ပစ်ပစ္စည်းဒဏ်တွေကြောင့် သဘာဝသယံဇာတတွေ၊ သဘာဝပတ်ဝန်းကျင်တွေ ထိခိုက်သလို လူတွေမှာလည်း ကျန်းမာရေးထိခိုက်မှုတွေဖြစ်နေတယ်။ ဒါကြောင့် အခုကန်အသစ်တူးနေတာကို ဒေသခံပြည်သူတွေက ကန့်ကွက်နေကြတာ” ဟု ကျည်တောက်ပေါက်ကျေးရွာမှ ရပ်မိရပ်ဖ ဦးစန်းဦးမောင်က ပြောကြားသည်။

အဆိုပါ ရွှေသတ္တုတူးဖော်ရေးကုမ္ပဏီ၏ ဆိုင်ရာနိုက်စွန့်ပစ်ပစ္စည်းကန်အသစ် ထပ်မံတူးဖော်နေမှုမှာ ကံတောင်ကျေးရွာ၊ ကျည်တောက်ပေါက်ကျေးရွာနှင့် ငါးပြားပေးကျေးရွာတို့နှင့် နီးကပ်နေသဖြင့် ကျေးရွာများနှင့် အန္တရာယ်လွတ်ကင်းသည့်နေရာသို့ ရွှေသန့်စင်စက်ရုံနှင့် စွန့်ပစ်ဆိုင်ရာနိုက်ရေကန်တို့ကို ပြောင်းရွှေ့တူးဖော်ပေးရန် ဒေသခံများက တောင်းဆိုထားကြောင်း သိရသည်။

ထို့ပြင် ပြီးခဲ့သည့် ၂၀၁၇ ခုနှစ် ဇွန်က မိုးသည်းထန်စွာရွာသွန်းပြီးနောက် ကုမ္ပဏီ၏ ဆိုင်ရာနိုက်စွန့်ပစ်ရေဆိုးကန် ပြိုကျသဖြင့် လူနေအိမ်ခြေအများအပြား ထိခိုက်ပျက်စီးမှုကို ကုမ္ပဏီဘက်မှ နစ်နာကြေးပေးလျော်ခဲ့သော်လည်း ထိရောက်သည့်နစ်နာကြေး မဟုတ်ကြောင်း ဒေသခံများက ဆက်လက်ပြောကြားသည်။

“ကျွန်တော်တို့ကန့်ကွက်နေတာက ဆိုင်ရာနိုက်စွန့်ပစ်ရေဆိုးကန်ကြောင့် ဒေသခံပြည်သူတွေဟာ ၂၀၁၇ ခုနှစ်မှာ ကျပ်သိန်း ၇၀၀၀ ကျော်လောက် ဆုံးရှုံးထိခိုက်ခဲ့ကြပြီးပြီ။ ကုမ္ပဏီဘက်က နစ်နာကြေးပေးတယ်ဆိုတာကလည်း ပျက်စီးဆုံးရှုံးခဲ့တဲ့တန်ဖိုးကို ပြန်မရကြပါဘူး။ အချို့နေအိမ်တွေဆို အခုအချိန်အထိ ပြင်ဆင်လို့မပြီးသေးပါဘူး။ အခု ရွာသုံးရွာအကြားမှာ အသစ်တည်ဆောက်နေတဲ့ ဆိုင်ရာနိုက်စွန့်ပစ်ကန်ကလည်း ကျွန်တော်တို့ဒေသခံတွေ အကြိမ်ကြိမ်ကန့်ကွက်နေတဲ့ကြားက ဆက်လုပ်နေတာပါ။ ဒေသခံတွေ ဖြစ်စေချင်တာက ကျေးရွာနဲ့လွတ်ကင်းတဲ့ လေးငါးမိုင်အကွာမှာ စွန့်ပစ်ကန်ကိုတည်ဆောက်ဖို့ တောင်းဆိုထားတယ်။ တကယ်လို့ အသစ်တည်ဆောက်ထားတဲ့ကန်က နောက်တစ်ခါ ထပ်ပြီးပြိုကျခဲ့မယ်ဆိုရင် ဘယ်သူကတာဝန်ယူမှာလဲလို့ အစည်းအဝေးမှာမေးတော့ ဘယ်သူမှတာဝန်ယူမယ်ဆိုပြီး မဖြေနိုင်ပါဘူး။ ဒါကြောင့် ဒီစွန့်ပစ်ရေဆိုးကန်ကို ဒေသခံတွေက ကန့်ကွက်နေကြတာပါ” ဟု ကျည်တောက်ပေါက်ကျေးရွာ ရွှေပိတောက်ရပ်ကွက်အုပ်ချုပ်ရေးမှူး ဦးသန်းဝင်းက ပြောကြားသည်။

လက်ရှိ ထက်ရည်လင်း ရွှေသတ္တုတူးဖော်ရေးကုမ္ပဏီက အသစ်တူးဖော်လုပ်ဆောင်နေသည့် ဆိုင်ရာနိုက်စွန့်ပစ်ရေဆိုးကန်ကို ကျည်တောက်ပေါက်၊ ကံတောင်၊ ငါးပြားပေး စသည့်ကျေးရွာသုံးရွာမှ ဒေသခံရွှေလုပ်သားများက လက်မှတ်ရေးထိုးကန့်ကွက်၍ နိုင်ငံတော်သမ္မတ၊ အမျိုးသားလွှတ်တော်နှင့် သက်ဆိုင်ရာအစိုးရဌာနများသို့ တိုင်ကြားထားကြောင်း သိရသည်။ စဥ့်ကူးမြို့နယ်မှာ ရွှေသတ္တုထွက်ရှိရာ ဒေသများအနက် တစ်ခုအပါအ၀င်ဖြစ်ပြီး ရွှေလုပ်ကွက်စုစုပေါင်း ၉၀ ကျော်ရှိကြောင်း သိရသည်။

အဆိုပါ ထက်ရည်လင်း ရွှေသတ္တုတူးဖော်ရေးကုမ္ပဏီက တူးဖော်ဆောင်ရွက်နေသည့် ဆိုင်ရာနိုက်စွန့်ပစ်ရေဆိုးကန်ကို ဒေသခံများ ကန့်ကွက်မှုနှင့်ပတ်သက်၍ စဥ့်ကူးမြို့နယ် အမှတ် (၂) သတ္တုတွင်းဦးစီးဌာနသို့ ဆက်သွယ်မေးမြန်းရာ အဆိုပါသိုလှောင်ကန် တူးဖော်နေမှုမှာ တိုင်းဒေသကြီးအစိုးရအဖွဲ့၏ စီစဉ်ညွန်ကြားမှုဖြင့် ဆောင်ရွက်နေခြင်းဖြစ်ကြောင်း၊ သိုလှောင်ကန်တည်ဆောက်ရန်အတွက် ခွင့်ပြုချက်ရရှိထားကြောင်း၊ ကုမ္ပဏီမှာ သက်တမ်းကျန်ရှိနေဆဲဖြစ်ကြောင်းနှင့် အမှတ် (၂) သတ္တုတွင်းဦးစီးဌာနနှင့် အကျိုးတူဖက်စပ်ဆောင်ရွက်နေခြင်းဖြစ်ကြောင်း အဆိုပါ အမှတ် (၂) သတ္တုတွင်းဦးစီးဌာနမှ လက်ထောက်အင်ဂျင်နီယာ ဦးဇော်ချိုတူးက ပြန်လည်ဖြေကြားသည်။

လားရှိုးမြို့ လမ်းမတော်လမ်းပေါ်ရှိ ရိုးမဘဏ်တွင် ဗုံးပေါက်ကွဲမှု ဖြစ်ပွားပြီး နှစ်ဦး သေဆုံးကာ ၂၂ ဦးဒဏ်ရာရ

