မောင်တောဒေသ၌ အကောင်အထည်ဖော်မည့် ကညင်ချောင်းစက်မှုဇုန်တွင် ပုဂ္ဂလိက လုပ်ငန်းရှင်များ ရင်းနှီးမြှုပ်နှံရန် ပြင်ဆင်နေကြောင်း ဒုတိယသမ္မတ ဦးမြင့်ဆွေ ပြောကြား

ရခိုင်ပြည်နယ်၊ မောင်တောဒေသ၌ အကောင်အထည်ဖော်မည့် ကညင်ချောင်း စက်မှုဇုန်တွင် ပုဂ္ဂလိက လုပ်ငန်းရှင်များက ရင်းနှီးမြှုပ်နှံရန် ပြင်ဆင်နေကြပြီဖြစ်ကြောင်း ဒုတိယသမ္မတ (၁) ဦးမြင့်ဆွေက စက်တင်ဘာ ၂၃ ရက်က ရန်ကုန်မြို့ရှိ ကုန်သည်စက်မှု အသင်းချုပ်တွင် ကျင်းပသည့် မြန်မာစီးပွားရေး လုပ်ငန်းရှင်များနှင့် ပုံမှန်တွေ့ဆုံဆွေးနွေးပွဲ (ဒသမအကြိမ်) အခမ်းအနားတွင် ပြောကြားသည်။

“ရခိုင်ဒေသမှာ ဖွံ့ဖြိုးတိုးတက်ဖို့အတွက် ကညင်ချောင်း စက်မှုဇုန်ကို ဖွင့်ပေးလိုက်ပြီ။ ကညင်ချောင်း စက်မှုဇုန်မှာ နိုင်ငံတော်အစိုးရက ရင်းနှီးမြှုပ်နှံမှုအတွက် ထည့်ဝင်သလို ပုဂ္ဂလိကတွေကလည်း အများကြီး ရင်းနှီးမြှုပ်နှံဖို့ လုပ်နေကြပါပြီ။ မကြာခင်မှာ ဒီဇုန်ဖွင့်တော့မယ်၊ ဒီဇုန်ဖွင့်ရင် ဒီဒေသမှာရှိတဲ့ ပြည်သူလူထုက အလုပ်အကိုင် အခွင့်အလမ်းတွေ ၀င်ငွေတွေ တိုးတက်လာတော့မယ်” ဟု ဒုတိယ သမ္မတ (၁) ဦးမြင့်ဆွေက ပြောကြားသည်။

မောင်တောဒေသတွင် ARSA အစွန်းရောက် ဘင်္ဂါလီ အကြမ်းဖက်သမားများ၏ တိုက်ခိုက်မှုများ ရှိနေသော်လည်း စက်တင်ဘာလကုန်ပိုင်းတွင် မောင်တော ကညင်ချောင်း စီးပွားရေးဇုန်ကို အကောင်အထည်ဖော်ရန် အစိုးရနှင့် အကောင်အထည်ဖော်ရေး ကုမ္ပဏီ MoU လက်မှတ် ရေးထိုးမည်ဟု သိရသည်။

အဆိုပါ မောင်တောစီးပွားရေးဇုန်သည် မောင်တောမြို့မှ နှစ်မိုင်ခန့်အကွာ ကညင်ချောင်းကျေးရွာအနီး ရေနက်ဆိပ်ကမ်းတွင် တည်ဆောက်နေခြင်းဖြစ်ပြီး စီးပွားရေးဇုန် အကောင်အထည်ပေါ်လာပါက မြန်မာ-ဘင်္ဂလားဒေ့ရ်ှနှစ်နိုင်ငံ ကုန်သွယ်မှု တိုးတက်မြင့်မားလာမည့်အပြင် ဒေသခံ တိုင်းရင်းသားများလည်း ၀င်ငွေရရှိလာမည်ဖြစ်ကြောင်း ရခိုင်ပြည်နယ် အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းက ပြောကြားသည်။

