မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေကို ပြင်ဆင်သည့်ဥပဒေကြမ်း

မူးယစ်ဆေးဝါးသုံးစွဲသူများအား လူမှုရေးအကျိုးပြုလုပ်ငန်းများအား တစ်ရက်နှစ်နာရီဖြင့် အနည်းဆုံး နာရီ ၂၄၀ မှ အများဆုံး နာရီ ၃၆၀ အထိ ဆောင်ရွက်ရမည့် အချက်များ အပါအ၀င် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာဥပဒေ ကို ပြင်ဆင်သည့် ဥပဒေကြမ်းအား သြဂုတ် ၁၆ ရက်က ပြုလုပ်သည့် အမျိုးသားလွှတ်တော်တွင် အတည်ပြုလိုက်ပြီဖြစ်သည်။ ထို့ကြောင့် အမျိုးသားလွှတ်တော်မှ အတည်ပြုထားသည့် ယင်းဥပဒေကြမ်းအား ပြည်သူ့လွှတ်တော်သို့ ပေးပို့၍ ဆက်လက်ဆွေးနွေးမည်ဖြစ်ကာ ထပ်မံပြင်ဆင်ဖြည့်စွက်လိုသည့် အချက်အလက်များ ရှိ၊ မရှိ အတည်ပြုခြင်း၊ ကန့်ကွက်ခြင်းဆိုင်ရာ လုပ်ငန်းစဉ်များကို ဆက်လက်ပြုလုပ်ရမည်ဖြစ်သည်။ အကယ်၍ ပြည်သူ့လွှတ်တော်တွင် ဆက်လက်ဆွေးနွေးရာ၌ အမျိုးသားလွှတ်တော်တွင် အတည်ပြုခဲ့သည့်အတိုင်း ကွဲလွဲမှုမရှိဘဲ အတည်ပြုနိုင်မည်ဆိုပါက ပြည်ထောင်စုလွှတ်တော်တွင် ဥပဒေကြမ်းအား အတည်ပြုကြောင်း ကြေညာနိုင်မည်ဖြစ်သည်။  ယင်းနောက် သမ္မတထံပေးပို့၍ ဥပဒေ အတည်ပြုရေးလုပ်ငန်းစဉ်များ ဆက်လက်ဆောင်ရွက်နိုင်မည်ဖြစ်သည်။

ယင်းဥပဒေကြမ်းပါ အချက်အလက်များအနက် ဥပဒေကြမ်း၏ အခန်း ၇ လူမှုအကျိုးပြု လုပ်ငန်းဆောင်ရွက်စေခြင်း အခန်းတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးစခန်း သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် လူမှုအကျိုးပြုလုပ်ငန်းများဖြစ်သည့် သစ်ပင်ပန်းမန်စိုက်ပျိုးခြင်း၊ သန့်ရှင်းရေးလုပ်ငန်းများ ဆောင်ရွက်ခြင်း၊ လမ်းတံတားများပြုပြင်ခြင်း၊ လူမှုရေးအဖွဲ့အစည်းများနှင့် ပူးပေါင်း၍ အကျိုးပြုလုပ်ငန်းများ ဆောင်ရွက်ခြင်း စသည့်လုပ်ငန်းများကို ကြီးကြပ်သူရှေ့မှောက်၌ နှိမ့်ချခြင်း၊ ခွဲခြားဆက်ဆံခြင်းသဘော မသက်ရောက်သည့် သတ်မှတ်ထားသော ၀တ်စုံကို ၀တ်ဆင်လျက် တစ်ရက် နှစ်နာရီဖြင့် အနည်းဆုံး နာရီ ၂၄၀ မှ အများဆုံးနာရီ ၃၆၀ အထိ ကိုယ်တိုင်လုပ်အားဖြင့် အခမဲ့ လုပ်ကိုင်ဆောင်ရွက်ရမည်ဟု အမျိုးသားလွှတ်တော်က အတည်ပြုခဲ့ခြင်းဖြစ်သည်။

