ကုမ္ပဏီအချို့က မက်လုံးပေးပြီး ငွေကြေးရင်းနှီးမြှုပ်နှံမှုများ ပြုလုပ်ရန် ဖိတ်ခေါ်ခြင်း၊ အွန်လိုင်းမှတစ်ဆင့် အစုရှယ်ယာ ၀ယ်ယူရောင်းချရန် ဖိတ်ခေါ်ခြင်းများ ပြုလုပ်နေသောကြောင့် အစုရှယ်ယာ ရောင်းချခွင့်ရှိသော ကုမ္ပဏီ ၅၅ ခုစာရင်း DICA ထုတ်ပြန်

စီးပွားရေးလုပ်ငန်းအချို့ မက်လုံးပေးပြီး ငွေကြေးရင်းနှီးမြှုပ်နှံမှုများ ပြုလုပ်ရန်ဖိတ်ခေါ်ခြင်း၊ အွန်လိုင်းမှတစ်ဆင့် အစုရှယ်ယာ ၀ယ်ယူရောင်းချရန် ဖိတ်ခေါ်ခြင်းများ ပြုလုပ်နေသည်ကို တွေ့ရှိရသောကြောင့် အစုရှယ်ယာ ရောင်းချခွင့်ရှိသော ကုမ္ပဏီ ၅၅ ခု စာရင်းကို ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန (DICA) က ထုတ်ပြန်ကြေညာ ထားကြောင်း သိရသည်။

၂၀၁၇ ခုနှစ် ဇူလိုင် ၃၁ ရက်အထိ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနတွင် မြန်မာနိုင်ငံ ကုမ္ပဏီများ အက်ဥပဒေနှင့်အညီ ဖွဲ့စည်းမှတ်ပုံတင်ထားသော အများနှင့် သက်ဆိုင်သည့် ကုမ္ပဏီများအနက် လက်ရှိအချိန်အထိ ကုမ္ပဏီ ၅၅ ခုသာ အများပြည်သူသို့ အစုရှယ်ယာ ရောင်းချခွင့် ရှိပါကြောင်း ကျန်ကုမ္ပဏီများသည် အများပြည်သူသို့ အစုရှယ်ယာ ရောင်းချခွင့် မရှိပါကြောင်း အသိပေးထားသည်။

အဆိုပါကုမ္ပဏီ ၅၅ ခုတွင် ရန်ကုန်စတော့အိတ်ချိန်း စာရင်းဝင် ကုမ္ပဏီများဖြစ်သော First Myanmar Investment Co., Ltd၊ Myanmar Thilawa SEZ Holding Public Co., Ltd၊ First Private Bank Ltd၊ Myanmar Citizens Bank Ltd တို့အပြင် ရန်ကုန်စတော့အိတ်ချိန်း စာရင်းဝင်ရန် ပြင်ဆင်နေသည့် Myanmar Agribusiness Public Corporation (MAPCO) Ltd နှင့် Great Hor Khan Public Co.,Ltd တို့ ပါဝင်သည်။

