ပြဿနာဖြေရှင်းမှုဆိုင်ရာ ကျွမ်းကျင်မှု

ပြဿနာဖြေရှင်းရာတွင် ကွဲပြားခြားနားသော စိတ်ပိုင်းဆိုင်ရာကျွမ်းကျင်မှု အမျိုးအစားနှစ်ရပ် လိုအပ်သည်။ ယင်းတို့မှာ သုံးသပ်အကဲဖြတ်နိုင်စွမ်းနှင့် ဖန်တီးနိုင်စွမ်းတို့ ဖြစ်သည်။ သုံးသပ်အကဲဖြတ်ခြင်း သို့မဟုတ် ယုတ္တိဗေဒဆိုင်ရာ စဉ်းစားခြင်း၌ အစီအစဉ်ချခြင်း၊ တွဲဖက်နှိုင်းယှဉ်ခြင်း၊ ဆန့်ကျင်နှိုင်းယှဉ်ခြင်း၊ အကဲဖြတ်ခြင်းနှင့် ရွေးထုတ်ခြင်းတို့ကဲ့သို့သော ကျွမ်းကျင်မှုများ ပါဝင်သည်။ ယင်းသည် ပြဿနာဖြေရှင်းခြင်းအတွက် ယုတ္တိဗေဒ ကျသော မူဘောင်တစ်ခုကိုပေးပြီး အတိုင်းအတာကျယ်ပြောသော ဖြစ်နိုင်ခြေများကို ကျဉ်းမြောင်းအောင် လျှော့ချလျက် အကောင်းဆုံးရွေးချယ်စရာ နည်းလမ်းရရှိရန် အထောက်အကူပြုသည်။ သုံးသပ်အကဲဖြတ်မှုဆိုင်ရာ စဉ်းစားခြင်းသည် အပိတ်သဘောဆောင်သော ပြဿနာများကို ဖြေရှင်းရာတွင် လွှမ်းမိုးလေ့ရှိပြီး ဖြစ်နိုင်ဖွယ်အကြောင်း ရင်းများစွာကို ဖော်ထုတ်ကာ တကယ့်အကြောင်းရင်းအမှန်ကို ရှာဖွေရန် သုံးသပ်အကဲဖြတ်နိုင်သည်။

ဖန်တီးနိုင်စွမ်းရှိသော စဉ်းစားခြင်းသည် ခွဲဖြာထွက်၍ စဉ်းစားခြင်းလုပ်ငန်းစဉ်တစ်ရပ်ဖြစ်ပြီး ဖြေရှင်းချက်များအတွက် အတိုင်းအတာကျယ်ပြောသော စိတ်ကူးများကို ဖန်တီးနိုင်စွမ်းအပေါ်အားပြုသည်။ အစပထမတွင် လက်တွေ့မကျ သို့မဟုတ် ပြဿနာနှင့် ယုတ္တိရှိစွာ ဆက်စပ်မှုမရှိဟု ထင်ရသည့် သိသာထင်ရှားသော ဖန်တီးမှုစိတ်ကူးများကို ကျော်လွန်ကာ စဉ်းစားနိုင်ရန် လိုအပ်သည်။ အပွင့်သဘောဆောင်သော ပြဿနာများကို ဖြေရှင်းရာတွင် ဖန်တီးနိုင်စွမ်းရှိသော စဉ်းစားပုံနှင့်ပတ်သက်သည့် ကျယ်ပြောသောအခြင်း အရာများကို အသုံးပြုရသည်။ ဖန်တီးနိုင်စွမ်းရှိသော စဉ်းစားပုံဆိုင်ရာ ကျွမ်းကျင်မှုကို အဓိက အခြင်းအရာများစွာအဖြစ်သို့ ခွဲခြားနိုင်သည်။ ယင်း၌ အရေးအကြီးဆုံးအရာများမှာ ကြွယ်ဝမှု (စိတ်ကူးများစွာထုတ်နိုင်ခြင်း)၊ လိုက်လျောညီထွေရှိမှု (အတိုင်းအတာကျယ် ပြောသော စိတ်ကူးများထုတ်နိုင်ခြင်း)၊ ကိုယ်ပိုင်ဖြစ်မှု (မြင်တွေ့နေကျမဟုတ်သော စိတ်ကူးများ ထုတ်နိုင်ခြင်း)နှင့် ချဲ့ထွင်စဉ်းစားနိုင်မှု (စိတ်ကူးများကို ဖွံ့ဖြိုးလာအောင်လုပ်နိုင်ခြင်း) တို့ဖြစ်ကြသည်။ ထိရောက်သော ပြဿနာဖြေရှင်းမှုသည် သုံးသပ်အကဲဖြတ်ခြင်း ဆိုင်ရာနှင့် ဖန်တီးနိုင်စွမ်းဆိုင်ရာ စဉ်းစားပုံများကို ထိန်းချုပ်ရောနှောကာ အသုံးပြုမှု လိုအပ်သည်။

သုတေသနပြုမှုများအရ ဦးနှောက်၏ မတူညီသော အခြမ်းနှစ်ခုသည် လေ့လာသုံးသပ်ခြင်းနှင့် ဖန်တီးခြင်းဟူသည့် ကျွမ်းကျင်မှုနှစ်ခုအား တစ်ဖက်စီ အသီးသီး အထူးပြု ကိုင်တွယ်ကြောင်း သိရသည်။ ဦးနှောက်ဘက်ခြမ်းအသီးသီး၏ ယင်းကဲ့သို့ အထူးပြုကိုင် တွယ်မှုအဆင့်သည် လူတစ်ဦးနှင့်တစ်ဦး အမျိုးမျိုးကွဲပြားသည်။ သို့သော် ဦးနှောက် ညာဘက်ခြမ်း စဉ်းစားပုံနှင့် ဦးနှောက်ဘယ်ဘက်ခြမ်း စဉ်းစားပုံဟူ၍ နှစ်မျိုးခွဲခြားနိုင်သည်။ ဦးနှောက် ဘယ်ဘက်ခြမ်းသန်သူသည် ပို၍ယုတ္တိဗေဒကျသော ပို၍သုံးသပ်အကဲဖြတ် နိုင်မှုရှိသော သဘောရှိပြီး စကားပြောကောင်းသူများ ဖြစ်ကြသည်။ ဦးနှောက်ညာဘက်ခြမ်းသန်သူသည် ပို၍ ခြုံငုံသုံးသပ်နိုင်စွမ်းရှိပြီး ခံစားမှု၊ စိတ်ကူးစိတ်သန်းကောင်းမှုတို့နှင့် သက်ဆိုင်နေသည်။ ပြဿနာဖြေရှင်းမှု ထူးချွန်သူတစ်ဦးဖြစ်ရန် ဖော်ပြပါ စိတ်ပိုင်းဆိုင်ရာ ကျွမ်းကျင်မှုတစ်ခုမှ တစ်ခုသို့ အပြန်ပြန်အလှန်လှန် ကူးပြောင်းစဉ်းစားတတ်ရန် လိုသည်။ အစဉ်အလာ ပညာရေးစနစ်သည် ဦးနှောက်ဘယ်ဘက်ခြမ်း စဉ်းစားပုံမျိုး ဖွံ့ဖြိုးလာရန်သာ ပို၍အားပေးတတ်သည်။ ကောက်ချက်ဆွဲရန်အတွက် ယုတ္တိဗေဒနည်းကျ သုံးသပ် ပုံကိုသာ သင်ကြားပေးလေ့ရှိသည်။

မည်သို့ပင်ဆိုစေကာမူ ပြဿနာဖြေရှင်းရာတွင် ထူးချွန်သောသူတစ်ဦးဖြစ်ရန်အတွက် သုံးသပ်အကဲဖြတ်နိုင်စွမ်းနှင့် ဖန်တီးနိုင်စွမ်းတို့အား ပေါင်းစပ်အသုံးချတတ်ရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဇန်န၀ါရီ ၂၃ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ခွဲဖြာထွက်၍ စဉ်းစားခြင်း

ဖြစ်နိုင်ဖွယ် ဖြေရှင်းမှုများစွာတို့ကို အဆိုပြုပြီး အလုပ်ဖြစ်မည့် တစ်ခုအား ဆုံးဖြတ်ရန် ကြိုးပမ်းမှုပါဝင်သည့် ပြဿနာများဖြေရှင်းရေး မဟာဗျူဟာတစ်ရပ်ကို “ခွဲဖြာထွက်၍ စဉ်းစားခြင်း” ဟု ခေါ်သည်။ ယင်းသည် လွတ်လပ်စွာ စီးဆင်းနေသော၊ ပင်ကိုသဘောဆောင်သော ပုံစံမျိုးဖြင့် ဖြစ်ပွားပြီး ဖန်တီးမှုရှိသည့် အမျိုးမျိုးသော စိတ်ကူးများ ပေါက်ဖွားလာစေကာ ယင်းတို့ကို အကဲဖြတ်နိုင်စေသည်။ အမျိုးစုံလင်သော ဖြစ်နိုင်ဖွယ်ဖြေရှင်းမှုများအား တိုတောင်းသော အချိန်အတွင်း လေ့လာသုံးသပ်လျက် သမားရိုးကျမဆန်သော ဆက်နွှယ်ချက်များကို ကောက်ချက်ဆွဲယူနိုင်သည်။ ခွဲဖြာထွက်၍ စဉ်းစားခြင်းတစ်ရပ် ပြီးပြည့်စုံသည့်အဆင့်သို့ ရောက်ရှိပါက “ပေါင်းစု၍ စဉ်းစားခြင်း” ကို အသုံးပြုလျက် အချက်အလက်များနှင့် စိတ်ကူးများကို စုစည်းလျက် ဖွဲ့စည်းတည်ဆောက်မှု ပြုလုပ်နိုင်သည်။ “ပြင်းပြင်းထန်ထန် ခေါင်းချင်းရိုက်၍ အဖြေရှာခြင်း” နှင့် “လွတ်လွတ်လပ်လပ် ရေးချခြင်း” တို့သည် ခွဲဖြာထွက်၍ စဉ်းစားခြင်း၌ ပါဝင်သည့် လုပ်ငန်းစဉ်နှစ်ရပ် ဖြစ်သည်။