လားရှိုးမြို့ လမ်းမတော်လမ်းပေါ်ရှိ ရိုးမဘဏ်တွင် ဗုံးပေါက်ကွဲမှုဖြစ်ပွားပြီးနောက် တာဝန်ရှိသူများ စစ်ဆေးနေစဉ် (ဓာတ်ပုံ-ထွန်းနေလှိုင်)

ရှမ်းပြည်နယ် (မြောက်ပိုင်း) လားရှိုးမြို့ လမ်းမတော်လမ်းရှိ ရိုးမဘဏ်တွင် ဖေဖော်ဝါ ရီ ၂၁ ရက် ညနေပိုင်းက ပေါက်ကွဲမှုဖြစ်ပွားပြီး ပေါက်ကွဲမှုကြောင့် လူအများအပြား ဒဏ်ရာရရှိကာ သေဆုံးသူ နှစ်ဦး ရှိခဲ့ကြောင်း သိရသည်။

အဆိုပါ ပေါက်ကွဲမှုဖြစ်စဉ်ကြောင့် ရိုးမဘဏ် အနောက်ဘက်ကပ်လျက်ရှိ ဧရာဝတီဘဏ်လည်း ပျက်စီးမှုများ ရှိခဲ့ပြီး လမ်းတစ်ဖက်ရှိ ပြည်နယ်ကျန်းမာရေးဦးစီးဌာနမှူးရုံး အဆောက်အအုံတွင် တပ်ဆင်ထားသော မှန်များအားလုံးနီးပါး ကွဲကြေခဲ့ကြောင်း သိရသည်။

“ ပေါက်ကွဲမှုဖြစ်ပွားတဲ့အသံကြီးက တစ် မြို့လုံးနီးပါးကြားရပြီး တုန်ခါမှုလည်းပြင်းထန် တယ်။ ဒီလိုအသံက ကျွန်တော်တို့ ဒီမြို့မှာနေ ခဲ့တဲ့ သက်တမ်းတစ်လျှောက် တစ်ခါမှ မကြား ဖူးတဲ့အသံပါပဲ။ ပေါက်ကွဲမှုဖြစ်တဲ့နေရာက တကယ့်လူစည်ကားတဲ့နေရာ မြို့လယ်ကောင် မှာပါ။ လမ်းမတော်လမ်းမှာရှိတဲ့နေရာ။ အဲဒီ လမ်းမှာကလည်း ဘဏ်တွေများတယ်။ ပေါက် ကွဲသံကြီးကတော့ တစ်မြို့လုံးနီးပါးကို ကြားရ တာပါ}}ဟု လားရှိုးမြို့မှ ဒေသခံတစ်ဦးဖြစ်သူ ကိုနေက ပြောကြားသည်။

ရိုးမဘဏ်တွင် ဗုံးပေါက်ကွဲမှုဖြစ်စဉ်ကြောင့် ရိုးမဘဏ် အနောက်ဘက်ကပ်လျက်ရှိ ဧရာဝတီဘဏ်၏ ပျက်စီးမှုအချို့

ယင်းဖြစ်စဉ်နှင့် ပတ်သက်၍ တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်တွင် လားရှိုးမြို့ လမ်းမတော်လမ်းနှင့် ရွှေဘိုလမ်းဆုံရှိ ရိုးမဘဏ်၊ ဘဏ်ခွဲ (၁) ၏ ဘေးဘက် ရေမြောင်းနေရာ၌ ဖေဖော်ဝါရီ ၂၁ ရက် ညနေ ၄ နာရီ မိနစ် ၄၀ တွင် အကြမ်းဖက် သောင်းကျန်းသူ စိစစ်ဆဲအဖွဲ့ ထောင်ထားသည့် ဒေသန္တရမိုင်းတစ်လုံး ပေါက်ကွဲမှုဖြစ်ပွားခဲ့ကြောင်း၊ ပေါက်ကွဲမှုကြောင့် ရိုးမဘဏ်ဝန်ထမ်း မစန္ဒာထွန်း (၄၈ နှစ်) နှင့် မမော်မော် (၃၉ နှစ်) တို့နှစ်ဦး သေဆုံးခဲ့ပြီး ဘဏ်ဝန်ထမ်းများနှင့် ပြည်သူအမျိုးသားကိုးဦး၊ အမျိုးသမီး ၁၃ ဦး ထိခိုက်ဒဏ်ရာရရှိခဲ့ပြီး ရိုးမဘဏ်အဆောက်အအုံ အတွင်းပိုင်းနေရာများ၌ ပျက်စီးဆုံးရှုံးမှုများပြားကာ အနီးပတ်ဝန်းကျင်ရှိ အဆောက်အအုံများတွင်လည်း ပျက်စီးဆုံးရှုံး မှုများဖြစ်ပွားခဲ့ကြောင်း ဖော်ပြထားသည်။

“ ကျွန်တော်တို့ သယ်သွားတဲ့အထဲမှာ တော့ ဆိုးဆိုးရွားရွားတော့ မရှိဘူး။ ဒါပေမဲ့ ဆေးရုံမှာတော့ ဆိုးဆိုးရွားရွား ဒဏ်ရာရသူ တွေတွေ့ရတယ်။ ဘဏ်ကတော့ ရစရာမရှိအောင် အားလုံး အပေါ်ထပ်အောက်ထပ် ကြေမွနေတာပဲ”ဟု လားရှိုးလူငယ်နှင့် လူမှုကူညီရေး အသင်းဥက္ကဋ္ဌ ဦးထွန်းမြင့်က ပြောကြားသည်။

ရိုးမဘဏ်တွင် ဗုံးပေါက်ကွဲမှုဖြစ်စဉ်ကြောင့် လမ်းတစ်ဖက်ရှိ ပြည်နယ်ကျန်းမာရေးဦးစီးဌာနမှူးရုံး၏ မှန်များကွဲကြေစဉ်

ရိုးမဘဏ်ဝန်ထမ်းနှစ်ဦး ကွယ်လွန်သွားသည့်အတွက် များစွာ စိတ်မကောင်းဝမ်းနည်း ဖြစ်ရကြောင်း၊ ယခုကဲ့သို့ စိတ်မကောင်းဖြစ်ရ သည့် အခြေအနေတွင် ရိုးမဘဏ်သည် One Bank အဖြစ် စည်းလုံးညီညွတ်စွာ တစ်သားတည်း ဆက်လက် ရပ်တည်သွားရမည်ဖြစ်ပြီး ကွယ်လွန်သူ ၀န်ထမ်းနှစ်ဦး ဆုံးရှုံးမှုကို ၀မ်းနည်းကြေကွဲသောအားဖြင့် လားရှိုးမြို့ရှိ ရိုးမဘဏ်ခွဲနှစ်ခုစလုံးကို ဖေဖော်ဝါရီ ၂၂ ရက်မှ စတင်၍ ယာယီ ပိတ်ထားမည်ဖြစ်ကြောင်း၊ အခြားမြို့များရှိ ရိုးမဘဏ်ခွဲများကို ပုံမှန်အတိုင်း ဆက်လက် ဖွင့်လှစ်ဆောင်ရွက်သွားမည် ဖြစ်ကြောင်း ရိုးမဘဏ်က ထုတ်ပြန်ထားသည်။

အလားတူ ဧရာဝတီဘဏ်၏ ထုတ်ပြန်ချက်တွင် အပြစ်မဲ့ပြည်သူများ၏ အသက်အန္တရာယ် ထိခိုက်စေခဲ့သည့် အကြမ်းဖက်ဖြစ်ရပ်ကို ရှုတ်ချပြီး တာဝန်ထမ်းဆောင်ရင်း အသက်ဆုံးရှုံးသွားသည့် ရိုးမဘဏ်ဝန်ထမ်း နှစ်ဦးအတွက် ဧရာဝတီဘဏ် မိသားစုအနေဖြင့် ကျန်ရစ်သူ မိသားစု၊ ရိုးမဘဏ်ဝန်ထမ်းမိသားစုများနှင့် ထပ်တူထပ်မျှ ၀မ်းနည်းကြေကွဲရကြောင်း ဖော်ပြထားသည်။