ဥပဒေကြမ်း၏ အပိုဒ် ၂၁ တွင် မူးယစ်ဆေးဝါးနှင့်  စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၂၅ ပုဒ်မခွဲ (က) တွင် ပုဒ်မ ၁၅ အရ ဆေးဝါးသုံးစွဲသူများအား လူမှုအကျိုးပြုလုပ်ငန်း ဆောင်ရွက်စေခြင်းမှအပ ဤဥပဒေပါ ပြစ်မှုတစ်ခုခုကို ကျူးလွန်တတ်သူ သို့မဟုတ် ကျူးလွန်ကြောင်း ကျော်စောသတင်းရှိသူအား သုံးနှစ်ထက်မပိုသော ကာလအတွင်း ကောင်းမွန်စွာနေထိုင်စေရန် ခံဝန်ချုပ်ချုပ်ဆိုရမည်ဟုလည်းကောင်း၊ ဆေးဝါးသုံးစွဲသူများကို ပြန်လည်ထူထောင်ပေးရေးနှင့် စပ်လျဉ်းပြီး စီမံချက်များချမှတ်ကာ စည်းရုံးလှုံ့ဆော်ခြင်း၊ နှစ်သိမ့်ဆွေးနွေးပညာပေးခြင်း၊ သင့်လျော်သော ကူညီထောက်ပံ့မှုများပေးခြင်း၊ ကောင်းမွန်သော လူနေမှုဘ၀သို့ ပြန်လည်ရောက်ရှိစေရန် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်ထူထောင်မှုပေးခြင်း၊ အသက်မွေးဝမ်းကျောင်း ပညာရပ်များ သင်ကြားပေးခြင်းဟုလည်းကောင်း အမျိုးသားလွှတ်တော်က အတည်ပြုခဲ့ခြင်းဖြစ်သည်။

မြန်မာနိုင်ငံတွင် မူးယစ်ဆေးဝါးနှင့် ပတ်သက်၍ဖမ်းဆီးရမိခြင်း၊ အရေးယူခြင်းဆိုင်ရာ ကိစ္စရပ်များ၌ အားနည်းချက်များရှိခဲ့ပြီး မူးယစ်ဆေး အဓိကရောင်းဝယ်ဖောက်ကားသူများကို ဖမ်းဆီးရမိမှုထက် လက်ဝယ်တွေ့ရှိသူ၊ သယ်ဆောင်သူနှင့် အချို့ဆိုလျှင် ပမာဏအနည်းငယ်ဖြင့် ဖမ်းဆီးရမိခြင်းများသာ အများစုဖြစ်ခဲ့သည်ကို တွေ့ရသည်။ သို့သော် မည်သူမဆို ဥပဒေအရ ကျောသားရင်သားမခွဲခြားဘဲ ကျူးလွန်သည့်ဖြစ်စဉ်နှင့်ပတ်သက်၍ ဥပဒေပါပြဋ္ဌာန်းချက်များအတိုင်း အရေးယူခံရမည်ဖြစ်သည်။ သို့ပါ၍ ယခုကဲ့သို့ ဥပဒေ ပြင်ဆင်ခြင်းများသည် ပြစ်မှုနှင့်ပြစ်ဒဏ်မျှတ၍ ဥပဒေအတိုင်း အရေးယူနိုင်ရန်အတွက်  အထောက်အကူဖြစ်စေရန် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

 

(သြဂုတ်လ ၁၇ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

မတည်ငြိမ်မှုများကြားမှ ပညာရေး

နိုင်ငံတစ်နိုင်ငံ၏ နိုင်ငံရေးစနစ်တည်ငြိမ်မှု၊ စီးပွားရေးစနစ် ခိုင်မာမှန်ကန်မှု၊ လူမှုရေးဆိုင်ရာ အခွင့်အရေးများ လုံခြုံကောင်းမွန်မှုတို့ အရေးပါလျက်ရှိပြီး ယင်းကဲ့သို့သော နိုင်ငံရေး၊ စီးပွားရေး၊ လူမှုရေး မတည်မငြိမ်မှုများက ဆိုးရွားသည့်ရိုက်ခတ်မှုများသို့ ဦးတည်နိုင်သည်ကို သတိပြုရလေ့ရှိပါသည်။

