လူလိမ်ပွဲစားတွေကြောင့် မြ၀တီမှာသောင်တင်ပြီး ဒုက္ခရောက်ရသည့် မြန်မာရွှေ့ပြောင်းလုပ်သားများ

ထိုင်းနိုင်ငံသို့ သွားရောက်လုပ်ကိုင်မည့် MoU မြန်မာလုပ်သားအချို့ကို မြ၀တီမြို့ စစ်ဆေးရေးဂိတ်တွင် တွေ့ရစဉ်

အိမ်၊ ခြံ ပေါင်နှံပြီး တစ်ဖက်နိုင်ငံမှာ အလုပ်သွားလုပ်ဖို့ နေရပ်စွန့်ခွာခဲ့ကြပေမဲ့ အပြောကြွယ်သူ လူလိမ်ပွဲစားတွေကြောင့် မြ၀တီမှာသောင်တင်ပြီး ဒုက္ခရောက်နေရတဲ့ မြန်မာရွှေ့ပြောင်းလုပ်သားတွေ အများအပြား ရှိနေပါတယ်။

ယခင်က ထိုင်းနိုင်ငံသို့အထောက်အထားမဲ့ သွားရောက်လုပ်ကိုင်ခဲ့ကြပေမဲ့ ယခု ၂၀၁၃ ခုနှစ်နောက်ပိုင်းမှာ နှစ်နိုင်ငံ သဘောတူညီချက်နဲ့ MoU လုပ်သားတွေအဖြစ်သာ သွားရောက်လုပ်ကိုင်ခဲ့ကြပါတယ်။ MoU စနစ်ကို ခုတုံးလုပ်ပြီး တရားဝင်သဖွယ် လူကုန်ကူးသူတွေရှိသလို တရားမ၀င် လူကုန်ကူးသူတွေလည်း ရှိတယ်။

ယခု မြ၀တီမှာ သောင်တင်ပြီး ဒုက္ခရောက်နေသူတွေကတော့ MoU ကို ခုတုံးလုပ်ပြီး ပွဲစားဆိုသူက တရားဝင်ရော တရားမ၀င်ပါ ပို့ဆောင်ခြင်းမရှိဘဲ လိမ်လည်ရှောငပြေးသွားတဲ့အတွက် မြ၀တီမှာ သုံး-လေးလ တိုင်တိုင်သောင်တင်နေခဲ့တာ ဖြစ်ပါတယ်။

မိမိနေရပ်တွေမှာ အလုပ်အကိုင် ရှားပါးခြင်းနဲ့ အလုပ်ရှိပြန်တော့လည်း မိသားစုဝင်ငွေက ၀မ်းဝရုံသာရရှိပြီး ခါးလှဖို့၊ လှူဖို့တန်းဖို့ ကျန်းမာရေးစောင့်ရှောက်ဖို့ ပိုပိုလျှံလျှံမရရှိကြတဲ့အတွက် အများနည်းတူ ထိုင်းနိုင်ငံမှာ အလုပ်သွားလုပ်ဖို့ ဆုံးဖြတ်ခဲ့ကြတာလို့ ဆိုတယ်။

မြန်မာနိုင်ငံအလယ်ပိုင်း မန္တလေးတိုင်းဒေသကြီး သာစည်မြို့နယ် သာဂရကျေးရွာ အုပ်စုသုံးပတ်လည်ကျေးရွာမှ ရွာသား ၂၈  ဦးကတစ်ဖွဲ့နဲ့ ရခိုင်ပြည်နယ် ရသေ့တောင်မြို့ နယ်ဖြူချောင်းကျေးရွာက အမျိုးသား အမျိုးသမီး ၁၁ ဦးတို့မှာ နေစရာလည်း အိမ်မရှိ၊ စားစရာလည်း ဆန်မရှိပေမဲ့ သူတို့ကို ပို့ဆောင်ပေးမယ့်၊ သူတို့ဆီက ငွေတွေယူသွား သူကိုစောင့်ဆိုင်းရင်း ဒုက္ခပင်လယ်ဝေနေရတယ်လို့ ဆိုပါတယ်။

ရခိုင်ပြည်နယ်၊ ရသေ့တောင်မြို့နယ် ဖြူချောင်းကျေးရွာမှ မိသားစုအလိုက် မြ၀တီမှာ သောင်တင်နေသူ ဦးအောင်ရွှေလှိုင်က  “ရခိုင်မှာ လယ်လုပ်ကြပါတယ်။ ကိုယ်ပိုင်လယ်ယာပါပဲ။ တစ်နှစ်မှတစ်ကြိမ်သာရတဲ့ ၀င်ငွေနဲ့ ၀မ်းဝပေမဲ့ ခါးလှဖို့ လိုတာကြောင့် အများနည်းတူ ထိုင်းမှာ သွားလုပ်မယ်ဆိုပြီး လယ်ယာလုပ်ငန်းခွင်ကိုစွန့်ကာ မိသားစု လေးယောက်လာခဲ့ကြတာပါ။ အရင်ရွာကလူတွေ သွားထားတဲ့ ပွဲစားနဲ့ ချိတ်ဆက်တယ်။ ကျသင့်ငွေကို ဒီခုငှားနေတဲ့ အိမ်မှာပဲ ပေး လိုက်ကြပါတယ်။ အားလုံး ၁၁ ယောက်အတွက်။ ကိုယ်တို့မိသားစုအနေနဲ့တော့ သိန်းလေး၊ ငါးဆယ်ကုန်သွားပါပြီ။ ငွေသွင်းပြီး၂၅ ရက်ကြာရင် သွားရမယ်ဆိုပေမဲ့ ခုတော့ သုံးလကျော်သွားပါပြီ။ အဆက်သွယ်လည်း မရတော့ပါဘူး။ အတော်ဒုက္ခရောက်နေကြပါပြီ” လို့ ဆိုတယ်။

အဆိုပါ ရခိုင်ပြည်နယ်၊ ရသေ့တောမြို့နယ် ဖြူချောင်းကျေးရွာမှ မြ၀တီမှာ လာရောက်သောင်တင်နေသူတွေက မြ၀တီမြို့၊ အမှတ် (၃) ရပ်ကွက်၊ ကျွန်းတောနေ ကိုစိုးထွန်း (ခ) ကိုစိုးထွဋ်ဆိုသူအား ထိုင်းနိုင်ငံသို့ တရားဝင် အလုပ်သွားလုပ်ဖို့အတွက် တစ်ဦးလျှင် ကျပ် ၁၀၁၃၀၀၀ စီပေးထားကြတယ်လို့ ဆိုပါတယ်။

“ရခိုင်ပြည်နယ်မှာက လယ်အလုပ်ရယ်၊ ငါးလုပ်ငန်းရယ်ပဲ လုပ်ကြတာပါ။ ၀င်ငွေနဲ့ ထွက်ငွေ မမျှတာရယ်။ စားဝတ်နေရေး အခြေအနေတွေ မကောင်းတာရယ်ကြောင့်ပါ။ ထိုင်းနိုင်ငံမှာ အလုပ်သွားလုပ်ယ်ဆိုပြီး မြ၀တီကို တက်လာခဲ့ကြတာ။ မြ၀တီရောက်တော့ ထိုင်းကို ယခင်ကသွားဖူးတဲ့ ကိုယ့်ရွာသားနဲ့ ဆက်သွယ်တယ်။ သူတို့ကလည်း ယပွဲစားဖုန်းနံပတ်ပေးတယ်။ အဆက်အသွယ်ရတယ်။ ကိုစိုးထွန်းဆိုသူပေါ့။ သူကပြောတယ် တရားဝင် MoU နဲ့ ပို့ပေးမယ်ပေါ့။ ကုမ္ပဏီနဲ့ချိတ်ဆက်ဆောင်ရွက်မယ်။ ငွေပေးပြီးတဲ့နောက် ၂၅ ရက်ကြာရင် ထိုင်းကိုသွားရတော့မယ်ပေါ့။ လူ ၁၁ ယောက်ဆိုတော့ သိန်း ၁၀၀ ကျော် ပေးလိုက်ကြပါတယ်။ ကိုယ်ပိုင်ငွေတော့ မဟုတ်ပါဘူး။ သူငယ်ချင်းတွေဆီကနေ ချေးထားတာပါ။ ထိုင်းကိုရောက်ရင် အလုပ်လုပ်ဆပ်မယ်ပေါ့၊ ခုလိုအလိမ်ခံရတော့ သူငယ်ချင်းတွေကိုလည်း မျက်နှာပျက်ရ။ မိဘကိုလည်း လုပ်မကျွေးရ၊ ကိုယ်တိုင်လည်း စားသောက်ရေး အခက်အခဲနဲ့ အတော့်ကို ဒုက္ခရောက်နေတာပါ” ဟုကိုနေဆန်းဦးက ပြောဆိုခဲ့ပါတယ်။

ထို့အတူပါပဲ။ မြန်မာနိုင်ငံ အလယ်ပိုင်း သာစည်မြို့နယ် သာဂရကျေးရွာအုပ်စု သုံးပတ်လည်ရွာမှ လူငယ် ၁၁ ဦးဟာ မြ၀တီမြို့က ပရဟိတ ကိုဝင်းဇော်နဲ့ ချိတ်ဆက်ပြီး အောက်တိုဘာ ၁၇ ရက် ညနေ ၅ နာရီက မြ၀တီမြို့သို့  ရောက်ရှိလာကြပါတယ်။

၎င်းတို့ရွာသား ၂၈ ဦးအား ပွဲစား ကျော်စိုးဆိုသူက ထိုင်းသို့အလုပ်ရအောင် ဆောင်ရွက်ပေးမည်ဟုဆိုကာ ငွေများလိမ်လည်ယူသွားတာကို လူကုန်တားရုံးသို့ လာရောက်တိုင်ကြားဖို့ ရောက်ရှိလာတာလို့ သိရပါတယ်။

“ကျွန်တော်တို့အားလုံး ၂၈ ယောက်ပါ။ သုံးပတ်လည်ရွာသားတွေချည်းပါပဲ။ ကျွန်တော်တို့ရွာက နယ်ခံရွာသား ကျော်ကျော်က ထိုင်းနိုင်ငံ ‘နခွတ်ပထုံ’ မြို့နယ်က ကြေးဝိုင်ယာကြိုးထုတ်တဲ့စက်ရုံမှာ အလုပ်လုပ်နေပြီး စက်ရုံမှာ အလုပ်သမားလိုကြောင်း လူကြုံ နဲ့ပြောတာကြောင့် မော်လမြိုင်က ပွဲစား မစိုးဇာဇာနဲ့ ပတ်စ်ပို့လုပ်ပြီး လာကြဖို့မှာတဲ့အတွက် ၂၀၁၈ ခု ၄ လပိုင်း ၁ ရက်နေ့မှာ စုစုပေါင်း ရွာသား ၂၈ ဦးက ပွဲစားဖြစ်သူ မစိုးဇာဇာကို တစ်ဦးကို ကျပ် ၃၀၀,၀၀၀ စီ ၂၈ ဦး လုံးပေးလိုက်ပြီး ရန်ကုန်မှာ ပတ်စ်ပို့လုပ်ပေးပါတယ်။ ပြီးတော့ ၄ လပိုင်း ၂၅ ရက်မှာ ရန်ကုန်က ကုမ္ပဏီတစ်ခုနဲ့စာချုပ်ချုပ်မယ်ဆိုလို့  ရန်ကုန်ကို သွားခဲ့ပေမယ့် စာချုပ်မချုပ်ခဲ့ရပါဘူး။ နောက်တစ်ခါ စာချုပ်ချုပ်ဖို့ခေါ်ပြန်တာကြောင့် ရန်ကုန်ကို ၅ လပိုင်း ၂၂ ရက်မှာ ထွက်လာခဲ့ပြီး မြောက်ဒဂုံက ပင်လုံခန်းမမှာ မစိုးဇာဇာရဲ့မောင်ကျော်စိုးဆိုသူက တစ်ဦးကို ကျပ် ၅၀၀,၀၀၀ သိန်းစီထပ်တောင်းလို့ ပေးလိုက်ရပါတယ်။ ဒီတော့ တစ်ဦးကို စုစုပေါင်း ကျပ် ၈၀၀,၀၀၀ စီ ပေးလိုက်ရတာပေါ့။ ဒီငွေတွေကိုလည်း ရွာမှာ တစ်ရာ တစ်ဆယ်တိုးနဲ့ ချေးပေးလိုက်ရတာပါ။ နောက်တော့ စာချုပ်လည်း မချုပ်ဖြစ်ဘဲနဲ့ မစိုးဇာဇာနဲ့ သူ့မောင်ကျော်စိုးတို့ဟာ ဘယ်လိုမှဆက်သွယ်လို့မရတော့ဘဲ မြ၀တီဘက်ကို ရှောင်တိမ်းသွားတာကြောင့် အခုလိုမြ၀တီထိ လာရောက်တိုင်ကြားတာပါ” လို့ ကိုဇော်ဝမ်းဆိုသူက ပြောဆိုခဲ့ပါတယ်။

သာစည်မြို့နယ် သုံးပတ်လည်ရွာသား စုစုပေါင်း ၂၈ ဦးထံမှ တစ်ဦးလျှင် ၈၀၀၀၀၀ နှုန်းနှင့်စုစုပေါင်း ၂၂၄ သိန်းကို မစိုးဇာဇာနှင့် မောင်ဖြစ်သူ ကျော်စိုးတို့မောင်နှမနှစ်ဦးရဲ့ အပြောကြွယ်မှုကို အယုံလွယ်မိတဲ့ သုံးပတ်လည်ရွာသား မြန်မာရွှေ့ပြောင်းလုပ်သားတွေဟာ ဒုက္ခတွေနဲ့ ဝေနေရပါပြီ။

