ကျွန်တော်တို့စိတ်နဲ့ မိသားစုမျက်နှာတွေ

(၁)

အဲဒီနေ့မနက်က ဂူဂဲလ်ကနေ ပို့လိုက်တဲ့ အီးမေးလ်တစ်စောင် ကျွန်တော့်ဖုန်းထဲကို ရောက်လာခဲ့တယ်။ နည်းပညာအကူအညီနဲ့ ဂူဂဲလ်ဆာဗာကနေ အလိုအလျောက် ပို့လိုက်တဲ့ စာတစ်စောင်ပါပဲ။ ကျွန်တော့်ဖုန်းထဲမှာ သိမ်းထားတဲ့ ဓာတ်ပုံတွေကို အမျိုးအစား ခွဲခိုင်းတာလို့တော့ အကြမ်းဖျင်းယူဆလို့ ရခဲ့တယ်။ ဘာဖြစ်လို့လဲဆိုတော့ အွန်လိုင်းနဲ့ ချိတ်ဆက်ထားတဲ့ ဂူဂဲလ်ရဲ့ ဓာတ်ပုံဆော့ဝဲတစ်ခုကြောင့် ဒေတာဆားဗစ်ကို အွန်လိုက်တဲ့အချိန်မှာ အဲဒီမေးလ်က တန်းဝင်လာခဲ့တာပါ။ ဆော့ဝဲလ်ရဲ့ လုံခြုံရေးစနစ်အရ ဖုန်းထဲမှာရှိတဲ့ ဓာတ်ပုံတွေအားလုံးထဲကမှ ကျွန်တော်ဟာ ဘယ်တစ်ယောက်လဲလို့ မေးချင်တဲ့ပုံစံပါပဲ။ အောက်မှာတော့ စာနဲ့အတူ ရွေးချယ်နိုင်ဖို့ မျက်နှာခြောက်ခုတိတိ ဖော်ပြပါလာခဲ့တယ်။ ကြည့်လိုက်တော့ ကျွန်တော်သိမ်းထားတဲ့ ပုံတွေထဲကမှ အများဆုံးဖြစ်နေတဲ့ ကျွန်တော့်မိသားစုဝင်တွေရဲ့ မျက်နှာတွေ ဖြစ်နေခဲ့ပါတယ်။ အဖေရယ်၊ အမေရယ်၊ ကျွန်တော်ရယ်၊ ကျွန်တော့်အမျိုးသမီးနဲ့ သမီးလေး နှစ်ယောက်ပုံတွေပေါ့။ ဖော်ပြထားတဲ့ ပုံတွေထဲကနေ အစစ်အမှန် ကျွန်တော့်မျက်နှာကို ရွေးချယ်ပါပေါ့။

ကျွန်တော် တွေဝေသွားမိတယ်။ ရှိနေတဲ့ ပုံတွေထဲကမှ ဒီမျက်နှာခြောက်ခုကို ဘယ်လိုများ ရွေးချယ်လိုက်ရမလဲဆိုတာ ကျွန်တော်စပြီး စဉ်းစားကြည့်တယ်။ ဘာစဉ်းစားနေစရာ လိုမလဲလို့တော့ ကျွန်တော့်ကို စောဒက မတက်ပါနဲ့ဗျာ။ အဲဒီတဒင်္ဂမှာ ကျွန်တော်ဖြစ်သွားတာကိုသာ ရေးပြနေတာမို့ပါ။ နည်းပညာတွေက တစ်ခါတစ်ခါ သိပ်ကို ထူးဆန်းတတ်ပါတယ်။ အခုလည်း ကိုယ်နဲ့ အနီးစပ်ဆုံး မိသားစုဝင်တွေကို သူရွေးချယ်ပြသွားနိုင်ခဲ့တယ်လေ။ နောက်ပြီး ကျွန်တော်က ဘယ်တစ်ယောက်လဲ။ ကျွန်တော် အစစ်အမှန်မျက်နှာပိုင်ရှင်က ဘယ်သူလဲပေါ့။ ဒါပေမဲ့ အဲဒီ တဒင်္ဂလေးမှာ ဘာမှမဟုတ်ဘဲ တွေဝေနေမိတဲ့ ကျွန်တော့်အဖြစ်ဟာ ပိုလို့ဆန်းကျယ်နေတတ်တာလည်း ဖြစ်နေခဲ့ပြန်တယ်။ လက်ရှိ ကြည့်မှန်ပေါ် ကြည့်လိုက်တိုင်း ထင်နေ မြင်နေရမယ့် ကိုယ့်မျက်နှာကိုပဲ ရွေးပေးလိုက်ရမလား။ ကျန်တဲ့ မိသားစုမျက်နှာတွေကရော ကျွန်တော့်မျက်နှာလိုပဲ မဟုတ်ဘူးလားဆိုတာကို ကျွန်တော် တွေးမိသွားတာလေ။ လူ့စိတ်ဆိုတာ အံသြဖို့ကောင်းတာတော့ အမှန်ပဲ။ အဲဒီ ခဏလေးမှာ ဘယ်မျက်နှာတစ်ခုကို ရွေးချယ်လိုက်ရမလဲဆိုတာ ရုတ်တရက် ကျွန်တော် မသိဘူးဖြစ်နေခဲ့တယ်။ တကယ်လည်း သူပြထားတဲ့ မျက်နှာတွေ မြင်ရတဲ့အချိန်မှာ ဘယ်တစ်ခုကို ရွေးချယ်ရမှန်း ကျွန်တော် မဆုံးဖြတ်တတ်ခဲ့ဘူး။ ဘာကြောင့်လဲဆိုတော့ မြင်ရတဲ့ မျက်နှာတွေအားလုံးဟာ ကျွန်တော့်စိတ်နဲ့ တခြားသူတွေရဲ့ မျက်နှာ၊ တခြားသူစိတ်နဲ့ ကျွန်တော်ပိုင်ဆိုင်တယ်ထင်ရတဲ့ မျက်နှာတွေ ဖြစ်နေခဲ့တာလေ။ ကိုယ်နဲ့အရင်းနှီးဆုံး ကိုယ့်မိသားစုဝင်အားလုံးရဲ့ မျက်နှာတွေချည်းပဲ ဖြစ်နေခဲ့တာမဟုတ်လား။ ကျွန်တော် ရုတ်တရက် ရွေးချယ်လို့မရခဲ့ဘူး။ ဘယ်တစ်ယောက်ကို ကျွန်တော်ပါလို့ ပြောပြလိုက်ရမလဲဆိုတာ အဲဒီခဏမှာ လုံးလုံးမဆုံးဖြတ်နိုင်ခဲ့ပါဘူး။

(၂)

တကယ်တော့ အဲဒီကိုယ့်မိသားစုမျက်နှာတွေဆိုတာ တစ်ချိန်တည်းမှာ ကျွန်တော်တို့ နောက်ထပ်ရရှိထားတဲ့ မျက်နှာတွေ ဖြစ်နေခဲ့တာပါပဲ။ ကျွန်တော်တို့ ပိုင်ဆိုင်ခွင့်ရခဲ့ကြပြီး ချစ်ခြင်းမေတ္တာနဲ့ ပတ်သက်ဆက်နွှယ်နေတဲ့ မျက်နှာဖုံးတွေလည်း ဖြစ်နေခဲ့တာ မဟုတ်လား။ ဘ၀တစ်လျှောက်လုံးမှာ ခဏလေးပဲဖြစ်ဖြစ် မိသားစုဝင်တွေရဲ့ မျက်နှာတွေကို ကျွန်တော်တို့ ကိုယ်စီမျက်နှာတွေပေါ် လဲလှယ်ကောက်တပ်လို့ ကျွန်တော်တို့ ချစ်ခြင်းမှာ ပျော်ဝင်ခဲ့ဖူးတယ်။ ကျွန်တော်ဟာ အဖေ့ရဲ့သားပါ။ ကျွန်တော်က အမေ့ရဲ့သားပါ စသည်ဖြင့်ပေါ့လေ။ အဲဒီလို ကျွန်တော်တို့ဟာ အဖေ့မျက်နှာနဲ့ လူရာဝင်ခဲ့ရတယ်။ အမေ့မျက်နှာနဲ့ လူဖြစ်လာခဲ့ကြပါတယ်။ အဖေ့ရဲ့မျက်နှာနဲ့ ကျွန်တော်တို့ လောကကိုရင်ဆိုင်ရဲခဲ့ ကောင်းကင်ကို ခေါင်းမော့ကြည့်ခွင့် ရခဲ့ကြတယ်။ အမေ့မျက်နှာရဲ့ ကြည်လင်အေးမြမှုမှာ လုံခြုံလို့ မိသားစုနွေးထွေးခြင်းကို ရှာတွေ့ခဲ့ကြတယ်။ မေတ္တာတရားကို ဖော်ပြလို့ရခဲ့ကြပါတယ်။ အဲဒီလိုပဲ ကျွန်တော်ဟာ သူမရဲ့ခင်ပွန်းပါ။ ကျွန်တော်ဟာ စာသိပ်တော်တဲ့ ထူးချွန်ထက်မြက်တဲ့ သမီးလေးရဲ့ ဖခင်တစ်ယောက်ပါလို့ မျက်နှာချင်းလဲလှယ် မိသားစုထဲက ဘယ်သူ့နာမည်နဲ့ပဲဖြစ်ဖြစ် ကျွန်တော်တို့ဖြစ်ကြောင်း ပြသလိုခဲ့ကြတယ်။ ဂုဏ်ယူကျေနပ်ချင်ခဲ့ကြတယ်။ ကျွန်တော်တို့ တန်ဖိုးကို မြှင့်တင်လို့ရခဲ့ကြတယ် မဟုတ်လား။ ဒါပေမဲ့ ဒါတွေကတော့ အကောင်းဘက်ကတွေးတဲ့ အတွေးပေါ့လေ။ အကောင်းဘက်ကဆို ကျွန်တော်တို့က မိသားစုထဲကမှ မဟုတ်ဘူး။ အပြင်လောကကြီးထဲ ထင်ရှားကျော်ကြားတဲ့သူ ဘယ်သူနဲ့မဆို တူချင်ကြတာချည်းပဲ မဟုတ်လား။

မကောင်းတာတစ်ခုကလည်း ရှိနေပြန်ပါသေးတယ်။ မျက်နှာဆင်တူလို့ အလိုမကျဖြစ်ကြရတဲ့ အဖြစ်တွေပေါ့။ ဘယ်သူမဆို ကိုယ်နဲ့တူတယ်လို့ ပြောခံရသူဟာ ချစ်ခြင်းနဲ့မှမဟုတ်ရင် ကောင်းမွန်တဲ့ သူပဲဖြစ်စေချင်ကြတာကတော့ လူ့သဘာဝပါပဲ။ ရာဇ၀င်ထဲက ဒါမှမဟုတ် အပြင်လောကထဲ ရှိနေသူ မရှိတော့တဲ့သူတွေထဲက မကောင်းသတင်းနဲ့ မျက်နှာပိုင်ရှင်တွေနဲ့ဆို ကျွန်တော်တို့ မတူချင်တတ်ကြဘူး။ ကိုယ်နဲ့ ဘာမှမဆိုင်သလို နေချင်ကြ။ ရုပ်ရှင်ထဲက ဗီလိန်ဇာတ်ရုပ်ကို ကိုယ့်မျက်နှာပေါ် ပေးမတင်ချင်သလိုမျိုး မကောင်းသူရဲ့ အမည်နာမ တစ်စွန်းတစ်စကလေးတောင် ကျွန်တော်တို့ကိုယ်ပေါ် ရောက်မလာချင်တတ်ကြဘူးပေါ့။ ဒါပေမဲ့ သွေးက စကားပြောလာ မျိုးရိုးလိုက်တယ်လို့ခေါ်တဲ့ ကျွန်တော်တို့ လူ့အဖြစ်ကို ရရှိရာ အသိုက်အ၀န်း မျိုးရိုးအစဉ်အဆက်ထဲက မလိုချင်လည်း လက်ခံယူလိုက်ရတဲ့ အပြုအမူ အကျင့်စရိုက်တွေတော့ ကျွန်တော်တို့မျက်နှာပေါ် သူ့အလိုလို ရောက်လာခဲ့ကြတာတော့ ရှိပါလိမ့်မယ်။ ကျွန်တော်ဟာ အဘိုးနဲ့တူလို့ စကားပြောကောင်းတာ သမီးက အမေနဲ့တူလို့ အလှကြိုက်တာဆိုတာမျိုး ကျွန်တော်တို့ သွေးထဲသားထဲက အကျင့်စရိုက်တွေ၊ ၀ါသနာအပြုအမူတွေ ဆိုတာကလည်း ကျွန်တော်တို့မျက်နှာပေါ် ရောက်လာတဲ့ ချစ်သူခင်သူတွေရဲ့ မျက်နှာဖုံးတွေပဲ မဟုတ်လား။ ဆိုးမှာပေါ့ သူ့အဖေနဲ့တူတာကိုး ဆိုသလိုမျိုး။ ကောင်လေး အဖေက မိန်းမရှုပ်တဲ့သူဆိုတော့ သတိပေးထားရတယ်ပြောတဲ့ သမီးတစ်ယောက်အမေ သမီးကိုစိတ်ပူသလိုမျိုး။ မျက်နှာတွေပေါ်က ခွာမရတတ်တဲ့ မျက်နှာဖုံးတွေလည်း ကျွန်တော်တို့အားလုံး မလိုချင်ဘဲ စွပ်ထားမိလျက်သား ဖြစ်နေတတ်တာပဲပေါ့။ သားဆိုးတစ်ယောက်ကို ဖခင်ဖြစ်သူက ဆုံးမတဲ့စကားလို ငါ့မျက်နှာကို ဘယ်နားသွားထားရမလဲ ဆိုသလိုမျိုး၊ ငါ့မျက်နှာကို ဓားနဲ့လှီးပစ်လိုက်ချင်တယ်ဆိုတဲ့ ဒေါသမျိုးဆိုတာကလည်း ကိုယ့်မျက်နှာဖုံးမှာ ကိုယ်တိုင်အရှက်ရလိုက်တဲ့အခါ နေစရာမရှိတော့သလိုလည်း ဖြစ်နေတတ်ပါသေးတယ်။ မျက်နှာဖုံးတွေက စိတ်ကျေနပ်စရာ ရှိတတ်သလို စိတ်အနှောင့်အယှက်ဖြစ်စရာတွေလည်း ဒွန်တွဲပါလည်း ကျွန်တော်တို့ လက်ခံခဲ့ကြရတာပါပဲ။ မျက်နှာတွေအားလုံးကတော့ အစဉ်အဆက် ကောင်းမွန်စွာ လက်ဆင့်ကမ်းကြရမယ့် မျက်နှာဖုံးတွေပါပဲ။

(၃)

တကယ်တော့ လူ့ဘ၀ဆိုတာကလည်း အခုခဏ အလည်ရောက်လာတဲ့ ဆောင်းမှာခဏတာ ပျော်ဝင်အေးစက်နေကြရသလို အလည်လာတဲ့ နှင်းပွင့်ကို အပျော်တစ်ဝက်နဲ့ ဆီးကြိုခွင့်ရလိုက်သလို နောက်ပြီးလည်း ပြန်လည်ပျောက်ကွယ် ပြန်လည်ထွက်ခွာသွားမှာပဲပေါ့။ နွေထဲဖူးလာတဲ့ ရွက်နုလည်း အချိန်တန်တဲ့အခါ ရင့်ရော် ကြွေကျသွားမှာပဲပေါ့။ ဒါဟာ မမြဲခြင်းရဲ့ တရားဓမ္မ ပုံရိပ်တွေပဲမဟုတ်လား။ ဒါပေမဲ့ ထွက်ခွာမသွားခင်မှာ ကျွန်တော်တို့က မျက်နှာဖုံးအမျိုးမျိုးကို အကြောင်းအမျိုးမျိုးနဲ့ တပ်ဆင်ခဲ့ရ၊ ကျွန်တော်တို့ ဟန်ဆောင် မာန်လုပ်ခဲ့ကြရတယ်။ ကိုယ့်ဂုဏ်ကိုယ် ပြမောက်မာခဲ့ကြတယ်။ တခြားသူမျက်နှာနဲ့ ကျွန်တော်တို့ သွေးရဲကြောင်း ပြသလိုတတ်ကြတာပဲ။ တစ်ယောက်ယောက်နဲ့ တူတယ်ဆိုတဲ့ ရုပ်ဆင်းအင်္ဂါကအစ တစ်သဝေမတိမ်းလိုက်တူနေတဲ့ အကျင့်စရိုက်တွေကို ကျွန်တော်တို့ လွယ်လွယ်မပြင်နိုင်ခဲ့။ မိသားစုထဲမှာ အားလုံး လှည့်လည်ယူဆောင်သွားနေကြတာပဲ။ ကျွန်တော်တို့မျက်နှာနဲ့ မိသားစုကို နွေးထွေးစေချင်ကြတယ်။ ကျွန်တော်တို့ပိုင်ဆိုင်တဲ့ မျက်နှာတွေနဲ့ သားသမီးကို လူတန်းစေ့ ထားချင်ကြတယ်။ ကိုယ့်ရင်သွေးကို ကိုယ့်မျက်နှာထက် သာလွန်ပြည့်စုံတဲ့ မျက်နှာဖုံးပိုင်ရှင်လေးတွေ ဖြစ်စေချင်ကြတယ်။ မေးစရာရှိတာကတော့ ကျွန်တော်တို့ဟာ ဘယ်လိုမျက်နှာဖုံးတွေ တပ်ဆင်ခဲ့ကြပြီး ဘယ်လောက်အတုယူ အားကျစရာကောင်းတဲ့ မျက်နှာပိုင်ရှင်တွေ ဖြစ်ခဲ့ကြပါသလဲ။ ကျွန်တော်တို့အားလုံး ဘယ်လိုမျက်နှာဖုံးတွေ ရရှိခဲ့ကြပြီး ဘယ်လိုမျက်နှာဖုံးတွေ လက်ဆင့်ကမ်းနိုင်ခဲ့ ကြပါသလဲဆိုတာကိုပါ။ ဒီလိုပဲ ကျွန်တော်တို့ တွေးလိုက်ကြရအောင်ပါ။

တပ်ဆင်ထားတဲ့ ကိုယ်ပိုင်မျက်နှာတွေ ဖုံးကွယ်ထားနေရတဲ့ မျက်နှာဖုံးအတုတွေရဲ့ နောက်ကွယ်က စိတ်တွေ ကျွန်တော်တို့တစ် ဦးချင်းဆီမှာ ရှိနေခဲ့တယ်။ ကျွန်တော်တို့ ကိုယ်ပိုင်မျက်နှာပေါ်က အစစ်အမှန် စိတ်ထားဟာ ဘယ်လိုမှ ဖုံးကွယ်လို့မရတတ်ကြဘူး ဖြစ်နေတတ်တယ်။ အချိန်တန်ရင် မျက်နှာဖုံးဆိုတာ ကွာကျလာမှာပဲပေါ့။ တပ်ထားတဲ့ ရယ်ရွှင်ဖွယ်မျက်နှာဖုံးနောက်က ၀မ်းနည်းကြေကွဲဖွယ်ရာ အဖြစ်တွေဆိုတာ ကျွန်တော်တို့ လူ့ဘ၀ပတ်ဝန်းကျင်မှာ အများကြီးပေါ့။ ဟန်ဆောင်နေပြရတဲ့ ဘ၀တွေ ကျွန်တော်တို့ အနီးအနားမှာ ထုနဲ့ထေးနဲ့ ရှိတာပေါ့။ အဲဒီလိုပဲ မင်းသားမျက်နှာဖုံးကို ခွာချလိုက်တဲ့အခါ ဘီလူးဟာ အစွယ်တဖွေးဖွေး ပေါ်လာသလို မကောင်းတဲ့အကျင့်စရိုက်ကို ဖုံးဖိဟန်ဆောင် နေကြသူတွေလည်း ရှိမှာပါပဲ။ မျက်နှာဖုံးဆိုတာက တကယ်တော့ အမြဲတမ်း အတုအယောင် ဆန်နေတတ်ပါတယ်။ ချစ်ခြင်းမေတ္တာတရားကလွဲပြီး တခြားမျက်နှာဖုံးတစ်ခုကို တပ်ဆင်လိုက်တဲ့အခါ ဟန်ဆောင်ထားမှန်း သိပ်ကိုသိသာစေပါတယ်။ လိမ်လို့မရပါဘူး။ မျက်နှာဖုံးတွေဆိုတာ ကျွန်တော်တို့ လိုအပ်မယ်ထင်လို့ ကောက်ယူစွပ်ထားတဲ့ မျက်နှာအစစ်ကို ဖုံးကွယ်ဖို့ကြိုးစားခဲ့ကြပေမယ့် တကယ်တော့ မလိုအပ်ပါဘူး။ ကျွန်တော်တို့ ပတ်ဝန်းကျင်မှာ ရှိပြီးသား ရိုးသားမှုပကတိမျက်နှာတွေ ပြုံးရွှင်ကြည်လင်တဲ့ ကိုယ်ပိုင်မျက်နှာတွေကသာ ပိုပြီးလိုအပ်နေဦးမှာပါ။

လူ့ဘ၀ဇာတ်ခုံမှာ ဆိုငိုကြေကွဲ ၀မ်းနည်းဖူးခဲ့တယ်။ ပျော်ရွှင်ကြည်နူး ချစ်ဖူးခဲ့လည်း ဆုံတွေ့ခဲ့သူတွေနဲ့လည်း ကွေကွင်းခြင်းဟာ အမြဲကပ်လျက် တည်ရှိနေပြန်တယ်။ ကျွန်တော်တို့အားလုံး လောကအလယ် ပျော်ခဲ့ချစ်ခဲ့ လွမ်းဆွတ်တသစိတ်တွေနဲ့သာ လူ့အဖြစ်ကို ကခဲ့ကြရတယ်မဟုတ်လား။ ကျွန်တော်တို့ဟာ တခြားသူမျက်နှာနဲ့ ၀င့်ထည်နေသူတွေလားဆိုတာကို ကိုယ်တိုင်ပြန်မေးကြရဦးမှာပါ။ ဒါဆိုလည်း အရိပ်အောက်က ရုန်းထကိုယ်ပိုင်မျက်နှာပေါ်က မျက်နှာဖုံးတွေကို ချွတ်ချလို့ ကိုယ်ပိုင်အပြုံးကို သန့်စင်စွာ ပြသနိုင်ပါစေလို့သာ ဆိုရတော့မှာပေါ့။ မိဘထက်သာလွန်သော သားသမီးတွေဖြစ်ပါစေလို့လည်း အစဉ်အဆက် မိဘတွေ ဆုတောင်းပေးခဲ့ကြတာပါပဲ။ လောကထဲက လူ့သက်တမ်း တိုတိုလေးထဲက ဘယ်အချိန် ပြန်လည်ပျောက်ကွယ်သွားမယ်ဆိုတာ ကျွန်တော်တို့တွေ တစ်ဦးတစ်ယောက်မှ ကြိုတင်မသိနိုင်ခဲ့ဘူးလေ။ ဒါကြောင့်မို့လည်း နောက်တစ်နေ့ အသစ်တွေထဲ ကျွန်တော်တို့မျက်နှာဖုံးတွေကို ချွတ်အိပ်လို့ မျက်နှာတွေကို ပကတိအတိုင်း ဆေးကြောသန့်စင်ဖို့အတွက် ကောင်းမွန်စွာ အိပ်မက်က နိုးထရတော့မှာပဲ မဟုတ်ပါလား။

ဥာဏ်စွမ်းမြှင့်ဖို့ လိုပါတယ်

Slumdog Millionaire ဇာတ်ကား၏ ဇာတ်ဝင်ခန်းတစ်ခု

မြန်မာ့ရုပ်မြင်သံကြားကလာတဲ့ ဥာဏ်စမ်းပဟေဠိ အစီအစဉ်တွေကို စိတ်ဝင်စားမိလို့ မကြာခဏစောင့်ကြည့်တတ်ပါတယ်။ သိပ်မကြာသေးခင်ကပြသွားတဲ့ ငါးတန်းနဲ့ပြိုင် ဘယ်သူနိုင်ဆိုတဲ့ အစီအစဉ်မှာ ပဉ္စမတန်းကလေးတွေနဲ့ နာမည်ကြီးအနုပညာရှင်တွေ အမေးအဖြေလုပ်ကြတာတွေလည်း ကြည့်ဖူးပါတယ်။ ကလေးတွေရဲ့ အမေးအဖြေလုပ်ချိန်မှာ ပြောကြတဲ့ “သားကိုရွေး သားကိုရွေး” ဆိုတာလေးတောင် ပြောစမှတ်ဖြစ်ရပါတယ်။ ပဟေဠိနန်းတော်ဆိုတဲ့ အစီအစဉ်လည်း ကြည့်ဖြစ်ပါတယ်။ ဒီအစီအစဉ်ကတော့ ဆုကြေးငွေကို အနိုင်ရသူက မဲနှိုက်ရတာဖြစ်လို့ ပိုပြီးရင်ခုန်ရပါတယ်။ ဆုကြေးများများပါတဲ့ နံပါတ်ပွင့်ဖို့ကို အနိုင်ရသူနဲ့ ထပ်တူရင်ခုန်ခံစားရလို့ လူကြိုက်များကြပါတယ်။

