အလှပဆုံး မြင်ကွင်း

ကျွန်တော်၏ သုံးနှစ်ခွဲအရွယ် သမီးငယ်က သူ၏အဘွားလုပ်သူကို တစ်ခါတစ်ရံ “ဒါ လေးတောင်မသိဘူးလား။ ဒါလေးတောင် မသိဘူးလား” ဟူ၍ ဆရာမလေသံဖြင့် ပြောသည်ကို ကြားရတိုင်း ကျွန်တော် ပြုံးမိသည်။ သူ့အဘွား လုပ်သူမှာလည်း ထိုသို့ပြောလေတိုင်း “အေး မေကြီးက မသိဘူး။ သမီး လုပ်ပြပါဦး” ဟူ၍ ပြန်လည်တုံ့ပြန်ရင်း ပြုံးနေတတ်သည်။

ကျွန်တော့်သမီးငယ်နှင့် သူ့အဘွားတင်မှ မဟုတ်၊ ကျွန်တော်သည် ထိုကဲ့သို့ မြေး အဘိုး စကားပြောခန်းများကို ကြားရမြင်ရတိုင်း စိတ်ထဲကြည်လင်သန့်ရှင်း၍ ပီတိဖြစ်နေမိတတ်သည်။ မျိုးဆက်တစ်ခု ကွာဟသွားသော လူသားနှစ်ဦးကြားက ဆက်သွယ်မှု ပုံစံသည် ချစ်စရာကောင်းနေ၏။ ကျွန်တော့် တွင် အဘိုးအဘွားတို့ မရှိတော့ပါ။ အဖေ့ဘက်က အဘိုးအဘွားရော အမေ့ဘက်က အဘိုးအဘွားတို့ပါ ကွယ်လွန်ကုန်ကြသည်မှာ ကြာခဲ့ပြီ။ သက်ရှိထင်ရှား ရှိခဲ့စဉ်အချိန်တုန်းကလည်း အတူနေခဲ့ရသည် မဟုတ်၍ ရင်းရင်းနှီးနှီး ရှိခဲ့သည် မထင်ပါ။

ငယ်စဉ်က နွေရာသီကျောင်းပိတ်ရက်များဆိုလျှင် အဘိုးအဘွားများရှိရာ နယ်ဘက် ကျေးရွာများသို့ မိသားစုလိုက် ရထားကြီးစီး၍ ပြန်ခဲ့ကြရဖူးသည်။ ကလေးဘ၀က ရန်ကုန်- မန္တလေး ရထားကြီးပေါ်တွင် ကျပ်ကျပ်သပ်သပ်စီးရင်း တစ်မျှော်တစ်ခေါ် လယ်ကွင်းများ ကို ကြည့်ရသည့် အရသာကိုတော့ ယနေ့အထိ မမေ့နိုင်။ ထိုစဉ်တုန်းက ရန်ကုန်-မန္တလေး ခရီးစဉ်သည် ရထားဖြင့် ၁၆ နာရီခန့်အထိ မောင်းရသည်ကို မှတ်မိနေသည်။ မြို့တစ်မြို့ ဘူတာတစ်ခု ၀င်လေတိုင်း “ဒီမြို့မှာ ဘယ်လို လူတွေ နေပါလိမ့်” ဟူသည့် ကလေးအတွေး နှင့် ရထားပြတင်းပေါက်မှတစ်ဆင့် အိမ်များ လမ်းများပေါ် စိတ်ဝင်တစား အလုအယက် ကြည့်ကြရင်း ပျော်ရွှင်နေတတ်ကြသော ကျွန်တော်တို့လို ကလေးငယ်များပင်လျှင် ပျင်းရိငြီးငွေ့လာအောင် စီးရသည့် အချိန်ပမာ ဏပင် ဖြစ်ခဲ့သည်။

ညရောက်၍ ရထားပေါ် အိပ်ကြပြီဆိုလျှင်လည်း ကိုယ်လုံးသေးသေး ကလေးငယ်ငယ် ကျွန်တော်တို့မှာ သစ်သားထိုင်ခုံများအောက် ပုဆိုးစများခင်း ခွေခေါက်အိပ်ကြရသည်ကို အလွန်သဘောကျကြသည်။ အိမ်သာတက်ချင်၍ အိမ်သာရှိရာသို့ ကျော်နင်း ခွနင်း သွားရသည်ကို သဘောကျသည်။ အဖေအမေတို့က လမ်းတွင် စားရန် ထမင်း နှင့် ဟင်းလျာများကို ချက်ပြုတ်ပြီး စတီးငါးဆင့်ချိုင့်ကြီးများဖြင့် ထည့်လာကြ၏။ ထမင်းစားချိန်တန်လျှင် ရထားကြီး ယိမ်းထိုးလှုပ်ခါနေသည့်ကြားက ပါးစပ်ပေါက်နှင့် ဇွန်းတည့်အောင် ချိန်နေရသည်ကို ကစားနေရသလို ပျော်ရွှင်နေကြသည်။

ထိုသို့ နွေရာသီကျောင်းပိတ်ရက်တိုင်း အဘိုးအဘွားများဆီသို့ အလည်အပတ် သွားရသည်ကို ပျော်ရွှင်ရခြင်းမှာ အဘိုးအဘွား များနှင့် တွေ့ရဆုံရခြင်းထက် ခရီးသွားရခြင်းကို ပျော်ရွှင်ရခြင်းသာဖြစ်ခဲ့သည်။ ကျွန်တော် တို့၏ အဘိုးအဘွားများသည် နယ်ဘက် ကျေးဘက်မှ တောသူတောသားကြီးများ ဖြစ်၍ မြေးများ၊ ကလေးငယ်များနှင့် ပွတ်တီးပွတ်သပ် နေချစ်စရာ ပလီစိခြောက်ချက် ပြော စသဖြင့် မနေတတ်ကြခြင်း များလားတော့ မသိနိုင်ပါ။ သားသမီး များလွန်းလှ၍ မြေးကလည်း များပြားလှသည်ဖြစ်ရာ နီးနီးကပ်ကပ် အတူတူနေကြသော မြေးများကိုသာ အဘိုး အဘွားများက ပိုချစ်သည်လားတော့ မပြောတတ်။

ကျွန်တော် ငယ်သေးသည့် သုံး လေးတန်းအရွယ်လောက်က အဖေ၏ အမေ၊ ကျွန်တော့်အဘွား ဆေးရုံတက်ရန် ရန်ကုန်သို့ တစ်ခေါက် လာခဲ့ဖူးသည်ကို မှတ်မိနေသေး၏။ အဘွားသည် သူ့အိမ်တွင်ရှိသော သံဖြင့် ပြုလုပ်ထားသည့် ခွေးခြေခုံသေးတစ်ခုကို မတော်တဆ တိုက်မိရာက ခြေသလုံးတွင် အနာဖြစ်လေသည်။ ဆေးမလိမ်း ဆေးမစား ဂရုမစိုက်နေသောကြောင့် အနာက ရင်း၊ မန်း ၀င်၍ ရောင်ကိုင်းလာသည်။ ထိုအခြေ ရောက်သည်ကိုလည်း သိပ်အလေးမထား၊ အများပြောသမျှ ဟိုအရွက် ဒီအရွက်ဝါး၍ ကပ်သည်။ မရ။ အနာက ပိုရင်းလာသည်။ ထိုအခါ ဖယောင်းချက် နှစ်ကျပ်ဖိုးလောက် ၀ယ်ကပ်သည်။ မပျောက်။ ဤလိုနှင့် မသက်သာ အစာမစားနိုင်၊ အချိန်နှင့်အမျှ အော်ဟစ် ညည်းညူနေရသောကြောင့် နယ်မှ ဆေးရုံပြရာ အဆင်မပြေသည်နှင့် အဖေက ရန်ကုန် တက်ကုရန်ခေါ်ရင်း ရောက်လာခဲ့ခြင်းဖြစ်သည်။

ထိုအချိန်က အဘွား ရန်ကုန်လာနေပြီး ဆေးကုသည့်အချိန် လေးလကျော် ငါးလနီးနီး ကာလသည် ထိုအဘွားနှင့် ကျွန်တော်တို့ အနီးကပ်ဆုံး နေရသည့် ကာလဖြစ်ခဲ့သည်။ သို့သော် အဘွားမှာ ဝေဒနာက ကြီးမားသည် ဖြစ်ရာ အမြဲလိုလို အော်ဟစ်ညည်းညူနေရ၍ မည်သူမျှ အနားကပ်မခံပါ။ အော်ငေါက်လွှတ်လေ့ရှိသည်။ ကျွန်တော်တို့ကလည်း အနားမကပ်ကြပါ။ အဘွားရောက်ကာ စ ရက်များက ဆိုလျှင် အဘွား၏ အနာကြီးမှာ ပြည်ပုပ်အနံ့ပင် တထောင်းထောင်းဖြစ်နေရာ ကျွန်တော် တို့သည် အိမ်ပင် မကပ်ချင်ကြပါ။ ထို့နောက် အဘွားသည် ဘာမှမဟုတ်သည့် ဒဏ်ရာလေး မှတစ်ဆင့် အပ်နှင့်ပေါက်ရမည်ကို ပုဆိန်နှင့် ထွင်းရဖြစ်သကဲ့သို့ ခြေထောက်ကို ပေါင်လယ်လောက်မှ ဖြတ်လိုက်ရတော့သည်။

ထို့နောက် ဆေးရုံမှဆင်းပြီး အိမ်ပြန် ရောက်လာသည့်နောက် အဘွားသည် သူ့ ခြေထောက်တစ်ဖက် ဆုံးရှုံးလိုက်ရသည်ကို အင်မတန် ပူဆွေးဝမ်းနည်းလျက် တငိုငို တရယ်ရယ်ဖြစ်၍နေလေသည်။ (သူ၏ ခြေထောက်ဖြတ်မည်ကို ဆရာဝန်များအား မတား မြစ်ရကောင်းလားဟု ဆိုကာ အဖေ့ကိုပင် စိတ်ဆိုးနေခဲ့သည်ဟု နောက်ပိုင်းတွင် အဖေက စိတ်မကောင်းစွာ ပြန်ပြောပြ၍သိရသည်။) ခြေထောက်တစ်ဖက် ဖြတ်လိုက်ရ၍ အဘွား သည် ခြေတုကြီး တစ်ဖက်တပ်ရသည်။ထိုခြေတုကြီးနှင့် ကျင့်သားရအောင် လမ်းလျှောက် ကျင့်ရသည်။ ကျွန်တော်တို့ ညီအစ်ကို မောင် နှမသုံးယောက်သည် ခုတင်ခြေရင်းတွင် တွေ့ ရသော ခြေတုကြီးကို ဘာကြောင့်မှန်းမသိ အလွန်ကြောက်ကြသည်။ ထိုခြေတုကြီး နံဘေးမှ တစ်ယောက်တည်း မဖြတ်ရဲကြ။ နဂို ကပင် သံယောဇဉ်နည်းလှသော အဘွားနှင့် ကျွန်တော်တို့သည် သူ၏ ကြောက်စရာခြေတု ကြီးကိုပါ ပေါင်းစပ်လိုက်သောအခါ အဘွားသည် ကျွန်တော်တို့အိမ်တွင် ငါးလခန့်နေသွားခဲ့သော်လည်း ပို၍ချစ်ခင်မလာသည့်အပြင် ကြောက်စရာ လန့်စရာဖြစ်သွားတော့သည်။ အဘွားမှာ ကံဆိုးရှာပါသည်။ ခြေတုကြီးတစ်ဖက်နှင့် သူ့နေရပ်သို့ ပြန်သွားပြီး လေး ငါး ခြောက်လခန့်အကြာလောက်မှာပင် ဆုံးပါးသွားခဲ့ပါသည်။

ထိုအဘွား၏ ယောက်ျား၊ အဖေ့၏အဖေ၊ အဘိုးနှင့်လည်း ကျွန်တော်တို့ အစေးမကပ်ကြပါ။ ကျွန်တော်သည် ထိုအဘိုးနှင့် စကားတစ်ခွန်းပင် ပြောခဲ့ဖူးသည်ကို မမှတ်မိပါ။ သူ့အကြောင်းဆိုလျှင် မှောင်မည်းနေသော အခန်းငယ်တစ်ခုထဲတွင် ကတုံးကြီးနှင့် လူကောင် ထွားထွား အဘိုးကြီးတစ်ဦး ထုံးဘူးသေးသေး တစ်ခုထဲသို့ သူ၏ကြီးမားလှသော လက်ညှိုး ကြီးဖြင့်နှိုက်ကာ ကွမ်းရွက်ကို ထုံးသုတ်နေသည့် ပုံကိုသာ ကျွန်တော် မှတ်မိသည်။အခြား ဘာမျှ စဉ်းစား၍မရပါ။

အဖေ့ဘက်က အဘိုးအဘွားတို့နှင့်စာလျှင် အမေ့ဘက်က အဘိုးအဘွားတို့က ကျွန်တော်တို့နှင့် ပို၍နီးစပ်မှုရှိခဲ့ကြသေးသည်ဟု ဆိုနိုင်မည်ထင်သည်။ အမေ့ဘက်က အဘိုး နှင့် အဘွားသည် ကျွန်တော်တို့အိမ်သို့ တစ်ဦးလျှင် နှစ်ကြိမ်စီ ရောဂါဝေဒနာနှင့် မဟုတ်ဘဲ လာလည်ခဲ့ဖူးသည်ကို မှတ်မိနေသည်။ နှစ်စဉ်နွေရာသီ ကျောင်းပိတ်ရက် ကျွန်တော်တို့မိသားစု အများဆုံးသွားဖြစ်သည်မှာလည်း အမေ့ဘက်က အဘိုးအဘွားများရှိရာ မုံရွာမြို့ဆီသို့ပင်ဖြစ်၏။ကျွန်တော်တို့ကလည်း အဖေ့ဇာတိ ကျောက်ဆည်မြို့ထက်၊ အမေ့ ဇာတိ မုံရွာမြို့သို့ သွားရသည်ကို ပိုပျော်သည်။ ထိုအဘိုးအဘွားကို ပိုချစ်၍ တော့လည်း မဟုတ်ပါ။ မုံရွာမြို့သို့သွားသည့် အခါတိုင်း ကျွန်တော်တို့သည် ချင်းတွင်းမြစ် တစ်ဘက် ကမ်းရှိ အဘိုးရွာ ကံကုန်းနှင့် အဘွား၏ရွာ နတ်လပို့တို့ကို လှေစီး၍ သွားရသောကြောင့် ဖြစ်ပါသည်။

ရွာများသို့ရောက်သည့်အခါတွင်လည်း အဘိုးအဘွားတို့နှင့် နေခြင်းထက် အိမ်တကာလှည့် ထမင်းစားသောက်၊ ကြံသကာ ထန်းလျက်၊ အသီးအနှံစသဖြင့် အချိုပွဲတည်းရ သည်ကို ကြိုက်ကြ ကျေနပ်နေကြသည်က များပါသည်။ “ရန်ကုန်က ဘိုးတင်ပိုင် မြေး တွေ လာတယ်ဟေ့၊ ဒေါ်မြရင် မြေးတွေလာတယ်ဟေ့” ဟူ၍ တစ်ရွာလုံး လှည့်ပတ်အမျိုး တော်နေသည့်လူများအကြား အရေးပေးခံရသည်ကို ကလေးသဘာဝ ပျော်မဆုံးဖြစ်ရသည်။ ထိုသို့ရွာများကို ရောက်သည့် လေး ငါး ခြောက်ရက် တစ်ပတ်အချိန်များတွင် ကျွန်တော်တို့သည် အဘိုးအဘွားအိမ်များ၌ တစ်ရက်တလေမျှပင် ထမင်းစားလိုက်ရသည် မရှိပါ။ ဖိတ်ကျွေးသော အိမ်များ၌သာ လိုက်စားရင်း ပြန်ခဲ့ရသည်။ အချို့နေ့များဆိုလျှင် သုံး လေးနပ်ပင် စားရသေး၏။ ဟင်းဆိုသည်မှာလည်း ကိုရင်ဝတ် ရှင်ပြုတုန်းက စားခဲ့ရသည်ထက်ပင် ဟင်းခွက်များလွန်းလှ၍ ခေါင်းမဖော်စတမ်း ဖြစ်ရ၍ မပျော်ဘယ်ရှိဖြစ်မည်နည်း ဆိုသကဲ့သို့။
အဘိုးရွာ အဘွားရွာများသို့ သွားရတိုင်း အပျော်ရဆုံးအဖြစ်များမှာ ညီအစ်ကို မောင် နှမ တစ်ဝမ်းကွဲများနှင့် တောထဲ တောင်ထဲ လျှောက်သွား၊ ရေဆာလျှင်လတ်လတ်ဆတ် ဆတ်ချထားသည့် ထန်းရည်ချိုချိုသောက်၊ နီညိုရောင် ထန်းလျက်လုံးကြီးများ ချက်ကြ သည်ကို မီးထိုးကူရင်း မှင်တက်အံ့သြနေရ ခြင်းတို့ပင်ဖြစ်ခဲ့ပြီး စိတ်အပျက်ရဆုံးမှာ အိမ်သာ မရှိခြင်းတို့သာဖြစ်လေသည်။

အဖေ့ဘက်က အဘိုးအဘွားတို့နှင့်စာ လျှင် အမေ့ဘက်က အဘိုးအဘွားတို့နှင့် ပို၍ နီးစပ်သည်ဆိုရသော်လည်း တကယ်တော့ သည်းသည်းလှုပ်ချစ် သည်းသည်းလှုပ်အလို လိုက်ဆိုသည့် လက်ပွန်းတတီး ရင်းနှီးနေသည့် အခြေအနေမျိုးတော့လည်းမဟုတ်ပါ။အမေ၏ အဖေ၊ ကျွန်တော်တို့အဘိုး ဦးတင်ပိုင်သည် စက်ဘီးပြင်သည့် ပိန်သွယ်သွယ် အသားညို ညိုနှင့် အဘိုးကြီးတစ်ဦးဖြစ်ပြီး ကျွန်တော်တို့ ညီအစ်ကို မောင်နှမများ ဆော့ကစားရင်း သူ့ အနားရောက်လာလျှင် ကျွန်တော်တို့ မောင်နှမတတွေကို ကြည့်ကာ သွားမရှိတော့၍ ခွက်ဝင်နေသော ပါးခွက်ကြီးနှင့် ပြုံးနေ လေ့ရှိပါသည်။ တစ်ခါတစ်ရံ စိတ်ကူးပေါက် သည့်အချိန်မျိုးတွင် “ငါ့ မြေးတွေမှာ စက်ဘီးရှိလား ဘိုးဘိုး စက်ဘီးပြင်ပေးမယ်” ဟု ဆိုကာ ကွင်းခွကြီးတစ်ခုကို လှည့်သည့် သဏ္ဌာန်ပြု၍ အဘိုးက ပြောတတ်သည်။

အမေ့၏အမေ အဘွား ဒေါ်မြရင် ကွယ် လွန်သည်မှာ အနည်းငယ်စော၍ကျွန်တော် တို့ငယ်ငယ်က အဘွားနှင့် စကားပြောခဲ့ဖူး သည်တို့ကို မှတ်မိနေသော်လည်း ဘာ အကြောင်းများ ပြောခဲ့သည်ကိုတော့ မမှတ်မိတော့ပါ။ အဘွားသည် အဘိုးဦးတင်ပိုင်ထက် လေသံ၊ အပြုအမူ၊ စိတ်ဓာတ်စသဖြင့် မာသည်ကိုတော့ ၀ိုးတ၀ါး မှတ်မိနေသည်။ အဘွား သည်အမေတို့ အလွန်ငယ်ရွယ်သေးသည့် အရွယ်က အတော်အသင့် ချမ်းသာခဲ့သော် လည်း အဘိုး ကျန်းမာရေးမကောင်းသည်ကို ကုသခြင်း၊ ငွေစက္ကူ ၁၀၀ တန်များ တရားမ၀င် ကြေညာစဉ်ကလည်း အကျိုးနည်းခဲ့ခြင်း၊ နောက် အခြားအကြောင်းကြောင်းများ တိုက်ဆိုင် ဂြိုဟ်ဆိုးဝင် စီးပွားရေးဆုတ်ယုတ်ကာ ဆင်းရဲခဲ့ရသည်ဟု အမေက ပြောပြဖူး၏။ ကျန်းမာရေး မကောင်းသည့် အဘိုးက အသက် ရှည်ရှည်နေသွားရပြီး မာမာထန်ထန်ရှိသည့် အဘွားက ဦးစွာ ကွယ်လွန်သွားခဲ့ရသည်။ ကျွန်တော်သည့် အမေ့ အမေ၊ ကျွန်တော်တို့အဘွား ဒေါ်မြရင်ဟုဆိုလျှင် ဆေးရွက်ကြီးအပြည့်ဖြင့် ဆန်ကောကို ပေါင်ပေါ်တင်လျက် ပြောင်းဖူးဖက်ကို လျှာနှင့်သပ်ကာ ဆေး သားထည့်ပြီး ဆေးလိပ်လိပ်နေသည့်ပုံ၊ ထို ပြောင်းဖူးဖက်ဆေးလိပ်ကြီးကို မီးခိုးတလုံးလုံး ဖြစ်အောင် ဖွာကာ ငုတ်တုတ်ကြီး ထိုင်နေသည့်ပုံတို့ကိုသာ မြင်ယောင်နေမိသည်။ အဘွား၏ ရုပ်သွင်သည် ထိုပြောင်းဖူးဖက် ဆေးလိပ်ကြီး၏ မီးခိုးတထောင်းထောင်းထဲ တွင် ပေါ်လိုက် ပျောက်လိုက် ၀ါးသွားလိုက်။

ယခုတော့ အဖေ့ဘက်၊ အမေ့ဘက် နှစ်ဘက်စလုံးမှ အဘိုးအဘွားများ တစ်ဦးမျှ မရှိကြတော့ပါ။ ကွယ်လွန်ကုန်ကြပြီ။ကျွန်တော်သည်လည်း ကလေးအဖေတစ်ဦး ဖြစ်နေပြီ။ ကျွန်တော့်အစ်ကိုဆိုလျှင် ကလေး နှစ်ယောက်အဖေ စသဖြင့် ကျွန်တော်တို့သည် အဖေအမေ နေရာကိုရောက်လာကြပြီး အဖေတို့ အမေတို့သည် အဘိုးအဘွားနေရာကို ရောက်လာကြသည်။ ကျွန်တော်က ကလေးများကို သူတို့၏ အဘိုးအဘွားများနှင့် လက် ပွန်းတတီး ရှိစေချင်သည်။ ကလေးငယ်တစ် ဦးနှင့် အဘိုးအို၊ အဘွားအိုတစ်ဦး ပျော်တပြုံး ပြုံးဖြစ်နေသည့် မြင်ကွင်းကိုကြည့် ရသည်မှာ ကမ္ဘာပေါ်မှ အလှပဆုံး ရှုခင်းတစ်ခုကို ကြည့် ရသည်ထက် ပို၍ နှစ်လိုဖွယ်ရှိသည်ဟု ကျွန်တော်က ထင်မိသည်။

သမ္မတသစ်၊ အသွင်သဏ္ဌာန်သစ်နှင့် ငြိမ်းချမ်းရေးခရီး နီးလာမည်လား

သမ္မတတာဝန် စတင်ထမ်းဆောင်ရန် မတ် ၃၀ ရက်က ပြည်ထောင်စုလွှတ်တော်တွင် ကတိသစ္စာပြုပြီးနောက် နိုင်ငံတော်သမ္မတဦးဝင်းမြင့်နှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့ နှုတ်ဆက်နေကြသည်ကို တွေ့ရစဉ် (ဓာတ်ပုံ – စည်သူ)

နှစ်ပေါင်း ၇၀ စွန်းလာနေပြီဖြစ်တဲ့ မြန်မာနိုင်ငံက ပြည်တွင်းစစ်မီးကို ငြှိမ်းသတ်နိုင်မယ့် ကနဦးခြေလှမ်းတွေကို လှမ်းလာနိုင်ဖို့ဆိုတာ အစိုးရနဲ့သမ္မတသစ်အဖို့ စိန်ခေါ်မှုကြီးလို့ ဆိုနိုင်ပေမယ့် အခွင့်အလမ်းတွေ၊ အလားအလာတွေကလည်း အစီအရီ ရှိနေကြပါတယ်။ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စုတည်ဆောက်ရေးဆိုတဲ့ အန္တိမ ရည်မှန်းချက်ဆီ ဦးတည်နိုင်ဖို့ဆိုရင် တိုက်ပွဲတွေ၊ စစ်ပွဲတွေ အမြန်ရပ်ပြီး ဆွေးနွေးပွဲဝိုင်းမှာ ထိုင်ကြရမှာ ဖြစ်ပါတယ်။ သမ္မတသစ်အနေနဲ့ နှစ်နှစ်တာ ငြိမ်းချမ်းရေးလုပ်ငန်းတွေကို ပြန်ဆန်းစစ်သုံးသပ်ရင်း အသွင်သဏ္ဌာန်သစ်၊ ခြေလှမ်းသစ်တွေနဲ့အတူ အပြောင်းအလဲသစ်တွေကို ဖော်ဆောင်လာနိုင်ဖို့က တစ်နေ့ထက်တစ်နေ့ အရေးကြီးသထက် ကြီးလာနေတယ်လို့ ဆိုချင်ပါတယ်။

မြန်မာနိုင်ငံရဲ့ဒီမိုကရေစီပြုပြင်ပြောင်းလဲရေးမှာ ဖွဲ့စည်းပုံအခြေခံဥပဒေ အကျပ်အတည်း၊ ပြည်တွင်းငြိမ်းချမ်းရေး အကျပ်အတည်းနဲ့ စီးပွားရေးဖွံ့ဖြိုးတိုးတက်မှု အကျပ်အတည်းတွေဟာ သော့ချက်အကျဆုံး ဖြစ်သလို ကိုင်းကျွန်းမှီ ကျွန်းကိုင်းမှီနေတယ်လို့ ဆိုရမှာဖြစ်ပါတယ်။ စီးပွားရေး ဖွံ့ဖြိုးတိုးတက်ဖို့ နိုင်ငံခြားတိုက်ရိုက် ရင်းနှီးမြှုပ်နှံမှုတွေ ချဲ့ထွင်နိုင်ဖို့ဆိုတာ နိုင်ငံရေး တည်ငြိမ်မှုနဲ့လည်း ဆက်စပ်နေပါတယ်။ နိုင်ငံရေး တည်ငြိမ်မှုလို့ပြောရင် ဖွဲ့စည်းပုံ အခြေခံဥပဒေ အကျပ်အတည်းနဲ့ ပြည်တွင်းငြိမ်းချမ်းရေး အကျပ်အတည်းဆိုတာ ထိပ်ဆုံးမှာရှိနေပါတယ်။ အဲဒါကြောင့် အဲဒီအကျပ်အတည်းကြီး သုံးရပ်စလုံးကို နိုင်ငံရေးနည်းလမ်းအရ တစ်ပြိုင်နက် ချဉ်းကပ် အဖြေရှာနိုင်ဖို့ တိုက်တွန်းရတာဖြစ်ပါတယ်။ ဒီအကျပ်အတည်း သုံးရပ်ကို တစ်ပြိုင်နက် ချဉ်းကပ် အဖြေမရှာ နိုင်ရင် ရေရှည်မှာ ဦးနင်း ပဲ့ထောင်၊ ပဲ့နင်း ဦးထောင် ဖြစ်လာနိုင်ပါတယ်။

