Category: Editorials

ဝေဖန်ပိုင်းခြားနိုင်စွမ်းသည် အလုပ်လာလျှောက်သူများထံမှနေ၍ အလုပ်ခန့်မည့်သူများ အလိုအရှိဆုံး အရည်အချင်းဖြစ်သည်။ ပရော်ဖက်ရှင်နယ် အလုပ်သာမက ပရော်ဖက်ရှင်နယ် မဟုတ်သော အလုပ်များအတွက်၌ပါ အလုပ်ခန့်အပ်မည့်သူများက ယင်းအရည်အချင်းကို စာရင်းသွင်းထားလေ့ရှိသည်။ လျှောက်ထားသည့် အလုပ်နှင့်မဆိုင်ဘဲ ဝေဖန်ပိုင်းခြားနိုင်စွမ်းသည် အလုပ်ခန့်မည့်သူအများစုက တောင်းဆိုသော အရည်အချင်းဖြစ်သည်။ ဝေဖန်ပိုင်းခြားနိုင်စွမ်းတွင် အချက်အလက်များ၊ လေ့လာရမည့်ဖြစ်စဉ်များနှင့် သုတေသန တွေ့ရှိချက်များကဲ့သို့သော ရင်းမြစ်များကို အကဲဖြတ်ခြင်း ပါဝင်သည်။ ဝေဖန်ပိုင်းခြားနိုင်စွမ်း မြင့်မားသူသည် အချက်အလက် အစုံလိုက်မှနေ၍ ကျိုးကြောင်းဆီလျော်သော ကောက်ချက်များချနိုင်ပြီး ပြဿနာတစ်ရပ် ဖြေရှင်းရန်အတွက် သို့မဟုတ် ဆုံးဖြတ်ချက်တစ်ခု ချရန်အတွက် အသုံးဝင်သော အချက်များနှင့် အသုံးဝင်မှုနည်းပါးသော အချက်အလက်များဟူ၍ ခွဲခြားနိုင်သည်။ ဝေဖန်ပိုင်းခြားနိုင်စွမ်းရှိသူသည် အနေအထားတစ်ရပ်ကို ရွေးချယ်လက်ခံရန်အတွက် ကျိုးကြောင်းဆီလျော်သော အကြောင်းတရားများကို တင်ပြနိုင်ပြီး အဆိုပြုထားသော မှားယွင်းသည့် အကြောင်းတရားများကို မမှန်ကန်ကြောင်း ဖွင့်ချပြနိုင်သည်။

ဝေဖန်ပိုင်းခြားနိုင်စွမ်းတွင် ပါဝင်သည့် အဓိကကျွမ်းကျင်မှုများကို ယခုကဲ့သို့ သတ်မှတ်ထားသည်။ (၁) စိစစ်ခြင်း-တစ်စုံတစ်ရာကို စစ်ဆေးစမ်းသပ်ပြီး အဓိပ္ပာယ်ကိုလည်းကောင်း၊ မည်သည်ကို ကိုယ်စားပြုသည်ကိုလည်းကောင်း သုံးသပ်နိုင်စွမ်းကို ဆိုလိုသည်။ (၂) အလွယ်တကူ နားလည်အောင် ရှင်းလင်းနိုင်ခြင်း-အချက်အလက်များကို ပြန်လည်ဖော်ပြနိုင်ရုံသာမက နားလည်ရလွယ်ကူသော နည်းလမ်းဖြင့် ဖော်ပြနိုင်ခြင်းဖြစ်သည်။ (၃) အကဲဖြတ်ခြင်း-စိတ်ကူးထည်တစ်ခု၏ ခိုင်မာမှုကို ဆုံးဖြတ်နိုင်စွမ်းဖြစ်သည်။ (၄) ရှင်းပြခြင်း-ဖော်ပြထားသည့် အချက်အလက်ကို ရှင်းလင်းအောင် ပြုလုပ်နိုင်သည့်အပြင် ယင်းအချက်အလက်ထဲသို့ ကိုယ်ပိုင်အမြင်ကိုပင် ပေါင်းထည့်နိုင်စွမ်းဖြစ်သည်။ (၅) ကောက်ချက်ချခြင်း-ပေးထားသည့် အချက်အလက်အပေါ် အခြေခံလျက်ကောက်ချက်များ ဆွဲယူနိုင်စွမ်းဖြစ်သည်။ (၆) ဖွင့်ဆိုပြခြင်း-ယင်းသည် အချက်အလက်များနှင့် ပတ်သက်၍ နားလည်နိုင်စွမ်းဖြစ်သည်။ သက်ဆိုင်ရာ ပရိသတ်အတွက် အချက်များ၏ အဓိပ္ပာယ်ကို ပုံစံတစ်ရပ်အတွင်း ဆက်သွယ်ပြောဆိုနိုင်စွမ်းဖြစ်သည်။ (၇) ဆုံးဖြတ်ချက်ချခြင်း-အကဲဖြတ်ခြင်းကဲ့သို့ပင် ဆုံးဖြတ်ချက်ချခြင်းသည် စိတ်ကူးထည်တစ်ရပ် သို့မဟုတ် အချက်အလက် အစိတ်အပိုင်းတစ်ရပ်နှင့် ပတ်သက်၍ ကိုင်တွယ်ဆောင်ရွက်နိုင်စွမ်းဖြစ်သည်။ (၈) ဓမ္မဓိဋ္ဌာန်ကျခြင်း-စိတ်ကူးထည်ကို ဘက်လိုက်မှုများမပါဘဲ မျှတစွာအကဲဖြတ်နိုင်စွမ်းဖြစ်သည်။ (၉) ပြဿနာကို ဖြေရှင်းခြင်း-အရေးပါသော ကျွမ်းကျင်မှုတစ်ရပ်ဖြစ်ပြီး ပြဿနာတစ်ရပ်ကို စိစစ်ခြင်း၊ ဖြေရှင်းမှုတစ်ရပ်ကို ဖော်ထုတ်ခြင်းနှင့် အကောင်အထည်ဖော်ခြင်းတို့အပြင် အစီအစဉ်ကို အသုံးပြုနိုင်ခြင်း ပါဝင်သည်။ (၁၀) ဆင်ခြင်ခြင်း-မေးခွန်းတစ်ရပ် သို့မဟုတ် ပြဿနာတစ်ရပ်နှင့် ပတ်သက်၍ ယုတ္တိဗေဒနည်းကျ တွေးခေါ်နိုင်စွမ်းဖြစ်သည်။