နောက်ထပ်အစီအစဉ်တစ်ခုဖြစ်တဲ့ မိသားစုပြိုင်ပွဲဆိုတာလည်း ရုပ်မြင်သံကြားမှာကြည့်ဖြစ်ပါတယ်။ အုပ်စုလိုက်ပြိုင်ကြတဲ့ ပွဲတွေဖြစ်တာကြောင့် တိုင်ပင်နှီးနှောနိုင်တဲ့ အခွင့်အရေးရကြလို့ ပျော်စရာကောင်းပြီး ပရိတ်သတ်တွေရဲ့အဖြေနဲ့ ပြန်တိုက်ကြည့်ရင်း ဖြေကြရလို့ ပျော်စရာလည်းကောင်းပါတယ်။ မိသားစုဖြစ်ဖြစ် မောင်နှမတွေဖြစ်ဖြစ် အုပ်စုလိုက် အတူဝင်ပြိုင်ကြလို့ ကြည့်သူတွေ နှစ်ခြိုက်ကြပါတယ်။

အခု နောက်ဆုံးပဟေဠိပြိုင်ပွဲကတော့ မန်းနီးဒရော့ Money Drop လို့ခေါ်တဲ့ ပြိုင်ပွဲတစ်ခုဖြစ်ပါတယ်။ ပြိုင်သူများသလို ကြည့်သူလည်းများတဲ့အတွက် ဝေဖန်စရာတွေလည်း များပြားလာပါတယ်။ မေးခွန်းမေးရာမှာ အဖြေကို သုံးခုပေးထားတဲ့အထဲက မှန်တဲ့တစ်ခုကိုသာ ရွေးချယ်ဖြေဆိုရလို့ လွယ်တယ်လို့ထင်ရပါတယ်။ တကယ်တမ်း ဖြေဆိုတဲ့အခါမှာတော့ အချို့သောပြိုင်ပွဲဝင်သူတွေရဲ့ အမှားတွေဟာ မမှားသင့်တာ မှားရတာမျိုးတွေ မကြာခဏတွေ့ရပါတယ်။ ဗိုလ်ချုပ်အောင်ဆန်းရဲ့ မိခင်အမည်ကိုမေးရာမှာ ဒေါ်နု၊ ဒေါ်စု၊ ဒေါ်ပုလို့ ရွေးချယ်ခိုင်းတဲ့အခါ ဒေါ်နုလို့ရွေးချယ်ပါတယ်။ အဖြေမှန် ဒေါ်စုလို့ထင်ပေမယ့် သမီးနာမည်ဖြစ်နေလို့ မဟုတ်ဘူးလို့ တွေးကြတာမျိုးပါပဲ။

ဟိုတစ်လောကလည်း ဗိုလ်ချုပ်အောင်ဆန်းနဲ့အတူ ကျဆုံးသူ အာဇာနည်တွေကို မေးကြတဲ့အခါမှာ မှားတာမျိုးက မသိသာပေမယ့် ပြည်ထောင်စုနေ့ကို မှားဖြေတာမျိုးကတော့ တော်တော်ရုပ်ဆိုးပါတယ်။ မြန်မာပြည်တောင်ဘက်ဆုံးက မြို့နာမည်မေးရင်လည်း တလွဲဖြေကြပါရဲ့။ ကြည့်သူတွေမှာလည်း ဒီလိုမေးခွန်းမျိုးကို မဖြေနိုင်တဲ့အတွက် အားမလိုအားမရ ဖြစ်ကြပါတယ်။ ဗဟုသုတဆည်းပူးမှုမှာ နည်းပါးလာတာနဲ့အမျှ ဥာဏ်ရည်ဥာဏ်သွေးတွေလည်း လျော့နည်းကုန်တာလားလို့ တွေးမိပါတယ်။

ကျွန်မကိုယ်တွေ့ပြောရရင်တော့ ကျွန်မတို့ငယ်စဉ် ကိုးတန်း၊ ၁၀ တန်းမှာ ၀ိဇ္ဇာဘာသာရပ်နဲ့ သိပ္ပံဘာသာရပ်ကို အတူတူတွဲဖက်သင်ကြရပါတယ်။ ၀ိဇ္ဇာဘာသာတွေဖြစ်တဲ့ ပထ၀ီ၊ သမိုင်း၊ ဘောဂဗေဒ အကုန်မသင်မနေရ တွဲဖက်ထားတာဖြစ်ပါတယ်။ ကျွန်မထက် ငါးနှစ်ငယ်တဲ့ ညီမတွေခေတ်မှာတော့ ရှစ်တန်းအောင်ပြီးတဲ့နောက်မှာ ၀ိဇ္ဇာနဲ့ သိပ္ပံဘာသာရပ်ကို ခွဲခြားလိုက်ပါတယ်။ ယေဘုယျအနေနဲ့ ရှစ်တန်းအောင်စာရင်းမှာ အမှတ်ကောင်းသူတွေက သိပ္ပံတွဲရပြီး အမှတ်နည်းသူတွေက ၀ိဇ္ဇာတွဲကို ယူကြရပါတယ်။ သိပ္ပံတွဲမှာ ဘောဂဗေဒ၊ ပထ၀ီနဲ့ သမိုင်းဘာသာရပ် မပါဝင်တော့ဘဲ ဇီဝဗေဒဘာသာကို သင်ကြရပါတယ်။ ဒါ့ကြောင့် ၁၀ တန်းမှာ လိုင်းကောင်းရချင်တဲ့ညီမဟာ သိပ္ပံဘာသာရပ်တွေ အကုန်သိခဲ့ပေမယ့် မြန်မာ့သမိုင်းမသိပါဘူး။ ပထမအင်္ဂလိပ်-မြန်မာစစ်ပွဲအပြီး စစ်ပြေငြိမ်းရေးစာချုပ်ချုပ်တဲ့ ရန္တပိုရွာကို သူမသိပါဘူး။ အင်္ဂလိပ်လက်အောက်ကလွတ်ဖို့ အကြိုအဖြစ် ဗိုလ်ချုပ်အောင်ဆန်းကျောင်းသားဘ၀ ၁၉၃၆ မှာ ဒုတိယကျောင်းသားသပိတ်ဖြစ်လာတာလည်း မသိပါဘူး။ မြစ်တွေအားလုံးဟာ မြောက်ကနေတောင်ဘက်ကို စီးဆင်းပေမယ့် တောင်ဘက်ကနေ မြောက်ဘက်ကိုစီးဆင်းတဲ့ မြစ်သာမြစ်ကို သူမသိပါဘူး။ မြန်မာပြည်ရဲ့ မြောက်ဘက်အစွန်းကျတဲ့ ပူတာအို နောင်မွန်းမြို့လေးကို မသိခဲ့ပါဘူး။

အခုအချိန်ထိလည်း ပညာရေးမှာ ၀ိဇ္ဇာနဲ့ သိပ္ပံခွဲထားဆဲမို့ ကျွန်မသားတွေခေတ်မှာလည်း ပထ၀ီနဲ့ သမိုင်းကိုမသိကြပါဘူး။ ကျွန်မက ဗဟုသုတရအောင်လေ့လာကြ၊ ဖတ်ကြပါဆိုရင် စာမေးပွဲမှာပါမှာမဟုတ်ဘူးလို့ ပြန်ပြောတတ်ကြပါတယ်။ နောက်တော့လည်း ကိုယ်ပဲလက်လျှော့လိုက်ရပါတယ်။ ဒီဘာသာရပ်တွေကိုသာ စိတ်မ၀င်စား၊ အချိန်မပေးရမယ့် ပရီမီးယာလိဂ်အသင်း ဘောလုံးပွဲတွေကျတော့ အချိန်ပြည့်အလွတ်ရကြပါတယ်။ ဗဟုသုတရှာဖွေဖို့နဲ့ စာဖတ်ဖို့ကို တော်တော်လေး အားနည်းကြပါတယ်။ ဒါ့ကြောင့်လည်း ဥာဏ်ရည်ဥာဏ်သွေးတွေ ကျကုန်တာလားလို့လည်း တွေးမိပါတယ်။

ပဟေဠိဖြေရင်း သန်းကြွယ်သူဌေးဖြစ်သွားတဲ့ ဆင်းရဲသားကလေးတစ်ယောက်ရဲ့ ဇာတ်လမ်းလေးလည်း တော်တော်ကောင်းပါတယ်။ ဒါရိုက်တာက Denial Boyle ဖြစ်ပြီး Dev Petel ပါဝင်တဲ့ Slumdog Millionaire ဆိုတဲ့ဇာတ်ကားကတော့ တကယ့်ကိုကြည့်သင်တဲ့ ကားလေးပါပဲ။ အိန္ဒိယနိုင်ငံမှာ လူမျိုးရေး အဓိကရုဏ်းတွေဖြစ်တဲ့အချိန် ဆင်းရဲသားမိသားစုဝင်ဖြစ်တဲ့ ဂျမားတို့ညီအစ်ကိုဟာ အိမ်သာစောင့်၊ ပိုက်ဆံကောက်၊ ရေထည့် စတဲ့အလုပ်တွေတွေနဲ့ အမေ့ကို ရှာဖွေပေးကြပါတယ်။ အဓိကရုဏ်းကြောင့် မိခင်ကြီးလည်းသေဆုံးပြီး ရပ်ကွက်လည်း မီးလောင်လို့ နေစရာမရှိတော့တဲ့အတွက် ဖြစ်သလိုနေခဲ့ပါတယ်။ သူတို့ညီအစ်ကိုလိုပဲ အိမ်ရာ၊ မိဘမဲ့ လက်တီရှာဆိုတဲ့ ကလေးမတစ်ယောက်နဲ့လည်း အတူပူးပေါင်းမိကြပါတယ်။ ဂျမားကတော့ ကျောင်းကဆရာပြောတဲ့ လူစွမ်းကောင်းမျက်နှာဖုံးရှင် သုံးယောက်ဆိုတာကို သတိရပြီး ရွယ်တူသူငယ်ချင်းအဖြစ် အမှိုက်ပုံတွေမှာ အတူနေထိုင်ခဲ့ကြပါတယ်။

အမှိုက်ကောက်ရင်းနဲ့နေလာတဲ့ သူတို့သုံးယောက်ကို သူတောင်းစားဂိုဏ်းက ခေါ်သွားပြီးတော့ တောင်းရမ်းဖို့ ကဗျာတွေကိုသင်ပေးပါတယ်။ ဂျမားရဲ့အစ်ကိုက ကြီးကောင်ဝင်နေတော့ တပည့်အဖြစ် လက်စွဲစေခိုင်းပါတယ်။ ကလေးတွေထဲက ကဗျာရွတ်ဆိုသံ ကောင်းသူတွေကို မျက်လုံးအိမ်ထဲဆေးခတ်ပြီး ကန်းအောင်လုပ်ခိုင်းချိန်မှာ ဂျမားအလှည့်ရောက်ခါနီးတော့ ညီအစ်ကိုနှစ်ယောက် ထွက်ပြေးကြပါတယ်။ မီးရထားလမ်းမှာ ရထားပေါ် အရောက်တက်ပြေးနိုင်ပေမယ့် လက်တီရှာကတော့ သူတောင်းစားဂိုဏ်းမှာပဲ ကျန်နေခဲ့ပါတယ်။

ရထားနဲ့ထွက်ပြေးကြတဲ့ ညီအစ်ကိုနှစ်ယောက်ဟာ ကြုံရာကျပန်း လုပ်ကိုင်စားရင်းနဲ့ အရွယ်ရောက်လာကြပါတယ်။ ဂျမားရဲ့အစ်ကိုကတော့ လက်ယဉ်ပြီးသားမို့ လူဆိုးပေါက်စတစ်ယောက် ဖြစ်လာခဲ့ပါတယ်။ ဂျမားကတော့ တတ်နိုင်သမျှ ကောင်းတဲ့အလုပ်သာ လုပ်လေ့ရှိပါတယ်။ တစ်နေ့မှာတော့ ညီအစ်ကိုနှစ်ယောက် ကလပ်တစ်ခုမှာ လူဆိုးတွေကိုဖျော်ဖြေနေရတဲ့ လက်တီရှာကို သွားတွေ့ကြပြီး ခေါ်ထုတ်လာခဲ့ပါတယ်။ ချောမောတဲ့လက်တီရှာကို သိမ်းပိုက်ချင်တဲ့အစ်ကိုနဲ့ စကားများကြပြီး ဂျမားဟာ အစ်ကိုဖြစ်သူနဲ့ လမ်းခွဲနေထိုင်ခဲ့ပါတယ်။

အင်တာနက်ကဖေးတစ်ခုမှာ အလုပ်လုပ်တဲ့ ဂျမားဟာ အစ်ကိုဖြစ်သူနဲ့ လက်တီရှာရဲ့အကြောင်း သိချင်တော့ အင်တာနက်ကနေ ဖုန်းဆက်ရှာဖွေပါတယ်။ အစ်ကိုနဲ့တွေ့ချိန်မှာတော့ လက်တီရှာကို သဘောကျတဲ့ ဂိုဏ်းခေါင်းဆောင်တစ်ဦးဆီကို လွှဲပြောင်းပေးလိုက်တာ သိလိုက်ရတော့ စိတ်မကောင်းဖြစ်ခဲ့ရပါတယ်။ လက်တီရှာနေတဲ့အိမ်အထိ သွားတွေ့ပြီး အခွင့်သာရင် ထွက်ပြေးခဲ့ဖို့နဲ့ ဘူတာကြီးမှာ ညနေတိုင်းစောင့်နေမယ်လို့ အသိပေးခဲ့ပါတယ်။ တစ်ရက်မှာတော့ လက်တီရှာဟာ ရောက်လာခဲ့ပေမယ့် ဂျမားနဲ့မတွေ့ခင်မှာပဲ သူဌေးရဲ့လူတွေ ပြန်ဖမ်းမိသွားခဲ့ပါတယ်။

ဂျမားဟာ ပဟေဠိဖြေတဲ့အစီအစဉ်မှာ ၀င်ဖြေရင်းနဲ့ အဖြေမှန်တွေရတဲ့အတွက် ပိုက်ဆံတွေ ပမာဏများလာပါတယ်။ ပိုက်ဆံကို နှစ်ဆရတဲ့မေးခွန်းတွေကိုဖြေရင်း ရူပီးတစ်သိန်းတန်မေးခွန်းအထိ ဖြေနိုင်ခဲ့ပါတယ်။ နောက်နေ့မှ ပဟေဠိကို ထပ်ပြီးရိုက်ကူးဖို့နားချိန်မှာ ဂျမားကိုခေါ်ပြီး ရဲနဲ့ ရိုက်နှက်စစ်ဆေးခဲ့ပါတယ်။ ဒီလို ရူပီးတစ်သန်းတန်မေးခွန်းကို ဘယ်လိုသိသလဲ။ အဖြေတွေ ဘယ်လိုရသလဲဆိုတာကို ဖော်ထုတ်စစ်ဆေးပါတယ်။ ဂျမားအနေနဲ့ ဘ၀တစ်လျောက်လုံး ကြုံတွေ့လာရတဲ့ အခြေအနေတွေနဲ့ သူ့ရဲ့ဖြတ်ထိုးဥာဏ်ကြောင့် အဖြေမှန်ကိုသိကြောင်း ပြောပြလိုက်မှ ယုံကြည်သွားကြပါတယ်။

နောက်နေ့ ပဟေဠိရုပ်သံအစီအစဉ်မှာတော့ ဂျမားကိုသဘောကျတဲ့ ပရိတ်သတ်ကြီးဟာ ရုပ်မြင်သံကြားရှေ့မှာ ထိုင်စောင့်နေကြပါပြီ။ ဒီနေ့မေးမယ့်မေးခွန်းဟာ မူလရူပီးတစ်သိန်းကို အဖြေမှန်ရင် နှစ်ဆရမယ့် မေးခွန်းဖြစ်ပါတယ်။ ဂျမားကတော့ မေးခွန်းကို သတ္တိရှိရှိဖြေဆိုပြီးတော့ ရူပီးနှစ်သိန်းကို အရယူနိုင်တဲ့အပြင် ငယ်သူငယ်ချင်းနဲ့ ငယ်ချစ်လက်တီရှာနဲ့လည်း ပြန်လည်ပေါင်းဆုံနိုင်ခဲ့ပါတယ်။ ဂျမားရဲ့အစ်ကိုကတော့ လက်တီရှာကို လွတ်မြောက်အောင် လုပ်ပေးရင်းနဲ့သေဆုံးခဲ့ရပါတယ်။

မြန်မာပြည်က ပဟေဠိဖြေမယ့်သူများလည်း စာများများဖတ်ပြီး များများမှတ်ရင်းနဲ့ ဥာဏ်ရည်တိုးတက်အောင် ကျင့်နိုင်ကြပါစေသတည်း။

ရာဇဓာတုကလျာရဲ့ ရွှေချကျောက်ပျဉ်ကို သွားရောက်ကြည့်ရှုခြင်း

(၁)

ပဲခူးမြို့ကြီးထဲဝင်လာတော့ ပထမဆုံး တွေးမိတဲ့အချက်က ဒီမြို့ကြီးထဲ လွန်ခဲ့တဲ့ နှစ်ပေါင်း ၄၅၀ လောက်က ဟံသာဝတီ၊ ပဲခူးပြည့်ရှင် မင်းပျိုမင်းလွင်ဘုရင် ‘မင်းခေါင်’ က ယိုးဒယားဘုရင် ‘ချက္ကရာဖတ်’ နဲ့ ဆွေတော်မျိုးတော်တွေ အပါအ၀င် ဆင်ဖြူ ခုနစ်စီးကိုပါ တိုက်ခိုက်ဖမ်းဆီး ခေါ်ဆောင်လာခဲ့ဖူးတာ ပဲဆိုတဲ့ သမိုင်းအဖြစ်အပျက်ကို တွေးလာခဲ့မိပါတယ်။ အဲဒီတုန်းက ယိုးဒယားဘုရင် ချက္ကရာဖတ်နဲ့အတူ အသက်ကိုးနှစ်အရွယ် မြေးတော်လေး ‘နရစ၀မ်’ (မြန်မာတွေက ဗြနရာဇ်လို့ ခေါ်ကြပါတယ်) လည်း ပါလာခဲ့တယ်။ အဲဒီ ယိုးဒယားမင်းသားလေးကို ဘယ်နေရာမှာများ သုံ့ပန်းအဖြစ် အကျယ်ချုပ်ချထားခဲ့ပါလိမ့်ဆိုတဲ့ အတွေးပါပဲ။

ကျွန်တော်စီးလာတဲ့ ပဲခူး-ရန်ကုန်ခရီးသည်ကား ပဲခူးမြစ်ကူးတံတားကြီးပေါ် ဖြတ်တော့ နောက်ထပ် အတွေးတစ်ခု ၀င်လာရပြန်ပါတယ်။ အဲဒါကတော့ ရွှေမော်ဓောဘုရားကြီးရဲ့ ရင်ပြင်တော်ပေါ် သမိုင်းပြတိုက်ထဲက ကဗျာဆရာမလည်းဖြစ်၊ ပဒေသရာဇ်မင်းသမီးတစ်ပါးလည်းဖြစ်၊ တောင်ငူဘုရင် ကဗျာဆရာ နတ်သျှင်နောင်အသည်းစွဲ ချစ်မက်ခဲ့ရသူလည်းဖြစ်တဲ့ ‘ရာဇဓာတုကလျာ’ ရဲ့ ‘ရွှေချကျောက်ပျဉ်’ ကို ပထမဦးဆုံး သွားကြည့်ရမယ်ဆိုတဲ့ အတွေးပါပဲ။

(၂)

ရွှေမော်ဓောဘုရားပေါ်ရောက်လို့ လက်ဝဲဘက်ကို နည်းနည်းဆက်သွားမယ်ဆိုရင် အရိပ်ကောင်းလှတဲ့ တည်ပင်တန်းနောက်မှာ သမိုင်းပြတိုက်တစ်ခုကို တွေ့ရမှာဖြစ်ပါတယ်။ ပြတိုက်ရှေ့မှာ ရှေးအခါက အသုံးပြုခဲ့တဲ့ စာတိုက်ဆိုပြီး ပြတိုက်အပြင်ဘက်မှာပဲ ချထားတဲ့ သစ်သားစာတိုက်ပုံးကြီး နှစ်ပုံးကို တွေ့ရပါတယ်။ စာတိုက်ပုံးကြီးပေါ်မှာ ချထားတဲ့ ရွှေတွေက ပြောက်တိပြောက်ကျား ရှိနေပါသေးတယ်။ ဒါပေမဲ့ ဒီစာတိုက်ပုံးနှစ်ခုဟာ ဘယ်ခေတ်က ဘယ်သူတွေ အသုံးပြုခဲ့တဲ့ စာတိုက်ပုံးတွေလဲ၊ ဘယ်နေရာမှာ တွေ့ရှိခဲ့တာလဲဆိုတာတော့ မှတ်တမ်းမှတ်ရာ ရေးမှတ်ဖော်ပြထားတာ မတွေ့ခဲ့ရပါဘူး။ ပြတိုက်ထဲမှာ ရှေးဟောင်းပစ္စည်းတချို့ သံဆန်ခါကွက်များကာပြီး ပြထားတာ တွေ့ရပါတယ်။ ပြတိုက်တာဝန်ရှိသူ တစ်ဦးတစ်ယောက်မှတော့ မတွေ့ခဲ့ရလို့ ပြတိုက်ထဲက ပစ္စည်းတွေအကြောင်း အချက်အလက်တချို့ သိချင်လို့ မေးချင်ပေမဲ့ မမေးခဲ့ရပါဘူး။

သံဆန်ခါကွက်များကာပြီး ချထားတဲ့ ပစ္စည်းတွေထဲမှာ နံရံကိုမှီပြီး ထောင်ထားတဲ့ နှုတ်ခမ်းအနည်းငယ်ပဲ့နေတဲ့ ကျောက်ပျဉ်တစ်ခုကို တွေ့ရပါပြီ။ ‘ရာဇဓာတုကလျာရဲ့ ရွှေချကျောက်ပျဉ်’ လို့ ရှေးစာလုံးဟန်စာနဲ့ ရေးထားတာလည်း တွေ့ရပါတယ်။ တစ်ကိုက်သာသာအကွာ သံဆန်ခါကွက်ကာထားတဲ့ ခြံကလေးထဲက ရွှေချကျောက်ပျဉ်ကို ရပ်ပြီးငေးကြည့်မိတယ်။ ‘သြော် ကဗျာဆရာမ ပဒေသရာဇ်မင်းသမီး၊ တောင်ငူဘုရင် ကဗျာဆရာ နတ်သျှင်နောင်ရဲ့ အသည်းစွဲ ရာဇဓာတုကလျာရဲ့ ကျောက်ပျဉ်ကလေးပဲကိုး’ ဆိုတဲ့ အသိက ကျွန်တော့်ရင်ကို ပုတ်နှိုးနေခဲ့ပါတယ်။ ကိုယ့်ရင်ခုန်သံ ကိုယ်ပြန်ကြားနေရတဲ့အချိန် ကလေးပေါ့။

တကယ်တော့ ‘ရာဇဓာတုကလျာ’ က နှယ်နှယ်ရရ မဟုတ်ပါဘူး။ ယိုးဒယားကို အောင်မြင်တဲ့ ဘုရင့်နောင်မင်းရဲ့ သမီးတော်တစ်ပါးပါ။ အိမ်ထောင် နှစ်ဆက်ကျခဲ့သူပါ။ ပထမအိမ်ထောင်ဆက်က ဟံသာဝတီ အိမ်ရှေ့မင်းသား ‘မဟာဥပရာဇာ မင်းကြီးစွာ’ ပါ။ မင်းကြီးစွာ အိမ်ရှေ့စံဘ၀မှာပဲ ယိုးဒယားကို စစ်ချီတိုက်ခိုက်ရင်း ကျဆုံးပါတယ်။ ရာဇဓာတုကလျာက မင်းကြီးစွာကျဆုံးပြီး ၁၀ နှစ်ရှိတဲ့အခါကျမှ သူ့ကို တန်းတန်းစွဲဖြစ်နေတာ ကြာပြီဖြစ်တဲ့ သူ့ထက်လည်း အသက် ၂၀ နီး ပါးငယ်ရွယ်တဲ့ နတ်သျှင်နောင်နဲ့ ဒုတိယအိမ်ထောင်ဆက်အဖြစ် လက်ဆက်ပါတယ်။ ဒုတိယအိမ်ထောင်သက် ခုနစ်လအကြာမှာပဲ ရာဇဓာတုကလျာ ကွယ်လွန်ခဲ့ပါတယ်။