သုံးပတ်လည်ရွာသား ကိုဝေလင်းထူးက “ကျွန်တော်တို့က ငွေရှိတဲ့သူတွေ မဟုတ်ပါဘူး။ လက်လုပ်လက်စားတွေပါ။ ကိုယ့်နိုင်ငံမှာ စက်ရုံအလုပ်ရုံ လောက်လောက်လားလား မရှိ၊ ရှိ ပြန်တော့လည်း လုပ်အားခက တစ်နေ့ ၄၈၀၀ ကျပ်တည်းရယ်။ စားမလောက်ဘူး။ ဒီတော့ တစ်နေ့ ၁၅၀၀၀ လောက်ရတဲ့ ထိုင်းကိုသွားမယ်ပေါ့။ ပွဲစားကျော်စိုးဆိုတာ  အရင်ကလည်း ရွာသားတွေကိုပို့ဖူးတယ်။ ရွှန်းရွှန်းဝေနေတဲ့ စကားတွေကို ယုံမှတ်လို့ ပုံအပ်လိုက်တယ်လို့ ပြောရမလား၊၊ တစ်ယောက် ရှစ်သိန်းပေးထားကြပါတယ်။ ခုခြောက်လကျော်လာပြီ။ ဖုန်းအဆက်အသွယ်လည်း မရပါဘူး။ သူများဆီက အတိုးနဲ့ချေးထားတာပါ။ ငါးကျပ်တိုး။ မပေးနိုင်ရင် လက်ရှိအဖေတို့၊ အမေတို့ နေတဲ့ ခြံဝိုင်းနဲ့ အိမ်ကို ပေးရတော့မယ်။ သူတစ်ပါးရဲ့ မိသားစုဘ၀ အသိုက်အမြုံ ပျက်စီးအောင် လိမ်လည်လှည့်ဖျားတဲ့ လူလိမ်ပွဲစားတွေကို ဥပဒေနဲ့ ဆုံးမစေချင်ပါတယ်” ဟု ၀မ်းနည်းစွာ ရင်ဖွင့်လာပါတယ်။

မြန်မာနိုင်ငံ နေရာအနှံ့အပြားက လူရွယ်လူငယ်တွေဟာ မိမိနိုင်ငံမှာဝင်ရောက် လုပ်ကိုင်ကြမယ့် အလုပ်ရုံစက်ရုံ လောက်လောက်ငင မရှိလေတော့ တစ်ဖက်အိမ်နီး ချင်းနိုင်ငံသို့သာ ထွက်ခွာလုပ်ကိုင်ဖို့ စိုင်းပြင်းနေကြပါတယ်။

လူငယ်တွေရဲ့ အလုပ်လုပ်ချင်စိတ်၊ မိသားစုဘ၀ ဖြည့်ဆည်းလိုစိတ်တွေကို လူလိမ်ပွဲစားတွေက အခွင့်ကောင်းယူပြီး လူသားချင်း၊ ကိုယ်နိုင်ငံသားချင်းစာနာစိတ်မရှိဘဲ လိမ်လည်လှည့်ဖြားနေကြခြင်းရယ်ပါ။

တချို့က ကုမ္ပဏီကို ခုတုံးလုပ်တယ်။ တချို့က MoU  ကို ခုတုံးလုပ်ပြီး Demand မရှိဘဲ လူ (အလုပ်သမား) ပို့ဆောင်တယ်။ ထိုင်းကိုရောက်တော့ လုပ်သားတွေကို ဟိုစက်ရုံ လေးငါးယောက်၊ ဒီစက်ရုံ လေးငါးယောက် ဆီးသီးဗန်းလိုက်ရောင်းသလိုပို့ပြီး အလုပ်အတည်တကျမရဘဲ နေရပ်သို့ ပြန်ရောက်လာသူများလည်း အများအပြား ရှိနေပါတယ်။

ဒါကြောင့်မို့လို့ ထိုင်းနိုင်ငံအတွင်းမှာ ဆယ်စုနှစ်တစ်ခု ကျော်နေထိုင်ပြီး အလုပ်သမားအရေး ကူညီဆောင်ရွက်ပေးခဲ့သူ ဦးကျော်သောင်း (MAT) က “MoU စနစ်ကို သုံးသပ်ပြင်ဆင်ရပါမယ်။ ခုအနေအထားကတော့ MoU စနစ်ဟာ တရားဝင် လူကုန်ကူးနေတာ ဖြစ်ပါတယ်” လို့ ဆိုပါတယ်။

 

သင်္ကဿနဂိုရ်မြို့မှ အစပြုခဲ့သည့် မီးထွန်းပွဲတော်ကို ဖြတ်သန်းကြည့်ခြင်း

၂၀၁၇ ခုနှစ် သီတင်းကျွတ်ကာလက ပြုလုပ်ခဲ့သည့် ရေကျော်ပွဲဈေးမြင်ကွင်း

အိန္ဒိယနိုင်ငံ၌ သင်္ကဿနဂိုရ်ဟု အမည်ရသည့် မြို့တစ်မြို့ရှိခဲ့ဖူးသည်။  မျက်မှောက်ခေတ်အရ ဒီမြို့တည်ရှိသည့် နေရာသည် အိန္ဒိယနိုင်ငံ ဖာရပ်ခါဘတ်မြို့အနီးတွင်ရှိသော သံကိသ-၀သန္တပုရဟုအမည်ရှိ ရွာလေး၌ဖြစ်ကြောင်း  ၁၈၄၂ ခုနှစ်၌ ဗြိတိသျှလူမျိုး ကျောက်စာဝန် အလက်ဇန္ဒရားကမ်းနီဟမ်က ရှာဖွေဖော်ထုတ်ထား၏။ ဒီနေရာသည် မြတ်စွာဘုရားရှင်တိုင်း မစွန့်သော အ၀ိဇဟိတဌာန ( မရွှေ့ပြောင်းသော အထိမ်းအမှတ်နေရာ) လေးနေရာအနက်မှ တစ်ခုလည်း ဖြစ်သည်။ မည်သည့်အတွက်ကြောင့် သင်္ကဿနဂိုရ်မြို့သည် အ၀ိဇဟိတဌာန လေးနေရာအနက်မှ တစ်ခုဖြစ်ခဲ့ပါသနည်း။

လွန်ခဲ့သည့် နှစ်ပေါင်း ၂၆၀၀ ကျော် ကာလတွင်ဖြစ်ပြီး သင်္ကဿနဂိုရ်မြို့၏ မြို့ဝင်တံခါးဝတွင်ဖြစ်၏။ ကောင်းကင်၌ ငွေလ၀န်းသည် တောက်ပစွာဖြင့် ရွှန်းလဲ့ဝင်းလက်စွာ တည်ရှိနေသဖြင့် ညအချိန်သည် အလွန်တရာ လှပနေခဲ့ပြီး ကောင်းကင်နှင့် မြေပြင်အကြားတွင် ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းသုံးခုတို့ကလည်း အဆန်းတကြယ် တည်ရှိနေ၏။ မြတ်စွာ ဘုရားရှင်၏ တပည့်ကြီးဖြစ်ပြီး ဥာဏ်ပညာအရာတွင် ဘုရားရှင်နောက်တွင် အထူးချွန်ဆုံးဖြစ်သည့် ရှင်သာရိပုတ္တရာမထေရ်မြတ်နှင့် ရဟန်းသံဃာများ၊ ရှင်ဘုရင်နှင့် သင်္ကဿနဂိုရ်မြို့သူမြို့သားများကလည်း စောင်းတန်းကြီး သုံးခုအနီးတွင် ကြီးကျယ်မြင့်မြတ်သည့် ပုဂ္ဂိုလ်တစ်ဦးအား စောင့်ဆိုင်းနေဟန် ရှိနေသည်။

ထိုအချိန်တွင် စောင်းတန်းသုံးခုတွင် အလယ်စောင်းတန်းဖြစ်သည့် ပတ္တမြားစောင်းတန်းမှ လောကသုံးပါး၌ အမြတ်ဆုံးသော မြတ်စွာဘုရားရှင်သည် တာဝတံသာ နတ်ပြည်၌ အဘိဓမ္မာတရား ဟောကြားခဲ့ပြီးနောက် နတ်ဗြဟ္မာများ ခြံရံမှုနှင့်အတူ ကြွချီလာခဲ့၏။  သင်္ကဿနဂိုရ်မြို့တံခါးဝအနီး ကြိုဆိုနေကြသည့် လူပရိသတ်များကလည်း မြတ်စွာဘုရားရှင်ကို ဆီမီးများ၊ ပန်းနံ့သာများဖြင့် ကြိုဆိုပူဇော်ခဲ့ကြပြီး ထိုအချိန်က သင်္ကဿနဂိုရ်မြို့၏ မြင်ကွင်းသည် ကမ္ဘာပေါ်တွင် အလှပဆုံး၊ အလင်းလက်ဆုံး ဖြစ်ခဲ့ပေလိမ့်မည် ဖြစ်သည်။ ဒါသည် အ၀ိဇဟိတ ဌာနလေးနေရာအနက်မှ တစ်ခုအဖြစ် သင်္ကဿနဂိုရ်မြို့ကို သတ်မှတ်ခဲ့သည့် အချိန်လည်းဖြစ်ပြီး မြန်မာတို့၏ လသတ်မှတ်မှုအရ သီတင်းကျွတ်လတွင် ဖြစ်ခဲ့ခြင်းလည်း ဖြစ်၏။

ထိုအချိန်မှစတင်၍ ဗုဒ္ဓဘာသာတို့ထံတွင် သီတင်းကျွတ်လရောက်တိုင်း ဆီမီးထွန်း၍ မြတ်စွာဘုရားရှင်အား ရည်စူးပူဇော်သည့် ဓလေ့တစ်ရပ် ပေါ်ထွန်းလာခဲ့ခြင်းဟု ဆိုနိုင်ပြီး အထူးသဖြင့် မြန်မာပြည်သူပြည်သားများသည် လွန်ခဲ့သည့် နှစ် ၁၀၀၀ လောက်ကပင် ဒီဓလေ့ကို အစဉ်အဆက် ထိန်းသိမ်းခဲ့ကြသည်။ သီတင်းကျွတ်လသည် တန်ခူးလမှစသည့် မြန်မာလများထဲတွင် သတ္တမမြောက်ဖြစ်ပြီး ဥပုသ်သီတင်းသီလများ အထူးစောင့်ထိန်းကြသည့် ၀ါတွင်းကာလအပြီး သီတင်းကျွတ်လပြည့်ကျော်တစ်ရက်တွင် သီတင်းကျွတ်ခြင်းကြောင့် သီတင်းကျွတ်လဟု ခေါ်ဆိုခြင်းဖြစ်ကြောင်း ဝေါဟာရလီနတ္ထဒီပနီကျမ်း၌ ရေးသားထားမှုအရ သိခွင့်ရခဲ့သည်။

မြန်မာနိုင်ငံရှိ ဗုဒ္ဓဘာသာဝင်တို့အတွက် သီတင်းကျွတ်ကာလသည် အလှူဒါနများပြုလုပ်ခြင်းများ၊ ပွဲလမ်းသဘင်များ ပြုလုပ်ရာ ကာလတစ်ခုဖြစ်ပြီး အထူးသဖြင့် မြတ်စွာဘုရားရှင်အား ဆီမီးများဖြင့် ပူဇော်ခြင်းသည် ဒီကာလ၏ အဓိကအဓိပ္ပာယ် သတ်မှတ်ချက်တစ်ခုလည်း ဖြစ်၏။  ထို့ပြင် သီတင်းကျွတ်လပြည့်နေ့အား အဘိဓမ္မာ အခါတော်နေ့ဟုလည်း ခေါ်ဆိုကြပြီး ထိုကဲ့သို့ ခေါ်ဆိုရခြင်းမှာ ခိုင်မာသည့် အကြောင်းရင်းတစ်ရပ်ကြောင့်လည်း ဖြစ်သည်။

သီတင်းကျွတ်လမတိုင်မီ ၀ါတွင်းသုံးလတာကာလတွင် မြတ်စွာဘုရားရှင်သည် တာဝတိံသာနတ်ပြည်၌ နတ်သားဖြစ်နေသည့် ယခင်ဘ၀က မိခင်တော်စပ်ခဲ့ဖူးသူ မယ်တော်မိနတ်သားအား မွေးကျေးဇူးဆပ်သည့်အနေဖြင့် အဘိဓမ္မာတရားတော်အား ဟောကြားခဲ့ကြောင်း ဗုဒ္ဓ၀င်ကျမ်းဂန်များတွင် ရေးသားထားမှုအရ သိရ၏။ ထိုသို့ မြတ်စွာဘုရားရှင်၏ တရားဟောကြားပြသမှုကြောင့် မယ်တော်မိနတ်သားသည် အပါယ်တံခါးပိတ်ရာ အရိယာအဖြစ်သို့ ကျွတ်တမ်းဝင်ခဲ့သည့်အတွက် ဘုရားရှင်သည် မိဘကျေးဇူးကို အကျေဆပ်နိုင်ခဲ့သည့် အချိန်ကာလတစ်ခုလည်းဖြစ်သည်။ ထို့ကြောင့် မြတ်စွာဘုရားရှင် အဘိဓမ္မာတရားတော်အား ဟောကြားပြီး လူ့ပြည်သို့ ပြန်လည်ကြွချီလာခဲ့သည့် သီတင်းကျွတ်လပြည့်နေ့အား အဘိဓမ္မာအခါတော်နေ့အဖြစ် သတ်မှတ်ကြခြင်းလည်းဖြစ်ကြောင်း သိရ၏။

မြန်မာနိုင်ငံ၌ သီတင်းကျွတ်လပြည့်နေ့ မတိုင်မီတစ်ရက်အလိုမှ လပြည့်ကျော်တစ်ရက်နေ့အထိ ညစဉ် ဗုဒ္ဓဘာသာဝင်တို့၏ အိမ်များတွင် ဆီမီးများ ထွန်းညှိထားသည်ကို လှပစွာမြင်တွေ့နိုင်မည်ဖြစ်သည်။ ထို့ပြင် လမ်းများတွင်လည်း မီးပုံးများ၊ မီးသီးများဖြင့် လင်းလက်နေမည်ဖြစ်ပြီး အချို့သောနေရာများတွင် ပွဲလမ်းသဘင်များဖြင့် အထူးစည်ကားနေသည်ကို တွေ့မြင်ရနိုင်မည်လည်း ဖြစ်သည်။ ထို့အတူပင် မီးပုံးပျံများအားလည်းကောင်းကင်တွင် မကြာမကြာ တွေ့မြင်နိုင်မည်ဖြစ်ပြီး မီးရှူးမီးပန်းများ ပစ်ဖောက်သံကိုလည်း ကြားနိုင်သည့် ကာလလည်းဖြစ်၏။

