ပရိသတ်အကြိုက်ဖြစ်ခဲ့သည့် ရတနာမိုင်၏ တေးသီချင်းအချို့ကို စုစည်းကာ DVD အဖြစ် ထုတ်ဝေရန် စီစဉ်

ပရိသတ်အကြိုက်ဖြစ်ခဲ့သည့် ရတနာမိုင်၏ တေးသီချင်းအချို့ကို စုစည်းကာ DVD အဖြစ် ပြန်လည်ထုတ်ဝေရန် စီစဉ်လျက်ရှိသည်ဟု သိရသည်။

“မိုင်လေးအနေနဲ့ ထွက်ထားပြီးသား Audio စီးရီးနှစ်ခုကို DVD အဖြစ် သီချင်းအကုန်လုံးကို ပြန်ပြီးမရိုက်တော့ပဲ ပရိသတ်တွေနှစ်သက်ခဲ့ကြတဲ့ သီချင်းလေးတွေကိုပဲ Music Video လေးတွေရိုက်နေပါတယ်။ သီချင်းကိုးပုဒ်လောက်စုပြီး DVD ထုတ်ဖို့ စီစဉ်နေပါတယ်။ အခုလည်း အဲဒီထဲက သီချင်းလေးတွေကို Music Video အဖြစ် ရိုက်ထားတာလေးတွေ ရှိပါတယ်။ နောက်ထပ်သီချင်းလေးတွေလည်း ထပ်ရိုက်နေပါတယ်” ဟု ရတနာမိုင်က ဆိုသည်။

ပရိသတ်များအကြား အောင်မြင်ခဲ့သည့် တေးသီချင်းများဖြစ်သော ‘မလွမ်းပို’၊ ‘သူသိစေ’၊ ‘ရေမြေခြား’၊ ‘ငြိမ်းချမ်းပါစေ’၊ ‘မမေ့ပါနဲ့’၊ ‘ရိုးရိုးလေး’ စသည့် သီချင်းများအပါအ၀င် သီချင်းကိုးပုဒ်ခန့်ကို Music Video အဖြစ် ရိုက်ကူးကာ DVD အဖြစ် ဖြန့်ချိရန် စီစဉ်နေခြင်းဖြစ်သည်ဟု သိရသည်။

အဆိုပါသီချင်းများကို Music Video အဖြစ် ရိုက်ကူးရာတွင် ဒါရိုက်တာ မေဘရဏီ၊ ထူးပိုင်ဇော်ဦး၊ ဇော်မျိုး (ခရေပုံပြင်)၊ အောင်မြတ်သူ၊ စိန်လင်း (Aroma) တို့နှင့် ရိုက်ကူးမှုများ ပြုလုပ်သွားမည်ဖြစ်ကြောင်း သိရသည်။ အချို့သောသီချင်းများကိုမူ Music Video အဖြစ် ရိုက်ကူးပြီးဖြစ်ကြောင်းလည်း သိရသည်။ အဆိုပါ Music Video များတွင် ရတနာမိုင်နှင့်အတူ ဟိန်းဝေယံ၊ တိုင်ရွန်၊ စိန်လင်းနှင့် အခြားသောအနုပညာရှင်များ ပါဝင်ကြမည်ဟု သိရသည်။

Rose Garden Hotel ၏ Wedding Fair 2018 ကို အနုပညာရှင်များစွာနှင့်အတူ မေ ၁၂ ရက်နှင့် ၁၃ ရက်တွင် ကျင်းပမည်

Rose Garden Hotel ၏ Wedding Fair 2018 ပွဲကြီးကို အနုပညာရှင်များစွာနှင့်အတူ မေ ၁၂ ရက်နှင့် ၁၃ ရက်တို့တွင် ကျင်းပသွားမည်ဟု သိရသည်။

အဆိုပါ Wedding Fair 2018 ကို Myanmar Wedding Talk မှ ဦးစီးကျင်းပခြင်းဖြစ်ပြီး ပွဲဖြစ်မြောက်ရေးအတွက် Aroma Wedding Studio က ပါဝင်ကူညီထားသည်ဟု သိရသည်။

“Rose Garden Hotel ၏ Wedding Fair 2018 ပွဲကို မေ ၁၂ ရက်နဲ့ ၁၃ ရက်တွေမှာ စည်စည်ကားကား ကျင်းပသွားမှာပါ။ ဒီပွဲကို အဓိကဦးစီးကျင်းပတာကတော့ Myanmar Wedding Talk ပါ။ အစ်ကိုတို့ Aroma Wedding Studio အနေနဲ့ ပွဲကျင်းပရေးပိုင်းအတွက် ပါဝင်ကူညီထားတာပါ။ Wedding Fair မှာတော့ အစ်ကိုတို့ Aroma အပြင်အခြားသော Wedding Studio တွေကလည်း ပါဝင်ပြသကြမှာပါ။ ဒီပွဲမှာ မိုးဦးရာသီ အကြိုအနေနဲ့ မိတ်ဆက်ပြသတဲ့ Wedding Fair ပါ။ ဒီပွဲမှာ အစ်ကိုတို့ Aroma အနေနဲ့ ၂၀၁၉ ခုနှစ်ထဲမှာ ခေတ်စားလာနိုင်တဲ့ မင်္ဂလာဝတ်စုံဒီဇိုင်းဆန်းတွေ၊ အနောက်တိုင်းဝတ်စုံ၊ မြန်မာဝတ်စုံတွေရဲ့ ဒီဇိုင်းတွေအပြင် ခေတ်စားလာနိုင်တဲ့ မင်္ဂလာအရောင်တွေကို မိတ်ဆက်ပြသသွားမှာပါ။ မင်္ဂလာဝတ်တစ်စုံ ဒီဇိုင်းတွေ မိတ်ဆက်ပြသတာအပြင် မင်္ဂလာပွဲတစ်ခုရဲ့ ပြင်ဆင်မှုတွေ အခမ်းအနားတွေကို Story လေးတွေအဖြစ် ပုံဖော်ပြသသွားဖို့လည်း စီစဉ်နေတာရှိပါတယ်။ နောက်ပြီး ဖျော်ဖြေရေးအစီအစဉ်တွေလည်း ပါဝင်မှာပါ။ နာမည်ကျော် အနုပညာရှင်တွေရဲ့ ဖျော်ဖြေရေးအစီအစဉ်တွေအပြင် Wedding Show မှာလည်း လက်ရှိအောင်မြင်နေတဲ့ အနုပညာရှင်တွေ မော်ဒယ်လ်တွေ ပါဝင်ပြသသွားဖို့ စီစဉ်ထားပါတယ်။ နောက်ပြီး ဒီပွဲမှာ မင်္ဂလာပွဲအခမ်းအနားတွေနဲ့ ပတ်သက်ပြီး အထူးအစီအစဉ်တွေ၊ လျော့ဈေးတွေလည်း ပါဝင်မှာဖြစ်လို့ လာရောက်လေ့လာဖို့ ဖိတ်ခေါ်ပါတယ်” ဟု Aroma Wedding Studio မှ ကိုအောင်မြတ်သူက ဆိုသည်။

