အမေရိကန်အမျိုးသမီး ဂိုးသမားဟောင်း ဟုပ်ဆိုလို ဘောလုံးအဖွဲ့ချုပ်ဥက္ကဋ္ဌ ရွေးကောက်ပွဲ ယှဉ်ပြိုင်မည်

ဆိုလိုအား ၂၀၁၂ ခုနှစ် ကမ္ဘာ့အကောင်းဆုံးဆုပေးပွဲ၌ တွေ့ရစဉ် (Photo: AFP)

အမေရိကန်အမျိုးသမီး လက်ရွေးစင်အသင်း ဂိုးသမားဟောင်း ဟုပ်ဆိုလိုက အမေရိကန်ဘောလုံး အဖွဲ့ချုပ် (USSF) ဥက္ကဋ္ဌ ရွေးကောက်ပွဲတွင် ၀င်ရောက်ယှဉ်ပြိုင်မည်ဖြစ်ကြောင်း အတည်ပြု ပြောကြားသည်။

ဆိုလို (၃၆ နှစ်) သည် ၂၀၀၀ ပြည့်နှစ်မှ ၂၀၁၆ ခုနှစ်အတွင်း အမေရိကန်အသင်းအတွက် ၂၀၂ ပွဲပါဝင် ကစားပေးခဲ့သူဖြစ်ပြီး ၂၀၁၅ အမျိုးသမီးကမ္ဘာ့ဖလား ချန်ပီယံဆုနှင့် ၂၀၀၈ ပေကျင်းအိုလံပစ်၊ ၂၀၁၂ လန်ဒန်အိုလံပစ် ရွှေတံဆိပ်ဆုများ ဆွတ်ခူးရရှိခဲ့သည်။ ၎င်းသည် ၂၀၁၆ ရီယိုအိုလံပစ်ပြိုင်ပွဲတွင် နောက်ဆုံး ပါဝင်ကစားခဲ့ပြီး ယင်းပြိုင်ပွဲ ကွာတားဖိုင်နယ်၌ ဆွီဒင်အသင်းအား ပယ်နယ်တီဖြင့် ရှုံးနိမ့်ပြီးနောက် ပြိုင်ဘက်အသင်းကို “ငကြောက်တွေ” ဟု ဝေဖန်ခဲ့သောကြောင့် ခြောက်လ ပွဲပယ်ပြစ်ဒဏ် ချမှတ်ခံခဲ့ရသည်။ ဆိုလိုသည် ယင်းနောက်ပိုင်းတွင် လက်ရွေးစင်အသင်းအတွက် ပြန်လည်ကစားခြင်းမရှိတော့ဘဲ ဖေဖော်ဝါရီတွင် ကျင်းပမည့် USSF ဥက္ကဋ္ဌရွေးကောက်ပွဲ၌ ပါဝင်ယှဉ်ပြိုင်မည်ဖြစ်ကြောင်း Facebook မှ တစ်ဆင့် အတည်ပြု ပြောကြားခဲ့သည်။ လက်ရှိဥက္ကဋ္ဌ ဂူလာတီသည် ၂၀၁၈ ကမ္ဘာ့ဖလားခြေစစ်ပွဲ မအောင်မြင်သဖြင့် ဖိအားများ ရင်ဆိုင်နေရပြီး ရွေးကောက်ပွဲ ယှဉ်ပြိုင်မည်မဟုတ်ဟု ကြေညာထားသည်။ ဆိုလိုနှင့် အတူ ရွေးကောက်ပွဲယှဉ်ပြိုင်မည့်သူ ကိုးဦးရှိပြီး အခြားအမျိုးသမီးတစ်ဦးလည်း ပါဝင်ကြောင်း သိရသည်။

MMA ကစားသမား မက်ဂရီဂေါ်နှင့် ထိုးသတ်ရန် ဆွေးနွေးနေဟု ပက်ကီယောင်း ပြောကြား

လက်ဝှေ့ကြိုးဝိုင်းအတွင်း ထိုးသတ်ရန် ဆွေးနွေးနေသည့် ပက်ကီယောင်း (Photo: AFP)

နာမည်ကြီး ဖိလစ်ပိုင်လက်ဝှေ့သမား ပက်ကီယောင်းက ဘက်စုံကိုယ်ခံပညာသုံး MMA တိုက်ခိုက်ရေးကစားသမား မက်ဂရီဂေါ်နှင့် ဧပြီလအတွင်း ထိုးသတ်ရန် ဆွေးနွေးနေကြောင်း ပြောကြားသည်။

မက်ဂရီဂေါ်သည် ပြီးခဲ့သည့် သြဂုတ်တွင် အမေရိကန်လက်ဝှေ့သမား မေ၀ယ်သာနှင့် လက်ဝှေ့ကြိုးဝိုင်းအတွင်း ပထမဆုံးအကြိမ် ထိုးသတ်ရာ ၁၀ ချီမြောက်တွင် ဒိုင်ပွဲရပ်ဖြင့် အရှုံးပေးခဲ့ရသည်။ ပက်ကီယောင်းမှာလည်း ဇူလိုင်တွင် သြစတြေးလျလက်ဝှေ့သမား ဂျက်ဖ်ဟွန်းကို အမှတ်ဖြင့်ရှုံးနိမ့်ကာ WBO ၀ယ်လ်တာဝိတ်ချန်ပီယံခါးပတ် စွန့်လွှတ်ထားရသည်။ ဖိလစ်ပိုင်လွှတ်တော်အမတ်အဖြစ် ဆောင်ရွက်နေသည့် ပက်ကီယောင်းက ဒီဇင်ဘာ ၈ ရက်တွင် မီဒီယာများနှင့်တွေ့ဆုံစဉ် လာမည့်ပွဲစဉ်နှင့်ပတ်သက်၍ “နှစ်ဦးနှစ်ဖက် ဆွေးနွေးနိုင်ရင်တော့ ကျွန်တော့်ဘက်က ပြဿနာမရှိပါဘူး။ ဒီပွဲက နှစ်ယောက်စလုံးအတွက် အဆင်ပြေစေမှာပါ။ လက်ရှိမှာ ကနဦးအဆင့်ပဲ ရှိသေးပြီး ထပ်ပြီးတော့ မဆွေးနွေးရသေးပါဘူး” ဟု ပြောကြားသည်။

လက်ဝှေ့ကြိုးဝိုင်းအတွင်း ထိုးသတ်ရန် ဆွေးနွေးနေသည့် မက်ဂရီဂေါ် (Photo: AFP)

ပက်ကီယောင်းသည် ပြီးခဲ့သည့် နိုဝင်ဘာတွင်လည်း မက်ဂရီဂေါ်နှင့် ထိုးသတ်မည်ဖြစ်ကြောင်း ၎င်း၏ Twitter နှင့် Instagram မှ တစ်ဆင့် အရိပ်အမြွက် ပြောကြားထားသည်။ လာမည့်ပွဲစဉ်ကို ဧပြီလ အတွင်း မလေးရှား၊ ဒူဘိုင်း (သို့မဟုတ်) မကာအို၌ ကျင်းပမည်ဖြစ်ပြီး ဂျက်ဖ်ဟွန်းနှင့်မကျေပွဲ ပြန်လည် ထိုးသတ်ဖွယ်ရှိသလို WBA စူပါမစ်ဒယ်ဝိတ်တန်း/ WBC ၀ယ်လ်တာ ၀ိတ်တန်းချန်ပီယံ ကိသ်သာမန်းနှင့်လည်း ထိုးသတ်ဖွယ်ရှိကြောင်း ပက်ကီယောင်းက ပြောကြားထားသည်။ MMA ပွဲစဉ်များ ထိုးသတ်မှု ရပ်နားထားသည့် မက်ဂရီဂေါ်ကမူ ပက်ကီယောင်းနှင့်ပွဲအတွက် မှတ်ချက်ပေးခြင်း မရှိသေးကြောင်း သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ဒီဇင်ဘာ ၁၅ ရက်နှင့် ၁၆ ရက်တို့တွင် ရန်ကုန်မြို့၌ ကျင်းပမည်ဖြစ်ကာ စိတ်ဝင်စားသူတိုင်း အခမဲ့ လာရောက်ကြည့်ရှုနိုင်

မန္တလေးတွင် ကျင်းပခဲ့သည့် ‘ထာဝရဖဲကြိုးဖြူ’ သံချပ်ပြိုင်ပွဲ၌ အဖွဲ့တစ်ဖွဲ့ယှဉ်ပြိုင်စဉ်

အမျိုးသမီးများအပေါ် အကြမ်းဖက်မှုပပျောက်ရေး အသိတရား ပြန့်ပွားစေရန် ရည်ရွယ်သည့် ‘ထာဝရဖဲကြိုးဖြူ’ သံချပ်ပြိုင်ပွဲများကို ဒီဇင်ဘာ ၁၅ ရက်နှင့် ၁၆ ရက်တို့တွင် ရန်ကုန်မြို့၌ ကျင်းပမည်ဟု သိရသည်။ ယင်းပြိုင်ပွဲ ယှဉ်ပြိုင်မှုများကို စိတ်ဝင်စားသူမည်သူမဆို အခမဲ့လာရောက် ကြည့်ရှုအားပေးနိုင်သည်ဟု သိရသည်။