“မောင်တောစီးပွားရေးဇုန်ကို မောင်တောမြို့ ကညင်ချောင်းကျေးရွာနားမှာ ဧက ၁၀၀ နဲ့ အကောင်အထည်ဖော်ဖို့ ဆောင်ရွက်လျက် ရှိပါတယ်။ အဓိကကတော့ မောင်တော အခြေစိုက်တဲ့ ကုမ္ပဏီတွေနဲ့ သူတို့နဲ့ အဆက်အသွယ်ရှိတဲ့ ရန်ကုန်ဘက်က ကုမ္ပဏီတွေ ပေါင်းပြီးတော့ Consortium ကုမ္ပဏီတစ်ခု ဖွဲ့ထားတာ ရှိပါတယ်။ အဲဒီကုမ္ပဏီနဲ့ အစိုးရနဲ့ ပေါင်းပြီးတော့ ဒီကုန်သွယ်ရေးဇုန်ကို အကောင်အထည်ဖော် ဆောင်ရွက်သွားဖို့ ရည်မှန်းထားပါတယ်။ ပထမကတော့ ဘင်္ဂလားဒေ့ရ်ှနဲ့ မြန်မာနဲ့ ကုန်သွယ်မှုက တိုးမြင့်လာမယ့် အနေအထား ရှိပါတယ်။ ဒုတိယ တစ်ချက်က အဲဒီဒေသမှာ အလုပ်အကိုင် အခွင့်အလမ်းတွေ ပိုမိုရရှိလာပြီးတော့မှ ဒေသခံ တိုင်းရင်းသားတွေ ၀င်ငွေပိုမိုရရှိပြီးတော့မှ ဒေသတည်ငြိမ်အေးချမ်းမှုကို ပိုမို အကျိုးရှိမှာ ဖြစ်ပါတယ်။ အဲဒီ ကုမ္ပဏီနဲ့ကတော့ ဒီစက်တင်ဘာ လကုန်ပိုင်းလောက်မှာ ကျွန်တော်တို့ MoU ထိုးဖို့ ရှိပါတယ်။ ဆိုတော့ ရင်းနှီးမြှုပ်နှံမှု အပိုင်းကိုရော၊ စီးပွားရေးဇုန်ကြီး လည်ပတ်မှု အပိုင်းကိုရော ကုမ္ပဏီနဲ့ အစိုးရနဲ့ ပေါင်းပြီးတော့ အကောင်အထည်ဖော် ဆောင်ရွက်သွားမှာ ဖြစ်ပါတယ်” ဟု ရခိုင်ပြည်နယ် အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းက ပြောကြားသည်။

အဆိုပါ ကညင်ချောင်းကုန်သွယ်ရေးဇုန်ကို ယခင်အစိုးရ လက်ထက်ကတည်းက ငွေကျပ် သန်း ၁၀၀၀ ရင်းနှီးမြှုပ်နှံပြီး အဆောက်အအုံများ၊ ဆိပ်ခံတံတားများကို တည်ဆောက်ခဲ့ခြင်း ဖြစ်ကြောင်းနှင့် ယခု အစိုးရ လက်ထက်တွင် ဆက်လက်အကောင်အထည်ဖော်ရန် ဆောင်ရွက်နေခြင်းဖြစ်ကြောင်း သိရသည်။

မြန်မာ့စီးပွားရေးဘဏ်က ဆောက်လုပ်ရေး လုပ်ငန်းရှင်များသို့ ကျပ် ၁၄၂ ဘီလျံ ထုတ်ချေးထားသည့်အပြင် နိုင်ငံတော်မှလည်း ကျပ်ဘီလျံ ၁၀၀ ဘဏ္ဍာရေး အထောက်အကူပြုထားပြီး လက်ရှိတွင် ကျပ်ဘီလျံ ၇၀၀ ထပ်မံထုတ်ချေးရန် ဆောင်ရွက်နေ

မြန်မာ့စီးပွားရေးဘဏ်မှ ဆောက်လုပ်ရေး လုပ်ငန်းရှင်များသို့ ကျပ် ၁၄၂ ဘီလျံအထိ ထုတ်ချေးပေးထားသည့်အပြင် နိုင်ငံတော်မှလည်း ကျပ်ဘီလျံ ၁၀၀ ကို ဆောက်လုပ်ရေး လုပ်ငန်းရှင်များအတွက် ဘဏ္ဍာရေး အထောက်အကူပြုထားရပြီး လက်ရှိတွင် မြန်မာ့စီးပွားရေးဘဏ် အနေဖြင့် ဆောက်လုပ်ရေးလုပ်ငန်းများ အပါအ၀င် လုပ်ငန်းကဏ္ဍ အသီးသီးသို့ ကျပ်ဘီလျံ ၇၀၀ ထပ်မံ ထုတ်ချေးပေးရန် ပြင်ဆင်ထားကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ဒုတိယ၀န်ကြီး ဦးမောင်မောင်ဝင်းက ပြောကြားသည်။

