သရုပ်ဆောင်မော်ဒယ်လ် မေတိုးခိုင်၏ ငယ်ဘ၀ဖြတ်သန်းရာ

“သရုပ်ဆောင် ဒီဇိုင်နာတစ်ဦးအဖြစ် လုပ်ကိုင်သွားရန် စီစဉ်ထားသူ”

အနုပညာ လမ်းခရီးအတွင်းမှာ မိဘ၊ ဆွေမျိုးရဲ့ အနုပညာအမွေကို လက်ဆင့်ကမ်း သယ်ဆောင်ကြိုးပမ်းသူများစွာ ရှိနေပါတယ်။ ဒီလိုအနုပညာအမွေ လက်ဆင့်ကမ်းကြသူတွေထဲက ဒီတစ်ပတ်မှာတော့ အကယ်ဒမီ အိန္ဒြာကျော်ဇင်ရဲ့တူမဖြစ်ပြီး VIVID Fashion ဒီဇိုင်နာအိကျော်ဇင်ရဲ့ သမီးဖြစ်တဲ့ သရုပ်ဆောင် မေတိုးခိုင်ရဲ့ ငယ်စဉ်ဘ၀အမှတ်တရ ပုံရိပ်တချို့ကို စုစည်းဖော်ပြပေးချင်ပါတယ်။

သရုပ်ဆောင်မော်ဒယ်လ် မေတိုးခိုင်က အနုပညာဝါသနာဗီဇကို ကောက်ကြောင်းရေးဆွဲ ပုံဖော်လျက်ရှိတဲ့အပြင် လက်ရှိမှာတော့ ‘ရူးအောင်ချစ်မယ့်သူ’ ရုပ်ရှင်ဇာတ်ကားမှာလည်း ပါဝင်သရုပ်ဆောင်ထားပါတယ်။ ဒါ့အပြင် ကြော်ငြာနဲ့ အလှဓာတ်ပုံတွေ ရိုက်ကူးလျက်ရှိသလို ပရိသတ်ချစ်ခင်အားပေးမှုတွေကိုလည်း ရရှိထားသူပါ။ ဒါကြောင့် မေတိုးခိုင်ပြောပြခဲ့တဲ့ ငယ်စဉ်ဘ၀ရဲ့ အမှတ်တရတွေကို ဖော်ပြပေးချင်ပါတယ်။

မေတိုးခိုင်ကို ဧပြီလ ၇ ရက် ၁၉၉၅ ခုနှစ်မှာ မိဘများဖြစ်ကြတဲ့ ဦးတိုးခိုင်နဲ့ ဒေါ်အိကျော်ဇင်တို့က မွေးဖွားခဲ့ကြပါတယ်။ မွေးချင်းညီအစ်မ သုံးယောက်ရှိတဲ့အနက် အကြီးဆုံးသမီးဖြစ်ပြီး ရန်ကုန်မြို့ဇာတိဖြစ်ပါတယ်။ ငယ်စဉ်ကလေးဘ၀မှာ သမီးဦးဖြစ်တာကြောင့် အလိုလိုက် ချစ်ခင်ခံရမှုများစွာရရှိခဲ့ပြီး အရုပ်များစွာနဲ့ ကစားနေတတ်တာ အမှတ်တရပါလို့ မေတိုးခိုင်က ဆိုပါတယ်။

“ညီမငယ်ငယ်က တစ်ယောက်တည်း ဆော့နေတာများတယ်။ ငယ်ငယ်ကအလိုလိုက်လည်းခံရတော့ အရုပ်တွေလည်း အများကြီးဝယ်ပေးထားတယ်။ များသောအားဖြင့်တော့ အရုပ်တွေနဲ့ပဲ ဆော့နေတာများပါတယ်။ နောက်ထပ်အမှတ်တရ တစ်ခုကတော့ ညီမငယ်ငယ်က လှေကားထစ် ၃၆ ထစ်လောက်ရှိတဲ့ လှေခါးကနေ လှည်းထဲကနေထွက်ပြီး ပြုတ်ကျခဲ့ဖူးတယ်။ ဒါပေမဲ့ ဘာမှတော့မဖြစ်ခဲ့ဘူး။ အဲဒါလေးတော့ ဖေဖေ၊ မေမေတို့ပြောပြခဲ့ဖူးတဲ့ အမှတ်တရပါ” လို့ဆိုပါတယ်။