“ရွာကလူတွေ ဘာပြောလဲဆိုတော့ စစ်ပွဲတွေ မဖြစ်တော့တာ လိုချင်တယ်ပေါ့။ အခုက ရွာမှာဆို ကလေးတွေနဲ့ သက်ကြီးတွေကို စိတ်ချလက်ချ ထားခဲ့လို့ရတယ်။ ဒီအချိန်က ဖာလာစိုက်ချိန်ဆိုတော့ တောင်ယာထဲပဲ သွားနေကြတယ်။ ရွာမှာကျန်ခဲ့တဲ့ ကလေးတွေက ကျောင်းတက်၊ သက်ကြီးတွေက ကလေးထိန်းပေါ့” ဟူသော လူမှုကူညီရေးသမားတစ်ဦးဖြစ်သည့် စောအယ်ဝါး၏ ပြောကြားချက်မှာ ခေတ်စနစ်နှင့် ဒေသခံပြည်သူများ၏ လိုလားချက်ကို ထပ်ဟပ်နေသည်ကို မြင်တွေ့နိုင်ပါသည်။ ငြိမ်းချမ်းရေးနှင့် အလှမ်းဝေးနေဆဲဖြစ် သော နိုင်ငံတွင် မငြိမ်းချမ်းသော အခြေအနေများကြောင့် ပေါ်ပေါက်လာသည့် ဘေးထွက်ဆိုးကျိုးများကို အပြစ်မဲ့ပြည်သူများ မြေစာပင်အဖြစ် ခံစားနေရခြင်းနှင့်ပညာရေး လိုအပ်ချက်များအကြား ရုန်းကန်နေရရှာသည့် ကလေးသူငယ်များအရေးမှာ ရင်လေးဖွယ်ရာ ဖြစ်နေသည်ကို သတိပြုကြရမည်ဖြစ်ပါသည်။ မည်သို့သော အကြောင်းတရားများကြောင့် ဆိုစေကာမူ ပညာရေးဆိုင်ရာ နစ်နာဆုံးရှုံးမှုများက တစ်ဦးချင်း၊ ဒေသတစ်ခုချင်းမှသည် နိုင်ငံတစ်နိုင်ငံလုံး၏ ရေရှည်အကျိုးစီးပွားအပေါ် သက်ရောက်နိုင်ပါသည်။

မြန်မာနိုင်ငံရှိ အသက် ၂၅ နှစ်အထက် လူဦးရေစုစုပေါင်း၏ သုံးပုံနှစ်ပုံခန့်မှာ မူလတန်း ပညာရေးအဆင့်သာဖြစ်ပြီး အသက် ၂၅ နှစ်နှင့်အထက် လူဦးရေ၏ ၇ ဒသမ ၃ ရာ ခိုင်နှုန်းခန့်သာ တက္ကသိုလ်မှ ဘွဲ့ရရှိသူများဖြစ်ကြောင်း ပညာရေးဆိုင်ရာ သုတေသနစာတမ်း တစ်ခုတွင် ဖော်ပြထားသည်။ မြန်မာနိုင်ငံတွင် အကြောင်းကြောင်းကြောင့် ပညာရေး ဆုံးခန်းမတိုင်ဘဲ စာသင်ခန်းများကို ကျောခိုင်းရသည့်အကြောင်းရင်းများတွင် မငြိမ်းချမ်းသော တိုင်းရင်းသားဒေသများမှ ကလေးငယ်များနှင့် ဆင်းရဲမွဲတေမှုပြဿနာအကြား ဓားစာခံဖြစ်ရရှာသည့် ကလေးငယ်များ၏ ဖြစ်ရပ်များက အများဆုံးဟု ဆိုနိုင်ပါသည်။

သတင်းတစ်ခုတွင် ရခိုင်ပြည်နယ် ပညာရေးဌာန၌ ၁၄ နှစ်ကြာ ကျောင်းမတက်ဘဲ လစာထုတ်ယူနေသော ဆရာ၊ ဆရာမများရှိနေကြောင်း ထုတ်ဖော်ပြောကြားမှုကို အံ့သြစရာ တွေ့မြင်ရသည်။ ပြီးခဲ့သည့် ဇူလိုင်လအတွင်းက ရခိုင်ပြည်နယ် စစ်တွေမြို့တွင် ပြုလုပ် သော တက္ကသိုလ်ဝင်စာမေးပွဲတွင် ထူးချွန်စွာအောင်မြင်သူ ကျောင်းသား၊ ကျောင်းသူများအား ဂုဏ်ပြုပွဲတွင် ပြည်နယ်ပညာရေး တာဝန်ရှိသူတစ်ဦးက ထုတ်ဖော်ပြောကြားခဲ့ခြင်း ဖြစ်သည်။ ၁၉၈၈ ခုနှစ်နောက်ပိုင်းတွင် ကျောင်းဆရာ၊ ဆရာမများမှာ လစာနှင့်မလုံ လောက်သဖြင့် စားဝတ်နေရေးခက်ခဲမှုကို ကြုံတွေ့ခဲ့ပြီး အချို့ရွာများ၌ ဆရာ၊ ဆရာမ များအား ရွာသားများမှ အာရုံစိုက်မှုအားနည်းခဲ့ကြောင်း၊ ထို့ကြောင့် ဆရာ၊ ဆရာမများကလည်း ကျောင်းအပေါ် အာရုံစိုက်မှုနည်းပါးခဲ့ကြောင်း ထိုလုပ်ရပ်များက ကျောင်းသား၊ ကျောင်းသူများအား ထိခိုက်စေခြင်းကြောင့် ပညာရေးပိုင်းတွင် နိမ့်ကျလာခဲ့ကြောင်းစသဖြင့် ပြောကြားခဲ့ခြင်းဖြစ်သည်။