ပြည်တွင်းငြိမ်းချမ်းရေး အကျပ်အတည်း နဲ့ ဆက်စပ်ရင် ပြည်ထောင်စုငြိမ်းချမ်းရေး ညီလာခံ-(၂၁) ရာစုပင်လုံ၊ တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ် (အန်စီအေ)၊ အမျိုးသားအဆင့် နိုင်ငံရေးဆွေးနွေးပွဲ စတဲ့နိုင်ငံရေးခြေလှမ်းတွေကိုတော့ မြင်နေရပါတယ်။ ကချင်ပြည်နယ်နဲ့ ရှမ်းပြည်နယ် မြောက်ပိုင်းမှာ တိုက်ပွဲတွေက ဆက်ဖြစ်နေသလို စစ်ဘေးရှောင်စခန်းတွေက စစ်ဘေးရှောင်ပြည်သူတွေဟာလည်း သူတို့ရဲ့ နေရပ်ရင်းတွေနဲ့ ဝေးကွာနေဆဲဖြစ်ပါတယ်။ အစိုးရအနေနဲ့ အန်စီအေကို လက်မှတ်မထိုးရသေးတဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ တွေ့ဆုံဆွေးနွေးတဲ့အပိုင်းမှာ အတော့်ကို ချူချာနေတယ်လို့ ဆိုချင်ပါတယ်။

ပြည်ထောင်စုငြိမ်းချမ်းရေး ညီလာခံ-(၂၁) ရာစုပင်လုံ၊ တတိယ အစည်းအဝေးရက် သတ်မှတ်ဖို့ကလည်း အခုထက်ထိ အလှမ်းဝေးနေဆဲပါ။ အဲဒီလိုနဲ့ ငြိမ်းချမ်းရေး အကျပ်အတည်းဟာ တိုင်ပတ်နေတယ်လို့ ဆိုရမှာဖြစ်ပါတယ်။

တစ်နိုင်ငံလုံးမှာ တိုက်ပွဲတွေ၊ အပစ်အခတ်တွေ ရပ်စဲပြီး အချုပ်အခြာအာဏာရဲ့ မူလပိုင်ရှင်ရင်းတွေဖြစ်တဲ့ စစ်ဘေးရှောင်ပြည်သူတွေ သူတို့ရဲ့နေရပ်ရင်းတွေဆီ ပြန်အခြေချနိုင်ရင် ဘယ်လောက်ကောင်းလိုက်မလဲလို့ စဉ်းစားမိပါတယ်။ တကယ်လို့ အစိုးရနဲ့တပ်မတော်က တစ်နိုင်ငံလုံး ပစ်ခတ် တိုက်ခိုက်မှုတွေ တစ်ဖက်သတ် ရပ်စဲကြောင်း တရားဝင် ထုတ်ပြန်ကြေညာလိုက်နိုင်မယ်ဆိုရင် သေနတ်သံတွေ စဲသွားဖို့ အလားအလာမြင့်မားလာမယ်လို့ ထင်မိပါတယ်။ အစိုးရနဲ့ တပ်မတော်က အဲဒီလို အပစ်ရပ်ဖို့ကြေညာရင် တိုင်းရင်းသား လက်နက်ကိုင် အဖွဲ့အစည်းတွေကလည်း အပစ်ရပ်ဖို့ သဘောတူကြေညာချက် ထုတ်ပြန် ကြလိမ့်မယ်လို့ နားလည်မိပါတယ်။ အဲဒီ နောက်ပိုင်း တပ်မတော်နဲ့ တိုင်းရင်းသား လက်နက်ကိုင် အဖွဲ့အစည်းတွေအကြား ပိုနေမြဲ ကျားနေမြဲ ထုံးနဲ့အညီ ပစ်တာခတ်တာတွေ မရှိအောင် ဆက်ထိန်းထားနိုင်ဖို့ကလည်း အရေးကြီးပါတယ်။

တိုက်ပွဲတွေ၊ အပစ်အခတ်တွေကြောင့် အချုပ်အခြာအာဏာရဲ့မူလပိုင်ရှင်တွေဖြစ်တဲ့ စစ်ဘေးရှောင် တိုင်းရင်းသားပြည်သူတွေဟာ စားဝတ်နေရေးဒဏ်၊ ဆင်းရဲမွဲတေဒဏ်၊ ရာသီဥတုဒဏ်၊ ရောဂါဘယဒဏ် စတဲ့ ဒဏ်ပေါင်းစုံကို ကြံ့ကြံ့ခံရင်း တိုက်ပွဲတွေကြားမှာ၊ နယ်စပ်ဒေသတွေမှာ နေထိုင် အသက်ရှင် နေကြရဆဲဖြစ်တယ်ဆိုတာ မမေ့မလျော့ဖို့လိုပါတယ်။ အဲဒီဒေသတွေမှာ မငြိမ်းချမ်းသရွေ့တော့ တိုင်းရင်းသားပြည်သူတွေဟာ စစ်ဘေးကို ရှောင်နေကြရဦးမှာဖြစ်ပါတယ်။ ဒီနေ့ ဒီ အချိန်အထိလည်း အချုပ်အခြာအာဏာပိုင်ရှင် စစ်စစ်တွေဟာ ရှောင်နေ၊ ပုန်းနေ၊ ပြေးနေ၊ လွှားနေရဆဲဖြစ်တာကတော့ ငြင်းမရတဲ့ အချက်ပါ။ အဲဒါကြောင့် အစိုးရနဲ့ တပ်မတော်အနေနဲ့ သဘောထားကြီးကြီးနဲ့ ကိုယ်ဘာရမလဲဆိုတာထက် ကိုယ်က ဘာပြန်ပေးရမလဲ ဆိုတာကို နှလုံးသွင်းရင်း တစ်ဖက်သတ် အပစ်ရပ်ကြောင်း အဆောတလျင် ထုတ်ပြန်နိုင်ခဲ့ရင် အလွန် ကျေနပ်ပီတိဖြစ်မိမှာပါ။

တစ်နိုင်ငံလုံး အပစ်အခတ်ရပ်စဲကြောင်း တစ်ဖက်သတ် ထုတ်ပြန်နိုင်ဖို့ဆိုရင် အစိုးရမှာ အဓိကတာဝန်ရှိမှာဖြစ်ပါတယ်။ အစိုးရဟာ တပ်မတော်ရော၊ တိုင်းရင်းသားလက်နက်ကိုင် အဖွဲ့အစည်းတွေနဲ့ရော အကြိတ်အနယ် ညှိနှိုင်းဆွေးနွေးပြီး၊ အပစ်အခတ်ရပ်စဲ ရေးကို အဆောတလျင် ရုပ်လုံးပေါ်လာနိုင်ဖို့ အားစိုက်ရမှာဖြစ်ပါတယ်။ အဲဒီလို တစ်ဖက်သတ် အပစ်ရပ်နိုင်ဖို့မှာ ပထမခြေလှမ်းအနေ နဲ့ အစိုးရဟာ တပ်မတော်နဲ့ဗျူဟာမြောက် ထိတွေ့ညှိနှိုင်းဆောင်ရွက်နိုင်ဖို့ လိုအပ်နေဆဲ ဖြစ်ပါတယ်။ ငြိမ်းချမ်းရေးကို မြတ်နိုး၊ တန်ဖိုးထားတဲ့ လူမှုအသိုင်းအ၀ိုင်းအနေနဲ့ တိုက်ပွဲတွေ၊ သေနတ်သံတွေ ကျယ်လောင်လာပြီဆိုရင် အဲဒါကို အမြန်ဆုံးရပ်အောင် ဘယ်လိုလုပ်မလဲဆိုတာ ခေါင်းချင်းရိုက်ကြ၊ ဆွေးနွေး အဖြေရှာကြရမှာဖြစ်ပါတယ်။ အစိုးရကလည်း အသံမကြားရ၊ လွှတ်တော်တွေကလည်း ရပ်နားထားတဲ့အချိန်ဆိုတော့ ပိုတော့ စိုးရိမ်မိတာ အမှန်ပါ။ အမှိုက်ကစ ပြာသာဒ်မီးလောင်တတ်တယ်ဆိုတာကိုတော့ သတိချပ်နိုင်ဖို့ ကောင်းပါတယ်။

၂၀၁၈ ခုနှစ် ဧပြီ ၁၇ ရက် မြန်မာနှစ်ဆန်း တစ်ရက်နေ့တုန်းက သမ္မတကြီးဦးဝင်းမြင့်က နှစ်သစ်ကူးနှုတ်ခွန်းဆက် စကားပြောတဲ့အခါ ငြိမ်းချမ်းရေး၊ အပစ်အခတ်ရပ်စဲရေးဆိုတဲ့ အသံတွေ လုံးဝပါမလာတာကလည်း စိတ်မောစရာဖြစ်ပါတယ်။ ကချင်ပြည်နယ်မှာ ဖြစ်နေတဲ့ လတ်တလော စစ်ရေးတင်းမာမှုတွေ၊ တိုက်ပွဲတွေကို အမြန်ဆုံးလျှော့ချနိုင်မယ့် နည်းလမ်းတွေကို အဆောတလျင်ဆွေးနွေး ဖော်ဆောင်နိုင်ဖို့ ပျက်ကွက်နေသရွေ့တော့ ငြိမ်းချမ်းရေးဟာ သဲနဲ့ဆောက်တဲ့ အိမ်ပဲဖြစ်နေဦးမှာပါ။ နိုင်ငံတော်သမ္မတဦးဝင်းမြင့် အနေနဲ့ အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေးကို ခေါ်ယူပြီး၊ အရပ်ဘက်ခေါင်းဆောင်တွေနဲ့ စစ်ဘက်ခေါင်းဆောင်တွေအကြား အကြိတ်အနယ် ညှိနှိုင်း ဆွေးနွေး၊ ပူးပေါင်း ဆောင်ရွက်နိုင်မယ်ဆိုရင် ကချင်ပြည်နယ်က တိုက်ပွဲတွေရပ်ဖို့ရော၊ တစ်ဖက်သတ် အပစ်ရပ်နိုင်ဖို့ရော လမ်းစတွေပေါ်လာမယ်၊ အလုပ်ဖြစ်လာမယ်လို့ ထင်မြင်မိပါတယ်။

သမ္မတဦးဝင်းမြင့်အနေနဲ့ အမျိုးသား ကာကွယ်ရေးနှင့် လုံခြုံရေးကောင်စီအစည်းအဝေးတွေကို အရပ်ဘက်-စစ်ဘက် ဆက်ဆံရေး ပိုကောင်းအောင် ဆွေးနွေးညှိနှိုင်းနိုင်မယ့် စင်္ကြံလမ်းတွေအဖြစ် ဦးစီးဖော်ဆောင်သင့်တယ်လို့ သုံးသပ်၊ အကြံပြုလိုပါတယ်။ ကာလုံ ကောင်စီကို အစိုးရ၊ လွှတ်တော်က အရပ်ဘက် ခေါင်းဆောင်တွေ နဲ့ တပ်မတော်ကစစ်ဘက် ခေါင်းဆောင်တွေအကြား မျက်နှာစုံညီညှိ နှိုင်းဆွေးနွေး အဖြေရှာနိုင်တဲ့ ပလက်ဖောင်းအဖြစ် ပြောင်းလဲ၊ ဖော်ဆောင်နိုင်ရင် ကောင်းမယ်လို့တော့ စဉ်းစားမိပါတယ်။ အဲဒီကာလုံ ကောင်စီရဲ့အစည်းအဝေးစားပွဲဝိုင်းပေါ်မှာ ပြည်တွင်းငြိမ်းချမ်းရေး အကျပ်အတည်း၊ ဖွဲ့စည်းပုံ အခြေခံဥပဒေအကျပ်အတည်းတွေနဲ့ဆိုင်တဲ့ ဖိုင်တွေဟာ အမြဲတမ်းရှေ့ဆုံးကနေ နေရာယူထားဖို့လိုမယ်လို့လည်း ယူဆမိပါတယ်။ ကာလုံအစည်းအဝေးတွေကနေ စစ်ရေး တင်းမာတာတွေ၊ တိုက်ပွဲတွေ၊ ပဋိပက္ခတွေကို ထိထိရောက်ရောက်လျှော့ချနိုင်အောင် တွန်းတွန်းတိုက်တိုက် ဆွေးနွေးအဖြေရှာရင်း စိန်ခေါ်ချက်တွေကို အခွင့်အလမ်းတွေအဖြစ် ပြောင်းလဲပစ်နိုင်ဖို့ အရေးကြီးမယ်လို့ ထင်မြင်မိပါတယ်။

အစိုးရအဖွဲ့က ၀န်ကြီးတွေ၊ ဒုတိယ၀န်ကြီးတွေ လူစားထိုးဖို့၊ လူတိုးဖို့ ပြောနေသလို အစိုးရရဲ့ ငြိမ်းချမ်းရေး အင်စတီကျူးရှင်းကိုလည်း ပြန်ပြင်ဖို့ လိုနေတယ်ဆိုတဲ့အကြောင်း မီးမောင်းထိုးပြလိုပါတယ်။ ငြိမ်းချမ်းရေး အင်စတီကျူးရှင်းကြီးတစ်ခုလုံးဟာ အတော့် ကို လေးလံထိုင်းမှိုင်းနေသလို ကိုမာဝင်နေသလို ထင်ရလောက်တဲ့အထိ ငြိမ်သက်လွန်းနေပါတယ်။ အန်စီအေ စာချုပ်လက်မှတ် မရေးထိုးရသေးတဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ရော၊ အန်စီအေလက်မှတ် ထိုးပြီးတဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ပါ မျက်နှာစုံညီတွေ့ဆုံဆွေးနွေးတဲ့ စားပွဲဝိုင်းဆွေးနွေးပွဲဆိုတာမျိုးက အတော့်ကို အလှမ်းကျဲနေတယ်လို့ သုံးသပ်မိပါတယ်။ အလွတ်သဘောရော၊ အလုပ်သဘောရော မျက်နှာစုံညီတွေ့ဆုံဆွေးနွေးတဲ့ အကြိမ်များ လာလေလေ၊ ယုံကြည်မှုနဲ့နားလည်မှု တည်ဆောက်ရလွယ်ကူလေလေဖြစ်လိမ့်မယ်လို့ ထင်မြင်သုံးသပ်မိပါတယ်။

လေးလံထိုင်းမှိုင်းနေတဲ့ ခြေလှမ်းတွေနဲ့ ငြိမ်းချမ်းရေး ခရီးရှည်ကို ဆက်နေဦးမယ်ဆိုရင်တော့ ခရီးက ရှည်သထက် ပိုရှည်ဦးမှာ မြေကြီး လက်ခတ်မလွဲဖြစ်ပါတယ်။ ပြည်ထောင်စုငြိမ်းချမ်းရေး ညီလာခံ-(၂၁) ရာစု ပင်လုံဟာ မျှော်လင့်ချက်တွေနဲ့ ဆန့်ကျင်ဘက်ကို ဦးတည်နေပြီဆိုရင် ခက်သထက် ပိုခက်တော့မှာဖြစ်ပါတယ်။ တွေ့ဆုံညှိနှိုင်းဆွေးနွေးရမှာ တွန့်ဆုတ်နေသရွေ့၊ အလှမ်းဝေးနေသရွေ့၊ တိုက်ပွဲတွေရပ်စဲဖို့၊ ငြိမ်းချမ်းရေးကို ရုပ်လုံးဖော်ဖို့ ဆိုတာတွေဟာ အိပ်မက်ပဲဖြစ်နေဦးမယ်လို့ ဆိုချင်ပါတယ်။ ဘယ်လောက်ပဲ ခက်ခဲပါစေ၊ ဘယ်လောက်ပဲ ကြမ်းတမ်းပါစေ၊ ဘယ်လောက်ပဲ စိန်ခေါ်မှုတွေ၊ အကျပ်အတည်းတွေ များပါစေ၊ စားပွဲဝိုင်းပေါ်မှာ တွေ့ဆုံဆွေးနွေး အဖြေ ရှာနိုင်ဖို့က ဗျူဟာမြောက် အရေးပါဆုံးဖြစ်ပါတယ်။ အခက်အခဲတွေ၊ စိန်ခေါ်မှုတွေက တော့ ဒုနဲ့ဒေးပါ။ ယုံကြည်ချက်ခိုင်ခိုင်မာမာ၊ ဇွဲကြီးကြီးနဲ့ အလွတ်သဘောရော၊ အလုပ်သဘောရော တွေ့ဆုံဆွေးနွေးတာတွေကို စဉ်ဆက်မပြတ်၊ အချိန်ဇယား သတ်မှတ်၊ လုပ်လာနိုင်မယ်ဆိုရင်တော့ ငြိမ်းချမ်းရေးပန်းတိုင် ပေါက်မြောက်ဖို့ နီးကပ်သထက်၊ နီးကပ်လာနေပြီလို့ ဆိုရမှာဖြစ်တဲ့အကြောင်း သုံးသပ် တင်ပြလိုက်ရပါတယ်။

တရားမျှတလွတ်လပ်ခြင်းနဲ့မသွေ (၃)

Photo: EasyInvoice

ပြောင်းလဲချိန်တန်ပြီ

ဤစစ်ဘားကောင်စီ အခင်းအကျင်းကား ယနေ့တိုင် မပျက်ပြယ်။ ၂၀၁၀ ရွေးကောက်ပွဲအပြီးတွင် သမ္မတကြီး ဦးသိန်းစိန် ခေါင်းဆောင်သော အစိုးရအဖွဲ့ ၂၀၀၈ ဖွဲ့စည်းပုံ အခြေခံဥပဒေနှင့်အညီ ပေါ်ပေါက်လာသည့် ပြုပြင်ပြောင်းလဲမှု၊ ဖြေလျှော့မှုများ စတင်လာသည်ကို အသိအမှတ် ပြုကြရပါမည်။

၆-၁-၂၀၁၂ တွင် ရန်ကုန်မြို့တော် ၀င်နှင်းဆီခန်းမ၌ ကျင်းပသော မြန်မာနိုင်ငံ ရှေ့နေများကွန်ရက် အစည်းအဝေးတွင် ကျွန်တော်က “မြန်မာနိုင်ငံ ရှေ့နေများကောင်စီကို လွတ်လပ်စွာ ဖွဲ့စည်းခွင့်ရရေး” စာတမ်းဖတ်ခဲ့သည်။ ထိုစဉ်က ကျွန်တော် ရှေ့နေလိုင်စင် ပြန်မရသေး။ ဇူလိုင်လတွင်မှ တရားလွှတ်တော် ရှေ့နေလိုင်စင် ပြန်ရခဲ့သည်။

၁၄-၉-၂၀၁၇ ခုနှစ်တွင် မြန်မာနိုင်ငံ လွတ်လပ်သော ရှေ့နေများအသင်း (ILAM) အမှုဆောင်ကော်မတီ (Main Commltee) နှင့် ပြည်ထောင်စု တရားလွှတ်တော်ချုပ် တရားသူကြီးချုပ် ဦးထွန်းထွန်းဦးနှင့် တွေ့ဆုံသည်။ ဘားကောင်စီကိစ္စ လိုင်စင်ရုပ်သိမ်းခံ ရှေ့နေများ ခုခံချေပခွင့် ရရေးကိစ္စ၊ နိုင်ငံသား ပြုခွင့်ရရေးနှင့် ဧည့်နိုင်ငံသားများ အလုပ်သင်ရှေ့နေ ဆင်းခွင့်မရသည့်ကိစ္စ အကျယ်တ၀င့် ဆွေးနွေးတင်ပြခဲ့ကြသည်။ တရားသူကြီးချုပ်က ဘားကောင်စီဥပဒေ ပြင်ဖို့ ဥပဒေပြု အဖွဲ့အစည်းများနှင့် ဆွေးနွေးတင်ပြရန် အကြံပြုသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အပြည်ပြည်ဆိုင်ရာ ရှေ့နေများအဖွဲ့ချုပ် (IBA) တို့က ကမကထပြုပြီး အမျိုးသားအဆင့် တည်ထောင် ဖွဲ့စည်းထားသည့် မြန်မာနိုင်ငံ လွတ်လပ်သောရှေ့နေများအသင်း (ILAM) တွင် “မြန်မာနိုင်ငံ တရားလွှတ်တော်ရှေ့နေများ ကောင်စီ ဥပဒေ (မူကြမ်း)” သတ္တမအကြိမ်ထိ တည်းဖြတ်ပြီး အဆင်သင့် ရှိသည်။

ဤမူကြမ်းကို ပြည်ထောင်စုလွှတ်တော်သို့ ရောက်ရှိနေသော ကိုယ်စားလှယ် ရှေ့နေများကလည်း ထောက်ခံကြသည်။ ဥပဒေကြမ်း ကော်မတီများနှင့်လည်း ဆွေးနွေးတင်ပြပြီး ဖြစ်ပါသည်။ ဦးရွှေမန်းကော်မရှင်ဟု လူသိများသည့် “ဥပဒေရေးရာနှင့် အထူးကိစ္စရပ်များ ကော်မရှင်” သို့လည်း တင်ပြထားပြီး ဖြစ်သည်။

ပြီးခဲ့သည့် လများအတွင်း ရန်ကုန်မြို့ မဟာအက္ခရာ (Law Firm) က ဦးဆောင် ခေါ်ယူခဲ့သည့် အစည်းအဝေးကြီးက ဘားကောင်စီဥပဒေ ပြင်ဆင်ရေး တပ်လှန့် နှိုးလိုက်သည်။ ၂၅-၃-၂၀၁၈ နေ့တွင် “ပန်သူရိယ” ခန်းမ ဒုတိယအစည်းအဝေးက ဘားကောင်စီဥပဒေ ပြင်ဆင်ရေး ကော်မတီကို ဖွဲ့စည်းခဲ့ကြပါပြီ။ ဤကော်မတီက ၁၉၈၉ ဘားကောင်စီဥပဒေကို ပြင်ဆင်သည့် ဥပဒေတွင် ဖြုတ်ခံထားခဲ့ရသည့် မူလပုဒ်မ (၄) နှင့် ပုဒ်မ (၆) တို့ကို ပြန်လည် ထည့်သွင်းရန်သာဖြစ်၍ ပိုမိုလွယ်ကူ အဆင်ချောနိုင်ပေမည်ဟု အများက ယုံကြည်ကြသည်။

ရှေ့နေများကို ဥပဒေနှင့်အညီ အကာအကွယ်ပေးနိုင်သည့် လွတ်လပ်သော ဘားကောင်စီတစ်ရပ် ပေါ်ပေါက်လာမှသာ ကျင့်ဝတ်သိက္ခာ တာဝန်နှင့် ရပိုင်ခွင့်တို့ ပီပီပြင်ပြင် ရှိလာမည်ဆိုလျှင် ကျင့်ဝတ်သိက္ခာ ဖောက်ဖျက်သည့် ရှေ့နေများကို အရေးယူရန် မလိုအပ်တော့ပြီလော။ ရှေ့နေရှေ့ရပ် အသက်မွေးဝမ်းကျောင်းသည် မွန်မြတ်သန့်စင်သည့် ပညာရပ်ဆိုင်ရာ လုပ်ငန်းဖြစ်၍ အဖျင်းအမှော်များ ခဲသလဲများကို ဖယ်ရှား သုတ်သင်ရမည်ကား ယုံမှားဖွယ်မရှိ။ သို့ရာတွင် တရားမျှတရမည်။ ဥပဒေနှင့် ညီညွတ်ရပေလိမ့်မည်။

ကျင့်ဝတ်သိက္ခာ ဖောက်ဖျက်မှု (Misconduct)

ဘားကောင်စီ အက်ဥပဒေတွင် (Misconduct) ၏ အဓိပ္ပာယ်တိကျစွာ ဖွင့်ဆိုထားခြင်း မရှိ။ ပုဒ်မ ၁၀ (၁) တွင် အသက်မွေးဝမ်းကျောင်းဆိုင်ရာ ကျင့်ဝတ်ဖောက်ဖျက်မှု (Professional Misconduct) နှင့် အခြား ကျင့်ဝတ်သိက္ခာ ဖောက်ဖျက်မှု (Other Misconduct) ဟု သုံးစွဲထားသည်။

“ ၁၉၈၅ ခုနှစ် မြန်မာနိုင်ငံ တရားစီရင်ထုံး၊ စာ-၈၆ ဗဟိုတရားရုံးချုပ်ရှေ့နေ တစ်ယောက်၏ ကိစ္စ” အမှုတွင် ထိုစဉ်က ဗဟိုတရားရုံးက “ဒေါက်တာဘဟန် ပြုစုသော အင်္ဂလိပ် မြန်မာ အဘိဓာန်တွင် (Misconduct) ကို အကျင့်ဖောက်ပြန်ခြင်း၊ အကျင့်ဖောက်ဖျက်မှု၊ ဖောက်လှဲဖောက်ပြန်ဖြစ်မှု၊ ဖောက်လှဲ ဖောက်ပြန်ပြုခြင်း၊ အလွဲမကောင်းသော အကျင့်အကြံ အမူအရာအပြုအမူ၊ မကောင်းကျင့် မကောင်းကြံဟူ၍ ဘာသာပြန်ထားကြောင်း” ညွှန်ပြထားသည်။

Oxford တက္ကသိုလ် ၂၀၁၅ ခုနှစ်ထုတ် အဋ္ဌမအကြိမ် “Dictionary of Law” စာအုပ်တွင် (Misconduct) ကို Incorrect or erroneous conduct (မလျော်ကန်သော သို့မဟုတ် မှားယွင်းသော ပြုမူဆောင်ရွက်ချက်) ဟု အဓိပ္ပာယ်ဖွင့်သည်။ ဆက်လက်၍ Wilful Misconduct ကို အောက်ပါအတိုင်း အဓိပ္ပာယ်ဖွင့်သည်။

Wilful misconduct : Intentionally doing something that is wrong , or wrongfull omiting to do something, or doing something or omitting to do something that shows reckless indifference as to what the consequences may be.

