Headline

  

ပြည်ထောင်စု ငြိမ်းချမ်းရေးညီလာခံ-၂၁ ရာစုပင်လုံ ဒုတိယအစည်းအဝေးအား မေ ၁၉ ရက်တွင် စတင်ရန် အစိုးရနှင့် NCA လက်မှတ်ရေးထိုးထားသည့် တိုင်းရင်းသား လက်နက်ကိုင် အဖွဲ့အစည်းများ ညှိနှိုင်းလျာထား

ပြည်ထောင်စု ငြိမ်းချမ်းရေးညီလာခံ -၂၁ ရာစုပင်လုံ ဒုတိယအစည်းအဝေးအား မေ ၁၉ ရက်တွင် စတင်ပြုလုပ်ရန် အစိုးရနှင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသား လက်နက်ကိုင် အဖွဲ့အစည်းများ ညှိနှိုင်းလျာထားကြောင်း ပအိုဝ်းတိုင်းရင်းသား လက်နက်ကိုင်အဖွဲ့ (PNLO) နာယက ဗိုလ်မှူးကြီး ခွန်ဥက္ကာက ဧပြီ ၂၂ ရက်တွင် ပြောကြားသည်။

မြန်မာ-တရုတ် နှစ်နိုင်ငံနယ်စပ်ရှိ ကိုးကန့်လက်နက်ကိုင်အဖွဲ့ (MNDAA) ၏စခန်းနှစ်ခုအား သိမ်းပိုက်ရရှိကြောင်း တပ်မတော်ထုတ်ပြန်

မြန်မာ-တရုတ် နှစ်နိုင်ငံနယ်စပ်ရှိ ကိုးကန့်လက်နက်ကိုင်အဖွဲ့ (MNDAA) ၏စခန်းနှစ်ခုအား သိမ်းပိုက်ရရှိကြောင်း တပ်မတော် ကာကွယ်ရေးဦးစီးချုပ်ရုံးက ဧပြီ ၂၁ ရက်တွင် သတင်းထုတ်ပြန်သည်။

တပ်မတော် ကာကွယ်ရေးဦးစီးချုပ်ရုံး၏ ထုတ်ပြန်ချက်အရ ဧပြီ ၂၁ ရက်နံနက်ပိုင်းတွင် တပ်မတော်စစ်ကြောင်းနှစ်ခုသည် နှစ်နိုင်ငံနယ်စပ်အနီး ပွိုင့် (၂၀၃၃) တောင်ကုန်းရှိ MNDAA အဖွဲ့၏ စခန်းနှစ်ခုကို လက်နက်ကြီး ပစ်ကူရယူ၍ သိမ်းပိုက်ရာတွင် ပထမကုန်းအား ၁၀ နာရီ မိနစ် ၂၀ တွင်လည်းကောင်း၊ ဒုတိယကုန်းအား ၁၁ နာရီ ၂၅ မိနစ်တွင်လည်းကောင်း သိမ်းပိုက်ရရှိခဲ့သည်။

ဦးကိုနီ လုပ်ကြံခံရမှုနှင့် ပတ်သက်၍ ကျူးလွန်သူ ကြည်လင်း အပါအ၀င် လေးဦးကို ရုံးထုတ်ပြီး ကြည်လင်းနှင့် အောင်ဝင်းဇော်တို့အား စွဲဆိုထားသည့် လက်နက်မှုမှ တရားလိုပြသက်သေ တစ်ဦးကို စစ်ဆေး

အမျိုးသား ဒီမိုကရေစီအဖွဲ့ချုပ် (ဗဟို) ဥပဒေအထောက်အကူပြု အဖွဲ့ဝင် တရားလွှတ်တော်ရှေ့နေ ဦးကိုနီ ရန်ကုန်လေဆိပ်တွင် သေနတ်ဖြင့် အနီးကပ် ပစ်ခတ်လုပ်ကြံခံရမှုမှ ကျူးလွန်သူကြည်လင်းနှင့် ပူးပေါင်းပါဝင်သူ အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့ကို ဧပြီ ၂၁ ရက်က မြောက်ပိုင်းခရိုင် တရားရုံး၌ ရုံးထုတ်ခဲ့သည်။

