Entertainment

SAI Cosmetix မှ Product အသစ်အဖြစ် Eyeshadow များ ဧပြီ ၂ ရက်တွင် ပရိသတ်များနှင့် တွေ့ဆုံမိတ်ဆက်မည်

သရုပ်ဆောင် စိုင်းစိုင်းခမ်းလှိုင်၏ ကိုယ်ပိုင်အမှတ်တံဆိပ်ဖြစ်သည့် SAI Cosmetix မှ Product အသစ်အဖြစ် Eyeshadow များအား ဧပြီ ၂ ရက်တွင် ရန်ကုန်မြို့ Junction Square ၌ ပရိသတ်များထံ မိတ်ဆက်ရှင်းလင်းပွဲအား ပြုလုပ်မည် ဖြစ်ကြောင်း သိရသည်။

ထိုင်းနိုင်ငံ Kho Tao ကျွန်း၌ ပြုလုပ်မည့် Tao Festival တွင် Side Effect ဂီတအဖွဲ့ ပါဝင်ဖျော်ဖြေရန် ဖိတ်ကြားခံရ

ကမ္ဘာ့နိုင်ငံအသီးသီးမှ ဂီတအဖွဲ့များ ပါဝင်ဖျော်ဖြေမည့် ထိုင်းနိုင်ငံ Kho Tao ကျွန်း၌ ပြုလုပ်မည့် Tao Fastival တွင် မြန်မာနိုင်ငံမှ Side Effect ဂီတအဖွဲ့ ပါဝင်ဖျော်ဖြေရန် ဖိတ်ကြားခံရကြောင်း သိရသည်။ ထိုင်းနိုင်ငံလိပ်ကျွန်းဟုအများ သိကြသည့် Kho Tao ကျွန်း၌ ပြုလုပ်မည့် Tao Fastival မှာ မတ် ၂၈ ရက်မှ ၃၀ ရက်အထိ ပြုလုပ်မည်ဖြစ်ပြီး Kho Tao ကျွန်းတွင် ပထမဆုံး ကျင်းပသည့် နိုင်ငံတကာ ဂီတပွဲတော်တစ်ခုလည်း ဖြစ်သည်။ Tao Fastival တွင် ကမ္ဘာ့နိုင်ငံအသီးသီးမှ ဂီတအဖွဲ့ ၂၅ ဖွဲ့ဖျော် ဖြေရန်စီစဉ်ထားရာ၌ မြန်မာနိုင်ငံမှ Side Effect ဂီတအဖွဲ့လည်းတစ်ဖွဲ့ အပါအ၀င် ဖြစ်သည်။

လီဗြောင်ဟွန်းက နာမည်ကြီး ဟောလိဝုဒ်အေဂျင်စီနှင့် စာချုပ် ချုပ်ဆို

တောင်ကိုရီးယား သရုပ်ဆောင် လီဗြောင်ဟွန်းသည်  အင်ဂျလီနာဂျိုလီ၏ အနုပညာအလုပ်များကို စီမံခန့်ခွဲပေးသည့် နာမည်ကြီး ဟောလိဝုဒ် အေဂျင်စီ တစ်ခုနှင့် စာချုပ်ချုပ်ဆိုခဲ့သည်ဟု ၎င်း၏ အေဂျင်စီ  BH Entertainment က မတ် ၂၄ ရက်တွင် ထုတ်ပြန်ခဲ့သည်။

“ လီက အမေရိကန်မှာ အနုပညာအေဂျင်စီ အတော်များများရဲ့ ကမ်းလှမ်းခြင်းခံခဲ့ရတယ်။ အချိန်ယူ စဉ်းစားပြီးတဲ့နောက်မှာ လီ က United Talent Agency နဲ့ စာချုပ်ချုပ်ခဲ့တာ ဖြစ်တယ်” ဟု  BH Entertainment က ယွန်ဟပ်သတင်းဌာနသို့ ပြောကြားခဲ့သည်။

ရန်ကုန်မြို့ရှိ နောက်ဖေးလမ်းကြား အမှိုက်ပုံများအစား လမ်းကြားဥယျာဉ်များအဖြစ် ပြောင်းလဲနိုင်ရန် 'ဒို့အိမ်' အဖွဲ့မှ ဦးဆောင်ကာ အကောင်အထည် ဖော်လျက်ရှိ

ရန်ကုန်မြို့ရှိ နောက်ဖေးလမ်းကြား အမှိုက်ပုံများအစား လမ်းကြားဥယျာဉ်များ အဖြစ် ပြောင်းလဲရန် “ဒို့အိမ်8 အဖွဲ့မှ ဦးဆောင်ကာ အကောင်အထည်ဖော်လျက်ရှိကြောင်း သိရသည်။

လက်ရှိတွင်“ဒို့အိမ်” အဖွဲ့သည် ရန်ကုန်မြို့ ပန်းဘဲတန်းမြို့နယ် ၂၇ လမ်း၏ နောက်ဖေး လမ်းကြားကို ဥယျာဉ်အဖြစ် စတင်ဖန်တီးထားပြီး ရန်ကုန်မြို့အတွင်းရှိ လမ်းအချို့ကိုလည်း လမ်းကြားဥယျာဉ်အဖြစ် ပြောင်းလဲ နိုင်ရန် စီစဉ်လျက်ရှိကာ အလှူငွေများ လက်ခံလျက်ရှိကြောင်း သိရသည်။

နိုင်ငံတကာမှ ပန်းချီဆရာပေါင်း ၄၀၀ ကျော် ပါဝင်ခဲ့သည့် ရေဆေးပန်းချီပြပွဲတွင် မြန်မာ ပန်းချီဆရာမြင့်နိုင်၏ ရေဆေးပန်းချီကားမှာ IWS India Award ရရှိ

နိုင်ငံပေါင်း ၆၀ ကျော်မှ နိုင်ငံတကာ ပန်းချီဆရာပေါင်း ၄၀၀ ကျော် ပါဝင်ခဲ့သည့် ရေဆေးပန်းချီပြပွဲတွင် မြန်မာပန်းချီဆရာ မြင့်နိုင်၏ ရေဆေးပန်းချီကားမှာ IWS India Award ရရှိခဲ့ကြောင်း သိရသည်။

အဆိုပါ နိုင်ငံတကာ ရေဆေးပန်းချီပြပွဲကို မတ် ၁၂ ရက်မှ ၁၇ ရက်အထိ အယ်လ်ဘေးနီးယားနိုင်ငံ၌ ပြုလုပ်ခဲ့ခြင်းဖြစ်ကြောင်း သိရသည်။