လန်ဒန်တွင် Star Wars ဇာတ်ကားသစ် မိတ်ဆက်ပွဲသို့ ၀ီလျံမင်းသားနှင့် ဟာရီတို့ တက်ရောက်

လန်ဒန်၌ ဒီဇင်ဘာ ၁၂ ရက်တွင် ပြုလုပ်ခဲ့သည့် Star Wars: The Last Jedi ဇာတ်ကား ဥရောပ မိတ်ဆက်ပြသပွဲကို ၀ီလျံမင်းသားနှင့် ဟာရီ မင်းသားတို့ တက်ရောက်ခဲ့သည်။

Royal Albert Hall တွင် ပြုလုပ်သည့် ကော်ဇောနီ အခမ်းအနားသို့ တက်ရောက်သည့် ဗြိတိန်တော်ဝင်မိသားစုဝင်နှစ်ဦးကို Star Wars: The Last Jedi တွင် ပါဝင်သည့် BB-8 စက်ရုပ်ဇာတ်ကောင်က ကြိုဆိုနှုတ်ဆက်ခဲ့သည်။ တော်ဝင်မိသားစုဝင်နှစ်ဦးသည် The Last Jedi ဇာတ်ကားတွင် ပါဝင်သည့် ဇာတ်ကောင်များနှင့်လည်း စကားပြောဆိုခဲ့သည်ဟု People မဂ္ဂဇင်းတွင် ဖော်ပြခဲ့သည်။

ဝီလျံမင်းသားနှင့် ဟာရီမင်းသားသည် ၂၀၁၆ ခုနှစ် ဧပြီတွင် Star Wars ဇာတ်ကား ရိုက်ကူးသည့် စတူဒီယိုသို့ သွားရောက်ခဲ့ပြီးနောက် ယင်းဇာတ်ကားတွင် stormtrooper များအဖြစ် ဧည့်သည့်ဇာတ်ကောင်နေရာ၌ ပါဝင် သရုပ်ဆောင်ခဲ့သည်ဟု သတင်းများ ထွက်ရှိခဲ့သည်။ ၀ီလျံက ၎င်းသည် Star Wars ဇာတ်ကားများကို စွဲလမ်းသူတစ်ဦးဖြစ်ကြောင်း၊ ၎င်းနှင့် ဟာရီသည် Luke Skywalker ဇာတ်ကောင်နှင့် ဓာတ်ပုံရိုက်ခဲ့စဉ် ၎င်းတို့၏ ပျော်ရွှင် ၀မ်းမြောက်မှုကို မဖုံးကွယ်နိုင်ခဲ့ကြောင်း စတူဒီယိုသို့ သွားရောက်လည်ပတ်စဉ် ပြောကြားခဲ့သည်။

လန်ဒန်အနီးရှိ Pinewood စတူဒီယိုနှင့် အိုင်ယာလန် အနောက်ဘက်ပင်လယ် ကမ်းခြေတွင် ရိုက်ကူးခဲ့သည့် The Last Jedi သည် အာကာသစိတ်ကူးယဉ်သိပ္ပံ Star Wars ဇာတ်ကား၏ အဋ္ဌမမြောက်ဇာတ်ကားဖြစ်ပြီး ပြသချိန် ၁၅၃ မိနစ် ကြာမြင့်သည်ဟု သိရသည်။

Star Wars ဇာတ်ကားများတွင် Luke Skywalker ဇာတ်ကောင်အဖြစ် ပါဝင်ခဲ့သည့် သရုပ်ဆောင် မက်ဟာမေးလ်က Star Wars ၏ သက်တမ်းရှည်ခြင်းက ၎င်း၏ဇာတ်ကောင်အတွက် ဇာတ်ကောင်သစ်များကို လမ်းဖွင့်ပေးသည်ဟု ယူဆကြောင်း ပြောကြားခဲ့သည်။ ပထမဆုံး Star Wars ဇာတ်ကားဖြန့်ချိခဲ့ပြီးနောက် နှစ် ၄၀ ကြာမြင့်ပြီဖြစ်သော်လည်း ဒါရိုက်တာ ရိန်းဂျွန်ဆင်ရိုက်ကူးသည့် The Last Jedi သည် မျက်မှောက်ခေတ်တွင်လည်း ပရိသတ်များကို ဆွဲဆောင်နိုင်ဦးမည် ဖြစ်သည်။

မာဟာမေး၊ကယ်ရီဖစ်ရှာ၊ အဒမ်ဒရိုင်ဘာ၊ ဒေစီရစ်ဒလေ၊ ဂျွန်ဘိုရေဂါ၊ အန်ဒီဆာကစ်၊လူပီတာညောင်အို၊ ဒွမ်ဟဲဂလီဆန်၊ အန်တိုနီဒယ်နီရယ်၊ အော်စကာအိုင်ဇက်၊ ကယ်ရီမာရီထရန်၊ လော်ရာဒါးနှင့် ဘင်နီစီယိုဒယ်တိုရိုတို့ ပါဝင်သည့် Star Wars: The Last Jedi ဇာတ်ကားကို ဒီဇင်ဘာ ၁၅ ရက်တွင် အမေရိကန်၌ ဖြန့်ချိမည်ဖြစ်သည်။

ယင်းဇာတ်ကားသည် ပွဲဦးထွက်ဖြန့်ချိသည့် သီတင်းပတ်တွင် ပြည်တွင်းလက်မှတ် ရောင်းချမှုဝင်ငွေ ဒေါ်လာ သန်း ၂၂၀ ခန့် ရရှိနိုင်သည်ဟု ရုပ်ရှင်ကျွမ်းကျင်ပညာရှင်များက ခန့်မှန်းခဲ့သည်။

အပြုံးချိုချိုများ ပိုင်ဆိုင်ထားသူ သရုပ်ဆောင်ရွှေသမီး၏ ငယ်စဉ်ဘ၀ အမှတ်တရ ဖြတ်သန်းရာ

အနုပညာပျိုးခင်းလို့ဆိုရင် လက်ရှိအောင်မြင်နေတဲ့ အနုပညာရှင်တွေ စုစည်းထားပြီး မျိုးဆက်သစ် အနုပညာရှင်တွေ မွေးထုတ်ပေးတဲ့ အစီအစဉ်တစ်ခုလို့ သိကြမှာပါ။ အနုပညာပျိုးခင်းရဲ့ ပထမတစ်ခေါက် အစီအစဉ်က မင်းသမီးတွေဖြစ်ကြတဲ့ အိချောပို၊ ယုသန္တာတင်နဲ့ ရွှေမှုန်ရတီတို့က လက်ရှိမှာတော့ ဈေးကွက်ဝင် မင်းသမီးတွေအဖြစ် အောင်မြင်မှုတွေနဲ့ ရပ်တည်နေကြပါပြီ။ အနုပညာပျိုးခင်း(၂)အတွက် မျိုးဆက်သစ် အနုပညာရှင်တွေ ရွေးချယ်ထားရာမှာတော့ သရုပ်ဆောင် ရွှေသမီး၊ ပိုင်ဖြိုးသုနဲ့ ရတနာဗိုတို့ ပါဝင်ပါတယ်။ ဒီတစ်ပတ်မှာတော့ သရုပ်ဆောင်ရွှေသမီးရဲ့ ငယ်ဘ၀ဖြတ်သန်းမှုတွေကို တစေ့တစောင်း ဖော်ပြပေးချင်ပါတယ်။

သရုပ်ဆောင်ရွှေသမီးကို ဧပြီ ၁၈ ရက် ၁၉၉၅ ခုနှစ်မှာ မိဘများဖြစ်ကြတဲ့ ဦးအောင်တိုးနဲ့ ဒေါ်ဌေးဌေးဝင်းတို့က မွေးဖွားခဲ့ကြပါတယ်။ မန္တလေးဇာတိဖြစ်တဲ့ ရွှေသမီးက မွေးချင်းလေးယောက်အနက် အငယ်ဆုံးသမီးဖြစ်ပြီး နာမည်အရင်းကတော့ ဇာနည်အောင်လို့ ဆိုပါတယ်။ ရွှေသမီးဆိုတာကတော့ မွေးဖွားစဉ်ကတည်းက မိဘများက အိမ်နာမည်အဖြစ်ပေးခဲ့တာကြောင့် ရင်းနှီးသူအများစုကလည်း ရွှေသမီးလို့ပဲ သိကြပြီး အနုပညာအလုပ်တွေ စတင်လုပ်ကိုင်စဉ်မှာလည်း ရွှေသမီးနာမည်နဲ့ပဲ ဆက်လက် လုပ်ကိုင်ဖြစ်တယ်လို့ ပြောပြခဲ့ပါတယ်။

ငယ်စဉ်ကလေးဘ၀မှာတော့ အေးဆေးငြိမ်သက်ပြီး ၀၀တုတ်တုတ် ပါးဖောင်းဖောင်းလေးနဲ့ ချစ်ခင်ဖွယ်ဖြစ်တာကြောင့် ချစ်ခင်သူ များပြားခဲ့တယ်လို့ ဆိုပါတယ်။ ငယ်ငယ်ကတည်းက အကကိုတော့ အရမ်းဝါသနာပါခဲ့ပြီး တစ်ချိန်လုံးနီးပါး ကနေခဲ့တယ်လို့ ပြောပြခဲ့ပါတယ်။

