အာဂျင်တီးနား-ပြင်သစ်ဒါရိုက်တာ ဂတ်စ်ပါနိုး၏ Climax ဇာတ်ကားကို ကိန်းရုပ်ရှင်ပွဲတော်တွင် ပြသမည်

၇၁ ကြိမ်မြောက် ကိန်းရုပ်ရှင်ပွဲတော်အတွက် ဧပြီ ၁၂ ရက်က ပြုလုပ်ခဲ့သည့် သတင်းစာ ရှင်းလင်းပွဲတွင် ရုပ်ရှင်ပွဲတော်ဥက္ကဋ္ဌ ပီးယားလက်ကူးဝါးနှင့် အထွေထွေကိုယ်စားလှယ် သီရယ်ဖရီးမောက်တို့ကို တွေ့ရစဉ်

အာဂျင်တီးနား – ပြင်သစ်ဒါရိုက်တာ ဂတ်စ်ပါနိုး၏ Climax ဇာတ်ကားကို မေတွင်ကျင်းပမည့် ကိန်းရုပ်ရှင်ပွဲတော်၏ Director’s Fortnight ကဏ္ဍတွင် ပွဲဦးထွက် ပြသမည်ဖြစ်သည်။

ဂတ်စ်ပါနိုးသည် ၂၀၁၅ ခုနှစ် ကိန်းရုပ်ရှင်ပွဲတော်၏ Midnight Screenings ကဏ္ဍတွင်လည်း လိင်အသားပေးဇာတ်ဝင်ခန်းများ ပါဝင်သည့် Love ဇာတ်ကားကို ပွဲဦးထွက် ပြသခဲ့ဖူးသည်။ ယင်းဇာတ်ကားကို ခရစ်ယာန်အဖွဲ့များက ကန့်ကွက်ခဲ့မှုကြောင့် ပြင်သစ်နိုင်ငံရှိ ရုပ်ရှင်ရုံများတွင် ပြသမှုကို ရုပ်သိမ်းခဲ့ရသည်။ Love ဇာတ်ကားသည် ရုရှားတွင်လည်း ပိတ်ပင်ခံခဲ့ရသည်။

၂၀၀၂ ခုနှစ်တွင် အမေရိကန်ဝေဖန်ရေးသမား ရော်ဂျာအက်ဘာ့တ်ဆိုသူက ဂတ်စ်ပါနိုး၏ Irreversible ဇာတ်ကားကို အလွန်ကြမ်းတမ်းပြီး ရက်စက်သည့် ဇာတ်ကားဟု ဝေဖန်ခဲ့မှုကြောင့် အငြင်းပွားမှု ဖြစ်ခဲ့ရသေးသည်။ ယင်းဇာတ်ကားတွင် မိုနီကာ ဘယ်လူချီ မုဒိမ်းကျင့်ခံရသည့် ဇာတ်ဝင်ခန်းကြောင့် ဂတ်စ်ပါနိုသည် ချီးမွမ်းမှုနှင့် တိုက်ခိုက်ခံရမှု နှစ်ခုစလုံးနှင့် ကြုံတွေ့ခဲ့ရသည်။

ယခုနှစ် Director’s Fortnight ကဏ္ဍတွင် စပိန်စကားပြောဇာတ်ကားနှင့် ပြင်သစ်ဇာတ်ကားများ လွှမ်းမိုးမည်ဖြစ်သည်။ ယှဉ်ပြိုင်မှုထက် ဇာတ်ကားကောင်းများကို ဖော်ထုတ်ပေးသည့် ယင်းကဏ္ဍတွင် ဂါဇာအကြောင်း ရိုက်ကူးထားသည့် ကြေကွဲဖွယ် မှတ်တမ်းရုပ်ရှင်၊ ဆီးရီးယားရှိ IS အဖွဲ့သို့ဝင်ရန် မွေးရပ်မြေမှ ထွက်ခွာခဲ့သည့် တူနီးရှားလူငယ်တစ်ဦးအကြောင်း ရိုက်ကူးထားသည့် Weldi ဇာတ်ကားနှင့် နီကိုးလက်စ်ကေ့ခ်ျ ပါဝင်ထားသည့် အက်ရှင်သည်းထိတ်ရင်ဖို ဇာတ်ကား Mandy တို့ကိုလည်း ပြသမည်ဖြစ်သည်။

မေ ၈ ရက်မှ ၁၉ ရက်အထိ ကျင်းပမည့် ကိန်းရုပ်ရှင်ပွဲတော်ကို အီရန်ဒါရိုက်တာ အက်ဟာဖာဟာဒီ၏ သည်းထိတ်ရင်ဖိုစိတ္တဇ ဇာတ်ကား Everybody Knows ဖြင့် ဖွင့်လှစ်မည် ဖြစ်သည်။ Director’s Fortnight ကဏ္ဍကိုမူ မေ ၉ ရက်တွင် ကိုလံဘီယာဒါရိုက်တာ စီရိုဂွီရာ၏ ဇာတ်ကားသစ်ဖြင့် ဖွင့်လှစ်မည် ဖြစ်သည်။

ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့ကို သြစတြေးလျသရုပ်ဆောင် ကိတ်ဘလန်ချက်က ဦးဆောင်မည်ဖြစ်ပြီး ထိုင်ဝမ်သရုပ်ဆောင် ချောင်ချန်၊ အမေရိကန်ဒါရိုက်တာ အေဗာဒူဗာနေး၊ ပြင်သစ်ဒါရိုက်တာ Robert Guediguian၊ ဘူရွန်ဒီတေးရေး-အဆိုတော် Khadja Nin၊ ပြင်သစ်သရုပ်ဆောင် Lea Seydoux၊ အမေရိကန်သရုပ်ဆောင် ခရစ္စတင်းစတူးဝပ်၊ ကနေဒါဒါရိုက်တာ Denis Villeneuve နှင့် ရုရှားဒါရိုက်တာ Andrey Zvyagintsev တို့က အဖွဲ့ဝင်များအဖြစ် ပါဝင်မည်ဖြစ်သည်။

သရုပ်ဆောင် ဒါရိုက်တာဘုဏ်းသိုက်ရဲ့ ငယ်ဘ၀ဖြတ်သန်းရာ

အနုပညာလောကအတွင်းမှာ ရုပ်ရှင်၊ ဂီတ၊ စာပေ၊ ပန်းချီ စတဲ့ ဆက်စပ်ရာ နယ်ပယ်အသီးသီးက အနုပညာဖန်တီးမှုတွေကို လုပ်ဆောင်နိုင်စွမ်းရှိတဲ့ စွယ်စုံရအနုပညာရှင်တွေများစွာ ရှိပါတယ်။ အနုပညာဖန်တီးမှု နယ်ပယ်စုံကို ခုံမင်နှစ်သက်ပြီး မိမိလျှောက်လှမ်းလိုတဲ့ အနုပညာလမ်းကြောင်းထက်မှာ အခက်အခဲတွေကို ကျော်ဖြတ်ရင်း ယုံကြည်ချက်ရှိရှိ လျှောက်လှမ်းနေသူတစ်ဦးက သရုပ်ဆောင်ဒါရိုက်တာအပြင် စာရေးသူအဖြစ်ပါ ပရိသတ် အသိအမှတ်ပြုထားပြီဖြစ်တဲ့ ဘုဏ်းသိုက် ဖြစ်ပါတယ်။ ဖြေးဖြေးမှန်မှန် ခြေလှမ်းတွေနဲ့ ကြိုးစားနေသူဖြစ်ပြီး ပထမဆုံးရုပ်ရှင်ကားကြီးကို ဒါရိုက်တာအဖြစ်ရိုက်ကူးလျက်ရှိတဲ့ သရုပ်ဆောင် ဒါရိုက်တာဘုဏ်းသိုက်ရဲ့ ငယ်စဉ်ဘ၀ဖြတ်သန်းမှု အမှတ်တရပုံရိပ်အချို့ကို တင်ဆက်ပေးချင်ပါတယ်။

သရုပ်ဆောင် ဒါရိုက်တာဘုဏ်းသိုက်ရဲ့ အမည်ရင်းကလည်း ဘုဏ်းသိုက်ပဲဖြစ်ပြီး မိဘများဖြစ်တဲ့ ဦးစိုးသိန်း၊ ဒေါ်စန်းဌေးတို့ကနေ တစ်ခုသောနှစ်ရဲ့ သြဂုတ် ၅ ရက်မှာ မွေးဖွားခဲ့ပါတယ်။ အသက်လေးနှစ်အရွယ်မှ ညီမဖြစ်သူလင်း ရူပါအောင်ကို ပိုင်ဆိုင်ခွင့်ရခဲ့ကာ ငယ်စဉ်မှာတော့ အေးဆေးငြိမ်သက်တဲ့ ကလေးတစ်ယောက် ဖြစ်ခဲ့တယ်လို့ ဆိုပါတယ်။ ငယ်စဉ်ကလေးဘ၀ကနေ အသက်ခုနစ် နှစ်အရွယ်လောက်ထိ ထမင်းနဲ့ နွားနို့ကိုသာ ကြိုက်နှစ်သက်ပြီး နောက်ပိုင်းမှသာ ထမင်းနဲ့ဟင်းကို စားဖြစ်လာတယ်လို့လည်း ဆိုပါတယ်။

