ARSA ဘယ်ပျောက်နေသလဲ

၂၀၁၇ သြဂုတ် ၆ ရက်က ရန်ကုန်မြို့တွင်ပြုလုပ်သော မောင်တောဒေသ စုံစမ်းစစ်ဆေးရေးကော်မရှင်၏ သတင်းစာရှင်းလင်းပွဲတွင် ပြသထားသော ARSA နှင့် ပတ်သက်သည့် ဓာတ်ပုံမှတ်တမ်းအချို့ (ဓာတ်ပုံ-ကြည်နိုင်)

ကိုဖီအာနန်၏ ရခိုင်ပြည်နယ်ဆိုင်ရာ အကြံပေးကော်မရှင်၏ အပြီးသတ် အစီရင်ခံစာထွက်ပေါ်လာပြီး တစ်ရက်အကြာ ၂၀၁၇ ခုနှစ် သြဂုတ် ၂၅ ရက်တွင် ရခိုင်ပြည်နယ်ရှိ ရဲကင်း ၃၀ အား ARSA အဖွဲ့က အကြမ်းဖက်တိုက်ခိုက်ခဲ့သည်မှာ ၁၀ လကျော် ကြာမြင့်ခဲ့ပြီ ဖြစ်သည်။ ချိန်သားကိုက်လုပ်ဆောင်ခဲ့သည့် ယင်းဖြစ်စဉ်အပြီးတွင် အကြမ်းဖက်မှုများ စတင်လုပ်ဆောင်ခဲ့သည့် ARSA အဖွဲ့နှင့်ပတ်သက်သည့် သတင်းများ ပျောက်ခြင်းမလှပျောက်နေသည်။ ARSA အဖွဲ့၏ တိုက်ခိုက်မှုကြောင့် ကနဦးတွင် ရဲတပ်ဖွဲ့ဝင် ကိုးဦး၊ တပ်မတော်သားတစ်ဦးနှင့် ဒုလ၀ကမှူးတစ်ဦး ကျဆုံးခဲ့ပြီး နောက်ပိုင်းတွင် ဟိန္ဒူဘာသာဝင်များကို သတ်ဖြတ်ခဲ့ခြင်း၊ ဒေသခံဌာ နေတိုင်းရင်းသားများကို သတ်ဖြတ်ခဲ့ခြင်း စသည့် ဖြစ်စဉ်များ ဖြစ်ပွားခဲ့သည်။ ယင်းကြောင့် အကြမ်းဖက် တိုက်ခိုက်ခံရသည့် ဘူးသီးတောင်၊ မောင်တောဒေသမှ ဒေသခံဌာနေ တိုင်းရင်းသားများ စစ်တွေမြို့ပေါ်သို့ ထွက်ပြေးတိမ်းရှောင်ခဲ့ရသည်။

ယင်းကဲ့သို့ ဖြစ်စဉ်များအပြီးတွင် အကြမ်းဖက်တိုက်ခိုက်မှုများကို စတင်ပြုလုပ်ခဲ့သည့် ARSA ၏ လှုပ်ရှားမှုများမှာ ငြိမ်သက်လျက်ရှိပြီး လူမှုကွန်ရက်စာမျက်နှာတစ်ခုဖြစ်သည့် Twitter တွင်လည်း မည်သည့်ထုတ်ပြန်ချက်မျှ ထုတ်ပြန်ခြင်း မရှိသည်ကို တွေ့ရသည်။ ယင်းကဲ့သို့ ငြိမ်သက်နေခြင်းမှာ မြန်မာနိုင်ငံအပေါ် နိုင်ငံတကာမှ အာရုံစိုက်မှု များပြားနေသည့်အတွက်ကြောင့် ငြိမ်သက်ခြင်းဖြစ်နိုင်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

“နိုင်ငံတကာက မြန်မာနိုင်ငံအပေါ် အာရုံစိုက်မှုက ရှိနေတယ်လေ။ သူတို့က နိုင်ငံတကာနဲ့ အချိန်ကိုက်လှုပ်ရှားတာ။ နံပါတ်တစ်က နိုင်ငံတကာမှာ ကျွန်တော်တို့ ဘာဖိအားမှ မရှိသေးတဲ့အချိန်၊ ရခိုင်ကိစ္စကို အေးအေးဆေးဆေး စနစ်တကျ ကိုင်တွယ်ဖြေရှင်းဖို့ လုပ်နေတဲ့အချိန်မှာ အာဆာက စချတာပဲ။ ပြီးတော့ ကိုဖီအာနန်ကော်မရှင်ရဲ့ Report မှာ သူတို့လိုချင်တဲ့ မပါတဲ့ အနေအထားဖြစ်လာတဲ့အချိန်မှာ ဒီ Report ကို အကောင်အထည်ဖော်လို့မရအောင် စတာပဲ” ဟု ဦးဇော်ဌေးက ပြောကြားသည်။

အဆိုပါ အကြမ်းဖက်အဖွဲ့အစည်းအဖြစ် နိုင်ငံတကာကလည်း သတ်မှတ်ထားသည့် ARSA အဖွဲ့၏ လှုပ်ရှားမှုနှင့် ပတ်သက်၍ Asia Time သတင်းဌာနမှ သတင်းဆောင်းပါးတစ်ပုဒ်အား ဖော်ပြခဲ့သည်။

Asia Time ၏ သတင်းဆောင်းပါးတွင် ဖော်ပြချက်အရ အဆိုပါ ARSA အဖွဲ့မှာ အနောက်တိုင်းလူထုအတွင်း အသုံးအများဆုံးဖြစ်သည့် Twitter တွင် ၀ါဒဖြန့်မှု၊ ကြေညာချက်များ ထုတ်ပြန်ခြင်း စသည်တို့ကို ပြုလုပ်ခြင်းမရှိသည်မှာ သုံးလကျော်ကြာမြင့်ခဲ့ပြီဟု ရေးသားထားသည်။

အဆိုပါ ARSA ၏ တွစ်တာအကောင့်တွင် Follower ၁၂၆၀၀ ရှိပြီး ယင်းတို့အနက်တွင် အနောက်နိုင်ငံမှ ထင်ရှားသော တက်ကြွလှုပ်ရှားသူ ၂၉ ဦး၊ ရန်ကုန်အခြေစိုက် နိုင်ငံခြား သတင်းစာဆရာများနှင့် ကုလလူ့အခွင့်အရေး အထူးသံတမန်အဖြစ် တာဝန်ထမ်းဆောင်ခဲ့ သည့်မစ္စယန်ဟီလီးပါ ပါဝင်နေကြောင်း အဆိုပါ သတင်းဆောင်းပါးတွင် ဖော်ပြသည်။

ARSA အဖွဲ့က ရခိုင်ပြည်နယ် အကြမ်းဖက် တိုက်ခိုက်မခံရမီ ၂၀၁၇ ခုနှစ် မတ် ၂၉ ရက်မှ အကြမ်းဖက် တိုက်ခိုက်ခံရပြီးသည့်အချိန် ၂၀၁၈ ခုနှစ် ဇန်န၀ါရီ ၃၁ ရက်အထိ Twitter မှ ကြေညာချက်ပေါင်း ၂၇ ခု ထုတ်ပြန်ခဲ့ကြောင်း၊ မူလစတင်ရေးသားချိန်က ဂျီဟတ်ဆန်ဆန် ရေးသားခဲ့သော်လည်း ရခိုင်ပြည်နယ် အကြမ်းဖက်တိုက်ခိုက်ခံရပြီး နောက်ပိုင်းတွင် နိုင်ငံတကာ ထောက်ခံမှု ရရှိစေရန် ဘင်္ဂါလီများ၏ အခွင့်အရေး၊ ဌာနေတိုင်းရင်းသား အဆင့်ရရှိရေး၊ နိုင်ငံရေးပါတီအဖြစ် ထူထောင်နိုင်ရေး၊ အစိုးရ၀န်ထမ်းအဖြစ် တာဝန်ထမ်းဆောင်ခွင့်ရရေးစတဲ့ လူမျိုးစုတစ်ရပ်က တောင်းဆိုသည့် ရေးသားချက်များကို ဖော်ပြလာကြောင်း၊ အကြမ်းဖက်တိုက်ခိုက်မှုများအဖြစ် ကနဦး ရေးသားဖော်ပြခဲ့သော်လည်း နောက်ပိုင်းတွင် တော်လှန်ရေးသဘောမျိုးပေါ်လွင်အောင် ပြောင်းလဲရေးသားလာခဲ့ကြောင်း Asia Time က ဖော်ပြထားသည်။

ရခိုင်အကြမ်းဖက် တိုက်ခိုက်မခံရမီအချိန်ဖြစ်သည့် ဇွန် ၂၉ ရက်တွင် ARSA ၏ တပ်မှူး အဘူအမ်မာ Abu Ammar က ပေးပို့သည့် သတင်းတစ်ခုကို အဖွဲ့၏ Twitter အကောင့်တွင် တင်ခဲ့ပြီး “ဗဟိုဌာနချုပ်မှ သတင်းအချက်အလက်နှင့် ကြေညာချက်အားလုံးတို့ကို Twitter စာမျက်နှာမှ ထုတ်ပြန်လိမ့်မည် ဖြစ်ကြောင်း” ပြောကြားချက်နှင့်အတူ AK-47 ချေမှုန်းရေး ရိုင်ဖယ်တစ်လက်နှင့် ပစ္စတိုတစ်လက်ကိုင်ထားသော အမျိုးသားတစ်ဦး၏ ပုံတင်ခဲ့သည်။

ရခိုင်ပြည်နယ်၏ အမှောင်မိုက်ဆုံးနေ့ရက်ဟု ခေါ်ဆိုနိုင်သည့် သြဂုတ် ၂၅ ရက်မတိုင်မီ သြဂုတ် ၂၄ ရက်တွင် ARSA ၏ ကိုယ်ပိုင်အကောင့်များက Twitter တွင် ရခိုင်ပြည်နယ်ရှိ နေရာ ၂၅ ခုကျော်ရှိ မြန်မာတပ်များကို ကာကွယ်တိုက်ခိုက်မှုများ ပြုလုပ်နေပြီး နောက်ပိုင်းတွင် ပိုမိုများပြားလာမည်ဟု ရေးသားခဲ့ပြီး သြဂုတ် ၂၅ ရက်ညပိုင်းတွင် ယင်းသို့ တိုက်ခိုက်ခြင်းမှာ အဖိနှိပ်ခံပြည်သူများကို ကာကွယ်ရန်နှင့် ဖိနှိပ်သူများ၏ လက်မှလွတ်မြောက်ရန်အတွက် ခြေလှမ်းတစ်ခုဖြစ်သည်ဟု ရေးသား ဖော်ပြခဲ့ကြောင်း Asia Time က ဖော်ပြထားသည်။

ARSA ၏ သတင်းထုတ်ပြန်ချက်များတွင် ဖော်ပြထားခြင်းမရှိသည်မှာ မီဒီယာများအတွက် အခြေခံ အစိတ်အပိုင်းတစ်ခုဖြစ်သော ဆက်သွယ်ရန် လိပ်စာ၊ ဆက်သွယ်ရမည့်သူ မပါဝင်ခြင်းဖြစ်ပြီး ၎င်းတို့၏ ကြေညာချက်အများစုမှာ အင်္ဂလိပ်ဘာသာနှင့်ဖြစ်ကာ မြန်မာဘာသာနှင့် တစ်ခုသာရှိခဲ့သည်ဟု Asia Time က ဆက်လက်ရေးသားထားသည်။

ARSA အဖွဲ့ လူမှုကွန်ရက်တွင် ယင်းကဲ့သို့ ငြိမ်သက်နေခြင်းမှာ ဘင်္ဂလားဒေ့ရ်ှနိုင်ငံတွင် ခြေကုပ်ယူပြီး နောက်တစ်ကြိမ် အကြမ်းဖက်လုပ်ငန်းများ လုပ်ဆောင်နိုင်ရန်နှင့် ၎င်းတို့၏ မူလရည်ရွယ်ချက်ဖြစ်သည့် ICC က ၀င်ရောက်စစ်ဆေးမည်ဆိုသည့် ယူဆချက်အား ကြေညာချက်၊ ရေးသားချက်များကြောင့် မထိခိုက်စေလိုခြင်းဖြစ်နိုင်ကြောင်း Asia Time က ရေးသားထားသည်။

ARSA ဆိုတာ ဘာလဲ

ရခိုင်ပြည်နယ်တွင် အကြမ်းဖက်မှုများ လုပ်ဆောင်ခဲ့သည့် ရိုဟင်ဂျာ ကယ်တင်ရေးတပ် ARSA (Arakan Royigya Salvation Army) ကို ၂၀၁၂ ခုနှစ်တွင် စတင်ဖွဲ့စည်းခဲ့ပြီး မောင်တောဒေသရှိ မေယုတောင်တန်းများတွင် ရခိုင်ပြည်နယ်သို့ ခိုးဝင်လာသည့် ဘင်္ဂါလီများကို အခြေခံတိုက်ခိုက်ရေး သင်တန်းများ သင်ကြားပေးခဲ့ကြောင်း အစိုးရက ထုတ်ပြန်ထားသည်။

ARSA အဖွဲ့ကို ဦးဆောင်သူမှာ အာတာအူလာဖြစ်ပြီး ၎င်းကို ပါကစ္စတန်နိုင်ငံ ကရာချိတွင် မွေးဖွားခဲ့ပြီး ဆော်ဒီအာရေဗျတွင် ကြီးပြင်းခဲ့ကာ ပြောက်ကျားသင်တန်းအချို့ တက်ရောက်ခဲ့ကြောင်း သိရသည်။

ထို့ပြင် ဖမ်းဆီးရမိသည့် ဘင်္ဂါလီအကြမ်းဖက်သမားများကို စစ်ဆေးချက်များအရ ARSA အဖွဲ့အား ပြည်ပက ထောက်ပံ့မှုများရှိကြောင်း မြန်မာအစိုးရက ထုတ်ပြန် ကြေညာခဲ့သည်။ ARSA (Arakan Royigya Salvation Army) အဖွဲ့၏ ဘဏ္ဍာရေးတာဝန်ခံ မော်လ၀ီဂျီရာဘူရာမန်အား ကျွန်းဂေါကျေးရွာနေအိမ်တွင် ဇွန် ၂၀ ရက်က လုံခြုံရေးတပ်ဖွဲ့ဝင်များက ဖမ်းမိခဲ့ပြီး ၎င်းအား စစ်ဆေးချက်များအရ ARSA အဖွဲ့၏ စစ်ရေးတာဝန်ခံအဖြစ် ဟာဗစ်ဒူဟာက တာဝန်ယူထားကြောင်း သိရသည်။

ထို့ပြင် ဖမ်းမိခဲ့သည့် မောင်တောဒေသတွင် အကြမ်းဖက်သင်တန်း တက်ရောက်သူများအား စစ်ဆေးချက်များအရ သင်တန်းသားများကို တစ်လကျပ်နှစ်သိန်း ထောက်ပံ့ကာ ငါးလကြာ အကြမ်းဖက်သင်တန်းများ ပို့ချခြင်း၊ ပြည်ပနိုင်ငံအချို့မှ သင်တန်းဆရာများကို ငွေပို့ခြင်းများ ဆောင်ရွက်ခဲ့ကြောင်း သိရသည်။

ARSA အဖွဲ့၏ ဘဏ္ဍာရေးအား အရှေ့အလယ်ပိုင်းနိုင်ငံများတွင် အလှူငွေကောက်ခံခြင်းကို အဓိကထားဆောင်ရွက်လျက်ရှိပြီး အရှေ့အလယ်ပိုင်းဒေသနှင့် ဖိလစ်ပိုင်တောင်ပိုင်းဒေသများတွင် အခြေအနေ မကောင်းခဲ့သည့် ISIS အဖွဲ့နှင့် ချိတ်ဆက်လှုပ်ရှားမှုများ ရှိနေကြောင်း အစိုးရက ထုတ်ပြန်ခဲ့သည်။

အိမ်နီးချင်း ဘင်္ဂလားဒေ့ရှ် နိုင်ငံရဲ့ အကြမ်းဖက်မှုအပေါ် မြန်မာနှင့် ဆောင်ရွက်မှု

၂၀၁၇ ခုနှစ် နိုဝင်ဘာ ၁၄ ရက်က နေပြည်တော်တွင် ပြုလုပ်ခဲ့သည့် စတုတ္ထအကြိမ် မြန်မာ-ဘင်္ဂလားဒေ့ရှ် နယ်ခြားစောင့်တပ်ဖွဲ့များ လုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှုဆိုင်ရာ ဗဟိုအဆင့် အစည်းအဝေးတွင် ARSA အကြမ်းဖက်အဖွဲ့ဝင်များ၏ အမည်စာရင်းများကို ဘင်္ဂလားဒေ့ရ်ှသို့ ပေးပို့ထားကြောင်း သတင်းထုတ်ပြန်ရေးကော်မတီက ထုတ်ပြန်ခဲ့သော်လည်း လက်ရှိအချိန်အထိ ဘင်္ဂလားဒေ့ရ်ှဘက်မှ ပြန်လည်အကြောင်းကြားခြင်း မရှိသေးကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောကြားသည်။

“အာဆာနဲ့ ပတ်သက်တာတော့ ဘင်္ဂလားဒေ့ရ်ှကို ပေးထားတယ်။ အကြမ်းဖက်သမား ၃၀၀၀ ကျော်ပေးထားတယ်။ တစ်ယောက်မှ ပြန်မရဘူး။ စာလည်းမလာဘူး။ သတင်းလည်း မကြားဘူး” ဟု ဦးဇော်ဌေးက ဆိုသည်။

ထို့ပြင် သတင်းများအရ ဘင်္ဂလားဒေ့ရ်ှဘက်ခြမ်းတွင် ARSA အကြမ်းဖက်သမားများ ခိုလှုံလျက်ရှိသော်လည်း အခြားနိုင်ငံပိုင်နက်တွင် ရောက်ရှိနေခြင်းကြောင့် အခက်တွေ့ရကြောင်း ဦးဇော်ဌေးက ဆက်လက်ပြောကြားသည်။

“နယ်စပ်မှာ ARSA အဖွဲ့ အမြစ်မပြတ်သရွေ့ကတော့ ဘယ်တော့မှ လုံခြုံမှာမဟုတ်ဘူး။ ဒါက မြန်မာတစ်နိုင်ငံတည်း လုပ်လို့မရဘူး။ ဘင်္ဂလားဒေ့ရ်ှဘက်မှာ ခိုနေတာ။ ဘင်္ဂလားဒေ့ရှ် မပူးပေါင်းသရွေ့ အဆင်မပြေဘူး” ဟု ဦးဇော်ဌေးက ပြောကြားသည်။

ထိုသို့ ဖြစ်ပွားမှုအပြင် မြန်မာအစိုးရက မိမိပိုင်နက်နယ်မြေတွင် လုံခြုံရေးကင်းစခန်းများ ချထားခြင်းအပေါ် ဘင်္ဂလားဒေ့ရ်ှနိုင်ငံဘက်က ကန့်ကွက်ခဲ့ခြင်းများကိုလည်း ကြုံတွေ့ခဲ့ရသည်။

ဘင်္ဂါလီဒုက္ခသည်များ စခန်းချနေသည့် ဘင်္ဂလားဒေ့ရ်ှနှင့် နယ်စပ်ဇုန်တစ်ခုတွင် အကြမ်းဖက်သမားများ၏ ခြိမ်းခြောက်မှုနှင့်ပတ်သက်ပြီး မြန်မာအစိုးရဘက်မှ လုံခြုံရေးစခန်းများကို တည်ဆောက်ခဲ့ရာ ယင်းဖြစ်စဉ်အပေါ်ဘင်္ဂလားဒေ့ရ်ှက တင်းမာမှုများကို လျှော့ချရန် ချက်ချင်းနောက်ဆုတ်ပေးရန် တောင်းဆိုခဲ့ခြင်းဖြစ်သည်။

ယင်းကဲ့သို့ တည်ဆောက်ခဲ့ခြင်းမှာ လုံခြုံရေးသတင်းအသစ်များ ရရှိထားခြင်းကြောင့်ဖြစ်ကြောင်း မြန်မာအစိုးရက တုံ့ပြန်ခဲ့သည်။

“အကြမ်းဖက်မှု အထူးသဖြင့် ARSA လှုပ်ရှားမှုနဲ့ပတ်သက်ပြီး ကျွန်တော်တို့ ရထားတဲ့ သတင်းအပေါ်အခြေခံပြီး ကျွန်တော်တို့ ဒီနည်းအတိုင်း ပြုလုပ်ရတာ ဖြစ်ပါတယ်” ဟု ဦးဇော်ဌေးက အေအက်ဖ်ပီသတင်းဌာနသို့ ပြောကြားခဲ့သည်။

လက်ရှိတွင် နှစ်နိုင်ငံနယ်စပ်လုံခြုံရေးအတွက် ပူးပေါင်းကင်းလှည့်ခြင်းများကို လုပ်ဆောင်နေခြင်းများရှိပြီး အကြမ်းဖက်များ ခြေကုပ်မယူနိုင်ရန် ပြုလုပ်ရခြင်းဖြစ်ကြောင်း Weekly Eleven သို့ ဦးဇော်ဌေးက ပြောကြားသည်။

“သူတို့တွေ ခြေကုပ်မယူနိုင်အောင် နှစ်နိုင်ငံပူးပေါင်း ကင်းလှည့်တာတွေကို ဇွတ်အတင်းလုပ်နေရတဲ့သဘောဖြစ်တယ်။ ဒါပေမဲ့ တစ်ဖက်နိုင်ငံက ပူးပေါင်းဆောင်ရွက်မှ အမြစ်ပြတ်မှာ။ မပူးပေါင်းသရွေ့ ARSA က ပြဿနာတွေ ဖန်တီးနေမှာပဲ။ အရှေ့အလယ်ပိုင်းမှာ အခြေမလှတော့ တောင်အာရှနဲ့ အရှေ့တောင်အာရှဘက်ကို ခြေကုပ်ယူနေတာ အကြမ်းဖက်တွေက။ အဲဒါကို ခြေမကုပ်နိုင်ခင် ရှင်းဖို့လိုတယ်” ဟု ဦးဇော်ဌေးက ပြောကြားသည်။

နိုင်ငံတကာ စောင့်ကြည့်ခံနေရသည့် အခြေအနေထက် ပိုမြင့်လာသည့် မြန်မာ

မြောက်ကိုရီးယားနှင့် အမေရိကန် ပါဝင်သော ပြိုင်ဘက်တို့၏ ပဋိပက္ခ၊ ဆော်ဒီအာရေဗီးယားနှင့် အီရန်တို့၏ ပဋိပက္ခပြီးလျှင် မြန်မာနိုင်ငံ၏ ရခိုင်ပြည်နယ်ဖြစ်စဉ်က ဘင်္ဂါလီအရေးဟာ ၂၀၁၈ ခုနှစ်အတွင်း စောင့်ကြည့်ရမည့် ကမ္ဘာ့ထိပ်တန်းအကျပ်အတည်း ၁၀ ခုမှာ တတိယနေရာ၌ ရှိနေကြောင်း ICG (International Crisis Group) က ၂၀၁၇ ခုနှစ်အကုန်တွင် ထုတ်ပြန်ထားသည်။

လက်ရှိတွင် မြောက်ကိုရီးယားနှင့် အမေရိကန်ပါဝင်သည့် ပြိုင်ဘက်တို့၏ ပဋိပက္ခမှာ အတန်ငယ် ငြိမ်းချမ်းနေသည့် အနေအထားဖြစ်နေခြင်းကြောင့် မြန်မာနိုင်ငံ၏ ရခိုင်ပြည်နယ်ဖြစ်စဉ် ဘင်္ဂါလီအရေးမှာ ထိပ်တန်းသို့ ရောက်ရှိလာသည့် အခြေအနေဖြစ်သည်။

မြန်မာနိုင်ငံသို့ ကုလသမဂ္ဂ လုံခြုံရေးကောင်စီအဖွဲ့ဝင် နိုင်ငံများမှ ကိုယ်စားလှယ်များ ဧပြီ ၃၀ နှင့် မေ ၁ ရက်များတွင် လာရောက် လေ့လာခဲ့သည်။ ယင်းကဲ့သို့ လာရောက်လေ့လာခဲ့ရာတွင် ရခိုင်ပြည်နယ်ရှိ အခြေအနေများကို မြန်မာအစိုးရက ပြသခဲ့သည်။ သို့သော် လာရောက်လေ့လာသည့် ကိုယ်စားလှယ်များနှင့် မြန်မာအစိုးရတို့အကြား အတန်ငယ်တင်းမာမှုများ ရှိခဲ့ကြောင်း သိရသည်။

ယင်းခရီးစဉ်နှင့် ပတ်သက်ပြီး ကုလသမဂ္ဂလုံခြုံရေးကောင်စီ၌ မေ ၁၄ ရက် မွန်းလွဲ ၃ နာရီတွင် တံခါးဖွင့် ရှင်းလင်းပွဲပြုလုပ်ခဲ့ရာ လက်ရှိအလှည့်ကျ ဥက္ကဋ္ဌဖြစ်သည့် ပိုလန်နိုင်ငံက အစည်းအဝေးကို ဦးဆောင်ကျင်းပပြီး ခရီးစဉ်များ ဦးဆောင်စီစဉ်သည့် ကူဝိတ်၊ ပီရူးနှင့် ယူကေတို့က ဘင်္ဂလားဒေ့ရ်ှနှင့် မြန်မာနိုင်ငံခရီးစဉ်များနှင့် ပတ်သက်၍ ရှင်းလင်းပြောကြားခဲ့သည်။

အဆိုပါ အစည်းအဝေးတွင် မြန်မာအမြဲတမ်းကိုယ်စားလှယ်သံ အမတ်ကြီး ဦးဟောက်ဒိုဆွမ်းကလည်း ရခိုင်ပြည်နယ်အရေးနှင့် ပတ်သက်ပြီး ရှင်းလင်းပြောကြားခဲ့သည်။

မြန်မာအစိုးရအနေဖြင့် မြေပြင်ဖြစ်ပေါ်မှု အခြေအနေများကို ပိုမိုနားလည်စေနိုင်ရန် လုံခြုံရေးကောင်စီ အဖွဲ့ဝင်များ၏ ခရီးစဉ်ကို လက်ခံစီစဉ်ပေးခဲ့ခြင်းဖြစ်ကြောင်း၊ နေရပ်စွန့်ခွာသူများ ဘေးကင်းပြီး ဂုဏ်သိက္ခာရှိစွာ နေရပ်သို့ ပြန်နိုင်ရေးကုလသမဂ္ဂနှင့် ပူးပေါင်းဆောင်ရွက်မှုများ မြင့်တင်နိုင်ရန် ရည်ရွယ်ကြောင်း၊ ကုလသမဂ္ဂနှင့် မိတ်ဖက် ပြုပူးပေါင်းဆောင်ရွက်မှုများမှ တစ်ဆင့်ကြီးမားသည့် စိန်ခေါ်မှုများကို ရင်ဆိုင်ဖြေရှင်းနိုင်မည်ဟု ယုံကြည်ကြောင်း၊ တိကျမှန်ကန်မှု၊ အပြန်အလှန် လေးစားမှုနှင့် နားလည်မှု မူများပေါ်တွင် အခြေခံသည့် အပြုသဘောဆောင်သည့် ထိတွေ့ပူးပေါင်းဆောင်ရွက်မှုများကို မိမိတို့အနေဖြင့် ယုံကြည်ကြောင်း၊ လုံခြုံရေးကောင်စီ၏ ခရီးစဉ်ကို အချိန်အကန့်အသတ်ကြားမှ အတတ်နိုင်ဆုံး စီစဉ် ဆောင်ရွက်ပေးခဲ့ကြောင်း၊ နိုင်ငံတော်၏ အတိုင်ပင်ခံပုဂ္ဂိုလ်က ခရီးစဉ်ကို အရေးပါသည့် မှတ်တိုင်တစ်ရပ်အဖြစ် မှတ်ချက်ပြုခဲ့ကြောင်း၊ ရခိုင်ပြည်နယ် ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်မှုရှိစေရေးအတွက် မြန်မာအစိုးရ၏ သန္နိဋ္ဌာန်ချထားမှုကိုလည်း ထပ်လောင်း အတည်ပြုခဲ့ကြောင်း မြန်မာအမြဲတမ်းကိုယ်စားလှယ် သံအမတ်ကြီးက ပြောကြားခဲ့သည်။

ထိုသို့ ရှင်းလင်းတင်ပြမှုများကြောင့် မည်သည့်အခြေအနေများ ဖြစ်ပေါ်လာနိုင်သည်ကို စောင့်ကြည့်ရမည်ဖြစ်ပြီး လက်ရှိတွင်လည်း နိုင်ငံတကာမီဒီယာများတွင် နေရာယူထားသည့် ဘင်္ဂါလီများအား အကြမ်းဖက်နှိမ်နင်းသည်ဟု ဆိုသည့် သတင်းများကြောင့် နိုင်ငံတကာမှ ၀င်ရောက်စစ်ဆေးခြင်းများကို ခံနေရပြီဖြစ်သည်။

“အာဆာရဲ့ ထောင်ချောက်ထဲကို ဘင်္ဂလားဒေ့ရ်ှလည်း ၀င်နေတယ်။ နိုင်ငံတကာလည်း ၀င်နေတယ်။ အခုလုပ်နေတာတွေက ARSA ရဲ့ ရည်မှန်းချက်ကို ပိုပီပြင်အောင် လုပ်ပေးနေသလိုပဲ” ဟု ဦးဇော်ဌေးက မှတ်ချက်ပြုသည်။

ပျောက်နေတဲ့ ARSA ဘယ်အချိန် ပြန်ပေါ်လာမလဲ

ရခိုင်ပြည်နယ်တွင် အကြမ်းဖက်တိုက်ခိုက်မှုများ ပြုလုပ်ခဲ့သည့် ARSA အဖွဲ့မှာ လက်ရှိတွင် လှုပ်ရှားမှုများမရှိဘဲ ဖြစ်နေသည်ကို တွေ့ရသည်။ သို့သော် ပြန်လည်လွှဲပြောင်းရေးလုပ်ငန်းစဉ် လုပ်ဆောင်သည့် အချိန်တွင်လည်း တိုက်ခိုက်မှုများ ပြုလုပ်လာနိုင်ကြောင်း၊ ထိုသို့ မဟုတ်ဘဲ ပြန်လည်လက်ခံရေးလုပ်ငန်းစဉ်များ ပြီးမြောက်အောင်မြင်ပြီ ဆိုပါကလည်း ပြန်လည်တိုက်ခိုက်နိုင်သည့် အနေအထားများ ရှိနိုင်ကြောင်း ဦးဇော်ဌေးက ဆိုသည်။

“အခုချိန်ထိ ပြန်လည်လွှဲပြောင်းလက်ခံတဲ့ အစီအစဉ် လုပ်ငန်းတွေ မစနိုင်သေးဘူး။ အဲဒီလုပ်ငန်းစဉ်တွေစရင် သူတို့လှုပ်ရှားမှုတွေ ပြန်လာနိုင်တယ်။ အခြေအနေအကြောင်းကြောင့် နိုင်ငံတကာဖိအား လျော့ကျလာပြီဆိုရင် စမယ်။ နောက်တစ်ချက်က ဘင်္ဂလားဒေ့ရ်ှနဲ့ လုပ်မယ့်ဟာ စရင်လည်းချမှာပဲ။ အဲဒီလိုမှ မဟုတ်ရင် အေးအေးချမ်းချမ်း ဖြစ်သွားပြီဆိုရင်လည်း ချမှာပဲ။ သူတို့က နိုင်ငံတကာ Pressure နဲ့ ချိတ်ဆက်လှုပ်ရှားနေတယ်” ဟု ဦးဇော်ဌေးက ပြောကြားသည်။

သို့သော် ARSA အဖွဲ့၏ လုပ်ဆောင်ချက်များကို မသိကျိုးကျွန်ပြုထားသည့် နိုင်ငံတကာ၏ ပြုမူ ဆောင်ရွက်ချက်များမှာ မေးခွန်းထုတ်စရာပင်ဖြစ်သည်။ လတ်တလော ငြိမ်သက်လျက်ရှိသည့် ယင်းအဖွဲ့မှာ နိုင်ငံတကာ၏ အာရုံစိုက်စရာမြင်ကွင်းမှ လွတ်မြောက်လျက်ရှိသည်။ သို့သော် ၎င်းတို့၏ လှုပ်ရှားမှုမှန်သမျှမှာ နိုင်ငံတကာနှင့် ဆက်စပ်လျက်ရှိသည်ကို တွေ့ရမည်ဖြစ်ကြောင်း ဦးဇော်ဌေးက ပြောကြားသည်။

“မူလစဖြစ်ကတည်းက နိုင်ငံတကာနဲ့ ဆက်စပ်မှုရှိတယ်ဆိုတာ နိုင်ငံတကာသတင်းမီဒီယာတွေမှာလည်းပါတယ်။ ICG Report မှာလည်း ပါတယ်။ အလားတူ အိန္ဒိယ ထောက်လှမ်းရေးဘက်က သတင်းတွေမှာလည်းပါတယ်။ အဲဒီတော့ နိုင်ငံတကာနဲ့ ချိတ်ဆက်လှုပ်ရှားတာ။ အခု ICC ကိစ္စနဲ့ ဘာနဲ့ဖြစ်နေတဲ့အချိန်မှာ သူတို့ကအခြေအနေ aစာင့်ကြည့်နေတာ။ နိုင်ငံတကာကတော့ ARSA က အကြမ်းဖက် သတ်ဖြတ်ခဲ့တယ်ဆိုတာကို မေ့နေပြီ” ဟု ဦးဇော်ဌေးက ပြောကြားသည်။

မီဒီယာများတွင် ပျံ့နှံ့မှုအား ကောင်းခဲ့ပြီး နိုင်ငံတကာက အာရုံစိုက်နေသည့် ရခိုင်အရေးတွင် အဓိက ဇာတ်ကောင်ဖြစ်သည့် ARSA အဖွဲ့ မည်သည့်အချိန်တွင် လှုပ်ရှားလာမည်လဲဆိုသည်မှာ စောင့်ကြည့်ရမည်ဖြစ်သည်။ ထို့ပြင် လွတ်မြောက်နေသည့် အကြမ်းဖက်သမားများကိုလည်း အိမ်နီးချင်းဘင်္ဂလားဒေ့ရ်ှနိုင်ငံက မည်သည့်အချိန်တွင် ပေးအပ်မည်ဆိုသည်မှာ မေးခွန်းထုတ်ရမည့် အခြေအနေဖြစ်ပေသည်။

လာဘ်စားမှု၊ လူသတ်မှုတို့နှင့်အတူ အသစ်တစ်ဖန် ပြန်လည်ရစ်ဝဲလာသော နာဂျစ်၏ အတိတ်ဟောင်းများ

မေ ၁၈ ရက်က ကွာလာလမ်ပူရှိ ပါတီရုံးချုပ်တွင် ဆုတောင်းပွဲမတိုင်မီ သူ၏ ဒုတိယ၀န်ကြီးချုပ်ဟောင်း အာမက်ဇာဟစ်ဟာမီဒီ (လယ်) ကို ပွေ့ဖက်နေသည့် နာဂျစ် (၀ဲ) ကို တွေ့ရစဉ် (Photo: AFP)

နိုင်ငံတော်ဘဏ္ဍာများကို ခိုးဝှက်ခဲ့သည်ဟူသော စွပ်စွဲချက်များကြောင့် မလေးရှားဝန်ကြီးချုပ်ဟောင်း နာဂျစ်ရာဇက်သည် ပြင်းထန်စွာ ပြစ်တင်ဝေဖန်မှုများကို ခံနေခဲ့ရပြီးဖြစ်သည်။ သို့သော် ငယ်ရွယ်သော မော်ဒယ်တစ်ဦးကို ထိတ်လန့်ဖွယ်ရာ သတ်ဖြတ်ခဲ့မှုအပါအ၀င် ပို၍ပင်ဆိုးရွားသော နာဂျစ်၏ အတိတ်ဟောင်းမှ အရှုပ်တော်ပုံများသည် အသစ်တဖန် ပြန်လည်ရစ်ဝဲ၍ လာခဲ့ပြန်လေပြီ။

သူ့အတွက် ထိတ်လန့်ဖွယ် အစောပိုင်း အရှုပ်တော်ပုံများအနက် နာဂျစ် ကာကွယ်ရေးဝန်ကြီးအဖြစ် တာဝန်ယူထားစဉ် ပြင်သစ်မှ စကောပင်းရေငုပ်သင်္ဘောများကို ၂၀၀၂ ခုနှစ်က ၀ယ်ယူခဲ့ရာ၌ မလေးရှားမှ တာဝန်ရှိသူများက အကြီးအကျယ် ဖြတ်စားခဲ့သည်ဟူသော စွပ်စွဲချက်များက အဓိကကျနေသည်။

အဆိုပါ အုတ်အော်သောင်းတင်း ဇာတ်လမ်းသည် မလေးရှားကို နှစ်ပေါင်းအတန်ကြာ လွှမ်းမိုးထားခဲ့ပြီးနောက် အာဏာရှင်အစိုးရအဖွဲ့ဟောင်းက သြဇာအာဏာကို အသုံးပြုကာ ယင်းဇာတ်လမ်းအား ပြည်ဖုံးကားကျအောင် ပြုလုပ်ခဲ့သည်။ သို့သော် နာဂျစ် (၆၄ နှစ်) နှင့် သူ၏ဇနီး ရိုစမာမန်ဆာတို့ ယင်းကိစ္စ၌ ပါဝင်ပတ်သက်နေသည်ဟူသော တီးတိုးသံများမှာမူ ကျန်ရစ်ခဲ့၏။

မေ ၉ ရက် ရွေးကောက်ပွဲတွင် နာဂျစ် ရာဇက်တစ်ယောက် မရှုမလှ ရှုံးနိမ့်သွားခဲ့ပြီးနောက် မလေးရှားအစိုးရအဖွဲ့သစ်က 1 MDB အရှုပ်တော်ပုံဟုခေါ်သော နိုင်ငံတော်ဘဏ္ဍာထဲမှ ငွေပေါင်း ဘီလျံနှင့်ချီလျက် ခိုးယူခဲ့သည်ဟူသော လတ်တလော စွပ်စွဲချက်များကိုသာမက အတိတ်ကမဖြေရှင်းဘဲထားခဲ့သည့် အခြားအရှုပ်တော်ပုံဟောင်းများကိုပါ ပြန်လည်စုံစမ်းစစ်ဆေးရန် လမ်းဖွင့်ပေးခဲ့သည်။

“အခုအထိတော့ 1 MDB ကိစ္စနဲ့ပတ်သက်ပြီး လျင်လျင်မြန်မြန် ဆောင်ရွက်တာကို ကျွန်မတို့ သိပ်ကိုအားရပါတယ်။ အစိုးရက အရင်ခြစားမှုတွေကိုလည်း အလေးအနက်ထားနေပါတယ်” ဟု မလေးရှား NGO အဖွဲ့အစည်းတစ်ရပ်ဖြစ်သော ခြစားမှုနှင့် ခရိုနီဝါဒတိုက်ဖျက်ရေးဌာန (C4) မှ အကြီးအကဲ စင်သီယာဂေဘရီယယ်က ပြောကြားခဲ့သည်။

“ဒီကိစ္စနဲ့ပတ်သက်ပြီး စကောပင်းအမှုကို လျစ်လျူပြုလို့မရပါဘူး။ ဖိအားတွေ ဖွဲ့စည်းဖြစ်ပေါ်နေပါပြီ။ ပိုပြီးတော့လည်း စိတ်ဝင်စားဖို့ ကောင်းလာနေပါတယ်” ဟုလည်း ၎င်းက ပြောကြားခဲ့သည်။

နာဂျစ်၏ လတ်တလောအမှုမှာ သူအပါအ၀င် သူ၏မိသားစုနှင့် ခရိုနီများသည် 1 MDB ကုမ္ပဏီမှနေ၍ ဘီလျံနှင့်ချီသောငွေများကို ဗုန်းခဲ့သည်ဟူသော စွပ်စွဲချက်များဖြစ်သည်။ နာဂျစ်သည် ယခုအခါ မလေးရှားမှ ထွက်ခွာခွင့် ပိတ်ပင်ခံထားရပြီး ရဲတပ်ဖွဲ့က သူ၏နေအိမ်နှင့် အခြားနေရာများမှနေ၍ ပမာဏများပြားလှစွာသော ငွေကြေးများ၊ ရတနာများနှင့် ဇိမ်ခံပစ္စည်းများကို သိမ်းယူခဲ့သည်။

1 MDB အမှုသည် နာဂျစ်၏ အတိတ်ဟောင်းများမှ လိင်ကိစ္စ၊ သစ္စာဖောက်မှု၊ ရေငုပ်သင်္ဘော၊ ၀ရမ်းပြေးလူသတ်သမားတစ်ဦးနှင့် ကံဆိုးသူ မွန်ဂိုလီးယား မော်ဒယ်ဟောင်းတစ်ဦး အစရှိသည့်ကိစ္စများနှင့်အတူ စကောပင်းအမှုကို နည်းလမ်းများစွာအားဖြင့် မှိန်ဖျော့ထားခဲ့သည်။

ပြင်သစ်ရေငုပ်သင်္ဘောထုတ်လုပ်ရေး ကုမ္ပဏီဖြစ်သော DCNS သည် အဗ္ဗဒူရာဇက်ဘာဂျင်ဒါဆိုသူနှင့် ဆက်နွှယ်နေသော အယောင်ပြကုမ္ပဏီတစ်ခုအား ဖြတ်စားသည့် ငွေအဖြစ် ယူရို ၁၁၄ သန်း (အမေရိကန်ဒေါ် လာ ၁၃၄ သန်း) ကျော် ပေးခဲ့သည်ဟု စွပ်စွဲခံထားရသည်။ အဗ္ဗဒူရာဇက်ဘာဂျင်ဒါသည် နာဂျစ်နှင့် အနီးကပ်ဆက်စပ် ပတ်သက်သူတစ်ဦးဖြစ်ပြီး ပြင်သစ်ကုမ္ပဏီနှင့် ရေငုပ်သင်္ဘောကိစ္စအတွက် အမေရိကန်ဒေါ်လာ ၁ ဒသမ ၁ ဘီလျံတန်ဖိုးရှိ စာချုပ်ချုပ်ဆိုခဲ့ရာတွင် ပွဲစားလုပ်ခဲ့သူဖြစ်သည်။

အဗ္ဗဒူရာဇက်၏ မယားငယ် မွန်ဂိုလီးယားနိုင်ငံသူ အော်တန်တုယာရှားရီဘူးသည် စေ့စပ်ညှိနှိုင်းမှုများ ပြုလုပ်စဉ်အတွင်း ဘာသာပြန်ပေးခဲ့သည့်အတွက် ဝေစုတောင်းခံခဲ့သည်ဟုဆိုသည်။ ရှာရီဘူးသည် သေနတ်ဖြင့် ပစ်သတ်ခံရပြီး သူ၏အလောင်းကို ၂၀၀၆ ခုနှစ်က ကွာလာလမ်ပူမြို့အနီး၌ စစ်တပ်သုံးအဆင့် ပလတ်စတစ်ဖောက်ခွဲရေးပစ္စည်းများဖြင့် ဖောက်ခွဲဖျက်ဆီးခဲ့သည်ဟု ဆိုသည်။

နာဂျစ်နှင့် ဇနီးဖြစ်သူ ရိုစမာတို့သည် အဆိုပါသတ်ဖြတ်မှု၌ ပါဝင်ပတ်သက်ခဲ့ပြီး အစိုးရအဖွဲ့မှ ကိုယ်ရံတော်တပ်သားနှစ်ဦးကို ဆောင်ရွက်စေခဲ့ခြင်း ဖြစ်သည်ဟုဆိုသည်။ ထိုစဉ်က နာဂျစ်သည် အော်တန်တုယာနှင့် ပတ်သက်သည်ဆိုခြင်းကို ငြင်းဆိုရန် လူသိရှင်ကြား ရှင်းလင်းခဲ့ရသည်။

၂၀၀၈ ခုနှစ်တွင် မလေးရှားတရားရုံးတစ်ခုက အဗ္ဗဒူရာဇက်အနေဖြင့် လူသတ်မှု၌ ပါဝင်သည်ဆိုခြင်းကို ပယ်ချကာ ထိုစဉ်က ဒုတိယ၀န်ကြီးချုပ်ဖြစ်လာသော နာဂျစ်ရာဇက်ကို အကာအကွယ်ပေးခဲ့သည်။

သို့သော် ယခုရွေးကောက်ပွဲရလဒ်က ယင်းအနေအထားများကို ပြောင်းလဲပစ်လိုက်ပြီဖြစ်သည်။

အဆိုပါလူသတ်မှုအတွက် အခြားရဲကိုယ်ရံတော်တစ်ဦးနှင့်အတူ တရားစွဲခံရပြီးနောက် ၂၀၁၅ ခုနှစ်တွင် သြစတြေးလျနိုင်ငံသို့ ထွက်ပြေးသွားသည့် စီရူးအဇာအူမာက သူ့အနေဖြင့် အဆိုပါလူသတ်မှုကို ကျူးလွန်ရန် အမိန့်ပေးခဲ့သူကို ထုတ်ဖော်ပြောကြားရန် အဆင်သင့်ရှိကြောင်း မေ ၁၉ ရက်က မလေးရှားသတင်းဌာနတစ်ခုသို့ ပြောကြားခဲ့သည်။