ဤသည်မှာ မြန်မာ့ပညာရေးလောကအတွင်းမှ ဖြစ်စဉ်သာဓကတစ်ခုသာလျှင်ဖြစ်ပါသည်။ နိုင်ငံတစ်နိုင်ငံ ရေရှည်အကျိုးစီးပွားဖြစ်ထွန်းရေး၊ ခေတ်မီဖွံ့ဖြိုးတိုးတက်ရေး အပါအ၀င် နိုင်ငံတကာနှင့် အဆင့်မီ ရင်ပေါင်တန်းနိုင်ရန် ပညာရေးနယ်ပယ်၏ အခန်း ကဏ္ဍမှာလည်း အရေးပါလျက်ရှိပါသည်။ သို့သော် မငြိမ်းချမ်းသောအခြေအနေများ၊ ပဋိပက္ခ၊ အကြမ်းဖက်ဖြစ်စဉ်များ အပါအ၀င် အမျိုးမျိုးသော ပြဿနာများအကြား ပညာရေးနှင့် အလှမ်းဝေးနေရသော ကလေးငယ်များ အရေးကို အလေးထားသင့်ပါကြောင်း The Daily Eleven သတင်းစာက ရေးသားအပ်ပါသည်။

(သြဂုတ် ၁၆ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ဒီမိုကရေစီနှင့် တာဝန်ယူမှု

လူသားတိုင်း လွတ်လပ်မှုကို လိုလားကြသည်။ လွတ်လပ်မှုကို လိုလားသောကြောင့် အာဏာရှင်စနစ်များကို တိုက်ဖျက်ကာ ဒီမိုကရေစီစနစ်ကို ထူထောင်ကြခြင်းဖြစ်သည်။ သို့သော် လွတ်လပ်မှုနှင့် ဒီမိုကရေစီက အဓိကတောင်းဆိုသောအရာသည် တာဝန်ယူမှုဖြစ်ကြောင်း သိရှိရန်လိုသည်။ ဒီမိုကရေစီဆန်သော တာဝန်ယူမှုဟူသည် ခံစားမှုများကို မှန်ကန်သော အချက်အလက်များဖြင့် ထိန်းကျောင်းရခြင်းဖြစ်သည်။ သုံးနှစ်သား ကလေးငယ်တစ်ဦးပင်လျှင် ကိုယ်ပိုင်အမြင်တစ်ရပ်ရှိနိုင်သည်။ ယင်းကဲ့သို့ ကိုယ်ပိုင်အမြင်ရှိခြင်းသက်သက်ကို ဒီမိုကရေစီဆန်သည်ဟုမဆိုသာ။ မိမိ၏အမြင်ကို ဓမ္မဓိဋ္ဌာန်ကျသည့် အချက်အလက်ကို အခြေခံလျက် ယုတ္တိဗေဒနည်းကျ တည်ဆောက်ပြရန် တာဝန်ရှိသည်။

ထို့အပြင် တာဝန်ယူမှုဟူသည် လေးစားမှုရှိခြင်းဖြစ်သည်။ မိမိအနေဖြင့် အခြားသူများ၏ လွတ်လပ်မှုကို လေးစားမှုမရှိပါက အခြားသူများကလည်း မိမိ၏လွတ်လပ်မှုကို လေးစားလိမ့်မည်ဟု မမျှော်လင့်နိုင်ပါ။

