ခေတ်နောက်ကျနေသော ဖိနှိပ်ထားသည့် ဥပဒေများအစား ခေတ်ကာလနှင့် လျော်ညီသော ဥပဒေစည်းကမ်းများဖြစ်ရေး

ခေတ်နှင့်အညီ ပြုပြင်ပြောင်းလဲမှုများပြုလုပ်ရာ၌ ခေတ်နောက်ကျနေသော ဥပဒေစည်းကမ်းအချို့ကိုလည်း ပြုပြင်သင့်ပါသည်။ အချို့မှာ ခေတ်ကာလနှင့် လျော်ညီခြင်းမရှိသည့်အပြင် ပြည်သူလူထုအား ဖိနှိပ်သကဲ့သို့ဖြစ်နေနိုင်သည်ကိုလည်း သတိပြုရန်လိုပါသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က နိုဝင်ဘာ ၁၆ ရက်တွင် အစီရင်ခံစာတစ်ရပ် ထုတ်ပြန်ခဲ့သည်။ ခေတ်နောက်ကျလျက်ရှိသော၊ ဖိနှိပ်ထားသောဥပဒေများကို ဆက်လက်အသုံးပြုနေခြင်းသည် ပြည်သူများ၏ အခြေခံလူ့အခွင့်အရေးနှင့် လွတ်လပ်ခွင့်များကို ရာဇ၀တ်မှုမြောက်စေပြီး နိုင်ငံတကာနှင့် ပြည်တွင်းဥပဒေများနှင့်လည်း ဆန့်ကျင်လျက်ရှိကြောင်း၊ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) အပါအ၀င် ပြည်တွင်းနှင့် နိုင်ငံတကာအရပ်ဘက်အဖွဲ့အစည်းများက နိုင်ငံသားများကို ဆန့်ကျင်လျက်ရှိသော ဖိနှိပ်ထားသည့်ဥပဒေများကို ရုပ်သိမ်းရန် သို့မဟုတ် ပြင်ဆင်ဖြည့်စွက်ရန် တောင်းဆိုလျက်ရှိသော်လည်း အစိုးရက ဆောင်ရွက်ပေးခြင်းမရှိသေးကြောင်း AAPP ၏အစီရင်ခံစာ၌ ရေးသားထားသည်။ ယင်းအစီရင်ခံစာ၌ ပြည်သူများက ဝေဖန်ခြင်းသည် ၎င်းတို့ရွေးကောက်ထားသော ကိုယ်စားလှယ်များကို ဒီမိုကရေစီစနစ်၏ ပြီးပြည့်စုံသော တစ်စိတ်တစ်ပိုင်းဖြစ်စေရန် ရည်ရွယ်ကြောင်း၊ ပြည်သူများ ရွေးကောက်တင်မြှောက်ထားသည့် အစိုးရများသည် ဝေဖန်မှုများကို သေချာစွာသုံးသပ်ရမည်ဖြစ်ပြီး လွတ်လပ်စွာပြောဆိုခွင့်၊ ထုတ်ဖော်ခွင့်နှင့် ထင်မြင်ယူဆခွင့်တို့အပါအ၀င် နိုင်ငံသားများ၏ အခွင့်အရေးများကို လေးစားလိုက်နာခြင်းဖြင့် ပွင့်လင်းမြင်သာမှုရှိသော ဒီမိုကရေစီအသိုင်းအ၀ိုင်းတန်ဖိုးကို လေးစားရမည်ဖြစ်ကြောင်း ဖော်ပြပါရှိသည်။

ထို့အတူ အကျဉ်းသားများအား ချိုးဖောက်မှုဖြစ်စဉ်များနှင့် လုံလောက်မှုမရှိသော အကျဉ်းထောင်အခြေအနေများသည် အောက်တိုဘာလအတွင်းတွင်လည်း ဆက်လက်ဖြစ်ပွားလျက်ရှိကြောင်း၊ အဆိုပါအခြင်းအရာများက အကျဉ်းထောင်များအတွင်း ဖြစ်ပွားလျက်ရှိသော လူ့အခွင့်အရေးချိုးဖောက်မှုများကို ကာကွယ်ရန်အတွက် မြန်မာနိုင်ငံတွင်း အကျဉ်းထောင် ပြုပြင်ပြောင်းလဲရေးပြုလုပ်ရန် အလွန်လိုအပ်လျက်ရှိသည်ကို ပြသလျက်ရှိကြောင်း၊ ပို၍တင်းကျပ်ခြင်းအားဖြင့် ပြည်သူများသိရှိခြင်းမရှိသော အကျဉ်းထောင်များအတွင်း ဖြစ်ပွားလျက်ရှိသည့် လူ့အခွင့်အရေးချိုးဖောက်မှုများမှ အကျဉ်းသားများကိုကာကွယ်ရန် အလွန်လိုအပ်လျက်ရှိပြီး နိုင်ငံတကာဥပဒေများ၊ လမ်းညွှန်ချက်များနှင့်အညီ အကျဉ်းသားများအပေါ် ပြုမူဆက်ဆံမှုကို ပို၍ရှင်းလင်းသော နည်းဥပဒေများရှိရန်လည်း အလွန်လိုအပ်လျက်ရှိကြောင်း အစီရင်ခံစာတွင်ပါရှိသည်။

အကျဉ်းထောင် ပြုပြင်ပြောင်းလဲရေးပြုလုပ်ရန် ဥပဒေသစ်ရေးဆွဲနေချိန်တွင် ဥပဒေပြုအမတ်များသည် ပြုပြင်ပြောင်းလဲရေးအတွက် ကမ္ဘာ့ကုလသမဂ္ဂ၏ အကျဉ်းသားများကို ပြုမူဆက်ဆံမှုအနိမ့်ဆုံး စံချိန်စံညွှန်းများ (SMRs) ကို လမ်းညွှန်မှုတစ်ခုအဖြစ်ကြည့်သင့်ပြီး ရာဇ၀တ်မှုဆိုင်ရာ တရားစီရင်မှုစနစ်တွင် နိုင်ငံသားအားလုံး၏ အခွင့်အရေးများကိုကာကွယ်ရန် ကူညီပေးမည့်ဥပဒေများဖွဲ့စည်းရာတွင် လမ်းညွှန်မှုပေးနိုင်သော နိုင်ငံသားနှင့် နိုင်ငံရေးအခွင့်အရေးများဆိုင်ရာ နိုင်ငံတကာသဘောတူစာချုပ် (ICCPR) ကဲ့သို့ နိုင်ငံတကာ သဘောတူစာချုပ်များကိုလည်း ပို၍လိုက်နာသင့်ကြောင်း AAPP ၏ အစီရင်ခံစာတွင်ပါရှိသည်။

ထို့ကြောင့် ခေတ်နှင့်လျော်ညီခြင်းမရှိဘဲ ပြည်သူလူထုအား ဖိနှိပ်သကဲ့သို့ဖြစ်နေသည့် ဥပဒေသတ်မှတ်ချက်များကို ပြင်ဆင်ခြင်း သို့မဟုတ် ဖျက်သိမ်းခြင်းသော်လည်းကောင်း၊ တည်ဆဲဥပဒေတစ်ခုခုဖြင့် အရေးယူခံရခြင်း သို့မဟုတ် စွပ်စွဲခံရသူများအဖြစ် ဥပဒေပါအတိုင်း ရင်ဆိုင်နေရသူများအနေဖြင့်လည်းကောင်း အပြစ်ရှိသည်ဟု တစ်စုံတစ်ရာအမိန့်မချခင် ကြိုတင်၍ အပြစ်ပေးခံရသကဲ့သို့ရှိနေခြင်းများအတွက် သတိပြုဆောင်ရွက်သင့်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ (၂၁) ထုတ် The Daily Eleven သတင်းစာ အယ်ဒီတာ့အာဘော်

ပြည်သူတို့၏ သဘောထားအမြင်

အကြောင်းအရာတစ်ရပ် (သို့မဟုတ်) ပြဿနာတစ်ရပ်နှင့် ပတ်သက်၍ ပြည်သူအများစု၏ ဆန္ဒများ၊ လိုလားချက်များနှင့် တွေးတောထင်မြင်မှုများကိုသော်လည်းကောင်း၊ လူ့အဖွဲ့အစည်းတစ်ရပ် (သို့မဟုတ်) နိုင်ငံတစ်နိုင်ငံရှိ ပြည်သူများ၏ စုပေါင်းထင်မြင်ချက်ကိုသော်လည်းကောင်း ပြည်သူတို့၏ သဘောထားအမြင်ဟု ခေါ်ဆိုကြသည်။ အင်္ဂလိပ် အသုံးအနှုန်းဖြစ်သည့် Public Opinion ဟူသည့်စကားလုံးကိုကြည့်လျှင် ၁၇ ရာစု တွေးခေါ်ရှင် ဂျွန်လော့က်၏ အရေးအသားထဲ၌ အစောဆုံး တွေ့နိုင်သည်။ သူ၏ An Essay Concerning Human Understanding တွင် နိုင်ငံရေးအခင်းအကျင်း၌ ပြည်သူတို့၏ သဘောထားအမြင်က အရေးကြီးပုံကို အစောဆုံး ထည့်သွင်းစဉ်းစားထားသည်ကို တွေ့ရှိရသည်။ သို့သော် စကားလုံးသက်သက်ကိုကြည့်လျှင် ပြင်သစ်စကားလုံးဖြစ်သော I’ opinion ကို ၁၅၈၈ ခုနှစ်တွင် မီရှယ်ဒီမွန်တိန်းက ပထမဆုံး သုံးစွဲခဲ့သည်။

