ယဉ်ကျေးမှုအကျပ်အတည်းနှင့် ပညာရေး

ယဉ်ကျေးမှုဟူသည် သဘောတရားစိတ်ကူးများ၊ ရိုးရာဓလေ့များနှင့် လူနှင့် လူ့အဖွဲ့အစည်း နှစ်ခုစလုံး၏ လူမှုဆိုင်ရာအမူအကျင့်များ ပါဝင်သော လူသားတို့၏ အသိဥာဏ်ဆိုင်ရာ ရယူနိုင်ခဲ့မှုများကို ဖော်ညွှန်းသည့် စုစုပေါင်းအသားတင် ပုံစံတစ်ရပ်ဖြစ်သည်။ ယဉ်ကျေးမှုအကျပ်အတည်းဟူသည် လူတစ်ဦးချင်းနှင့် လူ့အဖွဲ့အစည်း တစ်ရပ်လုံးအပေါ် သက်ရောက်သော အန္တရာယ်အနေအထားတစ်ရပ်ဆီ ဦးတည်သွားစေနိုင်သည့် ဖြစ်ရပ်တစ်ခုအား ရည်ညွှန်းသည်။

ယဉ်ကျေးမှုဟူသည် လူတစ်ဦးချင်းဆိုင်ရာမှသည် ဘ၀နေထိုင်မှုနှင့်ပတ်သက်သော လွှမ်းခြုံထားသည့် ဘောင်တစ်ရပ်အထိ အဓိပ္ပာယ်အမျိုးမျိုး ဖြာထွက်နိုင်သည့် သဘောရှိသောကြောင့် ယဉ်ကျေးမှု အကျပ်အတည်းသည်လည်း ပညာရေး၊ နိုင်ငံရေး၊ လူသားအရင်းအမြစ် စီမံခန့်ခွဲမှု အစရှိသည့် နယ်ပယ်အမျိုးမျိုး၌ ဖြစ်ပေါ်နိုင်သည်။ ထို့ကြောင့် တိကျသောနယ်ပယ် ကန့်သတ်ပြီးမှသာ ယဉ်ကျေးမှုအကျပ်အတည်းကို ကောင်းစွာအဓိပ္ပာယ် ဖွင့်ဆိုနိုင်လိမ့်မည်ဖြစ်သည်။ အတိုချုပ်ပြောရလျှင် ယဉ်ကျေးမှု အကျပ်အတည်းဟူသည် ပျက်သုဉ်းလုလု အခြေအနေတစ်ရပ်ဆီသို့ ဦးတည်သွားစေသော သက်ဆိုင်ရာ နယ်ပယ်တစ်ရပ်အတွင်းမှ ရုတ်တရက်နှင့် အမှတ်တမဲ့ဖြစ်ပေါ်သော ကျဆုံးမှုတစ်ရပ်ဖြစ်သည်။

ပညာရေးဟူသည့်အဓိပ္ပာယ်ကို ပိုမိုကျယ်ပြန့်စွာ ပြောရလျှင် လူ့အဖွဲ့အစည်းတစ်ရပ်၏ ယဉ်ကျေးမှုအမွေအနှစ်များ သို့မဟုတ် ယဉ်ကျေးမှုအမျိုးအစား တစ်ရပ်ရပ်အား မျိုးဆက်တစ်ခုမှ တစ်ခုသို့ ကူးပြောင်းပေးသော လုပ်ငန်းစဉ်ဟုခေါ်ဆိုနိုင်သည်။ ယင်းသို့ကူးပြောင်းပေးခြင်းနှင့် ပတ်သက်သော ပြဿနာသည် လူများသွားလာရွှေ့ပြောင်းမှုကြောင့် လည်းကောင်း၊ လူမှုရေးဆိုင်ရာ ပြောင်းလဲမှု လျင်မြန်ခြင်းကြောင့်လည်းကောင်း၊ နည်းပညာ တိုးတက်မှုများကြောင့်လည်းကောင်း ရှုပ်ထွေးမှုများ ဖြစ်ပေါ်နိုင်သည်။ ရိုးရာနည်းလမ်းများနှင့် ဓလေ့များ၊ ဘာသာရေး ယုံကြည်ချက်များအပါအ၀င် ရိုးရာအစဉ်အလာများကို ကူးပြောင်းပေးရာ၌ နေ့စဉ်ဘ၀၏ အကျိုးစီးပွား၊ လုပ်ဆောင်ချက်များနှင့် ကိုက်ညီမှုမရှိတော့သည့်အခါ ယဉ်ကျေးမှုအကျပ်အတည်း ဖြစ်ပေါ်လာသည်။

