Zee Lay Zee Lay သီချင်းတေးသံရှင် Matteo နှင့် မြန်မာအနုပညာရှင်များစွာ ပါဝင်မည့် Bella Music Festival ရန်ကုန်နှင့် မန္တလေးမြို့တွင် ပြုလုပ်မည်

အွန်လိုင်းအသုံးပြုသူပရိသတ်များကြားတွင် အားပေးမှုများပြားသည့် Zee Lay Zee Lay သီချင်း၏တေးသံရှင် Matteo နှင့်မြန်မာအနုပညာရှင်များစွာတို့ ပူးပေါင်းဖျော်ဖြေမည့် Bella Music Festival ကို ရန်ကုန်နှင့်မန္တလေးမြို့များ၌ ဧပြီလဆန်း ကျင်းပရန် စီစဉ်ထားသည်ဟု သိရသည်။ အဆိုပါဂီတဖျော်ဖြေပွဲ ကို ဘိုဘိုအင်တာတိန်းမန့်မှ ဂျွန်လွင်က Bella အတွက် ပူးပေါင်းစီစဉ်ပေး ခြင်းဖြစ်ကြောင်း သိရသည်။

Bella Music Fesival ကို ရန်ကုန်မြို့၌ကျင်းပရာတွင် Matteo နှင့်အတူ တေးသံရှင်ဇော်ဝင်းထွဋ်၊ Big Bag ၊ Idiots ၊ ဝေလ၊ ရဲရင့်အောင်၊ အောင်ထက်၊ ဇွဲပြည့်၊ ၀ိုင်းစုခိုင်သိန်း၊ ဖြူဖြူကျော်သိန်းတို့ပါဝင် ဖျော်ဖြေမည်ဖြစ်ကြောင်း သိရသည်။   မန္တလေးမြို့၌ကျင်းပရာတွင် တေးသံရှင် Matteo နှင့်အတူ Big Bag ၊ Idiots ၊  ဝေလ၊ လွှမ်းပိုင်၊ ရဲရင့်အောင်၊  X-Box ၊ ဖြူဖြူကျော်သိန်း၊ Bobby Soxer တို့ပါဝင်ဖျော်ဖြေမည်ဖြစ် သည်။ ယင်းဂီတဖျော်ဖြေပွဲများကို ဧပြီ ၁ ရက်နှင့် ၇ ရက်တွင်ပြုလုပ်မည်ဖြစ်ကြောင်း သိရသည်။

”ကျွန်တော်တို့ ဘိုဘိုအင်တာတိန်းမန့်ရယ်၊ ကိုဂျွန်လွင်ရယ်ပေါင်းပြီး Bella အတွက် Bella Music Festival လုပ်ဖို့ရှိပါတယ်။ အခုအွန်လိုင်းမှာခေတ်စားနေတဲ့ ဇီလေဇီလေ သီချင်းရဲ့အဆိုတော်လည်း မြန်မာနိုင်ငံမှာလာပြီးဖျော်ဖြေမယ်။သူနဲ့အတူ မြန်မာတေးသံရှင်တွေအများကြီးပါဝင်ပါမယ်။ ပွဲကဧပြီ ၁ ရက်နဲ့ ၇ ရက်တွေမှာပြုလုပ်ဖို့အကြမ်းဖျင်း လျာထားပါတယ်။ ရန်ကုန်နဲ့ မန္တလေးမှာ လုပ်မှာပါ။ နိုင်ငံတကာအဆင့်မီ ဖျော်ဖြေပွဲပုံစံမျိုးဖြစ်အောင် တင်ဆက်သွားပါမယ်။ အားလုံးပျော် ကြဖို့ပြုလုပ်မယ့်ပွဲဖြစ်ပါတယ်။ အမိုက်စားဖျော်ဖြေမှုတွေနဲ့ ကြည့်ရှုခံစားရမှာပါ။ အသေးစိတ်အချက် တွေကိုတော့ပြန်ပြီး အသိပေးသွားပါမယ်”ဟု ဘိုဘိုအင်တာတိန်းမန့်မှ ကိုဘိုဆန်းက ဆိုသည်။

Bella Music Festival တွင် ပါဝင် ဖျော်ဖြေရန် မြန်မာနိုင်ငံသို့ လာရောက်မည့် Matteo မှာ Zee Lay Zee Lay ဟုမြန်မာပရိသတ်များကြားတွင်ရေပန်းစားနေသည့် ‘Panama’ တေးသီချင်း သီဆိုသူဖြစ်သည်။ အဆိုပါတေးသံရှင်မှာ မြန်မာနိုင်ငံတွင် ပထမဆုံးအကြိမ် လာရောက်ဖျော်ဖြေခြင်းဖြစ်ပြီး Panama သီချင်းအပါအ၀င် တေးသီချင်းများစွာဖြင့်ဖျော်ဖြေရန် စီစဉ်ထားခြင်းဖြစ်သည်။ တေးသံရှင်များစွာဖြင့် ပြုလုပ်သွားမည့် Bella Music Festival နှင့်ပတ်သက်သည့် အသေးစိတ်အချက်အလက်များကို ထပ်မံ ထုတ်ပြန်သွားမည်ဖြစ်ကြောင်းသိရသည်။ ယင်းဖျော်ဖြေပွဲအတွက် သီချင်းတိုက်မှုများကို မတ်လကုန်ပိုင်း တွင်ပြုလုပ်ရန်စီစဉ်ထားပြီး တေးသီချင်းအများအပြားဖြင့် ဖျော်ဖြေမည်ဖြစ်သည်။

(၃၂) ကြိမ်မြောက် အမေရိကန်ရုပ်ရှင် အတတ်ပညာရှင်များအဖွဲ့၏ ဆုပေးပွဲတွင် အင်ဂျလီနာဂျိုလီ ဂုဏ်ပြုဆု ရရှိ

အမေရိကန်ပြည်ထောင်စု ကယ်လီဖိုးနီးယားပြည်နယ်ရှိ  Hollywood & Highland စင်တာတွင် ဖေဖော်ဝါရီ ၁၇ ရက်က ကျင်းပခဲ့သည့် (၃၂) ကြိမ်မြောက် အမေရိကန်ရုပ်ရှင် အတတ်ပညာရှင်များအဖွဲ့ ASC ၏ ဆုပေးပွဲတွင် သရုပ်ဆောင်၊ ဒါရိုက်တာ အင်ဂျလီနာ ဂျိုလီသည် ရုပ်ရှင်လောကကို အထောက်အကူပြုမှုများအတွက် Board of Governors ဆုဖြင့် ဂုဏ်ပြုခံခဲ့ရသည်။

အင်ဂျလီနာဂျိုလီသည် ပြင်းပြသောရည်မှန်းချက်နှင့် ပူးပေါင်းဆောင်ရွက်မှု စိတ်ဓာတ်ရှိသည့် စစ်မှန်သောအနုပညာရှင်တစ်ဦးဟု ASC ဥက္ကဋ္ဌ ကီးစ်ဗန်အူစထရမ်က ပြောကြားခဲ့သည်။

”ဂျိုလီက သူ့အနုပညာနဲ့ ဖျော်ဖြေခဲ့တဲ့အပြင် အရေးပါတဲ့ လူမှုရေးအကြောင်း အရာတွေကို ကျွန်တော်တို့ပိုပြီး အာရုံစိုက်လာနိုင်အောင် လုပ်ဆောင်ပေးခဲ့တယ်”ဟု ၎င်းက ပြောကြားခဲ့သည်။

အင်ဂျလီနာဂျိုလီ၏ ခင်ပွန်းဟောင်း ဘရက်ပစ်က ဇနီးဟောင်း ဂျနီဖာအက်နစ္စတန် နှင့် ပြန်တွဲနေသည်ဆိုသော ကောလာဟလများ ထွက်ရှိခဲ့ပြီးနောက် ဂျိုလီက ပထမဆုံးအကြိမ် လူမြင်ကွင်းရှေ့ထွက်ရှိမှုအဖြစ် ယင်းဆုပေးပွဲသို့ တက်ရောက်ခဲ့ခြင်းဖြစ်သည်။

ယခုနှစ်ဆုပေးပွဲတွင Blade Runner 2049 ဇာတ်ကား၏ ရုပ်ရှင်အတတ်ပညာရှင် ရော်ဂျာဒီကင်က ထိပ်တန်းဆုကိုရရှိခဲ့သည်။ ၀ါရင့်ရုပ်ရှင်အတတ်ပညာရှင် ရော်ဂျာဒီကင်သည် ယင်းဇာတ်ကားဖြင့်  ယခုနှစ် အော်စကာဆန်ခါတင်စာရင်းတွင် လျာထားခံခဲ့ရသည်။