ထို့ပြင် အစုရှယ်ယာ ရောင်းချခွင့် ရရှိထားသည့် ကုမ္ပဏီ ၅၅ ခုစာရင်းတွင် မြန်မာ့စီးပွားရေး ဦးပိုင်လီမိတက်၊ သမ၀ါယမဘဏ် လီမိတက်၊ ပြည်ထောင်စုမြန်မာနိုင်ငံ သစ်တောထွက်ပစ္စည်း ဖက်စပ်ကော်ပိုရေးရှင်း လီမိတက်၊ အသေးစားနှင့် အလတ်စားစက်မှု လုပ်ငန်းဖွံ့ဖြိုးရေးဘဏ် လီမိတက်၊ ကမ္ဘာ့ရတနာဘဏ် အများနှင့် သက်ဆိုင်သော ကုမ္ပဏီလီမိတက်၊ အမျိုးသား ဖွံ့ဖြိုးတိုးတက်ရေး ကုမ္ပဏီအုပ်စုလီမိတက်၊ မြန်မာ့သတင်း အချက်အလက်နှင့် ဆက်သွယ်ရေး နည်းပညာ ဖွံ့ဖြိုးတိုးတက်ရေး ကော်ပိုရေးရှင်း လီမိတက်၊ ရွှေနိုင်ငံအရှေ့အာရှ ဖွံ့ဖြိုးတိုးတက်ရေး လီမိတက်၊ မြန်မာ့လယ်ယာထွက်ကုန် အထွေထွေ ဖွံ့ဖြိုးတိုးတက်ရေး အများပိုင် လီမိတက်၊ ရွှေမြန်မာလေကြောင်း အများပိုင် ကုမ္ပဏီလီမိတက်၊ Myanmar Edible Oil Industrial Public Corporation(MEICO) Ltd၊ ဂရင်းဂါးဒီးယန်း အာမခံအများပိုင် ကုမ္ပဏီလီမိတက်၊ ကေတုမတီ ဖွံ့ဖြိုးတိုးတက်ရေး အများနှင့် သက်ဆိုင်သော ကုမ္ပဏီလီမိတက်၊ အာရှစိမ်းလန်းမှု ဖွံ့ဖြိုးရေးဘဏ် လီမိတက် စသည့်ကုမ္ပဏီများ ပါဝင်ကြောင်း သိရသည်။

အဆိုပါကုမ္ပဏီ ၅၅ ခုမှလွဲ၍ ကျန်မည်သည့် စီးပွားရေး လုပ်ငန်းမှကမျှ အများပြည်သူသို့ အစုရှယ်ယာ ရောင်းချခွင့် မရှိပါကြောင်းနှင့် အများပြည်သူသို့ အစုယာရှယ်ရာ ရောင်းချရန် ထပ်မံခွင့်ပြုသော ကုမ္ပဏီများ ရှိလာပါက ၎င်းတို့ကိုလည်း ဆက်လက်အသိပေး ထုတ်ပြန်ပေးမည် ဖြစ်ပါကြောင်း ကြေညာထားသည်။

စီးပွားရေး လုပ်ကိုင်ရလွယ်ကူသည့် နိုင်ငံများအနက် မြန်မာနိုင်ငံသည် အဆင့် (၁၇၀) ရှိနေ

ရန်ကုန်မြို့တွင်း တစ်နေရာ၏ အပေါ်စီးမြင်ကွင်း (ဓာတ်ပုံ-ဆန်းထူးအောင်)

စီးပွားရေး လုပ်ကိုင်ရလွယ်ကူသည့် နိုင်ငံများအနက် မြန်မာနိုင်ငံသည် လက်ရှိတွင် အဆင့် (၁၇၀) ရှိနေပြီး သုံးနှစ်အတွင်း အဆင့် ၁၀၀ အောက် (ဂဏန်းနှစ်လုံး) အထိ ရောက်စေရေး ဆောင်ရွက်လျက်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ သိရသည်။

“Doing Business နဲ့ပတ်သက်ပြီး ကျွန်တော်တို့ မြန်မာနိုင်ငံက ၂၀၁၄ ခုနှစ် ကမ္ဘာ့ဘဏ်ရဲ့ အစီရင်ခံစာကစပြီး မြန်မာနိုင်ငံက ပါခဲ့တာပေါ့။ အဲဒီအရင်တုန်းက မြန်မာနိုင်ငံက မပါခဲ့ဘူး။ အဲဒီမှာ မြန်မာနိုင်ငံက နိုင်ငံပေါင်း ၁၈၉ နိုင်ငံမှာ အဆင့်က ၁၈၂ နဲ့စခဲ့တာပေါ့။ နောက်ဆုံးအခြေအနေကတော့ ၂၀၁၇ အစီရင်ခံစာမှာ မြန်မာနိုင်ငံက  အဆင့် ၁၇၀။ ဒါက လေးနှစ်တာ ငါးနှစ်အတွင်းမှာ အတိုင်းအတာ တစ်ခုအထိ တိုးတက်မှု ရခဲ့ပါတယ်” ဟု ဦးအောင်နိုင်ဦးက ပြောကြားသည်။

