The Four အဖွဲ့၏ A Winter Night with the Four ဂီတဖျော်ဖြေပွဲ ရန်ကုန်မြို့ IBC ခန်းမ၌ ပြုလုပ်မည်

ဆောင်းရာသီအကြိုဂီတဖျော်ဖြေပွဲပြုလုပ်မည့် The Four ဂီတအဖွဲ့

The Four အဖွဲ့၏ A Winter Night with the Four ဂီတဖျော်ဖြေပွဲအား ရန်ကုန်မြို့ IBC ခန်းမ၌ ပြုလုပ်မည်ဖြစ်ကြောင်း သိရသည်။ ယင်းဂီတဖျော်ဖြေပွဲတွင် တေးသံရှင် ဂျူဝဲလ်၊ သားငယ်နှင့် The Four အဖွဲ့ဝင်များ ပါဝင်တင်ဆက်မည် ဖြစ်သည်။

“ကျွန်တော်တို့ The Four အဖွဲ့ကိုအားပေးကြတဲ့ ပရိသတ်တွေကို ကျေးဇူးတင်ပါတယ်။ The Four အနေနဲ့  ပွဲလေးတွေမလုပ် ဖြစ်တာလည်းနည်းနည်းကြာပြီ။ အခုတော့ ဆောင်းရာသီကို ရောက်လာတော့မှာဖြစ်တဲ့ အတွက် A Winter Night with the Four နာမည်လေးနဲ့လုပ်ဖြစ်တာပါ။ ဒီပွဲလေးမှာ ကျွန်တော်တို့နဲ့ပရိသတ်တွေနဲ့ အမှတ်တရရှိခဲ့တဲ့ သီချင်းလေးတွေဆိုမယ်။ Cover song လေးတွေဆိုမယ်။ The Four အဖွဲ့ကိုတစိုက် မတ်မတ်အားပေးကြတဲ့ ပရိသတ်တွေအတွက် သီချင်းတွေအများကြီးဆိုပါမယ်” ဟု The Four အဖွဲ့ဝင်တစ်ဦးဖြစ်သည့် တေးသံရှင် ဂျူဝဲလ်က ဆိုသည်။

The Four အဖွဲ့သည် ယခင်ကလည်း Cover song များအား ကိုယ်ပိုင်ဟန်ဖန်တီးမှုများဖြင့် ပေါင်းစပ်တင်ဆက်သည့် အဖွဲ့တစ်ခုအဖြစ်ထင်ရှားပြီး Bar များတွင် ဖျော်ဖြေရေးအစီအစဉ်များ ပြုလုပ်နေခြင်းဖြစ်သည်။ The Four အဖွဲ့၏ ဖျော်ဖြေရေးအစီအစဉ်အချို့အား ခေတ္တရပ်နားထားပြီးနောက် ယခုအခါ ဆောင်းရာသီအကြို ဖျော်ဖြေပွဲအဖြစ် စီစဉ်ထားခြင်းဖြစ်သည်။ ယခု ဖျော်ဖြေပွဲတွင် The Four အဖွဲ့အနေဖြင့် Cover သီဆိုခဲ့သည့် အမှတ်တရတေးသီချင်းများကို ရွေးချယ်တင်ဆက်သွားမည်ဖြစ်ကြောင်း သိရသည်။ The Four အဖွဲ့၏ဖျော်ဖြေရေး အစီအစဉ်ကို အားပေးကြည့်ရှုလိုသူများ အနေဖြင့် ကြေညာထားသည့် ဖုန်းနံပါတ်အား ဆက်သွယ်ကာ စာရင်းပေးသွင်းနိုင်မည်ဖြစ်ကြောင်း သိရသည်။

ဆောင်းရာသီအကြိုဖျော်ဖြေပွဲကို ည ၇ နာရီခွဲတွင် စတင်မည်ဖြစ်သည်။

Memory Film Festival ကို နိုဝင်ဘာ ၉ ရက်မှ ၁၈ ရက်အထိ ရန်ကုန်မြို့ ၀ဇီရာရုံနှင့် မဟာဗန္ဓုလပန်းခြံတွင် ပြုလုပ်မည်ဖြစ်ပြီး ပြည်တွင်းနှင့်နိုင်ငံတကာမှ ဇာတ်ကား ၇၅ ကားပြသမည်

ယခင်နှစ်ကပြုလုပ်ခဲ့သည့် Memory Film Festival မြင်ကွင်း

Memory Film Festival ကို နိုဝင်ဘာ ၉ ရက်မှ ၁၈ ရက်အထိ ရန်ကုန်မြို့ ၀ဇီရာရုပ်ရှင်ရုံနှင့် မဟာဗန္ဓုလပန်းခြံတို့တွင် ပြုလုပ်မည်ဖြစ်ပြီး ပြည်တွင်းနှင့်နိုင်ငံတကာမှ ဇာတ်ကား ၇၅ ကားကို ပြသမည်ဖြစ်ကြောင်း သိရသည်။ ယခုအကြိမ်တွင် ခြောက်ကြိမ်မြောက်အဖြစ် ပြုလုပ်မည်ဖြစ်ပြီး Main Theme အဖြစ် Freedom of Press & Democracy on Silver Screen ခေါင်းစဉ်အောက်မှ ဇာတ်ကားများအား ပြသမည်ဖြစ်ကြောင်း သိရသည်။ Memory Film Festival တွင် ဂန္ထ၀င်ဇာတ်ကားပေါင်း ၂၀ နှင့် လက်ရှိခေတ်ကာလကို ထင်ဟပ်သည့် ဇာတ်ကားများအား ပြသမည် ဖြစ်သည်။

“နှစ်စဉ်ပြုလုပ်နေကျဖြစ်တဲ့ Memory Film Festival ကို အခုနှစ်မှာလည်း ပြုလုပ်မှာဖြစ်ပါတယ်။ ကမ္ဘာ့အမွေအနှစ် ရုပ်ရှင်ပွဲတော်ဖြစ်တာကြောင့် နိုင်ငံတကာကအမွေအနှစ် ဇာတ်ကားကောင်းတွေကို ပြသမှာဖြစ်သလို ပြည်တွင်းက အမွေအနှစ် ဇာတ်ကားကောင်းတွေကိုလည်း ထည့်သွင်းပြသမှာပါ။ ရုပ်ရှင်ပွဲတော်ကို ရန်ကုန်မြို့ရဲ့ ရှေးဟောင်းအဆောက်အအုံတစ်ခုလို့ဆိုရမယ့် ၀ဇီရာရုပ်ရှင်ရုံနဲ့ Open Cinema အဖြစ် မဟာဗန္ဓုလပန်းခြံတို့မှာ ပြုလုပ်ပါမယ်။ ရုပ်ရှင်ပွဲတော်နဲ့အတူ ရုပ်ရှင်ဆွေးနွေးပွဲတွေ၊ ဇာတ်ညွှန်းစီမံချက် ပြိုင်ပွဲဖြစ်တဲ့ Myanmar Script Fund အစီအစဉ်၊ Memory Journalism and Culture အစီအစဉ်တွေကိုလည်း ကျင်းပသွားမှာပါ။ အခမဲ့တင်ဆက်မှာဖြစ်လို့ လာရောက်အား ပေးဖို့လည်း ဖိတ်ခေါ်ချင်ပါတယ်” ဟု Memory Film Festival မှတာဝန်ရှိသူတစ်ဦးက ဆိုသည်။