(ရည်ရွယ်ချက်ဖြင့် အကျင့်ဖောက်ပြားမှု … မမှန်သည်ကို သိလျက်နှင့် ပြုခြင်း … တစ်စုံတစ်ရာကို မှားယွင်းစွာ ထိမ်ချန်ပျက်ကွက်ခြင်း၊ နောက်ဆက်တွဲ ဖြစ်နိုင်ခြေများကို သိပါလျက် … တစ်စုံတစ်ရာကို ပြုရန် တမင်ပျက် ကွက်ခြင်း မဆင်မခြင် တာဝန်မဲ့ပြုခြင်း)

မြန်မာနိုင်ငံတွင် ဘားကောင်စီ ဥပဒေ၌ ကျင့်ဝတ်သိက္ခာ ဖောက်ဖျက်မှုနှင့် ပတ်သက်သော တိကျသည့် ပြဋ္ဌာန်းချက်မပါ စီရင်ထုံးများဖြင့်သာ အဓိပ္ပာယ် ဖွင့်ဆိုထားခြင်း ဖြစ်ပါ၏။

Moral turpitude – Test for striking off the rolls – Bar Councils Act, s.1 0 (1). The test that the Court has to apply in Considering off the Roll of Advocates is whether the proved misconduct of the advocated is such that he must be regarded as unworthy to remain a member of the honourable profession to which he has been admitted, and unfit to be entrusted with the responsible duties that an advocate is called upon to perform. Ex Parte Brounsall, 2 Cowper 8 2 9 ; In re Weare , (1893) 2 Q.B.4 3 9 . followed. In re An Advocate , 46 Mad. 9 0 3 : Re Blake, 3 E.& E;34 : Re Hill, L.R.3 Q.B 543: In re A pleader 57 Cal. 337; In the matter of R.N.Mukerji, 22 All.49 , referred to. In THE MATTER OF ANADVOCATE.
12 Ran.110

ကိုယ်ကျင့် ဖောက်ပြားခြင်း- တရားလွှတ်တော်ရှေ့နေစာရင်းမှ ပယ်ဖျက်ခြင်း ဘားကောင်စီအက်၊ (၁၀) ၁ တရားလွှတ်တော် ရှေ့နေတစ်ဦးအား စာရင်းမှ ပယ်ထုတ်နိုင်ရန်အတွက် ဟိုက်ကုတ်က စဉ်းစားချိန်ဆရာတွင် သက်သေ ထင်ရှားပြပြီးသော စွပ်စွဲခံရသူ၏ အပြုအမူသည် ဂုဏ်သရေရှိ တရားလွှတ်တော်ရှေ့နေ တစ်ဦးအဖြစ် ယင်း၏ အသိုက်အမြုံက ဆက်လက် လက်ခံရန် ထိုက်တန်ခြင်း ရှိ မရှိ၊ တရားလွှတ်တော်ရှေ့နေ တစ်ဦးတွင် တင်ရှိသော တာဝန်ဝတ္တရားများကို ဆောင်ရွက်ခွင့်ပြုရန် ယုံကြည်ထိုက် မထိုက်ပင် ဖြစ်သည်။

၁၂ ရန်ကုန် ၁၁၀

နိုင်ငံရေး ပြစ်မှုသည် ကျင့်ဝတ်သိက္ခာ ဖောက်ဖျက်မှုလော

အထက်ပါ တင်ပြချက်များအရ ရှေ့နေတစ်ဦးကို အရေးယူနိုင်ရန် ကျင့်ဝတ်သိက္ခာ ဖောက်ဖျက်မှုဟူသည် ယင်းက အမှုသည်ပေါ် ဆုံးဖြတ်ပေးရန် ရှိသော ဥပဒေ ၀န်ဆောင်မှုကို တရားမဲ့ ဖောက်ဖျက်ခြင်း၊ တည်ကြည်ဖြောင့်မတ်သည့် ဂုဏ်သိက္ခာရှိသော ရှေ့နေတစ်ဦး၏ အပြုအမူမှ ဖောက်လှဲ ဖောက်ပြန်ပြုခြင်း၊ လူ့အဖွဲ့အစည်းက တားမြစ်ထားသော အကျင့်စာရိတ္တဆိုင်ရာ ပြစ်မှုကျူးလွန်ခြင်းတို့သာ ဖြစ်ကြောင်း ထင်ရှားပါသည်။

နိုင်ငံရေးအရ သဘောထား ကွဲလွဲသဖြင့် အာဏာရသူက ပြစ်ဒဏ်ချမှတ် ခံရသူကို ကိုယ်ကျင့်သိက္ခာ ဖောက်ဖျက်သူဟု စွပ်စွဲလျှင် တရားမျှတပါမည်လား။ ထိုအပြစ်ပေးသူသည် နိုင်ငံရေးအရ အာဏာလက်လွတ်၍ နိမ့်ပါးချိန်တွင် နိုင်ငံရေးအရ ပြစ်ဒဏ် ချခံရသည်ကို ကိုယ်ကျင့်သိက္ခာ ဖောက်ဖျက်သည်ဟု ဗုံလုံတစ်လှည့် ငါးပျံတစ်လှည့် စွပ်စွဲနေကြလျှင် တရားမျှတသည်ဟု ဆိုနိုင်ပါ့မလား။ ပြည်ထဲရေးဝန်ကြီး ဦးဘိုနီ လက်ထက်တွင် ရုံးထုတ်သည့် အကျဉ်းသားများကို နောက်အမှုရှိပါက သံခြေချင်းခတ်၍ ရုံးထုတ်ရန် ပြန်လည် ညွှန်ကြားခဲ့သည်။ ပြည်ထဲရေးဝန်ကြီးဘ၀မှ အကျဉ်းသားတစ်ဖြစ်လဲ ဦးဘိုနီ သံခြေချင်းနှင့် ရုံးထုတ်ခံခဲ့ရရာ များစွာ သံဝေဂရဖွယ် ဖြစ်ပါသည်။

၁၉၄၈ ခုနှစ် လွတ်လပ်ရေးခေတ်ဦးက နိုင်ငံတော်သစ္စာဖောက်ဖျက် ပုန်ကန်မှု ရာဇသတ်ကြီးပုဒ်မ- ၁၂၂ (၁) အရ သေဒဏ် ချမှတ်ခြင်းခံရသူ ဦးကျားမှာ သေဒဏ်မှ လွတ်မြောက်လာပြီး ဖဆပလနှင့် မဆလခေတ်ထိ အလွန်ထင်ရှား ကျော်ကြားသော တရားလွှတ်တော် ရှေ့နေကြီးတစ်ဦး ဖြစ်ပါသည်။ ကျွန်တော်ကိုယ်တိုင် ၁၉၇၆ ခုနှစ်တွင် ၁၉၅၀ ပြည့်နှစ် အရေးပေါ် စီမံမှုအက်ဥပဒေပုဒ်မ – ၅ (ည) အရ အလုပ်ကြမ်းနှင့် ထောင်ဒဏ် ခုနစ်နှစ် ချမှတ်ခံခဲ့ရသည်။ သို့ရာတွင် မည်သည့် အတားအဆီးမျှမရှိဘဲ ၁၉၈၃ ခုနှစ်တွင် အထက်တန်းရှေ့နေ ဖြစ်လာပြီး ၁၉၈၆ ခုနှစ်တွင် ဗဟိုတရားရုံးရှေ့နေ ဖြစ်လာသည်။

သို့ရာတွင် ၁၉၈၈ ပြည်သူ့အရေးတော်ပုံကြီး၌ ကလေးသပိတ်နှင့် ရွှေဘိုသပိတ်ကို ခေါင်းဆောင်ခဲ့ကြသော ရှေ့နေ ဦးအေးမြင့် နှင့် ရှေ့နေ ဦးမြင့်သန်းတို့မှာ သေဒဏ်မှ ပြန်လည် လွတ်မြောက်လာသော်လည်း ယနေ့အချိန်ထိ ရှေ့နေလိုင်စင် ပြန်လည် မရရှိပါ။

ကြေကွဲဖွယ်ဖြစ်ရပ်များ

ကျင့်ဝတ်သိက္ခာ ဖောက်ဖျက်သည့် ရှေ့နေကို အရေးယူ အပြစ်ပေးခြင်းမှာ မှန်ကန်မျှတပါသည်။ ပြစ်မှုကြောင်းအရ အရေးယူခံရခြင်းများလည်း ရှိပါသည်။ ထိုကိစ္စရပ်များအတွက် စောဒကတက်ဖွယ် မရှိပါ။ လိုင်စင် ရုပ်သိမ်းခံရသော ရှေ့နေအများစုမှာ စစ်အစိုးရ လက်ထက်က ဖြစ်ပါသည်။

မန္တလေးမြို့က အထက်တန်းရှေ့နေ တစ်ဦးမှာ စစ်အစိုးရခေတ်တွင် လျှောက်လဲချက် တစ်စောင်ဖြင့် လိုင်စင် ရုပ်သိမ်းခံခဲ့ရသည်။

ရန်ကုန်မြို့က ရှေ့နေတစ်ဦးမှာ တရား မမှုတစ်မှုတွင် မိမိ အမှုသည်အား တရားပြိုင်အဖြစ်မှ ဖယ်ထုတ်ပေးရန် လျှောက်လွှာတင်သည်။ နားလည်မှုလွဲသော အမှုသည်က တိုင်ကြားသဖြင့် ထိုရှေ့နေလိုင်စင် ပြုတ်ရတော့သည်။ နောက်ပိုင်းတွင် အမှုသည်က သူမှားမှန်းသိ၍ တိုင်ကြားစာ ပြန်လည် ရုပ်သိမ်းသော်လည်း မမီတော့။ ရှေ့နေခင်ဗျာ ယနေ့အချိန်ထိ လိုင်စင် ပြန်မရရှာတော့။

အမျိုးသား ပြန်လည်သင့်မြတ်ရေးသို့

ယနေ့အချိန် ပြည်ထောင်စု ငြိမ်းချမ်းရေးညီလာခံ ကျင်းပကာ ဒုတိယပင်လုံ ကြွေးကြော်သံဖြင့် ဖက်ဒရယ်ပြည်ထောင်စုဆီသို့ ချီတက်နေချိန် ဖြစ်သည်။ တစ်ဦးနှင့်တစ်ဦး လက်နက်စွဲကိုင် အသေအကျေ ပစ်ခတ်သတ်ဖြတ် နေကြသူများ ငြိမ်းချမ်းရေး စကားဝိုင်းသို့ ရောက်နေကြချေပြီ။ ဤအခြေအနေတွင် မတရားလိုင်စင် ရုပ်သိမ်းခံရသူ ရှေ့နေများဥပဒေအရ ခုခံချေပခွင့် မရခဲ့သည့် ရှေ့နေများကို လွတ်ငြိမ်းချမ်းသာခွင့် ပေးသင့်ပါသည်။ နိုင်ငံရေး ရန်ငြိုးဖြင့် ထောင်ချ၊ ဘ၀ပျက်စေရန် ထမင်းအိုးခွဲခံရသည့် ယခင် စစ်အစိုးရ၏ ရန်သူရှေ့နေများကို ပြည်သူ့အစိုးရ လက်ထက်တွင် ပြန်လည်ရှင်သန်ခွင့် ပေးသင့်ပါသည်။

ဆက်လက်ဖော်ပြပါမည်။

မိသားစုဓာတ်ပုံ

ကျွန်တော့်မှာ မိသားစု စုံစုံညီညီနဲ့ အမှတ်တရ ဓာတ်ပုံလေး တစ်ပုံလောက် ရိုက်ထားချင်တဲ့ ဆန္ဒဖြစ်မိနေတာ ကြာပါပြီ။ ခုချိန်ထိတော့ ကျွန်တော် ဖြစ်ချင်တဲ့ ဆန္ဒဟာ ဖြစ်မလာသေးပါဘူး။ တစ်ယောက် တစ်နေရာစီ နေကြရတော့ လူစုဖို့ မလွယ်ကူတာလည်း ပါပါတယ်။ ကျွန်တော့်မှာ မောင်နှမ ကိုးယောက် ရှိခဲ့ဖူးပါတယ်။ အခုတော့ မောင်နှမ ရှစ်ယောက်ပဲ ကျန်ပါတော့တယ်။ ညီမလေး တစ်ယောက်က ၁၃ နှစ်အရွယ်မှာ ဆုံးပါးသွားခဲ့ပါတယ်။ ကျွန်တော်တို့ တောရွာတောဓလေ့ ယုံကြည်မှုအရ စုန်းပြုစားခံရပြီး သေသွားတာလို့ သိရပါတယ်။ မိသားစုစုံစုံညီညီနဲ့ ဓာတ်ပုံရိုက်ချင်နေတဲ့ ကျွန်တော့်အတွက်တော့ ညီမလေးက အကြွေစောသွားခဲ့ရပါတယ်။ လူ့လောကမှာ ၁၃ နှစ်ပဲ နေခွင့်ပေးခဲ့တဲ့ ကံကြမ္မာကိုလည်း ရင်နာမိပါတယ်။ မိသားစု ချစ်ခြင်းမေတ္တာ သီချင်းတွေကို နားထောင်ရလေ ညီမလေးကို သတိရလေပါပဲ။ အခု လူ့လောကမှာ သက်ရှိထင်ရှား ရှိနေသေးတဲ့ အဖေရယ် အမေရယ် ကျန်တဲ့ မောင်နှမ ခုနစ်ယောက်ရယ်နဲ့ အတူတူ ဓာတ်ပုံရိုက်ချင်တဲ့ ဆန္ဒဟာ တားဆီးလို့မရအောင် ဖြစ်နေပါတယ်။ ဒါပေမဲ့ ဖြစ်ချင်တာတွေ ဖြစ်မလာနိုင်တဲ့ လောကကြီးမှာ တစ်ယောက် တစ်နေရာစီ ဝေးကွာနေကြရတဲ့အဖြစ်က အဓိက တရားခံတစ်ယောက်လို ဖြစ်နေပြန်ပါတယ်။ အိမ်ထောင်ကျတဲ့ သူတွေကကျ၊ အိမ်ထောင် မကျသေးတဲ့ သူတွေကလည်း လုပ်ငန်းကိုယ်စီနဲ့ဆိုတော့ ချားရဟတ်ပမာ လည်နေရတဲ့ စားဝတ်နေရေးတွေနဲ့ တစ်ယောက်နဲ့ တစ်ယောက် ဆုံစည်းဖို့ဆိုတာ စောင့်မျှော် စဉ်းစားနေရတာနဲ့ပဲ အချိန်တွေဟာ ကုန်ဆုံးနေရပါတယ်။

ကျွန်တော်က မိသားစုနဲ့ ရှစ်နှစ်လောက်ပဲ အတူနေခဲ့ရတော့ မိသားစု သံယောဇဉ် ခေါင်းပါးတယ်လို့ ပြောမယ်ဆိုရင်လည်း ပြောလို့ရပါတယ်။ ဘယ်နေရာ ဘယ်ဒေသ ရောက်ရောက် မိသားစုကို ထူးထူးထွေထွေ လွမ်းပြနေမိတာမျိုးလည်း မရှိခဲ့ဖူးပါဘူး။ ဒါပေမဲ့ မိသားစု စုံစုံညီညီနဲ့ ဓာတ်ပုံရိုက်ချင်စိတ်လေးကတော့ အမြဲတစေ ခိုအောင်းနေမိတာ အမှန်ပါ။ ကုန်ဆုံးသွားတဲ့ အတိတ်ဘ၀တွေကို လွမ်းဆွတ်နိုင်ဖို့ဆိုတာ ဓာတ်ပုံ အဟောင်းလေးတွေက သက်သေပြပေးတတ်တယ် မဟုတ်လား။ ကျောင်းအတူ တက်ခဲ့ဖူးတဲ့ သူတွေနဲ့ပဲဖြစ်စေ၊ ခရီးအတူ သွားခဲ့ဖူးတဲ့ သူတွေနဲ့ပဲဖြစ်စေ နောင်တစ်ချိန်မှာ ပြန်လည် သတိရပေးဖို့ အထောက်အကူပေးနိုင်တာ ဓာတ်ပုံလေးတွေပဲ ဖြစ်လိမ့်မယ်လို့ ယုံကြည်နေမိပါတယ်။ ယုံကြည်စိတ် မပျောက်သရွေ့တော့ မိသားစု ဓာတ်ပုံလေး ရိုက်ဖြစ်မယ်လို့ ခံယူနေဆဲပါပဲ။
ဝေးကွာခြင်း အမှတ်တံဆိပ်တွေ ခပ်နှိပ်ပေးလိုက်တာက မြန်လွန်းတော့ မိသားစုနဲ့ ပြန်လည်တွေ့ဆုံဖို့ဆိုတာ ဒုလ္လဘတရား တစ်ခုလို ဖြစ်နေပါတယ်။ မိသားစု စုံစုံညီညီနဲ့ ဓာတ်ပုံရိုက်ဖြစ်မယ်လို့တော့ ယုံကြည်မြဲ ယုံကြည်လျက်ပါပဲ။ အခုဆို အဖေက အသက် ၇၀ ကျော်နေပြီ။ အမေက အသက် ၇၀ ပြည့်ခါနီးနေပြီ။ မိဘနှစ်ပါး ကျန်းကျန်းမာမာ ရှိနေတာကို မြင်တွေ့နေရတာပဲ ပျော်ရွှင်စရာ ဘ၀လေးတစ်ခုအဖြစ် ဖန်တီးထားရပါတယ်။ လူတိုင်းလူတိုင်း မိသားစုနဲ့ တွေ့ဆုံချင်တဲ့ ဆန္ဒလေးတွေ တစ်ခါမဟုတ် တစ်ခါတော့ ရှိခဲ့ဖူးကြမှာပါ၊ ဘယ်လောက်ပဲ အဆင်မပြေခဲ့မပြေခဲ့ မောင်နှမသံယောဇဉ် ဆိုတာ သွေးကစီးလာတဲ့ မြစ်ရေတွေလို ပေါင်းဆုံမှုကို စောင့်စားနေတတ်ပါတယ်။

ငယ်ရွယ်စဉ်အခါက တစ်ယောက်နဲ့ တစ်ယောက် အဆင်မပြေလို့ ရန်ဖြစ်ခဲ့တယ် ဆိုရင်တောင် မောင်နှမချင်း တွေ့ဆုံချင်မိတဲ့ ဆန္ဒဟာ ဖြစ်ပေါ်လာတတ်ပါတယ်။ ကလေးဘ၀တုန်းက သူနဲ့ငါနဲ့ အမြဲတမ်း ရန်ဖြစ်နေရတာပဲဆိုတဲ့ စကားလုံးတွေဟာ ပျော်ရွှင်စရာ တစ်ခုလို ဖြစ်လာပြန်ပါတယ်။ ကြည်နူးမှုတွေ ပေါက်ဖွားလာတတ်ပါတယ်။ ရှေးစကားပုံတစ်ခုနဲ့ ပြောရမယ်ဆိုရင် မိသားစုဆိုတာ မခေါ်ချင်လို့ ရပေမယ့် မတော်ချင်လို့ မရဘူး မဟုတ်လား။ ချစ်ခြင်းမေတ္တာရဲ့ သင်္ကေတကို သတိရမှုလို့ ဘာသာပြန်လာခဲ့မယ်ဆိုရင် လက်သင့်ခံပေးဖို့ အဆင်သင့် ဖြစ်နေမိပါတယ်။ မိသားစု ချစ်ခြင်းမေတ္တာသီချင်းတွေ၊ မိသားစုကဗျာတွေ၊ မိသားစု ဆောင်းပါးတွေကို တွေ့မြင်ရတဲ့အခါတိုင်း ကြည်နူးစိတ်နဲ့ အခါခါပြန်ဖတ်နေမိတတ်ပါတယ်။ အခုလည်း ကျွန်တော် မိသားစုနဲ့အတူ ဓာတ်ပုံရိုက်ချင်စိတ်တွေ ဖြစ်နေတုန်း မိသားစုဓာတ်ပုံဆိုတဲ့ ကဗျာတစ်ပုဒ်ကို ဖတ်မိပါတယ်။ ရေးသားသူက ဆရာမျိုးနေနွယ်ပါ။ စုံနံသာမဂ္ဂဇင်း၊ ၂၀၁၄၊ ဇူလိုင်လမှာ ဖော်ပြခံရတဲ့ ကဗျာလေး တစ်ပုဒ်ပါ။ ဆရာက မိသားစုနဲ့အတူ ဓာတ်ပုံရိုက်ဖူးတော့ ကျွန်တော်နဲ့က ရေလမ်း ကုန်းလမ်း ကွာခြားနေသလို ခရီးစဉ်လည်း ကွာခြားသွားခဲ့ပါတယ်။

ငယ်ရုပ်တွေ ပျောက်သွားစေသော
ဖုန်မှုန့်များ
နံရံမှာ တွယ်ကပ်လို့…။

ငယ်ရွယ်စဉ်က အမှတ်တရ ရိုက်ထားခဲ့တဲ့ မိသားစု ဓာတ်ပုံလေးဟာ ဖုန်မှုန့်တွေနဲ့အတူ နုပျိုမှုကို ဖုံးကွယ်ထားခြင်း ခံရပါတယ်။ မျက်စိနဲ့ ကြည့်မိတဲ့အခါတွေမှာ ဓာတ်ပုံလေးပေါ် ဖုန်မှုန့်တွေ ကပ်ငြိနေတာ မြင်ပေမယ့် ဘယ်သူမှ ဖုန်သုတ်သွားဖို့ သတိမရဘဲ ဖြစ်နေတတ်ပါတယ်။ အရေးမကြီးပါဘူးကွာ ဆိုပြီး အမှတ်တမဲ့ ထားမိတဲ့ ဓာတ်ပုံလေးဟာ နံရံပေါ်မှာ အထီးကျန်နေပါတယ်။ ဖုန်သုတ်ပေးမယ့် မိသားစုဝင် တစ်ယောက်ယောက်ကို မျှော်လင့်စောင့်စားနေသလို ပင့်ကူမျှင်လေးတွေနဲ့လည်း မိတ်ဖွဲ့ထားရပါတယ်။ တစ်ယောက်တည်း အထီးကျန်လာပြီဆိုရင် နံရံတစ်ခုကိုပဲ သံယောဇဉ်တွယ်နေမိသူ တစ်ယောက်လို တွယ်ဖက်ထားရပါတယ်။

တရိပ်ရိပ် တက်လာသော အတိတ်ဟာ
နောက်ကြောင်းပြန် ပြဇာတ် တစ်ပုဒ်လို
အိမ်လွမ်းစိတ်တွေ ငယ်ထိပ်တက်လို့…။

အချိန်အခါတွေ တိုက်စားခံခဲ့ရတာ များလာလေ အတိတ်ဆိုတဲ့ ၀တ္ထုရေးဆရာဟာ ဆွဲဆန့်လို့ ကောင်းလေပါပဲ။ လူတိုင်း အတိတ်ကိုယ်စီ ရှိဖူးကြတဲ့အထဲမှာ မိသားစုကို လွမ်းမိတဲ့ အတိတ်ခြေရာတွေလည်း ရှိခဲ့ဖူးကြပါတယ်။ ငယ်စဉ်တောင်ကျေး ကလေးဘ၀က လွတ်လွတ်လပ်လပ် နေခဲ့ဖူးကြတာတွေကို သတိတရ ရှိနေတတ်ကြပါတယ်။ ဖွင့်ကြည့်ပြီးသား ဇာတ်ထုတ်ဟောင်း တစ်ပုဒ်ဖြစ်ပေမယ့် ကိုယ်နှစ်သက်တဲ့ ဇာတ်ထုပ်တစ်ပုဒ်ဟာ ဘယ်အချိန်ပဲ ဖွင့်ကြည့်ကြည့် မရိုးနိုင်အောင် ခံစားရပါတယ်။ ကျွန်တော် ကလေးဘ၀ကတည်းက ကြိုက်ခဲ့တဲ့ စိုးမိုးမေတ္တာဇာတ်ထုပ်ကို အခုချိန်ထိ ကြိုက်နေမိတုန်းပါပဲ။ ဘယ်အချိန်ပြန်ဖွင့်ပြီး နားထောင်ထောင် မျက်ရည်ဟာ အလွယ်တကူပဲ စီးဆင်းလာတတ်ပါတယ်။ မိသားစု ဓာတ်ပုံတွေကို မြင်တိုင်း အိမ်လွမ်းနာဟာ ဘယ်လို ဆေးထည့်သိပ်သိပ် အိပ်မပျော်နိုင်တဲ့ ဇာတ်လမ်း တစ်ပုဒ်လို့ ခံစားနေရတုန်းပါပဲ။

လွန်ခဲ့သောနှစ်ပေါင်း
နှစ်ဆယ်ငါးနှစ်ကျော်က
မိသားစုဓာတ်ပုံဟာ
ဟောင်းနွမ်းခြင်းတွေ
အောက်မေ့ခြင်းတွေနဲ့ ဆွံ့အလို့
အရောင်တွေလည်း
လွင့်ပြယ်မှေးမှိန်လို့…။

ကုန်လွန်ခဲ့တဲ့ နှစ်တွေလည်း ကုန်လွန်ခဲ့ပါတယ်။ လွန်ခဲ့တဲ့ ၂၅ နှစ်လောက်က မိသားစု ဓာတ်ပုံလေးလည်း ဟောင်းနွမ်းနေပါတယ်။ မိသားစုအချင်းချင်း အောက်မေ့မှုတွေကိုလည်း မေ့လာသလောက် ဖြစ်နေပါပြီ။ ဆွံ့အနေတဲ့ သတိရခြင်းတွေဟာ ဘယ်လို အရောင်နဲ့ ဆေးခြယ်သွားခဲ့ပါသလဲ စဉ်းစားရပါတယ်။ ကာလာစုံ မခြယ်သနိုင်တဲ့ မိသားစုဘ၀မှာ အရောင်တစ်ခုခုက တစ်ယောက်နဲ့ တစ်ယောက် ဝေးကွာအောင် ဖန်တီးပစ်လိုက်တာလား။ သံယောဇဉ်တွေ မှေးမှိန်သွားအောင် လုပ်ပေးလိုက်တာလား။ နှစ်အဟောင်းတွေပေါ်မှာ သတိရခြင်းတွေဟာ သစ်လွင်တောက်ပလို့ နေပါတယ်။

မှန်သားပြင်ဟာ
နှစ်ချို့သွားသော
ဓာတ်ပြားဟောင်းတစ်ချပ်လို
အစင်းရာ အခြစ်ရာတွေနဲ့
ပြည့်နှက်လို့…။

ဟိုအရင်တုန်းက ရိုက်ထားတဲ့ ဓာတ်ပုံလေးတွေကို မှန်ဘောင် သွင်းထားတတ်ကြပါတယ်။ ဓာတ်ပုံအတိုင်း ထားတာနဲ့စာရင် မိုးဒဏ်၊ လေဒဏ်၊ ရာသီဥတုဒဏ်တွေကို ခံနိုင်အောင် မှန်ပေါင် သွင်းထားကြတဲ့ သဘောတစ်ခုပါပဲ။ မိုးဒဏ်၊ လေဒဏ်၊ ရာသီဥတုဒဏ်ကို ကာကွယ်ဖို့ လုပ်ထားတဲ့ မှန်ပေါင်ဟာ မပြုမပြင်ဘဲ ထားတာကြာလာရင် ဆွေးမြည့် သွားတတ်ပါတယ်။ တစ်စုံတစ်ခုနဲ့ ထိမိခိုက်မိတဲ့ အခါမှာလည်း ကာကွယ်ပေးထားတဲ့ မှန်သားတွေဟာ ကြည်လင်ပြတ်သားမှု မရှိတော့ပါဘူး။ အစင်းကြောင်းတွေ ထင်လာပြီး မှန်သားပြင်ဟာ အက်ကြောင်းတွေ ပေါ်လာတတ်ပါတယ်။ အက်ကြောင်းတွေ ပေါ်လာတဲ့အခါမှာ မိသားစုစုံစုံညီညီနဲ့ ရိုက်ထားခဲ့တဲ့ ဓာတ်ပုံလေးဟာ မပီမပြင်တော့ဘဲ ၀ိုးတ၀ါးပုံ တစ်ပုံအဖြစ် ထုဆစ်ခြင်း ခံရပါတယ်။

ဓာတ်ပုံဆရာ နာမည်မေ့မသွားအောင်
ရေးမှတ်ထားသလို
မိသားစုနာမည်ကို ချရေးစေချင်ပါတယ်
ဟောင်းနေတဲ့မိသားစုဓာတ်ပုံ
အဟောင်းလေးပေါ်မှာ…။