Myanmar Wedding Talk မှ စီစဉ်ကျင်းပသည့် Rose Garden Hotel ၏ Wedding Fair 2018 ပွဲကြီးတွင် နာမည်ကြီး Wedding Studio များ၏ မင်္ဂလာဝတ်စုံများကို ပါဝင်ပြသမည်ဖြစ်သည့်အပြင် မင်္ဂလာဝတ်စုံအပါအ၀င် မင်္ဂလာပွဲနှင့်ပတ်သက်သည့် အထူးအစီအစဉ်များနှင့် လျှော့ဈေးများလည်း ပါဝင်မည်ဟု သိရသည်။

အဆိုပါ Rose Garden Hotel ၏ Wedding Fair 2018 ပွဲသို့စိတ်ဝင်စားသူ မည်သူမဆို လာရောက်ကြည့်ရှု လေ့လာနိုင်မည်ဖြစ်ကြောင်းလည်း သိရသည်။

စိတ်ကျန်းမာရေးယိုယွင်းမှုအတွက် ကုသမှုခံယူခဲ့ပြီးနောက် ကာနေးဝက်စ်က အယ်လ်ဘမ်သစ်နှစ်ခု ဖြန့်ချိမည်ဟု ကြေညာ

စိတ်ကျန်းမာရေးယိုယွင်းမှုအတွက် ကုထုံးဖြင့်ကုသမှုခံယူနေစဉ်အတွင်း ဂီတလောကမှ တစ်နှစ်ခွဲကျော် ပျောက်ကွယ်ခဲ့သည့် ရက်ပ်အဆိုတော် ကာနေးဝက်စ်က အယ်လ်ဘမ်သစ်နှစ်ခု ဖြန့်ချိမည်ဟု ဧပြီ ၁၉ ရက်တွင် ထုတ်ပြန်ခဲ့သည်။

ကိုယ့်ကိုယ်ကိုယ် မိုက်ကယ်အင်ဂျလိုနှင့် ခိုင်းနှိုင်းလေ့ရှိသည့်အသက် ၄၀ အရွယ်ရှိ ရက်ပ်အဆိုတော်၊ ဖက်ရှင်ဒီဇိုင်နာ ကာနေးဝက်စ်က ဇွန် ၁ ရက်တွင် သီချင်းခုနစ်ပုဒ်ပါ အယ်လ်ဘမ်နှင့် ယင်းအယ်လ်ဘမ်  ဖြန့်ချိပြီး သီတင်းတစ်ပတ်အကြာတွင် ၎င်း၏ တပည့်ရင်းချာဖြစ်သော ကစ်ကူဒီနှင့် ပူးပေါင်းဆောင်ရွက်ထားသည့် အယ်လ်ဘမ်တစ်ခု ဖြန့်ချိမည်ဟု ပြောကြားခဲ့သည်။

Twitter အကောင့်ကို တစ်နှစ်ကြာဖျက်ခဲ့ပြီးနောက် ယခုသီတင်းပတ်အစောပိုင်းတွင် ပြန်လည်အသုံးပြုခဲ့သည့် ကာနေးဝက်စ်က အယ်လ်ဘမ်သစ်များအကြောင်းကို အနည်းငယ်သာ ပြောကြားခဲ့သည်။ သို့သော် ကစ်ကူဒီနှင့် ပူးပေါင်းဆောင်ရွက်ထားသည့် အယ်လ်ဘမ်ကို Kids See Ghost ဟု အမည်ပေးထားကြောင်း Twitter တွင် ရေးသားခဲ့သည်။ ဖြစ်ရပ်မှန် ရုပ်သံအစီအစဉ်တင်ဆက်သူ ကင်ကာဒစ်ရှန်၏ ခင်ပွန်းဖြစ်သည့် ကာနေးဝက်စ်က ၂၀၁၆ ခုနှစ်တွင် Saint Pablo ဖျော်ဖြေပွဲ ခရီးစဉ်တစ်ခုအတွင်း ဟီလာရီကလင်တန်၊ ဂျေဇီး၊ဘီယွန်းဆေး၊ မက်ဇက်ကာဘာ့ဂ်နှင့် MTV အစီအစဉ်တို့ကို ဝေဖန်တိုက်ခိုက်ခဲ့ပြီးနောက် ဖျော်ဖြေပွဲကို ဖျက်သိမ်းခဲ့သည်။

ဝက်စ်သည် ၂၀၁၆ ခုနှစ် နိုဝင်ဘာက ပြုလုပ်ခဲ့သည့် ဖျော်ဖြေပွဲတွင် အမေရိကန်သမ္မတ ရွေးကောက်ပွဲအတွက် မဲမပေးခဲ့ကြောင်းနှင့် အကယ်၍မဲပေးဖြစ်ခဲ့ပါက ဒေါ်နယ်ထရန့်ကိုသာ ရွေးချယ်မည်ဖြစ်ကြောင်း ပြောကြားခဲ့သောကြောင့် ပရိသတ်များက အံ့အားသင့်ပြီး ၎င်းကို လှောင်ပြောင်သရော်ခဲ့သည်။

ဝက်စ်သည် ပင်ပန်းနွမ်းလျမှုကြောင့် ဖျော်ဖြေပွဲများ ဖျက်သိမ်းခဲ့ပြီး စိတ်ကျန်းမာရေး ယိုယွင်းမှုအတွက် ကုထုံးဖြင့် ကုသမှုခံယူခဲ့ရသည်ဟု ၎င်း၏ လက်ထောက်များက ပြောကြားခဲ့သည်။ ယင်းနောက်ပိုင်းတွင် ကာနေးဝက်စ်ကို လူမြင်ကွင်း၌ ရံဖန်ရံခါမျှသာ တွေ့ရှိခဲ့ရသည်။ ၀က်စ်သည် ၂၀၁၆ ခုနှစ် ရွေးကောက်ပွဲတွင် အနိုင်ရရှိခဲ့သည့် ဒေါ်နယ်ထရန့်ကို ထရန့်တာဝါ၌ သွားရောက် တွေ့ဆုံခဲ့သေးသည်။

ဝက်စ်သည် ၂၀၁၆ ခုနှစ်တွင် ၀င်ငွေဒေါ်လာ ၁၇ ဒသမ ၅ သန်းရရှိခဲ့ပြီး Forbes မဂ္ဂဇင်း၏ ၀င်ငွေအများဆုံးရ ဟစ်ဟော့ပ်အဆိုတော်စာရင်းတွင် နံပါတ် ၁၁ အဖြစ် ဖော်ပြခံခဲ့ရသည်။ ဖျော်ဖြေပွဲများဖျက်သိမ်းမှုကြောင့် ၀က်စ်သည် ဒေါ်လာ ၁၀ သန်းခန့် ဆုံးရှုံးခဲ့သည်ဟု Forbes က ခန့်မှန်းခဲ့သည်။

ကမ္ဘာ့ထိပ်တန်း ဒီဂျေများ ပါဝင်ဖျော်ဖြေမည့် Together Festival Yangon 2018 EDM ဖျော်ဖြေပွဲ ကျင်းပမည်