“အစိုိးရက ကျွန်တော့်ကို လွတ်ငြိမ်းချမ်းသာခွင့် အပြည့်အ၀ပေးမယ်ဆိုရင် အမှန်တကယ် ဖြစ်ပျက်ခဲ့တာကို ပြောပြပြီး အစိုးရအဖွဲ့သစ်ကိုကူညီဖို့ လိုလားပါတယ်” ဟု သြစတြေးလျ လူဝင်မှုကြီးကြပ်ရေး အကျဉ်းထောင်ထဲ၌ ရှိနေသည့် စီရူးက သတင်းဝက်ဘ်ဆိုက်တစ်ခုဖြစ်သော Malaysiakini သို့ ပြောကြားခဲ့သည်။

စီရူးက သူနှင့် သူ၏အဖော်တို့သည် အရေးကြီးပုဂ္ဂိုလ်များအတွက် ဓားစာခံဖြစ်ခဲ့ရကြောင်းနှင့် သူ၏မိသားစုသည် မလေးရှား၌ ရှိနေဆဲဖြစ်သောကြောင့် ယခုအထိ အဖြစ်မှန်ကိုဖွင့်ပြောရန် တွန့်ဆုတ်နေရခြင်းဖြစ်ကြောင်း ပြောကြားခဲ့သည်။

ရွေးကောက်ပွဲရလဒ်ကြောင့် လွန်ခဲ့သည့် သီတင်းပတ်အတွင်းက ထောင်မှလွတ်လာပြီး ၀န်ကြီးချုပ်ဖြစ်လာရန်ပင် ရေပန်းစားနေသော ထိပ်တန်းမလေးရှား နိုင်ငံရေးသမား အန်ဝါအီဗရာဟင်က စီရူးနှင့် သူ၏အဖော် အဇီလာဟာဒရီတို့အား ရုံးတင်စစ်ဆေးမှု အသစ်ပြုလုပ်ပေးမည်ဟု အာမခံသင့်ကြောင်း မေ ၁၇ ရက်က ပြောကြားခဲ့သည်။

“ဒီအချိန်မှာတော့ တရားစီရင်ရေးဟာ ယုံကြည်စိတ်ချရသင့်ပါတယ်” ဟု အန်ဝါ (၇၀ နှစ်) က တွေ့ဆုံမေးမြန်းခန်းတစ်ခု၌ ပြောကြားခဲ့သည်။

“နာဂျစ် ပါလား မပါလား၊ ဒါမှမဟုတ် ဘယ်အတိုင်းအတာထိ ပါတယ်ဆိုတာ ကျွန်တော်မသိပါဘူး။ ဒါပေမဲ့ သူက တစ်နည်းနည်းနဲ့တော့ ရှုပ်ထွေးအောင်လုပ်ခဲ့တာပါပဲ” ဟုလည်း အန်ဝါက ဆိုသည်။

အဗ္ဗဒူရာဇက်ကဲ့သို့ပင် စကောပင်းအမှုနှင့် ပတ်သက်နေသော ပြင်သစ်ထိပ်တန်း အလုပ်အမှုဆောင် အရာရှိဟောင်းနှစ်ဦးကို စုံစမ်းစစ်ဆေးသူများက စစ်ဆေးမေးမြန်းမှုများ ပြုလုပ်ခဲ့သည်ဟု ပြင်သစ်တရားရေး သတင်းရင်းမြစ်များက လွန်ခဲ့သည့်နှစ်တွင် ပြောကြားခဲ့ဖူးသည်။

မလေးရှားရွေးကောက်ပွဲပြီးနောက် C4 အဖွဲ့က ရေငုပ်သင်္ဘောကိစ္စ၊ အော်တန်တုယာကို သတ်မှုတို့နှင့်ပတ်သက်၍ နာဂျစ်နှင့် အခြားသူများအား စုံစမ်းစစ်ဆေးမှုတစ်ရပ် ချက်ချင်းပြုလုပ်ရန် လူသိရှင်ကြား တောင်းဆိုထားသည်။

၂၀၀၈ ခုနှစ်ကအမှုတွင် ပါဝင်ပတ်သက်သည့် ပုဂ္ဂလိက စုံစမ်းစစ်ဆေးသူတစ်ဦးဖြစ်သည့် ပီဘလာဆူဗရာမေးနီးယန်းဆိုသူက နာဂျစ်အပါအ၀င် အစိုးရအရာရှိများ လူသတ်မှု၌ ပါဝင်ပတ်သက်သည်ဟု ပြောကြားခဲ့ဖူးသည်။ သို့သော် သူက ခြိမ်းခြောက်အကျပ်ကိုင်မှုအောက်၌ ပြောခဲ့ခြင်းသာ ဖြစ်သည်ဟုဆိုကာ သူ့စကားအား အလျင်အမြန် ပြန်ရုပ်သိမ်းခဲ့ပြီး အိန္ဒိယသို့ ထွက်ပြေးသွားခဲ့သည်။

နာဂျစ်အနေဖြင့် အရေးကြီးသော ရွေးကောက်ပွဲနှင့် ရင်ဆိုင်နေရစဉ် ၂၀၁၃ ခုနှစ်၌ ဘလာဆူဗရာမေးနီးယန်းသည် မလေးရှားသို့ ပြန်လာခဲ့ပြီး အမှန်ကိုထုတ်ဖော်ပြောဆိုမည်ဟု ကတိပြုခဲ့သည်။ သို့သော် ယင်းနောက် သီတင်းနှစ်ပတ်အကြာ၌ သေဆုံးသွားခဲ့ပြီး အစိုးရအာဏာပိုင်များက သူသည် နှလုံးရောဂါကြောင့် သေဆုံးခြင်းဖြစ်သည်ဟု ဆိုသည်။

 

ပြောင်းလဲလိုက်တဲ့ စိုက်ဘဏ်ချေးငွေ စနစ်အသစ်အရ ဘာတွေဖြစ်လာနိုင်လဲ

ဧရာဝတီတိုင်းဒေသကြီး ကျေးလက်တစ်ခုရှိ လယ်ယာလုပ်ငန်းခွင်တစ်ခုကို တွေ့ရစဉ် (ဓာတ်ပုံ-မင်းသူဝင်းထွဋ်)

မြန်မာ့လယ်ယာဖွံ့ဖြိုးရေးဘဏ်မှ တောင်သူများကို စိုက်ပျိုးစရိတ်ချေးငွေ ထုတ်ချေးရာမှာ စနစ်ပုံစံအသစ်နဲ့ အရင်ကျင့်သုံးခဲ့တဲ့ သုံးဦးလျှင်တစ်စုအဖြစ် ၀ိုင်းလေးချုပ်စနစ်မှ တစ်ဦးချင်းစီကို တိုက်ရိုက်ထုတ်ချေးတဲ့ ပုံစံစနစ်အသစ်ကို ၂၀၁၈ ခုနှစ် မိုးရာသီ စိုက်ပျိုးစရိတ်ချေးငွေမှ စတင်ကာ ပြောင်းလဲကျင့်သုံးသွားမယ်လို့ ကြေညာချက် ထုတ်ပြန်ခဲ့ပါတယ်။ တောင်သူတစ်ဦးချင်းစီကို မိမိတို့ဆန္ဒအလျောက် မိမိကိုယ်တိုင် တာဝန်ယူမှု တာဝန်ခံမှုနဲ့ ငွေထုတ်ချေးပေးသည့်စနစ်ဟာ တောင်သူလယ်သမားများ ကိုယ်တိုင်ကရော တောင်သူများအကျိုးပြု လေ့လာကူညီပေးနေသည့် အဖွဲ့အစည်းများကပါ အစဉ်အဆက် အကြိမ်ကြိမ်တောင်းဆိုခဲ့တဲ့ စနစ်တစ်ခုဖြစ်ပါတယ်။ ဒီစနစ်ဟာ မကြာမီရက်ပိုင်းအတွင်းမှာ ထုတ်ချေးတော့မယ့် ၂၀၁၈ ခုနှစ် မိုးရာသီ စိုက်ပျိုးစရိတ်ချေးငွေစနစ်မှာ စတင်အသက်ဝင် ဆောင်ရွက်တော့မှာ ဖြစ်ပါတယ်။

စနစ်အသစ်မှာ ဘယ်လိုသတ်မှတ်ချက်တွေ ပါဝင်သလဲ

တောင်သူတစ်ဦးချင်းစီကို တိုက်ရိုက်ထုတ်ပေးတဲ့ ချေးငွေစနစ်အသစ်မှာ သတ်မှတ်ထားတဲ့ စည်းမျဉ်းစည်းကမ်း၊ ချေးငွေထုတ်ပေးရာတွင် မြန်မာ့လယ်ယာဖွံ့ဖြိုးရေးဘဏ်များမှ လိုက်နာဆောင်ရွက်ရန် လုပ်ငန်းစဉ်များကို မြန်မာ့လယ်ယာဖွံ့ဖြိုးရေးဘဏ် ရုံးချုပ်ကနေ မေ ၁၁ ရက်က ထုတ်ပြန်ကြေညာခဲ့ပါတယ်။

ချေးငွေညွှန်ကြားစာအရ ဘဏ်ချေးငွေမူစနစ်တွင် အချက်ငါးချက် ပါဝင်ခဲ့ပြီး ယခင်စနစ်ဟောင်းနှင့် နှိုင်းယှဉ်ပါက ကြီးမားသော အပြောင်းအလဲမရှိခဲ့ဘဲ တောင်သူတစ်ဦးကို သီးနှံ ၁၀ ဧက နှုန်းထားအထိသာ ထုတ်ချေးပေးသည့် စည်းကမ်းသတ်မှတ်ချက်က ပါဝင်နေဆဲဖြစ်ပါတယ်။ တောင်သူတစ်ဦးဟာ လယ်ဘယ်နှစ်ဧကပဲ ပိုင်ဆိုင်ထားပါစေ စိုက်ပျိုးစရိတ်ချေးငွေဟာ တစ်ဧကအတွက် တစ်သိန်းငါးသောင်းကျပ်နှုန်းနဲ့ ဆယ်ဧကအထိအတွက်သာ ထုတ်ယူခွင့်ရရှိမှာပါ။

ချေးငွေစည်းကမ်း သတ်မှတ်ချက်များမှာတော့ အချက်ကိုးချက်အထိ ပါဝင်ပြီး အချက်အားလုံးဟာ ချေးငွေထုတ်ယူမည့် တောင်သူများအပေါ် သတ်မှတ်ထားတဲ့ စည်းကမ်းချက်များပဲဖြစ်ပါတယ်။ စည်းကမ်းချက် (ခ) မှာ ပါဝင်တဲ့ ယခင်စိုက်ပျိုးစရိတ် ထုတ်ချေးခဲ့စဉ်က ၀ိုင်းလေးချုပ်စနစ်ဖြင့် ထုတ်ချေးသည့်စနစ်အရ တောင်သူသုံးဦးလျှင် တစ်စုအဖြစ် ထုတ်ချေးခဲ့ပြီး အစုအဖွဲ့အတွင်း အခြားသောတောင်သူများမှ ကြွေးများ ပြန်လည်မပေးသွင်းသော်လည်း မိမိကိုယ်တိုင်က ကြွေးများကျေလည်အောင် ပြန်လည်ပေးသွင်းပြီးဆိုပါက ယခုသတ်မှတ်သည့် တစ်ဦးချင်းစီအလိုက် ထုတ်ချေးသည့်ချေးငွေကို ရရှိနိုင်မှာဖြစ်ပါတယ်။ ဒါဟာ ကြိုဆိုရမည့်အချက်ဖြစ်ပြီးတော့ တောင်သူအားလုံးအတွက် အဆင်ပြေစေမယ့်အချက်ပဲ ဖြစ်ပါတယ်။ မိမိကိုယ်ကို တာဝန်ယူမှု တာဝန်ခံမှုသာ ရှိရတော့မှာပါ။

တောင်သူများအတွက် အဓိကအခက်အခဲကတော့ စည်းကမ်းချက် (င) မှာ ပါဝင်တဲ့ သတ်မှတ်ချက်ပါပဲ။ စည်းကမ်းချက်ပါအရ တောင်သူတစ်ဦးဟာ မြန်မာ့လယ်ယာဖွံ့ဖြိုးရေးဘဏ်ကနေ ငွေချေးယူသည့်နေ့မှ စတင်ပြီးတော့ ချေးငွေပြန်လည်ပေးဆပ် အကြွေးကျေသည့်အချိန်ထိ မိမိတို့ပိုင်ဆိုင်ထားသော လယ်ယာမြေ လုပ်ပိုင်ခွင့်ပြုလက်မှတ် ပုံစံ (၇) မူရင်းအား မြန်မာ့လယ်ယာဖွံ့ဖြိုးရေးဘဏ်ထံမှာ အပ်နှံထားရမှာပါ။ ဒါဟာ အပေါင်ထားတဲ့ စနစ်ပုံစံတစ်မျိုးလည်း ဖြစ်ပါတယ်။ ပုံစံ (၇) မူရင်းကို ဘဏ်မှာထားရခြင်းဟာ တောင်သူများအတွက် အခက်အခဲများစွာကို ကြုံတွေ့လာရမှာ အသေအချာပါပဲ။

“ပုံစံ (၇) ကို သိမ်းလိုက်မယ်။ ကျွန်တော်တို့က လယ်ဆယ်ဧကအထိပဲ ချေးလို့ရတာ။ စိုက်ဘဏ်က ကျွန်တော်တို့က လယ် ၁၀ ဧက ထက်ပိုတဲ့ ဧကတွေကျတော့ စိုက်ဘဏ်က ချေးပေးတာမရှိဘူး။ အဲဒီအတွက် ကျွန်တော်တို့က ဒီပုံစံ (၇) ကို ဧက ၂၀ ရှိတယ်ဆို ၂၀၊ ၃၀ ရှိတယ်ဆို ၃၀ အဲဒီလိုတစ်ရွက်ထဲမှာ ပါသွားခဲ့ရင် ကျွန်တော်တို့က ဒီပုံစံ (၇) ကို အပေါင်ပြပြီး အခြားမှာ ချေးငွေထုတ်ရမယ့်ဟာမျိုးကို အခက်အခဲတွေဖြစ်လာနိုင်တယ်။ အရင်နှစ်တွေက မိတ္တူပဲပေးရတာ ဒီနှစ်လည်းကျရော မူရင်းပေးရမယ်ဆိုတော့ ကျွန်တော်တို့ တောင်သူတွေအနေနဲ့ လိုတဲ့ငွေကြေးကို ရှာဖွေဖို့ အခက်အခဲတွေအများကြီး ဖြစ်လာနိုင်ပါတယ်။ ဒီအထဲမှာ သူတို့ပေးတဲ့ တစ်သိန်းခွဲဆိုတာ ကောက်စိုက်တဲ့စရိတ်နဲ့ ပျိုးနုတ်တဲ့စရိတ်လောက်ပဲ ရမှာဖြစ်တဲ့အတွက် လက်ရှိပေးတဲ့ ၁၀ ဧကမှာလည်း ငွေကြေးက လိုသေးပါတယ်။ အဲဒီတော့ ဒီပုံစံ (၇) နဲ့ အခြားနေရာတွေမှာ ကုမ္ပဏီတွေမှာပြပြီး ထပ်ချေးရပါတယ်။ အခုဒီပုံစံ (၇) မူရင်းကို ပေးမှရမယ်ဆိုရင်တော့ ကျွန်တော်တို့ လယ်သမားတွေအကုန်လုံး လုပ်ငန်းတွေမှာ အခက်အခဲတွေ ဖြစ်သွားနိုင်ပါတယ်” ဟု တောင်သူလယ်သမားအဖွဲ့ အတွင်းရေးမှူး ဦးအေးသောင်းက ကိုယ်တိုင်လယ်ယာလုပ်ငန်း လုပ်ဆောင်နေသူဖြစ်သည်မို့ တောင်သူများရဲ့ အခက်အခဲကို ထောက်ပြပြောကြားခဲ့ပါတယ်။

ထပ်မံဖြည့်စွက်တဲ့ ညွှန်ကြားချက်ဟာ တောင်သူအပေါ် ဘာတွေအကျိုးသက်ရောက်မလဲ

မြန်မာ့လယ်ယာဖွံ့ဖြိုးရေးဘဏ်မှ ချေးငွေစနစ်အသစ်အတွက် မေ ၁၁ ရက်က ထုတ်ပြန်ခဲ့သည့် ချေးငွေညွှန်ကြားစာကို ထပ်မံဖြည့်စွက်သည့် ညွှန်ကြားစာအသစ်အား မေ ၁၆ ရက်က ထပ်မံထုတ်ပြန်ခဲ့ပါသေးတယ်။ ညွှန်ကြားစာအသစ်တွင် ၂၀၁၈ ခုနှစ် မိုးချေးငွေညွှန်ကြားစာ အပိုဒ် (၂) ဘဏ်ချေးငွေမူစနစ်၏ အပိုဒ်ခွဲ (ဂ) တွင် ဖော်ပြထားသည့် အချက်များအစား ‘ချေးငွေကို အိုးခွဲစား အိမ်ထောင်ဦးစီး (သို့မဟုတ်) ၎င်း၏ အိမ်ထောင်စုစာရင်းဝင်ဖြစ်ပြီး လယ်ယာမြေလုပ်ပိုင်ခွင့် လက်မှတ်ပုံစံ (၇) အမည်ပေါက်သူတစ်ဦးကိုသာ ချေးငွေထုတ်ချေးရမည်။ ၎င်း၏ အိမ်ထောင်စုအတွင်း ပုံစံ(၇) အမည်ပေါက်သူ တစ်ဦးထက်ပိုပါက အိမ်ထောင်ဦးစီးက ထောက်ခံသည့်သူတစ်ဦးကိုသာ ငွေထုတ်ချေးရမည်၊ အိမ်ထောင်စုတစ်ခုအတွင်း တစ်ဦးထက်ပို၍ ထုတ်ချေးခြင်းမပြုရပါ” လို့ ဖော်ပြပါရှိပါတယ်။

သတ်မှတ်ချက်စည်းကမ်းကို အဓိပ္ပာယ်ဖွင့်ဆိုရပါက အိမ်ထောင်စုစာရင်း တစ်ခုတည်းမှာပဲရှိနေပြီး ဖခင်အမည်နဲ့ ပုံစံ (၇) တစ်ခု လယ်လုပ်ကွက်အစုအဖွဲ့တစ်ခု၊ မိခင်အမည်နဲ့ ပုံစံ (၇) တစ်ခု လယ်လုပ်ကွက် အစုအဖွဲ့တစ်ခု၊ သားသမီးအမည်နဲ့ ပုံစံ (၇) တစ်ခု လယ်လုပ်ကွက် အစုအဖွဲ့တစ်ခုစီ ပိုင်ဆိုင်ထားပါစေဦးတော့ အိမ်ထောင်စုစာရင်း တစ်ခုတည်းမှာ အတူပါဝင်နေသည့်အတွက် ယခင်ကဲ့သို့ ချေးငွေအသီးသီး ထုတ်ယူနိုင်တော့မှာမဟုတ်ဘဲ အိမ်ထောင်စုစာရင်းတွင် ပါဝင်သူတစ်ဦးတည်းကသာ ထုတ်ယူခွင့်ရတော့မှာပါ။

ဒီသတ်မှတ်ချက်ဟာ တောင်သူများအတွက် ကြီးမားသောအခက်အခဲပါပဲ။ ကျေးလက်နေပြည်သူဆိုတာ အိမ်ထောင်စုစာရင်း နိုင်ငံသားစိစစ်ရေးကတ်ပြား မှတ်ပုံတင်ဆိုတာ မြို့တွေပေါ်မှာလို လွယ်လွယ်ကူကူ လုပ်ကိုင်ပြောင်းရွှေ့နိုင်ကြသူတွေ မဟုတ်ပါဘူး။ လယ်သမားမိသားစုတစ်စုမှာ သားသမီးတွေဟာ အချိန်တန်အိမ်ထောင်ကျကာ အိမ်ထောင်ခွဲနေပြီဆိုပါက လယ်ယာမြေများကိုသာ လွယ်ကူစွာ ခွဲခြမ်းပေးကြတာပါ။ မြို့ပေါ်ထိ အဆင့်ဆင့် သွားရောက်လုပ်ဆောင်နေရတဲ့ အိမ်ထောင်စုစာရင်းကိုပါ ခွဲခြမ်းအသစ် လျှောက်ထားတယ်ဆိုတာ မရှိသလောက်ပါပဲ။ အရင်စနစ်အဟောင်းအရ အဖေ့လယ်အတွက်လည်း စိုက်ပျိုးစရိတ်ချေးငွေ ထုတ်လို့ရဖို့ သားလယ်အတွက်လည်း စိုက်ပျိုးစရိတ် ချေးငွေထုတ်လို့ရဖို့ဆိုတဲ့ နည်းလမ်းတစ်ခုနဲ့သာ အမွေရတဲ့ လယ်ယာမြေကို ပုံစံ (၇) မှာ ပိုင်ရှင်အမည် ပြောင်းရွှေ့တာပဲ များပါတယ်။ အခုစနစ်အရ အိမ်ထောင်စုစာရင်းမှာ အတူပါဝင်နေပါက ပုံစံ (၇) နှစ်ခုပဲရှိရှိ အမည်ပေါက်နှစ်ဦးပဲရှိရှိ ချေးငွေကို ထုတ်ယူဖို့ဆိုတာ တစ်ဦးတည်းကသာ အိမ်ထောင်စုစာရင်းမှာ ပါဝင်တဲ့ မိသားစုတွေရဲ့ သဘောထားကို ရယူပြီးတော့ ထုတ်ယူခွင့်ရတော့မှာပါ။

ဥပမာတစ်ခုနဲ့ ရှင်းလင်းပြသရရင် လယ် ၂၅ ဧက ပိုင်ဆိုင်တဲ့ လယ်သမားကြီးတစ်ဦးမှာ အချိန်တန် အရွယ်ရောက်လို့ အိမ်ထောင်ကျသွားတဲ့ သားနှစ်ဦးရှိသည်ဆိုပါက သူဟာ မိဘတို့ဝတ္တရားအရ သားကြီးကို လယ်ရှစ်ဧက အမွေပေးမယ်၊ သားအငယ်ကို လယ်ရှစ်ဧက အမွေပေးမယ် သူဟာ လယ်ကိုးဧကကို ဆက်လက်လုပ်ကိုင်နေသည်ပေါ့။ ယခင်စနစ်အဟောင်းအရ သားကြီးကလည်း သူရရှိထားတဲ့ လယ်ရှစ်ဧကကို သူ့နာမည်နဲ့ ပုံစံ (၇) ရယူပြီးတော့ စိုက်ဘဏ်ချေးငွေကို နှစ်တိုင်းရရှိနေသလို သားငယ်ရော လယ်သမားကြီးကပါ နှစ်တိုင်းချေးငွေထုတ်ယူလို့ ရရှိခဲ့ပါတယ်။ ကျေးလက်နေပြည်သူတို့၏ သဘောသဘာဝအရ အိမ်ထောင်စုအစု ခွဲသွားလည်း နေရာပြောင်းရွှေ့ နေထိုင်ကြသူတွေ အလွန်နည်းပါးပြီး ဥယျာဉ်ခြံဝင်းအတွင်းမှာသာ အိမ်ငယ်လေးများ ထပ်မံဆောက်လုပ်ကာ မိသားစုဝိုင်းဝိုင်းဝန်းဝန်းနဲ့ အိမ်ထောင်စုစာရင်း တစ်ခုတည်းနဲ့ စုစုစည်းစည်း နေကြသူတွေပါ။ အခုစနစ်သစ်အရ အိမ်ထောင်စုစာရင်း တစ်ခုတည်းမှာ ပါဝင်နေတာမို့ သူတို့စိုက်ဘဏ်ချေးငွေကို ဘယ်လိုထုတ်ယူရမလဲဆိုတာ စဉ်းစားစရာဖြစ်သွားပါပြီ။ အိမ်ထောင်စုစာရင်းအတွင်း ပါဝင်သူတစ်ဦးတည်းကသာ ချေးငွေထုတ်ယူလို့ရမှာမို့ ကျန်ရှိတဲ့ လယ်ယာမြေအတွက် ဘယ်ကစိုက်ပျိုးစရိတ်နဲ့ စိုက်ပျိုးလုပ်ကိုင်ကြမလဲဆိုတာ သူတို့အတွက် စဉ်းစားပေးကြည့်ဖို့လိုပါတယ်။ လိုအပ်သေးတဲ့ လယ်ယာမြေအတွက် အခြားမှ ငွေတိုးချေးငှားကာ လုပ်ဆောင်ကြဖို့ရှိနေပါပြီ။

နောက်ထပ် ပြင်ဆင်ဖြည့်စွက်တဲ့ ချေးငွေညွှန်ကြားစာပါ အချက်ကတော့ ၂၀၁၈ ခုနှစ် မိုးချေးငွေ ညွှန်ကြားစာ အပိုဒ် (၃) ငွေချေးစည်းကမ်း သတ်မှတ်ချက်များ၏ အပိုဒ်ခွဲ (င) တွင် ဖော်ပြထားချက်များအပြင် ‘ချေးငွေရယူမှုအတွက် အခြားသောအစိုးရဘဏ် သို့မဟုတ် အစိုးရက အသိမှတ်ပြုထားသောဘဏ်၊ စက်မှုလယ်ယာနှင့် သမ၀ါယမတို့တွင် ပုံစံ(၇) မူရင်းကို ပေါင်နှံထားသူဖြစ်ပါက ၎င်းတောင်သူအနေဖြင့် ဘဏ်ချေးငွေ ချေးယူမှုအခွင့်အရေး ဆုံးရှုံးနစ်နာမှုမရှိစေရန် ပုံစံ (၇) မူရင်းရယူထားသည့်ဌာန။ အဖွဲ့အစည်းများမှ ထောက်ခံချက်ပေးပါက ပုံစံ(၇) မိတ္တူကိုရယူ၍ ချေးငွေ ထုတ်ချေးပေးနိုင်သည်” လို့ ဖြည့်စွက်ထားပါတယ်။

ဖြည့်စွက်စည်းကမ်းချက်အရ တောင်သူတစ်ဦးဟာ စိုက်ပျိုးစရိတ်ချေးငွေကို မြန်မာ့လယ်ယာဖွံ့ဖြိုးရေးဘဏ်မှ ရယူလိုပါက ၎င်းပိုင်ဆိုင်ထားတဲ့ ပုံစံ (၇) မူရင်းကို ပေးအပ်ထားရမယ်ဆိုတာ မူလထုတ်ပြန်ခဲ့တဲ့ စည်းကမ်းချက်များမှာ ပါဝင်ခဲ့ပြီးဖြစ်ပါတယ်။ မြန်မာ့လယ်ယာဖွံ့ဖြိုးရေးဘဏ်မှ ချေးငွေထုတ်ချေးပေးတာဟာ စိုက်ပျိုးစရိတ်ချေးငွေသာဖြစ်ပြီး လယ်တစ်ဧကအတွက် တစ်သိန်းငါးသောင်းကျပ် အများဆုံးမှ လယ် ၁၀ ဧကအတွက်သာ ထုတ်ချေးပေးတာပါ။ တောင်သူတစ်ဦးဟာ မိမိလယ်ယာမြေအတွင်းမှာ အသုံးပြုဖို့ ထွန်စက်ကိုင်းစက် ရိတ်သိမ်းခြွေလှေ့စက်များကို ၀ယ်ယူဖို့ဆိုတာ မလွယ်လှပါဘူး။ ဒါကြောင့် တောင်သူတစ်ဦးဟာ စက်ကိရိယာများဝယ်ယူဖို့ မိမိပိုင် ပုံစံ (၇) မူရင်းကို စက်မှုလယ်ယာ၊ သမ၀ါယမ၊ ဘဏ်များနှင့် အခြားသော ကုမ္ပဏီအဖွဲ့အစည်းများကို အပေါင်ပေးပြီးတော့ အရစ်ကျစနစ်နဲ့ ၀ယ်ယူကြရပါတယ်။ ယခုချေးငွေစနစ်သစ်အရ ပုံစံ (၇) မူရင်းကို အပေါင်ပေးထားရမှာမို့ ယခင်က ၀ယ်ယူထားတဲ့ စက်ကရိယာများအတွက် ပုံစံ (၇) မူရင်းကို အပေါင်ပေးထားတဲ့ တောင်သူတွေဟာ အခက်တွေ့မှုကို ယာယီဖြေရှင်းပေးဖို့ ဖြည့်စွက်လိုက်တဲ့ စည်းကမ်းပဲ ဖြစ်ပါတယ်။ ဖြည့်စွက်စည်းကမ်းမှာ စက်မှုလယ်ယာ၊ သမ၀ါယမ၊ ဘဏ်များနှင့်သာ ချိတ်ဆက်ပြီး ပုံစံ(၇) မိတ္တူကို လက်ခံပေးဖို့ဆိုတာသာ ပါဝင်နေပြီး ကုမ္ပဏီများနှင့် ချိတ်ဆက်ဝယ်ယူထားတဲ့ တောင်သူများအနေဖြင့် ပုံစံ(၇)ကို ဘယ်လိုရယူဆောင်ရွက်နိုင်တယ်ဆိုတာ မပါဝင်ပါဘူး။ လယ်ယာသွင်းအားစု စက်ကရိယာများကို လွယ်ကူစွာဝယ်ယူနိုင်တာဟာ ကုမ္ပဏီများထံကပဲ ဖြစ်နေတာလည်း စည်းကမ်းသတ်မှတ်သူများ သိသင့်တဲ့အချက်တစ်ခုပါပဲ။

“စိုက်ဘဏ်ကနေပြီးတော့ နှစ်တိုင်း နှစ်တိုင်းကတော့ ပုံစံ (၇) မိတ္တူနဲ့ပဲ လက်ခံတာပေါ့နော်။ မိတ္တူနဲ့ လက်ခံတဲ့အတွက် ဒီလယ်သမားတွေကလည်း အပြင်မှာ ဒီပုံစံ(၇)ကို ထားပြီးတော့ ငွေရှာလို့ရတယ် စိုက်ဘဏ်က ချေးပေးတဲ့ဟာလည်းရတယ်။ ဒီနှစ်မှာတော့ စိုက်ဘဏ်က ပုံစံ (၇) မူရင်းတွေကို သိမ်းမယ်ဆိုတော့ ဒီလိုသိမ်းခြင်းအားဖြင့် ဘာဖြစ်နိုင်လဲဆိုတော့ နံပါတ် (၁) လယ်သမားရဲ့ အခက်အခဲက မှန်းကြည့်တာပေါ့နော် ခန့်မှန်းခြေပေါ့ ရာခိုင်နှုန်း ၄၀ လောက်က ပုံစံ (၇) တွေ ရနိုင်ဖို့မလွယ်ဘူး။ ဘာကြောင့်လဲဆိုတော့ ဒီပုံစံ (၇) တွေဟာ ဒို့ကုမ္ပဏီတွေ လုပ်ငန်းရှင်တွေ လက်ထဲရောက်နေတယ်။ ရောက်နေတဲ့အတွက် ဒီကိစ္စကလည်း လျှို့ဝှက်လုပ်တာမဟုတ်ဘူး။ ဒီစိုက်ဘဏ်ကလည်း ဒီနှစ်မှ ပုံစံ (၇) ကိုအပ်မှ ငွေထုတ်ချေးမယ်ပြောတဲ့အတွက် ဒီဖက်မှာလည်း လယ်သမားက ပုံစံ (၇) ကို နဂိုလိုသွားပြီးတော့ ကုမ္ပဏီတွေ လုပ်ငန်းရှင်တွေဆီမှာ သွားပြီးတော့ တောင်းလို့ရမှာမဟုတ်တော့ဘူး။ ဒါ့ကြောင့် လယ်သမားတွေမှာ တော်တော်အခက်အခဲ ဖြစ်လာနိုင်တယ်။ ဒီနေ့ပဲအခု ကျောက်စောင်းဆိုတဲ့ရွာကို သွားခဲ့တယ်။ အဲဒီမှာ တစ်ဖက်မှာလည်း ဘဏ်ပေါင်ထားတယ်၊ လယ်သမားတွေလည်း အခုထဲက ကြိုတင်ပြီး ကြိုးစားနေတာရှိတယ်။ ကြိုတင်ပြီးတော့ ဒီလယ်ကို ပေါင်ထားလို့ရမလားဆိုတာ။ အခုစနစ်က ဧကများတဲ့ တောင်သူတွေအတွက်တော့ အခက်အခဲကသိပ်မရှိဘူး ပုံစံ (၇) ကို ခွဲထားပြီးတော့ ဘဏ်မှာလည်း ချေးလို့ရနိုင်မယ်။ ဒီဖက်မှာလည်း ပေါင်ထားလို့ရနိုင်တယ်၊ ဧကနည်း တောင်သူတွေအတွက်တော့ အခက်အခဲတွေ အများကြီးရှိလာနိုင်တယ်” ဟု ဧရာဝတီတိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်းဥက္ကဋ္ဌ ဦးဝင်းမြင့်လှိုင်က ပြောပါတယ်။

စည်းကမ်းချက်များ တင်းကျပ်ခြင်းဟာ စိုက်ဘဏ်အနေဖြင့် မှားယွင်းနေသလား

၂၀၁၈ ခုနှစ် မိုးရာသီ စိုက်ပျိုးစရိတ်ချေးငွေကို တောင်သူတစ်ဦးချင်းစီအလိုက် ချေးငွေထုတ်ပေးဖို့ စနစ်ပြောင်းလဲရာမှာ မြန်မာ့လယ်ယာဖွံ့ဖြိုးရေးဘဏ်အနေနဲ့ သတ်မှတ်လိုက်တဲ့ စည်းကမ်းချက်များဟာ တောင်သူတွေ လိုက်နာဆောင်ရွက် ခက်ခဲတယ်ဆိုပေမယ့် စည်းကမ်းချက်တိုင်းဟာ လိုအပ်ချက် ဖြစ်ပေါ်နေသည်တော့ မပြောနိုင်ပါဘူး။

မြန်မာနိုင်ငံအတွင်းမှာ တောင်သူလယ်သမားအများစု နေထိုင်ပြီးတော့ စပါးစိုက်ပျိုးမှုကို အဓိကလုပ်ဆောင်နေတဲ့ ဧရာဝတီတိုင်းဒေသကြီး တစ်ခုတည်းမှာပင် ၂၀၁၂ ခုနှစ် မိုးရာသီစရိတ် ချေးငွေကနေစပြီးတော့ ၂၀၁၆ ခုနှစ် ဆောင်းရာသီ စိုက်ပျိုးစရိတ်ချေးငွေအထိ အချိန်စေ့လွန် ကြွေးကျန်ပေါင်း ၇၈၀၄၀ ဒသမ ၇၉ ကျပ်သန်းကို တောင်သူဦးရေပေါင်း ၁၈၄၃၃၄ ဦးထံကနေ မြန်မာ့လယ်ယာဖွံ့ဖြိုးရေးဘဏ်က ကောက်ခံရရှိခြင်း မရှိသေးပါဘူး။ ၂၀၁၇ ခုနှစ် မိုးရာသီစိုက်ပျိုးစရိတ် ချေးငွေကနေ ၂၀၁၇ ခုနှစ် ဆောင်းရာသီ စိုက်ပျိုးစရိတ်ချေးငွေအထိ အချိန်စေ့ ကြွေးကျန်ပေါင်း ၂၈၇၅၀၇ ဒသမ ၂၀ ကျပ်သန်းကိုလည်း ရရှိဖို့ကျန်ရှိနေပါသေးတယ်။ ဒါဟာ တောင်သူများရဲ့ စိုက်ပျိုးစရိတ်ချေးငွေကို ကြေလည်အောင် မပေးသွင်းနိုင်မှုအပေါ်မှာ တင်းကျပ်မှုတွေ ဖြစ်ပေါ်လာတယ်လို့ပဲ ဆိုရပါမယ်။

ယခုပြောင်းလဲလိုက်တဲ့ တောင်သူတစ်ဦးချင်း စိုက်ပျိုးစရိတ်ချေးငွေစနစ်အရ မြန်မာ့လယ်ယာဖွံ့ဖြိုးရေးဘဏ်ဟာ ယခုကိန်းကဏန်များထက် ပိုပြီးတော့ ကြွေးကျန်များစွာ ထပ်တိုးလာဖို့ရှိနေပါတယ်။ ပုံစံ(၇) မူရင်းကို အပေါင်ထားရမည့် စနစ်အရ အိမ်ထောင်စုစာရင်းတွင် ပါဝင်သည့်သူများအနက် တစ်ဦးတည်းကိုသာ ထုတ်ချေးပေးမည်ဟုဆိုသော စနစ်အရ အိမ်ထောင်စုတစ်ခုတည်းကနေ အပေါ်မှာ ဥပမာပြတင်ပြခဲ့တဲ့ လယ်သမားကြီးကဲ့သို့သော မိသားစုဝင်များဟာ မြန်မာ့လယ်ယာဖွံ့ဖြိုးရေးဘဏ်ကနေ တစ်ဦးတည်းသာ စိုက်ပျိုးစရိတ်ချေးငွေ ထုတ်ချေးဖို့ ဆုံးဖြတ်ပြီး ကျန်သောလယ်ယာမြေများ ဆက်လက်လုပ်ဆောင်နိုင်ဖို့ ကျန်ရှိနေသေးတဲ့ ပုံစံ (၇) မူရင်းနှစ်ခုကို အခြားသော ငွေရှင်များထံမှာ အပေါင်ထားပြီးတော့ ထုတ်ယူပြီး ယမန်နှစ်စိုက်ပျိုးရာသီက စိုက်ဘဏ်က ထုတ်ယူထားတဲ့ချေးငွေကို မပေးဆပ်တော့ဘဲထားရှိမှာ သေချာနေပါပြီ။ ဒီလိုလုပ်ဆောင်မှု များပြားလာခဲ့မယ်ဆိုလျှင် တောင်သူဘက်ရော မြန်မာ့လယ်ယာဖွံ့ဖြိုးရေးဘဏ်ဘက်ရော အကျိုးယုတ်စေမှာပါ တောင်သူအနေနဲ့လည်း အတိုးမြင့်မားစွာနဲ့ စိုက်ပျိုးစရိတ်ရှာဖွေမည်ဖြစ်သလို ဘဏ်အနေနဲ့လည်း အကြွေးဆုံးဖို့ များပြားလာခဲ့ပါပြီ။

“ကိစ္စရပ်တိုင်းမှာတော့ အကျိုးရောအပြစ်ရော ဒွန်တွဲနေတာပဲလေ အကျိုးကများရင် လုပ်သင့်တယ်ပေါ့။ အပြစ်ကများရင် မလုပ်သင့်ဘူးပေါ့။ ဒီကိစ္စက ပေါ်လစီပိုင်းဆိုင်ရာကိစ္စတွေ ဖြစ်တဲ့အတွက် ဒီအပေါ်မှာ ရင်ထဲရှိတဲ့အတိုင်းအသိ အသိတိုင်း ပြောလိုက်ပြန်ရင်လည်း တချို့ကိစ္စကျ Found ဖြစ်နိုင်တယ်။ ကျွန်တော်တို့ဘက်ကတော့ ဘာကိစ္စလေးတွေရှိမလဲဆိုတော့ ဒီလယ်သမားတစ်ယောက်ကို တစ်ဧက တစ်သိန်းခွဲ ၁၀ ဧက ၁၅ သိန်း တစ်ယောက်ကို ၁၅ သိန်း ချေးပြီးတော့ အဲဒီလူက အကြောင်းကြောင်းကြောင့် သော်လည်းကောင်း၊ တမင်တကာ သော်လည်းကောင်း၊ စီးပွားရေးအရ သော်လည်းကောင်း သူ့ဘာသာ ရွှေတောကျောက်တောသွားမယ်။ တမင်တိမ်းရှောင်သွားမယ် သူ့ဘာသာ ထိုင်း၊ မလေးရှား၊ စင်ကာပူ ထွက်သွားမယ်။ အချိန်တန် အကြွေးချိန်စေ့ဆို ကျွန်တော်တို့က ဘယ်လိုက်တောင်းရမလဲ။ အဲဒီလိုက်တောင်းဖို့ ခရီးစရိတ်ကအစ ၁၅ သိန်းမကဘူး။ ဒီကိစ္စက နိုင်ငံတော်ငွေ အကြွေးဆုံးဖို့က ပိုများလာတယ် အကြွေးဆုံးရင်လည်း ချေးပေးလိုက်တဲ့ ၀န်ထမ်းခေါင်းပေါ် အဲဒီလောက်လေးပါပဲ” ဟု ဧရာဝတီတိုင်းဒေသကြီး မြန်မာ့လယ်ယာဖွံ့ဖြိုးရေးဘဏ် မန်နေဂျာ ဦးသန်းဌေးအောင်က ပြောပါတယ်။

တောင်သူတွေ အကြွေးဘာကြောင့် မကျေသလဲ

ကျွန်တော်တို့ မြန်မာလူမျိုးတွေဟာ သံသရာကြွေးဆိုတာကို ကြောက်ရွံ့ကြပါတယ်။ အကြွေးတစ်ခုကို ဒီဘ၀မှာ ကြေလည်အောင် မပေးဆပ်နိုင်ပါက နောင်သံသရာအဆက်ဆက် အကြွေးပြန်ဆပ်ကြရတယ်လို့ အယူရှိပါတယ်။ တောင်သူများဟာ မြန်မာ့လယ်ယာဖွံ့ဖြိုးရေးဘဏ်ထံကနေ စိုက်ပျိုးစရိတ် ချေးငွေအကြွေးကို မဆပ်ကြတာဟာ သံသရာကြွေးမကြောက်လို့ မဟုတ်နိုင်ပါဘူး။ တကယ်မဆပ်နိုင်ကြလို့ပါ။ သီးနှံဈေးနှုန်း ကျဆင်းမှုတွေ ပြောင်းလဲလာတဲ့ ရာသီဥတု ဖျက်ဆီးမှုတွေကြောင့် တောင်သူများဟာ နှစ်စဉ်နီးပါး အရှုံးဖြင့်ရင်ဆိုင်ခဲ့ရပြီး ကြွေးကျန်များစွာ ရှိနေခဲ့ရတာဖြစ်ပါတယ်။ ယမန်နှစ် သီးနှံပေါ်ချိန်မှာ စပါးဈေးဟာ ဈေးကောင်းရခဲ့ပြီးတော့ နိုင်ငံတော်ကလည်း စပါးဈေးကို ကြမ်းခင်းဈေး ငါးသိန်းအဖြစ် သတ်မှတ်ပေးခဲ့ပါတယ်။ တောင်သူများအတွက် စပါးကြမ်းခင်းဈေးကြောင့် သီးနှံဈေးနှုန်းကျဆင်းပြီး ဆုံးရှုံးမှုဖြစ်စဉ် ဖြစ်ပေါ်လာမှာတော့ ကြောက်ရွံ့နေစရာ မလိုတော့ပါဘူး။ သီးနှံကြမ်းခင်းဈေးနှုန်း သတ်မှတ်မှုမှာလည်း လိုအပ်ချက်များစွာ ရှိနေပါသေးတယ်၊ တကယ်လို့ သီးနှံပေါ်ချိန်မှာ ဈေးနှုန်းဟာ အရမ်းကျဆင်းနေခဲ့ပါက မည်သည့် ကုန်သည်အဖွဲ့အစည်းဌာနက သီးနှံကြမ်းခင်း ဈေးနှုန်းအတိုင်း ၀ယ်ယူပေးမှာလဲဆိုတဲ့အချက်ဟာ မေးခွန်းထုတ်စရာ ကောင်းနေတုန်းပါပဲ။ တကယ်လို့သာ သီးနှံဈေးနှုန်းကျဆင်းနေမယ်ဆိုရင် ၀ယ်သူမယ့်သီးနှံတွေကို တောင်သူတွေဟာ ထိုင်စောင့်ကြည့်နေရတာပဲ ဖြစ်နေပါလိမ့်မယ်။ တောင်သူများကို နောက်ထပ်အကြွေးတင်စေတဲ့ဖြစ်ရပ်ဟာ သီးနှံပျက်စီးမှုပါ ရောဂါပိုးမွှား ရာသီအဖျက်ကြောင့် စိုက်ပျိုးသီးနှံ ထိခိုက်ပျက်စီးပါက သွင်းအားစုအားလုံးဆုံးရှုံးရပြီး တစ်ရာသီပျက်စီးမှုကို သုံးရာသီထိ ပြန်လည်လုပ်ကိုင်မှသာ သုံးရာသီလုံးလုံး သီးနှံထပ်မံထိခိုက်မှုမရှိမှသာ တောင်သူတစ်ဦးအနေနဲ့ အကြွေးပြန်လည်ပေးဆပ်နိုင်ပါလိမ့်မယ်။ ဒီနေရာမှာ တောင်သူအတွက် ထပ်မံလိုအပ်နေတာဟာ သီးနှံအာမခံစနစ်ပါ တောင်သူတစ်ဦးရဲ့ သီးနှံပျက်စီးပါက အပေါင်ထားရှိတဲ့ သီးနှံအာမခံငွေနဲ့ သွင်းအားစုတွေ ပြန်လည်ရင်းတည်နိုင်တဲ့စနစ်ဟာ ကျွန်တော်တို့စိုက်ပျိုးရေးနိုင်ငံမှာ မရှိသေးပါဘူး။