နိုဝင်ဘာ ၉ ရက်မှ ၁၈ ရက်အထိ ၁၀ ရက်တိုင်ကျင်းပမည့် Memory Film Festival Yangon တွင်ပြသမည့် ဇာတ်ကားများစာရင်းအား အသေးစိတ် အသိပေးကြေ ညာသွားမည်ဖြစ်ကာ main theme ဖြစ်သည့် Freedom of Press & Democracy on Silver Screen ခေါင်းစဉ်နှင့်သင့်လျော်သည့် ဇာတ်ကားများအား ရွေးချယ်ပြသမည် ဖြစ်ကြောင်းသိရသည်။ ကမ္ဘာ့နိုင်ငံအများ အပြားမှထင်ရှားသည့် အမွေအနှစ်ဇာတ်ကားများအားပြသမည့်အပြင် ပြည်တွင်းမှ ထင်ရှားသည့် ဂန္ထ၀င်ဇာတ်ကားကောင်းများကိုလည်း ရွေးချယ်ပြသမည်ဖြစ်ကြောင်း သိရသည်။ ရုပ်ရှင်ပွဲတော်တွင် အခမဲ့ပြသမည်ဖြစ်သဖြင့် မိမိတို့နှစ်သက်ရာ ဇာတ်ကားများအား ရွေးချယ်ကြည့်ရှုနိုင်မည်ဖြစ်ကြောင်း သိရသည်။

 

ထိုင်းလိုဏ်ဂူမှ လွတ်မြောက်ခဲ့သည့်ကလေးများ LA ဂလက်ဆီအသင်းနှင့် လေ့ကျင့်ခွင့်ရ

Ellen ရုပ်သံအစီအစဉ်၌ ထိုင်းကလေးငယ်များနှင့် အီဘရာဟီမိုဗစ် နှုတ်ဆက်စကားပြောနေစဉ်

ထိုင်းလိုဏ်ဂူအတွင်း ပိတ်မိနေရာမှ လွတ်မြောက်ခဲ့သည့် လူငယ်ဘောလုံးအသင်း ကစားသမားများသည် မေဂျာလိဂ်ကလပ် LA ဂလက်ဆီအသင်းနှင့် ပူးတွဲလေ့ကျင့်ခွင့်ရခဲ့ကြောင်း သိရသည်။

ထိုင်းနိုင်ငံ ချင်းရိုင်ခရိုင်ရှိ လိုဏ်ဂူအတွင်းမှ လွတ်မြောက်ခဲ့သည့် လူငယ်များသည် The Wild Boars (တောဝက်) အသင်း၏ ကစား သမားများဖြစ်ပြီး ၎င်းတို့သည် အောက်တိုဘာ ၁၉ ရက်က LA ဂလက်ဆီအသင်း၏ StubHub အားကစားကွင်းသို့ သွားရောက်လည်ပတ်ပြီးနောက် ယင်းကွင်းအနီးရှိ လေ့ကျင့် ရေးကွင်း၌ ၀ါရင့်တိုက်စစ်မှူး အီဘရာဟီမိုဗစ် အပါအ၀င် နာမည်ကြီးကစားသမားများနှင့်အတူ လေ့ကျင့်ခွင့်ရခဲ့ခြင်းဖြစ်သည်။ ၎င်းတို့သည် ယခုလဆန်းပိုင်းက အာဂျင်တီးနားနိုင်ငံ ဗျူနိုအေရိစ်မြို့၌ ကျင်းပသည့် လူငယ်အိုလံပစ်ပြိုင်ပွဲ ဖွင့်ပွဲအခမ်းအနားသို့ တက်ရောက်ရန် ဖိတ်ကြားခံရပြီး နာမည်ကြီး အာဂျင်တီးနားကလပ် ရေးဗားပလိတ်လူငယ်အသင်းနှင့် ခြေစမ်းကစားရာ သုံးဂိုးစီသရေကျခဲ့သည်။ တောဝက်အသင်းသည် အာဂျင်တီးနားမှတစ်ဆင့် အမေရိကန်နိုင်ငံသို့သွားရောက်ခဲ့ခြင်းဖြစ်ပြီး အောက်တိုဘာ ၁၅ ရက်က ရုပ်သံအစီအစဉ်တင်ဆက်သူ အယ်လန်၏ Ellen Show အစီအစဉ်တွင် ပါဝင်ခွင့်ရခဲ့သည်။ LA ဂလက်ဆီအသင်းတိုက်စစ်မှူး အီဘရာဟီမိုဗစ်သည် ကြိုတင်ကြေညာထားခြင်းမရှိဘဲ ယင်းအစီအစဉ်သို့ သွားရောက်လည်ပတ်ခဲ့ပြီး လူငယ်ကစားသမားများအား နှုတ်ဆက်စကားပြောခဲ့ကြောင်း သိရသည်။ “ကျွန်တော်က ကိုယ့်ကိုယ်ကိုယ်သတ္တိရှိတဲ့သူလို့ ထင်တာပါ။ ဒါပေမဲ့ ဒီကလေးတွေနဲ့ ဒီအသင်းက ကျွန်တော့်ထက်ပိုပြီး သတ္တိရှိပါတယ်။ သူတို့အသင်းက ကမ္ဘာ့အကောင်းဆုံးအသင်းဖြစ်လာနိုင်တယ်” ဟု အီဘရာဟီမိုဗစ်က Ellen Show တွင် ပြောကြားသည်။

အသက် ၁၁ နှစ်မှ ၁၇ နှစ်အတွင်းရှိ တောဝက်အသင်း ကစားသမား ၁၂ ဦးနှင့် ၂၅ နှစ်အရွယ်ရှိ လက်ထောက်နည်းပြဖြစ်သူသည် ဇွန် ၂၃ ရက်က ချင်းရိုင်ခရိုင်ရှိ ထမ်လွန်လိုဏ်ဂူအတွင်း ၀င်ရောက်စဉ် မိုးသည်းထန်စွာ ရွာသွန်း၍ ရေလွှမ်းမိုးမှုကြောင့် လိုဏ်ဂူအတွင်း ပိတ်မိခဲ့ခြင်းဖြစ်သည်။ ၎င်းတို့ကို ကယ်တင်နိုင်ရန် နိုင်ငံတကာမှ ပူးပေါင်းအဖွဲ့များ ပါဝင်သည့် ကယ်ဆယ်ရေးအဖွဲ့က ၁၈ ရက်ကြာ ကြိုးပမ်းခဲ့ရပြီး ဇူလိုင် ၁၀ ရက်တွင် ၁၃ ဦးစလုံးကို အသက်ရှင်လျက် အောင်မြင်စွာ ကယ်တင်နိုင်ခဲ့ကြောင်း သိရသည်။

ခင်မောင်တိုး အမှတ်တရ မဟာဆန်သူရဲ့ ဒဏ္ဍာရီည ဖျော်ဖြေပွဲ မန္တလေးမြို့ အမျိုးသား ကဇာတ်ရုံတွင် ကျင်းပခဲ့

■ ဓာတ်ပုံ-သက်ထွန်းအောင်

အဆိုတော် ခင်မောင်တိုး အမှတ်တရ အနေဖြင့် မဟာဆန်သူရဲ့ ဒဏ္ဍာရီည ဖျော်ဖြေပွဲကို မန္တလေးမြို့ အမျိုးသားကဇာတ်ရုံတွင် အောက်တိုဘာလ ၁၉ ရက်နေ့ ညပိုင်းက ကျင်းပခဲ့သည်။

ဖျော်ဖြေပွဲတွင် မဇ္ဇျိမလှိုင်းနှင့် ဂီတမိတ်(မန္တလေး) တေးဂီတအဖွဲ့နှင့်အတူ အဆိုတော် ကိုနေဝင်း၊ ဂျေမောင်မောင်၊ မွန်းအောင်၊ တူးတူး၊ မီမီဝင်းဖေ၊ ချမ်းမြေ့မောင်ချို၊ ဂျူဝယ်၊ မဇ္ဇျိမလှိုင်း၊ စံလင်း၊ စိုးစိုး၊ နိုင်မင်း၊ ဖြိုးကြီး၊ စိုးထက်၊ ကျော်ကို(အိမ်အလွမ်း)၊ ဆူမို ၊ ကျော်မောင်မောင်ထွေး၊ ဂီတမိတ်(မန္တလေး) တို့မှ ဖျော်ဖြေတင်ဆက်ခဲ့ပြီး သီချင်းပုဒ်ရေ ၄၀ နီးပါးခန့် ဖျော်ဖြေ တင်ဆက်ခဲ့ကြသည်။