အဆိုပါ ‘ထာဝရဖဲကြိုးဖြူ’ သံချပ်ပြိုင်ပွဲကို ကျား၊ မ ရေးရာ တန်းတူညီမျှရေးကွန်ရက်က စီစဉ်ကျင်းပခြင်းဖြစ်သည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ၂၀၁၇ ခုနှစ်အတွက် အမျိုးသမီးများအပေါ် အကြမ်းဖက်မှုပပျောက်ရေး ၁၆ ရက်တာ လှုပ်ရှားမှု အထိမ်းအမှတ်အဖြစ် ကျင်းပခြင်းဖြစ်ကြောင်း သိရသည်။ ထို့ပြင် မြန်မာ့ရိုးရာ အနုပညာလုပ်ငန်းမှတစ်ဆင့် ပြည်သူလူထုတစ်ရပ်လုံးကြားတွင် ကျား၊ မ ရေးရာ အခြေပြု အကြမ်းဖက်မှုပပျောက်ရေးဆိုင်ရာ လူထုအသိပညာပေး သတင်းအချက်အလက်များ ပိုမိုကျယ်ပြန့်လာစေရန်၊ မြန်မာ့ရိုးရာ အမွေအနှစ်ဖြစ်သည့် ‘သံချပ်’ အနုပညာအား တစ်ဖက်တစ်လမ်းမှ ပံ့ပိုးပေးနိုင်ရန်နှင့် ‘ထာဝရ ဖဲကြိုးဖြူသံချပ်ပြိုင်ပွဲ’ မှတစ်ဆင့် ကျား၊ မ ရေးရာ အခြေပြု အကြမ်းဖက်မှုပပျောက်ရေး လုပ်ငန်းစဉ်များ၌ ပြည်သူများ တက်ကြွစွာ ပူးပေါင်းပါဝင်စေရန် ရည်ရွယ်ကာ မြန်မာနိုင်ငံ သဘင်ပညာရှင်များ အစည်းအရုံး(ဗဟို)၏ လမ်းညွှန်မှုဖြင့် စီစဉ် ကျင်းပခြင်းဖြစ်သည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ရန်ကုန်မြို့၌ ဒီဇင်ဘာ ၁၅ ရက်နှင့် ၁၆ ရက်တို့တွင် ပြည့်သူ့ဥယျာဉ်၌ ကျင်းပမည်ဖြစ်သည်။ ယင်းပြိုင်ပွဲ၌ ပွဲခင်းသာ၊ ထီးရိုးရှည်ရဲ့ အမေ့အသီးများ၊ ဒို့မြေ ဒို့ပြေ စွယ်စုံအင်အားစု၊ အားမာန်ဝင့်ထည် သာကီနွယ် စွယ်စုံသံချပ်အဖွဲ့၊ ပြည်သူ့မော်ကွန်(ထာဝရအဖြူ)၊ အပ္ပမာဒေန သမ္မာ ဒေထ (တိုင်းပြု ပြည်ပြု ယဉ်ကျေးမှုမဟာ သင်္ကြန်အင်အားစု)၊ ကလေးပါးစပ်၊ တို့ခေတ်နဲ့အပြိုင်၊ တန်ခူးဘုရင်၊ ပစ်တိုင်းထောင်၊ ပဲ့တင်သံ(ဖျာပုံ)နှင့် ရွှေမြန်မာစွယ်စုံအင်အားစု စသည့် သံချပ်အဖွဲ့ ၁၂ ဖွဲ့ ပါဝင်ယှဉ်ပြိုင်ကြမည်ဟု သိရသည်။ အဆိုပါပြိုင်ပွဲတွင် ပထမဆု ငွေကျပ် သိန်း ၂၀၊ ဒုတိယဆု ငွေကျပ် ၁၅ သိန်းနှင့် တတိယဆု ငွေကျပ် ၁၀ သိန်းကို အသီးသီး ချီးမြှင့်မည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ဒီဇင်ဘာ ၁ ရက်နှင့် ၂ ရက်တို့က မန္တလေးမြို့၌ ကျင်းပခဲ့ပြီးဖြစ်သည်။

ရှုကျီက ကျန်းမာရေး အခြေအနေကြောင့် အနုပညာအလုပ်များကို ခေတ္တရပ်နား

ထိုင်ဝမ် မော်ဒယ်၊ သရုပ်ဆောင် ရှုကျီက ကျန်းမာရေး အခြေအနေကြောင့် အနုပညာအလုပ်များကို ခေတ္တရပ်နားမည်ဟု လူမှုမီဒီယာတွင် ရေးသားခဲ့သည်။

မိမိ၏ မျက်နှာသည် ဓာတ်မတည့်၍ ရောင်ရမ်းခြင်း ဖြစ်ပွားနေသည့်အတွက် အနားယူရန် ဆရာဝန်က ညွှန်ကြားခဲ့သည်ဟု အသက် ၄၁ နှစ်အရွယ်ရှိ ရှုကျီက လူမှုမီဒီယာတွင် ရေးသားခဲ့သည်။

ဒီဇင်ဘာ ၅ ရက် ညပိုင်း၌ Instagram တွင် နှုတ်ဆက်မက်ဆေ့ခ်ျ တစ်ခုတင်ပြီးနောက် ရှုကျီတွင် ကိုယ်ဝန်ရှိနေသည်ဆိုသော ကောလာဟလများ ထွက်ရှိခဲ့သည်။ ရှုကျီက အနုပညာလောကမှ လုံးဝအနားယူခြင်းမဟုတ်ဟု NetEase သို့ ပြောကြားခဲ့သည်။

၂၀၁၉ ခုနှစ်တွင် ဖြန့်ချိမည့် Shanghai Fortress ဇာတ်ကား ရိုက်ကူးပြီးစီးချိန်၌ အနားယူရန် စီစဉ်ခဲ့ခြင်းဖြစ်သည်ဟု ရှုကျီက ဆိုသည်။

“ညတွင်းချင်း ကောလာဟလတွေ ဘယ်လိုများထွက်ခဲ့ပါလိမ့်။ ကျွန်မရဲ့ကျန်းမာရေးကို ဂရုစိုက်ဖို့ အနားယူတာပါ။ ဆရာဝန်က ကျွန်မကို ဇာတ်ကားဆက်မရိုက်ဖို့ ညွှန်ကြားခဲ့တယ်။ အချိန်အကြာကြီးနားမှာလည်း မဟုတ်ပါဘူး” ဟု ရှုကျီက Apple Daily ၏ မေးခွန်းများကို ဖြေကြားခဲ့သည်။

ရှုကျီသည် ဟောင်ကောင်သရုပ်ဆောင်၊ ဒါရိုက်တာ စတီဖင်ဖန်နှင့် ၂၀၁၆ ခုနှစ်တွင် လက်ထပ်ခဲ့သည်။ ၎င်းတို့နှစ်ဦးသည် ၁၉၉၇ ခုနှစ်တွင် Bishonen ဇာတ်ကားရိုက်ကွင်း၌ တွေ့ဆုံခဲ့ခြင်းဖြစ်သည်။

ရွှေမြင်းဆုရှင် ရှုကျီသည် So Close၊ If You Are The One၊ Tai Chi Zero၊ Journey To The West၊ The Assassin နှင့် The Adventurers ဇာတ်ကားတို့ဖြင့် အောင်မြင်ခဲ့ပြီး တရုတ်တွင် ၀င်ငွေအများဆုံးရ အမျိုးသမီး သရုပ်ဆောင်တစ်ဦး ဖြစ်လာခဲ့သည်။

သရုပ်ဆောင်တစ်ဦးအဖြစ် မြင်တွေ့ခွင့်ရတော့မယ့် အလှမယ် မေဘရဏီသော်၏ ငယ်ဘ၀ဖြတ်သန်းရာ

လှပခြင်းဆိုတာ မိန်းကလေးတို့ပိုင်ဆိုင်တဲ့ တင့်တယ်တဲ့ ဂုဏ်ကျက်သရေတစ်ခုပါ။ ဒီလိုလှပတင့်တယ်မှု၊ ပင်ကိုဥာဏ်ထက်မြက်မှု၊ ပေါင်းသင်းဆက်ဆံရေး ကောင်းမွန်မှု၊ ပွင့်လင်းပျူငှာမှု၊ စိတ်ဓာတ်ကြံ့ခိုင်မှုစတဲ့ အရည်အချင်းတွေကို ဖော်ထုတ်စစ်ဆေးတဲ့ အလှမယ် ရွေးချယ်ပွဲတွေကို ကမ္ဘာ့နေရာ အနှံ့အပြားမှာ ခေတ်အဆက်ဆက် ကျင်းပခဲ့ကြပါတယ်။ ဒီလိုကမ္ဘာ့ထိပ်တန်း အလှမယ်ပြိုင်ပွဲပေါင်းများစွာအနက်က ထိပ်တန်းအလှမယ်ပြိုင်ပွဲတစ်ခုဖြစ်တဲ့ Miss Universe အလှမယ်ပြိုင်ပွဲကို မြန်မာကိုယ်စားပြုအလှမယ်တွေက ၂၀၁၃ ခုနှစ်ကစတင်ပြီး ပါဝင်ယှဉ်ပြိုင်နိုင်ခဲ့ပါတယ်။ ဒီတစ်ပတ်မှာတော့ Miss Universe ပြိုင်ပွဲကို တတိယမြောက် ကိုယ်စားပြုအလှမယ်အဖြစ် ပါဝင်ယှဉ်ပြိုင်ခဲ့သလို အကြိုကျင်းပခဲ့တဲ့ပြိုင်ပွဲရဲ့ စင်မြင့်ထက်မှာ ခြေချော်လဲခဲ့ပေမယ့် ချက်ချင်းပြန်လည်ရပ်လို့ ယုံကြည်ချက်အတိုင်း ဆက်လက် ယှဉ်ပြိုင်နိုင်သူ တစ်ယောက်အနေနဲ့ ကမ္ဘာတစ်ဝန်းက ပြိုင်ပွဲဝင်တွေနဲ့ အားပေးသူတွေကြားမှာ ချီးမွမ်းစကားတွေ ရရှိခဲ့သူဖြစ်တဲ့ အလှမယ် မေဘရဏီသော်ရဲ့ ငယ်စဉ်ဘ၀ အမှတ်တရတွေကို တင်ဆက်ပေးချင်ပါတယ်။