အမှန်တကယ်၌ ဝေဖန်ပိုင်းခြားနိုင်စွမ်းသည် မည်သည့် အလုပ်အကိုင်မဆိုအတွက် သာမက နေ့စဉ်ဘ၀၌ ရင်ဆိုင်တွေ့ကြုံရမှုများအတွက်ပါ မရှိမဖြစ်လိုအပ်သော ကျွမ်းကျင်မှုဖြစ်သည်။ ထို့ကြောင့် လူတိုင်းအနေဖြင့် ငယ်စဉ်မှစ၍ ဘ၀တစ်လျှောက်လုံး ဝေဖန်ပိုင်းခြားနိုင်စွမ်း တိုးတက်အောင် အမြဲမပြတ် သင်ယူလေ့ကျင့်နေရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

စက်တင်ဘာလ (၂၄) ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ကမ္ဘာလုံးဆိုင်ရာ မူးယစ်ဆေးဝါး ပြဿနာကို ရင်ဆိုင်နေရမှုတွင် မြန်မာနိုင်ငံသည်လည်း အပါအ၀င် ဖြစ်နေသည်။ ယင်းအပြင် ဘိန်းစိုက်ပျိုးမှုအပြင် စိတ်ကြွဆေးပြား ထုတ်လုပ်သုံးစွဲမှု မြင့်မားသည့်ဒဏ်ကိုပါ ထပ်မံရင်ဆိုင်နေရပြီဖြစ်သည်။ ထို့ကြောင့် မြန်မာနိုင်ငံ၏ မူးယစ်ဆေးဝါး အခြေအနေနှင့် ပတ်သက်၍ လိုအပ်သော အစီအမံများ ချမှတ်လုပ်ဆောင်လျက်ရှိကြောင်း သက်ဆိုင်ရာက တရားဝင် ထုတ်ပြန်ထားသည်။

