အမေရိကန်သံရုံးကို ဂျေရုစလင်ရွှေ့မှာ ဘာလို့အဲဒီလောက်တောင် အငြင်းပွားစရာ ဖြစ်နေရတာလဲ

 

အမေရိကန်သမ္မတဒေါ်နယ်ထရန့်က ဂျေရုစလင်ကို အစ္စရေးမြို့တော်အဖြစ် အသိအမှတ်ပြုကြောင်း ကြေညာလိုက်တာဟာ တစ်ကမ္ဘာလုံးမှာ အငြင်းပွားစရာ ဖြစ်သွားစေခဲ့ပါတယ်။ အာရပ်ကမ္ဘာမှာ ဒေါသတကြီး တုံ့ပြန်မှုတွေဖြစ်လာပြီး အမေရိကန်ရဲ့ အနောက်တိုင်းမဟာမိတ်တွေက စိုးရိမ်လာကြချိန်မှာ ကုလသမဂ္ဂလုံခြုံရေးကောင်စီက ဒီဇင်ဘာ ၈ ရက်မှာ အစည်းအဝေး ခေါ်ယူခဲ့ရပါတယ်။ လုံခြုံရေးကောင်စီအဖွဲ့ဝင် ၁၅ နိုင်ငံထဲက ရှစ်နိုင်ငံဖြစ်တဲ့ ဗြိတိန်၊ ပြင်သစ်၊ ဆွီဒင်၊ ဘိုလစ်ဗီးယား၊ ဥရုဂွေး၊ အီတလီ၊ ဆီနီဂေါနဲ့ အီဂျစ်တို့က တောင်းဆိုခဲ့လို့ပါ။

 

■ ဘာလို့ သံရုံးရွှေ့တဲ့ကိစ္စက အဲဒီလောက် ကြီးကျယ်နေရတာလဲ

အမေရိကန်က သူ့သံရုံးကို ဂျေရုစလင် ရွှေ့လိုက်တာနဲ့ အစ္စရေးနိုင်ငံရဲ့မြို့တော်ဟာ ဂျေရုစလင်ပါလို့ တရားဝင်အသိအမှတ်ပြုလိုက်သလို ဖြစ်သွားပါပြီ။ အဲဒီတော့ ဒီဆုံးဖြတ်ချက်ဟာ လွန်ခဲ့တဲ့ နှစ်ပေါင်း ၇၀ က တည်းကရှိခဲ့တဲ့ နိုင်ငံတကာသဘောတူညီချက်ကို ပြောင်းပြန်လှန်ပစ်လိုက်တာပါပဲ။ ဒါဟာ  အစ္စရေးနဲ့ ပါလက်စတိုင်းတွေအကြား ငြိမ်းချမ်းရေးရယူနိုင်ဖို့ လုပ်ဆောင်ချက်တွေ အဆုံးသတ်သွားကြောင်း ထိရောက်တဲ့ အချက်ပြမှုလို့ အများက ဆိုကြပါတယ်။

 

■ သမိုင်းကြောင်းတချို့

ကုလသမဂ္ဂရဲ့ ၁၉၄၇ ခုနှစ်မှာ ရေးဆွဲခဲ့တဲ့ နိုင်ငံပိုင်းခြားခြင်းအစီအစဉ်အရ ဂျေရုစလင်ကို သီးခြားနိုင်ငံတကာ မြို့တစ်မြို့အဖြစ်ပဲ ရည်မှန်းထားပါတယ်။ ဒါပေမဲ့ နောက်တစ်နှစ်အကြာမှာ အစ္စရေးက လွတ်လပ်ရေး ကြေညာမှုကိုဖြစ်စေတဲ့စစ်ပွဲက မြို့ကို ခွဲခြမ်းပစ်လိုက်ပါတယ်။ ၁၉၄၉ ခုနှစ်မှာ စစ်ပွဲပြီးသွားတဲ့အခါ အစိမ်းရောင်မင်နဲ့ ရေးဆွဲထားတာကြောင့် အစိမ်းရောင်လိုင်းလို့ ခေါ်လေ့ရှိတဲ့ စစ်ရပ်ဆိုင်းရေးနယ်ခြားမျဉ်းအရ အစ္စရေးဟာ မြို့ရဲ့အနောက်ခြမ်းကိုထိန်းချုပ်ပြီး ကျော်ကြားလှတဲ့ မြို့ဟောင်းပါဝင်တဲ့ မြို့ရဲ့ အရှေ့ခြမ်းကို ဂျော်ဒန်က ထိန်းချုပ်ပါတယ်။

 

■ ဘယ်အချိန်မှာ ပြောင်းလဲသွားတာလဲ

၁၉၆၇ ခုနှစ် ခြောက်ရက်စစ်ပွဲအတွင်း အစ္စရေးက အရှေ့ဂျေရုစလင်ကို သိမ်းပိုက်လိုက်ပါတယ်။ အဲဒီနောက်ပိုင်းမှာတော့ မြို့တစ်မြို့လုံးဟာ အစ္စရေးအာဏာပိုင်တွေရဲ့ လက်အောက်ကို ကျရောက်သွားခဲ့ပါတယ်။ မြို့ဟာ မေလနှောင်းပိုင်း ဒါမှမဟုတ် ဇွန်လ အစောပိုင်းမှာ ‘ဂျေရုစလင်နေ့’ ရယ်လို့ အထိမ်းအမှတ် ကျင်းပလေ့ရှိပါတယ်။ ဒါပေမဲ့ ပါလက်စတိုင်းတွေနဲ့ နိုင်ငံတကာအသိုင်းအ၀ိုင်း တော်တော်များများကတော့ အရှေ့ဂျေ ရုစလင်ကို အနာဂတ် ပါလက်စတိုင်းနိုင်ငံတော်ရဲ့ မြို့တော်အဖြစ် ရှုမြင်ထားကြပါတယ်။

 

■ ဂျေရုစလင်မှာ သံရုံးထားခဲ့တဲ့နိုင်ငံတွေရှိသလား

ရှိခဲ့ပါတယ်။ ၁၉၈၀ ပြည့်နှစ်မတိုင်မီက နယ်သာလန်နဲ့ ကော်စတာရီကာအပါအ၀င် နိုင်ငံတော်တော်များများ ထားခဲ့ပါတယ်။

 

■ ဒါဆို ဘယ်လိုဖြစ်သွားတာလဲ

၁၉၈၀ ပြည့်နှစ် ဇူလိုင်လမှာ အစ္စရေးက ဂျေရုစလင်ကို သူတို့နိုင်ငံရဲ့မြို့တော်အဖြစ် ကြေညာတဲ့ ဥပဒေတစ်ရပ်ကို အတည်ပြုလိုက်ပါတယ်။ ကုလသမဂ္ဂလုံခြုံရေးကောင်စီက အရှေ့ဂျေရုစလင်ကို အစ္စရေးပိုင်နက်ထဲ သွတ်သွင်းမှုကို ပြစ်တင်ရှုတ်ချတဲ့ ဆုံးဖြတ်ချက်ကိုထုတ်ပြန်ခဲ့ပြီး ဒါဟာ နိုင်ငံတကာ ဥပဒေကို ချိုးဖောက်တာလို့ ကြေညာခဲ့ပါတယ်။

 

■ ဒါနဲ့ နိုင်ငံတွေက သံရုံးရွှေ့ကြရောလား

ဟုတ်ပါတယ်။ ၂၀၀၆ ခုနှစ်မှာ သူတို့ရဲ့ သံရုံးတွေကို ဂျေရုစလင်ကနေ ရွှေ့ခဲ့တဲ့ ကော်စတာရီကာနဲ့ အယ်ဆာဗေဒိုတို့ဟာ နောက်ဆုံးမှ ရွှေ့ခဲ့တဲ့ နိုင်ငံတွေပါပဲ။ ကျန်တဲ့ ကမ္ဘာ့ နိုင်ငံတွေအားလုံးဟာ အဲဒီမတိုင်မီကတည်းက သူတို့ရဲ့သံရုံးတွေကို တဲအဗစ်ကို ရွှေ့ခဲ့ကြပြီးပါပြီ။

 

■ ကောင်စစ်ဝန်ရုံးတွေကရော

နိုင်ငံတချို့ဟာ ဂျေရုစလင်မှာ ကောင်စစ်ဝန်ရုံးတွေ ဆက်ထားခဲ့ပါတယ်။ အဲဒီထဲမှာ အမေရိကန် ပါပါတယ်။ အမေရိကန် ကောင်စစ်ဝန်ရုံးဟာ အနောက်ဂျေရုစလင်မှာ ရှိပါတယ်။ ဥပမာအနေနဲ့ ဗြိတိန်နဲ့ ပြင်သစ်တို့ လို နိုင်ငံတွေကတော့ သူတို့ရဲ့ ကောင်စစ်ဝန်ရုံးကို အရှေ့ဂျေရုစလင်မှာ ထားပါတယ်။ သဘောကတော့ သူတို့နိုင်ငံတွေရဲ့ အဓိက ကိုယ်စားလှယ်တွေဟာ ပါလက်စတိုင်းနယ်မြေတွေနဲ့ ဆက်ဆံဖို့ပါ။


ဒီဇင်ဘာ ၉ ရက်က တူရကီနှင့် ပါလက်စတိုင်းအလံများကို ဝှေ့ရမ်းကာ အမေရိကန်နှင့် အစ္စရေးဆန့်ကျင်ရေး ကြွေးကြော်သံများ ဟစ်ကြွေးနေသည့် ပါလက်စတိုင်းလိုလားသော ဆန္ဒပြသူများကို အစ္စတန်ဘူမြို့ရှိ ဆန္ဒပြပွဲတစ်ခုအတွင်း တွေ့ရစဉ် (Photo: AFP)

■ အမေရိကန်ရဲ့ အနေအထားက ဘယ်လိုလဲ

အမေရိကန်ဟာ သူ့သံရုံးကို ဘယ်တုန်းကမှ ဂျေရုစလင်မှာ မထားခဲ့ဖူးပါဘူး။ အမြဲတမ်း တဲအဗစ်မှာပဲ ရှိခဲ့တာပါ။ အမေရိကန် သံအမတ်ကြီးအိမ်တော်ဟာ တဲအဗစ်မြောက်ဘက် မိနစ် ၃၀ ခရီးအကွာမှာရှိတဲ့ ဟာဇလီ ယာပီတူအက်မှာပါ။

■ ဒီအတိုင်း ဆက်သွားရောလား

၁၉၈၉ ခုနှစ်မှာ အစ္စရေးက အမေရိကန်ကို သံရုံးအသစ်ဆောက်ဖို့ ဂျေရုစလင်မှာ မြေကွက်တစ်ကွက်ကို စပြီးအငှားချပေးခဲ့ပါတယ်။ မြေငှားခကတော့ ၉၉ နှစ်သက်တမ်းရှိပြီး တစ်နှစ်ကို အမေရိကန်တစ်ဒေါ်လာနှုန်း နဲ့ ငှားပေးခဲ့တာပါ။ ဒါပေမဲ့ ဒီနေ့အထိ အဲဒီ မြေကွက်မှာ ဘာမှ ဆောက်လုပ်ခဲ့ခြင်းမရှိဘဲ မြေအလွတ်ကြီးအဖြစ်ပဲ ရှိနေခဲ့တာပါ။

■ ကဲ ဆက်ပါဦး

၁၉၉၅ ခုနှစ်မှာ အမေရိကန် ကွန်ဂရက်က သံရုံးကို တဲအဗစ်ကနေ ဂျေရုစလင်ရွှေ့ဖို့ရာ လိုအပ်တဲ့ ဥပဒေတစ်ရပ်ကို အတည်ပြုခဲ့ပါတယ်။ ထောက်ခံသူတွေကတော့ အမေရိကန်အနေနဲ့ အစ္စရေးရဲ့ ဂျေရုစလင်ကို သူတို့ ရဲ့မြို့တော်အဖြစ် ရွေးချယ်မှုကို လေးစားပြီး အသိအမှတ်ပြုရမှာဖြစ်တယ်လို့ ဆိုကြပါတယ်။

■ ဒါဆို ဘာလို့ ခုထိမရွှေ့ခဲ့တာလဲ

၁၉၉၅ ခုနှစ်နောက်ပိုင်းက အမေရိကန်သမ္မတတိုင်း (ကလင်တန်၊ ဘုရ်ှနဲ့ အိုဘားမား) ဟာ အမျိုးသားလုံခြုံရေးအကျိုးစီးပွား ဆိုတဲ့ အကြောင်းပြချက်နဲ့ သံရုံးရွှေ့ဖို့ကိစ္စကို ပယ်ချခဲ့ကြပါတယ်။ သမ္မတတွေဟာ ခြောက်လ တစ်ခါ သမ္မတရဲ့အမိန့်စာထုတ်ပြီး သံရုံးရွှေ့ဖို့ ကိစ္စကို ရှောင်တိမ်းခဲ့ပါတယ်။

■ သံရုံးရွှေ့မယ့်ကိစ္စကို ဆက်လုပ်မယ်ဆိုရင် ထရန့်အတွက် ရွေးစရာတွေက ဘာတွေလဲ

၁၉၈၉ ခုနှစ်ကတည်းက အမေရိကန် ငှားထားတဲ့ မဆောက်ရသေးတဲ့မြေကွက်ကို အသုံးပြုနိုင်ပါတယ်။ ဒါမှမဟုတ် အမေရိကန်ဟာ ဂျေရုစလင်မှာရှိတဲ့ လက်ရှိ သူတို့ရဲ့ ကောင်စစ်ဝန်ရုံးကို သံရုံးအဖြစ် ပြောင်းနိုင်ပါတယ်။ နောက်ဆုံးရွေးစရာကတော့ တဲအဗစ်က သံရုံးကနေ ထွက်သွားပြီဆိုပေမယ့် အမေရိကန်သံအမတ်ကြီးအနေနဲ့ နေ့တိုင်း နေ့တိုင်း ဂျေရုစလင်ကို အလုပ်လာဆင်းရုံပါပဲ။

■ ဒီကိစ္စကို အစ္စရေးတွေ ဘယ်လိုတုံ့ပြန်သလဲ

ထရန့်က သံရုံးရွှေ့မယ်လို့ ကတိပြုလိုက်ကတည်းက အစ္စရေးအစိုးရဟာ ထရန့်ကို အကြီးအကျယ် ချီးမွမ်းတော့တာပါပဲ။ ဂျေရုစလင်မြို့တော်ဝန် နာဘာကက်ဟာ ဒီကိစ္စနဲ့ ပတ်သက်ပြီး အသံအကျယ်ဆုံးထွက်တဲ့ လော်ဘီတစ်ဦး ဖြစ်နိုင်ပါတယ်။ နာဘာကက်ဟာ အမေရိကန်သမ္မတ ကျမ်းသစ္စာကျိန်ဆိုပွဲမတိုင်မီ ရက်အနည်းငယ်အလိုကတည်းက ထရန့်ကို မဲဆွယ်ပွဲတုန်းက ကတိတည်ဖို့ တောင်းဆိုတဲ့ လှုပ်ရှားမှုကို စတင်လုပ်ဆောင်ခဲ့ပါတယ်။

■ ပါလက်စတိုင်းတွေကရော ဘာလုပ်ကြသလဲ

ပါလက်စတိုင်းခေါင်းဆောင်တွေက သံရုံးကို ဂျေရုစလင်ရွှေ့တာဟာ နိုင်ငံတကာဥပဒေကို ချိုးဖောက်တာဖြစ်ပြီး ငြိမ်းချမ်းရေး မျှော်လင့်ချက်တွေကနေ နောက်ကို အကြီးကြီး ဆုတ်ယုတ်သွားတာလို့ အခိုင်အမာဆို ကြပါတယ်။ ပါလက်စတိုင်းသမ္မတ မာမွတ်အဘားက ရုရှားသမ္မတ ဗလာဒီမာပူတင်နဲ့ ဂျော်ဒန်ဘုရင် အဗ္ဗဒူလာတို့အပါအ၀င် ကမ္ဘာ့ခေါင်းဆောင်တွေအနေနဲ့ ထရန့်ကို စိတ်ပြောင်းသွားစေဖို့ ၀ိုင်းဝန်းဖိအားပေးကြပါဆိုပြီး တောင်းဆိုခဲ့ပါတယ်။

ပါလက်စတိုင်းလွတ်မြောက်ရေးအဖွဲ့ (PLO) က ဒီဆုံးဖြတ်ချက်အတိုင်း ဆက်သွားမယ်ဆိုရင် သူတို့ရဲ့ အစ္စရေးနိုင်ငံကို အသိအမှတ်ပြုမှုကို ပြန်ရုပ်သိမ်းပြီး အစ္စရေးနဲ့ ပါလက်စတိုင်းကြားက သဘောတူညီချက်တွေ အားလုံးကိုလည်း ပြန်ဖျက်သိမ်းဖို့ စဉ်းစားရမှာဖြစ်တဲ့အကြောင်း ပြောကြားခဲ့ပါတယ်။

မကြာသေးမီမှာပဲ ပါလက်စတိုင်းနယ်မြေတွေမှာ ဆန္ဒပြပွဲတွေနဲ့ အကြမ်းဖက်မှုတွေ ဖြစ်ပေါ်ခဲ့ပြီး အာရပ်ကမ္ဘာတစ်ခုလုံးမှာ အကြီးအကျယ် မငြိမ်မသက်မှုတွေ ဖြစ်ပေါ်လာနိုင်တယ်လို့ စိုးရိမ်မှုတွေ မြင့်တက်လာပါတယ်။

သြဇာကြီးတဲ့ အီရတ်ရှီအိုက်ဗလီဆရာ မူတာဒါအယ်ဆာဒါက အမေရိကန်သံရုံးကို ဂျေရုစလင်ရွှေ့တာဟာ အစ္စလာမ်တွေကို ပေါ်တင်စစ်ကြေညာတာမျိုး အဓိပ္ပာယ်ထွက်တယ်လို့ သတိပေးခဲ့ပါတယ်။ သူက အစ္စလာမ်နိုင်ငံတွေမှာရှိတဲ့ အစ္စရေးနဲ့ အမေရိကန် သံရုံးတွေကို ပိတ်ပစ်ဖို့ တောင်းဆိုခဲ့ပါတယ်။

နယ်စပ်ကားလောက တစ်ခန်းရပ်

ဂျပန် တစ်ပတ်ရစ်ကားများကို သောင်ရင်းကမ်းစပ်တွင် တွေ့ရစဉ်

မဟာမဲခေါင်ဒေသတစ်ခုလုံးကို အကျိုးဖြစ်ထွန်းစေမယ့် အရှေ့အနောက် စီးပွားရေးစင်္ကြံရဲ့ နယ်စပ်ကုန်သွယ်မှု လမ်းကြောင်းပေါ်မှာတည်ရှိနေတဲ့ မြ၀တီနယ်စပ်က မော်တော်ယာဉ်တင်သွင်းမှုဟာ ၂၀၁၈ နှစ်စမှာ တစ်ခန်းရပ်တော့မှာလို့ ဆိုရမှာဖြစ်ပါတယ်။ မော်တော်ယာဉ်တင်သွင်းမှုနဲ့ ပတ်သက်တဲ့  လုပ်ငန်းများကြီးကြပ်ရေးကော်မတီရဲ့ ၂၀၁၈ ခုနှစ် မော်တော်ယာဉ် တင်သွင်းမှုဆိုင်ရာ မူဝါဒ ပြောင်းလဲသတ်မှတ်ချက် အမိန့်ကြော်ငြာစာအမှတ် ၁/၂၀၁၇ အရ မြ၀တီနယ်စပ်ပေါက်က မော်တော်ယာဉ် တရားဝင်ကူးသန်း ရောင်းဝယ်တင်သွင်းမှု လုပ်ငန်းတွေ  တစ်ခန်းရပ်သွားတော့မယ်လို့ မော်တော်ယာဉ်တင်သွင်းသူတွေက ပြောပါတယ်။

“နယ်စပ်က မော်တော်ယာဉ်တင်သွင်းမှုဟာဆိုရင် နှစ်ဝါတစ်နီနဲ့ ကွင်းပြင်ကို အထုတ်ခံလိုက်ရသလိုပါပဲ။ ပထမအ၀ါကတော့   မူဝါဒအပြောင်းအလဲနဲ့ လူကြိုက်များတဲ့   Vigo တစ်ခန်းခွဲတွေကို လွန်ခဲ့တဲ့ နှစ်နှစ်ခန့် က တင်သွင်းမှု ရပ်တန့်စေခဲ့ပါတယ်။ တစ်ခုချင်း ပြောင်းလဲလာခဲ့တာ ခုအားလုံး ဘယ်မောင်းသာ သွင်းရတော့မယ်။ ၂၀၁၄ အထက် မော်ဒယ်များသာ သွင်းရမယ်ဆိုတော့ ဒုတိယ တစ်ဝါ ထပ်ထိပြန်ပါပြီ။ နှစ်ဝါတစ်နီနဲ့  နယ် စပ်ကား ကုန်သွယ်မှုလုပ်ငန်းတစ်ခုလုံး ကုန်သွယ်ရေးကွင်းထဲက ထွက်သွားရတာပေါ့” လို့ တရားဝင် ကားတင်သွင်းသူတစ်ဦးက ပြောပါတယ်။

၂၀၁၇ မူဝါဒ အပြောင်းအလဲမှာ ကုန်တင်ယာဉ်အုပ်စုကို ဘယ်ညာမခွဲ တင်သွင်းခွင့်ရှိခဲ့တဲ့အတွက် နယ်စပ်က ကားတင်သွင်းတဲ့လုပ်ငန်းတွေ အသက်ငွေ့ငွေ့  ရှင်သန်စေခဲ့ပေမဲ့ အခွန်တိုးမြှင့်လိုက်တယ်ဆိုတဲ့ ကြေ ညာချက် ထွက်ပေါ်လာတဲ့နောက်မှာတော့ ကားတင်သွင်းတာ နည်းပါးခဲ့ပါတယ်။ သို့ပေမဲ့ အမိန့်ကြော်ငြာစာအမှတ် ၁/၂၀၁၇ အရ လူစီးမော်တော်ယာဉ်တွေ၊ ကုန်တင်ယာဉ်တွေ၊ ခရီးသည်တင်ယာဉ်တွေ  (Mini bus: City Bus: Express Bus) တွေကို ဘယ်မောင်းများသာ တင်သွင်းခွင့်ရရှိတော့မယ်ဆိုတော့ နယ်စပ်ကနေ ကားတင်သွင်းမှု လုပ်ငန်းတွေဟာ ၂၀၁၈ မှာ လုံးဝ ရပ်ဆိုင်းသွားမယ်လို့  လုပ်ငန်းရှင်တွေက ဆိုပါတယ်။

ပြည်တွင်းလမ်းနဲ့ ကိုက်ညီပြီး ကျေးလက်ဒေသလုပ်ငန်းသုံးအဖြစ် ၀ယ်လက်လိုက်ခဲ့တဲ့ Toyota Vigo  တွေ နယ်စပ်က လုံးဝတင်သွင်းခွင့်မရတော့တဲ့ ၂၀၁၆ မှာ  နိုင်ငံတော်အခွန်၊ ကုန်သွယ်မှုလျော့ကျခဲ့ပါတယ်။ ခုတစ်ခါ မီနီဘတ်စ်တွေ သွင်းခွင့်မရတော့ပြန်ဘူး။ ဘယ်ကိုင်သာတင်သွင်းရမယ် ဆိုတဲ့ မူဝါဒက ယခင် ဦးသိန်းစိန်အစိုးရလက်ထက်က သိန်း ၁၀၀ လောက်နဲ့ကိုယ်ပိုင်ကား ၀ယ်စီးနိုင်ခဲ့ပေမဲ့ ယခု NLD အစိုးရသစ် လက်ထက်မှာ ပြည်သူ၊ အောက်ခြေလူတန်းစားတွေ လက်လှမ်းမမီလောက်တဲ့ သိန်းရာနဲ့ချီ ဈေးတွေ မြင့်တက်သွားပါတယ်။

ပြည်တွင်းဈေးကွက်ကို တရားဝင် ကားတင်သွင်းရာမှာ ယခင် အခွန်သုံးရာခိုင်နှုန်းကနေ ၁၀ ရာခိုင်နှုန်းအထိ တိုးမြှင့်ကောက်ခံမှုကိုလည်း ပြီးခဲ့သည့် အောက်တိုဘာ ၁ ရက်မှ စတင်ပြောင်းလဲကောက်ခံခြင်းဖြစ်ပါတယ်။ ကားတင်သွင်းမှုကို ကန့်သတ်လိုက်ရုံ၊ အခွန် မြှင့်လိုက်ရုံ၊ မူဝါဒတွေ တစ်မျိုးပြီး တစ်မျိုး ပြောင်းလဲပြင်ဆင်လိုက်ရုံနဲ့ ပြည်တွင်းမှာ ယာဉ်ကြောကျပ်တဲ့ပြဿနာကို ဖြေရှင်းတဲ့ နည်းလမ်းအမှန် မဟုတ်ဘူးလို့ သုံးသပ်မှုတွေ ရှိနေပါတယ်။