သရုပ်ဆောင်အလှမယ် မေဘရဏီသော်ကို အောက်တိုဘာ ၁၉ ရက် ၁၉၉၀ ပြည့်နှစ်မှာ မိဘများဖြစ်ကြတဲ့ ဦးလှမြင့်နဲ့ ဒေါ်ဝင်းဝင်းကျင်တို့က မွေးဖွားခဲ့ကြပါတယ်။ ရန်ကုန်ဇာတိဖြစ်တဲ့ မေဘရဏီသော်မှာ မွေးချင်းအစ်ကိုတစ်ယောက်ရှိပြီး အသက်များစွာ ကွာခြားတာကြောင့် ငယ်စဉ်ဘ၀မှာ အလိုလိုက် ဂရုစိုက်ခံခဲ့ရသူ ကလေးတစ်ယောက်ဖြစ်ခဲ့တယ်လို့ ဆိုပါတယ်။ ငယ်စဉ်ကလေး ဘ၀မှာ ချူချာတာကြောင့် အရမ်းကြီးဆော့ကစားတာမျိုး သိပ်မရှိဘဲ အနေအေးခဲ့တယ်လို့လည်း မေဘရဏီသော်က ဆိုပါတယ်။ ကျောင်းပညာရေး အနေနဲ့ကတော့ မူလတန်းမှာ အ.မ.က (၃) မြောက်ဥက္ကလာမှာ တက်ရောက်ခဲ့ပြီး အလယ်တန်းနဲ့ အထက်တန်းကိုတော့ အ.ထ.က(၂)ဗဟန်းကျောင်းမှာ တက်ရောက်ခဲ့တယ်လို့ ဆိုပါတယ်။ ကျောင်းပညာရေးမှာ ပုံမှန်အနေအထားပဲရှိပြီး ထူးချွန်သူ တစ်ယောက်တော့ မဟုတ်ခဲ့ဘူးလို့ ဆိုပါတယ်။ ဒါ့အပြင် အနေအေးလို့ သူငယ်ချင်းလည်း နည်းပါးသူတစ်ယောက်လို့ ပြောပြခဲ့ပါတယ်။

ငယ်စဉ်ကလေးဘ၀တည်းက အနုပညာဝါသနာအနေနဲ့ ဖက်ရှင်မဂ္ဂဇင်းတွေ ဖတ်ရတာ စိတ်ပါဝင်စားပြီး မော်ဒယ်လ်ရှိုးတွေကိုလည်း ကြည့်ရတာပျော်ရွှင်တယ်လို့ ဆိုပါတယ်။ ကျောင်းတက်စဉ်အချိန်မှာ အနုပညာလှုပ်ရှားမှုတွေလုပ်ဖို့ မိဘက ခွင့်မပြုတာကြောင့် ပါဝင်ခွင့်မရရှိခဲ့ဘူးလို့ ဖွင့်ဟခဲ့ပါတယ်။ အမှတ်တရအနေနဲ့ ခြောက်တန်းနှစ်မှာ ကျောင်းကပွဲတစ်ခုမှာ အမေမသိအောင် ခိုးကခဲ့ဖူးတယ်လို့ ရယ်ရယ်မောမောနဲ့ ဆိုခဲ့ပါသေးတယ်။

တက္ကသိုလ်ဝင်တန်း အောင်မြင်ပြီးချိန်မှာတော့ ကျောင်းပညာရေးကိုသာ ဆက်လက်သင်ကြားနေခဲ့ပြီး တစ်ဖက်ကလည်း ပြင်ပပညာရေးအနေနဲ့ LCCI Level (3) အောင်မြင်တဲ့အထိ တက်ရောက်ဖြစ်ခဲ့တယ်လို့ ဆိုပါတယ်။ အနုပညာအလုပ်တွေကို ၀ါသနာအရ စမ်းလုပ်ကြည့်ချင်ပေမဲ့ လူကြောက်တတ်တဲ့စိတ်၊ ကိုယ့်ကိုယ်ကိုယ်ယုံကြည်မှု အားနည်းတဲ့စိတ်တွေကြောင့် ကုမ္ပဏီတစ်ခုမှာ အလုပ်ဝင်လုပ်ဖြစ်ခဲ့တယ်လို့ ပြောပြခဲ့ပါတယ်။

“မေက အနုပညာကို ၀ါသနာပါတယ်။ ဒါပေမဲ့ လူအရမ်းကြောက်တတ်သလို ကိုယ့်ကိုယ်ကိုယ်လည်း ယုံကြည်မှုမရှိဘူး။ ဒါကြောင့်ဖြစ်မှာ မဟုတ်ပါဘူးလေဆိုပြီးပဲ အမြဲတွေးဖြစ်တယ်။ အဲဒါနဲ့ပဲ ကုမ္ပဏီတစ်ခုမှာ ၀င်လုပ်ဖြစ်ခဲ့သေးတယ်။ ဒါပေမယ့် ၂၀၁၃ ကို ရောက်တဲ့အခါမှာတော့ ကိုယ်ဝါသနာပါရာ လုပ်ကြည့်မယ်ဆိုတဲ့ စိတ်နဲ့စပြီး လုပ်ဖြစ်သွားတာ” လို့ မေဘရဏီသော်က အနုပညာခရီးလမ်းအစကို ရှင်းပြခဲ့ပါတယ်။ မေဘရဏီသော်က ပထမဆုံး အနုပညာခြေလှမ်း အနေနဲ့ Star Int’l Models Agency မှာ မော်ဒယ်လ်သင်တန်းတက်ခဲ့ပြီး Miss People ပြိုင်ပွဲကို ပထမဆုံး ၀င်ပြိုင်ဖြစ်ခဲ့ရာမှာတော့ 1 st Runner Up ဆုကို ရရှိခဲ့ပါတယ်။ ဒီနောက်မှာတော့ ၂၀၁၄ မှာကျင်းပတဲ့ Miss Myanmar International ပြိုင်ပွဲကို ၀င်ရောက်ယှဉ်ပြိုင်ခဲ့ပြီး 1 st Runner Up ဆုကို ထပ်မံရရှိခဲ့ပါတယ်။ မေဘရဏီသော်ရဲ့ ကံကြမ္မာ အချိုးအကွေ့တစ်ခု အနေနဲ့ Miss Myanmar International Winner ဆုရှင် ခင်ဝေဖြိုးဟန်က ပြိုင်ပွဲဝင်ဖို့ အသက်မမီတာကြောင့် 1 st Runner Up ဆုရှင်ဖြစ်တဲ့ မေဘရဏီသော်က ကိုယ်စားသွားရောက် ယှဉ်ပြိုင်ခွင့်ကို ရရှိခဲ့ပါတယ်။

အားပေးမှုဝေဖန်မှု များစွာကြားကပဲ Miss International ပြိုင်ပွဲကိုသွားရောက် ယှဉ်ပြိုင်ခဲ့ရာမှာတော့ နိုင်ငံတကာပြိုင်ပွဲ အတွေ့အကြုံကောင်းများစွာကို ရရှိစေခဲ့ပါတယ်။ ဒီနောက်မှာတော့ Miss Universe 2015 အတွက် လျှောက်လွှာတွေ ခေါ်ယူချိန်မှာတော့ ကမ္ဘာ့ထိပ်တန်းအလှမယ်ပြိုင်ပွဲကို ပါဝင်ယှဉ်ပြိုင်ချင်တဲ့စိတ်တွေက ယှဉ်ပြိုင်ဖို့အတွက် တိုက်တွန်းနှိုးဆော်နေခဲ့ပါတယ်။ မိဘဆွေမျိုးများနဲ့ မိတ်ဆွေအသိုင်းအ၀န်းများ တားမြစ်နေတဲ့ကြားကပဲ မေဘရဏီသော်က Miss Universe Myanmar 2015 ပြိုင်ပွဲကို ပါဝင်ယှဉ်ပြိုင်ခဲ့ရာမှာတော့ Miss Universe Myanmar 2015 Winner အဖြစ် ရွေးချယ်ခံခဲ့ရပါတယ်။ နိုင်ငံတကာပြိုင်ပွဲ အတွေ့အကြုံရှိခဲ့ပြီးသား အလှမယ်တစ်ယောက်က ထပ်မံရွေးချယ်ခံခဲ့ရတာဖြစ်တဲ့အတွက် ဝေဖန်မှုများစွာ ကြုံတွေ့ရင်ဆိုင်ခဲ့ရပါတယ်။ ဒီလိုအရာတွေနဲ့ ပတ်သက်လို့တော့ အလှမယ်မေဘရဏီသော်က “Miss Universe Myanmar ကို မပြိုင်ခင်တုန်းကလည်း မိဘတွေရော မိတ်ဆွေတွေအားလုံးကပါ ၀ိုင်းပြီးတားကြတယ်။ တကယ်လို့များ မရွေးခံရရင် ဘယ်လိုလုပ်မလဲပေါ့။ အဲဒီလို တားမြစ်တဲ့ကြားထဲကပဲ ၀င်ပြိုင်ဖြစ်ခဲ့တာ။ တကယ်တမ်း ရွေးခံရတော့လည်း ဝေဖန်မှုတွေ အများကြီးခံရတယ်။ ဒါပေမဲ့ အဲဒီဝေဖန်မှုတွေကြောင့် စိတ်ညစ်တာတွေ၊ အားငယ်တာတွေအစား ဘာလုပ်လို့ရမလဲ စဉ်းစားတယ်။ ဝေဖန်မှုအားလုံးကို ဖတ်ကြည့်တယ်။ ဘယ်အပိုင်းကို ပြုပြင်လို့ရမလဲဆိုတာ တွေးတယ်။ ပြိုင်ပွဲနဲ့ ပတ်သက်လို့လည်း အကောင်းဆုံးပြင်ဆင်တယ်။ မေယုံကြည်ထားတာက မြန်မာကိုယ်စားပြုတစ်ယောက် အနေနဲ့ တတ်စွမ်းသလောက်ကြိုးစားဖို့ လိုတယ်။ အဲဒီစိတ်နဲ့ပဲ ဝေဖန်မှုတွေအားလုံးကို ကြံ့ကြံ့ခံခဲ့ပါတယ်” လို့ ဆိုပါတယ်။

