Royal Club Music Tour အဖြစ် ရန်ကုန်မြို့တွင် ပထမဆုံးပြုလုပ်သည့် Iron Cross အဖွဲ့၏ ဖျော်ဖြေပွဲသို့ ပရိသတ်ထောင်ချီ လာရောက်ကြည့်ရှုအားပေး

ဓါတ်ပုံ – နေ၀န်းထက်

မြန်မာနိုင်ငံ၏ နာမည်အကျော်ကြားဆုံ ရော့ခ်တီးဝိုင်းအဖွဲ့ Iron Cross ၏ ဖျော်ဖြေပွဲကို ရန်ကုန်မြို့၊ Myanmar Event Park ၌ ဇွန် ၁၆ ရက်ညပိုင်းတွင် ပြုလုပ်ခဲ့ပြီး လာရောက်ကြည့်ရှုသူ ပရိသတ်ထောင်ချီ ရှိခဲ့သည်။ အဆိုပါဖျော်ဖြေပွဲသည် Royal Club Music Tour အဖြစ် ရန်ကုန်မြို့တွင် ပထမဆုံးပြုလုပ်သည့် Iron Cross အဖွဲ့၏ ဖျော်ဖြေပွဲလည်း ဖြစ်ကြောင်း သိရသည်။

ဇွန် ၁၆ရက် ညနေ ၆နာရီဝန်းကျင်ခန့်ကပင် Iron Cross အဖွဲ့၏ ရော့ခ်ဂီတသံစဉ်များနှင့် စီးမျောရန် ရောက်ရှိနေသည့် ပရိသတ်များစွာတို့က Myanmar Event Park အနီးတစ်ဝိုက်တွင် Iron Cross အဖွဲ့ အမှတ်တံဆိပ်ပါရှိသည့် တီရှပ်များကို ၀တ်ဆင်ပြီး ဖျော်ဖြေပွဲကြည့်ရှုရန် ရောက်ရှိနေကြသည်။

ည ၇နာရီခန့်တွင် ထောင်နှင့်ချီသည့် ပရိသတ်များက စည်းကမ်းတကျဖြင့် ဖျော်ဖြေပွဲပြုလုပ်ရာ စင်မြင့်ရှေ့တွင် ရောက်ရှိနေခဲ့ပြီး Iron Cross အဖွဲ့၏ ဖျော်ဖြေမှုကို အားပေးရန်အတွက် အဆင်သင့်ဖြစ်နေခဲ့ပြီ ဖြစ်သည်။

ည ၇ နာရီကျော်တွင် Iron Cross အဖွဲ့၏ အသက်ငယ်ဆုံးသော ပင်တိုင်တေးသံရှင်ဖြစ်ပြီး အားကောင်းလှသည့် အသံပါဝါဖြင့် ပရိသတ်များကို နှစ်ပေါင်းများစွာ ဖမ်းစားနိုင်ခဲ့သည့် တေးသံရှင်မျိုးကြီးက IC အဖွဲ့အတွက် စတင်ဖျော်ဖြေခဲ့ပြီး ပရိသတ်များထံမှ တေးသံရှင်မျိုးကြီး၏ အမည်ကို သံပြိုင်ဟစ်အော်အားပေးခဲ့သည်။ ယင်းနောက်တွင် Iron Cross အဖွဲ့၏ ဖျော်ဖြေပွဲများတွင် ဖျော်ဖြေနေကြ ပုံစံများအတိုင်း လေးဖြူ၊ အငဲ၊ မျိုးကြီး၊ ၀ိုင်ဝိုင်း ပင်တိုင်တေးသံရှင် လေးဦး၏ အလှည့်ကျ တစ်ဦးချင်း ဖျော်ဖြေမှုများ၊ ချစ်စမ်းမောင်၊ ခရမ်း၊ ဗညားတို့၏ လက်စွမ်းပြ တီးခတ်ဖျော်ဖြေမှုများဖြင့် ပရိသတ်များ၏ လက်ခုပ်သံကို သိမ်းကြုံးရယူနိုင်ခဲ့သည်။

ထိုသို့ ဖျော်ဖြေမှုများဖြင့် Iron Cross အဖွဲ့၏ ဖျော်ဖြေမှု ဇာတ်ရှိန် တဖြည်းဖြည်းမြင့်တက်လာခဲ့ပြီး IC အဖွဲ့၏ အဓိက အခရာ တေးသံရှင်အဖြစ် ဆိုနိုင်သည့် လေးဖြူနှင့် အငဲတို့၏ နှစ်ယောက်တွဲ ဖျော်ဖြေမှုများ ပြုလုပ်စဉ်တွင် ဖျော်ဖြေပွဲ၏ ဇာတ်ရှိန်သည် အမြင့်ဆုံး အနေအထားသို့ ရောက်ရှိနေခဲ့ပြီး ထောင်နှင့်ချီသည့် ပရိသတ်များ၏ သံပြိုင်သီဆို အားပေးမှုများက Iron Cross အဖွဲ့၏ ဖျော်ဖြေမှု နှင့်အတူ ရော့ခ်ဂီတ ဖျော်ဖြေပွဲတစ်ပွဲ၏ ပုံရိပ်ကို အကောင်းဆုံး ပုံဖော်ပေးနေသကဲ့သို့ ဖြစ်ခဲ့သည်ကို တွေ့ရသည်။

Iron Cross Live In Yangon ဖျော်ဖြေပွဲသည် Iron Cross အဖွဲ့မှ အဖွဲ့သားများ၏ အားပါးတရဖျော်ဖြေမှုများ၊ ပရိသတ်များ၏ တခဲနက်ဖျော်ဖြေမှုများနှင့်အတူ ည ၁၀နာရီကျော်တွင် အဆုံးသတ်ခဲ့သည်။ ယခုဖျော်ဖြေပွဲသည် ခြောက်လခန့် Iron Cross အဖွဲ့၏ ဖျော်ဖြေပွဲနှင့် ဝေးကွာနေခဲ့သည့် ရန်ကုန်မြို့မှ ပရိသတ်များအတွက် စိတ်ကျေနပ်စရာ ဖျော်ဖြေပွဲတစ်ပွဲ ဖြစ်ခဲ့ကြောင်း သိရသည်။

Avengers : Infinity War ဇာတ်ကား ကမ္ဘာတစ်ဝန်း လက်မှတ်ရောင်းချမှုဝင်ငွေ ဒေါ်လာနှစ်ဘီလျံကျော်ရရှိ

စူပါဟီးရိုးဇာတ်ကား  Avengers: Infinity War သည်  ဖြန့်ချိပြီး သီတင်းခုနစ်ပတ်အကြာတွင် ကမ္ဘာတစ်ဝန်း လက်မှတ်ရောင်းချမှု ၀င်ငွေစုစုပေါင်း ဒေါ်လာနှစ်ဘီလျံကျော် ရရှိခဲ့သည်ဟု ဒစ္စနေက ဇွန် ၁၂ ရက်တွင် ထုတ်ပြန်ခဲ့သည်။

ဒါရိုက်တာ အန်တိုနီနှင့် ဂျိုးရက်ပ်ဆိုတို့ ရိုက်ကူးပြီး ရောဘတ်ဒေါင်းနင်းဂျူနီယာ၊ ခရစ်ဟမ်းစ်ဝါ့သ်၊ မက်ရက်ဖ်ဖလို၊ ခရစ်အီ ဗန်၊ စကားလက်ဂျိုဟန်ဆန်၊ ဘီနီဒက်ကမ်ဘာဘာ့ခ်ျ၊ ခရစ်ပရတ်၊ အလိဇဘတ်အော်ဆန်၊ ပေါလ်ဘတ်တနီ၊ ဇိုးဆယ်ဒါနာ၊ တွမ် ဟော်လန်၊ီ  Don Cheadle  နှင့် Anthony Mackie တို့ ပါဝင်သည့် ယင်းဇာတ်ကားသည် Avatar ၊ Titanic  နှင့် Star Wars: The Force Awakens ဇာတ်ကားတို့ပြီးလျှင် ၀င်ငွေ ဒေါ်လာ နှစ်ဘီလျံကျော် ရရှိခဲ့သည့် စတုတ္ထ မြောက်ဇာတ်ကား ဖြစ်လာခဲ့သည်။

ကမ္ဘာတစ်ဝန်း လက်မှတ်ရောင်းချမှုဝင်ငွေ အများဆုံး ဇာတ်ကားစာရင်းတွင် ၂၀၀၉ ခုနှစ်က ဖြန့်ချိခဲ့သည့်  Avatar ဇာတ်ကားက ဒေါ်လာ ၂ ဒသမ ၇၉ ဘီလျံဖြင့် နံပါတ် (၁) နေရာတွင် ရပ်တည်ခဲ့ပြီး ၁၉၉၇ ခုနှစ်ကဖြန့်ချိခဲ့သည့် Titanic  နှင့် ၂၀၁၅ ခုနှစ်က ဖြန့်ချိ ခဲ့သည့်ှStar Wars: The Force Awakens တို့က ဒေါ်လာ ၂ ဒသမ ၁၉ ဘီလျံနှင့် ဒေါ် လာ ၂ ဒသမ ၀၇ ဘီလျံတို့ဖြင့် ဒုတိယနှင့် တတိယနေရာတို့တွင် ရပ်တည်ခဲ့သည်။