ပြည်သူတို့၏ သဘောထားအမြင်ဟူသည့် သဘောတရားတစ်ရပ်သည် မြို့ပြယဉ်ကျေးမှုပေါ်ထွန်းခြင်းနှင့် အခြားနိုင်ငံရေးနှင့် လူမှုရေးအင်အားစုများ ဖြစ်ပေါ်လာခြင်း ဖြစ်စဉ်တစ်လျှောက်၌ ပေါ်ထွက်လာခဲ့ခြင်းဖြစ်သည်။ နိုင်ငံရေးပြိုင်ဆိုင်မှုပုံစံများ ပြောင်းလဲလာချိန်တွင် ပထမဆုံးအဖြစ် ပြည်သူတို့အတွေးများက အရေးကြီးလာခြင်းလည်းဖြစ်သည်။ ဂျာမန်လူမှုဗေဒပညာရှင် ဖာဒီနန်တိုနီက လူ့အဖွဲ့အစည်းများအတွင်း လူမှုရေးဆိုင်ရာ လုပ်ငန်းဆောင်တာများ ကဲ့သို့ပင် ပြည်သူတို့၏ သဘောထားအမြင်က အရေးကြီးကြောင်း ၁၉၂၂ ခုနှစ်တွင် ထုတ်ဝေသည့် သူ၏သဘောတရားရေးရာစာအုပ်၌ ရေးသားခဲ့သည်။ ဂျာမန်လူမှုဗေဒသဘောတရားရေးရာ ပညာရှင် ဂျာဂင်ဟာဘာမက်က ပြည်သူတို့၏ သဘောထားအမြင်အကြောင်း ဆွေးနွေးရာတွင် ပြည်သူ့ရပ်ဝန်း (Public Sphere) ဟု သုံးနှုန်းခဲ့သည်။ ပြည်သူ့သဘောထား ထင်မြင်ချက်များ ဖွဲ့စည်းဖြစ်ပေါ်ခြင်းဆီသို့ ဦးတည်သွားရာ၌ ယင်းပြည်သူ့ရပ်ဝန်းက အရေးကြီးသည်။ ယင်းပြည်သူ့ရပ်ဝန်းသည် ဘုံသဘောရပိုင်ခွင့်၊ ကျိုးကြောင်းဆီလျော်သော ငြင်းခုံမှုနှင့် အဆင့်အတန်းကို အလေးမထားမှု ဟူသော စရိုက်လက္ခဏာများကို ဖော်ပြကြောင်း ဟာဘာမက်က အခိုင်အမာ ပြောကြားခဲ့သည်။ သို့သော် သူက ပြည်သူ့သဘောထားအမြင်ကို အကောင်းဆုံး ဖွဲ့စည်းထားသည့် ယင်းစရိုက်လက္ခဏာ သုံးရပ်သည် အနောက်တိုင်းလစ်ဘရယ် ဒီမိုကရေစီနိုင်ငံများတွင် ဆက်လက်၍ တည်ရှိခြင်းမရှိတော့ဟု ယုံကြည်သည်။ အနောက်တိုင်းဒီမိုကရေစီနိုင်ငံများတွင် ပြည်သူ့သဘောထားအမြင်ကို အီလစ်များက အကြီးအကျယ် ကိုင်တွယ် ခြယ်လှယ်လာကြသည်ဟု ဆိုသည်။

အမေရိကန်လူမှုဗေဒပညာရှင် ဟာဘက်ဘလူမာက ပြည်သူတို့နှင့်ပတ်သက်၍ အတူတကွ မတူညီသော တွေးထင်ချက်တစ်ရပ်ကို အဆိုပြုခဲ့သည်။ ဘလူမာက ပြည်သူတို့၏ သဘောထားထင်မြင်ချက်ကို အချိန်တစ်ခု၌ သက်ဆိုင်ရာ ပြည်သူ့အကြောင်းအရာတစ်ရပ်အား ဆွေးနွေးနေသူများဖြင့် ဖွဲ့စည်းထားသော အပြုအမူစုစုပေါင်း၏ ပုံစံတစ်ရပ်အဖြစ် ဆွေးနွေးခဲ့သည်။ သူ၏ဖွင့်ဆိုချက်အရ ပြည်သူဟူသည် များစွာရှိနေပြီး ၎င်းတို့အသီးသီးသည် အကြောင်းအရာတစ်ရပ် ပေါ်ထွက်လာသည့်အခါ ဖြစ်တည်လာပြီး အကြောင်းအရာ တစ်ရပ်ကို ဖြေရှင်းသည့်အခါ ဖြစ်တည်မှု ရပ်စဲသွားသည်ဟု ဆိုသည်။ ဘလူမာက လူများသည် ပြည်သူဟူသော အစုအဝေးထဲသို့ ကွဲပြားခြားနားသော စွမ်းရည်များနှင့် ကွဲပြားခြား နားသောအဆင့်များဖြင့် ပါဝင်ကြသည်ဟု ဆိုသည်။ ထို့ကြောင့် ပြည်သူတို့၏ သဘောထား ထင်မြင်ချက် စစ်တမ်းဟူသည် ပြည်သူဟူသည်ကို တိုင်းတာနိုင်ခြင်းမရှိဟု ဆိုသည်။ ပညာတတ်တစ်ဦး၏ ပါဝင်မှုသည် အရက်သမားတစ်ဦး၏ ပါဝင်မှုထက် ပို၍အရေးကြီးသည်။ လူများ လွတ်လပ်စွာ ဆုံးဖြတ်ချက်ချကြသည့် အစုအဝေးသည် အပြုအမူ အပေါင်းအစု ပုံစံတစ်ရပ်သာဖြစ်ပြီး ပြည်သူဟူသည်နှင့် ကွဲပြားခြားနားသည်ဟု ဆိုသည်။

မည်သို့ပင်ဆိုစေကာမူ ပြည်သူတို့၏ သဘောထားအမြင်ဟူသည် နိုင်ငံရေးရပ်ဝန်း၌ အရေးကြီးသောအခန်းကဏ္ဍမှ ပါဝင်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ ၁၀ ရက်ထုတ် The Daily Eleven သတင်းစာ အယ်ဒီတာ့အာဘော်

မိရိုးဖလာလုပ်ငန်းများနှင့် လုပ်သားရှားပါးမှု

စိုက်ပျိုးရေးနှင့် လက်မှုပညာဆိုင်ရာအပါအ၀င် မိရိုးဖလာလုပ်ငန်းများတွင် လုပ်သားရှားပါးမှုကို ရင်ဆိုင်လာခဲ့ကြရပြီဖြစ်သည်။ မြန်မာ့ရှေးဟောင်းလက်မှုပညာဖြစ်သော ရွှေပြားခတ်၊ ရွှေဆိုင်းလုပ်ငန်းများတွင် လုပ်ကိုင်သူများသည် လုပ်ကိုင်ရလွယ်ကူသက်သာသည့် နည်းပညာနှင့် ဆက်နွှယ်သော လုပ်ငန်းများကိုသာ အားထားလုပ်ကိုင်မှုတို့ကြောင့် ရွှေဆိုင်းလုပ်ငန်းများတွင် လုပ်သားရှားပါးမှုကို ရင်ဆိုင်နေရပြီဖြစ်သည်။

မြန်မာနိုင်ငံ၏ ရွှေဆိုင်းထုတ်လုပ်ရာ အဓိက ဒေသတစ်ခုဖြစ်သော မန္တလေးမြို့ရှိ မျက်ပါးရပ်အတွင်း ရွှေဆိုင်းလုပ်ငန်းလုပ်ကိုင်သူတို့သည် မိရိုးဖလာလုပ်ငန်းအား ရပ်တည်လုပ်ကိုင်ရန် အခက်အခဲများ တွေ့ကြုံနေကြရသည်။ လုပ်ငန်း၏ သဘောသဘာဝအရ  ၀င်ငွေနှင့် အချိန်ယူ လုပ်ဆောင်ရခြင်း၊ ပညာရပ်ပိုင်းဆိုင်ရာ လုပ်ငန်းကျွမ်းကျင်မှုအတွက် အချိန်ကြာမြင့်စွာ သင်ကြားကြရခြင်းတို့ကြောင့် ယင်းလုပ်ငန်းများအပေါ် စိတ်ဝင်စားမှု  နည်းပါးလာသလို လုပ်ငန်းများ၏ တွင်ကျယ်မှုအနေအထား ကျဆင်းလာခြင်းကြောင့်လည်း အခက်အခဲများ တွေ့လာကြရသည်ဖြစ်သည်။ ရွှေဆိုင်းလုပ်ငန်း လုပ်ကိုင်သူတို့ သည် ၁၂ ဂရမ်ရှိသော ရွှေတစ်ထုပ်အား ရွှေဆိုင်းအဖြစ်သို့ အဆင့်ဆင့်လုပ်ဆောင်ကာ ရွှေပြင်ပြီးသည်အထိ လုပ်ခရရှိမှုနည်းပါးခြင်း၊ ရွှေပြင်သည့် လုပ်ငန်းအတွက် လေ့ကျင့်သင်ကြားပေးရာတွင် ကျွမ်းကျင်မှုအတွက် အချိန်တစ်နှစ်ခွဲမှ နှစ်နှစ်နီးပါးအထိ အချိန်ယူ သင်ကြားပေးရခြင်း၊ ကျွမ်းကျင်မှုအပေါ် မူတည်၍ အလေအလွင့် အနည်းအများရှိနိုင်ခြင်းတို့ကြောင့် လည်းကောင်း၊ ရွှေဆိုင်းခတ်လုပ်ငန်းလုပ်ကိုင်ရာတွင် ရွှေဈေးအတတ်အကျ ပေါ်မူတည်ကာ ဈေးအပြောင်းအလဲရှိခြင်း အပါအ၀င် အခြားသော အခြေအနေများက  မိရိုးဖလာလုပ်ငန်းအဖြစ် ရပ်တည်ရန် အခက်အခဲများ တွေ့ကြုံနေကြရခြင်းဖြစ်သည်။

