ပရိသတ်စိတ်ဝင်စားမှု များပြားနေသည့် တေးသံရှင် Mary က ပရိသတ်များနှင့် တိုက်ရိုက်တွေ့ဆုံနိုင်မည့် Fan Meeting ပြုလုပ်မည်

ပရိသတ်စိတ်ဝင်စားမှု များပြားနေသည့် တေးသံရှင် Mary က ပရိသတ်များနှင့် တိုက်ရိုက်တွေ့ဆုံနိုင်မည့် Fan Meeting ကို သြဂုတ်လကုန်ပိုင်းတွင် ပြုလုပ်ရန် စီစဉ်ထားသည်ဟု သိရသည်။ အဆိုပါ Fan Meeting တွင် ပရိသတ်များနှင့်တွေ့ဆုံကာ တေးသီချင်းများဖြင့် ဖျော်ဖြေတင်ဆက်ရန် စီစဉ်မည်ဖြစ်ကြောင်း သိရသည်။

“Mary ရဲ့ ပရိသတ်တွေနဲ့က အွန်လိုင်းကနေတော့ တွေ့ဆုံခွင့်ရတယ်။ အခုမီဒီယာတွေနဲ့ aတွ့ဆုံဖြစ်တော့လည်း မီဒီယာတွေကတစ်ဆင့် တွေ့ဆုံရတယ်ပေါ့နော်။ ဒါပေမဲ့ ပရိသတ်တွေနဲ့ တိုက်ရိုက်တွေ့ဆုံမှုလည်း လုပ်ချင်ပါတယ်။ ဒီနှစ်ထဲမှာ ဖျော်ဖြေပွဲ ပုံစံမျိုးလည်း လုပ်ဖြစ်ဦးမှာ မဟုတ်ဘူးဆိုတော့ ဒီလကုန်လောက်ကို Fan Meeting လုပ်ဖို့ စီစဉ်ထားတယ်။ ပရိသတ်တွေ သိချင်တာလေးတွေ ဖြေပေးမယ်။ နှုတ်ဆက်စကားပြောဖြစ်မယ်။ သီချင်းတွေလည်း ဖျော်ဖြေဖို့ စိတ်ကူးထားပါတယ်။ သီချင်းငါးပုဒ်လောက် ဆိုမယ်လို့ စီစဉ်ထားပါတယ်” ဟု တေးသံရှင် Mary က ဆိုသည်။

တေးသံရှင် Mary သည် ‘၀ဲ’ တေးသီချင်းဖြင့် အွန်လိုင်းလူမှုကွန်ရက် စာမျက်နှာများထက်တွင် ပရိသတ်စိတ်ဝင်စား အားပေးမှု စတင်ရရှိလာခဲ့ပြီးနောက် လက်ရှိတွင် ပရိသတ်များကြား ရေပန်းစားပျံ့နှံ့လျက်ရှိသော တေးသံရှင်တစ်ဦးဖြစ်သည်။ တေးသံရှင် Mary သည် ‘၀ဲ’ နှင့် ‘Mask’ ဟု အမည်ပေးထားသော တေးသီချင်းများအား ကိုယ်တိုင်ရေးသားသီဆိုကာ အွန်လိုင်းတွင် လွှင့်တင်ထားခဲ့ပြီးဖြစ်သည်။ ဂျပန်နိုင်ငံ၌ နေထိုင်လျက်ရှိသော တေးသံရှင် Mary သည် သြဂုတ်လအတွင်း မြန်မာနိုင်ငံ ခရီးစဉ်တွင်လည်း တေးသီချင်းအသစ်တစ်ပုဒ်အား သီဆိုအသံသွင်းယူသွားရန် စီစဉ်ထားပြီး ယခုနှစ်အတွင်း၌ ပထမဆုံး တစ်ကိုယ်တော်အယ်လ်ဘမ်ကို စတင်ဖြန့်ချိနိုင်ရန် ပြင်ဆင်သွားမည်ဖြစ်သည်။ တေးသံရှင် Mary ၏ Fan Meeting နှင့် ပတ်သက်သော အသေးစိတ် အချက်အလက်များအား ထပ်မံထုတ်ပြန်ပေးသွားမည် ဖြစ်သည်။