ရှေးမြန်မာမင်းတွေ လက်ထက်ကတည်း က ကိုယ်လုပ်ခဲ့တဲ့ အလုပ်တစ်ခုခုကို နှောင်းလူတွေ သိဖို့ ကမ္ပည်းရေးထိုးခဲ့တဲ့ အစဉ်အလာတွေ ရှိခဲ့ဖူးပါတယ်။ ပု၊ ပင်း၊ အင်း၊ တောင်၊ ညောင်ရမ်းနောင်၊ ကုန်းဘောင်ခေတ်အထိ ဆိုတဲ့အတိုင်း ပုဂံခေတ်၊ ပင်းယခေတ်၊ အင်းဝ ခေတ်၊ တောင်ငူခေတ်၊ ညောင်ရမ်းခေတ်မှ ကုန်းဘောင်ခေတ်အထိ ကိုယ်လုပ်ခဲ့တဲ့ အလုပ်တွေကို နှောင်းလူတွေ သိနိုင်ဖို့ ကမ္ပည်း ကျောက်စာ ရေးထိုးခဲ့ခြင်း ဓလေ့ထုံတမ်းတွေ ရှိခဲ့ဖူးပါတယ်။ အခုလည်း ဆရာမျိုးနေနွယ် က သူ့ရဲ့ မိသားစုဓာတ်ပုံလေးကို မေ့ပျောက်မသွားအောင် ထားချင်ပါတယ်။ ဓာတ်ပုံဆရာတွေဟာ သူတို့ဓာတ်ပုံတိုက်က ရိုက်ပေးခဲ့တဲ့အကြောင်း သိစေချင်တဲ့အတွက် သူတို့ရဲ့ နာမည်လေးတွေကို ဓာတ်ပုံအောက်မှာ အမှတ်တရအဖြစ် ရေးထားတတ်ပါတယ်။ ကြော်ငြာသဘောမျိုးလည်း သက်ရောက်တော့ လုပ်ငန်းကိစ္စအတွက်လည်း အဆင်ပြေပါတယ်။ ဆရာ မျိုးနေနွယ်ကလည်း သူ့ရဲ့မိသားစုစာရင်းကို ဓာတ်ပုံလေးပေါ်မှာ ချရေးချင်နေပါတယ်။ မိသားစု ဓာတ်ပုံဟာ သစ်လွင် တောက်ပနေတာတော့ မဟုတ်တော့ပါဘူး။ နှစ်ကာလတွေ ကြာညောင်းလာတော့ ဟောင်းနွမ်းခြင်းတွေ ဖုံးအုပ်ခံထားရတဲ့ မိသားစု ဓာတ်ပုံလေးတစ်ပုံ ဖြစ်နေပါတယ်။ အသစ်တွေ ဘယ်လောက်ကောင်းကောင်း အဟောင်းကိုတော့ မေ့လို့မရနိုင်ဘူးဆိုသလို ဟောင်းနေတဲ့ မိသားစု ဓာတ်ပုံလေးပေါ်မှာ သံယောဇဉ်အသစ်တွေဟာ ဓာတ်ပုံအဟောင်းလေးပေါ်မှာ အသစ်တစ်ခုအဖြစ် ထွန်းနေပါတော့တယ်။

တိတ်ဆိတ်တဲ့အသံ

စစ်ကိုင်းတိုင်းဒေသကြီး ကသာခရိုင် ပင်လည်ဘူးမြို့နယ်တွင် ဧပြီ ၇ ရက် နံနက်ပိုင်းက မူးယစ်ဆေးဝါး ဖြန့်ချိရောင်းချသူနှစ်ဦးထံမှ ကျပ်သိန်းပေါင်း ၁၃၉၀ တန်ဖိုးရှိ WY စိတ်ကြွဆေးပြားများ ဖမ်းဆီးရမိခဲ့စဉ် (ဓာတ်ပုံ-ဌေးလှအောင်)

သမီးနဲ့ သားကိုလွမ်းတဲ့စိတ်က သူမကို လွှမ်းမိုးလာပြန်ပါတယ်။ ဒီအချိန်ဆို ဒီလိုပဲ။ တစ်နေကုန် ပင်ပန်းထားတဲ့ ခန္ဓာကိုယ်ကို အနားပေးလိုက်တာနဲ့ စိတ်တွေက သူတို့ဆီရောက်သွားတော့တာပါပဲ။ ပါးပြင်ပေါ် အလိုလို စီးကျလာတဲ့ မျက်ရည်စတွေ။ ထုတ်မကြည့်ပေမယ့် အလွတ်ရမှတ်မိနေတဲ့ ဓာတ်ပုံတွေထဲက သားနဲ့သမီးရဲ့ ရယ်မောနေတဲ့ မျက်နှာ။ အခုအချိန်ဆို သူတို့ ဘယ်လိုများနေကြပါ့မလဲ။ သူမကို လွမ်းနေမလား။ အဆင်မှပြေကြရဲ့လား။ သူမ ရင်ခွင်ထဲထည့်ပြီး သိပ်မှအိပ်ပျော်တတ်တဲ့ သမီးငယ်လေး အိပ်မှ အိပ်ပျော်ရဲ့လား။ ရင်ထဲမှာ ဖော်ပြဖို့ ခက်ခဲလှတဲ့ ပူလောင်မှုကို ခံစားလိုက်ရပါတယ်။ ဘာကြောင့် ဒီလို အဖြစ်မျိုးနဲ့ ကြုံရတာလဲ။ တစ်ချိန်က သာယာချမ်းမြေ့ခဲ့ဖူးတဲ့ မိသားစု အသိုက်အမြုံကလေးကို သူမ ပြန်လည်ရရှိနိုင်ပါ့ဦးမလား။

မနက်ကျရင် အစောကြီးထပြီး တစ်နေ့တာအတွက် ပြင်ဆင်ရဦးမှာ။ တစ်နေကုန် အလုပ်လုပ်ရဦးမှာ။ သူမ အိပ်မှဖြစ်မယ်လို့ တွေးပြီး အိပ်ပျော်ဖို့ ကြိုးစားပေမယ့် သူမရဲ့ စိတ်တွေက သမီးနဲ့ သားထံမှာ။ သူမက အလယ်တန်းပညာအထိသာ တတ်ကျွမ်းခဲ့ပေမယ့် ရပ်ထဲရွာထဲမှာ သွက်လက်ထက်မြက်သူရယ်လို့ အသိအမှတ်ပြုခံခဲ့ရဖူးတဲ့ အမျိုးသမီး။ ချစ်တဲ့သူနဲ့ အိမ်ထောင်ကျတော့ သူ့ရပ်ရွာကို လိုက်ပါနေထိုင်ရင်း၊ အိမ်ထောင့်တာဝန်တွေကို ထမ်းဆောင်ရင်း၊ တစ်ဖက်က စီးပွားရှာရင်း၊ ရပ်ရွာအကျိုးကိုလည်း ဆက်လက်သယ်ပိုးခဲ့သူပါ။ နယ်စပ်ဒေသနဲ့ နီးတဲ့ နေရာမို့ လူကုန်ကူးတဲ့ ပြဿနာတွေ၊ မူးယစ်ဆေးဝါပြဿနာတွေ ရောပြွန်းတည်ရှိနေတဲ့ အရပ်ဒေသ။ လူကုန်ကူးခံခဲ့ရတဲ့ အမျိုးသမီးလေး နှစ်ဦးကို တရုတ်နိုင်ငံထဲကနေ ပြန်ထွက်နိုင်ဖို့ အကူအညီပေးပြီး၊ သူတို့ကို လူကုန်ကူးခဲ့သူကို ထိုက်သင့်တဲ့ ပြစ်ဒဏ်ရရှိစေတဲ့အထိ သူမ အကူအညီ ပေးခဲ့ဖူးပါတယ်။ ဒါပေမဲ့ သူမ ကိုယ်တိုင် အခက်အခဲတွေနဲ့ ကြုံလာရတဲ့အချိန်မှာ ဘယ်ကို အကူအညီတောင်းရလို့ တောင်းရမှန်းမသိ။ ဘယ်သူမှ သူမဘက်မှာ ရှိမနေခဲ့ပါ။

“မိန်းမရေ ငါ တောထဲမှာ အလုပ်သွားလုပ်ဦးမယ်။ သားငယ် အလုပ်လုပ်နေတဲ့ နေရာက လူလိုလို့တဲ့။ ငါတို့ ရှေ့ရေးလေးလည်း စုမိတာပေါ့ကွာ”

သူမ နယ်စပ်သွားပြီး ဈေးဝယ်လည်း ဒီလိုပဲ ခင်ပွန်းသည်ကို ပြောသွားနေကျ။ သူမတို့ နှစ်ဦးကြားမှာ ယုံကြည်နားလည်မှုတွေ ရှိနှင့်ပြီးသားမို့ တစ်ယောက်နဲ့ တစ်ယောက် အသေးစိတ်မစပ်စုကြပါ။ တစ်ယောက်နဲ့ တစ်ယောက် ချုပ်ချယ်လွှမ်းမိုးခြင်းတွေလည်း မရှိခဲ့ကြပါ။ သူ အလုပ်လုပ်ပြီးရင် သူ ပြန်လာမှာပေါ့။ သူမတို့ အိမ်ထောင်သက်က ရှစ်နှစ်ကျော်ခဲ့ပြီပဲ။ သူမ ဆိုင်အတွက် ပစ္စည်းလက်ကျန်တွေ တွက်ချက်ရင်း၊ ကျောင်းသွားမယ့် သားအတွက် ထမင်းချိုင့်ထည့်ပေးဖို့ကိုသာ အာရုံများနေခဲ့ပါတယ်။ သူမ ခင်ပွန်း သွားရောက်လုပ်ကိုင်မယ့် အဲဒီအလုပ်က သူမတို့ မိသားစုလေးရဲ့ ဘ၀ကို ဇောက်ထိုးမိုးမျှော် ဖြစ်စေမယ့် အရာလို့သာ ကြိုမြင်ဖြစ်ခဲ့ရင် သူမ အဲဒီလို သွေးအေးနိုင်ခဲ့ပါ့မလား။

သူ ပြန်ရောက်လာချိန်မှာ သူက သူမသိခဲ့တဲ့ သူမရဲ့ ခင်ပွန်းသည် ဟုတ်မနေတော့ပါ။ နွေးထွေးလုံခြုံတယ်လို့ ခံစားခဲ့ရဖူးတဲ့ ရင်ခွင်တစ်ခုက မီးလို ပူလောင်တဲ့ ရင်ခွင်အဖြစ်ကို ပြောင်းလဲသွားခဲ့ပါတယ်။ သူတို့ကို တောထဲက သစ်လုပ်ငန်းမှာ အလုပ်လုပ်နိုင်အောင်ဆိုပြီး ဆေးပြားတွေ တိုက်သတဲ့။ လုပ်အားခတွေကိုလည်း ဆေးပြားတွေနဲ့သာ ရှင်းသတဲ့။ မူးယစ်ဆေးဝါးနဲ့ ပတ်သက်လို့ ဗဟုသုတ လုံလောက်စွာ မရှိကြသူတွေ ဖြစ်တဲ့အပြင် ကိုယ့်အလုပ်ရှင်က တိုက်တာမို့ သူတို့ ငြင်းဆန်ဖို့ မစဉ်းစားဖြစ်ခဲ့ကြပါ။ အခြားရွေးစရာ လမ်းတစ်စုံတစ်ရာ ရှိတယ်လို့လည်း မမြင်ဖြစ်ခဲ့ကြ။ အဲဒီမှာ အလုပ်လုပ်နေကြသူတွေအားလုံး အတူတကွ ဆောင်ရွက်နေကြတဲ့ ကိစ္စတစ်ခုကို မှားတယ်လို့ မြင်နိုင်စွမ်းမရှိခဲ့ကြပါ။ အဲဒီဆေးပြားတွေက သူတို့ရဲ့ စိတ်တွေကိုပြောင်းလဲစေမယ်၊ စွဲလမ်းစေမယ်လို့ ဘယ်သူမှ ကြိုတင်နားလည်ခဲ့ကြပုံမပေါ်။ နားလည်ခဲ့ရင်တောင် အလွန်အမင်း မဆိုးလောက်ဘူးလို့ တွေးပြီး ခပ်ပေါ့ပေါ့ပဲ သဘောထားခဲ့ကြပုံရပါတယ်။

သူမရဲ့ ညတွေ ငရဲအဖြစ်ကို ပြောင်းလဲလာခဲ့ပါတယ်။ ကလေးတွေကို ရှက်တဲ့စိတ်၊ အိမ်နီးနားချင်းတွေကို ရှက်တဲ့စိတ်နဲ့ လင်မယား နှစ်ယောက်ကြားကျိတ်ပြီး ဖြေရှင်းဖို့ ကြိုးစားပေမယ့် လူစိတ် မကြာခဏ ပျောက်သွားပုံရတဲ့ ခင်ပွန်းသည်ကို နားလည်အောင် ပြောဆိုဆက်သွယ်လို့ မရတော့ပါ။ သူနဲ့ အတူတူ အလုပ်သွားလုပ်ခဲ့တဲ့ သူမ သူငယ်ချင်းရဲ့ ခင်ပွန်းသည်အကြောင်းကို သူမ သူငယ်ချင်းက မျက်ရည်စက်လက်နဲ့ ရင်ဖွင့်လာတော့ ဒီ ပြဿနာကို ခံစားနေရတာ သူမ တစ်ယောက်တည်း မဟုတ်ဘူးဆိုတာ ရိပ်မိလာခဲ့ပါတယ်။ ကိုယ့်မိန်းမကိုယ် ဓားနဲ့ထောက်ပြီး ဆိုးဆိုးရွားရွား အဓမ္မပြုကျင့်တဲ့ အဆင့်အထိ လွန်ကဲလာတဲ့အချိန်မှာ သူမ သူငယ်ချင်းက သူမရဲ့ မိဘတွေထံကို ထွက်ပြေးသွားခဲ့ပါတယ်။ သူမ သူငယ်ချင်းက ကလေးမရှိသူမို့ ကိုယ်လွတ် ရုန်းထွက်ပြေးဖို့ လွယ်ကူပေမယ့် သူမက ကလေးတွေကို မထားခဲ့နိုင်ပါ။ ကလေးတွေကို မခွဲနိုင်တဲ့စိတ်ကြောင့် ကြိတ်မှိတ်သည်းခံနေရပေမယ့် ခင်ပွန်းသည်အပေါ်မှာ နာကြည်းစိတ်တွေက ရှိခဲ့ဖူးတဲ့ သံယောဇဉ်တွေကို ပြတ်တောက်ကုန်ခန်းသွားစေတဲ့အထိ ဖြစ်လာခဲ့ပါတယ်။

သူမ သိခဲ့ဖူးတဲ့ နှစ်လိုစရာ၊ တွယ်တာစရာကောင်းတဲ့ လူတစ်ယောက်ကို ပြန်ရနိုင်ဦးမလား။ သူမကို နာကျင်ခံစားတတ်တဲ့ လူသားတစ်ယောက်လို့တောင် မြင်ပုံမရတော့ဘဲ သူ့အတွက် ဖျော်ဖြေစရာ အသုံးချခံပစ္စည်း အဖြစ်သာ မြင်လာပုံရတဲ့ ခင်ပွန်းသည်ကို ရွံစရာကောင်းတဲ့ သူစိမ်းတစ်ယောက်လို မြင်လာမိပါတယ်။ သူမရဲ့ စိတ်ပိုင်းဆိုင်ရာတွေ ထိခိုက်လာပြီး အရင်လို အလုပ်လုပ်ချင်စိတ်တွေလည်း မရှိတော့ပါ။ သက်သာရာရမလားလို့ ခင်ပွန်းသည်ရဲ့ ညီမကို အိမ်မှာခေါ်ပြီး သူမနဲ့ အတူတူအိပ်စေတော့ အိပ်ပျော်နေတုန်း သူမ ခြေထောက်ကို အတင်းဆွဲပြီး ခုတင်ပေါ်က ဆွဲချတာမျိုးတွေ လုပ်လာပါတယ်။ သူမရဲ့ အဖြစ်ကို အိမ်နီးချင်းတွေလည်း ရိပ်မိစပြုနေပြီ။ ကလေးတွေ ရှေ့မှာတောင် မရှောင်တဲ့ အနေအထားအမျိုး အရောက်မှာ သူမ ရပ်ရွာလူကြီးတွေကိုဖွင့်ပြော အကူအညီ တောင်းမိပါတယ်။ သူမ အလွန်အမင်း ရှက်ပေမယ့် ဒီအတိုင်း ဆက်နေဖို့ မဖြစ်နိုင်တော့ပါ။

“သူက နင့်ကို ဒီအတွက် ယူထားတာပဲ မဟုတ်လား” တဲ့။

သူမဘက်မှာ ရပ်တည်ပေးမယ့်သူ မရှိခဲ့ပါ။ နားလည်မှု၊ မြင်နိုင်မှု နည်းပါးလှတဲ့ ပတ်ဝန်းကျင်မှာ သူမ ဆက်နေနိုင်ဖို့ အလွန်ခက်ခဲလာပါတယ်။ ခင်ပွန်းသည် မရှိချိန်မှာ ကလေးနှစ်ယောက်ကိုခေါ်ပြီး မိခင်ရှိရာကို ထွက်ပြေးလာခဲ့မိပါတယ်။ သူမက ဖခင်ဆုံးပါးခဲ့ပြီမို့ မိခင်သာ အားကိုးရာ ရှိပါတော့တယ်။ ကလေးတွေနဲ့ အတူ၊ ဘ၀လေးတစ်ခုကို ပြန်လည်တည်ထောင်မယ်လို့ စဉ်းစားနေဆဲ သူမ အိမ်မှာ မရှိတုန်း သူမ ခင်ပွန်းသည်က ကလေးတွေကို ပြန်လာခေါ်သွားခဲ့ပါတယ်။

သူမ သူ့ထံကို ဘယ်လိုမှ ပြန်မသွားနိုင်တော့ပါ။ ငရဲညတွေကို သူမ ရင်ဆိုင်နိုင်စွမ်းမရှိတော့။ ကလေးတွေမျက်နှာကြောင့် လပေါင်းများစွာ သူမ သည်းခံခဲ့ပြီးပြီ။ သူမရဲ့ ခံနိုင်ရည် အဆုံးစွန်ကို ရောက်ခဲ့ပြီးပါပြီ။ သူ့ လက်ကနေ အပြီးတိုင် လွတ်ဖို့ဆိုတာ သူနဲ့ အလွန်ဝေးကွာတဲ့ နေရာတစ်ခုကို ပြောင်းရွှေ့ဖို့သာလို့ သူမ နားလည်လာမိပါတယ်။ အဲဒီ နားလည်မှုနဲ့ သူမ ရန်ကုန်မြို့ကို ထွက်လာခဲ့တာပါ။

ရန်ကုန်မှာ သူမ တတ်ကျွမ်းပြီး ၀ါသနာပါတဲ့ စားသောက်ဆိုင် လုပ်ငန်းကိုလုပ်မယ်။ ပိုက်ဆံစုမိပြီး အခြေခိုင်ရင် ကလေးတွေကိုရအောင် ပြန်ခေါ်မယ်လို့ စဉ်းစားခဲ့ပါတယ်။ သို့ပေမဲ့ ရန်ကုန်မြို့ကြီးက သူမ ထင်ထားခဲ့သလို ရိုးရှင်းစွာ အသက်ရှင်ရပ်တည်ဖို့ မလွယ်ကူလှပါ။ သူမပါလာတဲ့ ပိုက်ဆံကလေးတွေ ကုန်လုနီးပါးဖြစ်အောင် အလိမ်ခံရရင်း နောက်ဆုံးမှာ စားသောက်ဆိုင် မဖွင့်နိုင်တော့ဘဲ စားသောက်ဆိုင်တစ်ခုမှာ ၀န်ထမ်းအဖြစ်သာ အလုပ်ဝင်လုပ်ခဲ့ရပါတယ်။

သူမ ၀ါသနာပါတဲ့ အလုပ်မို့ ကြိုးစားလုပ်ကိုင်ရင်း အဓိက စားဖိုမှူးတစ်ယောက် နေရာကို ရရှိလာခဲ့ပါတယ်။ နေစရိတ် သုံးစရိတ်ဖယ်ပြီး ပိုတာလေးတွေကို ကျစ်ကျစ်ပါအောင် စုရင်း တစ်ချိန်မှာ သူမ မျှော်လင့်ထားတဲ့ ကိုယ်ပိုင်စားသောက်ဆိုင် တစ်ဆိုင်ဖွင့်နိုင်ဖို့ဆိုတဲ့ အိပ်မက်ကို ဆက်လက်ဆုပ်ကိုင်ထားဆဲပါ။ သူမ ကလေးတွေကို အနားမှာ ခေါ်ထားနိုင်ဖို့ဆိုတာ သူမ အခြေတကျဖြစ်နေမှ ဖြစ်မယ်။ အဲဒါက ဘယ်အချိန် ဖြစ်နိုင်မလဲ သူမ မသိပါ။

ပါးပြင်ပေါ်က မျက်ရည်တွေကို လက်ဖမိုးနဲ့ ဖိသုတ်ရင်း သူမ အိပ်ပျော်နိုင်ဖို့ ကြိုးစားလိုက်ပါတယ်။ သူမ အကြောင်း ဖြစ်ရပ်မှန်တွေကို ဘယ်သူ့ကိုမှ မျှဝေမပြောပြရဲပါ။ ပြောရင် ရရှိမယ့် တုံ့ပြန်မှုတွေက သူမဘက်မှာ ရှိနိုင်မယ်လို့ မထင်မိ။ ကိုယ်ဘာပဲဖြစ်နေနေ မိခင်ကောင်းပီသစွာ ကလေးတွေအနားမှာ ရှိနေသင့်တယ်လို့သာ စဉ်းစားကြမယ့်သူတွေက အများစု ဖြစ်မှာပါ။ သူမလို အမျိုးသမီးတွေ ဒီနိုင်ငံမှာ ဘယ်နှယောက် ရှိသလဲ။ လိင်ပိုင်းဆိုင်ရာ အကြမ်းဖက်မှုဆိုတာ ခင်ပွန်းသည်တွေကလည်း ကျူးလွန်နိုင်တယ်လို့ နားလည်နိုင်စွမ်း မရှိသေးတဲ့ ပတ်ဝန်းကျင်မှာ သူမတို့လို အမျိုးသမီးတွေ အသံထွက်ခွင့်မရကြပါ။ မတော်တဆ အသံထွက်မိရင်တောင် နားလည်မှုလွဲမှားတဲ့ အကြည့်တွေကြားထဲမှာ ခေါင်းငုံ့ရင်း ပြန်လည်တိတ်ဆိတ်သွားခဲ့ကြတာပါပဲ။ သူမတို့မှာသာ အပြစ်ရှိသလို မျက်လုံးတွေ။

လက်ရှိမှာ ငရဲညတွေကနေ ဝေးခဲ့ပေမယ့် ချစ်တဲ့သားသမီးတွေနဲ့လည်း ဝေးနေရတာမို့ သူမ မပျော်နိုင်ပါ။ မိမိရဲ့ရပ်ရွာဒေသကိုလည်း ရှက်စိတ်တွေ၊ ဂုဏ်သိက္ခာကျဆင်းမှုတွေနဲ့ စွန့်ခွာခဲ့ရတာ မဟုတ်လား။ ထွက်ပေါက်မဲ့သလို ခံစားလာရတိုင်း သူမနေတဲ့ အဆောင်က ရေချိုးခန်းတံခါးကို ပိတ်ပြီး အော်ငိုမိတတ်ပါတယ်။ စိတ်ဒဏ်ရာဆိုတာကို သူမ နားမလည်ပေမယ့် စိတ်ထဲက မခံမရပ်နိုင်အောင် နာကျင်မှုတွေကို မကြာခဏ ခံစားခဲ့ရပါတယ်။

သက်ဆုံးတိုင်လက်တွဲပြီး ဘ၀ကို အတူတူ တည်ဆောက်ကြမယ်လို့ ရည်ရွယ်ထားတဲ့ မိသားစုလေး ဘာကြောင့်ပြိုကွဲပျက်စီးခဲ့ရတာလဲ။ အရာရာက အရင်အတိုင်း ပြန်ဖြစ်နိုင်ဦးမလား။ ဒီကိစ္စတွေအတွက် အဖြေရှိသလား။ သူမရဲ့ရင်ထဲမှာသာ တိတ်ဆိတ်စွာမေးနေဖြစ်တဲ့ မေးခွန်းတွေနဲ့အတူ သူမ အိပ်ပျော်အောင် ကြိုးစားနေရဆဲ။

ပြီးခဲ့ပြန်ပေါ့သင်္ကြန်

သင်္ကြန်အတက်နေ့တွင် ရန်ကုန်မြို့၌ ရေကစားနေကြသူများအား တွေ့ရစဉ် (ဓာတ်ပုံ-ကြည်နိုင်)

(၁)

ထိုင်းလူမျိုးတွေက ဆုံကရမ်လို့ ခေါ်ကြတယ်။ ကိုယ့်တိုင်းပြည်မှာတော့ သင်္ကြန်ပေါ့နော်။ ငယ်ငယ်တုန်းကတော့ သိပ်ပျော်တာပေါ့။ သင်္ကြန်နီးပြီဆို အလိုလိုကို ကျလိကျလိ ဖြစ်နေတာ။ အမေက မျက်စောင်းတခဲခဲနဲ့ပေါ့။ ကောင်မ တော်တော်ထ၊ မှတ်ပုံတင်မရခင် လင်ရနေမယ်တဲ့။ အမေပြောတဲ့ မှတ်ပုံတင်ဆိုတာက ၁၈ နှစ်ပြည့် နိုင်ငံသားကတ်။ အခုတော့ အဲဒီကတ်သာမက ပတ်စ်ပို့ပါ လက်ထဲမှာရှိခဲ့ပြီ။ အမေပြောတဲ့ မှတ်ပုံတင်ရတာလည်း ခုနစ်နှစ်ရှိခဲ့ပြီ။ လင်ယူဖို့ဆိုတာ ဝေးလို့ ရည်းစားတောင် မရသေးဘူး။

(၂)

“ကျွန်မလည်း ရည်းစားထားဖို့တောင် စိတ်ကူးမရှိခဲ့ပါဘူး အမရယ်။ စက်ရုံက ခဏ ခဏ အိုဗာတိုင် ဆင်းရတယ်လေ။ ပျော်တာပေါ့ အမရယ် ပိုက်ဆံပိုရတာကိုး။ ဒါပေမဲ့ ည အချိန်မတော် ပြန်ရတာကျတော့ အဆင်မပြေလှဘူး။ ဘာဘာညာညာ သတင်းတွေကလည်း ကြားဖူးထားတာကိုး။ သူက အဲဒီလိုညတွေကျရင် စက်ရုံအ၀ကနေ လာစောင့်ကြိုပြီး အဆောင်ကို ပြန်လိုက်ပို့ပေးတယ်။ ကြာလာတော့ သံယောဇဉ်ဖြစ်ပြီး အားကိုးချင်မိတာ”

ကြက်စာစက်ရုံမှာ အလုပ်လုပ်တဲ့ ညီမလေး တစ်ယောက်က ပြောတာ။ ညီမလေးလို့ ဆိုရလောက်အောင် သူကလည်း ကျွန်မ ညီမလေးနဲ့ အသက်အတူတူ။ ကျွန်မထက် သုံးနှစ်ငယ်တယ်။

“အားကိုးချင်တာနဲ့ လင်ယူလိုက်တယ်ပေါ့လေ”

“အမကတော့ လုပ်ပြီ။ အားကိုးချင်တာ တစ်ခုတည်းဆို ကျွန်မကို ကြိုက်တဲ့ ချမ်းသာတဲ့ အဘိုးကြီးတွေကို ယူမှာပေါ့။”

