စိုးရွံ့ထိတ်လန့်ဖွယ်ဖြစ်လာသည့် သက်ငယ်မုဒိမ်း

လတ်တလောဖြစ်ပွားမှု အများဆုံး၊ လူထုအကြားတွင် မနှစ်မြို့ဖွယ်အခြေအနေတစ်ရပ်နှင့် ဝေဖန်မှုအမြင့်ဆုံး ဖြစ်နေသည့်ကိစ္စမှာ သက်ငယ်မုဒိမ်းပြဿနာပင်ဖြစ်သည်။ သက်ငယ်မုဒိမ်းမှုများတွင် အသက်ငါးနှစ်အောက် လူမမည်အရွယ် ကလေးငယ်များပါ သားကောင်ဖြစ်လာကြရသည်အထိ မြန်မာ့လူမှု အသိုင်းအ၀ိုင်းတွင် စိုးရွံ့ထိတ်လန့်ဖွယ် ဖြစ်လာစေခဲ့သည်။ ပြီးခဲ့သည့်ရက်ပိုင်းအတွင်းကပင် မန္တလေးတိုင်းဒေသကြီး မတ္တရာမြို့နယ်အတွင်းရှိ ဥဒိန်ကျေးရွာအုပ်စု မြွေကုတို့ဆိပ်ကျေးရွာတွင် အသက် နှစ်နှစ်ကျော်အရွယ် မိန်းကလေးငယ်တစ်ဦး အဓမ္မပြုကျင့်ခံရပြီးနောက် သေဆုံးခဲ့ရသည့် မှုခင်းဖြစ်စဉ်တစ်ခု ဖြစ်ပွားခဲ့သည်။

ယင်းကဲ့သို့ နှစ်နှစ်ကျော်အရွယ် မိန်းကလေးငယ်အား သတ်ဖြတ်အဓမ္မပြုကျင့်ခဲ့သူ တရားခံအား သေဒဏ်ပေးရေးအပါအ၀င် သက်ငယ်မုဒိမ်းမှုနှင့် အမျိုးသမီးများအပေါ် ကျူးလွန်သော မုဒိမ်းမှု၊ လူသတ်မုဒိမ်းမှုများအပေါ် သေဒဏ်ပေးရေးအတွက် ဖေဖော်ဝါရီ ၁၈ ရက်က မတ္တရာမြို့နယ်တွင် ဒေသခံ ထောင်နှင့်ချီတောင်းဆို ဆန္ဒပြခဲ့ကြသည်။ သက်ငယ် မုဒိမ်းမှုနှင့် လူသတ်မုဒိမ်းမှုများအပေါ် ပြင်းထန်သည့်အရေးယူမှုများ ပြုလုပ်နိုင်စေရေး အတွက် ဥပဒေပြဋ္ဌာန်းနိုင်ရန် ဒေသအချို့တွင် ကမ်ပိန်းများ၊ တောင်းဆိုဆန္ဒပြမှုများပြုလုပ်ခဲ့ကြသည်။ ထို့ပြင် ယင်းသို့သော မှုခင်းကျူးလွန်သူများကို သေဒဏ်ပေးရေးအတွက် အဖွဲ့အစည်းအချို့က ဦးဆောင်ကာ ဆန္ဒပြုလက်မှတ်များ ကောက်ခံပြီး ဥပဒေပြုရေးမဏ္ဍိုင် ဖြစ်သည့် လွှတ်တော်သို့ တင်ပြရန် လုပ်ဆောင်နေကြကြောင်းလည်း သိရသည်။

တစ်နိုင်ငံလုံးတွင် ၂၀၁၇ ခုနှစ်အတွင်း မုဒိမ်းမှု ၁၄၀၅ မှုဖြစ်ပွားပြီး ၂၀၁၆ ခုနှစ်ထက် အမှုပေါင်း ၃၀၅ မှု ပိုမိုဖြစ်ပွားခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။ ၂၀၁၆ ခုနှစ်အတွင်း ပြည်နယ်နှင့် တိုင်းဒေသကြီးအတွင်း အသက် ၁၆ နှစ်အောက်ကလေးငယ်များ မုဒိမ်းပြုကျင့်ခံရမှု ၆၇၁ မှုရှိခဲ့ပြီး ၂၀၁၇ ခုနှစ်၌ ကလေးငယ်များ မုဒိမ်းပြုကျင့်ခံရမှု ၈၉၇ မှုရှိခဲ့ကာ ၂၂၆ မှု ပိုမိုဖြစ်ပွားခဲ့သည်ကို စာရင်းအချက်အလက် နှိုင်းယှဉ်ချက်အရ  သိရသည်။ အသက် ၁၆ နှစ်အထက် မိန်းကလေးများ မုဒိမ်းပြုကျင့်ခံရမှုမှာ ၂၀၁၆ ခုနှစ် အတွင်း ၄၂၉ မှုရှိခဲ့ပြီး ၂၀၁၇ ခုနှစ်အတွင်း ၅၀၈ မှုရှိလာကာ ၇၉ မှု ပိုမိုဖြစ်ပွားခဲ့ပြန်သည်။ ၂၀၁၇ ခုနှစ်အတွင်း မုဒိမ်းမှု အများဆုံးဖြစ်ပွားခဲ့သည့် ပြည်နယ်နှင့်တိုင်းဒေသကြီး ငါးခု မှာ ရန်ကုန်တိုင်းဒေသကြီးတွင် သက်ငယ်မုဒိမ်း ၁၉၂ မှု၊ သက်ကြီးမုဒိမ်း ၇၈ မှု စုစုပေါင်း ၂၇၀ မှုဖြင့် အများဆုံဖြစ်ကာ ဧရာဝတီတိုင်းဒေသကြီးတွင် သက်ငယ်မုဒိမ်းမှု ၁၅၆ မှု၊ သက်ကြီးမုဒိမ်းမှု ၈၇ မှုနှင့် စုစုပေါင်း ၂၄၃ မှုဖြင့် ဒုတိယအများဆုံးဖြစ်သည်။ ယင်းတို့နောက်၌ မန္တလေးတိုင်းဒေသကြီးတွင် သက်ငယ်မုဒိမ်း ၁၀၈ မှု၊ သက်ကြီးမုဒိမ်း ၆၆ မှု စုစုပေါင်း ၁၇၄ မှု၊ ပဲခူးတိုင်းဒေသကြီးတွင် သက်ငယ်မုဒိမ်း ၇၆ မှု၊ သက်ကြီးမုဒိမ်း ၅၃ မှု စုစုပေါင်း ၁၂၉ မှုနှင့် စစ်ကိုင်းတိုင်းဒေသကြီးတွင် သက်ငယ်မုဒိမ်း ၇၅ မှု၊ သက်ကြီးမုဒိမ်း ၆၅ မှု စုစုပေါင်း ၁၄၀ မှု အသီးသီးဖြစ်ပွားခဲ့သည်။

ထိုကဲ့သို့ တစ်နှစ်တာအတွင်း သက်ငယ်မုဒိမ်းမှုနှင့် မုဒိမ်းမှုဖြစ်စဉ်ဖြစ်ပွားမှု မြင့်မားလာခြင်းအပေါ် လူထုအကြား ကျယ်ကျယ်ပြန့်ပြန့် သုံးသပ်မှုများရှိလာခဲ့ပြီး ဥပဒေပိုင်းဆိုင်ရာ ပြင်ဆင်မှုတွေ အမြင်မတူမှုများလည်း ရှိနေသည်။ တစ်ဖက်တွင် သက်ငယ်မုဒိမ်း နှင့် သားမယား ပြုကျင့်သတ်ဖြတ်မှုများအတွက် အမြင့်ဆုံးပြစ်ဒဏ်အဖြစ် သေဒဏ်ချမှတ်ရန် တောင်းဆိုမှုများ ရှိသကဲ့သို့ပင် တစ်ဖက်တွင်လည်း အချို့က ယင်းကဲ့သို့ ကြီးလေးသည့် ပြစ်ဒဏ်ကြောင့် ကျူးလွန်သူများမှာ ၎င်းတို့၏သားကောင်များကို နှုတ်ပိတ်သတ်ဖြတ်မှုအထိ ပိုမိုပြုလုပ်မည်ကို စိုးရိမ်ကြောင်း သုံးသပ်မှုများလည်း ရှိနေသည်။

တည်ဆဲဥပဒေတွင် သက်ငယ်မုဒိမ်းမှုအတွက် ပြစ်ဒဏ်သီးခြားဖော်ပြထားခြင်း မရှိသေးဘဲ ရာဇသတ်ကြီးပုဒ်မအရသာ ပြစ်ဒဏ်ချမှတ်နေကြောင်း သိရသည်။ မည်သို့ပင်ဆိုစေကာမူ  မိန်းကလေးငယ်များအပေါ် စက်ဆုပ်ဖွယ်မှုခင်းဖြစ်စဉ်များ မဖြစ်ပွားစေရေး မည်ကဲ့သို့သော နည်းလမ်းများဖြင့် ကာကွယ်ရမည်ဆိုသည့်အချက်များကို အာဏာပိုင်များအနေဖြင့် သုံးသပ်ကာ လုပ်ဆောင်နိုင်ရန်အချက်မှာလည်း လိုအပ်မည်ဖြစ်ပါကြောင်း  The Daily Eleven သတင်းစာက ရေးသားအပ်ပါသည်။

(ဖေဖော်ဝါရီ ၂၀ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ခေါင်းဆောင်မှု သဘောတရား

