အမေရိကန်နိုင်ငံရှိ ထိပ်တန်းပန်းချီပြခန်းများနှင့် ပြတိုက်များမှရွေးချယ်သည့် 2017 American Art Awards ၏ “Landscapes With Life” ခေါင်းစဉ်အောက်တွင် မြန်မာနိုင်ငံမှ ပန်းချီလှထွန်း ဆုများရရှိ

ပန်းချီလှထွန်း၏ ဆုရ ပန်းချီကားများအား တွေ့ရစဉ်

အမေရိကန်နိုင်ငံရှိ ထိပ်တန်းပန်းချီပြခန်းများနှင့် ပြတိုက်ပေါင်း ၂၅ ခုမှ ပန်းချီဆိုင်ရာ ကျွမ်းကျင်အကဲဖြတ်သူများ ရွေးချယ်သည့် 2017 American Art Awards ၏ “Landscapes With Life” ခေါင်းစဉ်အောက်တွင် မြန်မာနိုင်ငံမှ ပန်းချီလှထွန်းက ဆုများ ရရှိခဲ့ကြောင်း သိရသည်။

2017 American Art Awards ဆု၏ အောက်တွင် အနုပညာဆိုင်ရာဆုများကို ခေါင်းစဉ်အမျိုးမျိုးခွဲခြားကာ ပေးအပ်ခြင်းဖြစ်ပြီး ပန်းချီလှထွန်းရရှိသည့်ဆုမှာ “Landscapes With Life”ခေါင်းစဉ်အောက်မှ ပထမဆု၊ စတုတ္ထဆုနှင့် ပဉ္စမဆုတို့ကို ရရှိခဲ့ ခြင်းဖြစ်ကြောင်း သိရသည်။ 2017 American Art Awards “Landscapes With Life” ခေါင်းစဉ်အောက်၌ ဆုပေါင်း ခြောက်ဆု ပေးအပ်ခဲ့ကာ မြန်မာနိုင်ငံမှ ပန်းချီလှထွန်းက Going To The Field ပန်းချီကားဖြင့် ပထမဆု၊ Custom Of The Village ပန်းချီကားဖြင့် စတုတ္ထဆုနှင့် Summer Dry Zone ပန်းချီကားဖြင့် ပဉ္စမဆုတို့ကို ရရှိခဲ့ကာ ကျန်ဆုများကို သြစတြေးလျ၊ ကနေဒါ၊ တရုတ်နှင့် အမေရိကန်နိုင်ငံတို့မှ ပန်းချီဆရာများက ရရှိခဲ့ကြောင်း သိရသည်။

“ဒီပွဲအတွက် ၀င်ပြိုင်ဖို့ ဖိတ်ကြားတာကြောင့် ပို့ဖြစ်လိုက်တာပါ။ ဒီပွဲအတွက် ပန်းချီကား စုစုပေါင်း သုံးကားပို့ဖြစ်လိုက်တယ်။ သုံးကားလုံးဆု ရရှိပါတယ်။ အဲဒီအတွက်လည်း ၀မ်းသာပါတယ်။ ကျွန်တော်က ပိုစတာတွေ၊ သရုပ်ဖော်ပန်းချီတွေလည်း ရေးပါတယ်။ ဒါပေမဲ့ အခုနောက်ပိုင်း မြန်မာ့ကျေးလက်ပုံရိပ်လေးတွေကို ပိုပြီးရေးဖြစ်လာတယ်။ ဒီပို့လိုက်တဲ့ ပန်းချီကား သုံးကားမှာဆိုရင် အဓိကပါဝင်တာက နွားလှည်းတွေပဲ။ ကျေးလက်လို့ပြောလိုက်ရင် နွားလှည်းဆိုတာ မပါမဖြစ် သင်္ကေတတစ်ခုပဲ။ ဒါပေမဲ့ အခုနောက်ပိုင်းမှာ ကျေးလက်တွေက နွားလှည်းအစား ထော်လာဂျီတွေ၊ စက်ပစ္စည်းတွေ သုံးလာကြတော့ နွားလှည်းပုံရိပ်က တဖြည်းဖြည်းပျောက်လာတယ်။ အဲဒါကို စိတ်ထဲကထိပြီး မြန်မာ့ကျေးလက်ပုံရိပ်တွေမှာ နွားလှည်းတွေကို အများဆုံးထည့်ပြီး ရေးဖြစ်တယ်။ အခုနိုင်ငံတကာ ပြိုင်ပွဲမှာ မြန်မာ့ပုံရိပ်ကို ပြခွင့်ရတဲ့အတွက် ကျေနပ်ပါတယ်။ နိုင်ငံတကာကလည်း စိတ်ဝင်စားမှုရှိကြပါတယ်” ဟု ပန်းချီလှထွန်းက ပြောကြားသည်။

American Art Awards ဆုအတွက် ရေဆေး၊ ဆီဆေး၊ အခရိုင်းလစ်၊ ပုံတူ၊ မော်ဒန်၊ သရုပ်မှန်၊ ခေတ်ပြိုင်၊ ဒီဇိုင်းစသည့် အနုပညာ ဖန်တီးမှုခေါင်းစဉ်ပေါင်း ၅၀ အောက်တွင် ပြုလုပ်ခြင်းဖြစ်ကြောင်းသိရသည်။ အဆိုပါ ပြိုင်ပွဲသို့ နိုင်ငံပေါင်း ၅၆ နိုင်ငံမှ ပန်းချီ ဒီဇိုင်းအနုပညာရှင်များစွာ၏ အနုပညာ လက်ရာများ ၀င်ရောက်ယှဉ်ပြိုင်ခဲ့ကြောင်း သိရသည်။

နာတလီပို့မန်း အစ္စရေး၏ ဂျူးနိုဘယ်ဆု ချီးမြှင့်ခံရ

လူမှုရေးလုပ်ငန်းများတွင် နှစ်မြှုပ်ထားမှု၊ ဂျူးနှင့် အစ္စရေးမျိုးရိုးဇာစ်မြစ်များနှင့် နက်နက်ရှိုင်းရှိုင်း ဆက်နွှယ်မှုများကို အသိအမှတ်ပြုသည့် အနေဖြင့် သရုပ်ဆောင် နာတလီပို့မန်းကို အစ္စရေး၏ ၂၀၁၈ Genesis ဆု ချီးမြှင့်ကြောင်း ယင်းဆုစီစဉ်သူများက နိုဝင်ဘာ ၇ ရက်တွင် ထုတ်ပြန်ခဲ့သည်။

ဒေါ်လာတစ်သန်း ချီးမြှင့်သော ဂျူးနိုဘယ်ဆုဟု ခေါ်ဆိုသည့် ယင်းဆုကို အတတ်ပညာဆိုင်ရာ အောင်မြင်မှုနှင့် ဂျူးစံနှုန်းများကို မြှုပ်နှံထားခြင်းဖြင့် နောင်လာမည့်ဂျူးမျိုးဆက်အတွက် အတုယူအားကျဖွယ်တစ်ခုအဖြစ် လက်ခံထားသော ပုဂ္ဂိုလ်တစ်ဦးကို နှစ်စဉ်ချီးမြှင့်ခဲ့ခြင်း ဖြစ်သည်။

ကျွန်မရဲ့ အစ္စရေးဇစ်မြစ်နဲ့ ဂျူးအမွေအနှစ်အတွက် ဂုဏ်ယူမိပါတယ်။ ဒါတွေဟာ ကျွန်မဘယ်သူလဲဆိုတာရဲ့ အဓိကကျတဲ့ အစိတ်အပိုင်းတွေပါ” ဟု အော်စကာဆုရ သရုပ်ဆောင် နာတလီပို့မန်းက ပြောကြားသည်။