ပွဲဦးထွက်ဖြန့်ချိမှုဝင်ငွေအများဆုံး ဇာတ်ကားအဖြစ်လည်း စံချိန်တင်ခဲ့သည့် Infinity War သည် အမေရိကန်နှင့် ကနေဒါ နိုင်ငံတို့တွင် ဒေါ်လာ ၆၅၆ ဒသမ  ၁ သန်း ဖြင့် ပဉ္စမမြောက် ၀င်ငွေအများဆုံး ဇာတ်ကားနှင့် တရုတ်နိုင်ငံတွင် ဒေါ်လာ ၃၆၉ ဒသမ ၇ သန်းဖြင့် တတိယမြောက် ၀င်ငွေ အများဆုံး ဇာတ်ကားအဖြစ် ရပ်တည်ခဲ့သည်။

တေးသံရှင်ပိုးမီနှင့်တွေ့ဆုံခြင်း

‘အသစ်တစ်ယောက်ရဲ့ဖန်တီးမှုကိုလက်ခံကြိုဆိုပေးတဲ့အတွက် ကျေးဇူးတင်ပါတယ်။ ဒီအခြေအနေမှာတင် ကျေနပ်နေမှာမဟုတ်ဘဲ ဆက်ပြီး အများကြီးကြိုးစားသွားမှာပါ’

 

Myanmar Idol Season 2 ပြိုင်ပွဲတွင် ရော့ခ်အသံ အားကောင်းကောင်းဖြင့် တေးသီချင်းများအား ခံစားမှုအပြည့်သီဆိုယှဉ်ပြိုင်တတ်သူ ပြိုင်ပွဲဝင်ပိုးမီအား ပရိသတ်များက အသိအမှတ်ပြုအားပေးခဲ့ကြသည်။ ပြိုင်ပွဲတွင် Top 3 Finalist ထိ ပါဝင်ခွင့်ရခဲ့သော်လည်း Winner ဆုနှင့် လွဲချော်ခဲ့ရသူ တေးသံ ရှင်ပိုးမီသည် ပြိုင်ပွဲကာလပြီးဆုံးချိန်တွင်လည်း ဂီတခရီးလမ်း၌ ဆက်လက်လျှောက်လှမ်းနေခဲ့ပြီး တစ်ကိုယ်တော် တေးစီးရီးတစ်ခွေအား ထွက်ရှိနိုင်ခဲ့ပါသည်။ ပြီးခဲ့သည့်ရက်ပိုင်းအတွင်းက Global Idol မှ ရွေးချယ်သည့် Idol Winners of 2017 အမည်စာရင်းများအား ထုတ်ပြန်ခဲ့ရာတွင် မြန်မာနိုင်ငံမှတေးသံရှင် ပိုးမီ၏ Top 3 Finalist တွင်ယှဉ်ပြိုင်ခဲ့သည့် “ယုံကြည်ရာ” တေးသီချင်းကိုရွေးချယ်ဖော်ပြခဲ့သဖြင့် ပိုးမီ၏ပရိသတ်များစွာက ၀မ်းမြောက်ဂုဏ်ယူခဲ့ကြသည်။ ကမ္ဘာ့အဆင့်သတ်မှတ်ချက်တစ်ခုအဖြစ် ရွေးချယ်ဖော်ပြခြင်းခံခဲ့ရသည့် တေးသီချင်းနှင့်ပတ်သက်၍ ပိုးမီ၏ခံစားချက်၊ အဆိုပါ တေးသီချင်းယှဉ်ပြိုင်ခဲ့စဉ်တွင် ဝေဖန်မှုများနှင့်ကြုံတွေ့ခဲ့ရချိန်၌ ထားရှိခဲ့သည့်စိတ်ဓာတ်ခွန်အား၊ ရှေ့ဆက်လျှောက်လှမ်းသွားမည့် အနုပညာခရီးလမ်းအပေါ် ရည်မှန်းထားသည်များကို မေးမြန်းဖြစ်ခဲ့ပါသည်။

 

မေး – ပရိသတ်တွေကလတ်တလောမှာ ပိုးမီအတွက် ဂုဏ်ယူနေရတယ်ပေါ့နော်။ Global Idol စာရင်းမှာ မြန်မာ ကိုယ်စားပြုပါဝင်ခဲ့တယ်ဆိုတော့ အဲဒီအတွက်ခံစားချက်ကိုလည်း သိချင်ပါတယ်။

ဖြေ – အဲဒါက သူငယ်ချင်းတစ်ယောက်က အဲဒီ Link လေးတွေ့တော့ ကိုယ့်ကိုလာပြောတယ်။ ဒီအခါ global idol စာရင်းမှာ Global Idol Winners of 2017 စာရင်းမှာ တကယ် ဖော်ပြထားတာလည်း တွေ့ရတယ်။ အဲဒီအတွက် ကိုယ့်ကိုယ်ကိုယ် မယုံနိုင်သလိုလည်း ခံစားရတယ်။ ကိုယ်က winner မဟုတ်တော့လေ။ မှားများ မှားနေသလားပေါ့။ တကယ်တမ်းလည်း သူတို့က တင်ထားတယ်။ သူတို့ရဲ့ စည်းမျဉ်းစည်းကမ်းတစ်ခုနဲ့ ကိုက်ညီတဲ့အတွက် ရွေးချယ်တယ်လို့လည်း ထင်ပါတယ်။ စပြီးဝင်ကြည့်တုန်းကတော့ စူးစမ်းချင်စိတ်နဲ့ ကြည့်ခဲ့တာပါ။ တကယ်လည်းတွေ့ရတော့ အဲဒီညကို ပြန်ရောက်သွားသလိုခံစားရတယ်။ အဲဒါက နောက်ဆုံးပြုတ်သွားခဲ့တဲ့ညပေါ့။ ဒီသီချင်းလေးကို အကောင်းဆုံးတော့ဖျော်ဖြေခဲ့တယ်။ ဆရာ ကိုဥက္ကာဦးသာကလည်း အကောင်းဆုံး arrangement တွေ လုပ်ပေးခဲ့သလို အန်တီထရေစီရဲ့ ပံ့ပိုးပေးမှုတွေကြောင့်လည်း ပါပါတယ်။ အားလုံးကို ကျေးဇူးအများကြီး တင်ပါတယ်။

 

မေး – ယုံကြည်ရာသီချင်းနဲ့ပတ်သက်တဲ့ ခံစားချက်ဆိုရင်ရော။

ဖြေ – အမှန်ပြောရရင်တော့ ယုံကြည်ရာ သီချင်းကို ဆိုရတာ ကြောက်တယ်။ ကိုလေးဖြူ ရဲ့ပရိသတ်တွေကအများကြီးရှိတယ်။ သီချင်းကလည်း ရော့ခ်ပုံစံမဟုတ်ဘဲ ခွန်အားပေးတဲ့ သီချင်းကိုမှ ကိုယ်က လေပြေလေးနဲ့ ပြောတဲ့ပုံစံမျိုးပေါ့။ နူးနူးညံ့ညံ့ဆိုရတာဖြစ်တယ်ပေါ့။ ဒီသီချင်းကိုဆိုမယ်ဆိုတဲ့အခါ ဝေဖန်ခံရမှာ ကိုကြောက်ခဲ့တယ်။ တကယ်လည်း ဝေဖန်ခံခဲ့ရသလို အားပေးခဲ့သူတွေလည်း ရှိခဲ့ပါတယ်။ ဒီသီချင်းကိုဆိုခဲ့တဲ့အတွက် နောင်တတော့ မရပါဘူး။

 

မေး – ဂီတခရီးလမ်းမှာ ဖြတ်သန်းတဲ့အခါ ဘယ်လို စိတ်ခံယူမှုနဲ့ ဖြတ်သန်းဖြစ်လဲ။

ဖြေ – ကိုယ်ယုံကြည်ထားပြီးတဲ့ကိစ္စတိုင်းမှာတော့ ကိုယ့်ခံယူချက်အတိုင်း ကိုယ်သွားလေ့ရှိတယ်။ အစွန်းရောက်တဲ့ ခံယူချက်မျိုးတော့ ထားလေ့မရှိဘူး။ Myanmar Idol ကို ၀င်ပြိုင်ခဲ့တုန်းကလည်း အခက်အခဲတွေရှိပေမယ့် ပရိသတ်အားပေးမှုရခဲ့သလို အခုလို နိုင်ငံတကာက အသိအမှတ်ပြုမှုတစ်ခုရလာ တဲ့အတွက် မှန်ကန်တဲ့ခံယူချက်ဖြစ်တယ်လို့ ထင်ပါတယ်။ ဂီတခရီးလမ်းကိုလည်း မှန်ကန်တဲ့ခံယူချက်အတိုင်း ဆက်ပြီးလျှောက်လှမ်းသွားမှာပါ။

 

မေး – Myanmar Idol မှာ Winner မဖြစ်ခဲ့ပေမယ့် ပရိသတ် အခိုင်အမာတော့ ရခဲ့တယ်နော်။ အဲဒီအတွက် ဘယ်လိုခံစားရလဲ။

ဖြေ – အဲဒီအတွက် ပရိသတ်အားလုံးကို ကျေးဇူးတင်ရသလို ဂီတအလုပ်တွေ ရှေ့ဆက်လုပ်ဖို့အတွက်လည်း ခွန်အားတွေ အများကြီးရပါတယ်။ ရှေ့ဆက်ပြီးတော့လည်း အမြဲတမ်း ကြိုးစားသွားမှာပါ။ အားပေးတဲ့ပရိသတ်ရှိ နေသရွေ့ မဆုတ်မနစ်ဇွဲနဲ့ ပိုးမီဆက်ပြီးကြိုး စားသွားမှာပါ။ ပိုးမီရဲ့ဒုတိယခြေလှမ်းဖြစ်တဲ့ ဒုတိယအယ်လ်ဘမ်အတွက် အားပေးပါဦး လို့ပြောချင်ပါတယ်။

