မြန်မာ့စီးပွားရေး ဖွံ့ဖြိုးရန် အခြေခံအဆောက်အအုံ လိုအပ်ချက်မှာ စိန်ခေါ်မှုဖြစ်နေပြီး အစိုးရက ဖြည့်ဆည်းပေးနိုင်သည့် ရင်းမြစ်မရှိသေးကြောင်း အစီရင်ခံစာတစ်ခုတွင် ဖော်ပြ

မြန်မာ့စီးပွားရေး ဖွံ့ဖြိုးတိုးတက်မှုအတွက် အခြေခံအဆောက်အအုံ လိုအပ်ချက်က စိန်ခေါ်မှုတစ်ခု ဖြစ်နေပြီး အစိုးရတစ်ခုတည်း အနေဖြင့် ဖြည့်ဆည်းပေးနိုင်သည့် အရင်းအမြစ်များ မရှိသေးကြောင်း Economic Corporate Network နှင့် Baker McKenzie တို့မှ ထုတ်ပြန်လိုက်သည့် Building Myanmar: Bridging The Infrastructure Gap အစီရင်ခံစာသစ်အရ သိရသည်။

မြန်မာ့စီးပွားရေး တိုးတက်မှုသည် လာမည့်နှစ်များအတွင်း ပျမ်းမျှ ၇ ရာခိုင်နှုန်းအထက်တွင် ဆက်လက် ရပ်တည်နေမည်ဟု ခန့်မှန်းထားသော်လည်း ယင်းတိုးတက်မှုကို ထိန်းထားနိုင်ရန်မှာ အစိုးရထံ အလုံးအရင်းနှင့် ရင်းနှီးမြှုပ်နှံခြင်း၊ ဘဏ္ဍာငွေကြေးအဖွဲ့အစည်းများ တိုးတက်အောင် ဖော်ဆောင်ခြင်းနှင့် ပုဂ္ဂလိက ကဏ္ဍတို့အပေါ်တွင် မူတည်နေကြောင်း ဖော်ပြထားသည်။ ထိုသို့ မဟုတ်ပါက အခြေခံအဆောက်အအုံ ကွာဟချက်မှာ မြန်မာ့စီးပွားရေးကို ရပ်တန့်သွားစေနိုင်ကြောင်း သုံးသပ်ထားသည်။

တိုင်းပြည်၏ အခြေခံအဆောက်အအုံ လိုအပ်ချက်များဖြစ်သည့် အထူးသဖြင့် စွမ်းအင်၊ ရေနှင့် သယ်ယူပို့ဆောင်ရေးတို့ကို မြန်မာအစိုးရက ကိုင်တွယ်ဖြေရှင်းရန် အရှိန်အဟုန်တိုးမြှင့်၍ တွန်းအားပေး ဆောင်ရွက်လျက်ရှိရာ တာဝန်ရှိသူများ အနေဖြင့် ထိုကြိုးပမ်းမှုကို ပံ့ပိုးပေးမည့် ပြည်ပရင်းနှီးမြှုပ်နှံသူများကို တိုးမြှင့်ရှာဖွေလျက်ရှိသည်ဟု ဆိုသည်။

မြန်မာနိုင်ငံအတွက် ထင်ရှားသော အခြေခံအဆောက်အအုံ တစ်ခုမှာ တယ်လီကွန်း ဆက်သွယ်ရေးကဏ္ဍဖြစ်ပြီး ပြုပြင်ပြောင်းလဲရေး မတိုင်မီက မြန်မာနိုင်ငံမှာ ကမ္ဘာ့ဆက်သွယ်မှုနှုန်း အနှေးဆုံးအနက် တစ်နိုင်ငံဖြစ်ခဲ့သည်။ အလွန် အကန့်အသတ်များသည့် အင်တာနက် သုံးစွဲမှုနှင့်အတူ ဆင်းမ်ကတ်သုံးစွဲမှု အရေအတွက်မှာ ထောင်ဂဏန်းသာ ရှိခဲ့ကြောင်း ဖော်ပြခဲ့သည်။ လက်ရှိတွင် သုံးစွဲနေသော ဆင်းမ်ကတ်ပေါင်း သန်း ၅၀ ကျော်အထိ ရှိလာပြီး မိုဘိုင်းအင်တာနက် မြန်နှုန်းမှာလည်း ဒေသတွင်း၌ အမြန်ဆုံးဖြစ်လာကာ နေ့ချင်းညချင်း ပြောင်းလဲမှုများစွာ ဖြစ်ပေါ်ခဲ့ကြောင်း သုံးသပ်ထားသည်။

“မြန်မာနိုင်ငံရဲ့ အနာဂတ်စီးပွားရေး အလားအလာ ဆက်လက် အပြုသဘောဆောင်နေဖို့အတွက် တိုးတက်ကောင်းမွန်တဲ့ အခြေခံအဆောက်အအုံက အရေးအကြီးဆုံး လိုအပ်ချက်တစ်ခု ဖြစ်လာနိုင်ပါတယ်။ စီးပွားရေး တိုးတက်ဖွံ့ဖြိုးမှုက လူမှုရေး တိုးတက်ဖွံ့ဖြိုးမှုဆီ ဦးတည်နေသလို လူသန်းပေါင်းများစွာရဲ့ ဘ၀အရည်အသွေးကို တိုးတက်မြင့်မား လာစေနိုင်ပါတယ်။ ဒီစာတမ်းမှာ ရင်းနှီးမြှုပ်နှံသူတွေအတွက် ကြုံတွေ့နိုင်တဲ့ အန္တရာယ်တွေ၊ အခွင့်အလမ်းတွေကို ခွဲခြားဖော်ပြထားပါတယ်”ဟု အရှေ့တောင်အာရှ The Economist Corporate Network ၏ ဒါရိုက်တာ နှင့် ယင်းအစီရင်ခံစာကို တွဲဖက်ရေးသားသူ Andrew Staples က ပြောကြားသည်။

မြန်မာနိုင်ငံ၏ နိုင်ငံရေးနှင့်စီးပွားရေး ဗဟိုအချက်အချာသို့ ပျံ့နှံ့လာမည်ဟု မယူဆသော်လည်း ရခိုင်ပြည်နယ် မြောက်ပိုင်းတွင် ဖြစ်ပွားနေသော ပဋိပက္ခအခြေအနေများကိုပါ ယင်းအစီရင်ခံစာတွင် ထည့်သွင်း ဖော်ပြထားကြောင်း သိရသည်။

အောက်တိုဘာလတွင် မြန်မာနိုင်ငံသို့ နိုင်ငံခြား ရင်းနှီးမြှုပ်နှံမှု ဒေါ်လာ ၁၀၅ သန်းကျော်သာ ၀င်ရောက်

၂၀၁၇-၂၀၁၈ ဘဏ္ဍာနှစ် အောက်တိုဘာလတွင် မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ဒေါ်လာ ၁၀၅ သန်းကျော်သာ ၀င်ရောက်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၏ နိုင်ငံခြားရင်းနှီးမြှုပ်နှံမှုဆိုင်ရာ စာရင်းများအရ သိရသည်။

လက်ရှိဘဏ္ဍာနှစ် စက်တင်ဘာလတွင် နိုင်ငံခြားရင်းနှီးမြှုပ်နှံမှု ပမာဏဒေါ်လာ ၄၁၃၇ ဒသမ ၀၁၃ သန်း ရှိပြီး အောက်တိုဘာလကုန်တွင် နိုင်ငံခြားရင်းနှီးမြှုပ်နှံမှုပမာဏ ဒေါ်လာ ၄၂၄၂ ဒသမ ၁၁၃ သန်း ရှိလာသဖြင့် အောက်တိုဘာလတွင် မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ဒေါ်လာ ၁၀၅ ဒသမ ၁ သန်းသာ ၀င်ရောက်ခဲ့ခြင်း ဖြစ်သည်။

၁၉၈၈-၁၉၈၉ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ် အောက်တိုဘာလအထိ ခွင့်ပြုပေးခဲ့သည့် နိုင်ငံခြားရင်းနှီးမြှုပ်နှံမှုပမာဏ ဒေါ်လာ ၇၄ ဘီလျံကျော်တွင် တရုတ်နိုင်ငံက ပမာဏအများဆုံး ရင်းနှီးမြှုပ်နှံထားပြီး စင်ကာပူက ဒုတိယအများဆုံး ရင်းနှီးမြှုပ်နှံထားကြောင်း သိရသည်။

ကဏ္ဍအလိုက် ရင်းနှီးမြှုပ်နှံမှုတွင် ရေနံနှင့် သဘာဝဓာတ်ငွေ့ကဏ္ဍတွင် အများဆုံးဖြစ်ပြီး စွမ်းအင်ကဏ္ဍတွင် ဒုတိယအများဆုံး ရင်းနှီးမြှုပ်နှံကြကြောင်း သိရသည်။