မေတိုးခိုင်က ငယ်စဉ်ကလေးဘ၀ကတည်းက အဒေါ်ဖြစ်သူ အကယ်ဒမီ အိန္ဒြာကျော်ဇင်ရဲ့ ရုပ်ရှင်ရိုက်ကွင်းတွေကို လိုက်ပါလေ့ရှိတာကြောင့် အနုပညာလောကနဲ့ အစိမ်းသက်သက် မဟုတ်ဘူးလို့ဆိုရမှာပါ။ မိခင်ဖြစ်သူကလည်း ဖက်ရှင်ဒီဇိုင်နာတစ်ယောက် ဖြစ်တာကြောင့် ငယ်စဉ်ကလေးဘ၀ကတည်းက ဒီဇိုင်းပညာနဲ့ ပတ်သက်လို့ လေ့လာသင်ယူဖို့လည်း ဆုံးဖြတ်ခဲ့တယ်လို့ဆိုပါတယ်။

ကျောင်းပညာရေးအနေနဲ့ မူကြိုကစတင်ပြီး ILBC မှာတက်ရောက်ခဲ့သလို အထက်တန်းပြီးဆုံးသည်အထိ တက်ရောက်ခဲ့တယ်လို့ဆိုပါတယ်။ ကျောင်းပညာရေးမှာ ခုနစ်တန်းနှစ်လောက်အထိ ထူးချွန်ခဲ့ပြီး နောက်ပိုင်းနှစ်တွေမှာ အလယ်အလတ်လောက်ပဲ ဖြစ်တော့တယ်လို့လည်း ဆိုခဲ့ပါတယ်။ အထက်တန်းကျောင်းသူအရွယ်မှာ ဘက်စုံပါဝင်တတ်သူတစ်ယောက်ဖြစ်ပြီး အားကစားကိုလည်း ၀ါသနာအရမ်းပါတယ်လို့ ဆိုပါတယ်။

“ညီမငယ်ငယ်က ကျောင်းစာတင်မကဘူး။ ဘက်စုံအကုန်လုပ်လေ့ရှိတယ်။ အားကစားလည်း ၀ါသနာပါတယ်။ အနုပညာလည်း ၀ါသနာပါတယ်။ အထူးသဖြင့် မှတ်မှတ်ရရဆိုရင် Assembly ဆိုရင်စင်ပေါ်မှာတက်ပြီး စကားပြောရတာတွေ ဘာတွေ အရမ်းသဘောကျတယ်။ လူလည်းမကြောက်တတ်ဘူး။ အဲဒါလေးကတော့ အမှတ်တရပါ။ ဘတ်စကက်ဘော ကစားရတာလည်း အရမ်းဝါသနာပါတယ်” လို့ မေတိုးခိုင်က ငယ်စဉ်ဘ၀ရဲ့ဖြတ်သန်းမှုကို ပြောပြပါတယ်။