လိင်ပိုင်းဆိုင်ရာ ကိုယ်ထိလက်ရောက် ကျူးလွန်ခံခဲ့ရသည်ဆိုသော တရားစွဲဆိုမှုတွင် တေလာဆွစ် အနိုင်ရ

လိင်ပိုင်းဆိုင်ရာ ကိုယ်ထိလောက်ရောက် ကျူးလွန်မှုအတွက် ရေဒီယိုဒီဂျေဟောင်း ဒေးဗစ်မက်လာကို တရားစွဲဆိုမှုတွင် အနိုင်ရရှိခဲ့ပြီးနောက် အဆိုတော်တေလာဆွစ်သည် သြဂုတ် ၁၄ ရက်တွင် အောင်ပွဲခံခဲ့သည်။

၂၀၁၃ ခုနှစ်တွင် ဒန်ဗားမြို့ရှိ ပက်စီစင်တာ၌ ဖျော်ဖြေပွဲမစမီ ဇာတ်စင်နောက်တွင် ဓာတ်ပုံရိုက်စဉ်အတွင်း ဆွစ်၏ တင်ပါးကို လှမ်းကိုင်ခဲ့သည်ဆိုသော တရားစွဲဆိုမှုတွင် ရေဒီယိုဒီဂျေဟောင်း ဒေးဗစ်မက်လာသည် အပြစ်ရှိသည်ဟု တရားသူကြီးက စစ်ဆေးတွေ့ရှိခဲ့သည်။

ဆွစ်၏ ကိုယ်ရံတော်ဟောင်းတစ်ဦးကလည်း ဒီဂျေမက်လာသည် ဆွစ်၏စကတ်အောက်မှ လက်ထည့်ပြီး လိင်ပိုင်းဆိုင်ရာ ကိုယ်ထိလက်ရောက် ကျူးလွန်ခဲ့သည်ဟု သြဂုတ် ၁၁ ရက် ကြားနာစစ်ဆေးမှုတွင် သက်သေထွက်ဆိုခဲ့သည်။

ဆွစ်သည် ၎င်းတောင်းဆိုခဲ့သည့် အမည်ခံနစ်နာကြေး တစ်ဒေါ်လာကိုလည်း ရရှိခဲ့သည်။ အသက် ၂၇ နှစ်အရွယ်ရှိ တေလာဆွစ်က တရားရုံးကို ကျေးဇူးတင်ကြောင်း ၎င်းနှင့်လိင်ပိုင်းဆိုင်ရာ ကိုယ်ထိလက်ရောက် ကျူးလွန်ခံရမှုအတွက် နှုတ်ဆိတ်ခဲ့သူ မည်သူမဆိုအတွက် တိုက်ပွဲဝင်ပေးခဲ့သည့် တရားရေးအဖွဲ့ကို အသိအမှတ်ပြုကြောင်း ကြေညာချက် ထုတ်ပြန်ခဲ့သည်။

“ကျွန်မရဲ့ မျှော်လင့်ချက်က လိင်ပိုင်းဆိုင်ရာ ကိုယ်ထိလက်ရောက် စော်ကားခံရတဲ့သူတွေရဲ့ အသံတွေကို ကြားသိဖို့အတွက် ကူညီဖို့ပါ။ ဒါကြောင့် လိင်ပိုင်းဆိုင်ရာ စော်ကားခံရတဲ့သူတွေကို အကူအညီပေးတဲ့ အဖွဲ့အစည်းတွေကို အနာဂတ်မှာ လှူဒါန်းသွားမှာပါ” ဟု ဆွစ်က ပြောကြားခဲ့သည်။