မေဘရဏီသော်က မြန်မာကိုယ်စားပြု အလှမယ်တစ်ယောက်အနေနဲ့ Miss Universe ပြိုင်ပွဲကို သွားရောက်ယှဉ်ပြိုင်ခဲ့ရာမှာ အစွမ်းကုန် ကြိုးစားယှဉ်ပြိုင်ခဲ့ပါတယ်။ ပြိုင်ပွဲအကြိုကျင်းပတဲ့ စင်မြင့်ထက်မှာ ခြေချော်ခဲ့ပေမယ့် ဟန်မပျက်ဘဲ ချက်ချင်းပြန်ထပြီး ယုံကြည်ချက်ရှိရှိ ဆက်လက်လျှောက်လှမ်းသွားဟန်က ကမ္ဘာ့အလှမယ်များအလယ်မှာ အံ့အားသင့် ချီးကျူးစရာတစ်ခု ဖြစ်စေပါတယ်။

မေဘရဏီသော်ရဲ့ ပြိုင်ပွဲအမှတ်တရ နောက်တစ်ခုကတော့ Miss Universe 2015 ဆုရှင်ဖိလစ်ပိုင်အလှမယ်နဲ့ အခန်းဖော်ဖြစ်ခွင့်ရခဲ့ခြင်း အတွေ့အကြုံကိုတော့ “ဖိလစ်ပိုင်အလှမယ်နဲ့ အခန်းဖော်ဖြစ်ခွင့်ရတာ အရမ်းလည်း အမှတ်တရဖြစ်ပါတယ်။ သူက ပွင့်လင်းဖော်ရွေတယ်။ ကိုယ့်ကိုယ်ကိုယ် ယုံကြည်မှုလည်း အရမ်းရှိတယ်။ စိတ်ဓာတ်ခွန်အားလည်း တော်တော်လေးပြည့်ဝပါတယ်။ ပွဲနောက်ဆုံးနေ့ အတွေ့အကြုံဆိုရင်လည်း အားလုံးက အံ့သြတကြီးဖြစ်ရတာမျိုးလေ။ ဘယ်လိုပဲဖြစ်ဖြစ် တန်ဖိုးမဖြတ်နိုင်တဲ့ အတွေ့အကြုံတွေလို့ ဆိုရမှာပါ” လို့ ပြောပြခဲ့ပါတယ်။

လက်ရှိမှာတော့ မေဘရဏီသော်ရဲ့ ခြေလှမ်းအသစ်တစ်ခုဖြစ်တဲ့ သရုပ်ဆောင် စွမ်းရည်ကို “ပန်းနှစ်ပွင့်စီးချင်း” လို့ နာမည်ပေးထားတဲ့ ရုပ်သံဇာတ်လမ်းတွဲမှာ သရုပ်ဆောင်ပိုင်ဖြိုးသုနဲ့ အပြိုင်သရုပ်ဆောင်မှုကို မြင်တွေ့ရမှာပဲ ဖြစ်ပါတယ်။ ဥပဒေရဲ့ အဆုံးအဖြတ်၊ အမှန်တရားအတွက် ဖော်ထုတ်မှု စတာတွေကို ရဲဝံ့စွာဆောင်ရွက်မယ့် ရှေ့နေမလေးတစ်ဦး အသွင်သရုပ်ဆောင်ထားတာပါ။ မေဘရဏီသော်က သရုပ်ဆောင်တစ်ဦး အနေနဲ့ ခြေလှမ်းများစွာ ဆက်လက်လျှောက်လှမ်းသွားဦးမှာ ဖြစ်ပါတယ်။

အမ်မီနမ်၏ အယ်လ်ဘမ်သစ် ဒီဇင်ဘာ ၁၅ ရက်တွင် ဖြန့်ချိမည်

ပရိသတ်များ ကာလကြာစောင့်မျှော်နေသည့် အယ်လ်ဘမ်ကို ဒီဇင်ဘာ ၁၅ ရက်တွင် ဖြန့်ချိမည်ဟု ရက်ပ်စူပါစတား အမ်မီနမ်က ဒီဇင်ဘာ ၅ ရက်တွင် လူမှုမီဒီယာ၌ ထုတ်ပြန်ခဲ့သည်။

တစ်သက်တာ ရောင်းအားအကောင်းဆုံး ရက်ပ်အဆိုတော်တစ်ဦးဖြစ်သည့် အမ်မီနမ်က ၎င်း၏ န၀မမြောက်နှင့် လေးနှစ်အတွင်း ပထမဆုံးဖြန့်ချိမည့် Revival အယ်လ်ဘမ်၏ အသေးစိတ် အကြောင်းအရာများကိုလည်း ထုတ်ဖော်ပြောကြားခဲ့သည်။

အမ်မီနမ်သည် ယင်းအယ်လ်ဘမ်တွင် ပါဝင်မည့် ဘီယွန်းစေးနှင့် တွဲဖက်သီဆိုထားသည့် Walk on Water သီချင်းကို ပြီးခဲ့သည့်လက ဖြန့်ချိခဲ့သည်။

သီချင်း ၁၉ ပုဒ် ပါဝင်မည့် Revival အယ်လ်ဘမ်တွင် ပေါ့ပ်ဂီတမှ နာမည်ကြီး အဆိုတော်များဖြစ်သည့် ဘီယွန်းစေး၊ စကိုင်လာဂရေး၊ ကီလာနီ၊ အလီရှာကီး၊ ပင့်ခ်၊ အက်ဒ်ရှီးရန်အပြင် နယူးယောက်ရော့ခ်အဖွဲ့ X Ambassadors နှင့် ရက်ပ်အဆိုတော် Phresher လည်း ပါဝင်သီဆိုထားသည်။

ဂရေးသည် Tragic Endings သီချင်းတွင် ပါဝင်သီဆိုထားသည်။ တေးရေးအဖြစ် လူသိနည်းသည့် ဂရေးသည် အမ်မီနမ်နှင့် ရီဟားနားတို့၏ ၂၀၁၀ ပြည့်နှစ်က အောင်မြင်ခဲ့သည့် Love the Way You Lie သီချင်းကိုရေးစပ်သည့် တေးရေးတစ်ဦးဖြစ်သည်။ ၎င်းသည် Dr.Dre\I Need a Doctor သီချင်းတွင် အမ်မီနမ်နှင့်အတူ ပါဝင်သီဆိုထားသည်။

အသက် ၄၅ နှစ်အရွယ်ရှိ အမ်မီနမ်သည် ပြီးခဲ့သည့်နှစ်အနည်းငယ်အတွင်း သီချင်းသစ်မထွက်ဘဲ ငြိမ်သက်နေခဲ့သော်လည်း ဒေါ်နယ်ထရန့်သမ္မတ ဖြစ်လာခဲ့ပြီးနောက် ၎င်းကို ဒေါသတကြီးရှုတ်ချသည့် ရက်ပ်သီချင်းနှစ်ပုဒ်ဖြင့် တစ်ကျော့ပြန် လှုပ်ရှားခဲ့သည်။ မကြာသေးမီက ကျင်းပခဲ့သည့် Black Entertainment Television Hip-Hop ဆုပေးပွဲတွင် အမ်မီနမ်က ထရန့်နှင့်အစိုးရအဖွဲ့ကို ဝေဖန်ထားသည့် The Storm အမည်ရ Freestyle ရက်ပ်သီချင်းဖြင့် ဖျော်ဖြေခဲ့သည်။