“လူစီးကားကို မဆိုလိုပါဘူး။ လုပ်ငန်းသုံးတွေကိုတော့  ပြန်လည်ခွင့်ပြုဖို့ မျှော်လင့်ပါတယ်။ ဒါမှလည်း ပြည်သူတွေ အဆင်ပြေမှာပါ။  ဈေးတူ မော်ဒယ်လ်တူ ကားနှစ်စီးကို တစ်ယောက်တစ်စီးဝယ်ပြီး ခင်ဗျားက ဆိပ်ကမ်းကနေ သွားမယ်။ ကျွန်တော်က မြ၀တီ နယ်စပ်ကနေ သွင်းမယ်။ ခင်ဗျားက သင်္ဘော နဲ့ သွားဖို့ Agent အပ်။ ကျုပ်က မဲဆောက်ကို သွားဖို့ Driver အပ်ပေါ့ဗျာ။ အဲဒီမှာစတွေ့ပြီ။ ခင်ဗျားသင်္ဘောခက ၁၅ သိန်းလောက်ကျသွားတဲ့အချိန်မှာ ကျုပ်က Driver မောင်းကြေးနဲ့ မဲဆောက် Agent ကြေးပေါင်းမှ ငါးသိန်း မကျော်ဘူးဗျ။ အဲဒီမှာတင် ခင်ဗျားနဲ့ကျုပ် ၁၀ သိန်းကွာသွားပြီ။ ဘယ်ကသွင်းသွင်း CD တို့ ကညနတို့က အတူတူပဲ။ အားလုံးပြီးသွားလို့ တကယ်သုံးမယ့်လူကို ဈေးချိုချိုနဲ့ သုံးစေချင်တယ်ဆိုရင်ပေါ့ဗျာ။ ဒါပေမဲ့ ခုဘယ်ကိုင်သာ သွင်းရမယ်ဆိုတော့ ကျွန်တော်တို့ လယ်သမား၊ ကိုင်းသမားတွေ ထော်လာဂျီနဲ့ပဲ နှစ် ပါးသွားရတော့မှာပါ” လို့ ကားကုန်သွယ်လုပ်ငန်းရှင်တစ်ဦးက ဆိုပါတယ်။

အဲဒီလိုပဲ အခြား ကားကုန်သွယ် လုပ်ငန်းရှင်တစ်ဦးကလည်း “၂၀၁၈ ကားမူဝါဒ အသက်ဝင်တဲ့နေ့ကစပြီး ဂျပန်ကားတွေကို နယ်စပ်က လုံးဝသွင်းလို့ မရတော့ပါဘူး။ ဂျပန်ကားတွေက ဂျပန်နိုင်ငံမှာ သူ့ဈေးနဲ့သူ အဆင်ပြေတဲ့အတွက် ၀ယ်ရတာ နှစ်ပေါင်း ကြာခဲ့ပါပြီ။ ကားအပိုပစ္စည်းတွေလည်း ၀ယ်ရလွယ်တယ်။ တကယ်လို့ ဘယ်ကိုင်းသာ သွင်းရမယ်ဆိုတော့ ဥရောပကားကို သွင်းရင်သွင်း။ ဖိလစ်ပိုင်၊ ကိုရီးယားကိုသွင်းရင်သွင်း ဒါမှမဟုတ် တရုတ်ကိုသွင်းရင်တော့ Quality မှာစကားပြောသွားမယ်။ Quality  ကောင်းကောင်းလိုချင်ရင် ဥရောပကားတွေ သွင်းရမယ်။ ဒါဆိုရင် အပိုပစ္စည်းကိစ္စ အတော်ခက်ခဲသွားပြီ။ ဒါပေမဲ့ ဥရောပကားတွေကို ရန်ကုန်ဆိပ်ကမ်းကသွင်းဖို့ အဆင်ပြေကောင်းမှ  ပြေမယ်။ နယ်စပ်က တင်သွင်းဖို့ကျတော့ အတော်ခက်ခဲသွားပါမယ်” လို့ ဆိုပါတယ်။

“သေချာတာတစ်ခုကတော့ အစိုးရက ဘာမှဖြေလျှော့မှုမပေးဘူးဆိုရင် စက်ယန္တ ရား၊ လယ်ယာသုံး ထွန်စက်တွေကလွဲလို့ နယ်စပ်က လုံးဝတင်သွင်းခွင့် မရှိတော့ပါဘူး။ ကျွန်တော်တို့ မျှော်လင့်ခဲ့တာက ကုန်တင်ယာဉ်အုပ်စု (TRUCK) ကားတွေ၊ ခွေးဘီလူးလေးတွေ၊ Light Truck တွေ၊ ကုန်တင်ယာဉ် ကြီးတွေကိုတော့ ဘယ်မောင်းလောက် ခွင့်ပြုမယ်လို့ မျှော်လင့်ခဲ့ကြတယ်။ ခုတော့ အားလုံး ပြီးဆုံးခဲ့ပါပြီ။ တရားဝင် ကားတင်သွင်း  လုပ်ငန်းလုပ်ကိုင်သူတွေရဲ့နောက်မှာ ယာဉ်မောင်းတွေ၊ အေးဂျင့်တွေ၊ အထွေထွေ လုပ်သားတွေရဲ့ မိသားစုဝင်တွေ အားလုံး အလုပ် လက်မဲ့ဖြစ်သွားပြီ။ မိသားစု စားဝတ်နေရေးတွေ အခက်ကြုံရပြီပေါ့ဗျာ” လို့လည်း တရားဝင် ကားတင်သွင်းရောင်းချသူ ကိုဇော်ကြီးက ပြောပါတယ်။

ဘယ်ကိုင်းက ဖိလစ်ပိုင်မှာ ရှိတယ်။ ဒူဘိုင်းမှာလည်း ဘယ်ကိုင်းရှိတယ်။ ထိုင်းအစိုးရက Transit ပေးတယ်ထားဦး။ ကျွန်တော်တို့ ကားကုန်သည်တွေက သူငယ်တန်းပြန်ဖြစ်သွားမယ်။ အစကနေပြန်သင်ရမယ်။ သဘောက ကိုယ်တိုင်သွားရမလား။ အဆက်အသွယ်တွေ လုပ်ရမလား။ ဂျပန်ကားဝယ်သလို အိမ်ကနေ Enter ခေါက်ရုံနဲ့ မရနိုင်တော့ဘူး။ မြ၀တီနယ်စပ်ပေါက်ကနေ မည်သည့်ကားမှ တင်သွင်းနိုင်စရာ အခွင့်အလမ်းမရှိတော့တဲ့အတွက်  အလုပ်အကိုင် အခွင့်အလမ်းပေါင်းများစွာ Game Over  ဖြစ်သွားပါပြီ။ ကားနဲ့ ပတ်သက်တဲ့ တစ်နိုင်တစ်ပိုင် လုပ်ကိုင်စားသောက်နေသူတွေ၊ အေးဂျင့်တွေ၊ အလုပ်သမားတွေ၊ ယာဉ်မောင်းတွေ၊ သူတို့ရဲ့ နောက်က မိသားစုတွေ၊ ခုလိုနယ်စပ်က ကားတင်သွင်းမှုတွေ ရပ်ဆိုင်းလိုက်ရတဲ့အခါကျတော့ ကားတစ်စီးအတွက် တံတားဖြတ်ကျော် အေးဂျင့်၊ ယာဉ်မောင်း၊ ပြီးရင် ဇုန်မှာလုပ်တဲ့ အေးဂျင့်၊ ရန်ကုန်သို့မောင်းတဲ့ ယာဉ်မောင်း၊ ကညန ၀င်ရတဲ့သူ  အားလုံးဟာ အလုပ်မရတော့ဘဲ   Game Over ဖြစ်သွားပြီလို့ ဆိုပါတယ်။

မြ၀တီ ချစ်ကြည်ရေးတံတားအနီးတွင် ယာဉ်များသွားလာနေသည်ကို တွေ့ရစဉ်

မြ၀တီမြို့ရဲ့ အဓိကလုပ်ငန်းဟာ မော်တော်ကား တင်သွင်းရောင်းချခြင်းလုပ်ငန်း နဲ့ ထိုင်းနိုင်ငံထုတ် ကုန်ပစ္စည်းတင်သွင်းခြင်း လုပ်ငန်းတို့ဖြစ်ပါတယ်။ Auto Mobile Policymaker များရဲ့ စေတနာထားထုတ်ပြန်လိုက်တဲ့ ၂၀၁၈ မူဝါဒအသစ်အရဆိုရင် တင်သွင်းစရာ ကားအမျိုးအစား တစ်မျိုးမှ မပါဝင်တော့ပါဘူး။ ကျွန်တော်တို့ နယ်စပ်ကားတင်သွင်းမှု အမျိုးအစား စက်ယန္တရားတစ်မျိုးသာ တင်သွင်းခွင့်ရှိပါတော့တယ်။ ယခု Policy အရ ၂၀၁၄ အထက် ဘယ်ကိုင်းတစ်မျိုးသာ တင်သွင်းခွင့်ရမည့် အုပ်စုဖြစ်ပါတယ်။

“ဘယ်ကိုင်းအဟောင်းက၂၀၁၄ အထက်ဆိုရင် Euro 5/6 တွေပါ။ ကျွန်တော် တို့နိုင်ငံမှာ ဘာဆီနဲ့ မောင်းရမလဲဆိုတာ  Policymaker များ ထည့်သွင်းမစဉ်းစားခဲ့တဲ့ အချက်တစ်ခုပါ။ နောက်တစ်ခုကတော့ မြ၀တီနယ်စပ်ပေါက်ဟာ ထိုင်းနိုင်ငံနှင့် ထိစပ်နေတဲ့ ၀င်ပေါက်တစ်ခုဖြစ်ပါတယ်။

Policymaker များရဲ့ စေတနာပိုပြီး ကြိုတင်ထုတ်ပြန်ထားတဲ့ အမိန့်တစ်ခုပါ။ ဘာလဲဆိုတော့ Country of Origin ကို Thailand ဖြစ်ရမည်ဆိုခြင်းပါ။ ယင်းအချက်ဟာ မြ၀တီနယ်စပ်ပေါက်ကို မည်သည့်ကားမျှ မသွင်းရအောင် ကြိုတင်စီမံထားခြင်းလို့ မြင်မိပါတယ်။

ဘာကြောင့်လဲဆိုတော့ ထိုင်းနိုင်ငံမှာ ညာကိုင်း Chassis နဲ့သာ ထုတ်လုပ်တဲ့အတွက် ဖြစ်ပါတယ်။ ထိုင်း Custom ရဲ့ ထောက်ခံချက်နဲ့  ၀င်လို့ရတယ် ဆိုဦးတော့ ထိုင်းကလည်း Transit ပိတ်လိုက်ပါပြီ။ ကျွန်တော်တို့ နယ်စပ်ပေါက်ကို မည်သို့မျှ ဟာကွက်မရှိစေရအောင် ပိတ်ဆို့လိုက်တာလို့ပဲ မြင်မိပါတယ်။ Policymaker များအနေနဲ့ ကျွန်တော်တို့ နယ်စပ်ပေါက်ကို ဖွံ့ဖြိုးတိုးတက်မှုကို မမြင်ချင်လို့လား။ ဒါမှမဟုတ် ထည့်သွင်း စဉ်းစားမှုတောင်မှ မရှိတာလားလို့ မေးချင်ပါတယ်။ နိုင်ငံတစ်နိုင်ငံဟာ တစ်ပေါက်တည်း ဖွံ့ဖြိုးတိုးတက်လို့ မရပါဘူး။ ဘက်ပေါင်းစုံ နေရာစုံ တိုးတက်မှဖြစ်ပါမယ်။ကျွန်တော်တို့နိုင်ငံဟာ Democracy စနစ်ကို ကျင့်သုံးနေတဲ့  နိုင်ငံတစ်နိုင်ငံဖြစ်တယ်ဆိုတဲ့ ၀ိသေသနဲ့အညီ  တန်းတူအခွင့်အရေး ရသင့်တယ်လို့ ထင်မြင်မိပါတယ်။ Policymaker များအနေဖြင့် နောင်ဖြစ်လာမည့် အကျိုးရလဒ်ကို ပြန်လည်သုံးသပ်ဖို့ လိုနေပြီလို့ အဓိက ပြောလိုပါတယ်” ဟု နယ်စပ်မှ မော်တော်ယာဉ် တရားဝင် တင်သွင်းရောင်းဝယ်သူ ဦးဇော်မော်ထွန်းက ပြောပါတယ်။

အရင် လွန်ခဲ့တဲ့နှစ်နှစ်က သိန်းတစ်ရာအောက်နဲ့ ကိုယ်ပိုင်ကား ၀ယ်စီးနိုင်တယ်ဆိုရင် ခု မူဝါဒတွေ ပြောင်း၊ အခွန်တွေ တိုးမြှင့်လိုက်တော့ သိန်း၂၀၀ ၀န်းကျင် ဖြစ်သွားပါပြီ။ ကားဈေးတွေတက်တာ ကောင်းတဲ့လက္ခဏာလား။ ပြည်သူတွေကို နစ်မွန်းစေတာလား ဆိုတာ အစိုးရအနေနဲ့ စဉ်းစားသင့်ပါတယ်လို့ လည်း လုပ်ငန်းရှင်တစ်ဦးက ပြောပါတယ်။

မြ၀တီဒေသခံ စီးပွားရေးလုပ်ငန်းရှင်တစ်ဦးဖြစ်သူ မမိုးကလည်း “ကျွန်မတို့က တကယ့်အခွန်ဆောင်နေတဲ့ ပြည်သူတွေပါ။ တစ်ဖက်သတ်ဆန်တဲ့ ကိစ္စမျိုးနဲ့တော့ လာမသတ်ပါနဲ့။ လူတိုင်း အခွင့်အရေးပေးပါ။ ဘယ်ကိုင်းသမားကို ပေးတာ လက်ခံပါတယ်။ ဆက်လုပ်ပါ။ တစ်ဖက်သတ်ကြီး ညာကိုင်း ပိတ်တာကတော့ လုံးဝမဖြစ်သင့်ဘူး။ အားလုံး မျှမျှတတ တွေးပြီး မျှမျှတတလေး လုပ်ပေးကြလေဗျာ။ နယ်စပ်မှာ နေထိုင်စားသောက်နေတဲ့ ကားသမားတွေရဲ့ ဘ၀ကိုလည်း တစ်ချက်လောက်ငဲ့ကြည့်ပါဦး။  ခင်ဗျားတို့လူတွေ လုပ်တာပြီးလို့ ၀ပြီဆိုတော့ ပိတ်လိုက်တာကတော့ မကောင်းဘူးလေ။ ဆင်းရဲချမ်းသာအားလုံးက မြန်မာနိုင်ငံသားတွေပါ။ ပိုက်ဆံရှိတဲ့နောက်ကို မလိုက်ကြပါနဲ့ လူကြီးမင်းတို့ ရေ။ ကိုယ်ချင်းစာတရားလေးလည်း ရှိပါဦးလို့ တောင်းဆိုချင်ပါတယ်” လို့ ပြောပါတယ်။

“ဘယ်မောင်းညာမောင်း ရွေးချယ်မှုက တစ်ဦးချင်းရဲ့ ကိုယ်ပိုင်အခွင့်အရေးပါ။ လမ်းနဲ့ ဘယ်မောင်း ညာမောင်း မကိုက်တာထက်  Safety Standard နဲ့တိုင်းရင် မကောင်းဘူးလား။ ဂျပန် Toyota, Honda, Lexux စတဲ့ကားတွေက Safety 4 Star 5 Star တွေပါ။ တချို့ Europe ကားတွေထက်တောင် သာတာတွေ ရှိနေပါတယ်။ ပြည်တွင်းထုတ်ကို အားပေးစေချင်တာ မှန်ပါတယ်။ တကယ် အမှန်အကန် ထုတ်နိုင်ပြီလား။ ထုတ်တဲ့ကားတွေကကော  Drive Test လုပ်ပြီး ဘယ်က  Approval လုပ်ထားပါသလဲ။ သွင်းလာမယ့် Europe 2014 အထက် Euro 5 6 တွေအတွက် ဆီ အဆင့်မီ ရှိနေပြီလားဆိုတာလည်း စဉ်းစားစရာ၊ မေးခွန်းထုတ်စရာ ဖြစ်နေပါပြီ” လို့လည်း စီးပွားရေးလုပ်ငန်းရှင် ကိုဥာဏ်ထက်က ပြောပါတယ်။

ဒါ့အပြင် နှစ်ပေါင်း ၂၀ ကျော်ကြာအောင် ရောင်းဝယ်ခဲ့တဲ့  သောင်ရင်းတစ်ဖက်ကမ်းက ဂျပန်တစ်ပတ်ရစ်ကား ဈေးကွက်မှာလည်း နိုဝင်ဘာ ၁၃ ရက်ကစပြီး ထိုင်းအကောက်ခွန်ဌာနက လုံးဝဖျက်သိမ်းလိုက်ပြီ ဖြစ်ပါတယ်။ အဆိုပါ ဂျပန်တစ်ပတ်ရစ်ကားတွေကို ဘန်ကောက် ဆိပ်ကမ်းမှတစ်ဆင့် ကွန်တိန်နာကားကြီးတွေနဲ့ တင်ဆောင်ပြီး မြန်မာ-ထိုင်းနယ်စပ် သောင်ရင်းကမ်းစပ်ကို  သယ်ယူလာပြီး သိုလှောင်ရောင်းချကြတာ ဖြစ်ပါတယ်။ သို့ပေမဲ့ ယခုအခါ ထားသိုလှောင်ရောင်းချမှုကို တားမြစ်လိုက်တဲ့အတွက် မြန်မာဘက်သို့ ရွေ့လာခဲ့တယ်လို့လည်း သိရပါ တယ်။

ကားဈေးကွက် ကမောက်ကမ ဖြစ်ရုံမက ခုဆိုရင် ထိုင်းဘက်က ကားတွေ မြန်မာနိုင်ငံဘက်ကို ကူးသွားလုိ့ ထိုင်းဘက်ဂိတ်တွေမှာ ကားတွေမရှိတော့ဘူး။ ဈေးကလည်း  တစ်စီး ဘတ်တစ်သောင်းကနေ သုံးသောင်းအထိ မြင့်တက်သွားပါတယ်။ ထိုင်းဘက်က ကားရောင်းတဲ့ လုပ်ငန်းခွင်မှာ ၀င်ရောက် လုပ်ကိုင်နေကြတဲ့ မြန်မာလုပ်သားတွေဆိုလည်း အလုပ်လက်မဲ့ဖြစ်ပြီး တချို့ဆိုရင် ရွာ ပြန်သွားသူတွေလည်း ရှိတယ်။

ကားဝယ်ရောင်းလုပ်ငန်း မရှိတော့ ပတ်ဝန်းကျင်မှာရှိတဲ့ ကြက်သွန်ရွေးလုပ်ငန်းတွေ၊ အထမ်းသမားလုပ်ငန်းတွေမှာ သွားရောက်လုပ်ကိုင်နေကြရပေမဲ့ အများစုကတော့ နေရပ်ကို ပြန်သွားတာ များပါတယ်လို့ ယခင် ထိုင်းဘက်ကမ်းက ဂျပန် တစ်ပတ်ရစ်ကား ၀ယ်ရောင်းဝင်းအတွင်း လုပ်ကိုင်နေသူ ကိုလှဝင်းက ပြောပါတယ်။

ကားဝယ်ရောင်းစီးပွားရေး ထိုင်းလုပ်ငန်းရှင်တွေ၊ ပါကစ္စတန်တွေက သောင်ရင်းမြစ်ကမ်းစပ်မှာ ရက် ၉၀ ထားပြီး သိုလှောင်ရောင်းချကြရာကနေ Without ကားဈေးကွက် တွင်ကျယ်လာတာ ဖြစ်ပါတယ်။ ယခု နိုဝင်ဘာ ၁၁ ရက်က စလို့ ကားဈေးကွက်သစ်အဖြစ် မြန်မာနိုင်ငံသို့ ရွှေ့လာခဲ့ပေမယ့်  ၀ယ်လက်တွေ စိတ်ဝင်စားမှု လျော့နည်းနေတယ်လို့ သိရပါတယ်။

“ဂျပန်ကား သိုလှောင်ရောင်းချမှုကို ထိုင်းနိုင်ငံ အကောက်ခွန်ဌာနက ရပ်ဆိုင်းတော့မယ် ဆိုကတည်းက အရောင်းသွက်သွားတယ်။ တစ်နေ့ကို သုံးလေးရာအထိ ကူးနေရတာတွေ့နေရတယ်။ ခုတော့ အရောင်းအ၀ယ် ကွက်ကြားဖြစ်နေပေမဲ့ ကားဈေးတွေ တက်သွားတယ်။ ယခင် ကားရောင်းတဲ့ဝင်းတွေ လုပ်ကိုင်နေကြတဲ့ ထောင်နဲ့ချီတဲ့  မြန်မာအလုပ်သမားတွေ အလုပ်လက်မဲ့ ဖြစ်သွားတဲ့အတွက် မိသားစု စားဝတ်နေရေးတွေ အခက်အခဲ ဖြစ်လာနိုင်ပါတယ်” ဟု ကားဝယ်ရောင်း လုပ်သူတစ်ဦးက ပြောကြားပါတယ်။

ထိုင်းဘက်မှာတော့ မြင်တဲ့အတိုင်းပါပဲ။ ကားနဲ့တူတာတောင် မရှိတော့ဘူး။ ကွန်တိန်နာတွေလည်း မ၀င်တော့ဘူး။ ကွန်တိန်နာ ကားအ၀င် မရှိတော့တဲ့အတွက် မြန်မာဘက်ကို ရောက်ရှိနေတဲ့ကားကို ဈေးတင်ရောင်းချကြတယ်။ ဒါပေမဲ့ ၀ယ်လက်ကတော့ အရင်လို  မလာတော့ဘူး။ ကားဝယ်သူတွေက ထိုင်းဘက်မှာ ၀ယ်ရတာကိုပဲ စိတ်အားထက်သန်ကြတယ်။ ဒီ ကားတင်သွင်းရောင်းဝယ်မှု လုပ်ငန်းကို အမှီပြုနေတဲ့ အလုပ်သမားတွေကတော့ လောလောဆယ် အလုပ်လက်မဲ့ ဖြစ်နေပါတယ်။

တကယ်လို့ ကွန်တိန်နာတွေ လုံးဝပိတ်သွားရင်၊ ကားဝယ်ရောင်းလုပ်နေတဲ့ ကုန်သည်ကြီးတွေ၊ ပါကစ္စတန်တွေကတော့ ဘာမှ ဖြစ်မှာ မဟုတ်ပါဘူး။ ဒီကားဝယ်ရောင်း လုပ်ငန်းဈေးကွက်မှာ အလုပ်လုပ်နေကြတဲ့ အလုပ်သမားတွေ၊ ကယ်ရီသမားတွေ၊ ပွဲစားတွေ၊ တစ်နိုင်တစ်ပိုင် ကုန်သည်ဝယ်ရောင်းလုပ်သူတွေ အောက်ခြေ အလုပ်သမားတွေ နစ်နာပါမယ်။ အလုပ်လက်မဲ့တွေ ဖြစ်လာမယ်။ မြ၀တီနယ်စပ်မှာ အလုပ်လာလုပ်တာ အလုပ်အကိုင် အခွင့်အလမ်းတွေ ပွားများလို့ပါ။ အလုပ်လက်မဲ့ပြဿနာ ဖြစ်လာရင် လူတွေ စီးပွားရေး နိမ့်ကျလာမယ်။ သူတို့ နောက်မှာ မိသားစုတွေ ရှိတယ်။ စားဝတ်နေရေးတွေ ခက်ခဲလာမယ်။ အလုပ်အကိုင် အခွင့်အလမ်းတွေ ဆုံးရှုံးလာရင် လူတွေဟာ လမ်းကြောင်းသွေဖြည်လာနိုင်ပါတယ်လို့လည်း ကားဝယ်ရောင်းလုပ်သူတစ်ဦးက ပြောကြားပါတယ်။

ကားဝင်းအတွင်း ၀ယ်ရောင်းလုပ်နေသူတစ်ဦးက ကားတွေ ဈေးတက်သွားပါတယ်။ ယခင်က ဘတ် ၁၅၀၀၀၀  ဈေးရှိတဲ့ ကလူဂါ  CLUGAR တွေ ယခု ဘတ် ၁၇၀၀၀၀ အထိ မြင့်သွားပါတယ်။ မြန်မာငွေနဲ့ဆို ကားတစ်စီး ကျပ် ၈၀၀၀၀၀ ကျော် မြင့်တက်သွားတယ်။ အနိမ့်ဆုံး Honda Fit လေးတွေတောင် ယခု ဘတ် ၆၀၀၀၀ ၀န်းကျင် မြင့်တက်သွားတဲ့အတွက် ယခင်ထက် မြန်မာငွေကျပ် ၄၀၀၀၀၀ ခန့်မြင့်တက်သွားပါတယ်။ ဈေးသာ မြင့်တက်သွားပေမဲ့ အရောင်းအ၀ယ်ကတော့ အေးပါတယ်လို့ ဆိုတယ်။

ဂျပန် တစ်ပတ်ရစ်ကားတင်သွင်းရောင်းဝယ်မှု လုပ်ငန်းနဲ့ပတ်သက်လို့ ကားဝယ်ရောင်းလုပ်သူတစ်ဦးက “လိုင်စင်မဲ့ကားတွေ ကရင်ပြည်နယ်အတွင်းမှာ ဈေးပေါပေါနဲ့ အဆင်ပြေနေတယ်ပေါ့ဗျာ။ တစ်ဖက်က ကြည့်မယ်ဆိုရင်တော့ နိုင်ငံတော်က ချမှတ်ထားတဲ့ ဥပဒေအရ ဘောင်မ၀င်ပေမဲ့ ပြည်နယ်အတွင်းမှာရှိတဲ့ ပြည်သူတွေ ဈေးနည်းနည်းနဲ့ ကားစီးနေရတယ်။ သို့ပေမဲ့ ခုလို ဂျပန် တစ်ပတ်ရစ် ကားတင်သွင်းရောင်းဝယ်မှု ထိုင်းဘက်က ပိတ်သွားတဲ့အတွက် ကရင်ပြည်နယ်၊ မွန်ပြည်နယ်အတွင်းမှာရှိနေတဲ့သူတွေဟာ သိန်း ၂၀-၃၀ ၀န်းကျင်နဲ့ ကားမစီးရတော့ဘူးပေါ့။ ဘာပဲပြောပြော၊ လိုင်စင်နဲ့ တရားဝင် တင်သွင်းတာဖြစ်စေ၊ လိုင်စင်မဲ့သွင်းတာဖြစ် စေလုပ်ငန်းရပ်သွားရင် ဒီလုပ်ငန်းမှာ လုပ်ကိုင်နေတဲ့သူ၊ အမှီသဟဲပြုနေတဲ့ မိသားစုတွေ အားလုံးက အလုပ်အကိုင် အခက်အခဲ ဖြစ်ကာ မိသားစုဘ၀၀မ်းရေးအတွက် အခက်အခဲရှိနေပြီ” လို့ ဆိုပါတယ်။