ဒီလောက်ထင်ရှားလှတဲ့ ပဒေသရာဇ် မင်းသမီးတစ်ပါးလည်းဖြစ် ကဗျာဆရာမလည်းဖြစ်တဲ့ ‘ရာဇဓာတုကလျာ’ ရဲ့ ရွှေချကျောက်ပျဉ်ဆိုတာကို ဒီအတိုင်း ‘ရာဇဓာတုကလျာရဲ့ ရွှေချကျောက်ပျဉ်’ ဆိုတဲ့ စာကြောင်းလေး တစ်ကြောင်းပဲရေးပြီး ချထားပြထားတာကတော့ လုံးဝမလုံလောက်ဘူးလို့ တွေးမိပါတယ်။ ဘယ်တုန်းက ဘယ်သူ့ဆီမှာ ဘယ်နေရာမှာ တွေ့ရှိခဲ့တာဆိုတာမျိုးနဲ့ ရာဇဓာတုကလျာဆိုတာ ဘယ်သူလဲဆိုတာလောက်တော့ အကျဉ်းသဘော ဖော်ပြပေးထားသင့်တယ်လို့လည်း ယူဆမိတယ်။ ကျွန်တော့်စိတ်ထဲ ဖြစ်စေချင်တာက ဒီလောက် သမိုင်းတန်ဖိုးကြီးလှတဲ့ပစ္စည်းကို မြန်မာလို အင်္ဂလိပ်လို နှစ်ဘာသာ အကျဉ်းရေးဖော်ပြပြီး မှန်ပေါင်းချောင်ထဲ မီးဆလိုက်လေးပဲဖြစ်ဖြစ်ထိုးပြ၊ ကျကျနန သိမ်းဆည်းဖော်ပြထားသင့်တယ်လို့ တွေးမိတယ်။ အခုတော့ ဘာမှတ်တမ်းမှတ်ရာမှလည်းမပါ ဘယ်သူ့ကိုမှလည်း မေးမြန်းအတည်ပြုဖို့မရှိ ဖြစ်နေလေတော့ သမိုင်းအမှန် ဖြစ်နေခဲ့ရင်တောင် မထင်မရှား မ၀ံ့မရဲချ ပြထားတဲ့ ရှေးဟောင်းပစ္စည်းအတု တစ်ခုအဖြစ် အထင်ခံရမှာ သေချာနေပါတော့တယ်။

(၃)

ပဲခူးမြို့မှာ နောက်ထပ် ကျွန်တော်စိတ်ဝင်စားတဲ့ နေရာတစ်နေရာ ရောက်ခဲ့ပါသေးတယ်။ မဟာစေတီဘုရားကြီးရဲ့ ခြေရင်းမှာ ရှိတဲ့ “ဘုရင့်နောင်မင်းတရား အောင်မြေနင်း ရာနေရာ” ဆိုပြီး ဆိုင်းဘုတ်တင် ဆောက်လုပ်ထားတဲ့ အဆောက်အအုံဖြစ်ပါတယ်။ ရှေးမြန်မာစစ်သားရုပ်တုတချို့နဲ့ ဆင်ရုပ်တစ်ခု ရှိတဲ့နေရာပါ။ ရုပ်တုတွေကတော့ အတော့်ကို လက်ရာညံ့ဖျင်းလှပါတယ်။

ဒီရုပ်တုတွေဘေးမှာ ထိုင်းနိုင်ငံသား ကမ္ဘာလှည့်ခရီးသည်တချို့ တွေ့ခဲ့ရပါတယ်။ ထိုင်းအမျိုးသမီးကြီး သုံးလေးယောက်က ဆင်ရုပ်တုရဲ့ အစွယ်တွေကို တရိုတသေကိုင်ပြီး ဓာတ်ပုံအရိုက်ခံကြတာ၊ လက်အုပ်ချီ ရှိခိုးကြတာလည်း တွေ့ရပါတယ်။ ထိုင်းတွေကိုတွေ့တော့ ဟံသာဝတီ၊ ပဲခူးခေတ်ကောင်းစဉ်က အခု ထိုင်းလို့ခေါ်တဲ့ ယိုးဒယားနဲ့မြန်မာတို့ရဲ့ အထင်ကရစစ်ပွဲတွေကို သွားတွေးမိပါတယ်။ ကျွန်တော်စိတ်အ၀င်စားဆုံး ယိုးဒယား ဘုရင်တစ်ပါးကတော့ ‘နရစ၀မ်’ ပါပဲ။

နရစ၀မ်ဆိုတာက ယိုးဒယားဘုရင် ‘ချက္ကရာဖတ်’ ရဲ့ မြေးတော်တစ်ပါးပါ။ မြန်မာဘုရင် ဟံသာဝတီပြည့်ရှင် ဘုရင့်နောင်မင်းက အယုဒ္ဓယကို တိုက်ခိုက်သိမ်းပိုက်အောင်မြင်ပြီးလို့ ပြန်လာတဲ့အခါ (၁၅၆၂-ခု) ထိုင်းဘုရင်နဲ့တကွ ဆွေတော်မျိုးတော်တွေ၊ လက်မှုပညာသည်တွေနဲ့ စစ်အကျဉ်းသား ထောင်ပေါင်းများစွာကို တစ်ပါတည်း ခေါ်လာခဲ့ပါတယ်။ ပဲခူး ဟံသာဝတီမှာ နေရာအကွက်အကွင်းချပြီး သုံ့ပမ်းအဖြစ် ထားခဲ့ပါတယ်။ အဲဒီအထဲမှာ ထိုင်းဘုရင်ချက္ကရာဖတ်ရဲ့ မြေးတော် ‘နရစ၀မ်’ လည်း ပါလာပါတယ်။ ဒီတုန်းက သူက အသက်ကိုးနှစ်ပဲ ရှိပါသေးတယ်။ ပဲခူးမှာ ခြောက်နှစ်နေ၊ အသက် ၁၅ နှစ်ရောက်တော့ ဘုရင့်နောင်က သူ့ကို တိုင်းပြည်ပြန်ခွင့်ပေးပါတယ်။ နရစ၀မ်ဟာ မျိုးချစ်စိတ်ထက်သန်ပါတယ်။ မွန်စာ မွန်စကား မြန်မာစာ မြန်မာစကားတတ်တယ်လို့လည်း ဆိုပါတယ်။ သူက သူ့တိုင်းပြည်ပြန်ရောက်တော့ ထိုင်းလူငယ်လူရွယ်တွေကို စုစည်းသိမ်းသွင်းပြီး ဟံသာဝတီကို လေးကြိမ်တိတိ ပြန်လာတိုက်ပေမဲ့ နိုင်အောင်မတိုက်နိုင်ခဲ့ပါဘူး။ ယိုးဒယား အကျဉ်းသား တစ်သောင်းကိုတော့ လွတ်မြောက်စေခဲ့တယ်လို့ ဆိုပါတယ်။

အဲဒီလို နရစ၀မ်အင်အားစုစည်းနေတဲ့အချိန် ဟံသာဝတီပြည့်ရှင်မင်းတရားက အိမ်ရှေ့စံ မဟာဥပရာဇာ( မင်းကြီးစွာကို) အကြီးအကဲခန့်ပြီး ယိုးဒယားကို တက်တိုက်ခိုင်းတယ်။ ဟိုရောက်တော့ မင်းကြီးစွာနဲ့ နရစ၀မ်တို့ ဆင်စီးချင်းထိုးရင်း မင်းကြီးစွာ ကနရစမ၀မ်ရဲ့ တူမီးကျည်သင့်ပြီး ကျဆုံးတယ်။

နရစ၀မ်က မြန်မာတွေအပေါ် တော်တော်အကြိတ်အခဲရှိတာ သေချာတယ်။ တချို့သမိုင်းတွေမှာ မော်လမြိုင်အထိ လာသိမ်းခဲ့သေးတယ်လို့ ဆိုတယ်။ သူ့ကို ထိုင်းတွေက အင်မတန်ကြည်ညိုကြပါတယ်။ မင်းကြီးစွာကို အသေပစ်ချလိုက်တဲ့ သူ့ရဲ့တူမီးသေနတ်ကို ထိုင်းတွေက တခုတ်တရ တခမ်းတနား ပြတိုက်ထဲမှာ အသေအချာ သိမ်းဆည်းပြသထားကြပါတယ်။

ဒီလိုတွေ ရွာရိုးကိုးပေါက်လျှောက်ပြီးတွေးတဲ့အခါ တစ်ချိန်တုန်းက ဟံသာဝတီ နေပြည်တော် တစ်ခေတ်မှာ အဲဒီလောက်အထိ သမိုင်းခြေရာတွေ ခန့်ညားတောက်ပ အထင်အရှားရှိခဲ့ပါလျက်နဲ့ အဲဒီသမိုင်းဆိုင်ရာ နေရာအမှန်တွေ၊ သမိုင်းဆိုင်ရာ ဂုဏ်ယူမှတ်သားစရာတွေ၊ သမိုင်းဆိုင်ရာ မှတ်တမ်းမှတ်ရာတွေ ပဲခူးမှာ အမှန်တကယ်ရှိခဲ့ဖြစ်ခဲ့ပါလျက်နဲ့ ဘာကြောင့်များ သမိုင်းဆိုင်ရာ အမွေအနှစ်တွေ ဆင်းရဲမွဲတေ နေရတာလဲဆိုတဲ့အတွေးနဲ့ ကျွန်တော့်မှာ မကျေမနပ် ဖြစ်နေခဲ့ရပါသေးတယ်။ နရစ၀မ်နေခဲ့ရတဲ့နေရာ၊ ယိုးဒယားအကျဉ်းသားတွေ နေခဲ့ရတဲ့နေရာတွေဆိုတာကို ကျွန်တော် စိတ်ဝင်စားနေမိတယ်။ ကျွန်တော်တို့ဟာ အဆင့်ဆင့် လက်ဆင့်ကမ်းခဲ့ကြတဲ့ သမိုင်းခြေရာတွေကို ကောက်ယူတူးဆွပြီး ပြန်လည်ဖော်ထုတ်ပြသင့်တာ အမှန်ပဲလို့ တွေးမိခဲ့တယ်။ ပဲခူးမဟာစေတီဘုရား ခြေတော်ရင်းက ‘ဆင်ဖြူများရှင် ဘုရင့်နောင် မင်းတရားကြီးရဲ့ အောင်မြေနင်းရာနေရာ’ ဆိုတဲ့ ‘ဆင်ဖြူများရှင်’ ဆိုတဲ့ ဘွဲ့ခံယူနိုင်တာ ကိုယ်နှိုက်က ယိုးဒယားဘုရင် ချက္ကရာဖတ်ရဲ့ ဆင်ဖြူခုနစ်စီးကို တိုက်ခိုက်ရယူလာပြီးမှ ဒီဘွဲ့ကို ခံယူနိုင်ခဲ့တာဆိုတာ အများသိသင့်တဲ့ အချက်ပဲလို့ တွေးခဲ့မိတယ်။

ဒီတစ်ခေါက် ပဲခူးကိုသွားခဲ့ရတာ အချိန်သိပ်မရခဲ့ပါဘူး။ မနက်ရောက် ညနေပြန်ခရီးပါပဲ။ ဒါပေမဲ့လည်း အဲဒီ ‘ရာဇဓာတုကလျာရဲ့ ရွှေချကျောက်ပျဉ်’ ကို ကိုယ်တိုင်ကြည့်မြင် ရင်ခုန်ခွင့်ရခဲ့တာနဲ့ ဟံသာဝတီခေတ်က မြန်မာတို့ရဲ့ အကျဉ်းသားအဖြစ် နေခဲ့ရသူ ယိုးဒယားမင်းသား ‘နရစ၀မ်’ အကြောင်းတစ်စွန်းတစ်စ ဆက်စပ်စဉ်းစားမိတာနဲ့တင် ပဲခူးခရီးဟာ ကျွန်တော့်အတွက် တန်ဖိုးရှိနေပါတော့တယ်။

အစိုးရဖတ်စာများ၊ ပြောင်းလဲချိန်တန်ပြီနှင့် မနက်ဖြန်များစွာ

ဖေဖော်ဝါရီ ၂၂ ရက် နေပြည်တော်တွင်ပြုလုပ်သော ပြည်ထောင်စုလွှတ်တော် အစည်းအဝေးမစတင်မီ တက်ရောက်လာသူများကို တွေ့ရစဉ် (ဓာတ်ပုံ-စည်သူ)

ပြောင်းလဲချိန်တန်ပြီဟု ဆိုခဲ့လင့်ကစား ပြည်ထောင်စုအစိုးရ၊ တိုင်းဒေသကြီးနှင့် ပြည်နယ်အစိုးရများသည် သမာရိုးကျ၊ လမ်းရိုးလမ်းဟောင်းကြီးပေါ်တွင် ရှေးထုံးမပယ် လျှောက်လှမ်းနေဆဲဖြစ်သည်မှာ စိုးရိမ်ကြောင့်ကြဖွယ်ရာ ဖတ်စာပင်ဖြစ်သည်။ အစိုးရများ၏သင် ရိုးညွှန်းတမ်း၊ ဖတ်စာတို့ကို ဗျူဟာမြောက်စနစ်တကျပြုပြင်၊ တည်းဖြတ်နိုင်မှသာ ပြောင်းလဲချိန်တန်ပြီမှသည် ပြောင်းလဲနေပြီဆိုသည့် လမ်းစပေါ် ဟန်ကျပန်ကျခြေချနိုင်မည်ဖြစ်သည်။ ပြောင်းလဲချိန်တန်ပြီဆိုသည့် မနေ့က စကားကို ယနေ့မှစတင်၍ အပြောင်းအလဲခြေ လှမ်းစပြနိုင်မှသာ မနက်ဖြန်များစွာသည် အပြောင်းအလဲစစ်စစ်များနှင့်အတူ ရင်ခုန်စိတ်လှုပ်ရှားဖွယ်ရာဖြစ်လာနိုင်သည်။

အစိုးရဖတ်စာများတွင် တိုင်းဒေသကြီး နှင့် ပြည်နယ်အစိုးရများသည် သော့ချက်ကျပြီး၊ ၀န်ကြီးချုပ်သည် အစိုးရအဖွဲ့၏အကြီးအမှူးဖြစ်သည်။ နိုင်ငံတော်သမ္မတသည် ဖွဲ့စည်းပုံအခြေခံဥပဒေပုဒ်မ ၂၆၁ (ခ)(ဂ) အရ တိုင်းဒေသကြီး သို့မဟုတ် ပြည်နယ်လွှတ်တော် ကိုယ်စားလှယ်တစ်ဦးကိုရွေးချယ်ပြီး၊ သက်ဆိုင်ရာလွှတ်တော်၏ သဘောတူညီမှုရယူ၍ ၀န်ကြီးချုပ်အဖြစ် ခန့်အပ်တာဝန်ပေးရခြင်းသည် ပြဋ္ဌာန်းချက်ဖြစ်သည်။ တိုင်းဒေသကြီး သို့မဟုတ် ပြည်နယ်လွှတ်တော်အနေဖြင့် လွှတ်တော်ကိုယ်စားလှယ်တစ်ဦးကို ၀န်ကြီးချုပ်အဖြစ် အမည်စာရင်းတင်သွင်း၍ ဆန္ဒမဲ ပေးရွေးချယ်နိုင်ခြင်းမရှိသည့် အနေအထားအပေါ် အားမလိုအားမရဖြစ်သံများကျယ် လောင်လျက်ရှိပြီး၊ အဆိုပါဖတ်စာသည် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးကို ကျားကန် နိုင်ပါ့မလားဟု မေးခွန်းထုတ်လျက်ရှိသည်။ နိုင်ငံတော်သမ္မတ ဦးထင်ကျော်သည် ၂၀၁၆ ခုနှစ် မတ် ၃၀ ရက်တွင် တိုင်းဒေသကြီး နှင့် ပြည်နယ်လွှတ်တော်များ၏ သဘောတူညီချက်ရရှိပြီးသည့် ပုဂ္ဂိုလ် ၁၄ ဦးကို တိုင်းဒေသကြီး ၀န်ကြီးချုပ်များနှင့် ပြည်နယ်ဝန်ကြီးချုပ် များအဖြစ် ခန့်အပ်တာဝန်ပေးခဲ့သည်။ ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော်တွင် ကိုယ်စားလှယ်အနည်းဆုံး ၃၃၃ ဦး အနိုင်ရရှိသောပါတီ သို့မဟုတ် ပါတီတပ် ပေါင်းစုကထောက်ခံသည့် ဒုတိယသမ္မတတစ်ဦးသည် နိုင်ငံတော်သမ္မတဖြစ်လာပြီး၊ သက် ဆိုင်ရာလွှတ်တော်များ၏သဘောတူညီမှုဖြင့် ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်ဝန်ကြီးချုပ်များကို ခန့်အပ်တာဝန်ပေးသည်။

၂၀၀၈ ခုနှစ် ဖွဲ့စည်းပုံအခြေခံဥပဒေအရ၊ ရွေးကောက်ခံပြည်ထောင်စုလွှတ်တော် ကိုယ်စားလှယ် ၄၉၈ ဦးအနက် ၃၃၃ နေရာ အနိုင်ရရှိသည့်ပါတီ သို့မဟုတ် ပါတီတပ်ပေါင်းစုသည် ပြည်ထောင်စုအစိုးရ၊ တိုင်းဒေသကြီးနှင့်ပြည်နယ်အစိုးရများကို စိတ်တိုင်း ကျဖွဲ့စည်းနိုင်မည့် လုပ်ပိုင်ခွင့်ရရှိထားခြင်းသည် အစိုးရဖတ်စာ၏အစိတ်အပိုင်းပင်ဖြစ်သည်။ တိုင်းရင်းသားပါတီ တစ်ပါတီချင်းဖြစ်စေ၊ တပ်ပေါင်းစုအလိုက်ဖြစ်စေ ပြည်ထောင်စု လွှတ်တော်ကိုယ်စားလှယ် ၃၃၃ နေရာ အနိုင်ရရှိရန်မှာ အလွန်အမင်း ခဲယဉ်းသည့် အလျောက် ပြည်ထောင်စုအစိုးရအဖွဲ့ကိုက မကထပြုဖွဲ့စည်းနိုင်ရန် အလားအလာမရှိသလောက် နည်းမည်ဖြစ်သည်။ ဖွဲ့စည်းပုံအခြေခံဥပဒေအရ တိုင်းရင်းသားပါတီများအနေဖြင့် ပြည်နယ်လွှတ်တော်ကိုယ်စားလှယ်အများစု အနိုင်ရရှိလင့်ကစား၊ ပြည်နယ်ဝန်ကြီးချုပ်ကို ရွေးချယ်တင်မြှောက်နိုင်ခွင့်မရှိသည့် အခင်းအကျင်းသည် တိုင်းရင်းသားများ သဘောမတွေ့သည့်၊ လမ်းရိုးလမ်းဟောင်းအတိုင်း ခရီးဆက်နေသည့် အစိုးရဖတ်စာများ၏ အပိုင်းအစဟု ဆိုနိုင်သည်။ တိုင်းရင်းသားပါတီများသည် ပြည်ထောင်စုအစိုးရသာမက၊ ပြည်နယ်အစိုးရကိုပါ ကမကထပြုဖွဲ့စည်းနိုင်ခွင့် မရှိသည့်အခင်းအကျင်းသည် ဒီမိုကရေစီ နှင့် ဖက်ဒရယ်စနစ်ကို အခြေခံသည့် ပြည်ထောင်စုစနစ်နှင့် သဟဇာတဖြစ်နိုင်ဖွယ် မရှိပေ။

နှစ်နှစ်နီးပါး အစိုးရသက်တမ်းတွင် နိုင်ငံတော်သမ္မတသည် မွန်ပြည်နယ်ဝန်ကြီးချုပ် ဦးမင်းမင်းဦးကို ၂၀၁၇ ခုနှစ် ဖေဖော်ဝါရီ ၂၃ ရက်တွင်လည်းကောင်း၊ ဧရာဝတီတိုင်းဒေသကြီးဝန်ကြီးချုပ် မန်းဂျော်နီကို ၂၀၁၈ ခုနှစ် ဇန်န၀ါရီ ၉ ရက်တွင်လည်းကောင်း၊ ရာထူးမှ နုတ်ထွက်ခွင့် ပြုခဲ့သည်။ တိုင်းဒေသကြီးနှင့် ပြည်နယ်ဝန်ကြီးချုပ်အားလုံးသည် အာဏာရ အမျိုးသားဒီမိုကရေစီအဖွဲ့ချုပ်မှ ရွေးချယ် တင်မြှောက်သူများဖြစ်ပြီး၊ ပျမ်းမျှအသက်မှာ ၅၉ နှစ် ၂ လဖြစ်သဖြင့် အစိုးရဖတ်စာများ၏ အိုမင်းသော အပိုင်းအစဟုပင် သတ်မှတ်ရ မည်ဖြစ်သည်။ ၀န်ကြီးချုပ် ရှစ်ဦးသည် အသက် ၆၀ အထက်ဖြစ်ပြီး၊ ခြောက်ဦးသည် အသက် ၆၀ အောက်ဖြစ်သည်။ ကယားပြည်နယ်ဝန်ကြီးချုပ် အယ်လ်ဖောင်းရှိုးသည် အသက် ၃၉ နှစ်ရှိပြီး၊ အသက်အငယ်ဆုံး ၀န်ကြီးချုပ်ဖြစ်သည်။ ကချင်ပြည်နယ် ၀န်ကြီးချုပ် ဒေါက်တာ ခက်အောင်သည် အသက်အကြီးဆုံးဝန်ကြီးချုပ်ဖြစ်ပြီး၊ အသက် ၇၂ နှစ်ရှိပြီဖြစ်သည်။ ၀န်ကြီးချုပ်နေရာများတွင် အသက် ၆၀ အောက် လွှတ်တော်ကိုယ်စားလှယ်များအား စွမ်းဆောင်ရည်အပေါ်အခြေပြုလျက် ခန့်အပ်တာဝန်ပေးလာနိုင်မည်ဆိုလျှင် အစိုး ရဖတ်စာသည် မနက်ဖြန်များစွာအတွက် အပြောင်းအလဲများကို ယူဆောင်ပေးလာနိုင်ဖွယ်ရှိသည်။

ရွေးကောက်ပွဲတွင် တိုင်းဒေသကြီးနှင့် ပြည်နယ်များအလိုက် တိုင်းရင်းသားလူမျိုးလွှတ်တော်ကိုယ်စားလှယ် ၂၉ ဦးကို ဆန္ဒမဲပေး၊ ရွေးချယ်တင်မြှောက်သည်။ ၂၀၁၆ ခုနှစ် မတ် ၃၀ ရက်တွင် သမ္မတဦးထင်ကျော်သည် တိုင်းဒေသကြီး သို့မဟုတ် ပြည်နယ်ဝန်ကြီး ချုပ်များကတင်ပြလာသည့် သက်ဆိုင်ရာတိုင်းဒေသကြီးနှင့် ပြည်နယ်လွှတ်တော်များ၏ သဘောတူညီချက်ရရှိပြီးဖြစ်သည့် တိုင်းရင်းသားလူမျိုးလွှတ်တော်ကိုယ်စားလှယ် ၂၉ ဦးကို တိုင်းဒေသကြီးနှင့် ပြည်နယ်အစိုးရအဖွဲ့ဝင်၊ တိုင်းရင်းသားရေးရာဝန်ကြီးများအဖြစ် ခန့်အပ်တာဝန်ပေးခဲ့သည်။ မန္တလေးတိုင်းဒေသကြီးအစိုးရအဖွဲ့၊ ရှမ်းတိုင်းရင်းသားရေးရာဝန်ကြီး စိုင်းကျော်ဇောသည် ၂၀၁၈ ခုနှစ် ဇန်န၀ါရီ ၁၆ ရက်တွင် ကွယ်လွန်ခဲ့သဖြင့် ၀န်ကြီးတစ်နေရာ လစ်လပ်လျက်ရှိသည်။ တိုင်းရင်းသားရေးရာဝန်ကြီးများအနေဖြင့် ပြည်ထောင်စုတစ်ဝန်း တိုင်းရင်းသားလူမျိုးစုများအရေးကို ညှိနှိုင်းပူးပေါင်းဆောင်ရွက်နိုင်မည့် ယန္တရားတစ်ခု ထူထောင်ထားနိုင်ရန် လိုအပ်လျက်ရှိပြီး၊ ပြည်ထောင်စုအစိုးရအဖွဲ့၏ တိုင်းရင်းသားလူမျိုးများရေးရာဝန်ကြီးဌာ နနှင့်လည်း ထိထိရောက်ရောက်၊ ကျယ်ကျယ် ပြန့်ပြန့်ပူးပေါင်းဆောင်ရွက်နိုင်ရန် လိုအပ်နေဆဲ အခင်းအကျင်းသည်လည်း အစိုးရဖတ်စာများ၏ သော့ချက်အပိုင်းအစတစ်ခုပင်ဖြစ်သည်။