ဟုတ်တော့လည်း ဟုတ်ပါတယ်။ ရုပ်ကလေးက လှတပတ၊ အရွယ်လေးက ကောင်းတော့ ရောင်းရင် ဈေးကွက်တင်လို့ ကောင်းချိန်ပေါ့။ သူ့သူဌေးက တပည့်တွေကတစ်ဆင့် စကားပစ်သွင်းနေတာတို့၊ မန်နေဂျာက လက်ထပ်ခွင့်တောင်းတာတို့ ကျွန်မလည်း သိတာပေါ့။

“ဟုတ်ပါပြီအေ။ အရွယ်တူတွေ အချစ်ကို ကိုးကွယ်ခဲ့ကြတာပေါ့”

တမင်ရွဲ့ပြီး ခနဲ့သလို စလိုက်တယ်။ ညီမလေးတစ်ယောက် အနားမှာ ကောက်ရတယ်ဆိုပြီး သူ့ကို သံယောဇဉ်ဖြစ်ခဲ့ ချစ်ခဲ့တာဆိုတော့ သူကလည်း ကျွန်မ ဘာပြောပြော စိတ်မဆိုးပါဘူး။

(၃)

“ကျွန်တော်တို့ကို ဘယ်သူတွေက ဘာပြောပြောပါ အမရယ်။ ကိုယ့်ဘ၀ကို ကိုယ် နားလည်ဖို့သာ လိုရင်းပါ”

နောက်စုံတွဲ တစ်တွဲရဲ့ ခေါင်းတွဲ မောင်လေးက ပြောတယ်။ အဲဒီစုံတွဲကို ကျွန်မတို့ မြန်မာအသိုင်းအ၀ိုင်းက ရင်းနှီးခင်မင်သူတွေက အမေရိကန်လင်မယားလို့ ခေါ်ကြတယ်။ ကျွန်မလည်း ကြားသိကာစက အံ့သြခဲ့တာပေါ့။ ဘယ့်နှယ် ယိုးဒယားတောင်မှ ကံကောင်းလို့ တရားဝင်လာပြီး အလုပ်လုပ်ခွင့်ရတာ။ ဘာကိစ္စ အမေရိကန် ရတာလဲပေါ့။

နောက်တော့မှ သိရတာ။ သူတို့ လင်မယားက ကိုယ်ရတဲ့ လုပ်ခထဲက ကိုယ့်မိဘ၊ မိသားစုဆီ လစဉ်ပို့ပေးတာကို ဘယ်သူကမှ မငြိုငြင်ကြဘူး။ လစဉ် စားစရိတ်၊ အခန်းငှား စရိတ်တွေကိုက လင်မယားနှစ်ယောက် တစ်ယောက်တစ်ဝက် ထည့်ကြရသတဲ့။ အမေရိကန် မဖြစ်ပေမဲ့ အမေရိကန်စနစ် စစ်မစစ်ဖယ်ထား၊ ကိုယ်စားတာ ကိုယ်ပေး ဆိုတဲ့စနစ်ကနေ ဆင်းသက်လာတာကြောင့် အမေရိကန်လင်မယားတဲ့။

“အခုကတော့ ထားပါတော့ဟယ်။ နင်တို့ ကလေးတွေ ဘာတွေ ရလာရင် ဘယ်လို လုပ်ကြမှာလဲ။”

“မလာပါနဲ့ဦးလို့တော့ ပြောထားတာပဲ။ တားထားတဲ့ကြားက ရလာတော့လည်း အဘိုးအဘွားတွေဆီ ပြန်ပို့ရုံပေါ့ အစ်မရယ်။ ဒီအပျိုကြီးကလည်း အမေးအမြန်း ထူလိုက်တာ၊ လင်ယူချင်နေလို့များ စပ်စုနေတာလား မသိဘူး”

(၄)

နှစ်ဆယ်ကျော် အစိတ်ပိုင်းဆို အရွယ်တော် တစ်ဆိတ်ဟိုင်းပြီ ဆိုပြီး အပျိုကြီးစာရင်း သွင်းချင်သူက ခပ်များများကိုး။ ပြောသာပြောရတာပါ၊ အိမ်မှာ ကိုယ်က အကြီးဆုံးဆိုတော့ ဆယ်ကျော်သက်တို့၊ မြီးကောင်ပေါက်တို့၊ အပျိုဖြန်းတို့ဆိုတာ စကားလုံးတွေသာ ဖြစ်ခဲ့တာပေါ့။ ဘာမှ စိတ်ရူးလည်း မထနိုင်၊ စိတ်ကူးလည်း မယဉ်နိုင်ခဲ့ပါဘူး။

လေးတန်း အောင်ကတည်းက မြို့မှာ အလယ်တန်း သွားတက်ဖို့ကလည်း အဆင်မပြေ၊ အိမ်မှာလည်း လယ်ထဲ ကူလုပ်ဖို့ လူလိုတာကိုး။ အိမ်သားတစ်ယောက် အဖော်ရရင် အပြင်က လက်စားလိုက် အကူတစ်ယောက်စာ သက်သာတယ်လေ။ လက်စားလိုက် ဆိုတာကလည်း ရှားတော့ ရှားခဲ့ပါပြီ။ အခုအခါမှာ တစ်ခါတည်း နေ့တွက်ဖြစ်ဖြစ်၊ ပုတ်ပြတ်ဖြစ်ဖြစ် အပြတ်ပေးလိုက်ကြရတာ များတယ်။ စပါးပေးတို့၊ ပဲပေး နှမ်းပေးတို့ စသဖြင့် သီးနှံပေါ်မှ ပေးဆိုတာ မပိုင်ဝက်မွေးလို့ အောက်မေ့သူတွေ များလာပြီကိုး။

(၅)

အမေက ပြောတယ် ပိုင်တာ မပိုင်တာ ဖယ်ထား၊ ၀က်မွေးတာ စုဘူးလေး စုထားတာတဲ့။ ၀က်ပေါ်ချိန်မှာ ဖြစ်ဖြစ်၊ ဒိုင်ကို ရောင်းလိုက်ချိန်မှာ ဖြစ်ဖြစ် ပိုက်ဆံ တစ်လုံးတစ်ခဲတည်း ရတာကိုး။ ၀က်ပေါ်တာကလည်း ပထမ တစ်ကောင် အိမ်မှာပဲ လုပ်ကိုင်နေကြသူတွေ ခေါ်ပြီး ပေါ်ပြီးကတည်းက စိတ်မချမ်းသာလို့တဲ့၊ နောက်အကောင်တွေ ကျတော့ ဒိုင်ကို အပြတ်ရောင်းတော့တာ။ ဒါတောင်မှ ၀က်ဒိုင်က လာဆွဲရင် သူတို့လည်း တိရစ္ဆာန်ပေမဲ့ သိတယ်။ ရုန်းကန် အော်ဟစ်နေတော့တာ။

တစ်နှစ်မှာ ပိုက်ဆံကျပ်လွန်းတာကြောင့် မျိုးထားတဲ့ ၀က်မကြီးကို ထုတ်ရောင်း လိုက်ရတယ်။ ၀က်ကလေးတွေက နို့ခွဲပြီးပြီဆိုပေမဲ့ သူတို့အမေကို ရှာနေတာ စိတ်မကောင်းစရာ။ ၀က်မကြီး အော်သံကလည်း တစ်ရွာလုံးညံလို့ပေါ့။ အငယ်မက တရှုတ်ရှုတ်နဲ့ ငိုတယ်။ အမေ က နှစ်သိမ့်တယ်။ ၀က်ကလေးတွေထဲက အမတစ်ကောင်ကို မျိုးပြန်ထားတာပေါ့ သမီးရယ်တဲ့။ ပြောသာပြောတာ အမေ့အသံကလည်း မကောင်းပါဘူး။ အမေ့မျက်ဝန်းမှာလည်း မျက်ရည်စတွေနဲ့။

(၆)

“၀ဋ်ဆိုတာ မလွတ်နိုင်ဘူးတဲ့။ ၀က်မကြီးနဲ့ ၀က်ကလေးတွေကို ခွဲခဲ့လို့ ဒီလိုကြုံရတာ နေမှာပါ။”

ကျွန်မ ထိုင်းမှာ အလုပ်လုပ်ဖို့ ထွက်တော့ အဖေပြောတဲ့စကား။ ပြီးတော့ အဖေ က ပြောသေးတယ်။

“ငါပဲ ညံ့တာလား။ ခေတ်ပဲ မကောင်းတာလား။ တစ်ခုခုတော့ တစ်ခုခုပဲ။ ငါတို့ အဘလည်း ဒီလယ် ဒီယာလုပ်ပြီး ငါတို့ မောင်နှမတွေကို လူလားမြောက်စေခဲ့တာပါကွာ။ ငါလည်း မိုးဆို စပါး၊ ဆောင်းဆို မြေပဲနဲ့ လယ်ထဲက မထွက်ရပါဘူး။ အခုတော့ ငါ့လက်ထက်ကျမှ ငါ့သမီးက နိုင်ငံခြားထွက်ပြီး ကျွန်ခံရမတဲ့။ ကောင်းကြသေးရဲ့လား”

“သြော် အဖေရယ်၊ ဒီမှာ အဆင်မှမပြေတဲ့ဥစ္စာ။ အခွင့်ကြုံတုန်းလေး အဖော်ကောင်းတုန်းလေး သွားရမှာ။ အငယ်တွေကလည်း ရှိသေးတယ်လေ။ အဖေပဲ သူတို့တစ်တွေကိုတော့ ဘွဲ့ရပညာတတ်တွေ ဖြစ်စေချင်တယ်ဆို။ တက္ကသိုလ်ဆိုကြီးကလည်း အဝေးကြီး သွားတက်စရာ မလိုတော့ဘူး။ ရွာနားကို ရောက်လာပြီဆို။ အဲဒီတော့ ပိုက်ဆံရှာရမှာပေါ့။ ကျောင်းစရိတ်ကလည်း နည်းတာမှ မဟုတ်တာ။ ပင်ပန်းတာချင်းအတူတူ ပိုက်ဆံပိုရတော့ ကောင်းတာပေါ့။”

ဟုတ်တယ်လေ လယ်ထဲ ဆင်းရတာ လွယ်တာမှတ်လို့။ ဗီဒီယိုထဲက မင်းသမီးတွေ နှုတ်ခမ်းနီမပျက်၊ လက်သည်းနီ မပျက်နဲ့ ဟန်ရေးပြနေတာမျိုး တကယ့်ဘ၀မှာ ဘယ်လိုလုပ်ရမှာလဲ။ နည်းနည်း သက်သာမယ် ထင်ရတဲ့ ဆောင်းမြေပဲ စိုက်တာတောင် ခါးတွေကိုက်၊ ခြေသလုံးတွေ တောင့်တင်းနဲ့။ ထယ်ကြောင်းထဲ မြေပဲစေ့လေးတွေ ချပြီး ခြေထောက်နဲ့ ဘယ်ညာယက်ပြီး ပြန်ဖုံးရတာ။ ကြာတော့ ထိတာပေါ့၊ အမေဆို ခါးနာရောဂါ ရကတည်းက မြေပဲ မစိုက်နိုင်တော့ဘူး။ အဖေကတော့ မြေပဲစေ့ချပြီး မြေဖုံးပြီးတဲ့အခါ တလိမ့်တုံးချောချောကို နွားနဲ့ဆွဲပြီး ပြန်ဖိတယ်။ အရပ်အခေါ် ကြမ်းတုံးရိုက်တယ် ခေါ်တာပေါ့။

(၇)

“ဟဲ့ နင့်အဖေက နင့်ကို နိုင်ငံခြား သိပ်ပြီး သွားစေချင်တာ မဟုတ်ဘူး။”

အမေက သားအမိနှစ်ယောက်တည်း ရှိချိန်မှာ တိုးတိုးလေး လာပြောတယ်။

“ဘာဖြစ်လို့တုန်း အမေရဲ့”

“နိုင်ငံခြားမှာ အ၀ှာဖြစ်သွားမှာ စိုးလို့တဲ့ ဟေ့။”

“အောင်မလေး အမေရယ်။ အ၀ှာဖြစ်ဖို့ဆိုတာ နိုင်ငံခြားသွားမှ မဟုတ်ပါဘူး။ ဒီမှာလည်း ဖြစ်နိုင်တာပါပဲ။”

ရယ်ရင်း မောရင်း အမေ့ကို ပြန်ဖြေခဲ့ပေမဲ့ ရင်ထဲမှာ မကောင်းခဲ့တာအမှန်။

(၈)

အရင်နှစ်တွေတုန်းကတော့ သင်္ကြန်နီးပြီဆို ရင်ထဲမှာ မကောင်း။ အိမ်အလွမ်းက ပိုလာတယ်။ ပြန်မယ် ဆိုပြန်တော့လည်း အလုပ်ပျက်မှာနဲ့၊ စရိတ်တက်မှာနဲ့ ပိုက်ဆံတွက်ပြီး မပြန်ဖြစ်ခဲ့ပါဘူး။ အဲဒီတော့ ဘာလုပ်တုံး၊ ငိုတာပေါ့။
အခုတော့ မျက်ရည်လည်း ခန်းခဲ့ပြီထင်ပါရဲ့။ လွမ်းစိတ်ဆိုတာ ရှိပေမဲ့ ငိုယိုပေါက်ကွဲကျတဲ့ အဆင့်အထိ ရောက်မလာခဲ့တာ အံ့သြစရာ။ နင် အသည်းမာသွားပြီပေါ့နော်တဲ့။ ညီမက ဖေ့စ်ဘွတ်ကနေ ဗီဒီယိုဖုန်း ပြောကြတော့ လူကို ကလိတယ်။

(၉)

ဖေ့စ်ဘွတ်ကနေ သင်္ကြန်မြင်ကွင်းတွေ၊ ဗီဒီယိုတွေ၊ အကတွေ၊ အဆိုတွေ တွေ့ရတယ်။ သက်ကြီးရွယ်အိုတွေ ဆိုနေ ကနေ ပျော်နေကြတာ တွေ့ရသလို လူငယ်တွေ တရားစခန်း ၀င်ကြတာလည်း မြင်ရတာ။ ဒီအသက်အရွယ်ရောက်မှ အိုကြီးအိုမနဲ့ ကွာဆိုပြီး ခနဲ့ကြတာလည်း ဖတ်ရတယ်။ ရွာဦးကျောင်းဆရာတော် ဟောတဲ့ တရားထဲက ၀ါသနာဘာဂီ ဆက်တိုင်းမီဆိုလား ပြန်ကြားမိတယ်။

ချင်းတွင်းသင်္ကြန်တဲ့။ လမ်းလျှောက်သင်္ကြန်တဲ့။ ပျော်နေတဲ့လူတွေကို ကြည့်ရ မြင်ရတာ စိတ်ချမ်းသာတယ်။ အငယ်မက မေးတယ်။ နင် ပြန်မလာချင်ဘူးလားတဲ့။

ဒါနဲ့ အားကျမခံ ဒီမှာလည်း သင်္ကြန်ရှိပါတယ်ဟဲ့။ တွေ့လား မဟာချိုင်မှာ မြန်မာတွေ စုပြီးလုပ်တဲ့ သင်္ကြန်၊ ကျွေးတဲ့ စတုဒိသာ၊ ဟောတဲ့တရား ဆိုပြီး ပုံတွေ ပြန်ပြလိုက်တယ်။ မွန်ရိုးရာ သင်္ကြန်ဆိုတာ အကြီးအကျယ်ပေါ့။ ထိုင်းမှာ မွန်လူမျိုးတွေလည်း များတယ်လေ။ ဆန်ခလာဘူရီက မွန်ဆရာတော်ကြီးဆို ထိုင်းဘုရင်ကြီးကစလို့ ကြည်ညို ကိုးကွယ်တာ။ ကျွန်မ မမွေးခင်လေးက ထိုင်းမှာ အာဏာသိမ်းခဲ့တဲ့ ဗိုလ်ချုပ်ကြီး ဆူချင်ဒါဆိုလည်း မွန်လူမျိုးပဲတဲ့။

(၁၀)

အလှပြင်ဆိုင်မှာ ကျွန်မနဲ့အတူ အလုပ်လုပ်တဲ့ မွန်မလေးကတော့ ဒီနှစ်သင်္ကြန် အိမ်ပြန်သွားခဲ့တယ်။ မဲဆောက်ကနေ မြ၀တီကူးပြီးတော့ပေါ့။ မနှစ်တုန်းက သင်္ကြန်မှာ အိမ်မပြန်ဖြစ်လို့ ငိုတဲ့ ကောင်မလေးလေ။

အငယ်မက ကျွန်မကို စတယ်။ နင်ကော မငိုဘူးလားတဲ့။ ဘာကိစ္စငိုရမှာလဲလို့ ပြန်ဖြေရင်း ဟန်ဆောင်ပြီး ရယ်ပြလိုက်တယ်။ အငယ်မ မျက်နှာလေး တစ်ချက်တွေသွားတယ်။ ပြီးတော့ စကားပြန်စတယ်။

“သင်္ကြန်ပြီးရင် ငါ မြို့တက်မယ်။ ပတ်စပို့ စာအုပ် လုပ်မယ်။”

“အလိုတော် ဘာလုပ်ဖို့။ ငါ့ဆီ အလည်လိုက်လာ မလို့လား။”

“အလည် မဟုတ်ဘူးဟေ့။ အလုပ် လုပ်ချင်လို့။ ငါ့အတွက်လည်း အလုပ်လေး ဘာလေး ရှာပေးထားဦး။ ငါတို့ ညီအစ်မနှစ်ယောက် အတူတူနေရအောင်။”

တက်လာတဲ့ ကုန်ဈေးနှုန်းတွေရယ်၊ ကြီးလာတဲ့ စရိတ်စကတွေရယ်၊ အိုလာတဲ့ မိဘတွေရယ်။ ကျွန်မ ဘာပြန်ပြောရမှန်း မသိဘူး။ ရုတ်တရက် ဆွံ့အသွားခဲ့တယ်။

အမေကတော့ ကျိတ်ပြီးငိုမှာ သေချာတယ်။ အဖေကရော သူ့ကိုယ်သူ လူညံ့လို့ ပြောရင်း ၀မ်းနည်းပက်လက် ဖြစ်နေလေမလား။

ပညာရေးမှာ အတွေးမှားမှား

Photo: cultofmac

“ဆရာညိုရေ ဧပြီလမှာ ၀န်ကြီးဌာန အသီးသီးက သူတို့ရဲ့ နှစ်နှစ်တာ လုပ်ဆောင်ချက်တွေကို တင်ပြတာကို တွေ့ရတယ်”

“မှန်ပါတယ်။ NLD အစိုးရ သက်တမ်း နှစ်နှစ်တာကာလမှာ လုပ်ဆောင်တာတွေကို ပြည်သူလူထုကို ချပြနေတာပါပဲ။ ကျွန်တော်တော့ ပညာရေးဌာနက ပြည်ထောင်စုဝန်ကြီး ပြောတာကို နှစ်ကြိမ်တိုင်တိုင် နားထောင်ခဲ့ရပါတယ်”

“တိုးတက်မှုတွေလား”

“ဟုတ်ပါတယ်။ ပညာရေးနဲ့ ပတ်သက်တဲ့ ၀န်ထမ်းတွေ၊ ကျောင်းသားတွေကိုလည်း အင်တာဗျူး လုပ်ထားတာ တွေ့ရတယ်”

“ဆရာညို ဘယ်လိုထင်လဲ”

“တချို့ ကျောင်းသားတွေပေါ့လေ။ သူတို့ကို Air-con နဲ့ထားတာကို ပြောပါတယ်”

“ဟုတ်ပါတယ်၊ အရင်ခေတ်ကတည်းက ရန်ကုန်တက္ကသိုလ် ဘွဲ့နှင်းသဘင်ကို လေအေးစက်တွေ တပ်ခဲ့ပါတယ်။ ဒါပေမဲ့ မီးပျက်တာတွေက များတော့ ဒုက္ခရောက်ပါတယ်”

“မီးစက် သုံးပေါ့”

“မီးစက်က တစ်နာရီ ဒီဇယ်ဖိုး သိန်း ၇၀ ကျော် ကုန်တယ်တဲ့”

“ခုတော့ မီးမှန်နေပါပြီဗျ”

“၀ိဇ္ဇာခန်းမဆိုလည်း လေအေးစက်တွေနဲ့၊ အိမ်သာတွေလည်း ဘိုထိုင်တွေနဲ့ အဆင့်မြင့်နေပါတယ်”

“ဒီနေရာမှာ ထိန်းသိမ်းမှု (Maintenance) နဲ့ ပတ်သက်ပြီး လိုအပ်ချက်တွေကို ပြောချင်တယ်။ အဓိက ကတော့ ကျောင်းသားတွေ စည်းကမ်းရှိဖို့၊ မှန်ကန်တဲ့ ထိန်းသိမ်းမှုတွေ ရှိဖို့လိုတယ်။ အနောက်တိုင်းမှာဆိုရင် တက္ကသိုလ်တွေ၊ ဆေးရုံတွေမှာ ၀န်ထမ်းတွေနဲ့ အောက်ခြေ အလုပ်သမားတွေကို ထိန်းသိမ်းပြီး စည်ပင်အောင်လုပ်တဲ့ အဖွဲ့တွေရှိတယ်။ ဆေးရုံအုပ်ကြီးတွေ၊ ပါမောက္ခချုပ်တွေဟာ အဲဒီဝန်ထမ်းတွေကို လိုက်မကြည့်နေဘူး။ ရုံးချိန်မှာ ဘယ်သူ အပြင်ရောက်နေတယ် ဆိုတာကို ပါမောက္ခချုပ်က ထိန်းတာ မဟုတ်ဘူး။ သက်ဆိုင်ရာဌာနရဲ့ အုပ်ချုပ်ရေးမှူးက ထိန်းတာပဲ။ သူတို့ကို အာဏာအပြည့်အ၀ ပေးထားတယ်”

“ကိုဘသစ် ဘာကိုဆိုလိုလဲ၊ တိတိကျကျ ပြောပါလား”

“ဆိုလိုတာက ကျွန်တော်တို့ ပြုပြင်ပြောင်းလဲမှုတွေကို ရုပ်ဝတ္ထု (material) တွေကိုပဲ ပြောင်းလဲပစ်လို့ မရဘူး။ အဆောင်တွေမှာ လေအေးစက် တပ်တယ်။ မူလတန်းကျောင်းတွေမှာ စာအုပ်တွေ ပေးတယ်။ ကျောင်းဝတ်စုံတွေ ပေးတယ်။ မသင်မနေရ အခမဲ့ သင်ကြားပေးတယ်။ ဒါတွေ ကောင်းပါတယ်”

“ကောင်းတာပေါ့။ တချို့နိုင်ငံတွေမှာ Tablets တွေကိုတောင် ပေးတယ်။ ကျွန်တော်ကတော့ ကျွန်တော်တို့ ဘီလူးကျွန်းက ထွက်တဲ့ ကျောက်သင်ပုန်း (Tablets) တွေကို ပေးရင် သားရွှေအိုး ထမ်းလာသလို ဖြစ်မှာပဲ”

“အရေးထဲ ခင်ဗျားက ကြော်ငြာ ၀င်နေပြန်ပြီ”

“အဟုတ်ပြောတာပါ။ ကျောက်သင်ပုန်းမှာ လက်ရေး လေ့ကျင့်လို့ ရတယ်၊ ဂဏန်း သင်္ချာတွေကို အပြန်ပြန် အလှန်လှန် တွက်လို့ရတယ်။ အရင်ခေတ်က ဗေဒင်ဆရာတွေ ဒီလို ကျောက်သင်ပုန်းတွေနဲ့ တွက်တာပဲ”

“ခုခေတ်မှာ သူတို့လည်း Tablets တွေ သုံးနေကြပြီ။ မဟာဘုတ် ကိုတောင် ကွန်ပျူတာကနေ တိုက်ရိုက် Download လုပ်လို့ရတဲ့ခေတ် ရောက်နေပြီ။ ဒါပေမဲ့ ခင်ဗျားပြောသလို လုပ်မယ်တော့ မထင်ဘူး။ သမ္မတ လင်ကွန်းက ပြောဖူးတယ်။ I may walk slow. But I never walk balk backward တဲ့။ ဆိုလိုတာက ကျွန်တော် လမ်းလျှောက်တာ နှေးချင် နှေးမယ်။ ဒါပေမဲ့ ဘယ်တော့မှတော့ နောက်ပြန် မလျှောက်ဘူးတဲ့”

“မှတ်သားစရာပါပဲ။ သစ်မရောက်မီ ၀ါးကူတာမျိုးကို ပြောတာပါ”

“ကျွန်တော်ကတော့ ပြုပြင်ပြောင်းလဲမှုတွေကို ၀န်ကြီး ရွတ်ပြတာ သဘောကျတယ်။ ဒါပေမဲ့ ဒါဟာ “အကာ” ကိုသာ ပြောနေတယ်လို့ ယူဆတယ်”

“အကာလည်း အရေးပါတာပဲ မဟုတ်လား”

“အာကာက အရေးပါ ပါတယ်။ ဒါပေမဲ့ အနှစ်ကို ပြောင်းရမယ်”

“ဘာတွေပြောင်းရမှာလဲ”

“နံပါတ် (၁) ကတော့ ပညာရေးဟာ အတန်းတက်တာတော့ မှန်တယ်။ အောင်ချက် မြင့်မားအောင် လုပ်တာတော့ မဟုတ်ဘူး။ စာမေးပွဲ အောင်ဖို့အတွက် ဆောင်ရွက်ပေးတာကို ပညာရေးလို့ မဆိုချင်ဘူး။ ဥပမာ ကျွန်တော်တို့ ကျောင်းတွေမှာ အောင်ချက်မြင့်မားရေးတွေ ဆောင်ရွက်နေတယ်။ ကျောင်းတွေက လုပ်တယ်။ ကျူရှင်တွေက လုပ်တယ်။ Camp သွင်းတာမျိုးပေါ့။ ပြီးတော့ ကျောင်းဆရာတွေက ဘာတွေ ကျက်၊ ဘာတွေ ဖြေ၊ ဘယ်လို ဖြေရမယ် ဆိုတာတွေ ရေးတာပဲ”

“အင်း၊ မေးခွန်းထုတ်တဲ့ ပါမောက္ခတွေ ကိုယ်တိုင် ဘယ်လို ကျက်၊ ဘယ်လို ဖြေ၊ ဘာတွေ အရေးပါတယ် ဆိုတာမျိုးကို သတင်းစာထဲမှာ ရေးတယ်”

“အမှန်တော့ တက္ကသိုလ်ဝင်တန်းကို မေးခွန်းထုတ်ပြီး ကြီးကြပ်မှုတွေလုပ် စာတွေစစ်တဲ့ တက္ကသိုလ်က ပါမောက္ခတွေ အားလုံးနီးပါးဟာ ၁၀ တန်း တစ်ခါမှ မသင်ဖူးဘူး။ ကျောင်းသားတွေနဲ့ တစ်ခါမှ မထိတွေ့ဖူးတဲ့သူတွေက မေးခွန်ထုတ်တယ်။ စာစစ်တယ်။ ဒီထက် ဆိုးတာက ဘယ်ဟာကို ဘယ်လိုဖြေဆိုတဲ့ လမ်းညွှန်တွေကို ရေးတယ်”