ဒီကင်သည်   The Shawshank Redemption၊ The Man Who Wasn’t There၊ Skyfall စသည့် ဇာတ်ကားများဖြင့်လည်း ASC ဆု ရရှိခဲ့ပြီး ၂၀၁၁ ခုနှစ်တွင် ASC ၏ တသက်တာ အောင်မြင်မှုဆုဖြင့် ဂုဏ်ပြုခံခဲ့ရသည်။

ယခုနှစ်ဆုပေးပွဲတွင် Titanic ဇာတ်ကား၏ ရုပ်ရှင်အတတ်ပညာရှင် ရပ်ဆဲလ်ကာပန်နာက တစ်သက်တာအောင်မြင်မှုဆုဖြင့် ဂုဏ်ပြုခံခဲ့ရသည်။

ASC ဆုပေးပွဲသည် အော်စကာဆုပေးပွဲတွင် ရုပ်ရှင်အတတ်ပညာရှင်ဆုအတွက် ခန့်မှန်းပေးနိုင်သည့် ဆုပေးပွဲတစ်ခုဟု သုံးသပ်ခံခဲ့ရသည်။

အဖွဲ့သားများစုံလင်စွာ ဖျော်ဖြေနိုင်ခြင်း မရှိခဲ့သော်လည်း လာရောက်အားပေးကြည့်ရှုသူ ပရိသတ်များအတွက် အားပါးတရဖျော်ဖြေခဲ့သည့် Wanted Band ၏ တစ်ကိုယ်တော်ဖျော်ဖြေပွဲ ပြုလုပ်

Wanted အဖွဲ့၏ တစ်ကိုယ်တော် ဖျော်ဖြေပွဲ Everybod’s WANTED Rock Show ကို ရန်ကုန်မြို့၊ ကန်တော်ကြီး မျှော်စင်ကျွန်းⁿ ဖေဖော်ဝါရီ ၁၈ရက် တွင် ပြုလုပ်ခဲ့သည်။

ဖေဖော်ဝါရီ ၁၈ရက်တွင် ပြုလုပ်ခဲ့သည့် Everybod’s WANTED Rock Show မတိုင်မီ ရက်ပိုင်းခန့်တွင် ဖြစ်ပွားခဲ့သည့် လွဲချော်မှုတစ်ချို့ကြောင့် Wanted အဖွဲ့၏ ဒရမ်သမား ကိုရှည်ကြီး အပါအ၀င် အဖွဲ့သားနှစ်ဦးတို့ ယင်းဖျော်ဖြေပွဲတွင် ပါဝင်ဖျော်ဖြေနိုင်ခြင်း မရှိခဲ့ကြောင်း သိရသည်။

“ကျွန်တော်တို့ ကိုရှည်ကြီးရယ်၊ နောက်ကျွန်တော်ချစ်တဲ့ အိုဒီ၊ သူတို့ နှစ်ယောက်ဒီပွဲမတိုင်ခင်မှာ အခက်အခဲလေးတွေကြောင့် ဒီပွဲမှာ မပါဝင်နိုင်ခဲ့ပါဘူး။ ကျွန်တော်ချစ်တဲ့  သူတို့နှစ်ယောက် ဒီ Wanted စီပြန်မရောက်မခြင်း ကျွန်တော် Wanted နဲ့ မဆိုတော့ပါဘူး။ Wanted ကို ဒီနေ့ကပဲ နားလိုက်ပါတယ်။ Wanted က ဖော်ကာအနေနဲ့ပဲ သီချင်းဆိုနေပါ့မယ်။” ဟု ပါဝင်ဖျော်ဖြေနိုင်ခြင်း မရှိခဲ့သည့် အဖွဲ့သားနှစ်ဦးနှင့်ပတ်သတ်၍ တေးသံရှင် ဖော်ကာက အဆိုပါဖျော်ဖြေပွဲတွင် ပရိသတ်အား ပြောကြားသည်။

ထို့ကဲ့သို့ အဖွဲ့သားများ စုံလင်စွာ ဖျော်ဖြေနိုင်ခဲ့ခြင်း မရှိသော်လည်း ဆာရက်ပ်ကဲ့သို့သော အခြားသော ရော့ခ်တီးဝိုင်းအဖွဲ့များမှ Players များက Wanted အဖွဲ့အတွက် ပါဝင်ကူညီ တီးခတ်ပေးခဲ့ပြီး Wanted အဖွဲ့၏ အမာခံပရိသတ်များ အတွက် ၄င်းတို့အဖွဲ့က အစဉ်အလာမပြတ် အားပါးတရဖျော်ဖြေမှုများဖြင့် ကျေနပ်စေနိုင်ခဲ့သည်။

ဖျော်ဖြေပွဲများတွင် Wanted အဖွဲ့ဖျော်ဖြေနေကြ ပုံစံများအတိုင်း တေးသီချင်းများကို အားပါးတရ မာန်ပါပါဖြင့် ယခု ဖျော်ဖြေပွဲတွင် ဖျော်ဖြေခဲ့ပြီး ပရိသတ်များ၏ Wanted အဖွဲ့အမည်ကို တခဲနက် သံပြိုင်အော်ဟစ်ရွတ်ဆို အားပေးမှုများက ဖျော်ဖြေပွဲကို အသက်ဝင်စေခဲ့သည်။

Everybod’s WANTED Rock Show ကို ည ၇ နာရီကျော်ခန့်မှ ည ၁၁နာရီကျော်ထိ ပြုလုပ်ခဲ့ပြီး ပရိသတ်အပြား လာရောက်ကြည့်ရှုခဲ့ကာ Wanted အဖွဲ့မှ တေးသီချင်း အပုဒ် ၃၀ကျော်ဖြင့် ဖျော်ဖြေခဲ့ကြောင်း သိရသည်။

Black Panther ဇာတ်ကား ပွဲဦးထွက်ဖြန့်ချိသည့်ရက်တွင် လက်မှတ်ရောင်းချမှုဝင်ငွေ ဒေါ်လာ ၂၅ ဒသမ ၂ သန်းရရှိ

မာဗယ်ကာတွန်းဇာတ်ကောင်များကို အခြေပြုရိုက်ကူးထားသည့် စူပါဟီးရိုးဇာတ်ကား Black Panther သည် မြောက်အမေရိကတွင် ပွဲဦးထွက်ဖြန့်ချိသည့်ရက်၌ လက်မှတ် ရောင်းချမှုဝင်ငွေ ဒေါ်လာ ၂၅ ဒသမ ၂ သန်း ရရှိခဲ့သည်ဟု ဝေါဒစ္စနေကုမ္ပဏီက ထုတ်ပြန်ခဲ့သည်။

ယင်းဇာတ်ကားသည် မာဗယ်စတူဒီယိုအတွက် Avengers: Age of Ultron ဇာတ်ကားပြီးလျှင် ပွဲဦးထွက်ဝင်ငွေ ဒုတိယအများဆုံး ရရှိသည့်ဇာတ်ကားဖြစ်သည်။ Avengers: Age of Ultron ဇာတ်ကားသည် ပွဲဦးထွက်ဖြန့်ချိသည့်ရက်တွင် ၀င်ငွေ ဒေါ် လာ ၂၇ ဒသမ ၆ သန်း ရရှိခဲ့သည်။

ကုန်ကျစရိတ် ဒေါ်လာ သန်း ၂၀၀ ခန့် အသုံးပြုထားသည့် ယင်းဇာတ်ကားတွင် လူမည်းသရုပ်ဆောင် အများအပြား ပါဝင်သရုပ်ဆောင်ထားသည်။