သို့သော်လည်း တိုင်းပြည်၏ အနေအထားသည် စိတ်ကျေနပ်လောက်သည့် အဆင့်အထိ မရောက်သေးကြောင်း၊ များစွာလုပ်ဆောင်ရန် လိုအပ်နေကြောင်း၊ Doing Business သည် ကဏ္ဍ ၁၀ ခုနှင့် ပတ်သက်နေကြောင်း၊ ဥပမာ-စီးပွားရေး လုပ်ငန်းတစ်ခု စတင်ထူထောင်ခြင်းတွင် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနနှင့်ဆိုင်ကြောင်း၊ လျှပ်စစ်ဓာတ်အား ရရှိရေးသည် လျှပ်စစ်နှင့် စွမ်းအင်ဝန်ကြီးဌာနနှင့် သက်ဆိုင်ကြောင်း၊ နယ်စပ်ဖြတ်ကျော် ကုန်သွယ်မှုများအတွက်  စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန စသည်ဖြင့် သက်ဆိုင်ကြောင်း သိရသည်။

“ကျွန်တော်တို့ဌာနနဲ့ တိုက်ရိုက်ပတ်သက်တာကတော့ ကဏ္ဍနှစ်ခုပေါ့။ တကယ်တမ်းပြောရရင် ၂၀၁၄ ခုနှစ် စစချင်းထွက်တဲ့ အစီရင်ခံစာမှာ လုပ်ငန်းတစ်ခုကို စတင်ထူထောင်ခြင်းဆိုတဲ့ ကဏ္ဍမှာ မြန်မာနိုင်ငံက ၁၈၉ နိုင်ငံမှာ အဆင့် ၁၈၉ ဖြစ်ပါတယ်။ အဲဒီတုန်းက ကုမ္ပဏီ မှတ်ပုံတင်ရတဲ့ လုပ်ငန်းတွေက ခက်ခဲတယ်။ ကုန်ကျစရိတ်များတယ်။ အကြာကြီး လုပ်ရတယ်။ တဖြည်းဖြည်းနဲ့ ဒါကို ပြုပြင်ပြောင်းလဲလာခဲ့ တာ ၁၈၉ မှာ နောက်ဆုံး ၁၄၆ အထိ ရောက်လာတယ်။ တချို့အာဆီယံ နိုင်ငံတွေကို ကျွန်တော်တို့ ကျော်တက်လာခဲ့တယ်” ဟု ဦးအောင်နိုင်ဦးက ပြောကြားသည်။

“တစ်နိုင်ငံလုံးနဲ့ ဆိုင်တာကတော့ ဒုတိယသမ္မတ (၁) ဦးမြင့်ဆွေ ဦးဆောင်ပြီး ပုဂ္ဂလိကကဏ္ဍ ဖွံ့ဖြိုးတိုးတက်ရေး ဗဟိုကော်မတီရဲ့ ဦးဆောင်မှုနဲ့ ကဏ္ဍ ၁၀ ခုလုံး တိုးတက်အောင် ဆောင်ရွက်နေပါ တယ်။ မြန်မာနိုင်ငံရဲ့ အဆင့်က လက်ရှိ ၁၇၀ ကို သုံးနှစ်အတွင်း ဂဏန်းနှစ်လုံးဖြစ်အောင်၊ အဆင့် ၁၀၀ အောက်ရောက်အောင် ဆောင်ရွက်နေပါတယ်” ဟု ၎င်းကဆက်လက် ပြောကြားသည်။

