ပို့ကုန်အတွက် ဆန်နဲ့ပဲအပြင် ဘာတွေပြောင်းစိုက်သင့်ပြီလဲ

ပဲခူးတိုင်းဒေသကြီး တောင်ငူမြို့တွင် မိုးစပါးစိုက်ပျိုးနေသည်ကို စပါးစိုက်ရာသီချိန်က တွေ့ရစဉ် (ဓာတ်ပုံ-ဇော်ဝင်းချစ်)

စိုက်ပျိုးရေးနိုင်ငံဖြစ်သည့် မြန်မာနိုင်ငံသည် အဓိကပို့ကုန်များကလည်း လယ်ယာထွက်ကုန် ပစ္စည်းတွေဖြစ်ပြီး ဆန်စပါးနှင့် ပဲမျိုးစုံသာ ဖြစ်သည်။

မတ်ပဲကို အိန္ဒိယနိုင်ငံသို့ အဓိက တင်ပို့နေခြင်းဖြစ်ပြီး ဆန်ကို နယ်စပ်ကုန်သွယ်မှု မှတစ်ဆင့် တရုတ်နိုင်ငံကို အဓိကတင်ပို့နေခြင်းဖြစ်သည်။ ယခုနှစ်အတွင်း ပြည်ပ ဆန်တင်ပို့မှုမှာ နယ်စပ်ကုန်သွယ်ရေးထက် ပင်လယ်ရေကြောင်းကုန်သွယ်မှုမှ တင်ပို့မှု မြင့်တက်လျက်ရှိသည်။

မြန်မာနိုင်ငံမှ ပဲမျိုးစုံကို အိန္ဒိယဈေးကွက်သို့သာ အဓိကအားထားပြီး ဆက်လက် ရောင်းဝယ်နေပါက ပဲမျိုးစုံစိုက်ပျိုးရေးကဏ္ဍတွင် ယခုထက် ပိုမိုဆိုးရွားလာကာ လုပ်ငန်းများ ပျက်သွားနိုင်ကြောင်း ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှု လက်မှုလုပ်ငန်းရှင်များအသင်းချုပ် ဒုတိယဥက္ကဋ္ဌနှင့် ပဲလုပ်ငန်းရှင်တစ်ဦးဖြစ်သည့် ဦးအုန်းဆိုင်က ပြောကြားထားသည်။

“ကျွန်တော်တို့နိုင်ငံမှာ ပဲမျိုးစုံစိုက်ပါတယ်။ ပဲမျိုးစုံကို ပြည်တွင်းမှာစားသလို နိုင်ငံခြားကို တင်ပို့တာရှိပါတယ်။ ကျွန်တော်တို့ ပဲမျိုးစုံကို အဓိကအားထားပြီးတော့ ရောင်းဝယ်ရတဲ့နိုင်ငံက အိန္ဒိယနိုင်ငံပါ။ နှစ်ပေါင်းများစွာ ဒီလိုပဲ အိန္ဒိယနိုင်ငံကိုအားထားပြီး ရောင်းဝယ်မယ်ဆိုရင်တော့ ကျွန်တော်တို့ ပဲမျိုးစုံစိုက်ပျိုးရေးကဏ္ဍက ဒီထက် ပိုမိုဆိုးရွားပြီးတော့မှ တောင်သူလယ်သမားတွေ၊ ကုန်သည်တွေရော လုပ်ငန်းကိုင်ငန်း ရှေ့လျှောက်ပျက်မယ်လို့ ကျွန်တော့်အနေနဲ့ ပြောဆိုလိုပါတယ်”ဟု ဦးအုန်းဆိုင်က လယ် ယာကဏ္ဍဆိုင်ရာ ဆွေးနွေးပွဲတစ်ခုတွင် ပြောကြားလိုက်ခြင်းဖြစ်သည်။

“စိုက်ပျိုး ထုတ်လုပ်တဲ့နိုင်ငံကနေ ပြီးတော့မှ ၀ယ်ယူစားသောက်ရတဲ့ တိုင်းပြည်အထိ ပြန်ဖြစ်မယ်ဆိုတာကိုလည်း ကျွန်တော်မြင်ပါတယ်။ အချို့ကဏ္ဍတွေမှာလည်း ဖြစ်နေပါပြီ။ ဥပမာ ငရုတ်သီးဆို ၀ယ်စားနေရပြီ။ ကြက်သွန်ဖြူ ၀ယ်စားရတယ်။ ကြက်သွန်နီ အခုသွင်းနေရတယ်။ အစုံပေါ့နော်။ အခုဆို ကနေဒါကနေ စားတော်ပဲတွေ ၀ယ်သွင်းနေပြီ။ တိရစ္ဆာန်အစာတွေလည်း ၀ယ်သွင်းနေရပြီ။ အဲဒါတွေအပေါ်မှာ အခြေခံ သုံးသပ်ပြီးတော့ စဉ်းစားသင့်ပါတယ်”ဟု ဦးအုန်းဆိုင်က ပြောကြားသည်။

လက်ရှိတွင် အိန္ဒိယနိုင်ငံက မတ်ပဲ၊ ပဲစင်းငုံနှင့် ပဲတီစိမ်း စသည့် ပဲသုံးမျိုးအပေါ် ကန့်သတ်ကုန်စည်အဖြစ် သတ်မှတ်လိုက်သဖြင့် မြန်မာနိုင်ငံမှ ပဲတင်ပို့မှုအပေါ် သက်ရောက်ခဲ့သည်။

မြန်မာနိုင်ငံတွင် နှစ်စဉ် ပဲမျိုးစုံစိုက် ဧက ၁၁ သန်းကျော်ရှိပြီး မတ်ပဲနှင့် ပဲစင်းငုံ စိုက်ပျိုးမှု ၃၅ ရာခိုင်နှုန်းရှိကာ လတ်တလော ဈေးကွက်ပျောက်နေသော မတ်ပဲနှင့် ပဲစင်းငုံအစား ပြည်တွင်းပြည်ပဈေးကွက်ရှိသည့် အခြားပဲအမျိုးအစားများစိုက်ပျိုးရန် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက အကြံပြုခဲ့ကြောင်း သိရသည်။

မြန်မာနိုင်ငံတွင် ပဲမျိုးစုံ ၁၈ မျိုးအား နှစ်စဉ်စိုက်ဧက စုစုပေါင်း ၁၁ ဒသမ ၄၅ သန်းခန့် စိုက်ပျိုးလျက်ရှိရာ ပဲတီစိမ်း ၂၆ ရာခိုင်နှုန်း၊ မတ်ပဲ ၂၅ ရာခိုင်နှုန်း၊ ပဲစင်းငုံ ၁၅ ရာခိုင်နှုန်း၊ ကုလားပဲ ရှစ်ရာခိုင်နှုန်း စိုက်ပျိုး ထုတ်လုပ်လျက်ရှိသည်။

ယင်းပဲမျိုးစုံ စုစုပေါင်း စိုက်ဧက၏ ၆၆ ရာခိုင်နှုန်းမှာ မတ်ပဲ၊ ပဲတီစိမ်း၊ ပဲစင်းငုံသီးနှံများ စိုက်ပျိုးလျက်ရှိပြီး ဒေသရေမြေကိုက်ညီမှုအပေါ် မူတည်၍ ပဲစင်းငုံသီးနှံအား စစ်ကိုင်း၊ မန္တလေး၊ မကွေး၊ ရှမ်းပြည်နယ်တို့တွင် မိုးရာသီ၌လည်းကောင်း၊ ပဲတီစိမ်းသီးနှံအား မကွေး၊ စစ်ကိုင်း၊ ပဲခူး၊ ရန်ကုန်၊ မန္တလေး၊ ဧရာဝတီတိုင်းဒေသကြီးတို့တွင် မိုးကြို (သို့ မဟုတ်) ဆောင်းသီးနှံအဖြစ်လည်းကောင်း၊ မတ်ပဲသီးနှံအား ပဲခူး၊ ဧရာဝတီ၊ စစ်ကိုင်း၊ နေပြည်တော်တို့တွင် မိုး/ဆောင်းသီးနှံ အဖြစ်လည်းကောင်း အဓိကထားစိုက်ပျိုး ပြီး ပြည်နယ်နှင့် တိုင်းဒေသကြီးအနှံ့တွင် စိုက်ပျိုးနိုင်သည့် သီးနှံများဖြစ်ကြောင်း သိရ သည်။

မြန်မာနိုင်ငံ၏ ပဲမျိုးစုံ အများဆုံးဝယ်ယူလျက်ရှိသည့် အိန္ဒိယသမ္မတနိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် ၂၀၁၇ ခုနှစ် သြဂုတ်လအတွင်း ပဲစင်း ငုံ၊ မတ်ပဲ၊ ပဲတီစိမ်းသီးနှံများအား ကန့်သတ် ကုန်စည်အမျိုးအစားအဖြစ် သတ်မှတ်ကာ ပဲတင်သွင်းမှု မူဝါဒပြောင်းလဲလိုက်ခြင်း ဖြစ်သည်။

အိန္ဒိယနိုင်ငံ ကူးသန်းရောင်းဝယ်ရေးဌာနက ၂၀၁၇ ခုနှစ် သြဂုတ် ၅ ရက်မှ ၂၀၁၈ ခုနှစ် မတ် ၃၁ ရက်အထိ ပဲစင်းငုံတင်သွင်းမှုကို ကန့်သတ်ကုန်စည်အဖြစ် တစ်နှစ်လျှင် တန်ချိန် နှစ်သိန်း၊ ၂၀၁၇ ခုနှစ် သြဂုတ် ၂၁ ရက်မှ ၂၀၁၈ ခုနှစ် မတ် ၃၁ ရက်အထိ မတ် ပဲနှင့် ပဲတီစိမ်းတင်သွင်းမှုကို ကန့်သတ်ကုန်စည်အဖြစ် တစ်နှစ်လျှင် တန်ချိန် သုံးသိန်း သတ်မှတ်ခဲ့ခြင်းကြောင့် မြန်မာ့ဈေးကွက်အတွင်း ပဲဈေးနှုန်းများ ထိုးဆင်းခဲ့သည်။

ထို့ကြောင့် မြန်မာနိုင်ငံအတွင်း မတ်ပဲ နှင့် ပဲစင်းငုံဈေးကွက်ပျောက်ဆုံးခဲ့ရာ မြန်မာ နိုင်ငံအတွင်း ရေမြေဒေသ ရာသီဥတုနှင့် ကိုက်ညီပြီး ပြည်တွင်းဈေးကွက်သာမက ပြည်ပဈေးကွက်ရှိသည့် ဆောင်းသီးနှံများ အနေဖြင့် ကုလားပဲ၊ ပဲလွမ်း၊ ပဲပုပ်၊ ပဲတီစိမ်း၊ မြေထောက်ပဲ၊ ပဲနီလေး၊ တရုတ်ပဲဝါလေး၊ စားတော်ပဲ၊ နှမ်း၊ မြေပဲနှင့် နေကြာတို့ဖြစ်ကြောင်း တွေ့ရှိရသည်ဟု စိုက်ပျိုးရေး၊ မွေး မြူရေးနှင့် ဆည်မြောင်းဝန်ကြီးဌာနက ကြေညာခဲ့သည်။

“ကျွန်တော်တို့ကတော့ ပဲအစား ဈေးကွက်ရှိတဲ့သီးနှံကို စိုက်တာကို တောင်သူတွေအနေနဲ့ ပိုပြီးလိုလားတာပေါ့။ ဘာဖြစ်လို့လဲဆိုတော့ ပဲက ကျွန်တော်တို့သွားနေတဲ့ အိန္ဒိယလမ်းကြောင်းက မကောင်းတော့ဘူးဆိုရင် ကျွန်တော်တို့ဒီဘက်က ပျက်မယ်။ အဲဒီတော့ ခုကတည်းက ပဲအစား အခြားဈေးကွက်ရှိတဲ့သီးနှံတွေကို ကြိုတင်ပြင်ဆင်ပြီးတော့ စိုက်နိုင်ရင် ပိုကောင်းတယ်လို့ ကျွန်တော် ထင်ပါတယ်” ဟု ရန်ကုန်တိုင်းဒေသကြီး သုံးခွမြို့နယ်မှ ပဲစိုက်တောင်သူ ဦးသိန်းကျော်က ပြောကြားသည်။

ရန်ကုန်တိုင်းဒေသကြီး ခရမ်းမြို့နယ် နှင့် သုံးခွမြို့နယ်များတွင် ပဲအများအပြား စိုက်ပျိုးလေ့ရှိသည်။ လတ်တလောဖြစ်ပေါ်နေသည့် ပဲဈေးကွက်ပြဿနာများကြောင့်  ပဲအစား အခြားသီးနှံပြောင်းလဲစိုက်ပျိုးပါက ဖြစ်ပေါ်လာနိုင်သည့်အပေါ် “ကျွန်တော်တို့ ခရမ်း၊ သုံးခွဘက်မှာ အရင်တုန်းက ပဲကို အရင်ဆုံး စိုက်တာမဟုတ်ဘူး။ အရင်တုန်းက မြေပဲတို့၊ နေကြာတို့ကို အရင်ဆုံးစိုက်တာ။ ကျွန်တော်သိသလောက်ဆိုရင် ၁၉၈၄ မတိုင် ခင်လောက်ကတည်းက နေကြာတို့ကို စမ်းစိုက်ခဲ့တာ။ အဲဒီလိုစိုက်ရင်းနဲ့ ဒီဘက်ခေတ်မှာ ပဲကို ပြောင်းစိုက်လာတာပေါ့။ ဈေးကွက်ကလည်း ရှိတယ်။ ဈေးကွက်လိုအပ်ချက်အရ ပဲကို ပြောင်းစိုက်တာပါ။ အဲဒီလိုပြောင်းစိုက်တော့ တစ်ဖက်ကလည်း ဈေးကွက်ကရှိတော့ တောင်သူတွေလည်း တွက်ခြေကိုက်တာပေါ့။ ဒါပေမဲ့ အစားထိုးသီးနှံပေါ့ဗျာ။ မြေပဲတို့၊ နေ ကြာတို့ဆိုတာ ကျွန်တော်တို့က အရင်တုန်းကလည်း စိုက်ခဲ့တာပဲ။ အခုဈေးကွက်က အပြင် မရောင်းတောင် ပြည်တွင်းသုံးဖို့အတွက်က အရမ်းကောင်းနေတယ်လေ။ ဒါပေမယ့်လို့ ကျွန်တော်တို့က ပဲတစ်မျိုးတည်းစိုက်ပြီး ဈေးကွက်တစ်ခုတည်း မျှော်ရတာနဲ့စာရင် သီးနှံ သုံး၊ လေးမျိုးစိုက်ပြီးတော့ အဆင်ပြေမယ့် ဈေးကွက်ရှိတဲ့ဟာတွေကို စိုက်တာက ပိုကောင်းမယ်လို့ ကျွန်တော်ထင်ပါတယ် ဟု ပဲစိုက်တောင်သူ ဦးသိန်းကျော်က ဆက်လက်ပြောကြားသည်။

မကွေးတိုင်းဒေသကြီးအတွင်း မြေပဲသိမ်းရာသီချိန်က မြင်ကွင်း (ဓာတ်ပုံ-အောင်သူငြိမ်း)