အာဖရိကရှိ နည်းပညာပိုင်းဆိုင်ရာ အဆင့်မြင့်သော Wakanda နိုင်ငံ၏ဘုရင်အဖြစ် T’Challa က ကျမ်းသစ္စာကျိန်ဆိုခဲ့ပြီး နောက်ပိုင်းအခြေအနေကို ရိုက်ကူးထားသည့် ယင်းဇာတ်ကားတွင် Chadwick Boseman က T’Challa/Black Panther အဖြစ် သရုပ်ဆောင်ထားပြီး လူပီတာညောင်အိုက T’Challa ၏ ရည်းစားဟောင်း၊ သူလျှိုဇာတ်ကောင်အဖြစ် ပါဝင်သရုပ်ဆောင်ထားသည်။ ဒါရိုက်တာ Ryan Coogler ရိုက်ကူးသည့် ယင်းဇာတ်ကားသည် မဖြန့်ချိမီ သီတင်းပတ်များစွာကတည်းက ပရိသတ် စိတ်ဝင်စားမှုရရှိခဲ့ပြီး ကြိုတင်လက်မှတ် ရောင်းချရမှုသည် အခြားဇာတ်ကားများ ထက်ပိုများခဲ့သည်။ ပြီးခဲ့သည့်နှစ်,နှစ်တွင် Deadpool ဇာတ်ကားသည် Presidents Day အားလပ်ရက်လေးရက်တွင် လက်မှတ်ရောင်းချမှုဝင်ငွေ ဒေါ်လာ ၁၅၂ ဒသမ ၂ သန်းကျော် ရရှိခဲ့ပြီး ဖေဖော်ဝါရီလ၏ ၀င်ငွေအကောင်းဆုံး ဇာတ်ကားဖြစ်ခဲ့သည်။

Black Panther ဇာတ်ကားကို ယခုသီတင်းပတ်တွင် ပြည်ပရှိ အဓိကဈေးကွက်များတွင် ပြသခဲ့ပြီး ရုရှားတွင် ဖေဖော်ဝါရီ ၂၂၊ ဂျပန်တွင် မတ် ၁ ရက်နှင့် တရုတ်နိုင်ငံတွင် မတ် ၉ ရက်တို့တွင် ပြသရန် စီစဉ်ထားသည်။ ယင်းဇာတ်ကားသည် ဗြိတိန်တွင် လက်မှတ် ရောင်းချမှုဝင်ငွေ ဒေါ်လာ ၁၀ ဒသမ ၁ သန်းနှင့် တောင်ကိုရီးယားတွင် ဒေါ်လာ ၉ ဒသမ ၅ သန်း ရရှိခဲ့သည်။ Marvel Cinematic Universe (MCU) ၏ ၁၈ ခုမြောက် ဇာတ်ကားဖြစ်သော Black Panther သည် ရုပ်ရှင်ဝေဖန်သူများ၏ ချီးမွမ်းမှုရရှိခဲ့ပြီး Rotten Tomatoes က Rating ၉၇ ရာခိုင် နှုန်းပေးထားသည့် ဇာတ်ကားလည်းဖြစ်သည်။

ယင်းဇာတ်ကားသည် ပွဲဦးထွက်ဖြန့်ချိသည့် သီတင်းပတ်တွင် လက်မှတ်ရောင်းချမှု ၀င်ငွေ ဒေါ်လာ ၁၇၂ သန်းနှင့် ၁၉၈ သန်းအကြား ရရှိနိုင်သည်ဟုလည်း လက်မှတ် ရောင်းချမှုဝင်ငွေကို လေ့လာသုံးသပ်သည့် ကုမ္ပဏီများက ခန့်မှန်းခဲ့သည်။

တေးသံရှင် သရုပ်ဆောင်ရွှေထူးနှင့် တွေ့ဆုံခြင်း

လူငယ်မျိုးဆက်သစ် တေးသံရှင်များအကြား အချိန်တိုအတွင်း ပရိသတ်အခိုင်အမာ ရယူထားနိုင်သူတစ်ဦးမှာ တေးသံရှင်ရွှေထူးပင်ဖြစ်သည်။ တေးသီချင်းများဖြင့် ပရိသတ်များအား သိမ်းပိုက်ထားသည့်အပြင် ပထမဆုံး ရုပ်ရှင်ဇာတ်ကားဖြစ်သည့် ‘ပက်ပက်စက်စက်ညှို့’ ဇာတ်ကားဖြင့်လည် ပရိသတ်အားပေးမှုကို ရယူထားနိုင်ပြန်သည်။ ယခုအခါ တေးသံရှင်ရွှေထူး၏ ဒုတိယမြောက် တစ်ကိုယ်တော်အယ်လ်ဘမ်အဖြစ် ‘I’ ဟု အမည်ပေးထားသည့် တေးအယ်လ်ဘမ်အား ဖြန့်ချိတော့မည်ဖြစ်ပြီး ခေါင်းဆောင်မင်းသားအဖြစ် ပါဝင်ခွင့်ရမည့် ‘နှစ်ခါကွဲတဲ့ အသည်းမနာဘဲရှိပါ့မလား’ ဇာတ်ကားတွင်လည်း သရုပ်ဆောင်ဝတ်မှုန်ရွှေရည်နှင့် တွဲဖက်သရုပ်ဆောင်ရန် စီစဉ်ထားပြန်သည်။ တေးသံရှင်သရုပ်ဆောင်ရွှေထူးနှင့် တွေ့ဆုံ၍ မကြာခင်ထွက်ရှိရန် စီစဉ်ထားသည့် တစ်ကိုယ်တော်အယ်လ်ဘမ်အကြောင်း၊ မတ်လအတွင်း ရိုက်ကူးမည့် ဇာတ်ကားသစ်အကြောင်းနှင့် မကြာခင်က အွန်လိုင်းတွင် လွှင့်တင်ထားခဲ့သည့် ‘လူတွေ’ တေးသီချင်းသစ်များအကြောင်းတို့ကို မေးမြန်းဖြစ်ခဲ့သည်။

■ မေး – ‘I’ ဆိုတဲ့ တစ်ကိုယ်တော်အယ်လ်ဘမ်ကို အချိန်ဘယ်လောက်ယူပြီး စီစဉ်ဖြစ်ခဲ့လဲ။

ဖြေ – ဒါက ‘စိတ်ကူးယဉ်စာအုပ်’ အခွေထွက်ပြီးကတည်းက အချိန်ယူစီစဉ်ခဲ့တာပါ။ ‘I’ ဆိုတဲ့ နာမည်ရဲ့အဓိပ္ပာယ်က Illumination ပေါ့။ ကျွန်တော်ရယ် ကျွန်တော့်အစ်ကို ကိုဇေရယ်ပေါင်းပြီး ပေးဖြစ်တာပါ။ ကျွန်တော့်ကိုယ်ကျွန်တော် ရည်ညွှန်းပြီး ပေးထားတာပါ။ Illumination ဆိုတဲ့ သီချင်းတော့ အခွေထဲမှာမပါဘူး။ ကျွန်တော့်ကိုယ်ကျွန်တော် နေရာသစ်တစ်ခုကို သွားတယ်။ အလင်းထဲကို ၀င်သွားတယ်။ ကမ္ဘာသစ်တစ်ခုကိုသွားတယ်။ Upgrade လုပ်တယ်ဆိုတဲ့ အဓိပ္ပာယ်ပါ။

■ မေး – ဒီအခွေမှာ ဘယ်လိုပြောင်းလဲ ဖန်တီးထားတာတွေပါမလဲ။

ဖြေ – အဓိကတော့ သီချင်းပေါ့။ စိတ်ကူးယဉ်စာအုပ်ထဲမှာ ဆိုခဲ့ဖူးတဲ့သီချင်း ပုံစံမျိုးလေးငါးပုဒ်လောက်လည်း ပါတယ်။ အရင်က ရွှေထူးဆိုခဲ့တဲ့ ပုံစံမျိုးမဟုတ်တာလည်း ပါတယ်။ ပုံစံအဆန်းလေးတွေပေါ့နော်။ အဲဒါကြောင့် ကိုယ့်ကိုယ်ကိုယ် Upgrade လုပ်ထားတဲ့ သဘောနဲ့ ‘I’ လို့ ပေးဖြစ်တာပါ။

■ မေး – ပရိုမိုးရှင်း အစီအစဉ်တွေရော ဘယ်လိုလုပ်ဖို့ စိတ်ကူးထားလဲ။

ဖြေ – ဖေဖော်ဝါရီ ၂၄ ရက် မြန်မာပလာဇာမှာ ပရိသတ်တွေနဲ့ တွေ့ဆုံပါမယ်။ ဖေဖော်ဝါရီ ၂၅ ရက်မှာ မန္တလေး ဒိုင်းမွန်းပလာဇာအပေါ်ဆုံးထပ်မှာ ပရိသတ်များနဲ့ တွေ့ဆုံပါမယ်။ ကျွန်တော်နဲ့ ကျွန်တော့်သူငယ်ချင်းတွေက ပရိသတ်တွေကို အမှတ်တရ လက်မှတ်ရေးထိုးပေးမှာ ဖြစ်သလို သီချင်းတွေနဲ့လည်း ဖျော်ဖြေပေးပါမယ်။ ထူးခြားတဲ့ အစီအစဉ်အနေနဲ့ Package ပုံစံလေး လုပ်ဖို့ရှိတယ်။ Illumination နဲ့ Back to the Future တို့ပေါင်းပြီး အင်္ကျီလေးတွေ လုပ်ထားတာရှိမယ်။ အဲဒီမှာ Limited edition အနေနဲ့ပဲ ရောင်းသွားမှာပါ။ အမှတ်တရ အနေနဲ့ပါပဲ။