ယင်းအပြင် ဧရာဝတီတိုင်းအတွင်းရှိ နေလှန်းဆားချက်လုပ်ငန်းများတွင်လည်း ဆားတောင်သူများအနေဖြင့် လုပ်သားရှားပါးခြင်းနှင့် ဆားထုတ်လုပ်မှု ကျဆင်းမှုများ တွေ့ကြုံနေရသည်။ ထို့အတူ မန္တ​လေးတိုင်းဒေသကြီး ပုသိမ်​ကြီးမြို့နယ်​အတွင်းတွင် ယခင်က နှင်းဆီစိုက်ဧက အများအပြားရှိရာမှ လုပ်အားရှားပါးမှု၊ မြေနေရာအနေအထားများကြောင့် နှင်းဆီစိုက်တောင်သူများက နေပြည်တော်၊ တောင်ကြီး မြို့တစ်ဝိုက် ရွှေ့ပြောင်း စိုက်ပျိုးနေကြရသည်။ ပုသိမ်​ကြီးမြို့နယ်​အတွင်း  ဒဟတ္တော ကျေးရွာအနီးတစ်ဝိုက် နှင်းဆီ စိုက်တောင်သူ ၂၀၀ ကျော်ရှိရာ လုပ်သားရှားပါးမှု၊ မြေနေရာအနေအထားများကြောင့် ယခုနောက်ပိုင်းတွင် နှင်းဆီစိုက်ပျိုးမှု မပြုလုပ်တော့ဘဲ ပျိုးခြံများပြုလုပ်ကြပြီး အချို့ နှင်းဆီစိုက်တောင်သူများမှာ  ရာသီဥတု ကိုက်ညီသည့် နေပြည်တော်၊ တောင်ကြီးတစ်ဝိုက်သို့ နှင်းဆီစိုက်တောင်သူများက ရွှေ့ပြောင်း စိုက်ပျိုးနေကြရခြင်းဖြစ်သည်။

အထက်ပါ သာဓကဖြစ်စဉ်အချို့ကဲ့သို့ မြန်မာနိုင်ငံအ၀န်းရှိ ဒေသအသီးသီးတွင်    မိရိုးဖလာ တောင်သူလုပ်ငန်းများတွင် လုပ်သားရှားပါးမှုကို ကြုံတွေ့လာရကာ အများစုမှာ  ပြည်ပနိုင်ငံများသို့ ရွှေ့ပြောင်းလုပ်သားများအဖြစ် ထွက်ခွာသွားကြခြင်းဖြစ်သည်။ အများစုမှာ တရားမ၀င်ရွှေ့ပြောင်းလုပ်သားများအဖြစ် ရောက်ရှိသွားကြခြင်းဖြစ်ပြီး နောက်ဆက်တွဲပြဿနာများဖြစ်သည့် သက်ဆိုင်ရာနိုင်ငံ၏ ဥပဒေအရ အရေးယူခံရခြင်း၊ ခေါင်းပုံဖြတ်ခံရခြင်းကဲ့သို့သော အခြေအနေများကို ရင်ဆိုင်ကြရသူများ ရှိနေသည်။

သို့ပါ၍ မိရိုးဖလာလုပ်ငန်းများကဲ့သို့ အသေးစားအလတ်စားလုပ်ငန်းများ၏ ရပ်တည်နိုင်မှု၊ နည်းပညာ၊ လူမှုဝန်းကျင်အပြောင်းအလဲနှင့် လိုက်လျောညီထွေရှိသော အခွင့်အလမ်းများ၊ အခြေအနေများ ဖန်တီးပေးနိုင်ခြင်း၊ မှန်ကန်သော စီးပွားရေးဆိုင်ရာမူဝါဒများဖြင့်သာ ယင်းပြဿနာများအား ဖြေရှင်းနိုင်မည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

 

(နိုဝင်ဘာ ၉ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

စိန်ခေါ်မှုများကို ကျော်လွှားခြင်း

လူတိုင်းသည် ဘ၀၌ခက်ခဲကျပ်တည်းသော စိန်ခေါ်မှုများကို ရင်ဆိုင်ရတတ်သည်။ ထိုအခါ အခက်အခဲအချို့သည် ကျော်လွှားနိုင်ရန် ခက်ခဲနေတတ်သည်။ အထူးသဖြင့် ဖြစ်နိုင်ခြေအလားအလာများက မိမိဘက်သို့ အလေးမသာသည့်အခါတွင် ဖြစ်သည်။ သို့သော် အနေအထားက မိမိဘက်၌ ရှိမနေသောအခါများတွင်လည်း ဆန့်ကျင်ကျော်လွှားရန် မိမိတို့လုပ်ဆောင်နိုင်သည့် တစ်စုံတစ်ရာရှိနေသည်သာ။ စိန်ခေါ်မှုများကို ကျော်လွှားရန် လိုအပ်သည့်အရာမှာ ဘယ်သောအခါမျှ လက်လျှော့အရှုံးမပေးသည့် စိတ်ထားပင်ဖြစ်သည်။ ယင်းစိတ်ထားသာ ဖွံ့ဖြိုး၍လာပါက စိန်ခေါ်မှုများကို အနည်းနှင့်အများ ကျော်လွှားနိုင်မည်သာဖြစ်သည်။ အမှန်တကယ်၌ စိန်ခေါ်မှုဟူသည် သက်ဆိုင်ရာအနေအထား၌ မိမိထံမှ အကောင်းဆုံးအရာကို ဆွဲထုတ်ရန်ဖြစ်သည်။ စိတ်အေးအေးထား၍ ဖြစ်စဉ်ကို အသေအချာစဉ်းစားရန်လိုသည်။ မည်သည့်နည်းနှင့်မျှ ကျရှုံးရန်အကြောင်းမရှိဟူသော စိတ်သဘောထားမျိုး ဖွံ့ဖြိုးလာရန်လိုသည်။ ဘ၀တွင် ပြင်းထန်သည့် အခက်အခဲများနှင့် ပြဿနာများကို တည်တည်ငြိမ်ငြိမ်ဖြင့် ရင်ဆိုင်ရမည်ဖြစ်သည်။

ဘ၀တွင် လူအများစုသည် စိန်ခေါ်မှုများကို ရှောင်ရှားလိုကြသည်။ အဘယ်ကြောင့်ဆိုသော် ကျရှုံးမည်ကို စိုးရိမ်ကြောက်ရွံ့သောကြောင့်ဖြစ်သည်။ စိန်ခေါ်မှုများမှ ထွက်ပြေးခြင်းသည်သာ ကျရှုံးခြင်းမည်၏။ လူတိုင်းကျရှုံးဖူးသည်သာ။ မိမိဘယ်နှကြိမ် ကျရှုံးခဲ့သနည်းဟူသည် ထည့်တွက်ရန်မလိုပါ။ ဘ၀၌ ဘယ်နှကြိမ် ပြန်ထနိုင်ခဲ့သနည်းဟူသည်သာ အရေးကြီးသည်။ ပထမ၊ ဒုတိယ သို့မဟုတ် တတိယမြောက် ကျရှုံးခဲ့သည့်တိုင် အလျှော့ပေးရန်မလိုပါ။ မိမိဘာသာ ပြန်ထလျက် မိမိအဘယ်ကြောင့် ကျရှုံးခဲ့သနည်းဟူသည်ကို လေ့လာသင်ယူလျက် အပြုသဘောဆောင်သည့် လားရာအတိုင်း ရွေ့လျားရမည်ဖြစ်သည်။ ဘယ်အရာက မိမိအားကျရှုံးစေသနည်းဟူသည့်အချက်ကို နားလည်သဘောပေါက်သွားခြင်းသည် စိန်ခေါ်မှုအား ကျော်လွှားရန် နည်းလမ်းကို သဘောပေါက်သွားခြင်းပင်ဖြစ်သည်။ ရင်ဆိုင်နေရသည့် ပြဿနာ သို့မဟုတ် စိန်ခေါ်မှုကို အရိုးရှင်းဆုံးဖြစ်အောင်ပြုလုပ်ပြီး ကျော်လွှားရန် အဆင့်များကို ပိုင်းခြားသတ်မှတ်ရမည်ဖြစ်သည်။ ပြီးမှ တစ်ဆင့်ချင်း တက်သွားရန်လိုသည်။ တစ်ဆင့်ချင်း တက်နေစဉ်အတွင်း မိမိအနေဖြင့် စိန်ခေါ်မှုကို ကျော်လွှားနိုင်မည်ဟူသည့် ယုံကြည်ချက် ပို၍ ပို၍ ဖွံ့ဖြိုးလာနိုင်သည်။

မိမိကိုယ်ကိုယ် အကောင်းမြင်ထားမှုနှင့် မိမိကိုယ်ကိုယ် ယုံကြည်မှုအား ထိန်းသိမ်းထားရမည်ဖြစ်သည်။ စိန်ခေါ်မှုကို ကျော်လွှားရန်အတွက် မိမိအနေဖြင့် ယင်းကိစ္စကို အမှန်တကယ်ပြုလုပ်နိုင်မည်ဖြစ်ကြောင်း ယုံကြည်ချက်ရှိရမည်ဖြစ်သည်။ ကျော်လွှားနိုင်မည့် နည်းလမ်းများအားလုံးကို ရှာဖွေဖော်ထုတ်ပြီး အပြည့်အ၀အသုံးချမှုနှင့် အားထုတ်မှု ပြုလုပ်ရမည်ဖြစ်သည်။ လူများအနေဖြင့် နေ့စဉ်နေ့တိုင်း စိန်ခေါ်မှုအမျိုးမျိုးကို ကျော်လွှားနေရသည်။ ယင်းတွင် အခက်အခဲဆုံးအပိုင်းမှာ မိမိ၏ စိတ်ပိုင်းဆိုင်ရာတည်ငြိမ်မှုကို ထိန်းထားနိုင်ရေးဖြစ်သည်။ စိတ်ထဲ၌ ယုံကြည်မှုဦးစွာမရရှိဘဲ စိန်ခေါ်မှုများကိုကျော်လွှားရန် ခက်လှသည်။ အဆိုးဆုံးကိုမတွေးဘဲ အကောင်းဆုံးကိုသာ တွေးရပေမည်။ ဘ၀တွင် အောင်မြင်သောသူများသည် စိတ်ဓာတ်မကျဘဲ ဘ၀၏အတွေ့အကြုံများကို အနာဂတ်တွင် စိန်ခေါ်မှုများ ကျော်လွှားရေး၌ ကောင်းမွန်စွာ အသုံးချတတ်ကြသည်။

မည်သို့ပင်ဆိုစေကာမူ ဘ၀၌အောင်မြင်သူတစ်ဦး ဖြစ်လာအောင် အခက်အခဲများစွာကို ကျော်လွှားနိုင်သူတစ်ဦး ပြောတတ်သည့် လက်သုံးစကားမှာ “ဘာမဆို ဖြစ်နိုင်တယ်” ဟူ၍သာဖြစ်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ (၈) ထုတ် The Daily Eleven သတင်းစာ အယ်ဒီတာ့အာဘော်