 

မေး – ဒုတိယအယ်လ်ဘမ်အတွက်က စပြီး ပြင်ဆင်နေပြီလား။

ဖြေ – ဒုတိယအယ်လ်ဘမ်အတွက်က စပြီး ပြင်ဆင်နေပါပြီ။ ဖြည်းဖြည်းချင်း အချိန်ယူပြင် ဆင်သွားမှာပါ။ ပထမခွေနဲ့မတူညီတဲ့ ဖန်တီးမှုတွေလည်း ပါဝင်ပါမယ်။ စိတ်ကူးထဲကအိမ်လေးကစပြီး ဆောက်နေပြီပေါ့။ အကောင် အထည်ပေါ်ဖို့ပဲ လိုပါတော့တယ်။

 

မေး – ဒုတိယခွေမှာ ဘယ်လိုပုံစံတွေပြောင်းလဲသွားဖို့ရှိမလဲ။

ဖြေ – music မှာ ပိုးမီကြိုက်တဲ့ ပုံစံတွေရှိတယ်။ အထူးသဖြင့် ရော့ခ်ဂီတပေါ့။ ရော့ခ်သီးသန့် ကြိုက်တဲ့ပရိသတ်တွေအတွက် လုပ်ဖြစ်မယ့် သီချင်းလေးတွေပေါ့။ နောက်ထပ် ပရိသတ်တွေ နားဆင်ချင်မယ့် တခြားဂီတပုံစံတွေလည်း ပါဝင်ပါမယ်။ ပထမခွေမှာလည်း ဘယ်လိုသီချင်းလေးတွေပရိသတ်က ပိုကြိုက်လဲ စဉ်းစားပြီး နောက်တစ်ခွေမှာ ပရိသတ်ကြိုက်တာနဲ့ ကိုယ်ဆိုချင်တာမျှပြီး ဆိုဖြစ်သွားပါမယ်။

 

မေး – ကိုယ်တိုင်လည်း သီချင်းတွေ ရေးဖြစ်နေတယ်ဆိုတော့ ပရိသတ်အကြိုက်ဖြစ်မယ့် သီချင်းနဲ့ ကိုယ့်ခံ စားချက်အတိုင်း ဖန်တီးချင်တဲ့သီချင်းကို ဘယ်လိုမျှပြီး ဖန်တီးဖြစ်လဲ။

ဖြေ – အဓိကတော့ကိုယ်ကြိုက်တာတွေချည်းပဲ အမြဲလုပ်လို့လည်း မရဘူးလေ။ အနုပညာ ရှင်တစ်ယောက်အတွက် အရေးပါဆုံးက ပရိသတ်ပါ။ ပရိသတ်က ကိုယ့်ကိုမြင်တဲ့ပုံစံလည်း ပါဖို့လိုသလောက် ကိုယ်ကမြင်စေချင်တဲ့ပုံစံကိုလည်း ကိုယ်ဖန်တီးတဲ့အနုပညာမှာ ထည့်ရတာပေါ့။ မျှမျှတတရှိဖို့ လိုအပ်ပါတယ်။

 

မေး – ထွက်ခဲ့ပြီးတဲ့ပထမခွေကိုရော အားရကျေနပ်မှု အပြည့်အ၀ရှိခဲ့လား။

ဖြေ – လုပ်တုန်းကတော့ အကောင်းဆုံးပြင်ဆင်ခဲ့ပေမယ့် တကယ်တမ်း ထွက်သွားပြီးတဲ့ အခါကျတော့ ဒီနားမှာ ဒီလိုလေး ဆိုလိုက်ရကောင်းသားဆိုတဲ့ စိတ်တော့ အမြဲဖြစ်တယ်။ ဒါလေးကို ဒီလိုလေး လုပ်လိုက်ရမှာဆိုတာ လေးပေါ့။ နောက်တစ်ပိုင်းကကျတော့ အခွေလေး ထွက်နိုင်တဲ့အပေါ် ကျေနပ်တာလည်း ရှိတယ်။ ပရိသတ်တွေကလည်း အတိုင်းအတာတစ်ခုအထိ လက်ခံပေးတဲ့အပေါ်မှာပျော်ရွှင်ရပါတယ်။ ပိုးမီက ပြိုင်ပွဲကတက်လာတဲ့ မျက်နှာသစ်တစ်ဦးပါ။ ဒီလိုအသစ်တစ်ယောက်ရဲ့ဖန်တီးမှုကို လက်ခံကြိုဆိုပေးတဲ့ အတွက် ကျေးဇူးတင်ပါတယ်။ ဒီအခြေအနေမှာတင် ကျေနပ်နေမှာမဟုတ်ဘဲ ဆက်ပြီး အများကြီးကြိုးစားသွားမှာပါ။

 

မေး – နောက်အခွေမှာလည်း ကိုယ်တိုင်ရေးဖြစ်မှာတွေ ပါမလား။

ဖြေ – ပါပါမယ်။ ကိုယ်တိုင်ရေးဖြစ်တာတွေက  pop slow တွေများတော့ ပိုးမီဆိုချင်တဲ့ ရော့ခ်ပုံစံလေးတွေကိုတော့ တခြားတေးရေး ဆရာတွေဆီကနေ ယူသွားဖို့တော့ရှိတယ်။ သီချင်း လေးတွေကိုတော့ အကောင်းဆုံးပြင်ဆင်သွားမှာပါ။ ကိုယ်တိုင်ရေးတာတော့ အများကြီး မထည့်တော့ဘူးလို့ စဉ်းစားတယ်။ ပထမခွေမှာလည်း ကိုယ်တိုင်ရေးတာ ငါးပုဒ်လောက်ထည့် ထားတော့လေ။

 

မေး – သီချင်းရေးတာနဲ့ဆိုရတာဆိုရင်ရော ဘယ်ဘက်ကို ပိုအားသန်လဲ။

ဖြေ – ဆိုရတာကိုပိုကြိုက်တယ်။ သီချင်းရေးတယ်ဆိုတာကတော့ ငယ်ငယ်ကတည်းကလည်း ကဗျာတွေစာတွေ ရေးဖြစ်တော့ သီချင်းလည်းရေးဖြစ်တာ။ အဲဒီကတည်းက ပါခဲ့တဲ့ပိုးက ဂစ်တာတီးတတ်လာတော့ သီချင်းရေးဖြစ်လာတာပါ။ ရေးဖြစ်တဲ့ သီချင်းတွေက အဆွေး mood များတော့ အဆွေးသီချင်း ရေးဖြစ်တာ ပိုများပါတယ်။

 

မေး – လတ်တလော အနုပညာ လှုပ်ရှားမှုဆိုရင်ရော။

ဖြေ – လတ်တလောကတော့ ပွဲတွေလည်းဆိုဖြစ်ပါတယ်။ မိုးတွင်းဆိုတော့ပွဲတော့နည်း နည်းပါးတယ်ပေါ့နော်။ ဒီကြားထဲမှာတော့ ဒုတိယခွေအတွက် အသံသွင်းတာတွေ လုပ်ဖြစ်ပါမယ်။

 

မေး – Myanmar Idol Season 3 ပြိုင်ပွဲလည်း စပြီဆိုတော့ ပြိုင်ပွဲဝင်တွေအတွက် အကြံပေး စကားလည်း ပြောပေးပါဦး။

ဖြေ – ပြိုင်ပွဲမှာ ဆန်ခါတင်အဆင့်ကို ပါဝင်ခွင့်ရပြီဆိုရင် ကိုယ့်ပန်းတိုင်တစ်ဝက်ကို ရောက်နေပြီပေါ့နော်။ ဒီအတွက် အားတင်းထားပါ။ ဒီအဆင့်ကိုရောက်ခဲ့ပြီဆိုရင်တော့ စိတ်ဖိစီးမှုတွေ များမယ်။ အခက်အခဲတွေရှိမယ်။ အိပ်ရေးပျက်တာတွေရှိမယ်။ စိတ်ပင်ပန်းမှုတွေရှိနိုင်သလို ဝေဖန်တာတွေလည်း ခံရနိုင်တယ်။ ဘာပဲဖြစ်ဖြစ်ကိုယ်လိုချင်တဲ့ ပန်းတိုင်ကို ရောက်ဖို့ကြိုးစားပါ။ ဇွဲမလျှော့ပါနဲ့လို့ ပြောချင်ပါတယ်။ ကြိုးစားမှုတိုင်းအတွက် ရလဒ်ကောင်းဆိုတာက အမြဲတမ်းရလာမှာပါ။ ပိုးမီအတွက် ရလဒ်ကောင်းရခဲ့တဲ့အတွက် အမြဲတမ်း ခွန်အားတွေရတယ်။ Season 3 မှာလည်း တော်တဲ့ပြိုင်ပွဲဝင်တွေ အများကြီးပါမယ်ဆိုတာ ယုံကြည်ပါတယ်။

အမျိုးသမီးများ ဦးဆောင်ထားသော Ocean’s 8 က မြောက်အမေရိက၏ ၀င်ငွေအများဆုံးရုပ်ရှင် ဖြစ်လာ

အမျိုးသမီးများ အဓိကပါဝင်သရုပ်ဆောင်ထားသည့် Ocean’s 8 ရုပ်ရှင်သည်  ပြီးခဲ့သည့် သီတင်းပတ်အတွင်းက ဒေါ်လာ ၄၁ ဒသမ ၅ သန်းဝင်ငွေရရှိခဲ့ပြီး မြောက်အမေရိကဒေသ၏ ၀င်ငွေအများဆုံးရုပ်ရှင် ဖြစ်လာခဲ့သည်။