 

ရိုးမဘဏ်တွင် ဗုံးပေါက်ကွဲမှုဖြစ်စဉ်ကြောင့် လမ်းတစ်ဖက်ရှိ ပြည်နယ်ကျန်းမာရေးဦးစီးဌာနမှူးရုံး၏ မှန်များပျက်စီးမှုအချို့

ပေါက်ကွဲမှုဖြစ်ပွားခဲ့သည့်နေရာနှင့် ပေ ၃၀၀ ၀န်းကျင်ရှိ အဆောက်အအုံအများအပြား မှန်ကွဲခြင်း၊ မျက်နှာကြက်ပြိုကျခြင်းများ ဖြစ်ပွားခဲ့သည်။

၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထား

၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် အခွန်အကောက်ရငွေ ကျပ် ၂၇၉၂ ဘီလျံရရှိရန်နှင့် အခွန်ရငွေနှင့် ဂျီဒီပီအချိုးကို ၈ ဒသမ ၅ ရာခိုင်နှုန်းရှိရန် လျာထားကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံး ခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက်အစီရင်ခံစာတွင် ဖော်ပြထားချက်အရ သိရသည်။

အခွန်အကောက်ရငွေ လျာထားချက် ကျပ် ၂၇၉၁ ဒသမ ၈၉၇ ဘီလျံမှာ ၂၀၁၅-၂၀၁၆ မှ ၂၀၁၆-၂၀၁၇ ဘဏ္ဍာနှစ်များ၏ ပထမခြောက်လ အခွန်ကောက်ခံရရှိငွေများနှင့် နှိုင်းယှဉ်ပါက တိုးမြှင့်လျာထားကြောင်း သိရသည်။

၂၀၁၅-၂၀၁၆ ဘဏ္ဍာနှစ် (အမှန်) တွင် အခွန်ရငွေ ကျပ် ၂၃၅၈ ဘီလျံ၊ ဂျီဒီပီ ကျပ် ၂၄၈၃၃ ဘီလျံနှင့် အခွန်ရငွေနှင့် ဂျီဒီပီအချိုး ၉ ဒသမ ၅ ရာခိုင်နှုန်း၊ ၂၀၁၆-၂၀၁၇ ဘဏ္ဍာနှစ် (ရှေ့ပြေးအမှန်) တွင် အခွန်ရငွေ ကျပ် ၂၅၄၈ ဘီလျံ၊ ဂျီဒီပီ ကျပ် ၂၆၄၈၂ ဘီလျံ၊ အခွန်ရငွေနှင့် ဂျီဒီပီအချိုး ၉ ဒသမ ၆ ရာခိုင် နှုန်း၊ ၂၀၁၇-၂၀၁၈ ဘဏ္ဍာနှစ် (ယာယီ) တွင် အခွန်ရငွေ ကျပ် ၃၀၇၉ ဘီလျံ၊ ဂျီဒီပီ ကျပ်ဘီလျံ ၂၄၉၁၀၊ အခွန်ရငွေနှင့် ဂျီဒီပီအချိုး ၁၂ ဒသမ ၄ ရာခိုင်နှုန်းရှိပြီး ၂၀၁၈ ခုနှစ် (ဧပြီမှ စက်တင်ဘာလအထိ-ရည်မှန်းချက်) တွင် အခွန်ရငွေ ကျပ် ၂၇၉၂ ဘီလျံ၊ ဂျီဒီပီ ကျပ် ၃၂၈၇၃ ဘီလျံ၊ အခွန်ရငွေနှင့် ဂျီဒီပီအချိုး ၈ ဒသမ ၅ ရာခိုင်နှုန်းရှိရန် လျာထားကြောင်း သိရသည်။

ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာသုံးသပ်ချက် အစီရင်ခံစာတွင် အခွန်ကင်းလွတ်ခွင့်နှင့် ရင်းနှီးမြှုပ်နှံမှုမက်လုံးများကို ကျိုးကြောင်းဆီလျော်မှုရှိအောင် ဆောင်ရွက်ရန်၊ ပြည်ထောင်စုအဆင့်အနေဖြင့် အခွန်အတွက် အသုံးစရိတ်ကို ပိုမိုထင်သာမြင်သာသိရှိစေရန် နှစ်စဉ် အရအသုံးခန့်မှန်းခြေငွေစာရင်းတွင် ဖော်ပြသွားရန်၊ အခွန်စနစ်၏ သိက္ခာနှင့် ပုံရိပ်တို့ကို ထိန်းထားနိုင် လာဘ်ပေးလာဘ်ယူ တိုက်ဖျက်ရေးနည်းလမ်းများကို စတင်ဆောင်ရွက်ရန်၊ အခွန်ထမ်းဆိုင်ရာဝန်ဆောင်မှု စွမ်းဆောင်ရည်မြှင့်တင်နိုင်ရန် ကျွမ်းကျင်ဝန်ထမ်းများ ပိုမိုခန့်အပ်ရန်နှင့် စီးပွားရေးဖွံ့ဖြိုးတိုးတက်မှုအတွက် အခွန်၏အရေးပါမှုကို ပြည်သူလူထုအား စဉ်ဆက်မပြတ် ပညာပေးခြင်းလုပ်ငန်းများ တိုးမြှင့်ဆောင်ရွက်သွားရန် ဖော်ပြထားသည်။

ထွက်ပြေးသွားသော ဘင်္ဂါလီများအနေဖြင့် နေရပ်ပြန်လာရေးထက် ကိုယ်ပိုင်အုပ်ချုပ်ခွင့်ရနယ်မြေ ရရှိရေး လိုလားနေကြောင်း အယ်ဂျာဇီးယားက ဖော်ပြ

ထွက်ပြေးသွားသော ဘင်္ဂါလီများအနေဖြင့် နေရပ်ပြန်လာရေးထက် ကိုယ်ပိုင်အုပ်ချုပ်ခွင့်ရနယ်မြေ ရရှိရေး လိုလားနေကြောင်း အယ်ဂျာဇီးယား သတင်းဌာနက ဖေဖော်ဝါရီ ၂၀ ရက်တွင် ဖော်ပြခဲ့သည်။

ဇန်န၀ါရီလတွင် ဘင်္ဂလားဒေ့ရ်ှနှင့် မြန်မာနိုင်ငံတို့သည် ဘင်္ဂါလီမွတ်စလင် ဒုက္ခသည်များအား ပြန်လည်လက်ခံရေး သဘောတူညီချက် တစ်ရပ်ကို ကြေညာခဲ့သော်လည်း ယင်းသဘောတူညီချက်နှင့် ပတ်သက်၍ ဘင်္ဂါလီမွတ်စလင် ဒုက္ခသည်များနှင့် တိုင်ပင်ဆွေးနွေးခဲ့ခြင်း မရှိသကဲ့သို့ ဘေးကင်းလုံခြုံစွာ ပြန်လာနိုင်ရေးကိုလည်း အာမခံထားခြင်း မရှိဟု ဆိုသည်။

လွန်ခဲ့သည့် သီတင်းပတ်အတွင်းက ဘင်္ဂလားဒေ့ရှ် ဒုက္ခသည်စခန်းများသို့ ရောက်ရှိခဲ့သော ဘင်္ဂါလီမွတ်စလင်အရေး လှုပ်ရှားသူနှင့် ဗြိတိန်အခြေစိုက် မြန်မာရိုဟင်ဂျာ အဖွဲ့အစည်းကို ဦးဆောင်သူ ဦးထွန်းခင်က “တချို့လူတွေက ကျွန်တော့်ကို မေးကြပါတယ်။ ကျွန်တော်တို့ ဒီနေရာကို ဘယ်လိုပြန်နိုင်မလဲတဲ့” ဟုဆိုသည်။