၂၀၁၆-၂၀၁၇ ဘဏ္ဍာနှစ်မှ ၂၀၂၀-၂၀၂၁ ဘဏ္ဍာနှစ်အထိ ဆောင်ရွက်မည့် အမျိုးသားဖွံ့ဖြိုးတိုးတက်မှု ဒုတိယကာလတို ငါးနှစ်စီမံကိန်းတွင် နိုင်ငံခြားရင်းနှီးမြှုပ်နှံမှုဖြင့် တွန်းအားပေး၍ ပို့ကုန်မြှင့်တင်ရေး၊ ပုဂ္ဂလိက ကဏ္ဍမြှင့်တင်ရေး၊ ဒေသဖွံ့ဖြိုးရေးစီမံချက်များအား စီးပွားဖြစ် ပူးပေါင်းဆောင်ရွက်မှုအဖြစ်သို့ ကူးပြောင်းစေရေး၊ ပုဂ္ဂလိက ရင်းနှီးမြှုပ်နှံမှုအား ပြည်သူများ အကျိုးကျေးဇူးဖြစ်ထွန်းစေရန်အတွက် ညှိနှိုင်းခြင်းတို့ကို ဆောင်ရွက်သွားမည် ဖြစ်ကြောင်း သိရသည်။

နိုင်ငံခြားရင်းနှီးမြှုပ်နှံမှုများ ၀င်ရောက်ရန်အတွက် ကန့်သတ်နေသည့် ပြဋ္ဌာန်းချက်များကို ပြန်လည် စိစစ်နိုင်ရေး၊ လုပ်ငန်းထူထောင်ရာတွင် ကုန်ကျစရိတ် များပြားစေသော မြေယာဈေးနှုန်းနှင့် လုပ်ငန်းလည်ပတ်မှု အခက်အခဲများ လျှော့ချနိုင်ရေး၊ ပြည်တွင်းစီးပွားရေး လုပ်ငန်းများမှ ဆက်စပ်လုပ်ငန်းများနှင့် ဈေးကွက်သုတေသနဆိုင်ရာ အချက်အလက်များ အထောက်အပံ့ နည်းပါးခြင်း၊ နိုင်ငံတော်၏ စာရင်းဇယား အချက်အလက်များကို ခိုင်မာစွာ ထုတ်ပြန်ပေးနိုင်ရေး၊ တန်ဖိုးမြှင့် ကုန်ထုတ်စက်မှုလုပ်ငန်းများ ဖွံ့ဖြိုးတိုးတက်လာစေရေးအတွက် စက်မှုဖွံ့ဖြိုးမှု မူဝါဒများ လိုအပ်ခြင်း၊ အခြေခံလိုအပ်ချက်ဖြစ်သော လျှပ်စစ်ဓာတ်အား ရရှိနိုင်မှု၊ ပို့ဆောင်ရေး အခြေခံအဆောက်အအုံများ ဖွံ့ဖြိုးလာစေရန် ဆောင်ရွက်ခြင်းများကို လုပ်ဆောင်သွားမည် ဖြစ်ကြောင်း အမျိုးသားဖွံ့ဖြိုးတိုးတက်မှုစီမံကိန်းတွင် ဖော်ပြထားသည်။

ထို့ပြင် ပြည်တွင်းဘဏ္ဍာရေးစနစ် တိုးတက်လာအောင် ဆောင်ရွက်ခြင်းနှင့် နိုင်ငံတကာနှင့် ချိတ်ဆက်လုပ်ကိုင်နိုင်ရန် ဆောင်ရွက်ခြင်း၊ ငွေကြေးမူဝါဒများ ခိုင်မာအားကောင်းစေရေး၊ ရင်းနှီးမြှုပ်နှံမှု အခွင့်အလမ်းများ ဖော်ထုတ်ပေးခြင်း၊ နိုင်ငံပိုင် လုပ်ငန်းများကို ဖက်စပ်လုပ်ကိုင်ခွင့်ပေးခြင်း (JV) ၊ စီးပွားရေးက တိစာချုပ်များဖြင့် ခွင့်ပေးခြင်း (BCC) ၊ တည်ဆောက် လုပ်ကိုင်လွှဲပြောင်း (BOT) လုပ်ငန်းများကို အစိုးရနှင့် ပုဂ္ဂလိက ပူးပေါင်းလုပ်ကိုင်ခြင်း၊ ဒေသဖွံ့ဖြိုးရေးလုပ်ငန်း စီမံကိန်းများတွင် ရင်းနှီးမြှုပ်နှံခွင့်ပေးခြင်း စသည့် နည်းလမ်းအမျိုးမျိုးဖြင့် နိုင်ငံခြားရင်းနှီးမြှုပ်နှံမှုများ စီးဝင်လာစေရန် ဆောင်ရွက်သွားရန်ရှိကြောင်း သိရသည်။

သီလ၀ါရှယ်ယာ စတင်ရောင်းချသည့် တစ်နှစ်ကျော်ကာလအတွင်း အနိမ့်ဆုံးဈေးနှုန်းအဖြစ် ရှယ်ယာတစ်စု ကျပ် ၃၂၀၀ သို့ ထိုးဆင်း

ရန်ကုန်စတော့အိတ်ချိန်းတွင် ရောင်းချနေသည့် သီလ၀ါရှယ်ယာ၏ ဈေးနှုန်းများမှာ စတင်ရောင်းချသည့် တစ်နှစ်ကျော်ကာလအတွင်း အနိမ့်ဆုံးဈေးနှုန်းအဖြစ် ရှယ်ယာတစ်စု ကျပ် ၃၂၀၀ သို့ ထိုးဆင်းခဲ့ကြောင်း နိုဝင်ဘာ ၈ ရက် ဈေးကွက်အရောင်းအ၀ယ် ဖြစ်မှုများအရ သိရသည်။

သီလ၀ါရှယ်ယာသည် ရှယ်ယာခွဲစိတ်မှုမပြုမီ စတော့အိတ်ချိန်း၌ အဖွင့်ဈေး ကျပ် ၄၀၀၀၀ ဖြင့် စတင်ခဲ့သော်လည်း ရောင်းချရမှုတွင် ရှယ်ယာတစ်စု ကျပ် ၅၀၀၀၀ ဖြစ်ကာ အမြင့်ဆုံးဈေးမှာ ရှယ်ယာ တစ်စုကျပ် ၇၀၀၀၀ ဖြစ်ခဲ့ပြီး အနိမ့်ဆုံးဈေးနှုန်းမှာ ရှယ်ယာတစ်စု ကျပ် ၄၁၀၀၀ ဖြစ်ခဲ့သည်။

ရန်ကုန်စတော့အိတ်ချိန်းတွင် ၂၀၁၆ ခုနှစ် အောက်တိုဘာ ၃၀ ရက်မှစတင်ကာ ရှယ်ယာအရောင်းအ၀ယ်ပြုလုပ်မှု ခေတ္တရပ်ဆိုင်းပြီး ရှယ်ယာခွဲစိတ်မှုပြုကာ နိုဝင်ဘာ ၄ ရက်မှ စတင်၍ ရှယ်ယာတစ်စု လျင် ကျပ် ၅၁၀၀ ဖြင့် ရန်ကုန်စတော့အိတ်ချိန်း၌ ပြန်လည်ရောင်းချခဲ့ရာ ရှယ်ယာတစ်စု ကျပ် ၅၃၀၀ အထိ မြင့်တက်ခဲ့သည်။ ထိုသို့ မြင့်တက်မှုမှ ၂၀၁၇ ခုနှစ် မေ ၂၅ ရက်နှင့် ၂၆ ရက်တွင် သီလ၀ါရှယ်ယာဈေးနှုန်းကျဆင်းမှု ဆက်လက်ဖြစ်ပေါ်ကာ ရှယ်ယာတစ်စု ကျပ် ၃၈၀၀ သို့ ရောက်ရှိခဲ့သည်။ ထို့ပြင် မေ ၂၉ ရက်တွင် ရှယ်ယာတစ်စု ကျပ် ၃၇၀၀၊ သြဂုတ် ၁၄ ရက်တွင် ကျပ် ၃၆၅၀၊ သြဂုတ် ၁၅ ရက်တွင် ကျပ် ၃၅၅၀ မှ သြဂုတ် ၁၆ ရက် အဖွင့်ဈေးတွင် ရှယ်ယာတစ်စု ကျပ် ၃၃၀၀ သို့ ရောက်ရှိကာ နေ့စဉ်ဈေးနှုန်းကျဆင်းသည့် အခြေအနေဖြစ်ပေါ်ခဲ့ရာမှ နိုဝင်ဘာ ၈ ရက်တွင် ကျပ် ၃၂၀၀ အထိ စံချိန်တင် ကျဆင်းခဲ့သည်။