ယခုလာမည့် နိုဝင်ဘာလတွင် အဆိုတော် ခင်မောင်တိုး ကွယ်လွန်ခြင်းသည် ၆ နှစ်ရှိခဲ့ပြီ ဖြစ်သောကြောင့် မန္တလေးတွင် အမှတ်တရပွဲလေးတစ်ခု စီစဉ်ရခြင်း ဖြစ်ကြောင်း သိရသည်။ ဖျော်ဖြေပွဲသို့ လာရောက်သည့် ပရိသတ်များသည်လည်း လူလတ်ပိုင်းထက် လူကြီးပိုင်းမျာပြီး ပရိသတ်အများအပြား လာရောက်အားပေးကြကြောင်း တွေ့မြင်ရသည်။

ဖျော်ဖြေပွဲအပြင်ဘက်တွင် ခင်မောင်တိုး အမှတ်တရ ပစ္စည်းရောင်းခြင်း တီရှပ်ပေါ်တွင်​ အဆိုတော်ခင်မောင်တိုး အမှတ်တရ ပုံတူများကို ကာတွန်းဆရာများက ညနေ ၅ နာရီမှ ၇ နာရီအတွင်း ဇာတ်ရုံရှေ့တွင်​လက်တွေ့​ရေးဆွဲပေးခဲ့ကြသည်။

ဝင်ကြေးအဖြစ် လက်မှတ်တစ်စောင်လျှင် ၅၀၀၀၀ ၊ ၃၀၀၀၀ ၊ ၂၀၀၀၀ ၊ ၁၀၀၀၀ ကျပ်နှုန်း သတ်မှတ်ခဲ့ကြောင်း သိရသည်။

Frenzo Night in Japan ဂီတ ဖျော်ဖြေပွဲတွင် ပါဝင်တင်ဆက်ရန် စိုင်းစိုင်းခမ်းလှိုင်နှင့် တေးသံရှင်များ ဂျပန်နိုင်ငံသို့သွားရောက်

Frenzo Night in Japan ဂီတဖျော်ဖြေပွဲတွင် ပါဝင်တင်ဆက်ရန် တေးသံရှင် စိုင်းစိုင်းခမ်းလှိုင်နှင့် တေးသံရှင်များ ဂျပန်နိုင်ငံသို့ အောက်တိုဘာ ၁၈ ရက်တွင် သွားရောက်ခဲ့ကြောင်း သိရသည်။

ယင်းဂီတဖျော်ဖြေပွဲကို အောက်တိုဘာ ၂၁ ရက်တွင် တိုကျိုမြို့ရှိ Super Live Theater Area ၌ ကျင်းပမည်ဖြစ်ကြောင်း သိရသည်။ Frenzo Night in Japan အစီအစဉ်တွင် တေးသံရှင် စိုင်းစိုင်းခမ်းလှိုင်၊ စောညီညီ၊ Snare ၊ ဘန်နီဖြိုး၊ G-Fatt ၊ John တို့ ပါဝင်တင်ဆက်ရန် စီစဉ်ထားကြောင်း သိရသည်။

“Frenzo Night in Japan ဆိုပြီး တိုကျိုမြို့မှာ ပွဲလုပ်ဖို့ရှိပါတယ်။ စိုင်းစိုင်းခမ်းလှိုင်နဲ့ တခြားအနုပညာရှင်တွေလည်း ပါဝင်ပါမယ်။ အောက်တိုဘာ ၂၁ ရက် မှာ သွားလုပ်မှာပါ။ တိုကျိုမြို့က မြန်မာပရိသတ်တွေ ပျော်ပျော်ပါးပါးအားပေးနိုင်မယ့်ပွဲပါ။ ဒီပွဲအတွက်လည်း ကျွန်တော်တို့အားလုံး သေချာလေးပြင်ဆင်သွားပါမယ်” ဟု အဆိုပါဖျော်ဖြေပွဲအား စီစဉ်မည့် ရွှေစင်အင်တာတိန်းမန့်မှ ကိုအီကြာကွေးက ဆိုသည်။

တေးသံရှင်စိုင်းစိုင်းခမ်းလှိုင်ကလည်း “ဂျပန်က ပရိသတ်တွေ နဲ့ တွေ့ဆုံဖျော်ဖြေခွင့်ရမှာဖြစ်တဲ့အတွက် အရမ်းပဲ စိတ်လှုပ်ရှား ပါတယ်။ လက်မှတ်တွေ ရောင်းချကတည်းက ၀ယ်ယူအားပေးကြတဲ့ ပရိသတ်တွေကိုလည်း ကျေးဇူးတင်ပါတယ်။ စင်မြင့်ထက်က ဖျော်ဖြေပွဲတိုင်းကတော့ ကျွန်တော့်အတွက်တော့ စိတ်လှုပ်ရှားရတာ ချည်းပါပဲ။ ဒီပွဲမှာလည်း ဂျပန်က ပရိသတ်တွေနဲ့ တွေ့ ဆုံဖျော်ဖြေခွင့်ရမှာဖြစ်တဲ့အတွက် တကယ်စိတ်လှုပ်ရှားပါတယ်” ဟု ဆိုသည်။

Frenzo Night in Japan ဂီတဖျော်ဖြေပွဲအတွက် လက်မှတ်များအား ရောင်းချလျက်ရှိကာ Standard Ticket အဖြစ် 7500 Yen ဟု သတ်မှတ်ထားကာ Door Ticket အဖြစ် 8500 Yen ဟု သတ်မှတ်ထားကြောင်း သိရသည်။

‘မလွန်ဆန်နိုင်သော သဘာဝအမှန်တရား’ ရန်ပုံငွေဂီတဖျော်ဖြေပွဲ နိုဝင်ဘာ ၃ ရက်တွင် ကျင်းပမည်ဖြစ်ကာ ဂီတအနုပညာရှင် အယောက် ၃၀ က မေတ္တာဖြင့် ပါဝင်ဖျော်ဖြေမည်

၂၀၁၇ ခုနှစ်က ကျင်းပခဲ့သည့် ‘မလွန်ဆန်နိုင်သော သဘာဝအမှန်တရား’ ရန်ပုံငွေဖျော်ဖြေပွဲကို တွေ့ရစဉ် (ဓာတ်ပုံ-နေ၀န်းထက်)

‘မလွန်ဆန်နိုင်သော သဘာဝအမှန်တရား’ ရန်ပုံငွေဂီတဖျော်ဖြေပွဲကို နိုဝင်ဘာ ၃ ရက်တွင် ရန်ကုန်မြို့ အမျိုးသားကဇာတ်ရုံ၌ ကျင်းပမည်ဖြစ်ကာ ဂီတအနုပညာရှင် အယောက် ၃၀ က မေတ္တာဖြင့် ပါဝင်သီဆို ဖျော်ဖြေကြမည်ဟု သိရသည်။ အဆိုပါပွဲကို My Music Entertainment မှ တတိယအကြိမ်မြောက်အဖြစ် စီစဉ်ကျင်းပခြင်းဖြစ်ကြောင်း သိရသည်။