ခေါင်းဆောင်ကောင်းများအဖြစ် မွေးဖွားလာခြင်း မဟုတ်ပါ။ ခေါင်းဆောင်ကောင်းဖြစ်ရန် လုပ်ယူရခြင်းဖြစ်သည်။ စိတ်ဆန္ဒနှင့် စိတ်စွမ်းအား ရှိသူသည် ထိရောက်သည့် ခေါင်းဆောင်တစ်ဦး ဖြစ်လာနိုင်သည်။ မိမိဘာသာ လေ့လာခြင်း၊ ပညာယူခြင်း၊ သင်တန်းတက်ခြင်းနှင့် အတွေ့အကြုံများ ရယူခြင်း အစရှိသော မဆုံးနိုင်သည့် လုပ်ငန်းစဉ်တစ်လျှောက် ဖြတ်သန်းကာ ခေါင်းဆောင်ကောင်းများ ဖွံ့ဖြိုးလာကြသည်။ မိမိ ဦးဆောင်ရသူများကို အဖွဲ့လိုက် လုပ်ဆောင်မှုနှင့် ပတ်သက်၍ အဆင့်မြင့်လာစေလိုပါက မိမိအနေဖြင့် ရှိရမည့်၊ သိရမည့်၊ လုပ်ရမည့် အချို့သောအရာများ ရှိသည်။ ယင်းတို့သည် သဘာဝအတိုင်း ရောက်ရှိလာကြသည် မဟုတ်၊ အဆက်မပြတ် လုပ်ဆောင်ခြင်းနှင့် လေ့လာခြင်းတို့မှ လာသည်။ ခေါင်းဆောင်ကောင်းများသည် အဆက်မပြတ် လုပ်ဆောင်နေရမည် ဖြစ်သကဲ့သို့ မိမိတို့၏ ခေါင်းဆောင်မှု အရည်အသွေးများ တိုးတက်လာအောင် လေ့လာသင်ယူနေရမည် ဖြစ်သည်။ ခေါင်းဆောင်ကောင်းများဟူသည် အတိတ်က အောင်မြင်မှုများအပေါ်၌သာ တည်မှီနေလေ့ မရှိပါ။ ခေါင်းဆောင်မှုနှင့် ပတ်သက်၍ စည်းမျဉ်းအချို့ ရှိသည်။

မိမိကိုယ်ကိုယ် သိရှိခြင်းနှင့် မိမိဘာသာ တိုးတက်အောင် ကြိုးပမ်းခြင်း – မိမိကိုယ်ကိုယ် သိရှိစေရန်အတွက် မိမိအနေဖြင့် “ဘာရှိသည်၊ ဘာသိသည်၊ ဘာလုပ်သည်” တို့ကို နားလည်ရမည် ဖြစ်သည်။ မိမိဘာသာ တိုးတက်အောင် ကြိုးပမ်းခြင်းဟူသည် မိမိ၏ ပင်ကိုယ်အရည်အချင်းများကို အဆက်မပြတ် အားကောင်းအောင် ပြုလုပ်ခြင်း ဖြစ်သည်။ ယင်းကို မိမိဘာသာ လေ့လာသင်ယူခြင်း၊ ပုံစံတကျ အတန်းများကို တက်ခြင်း၊ တုံ့ပြန်မှုကို လေ့လာခြင်းနှင့် အခြားသူများနှင့် အပြန်အလှန် ဆက်ဆံခြင်းတို့အားဖြင့် ရယူ ထူထောင်နိုင်သည်။

လုပ်ငန်း သဘောသဘာဝအရ ပြည့်စုံကျွမ်းကျင်မှု ရှိခြင်း – ခေါင်းဆောင်တစ်ဦးအဖြစ် မိမိ၏ အလုပ်ကို သိရှိရမည် ဖြစ်ပြီး မိမိ လက်အောက်ဝန်ထမ်းများ၏ လုပ်ငန်း တာဝန်များနှင့်လည်း ပြည့်ပြည့်စုံစုံ အကျွမ်းတ၀င် ရှိရမည် ဖြစ်သည်။

မိမိ လုပ်ဆောင်ချက်များနှင့် ပတ်သက်၍ တာဝန်ယူမှုကို ရှာဖွေခြင်းနှင့် တာဝန်ယူခြင်း – မိမိ၏ အဖွဲ့အစည်းကို ထပ်မံ မြင့်တက်လာအောင် လမ်းညွှန်နိုင်မည့် နည်းလမ်းများကို ရှာဖွေရမည်။ မှားယွင်းသည့်အရာများ ရှိလာသည့်အခါ အခြားသူများကို အပြစ်တင်ခြင်း မပြုပါနှင့်။ အနေအထားကို သုံးသပ်လျက် ပြင်ဆင်သည့် လုပ်ရပ်များကို တာဝန်ယူပြီးနောက် ထပ်စိန်ခေါ်မှုများကို ရင်ဆိုင်ရမည် ဖြစ်သည်။

သင့်တော်သော အချိန်နှင့်တစ်ပြေးညီ ဆုံးဖြတ်ချက်များ ချမှတ်ခြင်း – ကောင်းမွန်သော ပြဿနာဖြေရှင်းခြင်း၊ ဆုံးဖြတ်ချက်ချခြင်းနှင့် အစီအစဉ်ချခြင်းတို့ကို အသုံးပြုပါ။ မိမိကိုယ်တိုင်သည် နမူနာကောင်း ဖြစ်ပါစေ။ မိမိလက်အောက် ၀န်ထမ်းများအတွက် ကောင်းမွန်သည့် ရိုးမော်ဒယ် ဖြစ်ပါစေ။

မိမိ၏ လက်အောက်ဝန်ထမ်းများအကြောင်း သိရှိပြီး ၎င်းတို့၏ လူမှုဖူလုံရေးကို ဂရုပြုခြင်း- လူတို့၏ သဘောသဘာဝကို သိရှိပြီး မိမိ၏ ၀န်ထမ်းများကို သစ္စာရှိစွာ စောင့်ရှောက်ခြင်းသည် အရေးကြီး၏။

မိမိ၏ လက်အောက်ဝန်ထမ်းများကို အသိပေးခြင်း – မိမိ၏ လက်အောက်ဝန်ထမ်းများကို သာမက အထက်၌ ရှိသူများ၊ အခြား အဓိကကျသော ပုဂ္ဂိုလ်များနှင့် မည်သို့မည်ပုံ ဆက်ဆံရမည်ကို သိရှိရမည်။

မိမိလက်အောက် ၀န်ထမ်းများအကြား၌ တာဝန်ယူတတ်သောအသိစိတ် ဖွံ့ဖြိုးလာအောင် ပြုလုပ်ခြင်း – ၎င်းတို့၏ လုပ်ငန်းဆိုင်ရာ တာဝန်ယူမှုများအတိုင်း ဆောင်ရွက်ရာ၌ ကောင်းမွန်သော စရိုက်လက္ခဏာများ ဖွံ့ဖြိုးလာအောင် ကူညီရမည်။

လုပ်ငန်းတာဝန်များကို နားလည်ကြောင်း၊ ကြီးကြပ်နိုင်ကြောင်းနှင့် ပြီးမြောက်အောင် ဆောင်ရွက်နိုင်ကြောင်း သေချာခြင်း – ယင်းတာဝန်အတွက် အဓိကအချက်မှာ ဆက်ဆံရေး ဖြစ်သည်။

အသင်းတစ်သင်းအဖြစ် လေ့ကျင့်ပေးခြင်း – မည်သည့် အဖွဲ့အစည်းတစ်ရပ်မဆို အမှန်တကယ်၌ အသင်းတစ်သင်း မဟုတ်ဘဲ ကိုယ့်အလုပ် ကိုယ်လုပ်နေသော လူအုပ်စုတစ်စုသာ ဖြစ်သောကြောင့် အသင်းတစ်သင်းကဲ့သို့ လေ့ကျင့်ပေးရန် လိုသည်။

မိမိအဖွဲ့အစည်း၏ စွမ်းဆောင်ရည် အပြည့်အ၀ကို အသုံးပြုခြင်း – အသင်းစိတ် ဖွံ့ဖြိုးလာအောင် ပြုလုပ်ခြင်းဖြင့် မိမိအဖွဲ့အစည်း၏ စွမ်းဆောင်ရည်ကို အပြည့်အ၀ အသုံးပြုနိုင်မည် ဖြစ်သည်။

မည်သို့ပင်ဆိုစေကာမူ အဘက်ဘက်က ချွတ်ခြုံကျလျက်ရှိသော နိုင်ငံတစ်နိုင်ငံအား ပြန်လည်ထူထောင်ရေးအတွက် မိမိကိုယ်မိမိ ခေါင်းဆောင်ကောင်းများ ဖြစ်လာအောင် အဆက်မပြတ် ပျိုးထောင်ကြရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ ၁၈ ရက်ထုတ် The Daily Eleven သတင်းစာ အယ်ဒီတာ့အာဘော်

စီးပွားရေးဆိုင်ရာ တန်းတူညီမျှမှု

စီးပွားရေးဆိုင်ရာ တန်းတူညီမျှမှုဟူသည် စီးပွားရေး၌ အထူးသဖြင့် အခွန်ကောက်ခံခြင်းနှင့်ပတ်သက်၍ လူမှုဖူလုံရေးနှင့်ပတ်သက်၍ ညီမျှမှုရှိရေးဆိုင်ရာ သဘောတရား သို့မဟုတ် စိတ်ကူးဖြစ်သည်။ ပို၍တိကျစွာ ပြောရလျှင် မည်သူမည်ဝါဖြစ်သည်နှင့် မဆိုင်ဘဲ ညီမျှသော ဘ၀အခွင့်အလမ်းများရရှိစေခြင်း၊ နိုင်ငံသားအားလုံးကို အခြေခံအရ အနိမ့်ဆုံးအဆင့် ညီမျှမှုအရ ၀င်ငွေ၊ ကုန်ပစ္စည်းနှင့် ၀န်ဆောင်မှုများ ရရှိစေခြင်းနှင့် ညီမျှစွာ ပြန်လည်ဖြန့်ဝေပေးရန်အတွက် ရန်ပုံငွေများ မြင့်မားအောင်ပြုလုပ်ခြင်းနှင့် ဆောင်ရွက်ပေးခြင်းတို့ကို ရည်ညွှန်းသည်။

အခွန်ကိစ္စ-ပြည်သူ့ဘဏ္ဍာငွေတွင် အလျားလိုက် ညီမျှမှုဟူသည် အခွန်ထမ်းဆောင်ရန် တူညီသောစွမ်းဆောင်ရည်ရှိသူများအနေဖြင့် တူညီသော သို့မဟုတ် အလားတူသော ပမာဏပေးဆောင်သင့်သည်ဟူသော သဘောတရားဖြစ်သည်။ ယင်းသည် အခွန်ဆိုင်ရာ ဘက်မလိုက်ရေးသဘောတရား သို့မဟုတ် အခွန်စနစ်သည် တူညီသောအရာများ (၀ါ) လူများအကြား ခွဲခြားမှုမရှိသင့်ဟူသည့် သဘောတရားတို့နှင့် ပတ်သက်နေသည်။ ဒေါင်လိုက် ညီမျှမှုဟူသည် အခွန်ထမ်းဆောင်ရန် ပို၍ စွမ်းဆောင်ရည်ရှိသူများအနေဖြင့် အခွန် ပို၍ထမ်းဆောင်သင့်သည်ဟူသည့် သဘောတရားကို ရည်ညွှန်းသည်။ ချမ်းသာသူများအနေဖြင့် ၎င်းတို့၏ ၀င်ငွေအချိုးအစားအရ အခွန်ပို၍ထမ်းဆောင်ရပါက ယင်းကို အချိုးကျအခွန်ဟု ခေါ်ဆိုနိုင်သည်။ ၎င်းတို့အနေဖြင့် အချိုးအစားတိုးမြှင့်၍ ထမ်းဆောင်ရပါက ယင်းကို တိုးမြှင့်အခွန်ဟုခေါ်သည်။ ယင်းတို့သည် ချမ်းသာကြွယ်ဝမှုအား ပြန်လည် ဖြန့်ဝေပေးရေး သဘောတရားနှင့် ပတ်သက်နေသည်။

