ပို၍ … ပို၍ စိုးရိမ်စရာကောင်းလာသော မြန်မာ့အခြေအနေ

 

၂၀၁၇ ခုနှစ် စက်တင်ဘာ ၁၁ ရက်က နယူးယောက်မြို့၌ ကုလသမဂ္ဂလုံခြုံရေးကောင်စီအဖွဲ့ဝင်များ ရခိုင်အရေးနှင့်ပတ်သက်၍ တံခါးပိတ်ဆွေးနွေးပွဲကျင်းပစဉ်

ယခုရက်ပိုင်းဖတ်ရသော သတင်းများက ဆက်တိုက်ဆိုသလို မြန်မာ့အနာဂတ်စိုးရိမ်စရာအခြေအနေကို ထင်ဟပ်စေပြီး စိုးရိမ်မှုကို ညွှန်ပြနေသောညွှန်းကိန်း၊ နိမိတ်များအဖြစ် တွေ့ရပါလိမ့်မည်။

အထူးသဖြင့် နိုင်ငံငယ်များသည် လွယ်ကူစွာပင်ကျဆုံးနိုင်ငံ Failed State အဖြစ် ပြောင်းလဲသွားနိုင်သည်။ ထိုသို့ မဖြစ်စေရန် အစိုးရများက ကြိုးစားကြရ၏။ သို့သော်လည်း အစိုးရတိုင်းသည် အသိဆိုင်ရာ အနိမ့်အမြင့်ပေါ်မူတည်၍ ကိုယ့်နိုင်ငံကိုယ့်အကျိုးစီးပွားပေါ် ကာကွယ်နိုင်ပုံချင်း မတူညီကြချေ။ အင်အား အင်မတန်ကြီးမားခဲ့ပါသည်ဟုဆိုသော ဆိုဗီယက်ယူနီယံခေတ် ကွန်မြူနစ်ပါတီ အထွေထွေအတွင်းရေးမှူး မီခေးလ်ဂိုဘာချော့ဗ် လက်ထက်တွင် နိုဘယ်ဆုပေးပြီး ဆိုဗီယက် ပြည်ထောင်စုကြီးကို စုံးစုံးကျသွား စေခဲ့သည်မှာ ကျန်နိုင်ငံများသင်ခန်းစာယူရဖို့ ကောင်းခဲ့၏။

G – 7 တွင် ဟာစီနာ “ရို” အရေးတင်ပြခဲ့

မြန်မာ့အနာဂတ် စိုးရိမ်ရေ မှတ်ဖြစ်စေသည့် အကြောင်းအရာ အချို့တွင် ဘင်္ဂါလီအရေးသည် အကြောင်းရင်းကြီးတစ်ခု ဖြစ်သည်။ မောင်တောကို ဦးစွာအရင်အကြမ်းဖက်၍ ရက်စက်စွာသတ်ဖြတ်ခဲ့သည်။ ဘင်္ဂလားဒေ့ရ်ှအခြေစိုက် ARSA အကြမ်းဖက်အဖွဲ့၊ သို့သော်လည်း ယနေ့ကမ္ဘာ့မီဒီယာတွင် ARSA အကြမ်းဖက်က ပျောက်ကွယ်ခဲ့ပြီး ဘင်္ဂါလီများ ဘင်္ဂလားဒေ့ရ်ှဘက်ထွက် ပြေးခဲ့သည့် သတင်းကသာ ဖုံးလွှမ်းခဲ့သည်။

အစိုးရအနေဖြင့် ချက်ချင်း ARSA ကို အကြမ်းဖက်သတ်မှတ်ပြီး တုံ့ပြန်လျှင် လက်ဦးမှုရနိုင်ပါသော်လည်း များစွာနောက်ကျခဲ့သည်။ မြန်မာသည် ယခုအခါ နိုင်ငံတကာဖိအားကို ကြီးမားစွာရရှိခဲ့၏။ မလိုအပ်ဘဲ “အာနန်ကော်မရှင်” ကို ဖွဲ့စည်းခဲ့ရာ တတ်သိနားလည်သူများက ကန့်ကွက်ခဲ့ပါသော်လည်း ရှေ့ဆက်တိုးမှုကြောင့် အာနန်ကော်မရှင် အစီရင်ခံစာကို အခြေခံ၍ ကမ္ဘာက တောင်းဆိုမှုများ ပြုလုပ်မှုနှင့် ရင်ဆိုင်နေရပြန်သည်။

၇.၅.၁၈ နေ့ သတင်းအရ ဘင်္ဂလားဒေ့ရ်ှဝန်ကြီးချုပ် ရှိတ်ဟာစီနာသည် ရိုဟင်ဂျာအရေးကို G -7 တွင် တင်ပြခဲ့သည်။ OIC နိုင်ငံများကို စည်းရုံးပြီး မြန်မာကိုဖိအားပေးခဲ့၏။ အစိုးရ၏ ကြီးမားသော အမှားပေါ်အခြေခံပြီး ဟာစီနာသည် OIC ကို များစွာ မစည်းရုံးလိုက်ရ။ “ရခိုင်ပြည်နယ်ရှိ ဘင်္ဂါလီအသိုင်းအ၀ိုင်း” ဟူသော အစိုးရအသုံးအနှုန်းက ဘာသာရေးအပေါ်အခြေခံထားရာ OIC က ဖိအားပေးတော့သည်။ “ရခိုင်ပြည်နယ်ရှိ ဘင်္ဂါလီအသိုင်းအ၀ိုင်းဟုဆိုလျှင် ဘင်္ဂါလီနှင့်သာသက်ဆိုင်သော်လည်း “မွတ်စလင်အသိုင်းအ၀ိုင်း” ဟု အဘယ်ကြောင့် အစိုးရက အဆင်အခြင်မဲ့စွာ သုံးစွဲခဲ့ပါသနည်း။

ကနေဒါနိုင်ငံ ကီးဘတ် (Quebec) တွင် ၈.၆.၁၈ နှင့် ၉.၆. ၁၈ နှစ်ရက် ပြုလုပ်သည့် စက်မှုအင်အားကြီး ခုနစ်နိုင်ငံ G -7 တွင် ဟာစီနာက ဘင်္ဂါလီအရေးတင်ပြခဲ့ရာ မြန်မာ့အရေးပို၍ ရင်လေးဖွယ်ရာ ဖြစ်လာ၏။ ထိုအစည်းအဝေးတွင် မြန်မာ့အရေးကို ကမ္ဘာ့အသိုင်းအ၀ိုင်းအထိ တိုးချဲ့နိုင်စေရန် ကုလသမဂ္ဂ အတွင်းရေးမှူးချုပ် Antonio Guterres, IMF ဥက္ကဋ္ဌဖြစ်သူ Christine Lagarde စသော သြဇာကြီးမားသော ခေါင်းဆောင်များနှင့်အတူ ခေါင်းဆောင် ၁၂ ဦး ပါဝင်ခဲ့သည်။ ဘင်္ဂါလီအရေးတွင် ကနေဒါ၏ပါဝင်မှုကို ဟာစီနာက မြှင့်တင်သည့်သဘောဖြစ်ပြီး ကမ္ဘာ့အသိုင်းအ၀ိုင်းပါဝင်လာရန် ကြိုးစားမှုတစ်ရပ် ဖြစ်သည်။

မြန်မာနိုင်ငံခြားရေးဝန်ကြီး၏ ကြိုတင်တုံ့ပြန်မှု ဘာမျှမတွေ့ရချေ။ ဤသည်ကပင် မြန်မာသည် ခံစစ်ကို ပြင်ဆင်ထားခြင်းမရှိဟု ယူဆဖွယ်ရာ ရှိရာများစွာအံ့သြဖို့ ကောင်းလှပါ၏။

တောင်းဆိုချက် ရက် ၃၀ ပြန်ကြားပါ

ဘင်္ဂါလီအရေးသည် မြန်မာနိုင်ငံကို ရေတိမ်နစ်စေရန်အကြောင်း တစ်ခုဖြစ်သည်။ ဘင်္ဂါလီအရေးနှင့် ပတ်သက်၍ ကုလသမဂ္ဂလုံခြုံရေး ကောင်စီက ရက် ၃၀ အတွင်း ပြန်ကြားရန် တောင်းဆိုရာဇသံပေး လိုက်သည်ကို တွေ့ရသည်။  အချုပ်အခြာအာဏာပိုင်သည့် လွတ်လပ်သော နိုင်ငံတစ်ခုအနေဖြင့် များစွာခံပြင်းစရာ ဖြစ်သည်။ ရို (ဘင်္ဂါလီ) အရေးကိစ္စနှင့်ပတ်သက်၍ ကုလသမဂ္ဂလုံခြုံရေးကောင်စီ၏ တောင်းဆိုမှုကို လေ့လာခွင့်ရခဲ့သော AFP က သတင်းထုတ်ပြန်ခဲ့ပါသည်။

ARSA အကြမ်းဖက်မှုကို ဖျောက်ဖျက်၍ မြန်မာဘက်က လူမျိုးစုရှင်းလင်းရေး (Ethnic Cleansing) အဖြစ် စွပ်စွဲထားသည်။ ဘင်္ဂါလီကို ရိုဟင်ဂျာဟု အတင်းအဓမ္မ အမည်ပြောင်းထားပြီး ဘင်္ဂါလီအနည်းဆုံး ၇၀၀၀၀၀ ခန့် ထွက်ပြေးခဲ့သည်ဟု ဖော်ပြထား၏။ (ဟာစီနာ က ၁၃၀၀၀၀၀) ဟု လေသံပစ်ထားသည်။ တပ်မတော်က လုံခြုံရေးတာ ၀န်ယူထားသည့်အချိန်တွင် ဘင်္ဂါလီများ ထွက်ပြေးခဲ့သည်မှာ မှန်ပါသည်။ ရွာများတွင် အကြမ်းဖက်မှုများရှိနေသောကြောင့် သူတို့အကြောင်း သူတို့သိ၍ ထွက်ပြေးကြခြင်း ဖြစ်ပါ၏။ သို့သော်လည်း တပ်က ဆုတ်ခွာပြီးချိန်တွင်လည်း အုပ်စုလိုက် ဘင်္ဂလားဒေ့ရ်ှဘက်ထွက်ပြေးသွားရခြင်းမှာ တစ်ဖက်ကမ်းတွင် UN အေဂျင်စီများက စားသောက်ဖွယ်ရာများ အလကားမျှဝေနေရာ “လာပါ-လာပါ” ဟု ခေါ်နေသောကြောင့် ဖြစ်ပါသည်။ တမင်ရည်ရွယ်ချက်ရှိရှိဖြင့် ဆောင်ရွက်ခဲ့ခြင်းဖြစ်ပြီး ပစ္စည်းအလကား ပေးခေါ်ယူခဲ့ခြင်းကို ထွက်ပြေးသူများအဖြစ် ပုံဖော်ခံခဲ့ရပြန်ပါသည်။

ကုလသမဂ္ဂတွင် ဗြိတိန်ကဦးဆောင်ပြီး အမေရိကန်၊ ပြင်သစ်နှင့်အတူ လူမျိုးစုရှင်းလင်းခဲ့သောကြောင့် ဘင်္ဂါလီများ ထွက်ပြေးရခြင်းဖြစ်ကြောင်း၊ ထို့ကြောင့် မြန်မာကို အရေးယူရန် ကြိုးစားခဲ့သည်ကို တွေ့ရသည်။ ထိုစွပ်စွဲချက်များကို စုံစမ်းစစ်ဆေးရန် ကုလသမဂ္ဂ၏ တောင်းဆိုမှုကို မြန်မာအစိုးရက သဘောတူခဲ့သည်။ (တပ်မတော်က စုံစမ်းစစ်ဆေးပြီး၊ ထိပ်တန်းအရာရှိကြီးများ အပါအ၀င်အများအပြားကို ပြစ်ဒဏ်ပေး ခဲ့ပြီးဖြစ်ရာ နိုင်ငံတစ်နိုင်ငံ၏ ဆောင်ရွက်မှုကိုမည်မျှပစ်ပယ်ပြီး အချုပ်အခြာကို မည်မျှစော်ကားရာရောက်ကြောင်း ဆင်ခြင်နိုင်ပါလိမ့်မည်။)

အခြေအနေအရပ်ရပ်သည် အလွန်စိုးရိမ်စရာကောင်းသည်ဟု စာတွင် ဖော်ပြထားပြီး ကုသသမဂ္ဂ၏ တောင်းဆိုချက်ကို ရက်ပေါင်း ၃၀ အတွင်း ပြန်ကြားရန် ရာဇသံ ပေးခြင်းခံနေရပါသည်။ မြန်မာနိုင်ငံဆိုင်ရာ ကုလသမဂ္ဂသံအမတ်ဖြစ်သော ခရစ္စတင်းရှရိန်နာဘာဂျင်နာ အနေဖြင့် ရက်သတ္တပတ်အတွင်း မြန်မာနိုင်ငံသို့ ရောက်ရှိလာပါဦးမည်။

ကုလသမဂ္ဂအနေဖြင့် ARSA အဖွဲ့၏ အကြမ်းဖက်မှုကို အဘယ်ကြောင့် ထိမ်ချန်ထားပါသနည်း။

မြန်မာအစိုးရအနေဖြင့်လည်း အကြမ်းဖက်ခံရမှုကြောင့် ဖြစ်လာသော နောက်ဆက်တွဲပြဿနာများဖြစ်ကြောင်း အဘယ်ကြောင့် ထိထိမိမိ မတုံ့ပြန်ရပါသနည်း။

မြန်မာကို အမိန့်ပေးနေသည်လား

အမေရိကန်သံရုံးက အစိုးရ၏ ဆောင်ရွက်နေမှုနှင့်ပတ်သက်၍ ထောက်ခံကြောင်း ထုတ်ပြန်ခဲ့သည်။ ကြေညာချက်သည် ထောက်ခံမှုထက် “အမိန့်ပေး” နေသည်နှင့်မခြားကြောင်း တွေ့ရသည်။

“စုံစမ်းစစ်ဆေးရာတွင် ပွင့်လင်းမြင်သာမှုနှင့် ဓမ္မဓိဋ္ဌာန်ကျမှု၏ အမြင့်ဆုံးစံချိန်စံညွှန်းများကို စွဲကိုင်သွားရန်နှင့် စုံစမ်းစစ်ဆေးမှု၏ ရလဒ်တစ်ခုအနေဖြင့် သင့်လျော်သောအရေး ယူမှုများတွင် အစိုးရက ဆောင်ရွက်ရန်အတွက်လည်း အရေးကြီးမည် ဖြစ်ပါသည်” ဟု ထုတ်ပြန်ကြေညာထားသည်ကို တွေ့ရ၏။

ထိုစာပိုဒ်ကို အသေအချာဖတ်လျှင် အစိုးရကို အမိန့်ပေးထားသည့် ပုံစံ၊ လမ်းညွှန်ထားသည့်ပုံစံ ဖြစ်နေသည်ကို တွေ့နိုင်ပါသည်။

အချုပ်အခြာပိုင်သော နိုင်ငံတစ်ခုကို အခြားမည်သည့်နိုင်ငံကမှ အမိန့်ပေး၍မရ၊ လမ်းညွှန်၍မရပါ။ “ဖြစ်သင့်သည်ဟု ယူဆပါသည်”  “ထိုသို့ဆောင်ရွက်မှုအတွက် အမြင်သဘောထား တူညီပါသည်” စသည့်အရေးအသားမျိုးသာ ဖြစ်ရပါလိမ့်မည်။

ပြီးခဲ့သောရက်ပိုင်းအတွင်းက ရုရှားမှ သတင်းတစ်ခု ထုတ်ပြန်ခဲ့သည်။ အမေရိကန်အနေဖြင့်  အနည်းဆုံး နိုင်ငံပေါင်း ၆၀ ၏ ရွေးကောက်ပွဲ ပေါင်း ၁၂၀ ထက်မနည်းတွင် ပါဝင်ခြေရှုပ်ခဲ့သည်ဟူသော သတင်းဖြစ်သည်။ လေ့လာအားကောင်းသူများ အတွက်မူ ဆန့်ကြယ်လှသည့်သတင်းတော့ မဟုတ်ပါ။ နိုင်ငံများစွာ၌ ပါဝါနိုင်ငံများ၏ မည်သို့ပါဝင်ပတ်သက်ခဲ့သည်၊ မည်သို့သြဇာသက်ရောက် စေထားသည်ဟူသော အခြေအနေတစ်ရပ်အဖြစ် ရှုမြင်နိုင်ပါသည်။

သဘောတူလက်မှတ်များ ရေးထိုး

အတိုင်ပင်ခံရုံးမှထုတ်ပြန်သော သတင်းထုတ်ပြန်ချက်အချို့က  စိုးရိမ်စရာကို မြင့်တက်စေပြန်ပါသည်။ ယခင်ကလည်း “အာနန်ကော်မရှင်” ကို အများစုတားဆီးနေသည့်ကြားက ဖွဲ့စည်းခဲ့၏။ “အကြံပြုမှုသာဖြစ်ပြီး လိုက်ပါလုပ်ဆောင်ရန် မဟုတ်ပါ” ဟူသော အကြောင်းပြချက် ပေးခဲ့၏။ သို့သော်လည်း ယခုအခါ ထိုအကြံပြုချက်ကိုပင် “အတိအကျ လိုက်နာ၍ အမြန်ဆုံးအကောင်အထည်ဖော်ပါ” ဟု နိုင်ငံတကာက အာနန်အကြံပြုချက်ကို အခြေခံပြီး ဖိအားပေးလာခဲ့ပါသည်။

ယခုအခါတွင်လည်း UNDP ၊ UNHCR စသော ကုလသမဂ္ဂ လက်အောက်ခံ အဖွဲ့အစည်းအတော်များများနှင့် သဘောတူ လက်မှတ်ထိုးခဲ့သည်ကို တွေ့ရသည်။ လွတ်လပ်သော ကော်မရှင်တစ်ရပ်ကို “ကမ္ဘာ့ထင်ရှားသော ပုဂ္ဂိုလ်တစ်ဦးက ဦးဆောင်၍”ဟူကာ အတိုင်ပင်ခံရုံး ကြေညာချက်တွင် တွေ့လိုက်ရပြန်သည်။ “အာနန်ကော်မရှင်” ဖွဲ့စည်းစဉ်က ပြည်တွင်းအရေးကို နိုင်ငံတကာ ဇာတ်ခုံပေါ် ရောက်နိုင်ကြောင်း တတ်သိသူများ၊ နိုင်ငံရေးပါတီများ၊ အစုအဖွဲ့များ၏ သတိပေးမှုကြားက ဆောင်ရွက်ခဲ့ရာ ထိုအကျိုးဆက်ကို ခံစားနေရဆဲ ထပ်မံ၍ “နိုင်ငံခြားသား” ဦးဆောင်အဖွဲ့ကို ထပ်မံဖွဲ့စည်းခြင်းသည် သင့်လျော်၊ မသင့်လျော် ဆင်ခြင်စဉ်းစားနိုင်ဖို့ ကောင်းပါ၏။ ပို၍ ဆိုးဝါးသည်က ကြေညာချက်ဟူသည့်  အဆင့်ထုတ်ပြန်ရာတွင် အမည်နာမ နောက်ခံကိုဖော်ပြထားခြင်း မရှိဘဲ “ကမ္ဘာ့ထင်ရှားနိုင်ငံခြားသား တစ်ဦး”ဆိုသည့် အသုံးမှာ နိုင်ငံတကာရုံး လုပ်ထုံးလုပ်နည်းများနှင့် များစွာ ဆန့်ကျင်နေသည်ကို တွေ့ရပါ၏။

■ ရင်လောက်တင်မှ ဒူးလောက်ကျသော လုံခြုံရေး

နိုင်ငံတစ်ခု၏ လုံခြုံရေးသည် များစွာ အရေးကြီးလှပါ၏။ ယနေ့ Fail State ဖြစ်ခဲ့ရသော နိုင်ငံများ၏အဖြစ်က သက်သေခံပြီး ဖြစ်ပါသည်။ နိုင်ငံတစ်ခု၏ လုံခြုံရေးအစီအမံ ဆိုသည်မှာ ရင်လောက်တင်ထားမှ ဒူးလောက်ရသည့် အခြေအနေ ဖြစ်ပါ၏။ တစ်ဖက်ကလည်း သူ့နည်းသူ့ဟန်ဖြင့် ပုံစံအမျိုးမျိုးသုံးကာ ထိုးဖောက်တတ်သောကြောင့် ဖြစ်သည်။

ယနေ့ UN အဖွဲ့အစည်း အများအပြားကို ၀င်ခွင့်ပေးခဲ့၏။ မည်သည့် အတိုင်းအတာမျိုးဖြင့် ခွင့်ပြုထားပါမည်နည်း။ အစိုးရတစ်ရပ် အနေဖြင့် မည်မျှ ပြင်ဆင်ထားပါသလဲ။ နဂိုကပင် သဘောတူညီချက် ရယူထားရပါလိမ့်မည်။ အကြမ်းဖက် ARSA တို့ ခိုအောင်းရာတွင် ကုလသမဂ္ဂ အကူအညီပေးခဲ့သော စားသောက်ဖွယ်ရာ၊ ဆေးဝါးများကို ရှာဖွေတွေ့ရှိခဲ့ပါသည်။ ဆက်လက် စဉ်းစားနိုင်ပါလိမ့်မည်။

ယနေ့ UN အဖွဲ့အစည်းများမှာပင် Economic Hit Man ဟူသော သူလျှိုများစွာ ပါဝင်နေသည်ကို ကျယ်ကျယ်ပြန့်ပြန့် သိရှိကြပြီး ဖြစ်ပါသည်။ ကိုယ်တိုင် EHM ဖြစ်ခဲ့ သော John Perkins ၏ စာအုပ်တွင် ကုလသမဂ္ဂ၏ မည်သည့် အဖွဲ့အစည်းများတွင် မည်သို့ပါဝင်ခဲ့ကြောင်း ထုတ်ဖော် ရေးသားခဲ့ရာ ငြင်းပယ်၍ရသော အရာမဟုတ်တော့ပါ။

ကုလသမဂ္ဂ လက်အောက်ခံ အဖွဲ့အစည်းများ၏ ၀င်ရောက်မှုကြောင့် ပြဿနာပို၍ လျော့ပါးသွားသောနိုင်ငံများနှင့် ပြဿနာပို၍ ကြီးထွားလာသော နိုင်ငံအရေအတွက်ကို သုတေသနပြု၍ လေ့လာလျှင် ပို၍ ထင်ရှားစွာ တွေ့ရပါလိမ့်မည်။ ထိုသို့ သုံးသပ်ရေးသားထားသော အကြောင်းအရာများလည်း များစွာရှိနေပါ၏။

ခြုံငုံ၍ဆိုရလျှင် မြန်မာ့ပစ္စက္ခ အခြေအနေသည် များစွာ စိုးရိမ်ဖွယ်ရာကောင်းသော အခြေအနေတစ်ရပ်နှင့် ရင်ဆိုင်နေရပြီး အနာဂတ် အလားအလာမှာလည်း နွံနစ်နေသူ တစ်ဦးကဲ့သို့ “လှုပ်လေ မြုပ်လေ” အခြေအနေမျိုးဖြစ်သဖြင့် ဆိုးသထက်သာ ပို၍ဆိုးလာစရာ ရှိသည်ဟု သုံးသပ်ရပါ၏။

မြန်မာတို့အနေဖြင့် ရွေးချယ်ရန် လမ်းခွဆုံတစ်ခုသို့ ရောက်နေသည်ဟု မြင်ပါသည်။ ခေါင်းပုံခံ၍ တအိအိနွံနစ်ခံမည်လား။

ယခုမျိုးဆက်များ၏ ဆောင်ရွက်မှုသည် မိမိတို့၏ သားမြေးတို့၏ အနာဂတ်ဖြစ်သည်ကို မမေ့မလျော့ ရန်ဖြစ်သည်။

မြန်မာတို့ ညံ့ကြပြီလားဟူ၍လည်း ကိုယ့် ကိုယ်ကိုယ်မှန်ကြည့်၍ မေးရန် အခြေအနေသို့ ရောက်လာခဲ့ပြီဟုလည်း မြင်ပါသည်။

စကားဝိုင်းတွေနဲ့ မြန်မာ့ငြိမ်းချမ်းရေးရာသီဥတု

ဇွန် ၁၄ ရက်က မော်လမြိုင်မြို့တွင် ပြုလုပ်သည့် နိုင်ငံတော်၏အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်း

၂၀၁၇ ကို ငြိမ်းချမ်းရေးနှစ်အဖြစ် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သတ်မှတ်ခဲ့ပါတယ်။ ဒါကြောင့်လည်း ၂၀၁၇ ဇန်န၀ါရီ ၁ ရက်ကစလို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်ပြီး ငြိမ်းချမ်းရေးစကားဝိုင်းတွေကို ပြုလုပ်ခဲ့တာပါ။

ပထမဆုံး ငြိမ်းချမ်းရေးစကားဝိုင်းအဖြစ် ၂၀၁၇ ဇန်န၀ါရီ ၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန- ၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ လူငယ်များ စကားဝိုင်းကို ကျင်းပခဲ့ပါတယ်။ ဒေါ်အောင်ဆန်းစုကြည်က နှစ်သစ်ကူး အဖွင့်နှုတ်ခွန်းဆက် စကားပြောကြားရာမှာ နိုင်ငံအတွက် ပြည်တွင်းငြိမ်းချမ်းရေးကို ဦးစားပေး လုပ်ဆောင်မယ်လို့ ထည့်သွင်းပြောကြားခဲ့ပါတယ်။

“ကျွန်မတို့ အခု ၂၀၁၇ ခုနှစ်ကနေ စတင်စဉ်းစားရမှာက ကျွန်မတို့နိုင်ငံအတွက် ဘာတွေပထမဦးဆုံး ဦးစားပေးပြီးတော့ လုပ်ရမလဲဆိုတဲ့ ကိစ္စပါပဲ။ အရင်နှစ်တုန်းက ပြည်သူလူထုအများစုရဲ့ ရွေးချယ်တင် မြှောက်မှုနဲ့ အမျိုးသားဒီမိုကရေစီအဖွဲ့ချုပ်အစိုးရ စထူထောင်ကတည်းက ကျွန်မတို့အနေနဲ့ တင်ပြထားတဲ့ကိစ္စတွေရှိပါတယ်။ ဘာတွေကို ကျွန်မတို့ ဦးစားပေးပြီး ဆောင် ရွက်မလဲဆိုတာကို ကျွန်မတို့တင်ပြထားပါတယ်။ အဲဒီထဲမှာ အရေးကြီးဆုံးတစ်ခုကတော့ ပြည်တွင်းငြိမ်းချမ်းရေးပါပဲ။ ပြည်တွင်းငြိမ်းချမ်းရေးနဲ့ ပြည်သူလူထုတွေရဲ့ ဘ၀တိုးတက်ရေးဟာ ကျွန်မတို့ ဦးစားပေးထားတဲ့ ကိစ္စနှစ်ခုဖြစ်ပါတယ်။ ဒီနှစ်ခုကလည်း ဆက်နွှယ်မှုရှိပါတယ်။ ကျွန်မတို့ရဲ့နိုင်ငံအေးချမ်းမှ ကျွန်မတို့ နိုင်ငံသူနိုင်ငံသားတွေရဲ့ ဘ၀တွေဟာ တိုးတက်နိုင်မှာ ဖြစ်ပါတယ်။ ဘ၀တွေတိုးတက်မှလည်း ငြိမ်းချမ်းရေးကို ထိန်းသိမ်းထားနိုင်မှာ ဖြစ်ပါတယ်။ ဒါကြောင့်မို့လို့ ဒီနှစ်ခုကို အရေးကြီးဆုံး ကျွန်မတို့ရဲ့ ရည်ရွယ်ချက်တွေအနေနဲ့ သတ်မှတ်ထားတာ ဖြစ်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

ဒါ့အပြင် နိုင်ငံသူနိုင်ငံသားတွေအနေနဲ့ ငြိမ်းချမ်းရေးအပေါ် ဘယ်လိုအမြင်မျိုးတွေရှိပြီး ငြိမ်းချမ်းရေးနဲ့ပတ်သက်တဲ့ ပြဿနာတွေ၊ စိန်ခေါ်မှုတွေကို ဘယ်လိုကိုင်တွယ်မလဲဆိုတဲ့ ရည်ရွယ်ချက်တွေကို သိချင်တဲ့အတွက် စကားဝိုင်းဆွေးနွေးပွဲကို လုပ်ရတာဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

“ကျွန်မတို့ ဒါကို ဆွေးနွေးဖို့အတွက်ကျတော့ ဘယ်သူတွေနဲ့ စတင်ပြီးဆွေးနွေးမလဲဆိုတာကို စဉ်းစားပါတယ်။ ဘာဖြစ်လို့လဲဆိုတော့ ကျွန်မတို့နိုင်ငံသူ နိုင်ငံသားတွေဟာ အများကြီးလည်းဖြစ်တယ်။ အလွှာမျိုးစုံလည်းဖြစ်တယ်။ တိုင်းရင်းသား လူမျိုး အမျိုးစုံလည်းဖြစ်တယ်။ အမြင်မျိုးစုံလည်းဖြစ်တယ်။ ဒီတော့ ဘယ်သူတွေအတွက် ငြိမ်းချမ်းရေးက အရေးကြီးဆုံးလိုသလဲဆိုတော့ လူငယ်တွေအတွက် အရေးကြီးပါတယ်။ ဘာဖြစ်လို့လဲဆိုတော့ ဒီလူငယ်တွေက အကြာကြီး ဒီနိုင်ငံရဲ့ တာဝန်တွေကို ဆက်ပြီးတော့ ထိန်းသိမ်းထားရ မယ့် အချိန်တွေကို ရှေးရှုသွားရမှာပါ။ လူကြီးတွေဆိုတာကတော့ အနိစ္စ သဘောတရားအရ သိပ်မကြာခင် ကာလမှာတော့ တာဝန်တွေကို ချရတော့မှာ ဖြစ်ပါတယ်။ ဆက်ပြီးတော့ တာဝန်တွေထမ်းဆောင်ရမည့် လူငယ်တွေရဲ့အမြင် ဘယ်လိုရှိသလဲဆိုတာဟာ ကျွန်မတို့အတွက် အလွန်အင်မတန် အရေးကြီးပါတယ်။ အမှန်ပြောရရင်တော့ ကျွန်မက ဒါထက်ငယ်တဲ့ ကလေးတွေနဲ့ ကျွန်မက ဆွေးနွေးချင်တာပါ။ ဒါတော့ ပထမဦးဆုံးကလေးတွေနဲ့ဆိုတော့ သိပ်အဆင်မပြေဘူးထင်တယ်ဆို ပြီးတော့ လူငယ်တွေနဲ့စပြီးတော့ (လုပ်တာဖြစ်ပြီး) နောင်တစ်ကြိမ် တစ်ခါမှာတော့ ကျွန်မကတော့ သတ်မှတ်ထားတဲ့အရွယ်အောက် ကလေးတွေနဲ့ပဲ ဆွေးနွေးတာမျိုးပဲ လုပ်ချင်ပါတယ်”လို့ ဒေါ်အောင်ဆန်းစုကြည်က ဆိုပါတယ်။

နောက်ပိုင်းမှာ စီးပွားရေးသမားတွေ၊ လူမှုအဖွဲ့အစည်းတွေ၊ ပညာရေးအဖွဲ့အစည်းတွေ စတဲ့ အဖွဲ့အစည်းတွေနဲ့လည်း တွေ့ဆုံဆွေးနွေးသွားဖို့ ရှိတယ်လို့ သူက ဆက်ပြောပါတယ်။

“ဒီလိုဆွေးနွေးပွဲတွေ လုပ်ခြင်းအားဖြင့်လည်း ကျွန်မတို့ရဲ့ နိုင်ငံသူ နိုင်ငံသားအားလုံးဟာ ဒီငြိမ်းချမ်း ရေးဖြစ်စဉ်ကို သူတို့လည်း ပိုင်တယ်ဆိုတဲ့စိတ် ရှိလာအောင်လို့ပါ”လို့ ငြိမ်းချမ်းရေးစကားဝိုင်းတွေ လုပ်ရတဲ့ ရည်ရွယ်ချက်နဲ့ပတ်သက်ပြီး ဒေါ်အောင်ဆန်းစုကြည်က ရှင်းပြပါတယ်။

ပထမဆုံးပြုလုပ်တဲ့ ငြိမ်းချမ်းရေးစကားဝိုင်းမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ လူငယ် ၁၈ ဦးက ငြိမ်းချမ်းရေးအတွက် ယုံကြည်မှု တည်ဆောက်ရေး၊ တိုင်းဒေသကြီးနဲ့ ပြည်နယ်များ လုပ်ပိုင်ခွင့်ပိုမိုရရှိရေး၊ ပြည်ထောင်စုစိတ်ဓာတ်ထားရှိရေး၊ မတူကွဲပြားမှုကနေ ညီညွတ်မှု တည်ဆောက်နိုင်ရေး၊ ပြည်တွင်းစစ်ကြောင့် ရရှိခဲ့တဲ့ စိတ်ဒဏ်ရာများ ကုစားနိုင်ရေး၊ ပြည်သူလူထုကို ဗဟိုပြုတဲ့ တရားဥပဒေနဲ့ အုပ်ချုပ်ရေး၊ ငြိမ်းချမ်းရေးဖြစ်စဉ်တွေမှာ လူငယ်များ ပါဝင်ရေး၊ စစ်ကြောင့် ကိုယ်အင်္ဂါ ဆုံးရှုံးခဲ့ရသူတွေကို ကူညီစောင့်ရှောက်ရေး စတဲ့ကိစ္စတွေနဲ့ ပတ် သက်လို့ အပြန်အလှန် ဆွေးနွေးခဲ့ကြပါတယ်။

၂၀၁၇ ကို ငြိမ်းချမ်းရေးနှစ်လို့ နိုင်ငံတော်၏ အတိုင်ပင်ခံပုဂ္ဂိုလ်က သတ်မှတ်ထားတဲ့အတိုင်း အဲဒီနှစ်အတွင်းမှာ ငြိမ်းချမ်းရေးစကားဝိုင်း ငါးကြိမ်တိတိ ပြုလုပ်ခဲ့တာကို တွေ့ရပါတယ်။ ဒုတိယမြောက် ငြိမ်းချမ်းရေးစကားဝိုင်းအဖြစ် ၂၀၁၇ ဖေဖော်ဝါရီ ၁၂ ရက်က ရှမ်းပြည်နယ်၊ ပင်လုံမြို့မှာ  နှစ် ၇၀ ပြည့် ပြည်ထောင်စုနေ့ ကျင်းပရင်းနဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ တိုင်းရင်းသားတွရဲ့ ပင်လုံငြိမ်းချမ်းရေးစကားဝိုင်းကိုပါ ပြုလုပ်ခဲ့ပါတယ်။

တတိယ ငြိမ်းချမ်းရေးစကားဝိုင်းကိုတော့ ၂၀၁၇ ဧပြီ ၁၁ ရက်က နေပြည်တော် မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ ကျေးလက်တောရွာနေ လူငယ်များ စကားဝိုင်းဆိုပြီး ပြုလုပ်ခဲ့တာပါ။ စတုတ္ထစကားဝိုင်းကိုတော့ ၂၀၁၇ သြဂုတ် ၇ ရက်က မိတ္ထီလာခရိုင် ၀မ်းတွင်းမြို့ မြေတိုင်ကန်ကျေးရွာ သီဟာရာမဘုန်းတော်ကြီးကျောင်းဝင်းမှာ ကျင်းပခဲ့ပါတယ်။ ပဉ္စမမြောက် ငြိမ်းချမ်းရေးစကားဝိုင်းကို ၂၀၁၇ ဒီဇင်ဘာ ၂၉ ရက်က ကယားပြည်နယ် လွိုင်ကော်မြို့ရှိ ပြည်နယ်ခန်းမမှာ ကျင်းပခဲ့ပါတယ်။

ဒါ့အပြင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) အရ အမျိုးသားအဆင့် နိုင်ငံရေးဆွေးနွေးပွဲတွေကို ကရင်၊ ချင်းနဲ့ ပအိုင်းဒေသတွေမှာ ပြုလုပ်နိုင်ခဲ့တာကြောင့် ငြိမ်းချမ်းရေးနှစ် ဖြစ်တဲ့ ၂၀၁၇ ခုနှစ်ဟာ တာထွက်လှခဲ့တယ်လို့ သုံးသပ်ကြပါတယ်။ ၂၀၁၇ မေ ၂၄ ရက်က ပြည်ထောင်စု ငြိမ်းချမ်းရေးညီလာခံ ၂၁ ရာစု ပင် လုံ ဒုတိယအကြိမ် အစည်းအဝေးကို နေပြည်တော်မှာ ခြောက်ရက်ကြာ ပြုလုပ်နိုင်ခဲ့ပါတယ်။

ပြည်ထောင်စုငြိမ်းချမ်းရေးပူးတွဲကော်မတီ (UPDJC) မှာ ဆွေးနွေးညှိနှိုင်းပြီး အတည်ပြုခဲ့ရာမှာ အားလုံးလက်ခံနိုင်တဲ့ အခြေခံမူ ၄၁ ချက်ရရှိခဲ့ပေမယ့် ညီလာခံမှာ နိုင်ငံရေးဆိုင်ရာ မူဝါဒအဆိုပြုချက် ၁၂ ချက်၊ စီးပွားရေးဆိုင်ရာမူဝါဒ ၁၁ ချက်၊ လူမှုရေးဆိုင်ရာ မူဝါဒလေးချက်၊ မြေယာနှင့် သဘာဝပတ်ဝန်း ကျင်ဆိုင်ရာမူဝါဒ ၁၀ ချက် စုစုပေါင်း သဘောတူညီချက် ၃၇ ချက်ကို အတည်ပြုနိုင်ခဲ့ပြီး ပြည်ထောင်စု သဘောတူစာချုပ်ရဲ့ အစိတ်အပိုင်းတစ်ရပ်အဖြစ် လက်မှတ်ရေးထိုးခဲ့ပါတယ်။ ဒါဟာ ငြိမ်းချမ်းရေးလုပ်ငန်း စဉ်ဆောင်ရွက်နေတဲ့ NLD အစိုးရ နဲ့ တိုင်းရင်းသားလက်နက်ကိုင်တပ်ဖွဲ့တွေကြား ပထမဆုံး သဘောတူ နိုင်ခဲ့တဲ့ နိုင်ငံရေးဆွေးနွေးမှုရလဒ် လည်းဖြစ်တဲ့အတွက် ငြိမ်းချမ်းရေးနှစ်လို့ သတ်မှတ်ထားတဲ့ ၂၀၁၇ ဟာ ချိုမြိန်မှုတွေနဲ့ စခဲ့ပါတယ်။

“အခုလို ဖက်ဒရယ်ဆိုင်ရာ အခြေခံမူတွေကို ဖော်ထုတ်နိုင်အောင် ကျွန်မတို့အစိုးရ၊ တပ်မတော်၊ တိုင်း ရင်းသားလက်နက်ကိုင်အဖွဲ့အစည်းတွေ၊ နိုင်ငံရေးပါတီတွေဟာ အချိန်ပေးပြီး စိတ်ရှည်လက်ရှည် ညှိနှိုင်းခဲ့ရတာဖြစ်ပါတယ်”လို့ ဒေါ် အောင်ဆန်းစုကြည်က ဆိုပါတယ်။