ပိုမိုငယ်ရွယ်သော မျိုးဆက်က ပို၍ကြီးသောမျိုးဆက်နှင့် ယဉ်ကျေးမှုအရ ထိတွေ့မှုမရှိတော့သည့်အခါ သို့မဟုတ် လူ့အဖွဲ့အစည်း၏ အစိတ်အပိုင်းတစ်ရပ် သို့မဟုတ် အလွှာတစ်ရပ်က လူ့အဖွဲ့အစည်းတစ်ရပ်လုံး၏ စံပြုမှုများ၊ အကျိုးစီးပွားများနှင့် လျော်ညီစွာ ပြုကျင့်မှုကို ရပ်ဆိုင်းလိုက်သည့်အခါ ပညာရေး၏ပြဿနာသည် ဆက်သွယ်ရေးကို ပြန်လည်ထူထောင်ရန်နှင့် လူပုဂ္ဂိုလ်အချင်းချင်းအကြား၌ ရင်းနှီးသည့် ပုဂ္ဂိုလ်ရေးဆိုင်ရာ ဆက်ဆံရေးကွန်ရက်ကို ပြန်လည်ရက်လုပ်ရန် ဖြစ်လာသည်။

ကြီးသောမျိုးဆက်များနှင့် ငယ်ရွယ်သော မျိုးဆက်များကိုလည်းကောင်း၊ ဒေသအလိုက် ကွဲပြားခြားနားနေမှုများကို လည်းကောင်း နားလည်မှုရယူရန်နှင့် ယုံကြည်မှု ပြန်လည်အသက်သွင်းရန် ပညာရေးက ညှိနှိုင်းပေးသည့် တာဝန်ကိုယူရသည်။ ကိုယ်ကျင့်တရားသည် စီးပွားရေးဆိုင်ရာနှင့် နိုင်ငံရေးဆိုင်ရာတည်ရှိမှုနှင့် အခင်းအကျင်းများမှနေ၍ ကွဲပြားခြားနားသည့်အရာဖြစ်ကြောင်း ပြသရန်လည်း ပညာရေးကတာဝန်ရှိသည်။ သတင်းများ၊ အနုပညာများ၊ စာပေများနှင့် လူသားဆန်မှုများသည် လူ့အဖွဲ့အစည်းအတွင်း ကိုယ်ကျင့်တရားဆိုင်ရာအရ စုစည်းညီညွတ်ကာ တစ်သားတည်းဖြစ်စေရန်အတွက် နားလည်မှုများကို တည်ဆောက်ပေးရသည်။ ယင်းနားလည်မှုများကို အနုပညာ၊ စာပေနှင့် တရားဝင်ပညာရေးတို့က တည်ဆောက် ထိန်းသိမ်းပေးနိုင်သည်။

ထို့ကြောင့် ယဉ်ကျေးမှုဆိုင်ရာ အကျပ်အတည်းတစ်ရပ်၌ နားလည်မှုများ တည်ဆောက်ပေးနိုင်သည့်အရာသည် ပညာရေးသာဖြစ်ပါကြောင်း The Daily Eleven သတင်းစာက ရေးသားအပ်ပါသည်။

သြဂုတ်လ (၂၀) ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ရခိုင်ပြည်နယ်အတွင်းမှ အကြမ်းဖက်ဖြစ်ရပ်များနှင့် ကမ္ဘာ့အကြမ်းဖက်အဖွဲ့ ကွန်ရက်များ၏ ချိတ်ဆက်မှု