မြန်မာနိုင်ငံတွင် မူးယစ်ဆေးဝါးပပျောက်ရေးအတွက် ၁၅ နှစ် စီမံကိန်းကို ၁၉၉၉-၂၀၀၀ ဘဏ္ဍာနှစ်မှ ၂၀၁၃-၂၀၁၄ ဘဏ္ဍာနှစ်အထိ ငါးနှစ်စီ သုံးပိုင်းခွဲ၍ လုပ်ဆောင်ခဲ့သည်။ ယင်းသို့ ဆောင်ရွက်ရာတွင် ဘိန်းအဓိကစိုက်ပျိုးသော ရှမ်းပြည်နယ်တွင် ၄၃ မြို့နယ်၊ ကချင်ပြည်နယ်တွင် လေးမြို့နယ်၊ ကယားပြည်နယ်တွင် နှစ်မြို့နယ်၊ ချင်းပြည်နယ်တွင် နှစ်မြို့နယ် စုစုပေါင်း ၅၁ မြို့နယ်တွင် စီမံကိန်းများ ချမှတ်ခဲ့ခြင်းဖြစ်သည်။ ယင်းအပြင် ဘိန်းစိုက်ပျိုးမှု ပြန်လည်မြင့်တက်လာခြင်း၊ စိတ်ကြွဆေးပြား သုံးစွဲမှုပြဿနာမှာ လူငယ်တို့အကြား ပိုမိုပျံ့နှံ့လာခြင်းနှင့် အခြားစိတ်ကြွဆေးဝါး ပေါ်ထွက်လာမှု အခြေအနေများကြောင့် မူးယစ်ဆေးဝါး ထိန်းချုပ်နိုင်ရေးအတွက် စီမံကိန်းကာလအား ၂၀၁၄-၂၀၁၅ ဘဏ္ဍာနှစ်မှ ၂၀၁၈-၂၀၁၉ ဘဏ္ဍာနှစ်အထိ ငါးနှစ်သက်တမ်း ထပ်မံတိုးမြှင့် လုပ်ဆောင်လျက်ရှိသည်။ ဘိန်းစိုက်ပျိုးမှု ရေရှည်ဆက်လက် လျှော့ချနိုင်ရေး နိုင်ငံတော်၏ အမျိုးသားဖွံ့ဖြိုးမှု အစီအစဉ်အောက်တွင် ထည့်သွင်း၍ လူမှုစီးပွားရေး ဖွံ့ဖြိုးရေးလုပ်ငန်းများကို ပြည်နယ်များတွင် ဆောင်ရွက်သွားမည်ဖြစ်ပြီး မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ် တားဆီးရေးဗဟိုအဖွဲ့နှင့် ကုလသမဂ္ဂမူးယစ်ဆေးဝါးနှင့် မှုခင်းဆိုင်ရာရုံးတို့ ပူးပေါင်း၍ နှစ်စဉ် ဘိန်းခင်းတိုင်းတာရေးလုပ်ငန်းများကို ပူးပေါင်းဆောင်ရွက်လျက် ရှိနေကြောင်း တရားဝင်ထုတ်ဖော် ပြောကြားမှုများ ရှိနေသည်။ ထိုသို့ လုပ်ဆောင်ရာတွင် ၂၀၀၁ ခုနှစ်၌ ဘိန်းစိုက်ဧရိယာမှာ ဟက်တာ ၁၀၅၀၀၀ ရှိခဲ့ပြီး ၂၀၁၅ ခုနှစ်တွင် ဘိန်းစိုက်ဧရိယာ ဟက်တာ ၅၅၅၀၀ သို့ ကျဆင်းခဲ့ရသည်ဟု သိရသည်။ မူးယစ်ဆေးဝါး ထိန်းချုပ်ရေးမူဝါဒသစ်တွင် ဘိန်းစိုက်ပျိုးသည့်ဒေသများအတွက် လိုအပ်သော လူမှုစီးပွား ဖွံ့ဖြိုးတိုးတက်ရေးဆိုင်ရာ မူဝါဒနှင့် နယ်ပယ်များကို သတ်မှတ်ရေးဆွဲ ဆောင်ရွက်ခြင်း၊ ဘိန်းစိုက်တောင်သူများ၏ လူမှုဘ၀မြင့်မားလာစေရေးအတွက် ဘိန်းစိုက်ပျိုးခြင်းမှ ရသည့်ဝင်ငွေကို မှီခိုနေရသောဘ၀မှ လွတ်မြောက်ပြီး အခြားဝင်ငွေရလုပ်ငန်းများ ဆောင်ရွက်နိုင်ခြင်း အပါအ၀င် မူးယစ်ဆေးဝါး သားကောင်ဘ၀မှ လွတ်မြောက်နိုင်ရေးတို့အတွက် မဟာဗျူဟာနှင့် မူဝါဒများ ချမှတ်ကာ အစားထိုး ဖွံ့ဖြိုးရေးစီမံကိန်းများ ဆောင်ရွက်ပေးလျက် ရှိသည်ဟုလည်း သက်ဆိုင်ရာ တာဝန်ရှိသူများက ထုတ်ဖော် ပြောကြားထားသည်။

မူးယစ်ဆေးဝါးနှိမ်နင်းရေးအတွက် နိုင်ငံတကာ အဖွဲ့အစည်းများနှင့် ချိတ်ဆက်ဆောင်ရွက်လျက် ရှိသလို ဥပဒေစိုးမိုးရေးနှင့် မူးယစ်ဆေးဝါး တိုက်ဖျက်ရေးတို့အတွက် အကူအညီပေးရန် မြန်မာ-အမေရိကန် နှစ်နိုင်ငံသဘောတူ လက်မှတ်ရေးထိုးထားသည်။