၂၀၁၆ ခုနှစ်ကတည်းက ကားတင်သွင်းမှုလုပ်ငန်းကို အ၀ါကတ်ပြလာခဲ့တာ ယခု ၂၀၁၈ မူဝါဒ အပြောင်းအလဲမှာတော့ နှစ်ဝါတစ်နီနဲ့  ကားတင်သွင်းမှု လုပ်ငန်းကွင်းပြင်ကြီးကနေ အပြီးအပိုင် ထုတ်ပယ်ခံလိုက်ရပြီလို့ ဆိုရပါတော့မယ်။

သတင်းထောက်ကိုစိုးမိုးထွန်း လုပ်ကြံသတ်ဖြတ်ခံရမှု ဘာကြောင့်အဖြေမပေါ်သေးတာလဲ

လုပ်ကြံသတ်ဖြတ်ခြင်းခံရသည့် သတင်းထောက် ကိုစိုးမိုးထွန်း၏ ရုပ်အလောင်းကို မြေမကျမီ ပြင်ဆင်ထားသည်ကို တွေ့ရစဉ်

Eleven Media Group ရဲ့ မုံရွာမြို့အခြေစိုက် သတင်းထောက် ကိုစိုးမိုးထွန်း လုပ်ကြံသတ်ဖြတ်ခံခဲ့ရတာ ၂၀၁၇ ခုနှစ် ဒီဇင်ဘာ ၁၃ ရက်မှာ တစ်နှစ်ပြည့်မြောက်တော့မှာ ဖြစ်ပါတယ်။ ပြီးခဲ့တဲ့ ၂၀၁၆ ခုနှစ် ဒီဇင်ဘာ ၁၃ ရက် နံနက်အစောပိုင်း ၁၂ နာရီ မိနစ် ၂၀ အချိန် မုံရွာမြို့ အောင်ချမ်းသာရပ်ကွက်၊ ပြည်ထောင်စုလမ်းနံဘေး တစ်နေရာမှာ သတင်းထောက် ကိုစိုးမိုးထွန်းကို ဦးခေါင်းထိပ်ကွဲပြဲ ဒဏ်ရာနှစ်ချက်၊ ၀ဲမျက်ခုံးကွဲပြဲဒဏ်ရာတစ်ချက်၊ မျက်နှာဖူးရောင်ဒဏ်ရာတွေနဲ့ အခင်းဖြစ်နေရာမှာ မှောက်လျက်သေဆုံးနေတာကို မြို့ခံအချို့ကနေ စတင်တွေ့ရှိခဲ့ကြပါတယ်။ သူ့ကို စတင်တွေ့ရှိခဲ့ချိန်က ဆိုင်ကယ်တိမ်းမှောက်ပြီး လူတစ်ယောက်လဲကျနေတဲ့ အထင်ကြောင့် ယာဉ်ထိန်းရဲတပ်ဖွဲ့ကနေ ကနဦးသွားရောက်စစ်ဆေးချိန်မှာ ယာဉ်တိမ်းမှောက်မှု မဟုတ်ဘဲ လူသတ်မှုဖြစ်နေတာကြောင့် သက်ဆိုင်ရာ နယ်မြေခံရဲတပ်ဖွဲ့ကနေ သွားရောက်စစ်ဆေး ကြည့်လိုက်တဲ့အခါ သတင်းထောက်  ကိုစိုးမိုးထွန်းဖြစ်နေတာကို မမျှော်လင့်ဘဲ တွေ့လိုက်ကြရပါတယ်။ ယခု ၂၀၁၇ ခုနှစ် ဒီဇင်ဘာ ၁၃ ရက်မှာ  Eleven Media Group ရဲ့ မုံရွာမြို့ အခြေစိုက်သတင်းထောက် ကိုစိုးမိုးထွန်း လုပ်ကြံသတ်ဖြတ်ခံခဲ့ရတာ တစ်နှစ်ပြည့်ခဲ့ပါပြီ။ ဒါပေမဲ့… အမှုနဲ့ပတ်သက်ပြီး အဓိကကျူးလွန်ခဲ့တဲ့ တရားခံကို ဖမ်းမိဖို့ဆိုတာထက်  သံသယရှိသူတစ်ဦးတစ်ယောက်ကိုမျှ ဖော်ထုတ်ဖမ်းဆီးထားနိုင်ခြင်း မရှိသေးပါဘူး။

 

လူသတ်မှု စတင်ဖြစ်ပွားခဲ့စဉ်က ရဲတပ်ဖွဲ့ရဲ့ ဆောင်ရွက်ချက်

ကိုစိုးမိုးထွန်း လုပ်ကြံသတ်ဖြတ်ခံရပြီး နောက်တစ်ရက်မှာပဲ မုံရွာခရိုင်ရဲတပ်ဖွဲ့ဟာ စုံစမ်းစစ်ဆေးရေးအဖွဲ့တစ်ဖွဲ့ ဖွဲ့စည်းပြီးတော့ တရားခံအမြန်ဆုံး ဖမ်းဆီးရမိရေးအတွက် အလေးထားဆောင်ရွက်ခဲ့တာ တွေ့ရပါတယ်။ အဲဒီအဖွဲ့ကိုတော့ မုံရွာခရိုင်ရဲတပ်ဖွဲ့က “အထူးအမှုစစ်” အဖွဲ့အဖြစ် ဖွဲ့စည်းပြီး ရဲတပ်ဖွဲ့ဝင်တွေကို ရာထူးအလိုက် တာဝန်တွေ ခွဲဝေပေးထားတာ တွေ့ ရပါတယ်။ စုံစမ်းစစ်ဆေးရေးအဖွဲ့မှာ သတင်းရရှိရေးအတွက် စုံစမ်းရေးအဖွဲ့နဲ့ စစ်ကြောရေးအဖွဲ့ဆိုပြီး နှစ်ပိုင်းခွဲခြားပြီးတော့ အထူးအမှုစစ်အဖွဲ့ကို ဖွဲ့စည်းတာဝန်ပေးခဲ့ပါတယ်။ အဲဒီ အထူးအမှုစစ်အဖွဲ့ဟာ EMG ရဲ့ မုံရွာမြို့အခြေစိုက် သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရတဲ့ အမှုနဲ့ပတ်သက်ပြီး အမှုနဲ့ ပတ်သက်ဆက်စပ်တဲ့သူတွေကို ခေါ်ယူစစ်ဆေးတာ မသင်္ကာသူအချို့ကို ချုပ်ရမန်ရယူပြီးတော့ စစ်ဆေးတာ၊ ကိုစိုးမိုးထွန်း လုပ်ကြံသတ်ဖြတ်ခြင်း မခံရမီအချိန်က ခေါ်ဆိုထားတဲ့ ဖုန်းနံပါတ်တွေကို ဆက်သွယ်ရေးရုံးချုပ်ကို ပို့ဆောင်ပြီး ဖော်ထုတ်စစ်ဆေးတာ၊ အခင်းဖြစ်ပွားခဲ့တဲ့နေရာမှာ တွေ့ရှိခဲ့တဲ့ ကိုစိုးမိုးထွန်းကို သတ်ဖြတ်ရာမှာ အသုံးပြုခဲ့တယ်လို့ယူဆရတဲ့ တုတ်ကို စစ်ဆေးတာ၊ အခြားသက်သေခံ ပစ္စည်းတွေကို စစ်ဆေးတာ၊ သူနဲ့ အဆင်မပြေဖြစ်ခဲ့ဖူးတဲ့သူတွေကို ခေါ်ယူမေးမြန်းတာ၊ သတင်းစုံစမ်းတာ စတဲ့ ရဲတပ်ဖွဲ့ရဲ့ လုပ်ဆောင်သင့်တဲ့ အချက်တွေကို လုပ်ဆောင်ခဲ့တာ တွေ့ရပါတယ်။ ဒါ့အပြင် မြန်မာလူမျိုးတို့ရဲ့ အယူအစွဲတစ်ခုဖြစ်တဲ့ သေဆုံးသွားသူရဲ့ ၀ိညာဉ်ကိုခေါ်ယူပြီးတော့ မေးမြန်းတာအဆုံး အစရှိတဲ့ အမှုနဲ့ပတ်သက်ပြီး စုံစမ်းဖော်ထုတ်ခဲ့တာတွေကို EMG ရဲ့  သတင်းထောက်တစ်ယောက်အနေနဲ့ ကိုယ်တိုင်သွားရောက် သတင်းရ ယူနေခဲ့ရတဲ့အတွက် သိရှိခဲ့ရပါတယ်။

သက်ဆိုင်ရာနယ်မြေခံ ရဲတပ်ဖွဲ့ရဲ့ဆောင်ရွက်ချက်တွေဟာ ကိုစိုးမိုးထွန်း လုပ်ကြံသတ်ဖြတ်ခံခဲ့ရပြီးနောက် လအနည်းငယ်ကြာချိန်အထိ ဆောင်ရွက်ချက်တွေက အားရစရာဖြစ်ခဲ့ပေမယ့် နောက်ပိုင်းကာ လတွေမှာတော့ တဖြည်းဖြည်းနဲ့ အားလျော့သွားတာ တွေ့ရပါတယ်။ မုံရွာခရိုင်ရဲတပ်ဖွဲ့က ဖွဲ့စည်းပေးခဲ့တဲ့ “အထူးစုံစမ်းစစ်ဆေးရေးအဖွဲ့” ရဲ့ ခေါင်းဆောင်အချို့ဟာ ရာထူးအပြောင်းအရွှေ့တာဝန်တွေနဲ့ ပြောင်းရွှေ့သွားကြပြီး နောက်ပိုင်းမှာတော့  အမှုဟာ တဖြည်းဖြည်းနဲ့ မှုန်ဝါးလို့လာခဲ့ပါတယ်။ အမှုကို ဦးဆောင်စစ်ဆေးခဲ့ရာမှာ တစ်ဦးအပါအ၀င်ဖြစ်တဲ့ မုံရွာမြို့မစခန်းမှူး (ယခုပြောင်းရွှေ့သွားပြီး) ဟာ လုပ်ကြံသတ်ဖြတ်ခံခဲ့ရတဲ့ ကိုစိုးမိုးထွန်းနဲ့ ရင်းနှီးမှုရှိသူ တစ်ယောက်ဖြစ်တာနဲ့အညီ အမှုမှန်ပေါ်ပေါက်ရေးအတွက် သက်ဆိုင်ရာ ရဲတပ်ဖွဲ့အထက်အရာရှိတွေ၊ ရဲတပ်ဖွဲ့ဝင်တွေနဲ့အတူ အမှုမှန် အမြန်ဆုံးပေါ်ပေါက်ရေးအတွက် ဆောင်ရွက်မှု အချို့လုပ်ဆောင်ခဲ့တာကိုလဲ တွေ့ရှိခဲ့ရပါတယ်။ ထို့အတူပဲ ကိုစိုးမိုးထွန်း လုပ်ကြံသတ်ဖြတ်ခံရမှုနဲ့ပတ်သက်ပြီး အမှုမှန်အမြန်ဆုံး ပေါ်ပေါက်ရေးအတွက် သူ့ရဲ့မိခင်သတင်းဌာနဖြစ်တဲ့ Eleven Media Group က လိုအပ်နိုင်မယ့် ကူညီမှုတွေ၊ လိုအပ်တဲ့ ထောက်ပံ့မှုတွေကိုလဲ ဆောင်ရွက်ပေးခဲ့ပါတယ်။

ဒါပေမဲ့… လက်ရှိအချိန်မှာတော့ ကိုစိုးမိုးထွန်း လုပ်ကြံသတ်ဖြတ်ခံရတဲ့အမှုဟာ ဆောင်းနဲ့အတူ အေးစက်နေဆဲ၊ နှင်းနဲ့အတူ မှုန်ဝါးပျောက်ကွယ်နေဆဲပါ။ လတ်တလော စုံစမ်းမှုများအရ မုံရွာခရိုင် ရဲတပ်ဖွဲ့အနေနဲ့ တရားခံဖမ်းဆီးရမိရေးအတွက် ဆောင်ရွက်လုပ်ဆောင်နေတယ်ဆိုတာကလွဲလို့ ထူးခြားမှုက ဆက်လက်တိုးတက် မလာသေးပါဘူး။ သူ့ရဲ့မိသားစု၊ မိတ်ဆွေတွေနဲ့ လုပ်ဖော်ကိုင်ဖက်တွေကတော့ သူ့ကိုယနေ့အချိန်အထိ မမေ့ကြသေးပါဘူး။ အမှုမှန် အမြန်ဆုံး ပေါ်ပေါက်စေချင်ကြသလို ကျူးလွန်သူကို အမြန်ဆုံးဖော်ထုတ်ပေးစေလို နေကြပါပြီ။ သေသောသူကြာလျှင် မေ့ဆိုတဲ့ ဆိုရိုးစကားရှိပေမယ့် ကိုစိုးမိုးထွန်း လုပ်ကြံသတ်ဖြတ်ခံရမှုကိုတော့ သူ့ရဲ့မိသားစုအပါအ၀င် လုပ်ဖော်ကိုင်ဖက်တွေနဲ့ သူ့ရဲ့ မိတ်ဆွေအတော်များများက ယနေ့အချိန်အထိ မမေ့နိုင်ကြသေးပါဘူး။ ယခု ဒီဇင်ဘာ ၁၃ ရက်မှာ သူ … လုပ်ကြံသတ်ဖြတ်ခံခဲ့ရတာ တစ်နှစ်ပြည့်ပါတော့မယ်။ သူနေထိုင်ခဲ့ရာ မုံရွာမြို့ပေါ်မှာ တစ်နှစ်ပြည့် အောက်မေ့ဖွယ်အထိမ်းအမှတ်ကို ကန်သာယာမှာရှိတဲ့ ကျောက်တိုင်ကွင်းမှာ  လုပ်ဖော်ကိုင်ဖက် သတင်းထောက်တွေ မိတ်ဆွေတွေက စုပေါင်းပြီး လုပ်ကြဦးမယ်။ ဒါပေမဲ့ အမှုဟာ တစ်နှစ်ပြည့်ခဲ့ပေမယ့်… ကျူးလွန်သူတွေကိုတော့ ဖမ်းဆီးရမိခြင်း မရှိသေးပါဘူး။

 

စစ်ကိုင်းတိုင်းဒေသကြီး ၀န်ကြီးချုပ်ရဲ့ ပြောကြားချက်

EMG မုံရွာအခြေစိုက် သတင်းထောက် ကိုစိုးမိုးထွန်း လုပ်ကြံသတ်ဖြတ်ခြင်းခံခဲ့ရပြီးနောက် တစ်ပတ်ခန့်အကြာ (ဒီဇင်ဘာ ၁၉ ရက်) မှာ ကိုစိုးမိုးထွန်းရဲ့အိမ်ကို စစ်ကိုင်းတိုင်းဒေသကြီး ၀န်ကြီးချုပ် ဒေါက်တာမြင့်နိုင် လာရောက်ခဲ့ပါတယ်။ စစ်ကိုင်းတိုင်းဒေသကြီး ၀န်ကြီးချုပ်က ကိုစိုးမိုးထွန်းရဲ့ မိသားစုဝင်တွေကို အားပေးစကား ပြောကြားတာ၊ နာရေးကူညီထောက်ပံ့ငွေ ပေးအပ်တာတွေ ပြုလုပ်ခဲ့ပါတယ်။ မိသားစုဝင်တွေကို အားပေးစကားပြောကြားခဲ့သလို ထိုစဉ်က အမှုကိုစုံစမ်း စစ်ဆေးနေသူတွေထဲမှာ တစ်ဦးအပါအ၀င်ဖြစ်တဲ့ မုံရွာမြို့မစခန်းမှူး (ယခုပြောင်းရွှေ့ပြီး) ကို အမှုနဲ့ပတ်သက်ပြီး အမှုမှန်အမြန်ဆုံး ဖော်ထုတ်ပေးဖို့နဲ့ နောက်ကွယ်ကနေ အမှုမှာပါဝင်ပတ်သက်သူတွေ ကိုပါ ဖော်ထုတ်အရေးယူပေးဖို့ ပြောကြားခဲ့ပါတယ်။

မိသားစုဝင်တွေကို အားပေးစကား ပြောကြားရာမှာတော့ “လုပ်ကြံသတ်ဖြတ်ခံခဲ့ရတဲ့ သတင်းထောက် ကိုစိုးမိုးထွန်းက တာဝန်ကျေပွန်ခဲ့တဲ့ သတင်းမီဒီယာသမားကောင်းတစ်ဦး ဖြစ်ပါတယ်။ သူလုပ်ကြံသတ်ဖြတ်ခံရမှုအကြောင်းကို ကျွန်တော်အနေနဲ့ သတင်းကြားမိစဉ်မှာပဲ အံ့သြထိတ်လန့် ဖြစ်ရတယ်။ မုံရွာမြို့အတွက် အားထားရတဲ့ သတင်းမီဒီ ယာသမားတစ်ဦး ဆုံးရှုံးလိုက်ရခြင်း ဖြစ်ပါတယ်။ လုပ်ငန်းတာဝန်တွေကို တာဝန်ကျေပွန်စွာ ထမ်းဆောင်ခဲ့တဲ့ ကိုစိုးမိုးထွန်းအတွက် ဂုဏ်ယူရမှာဖြစ်တယ်။ လက်ရှိအမှု ဖြစ်စဉ်ကို အမြန်ဆုံးအမှုမှန် ပေါ်ပေါက်စေရန်အတွက် ညွှန်ကြားမှုများ ပြုလုပ်ထားပြီး အမှုမှန် ပေါ်ပေါက်စေရန်အတွက် ကြိုးစားသွားမည်ဖြစ်ကြောင်းနှင့် မုံရွာမြို့ပေါ်တွင် ဖြစ်ပွားခဲ့တဲ့ ယခုသတင်းထောက် သတ်ဖြတ်ခံရသည့်အမှုကို မဖော်ထုတ်နိုင်ပါက သိက္ခာကျစရာဖြစ်ကြောင်း၊ ယင်းကဲ့သို့ မင်းမဲ့စရိုက်ဆန်မှုကို လုံးဝလက်ခံသွားမှာ မဟုတ်ကြောင်း” အစရှိသဖြင့် မိသားစုဝင်တွေကို အားပေးစကား ပြောကြားခဲ့ပါတယ်။

ထို့အတူပဲ အမှုနဲ့ပတ်သက်ပြီးတော့ သက်ဆိုင်ရာရဲတပ်ဖွဲ့ဝင်တွေကို ပြောကြားထားခဲ့တာလဲ ရှိပါသေးတယ်။ “ဒီအမှုကို အမှန်အတိုင်းပဲ ပေါ်စေချင်တယ်။ ဒီအမှုက သေသေချာချာနဲ့ ကြိုတင်ကြံစည်ပြီးတော့  စနစ်တကျနဲ့ လုပ်ကြံသတ်ဖြတ်ခဲ့တာ ဖြစ်တယ်။ ကျူးလွန်သူဟာ သုံးဦးခန့်ရှိမယ်လို့ သိရတယ်။ အဲဒါက လူသတ်မှုကျူးလွန်ခဲ့သူတွေ။ အဲဒီလူသတ်မှုကို နောက်ကွယ်ကနေပြီး စနစ်တကျနဲ့ ကြိုးကိုင်စေခိုင်းသူတွေ အများကြီး ရှိနေသေးတယ်။ အဲဒီသူတွေကိုပါ ဖော်ထုတ်ဖမ်းဆီးပေးဖို့လိုတယ်။ ဖော်ထုတ်ပြီးလည်း ဥပဒေနဲ့အညီ ဖမ်းဆီးရမယ်။ အမှုနဲ့ပတ်သက်ပြီး ခင်ဗျားတို့ အဆုံးထိလိုက်ပါ။ အဆုံးအထိလုပ်ပါ။ ဥပဒေနဲ့အညီ စည်းမျဉ်းစည်းကမ်းနဲ့အညီ လုပ်ကြပါ။ အဲဒါဆိုရင် ကျွန်တော်တတ်နိုင်တာ အားလုံးကူညီပေးမယ်။ ရဲရဲဝံ့ဝံ့နဲ့ လုပ်ဆောင်ပါ။ ခင်ဗျားတို့ဘက်မှာ လိုအပ်ရင် ကျွန်တော်ရပ်ပေးမယ်။ အမှုအမှန်အမြန်ဆုံး ပေါ်ပေါက်စေချင်တယ်။ နောက်ကွယ်ကနေ ကြိုးကိုင်စေခိုင်းခဲ့တဲ့သူတွေကိုလည်း ရအောင်စုံစမ်းပြီး ဖော်ထုတ်ဖမ်းဆီးပေးပါ။ မင်းမဲ့စရိုက်ဆန်တာကို လက်မခံနိုင်ဘူး။ တရားဥပဒေစိုးမိုးမှုမရှိဘဲ ဒီလိုလုပ်ချင်သလိုလုပ်နေတာကို လုံးဝလက်မခံနိုင်ဘူး။ ဒီလူသတ်မှုမှာဆိုရင် ကျူးလွန်ခဲ့သူ သုံးဦးပဲဖမ်းဆီးမိပြီး ပြီးသွားရင်ဒါဟာ မဟုတ်သေးဘူး။ နောက်ကွယ်မှာ ကြိုးကိုင်စေခိုင်းနေသူတွေကိုပါရအောင် စုံစမ်းဖော်ထုတ်ပါ။ အဆုံးအထိလိုက်ပါလို့ ပြောချင်တယ်။ ဒီလူသုံးယောက်လောက်နဲ့ မပြီးပါနဲ့။ နောက်ကွယ်က ကြိုးကိုင်ခဲ့သူကိုပါ ရအောင်ဖော်ပေးပါ။ လူသတ်သမားက ငွေရှိရင် ကိုယ်တိုင်လုပ်မှာ မဟုတ်ဘူး။ တခြားသူကို ခိုင်းမှာပဲ။ ဒါကြောင့် နောက်ကွယ်က ကြိုးကိုင်စေခိုင်းသူကို ဖော်ထုတ်ဖမ်းဆီးပါ။ နောက်ထပ်မှာချင်တာက ဒီအိမ်က ညတိုင်းမှာ အကြောက်တရားတွေနဲ့ နေထိုင်နေရတယ်။ သူတို့မိသားစုကိုလည်း လုံခြုံရေးလုပ်ပေးထားပါ။ အမှုကို အမြန်ဆုံး အမှန်အတိုင်းပေါ်ပေါက်ဖို့ အားလုံးဝိုင်းဝန်းပေးကြပါ” လို့ စစ်ကိုင်းတိုင်းဒေသကြီး ၀န်ကြီးချုပ် ဒေါက်တာမြင့်နိုင်က ၂၀၁၆ ခုနှစ် ဒီဇင်ဘာလထဲမှာ ပြောကြားခဲ့ပါတယ်။

ဝန်ကြီးချုပ်ဒေါက်တာမြင့်နိုင်ရဲ့ ပြောကြားချက်တွေဟာ ကိုစိုးမိုးထွန်းရဲ့ မိသားစုဝင်တွေအတွက် အားတက်စရာ ဖြစ်ခဲ့သလို သူ့ရဲ့မိတ်ဆွေတွေ၊ လုပ်ဖော်ကိုင်ဖက်တွေ အတွက်လည်း အားရစရာ ဖြစ်ခဲ့ပါတယ်။ ဒါပေမဲ့ အမှုဟာ တစ်နှစ်ပြည့်တော့မယ်…။ အဓိက ကျူးလွန်သူမပြောနဲ့ အမှုနဲ့ပတ်သက်ဆက်စပ်သူ တစ်ဦးတစ်ယောက်ကိုမှ ဖော်ထုတ်ဖမ်းဆီးထားနိုင်ခြင်း မရှိသေးပါဘူး။ ၀န်ကြီးချုပ် ဒေါက်တာမြင့်နိုင် ပြောကြားခဲ့သလို ကိုစိုးမိုးထွန်းကို လုပ်ကြံသတ်ဖြတ်တဲ့အမှုမှာက တစ်ဦးတစ်ယောက်တည်း မကနိုင်ဘူးလို့  ပြောကြားထားပါတယ်။ ဒါကြောင့် အမှုမှန်ပေါ်ပေါက်ရေးအတွက် နောက်ကွယ်က ပါဝင်ပတ်သက်နေသူတွေကိုပါ ရဲတပ်ဖွဲ့အနေနဲ့ ဖော်ထုတ်ဖမ်းဆီးပေးဖို့ လိုအပ်ပါတယ်။ အဲဒီလိုမှ အမှုမှန်ဖော်ထုတ်နိုင်ခြင်း မရှိခဲ့ရင် ၀န်ကြီးချုပ်ဒေါက်တာမြင့်နိုင် ပြောကြားခဲ့သလို သိက္ခာကျစရာ ဖြစ်သွားနိုင်ပါတယ်…။

 