ပြောင်းလဲလိုက်တဲ့ စိုက်ဘဏ်ချေးငွေ စနစ်အသစ်အရ ဘာတွေဖြစ်လာနိုင်လဲ

၂၀၁၈ မိုးရာသီ စိုက်ပျိုးစရိတ်ချေးငွေအတွက် တောင်သူတစ်ဦးချင်းစီကို မိမိကိုယ်တိုင် တာဝန်ယူမှု တာဝန်ခံမှုအရ ထုတ်ချေးပေးမည့် စနစ်ဟာကြိုဆိုရမည့် စနစ်ပါ။ စနစ်တစ်ခု ကောင်းမွန်းလှသော်လည်း လိုအပ်ချက်များစွာရှိနေရင် အကျိုးထက် အပြစ်ဟာ များလာပါလိမ့်မယ်။ တောင်သူတိုင်းဟာ သွင်းအားစု စက်ကရိယာတွေကို မပိုင်ဆိုင်နိုင်သေးပါဘူး။ ဒီအတွက် မိမိတို့ပိုင်ဆိုင်ထားတဲ့ ပုံစံ(၇)ကိုသာ အပေါင်တစ်ခုလို အာမခံချက်တစ်ခုလို ထားရှိပြီးတော့ စက်ကရိယာတွေ ၀ယ်ယူကြရတာ ရှိနေပါတယ်။ ယခုလို ပုံစံ(၇)မူရင်းကို အပေါင်အဖြစ် အပ်ထားရခြင်းဟာ တောင်သူတစ်ဦးအတွက် လုံးဝအဆင်မပြေပါဘူး။ ဒါ့အပြင် စိုက်ဘဏ်ရဲ့ချေးငွေဟာ ၁၀ ဧကအထိသာဖြစ်ပါတယ်။ ၁၀ ဧကအထက် ပိုင်ဆိုင်မှုရှိနေတဲ့ တောင်သူများအတွက် ဒီပုံစံ(၇)ကို အပေါင်ထားပြီး ပြင်ပကနေ ထပ်မံချေးငှားရတာပါ။ ဒါဟာလည်း စိုက်ဘဏ်အနေနဲ့ တစ်ဦးချင်း ချေးငွေထုတ်ပေးရာမှာ အပေါင်တစ်ခုလို သတ်မှတ်ရယူထားတာ နည်းလမ်းကျပါတယ်။ သို့ပေမဲ့ လုံလောက်သော စိုက်ပျိုးစရိတ်ချေးငွေနဲ့ တောင်သူများအတွက် လုံလောက်သော စက်ကရိယာ သွင်းအားစုများကို နိုင်ငံတော်မှ မဖန်တီးပေးနိုင်သေးတဲ့အချိန်မှာ လုပ်ဆောင်မှုဟာ တောင်သူများအတွက် အခက်ဖြစ်စေပါတယ်။ ဒီ့အတွက် တောင်သူအများစုထံကနေ မြန်မာ့လယ်ယာဖွံ့ဖြိုးရေးဘဏ်ဟာ အကြွေးများစွာ ဆုံးရှုံးဖို့ရှိနေပါတယ်။

နောက်ထပ်တစ်ချက်ကတော့ အိမ်ထောင်စုစာရင်းတစ်ခုမှာ ပါဝင်တဲ့ လယ်သမားမိသားစုဝင်များအနက်မှ တစ်ဦးတည်းကိုသာ ထုတ်ချေးပေးမယ်ဆိုတာဟာ ပုံမှန်လည်ပတ်နေတဲ့ လယ်သမားမိသားစုများအတွက် အခက်အခဲဖြစ်နေပြီးတော့ စိုက်ဘဏ်ဟာ အကြွေးများစွာကို ဆုံးရှုံးနိုင်သည့်အပြင် တောင်သူများကလည်း ပြင်ပကနေ စိုက်ပျိုးစရိတ်ချေးငွေကို အတိုးကြီးကြီးဖြင့်ရယူရဖို့ သေချာနေပါပြီ။

နောက်ဆုံးဖြစ်ပေါ်လာနိုင်တဲ့ အခက်အခဲကတော့ ပြုပြင်ပြောင်းလဲလိုက်တဲ့ နည်းစနစ်အရ ဘဏ်ဝန်ထမ်းတွေဟာ တောင်သူတစ်ဦးကို ငွေထုတ်ချေးတော့မယ်ဆိုရင် ပုံစံ (၇)တွေ သိမ်းဆည်းရ၊ အိမ်ထောင်စုစာရင်းတွေ စိစစ်ရနဲ့ လုပ်ငန်းပိုမိုများပြားလာပါပြီ။ မြန်မာ့လယ်ယာ ဖွံ့ဖြိုးရေးဘဏ်တစ်ခုမှာ ဘဏ်ဝန်ထမ်းဟာ အလွန်နည်းပါးလှပါတယ်။ ဧရာဝတီတိုင်းဒေသကြီးကဲ့သို့သော တိုင်းဒေသကြီးတစ်ခုမှာဆိုလျှင် ဘဏ်ဝန်ထမ်းတစ်ဦးဟာ တောင်သူဦးရေ တစ်သောင်းခွဲလောက်ထိကို တာဝန်ယူစီမံဆောင်ရွက်နေရတဲ့ အချိုးအစားရှိပါတယ်။ ဒါတွေဟာ လိုအပ်ချက်တွေပါပဲ။ စနစ်တစ်ခုဟာ ကောင်းမွန်သော်ငြားလည်း လိုအပ်ချက်တွေကို အသေအချာ ပြင်ဆင်ဖြည့်စွက်ပြီးမှာ ဆောင်ရွက်တာဟာ အကျိုးအပြစ်မျှတမှုများ ရှိလာနိုင်မယ်လို့ ယူဆမိပါတယ်။

KIA ရွေးရတော့မယ့်လမ်း

တနိုင်းဒေသတွင် တိုက်ပွဲများဖြစ်ပွားနေခြင်းကြောင့် အနီးတစ်ဝိုက်ရှိ ကျေးရွာအချို့မှ ဒေသခံများ ဧပြီလအတွင်းက ဘေးလွတ်ရာသို့ ရွှေ့ပြောင်းနေကြစဉ် (Photo: AFP)

၂၀၁၆ ခုနှစ် နိုဝင်ဘာ ၂၆ ရက်က မြန်မာ့ငြိမ်းချမ်းရေးခရီးအတွက် ထိတ်လန့်စရာ အဖြစ်အပျက်တစ်ခု ဖြစ်ပွားခဲ့ပါတယ်။ အဲဒါကတော့ တပ်မတော်ရဲ့ထိုးစစ်ကို ပြန်တုံ့ပြန်တယ်ဆိုပြီး ကေအိုင်ကေ၊ ကိုးကန့်နဲ့ တအန်း စတဲ့ မြောက်ပိုင်းလက်နက်ကိုင်အဖွဲ့တွေက မူဆယ် ၁၀၅ မိုင် ကုန်သွယ်ရေးဇုန်အပါအ၀င် ရှမ်းမြောက်ဒေသ နေရာတော်တော်များများကို ၀င်ရောက်တိုက်ခိုက်ခဲ့တာပါ။

ဒီကိစ္စအပေါ် နိုဝင်ဘာ ၂၃ ရက်က အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) မှ ဥက္ကဋ္ဌဖြစ်သူ ဒေါ်အောင်ဆန်းစုကြည်က ကြေညာချက်တစ်စောင် ထုတ်ပြန်ခဲ့ပါတယ်။

အဲဒီထုတ်ပြန်ချက်ထဲမှာ လက်နက်ကိုင်ပဋိပက္ခတွေ အမြန်ဆုံးချုပ်ငြိမ်းနိုင်ပြီး ရေရှည်တည်တံ့တဲ့ ငြိမ်းချမ်းရေးအတွက် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံကသာ တစ်ခုတည်းသောလမ်းကြောင်းဖြစ်တဲ့အပြင် ငြိမ်းချမ်းရေးဖြစ်စဉ်မှာ ပါဝင်သင့် ပါဝင်ထိုက်သူအားလုံး ပါဝင်နိုင်ရေးအတွက် ငြိမ်းချမ်းရေးတံခါးများ အစဉ်အမြဲဖွင့်လှစ်ထားတယ်လို့ ရေးသားထားပါတယ်။

ဒါ့အပြင် NCA လက်မှတ်ရေးထိုးခြင်းမရှိသေးတဲ့ တိုင်းရင်းသားလက်နက်ကိုင် အဖွဲ့အစည်းများကိုလည်း လက်မှတ်ရေးထိုးပြီး ငြိမ်းချမ်းရေးဖြစ်စဉ်မှာ အမြန်ဆုံးပါဝင်ဖို့ တိုက်တွန်းတယ်လို့ ဒေါ်အောင်ဆန်းစုကြည်က ဆိုပါတယ်။

အကြမ်းဖက်အဖွဲ့အစည်းအဖြစ် သတ်မှတ်

ရှမ်းပြည်နယ် အရှေ့မြောက်ဒေသ သိန္နီ၊ ကွတ်ခိုင်၊ မူဆယ်၊ နမ့်ခမ်း၊ နမ္မတူနဲ့ ၁၀၅ မိုင် ကုန်သွယ်ရေးဇုန်ကို မြောက်ပိုင်းလက်နက်ကိုင်အဖွဲ့တွေက ၀င်ရောက်တိုက်ခိုက်တဲ့အပေါ် လွှတ်တော်က စိုးရိမ်ကြောင်း အရေးကြီးအဆိုကို ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ မိတ္ထီလာမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါက်တာမောင်သင်းက နိုဝင်ဘာ ၂၉ ရက်မှာ ပြည်သူ့လွှတ်တော်ကို တင်သွင်းခဲ့ပါတယ်။

အရေးကြီးအဆိုကို ဒီဇင်ဘာ ၂ ရက်က ကျင်းပတဲ့ ပြည်သူ့လွှတ်တော် အစည်းအဝေးမှာ ဆက်လက်ဆွေးနွေးရာမှာ KIA၊ TNLA၊ MNDAA နဲ့ AA အဖွဲ့ကို အကြမ်းဖက်အဖွဲ့အစည်းများအဖြစ် လွှတ်တော်က သတ်မှတ်ပေးသင့်တယ်လို့ ကာကွယ်ရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးစိန်ဝင်းနဲ့ တပ်မတော်သားကိုယ်စားလှယ် ဗိုလ်မှူးကြီးသန်းအောင်တို့က ထည့်သွင်းဆွေးနွေးခဲ့ပါတယ်။

“ယခုဖြစ်ပွားခဲ့တဲ့ အပြစ်မဲ့ပြည်သူတွေ ဥပဒေမဲ့သတ်ဖြတ်ခြင်း၊ အများပြည်သူအသုံးပြုတဲ့ ဆက်သွယ်ရေးလမ်းကြောင်း၊ သံကူကွန်ကရစ်တံတားများ ဖောက်ခွဲဖျက်ဆီးခြင်းနဲ့ မြို့ရွာများရှိ စစ်ရေးပစ်မှတ်မဟုတ်သည့် အရပ်သားများနှင့် အခြေခံအဆောက်အအုံများ ပစ်မှတ်ထားပြီး ဆောင်ရွက်ခဲ့ကြတဲ့အပြင် ဒို့တာဝန်အရေးသုံးပါးကို ထိပါးနှောင့်ယှက်လာတဲ့အတွက် ယခုဖြစ်ပွားနေတဲ့ဖြစ်စဉ်မှာ အဓိကတာဝန်ရှိသူများဖြစ်တဲ့ UNFC ဥက္ကဋ္ဌ အင်ဘန်လ၊ KIA မှ ဂမ်ရှောင်၊ TNLA မှ မိုင်းအိုက်ဖုန်း (ခေါ်) တာအိုက်ဖုန်း၊ MNDAA မှ ဖုန်ကြားရှင်နှင့် ဖုန်တာရွှင်၊ AA မှ ထွန်းမြတ်နိုင်တို့အပါအ၀င် ပြစ်မှုကျူးလွန်သူကိုလည်း အကြမ်းဖက်တိုက်ဖျက်ရေး ဥပဒေအပါအ၀င် တည်ဆဲဥပဒေများနှင့်အညီ ထိရောက်ပြင်းထန်စွာ အရေးယူပြီးတော့ သူတို့ရဲ့လုပ်ရပ်များအပေါ် အကြမ်းဖက်အဖွဲ့အစည်းအဖြစ် ဆန့်ကျင်ချေမှုန်းသင့်ပါတယ်။ ဒါကြောင့်အဆိုပါ KIA၊ TNLA၊ MNDAA နှင့် AA အဖွဲ့များကို အကြမ်းဖက်အဖွဲ့အစည်းများအဖြစ် လွှတ်တော်မှ သတ်မှတ်ပေးပါရန် လေးစားစွာ တင်ပြလိုပါတယ်။ တစ်ဆက်တည်းမှာပဲ နိုင်ငံတကာမှ လူသားချင်းစာနာထောက်ထားမှုအရ အဆိုပါအကြမ်းဖက်အဖွဲ့များကို ရိက္ခာပစ္စည်း ထောက်ပံ့ပေးခြင်း၊ ဆေးဝါးကုသပေးခြင်းများကိုလည်း တားမြစ်ရပ်ဆိုင်းစေသင့်ပါတယ်” လို့ ဗိုလ်မှူးကြီးသန်းအောင်က ဆွေးနွေးပါတယ်။

ကာကွယ်ရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်းကတော့ “အပြစ်မဲ့အရပ်သားများအား အကြောင်းမဲ့ သေကျေဒဏ်ရာရစေခြင်း၊ စစ်ဘက်ပစ်မှတ်မဟုတ်သည့် အခြေခံအဆောက်အအုံများ၊ ယာဉ်များဖျက်ဆီးခြင်း၊ ပြည်သူတို့၏ စီးပွားဥစ္စာပျက်စီးစေခြင်းတို့ကြောင့် KIA၊ TNLA၊ MNDAA နှင့် AA အဖွဲ့များကို အကြမ်းဖက်အဖွဲ့အစည်းများအဖြစ် လွှတ်တော်မှ သတ်မှတ်သင့်သည်ဟု ယူဆပါကြောင်း တင်ပြပါတယ်” လို့ ဆွေးနွေးခဲ့ပါတယ်။

ဒီအရေးကြီးအဆိုကို ပြည်သူ့လွှတ်တော် ကိုယ်စားလှယ် ၁၂ ဦးက ဆွေးနွေးခဲ့ပြီး မဲခွဲဆုံးဖြတ်ရာ ထောက်ခံဆန္ဒမဲ ၁၄၁ မဲ၊ ကန့်ကွက်မဲ ၂၄၄ မဲ၊ ကြားနေဆန္ဒမဲ ခုနစ်မဲဖြစ်တာကြောင့် လွှတ်တော်က မှတ်တမ်းတင်ခဲ့ပါတယ်။

ပြည်သူ့လွှတ်တော်မှာ မှတ်တမ်းတင်ထားရှိခဲ့တဲ့ အဆိုနည်းတူ အဆိုတစ်ခုကို ဒုတိယအကြိမ် ရှမ်းပြည်နယ်လွှတ်တော် အရေးပေါ်အစည်းအဝေး ဒုတိယနေ့အစီအစဉ်မှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လားရှိုးမြို့နယ် မဲဆန္ဒနယ်အမှတ် (၂) လွှတ်တော်ကိုယ်စားလှယ် ဦးအောင်သူက တင်သွင်းခဲ့ပါတယ်။

အဆိုကို လွှတ်တော်ကိုယ်စားလှယ် တစ်ဦးက ထောက်ခံခဲ့ပေမယ့် ကလောမြို့နယ် မဲဆန္ဒနယ် လွှတ်တော်ကိုယ်စားလှယ်က အဆိုကို လက်ခံဆွေးနွေးဖို့မသင့်ဘူးလို့ ကန့်ကွက်ခဲ့တာကြောင့် မဲခွဲဆုံးဖြတ်ရာ ထောက်ခံမဲများတဲ့အတွက် လက်ခံဆွေးနွေးဖို့ လွှတ်တော်က ဆုံးဖြတ်ခဲ့ပါတယ်။

ရှမ်းပြည်နယ်လွှတ်တော် ဒုတိယအကြိမ် အရေးပေါ်အစည်းအဝေး တတိယနေ့ကို ဒီဇင်ဘာ ၇ ရက်က ကျင်းပဆွေးနွေးရာမှာ ကန့်ကွက်မှုတွေ ရှိခဲ့ပါတယ်။

“အကြမ်းဖက်အဖွဲ့အစည်းအဖြစ် သတ်မှတ်လိုက်ရုံဖြင့် တိုင်းပြည်အေးချမ်းလာမည်လည်း မဟုတ်ကြောင်း၊ ကောင်းကျိုးထက် ဆိုးကျိုး ပိုမိုများလာမည်လားဟု ထင်မြင်မိပါကြောင်း၊ တိုင်းရင်းသားအရေးဖြစ်သဖြင့် အင်မတန် သိမ်မွေ့နက်နဲသော ကိစ္စဖြစ်သဖြင့် ပြည်နယ်တစ်ခုတည်းမှ မဆုံးဖြတ်သင့်ကြောင်း၊ ဤကဲ့သို့ရှုတ်ချမည့်အစား အပစ်အခတ်ရပ်စဲရေးနှင့် ငြိမ်းချမ်းရေးရရှိမည့် နည်းလမ်းများကို ၀ိုင်းဝန်းစဉ်းစား အဖြေရှာသင့်ပါကြောင်း၊ လွှတ်တော်ကိုယ်စားလှယ်များမှာ အလုပ်များစွာရှိပါကြောင်း တင်ပြအပ်ပါတယ်” လို့ ကချင်တိုင်းရင်းသားရေးရာဝန်ကြီး ဦးဇုတ်ဒေါင်က အဆိုကို ကန့်ကွက်ဆွေးနွေးခဲ့ပါတယ်။

ဒါ့အပြင် မြောက်ပိုင်းတိုင်းရင်းသား လက်နက်ကိုင်အဖွဲ့အစည်းတွေကို အကြမ်းဖက်အဖွဲ့အစည်းအဖြစ် သတ်မှတ်လိုက်ပါက နိုင်ငံတော်ရဲ့ ရည်မှန်းချက်ဖြစ်တဲ့ ငြိမ်းချမ်းရေးလုပ်ငန်းစဉ်တွေ နှောင့်နှေးကြန့်ကြာသွားမှာစိုးတဲ့အတွက် အဆိုကို အတည်မပြုဖို့နဲ့ မှတ်တမ်းအဖြစ်သာ ထားရှိပေးဖို့ကို ရပ်စောက် မဲဆန္ဒနယ်အမှတ် (၁) မှ ဦးခိုင်ညီညီကျော်က တင်သွင်းကန့်ကွက်ခဲ့ပါတယ်။

ဒီလို ကန့်ကွက်ဆွေးနွေးမှုတွေ ရှိခဲ့ပေမယ့် မဲခွဲဆုံးဖြတ်ရာမှာတော့ ကန့်ကွက်မဲ ၄၅ မဲ၊ ကြားနေမဲ ခုနစ်မဲနဲ့ ထောက်ခံမဲ ၆၃ မဲ ရရှိတာကြောင့် အဆိုကို ရှမ်းပြည်နယ်လွှတ်တော်က အတည်ပြုခဲ့ပါတယ်။

အဆိုကို ရှမ်းပြည်နယ်လွှတ်တော်ကနေ အတည်ပြုလိုက်တဲ့အတွက် အဲဒီအဖွဲ့မှာပါနေတဲ့ ကချင်လက်နက်ကိုင်တပ်ဖွဲ့ (KIA) ကလည်း အကြမ်းဖက်အဖွဲ့အစည်းအဖြစ် သတ်မှတ်ခံထားရပါတယ်။ မြောက်ပိုင်းတိုင်းရင်းသား လက်နက်ကိုင်အဖွဲ့တွေအပေါ်မှာ အကြမ်းဖက်အဖွဲ့အစည်းအဖြစ် ရှမ်းပြည်နယ်လွှတ်တော်က အတည်ပြုလိုက်တာနဲ့ ပတ်သက်လို့ ကန့်ကွက်ဝေဖန်မှုတွေလည်း ရှိခဲ့ပါတယ်။

အကြမ်းဖက်အဖွဲ့အစည်းအဖြစ် သတ်မှတ်လိုက်ခြင်းကြောင့် တိုင်းရင်းသားအချင်းချင်း ယုံကြည်မှု လျော့နည်းသွားနိုင်တယ်လို့ သိန္နီမဲဆန္ဒနယ် (၁) မှ ပြည်နယ်လွှတ်တော် ကိုယ်စားလှယ် ဒေါ်နန်းခင်ထားရီက သုံးသပ်ပါတယ်။

“အကြမ်းဖက်အဖွဲ့အစည်း သတ်မှတ်လိုက်ခြင်းအားဖြင့် ပြည်တွင်းစစ်ကြီး နှစ်ပေါင်း ၆၀ လောက်ဖြစ်နေတဲ့ ပြည်တွင်းစစ်က ငြိမ်းချမ်းသွားမှာလား။ ဒါက အဓိကပေ့ါနော်။ သတ်မှတ်လိုက်ခြင်းဖြင့် မလိုလားအပ်တဲ့ ပြဿနာတွေ ပိုကြီးထွားလာမယ်လို့ ထင်ပါတယ်။ ငြိမ်းချမ်းရေး အလှမ်းဝေးသွားမှာလည်း စိုးပါတယ်။ အိမ်ကြီးတစ်အိမ်မှာ နေထိုင်ကြတဲ့ မိဘပြည်သူ မောင်နှမတစ်တွေပါ။ ဒါဆိုဘာကြောင့် ဒီလိုဖြစ်ရလဲဆိုပြီး မိဘအနေနဲ့ သုံးသပ်ဖို့လိုတယ်။ မိဘဖြစ်သူက သားသမီးတွေကို မုန့်ဖိုးပေးတာ မညီမျှလို့လား။ ကျောသားရင်သား ခွဲခြားလို့လား။ ဒါကို ဆန်းစစ်ဖို့လိုပါတယ်။ ဒီလိုအကြမ်းဖက်အဖွဲ့ သတ်မှတ်လိုက်ခြင်းဖြင့် ပြည်တွင်းစစ်ကြီး ငြိမ်းချမ်းသွားမှာ မဟုတ်ပါဘူးလို့ ထင်ပါတယ်။ အမျိုးသားစည်းလုံးညီညွတ်ရေးကိုလည်း စိုးရိမ်ပါတယ်။ တိုင်းရင်းသားအချင်းချင်း ယုံကြည်ဖို့လိုပါတယ်။ ယုံကြည်မှုရှိမှ ငြိမ်းချမ်းရေး တည်ဆောက်လို့ရမှာပါ။ အခုအဲဒီလို အကြမ်းဖက်အဖွဲ့အဖြစ် သတ်မှတ်လိုက်ခြင်းအားဖြင့် ယုံကြည်မှု လျော့နည်းသွားလိမ့်မယ်လို့ ထင်ပါတယ်” လို့ ဒေါ်နန်းခင်ထားရီက ဆိုပါတယ်။

ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ပါတီ အထွေထွေအတွင်းရေးမှူး ဦးစိုင်းညွန့်လွင်က “ကျွန်တော်တို့ ဒါကိုကန့်ကွက်ခဲ့ပါတယ်။ ငြိမ်းချမ်းရေးဖြစ်စဉ်က နည်းနည်းပိုခက်သွားမယ်။ စကားပြောရတာ။ အထူးသဖြင့် KIA ကို လုပ်တယ်ဆိုတော့ ပိုပြီးတော့ နည်းနည်းခက်မယ်။ အဲဒါကြောင့် ကျွန်တော်တို့က ဒါကိုမကြိုက်ဘူး။ ငြိမ်းချမ်းရေးရချင်တယ်။ ငြိမ်းချမ်းရေးရချင်တဲ့အတွက် ဒါကို အသိအမှတ်မပြုဖို့ပေါ့။ ဒါကို တောင်းဆိုတာပါ။ အမှန်တော့ ငြိမ်းချမ်းရေးလုပ်နေတယ်ဆို ဒါတွေက ဖြစ်လာစရာအကြောင်းမရှိဘူး။ မလုပ်သင့်ဘူးပေါ့။ ငြိမ်းချမ်းရေးအောင်မြင်အောင် လုပ်မယ်ဆိုတဲ့အခါကျရင် ဒါမျိုးတွေကို မလုပ်သင့်ဘူး” လို့ပြောပါတယ်။

UNFC က ထွက် FPNCC ထဲဝင်

အကြမ်းဖက်အဖွဲ့အစည်းအဖြစ် အတည်ပြုပြီးနောက်ပိုင်းမှာ ကချင်လွတ်မြောက်ရေးအဖွဲ့ (KIO) အနေနဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ရဲ့ အဖွဲ့ဝင်အဖြစ်ကနေ နုတ်ထွက်ခဲ့ပါတယ်။

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ရဲ့ ၂၀၁၇ ခုနှစ် မေ ၂၂ ရက်နဲ့ ၂၃ ရက်ကကျင်းပခဲ့တဲ့ အလုပ်အမှုဆောင် အရေးပေါ်အစည်းအဝေးမှာ KIO က တရားဝင်အသိပေးခဲ့တာပါ။

ထိုင်းနိုင်ငံ ချင်းမိုင်မြို့မှာ ဇွန်လကကျင်းပတဲ့ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) တတိယနေ့အစည်းအဝေးမှာတော့ နုတ်ထွက်ခွင့်တင်ထားတဲ့ KIO အပါအ၀င် အဖွဲ့လေးဖွဲ့ကို နုတ်ထွက်ခွင့်ပြုခဲ့ပါတယ်။

အဲဒီနောက်မှာတော့ ကချင်လွတ်မြောက်ရေးအဖွဲ့ (KIO) အနေနဲ့ ‘၀’ လက်နက်ကိုင်တပ်ဖွဲ့ (UWSA) ဦးဆောင်တဲ့ ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) ထဲကို ၀င်ရောက်ခဲ့ပါတယ်။

၂၀၁၇ ခုနှစ် ဧပြီ ၁၅ ရက်ကနေ ၁၉ ရက်အထိ တိုင်းရင်းသားလက်နက်ကိုင်တော်လှန်ရေး အဖွဲ့အစည်းခေါင်းဆောင်တွေရဲ့ စတုတ္ထအကြိမ် မျက်နှာစုံညီအစည်းအဝေးကို အထူးဒေသ (၂)၊ ‘၀’ ပြည်နယ်အစိုးရဌာနချုပ် ပန်ခမ်းမြို့မှာ ကျင်းပခဲ့ပါတယ်။

ဒီအစည်းအဝေးကို ‘၀’ ပြည်သွေးစည်းညီညွတ်ရေးပါတီ။ ‘၀’ ပြည်သွေးစည်းညီညွတ်ရေးတပ်မတော် (UWSP/UWSA) ကနေ ကမကထပြု ကျင်းပခဲ့တာဖြစ်ပြီး ရက္ခိုင့်အမျိုးသားအဖွဲ့ချုပ်/ ရက္ခိုင့်တပ်မတော် (ULA/AA)၊ ကချင်လွတ်လပ်ရေးအဖွဲ့/ ကချင်လွတ်လပ်ရေးတပ်မတော် (KIO/KIA)၊ မြန်မာနိုင်ငံ အမှန်တရားနှင့် မျှတမှုအမျိုးသားပါတီ/ မြန်မာအမျိုးသား ဒီမိုကရေစီမဟာမိတ်တပ်ဖွဲ့ (MNTJP/MNDAA)၊ ပလောင်ပြည်နယ် လွတ်မြောက်ရေးတပ်ဦး/ တအန်းအမျိုးသား လွတ်မြောက်ရေးတပ်မတော် (PSLF/TNLA)၊ ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA)၊ ငြိမ်းချမ်းရေးနှင့် စည်းလုံးရေးကော်မတီ/ ရှမ်းပြည်နယ်အရှေ့ပိုင်း အမျိုးသားဒီမိုကရေစီ မဟာမိတ်တပ်ဖွဲ့ (PSC/NDAA)၊ ‘၀’ ပြည်သွေးစည်းညီညွတ်ရေးပါတီ။ ‘၀’ ပြည် သွေးစည်းညီညွတ်ရေးတပ်မတော် (UWSP/UWSA) စတဲ့ တိုင်းရင်းသားလက်နက်ကိုင်တပ်ဖွဲ့ ခုနစ်ဖွဲ့ကနေ ကိုယ်စားလှယ် ၂၇ ယောက် တက်ရောက်ခဲ့ပါတယ်။

ပန်ခမ်းအစည်းအဝေးကနေ ‘နိုင်ငံရေးဆွေးနွေးရေးကော်မတီ’ ကို ‘ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ’ အဖြစ် တရားဝင်သတ်မှတ်လိုက်ပြီး ငြိမ်းချမ်းရေးဆွေးနွေးတဲ့အခါမှာ ‘ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ’ အနေနဲ့ တစ်ဖွဲ့ချင်းဆွေးနွေးမှာမဟုတ်ဘဲ ကော်မတီအမည်နဲ့သာ ဆွေးနွေးသွားမယ်ဆိုတဲ့ အချက်တွေအပါအ၀င် အချက်ရှစ်ချက်ပါတဲ့ ကြေညာချက်တစ်စောင်ကို ဧပြီ ၁၉ ရက်က ထုတ်ပြန်ခဲ့ပါတယ်။

၂၀၁၇ ခုနှစ် ဖေဖော်ဝါရီလတုန်းကလည်း ပန်ခမ်းမှာ ညီလာခံတစ်ရပ်ကျင်းပခဲ့ပြီး ပြင်တွင်းငြိမ်းချမ်းရေးဆောင်ရွက်ရာမှာ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးဆိုင်ရာ သဘောတူညီချက်စာချုပ် (NCA) ရဲ့ ပြင်ပနည်းလမ်းကိုရှာဖွေဖို့ မူဝါဒချမှတ်ခဲ့ပါတယ်။

ဒါကြောင့်လည်း စတုတ္ထမျက်နှာစုံညီ အစည်းအဝေးက ပြည်တွင်းငြိမ်းချမ်းရေး ဆောင်ရွက်ရာမှာ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးဆိုင်ရာ သဘောတူညီချက်စာချုပ် (NCA) ရဲ့ ပြင်ပနည်းလမ်းကို ရှာဖွေဖို့ ချမှတ်ခဲ့တဲ့ မူဝါဒအတိုင်း ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီတစ်ရပ်ကို ဖွဲ့စည်းခဲ့တာပါ။

ပင်လုံမှာ ပထမဆုံးအကြိမ်ပြုလုပ်ခဲ့တဲ့ ပြည်ထောင်စုနေ့အခမ်းအနားမှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်မှတ်မထိုးရသေးတဲ့ တိုင်းရင်းသားအစုအဖွဲ့တွေအနေနဲ့ သတ္တိရှိရှိ လက်မှတ်ထိုးဖို့ မေတ္တာရပ်ခံထားပါတယ်။

“ကျွန်မအနေနဲ့ အထူးပဲ ငြိမ်းချမ်းရေးစာချုပ်ကို လက်မှတ်မထိုးရသေးတဲ့ တိုင်းရင်းသားအစုအဖွဲ့တွေကို မေတ္တာရပ်ခံချင်ပါတယ်။ သတ္တိရှိရှိနဲ့ ကိုယ့်ကိုယ်ကိုယ် ယုံကြည်စွာနဲ့ လက်မှတ်ထိုးလိုက်ပါ၊ ကျွန်မတို့ရဲ့ ၂၁ ရာစုပင်လုံထဲမှာ ပါဝင်လိုက်ကြပါ” လို့ ဒေါ်အောင်ဆန်းစုကြည်က ဆိုပါတယ်။

NCA လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေကို NCA လက်မှတ်ထိုးဖို့ တံခါးဖွင့်ဖိတ်ခေါ်နေချိန်မှာ NCA လမ်းကြောင်းကနေမဟုတ်ဘဲ တခြားလမ်းကြောင်းကနေ ငြိမ်းချမ်းရေးလုပ်မယ်ဆိုတဲ့ ‘၀’ ဦးဆောင်တဲ့ ကော်မတီအသစ်ကြောင့် အစိုးရအတွက်တော့ ခေါင်းကိုက်စရာပါ။

ဒါ့အပြင် ငြိမ်းချမ်းရေးဆွေးနွေးမယ့် လက်နက်ကိုင်တိုင်းရင်းသားအဖွဲ့တွေအနေနဲ့ တည်ဆဲဥပဒေတွေနဲ့ ၂၀၀၈ ဖွဲ့စည်းပုံကို လိုက်နာရမယ်ဆိုတဲ့ တပ်မတော်ရဲ့ မူခြောက်ချက်က ဆွေးနွေးပွဲတွေအတွက် အဖုအထစ်တစ်ခု ဖြစ်နေတယ်လို့ တိုင်းရင်းသားအဖွဲ့တွေက ထောက်ပြကြပါတယ်။

ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံ (ပထမအကြိမ်)အခမ်းအနား ကျင်းပတုန်းက တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က နုတ်ခွန်းဆက် အမှာစကားပြောကြားရာမှာ မူခြောက်ချက်နဲ့ ပတ်သက်လို့ ထည့်သွင်းပြောကြားသွားတာကို တွေ့ရပါတယ်။

“လက်ရှိအမျိုးသားပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်များ ဆောင်ရွက်ရာမှာလည်း တပ်မတော်အနေနဲ့ ဒို့တာဝန်အရေးသုံးပါးအပေါ် အခြေခံပြီး နိုင်ငံရဲ့ ပကတိလိုအပ်ချက်ဖြစ်တဲ့ တည်ငြိမ်အေးချမ်းရေး၊ တိုင်းရင်းသားစည်းလုံးညီညွတ်ရေးနဲ့ ဖွံ့ဖြိုးတိုးတက်ရေး မူဝါဒသုံးရပ်အပေါ်မှာ ရပ်တည်ပြီး အဖွဲ့အစည်းမျိုးစုံနဲ့ လက်တွဲပူးပေါင်း ပါဝင်လုပ်ဆောင်နေတာ ဖြစ်ပါတယ်။ တပ်မတော်အနေနဲ့ ဒီလုပ်ငန်းရပ်များအောင်မြင်ဖို့ အစွမ်းကုန်ဆောင်ရွက်သွားပါမယ်။ ဖြစ်နိုင်သည်များအားလုံးလည်း ညှိနှိုင်းဆောင်ရွက်သွားပါမယ်။ တပ်မတော်ရဲ့ ငြိမ်းချမ်းရေးမူဝါဒ ခြောက်ရပ်ဟာဆိုရင်လည်း ကျွန်တော်တို့ဖြတ်သန်းခဲ့ရတဲ့ အတိတ်သမိုင်းကြောင်း တစ်လျှောက်မှာ တွေ့ကြုံသိမြင် ခံစားခဲ့ရတာတွေကို လက်ရှိအခြေအနေတွေနဲ့ယှဉ်ပြီး သုံးသပ်ဖော်ထုတ်ထားတာဖြစ်လို့ နှစ်ဖက်စလုံးက လိုက်နာလုပ်ဆောင်သင့်တဲ့ အခြေခံအချက်အလက်များပဲ ဖြစ်ပါတယ်” လို့ ဗိုလ်ချုပ်မှူးကြီး မင်းအောင်လှိုင်က ဆိုပါတယ်။

ငြိမ်းချမ်းရေးလုပ်ငန်းစဉ်နဲ့ ပတ်သက်လို့ တပ်မတော်ရဲ့ သဘောထားကတော့ NCA လမ်းကြောင်းအတိုင်းသွားမှာဖြစ်ပြီး ငြိမ်းချမ်းရေးလုပ်ငန်းစဉ်တွေကို ဆောင်ရွက်ရာမှာလည်း တပ်မတော်ချမှတ်ထားတဲ့ မူခြောက်ချက်အတိုင်း လုပ်ဆောင်ရမှာ ဖြစ်ပါတယ်။ ဒါကြောင့် ငြိမ်းချမ်းရေးလုပ်ငန်းစဉ်တွေနဲ့ ပတ်သက်ရင် NCA လမ်းကြောင်းကနေမဟုတ်ဘဲ တခြားလမ်းကြောင်းကနေ ငြိမ်းချမ်းရေးလုပ်မယ်ဆိုတဲ့ ‘၀’ ဦးဆောင်တဲ့ ကော်မတီသစ်ရဲ့ သဘောထားနဲ့ တပ်မတော်ရဲ့ရပ်တည်ချက်က ပြဒါးတစ်လမ်း သံတစ်လမ်းလို ဖြစ်နေပါတယ်။

“အဓိကပြဿနာကတော့ ညှိနှိုင်းလို့မရတဲ့ ပြဿနာလို့ပဲ ပြောရမှာပေါ့” လို့ နိုင်ငံရေးနဲ့ ငြိမ်းချမ်းရေးလေ့လာသူ ဦးမောင်မောင်စိုးက မှတ်ချက်ပြုပါတယ်။

KIO ခေါင်းဆောင်အပြောင်းအလဲ

၂၀၁၇ ခုနှစ် ဒီဇင်ဘာမှာတော့ ကချင်ပြည်လွတ်မြောက်ရေးအဖွဲ့ (KIO) ထဲမှာ ခေါင်းဆောင်ပိုင်း အပြောင်းအလဲဖြစ်ခဲ့ပါတယ်။

ကချင်ပြည်လွတ်မြောက်ရေးအဖွဲ့ (KIO) ဥက္ကဋ္ဌ ဦးဇောင်းဟရား အနားယူပြီး တာဝန်အပြောင်းအလဲလုပ်ရာမှာ အရင်ဒုဥက္ကဋ္ဌတာဝန် ယူထားသူ ဗိုလ်ချုပ်ကြီး အင်ဘန်လက နိုင်ငံရေးနဲ့ အုပ်ချုပ်ရေးပိုင်းခေါင်းဆောင်မှုကို တာဝန်ယူခဲ့ပါတယ်။

နိုင်ငံရေးအဖွဲ့ (KIO) နဲ့ အုပ်ချုပ်ရေးအဖွဲ့ (KIC) (ကချင်ပြည်လွတ်မြောက်ရေးကောင်စီ) ဥက္ကဋ္ဌတာဝန်တွေကို ဗိုလ်ချုပ်ကြီး အင်ဘန်လက တာဝန်ယူခဲ့ပေမယ့် စစ်ဘက်တာဝန်ဖြစ်တဲ့ ကချင်ပြည်တွင်း လွတ်မြောက်ရေးတပ်မတော် (KIA) ခေါင်းဆောင်မှုပိုင်းမှာတော့ အပြောင်းအလဲမရှိဘဲ စစ်ဦးစီးချုပ်အဖြစ် ဗိုလ်ချုပ်ကြီးဂမ်ရှောင်က တာဝန်ယူပါတယ်။

သဘောထားတင်းမာသူလို့ လေ့လာသူတချို့က သုံးသပ်ထားတဲ့ ဗိုလ်ချုပ်ကြီး အင်ဘန်လဟာ ‘၀’ လက်နက်ကိုင်အဖွဲ့ (UWSA) ဥက္ကဋ္ဌ ဦးပေါက်ယူချမ်း ဥက္ကဋ္ဌအဖြစ် တာဝန်ယူထားတဲ့ မြောက်ပိုင်းလက်နက်ကိုင် ခုနစ်ဖွဲ့ရဲ့ ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) မှာလည်း ပူးတွဲဥက္ကဋ္ဌတာဝန်ကို ယူထားသူပါ။

ခေါင်းဆောင်မှု အပြောင်းအလဲအရ KIA စစ်ဦးစီးချုပ် ဗိုလ်ချုပ်ကြီးဂမ်ရှောင်ဟာ KIO ဒုဥက္ကဋ္ဌ (၁) ဖြစ်လာပြီး KIO ငြိမ်းချမ်းရေးဆွေးနွေးရေး အဖွဲ့ခေါင်းဆောင် ဦးဆွမ်လွတ်ဂမ်က ဒုဥက္ကဋ္ဌ (၂) ဖြစ်လာပါတယ်။

အုပ်ချုပ်ရေးပိုင်းမှာတော့ KIC ဒုဥက္ကဋ္ဌ (၁) အဖြစ် ဗိုလ်ချုပ်ဂွန်မော်ကို ရွေးချယ်ခဲ့ပြီး KIC ဒုဥက္ကဋ္ဌ (၂) တာဝန်ကို ဗိုလ်မှူးချုပ် ဇုန်းဘုတ်ထန်းက တာဝန်ယူခဲ့ပါတယ်။ ဗိုလ်ချုပ်ဂွန်မော်ဟာ အရင်က KIA ဒုစစ်ဦးစီးချုပ် တာဝန်ယူခဲ့သူဖြစ်ပြီး တစ်နိုင်ငံလုံး အပစ်အခတ်ရပ်စဲရေးစာချုပ် (NCA) ရရှိရေးအပါအ၀င် အစိုးရနဲ့ဆွေးနွေးမှုတွေမှာ KIO ကိုယ်စားလှယ်အဖြစ် ဦးဆောင်ပါဝင်ခဲ့သူတစ်ဦးလည်း ဖြစ်ပါတယ်။

ဒီလို KIO ထဲမှာ ခေါင်းဆောင် အပြောင်းအလဲဖြစ်လာတဲ့အတွက် ငြိမ်းချမ်းရေးဖြစ်စဉ်မှာ ဘယ်လိုအကျိုးသက်ရောက်မှုတွေ ရှိလာမလဲဆိုပြီး နိုင်ငံရေးလေ့လာသူတွေက စောင့်ကြည့်နေကြပါတယ်။

ပြင်းထန်လာတဲ့ လက်နက်ကိုင်ပဋိပက္ခ

ကချင်လက်နက်ကိုင်တပ်ဖွဲ့ (KIA) ဟာ ၁၉၆၃ ခုနှစ်မှာ တော်လှန်ရေးကောင်စီနဲ့ တစ်ကြိမ်၊ ၁၉၇၂ ခုနှစ်မှာ တစ်ကြိမ်၊ ၁၉၈၀၊ ၈၁ ခုနှစ်မှာ မဆလပါတီဥက္ကဋ္ဌ ဦးနေ၀င်း၊ နိုင်ငံတော်သမ္မတဦးစန်းယုနဲ့ တစ်ကြိမ်စီ တွေ့ဆုံဆွေးနွေးခဲ့ပေမယ့်လည်း အောင်မြင်မှုမရခဲ့ပါဘူး။

၁၉၉၄ ခုနှစ် ဖေဖော်ဝါရီမှာ န၀တအစိုးရနဲ့ အပစ်အခတ်ရပ်စဲရေးစာချုပ် ချုပ်ဆိုနိုင်ခဲ့ပေမယ့် အပစ်အခတ်ရပ်စဲရေး ကာလအတွင်းမှာ နိုင်ငံရေးညှိနှိုင်းဆွေးနွေးမှုများ မပြုလုပ်နိုင်ခဲ့တာကြောင့် အချိန်ကာလ ကြာလာတာနဲ့အမျှ အဆိုးဘက်ကိုပဲ ဦးတည်ခဲ့ပါတယ်။

“၁၇ ခုနှစ် ကျွန်တော်တို့ Cease-fire လုပ်ခဲ့တယ်။ ကျွန်တော်တို့မျှော်မှန်းတဲ့ ပေါ်လက်တစ်ကယ် ဒိုင်ယာလော့ဘက် မရောက်ဘူး။ တိုက်ပွဲပြန်ဖြစ်လာတယ်။ ဒီတိုက်ပွဲဖြစ်ရခြင်းက Cease-fire လုပ်ခြင်း၊ မလုပ်ခြင်းနဲ့မဆိုင်ဘဲနဲ့ နိုင်ငံရေး အဖြေထုတ်ခြင်း၊ မထုတ်ခြင်းက ရှိ၊ မရှိအပေါ်မှာ အခြေခံတယ်လို့ပဲ နားလည်တယ်” လို့ KIO နည်းပညာ အထောက်အကူပြုအဖွဲ့ (TAT) ပြောရေးဆိုခွင့်ရှိသူ ဦးဒေါင်ခါးက သုံးသပ်ပါတယ်။

၂၀၁၁ ခုနှစ် ဇွန်လမှာတော့ ၁၇ ခုနှစ်တာ အပစ်အခတ်ရပ်စဲရေးဟာ အစိုးရနဲ့ KIO ကြားမှာ ပျက်ပြယ်ခဲ့ရပါတယ်။ တိုက်ပွဲတွေ ပြင်းထန်လာတာကြောင့် ၂၀၁၁ ခုနှစ် ဇွန်မှာ KIO ထိန်းချုပ်နယ်ဖြစ်တဲ့ လဂျားယန်မှာ အစိုးရနဲ့ တွေ့ဆုံဆွေးနွေးမှုတွေ ပြုလုပ်ခဲ့ပေမယ့် ပဋိပက္ခတွေကတော့ သိသိသာသာ လျော့နည်းသွားခြင်းမရှိပါဘူး။

တရုတ်နိုင်ငံ ယူနန်ပြည်နယ် ရွှေလီမြို့မှာ ၂၀၁၁ ခုနှစ် နိုဝင်ဘာက ပြည်ထောင်စုအဆင့် ငြိမ်းချမ်းရေးဆွေးနွေးရေးအဖွဲ့တွေနဲ့ KIO က ဆွေးနွေးနိုင်ခဲ့ပေမယ့် ၂၀၁၁ ခုနှစ်ကနေ တစ်ကျော့ပြန် ပြန်ဖြစ်လာတဲ့ လက်နက်ကိုင်ပဋိပက္ခမီးဟာ တပ်မတော်နဲ့ ကချင်လွတ်မြောက်ရေးအဖွဲ့ (KIO) ကြားမှာ ပိုမိုကြီးထွားလာပါတယ်။ လက်ရှိအချိန်အထိလည်း အရှိန်အဟုန်ကောင်းကောင်းနဲ့ တောက်လောက်နေဆဲ ဖြစ်ပါတယ်။