“ဒါက ပြက်လုံးတစ်ခုပါ။ ဒါဟာ နေရပ်ပြန်ဖို့ ကိစ္စကို ပြောနေဖို့အချိန် မဟုတ်ပါဘူး” ဟုလည်း ၎င်းက ပြောကြားခဲ့သည်။

ဖေဖော်ဝါရီ ၂၂ ရက်တွင် ဦးထွန်းခင်သည် အောက်စဖို့ဒ်တက္ကသိုလ်၌ ကျောင်းသားများအား စကားပြောကြားမည် ဖြစ်ကြောင်း သိရသည်။ ယင်းကဲ့သို့ ပြောကြားရာတွင် ဦးထွန်းခင်နှင့်အတူ ဗြိတိန်နိုင်ငံ အခြေစိုက်ပင်ဖြစ်သော တက်ကြွလှုပ်ရှားသူ တစ်ဦးဖြစ်သည့် မောင်ဇာနည်လည်း ပါဝင်မည်ဖြစ်သည်။

အယ်ဂျားဇီးယား သတင်းဌာနက ဘင်္ဂါလီမွတ်စလင်များအား ပြန်လည်လက်ခံရေး အစီအစဉ်နှင့် ပတ်သက်၍ ဦးထွန်းခင်၊ မောင်ဇာနည်တို့နှင့် တွေ့ဆုံမေးမြန်းခဲ့သည်။

ယင်းကဲ့သို့ မေးမြန်းရာတွင် ဦးထွန်းခင်က “မြန်မာနိုင်ငံကနေ ထွက်ပြေးလာတဲ့ ဒုက္ခသည်တွေနဲ့ လွန်ခဲ့တဲ့ သီတင်းပတ်လောက်အထိ မကြာသေးခင်ကပဲ ကျွန်တော် တွေ့ဆုံခဲ့ပါတယ်။ နေရပ်ပြန်ရေးကိစ္စနဲ့ ပတ်သက်ပြီး ပြောဆိုဖို့ဆိုတာ ပြက်လုံးတစ်ခုပါ။ ဒီအစိုးရဆီကနေ ပြန်လည်လက်ခံရေး ဆိုတဲ့အကြောင်း ဆွေးနွေးဖို့အချိန် မဟုတ်ပါဘူး။ မြန်မာတပ်မတော် အကြီးအကဲနဲ့ ဒေါ်အောင်ဆန်းစုကြည်တို့အတွက် အပြည်ပြည်ဆိုင်ရာ ရာဇ၀တ်ခုံရုံး (ICC) ကို ကျွန်တော်တို့ ဘယ်လိုသုံးနိုင်မလဲ ကြည့်ဖို့အချိန်ပါ” ဟု ပြောကြားခဲ့သည်။

၎င်းကဆက်လက်၍ “ရိုဟင်ဂျာတွေဟာ ဘေးကင်းလုံခြုံဖို့နဲ့ ကာကွယ်စောင့်ရှောက်ပေးဖို့ကို လိုလားပါတယ်။ ဒါကြောင့် ကျွန်တော်တို့ သူတို့  ပြန်နိုင်ဖို့အတွက် ကုလသမဂ္ဂက ကာကွယ်စောင့်ရှောက်ပေးတဲ့ နယ်မြေတစ်ခု လိုအပ်ပါတယ်” ဟုလည်း ပြောကြားခဲ့သည်။

အယ်ဂျားဇီးယားက တွေ့ဆုံမေးမြန်းရာတွင် မောင်ဇာနည်က “ကျွန်တော်တို့ မြင်ရဖို့ လိုအပ်တာက ကမ္ဘာတစ်လွှားက အမှန်တကယ် စိုးရိမ်ကြတဲ့ ခေါင်းဆောင်အနည်းငယ်က ရိုဟင်ဂျာတွေအတွက် ကိုယ်ပိုင်အုပ်ချုပ်ခွင့်ရနယ်မြေ ဖန်တီးပေးဖို့ အထူးကွန်ဖရင့်တစ်ရပ် တောင်းဆိုပေးဖို့ပါပဲ။ ကိုယ်ပိုင်အုပ်ချုပ်ခွင့်ရ နယ်မြေမှာ သူတို့တွေ ဘေးကင်းလုံခြုံကြောင်း ခံစားနိုင်ပြီး ကုလသမဂ္ဂ၊ အိမ်နီးချင်း ဘင်္ဂလားဒေ့ရ်ှနိုင်ငံ အစိုးရနဲ့ တခြားသူတွေ ကာကွယ်စောင့်ရှောက် ပေးနိုင်ပါလိမ့်မယ်။ တခြားဖြေရှင်းမှုတွေက အလုပ်ဖြစ်လိမ့်မယ်လို့ ကျွန်တော် မထင်ပါဘူး” ဟု ပြောကြားခဲ့သည်။

Ref : Aljazeera

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံ ဌာနေတိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသောဘ၀ ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန်အဆို ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်

ဖေဖော်ဝါရီ ၂၀ ရက်က ပြုလုပ်သော ပြည်သူ့လွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ် (ဓာတ်ပုံ – စည်သူ)

ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေး အပါအ၀င် ဒေသခံဌာနေ တိုင်းရင်းသားတို့၏ အသက်အိုးအိမ် ထာဝရလုံခြုံမှုရှိသော ဘ၀ကို ထူထောင်နိုင်ရန် ထိရောက်သော အကောင်အထည်ဖော်မှု ပြုလုပ်ပေးရန် အဆိုအား ပြည်သူ့လွှတ်တော်တွင် အတည်ပြုရန် မဲခွဲဆုံးဖြတ်ရာ ရှုံးနိမ့်ခဲ့ကြောင်း သိရသည်။

ဘူးသီးတောင် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက တင်သွင်းသည့် ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ ခိုင်မြဲရေးအတွက် လည်းကောင်း၊ ဒေသခံ ဌာနေတိုင်းရင်းသားတို့၏ အသက်အိုးအိမ်၊ ထာဝရလုံခြုံမှုရှိသော လူမှုဘ၀ကို ထူထောင်နိုင်ရန် ဒေသခံတိုင်းရင်းသားတို့၏ လိုအပ်ချက်များကို ရေတိုရေရှည် စီမံကိန်းများ ပွင့်လင်းမြင်သာစွာ ချမှတ်၍ ထိရောက်သော အကောင်အထည်ဖော် ဆောင်ရွက်မှုများကို ပြုလုပ်ပေးရန် နိုင်ငံတော် အစိုးရအား တိုက်တွန်းကြောင်း အဆိုကို နေပြည်တော်၌ ဖေဖော်ဝါရီ ၂၀ ရက်က ပြုလုပ်သည့် ဒုတိယအကြိမ် ပြည်သူ့လွှတ်တော် သတ္တမပုံမှန် အစည်းအဝေး ၂၀ ရက်မြောက်နေ့တွင် လွှတ်တော်ကိုယ်စားလှယ်များက ဆွေးနွေးခဲ့ပြီး မဲခွဲဆုံးဖြတ်ရာတွင် အတည်ပြုရန် ရှုံးနိမ့်ခဲ့ခြင်းဖြစ်သည်။