ကိုစိုးမိုးထွန်း မိသားစုဝင်တွေရဲ့ တောင်းဆိုချက်

သေဆုံးသူ ကိုစိုးမိုးထွန်းရဲ့ မိသားစုဝင်တွေနဲ့ သူ့ရဲ့ဇနီးနဲ့သားဖြစ်သူတို့ကတော့ လုပ်ကြံသတ်ဖြတ်ခံရတဲ့အမှုနဲ့ ပတ်သက်ပြီး အမှုမှန် အမြန်ဆုံးဖော်ထုတ်ပေးဖို့ တောင်းဆိုနေကြပါတယ်။ ထို့အတူပါပဲ သူ့ရဲ့ မိခင်သတင်းဌာနဖြစ်တဲ့  Eleven Media Group ကလည်း အမှုမှန် အမြန်ဆုံးဖော်ထုတ်ပေးဖို့ တောင်းဆိုထားဆဲဖြစ်ပါတယ်။ ကိုစိုးမိုးထွန်းရဲ့ လုပ်ဖော်ကိုင်ဖက်တွေ၊ မိတ်ဆွေတွေကလဲ အမှုမှန်အမြန်ဆုံးဖော်ထုတ်ပေးဖို့အတွက် တောင်းဆိုနေကြဆဲ ဖြစ်ပါတယ်။ ကိုစိုးမိုးထွန်း လုပ်ကြံသတ်ဖြတ်ခံခဲ့ရတာ ၂၀၁၇ ဒီဇင်ဘာ ၁၃ ရက်မှာ တစ်နှစ်ပြည့်မှာ ဖြစ်ပါတယ်။ အဲဒီတစ်နှစ်ပြည့်မှာတော့ ကိုစိုးမိုးထွန်းရဲ့ မိသားစုဝင်တွေနဲ့ သူ့ရဲ့ ဇနီးနဲ့သားဖြစ်သူတို့က တစ်နှစ်ပြည့် ဆွမ်းဆက်ကပ်မှုကို ဒီဇင်ဘာ ၁၃ ရက် နံနက်ပိုင်းမှာ မုံရွာမြို့မှာ ပြုလုပ်မှာဖြစ်ပြီး သူကွယ်လွန်ခြင်း တစ်နှစ်ပြည့်နဲ့ အမှုမှန်အမြန်ဆုံး ဖော်ထုတ်ပေးရေးအတွက် မုံရွာမြို့မှာရှိတဲ့ ကန်သာယာ ကျောက်တိုင်ကွင်းမှာ လုပ်ဖော်ကိုင်ဖက်သတင်းထောက်တွေ  မိတ်ဆွေတွေက ညနေပိုင်းမှာ ပြုလုပ်သွားကြဖို့ စီစဉ်ထားကြပါတယ်။

“ကျွန်မအမျိုးသား အသတ်ခံခဲ့ရတာက တစ်နှစ်ပြည့်တော့မယ်။ ဒါပေမဲ့ အမှုက အခုအချိန်အထိ ဘာမှထူးခြားမလာသေးပါဘူး။ သူအသတ်ခံရစဉ်က ရဲတပ်ဖွဲ့က အထူးအဖွဲ့ဖွဲ့ပြီးတော့ စစ်ဆေးတာတွေ စုံစမ်းတာတွေ လုပ်ခဲ့ကြတယ်။ အထူးအဖွဲ့က ရဲတပ်ဖွဲ့အချို့ ရာထူး အပြောင်းအလဲလုပ်ပြီးနောက်မှာ အမှုက ပိုပြီးအေးသွားတယ်လို့ ခံစားရတယ်။ ဒါကြောင့် အမှုမှန် အမြန်ဆုံးဖော်ထုတ်ပေးကြပါလို့ ကျွန်မနဲ့သားလေးကနေ တောင်းဆိုချင်ပါတယ်လို့ ပြောပေးပါ။ ကိုစိုးမိုးထွန်းရဲ့ တစ်နှစ်ပြည့် ဆွမ်းကပ်တာကိုတော့ ဒီဇင်ဘာ ၁၃ ရက်နေ့ နံနက်မှာ သီလရှင်ကျောင်းမှာ ဆွမ်းကပ်သွားဖို့ စီစဉ်ထားပါတယ်” လို့ ကိုစိုးမိုးထွန်းရဲ့ဇနီးဖြစ်သူ မခင်ချိုလတ်က အမှုနဲ့ပတ်သက်ပြီး တောင်းဆိုထားပါတယ်။

လုပ်ကြံသတ်ဖြတ်ခံခဲ့ရတဲ့ ကိုစိုးမိုးထွန်းမှာ အခြေခံပညာမူလတန်းကို တက်ရောက် ပညာသင်ကြားနေတဲ့ အသက်ရှစ်နှစ်ကျော်အရွယ်ရှိတဲ့ သားလေးတစ်ယောက် ကျန်ရှိခဲ့ပါတယ်။ အဲဒီကျန်ရစ်ခဲ့တဲ့ သားငယ်ရဲ့ ပညာရေးကိုတော့ ဧရာဝတီဖောင်ဒေးရှင်းကနေ ကလေးငယ် ပညာရေးဆုံးခန်းတိုင်ချိန်အထိ ထောက်ပံ့ကူညီပေးထားတယ်လို့ သိရပါတယ်။ ကိုစိုးမိုးထွန်း လုပ်ကြံသတ်ဖြတ်ခံရမှုနဲ့ပတ်သက်ပြီး သူ့ရဲ့သားငယ်ဖြစ်သူကလည်း အမှုမှန် အမြန်ဆုံးဖော်ထုတ်ပေးပါလို့ တောင်းဆိုထားပါတယ်။

 

သတင်းထောက် ကိုစိုးမိုးထွန်းရဲ့  မီဒီယာလုပ်ငန်းအပေါ် တာဝန်ကျေမှုနဲ့ စိတ်နေသဘောထား

ဒီနေရာမှာ အလျဉ်းသင့်တဲ့အတွက် လုပ်ကြံသတ်ဖြတ်ခြင်းခံခဲ့ရတဲ့ ကိုစိုးမိုးထွန်းအကြောင်းကို အနည်းငယ် တင်ပြပေးချင်ပါတယ်။ ကိုစိုးမိုးထွန်းဟာ အရင်သမ္မတ ဦးသိန်းစိန်လက်ထက်ကတည်းက သတင်းမီဒီယာလောကထဲမှာ ၀င်ရောက်ခဲ့သူ ဖြစ်ပါတယ်။ သူဟာ မုံရွာမြို့အနီးဝန်းကျင်မှာ ဖြစ်ပျက်နေတဲ့ ဒေသဆိုင်ရာ သတင်းတွေ၊ မုံရွာမြို့ပေါ်မှာ ဖြစ်ပျက်နေတဲ့သတင်းတွေ၊ လက်ပံတောင်းတောင် ကြေးနီစီမံကိန်းနဲ့ပတ်သက်ပြီး ဒေသခံတွေရဲ့ နစ်နာဆုံးရှုံးမှုဖြစ်ပေါ်နေတဲ့ သတင်းတွေ၊ သစ်မှောင်ခိုသတင်းတွေ၊ မုံရွာမြို့ပေါ်မှာ KTV တွေ များပြားလာပြီး ဒုစရိုက်မှုတွေပါ ဖြစ်ပွားလာမှုတွေ ၂၀၁၅ ခုနှစ်  ရွေးကောက်ပွဲကာလသတင်းတွေ အပါအ၀င် အစရှိတဲ့ သတင်းတွေကို စုံစမ်းဖော်ထုတ်ပြီး အမှန်အတိုင်း သတင်းရေးသားခဲ့တာကို တွေ့ရှိရပါတယ်။ သတင်းမီဒီယာလုပ်ငန်းအပေါ်မှာ စိတ်ဝင်စားမှုရှိပြီး မတရားမှုတွေကို စုံစမ်းဖော်ထုတ်နေတဲ့သူ တစ်ယောက်လည်း ဖြစ်ပါတယ်။ သူလုပ်ကြံသတ်ဖြတ်ခံရတဲ့နေ့အထိ သတင်းနဲ့ပတ်သက်ပြီး လုပ်ဆောင်သွားခဲ့တာတွေလည်း တွေ့ရပါတယ်။

သူရဲ့ ပင်ကိုဟန်က အမြဲပြုံးရွှင်နေတတ်ပြီး အများအပေါ်မှာလဲ ကူညီတတ်တဲ့ စိတ်ထားရှိသူ တစ်ယောက်ဖြစ်ပါတယ်။ မတရားမှုတွေ့လာရင် အဲဒီသူကို အားမနာတမ်း ဝေဖန်ထောက်ပြတတ်တဲ့ အကျင့်စရိုက်ရှိသူ တစ်ဦးလည်း ဖြစ်ပါတယ်။ ဒါ့အပြင် သူ့ရဲ့ လူမှုကွန်ရက်စာမျက်နှာကနေ မုံရွာမြို့ပေါ်မှာ မတရားမှုလုပ်ဆောင်နေသူတွေ သစ်မှောင်ခိုလုပ်ဆောင်နေသူတွေ စတာတွေကိုလဲ အမြဲဝေဖန်ရေးသားခဲ့တာလဲ တွေ့ရပါတယ်။ လူမှုဆက်ဆံရေးမှာလဲ အများနဲ့အဆင်ပြေစွာ ပေါင်းသင်းနေထိုင်တတ်သလို ရန်ငြိုးရန်စကင်းသူ တစ်ယောက်ဖြစ်တာကိုလဲ စုံစမ်းတွေ့ခဲ့ရပါတယ်။ အမြဲပြုံးရွှင်စွာနေတတ်ပြီး အများအပေါ်မှာ ကူညီတတ်သူ၊ မတရားမှုတွေကို နှုတ်ဆိတ်လေ့ မရှိဘဲ ဝေဖန်ထောက်ပြတတ်သူ၊ လူတိုင်းနဲ့အဆင်ပြေစွာ ပေါင်းသင်းနေထိုင်တတ်သူတစ်ယောက်ကို ဘယ်သူတွေက ဘာအငြိုးကြောင့် အခုလို ရက်ရက်စက်စက်  လုပ်ကြံသတ်ဖြတ်ခဲ့ကြတာလဲဆိုတာ သူရဲ့ မတရားမှု ဖော်ထုတ်တာကို မနှစ်မြို့ကြတဲ့ မတရားမှုကို နှစ်ခြိုက်ကြသူတွေက လုပ်ကြံသွားကြတာလားဆိုတာ စဉ်းစားစရာပါ….။

သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရမှုနှင့် ပတ်သက်၍ ရဲတပ်ဖွဲ့တာဝန်ရှိသူက ရှင်းပြနေစဉ်

EMG သတင်းထောက် ကိုစိုးမိုးထွန်းကို သတ်တာ ဘယ်သူလဲ

ကိုစိုးမိုးထွန်းကို လုပ်ကြံသတ်ဖြတ်တာက ကိုစိုးမိုးထွန်းတစ်ယောက်ကိုပဲ လုပ်ကြံသတ်ဖြတ်သွားတာ မဟုတ်ပါဘူး။ သူနဲ့ပတ်သက်ဆက်စပ်နေတဲ့ မိသားစုဝင်တွေ၊ လုပ်ဖော်ကိုင်ဖက်တွေ၊ မိတ်ဆွေတွေကိုပါ စိတ်ဓာတ်ပိုင်းဆိုင်ရာ လုပ်ကြံသတ်ဖြတ်သွားခဲ့တာပါ။ မင်းတို့ ဒီလိုလုပ်ရင် ငါတို့လဲ ဒီလိုပြန်လုပ်ပြမယ်ဆိုတဲ့ လူမိုက်ဆန်ဆန် အပေါစားစိတ်ဓာတ်တွေနဲ့  မတရားမှုကို လုပ်ဆောင်နေသူတွေက အမှန်တရားနဲ့တရားမျှတမှုကို မြတ်နိုးသူတွေကို ခြိမ်းခြောက်မှု တစ်ခုလဲဖြစ်ပါတယ်။ နောက်ပြီး သတင်းထောက်တစ်ယောက်ကို လုပ်ကြံသတ်ဖြတ်လိုက်တဲ့အတွက် မီဒီယာဆိုတဲ့ ကလောင်ကိုင်တဲ့လက်ကို သွေးစွန်းစေတဲ့အထိ လုပ်ဆောင်ကြံစည်ခဲ့တာလဲ ဖြစ်ပါတယ်။ မြန်မာနိုင်ငံမှာလို ဖွံ့ဖြိုးစနိုင်ငံမှာ သတင်းမီဒီယာအလုပ်ကို လုပ်ကိုင်နေကြရသူတွေဟာ အသက်အန္တရာယ် ခြိမ်းခြောက်ခံရမှုတွေ လုပ်ကြံခံရမှုတွေနဲ့ အချိန်မရွေးကြုံတွေနိုင်တယ်ဆိုတာ ဖြစ်ပွားခဲ့တဲ့ ဖြစ်စဉ်သာဓကတွေက သက်သေပြနေပါတယ်။

သတင်းမီဒီယာသမားတွေဟာ ပြည်သူကိုမျက်နှာမူပြီး ပြည်သူတွေရဲ့ ထိခိုက်နစ်နာမှုတွေ မတရားသဖြင့် ဖိနှိပ်ခံနေရမှုတွေ တရားမျှ တမှုမရှိတာတွေကို စုံစမ်းဖော်ထုတ် သတင်းရေးသားနေကြရသလို တစ်ဖက်ကလဲ ဥပဒေကို လက်တစ်လုံး ခြားအသုံးပြုပြီး တရားစွဲဆိုထောင် ချချင်နေကြသူတွေနဲ့လဲ အများကြီး ကြုံတွေ့နေရပါတယ်။ အမှန်တရားကို ဖုံးဖိချင်သူတွေ မတရားမှုကို နှစ်ခြိုက်ကြသူတွေကတော့ အမှန်တရားကိုမြတ်နိုးပြီး တရားမျှတမှုကို ဖော်ထုတ်ချင်သူတွေကို မနှစ်မြို့မုန်းတီးကြမှာ ဧကန်မလွဲပါဘူး။ ယခု ကိုစိုးမိုးထွန်းဖြစ်စဉ်က သက်သေပြသွားသလိုပါပဲ။ မတရားမှုရှိနေသမျှ တရားမျှတမှုအတွက် အမှန်တရားအတွက် ဖော်ထုတ်သူတွေကတော့ ဘယ်လိုပဲ လုပ်ကြံသတ်ဖြတ်ဖြတ်ထွက်ပေါ်လာနေဦးမှာပဲ ဖြစ်ပါတယ်။ ယခု မတရားမှုကို ဖော်ထုတ်ရင်း လုပ်ကြံသတ်ဖြတ်ခံခဲ့ရတဲ့ ကိုစိုးမိုးထွန်း သေဆုံးသွားခဲ့တာ တစ်နှစ်ပြည့်ပါတော့မယ်။ ဒါပေမဲ့ အမှုဟာ တရားခံကို စုံစမ်းရှာဖွေနေဆဲအဆင့်နဲ့သာ ရှိနေဆဲဖြစ်ပြီး အမှုမှန်မပေါ်ပေါက်သေးပါဘူး။ ယခု တစ်နှစ်ပြည့်ချိန်အထိ ကိုစိုးမိုးထွန်းကို ဘယ်သူသတ်သွားတာလဲဆိုတဲ့ မေးခွန်းတွေသာရှိပြီး သို့လော သို့လော အတွေးစများနဲ့အတူ ဘာကိုမှ ရေရေရာရာ မသိရသေးပါဘူး။ သက်ဆိုင်ရာ ရဲတပ်ဖွဲ့အနေနဲ့ တရားခံအမြန် ဆုံးဖမ်းဆီးရမိရေးနဲ့ အမှုမှန်အမြန်ဆုံး ဖော်ထုတ်ပေးဖို့ ထပ်မံတောင်းဆိုချင်ပါတယ်။ ကိုစိုးမိုးထွန်းကို ဘယ်သူသတ်တာလဲဆိုတဲ့ မေးခွန်းတွေကို အမြန်ဆုံးအဖြေမှန်ပေးနိုင်ဖို့အတွက် ကျူးလွန်ခဲ့သူတရားခံနဲ့ နောက်ကွယ်ကကြိုးကိုင်သူ ကြိုးဆွဲသူ စသဖြင့် အမြန်ဆုံးဖော်ထုတ်နိုင်ပြီး အမှုမှန်အမြန်ဆုံး ပေါ်ပေါက်နိုင်ပါစေဟုသာ…..။

ဒါနဲ့ …. သတင်းထောက် ကိုစိုးမိုးထွန်းကို သတ်တာ ဘယ်သူလဲ……။

အရှုံးတွေနဲ့ ကျားကန်နေရတဲ့ ပြည်တွင်းလေကြောင်းလိုင်းတွေ ပြိုလဲသွားနိုင်သလား

 

NLD အစိုးရလက်ထက်မှာ  အရင်နှစ်တွေကထက် နိုင်ငံခြားသား ခရီးသွားဝင်ရောက်မှု တိုးတက်လာတယ်။ သက်ဆိုင်ရာ ၀န်ကြီးဌာနရဲ့ ထုတ်ပြန်ချက်တွေအရ မြန်မာနိုင်ငံရဲ့ ခရီးသွားကဏ္ဍဟာ ရာခိုင်နှုန်း ၂၀ ကျော် တိုးတက်ခဲ့တယ်လို့ ထုတ်ပြန်ချက်တွေအရ သိရပါတယ်။

ဒါပေမဲ့ ခရီးသွားလုပ်ငန်းနဲ့ ဆက်စပ်တဲ့ ကဏ္ဍတွေမှာတော့ စီးပွားရေးအခြေအနေဟာ တက်ရိပ်တောင်မရှိဘဲ ကျဆင်းနေတဲ့ အခြေအနေတွေနဲ့ ရင်ဆိုင်နေရတယ်လို့ စုံစမ်းသိရှိရပါတယ်။  အစိုးရက ခရီးသွားကဏ္ဍမှာ နိုင်ငံခြားသားခရီးသွားအ၀င် တိုးတက်တယ်လို့ ပြောဆိုနေချိန်မှာ ခရီးသွားကဏ္ဍနဲ့ ဆက်စပ်တဲ့ စီးပွားရေးလုပ်ငန်းအများစုဟာ ရပ်တည်နိုင်ဖို့အတွက် အတော်လေး ရုန်းကန်နေရတယ်လို့ သိရပါတယ်။ ကွဲလွဲမှုတွေရှိနိုင်ပေမယ့် ခရီးသွားလုပ်ငန်းတွေကို စုံစမ်းတဲ့အခါမှာတော့ စီးပွားရေးပိုင်းအခြေအနေ၊ ဈေးကွက်အနေအထားဟာ ယိမ်းယိုင်နေတဲ့ အနေအထားမျိုး ဖြစ်နေပါတယ်။

ခရီးသွားလုပ်ငန်းနဲ့ဆက်စပ်တဲ့ စီးပွားရေးလုပ်ငန်းတစ်ခုလို့ ဆိုရမယ့် လေကြောင်းလိုင်းတွေရဲ့ လက်ရှိအခြေအနေကို လေ့လာကြည့်တဲ့အခါမှာလည်း အတော်လေး ဆိုးဆိုးရွားရွား ဖြစ်နေတယ်ဆိုတဲ့ အသံတွေ ကြားနေရပါတယ်။ အထူးသဖြင့် ပြည်တွင်းလေကြောင်းလိုင်းတွေဟာ ရပ်တည်ဖို့ ခက်ခဲနေတဲ့ အခြေအနေမျိုး ဆိုက်ရောက်နေတယ်၊ လုပ်ငန်းတွေဟာ အရှုံးပေါ်နေတဲ့ အခြေအနေမျိုးကနေ ရှင်သန်ဖို့မနည်း ကြိုးစားလုပ်ဆောင်နေ ကြရတယ်၊ အခက်အခဲ စိန်ခေါ်မှုများစွာနဲ့ ရင်ဆိုင်နေရတယ်ဆိုတဲ့ အခြေအနေမျိုး ကြုံတွေ့နေရပါတယ်။

 

ယှဉ်ပြိုင်မှုပြင်းထန်နေတဲ့ ပြည်တွင်းလေကြောင်းလိုင်းတွေ

မြန်မာနိုင်ငံရဲ့ လက်ရှိပြည်တွင်း လေကြောင်းလိုင်းဈေးကွက်မှာ လေကြောင်းလိုင်းအချင်းချင်း ယှဉ်ပြိုင်မှု ပြင်းထန်နေပြီး အမြတ်ကျန်ဖို့ မဆိုထားနဲ့ အတတ်နိုင်ဆုံး အရှုံးနည်းနိုင်သမျှ အနည်းဆုံးဖြစ်အောင် ရုန်းကန်နေရတဲ့ အခြေအနေကို ရောက်ရှိနေတယ်လို့ ပြည်တွင်းလေကြောင်းလိုင်း အသိုင်းအ၀ိုင်းက သိရပါတယ်။

ပြည်တွင်းလေကြောင်းလိုင်းတွေအနေနဲ့ အပတ်စဉ်၊ နေ့စဉ်ပရို မိုးရှင်းတွေ အပြိုင်အဆိုင်ပြုလုပ်ပြီး ခရီးသည်ရရှိအောင် ဆွဲဆောင်နေကြပါတယ်။ ပြည်တွင်းမှာ ပျံသန်းနေတဲ့ လေကြောင်းလိုင်းတွေဟာ ခရီးသည်ရရှိဖို့ ပြည်တွင်းလေကြောင်းလိုင်းအချင်းချင်း ယှဉ်ပြိုင်နေရတဲ့ နည်းတူပြည်ပကိုပျံသန်းနေတဲ့ ပြည်တွင်းလေကြောင်းလိုင်းအချို့ဟာ ဆိုရင်လည်း ပြည်ပကို တိုက်ရိုက်ပျံသန်းနေတဲ့ ပြည်တွင်းလေကြောင်းလိုင်း အချင်းချင်းအပြင် ပြည်ပက စရိတ်နည်းလေကြောင်းလိုင်းတွေ၊ အခြားနိုင်ငံတကာမှာ နာမည်ကျော်ကြားတဲ့ ပြည်ပလေကြောင်းလိုင်းကြီးတွေနဲ့ပါ ယှဉ်ပြိုင်ပြီးဈေးကွက်ဝေစုရရှိဖို့ ရုန်းကန်နေရတယ့် အခြေနေဖြစ်နေတယ်လို့ ဆိုပါတယ်။ လေကြောင်းလိုင်းတွေ အရှုံးပေါ်နေရတဲ့ အချက်တွေထဲမှာ လေယာဉ်ဆီ ဈေးနှုန်းကြီးမြင့်ခြင်းကလည်း တစ်ချက်အပါအ၀င် ဖြစ်နေတယ်လို့ သိရပါတယ်။  မြန်မာနိုင်ငံမှာ ပြည်တွင်းလေကြောင်းလိုင်းတွေ ၀ယ်သုံးနေတဲ့ လေယာဉ်ဆီကို ရောင်းချပေးတဲ့ ကုမ္ပဏီကတစ်ခုတည်းဖြစ်နေတော့ ပြိုင်ဆိုင်မှုမရှိဘဲ ဈေးကွက်ကို လက်ဝါးကြီးအုပ်ပြီး ထင်တိုင်းရောင်းချခွင့်ရနေတဲ့ အချက်ဟာလည်း လေကြောင်းလိုင်းတွေရဲ့ အခက်အခဲတစ်ခု ဖြစ်နေတယ်လို့ သိရပါတယ်။ နိုင်ငံတကာနဲ့ နှိုင်းယှဉ်ရင် မြန်မာနိုင်ငံရဲ့ လေယာဉ်ဆီဈေးနှုန်းက သုံးပုံတစ်ပုံမက များနေတယ်လို့ ပြည်တွင်းလေကြောင်းလိုင်း လုပ်ငန်းရှင်တွေက ပြောကြားခဲ့ပါတယ်။

မြန်မာနိုင်ငံရဲ့ ပြည်တွင်းလေကြောင်းလိုင်းတွေထဲမှာ လေယာဉ်အစီးရေအများဆုံးနဲ့ ခရီးစဉ်တွေပျံ သန်းနေတဲ့ Myanmar Airways International (MAI) နဲ့  Air KBZ လေကြောင်းလိုင်းမှ General Manager မအေးမရသာက “ပြည်ပကို ပျံသန်းနေတဲ့ MAI လေကြောင်းလိုင်း အခြေအနေကို ပြောရရင် ဈေးကွက်မှာ မနည်းကို ရုန်းကန်နေရတဲ့ အခြေအနေ ဖြစ်နေပါတယ်။ ခရီးသည်ရဖို့ ဈေးတအားလျှော့ရတယ်။ အခြားနိုင်ငံတကာက လေကြောင်းလိုင်းကြီးတွေ၊ စရိတ်နည်းလေ      ကြောင်းလိုင်းတွေနဲ့ အပြိုင်ဆွဲနေရတယ်။ ကုန်ကျနေတဲ့ ကုန်ကျစရိတ်တွေကို ဘယ်လိုမှ ကာဗာမဖြစ်ဘူး။ ဒီကြားထဲအချို့ ပြည်ပကို ပျံတဲ့ ပြည်တွင်းလေကြောင်းတွေကလည်း ခရီးစဉ်လမ်းကြောင်းအသစ်တွေကို စဉ်းစားပြီး ပျံသန်းတာမျိုးမရှိဘဲ   MAI ကပျံသန်းနေတဲ့ Sector တွေကို လိုက်ပြီးပျံသန်းကြတဲ့အတွက် ဈေးကွက်ခွဲဝေပေးနေရတယ်။ အရှုံးသက်သာအောင် မနည်းကို ရုန်းကန်ပျံသန်းနေရပါတယ်” ဟု ပြောပြခဲ့သည်။