ဆုငွေများကို အစ္စရေးနှင့် အခြားနိုင်ငံများရှိ အမျိုးသမီးများ၏ ဘ၀များတိုးတက်စေရေးအတွက် အသုံးပြုသွားမည်ဟု အသက် ၃၆ နှစ်အရွယ်ရှိ ပို့မန်းက ပြောကြားခဲ့သည်။ အစ္စရေးတွင် မွေးဖွားခဲ့ပြီး ကလေးအရွယ်တွင် အမေရိကန်သို့ ပြောင်းရွှေ့ခဲ့သည့် ပို့မန်းသည် ကလေးသရုပ်ဆောင်အဖြစ် အနုပညာလောကသို့ ၀င်ရောက်ခဲ့ပြီးနောက် ထိပ်တန်းသရုပ်ဆောင်စာရင်းဝင်တစ်ဦး ဖြစ်လာခဲ့သည်။ ပို့မန်းသည် ၂၀၁၁ ခုနှစ် အော်စကာဆုပေးပွဲတွင် Black Swan ဇာတ်ကားဖြင့် အကောင်းဆုံး အမျိုးသမီးသရုပ်ဆောင်ဆု ရရှိခဲ့သည်။

၎င်းသည် ၂၀၁၅ ခုနှစ်တွင် အစ္စရေးစာရေးဆရာ Amos Oz ၏ အတ္ထုပ္ပတ္တိကို အခြေပြုထားသည့် ဟီဘရူးဘာသာစကားပြောဇာတ်ကား Tale of Love and Darkness ကို ကိုယ်တိုင်ရိုက်ကူး သရုပ်ဆောင်ခဲ့သည်။ ကျား၊ မ တန်းတူညီမျှရရှိရေး၊ ဆင်းရဲမွဲတေမှု တိုက်ဖျက်ရေး၊ အသေးစား ချေးငွေလုပ်ငန်းနှင့် တိရစ္ဆာန်အခွင့်အရေး အစရှိသည့် နယ်ပယ်များတွင် ပို့မန်း၏ လူမှုရေးတက်ကြွ လှုပ်ရှားမှုကိုလည်း Genesis ဆုက အသိအမှတ်ပြုခဲ့သည်။

ပို့မန်းသည် ကမ္ဘာတစ်ဝန်းရှိ ဂျူးလူငယ်သန်းပေါင်းများစွာအတွက် စံပြပုဂ္ဂိုလ်တစ်ဦးဟု Genesis ဆုချီးမြှင့်သည့် ဖောင်ဒေးရှင်း၏ ဥက္ကဋ္ဌနှင့် ပူးတွဲတည်ထောင်သူ Stan Polovets က ပြောကြားခဲ့သည်။ ပို့မန်း၏ဆုငွေများကို အမျိုးသမီးများ တန်းတူအခွင့်အရေးရရှိရေး၊ ပညာရေး မြှင့်တင်ပေးရေး၊ စီးပွားရေး တိုးမြှင့်ပေးရေး၊ ကျန်းမာရေးနှင့် နိုင်ငံရေးဆိုင်ရာ ပါဝင်မှုများအတွက် အသုံးပြုသွားမည်ဟု ဖောင်ဒေးရှင်းက ထုတ်ပြန်ခဲ့သည်။

အစ္စရေးဝန်ကြီးချုပ် ဘင်ဂျမင်နေတန်ယာဟုက လာမည့်ဇွန်တွင် ဂျေရုဆလင်၌ ပို့မန်းအား ယင်းဆုချီးမြှင့်မည်ဖြစ်သည်။ ပို့မန်းသည် ယင်းဆုချီးမြှင့်ခံခဲ့ရသည့် ပဉ္စမမြောက် ပုဂ္ဂိုလ်နှင့် ပထမဆုံးအမျိုးသမီးဖြစ်သည်။ နယူးယောက်မြို့တော်ဝန်ဟောင်း မိုက်ကယ် ဘလွန်းဘာ့ဂ်၊ သရုပ်ဆောင်မိုက်ကယ်ဒေါက်ကလပ်စ်၊ တယောပညာရှင် Itzhak Perlman နှင့် ပန်းပုပညာရှင် Anish Kapoor တို့သည်လည်း ယင်းဆုချီးမြှင့်ခံခဲ့ရဖူးသည်။

ရုပ်သံဇာတ်လမ်းတွဲ ပရိသတ်များ အားပေးချစ်ခင်မှု အများအပြား ရရှိထားသူ သရုပ်ဆောင် ဆောင်းဝတ်ရည်မေ၏ ငယ်ဘ၀ဖြတ်သန်းရာ

ကိုရီးယား၊ တရုတ်၊ ဂျပန်၊ ထိုင်းစတဲ့ နိုင်ငံတွေရဲ့ ရုပ်သံဇာတ်လမ်းတွဲတွေကို လက်မလွှတ်တမ်း အားပေးကြတဲ့ မြန်မာပရိသတ်တွေက အခုနှစ်ပိုင်းမှာတော့ မြန်မာရုပ်သံဇာတ်လမ်းတွဲတွေကိုလည်း စိတ်ဝင်စားအားပေးမှု မြင့်တက်လာပါတယ်။ ဒီလို အရှိန်ရစပြုလာတဲ့ မြန်မာရုပ်သံဇာတ်လမ်းတွဲတွေမှာ ပါဝင်သရုပ်ဆောင်ထားသလို ပရိသတ်ချစ်ခင်အားပေးမှု အများအပြား ရရှိထားသူတစ်ဦးက လူငယ်သရုပ်ဆောင် ဆောင်းဝတ်ရည်မေ ဖြစ်ပါတယ်။ ချိုသာတဲ့ အပြုံးပိုင်ရှင်လေးတစ်ယောက်ဖြစ်ပြီး သွက်လက်တဲ့ သရုပ်ဆောင်ဟန်နဲ့ ပရိသတ်ချစ်ခြင်းမေတ္တာကို ရရှိပိုင်ဆိုင်ထားသူပါ။ လတ်တလောမှာတော့ ‘မာန်’ ရုပ်သံဇာတ်လမ်းတွဲ၊ ‘အမုန်းမှသည်’ ရုပ်သံဇာတ်လမ်းတွဲတွေနဲ့ ပရိသတ်အားပေးမှု ပိုမိုရရှိလာသူလည်း ဖြစ်ပါတယ်။ အခုတစ်ပတ်မှာတော့ သရုပ်ဆောင်ဆောင်းဝတ်ရည်မေရဲ့ ငယ်စဉ်ဘ၀ အမှတ်တရပုံရိပ်တွေကို တင်ဆက်ပေးချင်ပါတယ်။

သရုပ်ဆောင် ဆောင်းဝတ်ရည်မေက ရန်ကုန်ဇာတိဖြစ်ပြီး အောက်တိုဘာ ၁၇ ရက် ၁၉၉၅ ခုနှစ်မှာ မွေးဖွားခဲ့ပြီး အစ်မနှစ်ယောက်ရှိကာ အငယ်ဆုံးသမီးဖြစ်တယ်လို့ ဆိုပါတယ်။ ငယ်စဉ်ဘ၀ရဲ့အမှတ်တရနဲ့ ပတ်သက်လို့ကတော့ အိမ်နာမည်ပေးထားတာနဲ့ ပတ်သက်လို့ အမှတ်တရရှိတယ်လို့ ဆိုပါတယ်။