Ocean’s 8 ရုပ်ရှင်ထဲ၌ နာမည်ကျော် ဆန်ဒရာဘူးလော့က ဦးဆောင်ပါဝင်ထားပြီး ကိတ်ဘလန်ချက်၊ အန်နာဟဲသာဝေး၊ ဟယ်လီနာဘိုဟမ်ကာတာ၊ မင်ဒီကောလင်း၊ ရီဟားနားတို့က ပံ့ပိုးပါဝင်ထားကြသည်။ Warner Bros မှထုတ်လုပ်ထားသော Ocean’s 8 သည် Ghostbusters ပြီးနောက်  အမျိုးသားသရုပ်ဆောင်များနေရာတွင် အမျိုးသမီးများဖြင့် အစားထိုး ပြန်လည်ရိုက်ကူးထားသော ဟောလိဝုဒ်၏ နောက်ဆုံးစမ်းသပ်မှုတစ်ခု ဖြစ်လာခဲ့သည်။ စမ်းသပ်မှု၏ ရလဒ်မှာမူ Ocean’s 8သည် ယခုနှစ်အတွင်း ပွဲဦးထွက်ဝင်ငွေအများဆုံးရုပ်ရှင် ၁၀ ကားစာရင်းတွင် ပါသွားခဲ့ခြင်း ဖြစ်သည်။ ထို့ပြင် ယခင်ထွက်ရှိခဲ့ဖူးသည့် Ocean’s 8 ရုပ်ရှင်သုံးကားထက်လည်း ၀င်ငွေပိုမိုကောင်းမွန်နေခဲ့သည်။

ယခု ရုပ်ရှင်ထဲ၌ ဒန်နီအိုးရှင်း (မူလက ဂျော့ကလူးနီ သရုပ်ဆောင်ထားခဲ့) ၏ ညီမ ဒတ်ဘီအိုးရှင်းနေရာမှ ဆန်ဒရာဘူးလော့က ပါဝင်သရုပ်ဆောင်ထားသည်။ ဇာတ်လမ်းမှာ ဒတ်ဘီအိုးရှင်းသည် နယူးယောက်တွင် ကျင်းပမည့် ကြီးမားသည့် ပွဲအခမ်းအနားတစ်ခု၌ ဖြစ်နိုင်ခြေသိပ်မရှိသော စိန်လုယက်မှုကြီးတစ်ခုကို လုပ်ဆောင်ရန် ပင်ကိုယ်စွမ်းရည်ရှိသည့် အမျိုးသမီးများကို  လိုက်လံစုစည်းခြင်း ဖြစ်သည်။

ဝင်ငွေအများဆုံးစာရင်း၏ ဒုတိယနေရာ၌ ရှိနေသည်မှာ Solo ; A Star Wars Story ဖြစ်သည်။ ၀င်ငွေမှာမူရှေ့တစ်ပတ်ကထက် ထက်ဝက်ကျဆင်းသွားကာ ဒေါ်လာ ၁၅ ဒသမ ၂ သန်း ရရှိထားသည်။

20th Century Fox မှ ထုတ်လုပ်သော Deadpool 2 ရုပ်ရှင်မှာမူ ဒေါ်လာ ၁၃ ဒသ မ ၇ သန်းရရှိထားပြီး ၀င်ငွေအများဆုံးစာရင်း၏ တတိယနေရာတွင်ရှိနေသည်။ ကမ္ဘာတစ်ဝန်း၌ ပြသရာတွင်မူ ၀င်ငွေ ဒေါ်လာ သန်း ၆၅၀ ကျော်သွားခဲ့ပြီ ဖြစ်သည်။

စတုတ္ထနေရာတွင် ရှိနေသည်မှာမူ ရုပ်ရှင်ကားသစ် Herediary ဖြစ်ပြီး ၀င်ငွေဒေါ်လာ ၁၃ သန်းရရှိထားသည်။ ယင်းသည် A 24 မှ ထုတ်လုပ်သော ရုပ်ရှင်ကားများ အနက်ဝင်ငွေအကောင်းဆုံးဟု ဆိုနိုင်သည်။ တိုနီကိုလတ်တီနှင့် ဂါဘရီရယ်ဘာနီတို့ ပါဝင်သရုပ်ဆောင်ထားသော ထိုရုပ်ရှင်၏ ဇာတ်လမ်းမှာ အမျိုးသမီးအိမ်ထောင်ဦးစီး ကွယ်လွန်သွားပြီးနောက် ခြောက်လှန့်ခံရသည့် မိသားစုတစ်စုအကြောင်း ဖြစ်သည်။

ဝင်ငွေအများဆုံးစာရင်း၏ ပဉ္စမနေရာတွင် ရပ်တည်နေသည်မှာ Avengers; Infinity War ဖြစ်ပြီး ၀င်ငွေ ဒေါ်လာ ၆ ဒသမ ၈ သန်း ရရှိထားသည်။ ယင်းရုပ်ရှင်သည် ကမ္ဘာတစ်ဝန်းတွင် ပြသရာ၌ စုစုပေါင်း ၀င်ငွေ ဒေါ်လာ ၁ ဒသမ ၉၉၈ ဘီလျံ ရရှိနေပြီ ဖြစ်သည်။

ဘီယွန်းစေးနှင့် ဂျေဇီးတို့၏ On The Run II ကမ္ဘာလှည့်ဖျော်ဖြေပွဲခရီးစဉ် စတင်

ဂီတလောကတွင် ထင်ရှားသည့် အဆိုတော်ဇနီးမောင်နှံဖြစ်သော ဘီယွန်းစေးနှင့် ဂျေဇီးတို့က On The Run II  ကမ္ဘာလှည့်ဖျော်ဖြေ ပွဲခရီးစဉ်အဖြစ် ဇွန် ၉ ရက်တွင် စကော့တလန်၌ ဖျော်ဖြေခဲ့ကြသည်။

ဘီယွန်းစေး၏ ဆဋ္ဌမမြောက် အယ်လ်ဘမ် Lemonade  နှင့် ဂျေဇီး၏ ၁၃ ခုမြောက်အယ်လ်ဘမ်  4:44 တို့ဖြန့်ချိခဲ့ပြီးနောက်   On The Run II  ကမ္ဘာလှည့်ဖျော်ဖြေပွဲကို စီစဉ်ခဲ့ခြင်းဖြစ်သည်။

ယင်းဖျော်ဖြေပွဲ ခရီးစဉ်ကို ဇွန် ၆ ရက်တွင်  ဝေလ ပြည်နယ်၌ စတင်ခဲ့ပြီး အောက်တိုဘာ ၆ ရက်တွင် အမေရိကန် ပြည်ထောင်စု၊ ဆီအက်တယ်မြို့၌ အဆုံးသတ်မည် ဖြစ်သည်။

ယင်းခရီးစဉ်သည်ဘီယွန်းစေး နှင့်ဂျေဇီး ဇနီးမောင်နှံ အတွက်  On The Run ကမ္ဘာလှည့်ဖျော်ဖြေပွဲခရီးစဉ်ပြုလုပ်ခဲ့ပြီး လေးနှစ်အကြာတွင် ပထမဆုံးအကြိမ်ပြုလုပ်သည့် ပူးတွဲ ဖျော်ဖြေပွဲခရီးစဉ်ဖြစ်သည်။

ယင်းခရီးစဉ်သည်  On The Run II  ခရီးစဉ်ထက် ၀င်ငွေ နှစ်ဆကျော် ရရှိနိုင်ပြီး ဒေါ်လာ သန်း ၂၀၀ ကျော်ရရှိနိုင်သည် Billboard မဂ္ဂဇင်းက ခန့်မှန်းခဲ့သည်။ ၂၀၁၄ ခုနှစ်က ပြုလုပ်ခဲ့သည့် On The Run ခရီးစဉ်သည် ၀င်ငွေ ဒေါ်လာ ၉၅ သန်းမျှသာ ရရှိခဲ့သည်ဟု  Billboard Boxscoreက ထုတ်ပြန်ခဲ့သည်။

အသက် ၃၆ နှစ်အရွယ်ရှိ ဘီယွန်းစေးသည်  ၂၀၁၆ ခုနှစ်က ဖြန့်ချိခဲ့သည့် Lemonade အယ်လ်ဘမ် အတွက်ပြုလုပ်ခဲ့သည့် The Formation ကမ္ဘာလှည့် ဖျော်ဖြေပွဲ ခရီးစဉ်မှ စုစုပေါင်းလက်မှတ်ရောင်းချမှု ၀င်ငွေ ဒေါ်လာ ၂၅၆ သန်း ရရှိခဲ့ သည်ဟု  Billboard Boxscore  တွင် ဖော်ပြခဲ့သည်။ The Formation သည် ၂၀၁၆ ခုနှစ် ၀င်ငွေ အများဆုံးရ ကမ္ဘာလှည့်ဖျော်ဖြေ ပွဲခရီးစဉ်များတွင် ပါဝင်ခဲ့သည်။ အလားတူ ရက်ပ်အဆိုတော် ဂျေဇီးသည်လည်း  4:44  အယ်လ်ဘမ်အတွက်  မြောက်အမေရိကတွင် ဖျော်ဖြေပွဲ ၃၂ ပွဲပြုလုပ်ခဲ့ရာတွင် ၀င်ငွေ ဒေါ်လာ ၄၈ ဒသမ ၇ သန်း  ရရှိခဲ့သည်။