စားသုံးသူအခွင့်အရေးနှင့် အစားအသောက်များ၏ အာခံမချက်

မြန်မာနိုင်ငံတွင် စားသုံးသူအခွင့်အရေးဆိုင်ရာ လိုအပ်ချက်များရှိနေဆဲဖြစ်သည်။ ပြောင်းလဲလာသော လူမှုဝန်းကျင်အနေအထားနှင့်အတူ စားသုံးသူများအတွက် ၀န်ဆောင်မှုပုံသဏ္ဌာန်များလည်း ပြောင်းလဲသွားသည်။ သို့သော် စားသုံးသူအခွင့်အရေးဆိုင်ရာ အာမခံချက်နှင့် ပတ်သက်၍သော်လည်းကောင်း၊ သတ်မှတ်စည်းမျဉ်းစည်းကမ်းများ ရှိသော်လည်း ဥပဒေပါအချက်အလက်များအတိုင်း စားသုံးသူအခွင့်အရေးရရှိမှုနှင့် ပတ်သက်၍ သော်လည်းကောင်း ၀ိဝါဒကွဲပြားစရာ အခြေအနေများရှိနေဆဲဖြစ်သည်။

စားသုံးသူအခွင့်အရေးချိုးဖောက်ခံရခြင်းနှင့် ပတ်သက်၍ မြန်မာနိုင်ငံတွင် နေ့စဉ်စားသုံးနေသော်လည်း ကုန်ကျသလောက် ခံစားရခြင်းမရှိသူများကို မြင်တွေ့နေရပြီး မြန်မာစားသုံးသူများသမဂ္ဂသို့ တိုင်ကြားမှုများတွင် အစားအသောက်ကိစ္စ ပိုမိုများပြားကြောင်း၊ မြန်မာနိုင်ငံ၌ စားသုံးသူအခွင့်အရေး ချိုးဖောက်ခံရမှုများရှိနေပြီး သက်ဆိုင်ရာတာဝန်ရှိသူများက ဥပဒေရေးဆွဲပြဋ္ဌာန်းသော်လည်း အားနည်းချက်များရှိနေသည့်အပြင် ၀န်ထမ်းယန္တရား အားနည်းချက်များလည်း ရှိနေခြင်းဖြစ်ကြောင်း သုံးသပ်မှုများရှိနေသည်။

စားသုံးသူအခွင့်အရေးနှင့် ပတ်သက်၍ များစွာကျယ်ပြန့်သလို အစားအသောက်များ၏ အာမခံနိုင်မှုမှာလည်း များစွာအရေးပါလျက်ရှိပါသည်။ ယင်းကဲ့သို့ အစားအသောက်များ၏ အာမခံချက်အရေးပါမှုအနက် ကလေးငယ်များနှင့် သက်ဆိုင်သော အရေးမှာလည်း အလေးထားသင့်သည့် ကိစ္စတစ်ခုပင်ဖြစ်ပါသည်။ ကျန်းမာရေးဝန်ကြီးဌာန၊ မြန်မာနိုင်ငံအစားအသောက်နှင့် ဆေးဝါးအာဏာပိုင်အဖွဲ့ အမိန့်ကြေညာစာ အမှတ် ၂၂/၂၀၁၄ ခုနှစ် ဇူလိုင် ၂၄ ရက်မှစ၍ နို့စို့ကလေးနှင့် ကလေးငယ်အတွက် ဖော်စပ်ထုတ်လုပ်ထားသော အစားအသောက်များ ဈေးကွက်တင်ခြင်းဆိုင်ရာအမိန့်ကို ထုတ်ပြန်ခဲ့ပြီဖြစ်သော်လည်း လိုက်နာမှုအားနည်းချက်များရှိနေဆဲဖြစ်သည်။ မြန်မာနိုင်ငံ၏ အာဟာရမြှင့်တင်ရေးလှုပ်ရှားမှု အရပ်ဘက်လူမှုအဖွဲ့အစည်းကွန်ရက် (SUN CSA) မှ နို့စို့ကလေးနှင့် ကလေးငယ်အတွက် ဖော်စပ်ထုတ်လုပ်ထားသော အစားအသောက်များ ဈေးကွက်တင်ခြင်းဆိုင်ရာအမိန့်နှင့် ပတ်သက်၍ လေ့လာစောင့်ကြည့်မှုများပြုလုပ်ခဲ့ပြီး လိုက်နာမှုမရှိသည့် ကုန်တိုက်များနှင့် ဈေးကွက်အတွင်းတင်သွင်း ဖြန့်ဖြူးရောင်းချနေမှုများကို သက်ဆိုင်ရာသို့ထံ တင်ပြထားမှုနှင့်ပတ်သက်၍ အရေးယူမှုမရှိသေးသည့်အပေါ် ဝေဖန်မှုများလည်းရှိနေသည်။

သို့သော် နို့စို့ကလေးနှင့် ကလေးငယ်များအတွက် ဖော်စပ်ထုတ်လုပ်ထားသော အစားအသောက်များ ဈေးကွက်တင်ခြင်းဆိုင်ရာ အမိန့်စာပါ စည်းကမ်းချက်များကို လိုက်နာမှုရှိ မရှိ ရန်ကုန်တိုင်းဒေသကြီးအတွင်းရှိ စူပါမားကက်များ အပါအ၀င် လက်လီ/လက်ကား အရောင်းဆိုင်များကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာနမှအခါ အားလျော်စွာစစ်ဆေးလျက်ရှိကြောင်း၊ နို့စို့ကလေးနှင့် ကလေးငယ်များအတွက် အွန်လိုင်းတွင် ရောင်းချနေသည့် အစားအသောက်များကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာနက အာမခံချက်မပေးကြောင်း သိရသည်။

သို့ပါ၍ အစားအသောက်ဆိုင်ရာအပါအ၀င် စားသုံးသူအခွင့်အရေးနှင့် အစားအသောက်များ၏ အာခံမချက်မှာ နယ်ပယ်ကဏ္ဍအလိုက် အရေးပါလျက်ရှိသည်ဖြစ်ရာ တင်သွင်းထုတ်လုပ်ရောင်းချသူများအနေဖြင့် သတိပြုသင့်သလို လိုအပ်သော စစ်ဆေးအရေးယူမှုများအတွက်လည်း သက်ဆိုင်ရာအလိုက် ပိုမိုအလေးထားသင့်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ (၇) ထုတ် The Daily Eleven သတင်းစာ အယ်ဒီတာ့အာဘော်

တရားမျှတမှုမရှိသော ခြိမ်းခြောက်အနိုင်ကျင့်တောင်းဆိုမှုများနှင့် နိုင်ငံ၏အချုပ်အခြာအာဏာ

ရခိုင်ပြည်နယ်၌ သြဂုတ်လနှောင်းပိုင်းတွင် အကြမ်းဖက်ဖြစ်စဉ်များ ဖြစ်ပွားခဲ့ပြီးနောက်  ဘင်္ဂလားဒေ့ရ်ှနိုင်ငံသို့  ထွက်ပြေးသွားခဲ့ကြသည့် ဘင်္ဂါလီမွတ်စလင်များအား ပြန်လည်လက်ခံရေးအတွက် ဘင်္ဂလားဒေ့ရ်ှနိုင်ငံက နိုင်ငံတကာအကူအညီများရယူကာ အဆမတန်ဖိအားများ ပေးလျက်ရှိသည်။ နှစ်ဦးနှစ်ဖက်ညှိနှိုင်းရာ၌ ပြေလည်ခြင်း မရှိသေးသည့်အချိန် နိုဝင်ဘာ ၂ ရက်တွင် ကုလသမဂ္ဂဒုက္ခသည်များဆိုင်ရာ မဟာမင်းကြီး ဖိလစ်ပိုဂရန်ဒီက ဘင်္ဂါလီဒုက္ခသည်များအား ရခိုင်ပြည်နယ်သို့ ပြန်လာခွင့်ပြုရာတွင် ၎င်းတို့အား နိုင်ငံသားဖြစ်ခွင့် အာမခံချက်ပေးရမည်ဟု ပြောကြားခဲ့သည်။  ၎င်းတို့အား နိုင်ငံသားအဖြစ် သတ်မှတ်ရမည်ဆိုသော မြန်မာနိုင်ငံ၏အချုပ်အခြာအာဏာကို ထိပါးစေသည့်မှတ်ချက်မျိုးသည် ပရော်ဖက်ရှင်နယ်မဆန်သော (Unprofessional) လုပ်ရပ်ဖြစ်ပြီး ကုလသမဂ္ဂ၏ တာဝန်ရှိသူတစ်ဦးအနေဖြင့် ၎င်းနှင့်မသက်ဆိုင်ဘဲ မလုပ်သင့် မလုပ်ထိုက်သော အနေအထားမျိုးဖြင့် ၀င်ရောက်စွက်ဖက်ခဲ့ခြင်းသာ ဖြစ်သည်။ ယင်းမတိုင်မီက အမေရိကန်သည် မြန်မာနိုင်ငံကို အရေးယူပိတ်ဆို့မှုများ ပြုလုပ်မည်ဟု ခြိမ်းခြောက်ခဲ့သည်။ ယခုအခါ လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW) က ကုလသမဂ္ဂလုံခြုံရေးကောင်စီမှတစ်ဆင့် အပြည်ပြည်ဆိုင်ရာရာဇ၀တ်မှုတရားရုံး (ICC) သို့ လွှဲပြောင်းရန်အထိပင် တောင်းဆိုလာခဲ့သည်။ ရခိုင်အရေးတွင် အမှန်တကယ်၌ လူမျိုးသုဉ်းသတ်ဖြတ်ခဲ့သည်ဟုဆိုသော အလွန်အကျွံလုပ်ဆောင်ခဲ့သည့် သက်သေအထောက်အထားများ ရရှိခဲ့ခြင်းမရှိသော်လည်း မြန်မာနိုင်ငံအနေဖြင့် တတ်နိုင်သမျှ လိုက်လျောခဲ့ပြီးဖြစ်သည်။