တိုင်းဒေသကြီးနှင့် ပြည်နယ် အစိုးရအဖွဲ့ဝန်ကြီးများသည် တိုင်းဒေသကြီးနှင့် ပြည်နယ်အစိုးရများ၏ကျောရိုးပုဂ္ဂိုလ်များဖြစ်ပြီး၊ အောက်ခြေပြည်သူလူထုနှင့် တိုက်ရိုက်ထိတွေ့နေသည့် လူထုကြားက သံတမန်များလည်းဖြစ်သည်။ တိုင်းဒေသကြီးနှင့် ပြည်နယ် ၀န်ကြီးများအနေဖြင့် စွမ်းဆောင်ရည်မြင့်မားလေလေ၊ အစိုးရအဖွဲ့သည် ပြည်သူနှင့် ပိုနီးကပ်နိုင်လေလေ၊ ပြည်သူကို ပိုမျက်နှာမူနိုင်လေလေဖြစ်သည်။ ၂၀၁၆ ခုနှစ် ဧပြီ ၅ ရက်တွင် နိုင်ငံတော်သမ္မတ ဦးထင်ကျော်သည် သက်ဆိုင်ရာတိုင်းဒေသကြီးနှင့် ပြည်နယ်ဝန် ကြီးချုပ်က တင်ပြခဲ့ပြီး၊ သက်ဆိုင်ရာလွှတ်တော်များ၏ သဘောတူညီချက်ရရှိပြီးဖြစ်သည့် ပုဂ္ဂိုလ်များကို တိုင်းဒေသကြီးနှင့် ပြည်နယ်ဝန်ကြီးများအဖြစ် ခန့်အပ်တာဝန်ပေးခဲ့သည်။ တိုင်းဒေသကြီးနှင့် ပြည်နယ်အစိုးရများတွင် တပ်မတော်သားလုံခြုံရေးနှင့် နယ် စပ်ရေးရာဝန်ကြီး ၁၄ ဦး၊ အရပ်သားဝန်ကြီး ၇၆ ဦးပါဝင်၍ အရပ်သားဝန်ကြီးသုံးနေရာ လစ်လပ်နေသဖြင့်၊ ၀န်ကြီး ၇၃ ဦးသည် တာဝန်ထမ်းဆောင်ဆဲဖြစ်သည်။ တိုင်းရင်းသားရေးရာ ၀န်ကြီးများအပါအ၀င် တိုင်းဒေသကြီး နှင့် ပြည်နယ်အစိုးရ ၀န်ကြီးအရေအတွက်မှာ ၁၁၉ ဦးဖြစ်သည်။

တိုင်းဒေသကြီးနှင့် ပြည်နယ်အစိုးရ၊ အရပ်သားဝန်ကြီးများအကြား ရွေးကောက်ခံလွှတ်တော်ကိုယ်စားလှယ်များ ပါဝင်မှုရာခိုင်နှုန်းသည် အားရစရာမရှိဟု သုံးသပ်ရမည်ဖြစ်သည်။ အရပ်သားဝန်ကြီး ၇၆ ဦးအနက် သုံးဦးလစ်လပ်နေပြီး ၀န်ကြီး ၃၅ ဦးသာ တိုင်းဒေသကြီးနှင့် ပြည်နယ်လွှတ်တော်ကိုယ်စားလှယ်များဖြစ်သဖြင့် တိုင်းဒေသကြီးနှင့် ပြည်နယ်ဝန်ကြီးများ၏ ထက်ဝက်ကျော်ကျော် (၅၂ ရာခိုင်နှုန်း)သည် ပြည်သူက ရွေးကောက် တင်မြှောက်ခြင်းမခံရသည့် တတ်သိပညာရှင်များ၊ အငြိမ်းစားအရာရှိကြီးများနှင့် ပြင်ပ ပုဂ္ဂိုလ်များဖြစ်နေသည်။ ၂၀၀၈ ခုနှစ် ဖွဲ့စည်းပုံအခြေခံဥပဒေ၊ ပုဒ်မ ၂၆၂ (က)(၁)အရ တိုင်းဒေသကြီး သို့မဟုတ် ပြည်နယ်ဝန်ကြီးချုပ်သည် လွှတ်တော်ကိုယ်စားလှယ်မဟုတ်သူများကို တိုင်းဒေသကြီး သို့မဟုတ် ပြည်နယ်ဝန်ကြီးအဖြစ် ခန့်အပ်တာဝန်ပေးနိုင်လင့်ကစား တိုင်းဒေသကြီးနှင့် ပြည်နယ်လွှတ်တော် ကိုယ်စားလှယ်များကို သက်တမ်းအလိုက် ဦးစားပေး ခန့်အပ်တာဝန်ပေးနိုင်ရန် ပိုမိုသော့ချက်ကျမည်ဟုဆိုလျှင် ပြောင်းလဲချိန်တန်ပြီဆိုသည့် အစိုးရဖတ်စာများနှင့်လည်း လိုက်လျောညီထွေ ရှိမည်ဖြစ်သည်။

မြန်မာ့ဒီမိုကရေစီ စပ်ကူးမပ်ကူးတွင် အစိုးရများအားကောင်းရန် လိုအပ်သည့်နည်းတူ၊ လွှတ်တော်များ၊ နိုင်ငံရေးပါတီများ၊ အရပ်ဘက်အဖွဲ့အစည်းများနှင့် မီဒီယာများအပါအ၀င် အင်စတီကျူးရှင်းများ ခိုင်မာတောင့်တင်းရန် အရေးကြီးသည်ဆိုသောအချက်သည် မနက်ဖြန်များစွာ၊ မျှော်လင့်ချက်များစွာနှင့် ဆက်စပ်နေသည်။ တိုင်းဒေသကြီးနှင့် ပြည်နယ်အစိုးရများသည် ကိုယ်ပိုင်အုပ်ချုပ်ရေးနှင့် ကိုယ့်ကြမ္မာ ကိုယ်ဖန်တီးနိုင်ရေး မျက်နှာစာတွင် အားကောင်းလာမည်ဆိုလျှင် ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုအရေးသည် အနှစ်သာရ ပိုမို ပြည့်ဝလာမည်ဖြစ်သည်။ လွှတ်တော်ကိုယ်စားလှယ်များ၊ နိုင်ငံရေးသမားများကို ပြည်ထောင်စု ၀န်ကြီးများ၊ တိုင်းဒေသကြီးနှင့် ပြည်နယ်အစိုးရ၀န်ကြီးများအဖြစ် တတ်သိပညာရှင်များ၊ အငြိမ်းစားများနေရာတွင် အစားထိုး၊ ပြောင်းလဲခန့်အပ် တာဝန်ပေးလာနိုင်မည်ဆိုလျှင် နိုင်ငံရေးအနှစ်သာရပြည့်ဝသော ဖတ်စာ၏ အပိုင်းအစ အသက်ဝင်လာပြီဟု ဆိုရမည်ဖြစ်သည်။

တိုင်းဒေသကြီးနှင့် ပြည်နယ်ဝန်ကြီးချုပ်များ၊ ၀န်ကြီးများသည် အစိုးရအဖွဲ့တွင် တာဝန်ထမ်းဆောင်လင့်ကစား၊ လွှတ်တော်ကိုယ်စားလှယ်အဖြစ်မှ နုတ်ထွက်ရန် မလိုအပ်သဖြင့် တိုင်းဒေသကြီးနှင့် ပြည်နယ်လွှတ်တော် ကိုယ်စားလှယ်များကို အစိုးရအဖွဲ့ဝန်ကြီးများ အဖြစ် ခန့်အပ်တာဝန်ပေးနိုင်ရန် စဉ်းစားခြင်းက ပိုမိုယထာဘူတကျမည်ဟု မှတ်ချက်ပြုနိုင်သည်။ ဗေထိဆိုကတည်းက ကွဲခဲ့သည်ဆိုလျှင် ပြည်သူကို မျက်နှာမူနိုင်ရန် ခဲယဉ်းမည်ဖြစ်သည်။ အကယ်စင်စစ် ရွေးကောက်ပွဲမတိုင်မီကာလ လွှတ်တော်ကိုယ်စားလှယ်လောင်းများ ရွေးချယ်ကတည်းက အမျိုးသားဒီမိုကရေစီအဖွဲ့ချုပ်အနေဖြင့် ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ တိုင်းဒေသကြီးနှင့် ပြည်နယ်ဝန်ကြီးများအဖြစ် လျာထားသူများကို  မူဝါဒများ၊ စည်းမျဉ်း များနှင့်အညီ ကြိုတင်ရွေးချယ်ထားပြီးဖြစ်ခဲ့ မည်ဆိုလျှင် အစိုးရဖတ်စာများသည် ပိုမိုစိတ်ဝင်စားဖွယ်ရာဖြစ်နိုင်သည်။

တတ်သိပညာရှင်များ၊ အငြိမ်းစား အရာရှိကြီးများ၊ သူတို့၏အသံနှင့် အမြင်သဘောထားများကို တန်ဖိုးထားနိုင်လေလေ၊ နားထောင်နိုင်လေလေ ဒီမိုကရေစီအပြောင်းအလဲသည် အားကောင်းလေလေဖြစ်သည်။ တတ်သိပညာရှင်များ၊ အငြိမ်းစားအရာရှိကြီးများကို ပြည်ထောင်စုဝန်ကြီး၊ တိုင်းဒေသကြီး နှင့် ပြည်နယ်အစိုးရ၀န်ကြီးများအဖြစ် ခန့်အပ်တာဝန်ပေးသည်ထက် အစိုးရအဖွဲ့များ၊ ၀န်ကြီးဌာနများတွင် အကြံပေးပညာရှင်များ၊ အကြံပေးပုဂ္ဂိုလ်များအဖြစ် ဥပဒေနှင့်အညီ ခန့်အပ်နိုင်၊ နေရာပေးနိုင်မည်ဆိုလျှင် ပိုမိုအကျိုးရှိနိုင်ပြီး၊ လွတ်လပ်သည့်အမြင်သဘောထား၊ အကြံဥာဏ်များကို စုဆောင်း၊ ရရှိနိုင်မည်ဖြစ်သည်။ အငြိမ်းစားအရာရှိကြီးများသည် ဗျူရိုကရေစီနှင့် ကြိုးနီစနစ်ယန္တရားထဲတွင် ဆယ်စုနှစ်ပေါင်းများစွာ အသားကျခဲ့ကြသူများဖြစ်ပြီး၊ တည်ဆဲယန္တရားကိုဖောက်ထွက်ရန် ၀န်လေးတတ်သူများဖြစ်သည့်အလျောက် ၀န်ကြီးနေရာများတွင် ခန့်အပ်တာဝန်ပေးမည်ဆိုလျှင် ဗဟိုချုပ်ကိုင်မှု နွံထဲနစ်သထက်နစ်၍ ဒုံရင်းဒုံရင်းအတိုင်း ဖြစ်နေဦးမည့် အလားအလာများကလည်း အစိုးရဖတ်စာများ၏ အစိတ်အပိုင်းများပင်ဖြစ်သည်။

တိုင်းဒေသကြီးနှင့် ပြည်နယ်ဝန်ကြီးများအဖြစ် တိုင်းဒေသကြီးနှင့် ပြည်နယ်လွှတ်တော် ကိုယ်စားလှယ်များကို တင်းပြည့်ကျပ် ပြည့်ခန့်အပ်တာဝန်ပေးခဲ့သည်မှာ စစ်ကိုင်းတိုင်းဒေသကြီးနှင့် တနင်္သာရီတိုင်းဒေသကြီး အစိုးရအဖွဲ့တို့ဖြစ်သည်။ အဆိုပါတိုင်းဒေ သကြီးနှစ်ခုတွင် လုံခြုံရေးနှင့် နယ်စပ်ရေးရာဝန်ကြီးမှလွဲ၍ ကျန်ဝန်ကြီးများအားလုံးသည် သက်ဆိုင်ရာလွှတ်တော်ကိုယ်စားလှယ်များ ဖြစ်သည်။ ရှမ်းပြည်နယ်အစိုးရနှင့် မွန်ပြည်နယ်အစိုးရတို့တွင် လွှတ်တော်ကိုယ်စားလှယ် မဟုတ်သော ၀န်ကြီးတစ်ဦးစီသာ ပါဝင်သဖြင့် ဒုတိယလိုက်နေသည်။ ရန်ကုန်တိုင်းဒေသကြီး အစိုးရအဖွဲ့နှင့် ရခိုင်ပြည်နယ်အစိုးရအဖွဲ့တို့ တွင် လွှတ်တော်ကိုယ်စားလှယ်မဟုတ်သော ၀န်ကြီး လေးဦးစီပါဝင်ပြီး၊ လွှတ်တော်ကိုယ်စားလှယ် ပါဝင်မှုအနည်းဆုံး အစိုးရအဖွဲ့များ အဖြစ်မှတ်တမ်းဝင်နေခြင်းသည်လည်း အစိုးရဖတ်စာများ၏ အပိုင်းအစဟုဆိုနိုင်သည်။

အာဏာရ အမျိုးသားဒီမိုကရေစီအဖွဲ့ချုပ်ပါတီသည် ပြည်ထောင်စုဝန်ကြီးများ၊ ၀န် ကြီးချုပ်များ၊ ဒုတိယ၀န်ကြီးများ၊ တိုင်းဒေသကြီးနှင့် ပြည်နယ်ဝန်ကြီးများကို ရွေးချယ်၍ ခန့်အပ်တာဝန်ပေးရာတွင် တိကျခိုင်မာသော မူဝါဒ၊ စည်းမျဉ်းတိတိကျကျချမှတ်၊ ဖော်ဆောင်ခဲ့ခြင်းရှိ၊ မရှိအကဲဖြတ်နိုင်ရန် ခဲယဉ်းနေဆဲဖြစ်သည်။ တာဝန်ယူမှု၊ တာဝန်ခံမှုရှိသော၊ ပွင့်လင်းမြင်သာမှုရှိသော ကောင်းမွန်သည့် အစိုးရယန္တရားတည်ဆောက်ရေးဟုဆိုလျှင် မူဝါဒများ၊ စည်းမျဉ်းများအပါအ၀င် အင်စတီကျူးအပိုင်း စနစ်ကျ၊ အားကောင်းရမည်မှာ အစိုးရများဖတ်စာတွင် အကျူံးဝင်ပြီး ဖြစ်မည်။ ပြည်ထောင်စုဝန်ကြီးများ၊ ၀န်ကြီးချုပ်များ၊ ၀န်ကြီးများ၊ ဒုတိယ၀န်ကြီးများသာမက၊ အမြဲတမ်းအတွင်းဝန်များ၊ အတွင်းဝန်များအထိ လုပ်ငန်းစွမ်းဆောင်ရည်ကို စဉ်ဆက်မပြတ် စောင့်ကြည့်အကဲဖြတ်သည့် စနစ်တစ်ရပ် မဖြစ်မနေ ထူထောင်ရမည်ဖြစ်သည်။ စွမ်းဆောင်ရည်အားနည်းသော ၀န်ကြီးများနေရာတွင် လွှတ်တော်ကိုယ်စားလှယ်များနှင့် အစားထိုးခန့်အပ် တာဝန်ပေးနိုင်ရေးကို အမြော်အမြင်ရှိရှိ ဆင်ခြင်သုံးသပ်သင့်သည်။

အချုပ်အားဖြင့်ဆိုသော် အစိုးရဖတ်စာများသည် မနက်ဖြန်များစွာ၏မျှော်လင့်ချက်များ၊ အခွင့်အလမ်းများကို ကျယ်ကျယ်ပြန့် ပြန့်မီးမောင်းထိုးပြနိုင်ရန် အရေးကြီးမည်ဖြစ်သည်။ ပြောင်းလဲချိန်တန်ပြီအလွန် အမှန်တကယ်ပြောင်းလဲဖို့ဆိုလျှင် လမ်းရိုးလမ်း ဟောင်းကြီးမှခွဲထွက်၍ လမ်းသစ်ဖောက်ကြရမည်ဖြစ်သည်။ နိုင်ငံရေးအရ စွန့်ဦးတီထွင်ကြရမည်၊ ဆန်းသစ်တီထွင်ကြရမည်၊ မတူကွဲပြား ခြားနားသော အခြေအနေများအောက်တွင် ညှိနှိုင်းဆွေးနွေးအဖြေရှာသည့် ယဉ်ကျေးမှုကို အားကောင်းသည်ထက် အား ကောင်းအောင် တည်ဆောက်ကြရမည်ဖြစ်သည်။ သို့မှသာ မနက်ဖြန်များစွာသည် နိုင်ငံရေး အဓိပ္ပာယ်ပိုဆောင်လာပြီး၊ မျှော်လင့်ချက်များသည်လည်း ပိုသက်ဝင်လှုပ်ရှားလာမည် ဖြစ်ပါကြောင်း သုံးသပ် တင်ပြလိုက်ရပါသည်။

မီးခိုးငေးသူ

မိုင်းရှူးတောင်ပေါ်ဒေသတစ်နေရာကို ၂၀၁၇ ခုနှစ်ကုန်ခန့်က တွေ့ရစဉ် (ဓာတ်ပုံ-စည်သာ(တောင်ကြီး))

မီးခိုးတွေကို ငေးကြည့်မိသည့်အခါတိုင်း ခံစားမှုတစ်ခုခုက ကျွန်တော့်ထံ ရောက်ရှိလာတတ်ပါတယ်။ မီးခိုးတွေကို ငေးကြည့်တတ်တဲ့အကျင့်က ကျွန်တော့်ထံ ဘယ်ကဘယ်ပုံ ရောက်ရှိလာသလဲတော့ မသိပါ။ မီးခိုးတွေကို ကြည့်ပြီး ငယ်ဘ၀ကို သတိရတဲ့ စိတ်တွေကို ဖမ်းဆုပ်ရမိတတ်ပါတယ်။ မီးခိုးလို့ဆိုရာမှာ ဆေးလိပ်မီးခိုးလည်း ပါပါတယ်။ ဘာဖြစ်လို့လဲဆိုတော့ အဖေက ဆေးလိပ်သမားဖြစ်လို့ ပါ။ အဖေက ဆေးလိပ်သောက်ရင် ဆေးပေါ့ လိပ်ပဲ သောက်ပါတယ်။ သားအဖနှစ်ယောက် လက်ဖက်ရည်ဆိုင်ထိုင်ရင် အဖေက ဆေးပေါ့လိပ်ကိုဖွာလိုက် လက်ဖက်ရည်နည်းနည်း သောက်လိုက်နဲ့ လုပ်တတ်သူပါ။ အဖေ မှုတ်ထုတ်လိုက်တဲ့ ဆေးလိပ်မီးခိုးကြားထဲက မြင် ရတဲ့ အဖေ့မျက်နှာကို ကျွန်တော်က ငေးကြည့်နေတတ်ပါတယ်။ အဲဒီလို ကြည့်နေရင် အဖေက“ဟေ့ကောင် မင်းဘာလိုချင်လို့လဲ။ ဘောလုံး လိုချင်လို့လား” လို့ မေးတတ်ပါတယ်။

ကျွန်တော် ဘောလုံးကို အရမ်းဝါသနာမှန်း အဖေ သိပါတယ်။ အရုပ်တွေ သေနတ်တွေ မ၀ယ်ခိုင်းဘဲ ဘောလုံးကိုသာ ကျွန်တော်က အမြဲဝယ်ခိုင်းပါတယ်။ ဘောလုံးအသစ် လိုချင်တိုင်း အဖေ့ကို ကျွန်တော် အတင်းဝယ် မခိုင်းပါဘူး။ သားအဖနှစ်ယောက် လက်ဖက်ရည်ဆိုင်သွားပြီး လက်ဖက်ရည်သွားသောက်တဲ့အခါ ကျွန်တော်က လက်ဖက်ရည်ကို အမြန်သောက်သောက်ပြီး အဖေ့မျက်နှာကို ငေးကြည့်နေလိုက်ပါတယ်။ ဆေးလိပ်မီးခိုးတွေကို နှာခေါင်းကနေ ထုတ်လိုက်ရင်း အဖေ ပြုံးလိုက်ပါတယ်။ ကျွန်တော် သူ့ကို တစ်ခုတစ်ခု တောင်းဆိုတော့မယ်ဆိုတာ သူသိနေလို့ပါ။ အရာရာကို စိတ်ရှည်တတ်တဲ့ အဖေဟာ ဆေးလိပ်ကိုလည်း စိတ်ရှည်လက်ရှည် ဖွာပါတယ်။ဆေးလိပ်မီးခိုးတွေက နေ့တစ်နေ့ရဲ့ အချိန်တော်တော်များများပဲ အဖေ့ထံက လွင့်ပျံ့နေတတ်ပါတယ်။ အဖေ့ကို ငေးကြည့်ရင်း မီးခိုးတွေကိုပါ ငေးမောမိခဲ့တဲ့အချိန်တွေ ဖြစ်ပါတယ်။

နောက် မီးခိုးတွေကို ငေးကြည့်တတ်တာက အမေကြီး (အမေ့ရဲ့အမေ) ဟာ ထန်းသီး မုန့်ပေါင်းပြီး ရောင်းချသူဖြစ်ပါတယ်။ ထန်းသီးမုန့်ကို ပြုလုပ်ပြီး ရောင်းချတာပါ။ ကျွန်တော်တို့မြို့လေးမှာ အမေကြီးရဲ့ထန်းသီးမုန့် ဟာ နာမည်ကျော်ပါတယ်။ အမေကြီးဟာ သူ့အလုပ်သမား သုံးလေးယောက်နဲ့ ထန်းသီးမုန့်ပေါင်းပါတယ်။ တစ်နေ့ကို ထန်းသီးမုန့် အချပ်နှစ်ဆယ်လောက်ပေါင်းရတာပါ။ ထန်းသီးမုန့်ပေါင်းတဲ့အခါ ထင်းမီးနဲ့ ပေါင်းရတာ ဖြစ်ပါတယ်။ အမေကြီးရဲ့ မုန့်ပေါင်းတဲ့ တဲလေးကို ကျွန်တော်တို့ နေထိုင်တဲ့အိမ်ရဲ့ အနောက်မှာ သီးသန့်ဆောက်ထားပါတယ်။ နေ့စဉ်ရက်ဆက် မုန့်လုပ်နေတဲ့ တဲလေးဟာ မီးခိုးတလူလူနဲ့ပါ။ အမေကြီးဟာ အသက်ကြီးလို့ နားချင်ပေမဲ့ သူ့အလုပ်သမား သုံးလေးယောက်နဲ့ ထန်းသီးမုန့်ယူရောင်းတဲ့ ဈေးသည် လေးငါးယောက်ရဲ့ ၀မ်းရေးကို ငဲ့ပြီး အသက်ခြောက်ဆယ်ကျော်တဲ့အထိ ထန်းသီးမုန့်ကို ပြုလုပ်ရောင်းချခဲ့ပါတယ်။ အိမ်ပေါ်က လှမ်းကြည့်ရင် မီးခိုးတွေ အမြဲထွက်နေတဲ့ မုန့်တဲလေးဟာ ချစ်စရာကောင်းလှပါတယ်။ ထင်းမီးခိုးတွေက ကောင်းကင်ကို တက်သွားပြီး မုန့်တဲလေးကတော့ မြေပြင်မှာ သူတစ်ယောက်တည်း အမြဲကျန်နေခဲ့တာကို ကျေနပ်နေတဲ့ပုံစံပါ။ အမေကြီးရဲ့မုန့်တဲ မီးခိုးများများ ထွက်လေလေ ကျွန်တော် မုန့်ဖိုး များများရလေလေပေါ့။

အသက်ခြောက်ဆယ်ကျော်တဲ့အခါ အမေကြီးဟာ ထန်းသီးမုန့်ပေါင်းပြီး ရောင်းတဲ့အလုပ်ကို မလုပ်တော့ပါဘူး။ ဒါပေမဲ့ သူနောက်ကျသွားခဲ့ပါပြီ။ အဆုတ်ကင်ဆာတဲ့။ လေးငါး နှစ်လောက်ပဲ အလုပ်က အနားယူလိုက်ရတဲ့ အမေကြီးဟာ အသက် ၇၀ ပြည့်ကာနီးမှာပဲ မီးခိုးတွေနဲ့အတူ ခရီးသစ်ကို ထွက်သွားပါတော့တယ်။ မုန့်တဲလေးက ထွက်တဲ့ မီးခိုးတွေကို ငေးကြည့်စဉ်က ပျော်ရွှင်နေခဲ့တဲ့ ကျွန်တော်ဟာ နာကျင်စွာနဲ့ မီးခိုးတွေကို ငေးကြည့်မိနေ ပါတယ်။ ပိန်ပိန်ပါးပါးခန္ဓာကိုယ်လေးတစ်ခုကို မီးတောက်တွေက ၀ါးမျိုလို့။ မီးခိုးတွေ အပူပင်မဲ့စွာ ကောင်းကင်ကို တက်သွားပုံက ကျွန်တော့်ကို ပူလောင်စွာ လောင်ကျွမ်းနေပါတော့တယ်။

အထက်တန်းကျောင်းသားဘ၀ ပထမဦးဆုံး ခိုးသောက်တဲ့ ဆေးလိပ်ကနေ ထွက်ပေါ်လာတဲ့ မီးခိုးတွေကို သတိတရ ဖြစ်နေတဲ့ စိတ်ဟာ အခုထိ ရှင်သန်နေဆဲပါ။ လူငယ်တစ်ယောက်ရဲ့အရာရာကို စမ်းသပ်ချင်တဲ့စိတ်က မီးခိုးတွေလိုပါပဲ။ အမြဲတမ်း ဟိုဒီလွင့်မျောနေတတ်တာပါ။ ဖယောင်းတိုင်မီးကနေ ထွက်ပေါ်လာတဲ့ မီးခိုးမျှင်လေးတွေနဲ့အတူ စာကျက်ခဲ့ရတဲ့နေ့ရက်တွေကလည်း ဘ၀ရဲ့ မီးခိုးလှလှတွေပါပဲ။ မိုးလေ ကင်းလွတ်ပြီဖြစ်တဲ့ သီတင်းကျွတ်ပွဲတော်ညတွေရဲ့ ကောင်းကင်မှာ မီးပုံပျံလေးတွေရှိနေတာကို ပျော်ရွှင်စွာ မော့ကြည့်မိနေတဲ့အခါ မီးပုံးပျံလေးတွေ ကောင်းကင်ဆီရောက်ဖို့ ပို့ဆောင်ပေးတဲ့ မီးခိုးတွေကို လူတွေက မေ့လျော့လို့ နေတတ်ပါတယ်။ ကောင်းကင်ဆီ ရောက်သွားတဲ့မီးပုံးပျံလေး ဘယ်နေရာရောက်သွားပြီလဲလို့ အားလုံးက ငေးပြီးကြည့်နေတတ်ကြပါတယ်။ မီးခိုးတွေကိုတော့ ဘယ်သူများ စာနာစွာ ကြည့်မိပါသလဲ။ မီးခိုးတွေကတော့ အမြဲအမေ့လျော့ခံပါပဲ။