“ငယ်ငယ်က အမှတ်တရဆိုရင် အိမ်နာမည်က အမှတ်တရပါ။ ညီမမွေးတဲ့အချိန်မှာ နာမည်ဘယ်လိုပေးမလဲလို့ ဖေဖေ့ကိုမေးကြတော့ ဖေဖေက နာမည်မစဉ်းစားရသေးဘူး။ ဖြစ်ချင်တော့ ညီမမွေးတဲ့နှစ်က ရုပ်ရှင်စိန်ရတုပွဲကျင်းပနေတဲ့ အချိန်ဆိုတော့ ညီမကို အိမ်နာမည်စိန်ရတု ဆိုပြီးပေးလိုက်တယ်။ အဲဒီကနေမှ ရတုလို့လည်း ခေါ်ကြတယ်။ နောက်တော့ တုတုလို့ ခေါ်ကြတယ်ပေါ့။ အဲဒါလေးက အမှတ်တရပါပဲ” လို့ ဆောင်းဝတ်ရည်မေက ဆိုတယ်။

ဆောင်းဝတ်ရည်မေက ကျောင်းပညာရေးအနေနဲ့ အ.မ.က (၁၉) ဗဟန်းမှာ သူငယ်တန်း တက်ရောက်ခဲ့ပြီး ပထမတန်းနဲ့ ဒုတိယတန်းကိုတော့ အ.လ.က (၄) ကြည့်မြင်တိုင်မှာ ဆက်တက်ဖြစ်ခဲ့သလို အ.လ.က (၃) ဗဟန်းမှာတော့ တတိယတန်းကနေ သတ္တမတန်းထိ တက်ရောက်ခဲ့တယ်လို့ ဆိုပါတယ်။ ဒီနောက်မှာတော့ အ.ထ.က (၂) ဗဟန်းကျောင်းမှာ ဆယ်တန်း အောင်မြင်ချိန်ထိ တက်ဖြစ်ခဲ့တယ်လို့ ဆိုပါတယ်။ တက္ကသိုလ်ဝင်တန်းအောင်မြင်ပြီးချိန်မှာ အနောက်တိုင်းနည်းပညာတက္ကသိုလ်မှာ electronic communication ဘာသာနဲ့ တက်ရောက်ဖြစ်ခဲ့ပြီး အနုပညာလောကထဲ စတင်ရောက်ရှိလာခဲ့တာကြောင့် AGTI အနေနဲ့ပဲ ကျောင်းထွက်ဖြစ်ခဲ့သလို အဝေးသင်တက္ကသိုလ်ကို ဆက်တက်ဖြစ်ခဲ့တယ်လို့ ဆိုပါတယ်။

ငယ်စဉ်ကလေးဘ၀မှာတော့ အနုပညာကို အရမ်းကြီးဝါသနာမပါခဲ့သလို ကျောင်းကပွဲတွေ အပါအ၀င် အနုပညာလှုပ်ရှားမှုတွေမှာလည်း ပါဝင်ဖူးခဲ့ခြင်းမရှိဘူးလို့ ဆိုပါတယ်။ တက္ကသိုလ်ဝင်တန်းအောင်မြင်ပြီးချိန်မှသာ အနုပညာအလုပ်တွေကို စတင် စိတ်ပါဝင်စားလာခဲ့သလို ပထမဆုံး အနုပညာလှုပ်ရှားမှု အနေနဲ့ Miss လပြည့်ဝန်းပြိုင်ပွဲကို ၀င်ပြိုင်ဖြစ်ခဲ့တယ်လို့ ဆိုပါတယ်။ ဒီပြိုင်ပွဲမှာ ဆောင်းဝတ်ရည်မေက 1 Runner Up ဆုကို ဆွတ်ခူးရရှိခဲ့ပါတယ်။ အဲဒီနောက်မှာတော့ MRTV Talent လျှောက်လွှာတွေ ခေါ်ယူရာမှာ ပါဝင်လျှောက်ထားဖြစ်ခဲ့ပြီး ရွေးချယ်ခေါ်ယူခံခဲ့ရတယ်လို့ ဆိုပါတယ်။ ပထမဆုံး ဇာတ်လမ်းတွဲအနေနဲ့ Sign of Love Season 2 မှာ ပါဝင်ခွင့်ရခဲ့တယ်လို့ ဆိုပါတယ်။

“ညီမက သင်တန်းတွေဘာတွေလည်း မတက်ဖူးသလို သရုပ်ဆောင်ပိုင်းနဲ့ ပတ်သက်လို့ နားမလည်ဘဲ Sign of Love Season 2 မှာ ပါဝင်ခွင့်ရခဲ့တဲ့အခါ တော်တော်လေးလည်း စိတ်လှုပ်ရှားတယ်။ တတ်နိုင်သလောက် ကြိုးစားခဲ့တယ်။ Season 2 ရော၊ 3 မှာပါ ဆက်တိုက်ပါဝင်ခွင့်ရခဲ့တယ်ပေါ့နော်။ အဲဒီနောက်မှာတော့ သရုပ်ဆောင်တာကို ခဏနားလိုက်ပြီးတော့မှ ၀ိညာဉ်ရှိုက်သံဆိုတဲ့ ဇာတ်လမ်းတွဲမှာ ကြယ်စင်ချိုဆိုတဲ့ဇာတ်ရုပ်အနေနဲ့ ပါဝင်ခွင့်ရခဲ့တယ်။ အဲဒီဇာတ်လမ်းတွဲလေးကို ပရိသတ်တွေက သဘောကျသလို ညီမကိုလည်း အရင်ထက်ပိုပြီး အားပေးလာကြတယ်။ အဲဒီကနေမှ ရုပ်သံဇာတ်လမ်းတွဲတွေ ဆက်တိုက်ရိုက်ကူးခွင့်ရလာပါတယ်” လို့ ဆိုပါတယ်။

ဆောင်းဝတ်ရည်မေ ပါဝင်ထားတဲ့ ‘မာန်’ ရုပ်သံဇာတ်လမ်းတွဲက ပရိသတ်အားပေးမှု များပြားခဲ့သလို လက်ရှိထုတ်လွှင့်ပြသနေတဲ့ ‘အမုန်းမှသည်’ ရုပ်သံဇာတ်လမ်းတွဲကလည်း ပရိသတ်အားပေးမှု များပြားနေတဲ့ ဇာတ်လမ်းတွဲဖြစ်ပါတယ်။ ဒီလိုပရိသတ် အားပေးမှုရရှိလာတာကိုတော့ ဆောင်းဝတ်ရည်မေက “အဓိကတော့ ဇာတ်လမ်းကောင်းလို့ ထင်ပါတယ်။ ဇာတ်လမ်းတွေက ဆွဲဆောင်မှုရှိတဲ့အခါကျတော့ စောင့်ကြည့်အားပေးရင်းနဲ့ ဇာတ်ကားထဲက ညီမတို့ကိုလည်း သတိပြု အားပေးလာတာပေါ့လေ။ ဘာပဲဖြစ်ဖြစ် အခုလို အသိအမှတ်ပြုမှုလေးရလာတော့ ညီမတို့အတွက် ကြိုးစားရကျိုးနပ်ပါတယ်။ ဆက်ပြီးလည်း ကြိုးစားသွားဖို့ ခွန်အားတွေရတယ်။ နောက်ထပ်ဇာတ်လမ်းကောင်းတွေ အများကြီးမှာလည်း ဆက်လက် ကြိုးစားသွားမှာပါ” လို့ ဆိုခဲ့ပါတယ်။