အမ်မီနမ်သည် ပင့်ခ်၏ Beautiful Trauma တွင် ပါဝင်မည့် Revenge သီချင်းတွင်လည်း ပါဝင်သီဆိုထားသည်။ အမ်မီနမ်သည် ၎င်း၏အနုပညာသက်တမ်းတစ်လျှောက် အယ်လ်ဘမ်ချပ်ရေ စုစုပေါင်း ၁၇၂ သန်း ရောင်းချနိုင်ခဲ့ပြီး ရောင်းအားအကောင်းဆုံး ရက်ပ်အဆိုတော်စာရင်းတွင် ပါဝင်ခဲ့သည်။ ၎င်းသည် ၂၀၀၂ ခုနှစ်တွင် 8 Mile ဇာတ်ကား၌ ပါဝင်သရုပ်ဆောင်ခဲ့ပြီး ယင်းဇာတ်ကားတွင် ပါဝင်သည့် Lose Yourself သီချင်းဖြင့် အော်စကာဆုပေးပွဲတွင် အကောင်းဆုံး Original Song ဆုရရှိခဲ့သည့် ပထမဆုံး ရက်ပ်အဆိုတော် ဖြစ်လာခဲ့သည်။

၂၀၁၇ ခုနှစ်အတွက် မြန်မာ့ရုပ်ရှင် ထူးချွန်ဆုပေးပွဲကို မတ်လဒုတိယပတ်ခန့်၌ ကျင်းပရန်လျာထားပြီး သတ်မှတ်ထားသည့် ဆုအရေအတွက် ၁၁ ဆုလုံး ချီးမြှင့်မည်

၂၀၁၆ ခုနှစ်အတွက် ပေးအပ်ခဲ့သည့် မြန်မာ့ရုပ်ရှင် ထူးချွန်ဆုပေးပွဲအား တွေ့ရစဉ်

၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲကို မတ်လဒုတိယပတ်၌ ကျင်းပရန် လျာထားပြီး သတ်မှတ်ထားသည့်ဆု အရေအတွက် ၁၁ ဆုလုံး ပေးအပ်မည်ဖြစ်ကြောင်း သိရသည်။ အကယ်ဒမီ ထူးချွန်ဆုပေးအပ်ချီးမြှင့်နိုင်ရန် အကယ်ဒမီထူးချွန်ဆု စိစစ်အကဲဖြတ်အဖွဲ့အား ဒီဇင်ဘာအတွင်း ဖွဲ့စည်းရန် စီစဉ်ထားကြောင်း သိရသည်။ အကယ်ဒမီ စိစစ်အကဲဖြတ်အဖွဲ့ဝင်များအနေဖြင့် ယခင် သတ်မှတ်ထားပြီးဖြစ်သည့် စိစစ် အကဲဖြတ်စည်းမျဉ်းများဖြင့်သာ အကယ်ဒမီဆုများအား စိစစ်ရွေးချယ်မည်ဖြစ်သော် လည်း သတ်မှတ်ထားသည့် ဆုအရေအတွက်  ၁၁ ဆုလုံးအား ရွေးချယ်ပေးရန် မြန်မာနိုင်ငံ ရုပ်ရှင်အစည်းအရုံးအနေဖြင့် အတိအလင်း သတ်မှတ်သွားမည်ဖြစ်ကြောင်း သိရသည်။

“အကယ်ဒမီထူးချွန်ဆုတွေကို စိစစ် အကဲဖြတ်ဖို့အတွက် ဒီဇင်ဘာလအတွင်းမှာပဲ စိစစ်အကဲဖြတ်အဖွဲ့ကို ဖွဲ့စည်းသွားပါမယ်။ အဖွဲ့ဝင်တွေအနေနဲ့ ယခင်သတ်မှတ်ထားပြီးသား စည်းမျဉ်းစည်းကမ်းများနဲ့သာ အကယ်ဒမီဆုတွေကို စိစစ်ရွေးချယ်မှာဖြစ်ပေမဲ့ သတ်မှတ်ထားတဲ့ဆုအမျိုးအစား ၁၁ ခုလုံးကို စိစစ်ရွေးချယ်ပေးဖို့ အတိအလင်းပြောကြားသွားမှာပါ။ အကယ်ဒမီဆိုတာ တစ်နှစ်တာလုံးအတွက် အကောင်းဆုံးဆုတွေကို ရွေးချယ်ပေးအပ်တာဖြစ်လို့ ရုံတင်ပြသခဲ့တဲ့ ဇာတ်ကားတွေထဲက သတ်မှတ်ဆုအမျိုးအ စားအလိုက် အကောင်းဆုံးသူတွေကို ရွေးချယ်ပေးအပ်မှာဖြစ်ပါတယ်။ ယခင်နှစ်များကလို ဘယ်ဆုကတော့ ချန်ခဲ့တယ်၊ ဘယ်ဆုကတော့ ကျန်ခဲ့တယ်ဆိုတာမျိုး မရှိဘဲ ဆုအမျိုးအစားအားလုံးကို ရွေးချယ်ပေးအပ်မှာ ဖြစ်ပါတယ်။ အကယ်ဒမီပွဲကိုတော့ မတ်လ ဒုတိယပတ်မှာ ကျင်းပဖို့ ရည်ရွယ်ထားပါတယ်”ဟု မြန်မာနိုင်ငံရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ဆိုသည်။

အကယ်ဒမီထူးချွန်ဆုစိစစ်အကဲဖြတ် ခြင်းနှင့်ပတ်သက်၍ ဒါရိုက်တာမောင်မျိုးမင်း (ရင်တွင်းဖြစ်) ကလည်း “အကယ်ဒမီနဲ့ပတ်သက်လို့ကတော့ စိစစ်အကဲဖြတ်အဖွဲ့က တော်တော်အရေးကြီးပါတယ်။ ၀ါရင့်အနုပညာရှင်တွေနဲ့ ဖွဲ့စည်းတယ်ဆိုပေမဲ့ လက်ရှိ အနုပညာဖန်တီးမှုပုံစံတွေကို မသိတာမျိုး၊ အံဝင်ခွင်ကျ မဖြစ်တော့တာမျိုးလည်း ရှိနိုင်တယ်။ ဦးမျိုးတို့လည်း တစ်နေ့ အသက်ကြီးရင် ဒါမျိုးဖြစ်မှာပါပဲ။ ဒါတွေက ထည့်စဉ်းစားရမယ့်အချက်ပါ။ တစ်နှစ်တာလုံးရဲ့အကောင်းဆုံးဆုကို ပေးတာဖြစ်တဲ့အတွက် ဆု အမျိုးအစားအားလုံးကိုလည်း မဖြစ်မနေပေးသင့်တယ်။ ဒါတွေက ပြုပြင်သွားရမယ့် အချက်တွေပါ”ဟု သုံးသပ်ခဲ့သည်။

မြန်မာ့ရုပ်ရှင်ထူးချွန်ဆု အကယ်ဒမီအတွက် စိစစ်အကဲဖြတ်အဖွဲ့ ဖွဲ့စည်းနိုင်ရန် ရုပ်ရှင်အနုပညာရှင် အတတ်ပညာရှင်များအား ရွေးချယ်လျက်ရှိပြီး ယခုနှစ်တွင် ရုံတင် ပြသခဲ့သည့် ဇာတ်ကားအရေအတွက်မှာ ယခင်နှစ်များကထက် နှစ်ဆနီးပါး ပိုမိုများ  ပြားလာသဖြင့် အချိန်ယူစိစစ်ရွေးချယ်ရမည် ဖြစ်ကြောင်း သိရသည်။ အကယ်ဒမီထူးချွန်ဆုများအား ၂၀၁၃ ခုနှစ်မှစတင်ကာ မြန်မာ နိုင်ငံရုပ်ရှင်အစည်းအရုံးက တာဝန်ယူပေးအပ်ခဲ့ရာ၌ နှစ်စဉ်တိုင်းတွင် ဆုများရွေးချယ် ပေးအပ်မှုအပေါ် ဝေဖန်မှုအချို့ ထွက်ပေါ် ခဲ့ပြီး ယခုနှစ်တွင်မူ ရုပ်ရှင်အစည်းအရုံးအမှု ဆောင်သစ်အဖွဲ့၏ ပထမဆုံးအကယ်ဒမီ ပေးပွဲအဖြစ် ကျင်းပနိုင်ရန် စတင်ပြင်ဆင်နေခြင်းဖြစ်သည်။

 

 

Grand Prize နှင့်အတူ Universal Music နှင့်လက်တွဲကာ တေးအယ်လ်ဘမ် ထုတ်ဝေခွင့်ရရှိမည့် The Voice Myanmar 2018 သီချင်းဆိုပြိုင်ပွဲ ဖေဖော်ဝါရီတွင် စတင်ထုတ်လွှင့်မည်

Coach တစ်ဦးအဖြစ်ပါဝင်မည့် တေးသံရှင်လင်းလင်း

Grand Prize နှင့်အတူ ကမ္ဘာကျော် Universal Music နှင့်လက်တွဲကာ တေးအယ်လ်ဘမ် ထုတ်ဝေခွင့်ရရှိမည့် The Voice Myanmar 2018 သီချင်းဆိုပြိုင်ပွဲကို ဖေဖော်ဝါရီလတွင် စတင်ထုတ်လွှင့်မည်ဖြစ်ကြောင်း သိရသည်။

The Voice Myanmar 2018 သီချင်းဆိုပြိုင်ပွဲကို ပထမဆုံးအကြိမ် ကျင်းပခြင်းဖြစ်ပြီး MRTV 4 ရုပ်သံလိုင်းမှတစ်ဆင့် ဖေဖော်ဝါရီလမှ စတင်ကာ ထုတ်လွှင့်ပြသသွားရန် စီစဉ်ထားခြင်းဖြစ်ကြောင်း သိရသည်။