Together Festival Yangon 2018 EDM ကျင်းပခဲ့သည့် မြင်ကွင်းတစ်ခု

ကမ္ဘာ့ထိပ်တန်းဒီဂျေများ ပါဝင်ဖျော်ဖြေမည့် Together Festival Yangon 2018 EDM ဖျော်ဖြေပွဲအား ရန်ကုန်မြို့၌ ကျင်းပမည်ဖြစ်ကြောင်း သိရသည်။ အဆိုပါ ဖျော်ဖြေပွဲကို စတုတ္ထအကြိမ်မြောက်အဖြစ် မေ ၅ ရက်တွင် ရန်ကုန်မြို့ Thuwunna Bhumi Event Park ၌ ကျင်းပရန်စီစဉ်ထားခြင်း ဖြစ်သည်။ ယင်းဖျော်ဖြေပွဲတွင် ကမ္ဘာ့အကောင်းဆုံးဒီဂျေအဖြစ် နှစ်ကြိမ်တိုင်ရွေးချယ်ခြင်းခံရသည့်  ဒီဂျေ Hardwell၊ မြန်မာနိုင်ငံသို့ ဒုတိယအကြိမ်လာရောက်ဖျော်ဖြေမည့် GTA အဖွဲ့နှင့် အခြားဒီဂျေများ၊ ပြည်တွင်းမှ ထိပ်တန်းဒီဂျေများက ပါဝင်တင်ဆက်မည်ဖြစ်ကြောင်း သိရသည်။

“ကမ္ဘာ့ထိပ်တန်းဒီဂျေတွေ ပါဝင်ဖျော်ဖြေမယ့် Together Festival Yangon ကို အစဉ်အလာမပြတ် အမိုက်စားတင်ဆက်မှုတွေနဲ့ လုပ်သွားပါမယ်။ EDM စင်မြင့်ထက်က ကျော်ကြားတဲ့သူတွေ ပါဝင်ဖျော်ဖြေမယ့်ပွဲဆိုတော့ အရမ်းလည်းစိတ်လှုပ်ရှားစရာ ကောင်းမှာပါ။ သင်္ကြန်ကာလအပြီးမှာ အမိုက်စား တီးလုံးသံတွေကြားမှာ ကခုန်ဖြတ်သန်းနိုင်မယ့်ပွဲပါ” ဟု Together Festival Yangon အား စီစဉ်သူတစ်ဦးက ဆိုသည်။

Together Festival Yangon တွင် ပါဝင်ဖျော်ဖြေမည့် ကမ္ဘာ့ထိပ်တန်းဒီဂျေများ၏ စာရင်းကို စတင်ကြေညာထားပြီး ထပ်မံပါဝင်မည့် ဒီဂျေများ၏စာရင်းအား Together Festival Yangon Page  မှတစ်ဆင့် အသိပေးကြေညာသွားမည်ဖြစ်ကြောင်း သိရသည်။ Together Festival Yangon အား ယခင်နှစ်များကလည်း ရန်ကုန်မြို့၌ ကျင်းပခဲ့ရာတွင် ပရိသတ်အားပေးမှုများပြားခဲ့ကြောင်း သိရကာ ယခုနှစ်တွင်လည်း အစဉ်အလာမပြတ် ကျင်းပရန် စီစဉ်ထားခြင်းဖြစ်သည်။ ဖျော်ဖြေပွဲအတွက် လက်မှတ်များကိုလည်း ရောင်းချလျက်ရှိပြီး GA ကျပ် နှစ်သောင်းခွဲ၊ PGA ကျပ် သုံးသောင်းခွဲ၊ VIP ကျပ် ခုနစ်သောင်းခွဲတို့ဖြင့် ရောင်းချလျက်ရှိကြောင်း သိရသည်။

Headliners အဖြစ် ပါဝင်မည့် Hardwell မှာ ကမ္ဘာ့နံပါတ်တစ် ဒီဂျေတစ်ဦးအဖြစ် DJ Magazine တွင် ၂၀၁၃ နှင့် ၂၀၁၄ ခုနှစ်များ၌ ထည့်သွင်းခြင်းခံရသူတစ်ဦးဖြစ်ပြီး ကမ္ဘာ့ထိပ်တန်း EDM ဖျော်ဖြေပွဲများတွင်လည်း ထင်ရှားသူတစ်ဦး ဖြစ်သည်။ Hardwell ဖန်တီးသည့် တေးသီချင်းများစွာမှာလည်း ထင်ရှားကြောင်း သိရသည်။

EDM ဖျော်ဖြေပွဲများမှာ ၂၀၁၄ နှစ် ကုန်ပိုင်းခန့်မှစတင်ကာ မြန်မာနိုင်ငံတွင် ခေတ်စားလာပြီး လူငယ်များအတွက် စိတ်အပန်းဖြေရာ ဂီတထွက်ပေါက်တစ်ခုအဖြစ် နှစ်သက်အားပေးလာကြခြင်း ဖြစ်သည်။ အဆိုပါ EDM ဖျော်ဖြေပွဲများတွင် ပြည်တွင်းမှ ဒီဂျေများသာမက ကမ္ဘာ့ထိပ်တန်းဒီဂျေ ၁၀၀ စာရင်းတွင် နှစ်အလိုက်ပါဝင်ခဲ့သူများအား ဖိတ်ကြားဖျော်ဖြေစေမှုများ ပါဝင်ခဲ့ကြောင်း သိရသည်။ အခြားသော ထင်ရှားသည့် EDM ဖျော်ဖြေပွဲများအား ကျင်းပသွားရန် စီစဉ်ထားခြင်းဖြစ်ပြီး Together Festival Yangon သည်လည်း တစ်ပွဲအပါအ၀င် ဖြစ်သည်။

မုဒြာရဲ့ခေါ်သံရုပ်ရှင်ဇာတ်ကားကို အမေရိကန်နိုင်ငံ ဖို့ဒ်ဝိန်းတွင်ပြုလုပ်မည့် Hobnobben Film Festival တွင် ပြသရန်ရွေးချယ်

မုဒြာရဲ့ခေါ်သံရုပ်ရှင်ဇာတ်ကားကို အမေရိကန်နိုင်ငံ ဖို့ဒ်ဝိန်းပြည်နယ်တွင်ပြုလုပ်မည့် Hobnobbe Film Festival ၌ပြသရန် ရွေးချယ်ထားကြောင်း အကြောင်းကြားထားသည်ဟု သိရသည်။ အဆိုပါရုပ်ရှင်ပွဲတော်ကို ဇွန် ၇ ရက်မှ ၁၀ ရက်အထိ ပြုလုပ်မည်ဖြစ်ပြီး ကမ္ဘာ့နိုင်ငံအသီးသီးမှ ဇာတ်ကားများ ပေးပို့လာသည့်အနက် ပြန်လည်ရွေးချယ်ပြသရာတွင် မုဒြာရဲ့ခေါ်သံ ဇာတ်ကားလည်း ရွေးချယ်ခံရခြင်းဖြစ်သည်။ ယင်းဇာတ်ကားအား ပြသမည့်နေရာနှင့် နေ့ရက်အသေးစိတ်ကိုမူ ပြန်လည်အသိပေး ကြေညာမည်ဖြစ်ကြောင်း သိရသည်။