ဆောင်းဝတ်ရည်မေက လတ်တလော အနုပညာလှုပ်ရှားမှုအနေနဲ့ MRTV-4 က တင်ဆက်တဲ့ ရုပ်သံအစီအစဉ်တွေမှာ ပါဝင်တင်ဆက်ဖြစ်နေသလို ဒီဇင်ဘာလအတွင်းမှာတော့ တပ်မတော်နေ့ ဂုဏ်ပြုဇာတ်ကားမှာ ပါဝင်သရုပ်ဆောင်မှာပါ။ ဒါ့အပြင် ဇန်န၀ါရီလအတွင်းမှာတော့ ရုပ်သံဇာတ်လမ်းတွဲသစ်တစ်ခုမှာ ပါဝင်သရုပ်ဆောင်ဖို့ရှိတယ်လို့ ဆိုပါတယ်။ ဆက်လက်ပြီးတော့ ရုပ်ရှင်ကားကြီးတွေမှာ အခွင့်အရေးရမယ်ဆိုရင်လည်း ပါဝင်သရုပ်ဆောင်သွားမယ်လို့လည်း ဖြည့်စွက်ပြောပြခဲ့ပါတယ်။

“ညီမ၀ါသနာပါတဲ့ အနုပညာအလုပ်တွေကို လုပ်ခွင့်ရသလို ပရိသတ်အားပေးချစ်ခင်မှုလည်း ရရှိတဲ့အတွက် ညီမအရမ်းပျော်ပါတယ်။ အသစ်တစ်ယောက်အနေနဲ့ ညီမမှာသင်ယူလေ့လာစရာတွေ အများကြီးပါ။ တွဲဖက်သရုပ်ဆောင်ခွင့်ရတဲ့ စီနီယာတွေဆီကရော၊ တခြားသော အနုပညာရှင်တွေဆီကပါ အမြဲတမ်း လေ့လာသင်ယူပါတယ်။ ဇာတ်ကားတစ်ကားပြီးတိုင်းမှာလည်း အားရကျေနပ်တယ်ဆိုတာမျိုးတော့ မရှိပါဘူး။ လိုအပ်ချက်တွေ၊ အားနည်းချက်တွေ အများကြီးပါပဲ။ အဲဒါတွေ အားလုံးကို ပြင်ဆင်သွားမှာပါ” လို့ ဆောင်းဝတ်ရည်မေက ဆိုခဲ့ပါတယ်။ အခုတစ်ပတ် ဖတ်ရှုခဲ့ကြရတာကတော့ ‘အမုန်းမှသည်’ နဲ့ ‘မာန်’ ရုပ်သံဇာတ်လမ်းတွဲတွေက တစ်ဆင့် ပရိသတ်အားပေးမှု အခိုင်အမာရရှိခဲ့တဲ့ ဆောင်းဝတ်ရည်မေရဲ့ ငယ်စဉ်ဘ၀ အမှတ်တရ ပုံရိပ်တွေပါ။

အာရှကမ္ဘာ့ရုပ်ရှင်ပွဲတော်တွင် A Taxi Driver က အကောင်းဆုံးဇာတ်ကားဆု ရရှိ

တောင်ကိုရီးယား လက်မှတ်ရောင်းချမှု ၀င်ငွေစာရင်းတွင် ဒေါ်လာ ၈၈ သန်းရရှိခဲ့ပြီး စံချိန်ချိုးဖျက်ခဲ့သည့် A Taxi Driver ဇာတ်ကားက လော့စ်အိန်ဂျလိစ်၌ ကျင်းပခဲ့သည့် တတိယအကြိမ်မြောက် Asian World Film Festival တွင် အကောင်းဆုံးဇာတ်ကားဆု အပါအ၀င်ဆု သုံးဆုရရှိခဲ့သည်ဟု ယင်းဇာတ်ကားဖြန့်ချိသည့် Showbox ကုမ္ပဏီက နိုဝင်ဘာ ၆ ရက်တွင် ထုတ်ပြန်ခဲ့သည်။

ယခုနှစ်သြဂုတ်၌ ဖြန့်ချိခဲ့သည့် ယင်းဇာတ်ကားသည် လူသားချင်းစာနာထောက်ထားမှုဆုနှင့် သရုပ်ဆောင်, ဆောင်ကန်ဟိုအတွက် Special Mention ဆုကိုလည်း ရရှိခဲ့သည်။

လူထုအုံကြွမှု ဖြစ်နေသည့် ဂွမ်ဂျူမြို့သို့ ဂျာမန်သတင်းထောက် Jurgen Hinzpeter ကို ပို့ဆောင်ပေးစဉ် ဆန္ဒပြသူများကို စစ်တပ်က သွေးထွက်သံယို နှိမ်နင်းမှုများအား မျက်မြင်တွေ့ရှိခဲ့သည့် ဆိုးလ်အငှားယာဉ်မောင်းသမား တစ်ဦးအကြောင်း ဒါရိုက်တာ ဂျန်ဟွန်းရိုက်ကူးသည့် ယင်းဇာတ်ကားသည် အကြိမ်(၉၀)မြောက် အော်စကာဆုပေးပွဲ၏ နိုင်ငံခြားဘာသာစကားပြော ကဏ္ဍဆုအတွက် ကိုရီးယားနိုင်ငံ ကိုယ်စားပြုဇာတ်ကားအဖြစ် ရွေးချယ်ခံထားရသည်။ ယင်းယာဉ်မောင်း၏ အကူအညီကြောင့် Hinzpeter သည် ၁၉၈၀ ပြည့်နှစ် ဂွမ်ဂျူဒီမိုကရေစီလှုပ်ရှားမှုအတွင်း သွေးထွက်သံယို နှိမ်နင်းခံရမှုဗီဒီယိုကို ထုတ်လွှင့်တင်ပြနိုင်သည့် ပထမဆုံးနိုင်ငံခြားသတင်းထောက် တစ်ဦးဖြစ်ခဲ့သည်။

အမေရိကန်ဒါရိုက်တာ George Takei သည် LGBT အစုအဝေးကို အထောက်အကူပြုသည့် ဇာတ်ကားများ ရိုက်ကူးခဲ့မှုအတွက် တစ်သက်တာအောင်မြင်မှုဆု ရရှိခဲ့သည်။

အင်ဂျလီနာဂျိုလီ၏ First They Killed My Father ဇာတ်ကားတွင် အဓိကဇာတ်ကောင်အဖြစ် ပါဝင်ခဲ့သည့် ကမ္ဘောဒီးယား သရုပ်ဆောင် Sreymoch Sareum က တက်သစ်စ သရုပ်ဆောင်ဆုကို ရရှိခဲ့သည်။ အောက်တိုဘာ ၂၅ ရက်မှ နိုဝင်ဘာ ၂ ရက်အထိ ပြုလုပ်ခဲ့သည့် ယင်းရုပ်ရှင်ပွဲတော်တွင် နိုင်ငံ ၂၂ နိုင်ငံမှ ဇာတ်ကား ၃၇ ကားကို ပြသခဲ့သည်။ အာရှဒါရိုက်တာများကို အသိအမှတ်ပြုသည့် ယင်းရုပ်ရှင်ပွဲတော်ကို ၂၀၁၅ ခုနှစ်တွင် စတင်ကျင်းပခဲ့သည်။

Miss Universe 2017 တွင် ပါဝင်ယှဉ်ပြိုင်မည့် အလှမယ်ဇွန်သံစဉ်၏ National Costume အား မြန်မာ့ဆိုင်းဝိုင်းကို သရုပ်ဖော်ထားသည့် ၀တ်စုံအသွင်ဖြင့် ၀တ်ဆင်ယှဉ်ပြိုင်မည်

Miss Universe 2017 တွင် ပါဝင်ယှဉ်ပြိုင်မည့် မြန်မာ့ဆိုင်းဝိုင်းကို သရုပ်ဖော်ထားသည့် ၀တ်စုံဒီဇိုင်းအားတွေ့ရစဉ်