သို့သော် ပြောင်းလဲလာသော ခေတ်စနစ်နှင့် နည်းပညာများအကြား မူးယစ်ဆေးဝါးနှင့် စိတ်ကြွဆေးပြားမျိုးစုံ၏ ပျံ့နှံ့ထိုးဖောက်မှုက စိန်ခေါ်မှုအဖြစ် ရှိနေသည်။ အက်ဖီဒရင်း၊ ကာဖင်းစသော ဓာတုဗေဒပစ္စည်းများကို အခြေခံကာ လူတို့ဖန်တီးပြုလုပ်ထားသော ဆေးတစ်မျိုးဖြစ်ပြီး Amphetamine Type Stimulants (ATS) ခေါ် စိတ်ကြွရူးသွပ်ဆေးသည် ဗဟိုနပ်ကြောအဖွဲ့ (Central Nervous System) ကို လှုံ့ဆော်ပေးခြင်းဖြစ်ကြောင်းနှင့် ဆေးအမျိုးအမည်များမှာ အမ်ဖီတမင်း၊ မက်အမ်ဖီတမင်း၊ မီသိုင်းလ်ဖင်နီဒိတ်၊ ဖင်မိထရာဇင်း၊ အက်စ်တာစီတို့ဖြစ်ပြီး ယေဘုယျအခေါ်များမှာ အိုက်စ်၊ ရှဘူး၊ ရာဘ၊ ရာမ၊ စပိဒ် စသည်တို့မှာ စိတ်ကြွဆေးပြားစာရင်းဝင် မူးယစ်ဆေးဝါးများဖြစ်သည်။ စိတ်ကြွဆေးပြားကို ရေရှည်သုံးစွဲသူများတွင် တွေ့ရသည့် ရုပ်ပိုင်းဆိုင်ရာ ထိခိုက်မှုများမှာ ရှူခြင်း၊ ရှုပ်ခြင်းကြောင့် နှာခေါင်းကြွက်သားမျှင် ပျက်စီးခြင်း၊ ရှူရှိုက်ခြင်းကြောင့် အသက်ရှူလမ်းကြောင်း ထိခိုက်ခြင်းနှင့် အဆုတ်ကင်ဆာ ပိုမိုဖြစ်ပွားခြင်း၊ ဆေးထိုးသုံးစွဲခြင်းကြောင့် အိပ်ခ်ျအိုင်ဗွီ၊ အသည်းရောင်အသားဝါဘီနှင့် စီအပါအ၀င်သွေးမှတစ်ဆင့် ကူးစက်တတ်သော ဗိုင်းရပ်စ် ရောဂါပိုး အန္တရာယ် ပိုမိုများပြားစေခြင်း၊ ခံတွင်းပျက်သောကြောင့် အာဟာရချို့တဲ့ခြင်း၊ ကိုယ်ခန္ဓာပိန်ချုံးခြင်း၊ အရေပြားရောဂါဖြစ်ခြင်း၊ သွားများထိခိုက်ပျက်စီးခြင်းတို့ ဖြစ်ကြောင်း၊ စိတ်ပိုင်းဆိုင်ရာ ထိခိုက်မှုများမှာ မှတ်ဥာဏ်စွမ်းရည် ဆုံးရှုံးခြင်း၊ ရေရှည်အိပ်ရေးပျက်ခြင်းကြောင့် မှန်မှန်ကန်ကန် မဝေခွဲမဆုံးဖြတ်နိုင်ခြင်း၊ စိတ်ပိုင်းဆိုင်ရာ စွဲလမ်းလာခြင်း (မသုံးစွဲရ မနေနိုင်အောင် အလွန်အမင်း စွဲလမ်းခြင်း)၊ ပျော်ရွှင်မှုခံစားနိုင်စွမ်း လျော့ပါးလာခြင်း၊ စိတ်ပိုင်းဆိုင်ရာ ဝေဒနာအခံရှိသူများ သုံးစွဲလျှင် စိတ်ရောဂါဝေဒနာ ပိုမိုဆိုးရွားသွားနိုင်ခြင်း၊ သံသယလွန် စိတ်ရောဂါခံစားရခြင်း၊ စိတ်ဓာတ်ကျ၍ သတ်သေချင်စိတ်ဖြစ်ခြင်းများဖြစ်ပြီး ရာဇ၀တ်မှုများ ဖြစ်ပွားနိုင်သည့် အနေအထားလည်း ဖြစ်သည်။ မှုခင်းဖြစ်စဉ်များတွင် မူးယစ်ဆေးဝါးနှင့်ဆက်စပ်သော ဖြစ်ရပ်များ အများအပြား ပါဝင်သည်။

သို့ပါ၍ မြန်မာနိုင်ငံတွင် ဓာတုပစ္စည်းမှတစ်ဆင့် ထုတ်လုပ်သည့် စိတ်ကြွဆေးပြား ပြဿနာသည် ၁၉၉၆ ခုနှစ်မှစပြီး ပျံ့နှံ့လာခဲ့ကြောင်း၊ အစပျိုး ဓာတုပစ္စည်းများ နယ်စပ်များမှတစ်ဆင့် ၀င်ရောက်လာခြင်းကို ထိန်းချုပ်ရန်ခက်ခဲခြင်း၊ စိတ်ကြွဆေးပြားကို လွယ်ကူစွာ ထုတ်လုပ်နိုင်ခြင်း၊ နယ်မြေအခြေအနေ ကန့်သတ်ချက်ရှိခြင်းများကို အခွင့်ကောင်းယူပြီး မြန်မာနိုင်ငံ၏ နယ်စပ်ဒေသအချို့တွင် စိတ်ကြွဆေးပြားများ ထုတ်လုပ်လာခဲ့ခြင်းများကြောင့် စိတ်ကြွဆေးပြားများ လူငယ်ထုအတွင်း သုံးစွဲမှု မြင့်တက်လျက်ရှိနေခြင်းအပေါ် ရေတိုရေရှည် စီမံကိန်းများဖြင့် အလေးထား ဆောင်ရွက်ရန် လိုအပ်မည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