မြန်မာနိုင်ငံမှ ဌာနေတိုင်းရင်းသားများနှင့် ဟိန္ဒူဘာသာဝင်များ ရက်စက်စွာသတ်ဖြတ်ခံရခြင်းများကိုမူ နိုင်ငံတကာအနေဖြင့် ထည့်သွင်းပြောကြားခဲ့ကြခြင်းမျိုး မရှိသည့် ဘက်လိုက်မှုမျိုးကိုလည်း တွေ့ရှိရသည်။ ယခုအထိ သတ်ဖြတ်ခံရမှုများ ရှိနေဆဲဖြစ်သည်။ ဥပမာအားဖြင့် နိုဝင်ဘာ ၂ ရက် မွန်းလွဲ ၁ နာရီတွင် မောင်တောမြို့နယ်တောင်ပိုင်း သရေကုန်းဘောင်ကျေးရွာမှ ငါးရှာသွားသည့် ရွာသားများအား တုတ်၊ ဓား၊ ပုဆိန် ကိုင်ဆောင်ထားသော ဘင်္ဂါလီများက တိုက်ခိုက်ခဲ့မှုဖြစ်သည်။ ယင်းသည်  တပ်မတော်မှ လုံခြုံရေးကို  ပြန်လည်လျှော့ချခဲ့ပြီးနောက် ဖြစ်ပွားခဲ့သော ဖြစ်စဉ်များထဲမှ တစ်ခုဖြစ်သည်။ ယင်းကဲ့သို့သော မြေပြင်အခြေအနေရပ်နှင့်ပတ်သက်၍ နိုင်ငံတကာအသိုင်းအ၀ိုင်းက အရေးတယူ ပြောကြားခဲ့ခြင်းမရှိဘဲ တစ်ဖက်သတ် လုပ်ဆောင်လာခဲ့ခြင်းများသည် မြန်မာနိုင်ငံ၏အချုပ်အခြာအာဏာကို လေးစားမှုမရှိဘဲ နိုင်ငံတည်တံ့ခိုင်မြဲရေးကို အကြီးအကျယ် ခြိမ်းခြောက်မှုဖြစ်ပေါ်အောင် ပုံဖော်နေသကဲ့သို့ ရှိသည်။  ဘင်္ဂလားဒေ့ရ်ှနိုင်ငံမှ Safe Zone တောင်းဆိုခြင်းမျိုးသည်လည်း မြန်မာနိုင်ငံ၏အချုပ်အခြာအာဏာပိုင်ဆိုင်မှုကို ထိပါးရာ ရောက်နေသည်။

မြန်မာနိုင်ငံသည် ၁၉၄၈ ခုနှစ်တွင် လွတ်လပ်ရေးရရှိခဲ့ပြီးကတည်းက ရန်ကုန်အစိုးရဟု ခေါ်တွင်ခဲ့ရသည်အထိ ရောင်စုံသူပုန်များ အရေးပေါ်ပေါက်ခဲ့သည့် အခြေအနေများ၌ပင်လျှင် ယခုကဲ့သို့အထိ အချုပ်အခြာအာဏာကို ထိပါးခံခဲ့ရခြင်းမျိုး မရှိခဲ့ပါ။ ၁၉၅၃ ခုနှစ်တွင် တရုတ်ဖြူတို့၏ကျူးကျော်မှု ပေါ်ပေါက်ခဲ့ပြီး ၁၉၇၀ ၀န်းကျင်၌ ကွန်မြူနစ် (တရုတ်နီ) တို့က မြန်မာနိုင်ငံမှ ကွန်မြူနစ်ပါတီကို အကြောင်းပြပြီး စစ်တပ် စေလွှတ်ခဲ့သော်လည်း မြန်မာနိုင်ငံ၏အချုပ်အခြာအာဏာမှာ ယခုကာလကဲ့သို့ ထိပါးခံခဲ့ရခြင်းမျိုး မရှိခဲ့ပေ။ ၎င်းအပြင် မြန်မာနိုင်ငံအနေဖြင့် နှစ်ပေါင်း ၅၀ ခန့် စစ်အာဏာရှင် စနစ်တစ်လျှောက်လုံး နိုင်ငံတကာအသိုင်းအ၀ိုင်း၏ အပယ်ခံဖြစ်ကာ တိုင်းပြည်၏စီးပွားရေး ချွတ်ခြုံကျခြင်း၊ နိုင်ငံရေး ချွတ်ခြုံကျခြင်းများဖြစ်ပေါ်ခဲ့ရသည့် အခြေအနေမျိုး၌ပင်လျှင် မြန်မာနိုင်ငံ၏ အချုပ်အခြာအာဏာအား ယခုကဲ့သို့အထိ ထိပါးခံရခြင်းမျိုး မရှိခဲ့ပါ။ လွတ်လပ်ရေးရပြီး နှစ်ပေါင်း ၇၀ နီးပါးအတွင်း ယခုအကြိမ်သည် မြန်မာနိုင်ငံ၏ အချုပ်အခြာအာဏာနှင့်ပတ်သက်၍ အထိပါးခံရဆုံးအခြေအနေကို ကြုံတွေ့နေရခြင်းဖြစ်သည်။

ဘင်္ဂလားဒေ့ရှ်၊ အစ္စလာမ္မစ်နိုင်ငံများပူးပေါင်းဆောင်ရွက်ရေးအဖွဲ့ (OIC)  အဖွဲ့ဝင်နိုင်ငံများ၊ အနောက်နိုင်ငံအချို့နှင့် ကုလသမဂ္ဂတို့သည် ပြည်ထောင်စုပြိုကွဲရေးဆီသို့ ဦးတည်သွားစေနိုင်သည့် ဖိအားပေးမှုများဖြင့်  မြန်မာနိုင်ငံ၏အချုပ်အခြာအာဏာ၊ နိုင်ငံတည်တံ့ရေးနှင့် လုံခြုံရေးကို ခြိမ်းခြောက်သည့်အခြေအနေနှင့် ရင်ဆိုင်လာရအောင်  စနစ်တကျ လုပ်ဆောင်နေသကဲ့သို့ ရှိသည်။  ယင်းကဲ့သို့ အခြေအနေမျိုးတွင် မြန်မာ့အချုပ်အခြာအာဏာနှင့် ပြည်ထောင်စုတည်မြဲရေးအတွက် သတိထားရမည့် အရေးကြီးဆုံးအချိန်ကို ရောက်ရှိလာပြီဖြစ်သည်။ ထို့ကြောင့် မြန်မာ့အချုပ်အခြာအာဏာကို ထိပါးနိုင်သည့် တောင်းဆိုမှုများကို မည်သည့်အခါမှ လိုက်လျောခြင်းမပြုရန် အရေးကြီးသည်။ သို့သော် မြန်မာနိုင်ငံသားများသည် ကမ္ဘာကထင်နေသကဲ့သို့ အစွန်းရောက်သူများ၊ လူမျိုးရေးနှင့် ဘာသာရေး ခွဲခြားနေသူများ မဟုတ်ကြောင်း၊ လူ့အခွင့်အရေးကို မလေးစားသည့်သူများ မဟုတ်ကြောင်း သိမြင်လာကြစေရေးမှာလည်း အရေးကြီးသည်။ ဘင်္ဂါလီမွတ်စလင်များနှင့်ပတ်သက်၍ လူသားချင်းစာနာမှုနှင့် အကြမ်းဖက်ကိစ္စဟူ၍ ခွဲခြားမြင်နိုင်ရန် အရေးကြီးသည်။  အခြားတစ်ဖက်တွင်လည်း အမှန်တကယ် ပြဿနာများ၊ အကျပ်အတည်းများ၊ အကြမ်းဖက်မှုများနှင့် ရင်ဆိုင်နေရသည့် ရခိုင်တိုင်းရင်းသားများအရေးကို နိုင်ငံတကာအသိုင်းအ၀ိုင်းရော အစိုးရကပါ ထည့်သွင်းစဉ်းစားခြင်း မရှိသည်ကိုလည်း တွေ့ရှိရသည်။ ရခိုင်တိုင်းရင်းသား လူမျိုးများနှင့်ဆိုင်သောအရေးကိစ္စ၌ ရခိုင်တိုင်းရင်းသားလူမျိုးများ၏ ဆန္ဒမပါဘဲ မည်သည့်ဆုံးဖြတ်ချက်မျိုးကိုမျှ မချသင့်ပါ။ ယင်းသည် တိုင်းရင်းသား စည်းလုံးညီညွတ်ရေးအတွက် အလွန်အရေးပါပြီး ပြည်ပမှ ယခုကဲ့သို့ အလွန်အကျွံ ဖိအားပေးဆောင်ရွက်မှု များပြုလုပ်နေခြင်းသည် မြန်မာနိုင်ငံအား အစိတ်စိတ်အမြွှာအမြွှာပြိုကွဲအောင် Balkanization လုပ်နေခြင်းသာ ဖြစ်သည်။

ယခုကြုံတွေ့နေရသော တရားမျှတမှုမရှိသည့် တောင်းဆိုမှုများ၊ ပိတ်ဆို့ရန် ခြိမ်းခြောက်မှုများ၊ အပြည်ပြည်ဆိုင်ရာရာဇ၀တ်တရားရုံးသို့ တင်ရန် ခြိမ်းခြောက်မှုများသည် မြန်မာ့လွတ်လပ်ရေးသက်တမ်း နှစ် ၇၀ အတွင်း အချုပ်အခြာအာဏာနှင့် ပြည်ထောင်စုအပေါ် အကြီးမားဆုံး ခြိမ်းခြောက်မှုများဖြစ်သည်။ မြန်မာနိုင်ငံ ရခိုင်အရေးမှအစပြုပြီး နုနယ်သော မြန်မာ့ဒီမိုကရေစီနှင့် အချုပ်အခြာကို ထိပါးသော တရားမျှတခြင်းမရှိသည့် ခြိမ်းခြောက်အနိုင်ကျင့်တောင်းဆိုမှုများအား ဒူးမထောက်ဘဲ ညီညွတ်စွာဖြင့် ကြံ့ကြံ့ခံနိုင်ရေးမှာ အရေးကြီးကြောင်း The Daily Eleven သတင်းစာက သုံးသပ်ရေးသား တိုက်တွန်းအပ်ပါသည်။