The Voice Myanmar 2018 မှာ အခြားသော သီချင်းဆို ပြိုင်ပွဲများဖြင့်ကွဲပြားသည့် ယှဉ်ပြိုင်မှုများ ပါဝင်မည်ဖြစ်ပြီး ထိပ်တန်းအနုပညာရှင်လေးဦးက Coach များအဖြစ် ပါဝင် ဆောင်ရွက်မည်ဖြစ်သည်။ Coach များအဖြစ် ပါဝင်ဆောင်ရွက်မည့်သူများမှာ တေးရေး တေးသံရှင် လင်းလင်း၊ ကျားပေါက်၊ ရန်ရန်ချန်းနှင့် နီနီခင်ဇော်တို့ဖြစ်ကြောင်း သိရသည်။

The Voice Myanmar 2018 သီချင်းဆိုပြိုင်ပွဲတွင် Level လေးခုဖြင့် ယှဉ်ပြိုင်စေမည်ဖြစ်ပြီး ပထမဆုံးအဆင့်တွင် Online Audition အဖြစ် ပါဝင်ယှဉ်ပြိုင်ရမည်ဖြစ်သည်။ Online Audition ပါဝင်လိုသူများအား နိုဝင်ဘာ ၃ ရက်အထိ ခေါ်ယူထားပြီးဖြစ်ကာ လျှောက်ထားလာသူများထဲမှ အရည်အချင်း ရှိသည့်ပြိုင်ပွဲဝင်များကို ဒုတိယအဆင့်ဖြစ်သည့် Blind Audition သို့ ဆက်လက်ယှဉ် ပြိုင်စေမည်ဖြစ်ကြောင်း သိရသည်။

Blind Audition တွင် နောက်ကျောပေးထားသည့် ခုံလေးခုံ၌ Coach လေးဦးက ထိုင်နေမည် ဖြစ်ပြီး ပြိုင်ပွဲဝင်များ၏ အသံအရည်အသွေး တစ်ခုတည်းကိုသာ နားဆင်ခံစားကာ မိမိတို့ နှစ်သက်သည့်ပြိုင်ပွဲဝင်အား ရွေးချယ်မည် ဖြစ်ကြောင်း သိရသည်။

ပြိုင်ပွဲဝင်များ၏ ယှဉ်ပြိုင်မှုအား နားဆင်ရင်း မိမိတို့အဖွဲ့သို့ ရွေးချယ်လိုသည့် Coach အနေဖြင့် ထိုင်ခုံတွင် တပ်ဆင်ထားသည့်ခလုတ်အားနှိပ်ကာ ရွေးချယ်နိုင်မည်ဖြစ်ပြီး ရွေးချယ်ပြီးပါက ထိုင်ခုံအားလှည့်ကာ ရွေးချယ်လိုက်သည့်ပြိုင်ပွဲဝင်၏ ယှဉ်ပြိုင်မှုကို ဆက်လက်ခံစားကြည့်ရှုနိုင်မည်ဖြစ်ကြောင်း သိရသည်။

သီဆိုအစစ်ခံမှုပြီးဆုံးချိန်တွင် Coach တစ်ဦးထက်ပို၍ ရွေးချယ်ခံရပါက ပြိုင်ပွဲဝင်အနေဖြင့် မိမိတို့ နှစ်သက်သည့် Coach အား ရွေးချယ်ကာ သွားရောက်နိုင်မည်ဖြစ်ကြောင်း သိရသည်။ Battle Round အဆင့်တွင် Coach တစ်ဦး ချင်းစီအောက်၌ရှိသော အဖွဲ့တူပြိုင်ပွဲဝင်နှစ်ဦးစီ ရွေးချယ်ကာ သီချင်းတစ်ပုဒ်တည်းကို သီဆိုယှဉ်ပြိုင်ရမည်ဖြစ်ကြောင်း သိရသည်။

သီဆိုယှဉ်ပြိုင်ရမည့်သီချင်းနှင့် တွဲဖက်ယှဉ် ပြိုင်ရမည့်ပြိုင်ပွဲဝင်နှစ်ဦးကို Coach က ရွေးချယ်ပေးမည်ဖြစ်ကာ သီဆိုယှဉ်ပြိုင်မှုအပြီးတွင် တစ်ဦးကို Coach က ရွေးချယ်ပေးမည် ဖြစ်ကြောင်း သိရသည်။ Battle Round တွင် Coach တစ်ဦးချင်းစီ၌ လက်ရွေးစင်ပြိုင်ပွဲဝင်ခြောက်ဦးစီ ကျန်ရှိမည်ဖြစ်သည်။

Live Broadcast အဆင့်မှာ နောက်ဆုံးအဆင့် ယှဉ်ပြိုင်မှုဖြစ်ပြီး ပရိသတ်မဲပေးရွေးချယ်မှုကိုသာ အဆုံးအဖြတ်အဖြစ် ရယူမည်ဖြစ်ကာ မဲအနည်းဆုံးပြိုင်ပွဲဝင်နှစ်ဦးစီက ရက်သတ္တပတ်အလိုက် နှုတ်ဆက်ထွက်ခွာရမည်ဖြစ်ပြီး အဆိုပါအဆင့်တွင် Coach များအနေဖြင့် အကြံပေးမှုသာ ပြုလုပ်နိုင်မည်ဖြစ်ကြောင်း သိရသည်။

ဆလီနာဂိုမက်ဇ်က ကျောက်ကပ်လှူဒါန်းခဲ့သည့် သူငယ်ချင်းကို Billboard ဆုပေးပွဲတွင် ကျေးဇူးတင်စကား ပြောကြား

Photo : AFP

အဆိုတော်၊ သရုပ်ဆောင် ဆလီနာဂိုမက်ဇ်သည် နိုဝင်ဘာ ၃၀ ရက်က ကျင်းပခဲ့သည့် Billboard Women in Music ဆုပေးပွဲတွင် Woman of the Year ဆု လက်ခံရယူစဉ် ၎င်းအား ကျောက်ကပ်လှူဒါန်းခဲ့သည့် သူငယ်ချင်းဖြစ်သူ သရုပ်ဆောင် ဖရန်စီယာရွိုင်ဆာကို ကျေးဇူးတင်စကား ပြောကြားခဲ့သည်။ ဖရန်စီယာရွိုင်ဆာက ဂိုမက်ဇ်ကို Woman of the Year ဆုပေးအပ်စဉ် ဂိုမက်ဇ်က မျက်ရည်ကျခဲ့သည်။

“သူ (ဖရန်စီယာရွိုင်ဆာ) က ကျွန်မရဲ့ အသက်ကို ကယ်ခဲ့တာပါ။ တကယ်တော့ ဒီဆုကို သူရသင့်တာပါ” ဂိုမက်ဇ်က ပြောကြားခဲ့သည်။ ခက်ခဲကြမ်းတမ်းခဲ့သည့် တစ်နှစ်တာအတွင်း ကူညီပေးခဲ့သည့် ၎င်း၏မိသားစုနှင့်   အဖွဲ့သားများကိုလည်း ဂိုမက်ဇ်က ကျေးဇူးတင်စကား ပြောကြားခဲ့သည်။ ဆလီနာဂိုမက်ဇ်သည် ကိုယ်ခံအားစနစ် ဖောက်ပြန်သော ရောဂါတစ်မျိုးဖြစ်သည့် Lupus အတွက် နောက်ဆုံးကုသမှုအဖြစ် ကျောက်ကပ်အစားထိုး ခွဲစိတ်ကုသမှု ခံယူခဲ့ရကြောင်း၊ ၎င်းအတွက် သူငယ်ချင်းဖြစ်သူ ဖရန်စီယာရွိုင်ဆာက ကျောက်ကပ်လှူဒါန်း ခဲ့ကြောင်းကို စက်တင်ဘာ ၁၄ ရက်တွင် ထုတ်ဖော်ပြောကြားခဲ့ပြီး ပြီးခဲ့သည့် နွေရာသီတွင် လူမြင်ကွင်းမှ ပျောက်နေခဲ့မှုကို ရှင်းပြခဲ့သည်။

အသက် ၂၉ နှစ်အရွယ်ရှိ  ရွိုင်ဆာသည် The Secret Life of the American Teenager ဇာတ်လမ်းတွဲနှင့် Bring If On: All or Nothing ဇာတ်ကားတို့ဖြင့် လူသိများခဲ့သူဖြစ်ပြီး ဂိုမက်ဇ်၏ သီချင်းဗီဒီယိုများတွင်လည်း ပါဝင်သရုပ်ဆောင်ခဲ့သည်။

အသက် ၂၅ နှစ်အရွယ်ရှိ ဂိုမက်ဇ်က Lupus ရောဂါကြောင့်၂၀၁၃ ခုနှစ် ဒီဇင်ဘာတွင် အာရှနှင့် သြစတြေးလျ ဖျော်ဖြေပွဲ ခရီးစဉ်ကို ဖျက်သိမ်းခဲ့ရပြီး ဓာတုကုထုံးဖြင့် ကုသမှုခံယူခဲ့ရသည်။ ယင်းရောဂါ၏ ဘေးထွက်ဆိုးကျိုးများ ဖြစ်သည့် စိတ်ဓာတ်ကျခြင်းနှင့် စိုးရိမ်ပူပန်မှု ဖြစ်ပွားခြင်းတို့ကို ကုသရန် အရီဇိုးနားပြည်နယ်ရှိ ပြန်လည်ထူထောင်ရေး စင် တာတွင် ရက် ၉၀ ကြာနေထိုင်ခဲ့ရသည်ဟုလည်း ၎င်းက ပြောကြားခဲ့သည်။