ဒီမိုကရေစီစနစ်၌ တာဝန်ယူမှုဟူသည် ဒီမိုကရေစီ၏ စံတန်ဖိုးများကို သဘောတူလျက် လေးစားလိုက်နာခြင်းဖြစ်သည်။ ယင်းသည် ပြည်သူများကို ကိုယ်စားပြုနိုင်စွမ်းရှိသည့် အစိုးရတစ်ရပ်ကို ဖွဲ့စည်းတည်ထောင်မှု ဖြစ်ပေါ်စေသည်။ ဒီမိုကရေစီ၏ စံတန်ဖိုးများက လူတစ်ဦးတစ်ယောက် သို့မဟုတ် လူနည်းစုက လွှမ်းမိုးချုပ်ကိုင်မှုအား ကာကွယ်ရန် စည်းမျဉ်းစည်းကမ်းများကို သတ်မှတ်ပေးသည်။ မိမိတို့ကိုယ်တိုင်၏ လွတ်လပ်မှုကို လိုလားသူတို့က လူနည်းစုက အုပ်စိုးခြင်း (Oligarchy)၊ ဓနသြဇာကြီးသူများက အုပ်စိုးခြင်း (Plutocracy)၊ သက်ဦးစံပိုင်စနစ် (Monarchy) နှင့် အာဏာရှင်ဆန်သောအုပ်စိုးမှု (Despotism) အစရှိသည်တို့ကို အစားထိုးလိုသည့်အခါ ဒီမိုကရေစီစနစ် ဖြစ်ပေါ်လာခြင်းဖြစ်သည်။ ဒီမိုကရေစီစနစ်၌ လွတ်လပ်မှုနှင့်အတူ တာဝန်ယူမှုက ယှဉ်တွဲလျက်ပါလာပြီးသား ဖြစ်သောကြောင့် တာဝန်ယူမှုများမရှိပါက လွတ်လပ်မှုများ ပျောက်ဆုံးကာ ဒီမိုကရေစီလည်း ချုပ်ငြိမ်းရပေလိမ့်မည်။

ဒီမိုကရေစီ နိုင်ငံတစ်နိုင်ငံဟူသည် ပြည်သူများက ပြည်သူများအတွက် ဆောင်ရွက်သောနိုင်ငံဖြစ်သည်။ ဒီမိုကရေစီ နိုင်ငံတစ်နိုင်ငံ၌ နိုင်ငံသားများ၌ လွတ်လပ်မှုရှိသည်။ ဥပမာအားဖြင့် လွတ်လပ်စွာပြောဆိုခွင့်၊ လွတ်လပ်စွာ ကိုးကွယ်ယုံကြည်ခွင့်၊ လွတ်လပ်စွာ မဲပေးခွင့် အစရှိသည်တို့အတွက် အာမခံချက်ရှိသည်။ ဒီမိုကရေစီနိုင်ငံသားများ၌ လွတ်လပ်ခွင့်ရှိသကဲ့သို့ တာဝန်ယူမှုလည်းရှိသည်။ အခြေခံအကျဆုံး တာဝန်ယူမှုများအနက်တစ်ခုမှာ မိမိတို့အား ကိုယ်စားပြုမည့် ခေါင်းဆောင်ကို ရွေးချယ်ပေးရခြင်းဖြစ်သည်။ အခြားအရေးကြီးသည့် အချက်တစ်ခုမှာ ဖြစ်ပျက်နေသည်များနှင့် ပတ်သက်၍ သတင်းအချက်အလက်များကို အစိုးရနှင့် မျှဝေရခြင်းဖြစ်သည်။ ပြည်သူများအနေဖြင့် သတင်းအချက်အလက်များကို အစိုးရထံသို့ အစီရင်ခံရန် လိုအပ်သကဲ့သို့ အစိုးရအနေဖြင့်လည်း ပြည်သူများအား သတင်းအချက်အလက်များနှင့် ပတ်သက်၍ အသိပေးရန်လိုသည်။ နောက်ထပ်အရေးကြီးသည့် အချက်တစ်ချက်မှာ နိုင်ငံသားများအနေဖြင့် မိမိတို့၏ လူ့အဖွဲ့အစည်းနှင့် ပတ်ဝန်းကျင်ကို နေထိုင်ရန် ကောင်းမွန်သောနေရာများ ဖြစ်စေရေးအတွက် ၀ိုင်းဝန်းကူညီရေးဖြစ်သည်။ ထိုကြောင့် ဒီမိုကရေစီစနစ်၌ နိုင်ငံသားများအတွက် အဓိကတာဝန်ယူမှု သုံးရပ်မှာ မဲပေးခြင်း၊ ရွေးကောက်တင်မြှောက်ခံ ကိုယ်စားလှယ်များနှင့် ဆက်သွယ်ဆောင်ရွက်ခြင်းနှင့် နိုင်ငံ့တာဝန်များကို ကူညီထမ်းဆောင်ခြင်းတို့ဖြစ်သည်။