ကျောင်းပညာရေး အနေနဲ့တော့ သူငယ်တန်းကနေ ဆယ်တန်းအထိကို အ.ထ.က (၂၈) မန္တလေးမှာ တက်ရောက် သင်ယူခဲ့တယ်လို့ ပြောပြခဲ့ပါတယ်။ ကျောင်းပညာရေးမှာ အလယ်အလတ်တန်းလောက်ပဲ ရှိပေမဲ့ ပုံမှန်စာလုပ်ဖြစ်တာကြောင့် နှစ်စဉ် A တန်းက တက်ခွင့်ရခဲ့တယ်လို့ ဆိုပါတယ်။ သင်ကြားခွင့်ရတဲ့ ဘာသာရပ်တွေထဲမှာ အင်္ဂလိပ်ဘာသာကို စိတ်ပါဝင်စားပြီး သင်္ချာကိုတော့ ခေါင်းရှုပ်တတ်တယ်လို့ ရယ်မောရင်းနဲ့ ဆိုပါတယ်။

ဆယ်တန်းအောင်မြင်ပြီးချိန်မှာတော့ မန္တလေးတက္ကသိုလ်မှာပဲ Chemistry အထူးပြုဘာသာရပ်နဲ့ Day ဆက်တက်ဖြစ်ခဲ့တယ်လို့ ဆိုပါတယ်။ ဒါပေမဲ့ ဒုတိယနှစ်ရောက်လာချိန်မှာတော့ အနုပညာအလုပ်တွေ ဆက်တိုက် လုပ်ကိုင်ခွင့်ရလာတဲ့အတွက် ပညာရေးကို ခေတ္တရပ်နားထားရပါတယ်။

ရွှေသမီးက အနုပညာနဲ့ပတ်သက်လို့ ငယ်စဉ်ကတည်းက ၀ါသနာဗီဇပြသခဲ့သူပါ။ ငယ်စဉ်ကတည်းက ကျောင်းကပွဲတိုင်းမှာ ပါဝင်ကပြခဲ့ပြီး အိမ်နီးချင်း Dancer တစ်ယောက်ရဲ့သင်ကြားမှုနဲ့ ကြိုးစားကပြခဲ့တယ်လို့ ဆိုပါတယ်။ ဆယ်တန်း အောင်မြင်ပြီးချိန်မှာတော့ အနုပညာ အလုပ်တွေ စတင်လုပ်ကိုင်ဖို့ တိုက်တွန်းခဲ့ကြတယ်လို့ ရွှေသမီးက ပြောပြခဲ့ပါတယ်။

“ညီမက အနုပညာအလုပ်တွေ အရမ်းဝါသနာပါတာကို အိမ်ကရော သူငယ်ချင်းတွေကပါသိတော့ ၁၀ တန်း အောင်ပြီးသွားတဲ့အချိန်မှာ အားလုံးက တိုက်တွန်းခဲ့ကြတယ်။ ညီမ ကိုယ်တိုင်လည်း အနုပညာအလုပ်တွေ အရမ်းလုပ်ခွင့်ရချင်တယ်။ ဒါကြောင့် မန္တလေးက မိတ်ကပ် Sky ရဲ့ ကူညီမှုနဲ့ အနုပညာလောကထဲကိုစပြီး ၀င်ဖြစ်ခဲ့ပါတယ်။ ရန်ကုန်မှာ ရှိုးတွေလာလျှောက်ဖြစ်တယ်။ အနုပညာနဲ့ ပတ်သက်လို့ ရသလောက်ကို စလုပ်ကြည့်တယ်။ အဲဒီအချိန်မှာပဲ ဆာတိုရီဗီဒီယိုထုတ်လုပ်ရေးက ပထမဆုံးဇာတ်ကားရိုက်ဖို့ ကမ်းလှမ်းခဲ့ပါတယ်” လို့ ရွှေသမီးက အနုပညာခြေလှမ်းအစကို ပြောပြခဲ့ပါတယ်။

ဒီနောက်မှာတော့ ပထမဆုံးဇာတ်ကားအဖြစ် ဆာတိုရီဗီဒီယို ထုတ်လုပ်ရေးက ထုတ်လုပ်ပြီး ဒါရိုက်တာအကယ်ဒမီမောင်တင်ဦး ရိုက်ကူးတဲ့ ‘တန်ခူးရင်ခွင်’ ဆိုတဲ့ သင်္ကြန်ဇာတ်ကားလေးမှာ သရုပ်ဆောင်ရဲတိုက်နဲ့အတူ ပါဝင်ခွင့်ရခဲ့ပါတယ်။ အဲဒီဇာတ်ကားမှာ စတင်ပြီး ပရိသတ်တွေ သတိထားမိလာသလို အနုပညာ အသိုင်းအ၀န်းမှာလည်း စတင်ခွင့်ရလာခဲ့တယ်လို့ ဆိုပါတယ်။ ဇာတ်ကား လေးငါးကားလောက် ရိုက်ကူးခွင့်ရပြီးချိန်မှာတော့ အနုပညာပျိုးခင်းက အစ်ကိုတွေက ဒီအစီအစဉ်ကို လျှောက်ကြည့်ဖို့ တိုက်တွန်းခဲ့ကြတယ်လို့ ပြောပြခဲ့ပါတယ်။

“အနုပညာပျိုးခင်းမှာ တကယ်တမ်း လျှောက်ဖြစ်တဲ့အခါမှာ ရွေးမှရွေးခံရပါ့မလားဆိုပြီး စိတ်ပူခဲ့ပါတယ်။ အဆင့်ဆင့်လည်း စစ်ဆေးမှုတွေ အများကြီးလုပ်ခဲ့တာ ဆိုတော့လေ။ တကယ်တမ်း ရွေးချယ်ခံရတော့ အရမ်းပျော်ပါတယ်။ ဆရာအစ်ကိုတွေရဲ့ သင်ကြားမှုနဲ့ ကြိုးစားသွားမယ်လို့လည်း ဆုံးဖြတ်ထားခဲ့တယ်” လို့ ရွှေသမီးက ဆက်လက်ပြောပြခဲ့ပါတယ်။

ရွှေသမီးက အနုပညာပျိုးခင်း(၂)က ရွေးချယ်ထားတဲ့ သရုပ်ဆောင်သုံးယောက် အနက်က တစ်ယောက်ဖြစ်ပြီး သုံးနှစ်အတွင်းမှာ ဇာတ်ကား ၁၅ ကား ရိုက်ကူးခွင့်ရရှိခဲ့ပြီးနောက် လက်ရှိမှာတော့ ရုပ်ရှင်နဲ့ ဗီဒီယို ဇာတ်ကားအများအပြားမှာ ပါဝင်သရုပ်ဆောင်ခွင့် ရရှိထားပါတယ်။ ရွှေသမီးပါဝင်ထားတဲ့ ဇာတ်ကားတွေလည်း ပရိသတ်တွေ ကြည့်ရှုခံစားခွင့် ရရှိနေပြီဖြစ်သလို အပြုံးချိုချိုနဲ့ အမူအရာလေးတွေ လုပ်တတ်သူတစ်ယောက်အနေနဲ့ ပရိသတ် အသိအမှတ်ပြုမှု ရရှိထားသူ ဖြစ်ပါတယ်။

ရွှေသမီးက အနုပညာပျိုးခင်းနဲ့ အနုပညာလှုပ်ရှားမှုတွေအပြင် ပြင်ပက ကမ်းလှမ်းလာတဲ့ကြော်ငြာတွေ၊ ရုပ်ရှင်ကားကြီးတွေကိုလည်း ဆက်လက်ရိုက်ကူးနေတာ ဖြစ်ပါတယ်။ ၂၀၁၇ အတွင်းမှာတော့ မတူကွဲပြားတဲ့ဇာတ်ရုပ်တွေမှာ ပါဝင်ခွင့်ရရှိထားပြီး ဒီဇာတ်ကားတွေရုံတင်ပြသချိန်မှာတော့ မတူကွဲပြားတဲ့ အနုပညာဖန်တီးမှုတွေ တွေ့မြင်ခွင့်ရမှာပါလို့ ရွှေသမီးကဆိုပါတယ်။