ကုန်တိုက်များ၊ စတိုးဆိုင်များ၊ ဈေးများတွင်လည်း လူကြီးမိဘများကို ကန်တော့ရန်အတွက် လှူဖွယ်ပစ္စည်းအမျိုးမျိုးအား ထုပ်ပိုးမှု ပုံစံအမျိုးမျိုးဖြင့် ရောင်းချနေသည်ကို မြင်တွေ့နိုင်၏။ ဒီကာလသည် ကလေး၊ လူငယ်များအတွက် ပျော်ရွှင်မှုများစွာတို့ဖြင့် ပြည့် နှက်နေသည့်ကာလတစ်ခုအဖြစ် သတ်မှတ်၍ရနိုင်ပြီး လူကြီးမိဘများအား ကန်တော့ဂါဝရပြုပြီးနောက် ပြန်လည်ပေးသည့် မုန့်ဖိုးများဖြင့် ဟိုဟိုဒီဒီ သွားလာလည်ပတ်နိုင်ခြင်းကြောင့်လည်း ဖြစ်သည်။ ဒီကာလသည် လူကြီးလူရွယ် ကလေးသူငယ်မရွေး ပျော်ရွှင်နေကြသည်ဟုဆိုနိုင်မည့် ကာလတစ်ခုလည်း ဖြစ်၏။

မကြာမီ သီတင်းကျွတ်ကာလသို့ ရောက်ရှိတော့မည်ဖြစ်သည်။ သီတင်းကျွတ်တွင် ပလ္လင်ဆေးမိုး ရွာသွန်းဖြိုး ဟူသည့် ကဗျာစာချိုးအတိုင်းပင် မိုးကလည်း ဖြိုင်ဖြိုင်ရွာသွန်းခဲ့ပြီးလည်း ဖြစ်၏။ ရန်ကုန်မြို့အပါအ၀င် မြန်မာနိုင်ငံတစ်နိုင်ငံလုံးနီးပါး သီတင်းကျွတ်ပွဲတော်အတွက် ပြင်ဆင်ထားမှုများကို တွေ့နေရပြီလည်း ဖြစ်သည်။ အားလပ်ရက်အချို့ရရှိနိုင်သည့် ကာလဖြစ်ခြင်းကြောင့် ခရီးသွားသူများ၊ မိသားစုနှင့် ဝေးနေကြသူများကလည်း မိသားစုထံ သွားလာကြသည်ကိုလည်း နှစ်စဉ်မြင်တွေ့နေကျအတိုင်း မြင်တွေ့ကြရမည် ဖြစ်သည်။

လွန်ခဲ့သည့် ဆယ်စုနှစ်များကလည်း လက်ရှိမျက်မှောက်ခေတ်ကဲ့သို့ပင် သီတင်းကျွတ်ကာလသည် စည်ကားခဲ့၏။ အချို့သော အရာလေးများကတော့ ရှားပါးခဲ့ပြီလည်း ဖြစ်သည်။ ဥပမာ ဖယောင်းစက်လေးများအား သံအဖုံးလေးထဲထည့်ပြီး မြေတွင်းခပ်သေးသေးလေးတူးကာ မီးအပူပေး၍ ငရဲမီးဆော့ကစားခြင်းမျိုးကို လက်ရှိကာလတွင် သိပ်မတွေ့ရတော့ပေ။ ဒါကလည်း ပျော်ရွှင်စရာဖြစ်ပေမယ့် မီးဘေးအန္တရာယ်ရှိနိုင်ခြင်းကြောင့်လည်း ဖြစ်ကောင်းဖြစ်ပေလိမ့်မည်။

နောက်ထပ် မတွေ့ဖြစ်တော့သည့် အရာလေးတစ်ခုက လက်ဖြင့်တွန်းရသည့် ပုံစံမျိုးစုံဖြင့် လုပ်ထားသည့် အရုပ်မီးပုံးလေးများဖြစ်ပြီး ယခင်နှစ်များစွာကတော့ သီတင်းကျွတ်ကာလရောက်သည်နှင့် ဒီလက်လုပ်မီးပုံးတွန်းလှည်းလေးများက ကလေးငယ်လေးများအတွက် အဓိကဆော့ကစားရာတစ်ခု ဖြစ်ခဲ့ဖူး၏။ ထို့အတူပင် တဖောင်းဖောင်းမြည်သည့် ယမ်းသေနတ်လေးများအား မတွေ့ရတော့ပေ။ ဒါတွေက ခေတ်ကာလပြောင်းလဲခြင်း၏နောက် အမှတ်ရစရာများ ဖြစ်လာခဲ့ခြင်းလည်း ဖြစ်ပေမည်။

မပြောင်းလဲဘဲ ပီတိဖြစ်စရာ ကြည်နူးစရာများအဖြစ် သီတင်းကျွတ်ကာလတိုင်းတွင် ဘုရားစေတီပုထိုးများ၌ ဆီမီးများအား ထူးခြားလှပစွာ ပူဇော်ကြခြင်းများကို အစဉ်အလာမပြတ် တွေ့မြင်နိုင်မည် ဖြစ်သည်။ ထပ်တိုးလာသည့် သီတင်းကျွတ်ကာလ အမှတ်အသားများတော့ ရှိလာပြီဖြစ်သည်။ လွန်ခဲ့သည့် နှစ်အနည်းငယ်ခန့်မှ စတင်ကာ သီတင်းကျွတ်ကာလများတွင် နာမည်ကျော် အနုပညာရှင်များ၏ ဖျော်ဖြေပွဲများစွာတို့ကို နှစ်စဉ်မြင်တွေ့ခဲ့ကြရ၏။ သီတင်းကျွတ်ကာလသည် လူငယ်များ၊ ဆယ်ကျော်သက်များ အတွက် သူတို့ချစ်ခင်နှစ်သက်အားပေးသည့် အနုပညာရှင်များ၏ ဖျော်ဖြေပွဲများကို သွားရောက်အားပေးကြခြင်းကလည်း နောက်ထပ်တိုးလာသည့် သီတင်းကျွတ်အမှတ်အသားများ ဖြစ်လာခဲ့ပြီး အခြားသောအရာများလည်း ရှိနေမည်လည်း ဖြစ်သည်။

သီတင်းကျွတ်ကာလသည် စတုဒိသာ ကုသိုလ်ပြုသည့် အလှူများ၊ ဘုရားပွဲဈေးများ စသည့်ဖြင့် အလှူအတန်းပွဲများ၊ ပျော်ပွဲရွှင်ပွဲများစွာ ပြုလုပ်ရာကာလဖြစ်ပြီး အားလပ်ရက်ကာလဖြစ်ခြင်းကြောင့်လည်း လာရောက်ဆင်နွှဲသူ များပြားလေ့ရှိသည့် ကာလလည်း ဖြစ်သည်။ ထို့သို့ လာရောက်ဆင်နွှဲသူ များပြားခြင်းကြောင့် ပွဲတော်ရက်ကာလအပြီးတွင် ပွဲတော်ဆင်နွှဲသူများ ချန်ခဲ့သည့် အမှိုက်သရိုက်များစွာတို့ဖြင့် ပွဲဈေးတန်းများ ပြုလုပ်ခဲ့သည့် နေရာများတွင် ရုပ်ပျက်ဆင်းပျက်ကျန်ခဲ့သည့် အခြေအနေမျိုးများက ယခင့်ယခင် နှစ်များတွင် တွေ့ကြုံမြင်တွေ့ခဲ့ ရဖူးသည်။ ဒီလိုမျိုးအခြေအနေမျိုးအတွက် လည်း စနစ်တကျ စည်းကမ်းရှိစွာဖြင့် ပွဲဈေး တန်းနေရာများ၌ ဆင်နွှဲခြင်းမျိုးလည်း လိုအပ်လျက်ရှိ၏။

သီတင်းကျွတ်ပွဲတော်ရက် ဆင်နွှဲသူများအတွက် နောက်ထပ်သတိပြုရမည့် အချက်တစ်ချက်က မီးဖြင့် ဆင်နွှဲသည့်ပွဲတော်ဖြစ်ခြင်းကြောင့် မီးဘေးအန္တရာယ်ကို သတိပြုရန်လိုအပ်လှ၏။ လှပစွာ လွှတ်တင်လိုက်သည့် မီးပုံးပျံများစွာတို့သည် သီတင်းကျွတ်ကာလတွင် ကောင်းကင်၌ ပျံဝဲနေကြသည်ကို မြင်တွေ့ရသည်က သီတင်းကျွတ်ပွဲတော်၏ အစဉ်အလာအနက်မှ တစ်ခုအပါအ၀င်ဖြစ်သည်။ သို့ရာတွင် မီးပုံးပျံလွှတ်တင်ခြင်း အခြေအနေများမှတစ်ဆင့် သီတင်းကျွတ်ကာလတွင် မီးဘေးကြုံတွေ့ခဲ့ရဖူးသည့် ဖြစ်ရပ်များစွာ ရှိခဲ့ဖူးခြင်းကြောင့် အထူးဂရုပြု လွှတ်တင်ရန်လည်း လိုအပ်လှ၏။

ထို့ပြင် အိမ်ရှေ့ အိမ်နောက်တစ်အိမ်လုံးအနှံ့ ဆီမီးဖယောင်းတိုင်များ ထွန်းညှိသည့် အလေ့အထသည်လည်း သီတင်းကျွတ်ကာလ၏ အဓိက အမှတ်အသားတစ်ခုဖြစ်ပြီး ထိုသို့ မီးထွန်းညှိရာမှလည်း မီးဘေးကို ကြုံတွေခဲ့သည့် ဖြစ်ရပ်များ ရှိခဲ့ဖူး၏။ ထို့ကြောင့်လည်း ဆီမီးများကို ထွန်းညှိကြရာတွင်လည်း ဂရုတစိုက်ရှိမှသာလျှင် မီးဘေးအတွက် စိတ်ချရမည်လည်း ဖြစ်၏။

သီတင်းကျွတ်မီးထွန်းပွဲတော်ဟူသည် သင်္ကဿနဂိုရ်မြို့မှ စတင်ခဲ့ပြီး ဘုရားရှင်အား ဆီမီးများဖြင့် ပူဇော်ရာမှ အစပြုခဲ့သည့် ထူးခြားမြင့်မြတ်သည့် ပွဲတော်တစ်ခုလည်း ဖြစ်၏။ မြတ်စွာဘုရားရှင် မိဘကျေးဇူးကို အကျေဆပ်ခဲ့သည့် ကာလလည်းဖြစ်ပြီး မရေမတွက်နိုင်သည့် လူနတ်ဗြဟ္မာများစွာ မြတ်စွာဘုရား၏ တရားတော်ကြောင့် သံသရာမှ လွတ်မြောက်ခဲ့သည့် ကာလလည်း ဖြစ်ပေသည်။ ထို့ကြောင့် သီတင်းကျွတ်ကာလတွင် မြတ်စွာဘုရားအား ရည်စူး၍ ဆီမီးများဖြင့် ပူဇော်ကြခြင်းဖြစ်ပြီး ဘုရားရှင်က မိဘကျေးဇူးအကျေဆပ်ခဲ့သည့် ကာလဖြစ်ခြင်းကြောင့် မိမိတို့၏ လူကြီးမိဘများ၊ ကျေးဇူးရှိသူများအား ဂါရ၀ပြု ကန်တော့ကြသည့် ကာလလည်း ဖြစ်သည်။

မြင့်မြတ်ထူးခြားသည့် ဒီကာလတွင် မွန်မြတ်တန်ဖိုးရှိသည့် ကုသိုလ်ဒါနပြုလုပ်ခြင်း အလုပ်များဖြင့် ကုန်လွန်ဖြတ်သန်းခြင်း၊ မိဘများ ဂါရ၀ပြု ကျေးဇူးဆပ်ခြင်းများဖြင့် ကုန်လွန်ဖြတ်သန်းခြင်းသည် သီတင်းကျွတ်ဆိုသည့် အချိန်ကာလအား အကောင်းဆုံး ပုံဖော်ပေးခြင်းလည်း ဖြစ်ပေမည်။ ခိုက်ရန်ဖြစ်ပွားခြင်းများ၊ အရက်သေစာ အလွန်အကျွံ သောက်သုံးမှုများစသည့် မကောင်းမှုများကို တတ်နိုင်သမျှ ဒီကာလတွင် မပြုလုပ်ခြင်းကလည်း သီတင်းကျွတ်ကာလအား နောက်ထပ်အကောင်းဆုံးပုံဖော်ခြင်းလည်း ဖြစ်မည်ဖြစ်ပြီး သင်္ကဿနဂိုရ်မြို့မှ ဖြစ်တည်လာခဲ့သည့် မီးထွန်းပွဲတော်ကာလအား ပြည်သူအများ ပျော်ရွှင်စွာ ဆင်နွှဲနိုင်ကြပါစေကြောင်း ဆုမွန်ကောင်း တောင်းနေမိတော့သည်။

နေ၀န်းထက်

ဒဏ္ဍာရီဘုရင်နှင့် ကိုရီးယားညီညွတ်ရေးအိပ်မက်

ဒန်ဂန်ဘုရင်၏ ရုပ်ပုံကို ပြုံယမ်းအပြင်ဘက်ရှိ ၎င်း၏သင်္ချိုင်းအနီးမှ ဆိုင်တစ်ခုအတွင်း တွေ့ရစဉ် (Photo – AP)

တန်ခိုးရှင်ဘုရင်များ၊ ရှေးဟောင်းဂူဗိမာန်များနှင့် အစိုးရကျောထောက်နောက်ခံပေးထားသော ရှေးဟောင်းသုတေသန ပညာရှင်များက ကြီးကျယ်သော အကြောင်းရင်းတစ်ခုအတွက် ဒဏ္ဍာရီစွမ်းအားတစ်ခုကို အသုံးချရန်အတွက် ကြိုးပမ်းနေကြမှုသည် အင်ဒီယာနာဂျုံးစ်ရုပ်ရှင်ကားနှင့် တူနေသည်။ နှစ်နိုင်ငံ ကွဲပြားနေသော ကိုရီးယားကျွန်းဆွယ်တွင် လွန်ခဲ့သော နှစ်ပေါင်း ၄၃၅၀ ကျော်က ပထမဆုံးသော ကိုရီးယားဘုရင့်နိုင်ငံကို တည်ထောင်ခဲ့သော ဒန်ဂန်ဘုရင် နှင့် ပတ်သက်သည့် ပုံပြင်များသည် ကိုရီးယားပြန်လည်ညီညွတ်ရေး အိပ်မက်တွင် အရေးကြီးသော ကဏ္ဍတစ်ခုမှ ငြိမ်သက်စွာ ပါဝင်နေခဲ့သည်။

မြောက်ကိုရီးယားခေါင်းဆောင် ကင်ဂျုံအွန်သည် တောင်ကိုရီးယားသမ္မတ မွန်းဂျေအင်းနှင့် စက်တင်ဘာလက ပေကတူတောင်ထိပ်တွင် တွေ့ဆုံချိန်၌ ကိုရီးယားနိုင်ငံမွေးဖွားခြင်း ဒဏ္ဍာရီက ပြန်လည်ပေါ်ထွက်လာခဲ့သည်။ ထိုတောင်သည် ဒန်ဂန်ဘုရင် မွေးဖွားသည့်နေရာဟု ယူဆကြသော နေရာဖြစ်သည်။