တစ်ခုတည်းသော သို့မဟုတ် ရိုးရှင်းသော စိတ်ကူးများမှနေ၍ ရှုပ်ထွေးပြီး များပြားသော စိတ်ကူးများ ထုတ်လုပ်နိုင်စွမ်းရည်အားဖြင့် ခွဲဖြာထွက်၍ စဉ်းစားခြင်းကို အကဲဖြတ်နိုင်သည်။ ယင်းတွင် မျှော်လင့်မထားသော ပေါင်းစပ်မှုများ ပြုလုပ်ခြင်း၊ အချက်အလက်များကို မမျှော်လင့်သော ပုံစံများအဖြစ်သို့ ပြောင်းလဲခြင်းနှင့် ဝေးကွာသော ဆက်နွှယ်ချက်များအကြား ချိတ်ဆက်များကို ရှာဖွေခြင်းတို့ ပါဝင်သည်။ ခွဲဖြာထွက်၍ စဉ်းစားခြင်းတွင် တစ်ခုတည်းသော မေးခွန်းအတွက် မြားမြောင်လှသော အဖြေများ ပေါ်လာပြီး အဖြေများသည် လူပုဂ္ဂိုလ်ပေါ် မူတည်လျက် အမျိုးမျိုးကွဲပြားနိုင်ဖွယ် ရှိသော်လည်း အဖြေအားလုံး၌ တူညီသော တန်ဖိုးရှိသည်။ ယင်းအဖြေများသည် ယခင်က ရှိခဲ့ဖူးပုံမရဘဲ အလွန်ဆန်းသစ်မှု ရှိသော၊ အံ့သြဖွယ်ကောင်းသော သို့မဟုတ် သမားရိုးကျ မဆန်သော အဖြေများဖြစ်နေတတ်သည်။ ခွဲဖြာထွက်၍ စဉ်းစားခြင်းနှင့် ပတ်သက်၍ အဓိကအချက် ရှစ်ချက်ရှိသည်။

ခက်ခဲ ရှုပ်ထွေးမှု-ခက်ခဲသော၊ မျက်နှာစာများစွာ ပါသော၊ အလွှာများစွာ ပါသော၊ ရှုပ်ထွေးပွေလီသော ရလဒ်များ သို့မဟုတ် စိတ်ကူးများကို ရုပ်လုံးပေါ်အောင် တွေးကြည့်နိုင်စွမ်း။

သိချင်စိတ်ပြင်းပြမှု-စူးစမ်းလိုသည့် အပြုအမူများကို ဖော်ပြခြင်း၊ စေ့စေ့စပ်စပ် ရှာဖွေခြင်း၊ မေးခွန်းများ မေးမြန်းခြင်း၊ အချက်အလက် သို့မဟုတ် ဗဟုသုတများ ပိုမိုရရှိအောင် လေ့လာခြင်းနှင့် စိတ်ကူးများထဲသို့ ပိုမိုနက်ရှိုင်းစွာ ထိုးဖောက် ၀င်ရောက်နိုင်ခြင်းနှင့် ပတ်သက်သော ကိုယ်ရည်ကိုယ်သွေးဆိုင်ရာ စရိုက်လက္ခဏာ။

ကျယ်ကျယ်ပြန့်ပြန့် အသေးစိတ် ရှင်းလင်းမှု-တည်ဆောက်ထားသော သို့မဟုတ် မွမ်းမံထားသော ရလဒ်တစ်ခု သို့မဟုတ် စိတ်ကူးတစ်ခုထဲသို့ ထပ်မံပေါင်းထည့်နိုင်သည့် ကျွမ်းကျင်မှု။

ပြောင်းလွယ်ပြင်လွယ်ရှိမှု-တူညီသည့်အရာ သို့မဟုတ် ပြဿနာနှင့် ဆက်စပ်သော အတိုင်းအတာ ကျယ်ပြောသည့် စိတ်ကူးအမျိုးမျိုးမှနေ၍ ကဏ္ဍအမျိုးမျိုး၊ တွေးယူချက်အမျိုးမျိုး ဖန်တီးနိုင်စွမ်း။

ကျွမ်းကျင်နိုင်နင်းမှု-ဖြစ်နိုင်ဖွယ်ဖြေရှင်းမှု သို့မဟုတ် ပတ်သက်နေသော ရလဒ်များစွာ ရရှိအောင် စိတ်ကူးအမြောက်အမြား ပေါက်ဖွားလာနိုင်စွမ်း။

စိတ်ကူးပုံဖော်နိုင်မှု-ဆန်းသစ်သော ရလဒ် သို့မဟုတ် စိတ်ကူးများကို ကိုယ်ပိုင်ဖြစ်အောင် ပုံဖော်နိုင်စွမ်း၊ တီထွင် ဖန်တီးနိုင်စွမ်း၊ တွေးနိုင်စွမ်း၊ မြင်နိုင်စွမ်းနှင့် ရုပ်လုံးပေါ်အောင် တွေးကြည့်နိုင်စွမ်း။

ကိုယ်ပိုင်ဖြစ်မှု-လတ်ဆတ် သစ်လွင်သော၊ သမားရိုးကျ မဟုတ်သော ၊ အတုမရှိသော၊ လုံးဝကွဲပြားခြားနားသောနှင့် လုံးဝအသစ်ဖြစ်သော ရလဒ် သို့မဟုတ် စိတ်ကူး ထုတ်ယူနိုင်စွမ်း။

စွန့်စားမှု-လုံးဝ ကွဲပြားခြားနားအောင် အသစ်များကို စမ်းသပ်ရန်နှင့် အန္တရာယ်ဖြစ်နိုင်ခြေများကို ခံယူရန် သတ္တိ၊ ရဲရင့်မှုနှင့် စွန့်စားမှု။

မည်သို့ပင် ဆိုစေကာမူ ပြဿနာများကို ဖြေရှင်းရာ၌ ခွဲဖြာထွက်၍ စဉ်းစားခြင်းသည် ထိရောက်သည့် မဟာဗျူဟာတစ်ရပ် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီ ၂၁ ရက်ထုတ် The Daily Eleven သတင်းစာ အယ်ဒီတာ့အာဘော်

နိုင်ငံရေးစိတ်ပညာ

ပင်မသဘောအရ နိုင်ငံရေးစိတ်ပညာသည် သက်ဆိုင်ရာ နိုင်ငံရေးစနစ်တစ်ရပ်အတွင်း လူပုဂ္ဂိုလ်အသီးသီး၏ အပြုအမူများနှင့် သက်ဆိုင်သည်။ ရှုပ်ထွေးသော ၀န်းကျင်များအတွင်း အစုလိုက်အပြုံလိုက် သတ်ဖြတ်မှုများ၊ တင်းမာသောပဋိပက္ခများ၊ စစ်ပွဲများနှင့် နိုင်ငံများ သို့မဟုတ် နိုင်ငံများကိုကြီးစိုးသော အာဏာရနိုင်ငံရေးသမားများ၏ အခြားသော အပြုအမူအများစုတို့အား စိတ်ပညာသက်သက်ဖြင့် ရှင်းပြနိုင်မည်မဟုတ်ပါ။ လူပုဂ္ဂိုလ်အသီးသီးတို့သည် ဘာမျှမရှိသည့် လေဟာနယ်အတွင်း တစ်စုံတစ်ရာ ပြုမူနိုင်မည်မဟုတ်ပါ။ ၎င်းတို့၏ အပြုအမူများသည် နိုင်ငံရေးအင်စတီကျူးရှင်းများအရ၊ နိုင်ငံရေးဓလေ့ထုံးတမ်းများအရ၊ ခေါင်းဆောင်မှုသွင်ဟန်များအရနှင့် လူမှုရေး စံသတ်မှတ်ချက်များအရ ကွဲပြား ခြားနားမှုများကို တုံ့ပြန်ခြင်း သို့မဟုတ် ပတ်သက်ခြင်းနှင့် သက်ဆိုင်နေသည်။ စိတ်ပညာသည် နိုင်ငံတကာစနစ်များနှင့် ပတ်သက်သော သက်ဆိုင်ရာရှုထောင့်များ၊ နိုင်ငံတော်အစိုးရ အဖွဲ့များနှင့် ကွဲပြားခြားနားသော လူ့အဖွဲ့အစည်းများမှတစ်ဆင့် နိုင်ငံခြားရေးမူဝါဒအပြုအမူကို သြဇာလွှမ်းမိုးသည်။ အာဏာရှင်စနစ်များကို သုတေသနပြုရာ၌ နိုင်ငံရေးဆိုင်ရာ စိတ်ပညာကို စဉ်းစားကြည့်နိုင်သည်။ ၁၉၃၀ ပြည့်လွန်နှစ်များနှင့် ၁၉၄၀ ပြည့်လွန်နှစ်များအတွင်း သန်းနှင့်ချီသောလူများကို ဖိနှိပ်ကာ သတ်ဖြတ်ခဲ့သည့် ဖက်ဆစ်ခေါင်းဆောင်များအား ၎င်းတို့၏နိုင်ငံသားများက အဘယ့်ကြောင့် ထောက်ခံခဲ့ကြသနည်းဟူသည်ကို နားလည်ရန် ခေါင်းဆောင်များ၏အပြုအမူနှင့် နောက်လိုက်များ၏ အပြုအမူကို လေ့လာရန် လိုလာသည်။ ယင်းသည်ပင်လျှင် နိုင်ငံရေးစိတ်ပညာဖြစ်သည်။ ပုံမှန်အတိုင်းဆိုလျှင် အာဏာရှင် ဖြစ်နိုင်ခြေများရှိနေသော တစ်စုံတစ်ဦးသည် ဖက်ဆစ်အစိုးရလက်ထက် နည်းလမ်းအတိုင်း လစ်ဘရယ် ဒီမိုကရေစီစနစ်တစ်ရပ်အတွင်း ပြုမူလိမ့်မည်ဟု ယုံကြည်ရန် ခက်ခဲပေလိမ့်မည်။