ဘီယွန်းစေးနှင့်ဂျေဇီး ဇနီး မောင်နှံ၏ စုစုပေါင်း ကြွယ်ဝမှုသည် ဒေါ်လာ ၁ ဒသမ ၁၆ ဘီလျံရှိလာခဲ့သည်ဟု Forbes မဂ္ဂဇင်းက ထုတ်ပြန်ခဲ့သည်။အနုပညာအေဂျင်စီ Roc Nation ၏ ထူထောင်သူဖြစ်သော ဂျေဇီး (အမည်ရင်း Shawn Carter) သည် စီးပွားရေးလုပ်ငန်းရှင်တစ်ဦးအဖြစ်လည်း အောင်မြင်ခဲ့သည်။အသက်  ၄၈ နှစ်အရွယ်ှိ ဂျေဇီး၏ တစ်ဦးတည်းဝင်ငွေသည် ဒေါ်လာ သန်း ၈၁၀ ကျော်ရှိသည်ဟု  Forbes မဂ္ဂဇင်းက ထုတ်ပြန်ခဲ့သည်။

အကယ်ဒမီစိုးမြတ်သူဇာနှင့် တွေ့ဆုံခြင်း

မြန်မာ့ရုပ်ရှင်နယ်ပယ်မှာ ထင်ရှားတဲ့ မင်းသမီးတစ်လက်ထဲမှာ တစ်ဦးအပါအ၀င်ဖြစ်သူကတော့ မကြီးစိုးလို့ ချစ်စနိုးခေါ်ကြတဲ့ အကယ်ဒမီစိုးမြတ်သူဇာပါ။ ဇွန် ၈ ရက်စပြီး မြန်မာနိုင်ငံတစ်ဝန်းက ရုပ်ရှင်ရုံတွေမှာ ရုံတင်ပြသနေပြီဖြစ်တဲ့ ‘သားပိုက်ကောင်’ ဇာတ်ကားမှာလည်း ဒေါ်ရင်နှစ်အဖြစ် သရုပ်ဆောင်မှုက စိုးမြတ်သူဇာအတွက် အဘွားဇာတ်ကောင်စရိုက် သရုပ်ဆောင်တာဖြစ်သလို ပရိသတ်တွေမမြင်တွေ့ဖူးတဲ့ ဇာတ်ကောင်စရိုက်မျိုးနဲ့လည်း စိုးမြတ်သူဇာကိုတွေ့မြင်ရမှာဖြစ်တာကြောင့် ‘သားပိုက်ကောင်’ ဇာတ်ကားရိုက်ကူးတုန်းက ကြိုးစားမှုတွေနဲ့ အမှတ်တရတွေမေးမြန်းဖြစ်ခဲ့ပါတယ်  …

မေး-‘သားပိုက်ကောင်’ ဇာတ်ကားမှာ ပါဝင်မယ့် ဒေါ်ရင် နှစ်ဇာတ်ရုပ်အတွက် ဘယ်လိုတွေပြင်ဆင်ခဲ့ရတာရှိလဲ။

ဖြေ – ဒီဇာတ်ကားမှာက အဘွားဇာတ်ရုပ်ဖြစ်နေတဲ့အခါ ကိုယ်တစ်ခါမှ မလုပ်ဖူးသေးတဲ့ အသက်ကြီးတဲ့ မိတ်ကပ်မျိုးရအောင် စမ်းပြီး လုပ်ကြည့်ရတာပါ။ ဇာတ်ကားမရိုက်ခင်မှာ အင်တာနက်ကနေပြီး မိတ်ကပ်တွေ၊ လိမ်း နည်းတွေရှာရတယ်။ အဲဒီမှာ မိတ်ကပ်အရည် တစ်မျိုးကို တွေ့တယ်။ အဲဒါက မျက်နှာတစ်ခုလုံးကို စုတ်တံနဲ့မြန်မြန်လေးလူးရတာ။ စုတ်တံနဲ့မိတ်ကပ်ကို ဆွဲတဲ့အခါ ဒီဘက်က ဆွဲတာ ဟိုဘက်မှာဆုံးတဲ့အချိန်မှာကို မိတ်ကပ်က ခြောက်သွားပြီ။ အဲဒီလိုခြောက်သွားတဲ့အချိန်မှာ ကိုယ့်မျက်နှာလှုပ်တာနဲ့ မျက်နှာမှာအကြောတွေအလိုက် ပပ်ကြားတွေလိုက် ပြီး တွန့်သွားကုန်တာ။ အဲဒီလိုတွန့်သွားပြီးရင် ထိလို့မရဘူး။ ထိလိုက်ရင် ပေါက်သွားပြီး ကွက်ကုန်တာဆိုတော့ ထိလို့မရဘူး။ ကိုယ်ကလည်း အဲဒီလိုမိတ်ကပ်မျိုးတွေက ခုမှ လိမ်းဖူးတာဆိုတော့ အကွဲကွဲအပြဲပြဲနဲ့ အဲဒီမိတ်ကပ်ကို လိမ်းရတာ။ တစ်ခုခုဖြစ်သွားပြီ ဆိုရင် ပြန်လိမ်းဖို့လည်း မလွယ်ဘူးလေ။ အဲဒီတော့ အဆင်မပြေတာတွေလည်း အများကြီးတွေ့ရတယ်။ အဲဒါတွေကို ပရိသတ်တွေ နားလည်ပေးပါလို့ ပြောချင်ပါတယ်။

 

မေး – ‘သားပိုက်ကောင်’ဇာတ်ကားမှာ ပရိသတ်တွေ မြင်ရမယ့် ဒေါ်ရင်နှစ်ဆိုတဲ့ဇာတ်ကောင်နဲ့ပတ်သက်ပြီး ပရိသတ်တွေကို ပြောချင်တာရှိရင်။

ဖြေ – ဒီဇာတ်ကားမှာက မကြီး တစ်ခါမှ လုပ်လေ့လုပ်ထမရှိတဲ့ဇာတ်ကောင်စရိုက်ပေါ့။ အတတ်နိုင်ဆုံးတော့အကောင်းဆုံးကြိုးစားထားပါတယ်။ မြင်နေကြပုံစံမဟုတ်တဲ့အတွက် အဆင်မပြေမှုလေးတွေလည်း ရှိကောင်း ရှိနိုင်ပါတယ်။ ဒါပေမဲ့ ပရိသတ်တွေက နားလည်ပြီး ကြည့်ပေးပါလို့ ပြောပါရစေ။

 

မေး- ဒီဇာတ်ကားထဲမှာ မကြီးစိုး အကြိုက်ဆုံးဇာတ်ဝင်ခန်းတွေရှိရင်လည်း သိချင်ပါတယ်။

ဖြေ – ဒီဇာတ်ကားက ကောင်းပါတယ်။ ကိုယ်လည်း ကြိုက်တယ်။ နောက်ပြီး ဒီဇာတ်မှာက အစကနေ အဆုံးမကြီးဘဲ လုပ်ရနေရတာ။

 

မေး – ‘သားပိုက်ကောင်’ ဇာတ်ကားမှာ အဘွားတစ်ယောက်အဖြစ် ရိုက်ကူးနေရတဲ့အချိန်မှာ ကိုယ်တိုင်က ဘယ်လိုတွေခံစားခဲ့ရလဲ။

ဖြေ – အဲဒါကတော့ ပြန်ပြောဖို့တော်တော်ခက်မယ်။ မကြီးက သားသမီးမရှိတော့ အမေလည်းမဖြစ်ဘူး။ အဲဒီတော့ အဘွားလည်း ဖြစ်မှာ မဟုတ်တော့ဘူးလေ။ ဒါပေမဲ့ အတတ်နိုင်ဆုံးတော့ ကိုယ့်မျက်စိရှေ့မှာ မြင် နေရတဲ့လူတွေကို ကြည့်ပြီး သူတို့နေရာမှာ ၀င်ခံစားပြီး သဏ္ဌာန်လုပ်သရုပ်တူအောင် လုပ်ရတာပေါ့။ ပရိသတ်အမြင်မှာ အဘွားဆို တဲ့ဇာတ်ရုပ်မျိုးပီပြင်အောင်တော့ အတတ် နိုင်ဆုံးကြိုးစားခဲ့တာပါပဲ။ အားနည်းချက်ကတော့ ရှိကောင်းရှိနိုင်ပါတယ်။

 

မေး – ကိုယ်သရုပ်ဆောင်ရမယ့် ဇာတ်ကောင်စရိုက်တွေ ပီပြင်ဖို့အတွက် မကြီးစိုးဘက်က ဘယ်လိုတွေစိတ်နှစ် ပြီး လုပ်ဆောင်ဖြစ်လဲ။

ဖြေ – မကြီးက မကြီးစိတ်ကို အမြဲတမ်း အလွတ်ထားထားတယ်။ ဘယ်လိုအရိပ်မျိုး၊ ဘယ်လိုအကြောင်းအရာမျိုးမှ ကိုယ့်ကိုအလွှမ်းမိုးမခံဘူး။ အဲဒီလိုစိတ်ကို အလွတ်ထားတော့ ဒီဇာတ်ကားမှာ အမေဆိုရင် မကြီးက အမေဖြစ်သွားမယ်၊ အဘွားဆို အဘွားဖြစ်သွားမယ်။ တစ်ခုခုကို စိတ်ထည့်ပြီး သရုပ် ဆောင်ပြီးရင်လည်း အဲဒါကိုကိုယ့်စိတ်ထဲက နေဖျက်ပစ်လိုက်တာပဲ ဆက်ပြီး သယ်မသွားဘူး၊ သိုလှောင်မထားဘူး။ စိတ်ကို အမြဲလွတ်လွတ်လပ်လပ်ထားတယ်။ တစ်ခုနဲ့တစ်ခုကို ရောထွေးပြီး မစဉ်းစားဘူး၊ မတွေးဘူး။