ဒါပေမဲ့ ပြည်ထောင်စုသဘောတူစာချုပ် အစိတ်အပိုင်းနဲ့ပတ်သက်လို့ အငြင်းပွားမှုတွေနဲ့ မေးခွန်းထုတ်မှုတွေ တိုင်းရင်းသားလက်နက်ကိုင်တွေအပြင် ငြိမ်းချမ်းရေးလေ့လာသူတွေကြားမှာပါ ရှိခဲ့ပါတယ်။ ဘာကြောင့်လဲဆိုတော့ ငြိမ်းချမ်းရေးညီလာခံမတိုင်မီ NCA လက်မှတ်ထိုးအဖွဲ့အချို့ လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မကျင်းပနိုင်ခြင်း၊ ညီလာခံမှာ ဆုံးဖြတ်ချက်ချမှတ်မှုအပိုင်းနဲ့ NCA မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေ ကျန်ရှိနေခြင်းစတဲ့ အချက် တွေအပေါ်မှာ မေးခွန်းထုတ်ကြတာပါ။

တစ်ဖက်မှာလည်း လက်နက်ကိုင်းပဋိပက္ခတွေက ဆက်လက်ဖြစ်ပွားနေပြီး ၂၀၁၇ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တယ်လို့ မြန်မာ့ငြိမ်းချမ်းရေးအထောက်အကူပြုဆိုင်ရာ အဖွဲ့အစည်း (Myanmar Peace Monitor) ရဲ့ အချက်အလက်တွေအရ သိရပါတယ်။

၂၀၁၆ ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၂၇ ကြိမ်သာ ဖြစ်ပွားခဲ့ပေမယ့် ငြိမ်းချမ်းရေး နှစ်ဖြစ်တဲ့ ၂၀၁၇ ခုနှစ် ဇန်န၀ါရီကနေ နိုဝင်ဘာအထိ တိုက်ပွဲပေါင်း ၂၃၃ ကြိမ်ဖြစ်ပွားခဲ့တာကြောင့် အရင်ကာ လတူထက် လက်နက်ကိုင်ပဋိပက္ခ ဖြစ်ပွားမှုနှုန်း ပိုများနေခဲ့ပါတယ်။

၂၀၁၇ မှာ တပ်မတော်နဲ့ တအာင်းလက်နက်ကိုင်အဖွဲ့ (TNLA) ကြား ပစ်ခတ်တိုက်ခိုက်မှု အများဆုံးဖြစ်ပွားခဲ့ပါတယ်။ ကချင်လက်နက်ကိုင်အဖွဲ့ (KIA) ၊ ရှမ်းလက်နက်ကိုင်အဖွဲ့များဖြစ်ကြတဲ့ (SSPP/SSA) နဲ့ (RCSS/SSA) တို့က ဒုတိယအများဆုံးဖြစ်ပွားခဲ့ပြီး DKBA လက်နက်ကိုင်အဖွဲ့၊ ULA/AA လက်နက်ကိုင်အဖွဲ့တို့နဲ့လည်း ထိတွေ့ပစ်ခတ်မှုအချို့ ရှိခဲ့တယ်လို့ Myanmar Peace Monitor ရဲ့ အ ချက်အလက်တွေမှာ ပါရှိပါတယ်။

ဒီလို လက်နက်ကိုင်ပဋိပက္ခတွေ ဖြစ်ပွားနေဆဲအချိန်မှာပဲ NCA လက်မှတ်ရေးထိုးဖို့ အစိုးရနဲ့ ညှိနှိုင်းနေတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ကနေ ကချင်အဖွဲ့(KIO) ၊ တအာင်းပလောင်အဖွဲ့ (TNLA) ၊ ကိုးကန့်အဖွဲ့ (MNDAA) နဲ့ ‘၀’ အမျိုးသားအဖွဲ့ချုပ် (WNO) တို့က နုတ်ထွက်ခဲ့ပြီး  ‘၀’ ပြည် သွေးစည်းညီညွတ်ရေးပါတီ (UWSP) ဦးဆောင်မှုအောက်ကို ရောက်သွားပါတယ်။

‘၀’ ပြည် သွေးစည်းညီညွတ်ရေးပါတီ (UWSP) က ဦးဆောင်ပြီး ကချင်လွတ်လပ်ရေးအဖွဲ့(KIO) ၊ ရက္ခိုင်အမျိုးသားအဖွဲ့ချုပ် (ULA) ၊ ပလောင်ပြည်နယ်လွတ်မြောက်ရေးတပ်ဦး (PSLF) ၊ မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ(MNTJP) ၊ ရှမ်းပြည်တိုးတက်ရေးပါတီ(SSPP) ၊ ရှမ်းပြည်နယ်အရှေ့ပိုင်း ငြိမ်းချမ်းရေးနှင့် စည်းလုံးရေးကော်မတီ (PSC) တို့နဲ့ စုဖွဲ့ပြီး ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ (FPNCC) ကို  ဖွဲ့စည်းလိုက်ပါတယ်။

ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) အနေနဲ့ NCA လက်မှတ်မထိုးဘဲ အစိုးရနဲ့ နိုင်ငံရေးဆွေးနွေးဖို့ ကြိုးစားလာပါတယ်။ ဒါကြောင့်လည်း နောက်ပိုင်းမှာ NCA ဟာ တိုင်းရင်းသားတွေ လိုလားချက်အတွက် မပြည့်စုံဘူးဆိုပြီး မြောက်ပိုင်း ခုနစ်ဖွဲ့ရဲ့ မူဝါဒတွေ၊ ရပ်တည်ချက်တွေနဲ့ အပစ်ရပ်စာချုပ်ကို ဖော်ပြခဲ့ပါတယ်။

အစိုးရအနေနဲ့ မြောက်ပိုင်းအဖွဲ့ရဲ့ စုဖွဲ့မှုနဲ့ မူဝါအပေါ် လက်ခံခြင်းမရှိသလို အဲဒီအဖွဲ့တွေ NCA မှာ ပါဝင်လက်မှတ်ရေးထိုးရေးကိုလည်း ညှိနှိုင်းမှုမလုပ်ခဲ့ပါဘူး။ အထူးသဖြင့် တပ်မတော်က NCA ပြင်ဆင်ဖို့ မရှိ ဘူးဆိုပြီး တုံ့ပြန်မှု ပြုလုပ်ခဲ့ပါတယ်။

“တပ်မတော်ရဲ့ငြိမ်းချမ်းရေး ရပ်တည်ချက်ကတော့ ကျွန်တော်တို့ နိုင်ငံရဲ့ငြိမ်းချမ်းရေးမဟာဗျူဟာဖြစ်တဲ့ NCA လမ်းကြောင်းပေါ်မှာ မသွေမဖည် ခိုင်ခိုင်မာမာရပ်တည် လုပ်ဆောင်သွားမှာဖြစ်ပါတယ်။ NCA လမ်းကြောင်းကို လျှောက်လှမ်းရာမှာလည်း တပ်မတော်ရဲ့ငြိမ်းချမ်းရေးမူ (၆) ရပ်နဲ့အညီ ခိုင်မာစွာ ရပ်တည်လုပ်ဆောင်သွားမှာ ဖြစ်ပါတယ်”လို့ ပြည်ထောင်စုငြိမ်းချမ်း ရေးညီလာခံ- ၂၁ ရာစုပင်လုံ (ဒုတိယအကြိမ်) အစည်းအဝေး နှုတ်ခွန်း ဆက် အမှာစကားမှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထည့်သွင်း ပြောကြားခဲ့ပါတယ်။

ဒါပေမဲ့ တရုတ်နိုင်ငံရဲ့ ကြားဝင်စေ့စပ်ပေးမှုကြောင့် ၂၁ ရာစုပင်လုံ ဒုတိယအကြိမ် အစည်းအဝေးကို အထူးဖိတ်ကြားသူအနေနဲ့ UWSA မှ ဦးကျောက်ကော်အမ်းနဲ့ KIO မှ ဗိုလ်ချုပ်ကြီး အင်ဘန်လတို့က တက်ရောက်ခဲ့ပါတယ်။ အစည်းအဝေးကို တက်ရောက်လာတဲ့ မြောက်ပိုင်းခုနစ်ဖွဲ့ကို ဒေါ်အောင်ဆန်းစုကြည်က သူ့နေအိမ်မှာ နှစ်ဖွဲ့ခွဲ တွေ့ဆုံဧည့်ခံခဲ့ပေမယ့် ဆွေးနွေးမှု မဟုတ်ကြောင့် ဘာအဖြေမှတော့ မထွက်ခဲ့ပါဘူး။

၂၁ ရာစု ပင်လုံ ဒုတိယအကြိမ်အစည်းအဝေးကို မြောက်ပိုင်း ခုနစ်ဖွဲ့က တက်ရောက်ခဲ့ပေမယ့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ကတော့ တက်ရောက်ခဲ့ခြင်း မရှိခဲ့ပါဘူး။ ဘာကြောင့်လဲဆိုတော့ တန်းတူပါဝင်ခွင့် မရသေးတဲ့ အခြေအနေကြောင့်လို့ UNFC ဘက်က ဆိုပါတယ်။

“ကျွန်မတို့အစိုးရအနေနဲ့ ငြိမ်းချမ်းရေးလုပ်ငန်းစဉ်ကို စတင်ခဲ့ချိန်မှာ NCA လက်မှတ်ရေးထိုးဖို့ ညှိနှိုင်းဆဲအဖွဲ့တွေ ရှိနေသလို အခြားတစ်ဖက်မှာလည်း NCA ကို လက်မခံနိုင်သေးတဲ့အဖွဲ့တွေ ရှိနေခဲ့ပါ တယ်။ ဒီအဖွဲ့တွေနဲ့ တွေ့ဆုံဆွေးနွေးဖို့ ငြိမ်းချမ်းရေးတံခါးဖွင့်လှစ်ထားပြီး လက်ကမ်းကြိုဆိုလျက်ရှိ နေပါတယ်”လို့ ၂၀၁၇ ခုနှစ် အောက်တိုဘာ ၁၅ ရက်က ကျင်းပတဲ့ NCA လက်မှတ်ရေးထိုးခြင်း နှစ်နှစ်မြောက် အထိမ်းအမှတ်အခမ်းအနား မိန့်ခွန်းမှာ ဒေါ်အောင်ဆန်းစုကြည်က ထည့်သွင်းပြောကြားခဲ့ပါတယ်။

၂၁ ရာစု ပင်လုံ ဒုတိယအကြိမ် အစည်းအဝေးနောက်ပိုင်း ကာလအတော်ကြာ ညှိနှိုင်းမရဖြစ်နေတဲ့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပမယ့် နေရာကို ခြောက်ကြိမ်မြောက် NCA အကောင်အထည်ဖော်ရေးဆိုင်ရာ ညှိနှိုင်းအစည်းအဝေး (JICM) မှာ သဘောတူညီမှု ရခဲ့ပါတယ်။

ရှမ်းပြည် ပြန်လည်ထူထောင်ရေး ကောင်စီ (RCSS) က တောင်ကြီး ဒါမှမဟုတ် ပင်လုံမှာ ရှမ်းလူမျိုး အလိုက် အမျိုးသားအဆင့် နိုင်ငံရေး ဆွေးနွေးတွေကို ကျင်းပချင်ပေမယ့် တပ်မတော်က မိုင်းပန်မှာ ကျင်းပဖို့ သဘောတူမှုကို ဒေါ်အောင်ဆန်းစုကြည် ကြားဝင်စေ့စပ်မှုနဲ့ လင်းခေးမြို့မှာ ကျင်းပဖို့ သဘောတူခဲ့ပါတယ်။

ဒီလို အဆင်ပြေချောမွေ့လာပြီလို့ ထင်ရတဲ့  အချိန်မှာပဲ UPDJC နဲ့ JICM သဘောတူညီချက်အရ ပြုလုပ်မယ့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ အကြိုလူထုတွေ့ဆုံပွဲတွေကို ကျင်းပတဲ့အခါမှာ တပ်မတော်က ဟန့်တားခဲ့ပါတယ်။

အမျိုးသားအဆင့် နိုင်ငံရေးဆွေးနွေးပွဲများ လုပ်ငန်းစဉ်အရ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို မြန်မာနိုင်ငံ ရှမ်းလူမျိုးများ နေထိုင်ရာဒေသတွေမှာ ကျင်းပရမှာဖြစ်တာကြောင့် လူထုတွေ့ဆုံပွဲတွေကို ရှမ်းပြည်နယ်နဲ့ ရှမ်းလူမျိုးများရှိရာ ရှမ်းပြည်နယ်ပြင်ပမြို့တွေ မှာ အစိုးရရဲ့ သဘောတူညီချက်နဲ့ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး သဘောတူစာချုပ်ပါ အချက်တို့အရ ပြုလုပ်ခဲ့ပါတယ်။

၂၀၁၇ ခုနှစ် ဒီဇင်ဘာ ၁၇ ရက် ကနေ ၂၅ ရက်အထိ ရှမ်းပြည်နယ်ထဲက မြို့နယ်ပေါင်း ၁၄ မြို့နယ်မှာ အမျိုးသားအဆင့် နိုင်ငံရေးဆွေးနွေးပွဲများ (အကြို) ဒါမှမဟုတ် လူထုတွေ့ဆုံပွဲတွေကို ကျင်းပတဲ့အခါ မြို့နယ်အများစုမှာ တပ်မတော်က မပြုလုပ်ဖို့ တားမြစ်ခဲ့ပြီး ပင်လုံ၊ တာချီလိတ်၊ ကာလိ၊ ကျောက်မဲ စတဲ့ မြို့နယ်တွေ က အဆိုးဆုံးဖြစ်ခဲ့ပါတယ်။

ဒီဖြစ်စဉ်နဲ့ပတ်သက်လို့ ရှမ်း ပြည်ထူထောင်ရေးကောင်စီ (RCSS) ကနေ ၂၀၁၈ ခုနှစ် ဇန်န၀ါရီ ၈ ရက် နေ့စွဲနဲ့ အမျိုးသားအဆင့် နိုင်ငံရေးဆွေးနွေးပွဲကို ယာယီရွေ့ ဆိုင်းလိုက်တယ်လို့ ကြေညာချက် တစ်စောင် ထုတ်ပြန်ခဲ့ပါတယ်။

ဒီလို လူထုတွေ့ဆုံပွဲတွေကို ပိတ်ပင်တာက မဖြစ်သင့်ဘူးလို့ ရှမ်းပြည်ပြန်လည်ထူထောင်ရေးကောင်စီ RCSS မှ ပြောရေးဆိုခွင့်ရှိသူ ဒုတိယဗိုလ်မှူးကြီး စိုင်းဦးက ဆိုပါတယ်။

“ကျွန်တော်တို့ RCSS အနေနဲ့ လင်းခေးမှာလုပ်ဖို့ ရည်ရွယ်ထားပြီးသား။ တခြား NCA-s EAO အဖွဲ့ တွေဖြစ်တဲ့ ရခိုင်ကလည်း လုပ်ခွင့်မရသေးဘူး။ ကရင်မှာပဲ လုပ်ခွင့်ရပြီးတော့ တခြားတိုင်းနဲ့ ပြည်နယ်တွေမှာ လုပ်ဖို့အတွက်ကျတော့ လုပ်ခွင့်မကျဘူး။ အဲဒီလိုတွေ ဖြစ်နေတယ်။ အမှန်က လူထုဆွေးနွေးပွဲတွေကို ကျယ်ကျယ်ပြန့်ပြန့် လုပ်ဆောင်နိုင်လေ ငြိမ်းချမ်းရေးဖြစ်စဉ်အတွက် ပိုကောင်းလို့ ကျွန်တော်တို့က အဲဒီလို မြင်တယ်။ ပြည်သူလူထုနဲ့ တွေ့ဆုံပွဲအတွက်  ဆွေးနွေးပွဲတွေအတွက် ပိတ်ပင်ခံရတယ်ဆိုတာက အမှန်ဆိုရင် ဒီကိစ္စက မဖြစ်သင့်ဘူး” လို့ ဒုတိယဗိုလ်မှူးကြီး စိုင်းဦးက ပြောပါတယ်။

ဒီကိစ္စအပေါ်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်း ရှစ်ဖွဲ့ရဲ့ ငြိမ်းချမ်းရေးလုပ်ငန်းစဉ် ဦးဆောင် အဖွဲ့ (PPST) အရေးပေါ် အစည်းအဝေးကို ၂၀၁၈ ခုနှစ် ဇန်န၀ါရီ ၁၁ ရက်မှ ၁၂ ရက်အထိ ထိုင်းနိုင်ငံ၊ ချင်းမိုင်မြို့တွင် ပြုလုပ်ခဲ့ပါတယ်။ အစည်းအဝေးပြီးဆုံးချိန်မှာတော့ အချက်လေးချက်ပါတဲ့ တောင်းဆိုချက်တစ်ရပ် ထုတ်ပြန်ခဲ့ပါတယ်။တောင်းဆိုချက်ရဲ့ ပထမအချက်မှာ နိုင်ငံရေးဆွေးနွေးပွဲဆိုင်ရာ လုပ်ငန်းစဉ် အဆင့်ဆင့်ကို အကောင်အထည် ဖော်ဆောင်ရွက်ပြီးမှသာ ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံ (တတိယအစည်းအဝေး) ကို ဆက်လက်ပြုလုပ်သွားမယ်လို့ ပါရှိတာကြောင့် ၂၀၁၈ ခုနှစ် ဇန်န၀ါ ရီလကုန်ပိုင်းမှာ ကျင်းပဖို့ လျာထားတဲ့  ၂၁ ရာစု ပင်လုံတတိယအကြိမ် အစည်းအဝေးကို အစိုးရက ရွှေ့ဆိုင်းခဲ့ရပါတယ်။

အစိုးရက ကျင်းပခွင့်ပြုထားပေမယ့် အမျိုးသားအဆင့် နိုင်ငံရေး အကြိုဆွေးနွေးပွဲတွေကို တပ်မတော်က ကျင်းပခွင့် ပိတ်ပင်ခြင်းဟာ အရှိန်မြင့်လာတဲ့ အစိုးရငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေး မူဝါဒအကြား ပွတ်တုိုက်မှု ရလဒ်ဖြစ်နိုင်တယ်လို့ တိုင်းရင်းသား လက်နက်ကိုင်အဖွဲ့အစည်းတွေက သုံးသပ်ခဲ့ပါတယ်။

အဓိက,ကတော့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေးလမ်းစဉ်နဲ့ တပ်မတော်ရဲ့ ငြိမ်းချမ်းရေးမူ ကွာဟချက်က ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရေးနဲ့ မပြင်ဆင်ရေးပဲ ဖြစ်ပါတယ်။ ဒေါ်အောင်ဆန်းစုကြည်က ငြိမ်းချမ်းရေး ဆွေးနွေးရင်းနဲ့ နိုင်ငံရေးအရ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖို့ ဦးတည်ထားပြီး တပ်မတော်ဘက်ကတော့ ငြိမ်းချမ်းရေးကုို ၂၀၀၈ ဖွဲ့စည်းပုံအခြေခံဥပဒေဘောင်အတွင်းကသာ တည်ဆောက်ဖို့ ရည်ရွယ်ထားထားပါတယ်။ တပ်မတော်ဘက်က မူ ခြောက်ချက်ကို ဆုပ်ကိုင်ထားပြီး နိုင်ငံတော်၏ အတိုင်ပင်ခံပုဂ္ဂိုလ်က ငြိမ်းချမ်းရေး လမ်းပြမြေပုံ ခုနစ်ချက်ကို ထုတ်ပြန်ထားပါတယ်။

တပ်မတော်ရဲ့ ငြိမ်းချမ်းရေး မူ ၆ ချက်မှာ ၁။ ထာဝရငြိမ်းချမ်းရေး ရယူရန်အတွက် အမှန်တကယ် ဆန္ဒရှိရန်၂။ သဘောတူစာချုပ်များအတိုင်း ကတိတည်ရန် ၃။ ငြိမ်းချမ်းရေး သဘောတူညီချက်များအပေါ် အမြတ်မထုတ်ရန် ၄။ ဒေသခံပြည်သူများအပေါ် ၀န်ထုတ်ဝန်ပိုးမဖြစ်စေရန် ၅။ နိုင်ငံတော်မှ ထုတ်ပြန်ထားသည့် တည်ဆဲဥပဒေများကို လိုက်နာရန် ၆။ ဒို့တာဝန် အရေးသုံးပါးနှင့် ဒီမိုကရေစီ အနှစ်သာရကို လက်ခံပြီး ၂၀၀၈ ဖွဲ့စည်းပုံ အခြေခံ ဥပဒေဖြင့် ဒီမိုကရေစီလျှောက်လှမ်းနေမှုတွင် လိုက်ပါလုပ်ဆောင်ဖို့ ဖြစ်ပါတယ်။

ဒါကြောင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ငြိမ်းချမ်းရေး လမ်းပြမြေပုံ ခုနစ်ချက်နဲ့ တပ်မတော်ရဲ့မူ ခြောက်ချက်က ဦးတည်ချက်ခြားနားနေပြီး အနှစ်သာရလည်း ကွာခြားနေတာကို တွေ့ရပါတယ်။

“အစိုးရနဲ့ တပ်မတော်က တစ်ထပ်တည်း မဖြစ်တော့ ကျွန်တော်တို့ EAO လည်း အလုပ်လုပ်ရတာ အခက်အခဲ ဖြစ်တယ်”လို့ ပအိုဝ်းအမျိုး သားလွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က ပြောကြားပါတယ်။

သမ္မတဦးသိန်းစိန် အစိုးရ အာဏာမလွှဲပြောင်းမီ ကတိုက်ကရိုက်ချုပ်ဆိုခဲ့တဲ့ NCA စာချုပ်မှာ မရှင်းလင်းမှုတွေ၊ လုပ်ငန်းစဉ် မပီပြင်မှုတွေ၊ အဓိပ္ပာယ်ဖွင့်ဆိုချက် နှစ်ခွဖြစ်နေမှုတွေရှိနေတဲ့အတွက်  အဓိပ္ပာယ် တိတိကျကျ သတ်မှတ်မှသာ အကောင်အထည်ဖော်ရာမှာ အထောက်အကူဖြစ်လိမ့်မယ်လို့ တိုင်းရင်းသားလက်နက်ကိုင်အဖွဲ့တွေက ဆိုပါတယ်။

တိကျရှင်းလင်းမှု မရှိတဲ့အတွက် အဓိပ္ပာယ် နှစ်ခွဖြစ်နေတဲ့အပေါ် အစိုးရ၊ တပ်မတော်နဲ့ တိုင်းရင်း သားလက်နက်ကိုင် အဖွဲ့အစည်းတွေအကြား အဓိပ္ပာယ်ကောက်ယူရာမှာ လွဲမှားမှုတွေ ရှိနေတာကြောင့် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲတွေကို တားမြစ်ပိတ်ပင်မှုတွေ ဖြစ်ခဲ့တာပါ။

“တတိယအကြိမ် ပင်လုံညီလာခံကို ကျင်းပမယ်ဆိုရင် အမျိုးသားအဆင့် နိုင်ငံရေးဆွေးနွေးပွဲ မကျင်းပရသေးတဲ့ ရှမ်းနဲ့ရခိုင်မှာ အမျိုးသားအဆင့် နိုင်ငံရေးဆွေးနွေးပွဲတွေ ကျင်းပနိုင်မယ်ဆို ပိုထိရောက်မယ်။  တတိယပင်လုံဟာ ပိုပြီး အဓိပ္ပာယ် ပြည့်ဝလာလိမ့်မယ်။ ကျင်းပခွင့် မရှိဘူးဆိုရင်တော့ တတိယပင်လုံမှာ ဘာကို ဆွေးနွေးကြမလဲ။ ဘယ်အချက်ကို အခြေခံပြီးတော့ ဆွေးနွေးမလဲ။ အဲဒီလိုမျိုး စဉ်းစားစရာကြီး ဖြစ်နေတယ်”လို့ ပအိုင်းအမျိုးသား လွတ်မြောက်ရေးအဖွဲ့ချုပ် (PNLO) မှ တွဲဖက်အထွေထွေအတွင်းရေးမှူး (၁) ဦးခွန်ထွန်းတင်က မေးခွန်းထုတ်လိုက်ပါတယ်။

ဒီလို ၂၀၁၇ ငြိမ်းချမ်းရေးနှစ်မှာ အကျပ်အတည်းတွေ ရှိခဲ့ပေမယ့် နိုင်ငံတော်၏အတိုင်ခံပုဂ္ဂိုလ် ဒေါ်အောင်ဆန်းစုကြည်ကတော့ ငြိမ်းချမ်းရေးစကားဝိုင်းတွေကို ဆက်လက်ကျင်းပခဲ့ပါတယ်။ ၂၀၁၈ ဧပြီ ၁၀ ရက်က ဧရာဝတီတိုင်း မြောင်းမြမြို့မှာ နိုင်ငံတော်အတိုင်ပင်ခံပုဂ္ဂိုလ်နဲ့ မြောင်းမြမြို့ဒေသခံပြည်သူတွေရဲ့ စကားဝိုင်းကို ကျင်းပခဲ့ပါတယ်။ အမှန်က ၂၀၁၈ ဖေဖော်ဝါရီတုန်းက မော်လမြိုင်မြို့မှာ ကျင်းပဖို့ ပြင်ဆင်ခဲ့ပေမယ့် မဖြစ်ခဲ့ဘဲ ဧပြီလရောက်မှသာ မြောင်းမြမြို့မှာ စကားဝိုင်းကို ကျင်းပနိုင်ခဲ့တာ ဖြစ်ပါတယ်။

ဆွေးနွေးမှုအပြီး အင်တာနက်အွန်လိုင်းကနေ မေးမြန်းတဲ့ မေးခွန်းကို ဒေါ်အောင်ဆန်းစုကြည်က ပြန်လည်ဖြေကြားရာ NCA မှာ တိုင်းရင်းသားလက်နက်ကိုင်အားလုံး ပါဝင်လက်မှတ်ရေးထိုးခြင်း မရှိသေး တာက တစ်ဦးနဲ့တစ်ဦး ယုံကြည်မှု မရှိတာကြောင့် ဖြစ်တယ်လို့ ဆိုပါတယ်။

၂၀၁၈ ခုနှစ် ဖေဖော်ဝါရီ ၁၃ ရက်က ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ  (UNFC) အဖွဲ့ဝင်ဖြစ်တဲ့ မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့က တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ လက်မှတ်ရေးခဲ့ကြပါတယ်။

NCA စာချုပ်မှာ လက်မှတ်ရေးထိုးထားတဲ့ ကရင်အမျိုးသား အစည်းအရုံး (KNU) ၊ ရှမ်းပြည် ပြန်လည်ထူထောင်ရေးကောင်စီ (RCSS) ၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ၊ ချင်းအမျိုးသားတပ်ဦး (CNF) ၊ ရခိုင်ပြည်လွတ်မြောက်ရေးပါတီ (ALP) ၊ ဒီမိုကရေစီအကျိုးပြု ကရင်တပ်မတော် (DKBA) KNLA ငြိမ်း ချမ်းရေးကောင်စီအပြင် မွန်ပြည်သစ်ပါတီ (NMSP) နဲ့ လားဟူဒီမိုကရက်တစ်အစည်းအရုံး (LDU) တို့လည်း ပါဝင်လာတာ ဖြစ်ပါတယ်။

NCA စာချုပ်မှာ တိုင်းရင်းသားလက်နက်ကိုင်အဖွဲ့နှစ်ဖွဲ့ ထပ်တိုးလာတာကြောင့် NLD အစိုးရ လက်ထက်မှာ ငြိမ်းချမ်းရေးလုပ်ငန်းစဉ်က ပြီးမြောက်အောင်မြင်နိုင်မလားဆိုတဲ့ မျှော်လင့်ချက်တွေက ပြည်သူတွေကြားမှာ မြင့်တက်လို့လာပါတယ်။ ဒီလိုမျှော်လင့်ချက်တွေ မြင့်တက်နေတုန်းမှာပဲ NCA လက်မှတ်ရေးထိုးထားတဲ့ ကရင်ပြည်နယ်မြောက်ပိုင်း ဖာပွန်ခရိုင်ထဲက ကရင်အမျိုးသားအစည်းအရုံး (KNU) ရဲ့ တပ်မဟာ (၅) ထိန်းချုပ်နယ်မြေမှာ မတ် ၅ ရက်က တပ်မတော်နဲ့ KNU အကြား တိုက်ပွဲပြန်လည်ဖြစ်ပွားခဲ့ပါတယ်။ တိုက်ပွဲဖြစ်ရတဲ့ အကြောင်းကတော့ တပ်မတော်အနေ နဲ့ KNU တပ်မဟာ ၅ နယ်မြေအတွင်း လမ်းဖောက်လုပ်ခဲ့တာကြောင့် နှစ်ဖက်တင်းမာမှုဖြစ်ပွားပြီး တိုက်ပွဲတွေ တစ်ကျော့ပြန်ဖြစ်လာတာပါ။ ဒါပေမဲ့ မေ ၁၇ ရက်က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ KNU ဥက္ကဋ္ဌ စောမူတူးစေးဖိုးတို့ တွေ့ဆုံခဲ့ပြီး ခေးပူ-လွယ်မူပလောလမ်းကြောင်း ပြုပြင်ဆောင်ရွက်နေမှုကို တပ်မတော်ကနေ ယာယီရပ်ဆိုင်းပေးထားမယ်ဆိုတဲ့ ဆွေးနွေးသဘောတူညီမှု ရရှိခဲ့ပြီးနောက်မှာတော့ နှစ်ဖက်ထိတွေ့မှုတွေ ရပ်တန့်ခဲ့ပါတယ်။

NCA စာချုပ်ကို လက်မှတ်ရေးထိုးလိုက်တဲ့အတွက် မွန်ပြည်သစ်ပါတီ (NMSP) အနေနဲ့ NCA စာချုပ်အရ  အမျိုးသားအဆင့် နိုင်ငံရေးဆွေးနွေးပွဲတွေ မကျင်းပမီ မွန်ပြည်သစ်ပါတီအခြေစိုက်ရာ ခရိုင်ငါးခုမှာ မတ်လအတွင်း အကြိုလူထု တွေ့ဆုံပွဲများကျင်းပဖို့ စီစဉ်ခဲ့ပေမယ့် တပ်မတော်က လူဦးရေကန့် သတ်လာမှုကြောင့် ရပ်ဆိုင်းခဲ့ရပါတယ်။

မွန်ပြည်နယ်မှာ ဖြစ်သွားတဲ့ အမျိုးသားအဆင့် နိုင်ငံရေးဆွေးနွေးပွဲအကြိုလူထုတွေ့ဆုံမှု ကန့်သတ်မှုတွေရှိနေတာက ရှမ်းပြည်နယ်မှာ ဖြစ်ပွားခဲ့တဲ့ တားမြစ်ခံရမှု တူညီနေပါတယ်။ ဒီလို လူထုတွေ့ဆုံပွဲ တွေကို ကန့်သတ်တားမြစ်မှုတွေဟာ NCA လက်မှတ်ထိုးဖို့ ကျန်ရှိနေသေးတဲ့ တိုင်းရင်းသားလက်နက် ကိုင်အဖွဲ့တွေရဲ့ ယုံကြည်မှုကို ထိခိုက်စေပါတယ်။

NCA စာချုပ်ပါ အခန်း (၅) နိုင်ငံရေးဆွေးနွေးပွဲဆိုင်ရာ အာမခံချက်များအခန်း ပုဒ်မ ၂၀ ကို ဖောက်ဖျက်ရလည်း ကျပါတယ်။ ဘာလို့လဲဆိုတော့ ပုဒ်မ ၂၀ ပါ  “နိုင်ငံ ရေးလမ်းပြမြေပုံ ချမှတ်ခြင်း” မှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် လက်မှတ်ရေးထိုးခြင်းအပါအ၀င် ဆက်လက်လုပ်ဆောင်ရမယ့် အချက် ခြောက်ခု ရှိပါတယ်။ အဲဒီထဲက တတိယအချက်မှာ “ထိုမူဘောင်ကို အခြေခံ၍ အမျိုးသားအဆင့် နိုင်ငံ ရေးဆွေးနွေးပွဲများ ကျင်းပခြင်း၊ လုံခြုံရေးဆိုင်ရာ ပြန်လည်ပေါင်းစည်းခြင်းကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးခြင်းနှင့် နှစ်ဖက်သဘောတူညီသော ကြိုတင်ဆောင်ရွက်ဖွယ်ရာများကို လုပ်ဆောင်ခြင်း” ဖော်ပြထားပါတယ်။ ဒါကြောင့် အမျိုးသားအဆင့်နိုင်ငံရေးဆွေးနွေးပွဲ အကြို လူထုတွေ့ဆုံပွဲတွေကို ကန့်သတ်တားမြစ်တာဟာ NCA စာ ချုပ်ပါ ပုဒ်မ ၂၀ ကို ချိုးဖောက်သလို ဖြစ်နေတယ်လို့ ဆိုရမှာပါ။

လက်ရှိအချိန်မှာ NCA လက် မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (တတိယအစည်းအဝေး) ကို လာမယ့်ဇူလိုင်လထဲမှာ လုပ်ဖို့ အစိုးရဆီ အဆိုပြုထားပေမယ့် ညီလာခံကျင်းပမယ့်ရက်ကိုတော့ သတ်မှတ်နိုင်ခြင်း မရှိသေးပါဘူး။  ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ (ဒုတိယ အစည်းအဝေး) ကို ၂၀၁၇ မေလက ကျင်းပခဲ့ပြီး လက်ရှိအချိန်အထိ ၂၁ ရာစုပင်လုံ (တတိယအစည်းအဝေး) ကို မကျင်းပနိုင်ခဲ့တာ တစ်နှစ်ကျော် ကြာခဲ့ပါပြီ။ ဒီတစ်နှစ်အတွင်း ၂၁ ရာစုပင်လုံ (တတိယအစည်းအဝေး) ကို ရွှေ့ဆိုင်းခဲ့ရတာ သုံးကြိမ်အထိ ရှိခဲ့ပြီး လက်ရှိအချိန်မှာ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက လာမယ့်ဇူလိုင်လအတွင်းမှာ ကျင်းပဖို့ အစိုးရထံ အဆိုပြုခဲ့တာပါ။

လက်ရှိအချိန်မှာလည်း လုံခြုံရေးကဏ္ဍနဲ့ပတ်သက်လို့ အစိုးရ၊ တပ်မတော်နဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်  (NCA) လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့တွေက အလွတ်သဘောတွေ့ဆုံ ဆွေးနွေးမှုတွေကို လုပ်နေပါတယ်။

ဒီလို ငြိမ်းချမ်းရေးလမ်းကြောင်းမှာ အကျပ်အတည်းတွေ ရှိနေပေမယ့်လည်း ၂၀၁၈ ဇွန် ၁၄ ရက်က မော်လမြိုင်မြို့မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဒေသခံပြည်သူတွေရဲ့ ငြိမ်းချမ်းရေးစကားဝိုင်းကို ကျင်းပခဲ့ပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေနဲ့ ငြိမ်းချမ်းရေးစကားဝိုင်းတွေကို ၂၀၁၇ ဇန်န၀ါရီ  ၁ ရက်က နေ ၂၀၁၈ ဇွန် ၁၄ ရက်အထိ ကျင်းပလာခဲ့တာ ခုနှစ်ကြိမ်တိတိ ရှိပြီဖြစ်ပါတယ်။

ဒီလိုငြိမ်းချမ်းရေးစကားဝိုင်းတွေကို ခုနစ်ကြိမ်အထိ ကျင်းပခဲ့ပေ မယ့်လည်း လက်ရှိသွားနေတဲ့ ငြိမ်းချမ်းရေးလမ်းကြောင်းကို အထောက်အကူမပြုဘူးလို့ သုံးသပ်မှုတွေကလည်း ရှိလာပါတယ်။ ဘာကြောင့် လဲဆိုတော့ ငြိမ်းချမ်းရေးလုပ်ငန်းစဉ်တွေမှာ ဘယ်လိုအကျပ်အတည်းတွေ ဖြစ်ပေါ်နေတယ်ဆိုတာကို ငြိမ်း ချမ်းရေးစကားဝိုင်းတွေဆီကနေ ပြည်သူတွေကို ချပြမှုမရှိတဲ့အတွက်ကြောင့်လို့ ထောက်ပြပြောဆိုမှုတွေ ရှိလာပါတယ်။

“ငြိမ်းချမ်းရေး စကားဝိုင်းတွေ လုပ်ခဲ့ပေမယ့် လက်ရှိငြိမ်းချမ်းရေး ဖြစ်စဉ်မှာ အထောက်အကူရတယ်လုိ့ ကျွန်တော်ကတော့ မမြင်ပါဘူး။ ဘာဖြစ်လို့လဲဆိုတော့ ငြိမ်းချမ်းရေးမှာ ဘယ်အဆင့်အထိရောက်နေလဲ ဆိုတာကို သာမန်ပြည်သူလူထုကမသိဘူး။ ဒီဟာကို လုပ်ဆောင်ဖို့အတွက်ကလည်း အစိုးရကလည်း တာဝန်ပျက်ကွက်တယ်။ ဒီလိုစကားဝိုင်း ပုံစံမဟုတ်ဘဲနဲ့ ငြိမ်းချမ်းရေးက ဘယ်လိုဖြစ်နေတယ်ဆိုတာ၊ ဘယ်လိုအခက်အခဲ အကျပ်အတည်းဖြစ်နေတယ်ဆိုတာကို ပြည်သူလူထုကို သိအောင်လို့ ချပြရမှာက အစိုးရရဲ့တာဝန်ဖြစ်တယ်။ ပြောရမယ်ဆိုရင် ချိုမှန်းချဉ်မှန်းတောင် မစားဖူးတဲ့ သူကို ချိုသလား ချဉ်သလားလို့ သွားမေးနေသလိုဖြစ်နေတော့ ကျွန်တော်က သိပ်သက်ရောက်မှုမရှိဘူးလို့ မြင်တယ်” လို့ ပြည်ထောင်စုငြိမ်းချမ်း ရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က မှတ်ချက်ပြုပါတယ်။

ကရင်အမျိုးသားအစည်းအရုံး (KNU) ဗဟိုကော်မတီဝင် ပဒိုမန်းငြိမ်းမောင်က “လူငယ်တွေကို ငြိမ်းချမ်းရေးကို ချပြတာတော့ ကျွန်တော်တို့က ဘယ်လိုမှ သဘောကွဲလွဲစရာမရှိပါဘူး။ ဒါပေမဲ့ ငြိမ်းချမ်းရေးမရ, ရခြင်းရဲ့ အကြောင်းက အဓိကအဟန့်အတားဖြစ်နေတာမှာဘာတွေ တစ်ဆို့နေလဲ။ ဘာတွေ အခက်အခဲရှိတယ်ဆိုတာ လူထုတွေ၊ လူငယ်တွေကိုချပြဖို့ လိုတယ်လို့ ထင်တယ်” လို့ ပြောပါတယ်။

ဒါ့အပြင် ငြိမ်းချမ်းရေးစကားဝိုင်းတွေက ထိရောက်မှု ရှိ၊ မရှိ ပြန် လည်သုံးသပ်ဖို့ လိုတယ်လို့ ကချင်ဒီမိုကရေစီပါတီရဲ့ ဥက္ကဋ္ဌ ဒေါက်တာမနန်တူးဂျာက ဆိုပါတယ်။