“မုဒြာရဲ့ခေါ်သံ ရုပ်ရှင်ဇာတ်ကားကို အမေရိကန်နိုင်ငံမှာပြုလုပ်မယ့် ရုပ်ရှင်ပွဲတော်မှာပြသဖို့ရွေးချယ်ထားတယ်လို့သိရပါတယ်။ ဒါကနိုင်ငံတကာမှာ ထပ်မံအသိအမှတ်ပြုခံရခြင်းပါ။ မုဒြာရဲ့ခေါ်သံတစ်ဖွဲ့ သားလုံးကိုယ်စား ဂုဏ်ယူဝမ်းမြောက်ရပါတယ်။ ဇွန်လထဲမှာ ပြုလုပ်သွားမှာဖြစ်ပြီး ပြသမယ့် နေ့ရက်နဲ့အချိန်ကိုတော့ သေချာမသိရသေးပါဘူး။ မုဒြာရဲ့ခေါ်သံဇာတ်ကားမှာ မြန်မာနဲ့ ပတ်သက်လို့ ကျွန်မတို့ပြသချင်တဲ့ နေရာဒေသတွေ၊ ရိုးရာဓလေ့တွေ၊ လှပတဲ့ဆွဲဆောင် မှုတွေကိုရရှိထားတဲ့ ဘောင်အတွင်းကပဲ ကြိုးစားဖန်တီးခဲ့တာဖြစ်ပေမယ့် ပရိသတ် အားပေးမှုများပြားတဲ့အတွက်ရော အခုလို နိုင်ငံတကာကပရိသတ်တွေ ကြည့်ခွင့်ရအောင်ပြသခွင့်ရတဲ့အတွက် ပိုပြီးဝမ်းသာ ဂုဏ်ယူမိပါတယ်။ ရှေ့ဆက်ပြီးလည်း အများကြီး ကြိုးစားအားထုတ်သွားပါမယ်လို့ ကတိပေးပါတယ်”ဟု ဒါရိုက်တာခရစ်(စ်)တီးနားခီက ဆိုသည်။

မုဒြာရဲ့ခေါ်သံရုပ်ရှင်ဇာတ်ကားကို ဒါရိုက်တာခရစ်(စ်)တီးနားခီက ရိုက်ကူးထားခြင်းဖြစ်ပြီး သရုပ်ဆောင်ဇဏ်ခီ၊ လှယဉ် ကျေး၊ နန်းဝေေ၀ထွန်း၊ မာရီကိုးလ်နှင့် အနုပညာရှင်များစွာက ပါဝင်ထားသည်။ ယင်းဇာတ်ကားမှာ ရိုက်ကူးခဲ့သည်မှာ လေးနှစ် ကြာမြင့်ခဲ့ပြီ ဖြစ်သော်လည်း ဧပြီလဆန်းတွင်မှ ရုံတင်ပြသနိုင်ခဲ့ခြင်းဖြစ်သည်။ မုဒြာရဲ့ ခေါ်သံဇာတ်ကားသည်မြန်မာတို့၏ ဂုဏ်ယူဖွယ်ဒေသများ၊ ယဉ်ကျေးမှုဓလေ့ထုံးစံများ၊ မြန်မာအမျိုးသမီးတို့၏ လိုက်နာစောင့်ထိန်းရသည့် ကျင့်ဝတ်များအား ထည့်သွင်းဖော်ပြထားသည့်ဇာတ်ကားဖြစ်ကာ နိုင်ငံတကာ ရုပ်ရှင်ပွဲတော်များတွင်ပြသခွင့် ရရှိထားသည့် ဇာတ်ကားလည်းဖြစ်သည်။

ယင်းဇာတ်ကားကို ယခုအခါ အမေရိကန်နိုင်ငံတွင်ပြုလုပ်မည့် ရုပ်ရှင်ပွဲတော်၌ ပြသရန် ရွေးချယ်ထားကာ ဇာတ်ကားတွင် ပါဝင်ဖန်တီးထားသူများ တက်ရောက် ဖြစ် မဖြစ်ကိုမူ ပြန်လည် အသိပေးသွားမည်ဖြစ်ကြောင်း သိရသည်။

ဆော်ဒီအာရေဗျ၏ ပထမဆုံးရုပ်ရှင်ရုံကို Black Panther ဇာတ်ကားဖြင့် ဖွင့်လှစ်

Black Panther ဇာတ်ကားတွင် အသုံးပြုခဲ့သည့် ကားနှင့်ဆင်တူသည့် Lexus ကားကို ရုပ်ရှင်ကြည့်ပရိသတ်များက ကြည့်ရှုနေစဉ် (Photo: AP)

ဆော်ဒီအာရေဗျ၏နှစ် ၄၀ နီးပါးအတွင်း ပထမဆုံးရုပ်ရှင်ရုံကို စူပါဟီးရိုးဇာတ်ကား Black Panther ဖြင့် ဧပြီ ၁၈ ရက်တွင် စမ်းသပ် ဖွင့်လှစ်ခဲ့သည်။

ဘုရင်အုပ်ချုပ်သော ကွန်ဆာဗေးတစ်နိုင်ငံတွင် ပြုပြင်ပြောင်းလဲရေးသမားဖြစ်သည့် အိမ်ရှေ့မင်းသား မိုဟာမက်ဘင်ဆယ်လ်မန်၏ Vision 2030 ဟု အမည်ပေးထားသည့် စီးပွားရေး အလုံးစုံပြုပြင်ပြောင်းလဲမှုတစ်ခု အဖြစ်နိုင်ငံအတွင်း ရုပ်ရှင်ရုံများ ပိတ်ပင်ထားမှုကို ပြီးခဲ့သည့်နှစ်က ရုပ်သိမ်းပေးခဲ့ပြီး ရုပ်ရှင်ရုံလုပ်ငန်း လုပ်ကိုင်ရန်အတွက် အမေရိကန်ဧရာမ ဖျော်ဖြေရေးကုမ္ပဏီ AMC Entertainment ကို ပထမဆုံး လိုင်စင်ချပေးခဲ့သည်။

ဆော်ဒီအာရေဗျ၏ လူဦးရေ ၃၂ သန်းကျော်အတွက် ၂၀၃၀ ပြည့်နှစ်မတိုင်မီ ရုပ်ရှင်ရုံ ၃၅၀ ဖွင့်လှစ်ပေးနိုင်မည်ဟု ယဉ်ကျေးမှုဝန်ကြီးဌာနက ခန့်မှန်းခဲ့သည်။

ရုပ်ရှင်ရုံဖွင့်လှစ်သည့် အခမ်းအနားကို အမှုဆောင်များနှင့် တာဝန်ရှိသူများ အပါအ၀င် ဧည့်သည် ၅၀၀ ခန့်ကိုသာ အကန့်အသတ်ဖြင့် ဖိတ်ကြားခဲ့ပြီး အများပြည်သူပြသမှုကို မကြာမီ စတင်မည်ဟု AMC က ထုတ်ပြန်ခဲ့သည်။ ဧပြီ ၂၀ ရက်တွင် အများပြည်သူများအား ပထမဆုံး စမ်းသပ်ပြသမှုအတွက် လက်မှတ်များကို ဧပြီ ၁၉ ရက်တွင် စတင်ရောင်းချမည်ဟု AMC အမှုဆောင်အရာရှိချုပ် အဒမ်အာရွန်က ပြောကြားခဲ့သည်။