Miss Universe 2017 အလှမယ် ပြိုင်ပွဲတွင် ပါဝင်ယှဉ်ပြိုင်မည့် အလှမယ်ဇွန်သံစဉ်၏ National Costume အား မြန်မာ့ဆိုင်းဝိုင်းကို သရုပ်ဖော်ထားသည့် ၀တ်စုံအသွင်ဖြင့် ၀တ်ဆင်ယှဉ်ပြိုင်မည်ဖြစ်ကြောင်း သိရသည်။ အလှမယ်ဇွန်သံစဉ်၏  National Costume ကို ဒီဇိုင်နာဒေါက်တာ သဇင်ခင်က ပုံဖော်ပေးထားခြင်းဖြစ်ပြီး မြန်မာ့အနုပညာ ရွှေချည်ထိုးလက်ရာနှင့် မှန်စီရွှေချ လက်ရာများအား ဖော်ကျူးပြသထားသည့် ၀တ်စုံများဖြစ်ကြောင်း သိရသည်။

“မြန်မာ့ဆိုင်းဝိုင်းဆိုတာက မြန်မာ့ရိုးရာ ယဉ်ကျေးမှုအနုပညာ ဖန်တီးမှုတစ်ခုလည်း ဖြစ်တယ်။ ဒါကြောင့် မြန်မာ့ဆိုင်းဝိုင်းအသွင် ၀တ်ဆင်ဖန်တီးစေမှာ ဖြစ်ပါတယ်။ ဒီဝတ်စုံမှာ မြန်မာ့အနုပညာ အမွေအနှစ်တွေဖြစ်တဲ့ ရွှေချည်ထိုးလက်ရာနဲ့ မှန်စီရွှေချလက်ရာ တွေကိုလည်း မြင်တွေ့ခံစားနိုင်မှာ ဖြစ်ပါတယ်။ မနှစ်တုန်းကလည်း ထက်ထက်ထွန်းက မြန်မာကိုယ်စားပြုအနေနဲ့ Best National Costume ဆုကို ရရှိခဲ့တာကြောင့် အခုနှစ်မှာလည်း ကမ္ဘာ့နိုင်ငံအသီးသီးက အလှမယ်တွေကြားမှာ ထင်ရှားပေါ်လွင်အောင် ကြိုးစားသွားမှာပါ။ ဇွန်သံစဉ်ကလည်း အများကြီး ပြင်ဆင်ထားပါတယ်” ဟု Miss Universe Myanmar Organization မှ National Director ဒေါ်စိုးယုဝေက ဆိုပါသည်။

မြန်မာကိုယ်စားပြု သွားရောက်ယှဉ်ပြိုင်မည့် အလှမယ်ဇွန်သံစဉ်ကလည်း “မကြာခင် သွားရောက်ယှဉ်ပြိုင်ရတော့မှာ ဖြစ်တဲ့အတွက် ညီမအနေနဲ့လည်း စိတ်လှုပ်ရှားပါတယ်။ ပြင်ဆင်ချိန် တစ်နှစ်တာ ကာလအတွင်းမှာလည်း ညီမအနေနဲ့ လူစွမ်းဥာဏ်စွမ်းရှိသမျှ အစွမ်းကုန်ပြင်ဆင်ထားပါတယ်။ မြန်မာကိုယ်စားပြု အလှမယ်တစ်ယောက်အနေနဲ့ မြန်မာနိုင်ငံကို အကောင်းဆုံးပုံရိပ်တွေ ထင်ဟပ်နိုင်အောင် ကြိုးစားသွားမှာပါ။ ပရိသတ်တွေကလည်း ညီမကို အားပေးကြစေချင်ပါတယ်။ ပရိသတ်များကပေးတဲ့ စိတ်ဓာတ်ခွန်အားတွေကိုယူပြီး အကောင်းဆုံး ကြိုးစားယှဉ်ပြိုင်သွားမှာပါ။ National Costume ကလည်း မြန်မာ့ရိုးရာအနုပညာကို ပုံဖော်ထားတာဖြစ်တဲ့အတွက် နိုင်ငံတကာမှာ အကောင်းဆုံး ကြိုးစားယှဉ်ပြိုင်သွားပါမယ်” ဟု ဆိုပါသည်။

Miss Universe 2017 အလှမယ်ပြိုင်ပွဲကို နိုဝင်ဘာ ၂၆ ရက်တွင် အမေရိကန်၌ ကျင်းပမည်ဖြစ်သည်။ Miss Universe 2016 အလှမယ်ပြိုင်ပွဲတွင် အလှမယ် ထက်ထက်ထွန်းက မြန်မာကိုယ်စားပြု ပါဝင်ယှဉ်ပြိုင်ခဲ့ရာ၌ Best National Costume ဆုကိုရရှိခဲ့ကြောင်း သိရသည်။

ဟောလိဝုဒ်၏ နှေးကွေးလေးလံသည့် အခြေအနေကို Thor ; Rognarok က ချေဖျက်

ဟောလိဝုဒ်အတွက် စိတ်ပျက်စရာဖြစ်ခဲ့သော အောက်တိုဘာလအပြီးတွင် ဒစ္စနေနှင့် မာဗယ်စတူဒီယိုတို့မှ ထုတ်လုပ်လိုက်သော Thor ; Rognarok သည် ပြီးခဲ့သည့် သီတင်းပတ်အတွင်းက အလွန်ကြီးမားသည့် အောင်မြင်မှုကြီးရရှိခဲ့သည်။ မြောက်အမေရိကဒေသရှိ ရုပ်ရှင်ရုံများတွင် ၀င်ငွေဒေါ်လာ ၁၂၁ သန်း ရရှိထားသော Thor သည် ကမ္ဘာတစ်ဝန်း၌ ပြသခဲ့ရာတွင်လည်း ဒေါ်လာ ၄၂၇ သန်းခန့် ရရှိခဲ့ပြီးဖြစ်သည်။

ပြီးခဲ့သည့် သီတင်းပတ်က Thor ၏ သုံးရက်ကြာ ပွဲဦးထွက်ပြသရာမှ ရရှိသည့် ၀င်ငွေသည် လွန်ခဲ့သည့် သီတင်းတစ်ပတ်ကျော်က ၀င်ငွေအများဆုံး နံပါတ်တစ်ဖြစ်ခဲ့သည့်  Lionsgate မှ ထုတ်လုပ်သည့် Jigsaw ၏ ပွဲဦးထွက်ဝင်ငွေထက် ခုနစ်ဆကျော် ပိုများခဲ့သည်။ Jigsaw မှာမူ ၀င်ငွေဒေါ်လာ ၆ ဒသမ ၇ သန်းသာရရှိပြီး တတိယနေရာသို့ ဆင်းသွားခဲ့သည်။

အားကောင်းသည့် ရုပ်ရှင်ဝေဖန်သုံးသပ်ချက်များကို ရရှိထားသော Thor ; Rognarok တွင် ခရစ်ဟမ်းစ်ဝေါ့က Thor အဖြစ် သရုပ်ဆောင်ထားပြီး ကိတ်ဘလန်ချက်က မရဏနတ်ဘုရားမဖြစ်သော Hela အဖြစ် သရုပ်ဆောင်ထားသည်။ ဇာတ်လမ်းသည် အကျဉ်းကျနေသော Thor က အသက်ရှင်ရေးအတွက် ၎င်း၏ မဟာမိတ်ဟောင်းဖြစ်သည့် Hulk နှင့် အသေအကျေသတ်ပုတ်ရမည့် အခြေအနေနှင့် ရင်ဆိုင်နေရသလို တစ်ဖက်တွင်မူ ၎င်း၏ နေရပ်နှင့် Asgardian လူထုကို စွမ်းအားကြီး Hela လက်ထဲမှ ကယ်တင်ရန် အချိန်လု၍ကြိုးပမ်းရမည့် အခြေအနေနှင့် ရင်ဆိုင်နေရခြင်း ဖြစ်သည်။