“ဒီစကားဝိုင်းတွေကို ပြန်လည် သုံးသပ်ဖို့ လိုတယ်။ ငြိမ်းချမ်းရေး ဖြစ်စဉ်အပေါ်မှာ ဘယ်လောက် အကျိုးရှိလာသလဲ။ အကျိုးရှိသလား၊ မရှိဘူးလားဆိုတာကို သက်ဆိုင်ရာခေါင်းဆောင်တွေနဲ့ အတိုင်ပင်ခံပုဂ္ဂိုလ်ကအစ ပြန်လည်သုံးသပ်ဖို့ လိုတယ်။ သုံးသပ်ပြီးတော့မှ ထိရောက်မှု သိပ်မရှိရင် ထိရောက်မှု ရှိအောင် လုပ်ရမယ်။ ဒီအတိုင်းပဲ ဒါကို ပြန်လည်သုံးသပ်တာ၊ ဆန်းစစ်တာ မရှိဘူးဆိုရင်တော့ ဒါက သိပ်ပြီး မထိရောက်နိုင်ဘူး” လို့ ဒေါက်တာ မနန်တူးဂျာက ဆိုပါတယ်။

ငြိမ်းချမ်းရေးစကားဝိုင်းတွေနဲ့ ပတ်သက်လို့ နိုင်ငံရေးလေ့လာသူ ဦးမောင်မောင်စိုးကတော့ နိုင်ငံ တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ ငြိမ်းချမ်းရေးနဲ့ပတ်သက်ပြီး လူထုကြားထဲကို မက်ဆေ့ပေးချင်ရုံ သက်သက်လို့သာ ထင်မိတယ်လို့ မှတ်ချက်ပြုပါတယ်။

နိုင်ငံတော်၏ အတိုင်ပင်ခံ ဒေါ်အောင်ဆန်းစုကြည်အနေနဲ့ လူငယ်တွေနဲ့ ငြိမ်းချမ်းရေးစကားဝိုင်းကို နှစ်လတစ်ကြိမ် ဒါမှမဟုတ် သုံးလတစ်ကြိမ်လုပ်ဖို့ရှိတဲ့အတွက် ငြိမ်းချမ်းရေးလမ်းကြောင်းကို တစ်စုံတစ်ရာ အထောက်အပံ့ဖြစ်ဖို့ဆိုရင် လူငယ်တွေသာမက ငြိမ်းချမ်းရေး၊ နိုင်ငံရေးကို ထဲထဲဝင်ဝင် လုပ်ဆောင်သူတွေနဲ့ပါ စကားဝိုင်းတွေ လုပ်သင့်တယ်လို့ အကြံပြုမှုတွေလည်း ရှိလာပါတယ်။ ဒီလိုမှ မဟုတ်ဘဲ ငြိမ်းချမ်းရေးစကားဝိုင်းတွေကို ဒီအတိုင်းသာ ဆက်လက်လုပ်ဆောင်နေမယ်ဆိုရင်တော့ ပြည်သူကို ငြိမ်းချမ်းရေးအသိလောက်သာ ပေးရုံရှိပြီး တကယ့်ငြိမ်းချမ်းရေးလမ်းကြောင်းကို အထောက်အကူ မပြုနိုင် တဲ့အတွက် မြန်မာ့ငြိမ်းချမ်းရေး ရာသီဥတု ပကတိအခြေအနေအမှန်ကို ပြည်သူတွေ တကယ်သိနိုင်မှာ မဟုတ်ပါဘူး။

ဒီကိစ္စနဲ့ပတ်သက်လို့ ပြည်ထောင်စုငြိမ်းချမ်းရေးပူးတွဲကော်မတီ (UPDJC) အတွင်းရေးမှူး စိုင်းကျော်ညွန့်က “တကယ် ငြိမ်းချမ်းရေးဆိုတဲ့ အဓိပ္ပာယ်ကို ပြီးပြည့်စုံစေတယ်ဆိုရင် တိုင်းရင်းသားလက်နက်ကိုင်တွေရဲ့အကြောင်းကို ဂဃနဏ နားလည်တဲ့လူ၊  နောက်ပြီး တိုင်းရင်းသားနိုင်ငံရေးပါတီအကြောင်းကို ဂဃနဏနားလည်တဲ့သူ၊ ပြီးတော့ လက်ရှိ နိုင်ငံရေးအခင်းအကျင်း တွေကိုလည်း သိတဲ့လူ၊ ပြီးရင် ဒေသနိုင်ငံရေးအခင်းအကျင်းကိုလည်း သိတဲ့လူတွေပါမယ်။ ကမ္ဘာ့အခင်းအကျင်းကို သိတဲ့လူတွေလည်း ပါမယ်။ အဲဒီလိုမျိုးလူတွေကို ထောင့်စုံအောင် ဖိတ်ကြားပြီးတော့ ပြောတယ်ဆို ဒီထက်ပိုပြီးတော့ အဓိပ္ပာယ်ရှိမယ်လို့မြင်တယ်” လို့ သုံးသပ်ပါတယ်။

တရုတ်ကို ဖယ်ထုတ်၍မရသော မြောက်ကိုရီးယားအရေး

ဇွန် ၁၅ ရက်က ဆိုးလ်မြို့ရှိ အမေရိကန်သံရုံးအနီး၌ တောင်ကိုရီးယား တက်ကြွလှုပ်ရှားသူများက ပူးတွဲစစ်ရေးလေ့ကျင့်မှုကို ရပ်စဲရန် တောင်းဆိုသည့် ဆန္ဒပြပွဲ ပြုလုပ်စဉ် (Photo: AFP)

ဒေါ်နယ်ထရန့်နဲ့ ကင်ဂျုံအွန်တို့ တွေ့ကြတဲ့ သမိုင်းဝင် ထိပ်သီးဆွေးနွေးပွဲမှာ တရုတ်ရဲ့ အခန်းကဏ္ဍမပါပါဘူး။ ဒါပေမဲ့ တရုတ်ဟာ မဟာဗျူဟာအရ အောင်ပွဲတစ်ရပ် ရရှိခဲ့တယ်လို့ ဆိုနိုင်ပြီး ဘယ်သူမှ တရုတ်ကို ဖယ်ထုတ်လို့ မရဘူးဆိုတဲ့ မက်ဆေ့ခ်ျကိုလည်း ရှင်းရှင်းလင်းလင်း ပေးနိုင်ခဲ့ပါတယ်။

အစောပိုင်း လအနည်းငယ်မှာ အမေရိကန်က မြောက်ကိုရီးယားနဲ့ အမေရိကန်အကြား တိုက်ရိုက်ဆက်သွယ်မှုကို ထူထောင်ပြီး မြောက်ကိုရီးယားနဲ့ စေ့စပ်ညှိနှိုင်းရာမှာ တရုတ်ကို ဖယ်ထုတ်ပစ်လိုက်သလိုပါပဲ။

ဒါပေမဲ့ တရုတ်ဟာ သူ့အတွက် ရေရှည်လုံခြုံရေးနဲ့ စီးပွားရေးဆိုင်ရာ အကျိုးစီးပွားရှိနေတဲ့ ကိုရီးယားကျွန်းဆွယ်နဲ့ပတ်သက်ပြီး ဖယ်ထုတ်မခံခဲ့ပါဘူး။ တရုတ်ကို ပစ်ပယ်လို့ မရဘူးလို့ အမေရိကန်ကိုရော မြောက်ကိုရီးယားကိုပါ တရုတ်အာဏာပိုင်တွေက သတိပေးဖို့ အလျင်အမြန် လှုပ်ရှားခဲ့ပါတယ်။

ပြီးတော့ ထိပ်သီးဆွေးနွေးပွဲအပြီးမှာ ဒေါ်နယ်ထရန့်က တောင်ကိုရီးယားနဲ့ ပူးတွဲပြုလုပ်နေကျဖြစ်တဲ့ ကြီးမားလှတဲ့ စစ်ရေးလေ့ကျင့်မှုကြီးကို ရပ်ဆိုင်းမယ်လို့ အံ့ဖွယ် ကြေညာခဲ့ပါတယ်။ အဲ့ဒါဟာ တရုတ်အတွက် ဟိုးရှေးရှေးကတည်းက ရည်မှန်းထားတဲ့ ပန်းတိုင်တစ်ရပ်ပါ။ ဖြစ်ရပ်တွေနဲ့ ပတ်သက်ပြီး တရုတ်က အမှတ်ယူနိုင်ခဲ့တယ်ဆိုတာ ထင်ရှားပါတယ်။

အမေရိကန်နိုင်ငံခြားရေးဝန်ကြီး မိုက်ပွန်ပီယိုက ထရန့်-ကင် တွေ့ဆုံမှုနဲ့ ပတ်သက်ပြီး တရုတ်သမ္မတ ရှီကျင်ပင်းအပြင် တခြားထိပ်တန်းခေါင်းဆောင်တွေနဲ့ တွေ့ဆုံဖို့ တရုတ်မြို့တော်ကို အပြေးအလွှား သွားခဲ့ရတဲ့အခါ သိသာထင်ရှားတဲ့ နောက်ထပ် အလှည့်အပြောင်းတစ်ရပ်က ပေါ်လွင်လာပါတယ်။

“စင်ကာပူထိပ်သီးဆွေးနွေးပွဲရဲ့ ရလဒ်တွေက တရုတ်ရဲ့ မျှော်လင့်ချက်တွေနဲ့ အခြေခံသဘောအရ ကိုက်ညီပါတယ်” လို့ ရှန်ဟိုင်းမြို့ ဖူဒန်တက္ကသိုလ်က နိုင်ငံတကာဆက်ဆံရေးကျွမ်းကျင်သူ ၀ူဆင်ပိုက ဆိုပါတယ်။

“ကိုရီးယားကျွန်းဆွယ်မှာ နျူကလီးယား အပြီးဖျက်သိမ်းရေးနဲ့ ကျွန်းဆွယ်အတွက် ငြိမ်းချမ်းရေးလုပ်ငန်းစဉ်တစ်ရပ် ထူထောင်ရေးဟာ တရုတ်ရဲ့ အစဉ်အမြဲ တောင်းဆိုချက်နဲ့ ကိုက်ညီပါတယ်” လို့လည်း ၀ူဆင်ပိုက ဆိုပါတယ်။

ထွက်ပေါ်လာတဲ့ရလဒ်က တရုတ်ကို မဟာဗျူဟာအရ အောင်နိုင်သူ ဖြစ်သွားစေတယ်လို့ အမည်မဖော်လိုတဲ့ အနောက်တိုင်း သံတမန်တစ်ဦးက ပြောပါတယ်။

“အရင်ကဆို ထရန့်က တောင်ကိုရီးယားနဲ့ ပူးတွဲစစ်ရေးလေ့ကျင့်မှုကို ရပ်စဲဖို့ပြီးတော့ အနာဂတ်မှာ တောင်ကိုရီးယားကနေ အမေရိကန်တပ်တွေ ရုပ်သိမ်းဖွယ်ရှိလာမယ့် အရိပ်အယောင်ကို တွေ့ရဖို့ သူတို့ အိပ်မက်တောင် မမက်နိုင်ပါဘူး” လို့ အဲဒီအနောက်တိုင်းသံတမန်က ပြောပါတယ်။

ထိပ်သီးဆွေးနွေးပွဲရလဒ်အပေါ် တရုတ်ရဲ့ သြဇာသက်ရောက်မှုရှိတယ်ဆိုတာ မြေကြီးလက်ခတ်မလွဲတဲ့ ကောက်ချက်ချမှုပါပဲ။

နှစ်အတန်ကြာအောင် တရုတ်ဟာ ကင် အစိုးရ ပြိုကျသွားမှာကို စိုးရိမ်တာမို့ နိုင်ငံတကာက ဖိအားပေးမှုကို ရင်ဆိုင်နေရချိန်မှာ မြောက်ကိုရီးယားစီးပွားရေးကို ကျားကန်ပေးထားခဲ့ပါတယ်။ တောင်ကိုရီးယားမှာ အမေရိကန်တပ်တွေရှိနေတာကို မဟာဗျူဟာမြောက် ပြန်ထောက်ထားဖို့ရာ မြောက်ကိုရီးယားဟာ တရုတ်အတွက် အရေးကြီးပါတယ်။

ဒါပေမဲ့ လွန်ခဲ့တဲ့နှစ်အတွင်း မြောက်ကိုရီးယားက နျူကလီးယားနဲ့ ဒုံးကျည်စမ်းသပ်မှုတွေ အထပ်ထပ် ပြုလုပ်နေတာကို တရုတ်က လျစ်လျူမပြုနိုင်ခဲ့ပါဘူး။ ဒါကြောင့် ကုလသမဂ္ဂက ပိတ်ဆို့မှုတွေလုပ်တာကို ထောက်ခံဖို့ ရွေးချယ်ခဲ့ပြီး မြောက်ကိုရီးယားကနေ ကျောက်မီးသွေး၊ အထည်အလိပ်နဲ့ တခြားကုန်ပစ္စည်းတွေ တင်သွင်းတာကို ဖြတ်တောက်ခဲ့ပါတယ်။

အမေရိကန်ဟာ တရုတ်မပါဘဲနဲ့လည်း ဆက်သွားမယ်လို့ ရည်ရွယ်ထားပုံရတာကို တွေ့ရတော့ တရုတ်က အသာကလေး လွှတ်ပေးလိုက်တာပါပဲ။

မတ်လမှာ ထရန့်က ကင်ဂျုံအွန်နဲ့ တွေ့ဆုံမယ့် သူ့အစီအစဉ်ကို ကြေညာလိုက်တဲ့အခါ အမေရိကန်အနေနဲ့ ကြားပွဲစားကိုဖျောက်ပြီး ကင်ဂျုံအွန်နဲ့ တိုက်ရိုက်ဆက်ဆံဖို့ စီစဉ်နေတယ်ဆိုတာ သိသာလာပါတယ်။ ဒါပေမဲ့ တရုတ်ဟာ ကစားပွဲထဲကနေ သူ့ဘာသာ အသာပြန်လျှိုသွားဖို့ ကြိုးပမ်းခဲ့ပါတယ်။

နှစ်အတန်ကြာအောင် ၀ိုင်းပယ်ခံထားရတဲ့ ကင်ဂျုံအွန်ဟာ ပထမဆုံး တရားဝင်ခရီးစဉ်အဖြစ် ရုတ်တရက်ကြီး ပေကျင်းကို သွားပါတယ်။ သိပ်မကြာခင်မှာပဲ တရုတ်ဆိပ်ကမ်းမြို့ ဒါလီယန်မှာ ရှီကျင်ပင်းနဲ့ ဒုတိယအကြိမ်မြောက် တွေ့ဆုံပါတယ်။

ဒီအချက်မှာက အမေရိကန်နဲ့ တောင်ကိုရီးယား ပူးတွဲစစ်ရေးလေ့ကျင့်မှု အဆုံးသတ်သွားရေးဟာ မြောက်ကိုရီးယားအတွက် တကယ်က ဦးစားပေး မဟုတ်ဘူးဆိုတာကို ပြနေပါတယ်လို့ မဟာဗျူဟာနဲ့ နိုင်ငံတကာ လေ့လာရေး ၀ါရှင်တန်ဌာနက အာရှအကြီးတန်းအကြံပေးပုဂ္ဂိုလ် ဘွန်နီဂလေဆာက ပြောပါတယ်။

“ရှီကျင်ပင်းနဲ့ ကင်ဂျုံအွန်တို့ ဒါလီယန်မှာ တွေ့ဆုံပြီးတဲ့နောက် ရုတ်တရက်ကြီး ကျွန်တော်တို့အနေနဲ့ မြောက်ကိုရီးယားတွေနဲ့ ရင်ဆိုင်ရဖို့ ဖြစ်လာတာပါပဲ” လို့ ဂလေဆာက ပြောပါတယ်။

လွန်ခဲ့တဲ့လက ဒါလီယန်တွေ့ဆုံမှုဟာ ကင်ဂျုံအွန် ပေကျင်းကို သွားပြီးတဲ့နောက် သီတင်းခြောက်ပတ်အတွင်း ဒုတိယအကြိမ် တွေ့ဆုံမှုဖြစ်ပါတယ်။

“ဖြစ်ရပ်တစ်ခုလုံးဟာ ကင်ဂျုံအွန် အတွက်သာ အောင်ပွဲမဟုတ်ပါဘူး၊ ရှီကျင်ပင်းအတွက် ပိုလို့တောင် ကြီးမားတဲ့ အောင်ပွဲဖြစ်ပါတယ်” လို့လည်း ဂလေဆာက ဆိုပါတယ်။

“ဒေသတွင်းကနေ အမေရိကန်တပ်တွေ တကယ်ထွက်သွားနိုင်ပါ့မလားလို့ တရုတ်တွေက ဟိုးရှေးရှေးကတည်းက ယုံကြည်ထားတာပါ။ ဒါဟာ ဒေသတွင်းမှာ အမေရိကန် သြဇာလွှမ်းမိုးမှုကို အကြီးအကျယ် လျှော့ချရေးအတွက် အဓိကအချက်ဖြစ်ပြီး တရုတ်ကို ပိုပြီးဗဟိုပြုတဲ့ ဒေသတစ်ရပ် ဖန်တီးရေးကို အရှိန်မြှင့်ပေးနိုင်မှာပါ။

စင်ကာပူထိပ်သီးဆွေးနွေးပွဲပြီးတဲ့နောက်မှာ တရုတ်ဟာ စေ့စပ်ညှိနှိုင်းမှုတွေမှာ အဓိက အခန်းကဏ္ဍကနေ ပါဝင်ဖို့ ရည်ရွယ်ထားတယ်ဆိုတာ ရှင်းရှင်းလင်းလင်း ပြသခဲ့ပါတယ်။

အမေရိကန်မှာက ရွေးချယ်စရာ တခြားလမ်းရှိပုံမရပါဘူး။ ဒီအတိုင်း ဆက်သွားရုံပါပဲ။

“အမေရိကန်နဲ့ မြောက်ကိုရီးယားအကြား အောင်မြင်တဲ့ ဖြေရှင်းနိုင်မှုတစ်ရပ်ရှိတယ်ဆိုရင် အဲဒီမှာ တရုတ်က မပါမဖြစ်ပါပဲ” လို့ တရုတ်နိုင်ငံမှာ ဗြိတိသျှသံအမတ်လုပ်ခဲ့ဖူးပြီး အခု ဗြိတိန်အခြေစိုက် RUSI ဆိုတဲ့ အကြံပေးအဖွဲ့မှာ အလုပ်လုပ်နေသူ ချာလီပါတန်က ဆိုပါတယ်။

“နယ်မြေချင်း ထိစပ်နေပြီး မြောက်ကိုရီးယားရဲ့ စီးပွားရေးကို အဆုံးအဖြတ်ပေးနိုင်တဲ့ ဧရာမ အင်အားကြီးနိုင်ငံကို လျစ်လျူပြုလို့ မရနိုင်ပါဘူး” လို့လည်း ပါတန်က ဆိုပါတယ်။

“တရုတ်ရဲ့ ထောက်ပံ့မှုမရှိဘဲ မြောက်ကိုရီးယားဟာ နျူကလီးယားဖျက်သိမ်းရေးကို ဘေးကင်းလုံခြုံစွာ မြှင့်တင်နိုင်မှာ မဟုတ်ပါဘူး။ မြောက်ကိုရီးယားအနေနဲ့ စီးပွားရေး ဖွံ့ဖြိုးမှုကို အာရုံစိုက်ရေးဆီ လွယ်လွယ်ကူကူ ချောချောမွေ့မွေ့ ကူးပြောင်းနိုင်မှာလည်း မဟုတ်ပါဘူး” လို့ ၀ူကလည်း ထောက်ခံခဲ့ပါတယ်။

အခုတော့ တရုတ်ဟာ စေ့စပ်ညှိနှိုင်းရေးထဲ သူ့ဘာသာ အောင်အောင်မြင်မြင် ပြန်လည်ဝင်ရောက်လာနိုင်ခဲ့ပြီး အမေရိကန်နဲ့ တခြားကဏ္ဍတွေက ဆက်ဆံရေး အရှိန်အ၀ါအတွက် သူ့အနေအထားကို အသုံးပြုလာဖွယ်ရှိတယ်လို့ ၀ူက ဆိုပါတယ်။

ဆရာမ ဖြစ်ချင်သူတစ်ဦး၏ မျှော်လင့်ချက်နှင့် အဓိပ္ပာယ်ရှိသော နေ့ရက်များ

အရွတ်ကင်ဆာ ဝေဒနာရှင် ချမ်းအား ခွဲစိတ်ခန်းမ၀င်မီပုံနှင့် အလယ်တန်း ကျောင်းသူဘ၀ ချမ်း (ခေါ်) မအိချမ်းမြေ့အောင်၏ပုံအား တွေ့ရစဉ်

အနီရောင်တွေ ခြယ်သထားသည့် ကိုလိုနီခေတ် ယဉ်ကျေးမှုလက်ရာ အဆောက်အအုံတွေက ရန်ကုန်ပြည်သူ့ဆေးရုံကြီး၏ ပြယုဂ်ပင်ဖြစ်သည်။ ဆေးရုံတစ်ခုထက် ကျောင်းတစ်ကျောင်းနှင့် ပိုဆင်တူသည့် အဆောက်အအုံများကိုဖြတ်ပြီး လျှောက်လာသည့်အခါ အဆောက်အအုံ တစ်ခုရှိနေပြီး သိမ်းဆည်းထားသည့် လူသားများ၏ အငွေ့အသက်တွေကြောင့် နွမ်းလျလျ ဖြစ်နေသည်ဟု ထင်ရသည်။ ကင်ဆာရောဂါကုဌာနဆိုသည့် ဆိုင်းဘုတ်တစ်ခု၏ ကြိုဆိုမှုက အဆောက်အအုံ အတွင်းက ဘ၀တွေကို အကျဉ်းချုပ် ထင်ဟပ်ပြသနေသကဲ့သို့ပင်။ စစ်ပွဲအတွင်းက ဒဏ်ရာရ စစ်သားတွေနှင့် အလားတူစွာ ပြင်းထန်သည့် ဝေဒနာများကို အန်တုထားရသည့် မျက်နှာများက အ၀င်ကနေ ထပ်မံဆီးကြိုနေသည်။

ညည်းညူသံများ၊ မိန်းမောမှုများ၊ နွမ်းနယ်မှုများ၊ ဝေဒနာများ ရောယှက်နေသည့်  လူသားများ၏ အကြားတွင် ရုပ်ဝတ္ထုပစ္စည်း ကြွယ်ဝမှုကိုလည်း ရှာဖွေ့မတွေ့ပေ။ ၁၀ ပေ၀န်းကျင် လောက်သာရှိမည့် နေရာအပိုင်းတွေ၌ သေခြင်းတရား၏ အပြင်းအထန် ထိုးစစ်ဆင်မှုကို ရောဂါသည်များက  ကုသတုံ့ပြန့် ခံစစ်ပြင်နေကြရသည်။ ဝေဒနာရှင်များ နားခိုနေသည့် ခုတင်များ၏ ပတ်ပတ်လည်တွင်  မိသားစုဝင်များက ကိုယ်စီကိုယ်စီ စောင့်ကြပ်နေကြရပြီး ခြေချစရာနေရာကိုတောင် တစ်ခါတစ်ရံ ရှာဖွေရခက်နိုင်သည်။ ခပ်ဆင်ဆင်တူသည့် နွမ်းလျအားလျော့ဖွယ် မြင်ကွင်းများအကြားက ကွဲထွက်မှု တစ်ခုကို ရှာတွေ့လိုက်သည်။ ဒီနေရာတွင် မရှိနိုင်လောက်ဘူး ထင်ခဲ့သည့် မျှော်လင့်ချက်များ ပြည့်နေသည့် မျက်ဝန်း၊ ပေါ့ပါးလန်းဆန်းသည့် အပြုံးတွေနှင့်အတူ ဆယ်ကျော်သက်အရွယ် မိန်းကလေးငယ်တစ်ဦး ထိုင်နေသည်။ သူမ၏ ဘေးတွင်ရှိသည့် လူသားများ၏ ပူဆွေးမှုတွေကို မြင်တွေ့ရခြင်း မရှိ။ ပကတိ ကလေးငယ် တစ်ဦး၏ ဖြူစင်ခြင်း သက်သက်သာ သူမမှာ ရှိနေသည်။ ထိုမိန်းကလေးငယ်၏ အမည်က အိချမ်းမြေ့အောင် ဖြစ်ပြီး ကိုယ့်ကိုယ်ကိုယ် ချမ်းလို့ သုံးနှုန်းတတ်သူလည်း ဖြစ်သည်။

ချမ်းဆိုတဲ့ ဆယ်ကျော်သက် အမျိုးသမီးငယ်မှာ လူတစ်သိန်းတွင် တစ်ယောက်သာ ဖြစ်ပွားနိုင်ခြေရှိသည့် အရွတ်ကင်ဆာကို ခံစားနေရသူဖြစ်သည်။ သေမင်းတမန်ရောဂါနှင့် တိုက်ပွဲဆင်နွှဲ နေရဆဲဖြစ်သည်။ ရောဂါနှင့် စစ်ခင်းနေသည့် လူတစ်ဦးဖြစ်ပေမယ့် ယခုနှစ် တက္ကသိုလ်ဝင်တန်းကို အောင်မြင်ခဲ့သည်။ ကင်ဆာရောဂါအတွက် ပြင်းထန်သည့် ကုထုံးများ အကြားမှာ အောင်မြင်ဖို့ အခွင့်အရေး နည်းပါးတဲ့ စာမေးပွဲကို ကျော်ဖြတ်နိုင်ခဲ့သူ တစ်ဦးဖြစ်သည်။

အတိတ်က ကျန်းမာခြင်းတွေကို သတိရနေကြပြီး အနာဂတ်အတွက် အပြင်းအထန် တိုက်ပွဲဝင်နေသူတွေ အပြည့်ရှိနေတဲ့ ဒီနေရာနှင့် ချမ်းဆိုသည့် မိန်းကလေးငယ် မည်သို့မျှ သက်ဆိုင်ခြင်း ရှိနိုင်မည်မဟုတ် ထင်မြင်မိကြမည်ဖြစ်သည်။ နားကြပ်နှစ်ဖက်တပ်ရင်း ဖုန်းဖြင့် ချမ်းသီချင်း နားထောင်နေပုံရသည်။ တီရှပ်ခပ်ပွပွနှင့် ချည်သားဘောင်းဘီ ၀တ်ဆင်ထားသည့် သူမ၏ ရုပ်ပုံတွင် ဆယ်ကျော်သက် အတော်တော်များများမှာ တွေ့ရတတ်တဲ့ အပူနှောသည့် မေတ္တာတရား မျိုးကိုလည်း မတွေ့ရပေ။ အိမ်ပြန်လာမည့် မိခင်ကို ဧည့်ခန်းတွင် ဆော့ကစားရင်း စောင့်မျှော်နေသည့် ကလေးငယ် တစ်ဦး၏ အသွင်မျိုးကို မြင်တွေ့ရသည်။ အမှတ်တမဲ့ မြင်တွေ့သူတိုင်းအတွက် ချမ်းဟာ ဆေးရုံတင်ထားရသည့် ဆွေမျိုးတစ်ဦးအား လာရောက်ကြည့်ရှုသည့် ကလေးငယ် တစ်ဦးပင် ဖြစ်သည်။ ဒီအဆောက်အအုံ တစ်ခုလုံးတွင် သူမအနားတွင်သာ ပျော်ရွှင်မှုတွေ ခစားဝန်းရံနေသလိုပင် ထင်မှတ်ရသည်။

သို့သော် သူမ၏နံဘေးတွင် ဆေးသွင်းသည့် တိုင်တစ်ခုရှိနေပြီး လက်ဖျံတွင် ပိုက်တပ်ဆင် ထားရသည်။ သူမ၏ ယာဘက်ခြေထောက်က အခြားတစ်ဘက်ထက် သိသာစွာ သေးငယ်နေပြီး ဒူးခေါက်ကြောတွင် ခွဲစိတ်ကုသမှုကို ကြိမ်ဖန်များစွာ ခံယူထားရသည့် လက္ခဏာများကို အထင်အရှား မြင်တွေ့ရသည်။ ဆေးသွင်းပိုက် တပ်ထားရသည့် လက်တွင်လည်း ခွဲစိတ်ဓားဒဏ်ရာတွေမှရတဲ့ အမာရွတ်တွေက သူမခံစားနေရသည့် ရောဂါ၏ အတိမ်အနက်ကို ခန့်မှန်းကြည့်ရှုနိုင်ရန် ဖန်တီးထား သကဲ့သို့ ဖြစ်နေ၏။ ချမ်းကတော့ ဒီဝေဒနာတွေအတွက် ထူးထူးခြားခြား စိတ်ပူပန်ခြင်း မရှိသည့် ပုံစံမျိုးပင်။

မှော်ဘီ အ.ထ.က (၁) အ တွက် အနာဂတ်၏ ကြယ်တစ်ပွင့်အဖြစ် တင်စားခြင်း ခံခဲ့ရသည့် မအိမ့်ချမ်းမြေ့အောင်အတွက် ၂၀၁၅ ခုနှစ်မှာ ကံဆိုးခြင်းများ ယူဆောင်လာသည့် နှစ်ဖြစ်သည်။ ချမ်း၏ ညာဘက်ခြေထောက်တွင် အကျိတ်တစ်ခု စတင်ဖြစ်ပွားခဲ့ခြင်းက အဋ္ဌမတန်း ဖြေဆိုအပြီးတွင် ပြုလုပ်သည့် မြို့နယ်လုံးဆိုင်ရာ ဘက်စုံထူးချွန်ဆုပြိုင်ပွဲ ယှဉ်ပြိုင်နေစဉ်တွင် သတိလစ် လဲကျခဲ့သည်။ ဆေးစစ်ချက်များစွာ ပြုလုပ်အပြီးတွင် ချမ်း၏ခြေထောက်မှ အကျိတ်ကို ခွဲစိတ်ခဲ့သည်။

စစ်ဆေးချက်၏ ရလဒ်က နုနယ်သည့် ချမ်းအတွက် ပြင်းထန်လွန်းခဲ့ပြီး လူတစ်သိန်းတွင်မှ တစ်ယောက် ဖြစ်နိုင်ခြေရှိသည့် အရွတ်ကင်ဆာ ဖြစ်ပွားနေခြင်း ဖြစ်သည်။ အသက်အရွယ်နှင့် မမျှသည့် ရောဂါကြောင့် သမီးငယ် စိတ်ဓာတ်ကျဆင်းမည်ကို စိုးရိမ်သဖြင့် မိခင်ဖြစ်သူက ကင်ဆာရောဂါဌာနတွင် ပြောင်းလဲကုသရမည့် ချမ်းအား သူမ၏ ရောဂါအခြေအနေကို ဖုံးကွယ်ထားခဲ့ရသည်။ သူငယ်ချင်းများနှင့် ဆရာ၊ ဆရာမများ လာရောက် ကြည့်ရှုသည့်အခါတွင် ချမ်းက သူမသည် ကင်ဆာရောဂါ ကာကွယ်ရန်အတွက် ဆေးသွင်းနေရခြင်း ဖြစ်သည်ဟု မိခင်ဖြစ်သူ ပြောပြမှုအတိုင်း ပြန်လည်ပြောပြရာ သူမကို ချစ်ခင်ကြသူများ ငိုပွဲဆင်ခဲ့ရသည်။ အသက် ၁၄ နှစ်သာ ရှိသေးသည့် ကလေးငယ်သည် ဓာတ်ရောင်ခြည်ဖြင့် ကုသမှု ကြိမ်ဖန်များစွာ၊ ခွဲစိတ်ကုသမှု များစွာတို့ကို မိခင်၏ စကားသံဖြင့် စိတ်တင်းခံခဲ့ပြီး ဆေးကုသမှုများ ပြီးဆုံးသည့် အခါတွင် ကျောင်းသို့ သွားရောက်၍ ပညာသင်ကြားနိုင်ရန်အတွက် လုံလောက်သည့် ကျန်းမာရေး အခြေအနေ မရှိတော့ပေ။

ကံကြမ္မာက မည်သို့ပင် ရက်စက်သော်လည်း ချမ်းအတွက် မမှုခဲ့ပေ။ မီးလျှံထဲမှ ဖီးနစ်ငှက်ကဲ့သို့ပင် သေမင်းတမန်ရောဂါနှင့် ပထမအကြိမ်တိုက်ပွဲ အပြင်းအထန်ဆင်နွှဲ အပြီးတွင် သူမပြန်လည် နိုးထလာနိုင်ခဲ့သည်။ ပညာသင်နှစ်တစ်နှစ် အောက်ခဲ့ရသော်လည်း စိတ်မပျက်ဘဲ န၀မတန်း တက်ရောက်ရန် အသင့်ဖြစ်နေခဲ့ပြီဖြစ်သည်။ ၂၀၁၆ ခုနှစ် ဇွန်လတွင် ချမ်းသည် န၀မတန်းသို့ စတင်တက်ရောက် ပညာသင်ကြား ရမည်ဖြစ်ပြီး ထိုလတွင်ပင် ခြောက်လတစ်ကြိမ် ပုံမှန်စစ်ဆေးနေကျ ဆေးစစ်မှုကို ပြန်လည်စစ်ဆေးရမည်ဖြစ်ပြီး နောက်ဆုံးတစ်ကြိမ် စစ်ဆေးမှုတွင် သူမ၏ ရောဂါအခြေအနေသည် ကောင်းလုနီးပါး အခြေအနေတွင် ရှိနေခဲ့သည်။

အဖြူနှင့်အစိမ်း ကျောင်းဝတ်စုံဖြင့် ချမ်းတစ်ယောက် လန်းဆန်းတက်ကြွ နေခဲ့သော်လည်း ဆေးကုသမှု၏ ဘေးထွက်ဆိုးကျိုးက ပြင်းထန်သည့်အတွက် လမ်းလျှောက်နိုင်ခြင်းအတွက် လုံလောက်သည့် ခွန်အား အခြေအနေမျိုးတွင် မရှိတော့ပေ။ မိခင်ဖြစ်သူ၏ ကျောပေါ်တွင် ချီပိုးလိုက်ပို့မှုဖြင့် တက်ကြွစွာ ကျောင်းသို့သွားရောက်နေသည့် ချမ်းနှင့် သူမ၏ မိခင်တို့၏ ပုံရိပ်က မြင်ရသူတိုင်း၏ရင်ကို ကရုဏာ သက်စေသည်။ ပီတိကြည်နူးမှုကို ရိုက်ခတ်လာစေသည်။ သို့သော် ချမ်းသည် ယခင်ကကဲ့သို့ ကျန်းမာလန်းဆန်းနေသည့် ကလေးတစ်ယောက် မဟုတ်တော့ပေ။ ရောဂါနှင့် ဆေးကုသမှုမှ ရရှိသည့် ဘေးထွက်ဆိုးကျိုးတွေက လူအများနှင့် ပညာသင်ကြားရာတွင် အဆင်ပြေနိုင်ခြင်း မရှိနိုင်တော့။ ချမ်းနှင့် ကင်ဆာရောဂါတို့ ဒုတိယအကြိမ် တိုက်ပွဲဆင်နွှဲရန် ပြင်ဆင်နေပြီ ဖြစ်သည်ကို ချမ်းတစ်ယောက် သိရှိခဲ့ခြင်း မရှိသလို သူမတွင် ကင်ဆာဖြစ်ပွား နေသည်ကိုလည်း မသိရှိရသေးပေ။

ဒုတိယအကြိမ် ဆင်နွှဲရသည့် တိုက်ပွဲက ချမ်းအတွက် ပိုမိုပြင်းထန်ခဲ့ပြီး ခွဲစိတ်မှု အကြိမ်အရေအတွက် များက ပိုမိုစိပ်လာခဲ့သည်။ အခြေအနေကို ဖွင့်ပြောမှ ဖြစ်တော့မည် ဖြစ်သဖြင့် မိခင်က ချမ်းအား အမှန်အတိုင်း ပြောပြခဲ့ရပြီဖြစ်သည်။ သို့သော် မိခင်စိုးရိမ်သကဲ့သို့ ချမ်း၏ စိတ်ဓာတ်များ ပျက်ပြားကျဆင်း ခဲ့ခြင်းမရှိ။ ကျန်းမာမှ ပညာဆက်လက် သင်ကြားနိုင်မည် ဖြစ်သည့်အတွက် သူမ၏ ရည်မှန်းချက်အတွက် အားအင်အပြည့်ဖြင့် ဝေဒနာကို စိန်ခေါ်ခဲ့သည်။

တစ်နှစ်နီးပါး အပြင်းအထန် ကုသမှုများ အပြီးတွင် ချမ်း၌ကင်ဆာဆဲလ် ပြန့်ပွားမှု မရှိသလောက် အခြေအနေ ရောက်ရှိခဲ့ပြီ ဖြစ်သည်။ ပြင်းထန်သည့် ဆေးသွင်းကုသမှု၊ ဓာတ်ရောင်ခြည် သက်ရောက်မှုများက ချမ်း၏ ဆံပင်များ ကျွတ်ထွက်ခြင်း ကဲ့သို့သော ဆိုးကျိုးများကို ဖြစ်စေခဲ့သော်လည်း ရောဂါအခြေအနေကို ထိန်းချုပ်နိုင်ခဲ့သည်က ကံကောင်းမှုတစ်ခုပင် ဖြစ်လာစေသည်။ န၀မတန်းစာမေးပွဲကို သီးသန့်ဖြေဆိုခဲ့ရပြီး အောင်မြင်အောင် ဖြေဆိုနိုင်ခဲ့ ပြန်သည်။ ကင်ဆာသည် ဒုတိယအကြိမ်တွင်လည်း ချမ်းကို အနိုင်မယူနိုင်ခဲ့ပေ။

န၀မတန်း အောင်မြင်ပြီးဖြစ်သည့် ချမ်းသည် ၂၀၁၇ ခုနှစ် ဇွန်လတွင် တက္ကသိုလ်ဝင်တန်းကို တက်ရောက်ရတော့မည် ဖြစ်သည်။ သွားသွားလာလာ ပြုလုပ်နိုင်ခြင်း မရှိတော့သည့် သမီးငယ်အတွက် မိခင်ဖြစ်သူက အိမ်တွင် စာသင်ဝိုင်း စီစဉ်ပေးခြင်းဖြင့် ချမ်း၏ ပညာသင်ကြားရေးကို ဂရုတစိုက် အားပေးခဲ့သည်။ ကင်ဆာဝေဒနာမှ သက်သာလာပြီ ဖြစ်သော်လည်း ပုံမှန်ဆေးစစ်မှုကို ခံယူနေရဆဲဖြစ်ပြီး တစ်သက်တာလုံးတွင်လည်း ပုံမှန်ဆေးစစ်မှုကို ခံယူရမည်ဖြစ်သည်။