ထို့ကြောင့် ဒီမိုကရေစီစနစ်သည် နိုင်ငံသားအားလုံးအား လွတ်လပ်မှုကို ပေးသကဲ့သို့ တာဝန်ယူမှုများကိုလည်း ပေးအပ်ထားပါကြောင်း The Daily Eleven သတင်းစာက ရေးသားအပ်ပါသည်။

သြဂုတ်လ (၁၅) ရက်နေ့ထုတ် The Daily Eleven သတင်းစာ အယ်ဒီတာ့အာဘော်

ရခိုင်ပြည်နယ် အတွင်းမှ အကြမ်းဖက်မှု ဖြစ်စဉ်များကို သတိထား ကိုင်တွယ်ရန် လိုအပ်လာ

အစိုးရ အနေဖြင့် ဒေသတွင်း တိုးမြင့်လာသည့် အကြမ်းဖက်မှု ဖြစ်စဉ်များ ရပ်တန့်ချုပ်ငြိမ်းရေးနှင့် လုံခြုံတည်ငြိမ် အေးချမ်းရေးအတွက် တပ်မတော် တပ်ရင်းတပ်ဖွဲ့များနှင့်အတူ ပူးပေါင်း၍ နယ်မြေရှင်းလင်းရေး ဆောင်ရွက်လျက်ရှိပြီး လိုအပ်သည့် ဒေသများတွင် ညမထွက်ရအမိန့် ပုဒ်မ ၁၄၄ ထုတ်ပြန်ဆောင်ရွက်သွားမည်ဖြစ်ကြောင်း သြဂုတ် ၁၁ ရက်တွင် နိုင်ငံတော် အတိုင်ပင်ခံရုံး ၀န်ကြီးဌာနမှ ထုတ်ပြန်ခဲ့ပြီးနောက် ရခိုင်ပြည်နယ် ရသေ့တောင်မြို့နယ် အတွင်းရှိ ကျေးရွာအုပ်စု ၁၁ ခုတွင် ညမထွက်ရအမိန့် ပုဒ်မ ၁၄၄ ထုတ်ပြန်လိုက်ပြီ ဖြစ်သည်။

အစိုးရအနေဖြင့် တည်ဆဲဥပဒေ၊ စည်းမျဉ်းစည်းကမ်းများနှင့်အညီ သတိထား၍ ဆောင်ရွက်နေသည်ကို အခွင့်ကောင်းယူ၍ အကြမ်းဖက်လုပ်ရပ်များ တိုးမြှင့်ဆောင်ရွက်လာခြင်းကို ဥပဒေနှင့်အညီ ထိထိရောက်ရောက် နှိမ်နင်းသွားမည်ဖြစ်ကြောင်း နိုင်ငံတော် အတိုင်ပင်ခံရုံး ၀န်ကြီးဌာနက သြဂုတ် ၁၁ ရက်တွင် ထုတ်ပြန်သော “မောင်တောဒေသ တည်ငြိမ်အေးချမ်းရေးဆိုင်ရာ သတင်းထုတ်ပြန်ချက်” တွင် ထည့်သွင်းဖော်ပြထားသည်။ ရခိုင်ပြည်နယ် မောင်တောခရိုင်အတွင်း အစွန်းရောက် အကြမ်းဖက်များက အကြမ်းဖက် သတ်ဖြတ်မှုများ တိုးမြှင့်ဆောင်ရွက်လာခဲ့ပြီး သြဂုတ် ၉ ရက်အထိ သေဆုံးသူ ၅၉ ဦး၊ ပျောက်ဆုံးနေသူ ၃၃ ဦးအထိ ရှိလာခဲ့ကြောင်း၊ မောင်တောခရိုင်အတွင်း အုပ်ချုပ်ရေးမှူးများ၊ ရာအိမ်မှူးများ၊ ဆယ်အိမ်မှူးများ၊ အစိုးရနှင့် ပူးပေါင်းဆောင်ရွက်သူများ၊ သတင်းမီဒီယာများသို့ ထုတ်ဖော်ပြောကြားခဲ့သူများ အပါအ၀င် အစ္စလာမ်ဘာသာဝင် အများအပြားကို သတ်ဖြတ်ခဲ့ပြီး နောက်ဆုံးတွင် မြိုတိုင်းရင်းသား ခုနစ်ဦးကို သတ်ဖြတ်လာခဲ့ကြောင်း၊ ၎င်းမှာ နိုင်ငံသားစိစစ်ရေး လုပ်ငန်းစဉ်တွင် လည်းကောင်း၊ ဒေသတည်ငြိမ်ရေးအတွက် လည်းကောင်း၊ နိုင်ငံတော် အစိုးရနှင့် ပူးပေါင်းဆောင်ရွက်ခြင်းများ မပြုနိုင်စေရန် သတ်ဖြတ်ခြိမ်းခြောက်နေခြင်းဟု ယူဆရပါကြောင်း၊ ဤကဲ့သို့ ရက်စက်ကြမ်းကြုတ်သည့် အကြမ်းဖက်မှုကို ပြင်းထန်စွာရှုတ်ချကြောင်းကိုလည်း ထည့်သွင်းဖော်ပြထားသည်။