“ရုပ်ရှင်ကားကြီး ရိုက်ပြီးသလောက်ကတော့ အရမ်းကြီး လုပ်ကွက်မရပေမယ့် ပါဝင်ခွင့်ရသလောက်ကိုတော့ အရမ်းကြိုးစားထားတယ်။ ၀ါသနာပါတဲ့ အနုပညာအလုပ်တွေ လုပ်နေရတာဖြစ်တဲ့အတွက် ပင်ပန်းနေရင်လည်းပျော်တယ်။ အားတဲ့အချိန်တွေမှာ ဆရာအစ်ကိုတွေရဲ့ ရိုက်ကွင်းတွေ သွားလေ့လာဖြစ်တယ်။ ညီမပါဝင်တဲ့ ရိုက်ကွင်းဆိုလည်း ညီမလုပ်ရမယ့် ဇာတ်ကောင်စရိုက်ကို အတတ်နိုင်ဆုံးကြိုးစားပြီး သရုပ်ဆောင်တယ်။ ဆရာအစ်ကိုတွေ၊ တခြားဒါရိုက်တာတွေ သင်ပေးသမျှလည်း မှတ်သားလိုက်နာဖြစ်တယ်။ ၀မ်းစာဖြည့်စရာတွေကတော့ အများကြီး ကျန်ပါသေးတယ်” လို့ ရွှေသမီးက ပွင့်ပွင့်လင်းလင်း ပြောပြခဲ့ပါတယ်။

ရွှေသမီးက လတ်တလောအနုပညာ လှုပ်ရှားမှုအနေနဲ့ ရုပ်ရှင်ကားကြီးတွေ ရိုက်ကူးဖို့ရှိသလို ဗီဒီယိုဇာတ်ကားတွေလည်း ရိုက်ကူးဖို့ ရှိတယ်လို့ ဆိုပါတယ်။ ရိုက်ကူးထားပြီးတဲ့ ဇာတ်ကားတွေလည်း ရုံတင်ပြသဖို့ရှိတယ်လို့ ဆိုပါတယ်။ ရွှေသမီးက သူ့ရဲ့ကြိုးစားထားတဲ့ အနုပညာဖန်တီးမှုတွေအတွက် ပရိသတ်တွေက တုံ့ပြန်မှုတွေကိုလည်း မျှော်လင့်နေတယ်လို့ ပြောပြခဲ့ပါတယ်။

ရွှေသမီးရဲ့ ဘ၀ခံယူချက်ကတော့ “အကောင်းဆုံး ကြိုးစားဖို့ပဲ အရေးကြီးတယ်လို့ ခံယူထားပါတယ်။ ရလဒ်ဆိုတာထက် ကိုယ်တိုင်ကြိုးစားထားတဲ့အပေါ် ကိုယ်တိုင်ခံစားရတဲ့ စိတ်ကျေနပ်မှု အဲဒါက အရေးကြီးတယ်လို့ထင်တယ်။ ဒါကြောင့် ညီမလုပ်ဆောင်ခွင့်ရတဲ့ ဘယ်လိုလုပ်ဆောင်မှုမျိုးပဲဖြစ်ဖြစ်၊ သေးသည်ဖြစ်စေ ကြီးသည်ဖြစ်စေ ကိုယ်တတ်နိုင်တဲ့ အတိုင်းအတာထဲမှာ အကောင်းဆုံးလုပ်မယ်လို့ အမြဲတမ်း ဆုံးဖြတ်ထားတယ်။ အနုပညာအလုပ်တွေကိုလည်း အဲဒီလိုပါပဲ။ ပါဝင်ခွင့်ရသလောက်ကို အကောင်းဆုံး ကြိုးစားသွားမှာပါ” လို့ ပြောပြခဲ့ပါတယ်။

ကြိုးစားလေ့လာမှုတွေနဲ့အတူ လုပ်ရပ်တိုင်းကို အကောင်းဆုံးကြိုးစားဖို့ ဆုံးဖြတ်ထားတယ်လို့ဆိုခဲ့တဲ့ လူငယ်အနုပညာရှင်ရွှေသမီးရဲ့ ငယ်ဘ၀ဖြတ်သန်းမှုတွေကို ဖတ်ရှုရင်း လူငယ်တို့ရဲ့အားမာန်ကို ခံစားတွေ့မြင်နိုင်မှာပါ။

ရွှေကမ္ဘာလုံးဆု ဆန်ခါတင် စာရင်းတွင် The Shape of Water က ဆုအများဆုံးအတွက် လျာထားခံရ

(၇၅)ကြိမ်မြောက် ရွှေကမ္ဘာလုံးဆုပေးပွဲအတွက် ဆန်ခါတင်စာရင်းကို ဒီဇင်ဘာ ၁၁ ရက်က ထုတ်ပြန်ခဲ့ရာတွင် The Shape of Water ဇာတ်ကားက ဆုခုနစ်ဆုအတွက် ဦးဆောင်ခဲ့သည်။

၁၉၆၀ ပြည့်လွန်နှစ်ကာလများကို ဇာတ်အိမ်ပြုရိုက်ကူးထားသည့် ဒါရိုက်တာ Guillermo del Toro ၏ The Shape of Water ဇာတ်ကားက အကောင်းဆုံးဇာတ်ကားဆုနှင့် အကောင်းဆုံး အမျိုးသမီးသရုပ်ဆောင်ဆု အပါအ၀င် ထိပ်တန်းဆုခုနစ်ဆုအတွက် လျာထားခံခဲ့ရသည်။ The Post နှင့် Three Billboards outside Ebbing, Missouri ဇာတ်ကားတို့က ဆုခြောက်ဆုအတွက် လျာထားခံခဲ့ရပြီး Lady Bird ဇာတ်ကားက ဆုလေးဆုအတွက် လျာထားခံခဲ့ရသည်။

အကောင်းဆုံး ဇာတ်ကားဆုအတွက် လျာထားစာရင်းတွင် Call Me By Your Name၊ ဒုတိယကမ္ဘာစစ်ပွဲနောက်ခံ ဇာတ်ကား Dunkirk၊ The Post နှင့် Three Bill boards Outside Ebbing, Missouri ဇာတ်ကားတို့လည်း ပါဝင်ခဲ့သည်။

The Crown၊ Game of Thrones၊ The Handmaid’s Tale၊ Stranger Things  နှင့် This is Us တို့က အကောင်းဆုံးရုပ်သံဇာတ်လမ်းတွဲဆုအတွက် လျာထားခံခဲ့ရသည်။

A Fantasitc Woman ၊ First They Killed My Father ၊ In the Fade၊ Loveless နှင့် The Square ဇာတ်ကားတို့က အကောင်းဆုံးနိုင်ငံခြား ဘာသာစကားပြော ဇာတ်ကားဆုအတွက် ယှဉ်ပြိုင်ရမည်ဖြစ်သည်။ အထင်ကရ ထုတ်လုပ်သူ ဟာဗေးဝိန်းစတိန်းက ဆယ်စုနှစ်များစွာအတွင်း လိင်ပိုင်းဆိုင်ရာစော်ကားမှုများ ကျူးလွန်ခဲ့သည်ဆိုသော စွပ်စွဲချက်များစွာ ထွက်ရှိခဲ့ပြီးနောက် ရွှေကမ္ဘာလုံးဆုပေးပွဲသည် လိင်ပိုင်းဆိုင်ရာ စော်ကားမှုအပြုအမူအား လက်မခံနိုင်မှုကို လက်တွေ့ပြသရန် ဟောလိဝုဒ်အတွက် အခွင့်အရေးတစ်ခုဟု ယူဆရသည်။

Weinstein ကုမ္ပဏီသည် ဆန်ခါတင်စာရင်းတွင် ပါဝင်ခဲ့ခြင်းမရှိပေ။ လိင်ပိုင်းဆိုင်ရာ စော်ကားမှုကျူးလွန်ခဲ့သည်ဟု စွပ်စွဲခံထားရသည့် သရုပ်ဆောင် ကယ်ဗင်စပေ့စီ၊  ဂျက်ဖရေးတမ်ဘော၊ လူးဝစ်စီကေနှင့် ထုတ်လုပ်သူ ဘရတ်ရတ်နာတို့သည် ဆန်ခါတင်စာရင်းတွင် ထည့်မသွင်းခံခဲ့ရပေ။ ၂၀၁၅ ခုနှစ်တွင် House of Cards ဇာတ်လမ်းတွဲဖြင့် အကောင်းဆုံး အမျိုးသားသရုပ်ဆောင်ဆု ရရှိခဲ့သည့် စပေ့စီသည် လူငယ်များကို မဖွယ်မရာပြုမူခဲ့သည်ဆိုသော စွပ်စွဲချက်များနှင့် ရင်ဆိုင်ခဲ့ရပြီးနောက် နောက်ထပ် ရွှေကမ္ဘာလုံးဆု ရမည့်အခွင့်အရေး ရရှိတော့မည် မဟုတ်ပေ။

(၇၅)ကြိမ်မြောက် ရွှေကမ္ဘာလုံးဆုပေးပွဲကို ဇန်န၀ါရီ ၇ ရက်တွင် ဘီဗာလီဟေး၌ ကျင်းပမည်ဖြစ်ပြီး အမေရိကန် ဟာသသရုပ်ဆောင် ဆာ့သ်မီယာက အစီအစဉ် တင်ဆက်မည်ဖြစ်သည်။

အမေရိကန်အမျိုးသမီး ဂိုးသမားဟောင်း ဟုပ်ဆိုလို ဘောလုံးအဖွဲ့ချုပ်ဥက္ကဋ္ဌ ရွေးကောက်ပွဲ ယှဉ်ပြိုင်မည်

ဆိုလိုအား ၂၀၁၂ ခုနှစ် ကမ္ဘာ့အကောင်းဆုံးဆုပေးပွဲ၌ တွေ့ရစဉ် (Photo: AFP)