ဝင်ငွေအများဆုံး စာရင်း၏ ဒုတိယနေရာတွင် ရှိနေသည့်ရုပ်ရှင်မှာ STX Entertainment မှ ထုတ်လုပ်သော A Bad Mom’s Christmas ဖြစ်ပြီး ဒေါ်လာ ၁၇ သန်းရရှိထားသည်။  ယခင်ထွက်ရှိထားသည့် Badmoms ၏ နောက်ဆက်တွဲဖြစ်သော A Bad Mom’s Christmas တွင် တာဝန်ပိနေသည့် မိခင်သုံးဦးအဖြစ် မီလာကူးနစ်၊ ခရစ်စတင်ဘဲလ်နှင့် ကတ်သရင်းဟာန်တို့က ပြန်လည်ပါဝင် သရုပ်ဆောင်ထားသည်။ စာရင်း၏ နံပါတ်လေးနေရာတွင် ရပ်တည်နေသည့် ရုပ်ရှင်မှာ တေလာပယ်ရီကိုယ်တိုင် ရိုက်ကူးကာ ပါဝင်သရုပ်ဆောင်ထားသည့် Boo2 ! A Madea Halloween ဖြစ်ပြီး ၀င်ငွေဒေါ်လာ ၄ ဒသမ ၇ သန်း ရရှိထားသည်။

သရုပ်ဆောင် နိုင်းနိုင်းနှင့် တွေ့ဆုံခြင်း

သရုပ်ဆောင် နိုင်းနိုင်းနှင့် တွေ့ဆုံခြင်း

အနုပညာလောကအတွင်း ဖြတ်သန်းလာခဲ့သည့် ဆယ်စုနှစ်တစ်ခုကျော် ကာလအတွင်းတွင် ဖြည်းဖြည်းမှန်မှန် အနုပညာခြေလှမ်းများဖြင့် ချီတက်လာခဲ့ပြီး ပရိသတ်အားပေးမှု အခိုင်အမာရရှိထားသူမှာ သရုပ်ဆောင်နိုင်းနိုင်းပင် ဖြစ်သည်။ အောင်မြင်ပျော်ရွှင်သည့် ကိုယ်ပိုင်မိသားစုဘ၀နှင့် အနုပညာ ဖန်တီးမှုများအကြား ဟန်ချက်ညီညီ ထိန်းညှိနေသူတစ်ဦးလည်း ဖြစ်သည်။ From Bangkok to Mandalay  ဇာတ်ကား၏ ဒါရိုက်တာ Chartchai ရိုက်ကူးလျက်ရှိသည့် ဒုတိယမြောက် မြန်မာဇာတ်ကားဖြစ်သော လိပ်ပြာစံအိမ်ဇာတ်ကားတွင် ဓာတ်ပုံဆရာ အယ်ဒီတာ တစ်ဦးအဖြစ်ပါဝင်လျက်ရှိသည့် သရုပ်ဆောင်နိုင်းနိုင်းနှင့် တွေဆုံကာ ယင်းဇာတ်ကားတွင် ပါဝင်ရန်ပြင်ဆင်ထားမှုများ၊ ပရိသတ်စိတ်ဝင်စားလျက်ရှိသည့် ဒုဋ္ဌ၀တီကိုလွန်၍ ဇာတ်ကားနှင့်ပတ်သက်သည့် အကြောင်းအရာများ အပါအ၀င် သိလိုသည်များအား မေးမြန်းဖြစ်ခဲ့ပါသည်။

‘ဒုဋ္ဌ၀တီကိုလွန်၍ ဇာတ်ကားတစ်ကားလုံး ထွက်လာတဲ့အခါမှ Result ကို သိရရင်တော့ ပိုပျော်မိမှာပဲ။ ရင်လည်းရင်ခုန်ပါတယ်’

 

■ မေး – လိပ်ပြာစံအိမ်ဇာတ်ကားမှာ သရုပ်ဆောင်ရမယ့်အပိုင်းလေး အရင်ဆုံးသိချင်ပါတယ်ရှင့်။

■ ဖြေ – ဒီဇာတ်ကားမှာ ဓာတ်ပုံဆရာ၊ အယ်ဒီတာတစ်ယောက်အနေနဲ့ သရုပ်ဆောင်နေတာပါ။

■ မေး – အဲဒီအတွက် ဘာတွေများ အဓိက ဘာတွေပြင်ဆင်ထားလဲ။

■ ဖြေ – အဓိကတော့ ကင်မရာနဲ့ပတ်သက်တဲ့ အယူအဆတွေ လေ့လာထားတယ်။ ကာရိုက်တာနဲ့လိုက်ဖက်တဲ့ ၀တ်စားဆင်ယင်မှုတွေကိုလည်း သူတို့ဘက်က ပြင်ဆင်ပေးထားတဲ့အတွက် ကျွန်တော်ကတော့ ဇာတ်ကောင်စရိုက်ရဲ့ ခံစားမှုကို စိတ်ထဲမှာ ထည့်ထားရုံပဲပေါ့။

■ မေး – ထိုင်းဒါရိုက်တာနဲ့ တွဲဖက်ရိုက်ကူးမှာဆိုတော့ ဘယ်လိုထူးခြားတဲ့ အတွေ့အကြုံတွေရမယ်လို့ မျှော်လင့်ထားလဲ။

■ဖြေ – ကျွန်တော့်အတွက်ကတော့ အတွေ့အကြုံသစ်တစ်ခုပါ။ ဘယ်လိုဒါရိုက်တာပဲ ဖြစ်ဖြစ်ပါ။ ကျွန်တော်ကတော့ ကိုယ်လုပ်ရမယ့်အလုပ်၊ ကိုယ့်တာဝန်ကိုယ်ကျေအောင် လုပ်ဆောင်သွားပါမယ်။

■ မေး – ဇာတ်လမ်းပုံစံကရော ဘယ်လိုပုံစံမျိုးဖြစ်မလဲ။

■ ဖြေ – လိပ်ပြာစံအိမ်ကတော့ မိသားစုမေတ္တာဖွဲ့ ဒရာမာလည်းပါမယ်။ ၀ိညာဉ်အကြောင်းအရာလည်း ပါပါမယ်။ ရန်ကုန်နဲ့ရေနံချောင်းမှာ အဓိကထား ရိုက်ကူးသွားမှာပါ။

■ မေး – နိုင်ငံတကာက အနုပညာရှင်တွေနဲ့ ပြည်တွင်းက အနုပညာရှင်တွေ အနုပညာပူးပေါင်း ဖန်တီးမှုတွေ များလာတယ်။ အဲဒီအပေါ် ဘယ်လိုထင်ပါလဲရှင့်။

■ ဖြေ – အကျိုးရလဒ်ကတော့ အပြောင်းအလဲတွေတော့ ဖြစ်လာမယ်လို့ ထင်တယ်။ သူတို့ဘက်ကဘယ်လို နည်းပညာတွေ အသုံးပြုဖန်တီးကြလဲ၊ ရုပ်ရှင်ကားတစ်ကားဖန်တီးရာမှာ ဘယ်လိုဖန်တီးလေ့ရှိလဲ၊ ကျွန်တော်တို့ဖန်တီးတာနဲ့ ဘာတွေကွာခြားလဲဆိုတာ သိခွင့်ရလာမယ်။ ဒါတွေက ထုတ်လုပ်သူတွေရဲ့ စိတ်ကူးတွေပေါ့နော်။ မြန်မာနိုင်ငံက ဒါရိုက်တာတွေလည်း သူ့ဘာသာ အားလုံးတော်ကြတာပဲလေ။ ကောင်းကြတာပဲလေ။ နိုင်ငံတကာမှာ ဘယ်လို ဖန်တီးကြတယ်ဆိုတာ လေ့လာဖို့အတွက် အခုလိုပူးပေါင်းရိုက်ကူးတယ်လို့ ထင်ပါတယ်။