လူပုဂ္ဂိုလ်အသီးသီး၏ စိတ္တဗေဒဆိုင်ရာ စုစုပေါင်း အရောအနှောကြီးနှင့် နိုင်ငံရေးဆိုင်ရာ ဆက်နွှယ်သိုင်းဝိုင်းနေသော အချက်များအားလုံးက အကြမ်းဖက်မှုအပေါ် လူထု၏ တုံ့ပြန်မှုကို ပုံသွင်းသည်။ အကြမ်းဖက်မှုတိုက်ဖျက်ရေးမူဝါဒများအပေါ် လူထု၏ထောက်ခံ မှုသည် ခြိမ်းခြောက်ခံရသော အစိုးရတစ်ရပ်၏ တုံ့ပြန်လုပ်ဆောင်ပုံ၊ အကြမ်းဖက်မှုကို တိုက်ဖျက်ရာတွင် ကြိုတင်တွေးထင်ထားသည့် အစိုးရ၏ ကျွမ်းကျင်မှုနှင့် ထိရောက်မှုနှင့် နောင်အခါ ဖြစ်ပွားလာနိုင်သည့် အကြမ်းဖက်မှုဖြစ်စဉ်နှင့်ပတ်သက်၍ မိမိအနေဖြင့် သားကောင်ဖြစ်နိုင်ပုံကို လူတစ်ဦးအနေဖြင့် ခံစားရမှုတို့အပေါ်တွင် မူတည်နေသည်။ အစိုးရလုံခြုံရေးမူဝါဒ၏ ပြင်းအား သို့မဟုတ် အကြမ်းဖက်သမားများ၏ ရည်မှန်းချက်များ နှင့် စွမ်းဆောင်ရည်များကဲ့သို့သော ပြင်ပအားများသည် အချိန်နှင့်အမျှ ပြောင်းလဲနေနိုင်ပြီး နိုင်ငံသားတစ်ဦးအနေဖြင့် အကြမ်းဖက်ဖြစ်ရပ်တစ်ခုကို တုံ့ပြန်ရာ၌ စိုးရိမ်သောကရောက်နေသလား သို့မဟုတ် ဒေါသထွက်နေသလားဟူသည်၏ သြဇာသက်ရောက်မှုကိုလည်း ခံရသည်။ အကြမ်းဖက်သမားများက အားကောင်းပြီး အစိုးရအဖွဲ့က အားနည်းပါက ခြိမ်း ခြောက်ခံရသည့် လူ့အဖွဲ့အစည်းတစ်ရပ်အကြား စိုးရိမ်သောကရောက်မှုများသာ ပျံ့နှံ့၍သွားလိမ့်မည်။ သို့မဟုတ် အစိုးရက အားကောင်းပြီး အကြမ်းဖက်သမားများက အားနည်းပါက ဒေါသထွက်မှုများက ပျံ့နှံ့၍သွားလိမ့်မည်။ ထို့ပြင် လူတိုင်းက ခြိမ်းခြောက်မှုကို တစ်ပုံစံတည်းအတိုင်း တုံ့ပြန်မည်မဟုတ်ဘဲ တစ်ဦးချင်းအလိုက် စိတ်ပိုင်းဆိုင်ရာအနေ အထားများက အကြမ်းဖက်မှုနှင့်ပတ်သက်၍ ဒေါသထွက်မည်လား သို့မဟုတ် စိုးရိမ်မည်လားကို ပြဋ္ဌာန်းရာ၌ အဓိကအနေဖြင့် ပါဝင်သည်။

မည်သို့ပင်ဆိုစေကာမူ အများပြည်သူနှင့်ဆိုင်သည့် နိုင်ငံရေးဆိုင်ရာမူဝါဒများချမှတ်ရာ၌ လူထု၏ ပျမ်းမျှစိတ်သဘောထားကို သိရှိနိုင်ရန် နိုင်ငံရေးစိတ်ပညာသည် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

(ဇန်န၀ါရီ ၂၀ ရက်ထုတ် The Daily Eleven သတင်းစာ၏ အယ်ဒီတာ့အာဘော်)

အသက်ရှည်ရာ အနာမဲ့ကြောင်း

ဘ၀တွင် ရည်ရွယ်ချက်ရှိခြင်းသည် အသက်ကြီးလာချိန်၌ မိမိ၏ လုပ်ဆောင်နိုင်မှုများနှင့် အမှီအခိုကင်းမှုများကို ထိန်းသိမ်းထားနိုင်ရန် အထောက်အကူပြုကြောင်း JAMA Psychiatry ဂျာနယ်တွင် ဖော်ပြသည့် လေ့လာချက်အသစ်တစ်ရပ်က ဆိုသည်။ လေ့လာ ချက်တွင် ပါဝင်သူများအနက် ရည်မှန်းချက်များနှင့် ဘ၀ကို အဓိပ္ပာယ်ရှိသည်ဟု ခံစားရသူများသည် ရုပ်ပိုင်းဆိုင်ရာစွမ်းရည် ကျဆင်းခြင်း လက္ခဏာနှင့် မစွမ်းမသန်ဖြစ်ရန်အတွက် အန္တရာယ်ရှိသည့် အကြောင်းခြင်းရာနှစ်ရပ်ဖြစ်သော လက်ညှစ်အား ကျဆင်းခြင်းနှင့် လမ်းလျှောက်နှုန်းနှေးသွားခြင်းတို့ ဖြစ်နိုင်ခြေ နည်းပါးသည်ဟု ဆိုသည်။ ရည်ရွယ်ချက်များရှိသည့်နေထိုင်ခြင်းသည် အသက်ရှည်ခြင်း၊ ရောဂါဖြစ်နိုင်ခြေနည်းပါးခြင်း၊ ကောင်းမွန်စွာ အိပ်ပျော်ခြင်းနှင့် ကျန်းမာသော အမူအကျင့်များရှိခြင်းကဲ့သို့သော အခြား ကောင်း ကျိုးချမ်းသာများ ရှိခြင်းနှင့် ဆက်နွှယ်နေကြောင်းလည်း တွေ့ရှိပြီးဖြစ်သည်။ ယခုလေ့လာချက်တွင်မူ ရုပ်ပိုင်းဆိုင်ရာ စွမ်းဆောင်နိုင်ခြေကို ပထမဆုံးအဖြစ် တိုက်ရိုက် စစ်ဆေးထားခြင်းဖြစ်သည်။ အမေရိကန်ပြည်ထောင်စုတွင် အသက် ၆၅ နှစ်နှင့်အထက်ရှိသူ သုံးဦးလျှင် တစ်ဦးနှုန်းသည် လမ်းဘလောက်သုံးခုခန့်လျှောက်ရန်ပင် အလွန်ခက်ခဲနေကြသည်ဟု အမေရိကန် ရောဂါကာကွယ်ရေးနှင့် ထိန်းချုပ်ရေး ဗဟိုဌာန (CDC) က ဆိုသည်။

ဟားဗက်တက္ကသိုလ် ပြည်သူ့ကျန်းမာရေးကျောင်းမှ သုတေသနပြုသူများသည် အသက် ၅၀ နှင့်အထက်တို့အား ပြုလုပ်သည့် ကာလကြာရှည်သော လေ့လာချက်တစ်ရပ်မှ အချက်အလက်များကို သုံးသပ်ခဲ့ခြင်းဖြစ်သည်။ ၂၀၀၆ ခုနှစ်နှင့် ၂၀၁၀ ပြည့်နှစ်များတွင် ပါဝင်သူတို့အား ၎င်းတို့၏ ကျန်းမာရေးနှင့် ကောင်းကျိုးချမ်းသာတို့အကြောင်း စစ်တမ်း မေးခွန်းများကို ဖြေဆိုစေခဲ့ပြီး ၎င်းတို့၏ လက်ညှစ်အားနှင့် လမ်းလျှောက်နှုန်းတို့ကို တိုင်းတာရန်အတွက် စစ်ဆေးမှုများကိုလည်း ပြုလုပ်ခဲ့သည်။ လေ့လာချက်အစတွင် လူပေါင်း ၄၅၀၀ သည် လက်ညှစ်အားနှင့်ပတ်သက်၍ လိုအပ်သော သတ်မှတ်ချက်ကို ပြည့်မီခဲ့ကြသော်လည်း နောက်လေးနှစ်အကြာတွင် ၎င်းတို့ထဲမှ ၉ ဒသမ ၅ ရာခိုင်နှုန်းသည် သတ်မှတ်ချက်အောက်သို့ ရောက်ရှိသွားခဲ့သည်။ လမ်းလျှောက်ခြင်းနှင့်ပတ်သက်၍ အစပိုင်းတွင် လူပေါင်း ၁၅၀၀ သည် သတ်မှတ်ချက်ကို ပြည့်မီခဲ့သော်လည်း နောက်လေးနှစ်အကြာတွင်  ၄၇ ရာခိုင်နှုန်းသည် သတ်မှတ်ချက်အောက် ရောက်ရှိသွားကြသည်။