မြန်မာ့စီးပွားရေးဘဏ် အနေဖြင့် ပြည်သူများ အိုးပိုင်၊ အိမ်ပိုင် ရရှိရေးအတွက် အိမ်ရာချေးငွေများ၊ ဆောက်လုပ်ရေးချေးငွေများ ထုတ်ချေးပေးရာတွင် ဘဏ်အနေဖြင့် ဆောက်လုပ်ရေး လုပ်ငန်းရှင်များသို့ ငွေကျပ် ၁၄၂ ဘီလျံ ထုတ်ချေးထားပြီး နိုင်ငံတော်ပိုင်း အနေဖြင့် ဆောက်လုပ်ရေးဝန်ကြီးဌာနမှတစ်ဆင့် လှည့်ပတ်ရန်ပုံငွေအဖြစ် ငွေကျပ်ဘီလျံ ၁၀၀ ကို ဆောက်လုပ်ရေးကဏ္ဍအတွက် ဘဏ္ဍာရေး အထောက်အကူပြုထားရသည်။

လက်ရှိတွင် မြန်မာ့စီးပွားရေးဘဏ်က ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်မှတစ်ဆင့် ကျပ်ဘီလျံ ၃၀ ကို အတိုးနှုန်း ၈ ဒသမ ၂၅ ရာခိုင်နှုန်းဖြင့် ထုတ်ချေးပေးခဲ့သည့် အပြင်ထပ်မံပြီး ငွေကျပ်ဘီလျံ ၃၀ ကို ထုတ်ချေးပေးရန် စီစဉ်ထားကြောင်း သိရသည်။

ထို့ပြင် ဆောက်လုပ်ရေးကဏ္ဍ ဖွံ့ဖြိုးရေးအတွက် ဂျပန်နိုင်ငံ JICA မှ သက်သာသော အတိုးနှုန်းဖြင့် နှစ်ရှည်ချေးငွေအတွက် စီစဉ်ဆောင်ရွက်နေပြီး မြန်မာ့စီးပွားရေးဘဏ် အနေဖြင့် စိုက်ပျိုးရေးနှင့် မွေးမြူရေးကဏ္ဍအတွက် နှစ်အလိုက် ချေးငွေ ကျပ် ဘီလျံ ၂၀၀၊ SMEs အတွက် နှစ်အလိုက်ချေး ငွေကျပ် ဘီလျံ ၂၅၀၊ ဆောက်လုပ်ရေးလုပ်ငန်းအတွက် နှစ်အလိုက်ချေးငွေ ကျပ်ဘီလျံ ၅၀၊ မြန်မာ့စီးပွားရေးဘဏ်ချေးငွေ ကဏ္ဍအတွက် နှစ်တိုချေးငွေကျပ် ဘီလျံ ၂၀၀ စုစုပေါင်း ငွေကျပ်ဘီလျံ ၇၀၀ အား ထုတ်ချေးသွားရန် စီစဉ်ထားကြောင်း သိရသည်။

ထို့ပြင် JICA ချေးငွေ အစီအစဉ်ဖြင့်ပင် တောင်သူလယ်သမားများထံ နှစ်လတ်ချေးငွေများ ထုတ်ချေးပေးရန် စတင်စီစဉ်နေပြီး မြန်မာ့စီးပွားရေးဘဏ်၊ အသေးစားနှင့် အလတ်စား စက်မှုလုပ်ငန်း ဖွံ့ဖြိုးရေးဘဏ်မှ တစ်ဆင့် SMEs လုပ်ငန်းများသို့ အတိုးနှုန်း ၈ ဒသမ ၅ ရာခိုင်နှုန်းဖြင့် ငွေကျပ်ဘီလျံ ၃၀ ကို ၂၀၁၅-၂၀၁၆ နှင့် ၂၀၁၆-၂၀၁၇ ဘဏ္ဍာနှစ်တွင် ထုတ်ချေးပေးခဲ့ကာ JICA မှ သက်သာသော နှစ်ရှည်ချေးငွေ ရယူပြီး SMEs များသို့ ပုဂ္ဂလိကဘဏ် ခြောက်ဘဏ်မှ Two-Step Loan ချေးငွေအသွင်ဖြင့် နှစ်လတ် (သုံးနှစ်မှ ငါးနှစ်ထိ) ချေးငွေကျပ် ၅၇ ဘီလျံကို ထုတ်ချေးပေးခဲ့သည်။ လက်ရှိတွင် ဒုတိယအဆင့် အနေဖြင့် ငွေကျပ်ဘီလျံ ၁၈၀ ခန့် ချေးငွေများ ထုတ်ချေးပေးနိုင်ရန် JICA နှင့် ဆွေးနွေးညှိနှိုင်းနေကြောင်း သိရသည်။