သီလ၀ါရှယ်ယာရှယ်ယာများ တန်ဖိုးကျဆင်းနေချိန်တွင် အဆိုပါရှယ်ယာများကို ၄၅ ရာခိုင်နှုန်းအထိ ပိုင်ဆိုင်ခဲ့သည့် အများပိုင်ကုမ္ပဏီကိုးခု၏ သီလ၀ါရှယ်ယာ ပိုင်ဆိုင်မှုများလည်း လျော့ကျလာနေသည်။

သီလ၀ါရှယ်ယာများကို ယခင်က အများပိုင် ကုမ္ပဏီကြီးကိုးခုက အဓိကချုပ်ကိုင်ခဲ့ပြီး FMI, Golden Land Asia Development Limited, Myanmar Agribusiness Public Corporation Ltd, Myanmar Agricultural & General Development Public Ltd, Myanmar Edible Oil Industrial Public Corporation Ltd, Myanmar Sugar Development Public Company Ltd, Myanmar Technologies and Investment Corp,Ltd, National Development Company Group Ltd, New City Development Public Company Ltd တို့ ဖြစ်သည်။

အဆိုပါ ကုမ္ပဏီများသည် ရှယ်ယာ မခွဲစိတ်မီက ၁၇၅၅၀၀၀ ပိုင်ဆိုင်ပြီး ကုမ္ပဏီတစ်ခုချင်းစီသည် အစုရှယ်ယာ ၁၉၅၀၀၀ တိတိ ပိုင်ဆိုင်ခဲ့ကာ ရှယ်ယာခွဲစိတ်ချိန်တွင် ပျမ်းမျှအားဖြင့် ကုမ္ပဏီတစ်ခုလျှင် ရှယ်ယာ ၁၉၅၀၀၀၀ ပိုင်ဆိုင်မည်ဖြစ်သည်။

လက်ရှိတွင် Myanmar Agribusiness Public Corporation Ltd က ရှယ်ယာ  ၅ ဒသမ ၀၁ ရာခိုင်နှုန်းဖြင့်  ယခင် ငါးရာခိုင်နှုန်းထက် ရှယ်ယာပိုင်ဆိုင်မှု ပိုမိုလာပြီး FMI က ရှယ်ယာ ၁ ဒသမ ၆၅ ၊ Myanmar Sugar Development Public Company Ltd က ရှယ်ယာ ၁ ဒသမ ၂၈ ရာခိုင်နှုန်းဖြင့် ပိုင်ဆိုင်မှုအနည်းဆုံး ဖြစ်လာခဲ့ပြီး ကျန်ကုမ္ပဏီ ခြောက်ခုမှာ ၄ ဒသမ ၅၈ ရာခိုင်နှုန်းမှ ၄ ဒသမ ၉၀ ရာခိုင်နှုန်းအကြား ရှယ်ယာများ ပိုင်ဆိုင်ထားကြောင်း သိရသည်။

ဘဏ်လုပ်ငန်းဆိုင်ရာ စည်းမျဉ်းသစ်များနှင့် ပတ်သက်၍ ပြည်တွင်းဘဏ်များက ဆောင်ရွက်မည့် အစီအစဉ်များ ပြန်လည်တင်ပြထားပြီး မြန်မာ့စီးပွားရေး၊ ဘဏ်များနှင့် အိမ်ခြံမြေဈေးကွက် မထိခိုက်စေရန် ဗဟိုဘဏ်၏ ညွှန်ကြားချက်ဖြင့် လုပ်ဆောင်မည်

ရန်ကုန်မြို့ရှိ ပုဂ္ဂလိက ဘဏ်တစ်ခု၏ လုပ်ငန်းခွင်အားတွေ့ရစဉ်

ဘဏ်လုပ်ငန်းဆိုင်ရာ စည်းမျဉ်းသစ်များနှင့် ပတ်သက်၍ ပြည်တွင်းဘဏ်များက ဆောင်ရွက်မည့် အစီအစဉ်များ ပြန်လည်တင်ပြထားပြီး မြန်မာ့စီးပွားရေး၊ ဘဏ်များနှင့် အိမ်ခြံမြေဈေးကွက် မထိခိုက်စေရန် ဗဟိုဘဏ်၏ ညွှန်ကြားချက်ဖြင့် လုပ်ဆောင်သွားမည် ဖြစ်ကြောင်း ပုဂ္ဂလိကဘဏ် အသိုင်းအ၀ိုင်းမှ တာဝန်ရှိသူများက ပြောကြားသည်။

ဘဏ်များအနေဖြင့် ပုဂ္ဂိုလ်တစ်ဦးဦး သို့မဟုတ် စီးပွားရေးလုပ်ငန်းအုပ်စု တစ်ခုခု သို့မဟုတ် ဆက်နွှယ်နေသည့် မိတ်ဖက်အဖွဲ့ အစည်းအုပ်စု တစ်ခုခုသို့ ချေးငွေထုတ်ချေးရာတွင် မိမိ၏ အဓိက မတည်ငွေရင်း၏ ရာခိုင်နှုန်း ၂၀ ထက်ပို၍ ထုတ်ချေးခြင်း မပြုရန် မြန်မာနိုင်ငံတော် ဗဟိုဘဏ်က အမိန့်ကြော်ငြာစာ အမှတ် ၁၈/၂၀၁၇ ဖြင့် ထုတ်ပြန်ထားပြီး ယင်းစည်းမျဉ်းနှင့် ပတ်သက်၍ ပြည်တွင်းဘဏ်များက လက်ခံနိုင်သည့် ပမာဏသို့ ထားရှိမည့် အစီအစဉ်ကို ပြန်လည်တင်ပြထားကြောင်း သိရသည်။

ထို့ပြင် ဘဏ်များလိုက်နာရမည့် မ,တည်ငွေရင်း လုံလောက်မှုဆိုင်ရာ စည်းမျဉ်း၊ ငွေကြေးလွယ်ကူမှု အချိုးသတ်မှတ်ချက်ဆိုင်ရာ စည်းမျဉ်း၊ ရရန်ပိုင်ခွင့်များ အမျိုးအစား သတ်မှတ်ခြင်းနှင့် လျာထားခြင်းဆိုင်ရာ စည်းမျဉ်းများကို မြန်မာနိုင်ငံတော်ဗဟိုဘဏ်က အမိန့်ကြော်ငြာစာ အမှတ် ၁၆/၂၀၁၇၊ ၁၇/၂၀၁၇၊ ၁၉/၂၀၁၇ တို့ဖြင့် ထုတ်ပြန်သတ်မှတ်ထားသည်။

လတ်တလောတွင် ‘ပြည်တွင်းဘဏ်များက လက်ဝယ်ရှိ အပေါင်ရရှိထားသော အိမ်ခြံမြေများကို ရာဖြတ်ဈေးဖြင့် အတိုး၊ အရင်း ပေါင်းထားသည့်ဈေးဖြင့် ထုတ်ရောင်းမည်’၊ ‘ဗဟိုဘဏ်က အတိုးမပေးနိုင်သော ငွေချေးသူကို ခြောက်လအထိသာ လက်ခံမည် ဖြစ်သောကြောင့် ကျော်လွန်သော အတိုးနှင့်အရင်းများ ပြန်တောင်းမည်’ ဟူသော ပြောစကားများ ပျံ့နှံလျက်ရှိပြီး ယင်းအချက်များကြောင့် ကျဆင်းနေသော အိမ်ခြံမြေဈေးကွက် ထပ်မံထိုးဆင်းမည်ဟု ထင်မြင်ချက်များ ထွက်ပေါ်နေသည်။

“အခုသတင်းပြန့်နေသလို အပေါင်ရထားတဲ့ အိမ်ခြံမြေတွေကို အစုလိုက်အပြုံလိုက် ထုတ်ရောင်းတာတို့၊ အတိုးမပေးနိုင်တဲ့ အတိုးကို ခြောက်လအထိပဲ လက်ခံမယ့် ဗဟိုဘဏ်စည်းမျဉ်း တိုးတယ် ဆိုတာတို့ အခုအချိန်အထိ မရှိပါဘူး။ လုပ်မယ်ဆိုလည်း ဒါမျိုးက တရားဝင်ကြေညာပြီး အချိန်ယူပြီး လုပ်ရမယ့်ကိစ္စပါ။ လောလောဆယ်တော့ ဘဏ်တွေက ပမာဏကြီးမားတဲ့ ကြွေးမြီကိစ္စနဲ့ ပတ်သက်ပြီး ဗဟိုဘဏ်ကို တင်ပြစရာရှိတာတွေ၊ လုပ်မယ့်အစီအစဉ်တွေ တင်ပြထားပါတယ်။ ဗဟိုဘဏ်ရဲ့ ညွှန်ကြားချက်တွေ ပြန်လာရင် အဆင့်ဆင့်ညှိနှိုင်းပြီး ဆက်လုပ်သွားရမှာ ဖြစ်ပါတယ်” ဟု ပုဂ္ဂလိကဘဏ် တစ်ခု၏ မန်နေဂျင်းဒါရိုက်တာက ပြောကြားသည်။