သုတေသနပြုသူများက လူများ၏ အချိန်နှင့်အမျှ ရုပ်ပိုင်းဆိုင်ရာပြောင်းလဲမှုများကို ၎င်းတို့၏ ဘ၀ရည်ရွယ်ချက်များနှင့်ပတ်သက်၍ မေးခွန်းများကို ဖြေဆိုထားမှုနှင့် နှိုင်းယှဉ်လေ့လာခဲ့ကြသည်။ မေးခွန်းများ၌ ဥပမာအားဖြင့် မိမိတို့၏ ဘ၀ကို ရည်ရွယ်ချက်မဲ့စွာ ကုန်ဆုံးစေသလား သို့မဟုတ် အနာဂတ်အတွက် ရည်မှန်းချက်များရှိပါသလားဟူသည့်  မေးခွန်းမျိုး ပါဝင်သည်။ ထိုအခါ အရေးပါသော ဆက်နွှယ်မှုကို တွေ့ရှိခဲ့သည်။ ဘ၀၌ ရည်ရွယ်ချက် ပို၍မြင့်မားသူများ၏ လက်ညှစ်အား ကျဆင်းနိုင်ခြေသည် ရည်ရွယ်ချက် နိမ့်ပါးသူများ၏ ၁၃ ရာခိုင်နှုန်းနှင့် လမ်းလျှောက်နှုန်းကျဆင်းနိုင်ခြေသည် ၎င်းတို့၏ ၁၄ ရာခိုင်နှုန်းသာရှိကြောင်း တွေ့ရှိခဲ့သည်။ အချို့သောသူများတွင် ရည်ရွယ်ချက်မြင့်မားသူများသည် အချိန်နှင့်အမျှ လမ်းလျှောက်နှုန်းပင် ပို၍မြင့်မား၍လာပြီး ၂ ဒသမ ၅ နှစ် ပို၍ ငယ်ရွယ်သူများနှင့်ပင် ညီမျှသွားကြသည်ဟုဆိုသည်။ ယင်းတွေ့ရှိချက်များက ဘ၀၌ ရည်ရွယ်ချက်ရှိခြင်းသည် အသက်အရွယ်ကြီးသူများ၌ ရုပ်ပိုင်းဆိုင်ရာ စွမ်းဆောင်နိုင်မှုကို ထိန်းသိမ်းထားနိုင်ရန် အဓိကကျကြောင်း ပြသနေသည်။

ထို့ကြောင့် အသက်အရွယ်ကြီးသူများအနေဖြင့် အသက်ရှည်ရာ အနာမဲ့ကြောင်းအတွက် ဘ၀၌ မြင့်မားသောရည်ရွယ်ချက်များ ဆက်လက်ထားရှိကြရန် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

(ဇန်န၀ါရီ ၁၉ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ပဋိပက္ခအပေါ် စနစ်တကျဖြေရှင်းနိုင်ခြင်း၏ အရေးပါမှု

မြောက်ဦးတွင်ဖြစ်ပွားခဲ့သော အဓိကရုဏ်းဖြစ်စဉ်အတွင်း ရခိုင်ဒေသခံအများအပြား သေဆုံးဒဏ်ရာရခဲ့မှုကြောင့် ရခိုင်ပြည်နယ်၏ တည်ငြိမ်မှုအခြေအနေ တစ်စတစ်စဆိုးရွားလာမည်ကို ပြည်သူများအကြား စိုးရိမ်ပူပန်မှု မြင့်တက်လာခဲ့သည်။ မြောက်ဦးမြို့တွင် နှစ်စဉ်ကျင်းပလေ့ရှိသည့် ရခိုင်ဘုရင့်နိုင်ငံတော် ကျဆုံးခြင်းအခမ်းအနား ပွဲပျက်ခဲ့မှုနှင့်ပတ်သက်ပြီး လူစုလူဝေးဖြစ်ရာမှ ရဲတပ်ဖွဲ့က သေနတ်ဖြင့် ပစ်ခတ်နှိမ်နင်းခဲ့ခြင်းကြောင့် ဒေသခံရခိုင်လူမျိုး ခုနစ်ဦးသေဆုံးခဲ့ပြီး ၁၀ ဦးကျော် ထိခိုက်ဒဏ်ရာရမှုဖြစ်ပွားခဲ့သည်။ ရခိုင်ဘုရင့်နိုင်ငံတော် အချုပ်အခြာအာဏာကျဆုံးနေ့ ၀မ်းနည်းအထိမ်းအမှတ် အခမ်းအနားကို ၂၀၁၄ ခုနှစ်မှစ၍ နှစ်စဉ်ပြာသိုလကွယ်နေ့တွင် ကျင်းပခဲ့ခြင်းဖြစ်သော်လည်း ဇန်န၀ါရီ ၁၆ ရက်က မြောက်ဦးတွင် အခမ်းအနားပြုလုပ်ရန် ခွင့်ပြုချက်မရသည့်အတွက် ပွဲအစီအစဉ်ရုပ်သိမ်းလိုက်ရမှုကို မကျေနပ်သည့် ထောင်နှင့်ချီသောဒေသခံများက မြို့နယ်အထွေထွေအုပ်ချုပ်ရေးမှူးရုံးသို့ သွားရောက်၍ဆန္ဒထုတ်ဖော်ခဲ့သည်။ ထို့နောက် ညပိုင်းတွင် ခရိုင်ရဲစခန်းရှေ့သို့ ရောက်ရှိစုဝေးဆန္ဒပြရာမှ ရဲတပ်ဖွဲ့က လူစုခွဲရန် ပစ်ခတ်နှ်ိမ်နင်းခဲ့သည့်အတွက် အသေအပျောက်များခဲ့သည်ဟုဆိုရမည့် အဓိကရုဏ်းတစ်ရပ်ဖြစ်ပွားခဲ့သည်။

ယင်းကဲ့သို့ အဓိကရုဏ်းနှိမ်နင်းမှုအတွင်း သေဆုံးမှုနှုန်းမြင့်မားခဲ့ရခြင်းအတွက် သက်ဆိုင်ရာရဲတပ်ဖွဲ့၏ ကိုင်တွယ်ဖြေရှင်းမှုအပေါ် မေးခွန်းထုတ်ဝေဖန်မှုများ ထွက်ပေါ်ခဲ့သည်။ ဒေသအာဏာပိုင်နှင့် အစိုးရတာဝန်ရှိသူများဘက်မှ ပဋိပက္ခဖြစ်စဉ်အပေါ် လူထုထံ အလျင်အမြန်တာဝန်ယူဖြေရှင်းသည့် ထုတ်ပြန်ချက်များ ဆောင်ရွက်မှုအစီအစဉ်များ လုံလောက်သည့် တုံ့ပြန်ကိုင်တွယ်မှုများ အားနည်းခဲ့သည့်အပေါ် ဝေဖန်မှုများရှိလာခဲ့သည်။ မြောက်ဦးဖြစ်စဉ်အပြီး နာရီ ၂၀ ခန့်အကြာမှ အစိုးရ၏ ပြန်ကြားရေးသတင်းဌာနက သတင်းထုတ်ပြန်မှုတစ်ခုကို စတင်ပြုလုပ်ခဲ့သည်။ ယင်းထုတ်ပြန်မှုတွင် စာပေဟောပြောပွဲပြုလုပ်ရန် ကိစ္စနှင့်ပတ်သက်၍ တားမြစ်မှုအပေါ်မကျေနပ်သဖြင့် လူစုလူဝေးဖြစ်ပေါ်ခဲ့ကြောင်း၊ ၎င်းတို့က မြောက်ဦးမြို့အတွင်း ကြွေးကြော်သံများဖြင့် လှည့်လည်စဉ် ရဲတပ်ဖွဲ့ဝင်များနှင့် ရုန်းရင်းဆန်ခတ်ဖြစ်ပွားခဲ့ကြောင်း၊ ရဲလုပ်ငန်းများနှင့်အညီ အဆင့်ဆင့်တားမြစ်ခဲ့သော်လည်း အခြေအနေပိုမိုဆိုးရွားလာသဖြင့် သေနတ်ဖြင့် သတိပေးခြောက်လှန့်ပစ်ခတ်ခြင်း၊ လူစုကွဲစေရန် ပစ်ခတ်ခြင်းများ ပြုလုပ်ခဲ့မှုကြောင့် လူခုနစ်ဦးသေဆုံးပြီး ၁၂ ဦး ဒဏ်ရာရရှိခဲ့သည်ဟု ဖော်ပြချက်တွင်ပါရှိခဲ့သည်။ ထို့ပြင်ဖြစ်စဉ်အတွင်း လူစုလူဝေးမှ ကျောက်ခဲများဖြင့် ပစ်ခတ်မှုကြောင့် ရဲတပ်ဖွဲ့ဝင်များ ထိခိုက်ဒဏ်ရာရပြီး ထွေအုပ်ရုံးဝင်းအတွင်း မော်တော်ယာဉ်၊ ဆိုင်ကယ်နှင့် ရုံးခန်းပျက်စီးမှုအချို့ရှိခဲ့သည်ဟုလည်း အစိုးရပြန်ကြားရေးဝန်ကြီးဌာန၏ ထုတ်ပြန်ချက်တွင် ပါရှိခဲ့ပြန်သည်။