■ မေး – ဒီဇာတ်ကားကို ရိုက်ကူးပြီးသွားရင်ရော ဘယ်နေရာတွေမှာ ရုံတင်ပြသသွားမှာလဲ။

■ ဖြေ – သူတို့ကတော့ လောလောဆယ် ရုပ်ရှင်ပွဲတော်မှာ ၀င်ပြိုင်ဖို့အထိ ရည်မှန်းထားတယ်လို့ သိရပါတယ်။ မြန်မာနဲ့ ထိုင်းမှာလည်း ပြသသွားမှာပါ။

■ မေး – နိုင်ငံတကာ ရုပ်ရှင်ပွဲတော်တွေထိ ရည်ရွယ်တယ်ဆိုတော့ ပိုပြီးတာဝန်ကြီးတယ်လို့ ယူဆလား။

■ ဖြေ – ကိုယ့်အနေနဲ့ကတော့ ဘယ်ကားမဆို တာဝန်ကြီးတယ်လို့ပဲ ခံယူပါတယ်။ နိုင်ငံတကာပဲပြပြ၊ ပြည်တွင်းပဲပြပြ ကိုယ့်အနေနဲ့ အပြည့်အ၀ အားထုတ်နိုင်အောင် ကြိုးစားပါတယ်။ ဇာတ်ကားတိုင်းမှာတော့ လုပ်ခွင့်ရတဲ့အပေါ်မှာ အပြည့်အ၀တာဝန်ကျေအောင် ကြိုးစားခဲ့တာချည်းပါပဲ။

■ မေး – ဒုဋ္ဌ၀တီကိုလွန်၍ ဇာတ်ကားက ဘယ်တော့လောက် ကြည့်ခွင့်ရတော့မလဲ။

■ ဖြေ – အဲဒီဇာတ်ကားက ဆင်ဆာထိထားတာလေးတွေ နည်းနည်းပြင်ဆင်ရိုက်ကူးဖို့ ကျန်နေပါတယ်။ ပြီးရင်တော့ ဆယ်တန်းစာမေးပွဲအပြီးလောက်မှာ ရုံတင်ပြသသွားမှာပါ။

■ မေး – ဒီဇာတ်ကားက တစ်မိနစ်စာဗီဒီယိုဖိုင်လ်မှာကတည်းက ပရိသတ်စိတ်ဝင်စားမှု များတယ်ပေါ့နော်။ အဲဒီအပေါ် ခံစားမှုကို ပြောပြပါဦး။

■ ဖြေ – အဲဒီအတွက် ၀မ်းသာသလိုပျော်လည်း ပျော်ပါတယ်။ ဒုဋ္ဌ၀တီကိုလွန်၍ ဇာတ်ကားတစ်ကားလုံး ထွက်လာတဲ့အခါမှ Result ကိုသိရရင်တော့ ပိုပျော်မိမှာပဲ။ ရင်လည်း ရင်ခုန်ပါတယ်။ ဒီကားက ကျွန်တော်တို့ ဖန်တီးသူတွေအားလုံး သေချာအချိန်ယူဖန်တီးထားတဲ့ ဇာတ်ကားကောင်းတစ်ကားပါ။

■ မေး – ဒီဇာတ်ကားပြီးရင်ရော ဘာထပ်ရိုက်ဖို့ရှိဦးမလဲ။

■ ဖြေ – ကျွန်တော်ကို စတီးလ်နဲ့တစ်ကားရှိပါတယ်။ ရိုက်ဖို့ပြင်ဆင်ထားပါတယ်။ အဲဒီဇာတ်ကားကလည်း ဇာတ်လမ်းပိုင်းကအစ သေချာလေးပြင်ဆင်ထားတဲ့ ဇာတ်ကားပါ။

■ မေး –  ဒီနှစ်ထဲမှာ ဇာတ်ကားဘယ်နှကားလောက် ရိုက်ဖြစ်ခဲ့လဲ။

■ ဖြေ – ဒါရိုက်တာဂျိုးနဲ့တစ်ကားက Post recording အသံပြန်သွင်းဖို့ ကျန်သေးတယ်။ အခုဒီဇာတ်ကားပေါ့။ ပြီးရင် ကိုစတီးလ်နဲ့ တစ်ကားရိုက်ပါမယ်။

■ မေး – မိသားစုဆီ ဘယ်တော့လောက်ပြန်ဖို့ရှိမလဲ။

■ ဖြေ – မိသားစုဆီက ဒီဇင်ဘာမကုန်ခင် ခရစ္စမတ်အပြီး ပြန်ဖြစ်ပါမယ်။ ကြားထဲမှာတော့ အနုပညာအလုပ်တွေလုပ်ဖို့ လက်ခံထားတာတွေ၊ ပြင်ဆင်ထားတာတွေရှိတဲ့အတွက် အဲဒါလေးတွေ အပြီးသတ်ပြီးမှ ပြန်ဖြစ်မှာပါ။

■ မေး – ပရိသတ်ကိုပြောချင်တဲ့ စကားလေးတွေရှိရင် ပြောပေးပါဦး။

■ ဖြေ – အခွင့်အရေးရသလောက် အကောင်းဆုံးဖြစ်အောင် အမြဲတမ်းကြိုးစားနေပါတယ်။ အားပေးကြတဲ့ ပရိသတ်အားလုံးကိုလည်း ကျေးဇူးအများကြီး တင်ပါတယ်။ ကျွန်တော့်အနုပညာ ဖန်တီးမှုတွေလည်း အားပေးဝေဖန်ပေးကြပါဦးလို့ ပြောချင်ပါတယ်။ အနုပညာဖြတ်သန်းမှု ခရီးလမ်းရှည်တစ်လျှောက် လုံးမှာအားပေးခဲ့ကြတဲ့ ပရိသတ်တစ်ဦးချင်းစီတိုင်းကို တကယ်ကျေးဇူးတင်ပါတယ်။ ဆက်ပြီးတော့လည်း ကြိုးစားသွားပါဦးမယ်။

တေးသံရှင် R ဇာနည်နှင့် ၀မ်း၏ ဒုတိယမြောက်ရင်သွေးရတနာ ဇန်န၀ါရီလအတွင်း မွေးဖွားမည်

ဒုတိယမြောက် ရင်သွေးလေးရရှိထားသည့် တေးသံရှင် R ဇာနည်နှင့် ၀မ်း

တေးသံရှင် R ဇာနည်နှင့် ဇနီးဖြစ်သူဝမ်း၏ ဒုတိယမြောက် ရင်သွေးရတနာလေးအား ဇန်န၀ါရီလအတွင်းမွေးဖွားရန် စီစဉ်ထားပြီး ဒေါက်တာမေသူမျိုးညွန့်က မွေးဖွားပေးရန် စီစဉ်ထားခြင်းဖြစ်ကြောင်း သိရသည်။ R ဇာနည်နှင့် ၀မ်းတို့၏ ဒုတိယမြောက် ရင်သွေးရတနာမှာလည်း သားလေးပင်ဖြစ်ပြီး ပထမသားဦးဖြစ်သူ မွေးဖွားပြီး ရှစ်နှစ်ခန့်ကြာမြင့်ပြီးချိန်မှသာ ဒုတိယမြောက်ရင်သွေး ရရှိလာခြင်းဖြစ်သည်။