စက်တင်ဘာ ၂၃ ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ဘာသာစကားဆိုင်ရာ ပညာရေးဟူသည် ဒုတိယမြောက် ဘာသာစကား သို့မဟုတ် နိုင်ငံခြားဘာသာစကားတစ်ရပ်ကို ရယူသည့် လုပ်ငန်းစဉ်နှင့် လေ့ကျင့်မှုဖြစ်သည်။ ယင်းကို အသုံးချဘာသာဗေဒ၏ ဘာသာခွဲအဖြစ် အခြေခံသဘောအရ သတ်မှတ်ထားသော်လည်း ဘာသာရပ်အမျိုးမျိုး ပါဝင်သော ပညာရပ်နယ်ပယ်တစ်ခု အဖြစ်လည်း စဉ်းစားနိုင်သည်။ ဘာသာစကားဆိုင်ရာ ပညာရေးတွင် သင်ယူရန် အဓိက အမျိုးအစား လေးရပ်ရှိသည်။ ယင်းတို့မှာ ဆက်သွယ်ရေးဆိုင်ရာ အရည်အသွေးများ၊ ကျွမ်းကျင်ပိုင်နိုင်မှု၊ ယဉ်ကျေးမှု ကူးသန်းရေး အတွေ့အကြုံနှင့် စာအမျိုးမျိုး တတ်မြောက်မှုတို့ ဖြစ်ကြသည်။

ဂလိုဘယ်လိုက်ဇေးရှင်း တိုး၍တိုး၍ ဖြစ်ထွန်းလာသည်နှင့်အညီ လုပ်သားအင်အားစု၌ ပါဝင်သူများ အနေဖြင့် ဘာသာစကား အမျိုးမျိုးနှင့် ဆက်သွယ်ပြောဆိုနိုင်ရန် အကြီးအကျယ် လိုအပ်လာသည်။ အသုံးများသော ဘာသာစကားများကို ကုန်သွယ်ရေး၊ ခရီးသွားလုပ်ငန်း၊ နိုင်ငံတကာဆက်ဆံရေး၊ နည်းပညာ၊ မီဒီယာနှင့် သိပ္ပံပညာတို့ကဲ့သို့သော နယ်ပယ်များ၌ အသုံးပြုကြသည်။ တောင်ကိုရီးယား၊ ဂျပန်နှင့် တရုတ်တို့ကဲ့သို့သော နိုင်ငံများတွင် မူလတန်းနှင့် အလယ်တန်းအဆင့်တို့၌ အနည်းဆုံး နိုင်ငံခြားဘာသာစကားတစ်ခု သင်ကြားပေးရန် ပညာရေးမူဝါဒ ချမှတ်ထားသည်။ အိန္ဒိယ၊ စင်ကာပူ၊ မလေးရှား၊ ပါကစ္စတန်နှင့် ဖိလစ်ပိုင်တို့ကဲ့သို့သော နိုင်ငံအချို့တွင်မူ ၎င်းတို့၏ အစိုးရအဖွဲ့များအတွင်း ဒုတိယမြောက် ရုံးသုံးဘာသာစကားတစ်ရပ် ပြဋ္ဌာန်းထားသည်။ ၂၀၁၀ ပြည့်နှစ်၌ တရုတ်နိုင်ငံသည် နိုင်ငံခြားဘာသာစကား (အထူးသဖြင့် အင်္ဂလိပ်စာ) သင်ကြားခြင်းနှင့် ပတ်သက်၍ အလွန်ကြီးမားပြီး အလွန်အရေးပါသည့် စီမံကိန်းတစ်ရပ်ကို ချမှတ်ခဲ့သည်။

အချိန်နှင့်အမျှ ဘာသာစကားဆိုင်ရာ ပညာရေးသည် ကျောင်းများတွင် ဖွံ့ဖြိုး၍လာခဲ့ပြီး ကမ္ဘာတစ်လွှား၌ ပညာရေးသင်ရိုး၏ တစ်စိတ်တစ်ဒေသ ဖြစ်လာခဲ့သည်။ အမေရိကန်ပြည်ထောင်စုကဲ့သို့သော နိုင်ငံအချို့တွင် ဘာသာစကားဆိုင်ရာ ပညာရေး (ကမ္ဘာ့ဘာသာစကားများဟုလည်းခေါ်) သည် အင်္ဂလိပ်စာ၊ သင်္ချာနှင့် သိပ္ပံကဲ့သို့သော အဓိကဘာသာရပ်များနှင့်အတူ ပင်မဘာသာရပ်တစ်ခု ဖြစ်လာခဲ့သည်။