သို့သော်လည်း တုတ်၊ ဓားလက်နက်ကိုင်ဆောင်ခြင်းမရှိဘဲ လူစုလူဝေးဖြင့် ဆန္ဒထုတ်ဖော်ခဲ့မှုအပေါ် လူအသေအပျောက်များစေခဲ့သည့် နှိမ်နင်းမှုတစ်ရပ်သည် ဒေသခံများအကြားတွင် သွေးဆူသကဲ့သို့ဖြစ်စေနိုင်သည့် အခြေအနေမှာ စိုးရိမ်စရာ ဖြစ်စေခဲ့သည်။ လုံခြုံရေးတပ်ဖွဲ့ဝင်များအနေဖြင့် ပဋိပက္ခကို ကိုင်တွယ်ဖြေရှင်းရာတွင် အဓိကရုဏ်းနှိမ်နင်းမှုဆိုင်ရာ စည်းကမ်းသတ်မှတ်ချက် အဆင့်အဆင့်အတိုင်း စနစ်တကျလုပ်ဆောင်သင့်သည်မှာ အမှန်ပင်ဖြစ်သည်။ ပဋိပက္ခကို ဖြေရှင်းရာတွင် ရှေးဦးစွာညှိနှိုင်းဖျန်ဖြေမှုဖြင့် စတင်ချဉ်းကပ်သင့်ပြီး ဥပဒေ၏နောက်ဆက်တွဲ ဖြစ်လာနိုင်သည့် အခြေအနေများအထိ ညှိနှိုင်းဆွေးနွေးအသိပေးမှုများ ပြုလုပ်သင့်သည်။ အကယ်၍ ဥပဒေချိုးဖောက်မှုပုံစံမျိုးအထိ ရောက်လာပြီး လူစုလူဝေးကို ထိန်းချုပ်ရန်ခက်ခဲသည့် အခြေအနေဖြစ်လာပါက လူစုခွဲရန် မျက်ရည်ယိုဗုံးအသုံးပြုခြင်း၊ ကော်ကျည်ဆန်၊ ရော်ဘာကျည်ဆန်တို့ဖြင့် ပစ်ခတ်ခြင်းမျိုးနှင့် ယင်းသို့ပစ်ခတ်ရာတွင်လည်း ဆိုးဆိုးရွားရွား ထိခိုက်မှုမရှိစေရန် အောက်ခြေပိုင်းကိုသာ ပစ်ခတ်ရသည့်ပုံစံမျိုးကို အဆင့်ဆင့်လုပ်ဆောင်သင့်သည်မှာ အမှန်ပင်ဖြစ်သည်။

မည်သို့ပင်ဆိုစေကာမူ ယခုဖြစ်ပွားခဲ့သော ပဋိပက္ခအတွင်း လူအသေအပျောက်များစေခဲ့ခြင်းမှာ စိတ်မကောင်းဖွယ် အခြေအနေတစ်ရပ်ပင်ဖြစ်ပြီး ထိခိုက်ဆုံးရှုံးခဲ့ရသူများ၏ မိသားစုဝင်များအတွက်လည်း ကြီးစွာသောနစ်နာဆုံးရှုံးမှုပင် ဖြစ်ပေလိမ့်မည်။ သို့ဖြစ်ရာ သက်ဆိုင်ရာတာဝန်ရှိသူများအနေဖြင့် ပဋိပက္ခအတွင်း မလိုလားအပ်သည့် ပြဿနာများမဖြစ်ပွားစေရန် စနစ်တကျ ကိုင်တွယ်ဆောင်ရွက်သင့်ပြီး အစိုးရအနေဖြင့်လည်း ထိလွယ်ရှလွယ်သောအခြေအနေတွင် ပြည်သူများအပေါ် ဆုံးရှုံးနစ်နာမှုမဖြစ်စေရန် သတိပြုလုပ်ဆောင်သင့်ပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီ (၁၈) ထုတ် The Daily Eleven သတင်းစာ အယ်ဒီတာ့အာဘော်

နိုင်ငံရေးကိုယ်ကျင့်တရား

နိုင်ငံတစ်နိုင်ငံ၏ နိုင်ငံရေးလမ်းကြောင်းများအပေါ် လွှမ်းမိုးကြီးစိုးသော အကြောင်းခြင်းရာများစွာရှိသည်။ ယင်းအကြောင်းခြင်းရာတို့တွင် စီးပွားရေးအနေအထား၊ နိုင်ငံရေးသမားများနှင့် ဗျူရိုကရက်တို့၏ ကိုယ်ကျိုးမျှော်မှု၊ မီဒီယာတို့၏သဘောထားနှင့် အခြားအကြောင်းအရာများစွာ ပါဝင်သည်။ သို့သော် အခြေခံအကြောင်းခြင်းရာမှာ ကိုယ်ကျင့်တရားပင်ဖြစ်သည်။ အမှားအမှန်၊ အကောင်းအဆိုးနှင့်ပတ်သက်၍ ပြည်သူတို့၏ ယုံကြည်ချက်၊ မိမိတို့၏ဘ၀အတွက် ပြည်သူတို့၏ပြင်းပြသောဆန္ဒ၊ ပြည်သူတို့လက်ခံထားသော သုစရိုက်မှုများနှင့် ပြည်သူတို့ရှုတ်ချသော ဒုစရိုက်မှုများ၊ ပြည်သူတို့လက်ခံထားသော တာဝန်နှင့်ဝတ္တရားများ၊ ပြည်သူတို့ခံစားခွင့်ရှိသည်ဟု ယူဆထားသောအရာများ၊ ပြည်သူတို့၏ တရားမျှတမှုဆိုင်ရာသိမှုအား လွှမ်းမိုးသည့်စံနှုန်းများနှင့် မည်သည့်အရာသည် ထိုက်တန်သည်ဟူသည်နှင့် ပတ်သက်သော ပြည်သူတို့၏သိမှုအား ပုံသွင်းသည့် စံနမူနာများ စသည်တို့အားလုံးသည် ကိုယ်ကျင့်တရားဆိုင်ရာ အကြောင်းခြင်းရာများဖြစ်သည်။

နိုင်ငံရေးကိုယ်ကျင့်တရားသည် နိုင်ငံရေးလုပ်ဆောင်ချက်များနှင့် နိုင်ငံရေးအကြောင်းအရာများအပေါ် ကိုယ်ကျင့်တရားဆိုင်ရာအရ အကဲဖြတ်ချက်များကို ကျင့်သုံးသည်။ နိုင်ငံရေးကိုယ်ကျင့်တရားသည် နယ်ပယ်နှစ်ခုအပေါ် လွှမ်းခြုံထားသည်။ ပထမတစ်ခုမှာ အစိုးရအရာရှိများနှင့် ၎င်းတို့ကျင့်သုံးသော နည်းလမ်းများနှင့်ပတ်သက်သော လုပ်ငန်းစဉ်ဆိုင်ရာ ကျင့်ဝတ်များဖြစ်သည်။ ဒုတိယတစ်ခုမှာ မူဝါဒများနှင့် ဥပဒေများအပေါ်အကဲဖြတ်ခြင်းနှင့်ဆိုင်သော မူဝါဒနှင့်ပတ်သက်သည့် ကျင့်ဝတ်များဖြစ်သည်။ နိုင်ငံရေးကျင့်ဝတ်များသည် ကိုယ်ပိုင်ဘ၀တွင် မှားယွင်းသည်ဟုဆိုနိုင်သော အရာများအား နိုင်ငံရေးခေါင်းဆောင်များကို ခွင့်ပြုထားသကဲ့သို့ နိုင်ငံရေးခေါင်းဆောင်များသည် မိမိတို့၏ကိုယ်ပိုင်ဘ၀တွင် လိုအပ်သည်ထက် ပိုမိုမြင့်မားသောစံနှုန်းများနှင့် ကိုက်ညီရန်လည်း လိုအပ်သည်။ ဥပမာအားဖြင့် နိုင်ငံရေးခေါင်းဆောင်များသည် သာမန်ပြည်သူများထက် ပုဂ္ဂလိကဆိုင်ရာအခွင့်အရေး ပိုမိုနည်းပါးနိုင်ပြီး ၎င်းတို့၏ရုံးများကိုလည်း ပုဂ္ဂိုလ်ရေးအကျိုးအတွက် အသုံးပြုခွင့်မရှိပေ။

ဒီမိုကရေစီစနစ်များသည် ဗျူရိုကရေစီအရာရှိများ၏ လုပ်ဆောင်ချက်များအပေါ် ကြီးလေးသော စည်းမျဉ်းစည်းကမ်းများ ချမှတ်ထားလေ့ရှိသော်လည်း ရွေးကောက်တင်မြှောက်ခံရသော အရာရှိများ၏ လုပ်ဆောင်ချက်များအပေါ် သိသိသာသာ ပေါ့ပါးသည့် စည်းမျဉ်းစည်းကမ်းများသာ ထားရှိလေ့ရှိတတ်သည်။ အစဉ်အလာသဘောအရ နိုင်ငံရေးသမားများသည် မိမိကိုယ်မိမိ ပိုမိုထိန်းချုပ်နိုင်သည်ဟု လက်ခံယုံကြည်ထားသောကြောင့်ဖြစ်သည်။ ဒီမိုကရေစီအစိုးရအဖွဲ့များစွာတွင် နိုင်ငံရေးသမားများသည် ပြည်သူတို့၏ယုံကြည်မှုဟူသည့် ၀န်ထုပ်ဝန်ပိုးကို ၎င်းတို့သယ်ဆောင်နိုင်ခြင်းမရှိကြောင်း မိမိတို့ဘာသာ ထုတ်ဖော်ပြသမိတတ်ကြသည်။ အကျိုးတရားအနေဖြင့် နိုင်ငံရေးဆိုင်ရာခြစားမှုများ ဖြစ်ပေါ်မည်ကိုစိုးရိမ်ပြီး ပြည်သူတို့၏ မယုံကြည်မှုရှုထောင့်မှနေ၍ နိုင်ငံရေးဆိုင်ရာ ကျင့်ဝတ်များကို သတ်မှတ်ကြရတော့သည်။

အကယ်၍ နိုင်ငံရေးမှနေ၍ ကျင့်ဝတ်များကို ဖယ်ရှားလိုက်ပါက ပြည်သူများနှင့် နိုင်ငံရေးအကြား အယုံအကြည်ကင်းမဲ့သည့် အနေအထားတစ်ရပ်ကို ဖန်တီးလိုက်သကဲ့သို့ ဖြစ်စေလိမ့်မည်။ ယင်းအနေအထားသည် ကောင်းသောအုပ်ချုပ်ရေး၏ စံနမူနာများကို ထိခိုက်ပျက်စီးစေပြီး အစိုးရကိုပါ အကြီးအကျယ်ထိခိုက်စေမည်ဖြစ်သည်။ အမှန်တကယ်၌ နိုင်ငံရေးနှင့် နိုင်ငံရေးသမားဟူသည်ကို ပြည်သူတို့၏ ကောင်းကျိုးချမ်းသာအတွက်သာ ဖန်တီးထားခြင်းဖြစ်သည်။ နိုင်ငံရေးတွင် ရိုးသားမှု၊ သမာဓိတည်ကြည်မှု၊ ပွင့်လင်းမြင်သာမှုနှင့် တာဝန်ခံမှုတို့အပြင် စာနာစိတ်၊ ကရုဏာတရားနှင့် ကိုယ်ကျိုးမငဲ့ကွက်မှုတို့ လိုအပ်သည်။