အသက်ရှင်မှုတွေထဲ ပျော်ရွှင်စွာ စီးဆင်းနေတဲ့ ရက်တွေမှာ မရေရာတဲ့ ရှင်သန်မှုအကြောင်းကို ကျွန်တော် မတွေးခဲ့ပါဘူး။ အချိန်မရွေး ရပ်တန့်သွားနိုင်တဲ့ ရုပ်နဲ့ နာမ်တွေကို ကိုယ်စီပိုင်ထားတဲ့ လူများပါပဲ။ ငြင်သာတဲ့ အထိအတွေ့ခံစားမှုတွေကြား ရှင်သန်ရတာကို နှစ်ခြိုက်နေဆဲအချိန်တွေမှာ သုသာန်သင်္ချိုင်းကို မထင်မှတ်ဘဲ ရောက်ရှိသွားတဲ့အခါ မီးသဂြုင်္ိဟ်စက်ခေါင်းတိုင်က ထွက်လာတဲ့ မီးခိုးတွေကို ကျွန်တော် ငေးမိပြန်ပါတယ်။ မီးခိုးတွေဟာ သင်္ခါရသဘောကို ဖော်ဆောင်ပြနေပေမယ့် ငေးမိစဉ်ခဏမှာပဲ သတိရမိတဲ့ တရားဟာ ချက်ချင်း မေ့ပျောက်လို့ သွားပါတယ်။ ရှင်သန်နေထိုင်မှုကို ပြောင်းလဲပစ်ဖို့ မီးခိုးတွေ ပြတဲ့တရားဟာ သုသာန်သင်္ချိုင်းမှာ နေ့တိုင်းရှိနေပါတယ်။ ဒါပေမဲ့ မှောင်နေတဲ့နေ့တွေ လင်းမှာပဲလို့ ထင်နေတဲ့ စိတ်ဟာ လူတိုင်းစီမှာ ရှိနေပါတယ်။ မီးသဂြုင်္ိဟ်မှုကနေ ထွက်လာတဲ့မီးခိုးတွေကို သုသာန်ကို ရောက်နေသူတိုင်း ငေးကြည့်တာပါပဲ။ ငေးမှုဟာ ငေးမှု သက်သက်ပါပဲ။ မီးခိုးတွေကို ကြည့်တတ်တဲ့ ငေးတတ်တဲ့ ကျွန်တော်ကတော့ မီးခိုးတွေ့ရင် ငေးနေမိနေဆဲပါပဲ။

မီးခိုးတွေကိုကြည့်ရင်း နာကျင်ပူဆွေးရတဲ့ နောက်အခြေအနေတစ်ခုတော့ မီးလောင်မှုဖြစ်တဲ့အခါတွေမှာ ဖြစ်ပါတယ်။ မီးလောင်ကျွမ်းနေတဲ့ အိုးအိမ်တွေကို ကြည့်ရင်း ပူလောင်နေတဲ့ လူတွေကို မီးခိုးတွေက မမြဲတဲ့ တရားအ ကြောင်း ပြသနေပါတယ်။ မီးခိုးဟာ ကောင်းကင်ဆီကို တက်သွားရင်း လူတွေကို မျက်ရည် ကျစေခဲ့ပါတယ်။ ငိုကြွေးစေပါတယ်။ မီးခိုးဟာ ငိုကြွေးမှုတွေကို အစဉ်အမြဲပေးနေတဲ့အရာများလား။ မီးခိုးတွေကို ငေးမိတိုင်း ကျွန်တော် တွေးမိပြန်ပါတယ်။ မီးခိုးတွေက အပူအပင်မရှိ လေနှင်ရာကို လွင့်နေတာပါပဲ။ မီးခိုးတွေကို ချစ်တယ် မုန်းတယ်ဆိုတာ ကျွန်တော်တို့ရဲ့ ခံစားမှုတွေပါပဲ။ မီးခိုးတွေကတော့ ချစ်ခြင်း မုန်းခြင်းမရှိဘဲ လွင့်မျောဖို့မှုကိုသာ အမြဲပြုနေ တာပါ။ ကျွန်တော်တို့ရဲ့နေ့ရက်တွေမှာ မီးခိုးတွေဟာ အစဉ်အမြဲပါဝင်နေတဲ့ အရာတစ်ခု ဖြစ်နေဆဲပါ။အခြေခံလူတန်းစားတွေရဲ့ဘ၀ထဲမှာတော့ မီးခိုးဟာ အမြဲထွက်နေဆဲပါ။ မြို့စွန်ရပ်ကွက်လေးတွေရဲ့ လမ်းထောင့်တွေမှာ အကြော်ဆိုင်တွေ ထမင်းဆိုင်လေးတွေကနေ ထင်းမီးခိုးတွေထွက်နေဆဲပါ။ မီးခိုးတွေ ထွက်ပေါ်နေမှ ဆာလောင်နေတဲ့ ၀မ်းဗိုက်တွေကို ဖြည့်တင်းဖို့ အစားအစာရရှိမှာ ဖြစ်ပါတယ်။ ထင်းတွေ မီးသွေးတွေနဲ့ ချက်ပြုတ်နေရဆဲပါ။
ဘ၀တွေနဲ့ မီးခိုးတွေဟာ လုံးထွေးနေဆဲပါ။ မီးခိုတွေဟာ လေထုကို ညစ်ညမ်းစေတယ်တဲ့။ မီးခိုးတွေဟာ ကောင်းကင်ကို ညစ်ညမ်းစေတယ်တဲ့။ ကျွန်တော်တို့လူသားတွေ လောဘ ဒေါသတွေနဲ့ ပြုလုပ်လိုက်တဲ့ မီးခိုးတွေက သာ ကောင်းကင်တွေနဲ့ လေထုကို ညစ်ညမ်းစေတာပါ။ မီးခိုးတွေဟာထွက်ပေါ်ပြီးတာနဲ့ လွင့်မျောပျောက်ကွယ်ဖို့အတွက်သာ သူတို့ ကြိုးစားနေကြတာပါ။ မီးခိုးတွေမှာ လောဘ မရှိပါဘူး။ လူသားရဲ့လောဘကြောင့် ထွက် ပေါ်လာတဲ့မီးခိုးတွေသာ ရှိတာပါ။ မီးခိုးတွေမှာ ဒေါသမရှိပါဘူး။ လူသားရဲ့ ဒေါသကြောင့် ထွက်ပေါ်လာတဲ့ မီးခိုးတွေပဲရှိတာပါ။ မီးခိုးတွေမှာ ရန်လိုတဲ့ စိတ်မရှိပါဘူး။ သူတစ်ပါးကို ရန်လိုတတ်တဲ့လူသားတွေကြောင့် ထွက်ပေါ် လာတဲ့ မီးခိုးတွေပဲရှိတာပါ။ မီးခိုးတွေမှာ သတ်ချင်ဖြတ်ချင်စိတ်မရှိပါဘူး။ တစ်ပါးသူရဲ့အသက်ကို သတ်ချင်ဖြတ်ချင်တဲ့ လူသားတွေကြောင့် ထွက်ပေါ်လာရတဲ့ မီးခိုးတွေသာ ရှိတာပါ။မီးခိုးတွေမှာ အာဏာရှင်မရှိပါဘူး။

မီးခိုးတွေမှာ သာကူးတွေ မရှိပါဘူး။ မီးခိုးတွေမှာ အာဏာရူးတွေ မရှိပါဘူး။ အာဏာရှင်တွေ အာဏာရူးတွေကြောင့် ထွက်ပေါ်လာတဲ့မီးခိုးတွေကသာ ကျွန်တော်တို့ရဲ့ပတ်ဝန်းကျင်ကို ပျက်စီးစေတာပါ။ ကျွန်တော်တို့ ဘ၀တွေကို ဖျက်ချေပစ်လိုက်တာပါ။

မီးခိုးတွေကို ငေးကြည့်တတ်တဲ့ ကျွန်တော်။ ကျွန်တော် မကြည့်ချင်တဲ့မီးခိုးတွေကလည်း ခေတ်ကြီးထဲမှာ အများအပြားပါပဲ။ အရက်ချက်စက်ရုံက ထွက်ပေါ်နေတဲ့ မီးခိုးတွေကို ကျွန်တော် မကြည့်ချင်ပါဘူး။ စစ်ပွဲ တစ်ပွဲကနေ ထွက်ပေါ်နေတဲ့ မီးခိုးတွေကို ကျွန်တော်မကြည့်ချင်ပါဘူး။

တောမီးတွေလောင်ရာက ထွက်ပေါ်လာတဲ့ မီးခိုးတွေကို ကျွန်တော် ငေးမကြည့်ချင်ပါဘူး။ စစ်ပွဲကြားမှာ မီးစွဲလောင်နေတဲ့ စာသင်ကျောင်းလေးက ထွက်ပေါ်လာတဲ့ မီးခိုးတွေကို ကျွန်တော် မကြည့်ချင်ပါဘူး။ကျွန်တော် မငေးချင်ပါဘူး။ တိုက်လေယာဉ်ပေါ်က ပစ်ချလိုက်တဲ့ဗုံးတစ်လုံးကြောင့် ထွက်ပေါ်လာတဲ့ မီးခိုးတွေကို ကျွန်တော်မငေးချင်ပါဘူး။ ငိုသံတွေရောနေတဲ့ မီးခိုးတွေကို မကြည့်ချင်ပါဘူး။ နာကျင်အော်ဟစ်သံတွေနဲ့အတူ လွင့်ပျံ့လာတဲ့ မီးခိုးတွေကို ကျွန်တော် မငေးချင်ပါဘူး။

မီးခိုးလေးတွေ ထွက်ပေါ်နေတဲ့ တောင်ပေါ်ရွာလေးတစ်ရွာရဲ့ မနက်ခင်းကို ငေးကြည့်ချင်ပါတယ်။ စပါးပင်တွေ ရိတ်သိမ်းပြီးလို့ပဲ တီစိမ်း စိုက်ဖို့ ရိုးပြတ်ခြောက်တွေကို မီးရှို့ရင်း ထွက်ပေါ်လာတဲ့ မီးခိုးတွေကို ကျွန်တော်ကြည့် ချင်ပါတယ်။ လယ်စောင့်တဲလေးတစ်တဲရဲ့ လယ်သမားမိသားစုအတွက် ညနေစာ ချက်ပြုတ်ရာက ထွက်ပေါ်လာတဲ့ မီးခိုးတွေကို ကျွန်တော် ကြည့်ချင်ပါတယ်။ မီးခိုးတွေကတော့ ကျွန်တော်တို့ပတ်ဝန်းကျင် ဘယ်နေကမဆို ထွက်ပေါ်လာနေဆဲပါ။ ကျွန်တော် ဘယ်လို မီးခိုးကိုပဲ ငေးငေး ဘယ်လိုမီးခိုးကိုပဲ ကြည့်ကြည့် ကျွန်တော် သေဆုံးတဲ့အခါ ကျွန်တော့် ခန္ဓာကိုယ်ကို မီးရှို့လို့ ထွက်ပေါ်လာတဲ့ မီးခိုးတွေကို ကျွန်တော် ကြည့်လို့မရပါဘူး။ငေးလို့ မရပါဘူး။ မီးခိုးငေးသူတစ်ယောက်ဟာ တစ်ပါးသူရဲ့မီးခိုးကို ငေးရင်း ကိုယ်မီးခိုးဖြစ်မယ့် အချိန်ကို စောင့်ဆိုင်းနေရတာမဟုတ်လား။

အဝေးက စာ

Photo: CNN

အပိုင်း (က)

ပို့ထားတဲ့စာတွေ ရေထဲ စက္ကူလေးတွေလို ကျကျသွား။ တစ်နေရာကို ရောက်ကောင်း ရောက်မှာပေါ့။ ကိုယ်က အမြဲဒီလိုမျှော်လင့်ပါတယ်။ ကိုယ့်ဆီတော့ ပြန်မလာနိုင်တော့ဘူးလေ။ ပြောထားတဲ့စကားလုံးတွေ ပြန်ဖတ်မိတယ်။ ရင်ထဲ နာကျင်ရတယ်။ အဲဒီလိုဆို မ ကြိုက်ဘူးထားဦးမလား။ ပြန်မလာနိုင်သူဟာ ဓာတ်ပုံထဲမှာ ပိတ်မိနေပြီလား။ ကိုယ်တွေးကြည့်တယ်။ ပုလင်းလေးဝယ်ထားဖို့ ကဗျာဆရာက ပြောတယ်။ အစ်ကိုလေးဟာ ညီလေးကို ပျော်ရွှင်ခြင်းတွေ စုထားတဲ့ ပုလင်းလေးပေး ထားခဲ့သတဲ့။ အဲဒါ မြင့်သန်းရဲ့ဇာတ်ကောင်ပါ။ ဖြစ်ပြီးသားတွေလည်း နောက်တစ်ခါ ဇာတ်ကောင်တွေ ပြန်ဖြစ်ကြတာလည်း ဖြစ်နိုင်တာပေါ့။ စာထဲ။ ကိုယ့်အတွက်ကတော့ ဒါဟာ တုန်လှုပ်ဝမ်းနည်းရတဲ့ ပထမဆုံးအကြိမ်ပဲ။ ပုလင်းတွေထဲ ကိုယ်လည်း ထည့်ထားရမှာလား။ ထွက်သွားသူဟာ အရသာလား။မြင့်သန်းရေးတဲ့ ဇာတ်ကောင်တစ်ကောင်ရဲ့ အစ်ကိုဖြစ်သူဟာ အစ်ကိုလေးဟာ ရှမ်းပြည်ဘက်ထွက်သွားတယ်။ အစ်ကိုလေးဟာ ပြန်မလာတော့ဘူး။

ဖေဖော်ဝါရီစကား

နောက်ကျသူနှင်းရေ

ငါ စောင့်ခဲ့ပါတယ်တဲ့

ဝါရော်နေတဲ့ပဲပင်ကလေးဟာ

အပျော်အပြည့်သီးမသွားရရှာ။

                                                ■ နိုးမြေ

ဖေဖော်ဝါရီလထဲမှာ ငါ့အစ်ကိုလေး ထွက်သွားတယ်။ ငါ့အစ်ကိုလေးဟာ ပြန်မလာတော့ဘူး။ ငါ့ရင်ထဲမှာ အစ်ကိုလေး ရှိနေတယ်။ ဆက်ပြီးလည်း ရှိနေလိမ့်မယ်။

မြင့်သန်းရဲ့ဇာတ်ကောင်ကို ငါသိတာ အစ်ကိုလေး ထွက်မသွားမီ ညက။ တကယ့် ပြင်ပထဲက ငါနဲ့ မြင့်သန်းရဲ့ဇာတ်ကောင်ဟာ သွားတူနေတယ်။ မြင့်သန်းရဲ့ဇာတ်ကောင်ဟာ တကယ့်ပြင်ပထဲ ရှိကောင်း ရှိခဲ့ဖူးလိမ့်မယ်။ သေချာတာကတော့ မြင့်သန်းရဲ့ဇာတ်ကောင်လိုမျိုးတွေ ပြင်ပမှာ ငါ့လိုပဲ တကယ့်အများကြီး။ အချစ်ဆိုတာ ဖန်တီးယူလို့ ရတယ်လို့ ကြားရတယ်။ ဟုတ်ပါစေလို့ ကိုယ်ဆုတောင်းတယ်။

အစ်ကိုလေးရေ ကဗျာစာအုပ်လေးထွက်ပြီဗျာ။ မိုက်တယ်။ တစ်ဝိုင်းပဲ။ ကိုယ်ပြောချင်တယ်။ ဆိုတော့ ကိုယ်က ပြောပါတယ်။ ဘာသာစကားဟာ သင်္ကေတသက်သက် အနက်ဖော်မှု နားလည်မှုသက်သက် စကားလုံးတွေဟာ စိတ်ရဲ့ခံစားချက်ကို အပြည့်အ၀ ဖော်ပြဖို့ရာ မတတ်စွမ်းနိုင်ကြဘူး။ အနီးစပ်ဆုံးသာ ဖော်ပြနိုင်ကြရာဆိုပေမယ့်လို့ ကိုယ်ကလွဲလို့ ဘယ်သူမှမရှိပဲ။ ဒီတော့ ကိုယ်က ပြောလိုက်ပါတယ်။ မပြောတာ မဟုတ်ဘူး။ ဒီလိုနာကျင်ဖို့ကောင်းတဲ့ အခြေအနေကို အားပါးတရ ငြင်းဆိုပါတယ်။ ဘယ်သူတွေ ရှိနေဦးမလဲ။ အစိမ်းတွေလိုက်ရှာတယ်။ တဖြည်းဖြည်း နီးနီးသွားကြ။ ဝေးသွားကြ။ ကွယ်လွန်သူဟာ တစ်ချက်တစ်ချက် စိမ်းစိမ်းသွားတတ်တယ်။ သိမှုအတွင်းလား။ မသိမှုအတွင်းလား။ ကိုယ်က စိမ်းနေချင်တာလေ။ ဒီလိုမှပဲ နေသာထိုင်သာရှိမယ်။ လူထဲကလူမို့ ဒီလောက်တော့ နေသာ ထိုင်သာ ရှိခွင့်ပေးပါ။ စကားပြေတွေ ညှစ်မထုတ်နဲ့။ အခုအတိုင်း ဆက်သွား။ သိပ်မိုက်တယ်။တစ်အုပ်စာလောက် စဉ်းစားထား။ ဟုတ်ကဲ့ပါ အစ်ကိုရေ။ မီးက စိမ်းလည်း မစိမ်း။ ဖြူလည်း မဖြူ။ မီးသီးလုံးဟာ ပြုတ်သွားတဲ့သဘော။ ကိုယ်ငေးရုံသာ တတ်နိုင်ပါတယ်။ ကွယ်လွန်သူကို အနားပေးကြပါလေ။ အစ်ကိုလေး နိုးမြေ နားပါစေကွယ်။

 

အပိုင်း (ခ)

ကိုယ် ၀င်ခဲ့တဲ့နေရာဟာ တကယ့်အကြီးကြီးလို့ထင်ခဲ့တယ်။ အံ့သြဖို့ကောင်းပြီး ကျေနပ်စရာတွေ အပြည့်ရှိမယ်လို့ ယုံခဲ့တာပေါ့။ တကယ့်လက်ရှိမှာ ကိုယ်မြင်ရတာဟာ ကြီးမားလွန်းနေတော့ ကျန်တဲ့အရာတွေကို မမြင်နိုင်တော့ဘူးပေါ့။ ဒီတော့ ကျန်တဲ့အရာတွေကို ကိုယ်သေချာမသိ မကြည့်မိတော့ သူ့အလိုလိုသေးငယ်ပြီး မြင်ကွင်းအောက်ကနေ ပျောက်သွားကြတာချည်းပဲ။ ဒါက အားလုံး ဖြစ်ဖူးမှာ။ ဖြစ်ကောင်း ကြုံကောင်း ကြုံဖူးကြပါလိမ့်မယ်။ တစ်ခါတလေ လက်ရှိမြင်ကွင်းဟာေ၀၀ါးနေရင်တောင်မှ ကြံဖန်ပြီး ကြည့်ရှု သတိထားမိကြတော့ အဲဒီအရာဟာ ကြီးမားနေတာ။ နောက်မှ ကိုယ်သိလိုက်ရတာက လက်ရှိပကတိဟာလည်း မှားနိုင်တယ်ဆိုတာပဲ။ ကိုယ်မမြင်ခဲ့တာ မသိခဲ့တာတွေထဲက သေးငယ်တယ်လို့ ကိုယ်ထင်ခဲ့ရတဲ့ အရာကလေးတွေဟာ ကြီးမားနေကြပါလားဆိုတာမျိုး။ ကိုယ်ကတော့ ပြန်လှည့်လို့ မရတော့ဘူးကိုး။ ဒီအတိုင်းပဲ ထိုင်နေရုံရှိတော့တယ်။ ကိုယ်ထပ်သိရတာက ပကတိတရားဟာ မှားယွင်းနေနိုင်သလို မသိစိတ်ထဲက အရာတွေရဲ့ ကြီးမားမှုတွေဟာလည်း အခြေအနေတစ်ခုရဲ့ အားမလို အားမရဖြစ်မှုတွေကနေ ပေါ်ပေါက်လာပြီး အဲဒီဟာတွေကလည်း မှားယွင်းနေနိုင်တယ်ဆိုတာပဲ။ ဒီကြီးမြတ်မှု ကြီးမားမှုဆိုတဲ့ခေါင်းစဉ်အောက်ကို ကိုယ်ရောက်ဖို့တော့လည်း ပေးဆပ်မှုတွေ အများကြီးရှိခဲ့တယ်။ အရင်က ကိုယ့်အတွက် ဒီကြီးမားမှုဟာ သိပ်ကို တန်ဖိုးရှိတာပဲ။ အရသာလည်း သိပ်ကိုရှိတာပဲ။ ကြာ တော့လည်း ဒီကြီးမားမှုအောက်ကို ကိုယ်ဝင်ခဲ့ရတယ်။ ကမ္ဘာပေါ်မှာ ကိုယ့်လောက်ပျော်ရွှင်နိုင်တဲ့လူ မရှိတော့ဘူးလို့တောင် ထင်ခဲ့သေးတယ်။ ဒါဟာ ကိုယ့်သိမှုထဲက ကြီးမားမှုကို ရလိုက်နိုင်တော့ ဒီအရာကလွဲပြီး ကျန်တာတွေဟာ မပြောပလောက်တဲ့အရာတွေချည်း။ ဒါဟာ အစွန်းရောက်မှုတစ်မျိုး ဖြစ်မယ်။ ကိုယ့်သိစိတ်ထဲက ကြီးမားမှုဟာ ကိုယ်ကိုယ်တိုင်ကို အစွန်းရောက်သွားစေတာ။ ကိုယ်ကတော့ ဒါတွေကို မသိနိုင်ခဲ့ဘူး။ ကြီးမားမှုရဲ့ ခေါင်းစဉ်အောက်မှာ ကိုယ်ဟာ ကြီးမားမှုတွေနဲ့သာ နေထိုင်မယ်။ အသက်ရှူမယ်။ ကျင်လည်မယ်။ တကယ်လည်း ကိုယ်ဒီလိုနေထိုင်ခဲ့တယ်။ နည်းနည်းကြာလာတော့ ကြီးမားမှုတွေရဲ့ မှားယွင်းပုံပျက်နေခြင်းတချို့တချို့ကို ကိုယ်မြင်လာတယ်ဆိုပေမယ့်လည်း ဒီအရာတွေကို ကိုယ့်ကြီးမားမှုက လွှမ်းမိုးချေဖျက်နိုင်ခဲ့ကြတာပဲ။ ဒီလိုနဲ့ နေ့များစွာ။ ကြီးမားမှုဟာ ဘ၀ပေါ့။ ကြီးမားမှုသာ သခင်ပေါ့။ စနစ်တကျ တည်ရှိလာခဲ့တဲ့ ၀ါ စနစ်တကျတည်ဆောက်ခံထားရတဲ့ ကြီးမားမှုကို ကိုယ်ဟာ အပြစ်မမြင်တတ်ခဲ့ဘူး။ ဒါဟာ လူသားတစ်ယောက်အတွက် တိုးတက်လာတဲ့ဖွံ့ဖြိုးမှုအဆင့်တွေထဲက အဆင့်တစ်ခု သက်သက်ပဲ။ အနီဟာ နီနေရမယ်။ အချိန်နဲ့ နေရာဒေသ ပုံသဏ္ဌာန်တွေဟာလည်း အားလုံးအတူတူပဲ။ ဝေးဝေးက အနီဟာ မပြာနိုင်ပါဘူး။ တကယ့်အစိမ်းဟာ အနီပဲ။ ကိုယ်ဟာ ဒီလိုစနစ်ကျမှုမျိုးထဲကကြီးမားမှုကိုမှ သဘောကျခဲ့တာ။ ကိုယ်ဟာ စနစ်ကျမှုထဲကနေ လျှောက်ခဲ့သူပါ။ စနစ်ကျမှုကိုယ်တိုင်ဟာ မှားယွင်းနေနိုင်တယ်ဆိုတာ ကိုယ်မသိခဲ့ဘူး။ အခုတော့လည်း အရာအားလုံးဟာ ကွဲလွဲနေပြီပေါ့။ ဒါက သဘာဝကျပြီး လှလည်းလှတာမို့ သဘောကျပါတယ်။ စိတ်သက်သာရာပါပဲ။ အားလုံးဟာ ဘာမှမဟုတ်ဘူးဆိုလည်း ဟုတ်ခဲ့ဖူးတာတွေ ခဏလောက် မေ့လိုက်ပါရစေတော့။