ဒစ္စနေ၏ Wizards of Waverly Place ဇာတ်လမ်းတွဲဖြင့် အောင်မြင်ခဲ့သည့် ဂိုမက်ဇ်သည် အဆိုတော် ဂျက်စတင်ဘီဘာနှင့် လေးနှစ်ကြာ တွဲခဲ့ပြီးနောက် ၂၀၁၅ ခုနှစ်တွင် လမ်းခွဲခဲ့သည်။ ကနေဒါ အဆိုတော် The Weekend နှင့်တွဲနေကြောင်း ယခုနှစ်အစောပိုင်းတွင် အတည်ပြုခဲ့သော်လည်း ရည်းစားသက်တမ်း ၁၀ လအကြာ အောက်တိုဘာတွင် လမ်းခွဲခဲ့သည်။

တေးသံရှင်ချမ်းချမ်းနှင့် တွေ့ဆုံခြင်း

မယ်လိုဒီဝေါလ် သီချင်းဆိုပြိုင်ပွဲမှ အစပြုကာ ဂီတလောကအတွင်း ရောက်ရှိလာခဲ့ပြီးနောက် အသံအားကောင်းသည့် တေးသံရှင် တစ်ဦးအဖြစ် ပရိသတ် လက်ခံအားပေးမှု အခိုင်အမာ ရရှိထားသူမှာ တေးသံရှင်ချမ်းချမ်း ဖြစ်သည်။ တစ်ကိုယ်တော် တေးစီးရီး သုံးခွေထွက်ရှိထားပြီး အောင်မြင်သည့် တေးသီချင်း များစွာကို သီဆိုထားသူ တေးသံရှင်ချမ်းချမ်းသည် စတုတ္ထမြောက် တစ်ကိုယ်တော် တေးစီးရီးအား ဒီဇင်ဘာ ၉ ရက်တွင် ထွက်ရှိနိုင်ရန် ပြင်ဆင်လျက် ရှိပါသည်။ လတ်တလောတွင် အိမ်ထောင်ရေး ပြဿနာများဖြင့် ရင်ဆိုင်နေရကာ စိတ်ပင်ပန်းမှုများစွာ ကြားမှပင် တစ်ကိုယ်တော် တေးစီးရီးအတွက် အားစိုက်ပြင်ဆင် နေသူလည်းဖြစ်သည်။ တေးသံရှင် ချမ်းချမ်းနှင့် တွေ့ဆုံ၍ မကြာခင် ထွက်ရှိတော့မည့် တစ်ကိုယ်တော် တေးစီးရီးသစ်အကြောင်း၊ အိမ်ထောင်ရေး အခြေအနေနှင့် ပတ်သက်၍ စိတ်ဆုံးဖြတ် ခံယူထားသည်များ၊ သမီးလေး၏ စိတ်လုံခြုံမှုအတွက် စိတ်ခွန်အားပေးသွားရန် စီစဉ်ထားမှုများ အကြောင်းကို မေးမြန်းဖြစ်ခဲ့ပါသည်။

မေး – ‘သို့…ချစ်နေတုန်းပဲ’ အခွေလေးကို ဘယ်လောက်ထိ အချိန်ယူပြီး ဖန်တီးခဲ့လဲ ဆိုတာလေး အရင်ဆုံး သိချင်ပါတယ်။

ဖြေ – ဒီအခွေအတွက်က အချိန်နှစ်နှစ်ကျော်လောက် ယူခဲ့တယ်။ သီချင်းစုတယ်။ မကြိုက်မချင်း နားထောင်တယ်။ ပရိသတ်အသံကို နားထောင်တယ်။ သူတို့ဘယ်လို သီချင်းမျိုးလေးတွေ နားထောင်ချင်လဲပေါ့။ တချို့ကလည်း ဇာတ်ဝင်သီချင်းလေးတွေ ထည့်ပေးပါဆိုတော့ ဒီဇင်ဘာမှာ ရုံတင်တော့မယ့် ‘ထာဝရအမေ’ ဇာတ်ကားထဲက ဇာတ်ဝင်သီချင်းလေးကို ဆရာစင်ရော်မောင်မောင်နဲ့ ဆရာဦးခင်မောင်ဝင်းတို့က ဒီသီချင်းလေးကို လက်ဆောင်အနေနဲ့ ထည့်ပေးလိုက်တာပေါ့။ အဲဒီသီချင်းလေးကို အခွေထဲမှာ ထည့်ဖြစ်တယ်။ ကျန်တဲ့သီချင်း လေးတွေကတော့ ဆိုနေကျပုံစံလေးတွေပါမယ်။ R&B ပါမယ်။ Slow Rock လေးတွေပါမယ်။ Jazz တွေကလည်း ချမ်းက အရမ်းကြိုက်တော့ အဲဒီပုံစံလေးတွေလည်း ပါပါတယ်။

မေး – တေးရေးတွေကရော ဘယ်သူတွေ ရေးပေးထားတာလဲ။

ဖြေ – သီချင်းက Bonus Track ပါအပါဆိုရင် ၁၃ ပုဒ်ပါတယ်။ တေးရေးတွေက ကိုဓိရာမိုရ်၊ ငါး၊ ကိုအောင်ခြိမ့်၊ ကိုဂျီလေး၊ ဒီဂျေလင်းလင်းတို့က ရေးသားပေးထားတာပါ။

မေး – စီးရီး Title ကကြားလိုက်တာနဲ့ကို ခံစားမှု ပေါ်လွင်စေတယ်။ အဲဒါလေးကို ဘာကြောင့် ရွေးဖြစ်တာလဲ။

ဖြေ – အမှန်အတိုင်းပြောရရင် အခွေအသစ် မထွက်ဖြစ်တာလည်းကြာပြီ။ ပရိသတ်တွေကိုလည်း သတိရတယ်။ သူတို့အတွက် စာတစ်ခု ရေးပေးလိုက်တဲ့ သဘောပေါ့။ သို့ဆိုတဲ့ စကားလုံးလေးကလေ သူတို့အတွက် ရည်ရွယ်တာပေါ့။ ချစ်နေတုန်းပဲဆိုတဲ့ သီချင်းကတော့ အခွေထဲမှာ Version နှစ်မျိုးနဲ့ လုပ်ထားတယ်။ ဒါလေးက အားထားတဲ့ သီချင်းလေးဖြစ်တယ်။ မှတ်မိလွယ်သလို စာသားလေးတွေလည်းကောင်းတဲ့ အချစ်သီချင်းလေး ဖြစ်တယ်။ အဲဒါလေးက ပရိသတ်တွေကို ရည်ညွှန်းရာလည်း ရောက်တယ်။ ပရိသတ်တွေကို ချစ်နေတုန်းပဲ ဆိုတာလေးလည်း ပြောပြတဲ့သဘောနဲ့ ဒီနာမည်လေး ပေးဖြစ်သွားတာပါ။

မေး – အရင်ထွက်ခဲ့တဲ့ အခွေတွေနဲ့ ဟန်ပန်တွေ ပြောင်းသွားမှာတွေပါလား။

ဖြေ – အဲဒီလိုတော့မပါဘူး။ ချမ်းချမ်းက ခေတ်ရဲ့နောက်ကို တအားမလိုက်ချင်ဘူး။ တစ်ခါတလေ ခေတ်ရဲ့နောက်ကိုလိုက်ရင်း ကိုယ်ပိုင်ဟန် ပျောက်သွားတာမျိုးလည်း ရှိတတ်တော့လေ။ ပြောင်းသင့်တာမျိုးဆိုလည်း ပြောင်းလိုက်တယ်။ အရင်ဟာတွေကိုတော့ ဆိုမြဲဆိုတယ်။ ထပ်ထည့်သင့်တာကို ထပ်ထည့်တယ်။

မေး – ပရိသတ်နဲ့တွေ့မယ့် အစီအစဉ်လည်း လုပ်ထားတယ်ဆိုတော့ ပြောပြပေးပါဦး။

ဖြေ – အမှန်အတိုင်းပြောရရင် ဒီရက်ထဲမှာ လူမှုရေးကိစ္စတွေနဲ့ စိတ်ရောလူပါ ပင်ပန်းနေတယ်။ အဲဒီအတွက်လည်း အရမ်းအားနာတယ်။ ဆရာချစ်စမ်းမောင်ကလည်း ချမ်းအခွေအတွက် Mastering နဲ့ Mixing ဆွဲနေတုန်း သူ့ဇနီးကျန်းမာရေးက ရှိလာတယ်။ သူကကြိုးစားပြီး လုပ်ပေးရင်းနဲ့ ဒီဇင်ဘာ ၉ ရက်အမီ လုပ်ပေးမယ်လို့တော့ ကတိပေးထားတယ်။ နောက်ကျလည်း တစ်ရက် နှစ်ရက်ပေါ့။ ပရိသတ်တွေနဲ့ တွေ့ဆုံမယ့် အစီအစဉ်ကတော့ ဒီဇင်ဘာ ၉ ရက်မှာ လှည်းတန်းစင်တာမှာ တွေ့ဆုံသွားပါမယ်။ နယ်တွေမှာလည်း ပရိသတ်တွေနဲ့ တွေ့ဆုံသွားဖို့ စီစဉ်သွားပါမယ်။