မက်လာသည် ယင်းဖြစ်စဉ်ဖြစ်ပွားခဲ့ပြီးနောက် KYGO ရေဒီယိုဌာနမှ အလုပ်ဖြုတ်ခံခဲ့ရသည်။ ယင်းအတွက် မက်လာက ဆွစ်ကြောင့် အလုပ်ပြုတ်ခဲ့ရသည်ဟုဆိုကာ ၂၀၁၅ ခုနှစ် စက်တင်ဘာတွင် အမှုဖွင့်ခဲ့ပြီး နစ်နာကြေး ဒေါ်လာ သုံးသန်း တောင်းဆိုခဲ့သည်။ တေလာဆွစ်သည် ရဲကိုခေါ်ရမည့်အစား မန်နေဂျာများကို ခေါ်ဆိုခဲ့သည့်အတွက် ၎င်း၏ အလုပ်အကိုင်နှင့် လစာဆုံးရှုံးခဲ့ရသည်ဟု မက်လာက ဆိုသည်။ ဆွစ်၏ လက်ထောက်များသည် ရေဒီယိုဌာနကို ဖုန်းဆက်ပြီး ၎င်းကို အလုပ်ဖြုတ်ရန် တောင်းဆိုခဲ့သည်ဟု မက်လာက စွပ်စွဲခဲ့သည်ဟု တရားရုံးမှတ်တမ်းများတွင် ဖော်ပြခဲ့သည်။ ဆွစ်ကလည်း လိင်ပိုင်းဆိုင်ရာ ကိုယ်ထိလက်ရောက် ကျူးလွန်မှုဖြင့် မက်လာတိုပြန်လည် တရားစွဲခဲ့သည်။

ဘရူနိုမားစ်က ဖလင့်မြို့ သောက်သုံးရေ အကျပ်အတည်းအတွက် ဒေါ်လာတစ်သန်း လှူဒါန်း

အမေရိကန်တေးရေး၊ အဆိုတော် ဘရူနိုမားစ်က မစ်ရှီဂန်ဖျော်ဖြေပွဲမှ ရရှိသည့် ဒေါ်လာတစ်သန်းကို ဖလင့်မြို့ သောက်သုံးရေ အကျပ်အတည်းနှင့် ကြုံတွေ့နေရသူများအတွက် လှူဒါန်းမည်ဟု သြဂုတ် ၁၂ ရက်က ပြောကြားခဲ့သည်။

ဂရမ်မီဆုရအဆိုတော် ဘရူနိုမားစ်က ဒတ်ထရွိုက်မှ မိုင် ၃၀ (၄၈ ကီလိုမီတာ) ကွာဝေးသည့် Auburn Hills မြို့တွင် ပြုလုပ်ခဲ့သည့် ဖျော်ဖြေပွဲတွင် ဖလင့်သောက်သုံးရေ အကျပ်အတည်းအတွက် ကူညီဖြေရှင်းပေးသည့် ပရဟိတအဖွဲ့ The Community Foundation of Greater Flint သို့ လှူဒါန်းမည့်အကြောင်း ပရိသတ်များကို ပြောကြားခဲ့ခြင်းဖြစ်သည်။ မားစ်သည် လက်မှတ်အကုန် ရောင်းချနိုင်ခဲ့သည့် 24K Magic ကမ္ဘာလှည့် ဖျော်ဖြေပွဲခရီးစဉ်တစ်ခုအဖြစ် ယင်းမြို့တွင် ဖျော်ဖြေခဲ့ခြင်း ဖြစ်သည်။

“လှူဒါန်းမှုအတွက် ကူညီပံ့ပိုးပေးတဲ့ မစ်ရှီဂန် ပရိသတ်တွေကို ကျေးဇူးတင်ပါတယ်။ သောက်သုံးရေ အကျပ်အတည်းဟာ ဖလင့်မြို့ခံတွေအတွက် နှစ်ပေါင်းများစွာ ကြုံတွေ့နေရဦးမှာပါ။ ဒီအကျပ်အတည်းကြောင့် အကျိုးသက်ရောက်ခဲ့တဲ့ ညီတွေ၊ ညီမတွေကို မမေ့ကြပါနဲ့” ဟု အသက် ၃၁ နှစ်အရွယ်ရှိ မားစ်က ပြောကြားခဲ့သည်။