အထက်တန်း အောင်မြင်ပြီးချိန်မှာတော့ IGCSE စာမေးပွဲ ဖြေဆိုအောင်မြင်ခဲ့ပြီး Manchester Matropolitan University မှာ ဖက်ရှင်ဘာသာရပ်ကို သွားရောက်လေ့လာ သင်ယူခဲ့တယ်လို့ဆိုပါတယ်။ မတူကွဲပြားတဲ့ သင်ကြားမှုနည်းစနစ်တွေ၊ အခြေခံကစလို့ အဆင့်ဆင့်သင်ကြားမှုတွေကြောင့် အတွေ့အကြုံများစွာ ရရှိခဲ့တယ်လို့လည်း မေတိုးခိုင်က ပြောပြခဲ့ပါတယ်။ ဖက်ရှင်ဘာသာရပ်ကို သင်ယူလေ့လာရာမှာ မြန်မာနဲ့ နိုင်ငံတကာ ကွာဟတဲ့ဖက်ရှင်အယူအဆ၊ အတွေးအခေါ်နဲ့ နှစ်သက်မှုတွေကိုလည်း လေ့လာသင်ယူခဲ့ရပါတယ်လို့ မေတိုးခိုင်က ဆိုပါတယ်။ လက်ရှိမှာတော့ ကျောင်းတစ်နှစ်နားထားပြီး အနုပညာလုပ်ငန်းတွေ လုပ်ဖြစ်နေတယ်လို့ ပြောပြခဲ့ပါတယ်။

အဒေါ်ဖြစ်သူ အကယ်ဒမီအိန္ဒြာကျော်ဇင်နဲ့ အနီးကပ်နေထိုင်ခွင့် ရခဲ့သူတစ်ယောက်အနေနဲ့ အနုပညာနဲ့ မစိမ်းပေမဲ့ဝါသနာပါမှန်းကိုတော့ သေချာသတိမထားမိဘူးလို့လည်း မေတိုးခိုင်က ဆိုပါတယ်။ ၂၀၁၃ ခုနှစ်မှာ ပထမဆုံး အနုပညာလှုပ်ရှားမှုအနေနဲ့ VIVID Fashion ကြော်ငြာဓာတ်ပုံ ရိုက်ကူးခဲ့ပါတယ်။ ဒီနောက်မှာတော့ ‘ရူးအောင်ချစ်မယ့်သူ’ ရုပ်ရှင်ဇာတ်ကားမှာ ပါဝင်သရုပ်ဆောင်ဖို့ လက်ခံခဲ့ပါတယ်။

ပထမဆုံးသရုပ်ဆောင်မှု အတွေ့အကြုံနဲ့ ပတ်သက်လို့ မေတိုးခိုင်က “ညီမက၀ါသနာပါတယ်၊ လုပ်ကြည့်ချင်တယ်ဆိုပြီးတော့သာ ရိုက်ဖြစ်ခဲ့တာပါ။ တကယ်တမ်းရိုက်တဲ့အခါမှာ အတွေ့အကြုံက နည်းသေးတဲ့အခါကျတော့ လိုအပ်ချက်တွေအများကြီး ရှိပါသေးတယ်။ တွဲဖက်သရုပ်ဆောင်ရတဲ့ ကိုနေတိုးတို့၊ တီတီအူဝဲတို့ကလည်း အများကြီးသင်ပေးပါတယ်။ ဒါပေမဲ့ ဒီထက်ပိုပြီး လုပ်လို့ရတယ်ဆိုပြီး ပြန်တွေးမိတာတွေလည်းရှိတယ်” လို့ အမှတ်တရ ဆိုပါတယ်။

‘ရူးအောင်ချစ်မယ့်သူ’ ရုပ်ရှင်ဇာတ်ကားက ဒါရိုက်တာ အောင်ဇော်လင်း ရိုက်ကူးပြီး အကယ်ဒမီနေတိုး၊ အကယ်ဒမီအိန္ဒြာကျော်ဇင်နဲ့ မေတိုးခိုင်တို့ ပါဝင်ထားတာပါ။ ဒီဇာတ်ကားကလည်း မကြာခင်ရုံတင်ပြသတော့မှာ ဖြစ်တဲ့အတွက် မေတိုးခိုင်ရဲ့ သရုပ်ဆောင်စွမ်းရည်ကို ပရိသတ်တွေ အကဲဖြတ်နိုင်တော့မှာလည်း ဖြစ်ပါတယ်။ လက်ရှိမှာတော့ မေတိုးခိုင်က ကြော်ငြာနဲ့အလှဓာတ်ပုံတွေ ရိုက်ကူးနေပြီး ပရိသတ်ချစ်ခင်အားပေးမှုလည်း များစွာရရှိထားပါတယ်။