ထို့ပြင် မြန်မာနိုင်ငံသည် နှစ်စဉ် ဆန်တင်ပို့လျက်ရှိရာ ယခုနှစ် ဆန်တန်ချိန် နှစ်သန်း တင်ပို့ရန် ဆောင်ရွက်လျက်ရှိကြောင်း မြန်မာနိုင်ငံဆန်စပါးအသင်းချုပ်မှသိရပြီး စပါးသီးနှံအနေဖြင့် ရေရရှိနိုင်သောဒေသများတွင် နွေစပါးသီးနှံအနေဖြင့်လည်း စိုက်ပျိုးနိုင်သော သီးနှံဖြစ်သည်။

တောင်သူ လယ်သမားများအနေဖြင့် သီးနှံများစိုက်ပျိုးရာတွင် စိုက်ပျိုးမည့်သီးနှံများအား ဓာတုဆေးဓာတ်ကြွင်း မပါဝင်စေဘဲ အစားအစာ လုံခြုံစိတ်ချရမှုရှိမှသာ နိုင်ငံတကာဈေးကွက်ဝင် သီးနှံများအဖြစ် စိုက်ပျိုးထုတ်လုပ် ရောင်းဝယ်နိုင်မည်ဖြစ်သဖြင့် စိုက်ပျိုးရေးဆိုင်ရာ အလေ့အကျင့်ကောင်း (GAP) စနစ် အသုံးပြုစိုက်ပျိုးရန် လိုအပ်မည်ဖြစ်သည်။ သို့ပါ၍ မျိုးနှင့် နည်းပညာ အကူအညီများ ရယူလိုပါက နီးစပ်ရာ စိုက်ပျိုးရေးဦးစီးဌာန၊ ဦးစီးမှူးရုံးများ၊ ခြံ၊ စိုက်ကွင်းများတွင် လေ့လာဆွေးနွေး အကူအညီ ရယူနိုင်ပါကြောင်း စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာနက ထုတ်ပြန်ထားသည်။

ရန်ကုန်တိုင်းဒေသကြီးအတွင်းရှိ လယ်ဧက ၁၂ သိန်းခန့်ကို အခြားသီးနှံ ပြောင်းလဲ စိုက်ပျိုးရန် ညှိနှိုင်းနေပြီး ထိုသို့ ပြောင်းလဲစိုက်ပျိုးမှုကြောင့် အပြောင်းအလဲကြီးကြီးမားမား နှင့် လှုပ်ခတ်မှုမရှိနိုင်ဟု ယူဆထားကြောင်း ရန်ကုန်တိုင်းဒေသကြီး အစိုးရအဖွဲ့ဝန်ကြီး ချုပ် ဦးဖြိုးမင်းသိန်းက စက်တင်ဘာ ၂၃ ရက်တွင် ပြောကြားသည်။

“လယ်ယာကဏ္ဍနဲ့ပတ်သက်ပြီး စိုက်ပျိုးရေးကဏ္ဍနဲ့ပတ်သက်ပြီး Master Plan တစ်ခုကို ရေးဆွဲနေပါတယ်။ ဒီ Master Plan ထွက်မလာခင် ရန်ကုန်ဟာ မြို့ပြနဲ့အလွန်နီးပြီး နိုင်ငံတကာအထိကို ပို့ကုန်တွေဖြန့်ကြက်နိုင်တဲ့ Gateway တွေ တည်ရှိပါတယ်။ ဒါ့ ကြောင့်မို့ ကျွန်တော်တို့မှာ လယ်စိုက်ပျိုးနေတဲ့ ဧကဟာ ၁၂ သိန်းခန့်ရှိနေပါတယ်။ ဒီ ၁၂ သိန်းမှာ အခြားသီးနှံစိုက်ပျိုးနိုင်ဖို့အတွက်လည်း ကျွန်တော်တို့ စိုက်ပျိုးရေးဝန်ကြီးဌာနနဲ့ ညှိနှိုင်းနေပါတယ်။ ဘာကြောင့်လဲဆို ၁၂ သိန်းလောက်ကို အခြားသီးနှံကို ပြောင်းလဲစိုက်ပျိုးဖို့အခြေအနေဟာ သိပ်ပြီးတော့ အပြောင်းအလဲ တစ်ရပ်ကို ကြီးကြီးမားမား မဖြစ်နိုင်ဘူးလို့ ကျွန်တော်တို့ယူဆပါတယ်။ အပြောင်းအလဲ တစ်ရပ်ဟာ ဘာကိုဆိုသလဲဆိုရင် စပါးစိုက်ကိုစိုက်ရမယ်ဆိုတဲ့ အခြေအနေကြောင့် ဒီ ၁၂ သိန်းလောက် ပြောင်းစိုက်ခြင်းဟာ သိပ်ပြီးတော့ လှုပ်ခတ်မသွားနိုင်ဘူးလို့ ကျွန်တော်တို့ ယူဆပါတယ်။ ဒါကြောင့်မို့ ဒီ ၁၂ သိန်းကို အခြားသင့်တော်ပြီး အောင်မြင်နိုင်တဲ့သီးနှံတွေ ပြောင်းလဲစိုက်ပျိုးဖို့ တင်ပြထားပါတယ်” ဟု ဦးဖြိုးမင်းသိန်းက ပြောကြားသည်။

ထို့သို့ ပြောင်းလဲစိုက်ပျိုးမှုအပြင် လယ်ယာကဏ္ဍနှင့်ပတ်သက်သည့် ဥပဒေနှစ်ရပ် ဖြစ်သော တောင်သူလယ်သမားအကျိုးစီးပွား ကာကွယ်ရေးဥပဒေနှင့် လယ်ယာမြေ ဥပဒေနှစ်ခုအကြား အခက်အခဲဖြစ်နေသည်ကို ညှိနှိုင်းနေကြောင်း ၎င်းက ပြောကြားသည်။

“တောင်သူ လယ်သမားအကျိုးစီးပွား ကာကွယ်ရေးဥပဒေမှာ လယ်ပဲစိုက်ရမယ်လို့ မရေးထားပါဘူး။ ဒါပေမဲ့ လယ်ယာမြေ ဥပဒေမှာတော့ လယ်ပဲစိုက်ရမယ်ဆိုပြီးဖြစ် နေပါတယ်။ ဒါကြောင့်မို့ ဒီလယ်နဲ့ ဥပဒေဆိုင်ရာ အခက်အခဲဖြစ်နေတာကို ညှိနှိုင်း ဆောင်ရွက်နေတယ်လို့ ပြောလိုပါတယ်” ဟု ဦးဖြိုးမင်းသိန်းက ဆက်လက်ပြောကြားသည်။

ယခုနှစ်အတွင်း ပြည်ပသို့ ဆန်တင်ပို့မှု အနေအထားမှာ ငါးလကျော်ကာလအတွင်း ဆန်တန်ချိန် ၁ ဒသမ ၂၉ သန်းခန့် တင်ပို့ထားပြီး ယခင်နှစ်ကာလတူထက် တန်ချိန်ရှစ်သိန်း ပိုမိုတင်ပို့နိုင်ခဲ့သည်။

ပဲတင်ပို့မှုအနေအထားမှာမူ စက်တင်ဘာ ၁ ရက်အထိ ပြည်ပသို့ ပဲမျိုးစုံတင်ပို့မှုမှ  ဒေါ်လာ သန်း ၅၇၀ ကျော် ရရှိထားသော် လည်း ယခင်နှစ်တင်ပို့မှုထက် ဒေါ်လာသန်း ၂၅၀ ခန့် လျော့နည်းလျက်ရှိသည်။

မြန်မာနိုင်ငံတွင် ပဲမျိုးစုံပြည်ပတင်ပို့မှုသည် အမေရိကန်ဒေါ်လာသန်းတစ်ထောင်  (ဒေါ်လာတစ်ဘီလျံ) ခန့် နိုင်ငံတော်တွင် ရရှိသကဲ့သို့ တစ်နည်းအားဖြင့် တိုင်းပြည်၏ ပြည်ပပို့ကုန် အခွန်ရရှိမှုတွင် ၁၀ ရာခိုင်နှုန်းခန့်ရှိကြောင်း ကုန်သည်စက်မှုအသင်းချုပ် ဒုတိယဥက္ကဋ္ဌ ဦးရဲမင်းအောင်က ပြောကြားသည်။

ထိုနည်းတူစွာ ပဲစိုက်တောင်သူများ၊ ပဲမျိုးစုံ စိုက်ပျိုးထုတ်လုပ်မှုကို မှီခိုနေသည့် Micro Finance ကုမ္ပဏီများ၊ အဆိုပါ လုပ်ငန်းစဉ်တစ်ခုလုံးတွင် ပါဝင်နေသည့် ဘဏ်များ၊ ကုန်သည်၊ ပွဲစားများ စသည်ဖြင့် ပဲမျိုးစုံ စိုက်ပျိုး ထုတ်လုပ် တင်ပို့ရောင်းချသည့် လုပ်ငန်းစဉ်သည် သက်ရောက်မှု အလွန်ကြီးမားနိုင်ကြောင်း၊ Macro Economy တစ်ခုလုံးကို သက်ရောက်နိုင်သကဲ့သို့ တစ်ဖက်တွင်လည်း တိုင်းပြည်၏အခွန်ရရှိမှုကိုသက်ရောက်နိုင်ကြောင်း၊ လက်ရှိတွင် ပြည်ပသို့ သဘာဝ ဓာတ်ငွေ့တင်ပို့မှုမှ ရငွေလျော့ကျနေချိန် တွင် ပဲတင်ပို့မှုမှပါ ထပ်မံလျော့ကျလာပါက တိုင်းပြည်၏စီးပွားရေးကို ထိခိုက်နိုင်သဖြင့် နိုင်ငံတော်အနေဖြင့် ယခုဖြစ်စဉ်များကို အထူး ဦးစားပေးပြီး ဖြေရှင်းဆောင်ရွက်သင့်ကြောင်း ၎င်းက ပြောကြားသည်။

“ဒီဘက်မှာလည်း ဘယ်သီးနှံ ပြောင်းစိုက်ရမလဲဆိုတာ စိုက်ပျိုးရေးက ဆောင်ရွက်နေတာရှိတယ်။ ဥပမာ-ပဲတီစိမ်းစိုက်မလား၊ နွေစပါးစိုက်မလား၊ ဆီထွက်သီးနှံစိုက်မလား ဆိုတဲ့အသေးစိတ်စီမံကိန်းတွေကို စိုက်ပျိုးရေး ဦးစီးဌာနက ဆောင်ရွက်နေပါတယ်။ ကျွန်တော်တို့ဘက်ကလည်း ဈေးကွက်ရှိတဲ့ သီးနှံတွေကို စိုက်ပျိုးဖို့ ဆောင်ရွက်နေပါတယ်။ ဥပမာအားဖြင့် အရည်အသွေးမြင့်တဲ့ ပဲတွေကိုထွက်လာဖို့၊ ဥပမာ ပဲတီစိမ်းဆိုရင် ဂျပန်ကနေ ပြန်ပို့တဲ့ဟာတွေ ရှိတယ်။ ပိုးသတ်ဆေးဓာတ်ကြွင်းတွေ ပါလို့ဆိုပြီး ပြန် ပို့တာရှိတယ်။ ဒါတွေနဲ့ပတ်သက်ပြီး GAP စနစ်နဲ့ စိုက်ပျိုးနိုင်ဖို့ စိုက်ပျိုးရေးဦးစီးဌာနက ဆောင်ရွက်နေပါတယ်။ ကျွန်တော်တို့ဘက်ကလည်း ပိုးသတ်ဆေးကုမ္ပဏီတွေ၊ တောင်သူတွေနဲ့ စိုက်ပျိုးရေးပညာရှင်တွေနဲ့ ချိတ်ပြီး ပိုးသတ်ဆေးနဲ့ပတ်သက်ပြီး ဓာတ်ကြွင်းပါ ၀င်မှုနဲ့ပတ်သက်ပြီး ဆောင်ရွက်ဖို့ရှိပါတယ်” ဟု စီးပွားရေးနှင့်ကူးသန်းရောင်းဝယ်ရေး ၀န်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောကြားသည်။

အခြားတစ်ဖက်တွင်လည်း အဓိကပို့ကုန်များဖြစ်သည့် ဆန်စပါး၊ ပဲစသည့် ကုန်စည် အမျိုးအစားတစ်ခုကို ဈေးနှုန်းတစ်ခုတည်း သတ်မှတ်ဝယ်ယူခြင်းမပြုဘဲ အရည်အသွေးပေါ်လိုက်ပြီး ဈေးနှုန်းပြောင်းလဲ ၀ယ်ယူပေးရန် ကုန်သည်များကို စီးပွားရေး နှင့်ကူးသန်းရောင်းဝယ်ရေးဝန်ကြီးဌာနမှ တိုက်တွန်းထားကြောင်း လက်ထောက်အတွင်းဝန် ဦးခင်မောင်လွင်က ပြောကြားသည်။

“မတ်ပဲအစား အခြားသီးနှံများ ပြောင်းလဲ စိုက်ပျိုးနိုင်အောင် စီစဉ်နေပါတယ်။ လာမယ့်နှစ်တွေအတွက် နိုင်ငံတကာဈေးကွက် ရရှိတဲ့သီးနှံတွေကို ပုဂ္ဂလိကလုပ်ငန်းရှင်တွေရော အစိုးရတာဝန်ရှိသူတွေရော ဆောင်ရွက်သွားဖို့ရှိပါတယ်။ လာမယ့်ရာသီမှာစိုက် ပျိုးမယ့်ပဲမျိုးစုံသီးနှံတွေနေရာမှာ တခြားသီးနှံ ဘာတွေကို စိုက်ပျိုးသင့်လဲ။ အဲဒီလိုစိုက်ပျိုးမယ်ဆိုရင် လိုအပ်မယ့်မျိုး၊ နည်းပညာတွေကို တောင်သူတွေ လိုက်ပါနိုင်ဖို့ရှိမလားဆိုတဲ့ အပိုင်းကို အားလုံးဝိုင်း ဆွေးနွေးနေကြပါတယ်။ အဲဒီလိုဆွေးနွေးတဲ့အခါမှာလည်း တိုင်းဒေသကြီး၊ ပြည်နယ်အနှံ့မှာရှိနေတဲ့ တောင်သူလယ်သမားတွေ စတာတွေကို ကွင်းဆင်းစစ်ဆေးပြီး ဖြစ်သင့်တဲ့ အနေအထားတွေကို ဆောင်ရွက်သွားမှာဖြစ်ပါတယ်၊ ကျွန်တော်တို့အဖွဲ့ကတော့ အကြံပြုသွားမှာ ဖြစ်ပါတယ်။ ပူးပေါင်းဆောင်ရွက်မှုအပိုင်း ကတော့ တောင်သူများအပါအ၀င် လုပ်ငန်းရှင်များ အပိုင်းက ၀ိုင်းဝန်းဆောင်ရွက်ရမှာ ဖြစ်ပါတယ်။ ဈေးကွက်ဆိုတာက ခန့်မှန်းလို့ မရပါဘူး။ ဒါကြောင့်မို့ ဖြစ်နိုင်တဲ့အလားအလာများကို ချပြပြီးဆောင်ရွက်သွားပါမယ်” ဟု စိုက်ပျိုးရေး၊ မွေးမြူရေးနှင့်ဆည်မြောင်း ၀န်ကြီးဌာန၊ စိုက်ပျိုးရေးဦးစီးဌာနမှ ညွှန်ကြားရေးမှူးချုပ် ဒေါက်တာရဲတင့်ထွန်းက ပြောကြားသည်။အိန္ဒိယက ၀ယ်ယူမှုလျှော့ချခဲ့သည့် မတ်ပဲအစား ပြည်တွင်း၌ နွေစပါးပြောင်းလဲ စိုက်ပျိုးနိုင်ရေးအတွက် မြစ်ရေတင်စီမံကိန်းများ ဆောင်ရွက်ပေးနိုင်ရန် မြန်မာနိုင်ငံဆန်စပါး အသင်းချုပ်က ဒုတိယသမ္မတ (၁) ဦးမြင့်ဆွေနှင့် လုပ်ငန်းရှင်များ တွေ့ဆုံပွဲတွင် တင်ပြခဲ့သည်။