ပုဂ္ဂလိကဘဏ် တစ်ခု၏ အဆင့်မြင့် တာဝန်ရှိသူ တစ်ဦးကလည်း “ဗဟိုဘဏ်ကလည်း မြန်မာနိုင်ငံရဲ့ ဘဏ်လုပ်ငန်း တိုးတက်ဖို့ အခုလို စည်းမျဉ်းစည်းကမ်းတွေ ချမှတ်တာပါ။ နိုင်ငံတကာ အဆင့်အတန်းသွားဖို့ အတွက် ဒါက လိုအပ်ချက်တစ်ခု၊ ဒါကိုသွားနိုင်အောင် တစ်ဆင့်ချင်း လုပ်ရမှာပေါ့။ တချို့ဟာတွေ ပြောင်းလဲဖို့ သုံးလ၊ တချို့က ခြောက်လ၊ တချို့က တစ်နှစ်။ ဒါမျိုးနှစ်တွေနဲ့ချီပြီး ပြုပြင်ပြောင်းလဲရမှာမျိုးတွေ ရှိပါတယ်။ ဒါတွေကို တစ်ဆင့်ချင်း လုပ်သွားရမှာပေါ့။ ဒီပမာဏကြီးမားတဲ့ ကြွေးမြီကိစ္စနဲ့ ပတ်သက်ပြီးတော့လည်း လက်ရှိမှာ စီးပွားရေးကလည်း နည်းနည်းအားပျော့နေတော့ မြန်မာ့စီးပွားရေး၊ ဘဏ်တွေအပေါ် ထားရှိတဲ့ ယုံကြည်မှု၊ အိမ်ခြံမြေဈေးကွက် မထိခိုက်စေဖို့ ဗဟိုဘဏ်ရဲ့ ညွှန်ကြားချက်နဲ့အညီ ဆောင်ရွက်သွားမှာပါ။ ဒီစည်းမျဉ်း စည်းကမ်းအသစ်တွေ အတွက်လည်း ဗဟိုဘဏ်က IMF တို့၊ World Bank တို့ရဲ့ အကူအညီ ယူထားပါတယ်” ဟု ဆိုသည်။

ပမာဏကြီးမားသောကြွေးမြီ ဆိုသည်မှာ ဘဏ်၏အဓိက မတည်ငွေရင်း၏ ၁၀ ရာခိုင်နှုန်းနှင့်အထက် ကျော်လွန်၍ ပုဂ္ဂိုလ်တစ်ဦး သို့မဟုတ် မိတ်ဖက်အဖွဲ့အစည်း သို့မဟုတ် ဆက်နွှယ်နေသည့် မိတ်ဖက်အဖွဲ့အစည်းသို့ ထုတ်ချေးသည့် ချေးငွေကို ဆိုလိုခြင်းဖြစ်သည်။ ဘဏ်အားလုံးသည် ပမာဏ ကြီးမားသော ကြွေးမြီဆိုင်ရာ သတင်းအချက်အလက်ကို သုံးလတစ်ကြိမ် ဗဟိုဘဏ်က သတ်မှတ်သောပုံစံဖြင့် ဘဏ်လုပ်ငန်း ကြီးကြပ်စစ်ဆေးရေးဌာနသို့ တင်ပြရမည်ဖြစ်ပြီး ဘဏ်၏ ပမာဏကြီးမားသော ကြွေးမြီအားလုံး၏ စုစုပေါင်းသည် ယင်း၏အဓိက မတည်ငွေရင်း၏ ရှစ်ဆထက် ကျော်လွန်ခြင်း မရှိစေရန် သတ်မှတ်ထားသည်။

 

၂၀၁၇-၂၀၁၈ ဘဏ္ဍာနှစ် အောက်တိုဘာ ၂၀ ရက်အထိ ပြည်ပသို့ဆန်တင်ပို့မှုမှ ဒေါ်လာ ၅၂၃ သန်းကျော်ရရှိထားပြီး ယခင်နှစ်ကာလတူထက် ဒေါ်လာသန်း ၃၂၀ ကျော်ပိုမိုရရှိ

၂၀၁၇-၂၀၁၈ ဘဏ္ဍာနှစ် အောက်တို ဘာ ၂၀အထိ ပြည်ပသို့ ဆန်တင်ပို့မှုမှ ဒေါ်လာ ၅၂၃သန်းကျော်ရရှိထားပြီး ယခင်နှစ် ကာလတူထက် ဒေါ်လာသန်း၃၂၀ ကျော် ပိုမိုရရှိထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ် အောက်တိုဘာ ၂၀ အထိ ပြည်ပသို့ဆန်တင်ပို့မှုမှ ဒေါ် လာ ၅၂၃ ဒသမ ၀၁၀ သန်းရရှိထားသည်။  ၂၀၁၆-၂၀၁၇ ဘဏ္ဍာနှစ် ကာလတူက ဒေါ် လာ ၁၉၅ ဒသမ ၇၁၀ သန်းသာရရှိခဲ့သဖြင့် ယခုနှစ်လက်ရှိ အချိန်အထိတွင် ယခင်နှစ် ကာလတူထက် ဒေါ်လာ ၃၂၇ ဒသမ ၃ သန်း ပိုမိုရရှိထားခြင်း ဖြစ်သည်။ ယခုဘဏ္ဍာနှစ်အတွင်း ပြည်ပသို့ မြန်မာ့ဆန်တန်ချိန် နှစ်သန်းအထိ တင်ပို့နိုင်ရန် ခန့်မှန်းထားသည်။

မြန်မာနိုင်ငံမှ ပြည်ပဆန်တင်ပို့မှုကို နှစ်စဉ် ၁၅ ရာခိုင်နှုန်းနှင့် ရာခိုင်နှုန်း ၂၀ ခန့်  တိုးတက်လာရန်နှင့် လာမည့် ၂၀၂၀-၂၀၂၁ ခုနှစ်တွင် ဆန်တန်ချိန်သုံးသန်းအထိ တင်ပို့နိုင်ရန် မျှော်မှန်းဆောင်ရွက်လျက်ရှိကြောင်း မြန်မာနိုင်ငံ ဆန်စပါးအသင်းချုပ် အထွေထွေအတွင်းရေးမှူး ဦးရဲမင်းအောင်က ဆိုသည်။

“ဆန်ပြည်ပတင်ပို့မှုကို နှစ်စဉ်တိုးတက်မှုကို အနည်းဆုံး ၁၅ ရာခိုင်နှုန်းနဲ့ ရာခိုင်နှုန်း  ၂၀ လောက်ကို မှန်းတယ်။ ဆန်ပြည်ပတင်ပို့မှုရဲ့ Annual Growth Rate ပေါ့။ ရည်ရွယ်ချက်ကတော့ ၂၀၂၀-၂၀၂၁ လောက်မှာ ဆန်တန်ချိန် သုံးသန်းလောက်ပို့နိုင်မယ်။ အမျိုးသားပို့ကုန် မဟာဗျူဟာမှာဆို ရင်လေး သန်းလောက်အထိ မှန်းတယ်။ ဒီနေရာမှာလည်း တန်းမြင့်ဆန်တင်ပို့မှုကို တိုးချဲ့ပြီးတော့ ပါလာအောင် ကျွန်တော်တို့ မြန်မာနိုင်ငံ ဆန်စပါးအသင်းချုပ်က ရည်ရွယ်တယ်” ဟု ဦးရဲမင်းအောင်က ဆိုသည်။