အမေရိကန်အမျိုးသမီး လက်ရွေးစင်အသင်း ဂိုးသမားဟောင်း ဟုပ်ဆိုလိုက အမေရိကန်ဘောလုံး အဖွဲ့ချုပ် (USSF) ဥက္ကဋ္ဌ ရွေးကောက်ပွဲတွင် ၀င်ရောက်ယှဉ်ပြိုင်မည်ဖြစ်ကြောင်း အတည်ပြု ပြောကြားသည်။

ဆိုလို (၃၆ နှစ်) သည် ၂၀၀၀ ပြည့်နှစ်မှ ၂၀၁၆ ခုနှစ်အတွင်း အမေရိကန်အသင်းအတွက် ၂၀၂ ပွဲပါဝင် ကစားပေးခဲ့သူဖြစ်ပြီး ၂၀၁၅ အမျိုးသမီးကမ္ဘာ့ဖလား ချန်ပီယံဆုနှင့် ၂၀၀၈ ပေကျင်းအိုလံပစ်၊ ၂၀၁၂ လန်ဒန်အိုလံပစ် ရွှေတံဆိပ်ဆုများ ဆွတ်ခူးရရှိခဲ့သည်။ ၎င်းသည် ၂၀၁၆ ရီယိုအိုလံပစ်ပြိုင်ပွဲတွင် နောက်ဆုံး ပါဝင်ကစားခဲ့ပြီး ယင်းပြိုင်ပွဲ ကွာတားဖိုင်နယ်၌ ဆွီဒင်အသင်းအား ပယ်နယ်တီဖြင့် ရှုံးနိမ့်ပြီးနောက် ပြိုင်ဘက်အသင်းကို “ငကြောက်တွေ” ဟု ဝေဖန်ခဲ့သောကြောင့် ခြောက်လ ပွဲပယ်ပြစ်ဒဏ် ချမှတ်ခံခဲ့ရသည်။ ဆိုလိုသည် ယင်းနောက်ပိုင်းတွင် လက်ရွေးစင်အသင်းအတွက် ပြန်လည်ကစားခြင်းမရှိတော့ဘဲ ဖေဖော်ဝါရီတွင် ကျင်းပမည့် USSF ဥက္ကဋ္ဌရွေးကောက်ပွဲ၌ ပါဝင်ယှဉ်ပြိုင်မည်ဖြစ်ကြောင်း Facebook မှ တစ်ဆင့် အတည်ပြု ပြောကြားခဲ့သည်။ လက်ရှိဥက္ကဋ္ဌ ဂူလာတီသည် ၂၀၁၈ ကမ္ဘာ့ဖလားခြေစစ်ပွဲ မအောင်မြင်သဖြင့် ဖိအားများ ရင်ဆိုင်နေရပြီး ရွေးကောက်ပွဲ ယှဉ်ပြိုင်မည်မဟုတ်ဟု ကြေညာထားသည်။ ဆိုလိုနှင့် အတူ ရွေးကောက်ပွဲယှဉ်ပြိုင်မည့်သူ ကိုးဦးရှိပြီး အခြားအမျိုးသမီးတစ်ဦးလည်း ပါဝင်ကြောင်း သိရသည်။

MMA ကစားသမား မက်ဂရီဂေါ်နှင့် ထိုးသတ်ရန် ဆွေးနွေးနေဟု ပက်ကီယောင်း ပြောကြား

လက်ဝှေ့ကြိုးဝိုင်းအတွင်း ထိုးသတ်ရန် ဆွေးနွေးနေသည့် ပက်ကီယောင်း (Photo: AFP)

နာမည်ကြီး ဖိလစ်ပိုင်လက်ဝှေ့သမား ပက်ကီယောင်းက ဘက်စုံကိုယ်ခံပညာသုံး MMA တိုက်ခိုက်ရေးကစားသမား မက်ဂရီဂေါ်နှင့် ဧပြီလအတွင်း ထိုးသတ်ရန် ဆွေးနွေးနေကြောင်း ပြောကြားသည်။

မက်ဂရီဂေါ်သည် ပြီးခဲ့သည့် သြဂုတ်တွင် အမေရိကန်လက်ဝှေ့သမား မေ၀ယ်သာနှင့် လက်ဝှေ့ကြိုးဝိုင်းအတွင်း ပထမဆုံးအကြိမ် ထိုးသတ်ရာ ၁၀ ချီမြောက်တွင် ဒိုင်ပွဲရပ်ဖြင့် အရှုံးပေးခဲ့ရသည်။ ပက်ကီယောင်းမှာလည်း ဇူလိုင်တွင် သြစတြေးလျလက်ဝှေ့သမား ဂျက်ဖ်ဟွန်းကို အမှတ်ဖြင့်ရှုံးနိမ့်ကာ WBO ၀ယ်လ်တာဝိတ်ချန်ပီယံခါးပတ် စွန့်လွှတ်ထားရသည်။ ဖိလစ်ပိုင်လွှတ်တော်အမတ်အဖြစ် ဆောင်ရွက်နေသည့် ပက်ကီယောင်းက ဒီဇင်ဘာ ၈ ရက်တွင် မီဒီယာများနှင့်တွေ့ဆုံစဉ် လာမည့်ပွဲစဉ်နှင့်ပတ်သက်၍ “နှစ်ဦးနှစ်ဖက် ဆွေးနွေးနိုင်ရင်တော့ ကျွန်တော့်ဘက်က ပြဿနာမရှိပါဘူး။ ဒီပွဲက နှစ်ယောက်စလုံးအတွက် အဆင်ပြေစေမှာပါ။ လက်ရှိမှာ ကနဦးအဆင့်ပဲ ရှိသေးပြီး ထပ်ပြီးတော့ မဆွေးနွေးရသေးပါဘူး” ဟု ပြောကြားသည်။

လက်ဝှေ့ကြိုးဝိုင်းအတွင်း ထိုးသတ်ရန် ဆွေးနွေးနေသည့် မက်ဂရီဂေါ် (Photo: AFP)

ပက်ကီယောင်းသည် ပြီးခဲ့သည့် နိုဝင်ဘာတွင်လည်း မက်ဂရီဂေါ်နှင့် ထိုးသတ်မည်ဖြစ်ကြောင်း ၎င်း၏ Twitter နှင့် Instagram မှ တစ်ဆင့် အရိပ်အမြွက် ပြောကြားထားသည်။ လာမည့်ပွဲစဉ်ကို ဧပြီလ အတွင်း မလေးရှား၊ ဒူဘိုင်း (သို့မဟုတ်) မကာအို၌ ကျင်းပမည်ဖြစ်ပြီး ဂျက်ဖ်ဟွန်းနှင့်မကျေပွဲ ပြန်လည် ထိုးသတ်ဖွယ်ရှိသလို WBA စူပါမစ်ဒယ်ဝိတ်တန်း/ WBC ၀ယ်လ်တာ ၀ိတ်တန်းချန်ပီယံ ကိသ်သာမန်းနှင့်လည်း ထိုးသတ်ဖွယ်ရှိကြောင်း ပက်ကီယောင်းက ပြောကြားထားသည်။ MMA ပွဲစဉ်များ ထိုးသတ်မှု ရပ်နားထားသည့် မက်ဂရီဂေါ်ကမူ ပက်ကီယောင်းနှင့်ပွဲအတွက် မှတ်ချက်ပေးခြင်း မရှိသေးကြောင်း သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ဒီဇင်ဘာ ၁၅ ရက်နှင့် ၁၆ ရက်တို့တွင် ရန်ကုန်မြို့၌ ကျင်းပမည်ဖြစ်ကာ စိတ်ဝင်စားသူတိုင်း အခမဲ့ လာရောက်ကြည့်ရှုနိုင်

မန္တလေးတွင် ကျင်းပခဲ့သည့် ‘ထာဝရဖဲကြိုးဖြူ’ သံချပ်ပြိုင်ပွဲ၌ အဖွဲ့တစ်ဖွဲ့ယှဉ်ပြိုင်စဉ်

အမျိုးသမီးများအပေါ် အကြမ်းဖက်မှုပပျောက်ရေး အသိတရား ပြန့်ပွားစေရန် ရည်ရွယ်သည့် ‘ထာဝရဖဲကြိုးဖြူ’ သံချပ်ပြိုင်ပွဲများကို ဒီဇင်ဘာ ၁၅ ရက်နှင့် ၁၆ ရက်တို့တွင် ရန်ကုန်မြို့၌ ကျင်းပမည်ဟု သိရသည်။ ယင်းပြိုင်ပွဲ ယှဉ်ပြိုင်မှုများကို စိတ်ဝင်စားသူမည်သူမဆို အခမဲ့လာရောက် ကြည့်ရှုအားပေးနိုင်သည်ဟု သိရသည်။