မြန်မာနိုင်ငံသည် စီးပွားရေး လုပ်ရလွယ်ကူသည့် နိုင်ငံပေါင်း ၁၉၀ တွင် ယခင်နှစ်က အဆင့် ၁၇၁ ရှိခဲ့သဖြင့် ယခင်နှစ်ကထက် အဆင့်တစ်ဆင့်သာ မြင့်တက်ခဲ့ပြီး အဆင့် ၁၇၀ တွင် ရှိနေကြောင်း Doing Business အစီရင်ခံစာ၌ ဖော်ပြထားကြောင်း ကမ္ဘာ့ဘဏ်က ၂၀၁၆ ခုနှစ် အောက်တိုဘာ ၂၆ ရက်နေ့စွဲဖြင့် သတင်းထုတ်ပြန်ခဲ့သည်။

မြန်မာနိုင်ငံသည် ကုမ္ပဏီမှတ်ပုံတင်စရိတ် လျှော့ချခြင်းဖြင့် စီးပွားရေးလုပ်ငန်းတစ်ခု စတင်ရာ၌ ပိုမိုလွယ်ကူ လာခဲ့ကြောင်း၊ ထို့ပြင်ကုမ္ပဏီတစ်ခုကို တရားဝင် မှတ်ပုံတင်ရာ၌ လိုအပ်သည့် ထောက်ခံစာနှင့် ပြစ်မှုမှတ်တမ်း ကင်းရှင်းကြောင်း သက်သေခံလက်မှတ် တင်ပြရသည့် သတ်မှတ်ချက်တို့ကို ဖယ်ရှားခြင်းဖြင့် လုပ်ငန်းစဉ်ကို ပိုမိုရိုးရှင်းအောင် ပြုလုပ်ခဲ့ကြောင်း၊ မြန်မာနိုင်ငံသည် ကြွေးမြီဆိုင်ရာ အချက်အလက် ဗဟိုဌာနတစ်ခု တည်ထောင်ခွင့်ပြုသည့် ဥပဒေတစ်ခု ပြဋ္ဌာန်းခြင်းဖြင့်လည်း ကြွေးမြီဆိုင်ရာ သတင်းအချက်အလက်စနစ်များ တိုးတက်စေခဲ့ကြောင်း ကမ္ဘာ့ဘဏ်၏ ထုတ်ပြန်ချက်တွင် ဖော်ပြထားသည်။

အရှေ့အာရှနှင့် ပစိဖိတ်ဒေသ၏ သုံးပုံနှစ်ပုံကျော်သော နိုင်ငံ ၂၅ ခုသည် ယမန်နှစ်အတွင်း စီးပွားရေး လုပ်ရာတွင် ပိုမိုလွယ်ကူစေမည့် ပြုပြင်ပြောင်းလဲမှု ၄၅ ခု ပြုလုပ်ခဲ့ပြီး ယခင်တစ်နှစ်က ၂၈ ခုသာ ပြုလုပ်ခဲ့သည်ဟု Doing Business 2017 : Equal Opportunity for All စာတမ်းတွင် ဖော်ပြထားသည်။

စီးပွားရေးလုပ်ငန်း ဆောင်ရွက်ခြင်းအဆင့် သတ်မှတ်ရာတွင် အရှေ့အာရှနှင့် ပစိဖိတ်ဒေသမှ လေးနိုင်ငံသည် ကမ္ဘာ့အဆင့် ၁၀ နိုင်ငံစာရင်းတွင် ပါဝင်ကြောင်း၊ ထိပ်တန်းလေးနိုင်ငံမှာ နယူးဇီလန် (အဆင့် -၁)၊ စင်ကာပူ (အဆင့်-၂)၊ ဟောင်ကောင်အထူး အုပ်ချုပ်ရေးဒေသ၊ တရုတ် (အဆင့် -၄) နှင့် တောင်ကိုရီးယား (အဆင့်-၅) တို့ဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံမှ ဆန်ဝယ်လိုအား ကောင်းနေသဖြင့် မောင်တောနယ်စပ် ကုန်သွယ်ရေးမှ နေ့စဉ်နီးပါး တင်ပို့နေရပြီး ဇူလိုင်လ တစ်လတည်း ဆန်တန်ချိန် ၁၉၀၀ နီးပါး တင်ပို့နိုင်ခဲ့