လက်ရှိတွင် ATR 72 – 600 လေယာဉ်နှစ်စင်းဖြင့် ပြည်တွင်းခရီးစဉ် ၁၁ ခုကို ပျံသန်းနေသည့် ရွှေမြန်မာလေကြောင်းလိုင်း၏  CEO ဖြစ်သူ ဦးကျော်ငြိမ်းက “လက်ရှိကတော့ အခြားလေကြောင်းလိုင်း တွေနည်းတူပါပဲ။ မြတ်ဖို့အခြေအနေ မရှိပါဘူး။ မြတ်အောင်လုပ်ဖို့ကတော့ အခက်အခဲတွေ အများကြီးရှိတယ်။ ပထမအချက်ကတော့ လေကြောင်းလိုင်းသေးတွေ များနေတာပေါ့။ လေယာဉ်တစ်စင်းလောက်ရှိရုံနဲ့ လေကြောင်းလိုင်းပျံသန်းနေတဲ့အခါ အခက်ခဲတွေရှိတာပေါ့။ နောက်ပြီး လေယာဉ်စီးမယ့်ခရီးသည် အရေအတွက်နဲ့ လေယာဉ်ထိုင်ခုံမမျှတာပေါ့။ စီးမယ့်သူကနည်းပြီး ထိုင်ခုံတွေက များနေတာပေါ့။ နောက်တစ်ချက်က နိုင်ငံခြားသားခရီးသည် ၀င်တာများတဲ့ ကာလနဲ့နည်းတဲ့ ကာလကွာတာပေါ့။ ပြောမယ်ဆိုရင်တော့ အများကြီးပါပဲ” ဟု ပြောကြားသည်။

လေကြောင်းလိုင်းပိုင်ရှင်ဖြစ်ဖို့  လေယာဉ်ပိုင်ဆိုင်ဖို့လိုမလား 

လေကြောင်းလိုင်းတစ်ခု ပိုင်ဆိုင်ဖို့အတွက် လေယာဉ်တစ်စင်းပဲဖြစ်ဖြစ် ပိုင်ဆိုင်ဖို့လိုမလား မေးလာခဲ့ရင် အရင်အစိုးရလက်ထက်မှာတော့ မလိုပါဘူးလို့ပဲ ဖြေရမှာဖြစ်ပါတယ်။ ဟုတ်ပါတယ်။ လေကြောင်းလိုင်းပိုင်ရှင် သူဌေးကြီးတစ်ယောက် ဖြစ်ဖို့အတွက် လေယာဉ်တစ်စင်းဖြစ်ဖြစ်ဝယ်ယူဖို့၊ ပိုင်ဆိုင်ထားဖို့ မလိုအပ်ပါဘူး။ အရင်အစိုးရလက်ထက်မှာ လေကြောင်းလိုင်းတစ်ခုတည် ထောင်ပျံသန်းခွင့်ရဖို့အတွက် လေယာဉ်ပိုင်ဆိုင်ဖို့မလိုအပ်ဘဲ အခြားပြည်တွင်းလေကြောင်းလိုင်းက လေယာဉ်တစ်စင်းကို စင်းလုံးငှားပြီးဖြစ်စေ၊ အခြားနိုင်ငံက လေယာဉ်တစ်စင်းကို အချိန်အတိုင်းအတာနဲ့ ငှားရမ်းပြီးပဲဖြစ်စေ၊ ကိုယ်ပိုင်လေယာဉ်တစ်စင်းပဲဖြစ်ဖြစ် ၀ယ်ယူထားနိုင်ရုံနဲ့ဖြစ်စေ လေကြောင်းလိုင်း တည်ထောင်ပျံသန်းခွင့်ကို ရရှိခဲ့ကြပါတယ်။ အဲဒီလို အခွင့်အရေးတွေ ရရှိခဲ့ကြလို့ အစိုးရနဲ့ ပလဲနံပသင့်တဲ့ လုပ်ငန်းရှင်ကြီးတချို့က လေကြောင်းလိုင်းတွေ အသီးသီးတည်ထောင်ခဲ့ကြတာမို့ မြန်မာနိုင်ငံမှာ လေကြောင်းလိုင်းပိုင်ရှင် လုပ်ငန်းရှင်ကြီးတွေ အသီးသီးပေါ်ထွက်လာခဲ့ကြပါတယ်။

“အရင်တုန်းကလေကြောင်း လိုင်းတစ်ခု တည်ထောင်ဖို့အတွက် အစိုးရအဖွဲ့က ခွင့်ပြုလိုက်ရင် မြန်မာနိုင်ငံ ရင်းနှီးမြှုပ်နှံမှုကုမ္ပဏီကို တင်ပြီးခွင့်ပြုချက်ကျလာတာနဲ့ လေကြောင်းဦးစီးဌာနက လေကြောင်းလိုင်းပျံသန်းဖို့ ခွင့်ပြုချက်တွေ ထုတ် ပေးခဲ့တာပေါ့။ လေကြောင်းကဏ္ဍဖွံ့ဖြိုးဖို့အတွက်ဆိုပြီး လေကြောင်း လိုင်းသစ်တွေ ခွင့်ပြုပေးခဲ့တော့ လေကြောင်းလောကမှာ ပြိုင်ဆိုင်မှု များလာခဲ့တယ်။ အခုတော့ လေကြောင်းလိုင်းသစ် ပျံသန်းဖို့ ခွင့် မပြုတော့ပါဘူး။ နောက်ပြီးတော့ လေကြောင်းလိုင်းသစ်တစ်ခု တည်ထောင်မယ်ဆိုရင် လိုအပ်တဲ့ စံသတ်မှတ်တွေကိုလည်း တိုးမြှင့်သွားဖို့ စီစဉ်နေပါတယ်။ ဥပမာ-လေကြောင်းလိုင်းသစ်တစ်ခု ပျံသန်းမယ်ဆိုရင် လေယာဉ်ဘယ်နှစ်စင်းအထိ ပိုင်ဆိုင်ရမယ်ဆိုတာမျိုးတွေပေါ့” ဟု ပို့ဆောင်ရေးနှင့် ဆက်သွယ်ရေး ၀န်ကြီးဌာနမှ ဒုတိယ၀န်ကြီး ဦးကျော်မျိုးက ပြောကြားသည်။

 

ပြည်တွင်းလေကြောင်းလိုင်းတွေ များပြားလာရုံနဲ့ လေကြောင်းလောက တိုးတက်ပြီလား

ပြည်တွင်းလေကြောင်းလိုင်းတွေ များပြားလာတဲ့အတွက် မြန်မာနိုင်ငံရဲ့ လေကြောင်းလောက ဖွံ့ဖြိုးတိုးတက်ပြီလို့ ယူဆလို့ရနိုင်ပါ့မလား။ အဖြေကတော့  No ပါပဲ။ လေယာဉ်တစ်စင်းနဲ့ ဈေးကွက်ဝင်ချင်တဲ့အတွက်  လေယာဉ်လက်မှတ်ဈေးတွေကို အပြိုင်အဆိုင်လျှော့ချလာကြတယ်။ ရှိတဲ့လေယာဉ်တစ်စင်းတည်းနဲ့ ပြည်တွင်းမှာ ပျံသန်းနေရုံမက ခရီးသည်ပိုမိုရရှိတဲ့ ဘန်ကောက်၊ စင်ကာပူစတဲ့ အိမ်နီးချင်းနိုင်ငံ တချို့ကိုလည်း ခရီးစဉ်ပျံသန်းချင်ကြပြန်တယ်။ အဲဒီလို ပြည်တွင်းပြည်ပ ခရီးစဉ်တွေ အပြိုင်အဆိုင် ပျံသန်းကြပြီး လေယာဉ်မတော်တဆမှု တစ်ခုခုနဲ့ ကြုံတွေ့ရတဲ့အခါမှာတော့ ခရီးစဉ်တွေ မပျံသန်းနိုင်တော့ဘဲ လေယာဉ်ကြီးကို ရပ်ထားကြရပါလေရော။ တချို့လေ ကြောင်းလိုင်းတွေကျပြန်တော့ ငှားထားတဲ့ သက်တမ်းပြည့်လို့ လေယာဉ်ကြီးကို ပြန်အပ်လိုက်ရတော့ လေကြောင်းလိုင်းကို ရပ်နားလိုက်ကြ။ ဟောနောက်လေယာဉ်တစ်စင်း ပြန်ငှားလို့ရပြန်တော့ ခရီးစဉ်တွေ ပြန်ပြီးဆွဲနေကြတာ လက်ရှိလေကြောင်းလောက အသိုင်းဝိုင်းမှာ ဖြစ်ပျက်နေတဲ့ အခြေနေတွေပါ။ ပြည်တွင်းလေကြောင်းလိုင်းတွေအနေနဲ့ ဘယ်လောက်ထိအောင် ရုန်းကန်နေရသလဲဆိုရင် ရန်ကုန်အပြည်ပြည် ဆိုင်ရာလေဆိပ်မှာ လေဆိပ်ဝန်ဆောင်မှုလုပ်ငန်းတွေ လုပ်ကိုင်ခွင့် ရရှိထားတဲ့ Yangon Aerodrome Company Limited ကို လေဆိပ်အသုံးပြုခတွေဖြစ်တဲ့ Landing Fees နဲ့ Packing Fees တွေကိုတောင် မရှင်းပေးနိုင်လို့ဒေါ်လာငွေ ပမာဏ အများအပြား အကြွေးတင်နေတဲ့ လေကြောင်းလိုင်းအချို့ ရှိနေတယ်လို့ သိရပါတယ်။

ပြီးခဲ့တဲ့ ၂၀၁၆ ခုနှစ်က ရန်ကုန်အပြည်ပြည်ဆိုင်ရာလေဆိပ်မှာ ပြည်တွင်းလေကြောင်းလိုင်းကိုးခုက ပြည်တွင်းခရီးစဉ်တွေ ပျံသန်းခဲ့ကြပြီး ဈေးကွက်ဝေစုရရှိမှုကိုကြည့်ရင် လေယာဉ်အစင်းရေ များများပိုင်ဆိုင်တဲ့ လေကြောင်းလိုင်းကြီးတွေက ခရီးသည်ပိုမိုရရှိပြီး ဈေးကွက်ကို ဦးဆောင်နိုင်ခဲ့ကြတာကို တွေ့ရပါတယ်။ ၂၀၁၆ ခုနှစ်မှာ ပြည်တွင်းလေကြောင်းတွေဖြစ်တဲ့ မြန်မာအမျိုးသားလေကြောင်း၊ အဲမန္တလေး၊ အေးရှားဝင်းစ်၊ အဲကေဘီဇက်၊ ရန်ကုန်အဲဝေးစ်၊ ရွှေမြန်မာလေကြောင်းလိုင်း၊ မန်းရတနာပုံလေ ကြောင်းလိုင်း၊ APEX နဲ့ FMI စတဲ့ ပြည်တွင်းလေကြောင်းလိုင်းကိုးခုက ပြည်တွင်းခရီးစဉ်တွေ ပျံသန်းခဲ့ပါတယ်။ ဒီလေကြောင်းလိုင်းတွေထဲမှာ အရင်အစိုးရလက်ထက် နှောင်းပိုင်းကစလို့ လေယာဉ်အသစ်တွေ အများအပြားဝယ်ယူပြီး လေကြောင်းလိုင်းအမည်ကစလို့ ပြုပြင်ပြောင်းလဲမှုတွေ များစွာပြုလုပ်ခဲ့ပြီး နိုင်ငံတကာကို ထိုးဖောက်ဖို့ ကြိုးစားနေတဲ့ တစ်ခုတည်းသော နိုင်ငံပိုင်လေကြောင်းလိုင်းဖြစ်တဲ့ မြန်မာအမျိုးသားလေကြောင်းလိုင်းက ၂၀၁၆ ခုနှစ်မှာ ပြည်တွင်းခရီးသွား ခြောက်သိန်းကျော်ရရှိခဲ့ပြီး ပျံသန်းမှုကြိမ်ရေ ၉၈၇၅ကြိမ်နဲ့ ဈေးကွက် ဝေစု ၃၃ ရာခိုင်နှုန်း ရရှိခဲ့ပါတယ်။

ATR လေယာဉ်ရှစ်စင်းအထိ ပိုင်ဆိုင်ပြီး မြန်မာနိုင်ငံတွင် လေဆိပ်မြို့အသီးသီးက ခရီးစဉ် ၁၁ ခု ကို ပျံသန်းနေတဲ့ Air KBZ လေကြောင်းလိုင်းက ခရီးသည်ငါးသိန်းကျော်ရရှိခဲ့ပြီး ပျံသန်းမှုကြိမ်ရေ ၁၀၈၁၄ ကြိမ်နဲ့ ဈေးကွက်ဝေစုရာ ခိုင်နှုန်း ၃၀ ရရှိခဲ့ပါတယ်။ ကျန်လေကြောင်းလိုင်းတွေကတော့ ၁၀ ရာ ခိုင်နှုန်းတောင် မပြည့်တဲ့ ဈေးကွက်ဝေစု အသီးသီးရရှိခဲ့ပြီး ပြည်တွင်းခရီးစဉ်တွေ ပျံသန်းခဲ့ကြတာကို တွေ့ရပါတယ်။

လက်ရှိနိုင်ငံတကာကို ပျံသန်းနေတဲ့ ပြည်တွင်းလေကြောင်းလိုင်း အချို့အနေနဲ့ အရင်အစိုးရလက်ထက်မှာ မြန်မာနိုင်ငံနဲ့ တိုက်ရိုက်ခရီးစဉ်ပျံသန်းခွင့်ပြုတဲ့ နိုင်ငံတကာက လေကြောင်းလိုင်းတွေထဲမှာ စရိတ်နည်းလေကြောင်းလိုင်းတွေ အများအပြားပါဝင်ခဲ့တာကြောင့် အခုလက်ရှိမှာ အားတင်းရုန်းကန် နေရပါတယ်။ လေယာဉ်စီးနင်းမယ့် သာမန်ပြည်သူတွေအနေနဲ့ ဈေးနှုန်းသက်သာတဲ့ လေကြောင်းလိုင်းသည် ကိုယ့်နိုင်ငံလေကြောင်းလိုင်း မဟုတ်ခဲ့ရင်တောင် ငွေကြေးအခြေအနေကို ကြည့်ပြီး ဈေးသက်သာတဲ့ လေကြောင်းလိုင်းကိုပဲ ရွေးချယ်စီးနင်းကြမှာ ဖြစ်ပါတယ်။ အခုလက်ရှိမှာ မြန်မာနိုင်ငံသားတွေ အလည်ပတ်အသွားများတဲ့ အိမ်နီးချင်းနိုင်ငံတွေဖြစ်တဲ့ ထိုင်းနဲ့ စင်ကာပူနိုင်ငံတွေကို ပြည်ဝင်ခွင့်ဗီဇာမလိုအပ်ဘဲ သွားခွင့်ရလိုက်လို့ မြန်မာနိုင်ငံက အဲဒီနိုင်ငံတွေကို ခရီးသွားတွေပိုပြီး သွားရောက်ကြပေမဲ့ ဈေးကွက်ဝေစုမှာတော့ ပြည်ပက စရိတ်နည်းလေကြောင်းလိုင်းတွေကသာပိုပြီး ရယူထားတာကို တွေ့ရမှာ ဖြစ်ပါတယ်။

 

ရပ်နားလိုက်ရတဲ့ ပြည်တွင်းလေကြောင်းလိုင်းအချို့

အခုလိုယှဉ်ပြိုင်မှု များပြားနေတဲ့အခြေအနေမှာ လေယာဉ်အစင်းရေ နည်းပါးတာနဲ့ လေကြောင်းလိုင်းတွေကိုယ်တိုင် အရှုံးပေါ်တာကြောင့် ခရီးစဉ်ဆက်လက်ပျံသန်းနိုင်ခြင်း မရှိလို့ ရပ်နားလိုက်တဲ့ ပြည်တွင်းလေကြောင်းလိုင်းအချို့လည်း ရှိနေပါတယ်။ Air Mandalay နှင့် Apex လေကြောင်းလိုင်းနှစ်ခုဟာ လက်ရှိမှာ ခရီးစဉ် ပျံသန်းနိုင်ခြင်းမရှိတဲ့အတွက် ယာယီရပ်နားထားပါတယ်။ အခုလို လေကြောင်းခရီးစဉ်ပျံသန်းတာကို ရပ်နားထားခြင်းဟာ ယာယီသာဖြစ်ပြီး ခရီးစဉ်တွေ ပြန်လည်ပျံသန်းနိုင်ဖို့ စီစဉ်နေကြတယ်လို့လည်း သိရပါတယ်။ ယာယီရပ်နားထားတဲ့ လေကြောင်းလိုင်းတွေကို ကုမ္ပဏီက ပျံသန်းခွင့် ပြန်လည်လျှောက်ထားခြင်း မရှိသေးခင် အချိန်အထိ ရပ်နားထားမှာဖြစ်ပြီး လေယာဉ်စီးရေဖြည့်တင်းခြင်း အခွင့်အရေးအားပေးထားတယ်လို့ သိရပါတယ်။

“Apex လေကြောင်းလိုင်းက သူတို့ငှားထားတဲ့လေယာဉ် သက်တမ်းပြည့်သွားလို့ ပြန်အပ်လိုက်ရပြီးနောက် လေယာဉ်တစ်စီးနဲ့ ခရီးစဉ်တွေ ပြန်လည်ပျံ သန်းဖို့လုပ်နေတယ်။ Air Mandalay လေကြောင်းလိုင်းကလည်း နောက်ထပ် လေယာဉ်နှစ်စင်း ထပ်မံဖြည့်တင်းပြီး ခရီးစဉ်တွေ ပြန်လည်ပျံသန်းနိုင်ဖို့ စီစဉ်နေတယ်” ဟု လေကြောင်းပို့ဆောင်ရေးနှင့် ညွှန်ကြားမှုဦးစီးဌာနက ပြောရေးဆိုခွင့်ရှိသူတစ်ဦးဖြစ်တဲ့ ဒုတိယညွှန်ကြားရေးမှူးချုပ် ဦးရဲထွဋ်အောင်က ဆိုပါတယ်။

ရန်ကုန်လေဆိပ် Domestic Terminal အဆောက်အအုံအား တွေ့ရစဉ်

ဘယ်လိုအဖြေရှာကြမလဲ

မကြာသေးခင်ကပဲ ဂျပန် ANA Holdings Inc (All Nippon Airways) နဲ့ ရွှေသံလွင်တို့ ပူးပေါင်းတည်ထောင်ထားတဲ့ Asian Blue လေကြောင်းလိုင်းသစ်က မြန်မာအစိုးရဆီက လေကြောင်းလိုင်း တည်ထောင်ပျံသန်းခွင့်လက်မှတ် (Air Operator’s Certificate AOC) မရလို့ မြန်မာနိုင်ငံမှာ အကျိုးတူ ဖက်စပ်တည်ထောင်ခဲ့တဲ့ လေကြောင်းလိုင်းလုပ်ငန်းကို ရပ်နားခဲ့ပြီလို့ သတင်းထုတ်ပြန်ခဲ့ပါတယ်။

ဂျပန် ANA Holdings Inc နဲ့ ရွှေသံလွင်တို့ ပူးပေါင်းတည်ထောင်ထားတဲ့ Asian Blue လေကြောင်းလိုင်းသစ်ရဲ့ လေကြောင်းလိုင်း လုပ်ကိုင်ခွင့်ကို အရင်အစိုးရ လက်ထက်က ခွင့်ပြုပေးခဲ့တာ ဖြစ်ပါတယ်။ အဲဒီအချိန်ကတည်းက ပြည်တွင်းလေကြောင်းလိုင်း ဈေးကွက်မှာ ယှဉ်ပြိုင်မှု ပြင်းထန်နေတဲ့ အခြေအနေ ဖြစ်နေလို့ ပို့ဆောင်ရေးဝန်ကြီးဌာနက Asian Blue လေကြောင်းလိုင်းသစ်ရဲ့ လေကြောင်းလိုင်းသစ် တည်ထောင်ပျံသန်းခွင့်ကို ထောက်ခံပေးခဲ့ခြင်း မရှိဘူးလို့ လေကြောင်းလိုင်း အသိုင်းအ၀ိုင်းက ကြားသိရပါတယ်။ လက်ရှိ ပြည်တွင်းလေကြောင်းလိုင်း ဈေးကွက်မှာ ယှဉ်ပြိုင်မှုတွေများနေတာကြောင့် လေကြောင်းလိုင်းသစ်တွေ ထပ်မံတည်ထောင်ပျံသန်းခွင့် မပြုဖို့မူအားဖြင့် ဆုံးဖြတ်ထားတယ်လို့လည်း သိရပါတယ်။

“အခုလက်ရှိတော့ လေကြောင်းလိုင်းသစ်တွေ တည်ထောင်ပျံသန်းတာကို ခွင့်မပြုဖို့ ဆုံးဖြတ်ထားပါတယ်။ လက်ရှိအပြိုင်ဆိုင်များနေတဲ့ လေကြောင်းလိုင်းတွေ အရှုံးသက်သာအောင် ဌာနအနေနဲ့တိုက်တွန်းနိုင်တဲ့ အချက်ကတော့ ပူးပေါင်းနိုင်တဲ့ လေကြောင်းလိုင်း အချင်းချင်း ပူးပေါင်းကြဖို့ပဲ ရှိပါတယ်။ နိုင်ငံတကာမှာလည်း ဒီလိုပဲ ပူးပေါင်းနေကြတာပါပဲ။ ဒီမှာကတော့ ခရီးစဉ်တွေ အတူပူးပေါင်းပျံသန်းတဲ့ Code Share သဘောမျိုး ပူးပေါင်းတာမျိုးပဲ ရှိသေးတယ်” ဟု ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ဒုတိယ၀န်ကြီးဦးကျော်မျိုးက ပြောကြားခဲ့သည်။

ပြည်တွင်းလေကြောင်းလိုင်း အသီးသီးက တာဝန်ရှိသူတွေကလည်း ပြီးဆုံးခဲ့တဲ့ အခြေနေတွေကို ပြန်လည်အပြစ်တင် ပြောဆိုမနေကြတော့ဘဲ လာမယ့်အနာဂတ်မှာ မြန်မာနိုင်ငံရဲ့ လေကြောင်းလောက ဖွံ့ဖြိုးတိုးတက်လာဖို့အတွက်ပဲ မျှော်လင့်နေကြတယ်လို့ ပြောပြခဲ့ပါတယ်။

“အစ်မတို့ အနေနဲ့ကတော တာဝန်ရှိသူတွေကို အကြံပြုချင်တာက ပြည်ပလေကြောင်းလိုင်းတွေကို ပျံသန်းခွင့်ပြုမယ်ဆိုရင် ကိုယ့်ပြည်တွင်းလေကြောင်းလိုင်းတွေအတွက်ကို ပိုပြီးစဉ်းစားပေးစေချင်ပါတယ်။ လေကြောင်းလိုင်းလုပ်ငန်းဆိုတာ ငွေကြေးပမာဏ အများကြီးရင်းနှီးပြီး ရေရှည်အတွက်ကို စဉ်းစားပြီး လုပ်ဆောင်နိုင်မှ ရပ်တည်နိုင်မှာပါ။ တိုင်းပြည်စီးပွားရေး ကောင်းလာမှ အစ်မတို့ လေကြောင်းလိုင်းတွေမှာ စီးနင်းမယ့် ခရီးသည်တွေ ပိုများလာမှာဖြစ်လို့ စီးပွားရေး ကောင်းလာဖို့ကိုပဲ မျှော်လင့်နေပါတယ်။ လေကြောင်းလိုင်းတွေ အချင်းချင်း ပူးပေါင်းဖို့ဆိုတာကတော့  Solution တစ်ခုလို့ မမြင်ပါဘူး။ ဒီအချက်က  Solution သာဆိုရင် အစောကြီးကတည်းက ပူးပေါင်းလိုက်တော့မှာပေါ့” ဟု Myanmar Airways International (MAI) လေကြောင်းလိုင်းနှင့် Air KBZ လေကြောင်းလိုင်းမှ General Manager မအေးမရသာက ဆိုပါတယ်။

ပြည်တွင်းလေကြောင်းလိုင်းတွေရဲ့ လက်ရှိအကျပ်အတည်းက လွတ်မြောက်နိုင်မှုဟာ မြန်မာနိုင်ငံရဲ့ ခရီးသွားကဏ္ဍ ဖွံ့ဖြိုးတိုးတက်မှုအပေါ် အများကြီးမူတည်နေပါတယ်။ ခရီးသွားကဏ္ဍ ဖွံ့ဖြိုးလာပြီဆိုရင်လည်း နိုင်ငံတော်အစိုးရဌာန အသီးသီးက ကူညီပံ့ပိုးပေးရမယ့် အချက်တွေအပြင် သက်ဆိုင်ရာဒေသခံတွေရဲ့ ပူးပေါင်းပါဝင် ကူညီမှုကလည်း အလွန်ကိုအရေးပါ, ပါတယ်။ မကြာသေးခင်အချိန်က ကြားလိုက်ရတဲ့ ဖွားစော၊ မြင်းကပါ အပါအ၀င် ကျေးရွာခြောက်ရွာကို ရှေးဟောင်းအမွေအနှစ် ဇုန်ထဲကနေ ထုတ်ပယ်ပေးဖို့ဒေသခံတွေက တောင်းဆိုလိုက်တယ်ဆိုတဲ့သတင်း တစ်ပုဒ်ဟာဆိုရင် ပုဂံကိုချစ်တဲ့ မြန်မာတိုင်းအတွက် အလွန်ကို အံ့အားသင့်စရာ၊ စိတ်မကောင်းဖြစ်စရာ သတင်းတစ်ပုဒ် ဖြစ်ခဲ့ရပါတယ်။ ဒီဒေသခံတွေက ဘာဖြစ်လို့ ဒီလိုဖြစ်ချင်တာလည်းဆိုတော့ ဟိုတယ်တွေ၊ စားသောက်ဆိုင်တွေကို ရှေးဟောင်းအပါအ၀င် သက်ဆိုင်ရာဌာနတွေရဲ့ စည်းမျဉ်းစည်းကမ်းတွေကို လိုက်နာစရာမလိုဘဲ စိတ်ကြိုက်ဖွင့်ခွင့် ရနိုင်အောင်လို့ပါတဲ့။  ကမ္ဘာ့အမွေအနှစ် စာရင်းဝင်ဇုန်အဖြစ် သတ်မှတ်ခံရရင် ရရှိနိုင်မယ့် စောင့်ရှောက်မှုတွေ၊ မြန်မာကို ကမ္ဘာက ဒီ့ထက်မက ပိုပြီးသိလာရင် ရရှိလာမယ့် နိုင်ငံခြားသားခရီးသည်တွေ စတဲ့အကျိုးရှိတဲ့ အချက်အလက်တွေကို  ဒေသခံပြည်သူတွေသိရှိအောင်၊ တန်ဖိုးထားတတ်အောင် သက်ဆိုင်ရာ အစိုးရအနေနဲ့ ဒီ့ထက်ပိုကျယ်ပြန့်တဲ့ အသိပညာပေးမှုတွေ လိုအပ်နေပါသေးတယ်။