လက်ရှိအခြေအနေတွင် ဆန်ဝယ်လို အားတက်လာမှုကြောင့် အတွေ့အကြုံနုနယ် သေးသည့် ပို့ကုန်လုပ်ငန်းရှင်အချို့ အနေဖြင့် ယခင်က ဖြစ်ပေါ်ခဲ့ဖူးခြင်းမရှိသည့် ရောင်းဝယ်မှုတွင် အားနည်းချက်များဖြစ်ပွားခဲ့သည်ကို သိရှိရကြောင်း၊ လယ်ယာထွက်ကုန်သီးနှံများနှင့် အရောင်းအ၀ယ်လုပ်ငန်းများ စနစ်တကျရှိစေရေး၊ တောင်သူများ ပစ္စည်းမှန်၊ ဈေးနှုန်းမှန်၊ အရည်အသွေးမှန်၊ အရောင်းအ၀ယ်မှန်စသည့် မှန်လေးမှန်ဖြစ်ပေါ်စေရေးအတွက် မြို့ကြီးများတွင် သီးနှံကုန်စည်ဒိုင်များ ဖွဲ့စည်းထားခဲ့ပြီး ကုန်စည်ဒိုင်များ စနစ်တကျ ဖွံ့ဖြိုးတိုးတက်မှုမှာ ပုဂ္ဂလိကကဏ္ဍ ဖွံ့ဖြိုးတိုးတက်မှု၏ အခြေခံအုတ်မြစ်တစ်ရပ်ဖြစ်၍ အလွန်အရေးကြီးကြောင်း ဒုတိယသမ္မတ ဦးမြင့်ဆွေက သတိပေးပြောကြားသည်။

၂၀၁၇ ခုနှစ် စက်တင်ဘာတွင် စားသုံးသူဈေးဆနှုန်း (CPI) ၁၃၄ ဒသမ ၄၃ ရှိခဲ့ပြီး ယခင်နှစ် ကာလတူထက် ၃ ဒသမ ၄ ရာခိုင်နှုန်း မြင့်တက်

၂၀၁၇ ခုနှစ် စက်တင်ဘာလတွင် စားသုံး သူဈေးဆနှုန်း (Cosumer Price Index – CPI) ၁၃၃ ဒသမ ၂၇ ရှိခဲ့ပြီး ယခင်နှစ် ကာလတူထက် သုံးရာခိုင်နှုန်းကျော် မြင့်တက်ခဲ့ကြောင်း စီမံကိန်းနှင့် ဘဏ္ဍာရေး ၀န်ကြီးဌာန  ဗဟိုစာရင်းအင်း အဖွဲ့မှ ထုတ်ပြန်သည့် စားသုံးသူဈေးဆနှုန်းနှင့် ငွေကြေးဖောင်းပွမှုနှုန်း အခြေအနေအရ သိရသည်။

၂၀၁၂ ခုနှစ် အခြေခံနှစ်ဖြင့် တွက်ချက်ထားသော ၂၀၁၇ ခုနှစ် စက်တင်ဘာလအတွက် တစ်နိုင်ငံလုံး၏ စားသုံးသူ ဈေးဆနှုန်းမှာ အစားအစာ အုပ်စုအတွက် ၁၄၆ ဒသမ ၁၉၊ အစားအစာ မဟုတ်သော အုပ်စုအတွက် ၁၁၇ ဒသမ ၈၃ နှင့် အုပ်စုအားလုံးအတွက် ၁၃၄ ဒသမ ၄၃ ရှိပြီး ပြီးခဲ့သည့် ၂၀၁၆ ခုနှစ် စက်တင်ဘာလတွင် ဖြစ်ပေါ်ခဲ့သော စားသုံးသူ ဈေးဆနှုန်းနှင့် နှိုင်းယှဉ်ပါက ၃ ဒသမ ၄၀ ရာခိုင်နှုန်း မြင့်တက်ခဲ့ကြောင်း သိရသည်။

စားသုံးသူ ဈေးဆနှုန်းကို လေ့လာပါက အစားအစာ အုပ်စု၏ ဈေးဆနှုန်းမှာ ယခင်လထက် ရာခိုင်နှုန်း အနည်းငယ် မြင့်တက်ခဲ့ကြောင်း သိရသည်။ အစားအစာ မဟုတ်သော အုပ်စု၏ ဈေးဆနှုန်းမှာ ၁၁၇ ဒသမ ၈၃ ဖြစ်သဖြင့် ယခင်လ အခြေအနေနှင့် နှိုင်းယှဉ်ပါက အနည်းငယ် မြင့်တက်ခဲ့ကြောင်း သိရသည်။

တစ်နိုင်ငံလုံးအတွက် စားသုံးသူ ဈေးဆနှုန်းနှင့် ငွေကြေးဖောင်းပွမှုနှုန်းကို ပြောင်းလဲတွက်ချက် တင်ပြနိုင်ရန် ၂၀၁၂ ခုနှစ် နိုဝင်ဘာလတွင် ဗဟိုစာရင်းအင်း အဖွဲ့သည် အိမ်ထောင်စုဝင်ငွေနှင့် စားသုံးမှု စစ်တမ်းကို မြို့နယ်ပေါင်း ၈၂ မြို့နယ်တွင် နမူနာ အိမ်ထောင်စုပေါင်း ၃၂၆၆၉ ကို စစ်တမ်းကောက်ယူခဲ့ကြောင်း သိရသည်။

၂၀၁၂ ခုနှစ် အခြေခံနှစ်ဖြင့် စစ်တမ်းကောက်ယူရာတွင် ကုန်ပစ္စည်း အမျိုးအစားများမှာ အများသုံးစွဲသည့် ကုန်ပစ္စည်းနှင့် ၀န်ဆောင်မှု အမျိုးအစားပေါင်း ၄၃၈ မျိုး ပါဝင်ကြောင်း သိရသည်။ စားသုံးသူဈေးဆနှုန်း တွက်ချက်ရန်အတွက် အစားအစာအုပ်စုတွင် ကုန်ပစ္စည်း ၁၀၈ မျိုးနှင့် အစားအစာ မဟုတ်သော အုပ်စုတွင် ကုန်ပစ္စည်း အမျိုးအစား ၁၆၆ မျိုး ရွေးချယ်ခဲ့ပြီး စုစုပေါင်း ၂၇၄ မျိုးသို့ တိုးချဲ့ကောက်ယူ တွက်ချက်ခဲ့ကြောင်း ဗဟိုစာရင်းအင်း အဖွဲ့၏ ထုတ်ပြန်ထားမှုအရ သိရသည်။

တစ်နိုင်ငံလုံးအတွက် ၂၀၁၂ ခုနှစ် အခြေခံနှစ်ဖြင့် စားသုံးသူ ဈေးဆနှုန်းအပေါ် အခြေခံ တွက်ချက်ထားသော ငွေကြေးဖောင်းပွမှုနှုန်းမှာ ၂၀၁၇ ခုနှစ် စက်တင်ဘာလအထိ တစ်နှစ်ပျမ်းမျှ ၄ ဒသမ ၆၆ ရာခိုင်နှုန်းရှိ၍ ပြီးခဲ့သည့် သြဂုတ်လတွင် ဖြစ်ပေါ်ခဲ့သည့် တစ်နှစ်ပျမ်းမျှ ၄ ဒသမ ၇၀ ရာခိုင်နှုန်းနှင့် နှိုင်းယှဉ်ပါက အနည်းငယ် ကျဆင်းခဲ့ကာ ၂၀၁၇ ခုနှစ် စက်တင်ဘာလနှင့် ၂၀၁၆ ခုနှစ် စက်တင်ဘာလတို့၏ နှစ်အလိုက် ပြောင်းလဲမှု ကိုနှိုင်းယှဉ်ပါက (Year on Year Inflation) မှာ ၃ ဒသမ ၄၀ ရာခိုင်နှုန်း ရှိကြောင်း သိရသည်။

 

UMFCCI အထွေထွေ အတွင်းရေးမှူးချုပ် ဦးအောင်ကြည်စိုး ဦးဆောင်သောအဖွဲ့ မောင်တော ကညင်ချောင်း စီးပွားရေးဇုန်သို့ သွားရောက်လေ့လာ

UMFCCI အထွေထွေ အတွင်းရေးမှူးချုပ် ဦးအောင်ကြည်စိုး ဦးဆောင်သောအဖွဲ့ မောင်တော ကညင်ချောင်း စီးပွားရေးဇုန်သို့ အောက်တိုဘာ ၂၈ ရက်က သွားရောက်လေ့လာခဲ့ကြောင်း သိရသည်။

မြန်မာ-ဘင်္ဂလားဒေ့ရှ် နယ်စပ်ကုန်သွယ်ရေးတွင် မောင်တောနယ်စပ် ကုန်သွယ်ရေးသည် တစ်ခုအပါအ၀င်ဖြစ်ပြီး မောင်တော ကညင်ချောင်း စီးပွားရေးဇုန် အကောင်အထည် ဖော်ရန်အတွက် အောက်တိုဘာ ၃၀ ရက်တွင် အစိုးရနှင့် အကောင်အထည်ဖော်ရေး ကုမ္ပဏီတို့ MoU ရေးထိုးကြမည်ဖြစ်ကြောင်း သိရသည်။