ပြုံယမ်းတွင် ကိုရီးယားပြန်လည်ညီညွတ်ရေးကို တောင်းဆိုခဲ့သော တောင်ကိုရီးယားသမ္မတ မွန်းဂျေအင်း၏ မိန့်ခွန်းတွင်လည်း ကိုရီးယားဒဏ္ဍာရီကို ပြန်လည်နှိုးဆွခဲ့သည်။

“ကျွန်တော်တို့ နှစ်ပေါင်း ၅၀၀၀ နီးပါး အတူတကွ နေထိုင်ခဲ့ကြပြီး ကွဲကွာသွားခဲ့တာနှစ် ၇၀ လောက်ပဲ ရှိပါသေးတယ်” ဟု မွန်းကပြောကြားခဲ့သည်။ မွန်း၏ မိဘများသည် ယခုအခါ မြောက်ကိုရီးယားဟု သတ်မှတ်ထားသည့်ဒေသမှ လာကြသူများဖြစ်သည်။

တောင်ကိုရီးယားများစွာအတွက်တော့ ပြန်လည်ညီညွတ်ရေး စိတ်ကူးကြံဆမှုသည် လက်တွေ့မဆန်ဘဲ ဖြစ်နေသည်။ ဒုတိယကမ္ဘာစစ် ပြီးဆုံးချိန်တွင် ကွဲကွာသွားခဲ့ပြီးနောက် နှစ် ၇၀ ကျော်အကြာတွင် ကိုရီးယားနှစ်နိုင်ငံကြား ကွာဟမှုက ပို၍ကြီးမားလာနေသည်။ သို့သော်လည်း ဒန်ဂန်ဘုရင်၏ ဒဏ္ဍာရီက ပြန်လည်ညီညွတ်ရေးကို လှုံ့ဆော်ရာတွင် ခိုင်မာသော အခန်းကဏ္ဍမှ ပါဝင်နေသည်။

ကိုရီးယားတို့သည် အတူတကွနေထိုင်ရန်အတွက် ရှင်သန်နေကြသော မျိုးနွယ်တူတစ်စုဖြစ်သည်ဟု ဒဏ္ဍာရီက ပုံဖော်ထားသောကြောင့် ပြန်လည်ညီညွတ်ရေးအတွက် အရေးပါကြောင်း ဆိုးလ်ရှိ ကိုရီးယားဆိုင်ရာ လေ့လာမှုအကယ်ဒမီမှ ပါမောက္ခ ဂျောင်ရောင်ဟွန်းက ပြောကြားခဲ့သည်။

“သဟဇာတဖြစ်မှုနဲ့ ပြန်လည်ညီညွတ်မှုကိုရဖို့အတွက် ဒန်ဂန်ဒဏ္ဍာရီဟာ ကိုရီးယားတွေအတွက် မရှိမဖြစ် အခြေခံတစ်ခုပါပဲ” ဟု သူက ပြောကြားခဲ့သည်။

ဒန်ဂန်ဘုရင် တည်ထောင်ခဲ့သည်ဟုဆိုသော ကိုရီးယားတို့၏ ညီညွတ်မှုနှင့် ထိုဘုရင်နှင့်ပတ်သက်သည့် အထောက်အထားက အနည်းငယ်သာရှိသည်။ မြောက်ကိုရီးယားတို့က ဒန်ဂန်ဘုရင်၏ အုတ်ဂူကို တွေ့ရှိထားသည်ဟု ပြောကြားထားပြီး တရုတ်မင်းဆက်များ၏ သြဇာကို စိန်ခေါ်ခဲ့ဖူးသည့် ညီညွတ်သော ဘုရင့်နိုင်ငံတစ်ခုအား ကိုရီးယားတို့က တည်ထောင်ခဲ့ဖူးသည်ဟု တောင်ကိုရီးယားတို့က အမွှမ်းတင်ထားခဲ့သည်။

“ကိုရီးယားနှစ်နိုင်ငံစလုံးမှာ တမူထူးခြားမှု၊ တညီတညွတ်တည်းဖြစ်မှု၊ ကိုရီးယားလူမျိုးတို့ရဲ့ ရှေးကျမှုတွေအတွက် ဒန်ဂန်ဒဏ္ဍာရီကို  အသုံးပြုကြပါတယ်” ဟု ဗာဂျီးနီးယားရှိ ဂျိမ်းမက်ဒီဆင်တက္ကသိုလ်မှ ကိုရီးယားသမိုင်းပါမောက္ခ မိုက်ကယ်ဆက်က ပြောကြားခဲ့သည်။

“သူကတကယ့် ပုဂ္ဂိုလ်တစ်ဦး ဟုတ် ဟုတ်၊ မဟုတ် ဟုတ် ကိုရီးယားနှစ်နိုင်ငံ စလုံးက ညီညွတ်မှုကို အလေးထားဖော်ထုတ်ဖို့နဲ့ ကိုရီးယားလူမျိုးတို့ရဲ့ တမူထူးခြားမှုကို ဖော်ထုတ်ဖို့သူ့ကို အသုံးပြုကြပါတယ်” ဟု ဆက်က ပြောကြားခဲ့သည်။

ဒန်ဂန်ဘုရင် အမှန်တကယ်တည်ရှိခဲ့မှုနှင့်ပတ်သက်ပြီး ဖြစ်နိုင်ခြေသည် သုညရာခိုင်နှုန်းနီးပါးသာရှိသည်ဟု ပညာရှင်များက ပြောကြားကြသည်။ ကိုရီးယားဒဏ္ဍာရီအရ ဒန်ဂန်သည် လူသားတစ်ဦးဖြစ်လိုသော နတ်သားတစ်ဦးနှင့် လူအမျိုးသမီးဖြစ်လိုသော ၀က်ဝံမတစ်ကောင်တို့၏ သားဖြစ်သည်ဟု ဆိုကြသည်။

“ဒန်ဂန်က ဒဏ္ဍာရီပါပဲ” ဟု ရောင်နန် တက္ကသိုလ်မှ ရှေးဟောင်းသုတေသနပညာရှင် လီချန်ကျူက ပြောကြားခဲ့သည်။ မြောက်ကိုရီးယားနိုင်ငံကို တည်ထောင်သူတို့က ၎င်းတို့၏ ဆိုရှယ်လစ်အတွေးအခေါ်နှင့် မညီမညွတ်ဖြစ်နေသော သဘာဝလွန်ဖြစ်ရပ်တစ်ခုအဖြစ် ဒန်ဂန်ဒဏ္ဍာရီကို မူလက ငြင်းပယ်ခဲ့သည်။ သို့သော်လည်း အာဏာရ ကင်မိသားစုသည် ဒန်ဂန်၏အမွေကို ဆက်ခံသူများအဖြစ် ဒဏ္ဍာရီကို အသုံးချလာခဲ့သည်။

ပေကတူတောင်သည် တော်လှန်ရေးအတွက် အထွက်အမြတ်တောင်ဖြစ်ပြီး ကင်ဂျုံအွန်၏ဖခင် ကင်ဂျုံအီသည် ထိုတောင်စောင်းတွင် မွေးဖွားခဲ့ကြောင်း ကိုရီးယားတို့က ၀ါဒဖြန့်စကားပြောကြားခဲ့သည်။ ကင်ဂျုံအီ၏ မွေးရပ်သည် ယခင်ဆိုဗီယက်ပြည်ထောင်စုဖြစ်ကြောင်း သမိုင်းပညာရှင်အများအပြားက ဆိုကြသည်။

၁၉၉၀ ပြည့်လွန်နှစ်များတွင် မြောက်ကိုရီးယားအာဏာပိုင်များက ပြုံယမ်းမြို့စွန်တွင် ဒန်ဂန်ဘုရင်နှင့် မိဖုရားတို့၏ အုတ်ဂူကို ရှာဖွေတွေ့ရှိခဲ့ကြောင်း ကြေညာခဲ့ကြသည်။ ထိုအချိန်က မြောက်ကိုရီးယားခေါင်းဆောင် ကင်အီဆွန်းသည် ဒန်ဂန်ဘုရင်၏ ဗိမာန်ကို ပြန်လည်တည်ဆောက်စေခဲ့ပြီး နှစ် ၅၀၀၀ ကျော် ရှည်လျားသော ကိုရီးယားသမိုင်းကို သရုပ်ပေါ်စေမည့် ဗိမာန်အဖြစ် တည်ဆောက်စေခဲ့ကြောင်း ၂၀၁၅ ခုနှစ်တွင် နိုင်ငံပိုင်မီဒီယာ၌ ဖော်ပြခဲ့သော ဆောင်းပါးတစ်ခုက ဖော်ပြခဲ့သည်။

ကမ္ဘာ့လှည့်ခရီးသွားများသည် ထိုနေရာသို့ သွားရောက်လည်ပတ်လျှင် ဒန်ဂန်ဘုရင်နှင့် ဇနီးဖြစ်သူတို့၏ အရိုးများကို ထည့်ထားသော ဖန်သေတ္တာကို ကြည့်ရှုလိုပါက ယူရို ၁၀၀ သို့မဟုတ် ၁၁၅ ဒေါ်လာ ပေးရသည်။ ဈေးနှုန်းကြီးမြင့်မှုနှင့် မထူးခြားသော အတွေ့အကြုံတို့ကို ခံစားရသည်ဆိုသော သတင်းကြောင့် အရိုးများကို လာကြည့်သည့် ခရီးသွား အနည်းငယ်သာရှိသည်ဟု အနောက်တိုင်းဧည့်လမ်းညွှန်များက ဆိုသည်။

၂၀၀၇ ခုနှစ်တွင် ကိုရီးယားနှစ်နိုင်ငံကြား ဆက်ဆံရေး ပြန်လည်နွေးထွေးလာခဲ့ပြီးနောက် တောင်ကိုရီးယား ပြန်လည်ဦးဆောင်ရေးအဖွဲ့သည် ဒန်ဂန်ဘုရင်၏ တော်ဝင်ဗိမာန်သို့ သွားရောက်ခဲ့သည်။ ထို့နောက် ပြုံယမ်းက ပေကတူတောင်ကို တောင်ကိုရီးယား ခရီးသွားများအား လာရောက်လည် ပတ်ခွင့်ပြုရန် ပြုံယမ်းက ဆုံးဖြတ်ခဲ့သည်။

ဒန်ဂန်ဘုရင်နှင့်မတူဘဲ သူတည်ထောင်ခဲ့သည်ဆိုသော ရှေးဟောင်းဘုရင့် နိုင်ငံဂိုဂျိုဆွန်နှင့်ပတ်သက်၍ အထောက်အထားများပို၍  ရှိနေသည်။ ဆိုးလ်ရှိ ကိုရီးယား အမျိုးသားပြတိုက်တွင် ဂိုဂျိုဆွန်လက်ထက်မှဆိုသည့် ဓားများ၊ ကြွေထည်လက်ရာများနှင့် အခြားအမွေ အနှစ်များကို ပြသထားပြီး ကိုရီးယားကျွန်းဆွယ်တွင် ပေါ်ထွက်ခဲ့သော ပထမဆုံးသော နိုင်ငံအဖြစ် ဖော်ပြထားသည်။

ခရစ်မပေါ်မီ ၂၃၃၃ မှ ၁၀၈ နှစ်အထိ တည်တံခဲ့သော ဂိုဂျိုဆွန်ခေတ်သည် တရုတ်ရှိ အဓိကမင်းဆက်များနှင့်အတူ သြဇာပြိုင်ရှိခဲ့သည့် ခေတ်ဟုပြတိုက်က ဆို ထားသည်။ သို့သော်လည်း အသေးစိတ် အကြောင်းအရာများကို အငြင်းပွားနေကြောင်း နိုင်ငံရေးရည်ရွယ်ချက်အတွက် အချို့သည် ချဲ့ကားထားကြောင်း သမိုင်းပညာရှင်များက ဆိုသည်။

“ဂိုဂျိုဆွန်ခေတ် အစောပိုင်းဟာ နိုင်ငံတစ်နိုင်ငံအဖြစ် သတ်မှတ်လို့မရနိုင်ပါဘူး။ အထူးသဖြင့် တိုင်းရင်းသားလူမျိုးစုတစ်ခုတည်းက အမျိုးသားနိုင်ငံတစ်ခုအဖြစ် တည်ထောင်တည်ရှိတယ်လို့ ဆိုလို့မရပါဘူး” ဟု  ယန်နန်တက္ကသိုလ်မှလီက ပြောကြားခဲ့သည်။

လူမျိုးစုခေါင်းဆောင်များက အုပ်စိုးသော ကာလဖြစ်ပြီး နောက်များစွာကြာမှ ညီညွတ်သော ဘုရင့်နိုင်ငံတစ်ခုကို တည်ထောင်ခဲ့ခြင်းဖြစ်ကြောင်း လီက ဆိုသည်။ ၁၉၁၀ ပြည့်နှစ်မှ ၁၉၄၅ ခုနှစ်အထိ ဂျပန်ကိုလိုနီအုပ်ချုပ်မှုအောက်တွင် ကိုရီးယားတို့ ရောက်ရှိချိန်၌ ဒန်ဂန်ဒဏ္ဍာရီက ပို၍ခေတ်စားခဲ့သည်။ ယနေ့အထိ ဆက်လက်တည်တံ့စေခဲ့သော ဘာသာရေးလှုပ်ရှားမှုတစ်ခုကို ထိုကာလက အစပြုခဲ့သည်။

တစ်ခါတစ်ရံဒဏ္ဍာရီကို အလွဲသုံးစားမှုက အစွန်းရောက်အမျိုးသားရေးဝါဒကို ဖြစ်စေကြောင်း လီက ပြောကြားခဲ့သည်။ သို့သော်လည်း ကိုရီးယားနှစ်နိုင်ငံစလုံးတွင် ဒန်ဂန်နှင့်ပတ်သက်၍ အထိမ်းအမှတ်များ ရှိနေဆဲဖြစ်သည်။ နိုင်ငံတည်ထောင်နေ့ အောက်တိုဘာ ၃ ရက်တွင် တောင်ကိုရီးယား အမြောက်အမြားတွင် ဆိုးလ်ရှိ ဘုရားကျောင်းများ၌ စုဝေးခဲ့ပြီး မုတ်ဆိတ်နှင့် ဒန်ဂန်ဘုရင်ကို သရုပ်ဖော်ထားသော မျက်နှာဖုံးများဝတ်ကာ ငြိမ်းချမ်းပြီး ညီညွတ်သော ကိုရီးယားပေါ်ထွန်းရေးအတွက် စုဝေးတောင်းဆိုခဲ့ကြသည်။ ထိုနေ့မှာပင် မြောက်ကိုရီးယား၌လည်း ပြန်လည်ညီညွတ်ရေးဆိုင်ရာ အကြီးတန်းတာဝန်ရှိသူများက ဒန်ဂန်ဘုရင်အုတ်ဂူသို့ သွားရောက်ခဲ့ပြီး ပူဇော်မှုများဆောင်ရွက်ခဲ့ကာ ကိုရီးယား ညီညွတ်ရေးအတွက် တောင်းဆိုခဲ့သည်။