 

(နိုဝင်ဘာ ၅ ရက်ထုတ် The Daily Eleven သတင်းစာ၏ အယ်ဒီတာ့အာဘော်)

ရာသီဥတု အပြောင်းအလဲနှင့် လိုက်လျောညီထွေဖြစ်စေမည့် ကြိုတင်ပြင်ဆင်မှုများ

စစ်တမ်းများ၊ ပညာရှင်များ၏ လေ့လာတွေ့ရှိချက်များ၊ ထုတ်ပြန်ချက်များအရ ကမ္ဘာလုံးဆိုင်ရာ ရာသီဥတု အပြောင်းအလဲများ၏ သက်ရောက်မှုများအပေါ် လိုအပ်သော ကြိုတင်ပြင်ဆင်မှုများ၊ လိုက်လျောညီထွေဖြစ်စေမည့် မူဝါဒများ ချမှတ်ရန် လိုအပ်မည်ဖြစ်သည်။ မြန်မာနိုင်ငံ၏ ရာသီဥတုသည် လာမည့်ဆယ်စုနှစ်များအတွင်း သိသိသာသာ ပြောင်းလဲသွားမည်ဟု ခန့်မှန်းထားပြီး နေရာဒေသတိုင်းတွင် အပူချိန် ၁ ဒသမ ၃ မှ ၂ ဒသမ ၇ ဒီဂရီစင်တီဂရိတ်အထိ မြင့်တက်လာမည်ဟု ခန့်မှန်းထားသည်။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ထုတ်ပြန်ခဲ့သည့် မြန်မာနိုင်ငံ သဘာဝဘေးအန္တရာယ် ဆုံးရှုံးလျော့ပါးရေး လုပ်ငန်းစီမံချက် ၂၀၁၇ တွင် ဖော်ပြခဲ့သည့် ရာသီဥတုပြောင်းလဲမှုဆိုင်ရာ ခန့်မှန်းတွက်ချက်မှုများအရ မကြာသေးမီက ပြုလုပ်ခဲ့သည့် လေ့လာမှုတစ်ရပ်အရ လာမည့်ဆယ်စုနှစ်များအတွင်း သိသိသာသာ ပြောင်းလဲသွားမည်ဟု ခန့်မှန်းတွက်ချက်ထားပြီး အဓိကတွေ့ရှိချက် ငါးချက်ရှိကြောင်း ဖော်ပြထားသည်။

၂၁ ရာစုအလယ်တွင် မြန်မာနိုင်ငံအတွင်းရှိ နေရာဒေသတိုင်း၌ အပူချိန်သည် ၁ ဒသမ ၃ ဒီဂရီစင်တီဂရိတ်မှ ၂ ဒသမ ၇ ဒီဂရီစင်တီဂရိတ်အထိ မြင့်တက်လာမည်ဖြစ်ကြောင်း၊ နိုင်ငံအရှေ့ပိုင်းနှင့် မြောက်ပိုင်းရှိ တောင်ပေါ်ဒေသများတွင် ပူနွေးလာမှုမှာ အသိသာဆုံးဖြစ်ပြီး နွေရာသီတွင် ပျမ်းမျှအပူချိန် ၃ ဒီဂရီစင်တီဂရိတ်အထိ မြင့်တက်လာနိုင်ကြောင်း၊ ကမ်းရိုးတန်းတစ်လျှောက် ပင်လယ်ရေမျက်နှာပြင် မြင့်တက်မှုများကို ခန့်မှန်းတွက်ချက်ထားရာ ရာစုအလယ်တွင် ၂၀ စင်တီမီတာမှ ၄၁ စင်တီမီတာအထိ မြင့်တက်လာနိုင်ဖွယ်ရှိကြောင်း ခန့်မှန်းတွက်ချက်ထားသည်။

ရာသီဥတုပြောင်းလဲမှုကြောင့် အမြင့်မားဆုံး ဘေးအန္တရာယ်ခြောက်မျိုး ကျရောက်နိုင်ကြောင်း သိရသည်။ ယင်းသို့သော ဘေးအန္တရာယ်များအတွက် သတိပြုရမည့် ဒေသများအဖြစ် မြန်မာနိုင်ငံ အလယ်ပိုင်း၊ ကမ်းရိုးတန်းဒေသများကို ထည့်သွင်း သတ်မှတ်ထားသည်။ အပူချိန်မြင့်မားခြင်း၊ မိုးခေါင်ခြင်း၊ ဆိုင်ကလုန်းမုန်တိုင်းနှင့် လေပြင်းတိုက်ခတ်ခြင်း၊ မိုးကြီးခြင်း၊ ပင်လယ်ရေမြင့်တက်ခြင်း စသည်တို့ဖြစ်သည်။ မြန်မာနိုင်ငံ အလယ်ပိုင်းဒေသများသည် အပူချိန်မြင့်မားခြင်းအတွက် ပိုမိုသတိပြုသင့်သည်။ စစ်ကိုင်း၊ မန္တလေးနှင့် မကွေးဒေသတို့မှာ မိုးခေါင်ခြင်းနှင့် သောက်သုံးရေပြတ်လပ်ခြင်းများအတွက် သတိပြုရမည်ဖြစ်သလို၊ မိုးကြီးခြင်းအတွက် ကမ်းရိုးတန်းဒေသများ၊ ရေကြီးခြင်းကို ရခိုင်ပြည်နယ်၊ ဧရာဝတီတိုင်း၊ ရန်ကုန်တိုင်းနှင့် ပဲခူးတိုင်းတို့တွင် ကျရောက်နိုင်သလို ဆိုင်ကလုန်းမုန်တိုင်းနှင့် လေပြင်းတိုင်ခတ်မှုများ အတွက်လည်း သတိပြုရလေ့ရှိသော ဒေသများအဖြစ် ယေဘုယျ ခန့်မှန်းချက်များအဖြစ် တွေ့ရသည်။ မည်သို့ပင်ဆိုစေ သိသိသာသာ ပြောင်းလဲလာသော သဘာ၀၀န်းကျင်နှင့် ရာသီဥတုဆိုင်ရာ အပြောင်းအလဲများအတွက် အချိန်အခါအလိုက် အလေးထား ပြင်ဆင်သင့်သည်မှာ အမှန်ဖြစ်ပါသည်။ ယင်းအပြင် ရာသီဥတု ပြောင်းလဲမှုများနှင့်အတူ စိုက်ပျိုးရေးသွင်းအားစုများ ဈေးနှုန်းကြီးမြင့်ခြင်း၊ တောင်သူများ အနေဖြင့် ရင်းနှီးမြှုပ်နှံမှုဆိုင်ရာ ငွေကြေးမလုံလောက်ခြင်း ကဲ့သို့သော နောက်ဆက်တွဲ သက်ရောက်မှုများကိုပါ ထည့်သွင်း စဉ်းစားသင့်ပါသည်။

သို့ပါ၍ ရာသီဥတုအပေါ် မှီခိုနေရသည့်အတွက် ရာသီဥတု အပြောင်းအလဲနှင့် သဘာဝဘေးအန္တရာယ်ဆိုင်ရာများအတွက် မလိုလားအပ်သော ဆိုးကျိုးများမပေါ်ပေါက်စေရန် လိုအပ်သော အစီအမံများ လိုက်လျောညီထွေဖြစ်စေမည့် ကြိုတင်ပြင်ဆင်မှုများအတွက် သက်ဆိုင်ရာကဏ္ဍအလိုက် ပူးပေါင်းလုပ်ဆောင်ကြရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ ၄ ရက်ထုတ် The Daily Eleven သတင်းစာ အယ်ဒီတာ့အာဘော်

ပညာတတ်သော လူတစ်ဦး

ပညာတတ်သော လူတစ်ဦး ဟူသည် အဘယ်နည်း။ အထူးသဖြင့် တက္ကသိုလ် ကောလိပ် ပရိဝုဏ်အတွင်း အရေးအကြီးဆုံး မေးခွန်းတစ်ခုလည်း ဖြစ်သည်။ တက္ကသိုလ် ကောလိပ်များက လူများကို ပညာတတ်များအဖြစ် ပြောင်းလဲပေးကြသည်။ ဆေးပညာ၊ အင်ဂျင်နီယာပညာနှင့် ဥပဒေပညာ အစရှိသဖြင့် ပညာရပ် အမျိုးမျိုးကို တက္ကသိုလ် ကောလိပ် ပရိဝုဏ်အတွင်း သင်ယူရသူတို့သည် ယင်းကဲ့သို့ သင်ယူခွင့် မရသည့် သာမန်လူများထက် ပညာတတ်ရန် အခွင့်အလမ်း သာလွန်ပေသည်။ ယင်းအတွေ့အကြုံတို့သည် လူတစ်ဦးအား စိတ်ကူးများ၊ အတွေးအမြင်များ၊ စေ့ဆော်မှုများ ပြည့်နေသည့် နတ်ရေကန်တစ်ခု အတွင်းသို့ စိမ်ပေးလိုက်ခြင်း မည်ပေသည်။ သမုဒ္ဒရာ အတွင်းသို့ ခုန်ချလိုက်ပြီး ကမ်းခြေ အသီးသီးသို့ မျှော်မှန်းကာ လားရာအမျိုးမျိုးသို့ ကူးခတ်သွားခြင်း မည်ပေသည်။ လေ့ကျင့်ခန်းများသည် ဖြစ်တည်မှုနှင့် ပတ်သက်သော ရည်မှန်းချက်ထက် မလျော့သော အရာများနှင့် ပတ်သက်၍ တစ်သက်တာလုံး ရောင်ပြန်ဟပ်နေမည့် အရာများကို လှုံ့ဆော်ရန် ဒီဇိုင်းရေးဆွဲထားခြင်း ဖြစ်သည်။ “ကျွန်တော်က ဘယ်သူလဲ”၊ “ကျွန်တော် ဖြစ်လာချင်တာက ဘာလဲ”၊ “အဲဒီလိုဖြစ်အောင် ဘယ်လိုလုပ်ရမလဲ” ဟူသော မေးခွန်းများကို ကျောင်းသားများက မေးကြမည်ဖြစ်သည်။