“ခရီးသွားကဏ္ဍ ဖွံ့ဖြိုးဖို့အတွက် နယ်မြို့တွေမှာရှိတဲ့ လေဆိပ်တွေမှာ အချိန်မရွေးဆင်းသက်နိုင်ဖို့ ကူညီပေးဖို့ လိုအပ်ပါတယ်။ သက်ဆိုင်ရာဝန်ကြီးဌာနတွေနဲ့ ခရီးသွား နယ်ပယ်ကလူတွေ ပူးပေါင်းဆောင်ရွက်ပြီး လိုအပ်တဲ့အစီအစဉ်တွေ လုပ်ဆောင်သွားဖို့လိုပါတယ်။ ပြည်တွင်းလေကြောင်းကဏ္ဍ ဖွံ့ဖြိုးတိုးတက်ဖို့ဆိုရင် သက်ဆိုင်ရာ အာဏာရှိတွေရဲ့ အထောက်အပံ့ကလည်း အများကြီးလိုအပ်ပါတယ်။ အစိုးရ အနေနဲ့လည်း ကုန်သွယ်ခွန်၊ လေယာဉ်ဆီဈေးနှုန်း ကောက်ခံမှုနှုန်းထားတွေကို လျှော့ချပေးဖို့ လိုအပ်ပါတယ်လို့ အကြံပြုချင်ပါတယ်” ဟု မန်းရတနာပုံလေကြောင်းလိုင်းမှ စီအီးအိုဖြစ်သူ ဦးအုန်းမြင့်က ပြောကြားသည်။

လက်ရှိအစိုးရသစ်တက်လာ ပြီးနောက်ပိုင်း မြန်မာနိုင်ငံရဲ့ စီးပွားရေးကဏ္ဍ တိုးတက်လာနိုင်မယ်လို့ မျှော်မှန်းထားခဲ့ပေမဲ့ တိုင်းပြည်ရဲ့ စီးပွားရေးဟာ ကဏ္ဍပေါင်းစုံမှာ အရင်ထက် ပိုမိုကျပ်တည်းမှုတွေ ရင်ဆိုင်နေရတယ်လို့ နယ်ပယ်အသီးသီးက လုပ်ငန်းရှင်တွေနဲ့ ပြည်သူတွေဆီက အသံတွေ ကြားနေရပါတယ်။ လေကြောင်းစီးပွားကဏ္ဍဆိုတာ သာမန်ငွေကြေးအရင်းအနှီး တတ်နိုင်ရုံနဲ့ လုပ်ကိုင်လို့ရတဲ့ လုပ်ငန်းတစ်ခု မဟုတ်ပါဘူး။  အခြေခံလူတန်းစားတွေအနေနဲ့ စားဝတ်နေရေးအတွက် မနည်းရုန်းကန်နေရသလို အသေးစားအလတ်စား စီးပွားရေးလုပ်ငန်းရှင်တွေ အပါအ၀င် စီးပွားရေးလုပ်ငန်းရှင်ကြီးတွေ အနေနဲ့လည်း တိုင်းပြည်စီးပွားရေး မကောင်းတဲ့အချိန်မှာ ပြိုလဲမသွားအောင် မနည်းအားတင်းရုန်းကန်နေရတာ ဖြစ်ပါတယ်။ ခုလိုလေကြောင်းလိုင်းတွေ အပြိုင်အဆိုင်ဈေးနှုန်း လျှော့ချကြတဲ့အတွက် ကိုယ့်ပြည်တွင်းခရီးသွားတွေအနေနဲ့ လေကြောင်းကို အသုံးပြုပြီး ခရီးစဉ်တွေ သွားလာနိုင်ကြသလား ကြည့်ပြန်တော့လည်း ထူးထူးခြားခြား တိုးတက်လာခြင်း မရှိပါဘူး။ ပြည်တွင်းလေကြောင်းလိုင်းတွေ အနေနဲ့ နိုင်ငံခြားသားခရီးသည်အ၀င်များတဲ့ ကာလတွေကို မျှော်မှန်းပြီး နိုင်ငံခြားသားခရီးသည် အ၀င်နည်းတဲ့ ကာလတွေမှာ ပြိုလဲမသွားအောင် ကျားကန်နေရတာ ဖြစ်ပါတယ်။ မကြာခင်ရောက်ရှိလာတော့မယ့် ၂၀၁၈ ခုနှစ်မှာတော့ ဒီအကျပ်အတည်းတွေက လွတ်မြောက်နိုင်မလားဆိုတာကိုတော့ စောင့်ကြည့်ရမှာ ဖြစ်ပါတယ်။

လက်ရှိအစိုးရ၏ ကျန်ရှိသက်တမ်းအတွင်း လာအိုနိုင်ငံကို အမီလိုက်ရန်ပင် အလားအလာနည်းနေပြီး နာမကျန်းဖြစ်နေသည့် မြန်မာ့စီးပွားရေး ကုစားရန် နိုင်ငံတော်၏အတိုင်ပင်ခံပုဂ္ဂိုလ်က လုပ်ဆောင်ပေးဖို့ စဉ်းစားရန် အချက်လေးချက် ဒေါက်တာဦးမြင့် အကြံပြုတင်ပြ

ရန်ကုန်မြို့ ကုန်သည်စက်မှုအသင်းချုပ်၌ ဒီဇင်ဘာ ၉ ရက်က ပြုလုပ်သော UMFCCI CONVENTION 2017 တွင် ကုန်သည်စက်မှုအသင်းချုပ် အကြံပေး စီးပွားရေးပညာရှင် ဒေါက်တာဦးမြင့် အဖွင့်အမှာစကား ပြောကြားစဉ် (ဓာတ်ပုံ-နီလာ)

လက်ရှိအစိုးရ၏ ကျန်ရှိနေသည့် သက်တမ်းအတွင်း လာအိုနိုင်ငံကို အမီလိုက်ရန်ပင် အလားအလာနည်းနေပြီး နာမကျန်းဖြစ်နေသည့် မြန်မာ့စီးပွားရေး ကုစားပေးရန် နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် အနေဖြင့် လုပ်ဆောင်ပေးဖို့ စဉ်းစားရန် အချက်လေးချက်ကို ယခင် အစိုးရလက်ထက် စီးပွားရေးအကြံပေးအဖွဲ့ ခေါင်းဆောင်နှင့် လက်ရှိကုန်သည်စက်မှု အသင်းချုပ်၏ အကြံပေးစီးပွားရေးပညာရှင် ဒေါက်တာဦးမြင့်က ဒီဇင်ဘာ ၉ ရက်တွင် ကျင်းပသည့် ကုန်သည်စက်မှုအသင်းချုပ် ညီလာခံ အဖွင့်အမှာစကားတွင် အကြံပြုပြောကြားသည်။

မြန်မာနိုင်ငံအနေဖြင့် လာအိုနိုင်ငံကို အမီလိုက်ရန် အလားအလာ နည်းနေကြောင်း ဒေါက်တာဦးမြင့်က သုံးသပ်ရာတွင် ကမ္ဘာ့ဘဏ်က ထုတ်ပြန်သည့် အာဆီယံနိုင်ငံများ၏ လူတစ်ဦးချင်း အသားတင်ထုတ်လုပ်မှုနှင့် ၀န်ဆောင်မှုတန်ဖိုး (PER Capita GDP) ဖြင့် နှိုင်းယှဉ်တွက်ပြခဲ့ခြင်းဖြစ်သည်။

မြန်မာနိုင်ငံအနေဖြင့် ၂၀၀၀ ပြည့်နှစ်တွင် လူတစ်ဦးချင်း ဂျီဒီပီ ၁၉၃ ဒသမ ၂ ဒေါ် လာရှိခဲ့ပြီး အာဆီယံနိုင်ငံများတွင် နောက်ဆုံးအဆင့်မှ ရပ်တည်ခဲ့သော်လည်း ၂၀၁၀ ပြည့်နှစ်တွင် ၉၈၇ ဒသမ ၇ ဖြင့် ကမ္ဘောဒီးယား နိုင်ငံကို ကျော်တက်ကာ အဆင့် (၉) နေရာ တွင် ပြန်လည်ရပ်တည်နိုင်ခဲ့သည်။ ဦးသိန်းစိန်အစိုးရလက်ထက် ၂၀၁၅-၂၀၁၆ ခုနှစ်အထိ အဆိုပါအဆင့်ကို ဆက်ထိန်းထားနိုင်ခဲ့ကြောင်းနှင့် မြန်မာနိုင်ငံအနေဖြင့် အာဆီယံ အိမ်နီးချင်းနိုင်ငံများဖြစ်သည့် ဗီယက်နမ်၊ ဖိလစ်ပိုင်၊ အင်ဒိုနီးရှား၊ ထိုင်း၊ မလေးရှား စသည့်နိုင်ငံများနှင့် နှိုင်းယှဉ်နိုင်ရန် ကနဦးအနေဖြင့် လာအိုကို အမီလိုက်ကျော်တက်နိုင်ရန် လိုအပ်မည်ဖြစ်ကြောင်း ဒေါက်တာဦးမြင့်က ပြောကြားသည်။

သို့သော် လက်ရှိအစိုးရသက်တမ်း ငါးနှစ်ဖြစ်သည့် ၂၀၁၆-၂၀၁၇ မှ ၂၀၂၀-၂၀၂၁ ကာလအတွင်း ဖြစ်နိုင်မည့် အလားအလာမှာ အပြည်ပြည်ဆိုင်ရာ ငွေကြေးရန်ပုံငွေ အဖွဲ့က ၂၀၂၀-၂၀၂၁ ခုနှစ်တွင် မြန်မာနိုင်ငံ၏ လူတစ်ဦးချင်း ဂျီဒီပီအပေါ် ၁၈၂၃ ဒေါ်လာ ရရှိမည်ဟု ခန့်မှန်းထားသည်။ သို့သော် ထိုပမာဏမှာ လာအိုနိုင်ငံ၏ ၂၀၁၅ ခုနှစ်တွင် ရရှိခဲ့သည့် တစ်ဦးချင်း ဂျီဒီပီပင်လျှင် ၂၁၄၉ ဒေါ်လာ ဖြစ်နေသည့်အတွက် မြန်မာနိုင်ငံအနေဖြင့် ၂၀၂၀-၂၀၂၁ ခုနှစ်တွင် အပြည်ပြည်ဆိုင်ရာ ငွေကြေး ရန်ပုံငွေအဖွဲ့၏ ခန့်မှန်း ချက်ဖြစ်သည့် လူတစ်ဦးချင်း ဂျီဒီပီ ၁၈၂၃ ဒေါ်လာဖြစ်လာလျှင်ပင် လာအိုနိုင်ငံ၏ ၂၀၁၅ ခုနှစ် ဂျီဒီပီထက် နည်းနေသဖြင့် လာအိုနိုင်ငံကို အမီလိုက်ရန်ပင် ခဲယဉ်းသည့် အနေအထား ဖြစ်နေသည့်အပြင် လာအိုနိုင်ငံ၏ တစ်ဦးချင်း ဂျီဒီပီမှာလည်း ၂၀၁၆-၂၀၁၇ မှ ၂၀၂၀-၂၀၂၁ ကာလအတွင်း ထပ်မံ မြင့်တက်နေဦးမည်ဖြစ်သဖြင့် လာအိုနိုင်ငံကို အမီလိုက်ရန်ပင် အလားအလာ နည်းပါးနေရကြောင်း ဒေါက်တာဦးမြင့်က သုံးသပ်ပြောကြားသည်။

“လက်ရှိအစိုးရရဲ့ ကျန်နေတဲ့ ငါးနှစ် သက်တမ်း ကာလအတွင်းမှာ လာအိုနိုင်ငံကို အမီလိုက်နိုင်ဖို့တောင် အလားအလာ နည်းနေပါတယ်။ ဒါက ကျွန်တော်တို့ ကိန်းဂဏန်း စီးပွားရေး ကမ္ဘာထဲမှာ လက်ရှိ ဘယ်အနေအထား ရောက်နေတယ်ဆိုတာကို စဉ်းစားဖို့ ဖြစ်ပါတယ်။ ပိုအရေးကြီးတာက လက်တွေ့ကမ္ဘာထဲက လူထုရဲ့ လက်ရှိအနေအထားက ဘယ်လိုရှိနေလဲ ဆန်းစစ်ဖို့ လိုပါတယ်။ ဒါ သိပ်မခက်ပါဘူး။ ကျွန်တော်တို့အခု ဈေးထဲသွားပြီး နေ့စဉ်ဈေးဝယ်သူတွေ ဈေးရောင်းသူတွေ မိသားစု ရပ်တည်ရေးအတွက် ကြီး မားစွာ ရုန်းကန်နေရတာကို ကြည်ရုံနဲ့ သိနိုင်ပါတယ်။ အတိုချုံးပြောရရင် ကျွန်တော်တို့ နိုင်ငံရဲ့ စီးပွားရေး အခြေအနေဟာ နာမကျန်းဘူးလို့ ကျွန်တော်ထင်ပါတယ်” ဟု ဒေါက်တာဦးမြင့်က ဆိုသည်။

လက်ရှိ စီးပွားရေးနာမကျန်းမှုကို ကုစားရန်နှင့်  ရပ်တန့်နေသည့် စီးပွားရေး ပြန်လည်လည်ပတ်ရန် ဒေါ်အောင်ဆန်းစုကြည်ကို အားကိုးရမည်ဖြစ်ပြီး စီးပွားရေး တိုးတက် အားကောင်းမှု ပြန်လည် တည်ဆောက်ပေးနိုင်ရန် နိုင်ငံတော်၏ အတိုင်ပင်ခံပုဂ္ဂိုလ်ဒေါ် အောင်ဆန်းစုကြည် အနေဖြင့် အချက်လေးချက်ကို လုပ်ဆောင်ပေးဖို့ စဉ်းစားရန် တင်ပြကြောင်း ဒေါက်တာဦးမြင့်က ပြောကြားသည်။

ကုန်သည်စက်မှုအသင်းချုပ် အကြံပေး ဒေါက်တာအောင်ထွန်းသက်မှ ကုန်သည်စက်မှုအသင်းချုပ် ညီလာခံအဖွဲ့လိုက်ဆွေးနွေးမှုများအတွက် နိဒါန်းစကားပြောကြားခြင်း (ဓာတ်ပုံ-ဖြိုးဝေ)

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် လုပ်ဆောင်ပေးရန် ဒေါက်တာဦးမြင့်က တင်ပြခဲ့သည့် အချက်များမှာ ပထမ အချက်အဖြစ် စီးပွားရေးကဏ္ဍကို ငြိမ်းချမ်းရေး တည်ဆောက်မှု နှင့် အတူ ထိပ်ဆုံးဦးစားပေးအဖြစ် သတ် မှတ်ထားကြောင်း ရှင်းလင်းပြတ်သားစွာ ထုတ်ပြန်ကြေညာပေးရန်ဖြစ်ပြီး ငြိမ်းချမ်းရေးနှင့် တည်ငြိမ်မှုထိန်းသိမ်းရေး၊ ပြည်ပ ထွက်သွားသူများ ၎င်းတို့၏ ဆန္ဒအတိုင်း ပြန်လာရေး၊ ပြန်လည်အခြေချနေထိုင်ရေးနှင့် ပြုစုပျိုးထောင်ရေးတို့အတွက် စီးပွားရေးရှင် သန်တိုးတက်နေမှုမှာ မရှိမဖြစ်လိုအပ်သည်ဟု ဒေါက်တာဦးမြင့်က အကြံပြုပြောကြားသည်။

ဒုတိယ အချက်အနေဖြင့် အဓိကအရေးပါသည့် သက်ဆိုင်သူအားလုံးက ထောက်ခံနိုင်သည့် စီးပွားရေး မဟာဗျုဟာတစ်ခု ရေးဆွဲပေးရန်ဖြစ်ပြီး မဟာဗျုဟာအကြမ်းကို ရေးဆွဲပြုစုကာ လွှတ်တော်ထံသို့ တရားဝင် အထောက်အထားအဖြစ် အတည်ပြုပေးနိုင်ရန် ဒေါက်တာဦးမြင့်က အကြံပြုပြောကြားသည်။

တတိယ အချက်အနေဖြင့် နိုင်ငံတော်၏ အတိုင်ပင်ခံပုဂ္ဂိုလ်အနေဖြင့် စီးပွားရေး ကော်မတီအဖွဲ့ဝင်များ၊ ပြည်ထောင်စုအဆင့်နှင့် တိုင်း/ပြည်နယ်အဆင့်များရှိ စီမံကိန်း၊ ဘဏ္ဍာရေး၊ ကုန်သွယ်ရေးကိစ္စများနှင့် ဗဟိုဘဏ်အဆင့် ငွေရေးကြေးရေးကိစ္စများ အဓိကလုပ်ဆောင်နေသူများနှင့် မကြာခဏ အနှစ်သာရရှိရှိ အမြင်ဖလှယ်မှုပြုလုပ်ပေးသင့်ကြောင်းနှင့် အဆိုပါ ပုဂ္ဂိုလ်များကို လွတ်လွတ်လပ်လပ်နှင့် ပွင့်ပွင့်လင်းလင်း ပြောနိုင်ရေး အခွင့်အလမ်းများ ဖန်တီးပေးရေးနှင့် အားပေးရန်အပြင် အဆိုပါပုဂ္ဂိုလ်များ၏ အကြံကိုလည်း ဆုံးဖြတ်ချက်ချရာတွင် ထည့်သွင်း စဉ်းစားစေလိုကြောင်း ဒေါက်တာဦးမြင့်က အကြံပြုသည်။ ထို့ပြင်အဆိုပါ ပုဂ္ဂိုလ်များအနေဖြင့် တာဝန်ထမ်းဆောင်ရာတွင် အမှီအခိုကင်းကင်းဖြင့် လွတ်လွတ်လပ်လပ် လုပ်နိုင်ရန်အပြင် ၎င်းတို့ ကျွမ်းကျင်သည့် ကဏ္ဍများတွင် ကိုယ်တိုင်ဆုံးဖြတ်ချက်များ ချနိုင်သည့် လုပ်ပိုင်ခွင့်များ ပေးအပ်သင့်ပါကြောင်း အကြံပြုချက်တွင် ဖော်ပြထားသည်။

ထို့ပြင် စတုတ္ထအချက်အနေဖြင့် လက်ရှိရရှိထားသည့် ရွေးကောက်ခံအစိုးရမှာ လက်ရှိအခြေအနေမှ ရှေ့ဆက်လှမ်းတက်ရန် အခွင့်အလမ်းကောင်းတစ်ခုဖြစ်နေပြီး အဆိုပါအခွင့်အလမ်းကောင်းကို အသုံးချနိုင်ရန် စီးပွားရေး၊ ဘဏ္ဍာရေး၊ အုပ်ချုပ်ရေး နှင့် အခြားအရေးပါသည့် ကဏ္ဍများတွင် ကျွမ်းကျင်ပိုင်နိုင်ကြောင်း သက်သေထူပြီးသူ အများအပြားရှိနေကာ နိုင်ငံတော်၏ အတိုင်ပင်ခံပုဂ္ဂိုလ်အနေဖြင့် အဆိုပါ ပုဂ္ဂိုလ်များဖြင့်တွေ့ဆုံကာ ၎င်းတို့တင်ပြသည်များကို နားထောင်ခြင်း၊ ၎င်းတို့၏ အခက်အခဲများကို မှတ်သားခြင်းနှင့် ၎င်းတို့၏ အကြံပြုချက်များကို စဉ်းစားရာတွင် ဆန္ဒမစောစေအောင် ထိန်းပေးရန်နှင့် ၎င်းတို့၏ အကြံများ ရယူပြီး အတိုင်ပင်ခံပုဂ္ဂိုလ်၏ ဦးဆောင်မှုအောက်တွင် စီးပွားရေးပြန်လည်တိုးတက် ရှင်သန် အားကောင်းလာရေးအတွက် လက် တွေ့အစီအစဉ်များကို စနစ်တကျ အချိန်ယူ လုပ်ဆောင်သင့်ကြောင်း ဒေါက်တာဦးမြင့်က အကြံပြုပြောကြားသည်။

မြန်မာ့ထွက်ကုန်များကို ကုန်ကြမ်းတင်ပို့သည်ထက် တန်ဖိုးမြှင့်တင်ကုန်များထုတ်လုပ်ပြီး ပြည်ပသို့တင်ပို့ရောင်းချနိုင်ရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဒီဇင်ဘာ ၉ ရက်က နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ-၂ (MICC-2) တွင်ကျင်းပသည့် မြန်မာနိုင်ငံ လူငယ်စွန့်ဦးတီထွင်လုပ်ငန်းရှင်များအသင်းက ကြီးမှူးကျင်းပသည့် ဒုတိယအကြိမ် Myanmar Enterpreneurship 2017 အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အမှာစကားပြောကြားစဉ်

မြန်မာ့ထွက်ကုန်များကို ကုန်ကြမ်းတင်ပို့သည်ထက် တန်းဖိုးမြှင့်တင်ကုန်များထုတ်လုပ်ပြီး ပြည်ပသို့တင်ပို့ရောင်းချနိုင်ရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“ကျွန်မတို့နိုင်ငံဟာ တကယ်တော့ လယ်ယာထွက်ကုန်၊ သယံဇာတအရင်းအမြစ်တွေ ပေါကြွယ်ဝပါတယ်။ ဒါပေမဲ့ အိမ်နီးချင်းနိုင်ငံတွေ၊ ဒေသတွင်းနိုင်ငံတွေနဲ့ အရည်အသွေးမှာမယှဉ်နိုင်တဲ့အတွက် အခက်အခဲကြုံတွေ့နေရတာကိုလည်း အားလုံးသိကြမှာဖြစ်ပါတယ်။ ဒါကြောင့် ကိုယ့်နိုင်ငံကထွက်ကုန်တွေကို ၀ယ်လိုအားဈေးကွက်အပေါ်အခြေခံပြီး နည်းပညာအသစ်တွေနဲ့ ပိုမိုကောင်းမွန်တဲ့အရည်အသွေးရရှိအောင် တီထွင်ဆန်းသစ်ထုတ်လုပ်ပြဖို့၊ ကုန်ကြမ်းတင်ပို့ရောင်းချတာထက် တန်ဖိုးမြှင့်တင်ကုန်တွေကို ထုတ်လုပ်ပြီး ပြည်ပကိုတင်ပို့ရောင်းချနိုင်ဖို့ လိုအပ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

ဒီဇင်ဘာ ၉ ရက်က နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ-၂ (MICC-2) တွင်ကျင်းပသည့် မြန်မာနိုင်ငံ လူငယ်စွန့်ဦးတီထွင်လုပ်ငန်းရှင်များအသင်းက ကြီးမှူးကျင်းပသည့် ဒုတိယအကြိမ် Myanmar Enterpreneurship 2017 အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ်က အထက်ပါကဲ့သို့ ပြောကြားခဲ့ခြင်းဖြစ်သည်။

မြန်မာနိုင်ငံ၏ စီးပွားရေးလုပ်ငန်း တိုးတက်လာစေရန်အတွက် ငွေကြေး၊ ဈေးကွက်နှင့် လမ်းညွှန်ပေးမှုလိုအပ်ပြီး စွန့်ဦးတီထွင်လုပ်ငန်းရှင်များအတွက် ရင်းနှီးငွေ၊ ချေးငွေရရှိမှုသည် ခက်ခဲနေသည်ကို သိရှိသော်လည်း ဘဏ်ချေးငွေတစ်ခုတည်းမဟုတ်ဘဲ အခြားနည်းလမ်းများအား ကြံဆဆောင်ရွက်ရမည်ဖြစ်ကြောင်း၊ သမားရိုးကျ ဘဏ်ချေးငွေတစ်ခုတည်းကိုသာအားမကိုးဘဲ အောင်မြင်သည့်လုပ်ငန်းရှင်ကြီးများက စတင်စလုပ်ငန်းသစ်လေးများတွင် အစုရှယ်ယာထည့်ဝင်ပြီး လုပ်ငန်းသစ်များ အောင်မြင်ရန် ပူးပေါင်းကူညီပေးရန်လိုအပ်ကြောင်း ဒေါ်အောင်ဆန်းစုကြည်က ပြောကြားသည်။