ဖက်ရှင်ဘာသာရပ်ကို စနစ်တကျ သင်ယူလေ့လာထားတဲ့ မေတိုးခိုင်က မိခင်ဖြစ်သူရဲ့ လုပ်ငန်းမှာလည်း ပါဝင်လေ့လာရင်းကူညီလျက် ရှိနေပါတယ်။ အနာဂတ်မှာတော့ သရုပ်ဆောင်တစ်ယောက်အပြင် ဖက်ရှင်ဒီဇိုင်နာ တစ်ယောက်အနေနဲ့ပါ ရပ်တည်သွားဖို့ စီစဉ်ထားတယ်လို့ ဆိုပါတယ်။ ကိုယ်ပိုင်အမှတ်တံဆိပ် ဖက်ရှင်အ၀တ်အထည်တွေကို ဖန်တီးဖွင့်လှစ်သွားနိုင်ဖို့ ရည်မှန်းထားတယ်လို့လည်း ဆိုပါတယ်။

အဒေါ်ဖြစ်သူ အကယ်ဒမီအိန္ဒြာကျော်ဇင်နဲ့ ရုပ်ရည်တူတဲ့အပြင် အမူအရာတချို့ပါ ဆင်နေတဲ့မေတိုးခိုင်က အဒေါ်ဖြစ်သူနဲ့ ငယ်စဉ်ကတည်းက အတူနေခဲ့တာကြောင့် လုပ်ယူထားတာမဟုတ်ဘဲ ဆင်တူနေတာတွေရှိသလို အဒေါ်ဖြစ်သူရဲ့ ဇာတ်ကားတိုင်းမှာ မုဒ်အပြည့်နဲ့ သရုပ်ဆောင်နိုင်တဲ့ စွမ်းရည်ကိုလည်း အားကျမိပါတယ်လို့ ဆိုခဲ့ပါတယ်။ အဒေါ်ဖြစ်သူက အမူအရာပိုင်းနဲ့ ကျင့်ဝတ်ပိုင်းဆိုင်ရာတွေကို သင်ကြားပေးတာကြောင့် ကြိုးစားလေ့လာ သင်ယူနေပါတယ်လို့လည်း ဖြည့်စွက်ပြောပြခဲ့ပါတယ်။

မေတိုးခိုင်က ပရိသတ်တွေကို ကျေးဇူးအများကြီးတင်သလို ပရိသတ်များကပေးတဲ့ ခွန်အားကြောင့် ပိုမိုကြိုးစားလိုစိတ်တွေ ဖြစ်ပေါ်စေပါတယ်၊ သရုပ်ဆောင်ဒီဇိုင်နာ တစ်ဦးအနေနဲ့ လုပ်ကိုင်သွားဖို့လည်း ရည်မှန်းထားပါတယ်လို့လည်း ဆိုခဲ့ပါတယ်။

နောက်တစ်ပတ်တွေမှာလည်း ပရိသတ်ချစ်ခင်အားပေးတဲ့ အနုပညာရှင်တွေရဲ့ ငယ်စဉ်ဘ၀ အမှတ်တရပုံရိပ်တွေကို စုစည်းဖော်ပြပေးမှာဖြစ်လို့ စောင့်မျှော်ဖတ်ရှုပေးကြပါဦးလို့ ဆိုပါရစေ။

လီယိုနာဒိုဒီကာပရီယို ဖောင်ဒေးရှင်းက သဘာဝပတ်ဝန်းကျင် ထိန်းသိမ်းရေး အဖွဲ့အစည်းများအတွက် ဒေါ်လာသန်း ၂၀ ကျော်ထောက်ပံ့