 

မေး –  အခုရုပ်သံမှာလွှင့်နေတဲ့ ‘အရိပ်’ ဇာတ်လမ်းတွဲက အောင်မြင်နေတယ်။ မကြီးအနေနဲ့အရိပ်ဇာတ်လမ်းတွဲ မှာ ထပ်ပြီး ပါဝင်ဖြစ်ခဲ့တာလေးကိုလည်း သိပါရစေ။

ဖြေ – ‘အရိပ်’ ရုပ်ရှင်ဇာတ်ကားမှာတုန်းကတော့ မကြီးက အဲဒီတုန်းက ကိုယ့်ရဲ့ရှိရင်းစွဲ အသက်ထက်ကို ပိုပြီးအသက်ကြီးပြီး သရုပ်ဆောင်ခဲ့ရတယ်။ အဲဒီအရွယ်တုန်းကနဲ့ သိပ်မလိုက်ဘဲ ဒီအသက်အရွယ်မှာတော့ ကိုယ် ပါဝင်ရမယ့် ဇာတ်ရုပ်၊ ကိုယ်လုပ်ခဲ့တဲ့ ဇာတ်ရုပ်က အံဝင်ခွင်ကျဖြစ်နေပြီလေ။ ဒါ့ကြောင့်လည်း ကိုယ်ပြန်ပြီး သရုပ်ဆောင်ချင်တာကြောင့် ဇာတ်လမ်းတွဲကို လက်ခံဖြစ်တာပါ။ မေချိုနဲ့လည်းတွဲရတော့ ကိုယ့်ကို လွှမ်းမိုးမယ့် အရိပ်၊ ကိုယ့်အရိပ်ကို ပြန်လည်လွှမ်းမိုးခံရမယ့် မေမြင့်မိုရ်တို့က လိုက်ဖက်တာကြောင့် ဇာတ်ကားက ပိုအသက်ဝင်တယ်လေ။

 

မေး – ‘သားပိုက်ကောင်’ ဇာတ်ကားက မကြီးစိုးအတွက် အကယ်ဒမီ ခန့်မှန်းနိုင်တဲ့ကားမျိုးဖြစ်တဲ့ အပေါ် ဘယ်လိုခံစားချက်မျိုးရှိလဲ။

ဖြေ – မကြီးကတော့ အဲဒီလို တွေ မတွေးထားပါဘူး။ အကယ်ဒမီက လည်း ဥပဒေအမျိုးမျိုးပြောင်း နေတာဆိုတော့ မပြောတတ်ဘူး။ ရရင်ကံကောင်းတာပေါ့။

 

မေး – စိုးမြတ်သူဇာကို အမြဲတမ်းချစ်ခင် အားပေးနေတဲ့ ပရိသတ်တွေအတွက် စကားလက်ဆောင်လေးပြောပေးပါဦး။

ဖြေ – မကြီးကို ဒီအသက်ဒီအရွယ်အထိ ချစ်ခင်အားပေးကြတာ ကျေးဇူးအများကြီးတင်ပါတယ်။ ထပ်ပြီးလည်း အားပေးကြပါ။ ပရိသတ်အားပေးမှုဟာ ခွန်အားပါပဲ။

 

တင်မောင်ဆန်းမင်းဝင်း ဇာတ်သဘင်အဖွဲ့ မိုးရာသီအပတ်စဉ်ဖျော်ဖြေပွဲများကို ဇူလိုင်လအတွင်းမှစတင်ကာ ကန်တော်ကြီးမျှော်စင်ကျွန်း၌် ပြုလုပ်သွားမည်

တင်မောင်ဆန်းမင်းဝင်း ဇာတ်သဘင်အဖွဲ့၏ မိုးရာသီအပတ်စဉ်ဖျော်ဖြေပွဲများကို  ဇူလိုင်လအတွင်းမှစတင်ကာ ရန်ကုန်မြို့ ကန်တော်ကြီးမျှော်စင်ကျွန်းတွင် ကျင်းပသွားမည်ဟု သိရသည်။

“ဒီနှစ်မှာတော့ ရန်ကုန်မှာ မိုးရာသီ ဖျော်ဖြေပွဲကို လေးနှစ်မြောက်အနေနဲ့တင်ဆက်ကပြဖြစ်တာပါ။ တစ်နှစ်နဲ့ တစ်နှစ်မတူအောင်လည်း စီစဉ်တင်ဆက်ပါတယ်။ ဒီနှစ် မိုးရာသီ ဖျော်ဖြေပွဲမှာ တင်ဆက်တာတွေက လာမယ့် သဘင်ရာသီသစ်မှာ ဖျော်ဖြေမယ့် တင်ဆက်မှုတွေပါ။ ဒီပွဲကို ကပြဖြစ်တာက မိုးရာသီဆိုရင် ပွဲတွေနားလေ့ရှိတဲ့အတွက် ဇာတ်အဖွဲ့သားတွေရဲ့စားဝတ်နေရေးအတွက်ရော၊ ရန်ကုန်လိုမြို့ကြီးမှာ အချိန်ပိုင်း ကြည့်ရှုလို့ရမယ့် ဇာတ်သဘင်ဖျော်ဖြေတင်ဆက်မှုကို ရှိနေစေဖို့အတွက်ရော တင်ဆက် ဖြစ်တာပါ။ ဒီနှစ်မှာတော့ နောက်ပိုင်းဇာတ်တော်ကြီးတွေကို စီစဉ်တင်ဆက်ဖို့အဓိက စီစဉ်ထားပါတယ်။ နောက်ပိုင်းဇာတ်တော်တွေထဲကနေမှ ကျွန်တော်တို့တွေနဲ့နီးစပ်မှုရှိ နတ်သမိုင်းတွေကို ဒီနေ့ခေတ်ပရိသတ်တွေ မပျင်းရအောင်ရယ် ကိုယ်နိုင်တဲ့အင်အားနဲ့ ကပြနိုင်တာလေးတွေကို အကောင်းဆုံးဖြစ်အောင် တင်ဆက်သွားဖို့ စီစဉ်ထားပါတယ်။ ဒီနှစ်မှာတော့ သားပူတူး (မင်းရွှေရောင်တင်)က နယ်မှာကျောင်းတက်နေတာဖြစ်လို့ အပတ်စဉ်တိုင်း ပါဝင်ကပြဖြစ်မှာမဟုတ်ပါဘူး။ အဲဒီအတွက်လည်း သူ့ရဲ့ပရိသတ်တွေကို နားလည်ပေးဖို့နဲ့ပွဲကိုလာပြီး အားပေးဖို့ တောင်းဆိုချင်ပါတယ်။ ဒီပွဲတွေကို မြို့မှာနေတဲ့ လူငယ်ပရိသတ်တွေကိုလည်း မြန်မာ့ဇာတ်သဘင်နဲ့ နီးစပ်စေချင်တဲ့ ရည်ရွယ်ချက်လေး ပါတာဖြစ်လို့ လူငယ်တွေကိုလည်း လာရောက် အားပေးဖို့ဖိတ်ခေါ်ပါတယ်။ ကျွန်တော်တို့တွေ အကောင်းဆုံးဖျော်ဖြေ တင်ဆက်ကြမှာပါ ” ဟု တင်မောင်ဆန်းမင်းဝင်းက ဆိုသည်။

ယင်းဖျော်ဖြေမှုတွင် ဘုရားကန်တော့၊ နတ်ပင့်၊ အပျိုတော်၊ ပဏာမအစီအစဉ်၊ မြန် မာသံသီဆိုမှု၊ နောက်ပိုင်းဇာတ်တော် တင်ဆက်မှုနှင့်နှစ်ပါးသွားအစီအစဉ်များကို တင်ဆက်ကပြမည်ဟု သိရသည်။

မိုးရာသီ အပတ်စဉ်ဖျော်ဖြေတင်ဆက်မှုများကို ဇူလိုင်လ တတိပတ်မှ စတင်ကာ အပတ်စဉ် စနေနှင့်တနင်္ဂနွေညများတွင် ပြုလုပ်သွားမည်ဟု သိရသည်။

မြန်မာ့လက်ရွေးစင် ကျွမ်းဘားမယ်နှင့် မြန်မာကိုယ်စားပြုအလှမယ် သရုပ်ဆောင် ထားထက်ထက်၏ ငယ်ဘ၀ဖြတ်သန်းရာ

၂၀၁၂ ခုနှစ်ကစတင်ပြီး မြန်မာအလှမယ်တွေရဲ့ခြေလှမ်းတွေကို ကမ္ဘာ့စင်မြင့်ထက် နေရာယူလာနိုင်ခဲ့တာ လက်ရှိမှာတော့ ခြောက်နှစ်တိုင်ခဲ့ပါပြီ။ မြန်မာကိုယ်စားပြု အလှမယ်များစွာက နိုင်ငံတကာအလှမယ်ပြိုင်ပွဲတွေကို ပါဝင်ယှဉ်ပြိုင်ခဲ့ကြတဲ့အနက် အားကစားထူးချွန်သူတစ်ဦးလည်းဖြစ်တဲ့ မြန်မာကိုယ်စားပြုအလှမယ် ထားထက်ထက်ရဲ့ ငယ်စဉ်ဘ၀ရဲ့အမှတ်တရ ပုံရိပ်တွေကို အခုတစ်ပတ်မှာ တင်ဆက်ပေးချင်ပါတယ်။