ရခိုင်ပြည်နယ်အတွင်း အကြမ်းဖက်ခံရမှု ဖြစ်စဉ်များကြောင့် ဒေသတွင်း၌ လုံခြုံရေး မြှင့်တင်ရန် ဒေသဆိုင်ရာ အာဏာပိုင်များက အကူအညီတောင်းခံမှုဖြင့် တပ်မတော်တပ်ရင်း တစ်ခုသည် ရခိုင်ပြည်နယ်သို့ သွားရောက်ခဲ့သည်ဟူသော သတင်းများကို တုံ့ပြန်သောအားဖြင့် ကုလသမဂ္ဂ အထူးသံတမန် ယန်ဟီးလီက ယင်းအနေအထားသည် အဓိက စိုးရိမ်ဖွယ်ရာ အကြောင်းရင်းတစ်ရပ် ဖြစ်သည်ဟု သတိပေးစကား ပြောကြားသည်ကို သတင်းဖော်ပြချက်များတွင် တွေ့ရသည်။

ရခိုင်ပြည်နယ်အတွင်း ဖြစ်စဉ်များသည် ဒေသတွင်းလုံခြုံမှုနှင့် တည်ငြိမ်အေးချမ်းရေး၊ ဒေသဖွံ့ဖြိုးတိုးတက်ရေး အပါအ၀င် ဒေသခံတိုင်းရင်းသား ပြည်သူလူထုအတွက် ထိခိုက်နစ်နာမှုများစွာ ဖြစ်ပေါ်လျက်ရှိသည်မှာ အမှန်ဖြစ်သည်။

သို့ပါ၍ ရခိုင်ပြည်နယ်အတွင်း ပေါ်ပေါက်နေသော အစွန်းရောက် အကြမ်းဖက်မှု ပြဿနာများမှာ နိုင်ငံတကာ အ၀န်းအ၀ိုင်းကပါ အာရုံစိုက် စိတ်ဝင်စားသော ဖြစ်စဉ် ဖြစ်နေခြင်း၊ ဒေသခံ တိုင်းရင်းသား လူမျိုးများ၏ လုံခြုံစိတ်ချစေရေးအတွက် ဆောင်ရွက်ရာတွင် မလိုလားအပ်သော ဘေးထွက်ဆိုးကျိုး ပြဿနာများ မပေါ်ပေါက်စေရန် သတိထား ကိုင်တွယ်သင့်သည့် ထိရှလွယ်သော ကိစ္စရပ် ဖြစ်နေခြင်းများအပေါ် သတိထား လုပ်ဆောင်သင့်ပါကြောင်း The Daily Eleven သတင်းစာက ရေးသားအပ်ပါသည်။

(သြဂုတ်လ ၁၃ ရက်ထုတ် The Daily Eleven သတင်းစာ၏ အယ်ဒီတာ့အာဘော်)