သြစတြေးလျကဲ့သို့သော နိုင်ငံအချို့တွင် ယနေ့ခေတ်၌ ကျောင်းများတွင် နိုင်ငံခြား ဘာသာတစ်ရပ် သင်ကြားခြင်းသည် အလွန်ရေပန်းစားလာခဲ့သည်။ ဘာသာစကားဆိုင်ရာ ပညာရေးဘာသာရပ်ကို Language Other Than English (LOTE) ဟု ခေါ်ဆိုသည်။ အင်္ဂလိပ်စကားပြော ပညာရေးဌာန အများစုတွင် လေ့လာသင်ယူရန် ရေပန်းအစားဆုံး နိုင်ငံခြားဘာသာစကားများမှာ ပြင်သစ်၊ ဂျာမန်နှင့် စပိန်ဘာသာစကားများ ဖြစ်ကြသည်။ အင်္ဂလိပ်က ပထမဘာသာစကား မဟုတ်သောကြောင့် အင်္ဂလိပ်စကားကို ကောင်းမွန်စွာ ပြောဆိုနိုင်ခြင်းမရှိသော ကျောင်းသားများအတွက်မူ အင်္ဂလိပ်ဘာသာစကားကို ဒုတိယမြောက် ဘာသာစကားအဖြစ် သင်ယူနိုင်သည်။

မိမိတို့ မြန်မာနိုင်ငံအတွက် အဘက်ဘက်၌ ချွတ်ခြုံကျနေမှုများကို အလျင်အမြန် ဖွံ့ဖြိုးအောင် ကြိုးစားရုန်းကန်နေရချိန်၌ ကဏ္ဍအသီးသီး၌ နိုင်ငံခြားဘာသာစကား (အထူးသဖြင့် အင်္ဂလိပ်ဘာသာစကား) တတ်မြောက်မှုသည် အလွန်တရာ အရေးကြီး၍လာသည်။ ထို့ကြောင့် နိုင်ငံတော်အစိုးရ အနေဖြင့် ဘာသာစကားဆိုင်ရာ ပညာရေးအတွက် ခိုင်မာသော မူဝါဒများ ချမှတ်ကာ အထူးအစီအစဉ်များဖြင့် အလျင်အမြန် အကောင်အထည်ဖော်သွားရန် လိုအပ်သကဲ့သို့ ပြည်သူများအနေဖြင့်လည်း နိုင်ငံခြားဘာသာစကား တတ်မြောက်ရေးကို အထူးအလေးပေး လုပ်ဆောင်သွားကြရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

စက်တင်ဘာလ ၂၂ ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ရခိုင်ပြည်နယ်တွင် ပေါ်ပေါက်ခဲ့သော အကြမ်းဖက် ဖြစ်စဉ်များနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စက်တင်ဘာ ၁၉ ရက်က နိုင်ငံတော်အခြေပြ မိန့်ခွန်းတစ်ရပ်အား ပြောကြားခဲ့သည်။

မိနစ် ၃၀ ကြာခန့် ပြောကြားခဲ့သည့် အဆိုပါမိန့်ခွန်းတွင် ရခိုင်အရေးနှင့် ပတ်သက်၍ နိုင်ငံတကာ၏ စစ်ဆေးမှုကို ကြောက်ရွံ့နေမည် မဟုတ်ကြောင်းနှင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများအား ပြန်လည်လက်ခံရေး စိစစ်မှုလုပ်ငန်းစဉ်ကို စတင်နိုင်ရန် ပြင်ဆင်ထားကြောင်းတို့ကို ထည့်သွင်းပြောကြား ခဲ့ပြီးဖြစ်သည်။ ထို့ပြင် ဒေါ်အောင်ဆန်းစုကြည်က ရခိုင်ပြည်နယ်တွင် ဖြစ်ပွားခဲ့သည့် အကြမ်းဖက်တိုက်ခိုက်မှု ဖြစ်စဉ်ကြောင့် ထိခိုက်ခံစားရသူ အားလုံးအတွက်လည်း စိတ်မကောင်းဖြစ်ရကြောင်း၊ အိုးအိမ်များကို စွန့်ခွာပြီး ထွက်ပြေးရသူ အများအပြားရှိကြောင်း၊ ထိုသို့ထွက်ပြေးရသူများတွင် မွတ်စလင်သာမကဘဲ ရခိုင်နှင့် အခြားလူနည်းစုများ ဖြစ်ကြသည့် ကမန်၊ မြို၊ သက်၊ မရမာကြီး၊ ဟိန္ဒူများလည်း ပါဝင်ကြောင်း ပြောကြားခဲ့သလို အစိုးရအနေဖြင့် ရခိုင်ပြည်နယ်ရှိ လူမှုအသိုင်းအ၀န်းများကြား သဟဇာတဖြစ်ရေးနှင့် ငြိမ်းချမ်းရေး၊ တည်ငြိမ်ရေး ပြန်လည်ရရှိရေးအတွက် ကြိုးစားဆောင်ရွက်နေကြောင်း၊ ထွက်မပြေးသည့် မွတ်စလင်ရွာ အများအပြား ရှိကြောင်းနှင့် နိုင်ငံတကာ အသိုင်းအ၀န်းအနေဖြင့် ရခိုင်ဒေသသို့ လာရောက်ကြည့်ရှုရန် ဖိတ်ခေါ်ကြောင်းကိုလည်း ထည့်သွင်းပြောကြားခဲ့သည်။ ရခိုင်အရေးနှင့် ပတ်သက်၍ မှားယွင်းသော အချက်အလက်များ ပျံ့နှံ့ခဲ့ကြောင်းလည်း ရှင်းလင်းထားသည်။