ပဲစိုက်ပျိုးခြင်းအစား အခြားသီးနှံ ပြောင်းလဲစိုက်ပျိုးခြင်းက ဈေးကွက်တစ်ခုတည်းအပေါ် မှီခိုတင်ပို့နေရခြင်း မဟုတ်ဘဲ ကွာလတီကောင်းသည့်သီးနှံများ ထုတ်လုပ်နိုင်ကာ ဈေးကွက်တိုးချဲ့ တင်ပို့နိုင်ပါက ပို့ကုန်တင်ပို့မှုမြင့်တက်လာနိုင်သည့် အမြင်များလည်း ရှိသည်။

“ဒါက အင်မတန်ကောင်းတဲ့ အစီအစဉ်ပါဗျ။ ကျွန်တော်တို့က ပဲကစိုက်လာတာက  နှစ်ကြာလာပြီပေါ့။ ကြာလာတာနဲ့အမျှ ဈေးကွက်ကိုမျှော်ပြီး စိုက်ရတာထက်စာရင် ကွာလတီဈေးကွက်ကို သွားချင်နေပြီ။ ကွာလတီ ဈေးကွက်ကိုသွားဖို့ ကျွန်တော်တို့တောင်သူ တွေမှာ GAP တို့လို သင်တန်းတွေကို ဌာနဆိုင်ရာတွေက တောင်သူတွေကို ဒီအသိတွေ ပို့ချပေးရင် ကွာလတီဈေးကွက်ကို သွားနိုင်တာပေါ့နော်။ ကွာလတီဈေးကွက်ကို ကျွန်တော်တို့သွားနိုင်ရင် အိန္ဒိယဈေးကွက်ကိုလည်း ပူစရာမလိုဘူး။ ကိုယ့်ဈေးကွက်ကိုယ့် ဟာရသွားနိုင်တာပေါ့” ဟု ပဲစိုက်တောင်သူ ဦးသိန်းကျော်က သုံးသပ်ပြောကြားသည်။

သို့သော် ပဲအပြင် ဆန်ကိုလည်း နယ်စပ်မှတစ်ဆင့် တရုတ်ဈေးကွက်သို့ အဓိက တင်ပို့နေခြင်းဖြစ်သည်။ တရုတ်နိုင်ငံသို့ မြန်မာနိုင်ငံမှဆန်ကို မြန်မာဘက်မှ တရားဝင်တင်ပို့ခြင်းဖြစ်သော်လည်း တရုတ်ဘက်မှ မူ တရားဝင်တင်ပို့သည်ဟု သတ်မှတ်ထား ခြင်းမရှိသဖြင့် မကြာခဏဆိုသလို အဖမ်းအဆီးများပြုလုပ်လေ့ရှိသည်။ ယင်းကာလအတွင်း မြန်မာ့ဆန်တင်ပို့မှုလျော့ကျပြီး ဈေးလည်း ကျဆင်းလေ့ရှိသည်။

ရှမ်းပြည်နယ် မြောက်ပိုင်းဒေသတွင် အားထားစိုက်ပျိုးထုတ်လုပ်နေသော ဆန်စပါးနှင့် ပြောင်းသီးနှံအပြင် အခြားစီးပွားဖြစ်သီးနှံများအား တရုတ်နိုင်ငံသို့ တင်ပို့ရောင်းချရာ၌ တစ်ဖက်နိုင်ငံ၏ ၀ယ်လိုအားအပေါ် မူတည်၍ ဈေးနှုန်းတည်ငြိမ်မှုမရှိခြင်း၊ သတ် မှတ်ဈေးနှုန်းထက် လျော့၍ တင်ပို့ရောင်းချ နေရခြင်းကြောင့် တောင်သူများနှင့် ကုန်သည်များ နစ်နာလျက်ရှိကြောင်း ရှမ်းပြည်နယ် (မြောက်ပိုင်း) ကုန်သည်များနှင့် စက်မှုလက်မှု လုပ်ငန်းရှင်များအသင်း ဒုတိယဥက္ကဋ္ဌ ဦးဇော်ဇော်က ပြောကြားသည်။

ဆန်စပါးတင်ပို့မှုနှင့်ပတ်သက်၍ ယခုနှစ်အတွင်း ပြည်ပဈေးကွက်သစ်များ တိုးချဲ့ရရှိမှုကြောင့် နယ်စပ်ကုန်သွယ်ရေးထက် ပင်လယ်ရေကြောင်း ကုန်သွယ်မှုမှ ဆန်တင်ပို့မှု မြင့်တက်လာသည့်အပြင် မြန်မာနိုင်ငံ နှင့် နှစ်နိုင်ငံ G to G စာချုပ်များချုပ်ဆိုကာ မြန်မာ့ဆန်ဝယ်ယူရန် ကမ်းလှမ်းမှု များပြားနေသဖြင့် ပြည်ပဆန်ဈေးကွက်တွင် မြန်မာ့ဆန် အလားအလာကောင်းများ ရှိနေသည်။

မြန်မာနိုင်ငံ လူဦးရေ၏ ရာခိုင်နှုန်း ၇၀ မှာ ကျေးလက်ဒေသတွင်နေထိုင်ကြပြီး အများစုမှာ စိုက်ပျိုးရေးလုပ်ငန်းကိုသာ လုပ်ကိုင်ကြခြင်းဖြစ်သည်။ တိုင်းပြည်၏ အဓိက ပို့ကုန်သည်လည်း လယ်ယာထွက်ကုန်များပင်ဖြစ်သည့်အပြင် ယခုနှစ်အတွင်း ပြည်ပ ဆန်တင်ပို့မှု အလားအလာကောင်းများ ရှိနေသဖြင့် လာမည့်ရာသီတွင် နွေစပါးများ တိုးချဲ့စိုက်ပျိုးသင့်ကြောင်းလည်း စိုက်ပျိုးရေး ပညာရှင်အချို့ကလည်း တိုက်တွန်းထားသည်။

သို့သော် နှစ်ကာလကြာမြင့်စွာ မတ်ပဲ စိုက်ပျိုးနေမှုအစား အခြားအစားထိုးသီးနှံများ ပြောင်းလဲစိုက်ပျိုးနိုင်ရန်မှာ တောင်သူများအတွက် အခက်အခဲများ ရှိလာနိုင်သည်။ ယင်းအတွက် ဆန်စပါးအပါအ၀င် ဈေးကွက် အလားအလာရှိသည့် ပို့ကုန်သီးနှံ များ အစားထိုးစိုက်ပျိုးနိုင်ရေး၊ မျိုး၊ ဈေးကွက် သတင်း အချက်အလက်နှင့် အလားအလာ၊ စီးပွားရေးအရ တွက်ခြေကိုက်မှု စသည့် အခြေအနေများ၊ တောင်သူလယ်သမားများ အနေဖြင့် မတ်ပဲအစား စပါးအား လွတ်လပ်စွာ ပြောင်းလဲစိုက်ပျိုးနိုင်ရေးအတွက် ဈေးကွက်သတင်းအချက်အလက်များအား မြို့နယ်၊ ကျေးရွာများအထိ ရောက်ရှိအောင် ဖြန့်ဖြူးပေးနိုင်ရေးနှင့် ပညာရေးအစီအစဉ်များ ဆောင်ရွက်နိုင်ရန်လည်း လိုအပ်လျက် ရှိသည်။

မြန်မာနိုင်ငံ၏ အဓိက ပြည်ပပို့ကုန်များ ဈေးကွက်တစ်ခုတည်းကိုသာ အားထားနေရခြင်းအစား ဈေးကောင်းလည်းရရှိမည့်  ပြည်ပဈေးကွက်များ တိုးချဲ့တင်ပို့နိုင်ရန်၊  ပို့ကုန်ဝင်ငွေတိုးတက်ရရှိစေရန်၊ လယ်ယာလုပ်ငန်းများအပေါ် မှီခိုနေရသည့် စိုက်ပျိုး ထုတ်လုပ်သူ တောင်သူများ တွက်ခြေကိုက်စေရန်၊ မည်သည့်သီးနှံပင်ဖြစ်စေ ဈေးကွက်ရှိသည့်၊ စီးပွားရေးအရတွက်ခြေကိုက်သည့်  သီးနှံများ ရွေးချယ်စိုက်ပျိုးနိုင်ရန်မှာ စိုက်ပျိုးရေး နိုင်ငံဖြစ်သည့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုအတွက် များစွာအရေးပါလျက် ရှိပါသည်။

မျှော်လင့်ချက်တွေအတွက် ရွှေ့ပြောင်းလုပ်သားတွေရဲ့ အနာဂတ်

မြန်မာနိုင်ငံကူး လက်မှတ်ထုတ်ပေးရေးရုံးရှေ့တွင် တန်းစီစောင့်ဆိုင်းနေသူများအား စက်တင်ဘာ ၁၈ ရက်က တွေ့ရစဉ် (ဓာတ်ပုံ-ရှိုင်းလင်းအောင်)

ပြီးခဲ့တဲ့ရက်ပိုင်းက ကျွန်တော် ပတ်စ်ပို့ရုံးကို သတင်းကိစ္စနဲ့ ရောက်သွားတော့ ပတ်စ်ပို့ရုံးအရှေ့နဲ့ ရုံးဘေးလမ်းကြားမှာ နိုင်ငံကူး လက်မှတ်ရဖို့အတွက် တန်းစီနေကြတဲ့ လူတွေအများကြီးကို တွေ့လိုက်ရပါတယ်။ တန်းစီနေတဲ့ လူတွေထဲမှာ နိုင်ငံကူးလက်မှတ် သက်တမ်းလာတိုးတဲ့လူတွေ ပါသလို၊ ပညာသွားသင်ဖို့၊ ဆေးသွားကုဖို့နဲ့ အလည်အပတ် သွားဖို့လူတွေလည်း ရှိပါတယ်။ ဒါပေမဲ့ လူတော်တော်များများကတော့ နိုင်ငံရပ်ခြားသွားပြီး အလုပ်လုပ်ကြဖို့ပဲ။

နိုင်ငံကူးလက်မှတ်ရဖို့အတွက် တချို့လူတွေဆို ပတ်စ်ပို့ရုံးမဖွင့်ခင် မနက်အစောကြီး ကတည်းကလာပြီး စောင့်နေကြတာလို့ သိရတယ်။ ဒီရက်ပိုင်း နေကလည်းပူတော့ ပတ်စ်ပို့  ရဖို့ တန်းစီနေတဲ့လူတွေက ထီးကိုယ်စီ၊ ရေဘူး ကိုယ်စီနဲ့ ဖိုင်တွဲလေးတွေ ခေါင်းပေါ်တင်ရင်း ကိုယ့်အလှည့်ရောက်မယ့်အချိန်ကို စောင့်နေကြတယ်။ နေ့လယ်ထမင်းစားချိန်ဆို ထမင်းဘူး ဖွင့်စားတဲ့လူကစား၊ ကြာဆန်ကြော်နဲ့ ခေါက်ဆွဲကြော် ဘူးလေးတွေဝယ်စားပြီး တန်းစီနေတာကို တွေ့ခဲ့ရတယ်။ “ထိုင်းနိုင်ငံကို သွားဖို့အတွက် ပတ်စ်ပို့ လာလျှောက်တာ။ မနက် ၈ နာရီကတည်းကလာပြီး တန်းစီနေတာ။ အခုထိအထဲကို မရောက်သေးဘူး။ ပဲခူးမှာက လုပ်စားကိုင်စားရတာ အဆင်ပြေတော့ ပြေပေမယ့် ရတဲ့ငွေက အရမ်းနည်းတယ်။ အဲဒါကြောင့် သူများနိုင်ငံသွားပြီး အလုပ်လုပ်မလို့”ဟု ပဲခူးတိုင်းဒေသကြီး၊ ကျောက်တံခါးမြို့နယ်ကနေ ပတ်စ်ပို့လာလျှောက်တဲ့ မခင်မာကြည်က ပြောကြားခဲ့ပါတယ်။ သူ့လိုပဲ ကိုယ့်ရဲ့မွေးရပ်မြေဒေသဖြစ်တဲ့ မြန်မာနိုင်ငံမှာ စီးပွားရေး အဆင်မပြေလို့၊ အလုပ်အကိုင် ရှားပါးလို့၊ ၀င်ငွေနည်းလို့ စတဲ့ အကြောင်း အရာအမျိုးမျိုးတွေကြောင့် ပြည်ပထွက်ပြီး အလုပ်လုပ်ကိုင်နေတဲ့ ရွှေ့ပြောင်းလုပ်သား (Migrant Workers) အများကြီး ရှိပါတယ်။

 

■ တန်းမစီချင်ရင် ပွဲစားတွေရှိတယ်

ဒီလိုစောင့်နေတဲ့လူတွေကိုမှ အားမနာတဲ့ လူတစ်စုတော့ ရှိပါတယ်။ သူတို့ကတော့ ပတ်စ်ပို့ရုံးအပြင်ဘက်က ပွဲစားတွေပါ။ “ပတ်စ် ပို့လုပ်မလား … တန်းစီစရာမလိုဘဲ လုပ်ပေးမယ်လေ..” လို့ တွေ့သမျှလူကို လိုက်ပြောနေတော့တာပဲ။ ပတ်စ်ပို့လုပ်ချင်လို့ မနက်ကတည်းက လာရတဲ့လူတွေ၊ နေပူကြီးထဲမှာ တန်းစီနေ တာတွေ လုပ်စရာမလိုဘဲ လုပ်ပေးမယ်ဆိုတော့ သူတို့က ဘာအကန့်တွေရှိလို့ တန်းစီစရာမလိုဘဲ လုပ်ပေးမယ်လို့ ပြောနိုင်တာလဲ ဆိုတာစဉ်းစားစရာပဲ။ တချို့ပွဲစားတွေက ပတ်စ်ပို့လုပ်ပေးမယ်ဆိုပြီး လိမ်လည်သွားတာတွေ ရှိတယ်လို့ ကြားရပါတယ်။ ကိုယ့်နိုင်ငံမှာ လုပ်ကိုင်စားသောက်ရတာ အဆင်မပြေလို့ သူများနိုင်ငံသွားပြီး အလုပ်လုပ်မယ့်သူတွေဆီက ငွေကြေးလိမ်လည်နေတဲ့ ဒီလိုလူလိမ်ပွဲစားအချို့ကို ပတ်စ်ပို့ရုံးက တာဝန်ရှိသူတွေအနေနဲ့ ထိထိရောက်ရောက် အရေးယူပေးဖို့ လိုပါတယ်။