ကျန်းမာရေးစောင့်ရှောက်မှုကိစ္စ-ယင်း၌ အလျားလိုက်ညီမျှမှုဟူသည် (တူညီသော လိုအပ်မှုရှိခြင်းကဲ့သို့သော) သက်ဆိုင်ရာ ရှုထောင့်တစ်ရပ်၌ တူညီသူများကို ညီမျှသည့် ကျန်းမာရေးစောင့်ရှောက်မှုပေးခြင်းဟု အဓိပ္ပာယ်ရသည်။ ဒေါင်လိုက်ညီမျှမှုဟူသည် (ကွဲပြားခြားနားသော လိုအပ်မှုရှိခြင်းကဲ့သို့သော) သက်ဆိုင်ရာရှုထောင့်များအရ ကွဲပြား ခြားနားသူများကို ကွဲပြားခြားနားစွာ ကုသမှုပေးခြင်းကို ဆိုလိုသည်။ သက်ဆိုင်ရာ လူမှုအုပ်စုများအနေဖြင့် အခြားအုပ်စုများထက် အဆင့်ကွဲပြားခြားနားသော စောင့်ရှောက်မှုများ စနစ်တကျ လက်ခံရရှိသလားဟူ၍ ကျန်းမာရေးဆိုင်ရာညီမျှမှုနှင့် ပတ်သက်သော လေ့လာမှုများရှိသည်။ ယင်းသို့ လေ့လာရာတွင် ကာကွယ်နိုင်ပြီး မညီမျှသည့် ကွာဟချက်များကိုဖော်ထုတ်ရန် နည်းလမ်းများစွာရှိသည်။

မျှတသော ပိုင်းခြားမှု-မျှတသော ပိုင်းခြားမှု၌ တန်းတူညီမျှမှုဟူသည် လူတိုင်းလူတိုင်း အနေဖြင့် အချို့သော ကုန်ပစ္စည်းများနှင့်ပတ်သက်၍ ၎င်းတို့ ရထိုက်သည်ဟု အကဲဖြတ်ထားသည့် ကိုယ်ပိုင်ဝေစုများ ညီမျှရေးဖြစ်သည်။ သို့သော် နှစ်ဦးထက်ပိုသည့်အခါ ယင်းကဲ့သို့ ပိုင်းခြားခြင်းသည် အမြဲတမ်း ညီမျှုနိုင်မည် မဟုတ်သကဲ့သို့ မနာလို ၀န်တိုစိတ်လည်း ကင်းနိုင်မည်မဟုတ်ပါ။

တန်းတူညီမျှမှုဟူသည် ကိုယ်ကျင့်တရားဆိုင်ရာ တရားမျှတရေးသဘောတရားပေါ်၌ အခြေခံထားခြင်းဖြစ်သည်။ စီးပွားရေးစနစ်တစ်ခုလုံး၌ အရင်းအနှီး၊ ကုန်ပစ္စည်းနှင့် ၀န်ဆောင်မှုများရရှိနိုင်မှု ခွဲဝေပုံများကို ကြည့်ရသည်။ တန်းတူညီမျှမှုနှင့်ပတ်သက်၍ အနိမ့် ပိုင်းအဆင့်များသည် အမွေဆက်ခံထားသော ချမ်းသာကြွယ်ဝမှု၊ လူမှုရေးဆိုင်ရာဖယ်ကြဉ်ခံရမှုနှင့် အခြေခံဝန်ဆောင်မှုများကို ကောင်းစွာမရရှိနိုင်မှုတို့အပေါ်အခြေခံသည့် ဘ၀အခွင့်အလမ်းများနှင့် ပတ်သက်နေပြီး မျိုးဆက်များအလိုက် ဆင်းရဲမွဲတေမှုကိုဖြစ်စေကာ စီးပွားရေးကြီးထွားမှု၊ စီးပွားရေးမတည်ငြိမ်မှု၊ ရာဇ၀တ်မှုနှင့် နိုင်ငံရေးမတည်ငြိမ်မှုများ မြင့်မားမှုတို့နှင့်ပတ်သက်၍ မကောင်းသော သက်ရောက်မှုများကို ဖြစ်ပေါ်စေသည်။

မည်သို့ပင်ဆိုစေကာမူ နိုင်ငံတစ်နိုင်ငံအနေဖြင့် အေးချမ်းတည်ငြိမ်ကာ ဖွံ့ဖြိုးတိုးတက်လိုပါက စီးပွားရေးဆိုင်ရာ တန်းတူညီမျှမှုရှိရေးသည် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

 

(ဖေဖော်ဝါရီ ၁၇ ရက်ထုတ် The Daily Eleven သတင်းစာ၏ အယ်ဒီတာ့အာဘော်)

ငွေကြေးများနှင့် ပျော်ရွှင်မှု

စစ်တမ်းများအရ ငွေကြေးများသည် ပျော်ရွှင်မှုကို အမှန်တကယ် ၀ယ်ယူနိုင်သည်ဟု ဆိုသည်။ သို့သော် အများက ထင်ထားကြသကဲ့သို့ ငွေကြေးအမြောက်အမြား လိုအပ်သည်ကား မဟုတ်ပေ။ Nature Human Behavior ဂျာနယ်တွင် ဖော်ပြခဲ့သည့် ကျယ်ပြန့်သော သုံးသပ်ချက်တစ်ရပ်သည် နိုင်ငံပေါင်း ၁၆၄ နိုင်ငံမှ လူပေါင်း ၁ ဒသမ ၇ သန်းကျော်ကို ကောက်ယူထားသည့် Gallup World Poll ၏ အချက်အလက်များကို အသုံးပြုခဲ့သည်။ ယင်းတွင် တစ်နှစ်ဝင်ငွေ အမေရိကန်ဒေါ်လာ ၆၀,၀၀၀ နှင့် ၇၅,၀၀၀ အကြား ရရှိသူများ၏ စိတ်ပိုင်းဆိုင်ရာအရ ချမ်းသာမှုနှင့် ပတ်သက်၍ စစ်တမ်းကောက်ယူခဲ့သည်။ ယင်းစစ်တမ်းကို ယခင်သုတေသနမှ တစ်နှစ်ဝင်ငွေ ဒေါ်လာ ၇၅,၀၀၀ ရရှိသူများသည် အပျော်ရွှင်ဆုံးလူများဖြစ်ကြောင်း တွေ့ရှိချက်နှင့် နှိုင်းယှဉ်ခဲ့သည်။ သို့သော် တစ်နေ့ပြီးတစ်နေ့နှင့် ပတ်သက်၍ ကောင်းမွန်သော စိတ်ခံစားချက်များအတွက် ယင်းသည် နှစ်သက်ဖွယ်ဖြစ်သော်လည်း ဒေါ်လာ ၉၅,၀၀၀ သည် ဘ၀နေထိုင်မှုဆိုင်ရာ တန်ဖိုးများအတွက် အကောင်းဆုံး အနေအထားဖြစ်ကြောင်း တွေ့ရှိရသည်။ ယင်းတွင် ရေရှည်မျှော်မှန်းချက်များ၊ အဆင့်အတန်း အရည်အချင်းတူသူများအကြား နှိုင်းယှဉ်ချက်များနှင့် အခြားမက်ခရိုအဆင့် တိုင်းတာချက်များကို ထည့်သွင်းတွက်ချက်ထားသည်။

Purdue တက္ကသိုလ်မှ သုတေသနပြုသူများကလည်း ဖြစ်နိုင်သမျှ ၀င်ငွေများလေလေ ပျော်ရွှင်မှုအတွက် အထောက်အကူပြုလေလေဟု တွေ့ရှိခဲ့သည်။ သို့သော် ဒေါ်လာ ၉၅,၀၀၀ အဆင့်ကို ကျော်လွန်သွားပြီးသည့်အခါ စိတ်ချမ်းသာမှုနှင့် ဘ၀အပေါ် ကျေနပ်မှုများ ကျဆင်းလာကြောင်း တွေ့ရှိခဲ့သည်။ ယင်းမှာ နေ့စဉ် သက်သောင့်သက်သာရှိမှုနှင့် အလိုရှိသည်များကို ၀ယ်ယူနိုင်မှုအတွက် လိုအပ်သောအမှတ်ကို ကျော်လွန်သွားအောင် ချမ်းသာခြင်းက ကျန်းမာရေးကို ထိခိုက်စေသည့် ဂုဏ်တုဂုဏ်ပြိုင် ပြုလုပ်မှုများနှင့် မဖြည့်ဆည်းနိုင်သည့် ရုပ်ဝတ္ထုပစ္စည်းများနောက်သို့ လိုက်လိုခြင်းများဆီသို့ ဦးတည်သွားစေသောကြောင့် ဖြစ်နိုင်သည်ဟု ဆိုသည်။ သို့သော် တွေ့ရှိချက်များက ၀င်ငွေအလွန်မြင့်မားခြင်းသည် လူတစ်ဦးချင်းအလိုက် ကျေနပ်မှုများဆီသို့ ဦးတည်သွားလိမ့်မည် မဟုတ်ကြောင်း မဆိုလိုဟု ဆိုသည်။ သုတေသနပြုသူများ၏ အဆိုအရ တစ်နှစ်လျှင် ၀င်ငွေ ဒေါ်လာ ၂၀၀,၀၀၀ ရှိသည့်အုပ်စုသည် ၇၅,၀၀၀ ရှိသည့်အုပ်စုထက် ပို၍ပျော်ရွှင်နိုင်ဖွယ်မရှိဟု ထောက်ပြကြသည်။