“လုပ်ငန်းကြီးတွေအနေနဲ့ လုပ်ငန်းလေးတွေ ရေရှည်တည်တံ့နိုင်ဖို့အတွက် ကူညီပံ့ပိုးပေးခြင်းအားဖြင့် ကိုယ်ပိုင်အရင်းအနှီးထည့်ဝင်မှုအခွင့်အလမ်းများ ပိုပြီးတော့လည်း တိုးတက်လာမယ်လို့ ကျွန်မတို့ယုံကြည်ပါတယ်။ ဒုတိယဖြစ်တဲ့ ဈေးကွက် Market နဲ့ပတ်သက်လို့ လုပ်ငန်းရှင်တွေအနေနဲ့ ဈေးကွက်ကလိုအပ်နေတဲ့ ကုန်စည်ဝန်ဆောင်မှုတွေအပေါ်မူတည်ပြီး ထုတ်လုပ်နေရုံသာမက ကိုယ်ထုတ်လုပ်တဲ့ပစ္စည်းတွေအတွက် ဈေးကွက်ဖန်တီးနိုင်ဖို့က အများကြီးအရေးကြီးပါတယ်။ ခိုင်မာတဲ့ဈေးကွက်တစ်ခုရရှိဖို့အတွက် အစိုးရကိုသာ အားကိုးနေရတာမျိုးမဟုတ်ဘဲ လူငယ်လုပ်ငန်းတွေကလည်း ကိုယ့်ရဲ့စွမ်းဆောင်ရည်နဲ့ တစ်ဖက်တစ်လမ်းကနေ ဈေးကွက်ရအောင်ရှာဖို့ လိုအပ်ပါတယ်။ ကိုယ်ထုတ်လုပ်တဲ့ ကုန်ပစ္စည်းပုံစံအရည်အသွေးတွေကို သမားရိုးကျမဟုတ်ဘဲ ဆန်းသစ်တီထွင်မှုတွေ ပေါင်းစပ်ဖြစ်အောင်လုပ်ပြီးတော့ ဈေးကွက်မှာတွင် ကျယ်သွားအောင်၊ ထိုးဖောက်နိုင်အောင် ကြိုးစားရမှာဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“တတိယကျတော့ လမ်းညွှန်ပေးမှု Mentorship ဖြစ်ပါတယ်။ မြန်မာနိုင်ငံက စွန့်ဦးတီထွင်လူငယ်လုပ်ငန်းရှင်များအနေနဲ့ အာဆီယံဒေသအတွင်း အောင်မြင်နေတဲ့လုပ်ငန်းရှင်များဆီက အကြံဥာဏ်တွေ၊ အထောက်အပံ့တွေ၊ ရနိုင်မယ့်လမ်းညွှန်ပေးမယ့် သူတွေရဲ့ကွန်ရက် Mentorship နက်ဝပ်တစ်ခု တည်ဆောက်နိုင်မှာဖြစ်ပါတယ်။ မြန်မာနိုင်ငံအတွင်းမှာလည်း အောင်မြင်ပြီးသားလုပ်ငန်းရှင်ကြီးများအနေနဲ့ အခုမှလုပ်ငန်းစတင်နေတဲ့ လူငယ်လုပ်ငန်းရှင်အသစ်တွေကို အားပေးကူညီနိုင်ဖို့ လမ်းညွှန်ပေးသူများ၏ ကွန်ရက်တစ်ခုတည်ထောင်သင့်ပါတယ်လို့ ကျွန်မပြောကြားလိုပါတယ်။ အိမ်နီးချင်းနိုင်ငံတွေမှာဆိုရင် စီးပွားရေးလုပ်ငန်းသစ်များ စတင်တည်ထောင်ပေးတဲ့ ဗဟိုဌာနတည်ထောင်ပြီး အဲဒီဌာနတွေကနေ လုပ်ငန်းစတင်လုပ်ကိုင်လိုသူတွေ၊ လုပ်ငန်းငယ်လေးတွေကို သူတို့ရဲ့လုပ်ငန်းစတင်တဲ့အချိန်မှာ အထောက်အကူပြုစေဖို့နဲ့ ဖွံ့ဖြိုးတိုးတက်ဖို့ ကူညီဆောင်ရွက်ပေးနေကြပါတယ်။ ဒီလိုနမူနာကောင်းတွေကိုအတုယူပြီး ကျွန်မတို့မြန်မာနိုင်ငံမှာလည်း စီးပွားရေးလုပ်ငန်းသစ်များ စတင်ပျိုးထောင်ပေးတဲ့ ဗဟိုဌာနတွေ ပေါ်ပေါက်လာအောင် ဆောင်ရွက်ဖို့လိုအပ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

လက်ရှိအစိုးရအနေဖြင့် အသေးစားနှင့် အလတ်စားလုပ်ငန်းများ ဖွံ့ဖြိုးတိုးတက်ရေးအတွက် တွန်းအားပေးလုပ်ဆောင်လျက်ရှိပြီး စွန့်ဦးတီထွင်ကဏ္ဍ ဖွံ့ဖြိုးတိုးတက်ရေးအတွက် စွန့်ဦးတီထွင်ကဏ္ဍ ဖွံ့ဖြိုးတိုးတက်ရေးဆိုင်ရာ ဥပဒေမူဝါဒများ ချမှတ်နိုင်ရန် မြန်မာ့စွန့်ဦးတီထွင်လုပ်ငန်းများအသင်းမှဦးဆောင်ကာ သက်ဆိုင်ရာဌာနများဖြင့် ပူးပေါင်းဆောင်ရွက်နေကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ကျွန်မတို့နိုင်ငံမှာ ပထ၀ီဝင်အနေအထားအရ မဟာဗျူဟာကျတဲ့ နိုင်ငံတစ်နိုင်ငံဖြစ်ပါတယ်။ လူဦးရေအများဆုံးနိုင်ငံတွေဖြစ်ပြီး စီးပွားရေးအရ အရှိန်အဟုန်နဲ့ တိုးတက်နေတဲ့ တရုတ်နိုင်ငံနဲ့ အန္ဒိယနိုင်ငံတို့အကြားမှာရှိနေပါတယ်။ ဒါဟာ အားသာချက်တွေအများကြီးရှိသလို စိန်ခေါ်မှုတွေလည်း အများကြီးရှိနေပါတယ်။ စိန်ခေါ်မှုတွေကို ကျော်လွှားနိုင်အောင် ကြိုးစားရမှာဖြစ်သလို အားသာချက်တွေကိုလည်း အခွင့်အလမ်းတစ်ရပ်အဖြစ် အသုံးချသွားနိုင်ဖို့ ကြိုးစားရမှာဖြစ်ပါတယ်” ဟုပြောကြားသည်။

ဆက်လက်၍ ဒေါ်အောင်ဆန်းစုကြည်က “ကျွန်မတို့ရဲ့လူငယ်တွေဟာ အနာဂတ်နိုင်ငံတော်ရဲ့ အလင်းနှစ်တွေဖြစ်ပါတယ်။ ကျွန်မတို့နိုင်ငံ၊ ကျွန်မတို့လူမျိုးတွေဟာ နောင်တစ်ခေတ်မှာ ကမ္ဘာ့အလယ်မှာ ဂုဏ်သိက္ခာရှိစွာနဲ့ ရပ်တည်သွားနိုင်ဖို့အတွက် အခုလူငယ်တွေအပေါ်မှာ အများကြီးမူတည်နေပါတယ်။ အလားတူ ကျွန်မတို့နိုင်ငံ သိက္ခာရှိရှိ တောင့်တင်းခိုင်မာစွာ ရည်တည်နိုင်ဖို့ စီးပွားရေးဖွံ့ဖြိုးတိုးတက်ဖို့က အရေးကြီးပါတယ်။ လူငယ်အင်အားနဲ့ စီးပွားရေးအင်အားပေါင်းပြီး ကျွန်မတို့ဖွံ့ဖြိုးတိုးတက်အောင် လုပ်ကြရမှာဖြစ်ပါတယ်။ ကျွန်မတို့ မြန်မာလူငယ်တွေဟာ စူးစမ်းလိုစိတ်၊ တီထွင်ဖန်တီးလိုစိတ် ပွင့်လင်းလွတ်လပ်တဲ့ အတွေးအခေါ်တွေကို လက်တွေ့အကောင်အထည်ဖော်ပြီး အများအကျိုးအတွက် ကြိုးပမ်းဆောင်ရွက်လိုတဲ့ စိတ်ထားတွေရှိကြပါတယ်။ ကျွန်မတို့နိုင်ငံမှာ စွန့်ဦးတီထွင်မှုတစ်ရပ် ဖြစ်ပေါ်လာဖို့အတွက် အစိုးရအပိုင်းအနေနဲ့လည်း ပြည်ထောင်စုအဆင့်သာမက တိုင်းဒေသကြီးအစိုးရအဖွဲ့တွေကပါ ကိုယ့်တိုင်းဒေသမှာရှိကြတဲ့ စွန့်ဦးတီထွင်လုပ်ငန်းတွေအပေါ် အားပေးကြဖို့တိုက်တွန်းပါတယ်” ဟုပြောကြားသည်။

မြန်မာနိုင်ငံလုပ်ငန်းရှင်များအနေဖြင့် ဒေသဆိုင်ရာအစီအစဉ်များမှရရှိလာသည့် အတွေ့အကြုံများအား ကိုယ့်နိုင်ငံမှလူငယ်များကို ပြန်လည်မျှဝေရန်လိုအပ်မည်ဖြစ်ပြီး အဆိုပါအတွေ့အကြုံများအားအခြေခံကာ တီထွင်ဆန်းသစ်မှုများပြုလုပ်ကြရန် လိုအပ်မည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

လူသတ်၊ လုယက်မှုဖြင့် အငှားယာဉ်မောင်းနှင်သူအမျိုးသမီးအား ပုဒ်မနှစ်ခုအတွက် အလုပ်ကြမ်းနှင့်ထောင်ဒဏ် ၁၀ နှစ်စီချမှတ်ခဲ့ပြီး တပေါင်းတည်းကျခံစေရန် အမိန့်ချ

အမျိုးသားတစ်ဦးကိုသတ်မှုဖြင့် အငှားယာဉ်မောင်း အမျိုးသမီးအား ပုဒ်မနှစ်ခုအတွက် အလုပ်ကြမ်းနှင့်ထောင်ဒဏ် ၁၀ နှစ်စီချမှတ်ခဲ့ကြောင်း သိရသည်။

“သူ့ကို ၃၀၂ (၂) နဲ့က ၁၀ နှစ် ၃၉၂ နဲ့က ၁၀ နှစ် အမိန့်ချလိုက်ပါတယ်။ တပေါင်းတည်းဆိုတော့ ၁၀ နှစ်ပဲကျခံရမှာပါ” ဟု ရန်ကုန်တိုင်းဒေသကြီးရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါအမှုမှာ ၂၀၁၆ ခုနှစ် နိုဝင်ဘာ ၁၀ ရက် နံနက် ၆ နာရီခန့်တွင် လှိုင်မြို့နယ် (၇) ရပ်ကွက် မယ်ဇီကုန်းလမ်းနှင့် သရက်မြိုင်လမ်းကြားတွင် အမျိုးသားတစ်ဦးဒဏ်ရာများဖြင့် သေဆုံးနေကြောင်း သတင်းအရ ရန်ကုန်တိုင်းဒေသကြီးရဲတပ်ဖွဲ့ဝင်များက စစ်ဆေးရာတွင် သေဆုံးသူမှာ ကုမ္ပဏီဝန်ထမ်းဖြစ်သူ မရမ်းကုန်းမြို့နယ်နေ သီဟဇော် (၃၀ နှစ်) ဖြစ်ကြောင်း သိရသည်။

အမှုနှင့်ပတ်သက်ပြီး ရဲတပ်ဖွဲ့က ထပ်မံစုံစမ်းရာ ၂၀၁၆ ခုနှစ် နိုဝင်ဘာ ၉ ရက် ည ၇ နာရီခန့်တွင် FILDER အမျိုးအစား အငှားယာဉ်တစ်စီးကလာခေါ်သွားပြီး ယာဉ်မောင်းသူမှာ အမျိုးသမီးတစ်ဦးဖြစ်ကြောင်း စုံစမ်းသိရသဖြင့် လာရောက်ခေါ်ဆောင်သူ အမျိုးသမီးအား ထပ်မံစုံစမ်းခဲ့ကြောင်း သိရသည်။

စစ်ဆေးစုံစမ်းချက်များအရ သေဆုံးသူသီဟဇော်အသုံးပြုသော လူမှုကွန်ရက် Facebook တွင် သူငယ်ချင်းဖြစ်သူ ဇင်လေးဆိုသူအား မှတ်တမ်းဓာတ်ပုံရယူ၍ အုပ်ချုပ်ရေးအဖွဲ့များ၊ အမာခံသတင်းပေးများထံ ဇင်လေး၏ဓာတ်ပုံများ လိုက်လံပြသစုံစမ်းခဲ့ရာ တာမွေမြို့နယ် ကျားကွက်သစ်ရပ်ကွက်တွင် နေထိုင်သူဖြစ်ပြီး ၎င်းအားဖမ်းဆီးရမိရေး ဆောင်ရွက်ခဲ့ကြောင်း၊ ၎င်းမှာသေဆုံးသူ သီဟဇော်အား လာရောက်ခေါ်ဆောင်ခဲ့သည့် အငှားယာဉ်အား မောင်းနှင်သူဖြစ်ကြောင်း ရဲတပ်ဖွဲ့က စုံစမ်းသိရှိရသည်။

၂၀၁၆ ခုနှစ် ဒီဇင်ဘာ ၂၆ ရက် နံနက် ၁ နာရီ မိနစ် ၅၀ တွင် ယာဉ်မောင်းနှင်ပြီး နေအိမ်သို့ပြန်လာသူ မသဇင်ခိုင် (ခ) ဇင်လေး (ခ) သဇင် (ခ) သဇင်ဖြိုး၊ (၃၂ နှစ်) အား မော်တော်ယာဉ်နှင့်အတူ ဖမ်းဆီးရမိခဲ့ပြီး စစ်ဆေးခဲ့ကြောင်း၊ ထိုသို့စစ်ဆေးရာ ၎င်း၏လက်ကိုင်ဖုန်း၌ ၂၀၁၆ ခုနှစ် နိုဝင်ဘာ ၈ ရက်မှ နိုဝင်ဘာ ၁၂ ရက်အထိအသုံးပြုခဲ့သည့် ဆက်သွယ်မှုအားလုံး ဖျက်ထားသည်ကို မသင်္ကာဖွယ်တွေ့ရှိရသဖြင့် အမှုနှင့်တိုက်ဆိုင်စစ်ဆေးခဲ့ကြောင်း ရဲတပ်ဖွဲ့က ထုတ်ပြန်သည်။

ဖမ်းဆီးရမိသူ သဇင် (ခ) သဇင်ခိုင် (ခ) သဇင်ဖြိုး (ခ) ဇင်လေးအား စစ်ဆေးရာ သားဖြစ်သူကျန်းမာရေးမကောင်းသဖြင့် ခင်မင်ရင်းနှီးသူ မိတ်ဆွေခုနစ်ဦးထံမှ ချေးယူထားသော ကျပ် ၂၃ သိန်းကျော်ခန့်အား ပေးဆပ်ရန်ရှိကြောင်း၊ ၂၀၁၅ ခုနှစ် ဧပြီတွင် Thiha အကောင့်ပိုင်ရှင်ဖြစ်သူ သီဟဇော်နှင့် သူငယ်ချင်းဖြစ်ခဲ့ပြီး သီဟဇော်နှင့် ဖုန်းဆက်သွယ်ပြောဆိုဖြစ်ခဲ့ကြောင်း၊ လွန်ခဲ့သောသုံးလခန့်က သီဟဇော်က ၎င်းအားရည်စားစကားပြောဆိုခဲ့ကြောင်း၊ ထို့နောက် ၎င်းနှင့် သီဟဇော်တို့ကော်ဖီဆိုင်များ၌ မကြာခဏတွေ့ဆုံကာ စကားပြောဆိုဖြစ်ခဲ့ကြောင်း၊ ၂၀၁၆ ခုနှစ် စက်တင်ဘာ ၃၀ ရက် ည ၁၁ နာရီခန့်တွင် သီဟဇော်နှင့် ကားပတ်မောင်းခဲ့ပြီး နံနက် ၃ နာရီခန့်တွင် ကမာရွတ်မြို့နယ်ဗဟိုလမ်းရှိ တည်းခိုခန်းတစ်ခု၌ ညအိပ်တည်းခိုခဲ့ကြောင်း၊ ၂၀၁၆ ခုနှစ် နိုဝင်ဘာ ၉ ရက် ညနေ ၆ နာရီခွဲခန့်တွင် ၎င်းသည် တာမွေမြို့နယ် ကျောက်မြောင်းအရှေ့ရပ်ကွက်သို့ ရောက်ရှိနေစဉ် သီဟဇော်ထံမှဖုန်းဝင်လာပြီး သီဟဇော်က ၎င်း၏ကုမ္ပဏီရှိရာသို့ လာရောက်ရန်ပြောဆိုသဖြင့် နောက်ထပ်ခရီးသည်တစ်ဦးပို့ပေးရန် ကျန်သေးကြောင်းပြောဆိုကာ ဖုန်းပိတ်ထားခဲ့ကြောင်း သိရသည်။

ထို့နောက် ည ၇ နာရီ မိနစ် ၄၀ ခန့်တွင် ချိန်းဆိုရာနေရာသို့သွားရောက်ခဲ့ပြီး သီဟဇော်က ၎င်းနှင့်အတူလိုက်ပါလာခဲ့ကြောင်း၊ ၎င်းနောက် ဗိုလ်တထောင်ကမ်းနားသို့ သွားရောက်ကာ စကားပြောဆိုခဲ့ကြကြောင်း၊ ထို့နောက် ယင်းနေ့ည ၁၂ နာရီခန့်တွင် ဗဟန်းမြို့နယ်ရှိ KTV ဆိုင်တစ်ဆိုင်သို့ သွားရောက်၍ နှစ်နာရီခန့်သီချင်းဆိုခဲ့ကြကြောင်း၊ ၂၀၁၆ ခုနှစ် နိုဝင်ဘာ ၁၀ ရက် နံနက် ၂ နာရီခွဲခန့်တွင် KTV ဆိုင်မှထွက်လာပြီး ကားလျှောက်မောင်းနေခဲ့ရာ နံနက် ၃ နာရီခန့်တွင် လှိုင်မြို့နယ် ဗဟိုလမ်းသို့ရောက်ရှိစဉ် ၎င်းမှာအိပ်ငိုက်လာသဖြင့် မော်တော်ယာဉ်အား လမ်းဘေးသို့ရပ်ကာ သီဟဇော်အား ကားမောင်းတတ်ပါက မောင်းနိုင်ကြောင်းပြောဆိုပြီး ကားနောက်ခန်းအတွင်းသို့ ၀င်ထိုင်စဉ် သီဟဇော်က အောက်သို့အပေါ့သွားရန် ဆင်းသွားကြောင်း၊ ထို့နောက် သီဟဇော်ယာဉ်ပေါ်သို့ပြန်တက်စဉ် ၎င်းမှယာဉ်ပေါ်တွင် အသင့်ဆောင်ထားသော ဓားမြှောင်ဖြင့် လည်ပင်းအားထိုးခဲ့ကြောင်း သိရသည်။

ထို့နောက် သီဟဇော်ဝတ်ဆင်ထားသော ဆွဲပြားပါ ရွှေဆွဲကြိုး၊ ရွှေလက်စွပ်တို့အား ယူဆောင်ကာ သီဟဇော်အား အခင်းဖြစ်နေရာ၌ထားခဲ့ကြောင်း၊ ယင်းနောက် ယာဉ်ပေါ်တွင်ကျန်ရှိသည့် သီဟဇော်၏လက်ကိုင်ဖုန်း၊ လက်ပတ်နာရီ၊ ဖိနပ်တစ်ရန်နှင့် ပြစ်မှုကျူးလွန်စဉ်အသုံးပြုခဲ့သော ဓားမြှောင်တို့အား ကြွပ်ကြွပ်အိတ်ဖြင့်ထုပ်ကာ သင်္ဃန်းကျွန်းမြို့နယ် သုဝဏ္ဏကမာကြည်တံတားပေါ်မှ ပုဇွန်တောင်ချောင်းအတွင်း လွှင့်ပစ်ခဲ့သည်ဟု စစ်ဆေးပေါ်ပေါက်ခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့က သတင်းထုတ်ပြန်ခဲ့သည့်အမှုဖြစ်ကြောင်း သိရသည်။

ယင်းကြောင့် သဇင် (ခ) သဇင်ခိုင် (ခ) သဇင်ဖြိုး (ခ) ဇင်လေးအား ရန်ကုန်အနောက်ပိုင်းခရိုင်တရားရုံး လှိုင်မြို့မရဲစခန်းမှ ရဲအရာရှိတစ်ဦးက တရားလိုပြုလုပ်ကာ တရားစွဲဆိုခဲ့ကြောင်း သိရသည်။

ဘင်္ဂါလီ မွတ်စလင်ဒုက္ခသည်များ မြန်မာနိုင်ငံသို့ အလျင်စလို မပြန်ကြရန် ကုလသမဂ္ဂ သတိပေး

ဒီဇင်ဘာ ၄ ရက်က ဘင်္ဂလားဒေ့ရ်ှရှိ ကူတူပါလောင်ဒုက္ခသည်စခန်းတွင် စောင်များပေးဝေနေစဉ် (Photo: AFP)

မိမိ သဘောဆန္ဒအလျောက် နေရပ်ပြန်ရေးဆိုင်ရာ နိုင်ငံတကာ စံနှုန်းများအောက်၌  ဘင်္ဂလားဒေ့ရ်ှမှ ဘင်္ဂါလီ (မူရင်း၌ ရိုဟင်ဂျာ ဟုဖော်ပြ) မွတ်စလင်ဒုက္ခသည်များ မြန်မာ နိုင်ငံသို့ မပြန်မီ ရခိုင်ပြည်နယ်မြောက်ပိုင်းတွင် ငြိမ်းချမ်းရေးနှင့် တည်ငြိမ်အေးချမ်းရေးကို ပြန်လည်ထိန်းသိမ်းရမည်ဖြစ်ကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ဒီဇင်ဘာ ၈ ရက်တွင် ပြောကြားခဲ့သည်။

နိုဝင်ဘာလအတွင်း မြန်မာနိုင်ငံမှ ဘင်္ဂလားဒေ့ရ်ှသို့ ထွက်ပြေးလာသည့် ဘင်္ဂါလီမွတ်စလင် ဒုက္ခသည်ပေါင်းသည် ၂၀,၀၀၀ ခန့်ရှိ ပြီး ဒီဇင်ဘာလအတွင်း ယခုအထိ ထွက်ပြေးလာသူ ၂၇၀ ဦးနှင့် အထက်မနည်း ရှိသောကြောင့် အကြမ်းဖက်မှုများ ဖြစ်ပွားခဲ့သည့် သြဂုတ် ၂၅ ရက်နောက်ပိုင်း ထွက်ပြေးလာသည့်အရေအတွက် စုစုပေါင်းသည် ၆၄၆,၀၀၀ ရှိသွားပြီဟု UNHCR နှင့် အပြည်ပြည်ဆိုင်ရာ ရွှေ့ပြောင်းအခြေချမှုအဖွဲ့ (IOM) တို့၏ စာရင်းဇယားများအရ သိရသည်။

မြန်မာနှင့် ဘင်္ဂလားဒေ့ရ်ှတို့သည် မိမိသဘောဆန္ဒအလျောက် နေရပ်ပြန်ရေးနှင့် ပတ်သက်၍ သဘောတူညီချက်တစ်ရပ်ကို လက်မှတ်ရေးထိုးခဲ့ကြပြီး ယင်းတွင် လက်မှတ် ရေးထိုးခဲ့သည့် နိုဝင်ဘာ ၂၃ ရက်မှ သီတင်းသုံးပတ်အတွင်း ပူးတွဲလုပ်ငန်းအဖွဲ့တစ်ရပ် ဖွဲ့စည်းရန် ပါဝင်သည်။ ယခုအထိ နှစ်ဦးနှစ်ဖက် ဆွေးနွေးမှုများတွင်လည်းကောင်း၊ သဘောတူညီချက် ရေးထိုးရာ၌ လည်းကောင်း UNHCR ၏ အခန်းကဏ္ဍ ပါဝင်ခြင်း မရှိသေးပေ။

“နေရပ်ပြန်ရေးကိစ္စကို အချိန်မတိုင်မီ ဒါမှမဟုတ် အလျင်စလို မပြုလုပ်ဖို့က သိပ်ကို အရေးကြီးပါတယ်။ စဉ်ဆက်မပြတ် အနေအထားမျိုး မဟုတ်တာ သိသာနေတဲ့ ရခိုင်ပြည်နယ်က အခြေအနေရပ်တွေအတွင်း လူတွေ ပြန်သွားနိုင်ဖို့ဆိုတာ မဖြစ်နိုင်ပါဘူး” ဟု UNHCR မှ ပြောရေးဆိုခွင့်ရှိသူ အက်ဒရီယန်အက်ဒ၀ပ်က ပြောကြားခဲ့သည်။

ကုလသမဂ္ဂဆိုင်ရာ မြန်မာ သံအမတ်ကြီး ဦးထင်လင်းက သူ၏ အစိုးရအဖွဲ့သည် ဒုက္ခသည်များ ပြန်လည်လက်ခံရေးကို နှစ်လအတွင်း စတင်နိုင်လိမ့်မည်ဟု မျှော်လင့်ထားကြောင်း ဂျီနီဗာမြို့တွင် ဒီဇင်ဘာ ၅ ရက်က ပြောကြားခဲ့သည်။ ၎င်းက လူ့အခွင့်အရေး ကောင်စီ၌ ပြောကြားခဲ့ခြင်းဖြစ်ပြီး အဆိုပါကောင်စီမှ လူ့အခွင့်အရေးဆိုင်ရာ ထိပ်တန်းအရာရှိက ဘင်္ဂါလီမွတ်စလင် လူနည်းစုအပေါ် လူမျိုးတုံးသတ်ဖြတ်မှု ကျူးလွန်ခဲ့သည့်အတွက် မြန်မာလုံခြုံရေးတပ်များ၌ အပြစ်ရှိနိုင်သည်ဟု ပြောကြားထားသည်။