လီယိုနာဒိုဒီကာပရီယို ဖောင်ဒေးရှင်းသည် ကမ္ဘာတစ်ဝန်းရှိ သဘာဝပတ်ဝန်းကျင် ထိန်းသိမ်းရေးလုပ်ငန်းများကို အဓိကထား လုပ်ဆောင်သည့် အဖွဲ့အစည်း ၁၀၀ ကျော်အတွက် ယခုနှစ်တွင် ဒေါ်လာသန်း ၂၀ ကျော်ထောက်ပံ့ပေးခဲ့သည်ဟု ယင်းဖောင်ဒေးရှင်း တည်ထောင်သူ သရုပ်ဆောင် လီယိုနာဒိုဒီကာပရီယိုက စက်တင်ဘာ ၁၉ ရက်တွင် ထုတ်ပြန်ခဲ့သည်။

ခြင်္သေ့ကယ်တင်ရေးနှင့် လမုပင်ထိန်းသိမ်းရေးမှသည် ဆိုလာစွမ်းအင် သက်သက်သာသာရရှိရေးတို့အတွက် လုပ်ဆောင်နေသည့် အဖွဲ့အစည်းများအား ငွေကြေးထောက်ပံ့မည့် အစီအစဉ်ကို ရေးတက္ကသိုလ်၌ ပြုလုပ်သည့် ရာသီဥတုပြောင်းလဲမှုဆိုင်ရာ ညီလာခံတွင် လီယိုနာဒိုက ပြောကြားခဲ့ခြင်းဖြစ်သည်။

“ပြည်တွင်းနဲ့ ပြည်ပမှာရှိတဲ့အဖွဲ့အစည်း ၁၀၀ ကျော်ရဲ့လုပ်ငန်းစဉ်ကို ကူညီပံ့ပိုးပေးရလို့ ဂုဏ်ယူပါတယ်။ ဒီအဖွဲ့အစည်းတွေဟာ အနာဂတ်မျိုးဆက်တွေအတွက် သမုဒ္ဒရာတွေ၊ သစ်တောတွေနဲ့ မျိုးသုဉ်းတော့မယ့် မျိုးစိတ်တွေကို ကာကွယ်စောင့်ရှောက်မှုတွေ လုပ်ဆောင်နေတာပါ” ဟု လီယိုနာဒိုက ပြောကြားခဲ့သည်။

လီယိုနာဒိုဒီကာပရီယို ဖောင်ဒေးရှင်းသည် ၁၉၉၈ ခုနှစ်မှစပြီး သဘာဝပတ်ဝန်းကျင် ထိန်းသိမ်းရေးအဖွဲ့များကို ဘဏ္ဍာရေးဆိုင်ရာ ထောက်ပံ့ပေးသည်မှာ စုစုပေါင်း ဒေါ်လာသန်း ၈၀ ကျော်ရှိပြီဖြစ်သည်။

အော်စကာဆုရ သရုပ်ဆောင် လီယိုနာဒိုက ရုပ်ကြွင်းလောင်စာအသုံးပြုမှုမှသည် ပြန်လည်ပြည့်ဖြိုးမြဲစွမ်းအင်ကို ပြောင်းလဲအသုံးပြုရေးအတွက် အဆောတလျင် လုပ်ဆောင်ရန်လည်း တိုက်တွန်းခဲ့သည်။

“ဒီနေ့ခေတ်မှာ ပြည်လည်ပြည့်ဖြိုးမြဲစွမ်းအင်၊ ပတ်ဝန်းကျင်နဲ့ ကိုက်ညီမှုရှိတဲ့ ပို့ဆောင်ဆက်သွယ်ရေးနဲ့ ဂေဟစနစ် စိုက်ပျိုးရေးနည်းပညာတွေ ရှိလာတဲ့အတွက် ကျွန်တော်တို့အားလုံးအတွက် ပိုမိုကောင်းမွန်တဲ့အနာဂတ်ကို တည်ဆောက်ဖို့ စတင်နိုင်မှာပါ” ဟု လီယိုနာဒိုက ပြောကြားခဲ့သည်။