ရုပ်ရှင်ရုံဖွင့်ပွဲ အခမ်းအနားတွင် အမျိုးသားနှင့် အမျိုးသမီးများအတူ ယှဉ်တွဲထိုင်နိုင်မည်ဟု AMC က ထုတ်ပြန်ခဲ့သည်။ ရုပ်ရှင်ရုံများ တရားဝင် ဖွင့်လှစ်သည့်အချိန်တွင်လည်း အမျိုးသားနှင့် အမျိုးသမီးဟူ၍ သီးခြားခွဲထားမည်မဟုတ်ဘဲ ရုပ်ရှင်ကြည့်ပရိသတ်များကို စိတ်ကြိုက်ရွေးချယ် ထိုင်ခွင့်ပေးမည်ဟု တာဝန်ရှိသူတစ်ဦးက ပြောကြားခဲ့သည်။

ဆော်ဒီအာရေဗျတွင် ထုံးတမ်းစဉ်လာအရ အမျိုးသားများနှင့် အမျိုးသမီးများသည် အများပြည်သူသွားလာသည့် နေရာများတွင် သီးသန့်စီ ရှိနေရမည်ဖြစ်သည်။ ယင်းကန့်သတ်ချက်ကို လျှော့ချပေးခဲ့ပြီးနောက် ၂၀၁၇ ခုနှစ်မှစပြီး အမျိုးသားနှင့် အမျိုးသမီးများသည် ဂီတပွဲများကို အတူတူထိုင်ပြီး ကြည့်ရှုခွင့် ရရှိခဲ့သည်။

သဘောထားတင်းမာသူ ဘာသာရေး ဆရာများက ရုပ်ရှင်ကြည့်ခြင်းသည် အစ္စလာမ္မမ်ဘာသာနှင့် ကိုက်ညီမှုမရှိဟု ပြောကြားခဲ့ပြီး ၁၉၈၀ ပြည့်လွန်နှစ်များတွင် နိုင်ငံအတွင်းရှိ ရုပ်ရှင်ရုံများကို ပိတ်သိမ်းခဲ့သည်။

ဆော်ဒီအာရေဗျ ရုပ်ရှင်လုပ်ငန်းက လာမည့်နှစ်များအတွင်း ဒေါ်လာ တစ်ဘီလျံခန့် ရရှိမည်ဟု ခန့်မှန်းထားကြောင်း AMC က ထုတ်ပြန်ခဲ့သည်။

မင်းသား ဇဏ်​ခီနှင့်​ ဒါရိုက်​တာ ခရစ္စတီးနားခီ ဇနီး​မောင်​နှံ ပြည်​မြို့ရှိ ပရိသတ်​များဖြင့်​ ​တွေ့ဆုံ

မင်းသားဇဏ်​ခီနှင့်​ ဒါရိုက်​တာ ခရစ္စတီးနားခီ ဇနီး​မောင်​နှံတို့ ပြည်​မြို့ရှိ ပရိသတ်​များဖြင့်​ ​တွေ့ဆုံပွဲ ပြုလုပ်​ခဲ့​ကြောင်း သိရသည်​။

အဆိုပါ​ တွေ့ဆုံပွဲကို ဧပြီလ ၁၉ ရက်​​နေ့ ည​နေ ၅ နာရီက မင်္ဂလာဂါးဒန်းဟိုတယ်​ခန်းမတွင်​ ပြုလုပ်​ခဲ့ခြင်းဖြစ်​ပြီး ၎င်းတို့ဇနီး​မောင်​နှံအား ချစ်​မြတ်​နိုးသည့်​ လူငယ်​ပရိတ်​သတ်​များက စီစဉ်​ခဲ့ခြင်းဖြစ်​ပြီး မြို့ခံ ၂၀၀ ​ကျော်​ တက်​​ရောက်​ကာ မှတ်​တမ်းတင် ​ဓာတ်​ပုံရိုက်​ခြင်း လက်မှတ်​​ရေးထိုးခြင်းများ ပြုလုပ်​ခဲ့ကြသည်​။

တွေ့ဆုံပွဲတွင်​ မင်းသားဇဏ်​ခီနှင့်​ ဒါရိုက်​တာ ခရစ္စတီးနားခီတို့က ပြည်​မြို့တွင် ​၎င်းတို့ရုပ်​ရှင်​ဇာတ်​လမ်း ပြသခြင်းမရှိသည့်​အတွက်​ ပရိတ်​သတ်​များကို အားနားရပြီး တနည်းနည်းဖြင့်​ ပြသခွင့်​ရရန်​ ကြိုးစားသွားမည်​ဖြစ်​​ကြောင်း ရုပ်​ရှင်​ကားများကို ရုံတင်​စရာမလိုပဲ ပရိတ်သတ်ထံ​ရောက်​ရှိရန်​ နည်းလမ်းရှာသွားမည်​ဖြစ်​​ကြောင်း ​ပြောကြားသွားခဲ့သည်​။

အာဂျင်တီးနား-ပြင်သစ်ဒါရိုက်တာ ဂတ်စ်ပါနိုး၏ Climax ဇာတ်ကားကို ကိန်းရုပ်ရှင်ပွဲတော်တွင် ပြသမည်

၇၁ ကြိမ်မြောက် ကိန်းရုပ်ရှင်ပွဲတော်အတွက် ဧပြီ ၁၂ ရက်က ပြုလုပ်ခဲ့သည့် သတင်းစာ ရှင်းလင်းပွဲတွင် ရုပ်ရှင်ပွဲတော်ဥက္ကဋ္ဌ ပီးယားလက်ကူးဝါးနှင့် အထွေထွေကိုယ်စားလှယ် သီရယ်ဖရီးမောက်တို့ကို တွေ့ရစဉ်

အာဂျင်တီးနား – ပြင်သစ်ဒါရိုက်တာ ဂတ်စ်ပါနိုး၏ Climax ဇာတ်ကားကို မေတွင်ကျင်းပမည့် ကိန်းရုပ်ရှင်ပွဲတော်၏ Director’s Fortnight ကဏ္ဍတွင် ပွဲဦးထွက် ပြသမည်ဖြစ်သည်။

ဂတ်စ်ပါနိုးသည် ၂၀၁၅ ခုနှစ် ကိန်းရုပ်ရှင်ပွဲတော်၏ Midnight Screenings ကဏ္ဍတွင်လည်း လိင်အသားပေးဇာတ်ဝင်ခန်းများ ပါဝင်သည့် Love ဇာတ်ကားကို ပွဲဦးထွက် ပြသခဲ့ဖူးသည်။ ယင်းဇာတ်ကားကို ခရစ်ယာန်အဖွဲ့များက ကန့်ကွက်ခဲ့မှုကြောင့် ပြင်သစ်နိုင်ငံရှိ ရုပ်ရှင်ရုံများတွင် ပြသမှုကို ရုပ်သိမ်းခဲ့ရသည်။ Love ဇာတ်ကားသည် ရုရှားတွင်လည်း ပိတ်ပင်ခံခဲ့ရသည်။