ယင်းအပြင် နိုင်ငံတော် အတိုင်ပင်ခံပုဂ္ဂိုလ်၏ ရခိုင်အရေးနှင့် ပတ်သက်သော နိုင်ငံတော်အခြေပြမိန့်ခွန်း မပြောကြားမီ ရက်ပိုင်းအလိုတွင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က လက်ရှိအချိန်တွင် မြန်မာနိုင်ငံအတွက် အကျပ်အတည်းနှင့် အရေးကြီးသော ကိစ္စတစ်ရပ်အဖြစ် ရှိနေသည့် ရခိုင်အရေးနှင့် ပတ်သက်ပြီး အမှန်တရားကို အခိုင်အမာ သက်သေပြနိုင်ရေးအတွက် ညီညွတ်ရန် လိုအပ်ကြောင်း ပြောကြားထားသည်။

ရခိုင်ပြည်နယ်တွင် ပေါ်ပေါက်ခဲ့သော နယ်စပ်ဖြတ်ကျော်ကိစ္စသည် မြန်မာနိုင်ငံ၏ ပြည်တွင်းရေးသာဖြစ်သည်။ လူဝင်မှုကြီးကြပ်ရေးဆိုင်ရာ စိစစ်ဆောင်ရွက်ရမည့် ကိစ္စရပ်သာဖြစ်သည်။ ထို့ကြောင့် မြန်မာနိုင်ငံ၏ ပြည်တွင်းရေးဆိုင်ရာ ပြဿနာရပ်ပေါ် အစိုးရ၏ ကိုင်တွယ်ဖြေရှင်းနေမှုအား မြန်မာနိုင်ငံ၏ မိတ်ဆွေနိုင်ငံနှင့် အိမ်နီးချင်း အင်အားကြီး နိုင်ငံများဖြစ်သည့် တရုတ်နှင့် အိန္ဒိယနိုင်ငံတို့က ထောက်ခံထားပြီး ရုရှားနိုင်ငံ အနေဖြင့်လည်း မြန်မာနိုင်ငံ၏ ပြည်တွင်းရေးကို ၀င်ရောက်စွက်ဖက်ခြင်း မပြုကြရန် သဘောထားမှတ်ချက် ထုတ်ဖော်ထားသည်။ ယင်းအပြင် အာဆီယံဒေသတွင်း နိုင်ငံများ အနေဖြင့်လည်း အာဆီယံမူဝါဒများအတိုင်း နိုင်ငံတစ်နိုင်ငံ၏ ပြည်တွင်းရေးအား လိုအပ်သည်ထက် ပိုမိုစွက်ဖက်နိုင်မည် မဟုတ်ပေ။