အဆိုပါ ‘ထာဝရဖဲကြိုးဖြူ’ သံချပ်ပြိုင်ပွဲကို ကျား၊ မ ရေးရာ တန်းတူညီမျှရေးကွန်ရက်က စီစဉ်ကျင်းပခြင်းဖြစ်သည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ၂၀၁၇ ခုနှစ်အတွက် အမျိုးသမီးများအပေါ် အကြမ်းဖက်မှုပပျောက်ရေး ၁၆ ရက်တာ လှုပ်ရှားမှု အထိမ်းအမှတ်အဖြစ် ကျင်းပခြင်းဖြစ်ကြောင်း သိရသည်။ ထို့ပြင် မြန်မာ့ရိုးရာ အနုပညာလုပ်ငန်းမှတစ်ဆင့် ပြည်သူလူထုတစ်ရပ်လုံးကြားတွင် ကျား၊ မ ရေးရာ အခြေပြု အကြမ်းဖက်မှုပပျောက်ရေးဆိုင်ရာ လူထုအသိပညာပေး သတင်းအချက်အလက်များ ပိုမိုကျယ်ပြန့်လာစေရန်၊ မြန်မာ့ရိုးရာ အမွေအနှစ်ဖြစ်သည့် ‘သံချပ်’ အနုပညာအား တစ်ဖက်တစ်လမ်းမှ ပံ့ပိုးပေးနိုင်ရန်နှင့် ‘ထာဝရ ဖဲကြိုးဖြူသံချပ်ပြိုင်ပွဲ’ မှတစ်ဆင့် ကျား၊ မ ရေးရာ အခြေပြု အကြမ်းဖက်မှုပပျောက်ရေး လုပ်ငန်းစဉ်များ၌ ပြည်သူများ တက်ကြွစွာ ပူးပေါင်းပါဝင်စေရန် ရည်ရွယ်ကာ မြန်မာနိုင်ငံ သဘင်ပညာရှင်များ အစည်းအရုံး(ဗဟို)၏ လမ်းညွှန်မှုဖြင့် စီစဉ် ကျင်းပခြင်းဖြစ်သည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ရန်ကုန်မြို့၌ ဒီဇင်ဘာ ၁၅ ရက်နှင့် ၁၆ ရက်တို့တွင် ပြည့်သူ့ဥယျာဉ်၌ ကျင်းပမည်ဖြစ်သည်။ ယင်းပြိုင်ပွဲ၌ ပွဲခင်းသာ၊ ထီးရိုးရှည်ရဲ့ အမေ့အသီးများ၊ ဒို့မြေ ဒို့ပြေ စွယ်စုံအင်အားစု၊ အားမာန်ဝင့်ထည် သာကီနွယ် စွယ်စုံသံချပ်အဖွဲ့၊ ပြည်သူ့မော်ကွန်(ထာဝရအဖြူ)၊ အပ္ပမာဒေန သမ္မာ ဒေထ (တိုင်းပြု ပြည်ပြု ယဉ်ကျေးမှုမဟာ သင်္ကြန်အင်အားစု)၊ ကလေးပါးစပ်၊ တို့ခေတ်နဲ့အပြိုင်၊ တန်ခူးဘုရင်၊ ပစ်တိုင်းထောင်၊ ပဲ့တင်သံ(ဖျာပုံ)နှင့် ရွှေမြန်မာစွယ်စုံအင်အားစု စသည့် သံချပ်အဖွဲ့ ၁၂ ဖွဲ့ ပါဝင်ယှဉ်ပြိုင်ကြမည်ဟု သိရသည်။ အဆိုပါပြိုင်ပွဲတွင် ပထမဆု ငွေကျပ် သိန်း ၂၀၊ ဒုတိယဆု ငွေကျပ် ၁၅ သိန်းနှင့် တတိယဆု ငွေကျပ် ၁၀ သိန်းကို အသီးသီး ချီးမြှင့်မည်ဟု သိရသည်။

‘ထာဝရဖဲကြိုးဖြူ’ သံချပ်ပြိုင်ပွဲကို ဒီဇင်ဘာ ၁ ရက်နှင့် ၂ ရက်တို့က မန္တလေးမြို့၌ ကျင်းပခဲ့ပြီးဖြစ်သည်။

ရှုကျီက ကျန်းမာရေး အခြေအနေကြောင့် အနုပညာအလုပ်များကို ခေတ္တရပ်နား

ထိုင်ဝမ် မော်ဒယ်၊ သရုပ်ဆောင် ရှုကျီက ကျန်းမာရေး အခြေအနေကြောင့် အနုပညာအလုပ်များကို ခေတ္တရပ်နားမည်ဟု လူမှုမီဒီယာတွင် ရေးသားခဲ့သည်။

မိမိ၏ မျက်နှာသည် ဓာတ်မတည့်၍ ရောင်ရမ်းခြင်း ဖြစ်ပွားနေသည့်အတွက် အနားယူရန် ဆရာဝန်က ညွှန်ကြားခဲ့သည်ဟု အသက် ၄၁ နှစ်အရွယ်ရှိ ရှုကျီက လူမှုမီဒီယာတွင် ရေးသားခဲ့သည်။

ဒီဇင်ဘာ ၅ ရက် ညပိုင်း၌ Instagram တွင် နှုတ်ဆက်မက်ဆေ့ခ်ျ တစ်ခုတင်ပြီးနောက် ရှုကျီတွင် ကိုယ်ဝန်ရှိနေသည်ဆိုသော ကောလာဟလများ ထွက်ရှိခဲ့သည်။ ရှုကျီက အနုပညာလောကမှ လုံးဝအနားယူခြင်းမဟုတ်ဟု NetEase သို့ ပြောကြားခဲ့သည်။

၂၀၁၉ ခုနှစ်တွင် ဖြန့်ချိမည့် Shanghai Fortress ဇာတ်ကား ရိုက်ကူးပြီးစီးချိန်၌ အနားယူရန် စီစဉ်ခဲ့ခြင်းဖြစ်သည်ဟု ရှုကျီက ဆိုသည်။

“ညတွင်းချင်း ကောလာဟလတွေ ဘယ်လိုများထွက်ခဲ့ပါလိမ့်။ ကျွန်မရဲ့ကျန်းမာရေးကို ဂရုစိုက်ဖို့ အနားယူတာပါ။ ဆရာဝန်က ကျွန်မကို ဇာတ်ကားဆက်မရိုက်ဖို့ ညွှန်ကြားခဲ့တယ်။ အချိန်အကြာကြီးနားမှာလည်း မဟုတ်ပါဘူး” ဟု ရှုကျီက Apple Daily ၏ မေးခွန်းများကို ဖြေကြားခဲ့သည်။

ရှုကျီသည် ဟောင်ကောင်သရုပ်ဆောင်၊ ဒါရိုက်တာ စတီဖင်ဖန်နှင့် ၂၀၁၆ ခုနှစ်တွင် လက်ထပ်ခဲ့သည်။ ၎င်းတို့နှစ်ဦးသည် ၁၉၉၇ ခုနှစ်တွင် Bishonen ဇာတ်ကားရိုက်ကွင်း၌ တွေ့ဆုံခဲ့ခြင်းဖြစ်သည်။

ရွှေမြင်းဆုရှင် ရှုကျီသည် So Close၊ If You Are The One၊ Tai Chi Zero၊ Journey To The West၊ The Assassin နှင့် The Adventurers ဇာတ်ကားတို့ဖြင့် အောင်မြင်ခဲ့ပြီး တရုတ်တွင် ၀င်ငွေအများဆုံးရ အမျိုးသမီး သရုပ်ဆောင်တစ်ဦး ဖြစ်လာခဲ့သည်။

သရုပ်ဆောင်တစ်ဦးအဖြစ် မြင်တွေ့ခွင့်ရတော့မယ့် အလှမယ် မေဘရဏီသော်၏ ငယ်ဘ၀ဖြတ်သန်းရာ

လှပခြင်းဆိုတာ မိန်းကလေးတို့ပိုင်ဆိုင်တဲ့ တင့်တယ်တဲ့ ဂုဏ်ကျက်သရေတစ်ခုပါ။ ဒီလိုလှပတင့်တယ်မှု၊ ပင်ကိုဥာဏ်ထက်မြက်မှု၊ ပေါင်းသင်းဆက်ဆံရေး ကောင်းမွန်မှု၊ ပွင့်လင်းပျူငှာမှု၊ စိတ်ဓာတ်ကြံ့ခိုင်မှုစတဲ့ အရည်အချင်းတွေကို ဖော်ထုတ်စစ်ဆေးတဲ့ အလှမယ် ရွေးချယ်ပွဲတွေကို ကမ္ဘာ့နေရာ အနှံ့အပြားမှာ ခေတ်အဆက်ဆက် ကျင်းပခဲ့ကြပါတယ်။ ဒီလိုကမ္ဘာ့ထိပ်တန်း အလှမယ်ပြိုင်ပွဲပေါင်းများစွာအနက်က ထိပ်တန်းအလှမယ်ပြိုင်ပွဲတစ်ခုဖြစ်တဲ့ Miss Universe အလှမယ်ပြိုင်ပွဲကို မြန်မာကိုယ်စားပြုအလှမယ်တွေက ၂၀၁၃ ခုနှစ်ကစတင်ပြီး ပါဝင်ယှဉ်ပြိုင်နိုင်ခဲ့ပါတယ်။ ဒီတစ်ပတ်မှာတော့ Miss Universe ပြိုင်ပွဲကို တတိယမြောက် ကိုယ်စားပြုအလှမယ်အဖြစ် ပါဝင်ယှဉ်ပြိုင်ခဲ့သလို အကြိုကျင်းပခဲ့တဲ့ပြိုင်ပွဲရဲ့ စင်မြင့်ထက်မှာ ခြေချော်လဲခဲ့ပေမယ့် ချက်ချင်းပြန်လည်ရပ်လို့ ယုံကြည်ချက်အတိုင်း ဆက်လက် ယှဉ်ပြိုင်နိုင်သူ တစ်ယောက်အနေနဲ့ ကမ္ဘာတစ်ဝန်းက ပြိုင်ပွဲဝင်တွေနဲ့ အားပေးသူတွေကြားမှာ ချီးမွမ်းစကားတွေ ရရှိခဲ့သူဖြစ်တဲ့ အလှမယ် မေဘရဏီသော်ရဲ့ ငယ်စဉ်ဘ၀ အမှတ်တရတွေကို တင်ဆက်ပေးချင်ပါတယ်။