■ မေး – ဇာတ်ကားရိုက်ကူးဖို့ စီစဉ်ထားတာလေး ပြောပြပေးပါဦး။

ဖြေ – ပထမတော့ ရွှေမှုန်ရတီနဲ့ရိုက်ဖို့ စီစဉ်ထားတာပါ။ သူကလည်းရက်မရတာကြောင့် နောက်ဆုတ်သွားပြီး မတ်လမှာတော့ မ၀တ်မှုန်ရွှေရည်နဲ့ရိုက်ဖို့ စီစဉ်ထားပါတယ်။

■ မေး – ကစ်ကစ်နဲ့ ရိုက်မယ့်ဇာတ်ကားမှာရော ဘယ်လိုပုံစံမျိုး မြင်တွေ့ခွင့်ရမလဲ။

ဖြေ – ကာရိုက်တာကတော့ ကျွန်တော်လုပ်နိုင်မယ့်ပုံစံမျိုးပါပဲ။ ဒါရိုက်တာက ဦးမီးပွားရိုက်မှာပါ။ သရုပ်ဆောင်တွေအစုံတော့ မသိရသေးဘူး။ ကျွန်တော်သရုပ်ဆောင်ရမှာကတော့ နည်းနည်းကြောင်တောင်တောင်ဖြစ်နေတဲ့ ကောင်လေးပုံစံပါ။ ဇာတ်ကားနာမည်ကတော့ နှစ်ခါကွဲတဲ့အသည်းမနာဘဲ ရှိပါ့မလားတဲ့။

■ မေး – ခေါင်းဆောင်အနေနဲ့ ရိုက်ရမှာဆိုတော့ အဲဒီဇာတ်ကားက စိန်ခေါ်မှုများမှာပေါ့။

ဖြေ – စိန်ခေါ်မှုတော့ များပါတယ်။ ပထမကားကလည်း Pressure များခဲ့ပါတယ်။ အဓိကတော့ ကျွန်တော့်ကြောင့် အချိန်မကြန့်ကြာအောင်၊ သိက္ခာမကျရအောင် ကျွန်တော်ကြိုးစားပါမယ်။ သူတို့က ၀ါရင့်သရုပ်ဆောင်တွေဖြစ်တော့ သူတို့အတွက် အချိန်နှောင့်နှေးတာမျိုး မဖြစ်အောင် ပြင်ဆင်ပါမယ်။

■ မေး – အနုပညာလောကထဲမှာ တွဲရိုက်ချင်တဲ့ မင်းသမီးရှိလား။

ဖြေ – မမိုးဟေကိုနဲ့တော့ တွဲရိုက်ချင်ပါတယ်။

■ မေး – ပရိသတ်ကို ပြောချင်တဲ့ စကားလက်ဆောင်လေးရှိရင် ပြောပါဦး။

ဖြေ – အရမ်းကျေးဇူးတင်ပါတယ်။ ကျွန်တော့်အတွက် Pressure လည်း အရမ်းများပါတယ်။ ဒုတိယအခွေထွက်လာတဲ့အခါ အသစ်တစ်ယောက်လိုပဲ စိတ်လှုပ်ရှားပါတယ်။ ကျွန်တော့်သီချင်းလေးတွေက ပရိသတ်တွေနဲ့ သဟဇာတဖြစ်ပါ့မလားဆိုပြီး စိုးရိမ်စိတ်တွေလည်း အများကြီး ရှိပါတယ်။ ငွေကြေး ရှားပါးတဲ့အချိန်ဖြစ်ပေမယ့် ကြိုးစားပြီးလုပ်ထားတာပါ။ လိုအပ်ချက်တွေရှိရင်လည်း နားလည်ပေးစေချင်ပါတယ်။ အခုချိန်ထိလည်း လိုအပ်ချက်က ရှိနေတုန်းပါပဲ။

■ မေး – ချစ်သူရှိပြီဆိုတော့ အနာဂတ် Plan ကိုရော ဘယ်လိုစိတ်ကူးထားလဲ။

ဖြေ – အိမ်ထောင်ရေးကတော့ စောပါသေးတယ်။ ကျွန်တော်လည်း ကြိုးစားဖို့တွေ အများကြီးရှိသေးသလို သူ့မှာလည်း သူ့မိဘရှိတယ်။ တစ်ယောက်ချင်းစီမှာ ရည်မှန်းချက်တွေ ရှိသေးတဲ့အတွက် အများကြီး ကြိုးစားရပါဦးမယ်။

■ မေး – အခုအွန်လိုင်းမှာတင်ထားတဲ့ လူတွေဆိုတဲ့သီချင်းကို ဖန်တီးဖြစ်တာကရော။

ဖြေ – အဲဒီသီချင်းလေးက ကျွန်တော်တို့တွေးမိတဲ့ ရင့်ကျက်လာတဲ့ အတွေးအခေါ်လေးတွေကို မျှဝေပေးဖြစ်တာပါ။ ဗုဒ္ဓတရားသံတွေလည်း ပါတယ်ပေါ့နော်။ အရွယ်ရောက်လာတာနဲ့အမျှ ပြောင်းလဲလာတဲ့ အတွေးအမြင်တွေကို ဖန်တီးထားတာပါ။ ဟိုနေ့ကဆို ကျွန်တော့်အမေအရွယ်လောက် အန်တီတစ်ယောက်က Comment လာရေးပါတယ်။ သူ့သားက အဲဒီသီချင်းလေး မနက်မိုးလင်းလို့ဖွင့်ရင် တရားသံတွေလည်းပါတော့ ကျက်သရေရှိတယ်ဆိုတာမျိုးပေါ့။ အဲဒါမျိုးအားပေးတဲ့သူတစ်ယောက် တွေ့ရရင်ကိုပဲ ကျွန်တော် ကျေနပ်ပါတယ်။ ဒီသီချင်းကို ဖန်တီးတာက ဒီရည်ရွယ်ချက်ပါပဲ။

အမာခံပရိသတ် အများအပြား လာရောက်အားပေးမှုနှင့်အတူ ထူးခြားဆန်းသစ်သည့် တင်ဆက်ဖျော်ဖြေမှုများဖြင့် Idiots Band ၏ “နေရစ်ခဲ့တော့” One Band Show ပြုလုပ်

Idiots အဖွဲ့၏ “နေရစ်ခဲ့တော့” One Band Show ကို ဖေဖော်ဝါရီ ၁၇ ရက်တွင် ရန်ကုန်မြို့၊ Thuwunna Bhumi Event Park ၌ ပြုလုပ်ခဲ့ပြီး Idiots အဖွဲ့၏ အမာခံပရိသတ် အများအပြား လာရောက်ကြည့်ရှု အားပေးခဲ့သည်။

ဂီတသက်တမ်း (၁၃) နှစ်ပြည့်မြောက်ပြီဖြစ်သည့် Idiots အဖွဲ့က ၎င်းတို့ အဖွဲ့၏ ပထမဆုံး One Band Show အား Idiots Band ၏ နာမည်ကျော် တေးသီချင်းတစ်ပုဒ်ဖြစ်သည့် “နေရစ်ခဲ့တော့” တေးသီချင်းအမည်ကို ပေးခဲ့ပြီး ဖျော်ဖြေပွဲတွင် အဖွင့်ဖျော်ဖြေသည့် Band များ၏ ဖျော်ဖြေမှုများအပြီးတွင် ပရိသတ်များ၏ သံပြိုင်ဟစ်အော်အားပေးမှုများနှင့်အတူ Idiots Band ၏ ဖျော်ဖြေမှုကို စတင်ခဲ့သည်။

Idiots Band က ဖျော်ဖြေပွဲကို အပိုင်း (၃) ပိုင်းဖြင့် တင်ဆက်ဖျော်ဖြေခဲ့ပြီး ဂီတသက်တမ်း (၁၃)နှစ်အတွင်း ၎င်းတို့အဖွဲ့ထွက်ရှိခဲ့သည့် တေးသီချင်း အဟောင်း၊ အသစ်အပုဒ် (၃၀) ကျော်ခန့်ဖြင့် ဖျော်ဖြေခဲ့သည်။