၂၀၀၂ ခုနှစ်တွင် အမေရိကန်ဝေဖန်ရေးသမား ရော်ဂျာအက်ဘာ့တ်ဆိုသူက ဂတ်စ်ပါနိုး၏ Irreversible ဇာတ်ကားကို အလွန်ကြမ်းတမ်းပြီး ရက်စက်သည့် ဇာတ်ကားဟု ဝေဖန်ခဲ့မှုကြောင့် အငြင်းပွားမှု ဖြစ်ခဲ့ရသေးသည်။ ယင်းဇာတ်ကားတွင် မိုနီကာ ဘယ်လူချီ မုဒိမ်းကျင့်ခံရသည့် ဇာတ်ဝင်ခန်းကြောင့် ဂတ်စ်ပါနိုသည် ချီးမွမ်းမှုနှင့် တိုက်ခိုက်ခံရမှု နှစ်ခုစလုံးနှင့် ကြုံတွေ့ခဲ့ရသည်။

ယခုနှစ် Director’s Fortnight ကဏ္ဍတွင် စပိန်စကားပြောဇာတ်ကားနှင့် ပြင်သစ်ဇာတ်ကားများ လွှမ်းမိုးမည်ဖြစ်သည်။ ယှဉ်ပြိုင်မှုထက် ဇာတ်ကားကောင်းများကို ဖော်ထုတ်ပေးသည့် ယင်းကဏ္ဍတွင် ဂါဇာအကြောင်း ရိုက်ကူးထားသည့် ကြေကွဲဖွယ် မှတ်တမ်းရုပ်ရှင်၊ ဆီးရီးယားရှိ IS အဖွဲ့သို့ဝင်ရန် မွေးရပ်မြေမှ ထွက်ခွာခဲ့သည့် တူနီးရှားလူငယ်တစ်ဦးအကြောင်း ရိုက်ကူးထားသည့် Weldi ဇာတ်ကားနှင့် နီကိုးလက်စ်ကေ့ခ်ျ ပါဝင်ထားသည့် အက်ရှင်သည်းထိတ်ရင်ဖို ဇာတ်ကား Mandy တို့ကိုလည်း ပြသမည်ဖြစ်သည်။

မေ ၈ ရက်မှ ၁၉ ရက်အထိ ကျင်းပမည့် ကိန်းရုပ်ရှင်ပွဲတော်ကို အီရန်ဒါရိုက်တာ အက်ဟာဖာဟာဒီ၏ သည်းထိတ်ရင်ဖိုစိတ္တဇ ဇာတ်ကား Everybody Knows ဖြင့် ဖွင့်လှစ်မည် ဖြစ်သည်။ Director’s Fortnight ကဏ္ဍကိုမူ မေ ၉ ရက်တွင် ကိုလံဘီယာဒါရိုက်တာ စီရိုဂွီရာ၏ ဇာတ်ကားသစ်ဖြင့် ဖွင့်လှစ်မည် ဖြစ်သည်။

ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့ကို သြစတြေးလျသရုပ်ဆောင် ကိတ်ဘလန်ချက်က ဦးဆောင်မည်ဖြစ်ပြီး ထိုင်ဝမ်သရုပ်ဆောင် ချောင်ချန်၊ အမေရိကန်ဒါရိုက်တာ အေဗာဒူဗာနေး၊ ပြင်သစ်ဒါရိုက်တာ Robert Guediguian၊ ဘူရွန်ဒီတေးရေး-အဆိုတော် Khadja Nin၊ ပြင်သစ်သရုပ်ဆောင် Lea Seydoux၊ အမေရိကန်သရုပ်ဆောင် ခရစ္စတင်းစတူးဝပ်၊ ကနေဒါဒါရိုက်တာ Denis Villeneuve နှင့် ရုရှားဒါရိုက်တာ Andrey Zvyagintsev တို့က အဖွဲ့ဝင်များအဖြစ် ပါဝင်မည်ဖြစ်သည်။

သရုပ်ဆောင် ဒါရိုက်တာဘုဏ်းသိုက်ရဲ့ ငယ်ဘ၀ဖြတ်သန်းရာ

အနုပညာလောကအတွင်းမှာ ရုပ်ရှင်၊ ဂီတ၊ စာပေ၊ ပန်းချီ စတဲ့ ဆက်စပ်ရာ နယ်ပယ်အသီးသီးက အနုပညာဖန်တီးမှုတွေကို လုပ်ဆောင်နိုင်စွမ်းရှိတဲ့ စွယ်စုံရအနုပညာရှင်တွေများစွာ ရှိပါတယ်။ အနုပညာဖန်တီးမှု နယ်ပယ်စုံကို ခုံမင်နှစ်သက်ပြီး မိမိလျှောက်လှမ်းလိုတဲ့ အနုပညာလမ်းကြောင်းထက်မှာ အခက်အခဲတွေကို ကျော်ဖြတ်ရင်း ယုံကြည်ချက်ရှိရှိ လျှောက်လှမ်းနေသူတစ်ဦးက သရုပ်ဆောင်ဒါရိုက်တာအပြင် စာရေးသူအဖြစ်ပါ ပရိသတ် အသိအမှတ်ပြုထားပြီဖြစ်တဲ့ ဘုဏ်းသိုက် ဖြစ်ပါတယ်။ ဖြေးဖြေးမှန်မှန် ခြေလှမ်းတွေနဲ့ ကြိုးစားနေသူဖြစ်ပြီး ပထမဆုံးရုပ်ရှင်ကားကြီးကို ဒါရိုက်တာအဖြစ်ရိုက်ကူးလျက်ရှိတဲ့ သရုပ်ဆောင် ဒါရိုက်တာဘုဏ်းသိုက်ရဲ့ ငယ်စဉ်ဘ၀ဖြတ်သန်းမှု အမှတ်တရပုံရိပ်အချို့ကို တင်ဆက်ပေးချင်ပါတယ်။

သရုပ်ဆောင် ဒါရိုက်တာဘုဏ်းသိုက်ရဲ့ အမည်ရင်းကလည်း ဘုဏ်းသိုက်ပဲဖြစ်ပြီး မိဘများဖြစ်တဲ့ ဦးစိုးသိန်း၊ ဒေါ်စန်းဌေးတို့ကနေ တစ်ခုသောနှစ်ရဲ့ သြဂုတ် ၅ ရက်မှာ မွေးဖွားခဲ့ပါတယ်။ အသက်လေးနှစ်အရွယ်မှ ညီမဖြစ်သူလင်း ရူပါအောင်ကို ပိုင်ဆိုင်ခွင့်ရခဲ့ကာ ငယ်စဉ်မှာတော့ အေးဆေးငြိမ်သက်တဲ့ ကလေးတစ်ယောက် ဖြစ်ခဲ့တယ်လို့ ဆိုပါတယ်။ ငယ်စဉ်ကလေးဘ၀ကနေ အသက်ခုနစ် နှစ်အရွယ်လောက်ထိ ထမင်းနဲ့ နွားနို့ကိုသာ ကြိုက်နှစ်သက်ပြီး နောက်ပိုင်းမှသာ ထမင်းနဲ့ဟင်းကို စားဖြစ်လာတယ်လို့လည်း ဆိုပါတယ်။