“ရခိုင်ပြည်နယ်ရှိ မောင်တော၊ ဘူးသီးတောင်၊ ရသေ့တောင် မြို့နယ်တွေရဲ့ အခြေအနေကို တည်ငြိမ်အောင် ထိန်းသိမ်းနိုင်ရေးမှာ တရားဥပဒေစိုးမိုးရေး၊ အချုပ်အခြာ တည်တံ့ခိုင်မြဲရေးဖြစ်ပြီး အချိန်နဲ့တစ်ပြေးညီ မြန်မြန်ဆန်ဆန် လုပ်ဆောင်ရမယ့် အခြေအနေ ဖြစ်ပါတယ်။ ရခိုင်တိုင်းရင်းသားကျေးရွာတွေက လူနည်းစုဒေသခံပြည်သူတွေကို စိတ်ပိုင်းဆိုင်ရာ၊ ရုပ်ပိုင်းဆိုင်ရာလုံခြုံမှုကို မပေးနိုင်ပါက ရွာလုံးကျွတ်ပြောင်းရွှေ့ နေထိုင်မှုတွေ ဖြစ်လာနိုင်ပါတယ်။ အဲဒီလို အကြမ်းဖက် အဖွဲ့အစည်းတွေရဲ့ အကြမ်းဖက်လုပ်ရပ်တွေဟာ ကမ္ဘာ့အကြမ်းဖက်အဖွဲ့တွေရဲ့ ကွန်ရက်တွေနဲ့ ချိတ်ဆက်လုပ်ဆောင်နေတဲ့ အနေအထားကို တွေ့ရှိနေရပါတယ်။ နိုင်ငံတော်အတွက် အန္တရာယ်ဆိုးတွေ အချိန်မရွေး ကျရောက်လာနိုင်တဲ့အတွက် အစိုးရအနေနဲ့ အချိန်မဆိုင်းဘဲ ရဲဝံ့ပြတ်သားစွာ ကိုင်တွယ် ဖြေရှင်းရန် လိုအပ်နေပါတယ်” ဟူ၍ သြဂုတ် ၁၈ ရက်တွင် ပြုလုပ်သည့် အမျိုးသားလွှတ်တော် အစည်းအဝေးတွင် လွှတ်တော်ကိုယ်စားလှယ်တစ်ဦးက ဆွေးနွေးခဲ့သည်။