တပ်မတော်နဲ့ ကချင်လက်နက်ကိုင်တပ်ဖွဲ့ (KIA) တို့အကြား လက်နက်ကိုင်ပဋိပက္ခဖြစ်ပွားမှုက ၂၀၁၈ ခုနှစ် ဇန်န၀ါရီမှာ ၂၃ ကြိမ်၊ ဖေဖော်ဝါရီမှာ ရှစ်ကြိမ်၊ မတ်မှာ ကိုးကြိမ်နဲ့ ဧပြီမှာ ၃၈ ကြိမ်အထိ တဖြည်းဖြည်း မြင့်တက်လာတယ်လို့ မြန်မာ့ငြိမ်းချမ်းရေးနှင့်လုံခြုံရေးအင်စတီကျု (Myanmar Institute for Peace and Security) ၏ အစီရင်ခံစာက ဆိုပါတယ်။ ဒါပေမဲ့ အမှန်တကယ် မြေပြင်ထိတွေ့မှု အရေအတွက်ဟာ MIPS က မှတ်တမ်းတင်ထားတဲ့ အရေအတွက်ထက် ပိုများပြားနိုင်ပါတယ်။

တပ်မတော်နဲ့ KIA ကြားဖြစ်ပွားခဲ့တဲ့ လက်နက်ကိုင်ပဋိပက္ခတွေမှာ အကြီးစားထိတွေ့မှုတွေဖြစ်ခဲ့ပြီး လက်နက်ကြီးအသုံးပြုခြင်း (ဒါမှမဟုတ်) လက်နက်ကြီးပစ်ကူ၊ လေကြောင်းတိုက်ခိုက်မှုများ (ဒါမှမဟုတ်) လေကြောင်းပစ်ကူရယူမှုများ ပါဝင်ခဲ့တဲ့အပြင် ရာချီတဲ့တပ်မတော်သားတွေက KIA စခန်းတွေကို သိမ်းပိုက်ဖို့အားထုတ်ခဲ့တယ်လို့ သိရကြောင်း အစီရင်ခံစာက ဆိုပါတယ်။

မြန်မာ့ငြိမ်းချမ်းရေးနှင့် လုံခြုံရေးအင်စတီကျု (MIPS) ရဲ့ မြို့နယ်အဆင့် ပဋိပက္ခစောင့်ကြည့်ရေး အချက်အလက်ဒေတာဘေ့စ် (Township-based Conflict Monitoring System Database) မှတ်တမ်းတွေအရ ဧပြီလအတွင်းမှာ မြန်မာနိုင်ငံထဲက မြို့နယ် ၂၁ မြို့နယ်မှာ လက်နက်ကိုင်ထိတွေ့မှု ၅၃ ကြိမ်နဲ့ ဒေသန္တရလက်လုပ်မိုင်း အသုံးပြုတိုက်ခိုက်မှု အကြိမ် ၂၀ ဖြစ်ပွားခဲ့ပါတယ်။

ဧပြီလထဲမှာ လက်နက်ကိုင်ပဋိပက္ခ ဖြစ်ပွားမှုနှုန်းထား အများဆုံးကြုံတွေ့ရတဲ့ မြို့နယ်ကတော့ ကချင်ပြည်နယ် တနိုင်းမြို့နယ်ဖြစ်ပြီး ၀ိုင်းမော်၊ ဖားကန့်၊ မူဆယ်မြို့နယ်တွေမှာလည်း အနည်းဆုံးငါးကြိမ်လောက် ဖြစ်ပွားခဲ့တယ်လို့ ဖော်ပြထားပါတယ်။

တပ်မတော်နဲ့ KIO အကြားဖြစ်ပွားခဲ့တဲ့ လက်နက်ကိုင်ပဋိပက္ခတွေကြောင့် ဧပြီလဆန်းပိုင်းစတင်ပြီး ကချင်ပြည်နယ်အတွင်း စစ်ဘေးရှောင်ပြည်သူ ၆၈၀၀ ကျော် အသစ်ထပ်မံ နေရပ်စွန့်ခွာ တိမ်းရှောင်းခဲ့ရတယ်လို့ လူသားချင်းစာနာမှုဆိုင်ရာ ညှိနှိုင်းရေးရုံး (OCHA Myanmar) က ခန့်မှန်းထားပါတယ်။ လက်နက်ကိုင်ပဋိပက္ခဖြစ်ပွားတဲ့ ဒေသတွေကတော့ တနိုင်း၊ ဖားကန့်၊ မိုးမောက်၊ မိုးကောင်း၊ အင်ဂျာယန်၊ ချီဖွေနဲ့ လိုင်ဇာဒေသတို့ဖြစ်ပါတယ်။ တချို့နေရာတွေမှာ ပဋိပက္ခတွေ ရပ်တန့်သွားပေမယ့် အင်ဂျာယန်နဲ့ ချီဖွေဒေသမှာတော့ ဧပြီ ၂၉ ရက်အထိ တိုက်ပွဲတွေ ဆက်လက်ဖြစ်ပွားခဲ့ပါတယ်။

ဒါ့အပြင် တနိုင်း၊ ဖားကန့်၊ အင်ဂျာယန်ဒေသက အရပ်သားတွေအနေနဲ့ ပဋိပက္ခဖြစ်ပွားရာ နေရာတွေကနေ ထွက်ခွာနိုင်ခြင်းမရှိသေးဘူးလို့ လူသားချင်းစာနာမှုဆိုင်ရာ ညှိနှိုင်းရေးရုံး (OCHA Myanmar) က ဆိုပါတယ်။

တပ်မတော်နဲ့ KIO ခေါင်းဆောင်သစ် တွေ့ဆုံမှု

ကချင်မှာ လက်နက်ကိုင်ပဋိပက္ခ အရှိန်မြင့်တက်လာတဲ့အပေါ် တရုတ်နိုင်ငံ အာရှရေးရာ အထူးသံတမန်ရဲ့ ကြားဝင်စေ့စပ်မှုနဲ့ ၂၀၁၈ ခုနှစ် ဖေဖော်ဝါရီ ၁ ရက်က တရုတ်နိုင်ငံ ယူနန်ပြည်နယ် တာလီမြို့မှာ တပ်မတော်နဲ့ KIO တွေ့ဆုံခဲ့ပါတယ်။

တပ်မတော်ဘက်က ကာကွယ်ရေးဦးစီးချုပ်ကိုယ်စား ဒုတိယဗိုလ်မှူးကြီး ထွန်းထွန်းနောင်နဲ့ KIO ဘက်က ဗဟိုကော်မတီဥက္ကဋ္ဌ ဗိုလ်ချုပ်ကြီးအင်ဘန်လတို့ တွေ့ဆုံခဲ့ကြတာပါ။

KIO ဘက်ကဖြစ်ပွားနေတဲ့ တိုက်ပွဲကိစ္စအပါအ၀င် ဒေသတည်ငြိမ်ရေး၊ တိုက်ပွဲများ လျှော့ချရေး၊ ငြိမ်းချမ်းရေးဆောင်ရွက်ရာမှာ အားလုံးပါဝင်ရေးနဲ့ ပင်လုံစာချုပ် ကတိက၀တ်တွေနဲ့အညီ ဖက်ဒရယ်ပြည်ထောင်စု တည်ဆောက်ရေးကို ဆွေးနွေးခဲ့ပြီး တပ်မတော်ဘက်က KIA တပ်ရင်း (၁၄) ဌာနချုပ်အပါအ၀င် တပ်စခန်းတွေကို ဖယ်ရှားပေးဖို့နဲ့ KIA ရဲ့ တချို့တပ်မဟာတွေကို အသိအမှတ်မပြုဘူးလို့ ဖိအားပေးဆွေးနွေးခဲ့ကြောင်း ကချင်လွတ်မြောက်ရေးအဖွဲ့ (KIO) က ဖေဖော်ဝါရီ ၂ ရက်က ထုတ်ပြန်ခဲ့ပါတယ်။

ဒီတွေ့ဆုံမှုမှာ နှစ်ဦးနှစ်ဖက် ကတိက၀တ်ပြုတဲ့ သဘောတူညီမှု တစုံတရာမရရှိခဲ့ပေမယ့် ထပ်မံတွေ့ဆုံဆွေးနွေးသွားဖို့ နှစ်ဖက်စလုံးက သဘောဆန္ဒရှိတယ်လို့လည်း ထုတ်ပြန်ချက်မှာ ဖော်ပြထားပါတယ်။

“ဒါက ထိပ်သီးဆွေးနွေးပွဲဖြစ်တယ်။ တစ်နိုင်ငံလုံး အပစ်အခတ်ရပ်စဲရေးကို လုပ်ရအောင်။ တပ်မတော်ဘက်က ထိုးစစ်ဆင်တာတွေကို ရပ်ပါ။ KIO ဘက်ကလည်း တံတားဖောက်ခွဲတာမျိုးတို့၊ ချုံခိုတိုက်တာမျိုးတို့၊ ပြောက်ကျားတိုက်တာမျိုးတို့ကို မလုပ်တော့ဘူး ရပ်မယ်။ အဲဒီအဆင့်အထိ ကျွန်တော်တို့ ညှိနှိုင်းခဲ့တာ ရှိပါတယ်။ တိုက်ပွဲကို ကျွန်တော်တို့ နားလည်တဲ့ဟာက NCA ထိုးခြင်း၊ မထိုးခြင်းနဲ့ မဆိုင်တော့ဘူး” လို့ KIO နည်းပညာအထောက်အကူပြုအဖွဲ့ (TAT) ပြောရေးဆိုခွင့်ရှိသူ ဦးဒေါင်ခါးက ဆိုပါတယ်။

KIO အနာဂတ်

“KIA က NCA လမ်းကြောင်းပေါ် တက်လာမှပဲရမယ်။ တက်မလာဘူးဆိုရင် နိုင်ငံတော်အစိုးရကို လက်နက်ကိုင်ပြီး တော်လှန်ပုန်ကန်နေသူတွေအဖြစ် သတ်မှတ်ပြီး အစွမ်းကုန်ရှင်းမှာပဲ”

ဒီစကားကို မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်တေဇကျော်က ၂၀၁၈ ခုနှစ် မေ ၁၁ ရက်က မီဒီယာတွေနဲ့ တွေ့ဆုံရာမှာ ပြောကြားခဲ့တာပါ။ ကချင်ပြည်နယ်ကို သွားရောက်ခဲ့တဲ့ သတင်းမီဒီယာအဖွဲ့ကနေ ကချင်ပြည်နယ်အတွင်း စစ်ဆင်ရေးလုပ်ခဲ့ရတဲ့ အကြောင်းအရင်း၊ တပ်မတော်ရဲ့ သဘောထားနဲ့ နေရပ်စွန့်ခွာသူတွေအတွက် ဆောင်ရွက်ပေးနိုင်မယ့် အခြေအနေတွေကို မေးမြန်းရာမှာ ဗိုလ်ချုပ်တေဇကျော်က ထည့်သွင်းပြောကြားခဲ့တာ ဖြစ်ပါတယ်။

ဒီလို မြောက်ပိုင်းတိုင်းစစ်ဌာနချုပ် တိုင်းမှူးရဲ့ ပြောကြားချက်နဲ့ပတ်သက်လို့ တပ်မတော်က KIA ကို ရာဇသံပေးလိုက်တာလို့လည်း နိုင်ငံရေးလေ့လာသူတွေက သုံးသပ်ကြပါတယ်။ ဘာကြောင့်လဲဆိုတော့ မီဒီယာတွေ မေးမြန်းရာမှာ တပ်မတော်ရဲ့ သဘောထားဆိုတာပါနေတဲ့အတွက် တိုင်းမှူးရဲ့စကားက တပ်မတော်သဘောထားဖြစ်ဖို့ ရာနှုန်းပြည့်နီးပါး သေချာနေပါတယ်။

“အပြုတ်တိုက်မလား။ မတိုက်ဘူးလား ဆိုတာကတော့ တော်တော်ပြောရခက်တယ်။ ဒါကလည်း ကျွန်တော်တို့ နှစ် ၇၀ အတွင်းမှာ အတွေ့အကြုံအရတော့ အပြုတ်တိုက်လို့ ရတယ်ဆိုရင်တော့ အနှစ် ၇၀ မကြာဘူး။ တကယ်လို့သာ အခုအခြေအနေကတော့ အပြုတ်တိုက်လို့မရလို့ ကျွန်တော်တို့မှာ အခြေအနေက ကြာပြီးတော့ ပြဿနာတွေ ဖြစ်နေတယ်လို့ပဲ ပြောရမှာပေါ့။ ဒါပေမဲ့ အပြုတ်တိုက်လို့ရတယ် မရတယ်ဆိုတာထက် ဆွေးနွေးဖြေရှင်းမယ့် သဘောထားမရှိဘူးဆိုရင်တော့ ကျွန်တော်တို့က ဘာတွက်ရမလဲဆိုတော့ လက်နက်ကိုင်ပဋိပက္ခတွေ ပိုပြီးတော့ ဆိုးရွားလာတာတွေ့ရမယ်လို့ ထင်ပါတယ်” လို့ နိုင်ငံရေးနဲ့ ငြိမ်းချမ်းရေးလေ့လာသူ ဦးမောင်မောင်စိုးက သုံးသပ်ပါတယ်။

တပ်မတော်ရဲ့ ငြိမ်းချမ်းရေးရပ်တည်ချက်နဲ့ ပတ်သက်လို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က “တပ်မတော်ရဲ့ ငြိမ်းချမ်းရေးရပ်တည်ချက်ကတော့ ကျွန်တော်တို့နိုင်ငံရဲ့ ငြိမ်းချမ်းရေးမဟာဗျူဟာဖြစ်တဲ့ NCA လမ်းကြောင်းပေါ်မှာ မသွေမဖည် ခိုင်ခိုင်မာမာ ရပ်တည်လုပ်ဆောင်သွားမှာ ဖြစ်ပါတယ်။ NCA လမ်းကြောင်းကို လျှောက်လှမ်းရာမှာလည်း တပ်မတော်ရဲ့ ငြိမ်းချမ်းရေးမူ ခြောက်ရပ်နဲ့အညီ ခိုင်မာစွာ ရပ်တည်လုပ်ဆောင်သွားမှာ ဖြစ်ပါတယ်” လို့ ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ (ဒုတိယအကြိမ်) အစည်းအဝေး နှုတ်ခွန်းဆက်အမှာစကားမှာ ထည့်သွင်းပြောကြားထားပါတယ်။

တစ်ဖက်မှာလည်း ‘၀’ တပ်ဖွဲ့ (UWSA) အပါအ၀င် မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့တွေကို တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) မှာ ပါဝင်လက်မှတ်ရေးထိုးကြဖို့ တရုတ်နိုင်ငံက တိုက်တွန်းနေပါတယ်။

“အစကတည်းက တိုက်တွန်းနေတာပေါ့လေ။ ဒါကတော့ ဘယ်လိုပြောရမလဲ။ ထိုးခိုင်းစေချင်တဲ့သဘောပေါ့ဗျာ။ ကျွန်တော် သိသလောက်ကတော့ နယ်စပ်ဒေသ တည်ငြိမ်ဖို့အတွက် အဲဒီ NCA ထိုးဖို့ တိုက်တွန်းတာပေါ့” လို့ ‘၀’ တပ်ဖွဲ့ (UWSA) ပြောရေးဆိုခွင့်ရှိသူ လားရှိုးဆက်ဆံရေးရုံးတာဝန်ခံ ဦးညီရန်းက ပြောကြားပါတယ်။

တရုတ်ပြည်သူ့သမ္မတနိုင်ငံ အာရှရေးရာ အထူးကိုယ်စားလှယ် Mr.Sun Guoxiang (မစ္စတာဆွန်ကော်ရှန်း) ရဲ့ ဖိတ်ကြားချက်အရ ၂၀၁၈ ခုနှစ် မေ ၁၈ ရက်က တရုတ်နိုင်ငံ ကူမင်းမြို့မှာ ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) အဖွဲ့ ကိုယ်စားလှယ်ခေါင်းဆောင်တွေ သွားရောက်တွေ့ဆုံ ဆွေးနွေးခဲ့ပါတယ်။

ဒီလိုတွေ့ဆုံဆွေးနွေးရာမှာ FPNCC အဖွဲ့ဝင်တွေအနေနဲ့ တရုတ်-မြန်မာနယ်စပ် တည်ငြိမ်ရေးအတွက် ၀ိုင်းဝန်းပူးပေါင်းဆောင်ရွက်ကြဖို့၊ လက်ရှိဖြစ်ပျက်နေတဲ့ နိုင်ငံရေး၊ ဒေသတည်ငြိမ်ရေး ပြဿနာတွေကို လက်နက်ကိုင်နည်းလမ်းနဲ့ မဖြေရှင်းဘဲ တွေ့ဆုံဆွေးနွေးအဖြေရှာကြဖို့ တိုက်တွန်းအကြံပြုချက်တွေအပေါ် ရင်းနှီးပွင့်လင်းစွာ ဆွေးနွေးဖလှယ်ခဲ့ကြတယ်လို့ ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) က သတင်းထုတ်ပြန်ခဲ့ပါတယ်။

ဒါ့အပြင် ၂၁ ရာစု တတိယအကြိမ် ပင်လုံအစည်းအဝေးကို FPNCC အဖွဲ့ဝင်တွေ တက်ရောက်ဖို့အတွက် ဖိတ်ကြားလာပါက တက်ရောက်ကြဖို့ကိုလည်း အာရှရေးရာ အထူးကိုယ်စားလှယ်က တိုက်တွန်းခဲ့ကြောင်းနဲ့ လက်ရှိဖြစ်နေတဲ့ နိုင်ငံရေး၊ စစ်ရေးပြဿနာ၊ နယ်စပ်ဒေသ တည်ငြိမ်ရေးကိစ္စရပ်တွေကို တွေ့ဆုံဆွေးနွေးအဖြေရှာဖို့ FPNCC အဖွဲ့ဝင်တွေအနေနဲ့ အဆင်သင့်ရှိတယ်လို့ ဆွေးနွေးခဲ့ကြောင်း ထုတ်ပြန်ချက်မှာ ဖော်ပြထားပါတယ်။

ဒီထုတ်ပြန်ချက်အရ မြန်မာ့ငြိမ်းချမ်းရေးလုပ်ငန်းစဉ်မှာ တရုတ်နိုင်ငံရဲ့ ကြားဝင်လုပ်ဆောင်ပေးမှုကြောင့် ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ (FPNCC) ရဲ့ သဘောထား ပျော့ပျောင်းလာမှုကိုလည်း တွေ့နေရပါတယ်။

ဒါ့အပြင် NCA လက်မှတ်ရေးထိုးနိုင်ရေးအပါအ၀င် ဒေသဖွံ့ဖြိုးရေးဆိုင်ရာကိစ္စရပ်တွေ ဆွေးနွေးဖို့အတွက် ငြိမ်းချမ်းရေးကော်မရှင် ကိုယ်စားလှယ်အဖွဲ့နဲ့ ‘၀’ တပ်ဖွဲ့ (UWSA)၊ မိုင်းလားအဖွဲ့ (NDAA) က ထိပ်ပိုင်းခေါင်းဆောင်တွေကြားမှာ တွေ့ဆုံဆွေးနွေးမှုတွေက အဆင်ပြေချောမွေ့နေတယ်လို့လည်း သတင်းတွေထွက်နေပါတယ်။

လက်ရှိအချိန်မှာ ငြိမ်းချမ်းရေးကော်မရှင်အနေနဲ့ ‘၀’ တပ်ဖွဲ့ (UWSA) နှင့် မိုင်းလားအဖွဲ့ (NDAA) တို့အပြင် ကရင်နီ အမျိုးသားတိုးတက်ရေးပါတီ (KNPP) နဲ့ ရှမ်းပြည်တိုးတက်ရေးပါတီ (SSPP) တို့နဲ့လည်း NCA လက်မှတ်ရေးထိုးနိုင်ရေးအတွက် တွေ့ဆုံညှိနှိုင်းမှုများ ပြုလုပ်နေတာကြောင့် တကယ်လို့သာ ‘၀’ တပ်ဖွဲ့ (UWSA) နှင့် မိုင်းလားအဖွဲ့ (NDAA) တို့က NCA မှာ လက်မှတ်ထိုးဖို့ ခေါင်းညိမ့်လိုက်မယ်ဆိုရင် KIA အတွက်တော့ တကယ့်အကျပ်အတည်းကာလတစ်ခုကို ရောက်လာနိုင်ပါတယ်။ လက်ရှိ တပ်မတော်နဲ့ ဖြစ်ပွားနေတဲ့ လက်နက်ကိုင် ပဋိပက္ခဖြစ်စဉ်တွေမှာလည်း KIO ဘက်က စခန်းတော်တော်များများကို စွန့်လွှတ်လိုက်ရတယ်လို့ KIO နည်းပညာ အထောက်အကူပြုအဖွဲ့ (TAT) ပြောရေးဆိုခွင့်ရှိသူ ဦးဒေါင်ခါးက ဆိုပါတယ်။

“ကျွန်တော်တို့ ရှေ့တန်းစခန်းတွေ တော်တော်လေး စွန့်လွှတ်လိုက်ရတဲ့ အနေအထားရှိတယ်။ စွန့်လွှတ်လိုက်ရတာကလည်း ကျွန်တော်တို့က မဆုတ်တမ်း ခံစစ်တိုက်လို့မရဘူး။ လက်နက်ကြီးပိုင်းကို ကျွန်တော်တို့ ယှဉ်လို့မရဘူး။ လေကြောင်းစစ်ဆင်ရေးကို ကျွန်တော်တို့ခုခံဖို့ အခက်အခဲရှိတယ်။ ဒါကြောင့် ကျွန်တော်တို့ဘက်ကနေ ဒီမတန်တရာ ထိုးစစ်ဆင်တဲ့အပေါ်မှာ မဆုတ်တမ်းခံစစ်လုပ်ပြီးတော့ အသေခံပြီးတော့ ကျွန်တော်တို့က တိုက်ပွဲဆင်နွှဲလို့မရဘူး။ ဒါက ကျွန်တော်တို့ဘက်က ပကတိအနေအထားပဲ။ ဒါပေမဲ့လည်း ရေရှည်တိုက်ပွဲကတော့ ဖြစ်သွားမှာပဲ” လို့ သူက ဆိုပါတယ်။

ဒါကြောင့် ကချင်လွတ်မြောက်ရေးအဖွဲ့ (KIO) အနေနဲ့ လက်ရှိအချိန်မဟုတ်ရင်တောင် ‘၀’ ဘက်က အပြောင်းအလဲတစ်ခုခု ဖြစ်ပေါ်လာခဲ့ရင်တော့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ထီးရိပ်အောက်ကို ၀င်မလား ဒါမှမဟုတ် ဒီအတိုင်းပဲ လက်နက်ကိုင်ပဋိပက္ခကို ဆက်သွားမလား KIA အနေနဲ့ အနာဂတ်ကို ဘယ်လိုဆုံးဖြတ်သွားမလဲဆိုတာ ဆက်လက်စောင့်ကြည့်ရမယ့် အနေအထားမျိုး ဖြစ်နေပါတယ်။

ဒီကိစ္စနဲ့ပတ်သက်လို့ နိုင်ငံရေးနဲ့ ငြိမ်းချမ်းရေးလေ့လာသူ ဦးမောင်မောင်စိုးက “ငြိမ်းချမ်းရေးလုပ်ငန်းစဉ်တစ်ခုလုံးမှာ ပြောရရင် တပ်မတော်က ငြိမ်းချမ်းရေးလုပ်ငန်းစဉ်တစ်ခုလုံးကို မငြင်းပယ်ဘူး။ ငြိမ်းချမ်းရေးလုပ်ငန်းစဉ်မှာ ကျန်တဲ့အဖွဲ့အစည်း၊ လက်မှတ်ထိုးထားတဲ့ အဖွဲ့အစည်းနဲ့ ငြိမ်းချမ်းရေးဆွေးနွေးပွဲလုပ်နေပေမဲ့ တစ်ဖက်ကလည်း ဒီလေးဖွဲ့ကို အကြမ်းဖက်သောင်းကျန်းသူအဖြစ် သဘောထားပြီးတော့ လက်နက်ကိုင်ပြီးတော့ ဖြေရှင်းမယ်ဆိုတဲ့ သဘောထားကို တွေ့နေရတယ်။ အဲဒီအခြေခံအောက်မှာတော့ KIA နဲ့ တပ်မတော်ကြားမှာ မပြေလည်မှုတွေဟာ လက်နက်ကိုင်ပဋိပက္ခတွေ ဆက်လက်ရှိနေတယ်လို့ ပြောရမယ်” လို့ သုံးသပ်ပါတယ်။

မရေရာမှုများကြားက မြန်မာ့စီးပွားရေး

မြန်မာ့သရက်သီးများအား ဈေးကောင်းပေးဝယ်နေသော တရုတ်ဝယ်လက်များကို မူဆယ် ၁၀၅ မိုင် သစ်သီးဈေးကွက်တွင် တွေ့ရစဉ် (ဓာတ်ပုံ-ထွန်းနေလှိုင်)

၂၀၁၆-၂၀၁၇ ခုနှစ်တွင် အနည်းငယ် အရှိန်နှေးသွားခဲ့သည့် မြန်မာနိုင်ငံ၏ စီးပွားရေး အခြေအနေသည် ၂၀၁၇-၂၀၁၈ ခုနှစ်တွင် ပြည်တွင်းပြည်ပမရေရာ မသေချာသည့် အခြေအနေများအကြား အကောင်းဘက်တွင် ရှိနေဆဲဖြစ်ကြောင်းနှင့် ၂၀၁၈-၂၀၁၉ ဘဏ္ဍာနှစ်တွင် နိုင်ငံ၏ စီးပွားရေးတိုးတက်မှုနှုန်း ၆ ဒသမ ၇ ရာခိုင်နှုန်းသို့ ရောက်ရှိလာမည်ဟု ကမ္ဘာ့ဘဏ်က မကြာသေးမီက ထုတ်ပြန်သည့် မြန်မာ့စီးပွားရေးစောင့်ကြည့် အစီရင်ခံစာတွင် ဖော်ပြထားသည်။

ရှေ့စီးပွားရေးအလားအလာ အနေဖြင့် တိုးတက်ကောင်းမွန်လာမည်ဟု မျှော်မှန်းထားသော်လည်း မက်ခရိုစီးပွားရေးဆိုင်ရာ ဘေးအန္တရာယ်များ တိုးပွားလျက်ရှိသည်။

ပြည်တွင်းအသားတင်ထုတ်လုပ်မှုတန်ဖိုး (GDP) တိုးနှုန်းသည် ၂၀၁၆-၂၀၁၇ တွင် ၅ ဒသမ ၉ ရာခိုင်နှုန်းရှိခဲ့ရာမှ ၂၀၁၇-၂၀၁၈ တွင် ၆ ဒသမ ၄ ရာခိုင်နှုန်းသို့ ရောက်ရှိလာသည်။ ထိုသို့ ရောက်ရှိလာခြင်းမှာ စိုက်ပျိုးရေးကဏ္ဍ၊ ကောက်ပဲသီးနှံထုတ်လုပ်မှု အခြေအနေ၊ ပြန်လည်ကောင်းမွန်လာခြင်း၊ ကုန်ထုတ်လုပ်ငန်းများ အားကောင်းလာခြင်းနှင့် ၀န်ဆောင်မှုလုပ်ငန်း ကဏ္ဍတွင် တည်ငြိမ်လာခြင်းတို့ကြောင့်ဖြစ်သည်။ သို့သော် ခရီးသွားလုပ်ငန်းနှင့် ငွေရေးကြေးရေးဘဏ်လုပ်ငန်းတို့တွင် မရေမရာမှုများကြောင့် အနည်းငယ် နှေးကွေးခဲ့သည်ဟု တွေ့ရှိရကြောင်း အဆိုပါ အစီရင်ခံစာက ဆိုသည်။

ငွေဖောင်းပွမှုသည် ၂၀၁၆-၂၀၁၇ ခုနှစ်က ခုနစ်ရာခိုင်နှုန်းရှိခဲ့ရာမှ ၂၀၁၇-၂၀၁၈ ခုနှစ်တွင် ၅ ဒသမ ၅ ရာခိုင်နှုန်းသို့ အသင့်အတင့် ကျဆင်းသွားသည်။ ငွေကြေးလဲလှယ်နှုန်းမှာ တည်ငြိမ်နေပြီး ဒီဇင်ဘာလမှစ၍ မြန်မာကျပ်ငွေတန်ဖိုး တက်လာခဲ့သည်။ ပို့ကုန်မြင့် တက်လာမှုကြောင့် ကုန်သွယ်ရေးလိုငွေ အနည်းငယ် ကျဆင်းသွားခဲ့သည်။ ဘတ်ဂျက်လိုငွေသည်လည်း ဘဏ္ဍာနှစ် ပထမကိုးလအတွင်းလည်း ကျဆင်းသွားခဲ့သည်။

စီးပွားရေးစွမ်းဆောင်မှု အားကောင်းနေမြဲဖြစ်သော်လည်း ပြုပြင်ပြောင်းလဲမှုနှေးကွေးခြင်း၊ ငွေရေးကြေးရေးကဏ္ဍတွင် အားနည်းချက်များ ရှိနေခြင်း၊ ရခိုင်အကျပ်အတည်း ဖြေရှင်းရာတွင် တိုးတက်မှုနည်းပါးခြင်းတို့နှင့် ပတ်သက်၍ စိုးရိမ်စရာများ ရှိနေခြင်းသည် စီးပွားရေး လာရောက်လုပ်ကိုင်လိုမှုကို ထိခိုက်စေပြီး စွမ်းဆောင်မှုကိုလည်း အားနည်းသွားစေမည့် အရိပ်လက္ခဏာများ ရှိနေသည်။ ကမ္ဘာတစ်ဝန်းကုန်သွယ်ရေး မူဝါဒမသေချာမှု၊ ကုန်စည်ဈေးနှုန်းများ အတက်အကျ မငြိမ်မှုစသည့် ပြင်ပအကြောင်းခြင်းရာများကလည်း စီးပွားရေးတိုးတက်မှု မျှော်မှန်းချက်ကို ထိခိုက်စေနိုင်သည်ဟု ဆိုသည်။

၂၀၁၇-၂၀၁၈ စီးပွားရေး အခြေအနေ

မြန်မာနိုင်ငံသည် ၂၀၁၇-၂၀၁၈ ဘဏ္ဍာနှစ်အတွင်း စီးပွားရေးကဏ္ဍတွင် တိုးတက်မှုကို ကြုံတွေ့ခဲ့ရသည်။ ထုတ်လုပ်မှုအပိုင်းကိုကြည့်လျှင် လယ်ယာကဏ္ဍပြန် ဦးမော့လာခြင်း၊ စက်မှုနှင့် အထူးသဖြင့် အထည်ချုပ်လုပ်ငန်းများ ဆက်လက်အားကောင်းမှုများ ရှိခဲ့သည်။ ခရီးသွားလုပ်ငန်းနှင့် ဘဏ်လုပ်ငန်းကဏ္ဍတွင် မရေရာမှုများကြောင့် အနည်းငယ် ကျဆင်းလင့်ကစား ၀န်ဆောင်မှုကဏ္ဍ အားကောင်းခဲ့ခြင်းကြောင့် စီးပွားရေး တိုးတက်မှုကို အထောက်အပံ့ပြုခဲ့သည်။ ၂၀၁၇-၂၀၁၈ ပထမခြောက်လအတွင်း ငွေဖောင်းပွမှု လျော့ကျခြင်းကြောင့် ပုဂ္ဂလိကစားသုံးမှု တိုးတက်ခဲ့သည်။ ထို့ပြင် မြန်မာကျပ် ငွေတည်ငြိမ်ခြင်းနှင့် စက်မှုထုတ်ကုန်ထုတ်လုပ်မှုတွင် ပုဂ္ဂလိက ရင်းနှီးမြှုပ်နှံတိုးမြှင့်လာခြင်းတို့၏ အထောက်အပံ့ကြောင့် စုစုပေါင်း ၀ယ်လိုအားမှာ တိုးတက်လာခဲ့သည်ဟု ကမ္ဘာ့ဘဏ်က ခန့်မှန်းထားသည်။

“တိုင်းပြည်တစ်ပြည်မှာ စီးပွားရေး ကျဆင်းနေတယ်ဆိုတာနဲ့ စီးပွားရေးကျဆင်းနေတယ်ဆိုတာရယ် Indicator တွေဟာ ညာလို့မရပါဘူး။ Indicator တွေအားလုံး ဒီမှာပြနေတယ်။ ကျွန်တော် ပထမဆုံးပြောချင်တာက အခွန်ကိစ္စနဲ့ ပတ်သက်ပြီး ကျွန်တော်ကိုယ်တိုင် လွှတ်တော်ထဲမှာ လေ့လာဆန်းစစ်သူ တစ်ယောက်အနေနဲ့ တောက်လျှောက်ပါခဲ့ပါတယ်။ ပါခဲ့တဲ့အချိန်မှာ ဘာကိုတွေ့ရှိသလဲဆိုရင် ဒီအခွန်ကို တင်တဲ့အချိန်မှာ သက်ဆိုင်ရာဝန်ကြီးဌာနတွေ လွှတ်တော်မှာရှိတဲ့ ကော်မတီအရပ်ရပ်တွေ Experts တွေဆိုတဲ့ အကြံပေးပုဂ္ဂိုလ်တွေ အခွန်အများဆုံး ထမ်းဆောင်နေတဲ့ ကုမ္ပဏီတွေ တစ်ကနေ ၂၀၊ အဲဒီကုမ္ပဏီတွေ ပါဝင်ပါတယ်။ အဲဒီ ကုမ္ပဏီတွေအားလုံးရဲ့ ထွက်လာတဲ့ အသံတစ်ခုတည်းကတော့ စီးပွားရေး ကျဆင်းနေတယ်ဆိုတာကို အားလုံးက တစ်သံတည်းထွက်ပါတယ်။ ဒီစီးပွားရေး ကျဆင်းနေတာကို ကယ်တင်ဖို့ အခြေခံအားဖြင့် နည်းလမ်းသုံးခု ရှိပါတယ်။ ဒါတွေကတော့ အခွန်လျှော့ချရေး၊ စီးပွားရေးတွေမှာ လည်ပတ်နေတဲ့ ငွေရေးကြေးရေးတွေ လျင်လျင်မြန်မြန်နဲ့ ပိုမိုလည်ပတ်ဖို့နဲ့ ဘဏ်တိုးတွေ လျှော့ချရေးဆိုတဲ့ အခြေခံသုံးချက်နဲ့ စီးပွားရေးကို ပြန်လည်ဦးမော့လာအောင် လုပ်ရမှာဖြစ်ပါတယ်။ ဒီအစည်းအဝေးတွေမှာပဲ ကျွန်တော် ဘာကိုတွေ့လဲဆိုရင် အခွန်ထမ်း ထိပ်တမ်းကုမ္ပဏီ၂၀ စလုံးက ဒီအခွန်ကို ထောက်ခံပါတယ်လို့ ပြောကြပါတယ်။ အစည်းအဝေးမှာ အတွင်းရေးမှူးလုပ်တဲ့ပုဂ္ဂိုလ်က ခင်ဗျားတို့ထောက်ခံတာ သေချာပါသလားလို့ မေးတဲ့အချိန်မှာ ကျွန်တော်တို့ ကျေကျေနပ်နပ်နဲ့ သဘောတူတယ်လို့ ဖြေပါတယ်။ တစ်ကနေ ၅၀၀ မှာရှိတဲ့ ကုမ္ပဏီတွေမေးရင်လည်း အခုအချိန်မှာ ဒီအဖြေပဲ ထွက်မှာ။ ဘာဖြစ်လို့လဲဆိုတော့ စီးပွားရေး ကျနေတယ်ဆိုတာ အဖြေ အတိအကျ ထွက်ပါတယ်” ဟု ဆိုခဲ့သူသည် YDA ဒုတိယဥက္ကဋ္ဌနှင့် မြန်မာနိုင်ငံ ပြည်သူ့ရေးရာ စီမံခန့်ခွဲမှုပညာရပ်ဆိုင်ရာ ကွန်ရက်ဥက္ကဋ္ဌ ဦးစောလုလုထော်ဖြစ်ပြီး Tax Amnesty သုံးရာခိုင်နှုန်းအထိ လျှော့ချမှု ၂၀၁၈ ဧပြီ ၁ ရက်တွင် မဖြစ်လာပါက မြန်မာ့စီးပွားရေး ပြိုလဲသွားနိုင်ကြောင်း ရှင်းလင်းပွဲတွင် ပြောကြားခဲ့ခြင်းဖြစ်သည်။

ပို့ကုန်တိုးမြှင့်လာမှုကြောင့် ကုန်သွယ်ရေး လိုငွေလျော့ကျလာခဲ့သည်။ နိုင်ငံခြား တိုက်ရိုက်ရင်းနှီးမြှုပ်နှံမှု ခွင့်ပြုချက်ပေးနှုန်းမှာ မနှစ်ကနှင့်ယှဉ်ပါက လျော့ကျလာသော်လည်း တစ်နှစ်အတွင်း မြန်မာနိုင်ငံ အတွင်းသို့ နိုင်ငံခြားတိုက်ရိုက် ရင်းနှီးမြှုပ်နှံမှု တိုးတက်လာသည်ဟု ခန့်မှန်းထားသည်။ ဖြစ်နိုင်ဖွယ်ရာ အကြောင်းမှာအစိုးရ၏ ပြုပြင်ပြောင်းလဲမှုများ နှေးကွေးလာသည်ဟု ယူဆမှုများရှိနေသည်။ သို့ရာတွင် နိုင်ငံခြားရင်းနှီးမြှုပ်နှံမှု စီးဝင်မှုများသည် လက်ရှိကုန်သွယ်ရေးလိုငွေကွာဟမှုကို ကာမိသည်ဟု ခန့်မှန်းသည်။ ပြည်ပရောက်များထံမှ ငွေပြန်လွှဲပို့ငွေများ အပါအ၀င် အခြားကဏ္ဍများ ၂၀၁၇-၂၀၁၈ ခုနှစ်တွင်း ကျဆင်းခဲ့ခြင်းကြောင်း ငွေပေးငွေယူရှင်းတမ်းကို ထိခိုက်မှုရှိခဲ့သည်ဟု ကမ္ဘာ့ဘဏ်အစီရင်ခံစာက ဖော်ပြထားသည်။

ဆန်တင်ပို့မှုသည် သမိုင်းဝင် အမြင့်ဆုံးသို့ ရောက်ရှိခဲ့ပြီး အထည်ချုပ်ကဲ့သို့သော ကုန်စည်များမှာလည်း ဈေးကွက်အသစ်များ ဆက်လက်ရရှိနေဆဲဖြစ်သည်။ ဓာတ်ငွေ့တင်ပို့မှုကိုကြည့်လျှင် သက်တမ်းပြည့်တွင်းများမှ ထုတ်လုပ်မှု ကျဆင်းလာသော်လည်း တစ်ဖက်တွင် ကမ္ဘာ့သဘာဝဓာတ်ငွေ့ဈေးနှုန်းများမှာ သိသိသာသာာ မြင့်တက်ခဲ့ခြင်းကြောင့် သဘာဝဓာတ်ငွေ့တင်ပို့မှုကို ကျားကန်ထားနိုင်ဆဲဖြစ်သည်။

အခြေခံသွင်းအားစုတင်သွင်းမှုများ တိုးတက်လာမှုက စက်မှုကဏ္ဍ တိုးတက်မှု ဆက်လက်ဖြစ်ပေါ်မည့် အလားအလာများကိုလည်း ထောက်ပံ့လျက်ရှိသည်။ ကျပ်ငွေနှင့် နိုင်ငံခြားငွေကြေးအရန် ပမာဏတို့လည်း အနည်းငယ် အားကောင်းခဲ့သည်။

ငွေကြေးဖောင်းပွမှု အခြေအနေ

ငွေကြေးဖောင်းပွမှုနှုန်းသည် ၂၀၁၆-၂၀၁၇ ခုနှစ်တွင် ခုနစ်ရာခိုင်နှုန်းရှိခဲ့ရာမှ ၂၀၁၇-၂၀၁၈ တွင် ၅ ဒသမ ၅ ရာခိုင်နှုန်းသို့ ကျဆင်းခဲ့ပြီး ၂၀၁၈-၂၀၁၉ ခုနှစ်တွင် ၄ ဒသမ ၉ ရာခိုင်နှုန်းအထိ ကျဆင်းသွားမည်ဟု မြန်မာ့စီးပွားရေးစောင့်ကြည့် အစီရင်ခံစာက ခန့်မှန်းထားသည်။

မြန်မာကျပ်ငွေတန်ဖိုးမှာ ၂၀၁၇-၂၀၁၈ အတွင်း အနည်းငယ် တန်ဖိုးတက်လာသော်လည်း နှစ်နိုင်ငံနှိုင်းယှဉ်ငွေလဲလှယ်နှုန်းမှာ Mix ဖြစ်နေသည်။ ၂၀၁၇-၂၀၁၈ ဘဏ္ဍာနှစ်၏ ပထမနှစ်ဝက်ကာလတွင် ဈေးနှုန်းများသည် အသင့်အတင့်သာ မြင့်တက်ခဲ့သော်လည်း ဒုတိယနှစ်ဝက်ကာလတွင် ပိုမိုလျင်မြန်စွာ မြင့်တက်ခဲ့သည်။ အစားအသောက်နှင့် လောင်စာဆီဈေးနှုန်းများ မြင့်တက်ခဲ့ရခြင်းမှာ အထူးသဖြင့် ကမ္ဘာ့လောင်စာဆီဈေးနှုန်းများ မြင့်တက်ခဲ့၍ဖြစ်သည်။ ဥပမာ-အစားအသောက် မဟုတ်သော အုပ်စု၏ ၃၅ ရာခိုင်နှုန်း ပါဝင်သော သယ်ယူပို့ဆောင်ရေး စရိတ်များမှာ ၂၀၁၈ ဇန်န၀ါရီတွင် မြင့်တက်ခဲ့သည်။ ဘဏ္ဍာရေးလိုငွေအတွက် ဗဟိုဘဏ်၏ ဖြည့်ဆည်းပေးမှုမှာ ယခင်လောက် မမြင့်မားတော့သည်ကို တွေ့ရှိရသည်။

၂၀၁၇-၂၀၁၈ ဘဏ္ဍာနှစ်တစ်လျှောက်တွင် နိုင်ငံခြားသုံးငွေနှင့်ယှဉ်လျှင် ပြည်တွင်းကျပ်ငွေတန်ဖိုး မြင့်တက်ခဲ့သော်လည်း ကျပ်ငွေ၏ ပကတိတန်ဖိုးမှာ ကျဆင်းခဲ့သည်။ ထိုင်းနိုင်ငံ၊ မလေးရှားနိုင်ငံနှင့် တရုတ်နိုင်ငံကဲ့သို့သော အဓိက ကုန်သွယ်ဖက်နိုင်ငံများနှင့်ယှဉ်လျှင် ငွေကြေးလဲလှယ်နှုန်းများ ကျဆင်းခဲ့ပြီး ငွေဖောင်းပွမှုနှုန်း မြန်ဆန်ခဲ့ရာ လက်လီကုန်သည်များနှင့် သွင်းကုန်သုံးစွဲသူများအပေါ် ထိခိုက်မှုရှိခဲ့သည်ဟု အစီရင်ခံစာတွင် ဖော်ပြထားသည်။

ဘတ်ဂျက်လိုငွေ

ဘတ်ဂျက်လိုငွေ အမြောက်အမြား ရှိနေခြင်း၊ နိုင်ငံပိုင်စီးပွားရေး လုပ်ငန်းများနှင့် အစိုးရ၏ရငွေများ ကျဆင်းနေခြင်းတို့ ရှိနေသော်လည်း ဘတ်ဂျက်အကောင်အထည်ဖော်မှုဆိုင်ရာ စိန်ခေါ်မှုများနှင့် ဘဏ္ဍာရေးနှစ်ပြောင်းလဲမှုနှင့် ဆက်စပ်သော မရေရာမှုများကြောင့် ၂၀၁၇-၂၀၁၈ ဘဏ္ဍာရေးလိုငွေ လျော့ကျသွားခဲ့ပုံရသည်ဟု ကမ္ဘာ့ဘဏ်က ဆိုသည်။

ဘဏ္ဍာရေးလိုငွေသည် ၂၀၁၆-၂၀၁၇ ခုနှစ်က GDP ၏ ၂ ဒသမ ၇ ရာခိုင်နှုန်းရှိခဲ့ရာမှ ၂၀၁၇-၂၀၁၈ ဘဏ္ဍာနှစ်တွင် GDP ၏ ၅ ဒသမ ၈ ရာခိုင်နှုန်းသို့ သိသိသာသာ မြင့်တက်မည်ဟု တွက်ချက်ထားသည်။ အစိုးရ၏ အထွေထွေရငွေများမှာ ၂၀၁၆-၂၀၁၇ ဘဏ္ဍာနှစ်တွင် GDP ၏ ၁၈ ဒသမ ၂ ရာခိုင်နှုန်းရှိခဲ့ရာမှ ၂၀၁၇-၂၀၁၈ ဘဏ္ဍာနှစ်တွင် ၁၆ ဒသမ ၉ ရာခိုင်နှုန်းသို့ ကျဆင်းမည်ဟု တွက်ချက်ထားသည်။ အထူးသဖြင့် သဘာဝဓာတ်ငွေ့ဈေးနှုန်းများ ကျဆင်းလာခြင်းကြောင့် နိုင်ငံပိုင်စီးပွားရေးလုပ်ငန်းများ၏ အကျိုးအမြတ် လျော့နည်းကျဆင်းခြင်းကြောင့် ဖြစ်သည်။