■ ရွှေ့ပြောင်းလုပ်သားဆိုတာ ဘာလဲ

ရွှေ့ပြောင်းလုပ်သားဆိုတာကတော့ ကိုယ့်နိုင်ငံကနေ အခြားနိုင်ငံတစ်ခုခုကို ပြောင်းရွှေ့အလုပ်လုပ်တဲ့သူတွေကို ခေါ်ဝေါ်တာဖြစ်ပါတယ်။ ရွှေ့ပြောင်းလုပ်သားတွေ အများစုက မိမိနိုင်ငံမှာလုပ်ကိုင်စားသောက်ရတာ အဆင်မပြေကြတဲ့အတွက် ပြောင်းရွှေ့ ကြတာပဲဖြစ်ပါတယ်။ International Labour Organization (ILO) ရဲ့ ထုတ်ပြန်ချက်တွေအရ ၂၀၁၄ ခုနှစ်မှာ တစ်ကမ္ဘာလုံးမှာ ရွှေ့ပြောင်းလုပ်သားပေါင်း ၂၃၂ သန်းခန့် ရှိတယ်လို့သိရပါတယ်။ ရွှေ့ပြောင်းလုပ်သားထဲမှာ အမျိုးသားတွေက အမျိုးသမီးတွေထက် ပိုများပါတယ်။ ဒါပေမဲ့ အခုနောက်ပိုင်းတွေမှာ အမျိုးသမီးရွှေ့ပြောင်းလုပ်ကိုင်သူ အရေအတွက်က အရင်ကထက် ပိုများလာပါတယ်။ ရွှေ့ပြောင်းလုပ်သားတွေရဲ့ ၄၈ ရာခိုင်နှုန်းက အမျိုးသမီး ရွှေ့ပြောင်းလုပ်သားတွေဖြစ် တယ်လို့ သိရပါတယ်။ အမျိုးသမီး ရွှေ့ပြောင်း လုပ်သားအများစုကတော့ အိမ်အကူလုပ်ငန်း နဲ့ အခြားလုပ်ငန်းတွေမှာ လုပ်ကိုင်ကြပါတယ်။ မြန်မာနိုင်ငံမှာ အရင်ကထက် အမျိုးသမီး ရွှေ့ပြောင်းလုပ်သားအရေအတွက် ပိုများလာပါတယ်။ ထိုင်း၊ မလေးရှား၊ စင်ကာပူ၊ တောင် ကိုရီးယား၊ ဂျပန် စတဲ့ နိုင်ငံတွေမှာ မြန်မာ ရွှေ့ပြောင်းလုပ်သားတွေ အများဆုံးရှိပါတယ်။

■  ရွှေ့ပြောင်းလုပ်သားအရေအတွက်

၂၀၁၄ ခုနှစ်သန်းခေါင်စာရင်းအရ မြန်မာနိုင်ငံရဲ့လူဦးရေက ၅၁ သန်းကျော်ရှိပါတယ်။ ကျွန်တော်တို့ မြန်မာနိုင်ငံမှာ အလုပ်အကိုင် အခွင့်အလမ်းရှားပါးတာတွေ၊ တစ်ရက်လုံးလုပ်မှ တစ်နေ့ ၃၆၀၀ ပဲ ရတာတွေနဲ့ အလုပ်အကိုင်အခွင့်အလမ်း နည်းနေသေး တဲ့အတွက် ၅၁ သန်းသော ပြည်သူတွေရဲ့ ၁၀ ရာခိုင်နှုန်း (လူဦးရေ ငါးသန်း) ၀န်းကျင်က ရွှေ့ပြောင်းလုပ်သားတွေအဖြစ် ပြည်ပမှာ သွားပြီး အလုပ်လုပ်နေကြတယ်လို့ မြန်မာ ပြည်ပအလုပ်အကိုင်ဝန်ဆောင်မှုလုပ်ငန်းရှင်များအဖွဲ့ချုပ် (MOEAF) က တာဝန်ရှိ သူတစ်ဦးရဲ့ ပြောကြားချက်အရ သိရပါတယ်။

ရွှေ့ပြောင်းလုပ်သား ငါးသန်းဝန်းကျင်ထဲမှာ တရားဝင်သွားတဲ့လူရော တရားမ၀င် (အောက်လမ်း) သွားတဲ့လူရော ပါတယ်။ ပြည်ပကို ရွှေ့ပြောင်းလုပ်သားအဖြစ် သွားရောက် အလုပ်လုပ်တဲ့လူတွေထဲမှာ တရားမ၀င် ရွှေ့ပြောင်းလုပ်သားအရေအတွက်က တရားဝင် ရွှေ့ပြောင်းလုပ်သားအရေအတွက်ထက် ပိုများတယ်လို့ သိရပါတယ်။

ဒီ၂၀၁၇ ခုနှစ် နှစ်စကနေ သြဂုတ်လအထိ ပြည်ပနိုင်ငံတွေကို တရားဝင်သွားပြီး အလုပ်လုပ်တဲ့ပမာဏက တစ်သိန်းနီးပါးပဲ ရှိတယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနရဲ့ထုတ်ပြန်ချက်တွေအရ သိရတယ်။ ဒီစာရင်းဟာ တရားမ၀င် (အောက်လမ်း) ကသွားတဲ့ အရေအတွက် မပါသေးဘူး။ သူတို့တွေဟာ ကိုယ့် မွေးရပ်မြေကိုစွန့်ပြီး ရေကြည်ရာမြက်နုရာကို ရွှေ့ပြောင်းသွားလာနေကြတဲ့ ရွှေ့ပြောင်း လုပ်သားတွေ ဖြစ်ပါတယ်။

■ ဘယ်လိုလူတွေ အသွားများလဲ

မြို့ကြီးပြကြီးတွေမှာတောင် ဘွဲ့ရလူငယ် အများအပြားဟာ အလုပ်ရဖို့ သင်တန်းပေါင်းများစွာ တက်နေရတယ်။ တချို့လူငယ်တွေဟာဘွဲ့လက်မှတ်နဲ့ သင်တန်းဆင်းလက်မှတ် တစ်ပွေ့တစ်ပိုက်နဲ့ အလုပ်ရဖို့ရှာဖွေနေရပါတယ်။ ဘွဲ့ရလူငယ်တွေတောင် အလုပ် အကိုင်ရှားပါးနေချိန်မှာ ပညာရေးဆုံးခန်းတိုင်အောင် မသင်ကြားနိုင်တဲ့လူတွေ၊ နယ်မြို့လေးတွေ၊ တောရွာတွေမှာနေကြတဲ့လူတွေဟာ ကိုယ့်နိုင်ငံမှာ အလုပ်လုပ်ရတာ အဆင်မပြေတော့တဲ့အတွက် ပြည်ပကိုရွှေ့ပြောင်း လုပ်သားအဖြစ် အလုပ်သွားလုပ်ရတယ်။

■ ဘယ်နိုင်ငံကို အသွားများလဲ

မြန်မာနိုင်ငံမှာ အလုပ်အကိုင်မကောင်းလို့ ပြည်ပအလုပ်ထွက်လုပ်တဲ့သူတွေရဲ့ ရာခိုင်နှုန်း ၇၀ ကျော်က ထိုင်းနိုင်ငံကို သွားကြပါတယ်။ ထိုင်းက မြန်မာနဲ့လည်း နီးကပ်တယ်။သွားရတာလည်း လွယ်ကူတယ်။ အောက်လမ်းက တရားမ၀င် သွားမလား၊ တရားဝင် သွားမလား ထိုင်းကို တစ်နေ့မကူးဘဲ ရောက်နိုင်တယ်။ မလေးရှားနိုင်ငံမှာ ရွှေ့ပြောင်းလုပ်သား ၁၄ ရာခိုင်နှုန်းကျော်နဲ့ စင်ကာပူနိုင်ငံမှာ နှစ်ရာခိုင်နှုန်းကျော် ရှိတယ်လို့ ၂၀၁၅ ခု နှစ် မြန်မာလုပ်သားအင်အား စစ်တမ်းအစီရင်ခံစာအရ သိရပါတယ်။ ဒါ့အပြင် တောင်ကို ရီးယား၊ ဂျပန်နိုင်ငံတို့မှာလည်း ရွှေ့ပြောင်းလုပ်သားတွေရှိတယ်။ အခုနောက်ပိုင်းဆိုရင် အရှေ့အလယ်ပိုင်းနိုင်ငံတွေဖြစ်တဲ့ ကာတာ၊ ယူအေအီး၊ ဒူဘိုင်းနိုင်ငံတွေကိုတောင် သွားနေကြပါပြီ။ ပြည်ပကိုသွားပြီး အလုပ်လုပ်တဲ့အထဲမှာ ကျေးလက်ဒေသတွေမှာ နေ တဲ့သူတွေက ထိုင်းနဲ့မလေးရှားနိုင်ငံတွေကို အသွားများကြတယ်။ မြို့ပြဒေသတွေမှာနေတဲ့ လူတော်တော်များများကတော့ စင်ကာပူ၊ တောင်ကိုရီးယား၊ ဂျပန်နဲ့အခြားနိုင်ငံတွေကို  အသွားများကြတယ်။

■ တရားဝင် သွားမလား၊ တရားမ၀င် သွားမလား 

ပြည်ပထွက်ပြီး အလုပ်လုပ်တဲ့နေရာမှာ တရားဝင်သွားပြီး အလုပ်လုပ်တာနဲ့ တရားမ၀င်သွားပြီး အလုပ်လုပ်တာဆိုပြီး နှစ်မျိုးရှိတယ်။ နိုင်ငံတစ်နိုင်ငံကို တရားမ၀င်အောက်လမ်းက သွားရင် ကြုံတွေ့ရနိုင်တဲ့ အခက်အခဲအကျပ်အတည်းကို အရင်ဆုံးပြောပြချင် ပါတယ်။ တရားမ၀င် အောက်လမ်းကသွားတဲ့ လူတွေက ပွဲစားတွေကတစ်ဆင့် သွားကြတာ များတယ်။ ပွဲစားတိုင်းကို ယုံကြည်လို့တော့ မရဘူး။ အချို့ပွဲစားတွေက ငွေကြေးလိမ်လည်ပြီး ထွက်ပြေးသွားတာမျိုးတွေ ရှိတယ်လို့ ကြားရတယ်။ ပွဲစားနဲ့ သွားတာက တရားတော့ မ၀င်ဘူး။ ဒါပေမဲ့ တရားဝင်သွားတာနဲ့ ကုန်ကျစရိတ်ချင်း နှိုင်းယှဉ်ကြည့်ရင် တရားမ၀င်သွားတာက အကုန်အကျ အနည်းငယ် သက်သာတယ်လို့ သိရတယ်။ တရားမ၀င် သွားတဲ့သူက တစ်ဖက်နိုင်ငံရောက်ရင် လွတ်လွတ်လပ်လပ် နေလို့မရဘူး။ ခိုးကြောင် ခိုးဝှက်နေရတယ်။ ဟိုမှာ အလုပ်လုပ်လို့ လုပ်အားခ ခေါင်းပုံဖြတ်ခံရတာ၊ ထိုင်းနဲ့အင်ဒိုနီးရှားက ငါးဖမ်းလှေတွေမှာ အဓမ္မကျွန်ပြုခိုင်း စေခြင်းခံရတာ၊ အတင်းအဓမ္မ ပြည့်တန်ဆာ ပြုခြင်းခံရတာတွေ၊ အလုပ်သမား အခွင့်အရေး ချိုးဖောက်ခံရတာ စတာတွေခံရရင် တိုင်ကြားဖို့ အခက်အခဲရှိတယ်။ ခိုးဝင်ရွှေ့ပြောင်း လုပ်သားဖြစ်တဲ့အတွက် ကျန်းမာရေးစောင့်ရှောက်မှု ခံစားပိုင်ခွင့်လည်း မရှိပါဘူး။ ဖြစ်လာသမျှ အခက်အခဲကိုခေါင်းငုံ့ခံရနိုင်တယ်။ သူများနိုင်ငံကို တရားမ၀င် ခိုးဝင်ထားတဲ့အတွက် မြန်မာအစိုးရကလည်း ကူညီပေးဖို့ ခက်ခဲတယ်။  ဟိုမှာ ပြဿနာတစ်ခုခုဖြစ်လို့ ရဲကိုတိုင်မယ်ဆိုရင်တောင် သူတို့နိုင်ငံကို တရားမ၀င်ခိုးဝင်လာတဲ့အတွက် အရင်ဆုံး အဖမ်းခံရနိုင်ပါတယ်။ အဲဒီတော့ တရားမ၀င်သွားတာဟာ အဘက်ဘက်က ဆုံးရှုံးနစ်နာမှု ရှိတယ်။

တရားဝင်သွားတဲ့သူကတော့ အစိုးရအသိအမှတ်ပြု အေဂျင်စီတွေကတစ်ဆင့် သွားရတာဖြစ်လို့ လုပ်အားခ ခေါင်းပုံဖြတ်ခံရတာတို့၊ အဓမ္မကျွန်ပြုခိုင်းစေတာတို့၊ အလုပ်သမားအခွင့်အရေး ချိုးဖောက်ခံရတာတို့ စတဲ့ အခက်အခဲတွေဖြစ်ရင် ကိုယ့်ကိုစေလွှတ်တဲ့ အေဂျင်စီကို အကူအညီတောင်းနိုင်တယ်။ အေဂျင်စီက အလုပ်သမားရဲ့ အခက်အခဲကို ဖြေရှင်းပေးတယ်။ ပြဿနာတစ်ခုခု ဖြစ်ရင် သူတို့စေလွှတ်တဲ့အလုပ်သမားကို သူတို့ အကုန်အကျခံပြီး ပြန်ခေါ်ရတယ်။ အဲဒီလိုမဟုတ်ဘဲ ခေါင်းရှောင်နေတဲ့ အေဂျင်  စီကိုတိုင်ရင် အလုပ်သမားဝန်ကြီးဌာနက ပြည်ပကို အလုပ်သမား စေလွှတ်ခွင့်လိုင်စင် ပိတ်သိမ်းတယ်။ နောက်ဆုံး အေဂျင်စီကို တရားစွဲဆို ထောင်ချတဲ့အထိ လုပ်တယ်လို့ သိရပါတယ်။ တရားဝင်ရွှေ့ပြောင်းလုပ်သားက တစ်ဖက်နိုင်ငံထဲမှာ လွတ်လွတ်လပ်လပ် သွားလို့ရတယ်။ တရားဝင်သွားတဲ့လူရဲ့ အားသာချက်က အဲဒါတွေပါပဲ။

■ ပြည်ပမှာ ဘယ်လိုအခက်အခဲတွေနဲ့ တွေ့ကြုံရနိုင်လဲ

မြန်မာနိုင်ငံမှာ လုပ်ကိုင်စားသောက်ရတာ အဆင်မပြေလို့ ပြည်ပထွက်အလုပ်လုပ်တဲ့ ရွှေ့ပြောင်းလုပ်သားတွေ  ပြဿနာမျိုးစုံနဲ့ ကြုံနေရနိုင်ပါတယ်။ တရားမ၀င်သွားတဲ့လူဆို ဘယ်နေ့ အဖမ်းခံရမလဲဆိုတာ ရင်တထိတ်ထိတ်နဲ့နေရတာ။ မြန်မာရွှေ့ပြောင်း လုပ်  သားများ အသွားများတဲ့ ထိုင်းနိုင်ငံမှာတော့ လုပ်အားခ ခေါင်းပုံဖြတ်ခံရတာတွေ၊ လုပ်အားခ မရတာတွေနဲ့ နေထိုင်တဲ့နေရာမှာ အခက်အခဲတွေဖြစ်နေတာတွေနဲ့ ထိုင်းနိုင်ငံမှာရှိတဲ့ မြန်မာသံရုံးရဲ့အကူအညီမှာ ထိထိရောက်ရောက် မရှိဘူးလို့ ထိုင်းရောက်မြန်မာ ရွှေ့ပြောင်းလုပ်သားတွေရဲ့ ပြောပြချက်အရ သိရပါတယ်။