UMFCCI အထွေထွေ အတွင်းရေးမှူးချုပ်နှင့် အဖွဲ့သည် ကညင်ချောင် စီးပွားရေးဇုန်ရှိ တည်ဆောက်ပြီး ဆိပ်ခံတံတားနှင့် အဆောက်အအုံများကို လေ့လာခဲ့ကြောင်း သိရသည်။

မောင်တော ကညင်ချောင်း စီးပွားရေးဇုန်နှင့် ပတ်သက်၍ မောင်တောနယ်စပ် ကုန်သည်များအသင်း ဥက္ကဋ္ဌနှင့် ကုန်သည်များ၊ မောင်တောနယ်စပ် ကုန်သွယ်ရေး ညွှန်ကြားရေးမှူးရုံးမှ ဦးစီးအရာရှိတို့က ရှင်းလင်းပြောကြားခဲ့သည်။

ယခင်အစိုးရ လက်ထက်က ကညင်ချောင်းကုန်သွယ်ရေးဇုန်အဖြစ် စတင်အကောင်အထည်ဖော်ခဲ့ရာမှ လက်ရှိအစိုးရ လက်ထက်တွင် စီးပွားရေးဇုန်အဖြစ် အဆင့်မြှင့်တင် အကောင်အထည်ဖော်ရန် ဆောင်ရွက်ခြင်းဖြစ်ကြောင်း သိရသည်။

UMFCCI အထွေထွေ အတွင်းရေးမှူးချုပ် ဦးအောင်ကြည်စိုးနှင့်အတူ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် ရောင်းချသူများအသင်း အတွင်းရေးမှူး ဦးကျော်သူ၊ UMFCCI ဗဟိုအလုပ်အမှုဆောင် အသင်းဝင်၊ ကလေး၊ တမူး နယ်စပ်ကုန်သည်များအသင်း ဥက္ကဋ္ဌ ဦးလှမောင်တို့ လိုက်ပါခဲ့ကြသည်။

မြ၀တီနယ်စပ် မော်တော်ယာဉ် တင်သွင်းမှု လျော့နည်းလာသည်နှင့်အမျှ ယခင်နှစ် ကုန်သွယ်မှုထက် လျော့ကျလာပြီး အောက်တိုဘာ ၂၀ ရက်အထိ ကုန်သွယ်မှုမှာ ယခင်နှစ် ကာလတူထက် ဒေါ်လာ ၂၂ ဒသမ ၄၆၉ သန်း လျော့ကျသွားကြောင်း သိရ

မြ၀တီနယ်စပ်ဂိတ်အား အောက်တိုဘာ ၂၈ ရက်က တွေ့ရစဉ်

မြန်မာ-ထိုင်းနယ်စပ် မြ၀တီကုန်သွယ်ရေး စခန်းမှ ကုန်သွယ်မှုပမာဏမှာ မော်တော်ယာဉ် တင်သွင်းမှု လျော့နည်းလာသည်နှင့်အမျှ ယခင်နှစ် ကုန်သွယ်မှုထက် လျော့ကျလာပြီး ၂၀၁၇-၂၀၁၈ ဘဏ္ဍာနှစ်သစ်ဖြစ်သည့် ဧပြီ ၁ ရက်မှ အောက်တိုဘာ ၂၀ ရက်အထိ ကုန်သွယ်မှုမှာ ယခင်နှစ်ကာလတူထက် အမေရိကန်ဒေါ်လာ ၂၂ ဒသမ ၄၆၉ သန်း လျော့ကျနေကြောင်း စီးပွားရေးနှင့် ကူသန်းရောင်းဝယ်ဝယ်ရေး ဌာနမှ သိရသည်။

၂၀၁၇-၂၀၁၈ ဘဏ္ဍာနှစ်သစ်တွင် ထိုင်းနိုင်ငံဘက်သို့ ပို့ကုန် တင်ပို့မှုမှာ အမေရိကန်ဒေါ်လာ ၃၆ ဒသမ ၁၉၅ သန်း တင်ပို့ခဲ့ပြီး ယခင်နှစ် ကာလတူက ဒေါ်လာ ၃၁ ဒသမ ၈၈၆ သန်း တင်ပို့ခဲ့သည့် ပမာဏနှင့် နိုင်းယှဉ်ပါက အမေရိကန် ဒေါ်လာ ၄ ဒသမ ၃၀၉ သန်း ပိုမိုကုန်သွယ်ထားကြောင်း သိရသည်။

ပြည်​တွင်းမှ ထိုင်းနိုင်ငံသို့ ပို့ကုန်အဖြစ်​ ​ရေလုပ်ငန်းထွက်​ကုန်​ ငါး၊ ပုစွန်​၊ ကဏန်းများကို ထိုင်းနိုင်​ငံဘက်သို့ တင်​ပို့သလို လယ်​ယာထွက်​ကုန်​၊ ကြက်​သွန်​၊ နှမ်း၊ နနွင်းနှင့်​ ပရဆေးများ တင်​ပို့လျက် ​ရှိသည်​။ သို့သော်လည်း ထိုင်းနိုင်ငံဘက်သို့ တင်ပို့ရာတွင် နိုင်ငံသား အကျိုးစီးပွား ကာကွယ်မှုအဖြစ် ရာသီထွက်ကုန်နှင့် အချိန်တိုက်ဆိုင်နေလျှင် တင်ပို့ခွင့် မရရှိကြောင်း သိရသည်။

သို့သော်လည်း မြန်မာနိုင်ငံဘက်သို့ သွင်းကုန်တင်သွင်းမှုမှာ ယခုနှစ်တွင် အမေရိကန်ဒေါ်လာ ၄၄၁ ဒသမ ၂၉၇ သန်းဖိုးသာ ကုန်သွယ်နိုင်ခဲ့ပြီး ယခင်နှစ် ကုန်သွယ်ခဲ့သည့် ပမာဏဒေါ်လာ ၄၆၈ ဒသမ ၀၇၅ သန်းနှင့် နှိုင်းယှဉ်ပါက ဒေါ်လာ ၂၆ ဒသမ ၇၇၈ သန်း လျော့ကျသွားကြောင်း သိရသည်။

မြ၀တီနယ်​စပ်​မှတစ်ဆင့်​ ထိုင်းနိုင်​ငံထုတ်​ စား​သောက်​ကုန်​၊ အလှကုန်​၊ လူသုံးကုန်​နှင့်​ စက်​ယန္တရားများ၊ လယ်​ယာသုံးပစ္စည်းများ၊ စက်​သုံးဆီများ ဓာတ်​​ငွေ့ရည်​များ ​မော်​​တော်​ဆိုင်​ကယ်​​များ၊ တင်​သွင်းလျက် ​ရှိသလို မိုးရာသီ လယ်​ယာလုပ်​ငန်းခွင်​သုံး ဓာတ်​​မြေသြဇာများ၊ သံ၊ သွပ်၊ ဘိလပ်မြေနှင့် အိမ်ဆောက်ပစ္စည်းများ၊ အ၀တ်အထည်၊ ပလတ်စတစ် လူသုံးကုန်များ၊ သစ်သီးမျိုးစုံ တင်သွင်းလျက် ရှိသလို သကြားများကို Re-export အဖြစ်​ မြ၀တီနယ်​စပ်​မှတစ်ဆင့်​ တင်သွင်းပြီး တရုပ်​​ဈေးကွက်​သို့ တင်​ပို့လျက် ​ရှိသည်​။

မြ၀တီနယ်စပ် ကုန်သည်တစ်ဦးက “ကုန်သွယ်မှု လျော့ကျလာတာ အချက် နှစ်ချက် ရှိနိုင်ပါတယ်။ တစ်ခုကတော့ မော်တော်ယာဉ် တင်သွင်းမှု လျော့နည်းလာတာရယ်၊ နွေရာသီ ရောက်လာတာရယ်ကြောင့်ပါ။ ချစ်ကြည်ရေး တံတားမှာ ကြည့်ရင် ထိုင်းကုန်ကားတွေ အများအပြား ၀င်ရောက်လာတယ်လို့ ထင်ရပေမဲ့ ၂၇ ဂိတ်သော ဘေးပေါက်တွေက ၀င်တာ များပါတယ်။ နွေရာသီရောက်တော့ ဇုန်ရှောင်ကွင်းလမ်းတွေက သာသာယာယာ ရှိလာတာပေါ့” ဟု ဆိုသည်။