“ရခိုင်ပြည်နယ်အရေးကို အစိုးရအနေနဲ့ ဆောင်ရွက်ရာမှာ မီးစင်ကြည့်ကနေခြင်း မဟုတ်ဘဲ စနစ်တကျ ဆောင်ရွက်နေခြင်း ဖြစ်ကြောင်း ရှင်းလင်းတင်ပြ လိုပါတယ်။ ရခိုင်ပြည်နယ် အပါအ၀င် နိုင်ငံတစ်ဝန်းလုံးမှာ ရှိတဲ့ ဖွံ့ဖြိုးရေး၊ တရားဥပဒေ စိုးမိုးရေးတို့အတွက် လုပ်ဆောင်ရန် များစွာရှိနေပြီး အစိုးရအနေနဲ့ အလေးထား ကြိုးပမ်းဆောင်ရွက် လျက်ရှိပါတယ်။ ဒီလိုဆောင်ရွက်ရာမှာ နိုင်ငံတော် ဖွံ့ဖြိုးတိုးတက်မှု စီမံကိန်းများ၊ ရခိုင်ပြည်နယ် ဖွံ့ဖြိုးတိုးတက်မှု စီမံကိန်းများနဲ့ ဆောင်ရွက်နေပါတယ်။ ဒီဆောင်ရွက်မှုတွေဟာ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေကို အကောင်အထည်ဖော် ဆောင်ရွက်နေခြင်းနဲ့လည်း ဆက်စပ်ကိုက်ညီလျက် ရှိပါတယ်။ ဒီအကြံပြုချက်တွေဟာ ရခိုင်ပြည်နယ်မှာ ခေတ်အဆက်ဆက် ဖြစ်ပွားခဲ့တဲ့ ပဋိပက္ခတွေရဲ့ အခြေခံ အကြောင်းရင်းတွေကို ဖော်ထုတ်ဖြေရှင်းခြင်းနဲ့ ရေရှည်ပဋိပက္ခ ကင်းဝေးပြီး ဖွံ့ဖြိုးတိုးတက်သော ပြည်နယ်တစ်ခု ဖြစ်လာရန် အထောက်အကူများစွာ ဖြစ်စေမှာ ဖြစ်ပါတယ်။ နောက်ဆုံး ဖြစ်ပွားခဲ့တဲ့ အကြမ်းဖက်ဖြစ်စဉ်ရဲ့ နောက်ဆက်တွဲ ဖြစ်ရပ်တွေအပေါ်အခြေခံပြီး ချမှတ်တဲ့ UEHRD ပြည်ထောင်စုစီမံကိန်းရဲ့ လုပ်ငန်းအဖွဲ့ကိုးခုက အကောင်အထည်ဖော် ဆောင်ရွက်မှုဟာလည်း ရေရှည်လူမှုစီးပွား ဖွံ့ဖြိုးတိုးတက်မှုကို ရရှိနိုင်ပြီး ဒေသခံ တိုင်းရင်းသားတွေအတွက် ထိရောက်တဲ့ ပြန်လည်ထူထောင်မှုပြုနိုင်မှာ ဖြစ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး ရှင်းလင်းဖြေကြားရာတွင် ထည့်သွင်းပြောကြားသည်။

ထို့ပြင် ရခိုင်ပြည်နယ် လုံခြုံရေးအတွက် နယ်စပ်ခြံစည်းရိုး ခိုင်ခံ့ကောင်းမွန်ရေး၊ ရေပိုင်နက် နယ်နိမိတ် လုံခြုံရေးတို့သည် အဓိကကျသော အချက်များဖြစ်သဖြင့် နယ်စပ်ခြံစည်းရိုး ကာရံခြင်းနှင့် ပတ်သက်၍ မြန်မာနိုင်ငံ အတွင်းသို့ တရားမ၀င် ၀င်ထွက်သွားလာမှု မရှိစေရေးနှင့် အကြမ်းဖက်သမားများ၏ အန္တရာယ်မှ လုံခြုံရေးတို့အတွက် ၂၀၁၆-၂၀၁၇ ဘဏ္ဍာနှစ်အတွင်း မြန်မာ-ဘင်္ဂလားဒေ့ရှ် ထိစပ်နယ်နိမိတ်တစ်လျှောက် နယ်စပ်ခြံစည်းရိုး ပျက်စီးမှုများအား ပြုပြင်ခြင်း၊ နယ်စပ်ခြံစည်းရိုး ကင်းလှည့်လမ်းပြုပြင်ခြင်း၊ ချဉ်းကပ်လမ်းများ၊ တံတားများနှင့် ကင်းစခန်းများ ပြုပြင်ခြင်းတို့ကို ဆောင်ရွက်လျက်ရှိကြောင်း၊ နယ်စပ်ခြံစည်းရိုး တည်ဆောက်ခြင်းကို ၂၀၀၉ ခုနှစ်မှ စတင်၍ သဲသောင်ပြင်ပိုင်း၊ တာပေါင်ပိုင်းနှင့် တောင်ပေါ်ပိုင်းဟူ၍ ခြံစည်းရိုး အမျိုးအစား သုံးမျိုးဖြင့် အဆင့်ဆင့် တည်ဆောက်လျက်ရှိရာ ကျန်ရှိသည့် ၃၉ ဒသမ ၂၁၇ မိုင်အား လာမည့် ပွင့်လင်းရာသီတွင် လုပ်ငန်းစတုတ္ထအဆင့်အဖြစ် ဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးက ပြောကြားသည်။

နယ်မြေလုံခြုံရေးနှင့် ပတ်သက်၍ မြန်မာနိုင်ငံရဲတပ်ဖွဲ့မှ ရခိုင်ပြည်နယ်ရဲတပ်ဖွဲ့အပြင် အမှတ်(၁) နယ်ခြားစောင့် ရဲကွပ်ကဲမှု အဖွဲ့ကိုပါထားရှိ၍ တပ်မတော်နှင့် ပူးပေါင်းဆောင်ရွက်လျက်ရှိပြီး ရခိုင်ပြည်နယ် ရဲတပ်ဖွဲ့အနေဖြင့် မောင်တောမြို့နယ်တွင် ခရိုင်ရဲတပ်ဖွဲ့မှူးရုံး၊ မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ တောင်ပြိုလက်ဝဲ နယ်မြေရဲစခန်းနှင့် လုံခြုံရေး ရဲကင်းစခန်း ၁၀ ခု၊ ဘူးသီးတောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်း၊ လုံခြုံရေး ရဲကင်းစခန်းသုံးခုနှင့် ဘူးသီးတောင် အကျဉ်းထောင် လုံခြုံရေးရဲကင်းစခန်း၊ ရသေ့တောင်မြို့နယ်တွင် မြို့နယ်ရဲတပ်ဖွဲ့မှူးရုံး၊ မြို့မရဲစခန်းနှင့် လုံခြုံရေး ရဲကင်းစခန်း နှစ်ခုဖွင့်လှစ်၍ နယ်မြေလုံခြုံရေးနှင့် တရားဥပဒေ စိုးမိုးရေး လုပ်ငန်းများကို ဆောင်ရွက်လျက်ရှိကြောင်း ဒေါက်တာဝင်းမြတ်အေးက ဆက်လက်ပြောကြားသည်။