ကွဲလွဲမှုများကို ဖြေရှင်းရန် ကိုရီးယားနှစ်နိုင်ငံက ကြိုးပမ်းနေချိန်တွင် ဒန်ဂန်နှင့် ဂိုဂျိုဆွန်တို့သည် အရေးကြီးသော ညီညွတ်ရေးပုံရိပ်များဖြစ်ကြောင်း ကိုရီးယားလေ့လာရေးအကယ်ဒမီ ဂျောင်ရောင်ဟွန်းက ပြောကြားခဲ့သည်။

“ကျွန်တော်တို့ဟာ သမိုင်းတစ်လျှောက် အတူနေထိုင်ခဲ့ပြီး အနာဂတ်မှာလည်း ကျွန်တော်တို့ဟာ အတူတကွ ဆက်လက်ရှိနေမယ်ဆိုတဲ့ ဘုံရည်မှန်းချက်နဲ့ စည်းနှောင်ထားတဲ့ မျိုးနွယ်စုတစ်စုဖြစ်ခဲ့တယ်ဆိုတဲ့ အိုင်ဒီယာထဲမှာ ပြန်လည်ညီညွတ်ရေးကို ရှင်းပြဖို့ အရေးအကြီးဆုံး အကြောင်းအရာ တစ်ခုကို တွေ့နိုင်ပါတယ်” ဟု ဂျောင်က ပြောကြားခဲ့သည်။

အစိုးရအသစ်နဲ့ အဟောင်းကြားက မီးလင်းရေးကော်မတီတွေ ရင်ဆိုင်နေရတဲ့ဒုက္ခ

မန္တလေးတိုင်းဒေသကြီး ရမည်းသင်းမြို့နယ် ရွာတန်းကျေးရွာတွင် ဇူလိုင် ၃ ရက်က ပြုလုပ်သည့် ကျေးလက်မီးလင်းရေး သတင်းစာ ရှင်းလင်းပွဲကို တွေ့ရစဉ်

ကျေးရွာမီးလင်းရန်အတွက် ခြောက်နှစ်ကြာ ကြိုးစားခဲ့ခြင်း၏ နောက်ဆုံးရလဒ်အနေဖြင့် ရမည်းသင်းခရိုင် ရွာတန်းတိုက်နယ်လေးတွင် လျှပ်စစ်မီး စတင်လင်းခဲ့ပြီ ဖြစ်သည်။ ကျေးရွာသူ ကျေးရွာသားများအနေဖြင့် လူနေမှုဘ၀လွန်စွာ အဆင်ပြေလာသောကြောင့် ပျော်ရွှင်နေကြသော်လည်း မီးလင်းရေး ကော်မတီဒုဥက္ကဋ္ဌ တစ်ဦးဖြစ်သူ ဦးအောင်နိုင်တစ်ယောက် မပျော်နိုင်ပါ။ ဖြစ်နိုင်လျှင် လွန်ခဲ့သော ခြောက်နှစ်ကို ပြန်သွားလိုက်ချင်ပြီး မီးလင်းရေး ကော်မတီဖွဲ့စည်းခြင်း၊ ဌာနဆိုင်ရာများသို့ အကြိမ်ကြိမ်တင်ပြခြင်း၊ ကျေးရွာသူ ကျေးရွာသားများနှင့် အစည်းအဝေး အကြိမ်ကြိမ်လုပ်ပြီး ကျေးရွာမီးလင်းရေးအတွက် ကျားကုပ်ကျားခဲ အားထုတ်ခဲ့ရခြင်း စသည့်ကိစ္စရပ်များ အားလုံးကို ရပ်ပစ်ခဲ့ချင် နေပါတော့သည်။

“ဥပဒေဆိုတာ ခဏခဏပြုလို့ ပြင်လို့ရတယ်လို့ မသိခဲ့ဘူးဗျ။ ဒီလိုမျိုး အစိုးရအသစ်နဲ့ အဟောင်းကြား လုပ်ပုံကိုင်ပုံ မတူဘူးဆိုရင် အဲဒီလို ဘယ်လုပ်ခဲ့မလဲဗျာ။ ရွာကတော့ မီးလင်းပါပြီ။ နောက်ဆက်တွဲ ပြဿနာတွေ ဘယ်လိုရှင်းရမလဲတော့ ကျွန်တော်လည်း မစဉ်းစားတတ်တော့ဘူး” ဟု ဦးအောင်နိုင်က ပြောသည်။

မိတ္ထီလာမြို့နယ် အတွင်းရှိ မြာကျေးရွာသူ ကျေးရွာသားများမှာမူ ဦးအောင်နိုင်တို့ထက် အခြေအနေပိုဆိုးသည်။ မိမိတို့ကျေးရွာ မီးလင်းရေး လုပ်ဆောင်ရင်းမှ ပြီးခဲ့သော အောက်တိုဘာ ၂၉ ရက်တွင် ထောင်ဒဏ် ၁၀ နှစ်အထိ ကျခံနိုင်သော ရာဇသတ်ကြီးပုဒ်မ ၃၃၃ အပါအ၀င် ပုဒ်မလေးခုဖြင့် ရွာသား ၁၀ ဦး အမှုဖွင့် ခံထားရသည့်အပြင် လျှပ်စစ်မီး သွယ်တန်းပြီးပြီ ဖြစ်သော်လည်း ယခုအခါတွင်မူ ထိုပဋိပက္ခ မပြီးမချင်း မီးဖြတ်တောက်ခံ နေရခြင်းဖြစ်သည်။

“မီးလင်းရေးအတွက် လူကြီးတွေ အကုန်စည်းဝေးပြီး လုပ်ကြတယ်။ ကတိတွေတည်ကြပေါ့။ အခုတော့ မဖြစ်သင့်တာတွေ ဖြစ်ကုန်တော့ ဘုန်းကြီးတို့လည်း စိတ်မချမ်းသာဘူး” ဟု မြာကျေးရွာမှ မြာတလိုင်းကျင်း ကျောင်းဆရာတော် ဦးဇောတိက,က မိန့်ကြားသည်။

ဦးသိန်းစိန်အစိုးရ လက်ထက်မှာတင် မီးလင်းရေး လုပ်ငန်းစဉ်များ အပြီးအပြတ် ဆောင်ရွက်နိုင်ခဲ့သော မီးလင်းရေး ကော်မတီများ အနေဖြင့် ယင်းကဲ့သို့ ပြဿနာများ ကြုံတွေ့ခဲ့ရခြင်း မရှိသော်လည်း ဦးသိန်းစိန်အစိုးရ လက်ထက်တွင် ကျေးရွာမီးလင်းရေး ကော်မတီ စတင်ဖွဲ့စည်းကာ အဆင့်ဆင့် လုပ်ဆောင်ခဲ့ပြီး ဦးဝင်းမြင့် အစိုးရလက်ထက်တွင် မီးစတင်လင်းသော ကျေးရွာအများစုတွင် ယင်းကဲ့သို့ မီးလင်းရေး ပဋိပက္ခများ ဖြစ်ပွားနေခြင်းဖြစ်သည်။ ရမည်းသင်းရှိ ကျေးရွာများတွင် ဖြစ်သည်။ မိတ္ထီလာတွင် ဖြစ်သည်။ နွားထိုးကြီးတွင် ဖြစ်သည်။ အမရပူရတွင် ဖြစ်သည်။ ပုသိမ်ကြီးမြို့နယ်များတွင် ဖြစ်သည်။ မန္တလေးတိုင်း အတွင်း မြို့နယ် ၂၈ မြို့နယ်ရှိ ကျေး လက်မီးလင်းရေးကိုယ်ထူကိုယ်ထဆောင်ရွက်သော ကျေးရွာများတွင် ယင်းပြဿနာဖြစ်ပွားနေခြင်း ဖြစ် သည်။ တိုးတိုးတိတ်တိတ် ကျိတ်ဖြေ ရှင်းသူနှင့် ဆူဆူပူပူ တုတ်ဆွဲ ဓားဆွဲ ဖြေရှင်းသူများသာ ကွာခြားသွား သည်။  ပြဿနာကတော့ အနည်းနှင့် အများ ဖြစ်ပွားနေဆဲသာ ဖြစ်ပါသည်။ အဘယ့်ကြောင့်နည်း။

ကိုယ်ထူကိုယ်ထ ကျေးလက်မီးလင်းရေး

ကိုယ်ထူကိုယ်ထ ဆိုသည့် အဓိပ္ပာယ်ကို မြို့နေပြည်သူများ အနေဖြင့် ရင်းနှီးချင်မှ ရင်းနှီးမည် ဖြစ်သော်လည်း ကျေးရွာသူ ကျေး ရွာသားများအဖို့ ယင်းစကားရပ် ကိုကြားမိတိုင်း မဲ့ပြုံးပြုံးမိကြမည် ဖြစ်သည်။ မြို့တွင် လျှပ်စစ်မီးအရေး ဆောင်ရွက်သည်ဆိုသော စကားရပ် မှာ မီတာခဆောင်ခြင်းကို ဆိုလိုခြင်း သာဖြစ်သော်လည်း ကျေးရွာများ တွင် လျှပ်စစ်မီးအရေးဆောင်ရွက်သည်ဆိုခြင်းမှာ နဂိုအခြေအနေက ဓာတ်ကြိုးကိုကိုင်လျှင် ဓာတ်လိုက်သည်ဆိုသော အသိသာရှိသော သူများအနေဖြင့် မီးလင်းရေး ကော်မတီတွင် ၀င်ရောက် လုပ်ကိုင်ပြီးပါက လျှပ်စစ်အင်ဂျင်နီယာတစ်ဦး နီး ပါးပင် လျှပ်စစ်အခေါ်အဝေါ်များ ကို ကောင်းကောင်း နားလည်သွားသည်အထိ လျှပ်စစ်မီးတိုင်ထူသည် မှာ ဓာတ်အားခွဲရုံ တည်ဆောက်ရခြင်း၊ ထရန်စဖော်မာ တည်ဆောက်ရခြင်း အလယ်၊ မီးအားပေးခြင်း အဆုံးအထိ ၀င်ရောက်လုပ်ကိုင် ရခြင်းကြောင့်ဖြစ်သည်။ ထို့ထက်ဆိုးသည်မှာ ကျေးရွာများတွင် မီးလင်းရေးသည် ကိုယ်ထူကိုယ်ထ မီးလင်းရေးဖြစ်ပါသည်။ ဟုတ်ပါသည်။ ကိုယ်ထူကိုယ်ထ… ကိုယ့်ငွေနဲ့ကိုယ် လုပ်ဆောင်ရသော မီးလင်းရေး ဖြစ်သည်။

ဦးအောင်နိုင်တို့ ရမည်းသင်း၊ ရွာတန်းတိုက်နယ်ဖြစ်စဉ်ကို ပြန် ကြည့်ရအောင်ပါ။ မန္တလေးတိုင်းဒေသကြီး ရမည်းသင်းခရိုင် ရမည်းသင်းမြို့နယ် ရွာတန်းတိုက်နယ် ကျေးရွာအုပ်စုတွင် ကျေးရွာပေါင်း နှစ်ဆယ့်လေးရွာတိတိ ပါဝင်ကာ အိမ်ထောင်စုပေါင်း ၄၆၀၀ ကျော် တည်ရှိသည်။ ယင်းရွာတန်းတိုက် နယ်မီးလင်းရေးအတွက် ကော်မတီဖွဲ့ကာ မီးလင်းရေး စတင်လုပ်ဆောင်ခဲ့သည်မှာ ၂၀၁၂-၂၀၁၃ ဘဏ္ဍာ နှစ်က စတင်ခဲ့ခြင်းဖြစ်ပြီး ပထမနှစ် တိုင်ထူ၊ ဒုတိယနှစ်တန်း၊ ကြွေသီးတပ်၊ တတိယနှစ် ဓာတ်အားခွဲရုံငယ်များ တည်ဆောက်၊ စတုတ္ထနှစ် မီးဆက်သွယ်ခြင်းစသော လုပ်ငန်းများကို အဆင့်ဆင့် လုပ်ဆောင်ရသော လေးနှစ်ကြာ စီမံကိန်းဖြစ်သည်။ ကျေးရွာနှစ်ဆယ့်လေးရွာ မီးလင်းရန်အတွက် ပင်မဓာတ်အားလိုင်းမှ ဓာတ်အားခွဲ သွယ်ယူရသည့် စရိတ်စက စုစုပေါင်းမှာ သိန်းတစ်သောင်းကျော် ကုန်ကျခဲ့ပြီး ယင်းကုန်ကျစရိတ်များကို အစိုးရချေးငွေ၊ သမချေးငွေများဖြင့် ချေးယူဖြေရှင်းခဲ့ရသည်။ မီးသွယ်တန်းစရိတ် ကုန်ကျမှု ပြန်လည်ရရှိရန်အတွက် ရွာတန်းအုပ်စု၊ နှစ်ဆယ့်လေးရွာအနေဖြင့် အချိုးကျ ခွဲတမ်းထည့်ဝင်ရမည်ဖြစ်ပြီး မီတာသွယ်လိုသူများ အနေဖြင့် မီတာတစ်လုံးလျှင် သုံးသိန်းခွဲနှုန်း ပေးသွင်းရန်လည်း သဘောတူပြီးဖြစ်သည်။ ယင်းကဲ့သို့ အားလုံး သဘောတူညီ ခဲ့ကြသော်လည်း မီးရရှိလာသောအခါ ရွာတစ်ရွာက ယင်းစည်းကမ်းချက်ကို သဘောမတူတော့သည့်နောက် ဦးအောင်နိုင် တစ်ယောက် မီးလင်းရေး ကော်မတီလုပ်ရသည်ကို စိတ်ကုန်သွားခြင်းဖြစ်သည်။