ယင်းအပြင် လွှတ်တော်ကိုယ်စားလှယ်တစ်ဦးကလည်း အကြမ်းဖက်အဖွဲ့များ လှုပ်ရှားနိုင်ရန် အကူအညီ အထောက်အပံ့နှင့် ငွေကြေးထောက်ပံ့ပေးနေမှုများသည်လည်း အထောက်အကူဖြစ်နေကြောင်း၊ မြန်မာနိုင်ငံမှ ပြည်ပရောက်နေသည့် ဘင်္ဂါလီများသည် ၎င်းတို့နိုင်ငံမှတစ်ဆင့် လှုံ့ဆော်စည်းရုံးခြင်း၊ ၀ါဒဖြန့်ခြင်း၊ OIC နိုင်ငံများမှ UN အဖွဲ့ကို ခုတုံးလုပ်ကာ ပြည်တွင်းရေးကို ၀င်ရောက်စွက်ဖက်ခြင်း၊ ရခိုင်ပြည်နယ်အတွင်း UN အဖွဲ့များ၊ NGO, INGO အဖွဲ့များမှလည်း အကူအညီ အထောက်အပံ့ ပေးနေသလိုလိုနှင့် ဘင်္ဂါလီများကို သွေးထိုးမြှောက်ပင့်ပေးနေခြင်းကြောင့် အကြမ်းဖက် အဖွဲ့အစည်းများ ပိုမိုလှုပ်ရှားလာသည်ကို တွေ့ရမည်ဖြစ်ကြောင်း၊ လူ့အခွင့်အရေးကို ဗန်းပြပြီး မြန်မာနိုင်ငံ၏ ပြည်တွင်းရေးကို ၀င်ရောက်စွက်ဖက်ကာ နိုင်ငံတော်နှင့်နိုင်ငံတော် အစိုးရအား လက်နက်ကိုင် တိုက်ခိုက်ပုန်ကန်နေခြင်းဖြစ်သည့်အတွက် တာဝန်ရှိအစိုးရ အဆင့်ဆင့်အနေဖြင့် အမြစ်ပြတ်ချေမှုန်းသွားရန် အထူးလိုအပ်ကြောင်း၊ မောင်တော၊ ဘူးသီးတောင်နှင့် ရသေ့တောင်မြို့နယ်များတွင် နယ်မြေလုံခြုံရေးအင်အား တိုးချဲ့ဆောင်ရွက်ပေးရန်၊ တိုင်းရင်းသား ကျေးရွာများတွင် ပြည်သူ့စစ်အဖွဲ့များ ဖွဲ့စည်းပေးပြီး လက်နက်တပ်ဆင်ပေးရန်၊ UN, NGO, INGO အဖွဲ့များအား ရုပ်သိမ်းပေးရန်၊ ဘင်္ဂါလီများအား ၁၉၈၂ ခုနှစ် နိုင်ငံသားဥပဒေအရ စိစစ်ပေးရန် အချက်အား ထည့်သွင်းဆွေးနွေးခဲ့သည်။

မောင်တော၊ ဘူးသီးတောင်နှင့် ရသေ့တောင်မြို့နယ်များတွင် လှုပ်ရှားနေသော အကြမ်းဖက်အဖွဲ့ဝင်များကို ဖော်ထုတ်ပြီး အကြမ်းဖက် တိုက်ဖျက်ရေးဥပဒေအရ အရေးယူပေးရန်နှင့် ယင်းတို့၏ခြိမ်းခြောက်မှုကြောင့် လောလောဆယ် နေရပ်စွန့်ခွာ ထွက်ပြေးလာသော တိုင်းရင်းသားများ၏ ကျေးရွာများ ဆက်လက်ရပ်တည်နိုင်ရေးအတွက် အရေးတယူ ဆောင်ရွက်ပေးရန်အဆိုအား လွှတ်တော်သို့ တင်သွင်းမှုနှင့်ပတ်သက်၍ ဆွေးနွေးရာတွင် ယင်းကဲ့သို့ လွှတ်တော်ကိုယ်စားအချို့က ထည့်သွင်း ဆွေးနွေးခဲ့ခြင်းဖြစ်သည်။

ရခိုင်ပြည်နယ်အတွင်း ပေါ်ပေါက်ခဲ့သော အကြမ်းဖက်လုပ်ရပ်များနှင့် ပဋိပက္ခဖြစ်စဉ်များကြောင့် ဒေသခံတိုင်းရင်းသားပြည်သူများ၏ အသက်အိုးအိမ်စည်းစိမ်လုံခြုံရေး သာမက မြန်မာနိုင်ငံ၏ တည်ငြိမ်မှုအတွက်ပါ အရေးပါသည်ဖြစ်ရာ အဆိုပါဒေသမှ အကြမ်းဖက်ဖြစ်စဉ်များ ကိုင်တွယ်ရာတွင် သတိပြု ဆောင်ရွက်သင့်ပါကြောင်းနှင့် ကမ္ဘာ့အကြမ်းဖက်ကွန်ရက်များနှင့် ချိတ်ဆက်နေမှု အနေအထားများအားလည်း စနစ်တကျ စုံစမ်းဖော်ထုတ်သင့်ပါကြောင်း The Daily Eleven သတင်းစာက ရေးသားအပ်ပါသည်။