“ထိုင်းမှာတော့ အလုပ်ရှင်တော်တော်များများက အလုပ်ခိုင်းပြီး လုပ်အားခမပေးတဲ့ ပြဿနာတွေ ဖြစ်နေတယ်။ နောက်မြန်မာသံရုံးကို အကူအညီတောင်းလို့မရတဲ့ပြဿနာတွေ ကြုံနေရတယ်။ သံအရာရှိဆို ခြောက်ယောက်ခုနစ်ယောက်ရှိတယ်။ အလုပ်သမား တွေ ဖုန်းဆက်ရင် ဖုန်းမကိုင်ကြဘူး။ သံရုံးက ထိထိရောက်ရောက် မကူညီပေးဘူး။ နေထိုင်ခွင့်တွေ ခဏခဏ အပြောင်းအလဲဖြစ်နေတော့ ကုန်ကျစရိတ်တွေ များနေတယ်။ ထိုင်းမှာ အလုပ်လုပ်နေတဲ့ အလုပ်သမား  ရာခိုင်နှုန်း ၈၀ က လုပ်ခလစာတွေ အပြည့်အ၀တွေနဲ့ ကြုံနေရတယ်”လို့ ထိုင်းရောက် မြန်မာရွှေ့ပြောင်း လုပ်သားများကို ကူညီစောင့်ရှောက်နေသည့် အဖွဲ့တစ်ဖွဲ့မှ ကိုခိုင်ကြီးရဲ့ ပြောကြားချက်အရ သိရပါတယ်။

ဒါ့အပြင် မလေးရှားနိုင်ငံမှာလည်း မြန်မာအလုပ်သမားတွေအတွက် အခက်အခဲတွေ ရှိနေတယ်။ မလေးရှားနိုင်ငံမှာ အလုပ်ကပြန်လာတဲ့ မြန်မာရွှေ့ပြောင်းလုပ်သားတွေကို အုပ်စုလိုက် ၀ိုင်းဝန်းတိုက်ခိုက်တာကြောင့် လူသေခဲ့တဲ့ဖြစ်ရပ်တွေ ရှိခဲ့တယ်။ နောက်ပြီး ပြည်ပနိုင်ငံတွေထဲကိုခိုးဝင်ပြီး အလုပ်လုပ်တဲ့ အလုပ်သမားတွေ ဖမ်းဆီးထိန်းသိမ်းခံရတာတွေလည်း ရှိပါတယ်။ ထိုင်းနဲ့အင်ဒိုနီးရှားနိုင်ငံတွေမှာ ပင်လယ်ငါးဖမ်းလုပ်ငန်းတွေမှာ မြန်မာနိုင်ငံသားတွေ ကျွန်ပြုခိုင်းစေခံရတာတွေ ရှိပါတယ်။

■ နေရပ်ပြန် အလုပ်လုပ်ကြမလား

ရွှေ့ပြောင်းလုပ်သားတွေ မြန်မာနိုင်ငံကို ပြန်လာပြီး အလုပ်လုပ်ရင်လည်း အဆင်မပြေနိုင်ပါဘူး။၂၀၁၅ ခုနှစ်မှာ မြန်မာနိုင်ငံရဲ့ အနိမ့်ဆုံး လုပ်ခလစာနှုန်းကို တစ်ရက်ကို ၃၆၀၀ ကျပ်နဲ့ တစ်လကို တစ်သိန်းရှစ်ထောင်ကျပ်ဆိုပြီး အစိုးရက သတ်မှတ်ခဲ့ပါတယ်။ ဒီပမာဏက အခြေခံလူတန်းစား အလုပ်သမားတွေအတွက် အဆင်ပြေတဲ့ပမာဏနှုန်း မဟုတ်ပါဘူး။ မြန်မာနိုင်ငံရဲ့စီးပွားရေး မြို့တော်ဖြစ်တဲ့ ရန်ကုန်ကစက်မှုဇုန်တွေက အထည်ချုပ်စက်ရုံတွေမှာ အလုပ်သမား ဆန္ဒပြတာတွေ မကြာခဏဖြစ်နေတယ်။ အများစုက လုပ်ခလစာ အပြည့်အ၀ မရတာ၊ အလုပ်သမား အခွင့်အရေးတွေ အပြည့်အ၀ မရတာတွေပဲ ဖြစ်တယ်။

ရန်ကုန်မှာ အိမ်ငှားခတွေ ဈေးကြီးတယ်။ ကုန်ဈေးနှုန်းတွေ တက်တယ် ဒီ ပြဿနာတွေကြားထဲမှာ အလုပ်သမားအများစုက လုံးလည်ချာလည် လိုက်နေတာပဲ။ အဲဒီတော့ ရွှေ့ပြောင်းလုပ်သားတွေ မြန်မာနိုင်ငံ ပြန်လာပြီး အလုပ်လုပ်ဖို့အတွက်လည်း အဆင် မပြေနိုင်ပါဘူး။

■ ရွှေ့ပြောင်းလုပ်သားတွေရဲ့ အိပ်မက်

မြန်မာနိုင်ငံကထွက်ပြီး နိုင်ငံရပ်ခြားမှာ အလုပ်သွားလုပ်တဲ့လူတိုင်းက ဟိုမှာ အလုပ်လုပ်ပြီး အိမ်ကို ငွေထောက်ပံ့မယ်။ သူများနိုင်ငံမှာ ခြစ်ကုပ်နေထိုင်စားသောက်ပြီး ငွေစုမယ်။ အတိုင်းအတာတစ်ခုထိ ရောက်ရင် ငွေထုပ်ပိုက်ပြီး ကိုယ့်နိုင်ငံကို ပြန်မယ်ဆိုတဲ့ စိတ်ကူးအိပ်မက်တွေ ကိုယ်စီရှိကြတယ်။

■ အဲဒီ စိတ်ကူးအိပ်မက်တွေ ဘယ်တော့ အကောင်အထည်ပေါ်မလဲ

မြန်မာနိုင်ငံမှာ အစိုးရသစ်တက်လာတာလဲ တစ်နှစ်ကျော်လာပြီ။ စီးပွားရေး ဖွံ့ဖြိုးတိုးတက်မှုကလည်း အားရစရာမရှိသေးဘူး။ အလုပ်အကိုင်အခွင့်အလမ်းတွေ ရှားပါးနေဆဲပဲ။ အဲဒီလိုဖြစ်နေချိန်မှာ ရွှေ့ပြောင်းအလုပ်သမားတွေ အိမ်ပြန်ပြီး အလုပ်လုပ်ဖို့ဆိုတာ လည်း မဖြစ်နိုင်သေးတာ သေချာပါတယ်။ ဒီက တစ်ရက်အနိမ့်ဆုံး လုပ်ခလစာ ၃၆၀၀ ဟာ သူတို့ ရွှေ့ပြောင်းလုပ်ကိုင်တဲ့နိုင်ငံက ပမာဏထက် နည်းနေပါသေးတယ်။ သေချာတာတစ်ခုကတော့ ပြည်ပထွက်သွားတဲ့ ရွှေ့ ပြောင်းလုပ်သားတွေ တစ်နေ့နေ့တစ်ချိန်ချိန် မှာ သူတို့ ဇာတိချက်မြှုပ် မွေးရပ်မြေဖြစ်တဲ့ မြန်မာနိုင်ငံကို ပြန်လာကြမှာပါ။ ဒါပေမဲ့ သူ တို့ဘယ်အချိန်၊ ဘယ်ကာလမှာ ပြန်လာမလဲ ဆိုတော့ မပြောနိုင်ဘူး။ ရွှေ့ပြောင်းလုပ်သား တွေအနေနဲ့ သူတို့မိသားစုတွေ ကိုယ်စီရှိတဲ့ အိမ်တွေကို အမြန်ဆုံး ပြန်လာနိုင်ကြပါစေလို့လည်း ဆုတောင်းပေးပါတယ်။

ဘင်္ဂါလီမွတ်စလင်များ အလုံးအရင်းဖြင့် ထွက်ပြေးမှုက ဒေါ်အောင်ဆန်းစုကြည်၏ ဂုဏ်သိက္ခာကို ကျဆင်းစေမည်လား

စက်တင်ဘာ ၇ ရက်က မြန်မာနိုင်ငံ ရခိုင်ပြည်နယ်မြောက်ပိုင်း ဂေါ်ဒူသာရရွာတွင် မီးလောင်နေသော အိမ်တစ်လုံးကို တွေ့မြင်ရစဉ် (Photo: AP)

သြဂုတ် ၂၅ ရက်တွင် ဂြိုဟ်တုများမှ ပထမဆုံး ဖမ်းယူရရှိသည်မှာ မီးလောင်နေသော ရွာများဖြစ်သည်။ ဘင်္ဂါလီမွတ်စလင်  အကြမ်းဖက်သမားများက မြန်မာနိုင်ငံ ရခိုင်ပြည်နယ်ရှိ လုံခြုံရေးစခန်းများကို တိုက်ခိုက်ခဲ့ ပြီးနောက် မြန်မာနိုင်ငံ အနောက်ပိုင်းတစ်လျှောက် မြို့နယ်များတွင် တစ်ရွာပြီးတစ်ရွာ မီးလောင်နေကြသည်။

မကြာမီ ဒုက္ခသည်ပေါင်းများစွာသည် အိမ်နီးချင်း ဘင်္ဂလားဒေ့ရ်ှနိုင်ငံသို့ တဖွဲဖွဲ ၀င်ရောက်လာသည်။ မြန်မာတပ်မတော်က လက်တုံ့ပြန်ပုံရသောကြောင့် သိန်းနှင့်ချီသော ဘင်္ဂါလီမွတ်စလင်များ ထွက်ပြေးလာခဲ့ရခြင်း ဖြစ်သည်။ မြန်မာတပ်မတော်သည် ၎င်းတို့၏ နေအိမ်များကို မီးရှို့ခဲ့ပြီး ထွက်ပြေးမည့် လမ်းကြောင်းတွင် မြေမြှုပ်မိုင်းများ ထောင်ထားခဲ့ကြောင်း ဒုက္ခသည်များက အကူအညီပေးရေး ၀န်ထမ်းများကို ပြောပြခဲ့ကြသည်။ သူတို့က မြန်မာတပ်မတော်သားများသည် ထွက်ပြေးသော ဘင်္ဂါလီမွတ်စလင် အမျိုးသမီးများနှင့် ကလေးများကို ပစ်ခတ်ခဲ့သည်ဟုလည်း ဆိုသည်။

မြန်မာနိုင်ငံ၌ အသံတစ်သံက သိသိသာသာ တိတ်ဆိတ်၍နေသည်။ လူ့အခွင့်အရေး အိုင်ကွန်၊ ငြိမ်းချမ်းရေးနိုဘယ်ဆုရှင်နှင့် ယခုအခါ အရပ်သားအစိုးရအဖွဲ့၏ခေါင်းဆောင် ဖြစ်လာသော ဒေါ်အောင်ဆန်းစုကြည်သည် ရက်စက်ကြမ်းကြုတ်မှုများကို ဝေဖန်ပြစ်တင် ခဲ့ခြင်းမရှိပါ။ ဒေါ်အောင်ဆန်းစုကြည်ကဲ့သို့ပင် ငြိမ်းချမ်းရေးနိုဘယ်ဆု ရရှိခဲ့သူများက ယင်းအချက်ကို ထောက်ပြကြသည်။ ပါကစ္စတန်နိုင်ငံသူ လူ့အခွင့်အရေးတက်ကြွ လှုပ်ရှားသူ မာလာလာယူဆွတ်ဇိုင်က ဒေါ်အောင်ဆန်းစုကြည်ထံမှ ထွက်လာမည့်အသံကို ကမ္ဘာကြီးက စောင့်စားနေကြောင်း ပြောကြားခဲ့သည်။ တောင်အာဖရိကနိုင်ငံသား ဒက်စမွန်တူးတူးက ဒေါ်အောင်ဆန်းစုကြည်အနေဖြင့် ထပ်မံပြီး သတ္တိရှိကာ တွန်းလှန် လွန်မြောက်နိုင်ပါစေဟု ဆုတောင်းပေးခဲ့သည်။ သို့သော် ဒေါ်အောင်ဆန်းစုကြည်က သတင်း မှားများ ဖြန့်ချိနေမှုကိုသာ အပြစ်တင်ခဲ့ပြီး စက်တင်ဘာ အနှောင်းပိုင်းတွင်ပြုလုပ်မည့် ကုလသမဂ္ဂ အထွေထွေညီလာခံသို့ တက်ရောက်မည် မဟုတ်ကြောင်းကိုသာ ပြောကြားခဲ့သည်။

ပထမဆုံးရွာ စတင်မီးလောင်ပြီးနောက် ၂၅ ရက်အကြာ၌ ဒေါ်အောင်ဆန်းစုကြည်က ကမ္ဘာကြီးကို လှမ်းပြောသောအသံ ထွက်ပေါ်လာသည်။ မြန်မာနိုင်ငံမြို့တော် နေပြည်တော်တွင် တပ်မတော်အရာရှိများနှင့် နိုင်ငံခြား သံတမန်များရှေ့မှောက်၌ ဒေါ်အောင် ဆန်းစုကြည် ပြောကြားသောမိန့်ခွန်းကို ရုပ်မြင်သံကြားမှ တိုက်ရိုက်ထုတ်လွှင့်ခဲ့သည်။ ဒေါ်အောင်ဆန်းစုကြည်သည် တပ်မတော်ကို ဝေဖန်ခဲ့ခြင်း မရှိပေ။ ဘင်္ဂါလီမွတ်စလင်များထံသို့ သွားရောက်ရမည့်အစား ဒေါ်အောင်ဆန်းစုကြည်သည် နိုင်ငံတကာက ၀ိုင်းအော် နေမှုများကိုသာ မေးခွန်းထုတ်ခဲ့သည်။ သူက ရခိုင်ပြည်နယ်မှ ရွာများ မီးလောင်သည့် သတင်းများနှင့်ပတ်သက်၍ သူ၏အစိုးရအဖွဲ့အနေဖြင့် စိုးရိမ်မိကြောင်း၊ သို့သော် အတည်မယူမီ စွပ်စွဲမှုများနှင့် တန်ပြန်စွပ်စွဲမှုများကို ချိန်ဆရန်လိုကြောင်း ပြောကြားခဲ့သည်။ ဒေါ်အောင်ဆန်းစုကြည်က ပဋိပက္ခ ဖြစ်ပွားနေသော နေရာများထက် ငြိမ်းချမ်းနေသော နေရာများကို ပိုမိုအာရုံစိုက်သင့်ကြောင်း နိုင်ငံတကာအသိုင်းအ၀ိုင်းကို ပြောကြားခဲ့သည်။ “ရခိုင်ပြည်နယ်က မွတ်စလင်တွေ အများကြီးဟာ အလုံးအရင်းနဲ့ ထွက်ခွာသွား တဲ့သူတွေထဲ မပါဘူးဆိုတာ သိသူ သိပ်ကို နည်းပါတယ်”ဟု သူက ဆိုသည်။ “ကျွန်မအနေနဲ့ ကျွန်မတို့ပြဿနာတွေထဲက သိပ်ကို နည်းတဲ့ ပမာဏလောက်ပဲ မဖြစ်မနေ အာရုံ စိုက်နိုင်တာမို့ ကျွန်မတို့ရဲ့ သံတမန်အသိုင်း အ၀ိုင်းနဲ့တွေ့ရတာ ၀မ်းနည်းစရာပါ”ဟု လည်း ဒေါ်အောင်ဆန်းစုကြည်က ပြောကြားခဲ့သည်။ ဒေါ်အောင်ဆန်းစုကြည်၏ မိန့်ခွန်းသည် ပြစ်တင်ဝေဖန်မှုများနှင့် အလျင်အမြန် ရင်ဆိုင်ခဲ့ရသည်။ “သူ့မိန့်ခွန်းက လူမျိုးစုလိုက် သုတ်သင်မှုကို သကြားလာအုပ်နေတာပါ”ဟု လူ့အခွင့်အရေးဆိုင်ရာ စောင့်ကြည့်ရေး အဖွဲ့ (HRW) ၏ အလုပ်အမှုဆောင် ညွှန်ကြားရေးမှူး ကက်နက်ရို့သ်က ပြောကြားခဲ့သည်။