မည်သို့ပင်ဆိုစေကာမူ ကောင်းသောအုပ်ချုပ်ရေးဖြစ်ရန်အတွက် နိုင်ငံရေးတွင် ကိုယ်ကျင့်တရားက အလွန်အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီ (၁၇) ထုတ် The Daily Eleven သတင်းစာ အယ်ဒီတာ့အာဘော်

အုပ်ချုပ်ရေး၏ လုပ်ငန်းဆောင်တာများ

စီမံခန့်ခွဲမှုများအပြင် အခြားအရာများနှင့်ပတ်သက်သော လုပ်ဆောင်ချက်များနှင့် ကိစ္စရပ်များကို ညွှန်ကြားရန်နှင့် ထိန်းချုပ်ရန်၊ သြဇာသက်ရောက်မှုကို အသုံးပြုခြင်းနှင့် ထိန်းချုပ်ခြင်းအားဖြင့် အဖွဲ့အစည်းတစ်ခုကို အုပ်ချုပ်ခြင်း လုပ်ဆောင်ချက်ကို အုပ်ချုပ်aရးဟု ခေါ်သည်။ အဖွဲ့အစည်းတစ်ခု၏ စွမ်းဆောင်ချက်နှင့် ဆက်နွှယ်မှုများအတွက် လူပုဂ္ဂိုလ်တစ်ဦးချင်း သို့မဟုတ် အုပ်စုတစ်စုက တာဝန်ခံခြင်းသည် အုပ်ချုပ်ရေးအဖွဲ့၏ တစ်ဦးတည်း မူပိုင်တာဝန်ယူမှုဖြစ်သည်။ ကောင်းသောအုပ်ချုပ်ရေး၏ ရည်ရွယ်ချက်သည် စီးပွားရေးနှင့် လူမှုရေး ရည်မှန်းချက်များအကြား၊ လူပုဂ္ဂိုလ်တစ်ဦးချင်းနှင့် လူအဖွဲ့အစည်းအလိုက် ရည်မှန်းချက်များအကြား ထိန်းညှိရခြင်းဖြစ်သည်။ အုပ်ချုပ်ရေးမူဘောင်သည် ရင်းမြစ်များကို ထိရောက်စွာ အသုံးပြုရေးနှင့် ယင်းရင်းမြစ်များအား ကြီးကြပ်အုပ်ချုပ်မှုအတွက် တာဝန်ခံခြင်းတို့အား အားပေးမြှင့်တင်ရန်ဖြစ်သည်။ ယင်းတို့အတွက် ရည်ရွယ်ချက်သည် လူပုဂ္ဂိုလ်တစ်ဦးချင်း၊ အဖွဲ့အစည်းအလိုက်နှင့် လူ့အဖွဲ့အစည်းအလိုက် အကျိုးစီးပွားများကို ဖြစ်နိုင်သမျှ ထိန်းညှိရန်ဖြစ်သည်။ ယင်းတို့အတွက် အုပ်ချုပ်ရေး၏ လုပ်ငန်းဆောင်တာ ငါးရပ်ရှိသည်။

၁။ မဟာဗျူဟာဆိုင်ရာ အစီအစဉ်မှတစ်ဆင့် မျှော်မှန်းချက်နှင့် လုပ်ငန်းစဉ်အဆို ပြုချက်များမှတစ်ဆင့် ဖော်ပြသော အဖွဲ့အစည်း၏ ရည်ရွယ်ချက်များကို ဆုံးဖြတ်ခြင်း- ရည်ရွယ်ချက်များသည် အဖွဲ့အစည်း၏ ကြံရွယ်ချက်များကို သတ်မှတ်ပြီး ယင်းကြံရွယ်ချက်များကို မည်သို့မည်ပုံ ပြည့်ဝအောင် ဆောင်ရွက်မည်ဆိုသည်ကို ရှင်းပြသည်။

၂။ အဖွဲ့အစည်း၏ ကျင့်ဝတ်များကို ဆုံးဖြတ်ခြင်း၊ အပြုအမူနှင့်ပတ်သက်၍ မည်သည့် ရှုထောင့်များက အမှန်တကယ် အရေးကြီးသည်ကို သတ်မှတ်ခြင်း – ကျင့်ဝတ်များသည် ကိုယ်ကျင့်တရားဆိုင်ရာ ကိစ္စများနှင့် စံသတ်မှတ်ချက်များအပေါ် အခြေခံပြီး အဖွဲ့အစည်းအတွင်း လူတို့၏ကျင့်ဝတ်များကို အုပ်ထိန်းရန် စည်းမျဉ်းများနှင့် စံနှုန်းများကို သတ်မှတ်သည်။ မည်သည့်အဖွဲ့အစည်းမဆို၏ ကျင့်ဝတ်ဆိုင်ရာစံနှုန်းများကို ထိပ်ပိုင်းပုဂ္ဂိုလ်များ၏ အပြုအမူများကို သတ်မှတ်ကာ အထက်မှ အောက်သို့ တစ်ဆင့်ချင်း ဆင်းလာသည်။

၃။ အဖွဲ့အစည်း၏ ဓလေ့ထုံးတမ်းများကို ဖန်တီးခြင်း – ယင်းသည် ပို၍သိမ်မွေ့ နက်နဲသော လုပ်ငန်းစဉ်ဖြစ်ပြီး လူပုဂ္ဂိုလ်များအချင်းချင်း အပြန်အလှန်ဆက်ဆံရေးပေါ် မူတည်နေသည်။ အုပ်ချုပ်ရေးအဖွဲ့သည် ဓလေ့ထုံးတမ်းများနှင့် ပတ်သက်၍ မိမိ လိုလားရာကို ဆုံးဖြတ်ပြီး အလုပ်အမှုဆောင် ရာထူးများအဖြစ် ခန့်အပ်ထားသော လူများမှတစ်ဆင့် အဖွဲ့အစည်း၏ ဓလေ့ထုံးတမ်းအတိုင်း လုပ်ဆောင်မှုအပေါ် သြဇာသက်ရောက်သည်။

၎။ လုပ်ငန်းဆောင်တာများ ဆောင်ရွက်ရာတွင် အုပ်ချုပ်ရေးအဖွဲ့က သတ်မှတ်ထားသော ကျင့်ဝတ်ဆိုင်ရာနှင့် ဓလေ့ထုံးတမ်းဆိုင်ရာ မူဘောင်အတွင်း ရှိနေရမည်ဖြစ်ပြီး ထိန်းညှိခြင်း၊ ပြဋ္ဌာန်းဥပဒေအတိုင်း ကျင့်သုံးခြင်း၊ ဥပဒေအရ တာဝန်ဝတ္တရားများ ပြဋ္ဌာန်းခြင်းတို့အပြင် အဖွဲ့အစည်း၏ ရည်ရွယ်ချက်များ ရယူနိုင်ရန် ဦးတည်သည့် စီမံခန့်ခွဲမှုနှင့် လုပ်ငန်းဆောင်တာများ ဖြစ်စေမှုသေချာစေခြင်းအားဖြင့် လေးစားလိုက်နာမှုများကို အာမခံရသည်။

၅။ အဖွဲ့အစည်းအတွက် အုပ်ချုပ်ရေးမူဘောင်များကို ဒီဇိုင်းရေးဆွဲခြင်းနှင့် အကောင်အထည်ဖော်ခြင်း – အုပ်ချုပ်ရေးအဖွဲ့သည် အဖွဲ့အစည်း၏ စွမ်းဆောင်ချက်များအတွက် တာဝန်ခံရပြီး အဖွဲ့အစည်း၏ လွှမ်းခြုံသဘော တာဝန်များကို ယူရသည်။ သို့သော် အဖွဲ့အစည်းအများစုတွင် အုပ်ချုပ်ရေးအဖွဲ့သည် အုပ်ချုပ်မှုလုပ်ငန်းအားလုံးကို အုပ်ချုပ်ရေး အဖွဲ့ သက်သက်ဖြင့် ဆောင်ရွက်နိုင်ခြင်း မရှိပေ။

မည်သို့ပင်ဆိုစေကာမူ အဖွဲ့အစည်းတစ်ရပ်၏ ကိစ္စရပ်များနှင့် လုပ်ဆောင်ချက်များအတွက် အပြည့်အ၀ တာဝန်ခံရသည်မှာ အုပ်ချုပ်ရေးအဖွဲ့သာဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

 

(ဇန်န၀ါရီ ၁၆ ရက်ထုတ် The Daily Eleven သတင်းစာ၏ အယ်ဒီတာ့အာဘော်)

နိုင်ငံရေးယုံကြည်ချက်နှင့် ဒီမိုကရေစီ

ဆယ်စုနှစ်များစွာအတွင်း အများပြည်သူတို့၏ နိုင်ငံရေးအပေါ် ယုံကြည်မှုအဆင့်များ ကျဆင်းလာခြင်းနှင့်ပတ်သက်သော စိုးရိမ်မှုများကြောင့် ပညာရှင်များသည် နိုင်ငံရေးယုံကြည်ချက်နှင့် ပတ်သက်၍ စူးစမ်းလေ့လာမှုများကို ပြုလုပ်လာခဲ့ကြသည်။ ဒီမိုကရေစီ အုပ်ချုပ်ရေးအတွက် နိုင်ငံရေးယုံကြည်ချက်သည် ကြိုတင်ရှိနှင့်ထားရမည်ဖြစ်သော မရှိမဖြစ်လိုအပ်ချက်ဟု သတ်မှတ်ထားသောကြောင့် နိုင်ငံရေးအပေါ်ယုံကြည်မှု ကျဆင်းခြင်းသည် ကိုယ်စားပြုဒီမိုကရေစီစနစ်၏ အရည်အသွေးအပေါ် အခြေခံကျသော စိန်ခေါ်မှုဟု ယူဆကြသည်။