ဒီနေ့ လူစစ်စစ် ခွေးတွေကို ကိုယ်မြင်ရတယ်။ အမဲရိုးကလေးများရှိမယ်ဆို ထန်းလျက်ခဲကလေးများရှိမယ်ဆို သင်းတို့ကို ကျွေးရကောင်းမယ်လို့ စိတ်ကူးမိတယ်။ အမြီးတ နန့်နန့်နဲ့ခွေးဟာ ကားပေါ်ပြေးတက်သွားပြီး ကားသမားကို ကြိမ်းနေတာ ကြားရတယ်။ ခွေးက လူကိုကြိမ်းရတယ်ဆိုပြီး ကိုယ်ရယ်လိုက်တယ်။ ပန်းခြံလို့ သိထားရုံကလွဲပြီး ဘာပန်းမှမရှိတဲ့ ပန်းခြံကိုကျော်တော့ လူတစ်ယောက်ဟာ ခွေးတစ်ကောင်ရဲ့သြ၀ါဒကို ခေါင်းတညိတ်ညိတ်နဲ့ နာခံနေတယ်။ ကိုယ်ထပ်ရယ်လိုက်တယ်။ ဒါနဲ့ဆို ဒုတိယအကြိမ်မြောက် ရယ်တာပဲ။ ကော်ဖီဆိုင်ထဲ ကိုယ်ဝင်လိုက်တော့ ခွေးတွေချည်းပဲ။ ခွေးတွေဟာ ကိုယ်ဝင်လာတာကို မော့ကြည့်ပြီး ဘာမှ မထူးဆန်းသလို ဆက်ထိုင်နေကြတယ်။ ကြည့်ရတာ ကိုယ်ဟာ ခွေးတစ်ကောင်များ ဖြစ်နေမလားပဲ။ ကော်ဖီဆိုင်ထဲက လွတ်နေတဲ့ဝိုင်းတစ်ခုမှာ ကိုယ်ထိုင်လိုက်တယ်။ ဖုန်းကို ဖွင့်ဖို့ ပါဝါ နှိပ်လိုက်တော့ ဖုန်းမှန်ထဲမှာ ခွေးတစ်ကောင်ရဲ့ မျက်နှာပေါ်လာတယ်။ ကိုယ်အလန့်တကြား အော်မိတော့မှ အိပ်မက်ဖြစ်နေတာ သတိထားမိသွားတော့တယ်။ ကိုယ် ထပ်ရယ်လိုက်တယ်။ ဒါနဲ့ဆို သုံးကြိမ်မြောက်ပဲ။

အပိုင်း (က+ခ)

မွေးဖွားခြင်းရှိလာတဲ့အခါ သေဆုံးခြင်းဟာ သေချာပေါက်ရှိလာမယ်။ ကိုယ်တို့ ထပ်ပြီး မွေးဖွားကြမလား။ မင်းလည်းမသိ။ ကိုယ်လည်း မသိ။ ကိုယ်တို့ဟာ တစ်ယောက်နဲ့တစ်ယောက် မေ့လျော့နေကြမယ်။ ဖောင်းထုနေကြမယ်။ ချောင်းမြောင်းနေကြမယ်။ တစ်ဦးတစ်ယောက် ထွက်သွားတဲ့အခါ ကိုယ်တို့ တုန်လှုပ် ၀မ်းနည်းနေကြမယ်။ သတိရနေကြမယ်။ကြောက်စရာကောင်းလောက်အောင် ရယ်မောလိုက်ချင်တယ်။ မေ့လျော့မှုတွေ အဖက်မလုပ်မှုတွေဟာ တန်ဖိုးရှိပုံရပါတယ်။ ချက်ဘောက်မှ ဦးခေါင်းမဲ့ ဆယ်လ်ဖီပုံတွေ အများကြီး ရောက်လာ။ အဲဒါတွေ ငါ ဘာလုပ်ရမှာလဲ။ မီးရှို့ပစ်ရမှာလားဟ။ ပျော်ရွှင်မှုဟာ ပုလင်းထဲ ကျပ်နေ။ မဟုတ်ဘူး တစ်နေ့ကျရင် ဒီလိုရိုက်ကြစို့လေ။ အဲဒီတစ်နေ့ ရောက်မလာနိုင်ဘူးဆိုရင်ကော။ ငါတို့ဘာလုပ်ကြမှာလဲ။ မဟုတ်ဘူးလေ အဲဒီလိုဆို မီးရှို့ဖို့ မလိုတော့ဘူး။ ဘာဖြစ်လို့လဲဆိုတော့ ကိုယ်တို့အားလုံး မရှိတော့တာဖြစ်နိုင်တယ်လေ။

ဂွတ်လပ်ခ့်။

(စာကြွင်း – သေခြင်းတရားသည် မနေ့တစ်နေ့က ကျွန်တော့်ထံသို့ အလည်လာခဲ့သေးသည်။ သို့သော် ကဗျာဆရာသည် မသေပါ။ ထိုည လွန်ပြီးနောက် ကြယ်များဖြင့် လှပသော ညခင်းတစ်ခုတွင် သေမင်း၏ကိုယ်စားလှယ်သည် လူသီချင်းများနှင့် ရောထွေးကာ ကျွန်တော့်ထံ ရောက်လာခဲ့ပါသည်။ ကျွန်တော်သည် သေမင်း၏ လည်ပင်းကို ဆွဲကာ သုံးချက်ခန့် အားပါးတရ ဆွဲထိုးခဲ့ပါသည်။ ဘ၀၏ပြီးပြည့်စုံမှုတွင် မွေးဖွားခြင်းသည် ပထမဆုံးဖြစ်ပြီး သေဆုံးခြင်းသည် နောက်ဆုံးဖြစ်သည်ဟု ဆိုကြပါသည်။ ကျွန်တော်သည် သေမင်း၏ပါးကို ရိုက်နိုင်ခဲ့ပါသည်)

ပွင့်လင်းမြင်သာမှုနှင့် တာဝန်ခံမှု

မော်လမြိုင်မြို့ ဇေယျာသီရိရပ်ကွက်ရှိ လောကမာရဇိန် ငွေဘုံသာဆုတောင်းပြည့် ဘုရားကြီးဝ င်း၌ ဖေဖော်ဝါရီ ၂၁ ရက်ကငလျင်အန္တရာယ် ကြိုတင်ကာကွယ်ရေးဇာတ်တိုက် လေ့ကျင့်မှုပြုလုပ်စဉ် (ဓာတ်ပုံ-ဘိုဘိုမြင့်)

ပွင့်လင်းမြင်သာမှုဆိုတဲ့စကားလုံးဟာ အလွန်နှစ်သက်စရာကောင်းသလို အနက်အဓိပ္ပာယ်များစွာလည်း ရှိပါတယ်။ ပွင့်လင်းမှုရှိရမယ်၊ ထင်သာမြင်သာရှိရမယ်လို့ ဆိုလိုပါတယ်။ ပွင့်လင်းနဲ့ မြင်သာတာ တစ်ခုနဲ့တစ်ခု တူသလိုရှိပေမဲ့ တကယ့်တကယ်တော့ မတူ ပါဘူး။ တစ်ခုနဲ့တစ်ခု အပြန်အလှန် ဆက်စပ်ဆက်နွှယ်မှုတော့ရှိပါတယ်။ ‘ပွင့်’တယ်ဆိုတာ ပိတ်ခြင်းရဲ့ ဆန့်ကျင်ဘက်အဓိပ္ပာယ် ဆောင်ပါတယ်။ ပိတ်မထားဘူး၊ ကာမထားဘူး၊ ဆို့မထားဘူးဆိုတဲ့ သဘောဖြစ်ပါတယ်။ ‘လင်း’ဆိုတာကလည်း ‘အမှောင်’ ရဲ့ ဆန့်ကျင်ဘက်ပဲဖြစ်ပြီး အရာဝတ္ထု အကြောင်းအရာတွေ (ရုပ်ဝတ္ထုရော စိတ်ပါ)ကို အမှောင်ချ မထားဘူး၊ ကာဆီးမထားဘူး၊ မမြင်ရအောင် လုပ်မထားဘူးလို့ ယူဆနိုင်ပါတယ်။ သဘောကတော့ သိစရာ မြင်စရာတွေကို သိလာ မြင်လာအောင် တံခါးတွေဖွင့်ထားတယ်ပေါ့။
မြင်သာတယ်ဆိုတာကို တွေးကြည့် အဓိပ္ပာယ်ဖော်ကြည့်တဲ့အခါ သိရတာက အရာဝတ္ထုအကြောင်းတရား ဖြစ်စဉ် ဖြစ်ရပ်များကို အရှိအမှန်အတိုင်း၊ ပကတိအတိုင်း ပုံမပျက် အသွင်မပျက် မြင်နိုင်တဲ့အခြေအနေကို ဆိုတာလို့ထင်ပါတယ်။ အဲဒီလို အကြောင်းတရား ၀တ္ထုတစ်ခုခုကို ထင်သာမြင်သာရှိဖို့၊ ရှင်းလင်းသဲကွဲစွာမြင်ရဖို့ဆိုတာမှာ လိုအပ်ချက်တွေ ရှိပါတယ်။ နိုင်ငံရေးသဘောမဟုတ်တဲ့ အဘိဓမ္မာနယ်ပယ်ကနေကြည့်ရင် (၁) မြင်နိုင်တဲ့ အစွမ်းသတ္တိရှိတဲ့ မျက်စိရှိရမယ်၊ (၂) ကြည့်ချင်မြင်ချင်တဲ့ စိတ်စေတသိက် (စေ့ဆော်တိုက်တွန်းမှု) ရှိရမယ်၊ (၃) အလင်းရောင်လုံလောက်စွာရှိရမယ်၊ (၄) အမြင်ခံ၊ အကြည့်ခံနေတဲ့ အကြောင်းတရား ၀တ္ထုရှိရပါမယ်။

မွေးရာပါ အမြင်စွမ်းအား မရှိသူတွေ (မျက်မမြင်) ကလွဲလို့ မျက်စိကောင်းသူတွေမှာ မြင်နိုင်၊ တွေ့နိုင်၊ ကြည့်နိုင်တဲ့ စွမ်းရည်တွေ ရှိပါတယ်။ ကိုယ့်မှာရှိတဲ့ အမြင်စွမ်းရည်ကို အသုံးချပြီး ကြည့်တဲ့သူတွေမြင်ကြတယ်။ အမြင်အာရုံတွေ ရကြတယ်။ အသိတွေရတယ်။ အတွေ့တွေရတယ်။ ဆင်ခြင်တုံတရားတွေ ရတယ်၊ တီထွင်ဆန်းသစ်မှုနဲ့ အကြံသစ်တွေရတယ်။ မျှော်လင့်ချက်၊ ယုံကြည်ချက်နဲ့ အားအင်သစ်တွေလည်း ရစေတယ်။ ဒါ့အပြင် အမှားတွေမြင်တယ်။ အမှန်တွေတွေးတယ်။ အမှန်မြင် အမှန်တွေးမိတော့ အမှန်စကားတွေက ရင်ထဲက ထွက်ပြူလာတယ်။ ပွင့်အန်လာတယ်။ အမှားတွေကို ထောက်ပြချင်လာတယ်။ တည့်မတ်ပေးချင်လာတယ်။ လမ်းမှန်ကို ညွှန်ပြချင်တဲ့ စိတ်စေတနာတွေဖြစ်လာတယ်။ အဲဒီနောက် နုတ်က ဖွင့်ပြောတယ်။ စာနဲ့ရေး ဖြစ်တယ်။ မှားနေတယ်၊ လွဲနေတယ်၊ အမှန်ပြင် အမှန်လမ်းကိုလိုက်ဖို့ သွားဖို့ ညွှန်ပြချင်လာတယ်။ ဒါကတော့ အမြင်စွမ်းရည်သတ္တိ တစ်ခုကို ရရှိသူ၊ ပိုင်ဆိုင်သူ၊ အသုံးချတတ်သူ တစ်ယောက်ရဲ့ ဆင့်ကဲဖြစ်စဉ်တွေလို့ ဆိုချင်ပါတယ်။

တစ်ခုတော့ ရှိပါတယ်။ ကောင်းသော မျက်စိပါသူတိုင်း အပေါ်က ဆင့်ကဲဖြစ်စဉ်တွေအတိုင်း လိုက်ပါလုပ်ဆောင်ကြသလား။ ပြုမူကြသလားဆိုတော့။ မဟုတ်ဘူး၊ မမှန်ဘူးလို့ပြောရမှာပါ။ ‘ကြည့်သောသူသည် မြင်၏’ ဆိုတဲ့ခေါင်းစဉ်နဲ့ စာတွေရေးသားခဲ့ဖူးတာကို ဖတ်မိသိမိကြမယ် ထင်ပါတယ်။ ကျွန်တော်တို့ ခပ်ငယ်ငယ်က နှစ်သက်ခဲ့ဖူးတဲ့စာသားတစ်ခုပါ။ မှန်လည်း မှန်ပါတယ်။ အနှစ်သာရလည်း နက်နဲပါတယ်။ မျက်စိပါတဲ့သူတိုင်း ကြည့်တဲ့အလုပ်ကို လုပ်ကြတယ်။ သို့သော် ကြည့်တဲ့သူ တိုင်း မမြင်ပါဘူး။ မြင်တဲ့သူတိုင်းလည်း မတူပါဘူး။ ကြည့်တတ်မှ မြင်ပါတယ်။ မြင်တတ်မှ တူပါတယ်။ မကြည့်တတ်ရင် မမြင်နိုင်သလို တူလည်းတူမှာ မဟုတ်ပါဘူး။ လူတွေ အများကိုကြည့်တဲ့သူတစ်ယောက် အဲဒီလူအများကြီးထဲက ဖြစ်စဉ်ဖြစ်ရပ်အားလုံးကို မမြင်နိုင်၊ မတွေ့နိုင်၊ မသိနိုင်ပါဘူး။ မျက်စိရဲ့ အမြင်စွမ်းအင်က သူတို့အားလုံးကို လိုက်လံကြည့်နိုင်၊ မှတ်တမ်းတင်နိုင်တဲ့ စွမ်းရည်မရှိပါဘူး။ အဲဒီအများကြီးထဲကမှ မိမိကြည့်လိုရာ၊ မြင်လိုရာ၊ သိလိုရာကို ဦးတည်ချက်ထား၊ သတ်မှတ်ချက်ထားပြီး စူးစိုက်ကြည့် (Focus) လုပ်မှသာ ဖြစ်စဉ်ကို သဲသဲကွဲကွဲပီပီပြင်ပြင် ထင်သာ မြင်သာလာမယ်၊ မှတ်တမ်းတင်အာရုံခံနိုင်ပါတယ်။
ကြည့်နိုင်မြင်နိုင်ဖို့ လိုအပ်တာတစ်ခုက အလင်းရောင်ဆိုတဲ့ အစွမ်းသတ္တိဖြစ်ပါတယ်။ အသံကိုကြားဖို့ လေဆိုတဲ့ကြားခံတစ်ခုလိုတယ်။ လေဟာနယ်၊ လေမရှိတဲ့နေရာမှာ အသံဆိုတာ မကြားနိုင်ဘူး။ မရောက်နိုင်ဘူး။ အသံရှိပေမဲ့ အသံကို ဆင့်ကဲကူးလူးနိုင်အောင်၊ ရောက်ရှိနိုင်အောင်လုပ်ပေးတဲ့ လေဆိုတဲ့အရာမရှိရင် အသံဆိုတာ ဘယ်လောက်ကျယ်ကျယ် မကြားရတတ်ပါဘူး။ ထို့အတူပဲ အမြင်ဆိုတဲ့ ဓာတ်ဟာလည်း မြင်စရာဝတ္ထု၊ အကြောင်း အရာ၊ ဖြစ်စဉ်ဖြစ်ရပ်တွေ ဘယ်လောက်များ များဖြစ်နေ ရှိနေပေမဲ့ မျက်စိလည်းရှိပြီး အမြင်စွမ်းရည်လည်း ကောင်းနေပေမဲ့ အလင်းဆိုတဲ့ အရာမရှိဘဲ မှောင်မိုက်နေရင် မမြင်နိုင်ပါဘူး။ ပိတ်ဆို့ကာဆီးထားရင်၊ ပိတ်ထားရင် မမြင်ပါဘူး။ လူသာမန်တွေရဲ့ အမြင်ဟာ အမှောင်ထဲမှာ အလင်းမဲ့မှာ မြင်နိုင် တွေ့နိုင်တဲ့ သတ္တိမရှိပါဘူး။ သာမန်ထက်ထူးတဲ့ လူသတ္တ၀ါတွေနဲ့ အကူကိရိယာရှိသူတွေကသာ အလင်းမရှိတဲ့အမှောင်မှာ မြင်နိုင်ပါတယ်။ ဒါကြောင့် မြင်သာဖို့၊ မြင်ဖို့ဆိုတာမှာ ကြည့်ရုံ၊ ကြည့်တတ်ရုံ၊ ကြည့်စရာရှိရုံနဲ့ အမြင်ဆိုတာ ဖြစ်မလာနိုင်ဘဲ အလင်းကို ပိတ်ဆို့ ကာဆီးမထားမှ အလင်းရောင်ရှိမှ အထောက်အကူရှိမှသာ မြင်ခြင်းဆိုတာ ဖြစ်လာနိုင်ပါတယ်။

ပွင့်လင်းမြင်သာမှုမှာ အချက်သုံးခုပါဝင်ပါတယ်။ အဲဒါက စောင့်ကြည့်နေသူ၊ စောင့်ကြည့်ရမယ့်အကြောင်းအရာနဲ့ စောင့်ကြည့်နိုင်မယ့် နည်းလမ်းများဖြစ်တယ်။ စောင့်ကြည့်နေသူကတော့ ပြည်သူတွေ၊ မီဒီယာတွေ၊ အရပ်ဘက်လူ့အဖွဲ့အစည်းတွေ၊ အတိုက်အခံ နိုင်ငံရေးပါတီတွေဖြစ်တယ်။ အစိုးရက လုပ်ဆောင်လိုက်တဲ့ အများပြည်သူဆိုင်ရာ ပေါ်လစီတွေကတော့ စောင့်ကြည့်ရမယ့် အကြောင်းအရာတွေဖြစ်တယ်။ နိုင်ငံသားတွေရဲ့ လွတ်လပ်ခွင့်၊ နိုင်ငံရေးရပိုင်ခွင့်တွေကတော့ စောင့်ကြည့်အကဲဖြတ်တဲ့ နည်းလမ်းတွေဖြစ်တယ်လို့ နိုင်ငံရေးသိပ္ပံကျမ်းမှာ ဖော်ပြထားပါတယ်။ ပွင့်လင်းမြင်သာမှုဆိုတာဟာ အစိုးရဆိုတဲ့ အပေါ်ဆုံးအလွှာမှာသာ လိုအပ်တဲ့၊ ရှိသင့်တဲ့ အရာတွေမဟုတ်ပါ။ ရပ်ကွက်ကျေးရွာအဆင့်ကနေ အပေါ်အထိ အဆင့်ဆင့်မှာ လိုအပ်တယ်။ ရှိသင့်တယ်။ ဖြစ်နိုင်ရင် မိသားစုတိုင်း ပတ်ဝန်းကျင်တိုင်းမှာလည်း ရှိတာကောင်းပါ တယ်။ အကျိုးပြုပါတယ်။

ပွင့်လင်းမြင်သာမှုနဲ့ ကြည့်တတ်မှုကြောင့် ဆင့်ကဲဖြစ်စဉ်ဖြစ်ရပ်တစ်ခုအကြောင်း ပြောချင်ပါတယ်။ အဲဒီမှာ ကောင်းတာတွေလည်း ရှိတယ်။ မကောင်းတာ၊ နစ်နာတာတွေလည်းပါတယ်။ နိုင်ငံရေးသိပ္ပံကျမ်းမှာ ဖတ်ဖူးတာက ပွင့်လင်းမြင်သာမှုဟာ တာဝန်ခံမှုနဲ့ ဆက်စပ် ပတ်သက်တယ်။ ပွင့်လင်းမြင်သာမှုရှိရင် တာဝန်ခံမှုဆိုတာ ရှိလာမယ်။ တာဝန်ခံမှုကို မလိုလားသူ၊ ရှောင်ဖယ်ချင်သူတွေက ပွင့်လင်းမြင်သာမှုကို အရေးမထား၊ ဂရုစိုက်ဘူး၊ မလိုလားဘူးလို့ ဆိုပါတယ်။ ကိုယ်တွေ့ဖြစ်စဉ်တစ်ခု ကတော့ ဒီလိုပါ။

ကျွန်တော်နဲ့ အငြိမ်းစားအရာရှိကြီးတစ်ယောက် (လွှတ်တော်ကိုယ်စားလှယ်ဟောင်း) ဟာ တစ်နေ့သောအခါမှာ မတ်တတ်ရပ် စကားပြောကြပါတယ်။ အများသူငါ သွားလာနေကြတဲ့ ကားလမ်းမကြီးတစ်ခုရဲ့ဘေးမှာ နှစ်ယောက်လုံး မျက်နှာမူတဲ့အနေအထားက ဖြတ်သွားနေကျ ကားတွေကို မြင်ရတဲ့ အနေအထားပဲ ဖြစ်ပါတယ်။ တစ်ယောက်မျက်နှာတစ်ယောက် ကြည့်ပြီး ပြောနေတာမဟုတ်ဘဲ ကားလမ်းနဲ့ သွားနေတဲ့ကားတွေကိုကြည့်ပြီး ပြောနေတာ ဖြစ်ပါတယ်။ အဲဒီအချိန်မှာ ကျွန်တော်တို့ရဲ့ ရှေ့တည့်တည့်မှာသွားနေတဲ့ ကားတစ်စီး (ဒိုင်နာ) နောက်ပေါက်က အသံတစ်သံ ထွက်လာတယ်။ လမ်းဘေးက လူတစ်ယောက်ကို လှမ်းအော်ပြောတဲ့အသံပါ။ အသံကြားရပြီး တစ်ဆက်တည်းလိုလိုမြင်ရတာက လူတစ်ယောက် ကားပေါ်ကနေ ခုန်ဆင်းတယ်။ အဲဒီ ခုန်ဆင်းတဲ့သူဟာ ကားလမ်းပေါ်မှာ မှောက်ရက်လေးလဲနေတယ်။ ကားရပ်တယ်။ လူတွေ ဆင်းလာတယ်။ ပတ်ဝန်းကျင်က လူတွေအုံလာတယ်။ တစ်ယောက်တစ်ပေါက် အသံတွေ ထွက်လာတယ်။
တစ်ယောက်ယောက်က ဖုန်းဆက်လို့ ထင်တယ်။ ခဏနေတော့ ရဲရောက်လာတယ်။ ဓာတ်ပုံရိုက်တယ်။ မေးတယ်၊ လူနာကိုဆေးရုံ ပို့လိုက်တယ်။ နောက်ခဏကြာတော့ ယာဉ်ထိန်းရဲ ရောက်လာတယ်။ ကားသမား (ဒရိုင်ဘာ၊ စပယ်ယာ) တွေကို မေးတယ်။ စစ်တယ်။ ပေတိုင်းတယ်။ ဓာတ်ပုံရိုက်တယ်။ ဘေးနားကလူတွေကိုမေးတယ်။ စစ်ချက်ယူတယ်ပေါ့။ အဲဒီအချိန်မှာ ယာဉ်ထိန်းရဲမေးတာကို ဖြေတဲ့သူတွေက မသိဘူး။ မမြင်လိုက်ဘူးလို့ပြောကြတယ်။ မပြောချင်၊ မဖြေချင်သူတွေက သူ့အနားကနေ ရှောင်ထွက်သွားကြတယ်။ သူ့မှာ မေးစရာလူ၊ ဖြေမယ့်လူမရှိလို့ ဖြစ်ပျက်တာကို စစ်ချက်ယူ၊ မှတ်တမ်းတင်လို့ မရဘူးဖြစ်နေတယ်။ ဒါနဲ့ ကျွန်တော်တို့နှစ်ယောက်တိုင်ပင်တယ်။ ဘယ်လိုလုပ်မလဲ။ ဒီအတိုင်းဆိုရင် ကားသမားတွေအတွက် အနုတ်လက္ခဏာ ပေါ်နိုင်တယ်။

အမှန်တရားပျောက်သွားနိုင်တယ်။ မဖြစ်သင့်တာ၊ မမှားသင့်တာတွေဖြစ်လာနိုင်တယ်။ ကျွန်တော်တို့ဝင်ပါမှဖြစ်မယ်။ ၀င်ကူညီကြမယ်။ ရဲဆီကိုသွားတယ်။ ငါတို့ မြင်တယ်၊ တွေ့တယ်၊ မေးပါ။ ရဲက စစ်ချက်ယူ မှတ်တမ်းတင်တယ်။ နောက်ဆုံး မျက်မြင်သက်သေအဖြစ်နဲ့ တရားရုံးကိုသွားရတယ်။ တရားသူကြီးဆီမှာ အစစ်ခံရတယ်။ ကိုယ့်ထမင်းကိုယ်စား၊ ကိုယ့်စရိတ်ကိုယ်သုံး၊ ကိုယ့်အချိန် တွေဖျက်ပြီး သွားခဲ့ကြတယ်။ အဲဒီနေ့က တရားရုံးမှာစောင့်ရတာ တစ်နေကုန်တယ်။ ဒါလည်း ပွင့်လင်းမြင်သာမှု၊ ကြည့်တတ်၊ မြင် တတ်မှုနဲ့ တာဝန်ခံမှုရဲ့ဆက်စပ်မှုသဘောတရားဖြစ်စဉ်တွေထဲမှာ ထည့်ချင်ထည့်နိုင်ပါတယ်။