“ရခိုင်ပြည်နယ်အရေးသည် မြန်မာနိုင်ငံရဲ့အရေး ဖြစ်ပါတယ်။ ရခိုင်ပြည်နယ်မှာ ဖြစ်ပေါ်နေတဲ့ အရေးကိစ္စဟာ မြန်မာနိုင်ငံတစ်ခုလုံး အပေါ်မှာလည်း အကျိုးသက်ရောက်မှုများစွာ ရှိနေတာကို အားလုံးအသိဖြစ်ပါတယ်။ ဒါကြောင့် ရခိုင်ပြည်နယ်ရှိ ပြည်သူတွေရဲ့ အကျိုးကို ကိုင်တွယ်ဆောင်ရွက်ရာမှာ တစ်နိုင်ငံလုံးရဲ့ အရေးကဲ့သို့ သတိကြီးစွာထားပြီး အမြင်ကျယ်ကျယ်နဲ့ ကိုင်တွယ်ဆောင်ရွက်ဖို့ များစွာလိုအပ်ပါတယ်။ အစိုးရရဲ့ လက်ရှိဆောင်ရွက်ထားမှုနဲ့ ဆက်လက်အကောင်အထည်ဖော် ဆောင်ရွက်နေမှုတွေဟာ လွှတ်တော်ကိုယ်စားလှယ်ကြီးရဲ့ ရခိုင်ဒေသခံ တိုင်းရင်းသား ပြည်သူတွေ အကျိုးအတွက် လိုလားတောင့်တမှုတွေနဲ့ ကိုက်ညီလျက်ရှိတဲ့အတွက် အဆိုကို မှတ်တမ်းအဖြစ်သာ ထားရှိရန် ဖြေကြားအပ်ပါတယ်” ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဆိုနှင့် ပတ်သက်ပြီး မှတ်တမ်းတင်ရန် ပြောကြားသည်။

အဆိုနှင့် ပတ်သက်ပြီး တပ်မတော်သား ကိုယ်စားလှယ်နှစ်ဦး အပါအ၀င် လွှတ်တော်ကိုယ်စားလှယ် ၁၇ ဦးက ဆွေးနွေးခဲ့ပြီး အဆိုရှင် ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက အစိုးရအဖွဲ့အနေဖြင့် အကောင်အထည်ဖော် ဆောင်ရွက်နေရုံဖြင့် လုံလောက်ခြင်း မရှိသည့်အတွက် လက်တွေ့ အကောင်အထည်ဖော် ဆောင်ရွက်နိုင်ရန် အဆိုအား အတည်ပြုရန် ပြောကြားခဲ့သောကြောင့် စက်ခလုတ်နှိပ် မဲခွဲဆုံးဖြတ်ခဲ့သည်။

စက်ခလုတ်နှိပ် မဲခွဲဆုံးဖြတ်ရာတွင် ဆန္ဒမဲပေးခွင့်ရှိသူ ၃၈၃ ဦးတွင် အဆိုအား အတည်ပြုရန် ထောက်ခံသူ ၆၇ ဦး၊ မှတ်တမ်းတင်ရန် ထောက်ခံသူ ၃၀၄ ဦးနှင့် ကြားနေမဲ တစ်မဲဖြင့် အတည်ပြုရန် ရှုံးနိမ့်ခဲ့ခြင်းဖြစ်သည်။

“မီဒီယာတွေမှာလည်း ဖော်ပြနေကြတယ်။ အခုမောင်တောကနေ စစ်တွေကို ပြေးသွားကြတဲ့ နေစရာမရှိဘူး အခုထိ။ ဒီလောက် အစုလိုက်အပြုံလိုက် အသတ်ခံရတဲ့လူတွေ။ အဲဒီလို သူတို့ပြောတာနဲ့ မြေပြင် အနေအထားနဲ့ အရမ်းကွာနေတယ်။ ၀န်ကြီးပြောတဲ့စကားက သူတို့လုပ်နေပါတယ်။ ဆောင်ရွက်နေတယ်လို့ ပြောတယ်။ ဒေသခံတွေကလည်း ဖြစ်စေချင်တယ်။ သူတို့လည်း စေတနာထားတယ်ပေါ့။ ဒီဟာကို ဘာလို့ မှတ်တမ်းအဖြစ် ထားတာလဲ။ အတည်ပြုလိုက်ရင် ဘာဖြစ်လဲ” ဟု အဆိုရှင် ဦးအောင်သောင်းရွှေက ပြောကြားသည်။

ရန်ကုန်တိုင်းအတွင်း ပစ္စည်းခွန်ဖြင့် အခွန်ကောက်ခံရာတွင်၂၀၁၇-၂၀၁၈ ဘဏ္ဍာနှစ် ယခုလအထိ ကျပ် ၁၃ ဘီလျံကျော် ကောက်ခံရရှိပြီးဖြစ်ကြောင်း သိရ

ရန်ကုန်မြို့ မြို့လယ်တစ်နေရာအား တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းတွင် ပစ္စည်းခွန်ဖြင့် အခွန်ကောက်ခံရာတွင် ၂၀၁၇-၂၀၁၈ ဘဏ္ဍာနှစ် ယခုလအထိ ကျပ်ငွေ ၁၃ ဘီလျံကျော် ကောက်ခံရရှိပြီးဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ဖေဖော်ဝါရီ ၂၀ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန် အစည်းအဝေး (ဆဋ္ဌမနေ့)တွင် ပြောကြားသည်။

ဆိပ်ကြီးခနောင်တိုမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက “ရာဖြတ်ဌာနမှ ကောက်ခံနေသော ပိုင်ဆိုင်မှုအခွန်၊ မကြာခင် ပြည်ထောင်စုမှ ကောက်ခံမည်ဖြစ်သော (Property Tax) ပစ္စည်းခွန်ကောက်ခံမှုစနစ် ၎င်းတို့နှစ်ခုဟာ တူညီမှုရှိပါသလား၊ ပိုင်ဆိုင်မှုအခွန် စည်းကြပ်ခြင်းသည် ငှားရမ်းထားသောသူမှ ပေးဆောင်ရမှာဖြစ်ပါသလား သို့မဟုတ် အဆောက်အအုံပိုင်ရှင်မှ ပေးဆောင်ရမှာဖြစ်ပါသလား စသည်တို့ကို သိရှိလိုကြောင်း” မေးခွန်းနှင့်ပတ်သက်ပြီး မေးမြန်းရာတွင် ၀န်ကြီးက ပြန်လည်ဖြေကြားရာ၌ ထည့်သွင်းပြောကြားခဲ့ခြင်းဖြစ်သည်။

“၂၀၁၆-၂၀၁၇ ဘဏ္ဍာနှစ်တွင် လျာထားချက် ကျပ် ၉ ဒသမ ၅ ဘီလျံအပေါ် ကျပ် ၁၃ ဒသမ၂ ဘီလျံဖြင့်လည်းကောင်း၊ ၂၀၁၇-၂၀၁၈ ဘဏ္ဍာနှစ်တွင် လျာထားချက် ကျပ် ၁၁ ဘီလျံအနက် ၂၀၁၈ ဖေဖော်ဝါရီ ၁၄ ရက်အထိ ကျပ် ၁၃ ဒသမ ၈ ဘီလျံကျော် ကောက်ခံရရှိပြီးဖြစ်ပါတယ်။ ပစ္စည်းခွန်က မြေနှင့် အဆောက်အအုံပိုင်ဆိုင်သော အခွန်ထမ်းပြည်သူများမှ ရန်ကုန်မြို့တော်ကြီးအကျိုးအလို့ငှာ မဖြစ်မနေပေးဆောင်ရန် တာဝန်ရှိသောအခွန်ဖြစ်ပါတယ်။ ပြည်သူလူထုမှ မိမိတို့အကျိုးအတွက် အသုံးပြုသော ရေဖိုး ရေခ၊ သန့်ရှင်းရေးဆောင်ရွက်ခ စသည်တို့အတွက် အသုံးပြုသည့် ၀န်ဆောင်မှုအပေါ် ပေးဆောင်ရသည့် အခများ ဖြစ်ပါတယ်” ဟု ၀န်ကြီးဦးမြင့်သောင်းက ပြောကြားသည်။