သရုပ်ဆောင်အလှမယ် မေဘရဏီသော်ကို အောက်တိုဘာ ၁၉ ရက် ၁၉၉၀ ပြည့်နှစ်မှာ မိဘများဖြစ်ကြတဲ့ ဦးလှမြင့်နဲ့ ဒေါ်ဝင်းဝင်းကျင်တို့က မွေးဖွားခဲ့ကြပါတယ်။ ရန်ကုန်ဇာတိဖြစ်တဲ့ မေဘရဏီသော်မှာ မွေးချင်းအစ်ကိုတစ်ယောက်ရှိပြီး အသက်များစွာ ကွာခြားတာကြောင့် ငယ်စဉ်ဘ၀မှာ အလိုလိုက် ဂရုစိုက်ခံခဲ့ရသူ ကလေးတစ်ယောက်ဖြစ်ခဲ့တယ်လို့ ဆိုပါတယ်။ ငယ်စဉ်ကလေး ဘ၀မှာ ချူချာတာကြောင့် အရမ်းကြီးဆော့ကစားတာမျိုး သိပ်မရှိဘဲ အနေအေးခဲ့တယ်လို့လည်း မေဘရဏီသော်က ဆိုပါတယ်။ ကျောင်းပညာရေး အနေနဲ့ကတော့ မူလတန်းမှာ အ.မ.က (၃) မြောက်ဥက္ကလာမှာ တက်ရောက်ခဲ့ပြီး အလယ်တန်းနဲ့ အထက်တန်းကိုတော့ အ.ထ.က(၂)ဗဟန်းကျောင်းမှာ တက်ရောက်ခဲ့တယ်လို့ ဆိုပါတယ်။ ကျောင်းပညာရေးမှာ ပုံမှန်အနေအထားပဲရှိပြီး ထူးချွန်သူ တစ်ယောက်တော့ မဟုတ်ခဲ့ဘူးလို့ ဆိုပါတယ်။ ဒါ့အပြင် အနေအေးလို့ သူငယ်ချင်းလည်း နည်းပါးသူတစ်ယောက်လို့ ပြောပြခဲ့ပါတယ်။

ငယ်စဉ်ကလေးဘ၀တည်းက အနုပညာဝါသနာအနေနဲ့ ဖက်ရှင်မဂ္ဂဇင်းတွေ ဖတ်ရတာ စိတ်ပါဝင်စားပြီး မော်ဒယ်လ်ရှိုးတွေကိုလည်း ကြည့်ရတာပျော်ရွှင်တယ်လို့ ဆိုပါတယ်။ ကျောင်းတက်စဉ်အချိန်မှာ အနုပညာလှုပ်ရှားမှုတွေလုပ်ဖို့ မိဘက ခွင့်မပြုတာကြောင့် ပါဝင်ခွင့်မရရှိခဲ့ဘူးလို့ ဖွင့်ဟခဲ့ပါတယ်။ အမှတ်တရအနေနဲ့ ခြောက်တန်းနှစ်မှာ ကျောင်းကပွဲတစ်ခုမှာ အမေမသိအောင် ခိုးကခဲ့ဖူးတယ်လို့ ရယ်ရယ်မောမောနဲ့ ဆိုခဲ့ပါသေးတယ်။

တက္ကသိုလ်ဝင်တန်း အောင်မြင်ပြီးချိန်မှာတော့ ကျောင်းပညာရေးကိုသာ ဆက်လက်သင်ကြားနေခဲ့ပြီး တစ်ဖက်ကလည်း ပြင်ပပညာရေးအနေနဲ့ LCCI Level (3) အောင်မြင်တဲ့အထိ တက်ရောက်ဖြစ်ခဲ့တယ်လို့ ဆိုပါတယ်။ အနုပညာအလုပ်တွေကို ၀ါသနာအရ စမ်းလုပ်ကြည့်ချင်ပေမဲ့ လူကြောက်တတ်တဲ့စိတ်၊ ကိုယ့်ကိုယ်ကိုယ်ယုံကြည်မှု အားနည်းတဲ့စိတ်တွေကြောင့် ကုမ္ပဏီတစ်ခုမှာ အလုပ်ဝင်လုပ်ဖြစ်ခဲ့တယ်လို့ ပြောပြခဲ့ပါတယ်။

“မေက အနုပညာကို ၀ါသနာပါတယ်။ ဒါပေမဲ့ လူအရမ်းကြောက်တတ်သလို ကိုယ့်ကိုယ်ကိုယ်လည်း ယုံကြည်မှုမရှိဘူး။ ဒါကြောင့်ဖြစ်မှာ မဟုတ်ပါဘူးလေဆိုပြီးပဲ အမြဲတွေးဖြစ်တယ်။ အဲဒါနဲ့ပဲ ကုမ္ပဏီတစ်ခုမှာ ၀င်လုပ်ဖြစ်ခဲ့သေးတယ်။ ဒါပေမယ့် ၂၀၁၃ ကို ရောက်တဲ့အခါမှာတော့ ကိုယ်ဝါသနာပါရာ လုပ်ကြည့်မယ်ဆိုတဲ့ စိတ်နဲ့စပြီး လုပ်ဖြစ်သွားတာ” လို့ မေဘရဏီသော်က အနုပညာခရီးလမ်းအစကို ရှင်းပြခဲ့ပါတယ်။ မေဘရဏီသော်က ပထမဆုံး အနုပညာခြေလှမ်း အနေနဲ့ Star Int’l Models Agency မှာ မော်ဒယ်လ်သင်တန်းတက်ခဲ့ပြီး Miss People ပြိုင်ပွဲကို ပထမဆုံး ၀င်ပြိုင်ဖြစ်ခဲ့ရာမှာတော့ 1 st Runner Up ဆုကို ရရှိခဲ့ပါတယ်။ ဒီနောက်မှာတော့ ၂၀၁၄ မှာကျင်းပတဲ့ Miss Myanmar International ပြိုင်ပွဲကို ၀င်ရောက်ယှဉ်ပြိုင်ခဲ့ပြီး 1 st Runner Up ဆုကို ထပ်မံရရှိခဲ့ပါတယ်။ မေဘရဏီသော်ရဲ့ ကံကြမ္မာ အချိုးအကွေ့တစ်ခု အနေနဲ့ Miss Myanmar International Winner ဆုရှင် ခင်ဝေဖြိုးဟန်က ပြိုင်ပွဲဝင်ဖို့ အသက်မမီတာကြောင့် 1 st Runner Up ဆုရှင်ဖြစ်တဲ့ မေဘရဏီသော်က ကိုယ်စားသွားရောက် ယှဉ်ပြိုင်ခွင့်ကို ရရှိခဲ့ပါတယ်။