နိုင်ငံရေးသမားများက ရာသီဥတုသိပ္ပံကို လက်ခံရန်နှင့် အချိန်မလွန်မီ ရဲရဲဝံ့ဝံ့ကတိပေး လုပ်ဆောင်ရန် တောင်းဆိုရမည်ဟု ၎င်းကဆိုသည်။

ယင်းထောက်ပံ့မှုတွင် ရာသီဥတုပြောင်းလဲမှု၊ တောရိုင်းတိရစ္ဆာန်နှင့် တောတောင်ရေမြေ ထိန်းသိမ်းမှု၊ ရေနေသတ္တ၀ါနှင့် သမုဒ္ဒရာထိန်းသိမ်းမှု၊ တီထွင်ဖန်တီးအဖြေရှာမှု၊ ဒေသခံအခွင့်အရေးနှင့် ကယ်လီဖိုးနီးယားအစီအစဉ် စသည့် နယ်ပယ်ခြောက်ခု ပါဝင်သည်ဟု သိရသည်။

အွန်လိုင်းရှာဖွေမှု၌ အန္တရာယ်အရှိဆုံး အနုပညာရှင်စာရင်းတွင် အေဗရယ်လာဗင်း ဦးဆောင်

ဆိုက်ဘာလုံခြုံရေးကုမ္ပဏီ McAfee ကထုတ်ပြန်သည့် အွန်လိုင်းရှာဖွေမှုတွင် အန္တရာယ်အများဆုံး အနုပညာရှင်စာရင်းတွင် ပေါ့ပ်အဆိုတော် အေဗရယ်လာဗင်းက နံပါတ် ၁ နေရာ၌ ဦးဆောင်ခဲ့သည်။

အင်တာနက်တွင် အနုပညာရှင်များအား ရှာဖွေမှုရလဒ်များက ၎င်းတို့၏ပရိသတ်များကို အန္တရာယ်ဖြစ်စေနိုင်သော ၀က်ဘ်ဆိုက်များနှင့် ကြုံတွေ့စေနိုင်ကြောင်း McAfee ၏အစီရင်ခံစာတွင် ဖော်ပြခဲ့သည်။

Avril Lavigne free mp3 အတွက်ရှာဖွေမှုတွင် ရလဒ်များက အန္တရာယ်ရှိစေသော ၀က်ဘ်ဆိုက်များသို့ ဆိုက်ဆိုက်မြိုက်မြိုက် ရောက်ရှိနိုင်သည့် အခွင့်အလမ်း ၂၂ ရာခိုင်နှုန်းရှိသည်ဟု ယင်းအစီရင်ခံစာတွင် ဖော်ပြခဲ့သည်။

၂၀၀၂ ခုနှစ်တွင် Complicated သီချင်းဖြင့် အောင်မြင်မှုရရှိသည့် လာဗင်းသည် Lyme ရောဂါခံစားနေရသောကြောင့် အနုပညာလောကမှ နှစ်အတန်ကြာ ပျောက်ကွယ်ခဲ့သည်။ အသက် ၃၂ နှစ်အရွယ်ရှိ လာဗင်းက ယင်းရောဂါကြောင့် သေပြီဟုပင်ထင်ခဲ့ကြောင်း ပြောကြားခဲ့သည်။

ယင်းစာရင်းတွင် ဘရူနိုမားစ်၊ ကယ်လီရေးဂျပ်ဆန်၊ ဇေမာလိခ်နှင့် စလင်းဒီယွန်တို့သည်လည်း ထိပ်တန်းငါးဦးတွင် အစဉ်လိုက် ရပ်တည်ခဲ့သည်။