အိမ်ခြံမြေဈေးနှုန်းများ ကျဆင်းခြင်း မရှိသဖြင့် ပြည်သူများ ၀ယ်ယူမှု နည်းပါးနေသော ဆောက်လုပ်ရေး လုပ်ငန်းများ အနေဖြင့် ပုဂ္ဂလိကကဏ္ဍတွင် အဆောက်အအုံသစ်များ တည်ဆောက်နိုင်မှု မရှိသည့်အပြင် ပြည်တွင်းဘဏ်များမှလည်း ငွေကျပ် နှစ်ထရီလျံကျော် ချေးယူထားရပြီး အခက်အခဲများ ဖြစ်ပေါ်နေသည်။ ထိုသို့ ပုဂ္ဂလိက ကဏ္ဍတွင် ဆောက်လုပ်ရေးလုပ်ငန်းများ အခက်ကြုံနေသဖြင့် အစိုးရမှ ဖော်ဆောင်သည့် အိမ်ရာစီမံကိန်းများသို့ ၀င်ရောက်လုပ်ဆောင်ရာတွင်လည်း အစိုးရ စီမံကိန်းများသို့ ၀င်ရောက်လုပ်ကိုင်ပြီးသည့် ငွေကြေးများကို အချိန်မီ ပေးချေမှု မရှိသဖြင့် ထပ်ဆင့် အခက်ကြုံနေရကြောင်း ဆောက်လုပ်ရေးလုပ်ငန်းရှင်များက ပြောကြားသည်။

ရင်းနှီးမြှုပ်နှံမှုများကို ဖွံ့ဖြိုးပြီး တည်ငြိမ်အေးချမ်းသည့် နေရာများ၌သာ ရင်းနှီးမြှုပ်နှံမည့်အစား ဖွံ့ဖြိုးတိုးတက်မှုနည်းသည့်၊ မတည်မငြိမ် ဖြစ်နေသည့် နေရာများကို ချန်လှပ်ထား၍ မရကြောင်း ဒုတိယသမ္မတ ပြောကြား

ရခိုင်ပြည်နယ် အတွင်းရှိ ရင်းနှီးမြှုပ်နှံမှု စီမံကိန်းတစ်ခုကို တွေ့ရစဉ်

မြန်မာနိုင်ငံတွင် ရင်းနှီးမြှုပ်နှံမှုများကို ဖွံ့ဖြိုးပြီး တည်ငြိမ်အေးချမ်းသည့် နေရာများတွင်သာ ရင်းနှီးမြှုပ်နှံမည့်အစား ဖွံ့ဖြိုးတိုးတက်မှု နည်းပါးသည့် မတည်မငြိမ်ဖြစ်နေသည့် နေရာများကိုပါ ချန်လှပ်ထား၍ မရကြောင်း နိုင်ငံတော် ဒုတိယသမ္မတ-၁ ဦးမြင့်ဆွေက စက်တင်ဘာ၂၃ ရက်က ရန်ကုန်မြို့ရှိ ကုန်သည်စက်မှု အသင်းချုပ်တွင် ကျင်းပသည့် မြန်မာစီးပွားရေး လုပ်ငန်းရှင်များနှင့် ပုံမှန်တွေ့ဆုံဆွေးနွေးပွဲ (ဒသမအကြိမ်) အခမ်းအနားတွင် ပြောကြားသည်။