ဖျော်ဖြေသည့် တေးသီချင်းများတွင် တစ်စုံတစ်ရာ၊ သိပ်ကြောက်လို့၊ သေလို့ရတယ်စသည့် အချစ်သီချင်းများ၊ နောက်ကျော၊ အလှည့်စသည့် ရော့ခ်တေးသီချင်းများ၊ ဘာလိုသေးလဲ၊ နေရစ်ခဲ့တော့ စသည့် ဘ၀အကြောင်း ရေးသားထားသည့် တေးသီချင်းများ စသည့် တေးသီချင်းများကို ပြောင်းလဲဆန်းသစ်ထားသည့် တီးခတ်တင်ဆက် ဖျော်ဖြေမှုများဖြင့် Idiots Band က ၎င်းတို့အဖွဲ့ကို လာရောက်အားပေးသည့် အမာခံပရိသတ်များစွာတို့၏ အားပေးမှုကို စိတ်ကျေနပ် နှစ်ခြိုက်စေခဲ့သည်။

ထို့အတူ သံစုံတီးဝိုင်းများနှင့် တွဲဖက်ဖျော်ဖြေမှု၊ ထူးခြားသည့် အကများဖြင့် တွဲဖက်တင်ဆက်မှုစသည့် ဆန်းသစ်သည့် စင်မြင့်ဖျော်ဖြေ တင်ဆက်မှုများစွာတို့ကို “နေရစ်ခဲ့တော့” ဖျော်ဖြေပွဲတွင် တွေ့မြင်ခဲ့ရပြီး ပရိသတ်များကလည်း တခဲနက် သံပြိုင်သီဆို အားပေးခဲ့သည်။

“နေရစ်ခဲ့တော့” ဖျော်ဖြေပွဲတွင် Idiots အဖွဲ့၏ ပင်တိုင်တေးသံရှင် ရေမွန်၏ မိခင်နှင့်ညီမဖြစ်သူတို့ အပါအ၀င် အခြားသော ဂီတအနုပညာရှင်များစွာတို့က Idiots အဖွဲ့နှင့်အတူ ပါဝင်ကူညီ ဖျော်ဖြေတင်ဆက်ခဲ့ပြီး ဂီတသက်တမ်း (၁၃) နှစ်ကာလတစ်လျှောက် Idiots အဖွဲ့ကို အာပေးခဲ့သည့် အမာခံပရိသတ်များစွာ လာရောက်အားပေးခဲ့သည်။

Miss Goldenland Myanmar 2018 (ရှမ်း/တောင်) ကိုယ်စားပြု Miss ရွေးချယ်ပြိုင်ပွဲ ကျင်းပ

 

စည်သာ(တောင်ကြီး)

Miss Goldenland Myanmar 2018 ရှမ်း/တောင် ကိုယ်စားပြု Miss ရွေးချယ်ပြိုင်ပွဲကို တောင်ကြီးမြို့တွင် ကျင်းပပြုလုပ်ရာ ရှမ်း/တောင်ရှိ အလှမယ်ပေါင်း ၁၆ ဦး ၀င်ရောက်ယှဉ်ပြိုင်ကြပြီး၊ ရွေးချယ်ခံရသူ ၁ ဦးသည် ရန်ကုန်တွင် သွားရောက် ယှဉ်ပြိုင်ခွင့် ရှိမည်ဖြစ်ကြောင်း သိရသည်။ တောင်ကြီးမြို့၊ မြို့တော်ခန်းမတွင် ဖေဖော်ဝါရီ ၁၇ ရက် ညနေ ၆ နာရီအချိန်တွင် စတင်ကျင်းပပြုလုပ်မည် ဖြစ်ကြောင်း သိရသည်။

ရှမ်းပြည်နယ်၊ တောင်ပိုင်း၊ မြောက်ပိုင်းနှင့် အရှေ့ပိုင်းတို့တွင် ၃ ပိုင်းခွဲခြားထားပြီး၊ မြောက်ပိုင်းတွင် လားရှိုးမြို့၊ တောင်ပိုင်းတွင် တောင်ကြီးမြို့ တို့တွင် Miss ရွေးချယ်ပြိုင်ပွဲများ ကျင်းပနေခြင်းဖြစ်ပြီး၊ တောင်ကြီးတွင် ကျင်းပခြင်းသည် ဒုတိယကြိမ်မြောက်ဖြစ်ပြီး၊ ၂၀၁၆ ခုနှစ်တွင် တစ်ကြိမ်ကျင်းပပြုလုပ်ခဲ့ကြောင်း၊ Miss Goldenland Myanmar အနေဖြင့် ပွဲများကျင်းပနေသည်မှာ ၆ နှစ်မြောက်ခဲ့ပြီဖြစ်ကြောင်း သိရသည်။

“ ရှမ်းပြည် တောင်ပိုင်းမှာ ရှိတဲ့ ဇကာတင် ၁၆ ယောက် လာပြိုင်မယ်။ အဲဒီထဲကမှ တစ်ဦးကို ရွေးထုတ်မယ်။ ရှမ်းမြောက်မှာလည်း ရှမ်းမြောက် ကိုယ်စားပြုပေါ့။ ရှမ်းပြည်တောင်ပိုင်းအတွက် တစ်ဦးပဲ ရွေးထုတ်မယ်။ ”
ဟု ပွဲစီစဉ်ကျင်းပသူ မဖွေးဖွေး က ပြောကြားသည်။

ရှမ်းတောင် ကိုယ်စားပြု Miss ရွေးချယ်နိုင်ရန်အတွက် ၂ လကြိုတင်ကာအွန်လိုင်းတွင် စတင်ကြော်ငြာခဲ့ပြီး၊ လျှောက်လွှာခေါ်ယူခြင်း၊ လူတွေ့ရွေးချယ်ပြီး ၊ စခန်းသွင်း သင်တန်းပေးခြင်း တစ်ပတ်တာ ကြာမြင့်ကာ၊ ယနေ့ည တွင် ပြိုင်ပွဲအဖြစ် စတင် ယှဉ်ပြိုင်ခြင်း ဖြစ်ကြောင်း သိရသည်။

အဆိုပါပွဲတွင် ပထမဆု၊ ဒုတိယဆု၊ Miss Body Fit ခန္ဓာကိုယ်လှပမှုဆု၊ Miss Friendship ဆု၊ စသည်တို့ကိုလည်း ချီးမြှင့်သွားမည်ဖြစ်ကြောင်း သိရသည်။

Miss Goldenland Myanmar ရည်ရွယ်ချက်မှာ Body, Beauty, Brain ဖြစ်ပြီး၊ ကိုယ်လုံးကိုယ်ပေါက် အချိုးအစား မှန်ကန်ခြင်း၊ အမျိုးသမီး တစ်ယောက်၏ အလှအပ တရားနှင့် ပြည့်စုံခြင်း၊ ဥာဏ်ပညာ ထက်မြက်ခြင်း၊ ထိုသို့ လှပချောမော၊ ကျန်းမာကြံ့ခိုင်ပြီး၊ ဥာဏ်ရည်ဥာဏ်သွေး ထက်မြက်သော အမျိုးသမီးများ မွေးထုတ်ပေးနိုင်ရန်၊ မြန်မာအမျိုးသမီးများ၏ အရည်အသွေးကို မြှင့်တင်ပေးနိုင်ရန်၊ နိုင်ငံတကာမှလည်း သိရှိနိုင်အောင် ရည်ရွယ်ကြောင်း၊ နိုင်ငံကိုယ်စားပြုပြီး နိုင်ငံတကာ တွင် သွားရောက်ယှဉ်ပြိုင်ရာတွင် နာမည်ကြီးဖြစ်သွားသော မင်းသမီးများလည်း ပေါ်ထွက်ခဲ့ကြောင်း၊ ဥပမာ- ခင်ဝင့်ဝါ၊ ဟန်သီ စသည်တို့ ထွက်ပေါ်လာခဲ့ကြောင်း သိရသည်။

၂၀၁၈ ခုနှစ် ပိုလာဂီတဆုကို အာဖဂန်ဂီတသိပ္ပံနှင့် Metallica အဖွဲ့ ဆွတ်ခူး

Photo: AFP

ဂီတလောက၏ နိုဘယ်ဆုဟုခေါ်ဆိုသည့် ပိုလာဂီတဆုကို အာဖဂန်ဂီတသိပ္ပံနှင့် Metal ရှေ့ဆောင်အဖွဲ့ဖြစ်သည့် Metallica တို့ကဆွတ်ခူးခဲ့သည်ဟု ဆုရွေးချယ်ရေးကော်မတီက ဖေဖော်ဝါရီ ၁၄ ရက်တွင် ထုတ်ပြန်ခဲ့သည်။ ယင်းဆုရရှိသူများသည် ဇွန် ၁၄ ရက်တွင် စတော့ဟုမ်းတွင်ပြုလုပ်မည့် ဆုပေးပွဲအခမ်းအနား၌ ဒေါ်လာ ၁၂၅,၀၀၀ စီ လက်ခံရရှိမည်ဖြစ်သည်။