“ကျူရှင် မတက်နိုင်တဲ့ နယ်က ကျောင်းသားတွေ နယ်စပ်က ကျောင်းသားတွေ အဆင်ပြေအောင်ပါ”

“တကယ်တော့ ပညာသင်တယ်၊ စာမေးပွဲ စစ်တယ်ဆိုတဲ့ ရည်ရွယ်ချက်က သူတို့ ဘယ်လောက် စာတတ်လဲဆိုတာကို သိဖို့အတွက်ပဲ။ ဒီတော့ ဒီစာ ဒီပညာအကြောင်းကို ကျောင်းသားတွေကို ရေးပြရမှာပေါ့။ ဥပမာ ရေအကြောင်းကို ကျောင်းသား လူငယ်တွေ စိတ်ဝင်စားအောင် ပြောတာမျိုး၊ ရေးပြတာမျိုးပေါ့”

“ဒါပေမဲ့ ဘယ်သူ ဘယ်လိုပြောပြော သူတို့က အင်္ဂလိပ်လို ဖြေရတယ်။ အင်္ဂလိပ်လို ကျက်မှ အဆင်ပြေမယ်လေ။ အမှန်တော့ သူတို့ကို အင်္ဂလိပ်လို ပြောလို့လည်း မရဘူး။ သူတို့ နားမလည်ဘူး”

“ဟုတ်ပါတယ်။ နားမလည်တာကြီးကို ကျက်ပြီး ဖြေရမယ် ဆိုတာက သဘာဝမကျဘူး ဆရာညိုရေ။ ကျွန်တော် ဒါကို ပြောချင်တာပါ။ ကျွန်တော်တို့ ပြုပြင်ပြောင်းလဲမှုတွေမှာ နှစ်မျိုးရှိတယ်။ ဆင့်ကဲပြောင်းလဲမှု (Evolution) နဲ့ တော်လှန်ပြောင်းလဲမှု (Revolution) တို့ပဲ။ ကျွန်တော်ကတော့ ပညာရေးမှာ တော်လှန်ပြောင်းလဲမှု Revolution လိုနေပြီလို့ ထင်တယ်”

ကိုဘသစ်က စိတ်ပါလက်ပါ ပြောနေတာ ဖြစ်တယ်။

ပညာရေးဝန်ကြီးက ရုပ်ပိုင်းဆိုင်ရာတွေကို အဓိကပြောသွားတယ်လို့ သူပြောပါတယ်။ ငွေရေးကြေးရေးနဲ့ တခြားအစီအမံတွေကို မလုပ်ပေးရင် ကျောင်းသားတွေ အဆင်မပြေဘူး။ ပညာရေး တိုးတက်တယ်လို့ မမြင်ဘူး။ ဒါပေမဲ့ ကျွန်တော်တို့ဆီမှာ ဘွဲ့ရ ပညာမတတ်တွေ စုပုံနေတာကိုတော့ ဘယ်သူမှ မငြင်းနိုင်ဘူး။

စီးပွားရေးတက္ကသိုလ် တတိယနှစ် ကျောင်းသားတစ်ဦးက ပြောတယ်။ “ကျွန်တော်တို့ဆီမှာ အားလုံး အင်္ဂလိပ်လို ကျက်ပြီး ဖြေရတယ်။ ကျူရှင်ယူရင် တစ်နှစ် ၁၅ ပုဒ် ကျက်ရတယ်။ တချို့ဆရာ ဆရာမဆီတွေက ကျူရှင်ယူရင်တော့ ငါးပုဒ်ပဲ ကျက်ရတယ်” “ဒီလို ငါးပုဒ် ကျက်တာကိုရော သေသေချာချာ နားလည်လား”

“ဘယ်နားလည်မလဲ ဆရာရယ်၊ စာမေးပွဲ အောင်အောင် မနည်းကျက်ရတာ” တဲ့။

ကျွန်တော်က ကျောင်းသားတွေကို ဆရာ ဆရာမတွေကို အပြစ်ပြောနေတာ မဟုတ်ဘူး။ စနစ်ကို ပြောချင်တာပါ။

မြန်မာလို ရေးကြ ဖြေဆိုခွင့် ရကြရင် ဒီကျောင်းသားတွေဟာ အချိန်ကုန် သက်သာပြီး နားလည်မှာပေါ့။ နားမလည်ဘဲ သူဘယ်လို ဝေဖန်သုံးသပ်မလဲ။

“အမှန်တော့ ကျိုးကြောင်း ဆင်ခြင် ဝေဖန်သုံးသပ်နိုင်တာဟာ ပညာရေးပဲ”

ကိုဘသစ် အယူအဆကို အားလုံး လက်ခံနိုင်မယ် ထင်ပါတယ်။

အစိုးရ အဖွဲ့ဝင်တွေ၊ အကြီးအကဲတွေ၊ ၀န်ကြီးတွေက ပြောကြပါတယ်။ ကျောင်းဆရာတွေ၊ ပညာရေး ၀န်ထမ်းတွေဟာ ကျောင်းသူ ကျောင်းသားတွေရဲ့ စိတ်ဓာတ်ကို မြင့်တက်အောင် ကြိုးစားပေးဖို့ ပြောပါတယ်”

“မှန်ပါတယ်။ ယမန်နေ့က မြောင်းမြကို ရောက်ရှိသွားတဲ့ ဒေါ်အောင်ဆန်းစုကြည်က ပညာရေးနဲ့ ပတ်သက်ပြီး ဒီအတိုင်း ပြောပါတယ်”

“အင်မတန် အရေးပါ ပါတယ်။ ဒါပေမဲ့ ထမင်းအိုးမရှိ ဆန်မရှိ မီးမရှိရင် ထမင်းချက်လို့ မရဘူး။ ကျွန်တော်က အဖျက်သဘောမျိုး ပြောတာ မဟုတ်ဘူး။ ကျောင်းဆရာ ဆရာမတွေ၊ ပညာရေး ၀န်ထမ်းတွေဆိုတာ မေတ္တာ စေတနာ အင်မတန် ကြီးမားပါတယ်။ ကျောင်းသား ကျောင်းသူတွေကို သူတို့သားသမီးတွေလိုမျိုး တော်စေ တတ်စေချင်တယ်။ စာရိတ္တအရာ ကောင်းမွန်စေချင်တယ်။ စည်းကမ်း ရှိစေချင်တယ်။ ဒါပေမဲ့ အင်္ဂလိပ်လို သင်တဲ့ ပညာရေးမှာ စာတွေ ကျက်နေရင်း နစ်မွန်းနေတဲ့ စနစ်ထဲမှာ သူတို့လည်း ပါဝင်နေရပါတယ်။ အမှတ်ကောင်းမှ သူတို့ လိုချင်တဲ့လိုင်းကို ရမယ်။ ဒီတော့ နင် စာမကျက်နဲ့၊ နားလည်အောင် လုပ်။ ပညာရေးဆိုတာ လက်တွေ့ လုပ်ဆောင်တာပဲ ဆိုတာမျိုး ဘယ်လိုပြောမလဲ”

“တက္ကသိုလ်မှာ အင်္ဂလိပ်လို သင်တာ နိုင်ငံတကာ အဆင့်မီအောင်လို့ပေါ့”

“ဒါက ရည်ရွယ်ချက်ကောင်းတွေပါပဲ။ ဒါပေမဲ့ ကျွန်တော်တို့အနေနဲ့ စဉ်းစားစရာတွေ အများကြီးရှိတယ်။ ခုခေတ်ကလေးတွေ ဆိုကြပါတော့။ ကွန်ပျူတာကို သုံးတတ်တယ်။ တချို့လည်း ပရိုဂရမ် လုပ်နိုင်ပါတယ်။ ဒါပေမဲ့ အဲဒီထဲမှာ ဘာတွေ ဘယ်လို အလုပ်လုပ်နေတယ် ဆိုတာကို နားမလည်ဘူး”

“သူတို့အတွက် အဲဒါကို လေ့လာဖို့ အချိန်မရှိဘူး။ သူတို့ စာတွေ ကျက်နေရတယ်”

“ကျွန်တော်တို့ဆီမှာ ကြေးနီလို သတ္တုတွေ ထွက်တယ်။ ဒါကို ကျွန်တော်တို့ SIM Card တွေမှာ သုံးနေကြတာကို သိကြပါတယ်။ ဒါပေမဲ့ ဒါကို ကျွန်တော်တို့ မလုပ်တတ်ဘူး။ ဘာတွေ အထဲမှာ အလုပ်လုပ်နေတယ် ဆိုတာကို ကျွန်တော်တို့ ကလေးတွေ မသိဘူး။ ဒီလိုမသိရင် နောက်တစ်ဆင့် တီထွင်ဖို့ကိစ္စတွေ မလုပ်နိုင်တော့ဘူး”

“အလှမ်းဝေးနေတာ အင်္ဂလိပ်လို သင်တာကြောင့်လို့ ပြောချင်တာလား ကိုဘသစ်”

ကိုဘသစ် လေးတွဲ့စွာ ခေါင်းညိတ်ပါတယ်။

“ဘာကြောင့် ပညာရေး ပြုပြင်ပြောင်းလဲမှုမှာ မြန်မာလိုသင်တဲ့ ကျောင်းတွေ၊ တက္ကသိုလ်တွေ မလုပ်ပေးရတာလဲ ဆိုတာ ကျွန်တော် စဉ်းစားလို့မရဘူး။ ခု အိမ်နီးနားချင်းတွေဖြစ်တဲ့ တရုတ်တို့ ထိုင်းတိုရဲ့ကျောင်းတွေမှာ သူတို့ မိခင်ဘာသာစကားနဲ့ပဲ သင်ကြတယ်။ တိုးတက်နေတဲ့ တောင်ကိုးရီးယားတို့၊ ဂျပန်တို့မှာလည်း သူတို့ Mother Tongue နဲ့ပဲ သင်တယ်”

“သူတို့ ဘာသာစကားနဲ့ သင်တော့ သူတို့ သက်သက်သာသာနဲ့ ပညာသင်ရတာပေါ့”

“ကျွန်တော်တို့ ကလေးတွေ အချိန်တွေ၊ အင်အားတွေကို အလဟဿ ဆုံးရှုံးနေရတယ်လို့ ထင်တာပဲ။ သူတို့ဟာ ဘာသာရပ်တွေကို နားလည်တယ်ဆိုရင် ဆင်ခြင် တွေးတောနိုင်လာတယ်။ စိတ်တွေ ကြည်လင်လာမယ်၊ ပျော်ရွှင်လာမှာပေါ့။ ပြီးတော့ စာအုပ်တွေနဲ့ စာကြည့်တိုက် ကိစ္စတွေပါ”

“အမျိုးသား စာကြည့်တိုက်နဲ့ ပတ်သက်ရင်တော့ သာသနာရေးနဲ့ ယဉ်ကျေးမှုရေးရာဝန်ကြီးက ပြောသွားပါတယ်”

“အင်မတန်ကောင်းပါတယ်။ ဒါပေမဲ့ အဓိက ကတော့ အခြေခံပညာကျောင်းတွေမှာ စာကြည့်တိုက် ၀င်တတ်တဲ့ အလေ့အကျင့်နဲ့ စာဖတ်တဲ့ အလေ့အကျင့်တွေ လုပ်ပေးဖို့ လိုတယ်”

“ခု စာမဖတ်တာကို စာရေးဆရာတွေရော၊ လူကြီးတွေရော၊ တီဗွီတွေ စာအုပ်တွေထဲက ပြောနေတယ်”

“ပြောနေလို့ မရဘူး။ အလေ့အကျင့် လုပ်ပေးရတယ်။ Excellence is not an act, it’s a habit လို့ စတီဗင်ကိုဗေးက ပြောခဲ့တယ်။ တော်တယ် တတ်တယ်၊ ကောင်းစွာ လုပ်နိုင်တယ် ဆိုတာ လုပ်တာ မဟုတ်ဘူး။ လေကျင့်တာပါ။ ဒါကြောင့် အခြေခံကျောင်းတွေက အရေးကြီးတယ်။ အခြေခံပညာက အရေးကြီးတယ်။ ပညာရေးကသာ ဆင်းရဲတွင်းက လွတ်အောင် လုပ်ပေးနိုင်တယ် ဆိုရင် ဘာကြောင့် ပညာရေးကို မှန်ကန်အောင် မပြုပြင် မပြောင်းလဲနိုင်ရတာလဲ”

“ဆရာ ဆရာမတွေ ပညာရေးဝန်ထမ်း ဖြစ်ရတာ ဂုဏ်ယူပါလို့ ပြောနေပါတယ်”

“အားလုံး ၀ိုင်းနှိပ်စက်နေသလို ဖြစ်နေတာပဲ၊ ဘယ်လို ဂုဏ်ယူရမှာလဲဗျာ၊

“မြင်အောင် ကြည့်သင့်ပြီပေါ့ဗျာ”။

နွေအစမှာ ပန်းချီကားများ ပျောက်ဆုံးခြင်း

Photo: Toyota Canada

နေ့လယ်က ကျွန်တော့်နားထဲ အသံလေးတစ်ခု တိုးဝင်လာတယ်။ ဥသြ…ဥသြဆိုတဲ့ အသံလေး။ အဲဒီအသံလေးဆီသာ ကျွန်တော် ဆက်လက်နားစွင့်နေမိတယ်။ စိတ်ထဲ အေးချမ်းလာသလိုလည်း ခံစားရတယ်။ ကြာလာလေလေ ပိုမိုအေးချမ်းကြည်လင်လာသလို ခံစားမိတယ်။ အသံလေးတစ်ခု။ အဲဒီအသံလေးတစ်ခုက စိတ်ဝင်စားစရာ ကောင်းနေပါတယ်။ လက်လွှတ်လိုက်ရတဲ့ တချို့နေရာတွေအတွက် အစားထိုးချင်ထိုးလို့ ရပါတယ်။

ဥသြငှက်ကလေးက သူ့ဘာသာ ရှင်သန်တယ်။ သူ့ဘာသာ မြည်တွန်တယ်။ ကျွန်တော်က ကျွန်တော့်ဘာသာ ရှင်သန်တယ်။ ကျွန်တော့်ဘာသာ ရုန်းကန်တယ်။ ဒါပေမဲ့ ကျွန်တော့်အကြားအာရုံနဲ့ ဥသြငှက်လေးရဲ့ အသံဟာ အခုချိတ်ဆက်မိနေတယ်။ တစ်စုံတစ်ယောက်ဆီကို တစ်စုံတစ်ရာသော ခံစားမှုကို ရောက်ရှိစေခဲ့တယ်။ ဒါဟာ အင်မတန်မှ လွယ်ကူရှင်းလင်းတဲ့ ဖြစ်ရပ်လေးပါပဲ။ တူရိယာပစ္စည်း အမြောက်အမြား ပေါင်းစပ်မှ ပေါ်ထွက်လာနိုင်တဲ့ အခက်အခဲမျိုးမဟုတ်။ သီဆိုသူတစ်ယောက် အပါအ၀င် ဖန်တီးပြုလုပ်ထားတဲ့ သီချင်းတစ်ပုဒ်မဟုတ်။ ဘာလေ့ကျင့်ခန်း၊ ဘယ်လိုကြိုးစားအားထုတ်မှု စွမ်းအားတွေမှ ထူးထူးခြားခြား ထည့်သွင်းမထားတဲ့ အဖြစ်အပျက် အကြောင်းအရာလေးတစ်ခု။ ရိုးရှင်းတယ်။ လွတ်လပ်တယ်။ ဘ၀ပါတဲ့ စီးဆင်းနေတာလေးတစ်ခု။ ပြီးတော့ လှတယ်။

အဲဒီဥသြငှက်လေးရဲ့ အသံလေးအတိုင်း ကျွန်တော် လိုက်ပါလွင့်မျောသွားမိတယ်။ အတားအဆီး မရှိ။ အခက်အခဲ မရှိ။ ကျွန်တော်တို့ရဲ့အကြားကို နားလည်မှုရှိတဲ့ နတ်ဘုရားတစ်ပါးက ပူးကပ်ပေးလိုက်သလိုပဲ။ ကျွန်တော် လွင့်မျောသွားတဲ့ စိတ်ကူးတွေအတိုင်း လိုက်ပါသွားမိတာ တိတ်တိတ်ဆိတ်ဆိတ် တည်ရှိနေတဲ့ အဆောက်အအုံတစ်ခုထဲ ရောက်သွားသလို ခံစားထင်မှတ်ရတယ်။ တကယ်လည်း အဆောက်အအုံတစ်ခုထဲ ရောက်သွားခဲ့တယ်။ အဲဒီအဆောက်အအုံကို သေချာစူးစိုက်ကြည့်မိတော့ တကယ့် အသေအချာ တည်ဆောက်ထားတဲ့ အဆောက်အအုံလို့ ထင်မှတ်ရတယ်။ အဆောက်အအုံရဲ့ နံရံတွေမှာ ပန်းချီကားတွေ အမြောက်အမြား ချိတ်ဆွဲထားတာ တွေ့ရတယ်။ တချို့ ပန်းချီကားတွေက မြို့ပြတစ်ခုရဲ့ ရှုပ်ထွေးပွေလီနေတဲ့ မြင်ကွင်းတွေကို ရေးဆွဲထားသလို တွေ့ရတယ်။ တကယ့်မြို့ပြသရုပ်မှန် ပန်းချီလက်ရာများလို့ ကျွန်တော် ခံစားမိလိုက်တယ်။ ဈေးခြင်းတောင်းဆွဲလာတဲ့ အမျိုးသမီးတွေ။ ကလေးငယ်တွေကို လက်ကဆွဲလာတဲ့ လူတချို့တွေ။ ဆိုင်တစ်ခုမှာ စားသောက်နေကြတဲ့ လူတွေ။ တချို့ အမျိုးသမီးတွေက သား ငါးတွေကို ခုတ်ထစ်နေကြတာတွေ။ တချို့ အမျိုးသားတွေက လက်တွန်းလှည်းတချို့ကို တွန်းသွားကြပုံတွေ။ အဲဒီလို မြို့ပြရဲ့ သရုပ်မှန် ပုံရိပ်တွေနဲ့ ပန်းချီလက်ရာ။ အဲဒီပန်းချီကားရဲ့ အပေါ်ပိုင်းမှာတော့ အထပ်မြင့်တိုက်တာပုံတွေ အထင်းသားတွေ့ရတယ်။ အဲဒီ ပန်းချီကားထဲမှာ ထူးဆန်းတာတစ်ခုက ကားတွေဟာ အထပ်မြင့်တိုက်တွေရဲ့ ခေါင်မိုးတွေပေါ်မှာ မောင်းနှင်နေပုံကို ရေးဆွဲထားတာပါပဲ။

ကျွန်တော် အဲဒီပန်းချီလက်ရာကို အကြာကြီး ငေးစိုက်ကြည့်နေမိတယ်။ ဘာကြောင့် တိုက်ခေါင်မိုးတွေပေါ်မှာ ကားတွေ မောင်းနှင်နေပုံကို ရေးဆွဲထားတာလဲဆိုတာကိုပေါ့။ ရေးဆွဲထားတဲ့ ပန်းချီဆရာဟာ သာမန်အတွေးနဲ့ ရေးဆွဲထားတာတော့ မဖြစ်နိုင်ဘူး ဆိုတာကိုလည်း တစ်ဆက်တည်း တွေးမိတယ်။ သူ့ရဲ့ ‘သင်္ကေတ’ က ဘာလဲပေါ့။ ပန်းချီကားက မြို့ပြပုံရိပ်။ ကျွန်တော်လည်း ဆက်တွေးရင်း၊ တွေးရင်းနဲ့ ချာလည်လည်လာတော့တယ်။ ကျွန်တော်များ အမြင်မှားတာလားလို့ မျက်လုံးအစုံကို ပွတ်သပ်ကြည့်မိတယ်။ မမှားပါ။ ပန်းချီကားက အဲဒီအတိုင်းပါပဲ။

အဆောက်အအုံရဲ့ နံရံတွေအတိုင်း ကျွန်တော် ဆက်လက် လျှောက်ကြည့်မိတယ်။ နောက်ထပ်ပန်းချီကားတစ်ခု ထပ်တွေ့ပြန်တယ်။ အဲဒီ ပန်းချီကားထဲမှာ အထင်ရှားဆုံး ရေးဆွဲထားတဲ့ အမှတ်အသားတွေက ဖရိုဖရဲ ပုံရိပ်တွေပါပဲ။ တချို့ အမျိုးသမီးတွေက လုံချည် မနိုင်တနိုင်နဲ့ ပြေးလွှားနေကြတယ်။ ကလေးငယ်လေးတွေ တချို့က ပန်းကန်လို့ထင်ရတဲ့ အရာလေးတွေကိုင်လျက် တစ်စုံတရာကို တောင်းခံနေကြတယ်။ ရုပ်သွင်ပြင်လေးတွေကလည်း သနားစဖွယ်တော်တော် လေးညစ်နွမ်းနေကြတယ်။ နောက် ချုံပုတ် အစုအစုတွေလည်း တွေ့ရတယ်။ တချို့နေရာတွေဘက် ကြည့်မိတော့ တစ်စုံတစ်ရာ အစုအပုံတွေအပေါ်မှာ လက်နက်ကြီးငယ် တချို့နဲ့ လူတချို့ကို တွေ့ရတယ်။ မီးခိုးငွေ့တွေလိုလို ရေးခြယ်ထားတာတွေလည်း တွေ့ရပြန်တယ်။ အဲဒီ ပန်းချီကားမှာလည်း ထူးခြားတာတစ်ခု တွေ့ရတယ်။ လူလေး၊ ငါး၊ ခြောက်ယောက်ခန့်လောက်က ၀ိုင်းဖွဲ့ပြီး ‘ဖဲကစား’ နေတဲ့ပုံပါပဲ။ သူတို့ရဲ့ ဖဲချပ်တွေပေါ်မှာ ‘ချိုးဖြူငှက်’ ပုံတွေချည်းပဲ ဖြစ်နေတာ တွေ့ရတယ်။ ကျွန်တော် ထပ်မံအံ့သြရပြန်တယ်။

ဒီလိုနဲ့ ကျွန်တော် အဲဒီနေရာမှာ ခဏထိုင်ရင်း နားနေမိတယ်။ နောက် စဉ်းစားကြည့်တယ်။ စိတ်ဝင်စားဖွယ်ရာ ပန်းချီကားတွေအကြောင်းပေါ့။ ကျွန်တော် စဉ်းစားပေမဲ့ ဘာအဖြေမှ ထွက်မလာပါ။ ပိုပြီးသာ ရှုပ်ထွေးလာတယ်။ အဲဒါနဲ့ ကျွန်တော် အဆောက်အအုံနံရံအတိုင်း ဆက်လျှောက်လိုက်မိတယ်။ ဆက်လျှောက်လာရင်းနဲ့ နောက်ထပ်ပန်းချီကားလက်ရာတွေ ထပ်တွေ့ရပြန်တယ်။ ဒီတစ်ခါ ပန်းချီကားက ကွင်းပြင်ကျယ်ကြီးပုံစံ ရေးဆွဲထားတဲ့ ပန်းချီကားတစ်ခု။ အဲဒီကွင်းပြင်ထဲမှာ လူတချို့ ခမောက်လေးတွေ ဆောင်းရင်း တစ်စုံတစ်ရာကို ပြုလုပ်နေကြပုံဖြစ်တယ်။ လှုပ်ရှားလုပ်ကိုင်နေကြပုံတွေမှာ အတော်လေး မြန်မြန်ဆန်ဆန် လုပ်ကိုင်နေကြပုံဖြစ်တယ်။ နောက် မိုးကောင်းကင်ပုံစံပါ ပါတယ်။ အုံ့မှိုင်းနေတဲ့ မိုးကောင်းကင်ပုံစံမျိုး။ အဲဒီအုံ့မှိုင်းနေတဲ့ မိုးကောင်းကင်ကို ကြည့်မိလိုက်တော့ ကျွန်တော့်စိတ်ထဲ အလိုလို ၀မ်းနည်းလာမိတယ်။ ဒါ ဘာကြောင့်ပါလဲ။ ကျွန်တော်ဟာ မြစ်ဝကျွန်းပေါ်သား ဖြစ်နေခဲ့လို့များလား။ စိတ်မှာ အဂတိကပ်နေခဲ့တာလားပေါ့။ အဲဒီပန်းချီကားရဲ့ ထူးခြားတာတစ်ခုကလည်း ပန်းချီဆရာရဲ့ ဆေးရောင်သုံးထားတဲ့ စိတ်ကူးဖြစ်ပါတယ်။ ပန်းချီကားထဲက အရောင်အားလုံးလိုလိုက မွဲခြောက်ခြောက်၊ မှိုင်းတိုင်းတိုင်း အရောင်တွေဖြစ်နေခြင်းပါပဲ။ သိပ်စိတ်လှုပ်ရှားဖို့ကောင်းတယ်။

အဆောက်အအုံထဲမှာ ကျွန်တော် လျှောက်ရင်း လျှောက်ရင်းနဲ့ နောက်ဆုံးပန်းချီလက်ရာလို့ ထင်ရတဲ့ ပန်းချီကားတစ်ခုကို ထပ်မံတွေ့ရှိရတယ်။ အဲဒီပန်းချီကားက စက်ရုံ၊ အလုပ်ရုံ ပုံစံများကို အဓိက ရေးဆွဲထားတယ်။ မြို့ပြတစ်ခုရဲ့ အစွန်လို့ ယူဆလို့ရတဲ့ အခင်းအကျင်းကို ပန်းချီဆရာက ပုံဖော်ရေးဆွဲထားတယ်။ စက်ရုံ၊ အလုပ်ရုံနေရာတွေဆီ သွားနေကြတဲ့ လူအများအပြား အတန်းလိုက်ကြီးပုံစံလည်း ရေးဆွဲထားတယ်။ နောက်ယာဉ်မျိုးစုံ ရှုပ်ထွေးနေတဲ့ လမ်းတွေရဲ့ ပုံစံတွေလည်းပါတယ်။ အဲဒီပန်းချီကားထဲမှာလည်း ထူးဆန်းတာတစ်ခုကို တွေ့ရတယ်။ ပန်းချီကားထဲက အတန်းလိုက် လျှောက်နေကြတဲ့ လူတွေရဲ့လက်ထဲမှာ ထမင်းဘူးတွေ၊ ရေဘူးတွေ ကိုင်မထားကြဘဲ ဗီနိုင်းဆိုင်းဘုတ်တွေ ကိုင်ထားကြတာပါပဲ။ တချို့က လက်သီးလက်မောင်း တန်းနေကြတယ်။ တချို့က လော်စပီကာလေးတွေကိုင်ရင်း တစ်စုံတစ်ရာကို ပြောဆိုနေကြဟန်တွေပါပဲ။ ပန်းချီကားတွေ။ စိတ်ဝင်စားဖွယ်ရာ သင်္ကေတတွေနဲ့အတူ။

အဲဒီအဆောက်အအုံထဲ ၀င်သွားလိုက်မိတာနဲ့ ပန်းချီကားတစ်ကားချင်းစီမှာ ထူးခြားတဲ့ ပန်းချီစိတ်ကူးလက်ရာတွေကို ကြည့်ရှု ခံစားလိုက်ရတယ်။ ပန်းချီကားလက်ရာများရဲ့အပေါ်မှာ ကျွန်တော် အတွေးလွန်သွားခဲ့တယ်။ အဲဒါနဲ့ လူလည်း အပန်းဖြေရင်း၊ စိတ်လည်း အပန်းဖြေရင်း ကျွန်တော် ခဏထိုင်နားနေမိတယ်။ အဲဒီလိုနားနေရင်း ကျွန်တော့်ခေါင်းထဲ အတွေးတစ်ခုဝင်လာတယ်။ ဟုတ်တယ်။ ကျွန်တော့်မှာ ဖုန်းပါလာတယ်။ ဖုန်းနဲ့ ပန်းချီကားတွေကို ဓာတ်ပုံရိုက် သိမ်းဆည်းထားဖို့ အကြံပေါ်လာတယ်။