ဒီတစ်ကြိမ်တွင်လည်း ကံကြမ္မာက ရက်စက်ကြမ်းတမ်း ခဲ့ပြန်ပြီဖြစ်သည်။ ပျောက်လုနီးပါး ဖြစ်နေသည့် အရွတ်ကင်ဆာ ဆဲလ်များက ပြန်လည်ပြန့်ပွား နေခဲ့သည်ကို ဆေးစစ်မှု ရလဒ်များတွင် ရှာဖွေတွေ့ရှိခဲ့သည်။ ဆယ်ကျော်သက်အရွယ် မိန်းကလေးငယ် တစ်ဦးအတွက် သေမင်းနှင့် တတိယအကြိမ် တိုက်ခိုက်ရတော့မည်ဖြစ်သည်။ ခွဲစိတ်မှု ခံယူရလွန်းသဖြင့် နာကျင်မှုသည် ချမ်းအတွက် မထူးဆန်းတော့။ ထို့ပြင် သူမသည် တက္ကသိုလ်ဝင်တန်း တက်ရောက်နေရသည့်အတွက် ရည်မှန်းချက်အတွက် ပညာသင်ကြားရန် အရေးကြီးဆုံး အချိန်ကို ရောက်နေပြီ ဖြစ်သည်ဟု ခံယူထားပြီး ကင်ဆာနှင့် တိုက်ပွဲအပြင် စစ်မျက်နှာ နှစ်ဖက်ကို တစ်ပြိုင်တည်း ဖွင့်တိုက်ရန် ရည်ရွယ်ထားခဲ့ပြီးလည်း ဖြစ်သည်။ ကုသမှုတွေကတော့ ရှေ့နှစ်ကြိမ်ကအတိုင်း ပြင်းထန်ဆဲပင် ဖြစ်သည်။ သို့သော် ချမ်းကတော့ ပိုမိုရင့်ကျက်လာခဲ့ပြီး ဆေးရုံတက်ရောက်နေစဉ် အတွင်းမှာပင် ပညာကို လက်ဖျားခါလောက်အောင် သင်ယူလေ့လာ နိုင်ခဲ့သည်။ ဆေးရုံတွင် သူမနှင့် ဘ၀တူ ကင်ဆာရောဂါသည် ဆရာမများထံမှ ရသည့်အချိန်တွင် ရသလို သင်ယူခဲ့သည်။ အိမ်တွင် ပြန်လည် နေထိုင်ရသည့် အချိန်တွင်လည်း မိသားစုဝင်များ တားမြစ်ရသည်အထိ ပညာရေးကို ဦးစားပေး လေ့လာခဲ့သည်။ အိမ်မှစာသင်ဝိုင်းတွင်ပင် ရက်မှန်အောင် တက်ရောက်နိုင်ခြင်း မရှိသည်အထိ ဝေဒနာ ခံစားနေရသော်လည်း ဝေဒနာ လျော့ပါးသည်နှင့် ပညာရေးအတွက် လေ့လာမှုကို မနေမနား ပြုလုပ်ခဲ့သည်။

သို့ပေမယ့် ချမ်းအတွက် လွယ်ကူခြင်းတော့ မရှိခဲ့ပေ။ ခွဲစိတ်မှုပေါင်း မြောက်မြားစွာကြောင့် နာကျင်မှုဒဏ်ကို ခံနိုင်ရန် ခန္ဓာကိုယ်အတွင်း ထိုးသွင်းခဲ့ရသည့် မေ့ဆေးများ၏ အရှိန်များက ချမ်း၏ မှတ်ဥာဏ်စွမ်းအားကို အပြင်းအထန် ထိုးနှက်ခဲ့သည်။

“သမီးလေးက စာကျက်ရင် မေ့တတ်လာတယ်။ အစ်မတို့ တားယူရလောက်အောင် သမီးလေးက စာအရမ်း ကျက်ခဲ့တာပါ။ ဒါပေမဲ့ ခွဲစိတ်တိုင်း ခွဲစိတ်တိုင်းမှာ ထိုးခဲ့ရတဲ့ မေ့ဆေးဒဏ်တွေကို သမီးက ကလေးဆိုတော့ ပိုခံရတယ်။ သူအခုကျက်လို့ ရပြီးသား စာတွေကို ခဏနေကျရင် အစဖော်မရတာမျိုး ခဏခဏ ဖြစ်လာတယ်။ အဲဒီလို မေ့သွားတာမျိုး ဖြစ်လာရင် သမီးလေးက မေ့ဦးဟာ၊ မေ့ဦးဟာဆိုပြီး သူ့ခေါင်းသူ ထုနှက်နေလို့ မနည်းကြီး အားပေးခဲ့ရတယ်။ ဒါပေမဲ့ သမီးလေး ကြိုးစားနိုင်ခဲ့တယ်” ဟု မအိမ့်ချမ်းမြေ့အောင်၏ မိခင်က ပြောသည်။

၂၀၁၇ ခုနှစ်အတွက် တက္ကသိုလ်ဝင်တန်း စာမေးပွဲများ ဖြေဆိုရန် အချိန်နီးကပ်လာပြီဖြစ်သည်။ ချမ်း၏ ယာဘက်ခြေထောက်တွင် အကျိတ်တစ်ခု ပြန်လည်ဖြစ်ပွား လာခဲ့သည်။ မိမိ၏ ခမ်းနားသည့် ရည်မှန်းချက်များ မပြည့်ဝမည်ကို စိုးရိမ်သဖြင့် စာမေးပွဲ မဖြေဆိုဘဲ ကျန်းမာသည်အထိ စောင့်ဆိုင်းရန် ချမ်းဆုံးဖြတ်ခဲ့သေးသည်။ မိခင်ဖြစ်သူ၏ တိုက်တွန်းမှုကြောင့် ၀င်ရောက်ဖြေဆိုရမည် ဖြစ်သော်လည်း ရလဒ်မကောင်းမည်ကို ချမ်းစိုးထိတ်နေခဲ့မိသည်။ ထိုစိုးထိတ်မှုက သူမ၏ ဝေဒနာအပေါ် ထားရှိသည့် စိုးထိတ်မှုထက် များပြားသည်က အသေအချာပင်ဖြစ်သည်။ အခြေအနေတွေက စိုးရိမ်စရာများသာ ဖြစ်ခဲ့ခြင်း ဖြစ်သော်လည်း ဆယ်ကျော်သက် မိန်းကလေးငယ်၏ စိတ်ဓာတ်နှင့် ခံနိုင်ရန်၊ စိတ်အားထက်သန်မှုများက ကျော်ဖြတ်နိုင်ခဲ့သည်။ တက္ကသိုလ်ဝင်တန်း စာမေးပွဲကို ဖြေဆိုနိုင်ခဲ့သည်။ ပြင်းထန်သည့် ကုသမှုတွေကြားမှ ရရှိသည့် အချိန်ကို အံ့အားသင့်စရာ အသုံးချနိုင်ခဲ့သည်။ ရလဒ်များ ထွက်ပေါ်ခြင်း မရှိသေးသော်လည်း ချမ်းအတွက် အလွန်စိတ်စောနေခဲ့ပြီး သေမင်းတမန် ကင်ဆာနှင့် တတိယအကြိမ် တိုက်ပွဲကလည်း ယခင်နှစ်ကြိမ်ထက် ပိုမိုပြင်းထန်လာပြန်သည်။ ချမ်းမမှုပါ။ ပထမအကြိမ်နှင့် ဒုတိယအကြိမ်တွင် သူမအနိုင်ယူထားပြီးသား ဖြစ်သည့်အတွက် မည်မျှ အားကောင်း ပြင်းထန်ပါသော်လည်း ကင်ဆာဆိုသည် ချမ်းအတွက် အနိုင်ယူနေကျ ငယ်နိုင်ပင် ဖြစ်နေခဲ့၏။

၂၀၁၈ ခုနှစ် ဇွန် ၁ ရက်တွင် တက္ကသိုလ်ဝင်တန်း ရလဒ်များ ထုတ်ပြန်ခဲ့ပြီး ကိုယ်တိုင် သွားရောက်နိုင်ခြင်း မရှိခဲ့သော်လည်း မောင်နှမအရင်းနှင့် မခြားသည့် ၀မ်းကွဲအစ်ကိုက ချမ်း၏ အောင်မြင်မှု သတင်းကို သွားရောက်ရယူ ပေးခဲ့သည်။ ငယ်စဉ်ကတည်းက ထူးချွန်မှုတွေဖြင့် အသားကျနေခဲ့သည့် ချမ်းအတွက် ဂုဏ်ထူးမဲ့နေသည့် အောင်စာရင်းရလဒ်က စိတ်ထိခိုက် ခံစားစေခဲ့ရသည်။ ခွဲစိတ်မှုများစွာ၊ ဓာတ်ရောင်ခြည် ကုသမှုများစွာ ဝေဒနာခံစား ရမှုများကြောင့် မျက်ရည်မကျခဲ့သည့် ချမ်း ငိုကြွေးခဲ့သည်။

“အမှတ်စာရင်းက ဒီလောက် ရမယ်လို့လည်း မထင်ထားဘူး။ ဒါပေမဲ့ ဒီလောက်ပဲ ရတာကိုလည်း သမီးမကျေနပ်ဘူး။ သမီးတက်ချင်တဲ့ကျောင်းကို တက်လို့မရတော့ဘူး။ သမီးသာ နေကောင်းနေခဲ့ရင် အနည်းဆုံး ဂုဏ်ထူးလေးခုကတော့ အသေအချာပဲ” ဟု မအိချမ်းမြေ့အောင်က ပြောသည်။

ကင်ဆာဝေဒနာ အပြင်းအထန် ခံစားရင်း တက္ကသိုလ်ဝင်တန်းကို အောင်မြင်ခဲ့သည့် မအိချမ်းမြေ့အောင်၏ ရည်ရွယ်ချက်မှာ ကျောင်းဆရာမအဖြစ် လုပ်ကိုင်ခွင့်ရရေး ဖြစ်သည်။ လက်တွင် ဆေးသွင်းပိုက် တပ်လျက်ဖြင့် ဆေးရုံခုတင်ပေါ်တွင် ပြုံးရွှင်စွာထိုင်ရင်း ချမ်းတစ်ယောက် သူမ၏ ရည်မှန်းချက်များကို ပြောပြနေခဲ့သည်။

“သမီးကျောင်းဆရာမ ဖြစ်ချင်တယ်။ သမီးကလေးတွေကို ပညာတွေ သင်ကြားပေးချင်တယ်။ ဒါပေမဲ့ သမီးလေ ဆရာဝန်တော့ အရင်ကတည်းက မဖြစ်ချင်ခဲ့ဘူး။ သမီးဆေးရုံတွေကို မုန်းတယ်။ ခွဲစိတ်ဓားတွေကို မုန်းတယ်။ ဆေးထိုးအပ်တွေကို မုန်းတယ်။ ဆေးရုံကား အသံကိုလည်း  မကြားချင်ဘူး။ မေမေ့ကို မှာထားတယ်။ တစ်ခုခု ဖြစ်ရင်တောင် သမီးကို ဆေးရုံကားနဲ့ မခေါ်ပါနဲ့လို့” ဟု အရွတ်ကင်ဆာ ခံစားနေရသည့် မအိမ့်ချမ်းမြေ့အောင်က ပြောသည်။

 

ကလေးလုပ်သား ပြဿနာအတွက် အဖြေမရှိသေးပါ

ရန်ကုန်မြိုရှိ စားသောက်ဆိုင်တစ်ခုတွင် လုပ်ကိုင်နေသော ကလေးငယ်များအား တွေ့ရစဉ်

အလုပ်သမားတန်းလျားတစ်ခုက ၁၀ ပေပတ်လည် အခန်းကျဉ်းထဲမှာ အသက် ၁၃ နှစ်အရွယ် ကလေးတစ်ယောက် လဲလျောင်းနေပါတယ်။ ညာဘက်ခြေထောက်မှာ ကျောက်ပတ်တီးစည်းထားပြီး အခန်းထဲမှာ လဲလျောင်းနေရပေမယ့် သူ့ရဲ့မျက်လုံးတွေက အိမ်ထရံပေါက်ကနေ အပြင်ဘက်မှာ ပြေးလွှားဆော့ကစားနေတဲ့ သူနဲ့ရွယ်တူ ကလေးတွေဆီ ရောက်နေပါတယ်။ သူ့အနေနဲ့ ခြေထောက်မှာ ထိခိုက်ဒဏ်ရာရပြီး အိပ်ရာထဲလဲနေတာ နှစ်လကျော် ကြာနေပြီ ဖြစ်ပါတယ်။

ဘာကြောင့် သူ့ခြေထောက်မှာ ဒဏ်ရာရခဲ့ပါသလဲ။ လွန်ခဲ့တဲ့နှစ်လကျော်က တောင်ဒဂုံမြို့နယ် ဆောက်လုပ်ရေးလုပ်ငန်းခွင်တစ်ခုမှာ အလုပ်လုပ်နေချိန် မတော်တဆ ကွန်ကရစ်တုံးက သူ့ခြေထောက်ပေါ် ပိကျခဲ့လို့ ညာဘက်ခြေသလုံးရိုး ကျိုးသွားတာပဲ ဖြစ်ပါတယ်။

သူတို့ မိသားစုက ဧရာဝတီတိုင်း အင်္ဂပူမြို့နယ်ဇာတိဖြစ်ပြီး နယ်မှာ နေထိုင်စားသောက်ရတာ အဆင်မပြေတဲ့အတွက် ရန်ကုန်ကိုတက် အလုပ်လုပ်တာ နှစ်လကျော်ပဲ ရှိပါသေးတယ်။ ရန်ကုန်မြို့ရဲ့ ကြီးမြင့်တဲ့ စားဝတ်နေရေး အခက်အခဲကြောင့် သူ့အဖေနဲ့ အစ်ကိုတို့ရဲ့ လုပ်အားခနဲ့ မိသားစုငါးဦး စားသောက်နေရတာ အဆင်မပြေတဲ့အတွက် အသက်ငယ်ငယ်နဲ့ အလုပ်ဝင်လုပ်ရာကနေ အခုလို မတော်တဆဖြစ်ပြီး ခြေထောက်ကျိုးသွားခဲ့တာပါ။

“ကျွန်မတို့မှာ စားဝတ်နေရေး အခက်အခဲ ဖြစ်နေတယ်။ ကလေးကလည်း ကျွန်မတို့မှာ မရှိတာသိတဲ့အတွက် သူကိုယ်တိုင် အလုပ်ဝင်လုပ်တာ။ အလုပ်လုပ်တာ နှစ်ရက်ပဲ ရှိသေးတယ်။ အခုလိုဖြစ်တာပဲ။ တစ်ခါတလေ ကလေးက သူများတွေ သဲပုံပေါ် တက်ဆော့နေတာမြင်ရင် ငိုတယ်။ သူလည်း သွားချင်၊ ဆော့ချင်မှာပေါ့။ အိပ်ရာထဲ လဲနေတာလည်း နှစ်လတောင်ကျော်ပြီလေ” လို့ မောင်မောင် (အမည်လွဲ) ရဲ့မိခင်က ပြောပါတယ်။

မောင်မောင်ဟာ မိသားစုထဲမှာ သားအလတ် ဖြစ်ပါတယ်။ မိသားစု စီးပွားရေး အဆင်မပြေတာကြောင့် စတုတ္ထတန်းနဲ့ ကျောင်းထွက်ခဲ့ရပြီး သူ့အဖေနဲ့ သူ့အစ်ကိုတို့ လုပ်ကိုင်နေကြတဲ့ ဆောက်လုပ်ရေးလုပ်ငန်းခွင်ထဲမှာ မိသားစု စားဝတ်နေရေးအတွက် အလုပ်ဝင်လုပ်ခဲ့တာပါ။ နောက်ပြီး လသားအရွယ် ကလေးတစ်ယောက်ရှိတာကြောင့် သူ့မိခင်က အလုပ်မလုပ်နိုင်ပါဘူး။ ဒါကြောင့်လည်း မိသားစုငါးယောက်ရဲ့ စားဝတ်နေရေး ပြေလည်စေဖို့ လုပ်ငန်းခွင်ထဲကို မောင်မောင်တစ်ယောက် ငယ်ငယ်ရွယ်ရွယ်နဲ့ ကျောင်းထွက်ပြီး ရောက်ခဲ့တာပဲ ဖြစ်ပါတယ်။

မောင်မောင်တို့မိသားစုနေတဲ့ အလုပ်သမားတန်းလျားက ရန်ကုန်မြစ်ကမ်းဘေးက ကုမ္ပဏီတစ်ခုပိုင်တဲ့ နေရာလေးမှာပါ။ အဲဒီမှာ အလုပ်သမားတန်းလျား ခုနစ်ခုရှိတယ်။ ဧရာဝတီတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးစတဲ့ နယ်ပေါင်းစုံကနေ အခက်အခဲ အမျိုးမျိုးကြောင့် ရန်ကုန်ကိုတက်လာတဲ့ ရွှေ့ပြောင်းမိသားစုတွေ နေထိုင်ကြပါတယ်။

ကုမ္ပဏီကပေးထားတဲ့ အလုပ်သမားတန်းလျားမှာ နေထိုင်ရင်း သူတို့တွေဟာ ဆောက်လုပ်ရေးလုပ်ငန်းတွေမှာ ပန်းရန်၊ လူကြမ်းစတဲ့ အလုပ်တွေကို လုပ်ကြပါတယ်။ ကုမ္ပဏီကနေ မိသားစုရှိတဲ့ အလုပ်သမား တစ်ယောက်အတွက် အမိုး၊ အကာ၊ အခင်းပါတဲ့ ၁၀ ပေပတ်လည် နေရာလေးတစ်ကွက် ပေးပါတယ်။ တစ်ခန်းနဲ့ တစ်ခန်းကြားမှာ ကတ်ထူစက္ကူ၊ ဆာလာအိတ်တို့နဲ့ ကာထားတာကို တွေ့ရပါတယ်။

တန်းလျားရဲ့အမိုးက မိုးရေမလုံတဲ့အပြင် ထရံကလည်း ပေါက်ပြဲနေသလို ကျဉ်းကျပ်လှတဲ့ အခန်းလေးမှာတော့ မောင်မောင်တစ်ယောက် လူးလှိမ့်ရင်း၊ ထိုင်ရင်း၊ ထရံပေါက်ကနေ အပြင်ကို ငေးမောရင်းနဲ့ သူ့ရဲ့ နေ့စဉ်ဘ၀ကို ခက်ခဲစွာ ဖြတ်သန်းနေရပါတယ်။

မောင်မောင့်လို အသက်မပြည့်သေးဘဲ အလုပ်လုပ်နေရတဲ့ကလေးတွေ ကမ္ဘာတစ်ဝန်းမှာ ရှိပါတယ်။ ရုပ်ပိုင်း၊ စိတ်ပိုင်းဆိုင်ရာ ဖွံ့ဖြိုးတိုးတက်မှုကို ထိခိုက်စေတဲ့ အလုပ်တွေမှာ ရုန်းမထွက်နိုင်ဘဲ စေခိုင်းခံရတဲ့ ကလေးသူငယ်တွေ တစ်ကမ္ဘာလုံးမှာ ၁၆၈ သန်း လောက်ရှိတဲ့အပြင် ဘေးအန္တရာယ်ရှိတဲ့လုပ်ငန်းတွေမှာ လုပ်နေရတဲ့ ကလေးက ၈၅ သန်းလောက်ရှိတယ်လို့ ILO ရဲ့ စစ်တမ်းတွေအရ သိရပါတယ်။

ကလေးသူငယ်တွေကို လိင်ပိုင်းဆိုင်ရာ အမြတ်ထုတ်တာတွေ၊ ကျွန်အဖြစ် ခိုင်းစေတာတွေ၊ လူကုန်ကူးတာတွေရှိတဲ့အပြင် လက်နက်ကိုင် ပဋိပက္ခတွေကြားမှာ အဆိုးရွားဆုံးပုံစံတွေနဲ့ ခိုင်းစေခြင်း ခံနေရတာတွေ ရှိတယ်လို့ ILO ရဲ့ စစ်တမ်းမှာ ဖော်ပြထားပါတယ်။

မြန်မာနိုင်ငံမှာလည်း အသက်ငါးနှစ်ကနေ ၁၇ နှစ်အထိ ကလေးဦးရေ ၁၂ သန်းကျော်ရှိတဲ့အနက် အန္တရာယ်ရှိတဲ့ လုပ်ငန်းတွေမှာ အလုပ်လုပ်နေရတဲ့ ကလေးလုပ်သား ခြောက်သိန်းရှစ်ထောင်ရှိတယ်လို့ အလုပ်သမား ညွှန်ကြားရေးဦးစီးဌာနက ထုတ်ပြန်တဲ့ ၂၀၁၇ ခုနှစ် နှစ်စဉ် လုပ်သားအင်အားစစ်တမ်း ပထမသုံးလပတ် အစီရင်ခံစာထဲမှာ ဖော်ပြထားပါတယ်။ ကလေးလုပ်သားအဖြစ် စေခိုင်းခံရတဲ့ကလေးအများစုက ကျေးလက်ဒေသတွေမှာနေတဲ့ ကလေးတွေဖြစ်ပြီး စိုက်ပျိုးရေးလုပ်ငန်းတွေနဲ့ ရေလုပ်ငန်းတွေမှာ လုပ်ကိုင်နေကြရပါတယ်။

မြန်မာနိုင်ငံမှာ ကလေးလုပ်သားနဲ့ ပတ်သက်ပြီး တရားဝင် အဓိပ္ပာယ်ဖွင့်ဆိုချက် မရှိသေးပါဘူး။ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက အသက် ၁၄ နှစ်ကနေ ၁၈ နှစ်အထိကို ကလေးလုပ်သားလို့ သတ်မှတ်ခြင်းမရှိဘဲ အလုပ်လုပ်နိုင်တဲ့ အသက်အရွယ်ရှိတဲ့ကလေး (Working Children) လို့ သတ်မှတ်ထားပါတယ်။ အသက် ၁၄ နှစ်ကနေ ၁၆ နှစ်အထိ ကလေးတွေ အလုပ်လုပ်ချင်တယ်ဆိုရင် ဆရာဝန်ခွင့်ပြုချက်နဲ့ တစ်ရက်လေးနာရီ လုပ်လို့ရပါတယ်။ ဒါပေမဲ့ ညနေ ၆ နာရီကနေ မနက် ၆ နာရီအတွင်းမှာ လုပ်လို့မရပါဘူး။ အသက် ၁၆ နှစ်ကနေ ၁၈ နှစ်အထိ ကလေးတွေအနေနဲ့ ဆရာဝန်ရဲ့ ဆေးစာထောက်ခံချက်ရှိမယ်ဆိုရင် လူကြီးအလုပ်တွေမှာ လုပ်လို့ရတယ်လို့ သိရပါတယ်။ အသက် ၁၄ နှစ်အောက် ကလေးတွေကို ကလေးလုပ်သားလို့ သတ်မှတ်ပြီး အလုပ်လုပ်ခွင့် မပေးထားပါဘူး။

ဒီလို ၁၄ နှစ်အောက်ကလေးတွေကို ကလေးလုပ်သားအဖြစ် အလုပ်လုပ်ခွင့် မပေးထားပေမယ့် မိသားစုစီးပွားရေး အဆင်မပြေမှု၊ ၀င်ငွေနည်းပါးမှု၊ နိုင်ငံဆင်းရဲမွဲတေမှုစတဲ့ အခက်အခဲမျိုးစုံကြောင့် ကလေးငယ်တွေဟာ ပညာရေးတစ်ပိုင်းတစ်စနဲ့ ကျောင်းထွက်ပြီး အလုပ်လုပ်နေရပါတယ်။

အထင်ရှားဆုံးကတော့ ရန်ကုန်မြို့ရဲ့ လက်ဖက်ရည်ဆိုင်တွေမှာ စားပွဲထိုး လုပ်ကိုင်နေကြတဲ့ ကလေးလုပ်သား အများအပြားကို တွေ့ရမှာပါ။ ဒါ့အပြင် အိမ်ဖော် အလုပ်ကိုလုပ်နေရတဲ့ ကလေးတွေ၊ မီးပွိုင့်နဲ့ လမ်းဆုံလမ်းခွတွေမှာ ပန်းရောင်း၊ ဆေးလိပ် ကွမ်းယာနဲ့ ရေသန့်ဘူးရောင်းနေတဲ့ ကလေးတွေ၊ အသေးစား အလတ်စား စက်မှုလက်မှုလုပ်ငန်းတွေမှာ အလုပ်လုပ်နေတဲ့ ကလေးတွေက နေရာပေါင်းစုံမှာ ရှိနေပါတယ်။

“သမီးက မုံရွာဇာတိ။ နယ်မှာ မိသားစုက စီးပွားရေးအဆင်မပြေလို့ ရန်ကုန်တက်လာပြီး လက်ဖက်ရည်ဆိုင်မှာ လာလုပ်တာ။ လက်ဖက်ရည်ဆိုင်ဆိုတော့ မနက်ပိုင်းလုပ်ရင် ညနေပိုင်းနားရတယ်။ ညနေပိုင်း အလုပ်လုပ်ရင် မနက်ပိုင်းနားရတယ်။ စလုပ်လုပ်ချင်း ကျပ်ငါးသောင်းရတယ်။ အခု ကျပ်ရှစ်သောင်းရတယ်။ တစ်ခါတလေ နယ်ကိုပြန်ပြီး ကျောင်းတက်ချင်တယ်။ မိဘနဲ့ ပြန်နေချင်တယ်။ ဒါပေမဲ့ အဖေနဲ့အမေက ဆိုင်ပိုင်ရှင်ဆီက ပိုက်ဆံကြိုထုတ်ထားတဲ့အတွက် မလုပ်ချင်ပေမယ့်လည်း လုပ်နေရတယ်” လို့ သာကေတမြို့နယ် လက်ဖက်ရည်ဆိုင်တစ်ခုမှာ အလုပ်လုပ်နေတဲ့ မပြည့်ပြည့် (အမည်လွှဲ) က ပြောပါတယ်။

မိသားစုစီးပွားရေး အဆင်မပြေတဲ့အတွက် မိဘတွေက အသက် ၁၂ နှစ်အရွယ် သူ့ကိုကျောင်းထုတ်ပြီး ကလေးလုပ်သားအဖြစ် ခိုင်းစေခဲ့တာဖြစ်တယ်လို့ သိရပါတယ်။

မိဘတွေအနေနဲ့ လက်ဖက်ရည်ဆိုင် လုပ်ငန်းနဲ့ အိမ်ဖော်လုပ်ငန်းတွေဆီ သူတို့ကလေးတွေကို လုပ်ကိုင်စေရာမှာ ဆိုင်ရှင်နဲ့ အိမ်ရှင်တွေဆီကနေ ခြောက်လစာ၊ တစ်နှစ်စာမျိုး လစာကြိုထုတ်တာတွေ ရှိပါတယ်။ ဒါကြောင့်ကလေးတွေက မိဘတွေ ကြိုထုတ်ထားတဲ့ လစာမပြည့်မချင်း အလုပ်လုပ်နေရပြီး ပြည့်တဲ့အခါမှာလည်း မိဘတွေက လစာကိုထပ်ပြီး ကြိုထုတ်နေတာတွေရှိတဲ့အတွက် အဲဒီလုပ်ငန်းတွေမှာ ကလေးတွေက သံသရာလည်နေရပါတယ်။

မိဘတွေ ကိုယ်တိုင်က ကလေးတွေကို ခိုင်းစေမှုတွေ ရှိနေတဲ့အတွက် အစိုးရအနေနဲ့ အသက် ၁၄ နှစ်အောက်ကလေးတွေကို လုပ်ငန်းခွင်တွေထဲကနေ ဖယ်ရှားနိုင်ဖို့ ဦးစားပေးလုပ်ငန်းတွေ လုပ်ဆောင်နေတယ်လို့ အလုပ်သမားဝန်ကြီးဌာနရဲ့ တာဝန်ရှိသူတစ်ဦးက ပြောပါတယ်။

“ပညာသင်ယူရမယ့် အသက်အရွယ်မှာရှိနေတဲ့ ကလေးတွေကို လုပ်ငန်းခွင်ထဲမှာ မရှိဖို့အတွက် ပထမဦးစားပေး ဆောင်ရွက်ရမှာ ဖြစ်ပါတယ်။ အလုပ်လုပ်နိုင်တဲ့ အသက်အရွယ် ၁၄ နှစ်ရဲ့အောက်ပိုင်းကို နိုင်ငံတကာစံနှုန်းအရရော ကျွန်တော်တို့ နိုင်ငံမှာ ပြဋ္ဌာန်းထားတဲ့ ဥပဒေအရရော အလုပ်လုပ်ခွင့်မရှိပါဘူး။ ပထမက အလုပ်လုပ်ခွင့်ရှိတဲ့ Working Children တွေကို အလုပ်ခွင်ထဲက ဖယ်ရှားနိုင်ရေးကို ဦးစားပေး ဆောင်ရွက်သွားမယ်။ ပြီးမှ ၁၄ နှစ်အောက် ကလေးငယ်တွေကို ဘယ်လုပ်ငန်းခွင်မှာမှ အလုပ်မလုပ်ဖို့ အုပ်ထိန်းသူရော မိဘတွေကရော မခိုင်းဖို့ ဆောင်ရွက်သွားမှာ ဖြစ်ပါတယ်” လို့ အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာန ညွှန်ကြားရေးမှူးချုပ် ဦးညွန့်ဝင်းက ပြောပါတယ်။

မြန်မာနိုင်ငံရဲ့ လုပ်ငန်းခွင်တွေမှာ တစ်ပတ်ကို ၄၄ နာရီထက်ကျော်ပြီး အလုပ်လုပ်နေရတဲ့ အသက် ၁၄ နှစ်ကနေ ၁၈ နှစ် အတွင်းမှာရှိတဲ့ ကလေးအလုပ်သမားတွေနဲ့ လူရွယ်အလုပ်သမားတွေဟာ အပူအအေးလွန်ကဲခြင်း၊ ဆူညံသံများခြင်း၊ အခိုးအငွေ့၊ ဖုန်မှုန့်များနဲ့ ထိတွေ့လုပ်ကိုင်ရခြင်း၊ အလုံပိတ်အခန်းနဲ့ အမြင့်တက်လုပ်ကိုင်နေရခြင်း၊ လေးလံကုန်ပစ္စည်းများ သယ်ပိုးရခြင်း၊ ကျန်းမာရေးနဲ့ မညီညွတ်တဲ့ ပတ်ဝန်းကျင် အနေအထားမှာ လုပ်ကိုင်ရခြင်း၊ မတော်မတရားပြုမှုနဲ့ ခေါင်းပုံဖြတ်မှုများရှိတဲ့ ဒါမှမဟုတ် ပညာသင်ယူခွင့်ကို ပိတ်ပင်တဲ့ လုပ်ငန်းခွင်တွေမှာ လုပ်ကိုင်နေကြတဲ့ ကလေးအလုပ်သမားတွေကို အလေးထားဖို့လိုတယ်လို့ သူက ဆက်ပြောပါတယ်။

ဒါ့အပြင် အသက် ၁၄ နှစ်အောက် ကလေးအလုပ်သမားတွေကို တွေ့ရှိပါက သတင်းပေးကြဖို့ကိုလည်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနက ညွှန်ကြားထားပါတယ်။

“ကျယ်ကျယ်ပြန့်ပြန့် လုပ်ဖို့ဆိုရင် ကလေးလုပ်သားကို တွေ့တဲ့သူက သတင်းပေးရမယ်။ ကလေးက မိဘရှိရင် မိဘဆီ ပြန်အပ်မယ်။ ပညာရေးကို ဆက်လုပ်ဖို့အတွက် ကျောင်းပြင်ပ ပညာရေးလိုမျိုး ဆောင်ရွက်ပေးရမယ်။ အဲဒါအားလုံးကို အခုတော့ အသေးစိတ် မလုပ်နိုင်သေးဘူး” လို့ လူမှုဝန်ထမ်း ဦးစီးဌာနမှ ဒုတိယညွှန်ကြားရေးမှူးချုပ် ဒေါ်ရူပါမြက ဆိုပါတယ်။

ဒါ့အပြင် လုပ်ငန်းခွင်တွေမှာ အသက် ၁၄ နှစ်အောက် ကလေးအလုပ်သမားတွေကို တွေ့ရှိပါက အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနကနေ အလုပ်ရှင်တွေကို ပထမဆုံးအနေနဲ့ ပညာပေးခြင်း၊ သတိပေးခြင်းတို့ ပြုလုပ်မှာဖြစ်ပြီး လိုက်နာခြင်းမရှိပါက အရေးယူသွားမယ်လို့ သိရပါတယ်။

အစိုးရအနေနဲ့ ကလေးလုပ်သားတွေ ပပျောက်ဖို့အတွက် ILO My-PEC အစီအစဉ်ကို ၂၀၁၄ ခုနှစ် ဇန်န၀ါရီ ၁ ရက်ကနေ ၂၀၁၇ ခုနှစ် ဇူလိုင်လကုန်အထိ ဆောင်ရွက်ခဲ့တဲ့အပြင် ၂၀၁၉ ခုနှစ် ဇွန်အထိ ထပ်ပြီးသက်တမ်းတိုး လုပ်ဆောင်နေတယ်လို့လည်း သိရပါတယ်။ ဒါ့အပြင် ၂၀၁၈ ခုနှစ် ဖေဖော်ဝါရီ ၅ ရက်မှာ ဒုတိယသမ္မတဦးမြင့်ဆွေ ဥက္ကဋ္ဌအဖြစ် တာဝန်ယူပြီး မြန်မာနိုင်ငံ ကလေးအလုပ်သမားပပျောက်ရေးဆိုင်ရာ အမျိုးသားကော်မတီကို အဖွဲ့ဝင် ၃၇ ဦးနဲ့ ဖွဲ့စည်းခဲ့ပြီး ကလေးလုပ်သားတွေ ပပျောက်ဖို့ လုပ်ငန်းတာဝန်ရှစ်ခုနဲ့ ဆောင်ရွက်နေပါတယ်။

အဲဒီလုပ်ငန်းစဉ်ရှစ်ခုကတော့ မြန်မာနိုင်ငံ ကလေးအလုပ်သမား ပပျောက်ရေးစီမံကိန်းအတွက် အမျိုးသားအဆင့် လုပ်ငန်းစီမံချက်ကို အကောင်အထည်ဖော်နိုင်ဖို့ လိုအပ်တဲ့ လုပ်ငန်းကော်မတီတွေ ဖွဲ့စည်းခြင်း၊ စီမံကိန်း ရည်မှန်းချက်များကို ဆောင်ရွက်ရာမှာ အရေးကြီးတဲ့ လုပ်ငန်းများကို မူဝါဒချမှတ်ပေးခြင်း၊ အမိန့်ကြော်ငြာစာများ ထုတ်ပြန်ခြင်း၊ ကော်မတီရဲ့ လုပ်ငန်းဆောင်ရွက်ချက်များကို ပြန်လည်သုံးသပ်ခြင်း၊ လုပ်ငန်းကော်မတီတွေရဲ့ ဆောင်ရွက်ချက်တွေအပေါ် ခြောက်လတစ်ကြိမ် ပြန်လည်သုံးသပ်ပြီး လိုအပ်သလို လမ်းညွှန်ခြင်း၊ သက်ဆိုင်ရာဝန်ကြီးဌာနများ၊ တိုင်းဒေသကြီး၊ ပြည်နယ်နဲ့ ကိုယ်ပိုင်အုပ်ချုပ်ခွင့်ရဒေသ အစိုးရများအကြား ပေါင်းစပ်ညှိနှိုင်း ဆောင်ရွက်ဖို့ ကြီးကြပ်ခြင်း၊ ကလေးအလုပ်သမား ပပျောက်ရေးဆိုင်ရာ လုပ်ငန်းစဉ်များအတွက် ပြည်တွင်းပြည်ပမှ အဖွဲ့အစည်းများနဲ့ ပူးပေါင်းဆောင်ရွက်ခြင်း၊ ပြည်ပအဖွဲ့အစည်း၊ အလှူရှင်များ၊ ပြည်တွင်းအဖွဲ့အစည်းများမှ ထည့်‌ဝင်လှူဒါန်းတဲ့ ငွေကြေး၊ ပစ္စည်းဥစ္စာနဲ့ နည်းပညာများကို ထိန်းသိမ်းခြင်း၊ စီမံခန့်ခွဲခြင်းနဲ့ စီမံကိန်းရည်မှန်းချက်များ အကောင်အထည်ဖော် ဆောင်ရွက်မှုကို ပြည်ထောင်စုအစိုးရအဖွဲ့ထံ တစ်နှစ် တစ်ကြိမ်အစီရင်ခံ တင်ပြခြင်းတို့ ဖြစ်ပါတယ်။

ဒီလို ကလေးလုပ်သား ပပျောက်ရေးတွေကို အစိုးရအနေနဲ့ လုပ်နေတာ နှစ်နဲ့ချီ ကြာနေပြီဖြစ်ပေမယ့်လည်း တိုးတက်မှု နှေးကွေးနေသလို ကလေးလုပ်သား ဥပဒေရေးကိုလည်း ရေးဆွဲနိုင်ခြင်းမရှိသေးဘူးလို့ မြန်မာနိုင်ငံ စက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများ အဖွဲ့ချုပ် (MICS) အတွင်းရေးမှူး ဦးသက်နှင်းအောင်က ပြောပါတယ်။

“ကလေးလုပ်သား ပပျောက်ရေး လုပ်လာတာ ၂၀၁၂၊ ၂၀၁၃ ခုနှစ်ကတည်းက တောက်လျှောက်လုပ်လာတာ။ ကလေးလုပ်သား ဘယ်လောက်လျော့သွားပြီလဲ။ အခုဟာက လျော့ဖို့မဟုတ်ဘူး။ ကလေးလုပ်သား ဘယ်နှယောက်လျော့ဖို့ ဘာတွေလုပ်မလဲဆိုတဲ့ အဆင့်မှာပဲ လည်နေတယ်လို့ ကျွန်တော်မြင်တယ်။ ပွင့်ပွင့်လင်းလင်း ပြောရရင် ရှေ့ဆက်တိုးစေချင်တယ်။ ကလေးလုပ်သားကိစ္စ လုပ်တာကို ပြန်သုံးသပ်ပါ။ ဒီထက် ပိုကောင်းတဲ့ ရလဒ်ထွက်လာဖို့ ကျွန်တော် အမြဲတမ်း တိုက်တွန်းလေ့ရှိပါတယ်။ ကလေးလုပ်သားဥပဒေ မရှိဘူး။ နောက်တစ်ခုက စာရင်းမရှိဘူး။ အရိုးသားဆုံးပြောရရင် အလုပ်သမားဝန်ကြီးဌာနက သူတို့မှာ လုံလောက်တဲ့ Capacity မရှိဘူး။ သူတို့ကိုယ်သူတို့ Capacity ဖြည့်နိုင်အောင် အချိန်ယူခဲ့ရတာရှိတယ်။ နိုင်ငံတကာရဲ့ အတွေ့အကြုံ ယူနေတာတွေရှိတယ်။ ဒါတွေက အချိန်တွေ ကြာနေတဲ့ အနေအထားတွေ” လို့ ဦးသက်နှင်းအောင်က ပြောပါတယ်။

မြန်မာနိုင်ငံမှာ ၁၉၅၁ ခုနှစ် အလုပ်ရုံအက်ဥပဒေနဲ့ ၂၀၁၆ ခုနှစ်ဆိုင်များနှင့် အလုပ်ဌာနများဥပဒေတွေမှာ ကလေးအလုပ်သမားတွေနဲ့ ပတ်သက်ပြီး ထည့်သွင်းပြဋ္ဌာန်း ထားတာတော့ ရှိပေမယ့် ကလေးလုပ်သား ဥပဒေကိုတော့ သီးသန့်ပြဋ္ဌာန်းထားတာ မရှိသေးပါဘူး။ ဒါကြောင့်လည်း အန္တရာယ်ရှိတဲ့ လုပ်ငန်းခွင်တွေဖြစ်တဲ့ ရေလုပ်ငန်းတွေ၊ သတ္တုတွင်းလုပ်ငန်းတွေ၊ ရေနံတူးဖော်ရေး လုပ်ငန်းတွေ၊ ကမ်းနီးကမ်းဝေး ငါးဖမ်းလုပ်ငန်းတွေမှာ ကလေးလုပ်သားတွေကို အကာအကွယ်ပေးမယ့် ဥပဒေမရှိသေးတာကြောင့် ကန့်သတ်ချက်တွေ ရှိနေတယ်လို့ မြန်မာနိုင်ငံ ကလေးလုပ်သားပပျောက်ရေးဆိုင်ရာ အမျိုးသားကော်မတီရဲ့ တွဲဖက်အတွင်းရေးမှူး၊ အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာနညွှန်ကြားရေးမှူးချုပ် ဦးညွန့်ဝင်းက ပြောပါတယ်။