အခြေခံသဘောအရ နိုင်ငံရေးယုံကြည်ချက်ဟူသည် အစိုးရ သို့မဟုတ် လွှတ်တော်ဟူသည့် အင်စတီကျူးရှင်းများ၏ လုပ်ဆောင်ချက်များအတွက် မရေရာမှု သို့မဟုတ် အားနည်းချက်များရှိနေမှုကို ရင်ဆိုင်ကြရာ၌ အဆိုပါနိုင်ငံရေးအင်စတီကျူးရှင်းများအား  နိုင်ငံသားများက ထောက်ခံမှုဟု နားလည်အပ်သည်။ နိုင်ငံရေးယုံကြည်ချက်ကို အစဉ်အလာအရ ဒီမိုကရေစီလိုလားသည့် စံတန်ဖိုးတစ်ရပ်ဟု ခံယူကြသော်လည်း နိုင်ငံရေး ယုံကြည်ချက် မရှိခြင်းက ဒီမိုကရေစီကို ပျက်စီးစေကြောင်း အထောက်အထားများ မရှိပေ။ ယင်းအစား အယုံအကြည်မရှိမှုက နိုင်ငံရေးလုပ်ချင်စိတ်ကို လှုံ့ဆော်ပေးနိုင်စွမ်းပင်ရှိပြီး နိုင်ငံရေးဆိုင်ရာအင်စတီကျူးရှင်းများကို မိမိတို့၏ ကိုယ်ပိုင်အရည်အသွေးဖြင့် အကဲဖြတ်ရန် ဆန္ဒကိုပင် ဖြစ်ပေါ်စေသည်။

နိုင်ငံများကို နှိုင်းယှဉ်ကြည့်မှုအရ နိုင်ငံရေးယုံကြည်ချက်သည် လစ်ဘရယ်ဒီမိုကရေစီဟု မသတ်မှတ်သည့် နိုင်ငံများတွင် တစ်သမတ်တည်း အမြင့်ဆုံးဖြစ်နေသည်ကို တွေ့ရှိရသည်။ လစ်ဘရယ် ဒီမိုကရေစီနိုင်ငံများအချင်းချင်း နှိုင်းယှဉ်ကြည့်ရာ၌မူ စကင်ဒီနေဗီးယားနိုင်ငံများ (ဒိန်းမတ်၊ ဖင်လန်၊ နော်ဝေ၊ ဆွီဒင်၊ အိုက်စလန်) သည် ယုံကြည်မှုနှုန်း အမြင့်ဆုံးဖြစ်ပြီး ဥရောပအလယ်ပိုင်းနှင့် အရှေ့ပိုင်းရှိ ကွန်မြူနစ်နိုင်ငံဟောင်းများသည် အနိမ့်ဆုံးဖြစ်သည်။ ၁၉၆၀ ပြည့်လွန်နှစ်များနှင့် ၁၉၇၀ ပြည့်လွန်နှစ်များအတွင်း ရေရှည်ရပ်တည်လာခဲ့သည့် ဒီမိုကရေစီနိုင်ငံများစွာတို့၌ နိုင်ငံရေးယုံကြည်ချက် ကျဆင်းလာကြောင်း သက်သေအထောက်အထားများ တွေ့ရှိရသော်လည်း လွန်ခဲ့သည့် ဆယ်စုနှစ် အနည်းငယ်အတွင်း နိုင်ငံအများစု၌ လမ်းကြောင်းမရှိသည့် အပြောင်းအလဲများဖြစ်ပေါ်မှုကို တွေ့ရှိရသည်။

ပညာရှင်များက နိုင်ငံရေးယုံကြည်ချက်၏ ရင်းမြစ်များဖြစ်သော (အများစု သတိပြုကြသည့်) ခြစားမှု၊ လုပ်ငန်းစဉ်ဆောင်ရွက်မှုဆိုင်ရာ တရားမျှတမှု၊ (စီးပွားရေးနှင့်ဆိုင်သော) စွမ်းဆောင်ရည်၊ အင်စတီကျူးရှင်းများ ခိုင်မာမှုနှင့် ပတ်ဝန်းကျင်နှင့် ၀င်ဆံ့စေမှုတို့အား နားလည်နိုင်ရန် ကြိုးပမ်းရာ၌ အကြီးအကျယ် ခရီးရောက်ခဲ့ကြသည်။ သို့သော် နိုင်ငံရေးယုံကြည်ချက် ကျဆင်းခြင်းနှင့်ပတ်သက်သော အကျိုးဆက်များအား သိရှိနိုင်မှုမှာမူ သိသိသာသာ နည်းပါး၍နေသေးသည်။

မည်သို့ပင်ဆိုစေကာမူ အများပြည်သူတို့၏ နိုင်ငံရေးယုံကြည်ချက် ကျဆင်းလာခြင်းသည် ဒီမိုကရေစီစနစ်အတွက် ကြီးမားသော စိန်ခေါ်မှုတစ်ရပ် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(ဇန်န၀ါရီ ၁၄ ရက်နေ့ထုတ် The Daily Eleven သတင်းစာ အယ်ဒီတာအာဘေ်ာ)

စီးပွားရေးကြီးထွားမှုနှင့် စီးပွားရေးဖွံ့ဖြိုးမှု

စီးပွားရေးကြီးထွားမှုဟူသည် စီးပွားရေးဖွံ့ဖြိုးမှုထက် ပိုမိုကျဉ်းမြောင်းသော သဘောတရားဖြစ်သည်။ စီးပွားရေးကြီးထွားမှုဆိုသည်မှာ (ပညာရေး အစရှိသည်တို့ကြောင့်) ရင်းမြစ်များ အရည်အသွေးမြင့်တက်မှု၊ ရင်းမြစ်များ ပမာဏမြင့်တက်မှု၊ နည်းပညာတွင် တိုး တက်လာမှုများ၊ စီးပွားရေး၏ကဏ္ဍအသီးသီးက ထုတ်လုပ်သော ကုန်ပစ္စည်းများနှင့် ၀န်ဆောင်မှုများ တန်ဖိုးမြင့်တက်လာမှုတို့ကြောင့် ဖြစ်စေနိုင်သည့် နိုင်ငံ၏ အမျိုးသားထုတ်လုပ်မှုဆိုင်ရာ အမှန်တကယ်ရှိသည့် အဆင့်တစ်ရပ်၌ မြင့်တက်လာခြင်းဖြစ်သည်။ စီးပွားရေး ကြီးထွားမှုကို နိုင်ငံ၏ ဂျီဒီပီမြင့်တက်လာမှုဖြင့် တိုင်းတာနိုင်သည်။

စီးပွားရေး ဖွံ့ဖြိုးမှုဆိုသည်မှာမူ စံသတ်မှတ်ချက်နှင့် စည်းမျဉ်းများရှိသော သဘောတရားဖြစ်သည်။ အမှန်နှင့်အမှား၊ ကောင်းခြင်းနှင့် ဆိုးခြင်း အစရှိသည့် လူတို့၏ ကိုယ်ကျင့် တရားဆိုင်ရာ အသိတရားနှင့်ဆိုင်သော အ၀န်းအ၀ိုင်းအတွင်း၌ ရှိနေသည်။ လူနေမှုအဆင့် အတန်းများ မြင့်တက်လာမှု၊ မိမိကိုယ်မိမိ ယုံကြည်မှုရှိရန် လိုအပ်သည့်အရာများ တိုးတက်လာမှုနှင့် ဖိနှိပ်ခံရမှုမှ လွတ်ကင်းသည့်အပြင် ရွေးချယ်ခွင့် ပိုမိုရှိလာမှုတို့လည်း စီးပွားရေး ဖွံ့ဖြိုးမှု၌ ပါဝင်နေသည်။ စီးပွားရေးဖွံ့ဖြိုးမှုကိုတိုင်းတာရန် အတိကျဆုံးနည်းလမ်းမှာ လူသားဖွံ့ဖြိုးမှုအညွှန်းကိန်း (Human Development Index) ဖြစ်သည်။ HDI သည် ထုတ်လုပ်နိုင်မှုစွမ်းအားအပေါ်သက်ရောက်ပြီး စီးပွားရေးကြီးထွားမှုဆီသို့ ဦးတည်သွားစေနိုင်သည့် စာတတ်မြောက်မှုနှုန်းနှင့် မျှော်လင့်နိုင်သည့် ဘ၀သက်တမ်းတို့အား ထည့်တွက် ထားသည်။ စီးပွားရေးဖွံ့ဖြိုးမှုသည် ပညာရေးကဏ္ဍ၊ ကျန်းမာရေးကဏ္ဍ၊ အလုပ်ခန့်ထားမှု ကဏ္ဍနှင့် ပတ်ဝန်းကျင်ထိန်းသိမ်းရေး ကဏ္ဍတို့၌ အခွင့်အလမ်းများ ပိုမိုဖန်တီးနိုင်မှုဆီသို့ ဦးတည်စေသည်။ စီးပွားရေးဖွံ့ဖြိုးမှုသည် နိုင်ငံသားအသီးသီး၏ တစ်နှစ်ဝင်ငွေ မြင့်တက် ခြင်းကိုလည်း ရည်ညွှန်းသည်။