မေး – ချမ်းချမ်းရဲ့ မိသားစုပြဿနာနဲ့ ပတ်သက်လို့ ပရိသတ်တွေကတော့ စိတ်ပူပေးနေကြတယ်ပေါ့နော်။

ဖြေ – အမှန်အတိုင်းပြောရရင် ဒီကိစ္စနဲ့ပတ်သက်ပြီး ထပ်ပြီးလည်း မရှင်းချင်တော့ဘူး။ အားလုံးလည်း သိလောက်ပြီလို့ ထင်တယ်။ ဘ၀မှာ တန်ဖိုးထားတဲ့ အရာတွေက ဘာမှမမြဲဘူးဆိုတာ သိလိုက်တာပေါ့။ ဘ၀မှာ မထင်မှတ်တဲ့ အရာတစ်ခု ဖြစ်လာရင် အဲဒီလိုပဲ ခံယူကြရတာပဲလေ။ ဒါပေမဲ့ အမှန်တရား ဆိုတာတော့ရှိတယ်။ ခွင့်လွှတ်ခြင်း၊ ခွင့်မလွှတ်ခြင်း၊ ပေါင်းခြင်း မပေါင်းခြင်း ဆိုတာထက် ရိုးသားခြင်းနဲ့ သစ္စာရှိခြင်းဆိုတာ လူတိုင်းမှာ ရှိသင့်တယ်။ အိမ်ထောင်သည်မှ မဟုတ်ဘူး။ အဖေအမေနဲ့ သားသမီးကြား၊ သူငယ်ချင်း မိတ်ဆွေတွေကြား၊ မောင်နှမတွေ ကြားမှာလည်း ရိုးသားခြင်းနဲ့ သစ္စာရှိခြင်းဆိုတာ ရှိသင့်တယ်ဆိုတာ ပိုသိလာတယ်။ ချမ်းချမ်းကတော့ အားလုံးကိုလျှော့လိုက်တယ်။ ဘာလို့လဲဆိုတော့ စိတ်ရောလူပါ အရမ်းပင်ပန်းနေပြီ။ မနေ့ကဆို ဆေးရုံတောင် တက်ရတယ်။ နှလုံးလည်း မကောင်းသလို အာရုံကြောတွေလည်း အရမ်းအားနည်းနေတယ်။ ကိုယ်လဲပြိုသွားရင် ကိုယ့်သားသမီး မိဘတွေကို ဘယ်သူကြည့်ပေးမလဲပေါ့။ ချမ်းချမ်းသမီးအတွက် ရပ်တည်ရမယ်။ သူလည်း ဖခင်ကောင်းတစ်ယောက်ပါ။ သမီးအတွက် လိုလေသေးမရှိ မေတ္တာပေးနိုင်တယ်ဆိုတာ သံသယမရှိဘူး။ ချမ်းချမ်းတို့ နှစ်ယောက်ကိစ္စက သက်သက်ပေါ့နော်။ ဒါကြောင့် ဘယ်လိုအချိန်မှာပဲဖြစ်ဖြစ် သူကလည်း သမီးအတွက် ဖခင်ဖြစ်နေမှာပဲ။ ချမ်းလည်း မိခင်ဖြစ်နေမှာပဲ။ ဒါကြောင့် စိတ်မပူပါနဲ့လို့ ပရိသတ်တွေကို ပြောချင်ပါတယ်။

မေး – သမီးလေးအတွက် စိတ်ဒဏ်ရာတွေ မဖြစ်စေဖို့ရော ဘယ်လို ပြင်ဆင်သွားမလဲ။

ဖြေ – ဘယ်သူမှတော့ ကိုယ့်သားသမီးကို စိတ်ဒဏ်ရာ မရစေချင်ဘူး။ အခုဆိုရင် သမီးက ချမ်းချမ်း ဘယ်သွားသွား လိုက်မယ်ဆိုတာချည်းပဲ။ သူတစ်ယောက်တည်း ကျန်ခဲ့မှာကို အရမ်းကြောက်နေတယ်။ ကိုယ်လည်း နားလည်တယ်။ အစ်ကို ခရီးထွက်ချိန်မှာတော့ သမီးက ချမ်းချမ်းနဲ့အတူရှိမယ်။ ချမ်းချမ်း ခရီးထွက်ရင်တော့ သမီးက အစ်ကို့ဆီ ရောက်သွားမှာပေါ့။ ဒီလိုပဲ တာဝန်ဆိုတာ မျှယူရမှာပဲ။ ပေါင်းခြင်း မပေါင်းခြင်းထက် နားလည်မှု တစ်ခုပေါ့နော်။ အငြိုးအတေးလည်း မရှိပါဘူး။ ကိုယ်က ခွင့်လွှတ်သည့် တိုင်အောင် အမှန်တရားဆိုတာ ရှိနေမှာပဲ။ အမှန်တရားဆိုတာက ကာယကံရှင်တွေမှာ ရှိနေမှာပဲ။ အဲဒါတွေကို လိုက်ဖော်ထုတ်ပြီး အရှက်လိုက် ခွဲနေမှာလည်း မဟုတ်ဘူး။ ကိုယ့်စိတ်ကိုယ်လုံရင် ပြီးတာပါပဲ။

မေး – ချမ်းချမ်းက အချစ်ကြီးတယ်၊ စိတ်ခံစားမှုများတယ်ဆိုတော့ ကိုယ့်ကိုယ်ကိုယ် စိတ်သက်သာရာရဖို့ ဘယ်လိုပြင်ဆင်မလဲ။

ဖြေ – အဓိကတော့ဘုရားပေါ့။ ဘုရားတရား ဘက်လှည့်သွားရင် စွဲလမ်းမှုအတ္တတို့၊ မာနတို့ ဘာမှရှိတော့မှာ မဟုတ်ဘူး။ ဘာပဲလုပ်လုပ် ချမ်းက သစ္စာဆိုလေ့ရှိတယ်။ ငယ်ကတည်းကလည်း မိဘကို လုပ်ကျွေးခဲ့တယ်။ မိသားစု အပေါ်မှာလည်း အကောင်းဆုံး အမြဲဖန်တီးခဲ့တယ်။ လူတိုင်းပေါ်မှာ စိတ်သန့်သန့်ထားတယ်။ အဲဒီအကျိုးကို တစ်နေ့မှာတော့ ပြန်ခံစားရမှာပဲ။

မေး – အခုလို စိတ်ပင်ပန်းချိန်မှာ ဖခင်ဖြစ်သူက အနားမှာ ရှိနေပေးတဲ့ အတွက်ရော ဘယ်လိုခံစားရလဲ။

ဖြေ – အဆိုးထဲက အကောင်းလို့ ပြောရမှာပေါ့။ ဒီလိုခံစားနေရချိန်မှာ ချမ်းရဲ့ အဖေသည် လိုလေသေးမရှိ လိုက်စောင့်ရှောက်တယ်။ မိဘကို အလုပ်အကျွေးပြုပေမဲ့ အချိန်မပေးနိုင်ခဲ့ဘူး။ သားသမီးကိစ္စ၊ အိမ်ထောင်ဖက်အတွက် အချိန်ပေးရတာနဲ့ မိဘအတွက် အချိန်မပေးနိုင်ခဲ့ဘူး။ အခုချိန်မှာ ချမ်းမိဘတွေကို အချိန်ပေးဖြစ်တယ်။ နွေးနွေးထွေးထွေး ပြန်နေခွင့်ရတဲ့အတွက် အဆိုးထဲက အမြတ်လို့ ဆိုရမှာပါ။

မေး – တစ်ကိုယ်တော်ပွဲအတွက်ရော ဆက်လုပ်ဖြစ်သွားမလား။

ဖြေ – တစ်ကိုယ်တော်ပွဲကို ဇန်န၀ါရီထဲတော့ မှန်းထားတယ်။ ပြင်ဆင်နေပါတယ်။

မေး – တစ်ကိုယ်တော် ဆိုတာက မှတ်တိုင်တစ်ခု ဖြစ်တဲ့အတွက် ဘယ်လောက်ထိ ပြင်ဆင်သွားမလဲ။

ဖြေ – မှတ်တိုင်ဖြစ်တဲ့အတွက် ပင်ပန်းနေတဲ့အချိန်၊ အားနည်းနေတဲ့အချိန်၊ ကျန်းမာရေး မကောင်းတဲ့ အချိန်မှာတော့ မလုပ်ချင်ဘူး။ Fit ဖြစ်မယ့်အချိန်၊ အားလုံးလည်း ပေါ့ပေါ့ပါးပါး ဖြစ်မယ့်အချိန် လုပ်ဖြစ်ပါမယ်။

မေး – ပရိသတ်တွေကို ပြောချင်တဲ့ စကားလက်ဆောင်လေးရှိရင် ပြောပေးပါဦး။

ဖြေ – အဲဒါက ကိုယ်ထားတဲ့ စေတနာပေါ်မူတည်ပြီး တုံ့ပြန်ခြင်းခံရတာပဲ။ မေတ္တာဆိုတာ အသွားအပြန်မရှိဘူး မထင်လိုက်နဲ့ပေါ့။ ဘယ်လောက်ပဲ အချိန်ကြာကြာ မှတ်မိနေမှာပဲ။ ဒါက ပရိသတ်က သက်သေပြတာပဲလေ။ တစ်ခုခု ဖြစ်လာတဲ့အခါ ပရိသတ်တွေက ချမ်းချမ်းဘက်က ရှိပေးကြတဲ့အတွက် ကျေးဇူးတင်ပါတယ်။