ကလေးဘ၀ရဲ့ အမှတ်တရတစ်ခုအနေနဲ့ ဘုဏ်းသိုက်က “ကျွန်တော့်အဘိုးက မယ်ဒလင်တီးတယ်။ သူတို့သူငယ်ချင်းတွေ တီးဝိုင်းအနေနဲ့စုတီးကြရင် ကျွန်တော်က နတ်သျှင်နောင်သီချင်းကို အမြဲဆိုခိုင်းတယ်။ အဲဒီသီချင်းကိုအဓိပ္ပာယ် သေချာနားမလည်ဘဲ အရမ်းကြိုက်ခဲ့တာ။ နှစ်တန်းကျောင်းသားအရွယ်လောက်ကနေ ရှစ်တန်းလောက်အထိကို ဒီသီချင်းထဲက ချစ်သူကိုလွမ်းရတဲ့ စစ်သားအဖြစ် ကိုယ့်ကိုယ်ကိုယ်ခံစားနေမိတဲ့ အထိကို လွှမ်းမိုးခဲ့ပါတယ်။ အဲဒါလေးကတော့ အမှတ်တရပါ” လို့ ပြောပြခဲ့ပါတယ်။

ဘုဏ်းသိုက်က ငယ်စဉ်ကျောင်းသားဘ၀ရဲ့ ကျောင်းပညာရေးအနေနဲ့ ထူးချွန်တဲ့ကျောင်းသားတစ်ယောက်အဖြစ် ပါဝင်ခဲ့ပြီး ဆုတွေလည်း အမြဲရရှိခဲ့တယ်လို့ ဆိုပါတယ်။ မြန်မာနဲ့ အင်္ဂလိပ်ဘာသာရပ်တွေကို အထူးစိတ်ဝင်စားပြီး စာစီစာကုံး ရေးရတာကိုလည်း ငယ်စဉ်ကတည်းက ၀ါသနာပါခဲ့တယ်လို့ ပြောပြခဲ့ပါတယ်။ တက္ကသိုလ်ဝင်တန်း အောင်မြင်ချိန်မှာတော့ အင်္ဂလိပ်စာအထူးပြုဘာသာရပ်ကို ဆက်လက် တက်ရောက်ဖြစ်ခဲ့တယ်လို့ ဆိုပါတယ်။

ဘုဏ်းသိုက်ရဲ့ ဆယ်ကျော်သက်အရွယ် ကျောင်းနေစဉ်ကာလတွေမှာ သူငယ်ချင်းနည်းပါးခဲ့သလို အရမ်းလည်းရှက်တတ်ခဲ့သူဖြစ်လို့ အနုပညာနဲ့ပတ်သက်ပြီး ပါဝင်တာမျိုးတွေ မရှိခဲ့ဘူးလို့ဆိုပါတယ်။ အနေအေးတဲ့ ဘုဏ်းသိုက်အတွက် အဖော်မွန်ကောင်းတွေအဖြစ် ရွေးချယ်ဖြစ်ခဲ့တာက စာအုပ်တွေပါပဲ။ ငယ်ရွယ်စဉ် စတင်ဖတ်ရှုခဲ့တဲ့ ရွှေသွေး၊ တေဇစာစောင်တွေက တစ်ဆင့်မင်းသိင်္ခ၊ ဂျူး၊ မစန္ဒာစတဲ့ စာရေးဆရာအစုံရဲ့ စာအုပ်တွေကို ဖတ်ဖြစ်ခဲ့တယ်လို့ ဆိုပါတယ်။

တက္ကသိုလ်ဝင်တန်း အောင်မြင်ပြီးချိန်မှာတော့ အနုပညာအလုပ်တွေကို ၀ါသနာပါမှန်း ကိုယ့်ကိုယ်ကိုယ်သေချာသွားခဲ့ပြီး ကြိုးစားလုပ်ဆောင်ဖို့ ဆုံးဖြတ်ခဲ့ပါတယ်။ မိဘကိုဒုက္ခမပေးချင်တာကြောင့် ဘုဏ်းသိုက်က အနုပညာလုပ်ငန်းတွေ မလုပ်ဆောင်ခင် ပြည်ပနိုင်ငံမှာ သုံးနှစ်ကြာ အလုပ်သွားရောက် လုပ်ကိုင်ခဲ့ပါတယ်။ အဲဒီနောက် မြန်မာနိုင်ငံကို ပြန်လည်ရောက်ရှိလာချိန်မှာ စိတ်ကူးအိပ်မက်တွေကို စတင်အကောင်အထည်ဖော်ခဲ့တယ်လို့ ဆိုပါတယ်။

ဘုဏ်းသိုက်က အနုပညာလောကထဲကို မော်ဒယ်အဖြစ် စတင်ဝင်ရောက်ခဲ့ပြီး သရုပ်ဆောင်တစ်ယောက်အဖြစ် ဆက်လက်လှုပ်ရှားခဲ့ပါတယ်။ ဒီနောက်မှာတော့ ဒါရိုက်တာတစ်ယောက်အဖြစ် ဇာတ်ကားတိုတွေ ရိုက်ကူးခဲ့ပြီး ရုပ်ရှင်ပွဲတော်တွေမှာ ဆုတွေရရှိခဲ့ပါတယ်။ ဒါ့အပြင်ပထမဆုံး လုံးချင်းစာအုပ်တစ်အုပ်ကို ရေးသားဖြန့်ချိခဲ့ရာမှလည်း ပရိသတ် စိတ်ဝင်စားခဲ့ပါတယ်။ ဒီနောက်မှာတော့ တရားဥပဒေနဲ့ အမှန်တရားကို ဖော်ကျူးထားတဲ့ ‘နေရယ်လရယ်အမှန်တရားရယ်’ ရုပ်သံဇာတ်လမ်းတွဲကို ရိုက်ကူးပုံဖော်ခဲ့ပါတယ်။

အခုလက်ရှိမှာတော့ ‘နေရယ်လရယ်အမှန်တရားရယ် Season 2’ မှာ ပါဝင်ထားသလို ဒါရိုက်တာအနေနဲ့ ပထမဆုံးရုပ်ရှင်ကားကြီး ‘စားကျက်’ ကိုလည်း ရိုက်ကူးထားပါတယ်။

“အနုပညာအလုပ်နဲ့ ပတ်သက်ရင် ကိုယ့်ကိုယ်ကိုယ်ပြန်မေးတယ်။ ပေါ်ပြူလာဖြစ်ဖို့အတွက် ကမ်းလှမ်းသမျှကို ရိုက်မလားဆိုတော့လည်း ကိုယ်တိုင်တောင် မယုံကြည်တဲ့ဇာတ်ကောင်မျိုးကို ဘယ်လိုရိုက်မလဲပေါ့။ အလုပ်ကို တကယ်စေတနာနဲ့ လုပ်ခွင့်ရမှလုပ်ချင်တယ်။ ပေါ်ပြူလာဖြစ်ပြီး ကိုယ်မယုံကြည်တာ ကိုလုပ်ရမယ်ဆိုရင် တစ်ချိန်ကျရင် ကျွန်တော်ရှက်မှာ။ နည်းနည်းတော့ Risk ယူရသလို သတ္တိလည်းကောင်းရတာပေါ့။ ကျွန်တော်ကတော့ ကိုယ့်ကိုယ်ကိုယ် အမြဲကြိုက်ချင်တဲ့ သူဆိုတော့အဲဒီလိုဖြစ်အောင်ပဲ အမြဲနေဖြစ်တယ်” လို့ ဘုဏ်းသိုက်က ပွင့်ပွင့်လင်းလင်း ပြောပြခဲ့ပါတယ်။