မြ၀တီနယ်စပ်မှ မော်​​တော်ယာဉ်​ တင်​သွင်းမှုဆိုင်​ရာ မူဝါဒ အ​ပြောင်းအလဲအဖြစ် Vigo တစ်​ခန်းခွဲ​တွေကို နယ်​စပ်​ကတင်​သွင်းမှု ရပ်​ဆိုင်းလိုက်တည်းက တရားဝင် ​ကားတင်​သွင်းမှု တဖြည်းဖြည်း လျော့နည်းလာပြီး ၂၀၁၇ မူဝါဒ အ​ပြောင်းအလဲမှာ ကုန်​တင်ယာဉ်အုပ်​စုကို ဘယ်​ညာမခွဲ တင်​သွင်းခွင့်​ ရှိခဲ့၍ စက်ယန္တရားများနှင့် ကုန်တင်ယာဉ် အုပ်စု အနည်းငယ် တင်သွင်းလျက် ရှိသည်။

ယခုတဖန် ၂၀၁၈ ခုနှစ် မူဝါဒ အပြောင်းအလဲကြောင့် လူစီး​မော်​​တော်​ယာဉ်​များ၊ ကုန်​တင်​ယာဉ်​များ၊ ခရီးသည် ​တင်ယာဉ်များ (Mini bus; City Bus; Express Bus) များအား ဘယ်​​မောင်းများသာ တင်​သွင်းခွင့်​ ရရှိ​တော့မည်​ ဖြစ်သလို အခွန်တိုးမြှင့် သတ်မှတ်ချက်များကြောင့် နယ်​စပ်​မှ ကားတင်​သွင်းမှု ရပ်​ဆိုင်းသွားမည်​ဟု ဆိုသည်။

၂၀၁၇ ခုနှစ် စက်တင်ဘာတွင် ငွေကြေးဖောင်းပွမှုနှုန်း ၄ ဒသမ ၆၆ ရာခိုင်နှုန်းရှိပြီး ယခင်နှစ် ကာလတူ ငွေကြေးဖောင်းပွမှုနှုန်းထက် လျော့ကျ

၂၀၁၇ ခုနှစ် စက်တင်ဘာတွင် ငွေကြေးဖောင်းပွမှုနှုန်း ၄ ဒသမ ၆၆ ရာခိုင်နှုန်း ရှိခဲ့ပြီး ယခင်နှစ် ကာလတူနှင့် နှိုင်းယှဉ်ပါက ငွေကြေးဖောင်းပွမှုနှုန်း လျော့ကျခဲ့ကြောင်း ဗဟိုစာရင်းအင်းအဖွဲ့က ထုတ်ပြန်သည့် စားသုံးသူ ဈေးဆနှုန်းနှင့် ငွေကြေးဖောင်းပွမှုနှုန်း အခြေအနေတွင် ဖော်ပြထားချက်အရ သိရသည်။

၂၀၁၇ ခုနှစ် စက်တင်ဘာလ တစ်နှစ်အတွင်း ပျမ်းမျှငွေကြေးဖောင်းပွမှုနှုန်းမှာ ၄ ဒသမ ၆၆ ရာခိုင်နှုန်းဖြစ်ပြီး ၂၀၁၆ ခုနှစ် စက်တင်ဘာလ တစ်နှစ်ပျမ်းမျှ ငွေကြေးဖောင်းပွမှုနှုန်း ၉ ဒသမ ၁၆ ရာခိုင်နှုန်းနှင့် နှိုင်းယှဉ်ပါက တိုးနှုန်းမှာ ယခင်နှစ်ထက် သိသာစွာ ကျဆင်းခဲ့ကြောင်း ဗဟိုစာရင်းအင်း အဖွဲ့က ထုတ်ပြန်ထားသည်။

တစ်နိုင်ငံလုံးအတွက် ၂၀၁၂ ခုနှစ် အခြေခံနှစ်ဖြင့် စားသုံးသူဈေးဆနှုန်းအပေါ် အခြေခံ တွက်ချက်ထားသော ငွေကြေးဖောင်းပွမှုနှုန်းမှာ ၂၀၁၇ ခုနှစ် စက်တင်ဘာအထိ တစ်နှစ်ပျမ်းမျှ ၄ ဒသမ ၆၆ ရာခိုင်နှုန်းရှိ၍ ပြီးခဲ့သည့် သြဂုတ်တွင် ဖြစ်ပေါ်ခဲ့သည့် တစ်နှစ်ပျမ်းမျှ ၄ ဒသမ ၇၀ ရာခိုင်နှုန်းနှင့် နှိုင်းယှဉ်ပါက အနည်းငယ် ကျဆင်းကာ ၂၀၁၇ ခုနှစ် စက်တင်ဘာနှင့် ၂၀၁၆ ခုနှစ် စက်တင်ဘာတို့၏ နှစ်အလိုက် ပြောင်းလဲမှုကို နှိုင်းယှဉ်ပါက (Year on Year Inflation) မှာ ၃ ဒသမ ၄၀ ရာခိုင်နှုန်းရှိကြောင်း သိရသည်။

၂၀၁၇ ခုနှစ် စက်တင်ဘာလအတွင်း ရခိုင်ပြည်နယ်တွင် ၉ ဒသမ ၀၇ ရာခိုင်နှုန်းဖြင့် ပျမ်းမျှငွေကြေးဖောင်းပွမှုနှုန်း အမြင့်ဆုံး ဖြစ်ပေါ်ခဲ့ပြီး ကချင်ပြည်နယ်တွင် ၈ ဒသမ ၀၃ ရာခိုင်နှုန်းဖြင့် ဒုတိယ အမြင့်ဆုံးဖြစ်ကာ ရှမ်းပြည်နယ်တွင် ၅ ဒသမ ၈၉ ရာခိုင်နှုန်းဖြင့် တတိယ အမြင့်ဆုံး ဖြစ်ခဲ့ကြောင်း သိရသည်။

၂၀၁၇ ခုနှစ် စက်တင်ဘာအထိ နှစ်အလိုက် ငွေကြေးဖောင်းပွမှုနှုန်းမှာ မန္တလေးမြို့တွင် ၇ ဒသမ ၃၂ ရာခိုင်နှုန်းဖြင့် ပြောင်းလဲမှု အများဆုံး ဖြစ်ပေါ်ခဲ့ပြီး ပြည်ထောင်စုနယ်မြေတွင် ၁ ဒသမ ၃၅ ရာခိုင်နှုန်းဖြင့် ပြောင်းလဲမှုရာခိုင်နှုန်း အနည်းဆုံး ဖြစ်ပေါ်ခဲ့ကြောင်း ဗဟိုစာရင်းအင်း အဖွဲ့က ထုတ်ပြန်ခဲ့သည်။

တစ်နိုင်ငံလုံးအတွက် စားသုံးသူဈေးဆနှုန်းနှင့် ငွေကြေးဖောင်းပွမှုနှုန်းကို ပြောင်းလဲတွက်ချက် တင်ပြနိုင်ရန် ၂၀၁၂ ခုနှစ် နိုဝင်ဘာတွင် ဗဟိုစာရင်းအင်း အဖွဲ့သည် အိမ်ထောင်စုဝင်ငွေနှင့် စားသုံးမှု စစ်တမ်းကို မြို့နယ်ပေါင်း ၈၂ မြို့နယ်တွင် နမူနာအိမ်ထောင်စုပေါင်း ၃၂၆၆၉ စုကို စစ်တမ်းကောက်ယူခဲ့ကြောင်း သိရသည်။

ယခင်က ၂၀၀၆ ခုနှစ်ကို အခြေခံ၍ ငွေကြေးဖောင်းပွမှုနှုန်းကို တွက်ချက်ခဲ့သော်လည်း ယခုအခါ ၂၀၁၂ ခုနှစ် စစ်တမ်းအပေါ် အခြေခံ၍ အခြေခံနှစ် (Base Year) ကို ပြောင်းလဲ တွက်ချက်ခဲ့ခြင်းဖြစ်ကြောင်း သိရသည်။

ငွေကြေးဖောင်းပွမှုနှုန်း လျော့ကျရန် ဘဏ္ဍာရေး၊ ငွေကြေး၊ ကုန်သွယ်ရေးနှင့် နိုင်ငံခြားငွေ ထိန်းချုပ်ရေး မူဝါဒများအပေါ် အခြေခံပြီး မဖြစ်မနေ ဆောင်ရွက်သွားမည်ဖြစ်ကြောင်း အမျိုးသား ဖွံ့ဖြိုးတိုးတက်မှု ဒုတိယ ကာလတို ငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀-၂၀၂၁ ဘဏ္ဍာနှစ်) တွင် ဖော်ပြထားချက်အရ သိရသည်။