“ရင်းနှီးမြှုပ်နှံမှုတွေကို ဖွံ့ဖြိုးပြီး တည်ငြိမ်အေးချမ်းတဲ့ နေရာမှာချည်းပဲ ရင်းနှီးမြှုပ်နှံမယ့်အစား ဖွံ့ဖြိုးတိုးတက်မှုနည်းတဲ့၊ မတည်မငြိမ်ဖြစ်တဲ့ နေရာတွေကိုလည်း ချန်လှပ်ထားလို့ မရပါဘူး။ ကြာလေ ကွာဟမှုတွေ ဖြစ်လာမယ်။ ဒါကြောင့် မို့ဖွံ့ဖြိုးတိုးတက်မှုနည်းတဲ့ ဒေသတွေ တိုင်းဒေသကြီးနဲ့ ပြည်နယ်တွေမှာ ရင်းနှီးမြှုပ်နှံမှုတွေ တိုးလာအောင် ရင်းနှီးမြှုပ်နှံမှု ဥပဒေ ရေးဆွဲခဲ့တာပါ။ ရင်းနှီးမြှုပ်နှံမှုကို ဖွံ့ဖြိုးရေးနည်းတဲ့ ဒေသတွေမှာဆိုရင် ခုနစ်နှစ်တိတိ အခွန်ကင်းလွတ်ခွင့် ပေးထားပါတယ်။ အနည်းငယ်ဖွံ့ဖြိုးတဲ့ ဒေသတွေမှာကျတော့ ငါးနှစ်ပေးထားပြီး ဖွံ့ဖြိုးတဲ့ဒေသတွေမှာ သုံးနှစ်ပေးထားပါတယ်” ဟု ဒုတိယသမ္မတ-၁ ဦးမြင့်ဆွေက ပြောကြားသည်။

“ဆိုလိုတာက ပုဂ္ဂလိကကဏ္ဍ ဖွံ့ဖြိုးတိုးတက်ဖို့ဆိုတာ တည်ငြိမ်တဲ့ နေရာတွေ ဖွံ့ဖြိုးတဲ့ နေရာတွေတင် မကဘဲ တချို့ဒေသတွေ ကျန်နေခဲ့ရင် အများကြီး အခက်အခဲတွေ ရှိလာနိုင်တဲ့အတွက် မတည်မငြိမ်ဖြစ်တဲ့ ဒေသတွေမှာလည်း ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက် ဆောင်ရွက်ရမယ့်မူ ၀ါဒတွေ ချမှတ်ထားပါတယ်” ဟု ၎င်းက ပြောကြားသည်။

၂၀၁၇ ခုနှစ် သြဂုတ်လကုန်အထိ ရင်းနှီးမြှုပ်နှံမှု ပမာဏ ဒေါ်လာ ၃၈၉၉ ဒသမ ၅၂၁ သန်း၊ တစ်နည်းအားဖြင့် ၃ ဒသမ ၉ ဘီလျံအထိ ရင်းနှီးမြှုပ်နှံမှု ရရှိထားကြောင်း၊ ယခင်နှစ် ကာလတူထက် ဒေါ်လာ ၂ ဒသမ ၉ ဘီလျံနီးပါး ရင်းနှီးမြှုပ်နှံမှု တိုးတက်လာသည်ကို တွေ့ရကြောင်း ဒုတိယသမ္မတ ဦးမြင့်ဆွေက ပြောကြားသည်။

ရခိုင်ပြည်နယ်တွင် ပဋိပက္ခ ဖြစ်ပွားခဲ့သည့် နေရာများသည် ယခင်ကတည်းက ရင်းနှီးမြှုပ်နှံမှု နည်းပါးသည့် ဒေသများ ဖြစ်သဖြင့် ရင်းနှီးမြှုပ်နှံမှု ၀င်ရောက်မှုအပေါ် ထိခိုက်နိုင်စရာ မရှိကြောင်းနှင့် နိုင်ငံတော် အနေဖြင့် ရခိုင်အပြင် ပဋိပက္ခ ဖြစ်ပွားခဲ့သည့် ဒေသများတွင် သင့်လျော်သည့် ရင်းနှီးမြှုပ်နှံမှုနှင့် စီးပွားရေးလုပ်ငန်းများကို ခွင့်ပြုပေးရန် အစီအစဉ်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ သိရသည်။