သို့သော် ရခိုင်အရေးနှင့် ပတ်သက်၍ UN အပါအ၀င် အနောက်နိုင်ငံတချို့က ဝေဖန်မှုနှင့် ဖိအားပေး တောင်းဆိုမှုများ ရှိနေဆဲဖြစ်သည်။ အထူးသဖြင့် ဘင်္ဂလားဒေ့ရ်ှနှင့် မြန်မာနိုင်ငံအား ကိုလိုနီအဖြစ် သိမ်းပိုက်ခဲ့ဖူးသော ဗြိတိန်တို့အနေဖြင့် မြန်မာနိုင်ငံအပေါ် လိုအပ်သည်ထက် ပိုမိုသည့် ဖိအားပေး တောင်းဆိုမှုများ ပြုလုပ်လျက်ရှိနေသည်။ ရခိုင်အရေးနှင့်ပတ်သက်၍ ကုလသမဂ္ဂ လုံခြုံရေးကောင်စီ အရေးပေါ် အစည်းအဝေး ခေါ်ယူရန် ကုလ၏ ဗြိတိန်သံအမတ်က တောင်းဆိုခဲ့သည်။ ထို့ပြင် ကုလသမဂ္ဂ အထွေထွေညီလာခံသို့ တက်ရောက်နေသည့် ဘင်္ဂလားဒေ့ရ်ှဝန်ကြီးချုပ် ဟာဆီနာက နယူးယောက်တွင် ဘင်္ဂလားဒေ့ရှ် တက်ကြွလှုပ်ရှားသူများကို တွေ့ဆုံရာတွင် ရခိုင်အကျပ်အတည်းအတွက် မြန်မာနိုင်ငံကို အပြည်ပြည်ဆိုင်ရာက ပိုမိုကြီးမားသော ဖိအားပေးရန် တောင်းဆိုခဲ့ပြီး ရခိုင်ပြည်နယ်တွင် ပဋိပက္ခကြောင့် ထွက်ပြေးခဲ့ကြသည့် ဘင်္ဂါလီမွတ်စလင် ၄၂၀,၀၀၀ ကျော်ကို မြန်မာက ပြန်လည်လက်ခံရမည်ဟု တောင်းဆိုချက် တစ်ရပ်ကိုလည်း ထုတ်ပြန်ခဲ့သည်။ ယင်းအပြင် ဘင်္ဂါလီမွတ်စလင်များ ပြန်လာရေးကို ဟန့်တားသည့် အနေဖြင့် မြန်မာနယ်စပ်၌ မိုင်းများထောင်ထားကြောင်းလည်း စွပ်စွဲပြောကြားခဲ့သည်။

မြန်မာနိုင်ငံသည် အချုပ်အခြာအာဏာပိုင် လွတ်လပ်သည့် နိုင်ငံဖြစ်သည်။ နိုင်ငံတော်သည် လွတ်လပ်၍ တက်ကြွပြီး ဘက်မလိုက်သော နိုင်ငံခြားရေးမူဝါဒကို ကျင့်သုံးသည်။ ကမ္ဘာ့ငြိမ်းချမ်းရေးနှင့် နိုင်ငံအချင်းချင်း မိတ်ဝတ်မပျက် ပေါင်းဖက်ဆက်ဆံရေးကို ရှေးရှုသည်။ နိုင်ငံအချင်းချင်း ငြိမ်းချမ်းစွာ အတူယှဉ်တွဲရေးမူကို စောင့်ထိန်းကြောင်း နိုင်ငံတော်၏ အခြေခံမူများအဖြစ် ခိုင်ခိုင်မာမာ ပြဋ္ဌာန်းထားပြီးဖြစ်သည်။

သို့ပါ၍ နိုင်ငံတကာ၏ အခြေခံ စည်းမျဉ်းစည်းကမ်းများနှင့်အတူ မြန်မာနိုင်ငံ၏ တည်ဆဲဥပဒေများအား ကျော်လွန်၍ ဖိအားပေးလာခဲ့မည် ဆိုပါက မြန်မာနိုင်ငံအနေဖြင့် အခြားရွေးချယ်စရာလမ်း မရှိဘဲ အစိုးရ၊ တပ်မတော်နှင့် နိုင်ငံသူ နိုင်ငံသားအားလုံး အနေ ဖြင့် ညီညွတ်စွာဖြင့် မြန်မာနိုင်ငံ၏ အချုပ်အခြာအာဏာကို ကာကွယ်ကြရမည်ဖြစ်သည်။ မြန်မာနိုင်ငံသူ နိုင်ငံသား ပြည်သူများ အနေဖြင့်လည်း နိုင်ငံတော် အတိုင်ပင်ခံပုဂ္ဂိုလ်၏ ရခိုင်အရေးနှင့် ပတ်သက်သော ရှင်းလင်းရပ်တည် ဆောင်ရွက်ချက်များအတိုင်း တပ်မတော်၏ ရပ်တည်ချက်များအတိုင်း အခိုင်အမာ ရပ်တည်သွားကြရန် လိုအပ်မည်ဖြစ်ပါသည်။ သို့ပါ၍ မြန်မာနိုင်ငံသည် လွတ်လပ်သည့် အချုပ်အခြာအာဏာပိုင်နိုင်ငံ ဖြစ်သည့်အတွက် ရခိုင်အရေးနှင့်ပတ်သက်၍ ဗြိတိန်နှင့် ဘင်္ဂလားဒေ့ရ်ှနိုင်ငံတို့ အနေဖြင့် မြန်မာနိုင်ငံ၏ အချုပ်အခြာအာဏာ ပိုင်ဆိုင်မှုကို လေးစားရန် လိုအပ်ပါကြောင်း The Daily Eleven သတင်းစာက တိုက်တွန်းအပ်ပါသည်။

စက်တင်ဘာ ၂၁ ရက်နေ့တွင် ထုတ်ဝေမည့် The Daily Eleven သတင်းစာ၏ အယ်ဒီတာ့ အာဘော်