၂၀၁၄ ခုနှစ်တွင် ဖလင့်မြို့၏ သောက်သုံးရေရင်းမြစ်များကို ပြောင်းလဲခဲ့ပြီးနောက် လူ ၁၀၀,၀၀၀ ကျော်သည် ခဲပါဝင်မှုပမာဏ မြင့်မားသည့် ရေများသောက်သုံးခဲ့ရသည်။ လူ ၁၂ ဦးကျော်သည် Legionnaires’ disease ရောဂါဖြင့် ကွယ်လွန်ခဲ့သည်။

မားစ်သည် နောက်ဆုံးထွက်ရှိခဲ့သည့် 24K Magic အယ်လ်ဘမ်အတွက် ကမ္ဘာလှည့် ဖျော်ဖြေပွဲခရီးစဉ်ကို ၂၀၁၇ ခုနှစ် မတ်တွင် ဘယ်လ်ဂျီယံနိုင်ငံ Antwerp မြို့တွင် စတင်ခဲ့သည်။ 24K Magic အယ်လ်ဘမ်သည် ကမ္ဘာတစ်ဝန်းတွင် ချပ်ရေ နှစ်သန်းကျော် ရောင်းချနိုင်ခဲ့သည်။ ဂရမ်မီဆု ငါးဆုရရှိထားသည့် မားစ်သည် တိုင်းမ်မဂ္ဂဇင်း၏ ၂၀၁၁ ခုနှစ် သြဇာလွှမ်းမိုးမှုအရှိဆုံး လူပုဂ္ဂိုလ် ၁၀၀ စာရင်းတွင်လည်း ဖော်ပြခံခဲ့ရသည်။

Big Bag၊ Reason နှင့် Idiots တို့ ပါဝင်ဖျော်ဖြေမည့် Influence Rock ဂီတဖျော်ဖြေပွဲအတွက် လက်မှတ်များ ရောင်းချလျက်ရှိ

ရန်ကုန်မြို့တွင် ပြုလုပ်ခဲ့သည့် ဂီတဖျော်ဖြေပွဲတစ်ခုတွင် တေးသံရှင်ကျားပေါက် သီဆိုဖျော်ဖြေစဉ်

Big Bag၊ Reason နှင့် Idiots တို့ ပါဝင်ဖျော်ဖြေမည့် ‘Influence Rock’ ဂီတဖျော်ဖြေပွဲကို ရန်ကုန်မြို့ Thuwunnabhumi Event Park ၌ စက်တင်ဘာ ၂ ရက်တွင် ပြုလုပ်မည်ဖြစ်ကာ လက်မှတ်များအား ရောင်းချလျက်ရှိကြောင်း သိရသည်။ ‘Influence Rock’ ဂီတဖျော်ဖြေပွဲမှာ ယခင်နှစ်ကလည်း ပြုလုပ်ခဲ့ပြီး ပရိသတ်အားပေးမှု များပြားခဲ့သည့် ဂီတဖျော်ဖြေပွဲတစ်ပွဲ ဖြစ်ခဲ့ကြောင်း သိရသည်။ ယခုနှစ်တွင်လည်း အဆိုပါဂီတဖျော်ဖြေပွဲအား ဆက်လက်ကျင်းပမည်ဖြစ်ကြောင်း လူမှုကွန်ရက် စာမျက်နှာမှတစ်ဆင့် အသိပေး ပြောကြားထားခြင်းဖြစ်သည်။ ဖျော်ဖြေပွဲနှင့် ပတ်သက်သည့် သတင်းအချက်အလက်များအား ပရိသတ်များကို ခန့်မှန်းဖြေဆိုစေကာ အမှတ်တရ လက်ဆောင်ပစ္စည်းများ ပေးအပ်သည့် အစီအစဉ်အားလည်း ပြုလုပ်ခဲ့ကြောင်း သိရသည်။