“ကျွန်တော်တို့အနေနဲ့ ဒီဖျော်ဖြေပွဲလေးကို တတိယအကြိမ် ကျင်းပဖြစ်တာပါ။ သန်လျင်သဘာဝတရားရိပ်သာမှာက အကူအညီ လိုအပ်နေတဲ့သူတွေက အများကြီးလေ။ အလှူရှင်တွေလည်းရှိပေမယ့် ကျွန်တော်တို့တွေကလည်း တတ်နိုင်တဲ့ဘက်ကနေ ပါဝင် ကူညီကြတာပါ။ ပွဲလုပ်တဲ့အတွက် လှူဒါန်းနိုင်တာကို လူတွေပိုသိပြီး သွားလှူဖို့ခက်တဲ့သူတွေအတွက်လည်း ဒီပွဲကနေ လှူဒါန်းနိုင်တာကြောင့် ကျင်းပတာပါ။ ရန်ပုံငွေပွဲဖြစ်တဲ့ အတွက် စက်ပိုင်းဆိုင်ရာ မီးပိုင်းဆိုင်ရာတွေမှာကစ အနုပညာရှင်အားလုံးကရောမေတ္တာနဲ့ ပါဝင်ကူညီကြတာပါ။ ဒီပွဲမှာ ကိုယ့်အိမ်မှာ ကိုယ်အသုံးမလိုတော့ပေမယ့် တခြားလူတွေ အသုံးလိုမယ့်ပစ္စည်းတွေ၊ အ၀တ်အထည်တွေအပြင် အစားအစာတွေကအစ ကိုယ်ကြိုက်တာကို အလှူခံဌာနမှာ လာပြီးလှူနိုင်ပါတယ်။ ဂီတပွဲကိုလာကြည့်တာလည်း လှူဒါန်းတာပါပဲ” ဟု My Music Entertainment မှ ဦးအောင်လင်းက ဆိုသည်။

တတိယအကြိမ်မြောက် ကျင်းပသည့် ‘မလွန်ဆန်နိုင်သော သဘာဝအမှန်တရား’ ရန်ပုံငွေဂီတဖျော်ဖြေပွဲတွင် Lucky Hand၊ My Music စသည့် တေးဂီအဖွဲ့များနှင့်အတူ တေးသံရှင် ဇော်ဝင်းရှိန်၊ ဂျေမောင်မောင်၊ ချစ်ကောင်း၊ တူးတူး၊ မွန်းအောင်၊ ဂရေဟမ်၊ ရင်ဂို၊ မာရဇ္ဇ၊ ဘိုဖြူ၊ R ဇာနည်၊ ဇော်ပိုင်၊ ဖြိုးပြည့်စုံ၊ အောင်ထက်၊ ဖိုးပြည့်၊ တိုးခိုင်၊ မေခလာ၊ ကော်နီ၊ ချောစုခင်၊ အိုင်းရင်းဇင်မာမြင့်၊ စန္ဒီမြင့်လွင်၊ ထိုက်ထိုက်၊ နန့်ချစ်နဒီဇော်၊ ၀ိုင်းလေး၊ ပန်းရောင်ခြယ်၊ Jewel၊ ယွန်း၊ နော်ဂျက်၊ ကြာညိုသွယ်နှင့် ယုဝေဖြိုးတို့ ပါဝင်သီဆိုဖျော်ဖြေကြမည်ဟု သိရသည်။

ထို့ပြင် Creator Music Band (မြင်းခြံကတုံးညီအစ်ကို)၊ Angry Bird Music Band (အမြင်အာရုံချို့တဲ့ ဂီတပညာရှင်လေးများအဖွဲ့)နှင့် Future Music Band တို့လည်း ပါဝင်ဖျော်ဖြေကြမည်ဟု သိရသည်။ အဆိုပါ ဖျော်ဖြေပွဲ လက်မှတ်ရောင်းချမှုမှရရှိသည့် ငွေကြေးများအားလုံးကို သန်လျင်မြို့ရှိ သဘာဝတရားရိပ်သာသို့ လှူဒါန်းသွားမည်ဟု သိရသည်။

‘မလွန်ဆန်နိုင်သော သဘာဝအမှန်တရား’ ရန်ပုံငွေဂီတဖျော်ဖြေပွဲတွင် သန်လျင်သဘာဝတရားရိပ်သာအတွက် လှူဒါန်းလိုသည့် ပစ္စည်းများ၊ အ၀တ်အစား (အသစ်၊ အဟောင်း)၊ အသုံးအဆောင်များ၊ ဆန်၊ ဆီ၊ ဆေး အစရှိသည့် လှူဒါန်းပစ္စည်းများကိုလည်း ဖျော်ဖြေပွဲကျင်းပမည့် နိုဝင်ဘာ ၃ ရက် မွန်းလွဲ ၃ နာရီမှစတင်ကာ အမျိုးသားကဇာတ်ရုံ၌ အလှူခံဌာနထားရှိပေးမည်ဖြစ်ကြောင်း သိရသည်။ ယင်းဖျော်ဖြေပွဲသို့ လာရောက်မကြည့်ရှုနိုင်သူများ အနေဖြင့်လည်း My Garden စားသောက်ဆိုင်တွင် အလှူခံကောင်တာကို အောက်တိုဘာ ၁၅ ရက်မှ စတင်ထားရှိပေးထားကြောင်း သိရသည်။

အဆိုပါ ဖျော်ဖြေပွဲအတွက် လက်မှတ်များကို ကျပ် ၂၀၀၀၀၊ ၁၀၀၀၀ နှင့် ၅၀၀၀ သတ်မှတ်ထားပြီး မန်းသီရီတေးသံသွင်း၊ My Garden Unplugged Restaurent နှင့် သန်လျင်သဘာဝတရားရိပ်သာတို့တွင် ၀ယ်ယူရရှိနိုင်သည်ဟု သိရသည်။

ဟောင်ကောင်သရုပ်ဆောင် ချောင်ယွန်ဖက်က ပိုင်ဆိုင်မှုအားလုံးကို လှူဒါန်းမည်ဟု ပြောကြား

အထင်ကရ ဟောင်ကောင်သရုပ်ဆောင် ချောင်ယွန်ဖက်က ပိုင်ဆိုင်မှုအားလုံးကို ပရဟိတအဖွဲ့သို့ လှူဒါန်းရန် စီစဉ်ထားသည်ဟု ပြောကြားခဲ့ကြောင်း Telegraph သတင်းစာတွင် ဖော်ပြခဲ့သည်။

ဒေါ်လာ ၇၁၄ သန်း( ဟောင်ကောင် ဒေါ်လာ ၅ ဒသမ ၆ ဘီလျံ) ကြွယ်ဝသည့် ချောင်က ဟောင်ကောင်အနုပညာသတင်းဝက်ဘ်ဆိုက် Jayne Stars  နှင့် အင်တာဗျူး အစီအစဉ်တစ်ခုတွင် ယင်းကဲ့သို့ ကတိပေးခဲ့  ခြင်းဖြစ်သည်။

“ငွေတွေက ကျွန်တော်ပိုင်ဆိုင်တာတွေ မဟုတ်ပါဘူး။ ပျော်ရွှင်တဲ့ သာမန်လူသား တစ်ယောက်ဖြစ်ဖို့က ကျွန်တော့်ရည်မှန်းချက်ပါပဲ”  ဟု အသက် ၆၃ နှစ်အရွယ်ရှိ ချောင် က ပြောကြားခဲ့သည်။ ချောင်က ၎င်း၏ တစ်လ အသုံးစရိတ်သည် ဟောင်ကောင်ဒေါ်လာ ၈၀၀ သာ ရှိသည်ဟု ပြောကြားခဲ့ကြောင်း Jayne Stars ၀က်ဘ်ဆိုက်တွင် ဖော်ပြခဲ့သည်။