ကလေးဘ၀ရဲ့ အမှတ်တရတစ်ခုအနေနဲ့ ဘုဏ်းသိုက်က “ကျွန်တော့်အဘိုးက မယ်ဒလင်တီးတယ်။ သူတို့သူငယ်ချင်းတွေ တီးဝိုင်းအနေနဲ့စုတီးကြရင် ကျွန်တော်က နတ်သျှင်နောင်သီချင်းကို အမြဲဆိုခိုင်းတယ်။ အဲဒီသီချင်းကိုအဓိပ္ပာယ် သေချာနားမလည်ဘဲ အရမ်းကြိုက်ခဲ့တာ။ နှစ်တန်းကျောင်းသားအရွယ်လောက်ကနေ ရှစ်တန်းလောက်အထိကို ဒီသီချင်းထဲက ချစ်သူကိုလွမ်းရတဲ့ စစ်သားအဖြစ် ကိုယ့်ကိုယ်ကိုယ်ခံစားနေမိတဲ့ အထိကို လွှမ်းမိုးခဲ့ပါတယ်။ အဲဒါလေးကတော့ အမှတ်တရပါ” လို့ ပြောပြခဲ့ပါတယ်။

ဘုဏ်းသိုက်က ငယ်စဉ်ကျောင်းသားဘ၀ရဲ့ ကျောင်းပညာရေးအနေနဲ့ ထူးချွန်တဲ့ကျောင်းသားတစ်ယောက်အဖြစ် ပါဝင်ခဲ့ပြီး ဆုတွေလည်း အမြဲရရှိခဲ့တယ်လို့ ဆိုပါတယ်။ မြန်မာနဲ့ အင်္ဂလိပ်ဘာသာရပ်တွေကို အထူးစိတ်ဝင်စားပြီး စာစီစာကုံး ရေးရတာကိုလည်း ငယ်စဉ်ကတည်းက ၀ါသနာပါခဲ့တယ်လို့ ပြောပြခဲ့ပါတယ်။ တက္ကသိုလ်ဝင်တန်း အောင်မြင်ချိန်မှာတော့ အင်္ဂလိပ်စာအထူးပြုဘာသာရပ်ကို ဆက်လက် တက်ရောက်ဖြစ်ခဲ့တယ်လို့ ဆိုပါတယ်။

ဘုဏ်းသိုက်ရဲ့ ဆယ်ကျော်သက်အရွယ် ကျောင်းနေစဉ်ကာလတွေမှာ သူငယ်ချင်းနည်းပါးခဲ့သလို အရမ်းလည်းရှက်တတ်ခဲ့သူဖြစ်လို့ အနုပညာနဲ့ပတ်သက်ပြီး ပါဝင်တာမျိုးတွေ မရှိခဲ့ဘူးလို့ဆိုပါတယ်။ အနေအေးတဲ့ ဘုဏ်းသိုက်အတွက် အဖော်မွန်ကောင်းတွေအဖြစ် ရွေးချယ်ဖြစ်ခဲ့တာက စာအုပ်တွေပါပဲ။ ငယ်ရွယ်စဉ် စတင်ဖတ်ရှုခဲ့တဲ့ ရွှေသွေး၊ တေဇစာစောင်တွေက တစ်ဆင့်မင်းသိင်္ခ၊ ဂျူး၊ မစန္ဒာစတဲ့ စာရေးဆရာအစုံရဲ့ စာအုပ်တွေကို ဖတ်ဖြစ်ခဲ့တယ်လို့ ဆိုပါတယ်။

တက္ကသိုလ်ဝင်တန်း အောင်မြင်ပြီးချိန်မှာတော့ အနုပညာအလုပ်တွေကို ၀ါသနာပါမှန်း ကိုယ့်ကိုယ်ကိုယ်သေချာသွားခဲ့ပြီး ကြိုးစားလုပ်ဆောင်ဖို့ ဆုံးဖြတ်ခဲ့ပါတယ်။ မိဘကိုဒုက္ခမပေးချင်တာကြောင့် ဘုဏ်းသိုက်က အနုပညာလုပ်ငန်းတွေ မလုပ်ဆောင်ခင် ပြည်ပနိုင်ငံမှာ သုံးနှစ်ကြာ အလုပ်သွားရောက် လုပ်ကိုင်ခဲ့ပါတယ်။ အဲဒီနောက် မြန်မာနိုင်ငံကို ပြန်လည်ရောက်ရှိလာချိန်မှာ စိတ်ကူးအိပ်မက်တွေကို စတင်အကောင်အထည်ဖော်ခဲ့တယ်လို့ ဆိုပါတယ်။

ဘုဏ်းသိုက်က အနုပညာလောကထဲကို မော်ဒယ်အဖြစ် စတင်ဝင်ရောက်ခဲ့ပြီး သရုပ်ဆောင်တစ်ယောက်အဖြစ် ဆက်လက်လှုပ်ရှားခဲ့ပါတယ်။ ဒီနောက်မှာတော့ ဒါရိုက်တာတစ်ယောက်အဖြစ် ဇာတ်ကားတိုတွေ ရိုက်ကူးခဲ့ပြီး ရုပ်ရှင်ပွဲတော်တွေမှာ ဆုတွေရရှိခဲ့ပါတယ်။ ဒါ့အပြင်ပထမဆုံး လုံးချင်းစာအုပ်တစ်အုပ်ကို ရေးသားဖြန့်ချိခဲ့ရာမှလည်း ပရိသတ် စိတ်ဝင်စားခဲ့ပါတယ်။ ဒီနောက်မှာတော့ တရားဥပဒေနဲ့ အမှန်တရားကို ဖော်ကျူးထားတဲ့ ‘နေရယ်လရယ်အမှန်တရားရယ်’ ရုပ်သံဇာတ်လမ်းတွဲကို ရိုက်ကူးပုံဖော်ခဲ့ပါတယ်။

အခုလက်ရှိမှာတော့ ‘နေရယ်လရယ်အမှန်တရားရယ် Season 2’ မှာ ပါဝင်ထားသလို ဒါရိုက်တာအနေနဲ့ ပထမဆုံးရုပ်ရှင်ကားကြီး ‘စားကျက်’ ကိုလည်း ရိုက်ကူးထားပါတယ်။

“အနုပညာအလုပ်နဲ့ ပတ်သက်ရင် ကိုယ့်ကိုယ်ကိုယ်ပြန်မေးတယ်။ ပေါ်ပြူလာဖြစ်ဖို့အတွက် ကမ်းလှမ်းသမျှကို ရိုက်မလားဆိုတော့လည်း ကိုယ်တိုင်တောင် မယုံကြည်တဲ့ဇာတ်ကောင်မျိုးကို ဘယ်လိုရိုက်မလဲပေါ့။ အလုပ်ကို တကယ်စေတနာနဲ့ လုပ်ခွင့်ရမှလုပ်ချင်တယ်။ ပေါ်ပြူလာဖြစ်ပြီး ကိုယ်မယုံကြည်တာ ကိုလုပ်ရမယ်ဆိုရင် တစ်ချိန်ကျရင် ကျွန်တော်ရှက်မှာ။ နည်းနည်းတော့ Risk ယူရသလို သတ္တိလည်းကောင်းရတာပေါ့။ ကျွန်တော်ကတော့ ကိုယ့်ကိုယ်ကိုယ် အမြဲကြိုက်ချင်တဲ့ သူဆိုတော့အဲဒီလိုဖြစ်အောင်ပဲ အမြဲနေဖြစ်တယ်” လို့ ဘုဏ်းသိုက်က ပွင့်ပွင့်လင်းလင်း ပြောပြခဲ့ပါတယ်။

ဘုဏ်းသိုက်ကဖြတ်သန်းခဲ့တဲ့ အနုပညာလမ်းကြောင်းတစ်လျှောက်မှာ ၀ဿန်ရုပ်ရှင်ပွဲတော်မှာ ဆုရခဲ့တဲ့ ‘ရုပ်ရှင်သည်ကြီး’ ဇာတ်ကားတိုကို ဒါရိုက်တာအဖြစ် ရိုက်ကူးခဲ့မှုနဲ့ Micro Film Contest မှာ ဆုရခဲ့တဲ့ ‘မျိုးဆက်’ ဇာတ်ကားတိုရိုက်ကူးမှုတို့က အမှတ်တရပါလို့ ဆိုပါတယ်။

တေးသံရှင်ချမ်းချမ်းရဲ့ ခင်ပွန်းဖြစ်ပြီး ချစ်စဖွယ်သမီးလေးကိုပါ ပိုင်ဆိုင်ထားတဲ့ ဘုဏ်းသိုက်က သူ့ဘ၀ရဲ့ ပျော်ရွှင်မှုအားလုံးက သမီးလေးပါလို့ ဆိုပါတယ်။ သမီးဖြစ်သူ မြမိုးဂင်္ဂါကို ချစ်မြတ်နိုးလွန်းသူတစ်ဦးဖြစ်သလို မိသားစုပျော်ရွှင်စွာ နေထိုင်ကြတာကိုလည်း ပရိသတ်များက ပြန်လည်မြင်တွေ့လိုကြပါတယ်။ ဘုဏ်းသိုက်က ခရီးသွားမှတ်တမ်းတွေကို ပုံဖော်ထားတဲ့ ‘Traveller’s Note’ ဇာတ်ကားကို သရုပ်ဆောင် နိုင်းနိုင်း၊ ခါရာတို့နဲ့တွဲဖက်ပြီး ကိုယ်တိုင်ဒါရိုက်တာအဖြစ် ပုံဖော်ထားပါတယ်။ အခုတစ်ပတ်မှာ ဖတ်ရှုခဲ့ကြရတာကတော့ သရုပ်ဆောင် ဒါရိုက်တာဘုဏ်းသိုက်ရဲ့ ငယ်ဘ၀ပုံရိပ်တွေပဲ ဖြစ်ပါတယ်။ နောက်အပတ်တွေမှာ ဘယ်အနုပညာရှင်အမှတ်တရပုံရိပ်တွေကို ဖော်ပြပေးမလဲဆိုတာ စောင့်မျှော်ကြပါဦးလို့။