“ပျော်ပါတယ်။ သားသားဖစ်ဖစ်လေးမွေးပြီး ရှစ်နှစ်လောက်ကြာပြီးမှ အခုဒုတိယ သားလေးကိုယ်ဝန်ရလာတာဆိုတော့ အစစ အရာရာအသစ်လိုလည်း ဖြစ်နေတယ်။ စိတ်လှုပ်ရှားပါတယ်။ သားလေးဆိုတော့လည်း ပျော်ပါတယ်။ အခုကတော့ လိုအပ်တာတွေလည်း ပြင်ဆင်နေတာပေါ့။ ဇန်န၀ါရီလလောက်မှာ မွေးဖွားမှာပါ။ ကျွန်တော်တို့ မိသားစုလေးကို ချစ်ခင်အားပေးကြတဲ့အတွက်လည်း ၀မ်းသာပါတယ်။ တချို့လူမှုကွန်ရက် စာမျက်နှာတွေထက်မှာ ဝေဖန်နေတာတွေလည်း တွေ့ရတယ်။ အဲဒါတွေအတွက်ကတော့ ဘယ်သူ့အတွက်မှ အကျိုးမရှိတဲ့ အလုပ်ဆိုတော့ မကောင်းပါဘူးလို့ပဲ ပြောချင်တယ်” ဟု တေးသံရှင် R ဇာနည်က ဆိုသည်။

ဇနီးဖြစ်သူဝမ်းကလည်း “သားနဲ့ကရှစ် နှစ်လောက်ကွာပြီးမှ အခုကိုယ်ဝန်ရတာဆိုတော့ အားလုံးကအသစ်လို ဖြစ်နေတယ်။ သားလေးမွေးတုန်းက လိုအပ်ခဲ့တာတွေ၊ ဖြစ်ခဲ့တဲ့ ခံစားချက်တွေဆိုလည်း တချို့အရာတွေဆို မေ့နေပြီပေါ့။ နည်းနည်းတော့ စိတ်လှုပ်ရှားတယ်။ ပထမသားဖစ်ဖစ်တုန်းက ဘာမှမခံစားလိုက်ရဘူး။ အခု ဒီကိုယ်ဝန်မှာတော့ နှစ်လသုံးလလောက်မူးတာ၊ နေမကောင်းတာဖြစ်တယ်။ အခုတော့နေလို့ ကောင်းပါတယ်။ ကိုယ်ဝန်ကခြောက်လရှိပါပြီ။ ဇန်န၀ါရီမှာ မွေးဖို့စီစဉ်ထားပါတယ်။ ဒေါက်တာဒေါ်မေသူမျိုးညွန့်နဲ့ပါ။ ပျော်ပါတယ်။ ကလေးအတွက်လည်း လိုအပ်တာလေးတွေ စီစဉ်နေပါတယ်” ဟု ဆိုသည်။

တိုကျိုရုပ်ရှင်ပွဲတော်တွင် တူရကီ ဇာတ်ကား Grain က ထိပ်တန်းဆု ရရှိ

Grain ဇာတ်ကား၏ဒါရိုက်တာ ဆီမက်ကာပါလန်နိုဂလူ (Photo: AFP)

အကြိမ် (၃၀) မြောက် တိုကျိုအပြည်ပြည်ဆိုင်ရာ ရုပ်ရှင်ပွဲတော် TIFF တွင် တူရကီ ဒါရိုက်တာဆီမက်ကာပါလန်နိုဂလူ ရိုက်ကူးသည့် အနာဂတ်မျှော်ဇာတ်ကား Grain က အမြင့်ဆုံးဆုဖြစ်သည့် Grand Prix ကို ရရှိခဲ့သည်။

မျိုးစေ့ဗီဇပညာရှင်တစ်ဦးက လူသားများကို ကယ်တင်ရန်အတွက် နှံစားပင်၏ အစေ့အဆန်ရရှိရန် စူးစမ်းရှာဖွေသည့်အကြောင်း ရိုက်ကူးထားသည့် အနာဂတ်မျှော်  စိတ်ကူးယဉ်သိပ္ပံဇာတ်ကား၏ ဇာတ်ညွှန်းကို  ဆီမက်ကာပါလန်နိုဂလူ ကိုယ်တိုင်ရေးသားခဲ့သည်ဟု သိရသည်။ ဆီမက်သည် ယင်းဆုအတွက် ငွေသား ဒေါ်လာ ၅၀,၀၀၀ ရရှိခဲ့သည်။

တူရကီ၊ ဂျာမနီနှင့် ဆွီဒင် ပူးတွဲထုတ်လုပ်သည့် ယင်းဇာတ်ကားကို ဒက်ထရွိုက်၊ မီရှီဂန်၊ ဂျာမနီနှင့် တူရကီတို့တွင် ရိုက်ကူးခဲ့ သည်ဟုသိရသည်။

“ဒီဇာတ်ကားရဲ့ စိတ်ကူးယဉ်မှုနဲ့ ဖြစ်ရပ်မှန် တင်ပြချက်တွေကို ကျွန်တော်တို့ သဘောကျခဲ့တယ်” ဟု TIFF ၏ ဆုရွေးချယ်ရေး ဂျူရီအဖွဲ့ ဥက္ကဋ္ဌ တိုမီလီဂျုံးက ပြောကြားခဲ့သည်။ Grain  ဇာတ်ကားကို Grand Prix  ချီးမြှင့်ရန် ဂျုရီအဖွဲ့က တညီတညွတ်တည်း ဆုံးဖြတ်ခဲ့သည်ဟု ၎င်းက ပြောကြားခဲ့သည်။

ယခုနှစ်ရုပ်ရှင်ပွဲတော်တွင်  မလေးရှားဒါရိုက်တာ Edmund Yeo က Aqerat (We the Dead) ဇာတ်ကားဖြင့် အကောင်းဆုံး ဒါရိုက်တာဆု ရရှိခဲ့သည်။ တရုတ်သရုပ်ဆောင် Duan Yihong က The Looming Strom ဇာတ်ကားဖြင့် အကောင်းဆုံးအမျိုးသား သရုပ်ဆောင်ဆုကို ရရှိခဲ့ပြီး အကောင်းဆုံး အမျိုးသမီးသရုပ်ဆောင်ဆုကို သရုပ်ဆောင် Adleling D’Hermy က France’s Maryline ဇာတ်ကားဖြင့် ရရှိခဲ့သည်။

မြန်မာနိုင်ငံ၌ ၈၈၈၈ လူထုအုံကြွမှုဖြစ်ပြီးနောက် ဂျပန်နိုင်ငံတွင် ဗီဇာမရှိဘဲ ရွှေ့ ပြောင်း အခြေချများအဖြစ် နေထိုင်ခဲ့သည့် မြန်မာမိသားစုတစ်စု၏ ဖြစ်ရပ်မှန်အကြောင်း ရိုက်ကူးထားသည့် ဂျပန်ဒါရိုက်တာ အာကီအိုဖူဂျီမိုတို၏ Passage of Life ဇာတ်ကားက တိုကျိုရုပ်ရှင်ပွဲတော်၏ အာရှရုပ်ရှင်ဇာတ်ကားကဏ္ဍတွင် အကောင်းဆုံး ဇာတ်ကားဆုရရှိခဲ့သည်။ အောက်တိုဘာ ၂၅ ရက်မှ နိုဝင်ဘာ  ၃ ရက်အထိ ကျင်းပခဲ့သည့် TIFF ကို အယ်လ်ဂိုး၏ မှတ်တမ်းရုပ်ရှင် An Inconvenient  Sequel : Truth to Power ပြသမှုဖြင့် ပိတ်သိမ်းခဲ့သည်။