အားပေးမှုဝေဖန်မှု များစွာကြားကပဲ Miss International ပြိုင်ပွဲကိုသွားရောက် ယှဉ်ပြိုင်ခဲ့ရာမှာတော့ နိုင်ငံတကာပြိုင်ပွဲ အတွေ့အကြုံကောင်းများစွာကို ရရှိစေခဲ့ပါတယ်။ ဒီနောက်မှာတော့ Miss Universe 2015 အတွက် လျှောက်လွှာတွေ ခေါ်ယူချိန်မှာတော့ ကမ္ဘာ့ထိပ်တန်းအလှမယ်ပြိုင်ပွဲကို ပါဝင်ယှဉ်ပြိုင်ချင်တဲ့စိတ်တွေက ယှဉ်ပြိုင်ဖို့အတွက် တိုက်တွန်းနှိုးဆော်နေခဲ့ပါတယ်။ မိဘဆွေမျိုးများနဲ့ မိတ်ဆွေအသိုင်းအ၀န်းများ တားမြစ်နေတဲ့ကြားကပဲ မေဘရဏီသော်က Miss Universe Myanmar 2015 ပြိုင်ပွဲကို ပါဝင်ယှဉ်ပြိုင်ခဲ့ရာမှာတော့ Miss Universe Myanmar 2015 Winner အဖြစ် ရွေးချယ်ခံခဲ့ရပါတယ်။ နိုင်ငံတကာပြိုင်ပွဲ အတွေ့အကြုံရှိခဲ့ပြီးသား အလှမယ်တစ်ယောက်က ထပ်မံရွေးချယ်ခံခဲ့ရတာဖြစ်တဲ့အတွက် ဝေဖန်မှုများစွာ ကြုံတွေ့ရင်ဆိုင်ခဲ့ရပါတယ်။ ဒီလိုအရာတွေနဲ့ ပတ်သက်လို့တော့ အလှမယ်မေဘရဏီသော်က “Miss Universe Myanmar ကို မပြိုင်ခင်တုန်းကလည်း မိဘတွေရော မိတ်ဆွေတွေအားလုံးကပါ ၀ိုင်းပြီးတားကြတယ်။ တကယ်လို့များ မရွေးခံရရင် ဘယ်လိုလုပ်မလဲပေါ့။ အဲဒီလို တားမြစ်တဲ့ကြားထဲကပဲ ၀င်ပြိုင်ဖြစ်ခဲ့တာ။ တကယ်တမ်း ရွေးခံရတော့လည်း ဝေဖန်မှုတွေ အများကြီးခံရတယ်။ ဒါပေမဲ့ အဲဒီဝေဖန်မှုတွေကြောင့် စိတ်ညစ်တာတွေ၊ အားငယ်တာတွေအစား ဘာလုပ်လို့ရမလဲ စဉ်းစားတယ်။ ဝေဖန်မှုအားလုံးကို ဖတ်ကြည့်တယ်။ ဘယ်အပိုင်းကို ပြုပြင်လို့ရမလဲဆိုတာ တွေးတယ်။ ပြိုင်ပွဲနဲ့ ပတ်သက်လို့လည်း အကောင်းဆုံးပြင်ဆင်တယ်။ မေယုံကြည်ထားတာက မြန်မာကိုယ်စားပြုတစ်ယောက် အနေနဲ့ တတ်စွမ်းသလောက်ကြိုးစားဖို့ လိုတယ်။ အဲဒီစိတ်နဲ့ပဲ ဝေဖန်မှုတွေအားလုံးကို ကြံ့ကြံ့ခံခဲ့ပါတယ်” လို့ ဆိုပါတယ်။

မေဘရဏီသော်က မြန်မာကိုယ်စားပြု အလှမယ်တစ်ယောက်အနေနဲ့ Miss Universe ပြိုင်ပွဲကို သွားရောက်ယှဉ်ပြိုင်ခဲ့ရာမှာ အစွမ်းကုန် ကြိုးစားယှဉ်ပြိုင်ခဲ့ပါတယ်။ ပြိုင်ပွဲအကြိုကျင်းပတဲ့ စင်မြင့်ထက်မှာ ခြေချော်ခဲ့ပေမယ့် ဟန်မပျက်ဘဲ ချက်ချင်းပြန်ထပြီး ယုံကြည်ချက်ရှိရှိ ဆက်လက်လျှောက်လှမ်းသွားဟန်က ကမ္ဘာ့အလှမယ်များအလယ်မှာ အံ့အားသင့် ချီးကျူးစရာတစ်ခု ဖြစ်စေပါတယ်။

မေဘရဏီသော်ရဲ့ ပြိုင်ပွဲအမှတ်တရ နောက်တစ်ခုကတော့ Miss Universe 2015 ဆုရှင်ဖိလစ်ပိုင်အလှမယ်နဲ့ အခန်းဖော်ဖြစ်ခွင့်ရခဲ့ခြင်း အတွေ့အကြုံကိုတော့ “ဖိလစ်ပိုင်အလှမယ်နဲ့ အခန်းဖော်ဖြစ်ခွင့်ရတာ အရမ်းလည်း အမှတ်တရဖြစ်ပါတယ်။ သူက ပွင့်လင်းဖော်ရွေတယ်။ ကိုယ့်ကိုယ်ကိုယ် ယုံကြည်မှုလည်း အရမ်းရှိတယ်။ စိတ်ဓာတ်ခွန်အားလည်း တော်တော်လေးပြည့်ဝပါတယ်။ ပွဲနောက်ဆုံးနေ့ အတွေ့အကြုံဆိုရင်လည်း အားလုံးက အံ့သြတကြီးဖြစ်ရတာမျိုးလေ။ ဘယ်လိုပဲဖြစ်ဖြစ် တန်ဖိုးမဖြတ်နိုင်တဲ့ အတွေ့အကြုံတွေလို့ ဆိုရမှာပါ” လို့ ပြောပြခဲ့ပါတယ်။

လက်ရှိမှာတော့ မေဘရဏီသော်ရဲ့ ခြေလှမ်းအသစ်တစ်ခုဖြစ်တဲ့ သရုပ်ဆောင် စွမ်းရည်ကို “ပန်းနှစ်ပွင့်စီးချင်း” လို့ နာမည်ပေးထားတဲ့ ရုပ်သံဇာတ်လမ်းတွဲမှာ သရုပ်ဆောင်ပိုင်ဖြိုးသုနဲ့ အပြိုင်သရုပ်ဆောင်မှုကို မြင်တွေ့ရမှာပဲ ဖြစ်ပါတယ်။ ဥပဒေရဲ့ အဆုံးအဖြတ်၊ အမှန်တရားအတွက် ဖော်ထုတ်မှု စတာတွေကို ရဲဝံ့စွာဆောင်ရွက်မယ့် ရှေ့နေမလေးတစ်ဦး အသွင်သရုပ်ဆောင်ထားတာပါ။ မေဘရဏီသော်က သရုပ်ဆောင်တစ်ဦး အနေနဲ့ ခြေလှမ်းများစွာ ဆက်လက်လျှောက်လှမ်းသွားဦးမှာ ဖြစ်ပါတယ်။

အမ်မီနမ်၏ အယ်လ်ဘမ်သစ် ဒီဇင်ဘာ ၁၅ ရက်တွင် ဖြန့်ချိမည်

ပရိသတ်များ ကာလကြာစောင့်မျှော်နေသည့် အယ်လ်ဘမ်ကို ဒီဇင်ဘာ ၁၅ ရက်တွင် ဖြန့်ချိမည်ဟု ရက်ပ်စူပါစတား အမ်မီနမ်က ဒီဇင်ဘာ ၅ ရက်တွင် လူမှုမီဒီယာ၌ ထုတ်ပြန်ခဲ့သည်။

တစ်သက်တာ ရောင်းအားအကောင်းဆုံး ရက်ပ်အဆိုတော်တစ်ဦးဖြစ်သည့် အမ်မီနမ်က ၎င်း၏ န၀မမြောက်နှင့် လေးနှစ်အတွင်း ပထမဆုံးဖြန့်ချိမည့် Revival အယ်လ်ဘမ်၏ အသေးစိတ် အကြောင်းအရာများကိုလည်း ထုတ်ဖော်ပြောကြားခဲ့သည်။

အမ်မီနမ်သည် ယင်းအယ်လ်ဘမ်တွင် ပါဝင်မည့် ဘီယွန်းစေးနှင့် တွဲဖက်သီဆိုထားသည့် Walk on Water သီချင်းကို ပြီးခဲ့သည့်လက ဖြန့်ချိခဲ့သည်။

သီချင်း ၁၉ ပုဒ် ပါဝင်မည့် Revival အယ်လ်ဘမ်တွင် ပေါ့ပ်ဂီတမှ နာမည်ကြီး အဆိုတော်များဖြစ်သည့် ဘီယွန်းစေး၊ စကိုင်လာဂရေး၊ ကီလာနီ၊ အလီရှာကီး၊ ပင့်ခ်၊ အက်ဒ်ရှီးရန်အပြင် နယူးယောက်ရော့ခ်အဖွဲ့ X Ambassadors နှင့် ရက်ပ်အဆိုတော် Phresher လည်း ပါဝင်သီဆိုထားသည်။

ဂရေးသည် Tragic Endings သီချင်းတွင် ပါဝင်သီဆိုထားသည်။ တေးရေးအဖြစ် လူသိနည်းသည့် ဂရေးသည် အမ်မီနမ်နှင့် ရီဟားနားတို့၏ ၂၀၁၀ ပြည့်နှစ်က အောင်မြင်ခဲ့သည့် Love the Way You Lie သီချင်းကိုရေးစပ်သည့် တေးရေးတစ်ဦးဖြစ်သည်။ ၎င်းသည် Dr.Dre\I Need a Doctor သီချင်းတွင် အမ်မီနမ်နှင့်အတူ ပါဝင်သီဆိုထားသည်။