“အရင် မန်းတိုင်း လျှပ်စစ် ၀န်ကြီး ဦးကျော်မြင့်က ရွာမီးလင်း ရေးလုပ်ကြပါဆိုပြီး နှိုးဆော်တော့ ကျွန်တော်တို့က အဘ ကျွန်တော် တို့ မီးလင်းရေးလုပ်တာက ဟုတ် တယ်။ ကျွန်တော်တို့က ငွေတွေ အကုန်ခံပြီး ကိုယ်ထူကိုယ်ထစနစ် နဲ့  ပင်မဓာတ်အားလိုင်းကနေ ရွာကို ဓာတ်အားသွယ်ပြီဆိုပါတော့။ ကျွန် တော်တို့ကြားက ရွာတွေက ကျွန် တော်တို့ကို အသိမပေးဘဲ ကြားက ဖြတ်သုံးရင် ဘယ်လိုလုပ်ကြမလဲ လို့မေးတော့ ဦးကျော်မြင့်က အဲဒါ စိတ်မပူနဲ့။ ခင်ဗျားတို့ လုပ်စရာရှိ တာသာလုပ်ကြ။ ကျေးရွာတွေဟာ ကိုယ်ထူကိုယ်ထ မီးလင်းရေး လုပ်ရတာဖြစ်တဲ့အတွက် ၂၀၁၄ ပြည်ထောင်စု လျှပ်စစ်ဥပဒေ ပုဒ်မ  ၅၂ မှာ ပြဋ္ဌာန်းထားတာက ခွင့်ပြုမိန့် ရရှိသူ၏ ခွင့်ပြုချက် သဘောတူညီမှု မရဘဲ မည်သူမျှ မီးချိတ်ဆက်သွယ် တန်းခွင့်မရှိလို့ပြဋ္ဌာန်းထားတယ်။အဲဒီတော့ ခင်ဗျားတို့သွယ်ထားတဲ့ ဓာတ်ကြိုးကနေ ကြားက ဖြတ်သုံး မယ်ဆိုရင်တောင် ခင်ဗျားတို့ကို အသိပေးရမယ်။ ခွင့်ပြုချက်ယူရ မယ်။ ခင်ဗျားတို့ ကုန်ကျစရိတ်ကို အချိုးကျ ထည့်ဝင်ခိုင်းရမယ်ဆိုပြီး ဥပဒေနဲ့ပြတော့ ကျွန်တော်တို့လည်း ယုံယုံကြည်ကြည်နဲ့ လုပ်ကြတာပေါ့ဗျာ။ ဟော… အခုကျတော့ အဲဒီ ဥပဒေက မဟုတ်တော့ဘူးတဲ့။ အထက်က ညွှန်ကြားချက်အရဆို ပြီး ကျုပ်တို့ ဓာတ်အားခသွယ်တဲ့ စရိတ်ကို မထည့်ဝင်တဲ့ ရွာတန်း တိုက်နယ်အုပ်စုထဲက လက်ပန်ခါး (မြောက်) ရွာကို သူတို့သဘောနဲ့ သူတို့ လျှပ်စစ်မီး ဒီအတိုင်း ချိတ်ပေးလိုက်တယ်ဗျာ။ ကျွန်တော်တို့ ကန့်ကွက်တယ်။ ချိတ်ပေးတဲ့သူ၊ ချိတ်ပေးတဲ့ရွာကို တရားစွဲတယ်။ ဘာမှလုပ်မပေးကြဘူး။ အခု မီးလင်းရေးအတွက် ငွေတွေက အရစ်ကျ လိုက်ကောက်ရတာ အခုအထိ မကျေသေးဘူး။ လက်ပန်ခါး(မြောက်)ရွာတောင် ပိုက်ဆံတစ်ပြားမှ အကုန်မခံဘဲ ချိတ်သေးတာ။ ငါတို့က ဘာလို့ ဆက်ထည့်ရမှာလဲဆိုပြီး ရွာသားတွေက မထည့်ချင်ကြတော့ဘူး။ ကျွန်တော်တို့လည်း ဘာလုပ်လို့ လုပ်ရမှန်းကို မသိတော့ဘူး။ နဂိုတုန်းက ကျွန်တော်တို့ရွာအုပ်စုတွေက စည်းစည်းလုံးလုံး ရှိခဲ့ကြပေမယ့် အခုတော့ မခေါ်နိုင်၊ မပြောနိုင် ဖြစ်ကုန်ကြပြီ။ သက်ဆိုင်ရာလူကြီးတွေ ဒီလိုဖြစ်စဉ်တွေ ဖြစ်ကုန်တာ သိရင်ကောင်းမယ်” ဟု ဦးအောင်နိုင်က ရင်ဖွင့်သည်။

ပြောင်းလဲသွားတဲ့ မူဝါဒ

NLD အစိုးရသစ်လက်ထက် မန္တလေးတိုင်းဒေသကြီး၏ ကျေးလက်မီးလင်းရေး မူဝါဒများတွင် ကျေးလက်ဒေသများရှိ ဓာတ်အား ဖြန့်ဖြူးရေးစနစ်များ အားလုံးသည် နိုင်ငံတော်ဓာတ်အား ဖြန့်ဖြူးရေးနှင့် ပတ်သက်၍ စီမံခန့်ခွဲပိုင်ခွင့်ရှိသည့် သက်ဆိုင်ရာဌာနအဖွဲ့အစည်း၏ စီမံခန့်ခွဲမှုအောက်တွင်ရှိစေရန်၊ ကျေးရွာမီးလင်းရေးကော်မတီ၊ ပုဂ္ဂလိကများက တည်ဆောက်ပြီး သော ၃၃ ကေဗွီ၊ ၁၁ ကေဗွီဓာတ် အားလိုင်းများကို ဓာတ်အားပို့လွှတ်သည့်အချိန်တွင် လျှပ်စစ်နှင့် စွမ်းအင်ဝန်ကြီးဌာနသို့ လွှဲပြောင်းပေးရ မည်ဖြစ်ပြီး ယင်းဓာတ်အားလိုင်းမှ ထပ်ဆင့် ဓာတ်အားချိတ်ဆက်ရယူခြင်းကို လျှပ်စစ်နှင့်စွမ်းအင်ဝန်ကြီး ဌာနက နည်းပညာအရ စိစစ်၍ ခွင့် ပြုပေးနိုင်ကြောင်း ချမှတ်ထားခြင်း ဖြစ်ပြီး ယင်းမူဝါဒသစ်တွင် ကိုယ်ထူ ကိုယ်ထ ကျေးလက်မီးလင်းရေး ကော်မတီအနေဖြင့် လုပ်ပိုင်ခွင့် မရှိတော့သည်ကို တွေ့ရှိရသည်။

“ကျွန်တော်တို့အစိုးရရဲ့ မူဝါဒက ကျေးလက်ဒေသအားလုံး မီးလင်းရေး ဖြစ်ပါတယ်။ ကျွန်တော်တို့ မန္တလေးတိုင်းမှာ ကျေးလက်မီးလင်းရေးက ပြဿနာတော်တော် တက်ပါတယ်။ ဘယ်အချိန်မှာ ပြဿနာတက်သလဲဆိုရင် မီးလင်းသွားတဲ့ အချိန်မှာ ပြဿနာတက်တာ ဖြစ်ပါတယ်။ သူတို့ပြောနေတဲ့ မီးလင်းရေး ကော်မတီရဲ့ သဘောတူညီချက်ရယူပြီးမှ မီးသွယ်တန်း ခွင့် ပေးရမယ်ဆိုတဲ့ ပြဋ္ဌာန်းချက်ကိုလည်း ပြင်ဆင်ပြဋ္ဌာန်းပြီး ဖြစ်ပါတယ်။ ဒေသခံများအနေနဲ့ စိတ်ဝမ်းမကွဲပြားဘဲ စည်းလုံးကြဖို့ပဲ ပြောချင်ပါတယ်” ဟု မန္တလေးတိုင်း ဒေသကြီးလျှပ်စစ်ဝန်ကြီး ဦးဇာနည်အောင်က ပြီးခဲ့သော ခြောက်လပိုင်းက Eleven Media သို့ ဖြေကြားထားသည်။

မိတ္ထီလာမြို့နယ် မြာကျေးရွာတွင်လည်း ရမည်းသင်းမြို့နယ် ရွာတန်းကျေးရွာအုပ်စုနှင့် ဆင်တူ ရိုးမှားဖြစ်သည်။ မြာကျေးရွာ မီးလင်းရန်အတွက်  ဓာတ်အားသွယ်ခ မှာ သိန်းနှစ်ရာ့လေးဆယ်ခန့် ကုန် ကျသည်။ ယင်းအတွက် ရွာက နှစ် ကျပ်ခွဲတိုးဖြင့် စုပေါင်းချေးငှားပြီး မီးသွယ်လိုက်သည်။ မီးသွယ်လိုက် သောအခါ ဘေးရွာများကလည်း မီး လင်းချင်သည့်အတွက် ရွာသို့ လာညှိ နှိုင်းကြသည်။  ရွာကလည်း အချိုးကျ ထည့်ဝင်မည်ဆိုသောအခါ  သဘော တူသည်။ သို့ဖြင့် ဓာတ်အားသွယ်ခ စရိတ် သိန်းနှစ်ရာ့လေးဆယ်အား မြာ၊ ရဝေ၊ ရှမ်းတဲ၊ သဲကြီးကုန်းစသည့် ရွာလေးရွာ တစ်ရွာလျှင် သိန်းခြောက်ဆယ်နှုန်း ထည့်ဝင်ကြမည်ဟု ကတိပြုကြ သည်။ သို့သော်လည်း တချို့ရွာသားများသည် အစိုးရသစ် လက်ထက် မူဝါဒပြောင်းလဲသွား သည်ကို သတိထားမိသောကြောင့် လားမသိ၊  မူလသဘောတူညီချက်ကို ချိုးဖောက်ကာ အစိုးရသို့ တိုက်ရိုက်တင်ပြပြီး မီးလင်းရေးဆောင်ရွက်ရန် ကြိုးစားကြရာမှ  ငွေကုန်ကြေးကျခံ ဓာတ်အားဆွဲထားသော ရွာသားများနှင့် ထိပ်တိုက် တွေ့ဆုံကြခြင်း ဖြစ်သည်။

“ပြီးခဲ့တဲ့ အောက်တိုဘာ ၂၉ ရက်မှာ တာဝန်ရှိသူတွေက ကျွန်တော်တို့ မြာကျေးရွာကနေ တခြားရွာကို မီးအားလွှတ်ဖို့အတွက် လာကြတယ်။ ကျွန်တော်တို့က အချိုးကျ ငွေထည့်ပြီးမှ မီးအားလွှတ်ပေးဖို့ ပြောတာကို သူတို့က လက်မခံဘဲ ဇွတ်အတင်းသွယ်ဖို့ ကြိုးစားတော့ လူစုလူဝေးဖြစ်ပြီး ရုန်းရင်းဆန်ခတ် နည်းနည်းဖြစ်သွားတယ်။ အဲဒါနဲ့ အဲဒီလူ အုပ်ထဲမှာပါတဲ့ ၁၀ ဦးကို ပုဒ်မလေးခုနဲ့ အမှုဖွင့်ထားတယ်လို့ သိရပါတယ်။ အခုထိတော့ ဘယ်သူ၊ ဘယ်ဝါတွေလို့ အမည်တပ်မထားသလို ဖမ်းဆီးအရေးယူ ထားတာလည်း မရှိသေးပါဘူး။ ဒါပေမဲ့ ကျွန်တော်တို့ရွာက သူတို့ပြဋ္ဌာန်းထားတဲ့ မီးလင်းရေးဥပဒေကို မလိုက်နာလို့ဆိုပြီး မီးဖြတ်ထားတာ အခုဆို တစ်လပြည့်တော့မယ်။ ပြန်မပေးသေးဘူး။ ကျွန်တော်တို့မှာ ငွေကုန်ကြေးကျလည်းခံရ၊ အမှုအခင်းလည်းဖြစ်ရ၊ မီးကလည်း အဖြတ်ခံရနဲ့ ခံဘက်ကချည်းပါပဲ” ဟု မြာကျေးရွာ ဒေသခံတစ်ဦးက ပြောကြားသည်။

မြာကျေးရွာဒေသခံများကဲ့သို့ ထိပ်တိုက်မတွေ့ဘဲ ပြဿနာ အကျယ်အကျယ် မဖြစ်လို၍ သည်းခံလိုက်ရသော မီးလင်းရေး ကော်မတီများလည်း အများအပြား ရှိခဲ့ပြီးဖြစ်သည်။ အမရပူရမြို့နယ်၊ ရွှေစာရံ ဘုရားအနီးရှိ ရွာများတွင်လည်း ယခုရွာများကဲ့သို့ပင် မီးလင်းရေး ပြဿနာတက်ခဲ့ကြပြီး ဖြစ်သကဲ့သို့ နွားထိုးကြီးမြို့နယ် အတွင်းရှိ ကျေးရွာများတွင်လည်း အငြင်းပွားနေဆဲသာဖြစ်ကြောင်း သိရသည်။

မိမိတို့ NLD အစိုးရသစ်လက် ထက်တွင် တစ်နိုင်ငံလုံးအနေဖြင့် ကျေးလက်မီးလင်းရေးတွင် ၃၈၄၃ ရွာ မီးလင်းပေးနိုင်ဆဲဖြစ်ပြီး ရာခိုင် နှုန်းအားဖြင့် ၆ ဒသမ ၃ ရာခိုင်နှုန်း တိုးတက်မှုရရှိလာခဲ့ကြောင်း ဒေါက် တာဇော်မြင့်မောင်က ပြီးခဲ့သော စက်တင်ဘာ ၁၀ ရက်က ရေဒီယိုနှင့် ရုပ်မြင်သံကြားများမှတစ်ဆင့်ဟော ပြောခဲ့သည့် ၂၀၁၈ ကြားဖြတ်ရွေး ကောက်ပွဲ မဲဆွယ်စည်းရုံးရေးမိန့် ခွန်းတွင် ကျေးရွာမီးလင်းရေးတိုး တက်လာပြီဖြစ်ကြောင်း ထည့်သွင်း ပြောကြားသည်။ သို့သော်လည်း ယင်းသို့  ကျေးလက်မီးလင်းရေးတိုး တက်လာခြင်းသည် အစိုးရမှ ငွေ ကြေးစိုက်ထုတ်ကာ မီးလင်းရေး ဆောင်ရွက်ပေးခြင်းလား၊ ရွာသူရွာ သားများက ကိုယ်ပိုင်ငွေကြေးစိုက် ထုတ်ကာ ဆောင်ရွက်ခဲ့ခြင်းကြောင့် လားဆိုသည့်အချက်ကိုမူ ထည့်သွင်း ပြောကြားခဲ့ခြင်း မရှိပေ။