Metallica အဖွဲ့၏ ပြိုင်စံရှား တူရိယာဝိုင်းတီးခတ်မှုနှင့် ယင်းအဖွဲ့၏ ဂီတပျံ့နှံ့မှုကို ဆုရွေးချယ်ရေးကော်မတီက ချီးကျူးခဲ့သည်။

၁၉၈၁ ခုနှစ်တွင် ဒရမ်တီးခတ်သူ Lars Ulrich၊ ဂီတာသမား၊ အဆိုတော် James Hetfield တို့နှင့်ဖွဲ့စည်းခဲ့သည့် Metallica အဖွဲ့သည် စီးပွားရေးအရ အောင်မြင်သည့်အဖွဲ့တစ်ဖွဲ့ဖြစ်ပြီး ဂီတသက်တမ်း ၃၇ နှစ်အတွင်း အယ်လ်ဘမ်ချပ်ရေ သန်း ၁၀၀ ကျော် ရောင်းချနိုင်ခဲ့သည်။

“ပိုလာဂီတဆုရတာ မယုံကြည်နိုင်လောက်တဲ့ဖြစ်ရပ်တစ်ခု” ဟု Metallica အဖွဲ့၏ ဒရမ်တီးခတ်သူနှင့် အဖွဲ့ပူးတွဲထူထောင်သူ Lars Ulrich က ပြောကြားခဲ့သည်။

အာဖဂန်ဂီတသိပ္ပံသည် ပိုလာဂီတဆုကို ယင်းသိပ္ပံတည်ထောင်သူ Ahmad Sarmast နှင့်အတူ ပူးတွဲရရှိမည်ဖြစ်သည်။ Sarmast သည် စစ်ကြောင့် ဖွတ်ဖွတ်ကြေနေသော အာဖဂန်နစ္စတန်နိုင်ငံတွင် ‘ကျား၊ မ’ အတူသင်ကြားရသော မကြုံစဖူးအစီအစဉ်ဖြင့် အဆိုပါသိပ္ပံကို ၂၀၁၀ ပြည့်နှစ်၌ စတင်ဖွင့်လှစ်ခဲ့သည်။

ယင်းဂီတသိပ္ပံတွင် အာဖဂန်နှင့် အနောက်တိုင်းဂီတနှစ်ခုစလုံးကို သင်ကြားပေးခဲ့ပြီး အာဖဂန်နစ္စတန်၏ ပထမဆုံး အမျိုးသမီးသံစုံတီးဝိုင်း ဖွဲ့စည်းနိုင်ရေးအတွက် ကူညီခဲ့သည်။ အဆိုပါအမျိုးသမီးသံစုံတီးဝိုင်းသည် ပြီးခဲ့သည့်နှစ်က ဆွစ်ဇာလန်နိုင်ငံ ဒါးဗို့မြို့တွင်ကျင်းပခဲ့သည့် ကမ္ဘာ့စီးပွားရေးဖိုရမ်တွင် ဖျော်ဖြေတင်ဆက်ခဲ့သည်။

၁၉၉၆-၂၀၀၁ ခုနှစ် တာလီဘန်အုပ်ချုပ်ရေးလက်အောက်တွင် ဂီတနှင့် အမျိုးသမီးများပညာသင်ကြားရေးကို ပိတ်ပင်ထားသည့် အာဖဂန်နစ္စတန်တွင် အန္တရာယ်များစွာနှင့် ရင်ဆိုင်ခဲ့ရသည့် Sarmast က ပိုလာဂီတဆုရရှိသည့်အတွက် ဂုဏ်ယူသည်ဟု ပြောကြားခဲ့သည်။

ပိုလာဂီတဆုကို ဆွီဒင်ပေါ့ပ်အဖွဲ့ ABBA ၏ မန်နေဂျာစတစ်အန်ဒါဆန်က ၁၉၈၉ ခုနှစ်တွင် တည်ထောင်ခဲ့ပြီး တစ်နှစ်လျှင် ဆုနှစ်ဆုစီရွေးချယ်ခဲ့သည်။ ယင်းဆုကို စတင်း၊ ဘော့ဒီလန်၊ Bjork၊ ရှာဗီရှန်ခါနှင့် ဆွန်နီရိုးလင်းတို့လည်း ရရှိဖူးသည်။

တေးသံရှင်မဒီ မြန်မာနိုင်ငံသို့ ခေတ္တပြန်လည်ရောက်ရှိလာပြီး ယခုနှစ်အတွင်း ဖျော်ဖြေပွဲကျင်းပနိုင်ရန်နှင့် တေးသီချင်းအသစ်တချို့ အသံသွင်းယူနိုင်ရန် ပြင်ဆင်

တေးသံရှင်မဒီသည် မြန်မာနိုင်ငံသို့ ခေတ္တပြန်လည်ရောက်ရှိလာပြီး ယခုနှစ်အတွင်း ဖျော်ဖြေပွဲကျင်းပနိုင်ရန်နှင့် တေးသီချင်းအသစ် တချို့အသံသွင်းယူနိုင်ရန် ပြင်ဆင်သွားမည်ဖြစ်ကြောင်းသိရသည်။ တေးသံရှင်မဒီသည် ပြည်ပနိုင်ငံသို့ ရောက်ရှိနေထိုင်လျက်ရှိသည်မှာ နှစ်ကာလကြာမြင့်ခဲ့ပြီဖြစ်ပြီး ယခင်နှစ်ကတစ်ကြိမ် ပြန်လာခဲ့ကာ တေးစီးရီးသစ်တစ်ခွေကို အသံသွင်းယူခဲ့ကြောင်း သိရသည်။ အဆိုပါ တေးအယ်လ်ဘမ်ကို ယခုနှစ်အတွင်း ဖြန့်ချိနိုင်ရန် ကြိုးပမ်းသွားမည်ဖြစ်ကြောင်းလည်း သိရသည်။

“မြန်မာနိုင်ငံကို ပြန်လည်ရောက်ရှိနေပါတယ်။ အဓိကတော့ ပရိသတ်တွေဆန္ဒရှိနေကြတဲ့ ဖျော်ဖြေပွဲတွေကိုသီဆိုနိုင်ဖို့ ဒီနှစ်အတွင်း ကျင်းပနိုင်ဖို့အတွက် ဒီခရီးစဉ်ကိုလာဖြစ်တာပါ။ လာဖြစ်တဲ့အချိန်အတွင်းမှာ ဒီနှစ်အတွင်းပွဲကို စီစဉ်နိုင်ဖို့ ပွဲစီစဉ်သူတွေနဲ့ တွေ့ဆုံညှိနှိုင်းမှုတွေ ပြုလုပ်သွားမှာပါ။ မိသားစုနဲ့သူငယ်ချင်းတွေကိုလည်း အချိန်ပေးသွားပါမယ်။ အချိန်ရမယ်ဆိုရင်တော့ သီချင်းသစ်တချို့ကိုလည်း အသံသွင်းယူသွားချင်ပါတယ်” ဟု တေးသံရှင်မဒီကဆိုသည်။

တေးသံရှင်မဒီ၏ အယ်လ်ဘမ်သစ်တစ်ခွေလုံးအတွက် တေးသီချင်းများရေးသားပေးထားပြီး music producer အဖြစ်ပါ တာဝန်ယူဆောင်ရွက်ပေးခဲ့သည့် သရုပ်ဆောင် တေးသံရှင်ဇဏ်ခီကလည်း “မဒီနဲ့က အမေရိကန်မှာနေကတည်းက ဆုံခဲ့ဖူးတယ်။ သူအခွေသစ်လုပ်မယ်ဆိုတော့ ကျွန်တော့်ကို ရေးပေးနိုင်မလားလို့မေးတယ်။ အဲဒါနဲ့ ကျွန်တော်လည်း သူ့အခွေအတွက် တစ်ခွေလုံးကိုရေးပေးဖြစ်တာပါ။ music producer အနေနဲ့လည်း တာဝန်ယူဆောင်ရွက်ပေးခဲ့တယ်။ မနှစ်တုန်းက သူဒီကိုလာပြီး အချိန်ယူအသံသွင်းခဲ့ပါတယ်။ အဲဒီအခွေလည်း ဒီနှစ်ထဲမှာတော့ထွက်မှာပါ။ ထွက်ဖို့လည်း ကြိုးစားပြင်ဆင်နေပါတယ်” ဟုဆိုသည်။