(သြဂုတ်လ ၁၉ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

လူမှုဗေဒနှင့် နိုင်ငံရေးသိပ္ပံ

လူတစ်ဦးနှင့် ပတ်သက်သော နိုင်ငံရေး လုပ်ဆောင်ချက်များသည် နိုင်ငံရေးသိပ္ပံ ဖြစ်သည်။ နိုင်ငံရေးသိပံ္ပက နိုင်ငံတစ်နိုင်ငံ၏ အချုပ်အခြာ အာဏာပိုင်ဆိုင်မှုအောက်၌ စုစည်းထားသော လူမှုရေးဆိုင်ရာ အုပ်စုများကို လေ့လာသည်။ အုပ်ချုပ်သူနှင့် အုပ်ချုပ်ခံ လူသားနှစ်ရပ်စလုံး၏ အကြောင်းကို လေ့လာသည်။ နိုင်ငံရေးသိပံ္ပ၏ နယ်ပယ်၌ နိုင်ငံတော်နှင့် အစိုးရ နှစ်ရပ်စလုံး အကျုံးဝင်သည်။ နိုင်ငံရေးသိပံ္ပတွင် နိုင်ငံ၏ ဇာစ်မြစ်၊ ဆင့်ကဲဖြစ်စဉ်နှင့် လုပ်ငန်းဆောင်တာများ၊ အစိုးရပုံစံများ၊ ဖွဲ့စည်းပုံအခြေခံဥပဒေ အမျိုးအစားများ၊ အုပ်ချုပ်ပုံများ၊ ဥပဒေများ၊ ဥပဒေပြုမှုများ၊ နိုင်ငံတကာဆက်ဆံရေးများ၊ နိုင်ငံရေးဆိုင်ရာ ကိုယ်စားပြုမှုနည်းလမ်းများ၊ ရွေးကောက်ပွဲများ၊ မဲပေးပုံများ၊ နိုင်ငံရေးလှုပ်ရှားမှုများ၊ နိုင်ငံရေးအိုင်ဒီယိုလိုဂျီများ အစရှိသဖြင့် ကိုယ်ပိုင်ခေါင်းစဉ်အကြောင်းအရာများ ရှိသည်။ နိုင်ငံရေးသိပံ္ပသည် နိုင်ငံတစ်ခု ဖြစ်တည်လာပုံကို သမိုင်းဆိုင်ရာ စုံစမ်းစစ်ဆေးမှု တစ်ရပ်၊ မည်ကဲ့သို့သော နိုင်ငံဖြစ်သည်ကို သုံးသပ်လေ့လာချက်တစ်ရပ်နှင့် နိုင်ငံတစ်နိုင်ငံ မည်ကဲ့သို့ ဖြစ်သင့်သည်ကို နိုင်ငံရေးကျင့်ဝတ်ဆိုင်ရာအရ ဆွေးနွေးမှုတစ်ရပ် ဖြစ်သည်။ သမိုင်းအရ လူမှုဗေဒသည် နိုင်ငံရေးနှင့် သမိုင်းနှင့်ပတ်သက်သော ဒဿနိကဗေဒ၌ ပင်မအားဖြင့် အခြေတည်ထားခြင်း ဖြစ်သည်။ အမှန်တကယ်၌ ပလေတို၏ Republic နှင့် အရစ္စတိုတယ်၏ Politics ကဲ့သို့သော ကျမ်းများကို နိုင်ငံရေးသိပံ္ပဟုခေါ်ဆိုသော်လည်း လူမှုရေးအကြောင်းအရာများကို အခြေပြုထားခြင်း ဖြစ်သည်။