တရားရုံးမှာ တွေ့ကြုံခံစားခဲ့ရတာတွေတော့ မပြောတော့ပါဘူး။ ကျမ်းကျိန်တာကအစ တရားသူကြီးနဲ့ ရှေ့နေရှေ့ရပ်တွေရဲ့ ဆက်ဆံပုံ၊ မေးပုံတွေအပေါ်မှာ သဘောမတွေ့စရာတွေ အများကြီးရှိခဲ့တာတွေလည်း ထားပါတော့။ ပြောချင်တာက ပွင့်လင်းမြင်သာမှု ကို အသုံးချခဲ့သူတွေမှာ တာဝန်ခံမှုက ဆက်စပ်ရှိလာတဲ့ အကြောင်းကိုသာ ဖြစ်ပါတယ်။ အဲဒီအဆက်အစပ်ဖြစ်ရပ်မှာ အမှန်တရားနဲ့ အကျိုးတရားဆိုတာ ပေါ်ပေါက်လာတာတွေ့ ရတယ်။ တာဝန်ခံမှုဆိုတာသာမရှိရင် ကျွန်တော်တို့ရဲ့ မျက်မြင် အမှန်တရားပေါ်မှာ တာဝန်ယူမှု၊ တာဝန်သိမှုနဲ့ သက်သေမလိုက်ခဲ့ရင် အမှန်တရားက ပြောင်းပြန်ဖြစ်သွားနိုင်ပါတယ်။ ကားသမားတွေ ပြစ်ဒဏ်တစ်ခုခုသော် လည်းကောင်း၊ နစ်နာမှုတစ်ခုခုသော်လည်းကောင်း ကြုံနိုင်ပါတယ်။ တကယ့် အမှန်တရားဟာ ကားပေါ်က ခရီးသည်က ကားလမ်းပေါ်က သူငယ်ချင်းတစ်ယောက်ကိုတွေ့ ပြီး လှမ်းခေါ်တယ်၊ လှမ်းအော်တယ်။ သူငယ်ချင်းက မကြားလို့လား၊ ဘာကြောင့်လားတော့ မသိဘူး တုံ့ပြန်မှုမရတော့ စိတ်စော စိတ်လောပြီး ကားပေါ်က ခုန်ဆင်းလိုက်တာ ဖြစ် ပါတယ်။

တကယ်လို့သာ အဲဒီဖြစ်စဉ်ကို မြင်နိုင်တဲ့ အမြင်စွမ်းအင် ကျွန်တော်တို့မှာ မရှိရင်၊ ကြည့်ချင်မြင်ချင်တဲ့ စိတ်စေတသိက် (စေ့ဆော်မှု) မရှိရင်၊ အလင်းရောင်မရှိတဲ့ ညအခါ၊ မှောင်နေတဲ့အချိန်ဖြစ်ရင်၊ မြင်နေ ကြည့်နေသူတွေရှိပေမယ့် တာဝန်ခံမှု၊ တာဝန်သိမှုလို လားသူ၊ တာဝန်ခံလိုသူမဟုတ်ဘဲ အသာလေး ရှောင်ထွက်ခဲ့ကြ၊ လျစ်လျူရှုခဲ့ကြ၊ မသိဟန်ဆောင်ခဲ့ကြမယ်ဆိုရင် ကားသမားတွေနဲ့ အမှန်တရား ဘယ်လိုဆက်ဖြစ်မယ်ဆိုတာ တွေးကြည့်ရင် သိနိုင်ပါတယ်။ အဲဒါကြောင့် ဖြစ်စဉ်တစ်ခု၊ အကြောင်းအရာတစ်ခု (နိုင်ငံရေး၊ လူမှုရေး၊ စီးပွားရေးအပါအ၀င်) မှာ အမှန်တရားတစ်ခု ဖြစ်ထွန်းတည်ရှိနိုင်ဖို့၊ အကျိုးတရားထွက်ပေါ်လာဖို့၊ တရားမျှတမှုရှိစေဖို့၊ နစ်နာဆုံးရှုံးမှု မပေါ်ပေါက်စေဖို့အတွက် ပွင့်လင်း မြင်သာမှုတင် အရေးကြီးတာမဟုတ်တဲ့ တာဝန်ခံမှု၊ တာဝန်သိမှုဆိုတာကလည်း အရေးပါလှပါတယ်။
နိုင်ငံရေးသိပ္ပံလက်စွဲကျမ်းမှာ နိုင်ငံတကာ ပွင့်လင်းမြင်သာမှုအဖွဲ့ကြီးက ပွင့်လင်း မြင်သာမှုဆိုတာဟာ အုပ်ချုပ်ရေးပိုင်းရဲ့ဆုံး ဖြတ်ချက်တွေ၊ စီးပွားရေးအလွှဲအပြောင်းတွေ၊ ဒါမှမဟုတ် ပရဟိတလုပ်ငန်းတွေရဲ့ သက်ရောက်မှုကို ခံရသူတွေအနေနဲ့ ဒီလုပ်ငန်းကို အခြေခံအချက်အလက်တွေကိုသာမကဘဲ လုပ်ငန်းလည်ပတ်ပုံတွေ၊ လုပ်ငန်းစဉ်တွေကိုပါ သိရှိခွင့်ပေးတဲ့ မူဝါဒဖြစ်တယ်လို့ ဆိုပါတယ်။ မာလ်ဂန်ဆိုသူကတော့ ပွင့်လင်းမြင်သာမှု မရှိရင် တာဝန်ခံမှုဟာလည်း မရှိနိုင်ဘူး။ တာဝန်ခံမှုဆိုတာဟာ အာဏာပိုင်တွေကို သူတို့ရဲ့လုပ်ဆောင်ချက်တွေအတွက် တာဝန်ခံခိုင်းတဲ့ လုပ်ငန်းစဉ်ပဲဖြစ်တယ်။ ပြုပြင်ခြင်းနဲ့ အရေးယူခြင်းတွေအပေါ်မှာ အခြေခံထား တယ်။ တာဝန်ခံရသူကို မိမိတို့ရဲ့ရပိုင်ခွင့်တွေနဲ့ ထိန်းချုပ်ထားတယ်လို့ဆိုပါတယ်။ တာဝန်ခံမှုနဲ့ပတ်သက်လို့ အဓိပ္ပာယ်သတ်မှတ်ချက်တွေ၊ ကွဲပြားမှုတွေရှိတတ်ပေမယ့် အားလုံးရဲ့ ဦးတည်ချက်၊ ရည်ရွယ်ချက်ကတော့ ထိန်းချုပ်ဖို့ လိုအပ်တယ်ဆိုတဲ့ အချက်ဖြစ်ကြောင်း ဆိုပါတယ်။

ကဏ္ဍ၊ နယ်ပယ်အလိုက်တာဝန်ခံမှုတွေ မတူညီကွဲပြားမှုတွေရှိရာမှာ အုပ်ချုပ်မှု (နိုင်ငံရေး) ဆိုင်ရာစာပေတွေက တာဝန်ခံမှုပုံစံတွေ ဖော်ပြထားတာက (၁) နိုင်ငံရေးဆိုင်ရာတာဝန်ခံမှု (ရွေးကောက်ပွဲအဆင့်ဆင့်မှာရှိတဲ့ တာဝန်ခံမှုကွင်းဆက်) (၂) ဗျူရိုကရက်တစ် တာဝန်ခံမှု (စည်းမျဉ်း၊ စည်းကမ်းများနှင့်ထိန်းသိမ်းခြင်း၊ ကြီးကြပ်အုပ်ချုပ်ခြင်း) (၃) တစ်ကိုယ်ရေတာဝန်ခံမှု (ယဉ်ကျေးမှုတန်ဖိုးခံတွေနဲ့ ကျင့်ဝတ်) (၄) ပရော်ဖက်ရှင်နယ်ပီသ သော တာဝန်ခံမှု (ကျွမ်းကျင်တဲ့စစ်ဆေး လေ့လာမှု၊ အရည်အချင်း၊ ပြန်လည်စစ်ဆေးခြင်း) (၅) စွမ်းဆောင်မှုဆိုင်ရာ တာဝန်ခံမှု (ယှဉ်ပြိုင်ခြင်း၊ မိမိကိုယ်ပိုင် စည်းကမ်းတကျဖြစ်စေခြင်းနဲ့ ပွင့်လင်းမြင်သာမှုရှိစေခြင်း) (၆) ဆင်ခြင် ဆွေးနွေးခြင်းဆိုင်ရာတာဝန်ခံမှု (အများပြည်သူဆိုင်ရာ ဆွေးနွေးငြင်းခုံမှု၊ ဖွင့်ချပြမှု၊ ပွင့်လင်းမြင်သာရှိမှု) တို့ဖြစ်ပါတယ်။ နိုင်ငံရေးဆိုင်ရာတာဝန်ခံမှု၊ ဗျူရိုကရက်တစ်တာဝန်ခံမှု၊ တစ်ကိုယ်ရေတာဝန်ခံမှုနဲ့ ပရော်ဖက်ရှင် နယ်ပီသသော တာဝန်ခံမှုတွေကတော့ ဒီမိုကရေစီနဲ့ အများပြည်သူဆိုင်ရာအုပ်ချုပ်မှုတွေမှာ မြင်နေကျ၊ တွေ့မြင်ရမယ့်တာဝန်ခံမှုတွေ ဖြစ်တယ်လို့လည်း ပါပါတယ်။

အာဏာရှင်စနစ်နဲ့ ဒီမိုကရေစီစနစ်မှာ အဓိကကွဲပြားတဲ့အချက်တစ်ခုကလည်း ပွင့်လင်းမြင်သာရှိခြင်း၊ မရှိခြင်းဆိုတာဖြစ်တယ်။ အာဏာရှင်စနစ်အောက်မှာ ပွင့်လင်းမြင်သာမှုဆိုတာ မရှိနိုင်ဘူး။ ဒီမိုကရေစီစနစ်ကတော့ ပြည်သူကို ဗဟိုပြုရပြီး ပြည်သူရဲ့ရွေးချယ်မှုနဲ့ ပေါ်ပေါက်လာတဲ့ အစိုးရလည်းဖြစ်တာကြောင့် ဒီမိုကရေစီအစိုးရတစ်ရပ်ရဲ့ တာဝန်ဟာ ပွင့်လင်းမြင်သာမှုကို ဖော်ထုတ်ပြသနိုင်ဖို့ပဲဖြစ်တယ်။ ပွင့်လင်းမြင်သာမှုမရှိရင် တာဝန်ခံမှုလည်း မရှိနိုင်ဘူးဆိုတာကြောင့် ပွင့်လင်းမြင်သာမှုနဲ့တာဝန်ခံမှုဟာ ဒီမိုကရေစီစနစ်အတွက်၊ နိုင်ငံတစ်ခုအတွက် အခြေခံကျတဲ့၊ အရေးကြီးတဲ့အစိတ်အပိုင်းနဲ့ လုပ်ငန်းစဉ်တွေဖြစ်သလို နိုင်ငံသားတွေရသင့်တဲ့ ခံစားသင့်တဲ့ အခွင့်အရေးလည်း ဖြစ်ကြပါတယ်။

ငါတို့ဟာ ကျေးငှက်တွေ

ထိုင်းနိုင်ငံသို့ သွားရောက်လုပ်ကိုင်မည့် MoU မြန်မာအလုပ်သမားများအား မြ၀တီချစ်ကြည်ရေးတံတားအနီးတွင် ဇန်န၀ါရီလက တွေ့ရစဉ် (ဓာတ်ပုံ-ကိုရွှေသိန်း)

မြန်မာဖတ်စာအုပ်ထဲမှာပါခဲ့တဲ့ ကျေးညီနောင်ပုံပြင်က အားလုံးသိကြပြီးသား ဖြစ်မှာပါ။ ရုတ်တရက် လေပြင်းမုန်တိုင်းတိုက်လို့ ကျေးသားပေါက်ညီနောင်နှစ်ကောင်ဟာ အသိုက်ကနေ လွင့်စင်သွားပြီး သေကံမရောက် သက်မပျောက်ဘဲ တစ်ကောင်က သူခိုးဓားပြတွေဆီရောက်၊ ကျန်တစ်ကောင်က ရသေ့တွေနေတဲ့ ကျောင်းသင်ခမ်းဆီရောက်သွားတယ်။ သူတို့နှစ်ကောင်အရွယ်ရောက်လာတော့ သူခိုးတွေဆီကို ရောက်သွားတဲ့ကောင်က အပြောအဆို အမူအကျင့်တွေ အင်မတန်ရိုင်းစိုင်းပြီးတော့ ရသေ့တွေနေတဲ့ ကျောင်းသင်ခမ်းဆီကို ရောက်သွားတဲ့ကောင်ကတော့ အပြောအဆို အမူအကျင့်တွေ ယဉ်ကျေးသိမ်မွေ့လာတယ်ဆိုတဲ့ အကြောင်းပါ။ ပုံပြင်ကပေးတဲ့ သင်ခန်းစာက တံငါနားနီးတံငါ၊ မုဆိုးနားနီးမုဆိုး ဆိုတဲ့အတိုင်း မိမိကျင်လည်ရတဲ့ ပတ်ဝန်းကျင်ရဲ့ ရိုက်ခတ်မှု အရေးပါတဲ့အကြောင်းကို ထင်ရှားစေပြီး မိမိနဲ့ သင့်လျော်လျောက်ပတ်တဲ့ ပတ်ဝန်းကျင်ကောင်းကို ရွေးချယ်နေထိုင်ဖို့ပါပဲ။

မကြားဖူး မမြင်ဖူးတဲ့ စကားလုံးတွေနဲ့
ဘော်ဒီလှချင်တဲ့ကောင်က ၀ိတ်မ
အရပ်ရှည်ချင်တဲ့ကောင်က ဘားဆွဲ။

ကျွန်တော် မူလတန်းကျောင်းသားအရွယ်တုန်းက ကျောင်းအတူတက်ခဲ့ရတဲ့ သူငယ်ချင်းတွေထဲမှာ တစ်ယောက်နဲ့တစ်ယောက်က ၀ါသနာမတူကြဘူး။ တက်ပုက ဘောလုံးကန်တာ ၀ါသနာပါတယ်။ သူက အားတဲ့အခါတိုင်း ဘောလုံးပဲကန်နေတာပဲ။ မြင့်ဆွေကတော့ ပန်းချီဆွဲတာ ၀ါသနာပါတော့ သူ့ဗလာစာအုပ်တွေမှာဆို သူ့ဆွဲထားတဲ့အရုပ်တွေနဲ့ ပြည့်နေတာပဲ။ ကျွန်တော်က အဲဒီတုန်းကတော့ ဘာဖြစ်ချင်မှန်းလည်း ကိုယ့်ကိုယ်ကိုယ်မသိဘူး။ ကျွန်တော့်ဦးလေးတစ်ယောက်က အရပ်အင်မတန်ရှည်တော့ စိတ်ထဲမှာ ငါလည်း သူ့လိုအရပ်ရှည်ရင် ကောင်းမှာပဲလို့တော့ စိတ်ထဲမှာ ဖြစ်ခဲ့ဖူးတယ်။ အဲဒီစိတ်ရဲ့ စေ့ဆော်မှုကြောင့်ပဲလားမသိဘူး ကျွန်တော့်အရပ်ဟာ ခြောက်ပေလောက်အထိ ရှည်ခဲ့တယ်။ ပြောချင်တာက အဲဒီတုန်းက ဖြစ်ချင်စိတ်ကိုယ်စီနဲ့ ကျွန်တော့်သူငယ်ချင်းတွေကို ခွဲခွာခဲ့ရပြီးကတည်းက တစ်ယောက်နဲ့တစ်ယောက် ပြန်မတွေ့ကြတော့တာပဲ။ ကျွန်တော်က မြို့ရောက်ပြီးတော့ သူတို့က ဘယ်တွေရောက်ပြီး ဘာတွေဖြစ်ကုန်တယ်ဆိုတာ ကျွန်တော်မသိတော့ဘူး။ တစ်ခါတစ်ခါမှ ရွာပြန်တဲ့အခါ သူတို့လည်း ရေကြည်ရာမြက်နုရာ လွင့်ပါသွားကြတော့ မတွေ့ရ၊ တချို့တလေလည်း သေတယ်လို့လည်း ကြားရတယ်။

စူးစမ်းချဲ့ကားထားတဲ့ ဝေဟင်မှာ
ပျံပုံပျံနည်း အသစ်
ရသမျှနေရောင်ခြည်ကို
မလွတ်တမ်းဖမ်းဆုပ်လို့။

တချို့ ငယ်သူငယ်ချင်းတွေကတော့ အလုပ်လုပ်ဖို့ နယ်စပ်တွေဆီပျံသန်းလို့၊ တချို့ကတော့ ထိုင်းရောက်တဲ့သူနဲ့ မလေးရှားရောက်တဲ့သူနဲ့။ ကိုယ့်နည်းကိုယ်ဟန်တွေနဲ့ နယ်ပယ်သစ်တွေမှာ စူးစမ်းရှာဖွေနေကြတာပေါ့။ ရှာလို့ဖွေလို့ရလာတဲ့ အကျိုးအမြတ်မှာ မူးယစ်မိန်းမောသူက မိန်းမော၊ သွေးနဲ့ချွေးနဲ့ ရလာတာလေးကို လက်ထဲကျစ်ကျစ်ပါအောင်ဆုပ်ပြီး အိမ်ကိုလှမ်းပို့သူကပို့နဲ့ အကွဲကွဲ အပြားပြားနဲ့ပါပဲ။

လရောင်ခြည်ကို
လ ငပုပ်ဖမ်းတဲ့ ရပ်ဝန်းဆီ တင်ပို့ရေး
သိပ္ပံပညာရှင်ရဲ့ စမ်းသပ်ဆဲကာလတွေ။

အဲဒီတုန်းကတော့ တစ်ချိန်မှာ ငါ ဘာဖြစ်ရမယ်၊ ညာဖြစ်ရမယ်ဆိုတဲ့ ရည်ရွယ်ချက်ကြီးကြီးတွေနဲ့ပေါ့။ ဘာမဆို ထလုပ်လိုက်မယ်ဆိုတဲ့ အရွယ်နဲ့ စိတ်ကူးတွေထဲမှာတော့ စကြ၀ဠာကြီးထဲ မတ်တတ်ရပ်ဖို့ တစ်နေရာနဲ့ တုတ်တစ်ချောင်းပဲ ငါ့ကိုပေးပါ။ ကမ္ဘာကြီးကို ရွှေ့ပြမယ်ဆိုတဲ့ အာခီမီးဒီးလို အတွေးတွေနဲ့ လူငယ့်သွေးဟာ စီးလို့နေခဲ့တယ်။ ကျန်တဲ့သူတွေက သူတို့နယ်ပယ်သစ်မှာ သူတို့စိတ်ကြိုက် ပျံသန်းရှာဖွေနေတဲ့ အချိန်မှာပဲ ကျွန်တော်ကတော့ စာအုပ်ပုံတွေကြား ခေါင်းထိုး၊ သွားလေရာ ခါးကြားမှာဓားတစ်လက်လို စာအုပ်တစ်အုပ်ထိုးပြီး ကဗျာဆရာတစ်ယောက်အဖြစ်နဲ့ ကမ္ဘာကြီးကယ်တင်ဖို့ ကြံစည်နေတုန်းပေါ့။

ငါ့လိပ်စာ လာမေးရင်
မင်းရှိတဲ့ နေရာလို့ပဲ ဖြေမိမယ်
ဒီလိုလိပ်စာကိုမှ အခါခါ
တင်ပို့ခံခဲ့ရတဲ့ မုန်တိုင်းတွေ။

လောကဓံမုန်တိုင်း ရိုက်ချက်တွေနဲ့ တစ်ယောက်နဲ့တစ်ယောက် လွင့်စဉ်ပြီးကြတဲ့နောက် စာမလာ သတင်းမကြား အဆက်အသွယ်ဟာ ကမ္ဘာခြားသလို ပြတ်တောက်ခဲ့ကြတယ်။ ကျွန်တော်ရှင်သန်ရာ နယ်ပယ်သစ်မှာတော့ ကျွန်တော်နဲ့ ၀ါသနာတူ ကဗျာဆရာတွေပေါ့။ ဒါဟာ လမ်းချင်းတူလို့ လူချင်းတွေ့ခဲ့ကြတာပဲ။ အဲဒီတုန်းက ကျွန်တော်ကျက်စားခဲ့တဲ့ နယ်ပယ်သစ်ဟာ မန္တလေးက သင်္ဂဇာချောင်းဘေးပေါ့။ လသာသာညတွေမှာ၊ ကျွန်တော်တို့အဖွဲ့ဟာ “ငယ်တော့ ပိုပြီးမှားလို့ကောင်းတယ်၊ အင်္ကျီလက်ကို ပင့်တင်၊ လူမိုက်ကို ဂီတာနဲ့ ရိုက်ပစ်လိုက်တုန်းက၊ သူ့သူရဲကောင်းဟာ တော်တီလာဖလက်ရပ်ကွက်ထဲက ဒင်နီ၊ သူ့သွေးဟာ ဘီယာမြှုပ်တွေလို ပွက်ပွက်ဆူလို့” လို့ မောင်ဖီလာရဲ့ ဘိုးဟီးမီးယန်းများကို အသံကုန်ဟစ်ခဲ့ကြတယ်။ နောက်တော့ မောင်သိန်းဇော်ရဲ့ “ကွန်ထဲက လွတ်ထွက်လာတဲ့ ညရယ်၊ ကိုယ် ချက်မစားရက်ပါဘူး” ဆိုပြီး ညကို တိတ်တိတ်ဆိတ်ဆိတ် ထိုင်ကြည့်နေခဲ့ကြသေးတာ။ အဲဒီတုန်းက ကျွန်တော်တို့ဟာ မောင်ချောနွယ် ရပ်ကွက်သားတွေလို့ ကိုယ့်ဟာကိုယ် ခံယူထားကြတာပဲ။ ဘယ်သူတွေလဲ ဆိုတော့၊ လင်းလွင်၊ မင်းဆက်၊ ညီမွန်၊ ဈာန်ခ၊ ဆောင်းခူးလက်၊ ဆောင်းဝေ (နတ်မောက်)၊ အေးမင်းမောင်၊ သစ်စ၊ ဖုန်းမောင်၊ ကျွန်တော့်ရဲ့ တကယ့်ရဲဘော်ရဲဘက်တွေပါပဲ။

အဲဒီလို ရဲဘော်ရဲဘက်စိတ်နဲ့ တစုတစည်းတည်းနေခဲ့တဲ့ ကျွန်တော်တို့ဟာ မထင်မှတ်တဲ့ မုန်တိုင်းရဲ့ ရိုက်ခတ်မှုကြောင့် တစ်စစီ တစ်နေရာစီ ပြန့်ကျဲခဲ့ရပါတယ်။ ၂၀၀၆ ပထမဆုံး ဘေးရောက်သွားသူတွေက အေးမင်းမောင်နဲ့ သစ်စ၊ သူတို့နဲ့က ဘယ်နေရာ ဘယ်ဒေသရောက်မှန်းမသိအောင် ဆက်သွယ်ရေး ပြတ်တောက်ခဲ့တယ်။ ၂၀၀၇ ရောက်တော့ ကျွန်တော်က ရန်ကုန်ကို တပ်ပြောင်းစွဲပါတယ်။ မရမ်းကုန်းမှာ အထိုင်ချပါတယ်။ သိပ်မကြာခင် ဈာန်ခက ကျွန်တော့်နောက်ကို လိုက်လာတယ်။ မင်းဆက်ကတော့ အဆိုးဆုံးပေါ့၊ သထုံထောင်ထဲ ရောက်သွားတယ်။ ၂၀၀၉ မှာ ဆောင်းခူးလက်က မန္တလေးက နန်းရှေ့မှာ ပျံသန်းနေတယ် ကြားရတယ်။ လင်းလွင်က အဲဒီတုန်းက မိုးညှင်းမှာ အညံ့ခံနေရတယ်ဆိုတာ သိရတယ်။