တက္ကသိုလ်ကောလိပ်တို့ဟူသည် ယင်းမေးခွန်းများကို အထပ်ထပ် မေးနေခြင်းသာ ဖြစ်သည်။ ပညာတတ်သော ဘ၀တစ်ခုသည်လည်း ယင်းမေးခွန်းများကို လုပ်ငန်းခွင်အတွင်း၊ မိသားစု အတွင်းနှင့် စိတ်ပိုင်းဆိုင်ရာ ကဏ္ဍအတွင်း ဆက်လက်မေးနေစေရန်သာ ဖြစ်သည်။ ပညာတတ် တစ်ဦးဟူသည် မိမိနှင့် ပတ်သက်၍ အလေးအနက် တွေးတတ်သော၊ မိမိကိုယ်မိမိ ကောင်းစွာ သတိပြုတတ်သော လူတစ်ဦးဖြစ်သည်။ ပညာတတ်သော လူတစ်ဦးသည် အရာများစွာတို့ကို သိသကဲ့သို့ မိမိ မသိသေးသော အရာများစွာ ရှိကြောင်းကိုလည်း သဘောပေါက်သူဖြစ်သည်။ ပညာတတ်အောင် ပြုလုပ်ခြင်းသည် ကမ္ဘာလောက၏ များစွာသော အစိတ်အပိုင်းနှင့် ပတ်သက်၍ နှိမ့်ချမှု ပြုစေရန်ဖြစ်ပြီး ပါရမီ အမြင့်မားဆုံး သူ၌ပင်လျှင် အကန့်အသတ်များ ရှိကြောင်း သိရှိစေသည်။ တက္ကသိုလ် ကောလိပ် ပညာရေး၏ အခြေခံသည် ကမ္ဘာကြီး မည်မျှ ကျယ်ပြောကြောင်းနှင့် ယင်း၌ ပါဝင်သည့် အရာများအကြောင်း သိမြင်စေရန်ဖြစ်သည်။ ပညာတတ်သောသူသည် အရာရာ၌ ကျွမ်းကျင်သူဖြစ်ကြောင်း မိမိကိုယ်မိမိ မတွေးရုံမက ယင်းတို့အနက် တစ်စိတ်တစ်ပိုင်းကိုပင် မိမိကျွမ်းကျင်သည်ဟု ထင်မထားပေ။ သူသည် ကျယ်ပြောလှသော အရာ၏ အချို့သော အရာများကို သိမြင်နိုင်ရန် ကြိုးပမ်းပြီး လုပ်သင့်လုပ်ထိုက်သော လမ်းကြောင်းများကို ရေးဆွဲကာ ခရီးစဉ်ကပေးသည့် ရေရှည်တည်တံ့သော တန်ဖိုးများ၏ အဓိပ္ပာယ်ကို ရှာဖွေသည်။

ဦးတည်ရာမဲ့ ပြန့်ကျဲနေသော၊ ပြိုင်ဆိုင်မှု ပြင်းထန်သော ကမ္ဘာကြီး၌ လူတစ်ဦး အနေဖြင့် လိုက်လံ ရှာဖွေရန်အတွက် အဓိပ္ပာယ်များနှင့် တန်ဖိုးများနှင့် ပတ်သက်၍ ရင်းမြစ်များကို ပေးခြင်းသည် တက္ကသိုလ် ကောလိပ် ပညာရေးဖြစ်သည်။ သမုဒ္ဒရာ ဥပမာအရ ပြောရလျှင် မြင့်မားသည့် ပညာရေး မရှိသော ဘ၀သည် ကောင်းစွာ မမြင်ရဘဲ ရေထဲ၌ ကူးခတ်နေခြင်းနှင့် တူ၏။ ပို၍ ပို၍ မြင်လာရစေရန်အတွက် ပညာရေးက အကူအညီ ပေးနိုင်သည်။ ပျမ်းမျှသဘောအရ ပညာတတ်လျှင် ၀င်ငွေမြင့်မားနိုင်သော်လည်း တက္ကသိုလ်ကောလိပ် ပညာရေးဟူသည် ၀င်ငွေရှာရန် ပါဝါမြင့်မားရေး မဟုတ်ပါ။ တက္ကသိုလ်ကောလိပ်ဟူသည် စူးစမ်း ရှာဖွေရေးနှင့် ကြီးပြင်း ရင့်ကျက်ရေးဖြစ်သည်။ ဉာဏ်ပညာတို့နှင့် အသိဉာဏ်တို့အတွက် ပြင်းထန်သော လေ့ကျင့်ခန်းသာဖြစ်သည်။ ပညာတတ်သူ တစ်ဦးသည် နေရာတကာ၌ စမတ်ကျနေမည် မဟုတ်သော်လည်း ပိုမိုချမ်းသာ ကြွယ်ဝသူနှင့် မိမိဝန်းကျင်ရှိ အရာများနှင့် ပတ်သက်၍ ပို၍ရှုပ်ထွေးသော အရာများကို နားလည်သဘောပေါက်သူ ဖြစ်နိုင်သည်။

လူသားတို့၏ အတွေ့အကြုံနှင့် ပတ်သက်သော အရောင်အမျိုးမျိုး၊ ပုံသဏ္ဌာန် အမျိုးမျိုးနှင့် အရွယ်အစား အမျိုးမျိုးတို့ကို ကောင်းမွန်စွာ သိမြင်လျက် ယင်းမှနေ၍ အကျိုးကျေးဇူး ရရှိအောင် ပြုလုပ်ရန်အတွက် ပညာတတ်သော လူတစ်ယောက် ဖြစ်ရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

(နိုဝင်ဘာလ ၃ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ဆင်းရဲမွဲတေမှုလျော့ပါးစေရန်

ဆင်းရဲမွဲတေမှုပြဿနာအား လျော့ပါးစေရေးနှင့် လူတန်းစားကွာဟမှုနည်းပါးစေရန် လုပ်ဆောင်နိုင်မှသာလျှင် အဆင်းရဲဆုံးနိုင်ငံများအဖြစ်မှ လွတ်မြောက်နိုင်မည်ဖြစ်ပါသည်။ ယင်းသို့ လုပ်ဆောင်ရာ၌ စီမံခန့်ခွဲမှုအလွဲများနှင့် အဂတိလိုက်စားမှုပြဿနာများကို နိုင်နင်းစွာကိုင်တွယ်ဖြေရှင်းရန် အရေးပါမည်ဖြစ်ပါသည်။

မြန်မာနိုင်ငံသည်လည်း ခေတ်အဆက်ဆက် စီမံခန့်ခွဲမှုအလွဲများနှင့် အဂတိလိုက်စားမှု ပြဿနာများကြောင့် အဆင်းရဲဆုံးနိုင်ငံများ စာရင်းဝင်ခဲ့ရသည်။ ထို့ကြောင့် သဘာဝသယံဇာတများနှင့်အတူ ပထ၀ီနိုင်ငံရေး အခြေအနေများအရ အားသာမှုများ အား စနစ်တကျ မှန်မှန်ကန်ကန် အသုံးပြုနိုင်ခြင်း အပါအ၀င် လုပ်ဆောင်သင့်လုပ်ဆောင်ထိုက်သည်များအား စနစ်တကျ လုပ်ဆောင်နိုင်ရေးမှာ အရေးကြီးမည်ဖြစ်ပါသည်။

ယင်းအပြင် ကုန်ဈေးနှုန်းမြင့်တက်ခြင်းနှင့် ငွေကြေးဖောင်းပွခြင်းကဲ့သို့သော ပြဿနာရပ်များအား စနစ်တကျ ကိုင်တွယ်နိုင်မှသာလျှင် အခြေခံပြည်သူလူထုအတွက် ချောင်လည်နိုင်သော အခြေအနေများ ဖန်တီးပေးနိုင်မည်ဖြစ်ပါသည်။ ကုန်ဈေးနှုန်းကြီးမြင့်ခြင်း နှင့် ပတ်သက်သော အခြေခံ အကြောင်းတရားများမှာ ငွေကြေးဖောင်းပွခြင်း၊ ၀ယ်လိုအားတက်ခြင်း၊ ရောင်းလိုအား ကျဆင်းခြင်းစသည့် အခြေအနေများ ပါဝင်ပြီး ငွေကြေးတည်ငြိမ်မှု မရှိခြင်း၏ နောက်ဆက်တွဲ သွင်းကုန်ပို့ကုန်လုပ်ငန်းများအပေါ် သက်ရောက်ခြင်းနှင့် ၀င်ငွေထွက်ငွေ မမျှတသည့် အခက်အခဲများ ဆက်လက်ဖြစ်ပေါ်စေနိုင်သည်ကို သတိပြုကြရမည်ဖြစ်သည်။ ဒေါ်လာငွေ လဲလှယ်နှုန်းနှင့် ရွှေဈေးနှုန်းမြင့်တက်ခြင်းကဲ့သို့သော အခြေအနေများနှင့်အတူ အခြေခံစားသောက်ကုန်နှင့် ကုန်ဈေးနှုန်းမြင့်တက်မှုဒဏ်ကို  အပြင်းထန်ဆုံး ခံစားရသည်မှာ အခြေခံ လူတန်းစားပြည်သူများသာ ဖြစ်သည်ကိုလည်း အလေးထားသင့်ပါသည်။