အစိုးရ၏ အထွေထွေ အသုံးစရိတ်များမှာမူ ၂၀၁၆-၂၀၁၇ ခုနှစ်က GDP ၏ ၂၀ ဒသမ ၉ ရာခိုင်နှုန်းမှ ၂၀၁၇-၂၀၁၈ ခုနှစ်တွင် GDP ၏ ၂၂ ဒသမ ၂ ရာခိုင်နှုန်းသို့ မြင့်တက်လာမည်ဖြစ်သည်။ အကြောင်းရင်းမှာ ကျန်းမာရေးကဲ့သို့သော အဓိက ဦးစားပေး ၀န်ကြီးဌာနများ၏ သာမန်အသုံးစရိတ်များအတွက် ဘတ်ဂျက်လျာထားငွေ မြင့်တက်ခြင်း၊ ဗဟိုဘဏ်တွင် တင်ရှိနေသော အတိုးနှုန်းပေးချေမှုကြောင့် ဖြစ်သည်။

သို့သော်လည်း ဘတ်ဂျက်ရေးဆွဲရာတွင် ရှေးယခင်ကတည်းက ရှိလာခဲ့သည့် အခက်အခဲများဖြစ်သည့် ရရှိထားသည့် ဘတ်ဂျက်အပေါ် အပြည့်အ၀အကောင်အထည် မဖော်နိုင်ခြင်း၊ ၀င်ငွေများအပေါ် လျှော့ချခန့်မှန်းခဲ့ခြင်းတို့ကြောင့် ၂၀၁၇-၂၀၁၈ အတွက် အမှန်တကယ် ဘဏ္ဍာရေးလိုငွေ ခန့်မှန်းသည်ထက် နည်းပါးနိုင်သည်။ ပြည်ထောင်စုအစိုးရ၏ သာမန်အသုံးစရိတ်များ ဆက်လက်မြင့်တက်နေဦးမည်ဖြစ်ပြီး ငွေလုံးငွေရင်းသုံးစွဲငွေများမှာ ဆက်လက်ကျဆင်းနေမည်ဖြစ်သည်။ အစိုးရသည် ပြည်တွင်းကြွေးမြီဈေးကွက်ကို ဆက်လက်ချဲ့ထွင်နေခဲ့သော်လည်း ဈေးကွက်၏ ပါဝင်ဆောင်ရွက်မှုမှာမူ အမှန်တကယ် ဖြစ်သင့်သည့် ပမာဏအောက် ရောက်ရှိနေမြဲဖြစ်သည်ဟု အစီရင်ခံစာတွင် ဖော်ပြထားသည်။

စီးပွားရေးကျဆင်းသွားရင် နိုင်ငံ၏ အထွေထွေ မတည်ငြိမ်မှု ဖြစ်လာနိုင်မလား

မြန်မာနိုင်ငံ၏ ယေဘုယျ စီးပွားရေး အခြေအနေ မျှော်မှန်းချက်ကို နှောင့်ယှက်မည့်အကြောင်းများ ကြီးထွားလာနေသည်ဟု ကမ္ဘာ့ဘဏ်က ဆိုသည်။ ရခိုင်ပြည်နယ် အရေးအခင်းများနှင့် ဆက်စပ်ပြီး မရေရာမှုများ ဆက်လက်ပေါ်ပေါက်နေခြင်းကြောင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုကို နှောင့်နှေးတိုးတက်စေနိုင်သည်။ ဖြစ်နိုင်ခြေနည်းသည်ဆိုသော်လည်း စီးပွားရေးတိုးတက်မှုနှုန်း ကြီးကြီးမားမား လျော့နည်းသွားမည်ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏အထွေထွေ မတည်ငြိမ်မှုကို ဖြစ်နိုင်သည်ဟု မြန်မာ့စီးပွားရေးစောင့်ကြည့် အစီရင်ခံစာက ခန့်မှန်းထားသည်။

ထို့ပြင် နိုင်ငံခြားရင်းနှီးမြှုပ်နှံမှု မြန်မာနိုင်ငံအတွင်းစီးဝင်မှု အလျင်အမြန် ကျဆင်းသွားခြင်းနှင့် နိုင်ငံတကာခရီးသွားလုပ်ငန်းများ အရှိနနှေးကွေးသွားခြင်းများကလည်း External Balance နှင့် ငွေလဲလှယ်နှုန်းများကို ထိခိုက်စေနိုင်သည်။

ဘဏ်လုပ်ငန်းကဏ္ဍ အနေဖြင့်ဆိုလျှင် ၂၀၁၇ ခုနှစ် ဇူလိုင်လက ထုတ်ပြန်သည့်စည်းမျဉ်းများကို လိုက်နာနိုင်အောင် ခက်ခက်ခဲခဲ ကြိုးပမ်းအသွင်ပြောင်းနေရသည်။ ကမ္ဘာလုံး အတိုင်းအတာဖြင့် စီးပွားရေး မျှော်မှန်းချက်အမြင်ကို အနှောင့်အယှက်ပေးမည့်အရာများ သိသိသာသာ နည်းသွားသော်လည်း အရေးတကြီး ကိုင်တွယ်ရမည့် စီးပွားရေးအန္တရာယ်များ ရှိနေဆဲဖြစ်သည်။ ကမ္ဘာ့ကုန်သွယ်ရေးမူဝါဒပိုင်း မငြိမ်သက်မှု မြင့်မားလာနေခြင်းကြောင့် ကမ္ဘာလုံး အတိုင်းအတာ ကုန်သွယ်ရေး ပြန်လည်ဦးမော့နိုင်မှုကို ထိခိုက်နိုင်သကဲ့သို့ မြန်မာနိုင်ငံအပေါ်တွင်လည်း ၎င်း၏ဆိုးကျိုးများက အတန်အသင့် အကျိုးသက်ရောက်နိုင်သည်ဟု အစီရင်ခံစာက ဖော်ပြထားသည်။

အန္တရာယ်စိန်ခေါ်မှုများအကြား အကောင်းဘက်ဦးတည်သည့် စီးပွားရေးဖွံ့ဖြိုးမှုအရှိန်အား ဆက်လက်ထိန်းထားနိုင်ရန်မှာ ဦးစားပေး ဆောင်ရွက်သင့်သည့် အစိုးရကဏ္ဍသုံးစွဲမှုများနှင့် ပုဂ္ဂလိကကဏ္ဍ စီးပွားရေးလုပ်ငန်းများအား တည်ငြိမ်သည့် မေခရိုစီးပွားရေးအခြေအနေ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခနှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများဥပဒေအား အကောင်အထည်ဖော် ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာ ၀န်ဆောင်မှုများ တိုးတက်အောင် ဆောင်ရွက်ပေးခြင်း၊ ငွေရေးကြေးရေး လုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင် ဘောဂဗေဒပညာရှင် ဟန်စ်အာနန်ဘက်ခ်က ပြောသည်။

“နိုင်ငံအများအပြားနဲ့ ဆင်တူတဲ့ မြန်မာပြည်လည်း စီးပွားရေး အခြေအနေများကို သုံးသပ်တင်ပြတဲ့အချိန်မှာ စုစုပေါင်း ပြည်တွင်း ထုတ်ကုန်အပေါ်မှာ အာရုံစူးစိုက်မှု များပြားလွန်းပါတယ်။ တိုးတက်မှု အရှိန်နှုန်းမြင့်ပြီး စုစုပေါင်းထုတ်ကုန်များနေရင် အခြေအနေ ကောင်းနေတယ်ဆိုတာ ယုံလိုက်ဖို့ လွယ်ပါတယ်။ ဒါပေမဲ့ စုစုပေါင်းပြည်တွင်း ထုတ်ကုန်များတိုင်း အခြေအနေ ကောင်းနေတယ်ဆိုတာ မှန်ကန်တိကျမှုရှိ၊ မရှိကို အငြင်းအခုံ ဖြစ်ပွားနေဆဲဖြစ်ပြီး လတ်တလောနှစ်တွေမှာ ဆွေးနွေးငြင်းခုံမှုတွေ ပိုမိုပြင်းထန်လာပါတယ်။ စုစုပေါင်း ပြည်တွင်းထုတ်ကုန်အပေါ်မှာ လိုတာထက် ပိုပြီးအာရုံစိုက်တာ ကောင်းမွန်သောလုပ်ရပ်တစ်ခု မဟုတ်ပါ။ ဒီလိုအခြေအနေမျိုးမှာ စုစုပေါင်း ပြည်တွင်းထုတ်ကုန် တိုးတက်လာမှုနှင့် အမြဲအတူပါလာတတ်တဲ့ ၀င်ငွေမျှတမှု Distribution of income တွေကို လေ့လာလို့ ရပါတယ်။ ဥပမာဆိုရင် စုစုပေါင်းပြည်တွင်းထုတ်ကုန်က ၅ ဒသမ ၉ ရာခိုင်နှုန်းကနေ ၆ ဒသမ ၄ ရာခိုင်နှုန်းအထိ တိုးလာပေမဲ့ ၀င်ငွေမျှတမှုမရှိဘူးဆိုလျှင် စုစုပေါင်း ပြည်တွင်းထုတ်ကုန် တိုးတက်မှုရဲ့ အကျိုးကျေးဇူးက လူအနည်းစု တစ်စုကိုသာ ကောင်းကျိုးသက်ရောက်စေပြီး ကျန်တဲ့လူအများစု အထူးသဖြင့် ဆင်းရဲနေသောလူများအတွက် အကျိုးသက်ရောက်မှု မရှိဟု ယူဆလို့ရပါတယ်” ဟု စီးပွားရေးပညာရှင် ဒေါက်တာဦးမြင့်က အစီရင်ခံစာ ထုတ်ပြန်ပွဲ အခမ်းအနားတွင် အကြံပြုပြောကြားသည်။

အစိုးရသစ် ကျန်ရှိနေသည့်သက်တမ်းအတွင်း ဘာတွေ ဆက်လုပ်ကြမလဲ

လက်ရှိအစိုးရ၏ ကျန်ရှိနေသည့် သက်တမ်းအတွင်း လာအိုနိုင်ငံကို အမီလိုက်ဖို့ကို အလားအလာ နည်းနေပြီး နာမကျန်းဖြစ်နေသည့် မြန်မာ့စီးပွားရေးကုစားပေးဖို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လုပ်ဆောင်ပေးရန် စဉ်းစားသင့်သည့် အချက်လေးကို စီးပွားရေးပညာရှင် ဒေါက်တာဦးမြင့်က အကြံပြုထားသည်။

လာအိုနိုင်ငံကို မြန်မာနိုင်ငံ အနေဖြင့် အမီလိုက်နိုင်ရန် အလားအလာနည်းနေခြင်းကို ဒေါက်တာဦးမြင့်က သုံးသပ်ရာတွင် ကမ္ဘာ့ဘဏ်က ထုတ်ပြန်သည့် အာဆီယံနိုင်ငံများ၏ လူတစ်ဦးချင်း အသားတင်ထုတ်လုပ်မှုနှင့် ၀န်ဆောင်မှုတန်ဖိုး (Per Capita GDP) နှင့် နှိုင်းယှဉ် တွက်ပြခဲ့သည်။

မြန်မာနိုင်ငံသည် ၂၀၀၀ ပြည့်နှစ်တွင် လူတစ်ဦးချင်း ဂျီဒီပီ ၁၉၃ ဒသမ ၂ ဒေါ်လာနှင့် အာဆီယံနိုင်ငံများတွင် နောက်ဆုံးအဆင့်ဖြစ်ခဲ့သော်လည်း ၂၀၁၀ ပြည့်နှစ်တွင် ၉၈၇ ဒသမ ၇ ဒေါ်လာနှင့် ကမ္ဘောဒီးယားနိုင်ငံကို ကျော်တက်ကာ အဆင့် ကိုးနေရာကို ပြန်ရောက်ခဲ့သည်။ ဦးသိန်းစိန်အစိုးရလက်ထက် ၂၀၁၅-၂၀၁၆ ခုနှစ်အထိ အဆိုပါအဆင့်ကို ဆက်လက်ထိန်းထားနိုင်ခဲ့ပြီး အာဆီယံအိမ်နီးချင်းနိုင်ငံများဖြစ်သည့် ဗီယက်နမ်၊ ဖိလစ်ပိုင်၊ အင်ဒိုနီးရှား၊ ထိုင်း၊ မလေးရှားစသည့် နိုင်ငံများကို နှိုင်းယှဉ်နိုင်ရန် ကနဦးတွင် လာအိုကို အမီလိုက် ကျော်တက်နိုင်ရန် လိုအပ်လာသည်။

သို့သော် လက်ရှိအစိုးရသက်တမ်းငါးနှစ်ဖြစ်သည့် ၂၀၁၆-၂၀၁၇ ဘဏ္ဍာနှစ်မှ ၂၀၂၀-၂၀၂၁ ကာလအတွင်း ဖြစ်နိုင်မည့် အလားအလာအရ အပြည်ပြည်ဆိုင်ရာ ငွေကြေးရန်ပုံငွေအဖွဲ့ တွက်ချက်မှုအရ ၂၀၂၀-၂၀၂၁ ခုနှစ်တွင် မြန်မာနိုင်ငံသည် လူတစ်ဦးချင်း ဂျီဒီပီ ၁၈၂၃ ဒေါ်လာ ရရှိမည်ဟု ခန့်မှန်းထားသည်။

“စီးပွားရေးစွမ်းဆောင်ရည်က မျှော်လင့်သလောက် မတိုးတက်ခဲ့ဘူး။ မတိုးတက်ဘူးဆိုရာမှာ စမ်းတ၀ါးဝါး ဖြစ်နေတယ်။ အချိတ်အဆက် မမိဘူး။ ကြိုးနီစနစ်တွေ ရှိနေသေးတယ်။ ၀န်ကြီးဌာနအလိုက် ချမှတ်ထားတဲ့ စီးပွားရေးမူဝါဒတွေ ဆောင်ရွက်ရာမှာ အပြန်အလှန် အချိတ်အဆက် အားနည်းနေတယ်။ ပြည်ပ Factor မှာဆိုရင် အမေရိကန်မှာ ထရန့်အစိုးရ တက်လာပြီးနောက်ပိုင်း ပိုပြီးတော့ Nationalist ပိုဆန်လာတယ်။ Productive ပိုဆန်လာတယ်။ အဲဒီလိုဖြစ်လာပြီး ဘဏ်တိုးနှုန်းတွေ ကုန်သွယ်ရေးမူဝါဒတွေ ပြောင်းလဲလာတယ်။ အမေရိကန် ဒေါ်လာရဲ့ ဈေးနှုန်းအပြောင်းအလဲက စတင်ပြီး ပြောင်းလဲလာတာတွေကိုလည်း ခြုံကြည့်ရမယ်။ စီးပွားရေးမှာ အမှားအယွင်းဆိုတာထက် အားနည်းချက်လို့ ပြောချင်တယ်။ ကြိုးနီစနစ်တွေ ဖြေလျှော့ပြီး ၀န်ကြီးဌာနတွေရဲ့ အပြန်အလှန် ဆက်သွယ်ရေး အားကောင်းဖို့လိုတယ်” ဟု စီးပွားရေးပညာရှင် ဒေါက်တာအောင်ကိုကိုက ပြောကြားသည်။

“Political Leadership ပေါ့။ Political Will က ရှိတာ သေချာတယ်။ ၂၀၂၀ မှာ နိုင်အောင် ကြိုးစားမယ်။ ပါတီကြီးတစ်ခုအနေနဲ့ ဆက်လက်ရှင်သန်အောင်၊ အောင်မြင်အောင် ကြိုးစားမယ်။ အဲဒါကတော့ သေချာတယ်။ ဒါပေမဲ့ Political Leadership ကျတော့ Political Will တစ်ခုတည်းနဲ့ မရဘူး။ နိုင်ငံရေးအရ ဦးဆောင်မှုကို သွားတော့မယ်ဆိုရင် စီးပွားရေး၊ ကျန်းမာရေး၊ လူမှုရေးကဏ္ဍတွေ ဘက်စုံစဉ်းစားပေးဖို့လိုတယ်။ အဲဒီလို ကဏ္ဍစုံစဉ်းစားပေးနိုင်မှ Political Leadership ရလာမယ်။ Political Will တစ်ခုတည်းနဲ့ Political Leadership မရနိုင်ဘူး။ နောက်တစ်ချက်ဆိုရင် ငွေကြေးဖောင်းပွမှုကို အခုလိုနိမ့်နိမ့်လေးနဲ့ ငြိမ်နေအောင် ထိန်းထားနိုင်ဖို့ လိုတယ်။ အရင်အစိုးရအဆက်ဆက်က ငွေကြေးဖောင်းပွမှုကို နိုင်အောင်မထိန်းနိုင်ခဲ့ဘူး။ ပြည်သူလူထုရဲ့ ဆန့်ကျင်မှုကို ရခဲ့တာကလည်း ငွေကြေးဖောင်းပွမှုကြောင့်ပါပဲ။ ငွေကြေးဖောင်းပွမှုကို အခုလိုနိမ့်နိမ့်လေးနဲ့ ငြိမ်နေအောင်လုပ်နိုင်ပြီဆိုရင် နောက်ဆက်တွဲကောင်းကျိုးတွေက ကျွဲကူးရေပါ အများကြီး ဖြစ်လာနိုင်တယ်” ဟု ဒေါက်တာအောင်ကိုကိုက သုံးသပ်ထားသည်။

နေပြည်တော်စီမံကိန်းလို နောက်ထပ်အမှားတစ်ခု ဖြစ်လာမှာလား

ဒေါ်လာဘီလျံများစွာ ကုန်ကျခဲ့သည့် နေပြည်တော်စီမံကိန်း တည်ဆောက်ဆဲကာလ ၂၀၀၈ ခုနှစ်မှစတင်၍ မြန်မာ့ GDP ကျဆင်းမှုကို တွေ့ရစဉ် (Infographic by EMG)

၂၀၁၅ ခုနှစ် အထွေထွေ ရွေးကောက်ပွဲအနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်ရဲ့ လွှတ်တော်ကိုယ်စားလှယ် ဦးမင်းသူက နေပြည်တော်မြို့သစ်စီမံကိန်းဟာ နိုင်ငံတော်ဘဏ္ဍာငွေ ကုန်ကျစရိတ် ကြီးမားစွာ ဖြစ်ပေါ်နေတာကြောင့် နေပြည်တော် တည်ဆောက်ရေးစီမံကိန်း (City Plan) စတင်ချိန်ကနေ ၂၀၁၆ ဇန်န၀ါရီ ၁၅ ရက်အထိ ကုန်ကျစရိတ် ဘယ်လောက်ရှိနေပြီလဲလို့ ပြည်ထောင်စုလွှတ်တော်မှာ ဆွေးနွေးမေးမြန်းခဲ့ပါတယ်။ ဒီလို မေးမြန်းခဲ့ပေမယ့် ပထမအကြိမ် ပြည်ထောင်စုလွှတ်တော် သက်တမ်းမှာ အဖြေမရှိခဲ့ပါဘူး။

နေပြည်တော်လို့ ဆိုလိုက်တာနဲ့ ပြည်သူတွေမြင်ကြတာက အာဏာကိုချုပ်ကိုင်ပြီး သက်ဦးဆံပိုင်စနစ်ကို ပြန်သွားချင်တဲ့သူတွေရဲ့ လုပ်ရပ်လို့ မြင်နေကြတာဖြစ်ပြီး ဒီနေ့အထိ နေပြည်တော်ဟာ အလုပ်သဘောကြောင့် သွားလာမှုတွေကလွဲရင် လူမနေတဲ့ မြို့ကြီး (Ghost City) တစ်ခုလိုပါပဲ။

ဗေဒင်ကိန်းခန်းတွေအလိုအရ မင်းနေပြည်တော်တစ်ခုကို တည်ဆောက်ခဲ့ရာမှာ အကျိုးအမြတ်များစွာရခဲ့တဲ့သူတွေကတော့ နေပြည်တော်ကို တာဝန်ခံတည်ဆောက်ခဲ့တဲ့ စစ်အာဏာရှင်လက်ထက်က တပ်မတော်အရာရှိတွေနဲ့ ခရိုနီတွေပါ။

၂၀၀၀ ပြည့်နှစ်နောက်ပိုင်း ၂၀၀၂ ခုနှစ်လောက်မှာ စတင်တည်ဆောက်ခဲ့ပြီး ၂၀၀၅ ခုနှစ် နိုဝင်ဘာ ၆ ရက်မှာ အစိုးရ၀န်ထမ်းတွေကို ကြွေးကြော်သံတွေနဲ့ ပြောင်းရွှေ့စေခဲ့တဲ့ ဒီ ‘တစ္ဆေမြို့တော်စီမံကိန်း’ မှာ ခရိုနီကုမ္ပဏီ ၂၀ ကျော်က အကျိုးအမြတ် ရခဲ့ပါတယ်။ နေပြည်တော် သေမင်းတမန် အမြန်လမ်းမကြီးနဲ့ လူမရှိဘဲ ထိန်ထိန်ညီးနေတဲ့ စက်ရုပ်မြို့တော်တစ်ခုရဲ့ တရားဝင်ကုန်ကျစရိတ်ဟာ ဒီနေ့အထိ မြန်မာနိုင်ငံမှာ တရားဝင်ထုတ်ပြန်တာ မရှိခဲ့ပေမဲ့ လူ့အသက်ပေါင်းများစွာ စတေးခဲ့တဲ့ အမြန်လမ်းတစ်ခုတင် ကျပ် ၉၁၅ ဘီလျံကျော် ကုန်ကျခဲ့တယ်လို့ ဆောက်လုပ်ရေးဝန်ကြီးဌာနက ဖြေဆိုထားပါတယ်။

၃၅၂ မိုင်ကျော် ရှည်လျားတဲ့ အမြန်လမ်းတစ်ခုတည်းကို ကျပ် ၉၁၅ ဘီလျံကျော် ကုန်ကျခဲ့မှုနောက်မှာ ရှစ်လမ်းသွား၊ ၁၂ လမ်းသွား လမ်းမကြီးများစွာနဲ့ ၂၇၂၃ စတုရန်းမိုင် ကျယ်ဝန်းပြီး မြို့နယ်ငါးခု၊ ၀န်ထမ်းအိမ်ရာနဲ့ အဆောင်ပေါင်း ၁၃၀၀ လောက် တည်ဆောက်ခဲ့တဲ့အပြင် လွှတ်တော်အဆောက်အအုံ၊ သမ္မတနဲ့ ၀န်ကြီးအိမ်ရာ၊ တပ်မတော်ဆိုင်ရာ အဆောက်အအုံတွေ အားလုံးအတွက် ဒေါ်လာလေးဘီလျံနဲ့ ငါးဘီလျံအကြားမှာ ကုန်ကျနိုင်တယ်လို့ တွက်ချက်ခဲ့ကြောင်းကို လက်ရှိနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အထူးစီးပွားရေးအကြံပေး Mr. Sean Turnell က The New York Times က ၂၀၀၈ ခုနှစ်မှာ ရေးသားခဲ့တဲ့ “Built to Order: Myanmar’s New Capital Isolates and Insulates Junta” ဆောင်းပါးမှာ ဖော်ပြခဲ့ပါတယ်။ နေပြည်တော် မြို့သစ်စီမံကိန်းအတွက် ဒေါ်လာ လေးဘီလျံနဲ့ ငါးဘီလျံအကြားမှာ ကုန်ကျနိုင်တယ်လို့ Sean Turnell က တွက်ချက်ခဲ့ပေမဲ့ ၂၀၁၂ ခုနှစ်လောက်မှ အပြီးသတ်နိုင်ခဲ့တဲ့ ဒီနေပြည်တော်ကြီးရဲ့ ကုန်ကျစရိတ်ဟာ ဒေါ်လာ ၁၀ ဘီလျံနဲ့အထက် ရှိနိုင်တယ်လို့ ခရိုနီဆောက်လုပ်ရေး လုပ်ငန်းရှင်တွေနဲ့ နီးစပ်တဲ့ အသိုင်းအ၀ိုင်းက ခန့်မှန်းသုံးသပ်ကြပါတယ်။

စစ်ရေးအရဗျူဟာမြောက် နေရာလို့လည်း သုံးသပ်ကြတဲ့ ဒီအုပ်ချုပ်ရေးမြို့တော်ဟာ ၂၀၀၂ ခုနှစ်လောက်ကနေ ၂၀၀၅ ခုနှစ်အတွင်း တက်သုတ်ရိုက် တည်ဆောက်ခဲ့တာ ပြောင်းရွှေ့ခဲ့တာရဲ့ နောက်ကွယ်မှာ မြန်မာ့စီးပွားရေးအတွက် အချက်အချာကျတဲ့ အဓိကစီးပွားရေးမြို့တော်က လုပ်ငန်းရှင်တွေ၊ ကုမ္ပဏီတွေများစွာကို အခက်အခဲများစွာ ဖြစ်စေခဲ့ပါတယ်။ နိုင်ငံခြားရင်းနှီးမြှုပ်နှံမှုတွေများစွာနဲ့ ပြည်တွင်းလုပ်ငန်းရှင်တွေများစွာဟာ ကုမ္ပဏီလုပ်ငန်းတွေ အဆင်ပြေချောမွေ့စွာ လုပ်ဆောင်နိုင်ရေးအတွက် သရဲမြို့တော်ကြီးဆီကို အချိန်ကုန် ငွေကုန်ခံပြီး သွားရောက်လုပ်ကိုင်ရမှုတွေနဲ့အတူ ၂၀၀၈ ခုနှစ်မှာဖြစ်ခဲ့တဲ့ “နာဂစ်” ဂယက်တွေအောက်မှာ မြန်မာ့ GDP ဟာ ထက်ဝက်ကျော် ထိုးဆင်းသွားခဲ့ပါတယ်။

ကုန်ဈေးနှုန်း မြင့်တက်မှုကနေ စခဲ့တဲ့ ၂၀၀၇ ခုနှစ် ရွှေဝါရောင် အရေးအခင်း၊ ၂၀၀၈ ခုနှစ် ဖွဲ့စည်းပုံ အခြေခံဥပဒေ အတည်ပြုမှုဂယက်တွေ ပါဝင်နိုင်တယ်ဆိုပေမဲ့ တကယ်တမ်းမှာ သဘာဝဓာတ်ငွေ့၊ သဘာဝသယံဇာတက ရငွေတွေအားလုံးကို နေပြည်တော်မြို့သစ်ကြီးဆီမှာ ပုံအောသုံးလိုက်ပြီး လာဘ်စားမှုတွေ၊ အကျင့်ပျက်မှုတွေကို စိစစ်နိုင်မှုမရှိဘဲ လက်တစ်ဆုပ်စာကုမ္ပဏီ ၂၀ ကျော်နဲ့ အချိန်တိုအတွင်း မြို့သစ်ကြီး တည်ဆောက်ခဲ့မှုမှာ မြန်မာ့စီးပွားရေး ကျဆင်းမှုကို ဦးတည်ခဲ့ပါတယ်။

ဒီနေရာမှာ စစ်အစိုးရက နေပြည်တော်မြို့တော်ကြီးကို ဘယ်လိုပုံစံနဲ့ တည်ခဲ့တယ်ဆိုတာ မေးစရာ ရှိပါတယ်။ ၂၀၁၂ ခုနှစ် ဧပြီ ၁ ရက် မတိုင်ခင်အထိ မြန်မာနိုင်ငံရဲ့ တရားဝင်ငွေလဲနှုန်းက တစ်ဒေါ်လာကို ခြောက်ကျပ်အောက်မှာပဲ ရှိပါတယ်။ ဒီလိုတရားဝင်ငွေလဲနှုန်းက ခြောက်ကျပ်အောက်မှာ ဆိုပေမဲ့ ပြင်ပဈေးကွက်မှာ တစ်ဒေါ်လာ ၁၀၀၀ ကျော်ပါ။ သယံဇာတရောင်းရငွေတွေကို နိုင်ငံ့ဘဏ္ဍာဆီ တစ်ဒေါ်လာခြောက်ကျပ်နဲ့ထည့်ပြီး တစ်ထောင်ကျော် အိတ်ထဲထည့်နေတဲ့ စစ်အာဏာရှင် အသိုင်းအ၀ိုင်းဟာ ငွေမည်းတွေနဲ့ နေပြည်တော်ကို တည်ဆောက်ခဲ့တာဖြစ်ပြီး လက်ရှိအချိန်မှာ ရန်ကုန်မြို့သစ်ကို တည်ဆောက်မည့် NLD အစိုးရက ဘယ်လိုငွေနဲ့ မြို့သစ်တည်မှာလဲလို့ မေးခွန်းထုတ်မှုတွေ ရှိလာပါတယ်။

“နေပြည်တော်ကြီး တည်တာက အခု ရန်ကုန်မြို့သစ်ကြီးတည်တာနဲ့ မတူဘူး။ မတူဘူးဆိုတာက နေပြည်တော်တည်တဲ့အချိန်တုန်းက တစ်ဒေါ်လာကို တရားဝင်ဈေးနှုန်းက ငါးကျပ်ခွဲကျော်ကျော်နဲ့ ခြောက်ကျပ်ကြားပဲ သွားနေတာ။ ပြင်ပဈေးနှုန်းက တစ်ထောင်ကျော်နဲ့ နှစ်ထောင်ကြား သွားနေတယ်။ အဲဒီတော့ ငွေလဲနှုန်းက တစ်ဒေါ်လာတစ်ထောင်ကျော် ပျောက်နေတယ်။ အဲဒီတုန်းက ဘတ်ဂျက်တွက်တဲ့အချိန်မှာ တရားဝင်ငွေလဲနှုန်းနဲ့ တွက်တယ်။ ဥပမာ Gas ရောင်းရတယ်။ Gas ရောင်းရငွေက ဒေါ်လာ ၂ ဒသမ ၅ ဘီလျံလောက်က စရောင်းရတယ်။ ဒေါ်လာ ၂ ဒသမ ၅ ဘီလျံကို ၀င်ငွေအနေနဲ့ ပြတဲ့အခါကျတော့ ကျပ်ဘီလျံ ၁၃၀၀၀ လောက်ပဲပြတယ်။ ပြပြီး လိုငွေပြတယ်။ ဒီလိုလုပ်နေတော့ တစ်ဒေါ်လာတိုင်း တစ်ဒေါ်လာတိုင်းမှာ ကျပ် ၁၀၀၀ ကျော်က ငွေမည်းဖြစ်သွားတယ်။ ငွေမည်းဖြစ်သွားတယ် ဆိုတာက ကျပ်ငွေတွေက ငွေမည်းဖြစ်သွားတာမဟုတ်ဘဲ ဒေါ်လာတွေက ငွေမည်း ဖြစ်သွားတာ။ ဒေါ်လာတွေဝင်လာတာ အများကြီး။ အဲဒီဝင်လာတဲ့ ဒေါ်လာတွေကို အပုံ ၁၀၀၀ ပုံ တစ်ပုံလောက်ပဲ ပြပြီးတော့ ကျန်တာတွေကို နေပြည်တော် တည်ပစ်လိုက်တာ။ အဲဒါက ဘယ်လိုပဲပြောပြော ခုသာခံသာသေးတယ်။ အခုဟာက ငွေဖြူငွေမည်း ပြဿနာက မရှိတော့ဘူး။ ဘယ်က အချောင်ရတဲ့ငွေရှိလဲ။ အဲဒီတုန်းက အချောင်ရတဲ့ငွေရှိလို့ မြို့သစ်လုပ်လိုက်စမ်းဆိုပြီး ထလုပ်တာ။ နောက်တစ်ခါ ကျောက်စိမ်း။ သူက တစ်နှစ်ကို ဒေါ်လာ ၃၁ ဘီလျံဝင်ငွေ ရှိတယ်။ အဲဒီမှာ သက်သေပြလို့ ရတာက ၂၀၁၄ ခုနှစ်။ အဲဒီနှစ်မှာ တရားဝင်စာရင်းပြတာ နိုင်ငံတော်က ဒေါ်လာ ၁ ဒသမ ၁ ဘီလျံ ရှိတယ်လို့ စာရင်းပြတယ်။ တကယ်တမ်းကျ ၃၁ ဘီလျံရှိတယ်။ ၃၀ ပုံ တစ်ပုံပဲ ၀င်ငွေပြပြီး ၂၉ ပုံက ပျောက်သွားတယ်။ ပျောက်သွားတာတွေက Black Money တွေဖြစ်သွားပြီး ဆိုင်ရာပိုင်ရာလူတွေကနေ နိုင်ငံခြားကိုသွားပြီး ဘဏ်အကောင့်တွေ ဖွင့်ကြတယ်။ အဲဒီလိုငွေတွေနဲ့ ဆောက်တာ။ ၂၀၁၄ တုန်းကတော့ ပေါ်ခဲ့လို့ စာရင်းသိရတာ။ အရင်တုန်းက သိခဲ့ရတာမရှိဘူး။ ဆိုလိုတာက အဲဒီလို ငွေမည်းတွေနဲ့ နေပြည်တော်ကြီးတည်ခဲ့တာ။ GDP ရော Per Capita Income ရော Trade Balance ရော အကုန်လုံး လျော့သွားတယ်။ အ၀င်မှမပြတာ။ အခုကျ ဘာ Black Money မှ မရှိဘူး။ ဘာလုပ်ဖို့ နေပြည်တော်ကြီးတည်မလဲ။ နေပြည်တော်ရယ်လဲမဟုတ်။ ဒီလိုမြို့သစ်ကြီး တည်ရအောင် ဘယ်လောက်ချမ်းသာနေလို့လဲ။ ဘီလျံပေါင်းများစွာ အကုန်ခံပြီး လုပ်ရလောက်အောင် ချမ်းသာနေတာ မဟုတ်ဘူးလေ။ ဘယ်က ငွေရလို့လဲ။ ၀င်ငွေမရှိဘဲနဲ့ ၀န်ထမ်းတွေလည်း လစာတိုးပေးထားတယ်။ ဘယ်ကငွေနဲ့လဲ။ ငွေတွေ Black Money တွေမရှိဘဲ သဘာဝကျကျ တိုးချဲ့ရမယ့်အစား ဘီလျံများစွာ အကုန်ခံပြီး မလုပ်သင့်ဘူးလို့ မြင်တယ်” လို့ မဆလခေတ် ဒုတိယ၀န်ကြီးရဲ့ PSO တာဝန်အပြင် မြန်မာနိုင်ငံရဲ့ စီးပွားရေးမူဝါဒရေးဆွဲရာမှာ ပါဝင်ဖူးပြီး လက်ရှိအချိန်မှာ စီးပွားရေးပညာရှင်အဖြစ် ရပ်တည်နေတဲ့ ဦးလှမောင်က သုံးသပ်ပါတယ်။

ရန်ကုန်မြို့သစ်ဟာ အခုအချိန်မှာ လုံးဝကို တည်ဆောက်သင့်တဲ့အချိန် မဟုတ်ပါဘူး။ တရုတ်နိုင်ငံအားကိုးနဲ့ တည်ဆောက်မယ် ဆိုရင်တော့ တည်ဆောက်သူတွေရဲ့ သမိုင်းအမှားနဲ့ မြန်မာ့စီးပွားရေးကို ထပ်ပြီးဆွဲချမယ့်အဖြစ်ကို ရင်ဆိုင်ရပါလိမ့်မယ်။

တရုတ်နဲ့ ရန်ကုန်မြို့သစ် ဘယ်လိုဆက်စပ်သလဲ

တရုတ်နိုင်ငံရဲ့ OBOR (One Belts & One Road) စီမံကိန်းနဲ့ ချိတ်ဆက်နေပြီး တရုတ်အစိုးရက ရှယ်ယာအများစုပိုင်ထားတဲ့ CCCC (China Communications Construction Company) ကို Pre Design Tender Document ကို ရေးဆွဲဖို့ လုပ်ဆောင်နေပြီ ဖြစ်ပါတယ်။

ငွေဖြူငွေမည်းပြဿနာ၊ မြေလက်ဝါးကြီးအုပ်မှု ပြဿနာတွေနဲ့ တရုတ်နိုင်ငံသားတွေ ပါဝင်ချုပ်ကိုင်ထားပြီး မြေလက်ဦးမှုရယူထားတယ်ဆိုတဲ့ သတင်းဆိုးများစွာနဲ့ ရန်ကုန်မြို့သစ်စီမံကိန်းကို ပြည်သူအများစုက နှစ်လိုမှုမရှိကြပါဘူး။ ဒီလိုနှစ်လိုမှုမရှိတဲ့အပြင် အရင်အစိုးရတုန်းက အတည်ပြုခဲ့လို့ ဆက်လုပ်နေတာပါဆိုတဲ့ အခြေအနေဟာလည်း ပိုကောင်းမယ်ထင်လို့ ပြည်သူက ရွေးကောက်တင်မြှောက်ထားတဲ့ ရန်ကုန်တိုင်းဒေသကြီး အစိုးရအဖွဲ့ရဲ့ ဆင်ခြေဖြစ်နေတာကိုလည်း စိတ်မကောင်းစွာ မြင်နေရတာဟာ တိုင်းပြည်အတွက်တော့ ရင်နာစရာပါ။

အရင်အစိုးရလက်ထက်တုန်းက လုပ်ခဲ့တဲ့ OBOR စီမံကိန်းဟာ ဒေါ်အောင်ဆန်းစုကြည်ရဲ့ တရုတ်ခရီးစဉ်အပြီးမှာ နှစ်နိုင်ငံကတိက၀တ်တွေကနေ မန္တလေးကို ဗဟိုပြုပြီး ရန်ကုန်မြို့သစ်နဲ့ ကျောက်ဖြူကို ချိတ်ဆက်မယ့် တရုတ်-မြန်မာ စီးပွားရေးပူးပေါင်း ဆောင်ရွက်မှုစင်္ကြံဆိုပြီး ပေါ်ထွက်လာခဲ့ပါတယ်။ ဒီလို ပေါ်ထွက်လာတဲ့ အခြေအနေမှာ ရန်ကုန်မြို့သစ်စီမံကိန်းက ထွက်လာခဲ့တာပါ။

မြန်မာနိုင်ငံက ပင်လယ်ထွက်ပေါက်ရှိနေတဲ့ နေရာတိုင်းဟာ တရုတ်နိုင်ငံရဲ့ OBOR (Belt & Road Initiative) စီမံကိန်းအောက်မှာ Corridor အဖြစ် ပါဝင်လာမယ်လို့ မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားမှုတွေရဲ့ နောက်ကွယ်မှာ ပင်လယ်ထွက်ပေါက်နေရာတစ်ခု အနေနဲ့ အားသာချက်ရှိတဲ့ ရန်ကုန်မြို့သစ်စီမံကိန်းနေရာဟာ CCCC နဲ့ တရုတ်အစိုးရအတွက် မက်လုံးအဖြစ် မြန်မာ့စီးပွားရေး အချက်အခြာဗဟိုက ပင်လယ်ထွက်ပေါက်နေရာဖြစ်တဲ့ ရန်ကုန်မြို့ကို မဟာဗျုဟာအရ အုပ်စီးမိရေးပဲ ဖြစ်ပါလိမ့်မယ်။

ဒီနေရာမှာ အားလုံးက ကြောက်ရွံ့နေတာကတော့ သီရိလင်္ကာက ဟန်ဘန်တိုတာဆိပ်ကမ်းကို တရုတ်က ထိန်းချုပ်ပြီး ဒီဆိပ်ကမ်းက အကျိုးအမြတ် မဖြစ်တာကြောင့် တရုတ်ကို ထိုးအပ်လိုက်ရတဲ့ဖြစ်စဉ်အပြင် တခြားစက်မှုဇုန်တွေ လုပ်ငန်းတွေကိုပါ ခွင့်ပြုပေးလိုက်ရတဲ့ ဖြစ်စဉ်မျိုးကိုပါ။

ဖြတ်သွားဖြတ်လာနည်းလှသည့် နေပြည်တော်လမ်းပိုင်း တစ်နေရာကို တွေ့ရစဉ် (ဓာတ်ပုံ-နေရိုင်း)

ရန်ကုန်တိုင်းဒေသကြီးလွှတ်တော်ကလည်း လက်မခံဘူး

ရန်ကုန်တိုင်းဒေသကြီးအစိုးရ အဖွဲ့က လွှတ်တော်ကို တင်ပြလာမှု မရှိဘဲ စီမံကိန်းတွေ လုပ်ဆောင်နေတာ၊ စီးပွားရေးလုပ်ငန်းရှင်တွေလောက်တောင် ပြည်သူရွေးကောက် တင်မြှောက်ထားတဲ့ လွှတ်တော်ကိုယ်စားလှယ်တွေက တိုင်းဒေသကြီးအစိုးရလုပ်နေတဲ့ စီမံကိန်းတွေကို သိရှိမှုမရှိ ဖြစ်နေတာတွေကြောင့် ရန်ကုန်မြို့သစ်စီမံကိန်းဟာ ကန့်ကွက်ခံရမှုတွေမှာ ထိပ်ဆုံးက ရှိနေပါတယ်။

ဒါ့ကြောင့် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ရန်ကုန်တိုင်းဒေသကြီးအစိုးရလုပ်နေတဲ့ စီမံကိန်းတွေ အားလုံးဟာ လွှတ်တော်ရဲ့ အတည်ပြုချက်တစ်ခုမှ မပါဘဲ လုပ်နေတာလို့ မှတ်ချက်ပြုခဲ့သလို လတ်တလောမှာ ဆိုရင်လည်း ရန်ကုန်မြို့သစ်စီမံကိန်းမှာ ပါဝင်တဲ့ ပြည်တွင်းပြည်ပ ရင်းနှီးမြှုပ်နှံမှုဖြင့် မြို့ပြဖွံ့ဖြိုးရေးဆိုင်ရာ လုပ်ငန်းစီမံကိန်းအစီရင်ခံစာကို လွှတ်တော်ကိုယ်စားလှယ်တွေက ဝေဖန်ကန့်ကွက်မှုတွေ ရှိနေပါတယ်။