တေးသံရှင်မဒီသည် အောင်မြင်သည့်တေးသီချင်းများစွာ သီဆိုခဲ့သူဖြစ်ပြီး အောင်မြင်နေဆဲအချိန်တွင်ပင် ပြည်ပနိုင်ငံသို့ ထွက်ခွာသွားခဲ့သူဖြစ်သည်။ နှစ်ကာလကြာမြင့်ပြီးချိန်မှသာ ခေတ္တပြန်လည်ရောက်ရှိလာခဲ့ပြီး အယ်လ်ဘမ်သစ်တစ်ခွေ ထွက်ရှိရန် အသံသွင်းယူထားခြင်းဖြစ်သည်။ တေးသံရှင်မဒီသည် ၎င်းအသုံးပြုသည့် လူမှုကွန်ရက်စာမျက်နှာမှတစ်ဆင့် တေးသီချင်းအသစ်တချို့အား တင်ပေးထားသည်များလည်းရှိသည်။ ယခုအခါ ဖေဖော်ဝါရီလလယ်ပိုင်းတွင် မြန်မာနိုင်ငံသို့ ပြန်လည်ရောက်ရှိလာကြောင်းကို ပရိသတ်များထံ အသိပေးထားပြီး ယခုနှစ်အတွင်း ဖျော်ဖြေပွဲကျင်းပနိုင်ရန်လည်း စီစဉ်သွားမည်ဖြစ်ကြောင်း အသိပေးထားသည်။ တေးသံရှင်မဒီ၏ တစ်ကိုယ်တော်ဖျော်ဖြေပွဲ ကျင်းပရန်အတွက် ပရိသတ်များက စောင့်မျှော်လျက်ရှိပြီး တေးအယ်လ်ဘမ်သစ် ထွက်ရှိမည့်အချိန်အားလည်း စိတ်ဝင်စားမှုများပြားလျက်ရှိကြောင်း သိရသည်။

‘Message’ တေးသီချင်းပိုင်ရှင် လူငယ်တေးသံရှင် ဂျူဝယ်လ်ပြောပြခဲ့တဲ့ ငယ်စဉ်ဘ၀ အမှတ်တရဖြတ်သန်းရာ

သီချင်းဆိုပြိုင်ပွဲတွေ အပြိုင်အဆိုင်ထွက်ပေါ်လာပြီးတဲ့နောက် သီချင်းဆိုပြိုင်ပွဲစင်မြင့်ထက်ကနေ ဂီတလမ်းခရီးကို လျှောက်လှမ်းနိုင်ကြတဲ့ လူငယ်မျိုးဆက်သစ် အနုပညာရှင်များစွာလည်း ထွက်ပေါ်လို့လာပါတယ်။ ဒီလိုလျှောက်လှမ်းလာကြသူတွေထဲမှာ ထူးထူးခြားခြား သတိပြုမိစေခဲ့သူတစ်ဦးကတော့ ‘Message’ တေးသီချင်းလေးရဲ့ပိုင်ရှင် တေးသံရှင် ဂျူဝယ်လ်ပဲဖြစ်ပါတယ်။ ၂၀၁၇ ရဲ့ချစ်သူများနေ့မှာ ‘Message’ သီချင်းရဲ့ Music Video ကို အွန်လိုင်းမှာ လွှင့်တင်ခဲ့ရာကနေ ပရိသတ်အားပေးမှု အများအပြားရရှိခဲ့သလို Cover Song လေးတွေကို ကိုယ်ပိုင်ဟန်နဲ့သီဆိုတတ်တဲ့ The Four အဖွဲ့ရဲ့ အဖွဲ့ဝင်တစ်ဦးအနေနဲ့လည်း ပရိသတ်အသိအမှတ်ပြုမှု ရရှိလာခဲ့သူဖြစ်ပါတယ်။ ၀ါသနာပါရာ ဂီတခရီးလမ်းကို ပြိုင်ပွဲတွေကတစ်ဆင့် တစ်ဆင့်ချင်း လျှောက်လှမ်းလာခဲ့တဲ့ တေးသံရှင်ဂျူဝယ်လ်ရဲ့ ငယ်စဉ်ဘ၀ အမှတ်တရပုံရိပ်တွေကို တင်ဆက်ပေးချင်ပါတယ်။

တေးသံရှင် ဂျူဝယ်လ်ကို နှစ်တစ်နှစ်ရဲ့ နိုဝင်ဘာလမှာမွေးဖွားခဲ့ပြီး ပြင်ဦးလွင်ဇာတိ ဖြစ်ပါတယ်။ နာမည်ရင်းက ရတနာဦးဖြစ်ပြီး တစ်ဦးတည်းသောသမီးပါလို့ ပြောပြခဲ့ပါတယ်။ ဂျူဝယ်လ်က ငယ်စဉ်ကလေးဘ၀ အမှတ်တရအနေနဲ့ကတော့ မွေးဖွားချိန်မှာ မငိုတဲ့အတွက် တော်တော်လေးကို နာအောင်ရိုက်မှသာ ငိုသံထွက်လာတယ်လို့ မိဘတွေက ပြန်ပြောပြခဲ့ကြဖူးတယ်လို့ ဆိုပါတယ်။ ငယ်စဉ်ကလေးဘ၀မှာတော့ စကားနည်းတဲ့ ကလေးတစ်ယောက်ဖြစ်ခဲ့ပြီး အဆော့တော့မက်တယ်လို့ ဆိုပါတယ်။

အနုပညာဝါသနာဗီဇကိုတော့ လေးငါးတန်းအရွယ်ရောက်မှသာ သတိထားမိခဲ့တယ်လို့ဆိုပါတယ်။ ပြင်ဦးလွင်မှာသာ တောက်လျှောက်ကြီးပြင်းခဲ့ရတဲ့ ဂျူဝယ်လ်က ငါးတန်းအရွယ်လောက်မှာ ကာရာအိုကေ သီချင်းဆိုပြိုင်ပွဲမှာ ပါဝင်ယှဉ်ပြိုင်ခဲ့ရာကနေ သီချင်းတွေကို ပိုပြီးကြိုက်တတ်လာတယ်လို့ ဆိုပါတယ်။

ဂျူဝယ်လ်က ဆိုကရေးတီး ဗဟိုအဆင့်ပြိုင်ပွဲတွေမှာ မြန်မာသံစဉ်တေးသီချင်းတွေနဲ့ ဗုဒ္ဓ၀င်တေးသီချင်းတွေကို သီဆိုယှဉ်ပြိုင်ခဲ့ပြီး ရွှေတံဆိပ်၊ ငွေတံဆိပ်နဲ့ ကြေးတံဆိပ်ဆုတွေ နှစ်အလိုက်ရခဲ့တယ်လို့ ဆိုပါတယ်။ အဲဒီအချိန်ကတည်းကစပြီး ဂီတ၀ါသနာက ခိုင်မာစွဲမြဲလာခဲ့တယ်လို့လည်း ပွင့်ပွင့်လင်းလင်းဆိုပါတယ်။ ဂျူဝယ်လ်က ကျောင်းပညာရေးကိုတော့ ပြင်ဦးလွင်မှာ ကိုးတန်းအောင်တဲ့အထိ သင်ကြားခဲ့သလို ဆယ်တန်းနှစ်မှာတော့ မတ္တရာမှာ သွားရောက်ဖြေဆိုခဲ့ပါတယ်။ ဒီနောက်မှာတော့ B.Sc (Industrial Chemistry) ဘွဲ့ကို ရယူနိုင်ခဲ့ပါတယ်။ ကျောင်းပညာရေးမှာတော့ ထူးချွန်တဲ့အထဲမပါဝင်ဘူးလို့လည်း ဂျူဝယ်လ်က အမှတ်တရဆိုပါတယ်။