မန္တလေးတိုင်းဒေသကြီးတွင် ကျေးရွာအုပ်စုထောင့်လေးရာကျော် ၁၄၁၅ ရှိပြီး ကျေးရွာပေါင်း  ၅၀၀၀ နီးပါး ၄၇၉၉ ရှိသည်။ ယင်းကျေးရွာများအနက် ကျေးရွာ ၂၀၀၀ ကျော် သာ မီးရရှိပြီဖြစ်ပြီး မီးဆက်လက် သွယ်တန်းရန် လုပ်ဆောင်ရမည့် ကျေးရွာအများအပြား ကျန်ရှိနေဆဲ ဖြစ်သည်။

“ကျွန်တော်တို့ရွာမှာလည်း အဲဒီလို အကြီးအကျယ် ပြဿနာ တက်ကြတယ်။ ခက်တာက ရွာသားဆိုတော့ ဥပဒေဘာညာ နားမလည်ပါဘူးဗျာ။ အစိုးရ တစ်ဆက်နဲ့ နောက်အစိုးရတစ်ဆက် လူတွေမတူသလို မူလည်းမတူဘူး ဆိုတာပဲ နားလည်တယ်။ အဲဒီတော့ ကိုယ့်ရွာအချင်းချင်း မီးလင်းရေး လုပ်မယ်ဆိုပြီး လာတိုင်ပင်တော့ဟာ။ ငါ့ကောင်ရေ လုပ်မယ်ဆိုလည်း နောက်ရွေး ကောက်ပွဲတော့စောင့်ဟ။ မီးလင်းရေးက အနိမ့်ဆုံးသုံးနှစ်၊ လေးနှစ် ကြာတယ်။ မောင့်အစိုးရသစ် တက် လာမှသာလုပ်၊ ငါတို့လို အစိုးရသက်တမ်း တစ်ဝက်မှလုပ်တော့။ နောက်အစိုးရတစ်ဆက် ပြောင်းသွားတယ်။ အဲဒီမှာ လူတွေလည်းပြောင်း၊ ဥပဒေတွေလည်း ပြောင်းသွားတော့ နဂိုငုတ်တုတ် မပြောင်းဘဲ ကျန်ခဲ့တဲ့ မီးလင်းရေး ဦးဆောင်သမားတွေပဲ ရွာပြောင်းချင်စိတ် ပေါက်တာပေါ့” ဟု ကိုယ်ထူကိုယ်ထ ကျေးလက်မီးလင်းရေး ကော်မတီဝင် တစ်ဦးက ရင်ဖွင့်ရှာသည်။

 

တရုတ်မီးပုံးမီးအိမ် လွှမ်းမိုးမှုအောက် မြန်မာ့လက်မှုမီးပုံး အရောင်မှိန်သွားပြီလား

မန္တလေးမြို့တွင် တရုတ်မီးပုံးမီးအိမ်များ ရောင်းချနေသည်ကို အောက်တိုဘာ ၂၀ ရက် ညနေပိုင်းက တွေ့ရစဉ် (ဓာတ်ပုံ-မင်းသန့်)

မိုးလေကင်းလွတ် သီတင်းကျွတ်ဆိုသည့်အတိုင်း မိုးရာသီ ဆုတ်ခွာခါနီး သီတင်းကျွတ် အခါသမယ နီးလာသည်နှင့်အမျှ ဈေးများတွင် လူစည်ကားလျက်ရှိ၏။ ရန်ကုန်မြို့၏ အချက်အချာကျသည့် ဈေးများတွင်လည်း လူစည်ကားလျက်ရှိပြီး သိမ်ကြီးဈေးဝန်းကျင်နှင့် ၂၄ လမ်းတွင်ရှိသည့် အလှထွန်း မီးပုံးလေးများ မီးအိမ်လေးများကို ၀ယ်ယူသူများလည်း စည်ကားလျက် ရှိနေကြသည်။ သီတင်းကျွတ် အခါသမယ ရောက်ရှိရန် ရက်အနည်းငယ်သာ လိုတော့သည်နှင့်အမျှ နေအိမ်ရှေ့၊ ဆိုင်ရှေ့၊ ရုံးရှေ့နှင့် လမ်းမများတွင်လည်း မီးပုံးလေးများ တွဲချိတ်အလှဆင်လျက် သီတင်းကျွတ်ပွဲတော်ကို ကြိုဆိုလျက်ရှိနေသည်။

သီတင်းကျွတ်ကာလ ရောက်သည်နှင့် မီးပုံးလေးများ နေရာတိုင်းတွင် တွေ့လာရသော်လည်း မြန်မာ့လက်မှု မီးပုံးလုပ်ငန်းများ ရပ်တည်ရ ခက်ခဲလာသည်မှာ အထင်အရှား ဖြစ်၍နေသည်။ ရန်ကုန်မြို့နေရာ အများစုတွင် မြန်မာ့လက်မှု မီးပုံးလေးများကို မတွေ့ရတော့ဘဲ တရုတ်နိုင်ငံမှ တင်သွင်းသည့် မီးပုံးမီးအိမ်များကို တွေ့လာရသည်။

တရုတ်ဖြစ် မီးပုံးများ၏ အရောင်အသွေး အလှအပ ဒီဇိုင်းများကိုလိုက်မမီသည့်အပြင် အသုံးပြုသည့် စက္ကူအပါအ၀င် ပါဝင်ပစ္စည်းများ ကွဲပြားမှု၊ အမြင်ဆန်း မှုနှင့် ဈေးကွက်ထိုးဖောက် ၀င် ရောက်နိုင်မှု အပေါ်မှာလည်း မူတည်လျက် ရှိနေသည်။ တရုပ်ဖြစ် မီးပုံးများမှာကား အမြင်ဆန်းကာ ဈေးချိုမှုကြောင့် မြန်မာနိုင်ငံသားများ အနေဖြင့် မြန်မာ့လက်လုပ် မီးပုံးများကို နှစ်သက်အားပေးမှု မရှိတော့ဟုလည်း မြန်မာ့လက်မှု မီးပုံးလုပ်ငန်းကို အမွေဆက်ခံ လုပ်ကိုင်နေသူ ဒေါ်ချယ်ရီက ပြောကြားသည်။

“အရောင်းအ၀ယ် အေးတာပေါ့။ တရုတ်ပစ္စည်းဝင်တယ်။ တရုတ်ပစ္စည်းကို အားပေးတယ်။ နိုင်ငံခြားသားတွေက မြန်မာ့ဝါးလက်ရာကို အားပေးတယ်။ ဘယ်လိုကွာလဲတော့မသိ။ မြန်မာလူမျိုးတွေကတော့ ၀ါးတွေက ကလေးတွေ ရှမယ် (ပြတ်မယ် ဒဏ်ရာရမယ်) ဘာညာနဲ့ပေါ့ကွယ်” ဟု ကြယ်မီးပုံးလေး လုပ်ကိုင်ရင်း ပြောသည်။

မြန်မာလက်မှု အနုပညာလုပ်ငန်းဖြင့် အသက်မွေးဝမ်းကျောင်း လုပ်ကိုင်ရင်း ရပ်တည်နေသည့် နေရာတစ်ခု ရန်ကုန်မြို့တွင် ရှိနေသည်။ ထိုနေရာသည်ကား အခြားမှာမဟုတ်။ ကြည့်မြင်တိုင်မြို့နယ်မှာ ဖြစ်ပြီး ဗားဂရာအနီးတွင် ရှိနေသည်။ ထိုနေရာတွင်ကား ဘုရား ထီးတော်ကအစ သာသနိကပစ္စည်း အများအပြားကိုလည်း တွေ့နိုင်သလို အနည်ငယ်သာ ရှိတော့သည့် မြန်မာ့လက်မှု မီးပုံးလုပ်ငန်းများလည်း တွေ့နိုင်သေးသည်။

မြန်မာ့လက်မှု မီးပုံးလုပ်ငန်းသည် သီတင်းကျွတ် အချိန်အတွက် အဓိကဖြစ်ပြီး တန်ဆောင်တိုင်လတွင် အလုပ်မဖြစ်ဟုလည်း လုပ်ကိုင်သူများထံမှ သိရသည်။ မြန်မာ့လက်မှု မီးပုံးများ၏ အဓိက စိန်ခေါ်မှုမှာ တရုတ်လုပ် မီးပုံးများပင်ဖြစ်သည်။

“တရုတ်စက္ကူက ပုံသေလာနေတာ။ ကျွန်တော်တို့ ဒီမှာက မှန်ကြည်တို့ ဘာတို့ပဲသုံးတာ။ တရုတ်က ပေါပေါလောလော စက္ကူ။ အဲဒီမှာ လုပ်ထားတဲ့ မီးပုံးလေးတွေရဲ့ စက္ကူ ကအသားမကောင်းဘူး။ ခု ကျွန်တော်တို့ကိုင်တဲ့ စက္ကူသားက ကောင်းတယ်။ အဲဒီထက် ဂျပန်က ကောင်းတယ်။ ဟောဟိုမှာကြည့် (လုပ်ငန်းလုပ်ကိုင်ရင်း စက္ကူကို လက်ညှိုးထိုးလျက်) အဲဒီလိုစက္ကူက ၃၀ ဆိုရင် တရုတ်က ပို့လိုက်တဲ့ စက္ကူတွေက ၁၀ ပဲရှိတာ။ ပြီးတော့ စက်နဲ့ ဖိတာတွေ အဲဒီတော့ ပေါပေါလောလော ရောင်းနိုင်တာပေါ့။ အဲဒါနဲ့လည်း ဆိုင်တယ်” ဟု လုပ်သက် ၄၀ ခန့်ရှိနေပြီဖြစ်သည့် ဦးဖြူလေးက ပြောပြသည်။

မြန်မာ့လက်မှု မီးပုံးလေးများကို အခြေခံအဖြစ် ၀ါး၊ စက္ကူ၊ ကိုယ် တိုင် လုပ်ကော်များဖြင့် လုပ်ကိုင်ကြခြင်းဖြစ်ပြီး တရုတ်ဖြစ် မီးပုံးလေးများနှင့် ယှဉ်ပါက အရောင်အဆင်း ဒီဇိုင်း တာရှည်ခံမှုတို့ ကွာဟလျက်ရှိပြီး မြန်မာ့လက်မှု မီးပုံးလေးများနှင့် တရုတ်ဖြစ်မီးပုံးလေးများ၏ ဈေးနှုန်းအားပြိုင်မှုများလည်း အဓိကကျသည့် အပိုင်းတွင် ရှိနေသည်။ ထို့ပြင် အဓိကကျသည့် အခြားအရာတစ်ခုမှာ သယ်ယူ ထုပ်ပိုးရလွယ်ကူသည့် အခြေအနေလည်း ရှိနေခြင်းကြောင့် တရုတ်ဖြစ် မီးပုံးလေးများကို လူကြိုက်များလာပြီး မြန်မာ့လက်လုပ် မီးပုံးလေးများ အရောင်မှိန်လာသည့် အခြေ အနေသို့ ရောက်ရှိလာရခြင်းဖြစ်သည်။

“မြန်မာ့လက်မှု မီးပုံးတွေက အသေတွေပဲ။ အရှင်မရှိဘူး။ တရုတ် ကဟာတွေက အရှင်တွေ။ ခေါက် လို့ ထပ်လို့ရတယ်။ ဦးတို့က ၀ါးတစ် လုံးကို သုံးထောင်နဲ့ ၀ယ်ရတယ်။ စက္ကူဈေးတွေကြီးလို့ မီးပုံးသမား တွေ ရှုံးကြတယ်။ သူတို့ဟာတွေက ပါကင်အိတ်တွေနဲ့ ထားတာ။ ဦးတို့ ဟာတွေက မိုးရွာပြန်ရင်လည်း အ၀ယ်မလိုက်တော့ဘူး။ အဲဒါလည်း ပါတယ်။ သူတို့က ထိန်းထား နိုင်တယ်။ တစ်နိုင်ငံလုံးဖြန့်နေတာကို။ တဖြည်းဖြည်းတော့ ပျောက်သွား မှာပါ။ ဘာဖြစ်လို့ဆို လက်ရှိ အခြေ အနေပဲကြည့် လက်ရှိလုပ်တဲ့ သူတွေ ဆိုလည်း အသက်ကြီးသူတွေ။ အရင်က တစ်ရပ်ကွက်လုံးနီးပါးပဲ။ လက်ရှိမှာတော့ သုံးယောက် လေးယောက်လောက်ပဲ ရှိပါပြီ” ဟု ဦးဖြူလေးက ပြောကြားသည်။

တရုတ်မီးပုံး ရောင်းချနေသော ဆိုင်တစ်ဆိုင်ကို ရန်ကုန်မြို့တွင် တွေ့ရစဉ်

ဦးဖြူလေးအနေဖြင့် လက်ရှိ မြန်မာ့ရိုးရာ မီးပုံးလေးများ တိမ်ကောမည်ကို စိုးရိမ်ခြင်းကြောင့် သားသမီးများကိုလည်း လက်ဆင့်ကမ်း သင်ယူထားကြောင်း ပြောပြသည်။ ယခင်က ဧရာဝတီတိုင်း မြစ်ဝကျွန်းပေါ် ဒေသတွေက မှာယူကြပြီးနယ် အော်ဒါများကိုလည်း လုပ်ကိုင်ရလေ့ရှိပြီး ယခုနှောင်းပိုင်း တရုတ်မီးပုံးလေးများ ၀င်လာခြင်းကြောင့် နယ်မြို့များက မှာယူခြင်း မရှိတော့ဟုလည်း သိရသည်။

ယခင်က အနည်းဆုံး မီးပုံးအလုံးရေ နှစ်သောင်းကနေ လေးသောင်း ငါးသောင်းအထိ လုပ်ကိုင်ရရာ လက်ရှိမှာ ၂၀၀၀ ခန့်ပင် လုပ်ရသည့် အခြေအနေ မရှိတော့ဟုလည်း ကြာပန်းမီးအိမ်လေးတွေ လုပ်ကိုင်ရင်းပြောပြသည်။