စီးပွားရေးကြီးထွားမှုသည် တရားမ၀င်သော စီးပွားရေးအရွယ်အစားကို ထည့်တွက်ခြင်း မရှိပေ။ တရားမ၀င်သော စီးပွားရေးကို မှောင်ခိုစီးပွားရေးဟုခေါ်ကြပြီး ယင်းသည် စီးပွားရေးလုပ်ဆောင်ချက်၌ မှတ်တမ်းတင်ခြင်းမခံရပေ။ စီးပွားရေးဖွံ့ဖြိုးမှုသည် လူနေမှု အဆင့်အတန်းနိမ့်ပါးသည့်လူများကို သင့်တော်သော အကာအကွယ် အမှီအခိုများနှင့်အတူ မှန်ကန်သင့်မြတ်သည့် အလုပ်အကိုင်များဆီသို့ မြှင့်တင်ပေးသည်။ စီးပွားရေးကြီးထွားမှုသည် ညစ်ညမ်းမှု၊ ပြည့်ကျပ်ပိတ်ဆို့မှုနှင့် ရောဂါဖြစ်ပွားမှုများဆီသို့ ဦးတည်သွားစေနိုင် သည့် သဘာဝရင်းမြစ်များ ပျောက်ဆုံးမှုကို ထည့်တွက်ခြင်းမရှိပေ။ သို့သော် စီးပွားရေးဖွံ့ဖြိုးမှုသည် စဉ်ဆက်မပြတ် တိုးတက်ရေးနှင့် ပတ်သက်နေသည်။ ဆိုလိုသည်မှာ လက်ရှိလိုအပ်ချက်များနှင့် ကိုက်ညီအောင် ဆောင်ရွက်စဉ်မှာပင် အနာဂတ်လိုအပ်ချက်များအား မထိ ခိုက်စေဘဲ အာမခံချက်ပေးထားသည်။ ပတ်ဝန်းကျင်ဆိုင်ရာ သက်ရောက်မှုများသည် ယခုအခါ အစိုးရအဖွဲ့များအတွက် ပို၍ပို၍ကြီးမားလာသော ပြဿနာများဖြစ်လာသည်။ ကမ္ဘာကြီးပူနွေးလာမှုကြောင့်လည်း ဖိအား ပို၍များလာသည်။

မည်သို့ပင်ဆိုစေကာမူ စီးပွားရေးကြီးထွားမှုသည် မရှိမဖြစ် လိုအပ်သော်လည်း စီးပွားရေး ဖွံ့ဖြိုးမှုအတွက် လုံလောက်သည့် အခြေနေရပ် မဟုတ်ပါကြောင်း The Daily Elevenသတင်းစာက ရေးသားအပ်ပါသည်။

(ဇန်န၀ါရီ ၁၃ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)

ပိုမိုများပြားသော ပိုမိုကောင်းမွန်သော အလုပ်အကိုင်များကို ဖန်တီးခြင်း

ကျယ်ပြောသော အတိုင်းအတာတစ်ရပ်ဖြင့် အလုပ်အကိုင်အခွင့်အလမ်းများ ဖန်တီးခြင်းသည် အလွန်အမင်း ဆင်းရဲမွဲတေမှုကို အဆက်မပြတ် လျှော့ချရန်နှင့် ကြွယ်ဝမှုကို မျှဝေမှု တည်ဆောက်ရန် မည်သည့်စီးပွားရေး၌မဆို အလွန်အရေးကြီးသည်။ ခိုင်မာအား ကောင်း၍ ပြိုင်ဆိုင်မှုရှိသော ဈေးကွက်များသည် အလုပ်အကိုင်အခွင့်အလမ်းများ ဖန်တီးရေး၌ အလွန်အရေးပါသည်။ အလုပ်အကိုင်အခွင့်အလမ်းရရှိမှုနှုန်းများ တစ်သမတ်တည်း ရှိရေးအတွက် ၂၀၂၇ ခုနှစ်သို့ အရောက်တွင် အလုပ်အကိုင်အခွင့်အလမ်း သန်း ၆၀၀ ဖန်တီးနိုင်ရမည်ဖြစ်ပြီး ယင်းအလုပ်အကိုင်များ၏ ရာခိုင်နှုန်း ၉၀ သည် ပုဂ္ဂလိကကဏ္ဍများ၌ ဖြစ်ရမည်ဟု ကမ္ဘာ့ဘဏ်အုပ်စုက ခန့်မှန်းထားသည်။ ၎င်းအပြင် အရေးပေါ် ဦးစားပေး လုပ်ငန်းတစ်ရပ်ဖြစ်သည့် ကြွယ်ဝမှုများ မျှဝေနိုင်ရေးကို မြှင့်တင်ရန် ပိုမိုကောင်းမွန် သော အလုပ်အကိုင်များ ဖန်တီးနိုင်ရန် လိုအပ်သည်။ ယင်းတို့အတွက် ပြိုင်ဆိုင်မှုဆိုင်ရာ မူဝါဒသည် အလွန်အရေးကြီးသော အခန်းကဏ္ဍမှ ပါဝင်နေသည်။

ပြိုင်ဆိုင်မှုများသည် လုပ်သားများအား ထုတ်လုပ်မှုပိုမိုအားကောင်းသော အလုပ်အကိုင်ဆီသို့ တွန်းပို့ပေးသည်။ ပထမအချက်အနေဖြင့် ကုမ္ပဏီအဆင့် ထုတ်လုပ်မှုစွမ်းအားကို တိုးတက်စေပြီး ဒုတိယအချက်အနေဖြင့် လုပ်ငန်းတစ်ရပ်အတွင်း ထုတ်လုပ်မှု ပိုမိုအားကောင်းသော ကုမ္ပဏီများဆီသို့ လုပ်သားများ ခွဲဝေချထားမှုကို တွန်းပို့သည်။ မည်သို့ပင်ဆိုစေကာမူ အလုပ်အကိုင်အခွင့်အလမ်းများ ဖန်တီးနိုင်မှုမရှိဘဲ စီးပွားရေးကြီးထွားမှုဆီသို့ ဦးတည်နိုင်မည် မဟုတ်ပေ။ အလုပ်အကိုင်အခွင့်အလမ်းများ ပိုမိုဖန်တီးနိုင်ရန် နှင့် ပိုမိုကောင်းမွန်သော အလုပ်အကိုင်များ ဖန်တီးနိုင်ရန်တို့အတွက် ပြိုင်ဆိုင်မှုများ အကြီးအကျယ် ဖြစ်ထွန်းရန်လိုအပ်သည်။

ယေဘုယျအားဖြင့်ဆိုလျှင် ပိုမိုကောင်းမွန်သော အလုပ်အကိုင်များဆီသို့ တိုးတက်သွားရန်အတွက် ထုတ်လုပ်မှုစွမ်းအား နိမ့်ပါးသော အလုပ်အကိုင်များ တစ်စတစ်စ ပျောက်ကွယ်သွားရန် တစ်စိတ်တစ်ပိုင်းလိုအပ်ပြီး ရေတိုကာလအတွင်း ထုတ်လုပ်မှု ပိုမိုသော အလုပ်အကိုင် အခွင့်အလမ်းများ ဖန်တီးနိုင်ရန် လိုအပ်သည်။ ကမ္ဘာ့ဘဏ်အုပ်စု၏ လေ့လာချက်နှစ်ရပ်က ရေတိုရိုက်ခက်ချက်နှင့်ပတ်သက်၍ ရှုထောင့်သစ်များကို ပေးခဲ့သည်။ ပထမအချက်မှာ လုပ်သားဈေးကွက်၏ ရေတိုအရွေ့များကို နှစ်စဉ် ပျက်စီးသွားသော အလုပ်အကိုင်များထက် ဖန်တီးလိုက်သော အလုပ်အကိုင်များ ပိုမိုခြင်းဖြင့် ယေဘုယျ သဘောတိုင်းတာ သတ်မှတ်ခြင်းဖြစ်သည်။ ဒုတိယအချက်မှာ လိုက်လျောညီထွေ ညှိယူရသည့် တစ်နှစ်တာကာလပြီးဆုံးပြီးနောက် ထုတ်လုပ်မှုစွမ်းအားနှင့်ပတ်သက်သော စုစု ပေါင်းအကြောင်းချင်းရာ$ မြင့်တက်လာခြင်းတစ်ရပ်အပေါ် အလုပ်အကိုင်အခွင့်အလမ်း အားမကောင်းသော သက်ရောက်မှုက ပြောင်းပြန်အချိုးကျလေ့ရှိခြင်းဖြစ်သည်။

ပြိုင်ဆိုင်မှုများက မောင်းနှင်သော လုပ်ငန်းစဉ်သည် လုပ်သားများအား ထုတ်လွှင့်မှု စွမ်းအားနိမ့်ပါးမှုနှင့် အရည်အသွေးနိမ့်ပါးသော အလုပ်အကိုင်မှနေ၍ ထုတ်လွှင့်မှုစွမ်းအား ပိုမိုမြင့်မားသော၊ အရည်အသွေး ပိုမိုမြင့်မားသော၊ လုပ်ခပိုမိုမြင့်မားသော  အလုပ် အကိုင်များဆီသို့ အသွင်ပြောင်းပေးသည်။ ထို့ကြောင့် စီးပွားရေးကြီးထွားလိုသော နိုင်ငံတစ်နိုင်ငံအနေဖြင့် စီးပွားရေးပြုပြင်ပြောင်းလဲမှုအမျိုးမျိုးမှတစ်ဆင့် ပြိုင်ဆိုင်မှုကို အားကောင်းအောင်ပြုလုပ်ပြီး ပိုမိုများပြားသော၊ ပိုမိုကောင်းမွန်သော အလုပ်အကိုင်များ ဖန်တီးရန်အတွက် လုပ်ငန်းစဉ်များကို ချမှတ်ရန်လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဇန်န၀ါရီ ၁၂ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)