ယင်းသည် အိုင်ကွန်တစ်ဦး၏ ကျဆုံးခန်းဖြစ်သည်။ အမေရိကန်သည် ဒေါ်အောင်ဆန်းစုကြည်ကို သူ့နိုင်ငံအတွက် ကယ်တင်ရှင်အဖြစ်သာမက အရှေ့တောင်အာရှတွင် အကြမ်းမဖက် အာခံရဲသော စံပြပုဂ္ဂိုလ်အဖြစ်ပါ စံထားခဲ့သည်။ ကုလသမဂ္ဂကလည်း မြန် မာနိုင်ငံအတွက် ဒေါ်အောင်ဆန်းစုကြည်၏ ခေါင်းဆောင်မှုကို အမျှော်လင့်ကြီး မျှော်လင့်ခဲ့သည်။ ယခုအခါ ဒေါ်အောင်ဆန်းစုကြည်က ကွဲပြားခြားနားသော ဦးစားပေးမှုများကိုသာ ပြသခဲ့လေပြီ။ “သူဟာ သူ့ကိုယ်သူ အခုတော့ ပြောင်းလဲနေတဲ့ မြန်မာနိုင်ငံအတွင်းက နိုင်ငံရေး သရုပ်ဆောင်တစ်ဦးအဖြစ်ပဲ ပြသဖို့ သိပ်ကို စိတ်အားထက်သန်နေပါတယ်။ လူ့အခွင့်အရေးနဲ့ ပတ်သက်ပြီး မဖြစ်မနေ ပြောကြားပေးမယ့် အိုင်ကွန်တစ်ဦး မဟုတ်တော့ပါဘူး” ဟု သမ္မတ ဘာရက်အိုဘားမားလက်ထက်က လက်ထောက်အမျိုးသား လုံခြုံရေးအကြံပေးပုဂ္ဂိုလ် ဘင်ရုဒ်က ဆိုသည်။ “မြန်မာနိုင်ငံအတွင်းမှာ နိုင်ငံရေးပြုပြင်ပြောင်းလဲမှု လုပ်ရေးဆိုတဲ့ ရည်ရွယ်ချက်တစ်ခုနောက်ပဲ လိုက်တဲ့ သူဟာ အလွန်ရုပ်ဆိုးပြီး ကြေကွဲဖွယ်ကောင်းတဲ့ ဟာကွက်ကြီးကို ဖန်တီးခဲ့ပါတယ်”ဟုလည်း ၎င်းက ပြောကြားခဲ့သည်။

အမှန်တကယ်၌ ကျော်ဇောမှုဂုဏ်သတင်း ပျက်စီးသွားခြင်းထက် များစွာပိုသည်။ တက္ကဆက်ပြည်နယ်၏ လူဦးရေ နှစ်ဆခန့်ရှိပြီး အိန္ဒိယ၊ တရုတ်နှင့် ထိုင်းနိုင်ငံတို့အကြားတွင် ညပ်နေသည့် မြန်မာနိုင်ငံတွင် မတည်ငြိမ်မှုများသည် တပ်မတော်က အစိုးရ နေရာဝင်ယူပြီး ဒီမိုကရေစီပြုပြင်ပြောင်းလဲမှုများကို အဟောသိကံ ဖြစ်သွားစေခြင်းဆီသို့ ဦးတည်သွားစေနိုင်သည်။ အကြမ်းဖက်သမားများကလည်း မွတ်စလင်များအပေါ် နှိပ်ကွပ်မှုကို ၎င်းတို့အတွက် လူသစ်စုဆောင်းရေး လက်နက်အဖြစ် အသုံးပြုသွားနိုင်သည်။ အယ်ကေးဒါး အကြမ်းဖက်သမားများသည် ဘင်္ဂါလီမွတ်စလင်များအပေါ် အကြမ်းဖက်မှုအတွက် အပြစ်ပေးရမည်ဟုပင် ခြိမ်းခြောက်နေနှင့်ခဲ့ပြီးဖြစ်သည်။ မြောက်ကိုရီးယားနှင့် ဆက်လက်ဆက်ဆံပါက အဆက်အသွယ် ဖြတ်တောက်ပစ်မည်ဟု အမေရိကန်က မြန် မာတပ်မတော်ကို ဖိအားပေးခဲ့ဖူးသည်။ ယခုအခါတွင် တရုတ်က ရခိုင်ပြည်နယ်တွင် ဘင်္ဂလားပင်လယ်အော်သို့ လုံခြုံစွာ ၀င်ရောက်နိုင်ရေး မဟာဗျူဟာအပြင် စီးပွားရေး အကျိုးအမြတ်များအတွက် မြန်မာနိုင်ငံကို လိုလားနေသည်။ သိန်းပေါင်းများစွာသော လူတို့၏အသက်သည် တစ်ချိန်က လေးစား ကြည်ညိုမှုခံရသည့် ဒေါ်အောင်ဆန်းစုကြည် တစ်ယောက် ပိုမိုခိုင်မာစွာ ရပ်တည်လာမည်လားဟူသည့်အ ချက်အပေါ် မူတည်၍နေနိုင်သည်။

ဒီမိုကရေစီသို့သွားရာလမ်းသည် ရှုပ်ထွေးပွေလီတတ်ပေသည်။ မြန်မာဗဟိုအစိုးရ နှင့် မြောက်မြားလှစွာသော တိုင်းရင်းသားအုပ်စုများအကြား ရေရှည်ပဋိပက္ခတို့အပြင် ဒေါ်အောင်ဆန်းစုကြည်သည် ဖွဲ့စည်းပုံအခြေခံဥပဒေဆိုင်ရာ အပြောင်းအလဲများနှင့်ပတ် သက်၍ ဗီတိုအာဏာရထားသော တပ်မတော် ဗိုလ်ချုပ်ကြီးများသာမက သြဇာမြင့်တက်လာနေသော အမျိုးသားရေးဝါဒီ ဗုဒ္ဓဘာသာဝင်များ၏ ဖိအားများအောက်သို့ ကျရောက်နေသည်။ “အမေရိက ပထမ” ဟူသည့် နိုင်ငံခြားရေးမူဝါဒကို ကိုင်စွဲလာသော ထရန့် အစိုးရအနေဖြင့် ယခုပဋိပက္ခအား မည်သို့မည်ပုံ ကိုင်တွယ်မည်ကို ဆုံးဖြတ်ရမည်ဖြစ်သည်။ အမေရိကန်ကွန်ဂရက်တွင် ဥပဒေပြုအမတ်အချို့က မြန်မာနိုင်ငံအပေါ် ပိတ်ဆို့မှုများ ချမှတ်ရန်နှင့် အိုဘားမားလက်ထက်က ခွင့်ပြုထားသော စစ်ဘက်ဆိုင်ရာ ကန့်သတ် ဆက်ဆံရေးကို အဆုံးသတ်ရန် လိုလားနေကြသည်။ ကုလသမဂ္ဂလုံခြုံရေးကောင်စီက မြန်မာနိုင်ငံနှင့်ပတ်သက်၍ ရှားရှားပါးပါး ကြေ ညာချက်တစ်ရပ် ထုတ်ပြန်ရာတွင် အကြမ်းဖက်မှုကို အပြစ်တင်ခဲ့သော်လည်း တရုတ်က ဗီတိုအာဏာ သုံးစွဲဖွယ်ရှိသောကြောင့် မြန်မာတပ်မတော်ကို ပြစ်တင်ကြိမ်းမောင်းရန် ကိစ္စမှာ မဖြစ်နိုင်ပေ။ မြန်မာနိုင်ငံမှ ဘင်္ဂါလီမွတ်စလင်များ ထွက်ပြေးရမှုသည်ကား ဆက်လက် ဖြစ်ပေါ်နေဦးမည်သာ။

(Time မဂ္ဂဇင်းတွင် စက်တင်ဘာ ၂၁ ရက်က ဖော်ပြသော Elizabeth Dias ၏ Will the Rohingya Exodus Be Aung San Suu Kyi’s Fall From Grace?  ဆောင်းပါး ပထမပိုင်းကို ပြန်ဆိုထားခြင်းဖြစ်ပြီး မူရင်း၌ ဘင်္ဂါလီမွတ်စလင်အစား ရိုဟင်ဂျာဟု ဖော်ပြထားပါသည်)

ငွေကျပ် ၃၀၀၊ ပုဒ်မ ၃၇၉ နဲ့ ကလေးသုံးဦးရဲ့ ကံကြမ္မာ

အလှူခံပုံးထဲမှ ကျပ် ၃၀၀ အား ကလေးသုံးဦးက ထုတ်ယူမှုဖြစ်ပွားခဲ့သည့် တောင်ဒဂုံမြို့နယ်ရှိ အောင်ဗောဓိ ဆုတောင်းပြည့်စေတီတော် အ၀င်မုခ်ဦးကို တွေ့ရစဉ်

ဒဂုံမြို့သစ်(တောင်ပိုင်း) က အထက်တန်းကျောင်း တစ်ကျောင်းမှာ အသက် ၁၄ နှစ်အရွယ် ခုနစ်တန်း ကျောင်းသားလေးတစ်ယောက် ကျောင်းဆင်းလာပုံက ပြုံးပျော်ပြီး ပေါ့ပါးလန်းဆန်းနေတာကို တွေ့ရပါတယ်။

ဒီကျောင်းသားလေးကို လာကြိုတဲ့ မိဘနှစ်ယောက်ရဲ့ မျက်နှာမှာလည်း ကျေနပ်ပီတိဖြစ်နေတာကို သူတို့ရင်ထဲအထိ မမြင်ရပေမယ့်ကြည့်ရုံနဲ့ သိနိုင်ပါတယ်။ ကျောင်းသားလေးက သူ့မိဘတွေရဲ့ လက်ကိုဆွဲရင်း ပျော်ရွှင်မြူးထူးစွာနဲ့ အိမ်ပြန်သွားပုံက မြင်ရသူတိုင်းအတွက်တော့ ကြည်နူးစရာပုံရိပ်တွေပါ။

“ဒီနေ့ (စက်တင်ဘာ ၂၂ ရက်) ကျောင်းပြန်တက်ရလို့ သားပျော်ပါတယ်” လို့ အသက် ၁၄ နှစ်အရွယ် ခုနစ်တန်းကျောင်းသားလေးက ဆိုပါတယ်။ ဒါ့အပြင် သူ့အနေနဲ့ မိဘတွေနဲ့ ပြန်နေရတဲ့အတွက်လည်း ပျော်တယ်လို့လည်း ဆိုပါတယ်။

မိဘတွေအနေနဲ့ကလည်း အိမ်မှာ သူတို့သားလေးရဲ့ အသံကို ပြန်ကြားရတဲ့အတွက် စိတ်ချမ်းသာနေကြပါတယ်။

“ကလေးက ကျောင်းတက်ရတာကို ပျော်နေတာကြည့်ပြီး ကျွန်တော်စိတ်ချမ်းသာရတယ်” လို့ အသက် ၁၄ နှစ်အရွယ် ခုနစ်တန်း ကျောင်းသားလေးရဲ့ ဖခင်ဖြစ်သူက ပြောပါတယ်။

ဒီအသက် ၁၄ နှစ်အရွယ် ခုနစ်တန်း ကျောင်းသားလေးနဲ့ သူ့မိဘတွေက ဘာကြောင့်ပျော်နေရလဲဆို တဲ့နောက်ကွယ်မှာ ထိတ်လန့်အံ့သြဖို့ကောင်းတဲ့ ဇာတ်လမ်းက ရှိနေပါတယ်။

ပြီးခဲ့တဲ့ စက်တင်ဘာ ၁၃ ရက်က သူတို့ မိသားစုဘ၀ထဲကို ထင်မှတ်မထားတဲ့ ကြမ္မာဆိုးကြီးတစ်ခုက ၀င်လာပါတယ်။ အသက် ၁၄ နှစ်အရွယ် ခုနစ်တန်းကျောင်းသားလေးက သူ့ရဲ့ညီအစ်ကို ၀မ်းကွဲတွေဖြစ်တဲ့ အသက် ၁၀ နှစ်အရွယ် သုံးတန်းကျောင်းသားလေးနဲ့ အသက် ၁၃ နှစ်အရွယ် ငါးတန်းကျောင်းသားတွေနဲ့အတူ ကျူရှင်ကအပြန်မှာ မိုးရေထဲ ထွက်ဆော့ရင်း တောင်ဒဂုံမြို့နယ်ထဲက အောင်ဗောဓိဘုရားဝင်းထဲကို ရောက်ခဲ့ကြပါတယ်။

ဘုရားဝင်းထဲမှာ ညီအစ်ကို သုံးဦး ဆော့ကစားရင်း အလှူခံပုံးရဲ့ အ၀မှာ တစ်နေတဲ့ ငွေကျပ် ၃၀၀ ကို အမွှေးတိုင်တုတ်နဲ့ ကလော်ထုတ်ပြီး မုန့်စားကြဖို့ လုပ်နေတုန်းမှာ ဘုရားဂေါပကအဖွဲ့ကနေ ဖမ်းဆီးခဲ့တာဖြစ်တယ်လို့ သိရပါတယ်။

“စက်တင်ဘာ ၁၃ ရက်မှာ ကလေးသုံးယောက်က ကျူရှင်ကအပြန် အောင်ဗောဓိဘုရားဝင်းထဲမှာ သွားဆော့ကြတာ။ အဲဒီအချိန်မှာ လူတစ်ယောက်က အလှူခံပုံးထဲကို ပိုက်ဆံထည့်လိုက်တဲ့အချိန်မှာ ပိုက်ဆံက မကျသွားဘူး။ အဲဒီလို မကျတော့ ကလေးတွေက ကလေးသဘာဝအရ အမွှေးတိုင်တုတ်နဲ့ ကလော်ပြီး မုန့်စားကြမယ်ဆိုပြီး လုပ်ကြရော။ အဲဒါကို CCTV ကနေ ဂေါပကအဖွဲ့ကမြင်သွားပြီး ကလေးတွေကို အုပ်ချုပ်ရေးမှူးရုံးကို ခေါ်သွားတယ်” လို့ အသက် ၁၄ နှစ်အရွယ် ခုနစ်တန်းကျောင်းသားလေးရဲ့ ဖခင်ဖြစ်သူက ပြန်ပြောပြပါတယ်။။

အဲဒီနောက်မှာတော့ ကလေးတွေကို အုပ်ချုပ်ရေးမှူးရုံးကနေ ဧရာဝဏ်ရဲစခန်းကို ပို့လိုက်တဲ့အတွက် မိဘတွေ လိုက်သွားချိန်မှာတော့ နောက်နေ့ပြန်လာဖို့ ပြောပြီး မိဘတွေကို ပြန်လွှတ်လိုက်တယ်လို့ သိရပါတယ်။

နောက်တစ်နေ့ ဧရာဝဏ်ရဲစခန်းကို မိဘတွေရောက်တဲ့အခါမှာ အဲဒီစခန်းက ရဲတပ်ဖွဲ့ဝင်က တောင်ဒဂုံမြို့မရဲစခန်းကို ခေါ်သွားတယ်လို့ ကလေးမိဘတွေက ဆိုပါတယ်။