အသက် ၄၅ နှစ်အရွယ်ရှိ အမ်မီနမ်သည် ပြီးခဲ့သည့်နှစ်အနည်းငယ်အတွင်း သီချင်းသစ်မထွက်ဘဲ ငြိမ်သက်နေခဲ့သော်လည်း ဒေါ်နယ်ထရန့်သမ္မတ ဖြစ်လာခဲ့ပြီးနောက် ၎င်းကို ဒေါသတကြီးရှုတ်ချသည့် ရက်ပ်သီချင်းနှစ်ပုဒ်ဖြင့် တစ်ကျော့ပြန် လှုပ်ရှားခဲ့သည်။ မကြာသေးမီက ကျင်းပခဲ့သည့် Black Entertainment Television Hip-Hop ဆုပေးပွဲတွင် အမ်မီနမ်က ထရန့်နှင့်အစိုးရအဖွဲ့ကို ဝေဖန်ထားသည့် The Storm အမည်ရ Freestyle ရက်ပ်သီချင်းဖြင့် ဖျော်ဖြေခဲ့သည်။

အမ်မီနမ်သည် ပင့်ခ်၏ Beautiful Trauma တွင် ပါဝင်မည့် Revenge သီချင်းတွင်လည်း ပါဝင်သီဆိုထားသည်။ အမ်မီနမ်သည် ၎င်း၏အနုပညာသက်တမ်းတစ်လျှောက် အယ်လ်ဘမ်ချပ်ရေ စုစုပေါင်း ၁၇၂ သန်း ရောင်းချနိုင်ခဲ့ပြီး ရောင်းအားအကောင်းဆုံး ရက်ပ်အဆိုတော်စာရင်းတွင် ပါဝင်ခဲ့သည်။ ၎င်းသည် ၂၀၀၂ ခုနှစ်တွင် 8 Mile ဇာတ်ကား၌ ပါဝင်သရုပ်ဆောင်ခဲ့ပြီး ယင်းဇာတ်ကားတွင် ပါဝင်သည့် Lose Yourself သီချင်းဖြင့် အော်စကာဆုပေးပွဲတွင် အကောင်းဆုံး Original Song ဆုရရှိခဲ့သည့် ပထမဆုံး ရက်ပ်အဆိုတော် ဖြစ်လာခဲ့သည်။

၂၀၁၇ ခုနှစ်အတွက် မြန်မာ့ရုပ်ရှင် ထူးချွန်ဆုပေးပွဲကို မတ်လဒုတိယပတ်ခန့်၌ ကျင်းပရန်လျာထားပြီး သတ်မှတ်ထားသည့် ဆုအရေအတွက် ၁၁ ဆုလုံး ချီးမြှင့်မည်

၂၀၁၆ ခုနှစ်အတွက် ပေးအပ်ခဲ့သည့် မြန်မာ့ရုပ်ရှင် ထူးချွန်ဆုပေးပွဲအား တွေ့ရစဉ်

၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲကို မတ်လဒုတိယပတ်၌ ကျင်းပရန် လျာထားပြီး သတ်မှတ်ထားသည့်ဆု အရေအတွက် ၁၁ ဆုလုံး ပေးအပ်မည်ဖြစ်ကြောင်း သိရသည်။ အကယ်ဒမီ ထူးချွန်ဆုပေးအပ်ချီးမြှင့်နိုင်ရန် အကယ်ဒမီထူးချွန်ဆု စိစစ်အကဲဖြတ်အဖွဲ့အား ဒီဇင်ဘာအတွင်း ဖွဲ့စည်းရန် စီစဉ်ထားကြောင်း သိရသည်။ အကယ်ဒမီ စိစစ်အကဲဖြတ်အဖွဲ့ဝင်များအနေဖြင့် ယခင် သတ်မှတ်ထားပြီးဖြစ်သည့် စိစစ် အကဲဖြတ်စည်းမျဉ်းများဖြင့်သာ အကယ်ဒမီဆုများအား စိစစ်ရွေးချယ်မည်ဖြစ်သော် လည်း သတ်မှတ်ထားသည့် ဆုအရေအတွက်  ၁၁ ဆုလုံးအား ရွေးချယ်ပေးရန် မြန်မာနိုင်ငံ ရုပ်ရှင်အစည်းအရုံးအနေဖြင့် အတိအလင်း သတ်မှတ်သွားမည်ဖြစ်ကြောင်း သိရသည်။

“အကယ်ဒမီထူးချွန်ဆုတွေကို စိစစ် အကဲဖြတ်ဖို့အတွက် ဒီဇင်ဘာလအတွင်းမှာပဲ စိစစ်အကဲဖြတ်အဖွဲ့ကို ဖွဲ့စည်းသွားပါမယ်။ အဖွဲ့ဝင်တွေအနေနဲ့ ယခင်သတ်မှတ်ထားပြီးသား စည်းမျဉ်းစည်းကမ်းများနဲ့သာ အကယ်ဒမီဆုတွေကို စိစစ်ရွေးချယ်မှာဖြစ်ပေမဲ့ သတ်မှတ်ထားတဲ့ဆုအမျိုးအစား ၁၁ ခုလုံးကို စိစစ်ရွေးချယ်ပေးဖို့ အတိအလင်းပြောကြားသွားမှာပါ။ အကယ်ဒမီဆိုတာ တစ်နှစ်တာလုံးအတွက် အကောင်းဆုံးဆုတွေကို ရွေးချယ်ပေးအပ်တာဖြစ်လို့ ရုံတင်ပြသခဲ့တဲ့ ဇာတ်ကားတွေထဲက သတ်မှတ်ဆုအမျိုးအ စားအလိုက် အကောင်းဆုံးသူတွေကို ရွေးချယ်ပေးအပ်မှာဖြစ်ပါတယ်။ ယခင်နှစ်များကလို ဘယ်ဆုကတော့ ချန်ခဲ့တယ်၊ ဘယ်ဆုကတော့ ကျန်ခဲ့တယ်ဆိုတာမျိုး မရှိဘဲ ဆုအမျိုးအစားအားလုံးကို ရွေးချယ်ပေးအပ်မှာ ဖြစ်ပါတယ်။ အကယ်ဒမီပွဲကိုတော့ မတ်လ ဒုတိယပတ်မှာ ကျင်းပဖို့ ရည်ရွယ်ထားပါတယ်”ဟု မြန်မာနိုင်ငံရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ဆိုသည်။

အကယ်ဒမီထူးချွန်ဆုစိစစ်အကဲဖြတ် ခြင်းနှင့်ပတ်သက်၍ ဒါရိုက်တာမောင်မျိုးမင်း (ရင်တွင်းဖြစ်) ကလည်း “အကယ်ဒမီနဲ့ပတ်သက်လို့ကတော့ စိစစ်အကဲဖြတ်အဖွဲ့က တော်တော်အရေးကြီးပါတယ်။ ၀ါရင့်အနုပညာရှင်တွေနဲ့ ဖွဲ့စည်းတယ်ဆိုပေမဲ့ လက်ရှိ အနုပညာဖန်တီးမှုပုံစံတွေကို မသိတာမျိုး၊ အံဝင်ခွင်ကျ မဖြစ်တော့တာမျိုးလည်း ရှိနိုင်တယ်။ ဦးမျိုးတို့လည်း တစ်နေ့ အသက်ကြီးရင် ဒါမျိုးဖြစ်မှာပါပဲ။ ဒါတွေက ထည့်စဉ်းစားရမယ့်အချက်ပါ။ တစ်နှစ်တာလုံးရဲ့အကောင်းဆုံးဆုကို ပေးတာဖြစ်တဲ့အတွက် ဆု အမျိုးအစားအားလုံးကိုလည်း မဖြစ်မနေပေးသင့်တယ်။ ဒါတွေက ပြုပြင်သွားရမယ့် အချက်တွေပါ”ဟု သုံးသပ်ခဲ့သည်။

မြန်မာ့ရုပ်ရှင်ထူးချွန်ဆု အကယ်ဒမီအတွက် စိစစ်အကဲဖြတ်အဖွဲ့ ဖွဲ့စည်းနိုင်ရန် ရုပ်ရှင်အနုပညာရှင် အတတ်ပညာရှင်များအား ရွေးချယ်လျက်ရှိပြီး ယခုနှစ်တွင် ရုံတင် ပြသခဲ့သည့် ဇာတ်ကားအရေအတွက်မှာ ယခင်နှစ်များကထက် နှစ်ဆနီးပါး ပိုမိုများ  ပြားလာသဖြင့် အချိန်ယူစိစစ်ရွေးချယ်ရမည် ဖြစ်ကြောင်း သိရသည်။ အကယ်ဒမီထူးချွန်ဆုများအား ၂၀၁၃ ခုနှစ်မှစတင်ကာ မြန်မာ နိုင်ငံရုပ်ရှင်အစည်းအရုံးက တာဝန်ယူပေးအပ်ခဲ့ရာ၌ နှစ်စဉ်တိုင်းတွင် ဆုများရွေးချယ် ပေးအပ်မှုအပေါ် ဝေဖန်မှုအချို့ ထွက်ပေါ် ခဲ့ပြီး ယခုနှစ်တွင်မူ ရုပ်ရှင်အစည်းအရုံးအမှု ဆောင်သစ်အဖွဲ့၏ ပထမဆုံးအကယ်ဒမီ ပေးပွဲအဖြစ် ကျင်းပနိုင်ရန် စတင်ပြင်ဆင်နေခြင်းဖြစ်သည်။