MMA ကမ္ဘာ့ချန်ပီယံဆု ကာကွယ်ပွဲများအတွက် အောင်လအန်ဆန် ပြန်လည်လေ့ကျင့်

အောင်လအန်ဆန်အား လိုက်ဟဲဗီးဝိတ် ကမ္ဘာ့ချန်ပီယံဆုရရှိအပြီး တွေ့ရစဉ် (ဓာတ်ပုံ – ညီညီစိုးညွန့်)

MMA ဘက်စုံကိုယ်ခံပညာသုံးပြိုင်ပွဲတွင် ကမ္ဘာ့ချန်ပီယံဆု နှစ်ခုရထားသည့် အောင်လအန်ဆန်သည် ချန်ပီယံဆုကာကွယ်ပွဲများအတွက် အမေရိကန်နိုင်ငံ၌ လေ့ကျင့်မှုများ ပြန်လည်ပြုလုပ်လျက်ရှိကြောင်း သိရသည်။

အောင်လအန်ဆန်သည် ယခုနှစ်အတွင်း မစ်ဒယ်ဝိတ်နှင့် လိုက်ဟဲဗီးဝိတ်တန်းကမ္ဘာ့ ချန်ပီယံဆုကာကွယ်ပွဲများ ယှဉ်ပြိုင်ထိုးသတ်ရမည်ဖြစ်ပြီး ပြိုင်ဘက်ကိုမူ ONE Championship အဖွဲ့အစည်းက ရွေးချယ်မည်ဖြစ် သည်။ အောင်လအန်ဆန်သည် ၀ိတ်တန်းနှစ်ခုအတွက် ကမ္ဘာ့ချန်ပီယံဆုကာကွယ်ပွဲ ထိုးသတ်ရပါက တစ်ပွဲကိုသာ မြန်မာနိုင်ငံ၌ ထိုးသတ်ခွင့်ရမည်ဖြစ်ပြီး ကျန်တစ်ပွဲကိုမူ ပြည်ပနိုင်ငံတွင် ယှဉ်ပြိုင်ထိုးသတ်ရမည်ဖြစ်သည်။ စက်တင်ဘာတွင် မြန်မာနိုင်ငံ၌ ကျင်းပမည့် MMA ပြိုင်ပွဲတွင် အောင်လအန်ဆန်၏ ကမ္ဘာ့ချန်ပီယံဆုကာကွယ်ပွဲ ပါဝင်မည်ဖြစ်ပြီး ၀ိတ်တန်းအမည်ကိုမူ ထုတ်ပြန်ကြေညာခြင်း မရှိသေးပေ။ အောင်လအန်ဆန်သည် ဇွန်လတွင် ချန်ပီယံဆုကာကွယ်ပွဲ ထိုးသတ်ရဖွယ်ရှိနေပြီး ချန်ပီယံဆုနှစ်ခုစလုံး ကာကွယ်နိုင်ရန် လေ့ကျင့်ပြင်ဆင်မှုများ ပြင်းပြင်းထန်ထန် ပြုလုပ်လျက်ရှိသည်။ အောင်လအန်ဆန်သည် ၂၀၁၆ ခုနှစ်အထိ စိန်ခေါ်ပွဲများသာ ယှဉ်ပြိုင်ထိုးသတ်နေရသော်လည်း ၂၀၁၇ ခုနှစ်မှစ၍ ကမ္ဘာ့ချန်ပီယံဆုစိန်ခေါ်ပွဲများ ထိုးသတ်ခွင့်ရလာခြင်းဖြစ်သည်။ မစ်ဒယ်ဝိတ်တန်း ကမ္ဘာ့ချန်ပီယံဆုကို ၂၀၁၇ ခုနှစ် ဇွန်နှင့် လိုက်ဟဲဗီးဝိတ်တန်း ကမ္ဘာ့ချန်ပီယံဆုကို ၂၀၁၈ ခုနှစ် ဖေဖော်ဝါရီတွင် ရယူနိုင်ခဲ့သည်။ အောင်လအန်ဆန်သည် ကမ္ဘာ့ချန်ပီယံဆု နှစ်ခုစလုံးကို မြန်မာနိုင်ငံ၌ ကျင်းပသည့်ပြိုင်ပွဲများတွင် ရယူနိုင်ခဲ့ခြင်းဖြစ်ပြီး MMA ပြိုင်ပွဲတွင် ၀ိတ်တန်းနှစ်ခု၌ ကမ္ဘာ့ချန်ပီယံဆုရသည့် ဒုတိယမြောက်ကစားသမားအဖြစ် မှတ်တမ်းဝင်ထားသည်။

ကန်ဒရစ်လာမာ ပူလစ်ဇာဆုရရှိသည့် ပထမဆုံးရက်ပ် အဆိုတော်ဖြစ်လာ

၂၀၁၈ ခုနှစ် ဂရမ်မီဆုပေးပွဲတွင် ကန်ဒရစ်လာမာ ဆုယူနေစဉ် (Photo: AP)

အဆိုတော် ကန်ဒရစ်လာမာသည် အမေရိကန်တွင် ဂုဏ်သတင်းအကြီးဆုံး အနုပညာဆုပေးပွဲတစ်ခုဖြစ်သည့် ပူလစ်ဇာဆုပေးပွဲတွင် ဂီတအတွက် ပေးအပ်သည့် ပူလစ်ဇာဆုကို ရရှိသည့် ပထမဆုံး ရက်ပ်အဆိုတော် ဖြစ်လာခဲ့သည်။

အသက် ၃၀ အရွယ်ရှိ လာမာသည် ၂၀၁၇ ခုနှစ်က ဖြန့်ချိခဲ့သည့် DAMN အယ်လ်ဘမ်ဖြင့် ပူလစ်ဇာဆုကို ဆွတ်ခူးခဲ့ခြင်းဖြစ်သည်။ လာမာသည် ပူလစ်ဇာဆု နှစ် ၁၀၀ သမိုင်းတွင် Classical (သို့မဟုတ်) Jazz ဂီတကိုကျော်လွန်ပြီး ပူလစ်ဇာဆုရရှိသည့် ပထမဆုံး ဂီတပညာရှင်လည်း ဖြစ်သည်။

အမေရိကန်တွင် အကြီးဆုံးဂီတ အမျိုးအစားအနေဖြင့် ၂၀၁၇ ခုနှစ်တွင် ရက်ပ်ဂီတသည် ရော့ခ်ဂီတကို ကျော်လွန်ခဲ့သည်။

အချစ်သီချင်းများနှင့် လူမှုရေး အကြောင်းအရာများကို Jazz၊ ကဗျာလင်္ကာနှင့် Blues တို့နှင့် ပေါင်းစပ်ထားသည့်သီချင်းများက လာမာကို ၎င်း၏ခေတ်တွင် တီထွင်ဖန်တီးမှု အကောင်းဆုံး ရက်ပ်အဆိုတော်တစ်ဦး ဖြစ်စေခဲ့သည်။

၂၀၁၇ ခုနှစ် ဧပြီကဖြန့်ချိခဲ့သည့် DAMN အယ်လ်ဘမ်သည် ခက်ခဲရှုပ်ထွေးသည့် မျက်မှောက်ခေတ် အာဖရိကန်-အမေရိကန်ဘ၀ကို ထင်ဟပ်အောင် ပြောပြနိုင်စွမ်းရှိသည်ဟု ပူလစ်ဇာဆုရွေးချယ်ရေးအဖွဲ့က ဧပြီ ၁၆ ရက်တွင် ပြောကြားခဲ့သည်။ ယခင်က ပူလစ်ဇာဆု ဆွတ်ခူးခဲ့သည့် ဂီတပညာရှင်များထဲတွင် Jazz ဂီတပညာရှင်များဖြစ်သည့် Wynton Marsalis နှင့် Ornette Coleman တို့လည်း ပါဝင်ခဲ့သည်။

လာမာ၏ စတုတ္ထမြောက် အယ်လ်ဘမ်ဖြစ်သည့် DAMN တွင် ဘာသာရေး၊ အချစ်၊ ပုဂ္ဂိုလ်ရေး ရုန်းကန်လှုပ်ရှားရမှုများနှင့် လူမျိုးရေးဆိုင်ရာ နိုင်ငံရေး အကြောင်းအရာများ ပါဝင်သည်။ ယင်းအယ်လ်ဘမ်သည် Billboard အယ်လ်ဘမ် ၂၀၀ စာရင်း၏ နံပါတ် ၁ နေရာတွင် သီတင်းသုံးပတ် ဦးဆောင်ခဲ့ပြီး ၂၀၁၈ ခုနှစ် ဇန်န၀ါရီက ကျင်းပခဲ့သည့် ဂရမ်မီဆုပေးပွဲတွင် အကောင်းဆုံးရက်ပ်အယ်လ်ဘမ်ဆု အပါအ၀င် ဆုငါးဆု ဆွတ်ခူးခဲ့သည်။