ဦးကိုနီလုပ်ကြံခံရမှုနှင့် ပတ်သက်၍ ယင်းနေ့ရုံးချိန်းတွင် ကြည်လင်းနှင့် အောင်ဝင်းဇော်တို့ နှစ်ဦးတည်းကို တရားစွဲဆိုထားသည့် လက်နက်မှုနှင့် ပတ်သက်၍ ရှာဖွေပုံစံတွင် သက်သေအဖြစ် ပါဝင်ခဲ့သည့် ရာအိမ်မှူး ဦးလှထွဋ်အား စစ်ဆေးခဲ့ကြောင်း သိရသည်။

ဆက်သွယ်ရေး အော်ပရေတာများ အနေဖြင့် အမှန်တကယ် သုံးစွဲခြင်းထက် ဘီလ်ဖြတ်မှုနှုန်း များသည်ဟု ဝေဖန်မှုများ ရှိသော်လည်း ဆက်သွယ်ရေး ညွှန်ကြားမှုဦးစီးဌာန အနေဖြင့် ၀င်ရောက်ဖြေရှင်းပေးရခြင်း မရှိဟုဆို

ဆက်သွယ်ရေး အော်ပရေတာသုံးခု ဖြစ်လာပြီးနောက် သုံးစွဲသူများ အကြားတွင် ဝေဖန်မှုအများဆုံး အကြောင်းအရာ တစ်ခုမှာ မိမိတို့ အမှန်တကယ် သုံးစွဲခြင်းထက် အသုံးပြုခများ ပိုမိုကုန်ကျနေသည်ဟူသော ဝေဖန်မှုများဖြစ်ပြီး ဆက်သွယ်ရေး အော်ပရေတာ အသီးသီးတွင် ဝေဖန်မှုများစွာ အမြဲလိုလို ရှိနေတတ်ကြောင်း သိရသည်။ သို့သော်လည်း ဆက်သွယ်ရေး အော်ပရေတာများအပေါ် ထိန်းကျောင်းကြပ်မတ်ရသော ဆက်သွယ်ရေး ညွှန်ကြားမှုဦးစီးဌာန အနေဖြင့် အဆိုပါ အကြောင်းအရာနှင့် ပတ်သက်၍ ၀င်ရောက်ဖြေရှင်း ဆောင်ရွက်ပေးရခြင်း တစ်ခုမျှ မရှိကြောင်း စုံစမ်းသိရသည်။

Posco Daewoo နှင့် Woodside တို့ အကျိုးတူ ဆောင်ရွက်နေသည့် ရခိုင်ကမ်းလွန်ရှိ AD-7 (သလင်း) လုပ်ကွက်တွင် သဘာဝဓာတ်ငွေ့တွေ့ရှိမှု အတည်ပြုခဲ့ပြီး စီးပွားဖြစ် ထုတ်လုပ်နိုင်ရန် အလားအလာကောင်းနေ

တောင်ကိုရီးယား အခြေစိုက် Posco Daewoo နှင့် သြစတြေးလျအခြေစိုက် Woodside တို့ အကျိုးတူ ပူးပေါင်းဆောင်ရွက်နေသည့် ရခိုင်ကမ်းလွန်ရှိ AD-7 (သလင်း) သဘာဝဓာတ်ငွေ့ လုပ်ကွက်၌ သဘာဝဓာတ်ငွေ့ တွေ့ရှိမှု အတည်ပြုခဲ့ပြီး စီးပွားဖြစ် ထုတ်လုပ်နိုင်ရန် အလားအလာ ကောင်းမွန်ကြောင်း စမ်းသပ်တူးဖော်မှု အပိုင်းကို ဆောင်ရွက်ခဲ့သည့် Woodwide က ထုတ်ပြန်ကြေညာခဲ့သည်။