နိုင်ငံရေးသိပံ္ပနှင့် လူမှုဗေဒတို့သည် အနီးကပ်ဆက်နွှယ်လျက်ရှိသည်။ “နိုင်ငံရေးဟူ သည် လူမှုရေးအပေါ်၌ အခြေပြုထားခြင်း ဖြစ်သည်။ နိုင်ငံရေးသိပံ္ပကို လူမှုဗေဒမှ ခွဲခြားမှုသည် အထူးကျွမ်းကျင်သူများ၏ လေ့လာရေးနယ်ပယ်သာ ဖြစ်သည်။ အမှန်တကယ်၌ နိုင်ငံရေးသိပံ္ပနှင့် လူမှုဗေဒတို့အကြား ကွဲပြားစွာ သတ်မှတ်နိုင်သည့် နယ်နိမိတ်များ မရှိ” ဟု အဆိုရှိသည်။ ယင်းဘာသာရပ်နှစ်ခုတို့သည် အပြန်အလှန် အထောက်အကူပြုလျက် ရှိသည်။ အမှန်တကယ်၌ နိုင်ငံရေးဆိုင်ရာ လုပ်ဆောင်ချက်များသည် လူမှုရေးဆိုင်ရာ လုပ်ဆောင်ချက်များ၏ တစ်စိတ်တစ်ပိုင်းသာဖြစ်သည်။ ထို့ကြောင့် နိုင်ငံရေးသိပံ္ပဟူသည် လူ မှုဗေဒ၏ ဘာသာခွဲတစ်ခုဖြစ်သင့်သည်။ နိုင်ငံရေးသိပံ္ပကို နိုင်ငံရေးဆိုင်ရာ လူမှုဗေဒဟု ခေါ်ဆိုသင့်သည်။

နိုင်ငံရေးလုပ်ဆောင်ချက်များသည် လူသားတို့၏ လူမှုဘ၀အပေါ် သြဇာသက်ရောက်မှုရှိသကဲ့သို့ လူသားတို့၏ လူမှုဘ၀ကလည်း နိုင်ငံရေးလုပ်ဆောင်ချက်များအပေါ် သြဇာသက်ရောက်မှုရှိသည်။ အမှန်တကယ်၌ နိုင်ငံရေးလုပ်ဆောင်ချက်များဟူသည် လူမှုရေးဆိုင်ရာ အကြောင်းအရာများ၏ အပြင်ဘက်၌ မည်သည့်အဓိပ္ပာယ်မျှရှိမည် မဟုတ်ပါ။ နိုင်ငံရေးဟူသည် လူ့အဖွဲ့အစည်းကို ထင်ဟပ်ပြထားမှုသာ ဖြစ်လိမ့်မည်။ ယင်းအချက်ကို ရှင်းလင်းစေသည်မှာ အများပြောဆိုလေ့ရှိကြသော “လူတို့သည် ၎င်းတို့နှင့် ထိုက်တန် သော အစိုးရကိုသာရကြသည်” ဟူသည့်စကားဖြစ်သည်။ နိုင်ငံရေးသိပံ္ပသည် နိုင်ငံတော်နှင့် အစိုးရတို့၏ ဖွဲ့စည်းပုံနှင့် လုပ်ငန်းဆောင်တာများအကြောင်း အချက်အလက်များကို လူမှုဗေဒအားပေးသည်။ နိုင်ငံရေးဆိုင်ရာ အာဏာပိုင်များ၏ ဇာစ်မြစ်ကို သိရှိသည့် လူမှုဗေဒမှနေ၍ နိုင်ငံရေးသိပံ္ပ ဆင်းသက်လာသည်။ နိုင်ငံရေးသိပံ္ပသည် နိုင်ငံတော်နှင့် သက်ဆိုင်သည်။ သို့သော် လူမှုဗေဒသည် လူသားဆိုင်ရာ အဖွဲ့အစည်းတစ်ရပ်အဖြစ် နိုင်ငံတော်ဟူသည်ကို လေ့လာသည်။ သမိုင်း၏ အစောပိုင်းကာလများ၌ နိုင်ငံတော်ဟူသည့် ပုံစံသည် နိုင်ငံရေးဆိုင်ရာ အင်စတီကျူးရှင်းတစ်ခုထက် လူမှုရေးဆိုင်ရာ အင်စတီကျူးရှင်း တစ်ခုနှင့်သာ ပို၍တူသည်။ ထို့ပြင် နိုင်ငံတော်၏ ဥပဒေများသည် လူ့အဖွဲ့အစည်းအပေါ် ကြီးမားသော သြဇာသက်ရောက်မှုရှိသည်။ ယင်းဥပဒေများသည် အစဉ်အလာများ၊ ဓလေ့ထုံးတမ်းများ၊ သဘောတူညီမှုများနှင့် ခေတ်များအပေါ် အကြီးအကျယ် အခြေခံထားသည်။ ယင်းတို့အားလုံးသည် လူမှုဗေဒများဖြစ်သည်။