လာမာသည် ဟစ်ဟော့ပ်ရှေ့ဆောင် အဖွဲ့ဖြစ်သည့် NWA ၏ မွေးရပ်မြေဖြစ်သော လော့စ်အိန်ဂျလိစ် ဆင်ခြေဖုံးရှိ ကမ့်တန်မြို့တွင် မွေးဖွားကြီးပြင်းခဲ့ပြီး အသက် ၁၆ နှစ် အရွယ်တွင် ဂီတလုပ်ငန်းများကို စတင်လုပ်ဆောင်ခဲ့သည်။ လာမာသည် ၂၀၁၈ ခုနှစ်က ဖြန့်ချိခဲ့သည့် စူပါဟီးရိုးဇာတ်ကား Black Panther အတွက် ဇာတ်ဝင်တေးများကိုလည်း စီစဉ်ထုတ်လုပ်ပေးခဲ့သည်။

သရုပ်ဆောင်မေမြင့်မိုရ်နှင့် တွေ့ဆုံခြင်း

‘အောင်မြင်ပြီးသား ဇာတ်ကားကို ပြန်ရိုက်ရတဲ့အတွက် Stress တွေတော့ရှိတယ်။ ဒါပေမဲ့ ပရိသတ်တွေကိုတော့ ညီမတို့ အကောင်းဆုံး ကြိုးစားအားထုတ်ထားတာကို အားပေးကြည့်ရှုပေးကြပါလို့ ပြောချင်ပါတယ်’

မြန်မာရုပ်သံဇာတ်လမ်းတွဲများတွင် ပါဝင်သရုပ်ဆောင်ခဲ့သည်မှ အစပြုကာ ပရိသတ်ချစ်ခင်အားပေးမှု ရရှိလာသူ သရုပ်ဆောင်မေမြင့်မိုရ်မှာ လက်ရှိတွင် ပရိသတ် အခိုင်အမာ ရရှိထားပြီးဖြစ်သည့် သရုပ်ဆောင်တစ်ဦးဖြစ်သည်။ စာရေးဆရာမ မစန္ဒာ၏အောင်မြင်သည့် ၀တ္ထုတစ်ပုဒ်ဖြစ်ကာ ရုပ်ရှင်ဇာတ်ကားအဖြစ်လည်း အောင်မြင်မှုများစွာ ရရှိထားသည့် ‘အရိပ်’ ဇာတ်ကားကို ရုပ်သံဇာတ်လမ်းတွဲအဖြစ် ပြန်လည်ပုံဖော်ရာတွင် အဓိကဇာတ်ရုပ်ဖြစ်သည့် စုစုလှိုင်နေရာတွင် သရုပ်ဆောင်မေမြင့်မိုရ်က ပါဝင်ပုံဖော်ထားပါသည်။ မကြာခင် ထုတ်လွှင့်ပြသရန် စီစဉ်ထားသည့် ‘အရိပ်’ ရုပ်သံဇာတ်လမ်းတွဲတွင် ပါဝင်ဖြစ်ခဲ့သည့် အမှတ်တရများ၊ မကြာခင်က ရိုက်ကူးပြီးစီးခဲ့သည့် ပုဂံမြို့သူဇာတ်လမ်းတွဲ အမှတ်တရများနှင့် ရှေ့ဆက်လုပ်ဆောင်သွားမည့် အနုပညာဖန်တီးမှုများအကြောင်းကို ဖော်ပြလိုက်ပါသည်။

■ မေး – အရိပ်ဇာတ်ကားထဲက အဓိကဇာတ်ရုပ်ဖြစ်တဲ့ စုစုလှိုင်ဇာတ်ရုပ်အတွက် မရိုက်ကူးခင်မှာ ဘာတွေအဓိက ပြင်ဆင်ခဲ့ရလဲ။

ဖြေ – စုစုလှိုင်ဇာတ်ရုပ်အတွက် မရိုက်ခင်မှာ အရင်တုန်းက ဇာတ်ကားကိုပြန်ကြည့်တယ်။ ဆရာမမစန္ဒာရဲ့ဝတ္ထုတွေကိုလည်း ကျေညက်အောင် ပြန်ဖတ်တယ်။ ဇာတ်ညွှန်းကိုလည်း ကြိုပြီးအားလုံးနားလည်ကျေညက်အောင် ဖတ်ခဲ့တယ်။ ပြီးတော့ ဆေးလိပ်သောက်တဲ့ဟန်ပန်၊ ဆေးစွဲနေတဲ့ဇာတ်ရုပ် အနေနဲ့ သရုပ်ဆောင်ရမှာဖြစ်လို့ အဲဒီအတွက်လည်း အပြင်လောကမှာ လေ့လာတယ်။ ဆေးလိပ်သောက်တာလည်း သေချာသင်ပြီးမှ သရုပ်ဆောင်တယ်။ အမူအရာပိုင်းဆိုလည်း မလုပ်ဖူးသေးတဲ့ မျက်နှာထားတွေဆိုတော့ သေချာလေး လေ့လာရတယ်။ ဒီဇာတ်ရုပ်က မာနကြီးတယ်။ သူငယ်ချင်းလည်း သိပ်မရှိဘဲနဲ့ စိတ်ဒဏ်ရာတွေနဲ့ မိန်းကလေးပေါ့။ အဲဒီစိတ်ခံစားမှုကိုလည်း ပေါ်လွင်အောင် အတတ်နိုင်ဆုံး ကြိုးစားခဲ့ပါတယ်။

■ မေး – ညီမလေးကို မြင်ရတာများတာက နူးညံ့တဲ့ဇာတ်ရုပ်မျိုးပေါ့။ အခုလိုမာနကြီးပြီး စိတ်ဒဏ်ရာတွေနဲ့ မိန်းကလေးပုံစံမျိုးဆိုတော့ ရိုက်ကူးတုန်းကရော အခက်အခဲကြုံရတာမျိုး ရှိမလား။

ဖြေ – ၀တ္ထုဖတ်ကတည်းက အရမ်းရိုက်ချင်ခဲ့တဲ့ဇာတ်ရုပ်ပေါ့။ ကိုယ့်အတွက် အပြောင်းအလဲတစ်ခုလည်း ဖြစ်သွားမယ်ပေါ့။ ဒါကြောင့် အတတ်နိုင်ဆုံး ကြိုးစားပြီး သရုပ်ဆောင်ခဲ့တယ်။ အခုရိုက်ပြီးသွားတဲ့အချိန်မှာလည်း ဒီဇာတ်ရုပ်အတွက် ကျေနပ်ရပါတယ်။ ညီမကို ဒီဇာတ်လမ်းတွဲမှာ မေမြင့်မိုရ်အနေနဲ့ မဟုတ်ဘဲ စုစုလှိုင်အနေနဲ့ မြင်ကြလိမ့်မယ်လို့ ထင်ပါတယ်။ ပရိသတ်တွေလည်း ကျေနပ်မယ်လို့ထင်ပါတယ်။ ညီမအတွက်တော့ တကယ့်ကိုအပြောင်းအလဲတွေ၊ စိန်ခေါ်မှုတွေများခဲ့တဲ့ ဇာတ်လမ်းတွဲတစ်ခုပါ။

■ မေး – တွဲဖက်သရုပ်ဆောင်ရတဲ့ ကိုရန်လေး(ရန်အောင်)တို့၊ မကြီးစိုး(စိုးမြတ်သူဇာ) တို့နဲ့ရော အပေးအယူမျှမျှလုပ်နိုင်ဖို့ ဘယ်လောက်ထိ ပြင်ဆင်ခဲ့ရလဲ။

ဖြေ – ကိုယ့်အဖေနဲ့အမေနေရာက သရုပ်ဆောင်ကြတာပေါ့။ အများကြီး သင်ပေးကြပါတယ်။ ကိုရန်လေးကလည်း အများကြီးသင်ပေးသလို မကြီးစိုးဆိုလည်း ညီမမသိတာ၊ မတတ်တာတွေကို ပြောပြပေးတယ်။ ညီမဘက်က သူတို့နဲ့ အပေးအယူမျှမျှလုပ်နိုင်ဖို့အတွက် အများကြီး လက်တွဲခေါ်ပေးတယ်။ သူတို့တွေရဲ့သင်ပြပေးမှုကြောင့် ညီမအတွက် အတွေ့အကြုံကောင်းတွေ အများကြီးရစေသလို ပိုပြီးတော့လည်း စိတ်ခံစားမှု အပြည့်အ၀ ထည့်နိုင်ခဲ့ပါတယ်။ အဲဒါကြောင့် ကျေးဇူးအများကြီးတင်ပါတယ်။

■ မေး – ဒီဇာတ်ကားက အရင်ကလည်း အရမ်းအောင်မြင်ခဲ့တော့ အရင်ဇာတ်ကားနဲ့နှိုင်းယှဉ်ဝေဖန်တာတွေ လုပ်မှာကို စိုးရိမ်တာမျိုးရောရှိလား။ အခု new Version အနေနဲ့ပဲ ပရိသတ် အားပေးမယ်လို့ထင်လား။