“အခုက ကလေးလုပ်သားပပျောက်ဖို့ အသိပညာပေး ဆွေးနွေးတာပဲ ရှိသေးတယ်။ ကလေးလုပ်သားဆိုတဲ့ အဓိပ္ပာယ်က တိတိကျကျဖွင့်ဖို့ အခုချိန်ထိမပြီးသေးဘူး။ ၁၄ နှစ်အောက်ကလေးကိုတော့ အလုပ်လုပ်ခွင့် မပေးထားဘူး။ အလုပ်သမားဝန်ကြီးဌာနကတွေ့တဲ့ ကလေးတိုင်းကို နေရာတကာ သွားဖမ်းဆီးတာလို့ လုပ်လို့မရဘူး။ ၁၉၅၁ အလုပ်ရုံများအက်ဥပဒေရှိတယ်။ ၂၀၁၆ ဆိုင်ခန်းနဲ့ အလုပ်ဌာနများ ဥပဒေရှိတယ်။ ဒီဥပဒေနှစ်ခုမှာပဲ ရှိတဲ့ဟာကို စစ်ဆေးလို့ရတယ်။ အရေးယူလို့ရတယ်။ ပညာပေးလို့ရတယ်။ ရေလုပ်ငန်းတွေ၊ သတ္တုတွင်းလုပ်ငန်းတွေ၊ ရေနံတူး ဖော်ရေးလုပ်ငန်းတွေ၊ ကမ်းနီးကမ်းဝေး ငါးဖမ်းလုပ်ငန်းတွေ၊ အိမ်အကူလုပ်ငန်းတွေ၊ စိုက်ပျိုးရေးလုပ်ငန်းတွေ၊ နှစ်ရှည်လုပ်ငန်းတွေ၊ ရာသီသီးနှံလုပ်ငန်းတွေမှာ ကျွန်တော်တို့ ဥပဒေမှမရှိတာ။ ဒါတွေကို သွားလုပ်လို့ မရဘူး။ သွားလုပ်လို့မရတဲ့ ကန့်သတ်ချက်တွေ ရှိပါတယ်” လို့ ဦးညွန့်ဝင်းက ဆိုပါတယ်။

ဆက်လက်ပြီး မိသားစုဆင်းရဲနွမ်းပါးမှုနဲ့ ပညာရေးနိမ့်ပါးမှုက ပညာသင်ကြားရမယ့် ကလေးတွေကို လုပ်ငန်းခွင်ထဲတွန်းပို့နေတဲ့ အဓိကအချက် နှစ်ချက်ဖြစ်တယ်လို့ သူက ဆိုပါတယ်။

“မိဘတွေ ၀င်ငွေနည်းပါးမှုကြောင့် ကလေးတွေ ပညာသင်ကြားဖို့ အခွင့်အလမ်း နည်းပါးသွားသလို ဆက်ပြီးတော့ ပညာရည်နိမ့်ကျတဲ့ ကလေးတစ်ယောက်ဟာ အရွယ်ရောက်လို့ မိသားစုကိုဦးဆောင်ရချိန်မှာ ၀င်ငွေကောင်းတဲ့ သိက္ခာရှိတဲ့အလုပ်ကို လုပ်ကိုင်ခွင့်ရဖို့ ခဲယဉ်းမှာ ဖြစ်ပါတယ်။ ဒီလိုနဲ့ ဆင်းရဲခြင်းနဲ့ ကလေးအလုပ်သမားပြဿနာဟာ အစမှ အဆုံး၊ အဆုံးမှ အစ သံသရာလည်နေမှာ ဖြစ်ပါတယ်။ ဒါကြောင့် ကလေးအလုပ်သမား လျော့နည်းပပျောက်ရေး ဆောင်ရွက်ရာမှာ ပညာရည်နိမ့်ပါးမှုနဲ့ ဆင်းရဲနွမ်းပါးခြင်းဟာ အဓိက အကြောင်းရင်း ဖြစ်ပါတယ်” လို့ ညွှန်ကြားရေးမှူးဦးညွန့်ဝင်းက ပြောပါတယ်။

မြန်မာနိုင်ငံအနေနဲ့ အဆိုးရွားဆုံးပုံစံဖြင့် ကလေးအလုပ်သမား ခိုင်းစေခြင်းဆိုင်ရာ သဘောတူညီချက် ILO Convention 182 ကို ၂၀၁၃ ခုနှစ် ဒီဇင်ဘာ ၁၈ ရက်က လက်မှတ်ရေးထိုးခဲ့ပြီး ၂၀၁၅ ခုနှစ် စက်တင်ဘာ ၁ ရက်မှာ အကောင်အထည်ဖော်မှု အစီရင်ခံစာကို ILO ဆီ တင်သွင်းခဲ့ပါတယ်။ ဒီလို ၂၀၁၃ ခုနှစ်ကတည်းက အဆိုးရွားဆုံး ပုံစံဖြင့် ကလေးအလုပ်သမား ခိုင်းစေခြင်းဆိုင်ရာ သဘောတူညီချက်ကို မြန်မာနိုင်ငံ အနေနဲ့ လက်မှတ်ရေးထိုးထားပေမယ့်လည်း အချိန် လေးနှစ်ကျော်ကြာတဲ့အထိ ကလေးအလုပ်သမားတွေဟာ လုပ်ငန်းခွင်တွေမှာ အဆိုးရွားဆုံးပုံစံနဲ့ ခိုင်းစေခံနေရဆဲ ဖြစ်ပါတယ်။

ဒီကိစ္စနဲ့ပတ်သက်လို့ အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာနမှ ညွှန်ကြားရေးမှူးချုပ် ဦးညွန့်ဝင်းက ကလေးအလုပ်သမားပြဿနာကို ဖြေရှင်းရာမှာ ဖွံ့ဖြိုးဆဲနိုင်ငံတွေအတွက် ခက်ခဲကြာရှည်စွာ ဆောင်ရွက်ရမယ့် လုပ်ငန်းစဉ်ဖြစ်တယ်လို့ ဆိုပါတယ်။

ဆင်းရဲနွမ်းပါးတဲ့ မိသားစုတွေမှာ ကလေးလုပ်သားတွေက မိသားစုရဲ့ ၀င်ငွေ တစ်စိတ်တစ်ပိုင်း၊ ဒါမှမဟုတ် မိသားစုဝင်ငွေကို အဓိက ရှာပေးနေကြသူတွေ ဖြစ်ပါတယ်။ သူတို့ကို လုပ်ငန်းခွင်တွေမှာ အလုပ်လုပ်ခွင့်ကို ပိတ်ပင်လိုက်ပါက သူတို့မိသားစု စားဝတ်နေရေးကို ဘယ်လိုဖြေရှင်းပေးမလဲ ဆိုတာ အစိုးရက စဉ်းစားဖို့လိုပါတယ်။

ဒါကြောင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနအပြင် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ စက်မှုဝန်ကြီးဌာန၊ ဆောက်လုပ်ရေးဝန်ကြီးဌာန၊ စိုက်ပျိုမွေးမြူရေးနှင့် ဆည်မြောင်းဝန်ကြီးဌာနစတဲ့ ၀န်ကြီးဌာနတွေကပါ ပူးပေါင်းပါဝင်ပြီး ကလေးလုပ်သားတွေအတွက် အသက်မွေးဝမ်းကျောင်းသင်တန်းတွေ ပေးဖို့လိုတယ်လို့ ကလေးအလုပ်သမားအရေး ဆောင်ရွက်နေသူတွေက ထောက်ပြပါတယ်။

မြန်မာနိုင်ငံမှာ သင့်တော်တဲ့ အလုပ်အကိုင် အခွင့်အလမ်း၊ ဘေးအန္တရာယ်ကင်းရှင်းတဲ့ လုပ်ငန်းခွင်အပြင် ခိုင်မာအားကောင်းတဲ့ အလုပ်သမားဈေးကွက်နဲ့ ကလေးလုပ်သားတွေကို အကာအကွယ်ပေးတဲ့ဥပဒေ ခိုင်ခိုင်မာမာရှိမှသာ ကလေးအလုပ်သမား အမြစ်ပြတ် ဖယ်ရှားဖို့အတွက် အထောက်အပံ့ဖြစ်စေနိုင်မယ်လို့ ကလေးအလုပ်သမားအရေး ဆောင်ရွက်နေသူတွေက ဆိုပါတယ်။

“လက်ရှိအချိန်မှာတော့ အစိုးရရဲ့ လုပ်ဆောင်ချက်တွေက အားရကျေနပ်စရာ မကောင်းသေးပါဘူး။ ကလေးလုပ်သားပြဿနာအတွက် ခိုင်မာတိကျတဲ့ လုပ်ဆောင်ချက်တွေ လိုအပ်နေပါသေးတယ်။ မြန်မာနိုင်ငံမှာ ကလေးလုပ်သားပြဿနာက မုန့်လုံးစက္ကူကပ်သလို ဂျာအေးသူ့အမေရိုက် ဖြစ်နေတာပေါ့။ ကျွန်တော်ပြောချင်တာက ကလေးလုပ်သားပြဿနာကို တည်ဆဲဥပဒေကို လိုက်နာရင်တောင်မှ ကလေးတွေကို အကာအကွယ်ပေးလို့ ရပါတယ်။ ကျန်တဲ့ဟာက တိုင်းပြည်ကဖွံ့ဖြိုးမှ လွှတ်တော်နဲ့ အစိုးရက အကာအကွယ်ပေးမှ ဖြစ်မယ်။ ဖွဲ့စည်းပုံအခြေခံဥပဒေ ပုဒ်မ ၂၄ မှာ အလုပ်သမား အခွင့်အရေး ကာကွယ်စောင့်ရှောက်ရမယ့်တာဝန် နိုင်ငံတော်မှာရှိတယ်။ ဒါပေမဲ့ လက်တွေ့မှာ ကာကွယ်စောင့်ရှောက်မှု အားနည်းနေတယ်” လို့ We Generation Network ရဲ့ ဥပဒေအကြံပေး၊ တရားလွှတ်တော်ရှေ့နေ ဦးဌေးက ပြောပါတယ်။

အငြင်းပွားစရာဖြစ်နေတဲ့ မြန်မာအမျိုးသမီးတွေအတွက် သင်္ဘောသားလက်မှတ်

မြန်မာအမျိုးသမီးများအား သင်္ဘောသားလက်မှတ်နှင့် (Seaman Book) နှင့် Seaman Passport ပြုလုပ်ပေးနိုင်ရန် ညှိနှိုင်းအစည်းအဝေး ပြုလုပ်နေစဉ် (ဓာတ်ပုံ-ရွှန်းလဲ့ဝင်း)

မြန်မာအမျိုးသမီးတွေကို Lady Seafarers အနေနဲ့ တရားဝင် အလုပ်လုပ်ခွင့်ပေးဖို့ လိုအပ်နေပြီလားဆိုတာ လက်ရှိရေကြောင်းလောကမှာ အငြင်းပွားဖွယ် ရှုထောင့်အမျိုးမျိုးနဲ့ ဆွေးနွေးငြင်းခုံမှုတွေ ဖြစ်နေပါတယ်။ မကြာသေးခင်က မြန်မာနိုင်ငံက စီးပွားရေးလုပ်ငန်းရှင်တွေနဲ့ ဒုတိယသမ္မတတို့ တွေ့ဆုံပွဲမှာလည်း မြန်မာနိုင်ငံ ပင်လယ်ကူး သင်္ဘောသား ၀န်ဆောင်မှုလုပ်ငန်းရှင်များ အဖွဲ့ချုပ်က (Lady Seafarers) တွေ ခွင့်ပြုဖို့ တင်ပြချက်ကို ဒုသမ္မတက လမ်းညွှန်ချက်ပေးခဲ့ပါတယ်။ ဒါ့အပြင် အမျိုးသားလွှတ်တော်မှာလည်း မြန်မာအမျိုးသမီးတွေကို နိုင်ငံတကာ ပင်လယ်ရေကြောင်းလောကမှာ အမျိုးသမီးသင်္ဘောသား (Lady Seafarers) အဖြစ် အလုပ်လုပ်ကိုင်နိုင်ဖို့အတွက် ဆောင်ရွက်ရန် ရှိ မရှိဆိုတဲ့ မေးခွန်းကို အမျိုးသားလွှတ်တော် ကိုယ်စားလှယ် ဦးမောင်မောင်အုန်းက လွှတ်တော်မှာ ကြယ်ပွင့်ပြ မေးခွန်းအနေနဲ့ ပေးပို့မေးမြန်းခဲ့ပါတယ်။ အဲဒီမေးမြန်းချက်ကို ပို့ဆောင်ရေးနဲ့ ဆက်သွယ်ရေးဝန်ကြီးဌာန၊ ဒုတိယ၀န်ကြီး ဦးကျော်မျိုးက ဒီ Issue ကို အစိုးရအဖွဲ့က ဆက်စပ် အဖွဲ့အစည်းတွေနဲ့ ညှိနှိုင်းဆွေးနွေးသွားဖို့ ရှိတယ်လို့ ဇွန် ၁၃ ရက်က အမျိုးသားလွှတ်တော်မှာ ဖြေကြားခဲ့ပါတယ်။

အမျိုးသားလွှတ်တော်မှာ ဒုတိယ၀န်ကြီးရဲ့ ဖြေကြားချက်အပြီး ဇွန် ၁၄ ရက်မှာပဲ သိမ်ဖြူလမ်းမှာရှိတဲ့ ရေကြောင်းပို့ဆောင်ရေး ညွှန်ကြားမှုဦးစီးဌာန (ရုံးချုပ်)မှာ မြန်မာအမျိုးသမီးများ Lady Seafarers အနေဖြင့် တရားဝင် အလုပ်လုပ်ခွင့်ရရှိရန် သင်္ဘောသားလက်မှတ် (Seaman Book) နှင့် Seaman Passport ပြုလုပ်ပေးနိုင်ရန် ညှိနှိုင်း အစည်းအဝေးတစ်ခုကို ပြုလုပ်ခဲ့ပါတယ်။

အဲဒီအစည်းအဝေးကို ရေကြောင်းပို့ဆောင်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးသောင်းကြိုင်၊ အဆိုတင်သွင်းခဲ့သူ အမျိုးသားလွှတ်တော် ကိုယ်စားလှယ် ဦးမောင်မောင်အုန်း၊ ပြည်သူ့လွှတ်တော် ကိုယ်စားလှယ် ဒေါက်တာခင်မောင်မောင်၊ မြန်မာနိုင်ငံ အမျိုးသမီးရေးရာအဖွဲ့ချုပ်၊ မြန်မာအမျိုးသမီး စီးပွားရေးစွမ်းဆောင်ရှင်များအသင်းမှ တာဝန်ရှိသူများ၊ ရန်ကုန်တိုင်းဒေသကြီး အမျိုးသမီးရေးရာအဖွဲ့၊ လူကုန်ကူးမှု တားဆီးနှိမ်နင်းရေးရဲ့တပ်ဖွဲ့၊ အလုပ်သမား ညွှန်ကြားရေးဦးစီးဌာန၊ ဟိုတယ်နှင့် ခရီးသွားလုပ်ငန်းဦးစီးဌာန၊ မြန်မာနိုင်ငံ ရေကြောင်းပညာတက္ကသိုလ်မှ ပါမောက္ခချုပ်၊ သင်္ဘောသားသင်တန်းကျောင်းများနဲ့ သင်္ဘောသားသမဂ္ဂများစတဲ့ အဖွဲ့အစည်းတွေက တာဝန်ရှိသူတွေ တက်ရောက် ဆွေးနွေးခဲ့ကြပါသည်။

“ဒီနေ့အစည်းအဝေးက မြန်မာအမျိုးသမီးများကို Lady Seafarers အဖြစ်နဲ့ နိုင်ငံတကာ ခရီးသည်တင် အပျော်စီးသင်္ဘောတွေပေါ်မှာ တာဝန်ထမ်းဆောင်နိုင်ဖို့ သင့် မသင့်နဲ့ ပတ်သက်ပြီး ညှိနှိုင်းဆွေးနွေးတဲ့ အစည်းအဝေး ဖြစ်ပါတယ်။ ကျွန်တော်တို့ ၀န်ကြီးဌာန ပြည်ထောင်စုဝန်ကြီးကလည်း အမျိုးသမီး Seafarers များ မွေးထုတ်ပေးခြင်းနဲ့ ပတ်သက်လို့ ပြည်သူတွေက လက်ခံဖို့လိုတယ်။ လွှတ်တော်မှာလည်း လွှတ်တော်ကိုယ်စားလှယ်တွေကိုယ်တိုင် လက်ခံဖို့လိုတယ်။ အမျိုးသမီး Seafarers တွေခန့် သင့် မသင့်ကို အမျိုးသမီးကိစ္စတွေ ဆောင်ရွက်နေတဲ့ NGO တွေနဲ့လည်း ဆွေးနွေးပြီး ဆောင်ရွက်သင့်တယ်လို့ လမ်းညွှန်တဲ့အတွက် အခုလို အစည်းအဝေးကို ပြုလုပ်ရခြင်း ဖြစ်ပါတယ်” လို့ ရေကြောင်းပို့ဆောင်ရေး ညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးသောင်းကြိုင်က အစည်းအဝေး အဖွင့်အမှာ စကားမှာ ပြောကြားခဲ့ပါတယ်။

နိုင်ငံတကာပင်လယ်ရေကြောင်းလောကမှာ အမျိုးသမီးသင်္ဘောသား (Lady Seafarers) အဖြစ် အမျိုးသားသင်္ဘောသားတွေနဲ့ ရင်ပေါင်တန်းပြီး အလုပ်လုပ်ကိုင်နိုင်ဖို့ဆိုတာ မြန်မာအမျိုးသမီးတွေအတွက်တော့ ကြီးမားတဲ့ စွန့်စား စိန်ခေါ်မှုတစ်ခုဖြစ်တယ်လို့ အဲဒီအစည်းအဝေး တက်ရောက်လာတဲ့ အဖွဲ့အစည်း အသီးသီးက ဆွေးနွေးတင်ပြခဲ့ကြပါတယ်။ မြန်မာအမျိုးသမီးတွေက ယဉ်ကျေးမှု ဓလေ့ထုံးစံအရကို ယဉ်ကျေးသိမ်မွေ့စွာနဲ့ ကြီးပြင်းခဲ့ရသူတွေဖြစ်ပြီး၊ မိဘအုပ်ထိန်းမှု၊ ဆွေမျိုးအသိုင်းအ၀ိုင်းနဲ့ အိမ်ထောင်ဦးစီး ခင်ပွန်းဖြစ်သူရဲ့ အုပ်ထိန်းမှုအောက်မှာ နေထိုင်ကြီးပြင်းကြသူတွေဖြစ်တဲ့အတွက် လုပ်ငန်းခွင်မှာ ကိုယ့်တာဝန် ကိုယ်ယူပြီး အဆင်ပြေပြေ လုပ်ကိုင်နိုင်ပါ့မလားဆိုတာ မေးခွန်းထုတ်ခဲ့ကြပါတယ်။

“လက်ရှိ နိုင်ငံတကာသင်္ဘောတွေမှာ တာဝန်ထမ်းဆောင်နေတဲ့ အမျိုးသားတချို့တောင် လူမျိုးခြားတွေနဲ့ အတူတကွ တာဝန်ထမ်းဆောင်တဲ့အခါ အကြောက်တရားတွေ ရှိပါတယ်။ ကိုယ့်အခွင့်ရေးအတွက် မတောင်းဆိုရဲတာ၊ ဘာသာစကား အခက်အခဲ စတဲ့ အချက်တွေမှာပေါ့။ ပြဿနာတစ်ခုခု ဖြစ်လာရင် နှုတ်နဲ့ဖြေရှင်းတာမျိုးထက် မခံနိုင်တဲ့ အဆုံးမှာ လက်သီးနဲ့ထိုးပြီး ဖြေရှင်းတာတို့၊ ဓားနဲ့ထိုးပြီး ဖြေရှင်းတာတို့ လုပ်ခဲ့တဲ့အတွက် အလုပ်ကို ထိခိုက်တာမျိုးတွေလည်း ရှိနေပါတယ်။ အဓိက လုပ်ငန်းခွင်မှာ ကိုယ့်အားကိုယ်ကိုးပြီး ကိုယ်တိုင်ရပ်တည် ဖြေရှင်းနိုင်ဖို့ လိုပါတယ်။ ပြဿနာတစ်ခုခုဖြစ်ပြီးသွားမှ၊ နစ်နာပြီးသွားမှ ဖြေရှင်းရတာမျိုးထက်စာရင် ကိုယ်တိုင်ပဲ ချက်ချင်း ရင်ဆိုင်ဖြေရှင်းနိုင်တာမျိုး ရှိသင့်ပါတယ်” လို့ ဦးသောင်းကြိုင်က ပြောပါတယ်။

မြန်မာအမျိုးသမီးတွေကို နိုင်ငံတကာ ပင်လယ်ရေကြောင်းလောကမှာ အမျိုးသမီး သင်္ဘောသား (Lady Seafarers) အဖြစ် အလုပ်လုပ်ကိုင်နိုင်ဖို့ သင်္ဘောသားလေ့ကျင့် မွေးထုတ်ပေးဖို့ကတော့ ရေကြောင်းပို့ဆောင်ရေး ညွှန်ကြားမှုဦးစီးဌာနအနေနဲ့ အဆင်သင့်ပဲလို့ သိရပါတယ်။ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ရေကြောင်းပို့ဆောင်ရေး ညွှန်ကြားမှုဦးစီးဌာနအနေနဲ့ သင်္ဘောသား လေ့ကျင့်မွေးထုတ်ပေးတဲ့ ပုဂ္ဂလိကသင်တန်းကျောင်းပေါင်း ၃၀ ကျော်နဲ့ နိုင်ငံပိုင်တက္ကသိုလ်နဲ့ ကောလိပ်နှစ်ခု ဖွင့်လှစ်ထား ရှိပြီးလည်း ဖြစ်ပါတယ်။

မြန်မာအမျိုးသမီးများတွေကို Lady Seafarers အနေနဲ့ တရားဝင် အလုပ်လုပ်ကိုင် ခွင့်ပြုဖို့ဆိုတာ မြန်မာနိုင်ငံအနေနဲ့ Very sensitive Issue ဖြစ်တဲ့အတွက် ရေကြောင်းပို့ဆောင်ရေး ညွှန်ကြားမှုဦးစီးဌာနက ခွင့်ပြုပေးဖို့ စောင့်ဆိုင်းနေခဲ့တာ ဖြစ်တယ်လို့ ဆိုပါတယ်။

“အမျိုးသမီးသင်္ဘောသားတွေအတွက် ပေးရမယ့် သင်တန်းတွေအနေနဲ့ ကျွန်တော်တို့ ဌာနတွင်းအစည်းအဝေးမှာ ဆွေးနွေးခဲ့ပြီး ဖြစ်ပါတယ်။ အမျိုးသမီးတွေကို နိုင်ငံတကာခရီးသည်တင် အပျော်စီးသင်္ဘောတွေပေါ်မှာ အလုပ်လုပ်ခွင့်ကို ပထမဆုံးအနေနဲ့ ခွင့်ပြုပေးသင့်တယ်။ ဒါဆိုရင် အမျိုးသမီး သင်္ဘောသားတွေ အနေနဲ့ အမျိုးသားတွေလိုပဲ မဖြစ်မနေ တက်ရောက်ရမယ့် သင်တန်းသုံးခုပဲရှိတယ်။ ပထမဆုံးက 4 Tickets ပေါ့။ သင်တန်းလေးခုကိုအောင် လက်မှတ်တစ်စောင်တည်း ထုတ်ပေးတာ။ နောက်တစ်ခုက Crowd Management ပေါ့။ သင်္ဘောပေါ်မှာ တစ်စုံတစ်ခုဖြစ်ခဲ့ရင် ခရီးသည်တွေကို ဘယ်လိုထိန်းသိမ်း ကိုင်တွယ်ရမလဲဆိုတဲ့ သင်တန်း၊ နောက်တစ်ခုက SSA လို့ခေါ်တဲ့ Ship Security Awareness သင်တန်း။ ဒီသင်တန်းသုံးခုက IMO Convention အရ မဖြစ်မနေ လိုအပ်တယ်။ ဒီသင်တန်းတွေ အောင်မြင်ပြီးရင် SIRB လို့ခေါ်တဲ့ Seafarers Identity Record Book ကို DMA က ထုတ်ပေးမယ်။ ပတ်စ်ပို့ကတော့ ပြည်ထဲရေးက ထုတ်ပေးမယ်။ ကျွန်တော်တို့ဘက်ကတော့ ရယ်ဒီပဲ။ ဘာလို့မလုပ်ပေးသေးသလဲဆိုရင် ဒီ Lady Seafarers ဆိုတာ မြန်မာနိုင်ငံအနေနဲ့ Very Sensitive Issue ဖြစ်တဲ့အတွက် အခုလို လွှတ်တော်ကိုယ်စားလှယ်တွေကိုယ်တိုင်က ဒါဟာလိုအပ်တဲ့ Issue ဖြစ်တယ်။ ဘာလို့မလုပ်သေးတာလဲဆိုတဲ့ အသံကို စောင့်နေတာ ဖြစ်ပါတယ်။ ကျွန်တော်တို့ လုပ်ပေးရမယ့် သင်တန်းတွေ ဖွင့်လှစ်ပေးဖို့က အားလုံးအဆင်သင့်ပါ။ မျှော်လင့်ချက်တွေတော့ မပေးချင်ဘူး။ အမျိုးသမီးတွေကို သင်္ဘောသား ဖြစ်ခွင့်ပေးလိုက်တဲ့အတွက် အမျိုးသမီးတွေအနေနဲ့ ငါကတော့ သင်္ဘောတက်ခွင့်ရမှာပါလားဆိုတဲ့ မျှော်လင့်ချက် ဖြစ်လာမယ်။ အဲဒီတော့ ကျွန်တော်တို့က ခွင့်ပြုပေးခဲ့ရင်တောင်မှ ဘယ်လိုလုပ်ပေးရမလဲဆိုတဲ့အပိုင်းက အရမ်းအရေးကြီးလာပြီ” ဟု ညွှန်ကြားရေးမှူးချုပ်က ပြောကြားသည်။

လက်ရှိတွင် နိုင်ငံတကာ အပျော်စီး သင်္ဘောများပေါ်တွင် တာဝန်ထမ်းဆောင်နေကြသည့် မြန်မာအမျိုးသမီးအချို့လည်း ရှိနေကြပြီး၊ မြန်မာနိုင်ငံမှ တရားဝင် Lady Seafarers အဖြစ် သင်္ဘောတက်ခွင့် မရှိခြင်းကြောင့် နစ်နာမှုတွေ ကြုံတွေ့နေရတယ်လို့လည်း သိရပါတယ်။

“နိုင်ငံတကာအပျော်စီး သဘောင်္တွေမှာ မြန်မာအမျိုးသမီး Seafarers တွေ တရားဝင် တာဝန်ထမ်းဆောင်နိုင်ဖို့ဆိုတာ ကျွန်တော်တို့နိုင်ငံယဉ်ကျေးမှုအရ မဖြစ်မနေ ပညာပေးရမှာ ဖြစ်ပါတယ်။ အလုပ်တိုင်းမှာတော့ Risk ဆိုတာရှိပါတယ်။ တချို့ပြောကြတယ်။ မိန်းကလေးတွေ သင်္ဘောပေါ်တင်ပေးလိုက်ရင် မလိုလားအပ်တဲ့ လူမှုရေးပြဿနာတွေ ရှိလာနိုင်တယ်။ ဒါတွေက နိုင်ငံခြား သင်္ဘောကုမ္ပဏီတွေမှာ Rules တွေ ရှိပြီးသားပါ။ သင်္ဘောမတက်ခင်မှာ မိန်းကလေးရော၊ ယောက်ျားလေးပါ ကျန်းမာရေး စစ်ဆေးမှုတွေ လုပ်ရပါတယ်။ သင်္ဘောပေါ်မှာလည်း သူ့နေရာနဲ့သူ စည်းခြားထားတာတွေ ရှိပါတယ်။ ၀န်ဆောင်မှုအပိုင်းနဲ့ နေမှု၊ ထိုင်မှု၊ ပြောမှု၊ ဆိုမှု၊ စားမှု၊ သောက်မှုအပိုင်းတွေမှာလည်း သတ်မှတ်ချက်တွေ၊ ကဏ္ဍခွဲခြားမှုတွေလည်း ရှိပါတယ်။ ကျွန်တော်တို့ ယဉ်ကျေးမှုနဲ့ မတူညီနိုင်တာတွေလည်း ရှိပါတယ်။ သူတို့ ယဉ်ကျေးမှုနဲ့ မတူတဲ့အချက် အချို့ကြောင့်သာ Lady Seafarers တွေကို ခွင့်ပြုမပေးဘူးဆိုရင် သူတို့တွေရဲ့အမြင်၊ တိုးတက်မှု အပိုင်းတွေမှာ အများကြီးနှောင့်နှေးသွားနိုင်ပါတယ်။ ခုလက်ရှိအပြင်မှာ ဘာဖြစ်နေသလဲဆိုရင် မြန်မာမိန်းကလေးအချို့က နိုင်ငံတကာက ဟိုတယ်ကြီးတွေမှာ အလုပ်လုပ်ခဲ့ကြတယ်။ ပြီးတော့ လစာကောင်းတဲ့ နိုင်ငံတကာ အပျော်စီးသင်္ဘောတွေမှာ အလုပ်လုပ်ချင်တဲ့အခါ သူတို့ကိုယ်တိုင် သူတို့ရဲ့ အဆက်အသွယ်နဲ့ သွားနေကြရတယ်။ သူတို့က မြန်မာနိုင်ငံက နိုင်ငံကူးလက်မှတ် Seaman Passport နဲ့ Job Passport နှစ်မျိုးမှာ သူတို့ တရားဝင် ကိုင်ဆောင်ပြီးသွား ရတာက Job Passport ဖြစ်တဲ့အတွက် သင်္ဘောပေါ်မှာ အလုပ်လုပ်ရတဲ့အခါ သူတို့ခမျာ သင်္ဘောကမ်းကပ်တဲ့အခါ တချို့နိုင်ငံတွေမှာ Seaman Book မရှိလို့ Go Shore မဆင်းရတာတွေ၊ နောက်တစ်ခု တကယ်လို့များ သူတို့အလုပ်လုပ်နေတဲ့ သင်္ဘောက မြန်မာပြည်ကို ၀င်လာခဲ့ရင် တောင်သူတို့မှာ သင်္ဘောတက်ခွင့်၊ သင်္ဘောဆင်းခွင့်မရှိပါဘူး။ အခွင့်အရေးတွေ အများကြီး ဆုံးရှုံးရပါတယ်။ အမှန်တိုင်းပြောရရင် နိုင်ငံတကာက ခရီးသည်တင်အပျော်စီး သင်္ဘောတွေပေါ်မှာ မြန်မာ Lady Seafarers တွေက ရှိနေကြပြီးသား။ ကျွန်တော်တို့က ဒီမြန်မာအမျိုးသမီးတွေကို အကာအကွယ် ပေးချင်တာ။ ဒီလို အကာကွယ်ပေးနိုင်ဖို့က Lady Seafarers တွေ အနေနဲ့ Seaman book နှင့် Seaman Passport ရှိကို ရှိရမယ်။ ဒါတွေမရှိတဲ့အတွက် Lady Seafarers တွေဘက်မှာ အများကြီးနစ်နာမှုတွေ ရှိနေတယ်” ဟု မြန်မာနိုင်ငံ ပင်လယ်ကူးသင်္ဘောသား ၀န်ဆောင်မှု လုပ်ငန်းရှင်များအဖွဲ့ချုပ်မှ ဥက္ကဋ္ဌ ဦးဆန်းဦးက ပြောကြားသည်။

“မြန်မာအမျိုးသမီးတွေကို Lady Seafarers အနေ့နဲ့ တရားဝင် အလုပ်လုပ်ခွင့်ပြုဖို့ဆိုတာ ကျွန်တော်တို့ ယဉ်ကျေးမှုအရ အရမ်းစိမ်းနေတယ်။ လက်ကိုမခံနိုင်သလိုဘဲ တချို့ပြောနေကြတာတွေက။ ဒါကို ကျွန်တော်တို့က လူထုနားလည် သဘောပေါက်အောင် လုပ်ဖို့တော့လိုတယ်။ ဒါပေမဲ့ လူထုအားလုံးလက်ခံမှ လုပ်ရမယ်လို့တော့ ကျွန်တော်ဆိုလိုနေတာ မဟုတ်ပါဘူး။ လက်မခံနိုင်တဲ့ကိစ္စကို လုပ်ပြရင်းနဲ့ နားလည်အောင် လုပ်ရမယ်လို့ ယူဆပါတယ်။ ဒါပေမဲ့ အထူးတလည် စဉ်းစားဖို့လိုတဲ့ အချက်ကတော့ လူကုန်ကူးမှု ပြဿနာကိုတော့ အစိုးရတာဝန်ရှိသူတွေ အနေနဲ့ အကာကွယ်အပြည့်အ၀ ပေးနိုင်ဖို့လိုပါတယ်။ ဒီလိုအပ်ချက်တွေကို စဉ်းစားလုပ်ကိုင်ပြီးရင်တော့ Lady Seafarers တွေကို ခွင့်ပြုပေးသင့်ပါတယ်။ ဆောလျင်စွာ ဆောင်ရွက်ပါလို့လည်း တိုက်တွန်းချင်ပါတယ်” ဟု ပြည်သူ့လွှတ်တော် ပို့ဆောင်ရေး၊ ဆက်သွယ်ရေးနှင့် ဆောက်လုပ်ရေး ကော်မတီမှ လွှတ်တော်ကိုယ်စားလှယ် ဒေါက်တာခင်မောင်မောင်က ပြောကြားသည်။

မြန်မာနိုင်ငံ၊ ပို့ဆောင်ရေးနှင့် ဆက်သွယ်ရေးဝန်ကြီးဌာနလက်အောက်ရှိ ရေကြောင်းပညာတက္ကသိုလ်မှ မြန်မာအမျိုးသမီးများအား Seafarers အဖြစ် တရားဝင် တာဝန်ထမ်းဆောင်နိုင်ရန် မွေးထုတ်ပေးရမည်မှာ လွယ်ကူပေမယ့် အလုပ်ကိုင်ရရှိမှု အခြေအနေမှာတော့ ခက်ခဲနေတယ်လို့ ပြောပြခဲ့ပါတယ်။

“ကျွန်တော်တို့ တက္ကသိုလ်မှာ နှစ်စဉ် ကျောင်းသားဦးရေ ၃၂၀ လောက် ခေါ်ပါတယ်။ အဲဒီထဲမှာ ၂၀ ရာခိုင်နှုန်းက အမျိုးသမီးပါ။ တစ်နှစ်ကို မိန်းကလေး ၆၀ ကျော် ပါပါတယ်။ ဒါပေမဲ့ ကျွန်တော်တို့ကျောင်းမှာ သင်ကြားပေးနေတဲ့ ဘာသာရပ် ခုနစ်ခုရှိပါတယ်။ အဲဒီထဲမှာ သင်္ဘောသားနဲ့ သက်ဆိုင်တာ တိုက်ရိုက်ပတ်သက်တဲ့ ဘာသာရပ် သုံးခုရှိပါတယ်။ Nautical Sciences ဆိုတာ သင်္ဘောကပ္ပတိန်လိုင်းပါ။ Marine Engineering ဆိုတာ သင်္ဘော Chief Enginner လိုင်းပေါ့။ အမျိုးသားများသာ လက်ခံပါတယ်။ ခုနောက်ပိုင်း ကျွန်တော့်ကျောင်းမှာ Electrical & Electronic ကလည်း သင်္ဘောသားနဲ့ သက်ဆိုင်သွားတဲ့ ဘာသာရပ်ဖြစ်သွားတဲ့အချိန်မှာ အဲဒီဘာသာရပ်ကို အမျိုးသမီးတွေ လက်ခံနေရာကနေ ဖြုတ်ပစ်လိုက်ပါတယ်။ ကျွန်တော် Gender ခွဲခြားတာ မဟုတ်ပါဘူး။ ဘာဖြစ်လို့လဲဆို ကျွန်တော့်ကျောင်းကို သင်္ဘောသား အလုပ်ကိုင်အတွက် ခေါ်ယူတဲ့ ကုမ္ပဏီတွေက အမျိုးသားတွေကိုပဲ ခေါ်ပါတယ်။ အမျိုးသမီးတွေကို လုံးဝမခေါ်ပါဘူး။ အဲဒီအတွက် ဘာစဉ်းစားလဲဆိုတော့ ခုကျောင်းသားတွေက ဘယ်ကျောင်းတက်ရင် ဘာအလုပ်ရမလဲဆိုတာကို မေးနေတဲ့အတွက် ကျွန်တော်တို့က ခုလက်ရှိမှာ သင်္ဘောလိုင်း မြောက်မြားစွာနဲ့ ချိတ်ဆက်ပြီး ကျောင်းဆင်းထားသူတွေကို ၇၅ ရာခိုင်နှုန်းလောက် အလုပ်ကိုင် ရှာဖွေပေးနိုင်ပါတယ်။ အမျိုးသမီးတွေကို ဂျပန်နိုင်ငံ ကုမ္ပဏီတွေနဲ့ ချိတ်ဆက်ပြီး အလုပ်အကိုင် ရှာဖွေပေးနေပါတယ်။ ပြည်တွင်းမှာလည်း ရှာဖွေပေးနေပါတယ်။ အမျိုးသမီးတွေကို ရေကြောင်းပညာ တက္ကသိုလ်ကနေ Seafarers အနေနဲ့ မွေးထုတ်ပေးလို့ ရတယ်။ ဒါပေမဲ့ အလုပ်ရှာမပေးနိုင်ပါဘူး။ အလုပ်ကိုင်ရဖို့အတွက် အာမမခံနိုင်ပါဘူး။ ယောက်ျားလေးဆို ရာခိုင်နှုန်း ၇၀ လောက် အာမခံနိုင်ပါတယ်။ ကျွန်တော် သိသလောက် နိုင်ငံတကာသင်္ဘောတွေမှာ Lady Seafarers အနေနဲ့ တာဝန်ထမ်းဆောင်နေတဲ့ အမျိုးသမီးတွေက ဂျပန်အမျိုးသမီးဆို ဂျပန်သင်္ဘောလိုင်းတွေမှာပဲ လိုက်တယ်။ ကိုရီးယားဆို ကိုရီးယားသင်္ဘောလိုင်းတွေမှာပဲ လိုက်တယ်။ သူတို့ရဲ့ National Shipping Lines တွေမှာပဲလိုက်တယ်။ အရမ်းလုံခြုံတယ်။ သူတို့အချင်းချင်း စောင့်ရှောက်ကြတယ်။ ကျွန်တော်တို့က National Shipping Lines လုံးဝ မရှိဘူး။ အဲဒီတော့ ပြောချင်တာ နိုင်ငံတကာ အပျော်စီးသင်္ဘောတွေမှာ တာဝန်ထမ်းဆောင်နေတဲ့ အမျိုးသမီးတွေကို ဥပဒေကြောင်းအရ တရားဝင်ဖြစ်ဖို့ စဉ်းစား ခွင့်ပြုပေးတာက အကြောင်းမဟုတ်ဘူး။ အသစ်တင်ဖို့ကတော့ စဉ်းစားဖို့ လိုပါတယ်။ နောက်တစ်ခုက တစ်ကမ္ဘာလုံးမှာ Lady Seafarers က ရာခိုင်နှုန်း ၂၀ ပဲ ရှိတယ်။ လူဦးရေက နှစ်သောင်းကျော်ပဲရှိတယ်။ မြန်မာနိုင်ငံက Lady Seafarers တွေ ဖြစ်သင့်လားဆိုတော့ Gender အရတော့ မခွဲခြားသင့်ပါဘူး။ အဲဒီတော့ ဖြစ်ချင်တဲ့သူတွေကို အကာကွယ်ပေးနိုင်မယ့် G to G Law လိုမျိုး ရှိသင့်တယ်။ အဓိက Lady Seafarers တွေ ခွင့်ပြုပေးလိုက်လို့တစ်ခုခု ဖြစ်လာရင် ခေါင်းပေါ်ကျမှာ တာဝန်ခံရမှာက လွှတ်လိုက်တဲ့သူတွေပဲ တာဝန်ခံရမှာ။ လုပ်သင့်တဲ့၊ ခွင့်ပြုပေးသင့်တဲ့ အလုပ်တစ်ခုမှန်သော်လည်း ကိုယ့်ဘက်ကို ပြန်လက်ညှိုးမထိုးအောင် လုံလုံခြုံခြုံလေးဖြစ်အောင် အချိန်ယူ စဉ်းစားပြီးမှ ဖြည်းဖြည်းချင်းသွားဖို့ သင့်တော်မယ်လို့ ထင်ပါတယ်” ဟု ရေကြောင်းပညာတက္ကသိုလ်မှ ပါမောက္ခချုပ် ဒေါက်တာမြတ်လွင်က ပြောကြားပါတယ်။