မောင်တောနယ်စပ် ကုန်သွယ်ရေးမှ ဘင်္ဂလားဒေ့ရ်ှနိုင်ငံသို့ ဆန်တင်ပို့နေစဉ် (ဓာတ်ပုံ-သားရွှေဦး)

ဘင်္ဂလားဒေ့ရ်ှနိုင်ငံမှ ဆန်ဝယ်လိုအား ကောင်းနေသဖြင့် မောင်တောနယ်စပ် ကုန်သွယ်ရေးမှ နေ့စဉ်နီးပါး တင်ပို့နေရပြီး ဇူလိုင်လ တစ်လတည်းတွင် ဆန်တန်ချိန် ၁၉၀၀ နီးပါး တင်ပို့နိုင်ခဲ့ကြောင်း မောင်တောနယ်စပ် ကုန်သွယ်ရေးစခန်းမှ ရရှိသည့် စာရင်းများအရ သိရသည်။

ဘင်္ဂလားဒေ့ရ်ှနိုင်ငံသို့ တင်ပို့သည့် ဆန်များသည် ရခိုင်ပြည်နယ်မှ ထွက်ရှိသည့် ဆန်များဖြစ်ပြီး ဧည့်မထဆန် ၂၅ ရာခိုင်နှုန်း အမျိုးအစား တင်ပို့ခြင်းဖြစ်ကြောင်း သိရသည်။

ဇူလိုင်လဆန်းပိုင်းမှစ၍ ဆန်ဝယ်လိုအား ကောင်းလာသဖြင့် ရခိုင်ပြည်နယ် အရပ်ရပ်မှ ရောက်ရှိလာသည့် ဆန်များကို ဘူးသီးတောင် ဆိပ်ကမ်းမှတစ်ဆင့် မောင်တောနယ်စပ် ကုန်သွယ်ရေး ဆိပ်ကမ်းသို့ တစ်နေ့လျှင် ဆန်တင်ကား အနည်းဆုံး ၁၀ စီးခန့် ၀င်ရောက်နေကြောင်း သိရသည်။

ဇူလိုင်လအတွင်း ဆန်တန်ချိန် ၁၉၀၀ နီးပါးတင်ပို့ခဲ့ရပြီး ဒေါ်လာ ခြောက်သိန်းကျော်ဖိုး တင်ပို့နိုင်ခဲ့ကြောင်း နယ်စပ်ကုန်သွယ်ရေး စာရင်းများအရ သိရသည်။

သို့ရာတွင် ဘင်္ဂလားဒေ့ရ်ှနိုင်ငံသို့ ကုန်များသယ်ယူ ပို့ဆောင်ပေးသည့် ရေယာဉ်အခက်အခဲနှင့် တစ်ဖက်နိုင်ငံ ဆိပ်ကမ်းတွင် အလုပ်သမား အခက်အခဲကြောင့် ကုန်သွယ်မှု နှောင့်နှေးကြန့်ကြာမှုများ ကြုံတွေ့နေရကြောင်း သိရသည်။

မောင်တောနယ်စပ် ကုန်သည်များအသင်း ဒုဥက္ကဋ္ဌ ဦးအောင်စံသိန်းက “လက်ရှိအခြေအနေမှာ ကုန်သွယ်မှု ကောင်းနေတယ်။ အခက်အခဲက တစ်ဖက်နိုင်ငံကိုပို့မယ့် လှေနည်းပါးတာရယ်။ နောက်ဒီကပို့လိုက်တဲ့ ကုန်တွေကို တစ်ဖက်နိုင်ငံ ဆိပ်ကမ်းမှာ ချက်ချင်းမတင်တဲ့ အခက်အခဲတော့ ရှိပါတယ်” ဟု ပြောကြားသည်။