ဖြေ – နှစ်ခုလုံးတော့ ဖြစ်နိုင်မယ်လို့ ထင်ပါတယ်။ အရင်ဇာတ်ကားကို ကြိုက်ခဲ့၊ အားပေးခဲ့တဲ့ ပရိသတ်တွေကလည်း အရင်ဇာတ်ကားနဲ့နှိုင်းယှဉ်ပြီးတော့ ဝေဖန်တာမျိုးတွေ ရှိနိုင်ပါတယ်။ အခုဒီဇာတ်ကားကို new version အနေနဲ့ အားပေးမယ့် ပရိသတ်တွေ၊ ခံစားဝေဖန်ပေးမယ့်သူတွေလည်း ရှိမယ်လို့ ထင်ပါတယ်။ ညီမတို့အနေနဲ့တော့ ဇာတ်ညွှန်းအသစ်ကို သရုပ်ဆောင်ရတာပေါ့လေ။ အများကြီးတော့ ကြိုးစားထားတာပဲ။ အောင်မြင်ပြီးသား ဇာတ်ကားကိုပြန်ရိုက်ရတဲ့အတွက် Stress တွေတော့ရှိတယ်။ ဒါပေမဲ့ ပရိသတ်တွေကိုတော့ ညီမတို့အကောင်းဆုံး ကြိုးစားအားထုတ်ထားတာကို အားပေးကြည့်ရှုပေးကြပါလို့ ပြောချင်ပါတယ်။

■ မေး – အခုမြန်မာနှစ်သစ်မှာ ဒီဇာတ်လမ်းတွဲ ထုတ်လွှင့်တော့မယ်ဆိုတော့ ဘယ်လိုခံစားနေရလဲ။

ဖြေ – အရမ်းပျော်ပါတယ်။ ညီမအတွက် ဇာတ်ရုပ်အသစ်တစ်ခုနဲ့မြင်ရမယ့် ဇာတ်လမ်းတွဲလေးလည်း ဖြစ်ပါတယ်။ ညီမအခုနှစ်မှာ ထုတ်လွှင့်သွားမယ့် ဇာတ်လမ်းတွဲနှစ်ခုလုံးက အရမ်းကြိုက်လို့ ရိုက်ထားတာတွေ ဖြစ်တယ်။ တစ်ကားက ဒီဇာတ်ကားပေါ့နော်။ နောက်တစ်ကားက ပုဂံမြို့သူပေါ့။ နှစ်ကားလုံးမှာတော့ အကောင်းဆုံး အားထုတ်ထားတဲ့အတွက် အရမ်းလည်း ရင်ခုန်ပါတယ်။

■ မေး – ပုဂံမြို့သူဇာတ်ကားကလည်း ဦးကျော်သူက အကောင်းဆုံးပုံဖော်ထားသလို အချိန်သုံးလေးလလောက်ယူပြီး ရိုက်ထားတာပေါ့နော်။ အဲဒီဇာတ်လမ်းတွဲ အတွေ့အကြုံလေးလည်း ပြောပြပါဦး။

ဖြေ – အဲဒီဇာတ်လမ်းတွဲလေး ရိုက်ခွင့်ရတာ အရမ်းကျေနပ်တယ်။ ဦးမောင်(ဦးကျော်သူ) နဲ့ ရိုက်ခွင့်ရတာလည်းဖြစ်တယ်။ အရမ်းကောင်းတဲ့ ဇာတ်ညွှန်းလည်း ဖြစ်တယ်။ ရိုက်ရတာလည်း အရမ်းအားရတယ်။ လူဝင်စားဇာတ်လမ်းဆိုတော့ ညီမလည်း မရိုက်ဖူးသေးဘူး။ အချစ်ကို ဦးစားပေးပြီး ရိုက်ထားတဲ့ ဇာတ်လမ်းလေးလည်းဖြစ်တော့ ပရိသတ်တွေအတွက် ထူးခြားတဲ့ ဇာတ်လမ်းတွဲလေး ဖြစ်မှာပါ။

■ မေး – ရုပ်ရှင်ကားကြီးတွေမှာရော ဘယ်လိုဇာတ်ကားလေးတွေ မြင်တွေ့ခွင့်ရမလဲ။

ဖြေ – ရုပ်ရှင်ကားကြီးတွေမှာလည်း ထူးခြားတဲ့ဇာတ်ရုပ်ပုံစံလေးတွေ ရိုက်ထားပါတယ်။ ဦးစတီးလ်နဲ့ ရိုက်ထားတာလည်းရှိတယ်။ အက်ရှင်ပုံစံလေးတွေရော၊ ကလေးမိခင်ပုံစံမျိုးရော သရုပ်ဆောင်ထားပါတယ်။ နောက်ပိုင်းထွက်လာမယ့် ဇာတ်ကားတွေက ပုံစံအသစ်အဆန်းလေးတွေ များပါတယ်။ ထပ်ရိုက်မယ့် ဇာတ်ကားလေးတွေကလည်း ဇာတ်ရုပ်လေးတွေ ထူးခြားပါတယ်။

■ မေး – အရိပ်ဇာတ်ကားနဲ့ ပတ်သက်လို့လည်း ပရိသတ်ကို ပြောချင်တာများရှိမလား။

ဖြေ – ဒီဇာတ်လမ်းတွဲက မကြာခင်လည်း ပြသတော့မှာဆိုတော့ အားပေးကြပါဦးလို့။ အရင်တုန်းကဇာတ်ကားကို အားပေးခဲ့ကြသလို အခုဒီဇာတ်လမ်းတွဲလေးမှာလည်း ညီမတို့ အားလုံးကြိုးစားထားတဲ့အတွက် အားပေးကြပါလို့။ ပရိသတ်တွေနဲ့ တီဗွီမှာ မတွေ့ရတာကြာပြီဖြစ်လို့ ဒီဇာတ်လမ်းတွဲလေးမှာ အကောင်းဆုံး ကြိုးစားထားပါတယ်။

■ မေး – ပရိသတ်တွေကို နှစ်သစ်ဆုတောင်းစကားလေး ပြောပေးပါဦး။

ဖြေ – နှစ်သစ်မှာ ပျော်ရွှင်မှုတွေ၊ အောင်မြင်မှုတွေပိုပြီး ပိုင်ဆိုင်နိုင်ပါစေလို့ ဆုတောင်းပေးချင်ပါတယ်။

■ မေး – နှစ်သစ်အလှူအနေနဲ့ ဘာများလုပ်ဖြစ်ဖို့ရှိဦးမလဲ။

ဖြေ – ညီမမွေးနေ့က မေလမှာ ရှိပါတယ်။ မွေးနေ့အလှူရော နှစ်သစ်အလှူအနေနဲ့ပါ မေလထဲမှာ ရဟန်းခံရှင်ပြု အလှူတစ်ခုလုပ်ဖို့ ပြင်ဆင်နေပါတယ်။

ကျော်ကိုကို ခြောက်လမှ ရှစ်လအထိ အနားယူရမည်ဟု အသင်းအတည်ပြု

ခွဲစိတ်ကုသမှုအပြီးတွေ့ရသည့် ကျော်ကိုကို (Photo – crutd)

ထိုင်းလိဂ်-၁ ကလပ် ချင်းရိုင်ယူနိုက်တက်အသင်းသည် တိုက်စစ်မှူး ကျော်ကိုကို၏ ဒူးဒဏ်ရာအား ပြီးခဲ့သည့် ဧပြီ ၁၁ ရက်က ခွဲစိတ်ကုသမှု ပြုလုပ်ပြီးနောက် ခြောက်လမှ ရှစ်လအထိ အနားယူရမည်ဟု အတည်ပြု သတင်းထုတ်ပြန်ခဲ့သည်။

ချင်းရိုင်ယူနိုက်တက်အသင်း၏ တရားဝင်ဝက်ဘ်ဆိုက်မှ သတင်းထုတ်ပြန်မှုအရ ကျော်ကိုကိုသည် ခွဲစိတ်ကုသမှု အောင်မြင်ခဲ့သော်လည်း ကိုယ်ကာယလေ့ကျင့်ခန်းများ ပြုလုပ်သွားရမည်ဖြစ်ကြောင်း၊ ခွဲစိတ်ဆရာဝန်၏အဆိုအရ ခြောက်လမှ ရှစ်လအထိ ဘောလုံးကစားနိုင်မည် မဟုတ်ကြောင်း အစရှိသဖြင့် ရေးသားဖော်ပြခဲ့သည်။ ကျော်ကိုကိုသည် ပြီးခဲ့သည့် ဧပြီ ၇ ရက်က ကစားခဲ့သည့် ပတ္တရားယူနိုက်တက်နှင့်ပွဲတွင် ပွဲကစားချိန် ၇၆ မိနစ်၌ လူစားဝင်ကစားခဲ့ပြီး ငါးမိနစ်အကြာ ၈၁ မိနစ်တွင် ပတ္တရားအသင်းနောက်ခံလူ ဆာရာဝပ်၏ ကြမ်းတမ်းစွာ ဖျက်ထုတ်မှုကြောင့် ယာဒူးဒဏ်ရာရရှိခဲ့ခြင်းဖြစ်သည်။ ကျော်ကိုကို၏ဒဏ်ရာမှာ အလွန်ပြင်းထန်သောကြောင့် ချက်ချင်းဆိုသလို ဆေးရုံသို့ တင်ပို့ခဲ့ပြီး ဆေးစစ်မှုပြုလုပ်ခဲ့ကာ ဧပြီ ၁၁ ရက်က ခွဲစိတ်မှုပြုလုပ်ခဲ့ခြင်းဖြစ်သည်။ ကျော်ကိုကို၏ဒဏ်ရာမှာ ညာဒူးအရွတ်စုတ်ပြဲခဲ့ခြင်းဖြစ်ပြီး ယခုအခါ အစားထိုးခွဲစိတ်ကုသခဲ့ရကာ ယခုနှစ်ရာသီ ထိုင်းလိဂ်ပြိုင်ပွဲ ပြီးဆုံးချိန်အထိ အနားယူရမည်ဖြစ်သည်။