ချောင်သည် ငွေကြေးချမ်းသာသော်လည်း ၎င်း၏ခြိုးခြံချွေတာသောနေထိုင်မှုပုံစံကြောင့် အာရှပရိသတ်များကြားတွင် ဂုဏ်သတင်းကြီးခဲ့သည်။ ချောင်သည် ဟောင်ကောင်အနီးတစ်ဝိုက်ကို အများပြည်သူပို့ ဆောင်ရေးဖြင့်သာသွားလာခဲ့ပြီး အ၀တ်အစားများကို ဈေးလျှော့ရောင်းသည့်ဆိုင်များမှသာ ၀ယ်ယူခဲ့သည်။

“ကျွန်တော် အခြားသူတွေအတွက် အ၀တ်အစား ၀တ်တာမျိုး မဖြစ်ချင်ဘူး။ ကျွန်တော့်အတွက် သက်သောင့်သက်သာရှိတယ်လို့ ထင်နေသမျှ အဲဒီအ၀တ်နဲ့တင် လုံလောက်ပြီ”ဟု ချောင်က ပြောကြားခဲ့သည်။ချောင် သည် Nokia ဖုန်းကို  ၁၇ နှစ်ကြာ အသုံးပြုခဲ့ကြောင်း၊ ယင်း ဖုန်းပျက်သွားသောကြောင့် မကြာသေးမီကမှ စမတ်ဖုန်းတစ်လုံးကို အသုံးပြုခဲ့ကြောင်း ၎င်း၏ဇနီး ဂျက်စမင်တန်က ပြောကြားခဲ့သည်။ ချောင်တို့ ဇနီးမောင်နှံ တွင် သားသမီးလည်း မရှိပေ။

ချောင်သည် ဒါရိုက်တာ ဂျွန်ဝူးရိုက်ကူးသည့် The Killer၊ A Better Tomorrow၊ Hard Boiled ဇာတ်ကားများနှင့် ဒါရိုက်တာ အန်းလီရိုက်ကူးသည့် Crouching Tiger, Hidden Dragon ဇာတ်ကားတို့ဖြင့် နိုင်ငံတကာတွင် အောင်မြင်မှုရရှိခဲ့သည်။ချောင်သည် Pirates of the Caribbean : At World’s End ဇာတ်ကားတွင်လည်း ပင်လယ်ဓားပြ Sao Feng အဖြစ် ပါဝင်ခဲ့သည်။

ချောင်သည် ၎င်းကိုယ်တိုင် ရိုက်ကူးထားသော ဓာတ်ပုံများပါဝင်သည့် ဓာတ်ပုံစာအုပ်တစ်အုပ်ကို ၂၀၀၈ ခုနှစ် ဇွန်တွင် ဖြန့် ချိခဲ့ပြီး ယင်းစာအုပ်ရောင်းချမှုမှ ရရှိသည့် အကျိုးအမြတ်များကို စီချွမ်ငလျင်ဒဏ်ခံခဲ့ရ သူများအတွက် လှူဒါန်းခဲ့သည်။

Myanmar Idol စင်မြင့်ထက်မှသည် ဂီတခရီးလမ်းဆီသို့ ဆက်လက်လျှောက်လှမ်းနေသူ တေးသံရှင်ချမ်းမြေ့မောင်ချို၏ ငယ်ဘ၀အမှတ်တရဖြတ်သန်းရာ

ဂီတကို ၀ါသနာပါသူတွေအတွက် ဂီတလမ်းကြောင်းဆီရောက်ရှိဖို့ အခြေခံလမ်းစတစ်ခုဖြစ်သလို ဂီတ မျိုးဆက်သစ်တွေထွက်ပေါ်လာစေဖို့ ပရိသတ်များအတွက်ကိုယ်တိုင် ရွေးချယ်ခွင့်ရှိတဲ့ သီချင်းဆို ပြိုင်ပွဲတွေက ဂီတ၀ါသနာရှင်တွေကြားမှာ လှုပ်ခတ်စေတဲ့ပွဲတွေလို့ ဆိုရမှာပါ။ ဒီလိုပြိုင်ပွဲတွေကြားမှာ Myanmar Idol သီချင်းဆိုပြိုင်ပွဲကလည်း ဂီတချစ်သူတွေကြား ရေပန်းစားတဲ့ ပြိုင်ပွဲတစ်ခုလို့ဆိုရပါမယ်။ အခုနှစ်ကျင်းပခဲ့တဲ့ Myanmar Idol သီချင်းဆိုပြိုင်ပွဲကတော့ လှုပ်ခတ်မှုအများဆုံး ပြိုင်ပွဲတစ်ခုလို့ ဆိုရပါမယ်။ ဒီပြိုင်ပွဲမှာ Top 2 Finalist ထိ ပါဝင်ခွင့်ရခဲ့ပေမယ့် Grand Final မတိုင်ခင်မှာ ကျန်းမာရေးအခြေအနေကြောင့် ပြိုင်ပွဲနဲ့လွဲချော်ခဲ့ရသူ ချမ်းမြေ့မောင်ချိုက ပရိသတ်ချစ်ခြင်းမေတ္တာနဲ့ လက်ရှိမှာတော့ ဂီတလှုပ်ရှားမှုတွေကို ဆက်လက်ပုံဖော်နေတာလည်းဖြစ်ပါတယ်။ အသက် ၁၉ နှစ်သာ ရှိသေးပေမဲ့ ရည်ရွယ်ရာ ဂီတခရီးလမ်းကို လျှောက်လှမ်းနေတဲ့ တေးသံရှင်ချမ်းမြေ့မောင်ချိုရဲ့ အမှတ်ရစရာ ငယ်ဘ၀ဖြတ်သန်းမှုတချို့အကြောင်းကို ဖော်ပြပေးချင်ပါတယ်။

 

ချမ်းမြေ့မောင်ချိုကို ရန်ကုန်မြို့မှာ မွေးဖွားခဲ့ပြီး မွေးချင်းမောင်နှမအနေနဲ့ အစ်ကိုတစ်ဦး ရှိပါတယ်။ ငယ်စဉ်ကလေးဘ၀ရဲ့ အမှတ်တရအနေနဲ့ကတော့ ခေါင်းမာတတ်သူတစ်ဦးဖြစ်တယ်လို့ ဆိုပါတယ်။ မိမိလုပ်ချင်တာရှိရင် မိဘများက ဘယ်လိုပဲတားမြစ်ကြပါစေ ရအောင် လုပ်တတ်သူတစ်ဦးဖြစ်တယ်လို့လည်း ချမ်းမြေ့မောင်ချိုက ဆိုပါတယ်။ ငယ်စဉ်ကလေးဘ၀မှာ သီချင်းသံကြားရင် ကတတ်သလို သီချင်းသံမကြားလည်း ကတတ်တယ်လို့ ဆိုပါတယ်။ ကစားမက်တဲ့ကလေးအနေနဲ့ ပြောစမှတ်ပြုကြတယ်လို့ အမှတ်တရဆိုခဲ့ပါတယ်။

“ကျွန်တော်ကငယ်ငယ်က ခေါင်းမာတယ်လို့တော့ မေမေတို့က ပြောကြတယ်။ ဒါမလုပ်နဲ့ မကိုင်နဲ့ဆိုလည်း ရအောင်လုပ်တယ်။ ကိုင်တယ်။ ကိုယ်လုပ်ချင်တာဆို ဖြစ်အောင်လုပ်တတ်တယ်လို့တော့ ပြောကြတယ်။ ကစားတော့ အရမ်းမက်ပါတယ်။ ကျောင်းမှာဆို ယောက်ျားလေးသူငယ်ချင်းတွေနဲ့ တွဲပြီးဆော့လွန်းလို့ ခဏခဏ အရိုက်ခံရတယ်” လို့ ချမ်းမြေ့မောင်ချိုက ရယ်မောရင်း ပြောပြခဲ့ပါတယ်။