“ခုတော့နယ်ပို့တာတွေလည်း မရှိတော့ဘူး။ ဟိုအရင်တုန်းကဆို ပုသိမ်တို့ မြောင်းမြတို့ မြစ်ဝကျွန်းပေါ် ဟင်္သာတတို့ အထိပို့တယ်။ ခုတော့ အဲဒီလောက်မကျယ်ပြန့် တော့ဘူး။ တိမ်ကောလာမှာပါ။ ပျော်ပျော်ရွှင်ရွှင်လည်း မရှိတော့ပါဘူး။ ဦးတို့ အသက်အစိတ်လောက်ကဆိုရင် တစ်တန်းလုံး လုပ်ကြတာ။ ၁၉၇၅၊ ၈၅ လောက်ကပေါ့။ အရေးအခင်းပြီးတော့မှာ ၈၈ ပြီးတော့ အဲဒါတွေ ပျက်သွားရော။ တရုတ်မီးပုံးတွေ ၀င်လာပြီးလေ။ အဲဒါကစ ပျက်စီးလာတာပေါ့” ဟု ဦးဖြူလေးက စိတ်ပျက်လက်ပျက်ဖြင့် ပြောသည်။

မီးပုံးလေးတစ်လုံးဖြစ်ရန် အတွက် ဦးစွာပထမ ၀ါးနှီးများ လိုအပ်ပြီး ဆီစိမ်စက္ကူ၊ တရုတ်ပြည်မှ ၀င်ရောက်သည့် ၀ါစိမ်းနီပြာ မှန်ရောင်စက္ကူများ လိုအပ်ပြီး ဖယောင်းတိုင် ထွန်းညှိရန် သွပ်ပြားစ သွပ်ပြားခွက် ကလေးများလည်း လိုအပ်ပြန်သည်။ အကြမ်းထည်တစ်ခု ပြီးစီးရန် လိုအပ်သည့် အရုပ်ဖြစ်ရန် ပုံကြမ်းဝါးများ(အသည်းပုံ၊ ကြယ်၊ မီးအိမ်၊ မီးခွက်) စသဖြင့် ပြုလုပ်ခြင်း၊ ရောင်စုံ တရုတ်ဖြစ် စက္ကူလေးများ အား လိုအပ်သလောက် ကပ်ကြေးများဖြင့် ညှပ်ယူကော်ကပ်ကာ အဆင့်ဆင့် ပြုလုပ်ယူရသည်။

မီးပုံးလုပ်ကိုင်ရန်အတွက် ၀ါးတစ်လုံးကို ကျပ် ၃၀၀၀ ကျော်အထိ ပေးနေရပြီး စက္ကူတစ်ကိုက်ကို ကျပ် ၂၀၀ ကနေ ၅၀၀ အထိအမျိုးမျိုး ရှိနေရာ အရည်အသွေးပေါ် မူတည်၍ ဈေးနှုန်းကြီးမြင့်လာပြီး မြန်မာ့လက်မှု မီးပုံးသည် ဈေးကြီးသည့် အနေအထား ရောက်ရှိလာရသည်။

လက်ရှိမှာ ရန်ကုန်မြို့ရှိ မြန်မာ့လက်လုပ် မီးပုံးလေးများကို ၀ယ်ယူသူများမှာ ကုမ္ပဏီများမှဖြစ်ပြီး နေအိမ်များ တွင်အလှထွန်းရန် ၀ယ်ယူသူ နည်းလာကာ တစ်နေ့သုံးလုံးမှ ငါးလုံးခန့်သာ ၀ယ်ယူမှုရှိပြီး များများစားစား ၀ယ်သူမရှိတော့ သည်မှာလည်း ၀မ်းနည်းဖွယ်ရာပင် ဖြစ်သည်။ သို့သော်လည်း မြန်မာ့လက်မှုကို နှစ်သက်သူများမှာကား သီးသန့်ကို လာရောက်ဝယ်ယူမှုရှိရာ ယခင်ကကဲ့သို့ အများအပြား မရှိတော့ပြီလည်း ဖြစ်သည်။

မြန်မာ့လက်မှု မီးပုံးတစ်လုံး၏ အမြင့်ဆုံးဈေးနှုန်းမှာ အရွယ် အစားအလိုက် သောင်းဂဏာန်းခန့်ရှိပြီး အများစုမှာ ကျပ် ၃၀၀၀ ကျော်ဖြစ်ပြီး အနိမ့်ဆုံး ဈေးနှုန်းမှာ ၅၀၀ အောက်အထိဖြစ်သည်။ တရုတ်ဖြစ်မီးပုံးများ၏ ဈေးနှုန်းမှာလည်း မြန်မာ့လက်မှု မီးပုံးများကဲ့သို့ ဈေးနှုန်းကြီးမြင့်သည့်အပြင် မြန်မာ့လက်မှု မီးပုံးများထက် ဈေးနိမ့်သည့် မီးပုံးများလည်း ရှိနေရာ ဈေးချိုသည့် မီးပုံးလေးများနှင့် ရောင်စုံလှပသည့် မီးပုံးလေးများကြောင့် ဈေးကွက်အတွင်း လူကြိုက်များလာခြင်းပင် ဖြစ်သည်။ သို့သော်လည်း တိမ်ကောမည်ကို မကြောက်။ တစ်နှစ်တစ်ကြိမ် လုပ်ရသည်မို့ ၀ယ်သူမရှိလည်း ကိုယ့်အိမ်မှာ ကိုအလှထားမည်ဟု ပြောလာသူကတော့ ဒေါ်ချယ်ရီပဲဖြစ်သည်။

“တရုတ်ပစ္စည်းတွေက ခေါက်လို့ရ ပိတ်လို့ရတယ်တယ်။ ရောင်းတဲ့သူတွေကလည်း တရုတ်တွေ။ အန်တီတို့ ၀ါးက အသေလည်၊ ခေါက်လို့ရ ပိတ်လို့ရ စပရင်တွေနဲ့လည်း မသုံးတတ်ဘူး။ ဟိုးတုန်းကတည်းက ဒီတိုင်းပဲဆိုတော့ ဒီတိုင်းပဲပေါ့။ ကြိုက်ရင်တော့လည်း လာဝယ်ပေါ့ကွယ်။ မကြိုက်ရင်လည်း ဘာမှမဖြစ်ဘူး။ အလှကြည့် ကိုယ့်ဘာကိုကြည့် စိတ်ချမ်းသာပေါ့” ဆိုကာ ပြောဆိုသည်။

မြန်မာ့ရိုးရာလက်မှု မီးပုံးလုပ်ငန်း အလုပ်ဖြစ်သည့် အချိန်မှာ သီတင်းကျွတ်မှသည် သင်္ကြန်ကာလအထိဆိုကာ ပြောဆိုကြသော်လည်း အဓိကအချိန်မှာ သီတင်းကျွတ် အခါသမယပင်ဖြစ်သည်။ သီတင်းကျွတ်ကာလ နီးကပ်လာသည်နှင့် ရန်ကုန်မြို့အပါအ၀င် မြို့နယ်အ များအပြားရှိ လမ်းမကြီးများ၊ နေအိမ်ရှေ့များ  ဘုရားကျောင်းကန်များတွင်  မီးပုံးလေးများ ချိတ်ဆွဲလျက်ရှိနေပြီ ဖြစ်သော်လည်း ရန်ကုန်မြို့ရှိ နေရာအများစုတွင်ကား အရောင်အသွေး စုံလင်လှပသည့် တရုတ်မီးပုံးလေးများသာ ချိန်ဆွဲထားသည်ကိုသာ အများအပြား တွေ့နေရသည်။

ဒါ့အပြင် ယခင်က မိသားစုလိုက် မီးပုံးလေးများပြုလုပ်ပြီး သီတင်းကျွတ်ပွဲတော်ကို ဆင်နွှဲလေ့ရှိရာ လက်ရှိမှာ ထို့ကဲသို့သော ရိုးရာဓလေ့များ တိမ်ကောလာပြီး ကျေးရွာအချို့တွေမှာသာ အနည်းငယ် ရှိနေသေးကာ အသင့်လုပ် တရုတ်မီးပုံးလေးများ ၀င်ရောက် နေရာယူလျက် ရှိနေပြီးဖြစ်သည်။ အခြားတစ်ဖက်မှာလည်း တရုတ်မီးပုံးများ၏ နေရာယူမှုကြောင့်ဟု ဆိုရမည်လား မြန်မာ့လက်မှု မီးပုံးလက်ရာမျိုးစုံကို မတွေ့ ရတော့ဘဲ တိမ်ကောလျက်ရှိသည်။

ရန်ကုန်မြို့ရှိ မီးပုံးလုပ်ငန်းများ၏ လုပ်ငန်းအလုပ်ဖြစ်ချိန်မှာ သီတင်းကျွတ်၊ တန်ဆောင်တိုင်နှင့် ခရ စ္စမတ် အချိန်များသာဖြစ်ပြီး ၀ါသနာအရ အချိန်ကျလျှင် မီးပုံးလေးများ လုပ်ချင်စိတ်ကြောင့် မီးပုံးလေးများ လုပ်ဖြစ်ပြန်သည်ဟုလည်း ဒေါ်ချယ် ရီက ပြောပြသည်။ လက်ရှိမှာကား ရပ်ကွက်တွင်း၊ ပတ်ဝန်းကျင်တွင် ယခင်က မီးပုံးလေးများ လုပ်ကိုင်သည့်သူများမှာ ရပ်နားကုန်ကြလေပြီဖြစ်သည်။

မိရိုးဖလာအရ ၀ါသနာအရ လုပ်ကိုင်ကြခြင်းဖြစ်ပြီး အဆင်မပြေ ခြင်းကြောင့်သာ လုပ်ကိုင်ခြင်းဖြစ်ကာ နှစ်ပေါင်း ၄၀ ခန့်လုပ်လာပြီး အလုပ်လည်း ပင်စင်ရထားပြီး အ သက်လည်း ကြီးလာတာကြောင့် ယခင်ကကဲ့သို့ အားစိုက်မလုပ်နိုင် တော့ဘဲ သီတင်းကျွတ်ကာလ အသုံး စရိတ် ခဏတာအတွက်သာ အဆင်ပြေပြီး သီတင်းကျွတ်ကာလ လွန်သည်နှင့် အားလုံးလွင့်ပျံသွားပြီဟုလည်း ဦးဖြူလေးက ဆိုသည်။

မြန်မာ့လက်မှု မီးပုံးလေးများ၏ ကျဆုံးခန်းကို ရောက်လာရသည်မှာ ဈေးပေါပေါနှင့် လွယ်လင့်တကူ ၀ယ်ယူ၍ရသည့် တရုတ်မီးပုံးများကြောင့်ဟု ဆိုနိုင်သလို အခြားတစ်ဖက်တွင်လည်း ကုန်ကြမ်း ရှားလာခြင်းကြောင့်ဟု လုပ်ကိုင်သူများက ပြောဆိုကြသည်။  ကုန်ကြမ်းရှားလာသည် ဆိုသည်မှာကား အခြားမဟုတ် ၀ါးရှားပါးလာခြင်း၊ ၀ါးဈေးကြီးခြင်း၊ စက္ကူဈေးကြီးလာခြင်း၊ ၀ယ်ယူအားပေးမှု လျော့လာခြင်း အပါအ၀င် ဈေးကွက်ထိုးဖောက် နိုင်မှုတို့ကြောင့်လည်းဖြစ်သည်။ ကုန်ပစ္စည်းသို လှောင်သိမ်းဆည်းရ ခက်ခဲခြင်း၊ တရုတ်ဖြစ် ပစ္စည်းများကဲ့သို့ ပေါ့ပါးသွက်လက်ပြီး သယ်ယူရ မလွယ်ကူခြင်း တာရှည်ထိန်းသိမ်းပြီး ဈေးကွက် မထိုးဖောက်နိုင်ခြင်း များကြောင့်ပင် ဖြစ်ပေသည်။

သို့သော်လည်း မြန်မာ့လက်မှု မီးပုံးမှာ တာရှည်ခံမှု မီးလုံး၊ မီးသီးများ ထည့်ထွန်းရာမှာ တရုတ်ဖြစ်မီးပုံများထက် သာလွန်သည်ဟုလည်း လုပ်ကိုင်သူများက ယုံကြည်လျက် လုပ်ကိုင်နေကြခြင်းပင် ဖြစ်သည်။ ဒါ့အပြင် လက်လုပ်မီးပုံးလေးများကို အားပေးသူများအတွက် မြန်မာမှုလုပ်ငန်းကို ချစ်မြတ်နိုးသူများအတွက် အရောင်မှိန်လာသည့် မီးပုံးလုပ်ငန်းကို မစွန့်ရဲဘဲ ရပ်တည်နေခြင်းပင်ဖြစ်သည်။

သို့သော်လည်း ၀မ်းနည်းစရာဟုပင် ဆိုရမည်လား တိမ်ကောပျောက်ကွယ်လု အခြေအနေ မြန်မာ့လက်မှု မီးပုံးလုပ်ငန်းများကို ထိန်းသိမ်းရန် လိုအပ်လာပြီး မိရိုးဖလာ မြန်မာ့လက်မှု အနုပညာ တစ်ခုလည်းဖြစ် ကုသိုလ်ဒါန အတွက်လည်းဖြစ်သည့် မီးပုံးလေးများအတွက် ၀မ်းနည်းရကြောင်းလည်း ဦးဖြူလေးက စိတ်မကောင်းဖွယ် ရင်ဖွင့်ပြောဆိုထားသည်။

မြန်မာ့လက်မှု မီးပုံးလုပ်ငန်းသည်ကား လက်ရှိမှာ အလွန်နည်းပါးလာပြီး တိမ်ကောနိုင်သည့် လုပ်ငန်း မြန်မာ့လက်မှု အနုပညာတစ်ခု အဖြစ်သို့ ရောက်နေပြီဟု ဆိုရပေမည်။ ခေတ်ရေစီးကြောင်းအရ ပြောင်းလဲလာရ အခြေအနေအပေါ် လိုက်မီအောင် ပြောင်းလဲနိုင်ခြင်း မရှိတော့တာကြောင့် ဆုတ်ယုတ် ပျောက်ကွယ်နိုင်သည့် အခြေအနေကို ရောက်ရှိရသော်လည်း  မြန်မာ့ယဉ်ကျေးမှု အနုပညာ ဓလေ့စရိုက်တစ်ခု ပျောက်ကွယ်မည်ကို စိုးရိမ်ရမည်ဖြစ်ပြီး တရုတ်ဖြစ် မီးပုံးလွှမ်းမိုးမှုအောက်မှာ မြန်မာ့လက်မှု မီးပုံးများ တကယ်ပင် အရောင်မှိန် ကျရှုံးပြီလားဆိုကာ တွေးတောစရာပင် ဖြစ်ပေသည်။