“ဒီရန်ကုန်တိုင်းဒေသကြီးအတွင်းမှာ ပြည်တွင်းပြည်ပ ရင်းနှီးမြှုပ်နှံမှုနဲ့ မြို့ပြဖွံ့ဖြိုးရေးဆိုင်ရာ လုပ်ငန်းစီမံကိန်း အစီရင်ခံစာနဲ့ ပတ်သက်ပြီးတော့ ကျွန်မမူအားဖြင့်လည်း ဆွေးနွေးသွားပါမယ်။ ကျွန်မ ပထမဆုံး အနေနဲ့ကတော့ အခုနက ကိုနေဘုန်းလတ်က လွှတ်တော်ရဲ့ အခန်းကဏ္ဍကို ကျယ်ကျယ်ပြန့်ပြန့် ဆွေးနွေးသွားပြီဖြစ်တဲ့အတွက် ကျွန်မကတော့ မူအားအဖြစ်နဲ့ လက်ရှိဖြစ်ပျက်နေတဲ့ ကျွန်မတို့နိုင်ငံရဲ့ စီးပွားရေး အခြေအနေအရနဲ့ပဲ နှိုင်းယှဉ်ပြီးတော့ ဆွေးနွေးသွားပါ့မယ်။ ပထမဆုံးအချက်အနေနဲ့ တင်ပြလိုတာကတော့ ရန်ကုန်မြို့ပြဖွံ့ဖြိုးရေး မဟာဗျူဟာစီမံကိန်း ၂၀၄၀ ဆိုတာက JICA,KOICA,AFD ဆိုတဲ့ အဖွဲ့အစည်းတွေက ကာလတို၊ ကာလလတ်၊ ကာလရှည်စီမံကိန်းတွေ ဆိုပြီးတော့ နှစ်အလိုက် ရည်မှန်းချက်နဲ့ လုပ်ငန်းစဉ်တွေ ချမှတ်ရေးဆွဲခဲ့တာ ဖြစ်ပါတယ်။ သို့သော်လည်း ဒီစီမံကိန်းတွေကို ပြီးခဲ့တဲ့လွှတ်တော်မှာ စာအုပ်ကြီးတစ်အုပ်အနေနဲ့ ထားပေးခဲ့တာပါ။ ဒီစီမံကိန်းတွေကို မလွဲမသေ လုပ်ဆောင်ရမယ်။ ဒီစီမံကိန်းတွေမှာ ပါဝင်တဲ့ခေါင်းစဉ်တွေအတိုင်း လုပ်ဆောင်ရမယ်လို့ JICA တို့ကလည်း ဆိုခဲ့တာ မဟုတ်ပါဘူး။ ဒါပေမဲ့လည်း ပြီးခဲ့တဲ့လွှတ်တော်မှာ စာအုပ်ကြီးတစ်အုပ်ကို ပေးခဲ့ပါတယ်။ ပေးခဲ့ပြီးတော့ ဒီစာအုပ်ကို သိရုံ၊ တင်ပြရုံပဲ လွှတ်တော်ကိုတင်ပြခဲ့တာပါ။ လွှတ်တော်ကိုယ်စားလှယ်များကလည်း ဒီထဲမှာ ပါဝင်တဲ့ ခေါင်းစဉ်တွေအားလုံးကို အတည်ပြုခဲ့ခြင်း မရှိဘူးဆိုတာ မှတ်တမ်းအနေနဲ့ ရှိခဲ့ပါတယ်။ အဲဒီလိုပါပဲ ကျွန်မတို့ ဒုတိယအကြိမ်သက်တမ်း လွှတ်တော်သက်တမ်းရောက်လာတဲ့ အချိန်မှာလည်း ဒီစာအုပ်ကြီးထဲမှာ ပါနေတဲ့ ဒီခေါင်းစဉ်တွေကိုပဲ ကျွန်မတို့တွေကို စီမံကိန်းဆိုပြီးတော့ စာအုပ်ကြီးပြပြီးတော့ အတည်ပြုခိုင်းတယ် ဆိုတာဟာ ကျွန်မတို့ ဘယ်လိုနည်းနဲ့မှ ဥပဒေကြောင်းအရ မညီညွတ်ဘူးဆိုတာကို ပထမဆုံး တင်ပြလိုပါတယ်။ ယခုတင်ပြထားတဲ့ ဒီစီမံကိန်းတွေမှာ အခြေခံ အဆောက်အအုံဖွံ့ဖြိုးမှု စီမံကိန်းဆိုတာဟာ နှစ်ခုပဲပါလာတာ တွေ့ရတယ်။ ကျန်တဲ့အဆောက်အအုံတွေ အားလုံးဟာ အိမ်ရာဆောက်လုပ်မှု ဖွံ့ဖြိုးမှုစီမံကိန်းတွေဟာ အများဆုံး ဖြစ်နေတယ်လို့ဆိုတာလည်း တွေ့ရပါတယ်။ ဒါတွေဟာ Trading ကို အခြေခံတဲ့ စီမံကိန်းတွေ ဖြစ်ပါတယ်။ အမှန်တကယ် တိုင်းပြည်ရဲ့ စီးပွားရေးကို တိုးတက်စေမယ့် Manufacturing ကို တိုးတက်ဖို့ ကုန်ထုတ်လုပ်မှုကို တိုးတက်ဖို့ မဟုတ်ဘူးဆိုတာကိုလည်း စီမံဘဏ္ဍာဝန်ကြီးက ဒီလိုစီမံကိန်းမျိုးတွေ ရှိနေသမျှ ကျွန်မတို့တိုင်းပြည် မတိုးတက်နိုင်ပါဘူးဆိုတာကို မကြာခင်ကပဲ တင်ပြသွားတာ ရှိပါတယ်။ ကျွန်မတို့နိုင်ငံရဲ့ စီးပွားရေးကျဆင်းနေချိန်မှာ ကျွန်မတို့ Real Estate Development တွေကို Urban Development လုပ်သယောင်ယောင်ပုံစံနဲ့ Real Estate Development တွေ လုပ်နေတာဟာ ကျွန်မတို့ ပေါ်လစီမှားနေတယ်လို့ ပြောချင်ပါတယ်။ ဒီလို Real Estate Development တွေ လုပ်ခြင်းအားဖြင့် ကျွန်မတို့က သူတို့ဆောက်လုပ်ရေးလုပ်ငန်းတွေအတွက် Import တွေ Substitution တွေ အများကြီးလုပ်ရမယ်။ အဲဒီအတွက် ကျွန်မတို့ ကုန်သွယ်မှုလိုငွေတွေ အများကြီး ဖြစ်လာနိုင်ပါတယ်။ ဒါဟာ ကာလတိုမှာ စီးပွားရေးတက်သယောင်ယောင်လုပ်တဲ့ စီမံကိန်းတွေပဲ ဖြစ်ပါတယ်။ အမှန်တကယ် တိုင်းဒေသကြီးအဆင့်အနေနဲ့ လုပ်ပေးရမှာက အခြေခံအဆောက်အအုံဖြစ်တဲ့ Infrastructure တွေကို တိုးတက်အောင် လုပ်ဆောင်ပေးရမှာပဲ ဖြစ်ပါတယ်။ ကျွန်မတို့ ပြီးခဲ့တဲ့ ၂၀၁၇-၂၀၁၈ ဘဏ္ဍာနှစ်ရဲ့ ဒေသန္တရစီမံကိန်းမှာ ဖော်ပြထားတာက စွမ်းဆောင်မှု ဖွံ့ဖြိုးတိုးတက်မှုစီမံကိန်း ၂၅ ခု ပြုလုပ်ရန်ဆိုပြီး စာအုပ်အနီနဲ့ ကျွန်မတို့ကို ဝေထားပြီးတော့ တင်ပြထားတာလည်း ရှိပါတယ်။ စာအုပ်အနီမှာ တင်ပြထားတာက စက်မှုဇုန် အဟောင်း ၂၉ ခုကို အသစ်ပြန်လည် ဖော်ဆောင်ပြီးတော့ အဆင်မြှင့်တင်ရန်လို့ ပြောထားပေမဲ့ တကယ်တမ်းကျတော့ အခု ကျွန်မတို့ကို စာအုပ်ပေးပြီး အတည်ပြုခိုင်းနေတာက စက်မှုဇုန်အဟောင်းတွေ မပါဘဲနဲ့ စက်မှုဇုန်အသစ်တွေကို အတည်ပြုခိုင်းတာ ဖြစ်နေပါတယ်။ စက်မှုဇုန်အသစ်တွေ လုပ်ခိုင်းတယ် ဆိုတာကလည်း သဘာဝကျပါတယ်။ စက်မှုဇုန်အဟောင်းတွေက မြေဈေးကစားမှုတွေကြောင့် ရင်းနှီးမြှုပ်နှံမှုတွေ လုပ်မယ့်သူတွေ မလာဘူး။ ဒီအတွက် မြေကွက်တွေ မရောင်းရဘူး။ ဒါကြောင့်မို့လို့ စက်မှုဇုန်အသစ်တွေ ဖော်ဆောင်ပြီးတော့ စက်မှုဇုန်အင်္ဂါရပ်နဲ့ညီတဲ့ စက်မှုဇုန် အသစ်တွေ ပြန်လည်ဖော်ဆောင် ပေးချင်တာကတော့ မူအားဖြင့် မှန်ကန်တယ်လို့ ပြောနိုင်ပေမဲ့ ဒါဟာ လက်တွေ့သိပ်မကျဘူးလို့ ပြောချင်ပါတယ်” လို့ ရန်ကုန်တိုင်းဒေသကြီး လွှတ်တော်ဘဏ္ဍာရေး၊ စီမံကိန်းနဲ့ စီးပွားရေးကော်မတီဥက္ကဋ္ဌ ဒေါ်စန္ဒာမင်းက ဝေဖန်ခဲ့ပါတယ်။

ဒါ့အပြင် တိုင်းဒေသကြီးအစိုးရဘက်က တင်သွင်းလာတဲ့ စီမံကိန်းတွေဟာ ပြည့်စုံမှုမရှိတာကြောင့် လွှတ်တော်က အတည်မပြုတာဖြစ်ပြီး ဒီလိုအတည်မပြုဘဲထားတဲ့ စီမံကိန်းတွေကို အစိုးရက အတင်းအဓမ္မ လုပ်ဆောင်နေရင် လွှတ်တော်နဲ့ အစိုးရဂုဏ်သိက္ခာ ကျဆင်းနိုင်တယ်လို့ ဒေါ်စန္ဒာမင်းက ဝေဖန်ပါတယ်။

ဒါ့အပြင် အစိုးရကလုပ်တဲ့ စီမံကိန်းတွေဟာ ဥပဒေနဲ့အညီဖြစ်ဖို့အတွက် လိုအပ်ပြီး ရန်ကုန်တိုင်းဒေသကြီးအစိုးရအဖွဲ့ဟာ ဥပဒေနဲ့အညီလုပ်တဲ့ အစိုးရဖြစ်စေချင်တယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက “ပြည်သူ့အသံ၊ လွှတ်တော်အသံ၊ ပြည်သူ့ဆန္ဒ၊ လွှတ်တော်ဆန္ဒ၊ ပြည်သူတွေရဲ့ မျှော်လင့်ချက် လွှတ်တော်က ဖော်ဆောင်ရွက်။ ပြည်သူတွေ ဘာတွေမျှော်လင့်နေလဲ။ ဒါတွေကို ကျွန်တော်တို့ လေ့လာဖို့ လိုပါတယ်။ ဒါက စီမံကိန်းတွေကို ကန့်ကွက်နေတာ မဟုတ်ဘူး။ စီမံကိန်းတွေကို စီမံချက်ကောင်းကောင်းနဲ့ ရန်ကုန်တိုင်းဒေသကြီးအစိုးရအဖွဲ့က အကောင်အထည်ဖော်နိုင်အောင် ကျွန်တော်တို့က ဆွေးနွေးနေတာပါ။ ဒါကြောင့်မို့လို့ ကျွန်တော်တို့ တင်မြောက်လိုက်တဲ့ ရန်ကုန်တိုင်းဒေသကြီးအစိုးရအဖွဲ့ဟာ ဥပဒေနဲ့အညီ လုပ်ဆောင်သော အစိုးရဖြစ်စေချင်ပါတယ်။ ငါ့မြင်းငါစိုင်း၊ စစ်ကိုင်းရောက်ရောက်ဆိုပြီးလုပ်တဲ့ အနေအထား မဖြစ်သင့်ပါဘူး။ ငါ့မြင်းမဟုတ်ပါဘူး။ ပြည်သူတွေရဲ့ မြင်းပါ။ ပြည်သူတွေရဲ့သဘောကျ စီးနိုင်မှကောင်းမှာပါ” လို့ ပြောပါတယ်။

အလုပ်အကိုင်အခွင့်အလမ်း နှစ်သန်းလား၊ ကျူးနှစ်သန်းတိုးမယ့် စီမံကိန်းလား

၁၉၈၈ ခုနှစ်နောက်ပိုင်းမှာ န၀တအစိုးရက မြို့သစ်ခုနစ်မြို့တည်ပြီး ကျူးကျော်တွေကို ရှင်းလင်းခဲ့ပါတယ်။ ၁၉၉၆ ခုနှစ်နောက်ပိုင်းမှာ ကျူးကျော်တွေကို နေရာချထားပေးမှု မရှိတော့ပေမယ့် ၁၉၉၆ ကနေ ၂၀၀၅ ခုနှစ်အထိ ကျူးကျော်အိမ်ရာတွေ သိသိသာသာ တိုးပွားခဲ့တာ မတွေ့ခဲ့ရဘူးလို့ မြို့ပြပညာရှင်တစ်ဦးဖြစ်တဲ့ မြင့်မိုရ်ဆွေရဲ့ “ကျူးကျော်အိမ်ရာ ဖြေရှင်းရာဖွေရှာ နည်းလမ်းသစ်” ဆောင်းပါးမှာ ဖော်ပြခဲ့ပါတယ်။ ကျူးကျော်တွေဟာ နာဂစ်ဖြစ်ပြီး ၂၀၀၈ နောက်ပိုင်းမှာ ပိုများလာပြီးတော့ ဦးသိန်းစိန်အစိုးရ စတင်တာဝန်ယူခဲ့တဲ့ ၂၀၁၁ နောက်ပိုင်းမှာ စံချိန်တင်အများဆုံးရှိလာခဲ့ပြီး ၂၀၀၅ ခုနှစ်ကနေ ၂၀၁၅ ခုနှစ် အတွင်းမှာ ကျူးကျော်ထောင်ဂဏန်းကနေ သိန်းဂဏန်းဆီ ရောက်လာခဲ့ပါတယ်။ ၁၉၉၀ ပြည့်နှစ်တွေကနေ ၂၀၁၅ ခုနှစ်အတွင်း ကျူးကျော်ငါးဆတိုးလာတယ်လို့ မြို့ပြပညာရှင်တွေက သုံးသပ်ကြပြီး ဦးဖြိုးမင်းသိန်းတို့ ကောက်ယူထားတဲ့ နောက်ဆုံးစာရင်းတွေအရ ရန်ကုန်မြို့မှာ ကျူးကျော်အိမ်ခြေပေါင်း ၁၁၀၀၀၀ ကျော်၊ အိမ်ထောင်စုပေါင်း ၁၅၀၀၀၀ ကျော်နဲ့ လူဦးရေ ၄၅၀၀၀၀ ခန့် ရှိနေပါတယ်။

ဒီလိုကျူးကျော်တွေ တိုးပွားလာမှုအပေါ် မြို့ပြပညာရှင် မြင့်မိုရ်ဆွေက “ပြောင်းသုံးပြောင်းကြောင့်လို့ အမည်တပ်ခဲ့ပြီး ပထမပြောင်းက ‘ရန်ကုန်ကနေ နေပြည်တော်ကို အစိုးရရုံးတွေပြောင်းရွှေ့မှုကြောင့် နေပြည်တော်ရဲ့ ဖွံ့ဖြိုးမှုပဲ အာရုံစိုက်ခဲ့တာကြောင့်” လို့ သုံးသပ်ခဲ့ပြီး ဒုတိယကိုတော့ “အာဏာရှင်စနစ်ကနေ ဒီမိုကရေစီစနစ်ဆီ ပြောင်းလဲမှု” လို့ သုံးသပ်ခဲ့ပြီး တတိယကိုတော့ “မြို့သစ်တွေ၊ စက်မှုဇုန်တွေရဲ့ မြေစီမံခန့်ခွဲမှုတွေကို မြို့/အိုးဦးစီးဌာနကနေ ရန်ကုန်စည်ပင်ကို လွှဲပေးလိုက်တဲ့ အလွှဲအပြောင်းကြားမှာ သူလိုလို ကိုယ်လိုလိုနဲ့ ဌာနနှစ်ခု အပြောင်းအလဲကြား မြေစီမံခန့်ခွဲမှု အားနည်းခဲ့တယ်” လို့ သုံးသပ်ခဲ့ပါတယ်။

၁၉၅၈ မှာ တစ်ကြိမ်၊ ၁၉၈၈ နောက်ပိုင်းမှာ တစ်ကြိမ် စုပုံလာတဲ့ ကျုးတွေကို ရှင်းထုတ်ပြီးတဲ့နောက်မှာ စုပုံလာပြန်တဲ့ ကျုးတွေအတွက် NLD အစိုးရဆီကို ရောက်လာခဲ့ပြီး ကျုးကျော်တွေအတွက် အိမ်ရာဖန်တီးပေးမယ်ဆိုတဲ့ ကတိတွေနဲ့ စာရင်းကောက်ယူမှုတွေ ရှိလာခဲ့ပြီး ရန်ကုန်တိုင်းဒေသကြီးဝန်ကြီးချုပ်ရဲ့ ပထမဆုံးပေးခဲ့တဲ့ ကတိလည်း ဖြစ်ပါတယ်။ ဒါပေမဲ့ ဒီနေ့အချိန်အထိ အောင်မြင်မှုမရှိသေးပါဘူး။ ကျုးကျော်တွေအတွက် တိုက်ခန်းတွေ ပေးမယ်ဆိုတာကြောင့် နှစ်နှစ်အတွင်းမှာ ပိုမိုတိုးပွားလာတဲ့ ကျုးကျော်တွေလည်း ရှိနေပြန်ပါတယ်။ အဲဒါကြောင့်လည်း ဦးဖြိုးမင်းသိန်းတို့က ကျူးကျော်အရေအတွက် သုံးသိန်းလောက်ပဲရှိမယ် ခန့်မှန်းထားခဲ့ပေမဲ့ လက်တွေ့မှာ လေးသိန်းကျော် ဖြစ်ခဲ့ပါတယ်။ ရန်ကုန်တိုင်းအတွင်းက ကျူးကျော်တွေအတွက် နေရာချထားမှုကို ၂၀၁၇ ခုနှစ် အောက်တိုဘာမှာ စတင်မယ်လို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောကြားခဲ့ပေမဲ့ လက်ရှိအချိန်အထိ ဖြစ်မလာသေးပါဘူး။

ဒီလိုအခြေအနေ ဖြစ်နေချိန်မှာ ရန်ကုန်မြို့သစ်စီမံကိန်းဟာ အလုပ်အကိုင် အခွင့်အလမ်းနှစ်သန်းကို ဖန်တီးပေးမယ်လို့ ရန်ကုန်တိုင်း အစိုးရတာဝန်ရှိသူတွေနဲ့ NYDC ရဲ့ CEO ဦးသိမ်းဝေတို့က ကြွေးကြော်ကြပါတယ်။

ဒီလိုကြွေးကျော်ပေမဲ့ လက်တွေ့မှာ ကြွေးကြော်သလိုဖြစ်ဖို့ အလွန်ခဲယဉ်းပါတယ်။ မြန်မာနိုင်ငံမှာ Skill Labour လုံးဝကို မရှိသလောက်လို့ ပြောလို့ရတဲ့အခြေအနေမို့လို့ တရုတ် CCCC ကုမ္ပဏီက သူခေါ်လာတဲ့ သူ့လုပ်သားတွေနဲ့ တည်ဆောက်သွားတာမျိုး၊ မြို့သစ်စီမံကိန်းမှာ ပါဝင်ခွင့်ရတဲ့ ပြည်ပကုမ္ပဏီတွေက သူ့နိုင်ငံသားတွေ ခေါ်လာတာမျိုးပဲ ဖြစ်လာမှာဖြစ်ပြီးတော့ အလုပ်အကိုင် အခွင့်အလမ်းနှစ်သန်းဆိုတာ မြန်မာနိုင်ငံသားတွေအတွက် ဖြစ်လာမယ့် အခြေအနေမှာ မရှိပါဘူး။ ပိုဆိုးတာက နိုင်ငံတစ်ဝန်းမှာ အလုပ်လက်မဲ့ အခြေအနေတွေကြောင့် ရန်ကုန်မြို့သစ် စီမံကိန်းကြီးစနေပြီဆိုတာနဲ့ အနယ်နယ်အရပ်ရပ်က ရွှေ့ပြောင်းလုပ်သားသိန်းနဲ့ချီပြီး ရန်ကုန်ဆီ ရောက်လာပါလိမ့်မယ်။ ရွှေ့ပြောင်းလုပ်သားတွေရဲ့ သဘော သဘာဝဟာ ငွေကြေးအခက်အခဲကြောင့် နေစရာ၊ သွားစရာ အခက်မကြုံအောင် စီမံကိန်းပတ်လည်မှာပဲ အဆင်ပြေသလိုနေကြမှာဖြစ်လို့ ရန်ကုန်မြို့သစ်စီမံကိန်းပတ်လည်မှာ ကျုးကျော်တွေ ပိုများလာပြီး ဒုတိယလှိုင်သာယာ ဖြစ်လာပါလိမ့်မယ်။

Skill Labour မရှိလို့ တိုင်းပြည်အတွက် အလုပ်အကိုင် အခွင့်အလမ်းနှစ်သန်း ဖန်တီးပေးမယ်ဆိုတာက အိပ်မက်စိတ်ကူးပဲ ဖြစ်လာမှာဖြစ်ပြီး လက်ရှိကျူးတွေနဲ့ အရင်ကျူးတွေပေါင်းပြီး သူဌေးတွေအတွက် ရန်ကုန်မြို့သစ်ကြီးဟာ ကျူးတွေနှိမ်နင်းနေရတာ၊ နေရာပေးနေရတာနဲ့ပဲ ရှေ့မဆက်နိုင်ဘဲ ကျူးနှစ်သန်းတိုးမယ့် စီမံကိန်းဖြစ်သွားနိုင်ပါတယ်။

“ကျူးကျော်တွေကို မြန်မာနိုင်ငံမှာရော တစ်ကမ္ဘာလုံးမှာပါ ရှင်းလင်းကြတယ်။ ဒါပေမဲ့ မအောင်မြင်ဘူး။ ဘာဖြစ်လို့လဲဆိုတော့ ကျူးကျော်တွေဆိုတာက သူတို့ရဲ့အလုပ်အကိုင် အခွင့်အလမ်းရှိတဲ့နေရာမှာ သွားနေကြတယ်။ လှိုင်သာယာ စက်မှုဇုန်မှာနေတဲ့သူ တစ်ယောက်ကို မြောက်ဒဂုံမှာ သွားထားရင် သူက ကားခနဲ့တင်ကို သူ့ဝင်ငွေထက်ဝက်လောက် ကုန်သွားမယ်။ ဘယ်လိုမှ မဖြစ်နိုင်ဘူး။ အဲဒီတော့ သူတို့က လှိုင်သာယာစက်မှုဇုန်နားမှာပဲ သွားနေကြတယ်။ အဲဒီလိုပဲ တောင်ဒဂုံ၊ မြောက်ဒဂုံစက်မှုဇုန်တွေမှာ အလုပ်လုပ်တဲ့သူတွေကလည်း အဲဒီနားမှာပဲ သွားနေတယ်။ ဆေးရုံနဲ့ပတ်သက်ပြီး ရှင်သန်နေကြတဲ့သူတွေကလည်း ဆေးရုံနားပတ်ဝန်းကျင်မှာပဲ မရရအောင် နေတယ်။ ဈေးကို မှီခိုပြီးနေတဲ့သူတွေကလည်း ဈေးနားမှာပဲ မရရအောင်နေရတယ်။ အဲဒီအခြေခံ အချက်တွေ မစဉ်းစားနိုင်ဘဲနဲ့ ကျူးကျော်တွေကို Upgrade လုပ်ပေးလိုက်မယ်။ အိမ်ရာလုပ်ပေးလိုက်မယ် ဆိုတာမျိုးနဲ့ မရဘူး” လို့ ရန်ကုန်မြို့သစ် စီမံကိန်းမှာပါဝင်တဲ့ ပညာရှင်တစ်ဦးဖြစ်တဲ့ Modular Architects Firm ရဲ့ MD ဦးခိုင်ဝင်းလတ်က Next for Yangon ဆွေးနွေးပွဲမှာ ပြောပါတယ်။

ရန်ကုန်မြို့ မြို့နယ်တစ်ခုအတွင်းရှိ ကျူးကျော်မိသားစုများ၏ မြင်ကွင်း (ဓာတ်ပုံ-ကျော်ဇင်ဖြိုး)

နှစ်နှစ်အတွင်း စီမံကိန်းမှန်သမျှ အောင်မြင်ခဲ့လား

စီးပွားဖြစ်သင်္ကြန်ကို ပြောင်းလဲမယ်ဆိုပြီး ကြွေးကြော်မှုနဲ့ စတက်လာခဲ့ပေမဲ့ နှစ်နှစ်အကြာမှာ စီးပွားဖြစ်သင်္ကြန်ကို ပြန်ခွင့်ပြုခဲ့ရတဲ့ ရန်ကုန်တိုင်းဒေသကြီးအစိုးရအဖွဲ့ဟာ ဘာလုပ်လုပ်အောင်မြင်အောင် လက်စသတ် မလုပ်နိုင်ဘူးဆိုတဲ့ နာမည်တွေနဲ့ နာမည်ကျော်ပါတယ်။

ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းရဲ့ အထပ်မြင့် အဆောက်အအုံတွေ ရပ်ဆိုင်းလိုက်မှုဟာ NLD အစိုးရလက်ထက် နှစ်နှစ်ကျော်အထိ စီးပွားရေးကျဆင်းမှုတွေရဲ့ ဇာတ်ကောင်အဖြစ် သုံးသပ်ခံနေရသလို ကမ်းနားလမ်းညဈေးဟာလည်း မအောင်မမြင်နဲ့ ပြောင်းလဲနိုင်မှု နည်းပါးခဲ့ပြီး ဘီလျံပေါင်းများစွာ ကုန်ကျမှုတွေပဲ အဖတ်တင်ခဲ့ပါတယ်။

သုံးရက်နဲ့ ပြောင်းလဲနိုင်ခဲ့တယ်ဆိုတဲ့ YBS စီမံကိန်းဟာ လိုအပ်ချက်များစွာရှိနေပြီး ညဦးပိုင်းပြန်ချိန်အခက်အခဲ၊ ငွေအကြွေပြဿနာတွေနဲ့ပါ။ စီးနင်းသူမရှိသလောက် ဖြစ်နေပြီး အပျော်စီးနင်းသူတွေပဲ စီးနေကြတဲ့ Water Taxi၊ နောက်ဖေးလမ်းကြား စီမံကိန်းတွေရဲ့ မအောင်မြင်မှု၊ ယာဉ်ကြောပိတ်ဆို့မှု မလျှော့ချနိုင်တာတွေနဲ့ တစ်ချိန်လုံးပြောနေခဲ့တဲ့ မီးပွိုင့်စနစ်ကို အသက်မသွင်းနိုင်မှုစတဲ့ အခြေအနေတွေဟာ အစမှာ မကောင်းခဲ့သလို အဆုံးသတ်မှာလည်း ဝေဖန်ခံရမှုတွေ အပြည့်နဲ့ပါ။ အခုအချိန်အထိလည်း မအောင်မြင်ပါဘူး။ ဒါ့အပြင် ရန်ကုန်တိုင်းဒေသကြီးအတွင်း ဒုစရိုက်သမားတွေအတွက် နေရာမရှိစေရဘူးဆိုတဲ့ ကျုံးဝါးသံဟာလည်း ရန်ကုန်ဟာ ဘေးကင်းလုံခြုံမှုမရှိဆုံးမြို့တွေထဲမှာ ဒုတိယလိုက်မှုနဲ့ အဆုံးသတ်ခဲ့ရတာပါ။

အဆိုးဆုံးကတော့ ပြည်သူတွေအတွက် မက်လုံးပေးခဲ့တဲ့ ရန်ကုန်တိုင်းဒေသကြီးအစိုးရ စတက်လာကတည်းက လုပ်ဆောင်ပေးမယ်ဆိုတဲ့ ကျူးကျော်အိမ်ရာစီမံကိန်းပါ။ ရန်ကုန်တိုင်းဒေသကြီးအစိုးရအဖွဲ့ဟာ ဒီစီမံကိန်းကို ပြောထားတဲ့အတိုင်း လုပ်ဆောင်မပေးနိုင်ဘဲ ပြည်သူကိုပေးထားတဲ့ ကတိပျက်နေပါတယ်။ ချမ်းသာသူတိုင်း မာစီဒီးစီးရဖို့ထက် မရှိဆင်းရဲသားတိုင်း ကျောတစ်ခင်းစာရဖို့နဲ့ ထမင်း၀၀စားနိုင်ဖို့ ပိုအရေးကြီးပါတယ်။

လက်ရှိ ရန်ကုန်မြို့သစ် တည်ဆောက်မယ့်ပုံစံကို ကြည့်မယ်ဆိုရင် CCCC က မြို့သစ်နဲ့ ပတ်သက်တဲ့ စီမံကိန်းအကြို အဆိုပြုလွှာရေးမယ်။ ဒီဟာကို ပြည်သူတွေဆီ ချပြမယ်။ အဲဒီ စီမံကိန်းအကြို အဆိုပြုလွှာထက် ပိုကောင်းအောင်လုပ်နိုင်သူ မည်သူမဆိုပါ ၀င်ယှဉ်ပြိုင်လို့ ရတယ်ဆိုတဲ့ ပုံစံဖြစ်သလို လက်ရှိရန်ကုန်တိုင်းဒေသကြီးအစိုးရအဖွဲ့နဲ့ ကုမ္ပဏီတည်ထောင်ထားတဲ့ ဆောက်လုပ်ရေးလုပ်ငန်းရှင်တွေက ပါဝင်တည်ဆောက်မှုတွေ လုပ်ကိုင်မယ်ဆိုတဲ့ အခြေအနေမျိုးပါ။ တိုင်းပြည်မှာ ကျပ်တည်းနေလို့ ဆောက်လုပ်ရေးလုပ်ငန်းတွေ ပြိုနေပါပြီလို့အော်နေတဲ့ ဆောက်လုပ်ရေးလုပ်ငန်းရှင်တွေက ဘယ်ကငွေနဲ့ ဒီလုပ်ငန်းတွေမှာ ၀င်ရောက် လုပ်ကိုင်မလဲဆိုတာ စိတ်ဝင်စားစရာပါ။

“PPP ဆိုတာက Public Private Partnership လုပ်တာ။ Private က ဘယ်ကငွေရလို့လဲ။ အခုက ခရိုနီလည်း မရှိတော့ဘူး။ ဆောက်လုပ်ရေးလုပ်ငန်းရှင်တွေပဲ ရှိတယ်။ အဲဒီလုပ်ငန်းရှင်တွေက ဘယ်ကငွေရလို့ PPP ပြောပြောနေတာလဲ။ Private တွေက ဘယ်ကငွေရလို့ Public အစိုးရကိုကူပြီး Partnership လုပ်ပြီးတော့ မြို့တော်ကြီး တည်ဆောက်မှာလဲ။ ဒီပြည်တွင်း လှည့်လည်ငွေထဲကပဲ ဘယ်ဘက်အိတ်ထဲကနေ ညာဘက်အိတ် ပြောင်းရတာ။ ငွေက တိုးလာတာမှ မဟုတ်ဘဲ။ အကယ်၍ နိုင်ငံခြားက ကုမ္ပဏီကြီးတွေက Invest လုပ်ရင်တော့ မဆိုးဘူးပေါ့။ ဒါပေမဲ့ Loan ကို မချေးနဲ့။ နောင်လာနောင်သားတွေ သားစဉ်မြေးဆက် ဆပ်နေရမယ်” လို့ ဦးလှမောင်က ဆက်လက်ပြောပါတယ်။

မြေပေးမယ်။ တံတားနဲ့လဲမယ်ဆိုတဲ့ အတွေးမျိုးဟာ လုံးဝမဖြစ်သင့်သလို လက်ရှိ ရန်ကုန်ဟာ နေရာအနှံ့မှာ မြေလွတ်မြေလပ် အများကြီးရှိနေတာကြောင့်မို့လို့ လက်ရှိ လူဦးရေရဲ့ နှစ်ဆတက်လာရင်ကို မြို့သစ်ချဲ့စရာမလိုပါဘူး။ ဥပမာအားဖြင့် လက်ရှိ ရန်ကုန်လူဦးရေ သိပ်သည်းဆဟာ တစ်စတုရန်း ကီလိုမီတာမှာ ၄၅၉၈ ဦးရှိပြီးတော့ ဘန်ကောက်ဟာ ၉၅၁၀ ဦး ရှိပါတယ်။ လူဦးရေ သိပ်သည်းဆမြင့်ပြီးတော့ Mega City အဆင့်ရောက်နေတဲ့ ဘန်ကောက်တောင် မြို့သစ်မချဲ့သေးချိန်မှာ ရန်ကုန်က အိုးကမပူ စလောင်းပူပြီး မြို့သစ်ချဲ့ချင်နေတာဟာ မှားယွင်းမှုပါ။ ဒါ့အပြင် ဘယ်သူတွေခန့်မှန်းမသိတဲ့ ဦးသိမ်းဝေကို NYDC CEO အဖြစ် မြို့သစ်စီမံကိန်းကို ပုံအပ်လိုက်မှု၊ တင်ဒါမခေါ်ဘဲ CCCC ကို ရန်ကုန်မြို့သစ် စီမံကိန်းအတွက် ပုံအပ်လိုက်မှု၊ ဘယ်အချိန်က တင်ဒါခေါ်မှန်း မသိလိုက်ဘဲ နယ်သာလန်အခြေစိုက် Royal Haskoning DHV ကို ရန်ကုန်မြို့သစ်စီမံကိန်းအတွက် ရေလွှမ်းမိုးမှု ဖြစ်နိုင်ခြေ စိစစ်အကဲဖြတ်ချက် ပြုလုပ်ဖို့အကြံပေးအဖြစ် ရွေးချယ်လိုက်မှုတွေကလည်း ဆိုးရွားပါတယ်။ နောက်ထက် ဘယ်လောက်အထိ ပြည်သူနဲ့ လွှတ်တော်ကို ချမပြဘဲ လုပ်နေတဲ့စီမံကိန်းတွေ ဘယ်လောက်အထိ ရှိနေလဲမသိရတာက ပိုဆိုးပါတယ်။

ပြည်ထောင်စုလွှတ်တော်က တာဝန်ခံအတည်ပြုရမယ့် ရန်ကုန်မြို့သစ်

လက်ရှိတည်ဆောက်မယ့် ရန်ကုန်မြို့သစ်စီမံကိန်းနေရာဟာ လှိုင်သာယာအောက်ဘက်ဖြစ်ပြီး Sea Level အောက် ၁၀ ပေလောက် ရောက်နေတာကြောင့် အစိုးရအဆက်ဆက် မြို့သစ်တည်ဆောက်တဲ့အချိန်မှာ ချန်ခဲ့တဲ့နေရာ ဖြစ်ပါတယ်။

ဒီလိုနေရာကို မြို့သစ်တည်မယ်ဆိုရင် မြေဖို့ရမှာက Sea Level အထက်ရောက်ဖို့အတွက်ဆိုရင် အနည်းဆုံး ပေ ၃၀ လောက်မြင့်အောင် မြေဖို့ရမှာဖြစ်လို့ ပထမအဆင့်မှာတင် ကုန်ကျစရိတ် များပြားလွန်းပါတယ်။

ဖို့ထားတဲ့မြေ အသားသေဖို့ စောင့်ရမယ့်အချိန်၊ ဖို့မြေရဲ့ ကြံ့ခိုင်မှု အခြေအနေနဲ့ မြို့သစ်မှာ တည်ဆောက်လာမယ့် အဆောက်အအုံတွေရဲ့ ဖိအားဟာ ငလျင်ဒဏ်ကို ကြောက်ရွံ့ရမယ့် အခြေအနေလည်း ဖြစ်နေပြန်ပါတယ်။ ဒီလိုအခြေအနေမှာ ဒီရန်ကုန်မြို့သစ်နေရာရဲ့ တစ်ခုတည်းသော မက်လုံးဟာ ပင်လယ်ထွက်ပေါက်နေရာတစ်ခုပဲ ဖြစ်နေပါတယ်။ ဒီလို ပင်လယ်ထွက်ပေါက်နေရာဆိုတာလေးတစ်ခုကလည်း ရေစူးအခြေအနေကြောင့် များစွာတူးဖော်ရဦးမှာပါ။

ဒီလို ဘက်ပေါင်းစုံက ညံ့ဖျင်းနေတဲ့ ရန်ကုန်မြို့သစ်စီမံကိန်းနေရာကို ဘယ်သူက ရွေးချယ်မှန်းမသိဘဲ ပါဝင်လာတဲ့ CCCC ဟာလည်း အခြေအနေမှန်ကို မသိဘဲနဲ့ သူတို့ တရုတ်အစိုးရရဲ့ OBOR စီမံကိန်းမှာ ဒီနေရာသာ ပင်လယ်ထွက်ပေါက်နေရာဖြစ်ရင် လက်ဦးမှုရယူတဲ့သဘောနဲ့ပဲ စီမံကိန်းမှာ ပါဝင်နေတာဖြစ်ပြီး ဒီစီမံကိန်းနဲ့ ပတ်သက်ပြီး Eleven Media Group က တရုတ်နိုင်ငံဆီ သွားရောက်တဲ့ ခရီးစဉ်မှာလည်း ရေရာတဲ့ အဖြေပေးနိုင်ခဲ့မှု မရှိပါဘူး။

၂၀၁၇ ခုနှစ် ဧပြီ ၁၀ ရက်မှာ မြန်မာနိုင်ငံ ရင်းနှီးမြှုပ်နှံမှုကော်မရှင်က ကန့်သတ်တဲ့ ရင်းနှီးမြှုပ်နှံမှု လုပ်ငန်းတွေအတွက် အမိန့်ကြော်ငြာစာ ၁၅/၂၀၁၇ နဲ့ ထုတ်ပြန်ချက် တစ်စောင် ထုတ်ခဲ့ပါတယ်။ အဲဒီ ထုတ်ပြန်ချက်အရ မြို့သစ်တည်ထောင်ခြင်းလုပ်ငန်းတွေအတွက် ဆောက်လုပ်ရေးဝန်ကြီးဌာနရဲ့ အတည်ပြုချက် ရယူဆောင်ရွက်ရမှာ ဖြစ်ပါတယ်။

ဒါပေမဲ့ လက်တွေ့မှာတော့ ရန်ကုန်တိုင်းဒေသကြီးအစိုးရအဖွဲ့က မြို့သစ်စီမံကိန်းတွေ လုပ်ဆောင်နေရာမှာ တိုင်းဒေသကြီးလွှတ်တော်ရဲ့ သဘောတူညီမှုမယူဘဲ တင်ဒါခေါ်တာတွေ၊ စီမံကိန်းတွေအတွက် သဘောတူစာချုပ်ချုပ်ဆိုနေတာတွေ လုပ်နေရုံမက ဆောက်လုပ်ရေးဝန်ကြီးဌာနရဲ့ အတည်ပြုချက် ရယူထားမှု ရှိ မရှိကိုလည်း ရှင်းလင်းမှုမရှိဘဲ တိုင်းအစိုးရရဲ့ လုပ်ပိုင်ခွင့်ဆိုပြီး လုပ်ကိုင်နေတာ ဖြစ်ပါတယ်။ ဒါ့အပြင် ရန်ကုန်တိုင်းဒေသကြီးလွှတ်တော်ရဲ့ အတည်ပြုချက်လည်း မရသေးဘဲ ကုမ္ပဏီတွေ စာချုပ်ချုပ်၊ တိုင်းဒေသကြီးအစိုးရအဖွဲ့ အနေနဲ့ အထိန်းအကွပ်မရှိ လုပ်ကိုင်နေတာတွေဟာ သင့်လျော်မှုရှိ မရှိ ဆိုတာ ဆန်းစစ်ဖို့ လိုအပ်ပါတယ်။

၂၀၁၈ ခုနှစ်မှာ စတင်လုပ်ဆောင်မယ်ဆိုတဲ့ ရန်ကုန်မြို့သစ် စီမံကိန်းဟာ မြို့သစ်ဆိုတာ တစ်ခုထက် တရုတ်အကျိုးအမြတ် ရေနက်ဆိပ်ကမ်း ထွက်ပေါက်တစ်ခု ဖြစ်နေတယ်ဆိုတာဟာ ပြန်လည်သုံးသပ်ဖို့ လိုအပ်ခြင်း အကြောင်းအချက် တစ်ခုဖြစ်နေပြီး ဒီအချက်ဟာ မြန်မာ့အချုပ်အခြာအာဏာအတွက် အရေးကြီးပါတယ်။

“မြို့သစ်မှာ ဘယ်လိုလူတွေ နေမလဲ။ ဘယ် Target ကို အဓိကထားပြီး ဖော်ဆောင်မလဲဆိုတာ အရေးကြီးပါတယ်။ အဲဒါတွေအတွက် Social Policy, Urban Development Guideline တွေက ရှိထားရမယ်။ ရှိထားတဲ့အပေါ် မူတည်ပြီးတော့မှ တစ်ဆင့်ချင်းပေါ့။ ဘယ်လို Investment လုပ်မယ်။ ဘယ်လိုတွေ စီမံခန့်ခွဲအုပ်ချုပ်မယ်။ ဘယ်လိုအဖွဲ့အစည်းတွေက မြို့သစ်မှာ ပါဝင်လာမယ်။ ဘယ်လိုအဖွဲ့အစည်းတွေက မြို့သစ်တည်ထောင်မှုမှာ ပါဝင်မလဲ။ ဘယ်လိုအဖွဲ့အစည်းတွေက မြို့သစ်စီမံခန့်ခွဲမှုတွေမှာ ပါဝင်လာမလဲ။ မြို့သစ်လေး တိုးချဲ့လိုက်မယ်။ အကွက်ဆွဲလိုက်မယ်။ လူတွေ ရောင်းလိုက်မယ်။ အိမ်တွေ တည်ဆောက်လိုက်မယ်ဆိုတာမျိုး သိပ်ပြီးရိုးရှင်းတဲ့ကဏ္ဍ မဟုတ်ပါဘူး” လို့ ဆောက်လုပ်ရေးဝန်ကြီးဌာနက ဒုတိယညွှန်ကြားရေးမှူးချုပ် ဒေါ်အေးအေးမြင့်က Next for Yangon ဆွေးနွေးပွဲမှာ ပြောပါတယ်။

ရန်ကုန်မြို့သစ်စီမံကိန်းကို ပင်လယ်ထွက်ပေါက်ကြောင့် မြန်မာနိုင်ငံအတွက် အကျိုးရှိရှိ မရှိရှိ တရုတ် CCCC က ငွေစိုက်ထုတ်ပြီးလုပ်မယ်။ အဲဒီလိုလုပ်တဲ့အတွက် တရုတ်နိုင်ငံကို မြန်မာနိုင်ငံက ဒေါ်လာဘီလျံများစွာ ပေးဆပ်ရမယ်။ မြို့သစ်ကြီးတည်ပြီး နေပြည်တော်လို နေမယ့်သူမရှိ၊ သွားမယ့်သူမရှိဘဲ ဒီစီမံကိန်းကြီးက Ghost City ကြီးဖြစ်နေမယ်ဆိုရင် နစ်နာရမှာက မြန်မာနိုင်ငံပဲ ဖြစ်ပါလိမ့်မယ်။

“မြို့သစ်စီမံကိန်းဟာ မြန်မာနိုင်ငံ အခုလိုအခြေအနေမျိုးမှာ တည်ဆောက်ဖို့ အကောင်အထည်ဖော်ဖို့ မသင့်သေးဘူးလို့ စီးပွားရေးရှုထောင့်က သုံးသပ်လို့ရပါတယ်။ ရန်ကုန်မြို့က ကြီးလာတယ်ဆိုပေမဲ့ အခုအချိန်မှာ Metropolitan အဆင့်ပဲ ရောက်ပါသေးတယ်။ Mega City အဆင့်မရောက်သေးပါဘူး။ Mega City ဆိုတာ လူဦးရေ ၁၀ သန်းကျော်မှ သတ်မှတ်တယ်။ ဘန်ကောက်ဆို ကျော်သွားပြီ။ မွမ်ဘိုင်းတို့ ရှန်ဟိုင်းတို့၊ တိုကျိုတို့ဆိုတာ Mega City တွေ။ အဲဒီလို Mega City တွေတောင် မြို့သစ်မတည်ကြဘူး။ ဘာလို့မတည်လဲဆိုတော့ သူ့ဟာသူ သဘာဝကျကျ တိုးချဲ့သွားတာပေါ့။ မြို့သစ်တည်တယ်ဆိုတာ ဥပမာ မလေးရှား။ ပူထရာဂျာယားဆိုတဲ့ နေပြည်တော်မြို့တော်ကြီး တည်တယ်။ သူကအရမ်း စီးပွားရေးတိုးတက်အောင်မြင်တဲ့အချိန်မှာ လုပ်တာ။ အခု မြန်မာပြည်ကျတော့ စီးပွားရေးမတိုးတက်ဘဲ လုပ်လိုက်တော့ စီးပွားရေးကျတယ်။ တန့်တယ်ပေါ့။ မြန်မာနိုင်ငံမှာက လက်ရှိအခြေအနေမှာဆိုရင် GDP,GNI,Inflation တို့ Trade Deficit တို့ ဘတ်ဂျက်လိုငွေပြတာတို့ ထင်ထင်ရှားရှားဖြစ်နေချိန်မှာ မြို့သစ်တည်စရာအကြောင်း မရှိပါဘူး။ လွှတ်တော်ကိုယ်စားလှယ် တော်တော်များများကလည်း များသောအားဖြင့် မြို့သစ်မတည်ဖို့ဘက်က ဆွေးနွေးကြပါတယ်။ သူတို့ကတော့ စီးပွားရေးရှုထောင့်ဆိုတာထက် လွှတ်တော်ကို အတည်ပြုချက်မယူဘဲနဲ့ ပွင့်လင်းမြင်သာမှုမရှိဘဲနဲ့ ဦးသိန်းစိန်အစိုးရတုန်းက ရေးဆွဲထားတဲ့ စီမံကိန်းကြီးကို ဒီအတိုင်းဆက်ပြီး အကောင်အထည်ဖော်မယ်။ အကောင်အထည်ဖော်မယ့်နေရာမှာလည်း လူသာပြောင်းမယ်။ မြို့သစ်ကလည်း တစ်ခုတည်းမဟုတ်ဘူး။ ရန်ကုန်တစ်ဖက်ကမ်းမှာတစ်ခု၊ လှည်းကူးဘက်မှာတစ်ခု။ ဒီလိုလုပ်နေတာတွေက စီးပွားရေးရှုထောင့်ကကြည့်ရင်လည်း မလိုအပ်ဘူး ထင်ပါတယ်” လို့ စီးပွားရေးဆောင်းပါးရှင် အောင်ချိန်ဘွားက သုံးသပ်ပါတယ်။

ရန်ကုန်က ဆင်းရဲသားတွေက ကျူးကျော်တဲတွေနဲ့ နေနေရချိန်မှာ နေပြည်တော်ဟာ လူမနေတဲ့အိမ်တွေနဲ့ ကျဆင်းနေတဲ့ မြေဈေးတွေနဲ့ပါ။ ယာဉ်ကြောပိတ်ဆို့မှုကို ရန်ကုန်မြို့မှာ လျှော့ချဖို့ မလုပ်ဆောင်နိုင်တဲ့ အခြေအနေမှာ နေပြည်တော်ဟာ ဘီလျံပေါင်းများစွာ ကုန်ကျခံထားရတဲ့ လမ်းမကြီးတွေနဲ့ သွားလာသူမရှိလို့ စပါးလှန်းနေရတဲ့ အခြေအနေပါ။ နေပြည်တော်မြို့သစ်ဟာ မြန်မာ့စီးပွားရေးကို ဆွဲချသွားသလိုမျိုး ရန်ကုန်မြို့သစ်ဟာလည်း မြန်မာ့စီးပွားရေးကို ထပ်ပြီးဆွဲချပါလိမ့်မယ်။ ဒီလိုအခြေအနေတွေ၊ တရုတ်နိုင်ငံရဲ့ OBOR စီမံကိန်းအောက်မှာ ရန်ကုန်မြို့သစ်စီမံကိန်းကို အကြွေးဗရပွနဲ့ ထိုးအပ်ရမယ့် အခြေအနေတွေကို ကျော်လွန်ဖို့၊ မြန်မာ့အချုပ်အခြာအာဏာအတွက် ရန်ကုန်မြို့သစ်စီမံကိန်းဟာ တိုင်းတစ်ပါးရဲ့ ထိန်းချုပ်မှုအောက် မရှိဖို့ဆိုရင် ဒီရန်ကုန်မြို့သစ်စီမံကိန်းဟာ ပြည်ထောင်စုအစိုးရရဲ့ အတည်ပြုချက်၊ ပြည်ထောင်စုလွှတ်တော်ရဲ့ တာဝန်ခံအတည်ပြုမှုတွေ ရှိနေဖို့ လိုအပ်ပါတယ်။ နေပြည်တော် တည်ဆောက်မှုကြောင့် မြန်မာ့စီးပွားရေး ကျဆင်းခဲ့ရသလိုမျိုး နောက်ထပ်သမိုင်းအမှားတစ်ခုကို NLD အစိုးရနဲ့ လွှတ်တော်က မကျူးလွန်မိဖို့ဆိုရင် ရန်ကုန်မြို့သစ်စီမံကိန်းကို ပြည်သူတွေဆီချပြပြီး ဖြစ်လာနိုင်တဲ့ အကျိုးဆက်တွေကို ပြန်လည်သုံးသပ်သင့်ပါတယ်။