ကျောင်းပညာရေးအနေနဲ့ကတော့ သူငယ်တန်းကနေ တက္ကသိုလ်ဝင်တန်းနှစ်ဝက်အထိကို ပညာရေးတက္ကသိုလ် လေ့ကျင့်ရေးကျောင်းမှာ တက်ရောက်သင်ယူခဲ့ပြီး ကျန်တဲ့နှစ်ဝက်ကိုတော့ ပုဂ္ဂလိက ကိုယ်ပိုင်အထက်တန်းကျောင်းမှာ သင်ယူခဲ့တယ်လို့ ဆိုပါတယ်။ ကျောင်းစာမှာတော့ တော်တဲ့အထဲမှာမပါသလို ကျောင်းစာကျက်ဖို့ကိုလည်း ပျင်းတယ်လို့ ဆိုပါသေးတယ်။ အင်္ဂလိပ်စာကိုတော့ စိတ်ဝင်စားပေမဲ့ ကျန်တဲ့ဘာသာရပ်တွေ ကျက်ရတာတော့ မကြိုက်ဘူးလို့ ဆိုခဲ့ပါတယ်။

“ငယ်ငယ်က စာမကျက်ဘူး။ ကျောင်းစာတော်တဲ့အထဲလည်း မပါဘူး။ ပုံမှန်လောက်ပဲ။ အင်္ဂလိပ်စာတော့ စိတ်ဝင်စားတယ်။ မှတ်မှတ်ရရဆိုရင် စာမလုပ်ချင်တာနဲ့ပဲ ကျောင်းမှာ ဆရာမတွေခိုင်းတာတွေ ကူလုပ်ပေး၊ တခြားကိုယ်ဝါသနာပါတဲ့ အသင်းအဖွဲ့တွေဝင် အဲဒီလိုတွေ လုပ်ဖြစ်နေတာ” လို့ မောင်ချိုက ဆိုပါတယ်။

ချမ်းမြေ့မောင်ချိုက ကျောင်းတက်စဉ်တစ်လျှောက်မှာ အားကစားလှုပ်ရှားမှုတွေမှာ ပါဝင်သလို အကသင်တာတွေ၊ ဘင်ခရာအဖွဲ့မှာ ပါဝင်တာတွေလည်း ရှိခဲ့တယ်လို့ ဆိုပါတယ်။ သီချင်းတွေနားထောင်ဖြစ်တာကတော့ ရှစ်တန်းနှစ်လောက်ရောက်မှ သေချာစပြီး နားထောင်ဖြစ်တယ်လို့လည်း ဆိုခဲ့ပါတယ်။ ချမ်းမြေ့မောင်ချိုရဲ့ ပထမဆုံးသီချင်းဆိုဖူးတဲ့ အတွေ့အကြုံကတော့ ရသချိန်တွေမှာ အတန်းရှေ့ထွက်ပြီး သီချင်းဆိုရတာပါလို့ ဆိုခဲ့ပါတယ်။ ဒီနောက်မှာတော့ သူငယ်ချင်းတွေရဲ့ တိုက်တွန်းမှုနဲ့ မောင်မယ်သစ်လွင်ကြိုဆိုပွဲတွေမှာ သီချင်းဆိုဖြစ်တယ်လို့ မောင်ချိုက ဆိုပါတယ်။ ဒီလိုသီချင်းဆိုဖြစ်ရာကနေ သီချင်းဆိုဖို့ ၀ါသနာတွေ ပိုမိုရရှိစေခဲ့တယ်လို့လည်း ပြောပြခဲ့ပါတယ်။

“သီချင်းတွေ ပိုနားထောင်ဖြစ်သလို ပိုလည်းဆိုဖြစ်လာတယ်။ အဲဒါနဲ့ပဲ Myanmar Idol မှာ ပထမအကြိမ်ဝင်ပြိုင်တော့ အရွေးမခံရဘူး။ ဒီကြားထဲမှာ ပြင်ဆင်ဦးမယ်ဆိုပြီး Legacy music မှာ ဂီတာတီးသင်ရင်းနဲ့ အဆိုပါသင်ဖို့ လုပ်ခဲ့တယ်။ တစ်လလောက်တက်ရင်း နဲ့ ဖေဖေနဲ့ စင်ကာပူလိုက်သွားရတော့ ဆက်မတက်ဖြစ်တော့ဘူး။ နောက်တော့ အင်တာနက်မှာလည်း လေ့လာလို့ရတယ်ဆိုပြီး အဆိုပိုင်းနဲ့ပတ်သက်တာတွေ လေ့လာဖြစ်တယ်။ cover song လေးတွေ ဆိုချင်တာနဲ့ပဲ ကိုယ်သဘောကျတဲ့ cover song လေးတွေ ဆိုဖြစ်ပါတယ်” လို့ ချမ်းမြေ့မောင်ချိုက ဂီတခရီးလမ်းအစက ဆိုပါတယ်။

မိခင်ဖြစ်သူ တေးသံရှင်အိအိရဲ့ တေးသီချင်းတွေနဲ့ ကြီးပြင်းခဲ့သူဖြစ်သလို ချမ်းမြေ့မောင်ချိုရဲ့ ဂီတ၀ါသနာကို ပုံဖော်ရာမှာလည်း မိခင်ဖြစ်သူက အနီးကပ်ပြောပြပေးခဲ့တယ်လို့ ဆိုပါတယ်။ ချမ်းမြေ့မောင်ချိုသီချင်းဆိုနေချိန်မှာ လွဲနေတာလေးတွေကို မိခင်ဖြစ်သူက အနီးကပ် ပြောပြပေးပါတယ်လို့လည်း မောင်ချိုက ရယ်မောရင်းဆိုပါတယ်။

ချမ်းမြေ့မောင်ချိုအတွက် အကြီးမားဆုံး အပြောင်းအလဲတစ်ခုကတော့ Myanmar Idol ပြိုင်ပွဲပါပဲ။ Top 11 Finalist အဖြစ် ရွေးချယ်ခံရပြီးနောက်ပိုင်းမှာတော့ ပရိသတ် အားပေးချစ်ခင်မှုတွေ ရရှိခဲ့သလို စိန်ခေါ်မှု၊ ဖိအား၊ အခက်အခဲနဲ့ ဝေဖန်မှုတွေကို အသက်အရွယ်နဲ့မမျှအောင် ရင်ဆိုင်ခဲ့ရပါတယ်။ ဒီလိုအချိန်တွေမှာ တတ်နိုင်သလောက် ကြိုးစားခဲ့ပေမယ့် စိတ်ညစ်တာတွေ၊ စိတ်ဓာတ်ကျတာတွေလည်း ရှိခဲ့တယ်လို့ဆိုပါတယ်။

“စိတ်ဓာတ်ကျတာ၊ စိတ်ညစ်တာတွေလည်းရှိတယ်။ ပြိုင်ပွဲမှာ အကောင်းဆုံးကြိုးစားတယ်ဆိုပေမယ့် ဝေဖန်မှုတွေလည်းရှိတော့ အခက်အခဲတွေလည်းရှိတယ်။ သီချင်းရွေးချယ်တာ၊ လေ့ကျင့်ရတာတွေကတော့ ဆရာဆရာမတွေ ညွှန်ကြားတဲ့အတိုင်းပဲ ဆိုဖြစ်ခဲ့တယ်။ ကိုယ်တတ်နိုင်သလောက်လည်း အားထုတ်ခဲ့တယ်။ ပြိုင်ပွဲနဲ့ပတ်သက်လို့ အမှတ်တရဖြစ်ခဲ့တဲ့ ရက်သတ္တပတ်တွေလည်း ရှိပါတယ်။ လုံးဝပြန်မကြည့်ချင်တဲ့ ရက်သတ္တပတ်တွေလည်းရှိတယ်။ ဘာပဲဖြစ်ဖြစ် ဒီပြိုင်ပွဲကနေ ကျွန်တော့်ကို ပရိသတ်တွေသိလာတယ်။ ချစ်ပေးကြတယ်။ အဆိုပညာနဲ့ပတ်သက်လို့လည်း ဆရာဆရာမတွေ၊ အကဲဖြတ်ဒိုင်တွေဆီက အများကြီး သင်ယူခွင့်ရတယ်။ ကျွန်တော့်အတွက်တော့ အကြီးဆုံးအပြောင်းအလဲတစ်ခုလို့ ဆိုရမှာပါ” လို့ ချမ်းမြေ့မောင်ချိုက ဆိုပါတယ်။