“မြို့မရဲစခန်းကိုရောက်တော့ စခန်းမှူးက နာနတ်တော ကလေးထိန်းသိမ်းရေးကျောင်းကို ဖုန်းဆက်တယ်။ ဒါပေမဲ့ အဲဒီကျောင်းက ကလေးတွေက ကျောင်းသားတွေ ဖြစ်တဲ့အတွက် လက်သင့်မခံတဲ့ အတွက်ကြောင့် စခန်းမှူးကလည်း သနားသောအားဖြင့် ကလေးတွေက ကျောင်းသားလည်းဖြစ်နေလို့ ခံဝန်ကတိထိုးခိုင်းပြီးမှ ကလေးတွေကို ပြန်ခေါ်သွားခိုင်းတယ်။ ကျွန်တော်တို့ကိုယ်တိုင် လက်မှတ်ထိုးခဲ့ရပါတယ်” လို့  အသက် ၁၄ နှစ်အရွယ် ခုနစ်တန်းကျောင်းသားလေးရဲ့ ဖခင်ဖြစ်သူက ပြောပါတယ်။

အဲဒီလို တောင်ဒဂုံမြို့မရဲစခန်းမှ စခန်းမှူးကနေ ကလေးတွေနဲ့ မိဘတွေကို ခံဝန်ထိုးခိုင်းပြီး လွှတ်ခဲ့ပေမယ့် အိမ်ရောက်လို့ သိပ်မကြာခင်မှာပဲ ရဲစခန်းက ပြန်လာခေါ်သွားတယ်လို့ သိရပါတယ်။

ဒီကိစ္စနဲ့ ပတ်သက်လို့ အဲဒီနေ့က ကြုံတွေ့ခဲ့ရတဲ့ အဖြစ်အပျက်တွေကို အမှုဖွင့်ခံထားရတဲ့ အသက် ၁၀ နှစ်အရွယ် သုံးတန်းကျောင်းသားနဲ့ အသက် ၁၃ နှစ်အရွယ် ငါးတန်းကျောင်းသားတွေရဲ့ မိခင်ကလည်း အခုလို ပြောပြပါတယ်။

“ကလေးတွေကို လွှတ်ပေးပြီးတော့ ၁၀ မိနစ်တောင် မကြာဘူး။ ပြန်ဖမ်းသွားတယ်။ နယ်ထိန်းကျော် ကျော်ခိုင်ကလာပြီး ပြန်ခေါ်သွားတာ။ အဲဒါနဲ့ ကျွန်မတို့က တောင်ဒဂုံမြို့မရဲစခန်းကို လိုက်သွားတော့ စခန်းမှူးကြီးက ဦးနိုင်ဦးဆီကို သွားတောင်းပန်ဖို့ ပြောတဲ့အတွက် ကျွန်မတို့က သွားတောင်းပန်ဖို့ လုပ်ပါတယ်။ ဦးနိုင်ဦးအိမ်ကို လိုက်သွားတော့ သူ့သားလေးက အပြင်သွားလို့ ခဏစောင့်ပါဆိုပြီး ပြောပါတယ်။ စောင့်နေတုန်း သူ့သားလေးက လာပြီးတော့ အဖေက ပြောလိုက်တယ်။ ဇဗ္ဗူရတနာဘုန်းကြီးကျောင်းသွားပြီး ဆရာတော်ကြီးဆီက ကျေအေးစာရမှ အမှုကျေအေးပေးမယ်လို့ ပြောပါတယ်”  လို့ သူက ဆိုပါတယ်။

အောင်ဗောဓိဘုရားဝင်းထဲက အလှူခံပုံးထဲကနေ ပိုက်ဆံသုံးရာကျပ်ကို ခိုးယူတယ်လို့ဆိုပြီး ကလေးသုံးဦးကို ဘုရားဂေါပက အဖွဲ့ဝင်တစ်ဦးက တရားလိုပြုလုပ်ပြီး တောင်ဒဂုံမြို့မရဲစခန်းမှာ တိုင်တန်းခဲ့တယ်လို့ သိရပါတယ်။ ဒီလို တိုင်တန်းမှုကြောင့် တောင်ဒဂုံမြို့မရဲစခန်းကနေ ကလေးငယ်သုံးဦးကို (ပ) ၁၇၂၆/၂၀၁၇၊ ရာဇသတ်ကြီး ပုဒ်မ ၃၇၉ နဲ့ အမှုဖွင့်ထားတယ်လို့ သိရပါတယ်။

အမှုဖွင့်ခံရတဲ့ ကလေးငယ်သုံးဦးထဲက အသက် ၁၄ နှစ်အရွယ် ခုနစ်တန်းကျောင်းသားလေးက တောင်ဒဂုံမြို့နယ်ထဲက အထက်တန်းကျောင်းတစ်ကျောင်းမှာ တက်နေတာဖြစ်ပြီး အသက် ၁၃ နှစ်အရွယ် ငါးတန်းကျောင်းသားလေးနဲ့ အသက် ၁၀ နှစ်အရွယ် သုံးတန်းကျောင်းသားလေးတွေကတော့ တောင်ဒဂုံမြို့နယ်ထဲက ဘုန်းတော်ကြီး စာသင်ကျောင်းတွေမှာ ကျောင်းတက်နေတာ ဖြစ်ပါတယ်။

ကလေးငယ် သုံးဦးကို စက်တင်ဘာ ၁၃ ရက်က ဧရာဝဏ်ရဲစခန်း၊ စက်တင်ဘာ ၁၄ ရက်ကနေ ၁၇ ရက် အထိ တောင်ဒဂုံမြို့မရဲစခန်းမှာ ထိန်းသိမ်းထားခဲ့ပြီး စက်တင်ဘာ ၁၈ ရက်မှာတော့ သန်လျင်လူငယ် လေ့ကျင့်ရေးကျောင်းကို ပို့လိုက်တယ်လို့ ကလေးမိဘတွေက ပြောပါတယ်။

ဒီလို ကျောင်းတက်နေတဲ့ ဆယ်ကျော်သက်အရွယ် ကလေးသူငယ်တွေကို ငွေကျပ် ၃၀၀ ခိုးယူတယ်      ဆိုပြီး ရာဇသတ်ကြီး ပုဒ်မ ၃၇၉ နဲ့ အမှုဖွင့်ခဲ့တဲ့ အပေါ်မှာ ဝေဖန်မှုတွေက ကျယ်လောင်စွာ ထွက်လာပါတယ်။

“ဘာမှ မဟုတ်တဲ့ ပိုက်ဆံလေးနဲ့ အခုလိုမျိုး ပုဒ်မ ၃၇၉ တပ်ပြီး အမှုဖွင့်ထားတာကတော့ ကျွန်မအနေနဲ့ မဖြစ်သင့်ဘူးလို့ မြင်တယ်။ နောက်ပြီး ကလေးတွေကလည်း ခိုးဝှက်နေတဲ့ ကလေးတွေ မဟုတ်ဘူး။ ကလေး သဘာဝအလျောက် တစ်ခါတလေ မှားသွားတဲ့အတွက်ကြောင့် မိဘတွေကို ခံဝန်ထိုးခိုင်းပြီး ကလေးတွေကို ပြန်အပ်သင့်တယ်။  ကလေးတွေကိုလည်း ပြောဆိုဆုံးမလို့ရတဲ့ အနေအထားလည်း လုပ်လို့ ရနေတာပဲ” လို့ ရန်ကုန်တိုင်းဒေသကြီး၊ လူမှုဝန်ထမ်းရုံး ကလေးသူငယ်ကြီးကြပ်ရေးမှူး ဒေါ်ချိုချိုမာက ဆိုပါတယ်။

တောင်ဒဂုံအမှတ်(၁) မဲဆန္ဒနယ် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးညီညီကတော့ ကလေးတွေရဲ့ အရွယ်နဲ့ ပုဒ်မနဲ့က မျှတရဲ့လားဆိုတာကို မေးခွန်းထုတ်လိုက်ပါတယ်။

“အခုဖြစ်စဉ်အပေါ်မှာ ဆရာမ အနေနဲ့ဆို ကလေးကိုရိုက်တော့ ရိုက်လိုက်မယ်။ အခု သူတို့ပြောတာက ကလေးယူတာကို မြင်တယ်လို့ ပြောတာကို။ အဲဒီလို မြင်တယ်ဆို ရိုက်လိုက်မယ်။ သူတို့ ချုပ်မယ်ဆိုလည်း တစ်ညပေါ့။ သူတို့ ခေါ်ပြီးသွားပြီလေ။ ပြီးလောက်ပြီလို့ပဲ ထင်တာပေါ့။ ဒီလောက်အထိတော့ မလုပ်သင့်ဘူးလို့ ထင်တယ်။ ဘာဖြစ်လို့လဲဆိုတော့ ပိုက်ဆံက အများကြီးလည်း မဟုတ်ဘူး။ ကလေးတွေက ညနေစောင်းဆိုတော့ ဆာလို့လည်း ဖြစ်ချင်ဖြစ်မှာပေါ့။ ပြီးတော့ ပိုက်ဆံကလည်း သုံးရာတည်းနဲ့။ ကိုယ့်ကလေးဆိုတော့ စိတ်မကောင်းဖြစ်မိတယ်” လို့အသက် ၁၄ နှစ်အရွယ် ခုနစ်တန်း ကျောင်းသားရဲ့ ဆရာမတစ်ဦးက သူ့အမြင်ကို ပြောပါတယ်။

ကလေးတွေကို ခံဝန်ကတိနဲ့ ပြန်လွှတ်ပေးပြီးတော့မှ ပြန်လည်ဖမ်းဆီးပြီး ပုဒ်မတပ်အမှုဖွင့်တဲ့အပေါ်မှာ ကျေနပ်မှုမရှိတဲ့အတွက် တောင်ဒဂုံလွှတ်တော်ကိုယ်စားလှယ် ဦးညီညီက ရန်ကုန်တိုင်းဝန်ကြီးချုပ်၊ လွှတ်တော်ဥက္ကဋ္ဌ၊ လုံခြုံရေးနဲ့ နယ်စပ်ရေးရာဝန်ကြီးနဲ့ လူမှုရေးဝန်ကြီးတွေဆီကို စက်တင်ဘာ ၁၉ ရက်တုန်းက စုံခုံဖွဲ့ပြီး စစ်ဆေးဆောင်ရွက်ပေးဖို့ စာတင်ခဲ့တယ်လို့ သိရပါတယ်။

“ဒီအမှုကိစ္စနဲ့ ပတ်သက်လို့ဝန်ကြီးချုပ်ဆီကို စက်တင်ဘာ ၁၉ ရက်က ကျွန်တော်စာတင်ပြီးသွားပါပြီ။ လွှတ်တော်ဥက္ကဋ္ဌဆီ စာတင်ထားပါတယ်။ လုံခြုံရေးနဲ့ နယ်စပ်ရေး ရာဝန်ကြီးဆီကို ကျွန်တော် စာတင်ထားပါတယ်။ လူမှုရေးဝန်ကြီးဆီကို တင်ထားပါတယ်။ ကျွန်တော်ပါဝင်တဲ့ လွှတ်တော်လူမှုရေးရာနဲ့ စီမံခန့် ခွဲရေးကော်မတီကိုလည်း တင်ထားပါတယ်။ အဲဒီလိုမျိုး ကျွန်တော်တင်လိုက်လို့ စုံစမ်းစစ်ဆေးတဲ့ဟာတွေက ထူးခြားလာတာပါ။ ကျွန်တော် စာတင်တဲ့အခါမှာ ဒီကိစ္စကို စုံခုံစစ်ဆေးပေဖို့ တင်ခဲ့ပါတယ်။ ဘာကြောင့် တင်လဲဆိုတော့ အဲဒီဖိအားပေးမှုတွေ ပေါ်ပေါက်လာအောင်လို့ ဖြစ်ပါတယ်။ ကျွန်တော် ဒီလိုမျိုး စက်တင်ဘာ ၁၉ ရက် မနက်ပိုင်းမှာ စာတင်လိုက်တာနဲ့ အစိုးရပိုင်းလူကြီးတွေက ချက်ချင်းဆိုသလို အဲဒီနေ့ ညနေပိုင်းမှာပဲ အဲဒီကိစ္စကို စုံခုံစစ်ဆေးပါတယ်။ အခုဆိုရင် အဖြေတစ်ခုလောက် ထွက်နေပြီလို့ ကျွန်တော် ထင်ပါတယ်” လို့ ဦးညီညီက ပြောပါတယ်။

ရာဇသတ်ကြီး ပုဒ်မ ၃၇၉ မှာ “မည်သူမဆို ခိုးမှုကျူးလွန်လျှင် ထိုသူကို သုံးနှစ်အထိ ထောင်ဒဏ်တစ် မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်” လို့ ဖော်ပြထားပါတယ်။

ဒီလိုခိုးမှုနဲ့ အမှုဖွင့်ခံထားရတဲ့ ကလေးငယ်သုံးဦးအနေနဲ့ ရပ်ကွက်ထဲမှာ ဘယ်တုန်းကမှ ဒီလိုမျိုးကိစ္စမျိုးကို လုပ်ဆောင်ဖူးတာ မရှိခဲ့တဲ့အတွက် အမှုကျေအေးပေးဖို့ ကလေးမိဘတွေက မျှော်လင့်နေကြပါတယ်။

“ဒီဖြစ်စဉ်နဲ့ ပတ်သက်လို့ ပြောချင်တာကတော့ ကလေးတွေက တစ်ခါမှ ပြစ်မှုလည်း မရှိဘူး။ တစ်ခါမှလည်း ဒီလိုမျိုး မလုပ်ဖူးဘူး။ မလုပ် ဖူးတဲ့အတွက် ဒီကလေးတွေကို အမှုကနေ ကျေအေးပေးဖို့ တောင်းပန်ချင်ပါတယ်” လို့ အသက် ၁၀ နှစ်အရွယ် သုံးတန်းကျောင်းသားနဲ့အသက် ၁၃ နှစ်အရွယ် ငါးတန်းကျောင်းသားတွေရဲ့ မိခင်က ပြောပါတယ်။

ကလေးမိဘတွေအနေနဲ့ သွားရောက်တောင်းပန်ပေမယ့် ဂေါပက လူကြီးက အတွေ့မခံတဲ့အတွက် အခက်အခဲ ဖြစ်နေတယ်လို့လည်း ကလေးမိဘတွေရဲ့ ပြောဆိုချက်တွေအရ သိရပါတယ်။

“ကျွန်မတို့ လက်အုပ်ချီပြီး ရှိခိုးမတတ် တောင်းပန်ပါတယ်။ အမှုဖွင့်ခံထားရတဲ့ ကလေးတွေရဲ့ အသက် ၈၀ အရွယ် ဘိုးအေတွေတောင် ပါပါတယ်။ ဒါကို သူတို့က ထွက်တောင်မတွေ့ဘူး” လို့  အသက် ၁၄ နှစ်အရွယ် ခုနစ်တန်းကျောင်းသားရဲ့ မိခင်ဖြစ်သူက ပြောပါတယ်။

ဒီလို ကလေးငယ်သုံးဦး အမှု ဖွင့်ခံရတာနဲ့ ပတ်သက်လို့ မိဘတွေသာမက ဆရာ၊ ဆရာမတွေကလည်း ကလေးတွေ ပြန်လည်လွတ်မြောက်နိုင်ဖို့အတွက် အားတက်သရော လိုက်လံကူညီမှုတွေ ပြုလုပ်ခဲ့ပါတယ်။