ဖုန်းနဲ့ ပန်းချီကားကို အသေအချာ ချိန်တယ်။ ချိန်ပြီးလို့ ဓာတ်ပုံရိုက်လိုက်တဲ့အချိန်မှာ ကျွန်တော့်ဖုန်းထဲက ကင်မရာက လုံးဝ အလုပ်မလုပ်တော့ဘူး။ ကျွန်တော် အံ့သြလန့်ဖျပ်သွားမိတယ်။ ဖုန်းများ တစ်စုံတစ်ရာ ဖြစ်တာလားလို့ စိုးရိမ်သွားမိတယ်။ မနေ့ကတောင် ရှုခင်းလှလှလေးတွေ ဓာတ်ပုံရိုက်ပြီး သိမ်းထားမိနေသေးတယ်။ အခုဘယ်လိုများဖြစ်တာလဲ။ နောက်ထပ်တစ်ခါ ပန်းချီကားကို အသေအချာ ချိန်တယ်။ ရိုက်ကြည့်တယ်။ ဖုန်းက လုံးဝဓာတ်ပုံရိုက်မရတော့ဘူး။ ဘယ်လိုဖြစ်တာလဲလို့ ဖုန်းကို အသေအချာ ပြန်စစ်ဆေးကြည့်တယ်။ အလွယ်ကူဆုံးဖြစ်တဲ့ ဖုန်း Restart ချကြည့်တယ်။ ဒါပေမဲ့ ဖုန်းအတွင်းက ကျန်တဲ့အရာတွေအားလုံးက အလုပ်လုပ်တယ်။ ကင်မရာတစ်ခုသာ အလုပ်မလုပ်တာ ဖြစ်နေတယ်။ ကျွန်တော် အတော်လေး စိတ်ပျက်သွားမိတယ်။ ကျွန်တော့်ဖုန်းမှာ ဘယ်ပုဒ်မရဲ့ ဗိုင်းရပ်စ်ကပ်နေတာလဲမသိ။ အခု အခြေအနေဆိုရင် ဒီပန်းချီကားလက်ရာတွေကို မှတ်တမ်းတင်ဖို့ရာ မဖြစ်နိုင်တော့ပါဘူး။ ဒီအဆောက်အအုံထဲကို နောက်တစ်ခေါက် ပြန်ရောက်ဖို့ဆိုတာလည်း သေချာတာမဟုတ်။ အဲဒါနဲ့ ကျွန်တော် လက်လျှော့လိုက်ရတော့တယ်။

ကျွန်တော် အဆောက်အအုံထဲကနေ ပြန်ထွက်လာခဲ့တယ်။ ပြန်ထွက်လာပြီး အဆောက်အအုံရဲ့ မလှမ်းမကမ်းရောက်တော့ အဆောက်အအုံဘက်ဆီ လှည့်ကြည့်မိတယ်။ ကျွန်တော့်မြင်ကွင်းထဲမှာ အဲဒီအဆောက်အအုံကြီး မတွေ့ရတော့ဘူး။ ဘယ်လိုများ ပျောက်ကွယ်သွားတာလဲလို့ ကျွန်တော် စဉ်းစားတယ်။ ကျွန်တော် တွေဝေမိတယ်။ စဉ်းစားလို့လည်းမရ ဖြစ်နေပြန်တယ်။ နောက် တဖြည်းဖြည်းနဲ့ ဥသြငှက်သံလေးကို ကျွန်တော် ပြန်သတိရလာမိတယ်။ အဲဒီ ဥသြငှက်လေးရဲ့ မြည်တွန်သံကြောင့်သာ အဲဒီ အဆောက်အအုံကြီးထဲကို ကျွန်တော် ရောက်ရှိနိုင်တာ မဟုတ်လား။ ထူးဆန်းတဲ့ ပန်းချီကားတွေကို မြင်တွေ့ခွင့်ရတာ မဟုတ်လား။ ဒါကြောင့် ကျွန်တော် ဥသြငှက်သံလေးကို ပြန်တမ်းတ နားထောင်ချင်မိတာပဲဖြစ်တယ်။ အဲဒါနဲ့ ကျွန်တော် အသေအချာ နားစွင့်ကြည့်ရင်း ဥသြငှက်သံလေးကို နားထောင်တယ်။ ဒါပေမဲ့ ဥသြငှက်လေးရဲ့ မြည်တွန်သံကို ဘယ်လိုမှ မကြားရဘူး။ နောက်ထပ် နောက်ထပ် သေသေချာချာ နားထောင်ကြည့်လည်း မကြားရတော့ပါဘူး။ ကျွန်တော်ကပဲ ကံဆိုးတာလား။ နွေဦးကပဲ ဖောက်လွဲဖောက်ပြန် ဖြစ်သွားခဲ့တာလားဆိုတာ မဝေခွဲတတ်တော့ပါဘူး။

ဇရာ – ၄၅

Photo: foodnwellness

ယုံကြည်မှုတွေ ညှပ်ထားတဲ့ ဂဏန်းတွေ

လူတွေမှာ ကိုယ့်အတွေ့အကြုံ၊ ကိုယ့်အသိအမြင်၊ ကိုယ့်ခံယူချက်တွေ ဒါတွေအသီးသီးနဲ့ တစ်ခုခု တစ်စုံတစ်ရာရာကို သတ်မှတ် ဆုံးဖြတ်တတ်တာပါပဲ။ ပြီးတော့ ဒါကိုပဲ ယုံကြည်စွဲလမ်းတတ်ကြတယ်။ အဲဒီမှာ ကိန်းဂဏန်းတွေနဲ့ ပတ်သက်ပြီး ကျွန်တော်တို့ရဲ့ လူ့အဖွဲ့အစည်းမှာ သတ်မှတ်ဆုံးဖြတ်ထားတာတွေ ရှိတယ်။ ဒီဆုံးဖြတ်သတ်မှတ်ထားတဲ့ အပေါ်မှာလည်း အယုံအကြည် အစွဲအလမ်းတွေ ဖြစ်ကြတယ်။ အနောက်ဘက်က လူတချို့က ၁၃ ဂဏန်းဆို Unlucky လို့ မှတ်ယူကြတယ်။ ပြောကြ ဆိုကြတယ်။ တချို့ ဟိုတယ်မိုတယ်တွေမှာဆို ၁၃ ဂဏန်းမထားဘူးတဲ့။ ကြားဖူးတာပြောတာပါ။ ဟုတ်တာ မဟုတ်တာကတော့ ကိုယ်တိုင်မရောက်ဘူးလို့ မသိပါဘူး။ ခရစ်ယာန် သမ္မာကျမ်းစာထဲမှာဆိုရင်လည်း ၆၆၆ ကို မကောင်းဆိုးဝါးကိန်းစဉ်တန်းအဖြစ် သတ်မှတ်ကြတာ။ ဟစ်တလာကို ခရစ်ယာန်တွေ ၀ိုင်းတိုက်ခိုက်တာဟာ ဟစ်တလာရဲ့ ကိန်းဂဏန်းဟာ ၆၆၆ ဖြစ်နေလို့ပဲတဲ့။ မဟာယာနဂိုဏ်းတစ်ခုက ဘ၀ကို အနှစ်အသား ဗလာဖြစ်တယ်ဆိုတဲ့ သုညတာဓမ္မအဖြစ် တွေးတာရှိတယ်။ နိဗ္ဗာန်ဆိုတာဟာလည်း ပရမာနုတ္တရသုညတာကို သိမြင်တာလို့ ယူဆတယ်။ အရှေ့ဘက်က စိန့်တိုင်းသားတွေကတော့ မ,ကိန်းတွေမှာ ကောင်းတဲ့ချီဓာတ်တွေ ကိန်းဝပ်နေပြီး စုံဂဏန်းတွေမှန်သမျှကိုတော့ နတ်ဆိုးစောင့်တယ်လို့ မှတ်ယူထားတယ်။ ဒါကို ယူပြီးတော့တောင် ကျွန်တော်တို့ အိုးအိမ် တည်ဆောက်တဲ့ ယဉ်ကျေးမှုမှာ လှေကားကို တစ်ထစ်၊ သုံးထစ်၊ ငါးထစ်၊ ခုနစ်ထစ်ဆိုပြီး မ,ကိန်းပဲထားတယ်။ ဘုရားအိုးဆိုလည်း တစ်အိုး၊ သုံးအိုး၊ ငါးအိုး မ,ကိန်းပဲထိုးတယ်။ ဒါကိုတော့ တချို့က စိန့်တိုင်းသားတွေရဲ့ အယူမဟုတ်ဘူး။ ဟိမ၀န္တာတောင်ခြေကလာတဲ့ ဗုဒ္ဓအာဝသအောက်က ထွက်ပေါ်လာတဲ့ အယူလို့ ပြောကြပြန်တယ်။ ဘယ်လိုပဲပြောပြော မသာချရင်လည်း ချက်ချင်းချရင်ချ။ မချရင် သုံးရက်၊ ငါးရက်၊ ခုနစ်ရက် မ,ကိန်းမှာပဲ သဂြုင်္ိဟ်တာတွေ၊ ဆွမ်းသွတ်တာတွေ လုပ်ကြတယ်။ Lucky 7 ဆိုတာလည်း လူတိုင်းကြားဖူးသားပဲ။ နူမရော်လော်ဂျီဆိုတဲ့ ပညာဆိုရင် ဂဏန်းတွေကိုအခြေခံပြီး တွက်ဆကြတာ။ ဒါဟာ ကျွန်တော် ဖတ်သိသိရသလောက် ကိန်းဂဏန်းတွေနဲ့ပတ်သက်တဲ့ လူတွေရဲ့ အယူအဆတွေပါ။

ကျွန်တော်တို့ဆီမှာလည်း ဒီလိုအယူအဆမျိုးတွေ ရှိနေတာပါပဲ။ လယ်တွင်းကိုးခရိုင်ဆီ လူကိုးယောက် မသွားမိဖို့ သတိထားကြတာတွေကအစ ရွှေရင်ကျော်ဂိုဏ်းရဲ့ အဓိကကျလှတဲ့ စမဟာတြိဂံကို အခြေခံထားတာတို့။ ၁၁ မီးငြိမ်းဖို့တို့။ ၃၈ ဖြာ မင်္ဂလာတရားတော်တို့။ ရေတွင်းပေါင်း ရှစ်သောင်းလေးထောင်တို့။ ရေကန်ပေါင်း ရှစ်သောင်းလေးထောင် တို့ဆိုတာတွေ အပါအ၀င် ငါးပါး၊ ရှစ်ပါး၊ ကိုးပါး၊ ၁၀ ပါး စတဲ့ သီလအရေအတွက်တွေဟာလည်း ကျွန်တော်တို့ဘက်မှာ စွဲနစ်နေတဲ့ကိန်းတွေပါပဲ။ အနောက်ဘက်က လူတွေရဲ့ ၄၀ ကျော်မှ ဘ၀စတယ်ဆိုတာနဲ့အပြိုင် ၄၀ ကျော်ရင် အသင့်ပြင်ဆိုတဲ့ ကိန်းဂဏန်း ယူဆချက်တွေလည်း ရှိပါတယ်။ တချို့ကိန်းဂဏန်းတွေက ကြောက်ရွံ့စရာ။ တချို့ကတော့ တန်ဖိုးထား လေးစားနေစရာပါပဲ။ ဒီအထဲမှာ လူမျိုးစုအတွက်၊ နိုင်ငံတစ်နိုင်ငံအတွက် တော်လှန်ရေးတစ်ခုခုအတွက် ကြည်နူးချမ်းမြေ့စရာအတွက်နဲ့ တန်ဖိုးထားသတ်မှတ်တဲ့ ကိန်းဂဏန်းတွေလည်း အများကြီး ရှိပါသေးတယ်။ ဇန်န၀ါရီ ၄ ရက်။ တန်ဆောင်မုန်းလဆုတ် ၁၀ ရက်။ ဖေဖော်ဝါရီ ၁၂ ရက်၊ ၁၄ ရက် စသဖြင့် ရှိပါတယ်။ ဘာပဲပြောပြော အဲဒီကိန်း ဂဏန်းတိုင်းဟာ သူ့အကြောင်းပဋိစ္စနဲ့ သူ့ သမုပ္ပ သူဆောင်လာကြတာချည်းပါပဲ။ ကျွန်တော့်မှာလည်း အကြောင်းတရားရှိနေတဲ့ ကိန်းဂဏန်းတစ်ခု ရှိနေတယ်။ အဲဒါ ၄၅ ပဋိစ္စပါပဲ။

မုန်လာဥသုတ်တွေ ပိုချိုသွားတယ်

လွန်လေပြီးတဲ့ နှစ် ၂၀ ကျော်ကို ကျွန်တော် ပြန်လွမ်းတယ်။ အသက် ၃၀ ကာလပေါ့။ အဲဒီနှစ်တွေထဲမှာ ကျေနပ်စရာ၊ ကြည်နူးစရာတွေအားလုံးဟာ လတ်ဆတ်စွာ ပါဝင်နေတယ်။ တည်ငြိမ်တဲ့ အလုပ်အကိုင်ရယ်၊ ဘ၀လက်တွဲဖော်ရယ်ဟာ အဲဒီအသက်ကာလတွေမှာ ပွင့်ဖူးခဲ့တာလေ။ တကယ်တမ်းက ကျွန်တော်နဲ့ ကျွန်တော့်ဘ၀လက်တွဲဖော်က အသက်ကွာပါတယ်။ ဒွေးချိုး လေးတိုးလောက်ကြီး မဟုတ်ပေမယ့် သူက ကျွန်တော့်အောက် ၁၄ နှစ် ငယ်တယ်။ ဆရာနဲ့ တပည့်အဖြစ်ကနေ လင်နဲ့မယား လျှာနဲ့သွားဖြစ်ကြတာ။ ဒီကိစ္စမှာ ဦးရာလူမဟုတ်လို့ ဖူးစာယူလို့ပဲ ပြောရမှာပဲ။ လူပျိုကြီးပဲ လုပ်တော့မယ်ဆိုပြီး နေလာတာ အသက် ၃၂ သန်းခေါင်ယံတိတိမှာ တစ်ဖက်သား စိတ်ဒုက္ခခံစားရတာကို မကြည့်ရက်ပါဘူးဆိုတဲ့ စာတစ်စောင်နဲ့ ကျွန်တော်တို့နှစ်ယောက် သမီးရည်းစားတွေ ဖြစ်ကုန်ကြတယ်။ အဲဒီတုန်းက ညဟာ ဘယ်ညနဲ့မှ မတူအောင်လှတဲ့ညပေါ့။ ညဟာ ပေါ့ပေါ့လေးနဲ့ ဖွဖွလေး လှနေတာ။ ရွှေဝါဖူးမှာရောင်းတဲ့ မုန်လာဥသုတ်တွေတောင် ပိုချိုသွားတယ်။ အိမ်ပြန်လာတော့ ဖိနပ်ပေါ်မှာ ခြေဖ၀ါးတွေတောင် ကပ်မပါဘူး။ မွမွလေးနဲ့ မြောက်နေတာ။ ၁၈ နှစ် သမီးရည်းစားလေးကို ခဏခဏ တွေးတွေးကြည့်ပြီး ကြက်သီးမြမြတွေလည်း ယိမ်းထိုးထကြွခဲ့တယ်။ ဘယ်အချိန် တွေးကြည့်တွေးကြည့် ဆွေးငြိနေတာကလည်း လွန်လွန်းပါတယ်။ နေမြင့်ပြီ။ အရူးရင့်တာလေ။ ရည်းစားတွေဖြစ်တော့ လူပျိုသိုးကြီး ကျွန်တော်က လက်ထပ်ဖို့အရေးကို နွားသိုးကြိုးပြတ်လိုက်တယ်။ သူက ၂၅ နှစ်ပြည့်အောင် စောင့်ဦးတဲ့။ မအောင့်နိုင်လို့ ရည်းစားသက်တမ်း သုံးနှစ်မြောက်မှာ သူ့မိဘတွေဆီ ၀င်တောင်းပစ်ပြီး လက်ထပ်ဖြစ်ကြတယ်။ အဲဒီတုန်းက ကျွန်တော်နဲ့ အသက် ဒီလောက်ကွာတယ်လို့ သူက ထင်မထားဘူး။ ကျွန်တော်ကလည်း အသက်ကို အမှန်ပြောမထားမိဘူး။ အသက်နဲ့ပတ်သက်ပြီးလည်း များများစားစား စကားမစပ်မိကြပါဘူး။ သူတို့သူငယ်ချင်းတွေ တစ်အုပ်လုံးနဲ့ အတူရှိတုန်းက တစ်ခါလားပဲ ပြောမိကြတာ။

သူတို့က အသက်ဘယ်လောက်ရှိပြီလဲတဲ့။ မေးတယ်။ ကျွန်တော်က ဘယ်လောက်ရှိပြီထင်လဲလို့ပဲ ပြန်မေးဖြစ်တယ်။ သူတို့ဘာသာ ရုပ်ကြည့်ပြီး ခန့်မှန်းပြောတာ။ ၂၆ တဲ့။ သူတို့ခန့်မှန်းလိုက်တာ ကျွန်တော့်အသက် ခြောက်နှစ်လောက်တောင် ငယ်သွားတယ်။ ဒါပေမဲ့ ဒီနုပျိုခြင်း အမှန်းအဆကို အတွန့်မတက်ဘဲ ငြိမ်နေလိုက်တယ်။ အင်းလည်း မလုပ်။ အငြင်းလည်း မထုတ်ခဲ့ဘူး။ ၀ိနည်းလွတ်ပဲ နေနေလိုက်တယ်။ ကျွန်တော့် ရုပ်ကလည်း သိပ်မရင့်လေတော့ အသက်ကြီးတယ် မထင်ရဘူး။ ဒါကြောင့် သမီးရည်းစားဘ၀နဲ့ ညားကာစကာလတွေမှာ သူနဲ့ ကျွန်တော့်ကို ရုပ်ကြည့်ပြောရင် အသက်တအားကွာတယ် မထင်ရဘူး။ ကိုယ့်ကိုယ်ကိုယ်မို့လားတော့ မသိဘူးလေ။ ကွမ်းမစား၊ ဆေးလိပ်မသောက်၊ အရက်မမှီဝဲလို့များ ကျွန်တော့်ရုပ်က နုနေတာလား။ စိတ်ကောင်းထားလို့လား။ (Facebook မှာဆိုရင်တော့ ဒီနေရာမှာ သွားဖြဲပြီး ရယ်တဲ့ပုံလေး နှိပ်မိမှာပါ) မနာလိုတဲ့ သူငယ်ချင်း တစ်ယောက်တလေကတော့ ကလေးမသာလေးတဲ့။ ကလေးရုပ်ပေါက်နေတယ်ဆို နားခံနိုင်သေးတယ်။ ပြောပုံက မသာလေးတဲ့။ ဒါပေမဲ့ စိတ်မဆိုးပါဘူး။ သူငယ်ချင်းတွေပဲ။ လက်ထပ်ပြီးစထိအောင် ကျွန်တော့်အသက်အမှန်ကို မသိသေးဘူး။ နေပြည်တော် တည်ထောင်စ ဒီရွာဟိုပြောင်း ဒီရပ်ကွက် ဟိုရွှေ့တွေလုပ်တော့ ရှိစုမဲ့စုလေးနဲ့ ၀ယ်ထားတဲ့ ၀ိုင်းကွက်လေး အလျော်အစားမရ ရန်သူတော်တစ်ပါးဒဏ် ခံလိုက်ရမှာကြောက်လို့ ပုံစံ ၆၆ ကို ပြောင်းရွှေ့နေထိုင်တယ် လုပ်တော့မှ ကျွန်တော့်မွေးသက္ကရာဇ် ၁၉၆၉ လို့ သိသွားတာ။ လူလိမ်တဲ့။ ဒါကို ပြန်ပြီး မတုံ့ပြန်ပါဘူး။ ရယ်ပြီး ငြိမ်နေလိုက်တယ်။ အကျောက်အကန် တုံ့ပြန်နေစရာလည်း မလိုတော့တဲ့ အနေအထားလေ။ သူကလည်း ပြုံးပြုံးကြီးပြောတာကိုး။ တုံ့ပြန်ရရင်လည်း အချစ်နဲ့စစ်မှာ တရားတာ မတရားတာမှ မရှိတာ။ တကယ်တော့ တရားသော စစ်၊ တရားသော အချစ်ချည်းပဲ မဟုတ်လား။ အချစ်ဆိုတာ လိမ်ညာခွင့်လည်း ရှိတာပါပဲ။

ကမ်းဖျား လေးဆယ့်ငါး

ဒါပေမဲ့ နုပျိုခြင်းဆိုတဲ့တဒင်္ဂမှာ ကျွန်တော် ဘယ်လောက်ပျော်မွေ့မွေ့ ရူပံဘိက္ခဝေ အနတ္တာမဟုတ်လား။ ဘယ်ရုပ်မှ မမြဲဘူးဟေ့ပေါ့။ မှတ်မှတ်မိမိ ကျွန်တော် ၄၃ အရောက်မှာ မျက်လုံးတွေက မျက်မှန်ကို တောင်းဆိုကြတယ်။ စာလုံးတွေသေးရင် ဘာမှဖတ်လို့ကို မရတော့တာက စတယ်။ ဇရာဟာ သူ့ ရပိုင်ခွင့်တွေအတွက် လမ်းပေါ်ထွက် တောင်းဆိုလာတာ။ မျက်လုံး စစ်ပေးရတယ်။ မျက်မှန် လုပ်ပေးရတယ်။ အနီးမှုန်တာတဲ့။ ပါဝါ ၁၂၅။ နားထင်စပ်က ဆံစလေးတွေထဲမှာ တစ်ပင်စ နှစ်ပင်စ အဖြူရောင်လေးတွေ ကြွထလာတယ်။ မိန်းမက အဲဒီ ဆံဖြူစလေးတွေကို နုတ်ပေးတယ်။ နုတ်တဲ့နေရာမှာ ယားယားကျင်ကျင်ဖြစ်တော့ လက်ဖျားထိပ်လေးတွေနဲ့ ပွတ်ခြေပေးတယ်။ အဲဒီအချိန်အခါမျိုးကျရင် ကျွန်တော် ငိုက်မျဉ်းသွားတတ်တယ်။ မိန်းမ ရင်ခွင်ထဲကျမခန်းပါပဲ။ သူ့ပေါင်ပေါ် လက်ကို ကွေးထောက်ထားရင်း ဆံနုတ်ခြင်းရသကို ကျွန်တော် ခံစားနေလိုက်တယ်။ ကျွန်တော့် ဦးခေါင်းထက်က စံပယ်ပွင့်တွေကို တစ်ပွင့်ချင်း ခူးခြွေနေသလိုပါပဲ။ တစ်ပွင့်–နှစ်ပွင့်- -လေး-ငါးပွင့်—။

အမယ်လေး တံတောင်ဆစ်ကြီးက ပေါင်ကိုစူးလိုက်တာဆိုမှ ဇိမ်ခံလက်စကို သတ်လိုက်တာ။ မိန်းမကို ပြုံးပြုံးကြီးကြည့်ရင် သူ့မျက်စောင်းဒဏ်ကို ကျေနပ်တဲ့အရသာနဲ့ ခံစားမိတယ်။ အဲဒီအချိန်အထိ ဇရာပိဒုက္ခာကို အတွင်းကျကျ မခံစားမိသေးပါဘူး။ မျက်မှန်လေးကလည်း စာဖတ်တုန်းခဏလေး တပ်ရတာ။ ဆံဖြူဖြူလေးတွေကျတော့လည်း မိန်းမရင်ခွင်ထဲတိုးပြီး အနုတ်ခံလိုက်တာ။ အလွန်ဆုံးနုတ်ရမှ ဆံဖြူပွင့်တွေက ၁၀၊ ၁၅ ပေါ့။ ဒီလိုဆိုတော့ ဘယ်မှာဒုက္ခလို့ မြင်နိုင်ပါ့မလဲ။ ဒါ့ကြောင့်လည်း ကျောက်စိမ်းဘုရားမှာ မိတ်ဆွေတစ်ယောက် လျှပ်တစ်ပြက် ရိုက်ပေးထားတဲ့ မနှစ်ကဓာတ်ပုံကိုကြည့်ပြီး တို့နှစ်ယောက် သိပ်ကွာတယ်မထင်ရပါဘူးနော်လို့ ဒီပါးစပ်ကြီးက အရှက်မဲ့မဲ့ ပြောထွက်ခဲ့သေးတာ။ သူ့နှုတ်ခမ်းပါးလေး နှစ်လွှာကလည်း လိုလိုချင်ချင် လှိုက်လှိုက်လှဲလှဲ “အွန်း” လို့ ထွက်ခဲ့သေးတာ။