ချမ်းမြေ့မောင်ချိုက လက်ရှိမှာတော့ ပွင့်လင်းရာသီကာလ ရောက်ပြီဖြစ်တာကြောင့် ဖျော်ဖြေရေးအစီအစဉ်များစွာကို လက်ခံထားတယ်လို့ ဆိုပါတယ်။ သီချင်းသစ်တွေလည်း ဖန်တီးချင်ပေမယ့် Myanmar Idol Winner ဆုရှင် ဖြိုးမြတ်အောင်ရဲ့တစ်ကိုယ်တော် ခွေထွက်ပြီးမှသာ ထွက်ရမှာပါ။

“သရုပ်ဆောင်လုပ်ဖို့ ပြောကြတာတွေလည်းရှိတယ်။ ဒါပေမဲ့ ဂီတဘက်ကိုပဲ အာရုံစိုက်ဦးမယ်။ ဂီတဘက်မှာ ဖန်တီးမှုတွေ သေချာလုပ်ပြီးမှပဲ သရုပ်ဆောင်ဘက်ကို လက်ခံဖို့ စိတ်ကူးတယ်။ သရုပ်ဆောင်အလုပ် ဆိုတာလည်း မလွယ်ပါဘူး။ အများကြီးခက်ခဲပါတယ်။ အဲဒီအတွက်အများကြီး လေ့လာပါဦးမယ်။ ဂီတဘက်မှာ ကျွန်တော်ဖန်တီးချင်တာလေးတွေ လုပ်ပြခွင့်ရပြီးတဲ့အခါတော့ သရုပ်ဆောင်ဘက်ကို ကြိုးစားကြည့်ချင်ပါတယ်” လို့ ချမ်းမြေ့မောင်ချိုက သူ့ရဲ့ရည်မှန်းချက်ကို ပြောပြခဲ့ပါတယ်။

ချမ်းမြေ့မောင်ချိုက အနုပညာခရီးလမ်းလျှောက်လှမ်းဖြစ်တဲ့ ခံယူချက်နဲ့ပတ်သက်လို့တော့ “ကျွန်တော် ခံယူထားတာကတော့ အနုပညာနဲ့ပတ်သက်ရင် အကောင်းဆုံးတော့ ကြိုးစားမယ်။ ဒီလိုကြိုးစားရင်းနဲ့ပဲ အသိအမှတ်ပြုအားပေးတာတွေလည်း ရလာနိုင်သလို ဝေဖန်တဲ့သူ၊ ဆဲတဲ့သူ၊ တိုက်ခိုက်တဲ့သူတွေ လည်းရှိနေမှာပါပဲ။ ကိုယ့်အတွက် လိုက်နာရမယ့် ဝေဖန်မှုတွေကို နားထောင်မှာပါ။ သက်သက် တိုက်ခိုက်တာမျိုးတော့ ခေါင်းထဲမထည့်ဘဲ ကိုယ့်အလုပ်ကိုယ်လုပ်သွားမယ်လို့ တွေးထားတယ်” လို့ ဆိုပါတယ်။

ဒီတစ်ပတ်မှာတော့ ဖတ်ရှုခဲ့ကြရတာက တေးသံရှင် ချမ်းမြေ့မောင်ချိုရဲ့ ငယ်ဘ၀ အမှတ်တရလေးတွေပဲ ဖြစ်ပါတယ်။ နောက်တစ်ပတ်တွေမှာ ဘယ်အနုပညာရှင်တွေရဲ့ ငယ်ဘ၀အမှတ်တရတွေကို ဖော်ပြပေးမလဲဆိုတာ စောင့်မျှော်ဖတ်ရှုပေးပါဦးလို့…။

တေးသံရှင် G-Fatt ၏ ပထမဆုံး တစ်ကိုယ်တော်ဖျော်ဖြေပွဲ နိုဝင်ဘာ ၁၁ ရက်တွင် ရန်ကုန်မြို့၌ ပြုလုပ်မည်

တေးသံရှင် G-Fatt ၏ ပထမဆုံးတစ် ကိုယ်တော်ဖျော်ဖြေပွဲကို နိုဝင်ဘာ ၁၁ ရက်တွင် ရန်ကုန်မြို့၌ ပြုလုပ်မည်ဖြစ်ကြောင်း သိရသည်။ Frenzo Artist တစ်ဦးဖြစ်သည့် တေးသံရှင် G-Fatt ၏ တစ်ကိုယ်တော်ဖျော်ဖြေပွဲ ပြုလုပ်မည့် အကြောင်းအား အောက်တိုဘာ ၁၅ ရက်တွင် ပရိသတ်များထံ အသိပေးခဲ့ခြင်းဖြစ်သည်။

“ကျွန်တော့်ရဲ့ ပထမဆုံးတစ်ကိုယ်တော်ပွဲကို နိုဝင်ဘာ ၁၁ ရက်မှာ လုပ်ပါမယ်။ ကျွန်တော့်ရဲ့ ပထမဆုံး တစ်ကိုယ်တော်ပွဲဖြစ်တဲ့အတွက် အားလုံးကို ၀န်းရံစေချင်ပါတယ်။ ဒီပွဲလေးက ကျွန်တော့်အတွက် ပထမဆုံးပွဲဆိုတော့ အရမ်းလည်း စိတ်လှုပ်ရှားပါတယ်။ ပရိသတ်တွေနဲ့ကျွန်တော်နဲ့ အမှတ်တရဖြစ်မယ့် ပွဲလေးဖြစ်မယ်လို့ မျှော်လင့်ပါတယ်။ သီချင်းတွေကိုလည်း အကောင်းဆုံးရွေးချယ်ပြီး ပြင်ဆင်သွားပါမယ်။ ကျန်တဲ့ အသေးစိတ် အချက်တွေကိုတော့ ပြန်ပြီးအသိပေးသွားမှာပါ” ဟု တေးသံရှင် G-Fatt က ဆိုသည်။

တေးသံရှင် G-Fatt သည် ဂီတလောကအတွင်းသို့ ‘၈ ရက် ၈လ ၈နာရီ’၊ ‘ပြည်ပသို့ ပေးစာ’ စသည့် တေးသီချင်းများဖြင့် ပရိသတ်များအားပေးမှု ရရှိလာခဲ့သူဖြစ်ကာ တစ်ကိုယ်တော်ခွေများ ထွက်ရှိရာတွင်လည်း ပရိသတ်အားပေးမှု အများအပြား ရရှိခဲ့သည်။ Frenzo Artist တစ်ဦးအဖြစ် ဖျော်ဖြေပွဲများ လှည့်လည်တင်ဆက်လျက်ရှိသည့်အပြင် M-150 ၏ Brand Ambassador တစ်ဦးအဖြစ်လည်း ဖျော်ဖြေပွဲများ၌ ပါဝင်ခွင့်ရနေသူဖြစ်သည်။ တေးသံရှင် G-Fatt သည် တစ်ကိုယ်တော် တေးအယ်လ်ဘမ်သစ် ထွက်ရှိနိုင်ရန်လည်း ဖန်တီးလျက်ရှိသည်။ တေးသံရှင် နန်းဆုရတီစိုးနှင့် ချစ်သူဖြစ်ကာ ဂီတလှုပ်ရှားမှုများအားလည်း တွဲဖက်လုပ်ကိုင်လျက် ရှိသည်။