မြန်မာပင်လယ်ရေကြောင်း အလုပ်သမားများအဖွဲ့ချုပ်မှ မြန်မာအမျိုးသမီးများအား သင်္ဘောသားမှတ်ပုံတင်စာအုပ် (စီဒီစီ) ထုတ်ပေးခြင်းကိစ္စသည် မြန်မာ့ရေကြောင်း လောကအတွက် သင့်တင့်လျောက်ပတ်သည့် မူဝါဒဥပဒေ၊ နည်းဥပဒေများ မပေါ်ထွန်းမီ အဆောတလျင် လုပ်ဆောင်ရန် သင့်လျော်သည့် အချိန်အခါ မဟုတ်သေးခြင်းကြောင့် လူမှုစီးပွားအတွက် ကောင်းကျိုးထက် ဆိုးကျိုးများစွာ ဖြစ်ပေါ်လာနိုင်မည်ဖြစ်သောကြောင့် အပြင်းအထန် ကန့်ကွက်ပါကြောင်း ကြေညာချက်တစ်ရပ်အား ဇွန် ၁၄ ရက်နေ့စွဲဖြင့် ထုတ်ပြန်ခဲ့ပါသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ရှိသူတစ်ဦးက ယခုလက်ရှိအခြေအနေက ကမ်းနီးငါးဖမ်းသင်္ဘောများပေါ်တွင် လူကုန်ကူးခံရခြင်း၊ လုပ်ခလစာများအပေါ် ခေါင်းပုံဖြတ်ခံရခြင်းများ ရှိနေသည့်အတွက် အမျိုးသားများအား စေလွှတ်ရန်ပင် မူဝါဒများ ဆွေးနွေးနေရသည့် အချိန်ဖြစ်နေကြောင်း၊ ပင်လယ်ကူး သင်္ဘောသားအလုပ်သည် ကမ်းဝေးလုပ်ငန်းဖြစ်သည့်အတွက် ဆက်သွယ်ရန် မလွယ်ကူခြင်း၊ လုပ်သားများ၏ ရပိုင်ခွင့်၊ အခွင့်ရေးများနှင့် ပတ်သက်ပြီး စည်းကြပ်ရန် ခက်ခဲခြင်း၊ လူမှုရေးပြဿနာ၊ အလုပ်သမား ပြဿနာများစွာ ရှိနိုင်ခြင်းကြောင့် ပင်လယ်ရေကြောင်း အလုပ်အကိုင်များတွင် မြန်မာအမျိုးသမီးများအား သင်္ဘောသားအဖြစ်နဲ့ စေလွှတ်သွားရန် အစီအစဉ် မရှိသေးဘူးလို့ ဆိုပါတယ်။

လက်ရှိ မြန်မာသင်္ဘောသား ဈေးကွက်မှာဆိုရင်လည်း အလုပ်ကိုင်ရရှိမှု အခွင့်အလမ်းက အတော်လေး နည်းပါးနေတယ်လို့ ဆိုပါတယ်။ အစဉ်အလာနဲ့ လုပ်ကိုင်ခဲ့တဲ့ နာမည်ကြီးသင်္ဘောကုမ္ပဏီကြီးတွေတောင် သင်္ဘောအစီးရေ လျှော့ချလိုက်ရလို့ မြန်မာသင်္ဘောသား အလုပ်ကိုင် ရရှိမှု အခက်အခဲတွေ ဖြစ်နေတာကိုလည်း သိရှိရပါတယ်။ ဒီလိုအချိန်မှာ မြန်မာအမျိုးသမီးတွေကို Lady Seafarers အနေနဲ့ တရားဝင် အလုပ်လုပ်ခွင့်ရဖို့ အမှန်တကယ် ခွင့်ပြုပေးဖို့ လိုအပ်နေပြီလားဆိုတာကတော့ ရေကြောင်းလောကမှာ အငြင်းပွားဖွယ် ရှုထောင့်အမျိုးမျိုးနဲ့ ဆွေးနွေးငြင်းခုံစရာ အကြောင်းအရာ တစ်ခုဖြစ်နေတာ အမှန်ပါ။

တစ်နှစ်ထက်တစ်နှစ် ပိုဆိုးလာတဲ့ ကူသူကယ်သူမဲ့ မြန်မာ့ရေဘေး

မော်လမြိုင်မြို့ တောင်ဝိုင်းရပ်တွင် ရေကြီးရေလျှံမှု ဖြစ်ပွားနေသည်ကို ဇွန် ၁၇ ရက် နံနက်ပိုင်းက တွေ့ရစဉ် (ဓာတ်ပုံ-ဘိုဘိုဝင်း)

၂၀၁၅ ခုနှစ်မှစတင်ပြီး မြန်မာနိုင်ငံတွင် မိုးတွင်းကာလသို့ ရောက်ရှိလာသည်နှင့် ဒေသအသီးသီးတွင် ရေကြီးရေလျှံမှုများ ဖြစ်ပွားလာသည်။ ယခုနှစ်တွင်လည်း ဇွန်လအစ၌ မိုးသည်းထန်စွာ ရွာသွန်းမှုကြောင့် ရခိုင်ပြည်နယ်၊ မကွေးတိုင်းဒေသကြီး၊ ကယားပြည်နယ်၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးတို့တွင် ရေကြီးရေလျှံမှုများကို ကြုံတွေ့ခဲ့ရသည်။

၂၀၁၅ ခုနှစ်တွင် ပြည်နယ်နှင့် တိုင်း ၁၂ ခု၌ ရေကြီးရေလျှံမှုကြောင့် မြစ်ချောင်းအနီးရှိ မြို့များသာမက ကုန်းတွင်းမြို့များပါ ရေကြီးရေလျှံမှု ကြောင့် လူဦးရေ ၁၇ သိန်းကျော် ရေဘေးသင့်ခဲ့ပြီး ၁၈၁ ဦး သေဆုံး ခဲ့သည်။ ၂၀၁၆ ခုနှစ်တွင်လည်း ပြည်နယ်နှင့် တိုင်းဒေသကြီး ၁၂ ခု တွင် ထပ်မံရေကြီးရေလျှံမှုကြောင့် ပြည်သူငါးသိန်းကျော် ရေဘေးသင့်ခဲ့ပြီး ၂၀၁၇ ဇူလိုင်တွင်  ပြည်နယ် ၁၁ ခုတွင် ရေကြီးရေလျှံမှုဖြစ်ပွားခဲ့ သောကြောင့် လူသေဆုံးမှုများလည်း ရှိခဲ့သည်။

ရေကြီးရေလျှံမှုကြောင့် သေဆုံးမှုနှင့် ပျက်စီးဆုံးရှုံးမှုများ

၂၀၁၈ မေ ၂၉ ရက်တွင် ဘင်္ဂလားပင်လယ်အော်၌ ဖြစ်ပွားခဲ့သည့် မုန်တိုင်းငယ်သည် မြန်မာနိုင်ငံ ရခိုင်ကမ်းရိုးတန်းသို့ ဖြတ်ကျော်ဝင်ရောက်ခဲ့ပြီး မိုးရွာသွန်းမှုသည် ပြည်နယ်နှင့် တိုင်းဒေသကြီး အနှံ့တွင် ဖြစ်ပွားခဲ့သည်။ ယခုကဲ့သို့ မိုးရွာသွန်းမှုကြောင့် မြစ်ချောင်းများတွင် ရေများပြည့်လျှံနေပြီး ဇွန် ၁၀ ရက်တွင် ဘင်္ဂလားပင်လယ်အော်၌ မုန်တိုင်းတစ်ခု ထပ်မံဖြစ်ပွားပြီး ၎င်းနှင့်အတူ မုတ်သုံလေ အားကောင်းခြင်းကြောင့် ပြည်နယ်နှင့် တိုင်းဒေသကြီးခြောက်ခုတွင် ရေကြီးရေလျှံခဲ့ခြင်းဖြစ်သည်။

“ဒီနှစ်ရေကြီးရေလျှံတာ စောတာပေါ့။ လက်ရှိမှာ မြန်မာနိုင်ငံ အထက်ပိုင်းဒေသနဲ့ အလယ်ပိုင်း ဒေသမှာ မိုးအားလျော့လာပြီ။ မုတ်သုံကလည်း ရခိုင်ကမ်းရိုးတန်းမှာ အားအတင့်အသင့်လောက်ပဲ ရှိတော့တယ်။ ၂၀၁၅ ကနေစပြီးတော့ ရေကြီးတာ တောက်လျှောက် ဖြစ်လာတယ်။ အဓိက ပြောရမယ်ဆိုရင် ရာသီဥတု ပြောင်းလဲလာတဲ့အတွက် မိုးရွာသွန်းမှုတွေ ပြောင်းလဲလာတယ်။ ဒီနှစ်ထူးခြားတာက အရင်နှစ်တွေဆိုရင် ရခိုင်တစ်လှည့် တနင်္သာရီတစ်လှည့် မုတ်သုံအားကောင်းတယ်။ ဒီနှစ်မှာတော့ မုတ် သုံက နှစ်ခုလုံးမှာ တစ်ပြိုင်တည်းမှာ အားကောင်းတာ ရက်တော်တော်ကြာကြာ ဖြစ်တယ်။ အရင်ကဆိုရင် တစ်ပတ်မှာ နှစ်ရက်သုံးရက်လောက် ဖြစ်တာ။ အခုတစ်ပတ်လုံးနီးပါး မုတ်သုံအား အလွန်ကောင်းတဲ့ အနေအထားရှိတယ်” ဟု မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာ ဦးကျော်မိုးဦးက ပြောကြားသည်။

မိုးသည်းထန်စွာ ရွာသွန်းမှုကြောင့် ဇွန် ၁၁ ရက်တွင် မကွေး-ကန်ပြား- နေပြည်တော်လမ်းရှိ ချောင်းရေကျော်ကာ ရေစီးအလွန်သန်သောကြောင့် ခရီးသည်တင်ယာဉ် အများစု စောင့်ဆိုင်းခဲ့ရပြီး လူနာယာဉ် တစ်စီးပေါ်တွင် ပါရှိလာသည့် မွေးလူနာတစ်ဦး ကလေးအသေ မီးဖွားမှုဖြစ်စဉ် ဖြစ်ပွားခဲ့သည်။

“ကားတွေပိတ်မိနေတုန်း ကျွန်တော်တို့ စီးလာတဲ့ကားကို ဆရာတွေပါလားဆိုပြီး အကူအညီတောင်းတယ်။ လူနာက ဆရာဝန်တွေ ရောက်လာတဲ့အချိန်မှာ အသေမွေးပြီးသွားပြီ။ ဆရာဝန်က အချင်းကို ချပေးတယ်။ ကလေးအမေရဲ့အသက်ကိုတော့ ကယ်လိုက်နိုင်တယ်” ဟု ရန်ကုန်မှ မကွေးသို့ ပြန်လာစဉ် ချောင်းရေကျော်မှုကို စောင့်ဆိုင်းခဲ့ရသည့် ဒေါက်တာညီညီအောင်က ပြောကြားသည်။

ရေကြီးရေလျှံမှုကြောင့် ဇွန် ၁၂ ရက်တွင် စစ်ကိုင်းတိုင်းဒေသကြီး ဟုမ္မလင်းမြို့နယ်တွင် နောင်ပိုအောင်ဆပ်ကယား ကြိုးတံတား ပျက်စီးပြီး ကျေးရွာ ၁၀ ရွာခန့် သွားလာရေးများ ခက်ခဲခြင်း၊ တမူးမြို့တွင်လည်း မြို့ပေါ်ရပ်ကွက်များအတွင်း နေအိမ်အချို့ ရေနစ်မြုပ်မှုနှင့် ကြုံတွေ့ခဲ့ရခြင်း၊ မောင်တောမြောက်ပိုင်းသွား ကားလမ်းပိုင်းအချို့ ပျက်စီးခဲ့ခြင်း၊ ဧရာဝတီတိုင်းဒေသကြီးအတွင်း တောင်ကျချောင်း ရေလျှံမှုကြောင့် မြို့နယ်နှစ်ခုတွင် ကျောင်း ၆၉ ကျောင်းပိတ်ခဲ့ရခြင်း၊ မင်းဘူးမြို့တွင် မန်းချောင်းနှင့် နွားကူးချောင်း ရေ၀င်ရောက်မှုကြောင့် တစ်နှစ်ကျော်အရွယ် ကလေးသေဆုံးခြင်း၊ ပေါင်းတည်မြို့ ရန်ကုန်-ပြည်ကားလမ်း အရှည်တစ်မိုင်နီးပါးခန့် ရေကျော်ခဲ့သဖြင့် မြို့ ပေါ်ရပ်ကွက် ၁၂ ရပ် ကွက်နှင့် ကျေးရွာပေါင်း ၂၀၀ ကျော် တွင် ရေလွှမ်းခြင်းတို့ ဖြစ်ပွားခဲ့သည်။

ယင်းအပြင် ဇွန် ၁၃ ရက်တွင် မိုးသည်းထန်စွာ ဆက်လက်ရွာသွန်းမှုကြောင့် ဟုမ္မလင်း၊ အင်္ဂပူ၊ စကု၊ စလင်း၊ ဒီးမော့ဆိုမြို့၊ ရခိုင်ပြည်နယ် မင်းပြားမြို့နှင့် ကျောက်တော်မြို့တို့တွင် ဆည်ရေကြီးခြင်း၊ တောင်ကျရေ မြင့်တက်ခြင်းနှင့် တာပေါင်ကျိုးခြင်းများ ဖြစ်ပွားခဲ့သည်။ ဇွန် ၁၄ ရက်တွင်လည်း မန္တလေးတိုင်းဒေသကြီး မိုးကုတ်မြို့ ဖောင်တော်ဦးဘုရား ရင်ပြင်တော်ပေါ် တွင် အက်ကြောင်းများ ဖြစ်ပေါ်ခဲ့ပြီး မြေပြိုမှုကြောင့် အိမ်လေးလုံး ပျက်စီးကာ လူငါးဦး သေဆုံးခဲ့သည်။

“နှစ်စဉ်တော့ ရေကြီးရေလျှံမှုတွေ ကြုံလာတဲ့ အနေအထား ရှိတဲ့အတွက် မြစ်ကမ်းအနီးမှာ နေတဲ့သူတွေက ဘေးလွတ်တဲ့နေရာ ရွှေ့ပြောင်းသင့်တယ်။ နိုင်ငံတော်ဘက်က တတ်နိုင်သလောက် မြစ်ကမ်းပါးပြိုတာတွေ ဆောင်ရွက်နေတယ်။ တစ်နိုင်ငံလုံး အတိုင်းအတာနဲ့ မဆောင်ရွက်နိုင်သေးတဲ့ အချိန်ကျတော့ မဆောင်ရွက်နိုင်သေးတဲ့ အပိုင်းမှာဆိုရင် ရေစီးတိုးပြီး မြစ်ကမ်းပါး ပြိုတာတွေဖြစ်တယ်။ မကွေးတိုင်းမှာလည်း အဲဒီလိုဖြစ်စဉ်တွေရှိတယ်။ ပြည်သူတွေအနေနဲ့ ရေကြီးရေလျှံမှု ဖြစ်လာရင် ဘေးလွတ်ရာ ရွှေ့ပြောင်းသင့်တယ်” ဟု ဒေါက်တာ ဦးကျော်မိုးဦးက ပြောကြားသည်။

၂၀၁၈ ဇွန်လဒုတိယပတ်အတွင်း မိုးသည်းထန်စွာ ရွာသွန်းမှု ကြောင့် အဓိကဆည်ကြီးခြောက်ခု တွင် ကန်ရေပြည့်အမှတ်များကျော် လွန်ပြီး မုန်းချောင်း၊ မန်းချောင်း၊ မင်းတုန်းချောင်း၊ မဒေးချောင်းများ ရေကြီးမှုဖြစ်ပွားကာ မင်းဘူးနှင့် သရက်ခရိုင်အတွင်းရှိ ကျေးရွာအချို့ ရေကြီးနစ်မြုပ်ခဲ့ရပြီး လမ်းများ၊ တံတားများ၊ လယ်ယာမြေများနှင့် စိုက်ပျိုးထားသောသီးနှံများ ပျက်စီး ဆုံးရှုံးခဲ့ရသည့်အပြင် လူငါးဦး အသက်ဆုံးရှုံးခဲ့ကာ ရခိုင်ပြည်နယ် တွင် ဇွန် ၁၂ ရက်မှ ၁၅ ရက်အတွင်း သဘာဝဘေးကြောင့် လူရှစ်ဦး သေဆုံးခဲ့သည်။

ယခုလတ်တလော ဖြစ်ပွားခဲ့သော ရေကြီးရေလျှံမှုကြောင့် မကွေးတိုင်းဒေသကြီး၊ ငဖဲ၊ ကံမ၊ စကု၊ မင်းတုန်း၊ ပွင့်ဖြူနှင့် စေတုတ္တရာ မြို့နယ်များတွင် လမ်း၊ တံတား၊ တာတမံ၊ လူနေအိမ် အဆောက်အဦ၊ စာသင်ကျောင်း၊ ဘုန်းကြီးကျောင်းနှင့် လယ်ယာမြေ ပျက်စီးဆုံးရှုံးမှု ကနဦး ခန့်မှန်းတန်ဖိုးမှာ ကျပ်သိန်းပေါင်း ၂၂,၇၂၀ ခန့် ရှိကြောင်း၊ ဆုံးရှုံးမှုစာရင်းများ ရှိနိုင်ကြောင်း လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနက ထုတ်ပြန်ထားပြီး အခြားပြည်နယ်နှင့် တိုင်းဒေသကြီးများ၏ ဆုံးရှုံးမှုစာရင်းများ၏ အသေးစိတ် အချက်အလက်များကို ကောက်ယူလျက်ရှိကြောင်း သိရသည်။

ဒုတိယရေကြီးကာလ ဇူလိုင်၊ သြဂုတ်တွင် ရေကြီးရေလျှံနိုင်

မြန်မာနိုင်ငံတွင် ရေကြီးမှု သဘာဝဘေးအန္တရာယ်ကို သတိပြုရသည့်ကာလ သုံးခုရှိပြီး မိုးဦးကာလ ဇွန်လ၊ မိုးလယ်ကာလ ဇူလိုင်နှင့် သြဂုတ်လ၊ မိုးနှောင်းကာလ စက်တင်ဘာလနှင့် အောက်တိုဘာလ တို့ဖြစ်သည်။ အဆိုပါ ကာလသုံးခုအနက် ဇူလိုင်နှင့် သြဂုတ်လတွင် မြစ်ရေကြီးခြင်းသည် အများဆုံး ဖြစ်ပွားသည့် ကာလဖြစ်သည်။

ရေကြီးခြင်းသည် မိုးတွင်းကာလ၌ မြစ်ဝှမ်းဒေသတွင် အချိန်ကြာကြာ မိုးသည်းထန်စွာ ရွာသွန်းခြင်း၊ မုန်တိုင်းဖြတ်ကျော် ၀င်ရောက်စဉ် မိုးထစ်ချုန်း ရွာသွန်းခြင်း၊ မြစ်ဖျားဒေသတွင် မိုးသည်းထန်စွာ ရွာသွန်းခြင်း၊ ဆည်၊ ရေကာတာကြီးများ ကျိုးပေါက်ခြင်းတို့ကြောင့် ဖြစ်သည်။

ယခုလအတွင်း ဘင်္ဂလားပင်လယ်အော်တွင် ဖြစ်ပွားခဲ့သည့် မုန်တိုင်း၊ မုတ်သုံလေအား အလွန်ကောင်းခြင်းနှင့် ရခိုင်ပြည်နယ် ကမ်းရိုးတန်းနောက်တွင် တိမ်တိုက်ကြီး တစ်ခုသည် မြန်မာ့ကမ်းရိုးတန်းသို့ မိုးရွာသွန်းမည့် တိမ်တိုက်များ ပို့ပေးကြောင်း၊ ထို့ကြောင့် ဧရာဝတီတိုင်း ဒေသကြီးမှ ရခိုင်ကမ်းရိုးတန်းတစ်လျှောက် မိုးများနေခဲ့ခြင်းဖြစ်ကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“အဲဒီတော့ ကျွန်တော်တို့ စိုးရိမ်တာက ဒီလိုမျိုးပုံစံက လာမယ့် ဇူလိုင်လမှာ ဘင်္ဂလားပင်လယ်အော်မှာ ကိုးမန်းဆိုတဲ့ မုန်တိုင်းလေးဖြစ်ပြီးတော့ ရခိုင်ကမ်းရိုးတန်းမှာ ဘင်္ဂလားဒေ့ရ်ှနဲ့ မြန်မာကြား ဖြတ်ပြီးတော့ ပြည်နယ်နဲ့တိုင်း ၁၂ ခု ရေ ကြီးခဲ့တယ်။ အဲဒီလိုမျိုး ဖြစ်မှာလားဆိုပြီး လူတွေစိုးရိမ်နေတယ်။ ကျွန်တော်တို့ ကြည့်တဲ့အခါကျတော့ ဇူလိုင်လက မေ၊ ဇွန်ထက် မိုးများမယ်။ မုန်တိုင်းဖြစ်မဖြစ်ကတော့ ကြိုမပြောနိုင်သေးဘူး။ မိုးများမယ့် အကြောင်းက မုတ်သုံလေအား ကောင်းလို့လည်း မိုးများနိုင်တယ်။ ဘင်္ဂလားပင်လယ်အော် မြောက်ပိုင်းမှာ မုတ်သုံမုန်တိုင်းငယ်လို့ ခေါ်တဲ့ မုန်တိုင်းငယ်လေးတွေကြောင့်လည်း မိုးများနိုင်တယ်။ အဲဒီလိုမျိုး ဘင်္ဂလားပင်လယ်အော် မြောက်ပိုင်းမှာ ဇူလိုင်၊ သြဂုတ်မှာ မုန်တိုင်းငယ် ဖြစ်တာများမယ်ဆိုရင် မြန်မာနိုင်ငံ အလယ်ပိုင်း၊ အထက်ပိုင်း မိုးများမယ်။ အဲဒီလိုမိုးများရင် ရေတော့ အထိုက်အလျောက် ကြီးမှာပဲ။ ဇူလိုင်၊ သြဂုတ်ကလည်း ရေကြီးရာသီဖြစ်တယ်။ ရေကြီးရာသီမှာ မိုးက ထပ်များသေးတယ်ဆိုရင် ပုံမှန်အားဖြင့် ရေကြီးရာသီ ဖြစ်တယ်ဆိုရင် မြန်မာနိုင်ငံ မြောက်ပိုင်းမှာ ဇူလိုင်၊ သြဂုတ်က မိုးများတယ်။ အဲဒီကရွာတဲ့ မိုးတွေက ဧရာဝတီ၊ ချင်းတွင်းဆင်း လာပြီးတော့ အလယ်ပိုင်းတို့ အောက်ပိုင်းတို့မှာ ရေကြီးတယ်။ ဒါက ပုံမှန် အခုက ဇူလိုင်၊ သြဂုတ်မှာ လေဖိအားနည်းရပ်ဝန်းတို့ မုန်တိုင်းငယ်တို့ဖြစ်ရင် အထက်ပိုင်းလည်း မိုးရွာမယ်။ အလယ်ပိုင်းလည်း မိုးရွာမယ်။ အောက်ပိုင်းလည်း မိုးရွာမယ်။ အဲဒီလိုရွာရင် အပေါ်ပိုင်းကရွာတဲ့ မိုးရေက မြစ်ထဲကို ဆင်းလာချိန်မှာ အလယ်ပိုင်းကလည်း ထက်ရွာရင် ရေပိုကြီးသွားမယ်။ အဲဒါကို သတိပြုဖို့လိုတယ်” ဟု ဦးချစ်ကျော်က ပြောကြားသည်။

ထို့ပြင် ယခုနှစ်အတွင်း မုတ်သုံမိုးရွာသွန်းမှုသည် ထူးခြားမှုတစ်ခု ဖြစ်ခဲ့ကြောင်း၊ ဘင်္ဂလား ပင်လယ်အော်တွင် မုတ်သုံလေအား အလွန်ကောင်းပါက အလယ်ပိုင်းဒေသများတွင် မိုးရွာသွန်းမှုနည်းပါးသော်လည်း ဇွန်လတွင် အလယ်ပိုင်း ဒေသများတွင်ပါ မိုးသည်းထန်စွာ ရွာသွန်းခဲ့သည်။ ယခုဖြစ်စဉ်နှင့် ပတ်သက်ပြီး မိုးလေ၀သနှင့် ဇလဗေဒညွှန်ကြားမှုဦးစီးဌာနမှ တာဝန်ရှိသူများနှင့် မိုးလေ၀သပညာရှင်များက လေ့လာဆန်းစစ်မှုများ ပြုလုပ်နေသည်။

“အရင်ပုံသေနည်းတွေအရ မုတ်သုံလေအားကောင်းရင် အလယ်ပိုင်း မိုးသိပ်မရွာဘူး၊ အခုမုတ်သုံလေ အားကောင်းပြီး အလယ်ပိုင်းလည်း မိုးတွေရွာတယ်။ အလယ်ပိုင်းမှာ မုတ်သုံလေအားကောင်း မိုးရွာတာက ရခိုင်ဘက်မှာ မုတ်သုံလေ အားကောင်းရင် အလယ်ပိုင်း မိုးရွာတာကို တွေ့ရတယ်။ တနင်္သာရီဘက်မှာ မုတ်သုံလေအားကောင်းရင် အလယ်ပိုင်းမှာ မိုးသိပ်မရွာဘူး ဆိုတာကို တွေ့ရတယ်။ ဒါကို အတည်ပြုချက်တွေတော့ မလုပ်ရသေးဘူး” ဟု ဦးချစ်ကျော်က ပြောကြားသည်။

ထို့ပြင် ဘင်္ဂလားပင်လယ်အော်တွင် မုန်တိုင်းငယ်ဖြစ်ပွားပြီး မုတ်သုံလေအားကောင်းကာ မိုးရွာခဲ့ကြောင်း၊ သို့သော် တစ်ပြိုင်တည်း မြန်မာနိုင်ငံ အနောက်မြောက်မှ မြန်မာနိုင်ငံအလယ်ပိုင်းသို့ လေပွေလှိုင်းလေးတစ်ခု တိုးဝင်လာခဲ့ကြောင်း၊ ယင်းလေပွေလှိုင်း တိုးဝင်လာမှုကြောင့် မိုးရွာမှု ဖြစ်ပွားခြင်း သို့မဟုတ် မုန်တိုင်းငယ်လေး အရှိန်ကြောင့် မိုးရွာခြင်းဆိုသည်နှင့် ပတ်သက်ပြီး သုံးသပ်နေကြောင်း ဦးချစ်ကျော်က ဆိုသည်။

“ပြန်သုံးသပ်ကြည့်တဲ့ အချိန်မှာ မုန်တိုင်းငယ်လေးတိုက်တဲ့ အချိန်မှာ လေကပြင်းတယ်။ ပြင်းတဲ့အတွက်ကြောင့် ရေငွေ့တွေက ရခိုင်ရိုးမကိုကျော်ပြီး အလယ်ပိုင်းအထိ ရောက်သွားတယ်။ အဲဒီကောင်က ပုံမှန်အားဖြင့် အလယ်ပိုင်းကို ကျော်ပြီးတော့ ရှမ်းနဲ့ ကချင်ကိုသွားရွာတယ်။ ဒါပေမဲ့ လေပွေလှိုင်းလေး တိုးဝင်လာတဲ့အတွက်ကြောင့် လေပွေလှိုင်းက ကချင်ဘက်ကို မသွားနိုင်အောင် တားလိုက်လို့ အလယ်ပိုင်းမှာ မိုးတွေပိုရွာသွားသလား ဆိုတဲ့ကောက်ချက်ကို သုံးသပ်နေတယ်။ အခုလိုဖြစ်ရပ်က ပြောင်းလဲလာတဲ့ ရာသီဥတုရဲ့ အကျိုးသက် ရောက်မှုကို ထင်ထင်ရှားရှား စိန်ခေါ်နေပြီ။ အဲဒီဟာကို ပညာရှင်တွေလည်း အဖြေရှာနေတယ်။ အဲဒီလိုအဖြေရှာတာက ပြည်သူလူထုကို ပိုမိုကောင်းမွန်တဲ့ သတိပေးချက်လေး ပေးနိုင်ဖို့ဖြစ်တယ်” ဟု ဦးချစ်ကျော်က ပြောကြားသည်။

ပုသိမ်-ချောင်းသာ ကားလမ်းတစ်လျှောက် တောင်ကျရေ စီးဆင်းမှုကြောင့် လမ်းပိုင်းအချို့ ရေနစ်မြုပ် နေသည်ကို ဇွန် ၁၅ ရက်က တွေ့ရစဉ် (ဓာတ်ပုံ – မင်းသူဝင်းထွဋ်)

သစ်တောပြုန်းတီးမှု၏ အကျိုးဆက်

လေးနှစ်ဆက်တိုက် ရေကြီးရေလျှံမှုပြဿနာ၏ ဇာစ်မြစ်ကို ပြန်လည်ရှာဖွေပါက ဆယ်စုနှစ်ကြာ တရားမ၀င် သစ်မှောင်ခိုထုတ်ယူမှုများ၊ စနစ်တကျ သစ်ထုတ်ယူမှုများ မရှိခြင်းကြောင့် သစ်တောများ ပြုန်းတီးမှုကြောင့်ဖြစ်ကြောင်း၊ သစ်တောများ ပြုန်းတီးမှုကြောင့် မြေပြိုမှုများဖြစ်ပွားကာ မြစ်ချောင်းများတွင် နုန်းပို့ချမှုများလာပြီး မိုးသည်းထန်စွာ ရွာသွန်းသည်နှင့် ရေကြီးရေလျှံမှုများ ဖြစ်ပေါ်နေခြင်း ဖြစ်သည်။

“ပြောရမယ်ဆိုရင်တော့ အကုန်လုံးကပတ်သက်ပြီး ဆက်နွှယ်နေတာ။ သစ်တောပြုန်းတီးတာ တစ်ခုတည်းတော့ မဟုတ်ဘူး။ မြစ်ကြမ်းပြင်တွေ မြင့်တက်လာတာ၊ သစ်တောတွေပြုန်းတီးတဲ့ အတွက်ကြောင့် မိုးရွာတဲ့အခါ မြေသားတွေ တိုက်စားပြီးတော့ မြစ်ကြမ်းပြင်တွေ မြင့်တက်လာတယ်။ အဓိကဖြစ်တာကတော့ ချောင်းငယ်၊ မြောင်းငယ်လေးတွေမှာ ဖြစ်တာများတယ်” ဟု ဒေါက်တာဦးကျော်မိုးဦးက ဆိုသည်။

“ရာသီဥတု ပြောင်းလဲလာမှုက အဓိကကတော့ သစ်ပင်မရှိလို့ပဲ။ သစ်ပင်ရှိရင် ဘယ်ရာသီဥတုမှ မပြောင်းဘူး။ ရေပိုရေလွှဲနယ်တွေ မှာ စက်ရုံတွေ ဆောက်ပစ်ရင် ဆောက်ပစ်တယ်။ တည်းခိုခန်း တွေလည်း ဆောက်ရင်ဆောက်ပစ်တယ်။ ရာသီဥတုနဲ့ပတ်သက်ရင် မရေရာတဲ့ဘ၀ကြီး၊ သဘာဝဘေး အန္တရာယ်နဲ့ပတ်သက်ရင် မမျှော်မှန်းနိုင်တဲ့ဘ၀ကြီး၊ ခန့်မှန်းချက် ထုတ်ဖို့တောင်ခက် နေတယ်။ အဲဒါ မိုးလေ၀သသမားတွေညံ့လို့ မဟုတ်ဘူး။ သိထားတဲ့ အညွှန်းဘောင်ကိုကျော်ပြီး ရာသီဥတု ဖောက်ပြန်မှုက ဖြစ်နေတယ်။ ပြောင်းလဲလာတဲ့ ရာသီဥတုကို ပြည်သူလူထုတွေ နားလည်လာဖို့ လိုတယ်။ အဲဒါကြောင့် ပြည်သူလူထုက ဘယ်သူ့ကိုမှ အပြစ်မတင်တော့ဘဲနဲ့ နားလည်အောင်လုပ်ပြီး ကိုယ်အသက်ရှည်အောင် နေထိုင်ဖို့လိုတယ်” ဟု ဦးချစ်ကျော်က ဆိုသည်။

လက်ရှိအချိန်တွင် သဘာဝတောတောင်၊ ရေမြေတွေက ပျက်စီးနေပြီး ထိန်းသိမ်းရန် ခက်ခဲနေကြောင်း၊ မြို့ပြမှုထက် အားကြီးဖွံ့ဖြိုးတိုးတက်ဖို့ထက် ရေ၊ မြေ၊ တောတောင်တွေဖြစ်သည့် သဘာဝကို အရင်ထိန်းသိမ်းမှ အဆင်ပြေမည် ဖြစ်ကြောင်း၊ နာဂစ်ပြီးသည့်နှစ်မှ စတင်ကာ အစိုးရ အဆက်ဆက်မှ သဘာဝဘေးအန္တရာယ်နှင့် ပတ်သက်ပြီး ကြိုးစားဆောင်ရွက် နေကြသော်လည်း အဆင်ပြေခဲ့ခြင်း မရှိကြောင်း၊ ရာသီဥတုသည် ကမ္ဘာနှင့်ချီပြီး ကုစားရမည် ဖြစ်သော်လည်း မြန်မာနိုင်ငံအနေဖြင့် သဘာဝပတ်ဝန်းကျင် ထိခိုက်ပျက်စီးမှုများကို ဥပဒေများဖြင့် ထိထိရောက်ရောက် ကိုင်တွယ်ဆောင်ရွက်သင့်ကြောင်း မြန်မာ့အစိမ်းရောင်ကွန်ရက်မှ ဒေါ်ဒေ၀ီသန့်စင်က ဆိုသည်။

“တိုက်တာအဆောက်အအုံတွေ ဆောက်လိုက်လို့ လယ်ယာတွေ ကျုံ့သွားတာကတစ်မျိုး၊ နောက်တစ်ခုက သဘာဝတရားကြောင့် ရေကြီးတာကြောင့် စိုက်ပျိုးရေးအတွက် အဆင်မပြေတာက တစ်မျိုး။ အဲဒီအခါကျရင် ရာသီဥတုက တားလို့မရဘူး။ ကမ္ဘာကြီးပူနွေးမှုကြောင့် ရာသီဥတု ဖောက်ပြန်တယ်ဆိုတော့ နိုင်ငံတိုင်း နိုင်ငံတိုင်း တက်ညီလက်ညီ လုပ်မှရတာ။ ဒါပေမဲ့ ကိုယ့်တိုင်းပြည် အတွင်းမှာကျတော့ ကိုယ်ကလုပ်လို့ရတယ်။ ဘယ်ဟာကို ဦးစားပေးလုပ်မလဲ။ ဘယ်ဟာကို သင့်တင့်မျှတအောင် လုပ်မလဲ။ ရာသီဥတုက ကမ္ဘာနဲ့ချီပြီး ကုစားရမှာ။ ဖွံ့ဖြိုးတိုးတက်ဖို့ လိုတယ်။ လိုအပ်သလောက်ကို လုပ်ပါ။ ဒီအစိုးရကို အရမ်းအားကိုး ယုံကြည်ပြီး ပုံအပ်ထားတာ။ စဉ်းစဉ်းစားစားနဲ့ လုပ်စေချင်တယ်။ အခုလိုဖြစ်တာက မြေတွေပြိုနေတာက၊ သဲတွေတူးတာတွေ၊ သစ်တောပြုန်းတာတွေ၊ ရွှေကျင်နေတာတွေကြောင့် ဖြစ်တယ်။ သဘာဝတရားက မနိုင်မနင်းနဲ့ ပျက်စီးနေပြီ။ ဒါကို လက်တွေ့ကျကျ ထိရောက်အောင် စာအုပ်တွေထဲမှာ ဟောပြောပွဲတွေ သဘာဝပတ်ဝန်းကျင် ထိန်းသိမ်းရေး နေ့တွေမှာ ပြောတာမျိုး မဟုတ်ဘဲ သဘာဝပတ်ဝန်းကျင်ကို တကယ်လုပ်မှရမယ်။ ဥပဒေတစ်ရပ်နဲ့ ထိန်းကျောင်းဖို့လိုတယ်။ ဒီမှာက ဥပဒေကို အာဏာသက်ဝင်အောင် မလုပ်တဲ့အတွက် ဒုက္ခဖြစ်နေတာ” ဟု ဒေါ်ဒေ၀ီသန့်စင်က ဆိုသည်။

ဒုတိယရေကြီးကာလနဲ့ အနာဂတ်အတွက် အစိုးရ ဘာတွေပြင်ဆင်ထားလဲ

ရေကြီးခြင်းကဲ့သို့သော သဘာဝဘေးဒဏ် ခံခဲ့ရမှုများအတွက် ကာလသုံးခု သတ်မှတ်ထားပြီး ယင်းကာလများတွင် အရေးပေါ်ကာလ၊ တဖြည်းဖြည်း ပြန်ကောင်းအောင် ပြုလုပ်သည့်ကာလ၊ ဖွံ့ဖြိုးတိုးတက်ရေးလုပ်သည့် ကာလများရှိကြောင်း သိရသည်။