လက်ရှိတွင် ရခိုင်ဒေသထွက် ဆန်များကို စစ်တွေနှင့် မောင်တောနယ်စပ် ကုန်သွယ်ရေး နှစ်ခုစလုံးမှ တင်ပို့နေရခြင်းဖြစ်ပြီး ရာသီဥတု အခြေအနေကြည့်၍ သင်္ဘောများ ထွက်ခွာနေရကြောင်း သိရသည်။

“ဆန်ဈေးကွက်က နည်းနည်းပြန်ကောင်းလာတယ်။ ကောင်းလာတယ် ဆိုတာကလည်း ဘင်္ဂလားဒေ့ရ်ှက၀ယ်ဖို့ ကမ်းလှမ်းလာတဲ့အတွက် တောင်သူတွေရော၊ ဆန်စက်တွေရော အကုန်လုံး အဆင်ပြေပါတယ်။ ကျွန်တော်တို့က ကျောက်တော်၊ မြောက်ဦး၊ မင်းပြား စတဲ့ ဆန်ထွက်တဲ့ ဒေသဘက်က ၀ယ်ယူရပါတယ်။ ကျွန်တော်တို့ အဓိက လမ်းကြောင်း နှစ်ကြောင်းနဲ့ တင်ပို့တယ်။ စစ်တွေ FOB နဲ့တစ်ကြောင်း ဘင်္ဂလားဒေ့ရှ် ပင်လယ်အော်ကနေ ဘင်္ဂလားဒေ့ရှ် တက္ကနာ့ဆိပ်ကမ်းကို သွားတယ်။ နောက်တစ်လမ်းက ဆန်အိတ် ၄၀၀၊ ၅၀၀၊ ၆၀၀၊ ၇၀၀၊ ၈၀၀ ဆံ့တဲ့ စက်လှေတွေနဲ့ ဘူးသီးတောင် ဆိပ်ကမ်းကို သယ်လာတယ်။ ဘူးသီးတောင်ကနေ မောင်တောကို သယ်လာပြီး မောင်တောကနေတစ်ဆင့် FOB နယ်စပ်ကုန်သွယ်ရေး နည်းလမ်းနဲ့ ဘင်္ဂလားဒေ့ရ်ှကို သွားတယ်။ အခက်အခဲကတော့ မိုးရာသီဖြစ်တဲ့အတွက် စစ်တွေကဆိုရင် MV သင်္ဘောတွေ သုံးပေမယ့် ရာသီဥတုကိုကြည့်ပြီး သွားနေရတယ်။ ဟိုဘက်နိုင်ငံမှာလည်း အလုပ်သမား အခက်အခဲကြောင့် သင်္ဘောတွေက ကုန်ချတာမှာ တစ်ပတ်၊ ၁၀ ရက် ကြာတာတွေ ရှိပါတယ်” ဟု နယ်စပ်ဆန်ကုန်သည် ဦးခင်မောင်က ပြောကြားသည်။

လက်ရှိတွင် ဘင်္ဂလားဒေ့ရ်ှသို့ ဆန်တင်ပို့နေသည့်အတွက် ရခိုင်ပြည်နယ်တွင် ဆန်ဈေးအနည်းငယ် မြင့်တက်လျက်ရှိပြီး ဆန် ၅၀ ကီလို ၀င်တစ်အိတ်ကို ယခင်က ကျပ် ၁၆၅၀၀၊ ၁၇၀၀၀ ဈေးရှိသော်လည်း လက်ရှိတွင် ၁၈၀၀၀ ခန့် ဈေးပေါက်နေကြောင်း သိရပြီး ဘင်္ဂလားဒေ့ရ်ှသို့ ဆန်ဆက်လက် တင်ပို့လျက်ရှိကြောင်း သိရသည်။