Coachella ဂီတပွဲတော်၌ ဘီယွန်းဆေးက Destiny’s Child အဖွဲ့သားဟောင်းများနှင့် အတူတကွ ဖျော်ဖြေ

နာမည်ကျော် Coachella ဂီတပွဲတော်၏ ဒုတိယနေ့တွင် ဘီယွန်းဆေးသည် ၎င်း၏အဖွဲ့ဟောင်းဖြစ်သော Destiny’s Child နှင့် ရှားရှားပါးပါး အတူတကွ သီဆိုဖျော်ဖြေခဲ့သည်။ ဘီယွန်ဆေးသည် ယမန်နှစ်က အမြွှာနှစ်ဦး၏ကိုယ်ဝန်ကို လွယ်ထားရချိန်ဖြစ်သောကြောင့် Coachella တွင် သီဆိုဖျော်ဖြေရေးမှာ တစ်နှစ်နောက်ကျသွားခဲ့ခြင်းဖြစ်သည်။

တောင်ပိုင်း ကယ်လီဖိုးနီးယားကန္တာရထဲတွင် နှစ်စဉ်ပြုလုပ်နေကျ ကမ္ဘာ့ထိပ်တန်း တေးဂီတပွဲတော် Coachella သို့ လာရောက်သူ ပရိသတ် ၁၀၀,၀၀၀ ကျော်ခန့်ရှိသည်။

ဘီယွန်းဆေးသည် ထိုဂီတပွဲအတွင်း ၎င်း၏နာမည်ကျော်သီချင်းများကို နှစ်နာရီကြာ အချိန်အတွင်း အနည်းငယ်သာနားပြီး အခြားသောအကသမားနှင့် ဂီတပညာရှင် ၁၀၀ ကျော်အား ဦးဆောင်၍ တက်ကြွစွာ သီဆိုသွားခဲ့ခြင်းဖြစ်သည်။ Coachella တွင် ဘီယွန်ဆေးနှင့်အတူ ခင်ပွန်းဖြစ်သူ Jay-Z ကလည်း Deja Vu သီချင်းကို အတူပါဝင် သီဆိုခဲ့သေးသည်။

ဘီယွန်းဆေးသည် Destiny’s Child အဖွဲ့ဝင်များဖြစ်သည့် Kelly Rowland၊ Michelle Wiliams တို့နှင့် Say My Name သီချင်းအပါအ၀င် သီချင်းသုံးပုဒ်ကို အတူဖျော်ဖြေခဲ့ခြင်းဖြစ်သည်။ ယင်းသည် ၂၀၁၃ ခုနှစ်က Super Bowl နောက်ပိုင်း ပထမဆုံးအကြိမ် Destiny’s Child အဖွဲ့ဝင်များအတူ ပြန်လည်ဖျော်ဖြေကြခြင်းလည်း ဖြစ်သည်။ ထိုအဖွဲ့သည် ဘီယွန်းဆေးအား ကျော်ကြားသောပုဂ္ဂိုလ်တစ်ဦးဖြစ်လာအောင် တွန်းပို့ပေးခဲ့ခြင်း ဖြစ်သော်လည်း အတွင်းပိုင်းတွင်မူ ကွဲလွဲမှုများနှင့် ပတ်ချာလည်ဝိုင်းနေသည်။

ဘီယွန်းဆေးသည် လာမည့်သီတင်းပတ်ကုန်ရက်တွင်လည်း ဒုတိယအကျော့ သီဆိုရန် ပြန်လည်ရောက်လာဦးမည်ဖြစ်သည်။ ဘီယွန်းဆေးသည် Coachella ဂီတပွဲတော်တွင် ထိပ်တန်းဖြစ်သွားသည့် ပထမဆုံး လူမည်းအမျိုးသမီး အဆိုရှင်တစ်ဦးဖြစ်ရသည့်အတွက် ဂုဏ်ယူမိကြောင်း ပြောကြားခဲ့သည်။

အမျိုးသားများ ကြီးစိုးထားသော ဂီတလောက၌ မည်သည့်ဂီတပွဲတော်ကြီးများတွင်မဆို ဘီယွန်းဆေးသည် ထိပ်တန်းသို့ရောက်သော အမျိုးသမီးအနည်းငယ်ထဲမှ တစ်ဦးဖြစ်သည်။ Coachella သည် ကမ္ဘာထိပ်တန်းဂီတ ဖျော်ဖြေပွဲတစ်ခုဖြစ်နေရခြင်းမှာ နာမည်ကျော် အဆိုရှင်များ လာရောက်ဖျော်ဖြေခြင်း တစ်ခုတည်းအတွက်တင်မကဘဲ ဖက်ရှင်များကိုပြသရန် အဓိကနေရာတစ်ခု ဖြစ်နေခြင်းကြောင့်လည်းဖြစ်သည်။ ဖက်ရှင်ဒီဇိုင်နာများသည်လည်း ၎င်းတို့၏ အ၀တ်အထည်၊ အသုံးအဆောင်တံဆိပ်များကို Coachella ပွဲတော်အတွင်း အကြီးအကျယ် ဈေးကွက်ထိုးဖောက်လေ့ ရှိကြသည်။

Myanmar Idol Season 3 သီချင်းဆို ပြိုင်ပွဲအစီအစဉ်အား မြန်မာနှစ်ဆန်းတစ်ရက် (ယနေ့) တွင် စတင်ထုတ်လွှင့်ပြသမည်

Photo: Myanmar Idol Facebook

Myanmar Idol Season 3 သီချင်းဆို ပြိုင်ပွဲအစီအစဉ်အား မြန်မာနှစ်ဆန်းတစ်ရက် (ယနေ့) တွင် စတင်ထုတ်လွှင့်ပြသမည် ဖြစ်ကြောင်း သိရသည်။ Myanmar Idol Season 3 ထုတ်လွှင့်မှုအား MNTV ရုပ်သံလိုင်းတွင် ည ၉ နာရီအချိန်၌ ထုတ်လွှင့်ပြသမည်ဖြစ်ပြီး လူရွေးချယ်မှု အဆင့်ဆင့်အား စတင်ပြသမည်ဖြစ်ကြောင်း သိရသည်။ ယခုနှစ်တွင် အကဲဖြတ်ဒိုင်လူကြီးများအဖြစ် တေးသံရှင်အကယ်ဒမီရန်အောင်၊ မြန်မာပြည်သိန်းတန်၊ မျိုးကျော့မြိုင်နှင့် တင်ဇာမော်တို့ ပါဝင်တင်ဆက်ရန် စီစဉ်ထားခြင်းဖြစ်သည်။

“Myanmar Idol Season 3 ထုတ်လွှင့်တင်ဆက်မှုကို မြန်မာနှစ်ဆန်းတစ်ရက်မှာ စတင်သွားမှာဖြစ်ပါတယ်။ အခုနှစ်မှာ လူရွေးချယ်မှုအတွက် အချိန်ပိုပေးခဲ့သလို ရွေးချယ်တဲ့စနစ်လည်း ပိုများသွားတဲ့အတွက် ထုတ်လွှင့်ပြသမှုကို ရက်နည်းနည်းနောက်ကျပြီး ထုတ်လွှင့်တာဖြစ်ပါတယ်။ အားလုံးပါဝင်ယှဉ်ပြိုင်နိုင်ဖို့ စီစဉ်ပေးထားပါတယ်။ လူရွေးပွဲ အဆင့်ဆင့်ကနေ စတင်ထုတ်လွှင့်သွားမှာဖြစ်ပြီး အရည်အချင်းရှိတဲ့ မျိုးဆက်သစ်တွေကို ဘယ်လိုရွေးချယ်သွားမလဲဆိုတာ စောင့်ကြည့်အားပေးဖို့လည်း ဖိတ်ခေါ်ချင်ပါတယ်” ဟု Myanmar Idol မှ တာဝန်ရှိသူတစ်ဦးက ဆိုသည်။

ဟာရီမင်းသားနှင့် မက်ဂန်မာခယ်တို့၏ မင်္ဂလာပွဲသို့ ဖိတ်ကြားခံရသူ စာရင်းတွင် ဒေါ်နယ်ထရန့်၊ ထရီဆာမေနှင့် အိုဘားမားတို့ ပါဝင်ခြင်း မရှိခဲ့

မေ ၁၉ ရက်တွင်ပြုလုပ်မည့် ဗြိတိန်မင်းသား ဟာရီနှင့် အမေရိကန်သရုပ်ဆောင် မက်ဂန်မာခယ်တို့၏မင်္ဂလာပွဲသို့ ဖိတ်ကြားခံရသည့် ဧည့်သည်စာရင်းတွင် အမေရိကန်သမ္မတ ဒေါ်နယ်ထရန့်၊ အမေရိကန်သမ္မတဟောင်း ဘာရက်အိုဘားမားနှင့် ဗြိတိန် ၀န်ကြီးချုပ် ထရီဆာမေတို့ မပါဝင်ဟု တော်ဝင်နန်းတော်နှင့် ဗြိတိန်အစိုးရအဖွဲ့ သတင်းရင်းမြစ်များက ဧပြီ ၁၀ ရက်တွင် ပြောကြားခဲ့သည်။
ဟာရီမင်းသားနှင့် မာခယ်တို့၏ မင်္ဂလာပွဲသည် နိုင်ငံရေးသမားများနှင့် ကမ္ဘာ့ခေါင်းဆောင်များထက် မိတ်ဆွေများနှင့် မိသားစုဝင်များကိုသာ ဖိတ်ကြားထားသည်ဟု ကင်ဆင်တန်နန်းတော်က ထုတ်ပြန်ခဲ့သည်။