ဘုဏ်းသိုက်ကဖြတ်သန်းခဲ့တဲ့ အနုပညာလမ်းကြောင်းတစ်လျှောက်မှာ ၀ဿန်ရုပ်ရှင်ပွဲတော်မှာ ဆုရခဲ့တဲ့ ‘ရုပ်ရှင်သည်ကြီး’ ဇာတ်ကားတိုကို ဒါရိုက်တာအဖြစ် ရိုက်ကူးခဲ့မှုနဲ့ Micro Film Contest မှာ ဆုရခဲ့တဲ့ ‘မျိုးဆက်’ ဇာတ်ကားတိုရိုက်ကူးမှုတို့က အမှတ်တရပါလို့ ဆိုပါတယ်။

တေးသံရှင်ချမ်းချမ်းရဲ့ ခင်ပွန်းဖြစ်ပြီး ချစ်စဖွယ်သမီးလေးကိုပါ ပိုင်ဆိုင်ထားတဲ့ ဘုဏ်းသိုက်က သူ့ဘ၀ရဲ့ ပျော်ရွှင်မှုအားလုံးက သမီးလေးပါလို့ ဆိုပါတယ်။ သမီးဖြစ်သူ မြမိုးဂင်္ဂါကို ချစ်မြတ်နိုးလွန်းသူတစ်ဦးဖြစ်သလို မိသားစုပျော်ရွှင်စွာ နေထိုင်ကြတာကိုလည်း ပရိသတ်များက ပြန်လည်မြင်တွေ့လိုကြပါတယ်။ ဘုဏ်းသိုက်က ခရီးသွားမှတ်တမ်းတွေကို ပုံဖော်ထားတဲ့ ‘Traveller’s Note’ ဇာတ်ကားကို သရုပ်ဆောင် နိုင်းနိုင်း၊ ခါရာတို့နဲ့တွဲဖက်ပြီး ကိုယ်တိုင်ဒါရိုက်တာအဖြစ် ပုံဖော်ထားပါတယ်။ အခုတစ်ပတ်မှာ ဖတ်ရှုခဲ့ကြရတာကတော့ သရုပ်ဆောင် ဒါရိုက်တာဘုဏ်းသိုက်ရဲ့ ငယ်ဘ၀ပုံရိပ်တွေပဲ ဖြစ်ပါတယ်။ နောက်အပတ်တွေမှာ ဘယ်အနုပညာရှင်အမှတ်တရပုံရိပ်တွေကို ဖော်ပြပေးမလဲဆိုတာ စောင့်မျှော်ကြပါဦးလို့။

MMA ကမ္ဘာ့ချန်ပီယံဆု ကာကွယ်ပွဲများအတွက် အောင်လအန်ဆန် ပြန်လည်လေ့ကျင့်

အောင်လအန်ဆန်အား လိုက်ဟဲဗီးဝိတ် ကမ္ဘာ့ချန်ပီယံဆုရရှိအပြီး တွေ့ရစဉ် (ဓာတ်ပုံ – ညီညီစိုးညွန့်)

MMA ဘက်စုံကိုယ်ခံပညာသုံးပြိုင်ပွဲတွင် ကမ္ဘာ့ချန်ပီယံဆု နှစ်ခုရထားသည့် အောင်လအန်ဆန်သည် ချန်ပီယံဆုကာကွယ်ပွဲများအတွက် အမေရိကန်နိုင်ငံ၌ လေ့ကျင့်မှုများ ပြန်လည်ပြုလုပ်လျက်ရှိကြောင်း သိရသည်။

အောင်လအန်ဆန်သည် ယခုနှစ်အတွင်း မစ်ဒယ်ဝိတ်နှင့် လိုက်ဟဲဗီးဝိတ်တန်းကမ္ဘာ့ ချန်ပီယံဆုကာကွယ်ပွဲများ ယှဉ်ပြိုင်ထိုးသတ်ရမည်ဖြစ်ပြီး ပြိုင်ဘက်ကိုမူ ONE Championship အဖွဲ့အစည်းက ရွေးချယ်မည်ဖြစ် သည်။ အောင်လအန်ဆန်သည် ၀ိတ်တန်းနှစ်ခုအတွက် ကမ္ဘာ့ချန်ပီယံဆုကာကွယ်ပွဲ ထိုးသတ်ရပါက တစ်ပွဲကိုသာ မြန်မာနိုင်ငံ၌ ထိုးသတ်ခွင့်ရမည်ဖြစ်ပြီး ကျန်တစ်ပွဲကိုမူ ပြည်ပနိုင်ငံတွင် ယှဉ်ပြိုင်ထိုးသတ်ရမည်ဖြစ်သည်။ စက်တင်ဘာတွင် မြန်မာနိုင်ငံ၌ ကျင်းပမည့် MMA ပြိုင်ပွဲတွင် အောင်လအန်ဆန်၏ ကမ္ဘာ့ချန်ပီယံဆုကာကွယ်ပွဲ ပါဝင်မည်ဖြစ်ပြီး ၀ိတ်တန်းအမည်ကိုမူ ထုတ်ပြန်ကြေညာခြင်း မရှိသေးပေ။ အောင်လအန်ဆန်သည် ဇွန်လတွင် ချန်ပီယံဆုကာကွယ်ပွဲ ထိုးသတ်ရဖွယ်ရှိနေပြီး ချန်ပီယံဆုနှစ်ခုစလုံး ကာကွယ်နိုင်ရန် လေ့ကျင့်ပြင်ဆင်မှုများ ပြင်းပြင်းထန်ထန် ပြုလုပ်လျက်ရှိသည်။ အောင်လအန်ဆန်သည် ၂၀၁၆ ခုနှစ်အထိ စိန်ခေါ်ပွဲများသာ ယှဉ်ပြိုင်ထိုးသတ်နေရသော်လည်း ၂၀၁၇ ခုနှစ်မှစ၍ ကမ္ဘာ့ချန်ပီယံဆုစိန်ခေါ်ပွဲများ ထိုးသတ်ခွင့်ရလာခြင်းဖြစ်သည်။ မစ်ဒယ်ဝိတ်တန်း ကမ္ဘာ့ချန်ပီယံဆုကို ၂၀၁၇ ခုနှစ် ဇွန်နှင့် လိုက်ဟဲဗီးဝိတ်တန်း ကမ္ဘာ့ချန်ပီယံဆုကို ၂၀၁၈ ခုနှစ် ဖေဖော်ဝါရီတွင် ရယူနိုင်ခဲ့သည်။ အောင်လအန်ဆန်သည် ကမ္ဘာ့ချန်ပီယံဆု နှစ်ခုစလုံးကို မြန်မာနိုင်ငံ၌ ကျင်းပသည့်ပြိုင်ပွဲများတွင် ရယူနိုင်ခဲ့ခြင်းဖြစ်ပြီး MMA ပြိုင်ပွဲတွင် ၀ိတ်တန်းနှစ်ခု၌ ကမ္ဘာ့ချန်ပီယံဆုရသည့် ဒုတိယမြောက်ကစားသမားအဖြစ် မှတ်တမ်းဝင်ထားသည်။