လေ့လာချက်အသစ်တွင် သုတေသနပြုသူများက ၎င်းတို့၏ ခန့်မှန်းမှုများသည် အထူးသဖြင့် တစ်ဦးချင်းအလိုက် ရယူထားခြင်းဖြစ်ပြီး မိသားစုအလိုက် အကောင်းဆုံးဝင်ငွေမှာမူ ပိုမိုမြင့်မားဖွယ်ရှိသည်ဟုဆိုသည်။ ၎င်းအပြင် ၎င်းတို့၏ လေ့လာချက်သည် တစ်ကမ္ဘာလုံးကို ခြုံလျက် ခန့်မှန်းချက်များဖြစ်သောကြောင့် ကမ္ဘာ့နေရာအသီးသီးအလိုက်၊ ကျေးလက်နှင့် မြို့ပြကွာခြားမှုအလိုက်၊ နိုင်ငံအလိုက် အကြီးအကျယ် ကွဲပြားခြားနားနိုင်သည်ဟု ဆိုသည်။ အနောက်ဥရောပ၊ မြောက်အမေရိက၊ သြစတြေးလျ၊ နယူးဇီလန်၊ အရှေ့အာရှနှင့် အရှေ့အလယ်ပိုင်းဒေသကဲ့သို့သော အချို့ဒေသများသည် ဘ၀တန်ဖိုးနှင့် စိတ်ချမ်းသာမှု နှစ်ရပ်စလုံးအတွက် ငွေကြေးဆိုင်ရာ သတ်မှတ်ချက် ပိုမိုမြင့်မားပြီး အရှေ့ဥရောပ၊ အရှေ့တောင်အာရှ၊ လက်တင်အမေရိကနှင့် ဆာဟာရအောက်ပိုင်း အာဖရိကဒေသတို့သည် ကမ္ဘာ့သတ်မှတ်ချက်ထက် ပိုမိုနိမ့်ပါးသည်ဟု ဆိုသည်။ ဘ၀တန်ဖိုးအတွက် အကောင်းဆုံးဝင်ငွေသည် လက်တင်အမေရိကတွင် ဒေါ်လာ ၃၅,၀၀၀ မှသည် သြစတြေးလျနှင့် နယူးဇီလန်၌ ၁၂၅,၀၀၀ ဖြစ်သည်အထိ ကွာခြားနိုင်သည်ဟု ဆိုသည်။

မြောက်အမေရိကတွင် ဘ၀တန်ဖိုးအတွက် အကောင်းဆုံးဝင်ငွေသည် ခန့်မှန်းခြေ ဒေါ်လာ ၁၀၅,၀၀၀ ဖြစ်ပြီး စိတ်ချမ်းသာမှုအတွက် ၀င်ငွေသည် ၆၅,၀၀၀ နှင့် ၉၅,၀၀၀ အကြားဟု သတ်မှတ်ထားသည်။ သုတေသနပြုမှုများတွင် အမျိုးသမီးများနှင့် အမျိုးသားများအကြား ကွာခြားချက်ဟူ၍ သီးခြားလေ့လာထားမှုမရှိပေ။ သို့သော် ပညာရေး အဆင့်အတန်းသည် အကောင်းဆုံးဟု ယူဆနိုင်သည့် ၀င်ငွေပမာဏအပေါ် သက်ရောက်မှုရှိကြောင်း တွေ့ရှိခဲ့သည်။ ပညာရေးမြင့်မားသူများသည် စိတ်ကျေနပ်မှုအတွက် ၀င်ငွေပမာဏ များစွာပို၍ မြင့်မားပြီး ယင်းသည် မျှော်လင့်ချက်ပိုမိုကြီးမားမှုကြောင့်နှင့် ဂုဏ်တုဂုဏ်ပြိုင်ကိစ္စကို ပိုမိုစိတ်ဝင်စားမှုကြောင့် ဖြစ်နိုင်သည်ဟုဆိုသည်။

မည်သို့ပင်ဆိုစေကာမူ ဘ၀၌ ပျော်ရွှင်မှုရရှိရန် ထိုက်သင့်သော ၀င်ငွေပမာဏ လိုအပ်သော်လည်း ‘ရလေ လိုလေ’ ဟူသော လောဘစိတ်မျိုးထားရှိပါက ငွေကြေးတို့သည် စိတ်ချမ်းသာမှုကို ပေးစွမ်းနိုင်တော့မည် မဟုတ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ ၁၆ ရက်ထုတ် The Daily Eleven သတင်းစာ အယ်ဒီတာ့အာဘော်

ငြိမ်းချမ်းရေးနှင့် စိန်ခေါ်မှုများ

ဖေဖော်ဝါရီ ၁၃ ရက် ဗိုလ်ချုပ်အောင်ဆန်း၏ ၁၀၃ နှစ်မြောက်မွေးနေ့တွင် တစ်နိုင်ငံလုံး အပစ်အခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးပွဲ အခမ်းအနားကို နေပြည်တော်၌ ကျင်းပခဲ့သည်။ ယင်း NCA လက်မှတ်ရေးထိုးပွဲတွင် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် မွန်ပြည်သစ်ပါတီနှင့် လားဟူဒီမိုကရက်တစ်အစည်းအရုံးတို့ တက်ရောက်လက်မှတ်ထိုးခဲ့ခြင်းဖြစ်သည့်အတွက် NCA တွင် လက်မှတ်ထိုးသည့်အဖွဲ့ ၁၀ ဖွဲ့ရှိလာခဲ့ပြီဖြစ်သည်။ ယခင်အစိုးရလက်ထက်က ကရင်အမျိုးသားအစည်းအရုံး (KNU)၊ ရှမ်းပြည်ပြန်လည်ထူထောင်ရေးကောင်စီ (RCSS)၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)၊ ရခိုင်ပြည်လွတ်မြောက်ရေးပါတီ (ALP)၊ DKBA၊ KNU/KNLA-PC စသည့် လက်နက်ကိုင်အဖွဲ့ရှစ်ဖွဲ့ NCA တွင် လက်မှတ်ရေးထိုးခဲ့ကြသည်။

ယင်း NCA လက်မှတ်ရေးထိုးပွဲအခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က NCA သည် ငြိမ်းချမ်းရေးဖြစ်စဉ်၏ လမ်းဆုံးမဟုတ်ဘဲ ငြိမ်းချမ်းရေးဖြစ်စဉ်၏အစ၊ နိုင်ငံရေးဆွေးနွေးပွဲများအစ၊ လက်နက်ကိုင်ပဋိပက္ခ လျှော့ချခြင်းများ၏အစ၊ တွေ့ဆုံဆွေးနွေးမှုမှတစ်ဆင့် နိုင်ငံရေးပြဿနာများကို ညှိနှိုင်းတိုင်ပင်အဖြေရှာမည့် နိုင်ငံရေးဖြစ်စဉ်၏ အစပင်ဖြစ်ကြောင်း ပြောကြားခဲ့သည်။ ထို့ပြင် နှစ်ဖက်အဖွဲ့အစည်းများအကြား အပြန်အလှန် သဘောတူညီချက် (Bilateral Agreement) များရှိခဲ့သည်မှာ မှန်သော်လည်း ပြည်သူများအား သိစေချင်သည်မှာ အဆိုပါသဘောတူညီချက်များနှင့် ပတ်သက်၍ တစ်ဖက်နှင့်တစ်ဖက် အငြင်းပွားဖွယ်ရာများဖြစ်လာပါက မည်သို့ညှိနှိုင်းဖြေရှင်းမည်ဆိုသည်ကို ဖြေရှင်းရေးယန္တရားများမပါကြောင်း၊ NCA ဆိုသည်မှာ လက်နက်ကိုင်ပဋိပက္ခများ လျော့နည်းသွားအောင်၊ အငြင်းပွားမှုများပေါ်ပေါက်လာခဲ့ပါက တစ်ဖက်နှင့်တစ်ဖက် လက်နက်ကိုင်ဖြေရှင်းခဲ့သည့် အခြေအနေမှသည် စားပွဲဝိုင်းတွင် ညှိနှိုင်းဆွေးနွေးဖြေရှင်းနိုင်အောင် စတင်လိုက်သည့် စတင်ခြင်းအသစ်ဖြစ်သည်ဟုလည်း ပြောကြားလိုက်သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း မွန်ပြည်သစ်ပါတီနှင့် တိုင်းရင်းသားလက်နက်ကိုင် အဖွဲ့အစည်းများ၏ ပုဂ္ဂိုလ်ရေးဆိုင်ရာ ခံစားချက်အချို့တွင် လုံခြုံရေးဆိုင်ရာ ပြန်လည်ပေါင်းစည်းခြင်းကိစ္စရပ်များသည် လက်နက်ချခိုင်းသည်ဆိုသည့် မှားယွင်းစွာမှတ်ယူကြမှုများ၊ သံသယစိတ်များ၊ မယုံကြည်စိတ်များ ဖြစ်ပေါ်နေကြသည်ကို တွေ့ မြင်နေရကြောင်းနှင့် NCA ကို လက်မှတ်ရေးထိုးခြင်းသည် တိုင်းရင်းသားလက်နက်ကိုင် အဖွဲ့အစည်းများအနေဖြင့် အစိုးရနှင့် တပ်မတော်အပေါ် အလျှော့ပေးခြင်းမဟုတ်ဆိုသည့် အယူအဆရှိသူများ၊ ပုဂ္ဂိုလ်ရေးခံစားချက်ရှိသူအချို့လည်း တွေ့ရှိရကြောင်း၊ ထိုသို့သံသယစိတ်၊ မယုံကြည်စိတ်၊ စိုးရိမ်စိတ်များကို တိုင်းရင်းသားလက်နက်ကိုင် အဖွဲ့အစည်းအသီးသီး၏ အဖွဲ့ဝင်များအနေဖြင့်မရှိကြရန်နှင့် မထားကြရန်လည်းလိုကြောင်း ပြောကြားသည်။ NCA လက်မှတ်ရေးထိုးခြင်းသည် နိုင်ငံရေးပြဿနာကို နိုင်ငံရေးစားပွဲဝိုင်းပေါ်တွင် ငြိမ်းချမ်းစွာဆွေးနွေးအဖြေရှာသည့် နိုင်ငံရေးယဉ်ကျေးမှုတစ်ရပ်သာဖြစ်၍ နှစ်ပေါင်း ၇၀ နီးပါး အဖြေရှာမရသေးသည့် နိုင်ငံရေးပြဿနာများကို တစ်ဖက်နှင့်တစ်ဖက်၊ တစ်ဖွဲ့နှင့်တစ်ဖွဲ့ စုပေါင်းတွေ့ဆုံဆွေးနွေး အဖြေရှာညှိနှိုင်းခြင်းဖြစ်ကြောင်း၊ လက်နက်ကိုင်လမ်းစဉ်အပေါ် သံယောဇဉ်အစွဲအလမ်း ဖြတ်တောက်ပစ်နိုင်ရန် အကောင်းဆုံးအာမခံချက်ပေးနိုင်သည့် တစ်ခုတည်းသောအရာသည် NCA စာချုပ်ပင်ဖြစ်ကြောင်း တပ်မတော်ကာကွယ်ရေးဦးစီးချုပ်က NCA လက်မှတ်ရေးထိုးပွဲတွင် ပြောကြားခဲ့သည်။