၂၀၁၃ ခုနှစ် ရန်ကုန်မြို့တော် စည်ပင်သာယာရေးဥပဒေအရ ပစ္စည်းခွန်ဆိုသည်မှာ မြေဖြစ်စေ၊ အဆောက်အအုံဖြစ်စေ၊ မြေနှင့် အဆောက်အအုံဖြစ်စေ ၎င်းတို့၏နှစ်စဉ်တန်ဖိုးအပေါ် သတ်မှတ်သောရာခိုင်နှုန်းဖြင့် ကောက်ခံသော အခွန်ဖြစ်ပါကြောင်း၊ ယင်းစကားရပ်တွင် အထွေထွေခွန်၊ မီးခွန်၊ ရေခွန်၊ အမှိုက်နှင့် အညစ်အကြေးအခွန်တို့ပါဝင်ကြောင်း၊ ကော်မတီသည် မြို့တော်နယ်နိမိတ်အတွင်းရှိ အစိုးရဌာန၊ အဖွဲ့အစည်း သို့မဟုတ် ပုဂ္ဂလိကပိုင်မြေနှင့် အဆောက်အအုံများအပေါ် ပစ္စည်းခွန်စည်းကြပ်ရမည်ဟု ပြဋ္ဌာန်းပါရှိသည့်အတိုင်း မြို့နယ် ၃၃ မြို့နယ်တွင် ၁၂ မြို့နယ်အား ရန်ကုန်တိုင်းဒေသကြီး စည်ပင်သာယာရေးအဖွဲ့မှ ကောက်ခံဆောင်ရွက်လျက်ရှိကြောင်း၊ ထိုသို့ကောက်ခံရာတွင် ပုဂ္ဂလိကပိုင် သာမန်လူနေအဆောက်အအုံများအပေါ် ခြောက်လတစ်ကြိမ် ရာဖြတ်ဌာနမှ စည်းကြပ်ပြီး Billing System ဖြင့် ပြေစာများထုတ်ယူကာ သက်ဆိုင်ရာမြို့နယ် စည်ပင်သာယာ အုပ်ချုပ်ရေးမှူးရုံးများနှင့် ငှားရမ်းထားသော အဆောက်အအုံများ၊ စီးပွားရေးအဆောက်အအုံများ၊ ဟိုတယ်၊ မိုတယ်၊ အင်းများ၊ Residence၊ Tower၊ Apartment များ၊ စက်ရုံ၊ အလုပ်ရုံများ၊ အစိုးရဌာနဆိုင်ရာ အဆောက်အအုံများအား မြန်မာ့ဆိပ်ကမ်းအာဏာပိုင်မှ အရပ်ရပ်အခွန်ဝင်ငွေအပေါ် ၅ ရာခိုင်နှုန်းဖြင့် ဌာနမှတိုက်ရိုက်ကောက်ခံလျက်ရှိကြောင်း ၀န်ကြီးဦးမြင့်သောင်းက ပြောကြားသည်။

ထို့ပြင် ပြည်ထောင်စုလွှတ်တော်တွင် ရေးဆွဲနေသည်ဟု ကြားသိရသောပိုင်ဆိုင်ခွန်ဥပဒေနှင့် နည်းစနစ်များအား ယခုအချိန်ထိ ထုတ်ပြန်ပြဋ္ဌာန်းနိုင်ခြင်းမရှိသေးသဖြင့် YCDC မှ စည်းကြပ်ကောက်ခံလျက်ရှိသော ပစ္စည်းခွန်နှင့် သဘောသဘာဝ တူညီ/မတူညီ မသိရှိရသည့်အပြင် ကောက်မတီမှ ကောက်ခံလျက်ရှိသော ပစ္စည်းခွန်မှာ ယခင်နှစ် ကာလရှည်ကြာကပင် (Property Tax) ပစ္စည်းခွန်ဟု အမည်တပ်၍ စည်းကြပ်ကောက်ခံခဲ့ခြင်းဖြစ်ကြောင်း၊ ပိုင်ဆိုင်ခွန်အမည်ဖြင့် သုံးနှုန်းကောက်ခံခဲ့သော အခွန်အမျိုးအစားမှာ ရန်ကုန်မြို့တော် စည်ပင်သာယာရေးကော်မတီတွင် မရှိကြောင်း၊ ပစ္စည်းခွန် စည်းကြပ်ခြင်းနှင့်ပတ်သက်၍ လက်တွေ့အခြေအနေတွင် ပိုင်ရှင်နှင့် ငှားရမ်းအသုံးပြုသူတို့၏ နှစ်ဦးသဘောတူစာချုပ်တွင် စည်ပင်သာယာအခွန်အခများကို ငှားရမ်းအသုံးပြုသူမှ ပေးဆောင်ရမည်ဟု လက်မှတ်ရေးထိုး စာချုပ်ချုပ်ဆိုခဲ့ကြသော်လည်း ကော်မတီမှ ပစ္စည်းခွန်ကောက်ခံရာတွင် ပိုင်ရှင်နှင့် ငှားရမ်းအသုံးပြုသူတို့အကြား ငြင်းခံရှောင်လွှဲနေကြသည့် ပြဿနာများတွေ့ရှိနေရကြောင်း၊ ထိုသို့သောအခြေအနေတွင် ရာဖြတ်ဌာနအနေဖြင့် ပိုင်ရှင်နှင့် ငှားရမ်းအသုံးပြုသူတို့အား ခေါ်ယူညှိနှိုင်း၍ ပစ္စည်းခွန်များ ကောက်ခံရရှိရေး ဆောင်ရွက်ပေးလျက်ရှိကြောင်း ၎င်းက ဆက်လက်ပြောကြားသည်။

 

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် Chief Executives Organization (CEO) မှ နိုင်ငံတကာစီးပွားရေး လုပ်ငန်းရှင်များပါဝင်သည့် ကိုယ်စားလှယ်အဖွဲ့ တွေ့ဆုံ

နိုင်ငံတော်၏အတိုင်ပင်ခံပုဂ္ဂိုလ်နှင့် နိုင်ငံတကာ စီးပွားရေးလုပ်ငန်းရှင်များပါဝင်သည့် CEO အဖွဲ့မှ ကိုယ်စားလှယ်အဖွဲ့တို့ တွေ့ဆုံစဉ် (Photo: MOFA Myanmar)

နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် Chief Executives Organization (CEO) မှ နိုင်ငံတကာ စီးပွားရေးလုပ်ငန်းရှင်များပါဝင်သော ကိုယ်စားလှယ်အဖွဲ့အား ဖေဖော်ဝါရီ ၂၀ ရက်က နေပြည်တော်ရှိ နိုင်ငံခြားရေးဝန်ကြီးဌာနတွင် လက်ခံတွေ့ဆုံခဲ့ကြောင်း အဆိုပါဝန်ကြီးဌာန၏ သတင်းထုတ်ပြန်ချက်အရ သိရသည်။

ထိုသို့တွေ့ဆုံစဉ် နိုင်ငံတော်၏အတိုင်ပင်ခံပုဂ္ဂိုလ်က ကြိုဆိုနှုတ်ခွန်းဆက်စကား ပြောကြားပြီး ကိုယ်စားလှယ်အဖွဲ့ခေါင်းဆောင် CEO အဖွဲ့ဥက္ကဋ္ဌ Mr. Boysie Bollinger က ကိုယ်စားလှယ်အဖွဲ့ကိုယ်စား မိတ်ဆက်စကားနှင့် လက်ခံတွေ့ဆုံမှုအတွက် ကျေးဇူးတင်စကားပြောကြားခဲ့ကြောင်း သိရသည်။