“နိုင်ငံတော် အနေနဲ့ကတော့ ဒီဒေသတွေမှာ စီးပွားရေး ဖွံ့ဖြိုးတိုးတက်အောင် လုပ်ရင် လူတွေ အလုပ်အကိုင် အခွင့်အလမ်းတွေ အများကြီး ရလာပြီတော့ စီးပွားရေးမှာ စိတ်ဝင်စားလာမယ်။ နေ့တိုင်း အလုပ်ရှိလာမယ်၊ ၀င်ငွေကောင်းလာမယ်၊ အဲဒီအတွက် အဲဒီဒေသတွေမှာ သင့်လျော်တဲ့ ရင်းနှီးမြှုပ်နှံမှု ပုံသဏ္ဌာန်တွေနဲ့ စီးပွားရေး လုပ်ငန်းတွေကို ခွင့်ပြုပေးဖို့ အနာဂတ်မှာ အစီအစဉ် ရှိပါတယ်” ဟု DICA မှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

“ဆိုလိုတာက နိုင်ငံရေးနည်းနဲ့ ရှင်းတဲ့အပြင် စီးပွားရေးအရ ဒီဒေသတွေကို ဖွံ့ဖြိုးအောင်လုပ်တာက ပဋိပက္ခတွေကို ငြိမ်းချမ်းအောင် လုပ်တာလည်း နည်းတစ်နည်း အနေနဲ့ စဉ်းစားနေပါတယ်” ဟု ၎င်းက ဆိုသည်။

မြန်မာ့ဆန်ကို ပြည်ပမှ စာချုပ်ချုပ်ဆို ၀ယ်ယူမှုများနေသဖြင့် ယခုနှစ်စပါးသစ်ပေါ်ချိန်တွင် နိုင်ငံခြားတင်ပို့နေသည့် ဆန်စပါးအမျိုးအစားများ၏ ကြမ်းခင်းဈေး ယခင်နှစ်ထက် ဈေးပိုမြင့်နိုင်ဟုဆို

ဘုရင့်နောင်ဝင်းအတွင်းရှိ ဆန်ပွဲရုံတစ်ခုအား တွေ့ရစဉ် (ဓာတ်ပုံ-မြင့်သူ)

 

ပြည်ပမှ မြန်မာ့ဆန်ကို စာချုပ်ချုပ်ဆိုကာ ၀ယ်ယူမှုများပြားနေသဖြင့် ယခုနှစ် စပါးသစ်ပေါ်ချိန်၌ နိုင်ငံခြားတင်ပို့နေသည့် ဆန်စပါးအမျိုးအစားများ၏ ကြမ်းခင်းဈေးမှာ ယခင်နှစ်များထက် ဈေးပိုမြင့်နိုင်ခြေရှိကြောင်း ဆန်စပါးလုပ်ငန်းရှင်များက ပြောကြားသည်။

“ဒီနှစ်စပါးသစ်ကြမ်းခင်းဈေးဟာ ယခင်နှစ်စပါးဈေးထက် တင်းတစ်ရာကို ကျပ် ၅၀၀၀၀ ၀န်းကျင် ပိုနိုင်ပါတယ်။ ကြမ်းခင်းဈေး မြင့်စရာအခြေအနေတွေ ရှိနေပါတယ်။ ဒါကြောင့် တောင်သူတွေအနေနဲ့ စပါးသစ် စပေါ်ချိန် အလျင်စလို မရောင်းသင့်ပါဘူး။ မဖြစ်မနေရောင်းရမယ်ဆိုရင် မိမိတို့လိုအပ်ချက်ရှိသလောက်သာ ရောင်းချသင့်ပါတယ်။ ကျွန်တော့်အမြင်ကတော့ စပါးသစ် စပေါ်ပေါ်ခြင်း အပြိုင်အဆိုင် ၀ယ်ကြမယ်လို့ထင်ပါတယ်” ဟု မန္တလေးမှ ဆန်ကုန်သည် ဦးစိုင်းကျော်က ပြောကြားသည်။

သို့သော် လာမည့်စပါးသစ်ပေါ်ချိန်၌ ကြမ်းခင်းဈေးမြင့်တက်လာနိုင်သည့် စပါးများသည် ပြည်တွင်းစားသုံးသော ဆန်စပါး ဈေးမဟုတ်ဘဲ နိုင်ငံခြားတင်ပို့သည့် ဆန်စပါး အမျိုးအစားများအား ခန့်မှန်းထားခြင်းဖြစ်ကြောင်း ၎င်းက ဆိုသည်။