၁၉၄၈ ခုနှစ်တွင် အင်္ဂလိပ်ကိုလိုနီလက်အောက်မှ လွတ်မြောက်လာခဲ့သည့် မြန်မာနိုင်ငံသည် ကမ္ဘာပေါ်တွင် အရှည်ကြာဆုံးသော ပြည်တွင်းစစ်ဒဏ်ကို ခံစားနေကြရသည်။ နှစ်ပေါင်း ၇၀ ခန့်ကြာမြင့်ခဲ့သည့် ပဋိပက္ခများကို အဆုံးသတ်နိုင်ရန် စိန်ခေါ်မှုများစွာရှိနေသည်မှာ အမှန်ပင်ဖြစ်သည်။ မြန်မာ့ဒီမိုကရေစီပြုပြင်ပြောင်းလဲရေးနှင့် ငြိမ်းချမ်းရေးတို့အတွက် စိန်ခေါ်မှုများတွင် တိုင်းပြည်ဆင်းရဲနိမ့်ကျမှုသည်လည်း အဓိကအကြောင်းတစ်ချက်အဖြစ် ပါဝင်နေသည်။ ငြိမ်းချမ်းရေးနှင့် တိုင်းပြည်စီးပွားရေးမှာလည်း တစ်ခုနှင့်တစ်ခု တွဲလျက်တည်ရှိနေပြန်သည်။ တချို့က စီးပွားရေးတိုးတက်ဖြစ်ထွန်းလာစေရေးအတွက် ငြိမ်းချမ်းရေးကို အဓိကလုပ်ရမည်ဟုဆိုကြပြီး၊ တချို့ကလည်း စီးပွားရေးကို ဦးစွာတည့်မတ်အောင်လုပ်နိုင်ပါက လူနည်းစုနှင့် လူများစုအကြားရှိ ပဋိပက္ခများသည်လည်း ပြေလည်လာလိမ့်မည်ဟု သုံးသပ်ကြပြန်သည်။ မည်သို့ပင်ဆိုစေကာမူ တိုင်းပြည်တိုးတက်စေရေးအတွက် ငြိမ်းချမ်းရေးသည် များစွာအရေးပါလျက်ရှိကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ (၁၅) ထုတ် The Daily Eleven သတင်းစာ အယ်ဒီတာ့အာဘော်

တစ်ဦးချင်းဝါဒနှင့် ဘုံဝါဒ

ယနေ့ခေတ် နိုင်ငံများစွာတို့တွင် နိုင်ငံရေးဆိုင်ရာ အခြေခံပဋိပက္ခသည် ရာစုနှစ်တစ်ခုလုံး ရှိခဲ့သည့်အတိုင်း တစ်ဦးချင်းဝါဒနှင့် ဘုံဝါဒတို့၏ ပဋိပက္ခဖြစ်သည်။ လူတစ်ဦးချင်းစီ၏ ဘ၀သည် ၎င်းနှင့်သာ သက်ဆိုင်သလား သို့မဟုတ် အုပ်စု၊ လူ့အသိုင်းအ၀ိုင်း၊ လူ့အဖွဲ့အစည်း၊ နိုင်ငံတော် အစရှိသည်တို့နှင့် သက်ဆိုင်သလားဟူသည့် မေးခွန်းများက ပြဿနာဖြစ်နေသည်။ အစိုးရ အဖွဲ့များက လူတစ်ဦးချင်းစီမှ ကောက်ခံရရှိသော အခွန်ငွေများကို လူအများနှင့်ဆိုင်သော လုပ်ငန်းများအတွက် တိုး၍ တိုး၍ အသုံးပြုလာချိန်၌  ယင်းမေးခွန်းများသည် ပို၍ကျယ်လောင်လာသည်။

တစ်ဦးချင်းဝါဒဟူသည် လူတစ်ဦးချင်းစီ၏ ဘ၀သည် ထိုသူနှင့်သာ သက်ဆိုင်ပြီး သူသင့်တော်သည်ဟု မြင်သည့်အတိုင်း နေထိုင်ရန်၊ သူ၏ကိုယ်ပိုင်ဆုံးဖြတ်ချက်ဖြင့် ပြုမူရန်၊ သူ့အားထုတ်မှု၏ ထွက်ကုန်/ရလဒ်အား သူ့ဘာသာ ထိန်းသိမ်းအသုံးပြုရန်နှင့် သူ့ဘာသာ ရွေးချယ်သော စံတန်ဖိုးများအတိုင်း နေထိုင်ရန်တို့အတွက် ထာဝရ အခွင့်အရေးရှိသည်။ ယင်းသဘောတရား၌ တစ်ဦးချင်းအနေဖြင့် အချုပ်အခြာအာဏာပိုင်ပြီး  သူကိုယ်တိုင်၌ လမ်းဆုံးလျက် ကိုယ်ကျင့်တရားဆိုင်ရာ ကိစ္စ၏ အခြေခံယူနစ်သည် သူကိုယ်တိုင်သာ ဖြစ်သည်။ ယင်းစိတ်ကူး သဘောတရားကို ဥပမာအားဖြင့် အမေရိကန်ပြည်ထောင်စုကို ထူထောင်ခဲ့ကြသူများက ဖွံ့ဖြိုးလာစေခဲ့ပြီး ကြေညာချက်နှင့် အခြေခံဥပဒေ ရေးဆွဲသည့်အခါ ခိုင်မာအောင် ပြုလုပ်ခဲ့ကြသည်။ ၎င်းတို့သည် ဘ၀၊ လွတ်လပ်မှု၊ ပိုင်ဆိုင်မှုတို့နှင့် ပတ်သက်၍ တစ်ဦးချင်း အခွင့်အရေးများရှိကာ ပျော်ရွှင်မှုကို ရှာဖွေခြင်းအား အသိအမှတ်ပြုလျက် ကာကွယ်စောင့်ရှောက်ပေးသည့် နိုင်ငံတစ်နိုင်ငံကို ဖန်တီးခဲ့ကြသည်။

ဘုံဝါဒဟူသည် တစ်ဦးချင်းစီ၏ ဘ၀သည် ၎င်းနှင့်မသက်ဆိုင်ဘဲ ၎င်းအနေဖြင့် တစ်စိတ်တစ်ပိုင်းအဖြစ် ပါဝင်နေသော လူအုပ်စု သို့မဟုတ် လူ့အဖွဲ့အစည်းနှင့် သက်ဆိုင်သည် ဟူသည့် သဘောတရားဖြစ်သည်။ ထိုကြောင့် ထိုသူ၌ ကိုယ်ပိုင်အခွင့်အရေး မရှိဘဲ သူ၏စံတန်ဖိုးများနှင့် ရည်မှန်းချက်များကို လူအုပ်စုတစ်စုလုံး ပိုမိုကောင်းမွန်ရေးအတွက် စတေးရမည်ဟူသည့် သဘောတရားဖြစ်သည်။ ဘုံဝါဒ သဘောတရားအရ လူအုပ်စု သို့မဟုတ် လူ့အဖွဲ့အစည်းသည် ကိုယ်ကျင့်တရားဆိုင်ရာ ကိစ္စအတွက် အခြေခံယူနစ်ဖြစ်ပြီး လူပုဂ္ဂိုလ် တစ်ဦးချင်းသည် ၎င်းတို့အနေဖြင့် လူအုပ်စု တစ်ခုလုံးအတွက် ထမ်းဆောင်နေမှသာ စံတန်ဖိုး တစ်ရပ်ရှိသည်။ ယင်းသဘောတရားကို အကြံပြုသူတစ်ဦးက “လူ့အဖွဲ့အစည်းက သူ့အားခွင့်ပြုထားသည်မှလွဲ၍ လူသား၌ အခွင့်အရေးများ မရှိ။ လူသားသည် မွေးဖွားချိန်မှ သေဆုံးသည်အထိ လူ့အဖွဲ့အစည်းက သူ့အား လူ့အခွင့်အရေး ဟုခေါ်သည့်  အချို့သော အရာများကို ခွင့်ပြုထားပြီး အခြားအရာများကို ပိတ်ပင်ထားသည်။ အဘယ့်ကြောင့်ဆိုသော် လူ့အဖွဲ့အစည်းသည် လူတစ်ဦးချင်းစီကို အထူးသဖြင့် မျက်နှာသာပေးခြင်း သို့မဟုတ် ဖိနှိပ်ခြင်းတို့ပြုရန် ဆန္ဒရှိသောကြောင့်ဖြစ်သည်။ သို့သော် ယင်းမှာ လူ့အဖွဲ့အစည်း ကိုယ်တိုင်က သူ၏ တည်တံ့ခိုင်မြဲရေး၊ ကောင်းကျိုးဖြစ်ထွန်းရေးနှင့် ပျော်ရွှင်ရေးကို အဓိကအဖြစ် စဉ်းစားသောကြောင့်သာ ဖြစ်သည်” ဟု ဆိုသည်။

မည်သို့ပင်ဆိုစေကာမူ အမှန်တကယ်၌ တစ်ဦးချင်းဝါဒနှင့် ဘုံဝါဒမည်သည်က ပိုကောင်းသနည်း/ပို၍ မှန်ကန်သနည်းဟူသည် ဘက်အသီးသီးနှင့် ပတ်သက်၍ အချက်အလက်များပေါ်၌သာ မူတည်မည် ဖြစ်သောကြောင့် မိမိတို့ လူ့အဖွဲ့အစည်း သို့မဟုတ် မိမိတို့နိုင်ငံအလိုက် မှန်ကန်သော အချက်အလက်များ အပေါ်၌သာ အခြေပြု စဉ်းစားရမည် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ ၁၄ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်