ထို့နောက် ကိုယ်စားလှယ်အဖွဲ့ဝင်များက မြန်မာနိုင်ငံ၏ ဒီမိုကရေစီကူးပြောင်းမှုလမ်းစဉ်၊ စီးပွားရေး၊ လူမှုရေး၊ ပညာရေးနှင့် ကျန်းမာရေးကဏ္ဍများတွင် နိုင်ငံတော်အစိုးရအနေဖြင့် ဆောင်ရွက်ပေးနေသည်များနှင့် ပြည်ပမှ ပူးပေါင်းဆောင်ရွက်နိုင်မည့်ကဏ္ဍများ၊ ရခိုင်ပြည်နယ်မြောက်ပိုင်း မောင်တောဒေသ အခြေအနေနှင့်ပတ်သက်ပြီး အစိုးရအနေဖြင့် ဆောင်ရွက်ထားရှိမှုများ၊ မြန်မာနိုင်ငံနှင့် အိမ်နီးချင်းနိုင်ငံများဆက်ဆံရေး၊ သတင်းမီဒီယာများ၊ မြန်မာနိုင်ငံ၏ အနာဂတ်မျှော်မှန်းချက် စသည်တို့နှင့်ပတ်သက်ပြီး မေးမြန်းသည့်မေးခွန်းများကို နိုင်ငံတော်၏အတိုင်ပင်ခံပုဂ္ဂိုလ်က ပွင့်လင်းရင်းနှီးစွာ ပြန်လည်ဖြေကြားခဲ့ကြောင်း ထုတ်ပြန်ချက်အရ သိရသည်။

Chief Executives Organization (CEO) အဖွဲ့၏ ကိုယ်စားလှယ်အဖွဲ့တွင် အမေရိကန်၊ ကနေဒါ၊ သြစတြေးလျ၊ ပြင်သစ်၊ ဂျာမနီ၊ ဖိလစ်ပိုင်နှင့် ကိုရီးယားနိုင်ငံတို့မှ ရင်းနှီးမြှုပ်နှံမှုကဏ္ဍ၊ လူသုံးကုန်ပစ္စည်းထုတ်လုပ်ရေးကဏ္ဍ၊ အိမ်ခြံမြေ၀န်ဆောင်မှုကဏ္ဍနှင့် ဆောက်လုပ်ရေးကဏ္ဍတို့တွင် လုပ်ငန်းများဆောင်ရွက်နေသည့် CEO များနှင့် ၎င်းတို့၏ဇနီးများ လိုက်ပါလာကြောင်း သိရသည်။

အဆိုပါကိုယ်စားလှယ်အဖွဲ့သည် မြန်မာနိုင်ငံတွင် ရောက်ရှိနေစဉ်အတွင်း ရန်ကုန်၊ မန္တလေး၊ ပုဂံနှင့် အင်းလေးသို့လည်း ခရီးလှည့်လည်သွားလာခဲ့ကြောင်း သိရသည်။

တွေ့ဆုံပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာနတို့မှ ဒုတိယ၀န်ကြီးများ၊ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန်နှင့် တာဝန်ရှိသူများ တက်ရောက်ခဲ့ကြကြောင်း သိရသည်။

HIV ပိုးရှိကြောင်း မှားယွင်းဖော်ပြခဲ့သည့် မန္တလေးမြို့ မြို့တော်ဆေးရုံအား နစ်နာကြေး ကျပ်သိန်း ၃၀၀ ပေးလျော်စေရန် အမိန့်ချ

လူနာအား အိတ်ခ်ျအိုင်ဗွီပိုးရှိကြောင်း မှားယွင်းဖော်ပြခဲ့သည့် မြို့တော်ဆေးရုံအား ကျပ်သိန်း ၃၀၀ ရလိုမှုဖြင့် ခရိုင်တရားရုံးတွင် တရားစွဲဆိုထားရာ လူနာရှင်ဘက်က အနိုင် ရရှိခဲ့ကြောင်း သတင်းရရှိသည်။

အိတ်ခ်ျအိုင်ဗွီပိုးရှိကြောင်း မှားယွင်း ဖော်ပြခဲ့သဖြင့် လူနာရှင်အား တရားရုံးကုန် ကျစရိတ်နှင့် နစ်နာကြေး ကျပ်သိန်း ၃၀၀ ပေးဆောင်စေရန် ဖေဖော်ဝါရီ ၂၀ ရက်က အမိန့်ချမှတ်ခဲ့ခြင်းဖြစ်ကြောင်း သိရသည်။

မန္တလေးတိုင်းဒေသကြီး မြင်းခြံခရိုင် တောင်သာမြို့နယ် ဘုရားလှကျေးရွာမှ ဦးဝင်းတင် (၆၆ နှစ်) သည် ၂၀၁၅ ခုနှစ် အောက်တိုဘာလအတွင်းက ကျန်းမာရေး မကောင်းသဖြင့် မန္တလေးမြို့ရှိ မြို့တော်ဆေးရုံ သို့ တက်ရောက်ကုသခဲ့ရာ ဆေးစစ်အဖြေ တွင် အိတ်ခ်ျအိုင်ဗွီပိုးတွေ့ရှိရပြီး ရောဂါပိုးမြင့်မားသောကြောင့် အဆုတ်ထဲသို့ပင် ရောက်ရှိနေပြီဖြစ်ကြောင်း ဆေးရုံမှ ပြောကြားခဲ့သည်ဟု သိရသည်။

ထို့နောက် ရောဂါအခြေအနေအရ ကုသခဲ့ရာ ဆေးရုံတွင် အိတ်ခ်ျအိုင်ဗွီပိုး ရောဂါရှိသူများနှင့်အတူ ကုသနေထိုင်ရသည့် အတွက် မနေလိုသဖြင့် ဆေးရုံမှဆင်းကာ ရွာသို့ပြန်လာခဲ့ကြောင်း၊ ဆေးရုံမှဆင်းအပြီး တစ်လခန့်အကြာ ကျန်းမာရေးပြန်လည် ကောင်းမွန်လာကာ နားအကြားအာရုံချို့တဲ့ နေသဖြင့် ရန်ကုန်မြို့ ဆာကူရာဆေးရုံသို့ သွားရောက်စစ်ဆေးခဲ့ရာ ဦးဝင်းတင်တွင် အိတ်ခ်ျအိုင်ဗွီပိုးမရှိသည်ကို ပေါ်ပေါက်ခဲ့ ကြောင်း၊ ထိုသို့ အိတ်ခ်ျအိုင်ဗွီပိုးမရှိဘဲ ရှိသည်ဟုဆိုကာ မှားယွင်းဖော်ပြခဲ့သလို အဆိုပါပိုး ရှိသည်ဆိုသဖြင့် သောက်သုံးခဲ့ရသည့်ဆေး များကြောင့် အကြားအာရုံချို့တဲ့ခဲ့ရကြောင်း၊ သို့ဖြစ်ပါ၍ ဆေးကုသရာတွင် တိကျသေချာ စွာမရှိမှုကြောင့် လူနာမှာ ရပ်ရွာတွင် အရှက်ရ ခြင်းတို့အတွက် နစ်နာကြေးရလိုမှုဖြင့် တရား စွဲဆိုခြင်းဖြစ်ကြောင်း သိရသည်။

ကျပ်သိန်း ၃၀၀ ရလိုကြောင်း နစ်နာခဲ့ သူ ဦးဝင်းတင်က တရားလိုပြုလုပ်ကာ မြို့တော်ဆေးရုံကိုယ်စား တာဝန်ခံရုံးအုပ်ကြီး ဒေါ်နွယ်နွယ်ဝင်းကို ၂၀၁၆ ခုနှစ် အောက်တိုဘာမှ စတင်တရားစွဲဆိုခဲ့ခြင်းဖြစ်သည်။

လူနာရှင်အား နစ်နာကြေး ကျပ်သိန်း ၃၀၀ ပေးလျော်စေရန် အမိန့်ချခဲ့သောဖြစ်ရပ်သည်  ပုဂ္ဂလိကဆေးရုံ၏ အမှားကြောင့် ပထမဆုံး နစ်နာကြေးပေးရမှု ဖြစ်ဖွယ်ရှိကြောင်း သိရသည်။