ထို့ကြောင့် နိုင်ငံရေးဟူသည် လူမှုရေးနှင့် သီးခြားကင်းကွာနေသော အကြောင်းအရာ မဟုတ်သကဲ့သို့ နိုင်ငံရေးသိပံ္ပသည်လည်း လူမှုဗေဒဟူသည့် ဘာသာရပ်အတွင်းမှ ဘာသာခွဲတစ်ရပ်သာ ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(သြဂုတ် ၁၈ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေကို ပြင်ဆင်သည့်ဥပဒေကြမ်း

မူးယစ်ဆေးဝါးသုံးစွဲသူများအား လူမှုရေးအကျိုးပြုလုပ်ငန်းများအား တစ်ရက်နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များ အပါအ၀င် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေ ကို ပြင်ဆင်သည့် ဥပဒေကြမ်းအား သြဂုတ် ၁၆ ရက်က ပြုလုပ်သည့် အမျိုးသားလွှတ်တော်တွင် အတည်ပြုလိုက်ပြီဖြစ်သည်။ ထို့ကြောင့် အမျိုးသားလွှတ်တော်မှ အတည်ပြုထားသည့် ယင်းဥပဒေကြမ်းအား ပြည်သူ့လွှတ်တော်သို့ ပေးပို့၍ ဆက်လက်ဆွေးနွေးမည်ဖြစ်ကာ ထပ်မံပြင်ဆင်ဖြည့်စွက်လိုသည့် အချက်အလက်များ ရှိ၊ မရှိ အတည်ပြုခြင်း၊ ကန့်ကွက်ခြင်းဆိုင်ရာ လုပ်ငန်းစဉ်များကို ဆက်လက်ပြုလုပ်ရမည်ဖြစ်သည်။ အကယ်၍ ပြည်သူ့လွှတ်တော်တွင် ဆက်လက်ဆွေးနွေးရာ၌ အမျိုးသားလွှတ်တော်တွင် အတည်ပြုခဲ့သည့်အတိုင်း ကွဲလွဲမှုမရှိဘဲ အတည်ပြုနိုင်မည်ဆိုပါက ပြည်ထောင်စုလွှတ်တော်တွင် ဥပဒေကြမ်းအား အတည်ပြုကြောင်း ကြေညာနိုင်မည်ဖြစ်သည်။  ယင်းနောက် သမ္မတထံပေးပို့၍ ဥပဒေ အတည်ပြုရေးလုပ်ငန်းစဉ်များ ဆက်လက်ဆောင်ရွက်နိုင်မည်ဖြစ်သည်။

ယင်းဥပဒေကြမ်းပါ အချက်အလက်များအနက် ဥပဒေကြမ်း၏ အခန်း ၇ လူမှုအကျိုးပြု လုပ်ငန်းဆောင်ရွက်စေခြင်း အခန်းတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် လူမှုအကျိုးပြုလုပ်ငန်းများဖြစ်သည့် သစ်ပင်ပန်းမန်စိုက်ပျိုးခြင်း၊ သန့်ရှင်းရေးလုပ်ငန်းများ ဆောင်ရွက်ခြင်း၊ လမ်းတံတားများပြုပြင်ခြင်း၊ လူမှုရေးအဖွဲ့အစည်းများနှင့် ပူးပေါင်း၍ အကျိုးပြုလုပ်ငန်းများ ဆောင်ရွက်ခြင်း စသည့်လုပ်ငန်းများကို ကြီးကြပ်သူရှေ့မှောက်၌ နှိမ့်ချခြင်း၊ ခွဲခြားဆက်ဆံခြင်းသဘော မသက်ရောက်သည့် သတ်မှတ်ထားသော ၀တ်စုံကို ၀တ်ဆင်လျက် တစ်ရက် နှစ်နာရီဖြင့် အနည်းဆုံး နာရီ ၂၄၀ မှ အများဆုံးနာရီ ၃၆၀ အထိ ကိုယ်တိုင်လုပ်အားဖြင့် အခမဲ့ လုပ်ကိုင်ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့ခြင်းဖြစ်သည်။