၂၀၁၇-၂၀၁၈ ဘဏ္ဍာနှစ် ငါးလအတွင်း ပြည်ပသို့  မြန်မာ့ဆန်တန်ချိန် တစ်သန်းကျော် တင်ပို့ထားကြောင်း၊ ယခုနှစ်အတွင်း ပြည်ပသို့ ဆန်တန်ချိန် နှစ်သန်းအထိတင်ပို့ရန် ခန့်မှန်းထားကြောင်း မြန်မာနိုင်ငံဆန်စပါး အသင်းချုပ်မှ သိရသည်။

“ဒီနှစ်ကတော့ ကျွန်တော်တို့က အကြမ်းဖျင်းအားဖြင့် ဆန်တန်ချိန် နှစ်သန်းလောက် တင်ပို့နိုင်မယ်မှန်းထားတယ်။ အခုက တစ်သန်းကျော်ပို့ပြီးပြီဆိုတော့ ဒီနှစ်ရဲ့ လျာထားချက်ဖြစ်တဲ့ နှစ်သန်းတော့ ပြည့်သွားနိုင်တယ်။ ဒီဆယ်စုနှစ်အတွင်း အများဆုံးတင်ပို့ တာဖြစ်လာနိုင်တယ်။ ဒီနှစ်ရဲ့ လျာထားချက်ကို ကျော်သွားနိုင်တယ်” ဟု မြန်မာနိုင်ငံဆန် စပါးအသင်းချုပ် ဒုတိယဥက္ကဋ္ဌ  ဒေါက်တာစိုးထွန်းက ပြောကြားသည်။

ဘင်္ဂလားဒေ့ရ်ှနိုင်ငံသို့ မြန်မာနိုင်ငံမှ ဆန်တန်ချိန်သုံးသိန်း တင်ပို့ရောင်းချရန် စက်တင်ဘာ ၇ ရက်က နေပြည်တော်ရှိ Hilton Hotel တွင် နှစ်နိုင်ငံ G to G လက်မှတ် ရေးထိုးခဲ့သည်။

“အရင်တုန်းက အရင်အစိုးရလက်ထက်တုန်းက ဘင်္ဂလားဒေ့ရ်ှကိုတင်ဖူးတယ်။ ပုသိမ်ကနေ တန်ချိန်သုံးထောင်လောက် တိုက်ရိုက်သင်္ဘောတင်ဖူးတယ်။ ကြားမှာလည်း ပုဂ္ဂလိကအနေနဲ့ ဘင်္ဂလားဒေ့ရ်ှကို အနည်းငယ် ရောင်းတာရှိတယ်။ အစိုးရသစ်လက်ထက်မှာ G to G အနေနဲ့ ဒါပထမဆုံးအကြိမ်ပဲ။ ကျန်တဲ့တိုင်းပြည်တွေနဲ့ လက်မှတ်ထိုးတာတော့ မရှိသေးဘူး” ဟု ဒေါက်တာစိုးထွန်းက ပြောကြားသည်။

ပြီးခဲ့သည့်နှစ်များအတွင်း ဆန်တင်ပို့မှု အနေအထားကိုလေ့လာကြည့်ပါက ၂၀၁၄- ၂၀၁၅ခုနှစ်တွင် ပြည်ပသို့ ဆန်တန်ချိန် ၁ ဒသမ ၈ သန်းကျော်ဖြင့် အများဆုံး တင်ပို့ထားသည်။ ထို့ကြောင့် ယခုနှစ်အတွင်း တန်ချိန်နှစ်သန်းတင်ပို့ပါက ယခင်နှစ်များထက် ပိုမိုတင်ပို့ခြင်းဖြစ်ကာ ဆယ်စုနှစ်အတွင်း အများဆုံးတင်ပို့သည့် နှစ်ဖြစ်လာဖွယ်ရှိနေခြင်း ဖြစ်သည်။

ပြည်ပဈေးကွက် တိုးချဲ့ရရှိမှုကြောင့် ယခုဘဏ္ဍာနှစ် သြဂုတ်ပထမပတ်အထိ လေးလကျော်ကာလအတွင်း မြန်မာနိုင်ငံမှ ဆန်နှင့် ဆန်ကွဲတန်ချိန်တစ်သန်းကျော် တင်ပို့ထားပြီး ယခင်နှစ်ကာလတူထက် တန်ချိန်  ခြောက်သိန်းနှစ်သောင်းကျော် ပိုမိုတင်ပို့ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။