ငွေကြေးဖောင်းပွမှုနှုန်းသည် ပထမ ကာလတို ငါးနှစ်စီမံကိန်း (၂၀၁၁-၂၀၁၂ ဘဏ္ဍာနှစ်မှ ၂၀၁၅-၂၀၁၆ ဘဏ္ဍာနှစ်အထိ) ကာလတွင် တိုးတက်ခဲ့ခြင်းကြောင့် ဒုတိယ ကာလတို ငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀-၂၀၂၁ ဘဏ္ဍာနှစ်) တွင် လက်ရှိ ဖြစ်ပေါ်နေသည့် ငွေကြေးဖောင်းပွမှုနှုန်း လျော့ကျစေရေးအတွက် ဘဏ္ဍာရေး မူဝါဒ၊ ငွေကြေးမူဝါဒ၊ ကုန်သွယ်ရေးမူဝါဒနှင့် နိုင်ငံခြားငွေ ထိန်းချုပ်ရေး မူဝါဒများအပေါ် အခြေခံ၍ ငွေကြေးဖောင်းပွမှုနှုန်း ထိန်းချုပ်ရေး ကိစ္စရပ်များအား မဖြစ်မနေ ဆောင်ရွက်သွားမည်ဖြစ်ကြောင်း သိရသည်။

မြန်မာနိုင်ငံ၏ တစ်နှစ်ပျမ်းမျှ ငွေကြေးဖောင်းပွမှုနှုန်းသည် ၂၀၀၆ ခုနှစ် အခြေခံနှစ်အရ ၂၀၁၁-၂၀၁၂ ဘဏ္ဍာနှစ်တွင် ၂ ဒသမ ၈၂ ရာခိုင်နှုန်း၊ ၂၀၁၂-၂၀၁၃ ဘဏ္ဍာနှစ်တွင် ၂ ဒသမ ၈၅ ရာခိုင်နှုန်း၊ ၂၀၁၃-၂၀၁၄ ဘဏ္ဍာနှစ်တွင် ၅ ဒသမ ၇၂ ရာခိုင်နှုန်း၊ ၂၀၁၄-၂၀၁၅ ဘဏ္ဍာနှစ်တွင် ၅ ဒသမ ၉၀ ရာခိုင်နှုန်း အသီးသီး ဖြစ်ပေါ်ခဲ့ကြောင်း ဒုတိယကာလတို ငါးနှစ်စီမံကိန်းတွင် ဖော်ပြထားချက်အရ သိရသည်။

၂၀၁၇-၂၀၁၈ ဘဏ္ဍာနှစ်တွင် ပျမ်းမျှ ငွေကြေးဖောင်းပွမှုနှုန်း ၇ ဒသမ ၉ ရာခိုင်နှုန်း ဖြစ်ပေါ်နိုင်သည်ဟု ၂၀၁၇-၂၀၁၈ ဘဏ္ဍာနှစ် အမျိုးသား စီမံကိန်းတွင် ခန့်မှန်းထားကြောင်း သိရသည်။

နှစ်မကုန်မီ ညာမောင်းကား တင်သွင်းလိုသူ များလာခြင်းကြောင့် ယာဉ်အိုဟောင်းစလစ် တစ်နေ့တည်း ကျပ်သိန်း ၂၀ ကျော် ခုန်တက်ပြီး စလစ်တစ်စောင် ကျပ် ၁၄၅ သိန်းဝန်းကျင်အထိ ရှိလာ

နှစ်မကုန်မီ ညာမောင်းကား တင်သွင်းလိုသူ များလာခြင်းကြောင့် ယာဉ်အိုဟောင်းစလစ် တစ်နေ့တည်း ကျပ်သိန်း ၂၀ ကျော် ခုန်တက်ပြီး စလစ်တစ်စောင် ကျပ် ၁၄၅ သိန်းဝန်းကျင်အထိ ရှိလာကြောင်း ကားတင်သွင်း ရောင်းချနေသည့် လုပ်ငန်းရှင်များထံမှ သိရသည်။

“စလစ်ဈေးက ၂၀၁၈ မူဝါဒ ထွက်ပြီးနောက်ပိုင်း နေ့စဉ်ရက်ဆက်ကို တက်နေတာ။ နှစ်မကုန်မီ ညာမောင်းကားတွေ တတ်နိုင်သလောက်သွင်းဖို့ လုပ်နေကြတော့ ဈေးက ဆက်တိုက် တက်လာတာပါ။ စလစ်ဈေးသာ မြင့်နေတာပါ၊ ၀ယ်ဖို့လည်း မလွယ်ဘူး၊ ကားရှားနေတယ်” ဟု ပြည်ပမှ ကားတင်သွင်းရောင်းချနေသည့် လုပ်ငန်းရှင်တစ်ဦးက ပြောကြားသည်။

ပြီးခဲ့သည့် အောက်တိုဘာ လဆန်းပိုင်းက ယာဉ်အိုယာဉ်ဟောင်း စလစ်တစ်စောင် ကျပ်သိန်း ၁၁၀ ၀န်းကျင်သာ ရှိရာမှ ၂၀၁၈ ခုနှစ် ကားတင်သွင်းမှုမူဝါဒ မထွက်ရှိမီ အောက်တိုဘာ ၁၅ ရက်တွင် ကျပ် ၁၂၃ သိန်းဝန်းကျင်အထိ ရောက်ရှိခဲ့သည်။ ထို့နောက် မူဝါဒထွက်ရှိသည့် အောက်တိုဘာ ၁၆ ရက်တွင် ၁၃၂ သိန်းဝန်းကျင်ဖြင့် အရောင်းအ၀ယ် ဖြစ်ခဲ့ပြီး အောက်တိုဘာ ၁၇ ရက်တွင် ကျပ်သိန်း ၁၄၀ ၀န်းကျင်အထိ မြင့်တက်ခဲ့သည်။ ထို့နောက် စလစ်ရှားပါးမှုနှင့်အတူ ၀ယ်လိုအား များလာခြင်းကြောင့် အောက်တိုဘာ ၂၀ ရက်တွင် ကျပ် ၁၄၅ သိန်းဝန်းကျင်အထိ ရောက်ရှိခဲ့ခြင်းဖြစ်သည်။

၂၀၁၈ ခုနှစ် မော်တော်ယာဉ်တင်သွင်းမှု မူဝါဒအရ ၂၀၁၈ ခုနှစ်တွင် ဘယ်မောင်းကားများကိုသာ တင်သွင်းရတော့မည်ဖြစ်ရာနှစ် မကုန်ဆုံးမီ နှစ်လကျော်အတွင်း ညာမောင်းကားများ တင်သွင်းနိုင်ရန်အတွက် ယာဉ်အိုယာဉ်ဟောင်းစလစ် လိုအပ်ချက် ဖြစ်ပေါ်နေ ခြင်းဖြစ်သည်။ ပြီးခဲ့သည့် အစိုးရလက်ထက် မော်တော်ယာဉ်မူဝါဒ ပြောင်းလဲပြီးနောက် ၂၀၁၂ ခုနှစ်တွင် စလစ်ဈေး ကျပ်သိန်း ၁၅၀ ၀န်းကျင်အထိ အမြင့်ဆုံးဖြစ်ခဲ့ရာ ယခု အဆိုပါဈေးနှုန်းကို ကျော်ဖြတ်သွားဖွယ်ရှိကြောင်း ဈေးကွက်ကျွမ်းကျင်သည့် လုပ်ငန်းရှင် အချို့က သုံးသပ်သည်။

“၂၀၁၈ မှာ ဘယ်မောင်းပဲ သွင်းရမယ်လို့ သတင်း အတည်ဖြစ်ကတည်းက ယာဉ်အိုယာဉ်ဟောင်း စလစ်ဈေးက ပျမ်းမျှ တစ်ရက်ကို ကျပ် ၁၀ သိန်းနှုန်းလောက် တက်လာတယ်။ ဒါတောင် ပေါက်ဈေးပေးမယ် ဆိုတာတောင် စလစ်လိုချင်တိုင်း မရဘူး။ နောက်နှစ် မူဝါဒကြောင့် စလစ်ဝယ်လိုအားကလည်း လျော့သွားစရာ အကြောင်းမရှိဘူး။ ဒီအခြေအနေအတိုင်းသာဆို ပါစင်နယ်ဖရီးပါမစ်တွေ မချပေးခင် ၂၀၁၂ တုန်းက ၁၅၀ ၀န်းကျင်အထိ အမြင့်ဆုံးဖြစ်ခဲ့တဲ့ စလစ်ဈေးကိုတောင် ကျော်တက်သွားတော့မယ်။ စံချိန်တင် စလစ်ဈေး တစ်ခုကို များမကြာမီမှာ ကြားရတော့မယ်။ ကားဈေးတွေလည်း အတိုင်းအတာ တစ်ခုအထိ တက်သွားတော့မှာ ဖြစ်ပါတယ်” ဟု KL Seven ကားအရောင်းစင်တာပိုင်ရှင် ဦးကြည်သာဟန်က ထင်မြင်ချက်ပေးသည်။