ကိုယ်ကျင့်တရားဆိုင်ရာ စံသတ်မှတ်ချက်များ

လူတစ်ဦးချင်း၏ အပြုအမူ အမူအကျင့်များနှင့် ရွေးချယ်မှုများအပေါ် လွှမ်းမိုးကြီးစိုးသည့် ကောင်းမှုနှင့် မကောင်းမှုဆိုင်ရာ စံသတ်မှတ်ချက်များကို ကိုယ်ကျင့်တရားဆိုင်ရာ စံသတ်မှတ်ချက်များဟု ခေါ်ဆိုသည်။ လူတစ်ဦးချင်း၏ ကိုယ်ကျင့်တရားစံများသည် လူ့အဖွဲ့အစည်းနှင့် အစိုးရထံမှ ဆင်းသက်လာနိုင်သကဲ့သို့ ဘာသာရေးနှင့် မိမိကိုယ်တိုင်ထံမှလည်း ဖြစ်ပေါ်လာနိုင်သည်။ ကိုယ်ကျင့်တရားစံများသည် လူ့အဖွဲ့အစည်းနှင့် အစိုးရထံမှ ဆင်းသက်လာသည့်အခါ လူ့အဖွဲ့အစည်း၏ ဥပဒေများနှင့် ကိုယ်ကျင့်တရားစံများ ပြောင်းလဲသည့်အခါ လူတစ်ဦးချင်းသည်လည်း လိုက်၍ပြောင်းလဲရန် လိုအပ်၍လာသည်။

ကိုယ်ကျင့်တရား စံတန်ဖိုးများနှင့်ပတ်သက်၍ ဥပဒေများ ပြောင်းလဲခြင်းအတွက် ရိုက်ခတ်ချက်နှင့်ပတ်သက်၍ ဥပမာတစ်ရပ်မှာ“လက်ထပ်ခြင်းနှင့် လက်မထပ်ဘဲ အတူနေခြင်း”ကိစ္စဖြစ်သည်။ အနောက်တိုင်းယဉ်ကျေးမှု လူ့အဖွဲ့အစည်း၌ပင် တရားဥပဒေ နှင့်အညီ လက်ထပ်ထိမ်းမြားခြင်း မပြုဘဲ အတူနေသည့်စုံတွဲများကို ယခင်မျိုးဆက်များ၌ တွေ့ရခဲလှသည်။ ယခုခေတ်တွင် အထူးသဖြင့် အနောက်တိုင်း၌ လက်ထပ်ထိမ်းမြားခြင်း မပြုဘဲ အိမ်ထောင်ထူထောင်သည့် စုံတွဲများအရေအတွက်က အစဉ်အလာအတိုင်း လက်ထပ်သည့် စုံတွဲများအရေအတွက်ခန့်အထိပင် များပြားနေပြီဖြစ်သည်။ ယင်းကဲ့သို့ များပြားရုံသာမက ယင်းကို လက်ခံသော အခြားသူများပင်လျှင် ယနေ့ခေတ်လူ့အဖွဲ့အစည်း၌ ပို၍ပို၍ များပြား၍လာနေသည်။ အစောပိုင်း အနောက်တိုင်းလူ့အဖွဲ့အစည်း၌ ဥပဒေ များနှင့် ကိုယ်ကျင့်တရားစံများသည် ရောမဥပဒေစနစ်မှ လာခြင်းဖြစ်ပြီး သမ္မာကျမ်းစာလာ ပညတ်တော် ၁၀ ပါးပေါ်၌ အကြီးအကျယ် အခြေခံထားသည်။ လူ့အဖွဲ့အစည်းတစ်ရပ်သည် ခေတ်သစ်သို့ ရွေ့လျားလာသည့်အခါ အစောပိုင်းက ရှိထားနှင့်ပြီးဖြစ်သော ကိုယ် ကျင့်တရားစံများသည် ပို၍ပို၍ ယိုယွင်း၍လာသည်။

ကိုယ်ကျင့်တရားစံများသည် လူတစ်ဦးချင်းမှနေ၍ ၎င်းတို့၏ ကိုယ်ပိုင်အားဖြင့်လည်း ဆင်းသက်၍လာနိုင်သည်။ ယင်းကို အသက်ပို၍ကြီးသော ကလေးငယ်များနှင့် အလွန်ငယ်သော လမ်းလျှောက်ခါစကလေးများအားဖြင့် သရုပ်ဖော်ပြနိုင်သည်။ ကလေးတစ်ဦးကို အရာဝတ္ထုတစ်ခုအား အစောပိုင်း၌ ထိခြင်း သို့မဟုတ် ယူခြင်းမပြုရန် တားမြစ်ထားပါက ယင်းအရာဝတ္ထုအား မထိတွေ့မီ ၎င်းတို့အနေဖြင့် စောင့်ကြည့်ခံနေရသလားဟူ၍  စိုးရိမ်စိတ်ဖြင့် ဖြည်းညင်းစွာ လှမ်းကြည့်ရန် ကောင်းစွာသိရှိသည်ကို တွေ့ရှိရသည်။ ယင်း အပြုအမူသည် သင်ကြားရန် မလိုအပ်ဘဲ ဗီဇစိတ်မှ ဖြစ်ပေါ်လာခြင်းဖြစ်သည်။ သို့သော်ကလေးများ၏ အမူအကျင့်ကို ပြုပြင်ရန်အတွက် စည်းမျဉ်းစည်းကမ်း ပုံစံတစ်မျိုးမျိုးကို ကျင့်သုံးလိုက်ပါက ကလေးသည် သူ၏ မှန်ကန်သောအမူအကျင့်ကို မှားယွင်းသောအမူ အကျင့်မှနေ၍ ခွဲခြားနိုင်ရန် သူ၏ကိုယ်တွင်းမှ အရည်အသွေးကို ရရှိသွားမည်ဖြစ်သည်။ ထိုအခါ ကလေးသည် သူ၏ကိုယ်ပိုင်သိမှုအပေါ် အခြေခံလျက် မှန်ကန်သောရွေးချယ်မှုများကို ပြုလုပ်လာနိုင်မည်ဖြစ်သည်။ ကလေးဘ၀မှ အရွယ်ရောက်သည်အထိ လူတစ်ဦး ချင်းက ပြုလုပ်လိုက်သော ရွေးချယ်မှုများသည် တားမြစ်မှုနှင့် လက်ခံနိုင်မှု၊ ကြင်နာမှုနှင့် ရက်စက်ကြမ်းကြုတ်မှု၊ ရက်ရောမှုနှင့် တစ်ကိုယ်ကောင်းဆန်မှုတို့အကြား၌ ရှိနေသည်။ မည်သည့် အခြေအနေရပ်များအောက်၌မဆို လူတစ်ဦးသည် တားမြစ်ထားသောအရာ များကို ပြုလုပ်ရန် ဆုံးဖြတ်ကောင်း ဆုံးဖြတ်နိုင်သည်။ သို့သော် ထိုသူသည် ကိုယ်ကျင့်တရားစံများ ပိုင်ဆိုင်ထားပါက ယင်းတို့ကို ဆန့်ကျင်ပြုမူရမည်ကို အပြစ်ရှိကြောင်း ခံစားရမည်သာဖြစ်သည်။

ထို့ကြောင့် မည်သူမဆို ဘ၀၌ အပြစ်ရှိကြောင်း မိမိကိုယ်မိမိ ခံစားရမှုများဖြင့် ပူလောင်နာကျင်စွာ နေထိုင်ရမည့်အရေးကို ရှောင်လွှဲလိုပါက မိမိလက်ခံထားပြီးဖြစ်သော ကိုယ်ကျင့်တရား စံသတ်မှတ်ချက်များအတိုင်း နေထိုင်ရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(ဖေဖော်ဝါရီ ၁၃ ရက်ထုတ် The Daily Eleven သတင်းစာ၏ အယ်ဒီတာ့အာဘော်)

ဂျာနယ်လစ်ဇင်၏ ဓမ္မဓိဋ္ဌာန်ကျမှု

ဂျာနယ်လစ်ဇင်၏ ဓမ္မဓိဋ္ဌာန်ကျမှု ဟူသည် ဂျာနယ်လစ် ပရော်ဖက်ရှင်နယ်လစ်ဇင်နှင့် ပတ်သက်၍ ထည့်သွင်းဆွေးနွေးသည့် သဘောထားတစ်ရပ် ဖြစ်သည်။ ဂျာနယ်လစ်ဇင်၏ ဓမ္မဓိဋ္ဌာန်ကျမှုသည် တရားမျှတမှု၊ ကိုယ်ကျိုးအတ္တကင်းစင်မှု၊ ဖြစ်ရပ်မှန်ကန်မှုနှင့် ဘက်မထားမှုတို့အား ရည်ညွှန်းသည်။ သို့သော် အမှန်တကယ်၌ ယင်းအရည်အသွေး အားလုံးကို လွှမ်းခြုံခေါ်ဆိုခြင်း ဖြစ်သည်။ ၁၈ ရာစုကတည်းက ဂျာနယ်လစ်ဇင်၏ ဓမ္မဓိဋ္ဌာန်ကျမှုသည် ယင်းနှင့်ပတ်သက်၍ စံပြုချက်များ သိုင်းဝိုင်း ပါဝင်နေသည့် သဘောတရားများ နှင့်အတူ ပထမဆုံးအဖြစ် ကျင့်ထုံးတစ်ရပ်အနေဖြင့် ပေါ်ထွက်လာခဲ့သည်။

သတင်းစာများနှင့် ရုပ်သံဌာနအများစုသည် သတင်း အချက်အလက်များနှင့် ပတ်သက်၍ သတင်းအေဂျင်စီများအပေါ် မှီခိုလာရပြီး ကမ္ဘာ့အဓိက သတင်းအေဂျင်စီ လေးခုဖြစ်သည့် အေအက်ဖ်ပီ၊ အေပီ၊ ရိုက်တာနှင့် အီးအက်ဖ်အီးတို့သည် ၎င်းတို့ထံမှ သတင်းအချက်အလက် ရယူသူအားလုံးကို ဓမ္မဓိဌာန်ကျသည့် တစ်ခုတည်းသော သတင်းသာပေးမည် ဟူသော အခြေခံဒဿနတစ်ရပ်အပေါ် မူတည်လျက် စတင်လုပ်ကိုင်လာခဲ့ကြသည်။ ဆိုလိုသည်မှာ သတင်းဌာနများအနေဖြင့် ကွန်ဆာဗေးတစ် သတင်းစာများကို သတင်းတစ်မျိုး၊ လစ်ဘရယ်သတင်းစာများကို သတင်းတစ်မျိုး ခွဲခြား၍ ပေးခြင်းမျိုး မပြုရခြင်းဖြစ်သည်။