“ဟာရီမင်းသားနဲ့ မာခယ်ရဲ့ မင်္ဂလာပွဲကို ဗြိတိန်နဲ့ နိုင်ငံတကာက နိုင်ငံရေးခေါင်းဆောင်တွေကိုမဖိတ်ဖို့ ဆုံးဖြတ်ခဲ့တယ်” ဟု ကင်ဆင်တန်နန်းတော်၏ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။ ယင်းဆုံးဖြတ်ချက်နှင့်ပတ်သက်ပြီး ဗြိတိန်အစိုးရအဖွဲ့နှင့် တိုင်ပင်ဆွေးနွေးခဲ့သည်ဟုလည်း ၎င်းက ပြောကြားခဲ့သည်။

မင်္ဂလာပွဲတက်ရောက်မည့်ဧည့်သည်များသည် သတို့သမီး၊ သတို့သားတို့နှင့် တိုက်ရိုက်သိကျွမ်းသူများ၊ ပရဟိတအဖွဲ့အစည်းများကို ဦးစီးလုပ်ဆောင်နေသူများ၊ ဘ၀ ပြောင်းလဲသည်အထိ ထိခိုက်ဒဏ်ရာရရှိခဲ့သည့် စစ်ပြန်များသာဖြစ်ကြောင်း ကင်ဆင်တန် နန်းတော်က ထုတ်ပြန်ခဲ့သည်။ ဟာရီနှင့် ရင်းနှီးသည့် ဆက်ဆံရေးရှိသည့် အမေရိကန်သမ္မတတောင်း ဘာရက်အိုဘားမားသည် မင်္ဂလာပွဲတက်ရောက်မည်ဟု သတင်းများ ထွက်ရှိခဲ့သော်လည်း ကင်ဆင်တန်နန်းတော်ကမူ အိုဘားမားတက်ရောက်မည်မဟုတ်ဟု အတည်ပြုခဲ့သည်။

အလိဇဘတ်ဘုရင်မကြီး၏ မြေး၊ ၀ီလျံမင်းသား၏ ညီဖြစ်သူ ဟာရီသည် Suits ဇာတ်လမ်းတွဲဖြင့် လူသိများခဲ့သည့် အမေရိကန်သရုပ်ဆောင် မာခယ်နှင့် ၀င်ဆာရဲတိုက်ရှိ စိန့်ဂျော့ခ်ျဝတ်ပြုဆောင်တွင် လက်ထပ်ထိမ်းမြားမည်ဖြစ်သည်။

မင်္ဂလာပွဲကျင်းပမည့်နေရာသည် ၂၀၁၁ ခုနှစ်တွင် ၀ီလျံမင်းသားနှင့် ကိတ်မစ်ဒယ် တန်တို့၏ မင်္ဂလာပွဲကျင်းပခဲ့သည့် Westminster ထက် သိသိသာသာကျဉ်းသည်ဟု အစိုးရသတင်းရင်းမြစ်က ပြောကြားခဲ့သည်။ ၀ီလျံ၏ မင်္ဂလာပွဲကိုမူ ယင်းအချိန်က ဗြိတိန်ဝန်ကြီးချုပ်ဖြစ်သည့် ဒေးဗစ်ကင်မရွန်၊ အခြားနိုင်ငံရေးသမားများနှင့် သံတမန်များ တက်ရောက်ခဲ့ကြသည်။

လူငယ်တေးသံရှင် Mary ၏ ငယ်ဘ၀ဖြတ်သန်းရာ

လူမှုကွန်ရက်အသုံးပြုမှုတွင်ကျယ်လာတာနဲ့အမျှ အနုပညာဖန်တီးမှုတွေ၊ လူငယ်မျိုးဆက်သစ် အနုပညာဖန်တီးသူတွေနဲ့ ခံစားသူပရိသတ်များရဲ့ထိတွေ့ဆက်စပ်နိုင်မှုက ပိုမိုကျယ်ပြန့်လို့လာပါတယ်။ နေ့စဉ် ဖြတ်သန်းမှုအချိန်နာရီ အများစုမှာ လူမှုကွန်ရက်စာမျက်နှာတွေထက် အချိန်ပေးကြတာကလည်း မနည်းလှတာကြောင့် လူမှုကွန်ရက်က ပျံ့နှံ့လာတဲ့အနုပညာဖန်တီးမှုတွေဟာ ပရိသတ်တွေဆီ ပိုလို့လွယ်ကူလျင်မြန်စွာရောက်ရှိလာနိုင်တယ်လို့ ဆိုရမှာပါ။

အသစ်အသစ်သော အနုပညာဖန်တီးမှုတွေကြားထဲမှာ ဖန်တီးမှုအသစ်တစ်ခုနဲ့ စတင်ရောက်ရှိလာသူ လူငယ်တစ်ဦးကတော့ Mary ပဲဖြစ်ပါတယ်။ ‘၀ဲ’ ဆိုတဲ့ တေးသီချင်းလေး တစ်ပုဒ်တည်းနဲ့ ထူးခြားတဲ့အသံ၊ ဆိုဟန်တွေကို သတိပြုနှစ်သက်စေခဲ့တဲ့ တေးသံရှင်တစ်ဦးဖြစ်ပါတယ်။ ဒီတစ်ပတ်မှာတော့ တေးသံရှင် Mary ပြောပြတဲ့ငယ်စဉ် ဘ၀ရဲ့ အမှတ်တရပုံရိပ်တချို့ကို ပြန်လည်လက်ဆင့်ကမ်းပေးချင်ပါတယ်။

တေးသံရှင် Mary က ၁၉၉၅ ခုနှစ် အောက်တိုဘာ ၂၇ ရက်မှာ မွေးဖွားခဲ့သူဖြစ်ပြီး တစ်ဦးတည်းသော သမီးလေးဖြစ်ပါတယ်။ နာမည်ရင်းက Mary စိုး ဖြစ်ပြီး ငယ်စဉ်ဘ၀မှာတော့ မြန်မာနိုင်ငံမှာပဲ ကြီးပြင်းလာခဲ့သူဖြစ်ပါတယ်။ သောကြာနေ့မှာမွေးဖွားခဲ့သူဖြစ်ပေမယ့် စကားနည်းသူတစ်ယောက်ပါလို့  Mary က ၀န်ခံခဲ့ပါတယ်။ မိဘများက ပြည်ပနိုင်ငံမှာသွားရောက်နေထိုင်နေပေမယ့် ပြည်တွင်းမှာ ပညာသင်ကြားရင်းကျန်ရစ်ခဲ့သူ Mary ကငါးတန်းအောင်မြင်ပြီးချိန်မှာတော့ ဂျပန်နိုင်ငံမှာနေထိုင်တဲ့ မိခင်ဆီ အလည်သွားရောက်ရာက ပြန်မလာဖြစ်တော့ဘဲ ဆက်လက်နေထိုင်ဖြစ်သွားတယ်လို့ဆိုပါတယ်။ ငယ်ရွယ်စဉ်အချိန်မှာ ဘာသာစကား၊ ဓလေ့ထုံးစံ မတူကွဲပြားတဲ့နိုင်ငံကို သွားရောက်နေထိုင်ခဲ့ရပြီး ပညာ ဆက်လက်သင်ကြားခဲ့ရတဲ့ Mary က ငယ်စဉ်ဘ၀ရဲ့အတွေ့အကြုံတွေကို အခုလိုပဲ အမှတ်တရဆိုခဲ့ပါ တယ်။

“Mary က ငါးတန်းအောင်ပြီးမှ ဂျပန်မှာ ရုတ်တရက်သွားနေရတာပါ။ စရောက်ကတည်းက ဖိစီးမှုတွေအများကြီးနဲ့ ရင်ဆိုင်ရတယ်။ စာလိုက်နိုင်ဖို့အတွက်လည်း အများကြီးကြိုးစားခဲ့ရတယ်။ ဟိုမှာလည်း အထက်တန်းကျောင်းတွေမှာ အုပ်စုဖွဲ့ပြီး အနိုင်ကျင့်ကြတယ်ဆိုတာတွေ ရှိတယ်။ Mary လည်း အနိုင်ကျင့်ခံရတာမျိုးတွေ ကြုံခဲ့ရပါတယ်။ ဒါပေမဲ့ အနိုင်ကျင့်ခံရတာတွေကို ဘယ်လိုကျော်လွှားမလဲဆိုပြီး စဉ်းစားတဲ့အခါ ကျောင်းစာမှာ ထူးချွန်အောင်လုပ်မှပဲ အဆင်ပြေမယ်လို့စဉ်းစားမိတယ်။ အဲဒါကြောင့်လည်း အခြားသူတွေထက် ကျောင်းစာပိုတော်အောင် အမြဲတမ်းကြိုးစားဖြစ်ခဲ့တယ်”လို့ Mary က ဆိုပါတယ်။