မြန်မာ့လက်ရွေးစင် ကျွမ်းဘားမယ်တစ်ဦးဖြစ်သလို Miss Grand International ပြိုင်ပွဲမှာလည်း မြန်မာကိုယ်စားပြု ပါဝင်ယှဉ်ပြိုင်ခဲ့သူဖြစ်ပါတယ်။ လက်ရှိမှာ ထားထက်ထက်က သရုပ်ဆောင်အဖြစ် ဇာတ်ကားတွေ ရိုက်ကူးနေပြီး ကျွမ်းဘားအားကစားနည်းကိုလည်း ပြန်လည်မျှဝေပေးနေသူ ဖြစ်ပါတယ်။

စနေသမီးဖြစ်တဲ့ ထားထက်ထက်ကို ဒေါက်တာကျော်မိုးနဲ့ ဒေါ်တင်တင်ဆွေတို့က ဒီဇင်ဘာ ၁၉ ရက်မှာ ကလေးမြို့တွင် မွေးဖွားခဲ့ပါတယ်။ မောင်နှမ လေးယောက်ရှိပြီး အငယ်ဆုံးသမီးဖြစ်ပါတယ်။ ထားထက်ထက်ရဲ့ ငယ်စဉ်ဘ၀ အမှတ်တရအနေနဲ့ ဆိုးတဲ့ကလေးတစ်ယောက်ဖြစ်ခဲ့သလို စနေသမီးပီပီ စိတ်အရမ်းကြီးတဲ့သူတစ်ယောက်လည်း ဖြစ်ခဲ့တယ်လို့ ဆိုပါတယ်။

အားကစားကိုတော့ အသက်ငါးနှစ်အရွယ်လောက်ကတည်းက ၀ါသနာပါခဲ့ပြီး ကလေးဘ၀အိမ်မှာကတည်းက ကျွမ်းထိုးရတာ ၀ါသနာပါခဲ့တယ်လို့ပြောပါတယ်။ ဒီနောက်မှာတော့ ကျွမ်းဘားသင်တန်းကို မိဘများကအပ်နှံပေးခဲ့တာကြောင့် စတင်ကစားဖြစ်ခဲ့တယ်လို့ဆိုပါ တယ်။ ဒီနောက်မှာတော့ အဆင့်ဆင့် ပါဝင်ကစားခွင့်ရခဲ့ပြီး ငါးတန်းကျောင်းသူ အရွယ်ကစတင်ကာ တက္ကသိုလ်ဝင်တန်းအောင်မြင်တဲ့အချိန်အထိ မြန်မာ့ လက်ရွေးစင် ကျွမ်းဘားအားကစားမယ်အဖြစ် နိုင်ငံတကာပြိုင်ပွဲတွေမှာ ပါဝင်ယှဉ်ပြိုင်ခွင့်ရခဲ့တယ်လို့ဆိုပါတယ်။ နိုင်ငံကိုယ်စားပြုအားကစားပွဲတွေမှာ ဆုတံဆိပ်များလည်း ဆွတ်ခူးနိုင်ခဲ့တယ်လို့ ပြောပြခဲ့ပါတယ်။

ငယ်စဉ်ကတည်းက အားကစားသမားတစ်ယောက်အနေနဲ့ဖြတ်သန်းခဲ့ရချိန်မှာ တဖြည်းဖြည်းနဲ့စိတ်ပင်ပန်းတာတွေ၊ စိတ်ဓာတ်ကျရတာတွေ အများကြီး ကြုံခဲ့ဖူးတယ်လို့လည်းပြောပြခဲ့ပါတယ်။ “စဆော့တုန်းကတော့ အသက်ငယ်သေးသလို အဖော်တွေလည်းများတော့ ပျော်လည်းပျော်တယ်။ နောက်ပိုင်းတော့ကိုယ်နဲ့ခင်တဲ့သူတွေကလည်း ဆက်မဆော့တော့ဘူး။ ကိုယ်ကလည်း ပြိုင်ပွဲတွေရှိရင် အရမ်းပင်ပန်းပြီး စိတ်ဖိစီးမှုတွေများတယ်။ အရမ်းလည်းပင်ပန်းတယ်ဆိုတော့ လေ့ကျင့်ဖို့သွားတဲ့အချိန်ကိုက ငရဲခန်းလိုဖြစ်နေတဲ့အထိ စိတ်ညစ်ခဲ့ဖူးတယ်။ ဒါပေမဲ့ မိဘတွေကလည်းဖြစ်စေချင်တယ်။ ကိုယ်ကလည်း ဒီလောက်လုပ်လာခဲ့ပြီးမှတော့ အကောင်းဆုံး ဆက်ကြိုးစားတာပဲကောင်းတယ်ဆိုတဲ့စိတ်နဲ့ ဆက်လုပ်ဖြစ်တာပါ”4လို့ ထားထက်ထက်က ဆိုပါတယ်။

ထားထက်ထက်ရဲ့ပညာရေးအနေနဲ့တော့ ငယ်စဉ်ကတည်းက ဥာဏ်ကောင်းသူ တစ်ယောက်ဖြစ်တာကြောင့် စာအရမ်းညံ့တဲ့အထဲမှာတော့ မပါဝင်ခဲ့ဘူးလို့ဆိုပါတယ်။ တက္ကသိုလ်ဝင်တန်းအောင်မြင်ပြီး တက္ကသိုလ်စတင်တက် ရောက်စဉ်မှာပဲ ကျောင်းကားနဲ့ အက်စီးဒင့်တစ်ခုကြုံရတာကြောင့် ကျွမ်းဘားကစားတာကို စွန့်လွှတ်ခဲ့ရတယ်လို့  ဆိုပါတယ်။ ဒီနောက်မှာ ပညာရေးကိုကြိုးစားသင်ယူခဲ့ပြီး မိဘတွေရဲ့အကြံပေးမှုနဲ့ပဲ အလှမယ်တစ်ယောက်ဖြစ် ဖို့စတင်ကြိုးစားခဲ့တယ်လို့ပြောပြခဲ့ပါတယ်။

ထားထက်ထက်က ၂၀၁၃ ခုနှစ်မှာတော့ Miss Grand International ပြိုင်ပွဲကို မြန်မာကိုယ်စားပြု အလှမယ်တစ်ယောက်အနေနဲ့ သွားရောက် ယှဉ်ပြိုင်ခဲ့ပါတယ်။

‘အားကစားသမားအနေနဲ့ပြိုင်တယ်ဆိုတာက ကိုယ်ပြိုင်ရတဲ့ပြိုင်ပွဲအတွက်ပဲ အာရုံစိုက်ရတယ်။ အလှမယ်ဆိုတာကျတော့ ကိုယ်သွားတာ လာတာကအစ ကိုယ့်ရဲ့အပြုအမူတွေအားလုံးက နိုင်ငံကိုကိုယ်စားပြုနေတာဖြစ်တဲ့အတွက် အများကြီး သတိထားရပါတယ်။ စိတ်ဖိစီးမှုလည်းပိုများတယ်။ ဘာပဲဖြစ်ဖြစ် မြန်မာကိုယ်စားပြုအဖြစ် လုပ်ဆောင်ခွင့်ရတဲ့ တစ်နှစ်တာလုံးမှာအကောင်းဆုံးဖြစ်အောင်တော့ ကြိုးစားခဲ့ပါတယ်”လို့ ထားထက်ထက်က ပြောပါတယ်။

သရုပ်ဆောင်တစ်ယောက်အနေနဲ့ စတင်ခွင့်ရတဲ့ အတွေ့အကြုံကိုတော့ “အခက်အခဲတွေ အများကြီးရှိပါတယ်။ ထားထက် ပထမဆုံး ရိုက်ခွင့်ရတဲ့ဇာတ်ကားက အက်ရှင်ဇာတ်ကားပေါ့။ အဲဒီတုန်းက အက်ရှင်ချရတဲ့ဇာတ်ဝင်ခန်းတွေမှာ ထားထက်က ဂျူဒိုတွေ ဘာတွေ သင်ထားတော့ လူကြမ်းတွေကို တကယ်ချမိတာမျိုးတွေ ရှိခဲ့ဖူးတယ်။ သူတို့အားလုံးက စိတ်မဆိုးဘဲ ပံ့ပိုးပေးခဲ့ကြပါတယ်။ အခုချိန်အထိကို ထားထက်ကိုတွေ့ရင် ခနောဆန်ပြုတ်သောက်ရမယ်ဆိုပြီး နောက်နေကြတုန်းပါပဲ။ အဲဒီလိုအတွေ့အကြုံတွေက တစ်ဆင့်ပဲ လေ့လာသင်ယူခဲ့ရပါတယ်” လို့ ထားထက်ထက်က ဆိုခဲ့ပါတယ်။