 

မြန်မာနိုင်ငံ၏ ပြုပြင်ပြောင်းလဲမှုများ၊ နိုင်ငံရေး၊ စီးပွားရေး အခြေအနေများကို စောင့်ကြည့်နေသည့် အမေရိကန် ကုမ္ပဏီများစွာ ရှိနေဟု ဆို

သီလ၀ါ အထူးစီးပွားရေးဇုန်ရှိ အမေရိကန်ကုမ္ပဏီ Ball ၏ စက်ရုံကို တွေ့ရစဉ်

မြန်မာနိုင်ငံ၏ ပြုပြင်ပြောင်းလဲမှုများ၊ နိုင်ငံရေး၊ စီးပွားရေး အခြေအနေများကို စောင့်ကြည့်နေသည့် အမေရိကန် ကုမ္ပဏီများစွာ ရှိနေကြောင်း မြန်မာနိုင်ငံဆိုင်ရာ အမေရိကန်သံရုံး၏ Deputy Chief of Mission ဖြစ်သူ Mr. George Sibley က ပြောကြားခဲ့သည်။

မြန်မာနိုင်ငံဆိုင်ရာ အမေရိကန်သံရုံး၏ Deputy Chief of Mission အဖြစ် မကြာသေးမီကမှ တာဝန်ယူခဲ့သည့် Mr. Geroge Sibley နှင့်အတူ သံရုံးမှ Economic Unit Chief Ms. Alyce abdall နှင့် တာဝန်ယူရှိသူများသည် ကုန်သည်စက်မှု အသင်းချုပ်၌ သြဂုတ် ၁၀ ရက် တွေ့ဆုံရာတွင် မြန်မာ့စီးပွားရေး ဖွံ့ဖြိုးတိုးတက်မှုအတွက် အစိုးရနှင့် ပုဂ္ဂလိကကဏ္ဍ ပူးပေါင်းဆောင်ရွက်မှု အခြေအနေများကို ဆွေးနွေးခဲ့ပြီး နှစ်နိုင်ငံအကြား စီးပွားဆက်ဆံရေး မြှင့်တင်နိုင်မည့် နည်းလမ်းများကို အမြင်ချင်း ဖလှယ်ခဲ့ကြကြောင်း၊ မြန်မာနိုင်ငံ၏ ပြုပြင်ပြောင်းလဲမှုများကို မသိရှိသေးသည့် အမေရိကန် ကုမ္ပဏီများနှင့် နိုင်ငံရေး၊ စီးပွားရေး အခြေအနေများကို စောင့်ကြည့်နေသည့် ကုမ္ပဏီများစွာ ရှိနေကြောင်း Mr. Geroge Sibley က ပြောကြားသည်။

မြန်မာ့ ဘဏ္ဍာရေးစနစ်ကို ဦးစွာပြုပြင် ပြောင်းလဲရန်မှာ အမေရိကန် ရင်းနှီးမြှုပ်နှံမှုများ ပိုမိုဝင်ရောက် လာရန်အတွက် အဓိက အတားအဆီး ဖြစ်နေကြောင်း Mr. Geroge Sibley က မှတ်ချက်ပေးသည်။

မြန်မာနိုင်ငံ အတွင်းသို့ ၀င်ရောက်လုပ်ကိုင်ရန် အထူးစိတ်ဝင်စားနေသည့် အမေရိကန် ကုမ္ပဏီကြီး  အများအပြား ရှိနေပြီး မြန်မာ့ထွက်ကုန်များ (အထူးသဖြင့် အ၀တ်အထည်များ) ကို အများအပြား ၀ယ်ယူရန် ပြင်ဆင်နေသည့် အမေရိကန် ကုမ္ပဏီကြီးများ ရှိနေကြောင်း၊ အမေရိကန် ရင်းနှီးမြှုပ်နှံမှုများ အလျင်အမြန် ၀င်ရောက်လာရေး အတွက် ပွင့်လင်းလွယ်ကူ မြန်ဆန်သည့် ငွေပေးချေမှုစနစ်နှင့် ငွေလွှဲစနစ် ဖွံ့ဖြိုးလာရန် အလွန်အရေးကြီးကြောင်း မြန်မာနိုင်ငံဆိုင်ရာ အမေရိကန်သံ အမတ်ကြီး H.E. Mr Scot Marciel က ကုန်သည်/စက်မှု အသင်းချုပ်သို့ ဇူလိုင်လအတွင်းက လာရောက်စဉ် ပြောကြားသည်။