မြန်မာ-ဗီယက်နမ် နှစ်နိုင်ငံချစ်ကြည်ရေး ပန်းချီပြပွဲ အမျိုးသားပြတိုက်တွင် ပြုလုပ်လျက်ရှိပြီး မြန်မာ၊ ဗီယက်နမ် ပန်းချီဆရာစုစုပေါင်း ၂၇ ဦး၏ ပန်းချီလက်ရာများ ပြသထား

 

ဗီယက်နမ် ပန်းချီဆရာများ၏ ပန်းချီလက်ရာအချို့အား တွေ့ရစဉ်

မြန်မာ-ဗီယက်နမ် နှစ်နိုင်ငံချစ်ကြည်ရေး ပန်းချီပြပွဲကို ရန်ကုန်မြို့ ပြည်လမ်းရှိ အမျိုးသားပြတိုက်တွင် စက်တင်ဘာ ၁၇ ရက်မှ ၂၂ ရက်အထိ ပြုလုပ်လျက်ရှိကြောင်း သတင်းရရှိသည်။

အဆိုပါပန်းချီပြပွဲတွင် မြန်မာနိုင်ငံနှင့် ဗီယက်နမ်နိုင်ငံတို့မှ ပန်းချီဆရာစုစုပေါင်း ၂၇ ဦးတို့၏ ပန်းချီကား ၆၁ ကား ပြသထားကြောင်း သိရသည်။ ယင်းပြပွဲကို မြန်မာနိုင်ငံ နှင့် ဗီယက်နမ်နိုင်ငံ နှစ်နိုင်ငံချစ်ကြည်ရေး အထိမ်းအမှတ်အဖြစ် ဗီယက်နမ်သံရုံးနှင့် မြန်မာနိုင်ငံမှ သာသနာရေးနှင့် ယဉ်ကျေးမှု ၀န်ကြီးဌာနတို့မှ ပူးပေါင်းပြုလုပ်ခြင်းဖြစ်ကြောင်း သိရသည်။ ပြပွဲတွင် ဗီယက်နမ်နိုင်ငံမှ ပန်းချီကား ၃၈ ကားနှင့် မြန်မာနိုင်ငံမှ ပန်းချီကျော် လှမောင်၊ ပန်းချီ လှဘုန်းအောင်၊ ပန်းချီ အောင်သင်းဦး၊ ပန်းချီမောင်တင်ရှိန်၊ ပန်းချီ မသီတာ၊ ပန်းချီမောင်ဝဏ္ဍ၊ ပန်းချီမြင့်ဦး အစရှိသည့် ပန်းချီဆရာတို့၏ လက်ရာပန်းချီကား ၂၃ ကားတို့ ပြသထားကြောင်း သိရသည်။ ပန်းချီလက်ရာများတွင် ဗီယက်နမ် ပန်းချီဆရာများ၏ လက်ရာများမှာ ဗီယက်နမ် အမျိုးသမီးတို့၏ပုံရိပ်များ၊ ဗီယက်နမ်နိုင်ငံဝန်းကျင် မြင်ကွင်းရှုခင်းများ စသည်တို့ကို အဓိကထား ပြသထားကြောင်း သိရသည်။  မြန်မာပန်းချီဆရာများ၏ ပန်းချီလက်ရာများမှာ ရိုးရာဓလေ့ မြင်ကွင်းရှုခင်းများ၊ ဘုရား စေတီ ပုထိုးများ စသည့် ပန်းချီကားများပါဝင်ကြောင်း သိရသည်။

မြန်မာ-ဗီယက်နမ် ချစ်ကြည်ရေးပန်းချီပြပွဲတွင် ပြသထားသည့်ပန်းချီကားများကို ရောင်းချသွားမည် မဟုတ်ဘဲ ပြပွဲသက်သက်သာ ပြသထားခြင်းဖြစ်ကြောင်း သိရသည်။ ပြပွဲသို့ စိတ်ပါဝင်စားသူမည်သူမဆို အခမဲ့ ၀င်ရောက်ကြည့်ရှု လေ့လာနိုင်ကြောင်း သိရသည်။