“Influence Rock နာမည်နဲ့ မနှစ်ကလည်း ဂီတဖျော်ဖြေပွဲ ကျင်းပခဲ့ပါတယ်။ ပရိသတ်များလည်း ကျေနပ်အားရတဲ့ ဖျော်ဖြေပွဲတစ်ပွဲ ဖြစ်ခဲ့ပါတယ်။ အခုနှစ်မှာလည်း အရင်နှစ်ကအဖွဲ့တွေနဲ့ပဲ နောက်တစ်ပွဲထပ်လုပ်ဖို့ စီစဉ်နေပါတယ်။ ပါဝင်တဲ့အဖွဲ့တွေအားလုံးက ပရိသတ်အင်အား ကောင်းမွန်တဲ့ အဖွဲ့တွေဖြစ်တဲ့အပြင် အနုပညာအင်အားပြည့်ဝစွာ တင်ဆက်နိုင်တဲ့အဖွဲ့တွေ ဖြစ်ပါတယ်။ အခုနှစ်အတွက်လည်း အင်အားအပြည့်နဲ့တင် ဆက်ကြဖို့အားလုံးတိုင်ပင် ပြင်ဆင်နေပါပြီ။ လက်မှတ်တွေကိုလည်း စတင်ရောင်းချနေပါတယ်” ဟု Influence Rock ဂီတဖျော်ဖြေပွဲအား စီစဉ်သူတစ်ဦးက ဆိုသည်။

ဖျော်ဖြေပွဲတွင် ပါဝင်မည့် တေးသံရှင် အောင်လကလည်း “ရှိုးတွေဆိုဖို့ရှိပါတယ်။ ကျွန်တော်တို့သူငယ်ချင်းတွေ စုပြီးတော့ရော၊ တစ်ဖွဲ့ချင်းအနေနဲ့ပါ ရှိုးတွေဆိုဖြစ်ပါမယ်။ ပရိသတ်တွေနဲ့မတွေ့ဖြစ်တာလည်း နည်းနည်းကြာနေပြီဆိုတော့ ကျွန်တော်တို့ အားလုံးလည်း သေချာလေး ပြင်ဆင်ထားကြတယ်။ သီချင်းအသစ်တွေရော၊ အဟောင်းတွေပါ ဖျော်ဖြေဖို့လည်း စီစဉ်ထားတယ်။ ဘော်ဒါတွေအားလုံး၊ ပရိသတ်တွေအားလုံးနဲ့ ပျော်ပျော်ပါးပါးပွဲမျိုး ဆင်နွှဲကြပါမယ်။ လောလောဆယ်တော့ မနှစ်တုန်းကလည်း ပရိသတ်တွေ အများကြီးနဲ့ ပျော်ပျော်ပါးပါး ဆိုခဲ့ကြတဲ့ Influence Rock ပွဲမှာဆိုဖို့ ရှိပါတယ်” ဟု ပြောပြခဲ့သည်။

Influence Rock ဂီတဖျော်ဖြေပွဲတွင် Big Bag အဖွဲ့နှင့်အတူ တေးသံရှင်ကျားပေါက်က ဖျော်ဖြေမည်ဖြစ်ပြီး Reason အဖွဲ့ နဲ့တေးသံရှင်အောင်လ၊ Idiots အဖွဲ့နှင့် တေးသံရှင်ရေမွန်တို့ ပါဝင်သီဆိုဖျော်ဖြေရန် စီစဉ်ထားကြောင်း သိရသည်။ အဆိုပါ ဂီတဖျော်ဖြေပွဲကို Forward Production မှ စီစဉ်ခြင်းဖြစ်ကြောင်း သိရသည်။

မိုးရာသီကာလအတွင်း ဂီတဖျော်ဖြေပွဲများ ကျင်းပမှု အတန်ငယ် နည်းပါးသွားခဲ့ရာမှ မိုးလယ်ကာလသို့ ရောက်ရှိလာမည့်အချိန်တွင် ဂီတဖျော်ဖြေပွဲများ ကျင်းပရန်ပြန်လည် စီစဉ်လာခြင်းဖြစ်ပြီး ပွင့်လင်းရာသီကာလ အတွက်လည်း ဖျော်ဖြေပွဲများ ကြိုတင်စီစဉ်လျက်ရှိကြောင်း သိရသည်။ Influence Rock ဂီတဖျော်ဖြေပွဲမှာလည်း မကြာမီ ကျင်းပရန် စီစဉ်ထားသည့် ဂီတဖျော်ဖြေပွဲတစ်ပွဲဖြစ်သည်။