ထို့ပြင် ငွေကြေးခ၀ါချမှုနှင့် အကြမ်းဖက်လုပ်ငန်းငွေကြေး ထောက်ပံ့မှုတို့ကို ထိရောက်စွာ တားဆီးနိုင်ရန်အတွက် ဟွန်ဒီငွေလွှဲစနစ်ကို ဥပဒေဖြင့် ကြပ်မတ်နိုင်ရေးအတွက် အမေရိကန် သံအမတ်ကြီး H.E. Mr.Scot.Marciel နှင့် ကုန်သည်စက်မှု အသင်းချုပ်တို့ ဇူလိုင် ၆ ရက်က ဆွေးနွေးခဲ့ကြောင်း ပြည်ထောင်စု သမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်က သတင်းထုတ်ပြန်ထား သည်။

မြန်မာနိုင်ငံတွင် လက်ရှိအချိန်အထိ အမေရိကန်နိုင်ငံ၏ ရင်းနှီးမြှုပ်နှံမှုပမာဏ ဒေါ်လာသန်း ၂၅၀ ခန့်ရှိနေပြီး အမေရိကန်က မြန်မာနိုင်ငံအပေါ် စီးပွားရေးအရ ပိတ်ဆို့အရေးယူထားမှုများ ဖျက်သိမ်းထားပြီ ဖြစ်သဖြင့် လာမည့်သုံးနှစ်အတွင်း အမေရိကန်၏ ရင်းနှီးမြှုပ်နှံမှုနှစ်ဆ မြင့်တက်လာမည်ဟု ခန့်မှန်းထားကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန (DICA) မှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

“အမေရိကန်ရဲ့ ရင်းနှီးမြှုပ်နှံမှုတွေမှာ Coca Cola၊ Ball တို့ ၀င်ရောက်မြှုပ်နှံ ထားပါတယ်။ သူက အမေရိကန် အနေနဲ့ တိုက်ရိုက်လာတာ မဟုတ်ဘဲ စင်ကာပူကတစ်ဆင့် ခံပြီးလာတာ။ ကျွန်တော်တို့ မျှော်မှန်းတာက အမေရိကန်က လုပ်ငန်းရှင်တွေ စိတ်ဝင်စားတာက Financial Sector နဲ့ပတ်သက်တာတွေ Insurance တွေ IT ကဏ္ဍ၊ Financing ကိစ္စမှာ စိတ်ဝင်စားတယ်။ ကိုယ့်ဆီက ပေါ်လစီ အပေါ်တော့ မူတည်တာပေါ့။ ကိုယ့်ဆီက ဘယ်လောက် ဖွင့်ပေးမလဲပေါ့။ အဲဒီအပေါ် မူတည်ပြီး ၀င်လာပါလိမ့်မယ်။ ကျွန်တော်တို့ မျှော်မှန်းတာကတော့ လက်ရှိမှာသန်း ၂၅၀ လောက်ရှိတယ်။ Sanction လည်း ဖွင့်ပေးထားပြီးပြီ။ အဲဒီအတွက်ကြောင့် သုံးနှစ်လောက် အတွင်းမှာ နှစ်ဆလောက် တက်လာမယ်လို့ မှန်းထားပါတယ်” ဟု ဦးအောင်နိုင်ဦးက ပြောကြားသည်။