အခု သူတို့အားလုံး အဲဒီနေရာတွေမှာ မရှိကြတော့ပြန်ဘူး။ အခု လင်းလွင်နဲ့ ဆောင်းဝေ (နတ်မောက်) က အမေရိကားမှာ ရောက်နေပြီ။ ကမ္ဘာကြီးကို အပေါ်စီးကကြည့်ဖို့ ကျယ်ပြန့်တဲ့ကောင်းကင်မှာ ပျံသန်းနေကြပြီ။ အခု မင်းဆက်က ရန်ကုန်ရောက်လိုက် မန္တလေးရောက်လိုက်နဲ့ ကူးချည်သန်းချည် ပျံသန်းနေတယ်။ ဈာန်ခက အခု လှိုင်သာယာက စက်ရုံကြားထဲမှာ ခေါင်းတိုင်က မီးခိုးတွေရဲ့အနံ့ကိုခံလို့။ ဆောင်းခူးလက်ကတော့ မြန်အောင်မှာ ခံတပ်ကို အပီအပြင်ဆောက်နေလေရဲ့။ ညီမွန်က အခုထိ ဘုတလင်ကနေ မဆုတ်ခွာနိုင်သေးဘူး။ သစ်စက ရွှေလီကို ရောက်နေတဲ့အကြောင်း လိုင်းပေါ်ကသိရတယ်။ ဘုန်းမောင်ကတော့ နိုင်ငံခြားကို ပညာတော်သင်သွားတာ ဟိုတစ်လောက ပြန်လာတယ်လို့တော့ ကြားလိုက်ရတယ်။

မမြင်ရ မကြားရမှ မြင်ချင်ကြားချင်
မပြောရ မဆိုရမှ ပြောချင်ဆိုချင်
တံငါနားနီ တံငါ…မုဆိုးနားနီး မုဆိုး
ငါတို့နားနီးရင် ကဗျာပေါ့
မယုံပါဘူး ကိုယ့်လူတို့နားနီးရင်
ဆေးလိပ်မီးပေါက်မှာပေါ့
ရယ်စရာကိုပြန်တည်ပြီး နွှေးကြည့်တော့
အရင်လိုလည်း ရယ်မရဘူး။

အရင်တုန်းကတော့ တစ်ယောက်နဲ့တစ်ယောက် ကွဲကွာနေကြပေမဲ့ တွေ့မယ်ဆိုရင် တွေ့လို့ရနိုင်ကြသေးတယ်။ အခုတော့ အမေရိကားရောက်တဲ့သူနဲ့ နိုင်ငံခြားရောက်တဲ့သူနဲ့ တစ်ယောက်နဲ့တစ်ယောက် တွေ့ဖို့ရာ မလွယ်ကူတော့ဘူး။ ဖုန်းမောင်က သူနိုင်ငံခြားကပြန်လာတော့ ရန်ကုန်ကနေ ကျွန်တော့်ဆီ ဖုန်းဆက်တယ်၊ တွေ့ဖို့ရာ၊ ကျွန်တော်က နယ်ရောက်နေတော့ မတွေ့လိုက်ရဘူး။ ကျွန်တော်က မိန်းမမျက်နှာတစ်ရွာထင်ပြီး နယ်ကိုလိုက်ခဲ့ရတော့ ဒီမြို့လေးမှာ ကျွန်တော်က ဧည့်သည်လိုပါပဲ။ မိန်းမကလွဲလို့ ကျွန်တော့်မှာ ဘာအပေါင်းအသင်းမှ မရှိပါဘူး။ လက်ဖက်ရည်ဆိုင်ထိုင်တော့လည်း ကျွန်တော် တစ်ယောက်တည်းပဲ။ ဒါကြောင့် သူတို့နဲ့ တွေ့ချင်စိတ် ကျွန်တော့်မှာ အမြဲတမ်းဖြစ်တယ်။ နှစ်လတစ်ခါလောက် ရန်ကုန်ဆင်းပြီး ဈာန်ခနဲ့ တွေ့တယ်။ တစ်ခါတလေ မန္တလေးမှာ မင်းဆက်နဲ့တွေ့တယ်။ ဆောင်းခူးလက်နဲ့ တစ်လောကပဲ ရန်ကုန်မှာချိန်းပြီး တွေ့လိုက်ကြသေးတယ်။ ကျန်တဲ့သူတွေနဲ့ကတော့ တွေ့ဖို့မလွယ်တော့၊ သစ်စက သူ့ဆီ ရွှေလီကိုလာလည်ဖို့ ဖုန်းဆက်ခေါ်ပေမဲ့ မသွားဖြစ်သေးဘူး။ လင်းလွင်၊ ဆောင်းဝေတို့ရှိတဲ့ အမေရိကားကိုတော့ သွားဖို့ အိပ်မက်ဖြင့်ပင် မမက်နိုင်သေး။

မပျော်ရွှင်လည်း ဘယ်သူမှ မရပ်
မရယ်ရလည်း ဘယ်သူမှ မနား
မုဆိုးတစ်ယောက်ဆီရောက်သွားတဲ့
ကျေးငှက်လို ငါတို့ အလျှော့မပေး
ငါတို့ အညံ့မခံ
အဲဒီမုဆိုး ရသေ့ဖြစ်အောင်
စည်းရုံးနိုင်ရမယ်……ဒီလိုအတောင်ပံနဲ့
ကဲ…လာစမ်း မုန်တိုင်းတွေ။

ကျွန်တော်တို့ဟာ ပုံပြင်ထဲကလို တစ်နေရာစီ လွင့်စဉ်သွားကြတဲ့ ကျေးငှက်တွေလိုပါပဲ။ ဒါပေမဲ့ ကျွန်တော်တို့က ပျော့ညံ့တဲ့ ကျေးငှက်တွေမဟုတ်ကြ၊ ကိုယ့်ယုံကြည်ချက်နဲ့ကိုယ် ခိုင်ခိုင်မာမာရှိကြတဲ့ ကျေးငှက်တွေ ဖြစ်တယ်။ ကိုယ်ရောက်တဲ့ ပတ်ဝန်းကျင်တွေကြောင့်တော့ ကျွန်တော်တို့ဟာ ပြောင်းလဲသွားစရာ အကြောင်းမရှိပါဘူး။ အခုဆို ကိုယ်စီကိုယ်စီ နယ်ပယ်သစ်တွေမှာ လက်မထောင်ပြီး စိတ်ကြိုက် ပျံသန်းနေကြပါပြီ။ အဲ ကျွန်တော်ကတော့ မထင်မရှား သိုက်မြုံလေးထဲမှာ ကွေးရင်း မိုးကောင်းကင်ကြီးကို ငေးမော ကြည့်နေမိတုန်းပဲပေါ့။

ဖော်ပြထားတဲ့ကဗျာက ကျွန်တော်တို့ အဖွဲ့အကြောင်းကိုရေးထားတဲ့ လင်းလွင်ရဲ့ ကျေးငှက်တွေကဗျာ ဖြစ်ပါတယ်။

ရာသီရထား

မန္တလေးဘူတာကြီးသို့ ဆိုက်ရောက်လာသော ရထားတစ်စင်းကို တွေ့ရစဉ်

(၁)

ဘူတာရုံထဲသို့ အရှိန်လျှော့ခုတ်မောင်း ၀င်ရောက်လာသော မီးရထားတစ်စင်း၏ ဟန်က စိတ်မာန်ကြီးသူတစ်ယောက် သူ့မာန်ကို ကိုယ်ရှိန်သတ်လိုက်ခြင်းနှင့် ဆင်ဆင်တူသည်ဟု ထင်မှတ်ခဲ့ဖူးသည်။ ဘူတာရုံထဲ မီးရထားကြီး ထိုးဆိုက်လာချိန်၌ လိပ်ပြာတစ် ကောင် အတောင်ခတ်သည့်နှယ် ဖျပ်ဖျပ်လှပ်လှပ် ရင်ခုန်ရခြင်းမျိုးကို သူသူကိုယ်ကိုယ် ကြုံဖူးကြမည် ထင်ပါသည်။ ကိုယ်တစ်ဦးတည်း အနေဖြင့်ဆိုရပါမူ မီးရထားကို ပထမဆုံး တွေ့ဆုံဖူးစဉ်ကလောက် အခုန်မပြင်းတော့သည့်တိုင် ရထားတွဲပေါ် အဆင်း အတက်လုပ်ရတော့မည့် အချိန်ရောက်လေတိုင်း ထိုခံစားမှုက သွေးနွေးဆဲ။ ဖျပ်ဖျပ်လှပ်လှပ် ရင်ခုန်နေမိဆဲ။

ရထားတစ်စင်း၏ အလုပ်က သတ်မှတ်ချိန်ပြည့်လျှင် ရောက်ဆဲဘူတာကို ချန်ထားခဲ့ပြီး နောက်ဘူတာအတွက် အားသစ်အင်သစ် အပြည့်ဖြင့် ဆက်လက်ခုတ်မောင်းဖို့ဖြစ်သည်။ သူ ဆိုက်ရောက်နေသည့်ဘူတာက ဟိတ်ဟန် ကြီးမားသည်ဖြစ်စေ၊ သေးငယ်သည်ဖြစ်စေ၊ သလင်းကျောက်ပြားအခင်းတို့ဖြင့် ခမ်းနားခဲ့သည်ပဲဖြစ်စေ၊ အမိုးနီနီ အုတ်ချပ်ကွဲတို့ဖြင့် မိုး၊ လေမလုံခဲ့သည်ပဲဖြစ်စေ ချန်ထားခဲ့ရမည်သာဖြစ်သည်။ ခရီးသွားအချို့၏ စည်းမဲ့မှု၊ မသိနားမလည်မှု၊ ဖျက်လိုဖျက်ဆီး ၀ိညာဉ်ပူးကပ်မှုတို့ကြောင့် သူ့ပင်ကိုအလှများ ဆိတ်သုဉ်းကွယ်ပျောက်ခဲ့ရသည့်အတွက်လည်း သူ့ဘ၀ကို နာကြည်းခွင့်မသာ။ သူ့ဝန်တာက အချိန်ကျလျှင် သူ့ကိုယ်သူ အားသစ်မွေးပြီး နောက်ဘူတာတစ်ခုအတွက် ငြာသံပေး၍ အပြေးကလေး ချီတက်ခုတ်မောင်းရန်သာ။

ဆုတ်ခွာခဲ့ရာ ဘူတာရုံ၌ သူ့ကျောပြင်ထက်မှ ဆင်းသက်ခဲ့သည့် ခရီးသည်အဟောင်းများကို သူ ချန်ထားခဲ့ပြီ။ အ၀င်ဝ၌ မြို့၊ ရွာ အမည်သုံးခု ရေးထိုးထားသည့် ဘူတာရုံလေး ကို၊ ဘူတာရုံအတွင်းသို့ တစ်လှမ်းချင်း လှမ်းဝင်သွားသည့် အလံကိုင်ကို၊ ဗန်းကိုယ်စီဖြင့် အရင်းကိုက်မကိုက် ငွေရေတွက်နေသည့် ဘူတာဈေးသည်တစ်စုကို၊ ပွက်လောရိုက်နေသည့် အသံဗလံမျိုးစုံကြောင့် ဘယ်သောအခါမှ အထူးအဆန်းဖြစ်ဟန်မတူသည့် ဘူတာတန်းလျားခုံထက်၌ ပက်လက်အိပ်ပျော်နေသူ အချို့ကို၊ ခွေးလေခွေးလင့်အချို့ကို စသည်ဖြင့် အရာရာကို နောက်၌ချန်ထားခဲ့ပြီ။

(၂)

ဘ၀သံသရာ ခရီးကို မီးရထားတစ်စင်း၏ဖြစ်အင်နှင့် ခိုင်းနှိုင်းပြောဆိုခြင်းတို့ရှိခဲ့သည်။ တကယ်တော့ သူသူကိုယ်ကိုယ် ရင်ဆိုင်ကြုံတွေ့နေရသည့် ဆယ့်နှစ်လရာသီကလည်း မတန့်မနား ခုတ်မောင်းနေသည်ပဲဖြစ်သည်။ တစ်ဘူတာဝင် တစ်ဘူတာထွက်ဖြင့် ခပ်သွက်သွက် ခုတ်မောင်းနေသည့် မီးရထားတစ်စင်းလို။

ရာသီတိုင်း၌ သဘာဝက နှင်းအပ်ထားသည့် ပင်ကိုအလှတို့ သူ့နည်းသူ့ဟန်ဖြင့် ရှိနှင့်ပြီးဖြစ်သည်။ ဒီရာသီမှာပွင့်သည့်ပန်းက ဒီရာသီမှာပဲ ပွင့်သည်။ နောက်တစ်ရာသီကို မကူး။ ပုရစ်ဖူးတို့ အလှဆင်ချိန်မို့ တောင်လေ ကမြူးပြီဆို အရောင်အဆင်း မည်းနက်သ လောက် အသံချိုသာသည့် ငှက်ကလေးတစ်ကောင် ရောက်လာစမြဲ။ နွေဦးဆန်းသစ်၊ ရွက်ရော်လှစ်လို့၊ ပုရစ်ကယ်ရွှေဥ၊ ပင်တိုင်းစု ကြမြဲ။ အညှာ၌ မြရည်လိမ်းသူတို့ကလည်း ငုံတံဖွင့်၍ မိုးကိုကြိုလင့်မြဲ။ နောက်တော့ အနောက်တောင်အရပ်မှ အဖြူရောင် တိမ် တိုက်တို့ အုံနှင့်ကျင်းနှင့် တက်လာကြပြီးနောက် ဘယ်ဆီဘယ်ဝယ် မမှန်းဆနိုင်သည့် မြောက်စူးစူးသို့ ဆက်လက်ခုတ်မောင်းသွားကြမြဲ။

ကောင်းကင်ယံသံလမ်းက အကွေ့အကောက်မရှိ။ လမ်းချိုးလမ်းခွဲမရှိ။ တစ်ဖြောင့် တည်း။ သူ့အရွေ့အတွက် တစ်စုံတစ်ယောက်၏အမိန့်ကို နာခံနေဖို့မလို။ မီးနီ၊ မီးစိမ်းမလို။ ရပ်၊ ကြည့်၊ သွားမလို။ အလံကိုင်မလို။ မည်သည့် သက်ရှိသက်မဲ့ကိုမှလည်း ရှောင်တိမ်း နေဖို့မလို။ တိမ်သွားလမ်းကြောက  သဘာဝအလျောက် အလိုလိုချောမွေ့ခဲ့ပြီးဖြစ်သည်။ တိမ်တို့၏သဘာဝက တလွတ်တလပ်ရှိသည်။ ကိုးခွင်ငယ်မှိုင်းပါလို့၊ မြင်တိုင်းမှာမှိုင်းညို၊ လဲ့လဲ့ငယ် စိုတဲ့ပြီးနောက် ပြေးရင်းလွှားရင်း မိုးလေးတစ်ပြိုက်နှစ်ပြိုက် မြေပြင်ပေါ် သွန်ကျလာသည်။ ဒီတော့ မိုးမျှော်ပန်းတို့က တစ်တောလုံး၊ တစ်မြို့လုံး၊ တစ်ရပ်ကွက်လုံး ထိန်ထိန်ဝါအောင် ပွင့်တော့သည်။ တစ်ရာသီလုံး ဖုံအလိမ်းလိမ်းနှင့် ညစ်ပေခဲ့သည့် တောအုပ်ကြီးငယ်တို့ မျက်နှာသစ်ချိန်။ နိုင်ငံကြော့ ပြည်သူမှာ၊ ပန်ဆုယူ တာရေသွန်းချိန်မို့၊ မြင်လေရာတိုင်းက လွမ်းစရာ၊ တိမ်နှင့်အတူ ဆိုက်ရောက်လာသည့် ရာသီတစ်ခု၏ အလှတရားက ချစ်စရာ။

(၃)

တစ်ချိန်လုံး ငိုက်မျဉ်းနေရရှာသည့် တောသစ်ရွက်၊ တောင်သစ်ရွက်တို့လည်း မိုးဦးလေဦး၌ အတောင်ကိုဖြန့်၍ ကျောဆန့်ရင် ဆန့်ပြုကြပြီ။ စိမ်းသူစိမ်း၊ ၀ါသူဝါ၊ ပြာသူပြာ၊ နီသူနီ၊ အလီလီသော ပြကွက်ဆန်းတို့ဖြင့် လောကကို အလှဆင်ကြပြီ။ လေချွန်ငှက် ကလေးများလည်း မျက်ကလဲဆန်ပျာ ချစ်စဖွယ်မူရာဖြင့် ဟိုပင်ဒီပင် ခုန်လားကူးလား မြူးထူးကြပြီ။ တောင်ခြေတစ်ဝိုက်၌ အတောင်ပံ ဖျန်းဖျန်းခတ်လျက် တီတူးခါးခါးတို့ တွန်သံကျူးခဲ့ပြီ။ တောင်သူလယ်လုပ်တို့၏ မြေ၌ မိုးသင်းနံ့ကြောင့် အူမြူးကြရှာသည့် လယ်ထွန် နွားတို့ကလည်း မငြိမ်။ ဘူးဘူးဘဲဘဲ ဇွဲခတ်၍ အသံပြုကြလေပြီ။ ထိုရာသီရောက်သော် တော၌ပွင့်သော အရွက်၊ အပွင့်တို့ကလည်း ယာကန်သင်းရိုးတစ်လျှောက်၌ မြစိမ်းကမ္ပလာခင်းဖို့ ပြင်ဆင်ကြလေပြီ။

ရာသီရထားက အရှိန်မလျှော့ဘဲ ဆက်လက်ခုတ်မောင်းလာသည်။ မိုးတိမ်တို့ကလည်း တစ်တိမ်ပေါ်တစ်တိမ်ဆင့်၍ ဟိုးအမြင့်ကြီးထက်မှ အားနှင့်မာန်နှင့် သွန်ချလာသည်။ တောင်ကျချောင်းရေကို မြေတမံတုတ်လိုက်တော့ တောတွင်းသုံး သောက်ရေကန်လေး ဖြစ်လာသည်။ တောထဲတောင်ထဲ၊ လယ်ထဲယာထဲ ထွန်ဖြုတ်နားချိန်၌ ပလွေတစ်လက် ခါးထိုး၍ တောကန်လေးရှိရာ သွားသူသွားသည်။ နွားညီနောင်ကို နှောင်သောကြိုးစက ကိုတောင်သူ့ လက်ထဲမှာ။ ရေငတ်ပြေသွားသည့် နွားနှစ်ကောင်က ခေါင်းကိုမော့ပြီး ရှူးခနဲ နှာမှုတ်လိုက်ချိန်၌ ကန်ဟိုဘက်အစပ်က ဖားလေးတစ်ကောင် ပလုံသံပေး၍ အလန့်တကြားဖြင့် ရေထဲခုန်ဆင်းသွားသည်။

အထက်ဘက်မှာမိုးကောင်းတော့ အောက်ဘက်မှာ ရေကြီးသည်။ မြစ်ကြီးဧရာ၏ အရောင်ကလည်း နွေတုန်းကလို မငြိမ်ချင်တော့။ တကယ်တော့ အရောင်သာ မငြိမ်သည်မဟုတ်။ လှိုင်းတို့လည်းမငြိမ်။ အထက်ဘက်မှာ ဘာတွေ ပြိုကျနေသည်မသိ။ လူတစ်ဖက်စာမကသည့် ထင်းတုံးကြီးတွေ မြစ်ထဲ မျောလာကြသည်။ မျောလာသည့် ရေမျောထင်းတွေကို ဆယ်သူဆယ်၊ ခြမ်းသူခြမ်း။ ၀ယ်သူဝယ်၊ ကမ်းသူကမ်း။ ရာသီကပြောင်းတော့ လုပ်ငန်းခွင်တို့က ပြောင်းသည်။ နက္ခတ်တာရာလည်း ပြောင်းသည်၊ ပွင့်သောပန်းတို့လည်း ပြောင်းသည်။ ဆင်ယင်သည့် ပွဲသဘင်တို့လည်း ပြောင်းကြသည်။

သောင်ကမ်းငယ် ပြည့်လျှံ၊ မြစ်လုံးငယ်ညံချိန်မို့၊ လှော်တက်သံမြိုင်မြိုင်နှင့်၊ လှေပြိုင်ပွဲ ကျင်းပသူက ကျင်းပသည်။ တိုင်းခွင်ကြီး အောင်ချာမှာ ဆီမီးဝါထိန်ထိန်ဝင်းနှင့် သီတင်းကျွတ်ရာသီကို ကြိုသူကကြိုသည်။ ကြိုသူတို့က ကြိုပါသော်လည်း ရာသီကတန့်မနေ။ ခြေလှမ်းကို ဆက်၍ရွေ့သည်။

(၄)

ရာသီကရွေ့တော့ လေလမ်းကြောင်းလည်း ရွေ့ရသည်။ မြင်ကွင်းကလည်း ပြောင်းသွားသည်။ ကောင်းကင်ယံ၌ မိုးတိမ်တို့ကို မမြင်ရတော့။ သို့သော် ကောင်းကင်မြင်ကွင်း၌ ဘယ်ကဘယ်လို ရောက်လာမှန်းမသိသည့် အတောင်ပံကြီးကြီးငှက်ကြီးတွေ အစားထိုး ၀င်ရောက်လာသည်။ အနောက်မြောက်အရပ်ဆီမှ တအိအိပျံသန်းလာကြသည့် ငှက်အုပ်ကြီးက အင်းထဲမှာ တစ်နေ့လုံးနေကြသည်။ သူတို့တွေ ဘယ်အရာကိုစားပြီး အာဟာရ ပြည့်ဝနေကြပါလိမ့်။နေညိုချိန်ရောက်တော့ လာလမ်းကို ပြန်လှည့်သွားကြသည်။ အင်းရေစပ်မှ အုပ်လိုက်ကြီး ၀ုန်းဝုန်းရုန်းရုန်း ထပျံသွားသည့်မြင်ကွင်းက စက္ခုပသာဒ၌ လှဘိခြင်း။

နောက်တော့ မြောက်ပြန်လေနှင့်အတူ နှင်းမှုန်နှင်းဖွဲတို့ ဖြုတ်ဖြုတ်ရုတ်ရုတ် သက်ဆင်းလာသည်။ အမြင်အာရုံထဲမှာ တောင်တန်းကြီးများ ကွယ်ပျောက်သွားသည်။ မြစ်ပြင်ကိုလှမ်းကြည့်မိတော့လည်း မှုန်ဝါးဝါး။ ရေပြင်ထက်၌ ရေငွေ့တို့ လူးလွန့်ပျံတက်နေသည်။ ကမ်းစပ်မှ လျှောက်လှမ်းလာသူကိုပင် မည်သူမည်ဝါ မသဲကွဲချင်။ ဘောင်းဘီအိတ်ထဲ လက်နှိုက်ပြီး လမ်းလျှောက်နေသူများ၊ နှင်းမှုန်ဖွေးဖွေးထဲမှာ ဘောင်းဘီတိုလေးဖြင့် ပြေးလွှားနေသူများ။ အလယ်မှာ ပိုက်ကြိုး မသွယ်ဘဲလျက် ကြက်တောင်ကစားနေသူ လူငယ်များ။ ရာသီကိုမမှုအားဘဲ မိသားစုဝမ်းရေးအတွက် လမ်းတကာလှည့်နေကြရှာသည့် ခေါင်းရွက်ဈေးသည်များ။

(၅)

မီးရထားကြီး ပြေးနေသလို ရာသီရထား ပြေးနေသည်။ မရပ်မနားဘဲ ပြေးနေသည်။ သို့သော် ထိုအဆိုသည် ဘယ်အတိုင်းအတာအထိ မှန်ကန်ခဲ့ပါသလဲ။ ခုတော့ လူတွေက ရာသီကို အန်တုချင်လာကြသည်။ ရာသီကို ဆေးထိုးချင်လာကြသည်။ ခုတော့ ရာသီ ရထားလည်း လူတို့လက်ချက်ဖြင့် လမ်းချော်ချင်ချင် ဖြစ်ခဲ့ရပြီထင်သည်။ ခုတော့ ပန်းကလည်း သူပွင့်ချင်သလို ပွင့်သည်။ အသီးကလည်း သူသီးချင်သလို သီးသည်။ ‘ရာသီမသိ ပန်းနှင့်ညှိ’ မဟုတ်ချင်တော့။ လူလုပ်ဆေးများက သဘာဝထဲကို ဇွတ်တိုးဝင်လာသည်။ အပွင့်မှာလည်း ဆေးတွေ၊ အရွက်မှာလည်း ဆေးတွေ၊ အသီးမှာလည်း ဆေးတွေ။ လူသား၏ ပယောဂကြောင့် သဘာဝတို့ ရောင်ကိုင်းခဲ့ရပြီ။ ဗဟိဒ္ဓတို့ ဖွံ့ဖြိုးလေသည်နှင့်အမျှ အဇ္ဈတ္တက ချုံးချုံးကျသွားသည်။

အပြင်ကနွေပေမဲ့ လူတွေက နွေကို နွေအတိုင်းမထား။ အိပ်ခန်းထဲမှာ၊ ဧည့်ခန်းထဲမှာ ဆောင်းကို ထည့်ထားလိုက်ကြသည်။ ဓာတ်ကြီးလေးပါး ကမောက်ကမဖြစ်တော့ သည်လူတွေပဲ ခံရသည်။ သည်လူတွေပဲ သေရသည်။ လူတွေသေသော်လည်း ရာသီက မသေ။ အမြဲတမ်း ပြေးလွှားလှုပ်ရှားနေပါသော်လည်း ရာသီရထားက ဘယ်သောအခါ မှ မအို၊ မနာ၊ မသေ။ သူ့နာရေးသတင်းကို ကျွန်ုပ်တို့ ဘယ်သောအခါမှ ကြားရနိုင်မည် မဟုတ်ပါ။