ထားထက်ထက်က လက်ရှိမှာတော့ ရုပ်ရှင်ကားကြီးနဲ့ ဗီဒီယိုဇာတ်ကားတွေ ရိုက်ကူးထားပြီး ‘လူကြမ်းတစ်ယောက်ရဲ့ဒိုင်ယာရီ’ လို့ နာမည်ပေးထားတဲ့ ရုပ်ရှင်ဇာတ်ကားလည်း မကြာခင်ရုံတင်ပြသဖို့ရှိတယ်လို့ ဆိုပါတယ်။ ဇာတ်ကားတွေမှာ သရုပ်ဆောင်ရာမှာ အက်ရှင်ဇာတ်ကားတွေအပြင် ဟာသဇာတ်ကားတွေနဲ့ အချစ်ဇာတ်ကားတွေမှာလည်း ပါဝင်သရုပ်ဆောင်ထားတယ်လို့ ဆိုပါတယ်။ လက်ရှိမှာ ထားထက်ထက်က ဒါရိုက်တာသားညီ ရိုက်ကူးတဲ့ ’25 % ‘ရုပ်ရှင်ဇာတ်ကားမှာ ပါဝင်သရုပ်ဆောင်နေတယ်လို့ဆိုပါတယ်။ အောင်မြင်တဲ့ ပန်းတိုင်ကို မရောက်ခင် ခက်ခဲတဲ့ခရီးလမ်းကိုဖြတ်ကျော်ရတယ်ဆိုတာကို ထားထက်ထက်ရဲ့ငယ်စဉ်ဘ၀ အမှတ်တရတွေထဲကနေ တွေ့ မြင်နိုင်မှာပါ။ ဒါ့အပြင် မိမိရွေးချယ်တဲ့ အလုပ်တစ်ခုမှာ အကောင်းဆုံး အားထုတ်ကြိုးပမ်းရင် တစ်နေ့မှာ ရည်ရွယ်ရာပန်းတိုင်ကို ရောက်ရှိ နိုင်တယ်ဆိုတာကို လည်းတွေ့ မြင်ရယူနိုင်မှာ ဖြစ်ပါတယ်။ ဒါကြောင့် နောက်တစ်ပတ်တွေမှာလည်း ထင်ရှားတဲ့ အနုပညာရှင်တွေရဲ့ ငယ်စဉ်ဘ၀က အမှတ်တရပုံရိပ်တွေတင်ပြသွားဦးမှာဖြစ်လို့ စောင့်မျှော်ဖတ်ရှုပေးကြပါဦးလို့ ဆိုပါရစေ။                 လင်းလင်းခိုင်

ဖန်ပင်းပင်း စာချုပ်ကိစ္စပေါက်ကြားခဲ့ပြီးနောက် တရုတ်ရုပ်ရှင်လုပ်ငန်း၌ အခွန်စစ်ဆေးမှု စတင်

Photo: AFP

တရုတ်ထိပ်တန်းအမျိုးသမီး သရုပ်ဆောင်တစ်ဦးဖြစ်သည့် ဖန်ပင်းပင်းက များပြားလှသည့် အနုပညာကြေးရရှိမှုကို ဖုံးကွယ်ရန် စာချုပ်လိမ်လည်ချုပ်ဆိုခဲ့သည်ဆိုသော စွပ်စွဲချက်များ ထွက်ရှိခဲ့ပြီးနောက် တရုတ်အာဏာပိုင်များက ရုပ်ရှင်နှင့် ရုပ်သံလုပ်ငန်းမှ ထိပ်တန်းအနုပညာရှင်များ၏ ၀င်ငွေများကို စုံစမ်းစစ်ဆေးခဲ့သည်ဟု တရုတ်မီဒီယာများက ဖော်ပြခဲ့သည်။

တရုတ်အခွန်စည်းကြပ်မှုဆိုင်ရာ အာဏာပိုင်အဖွဲ့ State Authority of Taxation က အလုပ်တစ်ခုတည်းအတွက် Yin-Yang ဟုခေါ်ဆိုသည့် စာချုပ်နှစ်ခုချုပ်ဆိုမှုကို စုံစမ်းစစ်ဆေးရန် အခွန်ဌာနကို ဇွန် ၃ ရက်က ညွှန်ကြားခဲ့သည်။

ရုပ်သံသတင်းတင်ဆက်သူ Cui Yongyuan က ဖန်ပင်းပင်း၏ စာချုပ်အသေးစိတ် အချက်အလက်များကို အွန်လိုင်းတွင် ဖွင့်ချခဲ့သည်။ Cui ၏ ကနဦးဖွင့်ချမှုတွင် ဖန်သည် ဒါရိုက်တာ Feng Xiaogang ရိုက်ကူးသည့် Cell Phone 2 ဇာတ်ကားအတွက် ဒေါ်လာ ၁ ဒသမ ၅၆ သန်း ရရှိခဲ့သည်ဟု ပြသခဲ့သည်။ ယင်းဇာတ်ကားတစ်ခုတည်းအတွက် ဒုတိယစာချုပ်တွင် ဒေါ်လာ ၇ ဒသမ ၈ သန်းဟု ဖော်ပြထားကြောင်း Cui က ထုတ်ဖော်ပြောကြားခဲ့သည်။ ဖန်သည် ၎င်းရရှိသည့် အနုပညာကြေး ဒေါ်လာ ၉ ဒသမ ၃ သန်းအစား ၀င်ငွေနည်းပါးသည့် စာချုပ်ကိုသာ အခွန်အာဏာပိုင်များကို ထုတ်ပြန်ရန် ရည်ရွယ်ပြီး ယင်းသို့လုပ်ဆောင်ခြင်းဖြစ်နိုင်သည်ဟု Cui က အရိပ်အမြွက် ပြောကြားခဲ့သည်။

ဖန်ကမူ မရိုးသားမှု တစ်စုံတစ်ရာ ပြုလုပ်ခဲ့ခြင်းမရှိဟု ငြင်းဆိုခဲ့ပြီး ယင်းစွပ်စွဲချက်များကို တုံ့ပြန်ရန် ဥပဒေအဖွဲ့ကို ငှားရမ်းခဲ့သည်။ ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့တွင် ပါဝင်ခဲ့သည့် အသက် ၃၆ နှစ်အရွယ်ရှိ ဖန်သည် ၂၀၁၆ ခုနှစ် ၀င်ငွေအကောင်းဆုံး အမျိုးသမီး သရုပ်ဆောင်စာရင်းတွင် ဒေါ်လာ ၁၇ သန်းဖြင့် နံပါတ်ငါးနေရာတွင် ဖော်ပြခံခဲ့ရသည်ဟု Forbes က ထုတ်ပြန်ခဲ့သည်။

Soloး A Star Wars Story က မြောက်အမေရိက၏ ၀င်ငွေအများဆုံးရုပ်ရှင်အဖြစ် ဆက်လက်ရပ်တည်

Photo – AP

ပြသနေသည်မှာ ဒုတိယမြောက်အပတ်သို့ ရောက်လာပြီဖြစ်သည့် Soloး A Star Wars Story  သည် ပြီးခဲ့သည့်သီတင်းပတ်ကလည်း မြောက်အမေရိက၏ ၀င်ငွေအများဆုံး ရုပ်ရှင်ဖြစ်ခဲ့သည်။ သို့သော် ရရှိခဲ့သည့်ဝင်ငွေမှာ အများကခန့်မှန်းသည်ထက် များစွာနိမ့်ကျပြီး ဒေါ်လာ ၂၉ ဒသမ ၃ သန်းသာ ရရှိခဲ့သည်။ ၂၀၁၆ ခုနှစ်က ထွက်ရှိခဲ့သော Star Warsး Rogue One ၏ ဒုတိယမြောက်သီတင်းပတ် ၀င်ငွေမှာ ဒေါ်လာ ၆၄ သန်းဖြစ်ပြီး Star Warsး The Last Jedi မှာ ဒေါ်လာ ၇၁ သန်းဖြစ်သည်။ အချို့သော ရုပ်ရှင်သုံးသပ်သူများကမူ Star Wars  ရုပ်ရှင်များကို ငြီးငွေ့လာခြင်းဖြစ်သည်ဟု ပြောခဲ့ကြသည်။ Soloး A Star Wars Story သည် နိုင်ငံတကာ၌ ပြသရာတွင်မူ ၀င်ငွေဒေါ်လာ ၂၆၄ သန်း ရရှိထားပြီ ဖြစ်သည်။

ဝင်ငွေအများဆုံးစာရင်း၏ ဒုတိယနေရာတွင်ရှိသည်မှာ Deadpool 2  ဖြစ်ပြီး ၀င်ငွေ ဒေါ်လာ ၂၃ ဒသမ ၃ သန်းရရှိထားသည်။

တတိယနေရာတွင် ရှိနေသည်မှာ STX Films မှ ထုတ်လုပ်သော ရုပ်ရှင်ကားသစ် Adrift ဖြစ်ပြီး ၀င်ငွေဒေါ်လာ ၁၁ ဒသမ ၅ သန်းရရှိထားသည်။ ငယ်ရွယ်သော စုံတွဲတစ်တွဲ၏ ရွက်လွှင့်သင်္ဘောသည် သမုဒ္ဒရာအလယ်တွင် ဟာရီကိန်းနှင့် ကြုံခဲ့ရသည့်အကြောင်းဖြစ်သော ထိုရုပ်ရှင်ထဲ၌ Shailene Woodley နှင့် Sam Claflin တို့ ပါဝင်သရုပ်ဆောင်ထားသည်။ ပြသနေသည်မှာ ခြောက်ပတ်မြောက်သို့ ရောက်နေပြီဖြစ်သည့် ဒစ္စနေမှ Avengersး Infinity War ဖြစ်ပြီး ပြီးခဲ့သည့်သီတင်းပတ်က ၀င်ငွေဒေါ်လာ ၁၀ ဒသမ ၄ သန်းရရှိခဲ့သည်။ Infinity War ၏ ကမ္ဘာတစ်ဝန်း၌ ပြသသော ၀င်ငွေများကိုပါ ပေါင်းလိုက်ပါက ဒေါ်လာ ၁ ဒသမ ၉၆ ဘီလျံရရှိနေပြီဖြစ်ပြီး သမိုင်းတစ်လျှောက် စတုတ္ထမြောက် ၀င်ငွေအများဆုံး ရုပ်ရှင်ဖြစ်လာခဲ့သည်။

နံပါတ် ၅ နေရာတွင် ရပ်တည်နေသည် မှာ Book Club ဖြစ်ပြီး ၀င်ငွေဒေါ်လာ ၆ ဒသမ ၈ သန်း ရရှိထားသည်။