အထက်တန်းကျောင်းအောင်မြင်ပြီး တက္ကသိုလ် ဆက်လက်တက်ရောက်ခဲ့တဲ့အထိ ကျောင်းစာထူးချွန်အောင်သာ ကြိုးစားခဲ့သလို ဂီတလုပ်ငန်းတွေလည်း မလုပ်ဖြစ်ခဲ့ဘူးလို့ Mary ကဆိုပါတယ်။ အထက်တန်းအထိ ခင်မင်ခဲ့ရတဲ့ သူငယ်ချင်းတွေရှိနေပေမယ့် တက္ကသိုလ်ရောက်လာတဲ့အခါ သူငယ်ချင်းတွေကွဲကုန်ပြီး တက္ကသိုလ်မှာတော့ သူငယ်ချင်းတွေ နည်းသွားတယ်လို့ ဆိုပါတယ်။ Mary ရဲ့ပထမဆုံး ဂီတ၀ါသနာဖော်ထုတ်မှုအနေနဲ့ Cover Songs လေးတွေ ဆိုဖြစ်ခဲ့တယ်လို့လည်းဆိုပါတယ်။ ဒီနောက်မှာတော့ Mary ကသူနှစ်သက်တဲ့တေးသံရှင်တစ်ဦးဖြစ်တဲ့ Lil’Z ရဲ့ကမ်းလှမ်းမှုနဲ့ ‘မငိုပါနဲ့တော့’ သီချင်းမှာ ပါဝင်သီဆိုဖို့လက်ခံခဲ့ပါတယ်။ ဒီသီချင်းအတွက် Mary တစ်ယောက်တည်း သီဆိုမှုတွေကို အသံသွင်းယူပြီး Lil’Z ဆီ ပို့ပေးခဲ့တာပါ။ ‘မငိုပါနဲ့တော့’ သီချင်းက Mary  ကို ပရိသတ်တွေ ပထမဆုံး စပြီးအသိအမှတ် ပြုစေတဲ့ သီချင်းလေးဖြစ်လာပါတယ်။ ဆက်လက်ပြီးတော့ Mary က သူ့ရဲ့ ပထမဆုံး Single Song ‘၀ဲ’ ကို ကိုယ်တိုင်ရေးသား သီဆိုခဲ့ပါတယ်။

‘‘၀ဲ သီချင်းက Mary ရဲ့ ပထမဆုံးဖန်တီးမှုပေါ့။ သူငယ်ချင်းတစ်ယောက်က သူ့ခံစားချက်ရင်လာဖွင့်တာကို ရေးလိုက်တာ။ Mary ကမြန်မာစကားလုံးတွေ အရမ်းမကြွယ်ဝတော့ အခက်အခဲရှိပါတယ်။ Mary ရေးခဲ့တဲ့ သီချင်းနှစ်ပုဒ်လုံးက ကာရန်ညီတယ်ဆိုတာမျိုး မရှိဘူးလေ။ သိပ်နားမလည်ဘူးပေါ့။ ခံစားရတဲ့အတိုင်းပဲ ရေးလိုက်တာပါ။ ခံစားချက်ကတော့  Mary ဂျပန်မှာနေရတဲ့အခါ မိသားစုကလည်း သုံးယောက်တည်း။ သူငယ်ချင်းကလည်းနည်းတော့ အရမ်းအထီးကျန်ပါတယ်။ အထီးကျန်တဲ့ခံစားချက်ရှိတော့ တစ်ခုခုကိုခံစားမယ်ဆိုရင် လုပ်ယူစရာမလိုဘူး။ သူ့ဘာသာ ခံစားလို့ရတယ်။ ဂီတကို ဖန်တီးမယ်ဆိုတဲ့အခါလည်း အဲဒီလိုပဲခံစားချက်ကိုသွင်းပြီးဖန်တီးခဲ့တာပါ။ ဂီတအမျိုးအစားဆိုတာကိုတော့ Mary မသတ်မှတ်ချင်ဘူး။ အဓိကတော့ ကိုယ်တိုင်က သီချင်းအေးအေး နှေးနှေးတွေကိုကြိုက်တယ်။ ကိုယ်တိုင်ဆိုတဲ့အခါလည်း အေးအေးနှေးနှေး ပုံစံတွေဆိုဖြစ်တဲ့သဘောပါ’’လို့ Mary က ပွင့်ပွင့်လင်းလင်း ဆိုခဲ့ပါတယ်။

ကြားနေကျဂီတဆိုဟန်တွေနဲ့ ကွဲထွက်နေခဲ့တဲ့၊ ထူးခြားတဲ့ အသံကာလာပိုင်ရှင် ကောင်မလေးရဲ့ ‘၀ဲ’ တေးသီချင်းကို အားပေးသူများပြားခဲ့သလို ဝေဖန်တိုက်ခိုက်မှုတွေလည်း ရှိခဲ့ပါတယ်။ ဒီအခြေအနေတွေ ကြုံတွေ့အပြီးမှာတော့ Mary က Facebook စာမျက်နှာတွေပေါ်က ခဏတာပျောက်ကွယ်သွားပြီး အချိန်ကာလတစ်ခုဖြတ်သန်းပြီးချိန်မှာ ‘Mask ‘ အမည်နဲ့ သီချင်းသစ်တစ်ပုဒ်နဲ့အတူ ပရိသတ်များဆီ တစ်ကျော့ပြန်ရောက်ရှိလို့လာခဲ့ပါတယ်။ Mary ရဲ့ဒုတိယမြောက်တေးသီချင်း ‘Mask’က ပရိသတ်အများအပြား ထပ်မံ လက်ခံအားပေးမှုရရှိခဲ့ပါတယ်။

လူမှုကွန်ရက်ကနေ ပရိသတ်အခိုင်အမာရရှိထားတဲ့ တေးသံရှင် Mary က သြဂုတ်လဆန်းမှာတော့ မြန်မာနိုင်ငံကို ပြန်လည်ရောက်ရှိလာခဲ့ပြီး မီဒီယာစာမျက်နှာတွေထက်ကတစ်ဆင့် ပရိသတ်များနဲ့တွေ့ဆုံခဲ့ပါတယ်။ ဒီနောက်မှာတော့ တတိယမြောက် တေးသီချင်းအတွက် တေးသံရှင်ကျားပေါက်နဲ့အတူ ပူးပေါင်းဖန်တီးခဲ့ကြပါတယ်။ Mary က ပရိသတ်များအတွက် အမှတ်တရတစ်ခုအနေနဲ့ စက်တင်ဘာ ၂  ရက်မှာ ပရိသတ် ၁၀၀ ရွေးချယ်တွေ့ဆုံစေခဲ့ပါတယ်။ ပရိသတ်များနဲ့ရင်း နှီးစွာတွေ့ဆုံခဲ့တဲ့အပြင် တေးသီချင်းများဖျော်ဖြေတင်ဆက်ခဲ့ပါတယ်။ Mary နဲ့ပရိသတ်တွေအတွက် အမှတ်တရ ညချမ်းတစ်ခုဖြစ်စေခဲ့ပါတယ်။

တေးသံရှင် Mary က ရှေ့ဆက်လုပ်ဆောင်သွားမယ့် အနုပညာလုပ်ငန်းအနေနဲ့ တစ်ကိုယ်တော်အယ်လ်ဘမ်တစ်ခွေ ဖန်တီးသွားမှာဖြစ်သလို ဒီအယ်လ်ဘမ်မှာ ကိုယ်တိုင်ရေးသီချင်းတွေအပြင် တခြားတေးရေးဆရာတွေရဲ့ဖန်တီးမှုတွေကိုလည်း ထည့်သွင်းသွားချင်တယ်လို့ ပြောပြခဲ့ပါတယ်။ Mary က မွေးရပ်ဇာတိမြေမှာ ပြန်လည်လာရောက်နေထိုင်နေပြီဖြစ်သလို ဖျော်ဖြေပွဲတွေမှာလည်း ပါဝင်လျက်ရှိနေပါတယ်။ အခုနှစ် သင်္ကြန်ကာလမှာလည်း  တေးသီချင်းတွေသီဆို ဖျော်ဖြေရင်းဖြတ်သန်းဖို့စီစဉ်ထားပါတယ်။

ဒီတစ်ပတ်မှာဖတ်ရှုခဲ့ကြရတာကတော့ လူငယ်တေးသံရှင် Mary ရဲ့ စိတ်ဝင်စားဖွယ် ငယ်စဉ်ဘ၀ရဲ့အမှတ်တရပုံရိပ်တွေနဲ့ ဂီတလောကထဲရောက်ရှိ ဖြတ်သန်းလာခဲ့တဲ့ အမှတ်တရတချို့ပဲဖြစ်ပါတယ်။ အနေအေးဆေးပြီး စကားနည်းပေမယ့် မိမိရည်ရွယ်ရာပန်းတိုင်ကို အခက်အခဲတွေကြားက တစ်လှမ်းချင်း လျှောက်လှမ်းနေသူတစ်ဦးလည်းဖြစ်ပါတယ်။ ပင်ကိုအရည်အချင်းကို တစ်ဆင့်ထက်တစ်ဆင့်မြှင့်တင်ပြီး မိမိလိုရာခရီးကို ပြီးမြောက်အောင်မြင်ဖို့ စိတ်စွမ်းအားထက်သန်သူတစ်ယောက်လို့လည်း ဆိုရပါမယ်။ နောက်တစ်ပတ်တွေမှာလည်း ပရိသတ် ချစ်ခင်အားပေးမှုရရှိထားတဲ့ ဘယ်အနုပညာရှင်ရဲ့ စိတ်ဝင်စားဖွယ်ငယ်စဉ်ဘ၀ရဲ့ပုံရိပ်တွေကို ဖော်ပြပေးဦးမယ်ဆိုတာ ဆက်လက် စောင့်မျှော်ပေးကြပါဦးလို့။