ထင်ရှားသော ဂျာနယ်လစ် တစ်ဦးဖြစ်သည့် ဂျိုနသန်ဖန်ဘီက ယင်းသဘောတရားနှင့် ပတ်သက်၍ ရှင်းပြခဲ့ဖူးသည်။ သူက “အဲဒီလို ကျယ်ပြန့်တဲ့ လက်ခံနိုင်စွမ်းမျိုး ရရှိဖို့ သတင်းအေဂျင်စီတွေဟာ ဗြောင်ကျကျ ဘက်လိုက်မှုမျိုးကို ရှောင်ကြဉ်ရပါမယ်။ မှန်ကန်ကြောင်း သရုပ်ဖော်ပြနိုင်တဲ့ အချက်အလက်ဟာ သတင်းကုန်သွယ်ရေးမှာ အခရာကျပါတယ်။ အစဉ်အလာအရကတော့ သတင်းအေဂျင်စီတွေဟာ သတင်းအချက်အလက်နဲ့ ပတ်သက်တဲ့ ပြောရေးဆိုခွင့်ရှိသူ၊ စာနယ်ဇင်းနဲ့ တခြားသတင်းရင်းမြစ်တွေထက်စာရင် တာဝန်ယူရမှုအဆင့် လျော့နည်းပါတယ်။ ဒါပေမဲ့ သတင်းအေဂျင်စီတွေအနေနဲ့ ကောက်ချက်ချတာကို ရှောင်ရှားရမှာဖြစ်ပြီး သံသယရှိတဲ့ အချက်တွေနဲ့ေ၀၀ါးနေတဲ့ အချက်တွေကို ဖယ်ရှားရှင်းလင်းရမှာ ဖြစ်ပါတယ်။ သတင်းဌာနတွေကို ထူထောင်သူတွေ အနေနဲ့ ဒီစကားလုံးကို သုံးစွဲခြင်း မပြုခဲ့ပေမဲ့ ဓမ္မဓိဋ္ဌာန်ကျမှုဟာ သူတို့လုပ်ငန်းအတွက် သဘောတရားရေးရာ အခြေခံဖြစ်ပါတယ်။ အဲဒီစကားလုံးကို မသုံးရင်တောင်မှ ဘက်မလိုက်မှုဆိုတဲ့ စကားလုံးကိုတော့ ကျယ်ကျယ်ပြန့်ပြန့် လက်ခံထားကြပါတယ်” ဟု ဆိုသည်။

ဂျာနယ်လစ်ဇင်၌ ဓမ္မဓိဋ္ဌာန်ကျမှုသည် သတင်းဖြစ်ရပ်တစ်ခုနှင့် ပတ်သက်၍ စာဖတ်သူအား ၎င်းတို့ဘာသာ ဆုံးဖြတ်ချက်ချနိုင်ရေးအတွက် အချက်အလက် သက်သက်ကိုသာ ပေးကာ မိမိတို့ဘာသာ အဓိပ္ပာယ်ဖွင့်ဆိုရေးကို အားပေးကူညီရန် ရည်ရွယ်သည်။
ဂျာနယ်လစ်ဇင်၌ ဓမ္မဓိဋ္ဌာန်ကျမှုကို ထိန်းသိမ်းထားနိုင်ရန် ဂျာနယ်လစ်များသည် အမှန်တကယ်ရရှိသော အချက်အလက်များနှင့် ပတ်သက်၍ မိမိတို့ ကြိုက်သည်ဖြစ်စေ၊ မကြိုက်သည်ဖြစ်စေ၊ သဘောတူသည်ဖြစ်စေ၊ သဘောမတူသည်ဖြစ်စေ ယင်းအချက်အလက် များအတိုင်း တင်ပြရမည်ဖြစ်သည်။ ဓမ္မဓိဋ္ဌာန်ကျသော သတင်းတင်ဆက်မှုဟူသည် ရေးသူ၏ ထင်မြင်ချက် သို့မဟုတ် ပုဂ္ဂိုလ်ရေးဆိုင်ရာ ယုံကြည်မှုများနှင့် မဆိုင်ဘဲ ကြားနေသော ဘက်မလိုက်သော နည်းလမ်းအားဖြင့် အကြောင်းအရာနှင့် ဖြစ်ရပ်ကိုသာ သရုပ်ဖော်ပြ ရမည်ဖြစ်သည်။

မည်သို့ပင် ဆိုစေကာမူ ဓမ္မဓိဋ္ဌာန်ကျမှုသည် ဂျာနယ်လစ်ဇင်၌ လိုက်နာကျင့်သုံးရမည့် အခြေခံသဘောတရား တစ်ရပ်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ ၁၁ ရက်ထုတ် The Daily Eleven သတင်းစာ အယ်ဒီတာ့အာဘော်

နိုင်ငံရေးဆိုင်ရာ ထိရောက်မှု

နိုင်ငံရေးသိပ္ပံ၌ နိုင်ငံရေးဆိုင်ရာ ထိရောက်မှုဟူသည် နိုင်ငံသားများ၏ အစိုးရအဖွဲ့အပေါ် ယုံကြည်မှုနှင့် သစ္စာရှိမှုဖြစ်သည်။ ၎င်းတို့အနေဖြင့် နိုင်ငံရေးကိစ္စများကို နားလည်နိုင်မှုနှင့် သြဇာသက်ရောက်နိုင်မှုရှိသည်ဟု ယုံကြည်ခြင်းဖြစ်သည်။ ယင်းကို စစ်တမ်းများ ဖြင့် တိုင်းတာလေ့ရှိပြီး အရပ်ဘက်လူ့အဖွဲ့အစည်း ကျယ်ပြန့်ခိုင်မာမှုအတွက် အညွှန်းတစ်ရပ်အဖြစ် အသုံးပြုကြသည်။

နိုင်ငံသားများ၏ ထိရောက်မှု နိမ့်ကျသည့်အခါ ၎င်းတို့သည် အစိုးရအပေါ်ယုံကြည်မှု မရှိသကဲ့သို့ ၎င်းတို့၏လုပ်ဆောင်ချက်သည်လည်း အစိုးရအဖွဲ့နှင့် နိုင်ငံရေးခေါင်းဆောင်များ၏ လုပ်ရပ်တို့အပေါ် သက်ရောက်မှုရှိသည်ဟု မယုံကြည်ကြတော့ပေ။ နိုင်ငံသားများ၏ ထိရောက်မှု မြင့်မားပါက ၎င်းတို့သည် အစိုးရအဖွဲ့အပေါ်ယုံကြည်ပြီး ၎င်းတို့၌ နိုင်ငံရေး ခေါင်းဆောင်များအပေါ် သြဇာသက်ရောက်နိုင်စွမ်းရှိကာ အစိုးရအပေါ်လည်း သက်ရောက်နိုင်သည်ဟု ယုံကြည်ကြမည်ဖြစ်သည်။ နိုင်ငံသားတို့၏ နိုင်ငံရေးဆိုင်ရာ ထိရောက်မှုကို ဖော်ပြနိုင်မည့် နည်းလမ်းများစွာရှိသည်။ ယင်းတို့၌ မီဒီယာများမှတစ်ဆင့်၊ ဆန္ဒပြပိုင်ခွင့်ရှိခြင်းမှတစ်ဆင့်၊ အသနားခံစာ ၀ိုင်းဝန်းလက်မှတ်ရေးထိုးနိုင်ခြင်းမှတစ်ဆင့်နှင့် လွတ်လပ်၍ တရားမျှတသော ရွေးကောက်ပွဲများ ရှိခြင်းမှတစ်ဆင့် ဖော်ထုတ်ပြသခြင်းများ ပါဝင်သည်။ ယင်းကဲ့သို့ ဖော်ထုတ်ပြသနိုင်မှုများ လျော့နည်းပါက နိုင်ငံသားတို့၏ နိုင်ငံရေးဆိုင်ရာ ထိရောက်မှု နိမ့်ကျပြီး နိုင်ငံသားတစ်ဦးအနေဖြင့် ၎င်းတို့နိုင်ငံအပေါ် မိမိအနေဖြင့် မည်သို့မျှ သြဇာမရှိဟု ခံစားရမည်ဖြစ်သည်။

မိမိကိုယ်မိမိ နိုင်ငံရေးအပေါ် ထိရောက်မှုရှိသည်ဟု ခံစားရခြင်းသည် လူမှုရေးဆိုင်ရာဘ၀နှင့် နိုင်ငံရေးဆိုင်ရာဘ၀များ၌ ပါဝင်ခြင်းနှင့် ဒွန်တွဲနေသည်။ သို့သော် နိုင်ငံသားတို့၏ အစိုးရအဖွဲ့သို့မဟုတ် နိုင်ငံရေးခေါင်းဆောင်များအပေါ် ယုံကြည်မှုနှင့် မဲပေးမှုတို့အကြား ဆက်နွှယ်မှုများကို လေ့လာချက်များက ဖော်ထုတ်ပြသနိုင်စွမ်း မရှိသေးပေ။ နိုင်ငံရေးဆိုင်ရာ ထိရောက်မှုအား မူဝါဒအကြိုက်များ ခွဲခြားရန်အတွက် တွေ့ရှိခဲ့ခြင်းဖြစ်သည်။ ထိရောက်မှု မြင့်မားသော ပြည်သူများသည် ၎င်းတို့၏ အိုင်ဒီယိုလိုဂျီဆိုင်ရာ တိမ်းညွတ်မှုများနှင့် ပိုမို အစွန်းကျမှုများနှင့်အညီ မူဝါဒရေးရာအကြိုက်များကို ဖော်ပြနိုင်ကြောင်း တွေ့ရှိရသည်။ ထိရောက်မှုနိမ့်ပါးသော ပြည်သူများသည် အလယ်အလတ်သဘောဆောင်သော မူဝါဒရေးရာအကြိုက်များဆီသို့သာ ဦးတည်သွားကြောင်းလည်း တွေ့ရှိရသည်။ နိုင်ငံသားတို့၏ နိုင်ငံရေးဆိုင်ရာ ထိရောက်မှုသည် အသက်အရွယ်နှင့်အညီ မြင့်မားလာလေ့လည်းရှိသည်။