ဟစ်စ်ထရီဘကွန်း၏ မီးမောင်းများ

A Tale of Two Cities (1935) ဇာတ်ကားမှ ဇာတ်ဝင်ခန်းတစ်ခန်း

ငယ်စဉ်တက္ကသိုလ်ကျောင်းသားဘ၀တုန်းက ‘ဟစ်စ်ထရီဘကွန်း’ ဆိုတဲ့ သူငယ်ချင်းတစ်ယောက် ရှိခဲ့ဖူးပါတယ်။ သူငယ်ချင်းတွေထဲမှာ အသက်အကြီးဆုံးဖြစ်တဲ့ ကိုဘကွန်းဟာ ရေနံချောင်းဇာတိဖြစ်ပြီး မိဘတွေကလည်း အတော်ချမ်းသာပါတယ်။ သူဟာ အင်မတန်သဘောကောင်းပြီး စလို့နောက်လို့လည်း အင်မတန်ကောင်းပါတယ်။ အမှန်က သူ့နာမည်က ‘ကိုဘကွန်း’ ပါ၊ သူပြောသမျှတွေဟာ သမိုင်းနဲ့ပတ်သက်တဲ့ အကြောင်းတွေချည်းပဲဖြစ်နေလို့ သူငယ်ချင်းတွေက နောက်ပြောင်ပြီး ခုလို ‘ဟစ်စ်ထရီဘကွန်း’ လို့ သူ့ကိုနာမည်ပေးလိုက်ကြတာ ဖြစ်ပါတယ်။ အဲဒါကို သူကစိတ်မဆိုးတဲ့အပြင် “အံမာ..မင်းတို့ ငါ့ကို အဲဒီလိုခေါ်တာကို ငါကခပ်ကြိုက်ကြိုက်ဗျ” လို့ ပြောနိုင်အားသေးတဲ့အတွက် ကိုယ်တို့အားလုံး အံ့သြကြရပါတယ်။ တစ်ခါမှာတော့ ကိုယ်တို့တစ်တွေက တစ်ယောက်ကို ဆီချက်ခေါက်ဆွဲ နှစ်ခွက်ကျွေးရင် သူပြောတဲ့သမိုင်းတွေကို နာရီဝက်ပြည့်အောင် နားထောင်မယ်လို့ ပြောကြတဲ့အခါ သူက ၀မ်းသာအားရ လက်ခံသွားပါတယ်။ အဲဒါနဲ့ တစ်ညမှာ ကိုယ်တို့ကို ဆီချက်ကျွေးရင်း သူပြောချင်တဲ့ သမိုင်းအကြောင်းတွေကို တောက်လျှောက်ကြီး ပြောချတော့တာပါပဲ။ ကိုယ်တို့ကတော့ အစက ဘာရယ်မဟုတ်၊ ဒီကိစ္စကို ရယ်စရာလို့သဘောထားပြီး နားထောင်ခဲ့တာပါပဲ။ ဒါပေမဲ့ နောက်ပိုင်းကျတော့ သူပြောသွားတဲ့စကားတွေကို တစ်သက်မေ့မရနိုင်အောင် ဖြစ်သွားကြရပါတယ်။

ကိုဘကွန်းပြောတဲ့ သမိုင်းနဲ့ဆက်စပ်နေတဲ့ အကြောင်းအရာတစ်ခုကို ပြောပြချင်ပါတယ်။ အဲဒါကတော့ အဲဒီတုန်းက အင်္ဂလိပ်စာရေးဆရာကြီး ‘ချားလ်စ်ဒစ်ကင်’ Charles Deicken (၁၈၁၂-၁၈၇၀) ရေးတဲ့ A Tale of Two Cities ဆိုတဲ့ ၀တ္ထုစာအုပ်အကြောင်း တက္ကသိုလ်ကျောင်းသားကြီးတွေ မကြာခဏပြောကြတာကို နားထောင်ခဲ့ရပြီး စိတ်ဝင်စားလို့ အဲဒီဝတ္ထုကို ဖတ်ကြည့်ခဲ့မိတာနဲ့ ပတ်သက်နေပါတယ်။ ၀တ္ထုကိုဖတ်ကြည့်မိတဲ့အခါကျမှ ကျောင်းသားကြီးတွေ ဒီဝတ္ထုအကြောင်း ဘာ့ကြောင့်ခဏခဏ ဆွေးနွေးနေကြရတာလဲဆိုတာကို သိလာရပါတယ်။ ဒါ့ပြင် ခုချိန်ထိ ဒီဝတ္ထုကို အခြေခံရိုက်ကူးခဲ့ကြတဲ့ ရုပ်ရှင်ဇာတ်ကား ၁၂ ကားတောင် ရှိတယ်ဆိုတာကိုသိခဲ့ရပြီး ဘယ်နိုင်ငံက နိုင်ငံသားမဆို ဒီဝတ္ထုဇာတ်လမ်းကိုသိထားရင် ကောင်းမှာလို့လည်း တွေးမိခဲ့ပါတယ်။ ဒါ့ကြောင့် ၁၉၃၅ ခုနှစ်မှာ ဒီနာမည်နဲ့ပဲ ပေါ်ထွက်လာခဲ့တဲ့ဇာတ်ကားရဲ့ ဇာတ်လမ်းအကျဉ်းကို တင်ပြပေးလိုက်ရပါတယ်။

ပြင်သစ်တော်လှန်ရေးကြီး ဖြစ်ခါနီးနေချိန်မှာ တရားစီရင်ခံရဖို့နေနေသာသာ ဘာမှန်းညာမှန်းတောင် မသိလိုက်ရဘဲနဲ့ ပြင်သစ်နိုင်ငံ ပါရီမြို့က ကမ္ဘာကျော် ‘ဘာစတီး’ ခံတပ် အကျဉ်းထောင်ကြီးထဲမှာ ထောင်ချခံလိုက်ရတဲ့ ဒေါက်တာ ‘မန်းနက်’ ဆိုသူဟာ ၁၈ နှစ်အကြာမှာ ထောင်ကလွတ်လာပါတယ်။ ဒါကိုသိသွားလို့ အင်္ဂလန်နိုင်ငံလန်ဒန်မြို့က သူ့သမီး ‘လူစီ’ ဟာ အင်္ဂလန်ဘဏ်လုပ်ငန်းရှင် မစ္စတာ ‘လော်ရီ’ ဆိုသူနဲ့အတူ ပါရီကိုလိုက်သွားခဲ့ပါတယ်။ အပြစ်မရှိတဲ့ ဒေါက်တာမန်းနက်ကို အဲဒီအချိန်က မူးမတ်နွယ်ဝင်တစ်ဦးဖြစ်တဲ့ ‘အဲဗားမောင့်’ ဆိုသူက လုပ်ကြံပြီး ထောင်ချခဲ့တာဖြစ်ပါတယ်။ အဲဗားမောင့်မှာ ‘ဒန်နေ’ ဆိုတဲ့ တူတစ်ယောက်ရှိပြီး ဒန်နေရဲ့ကျူရှင်ဆရာကတော့ ‘ဂေဘဲလ်’ ဖြစ်ပါတယ်။ အဲဗားမောင့်ဟာ မော်ကြွားလွန်းသူဖြစ်ပြီး တစ်ခါမှာ ရပ်ကွက်ထဲ အမြန်မောင်းနေတဲ့ သူ့ရထားလုံးက ၀င်တိုက်လိုက်မိလို့ ‘ဂက်စပတ်’ ဆိုသူရဲ့ ငါးနှစ်အရွယ်ကလေး သေသွားခဲ့ရပါတယ်။ အဲဒီအခါမှာ အဲဗားမောင့်က ကလေးကို ဒီလိုလွှတ်ထားရကောင်းလားဆိုပြီး ရပ်ကွက်ထဲကလူကြီးတွေကို ဆူပူကြိမ်းမောင်းပြီး လျော်ကြေးအဖြစ် ကြေးပြားတစ်ပြားကို လမ်းပေါ်ပစ်ချပေးသွားခဲ့ပါတယ်။ ဒန်နေနဲ့ သူ့ဆရာဂေဘဲလ်တို့ကတော့ ဆင်းရဲတဲ့ပြည်သူတွေအပေါ် ကြင်နာတတ်သူတွေဖြစ်ကြလို့ အဲဗားမောင့်နဲ့ ပြဒါးတစ်လမ်း သံတစ်လမ်း ဖြစ်ကြပါတယ်။ တစ်ခါမှာတော့ ဒန်နေဟာ ဦးလေးဖြစ်သူ အဲဗားမောင့်နဲ့စကားများပြီး အင်္ဂလန်ကို သွားလည်မယ်လုပ်တဲ့ခါ ဒန်နေအင်္ဂလန် ရောက်ရောက်ချင်း သူလျှိုမှုနဲ့ အင်္ဂလိပ်တွေ ဖမ်းတာခံရအောင် အဲဗားမောင့်က စီမံလိုက်ပါတော့တယ်။

မစ္စတာလော်ရီနဲ့ လူစီတို့ပါရီကိုရောက်သွားချိန်မှာ တစ်ချိန်က ဒေါက်တာမန်းနက်ရဲ့ တပည့်တွေဖြစ်ပြီး အခုဝိုင်အရက်ရောင်းနေသူ ‘အားနက်စ်ဒီဖာ့ခ်ျ’ ဆိုသူနဲ့ သူ့ဇနီး ‘ထဲရစ်ဆာ’ တို့က ဒေါက်တာမန်းနက်ကို စောင့်ရှောက်ထားတာကို တွေ့ကြရပါတယ်။ လော်ရီလူစီနဲ့ လူစီရဲ့ဖခင် ဒေါက်တာမန်းနက်တို့ အင်္ဂလန်ကိုပြန်ကြတဲ့အချိန်မှာ ဒန်နေဟာ သူတို့ရဲ့လှေနဲ့ အကြုံလိုက်သွားပြီး လူစီနဲ့လည်း မေတ္တာမျှသွားကြပါတယ်။ ဒန်နေဟာ လန်ဒန်ရောက်တာနဲ့ အဖမ်းခံရပြီး သူလျှိုမှုနဲ့ တရားစီရင်ခံရတဲ့အခါမှာ အရက်သေစာ အလွန်အကျွံ သောက်စားတတ်ပေမယ့် စိတ်ကောင်းရှိသူ အင်္ဂလိပ်လူမျိုးရှေ့နေ ‘ကာတန်’ ဆိုသူရဲ့ လျှောက်လဲချက်ကောင်းမွန်လို့ အမှုကနေ တရားသေလွတ်ခဲ့ပါတယ်။ ဒီလိုလွတ်အောင်လည်း တစ်ဦးတည်းသော မျက်မြင်သက်သေဖြစ်တဲ့ ‘ဘားဆဒ်’ ဆိုသူက သူဒန်နေ့ကို လူမှားသွားတာပါလို့ ရုံးတော်မှာ ထွက်ဆိုဖြစ်အောင် ကာတန်ကလုပ်နိုင်ခဲ့လို့ ဖြစ်ပါတယ်။ တရားစီရင်အပြီးမှာ အဲဒီအချိန်က ဒန်နေနဲ့ ရည်ငံနေပြီဖြစ်တဲ့ လူစီက ကာတန့်ကို ကျေးဇူးတင်ကြောင်း လာပြောတဲ့အခါမှာ ကာတန်ဟာ လူစီ့ကို အရူးအမူးချစ်မိသွားပါတယ်။ အဲဒီနောက် မကြာခင်မှာ လူစီဟာ ဒန်နေနဲ့ လက်ထပ်လိုက်ပါတယ်။ နောက်တော့ လူစီမွေးလာတဲ့ သမီးလေးက ကာတန့်ကို အတော်ခင်လို့ ကာတန့်ကျေးဇူးကို မဆပ်နိုင်သေးတဲ့ လူစီ့ခမျာ အလွန်ဝမ်းသာရပါတယ်။

အဲဒီအချိန် ပြင်သစ်က ပါရီမြို့ကြီးမှာ မြင်းလှည်းတိုက်ခံရလို့ သေသွားတဲ့ ကလေးအဖေ ဂက်စပတ်ဟာ အဲဗားမောင့်ကို ညဘက်မှာလုပ်ကြံပြီး မကြာခင်မှာ ငတ်မွတ်တာကို မခံနိုင်တော့တဲ့ ဆင်းရဲသားလူထုကြီးဟာ အုံကြွကြပါတယ်။ ဒါ့အပြင် လက်နက်တွေကို သိုလှောင်ထားပြီး နာမည်ဆိုးနဲ့ကျော်ကြားတဲ့ ‘ဘာစတီး’ အကျဉ်းထောင်ကြီးကို လက်နက်လိုချင်လို့ ၀င်စီးကြပါတယ်။ ပထမအကျအဆုံးများပြီး မအောင်မြင်ပေမယ့် နောက်ပိုင်း ပြင်သစ်ဘုရင့်တပ်မတော်က စစ်သည်တွေကပါ တော်လှန်ရေးသမားတွေဘက်က ၀င်ပါပြီး အမြောက်ပစ်ကူတွေနဲ့ ၀ိုင်းတိုက်ပေးကြလို့ ဘာစတီးထောင်ကြီး ကျသွားပါတယ်။ အဲဒီအချိန်မှာ ဒေါက်တာမန်းနက်ကို စောင့်ရှောက်ပေးခဲ့တဲ့ အားနက်စ်ဒီဖာ့ခ်ျရဲ့ဇနီး ထဲရစ်ဆာဟာ တော်လှန်ရေးခေါင်းဆောင်ကြီးတစ်ဦး ဖြစ်လာပါတယ်။ ပြင်သစ်မှာရှိတဲ့ ထောင်နဲ့ချီတဲ့ မင်းဆွေမင်းမျိုးနဲ့ မြို့စားနယ်စားတွေဟာ ‘ဂင်လိုတင်း’ Guillotine လို့ခေါ်တဲ့ ခေါင်းဖြတ်စက်ကြီးနဲ့ အသတ်ခံကြရပါတယ်။ မင်းစိုးရာဇာတွေသာမက သူတို့ရဲ့ဆွေတွေမျိုးတွေ ၀န်ထမ်းတွေပါ အသတ်ခံကြရပါတယ်။ နောက်တော့ အပြစ်ရှိတဲ့လူတွေ အကုန်အသတ်ခံကြရာက အပြစ်မရှိတဲ့သူတွေပါ ရောကောသောကောနဲ့ အမြောက်အမြား အသတ်ခံကြရတဲ့ အခြေအနေမျိုးကို ဆိုက်ရောက်သွားပါတော့တယ်။ အဲဒီအချိန်မှာ ဒန်နေရဲ့ဆရာဂေဘဲလ်ကိုလည်း ထဲရစ်ဆာနဲ့ တော်လှန်ရေးတပ်သားတွေက သတ်ဖို့ပြင်နေကြပါတယ်။ “မင်းဟာ မင်းစိုးရာဇာတွေဘက်က လူမဟုတ်ဘူးဆိုတာ ဘယ်သူ့ကို သက်သေခံတင်သွင်းနိုင်မလဲ” လို့မေးတဲ့အခါ အင်္ဂလန်မှာရောက်နေတဲ့ တပည့်ဖြစ်သူ ဒန်နေ့ကို တင်သွင်းနိုင်ကြောင်း ဂေဘဲလ်က ပြောပြပါတယ်။ ကဲ ဒါဖြင့် စာရေးခေါ်လို့ တော်လှန်ရေးတပ်သားတွေကပြောလို့ ဂေးဘဲလ်ဟာ စာရေးပြီး လက်မှတ်ထိုးလို့မှ မင်မခြောက်သေးခင်မှာပဲ တော်လှန်ရေးတပ်သားတွေက သူ့ကို ဓားနဲ့ထိုးသတ်လိုက်ကြပါတယ်။ တကယ်တမ်းကျတော့ တော်လှန်ရေးတပ်သားတွေဟာ ဂေဘဲလ်ကို လိုချင်ကြတာမဟုတ်ပါဘူး။ အဲဗားမောင့်ရဲ့တူတော်သူ ဒန်နေ့ကိုသာ သတ်ချင်နေကြတာဖြစ်ပါတယ်။ စာရတဲ့အခါ ဒန်နေဟာ ဘယ်သူ့ကိုမှမပြောဘဲ ပြင်သစ်ကိုလိုက်သွားပြီး ပြင်သစ်မြေပေါ် ခြေချလိုက်မိတာနဲ့ အဖမ်းခံလိုက်ရပါတယ်။ ဒန်နေ့ကိုကယ်ဖို့ သက်သေထွက်ရအောင်ဆိုပြီး ဒေါက်တာမန်းနက် ပါရီကိုလိုက်သွားတဲ့အခါမှာ မစ္စတာလော်ရီ၊ လူစီနဲ့ သူ့သမီးငယ်လေးတို့လည်း နောက်ကလိုက်သွားကြပါတယ်။ ဒါပေမဲ့ ဒေါက်တာမန်းနက် တရားရုံးမှာ ထွက်ဆိုပေးတာတွေကို ထဲရစ်ဆာတို့ တော်လှန်ရေးတပ်ဖွဲ့တွေက လက်မခံကြတော့ပါဘူး။ ဒါ့ကြောင့် ဒန်နေ့ကို အဲဗားမောင့်ရဲ့တူဖြစ်လို့ဆိုတဲ့ စွဲချက်နဲ့ သေဒဏ်ချမှတ်လိုက်ပြီး ဘာစတီးမဟုတ်တဲ့ တခြားခံတပ် အကျဉ်းထောင်ကြီးတစ်ခုထဲမှာ ခေတ္တအကျဉ်းချထားလိုက်ပါတယ်။

အဲဒီမှာ ကာတန်ဟာ ပြင်သစ်ကိုလိုက်သွားပြီး လန်ဒန်က ဒန်နေ့အမှုကိုစစ်တုန်းက လိမ်လည်သက်သေထွက်ဆိုခဲ့တဲ့ ဘားဆဒ်နဲ့တွေ့ပါတယ်။ ဘားဆဒ်ဟာ တော်လှန်ရေးမတိုင်ခင် ကာလကတည်းက ပါရီကိုရောက်နေခဲ့ပြီး တော်လှန်ရေးတပ်သားတွေနဲ့ အလွမ်းသင့်အောင် ပေါင်းနိုင်ခဲ့လို့ အခုခေတ်စကားနဲ့ပြောရရင် အကောင်ဖြစ်နေပါတယ်။ ဒါပေမယ့် ဘားဆဒ်ဟာ တော်လှန်ရေးမတိုင်ခင်က မင်းမျိုးစိုးနွယ်တွေရဲ့ အခစားသူလျှိုလုပ်ခဲ့ဖူးပါတယ်။ ဒါကို ကာတန်က ကောင်းကောင်းသိနေတဲ့အတွက် ဒီကိစ္စအဖော်ခံရမှာကိုကြောက်လို့ ကာတန်ခိုင်းသမျှ အကုန်လိုက်လုပ်ပေးပါတော့တယ်။ ဘားဆဒ်အကူအညီနဲ့ ကာတန်ဟာ အကျဉ်းထောင်တိုက်ခန်းထဲက ဒန်နေ့ကိုသွားတွေ့ပြီး မေ့ဆေးနဲ့မေ့သွားအောင် လုပ်လိုက်ပါတယ်။ နောက်မှ လူစီဖတ်ဖို့ သူရေးထားတဲ့ စာတစ်စောင်ကို ဒန်နေ့အိပ်ကပ်ထဲ ထည့်ပေးပြီး ဒန်နေနဲ့ လူချင်းလဲလိုက်ပါတယ်။ ဘားဆဒ်နဲ့ အစောင့်တစ်ယောက်တို့ဟာ မေ့မြောနေတဲ့ ဒန်နေ့ကို ပါရီမြို့ထဲက လူစီတို့ရှိတဲ့နေရာကို အရောက်ပို့ပေးနိုင်လိုက်လို့ လူစီတို့အဖွဲ့ဟာ ညတွင်းချင်း အင်္ဂလန်ကို ကူးသွားနိုင်ကြပါတယ်။ နောက်တစ်နေ့မနက်မှာ သေမိန့်ချခံထားကြရတဲ့ ကာတန်နဲ့ ‘ဗွန်တိမ်း’ ဆိုသူ စက်ချုပ်သမလေးတို့ဟာ ပါရီမြို့လယ်ကောင်က လူထုတွေစုဝေးနေတဲ့ လူသတ်ကွင်းကို မြင်းလှည်းတစ်စီးနဲ့ ခေါ်သွားခံကြရပါတယ်။ စက်ချုပ်သမလေးဟာ တော်လှန်ရေးအကြောင်း မကောင်းပြောတဲ့ လူတစ်ယောက်နဲ့ ဆက်သွယ်မိလို့ဆိုတဲ့ စွဲချက်နဲ့ သေမိန့်ကျခံထားရတာပါ။ ဗွန်တိမ်းမကြောက်လန့်အောင် ကာတန်ကာဂင်လိုတင်း စက်ကြီးနား ရောက်တဲ့အထိ အားပေးပြီး ခေါ်သွားခဲ့ပါတယ်။ နောက် ဂင်လိုတင်းစက်ကြီးကို တွေ့လိုက်ကြရပြီး မကြာခင်မှာ လန်ဒန်နဲ့ပါရီမြို့ နှစ်မြို့ကို ဇာတ်လမ်းနောက်ခံပြုရိုက်ကူးထားတဲ့ မြို့နှစ်မြို့ရဲ့ ပုံပြင်ရုပ်ရှင်ဇာတ်ကားဟာလည်း ပြီးဆုံးသွားခဲ့ပါတယ်။ သမိုင်းထဲမှာတော့ အဲဒီအချိန်ဟာ ဂင်လိုတင်းစက်ကြီးကို အသုံးပြုလို့ ကောင်းနေတုန်းဖြစ်တဲ့ ပြင်သစ်တော်လှန်ရေးကြီးရဲ့ အစဦးပိုင်းကာလပဲ ဖြစ်ပါတယ်။

တကယ်တော့ ပြင်သစ်တော်လှန်ရေးဟာ လုံးဝမအောင်မြင်ခဲ့ပါဘူး။ မင်းမျိုးစိုးနွယ်တွေကို ချေမှုန်းနိုင်ပြီးကာမှ တော်လှန်ရေးတပ်သားတွေဟာ အပိုင်းပိုင်းကွဲသွားခဲ့ကြတာဖြစ်တယ်။ နောက်တော့ ဘုရင့်ဂိုဏ်းသားတွေတောင် တချို့နယ်တွေမှာ သူပုန်တွေဖြစ်လာကြတဲ့အထိ အခြေအနေဟာ ယိမ်းယိုင်လာခဲ့ပါတယ်။ တော်လှန်ရေးတပ်သားတွေဟာ ရက်စက်မှုအပေါင်း သရဖူဆောင်းပြီး အချင်းချင်းပြန်သတ်နေကြလို့ ပြည်သူလူထုဟာ ဒီလိုသတ်ဖြတ်မှုတွေကို စိတ်ကုန်လာကြပါတယ်။ တိုတိုပြောရရင် ပြင်သစ်တော်လှန်ရေးကြီးကို ဆယ်နှစ်ကြာအောင် ဆင်နွှဲလာခဲ့ပြီးကာမှ ပြည်သူတွေကိုယ်တိုင်က အပ်နှင်းလိုက်လို့ တစ်နိုင်ငံလုံးရဲ့ အာဏာဟာ နပိုလီယံရဲ့လက်ထဲကို ကျရောက်သွားခဲ့ရတာဖြစ်တယ်။ ကိုဘကွန်းကပြောတာက နိုင်ငံတစ်နိုင်ငံဟာ ကျောက်ဆောင်တွေထူထပ်ပြီး ရေစီးလည်းသန်တဲ့ မြစ်ကြီးတစ်စင်းထဲမှာ ညဘက်ခုတ်နေရတဲ့ သင်္ဘောကြီးတစ်စင်းနဲ့တူတယ်တဲ့။ ဒါ့ကြောင့် ကျောက်ဆောင်တွေနဲ့ ဘယ်ဘက်ကမ်း ညာဘက်ကမ်းတို့ကို မတိုက်မိအောင် မီးထိုးကြည့်နိုင်ဖို့ အဲဒီသင်္ဘောကြီးပေါ်မှာ အားကောင်းတဲ့ မီးမောင်းကြီးတွေ အများကြီးတင်ထားနိုင်ဖို့လိုတယ်တဲ့။ အဲဒီ မီးမောင်းတွေမပါရင် မင်းတို့သင်္ဘော ဘယ်လောက် စက်အားကောင်းကောင်း မောင်းလို့မရဘူး။ ဖြည်းဖြည်းမောင်းလည်းသေမှာပဲ။ မြန်မြန်မောင်းလည်း မြန်မြန်သေမှာပဲ။ အဲဒီ မီးမောင်းကြီးတွေကတော့ ဂျပန်က မေဂျီပြုပြင်ပြောင်းလဲရေး ရုရှားက အောက်တိုဘာတော်လှန်ရေး ပြင်သစ်တော်လှန်ရေးနဲ့ အမေရိကန်ပြည်တွင်းစစ် အစရှိတဲ့ သမိုင်းက အဖြစ်အပျက်တွေပဲဖြစ်တယ်။ ဒါ့ကြောင့် အားကောင်းတဲ့ မီးမောင်းတွေ အများကြီးကို မင်းတို့သင်္ဘောတွေပေါ်မှာ တင်ထားကြဖို့လိုတယ်လို့ ‘ဟစ်ထရီဘကွန်း’ က ကိုယ်တို့ကိုပြောခဲ့တာပဲ ဖြစ်တယ်။

 

LDC မှ လွတ်မြောက်ရေးလမ်းစ၊ မက်ခရိုစီးပွားရေး မတည်ငြိမ်မှုက ကူးစက်လာနိုင်တဲ့ နိုင်ငံ့အထွေထွေမတည်ငြိမ်မှုနဲ့ မြန်မာ့စီးပွားရေးကျင့်ဝတ်

၂၀၁၈ ခုနှစ် ဧပြီလအတွင်းက ဒေသဖွံ့ဖြိုးရေးလုပ်ငန်းများကို လိုက်လံစစ်ဆေးနေသည့် ယခုဝန်ကြီးတာဝန်မှ နုတ်ထွက်သွားသော ဆလိုင်းအိုက်ဇက်ခင် (လယ်) အား တွေ့ရစဉ် (Photo: Salai Isaac Khen Facebook)

သတ်မှတ်ချိန်အတွင်း စီမံကိန်းတွေ ဆောင်ရွက်နိုင်ခြင်း မရှိတာကြောင့် တာဝန်ယူ၊ တာဝန်ခံမှုပြုတဲ့အနေနဲ့ နုတ်ထွက်ခဲ့တဲ့ ချင်းပြည်နယ် စည်ပင်သာယာရေးဝန်ကြီး ဆလိုင်းအိုင်ဇက်ခင်ရဲ့ နုတ်ထွက်မှုဟာ ချီးကျုးစရာပြောစမှတ်တစ်ခုအဖြစ် ဒီရက်သတ္တပတ်မှာ ပေါ်ထွက်ခဲ့ပါတယ်။ မလုပ်၊ မရှုပ်၊ မပြုတ်ဆိုတဲ့စံနှုန်းတွေနဲ့ ငြိမ်သက်နေတယ်လို့ ပြည်သူတွေ ထင်မြင်နေချိန်မှာ ရထားတဲ့နေရာကြီးကို တာဝန်ယူမှု၊ တာဝန်ခံမှုအတွက် စွန့်လွှတ်တယ်ဆိုတာဟာ ပြည်သူ့ဘဏ္ဍာစားပြီး တာဝန်မကျေဘဲ ငြိမ်နေသူတွေနဲ့ယှဉ်ရင် ဂုဏ်ပြုစရာပါ။

သတ်မှတ်ချိန်အတွင်း စီမံကိန်းတွေ ဆောင်ရွက်နိုင်ခြင်းမရှိဘူးဆိုတဲ့ အခြားတစ်ဖက်မှာ ဆလိုင်းအိုင်ဇက်ခင်ဟာ ချင်းပြည်နယ်အစိုးရအဖွဲ့မှာ အလုပ်အလုပ်ဆုံးဝန်ကြီးလို့ ပြည်သူတွေ မှတ်ယူထားတာကလည်း လူတော်တစ်ယောက် ဆုံးရှုံးရပြီလားလို့ တွေးထင်စရာဖြစ်ခဲ့သလို လာဘ်ပေးလာဘ်ယူကြောင့် နုတ်ထွက်မှုတွေကိုလည်း ဆလိုင်းအိုင်ဇက်ခင်က “ကျွန်တော့်အနေနဲ့ အချို့သောအပိုင်းမှာ စောင့်စည်းရတဲ့ အနေအထားရှိတဲ့ အတွက်ကြောင့်မို့လို့ ရော့အင့်ဆိုပြီး အကုန်လုံး ဖွင့်ချလို့မရတဲ့ကိစ္စတွေ ရှိနေသေးတာပဲ ဖြစ်ပါတယ်။ တကယ့်တကယ်တော့ ဒီလာဘ်ပေးလာဘ်ယူတဲ့ကိစ္စနဲ့ ပတ်သက်ပြီးတော့ ဘာမှအငြိအစွန်းမရှိပါဘူး…အဲဒါတွေနဲ့ ပတ်သက်ပြီးတော့ အမှန်တကယ် အဖြစ်မှန်သိချင်တယ်ဆိုရင် အချိန်မရွေးမေးလို့ ရပါတယ်။ သို့သော်လည်းပဲ မီဒီယာတွေပေါ်မှာတော့ ကျွန်တော့်အနေနဲ့ ဖြေဖို့မရှိပါဘူး။ အချို့သော ဂုဏ်သိက္ခာတွေ ထိန်းသိမ်းပေးရတဲ့ အနေအထားမျိုးရှိတဲ့ အတွက်ကြောင့်မို့လို့ ကျွန်တော့်အနေနဲ့ ဒီဟာနဲ့ပတ်သက်ပြီး ရှင်းလင်းစရာတော့ မရှိပါဘူး” လို့ ဖြေဆိုပါတယ်။

စောင့်စည်းရတဲ့ အနေအထားမို့လို့ အကုန်လုံးဖွင့်မချချင်ဘူးလို့ ဆလိုင်းအိုင်ဇက်ခင်က ပြောခဲ့သလို သူဟာ လာဘ်ပေးလာဘ်ယူတဲ့ ကိစ္စနဲ့ပတ်သက်ပြီးတော့ ဘာမှအငြိအစွန်းမရှိပါဘူးလို့ သူ့ကိုယ်သူ မှတ်ကျောက်တင်ခဲ့ချိန်မှာ လာဘ်စားခဲ့သူတွေက ရာထူးမှာ တည်မြဲနေသလားလို့ စဉ်းစားစရာဖြစ်လာပါတယ်။

ဖွံ့ဖြိုးမှုအနည်းဆုံးနိုင်ငံဘ၀ LDC က လွတ်မြောက်ရေးလမ်းစ

တခြားနိုင်ငံတွေလို သတ်မှတ်ခံရတာမဟုတ်ဘဲ ကိုယ်တိုင်လျှောက်ပြီး ဖွံ့ဖြိုးမှုအနည်းဆုံး LDC နိုင်ငံအဖြစ် လျှောက်ထားခဲ့တဲ့ မြန်မာနိုင်ငံဟာ လက်ရှိအချိန်မှာ LDC ဘ၀ကနေ လွတ်မြောက်ဖို့ လမ်းစတော့ ရှိနေပြီဖြစ်ပြီး LDC က လွတ်မြောက်ဖို့ သတ်မှတ်ထားတဲ့ စံနှုန်းသုံးခုစလုံးနဲ့ ပထမဆုံးအကြိမ် ကိုက်ညီခဲ့ပါတယ်။

ကုလသမဂ္ဂစီးပွားရေးနှင့် လူမှုရေးကောင်စီ (UNECOSOC) ဖွံ့ဖြိုးတိုးတက်မှု မူဝါဒဆိုင်ရာကော်မတီ (CDP) ရဲ့ သုံးနှစ်တစ်ကြိမ် အစီရင်ခံစာမှာ ဖော်ပြခဲ့မှုအရ မြန်မာနိုင်ငံဟာ တစ်ဦးချင်းဝင်ငွေ (Gross National Income-GNI) အမေရိကန်ဒေါ်လာ ၁၂၃၀ ထက် ကျော်လွန်ဖို့၊ လူသားအရင်းအနှီး ညွှန်းကိန်း (Human Access Index-HAI) ၆၆ နှင့် အထက်ရှိဖို့နဲ့ စီးပွားရေး ထိခိုက်နစ်နာလွယ်မှုဆိုင်ရာ ညွှန်းကိန်း (Economic Vulnerability Index-EVI) ၃၂ နှင့် အောက်ရှိဖို့ဆိုတဲ့ လိုအပ်ချက် သုံးခုစလုံးကို ၁၉၈၇ ခုနှစ် နောက်ပိုင်း ပထမဆုံးအကြိမ် ပြည့်မီခဲ့တာပါ။ CDP ရဲ့ သုံးနှစ်တစ်ကြိမ် အစီရင်ခံစာအရ မြန်မာနိုင်ငံဟာ GNI အမေရိကန်ဒေါ်လာ ၁၂၅၅၊ HAI ၆၈ ဒသမ ၅ နှင့် EVI ၃၁ ဒသမ ၇ ရရှိခဲ့တာဖြစ်ပြီး လာမယ့် ၂၀၂၁ ခုနှစ် Triennial Review မှာ စံနှုန်းသုံးခုထဲက အနည်းဆုံး နှစ်ခုပြည့်မီမယ်ဆိုရင် ၂၀၂၁ ခုနှစ်ရဲ့နောက်ပိုင်းမှာ ဖွံ့ဖြိုးမှုအနည်းဆုံးနိုင်ငံများ စာရင်းက လွတ်မြောက်မယ့်လမ်းစပွင့်သွားမှာ ဖြစ်ပါတယ်။ LDC နိုင်ငံ ဘ၀ကို ကိုယ်တိုင်ယူဖို့ လျှောက်ထားခဲ့တဲ့ မြန်မာနိုင်ငံဟာ LDC ဘ၀ကြောင့်ပဲ မျက်နှာငယ်ခဲ့ရတာ အနှစ် ၃၀ ကျော်နေခဲ့ပြီ ဖြစ်ပါတယ်။

မက်ခရိုစီးပွားရေး မတည်ငြိမ်မှုက ကူးစက်လာနိုင်တဲ့ နိုင်ငံ့အထွေထွေ မတည်ငြိမ်မှု

၂၀၁၈-၂၀၁၉ ဘဏ္ဍာနှစ်မှာ စီးပွားရေးတိုးတက်မှုဟာ ၆ ဒသမ ၈ ရာခိုင်နှုန်းဆီ မြင့်တက်မယ့် အလားအလာရှိပြီး မြန်မာနိုင်ငံရဲ့ ယေဘုယျစီးပွားရေး အခြေအနေ မျှော်မှန်းချက်ဟာ အကောင်းဘက်မှာ ရှိနေဆဲဖြစ်တယ်လို့ ကမ္ဘာ့ဘဏ်ရဲ့ မြန်မာ့စီးပွားရေး စောင့်ကြည့်အစီရင်ခံစာမှာ ဖော်ပြခဲ့ပါတယ်။ ဒါပေမဲ့ ယေဘုယျစီးပွားရေး အခြေအနေ မျှော်မှန်းချက်ကို နှောင့်ယှက်မယ့် အကြောင်းတွေကလည်း ကြီးထွားလာနေပြီး ရခိုင်ပြည်နယ်အရေးအခင်းတွေနဲ့ ဆက်စပ်တဲ့ မရေရာမှုတွေ ဆက်လက်ပေါ်ပေါက်နေတာကြောင့် မြန်မာနိုင်ငံရဲ့ စီးပွားရေးဖွံ့ဖြိုးတိုးတက်မှုကို နှောင့်နှေးတိုးတက်စေနိုင်တယ်လို့ ဆိုပါတယ်။

ဖြစ်နိုင်ခြေနည်းတယ်ဆိုပေမဲ့လည်း စီးပွားရေးတိုးတက်မှုနှုန်း ကြီးကြီးမားမား လျော့နည်းသွားမယ်ဆိုရင် မက်ခရိုစီးပွားရေး မတည်ငြိမ်မှု ကြီးထွားလာနိုင်ပြီး နိုင်ငံရဲ့ အထွေထွေ မတည်ငြိမ်မှုကို ဖြစ်စေနိုင်တယ်လို့ ကမ္ဘာ့ဘဏ်က ခန့်မှန်းထားပါတယ်။

မြန်မာ့ကုမ္ပဏီအချို့ရဲ့ စီးပွားရေးကျင့်ဝတ်

ကမ္ဘာကျော်ကုန်အမှတ်တံဆိပ်တစ်ခုဖြစ်တဲ့ အမေရိကန်အခြေစိုက် နာမည်ကျော် Starbucks Coffee မြန်မာဈေးကွက်ကို စတင်ဝင်ရောက်ဖို့ မြန်မာနိုင်ငံရင်းနှီးမြှုပ်နှံမှုကော်မရှင်က မေ ၁၂ ရက်မှာ ပြုလုပ်တဲ့ အစည်းအဝေးမှာ အတည်ပြုမိန့် ရရှိခဲ့ပါတယ်။ ကမ္ဘာတစ်ဝန်းမှာ ဆိုင်ခွဲပေါင်း ၂၇၀၀၀ ခန့် ဖွင့်လှစ်ထားပြီး မြန်မာနိုင်ငံမှာ ဒေါ်လာ ခြောက်သန်းမြှုပ်နှံကာ ဆိုင်ခွဲပေါင်း ၂၀ ခန့် ဖွင့်လှစ်ဖို့ ၀င်ရောက်လာချိန်မှာ “STAR BUCKS” COFFEE ဆိုပြီး Starbucks Coffee အမည်ကို တိုက်ရိုက်ကူးချထားပြီး Logo ကိုပါ ဆင်တူယိုးမှား ပြုလုပ်ပြီးတော့ မန္တလေးမြို့ စာချုပ်စာတမ်း မှတ်ပုံတင်ဌာနမှူးရုံးမှာ မူပိုင်ခွင့်တင်ထားမှု ရှိနေခဲ့တာဟာ လူမှုကွန်ရက်မှာ ပျံ့နှံ့လာခဲ့ပါတယ်။

ကမ္ဘာကျော်အမှတ်တံဆိပ်တွေကို ကြိုပြီး ကိုယ့်နိုင်ငံမှာ မှတ်ပုံတင်မယ်။ ဒီလိုမျိုး ကိုယ်က လက်ဦးမှုယူ မူပိုင်ခွင့်တင်ထားချိန်မှာ ကမ္ဘာကျော်ကုမ္ပဏီကြီးက ကိုယ့်နိုင်ငံဆီက ၀င်လာရင် ကိုယ့်ဥပဒေနဲ့ တရားစွဲမယ်။ လျော်ကြေးတောင်းမယ်။ လျော်ကြေးတောင်း၊ တရားရင်ဆိုင်နေတဲ့ကာလမှာ ကမ္ဘာကျော်ကုမ္ပဏီကြီးက လုပ်ငန်းရပ်ဆိုင်းထားရမယ်။ မရပ်ချင်ရင် ငါ့ကို ပိုက်ဆံပေးလိုက်ဆိုတဲ့ အပြုအမူမျိုးက တရုတ်နိုင်ငံက ကုမ္ပဏီတွေရဲ့ဆိုးရွားတဲ့ အမူအကျင့်ပါ။ ဒီလိုဆိုးရွားတဲ့ အမူအကျင့်တွေကြောင့်ပဲ တရုတ်ကုမ္ပဏီ တချို့ဟာ ရှုတ်ချခံနေရပါတယ်။

တကယ်တော့ ဘယ်လိုပဲလက်ဦးမှုရယူရယူ နိုင်ငံတိုင်း နိုင်ငံတိုင်းဟာ ဥာဏပစ္စည်းဆိုင်ရာ မူပိုင်ခွင့်တွေ၊ ဥပဒေတွေ၊ စည်းမျဉ်းတွေကို လိုက်နာရပါတယ်။ ဒီလို ကမ္ဘာကျော် အမှတ်တံဆိပ်တွေကို တုပမှတ်ပုံတင်ထားတာတွေကြောင့် မြန်မာနိုင်ငံက လုပ်ငန်းရှင်တွေဆီ ကမ္ဘာ့နိုင်ငံတွေက Notice ပို့တာတွေလည်း ရှိနေပါတယ်။ ဒီလိုဖြစ်စဉ်တွေဟာ သဘောရိုးနဲ့မှားတာဆိုရင် ပြဿနာမရှိပေမယ့် ကမ္ဘာကျော် ကုမ္ပဏီကြီးဝင်လာမှ ငါက ဒေါ်လာသိန်းနဲ့ချီ လျော်ကြေးတောင်းပြီး လုပ်စားမယ်ဆိုတာမျိုးလုပ်ရပ်ကတော့ ဆိုးရွားတဲ့လုပ်ရပ်ပါ။ ဒီလို လုပ်ရပ်မျိုးဟာ ကိုယ့်နိုင်ငံသား ကုမ္ပဏီကို အသာပေးရမယ်ဆိုတာ မျိုးထက် ကမ္ဘာကျော်ကုမ္ပဏီတစ်ခုရဲ့ ပုံရိပ်ကို မရိုးဖြောင့်တဲ့သဘောနဲ့ အသုံးချဖို့ ကြံရွယ်မှုတွေကိုပဲ ရှုတ်ချဖို့လိုအပ်ပါတယ်။ နဂိုကမှ မြန်မာနိုင်ငံက Intellecutual Property Law တွေ မပြဋ္ဌာန်းနိုင်လို့ နိုင်ငံခြား ရင်းနှီးမြှုပ်နှံသူတွေက သူတို့အတွက် အကာအကွယ်မရနိုင်ဘူးထင်ပြီး ၀င်ရောက်လာမှုမရှိချိန်မှာ ဒီလို ကမ္ဘာကျော်အမှတ်တံဆိပ်တွေကိုတုပပြီး မူပိုင်ခွင့်တင်။ လျော်ကြေးတောင်းဖို့ အသင့်ရှိနေတယ်ဆိုတာမျိုးကတော့ မြန်မာနိုင်ငံက စီးပွားရေး လုပ်ငန်းသူတွေရဲ့ ကျင့်ဝတ်ကို ကမ္ဘာက စိတ်ပျက်စရာအဖြစ် ရှုမြင်ကြမှာဖြစ်သလို မြန်မာနိုင်ငံဟာ အဲဒီလို Intellecutual Property ချိုးဖောက်မှုတွေကို တားဆီးပေးမှု မရှိဘူး။ တရားရုံးကလည်း သူ့နိုင်ငံသားကို ဘက်လိုက်တယ်လို့ ထင်မြင်သွားကြမယ်ဆိုရင် နစ်နာရမှာနဲ့ ပုံရိပ်ကျဆင်းရမှာက မြန်မာနိုင်ငံပဲ ဖြစ်ပါလိမ့်မယ်ဆိုတာ တင်ပြရင်း ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ရပါတယ်။

နယုန်

Photo: Getty

(တစ်)
လယ်တစ်ကွင်းလုံး ၀င်းနေတာကို ကားလမ်းပေါ်ကနေ လှမ်းမြင်နေရတယ်။ ဒါတွေကို ရိတ်သိမ်းဖို့ ပြင်နေတဲ့ လယ်ကွင်းပြင်ကြီးတွေကို ငေးကြည့်ချင်မိတယ်။ အစိမ်းခက်တွေကြားမှာ အ၀ါဖက်နေတဲ့ လယ်ယာရှုမျှော်ခင်းတွေက ငေးကြည့်ချင်စရာလေ။ စပါးတွေ ကိုင်းညွတ်နေတဲ့ လယ်ကွင်းတွေကို ကန်သင်းအနားထိဆင်းပြီး ကြည့်လိုက်တယ်။ ပြီးတော့ ဒါဘာလဲဆိုတာကို အသံတွေမပါဘဲ မေးခွန်းထုတ်မိလိုက်တယ်။ အမေးရဲ့နောက်မှာ စိတ်ကူးတွေက အဆီးအတားမရှိ တသီတတန်းကြီးပဲ။ ဒါ နယုန်လလေ။

ဒီလဟာ နယုန်လ။ ရာသီမေထုန်၊ လနယုန်ပေါ့။ နယုန်မိုးသေး၊ မြက်သားမွေးလို့တောင် ရာသီကို စာညီထားတာ ရှိသေးတာ။ ဒါ့အပြင် ဘာရှိသေးလဲ။ ကဆုန်၊ နယုန် ဆွေ့ဆွေ့ခုန်ဆိုတာလည်း ရှိသေးတယ်။