UNHCR ၏ လက်ထောက်မဟာမင်းကြီး ကီလီကလီးမင့်သည် ဘင်္ဂလားဒေ့ရ်ှတွင် ပြုလုပ်သည့် ဆွေးနွေးပွဲများကို တက်ရောက်ခဲ့သော်လည်း UNHCR အား အလုပ်အဖွဲ့၌  ပူးပေါင်းပါဝင်ရန် တရားဝင်ဖိတ်ကြားထားခြင်း မရှိကြောင်းနှင့် ဆွေးနွေးမှုများသည် အလွန် အကြိုသဘောအဆင့်၌သာ ရှိသေးကြောင်း အက်ဒ၀ပ်က ပြောကြားခဲ့သည်။

အက်ဒ၀ပ်က အဖွဲ့၏ အခန်းကဏ္ဍနှင့် ပတ်သက်၍ မြန်မာအာဏာပိုင်များနှင့် ဆွေးနွေးနေခြင်း ရှိ မရှိကို ပြောကြားနိုင်ခြင်း မရှိသော်လည်း UNHCR သည် ပူးတွဲလုပ်ငန်း အဖွဲ့၌ ပါဝင်နိုင်လိမ့်မည်ဟု မျှော်လင့်ထားသည်။

 

 

ဂျေရုစလင်ဆိုင်ရာ အမေရိကန်ဆုံးဖြတ်ချက်ကို ကုလသမဂ္ဂ လုံခြုံရေးကောင်စီအဖွဲ့ဝင်နိုင်ငံ ၁၄ နိုင်ငံက ဝေဖန်

အစ္စရေး၏ လေကြောင်းမှတိုက်ခိုက်မှုကြောင့် ဂါဇာကမ်းမြောင်မြောက်ပိုင်းရှိ ဟားမားစ်၏ စစ်သုံးအဆောက်အအုံပျက်စီးနေမှုကို ကြည့်ရှုနေကြသူများ (Photo: AFP)

ဂျေရုစလင်အား အစ္စရေး၏မြို့တော်အဖြစ် တရားဝင်အသိအမှတ်ပြုခဲ့သည့် အမေရိကန်သမ္မတ ဒေါ်နယ်ထရန့်၏ ဆုံးဖြတ်ချက်ကို ကုလသမဂ္ဂလုံခြုံရေးကောင်စီအဖွဲ့ဝင် ၁၄ နိုင်ငံက ဒီဇင်ဘာ ၈ ရက်တွင် အရေးပေါ်အစည်းအဝေးတစ်ခု၌ ပြစ်တင်ဝေဖန်ခဲ့ကြသည်။ ကုလသမဂ္ဂတွင် ၎င်း၏အဓိကမဟာမိတ် အစ္စရေးအား ကာကွယ်ရာတွင် အမေရိကန်က တစ်နိုင်ငံတည်း ရပ်တည်ခဲ့ရမှုသည် ယင်းအကြိမ်သည် ပထမဆုံးအကြိမ်မဟုတ်ခဲ့ဘဲ ပြီးခဲ့သော ဆယ်စုနှစ်များစွာအတွင်း အစ္စရေးအားထိခိုက်စေနိုင်သည်ဟု ရှုမြင်သော လုံခြုံရေးကောင်စီ၏ ဆုံးဖြတ်ချက်အများအပြားကို အမေရိကန်က ဗီတိုအာဏာသုံး၍ ကာကွယ်ပေးခဲ့သည်။

အမေရိကန်သည် ငြိမ်းချမ်းရေးအတွက် မည်သည့်အခါကမျှနှင့်မတူ ပို၍ကတိပြုထားပြီး ယင်းငြိမ်းချမ်းရေးရည်မှန်းချက်သည် မည်သည့်အခါကမျှနှင့်မတူ ပို၍နီးကပ်လာနေပြီဟု ၎င်းတို့ကယုံကြည်ကြောင်း ကုလသမဂ္ဂဆိုင်ရာ အမေရိကန်သံအမတ် နစ်ကီဟာလေးက ပြောကြားခဲ့သည်။ သို့သော် ပါလက်စတိုင်း သံအမတ်ရီယက်မန်ဆာက ထရန့်အစိုးရ၏ ဆုံးဖြတ်ချက်သည် အမေရိကန်ကို အရှေ့အလယ်ပိုင်းတွင် ငြိမ်းချမ်းရေးအတွက် ဦးဆောင်ကြိုးပမ်းသူနေရာအဖြစ်မှ လျှောကျစေပြီး ယင်းနေရာနှင့် မသင့်တော်တော့ကြောင်း ပြောကြားခဲ့သည်။

တာဝန်ခံမှုမရှိသော အမေရိကန်၏ ယင်းဆုံးဖြတ်ချက်အား ကန့်ကွက်ရှုတ်ချရန်နှင့် ဂျေရုစလင်၏အဆင့်အတန်းကို အစ္စရေး-ပါလက်စတိုင်း ငြိမ်းချမ်းရေးဆွေးနွေးမှုများမှတစ်ဆင့်သာ ဆုံးဖြတ်သင့်ကြောင်း ထပ်မံအတည်ပြုရန်အတွက် မန်ဆာက လုံခြုံရေးကောင်စီကို တိုက်တွန်းခဲ့သည်။ အစ္စရေးသံအမတ် ဒန်နီဒါနွန်ကမူ ထရန့်၏သတ္တိအားဂုဏ်ပြုခဲ့ပြီး နိုင်ငံအားလုံးသည် အမေရိကန်ဆုံးဖြတ်ချက်အတိုင်း ဂျေရုစလင်အား အစ္စရေး၏မြို့တော်အဖြစ် အသိအမှတ်ပြုကြရန် တိုက်တွန်းခဲ့သည်။

ဗြိတိန်၊ ပြင်သစ်၊ ဆွီဒင်၊ အီတလီနှင့် ဂျပန်တို့အပါအ၀င် လုံခြုံရေးကောင်စီတွင် အမေရိကန်၏ အစဉ်အလာမဟာမိတ်များက ထရန့်၏ဆုံးဖြတ်ချက်ကို ဝေဖန်ခဲ့ကြသည်။ ပြင်သစ်၊ အီတလီ၊ ဂျာမနီ၊ ဆွီဒင်နှင့် ဗြိတိန်တို့က ပူးတွဲကြေညာချက်ထုတ်ပြန်ခဲ့ပြီး ထရန့်၏ဆုံးဖြတ်ချက်သည် လုံခြုံရေးကောင်စီ၏ ဆုံးဖြတ်ချက်များနှင့်မကိုက်ညီဘဲ ဒေသတွင်း၌ ငြိမ်းချမ်းရေးအတွက် အလားအလာများကို အထောက်အပံ့မဖြစ်ကြောင်း ဖော်ပြခဲ့သည်။

အစ္စရေးနှင့် ဂါဇာတွင် တိုက်ခိုက်မှုများ ဖြစ်ပွား

ပါလက်စတိုင်း ဂါဇာကမ်းမြောင်နယ်မြေမှ ပစ်ခတ်လိုက်သော ရော့ကတ်တစ်ခုသည် အစ္စရေးတောင်ပိုင်း Sderot မြို့ကို ဒီဇင်ဘာ ၈ ရက်ညတွင် ကျရောက်ခဲ့ကြောင်း အစ္စရေးစစ်ဘက်က ထုတ်ပြန်ခဲ့သော်လည်း သေဆုံးထိခိုက်မှုအခြေအနေကို မထုတ်ပြန်ခဲ့ပေ။ ယင်းရော့ကတ်သည် မပေါက်ကွဲခဲ့ဘဲ ထိခိုက်မှုမရှိခဲ့ဟု အစိုးရရေဒီယိုက ထုတ်ပြန်ခဲ့သည်။ အမေရိကန်သမ္မတ ဒေါ်နယ်ထရန့်၏ ဂျေရုစလင်ဆိုင်ရာ ကြေညာချက်အပြီး ယင်းသည် ဒီဇင်ဘာ ၈ ရက်တွင် တတိယမြောက် ရော့ကတ်ပစ်ခတ်မှုနှင့် ဒုတိယညမြောက်ပစ်ခတ်မှုဖြစ်ခဲ့သည်။

ပါလက်စတိုင်းဘက်မှ ပစ်ခတ်လိုက်သော ရော့ကတ်တစ်စင်းကို Iron Dome ဒုံးခွင်းစနစ်က ကြားဖြတ်ပစ်ချနိုင်ခဲ့ကြောင်း အစ္စရေးစစ်ဘက်က အစောပိုင်းတွင် ထုတ်ပြန်ခဲ့သည်။ ဒုတိယမြောက်ဒုံးအား ထောက်လှမ်းနိုင်ခဲ့သော်လည်း အစ္စရေးပိုင်နက်ထဲသို့ ကျရောက်ခဲ့သည့် မည်သည့်အရိပ်အယောင်မျှ မတွေ့ခဲ့ရဟုဆိုသည်။

မြန်မာနိုင်ငံအနေဖြင့် ကမ္ဘာ့အလယ်တွင် တင့်တယ်သောနိုင်ငံ ဖြစ်စေရန် ပညာရေးအင်အား ကြီးမားရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

နေပြည်တော် MICC – 2 ခန်းမ၌ ဒီဇင်ဘာ ၈ ရက်က ပြုလုပ်သော အခြေခံပညာကဏ္ဍ ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အဖွင့်အမှာစကားပြောကြားစဉ် (ဓာတ်ပုံ-ကျော်မျိုး)

အင်အားကြီးနိုင်ငံများသည် သြဇာလွှမ်းမိုးကြသည့်အတွက် မြန်မာနိုင်ငံအနေဖြင့် ကမ္ဘာ့အလယ်တွင် တင့်တယ်သောနိုင်ငံ ဖြစ်စေရန် ပညာရေးအင်အား ကြီးမားရန်လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော်ရှိ MICC-2 ခန်းမတွင် ဒီဇင်ဘာ ၈ ရက်က ပြုလုပ်သော အခြေခံပညာကဏ္ဍ ပညာရေးဖွံ့ဖြိုးတိုးတက်မှု အကောင်အထည်ဖော်ရေးနှီးနှောဖလှယ်ပွဲတွင် နိုင်ငံတော်၏ အတိုင်ပင်ခံပုဂ္ဂိုလ်က အထက်ပါအတိုင်း ပြောကြားခဲ့ခြင်း ဖြစ်သည်။

“ပညာရဲရင့် ပွဲလယ်တင့်ဆိုတာ လူတစ်ယောက်တည်းအတွက် မဟုတ်ပါဘူး။ နိုင်ငံတစ်ခုလုံးအတွက် အင်မတန်မှ အရေးကြီးပါတယ်။ ကျွန်မတို့ရဲ့နိုင်ငံ ကမ္ဘာ့အလယ်မှာ တင့်တယ်နိုင်ဖို့ ပွဲလယ်မှာ တင့်တယ်နိုင်ဖို့ ကျွန်မတို့ ပညာတတ်တွေ အများကြီးလိုပါတယ်။ အခုခေတ်မှာဆိုရင် အားလုံးသိတဲ့အတိုင်းပဲ အင်အားကြီးတဲ့နိုင်ငံများဟာ သြဇာလွှမ်းမိုးတယ်။ ဒီတော့ ကျွန်မတို့ဟာ အင်အားကြီးဖို့ လိုတယ်။ ဘာအင်အားလဲဆိုတော့ ပညာအင်အားပဲ။ ပညာရေးအင်အားကနေ စီးပွားရေးအင်အား၊ လူမှုရေးအင်အား တောင့်တင်း လာနိုင်မယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထိုအတွက် အခြေခံပညာရေးကဏ္ဍကို အလေးထားရပြီး မြန်မာနိုင်ငံ၏ အနာဂတ်၊ နိုင်ငံသူနိုင်ငံသား အားလုံး၏ အနာဂတ်အတွက် အရေးပါကြောင်း၊ ကျောင်းဆရာ ဆရာမများက အထူးသဖြင့် သတိပြုစေချင်ကြောင်း ၎င်းက ပြောကြားသည်။

မြန်မာနိုင်ငံ၏ အခြေခံပညာရေးကဏ္ဍ ရည်မှန်းချက်များမှာ ပညာသင်ယူနိုင်သည့် အခွင့်အလမ်းများ ရရှိစေရန်၊ ကျောင်းထွက်သည့် ကျောင်းသူ ကျောင်းသားများ မရှိစေရန်၊ အလယ်တန်း အထက်တန်းမှတစ်ဆင့် အသက်မွေးဝမ်းကျောင်း ပညာရပ်များ သို့မဟုတ် တက္ကသိုလ်ပညာရပ်များကို ဆက်လက်သင်ကြားနိုင်ရန်၊ အခြေခံသုတေသန စွမ်းဆောင်မှုများနှင့် နယ်ပယ်အရပ်ရပ် ဖွံ့ဖြိုးတိုးတက်လာအောင် အထောက်အကူပြုစေရန် ဖြစ်ကြောင်းလည်း အတိုင်ပင်ခံပုဂ္ဂိုလ်က ပြောကြားသည်။

“ဒီရည်မှန်းချက်တွေ အပြည့်အ၀ အောင်မြင်စေဖို့အတွက် မြန်မာနိုင်ငံ အခြေခံပညာကဏ္ဍမှာ အဓိကျကျ ပြုပြင်ပြောင်းလဲရမယ့် အချက်တွေကတေ့ KG+12 ပညာရေးစနစ်အဖြစ် ပြောင်းလဲဖို့။ အဲဒီတော့ အရင်တုန်းက ထက်ပိုပြီး ကျောင်းမှာ အချိန်ယူရမယ်။ ကျောင်းဆရာ ဆရာမတွေလည်း ပိုပြီးတော့ လိုပါတယ်။ အဲဒါအတွက်လည်း ပညာရေးဌာနကနေ ကြည့်ပြီးတော့ ကြိုးစားနေပါတယ်။ ကျောင်းထွက်နှုန်းမြင့်မားနေရတဲ့ အခြေခံအကြောင်းရင်းများကို ဖြေရှင်းနိုင်အောင် ပံ့ပိုးပေးနိုင်ဖို့ အလွတ်ကျက်မှတ်ရတဲ့ ပညာရေးစနစ်ကနေ စဉ်းစားတွေးခေါ်မှုကို အခြေခံတဲ့ ပညာရေးစနစ်ဆီကို ပြောင်းလဲရေးအတွက် ဆရာ ဆရာမများရဲ့ အရည်အသွေးပြည့်ဝလာစေဖို့ ပညာရေးကောလိပ်များ အဆင့်မြှင့်တင်ခြင်း၊ ဘာသာရပ်ဆိုင်ရာ သင်တန်းများ စဉ်ဆက်မပြတ် ပို့ချနိုင်ရေးတို့ကို ဆောလျင်စွာ ဆောင်ရွက်ဖို့၊ သင်ရိုးညွှန်းတမ်းနဲ့ ကျောင်းသုံးဖတ်စာအုပ်များ အရည်အသွေးမြှင့်တင်ဖို့နဲ့ ပညာရေးဆိုင်ရာ အုပ်ချုပ်မှုစွမ်းဆောင်ရည်များ တိုးတက်စေဖို့အတွက်ကိုလည်း ဆောင်ရွက်သွားရမှာ ဖြစ်ပါတယ်” ဟု နိုင်ငံတော်အတိုင်ပင်ခံပုဂ္ဂိုလ်က ပြောကြားသည်။

အဆိုပါ ပြုပြင်ပြောင်းလဲရမည့် အချက်များကို တစ်ချိန်တည်း တစ်ပြိုင်တည်း အားလုံး ပြီးစီးဆောင်ရွက်ရာတွင် အချို့သော အခက်အခဲများ ရှိနေခြင်းကြောင့် ၀န်နှင့်အား မျှတမှုကို ချင့်ချိန်ပြီး အုပ်ချုပ်ရေးဆိုင်ရာ၊ ဘဏ္ဍာရေးဆိုင်ရာ ဘောင်အတွင်းက အင်တိုက်အားတိုက် ကြိုးပမ်းဆောင်ရွက်နေကြောင်းလည်း အတိုင်ပင်ခံပုဂ္ဂိုလ်က ပြောကြားသည်။

လက်ရှိတွင် ကျောင်းအဆင့်များ တိုးချဲ့ဖွင့်လှစ်ခြင်း၊ ကျောင်းထွက်နှုန်း လျော့ကျရေး ဆောင်ရွက်ရာတွင် ဘဏ္ဍာငွေခွင့်ပြုနိုင်မှုပေါ် မူတည်ပြီး ကျောင်းသုံးပြဋ္ဌာန်းစာအုပ်များ၊ ကျောင်းဝတ်စုံများ၊ ဗလာစာအုပ်များ အခမဲ့ပေးဝေခြင်း၊ ဆရာ၊ ကျောင်းသားအချိုး မျှတနိုင်ရေးအတွက် ဆရာများ တိုးချဲ့ခန့်ထားခြင်း၊ စာသင်ဆောင်များ တိုးချဲ့ဆောက်လုပ်ခြင်း တို့အပြင် ကျောင်းပြင်ပရောက် ကလေးများအတွက် လေ့လာဆန်းစစ်မှု အစီအစဉ်တို့ကိုလည်း ဆောင်ရွက်လျက်ရှိကြောင်း၊ အမြင်အာရုံ၊ အကြားအာရုံချို့တဲ့သည့် ကျောင်းသား၊ ကျောင်းသူများ၊ မသန်စွမ်း ကျောင်းသား၊ ကျောင်းသူများ၊ နယ်စပ်ဒေသမှ ကျောင်းသား ကျောင်းသူများကိုလည်း ပညာသင်ထောက်ပံ့ကြေးများ ချီးမြှင့်ပေးလျက်ရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“အမြစ်တွယ်နေတဲ့ အလွတ်ကျက်မှတ်ရတဲ့ ပညာရေးစနစ်ကနေ စဉ်းစားတွေးခေါ်မှုကို အခြေခံတဲ့ ပညာရေးစနစ်ဆီသို့ ပြောင်းလဲရာမှာလည်း ဆရာနဲ့ကျောင်းသားအများစု အရိုးစွဲနေတဲ့ ပြဋ္ဌာန်းစာအုပ်ပါ အကြောင်းအရာများကိုသာ သင်ကြားပေးခြင်း၊ သင်ရိုး မာတိကာအတိုင်း အမြန်ပြီးစီးအောင် သင်ကြားခြင်း၊ အတန်းအောင်ချက် မြင့်မားခြင်းကိုသာ အာရုံစူးစိုက်ခြင်း၊ စာမေးပွဲအောင်ဖို့အတွက်သာ သင်ကြားပေးခြင်း၊ ပြဋ္ဌာန်းစာအုပ်ပါ အချက်အလက်များအတိုင်း တစ်သဝေမတိမ်း ဖြေဆိုနိုင်မှသာ ရလဒ်ကောင်းမွန်ခြင်း စတဲ့ အချက်တွေကိုလည်း မဖြစ်မနေ ပြုပြင်ပြောင်းလဲရမှာ ဖြစ်ပါတယ်။ အဓိကအားဖြင့် သင်ရိုးညွှန်းတမ်း အကြောင်းအရာများဟာ ကလေးတစ်ဦးချင်းစီရဲ့ စဉ်းစားဉာဏ်ကို ထက်သန်စေရပါမယ်။ စိတ်ကူးဉာဏ်ကို ပံ့ပိုးနိုင်စေရပါမယ်။ ကောင်းသော အလေ့အကျင့်နဲ့ စာရိတ္တကို ဖြည့်ဆည်းပေးနိုင်စေရပါမယ်။ ကျန်းမာသော ခန္ဓာကိုယ်မှာ ကြံ့ခိုင်သော စိတ်ဓာတ်ကို ရှင်သန်စေရပါမယ်။ ဒီလို သင်ရိုးညွှန်းတမ်း ရည်ရွယ်ချက်များ ပေါက်မြောက်စေရေးအတွက် ဆရာအတတ်ပညာ ပြည့်ဝမှုက အဓိက အရေးကြီးပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ထို့အတွက် ဆရာ၊ ဆရာမများအတွက် ဆရာအတတ်ပညာ ပြည့်ဝစေရေး၊ သင်ကြားမှု စွမ်းဆောင်ရည် မြင့်မားရေးအတွက် အင်္ဂလိပ်စာနှင့် အိုင်စီတီ အရည်အသွေး မြင့်မားရေး၊ သင်ကြားသင်ယူမှု အရည်အသွေး မြှင့်တင်ရေး လုပ်ငန်းများကိုလည်း စဉ်ဆက်မပြတ် ဆောင်ရွက်လျက်ရှိကြောင်း၊ ကျောင်းအဆင့်၊ ကျောင်းမိသားစုအဆင့်၊ ကျောင်းအုပ်စုအဆင့်၊ မြို့နယ်အဆင့်၊ ခရိုင်အဆင့်၊ တိုင်းဒေသကြီး/ပြည်နယ်အဆင့်၊ ဗဟိုအဆင့် စသည်ဖြင့် လုပ်ငန်းခွင် စွမ်းရည်မြှင့်ဆွေးနွေးပွဲများ ပြုလုပ်ပေးနေပြီ ဖြစ်ကြောင်း၊ ဆရာ ဆရာမများအနေဖြင့်လည်း သက်ဆိုင်ရာ လုပ်ငန်းနယ်ပယ်အလိုက် သုတေသနလုပ်ငန်းများ၊ ပရောဂျက်လုပ်ငန်းများတွင် အရည်အသွေး မြင့်မြင့်မားမားဖြင့် ဆောင်ရွက်နိုင်ရန် လိုအပ်ကြောင်း အတိုင်ပင်ခံပုဂ္ဂိုလ်က ပြောကြားသည်။

“ဆရာ၊ ဆရာမများရဲ့ အတတ်ပညာ၊ စွမ်းဆောင်ရည် ပြည့်ဝဖို့ လိုအပ်သလို တစ်ဖက်ကလည်း ကျောင်းသား၊ ကျောင်းသူများနဲ့ မိဘများကိုယ်တိုင် ပါဝင်ဖြည့်ဆည်းပေးရမယ့် လိုအပ်ချက်တွေလည်း ရှိနေပါတယ်။ ကျောင်းသား၊ ကျောင်းသူများဟာ ကျောင်းမှန်မှန်တက် ရောက်နေရုံနဲ့သာ တာဝန်ကျေပွန်တာ မဟုတ်ဘဲ တစ်နေ့တာ သင်ခန်းစာအပေါ်မှာ ခြုံငုံစဉ်းစားသုံးသပ် တွေးခေါ်နိုင်ခြင်း၊ အားကစားနှင့် အနုပညာဘာသာရပ်တွေမှာ ကိုယ့်ဝါသနာကို အရင်းခံပြီး ပါဝင်ဆောင်ရွက်တတ်ခြင်း၊ ပြင်ပစာပေ ဖတ်ရှုတတ်သည့် အလေ့အကျင့်ကောင်းများ ရယူနိုင်ခြင်း၊ မိမိဖတ်ရှုတဲ့ စာအုပ်စာပေများမှ ရရှိလာတဲ့ ဗဟုသုတ၊ ဉာဏ်ပညာများကို အခြေခံပြီး အကြောင်းအကျိုး၊ အကောင်းအဆိုးများကို ဝေဖန်ပိုင်းခြားတတ်တဲ့ အသိအမြင်ရရှိစေခြင်းအထိပါ ကြိုးစားအားထုတ်ဖို့ လိုအပ်ပါတယ်။ မိဘများအနေဖြင့်လည်း မိမိတို့ရဲ့ သားသမီးများရဲ့ တီထွင်ကြံဆနိုင်မှုကို အားပေးကူညီခြင်း၊ စဉ်းစားတွေးခေါ်နိုင်မှုအတွက် ပူးပေါင်းစီမံလေ့ကျင့်ပေးခြင်းများတို့နဲ့ တစ်ဖက်တစ်လမ်းက ဖြည့်ဆည်း ဆောင်ရွက်ပေးရမှာ ဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ရေရှည် ရင်းနှီးမြှုပ်နှံမှုဖြစ်သည့် ပညာရေးဖြင့် ဆင်းရဲနွမ်းပါးမှုမှ လွတ်မြောက်ရန် မျှော်လင့်နိုင်ကြောင်း၊ ပညာရေးဖြင့် မညီမျှမှုများ၊ မတည်ငြိမ်မှုများ ကင်းဝေးပပျောက်ပြီး တရားဥပဒေစိုးမိုးမှု၊ တရားမျှတမှု၊ ငြိမ်းချမ်းမှု၊ လွတ်လပ်မှုများကို နိုင်ငံသားများအားလုံး ရယူခံစားနိုင်ရန် မျှော်လင့်နိုင်ကြောင်း၊ ပညာရေးဖြင့် မြန်မာနိုင်ငံတော်ကြီးကို ဆတက်ထမ်းပိုး တိုးတက်မြင့်မား လာစေရန်၊ ပိုမိုစည်းလုံး ညီညွတ်စေရန်နှင့် ငြိမ်းချမ်းစည်ပင်စေရန် မျှော်လင့်နိုင်ကြောင်း၊ ပညာရေးဖြင့် ပြည်ထောင်စု တိုင်းရင်းသားများ၏ ရိုးရာယဉ်ကျေးမှု ဓလေ့များကို တန်ဖိုးထား မြတ်နိုးထိန်းသိမ်းသွားကြရန် မျှော်လင့်နိုင်ကြောင်း၊ ပညာရေးဖြင့်သာ နိုင်ငံသားတိုင်း၊ မိသားစုတိုင်း လူတန်းစေ့ဘ၀များကို ပိုင်ဆိုင်ပြီး သာယာပျော်ရွှင်စွာ ရပ်တည်နိုင်ရန် မျှော်လင့်နိုင်မည်ဖြစ်ကြောင်းလည်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။