နိုင်ငံရေးဆိုင်ရာ ထိရောက်မှု အမျိုးအစားနှစ်ရပ်ရှိသည်။ တစ်မျိုးမှာအတွင်းသဘော ထိရောက်မှုဖြစ်သည်။ အခြားတစ်မျိုးမှာ အပြင်သဘော ထိရောက်မှုဖြစ်သည်။ အတွင်းသဘောထိရောက်မှုဟူသည် လူတစ်ဦးအနေဖြင့် မိမိကိုယ်မိမိ နိုင်ငံရေး နားလည်နိုင်သည်ဟု ယုံကြည်ပြီး နိုင်ငံရေး၌ ပါဝင်မှုဖြစ်သည်။ အပြင်သဘောထိရောက်မှုဟူသည် အစိုးရက ပြည်သူတို့၏ တောင်းဆိုမှုကို တုံ့ပြန်ခြင်းဖြစ်သည်။

ဒီမိုကရေစီစနစ်ကို ကျင့်သုံးသော နိုင်ငံတစ်နိုင်ငံတွင် အတွင်းသဘောအရလည်းကောင်း၊ အပြင်သဘောအရလည်းကောင်း နိုင်ငံရေးဆိုင်ရာ ထိရောက်မှု မြင့်မားနေရန် လိုအပ်သည်။ ဆိုလိုသည်မှာ ပြည်သူများအနေဖြင့်လည်း နိုင်ငံရေးကို နားလည်ကာ နိုင်ငံ၏ အရေးကိစ္စများအပေါ် မိမိတို့အနေဖြင့် သြဇာသက်ရောက်နိုင်စွမ်း ရှိသည်ဟု ယုံကြည်ရန် လိုအပ်သကဲ့သို့ အစိုးရအနေဖြင့်လည်း ပြည်သူတို့၏ တောင်းဆိုမှုနှင့်ပတ်သက်၍ ဒီမိုကရေစီနည်းလမ်းတကျ တုံ့ပြန်မှုရှိရန် လိုအပ်သည်။

မည်သို့ပင်ဆိုစေကာမူ ဒီမိုကရေစီနိုင်ငံများ၌ နိုင်ငံရေးဆိုင်ရာ ထိရောက်မှု မြင့်မားနေရန် မဖြစ်မနေ လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဖေဖော်ဝါရီ ၁၀ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ဒီမိုကရေစီနှင့် တရားဥပဒေစိုးမိုးရေး

ဒီမိုကရေစီစနစ်တွင် တရားဥပဒေစိုးမိုးရေးသည် မရှိမဖြစ် လိုအပ်သည်။ ပြည်သူများ အနေဖြင့် မိမိတို့၏ ဆန္ဒသဘောထားများကို ဖော်ထုတ်ပြသရာ၌လည်းကောင်း၊ နိုင်ငံ၏ အချုပ်အခြာအာဏာ ပိုင်ဆိုင်မှုကို ကျင့်သုံးရာ၌လည်းကောင်း ဥပဒေမှတစ်ဆင့်သာ ဖြစ်ရမည်။ အစိုးရအဖွဲ့ဟူသည် ဥပဒေဖြင့် ဖွဲ့စည်းထားခြင်းသာဖြစ်ပြီး လူများဖြင့် ဖွဲ့စည်းထားခြင်းမဟုတ်ပေ။ ဒီမိုကရေစီ သဘောထားစည်းမျဉ်းများအောက်၌ ချမ်းသာသူဖြစ်စေ၊ အာဏာရှိသူဖြစ်စေ ဥပဒေ၏အထက်၌ မရှိပေ။ အစိုးရကိုယ်နှိုက်သည်ပင်လျှင် ဥပဒေကို ဆန့်ကျင်လျက် ထင်ရာစိုင်းခွင့်မရှိပေ။ ကောင်းမွန်သော ဒီမိုကရေစီအုပ်ချုပ်ရေးဟူသည် အခြေခံသဘောအရပင် တရားဥပဒေစိုးမိုးရေးနှင့် ယှဉ်တွဲလျက်လာသည်။

လူများနှင့် အရပ်ဘက် အဖွဲ့အစည်းများ အနေဖြင့် ဥပဒေကိုလိုက်နာသော အလေ့အထရှိရန် တရားဥပဒေစိုးမိုးရေးက တောင်းဆိုသည်။ တရားဥပဒေစိုးမိုးရေးသည် အစိုးရ၏ လုပ်ရပ်များအား ဥပဒေက ပြဋ္ဌာန်းထားသော လုပ်ပိုင်ခွင့်နှင့် တာဝန်အကန့်အသတ်များ အတွင်း၌ရှိရန် တောင်းဆိုသည်။ တရားဥပဒေစိုးမိုးမှုမရှိပါက မင်းမဲ့စရိုက်များဖြင့် ပရမ်းပတာ အနေအထားသို့ ကျရောက်သွားမည်ဖြစ်သည်။ လူများအနေဖြင့် တရားဥပဒေကို လိုက်နာခြင်းမရှိပါက၊ အစိုးရအဖွဲ့များအနေဖြင့် လုပ်ပိုင်ခွင့်အာဏာကို ကျော်လွန်လျက် ထင်ရာစိုင်းပါက နိုင်ငံသည် ပရမ်းပတာ အနေအထားသို့ ကျရောက်သွားမည်ဖြစ်သည်။ တရားဥပဒေစိုးမိုးရေးကို ပို၍ခိုင်မာစွာ အဓိပ္ပာယ်ဖွင့်ဆိုပါက ငြိမ်းချမ်းရေးနှင့် အမိန့်အာဏာထိန်းသိမ်းခြင်း၊ ခြစားမှုကင်းစင်ခြင်း၊ ဘက်မလိုက်သည့် ထိရောက်သော တရားရေးစနစ်ရှိခြင်း၊ လူ့အခွင့်အရေးများကို လိုက်နာကာ ထိန်းသိမ်းစောင့်ရှောက်ခြင်းနှင့် ရှင်းလင်းသော လူသိရှင်ကြား ထုတ်ပြန်ထားသော တည်ငြိမ်၍ မှန်ကန်သော ဥပဒေများရှိခြင်းဟု အဓိပ္ပာယ်ရသည်။

တရားဥပဒေက မြှင့်တင်ရန် ကြိုးစားသောအရာသည် တရားမျှတမှုဖြစ်သည်။ လူမှုရေးရာ ဒုစရိုက်မှုများကို ဟန့်တားရန် ဥပဒေအားနည်းသည့်အခါ၊ ဥပဒေများရှိသော်လည်း ထိရောက်မှုနှင့် တာဝန်ယူမှု အားနည်းသည့်အခါ၊ ဥပဒေအတိုင်း သစ္စာရှိရှိ ကျင့်သုံးမှုမရှိ သည့်အခါ တရားမျှတမှုကို ရရှိမည်မဟုတ်ပါ။ တရားရေးစနစ်သည် ဘက်လိုက်မှုများရှိပါက၊ ကျောသားရင်သားခွဲခြားနေပါက၊ ဆင်းရဲပြီး နိမ့်ကျသူများထက် ချမ်းသာပြီး သြဇာရှိသူများကို မျက်နှာသာပေးပါက၊ တရားရေးလုပ်ငန်းစဉ်များသည် ရှည်လျားပြီး ခက်ခဲရှုပ်ထွေးလျက် ရရှိနိုင်ရန်ခဲယဉ်းကာ ကြန့်ကြာနေပါက တရားမျှတမှုကို ရရှိမည်မဟုတ်ပါ။ အုပ်ချုပ်ရေးဆောင်ရွက်သူများအနေဖြင့် မတရားမှုများကို လုံးဝဖယ်ရှားခြင်းမပြုနိုင်သည့်တိုင် အနည်းဆုံးဖြစ်အောင် ပြုလုပ်နိုင်ပါက တရားဥပဒေစိုးမိုးရေးရှိသည်ဟု ခေါ်ဆိုနိုင်သည်။

တရားဥပဒေစိုးမိုးရေး အနေဖြင့် လူ့အဖွဲ့အစည်း၏ လိုအပ်ချက်များကို တုံ့ပြန်နိုင်သည့် ဥပဒေများရှိရန်လည်း လိုအပ်သည်။ ခေတ်မမီတော့သော၊ မဆီလျော်တော့သော ဥပဒေများကို မွမ်းမံပြင်ဆင်ခြင်း သို့မဟုတ် ရုပ်သိမ်းလျက် ခေတ်နှင့်လျော်ညီသော ဥပဒေများဖြင့် အစားထိုးခြင်းတို့ ပြုလုပ်ရန်လည်း လိုအပ်သည်။ ၎င်းအပြင် တရားဥပဒေထိန်းသိမ်းရေးအဖွဲ့များ၏ သမာဓိကို ပြည်သူအများက ယုံကြည်နေရန်လည်း လိုအပ်သည်။ ပြည်သူများအနေဖြင့် တရားဥပဒေထိန်းသိမ်းရေးအဖွဲ့များအပေါ် အယုံအကြည် မရှိပါက တရားဥပဒေကို လိုက်နာမှုလည်း လျော့ကျလာမည်ဖြစ်သည်။ အရေးကြီးဆုံးအချက်မှာ တရားဥပဒေ ထိန်းသိမ်းရေးအဖွဲ့များအနေဖြင့် ခြစားမှု လုံးဝကင်းစင်နေရန် လိုအပ်သည်။ ယင်းအဖွဲ့များအတွင်း၌ ခြစားမှုများ ဖြစ်ပေါ်နေပါက တရားဥပဒေများအပေါ် ပြည်သူများ အနေဖြင့် အယုံအကြည်ရှိတော့မည် မဟုတ်သောကြောင့် တရားဥပဒေစိုးမိုးရေးသည်လည်း ပျောက်ကွယ်သွားမည်ဖြစ်သည်။ ၎င်းအပြင် တရားရေးစနစ်၌ ဥပဒေများကို ကျင့်သုံးဆောင်ရွက်နေသူများအနေဖြင့် ဥပဒေများနှင့်ပတ်သက်၍ ကျွမ်းကျင်ပိုင်နိုင်ရမည်ဖြစ်ပြီး တရားဥပဒေစိုးမိုးရေးကို မြှင့်တင်နိုင်ရန်အတွက် အစဉ်အမြဲ အားထုတ်နေရန် လိုအပ်သည်။

မည်သို့ပင်ဆိုစေကာမူ နိုင်ငံတစ်နိုင်ငံသည် တရားဥပဒေစိုးမိုးမှုမရှိပါက ဒီမိုကရေစီသည်လည်း မှေးမှိန်ပျောက်ကွယ်သွားမည်ဖြစ်ပြီး ပရမ်းပတာ ထင်ရာစိုင်းနေကြသော အနေအထားတစ်ရပ်သို့ ကျရောက်သွားမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ (၉) ထုတ် The Daily Eleven သတင်းစာ အယ်ဒီတာ့အာဘော်