တေးသံရှင် G-Fatt သည် ဂီတဖြတ်သန်းမှုကာလအတွင်း ပထမဆုံး တစ်ကိုယ်တော်ပွဲအဖြစ် နိုဝင်ဘာ ၁၁ ရက်တွင် ပြုလုပ်ရန် စီစဉ်ထားခြင်းဖြစ်သည်။ ယင်းဖျော်ဖြေပွဲတွင် တေးသံရှင် G-Fatt ၏ ထင်ရှားသည့် တေးသီချင်းများစွာအား သီဆိုဖျော်ဖြေရန် စီစဉ်ထားသည်။ တေးသံရှင် G-Fatt သည် တစ်ကိုယ်တော်ဖျော်ဖြေပွဲနှင့်ပတ်သက်၍ အသေးစိတ် အချက်အလက်များအား ထုတ်ပြန်သွားမည်ဖြစ်ကြောင်း သိရသည်။ G-Fatt သည် အောက်တိုဘာ ၁၄ ရက်တွင် ပြုလုပ်ခဲ့သည့် တေးသံရှင် စိုင်းစိုင်းခမ်းလှိုင်၏ ပြီးခဲ့သောဇာတ်လမ်းအကျဉ်း ဖျော်ဖြေပွဲတွင်လည်း ပါဝင်သီဆိုဖျော်ဖြေခဲ့သည်။ တေးသံရှင် G-Fatt က ပထမဆုံးတစ်ကိုယ်တော် ဖျော်ဖြေပွဲနှင့် ပတ်သက်၍ ၎င်းအသုံးပြုသည့် လူမှုကွန်ရက် စာမျက်နှာမှတစ်ဆင့် အသိပေးထားသည်။

မြောက်အမေရိက၏ ၀င်ငွေအကောင်းဆုံးရုပ်ရှင်အဖြစ် Venom ဆက်လက်ရပ်တည်

First Man ရုပ်ရှင်မှ ဇာတ်ဝင်ခန်းတစ်ခု (Photo: AP)

ဆိုနီမှထုတ်လုပ်သော စူပါဟီရိုးရုပ်ရှင် Venom သည် ပြီးခဲ့သည့် သီတင်းပတ်ကလည်း မြောက်အမေရိကဒေသ၏ ၀င်ငွေအကောင်းဆုံးရုပ်ရှင် ၁၀ ကားစာရင်းတွင် ထိပ်ဆုံး၌ ထပ်မံရပ်တည်ခဲ့သည်။ ဒုတိယမြောက် ၀င်ငွေအများဆုံးရုပ်ရှင်အဖြစ် ပြီးခဲ့သည့် သီတင်းပတ်ကကဲ့သို့ပင် A Star is Born က ရပ်တည်ခဲ့သည်။

ပြင်းပြင်းထန်ထန် ဝေဖန်မှုများရရှိထားသည့်ကြားမှ Venom သည် ပြီးခဲ့သောသီတင်းပတ်၏ နောက်ဆုံးသုံးရက်အတွင်း ၀င်ငွေ ဒေါ်လာ ၃၅.၇ သန်းရရှိခဲ့ပြီး နိုင်ငံတကာ၌ ပြသရာတွင် ဒေါ်လာ ၆၉.၇ သန်း ရရှိခဲ့သည်။ အပြုသဘောဆောင်သည့် ဝေဖန်မှုများ ရရှိထားသော ဘရက်ဒလေကူးပါး၏ A Star is Born မှာ ၀င်ငွေ ဒေါ်လာ ၂၈ သန်း ရရှိခဲ့သည်။

Venom သည် စတင်ထွက်ရှိချိန်မှစပြီး မြောက်အမေရိကဒေသတစ်ခုတည်းမှာပင် ၀င်ငွေဒေါ်လာ ၁၄၂.၈ သန်း ရရှိထားပြီ ဖြစ်သည်။

လကမ္ဘာသို့ ၁၉၆၉ ခုနှစ်က ပထမဆုံး ခြေချခဲ့သည့် အမေရိကန်အာကာသယာဉ်မှူး နေးလ်အမ်းစထရောင်း၏ အကြောင်းကို ရိုက်ကူးထားသော First Man ရုပ်ရှင်ကားသစ်မှာမူ ပွဲဦးထွက်သီတင်းပတ်တွင် ၀င်ငွေဒေါ်လာ ၁၆.၅ သန်းရရှိပြီး စာရင်း၏ တတိယနေရာ၌ ရပ်တည်နေသည်။ ထိုရုပ်ရှင်၌ ရိုင်ယန်ဂိုစလင်းက နေးလ်အမ်းစထရောင်းနေရာမှ ပါဝင်သရုပ်ဆောင်ထားသည်။ ရုပ်ရှင် သုံးသပ်ရေးဝက်ဘ်ဆိုက် rottentomatos တွင် ၈၈ ရာခိုင်နှုန်းအထိ ရရှိထားသည့် First Man သည် ဒေါ်လာသန်း ၆၀ နီးပါး အကုန်အကျခံ ရိုက်ကူးထားခြင်းဖြစ်ပြီး နိုင်ငံတကာ၌ ပြသရာတွင် ၀င်ငွေဒေါ်လာ ၂၅ သန်း ရရှိထားသည်။ First Man ရုပ်ရှင်သည် လူကြီးပိုင်းပရိသတ်ကို ရည်ရွယ်ထားခြင်းဖြစ်ပြီး စတင်ပြသသည့် သီတင်းပတ်တွင် လူများစုပြုံ ၀င်လာမည်ကို မမျှော်လင့်ထားကြောင်း၊ First Man သည် တာတိုပြေးပွဲမဟုတ်ဘဲ မာရသွန်ပြေးပွဲဖြစ်လိမ့်မည်ဖြစ်ကြောင်း ထိုရုပ်ရှင်ကို ထုတ်လုပ်သည့် Universal က ဆိုသည်။ First Man ၏ ဒါရိုက်တာမှာ အော်စကာဆုရှင် ဒါမီယန်ချာဇယ်လီဖြစ်သည်။

စာရင်း၏ နံပါတ်လေးနေရာတွင် ရှိနေသည်မှာ ဆိုနီမှပင်ထုတ်လုပ်သည့် Goosebumps 2: Haunted Halloween ဖြစ်သည်။ မိသားစုလိုက်ကြည့်ရှုရန် သင့်တော်သော အဆိုပါ နောက်ဆက်တွဲရုပ်ရှင်သည် R.L.Stine ၏ ကလေးများအတွက် စာအုပ်စီးရီးကို အခြေခံရိုက်ကူးထားခြင်းဖြစ်ကာ ၀င်ဒီမက်လန်ဒန်-ကိုဗေးနှင့် မက်ဒီဆန်အိုင်ဆီမန်းတို့က ပါဝင်သရုပ်ဆောင်ထားသည်။

ဝင်ငွေအများဆုံးစာရင်း၏ ပဉ္စမနေရာတွင် ရှိနေသည်မှာ Warner Bros မှ ထုတ်လုပ်သော အန်နီမေးရှင်းရုပ်ရှင်ဖြစ်သည့် Smallfoot ဖြစ်ပြီး ၀င်ငွေဒေါ်လာ ၉.၃ သန်း ရရှိခဲ့သည်။