၄၅ ဆီ ဒက်ဒက်ထိ ကပ်ပြီ

ဒါပေမဲ့ အဲဒီလို စံပယ်ခူးကြတဲ့နေ့တွေ သိပ်မကြာလိုက်ပါဘူး။ ကျွန်တော် ကျောင်းအားတဲ့တစ်နေ့ ဆံပင်ဖြူတွေ နုတ်ပေးတော့ “ကြည့်စမ်း အဖြူတွေ အများကြီးပဲ” တဲ့။ နုတ်လို့တောင်နိုင်မှာ မဟုတ်တော့ဘူး။ နားထင်စပ်တစ်ခုလုံး ဖွေးဖွေးလှုပ်လို့။ နောက်စေ့တွေမှာရောပဲ။ ဆေးဆိုးမှပဲ ရတော့မယ်တဲ့။ ဒီ စကားသံဟာ တကယ်တော့ ဇနီးမယားရဲ့ အသံဆိုတာထက် ဇရာမင်းရဲ့ တပ်လှန့်သံဆိုတာ ပိုသေချာတယ်။ အင်အားပြင်းတယ်။ ဒဏ်ထိစေတယ်။ စိတ်ထဲအထိ အိုစာသွားရတယ်။ တစ်ခုခုကို ဆုံးရှုံးသွားရသလိုလည်း ခံစားလိုက်ရတယ်။ ဘယ်မခံစားဘဲ နေနိုင်ပါ့မလဲ။ ခေါင်းပေါ်မှာ နှစ်ပေါင်း ၄၀ ကျော် မည်းမည်းတုပ်နေလာကြတာပဲ။ သူတို့ကို ပုံစံအမျိုးမျိုးညှပ်လို့ ဥပဓိရုပ်လုံးကို ထုတ်သုံးပြခဲ့တာတွေက ကာလမှ မနည်းတော့တာ။ ဒီမိုး၊ ဒီနှင်းနဲ့ ဒီနွေတွေကို ခေါင်းဆီးခံ ဖြတ်သန်းခဲ့ကြတာ။ မောင်ငြိမ်းချမ်း။ စိုင်းလားရှိုး။ ကျော်အောင်မော်တို့ရဲ့ ရုပ်ပြတွေထဲက ဇာတ်ကောင်ဆံပင်ပုံ ဘေးခွဲတွေအတိုင်း ခွဲလားခွဲရဲ့။ ကျော်ဟိန်းက ဆံပင်နားထင်ထောက်ကို နားရွက်တစ်ဝက်ဖုံးထားတော့လည်း နားရွက်တစ်ဖက်ဖုံးလိုဖုံးရဲ့ ။ဒါပေမဲ့ အဲဒီနားရွက်ဖုံးတာက ကျွန်တော့်အတွက် အဆင်မပြေပါဘူး။ ကျွန်တော်က ဆံပင်လည်းသန် နားရွက်လည်းကားတော့ ဆံပင်တွေက နားရွက်ပေါ်မှာ ပျော့ပျော့ခွေခွေ လှလှပပ ကျမနေဘဲ ကဲလားတံခါးရွက်ဖွင့်ထားသလိုမျိုး စောင်းစောင်းထောင်ထောင်ဖြစ်နေတာ။ ဒါကြောင့် နားရွက်ဖုံးတဲ့ ဆံပင်ထောက်နဲ့ အဆင်မပြေခဲ့ဘူး။ နားရွက်ဖော်ပြီး နားသီးနဲ့အညီ ထောက်ဖြတ်တော့လည်း လိုက်ဖြတ်လိုက်တာပါပဲ။ ဒွေးပေါ်လာတော့ ဒွေးကေညှပ်လိုက်ပြန်ရော။ ဒါလည်း အဆင်မပြေပြန်ဘူး။ ကျွန်တော့်ညာဘက် နဖူးခင်းမှာ ဗွေဆလန်ရှိနေတော့ ဒွေးကေ မဖြစ်ဘဲ ဘဲမြှီးလေးယိုင်နေသလို ဖြစ်နေပြန်တာ။ ဘာပဲပြောပြော ဆံပင်တွေကို စိတ်မဆိုးဘူး။ ဘယ်လိုပဲဖြစ်ဖြစ် ဒီဆံပင်တွေနဲ့ ခေတ်တွေကို ဖြတ်သန်းလာရတာ။ ခုတော့ ဒီဆံပင်တွေက ကျွန်တော့်ကို ထားခဲ့ပြီ။ တစ်စတစ်စ စွန့်ခွာနေကြပြီ။ အချိန်ယန္တရားရှေ့မှာ ဒူးထောက်ချနေကြပြီ။ မကြာခင်မှာပဲ ဆံပင်တွေ ဖွေးနေအောင် ဖြူတဲ့တစ်နေ့ဆီ ရောက်ရတော့မယ်။ ကျွန်တော့်ခေါင်းဟာ အဖေ့ခေါင်းလို ဖွေးဖွေးလှုပ်ရတော့မယ်။ ဒီလောက်ဖြူရအောင် ကျွန်တော့်အသက် ဘယ်လောက်ရှိပြီလဲ။ ပြီးခဲ့တဲ့ အောက်တိုဘာတုန်းက ၄၅ ပြည့်တော့တာကိုး။ ၄၅ ဇရာဟာ ကျွန်တော့်ကို အိုတွင်းထဲ ဆွဲချလိုက်ပြီ။ ဇရာပိဒုက္ခောကို အသက် ၄၅ မှာ အကျအန ခံစားလိုက်ရပြီ။ မိန်းမရင်ခွင်တွင်းမှာတိုးပြီး ဆံနုတ်ခွင့်တွေ ရုပ်သိမ်းခံလိုက်ရပြီ။ ဒီဆိုက်ရောက်မှုကို မမေ့ဘူး။ လျစ်လျူရှုလို့ မရဘူး။ ဒါနဲ့ပဲ ဒါကို ရင်ထဲအထိ အစွဲအလမ်းတစ်ခုအဖြစ် သိုလှောင်မှတ်သားထားမိတာနေမှာ။ ဘယ်လိုပဲနုပျိုခဲ့နုပျိုခဲ့ ၄၅ ရောက်ရင် အိုရုပ်ကတော့ သေချာပေါက်ပေါက်လာမှာ။ တကယ်တော့ ဒါဟာ ကျွန်တော့်ကိန်းဂဏန်း အစွဲအလမ်းထဲက ဇရာ-၄၅ ပါပဲ။ ၄၅ ရောက်ပြီလား။ ခင်ဗျား အဘိုးကြီးဖြစ်တော့မယ်။

တိတ်ဆိတ်၍ ဆူညံသော ၀န်းကျင်များ

Photo: pinterest

(၁) ဒီမှာတော့ စကားမပြောဘဲ နေလိုက်တာကမှ ပိုကောင်းပါလိမ့်ဦးမယ်။ ဒီပတ်ဝန်းကျင်မှာ စကားပြောတာကိုက ရာဇ၀တ်မှုတစ်ခုလို ဖြစ်နေတတ်တာမဟုတ်လား။ ကျွန်တော်လည်း ထင်ပါတယ်။ ကိုယ့်စိတ်နဲ့ကိုယ် ထုတ်ဖော်ပြောလို့မရ ကိုယ့်အယူအဆတွေကို ချပြလို့မှ မရခဲ့တဲ့ဘ၀တွေဆိုတာ တကယ်ရှိခဲ့ဖူးတယ်လေ။ တကယ်ရှိခဲ့လို့လည်း အဲဒီတုန်းက အချိန်တွေမှာ ကျွန်တော်တို့အားလုံး တိတ်ဆိတ်နေပြခဲ့ရတာပေါ့။ တကယ်ဖြစ်ခဲ့လို့လည်း ကျွန်တော်တို့သမိုင်းမှာ အဆွံ့အဆုံး နေ့ရက်တွေကို ဖြတ်သန်းခဲ့ရတာပေါ့။ မဟုတ်ဘူးလား။ ဘယ်လောက်တောင် တိတ်ဆိတ်ဆွံ့အခဲ့ရသလဲဆို နေ့တစ်နေ့တာမှာ ကိုယ့်ပါးစပ်ကို မ၀လင်တဲ့အစားအစာ အ၀င်ခံရုံမှအပ ပိတ်ထားကြရတယ်လေ။ တိပ်နဲ့ ပြန်ကပ်ထားသလို ချုပ်ရိုးအတိုင်း ပြန်ချုပ်ခံထားရသလို အခြေအနေတွေ ကြုံခဲ့ရတယ်။ ဘေးကျပ်နံကျပ် နံရံတွေအပြည့် ပိတ်ကာထားသလို နေခဲ့ရတယ်။ ဘာဖြစ်လို့လဲဆိုတော့ ကျွန်တော်တို့ဆီက မလိုလားအပ်တဲ့အသံတွေ ထွက်လာမှာ စိုးရိမ်ခဲ့ကြရလို့ပေါ့။ ကျွန်တော်တို့ကိုယ်ခန္ဓာမှာ ချည်နှောင်ထားတဲ့ကြိုးတွေကို ရုန်းကန်မှာ ကြောက်ကြလို့ပေါ့။ ပြောမယ့်သာ ပြောရတာပါ။ အခုအချိန်တွေထိရော ကျွန်တော်တို့ဟာ ကိုယ့်အယူအဆကိုယ် ဘယ်လောက်များ ယုံယုံကြည်ကြည် ပြောခွင့်ရသေးလို့လဲ။ ကိုယ်မှန်တယ်ထင်ရာကို ဘယ်လောက် ကျယ်လောင်မှုနဲ့ ပြသခွင့်ရသေးလို့လဲ။ အရင်တုန်းကလိုမျိုးဆိုရင် ကိုယ့်ဆီကအသံ ထွက်သွားရုံနဲ့ ဘာမှထပ်ပြီးထူးခြားလာမယ်လို့တောင် မထင်ခဲ့ကြဘူးမဟုတ်လား။ မွန်းကျပ်လွန်းတဲ့အခါတွေမှာ အားခနဲ အော်လိုက်ရင်တောင်မှ ကိုယ့်အော်သံကြောင့် ကျယ်လောင်စွာ ပဲ့တင်ထပ်ပေါက်ကွဲလာမယ့် အသံနက်ကြီးအပေါ် အသံသေးသေးလေး ထပ်မံ ဖုံးအုပ်လိုက်သလိုပဲဖြစ်နေမှာ။ ကံမကောင်းရင် ပြဿနာတွေ တစ်လှေကြီးတောင် တက်သွားနိုင်သေးတာပေါ့။ ဒါမှမဟုတ်ရင်လည်း လေထဲမှာ လုံးထွေးပျောက်ကွယ် အရာထင်မှာ မဟုတ်ပါဘူး။

အမိန့်ပေးခြိမ်းခြောက်ခံခဲ့ရတဲ့ အတိတ်များ။ တားမြစ်ထားတဲ့ တစ်ဖက်စောင်းနင်း ကန့်သတ်ချက်များ။ အဲဒီတုန်းကများ ကျွန်တော်တို့ဟာ အဖိနှိပ်ခံခဲ့ဖူးတဲ့လူတွေ ဖြစ်ခဲ့ကြတာပေါ့ဗျာ။ အသံမထွက်နဲ့ ငြိမ်ငြိမ်နေဆိုတဲ့ ခြိမ်းခြောက်မှုမျိုးကို ရုပ်ရှင်တွေထဲမှာ ကြားရလွန်းလို့ ရိုးနေကြပေမဲ့ အဲဒီတုန်းက ဖြစ်ခဲ့ရတာတွေက ရုပ်ရှင်ပိတ်ကားထဲမှာမှ မဟုတ်ပဲ။ အပြင်မှာ နဖူးတွေ့ ဒူးတွေ့ ကြုံဆုံခဲ့ရတာမျိုးဆိုတော့ ပိုပြီးခါးသီးခဲ့ကြတာပေါ့။ လှုပ်မရခဲ့တဲ့အချိန်တွေ ကိုယ့်ပါးစပ်ပေါက်ကို ဇစ်တစ်ခုလို အတင်းဆွဲစေ့ခံထားရတဲ့ အဖြစ်တွေ ပိတ်ထားတဲ့နားတွေနဲ့ ကျွန်တော်တို့ မျက်မြင်ကိုယ်တွေ့ ရင်ဆိုင်ကြုံတွေ့ခဲ့ရတာလေ။ အကျဉ်းကျပ်ဆုံးကာလများပါပဲ။ တစ်နည်းအားဖြင့် အဲဒါကျွန်တော်တို့ကို အမြဲခြောက်လှန့်နေတဲ့ အတိတ်တွေပါပဲ။ ဒါပေမဲ့ အခုအချိန်ကျတော့ အဲဒီလို မဟုတ်တော့ပြန်ဘူး။

(၂) အခုကျတော့ ဒီဝန်းကျင် အသိုက်အ၀န်းမှာ အသံတိုးတိုးလေးကနေ ပတ်ဝန်းကျင်ကြောင့်ပဲ ပိုပြီးကျယ်လောင်လာတဲ့ အသံတွေ ဖြစ်သွားတတ်ပြန်တယ်။ ကျွန်တော်တို့ရဲ့ အကျင့်စရိုက်တွေကြောင့်လားတော့ မသိပါဘူး။ ပုံမှန်စကားပြောသံကနေ နားကွဲမတတ် အော်ဟစ်လိုက်သလို အသံတွေ ဖြစ်သွားလေ့ရှိတတ်တယ်။ တစ်စစနဲ့ပါပဲ။ ကျွန်တော်တို့ ကိုယ်တိုင်က ဆူညံသံကို သိပ်မြှင့်တင်လိုကြတဲ့ ပတ်ဝန်းကျင်တွေပေ့ါ။ သိပ်ကိုတိတ်ဆိတ်နေရလွန်းလို့လည်း တုံ့ပြန်မှုပြင်းထန်သလို ဖြစ်သွားရတာနေမှာပါပဲ။ ဟုတ်လားမသိဘူး။ ကျွန်တော်ကတော့ အဲဒီလိုပဲ ထင်မိတယ်။ အခုဆိုရင် ကျွန်တော်တို့ဆီမှာ မလိုအပ်ဘဲနဲ့လည်း နေရာတကာအသံတွေက ထွက်နိုင်လွန်းလှတယ်လို့တောင်မှ ကျွန်တော် တွေးစပြုနေမိပြီ။ တစ်ဦးချင်းဆီက အသံတွေ၊ အုပ်စုလိုက်အော်တဲ့ အသံတွေ၊ တစ်ယောက်တစ်ပေါက် ပွက်လောရိုက်နေတဲ့ အဲဒီအသံတွေ ကျွန်တော်တို့ပတ်ဝန်းကျင်မှာ အများကြီးမှ အများကြီးပေါ့။ ကိုယ့်နားထဲ မလိုအပ်ဘဲ ရောက်လာကြ၊ လက်မခံလည်း အတင်းဝင်လာကြတယ်။ တစ်ယောက်ချင်းစီကိုက ပါးစပ်တစ်ပေါက်စီနဲ့ အားကုန်အော်ဟစ်ဆူညံ နေကြတာဆိုတော့လေ။ ကျွန်တော်တို့ အကုန်လုံး ဘာမှမတတ်နိုင်ကြဘူး။ အကြောင်းပြချက် မည်မည်ရရမရှိဘဲ အသံတွေထွက်နေကြတာ မကောင်းဘူးလို့ဆိုပေမဲ့ အဲဒီအသံတွေက အပေါက်ရှာပြီး ထွက်လာကြတာပါပဲ။ ဘယ်တတ်နိုင်ပါ့မလဲ။ ဘာဖြစ်လို့များ အသံတွေကို အကျိုးမဲ့ ထုတ်လွှတ်နေကြတာလဲ ဆိုတာတော့ ကျွန်တော်လည်း တကယ်ကို မသိပါဘူး။

နောက်တစ်ခုက အသံလှိုင်းတွေဟာ ပျောက်ပျက်မသွားဘဲ စကြာဝဠာထဲမှာ လှည့်ပတ်စီးဆင်းနေတယ်လို့ ဆိုကြတယ်မဟုတ်လား။ ဘာဖြစ်လို့များ ကိုယ့်ဆီက အလကား အသံတွေကို အာကာသပတ်လမ်းကြောင်းထဲ အများကြီး လှည့်ပတ်စီးဆင်းနေအောင် ပြုလုပ်နေကြတာလဲလို့ ကျွန်တော် စဉ်းစားနေမိသေးတယ်။ မလိုအပ်ဘဲ အသံတွေ ပျံ့နှံ့နေခြင်းကလည်း တကယ့် အနှောင့်အယှက်ပဲလေ။ အဲဒီလို မထင်ဘူးလား။ တစ်ဆက်တည်း ပြောရရင် ပါးစပ်ထဲက ထွက်လာတဲ့ ပုံရိပ်ယောင် အညစ်အကြေးတွေပေါ့ဗျာ။ ဟုတ်တယ်။ လူ့ခန္ဓာရဲ့ ဘေးထွက်ဆိုးကျိုး စွန့်ပစ်အသံတွေ၊ နေ့စဉ်နဲ့အမျှ ကြားနေရတဲ့ အမှိုက်စလိုအသံတွေ တားမရဘဲ ၀င်ရောက်လာတတ်တဲ့ အနှောင့်အယှက်တွေပေါ့။ ကျွန်တော် စဉ်းစားကြည့်တယ်ဗျ။ လူကို ပါးစပ်ပေါက် ဖောက်ပေးထားတာဟာ အစားအစာ စားဖို့အပြင် နားတွေကို ဒုက္ခပေးဖို့အတွက်များ တန်ခိုးရှင်တစ်ယောက်ယောက်က အပိုဖန်ဆင်းပေးခဲ့တာလား ဆိုတာကိုပါ။ တစ်ယောက်နဲ့တစ်ယောက် ဆက်သွယ်စရာ ပါးစပ်ပေါက်၊ နားပေါက်ပါလာတဲ့ လူသားဟာ တစ်ယောက်ကိုတစ်ယောက် ဒုက္ခပေးဖို့သာ ဖြစ်လာခဲ့ပြီး အဲဒီအပေါက်တွေနဲ့ တော်တော် အလုပ်ရှုပ်နေတော့တာပါပဲ။ မဟုတ်ဘူးလား။ ဘေးနားက ဆူညံပွက်ထနေတဲ့ မီးစလိုအသံတွေက ဒီနားထဲကိုပဲ တားမရဆီးမရ ၀င်ချလာတာလေ။ နားတစ်ဖက်စီမှာ တံခါးတစ်ချပ်စီ ပါမလာတာကိုတော့ အဲဒီဖန်တီးသူကို စိတ်ဆိုးနေမိတယ်။ တကယ့်ကို ထော်လော်ကန့်လန့်နိုင်ပြီး စလွယ်နိုင်တဲ့ဖန်တီးမှုပဲလို့ ကျွန်တော် မတွေးဘဲ မနေနိုင်ဘူး။

(၃) ကြည့်ဦးလေ။ ဦးခေါင်းလို့ခေါ်တဲ့ ခပ်မာမာအရာကြီးဟာ အစကတော့ အုန်းသီးတစ်လုံးလို အလုံးလိုက်ကြီးပဲဖြစ်မယ်လို့ ကျွန်တော်ကတော့ ထင်တာပဲ။ အထဲမှာ ထည့်ထားချင်တဲ့ တန်ဆာပလာတွေကို အပြင်လှပ်ထားချင်လို့သာ ခွဲတန်တာခွဲ၊ ဖောက်တန်တာဖောက် လုပ်ထားရတာဖြစ်မှာပါ။ လူသားရဲ့ ပုံပန်းသဏ္ဌာန်ဟာ အဲဒီလို အလောတကြီးနိုင်ခဲ့တယ်။ မသေသပ်တဲ့ လှီးဖြတ်မှုတွေ ဖောက်ထုတ်မှုတွေကို လုပ်ခံခဲ့ရတယ်။ အချိန်ယူ စနစ်တကျ ဖွဲ့စည်းထားပုံမျိုး မဟုတ်ဘဲ လူဆိုတဲ့ သတ္တ၀ါတွေကို တစ်ပုံစံတည်း ဖန်တီးခဲ့တယ်လေ။ ဘာဖြစ်လို့များ အဲဒီလောက် အရေးတကြီးပုံစံနဲ့ ဖန်တီးခဲ့တာတဲ့လဲ။ ဘာဖြစ်လို့များ အဲဒီလောက် ပြီးစလွယ်နိုင်ခဲ့တာလဲ။ ကျွန်တော် ပြန်မေးကြည့်ချင်မိတယ်။ ဒါပေမဲ့ ကိုယ်တိုင်ကိုက ဖန်တီးခံထားရတဲ့ အရာတစ်ခုပဲဆိုတော့ ခွန်းတုံ့ပြန်လို့မရဘူး ဖြစ်နေခဲ့တာပေါ့။ ဘယ်တတ်နိုင်ပါ့မလဲ။ လွန်သွားလို စူးချွန်တစ်မျိုးနဲ့ ဦးခေါင်းခွံရဲ့ ဘေးနှစ်ဘက်ကို ထိုးဖောက်လှည့်လိုက်တယ်။ ပြန့်ကားလာတဲ့ အသားပိုအစတွေနဲ့ အဲဒီအပေါက်ကြီးဟာ နားဆိုတာကြီး ဖြစ်လာတဲ့အခါ အပြင်ကအသံတွေ ခန္ဓာကိုယ်ထဲ ၀င်ရောက်လာတော့တာပေါ့။ ပြီးတော့ ပြန်ထွက်မသွားပဲ စိတ်မှာကပ်လို့ တစ်လျှောက်လုံး ပါလာနေခဲ့တာပါပဲ။

အခုဆိုရင် ကျွန်တော်တို့ပတ်ဝန်းကျင် လမ်းတွေပေါ်က လျှံတက်လာတဲ့ အသံတွေက ကျွန်တော်တို့နားတွေထဲကို တားမရဆီးမရ ရောက်လာနေကြပြီလေ။ ဘေးဝိုင်းက ဆူညံနေတဲ့ စကားပြောသံတွေဟာ အတားအဆီးမဲ့စွာ အကြားအလပ်မရှိအောင် ခုန်ထလာတယ်။ မဏ္ဍာပ်ကထွက်လာတဲ့ ကျယ်လောင်တဲ့ သီချင်းသံတွေဟာ အရင်ဆုံးတိုက်ခန်းနံရံကို ထိမှန်ပါတယ်။ အဲဒီကမှ တံခါးကို တင်းတင်းစေ့ထားလည်း ကျွံပြီး ၀င်ရောက်လာပြန်တာပေါ့။ အိမ်နံရံကိုတောင် ဖောက်ဝင်လာတဲ့ တုန်ခါစူးရှတဲ့ ကျယ်လောင်သံတွေ နားထဲ အတင်းဝင်ရောက်လာတဲ့အခါ အိမ်ကလေးဟာ တုန်ခါလန့်ဖျပ်နေပါတော့တယ်။ ကြောက်ရွံ့နေကြလေရဲ့။ လမ်းမတွေပေါ် အော်ဟစ်နေတဲ့အသံတွေ။ အိမ်ကလေးထဲကတစ်ဆင့် ပြန်ကန်ထွက်နေတတ်တဲ့ ကလေးငယ်တွေရဲ့ အော်ဟစ်ငိုယိုသံများ။ အဲဒီလိုနဲ့ ကျွန်တော်တို့နားပေါက်တွေ တစ်စစ ကြီးမားပြန့်ကျဲလာနေပြီ။

(၄) ဟိုအရင်အတိတ်ကာလတွေမှာ ထောင်ထားခဲ့ဖူးတဲ့ သတိပေးဆိုင်းဘုတ်တွေဟာ အသက်မဲ့စွာ လမ်းမပေါ်မှာ ကျန်ခဲ့လေရဲ့။ အခုဆို လမ်းတွေပေါ်က ဆောင်ပုဒ်များ၊ ရည်မှန်းချက်များ၊ အရာမထင်သော ဆေးသားများ ပျက်ပြယ်စပြုနေပြီပေါ့။ ဟွန်းမတီးရဆိုတဲ့ လမ်းမတွေပေါ်မှာ ကားတွေကျပ်ညပ်လို့။ ကားပေါ်က ထိန်းချုပ်ထားရတဲ့ ဒေါသတွေက လမ်းမပေါ် ကျဲပြန့်လို့နေခဲ့တယ်။ လေအေးပေးစက် ဖွင့်ထားပေမဲ့ ဇိမ်ခံကားပေါ်က ပူလောင်နေတဲ့မျက်နှာတွေ။ ချိန်ကိုက်ဗုံး တစ်လုံးလို တို့ထိလိုက်တာနဲ့ တစ်ပြိုင်နက် ပေါက်ကွဲသွားတော့မယ့် တဒင်္ဂတွေလမ်းမပေါ် အတင်းစုပြုံတိုးဝှေ့နေကြပြီပေါ့။ ဟိုးအဝေးနေရာတွေကလည်း သူသူကိုယ်ကိုယ် ကြားနိုင်လောက်တဲ့ အသံတွေနဲ့ အော်ဟစ် ပေါက်ကွဲနေကြပါပြီ။ ကျွန်တော်တို့အားလုံး မကြားချင်လို့မှ မရတော့တာ။ ကျွန်တော်တို့ အသံတွေအကုန်လုံးကို နားမထောင်ချင်လို့မှ မရတော့တာ။ အသံတွေက ထိန်းချုပ်ခံခဲ့ရလွန်းလို့ လျှံထွက်လာပြီမဟုတ်လား။ အဲဒါရုန်းကန်သံမဟုတ်တော့တဲ့ တောင်းဆိုမှုတွေပါပဲ။

အခုဆို ဆူညံသံ မထွက်ဖို့အတွက် အနိမ့်ဆုံး တားမြစ်ချက်ဖြစ်တဲ့ ဟွန်းမတီးရဆိုတဲ့ စာသားတွေ၊ စကားကို ကျယ်လောင်စွာ မပြောရဆိုတာတွေဟာ ချိုးဖောက်မှု အများဆုံးခံနေရတဲ့ ဥပဒေသများဖြစ်လာပါပြီ။ အခု ကျွန်တော်တို့ ရောက်နေကြတဲ့ နေရာကလည်း စည်းမဲ့ကမ်းမဲ့အဖြစ်ဆုံး ပတ်ဝန်းကျင်တစ်ခုပဲ ဆိုတော့လေ။ ဘာပြောကြလဲဆိုတော့ ကျွန်တော်တို့ဟာ စည်းကမ်းမရှိလို့ကို မတိုးတက်တာပါတဲ့။ ကျွန်တော်ကတော့ အဲဒီလိုမထင်ပါဘူး။ ကျွန်တော်တို့ကို စည်းကမ်းရှိအောင်မှ မထားခဲ့ကြဘဲနဲ့ ကျွန်တော်တို့က စည်းကမ်းရှိချင်လို့ ဘယ်ရပါ့မလဲ။ မဟုတ်ဘူးလား။ နားတွေဆိုတာ ပွင့်လျက်နဲ့ အမြဲဒုက္ခတရား ထင်ရှားပြနေတဲ့ အရာတွေလေ။ ကျွန်တော်တို့ ဘာများတတ်နိုင်ခဲ့လို့လဲ။ တိတ်ဆိတ်ဖို့အတွက် တားမြစ်ထားတဲ့ အရာအားလုံးဟာ ပေါက်ကွဲစေတတ်တဲ့ ပစ္စည်းတွေဖြစ်နေခဲ့တာကတော့ အံ့သြစရာ ပိုမကောင်းလွန်းဘူးလား။

လောကမှာ ကိုယ်တွေဥာဏ်မမီတဲ့ ကိစ္စတွေကလည်း အများကြီးပေါ့ဗျာ။ တချို့အရာတွေကတော့ သိဖို့တောင် မလိုအပ်တဲ့ အရာတွေပေါ့။ တစ်ကိုယ်စာ နေရာကွက်ကွက်ကလေးကနေ ဆန့်ထွက်ဖို့ သံသရာရှည်စေတဲ့ အကြောင်းတွေဆိုတာကတော့ ရှိပြီသားပဲလေ။ ဒါပေမဲ့လည်း အဝေးကြီးကို အဆုံးထိ ကြည့်စရာမလိုပါဘူး။ ကျွန်တော်တို့မှာ ရွေးချယ်စရာ လမ်းမှမရှိတော့တာ။ ကျွန်တော်တို့ဟာ လတ်တလော ခံစားချက်နဲ့ နောက်တစ်ဘ၀ထိ ကြည့်နေလို့မှ မရတော့တာ။ စိတ်ထဲမှာကို ဖြစ်နေပျက်စီးနေတဲ့ တရားဓမ္မတွေဟာ လက်ရှိဘ၀မှာကို မြင်နေရတာပါပဲ။ ကျွန်တော်တို့အားလုံး တိတ်ဆိတ်တုန်းက တိတ်ဆိတ်စွာ နေခဲ့ကြပြီးပြီ မဟုတ်လား။ အခုကျတော့ လမ်းမတွေပေါ် အသံတွေ ပြန့်ကျဲစဉ်ထွက်လို့ လာနေပြန်ပြီပေါ့။ ဟုတ်ပါတယ်။ အသံတွေတိတ်သွားအောင် ချက်ချင်းကြီးတော့ ဘယ်လုပ်လို့ရပါ့မလဲ။ အသံတွေထွက်နေတာတွေကိုလည်း အပြစ်သိပ်ပြောလို့ မရဘူးလေ။ တကယ်တော့ ကျွန်တော်တို့ အခုထက်ပိုပြီး အလုပ်ကို ပိုမိုကြိုးစားလုပ်ကြရဦးမှာပါ။