မြန်မာနိုင်ငံ၏ Per Capital GDP တစ်ဦးချင်း ထုတ်လုပ်မှုတန်ဖိုးသည် ၂၀၁၀ပြည့် နှစ်မတိုင်မီ အာဆီယံနိုင်ငံများအနက် အနိမ့်ကျဆုံးဖြစ်ခဲ့ပြီး နှစ်စဉ်တစ်ဦးလျှင် ဒေါ်လာ ၂၀၀၀ ၀န်းကျင်သာရှိခဲ့သည်ဟု CIA တွင် ဖော်ပြထားသည့် ကိန်းဂဏန်းများတွင် တွေ့ရ သည်။ ၂၀၁၄ ခုနှစ်က ကောက်ယူခဲ့သော သန်းခေါင်စာရင်းအရ မြန်မာနိုင်ငံ၏ အလုပ်လုပ်နိုင်သော အရွယ် ၁၅ နှစ်မှ ၆၄ နှစ်အထိ ၃၂ ဒသမ ၉၈ သန်းကျော်ရှိပြီး အလုပ်လုပ်နေသူဦးရေမှာ ၂၁ ဒသမ ၈၇ သန်းကျော်ရှိကာ ရာခိုင်နှုန်း ၆၆ ခန့်သာ အလုပ်လုပ်သည့် အနေအထားဖြစ်သည်။ ကျန် ၃၄ ရာခိုင်နှုန်းမှာ အလုပ်လက်မဲ့ သဘောမျိုးဖြစ်နေသည်။  အလုပ်အကိုင် အခွင့်အလမ်း နည်းပါးခြင်းသည် ဆင်းရဲမွဲတေမှုကို ဆက်လက်မြင့်တက် စေကြောင်းလည်း သုံးသပ်မှုများ ရှိနေသည်။ တစ်နိုင်ငံလုံး အတိုင်းအတာအရ ဆင်းရဲနွမ်းပါးမှု ၈၄ ရာခိုင်နှုန်းဖြစ်နေသည်။ ချင်းပြည်နယ်က ၇၃ ရာခိုင်နှုန်း၊ ရခိုင်ပြည်နယ်က ၄၄ ရာခိုင်နှုန်း၊ တနင်္သာရီက ၃၃ ရာခိုင်နှုန်း၊ ရှမ်းပြည်နယ်က ၃၃ ရာခိုင်နှုန်း၊ ဧရာဝတီက ၃၃ ရာခိုင်နှုန်း အသီးသီးရှိနေသည်ဟုလည်း သိရသည်။

ထို့ပြင် ပဋိပက္ခဖြစ်စဉ်များနှင့် ပြည်တွင်းမငြိမ်မသက်မှုများ၊ သဘာဝဘေးအန္တရာယ် များနှင့် ကျေးလက်မြို့ပြ ဖွံ့ဖြိုးမှု ကွာဟခြင်းများစသည့် အကြောင်းတရားများသည်လည်း  ဆင်းရဲနွမ်းပါးမှုပြဿနာများအတွက် ထိုးနှက်ချက်များ အဖြစ်ရှိနေသည်။ သို့ပါ၍ စီမံခန့်ခွဲမှု အလွဲများနှင့် အဂတိလိုက်စားမှုပြဿနာများကဲ့သို့ နိုင်ငံအား ဆင်းရဲတွင်းနက်စေခဲ့သော သာဓကများအား မှန်မှန်ကန်ကန် ဆန်းစစ်၍ ပိုမိုကောင်းမွန်သော အခြေအနေများ ပေါ်ပေါက်စေရန် ပူးပေါင်း ဆောင်ရွက်သင့်ပါကြောင်း The Daily Eleven သတင်းစာက ရေးသားအပ်ပါသည်။

 

(နိုဝင်ဘာ ၂ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

မြေသိမ်းဥပဒေကြမ်းနှင့် မြေယာကိစ္စ

မြန်မာနိုင်ငံ၏ လူဦးရေအများစုနေထိုင်ရာ ကျေးလက်ဒေသများတွင် လူနေမှုဘ၀ မြင့်မားလာရေးနှင့် ဆင်းရဲမွဲတေမှုလျှော့ချရန် လိုအပ်လျက်ရှိရာ မြေယာပြဿနာသည်လည်း အခက်အခဲတစ်ရပ်အဖြစ် မြင်တွေ့နေရသည်။ စိုက်ပျိုးမြေ၊ လယ်ယာမြေပိုင်ဆိုင်မှုဆိုင်ရာ အခြေအနေနှင့် စီးပွားရေးဆိုင်ရာ ပြုပြင်ပြောင်းလဲမှုများအကြား မှန်ကန်မျှတသည့် ဥပဒေစည်းကမ်းစည်းမျဉ်းများနှင့် ဖြေရှင်းမှုများမှာ များစွာအရေးပါလျက်ရှိနေသည်။ စိုက်ပျိုးရေးဆိုင်ရာ ကိစ္စများအပါအ၀င် လယ်ယာမြေပိုင်ဆိုင်မှုများအား ဥပဒေနှင့်အညီဖြစ်ရန်နှင့် ဥပဒေမဲ့ဆုံးရှုံးနစ်နာရမှုများ မဖြစ်စေရေး ထိုက်တန်သည့်လျော်ကြေး သို့မဟုတ် နစ်နာကြေးရရှိနိုင်ရန်အတွက်လည်း ခိုင်မာသည့် ဥပဒေစည်းမျဉ်းစည်းကမ်းများ လိုအပ်မည်ဖြစ်သည်။ ထို့ကြောင့် လယ်ယာမြေသိမ်းဆည်းမှုဆိုင်ရာ ဥပဒေကြမ်းတစ်ရပ်ကို လွှတ်တော်တွင် ဆောင်ရွက်လျက်ရှိနေပြီဖြစ်သည်။

၂၀၁၇ ခုနှစ် မြေသိမ်းဥပဒေကြမ်းတွင် သိမ်းဆည်းခံရသူများအတွက် နစ်နာကြေး၊ ပြန်လည်ထူထောင်ရေး၊ ပြန်လည်နေရာချထားရေးကိစ္စရပ်များကို ထည့်သွင်းထားကြောင်း၊ လက်ရှိ တည်ဆဲဥပဒေသည် ဗြိတိသျှလက်ထက်က ရေးဆွဲထားသည့် ဥပဒေဖြစ်ကြောင်း၊ ဗြိတိသျှခေတ်က ကုမ္ပဏီများ၊ အစိုးရအတွက် အကျိုးစီးပွားဖြစ်ရန် အဓိကရည်ရွယ်သော်လည်း လက်ရှိအချိန်တွင် အများပြည်သူအကျိုးစီးပွားအတွက် နိုင်ငံ၏စီးပွားရေး ဖွံ့ဖြိုးတိုးတက်ရေးအတွက် နိုင်ငံ၏စီမံကိန်းများအတွက်လည်း မြေသိမ်းရန် လိုအပ်လာသည့်အခါတွင် တရားမျှတစွာမြေသိမ်းရန်၊ တရားမျှတစွာဖြင့် နစ်နာသူများကို လျော်ကြေးငွေများပေးနိုင်ရန် ရည်ရွယ်သည့်အပြင် ၎င်းတို့၏ ပြန်လည်ထူထောင်ရေး၊ မြေသိမ်းခံရမှုကြောင့် နစ်နာဆုံးရှုံးမှုများ၊ မြေယာပိုင်ဆိုင်သည့် သူများအားလုံးအတွက် ပြန်လည်နေရာချထားရေး၊ ဆုံးရှုံးခဲ့သည့် လူမှုဘ၀များကိုပါ ထည့်သွင်းစဉ်းစားထားသည့် အချက်များပါဝင်ကြောင်း အမျိုးသားလွှတ်တော် တောင်သူလယ်သမားရေးရာ ကော်မတီဥက္ကဋ္ဌက ပြောကြားထားသည်။

၂၀၁၇ ခုနှစ် မြေသိမ်းဥပဒေကြမ်းတွင် ဤဥပဒေအရ မြေသိမ်းဆည်းခြင်းပြုရာတွင် မြေရှင်များနှင့် လျော်ကြေးငွေတောင်းဆိုခွင့်ရှိသူများ၊ သိမ်းဆည်းမြေတွင် သီးစားအဖြစ်ဖြင့်ဖြစ်စေ၊ အကျိုးတူအဖြစ်ဖြင့်ဖြစ်စေ၊ ငှားရမ်း၍ဖြစ်စေ လုပ်ကိုင်နေသူများဟု မြေတွင် အကျိုးစီးပွားသက်ဆိုင်သူများဆိုရာတွင် ပါဝင်သူများဟု သတ်မှတ်ထားသလို ထိခိုက်နစ်နာသူ မိသားစုဟုဆိုရာတွင် ယင်းတို့၏မြေ သို့မဟုတ် အခြားမရွှေ့မပြောင်းနိုင်သောပစ္စည်းကို သိမ်းယူခြင်းခံရသည့် မိသားစု၊ မြေတစ်ရပ်ရပ်ကို ပိုင်ဆိုင်မှုမရှိသော်လည်း မိသားစုဝင်တစ်ဦး သို့မဟုတ် အများသည် လယ်ယာလုပ်သားအဖြစ်ဖြင့်ဖြစ်စေ၊ လက်ခစားအဖြစ်ဖြင့်ဖြစ်စေ၊ ထိခိုက်နစ်နာသည့် အရပ်ဒေသအတွင်း မြေကိုသိမ်းဆည်းခြင်း မပြုမီကာလတွင် အစဉ်အဆက်လုပ်ကိုင်ခဲ့ပြီးလျှင် မြေကိုသိမ်းဆည်းမှုကြောင့် ယင်းတို့၏ စားဝတ်နေရေးထိခိုက်မှု ဖြစ်ပွားရသည့်မိသားစု၊ သိမ်းဆည်းမြေကို အကြောင်းပြု၍ စားဝတ်နေရေး ထိခိုက်နစ်နာရသူများဟု အဆိုပါဥပဒေကြမ်းတွင် ဖော်ပြထားသည်။

သို့ပါ၍ ကာလရှည်ကြာပေါ်ပေါက်ခဲ့သော ပြဿနာများအနက် ရှုပ်ထွေးမှုများရှိနေသည့် မြေယာကိစ္စရပ်အပေါ် ကိုင်တွယ်ဖြေရှင်းရာတွင် မည်သူမျှနစ်နာမှုမရှိစေရန် ဥပဒေ၊ နည်းဥပဒေများ၏ မှန်ကန်မျှတမှု၊ ပကတိအခြေအနေမှန်နှင့် ပြဿနာ၏ အရင်းအမြစ်များကို မှန်မှန်ကန်ကန်ဖော်ထုတ်၍ အဖြေရှာ ဖြေရှင်းနိုင်မှုများမှာ အဓိကအရေးပါသည့် အချက်များဖြစ်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ (၁) ထုတ် The Daily Eleven သတင်းစာ အယ်ဒီတာ့အာဘော်