ရေဘေးကြိုတင် ကာကွယ်ရေးအတွက် တာတမံများ ကြံ့ခိုင်ရေးဆောင်ရွက်ခြင်း၊ ပန်းတာများ ပြုလုပ်ခြင်း၊ မြစ်ချောင်းများ ရေစီးရေလာ ကောင်းမွန်ရေး ဆောင်ရွက်ခြင်း၊ သဲအိတ်များဖြင့် တာဖို့ခြင်း၊ မြေထိန်းနံရံများ ပြုလုပ်ခြင်း၊ ရေပြွန်များ၊ ရေကာတာများ ပြုလုပ်ခြင်း၊ ပြည်သူများ ဘေးကင်းစေရန်အတွက် စက်လှေများ၊ အသက်ကယ် အင်္ကျီများအပြင် ဘက်စုံသုံး ဆိပ်ခံဘောတံတား ရေယာဉ်တို့ကိုပါ ထောက်ပံ့ထားပါကြောင်း၊ အသိပညာပေး ရုပ်သံဇာတ်လမ်းများ၊ စာစောင်များနှင့် လက်တွေ့ဇာတ်တိုက် လေ့ကျင့်ခြင်းများကိုလည်း တိုင်းဒေသကြီး၊ ပြည်နယ်များတွင် ဆောင်ရွက်ထားရှိပါကြောင်းနှင့် ကြုံတွေ့ရမည့် သဘာဝဘေးအန္တ ရာယ်များကိုလည်း သက်ဆိုင်ရာ ပြည်နယ်နှင့် တိုင်းဒေသကြီးအစိုးရ အဖွဲ့များ၊ ၀န်ကြီးဌာနများနှင့် ညှိနှိုင်းဆောင်ရွက်ရန် အသင့်ရှိကြောင်း၊ ယခုရက်ပိုင်းတွင် ဖြစ်ပွားခဲ့သော ရေကြီးရေလျှံမှုသည် အချိန်တိုအတွင်း အပျက်အစီးများပါကြောင်း၊ ပြန်လည်ထူထောင်ရေးအတွက် အမျိုးသား သဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ ကြီးကြပ်မှုဖြင့် တိုင်းဒေသကြီး အစိုးရနှင့် ပူးပေါင်းဆောင်ရွက် သွားမည်ဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

ရေကြီးရေလျှံပြီးနောက် အဓိက အရေးကြီးဆုံးမှာ ရေနှင့် စနစ်တကျ အညစ်အကြေး စွန့်ခြင်းဖြစ်သည်။ သန့်ရှင်းသော ရေရရှိရေးနှင့် စနစ်တကျ အညစ်အကြေးစွန့်ခြင်းများ ပြုလုပ်နိုင်မှသာ ကူးစက်ရောဂါများကို ထိန်းချုပ်နိုင်မည်ဖြစ်သည်။

“စိတ်ပိုင်းဆိုင်ရာ ထိခိုက်မှုအတွက်လည်း စိတ်ပိုင်းဆိုင်ရာ မြှင့်တင်မှုတွေ လုပ်ပေးသင့်တယ်။ ဒါလည်း ပြန်လည်ထူထောင်ရေးမှာ အရေးကြီးတဲ့ အရာဖြစ်တယ်” ဟု မိုးလေ၀သပညာရှင် ဦးချစ်ကျော်က ပြောကြားသည်။

ထို့ပြင် ပြန်လည်ထူထောင်ရေးအတွက် စပါးမျိုး၊ စိုက်ပျိုးစရိတ်၊ ရေတွင်းရေကန် ပြုပြင်သန့်ရှင်းရေး၊ လူ၊ တိရစ္ဆာန် ကျန်းမာရေး စောင့်ရှောက်ရေး၊ ကျောင်း၊ ဆေးခန်းပြုပြင်ရေး၊ လမ်းပန်းဆက်သွယ်ရေး ကောင်းမွန်အောင် ပြန်လုပ်ရေးများတွင် အဓိကထား ဆောင်ရွက်သင့်သည်။

မြန်မာနိုင်ငံ၏ စီးပွားရေး လုပ်ငန်းသည် လယ်ယာစိုက်ပျိုး၊ သား၊ ငါးမွေးမြူရေး ကဏ္ဍသည် အဓိကကျသည့် စီးပွားရေးကဏ္ဍ ဖြစ်နေကြောင်း၊ ယင်းစီးပွားရေး လုပ်ငန်းများသည် ရာသီဝင်ငွေပေါ်တွင် မူတည်သဖြင့် ရာသီဥတု ပြောင်းလဲမှုပေါ်တွင် များစွာတည်မှီနေကြောင်း၊ ရာသီဥတု ပြောင်းလဲမှုအား တိုက်ရိုက်ထိန်းချုပ်၍ မရသော်လည်း အတိုင်းအတာ တစ်ခုအထိ ကာကွယ်၍ရကြောင်း၊ ရေကြီးရေလျှံမှုများသည် နှစ်စဉ်ဖြစ်ပွားနေသဖြင့် ကာကွယ်ရန် ဆည်များဖြင့် ကာကွယ်နည်းများ၊ သစ်တောသစ်ပင်များ ပြန်လည်စိုက်ပျိုးမှုများ ပြုလုပ်သင့်ကြောင်း၊ လယ်ယာစိုက်ပျိုးရေး၊ သား၊ ငါးမွေးမြူရေးကို အဓိက စီးပွားရေးအဖြစ် မပြုလုပ်သင့်ဘဲ အခြားသော စီးပွားရေးကဏ္ဍများကို စဉ်းစားသင့်ကြောင်း၊ သဘာဝ ပတ်ဝန်းကျင်များကို ကာကွယ်ပြီး စီးပွားရေး ကဏ္ဍများ တည်ဆောက်ရန် လိုအပ်ကြောင်း၊ လက်ရှိစီးပွားရေးသည် တိုးတက်သင့်သလောက် မတိုးတက်ကြောင်း၊ လွန်စွာတိုးတက်မှု မြန်ဆန်ပါကလည်း အခြားသော ကုန်ကျစရိတ်များ ဖြစ်လာကြောင်း၊ ဥပမာအားဖြင့် သဘာဝပတ်ဝန်းကျင် ပျက်စီးမှုများဖြစ်ကြောင်း မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက ဆိုသည်။

“အဲဒါတွေ မဖြစ်အောင် GDP တိုးတက်မှုက ခြောက်နဲ့ ခုနစ် ရာခိုင်နှုန်းလောက်မှာ ရှိတယ်။ ၇-၈-၉ လောက်ရှိရင် ပိုကောင်းတယ်။ ၁၀ ကျော်သွားရင် တိုးတက်မှုမြန်ပြီး ကျသွားလည်း ထိုးကျသွားမှာ စိုးရိမ်တယ်။ ပုံမှန်လေး တက်နေပြီးတော့ သွားနေနိုင်တယ် ဆိုရင်ကောင်းတယ်။ ရေကြီးရေလျှံတာ နှစ်တိုင်းဖြစ်နေတဲ့အတွက် ဘာရင်ဆိုင်ရလဲဆိုရင် လယ်ယာစိုက်ပျိုး၊ မွေးမြူရေးကဏ္ဍမှာ နှစ်တိုင်း ထိခိုက်တာပေါ့။ ဒါတွေက GDP အတွက် ဆိုးကျိုးတွေပေါ့။ နောင်နှစ်လာမယ့်ဘေးတွေ အတွက်ကို ရေတိုရေရှည် စီမံကိန်းတွေ လုပ်ဖို့လိုတယ်။ ရေရှည်ကတော့ ဘတ်ဂျက်ခွဲဝေမှုကို မူတည်ပြီးတော့ နှစ်တိုင်းနှစ်တိုင်း လုပ်သွားရမှာပေါ့။ တစ်နှစ်တည်းနဲ့တော့ တစ်နိုင်ငံလုံး အတိုင်းအတာနဲ့ ကာကွယ်နိုင်မှာ မဟုတ်ဘူး။ အဲဒါအတွက် ဘက်စုံစဉ်းစားရမယ်။ အခွန်ကိုလည်း ရိုးရှင်းလွယ်ကူစွာ လုပ်ပေးရမယ်။ စီးပွားရေး လုပ်ငန်းတွေ လျင်မြန်ဖို့ပေါ့။ လုပ်သာကိုင်သာရှိတဲ့ အခွန်နှုန်းထားတွေပေါ့။ တစ်ဖက်က စီးပွားရေး ကျသွားနိုင်ခြေ ရှိရင်တောင် ပြန်တည့်မတ်နိုင်တာပေါ့။ ရေကြီး ရေလျှံ ဖြစ်တဲ့အခါ နိုင်ငံတော်ဘဏ္ဍာနဲ့ စိုက်ထုတ်သုံးစွဲတဲ့အခါ အဖြစ်နိုင်ဆုံး နိုင်ငံတွင်း၊ ပြည်တွင်းမှာ ထုတ်လုပ်တဲ့ပစ္စည်းနဲ့ သုံးစွဲနိုင်ရင် ကောင်းတယ်။ ဘာကြောင့်လဲဆိုတော့ ခေါက်ဆွဲခြောက်တို့၊ စောင်တို့ လိုအပ်တာရှိတယ်။ တရုတ်တို့၊ ထိုင်းတို့က သွင်းရင် တရုတ်တို့၊ ထိုင်းတို့ကိုပဲ စီးဝင်သွားမယ်။ မိအေးနှစ်ခါနာမယ်။ ရေကြီးရေလျှံဖြစ်လို့ ဆုံးရှုံးတယ်။ တစ်ဖက်ကလည်း နိုင်ငံဝင်ငွေဆုံးရှုံးတယ်။ ဒါကြောင့် ဖြစ်နိုင်သမျှ ပြည်တွင်းက ပစ္စည်းတွေနဲ့ ၀ယ်ယူအစားထိုးနိုင်ရင် ပိုကောင်းမယ်” ဟု ဒေါက်တာအောင်ကိုကိုက ပြောသည်။

ထို့ပြင် နှစ်စဉ် မိုးလေ၀သဖြစ်စဉ်များကို မှတ်တမ်းပြုလုပ်နေသည့် အဖွဲ့အစည်းများကို အားဖြည့်ပေးရန် လိုအပ်ကြောင်း၊ မိုးလေ၀သနှင့် ပတ်သက်သည့် ရေဒါ၊ ဂြိုဟ်တုများကို အားဖြည့်ရန် လိုအပ်ကြောင်း၊ ရေကြီးရေလျှံ ဖြစ်ပေါ်လာသည့် အချိန်တွင် ရေချိန်ထိန်းသိမ်းခြင်း၊ သိုလှောင်ခြင်း၊ ဖြန့်ဝေခြင်းများကို ပြုလုပ်သင့်ကြောင်း၊ နိုင်ငံတကာတွင် ရေချိုဆုံးရှုံးမှုများ ဖြစ်နေကြောင်း၊ မိုးရေများကို အကျိုးရှိသည့် ရေအရင်းအမြစ်အဖြစ် ပြန်လည်အသုံးပြုနိုင်ရန် ဆောင်ရွက်သင့်ကြောင်း ဒေါက်တာအောင်ကိုကိုက ဆိုသည်။

“အခွန်စနစ် ပြောင်းရမယ်။ ရင်းနှီးမြှုပ်နှံမှု ဥပဒေတွေ၊ ကုမ္ပဏီ ဥပဒေတွေက အသစ်ထွက်ပြီးပြီ။ အဲဒါတွေကို အကျိုးသက်ရောက်မှု ပိုမိုမြင့်မားသွားအောင် အခွန်စနစ်နဲ့တွဲပြီး ထားပေးရမယ်။ ယဉ်ကျေးမှုတွေ၊ သဘာဝပတ်ဝန်းကျင် ပျက်စီးမှုတွေ ထိခိုက်စေမယ့် လုပ်ငန်းတွေကလွဲပြီး ကျန်တဲ့လုပ်ငန်းတွေကို ရိုးရှင်းလွယ်ကူစွာနဲ့ ကောက်ခံရမယ်။ တရုတ်ဆိုရင် GDP တိုးတက်မှုတွေ တောက်လျှောက်မြင့်ပြီးတော့ အခုဆိုရင် ပေးဆပ်နေရတယ်။ သဘာဝပတ်ဝန်းကျင်ကြီးက တော်တော်များများ ထိခိုက်သွားတယ်။ အဲအပေါ်မှာ ဘီလျံပေါင်းများစွာ သုံးစွဲနေရတယ်။ သဘာဝပတ်ဝန်းကျင် ထိခိုက်လို့ဆိုပြီး စက်ရုံအလုပ်ရုံတွေ ပိတ်လိုက်ရတာ ရှိတယ်။ အဲဒါကို ဖွံ့ဖြိုးဆဲနိုင်ငံတွေ သတိထားရတယ်။ စဉ်ဆက်မပျက် ဖွံ့ဖြိုးတိုးတက်ရေးဆိုရင် သဘာဝ ပတ်ဝန်းကျင်ကို အလေးထားရမယ်။ ဒီနေ့ ရေကြီးရေလျှံ ဖြစ်တာကလည်း သဘာဝပတ်ဝန်းကျင် ထိန်းသိမ်းမှု အားနည်းလို့ဖြစ်တာ။ လယ်ယာကဏ္ဍကို ထိခိုက်တဲ့အခါ အခြားတွေကိုလည်း အနည်းနဲ့အများ ထိခိုက်တယ်။ ဒါတွေက ကြိုပြီးပြင်ထားရမှာ” ဟု ဒေါက်တာအောင်ကိုကိုက ပြောကြားသည်။

လက်ရှိဖြစ်ပွားနေသည့် ရေကြီးမှုကာလ သုံးခုရှိသည့်အနက် ပထမ ရေကြီးကာလဖြစ်ပြီး ထပ်မံ ဖြစ်ပွားနိုင်သည့် ရေကြီးရေလျှံမှုများကို ကာကွယ်ခြင်း မပြုနိုင်သော်လည်း ကြိုတင်ပြင်ဆင်မှုများ အနေဖြင့် မိုးလေ၀သ သတင်းများအား အစဉ်အမြဲ နားထောင်ကာ စားနပ်ရိက္ခာများ ကြိုတင်စုဆောင်းပြီး ဒေသအာဏာပိုင်များ၊ သဘာဝဘေးအန္တရာယ် စီမံခန့်ခွဲရေး ဦးစီးဌာန၊ မိမိမြို့နယ် လွှတ်တော်ကိုယ်စားလှယ်ထံမှ အကြံဥာဏ်များ တောင်းခံကာ ရေကြီးမှုအန္တရာယ်မှ သက်သာအောင် ဆောင်ရွက်ရန် လိုအပ်မည်ဖြစ်သည်။

မြန်မာနိုင်ငံ၏ နှစ်စဉ်ရေကြီးရေလျှံမှုသည် တာဝန်ရှိသူအချို့ သုံးသပ်နေသလို သာမန်ရေကြီးရေလျှံ ဖြစ်သည့်အဆင့် မဟုတ်တော့သည်ကို သတိပြုရန် လိုအပ်မည် ဖြစ်သည်။ ပုံမှန်ရေကြီးနေကျဆိုကာ ပစ်ထားမည်ဆိုပါက ၁၉၅၈ ခုနှစ် စင်ကာပူ Jurong မြို့နယ်တွင် ဒီရေတက်နေကျ အချိန်များ၌ ပုံမှန်ရေကြီးနေသည်ကို စင်ကာပူအစိုးရက မည်သို့ကိုင်တွယ်ခဲ့သည်ကို လေ့လာရန် လိုအပ်သည်။ အစိုးရက ရခိုင့်အရေး၊ ငြိမ်းချမ်းရေး လုပ်ငန်းစဉ်၊ ဗိုလ်ချုပ်ရုပ်ရှင်များနှင့် ထာဝရ ငြိမ်းချမ်းရေးစေတီ တည်ရန် စဉ်ဆက်မပြတ် အလှူခံခြင်း၊ နှစ်စဉ်ပိုမို များပြားလာသော သဘာဝဘေးများနှင့် ပြည်တွင်းစစ်ဘေးဒဏ်ကြောင့် မြန်မာနိုင်ငံ တစ်ဝန်းမှ သဘာဝဘေး နှင့် လူလုပ်သည့် ဘေးဒဏ်ခံ ပြည်သူများသို့ အလှူခံမှုများ နေ့စဉ်ရှိနေခြင်းကြောင့်လည်း ပြည်သူများအကြား လှူဒါန်းနိုင်စွမ်း လျော့ကျနေသည်။ ထို့ပြင် စီးပွားရေး ကျပ်တည်းမှုကလည်း ထပ်ဆင့်ထိုးနှက်နေသည့် အခြေအနေတွင် အစိုးရအနေဖြင့် ဆီးသီးဗန်းမှောက် ဘတ်ဂျက်များ စိစစ်ကာ ရေကြီးရေလျှံမှုများ အတွက် ရန်ပုံငွေတစ်ရပ်ပင် ထူထောင်ထားရန် လိုအပ်မည့် အခြေအနေ ဖြစ်ပေါ်နေပြီဖြစ်သည်။ သာဓကအားဖြင့် ၂၀၁၅ ခုနှစ် ပြည်နယ်နှင့် တိုင်း ၁၂ ခုတွင် ရေကြီးရေလျှံခဲ့စဉ်က ပြည်တွင်းပြည်ပ ကူညီမှုများရရှိကာ သမ္မတ၏ သဘာဝဘေး ရန်ပုံငွေမှာ ကျပ် ၁၂ ဘီလျံ စိုက်ထုတ်သုံးစွဲခဲ့ရပြီး ၂၀၁၆ ခုနှစ် ရေကြီးရေလျှံမှုတွင် ပြည်တွင်းကူညီမှုဖြင့် အားဖြည့်ကာ ၂၀၁၆ ခုနှစ် သြဂုတ်အထိ ရေဘေးအတွက် ကျပ်သန်း ၅၆၀ သုံးခဲ့ပြီး ကျပ် ၁၇ ဘီလျံကျော် ကျန်နေသေးကြောင်း ဒေါက်တာဝင်းမြတ်အေးက ပြောခဲ့သော်လည်း ၂၀၁၇ ခုနှစ်တွင်မူ ကူညီမှုများ တိတ်ဆိတ်ခဲ့သည်။ နှစ်စဉ်ရေကြီးရေလျှံမှုများတွင် ပြည်သူ ထူခဲ့၊ ထခဲ့ရမှုများ ရှိသော်လည်း အချို့သော သဘာဝဘေးဒဏ်ခံ ဒေသများမှာ ယနေ့အထိ ပြန်လည်ထူမနိုင်မှု အားနည်းနေခြင်းမှာလည်း ပြည်သူ့လှူဒါန်းနိုင်မှုစွမ်းအား လျော့ကျနေသည့် ဖြစ်စဉ်ကို မီးမောင်းထိုးပြနေသလို အစိုးရ၏ စီမံခန့်ခွဲခြင်း အားနည်းမှုများကိုလည်း သက်သေခံနေသည်ဟု ဆိုရမည်ဖြစ်သည်။ ထိုသို့သော အခြေအနေများကို မျက်နှာမူကာ ဒုတိယနှင့် တတိယ ရေကြီးရေလျှံ ကာလများအတွက် ကြိုတင်ပြင်ဆင်မှုများအပြင် နှစ်စဉ်ခံလာရနိုင်သည့် သဘာဝဘေးဒဏ်များကို ယခင်ထက်ပို၍ ကြိုတင်ပြင်ဆင်ရန် လိုအပ်မည်ဖြစ်ကြောင်း တိုက်တွန်းလိုပါသည်။

အင်းလျား

Photo: Depositphotos

၁။
အင်းလျားတဲ့။ ရန်ကုန်မြို့သားတွေက ပိုသိမယ်ထင်တယ်။ သီချင်းတွေ။ ၀တ္ထုတွေထဲမှာ ခဏခဏ မြင်ရကြားနေခဲ့ရ။ မိုးမိုး (အင်းလျား) ဆိုတဲ့ တစ်ခါက စာရေးဆရာမကြီးတောင် ရှိတယ် မဟုတ်လား။ ရန်ကုန်ဝိဇ္ဇာ သိပ္ပံတက္ကသိုလ်ကြီးမှာ ပညာရည်နို့စို့ဖူးကြတဲ့ လူတွေဆို ပိုတောင် လွမ်းနေကြမယ် ထင်ပါရဲ့။ အင်းလျားနေ့တွေကိုလေ။ စာရေးဆရာ မင်းလူရဲ့ ရေတမာထဲက အင်းလျားအခန်းလေးလည်း ပါသေးရဲ့။ နောင်စိုးနဲ့ ဖြူဝင်းမွတ်။ အင်းလျားကန်ပေါင်ပေါ်မှာ နောင်စိုးက ဖြူဝင်းမွတ်ကို စကားလိုက်ပြောတာ။ မှတ်မိနေသေး။ ရန်ကုန်တက္ကသိုလ်လို့ ပြောလိုက်ရင် အင်းလျားဟာလည်း မပါမဖြစ်ပဲ မဟုတ်လား။

၂။
တစ်ခါက အင်းလျားဆိုတာ ချစ်သူများ လမ်းလျှောက်ရာ ချိန်းတွေ့ရာပေါ့လေ။ ကဗျာဆရာမောင်သင်းပန်ရဲ့ ကဗျာစာကြောင်းလေး မှတ်မိနေတယ်။

“ပေါလ်နဲ့အက်စ်စသာ
ပိုလန်သားလေးနဲ့ ဂျူးမလေးရဲ့အချစ်
ခုံတန်းလျားလေး ဖြစ်ခဲ့ဖူးတယ် မဟုတ်လား” တဲ့။

အဲဒီလိုမှတ်မိနေတယ်။ ပြောချင်တာက အင်းလျားမှာ ခုံတန်းလေးတွေရှိတယ် မဟုတ်လား။

အင်းလျားကဗျာဆိုလို့ ဆရာကြီးမင်းသုဝဏ်ရဲ့ “အင်းလျားကန်သို့ အိုကူးတို့” ဆိုတဲ့ ကဗျာတစ်ပုဒ်လည်း ရှိရဲ့။ မှတ်မှတ်ရရ ကူးရေးဖူးတဲ့ ကဗျာတိုလေးတစ်ပုဒ် ရှိပါတယ်။ ကဗျာဆရာမောင်တင်သစ်ရဲ့ကဗျာပါ။

အင်းလျားကန်ပေါင်ပေါ်မှာ

အိမ်မပြန်ဖို့
ဆုံးဖြတ်ရလောက်အောင်
မိုးကြီးရွာခဲ့ပါတယ်
အင်းလျားကန်ပေါင်ပေါ်မှာ…။

မောင်တင်သစ်
၂၀၁၅

ငယ်ငယ်က ဗီဒီယိုကားတွေ ကြည့်ရတော့ အင်းလျားကန်ဆိုတာ ခဏခဏ ပါပါတယ်။ ဒါကလည်း မေးမြန်းရတာပေါ့လေ။ ပြီးခဲ့တဲ့ နှစ်များစွာကပါ။ အင်းလျားမပါရင် ဇာတ်ကား မဖြစ်တော့ဘူးလားဟလို့တောင် ကြားဖူးရဲ့။ ပြုံးမိပါတယ်။ တကယ်က ကျွန်တော်ဟာ တောသားပါ။ ရန်ကုန်ရောက်ရင် အင်းလျားကိုသွားဖြစ်အောင် သွားပါဆိုလာလို့ တစ်နေ့တော့ ကြုံရမှာပါ တွေးခဲ့ဖူးပါတယ်။

၃။
ကျွန်တော် ၁၀ တန်းအောင်တော့ ရေဆင်းစိုက်ပျိုးရေးတက္ကသိုလ်မှာ ကျောင်းတက်ရပါတယ်။ နေပြည်တော်ပေါ့လေ။ တကယ်က တပ်ကုန်းကနေသွားလို့ ပျဉ်းမနား မရောက်ခင် ရေဆင်းရွာဆိုတဲ့ ရွာလေးမှာပါ။ သစ်တောတက္ကသိုလ်၊ စိုက်ပျိုးရေးတက္ကသိုလ်၊ မွေးမြူရေးဆိုင်ရာ ဆေးတက္ကသိုလ်ဆိုပြီး ရေဆင်းမှာ ကျောင်းသုံးကျောင်းရှိရဲ့။ ရန်ကုန်တက္ကသိုလ်လို အင်းလျားတော့ မရှိပေမယ့် ရေဆင်းဆည်ကြီးတော့ရှိရဲ့။ ကျောင်းသူ၊ ကျောင်းသား အတွဲတွေ လမ်းလျှောက်ကြရာ ချိန်းတွေ့ကြရာပေါ့။ ရေဆင်းမှာစတက်တော့ ရန်ကုန်ကိုရောက်အောင် သွားဦးမယ် တွေးဖူးပါတယ်။ ဖြစ်ချင်တော့ ကျွန်တော် ဒုတိယနှစ် ကျောင်းသားဘ၀မှာ အုပ်စု ကဗျာစာအုပ်လေး ထွက်ပါတယ်။ ဆရာသစ္စာနီ၊ နိုင်မွန်အောင်သွင်တို့ အမှာနဲ့ပေါ့လေ။ အဲဒီတုန်းက ကဗျာဆရာ ကိုမုယောနဲ့ ကိုမင်းဘုန်းနိုင်တို့က ရန်ကုန်မှာ။ စာအုပ်မိတ်ဆက်ပွဲလုပ်မယ် တက်လာပါ ဆိုလာကြတော့ ရန်ကုန်ကို ပထမဆုံးအကြိမ် ရောက်ဖြစ်ခဲ့ပါတယ်။ အဲဒီမှာ အင်းလျားကို စတွေ့ရတာပါ။

၎။
ရန်ကုန်ရောက်တော့ မုယော၊ မင်းဘုန်းနိုင်၊ သွယ်လေး စတဲ့ ရန်ကုန်နေ ကဗျာဆရာတွေက ဦးဆောင်လို့ ညပိုင်း အင်းလျားကို ရောက်ခဲ့ရတယ်။ ဘီယာပုလင်းတွေလည်း ပါတယ်လို့ မှတ်မိပါရဲ့။ ရန်ကုန်လမ်းမကြီးကို မျက်နှာမူတဲ့ အင်းလျားကန်ပေါင် မြက်ခင်းပေါ်မှာ လူတွေ။ ဟိုတစ်စု ဒီတစ်စု။ ကန်ပေါင်ပေါ်က လမ်းကလေးမှာလည်း လူတွေ။ တချို့က လက်ချင်းတွဲလို့။ သမီးရည်းစားတွေ လင်မယားတွေလည်းပါမယ်။ မြက်ခင်းပေါ်ကနေ လှမ်းကြည့်ရင် အိမ်တွေလမ်းပေါ်က ကားတွေ သိပ်လှတာပဲ။ ရန်ကုန်ဟာ ပူပါတယ်။ ကားစီးပြီး ကန်ပေါင်ကို တက်တက်ချင်းပဲ စိတ်သက်သာရာရမိတယ် ဆိုတာတော့ အမှန်ပဲ။ ပိုလည်း အေးသလို ခံစားရတယ်။ အင်းလျားဟာ ရေရှိတဲ့ကန်ကြီး။ ကျွန်တော်တို့လိုပဲ မြက်ခင်းပေါ်မှာ ထိုင်နေတဲ့လူတွေလည်း တော်တော်များရဲ့။ တချို့ဆို ဂီတာတီးပြီး သီချင်းတွေဆိုကြလို့။ လူငယ်လေးတွေလည်းပါရဲ့။ ကလေးလေးတွေ ကစားနေကြတာလည်း တွေ့မိရဲ့။ အော်… အင်းလျားဟာ ခဏဖြစ်ဖြစ်တော့ လူတွေကို အပန်းပြေစေတာပဲ မဟုတ်လား။ ရန်ကုန်ဟာ စစ်မြေပြင်လို့ဆိုတယ်။ ဒါဆို အင်းလျားဟာ စစ်ပြေးရှောင်သူတွေအတွက် စစ်ရှောင်နေရာလေး ဖြစ်မယ်။ ရန်ကုန်ဟာ သဲကန္တာရဆို အင်းလျားဟာ အိုအေစစ်လေးဖြစ်မယ် တွေးမိရဲ့။ မီးတွေ မြက်ခင်းစိမ်းစိမ်းတွေနဲ့လှရဲ့။ ဒါတွေဟာ အပေါ်ယံတွေပါကွာလို့ ဆိုလာရင်တော့ ပြောဖို့ခက်မယ် ထင်ပါတယ်။

၅။
အင်းလျားက ကန်ပေါင် မြက်ခင်းစိမ်းစိမ်းပေါ်မှာ ကျွန်တော်တို့ ကဗျာဆရာများဟာ အားပါးတရ ကဗျာရွတ်ကြလို့။

“ပျော့ညံ့ဖို့ ဘယ်ကိစ္စမှ ငါတို့ဆီလာ မသန်စွမ်းနဲ့
ငါတို့ခေါင်းထဲ အဆိပ်ပြင်းတဲ့ မြွေတွေ
အထွေးလိုက် ခွေလို့”

“ဂျွန်ဖောက်စ်” ဆိုတဲ့ လူတစ်ယောက်ဟာ

လူငယ်စိတ်နဲ့ မစ္စစပီ မြစ်ကြီးကို ဖြတ်ကူးခဲ့တာ ငါပြောပြမယ်

ကိုချောနွယ်ဟာ လူငယ်စိတ်နဲ့
ဖျံဖမ်းသမား ကဗျာကို ရေးခဲ့တဲ့အကြောင်း
ငါပြောပြမယ်”

ကဗျာဆရာမောင်ဖီလာရဲ့ နာမည်ကြီး ကဗျာတစ်ပုဒ်ဖြစ်တဲ့ “ဘိုဟီးမီးယန်းများ” ကဗျာကို မင်းဘုန်းနိုင်က အားပါးတရ ရွတ်လို့။

“၁၉၉၄
သြဂုတ် ၂၀ ရက်
မေ့မေ့ ဗိုက်ပူပူလေး ပြန်ပိန်သွားတဲ့နေ့”

မျိုးကိုက သူရေးတဲ့ “ညီမလေး ဒိုင်ယာရီ” ကဗျာတစ်ပုဒ်ကို ရွတ်လို့။ သစ္စာမင်းအိမ်ကြီးက မျိုးကို ကဗျာရွတ်တာကို နားထောင်ရင်း မျက်ရည်လုံးကြီးတွေ ပေါက်ပေါက်ကျလို့။ သစ္စာမင်းအိမ်နဲ့ သွယ်လေးစတဲ့ ကျန်ကဗျာဆရာများကလည်း ကဗျာတွေ ရွတ်ကြလို့။ ကျွန်တော်ကတော့ ကဗျာဆရာစေတရဲ့ ကဗျာတစ်ပုဒ်ကို ရွတ်တယ်လို့ မှတ်မိပါရဲ့။ အင်းလျားမှာ ကဗျာရွတ်သံတွေ လွှင့်တင်ခဲ့ကြတာပေါ့လေ။ စကားတွေလည်း ပြောကြပေါ့။ ကျွန်တော်ကတော့ မုန့်လိုက်ရောင်းနေတဲ့ ကလေးတွေကို သတိထားမိခဲ့တယ်။ အော် ကျွန်တော့် ညီ၊ ညီမလေးတွေ အရွယ်ကိုး။ အဲဒီညက ကောင်းကင်မှာ ကြယ်တချို့၊ တချို့လူတွေ။ မျက်လုံးတွေ။ မီးရောင်တွေနဲ့ အင်းလျား။ အင်းလျားကနေ ပြန်ဖို့လမ်းပေါ်ကိုဆင်းတော့ ရန်ကုန်နယ်ခံ ကဗျာဆရာတစ်ယောက်က ပြောပြတယ်။ အရင်က ဒီလိုမီးတွေ သေချာမထွန်းတော့ အတွဲတွေ ဖြစ်ချင်တိုင်း ဖြစ်နေကြတာတဲ့။ သူတို့ခေတ်ပေကိုး။ တာဝန်ယူမှုတာဝန်ခံမှု အပြည့်ရှိရင် နှစ်ဦးနှစ်ဖက် သဘောတူရင် ဘာမဆို အဆင်ပြေတယ် မဟုတ်လားလို့ ပြန်ပြောဖြစ်ပါတယ်။ အပေါစား မိန်းမတချို့ရဲ့ နှုတ်ခမ်းတွေလည်း ဒီမှာ အရင်က ရှိနေတတ်တယ်တဲ့။ အရင်ကပေါ့လေ။ ကားပေါ်ကနေ လှမ်းကြည့်တော့လည်း အင်းလျားဟာ လှဆဲ။ ဂွတ်ဘိုင် အင်းလျားလို့ ကျွန်တော် နှုတ်ဆက်ခဲ့တာ မှတ်မိပါတယ်။

ဒုတိယအကြိမ် ရန်ကုန်ရောက်တော့ အင်းလျားကို မ၀င်ဖြစ်ခဲ့။ မ၀င်ဖြစ်ဆို ကျောင်းကလွှတ်တဲ့ လေ့လာရေးခရီးမို့။ အင်းလျားကိုဖြတ်တော့ ကားပေါ်ကနေ လှမ်းကြည့်မိပါတယ်။ လှဆဲပါပဲ။ အပန်းဖြေ အနားယူတဲ့ လူတွေနဲ့အင်းလျားဟာလှလို့။

၆။
ဆောင်းပါးတစ်ပုဒ်ထဲမှာတော့ အင်းလျားကန်ကြီးဟာ ရန်ကုန်တက္ကသိုလ်စုံတွဲများ ချိန်းတွေ့ကြရာ နေရာဖြစ်ပြီး ရေကူးခြင်း၊ ရွက်လှေစီးခြင်းစတဲ့ အားကစားလုပ်ကြရာ နေရာလည်း ဖြစ်ပါတယ်။ အင်းလျားကန်ကြီးကို ၁၈၈၂ နဲ့ ၁၈၈၃ ခုနှစ်မှာ ရန်ကုန်မြို့ ရေပေးဝေရေးအတွက် ဗြိတိသျှတို့က ဖန်တီးခဲ့ကြပါတယ်တဲ့။ အခုတော့လည်း ရေပေးဖို့သက်သက် မဟုတ်တော့ဘူး မဟုတ်လား။ ကျွန်တော်တို့ဟာ စိတ်ဖိစီးမှုဒဏ်ကို လျှော့ချဖို့ ကျန်းမာရေးလိုက်စားဖို့ အင်းလျားလို နေရာလေးတွေ လိုအပ်နေတာ အမှန်ပဲ။ အထူးသဖြင့် ရန်ကုန်မြို့ကြီးလို နေရာတွေမှာ ခပ်များများ ရှိသင့်ပါတယ်။ မြေပဒေသာကျွန်း၊ ဗိုလ်ချုပ်ပန်းခြံ၊ အင်းလျားစတဲ့ ဒီလိုနေရာလေးတွေဟာ မြို့ကြီးတွေမှာ လိုအပ်လှပါတယ်။ ဒါဟာ အပန်းဖြေစရာနေရာဆိုလည်းဟုတ် ကျန်းမာရေး လိုက်စားရာနေရာဆိုလည်းဟုတ်ရဲ့။ ဒီလိုနေရာတွေကို အထူးတလည် အစိုးရအနေနဲ့ ကြည့်ရှုဂရုစိုက်သင့်ပါတယ်။ ပြည်သူများအတွက် တကယ်လိုအပ်တဲ့နေရာ မဟုတ်လား။

၇။
စာရေးဆရာ မောင်သာချိုကတော့ သူ့ အင်းလျား အက်ဆေးထဲမှာ ဒီလိုရေးရဲ့။

“သြော်..အခုနောက်ပိုင်း အင်းလျားကန် စပ်ဝန်းကျင်ဟာ စီးပွားရေး လုပ်ငန်းကြီးတွေနဲ့။ အဆောက်အအုံ ထိုးထိုးထောင်ထောင်တွေနဲ့။ ကဗျာမဆန်တော့ပါဘူး။ ဂီတမနွှယ်တော့ပါဘူး။ ပညာ မလွှမ်းမိုးတော့ပါဘူး။ ဖိုနဲ့မ အတင့်ရဲရဲနဲ့ လူမြင်ကွင်းမှာ ကဲနေကြပုံတွေမှာ ကံ့ကော်တွေ မျက်နှာလွှဲနေကြရတာ ကြာခဲ့ပါပေါ့။

အင်းလျားဟာ ဆူပွက်လို့။ ရှုပ်ပွလို့။ နောက်လို့။ မှောင်လို့။ မာကြောလို့။ ကြမ်းတမ်းလို့” တဲ့။

၈။
အခုတော့လည်း အင်းလျားဟာ ဘယ်လိုနေမလဲ မသိပါပေါ့။ အရင်လိုပါပဲလား။ အင်းလျားဟာ ရွေ့နေတဲ့ ရန်ကုန်မြို့ကြီးနဲ့အတူ လူတွေနဲ့အတူ ပြောင်းလဲနေမှာပေါ့။ ဘယ်လိုပဲဖြစ်ဖြစ် ပြောင်းလဲခြင်းဟာ အမှန်တရားတစ်ခုပဲ မဟုတ်လား။

တွေခနဲသြခက်စတြာ

Photo: Fine Art America

တစ်ရက်သောတစ်ရက်မှာပါပဲ။ ပြတင်းပေါက်ကနေ ခေါင်းပြူပြီး အိမ်အောက်ကို ကွမ်းတံတွေး ထွေးချလိုက်မိတယ်။

ချွဲကျိနီရဲနေတဲ့ ကွမ်းတံတွေးတွေ အိမ်အောက်က မြေသားပေါ် ကျမသွားခင်လေထဲက ကြားကာလမှာ မြင်လိုက်ရတဲ့မြင်ကွင်းတစ်ခုက လူကို တွေခနဲဖြစ်သွားစေခဲ့တယ်။ အဲဒီလို တွေခနဲဖြစ်သွားတဲ့ အခိုက်အတန့်ကို ဘယ်လိုနာမည်ပေးရမလဲ။ တွေခနဲဟာ ခေတ်ဉာဏ်အလင်းပွင့်မှုလား။ တွေခနဲဟာ ရဲနီနေတဲ့ မီးစကို ရုတ်တရက် ကောက်ကိုင်လိုက်မိသလိုလား။ တွေခနဲရဲ့ ဖွင့်ဆိုမှုတွေထက်၊ တွေခနဲရဲ့ ပြည့်သိပ်ကျပ်တင်းသော အခိုက်အတန့်က ပိုအရေးကြီးမယ်ထင်ပါရဲ့။ တွေခနဲဟာ တစ်နံတလျား တွေးခေါ်ပြီး ဘယ်အရပ်ီ ရောက်သွားမှန်းမသိတဲ့ စိတ်အခြေအနေကို ဆိုလိုခြင်း မဟုတ်ပါ။ ထိုင်နေရင်း အိပ်ပျော်သွားတဲ့ အနေအထားကို တွေခနဲလို့ ပြောချင်တာလည်း မဟုတ်ဘူး။ တွေခနဲအတွက် ကျွန်တော့်မှာ ပြောပြချင်တာတွေ ရှိနေခဲ့တာတော့ သေချာနေပါပြီ။

တွေခနဲဟာ နိုင်ငံတော်အသစ် တည်ထောင်ဖို့ စိတ်ကူးသစ်တွေ ကွန့်မြူးနေတာလည်း မဟုတ်ဘူး။ တွေခနဲဟာ စစ်ပွဲတွေကို ငြှိမ်းသတ်ပေးမယ့် ငြိမ်းချမ်းရေးရေစင်လည်း မဟုတ်ဘူး။ ဒါဖြင့် တွေခနဲက ဘာလဲ။ ဘာမှမဟုတ်တဲ့ တွေဝေခြင်းအတွက် ငါတို့လှေကားတွေကို ရိုက်ချိုးမလို့လား။ ဒါမှမဟုတ် ငါတို့ ရရှိထားတဲ့နာရီတွေကို ခိုးဝှက်ဖို့ ကြိုးစားနေတာလား ဒီလိုမေးခွန်းတွေအတွက်လည်း တည်ငြိမ်ခံ့ညားတဲ့ လိမ်လည်စရာအဖြေ တစ်ခုတလေမှ ကျွန်တော့်မှာ မရှိပါဘူး။ တွေဝေခြင်းဟာ ကူလီထမ်းနေတဲ့ အလုပ်သမားကြီး အတွက် ဓာတ်ဆားရည်တစ်ထုပ်လောက်တောင် အသုံးမ၀င်ပါဘူး။ တွေဝေခြင်းဆိုတာ ဘာလုပ်ရ ဘာကိုင်ရမှန်းမသိဘဲ ထိုင်းမှိုင်း လေးလံနေတာလို့ အဓိပ္ပာယ်ထွက်ရင် အဲဒီတွေဝေခြင်းနဲ့ ကျွန်တော့်တွေခနဲဟာ ဘာမှမပတ်သက်ဘူး။ တွေခနဲဟာ ကျွန်တော့်ရဲ့ အလေအလွင့် နေ့တာတစ်ခုကို ကျောက်ချစေခဲ့တယ်။ တွေခနဲဟာ အခွံသက်သက်ဖြစ်နေတဲ့ ကျွန်တော့်စိတ်တွေကို လိုဏ်သံမြည်စေခဲ့တယ်။ တစ်နည်းအားဖြင့် ပြောရရင် တွေခနဲဟာ အရာရာ မှိန်ဖျော့နေတဲ့လူတစ်ယောက်ကို စွန်းပေအောင် စွမ်းဆောင်နိုင်ခဲ့တဲ့ အခိုက်အတန့်ငယ်တစ်ခု ဖြစ်ခဲ့တယ်။