ဂျူဝယ်လ်က ဂီတခြေလှမ်း နောက်တစ်လှမ်းအဖြစ် ၂၀၁၀ မှာတော့ Super Star Singing Contest မှာ ပါဝင်ယှဉ်ပြိုင်ခဲ့သလို ၂၀၁၂ မှာတော့ မယ်လိုဒီဝေါလ် သီချင်းဆိုပြိုင်ပွဲမှာ ပါဝင်ယှဉ်ပြိုင်ခဲ့ပါတယ်။ ဒီနောက်မှာ မယ်လိုဒီဝေါလ် သီချင်းဆိုပြိုင်ပွဲရဲ့ ဒုတိယဆုကိုလည်း ရယူနိုင်ခဲ့သလို ပြိုင်ပွဲကရလာတဲ့ အတွေ့အကြုံကောင်းများစွာကိုလည်း ရယူနိုင်ခဲ့ပါတယ်။ ၂၀၁၂ ခုနှစ်မှာပဲ ဂီတမိတ်သင်တန်းကို တက်ရောက်ဖြစ်ခဲ့တဲ့အပြင် Musical Theory ပိုင်းအပါအ၀င် ဂီတနဲ့ပတ်သက်တာတွေကို လေ့လာသင်ယူခွင့်ရခဲ့တယ်လို့ ဆိုပါတယ်။

ဒီနောက်မှာတော့ ဂျူဝယ်လ်ရဲ့ နောက်ထပ်အချိုးအကွေ့တစ်ခုအနေနဲ့ ဂီတမိတ်သင်တန်းသားတွေ စုစည်းဖွဲ့စည်းထားတဲ့ The Four အဖွဲ့မှာပါဝင်ခဲ့ပါတယ်။ Cover Song လေးတွေကို ကိုယ်ပိုင်ဟန်နဲ့ သီဆိုတတ်တဲ့ အဖွဲ့တစ်ခုဖြစ်ပြီး The Four အနေနဲ့ ဖြေးဖြေးမှန်မှန် ချီတက်နေရာကနေ ပရိသတ်အသိအမှတ်အားပေးမှုကို ရရှိလာခဲ့ပါတယ်။ ဂျူဝယ်လ်ရဲ့ နောက်ထပ်အနုပညာခြေလှမ်းတစ်ခုကတော့ ‘Message’ လို့ အမည်ရတဲ့သီချင်းလေးပါ။ အချစ်အလွမ်း သီချင်းကောင်းလေးတစ်ပုဒ်ဖြစ်ပြီး ၂၀၁၇ ချစ်သူများနေ့မှာ အွန်လိုင်းမှာလွှင့်တင်ခဲ့ရာမှာတော့ ပရိသတ်အားပေးမှုများခဲ့တဲ့ သီချင်းတစ်ပုဒ်လည်းဖြစ်ပါတယ်။ ဒီသီချင်းနဲ့ပတ်သက်တဲ့ အမှတ်တရကိုတော့ တေးသံရှင်ဂျူဝယ်လ်က “ဒီသီချင်းက အမှတ်တရလို့ ပြောလို့ရပါတယ်။ ကျွန်တော်နဲ့ ကိုဖြိုး (ဖြိုးပြည့်စုံ) နဲ့က မောင်နှမတွေလိုဖြစ်နေတဲ့အပြင် ခဏခဏလည်း ရန်ဖြစ်တယ်။ အဲဒီတုန်းကတော့ ကိုဝေကြီးဆီ သီချင်းအကြမ်းသွားလုပ်ဖို့ရှိတယ် လိုက်မလားမေးတဲ့အချိန်မှာ မငြင်းမိဘဲ တစ်ခါတည်းလိုက်မယ်ဆိုပြီး လိုက်သွားဖြစ်တယ်။ အဲဒီသီချင်းလေးကို ဝေကြီးက အကြမ်းဆိုခိုင်းကြည့်တော့ ဆိုလိုက်တဲ့အချိန်မှာပဲ ခံစားလို့လည်းရတယ်။ အရမ်းလည်းကြိုက်တယ်။ အဲဒါနဲ့ပဲ ကိုဝေကြီး ကျွန်တော့်ကိုပဲပေးဆိုပါလို့ ပြောဖြစ်တာ။ ပရိသတ်တွေက ကြိုက်ကြတယ်ဆိုတော့လည်း ၀မ်းသာပါတယ်။ အဲဒီသီချင်းလေးကို piano version နဲ့ပဲ Live တစ်ခါလွှင့်ဖူးတယ်။ အဲဒီပုံစံလေးကိုလည်း ကြိုက်ကြတယ်ပြောတော့ ကျေနပ်ရပါတယ်” လို့ဆိုပါတယ်။

ဂျူဝယ်လ်က အခုနှစ်ချစ်သူများနေ့အတွက်လည်း တေးသံရှင် ဖြိုးပြည့်စုံနဲ့စုံတွဲ တေးသီချင်းတစ်ပုဒ်ကို အွန်လိုင်းမှာမျှဝေခဲ့ပြီး ‘မောင်အရင်လက်မှတ်ထိုး’ လို့နာမည်ပေးထားတဲ့ ဒီသီချင်းလေးက အွန်လိုင်းအသုံးပြုသူတွေကြားမှာ ဝေဖန်မှုအချို့ ပျံ့လွင့်ခဲ့ပါသေးတယ်။

တေးသံရှင် ဂျူဝယ်လ်က လတ်တလောမှာတော့ တေးရေးမင်းချစ်သူ ရေးသားထားတဲ့သီချင်းတွေကို စုစည်းထုတ်ဝေထားတဲ့ ‘သူပဲပိုင်တဲ့ ၂၄ နာရီ’ အယ်လ်ဘမ်မှာ စုံတွဲတေးသီချင်းတွေ ပါဝင်သီဆိုထားပါတယ်။ ဒါ့အပြင် တစ်ကိုယ်တော်တေးအယ်လ်ဘမ်ကိုလည်း အခုနှစ်အတွင်းထွက်ရှိနိုင်ဖို့ ကြိုးစားပြင်ဆင်နေသလို The Four အဖွဲ့အနေနဲ့လည်း အယ်လ်ဘမ်တစ်ခုထွက်ရှိဖို့ ကြိုးစားနေတယ်လို့ ဆိုပါတယ်။ ဖျော်ဖြေရေးအနေနဲ့ The Four အဖွဲ့အနေနဲ့ ဖေဖော်ဝါရီလထဲမှာပဲ ပြုလုပ်ဖို့ရှိသလို ဂျူဝယ်လ်တစ်ယောက်တည်းအနေနဲ့တော့ မတ်လထဲမှာ ဖျော်ဖြေရေးလက်ခံထားတယ်လို့ ဆိုပါတယ်။

ဂီတမျိုးရိုးရှိသူမဟုတ်ဘဲ ၀ါသနာပါရာ ဂီတခရီးလမ်းကို လျှောက်လှမ်းလာရသူဖြစ်တာကြောင့် ကြုံတွေ့ရတဲ့အခက်အခဲတွေကိုတော့ တေးသံရှင်ဂျူဝယ်လ်က “အခက်အခဲတွေတော့ရှိပါတယ်။ ကျွန်တော်တို့က ဂီတမျိုးရိုးလည်း မဟုတ်ဘူးလေ။ ၀ါသနာပါတဲ့ အလုပ်ဖြစ်တာကြောင့် အခက်အခဲတွေရှိလည်း ဒီလိုပဲကြိုးစားကျော်ဖြတ်မယ်ဆိုတဲ့ စိတ်နဲ့ကျော်ဖြတ်ခဲ့ရပါတယ်။ အခုချိန်မှာတော့ အခက်အခဲတွေရှိလည်းပဲ ၀ါသနာပါတာလုပ်နေရရင် ပျော်တယ်ဆိုတဲ့စိတ်နဲ့ ဖြတ်သန်းဖြစ်တာပါ။ ပျော်လည်းပျော်ပါတယ်။” လို့ဆိုပါတယ်။

တေးသံရှင်ဂျူဝယ်လ်က သူ့ဘ၀ရဲ့ငယ်စဉ်ဘ၀အမှတ်တရတွေနဲ့ ဂီတခရီးလမ်းတစ်လျှောက်က အတွေ့အကြုံအခက်အခဲတွေကို ပြုံးရွှင်စွာနဲ့ပဲ လက်ဆင့်ကမ်းပြောပြခဲ့တာပါ။ ဒါကြောင့် နောက်တစ်ပတ်တွေမှာလည်း ဘယ်အနုပညာရှင်ရဲ့ ငယ်စဉ်ဘ၀က အမှတ်တရတွေ၊ စိန်ခေါ်မှုနဲ့ အခက်အခဲတွေ ကိုကျော်ဖြတ်ခဲ့ပုံတွေကို မေးမြန်းတင်ဆက်ပေးဦးမယ်ဆိုတာ စောင့်မျှော်ဖတ်ရှုပေးပါဦးလို့ဆိုပါရစေ။