ဘာသာရေးနဲ့ ပတ်သက်ရင်ကော ဘာကျန်သေးလဲ။ အဲဒီဘက်မှာလည်း မလျော့ဘူး။ ရှိတယ်။ နှစ်ချက်ရှိတာ သိထားတယ်။ ပထမတစ်ခုက နယုန်လပြည့်နေ့မှာ နတ်နဲ့ ဗြဟ္မာတွေကို ဗုဒ္ဓက မဟာသမယသုတ်တော် ဟောကြားခဲ့တယ်။ ဒါကြောင့်လည်း နယုန်လပြည့်နေ့ကို မဟာသမယအခါတော်နေ့လို့ ခေါ်တာ။ ဒုတိယတစ်ခုကတော့ စာပြန်ပွဲတွေ ကျင်းပပေးတာပါ။ ဒီစာတော်ပြန်ပွဲတွေကို မြန်မာနှစ် ၁၀၀၀ လောက်ကမှစတယ် ပြောတယ်။ သာလွန်မင်းက စခဲ့တာလို့ ဖတ်ခဲ့ဖူးတယ်။ နယုန်လ၊ စာတော်ပြန်ပွဲပေါ့။

ပြီးတော့ နောက်ထပ်တွေးမိတာက ဒီလဟာ လယ်ယာဘ၀ရဲ့အစဆိုတာ။ လယ်လုပ်ငန်းရဲ့ ပဋိသန္ဓေလဆိုတာလေ။ ဒါပေမဲ့ ခုတော့ အစမဟုတ်တော့ဘဲ သူ့အရင် နွေစပါးတွေတောင် သားဦးအဖြစ် မွေးဖွားပြီးလို့ နယုန်ဆိုတာ စပါးရိတ်သိမ်းချိန် ဖြစ်နေပြီလေ။ ၀ါဆိုမှ ပြန်စိုက်မှာတဲ့။ နယုန်ဟာ နွေစပါးအတွက်တော့ အဆုံးသတ်လပေါ့။

အင်းလေကြည့်စမ်း၊ အခုရိတ်သိမ်းတော့မှာတွေက နွေစပါးတဲ့။ နှစ်သီးစားတဲ့။ သုံးသီးစားတဲ့။ နောက်ထပ် ဘယ်နှသီးတွေ ထပ်စားကြရဦးမှာလဲ။ အခုစိုက်နေတာကလည်း ဟိုးတုန်းကလို ဒေသမျိုးတွေ မဟုတ်တော့ဘူးတဲ့။ ရာသီမလိုဘူး။ နာရီပဲလိုတယ်တဲ့။ စိုက်တတ်လိုက်ကြတာ။ ကမ္ဘာကြီးရဲ့ သိပ္ပ၀္စဗဟုဿစ္စတွေကလည်း အံ့မခန်းပါပဲ။ ခေတ်တွေကလည်း တအားပြောင်းနေတာပါပဲ။ လူဦးရေကလည်း အရမ်းတိုးလာနေတာပါပဲ။

တိုးလာတာမှ စားစရာတွေကို ခုလို ပိုမိုထုတ်ယူလာရအောင်ကို တိုးလာနေတာ။ သူများတိုင်းပြည်ဆီ ရောင်းစားဖို့လည်း ပါတာပေါ့။ ရှေးရှေးတုန်းကတော့ သိပ္ပံအတတ်တွေကလည်း ခေတ်မမီ၊ လူဦးရေကလည်းနည်း၊ ပဝေသဏီထိ ဝေးတဲ့နေရာတွေ ထိအောင်လည်း ရောင်းစားကြတာမဟုတ်တော့။ တစ်ဝမ်းတစ်ခါးစာ၊ ကိုယ့်ရပ်ကိုယ့်ရွာစာ၊ ကိုယ့်တိုင်းကိုယ့်ပြည်စာလောက်ပဲ စိုက်ကြ၊ ပျိုးကြတယ်ထင်တယ်။ နှစ်သီး၊ သုံးသီးတွေဆိုတာ မရှိသေးပါဘူး။

သူ့ခေတ် သူ့စနစ်နဲ့သူ တစ်သီးစားပဲ စိုက်ကြတာ။ စိုက်ရင်လည်း နယုန်လထဲရောက်မှပဲ စစိုက်ကြတယ်။ ဒါကြောင့် နယုန်လရဲ့ရာသီပွဲဟာ လယ်ထွန်မင်္ဂလာပွဲ ဖြစ်နေတာလေ။ ဘုရင်ကိုယ်တိုင်က မိဖုရားမောင်းမ၊ မိဿံတွေနဲ့အတူ လယ်ထွန်မင်္ဂလာပြုပေးရတာ။ ရမထာ ရွှေကြိမ်လုံး၊ ရွှေထွန်တုံးတွေနဲ့ ဖြူဖြူဆွတ်ဆွတ် ကြန်စုံနွားနှစ်ကောင်ကို ထမ်းပိုးတင်ပြီး ပျိုးခင်းကို ၀င်ကြတာ။ စစ်အင်္ဂါ အပြည့်အစုံနဲ့ ကောင်းကင်မှာ ငှက်ပျံလို့ မရအောင်ကို လေးသည်တော် အစောင့်အကြပ်တွေချပြီး ခင်းကျင်းထားကြတယ်။

တကယ့်ကို ပွဲကြီးလမ်းကြီးပါပဲ။ လူတွေလည်း ကြိတ်ကြိတ်တိုးနေအောင် စည်ကားတယ်။ ဘာလို့လဲဆိုတော့ ဘုရင်လယ်ထွန် မင်္ဂလာမဆင်းခင် သုံးလေးရက်လောက် အလိုကတည်းက ပွဲတွေ နေ့မပြတ်၊ ညမလပ်ကပြပေးထားတာကိုး။ ဒါကို ရွာလုံးကျွတ် အုန်းအုန်းကျွတ်ကျွတ် လာကြည့်ကြတယ်။ ရပ်ဝေး၊ ရပ်နီးအသီးသီးက လှေတွေ၊ လှည်းတွေနဲ့ လာကြတာတွေရှိတယ်။ နန်းတော်သူ၊ နန်းတော်သားတွေကြည့်ဖို့ နန်းတွင်းမှာသာ ကပြရတဲ့သဘင်တွေဆိုတော့ ရပ်သူရွာသားတွေ အနေနဲ့ ကြည့်ရခဲကြီး မဟုတ်လား။

(နှစ်)
အဲဒီတုန်းကတည်းက စပါးတွေ အမျိုးများပေမယ့် ကောက်လျင်၊ ကောက်လတ်၊ ကောက်ကြီး၊ မုရင်းဆိုပြီး အုပ်စုတူ လေးမျိုးနဲ့ပဲ ခွဲပြောကြတယ်။ မုရင်းကလွဲရင် ကျန်တဲ့စပါးတွေကို နယုန်မှာ စိုက်ကြတယ်။ အဲဒီလိုစိုက်တော့ ကောက်လျင်ဆိုရင် သီတင်းကျွတ် ဆိုမှည့်ပြီ။ ကောက်လတ်ကျတော့ သက်တမ်းကြာတယ်။ ဖုံးတုန်းလုံးတုန်း တန်ဆောင်မုန်းပဲ ရှိသေးတာ။ ဖုံးဒဆိုတာက စပါးစေ့ သန္ဓေတည်ဖို့ ဖုလာတဲ့နေရာ။ အဲဒီ အဖုလေးတွေက တန်ဆောင်မုန်းလမှာမှ ထွက်လာတုန်း ရှိသေးတာ။

စပါးပင်တွေ လုံးတုန်းရှိသေးတာ။ ဒါကို တောဉာဏ်၊ တောဟန် အမှတ်အသားမှာတော့ စပါးပင်တွေ အားယူကောင်းတုန်း၊ အားအလိုအပ်ဆုံးအချိန်ပဲ ရှိသေးတာတဲ့။ ဒါဆို ကောက်လတ်က တန်ဆောင်မုန်းနှောင်းပိုင်းမှ မှည့်တော့မှာပေါ့။

ကောက်ကြီးက နတ်တော်မှည့်တာ။ ဦးပုညရဲ့ပြဇာတ်ထဲက ရေသည်ယောက်ျားစားတဲ့ မုရင်းဆန်တစ်ခုပဲ တန်ဆောင်မုန်းမှာစိုက်ပြီး တပေါင်းမှာ ရိတ်တာရှိတယ်။

အဲဒီလိုတွေ စိုက်ဖို့၊ ပျိုးဖို့ လယ်သမားတွေကို မင်းမိန့်နဲ့ သတ်မှတ် ပြဋ္ဌာန်းပေးထားတယ်။ သမားဟူးရားတွေက တွက်ချက်ပေးရတယ်။ သာသနာပိုင်ဆရာတော်ကြီးက စိစစ်တည်းဖြတ်ပေးပြန်တယ်။ ဘယ်အချိန် စိုက်၊ ဘယ်အခါ ရိတ်၊ ဘယ်ပိုးတွေကျတတ်တယ် စသဖြင့် အမိန့်ပြန်တာက မှူးမတ်ဝန်မင်းတွေရဲ့အလုပ်ပေါ့။

ဘုရင့်လမိုင်းလယ်တွေအတွက်ကို လမိုင်းရွာတွေက တာဝန်ယူရတယ်။ မန္တလေးခေတ်မှာတော့ မတ္တရာမြို့အရှေ့မြောက်ယွန်းယွန်းက ရွာကြီးကို လမိုင်းရွာကြီးတွေအဖြစ် သတ်မှတ်ထားတယ်။ စဥ့်ကူးဘက်မှာလည်း လမိုင်းရွာနှစ်ရွာ ရှိသေးတယ်။ အောင်ပင်လယ်က သရက်ကုန်းရွာဆို လမိုင်းရွာပါပဲ။ တိုင်းရွှေပြည့်လက်နားက အောင်ပင်လယ်ရွာသူတွေကတော့ မန္တလေးခေတ်မှာ ကောက်စိုက် Specialist တွေ ဖြစ်ခဲ့မှာပေါ့။

ဒါကို ကြည့်ရင် နယုန်လရဲ့မြေပြင်အခြေအနေဟာ ရုန်းကန်တက်ကြွလို့နေမှာ။ စားစရာရိက္ခာအတွက် ဘုရင်ကအစ မောင်းမ၊ မိဿံအလယ်၊ လယ်သမားအဆုံး လမိုင်းရွာတွေ အပါအ၀င် တစ်တိုင်းပြည်လုံး အလုပ်တွေ ရှုပ်နေကြတာကို တွေ့ရမှာပါ။

(သုံး)
ဒါဆို နယုန်ဟာ အလုပ်နဲ့လက်မပြတ်တမ်း တက်ကြွလန်းဆန်းနေတဲ့ ရာသီတစ်ခုလို့ ဆိုရမှာပေါ့။ လယ်ထဲမှာ လယ်သမားတွေက ခွန်ပြည့်အားပြည့်နဲ့ လုပ်ကိုင်ဆောင်ရွက်နေကြတယ်။ နွားငေါက်သံတွေ ညံလို့။ ပျိုးနုတ်ဟန်တွေ မြန်လို့။ တချို့က ထွန်ရေးတွေ ငင်နေကြတယ်။ ကောက်စိုက်တွေ ပြိုင်နေကြတယ်။ ဒီလို လုပ်အားယှဉ်ပြိုင်နေတဲ့ကြားက ဆိုဖြစ်အောင် ဆိုလိုက်ကြတဲ့ တေးသီချင်း တကြော်ကြော်ကလည်း မိုးကို ခေါ်နေသလိုပဲနေမှာ။ ဒီတော့ လယ်ကွင်းတွေဟာ လုပ်အားအပြတွေနဲ့ ရုန်းထလှကြွနေတော့တာပေါ့။ လယ်သမားတွေရဲ့ ဒီလိုအပျင်းမဖက်တဲ့ လုပ်အားတွေကြောင့်လည်း ဗုဒ္ဓရဲ့ချီးမွမ်းတာကို ခံခဲ့ရတာ။ အသိအမှတ်ပြု၊ ဂုဏ်ပြုမှတ်တမ်း တင်တာကို ရရှိခဲ့ကြတာ။

ဘုရား ချီးကျူးတဲ့အလုပ်ဖြစ်ခဲ့ကြတာ။ ဒါကဘာလဲဆိုရင် ရဟန်းသံဃာတွေရဲ့ သင်္ကန်းတွေပါ။ တကယ်တော့ သင်္ကန်းတွေဆိုတာ လယ်ယာလုပ်ငန်းခွင်က လယ်သမားတွေကို ဂုဏ်ပြုရာကနေ ထွက်ပေါ်လာတာပဲ မဟုတ်လား။

ဗုဒ္ဓဘုရားက လယ်သမားတွေရဲ့ လုပ်အားအလှကို ဂုဏ်ပြုဖို့ လယ်ကွက်၊ လယ်ကွင်းတွေလို သင်္ကန်းတွေကို ချုပ်ခိုင်းခဲ့တယ်။ ဒါကို ညီတော်အာနန္ဒာက ပုံဖော်ပေးခဲ့တယ်။ ဒီလိုဆိုတော့ တောင်သူလယ်သမားတွေကို ဂုဏ်ပြုပေးတဲ့နေရာမှာ ဗုဒ္ဓကို ဘယ်သူမီပါ့မလဲ။

တောင်သူလယ်သမားနေ့ဆိုတာနဲ့ ဟိုးတစ်ခေတ်က နိုင်ငံတော်အလံရဲ့ စပါးနှံတွေကကော မီမယ်ထင်သလား။ စဉ်းစားသာကြည့်ပေါ့။ ဗုဒ္ဓက လယ်သမားတွေကို ဂုဏ်ပြုပေးတာကြောင့် ရဟန်းသံဃာတွေရဲ့ သင်္ကန်းတွေဟာ လယ်ကွင်းတွေလိုပဲ လယ်ကန်သင်းချုပ်ရိုးတွေနဲ့ အကွက်အမြှောင်းတွေနဲ့ ဖြစ်ကုန်တာ။ ဒီနေ့ထိ ၀တ်ရုံနေတဲ့ သင်္ကန်းဆိုတာ လယ်သမားတွေကို ဂုဏ်ပြုပြီး နောက်ပိုင်းမှ တိကျတဲ့ ချုပ်လုပ်မှုပုံစံတစ်ခုနဲ့ တိတိပပ ပေါ်ထွက်လာခဲ့တာပါ။ လယ်ကွက်ထဲမှာ လယ်ကန်သင်းတွေ အကန့်အကန့် ခြားနေသလို သင်္ကန်းမှာခန်းကြီး၊ ခန်းငယ်တွေနဲ့ ကြည်ညိုဖွယ်ဖြစ်အောင် စနစ်တကျ ပြုပြင်ချုပ်လုပ်ခဲ့ကြတာ။ ဒါဆို လယ်ယာလုပ်ကိုင်နေတာတွေကို ဗုဒ္ဓဘုရားက ကြည့်မြင်ရင်း သင်္ကန်းချုပ်ဖို့ ပြောခဲ့တာဆိုတော့ သင်္ကန်းဟာ နယုန်လနဲ့များ ပတ်သက်နေသလား။
အဲဒီမဇ္ဈိမဒေသ၊ မဂဓလယ်သမားတွေကကော ကျွန်တော်တို့လို နယုန်မှာ စိုက်ကြ ပျိုးကြ လုပ်ခဲ့ကြတာပဲလား။ ဒါကို နည်းမဟာဝဂ်၊ စီဝရုက္ခန္ဓကို ဖတ်တုန်းက မှတ်ထားတာ လေးကို အငေးလေးနဲ့ ဆက်စပ်ပြီး ကျွန်တော် အတွေးနယ်ချဲ့မိနေတာပါ။ နယုန်ဟုတ်၊ မဟုတ်ရယ်ကတော့ သေချာလှတယ်မဆိုနိုင်ပါဘူး။ သေချာတာတစ်ခုကတော့ သင်္ကန်းတွေဟာ လယ်ကွက်တွေကို တုခဲ့တယ်၊ လယ်သမားတွေကို ဂုဏ်ပြုခဲ့တယ်ဆိုတာပါပဲ။

(လေး)
တကယ့်တကယ်က နယုန်လမြေပြင်မှာ မင်းနဲ့ပြည်သူတွေ အလုပ်များနေသလောက် ကောင်းကင်နက္ခတ်တွေမှာတော့ အကြည်ဆိုက်တဲ့သဘောတွေ ဆောင်နေတာပါ။ ရာသီလို့ ခေါ်တဲ့ ကြယ်စုတွေက ယောက်ျား၊ မိန်းမ၊ ဖိုမအစုံကို ဆောင်နေတယ်။ မိထုနံ၊ မေထုန်။ နရယုဂေါ၊ မေထုန်တဲ့။ ယောက်ျား၊ မိန်းမတစ်စုံဟာ မိထုနံ မေထုန်ပါပဲ။ နရယုဂေါကျတော့ အဲဒီနရယုသဒ္ဒါပျက်ပြီး နယုန်ယူတယ်ဆိုတယ်။ အဓိပ္ပာယ်ကတော့ ယောက်ျား၊ မိန်းမအစုံပါပဲ။ နယုန်လရာသီရဲ့ အဇဋာကောင်းကင်မှာ ကြယ်စုတွေကို ကြည့်ရင် ယောက်ျားနဲ့ မိန်းမပုံသဏ္ဌာန် ထင်ယောင်မြင်ယောင်ရတယ် ဆိုကြတယ်။

ဒီထက်ကွန့်မြူးတဲ့ အတွေးအခေါ်အရဆိုရင် လက်တစ်ဖက်က လှံတံ၊ လက်တစ်ဖက်က စောင်းကို ကိုင်စွဲထားတာကို မြင်ကြတယ်။ ဒါကို ဗမာ့စိတ်ကူး၊ ဗမာ့အကြိုက်နဲ့ သဟဇာတဖြစ်ဖို့ ဗမာ့ဒီဇိုင်းအနုပညာရှင်တွေ ကြိုးစားအားထုတ်ခဲ့တာ ရှိသေးတယ်။

မြန်မာ့ဒီဇိုင်းအနုပညာက မေထုန်ရာ သီရုပ်ကို ကိန္နရီ၊ ကန္နရာဖိုမရုပ်နဲ့ ဆန်းသစ်ပြခဲ့တယ်။ ဒါပေမဲ့ ကျွန်တော့်ရဲ့ တစ်စိတ်တစ်ဒေသလောက်ပဲသိတဲ့ ပဒေသဉာဏ်ကတော့ ဒီအဆင့်တွေအထိ မြင်အောင် မကြည့်နိုင်သေးပါဘူး။ အာရုံကျက်စားလို့ရတဲ့ အတွေးအခေါ်တွေလောက်မှာသာ ဉာဏ်စူးကို ကျောက်ချထားနိုင်သေးတာပါ။ ကျွန်တော် ဘယ်အကြောင်းအရာတွေမှာ ကျောက်ချလို့ ပြာလဲ့ကို ဇာချဲ့ရင်း ငေးမိနေသလဲ။

တစ်သီးပုဂ္ဂလကာဖီ

Photo: Youtube

ကိုယ်ကြိုက်ခဲ့တာတွေလည်း ကျန်ခဲ့ပြီလို့ သိရတဲ့အချိန်မှာ လက်ကျန်ခွက်ထဲက ကော်ဖီတွေဟာ အေးစက်ကုန်ပြီ။ ကိုယ့်အတွက်တော့ နေ့တိုင်းဟာ ဆောင်းရာသီဖြစ်ရင် ကောင်းမယ်လို့ တွေးပေမယ့်လည်း ဆောင်းဟာ ကိုယ့်ဆီက ထွက်ပြေးမြဲ။ ဒဏ်ရာရနေတဲ့ ကျားသစ်တစ်ကောင်ဟာ သိပ်ကြောက်ဖို့ ကောင်းတယ်လို့ ကိုယ်တစ်ခါကြားခဲ့ရပြီ။ နောက်တစ်ခါ ကြားရတာက ဘာကိုမှဆုံးရှုံးဖို့ မရှိတော့တဲ့လူနဲ့ ဆာလောင်နေတဲ့လူဟာ ဟောဒီကမ္ဘာပေါ်မှာ ကြောက်စရာအကောင်းဆုံး သတ္တ၀ါတွေတဲ့။ နောက်ထပ် ထပ်ကြားရတာက လျှောက်နေရတဲ့လမ်းဟာ ချောက်ကြီးမှန်းသိသွားပြီး အဲဒီလူဟာ နောက်ကိုပြန်ဆုတ်ဖို့ လုံးဝမဖြစ်နိုင်တော့တဲ့ အခြေအနေဟာ ကြောက်စရာအကောင်းဆုံးပါတဲ့။ အဲဒီစကားတွေသာ အမှန်တရားဖြစ်မယ်ဆို ကိုယ်ဟာ ဒီကမ္ဘာပေါ်မှာ ကြောက်စရာအကောင်းဆုံး သတ္တ၀ါဖြစ်နေမှာမလွဲ။ နွေဦးရေ မင်းစွန့်လိုက်တဲ့ အင်္ကျီကလေးတွေကို တယုတယ သိမ်းထားပါတယ်။ မိုးအေးအေးလေးကျလာတဲ့အခါ ကိုယ်ပြန်ဝတ်ပေးပါရစေကွယ်။ ဆောင်းရောက်တဲ့အခါ ကိုယ်တို့အတူ နွေးထွေးကြတာပေါ့။

ခွက်ကလေးမှာ ကော်ဖီကလေး ပြန်ဖြည့်ပူပူကလေး။ မြူတွေနဲ့ ကော်ဖီခွက်က ထွက်လာတဲ့အငွေ့ကလေးတွေ ပေါင်းစည်းလို့။ မင်းတို့ သိပ်ချမ်းနေမှာပဲ။ ကိုယ်သိပါတယ်။ စပျစ်သီးကလေးတွေရဲ့ မျက်နှာပြင်ပေါ်မှာ ရေငွေ့ကလေးတွေ တွဲနေပုံကိုသာ ကိုယ်သိပါတယ်။ ကိုယ့်ဆီ တွဲခိုနေတဲ့ဒုက္ခတွေ ပင်ပန်းဆင်းရဲမှုတွေကိုတော့ ကိုယ်မမြင်ခဲ့ဘူး။ ကိုယ်ဟာ မြူတွေ တဖြည်းဖြည်း ထွက်သွားကြတာကို ကြည့်နေမိပါတယ်။ သူတို့လေးတွေဟာ ဒီကနေထွက်ခွာကြပြီးတဲ့အခါ နောက်ထပ်ထပ်ကာထပ်ကာ ပြန်ရောက်လာကြဦးမှာပါ။ ကိုယ်ဟာထွက်ခွာခြင်း ခွဲခွာခြင်းကိုသာ အပြည့်အ၀ နားလည်တယ်လို့ ထင်ခဲ့ပါတယ်။ ကိုယ်ကတော့ သူတို့လေးတွေလို နောက်တစ်ခါ ပြန်ရောက်လာချင်မှ ရောက်လာနိုင်မှ ရောက်လာမှာပါ။ ကိုယ်ဟာမြူနှင်းငွေ့တွေမှ မဟုတ်ခဲ့ဘဲ။ ကိုယ်ဟာ လိမ္မော်ပင်ထိပ်က ပင့်ကူအိမ်မှာ ခေတ္တနားခိုနေတဲ့ မြူငွေ့ကလေးမဟုတ်။ ကိုယ်ဟာ ပင့်ကူအိမ်ထဲရောက်နေတဲ့ အင်းဆက်ကောင်လေး တစ်ကောင်လိုပါ။ ရုန်းလေ။ နစ်လေ။ ခဏ။ မြူနှင်းကလေးတွေရေ။ မင်းတို့ နာမည်လေးတွေ ပြောပြခဲ့စမ်းပါ။ ကိုယ်ဟာ မြူနှင်းငွေ့ဆိုတဲ့ စကားလုံးကို မယုံကြည်ဘူး။ သဘောမကျဘူး။ အမှန်အတိုင်း ပြောခဲ့ကြပါလေ။ ကိုယ်ဟာဒီနေရာမှာ နောက်ထပ်တစ်ခါရပ်ပြီး မင်းတို့ကိုကြည့်ဖို့ဆိုတာ လွယ်တဲ့ကိစ္စတော့ မဟုတ်ဘူး။ ကိုယ်ကတိမပေးပါရစေနဲ့။

ဆောင်းဟာလက်ထပ်သွားပြီ။ နိုဝင်ဘာဟာ ကော်ဖီခွက်ထဲမှာတင် ပြီးဆုံးခဲ့။ ကိုယ်ကတော့ အောင်မြင်သူတွေ ရှုံးနိမ့်သူတွေရဲ့ကြားမှာ အေးစက်စက်နဲ့ လျှောက်နေခဲ့လို့။ ကိုယ့်ရဲ့အိပ်မက်တွေသာ ပြည့်နိုင်ခဲ့မယ်ဆိုရင် ကိုယ်အသက်ရှင်နေရတာ ပျင်းရိစရာကောင်းမှာပဲလို့ ကိုယ်တွေးခဲ့ပေမယ့် ကိုယ့်မှာအိပ်မက်တွေမှ မရှိခဲ့တာ။ ကိုယ်ကိုယ်တိုင်ဟာ အိပ်မက်ပါ။ အိပ်မက်တွေအများကြီး လမ်းပေါ်လျှောက်နေကြပေါ့။ တချို့က တိုက်ပေါ်က ခုန်ချလို့။ တချို့က ပိုးသတ်ဆေးတွေ သောက်ပြီး ပျော်ကြလို့။ တချို့က ဘုရားကျောင်းထဲမှာ ဂစ်တာတီးလို့။ တချို့က ကဗျာတစ်ပုဒ်ကို စိတ်ပါလက်ပါဖတ်ရှုလို့။ ပုဂ္ဂလဝေဒနာဆဲလ်တွေဟာ မြို့ကြီးတစ်ခုကို သိမ်းပိုက်လို့။ ပြီးတော့ အိပ်မက်တွေထဲ တစ်ခုပြီးတစ်ခု ၀င်ရောက်ပျံ့နှံ့ကြလို့။ ပြီးတော့ အိပ်မက်တွေဟာ စိတ်ပါလက်ပါ လျှောက်ကြလို့။ အိပ်မက်ဟာ ချောက်နက်ကြီးတစ်ခု မဖြစ်သင့်ကြောင်း ဒသနဆရာများက ရေးခဲ့ကြပြီ။ ကဗျာဆရာများက အိပ်မက်ဟာပြင်းထန်တဲ့ စိတ်အင်အားတစ်ခုဖြစ်ကြောင်း ဖွဲ့ဆိုခဲ့ကြပြီ။ ဟော တေးရေးတေးဆို အဆိုတော်မလေး တစ်ယောက်ကတော့ အိပ်မက်အနုပညာသီချင်းတောင်ဆိုလို့။ တကယ်တော့ အိပ်မက်ဆိုတာ လမ်းတစ်ခုပါကွယ်။ လမ်းရဲ့အဓိပ္ပာယ်ဟာလည်း အိပ်မက်ပဲပေါ့။ အိပ်မက်ဟာ ချောက်နက်ကြီးတစ်ခုဖြစ်ကြောင်း ပြသသူတွေဟာ ဟောဒီကမ္ဘာမြေကြီးပေါ်မှာ မရေမတွက်နိုင်လောက်အောင် များပြားခဲ့ကြပြီကွယ်။ ကိုယ်ဟာ အိပ်မက်လေးတစ်ခုပါ။ နောက်များတော့ ကိုယ်ဟာ အိပ်မက်လေးတစ်ခုဖြစ်ချင်မှ ဖြစ်တော့မှာပါ။ ကိုယ့်ရဲ့လက်ရှိဖြစ်တည်ခြင်းဟာ အိပ်မက်ပါကွယ်။ အိပ်မက်ဟာ အဖြူထည် မဟုတ်သလို အိပ်မက်ဟာ ချောက်နက်ကြီးလည်း မဟုတ်ခဲ့ပါ။ အိပ်မက်ဟာ သန္ဓေသား ဖျက်ချခြင်းမဟုတ်။ အိပ်မက်ဟာ ကျည်တစ်ထောင့်မဟုတ်။ အိပ်မက်ဟာ ချမ်းသာကြွယ်ဝခြင်းမဟုတ်။ အိပ်မက်ဟာ အဲဒီအတိုင်းအိပ်မက် သက်သက်ပါကွယ်။

ကိုယ်ရိုက်ခဲ့တဲ့ ဓာတ်ပုံတွေထဲက ကိုယ့်ရုပ်ကိုယ်ပြန်ကြည့်ပြီး ကိုယ်မှဟုတ်ရဲ့လားလို့ ဇဝေဇ၀ါ အမြဲဖြစ်ခဲ့ရသူဟာ ကိုယ်ပါ။ ကိုယ်ဟာ မင်းရဲ့ဓာတ်ပုံကလေးတွေကို ချိတ်ဆွဲထားပါတယ်။ သေမင်းရေ။ ကိုယ့်ရုပ်ကိုယ်တောင်မှ မမှတ်မိတော့တာ။ ဘာမှတော့ ၀မ်းနည်းကြေကွဲနေစရာ မရှိပါ။ ကိုယ်မရှိတော့တဲ့အခါ ကိုယ့်ရုပ်တွေကိုကြည့်ပြီး အဲဒါကိုယ်ပဲလို့ ညွှန်ပြစွပ်စွဲကြမှာကိုတော့ ကိုယ်အကြောက်ဆုံးပဲ။ ကိုယ်ဟာ အဲဒီပုံထဲက ကိုယ်မှမဟုတ်ခဲ့ဘဲ။ ကိုယ်ဟာ အဲဒီပုံထဲက လူကို မမှတ်မိတော့တာ အသေအချာပါ။ ကိုယ့်ရဲ့ သေတမ်းစာမှာ စာရွက်မရှိ။ ပိုင်ဆိုင်မှုမရှိ ဖြစ်နေတဲ့အခါ ကျန်ရစ်သူများ ၀မ်းမနည်းကြပါနဲ့လေ။ ကိုယ်ဟာ အမြဲတမ်းဦးစားပေး ကျန်ရစ်သူဖြစ်ခဲ့ရပါတယ်။ ကိုယ့်ရဲ့လူဖြစ်ခြင်းမှာ ကျန်ရစ်သူတစ်ယောက်ရဲ့ အဓိပ္ပာယ်ကို လက်တွေ့ကျကျသိနိုင်ဖို့ အစီအစဉ်လည်း ပါခဲ့ပုံရပါတယ်။ ကိုယ်ဟာအမြဲတမ်း ကျန်ရစ်သူဖြစ်ခဲ့ရလို့ ကိုယ်ခံစားသလို ကိုယ့်အဖြစ်လို တခြားကျန်ရစ်သူတွေ ရှိမနေစေချင်ပါ။ ဘယ်လိုကြီး ဖြစ်နေပါစေ။ အသည်းနှလုံးရှိတဲ့ လူတွေဟာ အမြဲတမ်းကျန်ရစ်ကြရမှာပဲ။ ကျန်ရစ်သူတွေ ဖြစ်ကြရမှာပါပဲ။ ဒါပေမဲ့။ ကျန်ရစ်နိုင်သူတွေရဲ့ အသည်းရွှေပေးမရပါကွယ်။ ကိုယ်ကတော့ အဲဒီလို ရဲရဲဝံ့ဝံ့ ပြောချင်ပါတယ်။ ကိုယ်ဟာ ကျန်ရစ်သူတွေ အများကြီးထဲက ကျန်ရစ်သူတစ်ယောက်ပါ။ ကိုယ်ဟာ ကျန်ရစ်သူဖြစ်မြဲမို့ ကိုယ်ထွက်ခွာသွားတဲ့အခါ ကျန်ရစ်သူတွေ ရှိမနေစေချင်ပါ။ ကိုယ်ထွက်သွားတဲ့အခါ မင်းတို့ရယ်ပါလေ။ ပြုံးပါ။ မင်းတို့အပြုံးတွေဟာ ကမ္ဘာကြီးအတွက် သဘာဝရဲ့အကြီးမားဆုံးလက်ဆောင်ပေါ့။ ကိုယ်ထွက်သွားတဲ့အခါ ကိုယ်ဝမ်းသာပြီးပျော်နေမယ်ဆိုတာ ကိုယ်ပြောရဲပါတယ်။ ထွက်သွားတဲ့အခါ ၀မ်းသာကြပါလေ။

ကာဖီပင်ပေါ်က ကာဖီသီးကလေးတွေ နီရဲလို့။ ကိုယ်သွားခဲ့တာတွေ သိပ်များနေတယ်ဆိုတဲ့ အသိဟာ ပထမဆုံး ၀င်လာတာကို သတိထားခဲ့မိပေမယ့် ကိုယ်ငြင်းဆန်ခဲ့ပါတယ်။ ငြင်းဆန်ခြင်းမှာလည်း သတ္တိရှိခဲ့ပါတယ်။ အဲဒီလိုပြောလို့ မင်းသတ္တိများရှိရင် ပြစမ်းပါဆိုတဲ့အသံကို ကိုယ်နောက်ဆက်တွဲ ထပ်ကြားရတော့ ကိုယ့်မှာ အဖြေသုံးခုသာရှိ။ ကိုယ်သေရဲတယ်။ ကိုယ်ချစ်ရဲတယ်။ ကိုယ်ချစ်ခဲ့တယ်။ အဲဒီလို ကိုယ်ယုံကြည်ခဲ့ပါတယ်။ အခုချိန်မှာတော့လည်း ဟုတ်လို့လားဆိုတဲ့ အသိမျိုးကို နောက်ထပ်လက်ခံရရှိခဲ့ပါတယ်။ သေချာမှုများဟာ ဟိုးကကာဖီသီးကလေးတွေလို နီရဲနေကြသလား။ ဒါမှမဟုတ် ကာဖီသီးကလေးတွေလို မမှည့်မီစိမ်းနေကြသလား။ သေချာတာကတော့ ကိုယ့်ခွက်ထဲက ကော်ဖီဟာ အဲဒီ ကာဖီသီးကလေးတွေဆီက လာတာပေါ့။ ပြီးတော့ အဲဒီကာဖီသီးကလေးတွေလို တချို့ကစိမ်း တချို့က နီနီရဲရဲ။ တစ်ပင်တည်းမှာ။ အဲဒီလို ကိုယ်ဟာဖြစ်ပိုင်ခွင့်မရှိဘူးလား။ မသေချာမှုများဟာ သေချာမှုများ ဖြစ်ပါတယ်။ သေချာမှုများဟာလည်း တစ်နည်းအားဖြင့် မသေချာမှုများသာ။ မသေချာမှုတွေနဲ့ ကျန်ရစ်သူဟာ ကော်ဖီတစ်ဝက်လောက်ကို သောက်ပြီးသွားပြီပဲ တန်ပါတယ်လို့ ကိုယ်တွေးခေါ်လိုက်မိပါရဲ့။ ခွက်ထဲက ကော်ဖီတွေကိုသယ်ပြီး အိမ်အောက်ကို ကိုယ်ဆင်းခဲ့ပါတယ်။ ကာဖီပင်ကလေးတွေရေ။ မင်းတို့ ကော်ဖီသောက်ကြည့်မလား။ မပူတော့ဘူးကွယ်။ မင်းတို့အမြစ်ကလေးတွေ အရွက်ကလေးတွေ။ မင်းတို့ကို မထိခိုက်နိုင်ပါဘူးကွယ်။

ကျန်ရစ်သူတစ်ယောက်ရဲ့နေ့များဟာ ပျင်းရိဖွယ်ကောင်းလောက်အောင် တိတ်ဆိတ်ခြောက်ကပ်နေမယ်။ ဒါမှမဟုတ်။ ကိုယ့်အသက်ရှူသံကိုယ်တောင် ကိုယ်ပြန်ကြားရလောက်အောင် ကြောက်စရာကောင်းနေမယ်လို့ ဘယ်သူပြောသလဲ။ လေတိုးသံတွေ တဂျီးဂျီးအော်နေတဲ့ နောက်ဆုံးပေါ် စက်ကိရိယာတွေ။ ချောင်းဆိုးသံတွေ အော်ဟစ်ငိုယိုသံတွေ။ အဲဒါတွေ ဘယ်သူပြောသလဲ။ ကိုယ် မသိပါကွယ်။ ကျန်ရစ်သူတစ်ယောက်ရဲ့ အိတ်ကပ်ကို ဆွဲထုတ်တဲ့အခါ နှစ်မျိုးနှစ်စား တွေ့ရလိမ့်မယ်လို့ ကိုယ်ယုံကြည်ခဲ့တယ်။ ပထမဆုံးဆွဲထုတ်တဲ့အခါ ဆွေးမြည့်လွမ်းဆွတ်မှု။ ဒုတိယ နာကျင်မှု အားမလိုအားမရဖြစ်မှု။ ကျန်ရစ်သူတွေရဲ့ ပထမတန်းစားနေ့ရက်များလို့ ပြောရမယ့်အချိန်များ။ ကိုယ်ဟာ အဲဒီလို ကျန်ရစ်သူတွေထဲက တစ်ယောက်ဖြစ်ခဲ့ပါတယ်။ ကိုယ့်ရဲ့မိတ်ဆွေကလေးဆို အဲဒီကျန်ရစ်မှု နှစ်မျိုးနှစ်စားနဲ့အတူ ပျောက်ကွယ်ခဲ့ပါတယ်။ သေချာတာကတော့ ထွက်ခွာသွားပြီးတဲ့ သက်ရှိသက်မဲ့တွေဟာ ကျန်ရစ်သူတွေကို ၀မ်းမနည်းစေချင်ကြဘူးလို့ ကိုယ်အဲဒီလို ယုံကြည်ခဲ့ပါတယ်။ ယုံကြည်ချက်ဟာ အမှန်တရားဖြစ်တယ်လို့လည်း ကိုယ်ယုံကြည်ခဲ့ပါရဲ့။ နောက်တော့လည်း ကိုယ့်ယုံကြည်ချက်တွေဟာ အငွေ့ပျံသွားတဲ့ ကော်ဖီငွေ့ကလေးတွေလိုပါပဲ။ ကာဖီပင်တွေဟာ အားလုံးမျိုး မတူနိုင်ကြပါ။ အပင်ရဲ့ ဖွဲ့စည်းတည်ဆောက် ပုံစံလည်း မတူညီနိုင်ကြပါ။ အပင်ရဲ့ဖွဲ့စည်း တည်ဆောက်ပုံကွဲပြားမှုနဲ့အတူ ကာဖီသီး ကလေးတွေအတွက် အစာကြောရေကြော အဟာရထောက်ပံ့မှုနှုန်း ပါဝင်မှုနှုန်းပမာဏများဟာ မတူညီနိုင်ကြပေမယ့် ကာဖီပင် ကလေးတွေကတော့ ကာဖီသီးကလေးတွေ သီးကြတယ်လေ။ အဲဒါကြောင့်လည်း ကိုယ်ဟာ ကော်ဖီသောက်နိုင်တာပေါ့။ ကိုယ်ဟာ ကျန်ရစ်သူတစ်ယောက်အနေနဲ့ ကျန်ရစ်သူတွေရဲ့ အိပ်ကပ်ထဲကအရာတွေကို ကိုယ်တိုင်သိရှိခဲ့ပါတယ်။ နှစ်မျိုးနှစ်စားမက ကိုယ်သိခဲ့ရပါတယ်။ ကျန်ရစ်သူများဟာ ပထမတန်းစား နေ့ရက်များကို ပိုင်ဆိုင်ကြပြီးတဲ့အခါ သူတို့တွေရဲ့ အိတ်ထဲကအရာတွေကို ကြည့်လိုက်ပါ။ အများကြီး ရှိနေနိုင်ပါတယ်။ ကိုယ်ကတော့ ပထမတန်းစားနေ့များအတွက် နောင်တရသလို ဂုဏ်လည်းယူမိပါရဲ့။ အေးတိအေးစက်နေ့များ။ အရာများ။ နားလည်ပေးစေလိုပါတယ်။ ကိုယ်ဟာ ထွက်သွားသူတစ်ယောက်ရဲ့ စာသားကိုမမေ့ခဲ့ပါ။ “ပန်းတွေဟာ အရောင်ရနံ့မတူလို့ ရန်မဖြစ်ကြပါ” တဲ့ကွယ်။ ကိုယ်ဒီနေ့ယုံကြည်မိတဲ့အရာတွေဟာ မနက်ဖြန်အတွက်တော့ အမှန်တရားဟုတ်ချင်မှ ဟုတ်ပါလိမ့်မယ်။ ကိုယ်ကတော့ အခုတစ်လော ဒီလိုယုံကြည်နေမိတယ်လေ။

ကိုယ့်ကော်ဖီခွက်ကလေး အမြဲနွေးနေ ရင်သိပ်ကောင်းမှာပဲလို့ ကိုယ်အမြဲတွေးမိပါတယ်။ မှန်မကြည့်ချင်ပါ။ သွားလည်းမတိုက်ချင်ပါ။ လမ်းလျှောက်လည်း မထွက်ချင်ပါ။ ကော်ဖီပူပူကလေးတစ်ခွက်သာ ကိုယ်လိုချင်မိပါရဲ့။ ကိုယ့်ရဲ့အာသာဖြေမှုက ကော်ဖီပဲ။ ကိုယ့်ရဲ့ အာသာပြေမှုကိုလည်း ကော်ဖီကပဲ ပေးစွမ်းနိုင်ရဲ့။ ကိုယ်ဟာ ကော်ဖီချစ်သူပါကွယ်။ ကိုယ့်မှာရှိတဲ့လေးလံမှုများဟာလည်း ကိုယ်နဲ့အသားကျလို့။ ကော်ဖီသောက်တဲ့အခါ မျက်နှာဖုံးတပ်ရန်မလိုပါ။ ဟန်ဆောင်ပြုံးပြဖို့လည်းမလိုပါ။ ဒီနေ့ဟာစနေ။ အလုပ်အားတယ်။ သူငယ်ချင်းတို့ရေ ကိုယ့်ဆီဒီနေ့တော့ မလာကြနဲ့ကွယ်။ ကိုယ်တစ်ယောက်ပဲ။ ကော်ဖီပူပူလေးဖျော်ပြီး သောက်ပါရစေ။ ကော်ဖီပူပူကလေးသောက်ပြီး ငွေကြေးရဲ့မောက်မာမှုတွေကို လှောင်ရယ်ပါရစေ။ ကိုယ်မပိုင်တဲ့နေ့များရဲ့ အရှင်သခင်ငွေ။ ကိုယ်အားပါးတရ ရယ်ပါရစေ။ ကိုယ်ဟာ အခုထိကော်ဖီသောက်ဖို့ စိတ်ကူးသာရှိပါတယ်။ ကော်ဖီခွက်ရှိရာကိုလည်း မသွားသေးပါ။ ကိုယ့်ကိုဒီနေ့တော့ ပေါ့ပါးခွင့်ပြုကြပါလေ။ ကော်ဖီထုပ်ကလေးတွေ ကျန်သေးသလား ကိုယ်မသိပါ။ ကိုယ်ကတော့ ဒီနေ့ကော်ဖီသောက်မှဖြစ်မယ်လေ။

ကိုယ်ကော်ဖီခွက်ပူပူကလေးကိုင်ပြီး အိမ်ရှေ့ကို ထွက်ခဲ့ပါတယ်။ ကိုယ်ဟာ ကျန်ရစ်သူတွေရဲ့နေ့များစွာထဲက နေ့တစ်ခုကို လက်ရှိပိုင်ဆိုင်သူပေါ့။ ကိုယ်ဟာကော်ဖီပူပူလေးကို သောက်ရတဲ့အခါတိုင်း ကာဖီပင်ကလေးတွေကို သတိရမိပါတယ်။ ကာဖီပင်ကလေးတွေဟာ အခုလောက်ဆို ငြိမ်သက်နေကြမှာပေါ့။ ကိုယ်ဟာ ကော်ဖီခွက်ကလေးကိုမော့ပြီး သောက်လိုက်ပါတယ်။ ပါးစပ်ထဲ ကော်ဖီပူပူတွေ ရောက်မလာတော့မှ ခွက်ထဲကို ကိုယ်ငုံ့ကြည့်မိတယ်။ ကျန်ရစ်သူရဲ့ကိုယ်ပိုင် မရှိမဲ့ရှိမဲ့ အားလပ်ရက် စနေနေ့ကလေးကို မတွေ့ရပါ။ ကော်ဖီရည်ပူပူတွေကိုလည်း ကိုယ်မတွေ့ရတော့ပါ။ ကော်ဖီပူပူလေးတွေနဲ့အတူ ကိုယ့်ရဲ့ အားလပ်ရက် စနေနေ့ကလေးဟာလည်း ပျောက်ကွယ်သွားတယ်ဆိုတာ ကိုယ်သိပါတယ်ကွယ်။ ကိုယ်ကော်ဖီထပ်သောက်ဖို့ အိမ်ထဲတက်ဖို့စိတ်ကူး လောလောဆယ် မရှိတော့ပါ။ ကာဖီပင်တွေရှိရာလည်း သွားဖို့စိတ်ကူးမရှိတော့ပါကွယ်။ ကျန်ရစ်သူတစ်ယောက်ရဲ့ နေ့လေးကို ပုရွတ်ဆိတ်ကလေးတွေကြားမှာ လဲလျောင်းငြိမ်သက်နေတဲ့ကော် ဖီခွက်ကလေးပေါ်မှာ တွေ့နိုင်ပါတယ်။ အကြောင်းကတော့ ကိုယ်ကော်ဖီခွက်ကလေးကို ရိုက်ခွဲခဲ့မိပြီလေ။