တွေခနဲကို ကျွန်တော် ၀ယ်ယူရရှိခဲ့တာ မဟုတ်ဘူး။ တွေခနဲဟာ စာတိုက်ကနေ ရောက်လာတဲ့ ဘယ်သူ ပို့လိုက်မှန်းမသိရတဲ့ ပါဆယ်ထုပ်တစ်ထုပ်လည်း မဟုတ်ဘူး။ တွေခနဲကို အရှင်းဆုံး နားလည်အောင်ပြောရရင် တွေခနဲဟာ တွေခနဲပဲ ဖြစ်ပါတယ်။ ဒီလောက်ပေါပေါပဲပဲနိုင်လှတဲ့ တွေခနဲအကြောင်းကို ဘာလို့ ဒီလိုစာတစ်စောင်ပေတစ်ဖွဲ့ ရေးပြနေရတာလည်းလို့ အချဉ်ပေါက်ပြီးမေးလာမယ့် မေးခွန်းတွေအတွက် အကောင်းဆုံး ဖြေရှင်းချက်ကလည်း ကျွန်တော် တွေခနဲဖြစ်သွားခဲ့မိလို့ ပါပဲလို့သာ ကျွန်တော် ပြောနိုင်ပါလိမ့်မယ်။ တွေခနဲကို အနီးစပ်ဆုံး သရုပ်ဖော်ရရင် လမ်းလျှောက်ရင်း ကိုယ့်နာမည်ခေါ်သံလိုလို ကြားမိတဲ့အခါ ခြေလှမ်းတွေ တုံ့နှေးသွားရသလိုမျိုး။ တီးခတ်နေရင်း ထောက်ခနဲကြိုးပြတ်သွားတဲ့ ဂီတာလိုမျိုး။ ကြွေကျလာတဲ့ သစ်ရွက်ကလေးကို လမ်းတစ်ဝက်မှာတင် လက်နဲ့ဖမ်း ဆုပ်ရမိလိုက်သလိုမျိုး။ တွေခနဲဟာ မလှဘူးလား။ ဒါပေမဲ့ တွေခနဲက ဟောင်နေရင်း ကားတက်ကြိတ်ခံလိုက်ရတဲ့ ခွေးတစ်ကောင်လည်း ဖြစ်နိုင်တာပဲ။ ရုတ်တရက်သွေးတွေနဲ့ နီရဲသွားတဲ့ ကတ္တရာလမ်းမကြီးကလည်း တွေခနဲရဲ့ အဓိပ္ပာယ် ဖြစ်သွားနိုင်တယ်။

တွေခနဲရဲ့ ဇာစ်မြစ်ကိုပြန်တူးဖော်ရရင် ပြတင်းပေါက်ကနေငုံ့ပြီး ကွမ်းတံတွေး ထွေးလိုက်တဲ့အချိန်မှာ ထွေးလိုက်တဲ့ ကွမ်းတံတွေးတွေ မြေပြင်ပေါ်မကျခင်ကလေးမှာ နီရဲနေတဲ့ အကွက်ကြီးတစ်ကွက်ကို မြေပြင်ပေါ်မှာ မြင်တွေ့လိုက်ရခြင်းပါပဲ။ ရေညှိတွေနဲ့ ညို့စိမ်းနေတဲ့ အိမ်အောက်က မြေပြင်ပေါ်က အနီရောင် အ၀ိုင်းကွက်ကြီးက ကျွန်တော့်ကို တွေခနဲဖြစ်အောင် ပြုစားလိုက်တယ်။ တစ်နည်းအားဖြင့် ကျိန်စာတိုက်လိုက်တာ။

တစ်နည်းအားဖြင့် မီးခလုတ်ကို နှိပ်လိုက်တာ။ စသည်ဖြင့် ဥပမာ ဥပမေယျတွေ ကိုတဖျစ်ဖျစ် စွဲလောင်ပြီး တွေခနဲဟာ တောက်ပလို့နေလေရဲ့။ တွေခနဲဟာ ခေါင်းထဲကို သန်းတစ်ကောင်လို ခေါက်တုံ့ခေါက်ပြန် ပြေးလွှားနေတယ်။

အိမ်အောက်ကို သိချင်စိတ်နဲ့ ဆင်းကြည့်တော့ တခြားဟုတ်ပါရိုးလား။ ကျွန်တော့် တွေခနဲရဲ့ မူလဘူတ အနီရောင်အကွက်ကြီးက နိစ္စဓူဝ ကျွန်တော် ထွေးချခဲ့တဲ့ ကွမ်းတံတွေးတွေ။ မြေကြီးပေါ်မှာ အနီရောင် အကွက်ကြီးက ၀ိုင်းဝန်းပြီး မာဂလောက်ကြီး ဖြစ်နေပြီ။ အဲဒီခြောက်သယောင်းနေတဲ့ အနီရောင်အကွက်ကြီးပေါ် စောစောက ကျွန်တော်ထွေးချလိုက်တဲ့ လတ်လတ်ဆတ်ဆတ် ကွမ်းတံတွေးအနီရောင်က ထပ်မံစွန်းပေလို့နေတယ်။ တွေခနဲကို အရောင်ခြယ်တဲ့အခါ အနီရောင်ကို မပါမဖြစ် ထည့်သုံးရမယ်လို့ ကျွန်တော်သာ ပန်းချီရေးတတ်ခဲ့ရင် တွေးမိမယ်ထင်ပါတယ်။

တွေခနဲရဲ့ ဖန်ဆင်းရှင်အနီရောင် ကွမ်းတံတွေးကွက်ကြီးက နိစ္စဓူဝအရည်မရ အဖတ်မရ အချည်းနှီးလုပ်ရပ်တွေအတွက် အထိမ်းအမှတ် ကျောက်တိုင်ကြီးလို ဖြစ်နေတယ်လို့ ခံစားမိတယ်။ မြေသားပေါ်မှာတောင် အဲဒီလို အသွင်အပြင်ရှိရင် ကျွန်တော့်ဝမ်းဗိုက်ထဲ ဘယ်လိုရှိနေမလဲ။ တွေးမိတော့ ကျောစိမ့်လာသလိုလိုပဲ။ ငယ်ငယ်က ဖတ်ရတဲ့ဇာတ်လမ်း တစ်ခုကလည်း တီကောင်တစ်ကောင်လို အတွေးထဲ တိုးထွက်လာတယ်။ သူ စွန့်ပစ်ခဲ့တဲ့တံ ပူပုံကြီးကို အမှတ်တမဲ့ ကြည့်မိရင်းကနေ ကျည်ပွေ့အတက်ပေါက်သွားခဲ့တဲ့ ဦးကျည်ပွေ့အကြောင်းပေါ့။ သူလည်း တွေခနဲထဲကနေ အမြတ်အစွန်းရသွားတဲ့လူပဲ ဖြစ်ရမယ်လေ။ မြေပြင်ပေါ် နေ့စဉ်နေ့တိုင်း ကွမ်းတံတွေး ထွေးချခဲ့သလို စာတွေကို နေ့စဉ်နေ့တိုင်း သင်ယူခဲ့ရင်ကော။ အင်္ဂလိပ်စာကို တစ်ရက်တစ်နာရီ နေ့စဉ်နေ့တိုင်း လေ့ကျင့်ခဲ့ရင်ကော။

နေ့စဉ်နေ့တိုင်း ကဗျာတစ်ပုဒ်ကို အာဂုံဆောင်ခဲ့ရင်ကော။ နေ့စဉ်နေ့တိုင်း စုဘူးထဲ ငွေတွေစုဖြစ်ခဲ့ရင်ကော။ တွေခနဲဟာ အဲဒီလို ခေါင်းလောင်းတီးခဲ့တယ်။ ဖြောင့်တန်းတဲ့ မျဉ်းကြောင်းတစ်ကြောင်းကိုရဖို့ ပန်းချီဆရာဟာ ကောက်ကွေးတဲ့ မျဉ်းကြောင်းတွေကို အထပ်ထပ် အခါခါ ရေးခြစ်ခဲ့ရတယ်။ လှပတဲ့ ဂီတသံစဉ်များကိုရဖို့ ဂီတာသမားဟာ သူ့လက်ချောင်းတွေကို နိစ္စဓူဝ မောင်းနှင်ခဲ့ရတယ်။ ဒေးဗစ်ဘက်ခမ်းက သပ်ရပ်တိကျတဲ့ ဖရီးကစ်ကိုရဖို့ တာယာကွင်းထဲကို ဘောလုံးပေါင်းမြောက်မြားစွာကို ကန်သွင်းခဲ့ရတယ်လို့ ကျွန်တော် ဖတ်ခဲ့ဖူးပါတယ်။ ပါရမီဆိုတာ အဖန်ဖန် အထပ်ထပ် လေ့ကျင့်ခြင်းဆိုတဲ့ အဓိပ္ပာယ်ထွက်ကြောင်းကိုလည်း ကျွန်တော် မှတ်သားခဲ့ရဖူးပါတယ်။ အထပ်ထပ်အခါခါ ပွတ်တိုက်ဆေးကြောလိုက်တော့ မည်းညစ်နေတဲ့ကြေးခွက်ဟာ အရောင်တဖိတ်ဖိတ် ၀င်းလက်လာပါလိမ့်မယ်။ ဒါဟာ ကောင်းမွန်တဲ့ လူတစ်ယောက်ရဲ့ ကောင်းမွန်တဲ့ အလေ့အကျင့်ကို ပြောလိုရင်းဖြစ်ပါတယ်။ ဒီနေရာမှာ စနိုက်ပါသမားတစ်ယောက်ရဲ့ နိစ္စဓူဝ ပစ်မှတ်တွေအကြောင်းကို ကျွန်တော် ချီးမွမ်းခန်းဖွင့်မှာ မဟုတ်ပါဘူး။

ကျွန်တော် ဖတ်ခဲ့ဖူးတဲ့ ဇာတ်တော်ထဲက ပုံတစ်ခုကို ပြောပြချင်ပါသေးတယ်။ ရိုင်းစိုင်း ကြမ်းကြုတ်ခြင်းကို ၀ါသနာပါတဲ့ မင်းသားတစ်ပါးကို ဒိသာပါမောက္ခဆရာကြီးက သင်ပြတဲ့ ပုံကလေးပါ။ အရင်ဆုံး မြက်ပင်ကလေးကို ဆွဲနုတ်ခိုင်းတော့ မင်းသားက အလွယ်တကူပဲ ဆွဲနုတ်ပြလိုက်တယ်။ နောက်ထပ်တစ်ဖန် ဒူးလောက်အမြင့်ရှိတဲ့ အပင်ကို နုတ်ခိုင်းတယ်။ မင်းသားက အလွယ်တကူပဲ ဆွဲနုတ်ပြလိုက်တယ်။ နောက်ထပ်နောက်ထပ်ဆက်၍ ဆင့်ဆင့်ပြီး ကြီးမားသွားတဲ့သစ်ပင်တွေကျ မင်းသား ဆွဲမနုတ်နိုင်တော့ဘူး။ အဲဒီမှာ ဆရာကြီးက အကျင့်ဆိုးဆိုတာ သေးငယ်တုန်းပဲ ဖျောက်လို့ရနိုင်တယ်၊ အားကောင်းမောင်းသန် ကြီးမားလာတဲ့အခါကျ ဘယ်လိုမှ မပယ်သတ်နိုင်တော့ဘူးလို့ ဆရာကြီးက ဆုံးမပါတယ်။ အတိအကျ ဟုတ်ချင်မှဟုတ်ပါလိမ့်မယ်။ မှတ်မိသလောက် ကျွန်တော် ပြောပြခြင်းပဲ ဖြစ်ပါတယ်။
တွေခနဲ အခိုက်အတန့်မှာ အတွေးထဲဝင်လာတဲ့ ပုံဝတ္ထုတစ်ခုကို တစ်ဆက်တည်း ပြောပြလိုက်တာပါပဲ။

ကျွန်တော့်တွေခနဲဖြစ်တည်ရာ အနီရောင်ကွမ်းတံတွေးကွက်ကြီးဟာ ကျွန်တော့်ရဲ့ အထပ်ထပ် အဖန်ဖန် ပြုလုပ်ခဲ့တဲ့အလုပ်ရဲ့ ပြယုဂ်ပဲ မဟုတ်ပါလား။ အကောင်းဆုံး ဖတ်စာအုပ် မဟုတ်ပါလား။ ရသမျိုးစုံရော ပြွမ်းနေတဲ့ ရုပ်ရှင်ရော မဖြစ်နိုင်ဘူးလား။ အနီရောင် ကွမ်းတံတွေးကွက်ကြီးလို ကျွန်တော့်ရဲ့ နေ့စဉ်ဘ၀ထဲ အမှားအယွင်းတွေ၊ အပြစ်တွေ ဘယ်အထိ ထူထဲကြီးမားလို့နေလေမလဲ။ ငိုသံတွေဆီကနေ ခရီးထွက်လာခဲ့ပြီးတဲ့နောက် နောက်ထပ်ငိုသံတွေဆီအသွားမှာ ချေးညော် အထပ်ထပ်နဲ့ နေ့တာတွေကို ဆင်ခြင်မိပါတယ်။

တွေခနဲရဲ့ ချောက်ချားဖွယ်ရာတွေ။ တွေခနဲရဲ့မီးရောင်တွေ။ တွေခနဲရဲ့ ဥသြသံတွေ။ တွေခနဲရဲ့မီးပွိုင့်တွေ။ အခွင့်သင့်တဲ့အခါ ခင်ဗျားတို့ရဲ့ တွေခနဲတွေအကြောင်းကို ကျွန်တော်လည်း နားထောင်ချင်ပါသေးတယ်။

စောင်းကောက်တစ်လက်ရဲ့ငွေနားကွပ်

The Burmese Harp (၁၉၅၆) ရုပ်ရှင်ဇာတ်ကားမှ ဇာတ်ဝင်ခန်းတစ်ခန်း

“ဂျပန့်ခေတ်တုန်းကပေါ့ကွာ ..ဂျပန့် ခေတ်တုန်းကပေါ့ကွာ..” နဲ့ ငယ်စဉ်ကလေးဘ၀တုန်းက ဘကြီး ခဏခဏပြောခဲ့တဲ့ စကားတွေကိုပြန်သတိရတိုင်း အခုအချိန်ထိ ကြက်သီးမွေးညင်းတွေထရဆဲပါ။ ကြောက်စရာလန့်စရာ ကောင်းလှတဲ့ ဘကြီးပြောပြတဲ့ ဇာတ်လမ်းတွေကို အသေးစိတ် ပြန်ပြောပြ မနေချင်တော့ပါဘူး။ ဂျပန့်ခေတ်တုန်းက မြန်မာနိုင်ငံ ခံစားခဲ့ရတဲ့ဝေဒနာတွေကို သိရှိသွားအောင် ကမ္ဘာကျော် သေမင်းတမန်လမ်း မကြီးအကြောင်းကိုပဲ အကျဉ်းချုံးပြီး နည်းနည်းပြောပြချင်ပါတယ်။ မြန်မာနဲ့ထိုင်းနိုင်ငံအကြား ကားလမ်းနဲ့ရထားလမ်းဖောက်ဖို့ ၁၈၈၅ ခုနှစ်လောက်ကတည်းက အဲဒီတုန်းက မြန်မာပြည်ကိုအုပ်စိုးထားတဲ့ ဗြိတိသျှတွေက ကွင်းဆင်းပြီးမြေတိုင်းခဲ့ကြတာပါ။ တောင်ကုန်တွေကလည်းပေါ မြစ်တွေကလည်း များပြီး တောတွေကလည်း ထူလွန်းသမို့  ဆက်မလုပ်နိုင်တော့လို့ ဗြိတိသျှတွေ လက်လျှော့သွားခဲ့ကြပါတယ်။ တောကလည်း ဘယ်လောက် တောင်ထူသလဲဆိုရင် တချို့ကြိမ်တောတွေရှိ တဲ့နေရာတွေမှာဆိုရင် ဓားတွေနဲ့ခုတ်ပြီး တစ်နေကုန်တောထွက်တာတောင်မှ ကိုက်ငါးရာထက် ပိုခရီးမပေါက်နိုင်ခဲ့ပါဘူး။ အဲဒီနောက် ၁၉၄၂ ခုနှစ် ဖေဖော်ဝါရီလမှာ ဗြိတိသျှတွေရဲ့ အတောင့်တင်းဆုံးခံတပ်လို့ဆိုနိုင်တဲ့ စင်ကာပူက Fort Canning Hill ခံတပ်ကို ဂျပန်တွေ သိမ်းလိုက်နိုင်ပြီးတဲ့အခါမှာတော့ ဂျပန်တပ်တွေဟာ မြန်မာပြည်ထဲကို အလွယ်တကူ ထိုးဖောက် ၀င်ရောက်လာနိုင်ကြပါပြီ။ ၁၉၄၂ ခုနှစ် နှစ်ဦးပိုင်းမှာပဲ ဂျပန်တွေဟာ ဗြိတိသျှတပ်တွေကို မြန်မာပြည်တောင်ပိုင်းကနေ မြောက်ပိုင်းကိုစတင်ပြီး မောင်းထုတ်နိုင်ခဲ့ကြပါတယ်။ အဲဒီ နောက်လိုက်စစ်ဆင်နေတဲ့ ဂျပန်တပ်တွေကို အစတုန်းကတော့ ဂျပန်ပြည်မှာရှိတဲ့ စစ်ဌာနချုပ်က ရေကြောင်းကနေ ထောက်ပံ့ဖို့ပါပဲ။ ဒါပေမဲ့ ၁၉၄၂ ခုနှစ် ဇွန်လမှာ ပစိဖိတ်သမုဒ္ဒရာအလယ်ကောင် တည့်တည့်မှာရှိတဲ့ ‘မစ်ဝေး’ ကျွန်းစုတိုက်ပွဲမှာ ဂျပန်တွေအရှုံးကြီးရှုံးသွားခဲ့ပြီးကတည်းက ဂျပန်ရေတပ်အင်အား ချည့်နဲ့သွားတဲ့အတွက် ရန်ကုန်ကို ထောက်ပံ့ရေးသင်္ဘောတွေ စေလွှတ်ရင် အလွန်ကျဉ်းမြောင်းတဲ့ မလက္ကာရေ လက်ကြားကိုဖြတ်ပြီး စေလွှတ်ရမှာမို့ ဒါကို မလုပ်ရဲတော့ပါဘူး။ ဒါ့ကြောင့် ထိုင်းနိုင်ငံ ဘန်ကောက်ကနေ ဘုရားသုံးဆူအထိ ၁၈၉ မိုင်၊ ဘုရားသုံးဆူကနေ သံဖြူဇရပ်ထိ ၆၉ မိုင် အကွာအဝေးကိုပဲ ရထားလမ်းဖောက်ဖို့ စိုင်းပြင်းခဲ့ကြတာပါ။ ဒီရထားလမ်းကို ၁၉၄၃ ခု နှစ်ထဲမှာ အသုံးပြုနိုင်ခဲ့ပြီး အပြေးအလွှား ဖောက်လုပ်ခဲ့ရတဲ့အတွက် မီးရထားလမ်း  ဖောက်ကြရတဲ့ မြန်မာချွေးတပ်သား ၉၀၀၀၀ အသက်ဆုံးရှုံးခဲ့ကြရပါတယ်။ နောက်ပိုင်း ရောက်တော့ မြန်မာချွေးတပ်သားတွေရဲ့ အလောင်းတွေကို မြေမမြှုပ်နိုင်တော့လို့ လမ်းဘေးမှာ ဒီအတိုင်းပစ်ထားခဲ့ကြရတဲ့အထိ အဖြစ်ဆိုးခဲ့ရတာပါ။ ဒီလောက်ဆိုရင် ဂျပန်တွေရဲ့ဒဏ်ကို မြန်မာတွေ ဘယ်လောက်ခံခဲ့ကြရသလဲဆိုတာကို သိနိုင်လောက်ပါပြီ။ နောက် ဂျပန်တွေဟာ ဆုတ်ပြေးသွားကြတဲ့ ဗြိတိသျှတပ်တွေနောက်ကိုလိုက်ရင်းနဲ့ အိန္ဒိယနိုင်ငံအရှေ့မြောက်ပိုင်း မဏိပူရပြည်နယ်ထဲက တောင်မြောက်အထက်အောက်တန်းနေတဲ့ ‘အင်ဖား’ Ubogak မြို့နဲ့ ‘ကိုဟီးမား’ Kohima မြို့တို့ကို ၁၉၄၃ ခုနှစ် မတ်လမှာ စပြီး ထိုးစစ်ဆင်ခဲ့ပါတယ်။ အဲဒါ မေလ လောက်ကစပြီး စစ်ရေးချိန်ခွင်လျှာက ဗြိတိသျှတို့ဘက်ကို စောင်းသွားလိုက်တာ ဇူလိုင်လ ရောက်တော့ ဂျပန်တွေဟာ နောက်ကျတဲ့ဖနောင့် သစ္စာဖောက်ဆိုတဲ့ဘ၀ကို ရောက်သွားရပါပြီ။ ဘယ်လောက်ထိ ပုံပျက်ပန်း ပျက်ဆုတ်ခဲ့ရသလဲဆိုရင် အထက်ဌာနချုပ်က လက်အောက်ကို ရိက္ခာခဲယမ်းထောက်ပံ့ မပေးနိုင်တော့တဲ့အပြင် ဆက်သွယ်မှုရအောင်တောင် ကောင်းကောင်းမလုပ်နိုင်တော့တဲ့အတွက် ဂျပန်တပ်တွေဟာ များသောအားဖြင့်တော့ ဘယ်သူနဲ့မှအဆက်အသွယ် ယူမနေတော့ဘဲ ကိုယ့်အစီအစဉ်နဲ့ကိုယ် ကြုံသလို အောက်ပြည်အောက်ရွာရောက်အောင် အမြန်ဆုံးဆုတ်ခွာကြပါတော့တယ်။ ဒါ့ကြောင့်လည်း မြန်မာပြည် စစ်မြေပြင်ကို မူလက ဂျပန်စစ်သား ၂၃၆၀၀၀ စေလွှတ်ခဲ့ရာ မှာ ၁၆၄၀၀၀ဟာ ဂျပန်ပြည်ကို  ပြန်ရောက် မလာနိုင်ကြတော့တာ ဖြစ်ပါတယ်။

ဒီအကြောင်းတွေပြန်စဉ်းစားရင်း ဂျပန်မိတ်ဆွေတစ်ယောက်က ‘မြန်မာ့စောင်း’ The Burmese Harp  ဆိုတဲ့ဝတ္ထုကို သူကျောင်းသားဘ၀က ဂျပန်ပြည်မှာ တွေ့ဖူးကြောင်း အလွန်နာမည်ကြီးတဲ့ စာအုပ်ဖြစ်ကြောင်း၊ နာမည်ကြီးစာရေးဆရာ ‘မီချီယိုတာကဲယာမ’ Michio Takeyama က သူ မြန်မာပြည်ကို မရောက်ဖူးပေမယ့် မြန်မာပြည်က ပြန်လာကြတဲ့ ဂျပန်စစ်သားတွေကိုမေးပြီး ဂျပန်လိုရေးထားတာဖြစ်ကြောင်း၊ ၁၉၆၆ ခုနှစ်မှာ အင်္ဂလိပ်ဘာသာပြန် ထွက်ခဲ့ကြောင်း ပြောပြခဲ့တာကို သတိရမိပါတယ်။ ဒီစာအုပ် ဘယ်လောက် ကောင်းသလဲဆိုရင် စာဖတ်သူဟာ  မြန်မာနိုင်ငံထဲရောက်နေသလိုခံစားလိုက်ရပြီး စာအုပ်ဖတ်ရင်းနဲ့ ပျော်တောင်လာတယ်လို့ သူက ဆိုပါတယ်။ ဒါနဲ့ပဲ အဲဒီတုန်းကတည်းက ၁၉၅၆ ခုနှစ်မှာ ပေါ်ထွက်ခဲ့တဲ့ The Burmese Harp ‘မြန်မာ့စောင်း’ရုပ်ရှင်ကိုကြည့်ဖြစ်ခဲ့သလို ၀တ္ထုကိုလည်းဖတ်ဖြစ်တဲ့အခါမှာ သူ အပိုတွေပြောခဲ့တာမဟုတ်ဘူးဆိုတာကို သိလာခဲ့ရပါတယ်။ ကိုယ့်ဘ၀ရှေ့ရေးကို မေ့ထားပြီး ရဲဘော်ရဲဘက်တွေအတွက် အမွန်မြတ်ဆုံးသော ပရဟိတလုပ်ငန်းတွေကို လုပ်ဆောင်ပေးသွားခဲ့တဲ့  ဒီဇာတ်ကားထဲက အညတရ ဂျပန်စစ်သည်လေး တပ်ကြပ်’မီဇူရှီးမား’ ရဲ့ မျက်နှာလေးကိုလည်း ခုချိန်ထိ မျက်စိထဲမှာ မြင်ယောင်နေဆဲပါ။ ‘မြန်မာ့စောင်း’ကို စိတ်ရှိလက်ရှိ ဖွဲ့နွဲ့ရေးလိုက်ရရင် ၀တ္ထုလတ်တစ်ပုဒ်လောက်တော့ အသာလေးဖြစ်သွားနိုင်ပါတယ်။ ဒါပေမဲ့ အခုတော့  ဆက်စပ်နေတဲ့အခြားအကြောင်းအရာတွေကိုလည်း ပြောပြဖို့ရှိနေသေးလို့ဇာတ်လမ်းကို အကျဉ်းချုံးပြီးတော့ပဲ ပြောပြပါတော့မယ်။

ဒုတိယကမ္ဘာစစ်ကြီး ပြီးဆုံးခါနီးမှာ မြန်မာပြည်စစ်မြေပြင်ကိုရောက်နေတဲ့ တပ်ကြပ် ‘မီဇူရှီးမား’ Shoji Yasui တို့တပ်ခွဲဟာ ရွာလေးတစ်ရွာမှာ စခန်းချနေကြပါတယ်။ ဒီတပ်ခွဲဟာ အထက်ကပြောခဲ့တဲ့ ‘အင်ဖား’ ‘ကိုဟီး မား’ကနေ အပြးအလွှား ဆုတ်လာခဲ့ကြတဲ့ ဂျပန်တပ်တွေရဲ့ အစိတ်အပိုင်းတစ်ခုပဲဖြစ်ပြီး သူတို့ဟာ မန္တလေးနဲ့မိတ္ထီလာကို ခဏလေးနဲ့ ရောက်လာကြပါတယ်။ ဒီအထိ အခြေအနေ သိပ်မဆိုးသေးပေမယ့် မဟာမိတ်တွေက မန္တလေးကိုကွေ့ပတ်ပြီး မိတ္ထီလာကို အရင်သိမ်းပိုက်လိုက်တဲ့အခါမှာတော့ ဂျပန်တွေဟာ အခုခေတ် စစ်သားစကားနဲ့ပြောရရင် ပြာကိုင်သွားကြရတော့တာပေါ့။ ရန်သူဟာ ကိုယ်ဆုတ်မယ့်လမ်းကြောင်းပေါ် ကြိုရောက်နေပြီဆိုရင် ဘယ်စစ်သားမဆို ခြေမကိုင်မိ လက်မကိုင်မိ ဖြစ်သွားတတ်ကြတာဟာ ဓမ္မတာပါပဲ။ မန္တလေးတောင်နဲ့နန်းတွင်းမှာ ခံစစ်ယူထားတဲ့ ဂျပန်တွေကို အထက်ဌာနချုပ်က တစ်ယောက်မှ မကျန်တော့တဲ့အထိ ခုခံရမယ်လို့ အမိန့်ထုတ်ထားပါတယ်။ ဒါပေမဲ့ မိတ္ထီလာကနေ ရန်သူဖြတ်ထားလို့ ဘာစစ်ကူမှ မလာနိုင်ဘူး။ ဒါ့ကြောင့် မန္တလေးတောင် ချက်ချင်း ကျသွားကြပါတယ်။ နန်းတွင်းကစစ်သည်တွေကတော့ အချိန်နည်းနည်းပိုရသွားလို့ ပြေးသာသွားတဲ့အတွက် အသက်ချမ်းသာရာရသွားကြပါတယ်။ ဒါပေမဲ့ နန်းတွင်းကျသွားပြီးကတည်းက ဂျပန်စစ်သည်တွေရဲ့ဆုတ်ခွာ မှုဟာ စနစ်တကျ မရှိတော့ပါဘူး။ အဲဒီအထဲမှာ  မီဇူရှီးမားတို့ တပ်ခွဲလည်း အပါအ၀င်ပေါ့။ ပထမထရပ်ကားတွေနဲ့ ပြေးကြပါတယ်။ နောက်လှည်းတွေနဲ့ပြေးရပါတယ်။ လှည်းတွေကို ချောဆွဲလို့မရနိုင်တော့တဲ့ အခါကျတော့ နှစ်ဘီးကားနဲ့ ပြေးရတာပေါ့။

မီဇူရှီးမားဟာ သံဓာတ်ဆီပုံးခွံတစ်ခုကို ဖြတ်ပြီး သားရေနဲ့ ကြက်လိုက်တဲ့အခါ လက်လုပ်ဗုံတစ်လုံး ဖြစ်သွားပါတယ်။ နောက် ၀ါးပိုးဝါးတစ်ခုနဲ့ ၀ါးဆစ်ပိတ်ကောက်ကောက် တစ်ခုကိုဆက်ပြီး စောင်းကောက်တစ်ခု မဖြစ် ဖြစ်အောင်လည်း သူလုပ်ပါတယ်။ စောင်းကြိုးကတော့ အလူမီနီယံ ကြေးနီနဲ့ သံမဏိကြိုး တွေနဲ့ လုပ်ပါတယ်။ ပိုးကြိုးတော့မရှိလို့ မလုပ်နိုင်ပါဘူး။ ဒီဂျပန်တပ်ခွဲဟာ တစ်တောဝင် တစ်တောထွက်၊ တစ်တောင်တက် တစ်တောင်ဆင်း ပြေးလွှားရင်းနဲ့ စိတ်ညစ်စရာ စိတ်ဆင်းရဲစရာတွေနဲ့တွေ့သည်ဖြစ်စေ ပျော်ရွှင်စရာတွေနဲ့ တွေ့သည်ဖြစ်စေ ဒီလက်လုပ် တူရိယာတွေကို တီးခတ်ပြီး သီချင်းဆိုလေ့ရှိကြတာပါ။ ဒါဟာ ဒီတပ်ခွဲရဲ့ထူးခြားချက်ဖြစ်ပြီး မီဇူရှီးမားကတော့ ပင်တိုင်အဆိုတော်လည်းဟုတ်၊ စောင်းဆရာဆိုရင်လည်းဟုတ် ပေါ့။ မီဇူရှီးမားရဲ့ရုပ်သွင်ဟာလည်း ဘာမှ စကားမပြောဘဲနေရင် ဂျပန်လား ဗမာလား ခွဲခြားမရနိုင်တဲ့ ရုပ်မျိုးဖြစ်နေပါတယ်။ သူဟာ မြန်မာလယ်သမားလိုဝတ်ပြီး တပ်ခွဲရှေ့ကနေ တစ်ယောက်တည်း အရင်သွားလေ့ရှိပါတယ်။ ရန်သူရှိရင် စောင်းသံကိုတစ်မျိုး၊ မရှိရင်တစ်မျိုး တီးခတ်လေ့ရှိပါတယ်။ တပ်ခွဲကတော့ သူ့ စောင်းသံကိုနားထောင်ပြီး နောက်ကနေ လိုက်ကြရတာပေါ့။ အခု မီဇူရှီးမားတို့ရောက် နေတဲ့ရွာလေးရဲ့အလယ်မှာ ကွက်လပ်လေးတစ်ခုရှိပါတယ်။ အဲဒီကွက်လပ်လေးထဲမှာပဲ ဂျပန်စစ်သားတွေကို ရွာသားတွေက စေတနာ အပြည့်နဲ့ နေ့လယ်စာထမင်းကျွေးကြပါတယ်။ ဟိုဘက်ရွာကသွားယူလာခဲ့တဲ့ ထန်းရည်တောင်မှ ပါလိုက်သေး။ ဒါပေမဲ့ ခဏတာ အတွင်းမှာပဲ ရွာသားတွေ အလျှိုလျှိုနဲ့ပျောက် သွားကြပါတယ်။ တကယ်တော့ ဒါဟာ တိုက်ပွဲဖြစ်တော့မယ့် လက္ခဏာပါပဲ။ တကယ်လည်း ဟုတ်ပါတယ်။ ဘာဖြစ်လို့လဲဆိုတော့ ဗြိတိသျှတပ်တွေက ရွာကို ၀ိုင်းထားလိုက်ကြလို့ပါပဲ။

ဒီလို ဂျပန်တပ်ခွဲကို မဟာမိတ်တပ်တွေ ၀ိုင်းထားရတာဟာလည်း မီဇူရှီးမားတို့ကို တိုက်ခိုက်ချေမှုန်းဖို့ မဟုတ်ပါဘူး။ ဘာ့ကြောင့်လဲဆိုတော့ မီဇူရှီးမားတို့သာ မသိကြသေးပေမယ့် ဂျပန်က ချွင်းချက်မရှိလက်နက် ချလိုက်ပြီး စစ်ကြီးပြီးသွားလို့ပဲဖြစ်ပါတယ်။ မီဇူရှီးမားတို့ဟာ အင်္ဂလိပ်တွေ ၀ိုင်းထားတာကို မသိချင်ယောင်ဆောင်ပြီး စောင်းကောက်ကိုတီးပြီး  သီချင်းဆိုကြပါတယ်။ အင်္ဂလိပ်တွေကလည်း သေနတ်နဲ့ပစ်မယ့်အစား Home Sweet Home ဆိုတဲ့သီချင်းကို ပြန်ဆိုကြပါတယ်။ ဒါနဲ့ပဲ အင်္ဂလိပ်တပ်တွေဟာ ဂျပန်တွေ နဲ့ ပစ်ခတ်မှု မဖြစ်လိုက်ရဘဲ ရွာထဲကိုဝင်လာနိုင်ကြပါတယ်။ ဒါ့အပြင် လွန်ခဲ့တဲ့သုံးရက်ကပဲ စစ်ကြီးပြီးသွားပြီဆိုတဲ့အကြောင်း ဂျပန်တွေယုံကြည်အောင် အင်္ဂလိပ်တွေက ပြောပြနိုင်လို့ ဂျပန်တွေ လက်နက်ချလိုက်ကြပါတယ်။ နောက်တစ်နေ့မှာတော့ ဂျပန်တပ်ခွဲဟာ လက်နက်မကိုင်ရတော့ဘဲ သုံ့ပန်းအသွင်နဲ့လမ်းလျှောက်ကြရပါတယ်။ ရဲဘော်တွေရဲ့ စိတ်ထဲမှာတော့ အတွေးတွေမျိုးစုံလို့ပါ။ ငါတို့ကို သူတို့ဘာလုပ်ကြဦးမလဲမသိဘူး။ ထားမှာလား သတ်မှာလား နှိပ်စက်ကြမှာလား အင်းလေ ခုမှတော့ ကြောက်နေလို့လည်းအပိုပါပဲ။ စစ်ဆိုတာ သူများက ကိုယ့်ကိုလာတိုက်တယ်ဆိုတာထက် ကိုယ့်အသွေးတွေအသားတွေထဲမှာရှိတဲ့ မာန်မာနတရားတွေက ခုန်ထွက်လာပြီး စစ်ပွဲကိုဖန်တီးခဲ့ကြလို့သာ အခုလို ငါတို့ ဒီလိုနေရာကို ရောက်နေကြတာပဲ မဟုတ်လား။ ဒါ့ကြောင့် ခုမှ ဘာကိုကြောက်နေဖို့ လိုသေးလို့လဲ၊ ဖြစ်ချင်ရာဖြစ်ပစေတော့ပေါ့ လို့ တွေးနေသူတွေလည်း ရှိကြပါတယ်။

တပ်ခွဲ မုဒုံဘက်ဆီကို ချီတက်သွားတဲ့ အချိန်မှာ မီဇူရှီးမားတစ်ယောက်ကတော့ မဟာမိတ်တပ်တွေနဲ့အတူ ကျောက်တောင်ကြီးတစ်ခုဆ်ီကို ချီတက်နေရပါတယ်။ အဲဒီ တောင်ကုန်းပေါ်မှာ စစ်ကြီးပြီးသွားပြီဆိုတာ ကိုမသိသေးတဲ့ ဂျပန်တပ်ခွဲတစ်ခွဲခြေကုပ်ယူထားပါတယ်။ မီဇူရှီးမားက  တောင်ကုန်းပေါ် တစ်ယောက်တည်းတက်သွားပြီး အဲဒီ ဂျပန်တပ်ခွဲကို စစ်ကြီးပြီးသွားပြီဆိုတဲ့အကြောင်း ပြောပြပြီး လက်နက်ချဖို့ သွားရှင်းပြရမှာပါ။ အချိန်နာရီဝက်ရပါတယ်။

ဂျပန်တွေဟာ ဒုတိယကမ္ဘာစစ်ကြီးပြီးသွားတဲ့အခါ စစ်ကြီးအတွင်းက သူတို့ ဂျပန်စစ်သည်တွေကြုံတွေ့ခဲ့ရတဲ့ အဖြစ်အပျက်တွေကို ပြန်စဉ်းစားမနေချင်ကြဘူး။ ရင်နာလွန်းလို့ဖြစ်တယ်။ ဒါပေမဲ့ ထူးထူးခြားခြား ဒီမြန်မာ့စောင်းနဲ့ ပတ်သက်တဲ့အကြောင်းတွေကိုတော့ သူတို့က အမြဲသတိရနေလေ့ရှိ ကြတာပါ။ ဘယ်အချိန်ပြန်ပြောပြော နားထောင်ချင်ကြတယ်။ ‘‘မည်းမှောင်နေသော တိမ်တိုက်များတွင် ငွေနားကွပ်လေးများရှိကြသည်’’ဆိုတဲ့စကားအတိုင်း ‘‘ဒီမြန်မာ့စောင်းဇာတ်လမ်းဟာ ဂျပန်စစ်သည်တော်တွေအ တွက်လွမ်းမောစရာကောင်းလှတဲ့ ငွေနားကွပ်လေးတစ်ခုဖြစ်နေတာကို တွေ့ကြရပါတယ်။ ဒါ့ကြောင့်မို့ ဒီအကြောင်းကို မကြာခင်အချိန်အတွင်းမှာ ဆက်ပြီးပြောကိုပြောပြရဦးမှာပါပဲ။