ဥပဒေကြမ်း၏ အပိုဒ် ၂၁ တွင် မူးယစ်ဆေးဝါးနှင့်  စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၂၅ ပုဒ်မခွဲ (က) တွင် ပုဒ်မ ၁၅ အရ ဆေးဝါးသုံးစွဲသူများအား လူမှုအကျိုးပြုလုပ်ငန်း ဆောင်ရွက်စေခြင်းမှအပ ဤဥပဒေပါ ပြစ်မှုတစ်ခုခုကို ကျူးလွန်တတ်သူ သို့မဟုတ် ကျူးလွန်ကြောင်း ကျော်စောသတင်းရှိသူအား သုံးနှစ်ထက်မပိုသော ကာလအတွင်း ကောင်းမွန်စွာနေထိုင်စေရန် ခံဝန်ချုပ်ချုပ်ဆိုရမည်ဟုလည်းကောင်း၊ ဆေးဝါးသုံးစွဲသူများကို ပြန်လည်ထူထောင်ပေးရေးနှင့် စပ်လျဉ်းပြီး စီမံချက်များချမှတ်ကာ စည်းရုံးလှုံ့ဆော်ခြင်း၊ နှစ်သိမ့်ဆွေးနွေးပညာပေးခြင်း၊ သင့်လျော်သော ကူညီထောက်ပံ့မှုများပေးခြင်း၊ ကောင်းမွန်သော လူနေမှုဘ၀သို့ ပြန်လည်ရောက်ရှိစေရန် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်ထူထောင်မှုပေးခြင်း၊ အသက်မွေးဝမ်းကျောင်း ပညာရပ်များ သင်ကြားပေးခြင်းဟုလည်းကောင်း အမျိုးသားလွှတ်တော်က အတည်ပြုခဲ့ခြင်းဖြစ်သည်။

မြန်မာနိုင်ငံတွင် မူးယစ်ဆေးဝါးနှင့် ပတ်သက်၍ဖမ်းဆီးရမိခြင်း၊ အရေးယူခြင်းဆိုင်ရာ ကိစ္စရပ်များ၌ အားနည်းချက်များရှိခဲ့ပြီး မူးယစ်ဆေး အဓိကရောင်းဝယ်ဖောက်ကားသူများကို ဖမ်းဆီးရမိမှုထက် လက်ဝယ်တွေ့ရှိသူ၊ သယ်ဆောင်သူနှင့် အချို့ဆိုလျှင် ပမာဏအနည်းငယ်ဖြင့် ဖမ်းဆီးရမိခြင်းများသာ အများစုဖြစ်ခဲ့သည်ကို တွေ့ရသည်။ သို့သော် မည်သူမဆို ဥပဒေအရ ကျောသားရင်သားမခွဲခြားဘဲ ကျူးလွန်သည့်ဖြစ်စဉ်နှင့်ပတ်သက်၍ ဥပဒေပါပြဋ္ဌာန်းချက်များအတိုင်း အရေးယူခံရမည်ဖြစ်သည်။ သို့ပါ၍ ယခုကဲ့သို့ ဥပဒေ ပြင်ဆင်ခြင်းများသည် ပြစ်မှုနှင့်ပြစ်ဒဏ်မျှတ၍ ဥပဒေအတိုင်း အရေးယူနိုင်ရန်အတွက်  အထောက်အကူဖြစ်စေရန် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

 

(သြဂုတ်လ ၁၇ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)