ကျပ် ၃၀၀ ခိုးယူသည်ဟုဆိုကာ ကလေးငယ်သုံးဦးအား ထိန်းသိမ်းခဲ့သော သန်လျင်လူငယ်သင်တန်းကျောင်းအား တွေ့ရစဉ်

“ကျောင်းအုပ်ဆရာကြီးကတော့ တောက်လျှောက်လိုက်ကူညီပေးနေတယ်။ စဖြစ်တုန်းကလည်း သိသိချင်း ဆရာကြီးက ရဲစခန်းကို သွားပြီးသွားပြီ။ မြို့နယ်မှူးနဲ့လည်း တွေ့ပြီးသွားပြီ။ ကလေးက စာရိတ္တ ကောင်းမွန်ကြောင်း ထောက်ခံချက်ကိုလည်း ထောက်ခံချက်ရေးပေးခဲ့တာ နှစ်ခါရှိပြီ။ ကျောင်းမှာ စာရိတ္တ ပျက်ပြားခြင်းမရှိကြောင်းကိုလည်း ပြောပြပြီးသွားပြီ”  လို့ အသက် ၁၄ နှစ်အရွယ် ခုနစ်တန်းကျောင်းသားရဲ့ ဆရာမတစ်ဦးက ဆိုပါတယ်။

လာမယ့် စက်တင်ဘာ ၂၆ ရက်ကနေ အောက်တိုဘာ ၃ ရက်အထိ ပထမနှစ်ဝက် စာမေးပွဲတွေရှိနေတဲ့ အတွက်အမှုဖွင့်ခံထားရတဲ့ ကလေးငယ်တွေ စာမေးပွဲဖြေဆိုခွင့်ရနိုင်ဖို့ တောင်ဒဂုံ လွှတ်တော်ကိုယ်စားလှယ် ဦးညီညီ၊ ရန်ကုန်တိုင်းလူမှုဝန်ထမ်းရုံးမှ ကလေးသူငယ်ကြီးကြပ်ရေးမှူး ဒေါ်ချိုချိုမာနဲ့ ကျောင်းဆရာ၊ ဆရာမတွေက စုပေါင်းပြီး ကြိုးပမ်းဆောင်ရွက်ခဲ့ကြပါတယ်။

“ကျွန်မတို့ လူမှုဝန်ထမ်းအနေနဲ့ကတော့ အခုကလေးတွေက စာမေးပွဲဖြေရတော့မယ်ဆိုတော့ ကျွန်မကနေ သန်လျင်လူငယ်သင်တန်းကျောင်းက ဒုကျောင်းအုပ်နဲ့ ဖုန်းပြောဖြစ်တယ်။ ကလေးတွေ စာမေးပွဲဖြေရမယ်လို့ ပြောတော့ရတယ်။ ကျောင်းထောက်ခံစာသာ ယူခဲ့ပါ။ သူတို့အနေနဲ့ ကလေးတွေကို ခွင့်ပေးပါ့မယ်လို့ ပြောပါတယ်” လို့ ရန်ကုန်တိုင်းလူမှုဝန်ထမ်းရုံးမှ ကလေးသူငယ်ကြီးကြပ်ရေးမှူး ဒေါ်ချိုချိုမာက ဆိုပါတယ်။

ဒီလို ဆောင်ရွက်ပေးမှုကြောင့် သန်လျင်လူငယ်သင်တန်းကျောင်းမှာ ထိန်းသိမ်းခံထားရတဲ့ ကလေးသူငယ်သုံးဦးရဲ့ စာမေးပွဲဖြေဆိုခွင့်ကို ခွင့်အဖြစ်နဲ့ ခွင့်ပြုပေးလိုက်တယ်လို့ သန်လျင်လူငယ်သင်တန်းကျောင်းမှ ကျောင်းအုပ် ဦးညီညီစိုးက ပြောပါတယ်။

“ကလေးသူငယ်တွေရဲ့ အခွင့် အရေးအရသူတို့မှာ အခွင့်အရေး လေးရပ်ရှိတယ်။  ရှင်သန်နိုင်ခွင့်၊ ဖွံ့ဖြိုးတိုးတက်ပိုင်ခွင့်၊ ကာကွယ်စောင့်ရှောက်ခံပိုင်ခွင့်ရယ်၊ ပါဝင်ဆောင်ရွက်ခွင့်ဆိုတဲ့ အခွင့်အရေး လေးရပ်ရှိတယ်။ အဲဒီအထဲကမှ ဖွံ့ဖြိုးတိုးတက်ပိုင်ခွင့်ဆိုတဲ့ အခွင့်အရေး တစ်ရပ်အနေနဲ့ ဒီကလေးတွေ ဖွံ့ဖြိုးတိုးတက်ဖို့အတွက် တစ်စိတ်တစ်ပိုင်းအနေနဲ့ ပညာရေးကလည်း ပါပါတယ်။ ပါတဲ့အတွက် ဒီကလေးတွေက စာမေးပွဲဖြေဆိုရမယ့် ကာလအတွင်းမှာ စာမေးပွဲကို ဖြေဆိုနိုင်ပြီဆိုမှသာ သူတို့ရဲ့ ဘ၀တိုးတက်ခွင့်ဆိုတဲ့ အခွင့်အရေးက သူတို့အနေနဲ့ ပြည့်ပြည့်စုံစုံရမှာ ဖြစ်ပါတယ်။ အဲဒီအတွက် ကျွန်တော်တို့က လွှတ်တော်ကိုယ်စားလှယ်တွေရော၊ တိုင်းလူမှုဝန်ထမ်းရုံးကနေရော လာပြီးတော့မှ ကျွန်တော်တို့ ကျောင်းက ၀န်ထမ်းတွေနဲ့ ပူးပေါင်းပြီး လုပ်တဲ့သဘောပါ။ ကျွန်တော်တို့ဘက်ကတော့ ကလေးသူငယ် ဥပဒေမှာလည်း ဒါကပါပြီးသား ဖြစ်ပါတယ်။ အရေးပေါ်ထွက်ခွာခွင့်ဆိုတဲ့ ခွင့်အမျိုးအစားပေးလို့ ရပါတယ်။ ပေးလို့ရတဲ့အတွက် ဥပဒေဘောင်ထဲကနေပဲ မိဘတွေက ဒီကလေးတွေရဲ့ ဖွံ့ဖြိုးတိုးတက်ခွင့်အရ စာမေးပွဲဖြေဆိုဖို့ဆိုတဲ့ လျှောက်လွှာလေးတင်လာတဲ့အတွက် ကျွန်တော်တို့ဘက်က ခွင့်ပြုပေးလိုက်သဘောပါ။ ခွင့်ပြုပေးလိုက်တဲ့ရက်က စက်တင်ဘာ ၂၁ ရက်ကနေ စာမေးပွဲပြီးမယ့် အောက်တိုဘာ ၃ ရက် အထိ ခွင့်ပြုပေးလိုက်ပါတယ်” လို့ ဦးညီညီစိုးက ဆိုပါတယ်။

လက်ရှိအချိန်မှာ ကလေးသုံး ဦးလုံးက မိဘတွေရဲ့ ရင်ခွင်ရိပ်ကို ပြန်လည်ခိုလှုံခွင့်ရနေပေမယ့် ဒါက စာမေးပွဲဖြေဆိုချိန်အထိသာဖြစ်ပြီး စာမေးပွဲပြီးတာနဲ့ သန်လျင်လူငယ်သင်တန်းကျောင်းကို ပြန်ပို့ပေးရမှာ ဖြစ်ပါတယ်။ ဒီလိုမျိုး သန်လျင်လူငယ်သင်တန်းကျောင်းကို မပို့ချင်ဘူးဆိုရင်တော့ လာမယ့်စက်တင်ဘာ ၂၉ ရက် တရားရုံးချိန်းမှာ ကလေးတွေအတွက် အာမခံရအောင် လုပ်ပေးဖို့ လိုနေပါတယ်။

“စာမေးပွဲဖြေဆိုဖို့ခွင့်ပေးထားတဲ့ အချိန်အတွင်းမှာ ကလေးတွေအတွက် အာမခံရခဲ့ရင်တော့ ကျွန်တော်တို့ သင်တန်းကျောင်းကို ပြန်ပို့စရာမလိုပါဘူး။ အာမခံရကြောင်း စာရွက်စာတမ်း အထောက်အထားလေးကို ကျွန်တော်တို့ဆီပို့ပေးရင် ရပါတယ်” လို့ သန်လျင်လူငယ်သင်တန်းကျောင်းမှ ကျောင်းအုပ်ဦး ညီညီစိုးက ပြောပါတယ်။

လက်ရှိ ကလေးသူငယ် သုံးဦးရဲ့ ဖြစ်စဉ်ကို ကြည့်မယ်ဆိုရင် အလှူခံပုံးထဲက ငွေကျပ် ၃၀၀ ယူမိတဲ့အပေါ်မှာ ထောင်ဒဏ်သုံးနှစ်အထိ ချလို့ရတဲ့ပုဒ်မနဲ့ အမှုဖွင့်ခံထားရတာကို တွေ့ရမှာဖြစ်ပါတယ်။

ဒီလို ကလေးသူငယ်တွေအပေါ် ဘုရားဂေါပကအဖွဲ့အနေနဲ့ ပုဒ်မတပ်ပြီး တရားစွဲဆိုတဲ့အပေါ်မှာ ဝေဖန်မှုတွေများစွာ ထွက်ပေါ်လာခဲ့ပြီး နောက်ဆုံးသိရတဲ့ သတင်းတွေအရ ဆန္ဒပြဖို့အထိ စီစဉ်မှုတွေ ရှိနေတယ်လို့ တောင်ဒဂုံလွှတ်တော် ကိုယ်စားလှယ်ဦးညီညီက ဆိုပါတယ်။

“တောင်ဒဂုံက ပြည်သူတွေဟာ ဒီကလေးတွေကိစ္စနဲ့ ပတ်သက်လို့ ဆန္ဒထုတ်ဖော်ဖို့ ကြိုးစားနေပါတယ်” လို့ သူက ပြောပါတယ်။

ကလေးသူငယ်ဥပဒေမှာ အသက် ၁၆ နှစ် မပြည့်သေးတဲ့သူတွေကို ကလေးသူငယ်လို့ သတ်မှတ်ထားပါတယ်။ တကယ်တော့ ကလေးသူငယ်ဆိုတာ နိုင်ငံရဲ့ အနာဂတ်တွေ ဖြစ်သလို နိုင်ငံရဲ့ ခေါင်းဆောင်တွေလည်း ဖြစ်လာနိုင်ပါတယ်။ ဒါကြောင့် နိုင်ငံ့ရဲ့ အနာဂတ်တွေဖြစ်တဲ့ ကလေးသူငယ်တွေရဲ့ဘ၀ကို လူကြီးတွေက အညွန့်ချိုးသလိုမျိုး မဖြစ်စေဖို့ လိုပါတယ်။

“ကလေးတစ်ယောက်ရဲ့ ရှေ့ရေးဆိုတာ ရှိတယ်လေ။ လူတိုင်းကတော့ အမှားနဲ့ မကင်းဘူး။ မှားတာကို ပြုပြင်ခွင့်တော့ ပေးရမယ်။ ဘာလို့လဲဆိုတော့ ကလေးက အရမ်းငယ်သေးတယ်။ ဒါတွေဟာ သူ့ဘ၀အတွက် အမည်းစက်ဖြစ်သွားရင် ဘယ်လိုလုပ်မလဲ” လို့ အသက် ၁၄ နှစ်အရွယ် ခုနစ်တန်းကျောင်းသား လေးရဲ့ဆရာမတစ်ဦးက ဆိုပါတယ်။

သန်လျင်လူငယ်သင်တန်း ကျောင်းမှ ကျောင်းအုပ်ဖြစ်သူ ဦးညီညီစိုးကတော့ “ကလေးတွေဖြစ်တဲ့အတွက် ဒီလောက်ကြီးတဲ့ ပြစ်မှုပုဒ်မနဲ့လုပ်တာ မသင့်တော်ဘူးလို့ ကျွန်တော့်အနေနဲ့ ယူဆပါတယ်။ သေးသေးမွှားမွှားဖြစ်တဲ့ ပြစ်မှုလေးတွေကိုတော့ တခြားအကြီးကြီးချဲ့ပြီး လုပ်တာမျိုးကိုတော့ ကျွန်တော့်အနေနဲ့ မဖြစ်စေချင်ဘူး။ ဘာဖြစ်လို့လဲဆိုတော့ ကျွန်တော်တို့ဆီမှာလည်း တစ်နေ့တစ်ခြား ကလေးတွေက အရမ်းတိုးတိုးလာတယ်။ မြန်မာစကားပုံ တစ်ခုလိုပေါ့။ “ကြီးတဲ့အမှု ငယ်အောင်၊ ငယ်တဲ့အမှု ပပျောက်အောင်” ဆိုပြီးလုပ်ပေးမယ်ဆို ကျွန်တော်တို့ ထိန်းသိမ်းစောင့်ရှောက်တဲ့အပိုင်းမှာ အစိုးရကုန်ကျနေတဲ့ စရိတ်ကလည်း တစ်ပိုင်းလျော့သွားမယ်။ တခြားဘက်မှာလည်း ကလေးတွေကို ပညာပေးတဲ့ အစီအစဉ်တွေကို ကျယ်ကျယ်ပြန့်ပြန့် လုပ်မယ်ဆိုလည်း အဆင်ပြေမယ်” လို့ သူ့အမြင်ကို ပြောပါတယ်။

လက်ရှိအချိန်မှာတော့ ကလေးသူငယ်သုံးဦးကို ထောင်ဒဏ် သုံးနှစ်အထိ ချလို့ရတဲ့ ပုဒ်မနဲ့ အမှုဖွင့်ထားပေမယ့် ရှေ့ဆက်ဘာတွေ ဆက်ဖြစ်မယ်ဆိုတာကတော့ ဘယ်သူမှ မသိသေးပါဘူး။ ကလေးငယ်သုံးဦးရဲ့ အနာဂတ် ကံကြမ္မာက လူကြီးတွေရဲ့ ဆင်ခြင်တုံတရားမှာ အများကြီး မူတည်နေတာကို တွေ့ရပါတယ်။

ဒီအမှုနဲ့ ပတ်သက်လို့ ကလေးတွေကို ဘုရားဂေါပကလူကြီးတွေဘက်က အမှုကျေအေးပေးမှာလား ဒါမှမဟုတ် တရားရုံးဘက်ကနေ ကလေးတွေကို အာမခံပေးမှာလား ဘာတွေဆက်ဖြစ်လာမလဲ ဆိုတာကတော့ ဆက်လက် စောင့်ကြည့်ရုံသာ ရှိပါတယ်။

ဒီကိစ္စနဲ့ ပတ်သက်လို့ အသက် ၁၄ နှစ်အရွယ် ခုနစ်တန်းကျောင်းသားရဲ့ ဖခင်ဖြစ်သူက “ပိုက်ဆံ ၃၀၀ နဲ့ ပတ်သက်ပြီး အမှုဖွင့်ခံထားရတဲ့ ကလေးငယ်တွေရဲ့ ဘ၀ကို အညွန့်ကျိုးမသွားအောင်လို့ သက်ဆိုင်ရာ တာဝန်ရှိသူတွေ အနေနဲ့ စာနာစိတ်လေးထားပြီး စဉ်းစားပေးစေချင်ပါတယ်” လို့ ဆိုပါတယ်။